06/19/16

ဇွန်လ ၁၉ ရက်နေ့တွင် ကျရောက်သော နိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်၏(၇၁)နှစ်ပြည့်မွေးနေ့အထိမ်းအမှတ်အနေဖြင့်ရန်ကုန်မြို့၊ဗိုလ်ချုပ်အောင်ဆန်းပန်းခြံအတွင်းတွင်ပုလဲအားကစားအဖွဲ့မှပန်းခြံအတွင်းနံနက်ပိုင်းအားကစားလာလုပ်သူများအားမုန့်ဟင်းခါးနှင့်မုန့်များ၊စတုဒီသာအလှူကျွေးမွေးလျက်ရှိသည်။
ထို့အပြင်ကျန်းမာရေးစောင့်ရှောက်မှုအနေဖြင့်ဆီးချိုသွေးချိုဆေးစစ်မှုကိုပါအဆိုပါအဖွဲ့မှအခမဲ့ဆောင်ရွက်ပေးလျက်ရှိနေသည်။

ပုလဲအားကစားအဖွဲ့မှ အကျိုးဆောင် ဦးရှိန်ဝင်းက 'ဒီနေ့ကတော့ အမေဒေါ်အောင်ဆန်းစုကြည်ရဲ့ မွေးနေ့အထိမ်းအမှတ်အနေနဲ့လုပ်ကြတာပေါ့။ပန်းခြံအတွင်းရောက်လာသူတွေကို အစားအစာနဲ့ဧည့်ခံတယ်။ဒီအလှူလုပ်တဲ့အထဲမှာက အဖွဲ့ငယ်လေးတွေတော့ အများကြီးပါတာပေါ့လေ။ဒါပေမဲ့ အားလုံးပေါင်းစုပြီး ပုလဲကျန်းမာရေးအဖွဲ့ဆိုပြီး လုပ်တာပါဒါက။ဒီမှာ ဆီးချိုသွေးချိုရောဂါရှိမရှိ အခမဲ့စမ်းလို့ရတယ်။နံနက်ခင်းတစ်ပိုင်းလုံး ကျွေးမွေးသွားမှာပါ ''ဟု၎င်းကပြောသည်။

''ကျွန်တော်တို့က ဂုဏ်ပြုထိုက်တဲ့သူကိုဂုဏ်ပြုတာပါ။မြန်မာနိုင်ငံရဲ့နေရာအသီးသီးမှာလည်း အဖွဲ့အစည်းအသီးသီး၊လူပုဂ္ဂိုလ်အသီးသီးကလည်း ကျင်းပကြမှာပါပဲ။ကျင်းပတဲ့နေရာမှာ အားလုံးကတော့ အမေစုအသက်ရှည်ပါစေ၊ကျန်းမာပါစေ၊ဒီထက်မက နိုင်ငံတာဝန်တွေကို ထမ်းဆောင်နိုင်ပါစေဆိုပြီးတော့ အားလုံးက ဆုမွန်ကောင်းတောင်းကြပါတယ်။အဓိက ကတော့ ဒီလိုလုပ်ပေးခြင်းအားဖြင့် မွေးနေ့ရှင်ရဲ့စိတ်ဓါတ်ခွန်အားတွေ ပိုပြီးပြည့်စုံပြီးတော့ နိုင်ငံတာဝန်ကိုဆက်လက်ထမ်းဆောင်ဖို့တွန်းအားတစ်ရပ်ဖြစ်စေဖို့လည်းကျွန်တော်တို့ပြုလုပ်ရခြင်းဖြစ်ပါတယ်''ဟု၎င်းကဆက်လက်ပြောသည်။

အခမ်းအနားတွင် မုန့်ဟင်းခါးအလှူဒါနပါဝင်လှူဒါန်းခဲ့ကြသော မသီတာနှင့်မမေအောင်မိသားတို့ကလည်း ''အဖေဆုံးတာနှစ်ပတ်လည်နဲ့အမေစုမွေးနေ့နဲ့လည်းတိုက်ဆိုင်သွားတော့ အလှူလုပ်ဖြစ်သွားတာပါ။အမေစုအမြဲတမ်းကျန်းမာပြီးတော့ နိုင်ငံအတွက်ဒီထက်ပိုပြီးတာဝန်ထမ်းဆောင်နိုင်ခဲ့တဲ့အတွက်ကြောင့်မို့လို့တိုင်းသူပြည်သားတွေကလည်း အမေစုအတွက် ကျန်မာစေဖို့ဆုတောင်းပေးနေပါတယ်၊အမေစုကျန်းမာတော့ တိုင်းသူပြည်သားတွေလည်း ရင်အေးရတာပေါ့။အမေစုကိုတော့ အရမ်းကျန်းမာစေချင်တယ်။တိုင်းပြည်အတွက်လည်းလုပ်သလို ကိုယ့်ကျန်းမာရေးအတွက်လည်း အလေးထားစေချင်တယ်။သက်တော်ရာကျော်ရှည်စေဖို့ တကယ်ကိုနှစ်နှစ်ကာကာဆုတောင်းပါတယ်ရှင်''ဟုဆုတောင်းစကားပြောကြားခဲ့သည်။

နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်၏ ၇၁နှစ်ပြည့်မွေးနေ့အထိမ်းအမှတ်အနေနှင့် ကျွေးမွေးပြုလုပ်သော အဆိုပါစတုဒီသာအလှူကျွေးမွေးပွဲတွင် လာရောက်သူများက ''အမေစု သက်တော်ရာကျော်ရှည်ပါစေ''ဟု ကြွေးကြော်ဆုတောင်းခဲ့ကြကြောင်းတွေ့ရသည်။

---

News by ဖြိုးထက်အောင်
Photos by အောင်နိုင်စိုးကစ္ဆပ

============

Popular News Journal

ဇွန်လ ၁၉ ရက် ၊ ၂၀၁၆ ခုနှစ်

ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေးအထူးကိုယ်စားလှယ် Ms.Yang Hee Lee ဟာ မြန်မာနိုင်ငံကို ဒီနေ့ရောက်ရှိလာပြီး သူ့ရဲ့ခရီးစဉ်အတွင်း နိုင်ငံတော်အတိုင်ပင်ခံပုဂ္ဂိုလ် ဒေါ်အောင် ဆန်းစုကြည်နဲ့ တွေ့ဆုံသွားမှာဖြစ်ပါတယ်။

Ms.Yang Hee Lee ဟာ နေပြည်တော်၊ ကချင်၊ ရှမ်းနဲ့ ရခိုင်ပြည်နယ်တွေကို သွားရောက်ဖို့ စီစဉ်ထားတယ်လို့ နိုင်ငံခြားရေးဝန်ကြီးဌာန အပြည်ပြည်ဆိုင်ရာအဖွဲ့အစည်းများနဲ့ စီးပွားရေးဦးစီးဌာန ဒုတိယညွှန်ကြားရေးမှူးချုပ် ဦးကျော်မိုးထွန်း က ပြောပါတယ်။

ဒီခရီးစဉ်ဟာ ဇူလိုင် ၁ ရက်နေ့အထိ ကြာမြင့်မှာဖြစ်ပြီး ခရီးစဉ်အတွင်း အငြင်းပွားဖွယ် စကားလုံးအသုံးအနှုန်းတွေ မသုံးဖို့အတွက် တိုက်တွန်းသွားမယ်လို့လည်း ဦးကျော်မိုးထွန်း က ပြောပါတယ်။

Ms.Yang Hee Lee ဟာ မနက်ဖြန်မှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နဲ့တွေ့ပြီး ခရီးစဉ်အတွင်းမှာ ရခိုင်ပြည်နယ် တည်ငြိမ်အေးချမ်းရေးကော်မတီ၊ မြန်မာနိုင်ငံ လူ့အခွင့်အရေး ကော်မရှင်၊ မြန်မာနိုင်ငံစာနယ်ဇင်းကောင်စီ၊ အမျိုးသားပြန်လည်သင့်မြတ်ရေးနှင့် ငြိမ်းချမ်းရေး ဗဟိုဌာန (NRPC) တို့နဲ့ တွေ့ဆုံမှာဖြစ်သလို အင်းစိန်အကျဉ်းထောင်ကိုလည်း သွားရောက် လေ့လာမှာဖြစ်တယ်လို့ နိုင်ငံတော်သမ္မတရုံးဝန်ကြီးဌာန ပြောရေးဆိုခွင့်ရှိသူ ဦးဇော်ဌေးက ပြောပါတယ်။

အစိုးရသစ်လက်ထက်မှာ ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေးအထူးကိုယ်စားလှယ် Ms.Yang Hee Lee ရဲ့ မြန်မာနိုင်ငံခရီးစဉ်ဟာ ဒါပထမဆုံးအကြိမ်ဖြစ်ပါတယ်။
RFA

ဒီနေ့ ကျရောက်တဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ အသက် ၇၁ နှစ်ပြည့် မွေးနေ့အထိမ်းအမှတ်အခမ်းအနားနဲ့ အန်အယ်လ်ဒီပါတီ ရုံးချုပ်အသစ်ဖွင့်ပွဲအခမ်းအနားကို ရန်ကုန်တိုင်း ဗဟန်းမြို့နယ်မှာ ကျင်းပခဲ့ပါတယ်။

မနက်ပိုင်းမှာ သံဃာတော်တွေကို အာရုဏ်ဆွမ်းကပ်ပြီး၊ ဆွမ်းလောင်းလှူခဲ့ကြသလို စတုဒီသာ အလှူပေးခဲ့ပါတယ်။ အခမ်းအနားကို အမျိုးသားဒီမိုကရေစီအဖွဲ့ချုပ် နာယက ဦးတင်ဦး တက်ရောက် ပြီး ဒေါ်အောင်ဆန်းစုကြည် အသက် ၁၂၀ ကျော်အထိ နေထိုင်ပြီး တိုင်းပြည်အကျိုးသယ်ပိုးနိုင်စေဖို့ ဆုတောင်းပေးခဲ့ပါတယ်။

ဒေါ်အောင်ဆန်းစုကြည် မွေးနေ့အထိမ်းအမှတ်နဲ့ ရန်ကုန်တိုင်း အန်အယ်လ်ဒီပါတီလူငယ် ၃၀၀ ကျော် လောက် စုပေါင်းပြီး ရန်ကုန်သွေးလှူဘဏ်မှာ သွေးလှူဒါန်းခဲ့ကြပါတယ်။ သွေးလှူဒါန်းပွဲကို တက်ရောက်ခဲ့တဲ့ ရန်ကုန်တိုင်းဝန်ကြီးချုပ် ဦးဖြိုးမင်းသိန်းက လူငယ်တွေအနေနဲ့ ပေးဆပ်မှုကို အလေ့အကျင့်ဖြစ်အောင် အခုလိုသွေးလှူဒါန်းပွဲ ပြုလုပ်ရတာ ဖြစ်တယ်လို့ ပြောပါတယ်။

အလားတူ ဒေါ်အောင်ဆန်းစုကြည် မွေးနေ့အထိမ်းအမှတ်နဲ့ သစ်ပင်စိုက်ပွဲ၊ ဓာတ်ပုံပြပွဲ၊ သွေးလှူဒါန်းပွဲတွေနဲ့ စတုဒီသာအလှူပေးတာတွေကို မန္တလေး၊ နေပြည်တော်၊ မကွေး၊ တနင်္သရီ၊ တောင်ကြီး၊ မွန်စတဲ့ တိုင်းနဲ့ ပြည်နယ်အသီးသီးမှာ အမျိုးသားဒီမိုကရေစီအဖွဲ့ချုပ် ပါတီဝင်တွေ ဦးဆောင်ပြီး ကျင်းပခဲ့ပါတယ်။

ဒေါ်အောင်ဆန်းစုကြည်ရဲ့ မွေးနေ့အထိမ်းအမှတ်အဖြစ် ဒီနေ့တစ်ရက်တည်းမှာ ဒေါ်ခင်ကြည် ဖောင်ဒေးရှင်ထံ ငွေကြေးလာရောက်လှူဒါန်းသူ ၂၂ ဦးရှိပြီး စုစုပေါင်း ငွေကျပ် ၂၃ သန်းကျော် ရှိပါတယ်။

Photo: Aung Thain Kha/ RFA.BBC
RFA


ဇွန်လ ၇ ရက်နေ့ က မြန်မာနိုင်ငံကို (၃) ရက်ကြာ ချစ်ကြည်ရေးခရီးစဉ်အဖြစ် ရောက်လာတဲ့ ဧည့်သည်တော် စင်ကာပူဝန်ကြီးချုပ် လီရှန်လွန်းနဲ့  နိုင်ငံတော်ရဲ့အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ နိုင်ငံတော်သမ္မတရုံးမှာ တွေ့ဆုံစဉ်မှာ စင်ကာပူ-မြန်မာနှစ်နိုင်ငံကြားမှာ ဗီဇာကင်းလွတ်ခွင့်ပြုဖို့ သဘောတူလက်မှတ်ရေးထိုးခဲ့ကြပြီး လာမယ့်ဒီဇင်ဘာလ (၁) ရက်နေ့ကစလို့ အသက်ဝင်တော့မှာ ဖြစ်တဲ့ဆိုတဲ့သတင်းကို ဒီဗွီဘီမှာ ဖတ်လိုက်ရပါတယ်။

တကယ်တော့ စင်္ကာပူနိုင်ငံဟာ ၂၀ ရာစုနှောင်းပိုင်းမှာ ကျော်ကြားခဲ့တဲ့ အာရှကျားလေးကောင်ထဲက တကောင်အပါအ၀င်ဖြစ်ပါတယ်။ ၁၉၆၀ ကျော်ကာလတွေကစလို့ ဟောင်ကောင်၊ ကိုရီးယား၊ တိုင်ဝမ်ဆိုတဲ့ နိုင်ငံတွေနဲ့ အတူ စင်္ကာပူဟာ အာရှရဲ့ စီးပွားရေးဖွံ့ ဖြိုးမှု့အမြန်ဆန်ဆုံး စက်မှု့နိုင်ငံဖြစ်တာကြောင့် အာရှကျားလေးကောင် အဖြစ်တင်စားသတ်မှတ်ခံခဲ့ရတာပါ။

ကျားကျားခြင်းမို့ ခြေမြင်တတ်တဲ့ စင်္ကာပူဟာ သူ မမွေးဖွားလာခင်ကထဲက အစွယ်တဖွားဖွားအရွယ်ရောက် ကျားဖြစ်ပြီးသား မြန်မာဟာ အစွမ်းအစဘယ်လောက်ကြီးမားတယ်ဆိုတာကို သိထားပြီးသားပါ။ မြန်မာဟာ ဒုတိယကမ္ဘာစစ်ပြီးစ ကာလတွေမှာ အရှေ့တောင်အာရှမှာ အကြီးဆုံးကျားတကောင်ဖြစ်ခဲ့တယ်။ ၁၉၆၂ ကျတော့မှ ကံဆိုးမိုးမှောင်ကျပြီး စစ်သံလှောင်ချိုင့်ထဲကျပြီး အဘတွေကျေးဇူးနဲ့ နလံမထူတော့တာ နှစ် ၅၀ ကျော်ပါ။ အခုချိန်ခါမှာတော့ လှောင်ချိုင့်တခါးကို ပြည်သူပြည်သား အာဇာနည် အထောင်အသောင်းဘဝတွေစတေးလို့ ဖွင့်နိုင်ခဲ့တော့ အိပ်ပျော်နေတဲ့ကျား နိုးထလာနေပြီ။

မြန်မာကျားဟာ အထက်မှာရေးပြခဲ့တဲ့ကျားလေးကောင် ကိုယှဉ်နိုင်တဲ့အပြင် ကျော်တက်နိုင်တဲ့ အရည်အသွေး အစွမ်းအစပြည့်ပြည့်စုံစုံရှိပါတယ်။ ဟောင်ကောင်၊ ကိုရီးယား၊ တိုင်ဝမ် စင်္ကာပူနိုင်ငံတွေကိုပြန်ကြည့်ရင်လည်း ဒုတိယကမ္ဘာစစ်ပြီးစက သူတို့ လည်း စစ်ဘေးစစ်ဒါဏ်တွေကို တိုက်ရိုက် (သို့ ) သွယ်ဝိုက်ခံစားခဲ့ကြရတာပါဘဲ။ သူတို့ အားလုံးလည်း ဆင်းရဲနွမ်းပါးတဲ့အောက်ခြေကနေ ကျိုးပမ်းရုန်းထွက်ခဲ့ကြရတာပါ။

