06/24/16


 
နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ ထိုင်းနိုင်ငံခရီးစဉ်တွင် မြန်မာသံရုံး၏ စီစဉ်ပုံ ညံ့ဖျင်းမှုကြောင့် ဒေါ်အောင်ဆန်းစုကြည်နှင့် မြန်မာအလုပ်သမားများ လွတ်လွတ်လပ်လပ် တွေ့ဆုံခွင့် မရခဲ့ကြောင်း မြန်မာအလုပ်သမားအရေး ဆောင်ရွက်နေသည့် FED အဖွဲ့မှ ဦးထူးချစ်က ပြောသည်။ 

''ကျွန်တော်တို့အနေနဲ့ သံရုံးကပေးထားတဲ့ လက်မှတ်တွေနဲ့ ဒီမနက်သွား ပြောတာတောင်မှပဲ သံရုံးက ခင်ဗျားတို့ကို မ၀င်နဲ့ဆိုပြီး အကြောင်းကြားထားတယ်လို့ ပြောတယ်။ ကျွန်တော်တို့ အနေနဲ့လည်း အဲဒါကို နည်းနည်းတော့ ရှုပ်ထွေးနေတာပေါ့။ သံရုံးကကျွန်တော်တို့ကို ၀င်ခွင့်ရတယ်လို့ ပြောထားရဲ့သားနဲ့ သံရုံး ကိုယ်တိုင်က ကျွန်တော်တို့ကို ၀င်ခွင့်ရအောင် လုပ်မပေးထားတဲ့ပုံစံမျိုး ဖြစ်နေတယ်''ဟု ၎င်းက ပြောသည်။ 

မြန်မာအလုပ်သမားများ အများစုရှိရာ မဟာချိုင်ဒေသတွင် ဒေါ် အောင်ဆန်းစုကြည်နှင့် မြန်မာအလုပ်သမား များ လွတ်လွတ်လပ်လပ် တွေ့ဆုံခွင့်ရရန် မူလက စီစဉ်ထားသော်လည်း တွေ့ဆုံချိန်တွင် အကန့် အသတ်ဖြင့်သာ တွေ့ဆုံခွင့်ရသည့်အတွက် အလုပ်သမား အချို့ကဆန္ဒထုတ်ဖော်မှုအချို့ ပြုလုပ်ခဲ့ကြောင်း သိရသည်။ 

''အလုပ်သမားတွေ အနေနဲ့ မကျေနပ်တဲ့ အလုပ်သမားတွေက များတာပေါ့။ တချို့ဆို အော်ဟစ်ပြီး တော့ ဆန္ဒပြတဲ့သဘောမျိုးဖြစ်တယ်လေ။ မနက် လေးနာရီ၊ ငါးနာရီလောက်ကတည်းက လာစောင့်နေတဲ့ စနစ်တကျ စီစဉ်ထားတဲ့ စက်ရုံ၊ အလုပ်ရုံတွေက အလုပ်သမားတွေ ခေါ်လာပြီးတော့ ပေးထိုင်ခိုင်းတယ်။ ပြီး တော့ သူတို့ကိုမေးခိုင်းတယ်။ ပြောခိုင်းတယ်။ အဲဒီလူတွေကိုမကျေနပ်တဲ့ အလုပ်သမားတွေက လမ်းကြောင်း တွေ ပိတ်ပစ်တာမျိုးတွေလုပ်တယ်။ ထိုင်းအစိုးရကလည်း လုံခြုံရေးမြှင့်တင်ထားတယ်''ဟု ဦးထူးချစ်က ဆက်လက်ပြောကြားသည်။ 

ဒေါ်အောင်ဆန်းစုကြည်နှင့် တွေ့ဆုံခွင့်မရခဲ့သည့် အလုပ်သမားများသည် လုံခြုံရေးစည်းများကို ချိုးဖျက်ပြီး ၀င်ရောက်ခဲ့ကြကြောင်း သတင်းရရှိသည်။ 

''အမေစုနဲ့တွေ့ချင်လို့ မနက် ၈ နာရီလောက်ကတည်းကလာတယ်။ ဒီမှာ လုပ်အားပေးဝိုင်းလုပ်တယ်။ အခုတော့ အထဲကနေ ပြန်မောင်းထုတ်ပြီး သူတို့က အယောက် ၅၀၀ ကို သီးသန့်ခေါ်ထားတာပေါ့။ ကျွန်တော်တို့က လုပ်ငန်းမှာအတိုက်အခံလုပ်ပြီးမှ လာရတာလေ။ ပိုက်ဆံမယူဘဲနဲ့ အန်တီနဲ့တွေ့ချင်လို့လာတာ''ဟု ခန်းမတွင်းသို့ ၀င်ခွင့်မရခဲ့သူတဦးက ပြောသည်။

နန္ဒမျိုးဆောင်                                                         News Watch (စောင့်ကြည့်သတင်းဂျာနယ်)

 saw-mra-raza-linn-alp-620.jpg ရခိုင်လွတ်မြောက်ရေးပါတီ ALP ခေါင်းဆောင်တစ်ဦးဖြစ်တဲ့ ဒေါ်စောမြရာဇာလင်း ကုို တွေ့ရစဉ်
Photo: RFA

ရခိုင်လွတ်မြောက်ရေးပါတီ ALP ခေါင်းဆောင်တစ်ဦးဖြစ်တဲ့ ဒေါ်စောမြရာဇာလင်းက သူ့ရဲ့ဒီမိုကရေစီ လှုပ်ရှားမှု အနှစ်နှစ်ဆယ်ကျော် ကာလအတွင်းရေးသားခဲ့တဲ့ ကဗျာတွေကို မြိုင်ညိုနန်းမှ လွမ်းချင်းများ ဆိုတဲ့အမည်နဲ့ ကဗျာပေါင်းချုပ်တစ်အုပ် ဒီနေ့ ဖြန့်ချိလိုက်ပါတယ်။

၁၉၈၈ ခုနှစ် စစ်အာဏာသိမ်းပြီးနောက်ပိုင်း ဒီမိုကရေစီရေးအတွက် ပြည်ပထွက်သွားတဲ့ အမျိုးသမီး စစ်သည် တစ်ဦးအနေနဲ့ တွေ့ကြုံခံစားရတာတွေကို ရေးသားထားတဲ့ ကဗျာတွေဖြစ်တယ်လို့ ဒေါ်စောမြရာဇာလင်း က ပြောပါတယ်။

"၁၉၈၈ ခု အမျိုးသမီး စစ်သည်တစ်ယောက်အနေနဲ့ တော်လှန်ရေးဘဝကို ဖြတ်သန်းခဲ့တဲ့အချိန်မှာ လွမ်းဆွတ် တမ်းတပြီးတော့မှ သတိရတဲ့ခံစားချက်တွေ၊ အိုမင်းမစွမ်းကျန်ခဲ့တဲ့ မိဘနှစ်ပါးနဲ့ ကျမစာသင်တဲ့အခါမှာ ကျန်ခဲ့ တဲ့ကျောင်းသားလေးတွေ စသည်အားဖြင့် ကျမအင်မတန်မှ ခင်မင်လေးစားရတဲ့ မိတ်ဆွေအပေါင်းအသင်းတွေ အားလုံးကို လွမ်းဆွတ်တမ်းတပြီးတော့မှ ရေးထားတဲ့ကဗျာတွေများပါတယ်၊ ပြီးလို့ရှိရင် ကျမတို့က သမိုင်း ကွယ်ပျောက်နေတဲ့အတွက် သူငယ်တန်းကနေ စတုတ္ထတန်းအထိကို ပြဌာန်းချက်စာအုပ်ကို ရေးတဲ့အချိန်မှာ ကျမရေးသားခဲ့တဲ့ ရင်တွင်းကဗျာ မျိုးချစ်ပြည်ချစ်ကဗျာတချို့လည်း အဲ့စာအုပ်မှာ ပါဝင်ပါတယ်ရှင့်"

