06/16/16


ဇွန် ၁၅ရက်၊ ၂၀၁၆ခုနှစ်။ စောမြတ်ဦးသာ

ဒေသခံလူထုများအနေဖြင့် ရပ်ဝေးမှ လာရောက်တာဝန်ထမ်းဆောင်နေသော ကျန်းမာရေးဝန်ထမ်းများကို နွေးထွေးစွာ ကူညီဆောင်ရွက်ပေးကြရန် ဇွန် ၁၃ရက်နေ့က ကြာအင်းဆိပ်ကြီးမြို့နယ် (၁၆)ကုတင်ဆံ့ အနန်းကွင်းတိုက်နယ်ဆေးရုံဖွင့်ပွဲ အခမ်းအနားတွင် ကရင်ပြည်နယ် ၀န်ကြီးချုပ် နန်းခင်ထွေးမြင့်က ဒေသလူထုများအား တိုက်တွန်းပြောကြားခဲ့သည်။

“ဒီလိုနေရာမှာ အဝေးကြီးက လာပြီးတော့ ပြည်သူ့အကျိုးပြုလုပ်ငန်းဆောင်ရွက်နေတဲ့ ဆရာဝန်၊ ဆရာမတွေကို ကျေးဇူးတင်ပါတယ်။ ဆေးရုံကြီးဖြစ်မြောက်အောင်ဆောင်ရွက်ပေးတဲ့ လူတွေကိုလည်း ကျေးဇူးတင်တယ်။ ဘာဖြစ်လို့လဲဆိုတော့ ကျမတို့ဒေသမှာလာချင်တဲ့ လူတွေက တော်တော်နည်းပါတယ်။ ကိုယ့်ဒေသခံ ဆရာဝန်တွေလည်း မရှိသေးတဲ့အခါမှာ အဝေးကနေလာပြီးတော့ ကုသပေးနေတဲ့ ကျန်းမာ ရေးဝန်ထမ်းအားလုံးကို ၀ိုင်းဝန်းကူညီစောင့်ရှောက်ပေးကြပါ”ဟု ဝန်ကြီးချုပ်က တိုက်တွန်းခဲ့သည်။

အနန်းကွင်းတိုက်နယ်ဆေးရုံကို ၂၀၁၄-၂၀၁၅ နှင့် ၂၀၁၅-၂၀၁၆ ဘဏ္ဍာရေးနှစ်တွင် နိုင်ငံတော်အစိုးရမှ ကျပ်သိန်း(၆၀၀၀)ဖြင့် ခွင့်ပြုရန်ပုံငွေ ချထားပေးမှုအရ ပြီးခဲ့သည့် (၂၀၁၄)ခုနှစ်က ဆောင်းဆည်းဆာ ကုမ္ပဏီမှ တာဝန်ယူဆောက်လုပ်ပေးမှု ပြီးစီးခဲ့ပြီးနောက် ယခုလို ဆေးရုံဖွင့်လှစ်ပွဲပြုလုပ်ခြင်းဖြစ်သည်။

အနန်းကွင်းတိုက်နယ် ဆေးရုံအုပ်ကြီး ဖြစ်သူ ဒေါက်တာဗညားအိုင်းမွန်က “အခုမှဆေးရုံက ဖွင့်စဆိုတော့ ပစ္စည်းကိရိယာတချို့တော့ လိုအပ်ချက်ရှိသေးတာပေါ့။ ဒါပေမယ့် ကျနော်တို့ဘက်ကတော့ ရွာသူရွာသား တွေနဲ့ ပူးပေါင်းပြီး အတတ်နိုင်ဆုံး ကူညီဆောင်ရွက်ပေးသွားမယ်”ဟု ကေအိုင်စီသို့ ပြောသည်။

ယခုဆေးရုံသစ်ဖွင့်လှစ်လိုက်ခြင်းအပေါ် ယခင်က ကြုံတွေ့နေရသည့် မသေသင့်ဘဲ အသက်ဆုံးရှုံးသွားခဲ့သည့် ကိုယ်ဝန်ဆောင်မိခင်များ၊ ကလေးသူငယ်နှင့် သက်ကြီးရွယ်အိုများ၏ အသက်ပေါင်းများစွာကို ကယ်တင်နိုင်လိမ့်မည်ဟု အနန်းကွင်းရွာသူ နော်ဌေးဌေးတင်ကလည်း ကေအိုင်စီသို့ ပြောဆိုသည်။

ဆေးရုံဖွင့်ပွဲအခမ်းအနားတွင် ကရင်ပြည်နယ်ဝန်ကြီးချုပ်နှင့် အစိုးရအဖွဲ့မှဌာနဆိုင်ရာဝန်ထမ်းများ၊ ကြာအင်း ဆိပ်ကြီးမြို့နယ် ပြည်သူ့လွှတ်တော်ကိုယ်စားလှယ် စောတင်ဝင်း၊ အမျိုးသားလွှတ်တော် ကိုယ်စားလှယ် စောရှဖောင်အွာတို့အပြင် ကရင်အမျိုးသားအစည်းအရုံး(KNU)ဘက်မှ ဘုရားသုံးဆူမြို့ဆက်ဆံရေး ဒုတာဝန်ခံ ပဒိုစောထဲနေ၊ ဝင်းရေးမြို့နယ်တရားသူကြီး စောလှထွန်း၊ ယဉ်ကျေးမှုဒုံးအဖွဲ့များ၊ ဒေသခံပြည်သူများအပါအဝင် လူဦးရေ ၂၀၀ ကျော် တက်ရောက်ခဲ့ကြသည်။

ကြားအင်းဆိပ်ကြီးမြို့နယ်၊ အနန်းကွင်းတိုက်နယ်တစ်ခုတွင် အစိုးရမှ လာရောက်ဖွင့်လှစ်ပေးထားသော ကျေးလက်ဆေးပေးခန်း ၄ ခုရှိပြီး ယခုတိုက်နယ်အဆင့် ဆေးရုံကို ပထမဆုံး ဖွင့်လှစ်ခြင်းဖြစ်သည်။

 စောမြတ်ဦးသာ
ကေအိုင်စီ - KIC
http://kicnews.org



အစိုးရ ရုံးတွေမှာတော့ ရုံးချိန်အတွင်း ကွမ်းမစားရ ဆိုတဲ့ ကြေညာချက် ကိုတော့ ထုတ်ပြန်ထား
တိုင်း ဒေသကြီး အချို့က အစိုးရတွေဟာ ကွမ်းယာ ဆိုင်တွေ၊ ကွမ်းရောင်း ချတာတွေကို ပိတ်သိမ်းဖို့ ဆောင်ရွက်မှုတွေ နဲ့ ပတ်သက်လို့ နိုင်ငံတော် အတိုင်ပင်ခံ ရုံးက ညွှန်ကြားချက် တစ်စောင် ထုတ်ပြန် လိုက်ပါတယ်။

နိုင်ငံနဲ့ အဝှမ်း ကွမ်း စားသုံးတဲ့ ဓလေ့ ပပျောက်ဖို့ အစိုးရက ညွှန်ကြား အပြီးမှာ အခုလို ထပ်မံ ပြီး ထုတ်ပြန် ရတာ နဲ့ ပတ်သက်လို့ ကွမ်းစားသုံးမှု ပိတ်သိမ်း ရေး ဆိုတဲ့ မူဝါဒ မရှိတာကြောင့် ပြန်လည် ကြေညာချက် ထုတ် ရတာ ဖြစ်တယ်လို့ သမ္မတရုံး ပြောခွင့် ရ ပုဂ္ဂိုလ် ဦးဇော်ဌေး က ပြောပါတယ်။

ပထမ ထုတ်ပြန်ကြေညာချက်ကြောင့် အောက်ခြေ အဆင့်ဆင့်မှာ ကွမ်းရောင်းချမှု ပိတ်ပင်ဖို့ အထိ ဖြစ်လာတဲ့ အတွက် အခုလို ပြန်လည် ထုတ်ပြန်ရတာ လည်း ဖြစ်ပါတယ်။

ကွမ်းစားသုံးမှု နဲ့ ကွမ်းတံတွေး စည်းကမ်းမဲ့ ထွေးခြင်းတွေလျော့နည်းအောင် လုပ်ရမှာ ဖြစ်ပေမယ့် ဒါပေမယ့် ဥပဒေကို ကျော်လွန်ပြီး ပြည်သူတွေကို နိုင်ထက် စီးနင်းဆန်တဲ့ ခြိမ်းခြောက်မှုတွေ၊ အတင်း ပိတ်သိမ်း ခိုင်းတာမျိုးတွေ မလုပ် နိုင်အောင် ဖြစ်တယ်လို့ ပြောပါတယ်။

ဒါပေမယ့် အစိုးရ ရုံးဌာနတွေ၊ ကျောင်းတွေ နဲ့ အများပြည်သူတွေ အပန်းဖြေ အနားယူ တဲ့ နေရာတွေ မှာ ကွမ်းတံတွေး ထွေး တာနဲ့ ကွမ်းစားသုံးမှု မပြုလုပ်အောင် အစိုးရ အနေနဲ့ ညွှန်ကြားချက် ထုတ်ထားတယ်လို့ ဆိုပါတယ်။

အစိုးရ အဖွဲ့အစည်းတွေ ဖြစ်တဲ့ ရုံးဌာနတွေမှာ ရုံးချိန်အတွင်း ကွမ်းမစားရ ဆိုတဲ့ ကြေညာချက်မျိုးကိုလည်း ထုတ်ပြန်ထားပြီး ဒါက အစိုးရ အဖွဲ့ အစည်းအတွင်းမှာ ဖြစ်တဲ့ အတွက် ကြေညာချက် ထုတ်လို့ ရတယ်လို့ ဦးဇော်ဌေး က ပြောပါတယ်။

ရုံးအနီးအနား နဲ့ ကျောင်းပတ်ဝန်းကျင်မှာ ကွမ်းယာ လွယ်လင့်တကူ ဝယ်ယူ ရရှိမှု မရှိအောင် ရုံး ပရိဝုဏ် အတွင်းမှာ ဆိုင်တွေ မရှိအောင် ကန့်သတ် ပိတ်ပင်လို့ ရတယ်လို့ ပြောပါတယ်။

ကွမ်းတံတွေး မထွေးရ ဆိုင်းဘုတ်တွေ တပ်ဆင်တာ၊ ကျန်းမာရေး ပညာပေး ကိစ္စတွေကို ဆောင်ရွက်သွားမှာ ဖြစ်ပြီး ဆိုင်တွေကို ပိတ်သိမ်း ခိုင်းတာမျိုးတော့ လုပ်မှာ မဟုတ်ဘူးလို့ ဆိုပါတယ်။

အမှိုက် နဲ့ ကွမ်းတံတွေး ပြဿနာကြောင့် ကွမ်း စားသုံးမှု ပပျောက်ရေး ကို အဓိက ထား ဆောင်ရွက်ရတာ ဖြစ်တယ်လို့ ပြောကြား ခဲ့ပါတယ်။

BBC Burmese
http://www.bbc.com/burmese


မြတ်စွာဘုရားရှင်ရဲ့ပဌာန်း၊ ပဌာနပါဠိကို အမြဲရွတ်ဖတ်ပူဇော်တဲ့ အကျိုးကို လက်တွေ့ခံစားရတယ်လို့ ယုံကြည်လိုက်တယ်။

ကူညီပေးကြတဲ့သူတွေအားလုံးကို ဘယ်သူဘယ်ဝါမှန်းမသိပေမယ့် ကျေးဇူးအရမ်းတင်ပါတယ်။

Ayarwady Lu Min (facebook)


အိုဘားမားမိသားစု ကျူးဘားကို သွားလည်တုန်းကပေါ့။ နိုင်ငံတော်က တည်ခင်းတဲ့ ညစာစားပွဲကို ကနေဒါနိုင်ငံ ဝန်ကြီးချုပ်က ဒေါ်လာ ၂၀၀၀၀ တန်အင်္ကျီဝတ်ပြီးတော့တက်လာတယ်။ အခမ်းအနားကို သမ္မတအိုဘားမားနဲ့ သူ့သမီးတွေလည်း လာတက်တယ်။ အားလုံးက ဝိုင်းကြည့်ပြီး အံ့အားသင့်သွားကြတယ်။ ဘာကြောင့်လဲ ဆိုတော့ သမီးနှစ်ယောက်စလုံးဟာ ကျူးဘားနိုင်ငံ လမ်းဘေးမှာ ဒေါ်လာ ၅၀ လောက်ပေးရင် အလွယ် ဝယ်လို့ရတဲ့ အင်္ကျီလေးတွေပဲ ဝတ်လာတယ်။ မစ်ချဲလ်ကလည်း ဈေးပေါပေါအင်္ကျီနဲ့ အခမ်းအနားကိုလာတယ်။ ကွန်မြူနစ် ကျူးဘားက ခေါင်းဆောင်တွေ လက်ဖျားခါသွားတယ်။

ဒါတွေကို ကြည့်ရင် သမ္မတ အိုဘားမားနဲ့ မစ်ချဲလ်တို့ဟာ ငွေကို ဘယ်လောက်ကုတ်ခြစ်ပြီး သုံးတတ်တယ် ဆိုတာ ပေါ်လွင်နေတယ်။ သူတို့ဟာ အောက်ခြေက တက်လာတဲ့သူတွေဖြစ်တာကြောင့် နှမြော ရမှာကို နှမြောတယ်။ မလိုအပ်တာတွေကို မဖြုန်းတီးဘူး။ သူတို့ဘဝမှာ ရိုးသားခြင်းကလွဲပြီး ဂုဏ်ရှိတယ်လို့ လင်မယား နှစ်ယောက်စလုံး မယူဆဘူး။

သမီးအကြီးမ ဆာရှာရဲ့ အကောင်းဆုံး ဝတ်စုံဆိုတာတောင် ဒေါ်လာ ၃၈၅ တန်လောက်ပဲရှိတယ်။ မစ်ချဲလ်က တကယ့်ပွဲကြီးတွေကို တက်ဖို့ဆိုရင် အကောင်းဆုံး ဝတ်စုံကို ဝတ်လာတာ ဒေါ်လာ ၆၆၈၀ လောက်ပဲ တန်တယ်။ အဲဒါမျိုး သူမမှာ နှစ်စုံပဲရှိတယ်။

ကျူးဘားလေဆိပ်ကို ဆင်းလာတုန်းက မစ်ချဲလ်ဝတ်ဆင်တဲ့ အဝတ်က ဒေါ်လာ ၂၁၉၀ တန်တယ်။ သမ္မတ အိုဘားမားရဲ့ ပွဲတက်ဝတ်စုံက ဒေါ်လာ ၄၄၉၀ တန်တယ်။

ဒီသတင်းလေးကို ဖတ်လိုက်ရတော့ အရမ်းအံ့သြသွားတယ်။ သူတို့နိုင်ငံက မီဒီယာသမားတွေ မြင်တတ်ပုံ ရေးတတ်ပုံကို အံ့အားသင့်တာပါ။ သာမန်ကြည့်ရင် မထူးဆန်းဘူး ထင်ရပေမယ့် သမီးတွေကို ဒေါ်လာ ၅၀ လောက်ပဲတန်တဲ့ ဝတ်စုံနဲ့ ပွဲတက်ခိုင်းတယ်ဆိုတဲ့ စိတ်ကူးရယ်၊ သူတို့သမီးလေးတွေကလည်း ကျေနပ်စွာ ပီတိဖြစ်နေကြတယ်ဆိုတာက သမ္မတအိုဘားမားကိုပါ ဂုဏ်တက်စေတာပေါ့။

