06/23/16



ထိုင်းနိုင်ငံရောက် မြန်မာရွှေ့ပြောင်း အလုပ်သမားများအား ဒေါ်အောင်ဆန်းစုကြည် မိန့်ခွန်းပြောစဉ်။
ထိုင်းနိုင်ငံကို ၃ ရက်ကြာခရီးစဉ်အဖြစ် ရောက်လာတဲ့ ဒေါ်အောင်ဆန်းစုကြည်ဟာ ခရီးရောက်မဆိုက် မြန်မာရွှေ့ပြောင်း အလုပ်သမားတွေ ကြုံတွေ့နေရတဲ့ အခက်အခဲတွေကို သိရှိနိုင်ဖို့ရည်ရွယ်ပြီး၊ မြန်မာနိုင်ငံသား အများအပြားရှိရာ မဟာချိုင်ဒေသကို သွားရောက်ခဲ့ပါတယ်။

ထိုင်းလေဆိပ်ကို ရောက်ရှိ
မြန်မာနိုင်ငံသားတွေ နဲ့ တွေ့ဆုံချိန် မှာတော့ ဒေါ်အောင်ဆန်းစုကြည် က မြန်မာအလုပ်သမားတွေ အတွက် အစိုးရသစ်က ကြိုးပမ်းနေတာ တွေကို လည်း ပြောဆိုသွားခဲ့တာပါ။ အပြည့်အစုံကိုတော့ ကိုဉာဏ်ဝင်းအောင် က ပြောပြပေးမှာ ဖြစ်ပါတယ်။

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ ထိုင်းနိုင်ငံ ကို ရောက်ရောက်ချင်း မှာပဲ ထိုင်းအစိုးရရဲ့စီစဉ်ပေးချက်အရ ထိုင်းနိုင်ငံ စမွတ်စခွန်ခရိုင် ထလေးထိုင်း ငါးပုဇွန်ဈေးခန်းမမှာ ထိုင်းနိုင်ငံရောက် မြန်မာ အလုပ်သမားတွေ နဲ့ တွေ့ဆုံခဲ့တာပါ။ ခရီးစဉ်လုံခြုံရေး အကြောင်း ပြချက် နဲ့ ထိုင်းအာဏာပိုင်တွေရဲ့ ကန့်သတ်မှုကြောင့် ဒေါ်အောင်ဆန်းစုကြည် မိန့်ခွန်းပြောမယ့်ခန်းမထဲ ဝင်ရောက်ခွင့်မရတဲ့ မြန်မာရွှေ့ပြောင်း အလုပ်သမား အမြောက်အများရှိခဲ့ပါတယ်။

ခမ်းမပြင်က မြန်မာတွေ
ထိုင်းနိုင်ငံကို ဘာကြောင့် အခုလို သူလာရောက်ရသလဲ ဆိုတဲ့အကြောင်းနဲ့ ပတ်သက်လို့ ငါးပုဇွန်ဈေးခန်းမထဲမှာ ဒေါ်အောင်ဆန်းစုကြည်က အခုလို ပြောသွားပါတယ်။

“အခုကျမတို့ ဒီထိုင်းနိုင်ငံကို လာတယ်ဆိုတာ အဓိကအားဖြင့်တော့ နိုင်ငံ နှစ်နိုင်ငံကြား ထဲမှာ နားလည်မှုပိုပြီးတော့ရှိဖို့ ချစ်ကြည်မှု ပိုပြီးတော့ တိုးတက်ဖို့ဖြစ်ပါတယ်။ ဒီလိုဖြစ်ဖို့ဆိုတာ အဓိကကတော့ နိုင်ငံသူနိုင်ငံသားတွေကြား ထဲမှာ နားလည်မှုရှိရမယ်။ ချစ်ကြည်မှု ရှိရမယ်။ အစိုးရ တွေကြားထဲမှာ လည်း နားလည်မှုရှိရမယ်။ ချစ်ကြည်မှုရှိရမယ်။ အဲဒီဟာအတွက်ကို ကျမတို့ကလည်း ကျမတို့ရဲ့ ဒီမှာ လာအလုပ်လုပ်နေကြ တဲ့ နိုင်ငံသူနိုင်ငံသားတွေကိုကူညီသလို ကျမတို့ကို လည်း ပြန်ပြီးတော့ ကူညီနိုင်မယ်လို့ ကျမတို့ မျှော်လင့်ပါတယ်။ ဘယ်လို ကျမတို့ အဆင်ပြေ အောင် လုပ်ပေးရမလဲ ဆိုတာဟာ ကာယကံရှင်တွေက ပြောမှ ကျမတို့သိမှာပေါ့။ ကာယကံရှင်တွေရဲ့ အသံကို နားထောင်ပြီးတော့မှ ကျမတို့က ဘာလုပ်ပေးသင့်လဲ။ ဘာလုပ်ရမလဲ။ ဘာလုပ်နိုင်မလဲဆိုတော ဆုံးဖြတ်ရမှာပါ။”

အရှေ့တောင်အာရှဒေသတွင်း အေးချမ်းသာယာ တိုးတက်ဖို့ဆိုရင် အိမ်နီးချင်းနိုင်ငံတွေကြား အပြန်အလှန် နားလည်မှုရှိဖို့နဲ့ ပြိုင်ဖက်လို သဘောမထားပဲ လက်တွဲဆောင်ရွက်သွားဖို့ လိုကြောင်း ဒေါ်အောင်ဆန်းစုကြည် က ပြောသွားပါတယ်။

" ကျမတို့က ကျမတို့ မြန်မာနိုင်ငံသူနိုင်ငံသားတွေအတွက်လည်း အဆင်ပြေစေချင်တယ်။ အိမ်ရှင်နိုင်ငံ အတွက်လည်း အဆင်ပြေစေချင်တယ်။ ဒါမှ ကျမတို့ရဲ့ဒေသဟာ ရေရှည်မှာ အေးချမ်းသာယာမှာ တိုးတက်နိုင်မှာဖြစ်ပါတယ်။ တဦးကို တဦး ပြိုင်ဖက်လို မြင်စရာလည်း မလိုဘူး။ ကျမတို့ဟာ အားလုံးအတူ ဖွံ့ဖြိုးတိုးတက်ဖို့ လက်တွဲပြီး လုပ်နေတဲ့ နိုင်ငံတွေလိုမြင်မှ ကျမတို့ တိုးတက်နိုင်မှာပါ။ ကျမတို့ အရှေ့တောင်အာရှ ဆိုတာ နိုင်ငံကြီးတွေ မဟုတ်ပါဘူး။ နိုင်ငံလတ်တွေ နဲ့ နိုင်ငံငယ်တွေ စုပေါင်းထားတဲ့ ဒေသဖြစ်ပါတယ်။ ဒါကြောင့်မိ်ု့လို့ တဦးနဲ့ တဦး ညီညွတ်ဖို့က အင်မတန်မှ အရေးကြီးပါတယ်။ တဦးနဲ့ တဦး နားလည်မှုရှိဖို့က အရေးကြီးပါတယ်။"

အလုပ်သမားတွေဘက်ကလဲ ထိုင်းနိုင်ငံတွင်း အလုပ်ခွင်တွေမှာ သူတို့ရင်ဆိုင်နေရတဲ့ အခက်အခဲတွေ ကို တင်ပြကြပါတယ်။ ထိုင်းနိုင်ငံရောက် မြန်မာ အလုပ်သမားတွေ အတွက် ထိုင်းနိုင်ငံရဲ့ ဥပဒေဘောင်အတွင်းက ရသင့်ရထိုက်တဲ့ အခွင့်အရေးတွေ ရရှိနိုင်ဖို့ ကြိုးပမ်းသွားမှာဖြစ် ကြောင်း နဲ့ မြန်မာနိုင်ငံသားဖြစ်ကြောင်း အထောက်အထားလက်မှတ် CI တွေ ထုတ်ပေးနိုင်ဖို့ ကြိုးစားသွားမယ် လို့ ဒေါ်အောင်ဆန်းစုကြည်က ပြောပါတယ်။

"ကျမတို့ အခုအချိန်မှာ ဆိုရင် နိုင်ငံသူ၊ နိုင်ငံသားများဟာ C OF I (Certificate of Identity) မြန်မာနိုင်ငံသားဖြစ်ကြောင်း အထောက် အထားလက်မှတ် ရဖို့အတွက် ကြိုးစားနေပါတယ်။ တကယ်တော့ ကျမတို့က နိုင်ငံကူးလက်မှတ်ရစေချင်တာပါ။ ဒါကိုလည်း အိမ်ရှင်နိုင်ငံဖြစ် တဲ့ ထိုင်းကလည်း ကန့်ကွက်တာမဟုတ်ပါဘူး။ ဒါပေမယ့်အစတုန်းက ကျမတို့နိုင်ငံအစိုးရ C OF I ထုတ်ပေးဖို့ တောင်းဆိုခဲ့တယ်။ အဲဒီအတိုင်း လိုက်လျောပြီး လုပ်ခွင့်ပေးထားတာပါ။ နောင်ဆိုရင် ကျမတို့ နိုင်ငံကူး လက်မှတ်တွေ ထုတ်ပေးဖို့ အစီအစဉ်တွေလည်း ရှိပါတယ်။ အဲဒါအပြင် နိုင်ငံသူ၊ နိုင်ငံသား အားလုံးဟာ ဒီနိုင်ငံရဲ့ ဥပဒေဘောင် အတွင်းက ရသင့်ရထိုက်တဲ့ အခွင့်အရေးတွေ ရအောင် ကြိုးစားနေပါတယ်။”


ထလေးထိုင်းငါးပုဇွန်ဈေးခန်းမထဲ ဝင်ခွင့်မရတဲ့ ပြင်ပက မြန်မာရွှေ့ပြောင်း အလုပ်သမားတွေကို ဒေါ်အောင်ဆန်းစုကြည်မိန့်ခွန်း ပြောကြားဖို့ညှိနှိုင်းခဲ့သော် လည်း မိုးသည်းထန်စွာ ရွာနေတဲ့အတွက် ခန်းမအပြင်ဘက်မှာ တွေ့ဆုံ မိန့်ခွန်းပြောကြားဖို့ အဆင်မပြေ ဖြစ်ခဲ့ရပါတယ်။

 ကိုဉာဏ်ဝင်းအောင် / ဗွီအိုအေ (မြန်မာပိုင်း)
http://burmese.voanews.com


ယခုသီတင်းပတ်အတွင်း ဒေါ်အောင်ဆန်းစုကြည်သည် တရားဝင်အလည် အပတ်ခရီးစဉ်အဖြစ် ဒီမိုကရေစီနည်းကျအုပ်ချုပ်နေသော မြန်မာနိုင်ငံမှ ထွက်ခွာစဉ် စစ်အာဏာသိမ်းအဖွဲ့အုပ်ချုပ်နေသော ထိုင်းနိုင်ငံသို့ သွားရောက်ခြင်းသည် အရှေ့တောင် အာရှ အိမ်နီးချင်းနိုင်ငံများအတွက် ပြောင်းလဲလာနေသော အခွင့်အလမ်း များကို မီးမောင်းထိုးပြနေသည်။

ပြီးခဲ့သောနှစ် ရွေးကောက်ပွဲတွင် အနိုင်ရရှိခဲ့ပြီးနောက် ယနေ့မြန်မာနိုင်ငံကို ဒေါ်အောင်ဆန်းစုကြည်ဦးဆောင် သော အမျိုးသားဒီမိုကရေစီအဖွဲ့ချုပ်ပါတီက အုပ်ချုပ်နေသည်။

တရုတ်ပြီးလျှင် မြန်မာနိုင်ငံနှင့် ဒုတိယအကြီးဆုံး ကုန်သွယ်ဘက်နိုင်ငံဖြစ်သော ထိုင်းနိုင်ငံကမူ လွန်ခဲ့သော နှစ်နှစ်က စစ်အာဏာသိမ်းခဲ့ပြီးနောက် အရပ်သားအစိုးရအုပ်ချုပ်ရေး ပြန်လည်တည်ဆောက်ရန် နည်းလမ်းကို ရုန်းကန်ရှာဖွေနေရဆဲဖြစ်သည်။

“ဒီခရီးစဉ်ဟာ အိမ်နီးချင်းနိုင်ငံနှစ်ခုအကြား နိုင်ငံရေးအခြေအနေတွေရဲ့ စိတ်ဝင်စားစရာ ပြောင်းပြန်ဖြစ်သွားမှု ကို စိတ်သက်သာရအောင် လုပ်ပေးရုံတင်မကဘူး တကယ်လက်တွေ့ဆောင်ရွက်စရာတွေလည်း ပါပါတယ်”ဟု လန်ဒန်မဟာဗျူဟာလေ့လာရေး ဗဟိုဌာနမှ သုတေသီတဦးဖြစ်သည့် မစ္စတာဟာဗေလေမာချူးက တင်ပြခဲ့ သည်။ ဆွေးနွေးပွဲများမှာအဓိကအားဖြင့်ကုန်သွယ်ရေးရင်းနှီးမြှုပ်နှံမှုနှင့်
ရွှေ့ပြောင်းအလုပ်သမားကိစ္စများ ဖြစ်မည်ဟု ၄င်းက မျှော်လင့်ထားသည်။

လွန်ခဲ့သောဆယ်စုနှစ်များကထိုင်းနိုင်ငံဖွံ့ဖြိုးတိုးတက်နေချိန်တွင် မြန်မာနိုင်ငံသည်အထီးကျန်နိုင်ငံအဖြစ်သို့ လျော့ကျသွားခဲ့သည်။ ယနေ့ကာလတွင် မြန်မာနိုင်ငံသည် အရှေ့တောင်အာရှတွင် အလျင်မြန်ဆုံး တိုးတက် လာနေသည့် စီးပွားရေးနိုင်ငံဖြစ်လာပြီး ယခုနှစ်အတွင်း စီးပွားရေးတိုးတက်မှုနှုန်း ၈ ဒသမ ၄ ရာခိုင်နှုန်းရှိလာနိုင် သည်။ တချိန်တည်းမှာပင် ထိုင်းနိုင်ငံ၏ စီးပွားရေးတိုးတက်မှုနှုန်း ခန့်မှန်းချေမှာ ၃ရာခိုင်နှုန်းမျှသာရှိသည်။

မြန်မာနိုင်ငံတွင် မတ်လဘတ်ဂျက်နှစ်အထိ နိုင်ငံခြားတိုက်ရိုက်ရင်းနှီးမြှုပ်နှံမှုမှာ စံချိန်တင် အမေရိကန်ဒေါ်လာ ၉ ဒသမ ၄ ဘီလီယံရှိခဲ့ပြီး ထိုင်းနိုင်ငံ၌မူ ယမန်နှစ်က နိုင်ငံခြားတိုက်ရိုက်ရင်းနှီးမြှုပ်နှံမှု ၇၀ ရာခိုင်နှုန်းအထိ ကျဆင်းခဲ့သည်ဟု ရင်းနှီးမြှုပ်နှံသူများက ပြောသည်။

“ထိုင်းနိုင်ငံက မြန်မာနိုင်ငံရဲ့မကြာသေးမီကအာဏာရှင်အုပ်ချုပ်ရေးပုံစံကိုယူထားတယ်။ မြန်မာနိုင်ငံက ထိုင်း နိုင်ငံရဲ့ ရွှေခေတ်ဖြစ်ခဲ့တဲ့ ၁၉၈၀ ခုနှစ်က ပုံစံကိုယူထားတယ်” ဘန်ကောက်မြို့ရှိ ကာဆီကွမ်ဘဏ်မှ အရင်း အနှီးသုတေသနဌာနအကြီးအကဲမစ္စတာကော့ဆစ်တီဆီလ်ပါချိုင်က
ဝေဖန်ခဲ့သည်။

အလုပ်သမားခဈေးချိုမှု၊ နေရာများစွာ၌ စားသုံးသူဈေးကွက်များ ဖွင့်လှစ်ပေးရန်ရှိနေမှုနှင့် များစွာ ပေါကြွယ်ဝ သော သဘာဝရင်းမြစ်များကြောင့် မြန်မာနိုင်ငံသည် ဆွဲဆောင်မှုရှိနေချိန်တွင် ပေါ်လစီများ ဆက်လက်လုပ် ဆောင်မှုမရှိ၍ ရင်းနှီးမြှုပ်နှံသူများကို မောင်းထုတ်နေကြောင်း ၄င်းက ပြောခဲ့သည်။

နှစ်နိုင်ငံစလုံးမှာ ဖွဲ့စည်းအုပ်ချုပ်ပုံအခြေခံဥပဒေဆိုင်ရာ အကျပ်အတည်းနှင့် ရင်ဆိုင်နေကြရသည်။

ဒေါ်အောင် ဆန်းစုကြည်၏ပါတီသည် ရွေးကောက်ပွဲကာလအတွင်း မဲဆွယ်စည်းရုံးစဉ်က တပ်မတော်ကို နိုင်ငံရေးနယ်ပယ် မှ ထွက်ခွာရန် တွန်းအားပေးခဲ့သည်။

ထိုင်းနိုင်ငံတွင်မူ ထိုင်းစစ်အာဏာသိမ်းအဖွဲ့က စစ်တပ်ဗိုလ်ချုပ်ကြီးများကို ပို၍အာဏာရရှိစေမည့် ဖွဲ့စည်းပုံအခြေခံဥပဒေမူကြမ်းတရပ်ကို သြဂုတ်လတွင် ပြည်သူ့ဆန္ဒခံယူပွဲဖြင့် အတည်ပြုရန် ကြိုးစားနေကြသည်။

ယနေ့ မြန်မာနိုင်ငံတွင် စစ်ဘက်နှင့် အရပ်ဘက်သည် လက်တွေ့ကျသော ပူးပေါင်းညှိနှိုင်းဆောင်ရွက်ရေး လုပ်ငန်းစဉ်တရပ် ကျင့်သုံးနေပုံရပြီး ထိုင်းနိုင်ငံတွင်မူ ယင်းကဲ့သို့ လမ်းစဉ်မရှိချေ။

မြန်မာ့တပ်မတော်သည် ဒေါ်အောင်ဆန်းစုကြည်နှင့် အမျိုးသားဒီမိုကရေစီအဖွဲ့ချုပ်ပါတီတို့ကို အာဏာမျှဝေသုံးစွဲမှုအတွက် ပူးပေါင်း ဆောင်ရွက်ရေးတွင် အောင်မြင်မှုရနေသည်။ သို့သော်လည်း အရပ်သားထိန်းချုပ်မှုကို တပ်မတော်က ဟန့်တား ထိန်းချုပ်ခွင့်မရှိနိုင်ဟု ချင်းမိုင်ရှိ အရှေ့တောင်အာရှလေ့လာရေးဌာနမှ သုတေသနညွှန်ကြားရေးမှူး မစ္စတာ ပေါချိန်ကာက တင်ပြခဲ့သည်။

ထိုင်းဗိုလ်ချုပ်ကြီးများကား မြန်မာနိုင်ငံ၏ အနာဂတ်အတွက် တမ်းတမ်းတတဖြစ်နေကြပေတော့သည်။

ထွဋ်ဝင်းထွဋ်

Ref : Bloonbery
https://www.facebook.com/NewsWatchJournal


နုိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ မဟာချိုင်မြို့ ထလေထိုင်းမှာ ဒီကနေ့ စက်ရုံတစ်ချို့က စီစဉ်တဲ့ အလုပ်သမားအနည်းငယ်နဲ့သာ တွေ့ခွင့်ရခဲ့ပြီး မိုးရွာထဲမှာ စောင့်နေခဲ့ကြတဲ့ ရွှေ့ပြောင်းအလုပ်သမားအများစု နဲ့ စကားပြောခွင့် မရခဲ့ပါဘူး။