ဒီစာအုပ်မှာ တော်လှန်ရေးကာလ ရခိုင်တိုင်းရင်းသား အမျိုးသမီးတစ်ဦးရဲ့ ခံစားချက်နဲ့ ရင်ခုန်သံတွေ ဖွဲ့သီထားတဲ့ ကဗျာပုဒ်ရေ ၅၀ ပါဝင်ပြီး၊ အုပ်ရေ ၂ ထောင်ဖြန့်ချိလိုက်တယ်လို့ သိရပါတယ်။
RFA

car-620.jpg
ရန်ကုန်မြို့အတွင်းမှာ ပြေးဆွဲနေတဲ့ မော်တော်ယာဉ်တွေကို တွေ့ရစဉ်
Photo: RFA

မော်တော်ယာဉ်လုပ်ငန်းပေါင်းစုံ ထိန်းသိမ်းရေးကော်မတီ (မထသ) ကို ဖျက်သိမ်းပြီး အများပြည်သူ သယ်ယူ ပို့ဆောင်ရေး အာဏာပိုင်အဖွဲ့ကို လာမယ့် ၃ လအတွင်း ဖွဲ့စည်းသွားဖို့ ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်း က ညွှန်ကြားထားပါတယ်။

လက်ရှိစနစ်မကောင်းတဲ့ ခရီးသွားလုပ်ငန်းကို စနစ်ပြောင်းဖို့အတွက် မ.ထ.သ အဖွဲ့ကို ဖျက်သိမ်းပြီး အများပြည်သူ သယ်ယူပို့ဆောင်ရေး အာဏာပိုင်အဖွဲ့ ဖွဲ့စည်းဖို့ ၀န်ကြီးချုပ်ကပြောကြောင်း မထသ (မြို့တွင်း) ကော်မတီ (ယာယီ) ဥက္ကဌ ဦးမင်းဇော် က ပြောပါတယ်။

"လက်ရှိစနစ်က မကောင်းခဲ့ဘူးလေ၊ စနစ်ပြောင်းဖို့အတွက်ကို မထသ တွေ ဖျက်သိမ်းပြီးတော့ အများပြည်သူ သယ်ယူပို့ဆောင်ရေး အာဏာပိုင်အဖွဲ့ ဖွဲ့ဖို့ဆိုတာသေချာသွားပြီ၊ နောက် ၃ လကျော် ၄ လအတွင်း ဆောင်ရွက် မယ်လို့ ပြောပါတယ်"

ယာဉ်ကြောကျပ်တည်းမှုတွေ၊ ယာဉ်မတော်တဆဖြစ်မှုတွေ စတဲ့ပြဿနာတွေကို ဖြေရှင်းဖို့အတွက် ပြီးခဲ့တဲ့ ဇွန်လ ၁၉ ရက်နေ့က မော်တော်ယာဉ်လုပ်ငန်းရှင်တွေနဲ့ တွေ့ဆုံပွဲမှာ ၀န်ကြီးချုပ်က ညွှန်ကြားခဲ့တာ ဖြစ်ပါတယ်။

အများပြည်သူ သယ်ယူပို့ဆောင်ရေး အာဏာပိုင်အဖွဲ့အနေနဲ့ မော်တော်ယာဉ်လိုင်းတွေတင် မဟုတ်ဘဲ ရန်ကုန်တိုင်း အတွင်းက သယ်ယူပို့ဆောင်ရေးလုပ်ငန်းအားလုံးကို ထိန်းချုပ်သွားမှာ ဖြစ်ပါတယ်။

လက်ရှိ ရန်ကုန်မြို့တွင်းမှာ မော်တော်ယာဉ်လိုင်းပေါင်း ၃၅၀ ကျော် ယာဉ်အစီးရေ ၅ ထောင်ဝန်းကျင်နဲ့ အငှားယာဉ် တက္ကစီ ၅ သောင်းကျော် ပြေးဆွဲနေပါတယ်။

လာမယ့် ၃ လအတွင်း ဖွဲ့စည်းသွားဖို့ ၀န်ကြီးချုပ်က ညွှန်ကြားထားကြောင်း မထသ(မြို့တွင်း) ယာယီ ဥက္ကဌ ဦးမင်းဇော် က ပြောပါတယ်။ ဦးမင်းဇော် ကို RFA သတင်းထောက် မသီရိမင်းဇင် က ဆက်သွယ်မေးမြန်း ထားပါတယ်။

RFA

 expire-snack-620.jpg လားရှိုးမြို့၊ အ.ထ.က(၂) ကျောင်း မုန့်ဈေးတန်းက စားသုံးဖို့မသင့်တဲ့ မုန့်တွေကို မီးရှို့ဖျက်ဆီးစဉ်
Photo: Kan Thar/RFA

ရှမ်းပြည်နယ်မြောက်ပိုင်း လားရှိုးမြို့  အ.ထ.က (၂) ကျောင်းက မုန့်ဈေးတန်းမှာ စားသုံးဖို့မသင့်တဲ့ တရုတ်နိုင်ငံလုပ် ဂျယ်လီ၊ မုန့်အချို့ နဲ့ သတ်မှတ်ရက်လွန်မုန့်တွေကို စစ်ဆေးတွေ့ရှိပြီး မီးရှို့ဖျက်ဆီးခဲ့ပါတယ်။

ဒီကနေ့ ရှမ်းပြည်မြောက်ပိုင်း စားသုံးသူရေးရာဦးစီးဌာနနဲ့ ကျောင်းကျန်းမာရေးဌာန တာဝန်ရှိသူတွေ ပူးပေါင်းပြီး အဲ့ဒီကျောင်းကို ဝင်ရောက်စစ်ဆေးခဲ့ရာမှာ အခုလိုတွေ့ရှိခဲ့တာလို့ ကျောင်းကျန်းမာရေးဌာနက ဒေါက်တာ နီနီထွန်း က ပြောပါတယ်။

"အခုတွေ့ရှိရတာကတော့ ရက်လွန်နေတဲ့ဟာလေးတွေရယ် ကလေးတွေအနေနဲ့ သိပ်ပြီးတော့ မစားသင့်တဲ့ ဟာပေါ့နော်၊ ကလေးတွေရဲ့ အဟာရကို ဖြည့်ဆည်းပေးနိုင်မှုနည်းတဲ့ အစားအစာလေးတွေလည်း အများကြီးတွေ့ရပါတယ်၊ ဖြစ်နိုင်ရင်မရောင်းချဖို့ ကျမတို့ ဒီနေ့ပြောခဲ့ပါတယ်"

ဒီနေ့ ဖျက်ဆီးခဲ့တဲ့မုန့်တွေဟာ ကျပ်သုံးသောင်းကျော်တန်ဖိုးရှိပြီး ဈေးသည်တွေအနေနဲ့ စားသုံးဖို့ မသင့်တဲ့မုန့်တွေကို နောင်မရောင်းကြဖို့နဲ့ ကျောင်းသားတွေကလည်း မစားသုံးကြဖို့ အသိပညာပေးခဲ့ပါတယ်။

လက်ရှိမှာ ပညာပေးကာလအနေနဲ့ ဆောင်ရွက်နေတာဖြစ်ပြီး ပညာပေးကာလပြီးဆုံးပါက ထိရောက်တဲ့ အရေးယူတာမျိုးတွေကို လုပ်ဆောင်သွားမှာဖြစ်တယ်လို့ ပြောပါတယ်။