၁၅.၆.၂၀၁၆
Tin Nyunt


မြန်မာပြည် နေဝင်ချိန် ရုပ်ရှင်
မြန်မာပြည် နေဝင်ချိန် ရုပ်ရှင်

ဒီတပတ် မြန်မာ့မျက်မှောက်ရေးရာ ဆွေးနွေးခန်းအစီအစဉ်မှာ အာဏာသိမ်းစစ်တပ်ရဲ့ရက်စက်မှုကြောင့် သူ့မိသားစု နဲ့ သူချစ်တဲ့လူထု အခြေအနေ ဆုတ်ယုတ်ပျက်ပြားခဲ့ရပုံကို "မြန်မာပြည် နေဝင်ချိန်" (Twilight Over Burma) လို့ တင်စားသုံးနှုန်းရေးသားထားတဲ့ သီပေါမဟာဒေဝီဟောင်း Inge Sargent (အင်းဂ် ဆားဂျင့်) ရဲ့စာအုပ်ကို အခြေခံရိုက်ကူးထားတဲ့ ရုပ်ရှင်ကားကို မြန်မာနိုင်ငံမှာ ပြသခွင့် ပိတ်ပင်လိုက်ပါတယ်။ စာရေးသူ Inge Sargent ဟာ ဒီစာအုပ်ကရရှိတဲ့ အမြတ်အစွန်းအားလုံးကို ရှမ်းဒုက္ခသည်တွေအတွက် လှူဒါန်းနေတာ ဖြစ်ပါတယ်။ ဒီရုပ်ရှင်ကို ပြသခွင့်ပိတ်တာနဲ့ ပတ်သက်ပြီး ဝါရင့်သတင်းစာဆရာကြီး ဦးကျော်ရင်မြင့်၊ Human Dignity Film Institute ရဲ့  အမှုဆောင်ညွှ့န်ကြားရေးမှူး ဒေါ်မွန်မွန်မြတ်တို့နဲ့ ဦးကျော်ဇံသာတို့က ဆွေးနွေးသုံးသပ်တင်ပြထားပါတယ်။

ဦးကျော်ဇံသာ ။ ။ Twilight Over Burma ရုပ်ရှင်းကားကို မြန်မာပြည်မှာပြဖို့ လုပ်တာကို မြန်မာတပ်မတော်က ကန့်ကွက်တဲ့အတွက်ကြောင့် ပိတ်ပင်ရတယ်လို့ ဆိုပါတယ်။ ဘယ်လိုအကြောင်းပြပြီး ကန့်ကွက်သလဲဆိုတာကို မမွန်မွန်မြတ် အရင်ပြောပါ။

ဒေါ်မွန်မွန်မြတ် ။ ။ အဲဒါက တပ်မတော်က ကန့်ကွက်တာ မဟုတ်ပါဘူး။ ကျမတို့က ရုပ်ရှင်ပွဲတော်တခု လုပ်မယ်ဆိုရင် ထုံးစံအတိုင်း အရင်တုန်းက ဆင်ဆာအဖွဲ့လို့ခေါ်တယ်။ အခုတော့ ရုပ်ရှင်အဆင့်အတန်း သတ်မှတ်ရေးအဖွဲ့ - Film Classification Board လို့ ခေါ်ပါတယ်။ အဲဒီကို ရုပ်ရှင်ကား ငှားရပါတယ်။ ရုပ်ရှင်မပြခင် တရက်အလိုမှာပဲ သူတို့ မှတ်ချက်နဲ့ ထွက်လာပါတယ်။ ဒီရုပ်ရှင်နဲ့ ပတ်သက်ပြီး ပြသရန်မသင့်ပါဘူးဆိုတဲ့ မှတ်ချက်နဲ့ ထွက်လာပါတယ်။ အဲဒီမှတ်ချက်ရဲ့  အတိုချုပ်ကို ပြောရရင်တော့ ဒီရုပ်ရှင်ဟာ တပ်မတော်ရဲ့  ပုံရိပ်ကို ထိခိုက်စေတဲ့ အသုံးအနှုန်းတွေ ပါဝင်နေတဲ့အတွက် အများပြည်သူ ပြသရန် မသင့်တော်ဘူးဆိုတဲ့ မှတ်ချက်နဲ့ ထွက်လာတယ်။ ဒီကားကို မပြသဖို့ တားမြစ်တာ တပ်မတော် မဟုတ်ပါဘူး။ ပြန်ကြားရေးဝန်ကြီးဌာနရဲ့  လက်အောက်က မြန်မာရုပ်ရှင်အဆင့် သတ်မှတ်ရေးအဖွဲ့ - Film Classification Board ကပါ။

ဦးကျော်ဇံသာ ။ ။ ပိုပြီးစိတ်ဝင်စားဖို့ ကောင်းသွားပြီ။ တပ်မတော်က ဘာမှမပြောဘဲနဲ့ သူတို့သဘောနဲ့ ကန့်ကွက်တယ် ထင်ပါသလား။ အဲဒီ ရုပ်ရှင်အဆင့်အတန်း သတ်မှတ်ရေးအဖွဲ့ - Film Classification Board မှာ တပ်မတော်ရဲ့  သြဇာလွှမ်းမိုးမှု ဘယ်လောက်ရှိသလဲလို့ ထင်ပါသလဲ။

ဒေါ်မွန်မွန်မြတ် ။ ။ ကျမအထင် ပြောရလို့ရှိရင်တော့ ဒီကိစ္စက မီဒီယာတွေမှာ တပ်မတော်နဲ့ ပတ်သက်တဲ့ အကြောင်းအရာတွေ ထည့်တိုင်းထည့်တိုင်း …. အခုမှ မဟုတ်ပါဘူး ကြာပါပြီ။ ဒါတွေနဲ့ ပတ်သက်ပြီး Print Media တွေမှာ မကြာခဏ ကြုံဖူးမှာပါ။ ကာတွန်း ရေးလိုက်တာနဲ့ ကာတွန်းကို ထည့်သွင်းတာဟာ မလျော်ကန်ဘူး။ တပ်မတော်ရဲ့  ဂုဏ်သိက္ခာကို ထိခိုက်ပါတယ်ဆိုတဲ့ တားမြစ်တဲ့စာတွေ တပ်မတော်က ကိုယ်တိုင်ထုတ်တာတွေ ရှိပါတယ်။ အဲဒီတော့ ဒီကိစ္စမှာတော့ တပ်မတော်က တိုက်ရိုက်စာထုတ်ပြန်ပြီး တားမြစ်တာမျိုး မရှိပါဘူး။ ဒါပေမဲ့ Board အဖွဲ့ကပဲ ကျမတို့ကို အများပြည်သူ ကြည့်ရှုရန် မသင့်တော်ပါဘူးဆိုတဲ့ မှတ်ချက်နဲ့ ပြသခွင့် မပေးခဲ့တာပါ။

ဦးကျော်ဇံသာ ။ ။ ဆရာကျော်ရင်မြင့် … အဲဒီတော့ ကြက်တူးရွေးတော်တော် မယ်တော်ကကဲကဲ .. ဗမာစကားပုံ ရှိတာ။

ဦးကျော်ရင်မြင့် ။ ။ ဟုတ်ကဲ့ ရှိပါတယ်။

ဦးကျော်ဇံသာ ။ ။ အဲဒီလိုများ ဖြစ်နေသလား ဆရာ။ တပ်မတော်က ဘာမှမပြောဘဲနဲ့။

ဦးကျော်ရင်မြင့် ။ ။ ကျနော်ကတော့ အခြေအနေက လုံးလုံးလျားလျား ဒီမိုကရေစီ မဟုတ်သေးတဲ့အခါကြတော့ သက်ဆိုင်တဲ့လူတွေက ထိန်းထိန်းသိမ်းသိမ်းနဲ့ ပြဿနာ အနည်းဆုံးဖြစ်အောင် ဆင်ခြင်တယ်လို့ အဲဒီလိုပဲ မြင်ပါတယ်။ ကြက်တူရွေးက တော်တော်လို့တော့ မမြင်ပါဘူး။ ကြက်တူရွေးက သိပ်မတော်သေးတဲ့အတွက်ကြောင့်မို့ သတိထားနေရတယ်လို့ ထင်ပါတယ်။

ဦးကျော်ဇံသာ ။ ။ အဲဒီတော့ ဘယ်လောက်များ အကဲဆတ်လို့လဲ။ မမွန်မြတ် စောစောကပြောတာ တပ်မတော်ရဲ့  ဂုဏ်သိက္ခာ ထိခိုက်စေတဲ့ အစိတ်အပိုင်းပါတယ်။ ဟုတ်ပါလား။

ဒေါ်မွန်မွန်မြတ် ။ ။ ကျမအမြင်ကတော့ ဦးကျော်ဇံသာ ပြောသွားတဲ့ ကြက်တူရွေးကတော်တော် မယ်တော်ကကဲ ဆိုတာမျိုးတော့ မမြင်ပါဘူး။ ဘာဖြစ်လို့လဲဆိုတော့ ကြက်တူရွေးကော၊ မယ်တော်ကော အတူတူပါပဲ။ ဘာဖြစ်လို့လဲဆိုတော့ ပြန်ကြားရေးဝန်ကြီးဌာန၊ အစိုးရသစ် ဆိုတဲ့ နာမည်တွေဖြစ်ပေမယ့် တကယ်တမ်း လက်ရှိ လုပ်နေတဲ့ ဝန်ထမ်းတွေ တော်တော်များများမှာ ကာလတခု အတန်ကြာအောင် Administration လုပ်ထားတာဖြစ်တဲ့အတွက် ဝန်ထမ်းတွေ တော်တော်များများကြားထဲမှာ စစ်တပ်ကနေ အရပ်ဘက်ကို ပြောင်းလာတဲ့ ဝန်ထမ်းတွေ အများကြီး ရှိပါတယ်။ အဲဒီဟာတွေမှာ၊ အဲဒီအဖွဲ့အစည်းတွေမှာ အဲဒီလိုလူတွေ တော်တော်များများ စိမ့်ဝင်နေတာ ဖြစ်တဲ့အတွက် ဒီကားကို မပြသင့်ဘူးဆိုတဲ့ ထင်မြင်ချက်ဟာ လုပ်ငန်းအဖွဲ့အစည်းမှာ စိမ့်ဝင်နေတဲ့ လူတွေရဲ့  ယုံကြည်ချက်လို့ မြင်ပါတယ်။ ဒါကြောင့် ကြက်တူရွေးကော၊ မယ်တော်ကော အတူတူပဲလို့ ကျမက ထင်ပါတယ်ရှင့်။

ဦးကျော်ဇံသာ ။ ။ အဲဒီတော့ ဝန်ထမ်းတော်တော်များများဆိုတာ ဝန်ကြီးကိုယ်တိုင်က ဘယ်လိုလဲ။

ဒေါ်မွန်မွန်မြတ် ။ ။ ကျမတို့ ဝန်ကြီးဆီ တက်ပါတယ်။ ဝန်ကြီးဆီ စာပို့ပြီးတော့ အကြောင်းကြားပါတယ်။ ဝန်ကြီးကိုယ်တိုင်ကတည်း ပထမ မှတ်ချက်အပေါ်မှာ ပြန်ပြီး Review လုပ်ဖို့၊ ဒီဘုတ်အဖွဲ့ကို ပြန်ပြီးပြောပေမယ့်လဲ ပြန် Review လုပ်တဲ့အခါမှာ ဘာမှကွဲပြားမှုမရှိတဲ့ နှစ်ချက်ကိုပဲ ပြန်ပေးပါတယ်။ ဝန်ကြီးအနေနဲ့ ဒီအပေါ်မှာ၊ ဒီဘုတ်အဖွဲ့ရဲ့  ဆုံးဖြတ်ချက်အပေါ် လွှမ်းမိုးနိုင်မှု မရှိဘူးဆိုတဲ့ဟာကို ပြသရာ ရောက်ပါတယ်။

ဦးကျော်ဇံသာ ။ ။ ဆရာကျော်က ဘယ်လို သုံးသပ်ပါလဲ။ ဝန်ကြီးက လွှမ်းမိုးမှု မရှိဘူးလား။ ဒီကိစ္စမှာ ဝန်ကြီးရဲ့  အခန်းကဏ္ဍကို ဆရာ ဘယ်လို ပြောချင်ပါလဲ။

ဦးကျော်ရင်မြင့် ။ ။ ကျနော်က ဝန်ကြီးအခန်းကဏ္ဍထက် ရုပ်ရှင်ကားရဲ့  အဓိက ပြသတာကိုက စော်ဘွားစပ်ကြာဆိုင် ကို စစ်ထောက်လှမ်းရေးက ခေါ်သွားပြီး ပျောက်ဆုံးသွားတာ အဲဒီဟာက အဓိကကျနေလေတော့၊ စစ်တပ်နဲ့ တော်တော်ပတ်သက်နေတာဆိုတော့ ဝန်ကြီးကလည်း လွှမ်းမိုးတာ၊ မလွှမ်းမိုးတာထက် သူဖက်ကလည်း စစ်တပ်ရဲ့  အားနည်းချက်၊ ချို့ ယွင်းချက်၊ တနည်းပြောရရင် မတရားမှုကို အခြေခံပြီး ရိုက်တဲ့ ရုပ်ရှင်ကားဆိုတော့ သူဖက်က သတိထားရတယ်လို့ ကျနော်က အဲဒီလို ထင်ပါတယ်။

ဦးကျော်ဇံသာ ။ ။ ကျနော် ဆက်မေးချင်တာက အခု မွန်မွန်မြတ်တို့ စီစဉ်တဲ့ ရုပ်ရှင်ပွဲတော်ထဲမှာ ဂျပန်ပြည်က Burma Death Railway ကိုလည်း ပြတယ်လို့ ဆိုတယ်။ အဲဒီမှာလည်း ဂျပန်တွေကို ရှုတ်ချထားလိုက်တာ အများကြီးပဲ။ သူတို့ ရက်စက်တာတွေ၊ ကြမ်းကြုတ်မှုတွေ။ အဲဒီတော့ ဂျပန်-မြန်မာ ချစ်ကြည်ရေးကို ထိခိုက်နိုင်လို့ဆိုပြီးတော့ ဒါမျိုး သူတို့ မစဉ်းစားကြဘူးလား ဆရာ။

ဦးကျော်ရင်မြင့် ။ ။ ဂျပန်က ကျနော်တို့ထက် သဘောထား ကြီးနိုင်ပုံရတယ်။ ကျနော်တို့က ဂျပန်လောက် သဘောထား မကြီးသေးလို့ သတိထားနေရတယ်လို့ ကျနော်က အဲဒီလို မြင်ပါတယ်။ မမြတ် အမြင်လဲ ပြောပါအုံး။

ဒေါ်မွန်မွန်မြတ် ။ ။ ကျမလည်း ဆရာကျော်နဲ့ သဘောထားချင်း တူပါတယ်။ ဆရာကျော် ပြောတာကို ထောက်ခံပါတယ်။ ကျမတို့ဆီမှာ အင်မတန်မှ သဘောထား ကျဉ်းမြောင်းမှုတွေ ရှိနေသေးတယ်ဆိုတာ တွေ့ရတယ်။ ဘာဖြစ်လို့လဲဆိုတော့ ခေတ်တွေက တော်တော်ကွာခဲ့ပါပြီ။ စောစောကပြောတဲ့ တပ်မတော်ရဲ့  ပုံရိပ်ကို ထိခိုက်စေတယ်ဆိုတာ၊ အဲဒီတပ်မတော်က ဒီရုပ်ရှင်ထဲက တပ်မတော်က ဒီတပ်မတော် ပုံရိပ်မဟုတ်ဘဲနဲ့ လွန်ခဲ့တဲ့ နှစ်ပေါင်းများစွာ အာဏာရှင်အစိုးရရဲ့  ပုံရိပ်ဆိုတာကို တင်ဆက်တာပါ။ အဲဒီလောက် အမြင်သဘောထား မကြီးမားနိုင်တဲ့ဟာလေး စောစောက ဆရာပြောသလိုပဲ ဂျပန်တွေလောက် သဘောထား မကြီးနိုင်ဘူး၊ သဘောထားကြီးတဲ့ အမြင်မရှိဘူးလို့ ဆိုရမှာပဲ။

