06/20/16


zeepingyi-farmers-press-620.jpg
သိမ်းထားတဲ့ ယာမြေလျော်ကြေး နဲ့ ပိုလျှံမြေ ပြန်ပေးဖို့ ဇွန်လ ၂၀ ရက်နေ့က ဇီးပင်ကြီးကျေးရွာက တောင်သူတွေ သတင်းစာရှင်းလင်းပွဲ ကျင်းပနေစဉ်
Photo: Hset Paing Toe/ RFA

မန္တလေးတိုင်း ပြင်ဦးလွင်မြို့နယ် ဇီးပင်ကြီးကျေးရွာမှာ ဗဟိုမီးသတ်သင်တန်းကျောင်းနဲ့ ရဲအရာရှိလေ့ ကျင့်ရေးကျောင်း ဆောက်လုပ်ဖို့ သိမ်းယူထားတဲ့ ယာမြေဧက ၃ ထောင်အတွက် လျော်ကြေးရရှိဖို့နဲ့ ပိုလျှံမြေတွေ ပြန်လည်ရရှိဖို့ ဒေသခံတောင်သူတွေက တောင်းဆိုလိုက်ပါတယ်။

ဒီနေ့ ဇီးပင်ကြီးကျေးရွာမှာ ကျင်းပတဲ့ ဒေသခံတောင်သူ ၅၀ ကျော်ရဲ့ သတင်းစာရှင်းလင်းပွဲမှာ ရွာသား ဦးညို က အစိုးရအနေနဲ့ စိစစ်ပြီး တောင်သူတွေဆီကို ယာမြေတွေ ပြန်ပေးစေချင်ကြောင်း ပြောပါတယ်။

"ဒီနှစ်ကျမှ ကျနော်တို့ ဒါကိုလုစိုက်တာ၊ လုစိုက်တဲ့အခါတောင်မှ သူတို့တဲတွေက မဖျက်ပါဘူး၊ ဝန်ထမ်းတွေ က တောင်သူလုပ်စားနေပါတယ်၊ ဗဟိုမီးသတ်သင်တန်းကျောင်းဆိုပြီးတော့ တောင်သူလုပ်စားနေတဲ့ ဝန်ထမ်းတွေ အများကြီးရှိပါတယ်၊ နိုင်ငံတော်အစိုးရအနေနဲ့ စိစစ်ပြီးတော့ ကျနော်တို့ တောင်သူတွေကို ဒီခြံလေးတွေ ပြန်ပေးစေချင်တယ်"

ဇီးပင်ကြီးကျေးရွာက တောင်သူ ၃၀၀ ကျော် ပိုင်ဆိုင်တဲ့ ယာမြေဧက သုံးထောင်ကို ၁၉၉၅ ခုနှစ်က ဗဟိုမီးသတ် သင်တန်းကျောင်း၊ ရဲအရာရှိလေ့ကျင့်ရေးကျောင်း နဲ့ ဗဟိုဝန်ထမ်းတက္ကသိုလ် တို့ တည်ဆောက်ဖို့အတွက် သိမ်းယူခဲ့ တာဖြစ်ပါတယ်။

အဲဒီကျောင်း ၃ကျောင်းကို ဧက တစ်ထောင်နီးပါးမှာ ဆောက်လုပ်ထားပြီး ပိုလျှံတဲ့မြေနေရာတွေကို သီးစားချငှား ရမ်းထားတာဖြစ်တယ် လို့ တောင်သူတွေက ပြောပါတယ်။

အဲဒီယာမြေတွေကို သိမ်းယူစဉ်က လျော်ကြေးပေးခဲ့ခြင်းမရှိတာကြောင့် ကျောင်း ၃ကျောင်း ဆောက်လုပ်ထား တဲ့ မြေဧက တစ်ထောင်နီးပါး အတွက် လျော်ကြေးပေးဖို့လည်း တောင်းဆိုကြပါတယ်။

သိမ်းယူထားတဲ့ ယာမြေတွေထဲက ဧက ၄၅၀ နီးပါးကို မန္တလေးတိုင်း ဝန်ကြီးချုပ်ဟောင်း ဦးရဲမြင့်က ပြီးခဲ့တဲ့နှစ် က ပြန်လည်စွန့်လွှတ်လိုက် ပြီဖြစ်ကြောင်း ပြောကြားခဲ့ပေမယ့် တောင်သူတွေဆီမရရှိဘူးလို့လည်း တောင်သူတွေ က ပြောပါတယ်။
RFA


နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ ထိုင်းနိုင်ငံမှာ အလုပ်လုပ်ကိုင်နေကြတဲ့ မြန်မာရွှေ့ပြောင်းအလုပ်သမားတွေနဲ့ ထိုင်းနိုင်ငံ မဟာချိုင်မြို့က တလေထိုင်းခန်းမမှာ လာမယ့် ဇွန်လ ၂၃ ရက်နေ့မှာ တွေ့ဆုံမှာဖြစ်ပြီး အဲဒီတွေ့ဆုံပွဲကို နိုင်ငံကူးလက်မှတ်နဲ့ ပန်းရောင်ကဒ် ကိုင်ဆောင်ထားသူတွေကိုသာ တက်ရောက်ခွင့်ပြုမှာ ဖြစ်ပါတယ်။

တလေထိုင်း ခန်းမဟာ လူ ၅၀၀ လောက်သာဆံ့တဲ့အတွက် ခန်းမအပြင်မှာ LED တီဗီဖန်သားပြင်နဲ့ ပြသသွားမှာ ဖြစ်တယ်လို့ ပွဲဖြစ်မြောက်ရေး ၀ိုင်းဝန်းစီစဉ်နေတဲ့ ထိုင်းနိုင်ငံအခြေစိုက် မြန်မာနိုင်ငံသား များအဖွဲ့ ဒါရိုက်တာ ဦးကျော်သောင်း က ပြောပါတယ်။

ထိုင်းနိုင်ငံရောက် မြန်မာအလုပ်သမားအရေးအကူအညီပေးနေတဲ့ အဖွဲ့ ၁၃ ဖွဲ့ဟာ ဒေါ်အောင်ဆန်း စုကြည်နဲ့ အလုပ်သမားတွေ တွေ့ဆုံနိုင်ရေး အဆင်ပြေဖို့ ဆောင်ရွက်ပေးရမှာဖြစ်ပြီး လုံခြုံရေးကို ထိုင်းအစိုးရက တာဝန်ယူမှာဖြစ်ပါတယ်။

အဲဒီတွေ့ဆုံပွဲကို ညနေပိုင်းမှာ ကျင်းပမှာဖြစ်ပြီး တက်ရောက်လာသူတွေအနေနဲ့ ဒေါ်အောင်ဆန်း စုကြည်ကို တိုက်ရိုက်တင်ပြခွင့် ဒါမှမဟုတ် စာနဲ့ရေးသား မေးမြန်းခွင့်တွေ ရရှိနိုင်ကြောင်းလည်း ပြောပါတယ်။

၂၀၀၈ ခုနှစ်ကစပြီး မြန်မာနဲ့ ထိုင်းအစိုးရတို့ကြား အလုပ်သမားတင်သွင်းခွင့် နားလည်မှုစာချွန်လွှာ MOU စနစ်ဟာ ကြားပွဲစားတွေကြောင့် အလုပ်သမားတွေ ထိခိုက်နစ်နာနေတဲ့အတွက် MOU စနစ်ကို ရပ်ဆိုင်းပေးဖို့ ဒေါ်အောင်ဆန်းစုကြည်ကို တောင်းဆိုမယ်လို့လည်း ဦးကျော်သောင်းက ပြောပါတယ်။

ထိုင်းနိုင်ငံမှာ အလုပ်လုပ်နေတဲ့ မြန်မာအလုပ်သမား ၄ သန်းလောက်ရှိနေပြီး တရားဝင် မှတ်ပုံတင်ပြီး အလုပ်လုပ်နေတဲ့ မြန်မာအလုပ်သမား ၂ သန်း နီးပါး ရှိပါတယ်။

ဒေါ်အောင်ဆန်းစုကြည်ဟာ ၂၀၁၂ ခုနှစ်ကလည်း မဟာချိုင်မြို့မှာ မြန်မာနိုင်ငံသား အလုပ်သမားတွေ နဲ့ သွားရောက်တွေ့ဆုံခဲ့ပါတယ်။ အန်အယ်လ်ဒီ အစိုးရသစ် တာဝန်ယူပြီး ဒုတိယမြောက် နိုင်ငံခြား ခရီးစဉ် အဖြစ် ထိုင်းနိုင်ငံကို သွားရောက်မှာ ဖြစ်ပါတယ်။ ဒီတကြိမ် ခရီးစဉ်ဟာ ထိုင်းအစိုးရရဲ့ ဖိတ်ကြားချက်နဲ့ သွားရောက်တဲ့ ခရီးစဉ်ဖြစ်ပြီး ဇွန်လ ၂၄ ရက်နေ့မှာ ထိုင်းအစိုးရ၀န်ကြီးချုပ်အပြင် ထိုင်းနိုင်ငံခြားရေးဝန်ကြီးနဲ့လည်း တွေ့ဆုံမှာဖြစ်ပါတယ်။

RFA Burmese
https://www.facebook.com/rfaburmese


စစ်ကိုင်းတိုင်းဒေသကြီး၊ ဆားလင်းကြီးမြို့နယ်၊ ကံကုန်းကျေးရွာအနီးမှာရှိတဲ့ မိုးကြိုးဆာလဖျူရစ် အက်ဆစ်စက်ရုံက ထွက်တဲ့ အနံအသက်ဆိုးတွေကြောင့် ကံကုန်းကျေးရွာက စာသင်ကျောင်းမှာ ကလေးငယ်တွေ ကျောင်းမတက်ဘဲ ခွင့်တိုင်ကြားကြပါတယ်။

ကံကုန်းကျေးရွာက အခြေခံပညာအဆင့်စာသင်ကျောင်းမှာ ကျောင်းသား ၈၀၀ ခန့်ရှိပြီး ဒီနေ့ ကျောင်းသား အားလုံးနီးပါး ကျောင်းမတက်နိုင်ဘဲ မိဘတွေက ခွင့်တိုင်ကြတာဖြစ်တယ်လို့ ကံကုန်းရွာသား ကိုတင့်အောင်စိုး က ပြောပါတယ်။

အခုလ ၁၆ ရက်နေ့က စတင်ပြီး စက်ရုံကနေ အနံ့အသက်ဆိုးတွေ ထွက်နေတာဖြစ်ပြီး စာသင်ကျောင်းနဲ့ စက်ရုံဟာ ကိုက် ၂၀၀ သာဝေးတာကြောင့် ကလေးငယ်တွေ ကျန်းမာရေး ထိခိုက်မှာကို မိဘတွေက စိုးရိမ်နေကြတာဖြစ်ပါတယ်။

ကံကုန်းကျေးရွာက အခြေခံပညာကျောင်းမှာ မူလတန်းကနေ ဒသမတန်းအထိ ပညာသင်ကြား နိုင်တာကြောင့် အနီးနားက ဂုံးတော၊ အေးကုန်း၊ ချောင်းဖြတ်စတဲ့ ကျေးရွာတွေက ကလေးငယ် တွေလည်း ကျောင်းလာရောက်တက်ကြတာဖြစ်ပါတယ်။

အက်ဆစ်နံတွေထွက်နေတာကို မခံနိုင်တာကြောင့် စက်ရုံရှေ့ကို ဒေသခံတွေက သွားရောက်ပြီး ကုမ္ပဏီတာဝန်ရှိသူတွေကို တွေ့ဆုံခွင့်ရဖို့တောင်းဆိုခဲ့ပေမယ့် မြန်မာ့စီးပွားရေး ဦးပိုင်ကုမ္ပဏီက တာဝန်ရှိသူတွေက တွေ့ဆုံတာမရှိခဲ့ဘူးလို့ ဒေသခံတွေကပြောပါတယ်။

Photo: ဆားလင်းကြီးမြို့ရှိ မြန်မာ့စီးပွားရေးဦးပိုင်လိမီတက်ပိုင် ဆာလ်ဖျူရစ် အက်စစ်စက်ရုံကို တွေ့ရစဉ်

RFA Burmese
https://www.facebook.com/rfaburmese


ကချင်ပြည်နယ် ဖားကန့်မြို့နယ်တွင် မိုးကြီးပြီး ရေတိုက်စားမှုကြောင့် ပျက်ဆီးသွားသော လူနေအိမ်တချို့ကို တွေ့ရစဉ်။ Photo: Layang Tuhkawng/ Facebook
ကချင်ပြည်နယ် ဖားကန့်မြို့နယ် လုံးခင်းကျေးရွာအုပ်စုက လေးအိမ်စုရွာမှာ ဒီကနေ့ မိုးကြီးပြီး ရေတိုက်စားတာကြောင့် အိမ်အလုံး ၃၀ ကျော် ပျက်စီးဆုံးရှုံးပြီး လူ တစ်ရာကျော် အိုးမဲ့ အိမ်မဲ့ဖြစ်နေပါတယ်။

အိမ်ထောင်စု သုံးဆယ်ကျော်ဟာ ကုဋေမှော် ဘုန်းကြီးကျောင်းမှာ ခိုလှုံနေရတယ်လို့ အဲ့ဒီနေရာကိုသွားရောက်ခဲ့တဲ့ ဖားကန့်မြို့နယ် ပြည်သူ့လွှတ်တော် ကိုယ်စားလှယ် ဦးတင့်စိုးက ပြောပါတယ်။