တိုင်ဝမ်ကိုကြည့်ရင်လည်း ၁၉၄၅ မှာတုံးက တရုပ်ပြည်သူ့ သမ္မတနိုင်ငံလက်အောက်မှာရှိခဲ့တယ်။ ဒါပေမဲ့ ချန်ကေရှိတ်တို့ ရဲ့ကူမင်တန်တရုပ်ဖြူတွေနဲ့ မော်စီတုံးရဲ့ တပ်နီတော်အကြားဖြစ်တဲ့ တရုပ်ပြည်တွင်းစစ်မှာ ကူမင်တန်တရုပ်ဖြူတွေရှုံးနိမ့်ခဲ့ပြီး ရှမ်းပြည်မြောက်ပိုင်း သံလွင်အရှေ့ခြမ်းကနေ မြန်မာဖက်ထိကျူးကျော်လာလို့ ဗိုလ်ချုပ်ကျော်ဇောဦးဆောင်ပြီး မောင်းထုတ်ခဲ့ ရသေးတယ်။ နောက်တော့ ကုလသမဂ္ဂရဲ့ ၀င်ရောက်ဖြန်ဖြေကြီးကျပ်မှု့အောက်မှာ သူတို့ရဲ့တပ်တွေကို ယိုးဒယားနိုင်ငံဖက်ကတဆင့် တိုင်ဝမ်ကျွန်းဖက်ဆုတ်ခွာခဲ့ပြီး နိုင်ငံတခုအဖြစ်ကြေညာခဲ့တာ။

ပထမတော့ ကူမင်တန်တွေက တပါတီစနစ်နဲ့  နှစ်ပေါင်းလေးဆယ်လောက် အုပ်ချုပ်နေတုံးက သိပ်မတိုးတက်ခဲ့ဘူး ၁၉၈၀ ၀န်းကျင်ရောက်တော့မှ ဒီမိုကရက်တစ်ပြုပြင်ပြောင်းလဲမှု့တွေလုပ်ပြီး ပါတီစုံစနစ်နဲ့  သမ္မတကို တိုက်ရိုက်ရွေးချယ်တဲ့စနစ်ကျင့်သုံးလို့  တခါးဖွင့်ပေးတော့မှ တဟုန်ထိုးတိုတက်လာပြီး အာရှရဲ့ ကျားတကောင်ဘ၀ရောက်ခဲ့တာပါ။

ကိုရီးယားကိုလေ့လာရင်လည်း ဒုတိယကမ္ဘာစစ်မတိုင်ခင်ထိ ဂျပန်လက်အောက်မှာရှိနေခဲ့ရတယ်။ စစ်ကြီးဖြစ်ပွားပြီး ဂျပန်တွေစစ်ရှုံးတော့ အမေရိကန်ကတဖက်၊ ရုရှားနဲ့ တရုပ်ကတဖက် ၀င်သိမ်းခဲ့တော့ ကိုရီးယားကျွန်းဆွယ်ဟာ တောင်ကိုရီးယားနဲ့ မြောက်ကိုရီးယားလို့ နိုင်ငံနှစ်နိုင်အဖြစ်ကွဲထွက်သွားရတယ်။ ၁၉၅၀ ခုနှစ်မှာ မြောက်ကိုရီးယားက စတင်ကျူးကျော်ခဲ့လို့ ကိုရီးယားနှစ်နိုင်ငံ စစ်ပွဲဖြစ်ပွားခဲ့ပြီး ၁၉၅၃ မှာမှ ပြီးဆုံးခဲ့ရတယ်။ နှစ်နိုင်ငံစလုံးဟာ စစ်အုပ်ချုပ်ရေးနဲ့ လျှောက်လှမ်းခဲ့ကြလို့  ဆင်းရဲတွင်းနက် မတိုးတက်ခဲ့ပေမဲ့ တောင်ကိုရီးယားနိုင်ငံဟာ တဖြည်းဖြည်းခြင်း ပြုပြင်ပြောင်းလဲမှု့တွေလုပ်ခဲ့ပြီး စစ်သံကွန်ညှပ်အောက်ကလွတ်ခဲ့ပြီး ၁၉၈၇ ခုနှစ်မှာ ပထမဆုံး ပါတီစုံရွေးကောက်ပွဲကျင်းပနိုင်ခဲ့ရက တဟုန်ထိုးတိုးတက်ခဲ့ပြီး အခုဆို ကမ္ဘာမှာ စီးပွားရေးဖွံ့ ဖြိုးတိုးတက်မှု့အမြင့်ဆုံး၊ နိုင်ငံသားတဦးချင်းဆီရဲ့ ဝင်ငွေအများဆုံးတိုင်းပြည်တွေထဲမှာပါပြီး အာရှရဲ့ကျားတကောင်ဘ၀ကို ထိုက်ထိုက်တန်တန်ရနေပြီမဟုတ်လား။

ဟောင်ကောင်နဲ့ စင်္ကာပူနိုင်ငံတွေပြန်ကြည့်ရင်လည်း အစပိုင်းခရီးတွေဟာ အလွန်ကြမ်းတမ်းခဲ့ကြတာပါ။ စင်္ကာပူနိုင်ငံဆိုရင် သယံဇာတမပြောနဲ့ သောက်ရေတောင် မလုံမလောက်တဲ့ ရွံ့ တောညွှံတောကြီးက စခဲ့ရတာ။ ကမ္ဘာပေါ်မျာ စစ်တပ်က ဖိနှိပ်အုပ်ချုပ်ပြီး တံခါးပိတ်ထားတဲ့တိုင်းပြည်ဆိုရင် ဘယ်တိုင်းပြည်မှ မကြီးပွားဘူး။ ကြိုက်တဲ့နိုင်ငံကိုကြည့်လိုက်ပါ။ တရုတ်နိုင်ငံတောင် မြန်မာနိုင်ငံမှာ ဖြစ်ပေါ်ခဲ့တဲ့ ရှစ်လေးလုံးအရေးတော်ပုံကြီး ၁၉၈၈ ခုနှစ် သြဂတ်စ်လ (၈) ရက်နေ့ ဖြစ်ပွားတဲ့ ဒီမိုကရေစီလှိုင်းကြီးရိုက်ခတ်လို့ နိုးထလာကြပြီး တရုတ်ကျောင်းသားနဲ့ တရုတ်ပြည်သူတွေက ၁၉၈၉ ခုနှစ်မှာ တီယန်မင်ရင်ပြင်မှာ အကြီးအကျယ်ဆန္ဒပြခဲ့ကြတော့မှ တရုတ်ကွန်မြူနစ်ပါတီလည်းအိမ်မက်ကလန့် နိုးခဲ့ကြတာမဟုတ်လား။

အဲ့ဒီနောက်မှ တရုတ်ခေါင်းဆောင် တိန်ရှောင်ဖိန်ရဲ့ အစီအမံနဲ့  တခါးပိတ်ဝါဒကိုအဆုံးသတ်ပြီး ကမ္ဘာနဲ့ ပြန်လည်ချိတ်ဆက်လို့  ဈေးကွက်စီးပွားရေးကိုစဖွင့်ပေးပြီးတဲ့နောက် အရှိန်အဟုန်နဲ့ တိုးတက်ခဲ့လို့ နဂါးကြီးနိုးထခဲ့တာမဟုတ်လား။ ကျွန်တော်တို့ နိုင်ငံက သူတို့ ထက် ပိုပြီးစောပါရက်နဲ့ ၈၈ အာဏာသိမ်းစစ်အစိုးရနဲ့ စစ်အာဏာရှင်တွေ အတွေးအခေါ်ညံ့ဖျင်းတာရယ် ကိုယ်ကျိုးအကြည့်လွန်ပြီး လောဘဇောတိုက်ခဲ့ကြတာမို့ တိုင်းပြည်ဟာ ဒီလောက်ချွတ်ခြုံကျသွားခဲ့ရတာ။ နောက်ကျသွားခဲ့ရတာ။ အဲ့ဒီတုံးကသာ မြန်မာစစ်ခေါင်းဆောင်တွေက လက်နက်နဲ့ အကြမ်းဖက်မသတ်ဖြတ်ဖဲ ဒီမိုကရေစီအတိုက်အခံတွေနဲ့ အားလုံးပြေပြေလည်လည်တွေ့ ဆုံပြီး ညှိနိုင်းဆောင်ရွက်ခဲ့ရင် ကျွန်တော်တို့ နိုင်ငံဟာ တိုးတက်ပြီးအရှိန်အတော်ရနေလောက်ပြီ။ အခုတော့ နောက်ထပ် အနှစ် ၂၀ ကျော်ထပ်နောက်ကျခဲ့ရတာ တိုင်းပြည်အတွက် သိပ်နစ်နာခဲ့ရတယ်။

တောင်ကိုရီးယား၊ ဟောင်ကောင်၊ တိုင်ဝမ်နဲ့ စင်္ကာပူနိုင်ငံတွေဟာ အုပ်ချုပ်ပုံစနစ်မှန်သွားပြီးတဲ့နောက် ကမ္ဘာကြီးနဲ့ အဆက်အသွယ်ပြုနိုင်ဖို့ သူတို့ ရဲ့ ပထ၀ီဝင်အနေအထားအားသာချက်တွေဖြစ်တဲ့ ပင်လယ်ရေလမ်း၊ ဝေဟင်လမ်းတွေ အချက်အခြာကျနေတာကို မိမိရရ အသုံးချခဲ့ကြတယ်။ ဈေးကွက်စီးပွားရေးအရှိန်အဟုန်နဲ့ ကမ္ဘာစီးပွားရေးဖွံ့ ဖြိုးတိုးတက်မှု့လှိုင်းကြီးတွေစီးဖို့ ကမ္ဘာကျော် လေဆိပ်၊ ကုန်တင်ကုန်ချ ပင်လယ်ကူးသင်္ဘောဆိပ်ကြီးတွေ အပြိုင်အဆိုင်တည်ခဲ့ကြတာ။

စင်္ကာပူဆိုရင် ချန်ဂီလေဆိပ်ကို နိုင်ငံတကာအကောင်းဆုံးဝန်ဆောင်မှု့လေဆိပ်ဖြစ်အောင် ငွေကြေးဘီလျှံများစွာသုံးစွဲပြီး ဆယ်နှစ်တောင် စံချိန်တင်ထားခဲ့တာ။ အိန္ဒိယသမုဒ္ဒရာနဲ့ တောင်တရုတ်ပင်လယ်ကိုချိတ်ဆက်ပေးထားတဲ့ မလ္လကာရေလက်ကြားရဲ့ အချက်အခြာကျမှု့ကို အပြည့်အ၀အသုံးချနိုင်ဖို့ ကမ္ဘာ့ အဆင့်မှီ ကုန်တင်ကုန်ချဆိပ်ကမ်းတွေအမြောက်အများနဲ့  ပင်လယ်ကူးသင်္ဘောဆိပ်တွေတည်ဆောက်ပြီး အခွန်အခတွေကောက်ပြီးချမ်းသာလာတာ။

ကဲအခု မြန်မာနိုင်ငံဖက်ပြန်ကြည့်ရအောင်။ အထက်မှာပြောခဲ့တဲ့ ကျားလေးကောင် ကျားမဖြစ်ခင် ဒုတိယကမ္ဘာစစ်မတိုင်ခင် ၁၉၃၀ ကျော် လောက်မှာကထဲက ဗြိတိသျှကိုလိုနီလက်အောက်မှာကို မြန်မာက အာရှမှာ ကျားဖြစ်နေခဲ့တာ။ အဲ့ဒီတုံးက ကမ္ဘာမှာ ဆန်တင်ပို့ မှု့၊ ကျွန်းသစ်နဲ့ ကျောက်မျက်ရတနာတင်ပို့ မှု့ဟာ ထိတ်တန်း နံပါတ်ဝမ်းအဆင့်မှာရှိနေခဲ့တာ။ ဒါပေမဲ့လည်း တိုင်းတပါးကျွန်ပြုခံထားရတော့ ရတဲ့အမြတ်အစွန်းတွေကို တိုင်းသူပြည်သားတွေမခံစားရဘဲ ဗြိတိသျှဘုရင်မကြီးရဲ့ ဘဏ္ဍာတိုက်ထဲရောက်တော့တာပေါ့။ ကိုလိုနီနယ်ချဲ့တွေက တို့ တိုင်းပြည်ကို ဂုတ်သွေးစုပ်နေပေမဲ့ သုတို့ ထိထိရောက်ရောက်ဂုတ်သွေးစုပ်နိုင်အောင် မြန်မာနိုင်ငံကို လမ်းပန်းဆက်သွယ်ရေးတွေကောင်းမွန်အောင် ပိုက်ဆံတွေအများကြီးသုံးခဲ့ကတာ။ ရန်ကုန်-မန္တလေးကို သံလမ်းပြိုင်နှစ်လမ်း၊ နံမည်ကျော် စစ်ကိုင်းတံတားနဲ့ ဂုတ်ထိပ်တံတားတွေဆိုတာ အင်္ဂလိပ်တွေဆောက်သွားခဲ့တာ။ ဒီလိုပြောတာ အင်္ဂလိပ်တွေအုပ်ချုပ်တာ၊ တိုင်းတပါးရဲ့ကျွန်ဖြစ်ရတာ ကျေနပ်လို့ ပြောတာမဟုတ်ဘူး။ ကိုလိုနီနယ်ချဲ့တွေ အမြင်ကျယ်တာကိုပြောခြင်တာ။


လွတ်လပ်ရေးရပြီးစတောင် အယင်ကရှိတဲ့အရှိန်တွေနဲ့ ချမ်းသာနေသေးတယ်။ အရှေ့တောင်အာရှမှာ အကောင်းဆုံး လေဆိပ်က မင်္ဂလာဒုံလေဆိပ်ပါ။ ရန်ကုန်တက္ကသိုလ်ဟာနံမည်ကျော်တက္ကသိုလ်ကြီးဖြစ်ခဲ့တယ်။ အားကစားဆိုရင်လည်းထိပ်ဆုံးက၊ စင်္ကာပူခေါင်းဆောင် လီကွမ်ယူးဆိုတာ တို့ နိုင်ငံကိုအလွန်အားကျနေတာ။ မြန်မာနိုင်ငံလိုချမ်းသာအောင်၊ တိုးတက်အောင်လုပ်မယ်ဆိုပြီးအတုယူခဲ့တာပါ။ ဒါတွေရေးပြနေတာဟာ တချိန်ကရွှေထီးဆောင်းခဲ့ရတာကို တမ်းတနေတာမဟုတ်ဘူး။ တို့ မြန်မာနိုင်ငံဟာ ကျားဖြစ်ခဲ့ပြီးခါမှ ကြွက်စုတ်ဘ၀ကို ဘာကြောင့်ရောက်သွားရတာလဲဆိုတာ ထင်ရှားစေခြင်လို့ ၊ သမိုင်းသင်ခန်းစာယူစေခြင်လို့ ပြောတာ။

မြန်မာနိုင်ငံကို ဆင်းရဲတွင်းထဲကမတက်နိုင်စေတဲ့အရင်းခံအကြောင်းတရားက ပြည်တွင်းစစ် ကြောင့်ဘဲဖြစ်တယ်။ ပြည်တွင်းစစ်ဖြစ်ရခြင်းအကြောင်းက အာဏာကိုမက်မောကြတော့ နိုင်ငံရေးကို နိုင်ငံရေးနည်းလမ်းတွေနဲ့ ဖြေရှင်းဖို့ မကျိုးစားကြဘဲ ဦးတဲ့လူက လက်နက်နဲ့ အကြမ်းဖက်ဖြေရှင်းခဲ့ ကြတာကြောင့်ဘဲမဟုတ်လား။ နိုင်တဲ့သူကသမိုင်းအမှန်တွေဖုံးကွယ် သမိုင်းအမှားတွေနဲ့ မျိုးဆက်သစ် တွေကို အဆိပ်ခတ်ခဲ့ကြတယ်လေ။ အမျိုးသားပြန်လည်သင့်မြတ်ရေးကိုရဖို့ ဆိုတာ အဓိကလိုအပ်ချက်က စိတ်စေတနာရိုးသားဖို့ လိုတယ်။ ဖိနှိပ်မနိုင်ယူခဲ့တဲ့သူတွေကလည်း အတိတ်သမိုင်းမှာ ကိုယ်နဲ့ ကိုယ့်အစုအဖွဲ့ မှားခဲ့တာတွေ ၀န်ခံရမယ်၊ တောင်းပန်ရမယ်။ အဖိနှိပ်ခံ၊ အနိုင်ကျင့်ခံခဲ့ရသူတွေကလည်း နောက်မျိုးဆက်တွေအကျိုး၊ တိုင်းပြည်အကျိုးမျှော်ကိုးလို့ တဖက်ကရိုးရိုးသားသားဝန်ချတောင်းပန်လာခဲ့ရင် ခွင့်လွှတ်နိုင်ရမယ်။