ဒေါ်အောင်ဆန်းစုကြည်ဟာ ထလေထိုင်းကို ညနေ ၄ နာရီခွဲလောက်မှာ ရောက်ရှိခဲ့တာဖြစ်ပြီး သောင်းဂဏန်းလောက်ရှိမယ့် အလုပ်သမားတွေက လုံခြုံရေးအတားအဆီးတွေကို ဖယ်ရှားပြီး ခန်းမအပြင် မိုးရွာထဲမှာ စောင့်နေခဲ့ကြတာ ဖြစ်ပါတယ်။


အလုပ်သမားအများစုဟာ မနက်ကတည်းက တွေ့ခွင့်ရဖို့ စောင့်မျှော်ခဲ့ကြတာ ဖြစ်ပြီး အများစုက သူတို့ရဲ့ နုိုင်ငံကူးလက်မှတ်တွေ သက်တမ်းတိုးရာမှာ မဟာချိုင်မှာပဲတိုးခွင့်ရရေး ၊ ထိုင်းအစိုးရက ထုတ်ပြန်ထားတဲ့ အလုပ်သမားဥပဒေတွေကို ထိုင်း အလုပ်ရှင်တွေက လိုက်နာရေး စတဲ့ ကိစ္စတွေကို တင်ပြမယ်လို့ မျှော်လင့်ခဲ့ကြတာ ဖြစ်ပါတယ်။

မူလက အလုပ်သမား ၅၀၀ နဲ့ တွေ့မယ်လို့ စီစဉ်ခဲ့တာဖြစ်ပါတယ်။ အဲဒီကိစ္စကိုလည်း အများစုက လက်မခံကြပါဘူး။ အဲဒီ ၅၀၀ဟာ အလုပ်ရှင်တွေက ရွေးချယ်စေလွှတ်သူတွေသာ ဖြစ်တယ်လို့ ၀င်ခွင့်မရတဲ့အလုပ်သမားတွေက ပြောပါတယ်။


မိုးသည်းလွန်းတဲ့အတွက် ဒေါ်အောင်ဆန်းစုကြည်ဟာ ထိုင်းစံတော်ချိန် ညနေ ၅ နာရီလောက်မှာ လုံခြုံရေး အထူးကြပ်မတ်စွာနဲ့ ပြန်လည်ထွက်ခွာသွားပါတယ်။

RFA Burmese
https://www.facebook.com/rfaburmese



ဦးထုတ်မဆောင်းဘဲ ဆိုင်ကယ်စီးလာသည့် ကမ္ဘောဒီးယား ဝန်ကြီးချုပ်ကို ယာဉ်ထိန်းရဲများ စစ်ဆေးနေစဉ် (ဆင်ဟွာ)
    ဖနွမ်းပင် ၊ ဇွန် ၂၃ ရက် (ဆင်ဟွာ)

    ကမ္ဘောဒီးယားနိုင်ငံ ဝန်ကြီးချုပ် ဆမ်ဒက်ဟွန်ဆန်သည် လွန်ခဲ့သော ရက်သတ္တပတ်က နိုင်ငံ အနောက်တောင်ပိုင်းရှိ Koh Kong ပြည်နယ်ထဲတွင် ဆိုင်ကယ်စီး ဦးထုတ်မဆောင်းဘဲ ဆိုင်ကယ် စီးနင်းမှုကြောင့် ယာဉ်ထိန်းရဲတပ်ဖွဲ့၏ ဖမ်းဆီးခြင်း ခံရပြီး ဒဏ်ငွေ ပေးဆောင်ခဲ့ရကြောင်းနှင့် ၄င်း၏ အမှားအတွက် ဝန်ကြီးချုပ်က တရားဝင် တောင်းပန်လိုက်ကြောင်း သိရသည်။

Sre Amebel ခရိုင်၌ ဇွန်လ ၁၈ ရက်က ဆိုင်ကယ်စီး ဦးထုတ် မဆောင်းဘဲ ဆိုင်ကယ်စီးလာသည့် ဝန်ကြီးချုပ်ကို ယာဉ်စည်းကမ်း ဖောက်ဖျက်မှု ပုဒ်မ ၆ ဖြင့် ယာဉ်ထိန်းရဲ တပ်ဖွဲ့ ဒုရဲအုပ် Sun Nem က ဖမ်းဆီး အရေးယူခဲ့ပြီး ၊ ယင်းပြစ်ဒဏ် အတွက် ဒဏ်ကြေးငွေ ကမ္ဘောဒီးယား ရီယယ် ၁၅,ဝဝဝ ( အမေရိကန် ဒေါ်လာ ၃.၇၄ ) ကို ပေးဆောင်စေခဲ့ကြောင်း သိရသည်။

အဆိုပါ ဖြစ်စဉ်ကို ဝန်ကြီးချုပ်က ၄င်း၏ လူမှုကွန်ရက် စာမျက်နှာပေါ်၌ ဇွန်လ ၁၅ ရက်တွင် ဖော်ပြခဲ့ပြီး ဆိုင်ကယ်ပိုင်ရှင် ဖြစ်သူမှာလည်း အလားတူဒဏ်ငွေ ပေးဆောင်ခဲ့ကြောင်း ရေးသားထားသည်။

“ အဲဒီ ကိစ္စအတွက် တောင်းပန်ပါတယ်။ ကျနော်အမှားအယွင်း ကျူးလွန်ထားမိတဲ့ အတွက် ရဲတပ်ဖွဲ့ က ဖမ်းမှာပဲလေ” ဟု ဟွန်ဆန်က ဆိုသည်။ ထို့ပြင် “Koh Kong ပြည်နယ် Sre Ampel ခရိုင် ရဲတပ်ဖွဲ့ ဝင်တွေရဲ့ ခွဲခြား ဆက်ဆံမှုရှိဘဲ တရားဥပဒေအတိုင်း အရေးယူတာ၊ သြဇာကြီးတဲ့ ဝန်ကြီးချုပ်လို လူမျိုးကိုတောင် မကြောက်ဘဲ ဥပဒေအတိုင်း အရေးယူတာဟာ ချီးကျူး ထိုက်ပါတယ်”  ဟု ကမ္ဘောဒီးယား ဝန်ကြီးချုပ်က ဆိုသည်။

(Xinhua)
http://www.xinhuamyanmar.com



နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ခေါင်းဆောင်သော မြန်မာကိုယ်စားလှယ်အဖွဲ့သည် ထိုင်းနိုင်ငံ၊ ဗန်ကောက်မြို့ သုဝဏ္ဏဘူမိ အပြည်ပြည်ဆိုင်ရာလေဆိပ်သို့ ဒေသစံတော်ချိန် ၁၁း၄၅ နာရီ တွင် ရောက်ရှိခဲ့ပါသည်။
လေဆိပ်တွင် ထိုင်းနိုင်ငံဆိုင်ရာ မြန်မာသံအမတ်ကြီး ဦးဆောင်သည့်တာဝန်ရှိသူများ၊ သံရုံးမိသားစုဝင်များ ၊ ထိုင်းနိုင်ငံဘက်မှ တာဝန်ရှိသူများက ပန်းကုံးဆက်ခြင်း ၊ ဂုဏ်ပြုတပ်ဖွဲ့ဖြင့် ကြိုဆိုခြင်းတို့ ပြုလုပ်ခဲ့ပါသည်။


ယင်းနောက် နိုင်ငံတော်အတိုင်ပင်ခံပုဂ္ဂိုလ်သည် မြန်မာသံရုံးသို့ သွားရောက်ပြီး မြန်မာသံရုံး/ စစ်သံရုံးတို့မှ ၀န်ထမ်းများနှင့်တွေ့ဆုံခြင်း၊ ရုံးအဆောက်အဦသစ်အား ကြည့်ရှုစစ်ဆေးခြင်းတို့ပြုလုပ်ခဲ့ပါသည်။

Ministry of Foreign Affairs Myanmar
https://www.facebook.com/mofamyanmar/



မာဒါဂတ်စကာ နိုင်ငံတွင် ကင်းလှည့်နေသည့် စစ်သားများအား တွေ့ရစဉ် (ဓာတ်ပုံ-အင်တာနက်)
    မာဒါဂတ်စကာ၊ ဇွန် ၂၃ ရက် (ဆင်ဟွာ)

    အာဖရိကတိုက် အရှေ့တောင် ကမ်းရိုးတန်းအလွန် အိန္ဒိယ သမုဒ္ဒရာ အတွင်း ရှိ မာဒါဂတ်စကာ ကျွန်းနိုင်ငံတွင် ဓားပြများက အငှားယာဉ်နှင့် လိုက်ပါလာသည့် ခရီးသည် ၃၁ ဦးအား လုယက်ကာ သတ်ဖြတ်ခဲ့ကြောင်း အာဏာပိုင်များက ဇွန်လ ၂၂ ရက်တွင် ပြောကြားသည်။

အဆိုပါ အငှားယာဉ်ပေါ်၌ ခရီးသည် ၃၂ ဦး တင်ဆောင်လာပြီး မာဒါဂတ်စကာ အနောက်တောင်ပိုင်းရှိ Toliara မြို့မှ Beroroha မြို့သို့ သွားရောက်နေစဉ် လမ်းကြောင်းပေါ်၌ ဓားပြများက လုယက် သတ်ဖြတ်ခဲ့ခြင်း ဖြစ်ကြောင်း အမျိုးသား ကာကွယ်ရေးဋ္ဌာန မှ Daniel Ramiandrisoa က သတင်းစာ ရှင်းလင်းပွဲ တစ်ခု၌ ပေါ်ကြားခဲ့သည်။

Ramiandrisoa က ဓားပြ အယောက်၂၀ ဝန်းကျင်သည် အငှားယာဉ် မောင်းနှင်လာသည့် လမ်းကြောင်းအား ပိတ်ဆို့ခဲ့ကြောင်း၊ ကားမောင်းသူသည် လွတ်မြောက်ရန် မောင်းနှင်ခဲ့သော်လည်း ဓားပြများ ဘက်မှ သေနတ်ဖြင့် ပစ်ခတ်ခဲ့၍  တာယာကွဲကာ တိမ်းမှောက်ခဲ့ကြောင်း ပြောကြားခဲ့သည်။

ဓားပြတိုက်ခံရသူများအနက် ၁၀ ဦးမှာ ကလေးငယ်များ ဖြစ်ပြီး တိုက်ခိုက်မှုမှ တစ်ဦးသာ အသက်ရှင် လွတ်မြောက်ခဲ့သော်လည်း ဒဏ်ရာ အပြင်းအထန် ရရှိထားကြောင်း သိရသည်။

ဓားပြများသည် ခရီးသည်များထံမှ  အမေရိကန် ဒေါ်လာ ၂,၀၀၀ ခန့် တန်ဖိုးနှင့် ညီမျှသည့် နိုင်ငံသုံး မာဒါဂတ်စကာ ငွေကြေးနှင့် အခြား တန်ဖိုးရှိ ပစ္စည်းများအား ယူဆောင်သွားခဲ့ကြောင်း သိရသည်။

အခင်း မဖြစ်ပွားမီ အဆိုပါ ဓားပြများသည် အဆိုပါ လမ်းကြောင်း ပေါ်ရှိ စစ်တပ်ယာဉ် တစ်စီးအား ဖျက်ဆီးခဲ့သေးကြောင်း သိရသည်။

အမျိုးသား ကာကွယ်ရေး ဋ္ဌာန လက်အောက်ရှိ လုံခြုံရေးနှင့် စုံစမ်းစစ်ဆေးရေး ဆိုင်ရာ ညွှန်ကြားရေးမှူး ဗိုလ်ချုပ်ကြီး Anthony Rakotoarison က အမျိုးသား ကာကွယ်ရေး ဝန်ကြီးဋ္ဌာနသည် အခင်းဖြစ်ပွားရာ နေရာသို့ နယ်မြေ ရှင်းလင်းရန် တပ်သား ၅၀ ဦး အား အရေးပေါ် စေလွှတ်ခဲ့ကြောင်း ပြောကြားခဲ့သည်။

(Xinhua)
http://www.xinhuamyanmar.com



ဂင်္ဂါမြစ် အတွင်း ဆဲလ်ဖီရိုက်နေသည့် စုံတွဲ တစ်တွဲအား တွေ့ရစဉ် (ဓာတ်ပုံ- ဆင်ဟွာ)
    နယူးဒေလီ၊ ဇွန် ၂၃ ရက် (ဆင်ဟွာ)

    အိန္ဒိယနိုင်ငံ ဂင်္ဂါမြစ်တွင် ဆဲလ်ဖီရိုက် (မိမိကိုယ်ကို ဓာတ်ပုံရိုက် မှတ်တမ်းတင်ခြင်း) ပြီးနောက် ရေထဲပြုတ်ကျ သေဆုံးသွားခဲ့ကြောင်း ရဲတပ်ဖွဲ့က ဇွန်လ ၂၃ ရက်က ပြောကြားခဲ့သည်။

ယင်း သေဆုံးမှုသည် ဥတ္တရာ ပရာဒက်ရှ် ပြည်နယ် မြို့တော် လပ်နောင်းမြို့ အနောက်ဘက် ၈၉ ကီလိုမီတာ အကွာရှိ ကန်ပါရ်ခရိုင်အတွင်း ဖြစ်ပွားခဲ့ခြင်း ဖြစ်သည်။

“ဇွန်လ ၂၂ ရက်က လူငယ် ၇ ဦးဟာ ဂင်္ဂါမြစ်အတွင်း ရေချိုးနေတုန်း သူတို့အထဲမှ တစ်ဦးက ဆဲလ်ဖီ ရိုက်ရင်း ဟန်ချက်မညီ ဖြစ်ကာ ရေထဲပြုတ်ကျပြီး ရေစီးနဲ့ မျောပါ သွားခဲ့တယ်၊ ကျန်တဲ့ သူငယ်ချင်း ၆ ယောက် က လိုက်ကယ်ကြရင်းနဲ့ ရေနစ်သွားခဲ့တယ်” ဟု ရဲအရာရှိက တရားဝင် ပြောကြားခဲ့သည်။

၎င်းတို့၏ သေဆုံး ရုပ်အလောင်းများအား မြစ်အတွင်းမှ ပြန်လည် ဆယ်ယူခဲ့ပြီး ဖြစ်ကြောင်း သိရသည်။

ဆဲလ်ဖီရိုက်ရင်း သေဆုံးမှု စာရင်းများ မြင့်တက်လာခြင်းကြောင့် အိန္ဒိယနိုင်ငံ မြို့တော် မွမ်ဘိုင်း အနီးဝန်းကျင်၌ ဆဲလ်ဖီမရိုက်ရဇုန်များအား ယခုနှစ် အစောပိုင်းတွင် တာဝန်ရှိသူများက  ကြေညာခဲ့သည်။

 ထိုသို့ ကန့်သတ်ထားသည့် ဇုန်များမှာ နာမည်ကျော် Bandra bandstand, Marine Drive နှင့် Juhu Chowpatty စသည့် နေ ရာများသည် မိုဘိုင်းဖုန်းဖြင့် ဆဲလ်ဖီရိုက်ရန် မလုံခြုံသည့် နေရာများအဖြစ် မွမ်ဘိုင်း ရဲများက ကြေညာထား သည်။

ဆဲလ်ဖီရိုက်ခြင်းသည် ကမ္ဘာနှင့်အဝှမ်း ပေါ်ပြူလာဖြစ်သည့် ယဉ်ကျေးမှု တစ်ရပ်ဖြစ်လာခဲ့သည်။

(Xinhua)
http://www.xinhuamyanmar.com



ရိုဟင်ဂျာကို မြန်မာနိုင်ငံမှာ ဘင်္ဂါလီလို့ ခေါ်ဆိုကြပါတယ်။ (Credit: Reuters) 
ဥရောပ ​သမဂ္ဂ ​အီးယူက ​ရိုဟင်ဂျာဆိုတဲ့ ​အသုံးအနှုန်းကို ​သုံးမှာမဟုတ်ဘူးလို့ ​ပြောလိုက်ပါတယ်။

ရခိုင်ပြည်နယ်က ​မွတ်ဆလင်တွေအရေး ​ဖြေရှင်းရေးမှာ ​မြန်မာနိုင်ငံက ​အချိန်ယူရမှာ ​ဖြစ်တဲ့အတွက် ​ရိုဟင်ဂျာဆိုတဲ့ ​ထိလွယ်ရှလွယ်တဲ့ ​အသုံးအနှုန်းကို ​ရှောင်ရှားမယ်လို့ ​အီးယူသံအမတ်က ​ပြောလိုက်တာ ​ဖြစ်တယ်လို့ ​ရိုက်တာ ​သတင်းမှာ ​ပါရှိပါတယ်။

အီးယူက ​ရိုဟင်ဂျာဆိုတဲ့ ​အသုံးအနှုန်းကို ​ရှောင်ရှားမယ်လို့ ​ပြောဆိုနေပေမယ့် ​အမေရိကန် ​အစိုးရကတော့ ​လူတွေမှာ ​မိမိဘယ်သူဆိုတာ ​ခေါ်ပိုင်ခွင့်ရှိတယ်ဆိုတာကို ​အသိအမှတ်ပြုတဲ့အနေနဲ့ ​ရိုဟင်ဂျာလို့ ​ခေါ်စေချင်သူကို ​ရိုဟင်ဂျာလို့သာ ​ခေါ်မယ်လို့ ​ပြောဆိုခဲ့ဖူးပါတယ်။

လူဦးရေ ​၁ ​သန်းကျော်ရှိတဲ့ ​ရခိုင်ပြည်နယ်က ​မွတ်ဆလင်တွေက ​သူတို့ကို ​သူတို့ ​ရိုဟင်ဂျာလို့ ​ဖော်ပြကြပေမယ့် ​မြန်မာအများစုကတော့ ​ဘင်္ဂါလီလို့သာ ​သတ်မှတ်ကြတာ ​ဖြစ်ပါတယ်။

ဒေါ်အောင်ဆန်းစုကြည်ကလည်း ​ကုလသမဂ္ဂကိုယ်စားလှယ်နဲ့ ​တွေ့ဆုံတုန်း ​မြန်မာအစိုးရအနေနဲ့ ​ရိုဟင်ဂျာ ​ဆိုတဲ့ ​အသုံးအနှုန်းကို ​သုံးမှာ ​မဟုတ်ဘူးလို့ ​ပြောဆိုခဲ့တာ ​ရှိပါတယ်။

မြန်မာဆိုင်ရာ ​အီးယူသံအမတ် ​Roland ​Kobia ​ကတော့ ​ရိုဟင်ဂျာဆိုတဲ့ ​အသုံးအနှုန်းက ​မြန်မာနိုင်ငံမှာ ​စိတ်ခံစားမှုတွေ ​စုပေါင်းထားတဲ့ ​အသုံးအနှုန်းဖြစ်တာကြောင့် ​မြန်မာအစိုးရက ​ဒီကိစ္စကို ​ဖြေရှင်းဖို့ ​ကြိုးစားနေချိန်မှာ ​အီးယူက ​အဲဒီ ​အသုံးအနှုန်းကို ​ရှောင်မှာဖြစ်ပြီး ​တဖြေးဖြေးနဲ့ ​ပြဿနာ ​ဖြေရှင်းနိုင်မယ်လို့ ​ယူဆကြောင်း ​ပြောသွားခဲ့ပါတယ်။

