06/22/16



ဂျနီဗာမှာ ကျင်းပနေတဲ့ ၃၂ကြိမ်မြောက် လူ့အခွင့်အရေးကောင်စီ ညီလာခံမှာ မြန်မာအစိုးရ ကိုယ်စားလှယ် ဒေါ်သက်သင်ဇာထွန်း ဆွေးနွေးစဉ်။
နိုင်ငံအလိုက် လူ့အခွင့်အရေးအထူးကိုယ်စားလှယ်တွေကို တာဝန်ပေးခြင်းအားဖြင့် ပြဿနာတွေပိုပြီးကြီးထွားစေနိုင်ပြီး နားလည်မှုလွှဲမှားတာတွေကို ဖြစ်စေနိုင်တယ်လို့ ဂျီနီဗာမှာကျင်းပနေတဲ့ ကုလ လူ့အခွင့်အရေးညီလာခံမှာ မြန်မာအစိုးရကိုယ်စားလှယ်က မနေ့က ပြောကြားလိုက်ပါတယ်။

ဒါပေမဲ့လည်း မြန်မာနိုင်ငံလို လူ့အခွင့်အရေးချိူးဖောက်မှုတွေရှိနေတဲ့နိုင်ငံမျိုးမှာတော့ ကုလသမဂ္ဂကတာဝန်ပေးခန့်အပ်တဲ့အထူးကိုယ်စားလှယ်တွေ ဆက်ပြီးလိုအပ်နေသေးကြောင်း မြန်မာလူထုအခြေပြုအဖွဲ့တွေဘက်ကပြောပါတယ်။ မအင်ကြင်းနိုင်က အပြည့်အစုံကိုတင်ပြမှာပါ။

ဆွစ်ဇာလန်နိုင်ငံ ဂျီနီဗာမှာကျင်းပနေတဲ့ (၃၂) ကြိမ်မြောက်လူ့အခွင့်အရေးညီလာခံမှာ မနေ့က Belarus နိုင်ငံဆိုင်ရာ ကုလသမဂ္ဂလူ့အခွင့်အရေးအထူးကိုယ်စားလှယ် Mr. Miklos Haraszti က သူရဲ့အစီရင်ခံစာတင်သွင်းရာမှာ မြန်မာကိုယ်စားလှယ်အဖွဲ့က သူတို့ရဲ့သဘောထားကို တုန့်ပြန်ပြောဆိုခဲ့တာပါ။ အထူးသဖြင့် ကုလသမဂ္ဂလူ့အခွင့်အရေးကောင်စီကနေ လူ့အခွင့်အရေး ဆိုင်ရာ အထူးကိုယ်စားလှယ်တွေခန့်အပ်ထားတာနဲ့ပတ်သက်လို့ ပြဿနာတွေပိုပြီးကြီးထွားလာစေကြောင်း မြန်မာအစိုးရကိုယ်စားလှယ် ဒေါ်သက်သင်ဇာထွန်းက အခုလို ပြောကြားခဲ့ပါတယ်။

"ကျမတို့ ကိုယ်စားလှယ်အဖွဲ့ရဲ့ အမြင်ကတော့ လူ့အခွင့်အရေးကောင်စီအနေနဲ့ နိုင်ငံအလိုက် လူ့အခွင့်အရေးစုံစမ်းစစ်ဆေးမှုတွေပြုလုပ်ဖို့ အထူးကိုယ်စားလှယ်တွေကို တာဝန်ပေးခြင်းဟာ အပြုသဘောဆောင်မယ့်အစား အကျိုးယုတ်စေနိုင်ပြီး ထိပ်တိုက်ရင်ဆိုင်မှုတွေ၊ အမြင်ကွဲပြားမှုတွေ၊ သဘောထားမတူတာတွေ နားလည်မှုလွှဲမှားတာတွေကို ဖြစ်စေနိုင်တယ်လို့ ယူဆပါတယ်။ အထူးကိုယ်စားလှယ်တွေအနေနဲ့ သဟဇာတရှိစေမယ့် အခြေအနေမျိုးကို ဖန်တီးပေးပြီး စစ်မှန်တဲ့အခြေအတင်ဆွေးနွေးမှုမျိုးဖြစ်အောင် ဆောင်ရွက်ပေးဖို့တာဝန်ရှိသလို သက်ဆိုင်ရာနိုင်ငံနဲ့ အထူးကိုယ်စားလှယ်ကြား ထိရောက်တဲ့ပူးပေါင်းဆောင်ရွက်မှုမျိုးကို ရရှိစေဖို့လဲ လုပ်ဆောင်ပေးရမှာဖြစ်ပါတယ်။ ဒါပေမဲ့ အများအားဖြင့် အထူးကိုယ်စားလှယ်တွေအနေနဲ့ အခုလို ထားရှိတဲ့ ဦးတည်ချက်တွေကို ဖြည့်ဆည်းပေးနိုင်ခြင်းမရှိတာတွေ့ရပါတယ်။"

ကုလသမဂ္ဂအထူးကိုယ်စားလှယ်တွေကို လူ့အခွင့်အရေးချိုးဖောက်မှုတွေအများဆုံးရှိနေတဲ့နိုင်ငံတွေအတွက် သီးသန့်ခန့်အပ်တာဖြစ်ပြီး ဒီအတွက်လည်း လူ့အခွင့်အရေးကောင်စီညီလာခံမှာ အဖွဲ့ဝင်နိုင်ငံတွေရဲ့သဘောတူညီချက်ခံယူရတာဖြစ်ပါတယ်။ ဒါကြောင့် မြန်မာနိုင်ငံလို လူ့အခွင့်အရေးအခြေအနေတွေဆိုးရွားနေဆဲနိုင်ငံအတွက် အထူးကိုယ်စားလှယ်ရှိဖို့ လိုအပ်နေဆဲဖြစ်တယ်လို့ GPS စစ်မှန်သောပြည်သူ့ကျေးကျွန်အဖွဲ့ ညွန်ကြားရေးမှူး ကိုသွင်လင်းအောင်ကပြောပါတယ်။

"UN ရဲ့လုပ်ဆောင်မှုထဲက တစိတ်တပိုင်းဖြစ်တဲ့အတွက် သူတို့ကတော့ ပိုပြီးတင်တယ်ဆိုတာမျိုးရှိမှာမဟုတ်ဘူး။ သူတို့မြင်တာကို မြင်တဲ့အတိုင်း တင်တာပါ။ ဒီမတိုင်ခင် အရင်တုန်းကလဲ အထူးကိုယ်စားလှယ်တွေနဲ့ တောက်လျှောက် ဆက်ဆံခဲ့ပြီး သူတို့အစီရင်ခံစာတွေကို ကျနော်တို့ တွေ့နေတာပဲ။ ဖြစ်တဲ့အခြေအနေတွေအတိုင်းပဲ တင်ပြနေတာဆိုတော့ ပြဿနာကိုဆိုးလာမယ်လိုတော့ မမြင်ပါဘူး။ သူတို့ပြောတဲ့ အထူးကိုယ်စားလှယ်ထားတဲ့အတွက် ကောင်းကျိူးမဖြစ်ဘူးပေါ့နော်၊ ဆိုးကျိူးတွေဖြစ်နိုင်တယ်ဆိုတာ ဘယ်သူ့အပေါ်မှာ ဆိုးကျိူးဖြစ်မှာလဲဆိုတာ သူတို့ကို မေးခွန်းထုတ်ဖို့ပဲရှိတယ်။ ဘာဖြစ်လို့လဲဆိုတော့ လူ့အခွင့်အရေးကောင်စီက ပြည်သူတွေအပေါ်မှာ လူ့အခွင့်အရေးချိုးဖောက်မှုတွေအရမ်းဆိုးရွားနေလို့ အထူးသံတမန်ကိုထားတာပါ။ အထူးသံတမန်ထားတဲ့အတွက် ကျနော်ယုံကြည်တာကတော့ တကယ့်ပြည်သူလူထုအပေါ်မှာတော့ ကောင်းကျိုးပဲရှိမယ်၊ ဆိုးကျိူးဆိုတာကတော့ ချိုးဖောက်သူတွေဘက်က အမြင်ပဲဖြစ်ပါလိမ့်မယ်။"

မနေ့က လူ့အခွင့်အရေးညီလာခံမှာတော့ လူ့အခွင့်အရေးအထူးကိုယ်စားလှယ်တွေကိုခန့်အပ်မယ့်အစား UPR ခေါ် တနိုင်ငံချင်းစီအလိုက် လူ့အခွင့်အရေးပြန်လည်သုံးသပ်တဲ့ လုပ်ငန်းစဉ်ဟာ ပိုပြီးသင့်တော်တဲ့စနစ်ဖြစ်တယ်လို့ မြန်မာအစိုးရဘက်ကမြင်ကြောင်း ဒေါ်သက်သင်ဇာထွန်းက ပြောကြားခဲ့ပါတယ်။

"ကျမတို့အနေနဲ့ UPR ခေါ် တနိုင်ငံချင်းစီအလိုက် လူ့အခွင့်အရေးပုံမှန်ပြန်လည်သုံးသပ်တဲ့ လုပ်ငန်းစဉ်ဟာ ပြည်တွင်းမှာရင်ဆိုင်နေရတဲ့ လူ့အခွင့်အရေးအကဲစမ်းမှုတွေကို နိုင်ငံတကာရဲ့ပူးပေါင်းဆောင်ရွက်မှုနဲ့ ဖြေရှင်းရာမှာ နိုင်ငံတိုင်းအတွက်သင့်တော်တဲ့ စနစ်တရပ်ဖြစ်တယ်လို့ ယူဆပါတယ်။ ကျမတို့ကိုယ်စားလှယ်အဖွဲ့အနေနဲ့ အလေးအနက်ပြောလိုတာကတော့ လူ့အခွင့်အရေးကို လူသားအားလုံးအတွက် ထောက်ခံအားပေးရာမှာနဲ့ ကာကွယ်စောင့်ရှောက်ဖို့ ဖေါ်ဆောင်မှုဟာ အားလုံးအတွက် တပြေးညီရှိဖို့လိုအပ်ပြီး ဓမ္မဓိဌာန်ကျမှုအပေါ်မှာ အမြဲပဲ အခြေခံရမှာဖြစ်ပါတယ်။ သီးခြားရွေးထုတ်တာ၊ တသတ်မတ်တည်းလိုက်နာဆောင်ရွက်ခြင်းမရှိတာ၊ နိုင်ငံရေးအကြောင်းတွေအပေါ်မှာ အခြေခံတာတွေမဖြစ်သင့်ပါဘူး။"

အခုလို UPR ဆိုတဲ့ လုပ်ငန်းစဉ်နဲ့ပတ်သက်လို့ လူထုအခြေပြုအဖွဲ့တွေရဲ့ သဘောထားကို ကိုသွင်လင်းအောင်က အခုလိုပြောပါတယ်။

"UPR ကနိုင်ငံတိုင်းက လုပ်ရတဲ့ကိစ္စလေ။ နိုင်ငံတခုတည်းကို ဆိုးတယ်ဆိုပြီး သတ်မှတ်ပြီးလုပ်တဲ့ဟာမဟုတ်ဘူး။ မြန်မာနိုင်ငံမှာတော့ လူ့အခွင့်အရေးချိုးဖောက်မှုတွေဟာ အားလုံးလဲသိကြတဲ့အတိုင်း အရမ်းဆိုးရွားတဲ့အခြေအနေဖြစ်နေတော့ အဲဒီလို အထူးကိုယ်စားလှယ်ခန့်အပ်ထားတာ ပိုပြီးဖြစ်သင့်တယ်ထင်တယ်။ နောက်တခုက UPR မှာကငြင်းလို့ရတယ်။ အထူးသဖြင့် လူ့အခွင့်အရေးမဟာမင်းကြီးရုံး မြန်မာပြည်မှာဖွင့်ဖို့ ကျနော်တို့က တောက်လျှောက်ပြောခဲ့တာ။ အရင်တုန်းက သမ္မတဦးသိန်းစိန်ကိုယ်တိုင် သမ္မတ အိုဘားမားလာတုန်းက အဲဒီလိုလုပ်ပေးမယ်ဆိုတာ ကတိပေးခဲ့တယ်။ အဲတော့ UPR ကျတော့လုပ်တော့လုပ်သင့်တယ်။ ဒါပေမဲ့ အထူးကိုယ်စားလှယ်ထားတဲ့အဆင့်လောက်ထိတော့ အားကိုးလို့ရတဲ့ဟာမဟုတ်ဘူး။ ဒါကိုတော့ ရှင်းရှင်းလင်းလင်းကျနော်တို့မြင်ပါတယ်။"

မြန်မာနိုင်ငံအတွက် လက်ရှိအထူးကိုယ်စားလှယ် Ms. Yanghee Lee ကို ၂၀၁၄ခုနှစ် မတ်လမှာ ရာထူးတာဝန်မပေးအပ်ခင်မှာ ကုလသမဂ္ဂလူ့အခွင့်အရေးမဟာမင်းကြီးက စတင်အဆိုပြုခဲ့ပြီးနောက် ၂၅ကြိမ်မြောက် လူ့အခွင့်အရေးညီလာခံမှာ အဖွဲ့ဝင်နိုင်ငံတွေရဲ့ အများသဘောတူညီချက်နဲ့ ခန့်အပ်ခဲ့တာဖြစ်ပါတယ်။

၁၉၈၈ခုနှစ် သြဂုတ်လမှာ စစ်အာဏာသိမ်းပြီးတဲ့နောက် ဆိုးရွားတဲ့ လူ့အခွင့်အရေးချိူးဖောက်မှုတွေကြောင့် မြန်မာနိုင်ငံဆိုင်ရာ ကုလသမဂ္ဂလူ့အခွင့်အရေးအထူးကိုယ်စားလှယ်တွေကို ကုလသမဂ္ဂလူ့အခွင့်အရေးကောင်စီကနေ၁၉၉၂ခုနှစ်က စတင်ခန့်အပ်တာဝန်ပေးခဲ့တာဖြစ်ပါတယ်။ ပထမဦးဆုံး အထူးကိုယ်စားလှယ်ကတော့ Mr. Yozo Yokota ဖြစ်ပြီး ၁၉၉၂ခုနှစ်က ၁၉၉၆ခုနှစ်ထိ၊ သူရဲ့နောက်မှာ Mr. Rajsoomer Lallah က ၁၉၉၆ခုနှစ်ကနေ ၂၀၀၀ပြည့်နှစ်ထိ ထမ်းဆောင်ခဲ့ပြီးနောက် Mr. Paulo Pinheiro ကတော့ ၂၀၀၀ ပြည့်နှစ်ကနေ ၂၀၀၈ခုနှစ်ထိဆောင်ရွက်ခဲ့ပြီး Mr. Tomas Quintana ကတော့ ၂၀၀၈ခုနှစ်ကနေ ၂၀၁၄ခုနှစ်အထိ မြန်မာနိုင်ငံဆိုင်ရာ ကုလလူ့အခွင့်အရေးအထူးကိုယ်စားလှယ်အဖြစ် ထမ်းဆောင်ခဲ့ပါတယ်။ ဒီအထူးကိုယ်စားလှယ်တွေအနေနဲ့ မြန်မာနိုင်ငံတွင်း လူ့အခွင့်အရေးအခြေအနေတွေကို စုံစမ်းစစ်ဆေးပြီး နှစ်စဉ် ကုလသမဂ္ဂအထွေထွေညီလာခံနဲ့ လူ့အခွင့်အရေးကောင်စီညီလာခံမှာ အစီရင်ခံစာတင်သွင်းရတာဖြစ်ပါတယ်။

 အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com


လက်ကိုင်ဖုန်း လုယူထွက်ပြေးသွားသူ ၂ ဦးအား နာရီပိုင်းအတွင်းဖမ်းဆီးရမိ

ရန်ကုန်၊ ဇွန် ၂၂

၂၁.၆.၂၀၁၆ ရက်နေ့ ၂၃၃၀ အချိန် ရန်ကင်းမြို့နယ်နေ ကိုနေလင်းဆန်းသည် ရန်ကင်းလမ်းနှင့် မဂ္ဂင်လမ်းထောင့်ရှိ အုတ်ခုံပေါ်တွင်ထိုင်လျက် ၎င်း၏ TITAN အမျိုးအစားလက်ကိုင်ဖုန်းဖြင့် ဂိမ်းကစားနေစဉ် ဆိုင်ကယ်(၁)စီးဖြင့် အမျိုးသား၂ ဦးရောက်ရှိလာပြီး ဆိုင်ကယ်၏နောက်တွင် ထိုင်စီးလာသူ အမျိုးသားမှ ၎င်း၏ ဖုန်းကို လုယူထွက်ပြေးသွားကြောင်း တိုင်တန်းလာသဖြင့် ရန်ကင်းမြို့မ ရဲစခန်း (ပ)၁၈၆/၂၀၁၆၊ ရာဇသတ်ကြီးပုတ်မ ၃၈၂ ဖြင့် အမှုဖွင့်ကာ ပြစ်မှုကျူးလွန်သူအား ဖမ်းဆီးရမိရေး စုံစမ်းဆောင်ရွက်ခဲ့ပါသည်။

ရန်ကင်းမြို့မရဲစခန်းမှတပ်ဖွဲ့ဝင်များသည် ပြစ်မှုကျူးလွန်သူအား ဖမ်းဆီးရမိရေး စုံစမ်းဆောင်ရွက်ခဲ့ရာ ယင်းနေ့ ၂၃၄၅ အချိန်တွင် ပြစ်မှုကျူးလွန်သူများဖြစ်သော တောင်ဥက္ကလာပမြို့နယ် နေသူများဖြစ်ကြသည့် ရဲရင့်(ခ)လှိုင်ရဲထွဋ်နှင့် ဖိုးသား(ခ)နိုင်လင်းဆန်းမြင့်တို့ ၂ ဦးအား ရန်ကင်းမြို့နယ်၊ ပါရမီလမ်းနှင့် မဉ္ဇူလမ်းထောင့်တွင် အမှုမှပါဆုံးလက်ကိုင်ဖုန်းနှင့်အတူ ဖမ်းဆီးရမိခဲ့ပြီး အရေးယူ ဆောင်ရွက်လျက်ရှိကြောင်း သတင်းရရှိပါသည်။

Yangon Police
https://www.facebook.com/yangonpolice



ထိုင်းနိုင်ငံ မယ်လဒုက္ခသည်စခန်းက မြန်မာဒုက္ခသည်တွေကို တွေ့ရစဉ်။ Photo: 法師山崎
ထိုင်း မြန်မာနယ်စပ်လျှောက်မှာရှိတဲ့ ဒုက္ခသည်စခန်း ၉ ခုက မြန်မာဒုက္ခသည် တစ်သိန်းကျော်ကို မူလနေ ရပ် ပြန်ပို့ရေးကိစ္စနဲ့ ပတ်သက်ပြီး၊ ဒေါ်အောင်ဆန်းစုကြည်နဲ့ တွေ့ဆုံတဲ့အခါ ဆွေးနွေးမယ်လို့ ထိုင်းဝန်ကြီးချုပ် ပရာယွတ် ချန်အိုချာ က ပြောပါတယ်။

ထိုင်း အာဏာသိမ်းစစ်အစိုးရ ပြောခွင့်ရပုဂ္ဂိုလ် ဗိုလ်ချုပ် ၀ီရာချွန် ကလည်း ထိုင်းနိုင်ငံအနေနဲ့ ဒုက္ခသည်တွေ ကို မြန်မာနိုင်ငံကို ပြန်ပို့ဖို့ အမြဲတမ်း စိတ်အားထက်သန်နေတာဖြစ်ကြောင်း၊ ဒါပေမဲ့ ဥပဒေရေးရာ အဟန့် အတားတွေ၊ လုပ်ထုံးလုပ်နည်း အတားအဆီးတွေနဲ့ ရင်ဆိုင်နေရကြောင်း ပြောဆိုပါတယ်။

မြန်မာနိုင်ငံမှာ ၁၉၈၀ ပြည့်နှစ်လွန် ကာလတွေကစပြီး ပြည်တွင်းစစ်နဲ့ နိုင်ငံရေး ပဋိပက္ခတွေကြောင့် ထိုင်းနိုင်ငံ တွင်းကို ထွက်ပြေးခိုလှုံလာခဲ့ကြတဲ့ ဒုက္ခသည်တွေကို ပြန်ပို့အတွက်၊ ထိုင်းလုံခြုံရေးဌာနတွေအနေနဲ့ ကာလ ကြာရှည် အမြဲတမ်းစိတ်ကူးရှိနေတာဖြစ်ပေမဲ့၊ မြန်မာနိုင်ငံမှာ နိုင်ငံရေးပြဿနာတွေနဲ့ တိုက်ပွဲတွေက ဆက်လက်ဖြစ် ပွားနေတာကြောင့် ဒုက္ခသည်ပြန်ပို့ရေးကိစ္စ ထိထိရောက်ရောက် မဆောင်ရွက်နိုင်ခဲ့ကြောင်းလည်း ပြောပါတယ်။

ဒါ့ပြင် ထိုင်းအစိုးရဘက်မှာလည်း နိုင်ငံသားသက်သေခံလုပ်ငန်းစဉ်နဲ့ မှတ်ပုံတင် အထောက်အထား ပြဿနာတွေက ဒုက္ခသည်ပြန်ပို့ရေးအတွက် အဓိက အဟန့်အတားဖြစ်နေတယ်လို့လည်းပြောပါတယ်။