မြန်မာနိုင်ငံဟာ ရှေ့ပိုင်းမှာပြောခဲ့တဲ့ အာရှကျားလေးကောင်ထက် ပထ၀ီဝင်အနေအထားအရ ပိုပြီးမဟာဗျူဟာမြောက်အချက်အခြာကျတယ်။ ကမ္ဘာ့ လူဦးရေအများဆုံးနိုင်ငံနှစ်ခုကြားမှာတည်ရှိတယ်။ ပင်လယ်ဆိပ်ကမ်းကောင်းတွေ၊ ကုန်တင်ကုန်ချဆိပ်တွေအများကြီးဆောက်နိုင်အောင် ပင်လယ်ကမ်းရိုးတမ်းကို ပိုင်ဆိုင်ထားတယ်။ တနင်္သာရီကမ်းမြှောင်ကိုဖြတ်ပြီး အိန္ဒိယသမုဒ္ဒရာနဲ့ တောင်တရုတ်ပင်လယ်ကိုဖေါက်ပြီးတူးမြောင်းနဲ့ ဆက်သွယ်လိုက်ရင် စင်္ကာပူကတဆင့် မလက္ကာရေလက်ကြားကိုဖြတ်စရာမလိုတော့တာမို့  ပင်လယ်ကူးသင်္ဘောတွေသွားရတဲ့ကြာချိန် (၇) ရက်လောက် သက်သာသွားနိုင်တာမို့ စီးပွားဖြစ်မှာအသေအခြာဘဲ။

တို့ တိုင်းပြည်မှာ ရိုးကြီးသုံးရိုး၊ မြစ်ကြီးလေးစင်း၊ မျှတလှပတဲ့ရာသီဥတုသုံးမျိုး၊ သဘာဝသယံဇာတတွေနဲ့ ကြွယ်ဝနေတဲ့ တောတောင် မြစ်ချောင်းအင်းအိုင်တွေအပြင် အဓိကအရင်းအမြစ်ဖြစ်တဲ့ မျိုးရိုးဗီဇမညံ့တဲ့ မြန်မာနိုင်ငံသူနိုင်ငံသား သန်း (၅၀) ကျော်ရှိနေတဲ့တိုင်းပြည်ဟာ ဘာကြောင့်မအောင်မြင်နိုင်ရမှာလဲ။ အုပ်ချုပ်ပုံစနစ်မှန်ပြီး အားလုံးညီညီညာညာ ၀ိုင်းဝန်းကြမယ်ဆိုရင် သေခြာပေါက်ချမ်းသာအောင်လုပ်ဆောင်လို့ ရပါတယ်။

ဒီဆောင်းပါးကိုနိဂုံးချုပ်ရရင် မြန်မာကျားကြီးဟာ စစ်သံလှောင်အိမ်ထဲပိတ်မိနေရာကလွတ်လာခဲ့ပြီ။ နှစ်ပေါင်း (၅၀) ကျော်အိပ်ပျော်နေရာကနိုးထလို့ ရေသောက်ဆင်းလာနေပြီ။ နိုင်ငံအုပ်ချုပ်ပုံစနစ်ဒီထက်ပိုမှန်ကန်လာပြီး ပြည်တွင်းစစ်ကို အပြီးတိုင်ငြိမ်းသတ်နိုင်မယ်၊ စစ်မှန်တဲ့အမျိုးသားပြန်လည်သင့်မြတ်ရေးကိုတည်ဆောက်နိုင်မယ်ဆိုရင် မြန်မာကျားဟာ အာရှရဲ့ အား ကိုးတောင်ကျားအဆင့်ကို မကြာမှီရောက်ရှိလာမှာဖြစ်တာကြောင့် မြန်မာနိုင်ငံသားတိုင်း အတိတ်ကအမှားတွေ၊ မကြေလည်မှု့၊ နာကျဉ်းချက်၊ အာဃာတအမုန်းတရားနဲ့ မတူကွဲပြားမှု့တွေကို အပြန်အလှန်လျော့ချလို့  အနာဂါတ်မျိုးဆက်သစ်တွေကို အမွေခံကောင်းတွေပေးနိုင်အောင်၊ သမိုင်းကောင်းတွေရေးကြပါလို့ အားလုံးကိုမေတ္တာရပ်ခံတိုက်တွန်းခြင်ပါတယ်။


လေးစားစွာဖြင့်

(မင်းကောင်းချစ်)
ဇွန်လ ၁၆ ရက် ၂၀၁၆ ခုနှစ်












ဇွန်လ ၁၉ ရက်မှာ ကျရောက်တဲ့ ဒေါ်အောင်ဆန်းစုကြည်ရဲ့ အသက် (၇၁)နှစ်မြောက် မွေးနေ့ပွဲနဲ့ တိုက်ဆိုင်ပြီး ရန်ကုန်မြို့ ရွှေဂုံတိုင်က အမျိုးသားဒီမိုကရေစီအဖွဲ့ချုပ် NLD ပါတီ ရုံးချုပ်သစ်ဖွင့်ပွဲကို ကျင်းပပြုလုပ်မှာ ဖြစ်ပါတယ်။

NLD ပါတီရဲ့ ရုံးချုပ်သစ်ဟာ အရင် ရုံးချုပ်ဟောင်းဘေးမှာ အသစ်ဆောက်လုပ်ထားတဲ့ အထပ် (၆)ထပ်ရှိတဲ့ အဆောက်အအုံကြီး ဖြစ်ပါတယ်။ ဒီရုံးချုပ်သစ်ကို ပါတီကရရှိတဲ့ လှူဒါန်းငွေတွေနဲ့ တစ်နှစ်ကျော်ကြာ ဆောက်လုပ်ခဲ့ပြီး သိန်း (၆)ထောင်ကျော် ကုန်ကျတယ်လို့ ပါတီရုံးချုပ်သစ်ဆောက်လုပ်ရေးမှာ ဘဏ္ဍာရေးတာဝန်မှူး ယူထားတဲ့ ဦးစောလှိုင်က ပြောပါတယ်။

အရင် ရုံးချုပ်ဟောင်းကတော့ ငှားရမ်းထားခဲ့တာဖြစ်ပြီး အခုတော့ မူလပိုင်ရှင်တွေကို ပြန်အပ်နှံခဲ့ပါတယ်။

အခုရုံးချုပ်သစ်ဟာ ပါတီပိုင် အဆောက်အဦးဖြစ်ပြီး ဒီရုံးချုပ်မှာ ပါတီ ဗဟိုအလုပ်အမှုဆောင်ကော်မတီဝင်တွေနဲ့ ပါတီရဲ့ ရေးရာကော်မတီတွေ ရုံးထိုင်ကြမှာ ဖြစ်ပါတယ်။

ပါတီ လူငယ်ရေးရာရာ ကော်မတီ အဖွဲ့ဝင် ကိုရဲဝေဖြိုးက ဒီရုံးချုပ်ရဲ့ ပါတီတံဆိပ်အောက်မှာ ဒီမိုကရေစီရေးအတွက် လူအများအပြားဟာ ဘဝတွေ၊ အသက်သွေးချွေးတို့နဲ့ ရင်းနှီးခဲ့ကြရတာ ဖြစ်တယ်လို့ ပြောပါတယ်။

ရုံးချုပ်မှာကျင်းပမယ့် ဒေါ်အောင်ဆန်းစုကြည်ရဲ့ မွေးနေ့ပွဲနဲ့ ပါတီရုံးချုပ်သစ်ဖွင့်ပွဲကို ပါတီနာယက ဦးတင်ဦး မိန့်ခွန်းပြောမှာဖြစ်ပြီး တိုင်းနဲ့နယ်ပြည်နယ်အသီးသီးက NLD လွှတ်တော်အမတ်တွေနဲ့ ဗဟိုလူငယ်အဖွဲ့တွေ၊ ပါတီဝင်တွေ တက်ရောက်ကြမှာ ဖြစ်ပါတယ်။

ဒါပေမယ့် မွေးနေ့ရှင် ဒေါ်အောင်ဆန်းစုကြည်ကတော့ တက်ရောက်နိုင်မှာ မဟုတ်ဘူးလို့ သိရပါတယ်။

BBC Burmese
http://www.bbc.com/burmese


နိုင်ငံတော်လျှို့ဝှက်ချက်တွေ ပေါက်ကြားစေတယ်ဆိုတဲ့ စွဲချက်အတွက် သမ္မတဟောင်း မိုဟာမက် မော်စီကို အီဂျစ်တရားရုံးတခုက နောက်ထပ် ထောင်ဒဏ်တသက် ချမှတ်လိုက်ပါတယ်။

အယ်လ် ဂျာဇီးရား ၀န်ထမ်း ၂ ဦးနဲ့ တခြား သတင်းထောက် ၁ ဦး အပါအ၀င် သမ္မတဟောင်း မော်စီရဲ့ အမှုတွဲ ၆ ယောက်ကိုလည်း တရားရုံးတော်က စနေနေ့မှာပဲ သေဒဏ်ချမှတ်ခဲ့တာပါ။ သမ္မတဟောင်း မော်စီရဲ့ ရုံးမှာ အလုပ်လုပ်ခဲ့တဲ့ တခြား အမှုတွဲ ၂ ယောက်ကိုတော့ ထောင်ဒဏ် တသက် ချမှတ်ခဲ့ တာဖြစ်ပါတယ်။ စနေနေ့က ချမှတ်ခဲ့တဲ့ ပြစ်ဒဏ်တွေအားလုံးကတော့ အယူခံဝင်နိုင်ပါတယ်။ သမ္မတဟောင်း မော်စီ အပါအ၀င် အမှုတွဲ ၁၁ ယောက်ထဲက ၇ ယောက်ဟာ ဆက်လက် ဖမ်းဆီးခံထားရဆဲ ဖြစ်ပါတယ်။

အယ်လ် ဂျာဇီးရားသတင်းဌာနက ၀န်ထမ်း ၂ ဦးကတော့ - သတင်းထုတ်လုပ်သူ Alaa Omar Mohammed နဲ့ သတင်းအယ်ဒီတာ Ibrahim Mohammed Hilal တို့ဖြစ်ကြပြီး သေဒဏ်ပေးခံခဲ့ရတဲ့ တတိယ သတင်းထောက်ကတော့ Asmaa al-Khateib တို့ ဖြစ်ကြတယ်လို့ တရားသူကြီးက ပြောပါတယ်။ သူက သမ္မတဟောင်း မော်စီရဲ့ မူဆလင်ညီအကိုတော်များအဖွဲ့နဲ့ ဆက်နွယ်မှုရှိတယ်လို့ အတော်လေး မသင်္ကာခံရတဲ့ Rasd မီဒီယာကွန်ယက်မှာ အလုပ်လုပ်ခဲ့သူ ဖြစ်ပါတယ်။

အီဂျစ်နိုင်ငံမှာ သေဒဏ်ပေးနိုင်တဲ့ ပြစ်မှုတွေအတွက် ပုံမှန်လုပ်ထုံးလုပ်နည်းအရဆိုရင် - တရားသူကြီးရဲ့ ဆုံးဖြတ်ချက်အပေါ် ထောက်ခံအတည်ပြုချက် ရဖို့အတွက် အီဂျစ်နိုင်ငံရဲ့ Grand Mufti ခေါ် မူဆလင်ဘာသာရေးအာဏာပိုင်ရုံးကို တင်ပြရမှာဖြစ်ပါတယ်။ စနေနေ့က တရားရုံးတော်ရဲ့ ဆုံးဖြတ်ချက်တွေအပေါ် အယ်လ် ဂျာဇီးယားသတင်းဌာနက မှတ်ချက်မပေးသေးပါဘူး။ ဒါပေမဲ့လည်း နိုင်ငံတကာ လူ့အခွင့်အရေးအဖွဲ့ တခုဖြစ်တဲ့ Amnesty International အဖွဲ့ကြီးကတော့ - သေဒဏ်ပေးမှုတွေကို ချက်ခြင်း ဖယ်ရှားပစ်ဖို့နဲ့ သတင်းထောက်တွေအပေါ် အဓိပ္ပါယ်မရှိတဲ့ စွဲချက်တွေကို ရုပ်သိမ်းဖုိ့ တောင်းဆိုခဲ့ပါတယ်။

အီဂျစ်နိုင်ငံမှာ ပထမဆုံးအကြိမ် လွတ်လပ်စွာ ရွေးချယ်တင်မြှောက်ခံခဲ့ရတဲ့ သမ္မတလည်းဖြစ်၊ မူဆလင်ညီအကိုတော်များအဖွဲ့ရဲ့ ခေါင်းဆောင်လည်း ဖြစ်တဲ့ မော်စီ ဟာ ၂၀၁၃ ခုနှစ် ဇူလိုင်လမှာ စစ်အာဏာသိမ်း ဖြုတ်ချခံခဲ့ရတာဖြစ်ပြီး၊ တခြားအမှုတွေနဲ့ သေဒဏ်၊ တသက်တကျွန်းနဲ့ ထောင်ဒဏ် အနှစ် ၂၀ ချမှတ်ခံထားရတာ ဖြစ်ပါတယ်။ ပထမအကြိမ် ပေးခဲ့တဲ့ သေဒဏ်နဲ့ တခြား ပြစ်ဒဏ် ၂ ခုအတွက် အယူခံဝင်ထားဆဲ ဖြစ်ပါတယ်။

သူ ဖြုတ်ချခံခဲ့ရပြီးနောက်ပိုင်း - သူ့ရဲ့ မူဆလင်ညီအကိုတော်များအဖွဲ့ကို တားမြစ်ခဲ့ပြီး၊ အစွန်းရောက်အကြမ်းဖက်အဖွဲ့အစည်းအဖြစ် ကြေညာခံခဲ့ရတာပါ။ သမ္မတဟောင်းမော်စီ ဟာ ၃၀ ရက် ဇွန်လ ၂၀၁၂ ကနေ ၃ ရက် ဇူလိုင်လ ၂၀၁၃ ခုနှစ်အထိ အီဂျစ်နိုင်ငံရဲ့ ၅ ယောက်မြောက် သမ္မတအဖြစ် တာဝန်ထမ်းဆောင်ခဲ့သူ ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com

ငြိမ်းချမ်းရေး သင်္ကေတ
ငြိမ်းချမ်းရေး သခင်မ
ငြိမ်းချမ်းရေး အစဉ်ရ…သူ
ဇမ္ဗူတခွင် နာမည်တွင်သည့်
ငြိမ်းချမ်းရေးမိခင်”ဒေါ်အောင်ဆန်းစုကြည်”
သက်ရှည်ကျန်းမာ စိတ်ချမ်းသာလို့
လိုရာဆန္ဒ ပြည့်ဝပါစေ
တိုင်းပြည်နဲ့လူမျိုးအကျိုး
ဆထက်တမ်းပိုး တိုးလို့ဆောင်ရွက်နိုင်ပါစေ…။

တက္ကသိုလ်ဘုန်းကြွယ်(ဇွန် ၁၉ ၁၆)

ရန်ကုန်လေဆိပ်မှာ ခရီးသည်တွေရဲ့ ခရီးဆောင်အိတ်တွေကို လေဆိပ်ဝန်ထမ်းများက ကားပေါ်ပစ်တင်နေတဲ့ ဗွီဒီယိုဖိုင်တခု ဇွန် ၁၇ ရက်က လူမှုကွန်ရက် ဖေ့စ်ဘွတ်ခ်ပေါ်တက်လာခဲ့ပါတယ်။