ဦးကျော်ဇံသာ ။ ။ ဆိုတော့ ဂျပန်ကားကိစ္စမှာ ကြည့်မယ်ဆိုရင် ဂျပန်တွေက ပြောမှာပေါ့။ တချိန်တုန်းက ငါတို့ ဒုတိယကမ္ဘာစစ် ဖက်စစ်ဝါဒ ကြီးစိုးနေတဲ့ စစ်တပ်မို့ ဒါမျိုး လုပ်ခဲ့တယ်။ အခု ငါတို့ ဒီမိုကရေစီ ထွန်းကားတဲ့နိုင်ငံ၊ အဲဒီ စစ်တပ်နဲ့ ငါတို့ ဘာမှမဆိုင်ဘူးဆိုပြီး စည်းဖြတ်လိုက်တဲ့သဘော၊ အခု ပြသလိုက်ခြင်းအားဖြင့် အခုလက်ရှိ ဂျပန်နိုင်ငံရဲ့  ဂုဏ်သိက္ခာကို ပိုမိုမြင့်တက်စေတယ်လို့ ကျနော် ထင်ပါတယ်။ ဆိုတော့ မြန်မာစစ်တပ်ကိစ္စမှာလည်း ဒီမိုကရေစီဖော်ဆောင်ရေးကို အားပေးနေပါတယ်ဆိုပြီးတော့ စစ်တပ်ရဲ့  အကြီးအကဲက အကြိမ်ပေါင်းမြောက်မြားစွာ ပြောနေတာ။ ဟိုခေတ်တုန်းက ပြည်သူကို နှိပ်စက်ရက်စက်ခဲ့တဲ့ စစ်တပ်နဲ့ မတူတော့ပါဘူးဆိုတာ ပြသချင်တဲ့အနေနဲ့ ရုပ်ရှင်ကား ပြသရင်ပြပေါ့၊ ငါတို့နဲ့ ဘာမှမဆိုင်ဘူး စိတ်ဓါတ်မျိုး သူတို့ မထားနိုင်ဘူးလား။ အတိတ်နဲ့ လမ်းမခွဲနိုင်သေးဘူးလား။

ဦးကျော်ရင်မြင့် ။ ။ အဲဒီလို ကျနော်တိုိ့ကလည်း လမ်းခွဲစေချင်ပါတယ်။ ကျနော်သာ ကာကွယ်ရေးဦးစီးချုပ်ဆိုရင်တော့ ပြခိုင်းမှာပါ။ အဲဒါ ဗိုလ်နေဝင်းရဲ့  စစ်တပ်၊ ငါတို့စစ်တပ် မဟုတ်တော့ဘူးဆိုပြီး သဲသဲကွဲကွဲ ဖြစ်အောင် သဘောထားနဲ့ ပြလိုက်ရင်တော့ ပိုကောင်းပါတယ်။ ပြန်တောင်ပြဖို့ စဉ်းစားသင့်ပါတယ်။ ဗိုလ်နေဝင်းစစ်တပ်က တော်တော်ဆိုးခဲ့တာပဲ။ အခုလူတွေ သူ့လို့ မဆိုးဘူးလို့ သက်သေပြရာကြပါလိမ့်မယ်။

ဦးကျော်ဇံသာ ။ ။ ဟုတ်တာပေါ့။ သူတို့သိက္ခာတောင် ပိုတက်မယ်လို့ ထင်ပါတယ်။ မမွန်မြတ်ကော ဘယ်လို ထင်ပါလဲ။

ဒေါ်မွန်မွန်မြတ် ။ ။ ကျမလည်း အဲဒီလိုပါပဲ။ စောစောက ဆရာပြောသလို ကာကွယ်ရေးဦးစီးချုပ်မှူးဖြစ်လို့ရှိရင် ပြခွင့်ပြုမှာပဲဆိုတာမျိုး။ ဒီလိုမျိုး အတွေးမျိုး ကာကွယ်ရေးဦးစီးချုပ် ခေါင်းထဲမှာ ရှိသင့်ပါတယ်။ ဘာဖြစ်လို့လဲဆိုတော့ ဒါက ပု*ရေး သို့မဟုတ် အဖွဲ့အစည်းတခုခုကို ထိခိုက်ဖို့၊ တိုက်ခိုက်ဖို့ ကျမတို့ ရုပ်ရှင်ပွဲတော်ကြီး ရည်ရွယ်ချက်မရှိခဲ့သလိုပဲ ဒါက ဖြစ်ရပ်မှန်တခုကို အခြေခံပြီး ရိုက်ထားတဲ့ ဇာတ်လမ်းတခုကို၊ သမိုင်းဇာတ်လမ်းတခုကို ပရိသတ်တွေ ကြည့်ရှုနိုင်ဖို့အတွက် ကျမတို့က ပြတာပါ။ အဲဒီအပေါ်မှာ ဘယ်ဟာကိုသွားပြီးတော့၊ ဘယ်တပ်မတော်ရဲ့  ဂုဏ်သိက္ခာကို ပုံရိပ်ကို ထိခိုက်စေဖို့ မရှိပါဘူး။

ဦးကျော်ဇံသာ ။ ။ နောက်တခု တိုက်ဆိုင်မှုတခု စဉ်းစားမိပါတယ်။ ပြီးခဲ့တဲ့ ဦးသိန်းစိန်အစိုးရလက်ထက်မှာတုန်းက ဝန်ကြီးတယောက်က ပြောဖူးတယ်။ သူကိုယ်တိုင်ကလည်း စစ်ဗိုလ်ဟောင်းပါ။ စစ်တပ်မှာ သူရဘွဲ့တွေ၊ သူရဲကောင်းဘွဲ့တွေ ပေးထားတာဟာ တိုင်းရင်းသားတွေကို သတ်ဖြတ်ပြီးတော့ ရခဲ့တဲ့ဘွဲ့တွေလို့ ပြောခဲ့ပါတယ်။ အဲဒါကို သူက မှားကြောင်း လူသိရှင်ကြား ဟိုလေတကြော် တောင်းပန်ခဲ့ရတယ်။ ဆရာကျော်ရင်မြင့် မှတ်မိမယ် ထင်ပါတယ်။ အခုလဲ အဲဒီလို ဖြစ်ရပ်မျိုး ဖြစ်နေပါလား။ အတိတ်နဲ့ လုံးဝစည်းမခြားနိုင်ဘူးဆိုတော့ ကျနော်တို့ ဘယ်လောက် မျှော်လင့်နိုင်ပါသလဲ။ တပ်မတော်ရဲ့  သဘောထား၊ ပြောဆိုခွင့်ကို သူတို့တာဝန်မဟုတ်ရင် အတိတ်ကဖြစ်ခဲ့တာဆိုပြီး ခွင့်ပြုနိုင်မယ်။ သူတို့ကို စော်ကားတာလဲ မဟုတ်ဘူးလေ။ အဲဒီလိုမျိုး ပြောင်းလဲနိုင်မယ့် အလားအလာ ဆရာ မြင်ပါသလား။ ဘယ်လောက်လောက် စောင့်ရအုံးမလဲ။

ဦးကျော်ရင်မြင့် ။ ။ ကျနော်ကတော့ မြန်မြန်ထက်ထက် တပ်မတော်ပိုင်းကလည်း ပြောင်းနေတယ်လို့ ကျနော်ကြားတဲ့ Source တွေက ပြောပါတယ်။ သူတို့ရဲ့  စိတ်နေသဘောထားတွေ၊ သူတို့ ပြန်ပြောတာတွေ၊ ပြန်ကြားရတာတွေက အင်မတန် ဝမ်းသာစရာကောင်းပါတယ်။ အထူးသဖြင့် တပ်မတော်ရဲ့  အထက်ပိုင်းက ပုဂ္ဂိုလ်တွေက ဒီမိုကရေစီအစိုးရကို သဘောကျတယ်။ သူတို့လည်း လက်တွဲခေါ်ဆောင်မယ်ဆိုတဲ့ စကားသံတွေ ပြန်ကြားရပါတယ်။ အဲဒီတော့ ကျနော်တို့ သိပ်ကြာကြာစောင့်ရမယ် မထင်ပါဘူး။ အခု ဒီအောက်ပိုင်းက ခွင့်မပြုဘူးဆိုတဲ့ ပုဂ္ဂိုလ်များကလည်း တချိန်က တပ်က ပြောင်းလာတဲ့ အရာရှိကြီးများ သက်ဆိုင်ရာဝန်ကြီးဌာနများမှာ အရာရှိကြီးတွေ ဝင်လုပ်နေတာမို့ သူတို့ရဲ့  စိုးရိမ်မှု၊ ထိတ်လန့်မှု၊ အထက်ကို ကြောက်ရွံမှုတွေကြောင့် သူတို့ရဲ့  အန္တရာယ်ကို ကြောက်ပြီးတော့ တားမြစ်တာ ဖြစ်ပါလိမ့်မယ်။ သိပ်မကြာခင်မှာ အပြောင်းအလဲက မြန်မြန်ထက်ထက် ပြောင်းလာလိမ့်မယ်လို့ ကျနော်တော့ မျှော်လင့်ပါတယ်။

ဦးကျော်ဇံသာ ။ ။ ဆရာ မျှော်လင့်သလိုပဲ ဖြစ်ပါစေ။ ဆရာလို လူမျိုး မြန်မြန်ဆန်ဆန် ကာကွယ်ရေးဦးစီးချုပ် ဖြစ်လာဖို့ မျှော်လင့်နေပါတယ်။ မမွန်မွန်မြတ် ကို မေးချင်တာက အခု စောစောကပြောတဲ့ ဒီဟာကို မလုပ်နဲ့လို့ တားတယ်။ Burmese Film Classification Committee ဟုတ်ပါလား။ မြန်မာရုပ်ရှင်အဆင့်အတန်း သတ်မှတ်ရေး ဟုတ်ပါလား။

ဒေါ်မွန်မွန်မြတ် ။ ။ မြန်မာရုပ်ရှင်အဆင့်အတန်း သတ်မှတ်ရေး အဖွဲ့။

ဦးကျော်ဇံသာ ။ ။ ဆိုတော့ အဆင့်အတန်း သတ်မှတ်တာက အဆင့်အတန်းကို ကြည့်တာမဟုတ်ဘဲနဲ့ ဒီကားဟာ မသင့်တော်ဘူးဆိုတာ သတ်မှတ်တော့ အရင်တုန်းက ဆင်ဆာဘုတ်နဲ့ ဘာမှမထူးခြားသလို ဖြစ်နေပါလား။ အဲဒါမျိုးရှိဖို့ လိုအပ်သေးသလား။

ဒေါ်မွန်မွန်မြတ် ။ ။ ကျမတို့ကတော့ မရှိလေ ကောင်းလေပေါ့။ ဒီဟာ တကယ်တော့ နာမည်ပြောင်းသွားတာကလွဲလို့ ဆင်ဆာဘုတ်နဲ့ အတူတူပါပဲ။ Film Certification Board ကနေပြီးတော့ ခွင့်ပြုခွင့်စာ မပါဘဲနဲ့ ဘယ်ရုံးကမှ မပြရဲပါဘူး။ အဲဒီအပေါ် မူတည်ပြီးတော့ ရုပ်ရှင်ပွဲတော်ဆိုတာလည်း ရုံတွေမှာပြတဲ့အခါမှာ ခွင့်ပြုပြီး ဇာတ်ကားတွေကသာ ပြသခွင့်ရှိပါတယ်။

ဦးကျော်ဇံသာ ။ ။ မမွန်မွန်မြတ်တို့ရဲ့  အဖွဲ့က Human Dignity Film Institute ဆိုတော့ အခု လူ့ဂုဏ်သိက္ခာက ဒီလိုဖြစ်လိုက်တော့ လူသားတွေရဲ့  ဂုဏ်သိက္ခာ Dignity ကျဆင်းသွားသလား။ Institute ရဲ့  ဂုဏ်သိက္ခာ ကျဆင်းသွားသလားဆိုတာ နောက်ဆုံးမှတ်ချက် သိချင်ပါတယ်။

ဒေါ်မွန်မွန်မြတ် ။ ။ Institute ရဲ့  ဂုဏ်သိက္ခာ၊ ရုပ်ရှင်ကားရဲ့  ဂုဏ်သိက္ခာ ထိခိုက်တာ ဒီလောက်အထိ အရေးမကြီးပါဘူး။ ကျမတို့ နိုင်ငံရဲ့  ဂုဏ်သိက္ခာ၊ ကျမတို့ တပ်မတော်ရဲ့  ဂုဏ်သိက္ခာကို ထိခိုက်စေတယ်လို့ပဲ မြင်ပါတယ်။

ဦးကျော်ဇံသာ ။ ။ ဆရာကျော်ရဲ့  သဘောထားကို ပြောပါ။

ဦးကျော်ရင်မြင့် ။ ။ နိုင်ငံရဲ့  လွတ်လပ်ခွင့် ဂုဏ်သိက္ခာတော့ တော်တော်ကျဆင်းသွားစေပါတယ်။ ဒါပေမဲ့ ဒီရုပ်ရှင်ကားရဲ့  အခြေခံတဲ့ စာအုပ်ကြောင့်မို့လည်း ဗမာနိုင်ငံကို လူတွေသိပ်သိ၊ သိပေါကိုလည်း ဧည့်သည်တွေသိပ်လာ၊ အင်မတန်မှ မြန်မာနိုင်ငံကို သတိထားမိပါတယ်။ အခုလို ထပ်လုပ်လိုက်တဲ့အတွက်ကြောင့်မို့ ဒီရုပ်ရှင်ကား အပိတ်ခံရတယ်ဆိုရင် ထပ်ပြီးထပ်ပြီးတော့မှ နိုင်ငံကိုတော့ ပိုပြီးတော့မှ နိုင်ငံတကာရဲ့  စိတ်ဝင်စားမှု၊ အာရုံစူးစိုက်မှုကို ခံရပါလိမ့်မယ်။ ရုပ်ရှင်ကားရဲ့  ဂုဏ်သိက္ခာကိုတော့ မကျဘဲနဲ့ ပိုတောင်တက်သွားအောင် လုပ်ပေးလိုက်တယ်လို့ မြင်ပါတယ်။
VOA Burmese News

 goldmines-620.jpg ရွှေတူးဖော်ရေး လုပ်ငန်းခွင်တစ်ခုကို တွေ့ရစဉ်
Photo: Myo Zaw Ko/RFA

မန္တလေးတိုင်း သပိတ်ကျင်းမြို့နယ်က ဝက်သေကျေးရွာမှာ ရွှေတူးဖော်ရေးကုမ္ပဏီတွေက အနက်ပေ ၄၀၀ ကနေ ၅၀၀ အထိ စက်ယန္တရားတွေသုံးပြီး ရွှေတူးဖော်နေတဲ့အတွက် ဒေသခံ ၃ထောင်လောက် သောက်သုံးရေရှားပါးမှုနဲ့ ရင်ဆိုင်နေကြရပါတယ်။

ရွှေတူးဖော်ရေးကုမ္ပဏီတွေက ဒေသခံတွေကို သောက်သုံးရေ ဖြန့်ဝေပေးနေပေမယ့် လောက်ငမှုမရှိသလို ရေတွေမှာ ယမ်းနံ့တွေပါဝင်နေတာကြောင့် သုံးစွဲဖို့ အခက်အခဲတွေရှိနေတယ်လို့ ဝက်သေကျေးရွာက ဒေသခံ ဦးမောင်ကြီး က ပြောပါတယ်။

“ဦးလေးတို့က တူးနိုင်လို့ရှိရင် ပေ ၁၅ဝ လောက်ပဲ တူးနိုင်တာလေ၊ သူတို့ကျတော့ ပေပေါင်း ၄၊ ၅၊ ၆ဝဝ အထိတူးနိုင်တာလေ၊ ကုမ္ပဏီတွေက မြေပြန်ပေးတယ် အဲ့တာလည်း ၁ဝဝ လုံး အပြည့်ပေးနိုင်တာ မဟုတ်ဘူး၊ အိမ်ခြေ ၆ဝဝ ကျော်မှာ ၂ဝဝ ကျော်ကမရဘူး၊ ရွာထဲကိုပေးမယ်ဆိုတဲ့ မြေကလည်း အဲ့ဒီရွှေသတ္တု တူးဖော်ရှာဖွေနေတဲ့ကြားထဲကပဲ ထွက်လာတဲ့မြေတွေကိုပေးတာ၊ မသန့်ရှင်းဘူး၊ နောက်ပြီးအလုပ်သမားတွေ အပေ့ါအလေးသွားတာကအစ ဒီအထဲမှာအကုန်ပါတာလေ၊ အနံ့တွေကလည်း ယမ်းနံ့တွေပေါ့”

သပိတ်ကျင်းမြို့နယ်၊ ဝက်သေကျေးရွာမှာ ထာဝရ၊ တို့ညီနောင်ဘွား၊ ရွှေပြည်သာစတဲ့ သတ္တုတူးဖော်ရေး ကုမ္ပဏီတွေ ရှိသလို ကောင်းခါးပြည်သူ့စစ်အဖွဲ့ရဲ့ ရွှေတူးဖော်ရေး လုပ်ငန်းလည်း ရှိနေတယ်လို့ ဒေသခံတွေက ပြောပါတယ်။