ဖားကန့်ဒေသမှာ မိုးရွာတဲ့အခါ ရေကြီးပြီး မြေပြိုတာတွေကြောင့် သေဆုံးသူ ရှိပါတယ်။

ကျောက်တူးဖော်ရေး ကုမ္ပဏီတွေက စက်ယန္တရားတွေနဲ့ အလွန်အကျွံတူးဖော်ပြီး စွန့်ပစ်မြေစာ တွေကြောင့် မိုးရွာတဲ့အခါ ရေစီးကြောင်းတွေဟာ မူလချောင်းတွေ အတိုင်း မစီးနိုင်တော့ပဲ လူနေအိမ်ခြေတွေကို ဝင်ရောက်တိုက်စားမှုတွေ ဖြစ်နေတယ်လို့ ဒေသခံတွေကပြောပါတယ်။

အလားတူ မိုးညှင်းမြို့နဲ့ မိုးကောင်းမြို့တွေက ရပ်ကွက်တချို့မှာလည်း မိုးကြီးပြီး ရေနစ်မြုပ်မှုတွေ ရှိနေပါတယ်။

ပြီးခဲ့တဲ့ ဧပြီလ နဲ့ မေလအတွင်း ကချင်ပြည်နယ်မှာ မိုးကြီးတာကြောင့် ပူတာအို၊ ဆော့လော်၊ ဗန်းမော်စတဲ့မြို့နယ်တွေမှာလည်း လူနေအိမ်တွေနဲ့ စိုက်ပျိုးမြေတွေ ဆုံးရှုံးခဲ့ပါတယ်။

RFA Burmese
http://www.rfa.org/burmese


စင်ကာပူနိုင်ငံကို မြန်မာအမျိုးသမီးတွေ တရားမ၀င် ပို့ဆောင်နေတဲ့ ပြည်ပ အလုပ်အကိုင်ရှာဖွေရေးကုမ္ပဏီ ဒါရိုက်တာတစ်ဦးကို ရန်ကုန်တိုင်းဒေသကြီး တွံတေးမြို့မရဲစခန်းက အမှုဖွင့်အရေးယူထားတယ်လို့ သိရပါတယ်။

ဇွန်လ (၁၉) ရက် ည (၁၁) နာရီအချိန်ခန့်မှာ ရန်ကုန်တိုင်းဒေသကြီး တွံတေးမြို့မရဲစခန်း ဒုရဲအုပ်သီဟသူနဲ့ အဖွဲ့က တွံတေးမြို့နယ် ကျွန်းတာရပ်ကွက်က ဟယ်ရီလင်းပြည်ပအလုပ်အကိုင်ရှာဖွေးရေး ကုမ္ပဏီဒါရိုက်တာ စောကျော်အောင်ဟာ ပြည်ပအလုပ်အကိုင်လိုင်စင်မရှိဘဲ အမျိုးသမီးတွေကို စင်ကာပူနိုင်ငံကို အိမ်အကူလုပ်ကိုင်ဖို့ ပို့ဆောင်နေတယ်လို့ သတင်းရရှိတာကြောင့် ၀င်ရောက်စစ်ဆေးခဲ့တာဖြစ်ပါတယ်။

စစ်ဆေးချက်အရ အဲဒီနေအိမ်မှာ ပဲခူးတိုင်းဒေသကြီးက အမျိုးသမီး(၂) ဦးနဲ့ တာမွေမြို့နယ်က အမျိုးသမီး (၁) ဦးကို တွေ့ရှိခဲ့တာကြောင့် အမျိုးသမီးတွေကို ပြည်ပအလုပ်အကိုင်လိုင်စင်မရှိဘဲ စင်ကာပူနိုင်ငံကို ပို့ဆောင်နေတဲ့ စော်ကျော်အောင်ကို အရေးယူပေးဖို့ တိုင်ကြားခဲ့ တာဖြစ်ပါတယ်။

 ဒီအမှုကို တွံတေးမြို့မရဲစခန်းက(ပြစ်မှုနံပါတ်) ၃၂၄/၁၆ ပြည်ပအလုပ်အကိုင်ရှာဖွေရေးဆိုင်ရာဥပဒေပုဒ်မ (၂၆) နဲ့ အမှုဖွင့်စစ်ဆေးနေတယ်လို့ သိရပါတယ်။

5 Plus News
https://www.facebook.com/5plusnews


ရန်ကုန် ဇွန် ၂၀

` ၂၀၁၅ ရွေးကောက်ကပွဲမတိုင်မီကာလကတည်းက ငြိမ်သက်နေသည့် အိမ်ခြံမြေဈေးကွက် မှာ ၂၀၁၆ ဇွန်လကုန်အထိ ၀ါဝင်ကာလနီးလာသည့်အထိ ၀ယ်ယူသူမရှိသလောက်ဖြစ်ကာ လျော့ဈေးဖြင့် စတင်ရောင်းချမှုများ ရှိလာ ပြီး အငှားဈေးကွက်ပါ ထိခိုက်နေ ကြောင်း အိမ်ခြံမြေ အကျိုးဆောင်များနှင့် တစ်ပိုင်တစ်နိုင်အိမ်အငှား ပွဲစား လုပ်ကိုင်နေသူများထံမှ သိရသည်။

“တိုင်ခန်းအငှားလား၊ မရတာတော်တော်ကြာနေပြီ၊ရပ်ကွက်ထဲမှာ ဆောက်ထားတဲ့ တိုက်ခန်းတွေက ပွထနေတာ။ ငှားနေတဲ့သူက အရင်ကလောက်မများတော့ဘူး။ပြီးတော့ တိုက်ခန်းပိုင်ရှင်တွေက အရင်လို အိမ်ငှားခဏခဏပြောင်းတာ မကြိုက်တော့ဘူး။အခု အခန်းတွေကများ ငှားနေနိုင်တဲ့သူက တော်တော်နည်းတယ်။ တိုက်ခန်းပိုင်ရှင်တွေက သူတို့တိုက်ခန်းတွေရောင်းမထွက်တော့ အိမ်ငှားကိုဈေးဖျက်တင်တယ်လေ။ အိမ်ငှားကနည်း၊အခန်းတွေက အများကြီးထွက်လာ၊၀ယ်တဲ့သူက မရှိသလောက်ရှားနေတော့ ပွဲစားဈေးကွက်က ပျက်သလောက်ဖြစ်နေပြီ၊တစ်လတစ်ခန်း တောင် အလုပ်မဖြစ်တော့ဘူး” ဟု လှိုင်မြို့နယ်နှင့် မရမ်းကုန်းမြို့နယ်အတွင်း အိမ်ခြံမြေပွဲစားလုပ်နေသူ တစ်ဦး ကဆိုသည်။

“ကျွန်တော်လမ်းထဲမှာ တိုက်ခန်းလွတ်တွေ အများကြီးဘဲ။ တိုက်ခန်းဈေးက ပြီးခဲ့တဲ့ နှစ်က ထက် အများကြီးမကျဘူး။အငှားဈေးသာကျတာ။အရောင်းဈေးက သိပ်မကျဘူး။ဒါပေမယ့် အ၀ယ်ကတော့ မစဉ်းစားပါဘူး။ဆောက်ထားတာလဲ ပါးပါးလေး။လူမနေရသေးဘူး အက်ကြောင်းတွေက ထနေပြီ။လမ်းထဲကားဝင်လို့လည်းမရ။ဒီကြားထဲ စည်ပင်က တားထားလို့လူနေပြီးကာမှ တရားမ၀င်ခိုးဆောက်လို့ ပြဿနာတက်နေတဲ့ တိုက်တွေ ဒီမှာက အများကြီးဘဲ ။ငှားမယ်သူက မရှိတာ ငှားချင်တဲ့တိုင်ခန်းတွေက များလွန်းလို့”လှိုင်မြို့နယ်အတွင်း တိုက်ခန်းငှားနေထိုင်သူ ကိုမင်းမင်းက ဆိုသည်။

လက်ရှိတွင် ရန်ကုန်ဆင်ခြေဖုံးမြို့နယ်များ၌ တိုက်ခန်းများဈေးမှာ လမ်းမတန်း ပျမ်းမျှ မြေညီထပ် လမ်းမတန်း သိန်း(၁၀၀၀-၆၀၀)၊ပထမထပ် (သိန်း ၇၀၀-၄၀၀)ဒုတိယထပ်(သိန်း၅၀၀-၃၀၀)ခေါ်ဈေးရှိကာ လမ်းအတွင်းများတွင် ပျမ်းမျှ မြေညီထပ် သိန်း(၅၀၀-၄၀၀)၊ပထမထပ် (သိန်း ၃၀၀-၂၅၀)ဒုတိယထပ်(သိန်း ၃၀၀-၂၅၀)ခေါ်ဈေးရှိကြောင်း သိရသည်။ တိုက်ခန်းအငှားဈေးနူန်းများအနေဖြင့်လမ်းမတန်း ပျမ်းမျှ မြေညီထပ် လမ်းမတန်း သိန်း(၁၀-၅)၊ပထမထပ် (၅သိန်း-၃သိန်း)ဒုတိယထပ်(၂သိန်း-တစ်သိန်းခွဲအထိ)ခေါ်ဈေးရှိကာ လမ်းအတွင်းများတွင် ပျမ်းမျှ မြေညီထပ် (၂ သိန်းခွဲ-နှစ်သိန်း)၊ပထမထပ် (နှစ်သိန်း တစ်သိန်းခွဲ-)ဒုတိယ ထပ် (တစ်သိန်းခွဲ-တစ်သိန်း)ခန့်အမျိုးမျိုး ခေါ်ဈေးရှိကြောင်း သိရသည်။

ဖြိုးဝေအောင်
china.com Myanmar
https://www.facebook.com/china.com.mm




ကုလသမဂ္ဂလူ့အခွင့်အရေးအထူးကိုယ်စားလှယ် Yanghee lee နှင့် နိုင်ငံခြားရေး ၀န်ကြီး ဒေါ်အောင်ဆန်းစုကြည် နဲ့ တွေ့ဆုံ (MOFA)
မြန်မာနိုင်ငံကိုရောက်ရှိနေတဲ့ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေးအထူး ကိုယ်စားလှယ် Ms. Yanghee Lee ဟာ ဒီနေ့မှာတော့ နိုင်ငံခြားရေး ၀န်ကြီး ဒေါ်အောင်ဆန်းစုကြည်နဲ့ တွေ့ဆုံပြီး လူ့အခွင့်အရေးဆိုင်ရာ အကြံပြုချက်တွေကို ဆွေးနွေးသွား တယ်လို့ နိုင်ငံခြားရေးဝန်ကြီး ဌာန က ပြောဆိုပါတယ်။ ဆက်သွယ်မေးမြန်းထားတဲ့ VOA သတင်းထောက် မသိင်္ဂီလင်းက ပြောပြပါမယ်။

မနေ့က မြန်မာနိုင်ငံကို ရောက်ရှိလာတဲ့ လူ့အခွင့်အရေးအထူးကိုယ်စားလှယ် Ms. Yanghee Lee ဟာ ခရီးစဉ် ပထမနေ့၊ ဒီနေ့ မနက် ၉ နာရီခန့်မှာ နိုင်ငံတော် အတိုင်ပင်ခံ ပုဂ္ဂိုလ် ၊ နိုင်ငံခြားရေး ဝန်ကြီးလည်းဖြစ်တဲ့ ဒေါ်အောင်ဆန်းစုကြည် နဲ့ တွေ့ဆုံခဲ့ပါတယ်။

လာမယ့် စက်တင်ဘာလမှာ ကျင်းပမယ့် ကုလသမဂ္ဂ အထွေထွေညီလာခံမှာ တင်သွင်းမယ့် အစီရင်ခံစာအတွက်လိုအပ်တဲ့ လူ့အခွင့်အရေးဆိုင်ရာ အခြေအနေတွေနဲ့ အကြံပြုချက်တွေကို အဓိကထားဆွေးနွေးသွားတယ် လို့ နိုင်ငံခြားရေးဝန်ကြီးဌာန ညွှန်ကြားရေးမှူးချုပ် ဦးကျော်ဇေယျက အခုလို ပြောပါတယ်။

“Ms. Yanghee Lee က မြန်မာနဲ့ပတ်သက်ပြီးတော့ အမြဲတမ်းသူက report တွေရေးတယ်၊ အကြံပြုချက်တွေရှိတယ်။ သူစိတ်ထဲမှာ မြန်မာနဲ့ ပတ်သက်ပြီးတော့ အကြံပြုချက်တွေရှိတယ် ဆိုတော့ ဒီ အကြံပြုချက်တွေကိုပဲ အဓိက အခြေခံပြီးတော့ ဆွေးနွေးသွားပါတယ်ခင်ဗျ။”

မြန်မာနိုင်ငံအတွင်း လူ့အခွင့်အရေးမြင့်တင်ရေးနှင့် ကာကွယ်ရေး ကိစ္စရပ်တွေ ဆောင်ရွက်နေမှု၊ ရခိုင်ပြည်နယ်ကိစ္စ၊ ငြိမ်းချမ်းရေးလုပ်ငန်းစဉ်၊ လူ့အခွင့်အရေးဆိုင်ရာ ဥပဒေတွေကိစ္စ၊ လွတ်လပ်စွာစုဝေးခွင့်နှင့် အသင်းအဖွဲ့များ ဖွဲ့စည်းခွင့်ကိစ္စ၊ စီးပွားရေး၊ လူမှုရေး အခွင့်အရေးများဆိုင်ရာ ကိစ္စ၊ လူသားချင်း စာနာထောက်ထားမှု အကူအညီတွေ ပေးနိုင်ရေးကိစ္စနှင့် မြန်မာနိုင်ငံအနေနဲ့ ပါဝင်ဖို့ ကျန်ရှိသည့် နိုင်ငံတကာလူ့အခွင့်အရေးဆိုင်ရာ အဓိကစာချုပ်များ လက်မှတ်ထိုးရေးကိစ္စ စတဲ့ အကြောင်းအရာတွေ ဆွေးနွေး ခဲ့တယ်လို့ နိုင်ငံခြားရေး ဝန်ကြီးဌာနရဲ့ လူမှုကွန်ယက်စာမျက်နှာမှာ ဖော်ပြထားပါတယ်။