ရိုဟင်ဂျာကို ​ရခိုင်ပြည်နယ်က ​မွတ်ဆလင်တွေအဖြစ် ​ခေါ်ဆိုဖို့ ​အစိုးရက ​ပြောဆိုတာ ​ရှိပေမယ့် ​ရခိုင်အမျိုးသားပါတီ ​ANP ​က ​ဒီအသုံးနှုန်းအရ ​မွတ်ဆလင်တွေဟာ ​ရခိုင်ပြည်နယ်မှာ ​မူလနေထိုင်သူတွေအဖြစ် ​သတ်မှတ်ရာ ​ရောက်တာကြောင့် ​အဲဒီအသုံးအနှုန်းကို ​ကန့်ကွက်တယ်လို့ ​ပြောဆိုဖူးတာ ​ရှိပါတယ်။

ABC Radio Australia
http://www.radioaustralia.net.au/burmese



ထီးခီးဂိတ် ။
ဇွန် - ၂၃ - ၂၀၁၆

ကရင်အမျိုးသား အစည်းအရုံး(KNU) ဘိတ်/ထားဝယ်ခရိုင်အတွင်းရှိ ထိုင်း-မြန်မာနယ်စပ် အဓိက၀င်ထွက်ရာ ပင်မဂိတ်စခန်းတခုဖြစ်သော ထီးခီးဂိတ်တ်ကို ယခုရက်ပိုင်းအတွင်း အမြန်ဆုံးဖယ်ရှားပေးရန် ဒေသအခြေစိုက် မြန်မာစစ်တပ်က ရာဇသံပေးထားသည်ဟု ဒေသခံတဦးက ပြောဆိုသည်။

အဆိုပါဒေသခံက (KNU) ထီးခီးဂိတ်ကို စကခ ၁၉ က ယခုရက်ပိုင်းအတွင်း အမြန်ဆုံးဖယ်ရှားပေးရန် ရာဇသံပေးထားပြီး (KNU) အဖွဲ့ဘက်က တစုံတရာ အကြောင်းပြန်ခြင်းမရှိသေးကြောင်း လက်ရှိအနေအထားမှာ ပုံမှန်အတိုင်းရှိနေကြောင်း ပြောဆိုခဲ့ခြင်းဖြစ်သည်။

အဆိုပါ ထိုင်း-မြန်မာနယ်စပ်ဂိတ်မှာ လက်ရှိလမ်းအခြေအနေအတိုင်း ထီးခီးမှ တနင်္သာရီတိုင်းဒေသကြီး ထားဝယ်မြို့ကိုသွားပါက အချိန် ၄ နာရီခန့်သာ ကြာမြင့်သည့် လမ်းကြောဖြစ်ပြီး (KNU) တပ်မဟာ ၄ ဒေသကို ဖြတ်သန်းသွားရသည့်အတွက် မြန်မာဘက်က အဆိုပါလမ်းကြောကို အလုံးစုံထိမ်းချုပ်နိုင်ရေးအတွက် ထီးခီးစခန်းကို အပူတပြင်း ဖယ်ရှားခိုင်းခြင်း ဖြစ်နိုင်သည်ဟု လေ့လာသူများက သုံးသပ်ပြောဆိုကြသည်။

ထိုင်းနိုင်ငံဘန်ကောက်မှ ကန်ချနဘူရီသို့ ၁၂၀ ကီလိုမီတာ ကန်ချနဘူရီမှ ဖူးနမ်းမလောနယ်စပ်မျဉ်းသို့ ၃၇ ကီလိုမီတာရှိပြီး မြန်မာဘက်ခြမ်းတွင် ထီးခီးနယ်စပ်ဂိတ် တည်ရှိသည့်အတွက် ဘန်ကောက်နှင့်ထားဝယ်မြို့ ကို အချိန်တိုအတွင်း ခရီးပေါက်သည့် လမ်းကြောဖြစ်သည်။

ထီးခီးဂိတ်မှထားဝယ်ရောက်သည့်အထိ လမ်းခရီးအတွင်း (KNU) တပ်မဟာ ၄ ဌာနချုပ် အပါအ၀င် ဂိတ်နှင့်စခန်းများ တည်ရှိလာသည်မှာ ရာစုနှစ်တ၀က်ကျော်ရှိပြီးဟု ကရင်တပ်မှူးကြီးတဦးက ပြောဆိုသည်။

ထီးခီးဂိတ် ဖယ်ရှားရေးနှင့်ပတ်သက်၍ (KNU) ဘက်က မည်ကဲ့သို့ သဘောထားမည်ကို နယ်စပ်အရေး လေ့လာနေသူများက စိတ်ဝင်တစား လေ့လာစောင့်ကြည့်နေကြသည်။

ထီးခီးစခန်းသည် ယခင်က (KNU) တပ်မဟာ ၄ ၏ ဌာနချုပ်စစ်စခန်း အခြေစိုက်ရာ နေရာဖြစ်သည်။

သတင်း - ကရင်အမျိုးသား မီဒီယာ


နိရဉ္စရာ၊ ဇွန် ၂၂

ရခိုင်ပြည်နယ် ပေါက်တောမြို့နယ် ဂန်းဂျားကျေးရွာအုပ်စုတွင် လယ်သမားများ ဘဏ်ချေးငွေ ထုတ်ယူရာတွင် လယ်သမားတစ်ဦးထံမှ ၃၀၀၀ ကျပ်ကျစီ ကျေးရွာအုပ်ချုပ်ရေး တာဝန်ရှိသူများက ငွေကောက်ခံနေသည့်အပြင် ပြေစာအတွက် ၅၀၀ ကျပ်စီ အဖြတ်ခံနေရသဖြင့် မရှိဆင်းရဲ လယ်သမားများ နစ်နာနေ၍ အထက်မှ မြို့နယ်အုပ်ချုပ်ရေးမှူးအနေဖြင့် စိစစ်ပေးစေလိုသည်ဟု ဂန်းဂျားကျေးရွာမှ အမည်မဖေါ်လိုသည့် လယ်သမားတစ်ဦးက နိရဉ္စရာသတင်းဌာနသို့ တိုင်ကြားသည်။

“ဘဏ်က ချေးငွေ ထုတ်ယူတဲ့အခါ ပြေစာခအတွက်ပါ ဧကအလိုက် ဖြတ်ယူပြီးသားပါ။ အလွတ် အနေနဲ့ ပေးနေစရာမလိုပါဘူး။ ငွေ ၁၀-၂၀ ကျပ် ကျသင့်တာတစ်ခုကို ၅၀၀ ကျပ်တောင်းတယ်။ ယခင်နှစ်တွေကဆိုရင် လယ်သမားတစ်ယောက်ဆီက ခရီးစရိတ်အဖြစ် ကျေးရွာအုပ်ချုပ်ရေး တာဝန်ရှိသူတွေကို ၁၀၀၀ ကျပ်စီ ပေးကြရပါတယ်။ အခုနှစ်မှကျတော့ ၃၀၀၀ ကျပ်ထိ ပေးနေရတယ် ဆိုတော့ ဒီလိုပွင့်လင်းလာတဲ့ ခေတ်ကြီးမှာ မဖြစ်သင့်တော့ပါဘူး။ ဒီလိုပုံစံမျိုး နောက်ထပ် မဖြစ်စေချင်လို့ တိုင်ကြားရတာပါ”ဟု အဆိုပါ လယ်သမားက နိရဉ္စရာသတင်းဌာနသို့ ပြောသည်။

အယင်အစိုးရလက်ထက်ခါကလည်း ယင်းကဲ့သို့ လယ်သမားများထံမှ ခေါင်းပုံဖြတ်မှုများရှိခဲ့ကြောင်း၊ ယခု အစိုးရလက်ထက်တွင် လယ်သမားများကို ခေါင်းပုံဖြတ်မှု ပပျောက်စေလိုသော်လည်း ပိုဆိုးလာကြောင်း၊ ယခုကဲ့သို့ အတင်းအဓမ္မမ ငွေတောင်းခံခြင်းသည် ဥပဒေနှင့်မညီညွတ်ကြောင်း၊ ယခု NLD အစိုးရလက်ထက်တွင် အဂတိလိုက်စားမှု ကင်းရှင်းရမည်ဟု ဒေါ်အောင်ဆန်းစုကြည် ကိုယ်တိုင်က ပြောထားကြောင်း၊ ကျေးလက်များတွင် တိုင်ကြားမည့်သူမရှိ၍ အဂတိလိုက်စားမှု ပိုဆိုးကြောင်း၊ ဤအကြောင်းအရာများကို မြို့နယ် အုပ်ချုပ်ရေးမှု သိရှိသွားလျှင် ဆုံးမနိုင်မည်ဖြစ်၍ ယခုကဲ့သို့ တိုင်ကြားရခြင်းဖြစ်သည်ဟု အဆိုပါ လယ်သမားက ပြောသည်။

သို့သော် ဂန်းကျားကျေးရွာအုပ်ချုပ်ရေးမှူးကို နိရဉ္စရာသတင်းဌာနအနေဖြင့် အဆက်အသွယ် မရရှိခဲ့သဖြင့် ဤအဖြစ်အပျက် ဟုတ် မဟုတ် အတည်မပြုနိုင်သေးပါ။

ရခိုင်ပြည်နယ်တွင် မြို့နယ်အသီးသီးမှ လယ်သမားများအနေဖြင့် ဘဏ်ချေးငွေ ထုတ်သည့်ကာလတွင် ကျေးရွာအုပ်ချုပ်ရေးမှူးများနှင့် သက်ဆိုင်ရာ ငွေထုတ်ပေးနေသည့် အဖွဲ့အစည်းအချို့မှ တာဝန်ရှိသူ အချို့၏ အဓမ္မ ငွေကြေး ကောက်ခံမှုကို ခံနေရသည်ဟု နိရဉ္စရာသတင်းဌာန အနေဖြင့် လေ့လာသိရှိရသည်။

စံမောင်သန်း၊ စစ်တွေ
Narinjara
https://www.facebook.com/Narinjara



■နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ထိုင်းနိုင်ငံ ၀န်ကြီးချုပ် ဗိ်ုလ်ချုပ်ကြီး ပရာယုဒ် ချန်အိုချာ (ငြိမ်း) ၏ ဖိတ်ကြားချက်အရ ထိုင်းနိုင်ငံသို့ တရားဝင် ခရီးထွက်ခွာ ■

နေပြည်တော်၊ ဇွန် ၂၃

ပြည်ထောင်စုသမ္မတမြန်မာနိုင်ငံ နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်သည် ထိုင်းနိုင်ငံ ၀န်ကြီးချုပ် ဗိ်ုလ်ချုပ်ကြီး ပရာယုဒ် ချန်အိုချာ (ငြိမ်း) ၏ ဖိတ်ကြားချက်အရ ထိုင်းနိုင်ငံသို့ တရားဝင် ခရီးသွားရောက်ရန် ယနေ့နံနက် ၀၉း၅၀ နာရီ အချိန်တွင် ရန်ကုန် အပြည်ပြည်ဆိုင်ရာ လေဆိပ်မှ ထိုင်းလေကြောင်း ဖြင့် ထွက်ခွာသွားပါသည်။

လေဆိပ်တွင် နိုင်ငံတော်၏အတိုင်ပင်ခံပုဂ္ဂိုလ်အား ရန်ကုန်တိုင်းဒေသကြီး ဝန်ကြီးချုပ်နှင့် အစိုးရတာဝန်ရှိသူများ မြန်မာနိုင်ငံဆိုင်ရာထိုင်းနိုင်ငံသံရုံးမှ တာဝန်ရှိသူများ လိုက်လံပို့ဆောင် နှုတ်ဆက်ကြသည်။

နိုင်ငံတော်၏အတိုင်ပင်ခံပုဂ္ဂိုလ်သည် ထိုင်းနိုင်ငံသို့ ယနေ့မှစ၍ ဇွန်လ ၂၅ ရက်နေ့အထိ သွားရောက်မည် ဖြစ်ပြီး နိုင်ငံတော်၏အတိုင်ပင်ခံပုဂ္ဂိုလ် ဦးဆောင်၍ သွားရောက်သော ပထမဆုံး ခရီးစဉ်လည်း ဖြစ်သည်။


ခရီးစဉ်အတွင်း ထိုင်းနိုင်ငံရောက် မြန်မာရွှေ့ပြောင်းအလုပ်သမားများနှင့်တွေ့ဆုံခြင်း၊ ထိုင်းဝန်ကြီးချုပ်အပါအဝင် ထိုင်းအစိုးရ တာဝန်ရှိသူများနှင့် တွေ့ဆုံ၍ ထိုင်းနိုင်ငံရောက် မြန်မာများ အရေးကိစ္စအပါအဝင် နှစ်နိုင်ငံပူးပေါင်းဆောင်ရွက်ရေးကိစ္စရပ်များ ဆွေးနွေးခြင်း၊ နှစ်နိုင်ငံငံသဘောတူစာချုပ်များ လက်မှတ်ရေးထိုးခြင်း၊ ထိုင်းတက္ကသိုလ်တွင် တက္ကသိုလ်ကျောင်းသူ ကျောင်းသားများအား “ Myanmar, ASEAN and the World : The Way Forward” ခေါင်းစဉ်ဖြင့် ဟောပြောခြင်းများ ဆောင်ရွက်မည် ဖြစ်သည်။

နိုင်ငံတော်အတိုင်ပင်ခံပုဂ္ဂိုလ်နှင့်အတူ အလုပ်သမား၊ လူဝင်မှု ကြီးကြပ်ရေးနှင့် ပြည်သူ့အင်အားဝန်ကြီးဌာန ပြည်ထောင်စုဝန်ကြီး ဦးသိန်းဆွေ၊ စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်း နှင့် နိုင်ငံခြားရေးဝန်ကြီးဌာန ဒုတိယ၀န်ကြီး ဦးကျော်တင် တို့ လိုက်ပါသွားကြသည်။

Myanmar State Counsellor Office
https://www.facebook.com/state.counsellor



ရဘိန်းကျေးရွာအုပ်ချုပ်ရေးမှူး ဦးသီဟကျော်စွာထွန်းအား ဇွန်လ ၂၃ ရက်နေ့က နေပြည်တော်-ရန်ကုန် အမြန်လမ်းဘေး အုတ်တံတိုင်းခတ်မယ့်နေရာတွင် တွေ့ရစဉ်။ Photo: Win Ko Ko Latt/RFA
ရန်ကုန်- နေပြည်တော် အမြန်လမ်းမကြီးဘေးရှိ  ကျေးရွာ ၁၁ ရွာက အသုံးပြုနေတဲ့လမ်းကို ဆောက်လုပ်ရေး ဝန်ကြီးဌာနက အုတ်တံတိုင်းခတ်ဖို့ စီစဉ်နေတဲ့အတွက် သွားလာရေးအခက်အခဲဖြစ်မှာကို အနီးအနားရှိ ဒေသ ခံတွေက စိုးရိမ်နေကြပါတယ်။

ရန်ကုန်- နေပြည်တော် ၁၉၂ မိုင်တိုင်အနီးက အဲ့ဒီလမ်းကို အုတ်တံတိုင်းခတ်လိုက်မယ်ဆိုရင် သွားလာရေး ခက်ခဲနိုင်တဲ့အတွက် တံတားအသစ်တွေ ဦးစွာပထမဆောက်လုပ်ပေးဖို့ ဒေသခံတွေ စုပေါင်းပြီး မြို့နယ်အုပ်ချုပ်ရေးမှူး ထံ တင်ပြထားတယ်လို့ ရဘိန်းကျေးရွာအုပ်ချုပ်ရေးမှူး ဦးသီဟကျော်စွာထွန်း က ပြောပါတယ်။

"ဒီတံတိုင်းခတ်မယ်ဆိုရင် ကျနော်တို့မှာ အခက်အခဲတွေ အများကြီးရှိတယ်ပေါ့၊ ကားလည်းဖြတ်လို့ မရဘူး၊ ဆိုင်ကယ်လည်းသွားလို့မရဘူးပေါ့၊ ဒီချောင်းတံတားကလည်း မဆောက်ပေးသေးဘူးခင်ဗျာ၊  မြို့နယ်အုပ်ချုပ်ရေးမှူးကို ကျနော်သွားပြီးတော့ တိုင်ပင်ဆွေးနွေးခဲ့ပါတယ်"

ဆောက်လုပ်ရေးဝန်ကြီးဌာနက မနေ့က မြေနေရာတိုင်းတာပြီး အုတ်တွေပုံထားတယ်လို့လည်း သူက ပြော ပါတယ်။

ဒေသခံတွေတင်ပြတဲ့ လမ်းတံတားတွေ ဖောက်လုပ်မပေးရင် ကျန်းမာရေး၊ ပညာရေး၊ ဒေသထွက်ကုန်တွေ သယ်ယူပို့ဆောင်ဖို့ အခက်အခဲတွေ ဖြစ်လာနိုင်တယ်လို့လည်း ပြောပါတယ်။

အုတ်တံတိုင်းကာမယ့် လမ်းကို ရဘိန်း၊ အောင်သပြေ၊ အောင်စီနတ်ကန်၊ ကြိမ်မြောင်၊ အောင်မင်္ဂလာ၊ အောင်သာ၊ ယက္ကန်းစင်၊ အောင်သာယာ၊ မင်းရေး၊ သာယာကုန်း၊ ဆပ်ပြာကျင်း၊ ကျေးရွာတွေက ဒေသခံထောင်နဲ့ချီပြီး အသုံးပြုနေတာဖြစ်ပါတယ်။

RFA Burmese
http://www.rfa.org/burmese


နိုင်ငံတော်၏ အကြံပေးပုဂ္ဂိုလ်လည်းဖြစ်၊ နိုင်ငံခြားရေးဝန်ကြီးလည်းဖြစ်တဲ့ ဒေါ်အောင်ဆန်းစုကြည်ဟာ ထိုင်းအစိုးရရဲ့ ဖိတ်ကြားချက်အရ ၃ ရက်ကြာ တရားဝင် ခရီးစဉ်အဖြစ် ဒီကနေ့ ရောက်ရှိမှာ ဖြစ်ပါတယ်။ ခရီးစဉ်အတွင်း မြန်မာအလုပ်သမားတွေနဲ့ တွေ့ဆုံဖို့ စီစဉ်တဲ့နေရာမှာ ထိုင်းလုပ်ငန်းရှင်တွေနဲ့ ဒေသခံ အာဏာပိုင်တွေက သူတို့ တွေ့စေချင်တဲ့ မြန်မာအလုပ်သမားတွေနဲ့ပဲ တွေ့ခွင့်ပေးဖို့ စီစဉ်နေတယ်လို့ ထိုင်းနိုင်ငံရောက် မြန်မာအလုပ်သမားရေး ဆောင်ရွက်သူတွေက ပြောပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြပေးပါမယ်။

ဒေါ်အောင်ဆန်းစုကြည်ဟာ ဒီကနေ့ နေ့လည်ပိုင်းမှာ ထိုင်းနိုင်ငံ၊ ဘန်ကောက်မြို့ကို ဆိုက်ရောက်မှာ ဖြစ်ပါတယ်။ ဘန်ကောက်မြို့ကို ရောက်ရောက်ချင်း တည်းခိုမယ့် ဟိုတယ်ကို မသွားခင် မြန်မာသံရုံးအသစ် တည်ဆောက်မှုကို သွားရောက် ကြည့်ရှုပြီး သံရုံးဝန်ထမ်းတွေနဲ့ နေ့လည်စာ စားမှာ ဖြစ်ပါတယ်။ ထိုင်းနိုင်ငံအတွင်း ရွှေ့ပြောင်း မြန်မာအလုပ်သမားတွေ သိန်းနဲ့ချီရှိနေတာကြောင့် ဒေါ်အောင်ဆန်းစုကြည်ဟာ ဘန်ကောက်မြို့ရောက်ပြီး မကြာခင် မဟာချိုင်မြို့က ထလေထိုင်ရပ်ကွက်မှာ မြန်မာအလုပ်သမားတွေနဲ့ ညနေ ၄ နာရီကနေ ၆ နာရီအကြား ၂ နာရီကြာ တွေ့ဆုံဖို့ စဉ်ထားတာပါ။