ကောင်းခါးပြည်သူ့စစ်အဖွဲ့က ၀က်သေကျေးရွာအနီးမှာ ရေလှောင်ကန်တည်ဆောက်ထားတာကြောင့် ရေလှောင်ကန်ပြိုကျပြီး ကျေးရွာတွေ ရေလွှမ်းခံရမှာကိုလည်း ဒေသခံတွေက စိုးရိမ်နေကြပါတယ်။

ဝက်သေကျေးရွာရဲ့ မြေဧကအကျယ်အဝန်းကို ၁၅၅ ဧကကျော်ရှိတယ်လို့ ပြည်ထဲရေးဝန်ကြီးဌာနက ၂၀၁၁ ခုနှစ်က သတ်မှတ်ပေးခဲ့ပေမယ့် သတ္တုတူးဖော်ရေးကုမ္ပဏီတွေက ရွာမြေရဲ့ ဧက ၅၀ လောက်အထိမှာလည်း သတ္တုတူးဖော်နေတယ်လို့ ဒေသခံတွေက ပြောပါတယ်။

ရွာမြေမှာ ရွှေတူးဖော်နေတဲ့ ကုမ္ပဏီတွေကို အရေးယူဆောင်ရွက်ပေးဖို့ ပြီးခဲ့တဲ့မေလဆန်းလောက်က မန္တလေးတိုင်းဒေသကြီး ဝန်ကြီးချုပ် ဒေါက်တာဇော်မြင့်မောင်ထံ ဒေသခံတွေက တိုင်ကြားစာပေးပို့ထားပါတယ်။

ဒါ့အပြင် ကုမ္ပဏီတွေကို ဖယ်ရှားပေးဖို့အတွက် ဒေသခံ ၆၀၀ ကျော်က လက်မှတ်တွေရေးထိုးပြီး သပိတ်ကျင်းမြို့နယ် ပြည်သူ့လွှတ်တော်ကိုယ်စားလှယ် ဒေါက်တာအောင်နိုင်ဆီကတဆင့် လွှတ်တော်ထံ တင်ပြပေးဖို့လည်း တောင်းဆိုထားပါတယ်။
RFA


myanmar-veneer-workers-620.jpg
စစ်ကိုင်းအလုပ်သမား သပိတ်ခေါင်းဆောင် ၁၅ ဦးကို ဇွန်လ ၁၅ ရက်နေ့က နေပြည်တော် တပ်ကုန်းမြို့နယ် တရားရုံးမှာ ရုံးထုတ်စဉ်
Photo: Win Ko Ko Latt/RFA

နေပြည်တော် တပ်ကုန်းမြို့နယ် တရားရုံးမှာ စစ်ကိုင်းအလုပ်သမား သပိတ်ခေါင်းဆောင် ၁၅ ဦးကို ဒီနေ့ ရုံးထုတ်စစ်ဆေးရာ လုံခြုံရေးတင်းကျပ်ထားပြီး အော်ဟစ်ဆူပူတာတွေ မလုပ်ဖို့ တားမြစ်ထားပါတယ်။

ဖမ်းဆီးခံထားရသူတွေနဲ့ လွတ်လွတ်လပ်လပ် တွေ့ခွင့်မရခဲ့သလို အလံမထောင်ဖို့ ကြွေးကြော်သံတွေ မအော်ဖို့ တားမြစ်ထားတယ်လို့ တရားရုံးကို သွားရောက်ခဲ့တဲ့ ဗကသ အဖွဲ့ဝင် ကိုအောင်မှိုင်းဆန်း က ပြောပါတယ်။

“အရင်တစ်ပတ်ကတော့ ကျနော်တို့ လွတ်လွတ်လပ်လပ်တွေ့ခွင့်ရပေမယ့် ဒီတစ်ခေါက်လာတဲ့အခါကျတော့ အတားအဆီးတွေထားပြီးတော့ တရားရုံးထဲကို လုံးဝဝင်ခွင့်မပေးခဲ့ဘူး၊ တစ်ယောက်မှ ဝင်ခွင့်မပေးခဲ့ဘူး၊ ရုံးထုတ်တဲ့လူတွေလာရင် ဖွင့်ပေးမယ်လို့ ကျနော်တို့မျှော်လင့်ပေမယ့် တကယ်တမ်း ရုံးထုတ်တဲ့ကားတွေ ဒီမှာရောက်တဲ့အထိ နောက်ထပ်အကြာကြီးကို လုံးဝဖွင့်မပေးပါဘူး၊ ဖွင့်ပေးမယ်လို့ လာပြီးပြောတဲ့အခါ ကျတော့လည်း စည်းကမ်းချက်တွေ အမျိုးမျိုးလာပြီး သတ်မှတ်တယ်၊ အလံမထောင်ရတာတို့ ကြွေးကြော်သံ မတုိုင်ရတာတို့ လူကိုလည်းကိုးယောက် တစ်သုတ်နဲ့ အဲ့လိုကန့်သတ်ချက်တွေနဲ့ ကျနော်တို့ကိုလာပြီးတော့ ဝင်တွေ့ခွင့်ပေးမယ်ဆိုတဲ့ ပုံစံမျိုးလုပ်တယ်”

ပြီးခဲ့တဲ့ မေလ ၁၈ ရက်နေ့က စစ်ကိုင်းကနေ နေပြည်တော်ကို လမ်းလျှောက်ဆန္ဒပြတဲ့ Myanmar Veneer သစ်အချောထည်စက်ရုံ အလုပ်သမားတွေကို နေပြည်တော်အ၀င် တပ်ကုန်းမြို့အနီးမှာ ဖမ်းဆီးလိုက်ပြီး ရမည်းသင်းအကျဉ်းထောင်မှာ ထိန်းသိမ်းထားပါတယ်။

တရားရုံးပရ၀ုဏ်ကို ရဲတပ်ဖွဲ့ဝင် ၅၀ လောက်က လုံခြုံရေးယူထားပြီး အော်ဟစ်ဆူပူတာတွေ မလုပ်ဖို့ တားမြစ်ထားတာဖြစ်ပါတယ်။

တရားရုံးကို ဖမ်းဆီးခံထားရသူတွေရဲ့ မိသားစုဝင်တွေ၊ ကျောင်းသားတွေ၊ ၀န်းရံသူတွေ ၃၀ လောက် လာရောက် ခဲ့ပြီး ဖမ်းခံထားရသူတွေကို လက်ထိပ်မခတ်ဖို့ နဲ့ လွတ်လပ်တဲ့ တရားစီရင်ရေးဖြစ်ဖို့ တောင်းဆိုခဲ့ကြပါတယ်။

ဖမ်းဆီးခံထားရတဲ့ အလုပ်သမား ၆ ဦး၊ ကျောင်းသား ၅ ဦး၊ ၀န်းရံသူ ၄ဦး စုစုပေါင်း ၁၅ ဦးဟာ ဥပဒေနဲ့ ဆန့်ကျင်တဲ့ အစုအဝေးမှာ ပါဝင်မှု ပုဒ်မ ၁၄၃၊ လူစုခွဲဖို့ အမိန့်ပေးတာကို ဆန့်ကျင်မှု ပုဒ်မ ၁၄၅၊ ရုန်းရင်းဆန်ခတ်ဖြစ်မှု ပုဒ်မ ၁၄၇၊ နိုင်ငံတော်အကြည်ညိုပျက်စေမှု ပုဒ်မ ၅၀၅(ခ) တို့နဲ့ တရားစွဲဆိုခံထားရတာဖြစ်ပါတယ်။

ဒီနေ့ တရားရုံးချိန်းမှာ အမှုစစ်ဆေးနိုင်ခြင်းမရှိခဲ့ဘဲ လာမယ့် ဇွန်လ ၂၉ ရက်နေ့ကို ပြန်လည်ချိန်းဆိုလိုက်ပါတယ်။
RFA



သမ္မတ ဦးထင်ကျော်နဲ့ အာရှဖွံ့ဖြိုးရေးဘဏ် ဥက္ကဋ္ဌ Takehiko Nakao နဲ့အဖွဲ့ ဇွန်လ ၁၅ ရက်နေ့က နေပြည်တော် နိုင်ငံတော်သမ္မတ အိမ်တော်ဧည့်ခန်းမမှာ တွေ့ဆုံကြစဉ်။ Photo: Myanmar President Office
မြန်မာနိုင်ငံမှာ ပညာရေး၊ ကျေးလက်ဒေသဖွံ့ဖြိုးရေးနဲ့ အကြီးစား အခြေခံအဆောက်ဦတွေ တိုးတက်ကောင်းမွန်ဖို့ အတွက် ၂ဝ၁၇ ခုနှစ်ကစတင်ပြီး ၅ နှစ်တာကာလအတွင်း အမေရိကန်ဒေါ်လာ သန်း ၁၇၅ဝ ကို အတိုးနည်းနည်း နဲ့ ချေးသွားမယ်လို့ အာရှဖွံ့ဖြိုးရေးဘဏ် ADB က ဒီကနေ့ ကြေညာလိုက်ပါတယ်။

ရန်ကုန်မြို့မှာ ဒီကနေ့ကျင်းပတဲ့ သတင်းစာရှင်းလင်းပွဲမှာ ADB ဥက္ကဋ္ဌ Takehiko Nakaoက အခုလို ပြောကြား လိုက်တာဖြစ်ပြီး ဒီချေးငွေကို ပထမနှစ် ဒေါ်လာ သန်း ၁၅ဝ ကနေ ၃၅ဝ အထိ နှစ်စဉ် တိုးမြင့်သွားမယ်လို့ ဆိုပါတယ်။

ဒီချေးငွေကို မြန်မာအစိုးရရဲ့ ၅ နှစ်တာစီမံကိန်းကာလအတွင်း အစိုးရရဲ့ ဦးစားပေးလုပ်ငန်းတွေနဲ့အညီ ထိန်းညှိသွားမှာဖြစ်ပြီး၊ ADB နဲ့ ဒေါ်အောင်ဆန်းစုကြည်နဲ့ တွေ့ဆုံရာမှာလည်း လျှပ်စစ်မီးနဲ့ လမ်းပန်းဆက်သွယ်ရေး စတဲ့ အခြေခံလူ့အဆောက်အဦတွေ ဖွံ့ဖြိုးလာဖို့ အရေးကြီးကြောင်း ပြောကြားခဲ့တယ်လို့ မစ္စတာ နာကာအို က ပြောပါတယ်။

အာရှဖွံ့ဖြိုးရေးဘဏ်ဟာ ဖိလစ်ပိုင်မှာ အခြေစိုက်တာဖြစ်ပြီး အမေရိကန်နဲ့ ဂျပန်နိုင်ငံတွေက ဘဏ်မူဝါဒတွေကို ဦးဆောင်မှတ်တာဖြစ်ပြီး မြန်မာနိုင်ငံရဲ့ လျှပ်စစ်မီးရရှိရေး၊ လမ်းပန်းဆက်သွယ်ရေး၊ လယ်ယာစိုက်ပျိုးရေး၊ တယ်လီဖုန်းဆက်သွယ်ရေးနဲ့ မြို့ပြဖွံ့ဖြိုးရေး စတဲ့ကဏ္ဍတွေမှာ အဓိကထား ကူညီနေတယ်လို့ ADB ရဲ့ ဒီကနေ့ ထုတ်ပြန်တဲ့ ကြေညာချက်မှာ ဖော်ပြထားပါတယ်။

RFA Burmese
http://www.rfa.org/burmese

ဝါရှင်တန်ဒီစီ သမ္မတလောင်းအကြိုရွေးပွဲ ကလင်တန်အနိုင်ရ
ဝါရှင်တန်ဒီစီ သမ္မတလောင်းအကြိုရွေးပွဲ ကလင်တန်အနိုင်ရ

 အမေရိကန်သမ္မတရွေးကောက်ပွဲအတွက် ပါတီတွင်း ပဏာမရွေးချယ်ပွဲတွေ အဆုံးသတ်သွားပါပြီ။ အင်္ဂါနေ့က ၀ါရှင်တန် ဒီစီ မြို့တော်မှာ ကျင်းပတဲ့ ဒီမိုကရက်တစ်ပါတီတွင်း ပဏာမရွေးချယ်ပွဲက နောက်ဆုံးဖြစ်ပြီး အဲဒီမှာ ဟီလာရီ ကလင်တန်က အနိုင်ရသွားပါတယ်။

အဲဒီနောက်မှာတော့ ကလင်တန်နဲ့ Vermont ပြည်နယ်အထက်လွှတ်တော်အမတ် Bernie Sanders တို့ဟာ - သူတို့ အဆိုအားဖြင့် အပြုသဘောဆောင်တဲ့ ဆွေးနွေးမှု တခုလုပ်ကြပါတယ်။ ဆွေးနွေးပွဲပြီးတဲ့နောက် နှစ်ဘက်စလုံးက ပုံစံတူ ကြေညာချက်တွေ ထုတ်ပြန်ပါတယ်။

လုပ်ခလစာ တိုးမြှင့်ရေး၊ မဲဆွယ်စည်းရုံးမှု ရန်ပုံငွေဆိုင်ရာ ဥပဒေတွေကို ပြင်ဆင်ရေး၊ ကောလိပ် ပညာရေးကို အားလုံးရယူနိုင်ရေး စတဲ့ တူညီတဲ့ ကိစ္စတွေကို ဆွေးနွေးကြတယ်လို့ ကြေညာ ချက်တွေမှာ ပြောပါတယ်။

ဒါ့အပြင် Donald Trump ဟာ အမေရိကန်နို်င်ငံအတွက် အန္တရာယ်ကြီးတဲ့ ခြိမ်းခြောက်မှုဖြစ်တယ်လို့လည်း ဆိုကြပါတယ်။ ၀ါရှင်တန်ဒီစီ primary ပဏာမရွေးချယ်ပွဲမှာ ကလင်တန်က ၇၈% ၊ Sanders က ၂၁% အသီးသီးရပါတယ်။ အခုဆိုရင် ကလင်တန်က ပါတီညီလာခံ ကိုယ်စားလှယ်အရေအတွက် ၂၂၁၉ ယောက်ရဲ့ ထောက်ခံမဲကိုရထားပြီး Sanders က ၁၈၃၂ ယောက်ရဲ့ ထောက်ခံမဲကို ရထားပါ။

ကလင်တန်အနေနဲ့ တရားဝင် သမ္မတလောင်းဖြစ်ဖို့ လိုအပ်တဲ့ ကိုယ်စားလှယ်မဲအရေ အတွက် ၂၃၈၃ မဲကို မရပေမဲ့လည်း superdelegate လို့ခေါ်တဲ့ ပါတီတာဝန်ရှိသူ ကိုယ်စားလှယ်တွေရဲ့ ထောက်ခံမဲ ရာပေါင်း များစွာကို ရထားတာပါ။ နောက်လကျရင် ဖီလာဒဲလ်ဖီးယားမြို့မှာကျင်းပမယ့် ပါတီညီလာခံမှာ ဟီလာရီ ကလင်တန်ကို ဒီမိုကရက်တစ်ပါတီရဲ့ သမ္မတလောင်းအဖြစ် တရားဝင်ကြေညာမယ်လို့ ခန့်မှန်းထားပေမဲ့ မစ္စတာ Sanders ကလည်း သူ့ရဲ့ မဲဆွယ်စည်းရုံးမှုကို တရားဝင် အဆုံးမသတ်သေးပါဘူး။
VOA Burmese News


ပူလွန်းတဲ့ ကော်ဖီ
ပူလွန်းတဲ့ ကော်ဖီ

သိပ်ပူလွန်းတဲ့ သောက်စရာတွေဟာ ကင်ဆာရောဂါ ဖြစ်စေနိုင်တယ်ဆိုတာ ကုလသမဂ္ဂ ကင်ဆာသုတေသနအဖွဲ့ရဲ့ လေ့လာ ချက် အသစ်တခုကနေ တွေ့လိုက်ရပါတယ်။

 အပူချိန် ၆၅ ဒီဂရီ ဆဲလ်ဆီးယပ်စ်ထက် ပိုများတဲ့ သောက်စရာတွေဟာ အစာပြွန်နဲ့ဆိုင်တဲ့ ကင်ဆာရောဂါ ဖြစ်စေနိုင်တယ်ဆိုတာ ကိုပြတဲ့ အထောက်အထား ရှိနေပြီလို့ ကမ္ဘာ့ကျန်းမာရေးအဖွဲ့ WHO လက်အောက်ခံ ကင်ဆာရောဂါဆိုင်ရာ နိုင်ငံတကာ သုတေသနဌာန IARC က ဒီကနေ့မှာပဲ ပြောလိုက်တာပါ။