မစ္စယန်ဟီလီ အနေနဲ့ ဒီခရီးစဉ်မှာ လူ့အခွင့်အရေးဆိုင်ရာ အခြေအနေတွေ တိုးတက်လာဖို့ မြန်မာအစိုးရနဲ့ရော ပြည်သူလူထုနဲ့ပါ အနီးကပ်တွေ့ဆုံ သွားဖို့ရှိတယ်လို့ ကုလသမဂ္ဂရဲ့ သတင်းထုတ်ပြန်ချက်မှာလည်း ဖော်ပြထားပါတယ်။

၁၂ ရက် ကြာမြင့်မယ့် မစ္စယန်ဟီလီရဲ့ စတုတ္ထကြိမ်မြောက် မြန်မာခရီးစဉ်မှာ ရခိုင်ပြည်နယ်၊ ကချင်ပြည်နယ်၊ ရှမ်းပြည်နယ်တွေကိုလည်း သွားရောက်လေ့လာ မှာဖြစ်ပါတယ်။ ဒါ့အပြင် အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာန၊ လူ့အခွင့်အရေးကော်မရှင်၊ စာနယ်ဇင်းကောင်စီ စတဲ့အဖွဲ့အစည်းတွေအပြင် အရပ်ဖက်လူမှု့အဖွဲ့အစည်းတွေနဲ့လည်း တွေ့ဆုံသွားဖို့ရှိပါတယ်။

 သိင်္ဂီလင်း / ဗွီအိုအေ (မြန်မာပိုင်း)
http://burmese.voanews.com


ရွှေပြည်သာမြို့နယ်မှာ အလယ်တန်းပြကျောင်းဆရာမစုံတွဲကို အမျိုးသား(၄)ဦးက ဓားနဲ့ထိုးပြီးလုယက်မှုဖြစ်ပွားခဲ့တယ်လို့ သိရပါတယ်။

 ဇွန်လ (၁၄)ရက်၊ ညနေ(၄)နာရီခွဲ အချိန်ခန့်က ရွှေပြည်သာယာမြို့နယ်နေ အလယ်တန်းပြ ကျောင်းဆရာမတစ်ဦးနဲ့ ရည်းစားဖြစ်သူတို့ဟာ ရွှေပြည်သာ ဝါးတစ်ရာ စက်မှုဇုန်၊ စက်မှုဇုန်ပတ်လမ်းအတိုင်းဆိုင်ကယ်စီးနင်းသွားလာစဉ် အမည်မသိ အမျိုးသား (၄)ဦးကဆိုင်ကယ် (၂)စီးနဲ့လိုက်လံနှောင့် ယှက်တာကြောင့် ဆိုင်ကယ်ရပ်တန့်ပေးခဲ့ရတယ်လို့ သိရပါတယ်။

ဆိုင်ကယ်ရပ်တန့်သွားစဉ်မှာ လိုက်လံနှောက်ယှက်သူတွေ က ကျောင်းဆရာမရဲ့ရည်းစားဖြစ်သူကို ဝိုင်းဝန်းချုပ်နှောင်ကာ ဓါးနဲ့ထိုးခဲ့ပြီး ကျောင်းဆရာမ ဝတ်ဆင်ထားတဲ့ရွှေဆွဲကြိုး လက်ကိုင်ဖုန်း တစ်လုံး၊ ငွေကျပ် (၂ဝဝဝဝ)ပါ ပိုက်ဆံအိတ် တစ်လုံး၊ ရည်းစားဖြစ်သူထံ က ငွေကျပ် (၅ဝဝဝဝ)နဲ့ရွှေလက်စွပ်တစ်ကွင်း စုစုပေါင်းတန်ဖိုးကျပ်(၉၉ဝဝဝဝ)ဖိုး ခန့်ကိုလုယူထွက်ပြေးသွားခဲ့တယ်လို့ ရဲမှတ်တမ်းတွေအရ သိရပါတယ်။

 ဓါးနဲ့ထိုးခံရတာကြောင့် ကျောင်းဆရာမရဲ့ရည်းစားဖြစ်သူမှာ ဝဲဘက်နံဘေးပြတ်ရှဒဏ်ရာ၊ ဦးခေါင်းနောက်စေ့ပြတ်ရှဒဏ်ရာတွေရရှိကာ အင်းစိန်ဆေးရုံမှာ အတွင်းလူနာအဖြစ် တက်ရောက်ကုသရနေရတယ်လို့ သိရပါတယ်။

ဒီဖြစ်စဉ်မှာ ပြစ်မှုကျူးလွန်သူ(၄)ဦးကို လှော်ကားနယ်မြေ ရဲစခန်း ပြစ်မှုနံပါတ် (၃ဝ၃/၁၆)ပြစ်မှုပုဒ်မ ၃၉၄ အရအမှုဖွင့်စုံစမ်းနေတယ်လို့ သိရပါတယ်။

5 Plus News
https://www.facebook.com/5plusnews


မန္တလေးမြို့ ချမ်းမြသာစည် (တောင်) ရပ်ကွက်ရှိ အောင်မြေရွှေဘုံကျောင်းတိုက်၊ သာသနာ့ဗိမာန်ကျောင်းဝင်းအတွင်း၌ ဇွန် ၂၀ ရက်၊ နံနက် ၉ နာရီခန့်က ပူးပေါင်းအဖွဲ့ဖြင့် ၀င်ရောက်ရှာဖွေရာ လိုင်စင်မဲ့မော်တော်ယာဉ် ၂၇ စီး အား တွေ့ရှိ သိမ်းဆည်းခဲ့ပြီး ဆက်လက်စစ်ဆေးနေကြောင်း ကနဦးသတင်းများအရ သိရသည်။

“ရက် ၁၀၀ စီမံချက်လည်း လုပ်နေတယ်။ ကျောင်းဝင်းထဲမှာ ကားတွေ အများကြီးရှိတယ်ဆိုတာသိရပြီး ပူးပေါင်းအဖွဲ့နဲ့ ၀င်ရောက်စစ်ဆေးခဲ့ရာမှာ လိုင်စင်မဲ့ကားတွေဆိုတာသိရလို့ ရှာဖွေပုံစံနဲ့ သိမ်းဆည်းခဲ့တယ်။ လက်ရှိ စစ်ဆေးမှုတွေ ဆက်လုပ်နေတာပါ”ဟု မဟာအောင်မြေမြို့နယ် အမှတ် ၁၁ ရဲတပ်ဖွဲ့မှ တာဝန်ရှိသူတဦးက ပြောသည်။

အဆိုပါပူးပေါင်းအဖွဲ့တွင် သံဃာ့နာယက ဆရာတော်များ၊ မြို့နယ်ရဲတပ်ဖွဲ့မှူးနှင့် အမှတ် ၁၁ နယ်မြေခံရဲတပ်ဖွဲ့အပါအ၀င် ၂၅ ဦး၊ မြို့နယ်နှင့် ရပ်ကွက်အုပ်ချုပ်ရေးအဖွဲ့ဝင်များ ပါဝင်သည့် ပူးပေါင်းအဖွဲ့ဖြင့် ၀င်ရောက်စစ်ဆေးခဲ့ခြင်းဖြစ်သည်။

“လိုင်စင်မဲ့ဆိုတာကို ကားရဲ့ ချက်စီနံပါတ်နဲ့ ကညန မှတ်တမ်းက ကွန်ပြူတာမှာ စစ်ဆေးတယ်။ မှတ်ပုံတင် လုပ်မထားဘူးဆိုတာ ကညန က တရားဝင် အကြောင်းပြန်တယ်။ လိုင်စင်မဲ့ဆိုရင်တော့ ဥပဒေကြောင်းအရ သက်ဆိုင်ရာ နယ်မြေရဲစခန်းမှာ အမှုဖွင့်တယ်”ဟု ယာဉ်ထိန်းရဲတပ်ဖွဲ့စု (၈၉) မှ ဒုရဲမှူး ဇော်လင်းက ပြောသည်။

တရားမ၀င်တင်သွင်းလာသည့် လိုင်စင်မဲ့မော်တော်ယာဉ်များအား ခရိုင်ရဲရုံးနှင့် မြို့နယ်ရဲစခန်းတို့တွင် သယ်ယူသိမ်းဆည်းခဲ့ကြောင်း၊ မောတော်ယာဉ်များနှင့်အတူတွေ့ရှိရသော အမျိုးသားနှစ်ဦးအားလည်း စစ်ဆေးလျှက်ရှိကြောင်း သိရသည်။

ခိုင်ဆက်ဝေ၊ စိုင်းထူးခန့်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/



အာဖဂန်နစ္စတန် ကဘူးလ်မြို့ ၌ ဇွန်လ ၂ဝ ရက်က အသေခံ ဗုံးခွဲမှုကြောင့် ဘတ်စ်ကားတစ်စီး ပျက်စီးသွားစဉ် (ဓာတ်ပုံ-အင်တာနက်)
    ကဘူးလ် ၊ ဇွန် ၂ဝ ရက် (ဆင်ဟွာ)

    အာဖဂန်နစ္စတန် နိုင်ငံ ကဘူးလ်မြို့ ၌ ဇွန်လ ၂ဝ ရက်က ဖြစ်ပွားသည့် အသေခံ ဗုံးခွဲမှုတွင် နီပေါလူမျိုး ၁၄ ဦးသေဆုံးပြီး ကိုးဦး အပြင်းအထန် ဒဏ်ရာရသွားကြောင်း အာဖဂန်နစ္စတန်နိုင်ငံ ပြည်ထဲရေး ဝန်ကြီးဌာနက ဆိုသည်။

“ဒေသစံတော်ချိန် မနက် ၄ နာရီ ၄ဝ မိနစ်လောက်မှာ  အသေခံဗုံးခွဲသမားဟာ နိုင်ငံခြား ကုမ္ပဏီတစ်ခုရဲ့ ဘတ်စ်ကားဆီကို ချဉ်းကပ်ပြီး ဗုံးခွဲလိုက်တာပါ ။ အကျိုးဆက်ကတော့ အဲဒီကုမ္ပဏီ မှာ အလုပ်လုပ်နေတဲ့ နီပေါလူမျိုး အလုပ်သမား ၁၄ ယောက် သေသွားတယ် ” ဟု ဝန်ကြီးဌာန၏ ထုတ်ပြန်ချက်တွင် ဖော်ပြထားသည်။

အာဖဂန်နစ္စတန် နိုင်ငံ Banahi ဒေသအတွင်းရှိ Pul-e-Charki လမ်းပေါ်တွင် ဖြစ်ပွားခဲ့သော အသေခံ ဗုံးခွဲမှုတွင် နီပေါလူမျိုး ၅ ဦး နှင့် အာဖဂန်လူမျိုး ၄ ဦး အပြင်းအထန် ဒဏ်ရာရသွားကြောင်း ထုတ်ပြန်ချက်တွင် ပါရှိသည်။

၎င်းတို့သည် ကဘူးလ်မြို့ရှိ နိုင်ငံခြားသံရုံး တစ်ခုတွင် လုံခြုံရေး ဝန်ထမ်းများအဖြစ် လုပ်ကိုင်နေကြသူများ ဖြစ်ကြောင်း သတင်းအရင်းအမြစ်များက ဆိုသည်။ တိုက်ခိုက်မှုကြောင့် သေဆုံးသူများသည် အခင်းဖြစ်နေရာတွင် ပွဲခြင်းပြီး သေဆုံးခဲ့သွားကြသူများ ဖြစ်ပြီး မီးပွားကူးစက်မှုကြောင့် အနီးအနားတွင် ရှိနေသည့် လူစီးကားအချို့ နှင့် ဈေဆိုင်အချို့ လည်း ပျက်စီးသွားကြောင်း သိရသည်။
အဆိုပါ တိုက်ခိုက်မှုမှာ ၄င်းတို့ ၏ လက်ချက်ဖြစ်ကြောင်း တာလီဘန် ပြောခွင့်ရပုဂ္ဂိုလ် Zabiullah Mujahid က ထုတ်ဖော် ပြောဆိုထားပြီး အာဖဂန်နစ္စတန် အစိုးရ အဖွဲ့ အကြီးအကဲ Abudllah Abullah က အခင်းဖြစ်စဉ်ကို ပြင်းထန်စွာ ရှုတ်ချကြောင်း ထုတ်ဖော် ပြောဆိုထားသည်။

တာလီဘန် အကြမ်းဖက်သမားများက အာဖဂန် ပြည်သူများအား အစိုးရရုံးများ နှင့် စစ်တပ် အနီးအနား တစ်ဝိုက်တွင် စုရုံး နေထိုင်ကြခြင်း မပြုရန် သတိပေးထားပြီး အာဖဂန်အစိုးရအား ထောက်ခံ အားပေးခြင်းမျိုး မပြုလုပ်ကြရန်လည်း ထပ်လောင်း သတိပေးထားကြောင်း သိရသည်။