ဒေါ်အောင်ဆန်းစုကြည်နဲ့ မြန်မာအလုပ်သမားတွေ တွေ့ဆုံတဲ့နေရာမှာ အဆင်ပြေ ချောမွေ့စေရေးအတွက် ထိုင်းနိုင်ငံဆိုင်ရာ မြန်မာသံအမတ်ကြီးက ထိုင်းနိုင်ငံမှာရှိနေတဲ့ မြန်မာ အလုပ်သမားအရေး ဆောင်ရွက်နေတဲ့ အဖွဲ့အစည်းတွေနဲ့ တွေ့ဆုံ ညှိနှိုင်းခဲ့တယ်လို့ တွေ့ဆုံပွဲမှာ ပါဝင်ခဲ့တဲ့ ထိုင်းနိုင်ငံရောက် မြန်မာအလုပ်သမားများအဖွဲ့က အမှုဆောင်ဒါရိုက်တာ ဦးကျော်သောင်းက ပြောပါတယ်။

“၂၀ ရက်နေ့က သံအမတ်ကြီးကနေပြီးတော့ ကျနော်တို့အပါအ၀င် NGO ၃ ခုနဲ့ အလုပ်သမား ကူညီစောင့်ရှောက်တဲ့အဖွဲ့ ၁၀ ဖွဲ့ စုစုပေါင်း ၁၃ ဖွဲ့ကို ခေါ်တွေ့တယ်။ ခေါ်တွေ့တဲ့အချိန်အခါမှာ ကျနော်တို့ ၁၃ ဖွဲ့က အဖွဲ့ခေါင်းဆောင်တွေ တယောက် တယောက်ဆီက သံရုံးကပေးထားတဲ့ ရင်ထိုးနဲ့အတူ ကျနော်တို့ ဒေါ်အောင်ဆန်းစုကြည်နဲ့ အလုပ်သမား ၅၀၀ ကြားထဲမှာ နေခွင့်ပေးတယ်။ ဒါပေမဲ့ သူက ဘယ်သူ့ကို ဘာပြောပါ။ အလုပ်သမားတွေကိုလည်း ဘယ်သူ့ကို ဘာပြောပါ။ အလုပ်သမားအဖွဲ့ခေါင်းဆောင်တွေကိုလည်း ဘယ်သူက ဘာပြောပါဆိုပြီးတော့ ရွေးမထားဘူး။ ဒေါ်အောင်ဆန်းစုကြည်အနေနဲ့ ကြိုက်တဲ့မေးခွန်း၊ ကြိုက်တဲ့လူတွေ မေးပါစေ ဆိုပြီးတော့ အစီအစဉ်ချထားတယ်။”

မြန်မာသံရုံးနဲ့ အလုပ်သမားအရေး ဆောင်ရွက်နေတဲ့ အဖွဲ့အစည်းတွေက ဒေါ်အောင်ဆန်းစုကြည်နဲ့ အလုပ်သမားတွေ လွတ်လပ်စွာ တွေ့ဆုံနိုင်ရေးအတွက် စီစဉ်နေပေမဲ့လည်း တဘက်မှာ အိမ်ရှင် ထိုင်းနိုင်ငံဘက်က လုပ်ငန်းရှင်တွေနဲ့ ဒေသခံ တာဝန်ရှိသူတွေက မြန်မာအလုပ်သမားတွေအပေါ် ထိုင်းလုပ်ငန်းရှင်တွေဘက်က မတရားဖိနှိပ်တာ၊ လုပ်အားခ နှိမ်ထားတာတွေကို ဒေါ်အောင်ဆန်းစုကြည် သိရှိသွားမှာ စိုးရိမ်တဲ့အတွက် သူတို့စိတ်တိုင်းကျ မြန်မာအလုပ်သမားတွေကို ရွေးချယ်ပြီး တွေ့ဆုံပွဲမှာ တက်ခိုင်းဖို့ စီစဉ်နေတယ်လို့ ဦးကျော်သောင်းက ပြောပါတယ်။

“ဒီနေ့ဖြစ်လာတဲ့ အခြေအနေက ဘာလဲဆိုတော့ မဟာချိုင်မှာ ဖွန်းဝဆိုတာက အရပ်သားလူကြီးပေါ့ မြို့နယ်မှူး ကျနော်တို့ မြန်မာလိုဆိုရင် ခရိုင်အုပ်ချုပ်ရေးမှူးပေါ့ သူကနေပြီးတော့ ကျနော်တို့ဘက်က ထွက်တဲ့အသံတွေ မြန်မာသံရုံးက စီစဉ်တဲ့အစီအစဉ်ကို တားတယ်။ အထူးသဖြင့် နှစ်ပေါင်းများစွာ မြန်မာအလုပ်သမားတွေကို ဖိနှိပ်ထားတာ ကျနော်တို့တိုင်းပြည်ကို အရင်အုပ်ချုပ်ခဲ့တဲ့ အစိုးရအဆက်ဆက်ကလည်းပဲ ကျနော်တို့ အလုပ်သမားတွေအပေါ်မှာ ကာကွယ်စောင့်ရှောက်မှု မရှိခဲ့သလို ဖြစ်ခဲ့လေတော့ သူတို့ ရက်စက်ချင်တိုင်း ရက်စက်၊ နှိပ်ကွပ်ချင်တိုင်း နှိပ်ကွပ် မတရားမှု ပြုချင်တိုင်း ပြုလို့ရတဲ့ လူတန်းစားတရပ်ဟာ ကျနော်တို့ မြန်မာအလုပ်သမားပဲ။ အဲဒီအခင်းအကျင်းတွေကို ကျနော်တို့ နှစ်ပေါင်းများစွာ ဆယ်စုနှစ်တွေချီပြီးတော့မှ အလုပ်သမားရေး လုပ်နေတဲ့ ကျနော်တို့လိုလူတွေ နောက်ပြီးတော့ အဲ့ဒီလိုပဲ တာရှည်လုပ်နေတဲ့ အလုပ်သမားတွေနဲ့ ဒေါ်အောင်ဆန်းစုကြည် စကားပြောဖြစ်လို့ရှိရင် သူတို့တိုင်းပြည်မှာ အလုပ်သမားတွေကို နှိပ်ကွပ်ထားတာ ပေါ်သွားမှာကို စိုးရိမ်ဟန်တူတယ်။ အဲဒါကြောင့်မို့လို့ ထိုင်းအစိုးရနဲ့ ထိုင်းလုပ်ငန်းရှင်ကြီးတွေနဲ့ ဖက်စပ်လုပ်နေတဲ့ အလုပ်ရုံကြီးတွေက သူတို့ စိတ်ကြိုက် အလုပ်သမားတွေကို ခေါ်ပြီးတော့မှ သွင်းမယ်လို့ ကျနော်တို့ သတင်းရထားတယ်။”

ဒေါ်အောင်ဆန်းစုကြည် မရောက်ခင် တရက်အလို ဗုဒ္ဓဟူးနေ့အထိ တွေ့ဆုံပွဲမှာ တက်မယ့် အလုပ်သမားတွေ ရွေးချယ်ရေးကိစ္စနဲ့ ပတ်သက်လို့ ထိုင်းဘက်နဲ့ မြန်မာဘက်အကြား ညှိနှိုင်းလို့ မရသေးဘူးလို့ ဦးကျော်သောင်းက ပြောပါတယ်။ ထိုင်းလုပ်ငန်းရှင်တွေနဲ့ ဒေသခံ အာဏာပိုင်တွေက အဲဒီလို စီစဉ်နေတယ်ဆိုတဲ့အကြောင်း သိရှိသွားကြတဲ့အတွက် မြန်မာအလုပ်သမားတွေကြားမှာလည်း မကျေနပ်မှုတွေ ရှိနေတယ်လို့ ဆိုပါတယ်။

နောက်ဆုံး မြန်မာအလုပ်သမားတွေဘက်က လိုချင်တဲ့ပုံစံအတိုင်း လွတ်လပ်စွာ တွေ့ဆုံတာမျိုး မဟုတ်ပဲ၊ ထိုင်းဒေသခံ အာဏာပိုင်တွေဘက်က အတင်းအဓမ္မ သူတို့လူတွေကို ဆွဲထည့်တာမျိုး ဖြစ်ခဲ့ရင်တော့ မကျေနပ်တဲ့ မြန်မာအလုပ်သမားတွေဖက်က ဆန္ဒပြတာမျိုးအထိ ဖြစ်လာကောင်း ဖြစ်လာနိုင်တယ်လို့ အလုပ်သမားအရေး ဆောင်ရွက်နေသူတွေက ပြောပါတယ်။

မြန်မာအလုပ်သမားတွေအရေး ကူညီဆောင်ရွက်ပေးနေတဲ့ အဖွဲ့အစည်းတွေကတော့ - အရင် အစိုးရလက်ထက်က ချုပ်ဆိုခဲ့တဲ့ မြန်မာအလုပ်သမားများဆိုင်ရာ စာချွန်လွှာတွေဟာ ပွဲစားတွေက ကြားကနေ ခေါင်းပုံဖြတ်ဖို့ အခွင့်အရေး ဖန်တီးပေးထားသလို ဖြစ်နေတဲ့အတွက် ဒေါ်အောင်ဆန်းစုကြည်အနေနဲ့ လမ်းဟောင်းကိုမလိုက်ဘဲ အလုပ်သမားတွေအရေး တကယ် အကျိုးရှိစေမယ့် သဘောတူညီချက်တွေ ချမှတ် လုပ်ဆောင်ပေးဖို့ နိုင်ငံခြားရေးနဲ့ အလုပ်သမားရေး ၀န်ကြီးဌာန အပါအ၀င် သက်ဆိုင်ရာ အဖွဲ့အစည်းအသီးသီးတို့ထံ အိတ်ဖွင့်ပေးစာ ပေးထားတယ်လို့ ဦးကျော်သောင်းက ပြောပါတယ်။

ဒေါ်အောင်ဆန်းစုကြည်ဟာ ခရီးစဉ် ဒုတိယနေ့၊ သောကြာနေ့မှာတော့ မြန်မာဒုက္ခသည်တွေအရေး ထိုင်းနိုင်ငံတောင်ပိုင်း ထာဟင်း ဒုက္ခသည်စခန်းကို သွားဖို့ စီစဉ်ထားပေမယ့် တကယ် သွားဖြစ်မယ်၊ မဖြစ်ဘူးဆိုတဲ့အပေါ် အတိပြုလို့ မရနိုင်သေးပဲ ဖြစ်နေပါတယ်။

ဒေါ်အောင်ဆန်းစုကြည်ရဲ့ ဒီခရီးစဉ်အတွင်း ၀န်ကြီးချုပ် Prayut chan-o-cha နဲ့ တွေ့ဆုံတဲ့အခါ မြန်မာဒုက္ခသည်တွေ နေရပ်ရင်းပြန်ရေးကိစ္စကို ဆွေးနွေးလိမ့်မယ်လို့ ဒီခရီးစဉ်အကြောင်း သိရှိသူထားသူတွေက ဗွီအိုအေကို ပြောပါတယ်။ ဒါ့အပြင် ထိုင်းနိုင်ငံရောက် မြန်မာအလုပ်သမားတွေအရေးနဲ့ နှစ်နိုင်ငံ ကုန်သွယ်ရေးဆိုင်ရာ ကိစ္စရပ်တွေအတွက် MOU နှစ်နိုင်ငံ နားလည်မှုစာချွန်လွှာ ရေးထိုးကြဖို့ ရှိတယ်လို့ ဆိုပါတယ်။ မြန်မာသမ္မတရုံး ၀န်ကြီးဌာန ပြောခွင့်ရပုဂ္ဂိုလ် ဦးဇော်ဌေးကတော့ ထိုင်းနိုင်ငံမှာရောက်နေတဲ့ မြန်မာ ဒုက္ခသည်တွေ နေရပ်ပြန်ရေးနဲ့ပတ်သက်လို့ ဒေါ်အောင်ဆန်းစုကြည်ရဲ့ ထိုင်းနိုင်ငံခရီးစဉ်အတွင်း ဒုက္ခသည်စခန်းကို သွားပြီးတဲ့အခါမှာ ကြေညာချက် ထုတ်ပြန်ဖို့ရှိတယ်လို့ ကုလသမဂ္ဂ သတင်းဌာနကို ပြောကြားထားပါတယ်။

 ကိုဇော်ဝင်းလှိုင် / ဗွီအိုအေ (မြန်မာပိုင်း)
http://burmese.voanews.com



ထလေထိုင်း ခန်းမ မှာ မြန်မာအလုပ်သမားတွေ ကို တွေ့ဆုံမယ်
ဇွန်လ ၂၃ ရက်နေ့မှာ မြန်မာနိုင်ငံ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ထိုင်းနိုင်ငံ ကို ရောက်ရှိလာမှာပါ။

ထိုင်းနိုင်ငံ ခရီးစဉ် အတွင်း လုပ်ဆောင်မယ့်အစီအစဉ် တွေ နဲ့ ပတ်သက်ပြီး နောက်ဆုံးအချိန်ကပ်မှ အပြောင်းအလဲ တချို့ရှိတယ်လို့လည်း သိရပါတယ်။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ထိုင်းနိုင်ငံ ကိုရောက်လာရင် ထိုင်းအစိုးရက ကြိုဆိုတာ တွေ ကိုတွေ့ ဆုံပြီးတဲ့နောက်ပိုင်း မြန်မာရွှေ့ပြောင်းအလုပ်သမား တွေ အများအပြားရှိတဲ့ မဟာချိုင် ကို မွန်းလွဲပိုင်းလောက် မှာ သွားရောက်မှာပါ။

အဲဒီမှာ ရှိတဲ့ ထလေထိုင်း ခန်းမ မှာ မြန်မာအလုပ်သမားတွေ ကို သူတွေ့ဆုံမယ့်အစီအစဉ် ရှိပါတယ်။

အဲဒီအစီအစဉ်မှာ အရင်တုန်း ကတော့ ထိုင်းနိုင်ငံ ဆိုင်ရာ မြန်မာသံအမတ် က နေ မြန်မာအလုပ်သမားတွေ ကို ပြောကြားထားချက်အရ ပြောရမယ် အဲဒီ ခန်းမက လူ ၅၀၀ လောက်ဆန့်ပြီး ဘယ်အလုပ်ရုံ ကမဆို အလုပ်သမားတိုင်း အဲဒီ ကို လာတွေ့လို့ ရတယ်။

အလုပ်သမားတွေ စုံအောင် စီစဉ်ဖို့လည်း သံအမတ် ကမှာတယ်လို့ မြန်မာ့အလုပ်သမား အရေးလှုပ်ရှားသူတွေ ကပြောပါတယ်။

ဒါပေမယ့် မနေ့ ကပဲ လာတွေ့မယ့်အလုပ်သမားတွေ ရွေးချယ်တာနဲ့ပတ်သက်ပြီး ထိုင်းအာဏာပိုင် တွေ က အပြောင်းအလဲတွေ လုပ်လိုက်တယ် လို့ ထိုင်းနိုင်ငံ ရောက်မြန်မာများအဖွဲ့က ဒေါ်သက်သက်ဉီး က ပြောပါတယ်။

ဇွန်လ ၂၄ ရက်နေ့ ဒုတိယနေ့ ခရီးစဉ်မှာတော့ ထိုင်းနိုင်ငံ နိုင်ငံခြားရေးဝန်ကြီးဌာန မှာ ထိုင်းတက္ကသိုလ်ကျောင်းသူ ကျောင်းသားတွေ ကို မြန်မာ၊ အာဆီယံ နဲ့ ကမ္ဘာ ဆိုတဲ့ခေါင်းစဉ်နဲ့ ဒေါ်အောင်ဆန်းစုကြည် က ဟောပြောမှာပါ။ အဲဒီကနေ ဆက်လက်ပြီး ထိုင်းနိုင်ငံ ဝန်ကြီးချုပ်တဲ့တွေ့ဆုံမယ့် အစီအစဉ် တွေ ရှိပါတယ်။

အဲဒီအစီအစဉ် တွေ နဲ့ပတ်သက်ပြီး အပြောင်းအလဲ မရှိပေမယ့် နောက်ဆုံးနေ့ စနေနေ့ မှာ ဒေါ်အောင်ဆန်းစုကြည် နယ်စပ်က ဒုက္ခသည် စခန်းတခုဖြစ်တဲ့ ထမ်ဟင်း ဒုက္ခသည် စခန်း ကို သွားရောက်မယ့်အစီအစဉ် ကိုတော ဖျက်သိမ်း လိုက်ပါတယ်။

ထိုင်း နဲ့ မြန်မာ နယ်စပ်တလျှောက် က မြန်မာဒုက္ခသည်စခန်းတွေ ကို ကူညီထောက်ပံ့မှုတွေ လုပ်ပေးနေတဲ့ ထိုင်းဘော်ဒါ ကွန်ဆော် တီယံ အဖွဲ့ က ဒါရိုက်တာ ဆယ်လီသွန်မဆင် က အဲဒီအစီအစဉ် ဖျက်သိမ်းလိုက် တဲ့အကြောင်း သူတို့ကို အကြောင်းကြားလာတယ်လို့ ပြောပါတယ်။

အရင် က ဒေါ်အောင်ဆန်းစုကြည်က ဒုက္ခသည် စခန်း ကို သွားရောက်ပြီး စခန်း က ကျောင်းတွေ၊ ထောက်ပံ့ရေး အစီအစဉ်တွေနဲ့ စိုက်ပျိုရေး အစီအစဉ်တွေကို ကြည့်ရှု ဖို့ စီစဉ်ထားတာ ဖြစ်ပါတယ်။

အခုတော့ ဒုက္ခသည် စခန်း ကို ဒေါ်အောင်ဆန်းစုကြည် လာရောက်တော့မှာ မဟုတ်တဲ့ အတွက် မိမိတို့ဘက် က မျှော်လင့်ချက်တွေ ပျက်သုဉ်း ခဲ့ပြီလို့ ဒုက္ခသည် စခန်း မှာ နေထိုင်သူတွေက ပြောကြားနေပါတယ်။

BBC Burmese
http://www.bbc.com/burmese


(တောင်ကြီး၊ ဇွန် ၂၂ )

၂၀၁၆ခုနှစ်အတွင်း ရှမ်းပြည်နယ်ထွက် အရည်အသွေးကောင်း အော်ဂဲနစ်လက်ဖက်ခြောက်များကို ဂျာမဏီ နိုင်ငံသို့ တင်ပို့သွားမည်ဖြစ်ပြီး ထိုသို့တင်ပို့သွားနိုင်ရန်အတွက်လည်း လက်ဖက်လုပ်ငန်းရှင်များအစုအဖွဲ့အ နေဖြင့် အဆင်သင့်စီမံဆောင်ရွက်ထားပြီးဖြစ်ကြောင်း ရှမ်းပြည်နယ်တောင်ပိုင်း ဓနုကိုယ်ပိုင်အုပ်ချုပ်ခွင့်ရ ဒေသ ပင်းတယမြို့ စီးကျအင်းကျေးရွာ လက်ဖက်လုပ်ငန်းရှင်တစ်ဦးထံမှသိရသည်။