ကော်ဖီတို့၊ လက်ဘက်ရည်တို့ကို အပူချိန် ၇၀ ဒီဂရီ ဆဲလ်ဆီးယပ်စ် ဒါမှမဟုတ် အဲဒီပိုများတဲ့ အပူချိန်နဲ့ ဖျော်တိုက်လေ့ရှိတဲ့ အီရန်၊ တရုတ်နဲ့ တောင် အမေရိကဒေသတွေမှာ သုတေသနတွေလုပ်ပြီး ဆန်းစစ်လေ့လာတာကနေ အခုတွေ့ရှိချက် ထွက်လာ တာ ဖြစ်ပါတယ်။

ဖွံ့ဖြိုးပြီးနိုင်ငံတွေမှာတော့ အစာပြွန်ကင်ဆာ ဖြစ်စေတဲ့ အကြောင်းရင်းတွေထဲမှာ ဆေးလိပ်သောက်တာနဲ့ အရက်သောက်တာတွေ ပါဝင်ပါ တယ်။ ဒါပေမဲ့လည်း သိပ်ပူလွန်းတဲ့ သောက်စရာတွေကို သောက်ကြတဲ့နိုင်ငံတွေမှာ ဒီလိုကင်ဆာရောဂါဖြစ်တာ ပိုများပါတယ်။

ခဲ၊ ဓာတ်ဆီနဲ့ ကားကထွက်တဲ့ မီးခိုးတွေလိုပဲ ပူလွန်းတဲ့သောက်စရာတွေကိုလည်း ကင်ဆာရောဂါဖြစ်နိုင်ခြေရှိတဲ့ အမျိုးအစား ထဲမှာ အခုတော့ ထည့်သွင်းလိုက်ပါပြီ။ ဒီတွေ့ရှိချက်က ကော်ဖီကြိုက်သူတွေအတွက်တော့ သတင်းကောင်းပါ။ ကော်ဖီထက် ဘယ်လောက်ပူတဲ့ကော်ဖီဆိုတာက ပိုပြီးအန္တရာယ်ရှိတယ်ဆိုတာ အခုပေါ်လာလို့ပါ။ ကော်ဖီကြောင့် ကင်ဆာဖြစ်နိုင်ခြေရှိတယ် လို့ ၁၉၉၁ ခုနှစ်မှာ WHO က ကြေညာထားဖူးပါတယ်။
VOA Burmese News

တိုင်းရင်းသား စည်းလုံးညီညွတ်ရေး ထိခိုက်မည်ဆိုသော အကြောင်းပြချက်ဖြင့် သီပေါစော်ဘွား စ၀်ကြာဆိုင် အကြောင်းကို အခြေခံ ရိုက်ကူးထားသည့် Twilight Over Burma ရုပ်ရှင်အား ပိတ်ပင်ခဲ့ခြင်းမှာ အဓိပ္ပာယ်မရှိသည့် ဆင်ခြေသာဖြစ်ကြောင်း သီပေါစော်ဘွား၏ တူတော်စပ်သူ ဦးခွန်ထွန်းဦးက ပြောသည်။

“တိုင်းရင်းသား စည်းလုံးညီညွတ်ရေးက ဒီရုပ်ရှင်ပြတာနဲ့ ဘယ်လို လုပ်ပျက်ပြားမလဲ ။ ဒီဟာကရိုက်တဲ့လူ ၊ ရေးတဲ့လူက ဘယ်လောက် ခံစားသွားရပြီလဲ။ ရေးသားတဲ့ မဟာဒေ၀ီ ၊ ကလေးနှစ်ယောက် ဘယ်လောက် ခံစားသွားရပြီလဲ။ အဲဒီဟာကို မစဉ်းစားဘဲ ဒါလေးပြရုံနဲ့ တိုင်းရင်းသား စည်းလုံးညီညွတ်ရေးပျက်ပြားတယ်ဆိုတာ ယုတ္တိမရှိဘူးလို့ ကျွန်တေ်ာ ပြောလိုတယ်” ဟု ရှမ်းတိုင်းရင်းသားများ ဒီမိုကရေစီအဖွဲ့ချုပ်၏ ဥက္ကဋ္ဌလည်းဖြစ်သူ ဦးခွန်ထွန်းဦးက ပြောသည်။

ရန်ကုန်မြို့တွင် ကျင်းပနေသည့် လူ့အခွင့်ရေး လူ့ဂုဏ်သိက္ခာ ရုပ်ရှင်ပွဲတော်တွင် အဆိုပါရုပ်ရှင်ဇာတ်ကားအား ပြသခွင့်ကို ဆင်ဆာအဖွဲ့က တားမြစ်ခဲ့ခြင်းဖြစ်ပြီး ယင်းသို့ တားမြစ်ရခြင်းမှာ ရုပ်ရှင်တွင်ပါဝင်သည့် အခန်းများမှာ တိုင်းရင်းသား စည်းလုံးညီညွတ်ရေး အပေါ် သက်ရောက်မှု ရှိလာနိုင်သောကြောင့် ပြသခွင့်မပြုရခြင်း ဖြစ်ကြောင်း ပြန်ကြားရေးဝန်ကြီးဌာနမှ ဒုတိယ အမြဲတမ်းအတွင်းဝန် ဦးမျိုးမြင့်မောင်က ရိုက်တာသို့ ပြောသည်ဟု ရိုက်တာသတင်းဌာနတွင် ဖော်ပြချက်အရ သိရသည်။

မြန်မာနိုင်ငံ ဆင်ဆာအဖွဲ့၌ တိကျသော သတ်မှတ်ချက်များ ရှိကြောင်းလည်း ပြန်ကြားရေးဝန်ကြီးဌာန တာဝန်ရှိသူက ပြောကြောင်း ရိုက်တာသတင်းတွင် ဖော်ပြထားသည်။

သီပေါစော်ဘွား စ၀်ကြာဆိုင်မှာ ထင်ရှားသည့် ပညာတတ် ရှမ်းစော်ဘွားတစ်ဦးဖြစ်ကာ တိုင်းရင်းသား အခွင့်ရေးအတွက် ဖက်ဒရယ် ဖွဲ့စည်းပုံ အခြေခံဥပဒေ ရေးဆွဲရေးအဖွဲ့၌ ဥက္ကဋ္ဌ အဖြစ် တာဝန်ယူခဲ့သူဖြစ်ပြီး ၁၉၆၂ ခုနစ် တပ်မတော်က အာဏာသိမ်းပြီးနောက် ဖမ်းဆီးခံရကာ ပျောက်ခြင်းမလှ ပျောက်သွားခဲ့သူဖြစ်သည်။

ဇနီးဖြစ်သူ မဟာဒေ၀ီမှာ သြစတြီးယား နိုင်ငံသူဖြစ်ပြီး အမေရိကန်နိုင်ငံတွင် ကျောင်းတက်နေစဉ် ဖူးစာဆုံခဲ့ကာ မြန်မာနိုင်ငံ ရှမ်းပြည်နယ်ဒေသတွင် လာရောက်နေထိုင်ခဲ့ကာ သမီးနှစ်ဦး ထွန်းကားခဲ့သည်။ Twilight Over Burma ၏ မူရင်းဝတ္ထုကို ဇနီးဖြစ်သူကပင် ရေးသားခဲ့ခြင်းဖြစ်ပြီး ရုပ်ရှင်ထဲတွင်လည်း စော်ဘွားနှင့် ၄င်းတို့နှစ်ဦး တွေ့ကြုံခဲ့ရသည့် အဖြစ်ပျက်များ ၊ စစ်အာဏာသိမ်းသည့် ပြကွက်များလည်း ပါဝင်သည်။

“အကြောင်းပြချက်ကတော့ သူတို့က တပ်မတော်ရဲ့ မကောင်းတဲ့ ပုံရိပ်ကို မပြစေချင်ဘူးလေ။ ဒါကို လူ့အခွင့်ရေးလို့ ခေါ်ရမလား” ဟု ရုပ်ရှင်ပြပွဲတာဝန်ရှိသူ မမွန်မွန်မြတ်က ပြောကြောင်းရိုက်တာ သတင်းတွင် ဖော်ပြထားသည်။

ရန်ကုန်မြို့တွင် ကျင်းပနေသည့် လူ့အခွင့်ရေး လူ့ဂုဏ်သိက္ခာ ပွဲတော်မှာ လူ့အခွင့်ရေးနှင့် ပတ်သက်သည့် ရုပ်ရှင်ပွဲတော် တစ်ခုဖြစ်ပြီး ယခုနှစ်တွင် စတုတ္တအကြိမ်မြောက်အဖြစ် ကျင်းပနေခြင်းဖြစ်သည်။
သြစတြီးယား ရုပ်ရှင်ဒါရိုက်တာက သြစတြီးယားမှ ရုပ်ရှင်မင်းသမီး ထိုင်းနိုင်ငံမှ သရုပ်ဆောင်မင်းသား တို့ကို အသုံးပြု၍ ရိုက်ကူးခဲ့သည့် Twilight over Burma ရုပ်ရှင်မှာ ဂျာမန်စကားပြောဖြင့် တင်ဆက်ထားခြင်းဖြစ်ပြီး ရှမ်းတိုင်းရင်းသား အများပြားနေထိုင်ရာ ထိုင်းနိုင်ငံမြောက်ပိုင်း ဒေသတွင် ရိုက်ကူးခဲ့ခြင်းဖြစ်သည်။

“လူ့အခွင့်ရေး လူ့ဂုဏ်သိက္ခာ ရုပ်ရှင်ပွဲတော်ကိုယ်တိုင် လူ့အခွင့်ရေး ချိုးဖောက်ခံလိုက်ရတယ်။ လူ့ဂုဏ်သိက္ခာ ထိပါးခံလိုက်ရတယ်။ ဒါဟာ မြန်မာနိုင်ငံရဲ့ ယနေ့ နိုင်ငံရေး အခြေနေပဲ” ဟု Twilight Over Burma ရုပ်ရှင်ပြသခွင့် မရမှုနှင့်ပတ်သက်၍ လူ့အခွင့်ရေး လှုပ်ရှားသူနှင့် နိုင်ငံရေးအကျဉ်းသား ဟောင်း တစ်ဦးဖြစ်သူ ကိုထွန်းမြင့်အောင်က ၄င်း၏ ဖေ့စ်ဘုတ် စာမျက်နှာတွင် ရေးသားထားသည်။

သမ္မတဦးသိန်းစိန် အစိုးရလက်ထက်တွင် အဆိုပါ Twilight Over Burma ၀တ္ထုမှာ မြန်မာဘာသာဖြင့် ဘာသာပြန်ဆို တရားဝင် ထုတ်ဝေမှုများရှိခဲ့ပါသည်။

photo - myo min soe's facebook
The Ladies News Journal

twilight-over-burma-620.jpg
လူ့အခွင့်အရေးနဲ့ လူ့ဂုဏ်သိက္ခာ ရုပ်ရှင်ပွဲတော်မှာ ပြသခွင့် ပိတ်ပင်ခံရတဲ့ Twilight Over Burma ရုပ်ရှင်ဇတ်ကားကို တွေ့ရစဉ်
.

လူ့အခွင့်အရေးနဲ့ လူ့ဂုဏ်သိက္ခာ ရုပ်ရှင်ပွဲတော်မှာ တင်သွင်းတဲ့ “Twilight Over Burma” ရုပ်ရှင်ကို ဆင်ဆာအဖွဲ့က ပိတ်ပင်ရခြင်းဟာ တိုင်းရင်းသား စည်းလုံးညီညွတ်ရေးကို ထိခိုက်စေနိုင်သောကြောင့်ဖြစ်တယ်လို့ ရုပ်ရှင်ဆင်ဆာအဖွဲ့က ပြောပါတယ်။

ဇွန်လ ၁၄ရက်နေ့က ရန်ကုန်မြို့ နေပြည်တော် ရုပ်ရှင်ရုံမှာကျင်းပတဲ့ စတုထ္ထအကြိမ်မြောက် လူ့အခွင့်အရေး လူ့ဂုဏ်သိက္ခာ ရုပ်ရှင်ပွဲတော်မှာ တင်သွင်းတဲ့ သီပေါစော်ဘွား စဝ်ကြာဆိုင်နဲ့ ဇနီး သြစတြီးယားနိုင်ငံသူတို့ အကြောင်း ရိုက်ကူးထားတဲ့ “Twilight Over Burma” ရုပ်ရှင်ကားကို ဆင်ဆာအဖွဲ့က ပြသခွင့်ပိတ်ပင်ခြင်းဟာ တိုင်းရင်းသား စည်းလုံးညီညွတ်ရေး ကိုထိခိုက်စေလို့ဖြစ်တယ်လို့ ပြန်ကြားရေးဝန်ကြီးဌာန လက်ထောက်အမြဲတမ်း အတွင်းဝန် ဦးမျိုးမြင့်မောင် က ရိုက်တာသတင်းဌာနကို ပြောပါတယ်။ ရုပ်ရှင်ပွဲတော်မှာ ပြသဖို့တင်သွင်းထားတဲ့ ရုပ်ရှင်ကား ၄၀ ကျော်ထဲက ဒီရုပ်ရှင်တစ်ကားထဲ အတားခံရတာဖြစ်ပါတယ်။

Twilight Over Burma ရုပ်ရှင်ဟာ ၁၉၆၄ ခုနှစ်က သီပေါစော်ဘွား စဝ်ကြာဆိုင်ကို စစ်တပ်ကဖမ်းသွား ပြီးနောက် ပျောက်ဆုံးသွားတဲ့အကြောင်း ရိုက်ကူးထားတဲ့ ရုပ်ရှင်ကားဖြစ်ပြီး သြစတြီးယားနိုင်ငံ ဒေါဖလင်က ရိုက်ကူးတင်ဆက်တဲ့ ရုပ်ရှင်ကားဖြစ်ပါတယ်။

ဒီရုပ်ရှင်ကားကိုကြည့်ရှုဖို့ ရုပ်ရှင်ပွဲတော်ကို သွားရောက်ခဲ့သူ NLD နာယက ဦးတင်ဦး ကို RFA ဦးတင်အောင်ခိုင် က ဆက်သွယ်မေးမြန်းထားပါတယ်။
RFA

 tinmyowin-21panglaong-620.jpg ၂၁ ၂၁ရာစု ပင်လုံညီလာခံ အကြိုပြင်ဆင်ရေးကော်မတီ ဥက္ကဋ္ဌ ဒေါက်တာ တင်မျိုးဝင်း ဦးဆောင်တဲ့အဖွဲ့ကို ဇွန်လ ၃ ရက်နေ့က ထိုင်းနိုင်ငံ ချင်းမိုင်မြို့မှာ တွေ့ရစဉ်
Photo: RFA

ပြည်ထောင်စု ငြိမ်းချမ်းရေးညီလာခံ အကြိုပြင်ဆင်ရေးကော်မတီ ဥက္ကဌ ဒေါက်တာ တင်မျိုးဝင်းရဲ့ ရုံးအဖွဲ့နဲ့NCA အပစ်ရပ်စာချုပ်ကို လက်မှတ်မရေး ထိုးကြရသေးတဲ့ တိုင်းရင်းသား လက်နက်ကိုင် ခေါင်းဆောင်တွေ ဇွန်လ ၂ဝ ရက်နေ့မှာ အလွတ်သဘောထပ်မံတွေ့ဆုံဆွေးနွေးဖို့အစိုးရဖက်က အကြောင်းကြားခဲ့ပေမယ့် အခုလာမယ့်အဖွဲ့မှာ ဆုံးဖြတ်ပေးနုိုင်သူတွေမပါဝင်တဲ့အတွက် တိုင်းရင်းသားတွေက ရက်ရွှေ့ဆိုင်းပေးဖို့ ပြန်လည်တောင်းဆို ထားတယ်လို့ သိရပါတယ်။

ထိုင်းနုိုင်ငံ ချင်းမိုင်မြို့မှာ တိုင်းရင်းသားတွေရဲ့ နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့ DPN ခေါင်း ဆောင်တွေနဲ့ ဒုတိယအကြိမ် ဆွေးနွေးဖို့ အစိုးရဖက်က ကော်မတီရဲ့ ရုံးအဖွဲ့ဝင် ဦးမိုးဇော်ဦး ခေါင်းဆောင်တဲ့အဖွဲ့ကိုပဲ စေလွတ်မယ်လို့ အကြောင်းကြားခဲ့ကြောင်း DPN အဖွဲ့ခေါင်းဆောင် ခူးဦးရယ် က ပြောပါတယ်။