ဒါပေမဲ့ ဒီပြဿနာကို ဒေါ်အောင်ဆန်းစုကြည်ရဲ့ ထိုင်းခရီးစဉ်အတွင်း ဝန်ကြီးချုပ် ပရာယွတ်နဲ့ တွေ့ဆုံတဲ့ အခါ ဆွေးနွေးကြမှာဖြစ်တယ်လို့ ထိုင်းအစိုးရ ပြောခွင့်ရပုဂ္ဂိုလ်က ပြောဆိုပါတယ်။

ဒါပေမဲ့ ရိုဟင်ဂျာ ပြဿနာကိုတော့ ထည့်သွင်းဆွေးနွေးမှာ မဟုတ်ဘူးလို့လည်း ပြောပါတယ်။

RFA Burmese
http://www.rfa.org/burmese


မြန်မာ ​အစိုးရက ​၂၀၃၀ ​ပြည့်နှစ်ကျရင် ​မြန်မာနိုင်ငံသားတိုင်း ​လျှပ်စစ်မီး ​ရရှိရေးအတွက် ​ဆောင်ရွက်သွားမယ်လို့ ​သိရပါတယ်။

အခုလောလောဆယ် ​မြန်မာနိုင်ငံက ​ကျေးလက်ဒေသက ​လူပေါင်း ​၈၄ ​% ​ဟာ ​လျှပ်စစ်မီးတွေနဲ့ ​အလှမ်းဝေးနေပါတယ်။

အဲဒါ့အပြင် ​လျှပ်စစ်မီး ​မလုံလောက်မှုကြောင့် ​စီးပွားငယ်တွေ ​ညအချိန်အထိ ​အလုပ်မလုပ်နိုင်တာတွေ၊ ​ဆေးခန်းတွေမှာ ​ရေခဲသေတ္တာထဲ ​ထည့်ထားရမယ့် ​ဆေးတွေ ​မထည့်နိုင်တဲ့အခြေအနေမျိုး ​ဖြစ်နေရသလို ​ပုံမှန်မီးမလာတဲ့အတွက် ​ဖွဲ့ဖြိုးရေးလုပ်ငန်းနဲ့ ​အလုပ်အကိုင်အခွင့်အလမ်းတွေမှာ ​အခက်အခဲ ​ဖြစ်နေရပါတယ်။

၂၀၂၀ ​ပြည့်နှစ်မှာ ​လူဦးရေ ​၅၀% ​လောက် ​လျှပ်စစ်မီးရရှိဖို့ ​ရည်ရွယ်ပြီး ​၂၀၂၅ ​ခုနှစ်မှာ ​၇၅% ​နဲ့ ​၂၀၃၀ ​ပြည့်နှစ်မှာ ​လူတိုင်း ​လျှပ်စစ်မီး ​ရရှိဖို့ ​မြန်မာအစိုးရက ​ရည်ရွယ်နေတာ ​ဖြစ်ပါတယ်။

ကုလသမဂ္ဂရဲ့ ​စွမ်းအင်ဆိုင်ရာ ​အေဂျင်စီ ​SEFA ​နဲ့အတူ ​ပူးပေါင်းလုပ်ကိုင်သွားမှာ ​ဖြစ်ပြီး ​လျှပ်စစ်ဖြန့်ဖြူးရေးတွေ ​လုပ်နိုင်ဖို့ ​ဒေါ်လာ ​၁၀ ​ဘီလီယံ ​ကုန်ကြမယ်လို့ ​ဆိုပါတယ်။

World ​Bank ​Group ​ကလည်း ​မြန်မာနဲ့ ​ပူးပေါင်း ​လုပ်ကိုင်မှာ ​ဖြစ်ပြီး ​မြန်မာရဲ့ ​ရည်ရွယ်ချက်တွေ ​ပြည့်ဖို့အတွက် ​နည်းလမ်းပေါင်းစုံနဲ့ ​ကူညီဖြည့်ဆည်းသွားမယ်လို့လည်း ​World ​Bank ​Group ​ရဲ့ ​ဘလော့ခ်မှာ ​ရေးသားထားတာကို ​ကောက်နှုတ်တင်ပြလိုက်ပါတယ်။

ABC Radio Australia
http://www.radioaustralia.net.au/burmese


နုိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ကြိုဆိုဖို့အတွက် မဟာချိုင်မြို့က ထလေထိုင်းရပ်ကွက်မှာ ထိုင်းရဲတပ်ဖွဲ့က ဒီကနေ့ လုံခြုံရေး ထူထူထပ်ထပ်ချထားပြီး ကြိုတင်ပြင်ဆင်မှုတွေ ပြုလုပ်နေကြပါတယ်။

ထလေထုိုင်းရပ်ကွက်ဟာ မြန်မာနို်င်ငံသား ရွှေ့ပြောင်းအလုပ်သမားတွေ အလုပ်လုပ်ကြတဲ့ ငါးပုဇွန်လုပ်ငန်းအကြီးစားတွေ အခြေစိုက်တဲ့မြို့ ဖြစ်ပါတယ်။ ဈေးအနီးက ခန်းမမှာ နိုင်ငံတော် အတုိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်အား လှိုက်လှဲစွာကြိုဆိုကြောင်း ထိုင်း မြန်မာ နှစ်ဘာသာ နဲ့ ရေးသားထားတဲ့ ဆိုင်းဘုတ်ကိုလည်း ခန်းမရှေ့မှာ စိုက်ထူထားပါတယ်။


ဒေါ်အောင်ဆန်းစုကြည်ဟာ မနက်ဖြန် မနက် ၁၁ နာရီကျော်လောက်မှာ ထုိုင်းနုိုင်ငံကို ရောက်ရှိမှာဖြစ်ပြီး ညနေပုိုင်းမှာ မြန်မာနုိုင်ငံသား အလုပ်သမား ၂၅၀၀ နဲ့ တွေ့ဆုံမှာ ဖြစ်ပါတယ်။


ဒေါ်အောင်ဆန်းစုကြည်နဲ့ တွေ့ဆုံဖို့အတွက် မြန်မာအလုပ်သမားတွေလည်း မနက်ဖြန် အလုပ်မဆင်းပဲ ခွင့်ယူထားသူတွေများတယ်လို့ အလုပ်သမားတစ်ဦးက RFA ကို ပြောပါတယ်။ ဒေါ်အောင်ဆန်းစုကြည်နဲ့ တွေ့ဆုံတဲ့အခါ အလုပ်သမားအများစုက သူတို့ရဲ့ သက်တမ်းကုန်သွားတဲ့ ယာယီ နိုင်ငံကူးလက်မှတ်တွေကို ထိုင်းနုိုင်ငံ မဟာချိုင်မှာပဲ သက်တမ်းတိုးခွင့် ပြုပေးဖို့ တင်ပြလိုကြကြောင်းလည်း ပြောပါတယ်။


ထိုင်းမှာအလုပ်လုပ်နေကြတဲ့ မြန်မာနုိုင်ငံသား အလုပ်သမားတွေဟာ ၆နှစ် နဲ့ ၄နှစ်သက်တမ်းရှိတဲ့ ယာယီနုိုင်ငံကူးလက်မှတ်ကူး လက်မှတ်တွေကို ကိုင်ဆောင်ထားကြသူတွေရှိသလို နုိုင်ငံကူးလက်မှတ်မရှိဘဲ ထုိုင်းအစိုးရက ထုတ်ပေးထားတဲ့ စာရွက်နဲ့နေထိုင်ကြသူတွေလည်းရှိပါတယ်။ ယာယီနုိုင်ငံကူးလက်မှတ် ကိုင်ဆောင်ထားသူတွေဟာ သက်တမ်းကုန်တဲ့အခါ မြန်မာနုိုင်ငံကို ပြန်ပြီး သက်တမ်းတိုးရတဲ့အတွက် ကုန်ကျစားရိတ်လည်း များသလို အချိန်ကြာတဲ့အတွက် ထိုင်းပြန်လာတဲ့အခါ အလုပ်ပြန်မရကြတဲ့ဒုက္ခနဲ့လည်း ရင်ဆုိုင်ရတယ်လို့ လည်း ပြောကြပါတယ်။

ထိုင်းအစိုးရရဲ့ထုတ်ပြန်ချက်အရ တရားဝင်မှတ်ပုံတင်ထားတဲ့ မြန်မာနုိုင်ငံသား အလုပ်သမားအရေအတွက်ဟာ ၁သန်းခွဲနီးပါးရှိတယ်လို့ ဆိုပါတယ်။ လေ့လာသူတွေ အဆိုအရထုိုင်းနုိုင်ငံမှာ အလုပ်လုပ်နေကြတဲ့ မြန်မာနုိုင်ငံသား အရေအတွက်ဟာ တရားဝင်ရော တရားမ၀င်သူပါဆုိုရင် ၅သန်းနီးပါးလောက်ရှိမယ်လို့ ခန့်မှန်းကြပါတယ်။

RFA Burmese
https://www.facebook.com/rfaburmese



၂၀၁၂ ခုနှစ်တုန်းက ပစ်လွတ်စမ်းသပ်ခဲ့စဉ် (Credit: AFP) 
တောင်ကိုရီးယား ​အစိုးရရဲ့ ​အဆိုအရ မြောက်ကိုရီးယား ​နိုင်ငံက ​တာလတ်ပစ် ​ဒုံးကျဉ် ​နှစ်ခုကို ​ပစ်လွတ်စမ်းသပ်ခဲ့ပြီး ​တခုက အောင်မြင်မှု ​မရှိခဲ့ဘူးလို့ ​ဆိုပါတယ်။

ပထမ ​စမ်းသပ်မှုကတော့ ​ပင်လယ်ထဲ ​ပျက်ကျသွားခဲ့ပေမယ့် ​ဒုတိယ ​စမ်းသပ်မှုကတော့ ​ဂျပန်နိုင်ငံ ​ပင်လယ်ထဲ ​ကျရောက်သွားခဲ့ပါတယ်။

ဒုတိယအကြိမ်ပစ်လွတ်ရာကနေ အောင်မြင်မှု ​ရသွားတာကတော့ မြောက်ကိုရီးယားအတွက် ​အားတက်စရာ ဖြစ်ပေမယ့် ​အမေရိကန် ​အစိုးရ၊ တောင်ကိုရီးယားနဲ့ ​ဂျပန် ​အစိုးရတို့ကတော့ ​အမျက်ဒေါသ ​ထွက်နေကြပါတယ်။

အဲဒီ ​ဒုံးကျဉ်အမျိုးအစားဟာ ​Guam ​မှာ ​အခြေစိုက်တဲ့ ​အမေရိကန် ​စစ်စခန်းအထိ ရောက်နိုင်တဲ့ ​လက်နက် ဖြစ်ပါတယ်။

ဒီမနက်မှာ ​စမ်းသပ်ပစ်လွတ်လိုက်တဲ့ မြောက်ကိုရီးယားရဲ့ ​လုပ်ရပ်ဟာ ​ကုလသမဂ္ဂ ​လုံခြုံရေး ကောင်စီရဲ့ ​ဆုံးဖြတ်ချက်ကို ​ဆန့်ကျင်ရာ ရောက်တယ်လို့လည်း ဝေဖန်လိုက်ပါတယ်။

ABC Radio Australia
http://www.radioaustralia.net.au/burmese


အမေရိကန်နိုင်ငံ ​အနောက်ပိုင်းမှာ ​နွေရာသီအတွင်း ​တောမီးလောင်မှု ​ဖြစ်နေတဲ့အတွက် ​ရာနဲ့ချီတဲ့ ​မီးသတ်သမားတွေ ​မီးသတ်နေရသလို ​ရာနဲ့ချီတဲ့လူတွေ ​နေရာရွှေ့ပြောင်းမှု ​လုပ်နေရပါတယ်။ အပူလှိုင်းကြောင့် ​လူ ​၄ ​ဦးသေဆုံးခဲ့ရပြီလို့လည်း ​သိရပါတယ်။

မီးသတ်သမား ​အယောက် ​၆၀၀ လောက် ​မီးသတ်နေပြီး ရေတွေ ​သယ်ဆောင်တဲ့ ​မီးသတ်ရဟတ်ယာဉ်တွေလည်း ​မီးငြိမ်းသတ်မှုတွေ ​လုပ်နေရပါတယ်။

တနင်္လာနေ့တုန်းက လော့စ်အန်ဂျယ်လိစ် ​အရှေ့ပိုင်းမှာ တောမီးနှစ်ခု လောင်ကျွမ်းနေတဲ့အတွက် ​မိသားစု ​၈၅၀ လောက်ကို နေအိမ်ကနေ ​ထွက်ပြေးတိမ်းရှောင်ခိုင်းထားပါတယ်။

မီးရဲ့ ​အကျယ်အဝန်းက ​ဟက်တာ ​၂၁၈၅ ​ရှိနေပြီး ​အဲဒီ တောမီးနှစ်ခု ​ဆက်စပ်မိသွားမှာကိုလည်း ​စိုးရိမ်နေကြပါတယ်။ ​

Santa ​Barbara ​အနောက်ပိုင်းဒေသမှာလည်း တောမီးလောင်မှုတွေ ​တပတ်နီးပါးကြာ ဖြစ်နေပြီး ​၆၂% ​ကိုတော့ ​ထိန်းသိမ်းနိုင်ပြီလို့ ​ဆိုပါတယ်။

အပူချိန်က ​၅၀ ​ဒီဂရီ ​စဲလ်ဆီးယပ်စ် ​အထိ မြင့်တက်နေတဲ့အတွက် ပြည်နယ် ​၉ ​ခုမှာ ​အကြီးစား ​မီးလောင်မှု ​၂၁ ​ခုဖြစ်နေတယ်လို့လည်း ​သိရပါတယ်။

San ​Diego ​County ​က ​Potrero ​မှာတော့ တောမီးကြောင့် ​တိရိစ္ဆာန်တွေပါ ​ကိုယ်လွတ်ရုန်း ​ထွက်ပြေးခဲ့ရပါတယ်။

ကြက်၊ ကြောင်၊ ခွေးတွေအပြင် ​Emu ​လို့ခေါ်တဲ့ ​ငှက်ကြီးတွေလည်း ​အသက်လု ​ထွက်ပြေးခဲ့ရပါတယ်။

Emu ​ဌက်ဟာ ​သြစတြေးလျနိုင်ငံက ဖြစ်ပြီး ​အမေရိကန်က ​ငှက်ရဲ့ ​အသားတွေ၊ ​အဆီတွေ ​ရဖို့အတွက် မွေးမြူထားတာ ဖြစ်ပါတယ်။

အဲဒီ ​ငှက်ရဲ့ ​အဆီကို ​အလှကုန်ပစ္စည်းနဲ့ ​ကျန်းမာရေးပစ္စည်းအတွက် ​အသုံးပြုကြသလို ​ကြီးမားတဲ့ ​ဥတွေကိုတော့ ​အနုပညာ ​သမားတွေက ​အလှချယ်ဖို့ ​အသုံးပြုကြပါတယ်။

တချို့ ​emu ​ငှက်တွေ ​အသက်လွတ်မြောက်ပေမယ့် လောင်ကျွမ်းနေတဲ့ ​အကောင်တွေကိုလည်း တွေ့ခဲ့ရတယ်လို့ ​အမေရိကန် ​အာဏာပိုင်တွေက ပြောပါတယ်။

ABC Radio Australia
http://www.radioaustralia.net.au/burmese


မော်စကို ၊ ၂၂-၆-၂၀၁၆

ရုရှားနိုင်ငံသည် တာတိုပစ် ဒုံးကျည် တိုက်ဖျက်ရေးစနစ် တစ်ခုကို ဇွန် ၂၁ ရက် အစောပိုင်းက အောင်မြင်စွာ စမ်းသပ် နိုင်ခဲ့ကြောင်း ယင်းနိုင်ငံ ကာကွယ်ရေး ဝန်ကြီးဌာနက ထုတ်ပြန်သည်။

အဆိုပါ ဒုံးခွင်းဒုံးကျည် ကို ရုရှား လေကြောင်းရန် ကာကွယ်ရေး နှင့် ဒုံးကျည်တပ်ဖွဲ့ က ကာဇက်စတန်ရှိ ဆာရီ-ရှာဂန် ဒုံးကျည် စမ်းသပ်ကွင်း၌ ဒေသ စံတော်ချိန် နံနက် ၇ နာရီခန့်တွင် ပြုလုပ်ခဲ့ခြင်း ဖြစ်ပြီး ယင်းဒုံးကျည် သည် သတ်မှတ်ချိန် အတွင်း ပစ်မှတ်ကို အောင်မြင်စွာ ပစ်ခတ် နိုင်ခဲ့ကြောင်း ရုရှားစစ်ဘက် မှ ဒုတိယ ဗိုလ်ချုပ်ကြီး ဗစ်တာဂူမန်နီ က ပြောကြား ထားသည်။

ယခု စမ်းသပ်ခဲ့သည့် ဒုံးကျည်စနစ် သည် ရုရှားနိုင်ငံ အပေါ် ပြုလုပ်လာ နိုင်ဖွယ်ရှိသော နျူကလီးယား တိုက်ခိုက်မှုကို ကာကွယ်နိုင်စွမ်း ရှိကြောင်း ကာကွယ်ရေး ဝန်ကြီးဌာန က ထုတ်ပြန်သည့် ကြေညာချက် တွင် ဖော်ပြထားသည်။

ရုရှားနိုင်ငံ၏ ဒုံးကျည် စမ်းသပ်မှုသည် အမေရိကန် ပြည်ထောင်စု က မြေပြင် အခြေစိုက် ဒုံးကျည်စနစ် များကို ဥရောပတွင် ဖြန့်ကြက်ချခြင်း အပါအဝင် ရန်လိုသည့် အပြုအမူ များကို လုပ်ဆောင်နေစဉ် ထွက်ပေါ်လာခြင်း ဖြစ်ကြောင်း သိရသည်။

PyiChitThar
http://www.pyichitthar.com



မိုးကြိုးပစ်ချခြင်းအား တွေ့ရစဉ် (ဓာတ်ပုံ- အင်တာနက်)

    နယူးဒေလီ၊ ဇွန် ၂၂ ရက် (ဆင်ဟွာ)

    အိန္ဒိယနိုင်ငံတွင် ပြီးခဲ့သည့် နှစ်ရက်အတွင်း မိုးကြိုးပစ်ခြင်း၊ မိုးရွာမှုများနှင့် ဆက်စပ်သည့် မတော်တဆမှုများကြောင့် အနည်းဆုံး လူ ၈၀ ဦးခန့် သေဆုံးခဲ့ကြောင်း အဆင့်မြင့်အရာရှိ တစ်ဦးက ဇွန်လ ၂၂ ရက်က ပြောကြား ခဲ့သည်။

“ ဒီသေဆုံးမှုတွေက ဇွန်လ ၂၀ ရက်ကစပြီး နိုင်ငံအရှေ့ပိုင်းရှိ ဘီဟာနဲ့ ဂျဟာခန် ပြည်နယ်များ၊ နိုင်ငံမြောက် ပိုင်းရှိ် ဥတ္တရာပရာဒတ်ရှ် ပြည်နယ်တွေမှာ သေဆုံးခဲ့တဲ့ စာရင်းတွေပါ” ဟု အမည်မဖော်လိုသူ အဆိုပါ သတင်း ရင်းမြစ်က ပြောသည်။

ဘီဟာပြည်နယ်တွင် သေဆုံးသူ ၅၃ ဦး၊ ဂျဟာခန်ပြည်နယ်တွင် သေဆုံးသူ ၁၀ ဦးနှင့် ဥတ္တရာပြည်နယ်တွင်မူ ၁၇ ဦး သေဆုံးခဲ့ကြောင်း သိရသည်။

မိုးကြိုးပစ်ခံရ၍ သေဆုံးခဲ့သူ အများစုမှာ လယ်ကွင်းများတွင် အလုပ်လုပ်ကိုင်နေသည့် စိုက်ပျိုးရေး အလုပ်သမားများ ဖြစ်ကြောင်း  သတင်းရင်းမြစ်က ပြောသည်။

အိန္ဒိယနိုင်ငံတွင် မုတ်သုန်မိုး သည်းထန်စွာ ရွာသွန်းနေစဉ် အတွင်း မိုးကြိုးပစ်မှုများ ဖြစ်ပွားလေ့ ရှိသည်။ မုတ်သုန် ရာသီဥတုသည် နှစ်စဉ် ဇွန်လမှ စက်တင်ဘာလအတွင်း ကျရောက်လေ့ ရှိသည်။

 (Xinhua)
http://www.xinhuamyanmar.com


ရန်ကုန်တိုင်းဒေသကြီးတွင် လက်ရှိယာဉ်ရောင်းဝယ်ရေး စခန်းများကို ဖျက်သိမ်းပြီး ယာဉ်ရောင်းဝယ်ရေးစခန်းကြီး တစ်ခုတည်ဆောက်၍ ရောင်းဝယ်ခွင့် ပြုတော့မည်ဖြစ်ကြောင်း မြန်မာနိုင်ငံ မော်တော်ကားရောင်းဝယ်ရေး အသင်း(ရန်ကုန်)ထံမှ သိရှိရသည်။

ရန်ကုန်တိုင်းဒေသကြီးရှိ တစ်နိုင်တစ်ပိုင် ယာဉ်ရောင်းဝယ်ရေးစခန်း ၁၇ ခုကိုဖျက်သိမ်းကာ ဒဂုံတောင်/မြောက် လမ်းဆုံအနီး မြေ ၂၅ ဧက အကျယ်အ၀န်းတွင် စုစည်းပေးမည်ဖြစ်ပြီး အဆိုပါနေရာတွင်သာ ယာဉ်ရောင်းဝယ် ခွင့်ပြုမည်ဖြစ်ကြောင်း သိရသည်။