အဲ့ဒီနောက် အိတ်ပစ်တင်နေတဲ့ အလုပ်သမား ၂ ယောက် အလုပ်ပြုတ်သွားပြီလို့ ပြည်တွင်းလေကြောင်းလိုင်းမှာ အလုပ်လုပ်တဲ့ (ဦး) အောင်စိုးမိုး ဆိုသူ အကောင့်ပိုင်ရှင်က ရေးတင်ထားပါတယ်။

သူက “ဗွီဒီယိုရိုက်တင်တဲ့ ပုဂ္ဂိုလ်ရဲ့ Baggage ဘယ်လောက်ပျက်သွားလဲတော့ မသိဘူးဗျာ၊ လေဆိပ်က YAG က ဝန်ထမ်း ၂ ဦးတော့ အလုပ်ပြုတ်သွားပြီတဲ့။ စိတ်မကောင်းဖြစ်မိတယ်။ ဒီခေတ်ကြီးမှာ အလုပ်တခု ရဖို့ဆိုတာ လွယ်မှတ်လို့ အော် ဖွဘုတ် ဖွဘုတ် အစွမ်းထက်လှချည်လားကွာ” လို့ ရေးထားပါတယ်။

တခါ သူ့ရေးသားချက်အောက်မှာ ကောမန့်ဝင်ရေးသူတွေက “တရုတ်ပြည်မှာတော့ အိတ်အသစ်ကို ပေးလိုက်တယ်။ အိတ်ကတော့ Made in China ပေါ့။” လို့ ရေးသူရှိသလို၊” မဖြစ်သင့်ပါဘူးဗျာ အောက်ခြေဝန်ထမ်းအပြစ်မှ မဟုတ်တာ”လို့ သဘောထားမှတ်ချက်ပေးသူတွေလည်း ရှိပါတယ်။

အောင်မျိုးဝင်း ဆိုတဲ့အကောင့်ပိုင်ရှင်ကတော့ “တကယ်တော့ အဲ့ဒါတွေက စက်နဲ့အလိုလို ရွှေ့သွားတာမဟုတ်လား၊ မြန်မာပြည်မှာပဲ လူနဲ့လုပ်နေတာ မဟုတ်လား၊ ဒီလိုဆို နောက်လဲပြုတ်မယ့်အတူတူ စောစောပြုတ်တော့ အလုပ်ကောင်းမှာ လုပ်သက်ပိုရမှာပေါ့။” လို့ ၀င်ရေးထားတာလည်း တွေ့ရပါတယ်။

မကြာသေးခင်ကလည်း ရန်ကုန်မှာ တုတ်ကိုင်ရမ်းကားတဲ့ စပယ်ယာတယောက် ဓာတ်ပုံ ဖေ့စ်ဘွတ်ခ်ပေါ်တက်လာပြီးနောက် ရဲက အဲ့ဒီ စပယ်ယာကို ရှာဖွေဖမ်းဆီးပြီး ပြစ်ဒဏ် ချမှတ်ခဲ့ပါသေးတယ်။
DVB TV News

"ပေါ်တူဂီ ၀-၀ သြစတြီးယား"
* Man of the Match - မော်တင်ညို ( ပေါ်တူဂီ)

အဖွင့်ပွဲမှာ အုိုက်စလန်ကို သရေကျခဲ့တဲ့ ပေါ်တူဂီဟာ ဒီပွဲမှာလည်း သြစတြီးယားကိုဖိကစားနိုင်ခဲ့ပေမယ့် ဂိုးသွင်းခွင့်တွေကိုဖြုန်းတီးခဲ့လုို့ နောက်ထပ်သရေပွဲနဲ့ထပ်ကြုံခဲ့ရပါတယ်။ သြစတြီးယားအသင်းဟာ ပွဲအစပိုင်းမှာဘဲ အခွင့်အရေးအချို့ရခဲ့ပြီး ဂိုးရမလိုဖြစ်ခဲ့တာကလွဲရင် တစ်ပွဲလုံးကို ခံစစ်အသားပေးကစားခဲ့ပြီး ဂိုးမပေးရအောင်ကြိုးစားခဲ့ပါတယ်။

 ပေါ်တူဂီကတော့ တောင်ပံတွေကနေ ဖြတ်တင်ဘောတွေကိုအဓိက အားပြု ကစားခဲ့ပြီး နာနီ၊ ရော်နယ်လ်ဒိုတို့ဆီကိုပို့ခဲ့ပါတယ်။ ဒါပေမယ့် သြစတြီးယား ဂိုးသမားကောင်းနေလို ပထမပိုင်းမှာ နာနီရဲ့ ခေါင်းတိုက်ချက် တိုင်ထိထွက်တာ ကလည်းပေါ်တူဂီကံဆိုးခဲ့ရတာပါ။
ဒုတိယပိုင်းမှာလည်း ပေါ်တူဂီက ဒီပုံစံအတိုင်းပဲတိုက်စစ်ဆင်ကစားခဲ့ပြီး ပထမပိုင်းထက် ပိုကောင်းခဲ့ပါတယ်။ အထူးသဖြင့် သြစတြီးယားရဲ့ ဘယ်တောင်ပံကိုကနေ အဓိကတိုက်စစ်ဆင်ကစားနေလို့ လက်စတာစီးတီး နောက်ခံလူ ခရစ်တီယန်ဖြူနဲ့ စတုတ်စီးတီးက အနာတိုဗစ်တို့ ခံစစ်ကို တစ်ချိန်လုံးကာကွယ်နေရပါတယ်။ ၇၉မိနစ်မှာ သြစတြီးယားဂိုးဧရိယာထဲမှာ ရော်နယ်လ်ဒိုကိုဆွဲလို့ အီတလီကွင်းလယ်ဒိုင်လူကြီးက ပေါ်တူဂီကိုပင်နယ်တီ ပေးခဲ့ပါတယ်။

ဒီပင်နယ်တီကို ရော်နယ်လ်ဒိုကန်သွင်းခဲ့ပေမယ့် ဂိုးသမားရဲ့ ညာဖက် တိုက်ချေထိထွက်သွားခဲ့လို့ သြစတြီးယားကံကောင်းခဲ့တာပါ။ ၈၅ မိနစ်မှာ ရော်နယ်လ်ဒိုခေါင်းတိုက်ဂိုးသွင်းခဲ့ပေမယ့် လူကျွံနေလို့ ဂိုးမရခဲ့ဘဲ ပေါ်တူဂီနဲ့ သြစတြီးယားတို့ ဂိုးမရှိသရေကျသွားခဲ့ပါတယ်။ ဒီပွဲမှာ ပေါ်တူဂီ တိုက်စစ်က နာနီ၊ ကွာရက်ဇ်မာ၊ ရော်နယ်လ်ဒိုတို့ ခြေစွမ်းပျောက်ခဲ့ကြသလုို့ နောက်ထပ်သရေပွဲနဲ့ကြုံတွေ့ခဲ့ရတာဖြစ်ပါတယ်။ ဒါကြောင့်ပေါ်တူဂီဟာ နောက်တစ်ဆင့်တက်နုိုင်ဖို့ နောက်ဆုံးပွဲမှာ ဟန်ဂေရီကို အနိုင်ကစားဖို့လိုနေ ပါတယ်။

BBC Burmese

ဒီကနေ့ ဇွန်လ (၁၉) ရက်နေ့မှာကျရောက်တဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ (၇၁) နှစ်ပြည့် မွေးနေ့အဖြစ် မြန်မာနိုင်ငံတ၀ှမ်းသာမက နိုင်ငံတချို့မှာ အထိမ်းအမှတ် ဆုတောင်းပွဲ အခမ်းအနားတွေ ကျင်းပကြမှာ ဖြစ်ပါတယ်။ အခုလို ဒေါ်အောင်ဆန်းစုကြည်မွေးနေ့ အထိမ်းအမှတ်ပွဲတွေကို ပြည်သူတွေကိုယ်တိုင်ကျင်းပကြတာဟာ ဒေါ်အောင်ဆန်းစုကြည်ရဲ့ ဦးဆောင်မှုကို နိုင်ငံတော်ပြယုဂ်အဖြစ် ပြသတာဖြစ်ကြောင်း အခမ်းအနားစီစဉ်သူလည်းဖြစ်တဲ့ NLD လွှတ်တော်ကိုယ်စားလှယ်က ပြောပါတယ်။ မအင်ကြင်းနိုင်က စုစည်းတင်ပြထားပါတယ်။

ဒေါ်အောင်ဆန်းစုကြည်ရဲ့ အသက် (၇၁) ပြည့် မွေးနေ့အထိမ်းအမှတ်ပွဲတွေကို ပြည်နယ်နဲ့ တိုင်းအသီးသီးမှာ ကျင်းပဖို့ ရှိနေတာနဲ့ ပတ်သက်လို့ ဧရာဝတီတိုင်း အိမ်မဲမြို့နယ် NLD အမျိုးသားဒီမိုကရေစီအဖွဲ့ချုပ် လွှတ်တော်ကိုယ်စားလှယ် ဒေါ်သန္တာက အခုလို ပြောပါတယ်။

“ဒေါ်အောင်ဆန်းစုကြည်မွေးနေ့ အထိမ်းအမှတ် သစ်ပင်စိုက်တယ်။ တချို့ကျတော့လည်း ပါတီနဲ့ ကိုယ်စားလှယ်နဲ့ ပေါင်းလုပ်တာရှိတယ်။ တချို့ ပါတီက လုပ်တာရှိတယ်။ ကိုယ်စားလှယ်တွေကချည်းပဲ လုပ်တာရှိတယ်။ အခု ကျမကတော့ ဒါ ကိုယ်စားလှယ်နဲ့ ပါတီနဲ့ ပူးပေါင်းပြီးတော့ ဒေါ်အောင်ဆန်းစုကြည် မွေးနေ့ အထိမ်းအမှတ် ဘုန်းကြီးဆွမ်းကပ်မယ်ပေါ့။ အန်တီ ကျန်းမာချမ်းသာစေဖို့။ အန်တီ့အတွက် ဆုတောင်းမယ်။ သံဃာတော်တွေကလည်း ပရိတ်ရွတ်ဖတ်ပြီးတော့ အန်တီ့အတွက် ဆုတောင်းကြမယ်။ အန်တီ့အနေနဲ့က နိုင်ငံတော်ရဲ့ ပြယုဂ်တခုဖြစ်တယ်။ အဲတော့ အန်တီ ကျန်းမာချမ်းသာပြီးတော့ အလုပ်လုပ်နိုင်ဖို့ဟာ နိုင်ငံတော်အတွက် မရှိမဖြစ် လိုအပ်နေတယ်။”

အရင် စစ်အစိုးရလက်ထက်တွေတုန်းက ဒေါ်အောင်ဆန်းစုကြည်မွေးနေ့ကို မြန်မာ အမျိုးသမီးများနေ့အဖြစ် ဒီမိုကရေစီ၊ လူ့အခွင့်အရေးနဲ့ အမျိုးသမီးရေး လှုပ်ရှားနေတဲ့ အဖွဲ့အစည်းတွေက ဂုဏ်ပြုသတ်မှတ်ခဲ့ပါတယ်။ အခု NLD အစိုးရသစ်လက်ထက်မှာ ဒေါ်အောင်ဆန်းစုကြည် မွေးနေ့ ကို မြန်မာအမျိုးသမီးများနေ့အဖြစ် တရားဝင် သတ်မှတ်ကြောင်း ကြေညာတာမျိုး မရှိသေးပေမဲ့ ပြည်နယ်နဲ့တိုင်း တချို့မှာ သက်ဆိုင်ရာအစိုးရတွေက မြန်မာအမျိုးသမီးများနေ့အဖြစ် အထိမ်းအမှတ်ပွဲတွေ ကျင်းပတာနဲ့ပတ်သက်လို့ ဒေါ်သန္တာက အခုလို ပြောပါတယ်။

“မြန်မာအမျိုးသမီးများနေ့ကို တရားဝင် အန်တီ့မွေးနေ့ကို သတ်မှတ်ထားတာတော့ အခုထိတော့ မရှိသေးဘူး။ ဒါပေမဲ့ ကျမတို့ရဲ့ ရင်ထဲမှာတော့ အန်တီ့မွေးနေ့ကို မြန်မာအမျိုးသမီးများနေ့လို့ သတ်မှတ်တယ်။ ဘာလို့လဲဆိုတော့ မြန်မာနိုင်ငံက အမျိုးသမီးတွေအတွက် အန်တီဟာ အကောင်းဆုံး စံပြ အမျိုးသမီးတယောက်ပဲ။ အခုအချိန်မှာတော့ အစိုးရက တရားဝင် ဒီနေ့ ဒီနေ့ ကျင်းပပါလို့တော့ သတ်မှတ်ချက်တော့ ညွှန်ကြားချက်တော့ မရှိဘူး။ ဒါပေမဲ့ အရင်အတိုင်းပဲ အရင် ကျမတို့ ဒီလိုပဲ ပုန်းလျှိုး ကွယ်လျှိုး ကျင်းပခဲ့ကြသလို အခု ထင်ထင်ပေါ်ပေါ် အန်တီ့နေ့ကို သတ်မှတ်ပြီးတော့ ကျင်းပတာမျိုး ရှိတယ်။ တချို့ တိုင်းတွေ ဒေသတွေမှာ အစိုးရရဲ့ ဦးစီးဦးဆောင်မှုနဲ့ တိုင်းဒေသကြီး အစိုးရ၊ ပြည်နယ်ပြည်သားအစိုးရ ဦးဆောင်မှုနဲ့ လုပ်ကြတာရှိသလို တချို့ဒေသတွေမှာတော့ တိုင်း၊ ပြည်နယ် ဒေသ အစိုးရက လုပ်တာမဟုတ်ဘဲနဲ့ သီးသန့် ကိုယ်စားလှယ်တွေကရော ပါတီအလိုက်ရော အမျိုးသမီးများနေ့ အခမ်းအနားတွေ၊ ဟောပြောပွဲတွေ အမျိုးသမီးများ ဟောပြောပွဲတွေလိုတော့ ကျင်းပကြတာရှိတယ်။”

ရှမ်းပြည်နယ်မှာတော့ ၀န်ကြီးချုပ် ဒေါက်တာ လင်းထွဋ် ဦးဆောင်ပြီး အမျိုးသားပတ်ဝန်းကျင်စိမ်းလန်းစိုပြေရေးလှုပ်ရှားမှုသစ်ပင်စိုက်ပွဲနဲ့အတူ မြန်မာအမျိုးသမီးများနေ့ အထိမ်းအမှတ်သစ်ပင်စိုက်ပွဲကို မနေ့က တောင်ကြီးမြို့မှာ ပြုလုပ်ခဲ့ပါတယ်။

မြန်မာနိုင်ငံတ၀ှမ်းမှာတော့ ဒီကနေ့ကျရောက်တဲ့ ဒေါ်အောင်ဆန်းစုကြည် မွေးနေ့ အထိမ်းအမှတ်အဖြစ် ပန်းချီ၊ဓာတ်ပုံ၊ ကဗျာရွတ်ပွဲ စတာတွေ အပါအ၀င် လှုဒါန်းကုသိုလ်ပြုပွဲတွေကိုလည်း ပြည်သူတွေဦးဆောင်ပြီး ကျင်းပဖို့ရှိနေတာပါ။

ဒီအထိမ်းအမှတ်ပွဲတွေကိုကြည့်ခြင်းအားဖြင့် မြန်မာ့ဒီမိုကရေစီအသွင်ကူးပြောင်းရေး အခုလိုအရေးကြီးတဲ့ကာလမှာ ဒေါ်အောင်ဆန်းစုကြည်ရဲ့ ဦးဆောင်မှုအပေါ် ပြည်သူတွေရဲ့ ထောက်ခံမှုအတိုင်းအတာကို တွေ့ရမှာဖြစ်တယ်လို့ NLD ဗဟိုသုတေသနလမ်းညွှန်အဖွဲ့ အတွင်းရေးမှူး ကိုမျိုးရန်နောင်သိမ်းက ပြောပါတယ်။ ဒါ့အပြင် လက်ရှိ တိုင်းပြည်ရင်ဆိုင်နေရတဲ့ စိန်ခေါ်မှုတွေကို ရင်ဆိုင်ဖြေရှင်းနိုင်အောင် ကြိုးစားနေတဲ့ ဒေါ်အောင်ဆန်းစုကြည်ရဲ့ ဆောင်ရွက်ချက်တွေနဲ့ ပတ်သက်လို့လည်း