"ဒေါက်တာ တင်မျိုးဝင်း တို့လာမယ်လို့တော့မဟုတ်ဘူး သူ့ရုံးအဖွဲ့ကလူတွေပဲ လာမယ်ဆိုတဲ့ သဘောပဲ ကျနော်တို့ကို စာရေးတာလေ ဒေါက်တာ တင်မျိုးဝင်း တို့ကတော့ တခြားခရီးစဉ်နဲ့ တိုက်ဆိုင်နေလို့ မလာနိုင်ဘူးဆိုတဲ့ သဘောပဲ ကိုယ်စားလှယ်လွဲပြီးလွတ်မယ်ဆိုတဲ့သဘော ဖြစ်တယ် ဆိုတော့ ၂၀ ရက်နေ့ တွေ့ဖို့ကမ်းလှမ်းပေးမယ့်လို့ ကျနော်တို့ဖက်က အချိန်မပေးနုိုင်ဘူး ဖြစ်တယ် နောက် သူတို့ကော်မတီကလည်း ဒေါက်တာ တင်မျိုးဝင်း တို့ဥက္ကဌ အတွင်းရေးမှူးတွေကလည်း တစ်ယောက်မှ မပါနုိုင်တော့ ကျနော်တို့ ရက်ပြန်စဉ်းစားပေးဖို့ ပြန်အကြောင်းပြန်လိုက်တယ်ပေါ့နော် လူစုံတဲ့အခါကြမှပဲ ကောင်းကောင်းမွန်မွန် ပြင်ဆင်ပြီး ပြန်လာဖို့ပဲ ကျနော်တို့ အကြံပြုထားပါတယ်။ ကျနော်တို့ဖက်ကတော့ ငြင်းတာတော့ မဟုတ်ဘူး သူတို့ဖက်က လူမစုံဘူး"

အခုလို ရက်ရွှေ့ဖို့ DPN ခေါင်းဆောင်တွေက ပြောကြားတာနဲ့ ပတ်သက်ပြီး မြန်မာအစိုးရ ဒုတိယပင်လုံညီလာခံပြင်ဆင်ရေးကော်မတီ အတွင်းရေးမှူး ဦးလှမောင်ရွှေကို ပြီးခဲ့တဲ့ နာရီပိုင်းက ဆက်သွယ်မေးမြန်းခဲ့ရာမှာ တစုံတရာဖြေဆိုရန် မရှိပါဖူးလို့ RFA ကိုပြောကြားပါတယ်။
RFA

 htinkyaw.jpg နိုင်ငံတော်ဘဏ္ဍာရေးကော်မရှင် အစည်းအဝေးကို ဇွန်လ ၁၅ ရက်နေ့က နေပြည်တော်ရှိ သမ္မတအိမ်တော်တွင် ကျင်းပနေစဉ်
Photo: Myanmar President Office/ Facebook

နိုင်ငံတော်သမ္မတ ဦးထင်ကျော်က ပြည်သူ့ဘဏ္ဍာငွေတွေကို ဘယ်နေရာမှာ ဘယ်လောက် သုံးနေသလဲဆိုတာ ပွင့်လင်းမြင်သာမှုရှိရှိ အသိပေးကြရန်လိုတယ် လို့ ပြောကြားလိုက်ပါတယ်။ သမ္မတအိမ်တော်မှာ ကျင်းပ တဲ့ နိုင်ငံတော်ဘဏ္ဍာရေးကော်မရှင် အစည်းအဝေးမှာ ဒီကနေ့ သူက အခုလို ပြောကြားခဲ့တာပါ။

သမ္မတ ဦးထင်ကျော်က ပညာရေး၊ ကျန်းမာရေး၊ လူမှုကာကွယ်စောင့်ရှောက်ရေး ကဏ္ဍတွေမှာ တိုးမြှင့်သုံးစွဲသွား မယ့်အပြင် ကျေးလက်ဒေသဖွံ့ဖြိုးရေး၊ လျှပ်စစ်မီးရရှိရေး၊ ဆင်းရဲနွမ်းပါးမှု လျှော့ချရေး၊ အခြေခံအဆောက်အဦးများ ဖွံ့ဖြိုးတိုးတက်ရေးစတာတွေအတွက် ဆောင်ရွက်သွားမှာ ဖြစ်ကြောင်း၊ ပြည်သူ လူထုက ရွေးချယ်ပေးလိုက်သည့် အစိုးရဖြစ်တဲ့အတွက် လူထုရဲ့ဘဏ္ဍာငွေကို အမှန်တကယ် အကျိုးရှိအောင် ဆောင်ရွက်ကြရမှာဖြစ်ကြောင်းပြော ကြားပါတယ်။

ဘဏ္ဍာရေးကော်မရှင် ဒုတိယဥက္ကဋ္ဌ၊ ဒုတိယသမ္မတ ဦးမြင့်ဆွေက ပြည်ထဲရေးဝန်ကြီးဌာန မြန်မာနိုင်ငံ ရဲတပ်ဖွဲ့ အတွက် မြန်မာ-ဘင်္ဂလားဒေ့ရှ် နယ်စပ် ခြံစည်းရိုး ကာရံခြင်းနဲ့ မြန်မာ-အိန္ဒိယ နယ်စပ်ခြံစည်းရိုး ကာရံခြင်းအတွက် ခွဲဝေပေးထားသည့် ငွေလုံးငွေရင်းအသုံးစရိတ် ကျပ် ၅ ဘီလီယံခွဲကို တစ်စုံတစ်ရာ ပြင်ဆင်ခြင်းမပြုဘဲ ရေးဆွဲ ထားကြောင်း တင်ပြခဲ့ပါတယ်။

ဘဏ္ဍာရေးကော်မရှင် ဒုတိယဥက္ကဋ္ဌ၊ ဒုတိယသမ္မတ ဦးဟင်နရီဗန်ထီးယူကတော့ ၂၀၁၆-၂၀၁၇ ဘဏ္ဍာရေးနှစ် အတွက် ပြည်ထောင်စုမှ တိုင်းဒေသ ကြီး/ ပြည်နယ်များသို့ ထောက်ပံ့ပေးရမည့် ငွေပမာဏ ကျပ် ၁၆၈၈ ဘီလီယံဖြစ်ကြောင်း တင်ပြပါတယ်။

နိုင်ငံတော်သမ္မတ ဦးထင်ကျော်က ၂ဝ၁၆ ခုနှစ်အတွက် ပြည်ထောင်စုဘဏ္ဍာငွေအရ အသုံးဆိုင်ရာ ပြင်ဆင်သည့် ဥပဒေကို ပြည်ထောင်စု လွှတ်တော်က အတည်ပြု ပြဋ္ဌာန်းပြီးရင် ရသုံးခန့်မှန်းခြေ ငွေစာရင်းစာစောင် (Citizen's Budget) ကို ပြည်သူတွေ လက်လှမ်းမီအောင် ထုတ်ဝေမယ်လို့ ပြောကြားခဲ့ပါတယ်။
RFA

အာရှဖွံ့ဖြိုးရေးဘဏ် ADB ဥက္ကဌ Takehiko Nakao
အာရှဖွံ့ဖြိုးရေးဘဏ် ADB ဥက္ကဌ Takehiko Nakao

အာရှဖွံ့ဖြိုးရေးဘဏ် ADB အနေနဲ့ မြန်မာနိုင်ငံရဲ့ အခြေခံအဆောက်အအုံတွေ တိုးတက်လာဖို့အတွက် နှစ်စဉ် ချေးငွေ အမေရိကန်ဒေါ်လာ သန်း ၃၅၀ အထိ ငါးနှစ်စီမံကိန်းနဲ့ ချေးငွေချပေးသွားမယ်လို့ ADB ဥက္ကဌ Takehiko Nakao က ပြောဆိုလိုက်ပါတယ်။ မြန်မာနိုင်ငံကိုရောက်ရှိနေတဲ့ ADB ဥက္ကဌဟာ နိုင်ငံတကာ ကူးသန်းရောင်းဝယ်ရေး လုပ်ကိုင်နိုင်ဖို့အတွက် အခြေခံအဆောက်အအုံတွေ တိုးတက်ဖို့လိုအပ်တာကြောင့် ဒီကဏ္ဍတွေမှာ ကူညီတာဖြစ်တယ် လို့လည်း ပြောပါတယ်။ သူ့ရဲ့ ခရီးစဉ်အပြီး သတင်းစာရှင်းလင်းပွဲကို ကိုယ်တိုင်သွားရောက် သတင်းယူခဲ့တဲ့ VOA သတင်းထောက် မသိင်္ဂီလင်းက ပြောပြပေးပါမယ်။

မြန်မာနိုင်ငံရဲ့ အခြေခံအဆောက်အအုံတွေ တိုးတက်လာဖို့အတွက် လာမယ့် ၂၀၁၇ ခုနှစ်ကနေစပြီးတော့ နှစ်စဉ် ချေးငွေ အမေရိကန်ဒေါ်လာ သန်း ၃၅၀ အထိ တိုးမြှင့် ချပေးသွားဖို့ရှိတယ်လို့ အာရှဖွံ့ဖြိုးရေးဘဏ် ADB ဥက္ကဌ Takehiko Nakao က ပြောဆိုလိုက်ပါတယ်။ ချေးငွေတွေကို စွမ်းအင်နဲ့ လမ်းပန်း ဆက်သွယ်ရေးကဏ္ဍတွေမှာ အဓိကထားပြီး အသုံးပြုမယ်လို့ အခုလို ပြောဆိုလိုက်ပါတယ်။

“၂၀၁၇ ခုနှစ်ကစပြီး ချေးငွေတွေ တိုးမြှင့်ချပေးသွားဖို့ တာဝန်ရှိသူတွေနဲ့လည်း ကျွန်တော်တို့ ပြောဆိုပြီးပါပြီ။ နှစ်စဉ်ချေးငွေ အမေရိကန်ဒေါ်လာ သန်း ၁၅၀ကနေ သန်း ၃၅၀ အထိ ငါးနှစ်ကြာ ထုတ်ချေးသွားမှာပါ။ ဒီချေးငွေတွေကို ကဏ္ဍတော်တော်များများမှာ အသုံးချသွားမှာပါ။ အဓိကအားဖြင့်တော့ အခြေခံအဆောက်အအုံတွေဖြစ်တဲ့ စွမ်းအင်နဲ့ လမ်းပန်းဆက်သွယ်ရေးကဏ္ဍတွေမှာ အသုံးပြုသွားပါမယ်။”

သူ့ရဲ့ ခရီးစဉ်အပြီး ဒီနေ့ ရန်ကုန်မြို့ Chatrium ဟိုတယ်မှာ သတင်းထောက်တွေ နဲ့ တွေ့ဆုံပြီးပြောဆိုခဲ့တာပါ။

ဒုတိယ ဦးစားပေးအနေနဲ့ အလယ်တန်းပညာအဆင့်နဲ့ အသက်မွေးဝမ်းကျောင်း ပညာသင်ကျောင်းတွေမှာ ကူညီထောက်ပံ့သွားမှာဖြစ်ပြီး စိုက်ပျိုးရေး နဲ့ ကျေးလက်ဒေသ ဖွံ့ဖြိုးရေးတွေမှာလည်း ခွဲဝေထောက်ပံ့သွားမယ်လို့ ဥက္ကဌ Nakao က ပြောပါတယ်။
ADB ဥက္ကဌ Nakao က ဒေါ်အောင်ဆန်းစုကြည်နဲ့တွေ့ဆုံ
ADB ဥက္ကဌ Nakao က ဒေါ်အောင်ဆန်းစုကြည်နဲ့တွေ့ဆုံ

မြန်မာနိုင်ငံအနေနဲ့ နိုင်ငံတကာကူးသန်းရောင်းဝယ်ရေးတွေ လုပ်ကိုင်ဖို့အတွက် အခြေခံအဆောက်အအုံ လိုအပ်ချက်တွေရှိနေသေးတာကြောင့် ADB အနေနဲ့ ဒီစီမံကိန်းနဲ့ ကူညီတာဖြစ်တယ်လို့လည်း ဥက္ကဌ Nakao က အခုလို ပြောပါတယ်။

“နိုင်ငံတကာကူးသန်းရောင်းဝယ်ရေးလုပ်ဖို့အတွက် ပြည်တွင်း၊ပြည်ပ စက်ရုံတွေ၊ ကုမ္ပဏီတွေ ရောက်လာပါလိမ့်မယ်။ စီးပွားရေးသမားတွေကတော့ မြန်မာနိုင်ငံမှာ ကူးသန်းရောင်းဝယ်လုပ်ချင်နေကြပေမယ့် စွမ်းအင်နဲ့ ဆက်သွယ်ရေးပိုင်းမှာ လိုအပ်ချက်တွေရှိနေပါသေးတယ်။ ဒါနဲ့ ပတ်သက်လို့ ကူညီထောက်ပံ့ဖို့ စီမံကိန်းတွေရှိပါတယ်။”

အတိုးနှုန်းသက်သက်သာသာနဲ့ ငွေကြေးအမြောက်အမြားကို ချေးငွေချပေးပေမယ့်လည်း မြန်မာနိုင်ငံမှာ အမြစ်တွယ်နေတဲ့ အကျင့်ပျက်ခြစားမှုကင်းအောင် စနစ်တကျဆောင်ရွက်မှာဖြစ်ပြီး လိုအပ်ရင် မြန်မာအစိုးရနဲ့ ပူးပေါင်းဆောင်ရွက်ဖို့ရှိတယ်လို့လည်း ဥက္ကဌ Nakao က ပြောပါတယ်။

“ဖြစ်နိုင်ခြေရှိတဲ့ အကျင့်ပျက်ခြစားမှုတွေကို သေချာစုံစမ်းစစ်ဆေးဖို့အတွက် တင်းကြပ်တဲ့ အကျင့်ပျက်ခြစားမှုတိုက်ဖျက်ရေးအဖွဲ့ရှိပါတယ်။ တချို့နိုင်ငံတွေမှာလည်း နိုင်ငံတကာက ကူညီထောက်ပံ့မှုတွေကို အလွဲသုံးစားမပြုလုပ်နိုင်အောင် တင်းတင်းကြပ်ကြပ် ချုပ်ကိုင်ကြသလို ကျွန်တော်တို့မှာလည်း အလွဲသုံးစားမှုကို ရှောင်ရှားနိုင်အောင် စနစ်တကျကာကွယ်ဖို့ နည်းလမ်းတွေရှိပါတယ်။ လက်ရှိ မြန်မာအစိုးရကလည်း အကျင့်ပျက်ခြစားမှုတိုက်ဖျက်ရေးကို ဆောင်ရွက်နေတယ်ဆိုတာလည်း သိရတော့ လိုအပ်ရင် ပူးပေါင်းပါဝင်ဖို့ အသင့်ပါပဲ။”
ADB ဥက္ကဌ Nakao နဲ့ သမ္မတဦးထင်ကျော် တွေ့ဆုံ
ADB ဥက္ကဌ Nakao နဲ့ သမ္မတဦးထင်ကျော် တွေ့ဆုံ

မြန်မာနိုင်ငံကို ၂ ရက်တာရောက်ရှိနေတဲ့ ADB ဥက္ကဌ Nakao ဟာ ဇွန်လ ၁၄ ရက်နေ့မှာတော့ သမ္မတဦးထင်ကျော်၊ နိုင်ငံတော် အတိုင်ပင်ခံ ပုဂ္ဂိုလ် နဲ့ နိုင်ငံခြားရေး ဝန်ကြီးဒေါ်အောင်ဆန်းစုကြည်တို့နဲ့ တွေ့ဆုံခဲ့တာပါ။ ဒါ့အပြင် သူ့ရဲ့ ခရီးစဉ်အတွင်း ရင်းနှီးမြှုပ်နှံမှုဆိုင်ရာ ကဏ္ဍတွေမှာ လိုအပ်တဲ့ ကူညီမှုတွေ ပေးနိုင်ဖို့ အတွက် စီမံကိန်းနဲ့ ဘဏ္ဍာရေးဝန်ကြီး ဦးကျော်ဝင်း၊ ဆောက်လုပ်ရေးဝန်ကြီး ဦးဝင်းခိုင်၊ လျှပ်စစ်နဲ့ စွမ်းအင်ဝန်ကြီး ဦးဖေဇင်ထွန်း၊ ပို့ဆောင်ဆက်သွယ်ရေးဝန်ကြီး ဦးသန့်ဇင်မောင်တို့နဲ့လည်း တွေ့ဆုံဆွေးနွေးခဲ့ပါတယ်။