“ကျွန်တော်တို့ တစ်နိုင်တစ်ပိုင် ရောင်းဝယ်ရေးစခန်းအနေနဲ့ ရန်ကုန်မြို့ဧရိယာမှာ ၁၇ ခုရှိပါတယ်။ အဲဒီယာဉ် ရောင်းဝယ်ရေးစခန်း ၁၇ ခုလုံး ဖျက်သိမ်းမှာပါ။ အခုဆောက်မယ့် ယာဉ်ရောင်းဝယ်ရေးစခန်းကြီးရဲ့ နေရာကတော့ ဒဂုံတောင်မြောက်လမ်းဆုံနားမှာပဲ ဆောက်မှာပါ၊ နေရာအတိအကျ မပြောထားဘူး။ နေရာလုမှာစိုးလို့တဲ့။ ၀န်ကြီးချုပ်ကိုယ်တိုင် ၂၅ ဧက ချထားပေးပြီးသားပါ။ Showroom တွေတော့ မပါဘူး။ တစ်နိုင်တစ်ပိုင် ရောင်းဝယ်ရေးစခန်း အကုန်လုံးပြောင်းရမယ်” ဟု မြန်မာနိုင်ငံ မော်တော်ကား ရောင်းဝယ်ရေးအသင်း(ရန်ကုန်)မှ ဥက္ကဋ္ဌ ဦးအောင်သန်းဝင်းကပြောသည်။

လက်ရှိ အသစ်ဆောက်လုပ်မည်ဖြစ်သော ယာဉ်ရောင်းဝယ်ရေးစခန်းကို ရန်ကုန်တိုင်းဒေသကြီးအစိုးရမှ လုပ်ဆောင်နေခြင်းဖြစ်ပြီး ရန်ကုန်တိုင်းအတွင်းရှိ ယာဉ်ရောင်းဝယ်ရေးစခန်း ၁၇ ခုမှ ကိုယ်စားလှယ်များကို မေ ၁၅ ရက်တွင် တိုင်းဒေသကြီးအစိုးရရုံးသို့ ခေါ်ယူကာ အဆိုပါစခန်း ဆောက်လုပ်ခြင်းနှင့် ပတ်သက်၍ သဘောတူညီမှုများ တောင်းယူခဲ့ကြောင်းလည်း သိရသည်။

“အဲဒီနေ့က ယာဉ်ရောင်းဝယ်ရေးစခန်းက ကိုယ်စားလှယ်တွေ အကုန်ပါတယ်လေ။ ဆွေးနွေးခဲ့တာကတော့ တစ်လလောက် ရှိပါပြီ။ နေရာအတည်ပြုပြီးသားပါ၊ တိုင်းဒေသကြီးအစိုးရကပဲ အိမ်သာတို့၊ နားနေဆောင်တို့၊ လျှပ်စစ်မီးတို့ လုပ်ရဦးမှာဆိုတော့ မိုးကုန်လောက်မှပဲ ဒီလုပ်ငန်းကို စလို့ရမယ်ထင်တယ်” ဟု ဦးအောင်သန်းဝင်းက ဆက်ပြောသည်။

အဆိုပါ ယာဉ်ရောင်းဝယ်ရေးစခန်း တည်ဆောက်ပြီးပါက တိုင်းဒေသကြီအစိုးရနှင့် ယာဉ်ရောင်းဝယ်ရေးစခန်းမှ တာဝန်ရှိသူများ ပူးပေါင်းကာ ကြီးကြပ်ကွပ်ကဲမည်ဖြစ်ပြီး အခြားနေရာများတွင် ရောင်းဝယ်ခွင့်ပြုမည် မဟုတ်ဘဲ ရောင်းဝယ်ပြုလုပ်ပါက အရေးယူမည်ဖြစ်ကြောင်း သိရသည်။

“အခုလိုမျိုး ယာဉ်ရောင်းဝယ်ရေး စခန်းကြီးလုပ်မယ်ဆိုတာ ကောင်းပါတယ်။ မော်တော်ကားတွေ ၀ယ်ဖို့အတွက် လိုက်ပတ်ရှာစရာ မလိုတော့ဘူး။ တစ်နေရာတည်းမှာ စုံစုံလင်လင်နဲ့ ကြည့်လို့ရပြီး ကားဈေးနှုန်းတွေလည်း မဟတော့ဘူးပေါ့။ ကားလာကြည့်တဲ့ လူတွေကတော့ တော်တော်ဝေးဝေး လာကြည့်ရလိမ့်မယ်။ ကောင်းတာကတော့ မြို့တွင်းမှာ ကားချောင်သွားလိမ့်မယ်။ မနက်ဆိုရင် ကားတွေ လာသွင်းတယ်။ ညနေဆိုရင် ကားတွေ လာထုတ်တယ်။ အဲဒါနဲ့တင် ကားလမ်းတွေ ပိတ်နေတယ်” ဟု အလုံမြို့နယ်တွင် နေထိုင်ကာ ကားရောင်းဝယ်ရေး လုပ်ကိုင်နေသော ကိုဖြိုးမင်းကပြောသည်။

ဦးသိန်းစိန်အစိုးရလက်ထက်တွင် ဟံသာဝတီ ယာဉ်ရောင်းဝယ်ရေးစခန်းကို ဖျက်သိမ်းပြီး မင်းရဲကျော်စွာ ယာဉ်ရောင်းဝယ်ရေးစခန်း၊ လှိုင်ယာဉ်ရောင်းဝယ်ရေးစခန်းနှင့် သီရိမင်္ဂလာဈေးသစ်သို့ ပြောင်းရွှေ့ခဲ့ရခြင်း ဖြစ်ကြောင်း သိရသည်။

MMK
The Ladies News
https://www.facebook.com/News.TheLadies

မန္တလေးတိုင်းဒေသကြီး၊ ချမ်းမြသာစည်မြို့နယ်က ဘုန်းကြီးကျောင်းတိုက်မှာ ဖမ်းဆီးရမိထားတဲ့ လိုင်စင်မဲ့ကား ၃၆ စီးကို ဇွန်လ ၂၀ ရက်နေ့က တွေ့ရစဉ်

မန္တလေးတိုင်းဒေသကြီး၊ ချမ်းမြသာစည်မြို့နယ်က ဘုန်းကြီးကျောင်းတိုက် ၂ တိုက်ဝင်းထဲမှာ လိုင်စင်မဲ့ကား ၃၆ စီးကို မနေ့က ဖမ်းဆီးရမိခဲ့ပြီး အဲဒီအမှုနဲ့ ပတ်သက်သူ ၂ ဦးကို အမှတ် ၁၁ နယ်မြေရဲစခန်းမှာ ဖမ်းဆီးအရေးယူထားပါတယ်။

အဲဒီလိုင်စင်မဲ့ကားတွေရဲ့ အဓိကပိုင်ရှင်ဖြစ်သူဟာ မြ၀တီဖက်ကဖြစ်တယ်လို့ စစ်ဆေးတွေ့ရှိ ထားကြောင်း အမှတ် ၁၁ နယ်မြေ ရဲစခန်းမှူး ရဲအုပ်ဝင်းဘို က ပြောပါတယ်။

"ပိုင်တာကတော့ နောက်ကပိုင်ရှင်ရှိတယ်ပေါ့နော်၊ သူ့သားတစ်ယောက်ပါတယ်၊ ဒီထဲကတရားခံထဲမှာ သူ့သားရဲမင်းထက်ပါတယ်၊ နောက်တစ်ယောက်က အလုပ်သမားပေါ့နော်၊ အောင်နိုင်ဦး၊ အဲ့နှစ်ယောက်ဖမ်းမိတယ်၊ ပစ္စည်းပိုင်ရှင်အစစ်အမှန်ကတော့ မြဝတီဖက်က၊ မြဝတီကနေဒီဖက်ကိုပို့တာ၊ မြဝတီဖက်က ရဲစခန်းချင်းတော့ ချိတ်ဆက်ထားပါတယ်"

ချမ်းမြသာစည်မြို့နယ်၊ ချမ်းတောင်ရပ်ကွက်က အောင်မြေရွှေဘုံကျောင်းတိုက် သာသနာ့ဗိမာန် ကျောင်းဝင်း အတွင်းမှာ လိုင်စင်မဲ့ကား ၂၇ စီးနဲ့ နောက်ထပ် ၉ စီးကို သာသနာ့ရံသီ အတုလကာရီ ကျောင်းဝင်းအတွင်းက ကားဘော်ဒီပြုပြင်ရေးဆိုင်မှာ မနေ့က ဖမ်းမိခဲ့တာဖြစ်ပါတယ်။

အဲ့ဒီလိုင်စင်မဲ့ကားတွေကို ကျောင်းဝင်းအတွင်းမှာ အရောင်းအ၀ယ်လုပ်နေတာ ၆ လလောက် ရှိနေပြီဖြစ်တယ်လို့လည်း ရဲအုပ်ဝင်းဘို က ပြောပါတယ်။

ဖမ်းမိတဲ့ ကားတွေထဲမှာ Saloon၊ Alphard၊ Super Custom နဲ့ Crown စတဲ့ ဇိမ်ခံကားတွေပါဝင်ပြီး စုစုပေါင်းတန်ဖိုးဟာ ခန့်မှန်း ငွေကျပ်သိန်း တစ်ထောင်ကျော် ရှိနိုင်ကြောင်းလည်း ခန့်မှန်းပြောဆို ပါတယ်။

မန္တလေးမြို့ ချမ်းမြသာစည်မြို့နယ်မှာရှိတဲ့ ဘုန်းကြီးကျောင်း၂ ခုကနေ လိုင်စင်မဲ့ကား ၃၆ စင်း တွေ့ရှိဖမ်းဆီးခဲ့တာနဲ့ ပတ်သက်ပြီး မန္တလေးမြို့က လူမှုရေး နဲ့ နိုင်ငံရေးလှုပ်ရှားသူ ဒေါ်အမာနီကို ဦးခင်မောင်စိုး ဆက်သွယ်မေးမြန်းထားပါတယ်။
RFA

ကချင်ပြည်နယ် မြစ်ကြီးနားမြို့သီတာရပ်ကွက်မှာ မနေ့ည ၉ နာရီကျော်လောက်က တပ်မတော်သား ၂ ဦးနဲ့ မြို့ခံ လူငယ်တချို့ရုန်းရင်းဆန်ခတ်ဖြစ်ပွားရာကနေ အသက် ၁၉ နှစ်အရွယ် ကွန်ပျူတာ တက္ကသိုလ်ကျောင်းသား မောင် ဂွမ်ဆိုင်းအောင်ဆိုသူ သေနတ်ဒဏ်ရာနဲ့ သေဆုံးခဲ့ပြီး ဒီကနေ့ သူ့ရုပ်အလောင်း ကို နေအိမ်သယ်လာစဉ်မှာ ဒေသ ခံလူငယ်တွေနဲ့ တက္ကသိုလ်ကျောင်းသား ကျောင်းသူတွေက တပ်မတော်ကို အလိုမရှိကြောင်း ဒီနေ့ ဆန္ဒပြကြ ပါတယ်။

မနေ့ညက ပစ်ခတ်မှုဖြစ်ပွားခဲ့တဲ့ အခြေအနေကို သီတာရပ်ကွက် အုပ်ချုပ်ရေးမှူး ဦးဝင်းဇော်ဦးက အခုလို ပြောပါတယ်။

"ကျနော်ရုံးမှာရှိနေတဲ့အချိန်မှာ သေနတ်ကျည်ထွက်တဲ့အသံ ၃ ချက်လောက်ကြားတယ်၊ အခင်းဖြစ်တဲ့နေရာ က ရုံးကနေကိုက် ၂၀၀ လောက်ဝေးတယ်၊ ကျည်ထွက်သွားပြီးလဲတော့လဲသွားပြီ၊ သေလား၊ ရှင်လားတော့ မသိဘူးလို့ ကျနော်ကိုလာပြီးသတင်းပို့တယ်၊ ကျနော်ချက်ချင်းပဲ ရဲစခန်းပို့လိုက်တယ်၊ ဆဲဆို သွားတဲ့ လူငယ်တွေကပဲ ကောင်မလေးနှစ်ယောက်နဲ့ ယောင်္ကျားလေး နှစ်ယောက်ကိုလိုက်ပို့ပေးတဲ့ ရဲဘော်နှစ်ယောက်နဲ့ အဲ့မှာသေနတ်ကို ဝင်လုတယ်လို့ပြောပါတယ်၊ အဲ့မှာကျည်ထွက်သွားတာ၊ လောလော ဆယ်သေဆုံးသွားတဲ့သူက ညာဖက်လည်ပင်းနားမှာ ပေါက်သွားတာ"

ဇွန်လ ၂၀ ရက်နေ့ညပိုင်းက ဝိုင်းမော်မြို့နယ် မိုင်းနာကျေးရွာကနေ မြစ်ကြီးနားမြို့ဘက်ပြန်မယ့် လူငယ် အမျိုးသား၂ ဦးနဲ့ အမျိုးသမီး ၂ ဦးက သူတို့ကို နှောက်ယှက်နေတဲ့ လူငယ်တချို့ ရှိတဲ့အတွက်ဆိုပြီး ဗလမင်းထင် တံတားမှာ တာဝန်ကျနေတဲ့ တပ်မတော်သားနှစ်ယောက်ကို အကူအညီတောင်း ရာ မြစ်ကြီးနားမြို့ကို လိုက်လံ ပို့ဆောင်ပေးစဉ် လူငယ်တချို့က လိုက်လာပြီး တပ်မတော်သား ၂ ဦးနဲ့ ရုန်းရင်းဆန်ခတ်ဖြစ်ပွားခဲ့တာပါ။

တပ်မတော်သားနှစ်ဦးကို အကူအညီတောင်းတဲ့ လူငယ် ၄ ဦးနဲ့ တပ်မတော်သားနှစ်ဦးကို ခေါ်ယူစစ်ဆေးနေတယ် လို့ အုပ်ချုပ်ရေးမှူးက ပြောပါတယ်။ ပစ်ခတ်မှုဖြစ်ပွားတဲ့နေရာဟာ ကချင်ပြည်နယ်အစိုးရအဖွဲ့ရုံးနဲ့ အစိုးရဝန်ထမ်း အိမ်ရာတွေ အနီးအနားမှာလို့လည်း အုပ်ချုပ်ရေးမှူး ဦးဝင်းဇော်ဦးက ပြောပါတယ်။
RFA



ရခိုင်ပြည်နယ်အတွင်းက မွတ်စလင် ဒုက္ခသည်စခန်းတစ်ခုကို တွေ့ရစဉ်။ Photo: Min Thein Aung/RFA
ရခိုင်ပြည်နယ်မှာ နေထိုင်တဲ့ မွတ်စလင်တွေကို အစိုးရက"ရခိုင်ပြည်နယ်က မွတ်စလင်များ" ဆိုပြီးသုံးနှုန်းတာကို ကန့်ကွက်ကြောင်းနဲ့ ဘဂါင်္လီလို့သာ ဆက်လက်သုံးနှုန်းသွားမှာဖြစ်ကြောင်း ရခိုင်အမျိုးသားပါတီ ANP က ဒီနေ့ သဘောထားကြေငြာချက် ထုတ်ပြန်လိုက်ပါတယ်။

အဲဒီလိုအသုံးအနှုန်းတွေဟာ မွတ်စလင်တွေကို နိုင်ငံသားစိစစ်ရာမှာ အခွင့်အရေးရရှိစေဖို့ အချိန်ကိုက်ဆောင်ရွက်တာလို့ ယူဆတာကြောင့် ကန့်ကွက်ကြောင်း ကြေညာချက်ထုတ်တာ ဖြစ်တယ်လို့ ပါတီရဲ့ ဒုတိယဥက္ကဌ ရှေ့နေ ဒေါ်အေးနုစိန်က ပြောပါတယ်။

"ရိုဟင်ဂျာမဟုတ်ရင်လက်မခံဘူးဆိုတဲ့ တင်းမာမှုတွေရှိနေတဲ့အချိန်မှာ မြန်မာနိုင်ငံအစိုးရ ကိုယ်စားလှယ်က ရခိုင်ပြည်နယ်က မွတ်စလင် အသိုင်းအဝိုင်း" လို့သုံးနှုန်းမယ်ဆိုတဲ့ တင်ပြချက် ပေါ်ထွက်လာတာဟာ အချိန်ကိုက် ဘင်္ဂါလီတွေနိုင်ငံသားစိစစ်ရာမှာ အခွင့်အရေးသာစေဖို့လုပ်လိုက် တယ်လို့ ယူဆတဲ့အတွက် ကျမတို့ဒီကြေညာချက်ကိုထုတ်ရာတာဖြစ်ပါတယ်၊ ဒီလိုထုတ်ပြန်တာကို ရခိုင်ပြည်သူတစ်ရပ်လုံးကလည်း လုံးဝကျေနပ်မှုမရှိဘူး"

ရခိုင်ပြည်နယ်မှာနေထိုင်တဲ့ မွတ်စလင်တွေကို ၁၈၂၄ ခုနှစ်က ဗြိတိသျှအစိုးရကကောက်ခံခဲ့တဲ့ သန်းခေါင်စာရင်းမှာ စစ်တကောင်းသားတွေလို့ သုံးနှုန်းခဲ့ ပြီး မြန်မာ့ဆိုရှယ်လစ်လမ်းစဉ်ပါတီ အစိုးရလက်ထက် ၁၉၇၃၊ ၁၉၈၃ ခုနှစ် သန်းခေါင်စာရင်းတွေနဲ့ ၂၀၁၄ ခုနှစ် သမ္မတဦးသိန်းစိန် အစိုးရလက်ထက် က ကောက်ခံခဲ့တဲ့ သန်းခေါင်စာရင်းမှာ ဘင်္ဂါလီလူမျိုးအဖြစ် ဖော်ပြခဲ့တယ်လို့ ရေးသားထားပါတယ်။

လက်ရှိမှာ ဘင်္ဂါလီလူမျိုးတွေကို အစိုးရက"ရခိုင်ပြည်နယ်က မွတ်ဆလင်များ"၊ "ရခိုင်ပြည်နယ်အတွင်း က အစ္စလာမ်ဘာသာကိုးကွယ်သူများ" ဆိုပြီး သုံးနှုန်းဖို့ ပြောဆိုမှုတွေဟာ ရခိုင်ဒေသကို ဘင်္ဂါလီလူမျိုးတွေရဲ့ ပင်ရင်းဒေသအဖြစ် အစိုးရသစ်က ပုံဖော်လိုက်တာဖြစ်တယ်လို့ ယုံကြည်ကြောင်းလည်း ပါရှိပါတယ်။

RFA Burmese
http://www.rfa.org/burmese/


နေပြည်တော် ဇွန် ၂၁

ကချင်ပြည်နယ် မြစ်ကြီးနားမြို့ ဗလမင်းထင် တံတားအနီး၌ ဇွန်လ ၂၀ ရက် ည၉ နာရီ ၄၅ မိနစ်ခန့်တွင် လူတစ်စုက တံတား လုံခြုံရေး ယူထားသော လုံခြုံရေး တပ်ဖွဲ့ဝင်များထံမှ သေနတ်လုယူစဉ် ကျည်ပေါက်ထွက်မှု ဖြစ်ပွားပြီး လူတစ်ဦးသေဆုံးခဲ့မှုနှင့် ပတ်သက်၍ လူမှု ကွန်ရက် စာမျက်နှာများတွင် သတင်း အမျိုးမျိုး ဖြစ်ပေါ်လျက် ရှိသည်။

ဖြစ်စဉ်အားစိစစ်ရာ ဇွန် ၂၀ရက် ည ၉ နာရီခန့်က မြစ်ကြီးနားမြို့နေ မောင်စီစာရပ် ၊ မောင်ဝင်းမျိုးသန့်၊ မနွေးနွေးနှင့် မနန်းလေးတို့ ၄ ဦးသည် ဆိုင်ကယ်ဖြင့် ၀ိုင်းမော်မြို့နယ် မိုင်းနားဘက်ခြမ်းမှ ဗလမင်းထင် တံတားအား ဖြတ်သန်း ပြီး မြစ်ကြီးနား ဘက်သို့ ပြန်လာစဉ် စီတာပူ ရပ်ကွက်သို့ အရောက် အမည်မသိ လူ ၈ ဦးက ၎င်းတို့ စီးနင်းလာသည့် ဆိုင်ကယ်အား လုယူရန် နှောင့်ယှက်သဖြင့် ၎င်းတို့မှ ဗလမင်းထင် တံတား လုံခြုံရေးဂိတ်သို့ ရောက်ရှိလာပြီး အကူ အညီ တောင်းခံခဲ့ရာ လုံခြုံရေး စစ်သည် ၂ ဦးမှ စိတ်ချရသည့် နေရာအထိ ပို့ဆောင်ပေးခဲ့ကြောင်း။

၎င်းလုံခြုံရေး စစ်သည် ၂ ဦး တာဝန်ကျ နေရာသို့ ပြန်လာစဉ် အမည်မသိ လူ ၈ ဦးက စစ်သည် ၂ ဦးအား လုံးထွေး ထိုးကြိတ်ခဲ့ပြီး သေနတ်အား လုယက်စဉ် စစ်သည် တစ်ဦး ကိုင်ဆောင်သော သေနတ်မှ ကျည်ပေါက်ထွက်ပြီး လူအုပ်စု အနက်မှ တစ်ဦးမှာ ကျည်ထိမှန် သေဆုံးခဲ့ပြီး ကျန်လူများ ထွက်ပြေး တိမ်းရှောင် သွားကြောင်း၊ စစ်သည် ၂ ဦးတွင်လည်း ဖူးရောင် ဒဏ်ရာများ ရရှိခဲ့ပြီး နယ်မြေ ခံတပ်၌ ဆေးကုသမှု ခံယူလျက် ရှိရာ လုပ်ထုံး လုပ်နည်းနှင့် အညီ ဆက်လက် ဆောင်ရွက် သွားမည် ဖြစ်ကြောင်း ကာကွယ်ရေး ၀န်ကြီးဌာနမှ သတင်းရရှိသည်။