“ဒေါ်အောင်ဆန်းစုကြည်ကို ကြိုက်သည်ဖြစ်စေ၊ မကြိုက်သည်ဖြစ်စေ မြန်မာနိုင်ငံမှာ ဒေါ်အောင်ဆန်းစုကြည် ရှိနေလို့ အမျိုးမျိုး အထွေထွေသော နိုင်ငံရေးအင်အားစုတွေက တစုတစည်းတည်း ရှိနေတယ်ဆိုတာ ငြင်းလို့မရဘူး။ ဒေါ်အောင်ဆန်းစုကြည်သည် အသက် ၇၁ နှစ်ရှိပြီ။ နောင် ၅ နှစ်ဆိုလို့ရှိရင် ၇၅၊ ၇၆ နှစ် ရှိပြီ။ ဘာပဲဖြစ်ဖြစ် အသက်အရွယ်ဆိုတာ ကျန်းမာရေးဆိုတာ တားလို့မရဘူး။ ဒေါ်အောင်ဆန်းစုကြည်လို ပုဂ္ဂိုလ်မျိုး နောက်ထပ် ထပ်ပေါ်ဖို့ဆိုတာ နှစ်တွေအများကြီး ထပ်စောင့်ရဦးမှာပါ။ အဲတော့ ဒေါ်အောင်ဆန်းစုကြည် သက်ရှိ ထင်ရှားလည်းရှိတုန်း ကျန်းမာရေးလည်းကောင်းတုန်း ကျနော်တို့ မြန်မာနိုင်ငံကို ဘက်ပေါင်းစုံက အင်အားတောင့်တင်းတဲ့ နိုင်ငံအဖြစ်နဲ့ ၀ိုင်းဝန်း တည်ဆောက်ဖို့ လိုတယ်လို့ ကျနော် မြင်ပါတယ်။”

နိုင်ငံတော်အတိုင်ပင်ခံပုဂ္ဂိုလ်လည်းဖြစ် အမျိုးသားဒီမိုကရေစီအဖွဲ့ချုပ်ကို တည်ထောင်သူလည်းဖြစ်တဲ့ ဒေါ်အောင်ဆန်းစုကြည်ရဲ့ ဒီနှစ် မွေးနေ့အထိမ်းအမှတ်အဖြစ် မြန်မာကျပ်ငွေ သန်း (၆၀၀) ကုန်ကျ တည်ဆောက်ထားတဲ့ ရန်ကုန် NLD ဌာနချုပ် အဆောက်အဦးအသစ် ဖွင့်ပွဲအခမ်းအနားကို ဒီကနေ့မနက်ပိုင်းမှာ ကျင်းပမှာ ဖြစ်ပါတယ်။
VOA Burmese News


ရခိုင်ပြည်နယ် စစ်တွေမြို့ အောင်မင်္ဂလာ ရပ်ကွက်ရှိ အစ္စလာမ် ဘာသာဝင်များကို ၂၀၁၂ခုနှစ် အောက်တိုဘာလ ကတွေ့ရစဉ်။ (AP Photo/Khin Maung Win)
ရခိုင်ပြည်နယ် စစ်တွေမြို့ အောင်မင်္ဂလာ ရပ်ကွက်ရှိ အစ္စလာမ် ဘာသာဝင်များကို ၂၀၁၂ခုနှစ် အောက်တိုဘာလ ကတွေ့ရစဉ်။ (AP Photo/Khin Maung Win)

လူမှု အသိုင်းအ၀ိုင်း နှစ်ဘက်ကြား အဆင်ပြေပြီး အပြန်အလှန် ယုံကြည်မှုရဖို့ “ရခိုင်ပြည်နယ်က မူဆလင်အသိုင်းအ၀ိုင်း”လို့ သုံးနှုန်းပြောဆိုဖို့ မြန်မာအစိုးရက ကုလသမဂ္ဂမှာ တရားဝင် ပြောကြား လိုက်တာဟာ ပြဿနာကို အမှန်တကယ် ပြေလည်အောင် ဖြေရှင်း နိုင်မယ့် နည်းလမ်း မဟုတ်ဘူး လို့ နှစ်ဘက် အသိုင်းအဝိုင်းက ပြောဆိုလိုက်ပါတယ်။ ရခိုင်ပြည်နယ်တွင်းက တင်းမာနေဆဲ ဘာသာရေး အသွင်ဆောင် လူမျိုးရေး ပဋိပက္ခတွေဖြစ်ရတာဟာ အခွင့်အရေး တန်းတူမရတဲ့ မညီမျှမှုတွေနဲ့ အခြေခံလူ့အခွင့်အရေး ဆုံးရှုံးမှုတွေကြောင့် ဖြစ်တယ်လို့လည်း ထောက်ပြကြပါတယ်။ အပြည့်အစုံ မဆုမွန် က စုစည်း တင်ပြထားပါတယ်။

ရခိုင်ပြည်နယ်တွင်း မတူညီတဲ့ လူမှုအသိုင်းအဝိုင်း နှစ်ခုအကြား နာမည် အသုံးအနှုန်း ကွဲပြားမှုတွေကြောင့် ပိုပြီးတော့မှ အခြေအနေ မဆိုးရွားရလေအောင် “ရခိုင်ပြည်နယ်က မူဆလင်တွေ” လို့ သုံးနှုန်း ပြောဆို ကြဖို့ မြန်မာအစိုးရ ကိုယ်စားလှယ်က ဆွစ်ဇာလန်နိုင်ငံ ဂျနီဗာမြို့မှာ ကျင်းပနေတဲ့ (၃၂) ကြိမ်မြောက် ကုလသမဂ္ဂ လူ့အခွင့်အရေးကောင်စီ ညီလာခံမှာ မနေ့ သောကြာနေ့က ပထမဆုံး အကြိမ် တရားဝင် ပြောကြားလိုက်တာပါ။ မြန်မာနိုင်ငံက ရိုဟင်ဂျာတွေ အပေါ် ညှင်းပမ်းနှိပ်စက်မှုတွေ အဓိက ဖြစ်ပေါ်စေတာဟာ ဘာသာရေး အခြေခံ ၀ါဒီ ကြောင့် ဖြစ်တယ်လို့ ကုလသမဂ္ဂ အထူးကိုယ်စားလှယ်က သုံးနှုံးပြောဆိုခဲ့တဲ့ အပေါ်မှာ မြန်မာအစိုးရ ကိုယ်စားလှယ်ဘက်က တုန့်ပြန် ပြောကြား လိုက်တာ ဖြစ်ပါတယ်။
ဂျနီဗာမှာ ကျင်းပနေတဲ့ ၃၂ကြိမ်မြောက် လူ့အခွင့်အရေးကောင်စီ ညီလာခံမှာ မြန်မာအစိုးရ ကိုယ်စားလှယ် ဒေါ်သက်သင်ဇာထွန်း ဆွေးနွေးစဉ်။
ဂျနီဗာမှာ ကျင်းပနေတဲ့ ၃၂ကြိမ်မြောက် လူ့အခွင့်အရေးကောင်စီ ညီလာခံမှာ မြန်မာအစိုးရ ကိုယ်စားလှယ် ဒေါ်သက်သင်ဇာထွန်း ဆွေးနွေးစဉ်။

အခုလိုမျိုး ရိုဟင်ဂျာလို့မသုံးပဲ ရခိုင်ပြည်နယ်က မူဆလင်တွေလို့ နာမည် ပြောင်းသုံးပါလို့ မြန်မာ အစိုးရအနေနဲ့ နိုင်ငံတကာနဲ့ ကုလသမဂ္ဂကို ပြောလိုက်ရုံနဲ့လည်း တကယ် ဖြစ်နေတဲ့ ပြဿနာတွေ ဟာ ပြေလည်သွားမှာ မဟုတ်ဘူးလို့ လူ့အခွင့်အရေးနဲ့ ငြိမ်းချမ်းရေး လှုပ်ရှားသူ မဝေဝေနုက ထောက်ပြပါတယ်။

“သူတို့တွေရဲ့ နာမည်နဲ့ identity ကို အသိအမှတ်ပြုပေးဖို့ လိုပါတယ်။ အဲဒီလို အသိအမှတ်မပြုပဲနဲ့ နာမည်ကို ငြင်းပယ်ခြင်းဟာ သူတို့ရဲ့ ရပ်တည်ချက် အခြေခံ အခွင့်အရေး၊ လူ့အခွင့်အရေးတွေကို ငြင်းပယ်တာနဲ့ အတူတူပဲ။ အဲဒီလို ငြင်းပယ်ခြင်း အားဖြင့် မှန်ကန်တဲ့ အဖြေတစ်ခု ရလိမ့်မယ်လို့ မထင်ပါဘူး။ ရခိုင်ပြည်နယ်က မွတ်စလင်တွေလို့ သုံးတော့ ဒါဟာ အရမ်းကို broad ဖြစ်ပါတယ်။ အရမ်း generalize ဖြစ်ပါတယ်။ ရခိုင်ပြည်နယ်မှာ မွတ်စလင် လူမျိုးစုတွေ အများကြီး ရှိပါတယ်။ ဒီလို ပြောလိုက်ခြင်းဖြင့် အဖြေ ဖြေရှင်းသွားနိုင်မယ်လို့ ကျွန်မတို့ ယုံကြည်မှု မရှိပါဘူး။ အဓိကကတော့ ရေရှည်အတွက်မှန်တဲ့ အဖြေကို ဒီမိုကရေစီ မူဝါဒတွေ၊ လူ့အခွင့်အရေးရဲ့ စံနှုန်းတွေ အပေါ်မှာ ရပ်တည်ပြီးတော့ အစိုးရက ရဲရဲဝံ့ဝံ့နဲ့ လူနည်းစုတွေရဲ့ ပြဿနာကို ဖြေရှင်းပေးဖို့ လိုမယ်လို့ ထင်ပါတယ်။ ”

လူမှု အသိုင်းအဝိုင်း နှစ်ဘက်ကြား အဆင်ပြေပြီး အပြန်အလှန် ယုံကြည်မှုရအောင် ရခိုင်ပြည်နယ်က မူဆလင် အသိုင်းဝိုင်းလို့ သုံးပါလို့ ဆိုရုံနဲ့တော့ နှစ်ရှည် လများ ဖြစ်တည်နေတဲ့ ပြဿနာတခုကို ရေတိုနည်းလမ်းနဲ့ မှန်ကန်တဲ့ ဖြေရှင်းမှု မဟုတ်ဘူး ဆိုတာကိုလည်း
ရခိုင်စာပေနဲ့ ယဉ်ကျေးမှု အဖွဲ့ ဥက္ကဋ္ဌ ဒေါ်စောခင်တင့် ဒေါ်စောခင်တင့်က သုံးသပ်ပါတယ်။

“အဲဒီလို တစ်ဖက်သက်ရှောင်ထွက်လို့ကတော့ ပြဿနာ ပြေလည်စရာ အကြောင်းမရှိဘူး။ ဒီ တစ်ဖက်နိုင်ငံက ကူးလာတဲ့ လူမျိုးဖြစ်တယ်ဆိုတာ အန်တီတို့ ရခိုင်ဘက်က အခိုင်အမာ သက်သေ၊ သမိုင်း သက်သေ အကုန် ပြလို့ရတယ်။ အဲဒီလို ကူးလာတဲ့ လူမျိုးတွေ အပေါ်မှာ၊ ဟုတ်ပြီ။ ဒီ ၁၉၈၂ ဥပဒေအရ သူတို့တွေ ကို နိုင်ငံသားအဖြစ် ဘယ်လောက် ပေးနိုင်မလဲ။ ဒါကိုပဲ အစိုးရက လုပ်စေချင်တယ်။ အန်တီတို့က။ သူတို့တွေဟာ တစ်ဖက်နိုင်ငံက လာတဲ့ ဘင်္ဂါလီတွေ ပဲ။ မြန်မာနိုင်ငံကို ရောက်ရှိနေတဲ့ ဘင်္ဂါလီလူမျိုးတွေ ဖြစ်တယ်။ ဒါကိုတော့ ဘယ်လိုမှ ငြင်းလို့ မရဘူး။ သမိုင်းအရလည်း ငြင်းလို့ မရဘူး။

အဲတော့ ငြင်းလို့မရတဲ့ ဟာကို ရခိုင်ပြည်နယ်မှာ ရှိတဲ့ မွတ်စလင်များဆိုတော့ ရခိုင်ပြည်နယ်မှာ ရောက်နေတဲ့ မွတ်စလင်တွေဟာ နဂိုကတည်းက ရောက်နေတဲ့ မွတ်စလင်တွေ မဟုတ်ဘူး။ သူတို့တွေဟာ ဒီဘင်္ဂလားဒေ့ရှ် ဘက်က ကျွန်မတို့ ဘက်ကို ကူးလာတဲ့ မွတ်စလင်တွေပါ။ အဲတော့ ဘင်္ဂလားဒေ့ရှ် က လာတဲ့ ဘင်္ဂါလီတွေဆိုတာ ကျွန်မတို့မှာ သမိုင်းသက်သေ အကုန်လုံး ရှိရဲ့သားနဲ့ ဒါကို ဘင်္ဂါလီလို့ ခေါ်လို့ မရဘူးဆိုရင် ဘယ်လိုမှ မှန်ကန်မှု မရှိဘူး။ ”

မြန်မာနိုင်ငံမှာ လူနည်းစု ရိုဟင်ဂျာတွေ အဖိနှိပ်ခံနေရတာဟာ ဘာသာရေး အခြေခံဝါဒီ တခုတည်းကြောင့်မဟုတ်ပဲ အခြေခံ လူသား အခွင့်အရေး တန်းတူညီမျှမရပဲ ရပ်တည်မှု ဆုံးရှုံးမှုတွေနဲ့ နှစ်ရှည်လများ ရင်ဆိုင် နေရတာကြောင့်ဖြစ်တယ်လို့ မဝေဝေနုက ပြောဆို လိုက်ပါတယ်။

“မမျှတမှုနဲ့ ခွဲခြား ဆက်ဆံမှု၊ ဒီ ဖိနှိပ်မှုတွေပေါ့နော်။ ဗိုလ်ချုပ် ဦးနေ၀င်း လက်ထက် ကတည်းက ဒီလိုမျိုး လူမျိုးစုတွေ အပေါ်မှာ၊ လူနည်းစုတွေ အပေါ်မှာ၊ တိုင်းရင်းသားလူမျိုးတွေ အပေါ်မှာ ဖိနှိပ်လာတဲ့၊ ဒီလိုမျိုး ကျင့်သုံးလာတဲ့ ခွဲခြား ဆက်ဆံတဲ့ မူဝါဒတွေနဲ့၊ ဖိနှိပ်မှုတွေကနေ အခြေခံပြီး ဖြစ်လာတာလို့ ကျွန်မပြောချင်ပါတယ်။ အဲဒီကနေပြီး သူတို့တွေရဲ့ အခြေခံ အခွင့်အရေးတွေ လုံးဝကို ရုတ်သိမ်း ခံရတယ်။ နိုင်ငံသား ဥပဒေတွေ ပြဒါန်းတယ်။ တိုင်းရင်းသား စာရင်းတွေ ပြဒါန်းတယ်။ အဲဒီကနေမှ ဒီလူတွေရဲ့ အခွင့်အရေးတွေ အားလုံး ဆုံးရှုံးသွားတဲ့အထိ ပြုမူလာခဲ့တဲ့ အကျိုးဆက်တွေရဲ့ ရလဒ်ကို တွေ့ကြုံနေရတယ် လို့ ကျွန်မ ပြောချင်ပါတယ်။”