ထိုသို့တင်ပို့နိုင်ရန် လဖက်စိုက်ပျိုးထုတ်လုပ်သူတောင်သူများအနေဖြင့် ဓာတုကင်းလွတ်သီးနှံတစ်ခုဖြစ်ရန် အော်ဂဲနစ်စိုက်ပျိုးနည်းစနစ် Organic Farming ဖြင့်ကြိုးပမ်းခဲ့ရပြီး အဆိုပါလက်ဖက်ခြောက်များကို ပင်းတ ယမြို့နယ် Green Tea စံပြစက်ရုံမှထုတ်လုပ်၍ ၂၀၁၆ခုနှစ်အတွင်း တန်ချိန် ၁.၅တန်ကိုတင်ပို့သွားမည် ဖြစ်သည်။

အဆိုပါလက်ဖက်ခြောက်စက်ရုံမှ တစ်လလျှင် လဖက်ခြောက်ပိဿာချိန် ၂၅၀ကို ထုတ်လုပ်နိုင်မည်ဖြစ်ပြီး ဂျာမဏီသို့ တစ်ပိဿာလျှင် မြန်မာငွေကျပ် တစ်သောင်းငါးထောင်ဖြင့် ရောင်းချသွားမည်ဖြစ်ကာ လက်ရှိ ဒေသတွင်း လက်ဖက်ခြောက်ပေါက်ဈေးမှာ အမျိုးအစားပေါ်မှုတည်၍ တစ်ပိဿာကျပ် ၃၀၀၀မှကျပ် ၆၀၀၀ အထိရှိကြောင်းသိရသည်။

ရှမ်းပြည်နယ်ထွက် အော်ဂဲနစ်လက်ဖက်ခြောက်ကို ဂျာမဏီနိုင်ငံက၀ယ်ယူရန် ဖေဖေါ်ဝါရီလအတွင်းကပင် လာရောက်ကမ်းလှမ်းခဲ့ခြင်းဖြစ်ကြောင်း၊ ထိုသိုိ့အရည်အသွေးမြင့် လက်ဖက်ခြောက်များထုတ်လုပ်နိုင်ရန် လိုအပ်သည့်နည်းပညာများကို ဂျာမဏီအခြေပြု GIZ အပြည်ပြည်ဆိုင်ရာဖွံ့ဖြိုးရေးအဖွဲ့အစည်းမှ လက်ဖက် စိုက်တောင်သူများအား ထောက်ပံ့ကူညီပေးခဲ့ကြောင်း၊ ဇူလိုင်လအတွင်း လာရောက်ဝယ်ယူမည့် ဂျာမဏီိ နိုင်ငံမှလုပ်ငန်းရှင်များနှင့် စာချုပ်ချုပ်ဆိုရန်အတွက်လည်း အဆိုပါအဖွဲ့မှပင် ကြီးမှူးဆွေးနွေးလျှက်ရှိ ကြောင်းသိရသည်။

လက်ရှိ အဆိုပါ GIZ အဖွဲ့၏ပံ့ပိုးကူညီမှုဖြင့် ရှမ်းပြည်နယ်အတွင်းလက်ဖက်ခြောက်ထုတ်လုပ်သည့်စက်ရုံ ခုနှစ်ရုံကို ထပ်မံတည်ဆောက်လျှက်ရှိကာ ရှမ်းပြည်နယ်နှင့် အခြားဒေသများအပါအ၀င် မြန်မာနိုင်ငံအတွင်း လဖက်စိုက်ဧကပေါင်း ရှစ်သိန်းခန့်နှင့် လဖက်ခြောက်ထုတ်လုပ်သည့်စက်ရုံပေါင်း ၁၀၀ကျော်ရှိကြောင်း အ ဆိုပါလက်ဖက်လုပ်ငန်းရှင်မှပြောပြသည်။

မီဆိုင်းရာ
ကမ္ဘောဇတိုင်းသတင်းဂျာနယ်
https://www.facebook.com/kanbawzatai


ထိုင်းဝန်ကြီးချုပ် ပရာယွတ်ချန်အိုချာသည် ဒေါ်အောင်ဆန်းစုကြည်နှင့် တွေ့ဆုံသည့်အခါ ဘင်္ဂါလီ ကိစ္စရပ်အား ထည့်သွင်း ဆွေးနွေးမည် မဟုတ်ဘဲ ထိုကိစ္စရပ်မှာ မြန်မာနိုင်ငံ၏ ပြည်တွင်းရေးသားဖြစ်သည်ဟု ပြောကြားခဲ့သည်။

ဘင်္ဂါလီကိစ္စရပ်မှာ အထိခိုက်မခံသော မြန်မာ့ပြည်တွင်းရေး ဖြစ်သဖြင့် ထိုင်းအစိုးရက ကြားဝင် စွက်ဖက်မည် မဟုတ်ဟု ၀န်ကြီးချုပ်က မီဒီယာများအား အစိုးရအိမ်တော်၌ အင်္ဂါနေ့တွင် ပြောကြားခြင်းဖြစ်သည်။

ဝန်ကြီးချုပ် ပရာယွတ်က “တကယ်လို့ သူ (ဒေါ်အောင်ဆန်းစုကြည်) က ဒီကိစ္စအကြောင်း ပြောလာရင်တော့ ကျွန်တော် နားထောင်ပေးပါမယ်။ မြန်မာအစိုးရက ကျွန်တော်တို့ဆီကို လာလည်တဲ့ ဧည့်သည်ဖြစ်ပြီး ဒီကိစ္စကို ဆွေးနွေးဖြစ်မယ်ဆိုရင် သူတို့က စပြောတာမျိုးပဲ ဖြစ်မှာပါ။ ကျွန်တော်က နားထောင်ပေးပြီး ကူညီနိုင်တာကို ကူညီပေးမှာ ဖြစ်ပေမယ့် မြန်မာနိုင်ငံရဲ့ ပြည်တွင်းရေးကိုတော့ စွက်ဖက်မှာ မဟုတ်ပါဘူး” ဟု ပြောကြားသည်။

ကြာသပတေးနေ့တွင် စတင်မည့် ဒေါ်အောင်ဆန်းစုကြည်၏ သုံးရက်ကြာ ထိုင်းနိုင်ငံခရီးစဉ်တွင် ၀န်ကြီးချုပ်နှင့် တွေ့ဆုံဆွေးနွေးသည့်အခါ ဘင်္ဂါလီကိစ္စရပ်အား ထည့်သွင်း ဆွေးနွေးခြင်း ပြုမပြု မီဒီယာများက မေးမြန်းခဲ့သဖြင့် ၀န်ကြီးချုပ်က ဖြေကြားခြင်းဖြစ်သည်။

ထိုင်းနိုင်ငံတွင် ရောက်ရှိနေသည့် မြန်မာ ဒုက္ခသည်များ၊ ရွှေ့ပြောင်းလုပ်သားများနှင့် ပတ်သက်၍ မီဒီယာများက မေးမြန်းသည့်အခါ ထိုမြန်မာနိုင်ငံသားများအား ထိုင်းအစိုးရ စောင့်ရှောက်မည်ဟု မြန်မာအစိုးရထံ ကတိပေးထားကြောင်း ၀န်ကြီးချုပ်က ဖြေကြားခဲ့သည်။

ဒေါ်အောင်ဆန်းစုကြည်သည် မြန်မာရွှေ့ပြောင်း လုပ်သားများနှင့် ဆာမွတ်ဆာခွန်တွင် တွေ့ဆုံပြီးနောက် သောကြာနေ့တွင် ၀န်ကြီးချုပ် ပရာယွတ်ချန်အိုချာနှင့် တွေ့ဆုံမည်ဖြစ်သည်။

KHTun
The Ladies News
https://www.facebook.com/News.TheLadies/


22June2016

ထိုင်းနိုင်ငံ လေကြောင်းလိုင်းက လေယာဉ် မယ်လို့  ကိုယ်ပိုင်ဖေ့ဘုတ်စာ မျက်နှာမှာဖေါ်ပြထားပြီး မိတ်ဆွေဖြစ်လာတဲ့ သူ အနည်းဆုံး(၁၂)ဦးဆီက ဘတ်ငွေ ၁၀ သန်းကျော် (ကျပ်ငွေသိန်းသုံးထောင်)လိမ်သွားခဲ့သူ အသက် (၃၇ )နှစ်ရှိ ထိုင်းအမျိုးသမီးတဦးကို ချင်းမိုင်း ရဲတွေက သူမပုန်းနေတဲ့နေရာကို လိုက်လံရှာဖွေ ဖမ်းဆီးနိုင်ခဲ့ပါတယ်။


နစ်ချာ (Nitcha)ဆိုတဲ့ နံမည်နဲ့  လေယာဉ်မယ်ပုံ ၀တ်စားထားပြီး နိုင်ငံတကာ ရူခင်း ပုံတွေ လေယာဉ်မယ်ပုံတွေကို တင်ထားပါတယ်၊ စိတ်ဝင်စားလို့  ဆက် သွယ်လာမယ့် သားကောင်တွေကို စောင့်နေခဲ့တာပါ။

မိတ်ဆွေဖြစ်တဲ့အခါ သူမဟာ ထိုင်းလေကြောင်းလိုင်းက လူကြီးတဦးရဲ့ သမီး
ဖြစ်ကြောင်း ယုံကြည်လာအောင်ပြောပါတယ်၊ နိုင်ငံခြားသွားလည်ပါတ်ကြမယ့်သူရှိရင်ဗီဇာလျောက်ပေးမယ်၊ ဈေးနုံးသက်
သက်သာသာနဲ့ သွားရမယ်လူဦးရေကန့် သတ်လို့ ၊သူမဖေ့ဘုတ်မှာ ကြောငြာလိုက်တာပါ။

ထိုင်းနိုင်ငံသားတွေ သွားချင်တဲ့ ဥရောပနိုင်ငံတွေမှာ အလည်အပါတ်ဗီဇာရဘို့ 
လွယ်လှတာမဟုတ်တော့ လူကြီးသားသမီးလုပ်ပေးရင်ဖြစ်နိုင်မယ်ထင်ပြီး သွားဘို့ ကြိုးစားနေတဲ့သူတွေက သူမတောင်းတဲ့ အချက်အလက်တွေပေးကြ
ပါတယ်။

နောက်ဆုံးလေယာဉ် လက်မှတ်-လည်ပါတ်စရိတ် အာမခံငွေပြဘို့  ငွေကို ဘဏ်ကနေ လွဲပေးလိုက်ပြီး တဲ့နောက် ငွေထုတ် ပိုက်ပြီး ထွက်ပြေးသွားခဲ့ တာဖြစ်ကြောင်း ရဲတပ်ဖွဲ့  ရဲ့  သတင်းစာ၇ှင်းလင်းပွဲမှာ ထုတ်ဖေါ်ပြောဆို သွားခဲ့ပါတယ်။

(SAW)
Manager online
Social Action for Women - SAW


 မြန်မာနိုင်ငံဆိုင်ရာ ဥရောပသမဂ္ဂ သံအမတ်ကြီး ရိုလန်ကိုဘီယာက ဦးဆောင်ပြီး ဒီကနေ့ ရန်ကုန်မြီု့မှာ သတင်းစာရှင်းလင်းပွဲပြုလုပ်ခဲ့
မြန်မာနိုင်ငံဆိုင်ရာ ဥရောပသမဂ္ဂ သံအမတ်ကြီး ရိုလန်ကိုဘီယာက ဦးဆောင်ပြီး ဒီကနေ့ ရန်ကုန်မြီု့မှာ သတင်းစာရှင်းလင်းပွဲပြုလုပ်ခဲ့

မြန်မာ့ ဒီမိုကရေစီ အသွင်ကူးပြောင်းရေးမှာ တပ်မတော် အနေနဲ့ တက်တက်ကြွကြွ ဆောင်ရွက်ဖို့ အီးယူ ဥရောပသမဂ္ဂက တိုက်တွန်းလိုက်ပါတယ်။ အီးယူ ဥရောပ သမဂ္ဂ အဖွဲ့ဝင် နိုင်ငံ ၂၈ နိုင်ငံရဲ့ နိုင်ငံခြားရေး ၀န်ကြီးတွေ ဘရက်ဆဲလ် မြို့မှာ မြန်မာနိုင်ငံရဲ့ အသွင်ကူးပြောင်းရေး ကိစ္စတွေနဲ့ ပတ်သတ်လို့ ဆွေးနွေးခဲ့ကြတာကို မြန်မာနိုင်ငံဆိုင်ရာ ဥရောပသမဂ္ဂ သံအမတ်ကြီး ရိုလန်ကိုဘီယာက ဦးဆောင်ပြီး ဒီကနေ့ ရန်ကုန်မြီု့မှာ သတင်းစာရှင်းလင်းပွဲတစ်ရပ် ကျင်းပခဲ့ပါတယ်။ ကိုယ်တိုင်သွားရောက်သတင်းယူခဲ့တဲ့ ဗွီအိုအေမြန်မာပိုင်း သတင်းထောက် ကိုထက်အောင်က ပြောပြပေးမှာပါ။

အီးယူ ဥရောပ သမဂ္ဂ အဖွဲ့ဝင် နိုင်ငံတွေရဲ့ နိုင်ငံခြားရေး ၀န်ကြီး ၂၈ ယောက်က တွေ့ဆုံပြီး မြန်မာနိုင်ငံ အသွင်ကူးပြောင်းရေး လုပ်ငန်းစဉ်တွေနဲ့ ပတ်သတ်လို့ လုပ်ငန်းစဉ်တွေကို ပြီးခဲ့တဲ့ တနင်္လာနေ့က အီးယူ ဥရောပသမဂ္ဂ ရုံးချုပ်ရှိတာ ဘရက်ဆဲလ်မြို့မှာ ဆွေးနွေးခဲ့ကြပါတယ်။ အဓိကအားဖြင့်တော့ ဒီမိုကရေစီ ၊ တရားဥပဒေ စိုးမိုးရေးနဲ့ ကောင်းမွန်တဲ့ အုပ်ချုပ်မှု စနစ်တွေအပါအ၀င် ငြိမ်းချမ်းရေး ဖြစ်စဉ်၊ လူအခွင့်အရေး ဖွံဖြိုး တိုးတက်ရေး နဲ့ ဆင်းရဲ နွမ်းပါးမှု လျော့ချရေး ၊ ရေရှည်ဖွံဖြိုး တိုးတက်ရေးနဲ့ စီပွားရေး ပူးပေါင်းဆောင်ရွက်မှု ကိစ္စရပ်တွေကို ပူးပေါင်းဆောင်ရွက် ဖို့ ဆွေးနွေး ခဲ့ကြတာပါ။ မြန်မာ့ ဒီမိုကရေစီ အသွင်ကူးရေးရေးမှာ တပ်မတော်အနေနဲ့ တက်တက်ကြွကြွ ပါဝင်သင့်ပြီး ပေါင်းကူး တံတားသဖွယ် ဆောင်ရွက်ဖို့ လိုတယ်လို့ မြန်မာနိုင်ငံဆိုင်ရာ ဥရောပသမဂ္ဂ သံအမတ် ရိုလန်ကိုဘီယာက ပြောပါတယ်။

“တပ်မတော်အနေနဲ့ မြန်မာနိုင်ငံရေးမှာ သက်ဆိုင်တဲ့ သူအားလုံးရဲ့ ကြားမှာ ပေါင်းကူးတံတား အနေနဲ့ ဆောင်ရွက်ဖို့ လိုပါလိမ့်မယ်။ ကျွန်တော်တို့ ဖြစ်စေချင်တာက နိုင်ငံတကာက တခြား ဒီမိုကရေစီနိုင်ငံတွေမှာ ရှိတဲ့ စစ်တပ်တွေရဲ့ လုပ်ငန်းစဉ်တွေနဲ့ သူတို့တွေ ဘယ်လိုတွေ ဆောင်ရွက်နေ သလဲဆိုတာနဲ့ အတွေးအမြင်တွေ ဖလှယ်ဖို့ မျှော်လင့်ပါတယ်။ ခင်ဗျားတို့ သိတဲ့အတိုင်းပဲ ကျွန်တော် တို့ ဥရောပသမဂ္ဂ နိုင်ငံ တစ်ချို့မှာလည်း လွန်ခဲ့တဲ့ နှစ် ၄၀ လောက်တုန်းက စစ်တပ်ရဲ့အုပ်ချုပ်မှု အောက်မှာ ရှိခဲ့ပါတယ်။ အဲဒီ့နောက်မှသာ တဖြည်းဖြည်း အရပ်သား အစိုးရထိ ကူးပြောင်းခဲ့တာပါ။ ဒါပေမဲ့လို့ စစ်တပ်ကို အသိအမှတ်ပြုကြတယ်။ အမျိုးမျိုးသော လုပ်ငန်းစဉ်တွေမှာ သူတို့ရဲ့ ဆောင်ရွက်ချက်တွေကို တရေးတယူ လုပ်ကြပါတယ်။”

မြန်မာ အစိုးရသစ်အနေနဲ့ ဒီမိုကရေစီစနစ် ခိုင်မာအောင် ဆောင်ရွက်နေတဲ့ နေရာမှာ ဖွဲ့စည်းပုံ ပြင်ဆင်ရေးဟာ အဓိက အရေးကြီးတဲ့ ကိစ္စဖြစ်တယ်လို့လည်း ဆိုပါတယ်။ မကြာမှီ ကာလအတွင်း ပြုလုပ်မယ့် ၂၁ ရာစု ပင်လုံညီလာခံအပါအ၀င် မြန်မာ့ ငြိမ်းချမ်းရေး လုပ်ငန်းစဉ်တွေမှာလည်း အားလုံးပါဝင်ဖို့ လိုတယ်လို့ ဆိုပါတယ်။ ဒါ့အပြင် အစိုးရသစ်ရဲ့ ဦးစားပေးလုပ်ငန်းစဉ်ထဲမှာ ပါဝင်တဲ့ လူအခွင့်အရေး လုပ်ငန်းစဉ်တွေနဲ့ ပတ်သတ်လို့ စိတ်ခေါ် အကဲစမ်းမှုတွေ လက်ရှိအချိန်ထိ ရှိနေသေးပြီး ရခိုင်ပြည်နယ်မှာလည်း လူမှုရေးခွဲခြားမှုတွေ ရှိနေသေးတယ်လို့ သံအမတ် ရိုလန်ကိုဘီယာက ဆိုပါတယ်။

“မြန်မာနိုင်ငံအနေနဲ့ လူ့အခွင့်အရေး ကိစ္စရပ် စိန်ခေါ် အကဲစမ်းမှုတွေ တော်တော် များများကို ဖြေရှင်းပြီးသားဖြစ်ပေမယ့်လို့ တစ်ချို့ကိစ္စရပ်တွေမှာ ဆောင်ရွက်ဖို့ ကျန်နေပါသေးတယ်။ ရခိုင်ပြည်နယ်က မူစလင် လူနည်းစုတွေအပေါ်မှာ လူမှုရေး ခွဲခြားမှုတွေ လက်ရှိအချိန်ထိ ရှိနေပါသေးတယ်။ အီးယူအနေနဲ့ မြန်မာအစိုးရကို တိုက်တွန်းထားတာက အမုန်းစကားမပြန့်ပွားဖို့နဲ့ အချင်းချင်း သည်းမခံ နိုင်တဲ့ ကိစ္စရပ်တွေကို ရှောင်ရှားဖို့ပါ။ လူအခွင့်အရေးနဲ့ ပတ်သတ်လို့ နိုင်ငံတကာ စံနှုန်းစံရပ်တွေနဲ့ အတူ ညှိနှိုင်းအဖြေရှာသင့်ပါတယ်။”