(Xinhua)
http://www.xinhuamyanmar.com



ဒါကာမြို့တောင်ဘက်ရှိ Cox's Baza အနီးကျူးကျော်ရပ်ကွက် (မေ ၂၁၊ ၂၀၁၅)
ဘင်္ဂလားဒေ့ရှ် နိုင်ငံမှာ နေထိုင်တဲ့ တရားမဝင် မြန်မာနိုင်ငံသား အရေအတွက် ဘယ်လောက်ရှိတယ် ဆိုတာကို သိရဖို့ အစိုးရက ပထမဆုံး စာရင်းကောက်ယူမှုတွေ ပြီးဆုံးခဲ့တဲ့အတွက် တနင်္လာနေ့မှာ နိုင်ငံခြား သံတမန်တွေကို ပြောကြားဖို့ ရှိကြောင်း ဘင်္ဂလားဒေ့ရှ် နိုင်ငံခြားရေး ဝန်ကြီးဌာန အရာရှိ တဦးရဲ့ ပြောကြားချက်ကို တနင်္ဂနွေနေ့ထုတ် Dhaka Tribune မှာ ဖေါ်ပြထားပါတယ်။

ဘင်္ဂလားဒေ့ရှ် သန်းကောင်စာရင်းဌာနက ဘန်ဒရာဘင်၊ Cox’s Bazar, Patus khali ၊ စစ်တကောင်း တောင်တန်း၊ Khagra chari နဲ့ စစ်တကောင်း ဒေသတွေမှာ ကောက်ခံခဲ့တာဖြစ်ကြောင်း တွေ့ရှိချက်တွေကို ဥရောပနဲ့ အမေရိကတိုက် နိုင်ငံတွေအပြင် အရှေ့တောင်အာရှ နိုင်ငံတွေက သံတမန်တွေ ကိုပါ ဖိတ်ခေါ်ပြောကြားဖို့ ရှိတယ်လို့ ပြောပါတယ်။

ဘင်္ဂလားဒေ့ရှ် နိုင်ငံမှာ တရားမဝင်နေထိုင်တဲ့ ရိုဟင်ဂျာ ၅ သိန်းလောက် ရှိနေတယ်လို့ အများက ပြောနေပေမယ့် အရေအတွက် အတိအကျကို မသိရပဲ အခုတော့ ရိုဟင်ဂျာတွေနဲ့ ပတ်သက်တဲ့ သန်းကောင်စာရင်းကို ကောက်ယူပြီးပြီ ဖြစ်သလို နောက်ဆုံး အချောသတ် အဆင့်ကိုတော့ လာမယ့် ၂ လ၊ ၃ လအတွင်း ရရှိမှာ ဖြစ်ကြောင်းလည်း ဖေါ်ပြထားပါတယ်။

တချိန်ထဲမှာပဲ နိုင်ငံခြားရေး အတွင်းဝန် M Shahidul Haque ဟာ ဒီလကုန်လောက်မှာ ဘင်္ဂလာဒေ့ရှ် ဝန်ကြီးချုပ် Sheikh Hasina ရဲ့ အထူးစေလွှတ်ချက်အရ မြန်မာနိုင်ငံကို ၂ ရက်ကြာ သွားရောက်ဖို့ရှိကြောင်းနဲ့ မြန်မာနိုင်ငံမှာ သမ္မတ ဦးထင်ကျော်၊ နိုင်ငံခြားရေးဝန်ကြီး ဒေါ်အောင်ဆန်းစုကြည်နဲ့ တခြားအရာရှိကြီးတွေနဲ့ တွေ့ဆုံဖို့ ရှိကြောင်း ဖေါ်ပြထားပါတယ်။ ဒါဟာ ၂ နိုင်ငံကြား ဆယ်စုနှစ်ပေါင်း များစွာ ယုံကြည်မှုမရှိပဲ ဖြစ်နေတာကို ဖယ်ရှားနိုင်ဖို့နဲ့ ချစ်ကြည်မှု ရအောင်လုပ်ဖို့ ကျိုးစားမှု တခုလို့လည်း ပြောပါတယ်။

ဝန်ကြီးချုပ် Hasina ဟာ ၂၀၁၁ ခုနှစ် တုန်းက မြန်မာနိုင်ငံကို သွားရောက်ခဲ့သလို ဒေါ်အောင်ဆန်းစုကြည်နဲ့လည်း တွေ့ဆုံခဲ့ပါတယ်။

 ဗွီအိုအေ (မြန်မာပိုင်း)
http://burmese.voanews.com


မုံရွာ၊ ဇွန် ၂၀။

စစ်ကိုင်းတိုင်းဒေသကြီး၊ ကလေးမြို့၊ မြို့သာရပ်ကွက်တွင် ဇွန် ၁၈ရက်နေ့၌ မိုးရွာ၍ ဗွက်ထနေသော ရေအိုင်ထဲသို့ ဆင်းလျှောက်စဉ် လူငယ်တစ်ဦးဓာတ်လိုက်သေဆုးံခဲ့ကြောင်း သတင်းရရှိသည်။

ဓာတ်လိုက်သေဆုးံခဲ့သောလူငယ်မှာ ကလေးမြို့အောင်သစ္စာရပ်ကွက် နယ်မြေ (၃) နေ မောင်ကျော်စွာမြင့် (၂၀)နှစ်ဖြစ်ပြီး မြို့သာရပ်ကွက် သုခစံရာ ဆန်စက်အနီးသို့ လမ်းလျှောက်လာစဉ် မိုးရွာထားသောကြောင့်ဘဗွက်ထနေသည့် အိုင်အတွင်းဖြတ်လျှောက်ရာ ခြေချော်လဲကျခဲ့သည်။

ထိုသို့ လဲကျစဉ် အနီးရှိ ဓာတ်တိုင်မှ ပြုတ်ကျနေသော မီးကြိုးကို လှမ်းဆွဲကိုင်လိုက်ရာ ဓာတ်လိုက်၍ သေဆုးံသွားခဲ့ခြင်းဖြစ်ကြောင်း ကလေးမြို့မရဲစခန်း၏ စစ်ဆေးချက်အရ သိရသည်။

ဓာတ်လိုက်သေဆုံးမှုကို ကလေးမြို့မရဲစခန်းမှ ဒုရဲအုပ်စန်းမြင့်ဦးက တရားလိုပြုလုပ်ပြီး သေမှုသေခင်း အမှတ် (၂၁/၁၆)ဖြင့် အမှုဖွင့် စစ်ဆေးထားကြောင်း သိရသည်။

ဟိန်းလင်းသန့်
Central News Myanmar
https://www.facebook.com/CNMyanmar


ဇွန်လ ၁၉ရက်နေ့ ညနေ ၄နာရီ အချိန်ခန့်က ပဲခူးမြို့ အမှတ်(၃)နယ်မြေ ရဲစခန်းအပိုင်အတွင်းရှိ ဥဿာမြို့သစ်(၈)ရပ်ကွက် နယ်မြေ(၁)ရှိ ချမ်းမြေရိပ်မြိုင်ကျောင်းတွင် စာသင်သား ကိုရင်ဓမ္မဂေါသက(၁၆)နှစ်(၂)ဝါဖြစ်သူမှ ၎င်းကျောင်းအတွင်းရှိ သုဝဏ္ဏရံသီ အဆောင်ကြမ်းခင်းတွင် အိပ်ပျော်နေသော ကျောင်းမှ ကပ္ပိယဖြစ်သူဝကြီး(ခ) ဇွဲမင်းပိုင်(၃၀)နှစ်အား သစ်သားရိုးတပ် အရှည်၂ပေ ၄လက္မ အသွား ၇×၂ လက္မခွဲခန့်ရှိ ထင်းပေါက်သံပုဆိန်ဖြင့် ဦးခေါင်းအားထုနှက်ခြင်း ၊ အရိုးအသွား ၁၁လက္မခန့်ရှိ မီးဖိုချောင်သုံးဓါးမြှောင်ဖြင့် ဝမ်းဗိုက်နှင့် ချိုင်းအောက်တို့အား ထိုးခဲ့သဖြင့် ဒဏ်ရာများဖြင့် လဲကျနေကြောင်း သတင်းရရှိပါသည်။


အဆိုပါ သတင်းအရ ပဲခူးအမှတ်(၃)နယ်မြေ ရဲစခန်းမှ စခန်းမှူးရဲအုပ်ခင်ဇော် ၊ ဒုရဲအုပ်ဟိန်းကိုကိုနှင့် ရဲတပ်ဖွဲ့ဝင်များသည် အခင်းဖြစ်ရာသို့ ရောက်ရှိစစ်ဆေးခဲ့ပြီး ဒဏ်ရာများဖြင့် လဲကျနေသူ ဝကြီး(ခ)ရဲမင်းပိုင်အား ရဲဆေးစာနှင့်အတူ ပဲခူးပြည်သူ့ဆေးရုံကြီးသို့ တင်ပို့ပေးခဲ့ပါသည်။


 ကိုရင်ဓမ္မဂေါသကအား လုပ်ထုံးလုပ်နည်းဖြင့်အညီ လူဝတ်လဲဆောင်ရွက်ပြီး ပြစ်မှုဆိုင်ရာဥပဒေပုဒ်မ၃၂၆ဖြင့် အမှုဖွင့် အရေးယူဆောင်ရွက်ပြီး စစ်ဆေးမေးမြန်းခဲ့ရာ ဝကြီး(ခ)ရဲမင်းပိုင်မှ မိမိအား ဆဲဆိုခဲ့မှုအပေါ် မကျေနပ်သဖြင့် ထိုသို့ဆောင်ရွက်ခဲ့ခြင်းဖြစ်ကြောင်း ၎င်း၏ထွက်ဆိုမှုအရသိရသည်။

ထိုသို့စစ်ဆေးဆောင်ရွက်နေစဉ် ဆေးရုံကြီးတွင် ဆေးကုသမှုခံယူနေသော ကပ္ပိယဝကြီး(ခ)ရဲမင်းပိုင်မှာ သေဆုံးသွားကြောင်း သတင်းကြားသိရသဖြင့် မူလဖွင့်လှစ်ထားသော ပြစ်မှုပုဒ်မ ၃၂၆ မှ ၃၀၂ သို့ ပြောင်းလဲဖွင့်လှစ်ပြီး စခန်းမှူးရဲအုပ်ခင်ဇော်မှ ဆက်လက်စစ်ဆေး ဆောင်ရွက်လျက်ရှိကြောင်း သတင်းကြားသိရပါသည် ။

Kha Yang
ပဲခူး မှုခင်းရှု့ထောင့်မီဒီယာ


ကျောက်မဲ ဇွန် ၁၉

ရှမ်းပြည်(မြောက်ပိုင်း) ကျောက်မဲ- မိုင်းငေါ့သွားကားလမ်းမကြီးဘေးတွင် ဇွန် ၁၈ ရက် ည၁ဝ နာရီခွဲခန့်က မိုင်းပေါက်ကွဲမှုတစ်ကြိမ်ဖြစ်ပွား ခဲ့ကြောင်း ကျောက်မဲမြို့မရဲစခန်းမှ တာဝန်ရှိသူတစ်ဦးက ပြောသည်။

မိုင်းပေါက်ကွဲမှု သတင်းအရ ကျောက်မဲခရိုင်ရဲတပ်ဖွဲ့မှူးဦးစီးသော ရဲတပ်ဖွဲ့ဝင်များနှင့် စစ်မြေပြင် အင်ဂျင်နီယာတပ်ရင်း၊ တပ်ခွဲ(၂)မှ တာဝန်ရှိသူများပူးပေါင်းကာ အခင်း ဖြစ်ပွားရာ နေရာသို့ သွားရောက်စစ် ဆေးခဲ့ရာ ကျောက်မဲမြို့ အမှတ် (၇)ရပ်ကွက် နယ်မြေ(၁) ကျောက်မဲ-မိုင်းငေါ့သွားကားလမ်းဘေး ကြက်ဆူ ပင်အောက်တွင် PVC ပိုက်ဖြင့် ပြုလုပ်ထားသော ဒေသန္တရလက်လုပ် ချိန်ကိုက် မိုင်း ပေါက်ကွဲမှုဖြစ်ပွားခဲ့ပြီး အနီးဝန်းကျင်၌ ဝါယာကြိုးစ၊ PVC ပိုက်အပိုင်း အစတစ်ခု၊ ဘောစေ့တစ်စေ့၊ ဓာတ်ခဲအပိုင်းအစ တစ်ခုတို့ကို တွေ့ရှိ ခဲ့ပြီး ပေါက်ကွဲမှုကြောင့် လူ/ တိရစ္ဆာန်ထိခိုက်ဒဏ်ရာ ရရှိမှု မရှိကြောင်း ၄င်းကဆက်လက်ပြောပြသည်။

''ည ၁ဝ နာရီခွဲလောက်မှာပေါက် ကွဲသံကြီးကြားလိုက်ရတယ်။ လူတွေလည်း အတော်လန့်သွားကြတယ်။ ပေါက်ကွဲတဲ့နေရာက မြို့ထဲနဲ့အဝေး ကြီးမဟုတ်ဘူး။ တစ်ဆက်တည်းပါ။စစ်တပ်တွေရှိတဲ့ဘက်ပဲ။ အခုမြို့ထဲ မှာတော့ လုံခြုံရေးတင်းကျပ်ထားတယ်''ဟု ကျောက်မဲမြို့နေ မြို့မိမြို့ဖ တစ်ဦး က ပြောပြသည်။