ရခိုင်ပြည်နယ်တွင်းက ဘာသာရေး အသွင်ဆောင် လူမျိုးရေး ပဋိပက္ခတွေ ဖြစ်ရတာ ဟာ ဘာသာရေး အခြေခံဝါဒီကြောင့် ဖြစ်ရတယ် ဆိုတဲ့အပေါ် ရခိုင် အမျိုးသမီး အဖွဲ့ ဒု ဥက္ကဋ္ဌလည်း ဖြစ်တဲ့ ဒေါ်စောခင်တင့်ကတော့ လက်မခံပါဘူး။ ရခိုင်ပြည်နယ် တွင်း ဖြစ်နေတဲ့ တကယ့် ပြဿနာ အရင်းမြစ်ကို နိုင်ငံတကာနဲ့ ကုလသမဂ္ဂက သမိုင်းကြောင်းနဲ့တကွ စနစ်တကျ လာရောက် လေ့လာ သုံးသပ် စေချင်ပါတယ် လို့လည်း ဒေါ်စောခင်တင့်က ပြောပါတယ်။

“ကျွန်မတို့ရဲ့ ရခိုင်ဒေသမှာ ရှိတဲ့ ဒီ လူမျိုး နှစ်လုံးပေါ်မှာ တကယ့်ကို ထဲထဲ ၀င်ဝင် ကြည့်မယ်ဆိုရင် ကျွန်မတို့က သူတို့ကို ဖိနှိပ်နေတာ မဟုတ်ဘူး။ သူတို့တွေက အင်အားများစွာနဲ့ ကျွန်မတို့ ရခိုင်တွေကို မနေနိုင်အောင် ဖိနှိပ်နေတာ ပါ။ ဒါဟာ တကယ်ကို ပြောင်းပြန် ကြီး ဖြစ်နေတာကို ကမ္ဘာကြီးက အသေအချာ မမြင်ပေးနိုင်တာပဲ ဖြစ်ပါတယ်။ ဒါကြောင့်မို့ တကယ့် နှိုက်နှိုက်ချွတ်ချွတ် သိချင်တယ်ဆိုရင် ကျွန်မတို့ လို့ လူမှုရေး အဖွဲ့အစည်းတွေနဲ့ တွေ့ဆုံပြီးတော့ တကယ်လိုက်ပြီးတော့ စုံစမ်းကြည့်ပါလို့။ ဒါကို ကျွန်မ ပြောချင်ပါတယ်။”
ရခိုင်ပြည်နယ် စစ်တွေမြို့ ဒုက္ခသည်စခန်းမှ ဒေသခံပြည်သူများ။
ရခိုင်ပြည်နယ် စစ်တွေမြို့ ဒုက္ခသည်စခန်းမှ ဒေသခံပြည်သူများ။

ရခိုင်ပြည်နယ်မှာ ပဋိပက္ခဖြစ်နေတဲ့ လူမှုအသိုင်းအ၀ိုင်း နှစ်ဘက်ကြား နာမည် အသုံးအနှုန်းကြောင့် အခြေအနေတွေ ပိုပြီး ဆိုးရွားမသွားရအောင် NLD အစိုးရ အနေနဲ့ ကြိုးစား ကိုင်တွယ်သွားမှာ ဖြစ်တယ် ဆိုတာကိုလည်း နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ပြီးခဲ့တဲ့လက ပြောဆို ခဲ့ပြီး နောက်ပိုင်း ပထမဆုံးအကြိမ်အဖြစ် ရခိုင်ပြည်နယ်အရေးနဲ့ ပတ်သက်လို့ ဘယ်လို အမည်နဲ့ သုံးနှုန်းခေါ်ဆိုရမလဲ ဆိုတာ မြန်မာအစိုးရဘက်က ကုလသမဂ္ဂမှာ မနေ့က တရားဝင် ပြောဆိုလိုက်တာ ဖြစ်ပါတယ်။ ကုလသမဂ္ဂ အထူးကိုယ်စားလှယ် အနေနဲ့ မမှန်ကန်တဲ့ နာမည်တွေပေးပြီး သုံးနှုန်းပြောဆို သွားတာကို မြန်မာအစိုးရက ထောက်ခံမှာ မဟုတ်ကြောင်းနဲ့ အဲဒီလို မှန်ကန်မှု မရှိတဲ့ အမည်တွေ သုံးခြင်းအားဖြင့် အခြေအနေတွေကို ပိုပြီး ဆိုးရွား စေကြောင်း မြန်မာအစိုးရ ကိုယ်စားလှယ် ဒေါ်သက်သင်ဇာထွန်းက တုန့်ပြန် ပြောဆိုခဲ့သလို မြန်မာနိုင်ငံမှာ Buddhist Fundamentalist လို့ခေါ်တဲ့ ဗုဒ္ဓဘာသာ အခြေခံဝါဒီ ဆိုတာမျိုး မရှိကြောင်း ငြင်းဆိုသွားခဲ့ ပါတယ်။
VOA Burmese News


ဒေါ်စု မွေးနေ့ပွဲ ဖိတ်ကြားစာ။
ဒေါ်စု မွေးနေ့ပွဲ ဖိတ်ကြားစာ။

နောင်လာမယ့် မြန်မာနိုင်ငံ ရွေးကောက်ပွဲတွေမှာ NLD ပါတီထဲက လူငယ် ခေါင်းဆောင်တွေ ပေါ်ထွန်း လာစေဖို့အတွက် ရည်ရွယ်ပြီး ဒေါ်အောင်ဆန်းစုကြည်ရဲ့ အတ္ထုပတ္တိ ၊ သူပြောကြားခဲ့တဲ့ မိန့်ခွန်းတွေနဲ့ပတ်သက်တဲ့ ကျပန်း စကားပြောပြိုင်ပွဲကို ဇွန်လ (၁၉)ရက်မှာ ကျရောက်တဲ့ ဒေါ်အောင်ဆန်းစုကြည်ရဲ့အသက် ၇၁ နှစ်ပြည့် မွေးနေ့မတိုင်ခင် တစ်ရက်အလို ဒီကနေ့ ရန်ကုန်မြို့မှာ ကျင်းပခဲ့တာ ဖြစ်တယ်လို့ NLD ပါတီ တာဝန်ရှိသူတွေက ပြောပါတယ်။ အပြည့်အစုံကို ကိုဥာဏ်ဝင်းအောင်က တင်ပြပါမယ်။

ဒေါ်အောင်ဆန်းစုကြည်နဲ့ပတ်သက်တဲ့ ကျဘမ်းစကားပြောပြိုင်ပွဲကို ရန်ကုန် တောင်ဥက္ကလာပမြို့နယ် သံသုမာလမ်းက စိတ်တိုင်းကျ လက်ဖက်ရည် ဆိုင်မှာ ဒေါ်အောင်ဆန်းစုကြည်ရဲ့ ၇၁ နှစ်ပြည့်မွေးနေ့ အကြိုနေ့ဖြစ်တဲ့ ဇွန်လ ၁၈ရက် ဒီကနေ့မှာ ကျင်းပခဲ့တာပါ။

အခုလို ကျင်းပရတာဟာ NLD ပါတီတွင်း လူငယ်ခေါင်းဆောင် တွေ ပေါ်ထွန်း လာစေဖို့ ရည်ရွယ်တာဖြစ်တယ်လို့ NLD ပါတီနာယက ဦးတင်ဦး က ပြောပါတယ်။

“အခု ဒေါ်အောင်ဆန်းစုကြည် ကိုယ်တိုင်ကလဲပဲ လူငယ်တွေကို ရှေ့တန်းတင်ဖို့ လိုအပ်တဲ့ လေ့ကျင့်မှုတွေက စလုပ်နေတာ ဖြစ်တော့ရယ်။ ဒီ အဖွဲ့ချုပ်နဲ့ ပက်သက်တဲ့ ကိစ္စမှာ သဘောပေါက် နားလည်ပြီး ပိုမိုပြီး လှုပ်ရှားဆောင်ရွက်နိုင် အောင် တိုးတက်မှု အလို့ငှာ လုပ်တဲ့ သဘောပါပဲ ခင်ဗျ။”

ဒီကျဘမ်းစကားပြောပြိုင်ပွဲနဲ့ ပတ်သက်လို့ ဒီပွဲကိုကြီးကြပ်ဆောင်ရွက်ရာမှာ ပါဝင်ခဲ့တဲ့ ဟာသ သရုပ်ဆောင် ဇာဂနာခေါ် ဦးသူရက ခုလိုရှင်းပြ ပါတယ်။

“ဒီ ကျပန်းစကားပြော ပြိုင်ပွဲက အဓိကအားဖြင့်တော့ ဒေါ်အောင်ဆန်းစုကြည် ပြောခဲ့တဲ့ မိန့်ခွန်းတွေရှိတယ်။ ၂၁ ရာစု ပင်လုံ ညီလာခံနဲ့ ပက်သက်တဲ့ မိန့်ခွန်းတွေ၊ ပညာရေးနဲ့ ပက်သက်တဲ့ ကိစ္စ။ ဖွဲ့စည်းပုံ အခြေခံ ဥပဒေနဲ့ ပက်သက်တဲ့ ကိစ္စ။ နောက်ပြီးတော့ လွှတ်တော် ကိုယ်စားလှယ်တွေနဲ့ ပက်သက်တဲ့ ကိစ္စ စသည်ဖြင့်။အဲဒီလို ပြောခဲ့တဲ့ မိန့်ခွန်းပြောခဲ့တဲ့ ဟာတွေကို မှီငြမ်းပြီးတော့ မဲနှိုက်လိုက်တဲ့အခါ ကျလာတဲ့ အကြောင်းကို ကျပန်းစကားပြော ပြိုင်ပွဲ လုပ်တာပေါ့။ ဒုတိယ တစ်ချက်ကတော့ ဒီ မေးခွန်းတွေပေါ့။ ဒီမေးခွန်းတွေကို ကြိုပြီး ဘာမှ ပေးမထားဘူး။ မဲနှိုက်လိုက်ရင် ကျလာတဲ့ နံပါတ်က ၂၀ဆိုရင်၊ အဲဒီကလေးက မေးခွန်း၂၀ကို ရအောင်ဖြေပေါ့။ မဖြေနိုင်ရင်တော့ အမှတ်မရဘူးပေါ့။ ဒါပထမဆုံး အကြိမ် လုပ်တာဆိုတော့ နည်းနည်းတော့ တချို့ဟာလေးတွေ အစီအစဉ် မကျပေမယ့် တတ်နိုင်ဆုံးတော့ အကောင်းဆုံးဖြစ်အောင် လုပ်ကြတာပေါ့လေ။”

NLD ပါတီအနေနဲ့ လူငယ်တွေကို အခုလို လေ့ကျင့်ပေးခြင်းအားဖြင့် နောင်မှာ ပါတီတွင်း မျိုးဆက်သစ် ခေါင်းဆောင်တွေ ထွက်ပေါ်လာမှာ ဖြစ်သလို လာမယ့် ရွေးကောက်ပွဲ ကိုယ်စားလှယ်လောင်းတွေအဖြစ် အတွက်ပါ ရည်ရွယ်တယ်လို့ NLD ဦးတင်ဦးက ပြောပါတယ်။

“သူတို့ရဲ့ တတ်သိ နားလည်မှု၊ ကြိုးစားမှု။ နောက် အတူတကွ အဖွဲ့အစည်းနဲ့ ပက်သက်တဲ့ စည်းလုံး ဆောင်ရွက်မှု။ စသည်ဖြင့်ပေါ့ဗျာ။ အဆက်မပြတ် ဖြစ်နေအောင် ဆက်တိုက် လုပ်နေတဲ့ဟာကို မူချထားတော့ အဲဒီအပေါ်မှာပဲ ကျွန်တော်တို့က ဆက်လက် ဆောင်ရွက်နေတာပါ။ ဒီမိုကရေစီမှာက ရွေးကောက်ပွဲဟာ တစ်ခါတည်းနဲ့ ပြီးတာမှ မဟုတ်ပဲဗျ။ လာမယ့် ၂၀၂၀ အတွက်လည်း ခေါင်းဆောင်မှု ပေးနိုင်မယ့် လူငယ်တွေနဲ့ ပက်သက်ပြီးတော့ တိုင်းရင်းသားတွေထဲကရော၊ အမျိုးသမီးတွေကို လည်းပဲ ဦးစားပေးတဲ့ အနေနဲ့ ဒီလို တက်တက်ကြွကြွ ဆောင်ရွက်ပေးဖို့ ဟာကို လှုပ်ရှားမှု တစ်ခုအနေနဲ့ အားပေးတာပဲ ဖြစ်ပါတယ်။ ”

ဒီပြိုင်ပွဲမှာ ပါဝင်ယှဉ်ပြိုင်သူတွေဟာ အသက် ၁၅နှစ်ကနေ ၂၂ကြား အရွယ်တွေဖြစ်ကြပါတယ်။ ပြိုင်ပွဲကျင်းပတဲ့ အတွေ့အကြုံနဲ့ပတ်သက်ပြီး ဦးဇာဂနာ ပြောတာက -

“ထူးခြားချက်တစ်ခုကတော့။ ကလေးတစ်ယောက်က ၁၅ နှစ်ပဲ ရှိသေးတယ်။ ဒီနှစ်မှ ၁၀တန်း တက်မယ့် ကလေးနှစ်ယောက် ၀င်ပြိုင်သွားတယ်။ အဲလို ကလေးမျိုး လေးတွေ ပါလာတဲ့အတွက် ကျွန်တော်ကတော့ အရမ်း အံ့အားလည်း သင့်တယ်။ ၀မ်းလည်းသာတယ်။ နောက်ပြီးတော့ ဒီကလေးတွေ မလေ့လာဘူးတို့၊ မဖတ်ဖူးလို့ ထင်ခဲ့မ်ိတာ မှားသွားတယ်။ အဲဒီ ကလေးတွေက လေ့လာကြတယ်။ ဖတ်ကြတယ်။ ဒီ ၁၄ယောက်ထဲမှာတော့ အဲဒီလို လုပ်နိုင်တဲ့ ကလေးတွေ ၉ယောက်လောက် တွေ့ရတယ်။ အဲဒီမှာ ပထမရသွားတာ သင်္ဃန်းကျွန်းက ကလေး။ ကျွန်တော် နာမည် မေ့သွားပြီ။ နှင်း နိုဗယ်အေး ဆိုလား၊ နိုဗယ်နှင်းအေး ဆိုလား မသိဘူး။ အဲဒီကလေး ၂၁ နှစ်ရှိတဲ့ တက္ကသိုလ် ဒုတိယနှစ် ကျောင်းသူပေါ့။ နိုင်ငံရေးကို လည်း စိတ်ဝင်စားပုံရတယ်။ စကားပြောတာ ဆိုတာ၊ presentation လည်း ဒီကလေးက ကောင်းတယ်။ လူငယ်တွေရဲ့ တာဝန်ယူမှုနဲ့ တာဝန်ခံမှု ဘယ်လိုရှိသင့်တယ်ဆိုတာ လူငယ်တစ်ယောက်ကပဲ လူငယ်တွေကို ပြောသွားတာ တော်တော်လှတယ်။ နောက်ပြီးတော့ အမေးအဖြေမှာလဲ သူပဲ ပထမ ရတယ်။ ”