 Twilight Over Burma: My Life as a Shan Princess (Human Rights Human Dignity International Film Festival)
Twilight Over Burma: My Life as a Shan Princess (Human Rights Human Dignity International Film Festival)

မြန်မာနိုင်ငံမှာ ကျင်းပနေတဲ့ လူ့အခွင့်အရေးနဲ့ လူ့ဂုဏ်သိက္ခာ ရုပ်ရှင်ပွဲတော်မှာ Twilight Over Burma မှတ်တမ်းတင် ဇာတ်ကားကို ပြသခွင့် ပိတ်ပင်လိုက်တာဟာ တည်ဆဲဥပဒေတွေနဲ့အညီ ဆောင်ရွက်ခဲ့တာသာ ဖြစ်တယ်လို့ ပြန်ကြားရေးဝန်ကြီးဌာနကပြောဆိုလိုက်ပါတယ်။ သီပေါစော်ဘွား စ၀်ကြာဆိုင်ရဲ့ မဟာဒေ၀ီ စ၀်သုစန္ဒီ ခေါ် Inge Sargent ကိုယ်တိုင်ရေးတဲ့ Twilight Over Burma: My life as a Shan Princess စာအုပ်ကို အခြေခံထားတဲ့ မှတ်တမ်းတင် ဇာတ်ကားကို နိုင်ငံတကာ ရုပ်ရှင်ပွဲတော်မှာ ပြသခွင့် ပိတ်ခံခဲ့ရတဲ့အတွက် ဝေဖန်သံတွေလည်း အကြီးအကျယ် ဆက်လက် ထွက်ပေါ်နေတာပါ။ အကြောင်းစုံကိုတော့ ဆက်သွယ်စုံစမ်းထားတဲ့ ကိုဥာဏ်ဝင်းအောင်က ပြောပြပေးမှာ ဖြစ်ပါတယ်။

မြန်မာနိုင်ငံ ရုပ်ရှင်ဆင်ဆာဘုတ်အဖွဲ့က ပိတ်ပင်လိုက်တယ်ဆိုတဲ့Twilight Over Burma ဇာတ်ကားဟာ ရှမ်းပြည် သီပေါစော်ဘွားရဲ့ မဟာ ဒေ၀ီဖြစ်ခဲ့တဲ့ သြစတီးယားအမျိုးသမီးရဲ့ ဘ၀ဇာတ်လမ်းကို ရိုက်ကူးထားတဲ့ ဇာတ်လမ်းဖြစ်ပြီး၊ အဲ့ဒီအချိန်တုန်းက ရှမ်းတိုင်းရင်းသူတွေအပေါ် မတရားပြုကျင့်တာတွေကို ဖော်ပြရာမှာ မြန်မာ့တပ်မတော်ရဲ့ ပုံရိပ်ကို ထိခိုက်စေတယ်ဆိုပြီး ပြသခွင့်ပိတ်ပင်ခံရတာလို့ သတင်းတွေထွက်ပေါ် လာတာကြောင့် လူမှုမီဒီယာတွေပေါ်မှာ ဝေဖန်မှုတွေ ကျယ်ကျယ်လောင်လောင် ထွက်ပေါ်လာတာပါ။ Twilight Over Burma ပြခွင့် အပိတ် ခံရတာဟာ ပြန်ကြားရေးဝန်ကြီးဌာန၊ ရုပ်ရှင်အစည်းအရုံးနဲ့ အခြားဌာနပေါင်းစုံပါဝင်တဲ့ ဆင်ဆာဘုတ်အဖွဲ့က တည်ဆဲဥပဒေနဲ့အညီ လုပ်ခဲ့ တာသာဖြစ်တယ်လို့ ပြန်ကြားရေးဝန်ကြီးဌာန အမြဲတန်းအတွင်းဝန် ဦးတင့်ဆွေက VOA ကိုရှင်းပြပါတယ်။

“အဓိကတော့ ကျနော်တို့ပြောရင်တော့ အမျိုးသားရင်ကြားစေ့ရေးနဲ့ ပြည်တွင်း ငြိမ်းချမ်းရေးစသဖြင့် ဒီဟာတွေပေါ်မှာ သွားပြီးတော့ ထိခိုက်နိုင်တဲ့အချက်တွေလည်း ဒီကားပြကွက်တွေထဲမှာ ပါတဲ့အတွက်ကြောင့် ပြသရန်မသင့်ဆိုတဲ့ မှတ်ချက်နဲ့ ဒါကိုတော့ ပြသခွင့်မပြုသင့်ပါဘူးဆိုပြီးတော့ သူတို့ကတော့ ဆုံးဖြတ်ပြီးတော့ ကျနော်တို့ ပြန်ကြားရေးဝန်ကြီးဌာနကနေပြီးတော့ သာမန်အားဖြင့် ကျနော်တို့အနေနဲ့ကတော့ ဘယ်ကားပြပါ၊ ဘယ်ကား မပြပါနဲ့ဆိုတာကို ကျနော်တို့ ပြန်ကြားရေးဝန်ကြီးဌာန အနေနဲ့ ဘာကိုမှ ဆုံးဖြတ်ခြင်းမရှိပါဘူး။ ခုနကျနော် ခုနက တင်ပြတဲ့ ဘုတ်ကပဲ ဒါကိုယ့်ဟာကိုယ်ကြည့်ပြီးတော့ ပြသင့်တယ်၊ မပြသင့်ဘူးဆိုတာ ဆောင်ရွက်နေတာဖြစ်ပါတယ်။ အဲဒီတော့ အခုလည်း ဒီ ရုပ်ရှင်သည် ပြသဖို့ မသင့်ပါဘူးဆိုပြီးတော့ ဘုတ် က ဆုံးဖြတ်ထားတာကို ကျနော်တို့ သိရပါတယ်။”

ဒီမှတ်တမ်းရုပ်ရှင်ဟာ သီပေါစောဘွား စ၀်ကြာဆိုင်ရဲ့ မဟာဒေ၀ီ စ၀်သုစန္ဒီ ခေါ် Inge Sargent ကိုယ်တိုင်ရေးတဲ့ Twilight Over Burma: My life as a Shan Princess စာအုပ်ကို အခြေခံထားတဲ့ မှတ်တမ်းရုပ်ရှင်ဖြစ်ပြီး ရှမ်းပြည်နယ်က လူ့အခွင့်အရေး ချိုးဖောက်ခံရမှုတွေကိုလဲ ထည့်သွင်းရိုက်ကူးထားတာပါ။ ဒီရုပ်ရှင်ပွဲတော်မှာ အဖွင့်အမှာစကားပြောခဲ့တဲ့ တချိန်က တပ်မတော်ကာကွယ်ရေးဦးစီးချုပ်ဖြစ်ခဲ့သူ NLD နာယက ဦးတင်ဦးဟာဆိုရင်လည်း ဒီမှတ်တမ်းရုပ်ရှင်ကို ကြည့်ခွင့်ရဖို့ အားခဲထားတဲ့အကြောင်း ရုပ်ရှင်ပွဲတော် အဖွင့်မိန့်ခွန်းမှာ ထည့်သွင်း ပြောဆိုသွားပါတယ်။

“Twilight Over Burma ဆိုတဲ့ အင်မတန်မှာ ကြေကွဲစရာ လူ့အခွင့်အရေးဆုံးရှုံးနစ်နာပြီး လူသား ၁ ယောက်အနေနဲ့ မဖြစ်သင့် မဖြစ်ထိုက်တာကို ခံရတဲ့အပေါ်မှာ ဘယ်လိုပြသသွားမယ်။ ဘယ်လိုဖြစ်ပြီးတော့ လာခဲ့တယ်ဆိုတာကို အင်မတန်မှ ကျနော် စိတ်ပါဝင်စားမှုရှိပါတယ်။”

Twilight Over Burma ဇာတ်လမ်း ပြသခွင့်ရဖို့ ပြန်လည်စိစစ်ပေးပါရန် ရုပ်ရှင်ပွဲကျင်းပရေးအဖွဲ့က ပြန်ကြားရေးဝန်ကြီးကို ပြန်လည်လျှောက် ထားခဲ့ပြီး ရုပ်ရှင်ဆင်ဆာဘုတ်အဖွဲ့က ဒုတိယတကြိမ် ပြန်လည်ကြည့်ရှု စိစစ်ရာမှာလည်း ပြသရန်မသင့်ဘူးလို့သာ ဆုံးဖြတ်ခဲ့ပါတယ်။ NLD အစိုးရလက်ထက် စာပေ ဂီတ ရုပ်ရှင်လောကမှာ လွတ်လပ်စွာဖန်တီးခွင့်တွေ ရလာမယ်လို့ မျှော်လင့်ထားကြပေမယ့်လည်း လက်ရှိ တိုင်းပြည်ရဲ့ အခြေအနေအရအလားတူကန့်သတ်မှုမျိုးတွေ ဆက်ရှိနေနိုင်သေးတယ်လို့ ပြန်ကြားရေးဝန်ကြီးဌာန အမြဲတန်း အတွင်းဝန် ဦးတင့်ဆွေက ပြောပါတယ်။

“ဥပဒေအရ ဖွဲ့ထားတဲ့ ဆင်ဆာအဖွဲ့အနေနဲ့ကတော့ ဘယ်ခေတ် ဘယ်အခါမှာပဲဖြစ်ဖြစ် တကယ်မသင့်ဘူးလို့ပြောတဲ့ကားမျိုးကိုတော့ သူ့ criteria နဲ့ မညီရင်တော့ ပိတ်တာကတော့ ပြသခွင့်မပြုတာတွေကတော့ ရှိမယ်လို့ ကျနော်ထင်တယ်ခင်ဗျ။ ကျနော်တို့ဆီမှာတင် မဟုတ်ပါဘူး ဆင်ဆာဘုတ်ကတော့ ဒီရုပ်ရှင်နဲ့ပတ်သက်တာကတော့ နိုင်ငံတော်တော်များများမှာရှိပါတယ်။ သွားနေတဲ့ပုံစံတွေကတော့ အများကြီးပေါ့လေ မတူနိုင်တာတွေ၊ တူနိုင်တာတွေ။”
လူ့အခွင့်အရေးနဲ့ လူ့ဂုဏ်သိက္ခာ ရုပ်ရှင်ပွဲတော် ရုပ်ရှင်ရုံရှေ့
လူ့အခွင့်အရေးနဲ့ လူ့ဂုဏ်သိက္ခာ ရုပ်ရှင်ပွဲတော် ရုပ်ရှင်ရုံရှေ့

ဒီ နိုင်ငံတကာ ရုပ်ရှင်ပွဲတော်မှာ လူ့အခွင့်အရေးနဲ့ လူ့ဂုဏ်သိက္ခာကို အပီပြင်ဆုံး ဖော်ကျူး နိုင်တဲ့ ရုပ်ရှင်ကို ရွေးချယ်ဆုပေး တဲ့အခါ ဒေါ်အောင်ဆန်းစုကြည်ဆု၊ မင်းကိုနိုင်ဆု၊ ဟံသာဝတီ ဦးဝင်းတင်ဆု တွေအပြင် ဆု (၉) ခုကို ချီးမြှင့် သွားမှာ ဖြစ်ပါတယ်။ ဒီနှစ်အတွက် ထူးခြားတာကတော့ ဗွီအိုအေ အမေရိကန်အသံအနေနဲ့ ရွေးချယ်ချီးမြှင့်မယ့် VOA ဆု ပါဝင်လာပါတယ်။ Twilight Over Burma ရုပ်ရှင် ပြသခွင့်အပိတ်ခံရ တာနဲ့ပတ်သက်လို့ ဒီ ရုပ်ရှင်ပွဲကို ကိုယ်တိုင်တက်ရောက်နေတဲ့ ဗွီအိုအေမြန်မာပိုင်း ဌာနမှူး ဦးသန်းလွင်ထွန်းက အခုလို မှတ်ချက်ပေးပါတယ်။

“ဒီဇာတ်လမ်း ထဲမှာပါတဲ့ အသေးစိတ်အချက်အလက်လေးတွေက မှန်တယ် မမှန်ဘူးဆိုတာတွေဟာ တကယ်လို့ မမှန်ခဲ့ဘူးဆိုရင်လည်း ဒါဟာ မမှန်ကန်ပါဘူးဆိုတဲ့ သက်သေအထောက်အထားတွေ တချိန်ချိန်မှာ ထွက်လာမယ်ပေါ့နော် ။ အဲဒီတော့ အဓိကအကြောင်းအရင်းက ဒီဖြစ်ရပ်မျိုး တကယ်ဖြစ်ခဲ့တယ်ဆိုရင် အားလုံးလူတွေသိရှိပြီးတော့ အပြန်အလှန်ငြင်းဆိုမှုတွေ ၊ တဘက်ကနေပြီးတော့ အကျိုးအကြောင်းပြ ငြင်းဆိုမှုတွေ ထွက်လာတယ်ဆိုရင် ဒါမျိုးလေးတွေထွက်လာတယ်ဆိုရင်တော့ အားလုံးရဲ့ ကိုယ်ပိုင် ဆုံးဖြတ်ချက်ကလေးတွေ လုပ်နိုင်တာပေါ့။ ဒါဟာ နှစ်ပေါင်းအတော်ကြာ တုန်းက ဖြစ်ခဲ့တဲ့ကိစ္စလေ။ ဒီကိစ္စကြောင့် အခုလက်ရှိတပ်မတော်ရဲ့ ဂုဏ်သိက္ခာ ညှိးနွမ်းစေရမယ်ဆိုရင်တော့ မဟုတ်ဘူးပေါ့။ တကယ်တမ်းဆိုရင် တပ်မတော်အနေနဲ့ တချိန်တုန်းကဖြစ်ခဲ့တဲ့ကိစ္စ အခုလက်ရှိ ငါတို့လုပ်နေတဲ့ တပ်မတော်ဟာ ဒီလိုအခြေအနေမျိုးတွေမဖြစ်စေရဘူးဆိုတဲ့ ပုံစံမျိုးနဲ့ချဉ်းကပ်မယ်ဆိုရင်လည်း ဒါမှန်ကန်တဲ့ ချဉ်းကပ်မှုဖြစ်မှာပဲလေ။”

UDHR ခေါ်တဲ့ အပြည်ပြည်ဆိုင်ရာ လူ့အခွင့်အရေးကြေညာစာတမ်းပါ အခြေခံလူ့အခွင့်အရေးတွေကို မှတ်တမ်းတင်တဲ့ ရုပ်ရှင်ကားတွေကနေ အများပြည်သူ နားလည်သိရှိလာအောင် ရုပ်ရှင်အတတ်ပညာကတဆင့် ဖော်ပြတဲ့ ဒီရုပ်ရှင်ပွဲတော်ကို စတုတ္တအကြိမ်မြောက် ကျင်းပနေတာ ဖြစ်ပါတယ်။

VOA Burmese News


ပန်ဆိုင်းညီလာခံ (မေ ၂၀၁၅)
ပန်ဆိုင်းညီလာခံ (မေ ၂၀၁၅)

၂၁ရာစုပင်လုံညီလာခံမှာ ပါဝင်ရေးအတွက် ညီလာခံ အကြိုပြင်ဆင်ရေးကော်မတီ ဥက္ကဌ ဒေါက်တာတင်မျိုးဝင်းနဲ့အဖွဲ့ဟာ လာမယ့် သောကြာနေ့မှာ ၀၊ မိုင်းလား စတဲ့လက်နက်ကိုင်အဖွဲ့က ခေါင်းဆောင်တွေနဲ့ ရှမ်းပြည်နယ်အရှေ့ပိုင်း မိုင်းလားမြို့မှာ တွေ့ဆုံဆွေးနွေးဖို့ ရှိနေပါတယ်။ ၀၊ မိုင်းလားအဖွဲ့တွေဖက်ကတော့ ၂၁ရာစုပင်လုံညီလာခံကို ကြိုဆိုထားပြီး ပါဝင်တက်ရောက်ရေး ကိုတော့ တွေ့ဆုံပွဲအပြီးမှသာ ဆုံးဖြတ်နိုင်မယ်လို့ ပြောပါတယ်။ ဒီသတင်းကိုတော့ ဗီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