အဖျက်အမှောင့် လုပ်ငန်းများ ပြုလုပ်လိုသူများက ဇွန် ၁၅ ရက်နေ့မှ စ၍ သုံးရက်အတွင်း မိုင်းများဖောက် ခွဲသွားမည်ဟူသော သတင်းရရှိသည့် အတွက် ရှမ်းပြည်နယ်(မြောက်ပိုင်း) အတွင်း လုံခြုံရေး တိုးမြှင့် ထားကြောင်း နှင့် မိုင်းရှာဖွေရေးလုပ်ငန်းများကို လည်း ဆောင်ရွက်နေကြောင်း ရှမ်း ပြည်နယ် ဒုတိယရဲတပ်ဖွဲ့မှူးရုံးမှ အဆင့်မြင့် အရာရှိကြီး တစ်ဦးက ပြောသည်။

ဇာဏီအောင်(လားရှိုး)
MOI Webportal Myanmar
https://www.facebook.com/MOIWebportalMyanmar



 ရီပတ်ဘလေကင် သမ္မတလောင်း ဖြစ်လာဖို့ သေချာနေတဲ့ ကုဋေကြွယ် သူဌေး ဒေါ်နယ်ထရမ့်။
ရာဇဝတ်မှု ကိုင်တွယ်ရေးမှာ အင်မတန် အငြင်းပွားစရာ နည်းလမ်း ဖြစ်တဲ့ တရားခံ ဘယ်သူဘယ်ဝါ ဆိုတာကို လူမျိုး၊ ကိုးကွယ်ရာ ဘာသာတရားနဲ့ ဘယ် နိုင်ငံက လာသူလဲ ဆိုတဲ့ အချက်တွေ အပေါ် မူတည်ပြီး ကြိုတင် မှန်းဆ ပိုင်းဖြတ်တဲ့ နည်းလမ်းကို အမေရိကန်မှာ ကျင့်သုံးဖို့ အချိန်တန် နေပြီလို့ ရီပတ်ဘလေကန် သမ္မတလောင်း ဖြစ်လာတော့မယ့် ဒေါ်နယ်ထရမ့်က ပြောလိုက်ပါတယ်။

ပြီးခဲ့တဲ့ သီတင်းပတ်တုန်းက ဖြစ်ပေါ်ခဲ့တဲ့ အိုလန်ဒို နိုက်ကလပ် ပစ်ခတ်မှု အကြောင်း အမေရိကန် CBS ရုပ်သံ လိုင်းပေါ် ပြောဆိုကြတုန်း မစ္စတာ ထရမ့် က အခုလို မှတ်ချက်ချ ခဲ့တာ ဖြစ်ပါတယ်။

အမေရိကန် နိုင်ငံထဲက မွတ်ဆလင်မ်တွေကို တရားခံ ဖြစ်နိုင်ဖွယ် ရှိသူတွေ အဖြစ် ကြိုတင် ပိုင်းဖြတ်တာမျိုး ပိုပြီး လုပ်ဆောင်သင့်တယ် ဆိုတဲ့ အချက်အပေါ် ထောက်ခံလား ဆိုတဲ့ အမေးကို မစ္စတာ ထရမ့်က တုံ့ပြန်တဲ့ အခါ၊ တခြား နိုင်ငံတွေမှာ ဆိုရင် လူမျိုး၊ ကိုးကွယ်ရာ ဘာသာနဲ့ ဘယ် နိုင်ငံသားလဲ ဆိုတဲ့ အချက်တွေကို ထည့်သွင်း စဉ်းစားကြတယ် ဆိုပြီး ပြောဆို ခဲ့ပါတယ်။

ဒီလို နည်းလမ်းမျိုးတွေ ကိုသာ အသုံးပြုမယ် ဆိုရင် အမေရိကန် မွတ်ဆလင် အသိုင်းအဝိုင်းကို ခွဲခြားပြီး ပထုတ်ရာ ရောက်လိမ့်မယ်လို့ အမေရိကန် ရှေ့နေချုပ် လော်ရက်တာ လင့်ခ်ျက သတိပေးပါတယ်။

BBC Burmese
http://www.bbc.com/burmese


မြန်မာနိုင်ငံ လူ့အခွင့်အရေး ဆိုင်ရာ ကုလသမဂ္ဂရဲ့ အထူးကိုယ်စားလှယ် မစ္စ ရန်ဟီလီဟာ လာမယ့် ဗုဒ္ဓဟူး နေ့ ဇွန်လ ၂၂ ရက် မှာ ရခိုင်ပြည်နယ်ကို လာရောက်မှာ ဖြစ်တယ်လို့ ရခိုင် ပြည်နယ် အုပ်ချုပ်ရေး အာဏာပိုင် တစ်ဦးက ဘီဘီစီကို အတည်ပြု ပါတယ်။

ခရီးစဉ်ရဲ့ အသေးစိတ် အချက်အလက်တွေကို မသိရ သေးပေမယ့် မစ္စ ရန်ဟီလီ သွားရောက် လိုတဲ့ နေရာတွေ မှန်သမျှ လိုက်လံ ပြသမယ်လို့ ပြည်နယ်ရဲ့ အထွေထွေ အုပ်ချုပ်ရေးမှူး ဦးတင်မောင်ဆွေက ပြောပါတယ်။

မစ္စရန်ဟီလီ အနေနဲ့ ရခိုင်ပြည်နယ် ခရီးစဉ် အတွင်း စစ်တွေမှာ ရှိတဲ့ ရခိုင်နဲ့ မွတ်ဆလင် ဒုက္ခသည် စခန်းတွေဆီ သွားရောက် နိုင်ဖွယ် ရှိတယ်လို့ ဘီဘီစီ သတင်းထောက်က ဆိုပါတယ်။

မွတ်ဆလင်မ် ဒုက္ခသည်တွေ အရေး လုပ်ဆောင် ပေးမှု တွေ အပေါ် ကြိုဆိုတယ် လို့ သက်ကယ်ပြင် ဒုက္ခသည် စခန်းမှာ နေထိုင် နေသူတစ်ဦးက ဘီဘီစီ ကို ပြောပါတယ်။

မစ္စ ရန်ဟီလီ လာရောက်တိုင်း ပြည်နယ် အတွင်း မငြိမ်မသက်မှုတွေ ဖြစ်ပေါ်လေ့ ရှိတယ် ဆိုပြီး ရခိုင် အသိုင်းအဝိုင်း ထဲက သူတစ်ဦး ကတော့ မှတ်ချက်ချ ပါတယ်။

မစ္စ ရန်ဟီလီဟာ ရခိုင်ပြည်နယ်ထဲ ရိုဟင်ဂျာ မွတ်ဆလင်မ်တွေ ခွဲခြား ကန့်သတ် ခံနေရတာတွေ ကို သူ့ရဲ့ အစီရင်ခံစာတွေထဲ ထည့်သွင်း ဖော်ပြ ခဲ့ပါတယ်။

ပြီးခဲ့တဲ့ မတ်လတုန်းက ဂျနီဗာမှာ ကျင်းပခဲ့တဲ့ လူ့ အခွင့်အရေး ကောင်စီ ညီလာခံမှာလည်း ရခိုင်မှာ ရိုဟင်ဂျာတွေဟာ တစ်မြို့နယ်ကနေ တစ်မြို့နယ် လွတ်လွတ်လပ်လပ် ကူးသန်း သွားလာခွင့် မရှိတာ၊ တရားဝင် စာရွက်စာတမ်း မရှိလို့ ပညာသင်ခွင့် လက်လွှတ် ဆုံးရှုံး နေရတာ အပါအဝင် ဒုက္ခသည် ၁ သိန်း ၄ သောင်းဟာ ပြိုကျလု နီးနီး အခြေအနေ ဆိုးရွား နေတဲ့ ဒုက္ခသည် စခန်းတွေမှာ နေထိုင် နေရတာ စတဲ့ အချက်တွေကို မစ္စ ရန်ဟီလီက ပြောကြား ခဲ့ပါတယ်။

BBC Burmese
http://www.bbc.com/burmese

dassk-kawmu-620 အမျိုးသားဒီမိုကရေစီအဖွဲ့ချုပ် ဥက္ကဌ ဒေါ်အောင်ဆန်းစုကြည် ကော့မှူးမြို့ ဒေသခံတွေနဲ့ ဧပြီလ ၂၇ ရက်နေ့က တွေ့ဆုံစဉ်
ဒေါ်အောင်ဆန်းစုကြည်ရဲ့ ၇၁ နှစ်မြောက်မွေးနေ့ အထိမ်းအမှတ်အဖြစ် နော်ဝေနိုင်ငံ Froland မြို့မှာ ဒေါ်အောင် ဆန်းစုကြည် ပန်းခြံနဲ့ ရုပ်တုဖွင့်ပွဲကို ဒီနေ့ ကျင်းပပါတယ်။

ဒေါ်အောင်ဆန်းစုကြည် ရုပ်တုကို ကိုငယ်ဇော်က ထုလုပ်ပြီး အခမ်းအနားကို နော်ဝေနိုင်ငံရောက် မြန်မာနိုင်ငံ သားတွေသာမက ဒိန်းမတ်လို အိမ်နီးချင်းနိုင်ငံတွေမှာရောက်ရှိတဲ့ ဗမာ၊ ချင်း၊ ကချင်၊ ကရင်၊ မွန်စတဲ့ တိုင်းရင်း သားတွေလည်း တက်ရောက်ပြီး အဆို၊ အတီး၊ အကတွေနဲ့ ဖော်ဖြေပါတယ်။

မွန်းလွဲတစ်နာရီလောက်က စတင်ကျင်းပတဲ့ ဒီအခမ်းအနားကို နော်ဝေတာဝန်ရှိသူတွေ၊ နော်ဝေနိုင်ငံဆိုင် ရာ မြန်မာသံအမတ် မြန်မာ့အရေးစိတ်ဝင်စားသူတွေနဲ့ မြန်မာနိုင်ငံသားတွေ စုစုပေါင်း တစ်ထောင်လောက်တက်ရောက်ကြပါတယ်။

ဒီအကြောင်းကို ၁၉၉ဝ ပြည့်နှစ် ယင်းမာပင်မြို့နယ် အမှတ် ၁ မဲဆန္ဒနယ် ပြည်သူ့လွှတ်တော် ကိုယ်စားလှယ် ဦးဘိုသောင်းကို အခမ်းအနား ကျင်းပနေချိန်မှာ ဒေါ်စမ်းစမ်းတင်က ဆက်သွယ်မေးမြန်းထားပါတယ်။
RFA


"ရိုးမြေကျ" ဇာတ်ကားကို VOA ဆု ချီးမြှင့်နေစဉ် (Photo-U Myat Thu Winn FB) ဇွန်လ ၁၉ ရက်
"ရိုးမြေကျ" ဇာတ်ကားကို VOA ဆု ချီးမြှင့်နေစဉ် (Photo-U Myat Thu Winn FB) ဇွန်လ ၁၉ ရက်

၎ ကြိမ်မြောက် လူ့အခွင့်အရေးနဲ့ လူ့ဂုဏ်သိက္ခာ နိုင်ငံတကာ ရုပ်ရှင်ပွဲတော်မှာ ဆုချီးမြှင့်ခံရတဲ့ ဇာတ်ကားတွေ ထွက်လာပါပြီ။ ဒီကနေ့ ရန်ကုန်မြို့မှာကျင်းပတဲ့ အခမ်းအနားအတွင်း ဆုရဇာတ်ကားတွေကို ကြေညာခဲ့တာပါ။ အဲဒီအခမ်းအနား ကို ကိုယ်တိုင်သွားတက်တဲ့ ဗွီအိုအေအယ်ဒီတာတဦးဖြစ်သူ ကိုသားညွန့်ဦးကို ကိုကျော်ကျော်သိန်းက ဆက်သွယ် မေးမြန်းထား ပါတယ်။

ကိုကျော်ကျော်သိန်း။ ။ လူ့အခွင့်အရေးနဲ့ လူ့ဂုဏ်သိက္ခာ ရုပ်ရှင်ပွဲတော် ဆုပေးပွဲ ပြီးသွားပြီဆိုတဲ့အခါကျတော့ ဘယ်ဇာတ်ကားတွေ ၊ ဘာဆုတွေ ဆွတ်ခူးသွားတယ်ဆိုတာ ပြောပြပါခင်ဗျ။

ကိုသားညွန့်ဦး။ ။ ဟုတ်ကဲ့ခင်ဗျ။ အဓိကတော့ ပေးတဲ့ဆု ၉ ဆုရှိပါတယ်။ ဒါပေမယ့် ကျနော်ခြုံပြီးပြောလိုက်မယ်ဆိုရင်တော့ အဓိကကျတဲ့ ဒေါ်အောင်ဆန်းစုကြည် အမျိုးသားဆု ပေါ့နော်။ ဒေါ်အောင်ဆန်းစုကြည်က ပြည်တွင်းပြည်ပ ခွဲထားတာရှိပါတယ်။ ဒေါ်အောင်ဆန်းစုကြည် အမျိုးသားဆု နဲ့ ဟံသာဝတီဆုကိုတော့ The Vein လို့ခေါ်တဲ့ “မှော်” ဆိုတဲ့ကား အဲဒါကတော့ ဖားကန့်ကျောက်စိမ်းမှာရှိတဲ့ ရေမဆေးကျောက်ပေါ့နော် ၊ အဲဒီကျောက်တွေကို ရှာတဲ့ လုပ်သားတွေရဲ့အကြောင်း ဖြစ်ရပ်မှန်တွေကို မှတ်တမ်းတင်ထားတဲ့ကားလေးပေါ့ အဲဒီကားက ဒေါ်အောင်ဆန်းစုကြည်ဆု ရော ဟံသာဝတီ ဦးဝင်းတင် ဆုရော ရရှိသွားပါတယ်။ ဆုတွေထဲမှာတော့ ထူးထူးခြားခြား ကျနော်တို့ VOA ကနေပြီးတော့ ပထမဆုံးပေးတဲ့ဆု ကျနော်တို့ရွေးချယ်ခဲ့ပါတယ် အဲဒါကတော့ ရိုးမြေကျဆိုတဲ့ ကားလေးပါ။ ဒါကတော့ ဒုက္ခိတ ဖြစ်နေတဲ့ လူတယောက်ရဲ့ ဘ၀အကြောင်းကို ရိုက်ထားတာပါ။