ဒေါ်အောင်ဆန်းစုကြည် မွေးနေ့အကြို ကျဘမ်းစကားပြောပြိုင်ပွဲမှာ အကဲဖြတ်ဒိုင်တွေအဖြစ် စာရေးဆရာ/ဆရာမတွေဖြစ်ကြတဲ့ ဆရာနေဖုန်းလတ် ဆရာမောင်လွင်မွန်(ကသာ)နဲ့ ဆရာမ နှင်းပန်းအိမ် တို့ ဆောင်ရွက် ခဲ့ကြတာ ဖြစ်ပါတယ်။ မနက်ဖြန်ကျရောက်မယ့် ဒေါ်အောင်ဆန်းစုကြည်ရဲ့ အသက် ၇၁ နှစ်ပြည့်မွေးနေ့ပွဲကို ဇွန်လ ၁၉ ရက် ရန်ကုန်မြို့ ရွှေဂုံတိုင် NLD ပါတီရုံးချုပ်မှာ ကျင်းပသွားမှာဖြစ်ပြီး ပြန်လည်မွမ်းမံ ဆောက်လုပ်ထားတဲ့ NLD ပါတီရုံးချုပ်အသစ် ဖွင့်ပွဲကိုပါ တပြိုင်နက်ထဲ ပြုလုပ်သွားမှာ ဖြစ်ပါတယ်။
VOA Burmese News

dassk-71birthday-620.jpg ဒေါ်အောင်ဆန်းစုကြည်ရဲ့ အသက် ၇၁ နှစ်ပြည့် မွေးနေ့အထိမ်းအမှတ်အဖြစ် ဇွန်လ ၁၈ ရက်နေ့ ရန်ကုန်မြို့ တောင်ဥက္ကလာပမြို့နယ် စိတ်တိုင်းကျ လက်ဖက်ရည်ဆိုင်မှာ ကျင်းပစဉ်
Photo: Htet Arkar/RFA
မနက်ဖြန် ကျရောက်မယ့် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ အသက် ၇၁ နှစ်ပြည့် မွေးနေ့ အထိမ်းအမှတ်အဖြစ် ရန်ကုန်တိုင်းအရှေ့ပိုင်းခရိုင် အမျိုးသားဒီမိုကရေစီအဖွဲ့ချုပ်က ဒေါ်အောင်ဆန်းစုကြည်ရဲ့ မိန့်ခွန်းပြောပြိုင်ပွဲကို ဒီနေ့ ကျင်းပခဲ့ပါတယ်။

ရန်ကုန်မြို့ တောင်ဥက္ကလာပမြို့နယ်က စိတ်တိုင်းကျ လက်ဖက်ရည်ဆိုင်မှာ ကျင်းပတာဖြစ်ပါတယ်။ ဒေါ်အောင် ဆန်းစုကြည်ရဲ့ အထ္တုပတ္တိနဲ့ မိန့်ခွန်းတွေကို လူငယ်တွေ သိရှိအောင် ရည်ရွယ်ပြီး ပြိုင်ပွဲကျင်းပတာဖြစ်တယ်လို့ ရန်ကုန်အရှေ့ပိုင်းခရိုင် NLD ပါတီ ဥက္ကဌ ဦးကြည်လွင်က ပြောပါတယ်။

မနက်ဖြန် ကျရောက်မယ့် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ မွေးနေ့အထိမ်းအမှတ်ပွဲတွေကို တိုင်းနဲ့ပြည်နယ်အသီးသီးက မြို့နယ်အတော်များများမှာ ကျင်းပကြမှာဖြစ်ပြီး သွေးလှူတာတွေ၊ သစ်ပင်စိုက် တာတွေလည်း ပြုလုပ်ကြမှာဖြစ်ပါတယ်။

ဒါ့အပြင် ရန်ကုန်မြို့ ရွှေဂုံတိုင်က NLD ပါတီရုံးချုပ်အသစ်ကိုလည်း ဖွင့်လှစ်သွားမှာ ဖြစ်ပါတယ်။
RFA


ကြေးနီစီမံကိန်းအတွက် အသုံးပြုဖို့ စစ်ကိုင်းတိုင်း၊ ယင်းမာပင်ခရိုင်၊ ဆားလင်းကြီးမြို့နယ် ကံကုန်းရွာနားမှာ စစ်တပ်ပိုင် မြန်မာ့စီးပွားရေးဦးပိုင်ကုမ္ပဏီလိမိတက် က လည်ပတ်နေတဲ့ မိုးကြိုးဆာလ်ဖျူရစ် အက်ဆစ်စက်ရုံက အနံ့ဆိုးတွေထွက်လာတဲ့အတွက် ဒီကိစ္စဖြေရှင်းပေးဖို့ ရွာသားတွေက စက်ရုံရှေ့ ဒီနေ့သွားစုဝေး ကြပေမယ့် တစုံတရာ အရေးယူဖြေရှင်းပေးတာ မရှိဘူးလို့ မွန်းလွဲ ၄ နာရီလောက်မှာ ရွာသားတွေက ပြောကြပါတယ်။

ဒီအကြောင်းကံကုန်းရွာက ဦးတင့်အောင်စိုးက ပြောပြပါတယ်။

" မိုးကြိုးဆာလ်ဖျူရစ် အက်ဆစ်စက်ရုံကနေ အနံ့ဆိုးတွေမခံနိုင်လို့ ကျနော်တို့ကစက်ရုံရှေ့သွားပြီး ဖြေရှင်းခိုင်းတာပေါ့၊ ခုချိန်ထိတာဝန်ရှိတဲ့သူတွေ ကဖြေရှင်းမပေးသေးဘူး"

ညနေ ၆ နာရီထိုးကာနီးမှာ  စစ်ကိုင်းတိုင်းစည်ပင်သာယာဝန်ကြီးရောက်လာပြီး ကျေးရွာအုပ်ချုပ် ရေးမှူးကလည်း ဒီအနံ့ဆိုးထွက်တဲ့ကိစ္စ တင်ပြမယ်ဆိုတဲ့ အတွက် ရွာသားတွေ လူစုခွဲလိုက်ပါတယ်။

အက်ဆစ်စက်ရုံဟာ ကံကုန်းရွာနဲ့ ကိုက် ၂၀၀ အကွာမှာတည်ဆောက်ထားပြီး လေသင့်တိုင်း ငရဲမီးခိုးငွေ့သင့်နေရတယ်လို့ ဆိုပါတယ်။

စက်ရုံကို ၂၀၀၆ ခုနှစ်မှာစတင်တည်ဆောက်ပြီး ၂၀၀၇ ခုနှစ်မှာ စတင်လည်ပတ်ပါတယ်။

စစ်အစိုးရလက်ထက်မှာ မပြောရဲလို့ငုံ့ခံနေကြပြီး ဦးသိန်းစိန်အစိုးရလက်ထက်မှာ အက်ဆစ်စက်ရုံနဲ့ ဆက်စပ်နိုင်ဖွယ်ရှိတဲ့ သေစာရင်းကို ရွာသားတွေ က ပြုစုတဲ့အခါ ၂၀၁၂ မှာ ၂၉ ယောက်နဲ့ ၂၀၁၃ နိုဝင်ဘာလအထိ ၃၁ ယောက်သေဆုံးတာကိုတွေ့ရပါတယ်။  စုစုပေါင်းလူဦးရေ ၃၈၀၀ ပေါ် အခြေခံတွက်ရင် လူသေဆုံးနှုန်းဟာ လူဦးရေ တစ်သိန်းမှာ ၇၀၀ ကျော်သေဆုံးတာတွေ့ရပါတယ်။

ဆာလဖြူရစ်အက်စစ်ကြောင့် ဖြစ်တဲ့ရောဂါလို့ယူဆနိုင်တဲ့ အဆုတ်၊လည်ချောင်းနဲ့ အသက်ရှု လမ်းကြောင်းဆိုင်ရာ ရောဂါတွေကြောင့်သေဆုံးရသူဦးရေဟာ  ၂၀၁၂ ခုနှစ်မှာ စုစုပေါင်း သေဆုံးသူအားလုံးရဲ့  ၃၄%  ရှိတယ်လို့ စစ်တမ်းတစ်ခုမှာ ဖော်ပြထားပါတယ်။

ကံကုန်းရွာတ၀ိုက်က မြေနမူနာတွေကို ဓာတ်ခွဲစစ်ဆေးတဲ့အခါ ဆာလ်ဖိတ်ဓာတ် မြင့်မားနေတာ တွေ့ရတယ်လို့လည်း ပြောပါတယ်။

RFA Burmese
http://www.rfa.org/burmese


 စင်္ကာပူနိုင်ငံမှာ အလုပ်လုပ်နေတဲ့ မြန်မာနိုင်ငံသား အလုပ်သမားတွေကို တယ်လီဖုန်းနဲ့ ဆက်သွယ်ပြီး ကိုယ်ရေးအချက်အလက်တွေ၊ ငွေလွှဲခိုင်းတာတွေရှိလာရင် မပေးကြဖို့ စင်္ကာနိုင်ငံ အလုပ်သမား အင်အားဝန်ကြီးဌာနက မနေ့က ရက်စွဲနဲ့ ကြေညာချက်ထုတ်ပြန် သတိပေးထားပါတယ်။

အဲဒီလို စင်္ကာပူအစိုးရက ထုတ်ပြန်လိုက်တာဟာ ငွေကြေးလိမ်လည် တောင်းတာတွေ ရှိနေတာကြောင့် ကြေညာချက်ထုတ်ပြန်ထားတာဖြစ်ကြောင်း စင်္ကာပူနိုင်ငံမှာ အလုပ်လုပ်ကိုင်နေတဲ့ ဦးအောင်မင်းဆွေက ပြောပါတယ်။

"စင်္ကာပူ MOM ကထုတ်ထားတာကတော့ မသိတဲ့ဖုန်းနံပါတ်တွေကနေခေါ်ပြီးတော့ ကိုယ့်ရဲ့IC တွေဈ နာမည်တွေ၊ မွေးနေ့တွေပေါ့နော်၊ ကိုယ့်ရဲ့ဘဏ်ကဒ်တွေ၊ အကြွေးဝယ်ကဒ်တွေ၊ အဲ့ဒါတွေမေးလာရင်မပြောဖို့ ဘာလို့လည်းဆိုတော့ အခုလိမ်တဲ့သူတွေကနည်းပညာကမြင့်လာပြီလေ၊ သူတို့ခေါ်တဲ့ဖုန်းက မသိရင်ဌာနဆိုင်ရာကခေါ်တဲ့အတိုင်းပဲ၊ ဖုန်းဆက်လာရင်ဘာမှမပေးဖို့၊ တစ်ကယ်လို့ ကိုယ်ကအမှုတစ်ခုဖြစ်နေရင်လို့ သူတို့ကဖုန်းဆက်ခေါ်ချင်တယ်ဆိုရင် ကိုယ့်နာမည်ကိုခေါ်မယ်၊ ရဲစခန်းကိုပဲလာခိုင်းမှာပဲ၊ ကိုယ်ရေးအချက်အလက်တွေတောင်းရင် ပေးစရာမလိုဘူး"

စင်္ကာနိုင်ငံ အလုပ်သမားအင်အား ဝန်ကြီးဌာနက ထုတ်ပြန်တဲ့ကြေညာချက်ဟာ မြန်မာနိုင်ငံသားတွေ အပြင် စင်္ကာပူမှာသွားရောက် အလုပ်လုပ်နေတဲ့ နိုင်ငံခြားသား အလုပ်သမားအားလုံးကို သတိပေးထားတာ ဖြစ်ပါတယ်။

ရွှေ့ပြောင်းအလုပ်သမားတွေထံ ဖုန်းနဲ့ငွေတောင်းခံတဲ့ နံပါတ်က ၆၄၃၈ ၅၁၂၂ ဖြစ်ပါတယ်။ တိုင်ကြားလိုတယ်ဆိုရင် ရဲဌာနဖုန်းနံပါတ် ၁ ၈၀၀ ၂၅၅ ၀၀၀၀ ကို ဆက်သွယ် တိုင်ကြားနိုင်ပါတယ်။
စင်္ကာပူရဲဌာနရဲ့ အရေးပေါ် ဆက်သွယ်တဲ့ တယ်လီဖုန်း နံပါတ်ဖြစ်တဲ့ ၉၉၉ ကို ဆက်သွယ် အကြောင်းကြားဖို့ကိုလည်း စင်္ကာနိုင်ငံ အလုပ်သမားအင်အား ဝန်ကြီးဌာနရဲ့ ထုတ်ပြန်ချက်မှာ ပါရှိပါတယ်။

ပြီးခဲ့တဲ့ ဇွန်လဆန်းပိုင်းကလည်း စင်္ကာပူရဲဌာန၊ စင်္ကာပူ စာပို့ဌာန၊ DHL စတဲ့ဌာနတွေကဆိုပြီး တယ်လီဖုန်းနဲ့ ဆက်သွယ်ပြီး ကိုယ်ရေးအချက်အလက်တွေ တောင်းပြီး လိမ်လည်မှုတွေရှိခဲ့တာ ကြောင့် အချက်အလက်တွေကို မပေးလိုက်ဖို့ကိုလည်း သတိပေးချက်တွေ ထုတ်ပြန်ခဲ့ပါတယ်။

စင်္ကာပူရောက် မြန်မာအလုပ်သမားတွေ၊ စင်္ကာပူ မြန်မာသံရုံးကိုယ်စာလှယ်တွေနဲ့ တွေ့ဆုံရာမှာလည်း ဌာနဆိုင်ရာတွေက တယ်လီဖုန်းနဲ့ ဆက်သွယ်ပြီး ကိုယ်ရေးအချက်အလက် တောင်းယူတာတွေ၊ ငွေလွဲခိုင်းတာတွေကို ဆောင်ရွက်မှုမရှိကြောင်း ပြောဆိုထားပါတယ်။

RFA Burmese
https://www.facebook.com/rfaburmese


ဇွန် ၁၈ရက်၊ ၂၀၁၆ခုနှစ်။ စောသိန်းမြင့်

ဒီမိုကရေစီအကျိုးပြု ကရင်တပ်မတော်(ဒီကေဘီအေ)၏ ၉၀၈ တပ်ရင်းမှူး ပါဝင်သည့် တပ်ဖွဲ့ဝင် ၂၁ ဦးသည် ကရင်ပြည်နယ်၊ ကော့ကရိတ်မြို့နယ်၊ မော်ခီး ကျေးရွာအုပ်စုအခြေစိုက် ကရင်အမျိုးသား လွတ်မြောက်ရေးတပ်မတော်(ကေအဲန်အယ်လ်အေ) ၂၀၁ တပ်ရင်းထံတွင် ဇွန်လ ၁၇ရက်နေ့က ဘက်ပြောင်းလိုက်သည်ဟု သိရသည်။

လယ့်ခေါ်အခြေစိုက် ဒီကေဘီအေ ၉၀၈တပ်ရင်းမှူး ဒုဗိုလ်မှူးကြီး စောနော်ခူ့ ၊ ဒုတပ်ခွဲမှူး ဒုဗိုလ်ကြီး စောကူးနူ့၊ တပ်စုမှူး ဗိုလ်ကြီး စောမော့ဖလို့၊ တပ်စုမှူး ဗုိုလ်ကြီး စောလှခိုင်တို့ ဦးစီးသည့် တပ်ဖွဲ့ဝင် အင်အား ၂၁ဦးသည် ကေအဲန်ယ်အယ်လ်အေ ၂၀၁တပ်ရင်းမှူး ဒုဗိုလ်မှူးကြီး စောဘူးဖောဦးနှင့် ချိတ်ဆက်ကာ လက်နက်ခဲယမ်းအပြည့်အစုံနှင့်အတူ သွားရောက်ပူးပေါင်းပြီး ဘက်ပြောင်း လိုက်ခြင်းဖြစ်သည်။

ဒီကေဘီအေ ၉၀၈တပ်ရင်းမှူး ဒုဗိုလ်မှူးကြီး စောနော်ခူ့က “ကျနော်တို့က တစ်ဘက်နဲ့တစ်ဘက် မုန်းတီးတာလည်း ဘာမှမရှိပါဘူး။ အချင်းချင်း အကွဲအပြဲဖြစ်လာဖို့ ရည်ရွယ်ချက်လည်း မရှိပါဘူး။ အခုခေါင်းဆောင်တွေ တိုင်းပြည်နဲ့ ငြိမ်းချမ်းရေးအတွက် တောင်းဆိုနေတဲ့ကာလဖြစ်တယ်။ ပြန်ကြည့်မယ်ဆိုရင် ကျနော်တို့ ကရင်တပ်မတော်ဟာ အကွဲအပြဲတအားများတယ်။ ဒါကြောင့် ကျနော်တို့တွေ ပြန်လည်ပူးပေါင်းဖို့ လိုအပ်နေပြီလို့ ယူဆတဲ့အတွက် အခုလို ပြန်လာပူးပေါင်းတာ ဖြစ်တယ်”ဟု ကေအိုင်စီသို့ ပြောသည်။