MOI Webportal Myanmar
https://www.facebook.com/MOIWebportalMyanmar


၂၀၁၂ ဇွန်လ တုန်းက ဒေါ်အောင်ဆန်းစုကြည် Mae la ဒုက္ခသည်စခန်းကိုသွားရောက်စဉ်
၂၀၁၂ ဇွန်လ တုန်းက ဒေါ်အောင်ဆန်းစုကြည် Mae la ဒုက္ခသည်စခန်းကိုသွားရောက်စဉ်
 မြန်မာအစိုးရရဲ့ အဆင့်မြင့် ခေါင်းဆောင်တဦးအဖြစ် ဒေါ်အောင်ဆန်းစုကြည် သုံးရက်ကြာ သွားရောက်မယ့် ထိုင်းနိုင်ငံ ခရီးစဉ်အတွင်း၊ သတင်းရယူနိုင်ရေး အကန့်အသတ်တွေ ရှိနေတဲ့အတွက် ပြည်တွင်းပြည်ပ သတင်းမီဒီယာတွေ အခက်ကြုံနေကြရပါတယ်။ နိုင်ငံတော် အတိုင်ပင်ခံပုဂ္ဂိုလ်ရဲ့ ခရီးစဉ် လုံခြုံရေးအတွက် အိမ်ရှင်ထိုင်းနိုင်ငံက သတင်းမီဒီယာတွေကိုပါ ကန့်သတ်မှုတွေ ထုတ်ပြန်လိုက်သလို၊ မြန်မာအာဏာပိုင်တွေ အနေနဲ့လည်း သတင်းသမားတွေအတွက် စီစဉ်ပေးထားတာတွေဟာ အားနည်းတယ်လို့ သတင်းထောက်တွေက ပြောဆိုနေကြတာပါ။ ဒေါ်အောင်ဆန်းစုကြည် ထိုင်းနိုင်ငံခရီးစဉ် နောက်ဆုံးအခြေအနေကိုတော့ ဆက်သွယ်စုံစမ်းထားတဲ့ မဆုမွန်က ပြောပြပါမယ်။

ကြာသပတေးနေ့မှာ စတင်မယ့် ဒေါ်အောင်ဆန်းစုကြည်ရဲ့ ထိုင်းနိုင်ငံခရီးစဉ်အတွင်း သတင်းယူမယ့် သတင်းထောက်တွေအနေနဲ့ သပ်သပ်ရပ်ရပ် ၀တ်စားဆင်ယင်ဖို့၊ သတင်းထောက် အသုံးအဆောင် ပစ္စည်းတွေကို အကန့်အသတ်နဲ့သာ ယူဆောင်ကြဖို့ ထိုင်းနိုင်ငံခြားရေး ၀န်ကြီးဌာနရဲ့ ညွှန်ကြားချက် ထုတ်ပြန်လိုက်တာပါ။ သတင်းထောက်တွေ အနေနဲ့ ဧည့်သည်တော် ဒေါ်အောင်ဆန်းစုကြည်ကို လူတွေမေးမြန်းခွင့်မရှိသလို၊ ထိုင်းဝန်ကြီးချုပ် Prayuth Chan-ocha နဲ့ ပူးတွဲ သတင်းစာ ရှင်းလင်းပွဲမှာတောင် မေးခွန်း ထုတ်ခွင့် ပေးမှာ မဟုတ်ဘူးလို့လည်း ကြေညာချက်မှာ ဖော်ပြထားပါတယ်။

ဒေါ်အောင်ဆန်းစုကြည်ရဲ့ ခရီးစဉ်ကို သတင်းယူမယ့် ထိုင်းအခြေစိုက် ဧရာဝတီသတင်းထောက် မငြိမ်းငြိမ်းကတော့ သတင်းသမားတွေအပေါ် ကန့်သတ်မှုတွေနဲ့အတူ ထိုင်းအာဏာပိုင်တွေက လုံခြုံရေး အစီအမံတွေကို အခုကတည်းက စတင်ပြင်ဆင်နေပြီလို့ ပြောပါတယ်။

“အခက်အခဲက ကိုယ်ဘယ်လိုလုပ်ရမလဲဆိုတဲ့ဟာကို သေချာမသိရဘူးအမ။ ဟိုလူ့ကိုမေး၊ ဒီလူ့ကိုမေးလိုက် သမ္မတရုံးကိုမေးလိုက်၊ နိုင်ငံခြားရေးရုံးကိုမေးလိုက်နဲ့ပေါ့ အကုန် လိုက်မေးရတယ်အမ အဲဒီဟာနဲ့ ပတ်သက်ပြီးတော့လေ။ ဒါပေမယ့် တိတိကျကျတော့ ဘာမှမရဘူး အမ။ နောက်ဆုံးဒီနေ့အထိ သိရတာက ထိုင်းကခွင့်ပြုရင် လိုက်ယူလို့ရတယ်၊ ထိုင်းက သူကြေညာထားတဲ့အတိုင်းပဲ မီဒီယာ တွေဆိုရင် အစိုးရမီဒီယာတွေဆိုရင် ဘယ်နေရာတွေမှာလိုက်ယူလို့ရတယ်။ ပြင်ပမီဒီယာတွေဆိုရင် ဘယ်အပိုင်းတွေမှာလိုက်ယူလို့ရတယ်ဆိုတဲ့ ထုတ်ပြန်ချက်ထုတ်လိုက်တယ်ပေါ့နော်။”

မြန်မာနိုင်ငံဘက်ကတော့ နိုင်ငံတော်ခရီးစဉ်အတွင်း နိုင်ငံပိုင်ရုပ်မြင်သံကြားဌာန MRTV တခုတည်းကိုသာ လိုက်ပါသတင်းယူခွင့် ပြုထားတဲ့အတွက် ပြည်တွင်း၊ ပြည်ပ သတင်းမီဒီယာတွေ သတင်းရယူနိုင်ဖို့ အခက်ကြုံနေကြရတာပါ။ ခရီးစဉ်မှာ လိုက်ပါ သတင်းယူနိုင်အောင် မြန်မာအစိုးရ တာဝန်ရှိသူတွေဘက်ကလည်း လိုအပ်တဲ့ ပံ့ပိုးမှုတွေ မရှိဘူးလို့လည်း ဧရာဝတီမဂ္ဂဇင်း သတင်းထောက် မငြိမ်းငြိမ်းက ပြောပါတယ်။

“Delegation နဲ့ကျတော့ အစိုးရပိုင်မီဒီယာတွေက MRTV တခုထဲ လိုက်ခွင့်ရှိတယ်လေ။ ပြန်ကြားရေးကနေပြီးတော့ ကြေညာပြီးတော့ နိုင်ငံတော်အတိုင်ပင်ခံပုဂ္ဂိုလ်ရဲ့ နိုင်ငံတော်ခရီးစဉ်မှာတော့ ပြင်ပမီဒီယာတွေ လိုက်ခွင့်ရှိမယ်ဆိုတဲ့ဟာမျိုးခွင့်ပြုမယ်ဆိုရင်တော့ ပိုကောင်းမှာပေါ့အမရယ်။ လွယ်လွယ်ကူကူနဲ့ ဘယ်လိုလုပ်ရမယ်ဆိုတဲ့ဟာမျိုး သိရတာပေါ့။”

မြန်မာနိုင်ငံမှာ စစ်တပ်ရဲ့ အုပ်ချုပ်မှုတွေ အဆုံးသတ်ပြီး အမျိုးသားဒီမိုကရေစီအဖွဲ့ချုပ် (NLD) ပါတီ ဦးဆောင်တဲ့ အရပ်သား အစိုးရတရပ် တက်လာချိန်မှာဘဲ၊ ထိုင်းနိုင်ငံမှာတော့ စစ်တပ်ကအာဏာသိမ်းပြီး အစိုးရအဖြစ် အုပ်ချုပ်နေတဲ့အတွက် အိမ်နီးချင်း ၂ နိုင်ငံရဲ့ အခြေအနေဟာ ပြောင်းပြန်ဖြစ်နေပြီဆိုပြီး အများရဲ့ အ ဝေဖန်ခံနေရတာပါ။ ဒါပေမဲ့လည်း မြန်မာနိုင်ငံကိုယ်တိုင် သတင်းမီဒီယာ လွတ်လပ်ခွင့်နဲ့ သတင်းသမားတွေကို ပံ့ပိုးမှုတွေမှာတော့ အားနည်းနေတုန်းပဲလို့လည်း သတင်းစာဆရာဦးစည်သူအောင်မြင့်က မြင်ပါတယ်။

“ပြန်ကြားရေးမှာလည်း ဆရာဖေမြင့် တယောက်ပဲ ၀င်လာတာရှိတယ်။ ကျန်တာအကုန်လုံးဟာ အရင်အစိုးရလက်ထက်က တာဝန်ထမ်းဆောင်ခဲ့ဖူးတဲ့ ၀န်ထမ်းတွေကြီးပဲ။ ဆိုတော့ အဲဒီ ၀န်ထမ်းတွေအနေနဲ့ ဒီလိုမျိုး သတင်းတွေ ထုတ်ပြန်ပေးရာမှာ နောက်ပြီးတော့မှ အခုလို နိုင်ငံခြားခရီးစဉ်တွေမှာ သတင်းလိုက်ယူဖို့ကိစ္စတွေ စီစဉ်ပေးရာမှာ သူတို့ကို အကျွမ်းတ၀င်မရှိသေးဘူးလို့ထင်တယ်လေ။ ဆိုတော့ ဒီလိုမျိုး အခြေအနေမျိုးတွေရှိနေသေးတဲ့အခါကျတော့ သူတို့အနေနဲ့ ဒါကို ကောင်းကောင်းကိုင်တွယ်လို့မရသေးဘူး အဲဒီလိုပဲထင်တယ်။ နောင်သိပ်မကြာခင်မှာတော့ သူတို့ဒါတွေနဲ့ ပတ်သက်လို့ လုပ်တဲ့ကိုင်တဲ့ဟာမှာ ပိုပြီးတော့ အဆင်ပြေသွားမယ်လို့ထင်ပါတယ်။”

ကြာသပတေးနေ့ကနေ စနေနေ့အထိ ၃ ရက်ကြာ ဒေါ်အောင်ဆန်းစုကြည်ရဲ့ ခရီးစဉ်အတွင်းမှာတော့ သန်းနဲ့ချီရှိနေတဲ့ ထိုင်းနိုင်ငံရောက် မြန်မာနိုင်ငံသားတွေအရေး ကိုယ်တိုင်သိနိုင်အောင် ထိုင်းနိုင်ငံရောက် မြန်မာအလုပ်သမားတွေနဲ့ တွေ့ဆုံမှာဖြစ်သလို၊ ထိုင်း-မြန်မာနယ်စပ်က ထမ်ဟင်ဒုက္ခသည် စခန်းကိုလည်း သွားရောက်ကြည့်ရှုမှာ ဖြစ်ပါတယ်။ ဒုက္ခသည်စခန်းကို သွားရောက်တဲ့ ခရီးစဉ်ကိုတော့ အစိုးရပိုင် သတင်းမီဒီယာတွေကိုသာ သတင်းယူခွင့်ပေးမှာ ဖြစ်တယ်လို့လည်း ထိုင်းနိုင်ငံခြားရေးဝန်ကြီးဌာနရဲ့ ထုတ်ပြန်ချက်က ဖော်ပြပါတယ်။

ထိုင်းဝန်ကြီးချုပ်ရဲ့ ဖိတ်ကြားချက်နဲ့ သွားရောက်မယ့် ဒေါ်အောင်ဆန်းစုကြည်ရဲ့ ခရီးစဉ်အတွင်း ၂ နိုင်ငံကြား သဘောတူစာချုပ်တွေကို လက်မှတ်ရေးထိုးဖို့ ရှိနေချိန်မှာပဲ ထိုင်းနိုင်ငံက အစိုးရမဟုတ်တဲ့အဖွဲ့ NGO ၂၃ ဖွဲ့ကတော့ ထားဝယ်အထူးစီးပွားရေးဇုန်၊ သံလွင်မြစ်ပေါ် ရေကာတာဆောက်လုပ်မယ့် အစီအစဉ်တွေ အပါအ၀င် ၂ နိုင်ငံ ပူးတွဲဖွံ့ဖြိုးရေးစီမံကိန်းတွေဟာ ဒေသခံလူမှုအသိုင်းအ၀ိုင်းတွေအပေါ် ဆိုးကျိုးတွေ ရိုက်ခတ်လာနိုင်တယ်ဆိုပြီး ဆိုင်းငံ့ထားဖို့လည်း တောင်းဆိုနေကြပါတယ်။

မဆုမွန်
VOA Burmese News

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ မွေးနေ့အကြို အဖြစ် ဇွန်လ ၁၈ ရက်က သစ်ပင်များဝေဌချိန်တွင် သစ်ပင်ယူဆောင်သွားခြင်းကြောင့် ဘီးလင်းခလရ(၈)မှ တပ်မတော်သားတစ်ဦး အရေးယူခံရသည်မှာ မဟုတ်မှန်ကြောင်း အမျိုးသားလွှတ်တော်မဲဆန္ဒနယ်အမှတ်(၁၂)မှ လွှတ်တော်ကိုယ်စားလှယ် ဒေါ်သီရိရတနာက ဇွန်လ ၂၁ ရက်တွင် The Ladies သို့ပြောသည်။

“ကျမလက်ထဲကဒီသစ်ပင်လက်ခံယူသွားတဲ့အတွက် ကျမမှာ အပြည့်အဝတာဝန်ရှိတယ်လို့ ခံယူပြီး ဆွေးနွေးညှိနှိုင်းဖို့ အတွက် ဒီနေ့ (ဇွန်လ ၂၁ရက်) ရောက်သွားချိန်မှာ ဒုတပ်ရင်းမှုးက ရှင်းပြပါတယ် အဲ့ဒီနေ့က ကင်းအချိန်မှာ အရက်သောက်တာရယ် အပြင်ထွက်တော့ ယူနီဖောင်း မပြည့်စုံတာရယ်ကြောင့် တပ်စည်းကမ်းအရ သတိပေးလိုက်တာပါ သစ်ပင်ယူလို့ မဟုတ်ပါဘူးလို့ပြောပါတယ်” ဟု ဒေါ်သီရိရတနာက The Ladies သို့ပြောသည်။

ထို့အတူ အချို့ပြောဆိုနေကြသကဲ့သို့ NLD နှင့် ပတ်သက်သဖြင့် အရေးယူခံရသည်ဆိုခြင်း ကိုလည်း တပ်မိသားစု အားလုံးကို ခေါ်ယူ၍ တပ်မတော်ဘက်မှ ရှင်းပြပြောဆိုမည်ဖြစ်ပြီး ၊ NLD ဘက် မှလည်း ပြည်သူများနားလည်စေရန် တပ်မတော်၏ သဘောထားကို ရှင်းပြပြောဆိုမည်ဟု သဘောတူညီခဲ့ကြကြောင်းလည်း ၎င်းက ဆိုသည်။

“ပြည်သူ့အကျိုးအတွက် ကျမတို့နဲ့ လက်တွဲနိုင်ပါတယ်လို့လည်း သူကပြောခဲ့ပါသေးတယ်။ ကျမတို့ကို ကော်ဖီနဲ့ ဧည့်ခံပြီး အခြား ကိစ္စတွေလည်း ဆွေးနွေးပြောဆိုဖြစ် ခဲ့ပါတယ်။ နာရီဝက် နီးပါး ဆွေးနွေးပြောဆိုပြီး ကျမတို့ကို ကားနား အထိ လိုက်ပို့ရင်း နောက်လည်း တပ်ထဲကို လာလည်ဖို့ ဖိတ်ခေါ်ပါတယ်” ဟု NLD ပြည်သူ့လွတ်တော် ကိုယ်စားလှယ် ဒေါ်သီရိရတနာက The Ladies သို့ပြောကြားခဲ့သည်။

ဇော်မင်းထွန်း
The Ladies News Journal



လားရှိုးမြို့မှာ စားသုံးသူရေးရာဦးစီးဌာနက စားသုံးဆီတွေကို လိုက်လံစစ်ဆေးစဉ်။ ဓါတ်ပုံ - စားသုံးသူရေးရာ လားရှိုး - Facebook
ရှမ်းပြည်နယ်မြောက်ပိုင်း လားရှိုးမြို့မှာ ဆီစက်ရုံတွေက ရောနှောဆီတွေနဲ့ မသန့်တဲ့စားသုံးဆီတွေကို ထုတ်လုပ်ရောင်းချနေကြောင်း လားရှိုးမြို့ စားသုံးသူရေးရာဦးစီးဌာန က စစ်ဆေးတွေ့ရှိထားပါတယ်။

လားရှိုးမြို့က ဆီထုတ်လုပ်တဲ့ စက်ရုံတွေနဲ့ ဈေးတွေမှာ ရောင်းချနေတဲ့ အစားအသောက်တွေကို စစ်ဆေးရာ မှာ တွေ့ရှိခဲ့တာဖြစ်ပြီး ရောနှောဆီတွေ ထုတ်လုပ်နေတဲ့ စက်ရုံတွေကို ရပ်ဆိုင်းခိုင်းထားတယ်လို့ လားရှိုးမြို့ စားသုံးသူရေးရာဦးစီးဌာန ဒုတိယပြည်နယ်ဦးစီးမှုး ဦးဇော်မင်းသန်း က ပြောပါတယ်။

ရွှေမန္တလေး၊ ချမ်းငြိမ်း၊ စူပါ၊ ချမ်းသာ၊ ဇာမဏီ စတဲ့ အမှတ်တံဆိပ်တွေနဲ့ ထုတ်လုပ်ရောင်းချနေတဲ့ စားသုံးဆီတွေ မှာ စစ်ဆေးတွေ့ရှိခဲ့တာဖြစ်ပါတယ်။ လားရှိုးမြို့က ဆီစက်တွေကနေ ထုတ်လုပ်တဲ့ စားသုံးဆီတွေကို ရှမ်းပြည်မြောက်ပိုင်းထဲက သီပေါ၊ မိုင်းရယ်၊ ကျောက်မဲ စတဲ့ မြို့နယ်တွေအထိ ဖြန့်ဖြူးရောင်းချကြတာဖြစ်ပါတယ်။

ဒါ့အပြင် တရုတ်နိုင်ငံက တရားမ၀င်တင်သွင်းထားတဲ့ ၀က်အူချောင်း၊ ကြက်အူချောင်း၊ ကြက်တောင်ပံ စတဲ့ အသင့် စားအစားအစာတွေကို ဈေးတွေမှာ ရောင်းချနေတာ တွေ့ရှိရပြီး အဲ့ဒီဈေးဆိုင်တွေကို မရောင်းချဖို့ သတိပေးခဲ့တယ် လို့ ဦးဇော်မင်းသန်းက ပြောပါတယ်။ လားရှိုးမြို့ စားသုံးသူရေးရာဦးစီးဌာန က စာသင်ကျောင်းတွေက မုန့်ဈေး တန်းတွေနဲ့ မူဆယ်ကနေ တင်လာတဲ့ တရုတ်မုန့်တွေကို ဖြန့်ဖြူးတဲ့နေရာတွေကိုလည်း ၀င်ရောက်စစ်ဆေးနေ တာဖြစ်ပါတယ်။

၂၀၁၄ခုနှစ် မတ် ၁၄ ရက်နေ့မှာ ထုတ်ပြန်လိုက်တဲ့ စားသုံးသူ ကာကွယ်ရေးဥပဒေအရ သတိပေးတာ ၊ လျော်ကြေးကောက်ခံတာ၊ ကုန်စည်ကို ကာလအကန့်အသတ်နဲ့ ရောင်းချခွင့်ပိတ်ပင်တာ၊ ကုန်စည်တွေ ကို ဈေးကွက်အတွင်းက ပြန်လည်သိမ်းဆည်းတာ၊ သိမ်းဆည်းထားတဲ့ ကုန်စည်တွေကို ဖျက်ဆီးတာ၊ ထုတ်လုပ်ခွင့်လိုင်စင်တွေကို ပိတ်သိမ်းတာတွေ ဆိုပြီး အဆင့်ဆင့်အရေးယူနိုင်တယ်လို့ ပြဌာန်းထားပါတယ်။

ဒါ့အပြင် ထောင်ဒဏ် ၃ နှစ်ကနေ အများဆုံး ဒဏ်ငွေ ကျပ်သိန်း ၅၀ အထိ ချမှတ်နိုင်တယ်လို့လည်း ပါရှိပါတယ်။