ကိုကျော်ကျော်သိန်း။ ။ ဟုတ်ကဲ့ ဆိုတော့ ကျန်တဲ့ဆုတွေပေါ့လေ ဒေါ်အောင်ဆန်းစုကြည်ဆုအပါအ၀င် ကျန်တဲ့ဆုတွေကို ရွေးချယ်တဲ့နေရာမှာ အခြေခံစဉ်းစားတဲ့ပုံနဲ့ VOA ဆုကို ရွေးချယ်တဲ့ နေရာမှာ အခြေခံ စဉ်းစားပုံ ဘယ်လိုကွာခြားချက်တွေများ ရှိပါသလဲ။

ကိုသားညွန့်ဦး။ ။ ဟုတ်ကဲ့ တော်တော်များများဆုတွေရသွားတာကို ကြည့်မယ်ဆိုရင်တော့ နိုင်ငံရေးအခြေအနေနဲ့ ဆက်စပ်ပြီးတော့ ရသွားတာ များပါတယ်။ တချို့ကျတော့လည်း ဒီ ရုပ်ရှင်တည်းဖြတ်မှုအပေါ်မှာ အဓိကထားပြီးတော့ ရသွားတာရှိတော့ နိုင်ငံရေးအပေါ်မှာ အခြေခံထားပြီးတော့ စဉ်းစားပြီး ရိုက်ကူးထားတဲ့ကားတွေက များပါတယ်။ ဒါပေမယ့် ကျနော်တို့ VOA က ပေးတဲ့ဆုနဲ့ ပတ်သက်ပြီးတော့ စဉ်းစားမယ်ဆိုရင်တော့ ကျနော်တို့ ဘယ်လိုစဉ်းစားသလဲဆိုတော့ ဗွီအိုအေ အနေနဲ့ သတင်းဌာနတခုဖြစ်တဲ့အတွက် VOA အနေနဲ့ သတင်းနဲ့အချက်အလက်ဦးစားပေး တင်ဆက်တဲ့ Documentary ကား(မှတ်တမ်းဇာတ်လမ်း) ကို ရွေးခြယ်မယ်လို့ ရည်ရွယ်ရင်း စဉ်းစားတာရှိပါတယ်။ ကျနော်တို့ စုစုပေါင်း ၂၁ ကားကြည့်ပါတယ်။

ဒါပေမယ့်လည်း ကျနော်တို့ ၂၁ ကားကနေပြီးတော့ Jury ၃ ယောက်လုံး တွေးတဲ့ ကားက ခုဏ ကျနော်ပြောသလို သတင်းအချက်အလက်ဦးစားပေးတဲ့ ကားထက်စာလို့ရှိရင် ကျနော်တို့ ကား တကား သွားတွေ့တယ်။ အဲဒါကတော့ လက်ရှိမြန်မာနိုင်ငံ လူ့အဖွဲ့အစည်းမှာ ကြုံနေရတဲ့ ဒုက္ခိတလူတယောက်နဲ့ သူ့မိသားစုဘယ်လိုရုန်းကန်ရသလဲဆိုတဲ့ အားမန်အပြည့်နဲ့ ဘ၀သရုပ်ဖော်ထားတဲ့ဇာတ်ကားပါ။ ဒီ ဇာတ်ကားကတော့ စဉ်းစားတာ ဒီလူတယောက်ရဲ့ မိသားစုရုန်းကန်မှုဟာ အားမန်အပြည့်နဲ့ရုန်းကန်မှုဟာ လက်ရှိမြန်မာပြည်မှာကြုံနေရတဲ့ ဆင်းရဲမွဲတေမှု၊ မြန်မာပြည်ရဲ့ ဆင်းရဲမွဲကျမှု ၊ နောက်တခါ မြန်မာပြည်ရဲ့ လူမှုထောက်ပံ့ရေးအစီအစဉ် အားနည်းနေမှု ဒါတွေကို သွားပြီးတော့ ထင်ဟပ်စေတယ် ဖော်ပြနေတယ်ဆိုတာတွေကိုစဉ်းစားချက်နဲ့ အဲဒီကားကို ဗွီအိုအေ ကနေပြီးတော့ ရွေးချယ်ခဲ့တာ ဖြစ်ပါတယ်ခင်ဗျ။ နာမည်ကတော့ ရိုးမြေကျပါ။"
VOA Burmese News

မြန်မာနိုင်ငံတွင် ပြည်သူများ လွတ်လပ်စွာ ယုံကြည်ကိုးကွယ်ခွင့် ရရေးမှာ အဓိက စိန်ခေါ်မှုတစ်ရပ် ဖြစ်နေသည်ဟု ကတ်သလစ်ကာဒီနယ် (ပုပ်ရဟန်းမင်း အတိုင်ပင်ခံ) ဘုန်းတော်ကြီး ချားလ်မောင်ဘိုက လန်ဒန်မြို့ ယူကေပါလီမန်၌ မေ ၂၅ က ပြောကြားခဲ့ကြောင်း သိရသည်။

မြန်မာနိုင်ငံ၏ ပထမဆုံး ကာဒီနယ်ဖြစ်သည့် ချားလ်မောင်ဘိုက နိုင်ငံအတွင်း ဘာသာရေး လွတ်လပ်ခွင့်ကို ကာကွယ်ရန်၊ ခွဲခြားဆက်ဆံမှုကို တိုက်ဖျက် ရန်နှင့် လူမျိုး ဘာသာမရွေး တန်းတူအခွင့်အရေး ရရှိရန် လိုအပ်နေသည် ဟု ပြောကြားခဲ့သည်။ ဘာသာရေး လွတ်လပ်ခွင့်သည် လူသားအားလုံး အတွက် အခြေခံအကျဆုံး အခွင့်အရေး တစ်ရပ်ဖြစ်သည်ဟု ကာဒီနယ် ချားလ်မောင်ဘိုက ဆိုသည်။

ယင်းက “စစ်မှန်တဲ့ ငြိမ်းချမ်းရေးနဲ့ လွတ်လပ်မှုက အခုထိ မဖြေရှင်းရသေးတဲ့ ပြသနာတွေ ပေါ်မှာ တည်နေပါတယ်။ မြန်မာနိုင်ငံရဲ့ လူမျိုးနဲ့ ကိုးကွယ် ယုံကြည်မှု ကွဲပြားစုံလင်မှုကို လေးစားတဲ့အနေနဲ့ မိမိတို့ ယုံကြည်ကိုးကွယ်မှုကို လွတ်လပ်စွာ ရွေးချယ်ခွင့်၊ ကျင့်သုံးခွင့်၊ မျှဝေခွင့်နဲ့ ပြောင်းလဲခွင့်တွေ မရှိရင် စစ်မှန်တဲ့ လွတ်လပ်မှု မဖြစ်နိုင်ပါဘူး” ဟု ပြောကြားခဲ့သည်။

မြန်မာနိုင်ငံအား နှစ် ၅၀ ကြာ အုပ်ချုပ်ခဲ့သည့် စစ်အစိုးရက ဘာသာရေးကို ဖိနှိပ်ရေးကိရိယာ တစ်ခုအဖြစ် အသုံးပြုခဲ့သည်ဟု ချားလ်မောင်ဘိုက ပြောကြားပြီး ထိုဖိနှိပ်မှုများကြောင့် လူပေါင်းများစွာ သေဆုံးခြင်း၊ နေရာရွှေ့ပြောင်းခြင်းများ ကြုံတွေ့ခဲ့ရသည်ဟု ဆိုသည်။

ချင်းပြည်နယ်ကဲ့သို့ ဒေသများတွင် ခရစ်ယာန်ဘာသာဝင်များ စိုက်ထူထား သည့် လက်ဝါးကပ်တိုင်များကို ဖယ်ရှား၍ ဗုဒ္ဓဘာသာ စေတီများတည်ရန် အမိန့်ပေးခဲ့သည်ဟု ဆိုသည်။

“ကချင်ပြည်နယ်မှာ ပဋိပက္ခတွေပြန်ဖြစ်တဲ့ ၂၀၁၁ နောက်ပိုင်း ချာ့ခ်ျဘုရားကျောင်း အနည်းဆုံး ၆၆ ခု ဖျက်ဆီးခံခဲ့ရပါတယ်” ဟု ကာနီယကပြောကြားသည်။

ထို့အပြင် ယခင်အစိုးရလက်ထက်က ပြဋ္ဌာန်းခဲ့သည့် ဘာသာရေးဆိုင်ရာ အငြင်းပွားဖွယ် ဥပဒေအချို့မှာ နိုင်ငံအတွက် အန္တရာယ်ကြီးသည်ဟု ကာဒီနယ်က ဆိုသည်။ “မျိုးစောင့်ဥပဒေများ” ဟု ခေါ်တွင်သည့် ထိုဥပဒေများက ဘာသာကူးပြောင်းခြင်း၊ ဘာသာမတူသူများ လက်ထပ်ခြင်းကို တားမြစ်ထားသည်။ ကာဒီနယ်ချားလ်မောင်ဘိုက ထိုဥပဒေများသည် အခြေခံလူ့အခွင့်အရေးအား တိုက်ခိုက်မှုတစ်ခု ဖြစ်သည်ဟု ပြောကြား ခဲ့သည်။

KHTun
The Ladies News Journal

 naypyitaw-620.jpg နေပြည်တော်မှ ကြိုဆိုသည် ဆိုင်းဘုတ်ကို တွေ့ရစဉ်
Photo: commons.wikimedia.org

နေပြည်တော်ကောင်စီနယ်မြေမှာ ဝိဇ္ဇာသိပ္ပံတက္ကသိုလ်တစ်ခု ဖွင့်လှစ်ဖို့အတွက် နေပြည်တော် ကောင်စီနယ်မြေ ဥက္ကဌ ဒေါက်တာမျိုးအောင်နဲ့ ညှိနှိုင်းဆောင်ရွက်နေတယ်လို့ ပုဗ္ဗသီရိမြို့နယ် ပြည်သူ့လွှတ်တော် ကိုယ်စားလှယ် ဦးတင်သစ် က ပြောပါတယ်။

တက္ကသိုလ်တည်ထောင်ဖို့အတွက် တစ်နှစ်အတွင်း အစီအစဉ်ရေးဆွဲသွားမှာဖြစ်တယ်လို့ လွှတ်တော်ကိုယ်စားလှယ် ဦးတင်သစ်က ပြောပါတယ်။

"ကျနော်တို့ ဒီအစီအစဉ်ရေးဆွဲမှုကတော့ ခန့်မှန်းခြေအားဖြင့် ၁ နှစ်အတွင်းလောက်တော့ ပေါ်လာလိမ့် မယ်လို့တော့ ကျနော်တို့ မှန်းတယ်ပေါ့ဗျာ၊ လက်တွေ့အကောင်အထည်ဖော်တာကတော့ အဲ့ဒီထက်တော့ ကျနော်တို့ အချိန်နည်းနည်းပိုပြီးတော့ ယူရနိုင်ပါတယ်၊ နိုင်ငံတော်အတိုင်ပင်ခံပုဂ္ဂိုလ် ကိုယ်တိုင် လည်း နေပြည်တော်မှာ တက္ကသိုလ်တစ်ခု ပေါ်ပေါက်လာစေချင်တဲ့ ဆန္ဒရှိတယ်လို့တော့ ကျနော်တို့ သိထားပါတယ်၊ နိုင်ငံတော်အတိုင်ပင်ခံပုဂ္ဂိုလ်ရဲ့ အစီအစဉ်မှာလည်း ကျနော်တို့က တစ်တပ်တစ်အားပေါ့ ဗျာ အားဖြည့်ကြဖို့ပေါ့ "

နေပြည်တော်မှာ တက္ကသိုလ်တည်ထောင်ဖို့အတွက် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကိုယ်တိုင်လည်း ဆန္ဒရှိနေတယ်လို့လည်း ပြောပါတယ်။

တက္ကသိုလ်ကို ဘယ်နေရာမှာတည်ဆောက်မယ်ဆိုတာကို နေပြည်တော်ကောင်စီ၊ နေပြည်တော်စည်ပင်သာယာရေးကော်မတီတို့နဲ့ ညှိနှိုင်းဆောင်ရွက်မှာဖြစ်ပြီး မြေဧက ထောင်ဂဏန်းလောက်အထိ လိုအပ်နိုင်တယ်လို့လည်း ခန့်မှန်းထားပါတယ်။

နေပြည်တော်ကောင်စီနယ်မြေ ပျဉ်းမနား၊ လယ်ဝေး၊ တပ်ကုန်း၊ ဇမ္ဗူသီရိ၊ ပုဗ္ဗသီရိ၊ ဒက္ခိဏသီရိ၊ ဥတ္တရသီရိ နဲ့ ဇေယျာသီရိမြို့နယ်တို့မှာ လူဦးရေ တစ်သန်းကျော်ရှိပြီး တက္ကသိုလ်ကျောင်းသား ကျောင်းသူတွေဟာ မန္တလေးတက္ကသိုလ်၊ ကျောက်ဆည်တက္ကသိုလ် နဲ့ မိတ္ထီလာတက္ကသိုလ်တို့မှာ ပညာသင်ကြားနေရတာဖြစ်ပါတယ်။