အီးယူ ဥရောပသမဂ္ဂအနေနဲု့ မြန်မာ့ အသွင်ကူးပြောင်းရေး လုပ်ငန်းစဉ်တွေနဲ့ ပတ်သတ်လို့ ယူရိုငွေ သန်းပေါင်း ၆၀၀ ကျော်ကို သုံးစွဲသွားမှာ ဖြစ်ပါတယ်။ အီးယူအနေနဲ့ စီးပွားရေး ပိတ်ဆို့မှုတွေကို ၂၀၁၃ ခုနှစ်ကတည်းက ဖယ်ရှားထားပြီး ၂၀၁၆ ဇန်န၀ါရီလအတွင်း ထုတ်ပြန်ချက်တွေအရဆိုရင် အီးယူဟာ မြန်မာနိုင်ငံရဲ့ စတုတ္တအကြီးဆုံး နိုင်ငံခြား ရင်းနှီးမြုပ်နှံသူဖြစ်ပါတယ်။ အီးယူ ဥရောပ သမဂ္ဂအနေနဲ့ ပညာရေး၊ စိုက်ပျိုးရေးနဲ့ ကျေးလက်ဒေသဖွံဖြိုး တိုးတက်ရေး၊ လူအခွင့်အရေး နဲ့ ကောင်းမွန်တဲ့ အုပ်ချုပ်ရေး အပါအ၀င်ငြိမ်းချမ်းရေးလုပ်ငန်းစဉ်တွေကို အဓိကထား ကူညီထောက်ပံပေးနေတာလည်း ဖြစ်ပါတယ်။

ထက်အောင်
VOA Burmese News


၂၀၁၄ ဇူလိုင်လတုန်းက Ms. Yanghee Lee ရခိုင်ပြည်နယ် ဒုက္ခသည်စခန်းများကို သွားရောက်လေ့လာစဉ်
၂၀၁၄ ဇူလိုင်လတုန်းက Ms. Yanghee Lee ရခိုင်ပြည်နယ် ဒုက္ခသည်စခန်းများကို သွားရောက်လေ့လာစဉ်

မြန်မာနိုင်ငံဆိုင်ရာ ကုလသမဂ္ဂလူ့အခွင့်အရေးအထူးကိုယ်စားလှယ် Ms. Yanghee Lee ဟာ ဒီနေ့မှာတော့ ရခိုင်ပြည်နယ်ကို သွားရောက်ခဲ့ပါတယ်။ စစ်တွေမြို့မှာ ပြည်နယ်အစိုးရတွေနဲ့ တွေ့ဆုံခဲ့ပြီး ပုဏ္ဏားကျွန်း နဲ့ ကျောက်တော် မြို့နယ်တွေက ဒုက္ခသည်တွေ ကိုလည်း သွားရောက်ခဲ့ပါတယ်။ VOA သတင်းထောက် မသိင်္ဂီလင်းက ပြောပြပေးပါမယ်။

မြန်မာနိုင်ငံကိုရောက်နေတဲ့ ကုလသမဂ္ဂလူ့အခွင့်အရေးအထူးကိုယ်စားလှယ် Ms. Yanghee lee ဟာ ဒီနေ့မှာတော့ ရခိုင်ပြည်နယ် စစ်တွေမြို့ကို သွားရောက်ခဲ့ပြီး ပြည်နယ် ဝန်ကြီးချုပ်အပါအဝင် အစိုးရအဖွဲ့နဲ့ တွေ့ဆုံခဲ့တယ်လို့ တာဝန်ရှိသူတစ်ဦးက အခုလို ပြောပါတယ်။

“ဒီနေ့ ၂၂ ရက်နေ့မနက် ၉နာရီ ၅၅ မှာ စစ်တွေကိုရောက်ပါတယ်။ ရောက်ပြီးတော့ သူ့ရဲ့ အစီရင်ခံစာကိစ္စအတွက် သူလာတာပါ။ သူသိချင်တဲ့ကိစ္စလေးတွေ၊ သူကြည့်ချင်တဲ့နေရာလေးတွေကို ကျနော်တို့က အဆင်ပြေအောင်ဆောင်ရွက်ပေးတာပါ။ အစိုးရ နဲ့တွေ့တဲ့အချိန်မှာ သူနိုင်ငံတော်အတိုင်ပင်ခံပုဂ္ဂိုလ်နဲ့ ဘယ်လိုညှိနှိုင်းဆောင်ရွက်ခဲ့တယ် ဘာတွေပြောခဲ့တယ်ဆိုတာတွေကတော့သတင်းတွေလည်းထုတ်ပြန်ပြီးသားဖြစ်ပါတယ်။ သူနိုင်ငံတော်အတိုင်ပင်ခံပုဂ္ဂိုလ်နဲ့ သူတွေ့ဆုံခဲ့တဲ့အကြောင်း ပြောပါတယ်။ ကျနော်တို့အနေနဲ့ကလည်း လိုအပ်တာကို ကူညီဆောင်ရွက်ပေးမယ့်အကြောင်း ဒီလောက်ပဲပြောပါတယ်။”

အစိုးရအဖွဲ့နဲ့ တွေ့ဆုံပြီး ပုဏ္ဏားကျွန်းမြို့နယ်မှာရှိတဲ့ မူစလင်များနေထိုင်တဲ့ ကာဒီကျေးရွာကို သွားရောက်ခဲ့ပြီးနောက် ကျောက်တော်မြို့နယ်၊ ပညာဝကျေးရွာမှာရှိတဲ့ ဒုက္ခသည်စခန်းကို သွားခဲ့တယ်လို့ တာဝန်ရှိသူက ဆက်ပြောပါတယ်။

“၁၀ နာရီခွဲလောက်မှာသူတို့ စစ်တွေကနေထွက်သွားပါတယ်။ ပုဏ္ဏားကျွန်းမှာရှိတဲ့ ကာဒီကျေးရွာသွားပါတယ်။ အဲဒီ ကာဒီကျေးရွာကနေတဆင့် ကျောက်တော်ကို သွားနေပါတယ်။”

လက်ရှိ ပုဏ္ဏားကျွန်းမြို့နယ်မှာ အစိုးရသစ်ရဲ့ ရက် ၁၀၀ စီမံချက်မှာပါဝင်တဲ့ နိုင်ငံသားစိစစ်ရေးနဲ့ ပတ်သက်ပြီး လက်မခံနိုင်တဲ့ အခြေအနေတွေ ဖြစ်ပေါ်နေပါတယ်။

ဒါ့အပြင် Ms. Yanghee Lee ရဲ့အရင် ရခိုင်ပြည်နယ် ခရီးစဉ်တွေမှာ ဆန္ဒထုတ်ဖော်မှုတွေရှိခဲ့သလို ၂၀၁၅ ခုနှစ်တုန်းကလည်း ရခိုင်ပြည်နယ်ကို သွားရောက်ခွင့်မရခဲ့ပါဘူး။ ရိုဟင်ဂျာ ဆိုတဲ့ စကားအသုံးအနှုန်းကြောင့် ပြင်းပြင်းထန်ထန် ကန့်ကွက်ရှုပ်ချခံထားရတာပါ။

တဖက်မှာတော့ လူမျိုးစုကို ခေါ်ဝေါ်တဲ့ အသုံးအနှုန်းတွေဟာ ရခိုင်ပြည်နယ်က လူမှုအသိုင်းအ၀ိုင်းကြားမှာ ဖြစ်ပွားခဲ့တဲ့ ပဋိပက္ခတွေ အရေး ဖြေရှင်းရာမှာ အဟန့်အတား ဖြစ်စေနိုင်တာကြောင့် "ရခိုင်ပြည်နယ်ရှိ မူစလင်အသိုင်းအဝိုင်း" လို့ ခေါ်ဝေါ်သုံးစွဲဖို့ မြန်မာအစိုးရဖက်က ကုသမဂ္ဂကို တိုက်တွန်းထားပါတယ်။

Ms. Yanghee Lee ရဲ့ ရခိုင်ပြည်နယ် ခရီးစဉ်အတွင်း ရခိုင်ပြည်နယ် လွှတ်တော်မှာ နေရာအများစုအနိုင်ရထားတဲ့ ရခိုင်အမျိုးသားပါတီ ANP နဲ့တွေ့ဆုံဖို့စီစဉ်ပေမယ့် ANP ပါတီဘက်ကတော့ တွေ့ဆုံမှာမဟုတ်ဘူးလို့ သတင်းထုတ်ပြန်ထားပါတယ်။ ကုလသမဂ္ဂနဲ့ ကုလသမဂ္ဂလက်အောက်ခံအဖွဲ့အစည်းတွေဟာ ရိုဟင်ဂျာဆိုတဲ့ အသုံးအနှုန်းကို တစိုက်မတ်မတ်သုံးစွဲနေသလို၊ Ms. Yanghee Lee ရဲ့ မြန်မာနိုင်ငံတွင်း လူ့အခွင့်အရေး အခြေအနေစာတမ်းတွေမှာလည်း ဘက်လိုက်ရေးသားမှုတွေကြောင့် တွေ့ဆုံဖို့ ငြင်းဆန်တာဖြစ်တယ်လို့ ထုတ်ပြန်ချက်မှာဖော်ပြထားပါတယ်။

Ms. Yanghee Lee ရဲ့ ကျန်ရှိနေသေးတဲ့ ခရီးစဉ်အရ ကချင်ပြည်နယ်နဲ့ ရှမ်းပြည်နယ်ကို သွားရောက်ဖို့ရှိပါတယ်။

မသိင်္ဂီလင်း
VOA Burmese News


၂၀၁၂ ခုနှစ်က ထိုင်းနိုင်ငံသို့ ဒေါ်အောင်ဆန်းစုကြည် လာရောက်စဉ်။
၂၀၁၂ ခုနှစ်က ထိုင်းနိုင်ငံသို့ ဒေါ်အောင်ဆန်းစုကြည် လာရောက်စဉ်။

ထိုင်းနိုင်ငံကို လာရောက်မယ့် မြန်မာနိုင်ငံရဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ဇွန် ၂၃ ကနေစတင်မယ့် ၃ ရက်ကြာ ခရီးစဉ်အတွင်းမှာ မြန်မာရွှေ့ပြောင်းအလုပ်သမားရေး လုပ်ဆောင်နေတဲ့ အဖွဲ့တွေကတော့ ထိုင်းနိုင်ငံတွင်းမှာရှိနေတဲ့ ရွှေ့ပြောင်းအလုပ်သမား ၃ သန်းကျော်အတွက် အကာကွယ်ပေးနိုင်ရေးတွေကို ဆောင်ရွက်နိုင်ဖို့အတွက် အိပ်ဖွင့်ပေးစာတွေ ပေးအပ်တာမျိုးတွေ လုပ်ဆောင်သွားမယ်လို့ ဆိုပါတယ်။ အပြည့်အစုံကို ဗွီအိုအေသတင်းထောက် မအေးအေးမာ က သတင်းပေးပို့ထားပါတယ်။

ထိုင်းနိုင်ငံကို ဒီသီတင်းပတ်ထဲ လာရောက်မယ့် မြန်မာနိုင်ငံရဲ့ နိုင်ငံတော်အတိုင်ပင်ခံ ပုဂ္ဂိုလ်လည်းဖြစ် နိုင်ငံခြားရေးဝန်ကြီးလည်းဖြစ်တဲ့ ဒေါ်အောင်ဆန်းစုကြည်ရဲ့ ခရီးစဉ်အတွင်းမှာ မြန်မာရွှေ့ပြောင်းအလုပ်သမားတွေကို ဥပဒေအရ အကာကွယ်ပေးဖို့ ထိုင်းအစိုးရက မေတ္တာရပ်ခံ ပြောဆိုချက်တွေသာမက လက်တွေ့ကျတဲ့ အလုပ်တွေကို လုပ်ဆောင်ပေးဖို့အတွက် ထိုင်းနိုင်ငံမှာရှိတဲ့ အလုပ်သမားရေး လုပ်ဆောင်နေတဲ့ အဖွဲ့တွေက မျှော်လင့်နေကြတာပါ။

၁၀ စုနှစ် တခုကြာ ထိုင်းနိုင်ငံမှာ လူကုန်ကူးခံရသူပေါင်း ၈,၀၀၀ လောက်ကို ကယ်ဆယ်နိုင်ခဲ့တဲ့ ထိုင်းနိုင်ငံရောက် မြန်မာနိုင်ငံသားများအဖွဲ့ရဲ့ အမှုဆောင်ဒါရိုက်တာ ဦးကျော်သောင်းကတော့ ထိုင်းနိုင်ငံတွင်းက မြန်မာအလုပ်သမား အများစုနေထိုင်ရာ ပြည်နယ်တွေမှာ အလုပ်သမားတွေကို အတွက် သီးသန့်အကူညီပေးရေးရုံးတွေ ထပ်ဖွင့်ဖို့အတွက် တောင်းဆိုသွားမယ်လို့ ဆိုပါတယ်။

“အလုပ်သမားတွေ အများဆုံးရှိတဲ့ အရပ်တွေမှာ စုစုပေါင်း အနည်းဆုံး ၄၊ ၅ ရုံးလောက်ကို မြန်မာပြည်က လူကုန်ကူးမှု တားဆီးနှိမ်နင်းရေး ရဲတပ်ဖွဲ့က အလုပ်သမားသံအရာရှိတွေ ထားသလို လေဘာအတာချီလို ရဲအတာချီပေါ့ ထားမယ်။ ပြီးတော့မှ လူမှုဝန်ထမ်းကပါမယ်။ အဲဒီလို ပြည်နယ်ပေါင်းများစွာမှာ အလုပ်သမားပေါင်းများစွာကို ကျနော်တို့လို အလုပ်သမားကူညီစောင့်ရှောက်တဲ့ ကော်မတီတွေနဲ့ ပူးပေါင်းပြီးတော့မှ ဆောင်ရွက်ဖို့အတွက် အဲဒီလို အစိုးရကို တိုက်ရိုက်ပြောမယ့် ဒီနေရာမှာ အလုပ်သမားတွေ ဘာဖြစ်နေလဲဆိုတာ ကျနော်တို့နဲ့ ပူးပေါင်း ဆောင်ရွက်ဖို့အတွက် တကယ်ကို လက်တွေ့ကျတဲ့ အစီအစဉ်လေးတွေ ချနိုင်ဖို့အတွက် ဒေါ်အောင်ဆန်းစုကြည် ပြောခဲ့ဖို့အတွက်တော့ ကျနော်တို့ မေတ္တာရပ်ခံချင်ပါတယ်။”

ဒါ့အပြင် ဒီလိုလုပ်ဆောင်တဲ့အခါမှာလည်း တိုင်းပြည် ပြန်လည်ထူထောင်ရေးကာလ ငွေကြေး အကြပ်အတည်းတွေ ရှိမယ်ဆိုရင် ထိုင်းနိုင်ငံမှာရှိတဲ့ မြန်မာအလုပ်သမားတွေ ပြန်ပို့တဲ့စရိတ်အဖြစ် လွန်ခဲ့တဲ့ ၂၀၁၂ ခုနှစ်တုန်းက တောင်းခံထားတဲ့ ငွေကြေးတွေကို အသုံးပြုပြီး အကူညီပေးရေးတွေကို လုပ်ဆောင်လို့ ရရှိကြောင်းကိုလည်း ဆက်ပြောသွားပါတယ်။

“တိုင်းပြည်ပြန်လည်တည်ဆောက်တဲ့ကာလမို့လို့ ငွေကြေးရန်ပုံငွေ ဘယ်မှာလဲလို့ မေးစရာရှိတယ်။ ကျနော်တို့မှာ ကိုယ်ပိုင်ပိုက်ဆံရှိတယ်။ ဘယ်မှာရှိသလဲဆိုတော့ ၂၀၁၂ ခုနှစ်က သန်းပေါင်းများစွာသော မြန်မာအလုပ်သမားတွေဆီကနေ ထိုင်းအလုပ်သမားဝန်ကြီးဌာနဟာ အိမ်ပြန်စရိတ်ဆိုပြီးတော့ ဘတ်ငွေ ၁၀၀၀ ဆီ ကောက်ခံထားတာရှိတယ်။ အဲဒီငွေကို အစိုးရအဆက်ဆက် တခါမှ ပြန်မတောင်းခဲ့ဘူး။ အလုပ်သမားဝန်ကြီးဌာနက မြန်မာအလုပ်သမားဝန်ကြီး ၃ ပါးပြောင်းသွားပြီ။ ၃ ပါးလုံးကို ကျနော် စာရေးပြီးတော့ တင်ပြခဲ့တယ်။ ကျနော်တို့ ဒီ အတောအတွင်းမှာလည်းပဲ သံအမတ်ကြီး ၃ ဆက်လောက်ရှိပြီ။ ဒီငွေကို ပိုက်ဆံ ပြန်တောင်းပေးပါ။ ဒီငွေနဲ့ အလုပ်သမားကူညီစောင့်ရှောက်ရေး ရန်ပုံငွေ သုံးလို့ရတယ်ဆိုတာ တယောက်မှ မတောင်းဘူး။”

မြန်မာအလုပ်သမား အကူညီပေးရေး အဖွဲ့တခုဖြစ်တဲ့ AAC ရဲ့ ဒါရိုက်တာ ဦးခိုင်ကြီးကတော့ ထိုင်းနိုင်ငံတွင်းမှာ ဥပဒေပါ လုပ်အားခလစာတွေ မရရှိတာတွေရှိနေတဲ့ အဲ့ဒါတွေကို ထိုင်းအစိုးရနဲ့ သေချာ ဆွေးနွေးသွားစေချင်လို့ ဆိုပါတယ်။

“ထိုင်းအစိုးရကနေပြီးတော့ အလုပ်သမားတွေကို တန်းတူအခွင့်အရေးပေးဖို့ကိစ္စတွေ၊ တနေ့ကို အစိုးရက သတ်မှတ်ထားတဲ့ ၃၀၀ မရတဲ့ကိစ္စတွေကို ဒေါ်အောင်ဆန်းစုကြည်အနေနဲ့ အစိုးရအချင်းချင်း ပြောပေးနိုင်မယ်ဆိုရင် ကျနော်တို့က အဲဒါတွေ ပြောင်းလဲသွားမလား၊ နောက်တခုက အလုပ်ရှင်ကနေ အလုပ်သမားကို ခေါ်ခိုင်းတဲ့အခါကျရင် တရားဝင် အလုပ်သမားတွေ မသုံးဘဲနဲ့ တရားမ၀င် အလုပ်သမားတွေ သုံးတယ်။ တကယ် ပြဿနာတက်လို့ ၀င်ဖမ်းတဲ့အခါကျရင် အလုပ်သမားတွေသာ ထောင်ကျပြီးတော့ အလုပ်ရှင်ကတော့ လုပ်ငန်းတွေ ဆက်လက် လုပ်ကိုင်နေတာတွေကို ကျနော်တို့က စာနဲ့ရေးပြီးတော့ ဒေါ်အောင်ဆန်းစုကြည်လက်ထဲကို ထည့်မယ်။ သူကိုယ်တိုင် အဲဒါလေးတွေကို ထိုင်းအစိုးရကို တင်ပြနိုင်မယ်ဆိုရင် အလားအလာတခု ကောင်းနိုင်မလားလို့ မျှော်လင့်ချက်လေးတွေတော့ ထားထားတာပေါ့။”