ပြည်ထောင်စု ငြိမ်းချမ်းရေးညီလာခံ - ၂၁ရာစုပင်လုံ အကြိုပြင်ဆင်ရေးဆပ်ကော်မတီ ၂ ဟာ တနိုင်ငံလုံးပစ်ခတ်တိုက်ခိုက်မှု ရပ်စဲရေးသဘောတူစာချုပ် NCA ကို လက်မှတ်မရေးထိုးသေးတဲ့ တိုင်းရင်းသားလက်နက်ကိုင်အဖွဲ့တွေနဲ့ ဒီလဆန်းပိုင်းတည်းက စတင်ပြီး တွေ့ဆုံဆွေးနွေးရာမှာ ဒီရက်ပိုင်းအတွင်းမှာတော့ ၀၊ မိုင်းလား စတဲ့အဖွဲ့တွေနဲ့ ဆွေးနွေးဖို့ ရှိနေပါတယ်။

၂၁ရာစုပင်လုံ အကြိုပြင်ဆင်ရေးဆပ်ကော်မတီ ၂နဲ့ တွေ့ဆုံမယ်အစီအစဉ်ကို မိုင်းလားအဖွဲ့လို့ လူသိများတဲ့ အမျိုးသားဒီမိုကရေစီသွေးစည်း ညီညွတ်ရေးတပ်မတော် NDAA ရဲ့ အတွင်းရေးမှုး ဦးကြည်မြင့်က အခုလို ပြောပါတယ်။

“ကျနော်တို့ ၁၇ ရက်နေ့ မိုင်းလားမှာတွေ့ဆုံမယ်။ ၀ အဖွဲ့နဲ့ ကျနော်တို့ မိုင်းလား အဖွဲ့ တို့ မိုင်းလားမှာတွေ့ဆုံမယ်။ အဓိကတော့ ၂၁ရာစုပင်လုံညီလာခံ ပါဝင် ဖို့ အဲဒါလာပြီးတော့မှ တွေ့ဆုံဖိတ်ခေါ်တာပါ။”

၂၁ရာစုပင်လုံညီလာခံ ကျင်းပတာနဲ့ ပတ်သက်ပြီး ကြိုဆိုကြောင်း ဦးကြည်မြင့်က ပြောဆိုပြီး ညီလာခံမှာ ပါဝင် တက်မတက် ဆိုတာတော့ ဆွေးနွေးပွဲပြီးမှ ဆုံးဖြတ်နိုင်မယ်လို့ ဆက်ပြောပါတယ်။

“ကျနော်တို့ ကြိုဆိုပါတယ် ။ နောက်ဆုံးမှာ ဘယ်လိုဖြစ်မယ်ဆိုတာ အစည်းအဝေးပြီးမှပဲ သိမယ်။ ဒီကိစ္စနဲ့ ပတ်သက်ပြီးတော့ အစည်းအဝေးပြီးမှပဲ ကျနော်တို့ပြောနိုင်တယ်။ အခု မဆွေးနွေးခင် ကျနော်တို့ ဘာမှမပြောနိုင်ဘူး။”

ပြည်ထောင်စု ငြိမ်းချမ်းရေးညီလာခံ - ၂၁ရာစုပင်လုံ အကြိုပြင်ဆင်ရေးကော်မတီရဲ့ အတွင်းရေးမှုး ဦးလှမောင်ရွှေကတော့ ဇွန်လ ၁၇ရက်ဒါမှမဟုတ် ၁၈ရက်နေ့မှာ ၀၊ မိုင်းလား ခေါင်းဆောင်တွေနဲ့ ကျိုင်းတုံ ဒါမှမဟုတ် မိုင်းလားမှာ တွေ့ဆုံဖုိ့စီစဉ်ထားကြောင်း၊ တွေ့ဆုံမယ့် ဒေသရဲ့ ရာသီဥတုအပေါ်မူတည်မှာဖြစ်ကြောင်း ပြောဆိုထားတာကို ဒီနေ့ထုတ် အစိုးရပိုင် သတင်းစာတွေမှာ ဖော်ပြထားပါတယ်။

ညီလာခံ အကြိုပြင်ဆင်ရေးဆပ်ကော်မတီ ၂ဟာ ဒီလ ၃ရက်နေ့က ထိုင်းနိုင်ငံချင်းမိုင်မြို့မှာ NCA ကို လက်မှတ်မရေးထိုးသေးတဲ့ တိုင်းရင်းသားလက်နက်ကိုင်အဖွဲ့ ၉ဖွဲ့ ပါဝင်ဖွဲ့စည်းထားတဲ့ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC နဲ့ ပထမအကြိမ် တွေ့ဆုံဆွေးနွေးခဲ့သလို ဒီလ တတိယပတ်မှာ ဒုတိယအကြိမ်ထပ်မံဆွေးနွေးဖို့ရှိနေပါတယ်။

ဒုဗိုလ်ချုပ်ကြီး ရာပြည့်ဦးဆောင်တဲ့ ညီလာခံ အကြိုပြင်ဆင်ရေးဆပ်ကော်မတီ ၁ကတော့ NCA လက်မှတ်ရေးထိုးထားတဲ့ တိုင်းရင်းသားလက်နက်ကိုင်အဖွဲ့ ၈ဖွဲ့နဲ့တွေ့ဆုံဆွေးနွေးရေးကို တာဝန်ယူထားပြီး ဒီလ ၉ရက်ကနေ ၁၂နေ့အထိ နိုင်ငံရေးဆိုင်ရာမူဘောင်ပြင်ဆင်ရေးကို ရန်ကုန်မြို့မှာ ဆွေးနွေးခဲ့ပါတယ်။

ပြည်ထောင်စု ငြိမ်းချမ်းရေးညီလာခံ - ၂၁ရာစုပင်လုံကိုတော့ လာမယ့် ဇူလိုင်လအတွင်းမှာ ကျင်းပဖို့ ရည်ရွယ်ထားတာလည်း ဖြစ်ပါတယ်။
VOA Burmese News


နေပြည်တော် ဇွန် ၁၅

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် မွန်ဂိုလီးယားနိုင်ငံ သမ္မတ H. E. Mr. ELBEGDORJ Tsakhia နှင့် ယနေ့ မွန်းလွဲ ၂ နာရီခွဲတွင် နိုင်ငံတော်သမ္မတအိမ်တော် သံတမန်ဆောင် ဧည့်ခန်းမ၌ တွေ့ဆုံသည်။

တွေ့ဆုံစဉ် -

❖ ဒီမိုကရေစီ အသွင်ကူးပြောင်းရေးနှင့် တရားဥပဒေစိုးမိုရေး လုပ်ငန်းများ၊

❖ မြန်မာနိုင်ငံ၏ အမျိုးသား ပြန်လည် သင့်မြတ်ရေးနှင့် ငြိမ်းချမ်းရေးဆောင်ရွက်နေမှုလုပ်ငန်းစဉ်များ၊

❖ သယံဇာတနှင့် သဘာဝ အရင်းအမြစ်များ ထိန်းသိမ်းရေးကဏ္ဍ၊

❖ သတ္တုကဏ္ဍ၊

❖ ရှေးဟောင်း ယဉ်ကျေးမှုအမွေအနှစ် ထိန်းသိမ်းရေးကဏ္ဍ၊

❖ လျှပ်စစ်စွမ်းအင်ကဏ္ဍ၊

❖ ဒီမိုကရေစီ အစဉ်အလာကောင်းနှင့် တာဝန်သိ တာဝန်ကျေပွန်သော မီဒီယာများ၏ အခန်းကဏ္ဍ

တို့နှင့် စပ်လျဉ်း၍ အမြင်ချင်း ဖလှယ်ကာ ပူးပေါင်းဆောင်ရွက်မှု တိုးမြှင့်နိုင်ရေးအတွက် ရင်းနှီးပွင့်လင်းစွာ ဆွေးနွေးခဲ့ကြသည်။

ထို့ပြင် မွန်ဂိုလီးယားသမ္မတကလည်း မွန်ဂိုလီးယားနိုင်ငံ၏ ဧည့်သည်တော်အဖြစ် လာရောက်ခဲ့ပြီးနောက် ရွေးကောက်ပွဲ အောင်မြင်ပြီးသည့် လက်ရှိအချိန်တွင် နိုင်ငံတော်၏အတိုင်ပင်ခံအဖြစ် မွန်ဂိုလီးယားနိုင်ငံသို့ ချစ်ကြည်ရေးခရီး လာရောက်လည်ပတ်နိုင်ပါရန်နှင့် မွန်ဂိုလီးယားနိုင်ငံတွင် ကျင်းပမည့် (၁၁) ကြိမ်မြောက် အာရှ-ဥရောပ အစည်းအဝေးသို့ တက်ရောက်နိုင်ရန် ထပ်မံဖိတ်ကြားခဲ့သည်။

အဆိုပါတွေ့ဆုံပွဲသို့ ပြည်ထောင်စုဝန်ကြီး ဦးကျော်တင့်ဆွေ၊ ဒေါက်တာဖေမြင့်၊ သူရ ဦးအောင်ကို၊ ဦးအုန်းဝင်း၊ ဦးကျော်ဝင်းနှင့် တာဝန်ရှိသူများ တက်ရောက်ကြပြီး မွန်ဂိုလီးယားနိုင်ငံသမ္မတ ဦးဆောင်သည့် ကိုယ်စားလှယ်အဖွဲ့နှင့်အတူ မြန်မာနိုင်ငံဆိုင်ရာ မွန်ဂိုလီးယားနိုင်ငံ သံအမတ်ကြီးလည်း တက်ရောက်သည်။

Myanmar State Counsellor Office
https://www.facebook.com/state.counsellor/



ဇွန် ၁၅ရက်၊ ၂၀၁၆ခုနှစ်။ ကေအိုင်စီ

ကရင်ပြည်နယ် လှိုင်းဘွဲမြို့နယ် မဲ့သဝေါနယ်မြေတွင်း ဒေသခံရွာသားများ၏ စားနပ်ရိက္ခာသယ်ယူမှုများကို ဟန့်တားစစ်ဆေးခြင်း မလုပ်ရန် ကလူးထော၊ မဲ့ပရူနှင့် သကွီးကလားကျေးရွာအုပ်စုရှိ ကျေးရွာပေါင်း ၃၀ ကျော်မှ ဒေသခံများ စုပေါင်း၍ အစိုးရတပ်မတော်နှင့် နယ်ခြားစောင့်တပ် (BGF)တို့အား ဇွန် ၁၄ရက်နေ့က လမ်းလျှောက်ဆန္ဒထုတ်ဖော်ခဲ့သည်။

အစိုးရတပ်မတော် တပ်မ(၄၄) လက်အောက်ခံ လှုပ်ရှားတပ်ဖွဲ့နှင့် BGF (၁၀၁၂) တပ်ရင်းမှ တပ်ဖွဲ့ဝင်တို့သည် ဒေသခံများ၏ အခြေခံ စာသုံးကုန်များဖြစ်သည့် ဆန်၊ ဆီ၊ ဆားစသည့် စားနပ်ရိက္ခာများသယ်ယူရာ၌ စစ်ဆေး ရေးဂိတ်များတွင် ယခင်နှစ်မှစ၍ ယခုအချိန်ထိ နှောက်ယှက်ဟန့်တားမှုများလုပ်ဆောင်ခဲ့မှုအပေါ် ယခုလို ဆန္ဒထုတ်ဖော်ရခြင်းဖြစ်ကြောင်း ထိုဆန္ဒထုတ်ဖော်မှုတွင် ပါဝင်သူဒေသခံတစ်ဦးက ယခုလို ပြောသည်။

“တောင်းဆို ဆန္ဒပြတာနဲ့ပတ်သက်ပြီးတော့ ယောပိုကျေးရွာမှာ BGF နဲ့ တွေ့တဲ့အခါ BGFကနေ ရွာသားတွေ အနေနဲ့ ဆန်သယ်မယ်ဆိုရင် BGF က ဗိုလ်မှူးကျော်ထူးကို အသိပေးပြီးမှ သယ်လို့ရမယ်ပေါ့နော်။ သယ်တဲ့ အခါမှာလည်း သတ်မှတ်တဲ့ပမာဏနဲ့ပဲ သယ်လို့ရမယ်။ ဒါပေမဲ့ ရွာသူရွာသားတွေဘက်ကတော့ ဒါကို လက်မခံကြလို့ ဆန္ဒထုတ်ဖော်ကြတာ ဖြစ်ပါတယ်”ဟု ၎င်းက ကေအိုင်စီသို့ ပြောသည်။

ထို့အပြင် BGFမှ ဗိုလ်မှူးကျော်ထူးက အဆိုပါ တားဆီးစစ်ဆေးရခြင်းမှာ အထက်က တာဝန်ရှိသူများ၏ ညွှန်ကြားမှုအရ လုပ်ဆောင်ရခြင်းဖြစ်သည့်အတွက် ဒေသခံများ၏ တောင်းဆိုချက်အပေါ် လိုက်လျောပေး နိုင်ခြင်းမရှိကြောင်း၊ နားလည်မှုဖြင့်သာ လုပ်ဆောင်ပေးလို့ရမည်ဟု ပြောဆိုခဲ့ကြောင်း ၎င်းဒေသခံက ဆက်ပြောသည်။

ဒေသခံရွာသား ၂၀၀ခန့် ပါဝင်သော ထိုဆန္ဒပြမှုတွင် နံနက် (၉)နာရီမှစကာ နံနက် ၁၀နာရီအထိ ‘မဲ့သဝေါလမ်း စားသုံးကုန်ပစ္စည်း သယ်ဆောင်ခွင့် ပိတ်ပင်ခြင်း အလိုမရှိ’ကြွေးကြော်သံဖြင့် ဆန္ဒထုတ်ဖော်ခဲ့ကြပြီး ဆန္ဒပြပွဲသို့ နယ်မြေခံရဲတပ်ဖွဲ့တို့မှ မှတ်တမ်းဓာတ်ပုံများ လာရောက်ရိုက်ယူမှုများရှိခဲ့သော်လည်း တည်ငြိမ်အေးချမ်းစွာဖြင့် ပြီးဆုံးခဲ့သည်ဟု ဒေသခံမျက်မြင်သက်သေများက ဆိုသည်။

၎င်းဆန္ဒပြမှုသည် အဖွဲ့အစည်းတစ်ခု၏ ဖိအားပေးမှုကြောင့် ဆန္ဒပြခြင်းဖြစ်သည်ဟု BGF ဘက်မှ ပြောဆိုထားပြီး ဒေသခံများဘက်မှ မည်သည့်အဖွဲ့အစည်းမှ ဖိအားပေးခြင်းမဟုတ်ဘဲ မိမိဆန္ဒအလျောက် ဆန္ဒထုတ်ဖော်ခြင်းသာဖြစ်ကြောင်း ပြန်လည်တုံ့ပြန်ပြောဆိုခဲ့သည်ဟု သိရသည်။

အစိုးရတပ်မတော်အနေဖြင့် ယခုလို စားနပ်ရိက္ခာ သယ်ယူမှုကို ဟန့်တားစစ်ဆေးသည်မှာ မဲ့သဝေါဂွင်အတွင်း အခြေစိုက်သည့် တိုးတက်သော ဗုဒ္ဓဘာသာ ကရင်အမျိုးသားတပ်မတော်-DKBA အဖွဲ့အား ပစ်မှတ်ထားခြင်း ဖြစ်ကြောင်း၊ သို့သော်ဒေသခံလူထုများအတွက်သာ နစ်နာကြောင်း နယ်မြေခံ DKBAတပ်မှူးတစ်ဦးက ကေအိုင်စီသို့ ပြောသည်။

အဆိုပါ ဆန္ဒထုတ်ဖော်မှု ဖြစ်ပွားသည့် ကျေးရွာအုပ်စု သုံးစုတွင် အစိုးရတပ်မတော်၊ နယ်ခြားစောင့်တပ်၊ DKBA နှင့် ကရင်အမျိုးသားလွတ်မြောက်ရေးတပ်မတော် (KNLA) တပ်ဖွဲ့ဝင်များ ရောနှောလှုပ်ရှားသော နယ်မြေ ဖြစ်သည်။

 ကေအိုင်စီ
http://kicnews.org