RFA Burmese
http://www.rfa.org/burmese



သေဆုံးခဲ့တဲ့ ကျောင်းသားရုပ်အလောင်းကို ရင်ခွဲရုံကနေ ကျွန်းပင်သာရပ်ရှိနေအိမ်ကို သယ်ယူရာမှာ ရာနဲ့ချီတဲ့ ပြည်သူတွေ လိုက်ပါခဲ့ (Photo-Hka kamai Facebook)
ကချင်ပြည်နယ် မြစ်ကြီးနားမြို့မှာ တပ်မတော်သားနဲ့ အရပ်သားတွေအကြား ရုန်းရင်းဆန်ခတ် ဖြစ်ပွားခဲ့ရာမှာ သေနတ်ထိမှန်ပြီး ကျောင်းသားတယောက် သေဆုံးခဲ့ရမှုနဲ့ပတ်သက်လို့ အမှုမှန်ပေါ်ပေါက်အောင်ဆောင်ရွက်ဖို့အတွက် ကချင်ပြည်နယ် ဒီမိုကရေစီပါတီက တောင်းဆိုလိုက်ပါတယ်။ ဒီသေဆုံးမှုနဲ့ပတ်သက်ပြီး ပစ်ခတ်သူလို့ စွပ်စွဲခံရတဲ့ တပ်မတော်သားကို ရဲစခန်းမှာ ထိန်းသိမ်းထားပြီး ဥပဒေအရ အရေးယူဆောင်ရွက်နေတယ်လို့ ရဲတပ်ဖွဲ့က တာဝန်ရှိသူက ပြောပါတယ်။ ဒီသတင်းကို ဗွီအိုအေမြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။

မြစ်ကြီးနားမြို့ သီတာရပ်ကွက်မှာ တနင်္လာနေ့ည ၉နာရီခွဲအချိန်က တပ်မတော်သားနဲ့ အရပ်သားတွေအကြား ရုန်းရင်းဆန်ခတ်ဖြစ်ပွားခဲ့ရာက အသက် ၁၉နှစ်အရွယ် မောင်ဂွမ်ဆိုင်းအောင် သေနတ်ထိမှန် သေဆုံးခဲ့တာဖြစ်ပါတယ်။

ဒီသေဆုံးတာနဲ့ပတ်သက်ပြီး ကချင်ပြည်နယ် ဒီမိုကရေစီပါတီ KSDP ဥက္ကဌ ဒေါက်တာတူးဂျာက အခုလို တောင်းဆိုပါတယ်။

“တရားဥပဒေစိုးမိုးရေးနဲ့ လုံခြုံရေး ကောင်းကောင်းထားဖို့လိုနေတာ။ ဒီလူငယ်တွေအနေနဲ့ ဆိုးသွမ်းတဲ့လူတချို့ရှိတယ်။ နောက်အခု ၀န်ထမ်းတွေကလည်းဒါကို စည်းကမ်းမလိုက်နာတဲ့လူတွေ ချိုးဖောက်တာတွေလည်းရှိတယ်ဆိုတော့ လူ့အသတ်တွေပျောက်ကုန် ဒုက္ခရောက်တာပေါ့ ပြည်သူတွေ။ ဒါကြောင့်မို့လို့ ကျနော်တို့ကတော့ အဲဒီလိုပြည်သူတွေဒုက္ခရောက်တာကို မဖြစ်စေချင်ဘူးလေ။ ဒါကြောင့်မို့လို့ ကျနော်တို့ အာဏာပိုင်တွေကို ကျနော်တို့တင်ပြတာပါ။ အာဏာပိုင်တွေအနေနဲ့ ပိုပြီးတော့ ကျပ်ကျပ်မတ်မတ် လုပ်နိုင်ဖို့ ပြည်သူတွေရဲ့အသတ်ဘေးအန္တရာယ်လုံခြုံရေးကို အာမခံချက်ပေးနိုင်ဖို့တောင်းဆိုတာပါ။”

နိုင်ငံရေးအရ ပြုပြင်ပြောင်းလဲရေးကို ဆောင်ရွက်ပြီး ငြိမ်းချမ်းရေးကို ဦးတည်နေချိန်မှာ ဒေသတွင်းတည်ငြိမ်ဖို့ အရေးကြီးကြောင်းလည်း သုံးသပ်ပါတယ်။

“ဒီအပြောင်းအလဲအတွက်ကို ရုန်းကန်လှုပ်ရှားနေတဲ့အချိန် ငြိမ်းချမ်းရေးကို ဦးတည်နေတဲ့အချိန်မှာ ဒေသတည်ငြိမ်ရေးက အင်မတန်အရေးကြီးပါတယ်။ ဒီ ဒေသတည်ငြိမ်ရေးကို ကျနော်တို့က ပျက်ကွက်မယ်ဆိုရင်တော့ ကျနော်တို့ရှေ့ကိုလှမ်းမယ့်ခြေလှမ်းတွေက တွန့်သွားနိုင်တယ်။”

KSDP ပါတီအနေနဲ့အမြန်ဆုံး အမှုမှန်ဖော်ထုတ်ပြီး တရားမျှတမှုရှိအောင် အရေးယူဆောင်ရွက်ပေးဖို့ တောင်းဆိုကြောင်းလည်း ထုတ်ပြန်ကြေညာထားပါတယ်။

မောင်ဂွမ်ဆိုင်းအောင်သေဆုံးတာနဲ့ပတ်သက်ပြီး ပစ်ခတ်သူအဖြစ် စွပ်စွဲခံထားရတဲ့ တပ်သားမောင်မောင်ကို ဖမ်းဆီးထားကြောင်း မြစ်ကြီးနားမြို့ အမှတ်၁ရဲစခန်းက တာဝန်ရှိသူတဦးက ပြောပါတယ်။

“ကျနော်တို့ဒီ မြစ်ကြီးနားရဲစခန်းမှာတော့ ပ အမှတ် ၁၁၄/၂၀၁၆ ပြစ်မှုပုဒ်မ ၃၀၄ နဲ့အရေးယူထားပါတယ်။”

ဒီအခင်းဖြစ်ပွားမှုနဲ့ပတ်သက်ပြီး ၂၀ရက်နေ့ ည ၉နာရီကျော်လောက်မှာ အမျိုးသမီး၂ယောက်နဲ့ အမျိုးသား၂ယောက်က သူတို့ကို လူ၈ယောက်က လိုက်လံနှောက်ယှက်နေတာကြောင့် ဗလမင်းထင်တံတားရှိ လုံခြုံရေး တာဝန်ယူနေတဲ့ ထောက်ပံရေးတပ် ၇၂၇မှ ထံ အကူအညီတောင်းခံခဲ့ကြောင်း၊ အကူအညီတောင်းလာသူတွေကို ဒုတပ်ကြပ် နဟီခင်တန်နှင့် တပ်သား မောင်မောင်တို့က လိုက်လံပို့ဆောင်ရာမှာ သီတာရပ်ကွက် သခင်နက်ဖေလမ်းနဲ့ သီတာလမ်း ၄ဒေါင့်မှာ ဆိုင်ကယ်ဓါတ်ဆီဖြည့်စဉ် နောက်မှ လိုက်လာတဲ့လူငယ် ၈ ဦးက တပ်သား၂ယောက်ကို ၀ိုင်းဝန်းထိုးကြိတ်ပြီး တပ်သားမောင်မောင်ကိုင်ဆောင်ထားတဲ့သေနတ်ကို လုယူခဲ့တာကြောင့် သေနတ်ပစ်ဖောက်ရာက လူငယ်တဦးသေဆုံးရကြောင်း ရဲမှတ်တမ်းမှာ ဖော်ပြပါတယ်။

အခင်းဖြစ်ပွားတာနဲ့ပတ်သက်ပြီး ပြောဆိုတာတွေ အမျိုးမျိုးရှိနေကြောင်းလည်း မြစ်ကြီးနားဒေသခံတဦးက ပြောပါတယ်။

“ဖြစ်စဉ်ကတော့ အမျိုးမျိုး ဖြစ်နေတယ် ရဲတွေကပြောတာတော့တမျိုး ၊ ဟိုဘက်က သူ့ သူငယ်ချင်းတွေပြောတာတော့ တမျိုး ဖြစ်နေတယ်။ သူ့သူငယ်ချင်းတွေပြောတာကတော့ မနေ့က အဲဒီ ၈ ယောက်ဆိုတာကတော့ ၈ ယောက်တော့ မဟုတ်ဘူးတဲ့ ၂ ယောက်ပဲတဲ့ အဲလိုပြောတယ်။”

သေဆုံးသူရဲ့ ရုပ်အလောင်းကို ရင်ခွဲရုံကနေ ကျွန်းပင်သာရပ်ရှိနေအိမ်ကို သယ်ယူရာမှာ ရာနဲ့ချီတဲ့ ပြည်သူတွေ လိုက်ပါခဲ့ပြီး ဒီသတ်ဖြတ်မှုကို ဆန့်ကျင်ကန့်ကွက်ကြောင်း ဆန္ဒထုတ်ဖော်တာတွေ ရှိခဲ့ပါတယ်။

 ကိုမိုးဇော် / ဗွီအိုအေ (မြန်မာပိုင်း)
http://burmese.voanews.com


တပ်မတော်သားတစ်ဦးဆီကနေ သေနတ်လုယက်တဲ့ ကျောင်းသားတစ်ဦး သေနတ်ကျည်ဆံ ထိမှန်သေဆုံးမှုတစ်ခု ကချင်ပြည်နယ်၊ မြစ်ကြီးနားမြို့မှာ ဇွန်လ(၂၀)ရက်ညပိုင်းက ဖြစ်ပွားခဲ့တယ်လို့ မြစ်ကြီးနားမြို့မရဲစခန်းရဲ့အမှုမှတ်တမ်းတွေမှာ ဖော်ပြထားပါတယ်။

 ဖြစ်စဉ်ကတော့ ဗလမင်းထင်တံတားမှာ အမှတ်(၇၂၇) ထောက်ပံ့နှင့် ပို့ဆောင်ရေးတပ် ဒုတပ်ကြပ်တစ်ဦးနဲ့ ကိုယ်ပိုင်အမှတ် (တ/ ၅၁၁၅၆၈) တပ်သားမောင်မောင်တို့ လုံခြုံရေး တာဝန်ထမ်းဆောင်နေစဉ် အမျိုးသမီးနှစ်ဦးနဲ့ အမျိုးသားနှစ်ဦးတို့ ဆိုင်ကယ်တစ်စီးနဲ့ ရောက်ရှိလာပြီး လူ(၈)ဦးက လိုက်လံနှောင့်ယှက်နေ တာကြောင့် မြို့ထဲသို့ လိုက်ပို့ပေးဖို့ အကူအညီတောင်းခံခဲ့ရာ အထက်အရာရှိရဲ့ တာဝန်ပေးချက်အရ လိုက်လံပို့ဆောင်ပေးခဲ့တယ်လို့ဆိုပါတယ်။


 အဲ့ဒီလိုပို့ဆောင်ပေးစဉ် သီတာရပ်ကွက်၊ သီတာလမ်းသွယ် အရောက်မှာ လူငယ် (၈)ဦးခန့်က စစ်သည်နှစ်ဦးကို ၀ိုင်းဝန်းထိုးကြိတ်ပြီး တပ်သားမောင်မောင်လွယ်ထားနဲ့ သေနတ်ကို လုယူခဲ့ကြရာကနေ တပ်သားမောင်မောင်ပစ်ဖောက်လိုက်တဲ့ သေနတ်ကျည်ဆံဟာ မြစ်ကြီးနားမြို့၊ ကျွန်းပင်သာရပ်ကွက်နေ မောင်ဂွမ်ဆိုင်းအောင်ရဲ့ဝဲဘက်ညှပ်ရိုးကို ကျည်ဆန်ထိမှန်သေဆုံးခဲ့တယ်လို့ ဆိုပါတယ်။

 သေဆုံးသူဟာ ကွန်ပျူတာတက္ကသိုလ်ကျောင်းသားတစ်ဦးဖြစ်ပြီး မကျေနပ်သူတချို့က ဇွန်လ(၂၁)ရက်နေ့လည်ပိုင်းမှာ ဆန္ဒထုတ်ဖော်ခဲ့ကြတယ်လို့လည်း မြစ်ကြီးနားဒေသခံတစ်ဦးကပြောပါတယ်။

5 Plus News
https://www.facebook.com/5plusnews



တရုတ်နိုင်ငံတောင်ပိုင်းမှာ မုန်သုန်မိုး အကြီးအကျယ် ရွာသွန်းပြီးရေကြီး။
မြန်မာ့အိမ်နီးချင်း တရုတ်နိုင်ငံတောင်ပိုင်းမှာ မုန်သုန်မိုး အကြီးအကျယ်ရွာသွန်းရာကနေ ရေလွှမ်းမိုးမှုတွေနဲ့ မြေပြိုတာတွေကြောင့် လူပေါင်း ၄၂ ယောက် သေဆုံးခဲ့ရပြီး အများအပြား ပျောက်ဆုံးနေပါတယ်။

လူပေါင်း သုံးသန်းကျော် ရေကြီးတဲ့ဒဏ်ကို ခံနေရပြီး စီးပွားရေးအရ ထိခိုက် ဆုံးရှုံးရတာတွေလည်း ရှိနေပါတယ်။ Jiangxi ပြည်နယ် Poyang မြို့နယ်မှာ မိုးအပြင်းအထန် ရွာခဲ့ပြီးတဲ့နောက် တနင်္လာနေ့ ညနေပိုင်းက ရေလှောင်ကန်တခု ပေါက်ကျခဲ့တာကြောင့် လူပေါင်း ၁၃,၀၀၀ လောက် ဘေးလွတ်ရာ ရွှေ့ပြောင်းခဲ့ရတဲ့အကြောင်း တရုတ်အစိုးရ Xinhua သတင်းက ဖော်ပြပါတယ်။

ဂျပန်နိုင်ငံတောင်ပိုင်း Kumamoto အရပ်မှာလလည်း တနင်္လာနေ့ညလုံးပေါင်း မိုး အပြင်းအထန် ရွာသွန်းခဲ့တာ ကနေ ရေကြီးပြီး မြေပြိုတာကြောင့် ဒီကနေ့ မနက်ပိုင်းအချိန်အထိ သေဆုံးသူ ၄ ဦးရှိပြီး ၂ ဦး ပျောက်ဆုံးနေတဲ့ အကြောင်း ဂျပန်ရုပ်သံ NHK က ကြေညာပါတယ်။

ဒီအတောအတွင်း အင်ဒိုနီးရှားနိုင်ငံမှာတော့ ပြီးခဲ့တဲ့ရက်ပိုင်းတွေက ရွာသွန်းခဲ့တဲ့ မုန်သုန်မိုးကြောင့် ရေကြီးရေလျှံတာ တွေနဲ့ မြေပြိုမှုတွေအတွင်း သေဆုံး ပျောက်ဆုံးနေသူတွေကို ကယ်ဆယ်ရေးလုပ်သားတွေက ဆက်လက် ရှာဖွေနေကြပါတယ်။ ဒီကနေ့ တတိယမြောက်နေ့ ရှာဖွေကယ်ဆယ်ရေး ဆက်လုပ်နေတာနဲ့အမျှ သေဆုံးသူ ၄၃ ဦးနဲ့ ပျောက်ဆုံးသူ ၁၇ ဦး ရှိနေတဲ့အကြောင်း အစိုးရက သတင်းထုတ်ပြန်ထားပါတယ်။

အိန္ဒိယနိုင်ငံမြောက်ပိုင်း Jammu မြို့မှာလည်း ဒီကနေ့ မိုးအပြင်းအထန် ရွာသွန်းတာကြောင့် ရေမြောင်းတခု ပျက်ပြီး အပြည်ပြည်ဆိုင်ရာ ယောဂနေ့ ကျင်းပဖို့အတွက် လူတွေ ရာနဲ့ချီ စုဝေးနေကြတဲ့ အားကစားရုံထဲ အထိ ရေတွေ လျှံတက်ခဲ့ တာကြောင့် ပွဲပျက်ခဲ့ရပါတယ်။

 ဗွီအိုအေ (မြန်မာပိုင်း)
http://burmese.voanews.com



 ယုလင်း ခွေးသားစား ပွဲတော်ကို ကျယ်ကျယ်ပြန့်ပြန့် ဆန့်ကျင် ကန့်ကွက်မှုတွေ ရှိနေ

တရုတ်ပြည် တောင်ပိုင်းက နှစ်စဉ် ကျင်းပမြဲ ဖြစ်တဲ့ ယုလင်း ခွေးသားစား ပွဲတော် ကို ကျင်းပနေပါတယ်။

တရုတ်ပြည်တွင်းမှာရော နိုင်ငံတကာမှာပါ ယုလင်း ခွေးသားစား ပွဲတော်ကို ကျယ်ကျယ်ပြန့်ပြန့် ဆန့်ကျင် ကန့်ကွက်မှုတွေ ရှိနေပါတယ်။

ပွဲတော် အတွင်းမှာ ခွေး အကောင်ရေ တစ်သောင်း ကျော် အသတ်ခံရဖို့ ရှိပြီး ကြောင်တွေပါ သတ်ဖြတ် စားသုံးမှုကို ခံရဖို့ ရှိပါတယ်။

ယုလင်း ခွေးသားစား ပွဲတော်မှာ ခွေး နဲ့ ကြောင်တွေကို ရက်ရက်စက်စက် သတ်ဖြတ်တာကြောင့် ပွဲတော်ကို တားမြစ်ပေးဖို့ ပြည်တွင်းမှာရော ပြည်ပမှာပါ တောင်းဆိုမှုတွေ ကျယ်ကျယ်ပြန့်ပြန့် ဖြစ်ပွားနေပါတယ်။

ယုလင်း ပွဲတော် ပိတ်ဖို့ အတွက် လက်မှတ်ရေးထိုး တောင်းဆိုတဲ့ လှုပ်ရှားမှု ပြုလုပ်ခဲ့ရာမှာ လူ ၁၁ သန်း ကျော်က ပွဲတော် ပိတ်ဖို့ လက်မှတ်ရေးထိုး တောင်းဆို ခဲ့ကြပါတယ်။

 ခွေး အကောင်ရေ တစ်သောင်း ကျော် အသတ်ခံရဖို့ ရှိပြီး ကြောင်တွေပါ သတ်ဖြတ် စားသုံးမှုကို ခံရဖို့ ရှိ
ခွေးသားစား ပွဲတော်ကို ကျောထောက် နောက်ခံ ပေးထားခြင်း မရှိတဲ့ အကြောင်း နဲ့ ကိုယ်ပိုင် စီးပွားရေး အဖြစ် လူတွေက လုပ်တာ ဖြစ်တယ်လို့ ပြည်နယ် အစိုးရ တာဝန် ရှိသူ က ပြောပါတယ်။

လွန်ခဲ့တဲ့ နှစ်ပေါင်း များစွာ ကတည်း က တရုတ်၊ တောင်ကိုရီးယား နိုင်ငံတွေမှာ ဆောင်းရာသီ မရောက်ခင်မှာ လူတွေ ခန္ဓာကိုယ်ကို အပူပေး တဲ့ အနေနဲ့ ခွေးသားစားတဲ့ အလေ့အထ ရှိနေကြတာ ဖြစ်ပါတယ်။

ဒါပေမယ့် တရုတ်ပြည်က ယုလင်း ခွေးသားစား ပွဲတော် ကို စတင်ပြီး ကျင်းပလာတာ သိပ်မကြာ သေးဘူးလို့ သိရပါတယ်။

BBC Burmese
http://www.bbc.com/burmese



ရခိုင်ပြည်နယ် စစ်တွေမြို့ အောင်မင်္ဂလာရပ်ကွက်မှာနေထိုင်တဲ့ မွတ်စလင် လူဦးရေစာရင်းကို ပြည်နယ်အစိုးရက မေလ ၂၂ ရက်နေ့က ကောက်ခံခဲ့စဉ်။ Photo: Min Thein Aung
ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်ရေးအထူးကိုယ်စားလှယ် Yanghee Lee ရဲ့ မြန်မာပြည် ခရီးစဉ်အတွင်း သတင်းထုတ်ပြန်ရာမှာ ရခိုင်ပြည်နယ်က မွတ်စလင် အသိုင်းအဝိုင်းလို့သာ သုံးနှုန်းဖော်ပြဖို့ အစိုးရပိုင် မီဒီယာတွေ ကို ပြန်ကြားရေးဝန်ကြီးဌာနက ညွှန်ကြားထားပါတယ်။

ဆွစ်ဇလန်နိုင်ငံ၊ ဂျနီဗာမြို့မှာကျင်းပနေတဲ့ ၃၂ ကြိမ်မြောက် ကုလသမဂ္ဂ လူ့အခွင့်အရေးညီလာခံမှာ မြန်မာအစိုးရ ကိုယ်စားလှယ် တင်ပြတဲ့အတိုင်း သုံးနှုန်းဖို့ ညွှန်ကြားထားတာဖြစ်တယ်လို့ ပြန်ကြားရေးဝန်ကြီးဌာန ဒုတိယ အမြဲတမ်းအတွင်းဝန် ဦးမျိုးမြင့်မောင်က ပြောပါတယ်။

အဲ့ဒီလိုသုံးနှုန်းဖို့ မသတ်မှတ်ခင် ရခိုင်ပြည်နယ်က အစ္စလာမ် ဘာသာဝင်များဆိုပြီး သုံးနှုန်းဖို့ စဉ်းစားချက်တွေ ရှိခဲ့ပေမယ့် နောက်ဆုံးမှာ ကုလသမဂ္ဂ လူ့အခွင့်ရေး ညီလာခံမှာ တင်ပြခဲ့တဲ့အတိုင်းသာ သုံးနှုန်းဖို့ ဆုံးဖြတ် ခဲ့ကြတာဖြစ်တယ်လို့လည်း ဦးမျိုးမြင့်မောင်က ပြောပါတယ်။