ဘက်ပြောင်းလိုက်သော အဆိုပါ ဒီကေဘီအေ တပ်ဖွဲ့ဝင်များသည် RPG-7 ၁လက်၊ SKS ၁လက်၊ M79 ၁လက်၊ M16 ၉ လက်၊ ကာဘိုင် ၂လက် 38 ၁လက်၊ HR ၁လက်နှင့် 9MM ၂လက် စုစုပေါင်း လက်နက် ၁၈လက်နှင့်အတူ ကျည်ဆံအမြောက်အများပါရှိသည်ဟု သိရသည်။

ကေအဲန်အယ်လ်အေ ၂၀၁တပ်ရင်းမှူး ဒုဗိုလ်မှူးကြီး စောဘူးဖောက “ကျနော်တို့ လက်နက်ကိုင် အဖွဲ့များ ပြန်လည်ပေါင်းစည်းနိုင်ရေးအတွက် ၁၅ကြိမ်မြောက်ကွန်ကရက်မှာ ချမှတ်ထားပြီးသား ဖြစ်ပါတယ်။ လုပ်လည်းလုပ်ဆောင်နေပါတယ်။ အခု ဒီကေဘီအေ တပ်ဖွဲ့ဝင်တွေ ပြန်လည်ပူးပေါင်း လာတဲ့အတွက် ကျနော်တို့ ကရင်အမျိုးသား အားလုံးအတွက် အင်အားဖြစ်တယ်။ နိုင်ငံရေး အတွက်လည်း အင်အားဖြစ်စေတယ်”ဟု ကေအိုင်စီသို့ ပြောသည်။

ထို့အပြင် ၎င်းဘက်ပြောင်းလာသော ဒီကေဘီအေ တပ်ဖွဲ့ဝင်များကို ကေအဲန်အယ်လ်အေ တပ်ဖွဲ့ဝင်များနှင့်အဆင့်တန်းတူ ထားရှိသွားမှာဖြစ်သလို ၎င်းတို့၏ လုပ်ဆောင်ချက်များအပေါ် မူတည်၍ ထိုက်သင့်သော ရာထူး၊ တာဝန်များကို ပေးအပ်သွားမည်ဟုလည်း ဒုဗိုလ်မှူးကြီး စောဘူးဖောက ဖြည့်စွက်ပြောဆိုသည်။

ကေအဲန်အယ်လ်အေ အဖြစ် ဘက်ပြောင်းလိုက်သော ၎င်းဒီကေဘီအေ တပ်ဖွဲ့ဝင်များမှာ ကရင်ပြည်နယ်၊ မြ၀တီမြို့နယ်၊ ဆုံဆည်းမြိုင်အခြေစိုက် ကွယ်လွန်သူ ဗိုလ်ချုပ်ကြီး စောလားပွယ် (ခ)နှုတ်ခမ်းမွှေး ဦးဆောင်သော တပ်ဖွဲ့ဝင်များဖြစ်ကြသည်။

ဗိုလ်ချုပ်ကြီး စောလားပွယ်ဦးစီးသည့် ဒီကေဘီအေအဖွဲ့သည် ၂၀၁၀ ရွေးကောက်ပွဲကို ဆန့်ကျင် သဖြင့် အစိုးရတပ်မတော်နှင့် တစ်နှစ်နီးပါး ပစ်ခတ်မှုဖြစ်ခဲ့ပြီးနောက် ၂၀၁၁ ခုနှစ်တွင် အစိုးရနှင့် အပစ်အခတ်ရပ်စဲခဲ့သည်။ ၂၀၁၅ခုနှစ်၊ အောက်တိုဘာ ၁၅ရက်နေ့တွင် ပြုလုပ်သည့် (အဲန်စီအေ) လက်မှတ်ရေးထိုးပွဲတွင် အခြားသော လက်နက်ကိုင်အဖွဲ့ ၇ဖွဲ့နှင့်တူ လက်မှတ်ရေးထိုးထားသော အဖွဲ့ဖြစ်သည်။

ဒီကေဘီအေနှင့် အစိုးရတို့အကြား တစ်နိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ်-အဲန်စီအေကို လက်မှတ်ရေးထိုးခဲ့ပြီးနောက် တပ်ရင်းမှူး ဦးဆောင်ပြီး တပ်အင်အား ၂၁ဦး ဘက်ပြောင်းလာမှုမှာ ပထမဆုံးအကြိမ်ဖြစ်သည်ဟု KNLA ဘက်က ပြောသည်။

 စောသိန်းမြင့်
KIC - ကေအိုင်စီ
http://kicnews.org


ဗြိတိန် နိုင်ငံမှာ အမျိုးသမီး ပါလီမန် အမတ် ဂျိုကော့ဇ် ကို သတ်ဖြတ် ခဲ့မှုနဲ့ ပုဒ်မတပ် စွဲဆို ခံထားရသူ သောမတ်စ် မိုင်ယာ ကို လန်ဒန် မြို့လည်က တရားရုံး ရှေ့မှောက် ရုံးတင် ခဲ့ပြီ ဖြစ်ပါတယ်။

သူ့ကို လူသတ်မှုနဲ့ သာမက တရားမဝင် လက်နက် ပိုင်ဆိုင်မှုနဲ့ပါ စွဲဆို ထားတာ ဖြစ်ပါတယ်။

ရုံးတော်ကနေ သူ့ရဲ့ နာမည်ကို ထွက်ဆိုဖို့ မေးမြန်းတဲ့ အခါ “ငါ့နာမည်ဟာ သစ္စာဖောက်တွေ အတွက် သေမင်း၊ ဗြိတိန် အတွက် လွတ်လပ်ရေး” ဖြစ်တယ် ဆိုပြီး အသက် ၅၂ နှစ် အရွယ် သောမတ်စ် မိုင်ယာ က တုံ့ပြန် ခဲ့ပါတယ်။

လေဘာ အမတ် မစ္စစ် ကော့ဇ်ဟာ ပြီးခဲ့တဲ့ ကြာသာပတေးနေ့က အင်္ဂလန် မြောက်ပိုင်းက သူ့ရဲ့ မဲဆန္ဒနယ် အစည်းအဝေးခန်း အပြင်ဘက် သေနတ်နဲ့ ပစ်ခတ် ခံခဲ့ရရုံ တင်မက၊ ဓားနဲ့လည်း တိုက်ခိုက် ခံခဲ့ရပြီး သေဆုံးသွားတာ ဖြစ်ပါတယ်။

ဗြိတိန် နိုင်ငံ အနေနဲ့ ဥရောပ သမဂ္ဂ အီးယူထဲ ဆက်လက် ပါဝင် မလား ဆိုတာကို လာမယ့် သီတင်းပတ်ထဲ ပြည်လုံးကျွတ် ဆန္ဒခံယူကြဖို့ ရှိနေပေမယ့်၊ မစ္စစ် ကော့ဇ် အသတ် ခံခဲ့ရတဲ့နောက် နှစ်ဘက် အပြိုင် မဲဆွယ် မှုတွေကို ယာယီ ဆိုင်းငံ့ ထားပါတယ်။

BBC Burmese
http://www.bbc.com/burmese


 သေနတ်နဲ့ ဗုံးလိုမျိုး လက်နက် ပစ္စည်းတွေ မတွေ့။
ဘယ်လ်ဂျီယမ် နိုင်ငံမှာ အကြမ်းဖက် တိုက်ခိုက်ဖို့ ပြင်ဆင် နေကြသူတွေလို့ သံသယရှိရသူ ၁၂ ယောက်ကို ဘယ်လ်ဂျီယမ် ရဲတွေ ဖမ်းဆီး လိုက်ပါတယ်။

သောကြာနေ့ည က ဘရပ်ဆဲလ် မြို့ပေါ်က နေရာတွေ အများစု အပါအဝင် လူနေ အိမ်တွေကို စီးနင်းခဲ့ကြပြီး စုစုပေါင်း လူ အယောက် ၄၀ ကို စစ်ဆေး မေးမြန်းဖို့ ဘယ်လ်ဂျီယမ် လုံခြုံရေး တပ်ဖွဲ့ဝင်တွေက ခေါ်ဆောင် သွားကြ ပါတယ်။

ဝင်ရောက် စီးနင်း ခဲ့ကြတဲ့ နေရာတွေ မှာတော့ သေနတ်နဲ့ ဗုံးလိုမျိုး လက်နက် ပစ္စည်းတွေ မတွေ့ ခဲ့ရဘူးလို့ ဘယ်လ်ဂျီယမ် ဗဟို အစိုးရ ရှေ့နေတွေက ပြောပါတယ်။

ဆီးရီးယား နိုင်ငံထဲက အစ္စလာမ်မစ် နိုင်ငံ အဖွဲ့ IS ရဲ့ အုပ်စု တစ်စုဟာ ဥရောပထဲ တိုက်ခိုက်မှုတွေ ကျူးလွန်ဖို့ လတ်တလော ကပဲ ထွက်ခွာ သွားခဲ့တယ် ဆိုတဲ့ သတင်းတွေ ဘယ်လ်ဂျီယမ် အာဏာပိုင်တွေ ရရှိ ထားတယ်လို့ လုံခြုံရေး အသိုင်းအဝိုင်းထဲက လာတဲ့ သတင်းတွေက ဆိုပါတယ်။

BBC Burmese
http://www.bbc.com/burmese



( ဓာတ်ပုံ - ဦးအေးသာအောင်အား စစ်တွေလေဆိပ်တွင် ရခိုင်ပြည်ဝန်ကြီးချုပ်နှင့်အဖွဲ့က လာရောက်ကြိုဆိုနေသည်ကိုတွေ့ရစဉ်။ ဓာတ်ပုံ- နောင်ခိုင်အောင် )
စစ်တွေ၊ ဇွန် ၁၈

ပြည်ထောင်စုလွှတ်တော်၏ ဒုတိယနာယက၊ အမျိုးသားလွှတ်တော် ဒုတိယဥက္ကဋ္ဌ ဦးအေးသာအောင် သည် မဲဆန္ဒရှင် ရခိုင်လူထုနှင့်တွေ့ဆုံရန် ဇွန်လ ၁၇ ရက်နေ့ ညနေပိုင်းက ရခိုင်ပြည်နယ် မြို့တော် စစ်တွေမြို့သို့ ရောက်ရှိလာသည်ဟု သိရသည်။

သူ၏ ခရီးစဉ်သည် အမျိုးသားလွှတ်တော်၏ ဒုတိယ ဥက္ကဋ္ဌဖြစ်လာပြီးသည့် နောက်ပိုင်း ရခိုင်ပြည်နယ်ကို ပထမဆုံး အကြိမ် လာရောက်သည့် ခရီးစဉ် ဖြစ်သည်။

“ကျနော်အခုထွက်လာတဲ့ရည်ရွယ်ချက်ကတော့ လွှတ်တော်ကိုယ်စားလှယ်တစ်ယောက်သည် သူ့ရဲ့ မဲဆန္ဒနယ်ကို မသွားမဖြစ် သွားရမယ်။ မဲဆန္ဒနယ်က ပြည်သူတွေရဲ့တင်ပြချက်ကိုလည်းပဲ ကျွန်တော်တို့က နားထောင်ရမယ်။ ပြည်သူတွေရဲ့အကြံပြုချက်တွေကိုလည်းပဲ ကျွန်တော်တို့က နားထောင်ရမယ်။ နောက်တစ်ခုက အဲဒီပြည်သူတွေရဲ့လိုအပ်ချက်၊ တင်ပြချက်တွေကို လွှတ်တော်ဆီ ယူသွားပြီးတော့ လွှတ်တော်မှာ ပြောသင့်ဆိုသင့်တဲ့ဟာတွေကို ပြောရမယ်” ဟု ဦးအေးသာအောင်က ပြောသည်။

ဦးအေးသာအောင်သည် ယနေ့ ဇွန်လ ၁၈ ရက်နေ့တွင် ကျောက်တော်မြို့သို့ ရောက်ရှိလာပြီး သာသနာ့ ဗိမာန်တွင် မွန်းလွဲ ၁ နာရီအချိန်က ကျောက်တော်လူထုနှင့်တွေ့ဆုံခဲ့ကြောင်းလည်း သိရသည်။

“ကျွန်တော်တို့ကျောက်တော်လူထုကတော့ အဓိက လယ်ယာမြေ ကိစ္စရပ်တွေကို တင်ပြ တောင်းဆို ကြပါတယ်။ စားကျက်မြေဖော်ထုတ်ပေးဖို့ကိစ္စ၊ စားကျက်မြေရပြီဆိုပေမယ့် လက်ထဲ မရောက်သေးတဲ့ ကိစ္စ၊ နောက်ပြီး ပုံစံ (၇)မရတဲ့အတွက် ဘဏ်ချေးငွေမရသေးအကြောင်းနဲ့ ကျောက်တော်မြို့အင်္ဂါရပ်နဲ့ မလိုက်ဘက်တဲ့ မီးသတ်စခန်းကို နေရာပြောင်းရွှေ့ပေးဖို့ကိစ္စရပ်တွေကို တင်ပြ တောင်းဆို ခဲ့ကြပါတယ်။ ဦးအေးသာအောင်ကတော့ အခုတင်ပြချက်တွေကို လွှတ်တော်က ရှင်းလို့ရမယ့် ကိစ္စတွေကို လွှတ်တော်ကိုတင်ပြပြီး တချို့ ပြည်နယ်ဝန်ကြီးအဆင့်နဲ့ ရှင်းလို့ရမယ့် ကိစ္စတွေဆို ပြည်နယ် အစိုးရနဲ့ ညှိနှိုင်းဆောင်ရွက်ပေးသွားမယ်လို့ ပြောသွားပါတယ်” ဟု ကျောက်တော်မြို့ခံ ကိုထွန်းထွန်းအောင်က ဦးအေးသာအောင်အား ကျောက်တော် ဒေသခံများက တင်ပြကြပုံနှင့် ပတ်သက်ပြီး ပြောကြားသည်။

ဦးအေးသာအောင်သည် ကျောက်တော်မှ တစ်ဆင့် မြောက်ဦးနှင့် မင်းပြားမြို့များသို့ ဆက်လက် သွားရောက်မည်ဖြစ်ကြောင်း သိရသည်။

ဦးအေးသာအောင်သည် ၂ဝ၁၅ အထွေထွေရွေးကောက်ပွဲကို ရခိုင်ပြည်နယ် မင်းပြားနှင့် မြေပုံမြို့နယ် မဲဆန္ဒနယ်မှ ဝင်ရောက်ယှဉ်ပြိုင် အနိုင်ရခဲ့သည့် အမျိုးသား လွှတ်တော်ကိုယ်စားလှယ် တစ်ဦးဖြစ်သည်။ ယင်းနောက်ပိုင်း သူသည် လွှတ်တော်တွင် ပြည်ထောင်စု လွှတ်တော်၏ ဒုတိယနာယကနှင့် အမျိုးသား လွှတ်တော် ဒုတိယဥက္ကဋ္ဌရာထူးကို တာဝန်ပေးအပ်ခြင်းခံခဲ့ရသည်။

မာန်ယုကျော် (ရွှေဝမြေ)
Narinjara
https://www.facebook.com/Narinjara


မြေငလျင်သတင်းထုတ်ပြန်ချက်

၂၀၁၆ ခုနှစ်၊ ဇွန်လ (၁၈)ရက်နေ့ မြန်မာစံတော်ချိန် (၁၀)နာရီ (၃၀)မိနစ် (၂၄)စက္ကန့်အချိန်တွင် မန္တလေး မြေငလျင် စခန်းမှ မြောက်-အရှေ့မြောက်ဘက် (၃၂)မိုင်ခန့် ကွာဝေးသော မြန်မာနိုင်ငံပြည်တွင်း (စဥ့်ကူးမြို့၏ အရှေ့-အရှေ့တောင်ဘက် (၁၂)မိုင်ခန့်အကွာ)ကို ဗဟိုပြု၍ အင်အား ရစ်(ခ်)တာစကေး (၄.၃)အဆင့်ရှိ အင်အား အနည်းငယ်သော မြေငလျင်တစ်ခု လှုပ်ရှားသွားကြောင်း တိုင်းထွာရရှိခဲ့ပါသည်။

အဆိုပါမြေငလျင်လှုပ်ရှားမှုကို စဥ့်ကူးမြို့မှ သတိပြုမိကြောင်း သိရှိရပါသည်။

မိုးလေဝသနှင့်ဇလဗေဒညွှန်ကြားမှုဦးစီးဌာန