စားသုံးသူကာကွယ်ပေးရေးဥပဒေကို ၂၀၁၄ ခုနှစ်မှာ စတင်ထုတ်ပြန်ခဲ့တာဖြစ်ပြီး ၂၀၁၆ ခုနှစ် ဧပြီလမှာ စီးပွား ကူးသန်းဌာနအောက်ကနေ စားသုံးသူကာကွယ်ရေးအဖွဲ့ကို ထပ်မံဖွဲ့ စည်းပြီး စားသုံးသူ ကာကွယ်ပေးရေး အသိပညာပေးလုပ်ငန်းတွေကို တစ်နိုင်ငံလုံးအနှံ့ လုပ်ကိုင်နေတာ ဖြစ်ပါတယ်။

လက်ရှိမှာ လားရှိုးမြို့ပေါ်က ဆီစက်တွေ၊ ကျောင်းတွေက မုန့်အရောင်းဆိုင်တွေ၊ အေးခဲအသား ရောင်းချနေ တာတွေကို စစ်ဆေးနေတာဖြစ်ပြီး နောက်ပိုင်းမှာ ရေသန့်စက်ရုံတွေနဲ့ အချိုရည် ထုတ်လုပ်တဲ့စက်ရုံတွေကို စစ်ဆေးသွားမှာဖြစ်တယ်လို့ သိရပါတယ်။
RFA

 usdp-muslim-620.jpg "ရခိုင်ပြည်နယ်မှ မွတ်စလင် အသိုင်းအဝိုင်း" အသုံးအနှုန်းနဲ့ ပတ်သက်ပြီး ဇွန်လ ၂၃ ရက်နေ့က ထုတ်ပြန်တဲ့ ကြံ့ခိုင်ဖွံ့ဖြိုးရေးပါတီရဲ့ သဘောထားကြေညာချက်ကို တွေ့ရစဉ်
Photo: ပြည်ခိုင်ဖြိုး Facebook

ရခိုင်ပြည်နယ်မှ မွတ်စလင် အသိုင်းအဝိုင်းဆိုတဲ့ အသုံးအနှုန်းကို အစိုးရအနေနဲ့ ဒေသခံတွေနဲ့ နိုင်ငံရေးပါတီတွေရဲ့ သဘောထားရယူပြီးမှသာ သုံးနှုန်းသင့်တယ်လို့ ဒီနေ့ ဇွန်လ ၂၃ ရက်နေ့ ရက်စွဲနဲ့ ကြံခိုင်ဖွံ့ဖြိုးရေးပါတီက ကြေညာ ချက်ထုတ်ပြန်လိုက်ပါတယ်။

အခုလ ၁၇ ရက်နေ့က ဆွစ်ဇာလန်နိုင်ငံ၊ ဂျနီဗာမြို့မှာကျင်းပတဲ့ ကုလသမဂ္ဂ လူ့အခွင့်အရေး ညီလာခံမှာ မြန်မာ အစိုးရ ကိုယ်စားလှယ်က လူမှုအသိုင်းအဝိုင်းနှစ်ဖက်ကြား အဆင်ပြေပြီး အပြန်အလှန် ယုံကြည်မှုရဖို့အတွက် ရခိုင်ပြည်နယ်က မွတ်စလင်အသိုင်းအဝိုင်းလို့ သုံးနှုန်းဖို့ အကြံပြုတင်ပြခဲ့တာနဲ့ ပတ်သက်ပြီး ကြံခိုင်ဖွံ့ဖြိုးရေးပါတီက အခုလို ကြေညာချက် ထုတ်ပြန်လိုက်တာ ဖြစ်ပါတယ်။

ထုတ်ပြန်ကြေညာချက်မှာ ရခိုင်ပြည်နယ်က မွတ်စလင်တွေကို ဘင်္ဂါလီ လို့ ခေါ်ဝေါ်သုံးနှုန်းထားပြီး အစိုးရအနေ နဲ့ ပြဿနာကိုဖြေရှင်းရာမှာ ၂၀၀၈ ဖွဲ့စည်းပုံ အခြေခံဥပဒေပါ ပုဒ်မ ၃၆၄ နဲ့အညီ ဆောင်ရွက်ဖို့ လိုအပ်တယ်လို့လည်း တိုက်တွန်းထားပါတယ်။

ဖွဲ့စည်းပုံအခြေခံဥပဒေ ပုဒ်မ ၃၆၄ မှာ နိုင်ငံရေးအတွက် ဘာသာသာသနာကို အလွဲသုံးစားမလုပ်ဖို့နဲ့ လူမျိုးရေး၊ ဘာသာရေးကြောင့် တစ်ဘက်နဲ့တစ်ဘက် မုန်းတီးရန်မူတာတွေ ပေါ်ပေါက်စေဖို့ ရည်ရွယ်တဲ့ အပြုအမှုတွေဟာ ဖွဲ့စည်းပုံအခြေခံဥပဒေကို ဆန့်ကျင်တဲ့လုပ်ရပ်ဖြစ်ပြီး အဲ့ဒီလိုလုပ်ရပ်တွေကို အရေးယူနိုင်ဖို့အတွက် ဥပဒေပြဌာန်းနိုင် တယ်လို့ ဖော်ပြထားတာဖြစ်ပါတယ်။

ဒါ့အပြင် ကြံခိုင်ဖွံ့ဖြိုးရေးပါတီအနေနဲ့ နိုင်ငံတော်အစိုးရ တာဝန်ထမ်းဆောင်ခဲ့စဉ်က မြန်မာနိုင်ငံက တိုင်းရင်းသား လူမျိုးနွယ်စု ၁၃၅ မျိုးမှာ ရိုဟင်ဂျာ မပါဝင်ကြောင်းနဲ့ ဒေသခံတိုင်းရင်းသားတွေက ရိုဟင်ဂျာ ဆိုတဲ့ အသုံးအနှုန်းကို လက်မခံတာကြောင့် အစိုးရကလည်း လက်မခံကြောင်း အတိအလင်း ထုတ်ပြန်ခဲ့တယ်လို့ ကြေညာချက်မှာ ရေးသား ထားပါတယ်။

ကြေညာချက်နဲ့ ပတ်သက်ပြီး ကြံခိုင်ဖွံ့ဖြိုးရေးပါတီက သတင်းထုတ်ပြန်ရေးအဖွဲ့ဝင်တွေဖြစ်တဲ့ ဦးခင်ရီ၊ ဦးပိုက်ထွေး၊ ဒေါက်တာမောင်မောင်ဌေး အစရှိတဲ့ ၆ ဦးစလုံးကို ဆက်သွယ်မေးမြန်းခဲ့ပေမယ့် အဆက်အသွယ် မရခဲ့ပါဘူး။
RFA

အမေရိကန် ပြည်ထောင်စုမှာ သေနတ် ကိုင်ဆောင်ခွင့် ဥပဒေကို တင်းကြပ်ဖို့ ဒီမိုကရက် ပါတီဝင်တွေဟာ မကြုံစဖူး ထိုင် ဆန္ဒပြ နေတာ ၂၄ နာရီ ဝန်းကျင် ရှိလာ နေပြီ ဖြစ်ပါတယ်။

အောက်လွှတ်တော် ကြမ်းပြင်ပေါ် လူတချို့ ဆက်လက် ထိုင်နေကြဆဲ ဖြစ်ပြီး လက်ကိုင်ဖုန်းတွေ ကနေ တဆင့် သူတို့ ဆန္ဒပြ နေတာကို အင်တာနက်ပေါ် တိုက်ရိုက် တင်ဆက် ပေးနေပါတယ်။