ပြန်ကြားရေးဝန်ကြီးဌာနရဲ့ ညွှန်ကြားချက်ကို အစိုးရပိုင်မီဒီယာလုပ်ငန်းတွေဖြစ်တဲ့ မြန်မာ့အသံနဲ့ ရုပ်မြင်သံကြား ၊ ပြန်ကြားရေးနဲ့ ပြည်သူ့ဆက်ဆံရေး ဦးစီးဌာနနဲ့ သတင်းနဲ့ စာနယ်ဇင်းလုပ်ငန်းတွေထံ အကြောင်းကြားစာ ပေး ပို့ထားတာဖြစ်ပါတယ်။

ကုလသမဂ္ဂ လူ့အခွင့်အရေး အထူးကိုယ်စားလှယ် Ms.Yanghee Lee ဟာ အခုလ ၁၉ ရက်နေ့က မြန်မာနိုင်ငံ ကိုရောက်ရှိနေတာဖြစ်ပြီး ဇူလိုင်လ ၁ ရက်နေ့မှာ မြန်မာနိုင်ငံကနေ ပြန်လည်ထွက်ခွာမှာ ဖြစ်ပါတယ်။

RFA Burmese
http://www.rfa.org/burmese


နောက်တခါ လာပြန်ချေသေး-
"ဓမ္မစေတီခေါင်းလောင်း သြဂုတ်လအတွင်း ဆယ်ယူပေးနိုင်မည်ဟု ဦးစံလင်း အာမခံ"

ခေါင်းလောင်းဆယ်ယူရေးအတွက်လက်ရှိအချိန်၌လူမှုရေးဝန်ကြီး ဦးနိုင်ငံလင်းထံတင်ပြထားပြီဟု ဦးစံလင်းက ယနေ့ (ဇွန်၂၁ရက်) တွင်ပြောသည်။ ခေါင်းလောင်းဆယ်ယူရေးအတွက် သြဂုတ်လတွင်စတင်ဆယ်ယူမည်ဟု ဆိုသည်။

ယင်းခေါင်းလောင်းဆယ်ယူပြီးပါ မြန်မာနိုင်ငံမြစ်အချို့အတွင်း နစ်မြုပ်နေသည့်ခေါင်းလောင်း ၄လုံးကို ဆက်လက်ဆယ်ယူမည်ဟု ဆိုသည်။ ယင်းကဲ့သို့ ဆက်တိုက်ဆယ်ယူပြီးလျှင် ပတ္တမြားငမောက်အား ရှာဖွေဖော်ထုတ်မည်ဟု ဆိုသည်။

ယင်းအပြင် ရှေးဟောင်းအမွေနှစ် အများအပြားရှိနေသေးကြောင်းနှင့် ထိုပစ္စည်များဖော်ထုတ်ပြီးပါက မြန်မာနိုင်ငံပိုမိုတိုးတက်မည်ဟု ဆိုသည်။

ကိုခက်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


Posted on 21June2016

ထိုင်းနိုင်ငံ ပထုံဌာနီ လန်လုကာမြို့ နယ်ဈေးတွေက သားငါးရောင်းဆိုင်တွေကို ထိုင်းကျန်းမာရေးဌာနက က ဇွန်လ ၂၀ ရက်ညနေပိုင်းမှာ ၀င်ရောက် စစ်ဆေးခဲ့ပြီး အသား စိမ်းရောင်ဆိုင် (၃၆) ဆိုင်ကရောင်းနေ တဲ့ အသားစတွေကို ယူပြီးဓါတ်ခွဲခန်းမှာစစ်ဆေးနေကြောင်း ထိုင်းသတင်းတွေမှာဖေါ်ပြနေပါတယ်။


ထိုင်းလူမျိုးတွေ နေ့ စဉ် စားသုံးနေကြတဲ့ သားငါးဈေးတွေ တက်နေချိ်န်မှာ ကြက်-၀က်-အမဲ အသားတွေ အရောင်စိုပြီးကြာကြာခံအောင် လက်ချား(borax) အမှုန့် သုံးနေကြတယ် လို့ သိရပါတယ်။

ထိုင်းကျန်းမာရေးဌာနရဲ့  ထုတ်ပြန်ချက်မှာ လက်ချားမှုန့်တွေနဲ့ သုံးထားတဲ့ အသားတွေဟာ ရက်ကြာနေခဲ့ရင် အူလမ်းကြောင်းထိခိုက်ပြီး ဆီးမကြာ ခဏသွားခြင်း ၊ခေါင်းကိုက်ခြင်း စတဲ့  သက်ရောက်မှု ရောဂါဖြစ်နေ
တာတွေ့ ရှိရ တယ်လို့  ဆိုပါတယ်။

ကျန်းမာရေးဌာနက သားငါးဆိုင်တွေ လက်ချား သုံးတဲ့ဆိုင်တွေကို ထောင်ဒဏ်နှစ်နှစ်နဲ့  ထိုင်းဘတ်ငွေ ၂၀၀၀၀ (ကျက်၇ သိန်းခန့် ) ပေးဆောင်ရမယ်လို့  ပြစ်ဒဏ် ထုတ်ပြန်ထားပါတယ်။

(SAW) Photo Khaosod
Social Action for Women - SAW


တပ်မတော်သားတစ်ဦးဆီကနေ သေနတ်လုယက်တဲ့ ကျောင်းသားတစ်ဦး သေနတ်ကျည်ဆံ ထိမှန်သေဆုံးမှုတစ်ခု ကချင်ပြည်နယ်၊ မြစ်ကြီးနားမြို့မှာ ဇွန်လ(၂၀)ရက်ညပိုင်းက ဖြစ်ပွားခဲ့တယ်လို့ မြစ်ကြီးနားမြို့မရဲစခန်းရဲ့အမှုမှတ်တမ်းတွေမှာ ဖော်ပြထားပါတယ်။

 ဖြစ်စဉ်ကတော့ ဗလမင်းထင်တံတားမှာ အမှတ်(၇၂၇) ထောက်ပံ့နှင့် ပို့ဆောင်ရေးတပ် ဒုတပ်ကြပ်တစ်ဦးနဲ့ ကိုယ်ပိုင်အမှတ် (တ/ ၅၁၁၅၆၈) တပ်သားမောင်မောင်တို့ လုံခြုံရေး တာဝန်ထမ်းဆောင်နေစဉ် အမျိုးသမီးနှစ်ဦးနဲ့ အမျိုးသားနှစ်ဦးတို့ ဆိုင်ကယ်တစ်စီးနဲ့ ရောက်ရှိလာပြီး လူ(၈)ဦးက လိုက်လံနှောင့်ယှက်နေ တာကြောင့် မြို့ထဲသို့ လိုက်ပို့ပေးဖို့ အကူအညီတောင်းခံခဲ့ရာ အထက်အရာရှိရဲ့ တာဝန်ပေးချက်အရ လိုက်လံပို့ဆောင်ပေးခဲ့တယ်လို့ဆိုပါတယ်။


 အဲ့ဒီလိုပို့ဆောင်ပေးစဉ် သီတာရပ်ကွက်၊ သီတာလမ်းသွယ် အရောက်မှာ လူငယ် (၈)ဦးခန့်က စစ်သည်နှစ်ဦးကို ၀ိုင်းဝန်းထိုးကြိတ်ပြီး တပ်သားမောင်မောင်လွယ်ထားနဲ့ သေနတ်ကို လုယူခဲ့ကြရာကနေ တပ်သားမောင်မောင်ပစ်ဖောက်လိုက်တဲ့ သေနတ်ကျည်ဆံဟာ မြစ်ကြီးနားမြို့၊ ကျွန်းပင်သာရပ်ကွက်နေ မောင်ဂွမ်ဆိုင်းအောင်ရဲ့ဝဲဘက်ညှပ်ရိုးကို ကျည်ဆန်ထိမှန်သေဆုံးခဲ့တယ်လို့ ဆိုပါတယ်။

 သေဆုံးသူဟာ ကွန်ပျူတာတက္ကသိုလ်ကျောင်းသားတစ်ဦးဖြစ်ပြီး မကျေနပ်သူတချို့က ဇွန်လ(၂၁)ရက်နေ့လည်ပိုင်းမှာ ဆန္ဒထုတ်ဖော်ခဲ့ကြတယ်လို့လည်း မြစ်ကြီးနားဒေသခံတစ်ဦးကပြောပါတယ်။

5 Plus News
https://www.facebook.com/5plusnews



လားရှိုးမြို့မှာ စားသုံးသူရေးရာဦးစီးဌာနက စားသုံးဆီတွေကို လိုက်လံစစ်ဆေးစဉ်။ ဓါတ်ပုံ - စားသုံးသူရေးရာ လားရှိုး - Facebook
ရှမ်းပြည်နယ်မြောက်ပိုင်း လားရှိုးမြို့မှာ ဆီစက်ရုံတွေက ရောနှောဆီတွေနဲ့ မသန့်တဲ့စားသုံးဆီတွေကို ထုတ်လုပ်ရောင်းချနေကြောင်း လားရှိုးမြို့ စားသုံးသူရေးရာဦးစီးဌာန က စစ်ဆေးတွေ့ရှိထားပါတယ်။

လားရှိုးမြို့က ဆီထုတ်လုပ်တဲ့ စက်ရုံတွေနဲ့ ဈေးတွေမှာ ရောင်းချနေတဲ့ အစားအသောက်တွေကို စစ်ဆေးရာ မှာ တွေ့ရှိခဲ့တာဖြစ်ပြီး ရောနှောဆီတွေ ထုတ်လုပ်နေတဲ့ စက်ရုံတွေကို ရပ်ဆိုင်းခိုင်းထားတယ်လို့ လားရှိုးမြို့ စားသုံးသူရေးရာဦးစီးဌာန ဒုတိယပြည်နယ်ဦးစီးမှုး ဦးဇော်မင်းသန်း က ပြောပါတယ်။

ရွှေမန္တလေး၊ ချမ်းငြိမ်း၊ စူပါ၊ ချမ်းသာ၊ ဇာမဏီ စတဲ့ အမှတ်တံဆိပ်တွေနဲ့ ထုတ်လုပ်ရောင်းချနေတဲ့ စားသုံးဆီတွေ မှာ စစ်ဆေးတွေ့ရှိခဲ့တာဖြစ်ပါတယ်။ လားရှိုးမြို့က ဆီစက်တွေကနေ ထုတ်လုပ်တဲ့ စားသုံးဆီတွေကို ရှမ်းပြည်မြောက်ပိုင်းထဲက သီပေါ၊ မိုင်းရယ်၊ ကျောက်မဲ စတဲ့ မြို့နယ်တွေအထိ ဖြန့်ဖြူးရောင်းချကြတာဖြစ်ပါတယ်။

ဒါ့အပြင် တရုတ်နိုင်ငံက တရားမ၀င်တင်သွင်းထားတဲ့ ၀က်အူချောင်း၊ ကြက်အူချောင်း၊ ကြက်တောင်ပံ စတဲ့ အသင့် စားအစားအစာတွေကို ဈေးတွေမှာ ရောင်းချနေတာ တွေ့ရှိရပြီး အဲ့ဒီဈေးဆိုင်တွေကို မရောင်းချဖို့ သတိပေးခဲ့တယ် လို့ ဦးဇော်မင်းသန်းက ပြောပါတယ်။ လားရှိုးမြို့ စားသုံးသူရေးရာဦးစီးဌာန က စာသင်ကျောင်းတွေက မုန့်ဈေး တန်းတွေနဲ့ မူဆယ်ကနေ တင်လာတဲ့ တရုတ်မုန့်တွေကို ဖြန့်ဖြူးတဲ့နေရာတွေကိုလည်း ၀င်ရောက်စစ်ဆေးနေ တာဖြစ်ပါတယ်။

၂၀၁၄ခုနှစ် မတ် ၁၄ ရက်နေ့မှာ ထုတ်ပြန်လိုက်တဲ့ စားသုံးသူ ကာကွယ်ရေးဥပဒေအရ သတိပေးတာ ၊ လျော်ကြေးကောက်ခံတာ၊ ကုန်စည်ကို ကာလအကန့်အသတ်နဲ့ ရောင်းချခွင့်ပိတ်ပင်တာ၊ ကုန်စည်တွေ ကို ဈေးကွက်အတွင်းက ပြန်လည်သိမ်းဆည်းတာ၊ သိမ်းဆည်းထားတဲ့ ကုန်စည်တွေကို ဖျက်ဆီးတာ၊ ထုတ်လုပ်ခွင့်လိုင်စင်တွေကို ပိတ်သိမ်းတာတွေ ဆိုပြီး အဆင့်ဆင့်အရေးယူနိုင်တယ်လို့ ပြဌာန်းထားပါတယ်။

ဒါ့အပြင် ထောင်ဒဏ် ၃ နှစ်ကနေ အများဆုံး ဒဏ်ငွေ ကျပ်သိန်း ၅၀ အထိ ချမှတ်နိုင်တယ်လို့လည်း ပါရှိပါတယ်။

RFA Burmese
http://www.rfa.org/burmese


သင်္ဃန်းကျွန်းမြို့နယ်၌ ဖြစ်ပွားသော လူသတ်မှုအား လာရောက်တိုင်တန်း ခဲ့သည့် အချိန်မှ ၄ နာရီ(အချိန်တို)အတွင်း ရန်ကုန်တိုင်းဒေသကြီး ရဲတပ်ဖွဲ့မှ ဖော်ထုတ်ဖမ်းဆီးရမိ

ရန်ကုန်၊ ဇွန် ၂၁

၂၀.၆.၂၀၁၆ ရက်နေ့ ၀၈၃၀ အချိန်တွင် ကိုကျော်ရဲနိုင်၊ (၂၅)နှစ်၊ အကြီးတန်းစာရေး၊ ရင်းနှီးမြှုပ်နှံမှုနှင့် ကုမ္ပဏီများညွှန်ကြားမှု ဦးစီးဌာနရုံး၊ (ဘ)ဦးသိန်းနိုင်၊ အမှတ်(၁၃၁-A)၊ (ပ)ထပ်(ယာ)၊ (၅)လမ်း၊ စံပြ ရပ်ကွက်၊ သင်္ဃန်းကျွန်းမြို့နယ် နေသူသည် အလုပ်သို့သွားရောက်ခဲ့ပြီး ၁၇၃၀ အချိန်တွင် နေအိမ်သို့ ပြန်လာရာ နေအိမ်တိုက်ခန်းအောက်သို့ ရောက်ရှိစဉ် မိခင်ဖြစ်သူ ဒေါ်ခင်မြ၀င်း၊ (၅၃)နှစ်အား တိုက်အ၀င်လှေကားတံခါးသော့တောင်းရန် ဖုန်းဆက်သွယ်ရာ မရရှိသဖြင့် အိမ်နီးချင်းဖြစ်သူထံမှ သော့အားတောင်း၍ နေအိမ်သို့ဝင်ရောက်ခဲ့ရာ နေအိမ်နောက်ဖေး ရေချိုးခန်းအတွင်း၌ မိခင်ဖြစ်သူအား မျက်နှာဝဲဘက်ပြတ်ရှ၊ ဦးခေါင်းသွေးထွက်ဒဏ်ရာများဖြင့် သေဆုံးနေသည်ကိုတွေ့ရှိရ၍ ပြစ်မှုကျူးလွန်သူအား စုံစမ်းအရေးယူပေးရန် သင်္ဃန်းကျွန်းမြို့မရဲစခန်းသို့ လာရောက်တိုင်တန်းသဖြင့် (ပ)၅၇၆/၂၀၁၆၊ ရာဇသတ်ကြီးဥပဒေပုဒ်မ-၃၀၂ ဖြင့် အမှုဖွင့်ကာ စုံစမ်းဆောင်ရွက်ခဲ့ပါသည်။


အမှုနှင့်ပတ်သက်၍ ရန်ကုန်တိုင်းဒေသကြီးရဲတပ်ဖွဲ့မှူးရုံးမှတပ်ဖွဲ့ဝင်များ၊ အရှေ့ပိုင်းခရိုင်ရဲတပ်ဖွဲ့မှူး ရုံးမှတပ်ဖွဲ့ဝင်များနှင့် သင်္ဃန်းကျွန်းမြို့မရဲစခန်းမှ တပ်ဖွဲ့ဝင်များပူးပေါင်း၍ အထူးအမှုစစ်အဖွဲ့ ဖွဲ့စည်းကာ အခင်းဖြစ်ရပ်နှင့် ပတ်ဝန်းကျင်အား စုံစမ်းခဲ့ရာ ယင်းနေ့ ၁၀၀၀ အချိန်ခန့်က အခင်းဖြစ်တိုက်ခန်းပေါ်တွင် ဆူညံသံများကြားရပြီး “ဆရာမရယ်မလုပ်ပါနဲ့”ဟု အော်ဟစ်ပြောဆို သံများကြားရကြောင်း၊ တိုင်တန်းသူအား ဆရာမဆိုသူများနှင့် ဆက်စပ်သည့် သတင်းအား မေးမြန်းစုံစမ်းခဲ့ရာ လွန်ခဲ့သော ၂၀၀၇ ခုနှစ်ခန့်မှစတင်၍ ကျောင်းဆရာမ ဒေါ်အေးအေးမော်ဆိုသူနှင့် အဆက်အသွယ်ရှိကြောင်း သတင်းအတည်ပြုရရှိခဲ့ပါသည်။

အမှုစစ်အဖွဲ့မှ ဒေါ်အေးအေးမော်(ခ)အင်ကြင်းခိုင်၏လိပ်စာအား အဖွဲ့များခွဲ၍ စုံစမ်းဆောင်ရွက်ခဲ့ရာ ၎င်းသည် ၂၀၀၇ ခုနှစ်တွင် အထက(၂)ပုဇွန်တောင်မှ လှည်းကူးမြို့နယ်သို့ ပြောင်းရွှေ့သွားခဲ့ကြောင်း၊ ၂၀၁၅ ခုနှစ်တွင် လှည်းကူးမြို့နယ်မှ သင်္ဃန်းကျွန်းမြို့နယ်၊ သုဝဏ္ဏ အမှတ်(၇)မူလွန်ကျောင်းအုပ်ကြီးအဖြစ် ပြောင်းရွှေ့တာဝန်ထမ်းဆောင်ခဲ့ပြီး သင်္ဃန်းကျွန်းမြို့နယ်၊ ကြီးပွားရေးရပ်ကွက်၊ အနော်ရထာလမ်းတွင်နေထိုင်ကြောင်းသိရှိရ၍ ၂၂၃၀ အချိန်တွင် သွားရောက်ရှာဖွေခဲ့ရာ ၎င်းအားနေအိမ်တွင်မတွေ့ရှိဘဲ တစ်လမ်းတည်းနေ ၎င်း၏မွေးစားသမီးဖြစ်သူ နေအိမ်သို့ သွားရောက်ရှာဖွေခဲ့ရာ သမီးဖြစ်သူ မကျော့ကေခိုင်(ခ)ချစ်ပုနှင့် သားမက်ဖြစ်သူ ညီညီလင်းတို့ကိုသာတွေ့ရှိခဲ့ပြီး မကျော့ကေခိုင်(ခ)ချစ်ပု၏ ယာဘက်ချောင်းများတွင် ဒဏ်ရာအနည်းငယ်ရရှိ ထားသည်ကို တွေ့ရှိခဲ့သဖြင့် ရဲစခန်းသို့ ခေါ်ယူစစ်ဆေးခဲ့ပါသည်။

စစ်ဆေးချက်အရ ရဲတပ်ဖွဲ့ဝင်များမှ အခင်းဖြစ်ရပ်အားစစ်ဆေးစဉ် ပြစ်မှုကျူးလွန်သူကျန်ရစ်ခဲ့သော ကြယ်ပုံ ၂ ခုပါ ဘဲဥပုံ(ရွှေအတု)လော့ကက်သီးအား မွေးစားသမီးဖြစ်သူ မကျော့ကေခိုင်ထံပြသရာ ၎င်းပစ္စည်းမှာ မွေးစားမိခင် ဒေါ်အေးအေးမော်(ခ)အင်ကြင်းခိုင်၏ပစ္စည်းဖြစ်ကြောင်း ၀န်ခံပြောဆိုသဖြင့် ဒေါ်အေးအေးမော်သွားလာတတ်ရာ နေရာများအားမေးမြန်းရာ ၎င်း၏ မိခင်ဖြစ်သူ ဒေါ်အေးအေးမော်မှာ တောင်ဥက္ကလာပမြို့နယ်၊ စိန်တောင်ကြီး ဟိုတယ်သို့ သွားရောက်တည်းခိုလေ့ရှိကြောင်းသိရှိရသဖြင့် ၂၃၃၀ အချိန်တွင် ပူးပေါင်းအဖွဲ့မှ ၎င်းဟိုတယ်သို့ သွားရောက်ရှာဖွေရာ အခန်းအမှတ် (၂၁၅)တွင် ဒေါ်အေးအေးမော်အား အင်ကြင်းခိုင်အမည်ဖြင့် ကျော်ကျော်ဆိုသူနှင့်အတူ တည်းခိုနေထိုင်လျက်ရှိကြောင်း တွေ့ရှိရ၍ ၎င်းတို့အား ရဲစခန်းသို့ခေါ်ယူ စစ်ဆေးခဲ့ပါသည်။