ဒေါ်အောင်ဆန်းစုကြည်ရဲ့ ၃ ရက်ကြာ ခရီးစဉ်အတွင်းမှာတော့ ပထမဦးဆုံးနေ့မှာ ထိုင်းနိုင်ငံက ငါးပုဇွန်ခန်းမမှာ မြန်မာအလုပ်သမားတွေနဲ့ တွေ့ဆုံဖို့တွေ ရှိပါတယ်။ ဒုတိယနေ့မှာတော့ ထိုင်းအစိုးရ၀န်ကြီးချုပ်နဲ့ တွေ့ဆုံဖို့တွေရှိသလို နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ထိုင်းတက္ကသိုလ်များမှ ကျောင်းသားကျောင်းသူများကို “Myanmar, ASEAN and the World: The Way Forward” ခေါင်းစဉ်နဲ့ ဟောပြောပွဲလုပ်မယ့် အစီစဉ်လည်း ရှိပါတယ်။ နောက်ဆုံး ၃ ရက်မြောက်နေမှာတော့ ထိုင်းနိုင်ငံ ရတ်ခ်ျဘူရီခရိုင်ထဲမှာရှိတဲ့ ထမ်ဟင်း စစ်ဘေးရှောင်ဒုက္ခသည်ကို သွားရောက်မှာ ဖြစ်ကြောင်းကိုလည်း ထိုင်းအစိုးရက သတင်းထုတ်ပြန်ထားပါတယ်။
VOA Burmese News


gwansanaung-620.jpg
မြစ်ကြီးနားမြို့ ကျွန်းပင်သာရပ်ကွက်က နေအိမ်မှာ မောင်ဂွမ်ဆိုင်းအောင်ရဲ့ ရုပ်အလောင်း ပြင်ဆင်ထားတာကို ဇွန်လ ၂၂ ရက်နေ့ က မြင်ရစဉ်
Photo: Kyaw Myo Min/RFA

ကချင်ပြည်နယ် မြစ်ကြီးနားမြို့မှာ တပ်မတော်သားနှစ်ဦးနဲ့ ရုန်းရင်းဆန်ခတ်ဖြစ်ပြီး ကျောင်းသားတစ်ဦး သေနတ် ထိမှန် သေဆုံးခဲ့တဲ့ကိစ္စကို အသုံးချပြီး သွေးထိုးလှုံ့ဆော်မှုတွေ အကြမ်းဖက်မှုတွေ မဖြစ်ရအောင် ၀ိုင်းဝန်းဆောင် ရွက်ဖို့ ကချင်ပြည်နယ်ရဲတပ်ဖွဲ့မှူး ရဲမှူးကြီးထွန်းဦးက ပြောပါတယ်။

ပြီးခဲ့တဲ့ဇွန်လ ၂၀ရက်နေ့ညက တပ်မတော်သားနှစ်ဦးနဲ့ ရုန်းရင်းဆန်ခတ်ဖြစ်ရာမှာ ကွန်ပျူတာတက္ကသိုလ်ကျောင်း သား မောင်ဂွမ်ဆိုင်းအောင် သေနတ်ဒဏ်ရာနဲ့ သေဆုံးခဲ့တာနဲ့ပတ်သက်ပြီး ဒီကနေ့ မြစ်ကြီးနားမြို့ ပြည်နယ် ရဲတပ်ဖွဲ့ရုံးမှာ သတင်းစာရှင်းလင်းပွဲ ကျင်းပရာမှာ ရဲမှူးကြီးထွန်းဦးက ပြောတာဖြစ်ပါတယ်။

"လူထုရဲ့အသည်းနှလုံးဖြစ်တဲ့ ကလေးသူငယ် ကျောင်းသားတွေကို အသုံးချပြီး မလိုလားအပ်တဲ့ ဘေးပရော ဂတွေကြောင့်မို့ အေးချမ်းတဲ့ ပြည်နယ်ရဲ့ အခြေအနေလေး မပျက်ယွင်းအောင်လည်း ဝိုင်းဝန်းဆောင်ရွက်ကြပါ၊ မနက်ဖြန် အသုဘချတဲ့အခါ ကျနော်တို့လည်း လိုက်ပါပို့ဆောင်ဖို့ ရည်ရွယ်ထားတယ်၊ ဒါက အများစိတ်ဝင်စားတဲ့ အမှုဖြစ်တဲ့အတွက်ကြောင့် မတော်တဆ လူအုပ်စုဆိုတာက အကြောင်းအရာမှန်သည်ဖြစ်စေ မှားသည်ဖြစ်စေ သွေးဆူလာလို့ရှိရင် ဆူပူအကြမ်းဖက်သွားတတ်တဲ့အတွက်ကြောင့်မို့ အကြမ်းဖက်တဲ့ အဖွဲ့ အစည်းတွေဖြစ်သွားရင် အကြမ်းဖက်နှိမ်နင်းရတာတွေဖြစ်လာမယ်၊ တခါကျောင်းထုတ်တာတွေဖြစ်လာမယ်၊ မလိုလားအပ်တာတွေ အများကြီးဖြစ်လာမှာဖြစ်တဲ့အတွက် ဒီအဖြစ်မှန်ကို တရားဥပဒေအတိုင်း ဆက်ပြီးတော့ တိတိကျကျမှန်မှန်ကန်ကန်သွားပြီးတော့ မလိုလားအပ်တာမဖြစ်အောင်လို့ ဝိုင်းဝန်းပြီးကူညီဆောင်ရွက်ပေးပါ"

သေနတ်ထိမှန်သေဆုံးခဲ့တဲ့ ကွန်ပျူတာတက္ကသိုလ်ကျောင်းသား မောင်ဂွမ်ဆိုင်းအောင်ရဲ့ ရုပ်အလောင်းကို မနက်ဖြန်မီးသင်္ဂြိုဟ်မှာဖြစ်ပါတယ်။

ပြီးခဲ့တဲ့ ဇွန်လ ၂၀ ရက်နေ့ညက လူငယ် အမျိုးသားနှစ်ဦးနဲ့ အမျိုးသမီးနှစ်ဦးတို့ကို လူငယ်တစ်စုက နှောင့်ယှက်နေ တယ်ဆိုပြီး ဗလမင်းထင်တံတားမှာ တာဝန်ကျနေတဲ့ တပ်မတော်သားနှစ်ဦးက မြစ်ကြီးနားမြို့ကို လိုက်ပို့ပေးခဲ့ ပါတယ်။

အဲ့ဒီလို လိုက်ပို့ပေးချိန် နောက်ကနေလိုက်လာတဲ့ လူငယ်အဖွဲ့နဲ့ တပ်မတော်သားနှစ်ဦးတို့ မြစ်ကြီးနားမြို့ သီတာရပ်ကွက်မှာ ရုန်းရင်းဆန်ခတ်ဖြစ်ပြီး တပ်မတော်သားတစ်ဦးရဲ့ သေနတ်ကို လုယူချိန်မှာ ပစ်ခတ်မှုဖြစ်ပွားခဲ့တာပါ။

ဇွန်လ ၂၀ ရက်နေ့ညက အခင်းဖြစ်ပွားချိန်မှာ မျက်မြင်သက်သေတွေ မရှိပေမယ့် အဲ့ဒီအနီးနားမှာ နေသူတစ်ဦးက ရုန်းရင်းဆန်ခတ်ဖြစ်ပွားသံတွေနဲ့အတူ သေနတ်ကိုမလုနဲ့ ဆိုတဲ့ ပြောဆိုသံတွေကြားနေရတယ်လို့ RFA ကို ပြောပါတယ်။

လက်ရှိမှာ တပ်မတော်သားနှစ်ယောက်ကို အမှုဖွင့်စစ်ဆေးနေပြီး မောင်ဂွမ်ဆိုင်းအောင် သေဆုံးမှုနဲ့ ပတ်သက်ပြီး လူမှုကွန်ရက်မှာ ဝေဖန်ရေးသားမှုတွေရှိနေပါတယ်။

မောင်ဂွမ်ဆိုင်းအောင်ရဲ့ မိခင်ဖြစ်သူ ဒေါ်နန်းအိမ်က အမှုမှန်ပေါ်ဖို့အတွက် အားလုံးပူးပေါင်းဆောင်ရွက်ပေးစေချင် တယ်လို့ ပြောပါတယ်။

အဲ့ဒီရုန်းရင်းဆန်ခတ် ဖြစ်ပွားတဲ့နေရာမှာ ဒီနှစ်ဆန်းအတွင်း အုပ်စုဖွဲ့လုယက်မှု ဆယ်ကြိမ်ထက်မနည်းဖြစ်ပွားခဲ့ ပြီး မြစ်ကြီးနား မြို့ပေါ်ရပ်ကွက်တွေမှာလည်း မကြာခဏဆိုသလို လုယက်ရိုက်နှက်မှုတွေ ဖြစ်ပွားနေတယ်လို့ မြို့ခံတွေကပြောကြပါတယ်။
RFA


mahn-jonny-620.jpg
ဧရာဝတီတိုင်းဝန်ကြီးချုပ် မန်းဂျော်နီ ကို ဧပြီလ ၂၅ ရက်နေ့က တိုင်းဒေသကြီး လွှတ်တော်အစည်းအဝေးမှာ တွေ့ရစဉ်
Photo: Thiha Tun/ RFA

ဟင်္သာတ-ညောင်တုန်း မီးရထားလမ်းဖောက်လုပ်ရာမှာ သိမ်းယူခံထားရတဲ့ ဧရာဝတီတိုင်း၊ ဇလွန်မြို့နယ်က လယ်ယာမြေဧက ၂၀၀ ကျော် အတွက် လျော်ကြေးငွေ ကျပ်သိန်း ၇၃၀၀ နီးပါးကို တိုင်းဒေသကြီး ၀န်ကြီးချုပ် ဦးမန်းဂျော်နီက ဒေသခံ တောင်သူတွေထံ မနေ့က ပြန်လည်ပေးအပ် ခဲ့ပါတယ်။

လယ်မြေ တစ်ဧကကို ငွေကျပ် ၁၈ သိန်းနှုန်းနဲ့ လျော်ကြေးပေးတာဖြစ်ပြီး သီးနှံနဲ့ အဆောက်အဦးတွေ အတွက်လည်း လျော်ကြေးပေးတာဖြစ်တယ်လို့ ဇလွန်မြို့နယ် အုပ်ချုပ်ရေးမှူး ဦးကျော်နိုင်ထွန်း က ပြောပါတယ်။

"သီနှံလျော်ကြေးတစ်မျိုးပေးတယ်၊ လယ်နဲ့ အဆောက်အဦးအတွက် လျော်ကြေးပေးတယ်၊ မြေက တစ်ဧကကို ၁၈ သိန်းနှုန်းလျော်တယ်"

ဇလွန်မြို့နယ် မြို့ပေါ်ရပ်ကွက်တစ်ခု နဲ့ ကျေးရွာအုပ်စု ၈ အုပ်စုက တောင်သူ ၂၁၇ ဦး ပိုင်ဆိုင်တဲ့ လယ်မြေဧက ၂၀၀ ကျော်အတွက် လျော်ကြေးတွေပြန်ပေး တာဖြစ်ပါတယ်။

ဒါ့အပြင် မတ်ပဲ၊ ကွမ်းနဲ့ ၀ါသီးနှံတွေအတွက်လည်း ကာလပေါက်ဈေးနဲ့တွက်ပြီး လျော်ကြေး ပေးတာဖြစ်ပါတယ်။

အဲ့ဒီလျော်ကြေးငွေတွေကို ဧရာဝတီတိုင်းဝန်ကြီးချုပ် ဦးဆောင်တဲ့ အစိုးရအဖွဲ့က ဇလွန်မြို့မှာ မနေ့က ပြန်လည်ပေး အပ်လိုက်တာ ဖြစ်ပါတယ်။

အဲဒီမီးရထားလမ်းစီမံကိန်းကို လွန်ခဲ့တဲ့ ၂၀၀၉ ခုနှစ်က စတင်ဖောက်လုပ်ခဲ့တာဖြစ်ပြီး ၂၀၁၄ ခုနှစ် မေလမှာ စတင်ပြေးဆွဲခဲ့ပြီး ရထားလမ်းမြေတွေ ပြိုကျ တာကြောင့် ပြေးဆွဲမှုကို ရပ်နားထားခဲ့ပါတယ်။
RFA



မကွေးတိုင်းဒေသကြီးဝန်ကြီးချုပ် ဒေါက်တာအောင်မိုးညိုကို တွေ့ရစဉ်။ Photo: RFA
မကွေးတိုင်းဒေသကြီး၊ မင်းဘူးမြို့နယ်မှာ တရားမ၀င် နယ်မြေကျူးကျော်ပြီး ကျောက်မီးသွေး တူးဖော်နေသူတွေကို စုံစမ်းစစ်ဆေးနေတာကြောင့် လုပ်ငန်းရှင်တွေ ရဲ့ ခြိမ်းခြောက်မှုကို ခံနေရတယ်လို့ မကွေးတိုင်းဒေသကြီး ဝန်ကြီးချုပ် ဒေါက်တာ အောင်မိုးညို က ပြောပါတယ်။

လုပ်ငန်းရှင်တွေက အသိမိတ်ဆွေတွေကနေတဆင့် ခြိမ်းခြောက်ပြောဆိုနေတာ ဖြစ်တယ်လို့ မကွေးတိုင်း ဝန်ကြီးချုပ် ဒေါက်တာအောင်မိုးညို က ပြောပါတယ်။

"ကျနော့်ဆီကို တိုက်ရိုက်သတ်မယ်ဖြတ်မယ် ဆိုတာတော့ မရှိဘူး၊ သူတို့စီးပွားရေးကို ထိခိုက်လို့ရှိရင် အန္တရာယ်ရှိတယ်ပေါ့လေ၊ နည်းနည်းလေးခြိမ်းခြောက်တဲ့ သဘောမျိုးလေးပြောတာပေါ့၊ ဘယ်သူဘယ်ဝါ ဆိုတာတေ့ာ မပြောလိုဘူးဗျ"

အဲဒီလိုခြိမ်းခြောက်ခံနေရတဲ့ အခြေအနေကို ပြီးခဲ့တဲ့ဇွန်လ ၂၀ ရက်နေ့က မကွေးတိုင်းဒေသကြီး လွှတ်တော်မှာ လွှတ်တော်ကိုယ်စားလှယ်တွေ သိရှိအောင် အသိပေးပြောကြားခဲ့ပါတယ်။

ဒါ့အပြင် ဝန်ကြီးချုပ် ဒေါက်တာအောင်မိုးညိုဟာ စီးပွားရှာနေတယ်ဆိုပြီး ကန့်ကွက်ဆန္ဒပြဖို့ လိုတယ်ဆိုတဲ့ လှုံ့ဆော်တဲ့စာရွက်တွေကို မကွေးမြို့ဗိုလ်ချုပ် ပန်းခြံအနီးနဲ့ ဗိုလ်ချုပ်လမ်းမပေါ်မှာ ဖြန့်ဝေနေတာတွေလည်း ရှိနေပါတယ်။ မကွေးတိုင်း ဝန်ကြီးချုပ်အပါအဝင် တိုင်းအစိုးရ အဖွဲ့ဝင် ဝန်ကြီးတွေအနေနဲ့ အကျင့်ပျက်ခြစားမှုတွေ ရှိလာမယ်ဆိုရင် ဝန်ကြီးချုပ်က တာဝန်ခံမှာဖြစ်ပြီး ရာထူးကနေနှုတ်ထွက်ပေးဖို့ လိုအပ်ရင်လည်း နှုတ်ထွက်ပေး မှာဖြစ်တယ် လို့ ဒေါက်တာအောင်မိုးညို က ပြောပါတယ်။

အဲဒီလှုံ့ဆော်စာတွေကို ဘယ်သူတွေဖြန့်ဝေနေတယ်ဆိုတာ မသိရှိရသေးကြောင်း ဒေါက်တာအောင်မိုးညို က ပြောပါတယ်။

အရင်မကွေးတိုင်းအစိုးရလက်ထက်က ပွင့်ဖြူမြို့နယ် ကျောင်းတော်ရာကျေးရွာမှာ တိုက်နယ် ဆေးရုံတစ်ခု တည်ဆောက်ဖို့ ဘဏ္ဍာငွေချထားပေးခဲ့တာကို အခုအစိုးရသစ်လက်ထက်မှာ ဆက်သွယ်ရေး ပိုမိုခက်ခဲ့တဲ့ သရက်တောကျေးရွာမှာ ပြောင်းရွှေ့ဆောက်လုပ်ဖို့ စီစဉ်နေတာကို မကျေနပ်သူတွေ ရှိနေတယ် လို့ ဒေါက်တာအောင်မိုးညို က ပြောပါတယ်။

RFA Burmese
http://www.rfa.org/burmese



ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေး အထူးကိုယ်စားလှယ် Yanghee Leeနဲ့ ရခိုင်ပြည်နယ်ဝန်ကြီးချုပ် ဦးညီပုတို့ ဇွန်လ ၂၂ ရက်နေ့က ရခိုင်ပြည်နယ် စစ်တွေလေဆိပ် ခန်းမဆောင်မှာ တွေ့ဆုံဆွေးနွေးနေစဉ်။ Photo: Min Thein Aung/ RFA
ကုလသမဂ္ဂရဲ့ မြန်မာနိုင်ငံဆိုင်ရာ လူ့အခွင့်အရေးအထူးကိုယ်စားလှယ် Yanghee Lee က ရခိုင်ပြည်သူပြည်သားအားလုံး တိုးတက်ပြောင်းလဲဖို့အတွက် ကူညီသွားမယ်လို့ ဒီနေ့ ပြောပါတယ်။

ရခိုင်ပြည်နယ် စစ်တွေလေဆိပ် ခန်းမဆောင်မှာ ပြည်နယ်ဝန်ကြီးချုပ် ဦးညီပုနဲ့ တွေ့ဆုံရာမှာ ပြောတာဖြစ်ပါတယ်။

"ကျွန်မ ဒီကိုလာတာ ရခိုင်ပြည်သူတွေရဲ့ မိတ်ဆွေအစစ်အမှန်တစ်ဦးအနေနဲ့ လာရောက်တာဖြစ်ပြီး ရခိုင်ပြည်နယ်မှာ လူတိုင်းတိုးတက်ပြောင်းလဲမှုတွေ ရရှိအောင်ဆောင်ရွက်မှာဖြစ်တယ်" ပြောတာ ဖြစ်ပါတယ်။ ရခိုင်ပြည်နယ်အရေးကိစ္စနဲ့ပတ်သက်ပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကိုယ်တိုင် ဦးစီးဆောင်ရွက်နေတာကို ဝမ်းသာမိကြောင်းလည်း ပြောခဲ့ပါတယ်။

ရခိုင်ပြည်နယ်ဝန်ကြီးချုပ် ဦးညီပုက ရခိုင်ပြည်နယ် တည်ငြိမ်အေးချမ်းရေးနဲ့ ဖွံ့ဖြိုးရေးကိစ္စရပ်တွေကို ဆောင်ရွက်ရာမှာ အားလုံးက ဝိုင်းဝန်းပံ့ပိုးဆောင်ရွက်ဖို့ လိုအပ်ကြောင်း ပြန်လည်ပြောဆိုခဲ့ပါတယ်။