ကွန်ဂရက်စ် လွှတ်တော် မရပ်နားပဲ ဆက်လက် ကျင်းပဖို့ ဒီမိုကရက်တွေ တောင်းဆိုမှု ရှုံး သွားခဲ့တဲ့ နောက် အခုလို ဖြစ်ပေါ် လာတာပါ။

လွှတ်တော်ကို လွှမ်းမိုး ထားတဲ့ ရီပတ်ဘလစ်ကင် အမတ်တွေက လွှတ်တော် အစည်းအဝေးတွေ ဂျူလိုင် လဆန်းမှ ပြန်စဖို့ မဲခွဲ ဆုံးဖြတ် ခဲ့ကြပါတယ်။

ဒီမိုကရက်တွေရဲ့ ထိုင်သပိတ်ဟာ စတန့်ထွင်တာ သက်သက်ပဲ ဆိုပြီး ရီပတ်ဘလစ်ကင်တွေက ဝေဖန် ပါတယ်။

ဒါပေမယ့် အိုလန်ဒိုက နိုက်ကလပ် အပစ်ခတ် ခံခဲ့ ရပြီးတဲ့နောက် သေနတ် ကိုင်ဆောင်တာကို ထိန်းချုပ်ဖို့ ဘယ်လောက် အရေးတကြီး လိုအပ် နေသလဲ ဆိုတာ ပို ထင်ရှား လာခဲ့တဲ့ အတွက် ဒီမိုကရက် ဆန္ဒပြ သမားတွေကတော့ ဒီကိစ္စကို ကိုင်တွယ် နိုင်တဲ့ အထိ ဆက် ဆန္ဒပြ သွားမယ် လို့ ပြောထားပါတယ်။
BBC Burmese



dassk-thai-worker-620.JPG
ထိုင်းနုိုင်ငံ မဟာချိုင်မြို့က ထလေထိုင်းမှာ နုိုင်ငံတော်အတုိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ တွေ့ဆုံဖို့ စောင်းဆိုင်းနေတဲ့ အလုပ်သမားတွေကို ဇွန်လ ၂၃ ရက်နေ့က တွေ့ရစဥ
Photo: Kyaw Zaw Win/RFA
နုိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ ထိုင်းနိုင်ငံ မဟာချိုင်မြို့ ထလေထိုင်းရပ်ကွက်မှာ ဒီကနေ့ စက်ရုံတချို့က စီစဉ်တဲ့ အလုပ်သမားအနည်းငယ်နဲ့သာ တွေ့ခွင့်ရခဲ့ပြီး မိုးရွာထဲမှာ စောင့်နေခဲ့ကြတဲ့ ရွှေ့ပြောင်းအလုပ်သမား ထောင်ပေါင်းများစွာကို စကားပြောခွင့် မရခဲ့ပါဘူး။ ခန်းမထဲမှာ တွေ့ခွင့်ရတဲ့ မြန်မာအလုပ်သမားတွေကို ဒေါ်အောင်ဆန်းစုကြည်က ထိုင်းနိုင်ငံမှာ မိမိတို့က ဧည့်သည်ဖြစ်တာနဲ့အညီ ကောင်းကောင်းမွန်မွန်နေထိုင်ဖို့ မှာကြားခဲ့သလို ဘန်ကောက်မှာရှိတဲ့ မြန်မာသံရုံးအနေနဲ့လည်း မိမိတို့ နိုင်ငံသားတွေကို အပြည့်အဝ ကာကွယ်ပေးဖို့ တာဝန်ရှိကြောင်း ပြောဆိုခဲ့ပါတယ်။

"ဧည့်သည်ဆိုတာ ဧည့်သည်လိုနေရမယ်၊ အဲ့ဒါမှ အိမ်ရှင်ကလည်း ကိုယ့်ကိုလေးစားမယ်၊ ကျမတို့ရဲ့ သံရုံးကလည်း ကိုယ့်ရဲ့အခွင့်အရေးတွေကို အပြည့်အဝကာကွယ်ပေးဖို့ ကျမတို့ထားတာ"

မြန်မာအများစုနဲ့ တွေ့ခွင့်မရခဲ့တာနဲ့ ပတ်သက်ပြီး နိုင်ငံတော်အတိုင်ပင်ခံပုဂ္ဂိုလ်ရုံးက “ မိုးထဲရေထဲတွင် စောင့်ဆိုင်းနေခဲ့ကြသာ ထိုင်းနိုင်ငံရောက် မြန်မာနိုင်ငံသားများ၏ မျှော်လင့်ချက်များ၊ အားကိုးမှုများ၊ ယုံကြည်ချက်များအတွက် နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၏ အမှာစကား” ဆိုပြီး ကြေညာချက်တစ်စောင်ထုတ်ပြန်ခဲ့ရာမှာ မြန်မာနိုင်ငံသားများနှင့် တွေ့ဆုံနှုတ်ဆက်ခွင့် မရခဲ့သည့်အတွက် စိတ်မကောင်းဖြစ်ရကြောင်းနဲ့ အခုလိုတွေ့ဆုံခွင့် အဆင်မပြေ ဖြစ်ခဲ့ရသော်လည်း ထိုင်းနိုင်ငံရောက် မြန်မာအလုပ်သမားများ ကြုံတွေ့နေရသော အခက်အခဲများအားလုံးကို သိရှိပါကြောင်း ဖေါ်ပြထားပါတယ်။

ဒေါ်အောင်ဆန်းစုကြည်ဟာ ဘန်ကောက်မြို့ကို ဒီကနေ့ နေ့လည်က ရောက်ရှိခဲ့ပြီးနောက် ထလေထိုင်းကို ညနေ ၄ နာရီခွဲခန့်က ရောက်ရှိခဲ့လာခဲ့ရာမှာ မြန်မာအလုပ်သမား ထောင်ပေါင်းများစွာက လုံခြုံရေး အတားအဆီးတွေကို ဖယ်ရှားပြီး ခန်းမအပြင်ဘက် မိုးရွာထဲကနေ ကြွေးကြော်သံတွေနဲ့ ကြိုဆိုခဲ့ကြပါတယ်။

အလုပ်သမားအများစုဟာ ဒေါ်အောင်ဆန်းစုကြည်ကို တွေ့ခွင့်ရဖို့ မနက်ကတည်းက လာရောက်စောင့်စားနေခဲ့ကြတာဖြစ်ပြီး အများစုက သူတို့ရဲ့ နုိုင်ငံကူးလက်မှတ်တွေ သက်တမ်းတိုးရာမှာ မဟာချိုင်မှာပဲ တိုးခွင့်ရရေး၊ ထိုင်းအစိုးရ ထုတ်ပြန်ထားတဲ့ အလုပ်သမားဥပဒေတွေကို ထိုင်းအလုပ်ရှင်တွေက လိုက်နာရေး စတဲ့ကိစ္စတွေကို တင်ပြနိုင်ဖို့ မျှော်လင့်ခဲ့ကြပါတယ်။

မူလက ဒေါ်အောင်ဆန်းစုကြည်ကို မြန်မာအလုပ်သမား ၅ဝဝ နဲ့ တွေ့ဆုံဖို့ ထိုင်းအာဏာပိုင်တွေက စီစဉ်ခဲ့ပါတယ်။ ဒါပေမဲ့ အဲ့ဒီကိစ္စကို မြန်မာအများစုက လက်မခံခဲ့ကြပါဘူး။ အဲဒီ လူ ၅ဝဝ ဟာ အလုပ်ရှင်တွေက ရွေးချယ်စေလွှတ်သူတွေသာ ဖြစ်တယ်လို့ ဝင်ခွင့်မရတဲ့ အလုပ်သမားတွေက ပြောပါတယ်။