အမှုနှင့်ပတ်သက်၍ ဒေါ်အေးအေးမော်(ခ)အင်ကြင်းခိုင်၊ မကျော့ကေခိုင် (ခ)ချစ်ပုနှင့် ညီညီလင်းတို့ အားစစ်ဆေးရာ ၎င်းတို့(၃)ဦးသည် ၂၀.၆.၂၀၁၆ ရက်နေ့ ၀၉၀၀ အချိန်ခန့်တွင် နေအိမ်မှထွက်လာခဲ့ပြီး သင်္ဃန်းကျွန်းမြို့နယ်၊ ငမိုးရိပ်စံပြ(၅)လမ်းထိပ်ရှိ လက်ဖက်ရည်ဆိုင်တွင် သားမက်ဖြစ်သူ ညီညီလင်း အားထား ခဲ့ကာ စံပြ(၅)လမ်း၊ အခင်းဖြစ်တိုက်ခန်းရှိ ဒေါ်ခင်မြ၀င်းထံ အကြွေးသွားတောင်း မည်ဟုပြောဆို၍ သမီးဖြစ်သူ ကျော့ကေခိုင်(ခ)ချစ်ပုနှင့်အတူ ထွက်ခွာသွားခဲ့ကြောင်း၊ နေအိမ်ပေါ်အရောက်တွင်ရရန်ရှိသော အကြွေးငွေ သိန်း(၃၀)တောင်းခံရာမှ တစ်ဦးနှင့်တစ်ဦး အချေအတင်စကားများကြပြီး ဒေါ်အေးအေးမော်(ခ)အင်ကြင်းခိုင်မှ ဒေါ်ခင်မြ၀င်းအား စတင်ရိုက်နှက်ရာ ဒေါ်ခင်မြ၀င်းမှ ဖုန်းအားသွင်းကြိုးဖြင့် လည်ပင်းအားရစ်ပတ်ဆွဲသဖြင့် မကျော့ကေခိုင်(ခ)ချစ်ပုမှ ၀င်ရောက် ရိုက်နှက်ခဲ့ကြောင်း၊ ဒေါ်ခင်မြ၀င်းမှ နောက်ဖေးမီးဖိုမှ ဓားမအား ယူဆောင်၍ခုတ်ရာ မကျော့ကေခိုင်(ခ)ချစ်ပု၏ ယာဘက်လက်ချောင်းတွင် ဒဏ်ရာများ ရရှိခဲ့သဖြင့် ဒေါ်အေးအေးမော်(ခ)အင်ကြင်းခိုင်မှ ဒေါ်ခင်မြ၀င်းအား ရေချိုးခန်းအတွင်းသို့တွန်းလှဲကာ လည်ပင်းနှင့်ပါးများကို ဓားမဖြင့် ထိုးခုတ်ခဲ့ကြောင်း၊ ယင်းနောက် သမီးဖြစ်သူအား အိပ်ခန်းအတွင်းမှ ခေါင်းအုံးယူခိုင်းကာ ဒေါ်ခင်မြ၀င်း၏ မျက်နှာအား အသက်ရှူရပ်သည်အထိ ဖိထားပြီး ဒေါ်ခင်မြ၀င်း ၀တ်ဆင်ထားသော ရွှေဆွဲကြိုးနှင့် လက်ကောက်(၃)ကွင်းအား ဖြုတ်ယူ၍ လက်ဖက်ရည်ဆိုင်မှ သားမက်ဖြစ်သူအား ခေါ်ဆောင်ပြီး နေအိမ်သို့ပြန်လာခဲ့ကြကြောင်း၊ ရွှေဆွဲကြိုးနှင့် ရွှေလက်ကောက်တို့အား ၁၄၀၀ အချိန်ခန့်တွင် ဒဂုံမြို့သစ်(တောင်ပိုင်း)မြို့နယ်၊ (၂၄)ရပ်ကွက်၊ စည်ပင်လမ်း၊ အမှတ်(၉၉)ရှိ “ပို့ပို့” အပေါင်ဆိုင်နှင့် ငွေချေးလုပ်ငန်းသို့သွားရောက်၍ မကျော့ကေခိုင်၊ သားမက်ဖြစ်သူ ညီညီလင်းတို့နှင့်အတူ ငွေကျပ် (၂၁)သိန်းဖြင့် ပေါင်နှံခဲ့ခြင်းဖြစ်ကြာင်း ပေါ်ပေါက်ခဲ့ပါသည်။

ပေါ်ပေါက်ချက်အရ အမှုမှသက်သေခံရွှေထည်ပစ္စည်းများအား မူလပုံမပျက် ပြန်လည်သိမ်းဆည်းနိုင်ခဲ့ကာ ပြစ်မှုကျူးလွန်သူ ဒေါ်အေးအေးမော်(ခ)အင်ကြင်းခိုင်၊ (၄၆)နှစ်နှင့် မကျော့ကေခိုင်(ခ)ချစ်ပု၊ (၂၆)နှစ်တို့အား အခင်းဖြစ်ပွားပြီး လာရောက်တိုင်တန်းသည့် ၁၉၃၀ အချိန်မှစတင်၍ ၄ နာရီအတွင်း ရန်ကုန်တိုင်းဒေသကြီး ရဲတပ်ဖွဲ့မှဖမ်းဆီးနိုင်ခဲ့ပြီး အမှုဖြင့် အရေးယူဆောင်ရွက် လျက်ရှိကြောင်း သတင်းရရှိပါသည်။

Yangon Police
https://www.facebook.com/yangonpolice/



Federica Mogherini
မြန်မာနိုင်ငံ ဒီမိုကရေစီ၊ ငြိမ်းချမ်းရေးနဲ့ သာယာဝပြောရေးအတွက် မြန်မာနိုင်ငံနဲ့ လက်တွဲဆောင်ရွက်သွားမဲ့ EU ဥရောပသမဂ္ဂရဲ့ မဟာဗျူဟာ အပေါ် EU ရဲ့ မူဝါဒ ဆိုင်ရာနဲ့ ဥပဒေ ဆုံးဖြတ်ချက်တွေကို ချမှတ်တဲ့ ဥရောပကောင်စီက ခြုံငုံ သုံးသပ်ချက် ထုတ်ပြန်ခဲ့ပါတယ်။

ငြိမ်းချမ်းရေး၊ အမျိုးသားပြန်လည် သင့်မြတ်ရေးနဲ့ ချမ်းသာ ဝပြောရေးတို့အတွက် ကြိုးပမ်းနေတဲ့ မြန်မာနိုင်ငံမှာ ကြုံတွေ့ရမဲ့ စိန်ခေါ်မှုတွေကို ကျော်လွှားနိုင်ဖို့အတွက် EU က ပူးပေါင်း ဆောင်ရွက်မှုကို တိုးမြှင့်ပြီး၊ ကျိုးကြောင်းဆီလျော်၊ ရည်မှန်းချက် ကြီးပြီး အနာဂါတ်ကို ဦးတည်တဲ့ ထိတွေ့ဆက်ဆံမှုတွေလုပ်သွားမဲ့ အစီအစဉ်တွေကို EU က ဥရောပကောင်စီကို ချပြခဲ့တာပါ။

EU ရဲ့ အစီအစဉ်တွေထဲမှာ မြန်မာစစ်တပ် အပါအဝင် မြန်မာ့နိုင်ငံရေးမှာ အရေးပါတဲ့ သူတွေအားလုံးနဲ့ EU ဥရောပသမဂ္ဂက ထိတွေ့ ဆက်ဆံမှုတွေကို တိုးချဲ့သွားဖို့လဲ ပါဝင်ပါတယ်၊ မြန်မာ အစိုးရသစ်အနေနဲ့ ဒီမိုကရေစီစနစ် ခိုင်မာအောင် ဆောင်ရွက်နေတဲ့ နေရာမှာ ဖွဲ့စည်းပုံ ပြင်ဆင်ရေးဟာ အဓိက အရေးကြီးတဲ့ ကိစ္စဖြစ်တယ်လို့ EU က မှတ်ယူထား ပါတယ်။

လူ့အခွင့်အရေး အခြေအနေ တိုးတက်ဖို့ အတွက်မှာလဲ မြန်မာနိုင်ငံမှာ ကျင့်သုံးနေတဲ့ ဥပေဒတွေကို နိုင်ငံတကာ စံချိန် စံညွှန်းတွေနဲ့ အညီဖြစ်အောင် ဆက်ပြီး လုပ်သွားဖို့အတွက်လဲ EU က မြန်မာအစိုးရကို အားပေးပါတယ်။

လူ့အခွင့်အရေး ဆိုင်ရာ ကုလသမဂ္ဂ ကော်မရှင်နာ မင်းကြီးရုံးကို မြန်မာနိုင်ငံမှာ ဖွင့်လှစ်ရေး အပါအင် ကုလသမဂ္ဂလူ့အခွင့်အရေးကောင်စီရဲ့ ၃၁ ကြိမ်မြောက် အစည်းအဝေးမှာ ဆုံးဖြတ်ခဲ့တဲ့ အကြံပြုချက်တွေအတိုင်း ဆောင်ရွက်ဖို့ EU ရဲ့တိုက်တွန်းချက် ကလဲ မြန်မာနိုင်ငံဆိုင်ရာ မဟာဗျူဟာထဲမှာ ပါဝင် ပါတယ်။

မြန်မာနိုင်ငံက လူနည်းစုတွေရဲ့ အခွင့်အရေးကို အကာအကွယ်ပေးဖို့၊ မတူတဲ့ ဘာသာ လူမျိုးစုတွေကြား သည်းခံ နားလည်ကြစေဖို့၊ လူမှုအသိုင်းအဝိုင်းထဲ အားလုံး ပါဝင်လာကြစေဖို့နဲ့ အစွန်းရောက်မှုအားလုံးကို တိုက်ဖျက်ဖို့အတွက် အစိုးရအနေနဲ့ အစပြုဆောင်ရွက်မှုတွေ လုပ်ဖို့လဲ EU က ခိုင်ခိုင်မာမာ တိုက်တွန်းထားပါတယ်။ ရိုဟင်ဂျာတွေရဲ့ အခြေအနေပါအဝင် ရခိုင်ပြည်နယ်က စိန်ခေါ်မှုတွေကို ဖြေရှင်းနိုင်ဖို့ မြန်မာအစိုးရရဲ့ အားထုတ်မှုတွေကို EU က အပြုသဘော မြင်တဲ့ အကြောင်းလဲ ပါဝင်ပါတယ်။

ရခိုင်ပြည်နယ်မှာ နေထိုင်ကြသူ အားလုံးရဲ့ လူ့အခွင့်အရေး တိုးတက်စေဖို့နဲ့ သာယာ ဝပြောရေးကို အဓိက ဦးတည်ပြီး EU အနေနဲ့ အမေရိကန်အစိုးရ၊ ဒေသက အရေးပါသူတွေနဲ့ တွေ့ဆုံ ဆွေးနွေးမှုတွေ လုပ်သွားဖို့ EU ရဲ့ မဟာဗျူဟာကို ဥရောပကောင်စီက ထောက်ခံပါတယ်။ ငြိမ်းချမ်းရေးနဲ့ အမျိုးသား ပြန်လည် သင့်မြတ်ရေးကို အစိုးရသစ်က ဦးစားပေးဆောင်ရွက်နေတဲ့အပေါ် ဥရောပကောင်စီက ကြိုဆိုတဲ့အကြောင်း June လ၂၀ ရက် တနင်္လာနေ့က ထုတ်ပြန်တဲ့ EU မဟာ ဗျူဟာအပေါ် ဥရောပကောင်စီရဲ့ သုံးသပ်ချက် မှာ ဖော်ပြထားပါတယ်။

ငြိမ်းချမ်းရေး ရဖို့နဲ့ သင့်မြတ်ရေး လုပ်ငန်းစဉ်တွေမှာ EU က နိုင်ငံရေးအရ ပံ့ပိုးမှုပေးသွားမဲ့ အပြင် ငြိမ်းချမ်းရေး ပူးတွဲ ရန်ပုံငွေထဲကိုလဲ ထည့်ဝင် ကူညီသွားမဲ့ အစီအစဉ်ကို ဥရောပကောင်စီက လက်ခံခဲ့ပါတယ်။

မြန်မာနိုင်ငံ ပြုပြင်ပြောင်းလဲရေး အစီအစဉ်တွေကို ထောက်ခံဖို့အတွက် အရေးကြီးတဲ့ အကြောင်းကိုလဲ ဥရောပကောင်စီက ထပ်ပြီး ထောက်ပြထားပါတယ်။ ခက်ခဲ နက်နဲတဲ့ ရခိုင်ပြည်နယ်က ပြဿနာတွေကို ဖြေရှင်းရေးမှာ EU အနေနဲ့ ဘက်ပေါင်းစုံက ချည်းကပ်ဆောင်မယ့် အစီအစဉ်၊ လူ့အခွင့်အရေး ဆောင်ရွက်နေ သူတွေ၊ အင်အားနည်းတဲ့ အဖွဲ့အစည်းတွေ လူနည်းစုတွေရဲ့ အခွင့်အရေး တိုးတက်အောင် EU က ဆက်ပြီး ဆောင်ရွက်မယ့် အစီအစဉ်၊ မြန်မာနိုင်ငံရဲ့ လူ့အခွင့်အရေး မှတ်တမ်းတွေ တိုးတက်လာစေဖို့ EU ကဆက်ပြီး အလေးထား ဆောင်ရွက်သွားမယ့် အစီအစဉ် စတဲ့ ဦးစားပေး အစီအစဉ်တွေကို အကောင်အထည် ဖော်နိုင်ရေးမှာ EU နိုင်ငံခြားရေးနဲ့ လုံခြုံရေး မူဝါဒရေးရာ အကြီးအကဲနဲ့ ဥရောပကော်မရှင်တို့က EU အဖွဲ့ဝင်နိုင်ငံတွေနဲ့ အနီးကပ် ဆောင်ရွက်ဖို့အတွက် ဥရောပကောင်စီက တိုက်တွန်းထားပါတယ်။

ခုလို EU ဥရောပသမဂ္ဂရဲ့ မြန်မာနိုင်ငံဆိုင်ရာ မဟာဗြူဟာတွေကို ဥရောပကောင်စီ က ခြုံငုံ သုံးသပ်ပြီး ထောက်ခံခဲ့တာဟာ ဒီမိုကရေစီ လမ်းပေါ် လျှောက်နေ တဲ့ မြန်မာနိုင်ငံနဲ့ ပြုပြင် ပြောင်းလဲရေးတွေ လုပ်နေတဲ့ အစိုးရ အပေါ် ထောက်ခံ ကူညီသွားမယ်ဆိုတာကို ထပ်ပြီး အခိုင်အမာ ပြသခဲ့တာဖြစ်တယ်လို့ EU နိုင်ငံခြားရေးနဲ့ လုံခြုံရေး မူဝါဒရေးရာ အကြီးအကဲ Federica Mogherini (မိုဂါရီနီ) က ကြေညာချက် ထဲမှာ ဖော်ပြပြောဆို ထားပါတယ်။

 မစုမြတ်မွန် / ဗွီအိုအေ (မြန်မာပိုင်း)
http://burmese.voanews.com



ဒေါ်အောင်ဆန်းစုကြည်နှင့် ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူး ကိုယ်စားလှယ် မစ္စ Yanghee lee တွေ့ဆုံ နေစဉ်။ ဓါတ်ပုံ (MOFA)
မြန်မာနိုင်ငံ ရခိုင်ပြည်နယ်က လူမှုအသိုင်းအ၀ိုင်းကြားမှာ ဖြစ်ပွားခဲ့တဲ့ ပဋိပက္ခတွေ အရေး ဖြေရှင်းရာမှာ အဟန့်အတား ဖြစ်စေနိုင်တာကြောင့် ရိုဟင်ဂျာ ဆိုတဲ့ အမည်ကို အစိုးရက သုံးနှုန်းမှာ မဟုတ်တဲ့အကြောင်း ကုလသမဂ္ဂ လူ့အခွင့်အရေး ကိုယ်စားလှယ်နဲ့ ဒီကနေ့ တွေ့ဆုံရာမှာ နိုင်ငံခြားရေး ၀န်ကြီး ဒေါ်အောင်ဆန်းစုကြည်က ပြောဆိုလိုက်ပါတယ်။ ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူး ကိုယ်စားလှယ် Yanghee Lee နဲ့ နေပြည်တော်မှာ တွေ့ဆုံရာမှာ အစိုးရရဲ့ ရပ်တည်ချက်ကို အခုလို ရှင်းပြခဲ့တာပါ။ ကိုအောင်အောင်က တင်ပြပေးထားပါတယ်။

မြန်မာနိုင်ငံ ရခိုင်ပြည်နယ် အတွင်းက အခုလို လူ့ အသိုင်းအ၀ိုင်း ၂ ရပ်ကြားက ပဋိပက္ခတွေကို ဖြေရှင်းရာမှာ အနှောက်အယှက်ဖြစ်စေတဲ့ အသုံးအနှုန်း မျိုးကို ရှောင်ကျဉ်စေလိုကြောင်း နိုင်ငံခြားရေးဝန်ကြီး ဒေါ်အောင်ဆန်းစုကြည်က ကုလ လူ့အခွင့်အရေး အထူးကိုယ်စားလှယ် ယန်ဟီးလီးနဲ့ တွေ့ဆုံ ရာမှာ ပြောကြားခဲ့တယ်လို့ နိုင်ငံခြားရေး ၀န်ကြီးဌာန အမြဲတန်းအတွင်းဝန် ဦးအောင်လင်းက ပြောပါတယ်။

“မြန်မာနိုင်ငံနဲ့ ကုလသမဂ္ဂ ကြားထဲမှာ ကျွန်တော်တို့ ရခိုင်ကိစ္စကို ပြေလည်ဖို့ကို အထောက်အကူ မဖြစ်စေတဲ့ စကားလုံး အသုံးအနှုန်းတွေကို မသုံးသင့်ပါဘူး ဆိုတဲ့ ဟာကို ကျွန်တော်တို့ နိုင်ငံခြားရေး ၀န်ကြီးက ပြောခဲ့ပါတယ်။ ”

လူ့အခွင့်အရေး အထူးကိုယ်စားလှယ်က မြန်မာအစိုးရသစ် ရက်ပေါင်း ၁၀၀ အတွင်း ဆောင်ရွက်ဖို့ တိုက်တွန်းချက်တွေကို ပြီးခဲ့တဲ့ မတ်လထဲ ကုလသမဂ္ဂ လူ့အခွင့်အရေး ကောင်စီကို တင်ပြရာမှာတော့ ရိုဟင်ဂျာမူဆလင်တွေရဲ့ နိမ့်ကျတဲ့ အခြေအနေတွေကို တိုးတက်အောင် ဆောင်ရွက်ဖို့ ထည့်သွင်းထားတာပါ။ ကုလသမဂ္ဂနဲ့ နိုင်ငံတကာ လူ့အခွင့်အရေး အဖွဲ့အစည်းတွေကတော့ ရိုဟင်ဂျာတွေ အပေါ် ခွဲခြားဆက်ဆံမှုတွေ မလုပ်ဖို့ဆိုပြီး တိုက်တွန်းမှုတွေ ရှိနေတာ ဖြစ်ပါတယ်။ HRW လို့ ခေါ်တဲ့ လူ့အခွင့်အရေးအဖွဲ့ကြီးရဲ့ အာရှရေးရာ ညွှန်ကြားရေးမှုး Brad Adam ကတော့ လူမျိုးစုတစုရဲ့ တည်ရှိမှုကို ဖုံးကွယ်ဖို့ ကြိုးစားတာ ဟာ ပြဿနာကို ဖြေရှင်းရာ မရောက်ဘဲ ပိုကြီးထွားစေတယ်လို့ ဆိုပါတယ်။

”သူတို့ဟာ ဘင်္ဂါလီဆိုတာထက် ရိုဟင်ဂျာလို့ ခံယူထားသူတွေပါ။ သူတိုိ့ကို မြန်မာနိုင်ငံသား ရိုဟင်ဂျာလို့ပဲ သုံးနှုန်းသင့်ပါတယ်။ သူတို့ဟာ နိုင်ငံသားတွေ ဖြစ်သင့်ပါတယ်။ ဒါကို လစ်လျူရှုတယ်ဆိုရင်တော့ ရလာဘ် ကောင်းထွက်မှာမဟုတ်ဘဲပြဿနာပိုကြီးထွားဖို့ပဲရှိပါတယ်။ အသားအရောင်နဲ့ ကိုးကွယ်တဲ့ ဘာသာကြောင့် ခွဲခြားဆက်ဆံတာဆိုရင် ဒါဟာ လူမျိုးရေးခွဲခြားမှုပါ။ လက်ရှိ အစိုးရအနေနဲ့ ရိုဟင်ဂျာအပေါ် နိုင်ငံသားတွေလို တန်းတူထား ဆက်ဆံ သင့်ပါတယ်။”

သမ္မတ ဦးသိန်းစိန် ဦးဆောင်တဲ့ အစိုးရလက်ထက်တုန်းက ရိုဟင်ဂျာတွေအပေါ် ဖိနှိပ်မှုကို အဆုံးသတ်ဖို့ တောင်းဆိုတဲ့ မြန်မာနိုင်ငံဆိုင်ရာ ကုလ အထူးကိုယ်စားလှယ်ကို ယန်ဟီးလီးကို သဘောထားပြင်းထန်တဲ့ ဗုဒ္ဓဘာသာ ဘုန်းတော်ကြီးနဲ့ လူပုဂ္ဂိုလ် တချို့က ပြင်းပြင်းထန်ထန် စကားလုံးတွေနဲ့ တိုက်ခိုက် ပြောဆိုခဲ့ပါတယ်။ ဒါပေမယ့်လည်း လူ့အခွင့်အရေး အဖွဲ့ဖြစ်တဲ့ HRW ကတော့ လူမျိုးတမျိုးရဲ့ ဖြစ်တည်မှုကို လစ်လျူရှုလို့ မရဘူးလို့ ဆိုပါတယ်။ Brad Adam က ခုလို ပြောပါတယ်။