ဇေယျာသီရိမြို့နယ်မှာ ရေဆင်းစိုက်ပျိုးရေးတက္ကသိုလ်၊ မွေးမြူရေးဆေးတက္ကသိုလ်နဲ့ သစ်တောတက္ကသိုလ်တို့ရှိပြီး ဇမ္ဗူသီရိမြို့နယ်မှာ မကြာခင် အားကစားတက္ကသိုလ်တစ်ခုဖွင့်လှစ်ဖို့လည်း ရှိပါတယ်။
RFA


acid-facrory-620.jpg ဆားလင်းကြီးမြို့ရှိ မြန်မာ့စီးပွားရေးဦးပိုင်လိမီတက်ပိုင် ဆာလ်ဖျူရစ် အက်စစ်စက်ရုံကို တွေ့ရစဉ်
Photo: RFA

စစ်ကိုင်းတိုင်း ယင်းမာပင်ခရိုင် ဆားလင်းကြီးမြို့နယ် ကံကုန်းကျေးရွာနားက ဦးပိုင်ကုမ္ပဏီပိုင် မိုးကြိုးဆာလ်ဖျူရစ်အက်ဆစ်စက်ရုံက အနံ့ဆိုးတွေ ထွက်နေတဲ့ အတွက် စက်ရုံကို ရပ်ဆိုင်းပေးဖို့ ကျေးရွာအုပ်ချုပ်ရေးမှူးနဲ့ ဒေသခံတွေက မြို့နယ်အုပ်ချုပ်ရေးအဖွဲ့ထံ စာရေးသား တောင်းဆိုလိုက်ပါတယ်။

အက်ဆစ်စက်ရုံကထွက်တဲ့ အနံ့တွေကြောင့် ရွာသူ ရွာသားတွေရဲ့ ကျန်းမာရေး ထိခိုက်နေတဲ့အတွက် ရပ်ဆိုင်းပေးဖို့ တောင်းဆိုတာဖြစ်တယ်လို့ ကံကုန်းကျေးရွာ အုပ်ချုပ်ရေးမှုး ဦးအောင်သန်းက ပြောပါတယ်။

ကံကုန်းကျေးရွာသူ ကျေးရွာသားတွေဟာ စက်ရုံကထွက်တဲ့အနံ့ဆိုးတွေကြောင့် မူးမော၊ အော့အန် တာတွေဖြစ်နေကြတဲ့အတွက် ဖြေရှင်းပေးဖို့ စက်ရုံရှေ့မှာ မနေ့က သွားရောက်စောင့်ဆိုင်းခဲ့ကြပါတယ်။

အဲ့ဒီစက်ရုံဟာ ပြီးခဲ့တဲ့ ဧပြီလမှာ စက်ရုံပြင်ဆင်ဖို့အတွက် လုပ်ငန်းလည်ပတ်မှု ရပ်ဆိုင်းထားပြီး ဒီလ ၁၅ ရက်နေ့မှာ ပြန်လည်လည်ပတ်တာဖြစ်ပါတယ်။

မိုးကြိုးဆာလ်ဖျုရစ်အက်ဆစ်စက်ရုံကို မြန်မာ့စီးပွားရေးဦးပိုင်ကုမ္ပဏီလီမိတက်က ပိုင်ဆိုင်တာဖြစ်ပြီး ၂၀၀၇ ခုနှစ်မှာ စတင်လည်ပတ်တာဖြစ်ပါတယ်။
RFA



၂၁ ရာစု ပင်လုံညီလာခံ အကြိုပြင်ဆင်ရေးကော်မတီ ဥက္ကဋ္ဌ ဒေါက်တာ တင်မျိုးဝင်း ဦးဆောင်တဲ့အဖွဲ့ကို ဇွန်လ ၃ ရက်နေ့က ထိုင်းနိုင်ငံ ချင်းမိုင်မြို့မှာ တွေ့ရစဉ်။ Photo: RFA
၂၁ ရာစု ပင်လုံညီလာခံကျင်းပရေးအတွက် ကြိုတင်ညှိနှိုင်းတဲ့ မူဘောင်ဆွေးနွေးပွဲတွေကို UWSA "ဝ"ပြည် သွေးစည်းညီညွတ်ရေးတပ်မတော်နဲ့ NDAA မိုင်းလားတပ်ဖွဲ့က ကိုယ်စားလှယ်အဖွဲ့တွေ တက်ရောက်ဖို့ သဘောတူလိုက်ပါတယ်။

ပြီးခဲ့တဲ့ ဇွန်လ ၁၇ ရက်နေ့က ဦးကျောက်ကော်အန်းဦးဆောင်တဲ့ "ဝ" ကိုယ်စားလှယ်အဖွဲ့နဲ့ NDAA ဥက္ကဋ္ဌ ဦးစိုင်းလင်း ခေါင်းဆောင်တဲ့ မိုင်းလားတပ်ဖွဲ့တို့နဲ့ သီးခြားစီတွေ့ဆုံခဲ့ရာမှာ ၂၁ ပင်လုံညီလာခံ ကျင်းပရေး အကြိုညှိနှိုင်းဆွေးနွေးပွဲတွေ တက်ရောက်ဖို့ ခေါင်းဆောင်တွေက သဘောတူခဲ့ကြတာလို့ ၂၁ရာစု ပင်လုံညီလာခံအကြိုပြင်ဆင်ရေး ကော်မတီ အဖွဲ့ဝင် ဒုတိယ ဗိုလ်ချုပ်ကြီးဟောင်း ဦးခင်ဇော်ဦးက ပြောပါတယ်။

ကော်မတီ ဥက္ကဋ္ဌ ဒေါက်တာတင်မျိုးဝင်း ခေါင်းဆောင်တဲ့ ၂၁ရာစု ပင်လုံညီလာခံအကြိုပြင်ဆင်ရေး ကော်မတီဟာ ပြီးခဲ့တဲ့ ဇွန်လ ၁၇ ရက်နဲ့ ၁၈ ရက်နေ့တွေက မိုင်းလားဒေသကို သွားရောက်ပြီး တစ်နိုင်ငံလုံးအပစ်အခတ်ရပ် စဲရေးသဘောတူစာချုပ်မှာ ပူးပေါင်းပါဝင်ဖို့နဲ့ ၂၁ ရာစုပင်လုံညီလာခံကိုတက်ရောက်ဖို့ "ဝ" နဲ့ မိုင်းလားအဖွဲ့ က ခေါင်းဆောင်တွေနဲ့ တွေ့ဆုံခဲ့တာဖြစ်ပါတယ်။

"ဝ" နဲ့ မိုင်းလားအဖွဲ့က ခေါင်းဆောင်တွေက ၂၁ ရာစု ပင်လုံညီလာခံတက်ရောက်ဖို့ သဘောတူညီကြောင်းနဲ့ အဆင်သင့်ဖြစ်တဲ့အချိန် နေပြည်တော်မှာ အစိုးရ ထိပ်ပိုင်းခေါင်းဆောင်ဆွေနဲ့လာရောက် တွေ့ဆုံမယ်လို့ ပြော ခဲ့ကြောင်း ဦးခင်ဇော်ဦးက ပြောပါတယ်။

ဆွေးနွေးပွဲ အသေးစိတ်အချက်အလက်တွေနဲ့ ဘယ်လိုပုံစံနဲ့ အဲဒီအဖွဲ့တွေ ညီလာခံ တက်ရောက်မယ်ဆိုတာ ကိုတော့ သတင်းထုတ်ပြန်ဖို့ မရှိသေးဘူး လို့လည်း ပြောပါတယ်။

UWSA "ဝ"ပြည် သွေးစည်းညီညွတ်ရေးတပ်မတော်နဲ့ NDAA မိုင်းလားအဖွဲ့တို့ဟာ တစ်နိုင်ငံလုံး အပစ်အခတ် ရပ်စဲရေးစာချုပ် NCA မှာ လက်မှတ်ရေးထိုး ဖို့ မရှိပဲ ပြည်ထောင်စုငြိမ်းချမ်းရေးညီလာခံ ဒါမှမဟုတ် ၂၁ ရာစု ပင်လုံညီလာခံကို တက်ရောက်မယ်လို့ ပြီးခဲ့တဲ့ သမ္မတဦးသိန်းစိန် အစိုးရ လက်ထက် က ပြောထားတဲ့ အဖွဲ့တွေဖြစ် ပါတယ်။

RFA Burmese
http://www.rfa.org/burmese



ရုရှားသမ္မတ Vladimir Putin
ဆီးရီးယားအစိုးရတွင်းမှာ အတိုက်အခံကိုယ်စားလှယ်တွေ ပါဝင်ဖို့ဆိုတဲ့ အမေရိကန်ရဲ့ အဆိုပြုချက်ကို သဘောတူကြောင်း ရုရှားသမ္မတ Vladimir Putin က ပြောဆိုပေမယ့် ဆီးရီးယားသမ္မတ Bashar al-Assad ရာထူးက ချက်ချင်းဆင်းပေးဖို့ ဆိုတာကိုတော့ လက်မခံပါဘူး။

ရုရှားနိုင်ငံ စိန့်ပီတာစဘာ့ဂ် နိုင်ငံတကာ စီးပွားရေးဖိုရမ်မှာ CNN သတင်းထောက် Fareed Zakaria ရဲ့ အကြောင်းအရာပေါင်းစုံနဲ့ ပတ်သက်ပြီး မေးမြန်းမှုတွေအတွင်း အခုလို ထည့်သွင်း ပြောဆိုသွားတာ ဖြစ်ပါတယ်။ ဆီးရီးယားနိုင်ငံမှာ အခြေခံဥပဒေသစ် ထွက်ပေါ်လာဖို့၊ နောက် ဒီအခြေခံ ဥပဒေသစ်ကို ကျင့်သုံးပြီး အစိုးရတွင်း အဆင့်ဆင့်ကို အသစ်ရွေးချယ်နိုင်မှုနဲ့သာ ဆီးရီးယားနိုင်ငံတွင်း ဒီိမိုကရေစီ ပေါ်ထွန်းလာမယ့် တခုတည်းသော နည်းလမ်းဖြစ်တယ်လို့ ရုရှားသမ္မတ ပူတင်က ပြောပါတယ်။

ဆီးရီးယားနယ်မြေတွေကို တလက်မ မချန် ပြန်လည် သိမ်းယူမယ်လို့ ဆီးရီးယားသမ္မတ Assad ရဲ့ ပြောဆိုချက်နဲ့ ပတ်သက်ပြီး CNN သတင်းထောက်ရဲ့ မေးမြန်းမှုကိုတော့ ရုရှားသမ္မတ Putin က မဖြေခဲ့ပါဘူး။ ဒါပေမယ့်လည်း ဆီးရီးယားအရေးမှာ အမေရိကန်တွေ အပါအ၀င် ပါဝင်ပတ်သက်သူအားလုံးတို့ ဆွေးနွေးညှိနှိုင်းဖို့ လိုအပ်တယ်လို့တော့ ပြောပါတယ်။

အမေရိကန်တွေလို့ ပြောတဲ့အခါမှာလည်း ရုရှားသမ္မတပူတင်က ကျနော်တို့ရဲ့ မိတ်ဖက်တွေလို့ သုံးနှုန်းခဲ့ပါ တယ်။ အမေရိကန်အစိုးရဘက်ကတော့ ဆီးရီးယားသမ္မတ Assad ကို ရာထူးက ချက်ချင်းဆင်းဖို့ လိုလားနေ တာ ဖြစ်ပါတယ်။ ဒါပေမယ့် ရုရှားသမ္မတကတော့ ဘယ်လိုမှ မဖြစ်နိုင်တဲ့ ရည်မှန်းချက်ဖြစ်တယ်လို့ ပြောပါတယ်။ ဒီလိုလုပ်တာက ဆီးရီးယားနိုင်ငံတွင်း အပြောင်းအလဲတွေ ဖော်ဆောင်ပေးနိုင်မယ့်နည်းလမ်း မဟုတ်ဘူးလို့ လည်း ပြောပါတယ်။

အမေရိကန် သမ္မတရွေးကောက်ပွဲနဲ့ ပတ်သက်ပြီး မှတ်ချက်ပေး ပြောဆိုတာမှာတော့ မဲဆန္ဒရှင်တွေရွေးချယ်တဲ့ ဘယ်သူနဲ့မဆို လက်တွဲလုပ်ဆောင်မှာဖြစ်တယ်လို့ ပြောပေမယ့် အရင်တုန်းက ပြောဆိုထားဖူးတဲ့အတိုင်းပဲ ရီပတ်ဘလီကန်ပါတီဘက်က Donald Trump ကိုတော့ သူ့အနေနဲ့ လူတော်တယောက်လို့ ထင်တဲ့အကြောင်း ပြောပါတယ်။

ရုရှားနဲ့ အမေရိကန် နှစ်နိုင်ငံကြား အပြည့်အ၀ဆက်ဆံရေး ပြန်လည်ထူထောင်မယ့် မစ္စတာ Trump ရဲ့ ကတိက၀တ်တွေကို သူ့အနေနဲ့ ကြိုဆိုတဲ့အကြောင်းနဲ့ အပြောင်းအလဲကို ကြိုဆိုမယ်လို့လည်း ပြောဆိုပါတယ်။ ဒီမိုကရက်တစ်ပါတီရဲ့ သမ္မတလောင်းဖြစ်ဖို့ သေချာသလောက်ဖြစ်နေတဲ့ Hillary Clinton နဲ့ ပတ်သက်ပြီး မေးမြန်းမှုကိုတော့ ရုရှားသမ္မတ Putin က မှတ်ချက်တစုံတရာမပေးဘဲ သူ့အနေနဲ့ Hillary Clinton နဲ့ တိုက်ရိုက် ထိတွေ့ အလုပ်လုပ်ကိုင်ဖို့ အခွင့်အလမ်း သိပ်မရှိခဲ့ဘူးလို့ပဲ ပြောသွားပါတယ်။