ဒေါ်အောင်ဆန်းစုကြည်ဟာ ထိုင်းစံတော်ချိန် ညနေ ၅ နာရီလောက်မှာ ထလေထိုင်းကနေ လုံခြုံရေး ကြပ်မတ်စွာနဲ့ ပြန်လည်ထွက်ခွာသွားပါတယ်။
RFA


ရွှေ့ပြောင်း အလုပ်သမား အများစုနဲ့ တွေ့ဆုံ စကားပြောခွင့် မရတဲ့ အတွက် စိတ်ပျက်ရတယ်လို့ ထိုင်းနိုင်ငံ ကို ရောက်ရှိနေ တဲ့ ဒေါ်အောင်ဆန်းစုကြည် က ပြောဆိုသွားပါတယ်။ ထိုင်းနိုင်ငံကို ဆိုက်ရောက်ပြီး မကြာခင်မှာဘဲ မြို့တော် ဘန်ကောက် အနီးက မြန်မာ အလုပ်သမားတွေရှိရာ မဟာချိုင်အရပ်ကို နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် သွားရောက်တွေ့ဆုံခဲ့ တာ ဖြစ်ပါတယ်။ မြန်မာ ရွှေ့ပြောင်းအလုပ်သမားတွေနဲ့ တွေ့ဆုံခဲ့ရမှု အပေါ် ဒေါ်အောင်ဆန်းစုကြည်က ဘာတွေ ပြောဆိုသွားပါသလဲ ဆိုတာကိုတော့ မသိင်္ဂီထိုက် စုစည်းတင်ပြထားပါတယ်။
နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ကို တွေ့ဆုံလို သူ ထောင်နဲ့ချီတဲ့ မြန်မာ ရွှေ့ပြောင်းအလုပ်သမားတွေ မဟာချိုင် အရပ်က ငါးပုစွန်ခန်းမ အပြင်မှာ ဆုတောင်းသံတွေ ကြွေးကြော်နေကြတာပါ။
ခန်းမပြင်က မြန်မာအလုပ်သမားတွေ
ခန်းမပြင်က မြန်မာအလုပ်သမားတွေ
ထိုင်းအာဏာပိုင်တွေ စီစဉ်တဲ့ ခန်းမထဲမှာ ရာနဲ့ချီတဲ့ မြန်မာ အလုပ်သမားတွေကို စကားပြောခွင့်ရခဲ့ပါတယ်။ ဒါပေမယ့် ခန်းမထဲမှာတော့ ဆင်တူ ၀တ်စုံ ၀တ် ထားတဲ့ မြန်မာ အလုပ်သမားတွေ တိတ်တိတ်ဆိတ်ဆိတ် ထိုင်နေ ပြီး ဒေါ်အောင်ဆန်းစုကြည် ရဲ့ မိန့်ခွန်းပြောဆိုမှုကို နားထောင်နေခဲ့ကြပါတယ်။
ခဏအကြာမှာတော့ ဒေါ်အောင်ဆန်းစုကြည်က စကားပြော စင်မြင့်ပေါ်က ဆင်းသွားပြီး ငြိမ်သက်နေတဲ့ မြန်မာ အလုပ်သမားတွေကြားကို သွားရောက်ပြီး စကားပြောဆိုခဲ့ပါတယ်။
ခန်းမအပြင်ဘက်မှာ ဒေါ်အောင်ဆန်းစုကြည်နဲ့ တွေ့ဆုံဖို့ အော်ဟစ် စောင့်ဆိုင်းနေတဲ့ မြန်မာ အလုပ်သမားတွေကို စကားပြောဖို့ စီစဉ်ခဲ့သေးပေမယ့် မိုး သည်းသည်းထန်ထန် ရွာတာကြောင့် စကားပြောဖို့ အခွင့်မသာ ဖြစ်ခဲ့ရပါတယ်။
ခန်းမပြင်က အလုပ်သမားတွေ
ခန်းမပြင်က အလုပ်သမားတွေ
စောင့်ဆိုင်းနေတဲ့ ထောင်နဲ့ချီတဲ့ မြန်မာ ရွှေ့ပြောင်းအလုပ်သမားတွေကို စကားပြောခွင့် မရခဲ့တဲ့ အပေါ် စိတ်ပျက်ရတဲ့ အကြောင်းရွှေ့ပြောင်းအလုပ်သမား အခွင့်အရေး ဆောင်ရွက်မှု အဖွဲ့က Andy Hall ကို ဒေါ်အောင်ဆန်းစုကြည် က ပြောဆိုခဲ့တာပါ။

"ရွှေ့ပြောင်းအလုပ်သမားတွေနဲ့ စကားမပြောရတဲ့ အတွက် သိပ်ကို စိတ်ပျက်ရတယ်လို့ ကျနော့်ကို ပြောပါတယ်။ ရွှေ့ပြောင်းအလုပ်သမားတွေနဲ့ စကားပြောချင်ပေမယ့် အခြေအနေက မပေးဘူး။ လုံခြုံရေးက သိပ်ကို အားနည်းပါတယ်။ ထိန်းသိမ်းနိုင်တဲ့ အခြေအနေလည်း မရှိတာကြောင့် သူမအနေနဲ့ အလုပ်သမားတွေကို စကားမပြောနိုင်ပါဘူး။ ဒါကြောင့် သူ စိတ်ပျက်ရတယ်လို့ ပြောတာ ဖြစ်ပါတယ်။ သူမအနေနဲ့လည်း အခက်အခဲကို ကောင်းကောင်းနားလည်တာကြောင့်ပြသနာတော့ မရှိပါဘူး။"
မဟာချိုင်အရပ်ကနေ ဘန်ကောက်မြို့တော်ကို ပြန်ဖို့ ကားပေါ် အတက်မှာ ဒေါ်အောင်ဆန်းစုကြည်က Andy Hall ကို အခုလို ပြောဆို ခဲ့တာပါ။ ဒါ့အပြင် တွေ့ခွင့်မရတဲ့ ခန်းမ အပြင်ဘက်က မြန်မာ အလုပ်သမားတွေ အတွက် လည်း စကားလက်ဆောင်ပါးခဲ့တဲ့ အကြောင်း ရွှေ့ပြောင်းအလုပ်သမား အခွင့်အရေး ဆောင်ရွက်မှု အဖွဲ့က ဦးစိန်ဌေးက ပြောပါတယ်။