“မြန်မာနိုင်ငံက လူ့အခွင့်အရေး အခြေအနေတွေ တိုးတက်လာတာတော့ အမှန်ပါ။ နိုင်ငံရေးအကျဉ်းသားတွေကို လွှတ်ပေးလာတယ်။ မီဒီယာ လွတ်လပ်ခွင့်တွေလည်း ရှိလာပါတယ်။ ဒါပေမယ့် လူ့အခွင့်အရေးနဲ့ ပါတ်သတ်ပြီး ဖြေရှင်းရမှာတွေ အများကြီးရှိနေပါသေးတယ်။ ကျနော်တို့ကတော့ ရိုဟင်ဂျာဆိုတာကို ဆက်သုံးသွားမှာပါ။ မြန်မာနိုင်ငံအပြင်ဘက်က အစိုးရ၊ အဖွဲ့အစည်းတွေ၊ မီဒီယာတွေအနေနဲ့လည်း ဆက်သုံးသင့်ပါတယ်။”

ရခိုင်ပြည်နယ်က အသိုင်းအ၀ိုင်းနှစ်ခုကြားက ပဋိပက္ခကို ဖြေရှင်းရာမှာ လုံလောက်တဲ့ အချိန်ပေးဖို့ မြန်မာနိုင်ငံခြားရေးဝန်ကြီး ဒေါ်အောင်ဆန်းစုကြည်က အမေရိကန် နိုင်ငံခြားရေးဝန်ကြီး ဂျွန်ကယ်ရီနဲ့ ပူးတွဲသတင်းစာ ရှင်းလင်းပွဲအတွင်း ပြောကြားခဲ့သလိုဒီပြသနာကိုဖြေရှင်းရာမှာ အမေရိကန် ဘက်ကလည်း ဒေါ်အောင်ဆန်းစုကြည်ကို ကူညီပြီး ပူးပေါင်းဆောင်ရွက် မှာ ဖြစ်ကြောင်း အမေရိကန်နိုင်ငံခြားရေး ၀န်ကြီး ဂျွန်ကယ်ရီက လည်း ပြောကြားခဲ့ဘူးပါတယ်ခင်ဗျာ။

 အောင်အောင် / ဗွီအိုအေ (မြန်မာပိုင်း)
http://burmese.voanews.com



 ဗြိတိန် နိုင်ငံသား တစ်ဦးဖြစ်တဲ့ အသက် ၁၉ နှစ် အရွယ် မိုက်ကယ် ဆန်းဖို့ဒ်။
ရီပတ်ဘလေကဲန် သမ္မတလောင်း ဖြစ်လာတော့မယ့် ဒေါ်နယ် ထရမ့် ရဲ့ လာ့စ် ဗေးဂတ်စ် မဲဆွယ်ပွဲ အတွင်း ရဲ အမှုထမ်းရဲ့ သေနတ်ကို ဆွဲယူ ခဲ့မှုနဲ့ အဖမ်းခံ ထားရတဲ့ မိုက်ကယ် စတီဗင် ဆန်းဖို့ဒ်က သူဟာ မစ္စတာ ထရမ့်ကို ပစ်ခတ် လိုသူ ဖြစ်တယ် လို့ ထွက်ဆိုခဲ့ကြောင်း အမေရိကန် တရားရုံးတော် တစ်ခုက ထွက်ပေါ်လာတဲ့ စာရွက် စာတမ်းတွေ အရ သိရပါတယ်။

ဗြိတိန် နိုင်ငံသား တစ်ဦးဖြစ်တဲ့ အသက် ၁၉ နှစ် အရွယ် မိုက်ကယ် ဆန်းဖို့ဒ်ဟာ ဒေါ်နယ် ထရမ့်ကို သတ်နိုင်ဖို့ အတွက် နယူးဂျာဆီ ကနေ ကာလီဖိုးနီးယား အထိ ကားမောင်း သွားခဲ့တာ ဖြစ်တယ် လို့လည်း ထွက်ဆို ခဲ့ပါတယ်။

ဒေါ်နယ် ထရမ့်ကို တိုက်ခိုက် နိုင်အောင် ကြံစည်နေတာ တစ်နှစ်လောက် ရှိပြီလို့လည်း သူက ဆိုထားပါတယ်။

တခါ၊ မစ္စတာ ထရမ့်က သူ့ရဲ့ မဲဆွယ်ပွဲတွေကို စီစဉ် ကြီးကြပ် ပေးနေခဲ့သူ မန်နေဂျာ ကိုရီ လူအန်ဒေါင်စကီး ကို အလုပ် ဖြုတ်လိုက်ပါတယ်။

မစ္စတာ ထရမ့် အသစ်ငှားရမ်း လိုက်တဲ့ သူတွေနဲ့ မစ္စတာ လူအန်ဒေါင်စကီးတို့ အကြား သဘောထားကွဲ အချင်း များခဲ့ကြတယ်လို့ ဝါရှင်တန်မှာ ရှိတဲ့ ဘီဘီစီ သတင်းထောက်က ပြောပါတယ်။

ကျင်းပ လာတော့မယ့် အထွေထွေ ရွေးကောက်ပွဲ အတွက် ရည်ရွယ်ပြီး မဲဆွယ် စည်းရုံးမှု ပုံစံတွေကို ပြန်လည် သုံးသပ် ပြင်ဆင်ဖို့ မစ္စတာ ထရမ့်ဟာ ပိုပြီး သမားရိုးကျ ဆန်တဲ့ မဲဆွယ် စည်းရုံးပုံ နည်းလမ်းတွေဘက် အားသန်တဲ့ ကျွမ်းကျင်သူတွေကို လတ်တလောမှာပဲ ငှားရမ်း ခဲ့တာ ဖြစ်ပါတယ်။

အိုလန်ဒို ပစ်ခတ်မှုနဲ့ ပတ်သက်ပြီး မစ္စတာ ထရမ့် ပြုလုပ်ခဲ့တဲ့ သဘောထား မှတ်ချက်တွေ အပါအဝင် သူ့ရဲ့ ပြောပုံ ဆိုပုံတွေဟာ မဲဆန္ဒ ရှင်တွေနဲ့ မစ္စတာ ထရမ့်ကြား ဝေးကွာ သွားနိုင်တယ် ဆိုပြီး ရီဘန်ဘလေကင် ပါတီဘက်ကလည်း စိုးရိမ်မှုတွေ တိုးမြင့်နေပါတယ်။

BBC Burmese
http://www.bbc.com/burmese



အိုလန်ဒိုမြို့ ပစ်ခတ်မှုကျူး လွန်ခဲ့သူ Omar Saddiqui Mateen။
အမေရိကန် သမိုင်းမှာ အဆိုးဝါးဆုံး သေနတ်ပြစ်ခတ်မှုကို ကျူးလွန်ခဲ့တဲ့ သေနတ်သမား Omar Mateen ဟာ လူပေါင်း ၄၉ဦးကို ပစ်သတ်နေတဲ့ အချိန်အတွင်းမှာပဲ၊ 911 အရေးပေါ် ဖုန်းလိုင်းကို ခေါ်ဆိုပြီး၊ အစပိုင်းမှာ အာရပ်ဘာသာစကားနဲ့ ပြောဆိုပြီး၊ သူ့ကိုယ်သူ အစ္စလာမ်မစ် စစ်သည်တော် တစ်ဦးဖြစ်တယ်လို့ ပြောခဲ့တယ်လို့ အမေရိကန် ဗဟို အစိုးရ ထောက်လှမ်းရေး ဗျူရို FBI အဖွဲ့က ထုတ်ပြန်လိုက် ပါတယ်။

သေနတ်သမားနဲ့ 911 အရေးဖော် ဖုန်းအော်ပရေတာတို့ အပြန်အလှန် စကားပြောကြားချက်တွေကို တနင်္လာနေ့က ထုတ်ပြန်လိုက် ရာမှာ သေနတ် သမားဟာ ဂျွန်လ ၁၂ရက်နေ့ မနက် အစောပိုင်းအချိန်မှာ Pulse နိုက်ကလပ်ကနေ 911 ဖုန်းနံပါတ်ကိုခေါ်ဆိုပြီး၊ ဖုန်းအော်ပရေတာကို ကျွန်တော် အောလန်ဒိုမြို့မှာပါ။ ကျွန်တော် ပစ်ခတ်မှုတွေ လုပ်ခဲ့ပါတယ်လို့ ပြောခဲ့တယ်လို့ ဆိုပါတယ်။

အခု ထုတ်ပြန်လိုက်တဲ့ သေနတ်သမားနဲ့ အပြန်အလှန် စကားပြောဆိုမှု စာသားတွေမှာ သေနတ်သမား က IS အဖွဲ့နဲ့ အဖွဲ့ခေါင်းဆောင် Abu Bakr al-Baghdadi တို့ကို သစ္စာခံတဲ့အကြောင်း ပြောဆိုထားတဲ့ အပိုင်းတွေ ကို ဖြတ်တောက်ထားတယ်လို့ အာဏာပိုင်တွေက ပြောပါတယ်။ အပြန်အလှန် စကားပြောဆိုနေ တဲ့ အသံဖိုင်ကို အာဏာပိုင်တွေက ထုတ်ပြန်ပေးဖို့ ငြင်းဆန် ထားပါတယ်။

နောက်ဆုံးမှာ ရဲတပ်ဖွဲ့ဝင်တွေ ပစ်ခတ် နှိမ်နှင်းတာ ခံလိုက်ရတဲ့ Mateen ဟာ စေ့စပ် ညှိနှိုင်းသူတွေနဲ့ သုံးကြိမ်တိတိ ဖုန်းပြောဆိုခဲ့ရာမှာ၊ သူက အမေရိကန် ပြည်ထောင်စုဟာ ဆီးရီးယားနဲ့ အီရတ်မှာ ဗုံးကျဲတိုက်ခိုက်ခဲ့တဲ့အတွက် အခုလို လက်တုန့်ပြန် တိုက်ခိုက်တာ ဖြစ်တယ်လို့ ပြောခဲ့ကြောင်း FBI တာဝန်ရှိသူတွေက ပြောပါတယ်။

 ဗွီအိုအေ (မြန်မာပိုင်း)
http://burmese.voanews.com


21June 2016

ထိုင်းနိုင်ငံ ဘန်ကောက်မြို့ မှာမနေ့ ညပိုင်းကစပြီး မိုးအဆက်မပြတ် ရွာနေခဲ့လို့  ယနေ့ မနက် မြို့ တွင်းလမ်းမကြီးတွေမှာ ရေကြီးနေပြီ ဖြစ်ကြောင်း သိရပါတယ်။

တပေကျော်တက်လာတဲ့ရေက ရချဒါ-ဗဟိုရိုသင်-လတ်ဖေါဝ် -၀ိဖ၀တီ စတဲ့ မြို့ တွင်းသွား အဓိကလမ်းတွေမှာ ရေတွေပိတ်ဆို့ နေတာကြောင့် ကားလမ်း ပိတ်ဆို့ မှုတွေ ဖြစ်နေပါတယ်။ ကားငယ်နဲ့  ဆိုင်ကယ်တွေ ဆက်မသွားနိုင်ကြတော့ဘဲ ရပ်နေခဲ့ရပါတယ်။

ဒီနေ့ မနက် ရေကြီးတဲ့နေရာတွေကို ဘန်ကောက်မြို့ တော်ဝန် လိုက်လံ စစ်ဆေးနေတာကိုလည်းတွေ့ ရပါတယ်။

ထိုင်းနိုင်ငံမှာ၂၀၁၁ခုနှစ်တုံးကယခုလို မျိုးအဆက်မပြတ်ရွာတဲ့မိုးကြောင့် ကျောက်ဖရား မြစ်ရေလျံတက်ခဲ့ပြီးဘန်ကောက်မြို့ နဲ့ နယ်တွေမှာခြောက်လကျော် ရေကြီးနေခဲ့ဘူးပြီး လူ ၈၀၀ ကျော်သေဆုံးခဲ့ပါတယ်။

Social Action for Women - SAW
Photo Mathichon Thai PBS



ထိုင်းတောင်ပိုင်း ဖူးခက်မြို့တွင် ထိုင်းအာဏာပိုင်တွေရဲ့ ထိန်းသိမ်းခြင်းခံရတဲ့ ရိုဟင်ဂျာလှေစီးပြေးဒုက္ခသည်များ (ဇန်နဝါရီ ၁၊ ၂၀၁၃) (AP Photo)
ပင်လယ်ပြင်မှာ လူကုန်ကူးသူတွေ စွန့်ပြစ်ခံခဲ့ရတဲ့ မြန်မာနိုင်ငံက မွတ်ဆလင် ဒုက္ခသည် ၇ ထောင်လောက် အခြေချ နေထိုင်နိုင်ရေး တိုးတက်မှုရှိစေဖို့ အာဆီယံ အဖွဲ့အနေနဲ့ ဆောင်ရွက်ပေးဖို့ လူ့အခွင့်အရေး အဖွဲ့တွေက တောင်းဆို လိုက်ကြပါတယ်။

ပြီးခဲ့တဲ့ နှစ်တုန်းက လူကုန်ကူးသူတွေ အပေါ် ထိုင်း အာဏာပိုင်တွေ နှိမ်နှင်းခဲ့တဲ့ အတွက် လူကုန်ကူးသူတွေဟာ ငွေကြေး လက်ခံခေါ်လာသူ ထောင်နဲ့ချီကို ပင်လယ်ထဲမှာ စွန့်ပစ်ခဲ့တာပါ၊

အဲဒီထဲက အများစုဟာ ရခိုင်ပြည်နယ်က ရိုဟင်ဂျာတွေဖြစ်ကြပါတယ်။ သူတို့ကို ကယ်တင်ခဲ့ပြီး ၁ နှစ်ကြာလာတဲ့အထိ ထောင်နဲ့ချီတဲ့ ရိုဟင်ဂျာတွေဟာ ထိန်းသိမ်းရေး စခန်းတွေမှာပဲ ရှိနေကြဆဲဖြစ်ပါတယ်။

လူ့အခွင့်အရေးအဖွဲ့တွေရဲ့ အဆိုအရ မလေးရှားနိုင်ငံမှာတင် ၂၅၀၀ လောက်ရှိပြီး ထိုင်းနဲ့ အင်ဒိုနီးရှားနိုင်ငံတွေက စခန်းတွေမှာလဲ ထောင်နဲ့ချီရှိနေကြပါတယ်။

ထိုင်း အစိုးရနဲ့ အာဆီယံအဖွဲ့ကြီးဆီမှာ ဒီလူကုန်ကူးခံရသူတွေပြဿနာ ဖြေရှင်းဖို့ တိကျတဲ့ မူဝါဒမရှိဘူးလို့ လူ့အခွင့်အရေး အဖွဲ့တွေက ထောက်ပြကြပါတယ်။

ထိုင်းနိုင်ငံကို အခု သီတင်းပါတ်ထဲမှာ သွားရောက်မဲ့ မြန်မာနိုင်ငံခြားရေး ဝန်ကြီး ဒေါ်အောင်ဆန်းစုကြည်က ရိုဟင်ဂျာ ပြဿနာကို ဖြေရှင်းဖို့ နိုင်ငံတကာ အသိုင်းအဝိုင်း အနေနဲ့ မြန်မာနိုင်ငံကို အချိန်ပေးဖို့ ပြောကြားခဲ့ပါတယ်။

ရိုဟင်ဂျာတွေ နိုင်ငံသားဖြစ်ရေးကိစ္စအပါအဝင် ဒေါ်အောင်ဆန်းစုကြည်ရဲ့ ခရီးစဉ် အတွင်း အကြံပြုချက်တွေ ပေးနိုင်ဖို့ အရပ်ဖက် လူထုအခြေပြု အဖွဲ့တွေက မျှော်လင့် နေကြပါတယ်။

  ဗွီအိုအေ (မြန်မာပိုင်း)
http://burmese.voanews.com


ဇွန် ၂၀ရက်၊ ၂၀၁၆ခုနှစ်။ နန်းဝေဖြိုးဇာ

ကရင်ပြည်နယ်အတွင်း အမှတ်(၃၃၈)နှင့် (၃၃၉) ခြေမြန်တပ်ရင်း၊ ပြည်နယ်အကျဉ်းဦးစီးဌာနနှင့် ယခင် အမှတ်-၂ စက်မှုဝန်ကြီး ဌာနတို့ သိမ်းယူထားသည့် မြေ ၂၃၂.၄ဧကကို ပြည်နယ်အစိုးရ၊ လယ်ယာမြေစီမံခန့်ခွဲမှုအဖွဲ့က မူလပိုင်ရှင် လယ်သမားများထံ ဇွန်လ ၁၇ရက်နေ့တွင် ပြန်လည် ပေးအပ်လိုက်သည်။

အဆိုပါမြေများမှာ ကရင်ပြည်နယ်၊ သံတောင်ကြီးမြို့နယ်၊ သံမိုးတောင်ကျေးရွာ၊ ဖားအံမြို့နယ်၊ လက္ခဏကျေးရွာ၊ လှိုင်းဘွဲမြို့ နယ်၊ ကော့လှိုင်းကျေးရွာများမှ မြေယာများဖြစ်ပြီး သိမ်းဆည်းခံမြေများ ပြန်လည်ပေးအပ်ပွဲ အခမ်းအနားကို ထိုနေ့မွန်းလွဲ ၁နာရီ မှ ၁နာရီခွဲထိ ကရင်ပြည်နယ်၊ ဖားအံမြို့၊ ကန်သာယာခန်းမ၌ ပြုလုပ်ခဲ့ရာ ပြည်နယ်ဝန်ကြီးချုပ်နှင့် လယ်ယာမြေစီမံခန့်ခွဲမှု အဖွဲ့ ဝင်များ တက်ရောက်ခဲ့ကြသည်။

ပြည်နယ် လယ်ယာစီမံခန့်ခွဲရေးနှင့် စာရင်းဦးစီးဌာနမှူး ဦးနိုင်အောင်က “အခု ပြန်ပေးတဲ့မြေတွေက အမှန် စိစစ်ပြီး အသုံးမလို တဲ့မြေတွေကို ပြန်လည် စွန့်လွှတ်တာဖြစ်တယ်။ လက်ရှိ တောင်သူတွေ ဝင်လုပ်တဲ့အပေါ်မှာ သူတို့ရဲ့လုပ်ကိုင်မှုကို ကြည့်ပြီး တော့မှ ပြန်စွန့်တာ။ တရားဝင် အမည်ပေါက် လုပ်မယ်ဆိုရင် ဥပဒေအရ အနိမ့်ဆုံး တစ်လကြာ ကန့်ကွက်စာခေါ်တယ်။ အဆင့် ဆင့်သွားမယ်ဆိုရင် ၈၉ရက်လောက် ကြာမယ်။ ဒီတော့သူတို့အတွက် စိုက်ပျိုးချိန်မှီအောင် အခုယာယီလုပ်ပိုင်ခွင့် လက်မှတ်ပေး တယ်၊ ပြီးရင် တရားဝင်အမည်ပေါက်ကို ဥပဒေနဲ့အညီ အမြန်ဆုံး ဆောင်ရွက်ပေးမယ်”ဟု ကေအိုင်စီသို့ ပြောသည်။

လက်ရှိ မူလ ပိုင်ရှင်များထံ ပြန်ပေးသည့် မြေ ၂၃၂.၄ဧကမှာ သိမ်းယူခံရသည့် လယ်မြေအနည်းငယ်သာ ဖြစ်သလို မူလပိုင်ရှင် များထံ ပြန်ပေးအပ်ရန် လယ်၊ ယာ၊ မြေ များစွာကျန်သေးသည်ဟု လယ်၊ယာ၊မြေ သိမ်းဆည်းခံရသည့် ဒေသခံများက ယခုလို ပြောသည်။

“အခု ပြန်ပေးတဲ့မြေတွေက နည်းနည်းပဲ။ ကျနော်တို့ရွာမှာ စစ်တပ်သိမ်းယူပြီး ဘာမှမလုပ်ဘဲ ထားတဲ့လယ်တွေ အများကြီးရှိ တယ်။ အခုပြန်ပေးတဲ့ လယ်တွေက ရွာနဲ့ အဝေးကြီး။ ဘာမှ စိုက်လို့မကောင်းတဲ့ လယ်တွေ ပြန်ရတော့ ဘာလုပ်ရမလဲ။ ပေးရင် လည်း တူတူပေး၊ မျက်နှာလုပ်ပြီး မပေးပါနဲ့။ တကယ်သွားစစ်ဆေးပြီးမှ ပြန်ပေးပါလို့ ပြောချင်ပါတယ်။ ကျနော်ဆို လယ်အသိမ်း ခံရတာ အများကြီး။ စွန့်လွှတ်တဲ့အထဲမှာ တစ်ကွက်မှ ပြန်မရဘူး”ဟု လှိုင်းဘွဲမြို့နယ်၊ ကော့လှိုင်းကျေးရွာသား စောပေါက်ပြား က ကေအိုင်စီသို့ ပြောသည်။

ကရင်ပြည်နယ်အတွင်း ၁၉၉၁ခုနှစ်ကတည်းက အစိုးရမှာ သိမ်းယူထားသည့် မြေများစွာရှိသလို ယင်းမြေများကို မူလပိုင်ရှင်များ ထံ အမြန်ဆုံးပေးအပ်ရန် ဒေသခံများက လိုလားနေသလို လယ်၊ ယာ၊ မြေ ပြန်မရသေးသည့် ဒေသခံများက ပြောဆိုသည်။

 နန်းဝေဖြိုးဇာ
KIC - ကေအိုင်စီ
http://kicnews.org