 ဗွီအိုအေ (မြန်မာပိုင်း)
http://burmese.voanews.com


အင်ဒိုနီးရှားနိုင်ငံ ဆူမာတြားကျွန်း မြောက်ပိုင်း၌ ၂ဝ၁၆ ခုနှစ် မေလ က ရေကြီးမှုဖြစ်ပွားရာတွင် ကယ်ဆယ်ရေးအဖွဲ့ အားတွေ့ ရစဉ် (ဆင်ဟွာ)
    ဂျကာတာ ၊ ဇွန် ၁၉ ရက်(ဆင်ဟွာ)

    အင်ဒိုနီးရှားနိုင်ငံ အနောက်ပိုင်း ဂျားဗားပြည်နယ်တွင် ရေကြီး၊မြေပြိုမှုကြောင့် အနည်းဆုံး လူပေါင်း ၂၄ ဦးသေဆုံးပြီး ၂၆ ဦး ပျောက်ဆုံးနေကြောင်း အင်ဒိုနီးရှားနိုင်ငံသဘာဝဘေး အန္တရာယ်စီမံခန့် ခွဲရေးအေဂျင်စီက ဇွန်၁၉ ရက်တွင် သတင်းထုတ်ပြန်သည်။

သေဆုံးသူအများစုသည် Purworejo၊ Banjarnegara ၊ Kebumen  နှင့် Sutopo Purwo Nugroho ခရိုင်အသီးသီးမှ ဖြစ်ကြောင်း အမျိုးသားသဘာဝဘေးစီမံခန့် ခွဲရေးအေဂျင်စီ ကဆိုသည်။

ထို့ ပြင် ရေကြီးမြေပြိုမှုကြောင့် လူနေအိမ် ဒါဇင်ပေါင်းများစွာလည်း ပျက်စီးသွားခဲ့ကြောင်း ၄င်းက ဖြည့်စွက်ပြောကြားသည်။

(Xinhua)
http://www.xinhuamyanmar.com


ပြင်သစ်နိုင်ငံမှာ ကျင်းပနေတဲ့ယူရိုပြိုင်ပွဲကြီးက အခုဆိုရင် အုပ်စုနောက်ဆုံပွဲစဉ်တွေ ကိုရောက်နေပါပြီ။ ရှုံးထွက်အဆင့်ကိုအိမ်ရှင် ပြင်သစ်၊ အီတလီ၊ လက်ရှိချန်ပီယံ စပိန်တို့တက်ရောက်နေကြပါတယ်။မြန်မာ့ဘောလုံးပရိသတ်တွေအတွက် နောက်ဆုံးလက်ကျန်အုပ်စုပွဲစဉ်တွေ အပြင် ရှုံးထွက်အဆင့်ပွဲစဉ်ဇယားကိုလည်းဖော်ပြပေးထားပါတယ်။

အုပ်စု(A) - ပြင်သစ်၊ အယ်ဘေးနီးယား၊ ရိုမေးနီးယား၊ ဆွစ်ဇာလန်
အုပ်စု(B) - အင်္ဂလန်၊ ရုရှား၊ ဆလိုဗက်ကီးယား၊ ဝေးလ်စ်
အုပ်စု(C) - ဂျာမနီ၊ မြောက်အိုင်ယာလန်၊ ပိုလန်၊ ယူကရိန်း
အုပ်စု(D) - ခရိုအေးရှား၊ ချက်၊ စပိန်၊ တူရကီ
အုပ်စု(E) - ဘယ်လ်ဂျီယံ၊ အီတလီ၊ အိုင်ယာလန်၊ ဆွီဒင်
အုပ်စု(F) - သြစတြီးယား၊ ဟန်ဂေရီ၊ အိုက်စလန်၊ ပေါ်တူဂီ

အုပ်စု (A)

၂၀.၆.၂၀၁၆ (နံနက် ၁း၃၀) ပြင်သစ် - ဆွစ်ဇာလန်
၂၀.၆.၂၀၁၆ (နံနက် ၁း၃၀) ရိုးမေးနီးယား - အယ်ဘေးနီးယား

အုပ်စု(B)

၂၁.၆.၂၀၁၆ (နံနက် ၁း၃၀) အင်္ဂလန် - ဆလိုဗက်ကီးယား
၂၁.၆.၂၀၁၆ (နံနက် ၁း၃၀) ရုရှား - ဝေးလ်စ်

အုပ်စု(C)

၂၁.၆.၂၀၁၆ (ည ၁၀း၃၀) ယူကရိန်း - ပိုလန်
၂၁.၆.၂၀၁၆ (ည ၁၀း၃၀) မြောက်အိုင်ယာလန် - ဂျာမနီ

အုပ်စု(D)

၂၂.၆.၂၀၁၆ (နံနက် ၁း၃၀) စပိန် - ခရိုအေးရှား
၂၂.၆.၂၀၁၆ (နံနက် ၁း၃၀) ချက် - တူရကီ

အုပ်စု(E)

၂၃.၆.၂၀၁၆ (နံနက် ၁း၃၀) အီတလီ - အိုင်ယာလန်
၂၃.၆.၂၀၁၆ (နံနက် ၁း၃၀) ဆွီဒင် - ဘယ်လ်ဂျီယံ

အုပ်စု(F)

၂၂.၆.၂၀၁၆ (ည ၁၀း၃၀) ပေါ်တူဂီ - ဟန်ဂေရီ
၂၂.၆.၂၀၁၆ (ည ၁၀း၃၀) အိုက်စလန် - သြစတြီးယား

==============================

"(၁၆)သင်းအဆင့် ရှုံးထွက်ပွဲစဉ်များ"

၂၅.၆.၂၀၁၆ (ည ၇း၃၀) (A) ဒုတိယ - (C) ဒုတိယ / ပွဲစဉ်(၃၇)
၂၅.၆.၂၀၁၆ (ည ၁၀း၃၀) (B) ပထမ - (A/C/D) တတိယ / ပွဲစဉ်(၃ဂ)
၂၆.၆.၂၀၁၆ (နံနက် ၁း၃၀) (D) ပထမ - (B/E/F) တတိယ / ပွဲစဉ်(၃၉)
၂၆.၆.၂၀၁၆ (ည ၇း၃၀) (A) ပထမ - (C/D/E) တတိယ / ပွဲစဉ်(၄၀)
၂၆.၆.၂၀၁၆ (ည ၁၀း၃၀) (C) ပထမ - (A/B/F) တတိယ / ပွဲစဉ်(၄၁)
၂၇.၆.၂၀၁၆ (နံနက် ၁း၃၀) (F) ပထမ - (E) ဒုတိယ / ပွဲစဉ်(၄၂)
၂၇.၆.၂၀၁၆ (ည ၁၀း၃၀) (E) ပထမ - (D) ဒုတိယ / ပွဲစဉ်(၄၃)
၂၈.၆.၂၀၁၆ (နံနက် ၁း၃၀) (B) ဒုတိယ - (F) ဒုတိယ / ပွဲစဉ်(၄၄)

"ကွာတားဖိုင်နယ်"

၁.၇.၂၀၁၆ (နံနက် ၁း၃၀) (၃၇)နိုင် - (၃၉)နိုင် / ပွဲစဉ်(၄၅)
၂.၇.၂၀၁၆ (နံနက် ၁း၃၀) (၃၈)နိုင် - (၄၂)နိုင် / ပွဲစဉ်(၄၆)
၃.၇.၂၀၁၆ (နံနက် ၁း၃၀) (၄၁)နိုင် - (၄၃)နိုင် / ပွဲစဉ်(၄၇)
၎.၇.၂၀၁၆ (နံနက် ၁း၃၀) (၄၀)နိုင် - (၄၄)နိုင် / ပွဲစဉ်(၄၈)

"ဆီမီးဖိုင်နယ်"

၇.၇.၂၀၁၆ (နံနက် ၁း၃၀) (၄၅)နိုင် - (၄၆)နိုင် /ပွဲစဉ်(၄၉)
၈.၇.၂၀၁၆ (နံနက် ၁း၃၀) (၄၇)နိုင် - (၄၈)နိုင် /ပွဲစဉ်(၅၀)

"ဖိုင်နယ်"

၁၁.၇.၂၀၁၆ (နံနက် ၁း၃၀) (၄၉)နိုင် - (၅၀)နိုင်
(မြန်မာစံတော်ချိန်များဖြစ်ပါတယ်)

BBC Burmese
https://www.facebook.com/bbcburmese



(ဓာတ်ပုံ-Asia Wings လေကြောင်းလိုင်းပိုင် လေယာဉ်တစ်စင်းအားတွေ့မြင်ရစဉ် )
ဟုမ္မလင်းမြို့ လေဆိပ် သို့ လေယာဉ်ဆင်းသက် လာချိန်တွင် လေယာဉ် ပြေးလမ်းပေါ် ဖြတ်ကာ တပ်မတော်သားနှစ်ဦး ဆိုင်ကယ်မောင်း နှင်လာ သည့်အတွက် လေယာဉ်မှာ ဟန်ချက်ပျက်ခဲ့သဖြင့် ၄င်းတို့ နှစ်ဦးကို ဒေသန္တရ ဥပဒေဖြင့် အရေးယူထားကြောင်း ဟုမ္မလင်းလေတပ်က သိရသည်။

အဆိုပါ ဟုမ္မလင်းလေယာဉ်ကွင်းသို့ Asian Wings လေကြောင်းလိုင်း မှ လေယာဉ်မှူးအပါအ၀င် နောက်လိုက် (၅) ဦး မှ ရန်ကုန်-မန္တလေး-မုံရွာ လမ်းကြောင်းတွင် ဟုမ္မလင်းလေဆိပ်သို့ ဆင်းသက်ရန်မောင်းလာစဉ် ဟုမ္မလင်းလေတပ်စခန်းမှ တပ်ကြပ် ထွန်းထွန်းဝင်းနှင့် နောက်ထိုင်လိုက်ပါလာသူ တပ်ကြပ်ထွန်းထွန်းဝင်း(နာမည်တူသူ ) တို့ သည် လေယာဉ်ပြေးလမ်းအတိုင်း အရှေ့မှအနောက်သို့ မောင်းနှင်လာခဲ့ရာ လေယာဉ်နှင့် ၀င်တိုက်မိရန် အနည်းငယ်သာလိုတော့ကြောင်း ရဲမှုခင်းမှတ်တမ်းတွင်ဖော်ပြထားသည်။

အဆိုပါမှုခင်းမှတ်တမ်းနှင့် ပတ်သက်၍ တပ်မတော်လေ မှ တာဝန်ရှိသူတစ်ဦးကမှု မဟုတ်မှန်ကြောင်းငြင်းဆိုထားသည်။
“ တကယ်တမ်းကျတော့ လေယာဉ်ပြေးလမ်းပေါ်မှာ မဟုတ်ပါဘူး။ တိုက်မိမလိုလည်းမဖြစ်ခဲံပါဘူး။ ပေ(၂၀၀) အကျယ်ရှိ တဲ့ ဘေးကပ်လမ်းကနေ မောင်းလာတာပါ။ တကယ်တမ်းကျတော့ လေယာဉ်ကွင်းထဲမှာ လေယာဉ်ဆိုက်ကပ်ချိန် ဆိုင်ကယ် မောင်းနှင် ခွင့်မပြုထားပါဘူး။ လေယာဉ်အတွက် အန္တရာယ်ဖြစ်မှာစိုးလို့ပါ။ အခုတော့ တပ်ကြပ်နစ်ယောက်က ဆိုင်ကယ်ကို မောင်းလာတယ်။ ဒါကြောင့် လေတပ်အနေနဲ့ ဒေသန္တရ ဥပဒေ အရ အရေးယထားပါတယ်။ ထိခိုက်မှူဘာမှမဖြစ်ခဲ့ပါဘူး” ဟု ဟုမ္မလင်းလေတပ်မှ တာဝန်ရှိလေတပ်ဗိုလ်ကြီး တစ်ဦး က The Messenger Media သို့ပြောသည်။

အဆိုပါ လေယာဉ်ကွင်းတွင် လေယာဉ်ဆင်းသက်သည့်ရက်များ ဆိုင်ကယ်များ လုံးဝ မမောင်းနှင်ရန် သတ်မှတ်ထားပြီး လေယာဉ်ဆင်းသည့်ရက်များ မရှိ ပါက one Way အနေဖြင့် နားလည်မှူအရ မောင်းနှင် နေခြင်းသာဖြစ်ကြောင်း အဆိုပါလေဆိပ်တာဝန၀်ခံ ဗိုလ်ကြီးကဆို သည်။

ယင်းသို့ လေယာဉ်ပတ်လမ်းအတိုင်း စည်ကမ်းမဲ့စွာ ဆိုင်ကယ်မောင်းနှင်လာသည့် တပ်ကြပ်နှစ်ဦအား လေတပ်မှ ဒေသန္တရ ဥပဒေ အပြင် တပ်မတော်စည်ကမ်းထိန်းသိမ်းရေး အက်ဥပဒေနှင့် ပါ အရေးယူသွားမည်ဖြစ်ကြောင်း အဆိုပါ ဟုမ္မလင်းလေတပ်က သိရသည်။

မန္တလေးအလင်း နေ့စဉ်ထုတ်သတင်းစာ
https://www.facebook.com/mandalayahlindailynewspaper