"သူကတော့ ထွေထွေထူးထူးတော့ မပြောလိုက်နိုင်ဘူး။ အခုလိုမျိုး ရာသီဥတု အခြေအနေကြောင့် အောက်မှာ စောင့်နေတဲ့သူတွေကိုပေါ့နော် စကားပြောချင်ပေမဲ့ စကားပြောခွင့်မရတာကို နားလည်ပေးပါပေါ့။ အဲ့တာလေးကို လူတွေသိအောင် ပြောပေးပါဆိုပြီးတော့ အဲ့လောက်ပဲ ပြောသွားပါတယ်ခင်ဗျ။"
ဒေါ်အောင်ဆန်းစုကြည်ရဲ့ ထိုင်းနိုင်ငံ ခရီးစဉ် အတွင်း မဟာချိုင် အရပ်က မြန်မာ ရွှေ့ပြောင်း အလုပ်သမား အားလုံးနဲ့ မတွေ့ဆုံနိုင်ခဲ့သလို ထမ်ဟင်း မြန်မာ ဒုက္ခသည် စခန်းကို သွားရောက်မယ့် အစီအစဉ်ကလည်း ရာသီဥတု အခြေအနေကြောင့် ဖျက်ခဲ့ရတာပါ။
ဒါကြောင့် ဒေါ်အောင်ဆန်းစုကြည်ရဲ့ ထိုင်းခရီးစဉ်က မူလ အစီအစဉ် အတိုင်း အပြည့်အ၀တော့ ဖြစ်မလာပါဘူး။ ဒီလို အခြေအနေမျိုး ရှိပေမယ့် လည်း ဒေါ်အောင်ဆန်းစုကြည် နဲ့ ထိုင်းအစိုးရကြားမှာ ပူးပေါင်းဆောင်ရွက်မှုတွေ၊ ကြိုတင် သဘောတူညီမှုတွေကတော့ အတိုင်းအတာ တခုအထိ ရှိနေတယ်လို့ ထိုင်းအခြေစိုက် ဧရာဝတီ သတင်းဌာနရဲ့ အယ်ဒီတာချုပ် ဦးအောင်ဇော် က ပြောပါတယ်။

" အခု ဒီနေ့ဖြစ်တဲ့ကိစ္စမှာတောင်မှ ထိုင်းဘက်က အတော်ကို သူတို့ လုံခြုံရေးအရ မထိန်းသိမ်းနိုင်တာကို တွေ့ရတယ်ပေါ့လေ။ မနက်ဖြန်ဆိုရင်လည်း ကျနော်ထင်တယ် သူတို့ နှလုံးရောဂါတောင် ရသွားနိုင်တယ်။ ဘာကြောင့်လဲ ဆိုတော့ ဒေါ်အောင်ဆန်းစုကြည် အပေါ်မှာ ထားတဲ့ မျှော်လင့်ချက်တွေ ၊ ရွှေ့ပြောင်း အလုပ်သမားတွေ ရဲ့မျှော်လင့်ချက်တွေပေါ့နော်။ အဲ့တာတွေကို ဘယ်လိုသွားမလဲ ဆိုတဲ့ ဒုက္ခသည်ကိစ္စတွေပေါ့။ အဲ့တာတွေဆို ဒီညဆိုလည်း သူတို့ခေါင်းခြောက်အောင် လုံခြုံရေးအတွက် အများကြီးကို ပြင်ဆင်ရမယ်လို့ ကျနော်ထင်တယ်။ ဒါပေမဲ့ တခြားတဖက်မှာတော့ ထိုင်းအစိုးရနဲ့ ဒေါ်အောင်ဆန်းစုကြည် ကြားထဲမှာတော့ နားလည်မှုတွေ အများကြီးရထားတယ်လို့ ကျနော်တို့ သူတို့အထဲမှာ ရှိတဲ့သတင်းတွေအရ သိရပါတယ်။"

ထိုင်းဝန်ကြီးချုပ် ဖရာရွဒ် ချန်းအိုချာနဲ့ တွေ့ဆုံချိန် မှာတော့ ရွှေ့ပြောင်း အလုပ်သမားအရေး၊ နှစ်နိုင်ငံ ပြည်ဝင်ခွင့်ကိစ္စတွေ အပါအ၀င် ဒုက္ခသည် အရေးတွေကို ဆွေးနွေးကြမယ်လို့လည်း ခန့်မှန်းကြပါတယ်။ ထိုင်းနိုင်ငံတွင်းမှာ တရားဝင် ရွှေ့ပြောင်း အလုပ်သမား အဖြစ် မှတ်ပုံတင်ထားတဲ့ မြန်မာနိုင်ငံသား ၁သန်းခွဲကျော် ရှိနေတာပါ။ ထိုင်းနိုင်ငံတွင်း တရားဝင်နဲ့ တရားမ၀င် ရွှေ့ပြောင်း အလုပ်သမားတွေ၊ နေရပ်စွန့်ခွာ ထွက်ပြေးလာသူ မြန်မာနိုင်ငံသား ၅ သန်း နီးပါးကို လက်ခံထားတာ ဖြစ်ပါတယ်။
VOA Burmese News



ရခိုင်ကိုရောက်ရှိနေတဲ့ လူ့အခွင့်အရေးအထူးကိုယ်စားလှယ် ပညာဝကျေးရွာက စစ်ဘေးရှောင်ဒုက္ခသည်စခန်းသွားရောက်။
ရခိုင်ကိုရောက်ရှိနေတဲ့ လူ့အခွင့်အရေးအထူးကိုယ်စားလှယ် ပညာဝကျေးရွာက စစ်ဘေးရှောင်ဒုက္ခသည်စခန်းသွားရောက်။
ရခိုင်ပြည်နယ်ကို ရောက်ရှိနေတဲ့ ကုလ ကိုယ်စားလှယ် မစ္စစ် Yanghee Lee ရဲ့ ဒုတိယနေ့ ခရီးစဉ်အဖြစ် မနက်ပိုင်းမှာ စစ်တွေမြို့ မင်းဂံရပ်ကွက်မှာရှိတဲ့ ရခိုင်ဒုက္ခသည်စခန်းကို သွား ရောက်ခဲ့ပြီးနောက် အစ္စလာမ် ဘာသာဝင်တွေနေ တဲ့ အောင်မင်္ဂလာရပ်ကို သွားရောက်ခဲ့ပါတယ်။ နေ့လည်ပိုင်း မှာတော့ စစ်တွေဟိုတယ်မှာ ရပ်မိရပ်ဖတွေနဲ့ တွေ့ခဲ့ပါတယ်။ ဒီလိုတွေ့ဆုံ တာမှာ အချို့သော ရပ်မိရပ်ဖတွေက တွေ့ဆုံဖို့ငြင်းဆန်ခဲ့သလို ရခိုင်ပြည်နယ်မှာ အင်အားကြီး ပါတီတခုဖြစ်တဲ့ ရခိုင်အမျိုးသားပါတီကလည်း မစ္စစ် Yanghee Lee ကို တွေ့ဆုံဖို့ငြင်းဆန်ခဲ့ ပါတယ်။ ဒီသတင်း အပြည့်အစုံကို ဗွီအိုအေက မေခကပေးပို့ ထားပါတယ်။

ရခိုင်ပြည်နယ်ကို စတုထ္တအကြိမ်မြောက်ရောက်ရှိနေတဲ့ ကုလ ကိုယ်စားလှယ် မစ္စစ် ယန်ဟီးလီဟာ ဒီကနေ့ ရခိုင်ပြည်နယ် ဒုတိယနေ့ခရီးစဉ်တွေမှာ စစ်တွေမြို့ မင်းဂံရပ်ကွက်မှာ ရှိတဲ့ ရခိုင်ဒုက္ခသည် စခန်း၊ အစ္စလာမ်ဘာသာဝင်တွေနေ တဲ့ အောင်မင်္ဂလာရပ် နဲ့ သွားခဲ့ပြီး စစ်တွေဟိုတယ်မှာ ရပ်မိရပ်ဖတွေနဲ့ တွေ့ခဲ့တယ် လို့ ကုလသမဂ္ဂက ပြောရေးဆိုခွင့်ရှိသူ ဦးအေးဝင်းကပြောပါတယ်။
" ရခိုင် IDP ကမ့်သစ်ကို သွားတယ်။ နောက်ပြီးတော့ အောင်မင်္ဂလာကိုသွားပါတယ်။ အရင်တုန်းက စစ်တွေမှာဖြစ်လို့ အိုးအိမ်ဆုံးရှုံးသွားတဲ့ ရခိုင်က မိသားစုတွေ အောင်မင်္ဂလာရပ်ကွက်ပါ။"
ရခိုင်ပြည်နယ်ကိုရောက်ရှိနေတဲ့ ကုလသမဂ္ဂဆိုင်ရာ မြန်မာနိုင်ငံဆိုင်ရာ လူ့အခွင့်အရေး အစီရင်ခံစာတင်သွင်းသူ ယန်ဟီးလီ ဟာ စစ်တွေမြို့မှာ ရခိုင်တို့ဘက်မှ ရွှေစေတီဆရာတော် ၊ ရခိုင်အမျိူးသားပါတီ ( ANP ) နဲ့ ရခိုင်မြို့မိမြို့ဖ အဖွဲ့ဝင်များနဲ့သီးခြားစီတွေ့ဆုံရန် စီစဉ်ကမ်းလှမ်းခဲ့ပေမယ့် ရခိုင်အမျိူးသားပါတီ ( ANP ) နဲ့ ရခိုင်မြို့မိမြို့ဖ အဖွဲ့ဝင်တွေက တွေ့ဆုံဖို့ငြင်းဆန် ခဲ့ပါတယ်။
တွေ့ဆုံဖို့ငြင်းဆန်ခဲ့တာနဲ့ပတ်သတ်ပြီး စစ်တွေရပ်မိရပ်ဖ ဦးသန်းဝင်းက ဗွီအိုအေကိုခုလိုပြောပါတယ်။
" သူလာတဲ့အတွက်ကြောင့် ဘာတွေ ထူးခြားမလဲမေးရင် မြန်မာနိုင်ငံအတွက်ရော ရခိုင်ပြည်နယ် အတွက်ရော Positive View ဖြစ်လာစရာ ဘာမှ မတွေ့ဘူး။ နှစ်ဆန်းပိုင်းလောက်ရောက် တာနဲ့ ဘင်္ဂလီတွေက အရင်တုန်းက သူတို့မှာ အရင်တုန်းက မရှိဖူးတဲ့ စာသင်ကျောင်းတွေ ဒုက္ခသည်စခန်းမှာ ရှိလာတယ်။ ဆေးပေးခန်းတွေရှိလာတယ်။ သူတို့ဟာ အဆင့်တခုအထိမြင့်တက်သွားတယ် ဆိုတာ ဘယ်လိုမှ ငြင်းလို့မရဘူး။ ဒီကြားထဲပဲ မစ်ယန်ဟီးလီဟာ မြန်မာနိုင်ငံက ဘာပဲလုပ်လုပ် အကောင်းဘက်က မမြင်ပဲနဲ့ Negative View က ကြည့်နေတဲ့လူတယောက်လာတဲ့ အတွက်ကြောင့် မြန်မာနိုင်ငံမှာ အပေါင်းလက္ခဏာ ကောင်းတဲ့ အကျိုး ရလာလိမ့်မယ်လို့ ကျနော်ကတော့ မထင်ဘူး။ "

ယန်ဟီးလီ ဟာ မနေ့ကနိုင်ငံသားစိစစ်မယ့်အစီအစဉ်ကို ငြင်းဆိုနေကြတဲ့ ပုဏ္ဏားကျွန်းမြို့နယ် ကာဒီကျေးရွာက မူဆလင်တွေနဲ့ တွေ့ဆုံခဲ့သလို ကျောက်တော် မြို့နယ် ပညာဝကျေးရွာက ရခိုင်စစ်ဘေးဒုက္ခသည်စခန်းမှာရှိတဲ့ ဒုက္ခသည်တွေနဲ့ လည်း သွားရောက်တွေ့ဆုံခဲ့ပြီး ဒီကနေ့မှာတော့ စစ်တွေမြို့မှာရှိတဲ့ အစ္စလမ် ဘာသာဝင်တွေနဲ့ ရခိုင်လူမျိုးတွေကို သွားရောက်တွေ့ဆုံမှုတွေ လုပ်ခဲ့တာပါ။
ဒီလိုတွေ့ဆုံဆွေးနွေးမှုတွေမှာတော့ တွေ့ချင်သူတွေနဲ့ လွတ်လွတ် လပ်လပ်တွေ့ဆုံခွင့် ရခဲ့ပြီး၊ အာဏာပိုင်တွေ အခြားသူတွေ ၀င်ရောက်နားထောင်ခွင့် မရှိဘူးလို့ သိရပါတယ်။ ယန်ဟီးလီဟာ မနက်ဖြန်မှာတော့ ရန်ကုန်ကို ပြန်လာမှာဖြစ်ပါတယ်။
VOA Burmese News



မြန်မာအစိုးရရဲ့ အဆင့်မြင့်ခေါင်းဆောင်တဦးအဖြစ် ထိုင်းနိုင်ငံကို ဒီကနေ့ပဲရောက်လာတဲ့ ဒေါ်အောင်ဆန်းစုကြည် ဟာ ခရီးရောက် မဆိုက် မြန်မာနိုင်ငံသား အလုပ်သမားတွေနဲ့ အရင်ဆုံး တွေ့ဆုံဖို့ စီစဉ်ခဲ့ပေမဲ့၊ ထိုင်းအာဏာပိုင်တွေရဲ့ ကန့်သတ်မှုတွေကြောင့် လွတ်လွတ် လပ်လပ် တွေ့ဆုံခွင့် မရဘူးလို့ မြန်မာနိုင်ငံသားတွေနဲ့ အလုပ်သမားရေး လှုပ်ရှားသူတွေက ပြော ပါတယ်။ မြန်မာအလုပ်သမား အများစုရှိရာ မဟာချိုင် အရပ်မှာ ဒေါ်အောင်ဆန်းစုကြည်နဲ့ အလုပ်သမားတွေ လွတ်လွတ်လပ်လပ် တွေ့ဆုံဖို့ မူလက စီစဉ်ထားပေမဲ့၊ ဒီကနေ့ တွေ့ဆုံတဲ့ အချိန်မှာတော့ အကန့်အသတ်နဲ့ သာ တွေ့ဆုံခွင့်ပေးဖို့ အာဏာပိုင်တွေက လုပ်ဆောင်လာတဲ့ အတွက် အလုပ်သမားတွေက မကျေမနပ် ကန့်ကွက်မှုတွေလည်း ထွက်ပေါ်ခဲ့ပါတယ်။ အကြောင်းစုံကိုတော့ ထိုင်းအခြေစိုက် ဗွီအိုအေမြန်မာပိုင်းသတင်းထောက် မအေးအေးမာ က သတင်းပေးပို့ ထားပါတယ်။
နိုင်ငံတော် အတိုင်ပင်ခံပုဂ္ဂိုလ်လည်းဖြစ်၊ နိုင်ငံခြားရေးဝန်ကြီး လည်းဖြစ် တဲ့ ဒေါ်အောင်ဆန်းစုကြည်ဟာ ၃ ရက်ကြာ ထိုင်းနိုင်ငံ ခရီးစဉ်အတွင်း မြန်မာနိုင်ငံ သား အလုပ်သမားတွေ ရင်ဆိုင်နေရတဲ့ အခက်အခဲတွေကို ဖြေရှင်းနိုင်အောင်၊ တိုက်ရိုက်တွေ့ဆုံမှုတွေလုပ်ဖို့ ရည်ရွယ်ထားတာ ဖြစ်ပါတယ်။ အထူးသဖြင့် အလုပ်သမား အခွင့်အရေးတွေ ချိုးဖောက်ခံနေရတယ်လို့ သတင်းတွေ ထွက်နေတဲ့ ပင်လယ်စာ လုပ်ငန်းမှာ လုပ်ကိုင်နေသူတွေ နဲ့ တွေ့ဆုံလိုတဲ့ အကြောင်း ပြောဆို ထားတဲ့ အတွက်လည်း ဒီကနေ့ မဟာချိုင်အရပ်က ငါးပုဇွန်ခန်းမ မှာ မြန်မာ အလုပ်သမား တွေနဲ့ တွေ့ဆုံဖို့ စီစဉ်ခဲ့တာပါ။

ဒါပေမဲ့လည်း တွေ့ဆုံချိန်မှာ လူဦးရေကန့်သတ်ထားသလို၊ အလုပ်သမားတွေကို လည်း လိုသလို ရွေးချယ်ခဲ့တဲ့အတွက် မကျေမနပ် ဖြစ်တာတွေ ရှိခဲ့တယ်လို့လည်း အလုပ်သမားတွေနဲ့ အလုပ်သမားရေး လှုပ်ရှားသူတွေက ပြော ပါတယ်။ မြန်မာ အလုပ်သမားရေးဆောင်ရွက်နေတဲ့ FED အဖွဲ့က ဒါရိုက်တာ ဦးထူးချစ် ကတော့ မနက်ပိုင်းကစပြီး ရုန်းရင်းဆန်ခတ်မူတွေဖြစ်ပွားရတဲ့ အခြေအနေတွေကို အခုလိုရှင်းပြခဲ့ပါတယ်။

" အလုပ်သမားတွေအနေနဲ့ကတော့ မကျေနပ်တဲ့အလုပ်သမားတွေကတော့ များတာပေါ့။ တချို့ဆိုရင် အော်ဟစ် ဆန္ဒပြတဲ့သဘောမျိုးအထိ ဖြစ်တယ်လေ။ ဘာကြောင့်လဲဆိုတော့ တချို့ဆိုရင် မနက် ၄နာရီ၊ ၅နာရီလောက်ကတည်းက လာစောင့်နေတဲ့ အလုပ်သမားတွေလည်း ရှိတယ်။ အဲ့တာကို လုံးဝ ပေးမဝင်ပဲနဲ့ ထိုင်းအစိုးရကနေ စနစ်တကျ စီစဉ်ထားတဲ့စက်ရုံ၊ အလုပ်ရုံက အလုပ်သမားတွေကို ခေါ်လာပြီးတော့ ပေးထိုင်ခိုင်းတယ်။ ပြီးတော့ သူတို့ကို မေးချင်တာ ပြောချင်တာ ပြောခိုင်းတယ်။ အဲ့လိုမျိုး ဖြစ်တယ်။ အဓိက ကတော့ အစောကပြောတဲ့ စက်ရုံတွေကနေ ရွေးထားပြီးတော့ လွှတ်တဲ့သူပေါ့။ လမ်းလျောက်လာတာရှိတယ်။ ယူနီဖောင်းတွေနဲ့ ကားတွေနဲ့ လာတာရှိတယ်။ အဲ့တာကို မကျေနပ်တဲ့ အလုပ်သမားတွေကို ကားတွေကိုပိတ်ပြီး လမ်းကြောင်းကနေ ပြန်ခိုင်းတာတွေ လုပ်တယ်ပေါ့။ အဲ့လောက်အထိဖြစ်တယ်။ နောက်တခုက ထိုင်းအစိုးရကလည်း လုံခြုံရေးတွေ မြှင့်တင်တယ်။ ဆေးရုံကား အစီးလေး ငါးဆယ်လောက် ခေါ် ထားတာတို့။ မီးသတ်ကားတွေနဲ့ အဲ့လောက်မျိုးတွေ အထိ ဖြစ်သွားတာ ရှိတယ်ဗျ။ နောက် ဖမ်းမယ် ဆီးမယ်အထိ ခြိမ်းခြောက် တယ်။ နောက် မျက်ရည်ယိုဗုံး၊ ရေပန်းနဲ့ထိုးမယ်ဆိုတဲ့အထိ ခြိမ်းခြောက်ပြီးတော့ ထိုင်းရဲတပ်ဖွဲ့ဘက်က ပြောဆိုတာမျိုးတွေရှိခဲ့တယ်။ "

ဒေါ်အောင်ဆန်းစုကြည် ရောက်လာချိန်မှာတော့ ပြင်ပမှာ စောင့်ဆိုင်းနေသူ ထောင်သောင်းချီတဲ့ အလုပ်သမားတွေက တွေ့ဆုံခွင့်ရဖို့ လုံခြုံရေးစည်းကို ကျော်ဖြတ်တဲ့ အထိ ဖြစ်ခဲ့ရပါတယ်။
မြန်မာသံရုံးကို ကိုယ်စားပြုပြီး ဒေါ်စုနဲ့တွေ့ဆုံဖို့စီစဉ်ထားတဲ့ အလုပ်သမားရေး ဆောင်ရွက်နေ တဲ့ အဖွဲ့အစည်းတွေ လည်း တွေ့ဆုံခွင့်မရခဲ့ပါဘူး ဒီအခြေအနေအပေါ်မှာလည်ြး်မန်မာသံရုံးဘက်က စီစဉ်မူတွေမှာ အားနည်းချက်တွေရှိ တယ်လို့လည်း အလုပ်သမားရေး လှုပ်ရှားသူ ဦးထူးချစ်ကပြောပါတယ်။

" မနေ့ကဆို ဒေသခံအာဏာပိုင်တွေက ထွက်ပြောတယ်။ ခင်ဗျားတို့ NGO တွေရော အလုပ်သမားရေး လှုပ်ရှားသူတွေရော ပေးဝင်လို့မရဘူးလို့ ထိုင်းဘက်ခြမ်းကနေ အစည်းအဝေးမှာ တရားဝင်ပြောတာမျိုး ရှိတယ်။ ဆိုတော့ ကျနော်တို့အနေနဲ့က သံရုံးက ပေးထားတဲ့ လက်မှတ်တွေနဲ့သွားပြောတာတောင်မှ ခင်များတို့သံရုံးက ဝင်ဖို့ဆိုပြီး ကျနော်တို့ကို အကြောင်းကြားတာမရှိဘူး။ ဆိုတော့ ကျနော်တို့အနေနဲ့ အဲ့တာကို တော်တော်လေးတော့ ရှုပ်ထွေးနေတာပေါ့။ ကျနော်တို့ကို သံရုံးက ဝင်လို့ရတဲ့ပုံစံမျိုးနဲ့ပြောထားရက်သားနဲ့ သံရုံးကိုယ်တိုင်က ကျနော်တို့ကို ဝင်ခွင့်မရအောင် လုပ်ပေးထားတဲ့ပုံစံမျိုး အနေအထားမျိုးတွေရှိနေတယ်။"

ဒေါ်အောင်ဆန်းစုကြည်ရဲ့ ထိုင်းနိုင်ငံ ၃ရက်ကြာခရီးစဉ်ကို ဒီကနေ့မှာ စတင်ခဲ့ပြီး ထိုင်း-မြန်မာ နယ်စပ်က ထမ်ဟင်းဒုက္ခသည်စခန်းကို သွားရောက်ဖို့ မူလကစီစဉ်ထားပေမဲ့၊ ရာသီဥတု အခြေအနေကြောင့် သွားဖြစ်မှာ မဟုတ်ဘူးလို့လည်း ထိုင်းအစိုးရတာဝန်ရှိသူတွေက ပြောဆိုထားကြပါတယ်။
VOA Burmese News

Author Name

Contact Form

Name

Email *

Message *

Powered by Blogger.