Yanghee Lee ဟာ နိုင်ငံသားစီစစ်မယ့်အစီအစဉ်ကို ငြင်းဆိုနေကြတဲ့ ပုဏ္ဏားကျွန်းမြို့နယ် ကာဒီကျေးရွာက မွတ်စလင်တွေနဲ့ တွေ့ဆုံခဲ့သလို ကျောက်တော် မြို့နယ် ပညာဝကျေးရွာက ရခိုင်စစ်ဘေးဒုက္ခသည်စခန်းမှာရှိတဲ့ ဒုက္ခသည်တွေနဲ့လည်း သွားရောက်တွေ့ဆုံခဲ့ပါတယ်။

ကာဒီကျေးရွာမှာ အစိုးရကထုတ်ပေးနေတဲ့ NVC အစိမ်းရောင်ကဒ်တွေကို ဘာကြောင့် ငြင်းဆန်နေရတယ် ဆိုတာကို တင်ပြခဲ့တယ်လို့ ကာဒီကျေးရွာ အုပ်ချုပ်ရေးမှူး ဦးမောင်နီက ပြောပါတယ်။

ဒါ့အပြင် ကာဒီကျေးရွာမှာနေထိုင်တဲ့ မွတ်စလင်တွေရဲ့ ကျန်းမာရေး၊ ပညာရေးကဏ္ဍတွေမှာ အခွင့်အရေးဆုံးရှုံးနေရတာတွေကို တင်ပြခဲ့ကြတယ်လို့ လည်း ပြောပါတယ်။ Yanghee Lee ဟာ မနက်ဖြန်မှာ စစ်တွေမြို့ပေါ်က ရခိုင်တိုင်းရင်းသားတွေနဲ့ မွတ်စလင်ခေါင်းဆောင်တွေနဲ့ တွေ့ဆုံမှာဖြစ်သလို ဒုက္ခသည် စခန်းကိုလည်း သွားရောက်မှာဖြစ်ပါတယ်။

လူ့အခွင့်အရေးအထူးကိုယ်စားလှယ်ဟာ စစ်တွေမြို့မှာရှိတဲ့ ရခိုင်အမျိုးသားပါတီ ANP နဲ့တွေ့ဆုံဖို့ ကမ်းလှမ်းခဲ့ပေမယ့် ANP ပါတီက လက်ခံတွေ့ဆုံမှာ မဟုတ်ကြောင်း ဒီနေ့ ကြေညာချက်ထုတ်ပြန်လိုက်ပါတယ်။

ကုလသမဂ္ဂနဲ့ လက်အောက်ခံအဖွဲ့တွေအနေနဲ့ ပြည်သူတွေလက်မခံနိုင်တဲ့ "ရိုဟင်ဂျာ"ဆိုတဲ့ စကားလုံးကို တစိုက်မတ်မတ်သုံးစွဲတာ၊ လူ့အခွင့်အရေး အစီရင်ခံစာတင်သွင်းတဲ့အခါ မွတ်စလင်တွေဘက်က အသားပေးဖော်ပြတင်သွင်းတာအပြင် ဆက်လက်တင်သွင်းမယ့် အစီရင်ခံစာဟာ မျှတမှာမဟုတ်ဘူးလို့ ယူဆတာကြောင့် တွေ့ဆုံဖို့ ကမ်းလှမ်းတာကို ငြင်းဆိုတာလို့ကြေညာချက်မှာ ပါရှိပါတယ်။

RFA Burmese
http://www.rfa.org/burmese



 နေးတိုး စစ်ရေး မဟာမိတ် အဖွဲ့ဟာ ရုရှားရဲ့ နယ်စပ် ဒေသတွေမှာ ရန်လိုတဲ့ အပြုအမူတွေ တိုးမြှင့် လုပ်ဆောင် လာနေကြတယ် ဆိုပြီး သမ္မတ ပူတင် ဝေဖန်။
နိုင်ငံတကာ အကြမ်းဖက် ဝါဒ ကို ညီညီ ညွတ်ညွတ် စုစုစည်းစည်းနဲ့ တိုက်ခိုက်ဖို့ရာ အနောက်အုပ်စုတွေ အနေနဲ့ ရုရှားနဲ့ လက်တွဲ ဆောင်ရွက်ဖို့ ပျက်ကွက် နေတယ် ဆိုပြီး ရုရှား သမ္မတ ဗလာဒီမီယာ ပူတင်က စွပ်စွဲ လိုက်ပါတယ်။

ဒုတိယ ကမ္ဘာ စစ် အကြို ကာလ တုန်းက နာဇီ အန္တရာယ်ကို စုပေါင်း ကာကွယ်ကြဖို့ ဆိုဗီယက် ပြည်ထောင်စုက ဆော်ဩ ခဲ့တာကို နိုင်ငံတချို့က မျက်ကွယ် ပြုခဲ့တဲ့ အမှားမျိုးကို အခုထပ်ပြီး ကျူးလွန် နေကြပြန်ပြီ လို့ မစ္စတာ ပူတင်က ဒူးမား လွှတ်တော်မှာ ပြောခဲ့တဲ့ မိန့်ခွန်းထဲ ထည့်သွင်း ပြောဆို ခဲ့ပါတယ်။

ပူးပေါင်း ဆောင်ရွက်တာမျိုး မပြုလုပ်ရုံတင် မကပဲ နေးတိုး စစ်ရေး မဟာမိတ် အဖွဲ့ဟာ ရုရှားရဲ့ နယ်စပ် ဒေသတွေမှာ ရန်လိုတဲ့ အပြုအမူတွေ တိုးမြှင့် လုပ်ဆောင် လာနေကြတယ် ဆိုပြီး သမ္မတ ပူတင်က ဝေဖန် ခဲ့ပါတယ်။

ဒါ့ကြောင့် ရုရှား ဘက်ကလည်း စစ်ရေး အရ တုံ့ပြန်ဖို့ အမြဲ အသင့် အနေအထား ရှိနေဖို့ လိုအပ်တယ် ဆိုပြီး သမ္မတ ပူတင်က ဆိုပါတယ်။

BBC Burmese
http://www.bbc.com/burmese



ဒုံးကျည် နှစ်စင်းထဲက တစ်စင်းဟာ ကီလိုမီတာ ရာပေါင်းများစွာ ရောက်ရှိခဲ့။
မြောက်ကိုရီးယား ဟာ ကုလသမဂ္ဂရဲ့ ကန့်သတ် ပိတ်ဆို့ မှုတွေကို အံတုပြီး ဒုံးကျည် နှစ်စင်း စမ်းသပ် ပစ်လွှတ်ခဲ့တဲ့ အပေါ် အိမ်နီးချင်း နိုင်ငံတွေက စိုးရိမ်ကြောင်း ပြောနေပါတယ်။

မြောက်ကိုရီးယားဟာ ပြဿနာကို တမင်ဖန်တီးတဲ့ အနေနဲ့ မူဆာဒန် အမျိုးအစား ထိပ်ဖူးတပ် ဒုံးကျည် နှစ်စင်း ပစ်လွှတ်ခဲ့ တယ် ဆိုပြီး တောင်ကိုရီးယားက ပြောပါတယ်။

ဂျပန်ကလည်း မြောက်ကိုရီးယားရဲ့ အပြုအမူဟာ သည်းခံ နိုင်ဖွယ်ရာ မရှိဘူးလို့ ဆိုပါတယ်။

မြောက်ကိုရီးယား စမ်းသပ် ပစ်လွှတ်ခဲ့တဲ့ ဒုံးကျည် နှစ်စင်းထဲက တစ်စင်းဟာ ကီလိုမီတာ ရာပေါင်းများစွာ ရောက်ရှိ နိုင်ခဲ့တာကို ကြည့်ရင် မြောက်ကိုရီးယားရဲ့ ဒုံးကျည် အစီအစဉ်တွေ တိုးတက် လာတာကို တွေ့နေရတယ် ဆိုပြီး တောင်ကိုရီးယားရော ဂျပန်ရောက ထောက်ပြ ပြောဆို နေပါတယ်။

အဲဒီ့ ထိပ်ဖူးတပ် ဒုံးကျည် အမျိုးအစားကို မြောက်ကိုရီးယား အရင် ပြုလုပ်ခဲ့တဲ့ စမ်းသပ်မှု လေးကြိမ် စလုံးမှာ မအောင် မမြင် ဖြစ်ခဲ့ပါတယ်။

ပြုံယမ်း အစိုးရက နျူကလီ စမ်းသပ်မှုနဲ့ တာဝေးပစ် ဒုံးကျည်တွေ ပစ်လွှတ်မှုတွေ ပြုလုပ် ခဲ့တာကြောင့် မြောက်ကိုရီးယား အပေါ် ချမှတ် ထားတဲ့ နိုင်ငံတကာ ပိတ်ဆို့ အရေးယူမှုတွေကို အခု နှစ်ဆန်းကပဲ ပိုပြီး တင်းကြပ် ခဲ့ပါတယ်။

BBC Burmese
http://www.bbc.com/burmese


ထိုင်းနိုင်ငံတွင် အရက်သောက်ပြီး ကားမောင်းသူများကို ဘန်ကောက်ရှိ ရေခဲတိုက် တစ်ခုသို့ခေါ်ဆောင်သွားကာ ပြခဲ့သဖြင့် အရက်မူးပြီး ကားမောင်းသူများအနေဖြင့် ကြောက်မက်ဖွယ်ကောင်းသောရလဒ်ဆိုးကို ခံစားမိစေ သည်ဟု ဇွန်လ ၂၁ရက် နေ့ China Daily သတင်းတွင်ဖော်ပြ ထားသည်။


ထိုင်းနိုင်ငံအတွင်း အရက်သောက်ပြီး ကားမောင်းခြင်း ကြောင့် ဖြစ်ပွားသည့် ကားမတော်တဆမှုများကို ထိန်းချုပ်နိုင်ရန်အတွက် ထိုသို့အစီအစဉ်ပြုလုပ် ခြင်းဖြစ်ကြောင်း သိရသည်။WHO၏အချက်အလက်များ အရ ထိုင်းနိုင်ငံသည် ယာဉ်မတော်တဆမှုကြောင့် နှစ်စဉ်လူသေဆုံးမှုမှာ လစ်ဗျား ပြီးလျှင် ဒုတိယအများဆုံး နိုင်ငံဖြစ်လာခဲ့သည်။ ထိုင်းနိုင်ငံ၏ ယာဉ်မတော်တဆဖြစ်မှုမှာအရက်သေစာ သောက်စား မောင်းနှင်သောကြောင့်ဖြစ်ရသော ကိစ္စရပ်မှာ အများဆုံးဖြစ်သည်ဟု ဆိုသည်။


ယခုကဲ့သို့ ရေခဲတိုက်တွင် အလောင်းသွားရောက်ကြည့်ရှုရသော အစီအစဉ်ကို ယခုနှစ် ဧပြီလက ကျင်းပသော ရိုးရာရေကစားပွဲတော် ( Songkran Festival ) အပြီးတွင်စတင် ဆောင်ရွက်ခဲ့ခြင်းဖြစ်သည်။ အဆိုပါပွဲတော် ကို ထိုင်းအစိုးရအနေဖြင့် “အန္တရာယ်များနှင့် ရက်သတ္တပတ်”ဟု ခေါ်ဆိုပြီး အဆိုပါရက်များအတွင်း မြို့တွင်နေထိုင် သော သူများက မိမိတို့၏ အမျိုးများနှင့်မိတ်ဆွေများရှိရာ နယ်များသို့ သွားရောက် ကာ ပြန်လည်ဆုံတွေ့ကြချိန် ဖြစ်သဖြင့် သောက်စားမူးယစ်ခြင်းမှာ ပုံမှန်ကြုံတွေ့နေကျကိစ္စတစ်ခုသာဖြစ်ပါသည်။

ထိုင်းနိုင်ငံတွင်း အဆိုပါ ရက်သတ္တပတ်အတွင်း တစ်နာရီတိုင်း လူ ၂ဒသမ၃ဦးနူန်း သေဆုံးကာ ၁၆၀ဦး ဒဏ်ရာရသည်ဟု ထိုင်းအစိုးရက ထုတ်ပြန်သော စာရင်းများအရသိရသည်။


ထိုင်းနိုင်ငံ၏စာရိတ္ထထိန်းသိမ်းရေးဦးစီးဌာန (Department of Probation)က ဧပြီလအတွင်း ယာဉ်မောင်း ၁၇၀၀ဦးထိန်းသိမ်းကာ နိုင်ငံ၏ရေခဲတိုက် အသီးသီးသို့ပို့ဆောင်၍ အလောင်းများကိုပြသကာ သင်တန်းပေးမှု ကို ခံယူစေသည်ဟုဆိုသည်။“ယခင်က ကျွန်တော်တို့နည်းလမ်းပေါင်းစုံ ကိုအသုံးပြုခဲ့သော်လည်း ယာဉ်မတော်တဆဖြစ်မှုများဟာ ကျဆင်း သွားခြင်း မရှိခဲ့ပါဘူး။ ဒါကြောင့် ပိုပြီးလက်တွေ့ကျပြီး ကြောက်ရွံ ထိတ်လန့်စေရန် ယခုကဲ့သို့ အစီအစဉ်ကို ဆောင်ရွက်ရခြင်းပါ။ အရက်သောက်ပြီး ကားမောင်းပါက သင့်ကို ရေခဲတိုက်ကိုခေါ်ဆောင်သွားမှာပါ”လို့ စာရိတ္တ ထိန်းသိမ်းရေးဦးစီးဌာန၏ လက်ထောက်ညွှန်ကြားရေးမှူး Prasarn Mahaleetrakul ကပြောသွားပါသည်။

အဆိုပါစီမံချက်ကို စတင်စမ်းသပ်စဉ်ကာလအတွင်း ရိုက်ကူးမှတ်တမ်း တင်ထားသော ဓာတ်ပုံများအရ အရက် သောက်ပြီးမောင်းနှင်သော ယာဉ်မောင်း ၄ဦးကို ရေခဲတိုက်သို့ ထိန်းသိမ်းခေါ်ဆောင်လာပြီး အလောင်းတင် ထားသော ဘီးတပ်ကုတင်ဘေးတွင်ရပ်ခိုင်းပြီး အလောင်းကိုပြသချိန်တွင် ၄ဦးလုံး၏ မျက်နှာမှာ ပြင်းထန်စွာ တုန်လှုပ် သွားကြသည်ကို တွေ့ရပါသည်။

၎င်းတို့အထဲမှ တစ်ဦးက “ကျွန်တော်အလောင်းကိုတွေ့လိုက်ရတဲ့ အချိန်မှာ အရမ်းကိုကြောက်လန့်တုန်လှုပ် မိပါတယ်။ ကိုယ်ရဲ့ အသက် အန္တရာယ်လုံခြုံရေးကိုလည်း ပူပန်မိပါတယ်။ ဒီလိုသာငါဖြစ်သွားရင် ငါလည်းဒီမှာ လာလှဲနေရမှာပါလားဆိုတဲ့ အသိကိုခံစားရပါတယ်။ ” လို့ ပြောကြားခဲ့သည်။

ZM(China.com)
china.com Myanmar
https://www.facebook.com/china.com.mm/


မြိတ်မြို့တွင်း မြိတ်တောင်ရပ်ကွက်ရှိ သီဟဇေယျာဈေးကြီး အပြင်ဘက်တွင် တွန်းလှည်းဖြင့် ထီးပြင်၊ ဖိနပ်ချုပ်လုပ်ကိုင်နေသည့် လင်မယားထံမှ CLICKi၂၀၁၆ အမျိုးအစား အဖြူရောင် ဆိုင်ကယ်စီး သမားက ကာလ ပေါက်ဈေး (၈)သိန်းဝန်းကျင်ခန့် တန်ဖိုးရှိ ဆွဲကြိုးကို ဖြတ်ယူလုယက်သွားကြောင်း သိရသည်။

ဇွန် (၂၁)ရက်မွန်းတည့် (၁၂)နာရီခန့်တွင် ထီးပြင်၊ ဖိနပ်ချုပ်သမား၏ ဇနီးသည်ဆိုင်ကို ကျော ပေး၍ရပ်လျက်ရှိစဉ် ဆိုင်ကယ်စီး သမားရောက်ရှိ လာပြီး နောက်ကျောဘက်မှနေ၍ ဆွဲကြိုးကို ဖြတ်ယူလု ယက် သွားခြင်းဖြစ်သည်ဟု ခင်ပွန်းဖြစ်သူ ဦးမြင့်စန်းကဆိုသည်။

“ ဆွဲကြိုးဖြတ်ပြေးတယ်လို့ အော်သံကြားတော့ကျွန်တော့်မိန်းမရဲ့အော်သံမှန်း ပထမကမသိဘူး။ ဈေး လမ်းဆိုတော့ လူကရှုပ်နေတယ်။ဒါပေမယ့် ကျွန်တော်ကလည်း လိုက်တော့လိုက်သေးတယ်။မမှီတော့ဘူး” ဟု ၎င်းကပြောသည်။

ဆွဲကြိုးလုယက်ခံရမှုအခြေအနေကိုဈေးအနီးပတ်ဝန်းကျင်မှ မြင်တွေ့လိုက်ကြသော်လည်း အဆိုပါ ဆိုင်ကယ်စီးသမားလုယက်သူကိုမူ တားဆီးနိုင်ခြင်းမရှိဟု သိရသည်။

ဖိနပ်ချုပ်သမားဦးမြင့်စန်းမှာ ငယ်စဉ်က ဆေးထိုးမှား၍ ခြေတစ်ဖက်မသန်သဖြင့် ဆိုင်ကယ်စီးဆွဲကြိုးဖြတ်သူကို မြင်လိုက်ရသော်လည်း ထွက်ပြေးသွား သည်ကိုသာ ကြည့်နေလိုက်ရ သည့်အခြေအနေပင်ဖြစ်ကြောင်း ၎င်းက ပြောသည်။

“ ဆွဲကြိုးလုသွားတဲ့သူက ပုပု၀၀နဲ့ အသက်(၄၀)လောက်ပါ။ပြန်ရနိုင်ဖို့တော့ လမ်းမမြင်ပါဘူး။ဒါပေမယ့် ကိုယ့်လိုမျိုးအခြား သူတွေ မဖြစ်စေချင်ဘူး။ ဒါကိုနမူနာအဖြစ်သတိထားစေချင်ပါတယ်”ဟုဆွဲကြိုးလုယက်ခံရ ခြင်းနှင့် ပတ်သက် ၍ ၎င်းကသတိပေးစကားပြောဆိုခဲ့သည်။

လက်လုပ်၊ လက်စားသမားတစ်ဦး အနေဖြင့် (၁)ကျပ်သားဆွဲကြိုးတစ်ကုံးရရှိရန် တစ်မူးသား၊ တစ်မတ်သားမှစ၍ ကျစ်ကျစ်ကုတ်ကုတ်စုဆောင်းပြီး ပြုလုပ်ခဲ့ခြင်းဖြစ်ကြောင်း၊ ထီးပြင်ဖိနပ်ချုပ်လုပ်ငန်းကို ၎င်းဈေးအ နီးတွင် လုပ်ကိုင်နေခဲ့သည်မှာ (၅)နှစ်ခန့်ကြာခဲ့ပြီဟုသိရသည်။

ဆွဲကြိုးဖြတ် လုယက်ခံရမှုနှင့် ပတ်သက်၍ ရဲစခန်းသို့ တိုင်ကြားခြင်း မပြုကြောင်း ဦးမြင့်စန်းကဆိုသည်။

ကိုညီ
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal