06/28/16



နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ အပစ်ခတ်ရပ်စဲရေးစာချုပ် NCA လက်မှတ်ရေးထိုးထားတဲ့ တိုင်းရင်းသား လက်နက်ကိုင်အဖွဲ့ ၈ ဖွဲ့နဲ့ ဇွန်လ ၂၈ ရက်နေ့က နေပြည်တော် The Horizon Lake View ဟိုတယ်မှာ တွေ့ဆုံဆွေးနွေးစဉ်။ Photo - Win Ko Ko Latt/RFA
နောင်မျိုးဆက်တွေအတွက် ချန်ထားပေးရမယ့် အကောင်းဆုံးအမွေဟာ ငြိမ်းချမ်းရေးဖြစ်တယ်လို့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က တိုင်းရင်းသား လက်နက်ကိုင်အဖွဲ့တွေနဲ့ တွေ့ဆုံစဉ် မှာ ပြောကြားလိုက်ပါတယ်။

တစ်နိုင်ငံလုံး အပစ်အခတ်ရပ်စဲရေး စာချုပ် NCA မှာ လက်မှတ်ရေးထိုးထားတဲ့ တိုင်းရင်းသားလက်နက်ကိုင်အဖွဲ့ ၈  ဖွဲ့နဲ့       နေပြည်တော်က Horizontal Lake View ဟိုတယ်မှာ ဒီကနေ့ တွေ့ဆုံစဉ် ဒေါ်အောင်ဆန်းစုကြည် က ပြောလိုက်တာဖြစ်ပါတယ်။

ဒါ့အပြင် ဒေါ်အောင်ဆန်းစုကြည်က  တိုင်းရင်းသားအားလုံးအတွက် လုံခြုံမှုနဲ့ လွတ်လပ်မှုကို အာမခံနိုင်တဲ့ ဖက်ဒရယ်ဒီမိုကရေစီနိုင်ငံ ထူထောင်ရာမှာ ပူးပေါင်းပါဝင်ကြဖို့ လိုအပ်ကြောင်း၊  အစိုးရက ဖက်ဒရယ်ပြည်ထောင် စုစနစ် ထူထောင်မယ့် ရည်ရွယ်ချက်သာရှိကြောင်း၊ အဲ့ဒီရည်ရွယ်ချက်ရဲ့ နောက်ကွယ်မှာ ဘာကိစ္စရပ်မှ မရှိကြောင်း လည်း ပြောပါတယ်။

နိုင်ငံတစ်နိုင်ငံ ထူထောင်ဖို့အတွက် တာဝန်သိစိတ်က အရေးကြီးကြောင်း၊ အဲ့ဒီ တာဝန်သိစိတ်ကို ရှေ့ထား ပြီး ဆွေးနွေးကြဖို့လည်း သူက တိုင်းရင်းသား လက်နက်ကိုင်အဖွဲ့တွေကို တိုက်တွန်းခဲ့ပါတယ်။

အရင်အစိုးရနဲ့ အပစ်ခတ်ရပ်စဲရေး လက်မှတ်ရေးထိုးထားတဲ့ တိုင်းရင်းသားလက်နက်ကိုင်အဖွဲ့ ၈ ဖွဲ့မှာပါတဲ့ ကရင်အမျိုးသားအစည်းအရုံး (KNU) က ဥက္ကဌ စောမူတူးဆေးဖိုး၊ ရှမ်းပြည်ပြန်လည်ထူထောင်ရေကောင်စီ RCSS/SSA က  စိုင်းဘောင်ခေး၊ ပအိုဝ်း အမျိုးသားလွတ်မြောက်ရေးအဖွဲ့ PNLO က ဗိုလ်မှူးကြီး ခွန်ဥက္ကာ၊ ချင်းအမျိုးသားတပ်ဦး CNF က ပူးဇင်ကျုံး၊ ရခိုင်လွတ်မြောက်ရေးပါတီ ALP က ဦးခိုင်စိုးနိုင်အောင်၊ KNU/KNLA ငြိမ်းချမ်းရေးကောင်စီက နော်ကပေါ်ထူးနဲ့ ဗမာနိုင်ငံလုံးဆိုင်ရာ ဒီမိုကရက်တစ်ကျောင်းသားများ တပ်ဦး ABSDF က ဦးသံခဲ တို့ တက်ရောက်ခဲ့ပါတယ်။

အစိုးရဘက်က နယ်စပ်ရေးရာဝန်ကြီး၊ တိုင်းရင်းသားလူမျိုးများရေးရာဝန်ကြီး၊ နိုင်ငံတော် အတိုင်ပင်ခံပုဂ္ဂိုလ်ရုံး ၀န်ကြီး နဲ့ ၂၁ ရာစု ပင်လုံ အကြိုပြင်ဆင်ရေးကော်မတီ ဥက္ကဌ ဒေါက်တာ တင်မျိုးဝင်း တို့ တက်ရောက်ခဲ့ပါတယ်။

NCA မှာ လက်မှတ်ရေးထိုးထားတဲ့ အဖွဲ့ ၈ ဖွဲ့ နဲ့  ဒေါ်အောင်ဆန်းစုကြည် တွေ့ဆုံတာဟာ ပထမဆုံးအကြိမ်ဖြစ်ပြီး NCA မှာ လက်မှတ်မထိုးထားတဲ့ အဖွဲ့တွေကလည်း တွေ့ဆုံခွင့်တောင်းထားပါတယ်။

RFA Burmese
http://www.rfa.org/burmese



အိုင်စလန်နိုင်ငံသားတွေ အောင်ပွဲခံပေမယ့် အင်္ဂလန်ကတော့ ယူကျုံးမရ ဖြစ်နေ (Credit: Getty Images)
၂၀၁၆ ​ခုနှစ် ​ဥရောပ ​ချန်ပီယံ ​ဘောလုံးပြိုင်ပွဲမှာ ​အင်္ဂလန်အသင်းက ​Iceland ​နိုင်ငံအသင်းကို ​ရှုံးနိမ့်သွားတဲ့အတွက် ​အင်္ဂလန်ပြည်သူတွေ ​အကြီးအကျယ်အံ့အားသင့် ​စိတ်ပျက်နေကြပါတယ်။

Iceland ​နိုင်ငံဆိုတာ ​လူဦးရေ ​သုံးသိန်းသာ ​ရှိတဲ့ ​နိုင်ငံဖြစ်ပြီး ​နိုင်ငံတကာ ​ဘောလုံးပြိုင်ပွဲမှာ ​ပထမဆုံးအကြိမ် ​ပါဝင်ယှဉ်ပြိုင်ခွင့်ရတဲ့ ​နိုင်ငံဖြစ်သလို ​လူဦးရေထက် ​မီးတောင်အရေအတွက် ​ပိုများတဲ့ ​နိုင်ငံလည်း ​ဖြစ်ပါတယ်။

ဘောလုံးလောကမှာ ​အခုမှ ​နိုင်ငံတကာ ​ပြိုင်ပွဲကို ​ဝင်ပြိုင်ခွင့်ရတဲ့ ​Iceland ​နိုင်ငံက ​ကမ္ဘာ့ဘောလုံးကို ​ကြီးစိုးထားတဲ့ ​အင်္ဂလန်အသင်းကို ​အနိုင်ရလိုက်တဲ့အတွက် ​အမျက်ဒေါသ ​ထွက်နေကြပါတယ်။

အင်္ဂလန်အသင်းက ​Iceland ​အသင်းကို ​၂ ​ဂိုး ​၊ ​၁ ​ဂိုးနဲ့ ​ရှုံးနိမ့်ပြီးတဲ့နောက် ​အင်္ဂလန်နိုင်ငံအသင်းရဲ့ ​မန်နေဂျာ ​Roy ​Hodgson ​က ​ရာထူးကနေ ​ချက်ခြင်း ​နှုတ်ထွက်လိုက်ပါတယ်။

တခြားအင်္ဂလန်နိုင်ငံသားတွေလိုပဲ ​ခံစားရတဲ့ ​အင်္ဂလန်ပရိသတ် ​တစ်ဦးကတော့ အရမ်းကို ​ရှက်မိတယ်။  ​လွန်ခဲ့တဲ့ ​၃ ​-၄ ​ရက် ​တုန်းက ​အီးယူကနေ ​ခွဲထွက်ဖို့ ​မဲဆန္ဒ ​ပြုခဲ့ကြတုန်းကလည်း ​တခါ ​ကိုယ့်ကိုကိုယ် ​အရှက်ခွဲခဲ့ကြသလို ​အခု ​နောက်တခါ ​အရှက်ခွဲလိုက်တာပါပဲ။ ​ဒီအချိန်မှာ ​အင်္ဂလန်နိုင်ငံသား ​ဖြစ်ရတာ ​အဆိုးဆုံးပဲလို့ ​ပြောသွားတာ ​ဖြစ်ပါတယ်။

Iceland ​ရဲ့ ​မြို့တော်မှာတော့ ​လူပေါင်း ​တစ်သောင်းလောက် ​ဘောလုံးပွဲအတူတူ ​ကြည့်ရှုခဲ့ကြပြီး ​အောင်ပွဲခံနေကြပါတယ်။

Iceland ​အသင်းက ​ဆီးမီးဖိုင်နယ်ပွဲမှာ ​အိမ်ရှင် ​ပြင်သစ်နိုင်ငံအသင်းနဲ့ ​ယှဉ်ပြိုင်ရမှာ ​ဖြစ်ပါတယ်။ ​

ABC Radio Australia
http://www.radioaustralia.net.au/burmese



 တရုတ် နိုင်ငံ အတွင်းမှာ တေးဂီတ ဖျော်ဖြေ ပွဲတွေ လုပ်ဖို့ အတွက် အခွင့်အရေး နည်းပါး သွားပြီလို့ ဝေဖန် နေ
နာမည်ကြီး အဆိုတော် လေဒီ ဂါဂါ ဟာ တိဘက် ဘုန်းတော်ကြီး ဒလိုင်းလားမား နဲ့ တွေ့ဆုံ ခဲ့တဲ့ အတွက် တရုတ် ပရိသတ်တွေက ဒေါသတကြီး တုံ့ပြန်ခဲ့ကြပါတယ်။

ပြီးခဲ့တဲ့ တနင်္ဂနွေ နေ့က တိဘက် ဘုန်းတော်ကြီး ဒလိုင်း လားမား နဲ့ လေဒီ ဂါဂါ တို့ ရဲ့ တွေ့ဆုံမှု ကို လေဒီဂါဂါက က လူမှု ကွန်ယက် စာမျက်နှာပေါ်မှာ တင်ခဲ့တာ ဖြစ်ပါတယ်။

လေဒီ ဂါဂါ အနေနဲ့ အခုလို တွေ့ဆုံခဲ့မှုကြောင့် တရုတ် နိုင်ငံ အတွင်းမှာ တေးဂီတ ဖျော်ဖြေ ပွဲတွေ လုပ်ဖို့ အတွက် အခွင့်အရေး နည်းပါး သွားပြီလို့ ဝေဖန် နေကြပါတယ်။

တရုတ်နိုင်ငံက လူတွေဟာ တိဘက် ဘုန်းတော်ကြီး ကို ခွဲထွက်ရေး ဆောင်ရွက်နေသူ အဖြစ် ရှုမြင် ထားတာကြောင့် လေဒီဂါဂါ က ဘုန်းတော်ကြီး ဒလိုင်လားမား ကို တွေ့ဆုံခဲ့မှုက ပရိသတ်တွေ ကို စိတ်ဆိုး စေခဲ့ပါတယ်။

ခွဲထွက်ရေး နည်းလမ်း နဲ့ ဆက်လက်ကြိုးပမ်းမှု မပြုလုပ်တော့ပဲ အလယ်အလတ် လမ်းစဉ် ဖြစ်တဲ့ ကိုယ်ပိုင် အုပ်ချုပ်ရေး ရရှိအောင် ကြိုးစား နေတယ်လို့ ဘုန်းတော်ကြီး ဒလိုင်းလားမား က ပြောပါတယ်။

လေဒီဂါဂါ က တရုတ် နိုင်ငံမှာ ထင်ရှား ကျော်ကြားမှု ရှိတဲ့ အနောက်တိုင်း အဆိုတော် တစ်ဦး လည်း ဖြစ်ပါတယ်။

BBC Burmese
http://www.bbc.com/burmese



 ရုရှ လုံခြုံရေး တွေဟာ သံတမန်တွေရဲ့ နေအိမ်ထဲကို ဝင်ရောက်ပြီး ပစ္စည်း တွေကို နေရာ ပြောင်းရွှေ့ခြင်း နဲ့ အိမ်မွေး တိရစ္ဆာန်တွေကိုလည်း သတ်ဖြတ်မှုတွေ ပြုလုပ်
အမေရိကန် နဲ့ အနောက်နိုင်ငံတွေက သံတမန်တွေကို ရုရှ လုံခြုံရေးတွေက အနှောင့်အယှက်ပေး မှုတွေ ပြု လုပ်နေကြောင်း အမေရိကန် တာဝန်ရှိသူ တစ်ဦး က ပြောပါတယ်။

အမေရိကန် နိုင်ငံခြားရေး ဝန်ကြီး ဂျွန်ကယ်ရီ နဲ့ ရုရှ သမ္မတ ဗလာဒီမီယာ ပူတင် တို့ အကြားမှာ အဆိုပါ ကိစ္စတွေ အတွက် ဆွေးနွေး ခဲ့ဖူးကြောင်း အမေရိကန် နိုင်ငံခြားရေး ဝန်ကြီးဌာန ပြောရေး ဆိုခွင့် ရှိသူ အယ်လိဇဘက် ထရူးဒိုး က ဆိုပါတယ်။

နိုင်ငံခြားရေး ဝန်ကြီးဌာန ပြောရေး ဆိုခွင့် ရှိသူက ရုရှ လုံခြုံရေး တွေရဲ့ နှောင့်ယှက်မှု အသေးစိတ် တွေကို ထုတ်ဖော် ပြောကြားခြင်း မရှိပေမယ့် ဝါရှင်တန် ပို့စ် သတင်းစာ ကြီးရဲ့ အဆိုအရ သံတမန်တွေ နေထိုင်တဲ့ အိမ်ယာတွေကို ဖောက်ထွင်း ဝင်ရောက် နေတာ ဖြစ်ပါတယ်။

ရုရှ လုံခြုံရေး တွေဟာ သံတမန်တွေရဲ့ နေအိမ်ထဲကို ဝင်ရောက်ပြီး ပစ္စည်း တွေကို နေရာ ပြောင်းရွှေ့ခြင်း နဲ့ အိမ်မွေး တိရစ္ဆာန်တွေကိုလည်း သတ်ဖြတ်မှုတွေ ပြုလုပ် ခဲ့ကြောင်း သိရပါတယ်။

အမေရိကန် ဘက်က စွပ်စွဲ ပြောကြား မှုတွေ နဲ့ ပတ်သက်လို့ ရုရှ ဘက်ကတော့ တစုံတရာ ပြန်ကြားခြင်း မရှိသေးပါဘူး။

BBC Burmese
http://www.bbc.com/burmese


ဂျွန် ၂၈ ရက် ၂၀၁၆

သျှမ်းပြည်မြောက်ပိုင်း ကျောက်မဲခရိုင် နမ္မတူမြို့နယ်အတွင်း လှုပ်ရှား သွား လာနေသည့် သျှမ်းပြည်တပ်မတော် RCSS/SSA စစ်ကြောင်းအား အစိုးရ တပ်မတော် စစ်ကြောင်းက အင်အားအလုံးအရင်းဖြင့် ယမန်နေ့ ဂျွန် ၂၇ ရက် နံနက်ပိုင်းက ပိတ်ဆို့တိုက်ခိုက်ခဲ့သည်။

၂၀၁၆ ဂျွန် ၂၇ ရက် နံနက်ပိုင်းက သိန္နီမြို့ အနောက်ဘက်၊ နမ္မတူမြို့ မြောက် ဘက်ခြမ်းဒေသ မိုင်းမော်နှင့် မိုင်းတတ် ကျေးရွာအုပ်စုအတွင်း လှုပ်ရှားနေ သည့် သျှမ်းပြည်တပ်မတော် RCSS/SSA စစ်ကြောင်းအား အစိုးရ တပ် မတော် တပ်မ ၃၃ လက်အောက်ခံ စစ်ကြောင်းများက ပိတ်ဆို့ တိုက်ခိုက် ခဲ့ကြောင်း၊ တိုက်ပွဲကြောင့် နှစ်ဘက်စလုံး ထိခိုက်မှု ရှိကြောင်း အမည် မဖေါ်လိုသည့် ဒေသအတွင်း RCSS/SSA အရာရှိက ဤကဲ့သို့ပြောသည်။

“ကျနော်တို့ ရှိနေတယ်ဆိုတာ သူတို့သိတာဘဲ။ ကျနော်တို့ဘက်က သတိ မထားမိချိန် သူတို့လာတိုက်တော့ အထိ အခိုက် ရှိတယ်။ သူတို့လဲ ထိခိုက်မှု ရှိတယ် လို့ထင်တယ်။ တိုက်ပွဲကတော်တော်ကြာတယ်။ အချိန်က မကြည့် ထား မိဘူး။ နောက်ဆုံး သူတို့ ပြန်ချိတ်လာတာ။ အခု ပစ်နေတာ RCSS/ SSA လားတဲ့။ ဟုတ်တယ်လို့ - ခင်ဗျားတို့ဘဲ အရင်လာပစ်တာ လေ- လို့ ပြန်ပြောလိုက်တယ်။ အဲအချိန်မှ တောင်းပန်ပါတယ် တဲ့” - ဟု RCSS/SSA တပ်မှူးနှင့် နီးစပ်သည့် သိန္နီမြို့သား တဦးကပြောသည်။

မြန်မာအစိုးရတပ်မတော်စစ်ကြောင်း တိုက်ခိုက်မှု ရပ်နားသွားပြီး မကြာမီ မွန်း လွဲပိုင်းအချိန်တွင်လည်း တအာင်း (ပလောင်) အမျိုးသား တပ်မတော် စစ်ေ ကြာင်းမှ ၎င်းတို့အား ထပ်မံလာရောက် တိုက်ခိုက်ကြောင်း ထိုတိုက်ပွဲတွင် လည်း နှစ်ဘက်ထိခိုက်မှု ရှိသည်ဟု ပြောသည်။

“ ဗမာ့တပ်မတော် စစ်ကြောင်း နဲ့ တိုက်ပွဲဖြစ်ပွားတာ မကြာလိုက်ဘူး။ ထမင်းတောင် မကျက်သေးဘူး။ TNLA စစ်ကြောင်းရောက်လာတော့ တိုက်ပွဲထပ်ဖြစ်တယ်။ ကျဆုံးတာတော့မရှိဘူး။ ဒဏ်ရာ ရတာတော့ရှိတယ်။ ပလောင်ဘက်တော့ မသိဘူး” - ဟု သျှမ်းသံတော်ဆင့်သို့ ဆက်၍ ပြောသည်။

RCSS/SSA သည် မြန်မာအစိုးရ နှင့် တနိုင်ငံလုံးပစ်ခတ်တိုက်ခိုက်မှု ရပ်စဲေ ရး စာချုပ် NCA လက်မှတ် ရေးထိုး ထား သည့် သျှမ်းလက်နက်ကိုင် တပ်ဖြစ် သည်။ TNLA မှာမူ နိုင်ငံရေးဆွေးနွေးပွဲသို့ ပါဝင်လိုလျှင် လက်နက်အပြီး စွန့်လွတ် ရမည်ဟု တပ်မတော်ကာကွယ်ရေး ဦးစီးချုပ်က ရာဇသံပေးထားသည်။

အလားတူ ဂျွန် ၂၇ ရက်တွင်ပင် မွန်းတည့်ချိန် မှ ညနေပိုင်း အထိ TNLA နှင့် မြန်မာ အစိုးရတပ်မတော်တို့လည်း ကျောက်မဲမြို့ အနောက်မြောက်ဘက် တော့ဆန်၊ ညောင်မောင်း၊ ပါလိုင် ကျေးရွာ အုပ်စုအတွင်း တွင် တိုက်ပွဲဖြစ်ပွား ခဲ့ပါသေး သည်။

သျှမ်းသံတော်ဆင့်
Panglong(Burmese)
https://www.facebook.com/Panglong.burmese

"အီတလီ ၂ဂိုး-ဂိုးမရှိ စပိန်"

*ခီလီနီ - ၃၃မိနစ်
*ပယ်လေ - ၉၁မိနစ်
*Man of the Match - ဘိုနူချီ ( အီတလီ)

လက်ရှိချန်ပီယံ စပိန်နဲ့ အီတလီတို့ရဲ့ ၂၀၁၂ဖိုင်နယ်မကျေနပ်ပွဲမှာတော့ အီတလီက နည်းဗျူဟာပိုင်းအကောင်းဆုံးကစားခဲ့ပြီး ထိုက်ထိုက်တန်တန်နဲ့ အနိုင်ရပြီး ကွာတားဖိုင်နယ်ကိုတက်နိုင်ခဲ့ပါတယ်။ အီတလီဟာ အိုင်ယာလန်ပွဲ တုန်းက အနားပေးထားတဲ့ အဓိက ကစားသမား ၈ယောက်ပြန်ပါလာခဲ့သလို ဘယ်ဂျီယံကိုအနိုင်ယူခဲ့တဲ့ ပုံစံအတိုင်းကစားသွားခဲ့လို့ စပိန်ရှုံးခဲ့တာပါ။

စပိန် ဟာ ဒီပွဲမှာ သူတို့ရဲ့ ပုံစံကိုလုံးဝမရခဲ့လို တည်ငြိမ်လှတဲ့ အီတလီခံစစ်ကို တစ်ပွဲ လုံးဖိအားမပေးနုိုင်ခဲ့ပါဘူး။ အီတလီဟာ ပွဲစကတည်းက တောင်ပံတွေကနေ လျင်လျင်မြန်မြန်ကစားနေခဲ့လို ၃-၅-၂ပုံစံနဲ့ကစားတဲ့ အီတလီရဲ့ ခံစစ်၊ ကွင်းလယ်နဲ့ တိုက်စစ်ပိုင်းအားလုံးက အမှားလုံးဝမရှိခဲ့ပါဘူး။ ပထမပိုင်း ၂၀ လောက်အထိစပိန်ဟာ ကစားကွက်ပျက်နေပြီး အီတလီရဲ့ တိုက်စစ်ကို ခုခံ နေရပါတယ်။ အီတလီကတော့ တောင်ပံတွေကိုအဓိကထားကစားခဲ့လို့ စပိန်ရဲ့ အားထားရတဲ့ တောင်ပံတိုက်စစ်အလုပ်မဖြစ်ခဲ့ပါဘူး။

၃၃မိနစ်မှာ ရာမို့စ်က စပိန်ဧရိယာထိပ်မှာ ပယ်လီကိုပြစ်ဒဏ်ကျူးလွန်ခဲ့လို့ အီတလီဖရီးကစ်ရခဲ့ပါ တယ်။ ဒီဖရီးကစ်ကို အယ်ဒဲလ်ကန်သွင်းခဲ့ပြီး ပြန်အံထွက်လာတာကို အသင့် ပါလာတဲ့ ခီလီနီက ပိတ်သွင်းပြီးအဖွင့်ဂိုးယူခဲ့ပါတယ်။ ပထမပိုင်းမှာတင် အီတလီဟာ အပိုင်အခွင့်အရေးတွေရခဲ့ပြီး ဂိုးသမားဒဟဲရားလက်စွမ်းပြခဲ့လို့ စပိန်ကံကောင်းခဲ့တာပါ။

ဒုတိယပိုင်းမှာလည်း စပိန်ဟာ သူတို့ပုံစံကိုမရဘဲ အီတလီတန်ပြန်တုိုက်စစ် ကနေ ဂိုးမပေးရအောင်ပိတ်နေရတယ်။ ၅၆မိနစ်မှာ အယ်ဒဲလ်အပိုင်အခွင့် အရေးရတာကို ဒါးဗစ် ဒဟဲရားကာကွယ်နိုင်ခဲ့လို့ အီတလီဒုတိယဂိုမရခဲ့တာပါ။ စပိန်ဖက်က တိုက်စစ်မှူးတွေထည့်ပြီးချေပဂိုးရဖို့ကြိုးစားခဲ့ပါတယ်။ ပွဲပြီးခါနီးမှာ ပီကေးလ်အပိုင်ကန်သွင်းရခဲ့ပေမယ့် ဘူဖွန်လက်စွမ်းပြကာကွယ်ခဲ့ပါတယ်။

၉၁ မိနစ်မှာတော့ တန်ပြန်တိုက်စစ်ကနေ ဒါမီယံပေးတာကို တိုက်စစ်မှာ ခြေစွမ်းပြ နေတဲ့ ပယ်လီက ဘယ်ဂျီယံနဲ့ပွဲတုန်းကအတိုင်း မြေမကျဘောကန်သွင်းပြီး ဒုတိယဂိုးရခဲ့လို့ အီတလီဟာ ကွာတားဖိုင်နယ်ကို ထိုက်ထိုက်တန်တန်တက် နိုင်ခဲ့ပါတယ်။ ဒီပွဲမှာ အီတလီရဲ့ ကွင်းလယ်နဲပ တောင်ပံတွေဟာ အင်နီယေစတာ၊ ဒါးဗစ်ဆေးလ်ဗားတို့နေရာလွတ်မရအောင်ပိတ်ကစားခဲ့လို့ စပိန်ထိရောက်တဲ့ဂိုးသွင်းခွင့်မဖန်တီးနိုင်လို့ ရှုံးခဲ့တာလည်းဖြစ်ပါတယ်။
BBC Burmese

နာမည်ကြီးအင်္ဂလန်ကတော့ ပြိုင်ပွဲကြီးတွေကိုရောက်ရင် ကြုံတွေ့ရတဲ့ခြေစွမ်း အတုိုင်း အသင်းငယ်အိုက်စလန်ကို စိတ်ပျက်စရာခြေစွမ်းနဲ့ရှုံးနိမ့်ခဲ့လို့ ယူရိုပြိုင် ပွဲကို နှုတ်ဆက်လိုက်ရပါပြီ။ အင်္ဂလန်အသင်းဟာ အုပ်စုတွင်းကလည်း ထင်သလောက်ခြေစွမ်းမပြနုိုင်ခဲ့သလို ဒီပွဲမှာလည်း အံ့သြစရာခြေစွမ်းနဲ့ အိုက်စလန်ကိုရှုံးခဲ့တာပါ။ ဒီပွဲမှာ အိုင်စလန်ဟာ အသင်းလိုက်ကစားပုံအ ထူးကောင်းမွန်ခဲ့ပြီး သူတို့ရဲ့ ပုံစံအတုိုင်းဝင်အောင်ကစားခဲ့လို့ လိုအပ်တဲ့ဂိုးတွေ ရခဲ့တာပါ။ ပွဲစအပိုင်းမှာ အင်္ဂလန်ဟာ လျင်လျင်မြန်မြန်နဲ့တိုက်စစ်ဆင်ခဲ့လို့ ၃မိနစ်မှာ ပင်နယ်တီရခဲ့ပါတယ်။ စတာလင်းကြောင့်ရတဲ့ပင်နယ်တီကို ရူနီက ကန်သွင်းခဲ့တာဖြစ်ပါတယ်။ အဲ့ဒီဂိုးပေးရပြီး ဆက်ချက်မှာဘဲ အိုက်စလန်က သူတို့အားသာတဲ့ လက်ပစ်ဘောရအောင်လုပ်ခဲ့ပြီး ချေပဂိုးပြန်ယူခဲ့ပါတယ်။ ၅မိနစ်မှာ အိုက်စလန်အသင်းခေါင်းဆောင်ရဲ့ အားပါတဲ့လက်ပစ်ဘောကနေ ဆစ်ဂါဆင်က ပိတ်သွင်းယူခဲ့တာပါ။ ဒါဟာ အိုက်စလန်ရဲ့ ပထမဆုံးတိုက်စစ် ဆင်တဲ့အနေအထားကနေ အင်္ဂလန်ခံစစ်အမှားကိုအသုံးချပြီး ချေပဂိုးသွင်းခဲ့တာဖြစ်ပါတယ်။ ၁၉မိနစ်မှာညာတောင်ပံကပဲတိုက်စစ်ဆင်လာ ရင်း တိုက်စစ်မှူး ဆစ်သော်ဆင်က ဧရိယာထဲကနေ မြေလှိမ့်ကန်သွင်းပြီး ဦးဆောင်ဂိုးကိုယူခဲ့ပါတယ်။

ဒုတိယပိုင်းမှာ အဲရစ်ဒိုင်ယာအစား ၀ီရှိုင်းလ်ယားဝင်လာပြီးအင်္ဂလန်က ချေပဂိုး ရဖို့ပြင်ဆင်ခဲ့ပါတယ်။ ဒုတိယပိုင်းမှာ အင်္ဂလန်ရဲ့ ခြေစွမ်းဟာ ဒီပြိုင်ပွဲမှာအညံ့ဆုံးလို့ပြောရလောက်အောင်ကိုပင်အမှားများခဲ့ပြီး ချေပဂိုးထပ်မရဘဲရှုံးခဲ့ပါတယ်။ အိုက်စလန်က အခွင့်အရေးအချို့ရခဲ့ပေမယ့် ဂိုးထပ်မရဘဲ ၂ဂိုး-၁ဂိုးနဲ့ပြီးဆုံးခဲ့ပါတယ်။

အိုက်စလန်ကို ၂ ဂိုး ၁ ဂိုးနဲ့ ရှုံးပြီး ယူရို ၂၀၁၆ ကနေ အင်္ဂလန် အသင်း ထွက်ခဲ့ရ အပြီး ချက်ခြင်း ဆိုသလို အင်္ဂလန် မန်နေဂျာ ရွန်းဟော့ဂ်ျဆင် ရာထူး ကနေ နှုတ်ထွက် သွားပြီ ဖြစ်ပါတယ်။

ပထမပိုင်း ပွဲစလို့ ၄ မိနစ်မှာပဲ အသင်းခေါင်းဆောင် ဝိန်းရူနီက အင်္ဂလန် အတွက် ပင်နယ်တီက တဆင့် ဦးဆောင်ဂိုး သွင်းယူ ခဲ့ပေမယ့်၊ ချက်ခြင်း ဆိုသလို အိုက်စလန်က တုံ့ပြန်ပြီး တစ်မိနစ် အတွင်းမှာပဲ Ragnar Sigurdsson ရဲ့ အနီးကပ် ဂိုးနဲ့ ချေပဂိုး ရရှိခဲ့ပါတယ်။

အင်္ဂလန်ရဲ့ ကစားပုံ အင်မတန် ညံ့ဖျင်းခဲ့ပြီး ပထမပိုင်း ၁၈ မိနစ် အရောက်မှာ အိုက်စ်လန် ရှေ့တန်းလူ Kolbeinn Sigthorsson က ကန်သွင်းတဲ့ ဘောလုံးဟာ အင်္ဂလန် ဂိုးသမား ဂျိုးဟာ့ထ် ရဲ့ ပေါဆမှုနဲ့ လက်ထဲက ဖြတ်ပြီး ဂိုး ခဲ့လို့ အိုက်စ်လန် အနိုင်ဂိုး ရသွားပါတယ်။

ဒီ အပွဲ အပြီးမှာ အင်္ဂလန် အသင်း မန်နေဂျာ အဖြစ် ၄ နှစ် တာဝန်ယူခဲ့တဲ့ ရွန်းဟော့ဂ်ျဆင် လည်း ရာထူးက နှုတ်ထွက် သွားပါတယ်။
"အင်္ဂလန်နည်းပြအဖြစ်ရေပန်စားနေသူများ"

ဂယ်ရီဆောက်ဂိတ်( အင်္ဂလန်ယူ-၂၁နည်းပြ) - 2/1
အက်ဒီဟိုဝီ ( ဘွန်းမောက်) - 8/1
ဂယ်ရီနဗီးလ် ( နည်းပြအဖွဲ့ဝင်ဟောင်း) - 10/1
အလန်ပါဂျူး ( ပဲလေ့စ်) - 10/1
ဘရန်ဒန်ရော်ဂျာ ( ဆဲလ်တစ်) - 16/1
ဆမ်အလာဒွိုက် ( ဆန်းဒါးလန်း) - 20/1
ဒေးဗစ်မွိုက်စ် ( မန်ယူနည်းပြဟောင်း) - 25/1
BBC Burmese

 သမ္မတရွေးကောက်ပွဲမှာ အနိုင်ရထားတဲ့ Rodrigo Duterte
သမ္မတရွေးကောက်ပွဲမှာ အနိုင်ရထားတဲ့ Rodrigo Duterte

 ဖိလစ်ပိုင်နိုင်ငံရဲ့ ပြီးခဲ့တဲ့ သမ္မတရွေးကောက်ပွဲမှာ အနိုင်ရထားတဲ့ Rodrigo Duterte က တိုင်းပြည်မှာ သန္ဓေသား တားမြစ်တာတွေကို အရှိန်မြင့် လုပ်ဆောင်သွားမယ်လို့ ဒီကနေ့ ပြောဆိုလိုက်ပါတယ်။

သန္ဓေသားတားမြစ်ဆေး အသုံးပြုတာကို ပြင်းပြင်းထန်ထန် ဆန့်ကျင်တဲ့ တိုင်းပြည်မှာ သြဇာအရှိန်အ၀ါကြီးတဲ့ ကက်သလစ်အသင်းတော်နဲ့ အတိုက်အခံ လုပ်ရလည်း ဒါကိုရင်ဆိုင်မယ်လို့ ဆိုပါတယ်။

လာမယ့် ကြာသပတေးနေ့ကျရင် သမ္မတအဖြစ် ကျမ်းသစ္စာကျိန်ဆိုတော့မယ့် Duterte က - ကလေးတွေ အများအပြား ရှိတာဟာ မိသားစုတွေကို ဆင်းရဲတွင်းထဲ ပိုရောက်စေတယ်လို့ ဆိုပြီး တအိမ်ထောင်မှာ အများဆုံး ကလေး ၃ ယောက်ပဲ မွေးဖို့ ဖိလစ်ပိုင် နိုင်ငံသားတွေကို သူ အကြံပြုတဲ့အကြောင်း ထပ်မံ ပြောဆိုလိုက်တာပါ။

ခပ်ကြမ်းကြမ်း စကားလုံးတွေနဲ့ သုံးနှုန်းပြောသူအဖြစ် လူသိများတဲ့ Duterte က အခုကိစ္စမှာလည်း မနာခံတဲ့ယောက်ျားတွေရဲ့ လိင်အင်္ဂါကို ဖြတ်ပစ်မယ်လို့ ခပ်ကြမ်းကြမ်း ခြိမ်းခြောက်ထားပါတယ်။

တောင်ပိုင်း Davao မြို့တော်ဝန်အဖြစ် နှစ်ပေါင်းများစွာ တာဝန်ယူခဲ့ချိန်အတွင်း ကိုယ့်ဆန္ဒနဲ့ကိုယ် သားကြောဖြတ်ကြတဲ့ အမျိုးသားတွေကိုရော၊ သားကြောဖြတ် ပေးတဲ့ ဆရာဝန်တွေကို ဆုလာဘ်တွေ ပေးတာတွေလုပ်ခဲ့တဲ့ သူ့ရဲ့ သားဆက်ခြား မိသားစု စီမံကိန်းအကြောင်း Duterte က ဥပမာပေး ပြောပါတယ်။ ဒီစီမံကိန်းလိုပဲ တနိုင်ငံလုံး အတိုင်းအတာနဲ့ လုပ်သွားမှာလား ဆိုတာကိုတော့ ရှင်းရှင်းလင်းလင်း မပြောခဲ့ပါဘူး။

သမ္မတ ရွေးကောက်ပွဲဝင်ဖို့ သူ့ကို အားပေးထောက်ခံခဲ့တဲ့ သမ္မတဟောင်း Fidel Ramos ကိုလည်း ၁၉၉၂ ခုနှစ်ကစလို့ တိုင်းပြည့်ရဲ့ ပထမဆုံး Protestant ဘာသာဝင်တယောက် အနေနဲ့ သန္ဓေတားဆေး ပိုမိုသုံးစွဲရေး ရဲရဲဝံ့ဝံ့ လုပ်ဆောင်ခဲ့တဲ့အပေါ်မှာ Duterte က ချီးကျူးပြောဆို သွားပါတယ်။
VOA Burmese News

အမေရိကန်နိုင်ငံခြားရေးဝန်ကြီး ဂျွန်ကယ်ရီ ဥရောပကို ရောက်ရှိနေ
အမေရိကန်နိုင်ငံခြားရေးဝန်ကြီး ဂျွန်ကယ်ရီ ဥရောပကို ရောက်ရှိနေ

အီးယူ ဥရောပသမဂ္ဂထဲကနေ UK နိုင်ငံ နုတ်ထွက်ဖို့ လူထုဆန္ဒခံယူပွဲကနေ ဆုံးဖြတ်လိုက်တာကြောင့် ဒီကိစ္စနဲ့ပတ်သက်တဲ့ အရေးပေါ် အစည်းအဝေးတွေကို တက်ရောက်ဖို့အတွက် အမေရိကန်နိုင်ငံခြားရေးဝန်ကြီး ဂျွန်ကယ်ရီ ဥရောပကို ရောက်ရှိနေပါတယ်။

"အရေးကြီးဆုံးကတော့ - ပြဿနာတွေ နည်းအောင်လုပ်နိုင်မယ့် နည်းလမ်းတွေ၊ ကျနော်တို့ကြားက အခြေခံတူညီတဲ့ စံတန်ဖိုးတွေနဲ့ အကျိုးစီးပွားတွေကို ကာကွယ်နိုင်အောင် အသိဉာဏ်ရှိရှိနဲ့ ရှေ့ခရီးဆက်နိုင်မယ့် နည်းလမ်းတွေ ရှိတယ် ဆိုတာကို နားလည်ပြီး အခြေအနေကို တည်တည်ငြိမ်ငြိမ်နဲ့ ရှေ့ဆက် ကိုင်တွယ်သွားနိုင်အောင်၊ ဈေးကွက်ကို တည်တည်ငြိမ်ငြိမ် ထိန်းထားနိုင်အောင် ကျနော်တို့ ခေါင်းဆောင်တွေ အားလုံး အတူတကွ ပူးပေါင်းဆောင်ရွက်သွားရမှာဖြစ်တယ်။” – လို့ ဥရောပကိုရောက်နေတဲ့ အမေရိကန် နိုင်ငံခြားရေး ၀န်ကြီးကယ်ရီက ပြောသွားတာပါ။

ဗြိတိန်နိုင်ငံ လန်ဒန်မြို့တော်နဲ့ ဘယ်လ်ဂျီယံနိုင်ငံ ဘရက်ဆဲလ်မြို့တွေကို ဒီကနေ့ သွားရောက်နေတဲ့ ၀န်ကြီး ကယ်ရီ အနေနဲ့ ဗြိတိန်အပေါ် အမေရိကန်ရဲ့ ထောက်ပံ့မှုကို ပြသဖို့ဖြစ်သလို၊ ကျန်တဲ့ အီးယူအဖွဲ့ဝင် နိုင်ငံတွေကိုလည်း အီးယူထဲမှာ ဆက်ပြီး ရှိနေဖို့ အရေးကြီးတဲ့အကြောင်းတွေကို ပြောကြားလိမ့်မယ်လို့ အမေရိကန်အစိုးရ အရာရှိတွေက ပြောပါတယ်။

အီးယူထဲကနေ UK နုတ်ထွက်မယ့် ကိစ္စ စိတ်မကောင်းဖြစ်ရပေမဲ့ မကြာခင်မှာ အဖွဲ့ဝင် ၂၇ နိုင်ငံနဲ့ဆက်ရှိနေမယ့် အီးယူနဲ့ နီးကပ်တဲ့ဆက်ဆံရေး ဆက်လက် ထားရှိသွားမှာ ဖြစ်တယ်လို့ ၀န်ကြီးကယ်ရီက တနင်္ဂနွေနေ့တုန်း က ပြောကြားခဲ့ပါတယ်။ ဗြိတိန် ထွက်ပြီးသွားတဲ့အခါ ဘယ်လို ရှေ့ဆက်သွား ကြမလဲ ဆိုတာနဲ့ပတ်သက်လို့ ဂျာမနီ၊ ပြင်သစ်နဲ့ အီတလီ အပါအ၀င် ဥရောပ အင်အားကြီးနိုင်ငံတွေက အဆင့်မြင့်သံတမန်တွေလည်း ဒီကနေ့ တွေ့ဆုံ ဆွေးနွေးကြပါတယ်။
VOA Burmese News

( ၈လေးလုံး ၂၅ နှစ်မြောက် နှစ်ပတ်လည် အခမ်းနားကျင်းပနေစဉ် )
Photo- Internet

မြန်မာနိုင်ငံရှိ နိုင်ငံရေးအင်အားစုများအနက် အန်အယ်လ်ဒီ အမျိုးသား ဒီမိုကရေစီ အဖွဲ့ချုပ်ပြီးလျှင် လူထုထောက်ခံမှုများပြားသော ၈၈ မျိုးဆက်များအနေဖြင့် နိုင်ငံရေးပါတီ တစ်ရပ်ထူထောင်နိုင်ရေး အတွက် ပြင်ဆင်မှုများ စတင်နေပြီဖြစ်ကြောင်းသိရသည်။

ပြည်တွင်းပြည်ပမှ ၈၈ မျိုးဆက်များ အခြားနိုင်ငံရေးအကျဉ်းသားဟောင်း များနှင့် နိုင်ငံရေးအင်အားစုများပါပါဝင် လာနိုင်ရန် ရည်ရွယ်ထားသည့် ၈၈ မျိုးဆက်များ၏ နိုင်ငံရေးပါတီဖွဲ့စည်းရေးဆွေးနွေးမှုကို ယခုလတ်တလော တွင် ပြည်တွင်းအင်အားစုအချင်းချင်း ဆွေးနွေးမှုများဖြင့် စတင်နေသည်ဟု နီးစပ်သူများက ဆိုသည်။

မကြာခင် သြဂုတ်လတွင်ကျရောက်မည့် ၈ လေးလုံး ၂၈ နှစ်ပြည့် နှစ်ပတ်လည်နေ့ အခမ်းနားကာလတွင် ပြည်တွင်းရှိ ၈၈ မျိုးဆက်များ ၊နိုင်ငံရေးအင်အားစုများနှင့် ပြည်ပရှိ ၈၈ မျိုးဆက်များ ၏ ဆွေးနွေးမှုများ စတင်ရန်ရှိနေကြောင်း ၈၈ မျိုးဆက် တစ်ဦးဖြစ်ပြီး နိုင်ငံရေး လေ့လာသုံးသပ်သူလည်း ဖြစ်သူ ဒေါက်တာရန်မျိုးသိမ်းက ပြောဆိုသည်။

‘ပြည်တွင်းပြည်ပ ဆွေးနွေးပွဲတွေစဖို့ရှိတယ်။၂၀၁၆ ခုနှစ် သြဂုတ်လထဲမှာ မျိုးဆက်အားလုံးကို ကိုယ်စား
ပြုနိုင်တဲ့ နိုင်ငံရေးပါတီတစ်ခု ထူထောင်ဖို့ brainstorming meeting တစ်ခုနဲ့ အစပြုဖို့
ကောင်းမယ်လို့မြင်ပါတယ်။’ ဟု ဒေါက်တာရန်မျိုးသိမ်းက ဆိုသည်။

လက်ရှိအချိန်တွင် ၈လေးလုံးကာက ကျောင်းသားမျိုးဆက်များအနေဖြင့် ကိုမင်းကိုနိုင်၊ ကိုကိုကြီးတို့ ဦးဆောင်သည့် ၈၈ ငြိမ်း၊ပွင့် အဖွဲ့ ၊ လူ့ဘောင်သစ်ပါတီများ ၊ နိုင်ငံရေးအကျဉ်းသားများနှင့် ပတ်သက်သည့် အဖွဲ့စည်းများ ၊ ကျောင်းသားတပ်မတော် ABSDF ( လက်နက်ကိုင်အဖွဲ့ ) အပြင် နိုင်ငံပြင်ပတွင်လည်း ၈ လေးလုံးအရေးတော်ပုံမှ ထွက်ပေါ်လာသည့် မျိုးဆက် မြောက်မြားစွာ ရှိနေပါသည်။

‘၈၈ မျိုးဆက်တွေအပြင် ၉၆ ၊ ၉၈ ကျောင်းသားလှုပ်ရှားမှုမှာပါခဲ့တဲ့သူတွေ၊ ၂၀၀၇ မျိုးဆက်တွေ ပါဖို့လိုသလို ၁၉၆၂ တို့ ၇၄ ၊ ၇၆ အုပ်စုတွေ ၀န်းရံနိုင်ဖို့လည်းလိုတယ်။ နိုင်ငံရေး မျိုးဆက်ပြတ်တောက်မှုနဲ့ နိုင်ငံရေးခေါင်းဆောင် ပြတ်တောက်လာနိုင်မှုကို အမြော်မြင်ရှိရှိ အဖြေရှာကြရမှာဖြစ်တယ်။ ‘ ဟု ဒေါက်တာရန်မျိုးသိမ်းက ဆိုသည်။

၈၈ မျိုးဆက်ခေါင်းဆောင်တစ်ဦးဖြစ်သည့် ဦးကိုကိုကြီးကမူ လွန်ခဲ့သည့် ၂၀၁၅ ခုနစ်ကပင် နိုင်ငံရေးပါတီ ထူထောင်မည်ဟု ကြေငြာထားပြီးဖြစ်ပြီး ယခုအခြေနေမှာ အရေးပေါ် နိုင်ငံရေးမျိုးဆက်လိုလာသည့် အခြေနေ စိတ်ခံစားမှုမျိုးကြောင့်လည်း ဖြစ်နိုင်သည်ဟု ABSDF အထွေထွေထွေ အတွင်းရေးမှူးဟောင်းဖြစ်သူ ဦးအောင်သူငြိမ်းကဆိုသည်။

‘ အပြင်ကလူတွေအတွက်တော့ အခက်ခဲတွေရှိနေတုန်းပဲ။ အခြေခံ ဥပဒေအရ ကန့်သတ်မှုရှိတယ်။ တခြားနိုင်ငံသားတွေဖြစ်နေတာကော ၊ တခြားအခက်ခဲတွေကောပေါ့လေ။ နောက်နိုင်ငံထဲမှာ တဆက်တစပ်တည်း ၁၀ နှစ်နေမှ ဆိုတာက အစပါ‘ ဟု ဦးအောင်သူငြိမ်းက ဆိုသည်။

၈၈ မျိုးဆက်ဖြစ်ပြီးနှစ်ရှည်နိုင်ငံရေးအကျဉ်းသားဟောင်း တစ်ဦးဖြစ်ခဲ့သူ ကိုလကျာ်ထွန်း ကမူ ‘ အခုဆိုရင် ကျွန်တော်တို့မျိုးဆက်တွေတင်မကဘူး ကျွန်တော်တို့ရှေ့ကမျိုးဆက်တွေကော နောက်က ၂၀၀၇ တို့လို မျိုးဆက်တွေကောပါ အတွေ့အကြုံတစ်ခုနဲ့ ကာလတစ်ခုကို ဖြတ်သန်း ခဲ့ပြီးပြီ။ ကွဲကြပြဲကြဖူးပြီ။ ဘယ်လိုပြန်ပေါင်းရမလဲဆိုတဲ့ အတွေ့အကြုံလည်း ရှိနေပြီ။ ပိုမိုခံနိုင်ရည်ရှိတဲ့ အုပ်စုတွေလည်းရှိသလို ပရော်ဖက်ရှင်နယ်ဆန်ဆန်လုပ်နိုင်နေသူတွေလည်း ရှိနေတယ်။ အားလုံးပါဝင်နိုင်အောင်ချဉ်းကပ်ပေါင်းစပ်ကြရမှာဖြစ်တယ်။ ပြင်ပက အုပ်စုတွေလည်း အခြေခံ ဥပဒေအရ ဟန့်တားခံထားရပေမဲ့ တတ်နိုင်တဲ့ နည်းစနစ်ပိုင်းတွေ နည်းပညာပိုင်းတွေကို ပံ့ပိုးကြရမဲ့ အခြေနေမှာရောက်နေတယ်။ အားလုံးစုပေါင်းချဉ်းကပ်ရမဲ့ လမ်းကြောင်းတစ်ခုတော့ ပေါ်လာလ်ိမ့်မယ် လို့ ကျွန်တော်ထင်တယ်။ ‘ ဟု ကိုလကျာ်ထွန်းက ပြောသည်။

၈ လေးလုံးကာလတွင် နိုင်ငံရေးမျိုးဆက် အများအပြားပေါ်ပေါက် ခဲ့သော်လည်း အဖွဲ့အစည်းကွဲပြားမှု ၊ ပြည်တွင်းပြည်ပ ကွဲပြားမှု စသဖြင့် ရှိနေသောကြောင့် အချိန်ယူပြီး စနစ်တကျဆွေးနွေးတိုင်ပင်၍ မူဝါဒလမ်းစဉ် ချမှတ်ဆောင်ရွက်ရန်လိုကြောင်း ဒေါက်တာရန်မျိုးသိမ်းက မှတ်ချက်ပြုပြောဆိုသည်။

‘စနစ်တကျ အချိန်ယူ ညှိနှိုင်း ဆွေးနွေးပြီးမှ မူဝါဒ၊ လမ်းစဉ်၊ လုပ်ငန်းစဉ်တွေအပေါ် အခြေပြုတဲ့ အင်စတီကျူး
ရှင်းနယ်လိုက်ဇ် နိုင်ငံရေးပါတီတစ်ခု တည်ထောင်ဖို့ပါ။ ၂၀၁၇ ခုနှစ် သြဂုတ်လလောက်မှာ ပါတီစထူထောင်တာမျိုးဖြစ်နိုင်ရင် ရည်မှန်းချက် ထားသင့်ပါ တယ်။ လိုအပ်ရင် ၂၀၁၈ လည်း
ဖြစ်ချင်ဖြစ်ပါမယ်။ အချိန်ယူပြီး စနစ်တကျ ပြင်ဆင်သင့် ပါတယ်။ တတ်နိုင်သမျှ အားလုံးလွှမ်းခြုံနိုင်ဖို့ အချိန်ယူသင့်ပါတယ်။’ ဟု ဒေါက်တာရန်မျိုးသိမ်းက သုံးသပ်ပြောဆိုသည်။

The Ladies News Journal

7Day Daily news မှာ ဖော်ပြထားသော သူရဦးရွှေမန်း၏ လူမှုကွန်ယက်စာမျက်နှာ သတင်း (credit to 7Day Daily)
7Day Daily news မှာ ဖော်ပြထားသော သူရဦးရွှေမန်း၏ လူမှုကွန်ယက်စာမျက်နှာ သတင်း (credit to 7Day Daily)

စစ်တက္ကသိုလ်ဗိုလ်လောင်းသင်တန်းကျောင်းဆင်းတချို့ နဲ့ ပြန်လည်တွေ့ဆုံပွဲမှာ ဦးရွှေမန်းပြောကြားချက်အပေါ် သတင်းစာတစောင် အနေနဲ့ ပြည်သူတွေ သိသင့်သိထိုက်တဲ့အချက်ကို သတင်းဖော်ပြတာသာ ဖြစ်တယ်လို့ 7Day သတင်းစာကပြောပါတယ်။ ဒီအပေါ်စစ်တပ်တွင်း ပုန်ကန်မှုဖြစ်အောင် လှုံ့ဆော်တယ်ဆိုတဲ့ စွဲချက်နဲ့ စစ်တပ်ဘက်က 7Day Daily သတင်းစာကို အမှုဖွင့်တရားစွဲဆိုလိုက်ကြောင်း သက်ဆိုင်ရာ ရဲစခန်းက 7Day ကို ဒီကနေ့ တရားဝင် အကြောင်းလာကြားတဲ့အတွက် တရားဥပဒေအရ ရင်ဆိုင်ဖို့ပြင်ဆင်နေပြီလို့လည်း ပြောပါတယ်။ အခုလို တရားစွဲဆိုတဲ့ အမှုနဲ့ပတ်သက်ပြီးလည်း နှစ်ဖက်ညှိနှိုင်းဖြေရှင်းတဲ့ နည်းလမ်းနဲ့ကျေအေးပြေငြိမ်းဖို့ မြန်မာနိုင်ငံ စာနယ်ဇင်းကောင်စီ ကလည်း ဒီကနေ့ကြေညာချက်ထုတ်ပြန်လိုက်ပါတယ်။ အသေးစိတ် မဆုမွန် ဆက်သွယ်စုံစမ်းထားပါတယ်။

၂၀၁၆ခုနှစ် ဧပြီလ ၂၄ ရက်နေ့ထုတ် 7day Daily Newspaper နေ့စဉ်ထုတ်သတင်းစာစောင်ပါ “စစ်တက္ကသိုလ်ဆင်း ညီနောင်များအား လက်ရှိအစိုးရနှင့် ပူးပေါင်းဆောင်ရွက်ရန် သူရ ဦးရွှေမန်း တိုက်တွန်း” ဆိုတဲ့ သတင်းထောက်မင်းဟိန်းကျော်ရဲ့ သတင်းဆောင်းပါးနဲ့ ပတ်သက်ပြီး စစ်တပ်တွင်း ပုန်ကန်မှုဖြစ်အောင် သွေးထိုးလှုံ့ဆော်တယ်ဆိုပြီး 7day နေ့စဉ်သတင်းစာအယ်ဒီတာချုပ် ဦးသောင်းစုငြိမ်းနဲ့ ရေးသူ သတင်းထောက်ကို ရာဇသတ်ကြီးပုဒ်မ(၁၃၁) စစ်တပ်ဘက်က ဒုဗိုလ်မှူးကြီးလင်းထွန်းက တရားလိုအဖြစ် တရားစွဲဆိုအမှုဖွင့်လိုက်ပါတယ်။ ဒီကနေ့ဇွန်လ ၂၇ရက်နေ့မှာတော့ 7day သတင်းဌာနကို ရဲစခန်းဘက်က တရားဝင်အကြောင်းကြားလာတယ်လို့ 7day သတင်းအယ်ဒီတာကိုအားမန်က ဗွီအိုအေမြန်မာပိုင်းကို အခုလိုပြောပါတယ်။

“ဒီနေ့ပဲ သူတို့ ရဲစခန်းကနေ အမှုဆင့်ခေါ်စာရောက်လာတယ်။ ရောက်လာတော့ ကျနော်တို့ ဒီဟာကို ပြန်သုံးသပ်တာကတော့ တကယ့်တကယ် ဒီပုဒ်မနဲ့ စွဲပေမဲ့ ကျနော်တို့ဖော်ပြခဲ့တဲ့သတင်းနဲ့ စွဲတဲ့ဟာနဲ့က ပြင်းထန်လွန်းပြီး နည်းနည်းလေး လမ်းကြောင်းလွဲနေတယ်လို့ ကျနော်တို့ သုံးသပ်တယ်ပေါ့။ နောက်ပြီး တပ်မတော်နဲ့ မီဒီယာနဲ့ အထူးသဖြင့် စာနယ်ဇင်းကောင်စီနဲ့ကလည်း ဆက်ဆံရေးလည်းကောင်းတယ်။ ရင်းနှီးတယ်။ နောက် မီဒီယာကိစ္စတွေဆိုရင် စာနယ်ဇင်းကောင်စီလမ်းကြောင်းကနေပဲ လာမယ်ဆိုတာ သိထားပြီးတော့ အခုဟာက စာနယ်ဇင်းကောင်စီ လမ်းကြောင်းကနေ လာတာလည်း မဟုတ်ဘူး။ နောက်ပြီးတော့ မီဒီယာနဲ့ပတ်သက်လို့ရှိရင် သတင်းမီဒီယာဥပဒေလည်း ရှိတာပေါ့နော်။ အခုက သတင်းမီဒီယာဥပဒေနဲ့စွဲတာမဟုတ်ပဲနဲ့ အခုဟာက ရာဇသတ်ကြီး ဥပဒေနဲ့ပုဒ်မနဲ့ စွဲတော့ ပြင်းလည်းပြင်းထန်တော့လေ။ အရင်ဆုံး ကျနော်တို့ဘက်က ပြောချင်တာကတော့ အခုသူတို့စွပ်စွဲသလိုပေါ့နော်။ တပ်မတော်ပြိုကွဲအောင် သွေးစည်းညီညွတ်မှုပြိုကွဲအောင် စွပ်စွဲတဲ့ဟာကတော့ လုံးလုံးမှားနေတယ်။ တကယ့်တကယ် ကျနော်တို့က ပြည်သူတွေရဲ့ Rights to Know အတွက်ပဲ ဖော်ပြခဲ့တာ။ ကျနော်တို့ရေးခဲ့တဲ့သတင်းတွေကလည်း အရင်ရှေ့ကသတင်းတွေမှာလည်း ဒီလိုပဲ ရေးခဲ့တော့လေ။ စာနယ်ဇင်းကျင့်ဝတ်အရလည်း ကျနော်တို့က ဘာမှ ချိုးဖောက်ထားတာမျိုး မဟုတ်ပဲနဲ့ ကျင့်ဝတ်အရလည်း ကျနော်တို့က ကျင့်ဝတ်နဲ့အညီ ရေးခဲ့တာပေါ့။ စွဲတဲ့ပုဒ်မကလည်း အရမ်းပြင်းထန်ပြီးတော့လေ။ လမ်းကြောင်းကလည်း နည်းနည်းလွဲနေတဲ့သဘောရှိနေတော့ ညှိနှိုင်းလို့ရတဲ့ နည်းလမ်းနဲ့ ဖြေရှင်းလို့ရမယ်လို့ မျှော်လင့်တော့ ညှိနှိုင်းလို့ရတဲ့နည်းလမ်းနဲ့သွားဖို့ ကျနော်တို့ ပြင်ဆင်နေပါတယ်အမ။”

မဆုမွန်။ ။ အခု ဒီရဲစခန်းကလည်း ဆင့်ခေါ်တဲ့စာလည်း လာတဲ့အခါကျတော့ ဘယ်လိုများ တရားဥပဒေလမ်းကြောင်းအရ သွားဖို့ရှိပါလဲရှင့်။

“ကျနော်တို့လည်း ဒီဘက်က ရှေ့နေတွေနဲ့တိုင်ပင်ပြီးတော့ ဘယ်လိုများ အဲ့တာကို ကျနော်တို့ ဘယ်လိုဆက်လုပ်သွားမလဲဆိုတာလည်း ကျနော်တို့ ဒီက ဥပဒေရေးရာကျွမ်းကျင်သူတွေရဲ့ အကြံညဏ်ကို ယူပြီးတော့ အဆင်ပြေတဲ့နည်းလမ်းကို ကျနော်တို့ အခုရှာနေပါတယ်။”

အခုလိုအမှုဖွင့်တာနဲ့ပတ်သက်ပြီး ပြေလည်ရေး ဘယ်အဖွဲ့အစည်းနဲ့မဆို သူတို့အနေနဲ့ ဆွေးနွေးညှိနှိုင်းမှာဖြစ်သလို လိုအပ်တဲ့ဥပဒေပိုင်းဆိုင်ရာပြင်ဆင်မှုတွေလည်း ဆောင်ရွက်သွားမှာဖြစ်တယ်လို့ 7days ကပြောပါတယ်။

အခုလို ပြည်သူကရွေးချယ်တင်မြှောက်တဲ့အစိုးရနဲ့ပူးပေါင်းဆောင်ရွက်ပါလို့ပြောတဲ့ သူရဦးရွှေမန်းရဲ့ပြောကြားချက်ကို ကိုးကားပြီး ဖော်ပြချက်အပေါ် စစ်တပ်ဘက်က သတင်းစာကို အမှုဖွင့်တဲ့အပေါ် သတင်းသမားတွေကလည်း ရှုတ်ချပါတယ်။ သတင်းစာဆရာ ဦးရဲနိုင်မိုးကတော့ ဒါဟာ သတင်းလွတ်လပ်ခွင့်ကို ထိပါးသလို လက်ရှိအရပ်သားအစိုးရကို အကျပ်အတည်းဖြစ်အောင် စစ်တပ်ဘက်က တွန်းပို့သလိုဖြစ်တယ်လို့လည်း သုံးသပ်ပါတယ်။

“ ပြောရမယ်ဆိုရင် အရပ်သားအစိုးရနဲ့ တပ်မတော်ဘက်က ဗိုလ်ချုပ်တွေ လက်တွဲလုပ်ရမယ့် တပ်မတော်ဘက်ကနေ လွတ်လပ်တဲ့ သတင်းမီဒီယာတခုကို ဒီလိုကြောက်စရာကောင်းတဲ့ပုဒ်မမျိုးနဲ့စွဲတာဟာ တဘက်ကပြောမယ်ဆိုရင် အရပ်သားအစိုးရကို အလုပ်လုပ်ကိုင်ဖို့အတွက် ခက်ခဲတဲ့အခြေအနေမျိုးတောင် ဖြစ်နိုင်တယ်လို့ ထင်ပါတယ်။ တပ်မတော်က နဂိုအတိုင်းပဲ ပြောင်းလဲမှု မရှိဘူး။ သူတို့နဲ့ပတ်သက်ရင် မရေးနဲ့ မထိနဲ့ဆိုတဲ့ တုန့်ပြန်မှုမျိုးလို့မြင်ပါတယ်။”

သူရဦးရွှေမန်းရဲ့ရေးသားချက်နဲ့ပတ်သက်လို့ တပ်မတော်ဘက်က ကန့်ကွက်ကြောင်း ဧပြီလ ၂၆ရက်နေ့ရက်စွဲနဲ့လည်း တပ်မတော်သတင်းမှန်ထုတ်ပြန်ပြန်ကြားရေးအဖွဲ့က ကြေညာချက်ထုတ်ခဲ့သလို အခုဇွန်လ(၂၅)ရက်နေ့မှာတော့ ရေးသားချက်ကို ကိုးကားခဲ့တဲ့ သတင်းစာကို အမှုဖွင့်လိုက်တာဖြစ်ပါတယ်။ ဒီလို ရာဇသတ်ကြီးပုဒ်မ ၁၃၁နဲ့စွဲဆိုလိုက်တဲ့အမှုနဲ့ပတ်သက်ပြီး ရှေ့နေကြီးဦးကိုနီက အခုလိုရှု့မြင်ပါတယ်။

“ ၁၃၁ ကတော့ဗျာ ရာဇသတ်ကြီးဥပဒေ၊ ကြည်းတပ်၊ လေတပ်၊ ရေတပ်နဲ့ ဆိုင်တဲ့ပြစ်မှုတွေ ခေါင်းစဉ်အောက်မှာ စစ်ပုန်ကန်မှုကို အားပေးကူညီတာ၊ စစ်သားကိုတာဝန်ဝတ္တရားကနေ သွေးဆောင်အားထုတ်တာပေါ့ဗျာ သွေးဆောင်လို့ရှိရင် ၁၃၁ နဲ့ အရေးယူလို့ရတယ်။ ပြစ်ဒဏ်ကလည်း များတယ်။ တစ်သက်တစ်ကျွန်းဒဏ် သို့မဟုတ် ထောင်ဒဏ်ဆယ်နှစ်အထိ တမျိုးမျိုး ချမှတ်လို့ရမယ့်အပြင်တဲ့ ငွေဒဏ်လည်း ချမှတ်နိုင်တယ်တဲ့ ဆိုပြီးတော့ ပြဋ္ဌာန်းထားတယ်ပေါ့ဗျာ။ အဲ့ဒီ့တော့ ကျနော်တို့က ရှင်းကို မရှင်းဘူး။ နားကိုမလည်ဘူး။ ဘာကြောင့် ဒါကို ဒီလိုပုဒ်မမျိုးနဲ့စွဲတယ်ဆိုတာ။ ဒီပုဒ်မက အင်မတန်ကြီးကျယ်တဲ့ပုဒ်မလေ။”

အခုလို တပ်မတော်ဘက်က 7day နေ့စဉ်သတင်းစာကို အမှုဖွင့်တရားစွဲဆို လိုက်တဲ့ကိစ္စနဲ့ပတ်သက်ပြီး ဒီကနေ့မှာပဲ ဇွန်လ(၂၇)ရက်နေ့ထုတ် ရက်စွဲနဲ့ မြန်မာနိုင်ငံစာနယ်ဇင်းကောင်စီဘက်ကလည်း နှစ်ဘက်ညှိနှိုင်းဖြေရှင်းတဲ့ နည်းလမ်းဖြင့် ကျေအေးပြေငြိမ်းခြင်းကိုသာ လိုလားကြောင်း ကြေညာချက် ထုတ်ပါတယ်။ တချိန်တည်းမှာပဲ မြန်မာနိုင်ငံက လူ့အခွင့်အရေးအခြေအနေကို လာရောက်လေ့လာနေတဲ့ ကုလအထူးစုံစမ်းစစ်ဆေးရေးမှူး Ms. Yanghee Lee နဲ့ စာနယ်ဇင်းကော်စီ တွေ့ဆုံချိန်မှာလည်း အရပ်သားအစိုးရလက်ထက် သတင်းမီဒီယာလွတ်လပ်ခွင့် အခြေအနေ၊ BBC သတင်းထောက်အခြေအနေ၊ 7day သတင်းစာအမှုရင်ဆိုင်နေရတဲ့အနေအထားတွေကို ပြောခဲ့ပြီး သတင်းမီဒီယာတွေ ဥပဒေဘောင်တွင်းက အာမခံချက်ရှိစေရေးအားထုတ်သွားမယ် ဆိုတာကိုလည်း ကောင်စီဘက်က ကြေညာချက်တစောင် ထုတ်ပါတယ်။

မဆုမွန်
VOA Burmese News

တအာင်းပလောင်အမျိုးသမီးအဖွဲ့ အစီရင်ခံစာ (Palaung women Organization)
တအာင်းပလောင်အမျိုးသမီးအဖွဲ့ အစီရင်ခံစာ (Palaung women Organization)

မြန်မာ့တပ်မတော်နဲ့ တိုင်းရင်းသားလက်နက်ကိုင်အဖွဲ့တွေ စစ်ရေးပဋိပက္ခဖြစ်ပွား ခဲ့တဲ့ ရှမ်းပြည်နယ်မြို့နယ် (၁၅)မြို့နယ်က ဒေသခံတွေ လူ့အခွင့်အရေးချိုးဖောက် ခံနေရမှုနဲ့ပတ်သက်လို့ တအာင်းပလောင်အမျိုးသမီးအဖွဲ့ကနေရန်ကုန်မြို့ အတွင်းသတင်းစာရှင်းလင်းပွဲပြုလုပ်ခွင့် ပိတ်ပင်ခြင်းခံခဲ့ရပါတယ်။ ဒီအစီရင်ခံစာမှာ တပ်မတော်ရဲ့ပုံရိပ်ကို ထိခိုက် တဲ့အကြောင်းအရာတွေ ပါနေလို့ပိတ်ပင် ခံခဲ့ရတယ်လို့ဆိုပါတယ်။ ဒီအခြေအနေကိုတော့ ဗွီအိုအေထိုင်းအခြေစိုက် သတင်းထောက်နိုင်ကွန်းအိန်ကနေ အခုလိုသတင်းပေးပို့ထားပါတယ်။

တအာင်းပလောင်အမျိုးသမီးအဖွဲ့ကနေ မှတ်တမ်းပြုစုထားတဲ့ “ညှဉ်းပန်းနှိပ်စက်ရန် လေ့ကျင့်ထားသူများ” အစီရင်ခံစာနဲ့ ပတ်သက်ပြီး ဒီကနေ့သတင်းစာရှင်းလင်းပွဲပြုလုပ်မဲ့ကိစ္စကို ဒေသခံအာဏာပိုင်တွေ ကနေ တားမြစ်ပိတ်ပင်ခဲ့တယ်လို့ တအာင်း အမျိုးသမီးအဖွဲ့အစည်း ခေါင်းဆောင်ဖြစ်သူ လွေးပိုးညိူဝ်း က အခုလိုပြောပါတယ်။

“ဒီအစီရင်ခံစာက စစ်တပ်နဲ့ပတ်သက်နေလို့ လုပ်လို့မရဘူးတဲ့။ အထက်ကလည်း လုပ်ခွင့်မပေးဘူးလို့ပြောတယ် ကျမတို့ကို။”

တအာင်းပလောင်အမျိုးသမီးအဖွဲ့ရဲ့ “ညှဉ်းပန်းနှိပ်စက်ရန်လေ့ကျင့်ထားသူများ” အစီရင်ခံစာနဲ့ပတ်သက်ပြီး သတင်းစာ ရှင်းလင်းပွဲပြုလုပ်ဖို့ ကြိုးပမ်းရာမှာ နှစ်ကြိမ်တိတိ ပိတ်ပင်ခြင်းခံခဲ့ရတာပါ။ ဇွန်လ(၂၅)ရက်နေ့တုန်းကလဲ ရန်ကုန်မြို့ Orchid Hotel မှာပြုလုပ်ဖို့ စီစဉ်ထားရာမှာ အာဏာပိုင်တွေကတားမြစ်ခဲ့လို့ အခု Excel ဟိုတယ်မှာပြောင်းလဲ ကျင်းပရာမှာလဲ ဒုတိယအကြိမ် တားမြစ်ပိတ်ပင်ခြင်းခံခဲ့ရတယ်လို့ လွေးပိုးညိူဝ်း ပြောပါတယ်။

အရင်က သတင်းစာရှင်းပွဲတွေပြုလုပ်ရာမှာ တားမြစ်ပိတ်ပင်မှုတွေမရှိခဲ့ပေမဲ့ အခုလို ပ်ိတ်ပင်တဲ့အကြောင်းအရင်းဟာ အစီရင်ခံစာမှာ တပ်မတော်ရဲ့ပုံရိပ်ကို ထိခိုက်တဲ့အကြောင်းအရာတွေပါနေလို့ဖြစ်နိုင်ကြောင်း လွေးပိုးညိူဝ်း ပြောပါတယ်။

အစီရင်ခံစာထဲမှာဆိုရင် ရှမ်းပြည်နယ်မြောက်ပိုင်း တအာင်းပလောင်ဒေသမှာ စစ်ပွဲဖြစ်ပွားချိန်ပဋိပက္ခအတွင်း ၂၀၁၁ ခုနှစ် မတ်လ ကနေ ၂၀၁၆ခုနှစ် မတ်လ အထိ လူ့အခွင့်အရေးချိုးဖောက်မှုတွေကို ဖေါ်ပြထားတယ်လို့ လွေးပိုးညိူဝ်း အခုလို ပြောပါတယ်။

“တအာင်းပလောင်ဒေသမှာ စစ်ပွဲဖြစ်နေတဲ့ အချိန်ကာလအတောအတွင်း ညှဉ်းပန်းနှိပ်စက်မှုနဲ့ တရားမ၀င်ဖမ်းဆီးမှုတွေ၊ သတ်ဖြတ်မူတွေ၊ လိင်ပိုင်းဆိုင်ရာ အကြမ်းဖက်မှုတွေကို စနစ်တကျနဲ့ ကျယ်ကျယ်ပြန့်ပြန့် အစိုးရက စစ်ပွဲလက်နက်တခုအဖြစ် အသုံးချနေတာကိုကျမတို့တွေ့ရတယ် ဒီတပ်မတော်ကနေပေါ့နော်။ အဲလိုဖြစ်တဲ့အခါကျတော့ ဒီလိုနိုင်ငံတကာဥပဒေမှာလည်း ဒီလို ကျယ်ကျယ်ပြန့်ပြန့်နဲ့ စနစ်တကျ လူ့အခွင့်အရေး ချိုးဖောက်မူတွေကို အသုံးချနေတယ်ဆိုရင် ဒါ စစ်ရာဇ၀တ်မှုတွေကို ချိုးဖောက်တယ်ဆိုပြီးတော့မှ ကျမတို့လည်း စစ်ရာဇ၀တ်မှု ချိုးဖောက်ကြောင်းကို ဖော်ပြထားတဲ့ဟာတွေရှိတယ်။ ဒီအစီရင်ခံစာထဲမှာပေါ့နော်။”

ရှမ်းပြည်နယ်(၁၅)မြို့နယ်ထဲမှာ တပ်မတော်ကနေ ကျူးလွန်ခဲ့တဲ့ လူ့အခွင့်အရေးချိုးဖောက်မှု အမှုပေါင်း အရေအတွက် ၁၄၂ ခုပါဝင်ပြီး မတရားဖမ်းဆီးညှဉ်းပန်းနှိပ်စက်မှု၊ သတ်ဖြတ်မှု အမျိုးသမီးတွေကို လိင်ပိုင်းဆိုင်ရာ နှောင့်ယှက်မှု၊ မုဒိန်းကျင့်မှုစတဲ့ ပြစ်မှုကျူးလွန်ထားတဲ့ အပေါ် တအာင်းအမျိုးသမီးအဖွဲ့အစည်းကနေ မှတ်တမ်းကောက်ယူ စုဆောင်း ထားတယ်လို့ မလွေးပိုးညိုဝ်းပြောပါတယ်။

သတင်းစာရှင်းလင်းပွဲပိတ်ပင်မှုနဲ့ပက်သက်လို့ ပြန်ကြားရေးဝန်ကြီးဌာနကအနေနဲ့ပိတ်ပင်တာမဟုတ်ဘဲ ဒေသဆိုင်ရာ အာဏာပိုင်တွေရဲ့ စီမံခန့်ခွဲမှု အပိုင်းနဲ့သက်ဆိုင်တယ်လို့ယူဆကြောင်း ပြန်ကြားရေးဝန်ကြီးဌာန ညွှန်ကြားရေးမှူး ဦးကျော်ဇင်သန့်က အခုလိုပြောပါတယ်။

“ကျနော်တို့အနေနဲ့ကတော့ ဒီဟာနဲ့ပတ်သက်လို့ ရေးသားဖော်ပြမှု အပိုင်းတွေမှာက ဆောင်ရွက်ထားတာမရှိပါဘူးခင်ဗျ။ ပြန်ကြားရေးဝန်ကြီးဌာနအနေနဲ့လေ။ ကျန်တဲ့အပိုင်းကတော့ ကျနော်သီးခြား comment ပေးစရာမရှိပါဘူးခင်ဗျ။ ဒါကတော့ မြို့နယ် General Admin ရဲ့အပိုင်းပဲဖြစ်တယ်ဆိုတော့လေ။ အဓိကတော့ မြို့နယ်အုပ်ချုပ်ရေးဆိုတဲ့ဟာဆိုတော့ အဓိကတော့ သူ့တို့ရဲ့စီမံပိုင်ခွင့်အပိုင်းထဲမှာလည်း ဖြစ်နိုင်တယ်လေ။”

ပလောင်အမျိုးသမီးအဖွဲ့ရဲ့သတင်းစာရှင်းလင်းပွဲပိတ်ပင်တားဆီးခံရမှုနဲ့ပက်သက်ပြီး ပလောင်ကိုယ်ပိုင်အုပ်ချုပ်ခွင့်ရ ဒေသ ပြည်သူ့လွှတ်တော်ကိုယ်စားလှယ် ဒေါ်နန်းမိုးကနေ သူ့အမြင်ကို အခုလိုပြောပါတယ်။

“ကျမအမြင်နဲ့ကတော့ ဒါက မပိတ်ပင်သင့်ဘူး။ ဒါပြည်သူလူထုအတွက်ကို သူကလုပ်ဆောင်နေတာ။ ပြည်သူလူထုက အမှန်တကယ်ပဲ လူ့အခွင့်အရေး ချိုးဖောက်တာကို ခံနေရတယ်။ တကယ့်အစစ်အမှန်ပဲ ကျမတို့မျက်စိ၊ ကိုယ်တွေ့မှာလည်း မြင်တွေ့နေရတယ် ကြားနေရတယ်။ ကမ္ဘာသိအောင် မြင်နေရတယ် အကုန်လုံး ကြားတွေ့နေရတယ်။ ဒီအစိုးရဘက်အနေနဲ့ တပ်မတော်အနေနဲ့လည်း သူတို့က မှန်ကန်တဲ့နည်းလမ်းကို တကယ်ပဲ သူတို့က လူ့အခွင့်အရေး ကို အမှန်တကယ်မချိုးဖောက်ဘူးဆိုရင် ဒီဟာကို ပိတ်ပင်တားဆီးတာမျိုးမလုပ်သင့်ဘူး။”

မြန်မာနိုင်ငံမှာ အရပ်သားအစိုးရတက်လာပြီးနောက်ပိုင်း လွတ်လပ်စွာရေးသားထုတ်ဝေခွင့် ဆန္ဒဖေါ်ထုတ်ခွင့်တွေ အတော်အတန်ရရှိလာခဲ့ပြီးလို့ဆိုပေမဲ့ တပ်မတော်အရေးနဲ့ပက်သက်ပြိး လွတ်လပ်စွာထုတ်ဖေါ်ပြောဆိုခွင့် ကန့်သတ် ခံနေရဆဲလို့ တအာင်းအမျိုးသမီး အဖွဲ့အစည်း ခေါင်းဆောင်ဖြစ်သူလွေးပိုးညိုဝ်းအခုလိုပြောပါတယ်။

“ကျမတို့မြန်မာပြည်က ဒီမိုကရေစီလမ်းကြောင်းကို သွားနေပြီလို့ အများက သတ်မှတ်ကြတယ်။ ပြောဆိုကြတဲ့အချိန်မှာ လူ့အခွင့်အရေးချိုးဖောက်မှုတွေရှိနေတယ်ဆိုတဲ့ဟာကို ဖော်ပြဖို့က ကျမတို့တာဝန်ပဲ ကျမတို့က စစ်တပ်နဲ့ ပတ်သက်တဲ့ ကိစ္စကို ပြောခွင့်မရှိဘူးဆိုရင် စစ်တပ်ကပဲ အုပ်ချုပ်နေသလားလို့တောင်မှ ဒါ သံသယဖြစ်စရာပဲ။”

ရှမ်းပြည်နယ် တအာင်းပလောင်ဒေသက စစ်ပွဲကာလအတွင်း လူ့အခွင့်အရေး ချိုးဖောက်ခံနေရတဲ့အခြေအနေတွေကို တအာင်းအမျိုးသမီးအဖွဲ့အစည်းကနေ မြန်မာနိုင်ငံဆိုင်ရာကမ္ဘာ့ကုလသမဂ္ဂလူအခွင့်အရေး အရာရှိမစ္စယန်ဟီလီနဲ့ တွေ့ ဆုံတင်ပြခဲ့ပြီးဖြစ်သလို နိုင်ငံတော်သမ္မတဦးထင်ကျော်ထံတင်ပြသွားဖို့ကြိုးပမ်းနေဆဲလို့လဲ အဖွဲ့တာဝန်ရှိသူ တွေက ဆိုပါတယ်။

နိုင်ကွန်းအိန်
VOA Burmese News


ကုလလူ့အခွင့်အရေးကိုယ်စားလှယ် Yanghee lee ရန်ကုန်မြို့ အကျဉ်း ဦးစီးဌာန (အင်းစိန်)သို့ သွားရောက်၍ အကျဉ်းဦးစီးဌာန (အင်းစိန်) ဒုတိယ ညွှန်ကြားရေးမှူး များနှင့်တွေ့ဆုံ(MOI)
ကုလလူ့အခွင့်အရေးကိုယ်စားလှယ် Yanghee lee ရန်ကုန်မြို့ အကျဉ်း ဦးစီးဌာန (အင်းစိန်)သို့ သွားရောက်၍ အကျဉ်းဦးစီးဌာန (အင်းစိန်) ဒုတိယ ညွှန်ကြားရေးမှူး များနှင့်တွေ့ဆုံ(MOI)

ပဋိပက္ခတွေဖြစ်ပွားနေတဲ့ ပြည်နယ် သုံးပြည်နယ်ကို သွားရောက်ပြီး လူ့အခွင့်အရေးအခြေအနေတွေကို လေ့လာခဲ့တဲ့ မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေးအထူးကိုယ်စားလှယ် Ms. Yanghee Lee ဟာ ဒီနေ့မှာတော့ ရန်ကုန်မြို့ အင်းစိန်ထောင်ကို သွားရောက်လေ့လာခဲ့ပါတယ်။ ဒါ့အပြင် မြန်မာနိုင်ငံ အမျိုးသားလူ့အခွင့်အရေး ကော်မရှင်၊ မြန်မာနိုင်ငံ သတင်းမီဒီယာကောင်စီ နဲ့လည်း တွေ့ဆုံခဲ့ပါတယ်။ VOA သတင်းထောက် မသိင်္ဂီလင်းက ပြောပြပေးမှာပါ။

ပြီးခဲ့တဲ့ သီတင်းပတ်အတွင်း ရခိုင်ပြည်နယ်၊ ကချင်ပြည်နယ်နဲ့ ရှမ်းပြည်နယ်တွေကို သွားရောက်ခဲ့ပြီး လူ့အခွင့်အရေး အခြေအနေတွေကို လေ့လာခဲ့တဲ့ မြန်မာနိုင်ငံ ဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် Ms. Yanghee Lee ဟာ ဒီနေ့မှာတော့ ရန်ကုန်မြို့မှာပဲ လူ့အခွင့်အရေးကော်မရှင်၊ သတင်းမီဒီယာကောင်စီတို့နဲ့ တွေ့ဆုံခဲ့တယ်လို့ ခရီးစဉ်တစ်လျှောက်လိုက်ပါနေတဲ့ ပြောရေးဆိုခွင့်ရှိသူ ဦးအေးဝင်းက ခရီးစဉ်ကို အခုလို ပြောပြပါတယ်။

“ဒီနေ့အင်းစိန်ထောင်သွားတယ်။ နောက်ပြီးတော့ မြန်မာလူ့အခွင့်အရေးကော်မရှင်နဲ့တွေ့တယ်။ နောက်ပြီး မီဒီယာကောင်စီနဲ့တွေ့ပါတယ်ခင်ဗျ။ အင်းစိန်ထောင်ကတော့ မနက် ၉ နာရီလောက်က လူ့အခွင့်အရေးကော်မရှင်ကတော့ ၁၁ နာရီကျော်ကျော်လောက်က။ နောက်တခါ မီဒီယာကောင်စီကတော့ ၂ နာရီခွဲလောက်က တွေ့ပါတယ်။”
Yanghee lee မြန်မာနိုင်ငံအမျိုးသားလူ့အခွင့်အရေးကော်မရှင်နဲ့ ဆွေးနွေး (MOI)
Yanghee lee မြန်မာနိုင်ငံအမျိုးသားလူ့အခွင့်အရေးကော်မရှင်နဲ့ ဆွေးနွေး (MOI)
Ms. Yanghee Lee ဟာ ကချင်ပြည်နယ်မှာတုန်းက မြစ်ကြီးနားထောင်ကို သွားရောက်ခဲ့သလို ဒီကနေ့ မနက်ပိုင်းမှာလည်း အင်းစိန်ထောင်ကို သွားရောက်လေ့လာခဲ့တာပါ။ ထောင်တွေမှာ လေ့လာတွေ့ရှိရတဲ့အခြေအနေတွေ၊ ခရီးစဉ်အတွင်း သွားရောက်ခဲ့တဲ့ ဒုက္ခသည်စခန်းတွေရဲ့ အခြေအနေတွေကို မြန်မာနိုင်ငံအမျိုးသားလူ့အခွင့်အရေးကော်မရှင်နဲ့ ဆွေးနွေးခဲ့တယ်လို့ ကော်မရှင်အဖွဲ့ဝင် ဒေါက်တာဥာဏ်ဇော်က အခုလိုပြောပါတယ်။

“သူကထောင်ထဲမှာတွေ့လာတဲ့အကြောင်းတွေဆွေးနွေးပါတယ်။ နောက်ပြီးတော့ camp တွေ ဒုက္ခသည် camp တွေပေါ့နော်၊ နေရာရွေ့ပြောင်းလာတဲ့ camp တွေမှာ တွေ့ရတာလေးတွေ ပြောပါတယ်။ ကျန်တာတော့ တပ်တော်တို့ ၊ ရဲတို့ ၊ တိုင်းနဲ့ပြည်နယ်တွေမှာ promotion လုပ်တဲ့အကြောင်းတွေ တင်ပြပါတယ်။ ကျနော်တို့လည်း ထောင်တွေ ထိန်းသိမ်းရေးစခန်းတွေသွားစစ်တယ် ဆိုတဲ့အကြောင်း ပြန်တင်ပြပါတယ်ခင်ဗျ။ သူ့ဘက်ကတော့ ထောင်ထဲမှာ တွေ့ခဲ့တဲ့ဟာတွေပဲ သူပြောပါတယ်။”
Yanghee lee သတင်းမီဒီယာကောင်စီနဲ့တွေ့ဆုံ (MOI)
Yanghee lee သတင်းမီဒီယာကောင်စီနဲ့တွေ့ဆုံ (MOI)
လူ့အခွင့်အရေး ကော်မရှင်နဲ့ တွေ့ဆုံပြီးနောက်မှာတော့ မြန်မာနိုင်ငံ သတင်းမီဒီယာကောင်စီနဲ့ တွေ့ဆုံပြီး သတင်းမီဒီယာလွတ်လပ်ခွင့်အပါအဝင် ကောင်စီရဲ့ လုပ်ငန်းစဉ်တွေကို လေ့လာသွားခဲ့တယ်လို့ အတွင်းရေးမှူး ဦးသီဟစောက ပြောပါတယ်။ စာနယ်ဇင်းကောင်စီဘက်ကလည်း လတ်တလောဖြစ်ပွားနေတဲ့ 7 Day Daily သတင်းစာကို စစ်တပ်က တရားစွဲဆိုနေတာတွေ အပါအဝင် သတင်းမီဒီယာဥပဒေနဲ့ ပတ်သက်ပြီး တင်ပြခဲ့တယ်လို့ ဦးသီဟစောက အခုလို ပြောပါတယ်။

“အဓိကတော့ ဒီမှာဖြစ်နေတဲ့ 7 Day ကိစ္စတို့ BBC သတင်းသမားကိစ္စတွေကို ရှင်းပြပါတယ်။ ဒါပေမယ့် အဲဒီမှာ သတင်းမီဒီယာကောင်စီက သတင်းမီဒီယာ ဥပဒေအရ ဆောင်ရွက်ခွင့်မရဘူးလို့ပြောဆိုကြတယ်။ ထုံးစံကတော့ ကိစ္စဖြစ်ရင် News Media Law သတင်းမီဒီယာ ဥပဒေအရ သတင်းမီဒီယာကောင်စီ ကိုတိုင်ကြားလို့ရတယ်။ တိုင်ကြားပြီးတော့ complain committee ကဖြေရှင်းပေါ့နော်။ အဲလိုမဖြစ်ပဲနဲ့ ဒီအတိုင်းပဲ တန်းသွားကြတဲ့အခါကျတော့ အခုလိုအမှုမျိုးတွေလည်းရှိတယ်။ အဲဒီကိစ္စတွေပြောပြတာပေါ့။ သတင်းမီဒီယာဥပဒေကို ဒီထက်ပိုပြီးတော့ဆောင်ရွက်စေချင်တယ်။

ကျနော်တို့လည်း ပြင်ချင်တယ်၊ ပြင်စရာတွေရှိတယ် အဲဒါကိုပဲ သုံးကြစေချင်တယ် အဲဒါကိုပြောတယ်။ နောက်ပြီးတော့ သတင်းသမားတွေရဲ့ capacity ကိုမြင့်တင်ဖို့လုပ်စရာတွေရှိတယ် အဲဒါကိုကူညီပါပေါ့ ။”

ဒါ့အပြင် ပဋိပက္ခအတွင်း သတင်းလိုက်ယူတဲ့ အခြေအနေတွေ ကိုလည်း ဆွေးနွေးဖြစ် ခဲ့တယ်လို့ ဦးသီဟစောက ပြောပါတယ်။

Ms Yanghee Lee ဟာ သူ့ရဲ့ မြန်မာပြည်ခရီးစဉ်အားလုံးအပြီး ဇူလိုင်လ ၁ ရက်နေ့မှာ သတင်းမီဒီယာတွေနဲ့ တွေ့ဆုံပြီး သတင်းစာရှင်းလင်းပွဲတစ်ရပ် ကျင်းပသွားမှာပါ။ အဲ့ဒီနောက် ခရီးစဉ်မှာ လေ့လာတွေ့ရှိတဲ့ မြန်မာနိုင်ငံတွင်းက လူ့အခွင့်အရေးအခြေအနေတွေကို အစီရင်ခံစာတရပ်ရေးပြီး စက်တင်ဘာလမှာ ကျင်းပမယ့် ကုလသမဂ္ဂအထွေထွေညီလာခံမှာ တင်ပြသွားမှာဖြစ်ပါတယ်။


7Day Daily news မှာ ဖော်ပြထားသော သူရဦးရွှေမန်း၏ လူမှုကွန်ယက်စာမျက်နှာ သတင်း (credit to 7Day Daily)
7Day Daily news မှာ ဖော်ပြထားသော သူရဦးရွှေမန်း၏ လူမှုကွန်ယက်စာမျက်နှာ သတင်း (credit to 7Day Daily)

စစ်တက္ကသိုလ် ကျောင်းဆင်းပွဲ အထိမ်းအမှတ်နဲ့ပတ်သက်လို့ ဗိုလ်ချုပ်ကြီးဟောင်းသူရဦးရွှေ မန်း ပြောစကားကို ဖေါ်ပြခဲ့တဲ့အတွက် 7Day Daily သတင်းစာကို မြန်မာစစ်တပ် ကနေ အမှုဖွင့်တရားစွဲလိုက်ပါတယ်။ ဒါဟာ တပ်မတော်နဲ့ပတ်သက်ရင် သတင်း မီဒီယာတွေအနေနဲ့ သတိထားလက်ရှောင်ဖို့ ခြိမ်းခြောက်တဲ့သဘောလို့ မြင်ကြောင်း မြန်မာနိုင်ငံသတင်း မီဒီယာကောင်စီကလည်း ပြောပါတယ်။ မအင်ကြင်းနိုင်က အပြည့်အစုံတင်ဆက်မှာပါ။

ဧပြီလ (၂၄) ရက် နေ့က ထုတ်ဝေတဲ့ 7Day သတင်းစာမှာ “စစ်တက္ကသိုလ်ဆင်း ညီနောင်များအား လက်ရှိအစိုးရနှင့် ပူးပေါင်းဆောင်ရွက်ရန် သူရ ဦးရွှေမန်း တိုက်တွန်း” ဆိုတဲ့ခေါင်းစဉ်နဲ့ ရေးသားခဲ့တဲ့သတင်းနဲ့ပတ်သက်လို့ ဇွန်လ (၂၅)ရက်နေ့က ရန်ကုန်တပ်နယ်မှူး ဒုဗိုလ်မှူးကြီးလင်းထွန်းက ရာဇသတ်ကြီးပုဒ်မ (၁၃၁)နဲ့ 7 Day သတင်းစာကို အမှုဖွင့်ထားကြောင်း ကမာရွတ်ရဲစခန်းက တာဝန်ကျရဲအရာရှိတဦးက အခုလိုပြောပါတယ်။

“၂၅ ရက်နေ့ကနေပြီးတော့လေ အမှုလာဖွင့်တာရှိပါတယ်ခင်ဗျ။ ကျနော်တို့ ဒီမှာ ကမာရွတ် ရဲစခန်းကနေပြီးတော့ အမှုဖွင့်ပေးထားတာရှိပါတယ်ခင်ဗျ။ ဒုဗိုလ်မှူးကြီး လင်းထွန်းပါခင်ဗျ။ ပုဒ်မကတော့ ရာဇသတ်ကြီးပုဒ်မ (၁၃၁) နဲ့ ၊ သတင်းထောက်နဲ့ အယ်ဒီတာချုပ်ပေါ့၊ သူတို့ကို ဦးတည်ပြီးတော့ တိုင်ထားတာ ရှိပါတယ်။ ရာဇသတ် ကြီးပုဒ်မ (၁၃၁) ကတော့၊ ကျနော်တို့ ပြဌာန်းချက်ထားတာကတော့ - လက်ရှိ တပ်မတော်သားပေါ့နော်၊ အောက်ခြေက စပြီးတော့ အကြီးအထိပေါ့နော်၊ သူတို့ စစ်ပုန်ကန်မှုတွေဖြစ်လာအောင် သွေးထိုးလှုံ့ဆော် ရေးသားမှုတွေပေါ့နော်၊ လှုံ့ဆော် မှုတွေ၊ ရေးသားမှုတွေ၊ ဒါမျိုး ရေးထားတာဟာ ဒီပုဒ်မနဲ့ ငြိစွန်းတယ်ဆိုတဲ့ အကြောင်းပေါ့။ ပြဌာန်းထားတာ ရှိပါတယ်။”

အခုလို စစ်တပ်က 7Day Daily သတင်းစာကို အမှုဖွင့်တာဟာ သတင်းမီဒီယာတွေ ကို တပ်မတော် နဲ့ပတ်သက် ရင် လက်ရှောင်ဖို့၊ သတိထားဖို့ ဆိုတဲ့ ခြိမ်းခြောက်မှုတွေ ပါနေတယ်လို့ မြင်ကြောင်း မြန်မာနိုင်ငံ သတင်း မီဒီယာကောင်စီ အတွင်းရေးမှူး ကိုမြင့်ကျော်က ဗွီအိုအေကိုပြောပါတယ်။

“ကျနော့်အမြင်မှာတော့ ဒီ Complaint တိုင်ကြားတဲ့ဟာကို အသုံးချသင့်တယ် လို့ မြင်တယ်။ အခုလိုမျိုး မီဒီယာတွေကို တပ်မတော်နဲ့ ပတ်သက်လို့ ရေးတာ၊ တခုခုဖြစ်တာနဲ့ သူတို့ အဲဒီလိုမျိုး စွဲခြင်းဟာ ကြောက်အောင်လုပ်တဲ့ ဟာလိုမျိုး ဖြစ်နေတာပေါ့နော်။”

မေး။ အခု 7Day က ဖော်ပြတဲ့ သတင်းမှာဆိုရင်လည်း သူရဦးရွှေမန်းက သူ့ရဲ့ Facebook မှာ ရေးသားချက်တွေကိုပဲ သူက သတင်းအနေနဲ့ ဖော်ပြထားတာ ဆိုတော့ အခုလို ဒီ 7Day ကို အရေးယူတာကရော တကယ်ပဲ သူတို့ပြောတဲ့ ဥပဒေ ရာဇသတ်ကြီးပုဒ်မ (၁၃၁) နဲ့ရော ညီမညီပေါ့နော်၊ အဲဒါကို ဘယ်လို မြင်ပါသလဲရှင့်။

ဖြေ။ “ဥပဒေကြောင်းအရတော့ ကျနော် ရှေ့နေမဟုတ်တော့ ကျနော် မပြောတတ် ဘူးပေါ့လေ။ သို့သော် အနှစ်သာရအရတော့၊ ဒီအဖြစ်အပျက်အရ ပြောမယ် ဆိုရင်တော့ ဒီကိစ္စကို သူတို့က ကျူးလွန်တယ်လို့ သူတို့က ယူဆတယ်ပေါ့လေ၊ ဆိုပါတော့။ ဒီကိစ္စဟာ ဥပဒေချိုးဖောက်တယ်လို့ ယူဆတဲ့သူက နံပတ် (၁) က၊ ကာယကံရှင် သူရဦးရွှေမန်းဖြစ်ရမှာပေါ့နော်။ ဒီလိုအဖြစ်အပျက်ကို သူ ဒီလိုရေးတာ။ အဲဒီလိုဆိုတော့ သူရဦးရွှေမန်းကိုတော့ သူတို့ အရေးမယူဘဲနဲ့ သို့မဟုတ် တရားစွဲ တာမျိုး ဥပဒေအရ သူတို့မလုပ်ဘဲနဲ့၊ မီဒီယာကို နံပါတ်တစ် အရင် လုပ်သလဲ ဆိုတဲ့ဟာက ကျနော့်အထင်မှာတော့ တပ်မတော်နဲ့ပတ်သက်တဲ့ ကိစ္စတွေ မီဒီယာက သတိထားရေးကြဖို့ဆိုတဲ့ဟာမျိုးကို သတိပေးချင်တယ်၊ Warning ပေးချင် တယ်ပေါ့နော်။ နောက် တခုကတော့ လက်ရှောင်စေချင်တယ်။ တပ်မတော်နဲ့ပတ်သက်တဲ့ Sensitive ဖြစ်တဲ့ကိစ္စတွေ လက်ရှောင်စေချင်တယ်လို့ ကျနော်ထင်တယ်။ အဲဒီအထဲမှာ ကျနော်ဖတ်ကြည့်တာ တခုပဲ တပ်ထဲက အရာရှိတယောက်က ပြောတယ်ဆိုတဲ့ဟာမျိုး။ ဒါကလဲ Journalism သဘောအရ၊ သတင်းစာပညာအရဆိုရင် ဒါမျိုးက အမြဲတမ်း သတင်းတပုဒ်ဖြစ်အောင် လုပ်တယ် ဆိုရင် တပ်ကလူတယောက်ရဲ့အသံ၊ သက်ဆိုင်ရာ နယ်ပယ်က လူတယောက်ရဲ့ အသံကို ပါအောင် ထဲ့တာပေါ့နော်။ အဲဒါမျိုးကို သူတို့ မခံနိုင်ဘူးလို့ ထင်တယ်။ အခံနိုင်ဘူးဆိုတာက အဲဒါမျိုးကို သူတို့ သည်းမခံနိုင်ဘူးလို့ ကျနော်ထင်တယ်။ ကျနော် ထူးခြားတာလေးတွေ့တာ အဲဒီတခုပဲ ရှိတယ်။ ဒါပေမယ့် သတင်းစာပညာ အရ ဒါဟာ မှန်ကန်တယ်လို့ ကျနော်ထင်တယ်။”

သူရဦးရွှေမန်းရဲ့ Facebook မှာ ဧပြီလ (၂၃) ရက်နေ့က ရေးသားထားရာမှာ သူတက်ခဲ့တဲ့ စစ်တက္ကသိုလ်ဗိုလ်လောင်းသင်တန်း အမှတ်စဉ် (၁၁) ကျောင်းဆင်းပွဲ (၄၇) နှစ်မြောက် အထိမ်းအမှတ်အဖြစ် ညီနောင်တွေအနေနဲ့ နိုင်ငံနဲ့ ပြည်သူတွေရဲ့ အကျိုးကို မေတ္တာ၊ သစ္စာဖြင့် အုပ်ချုပ်မယ့်သူတွေကို မုဒိတာနဲ့ ပါဝင်ကူညီ ဆောင် ရွက်ဖို့ တိုက်တွန်းထားပါတယ်။ ဒါ့အပြင် ပြည်သူတွေရွေးချယ်ထားတဲ့ အစိုးရ တက်လာပြီ ဖြစ်တဲ့အတွက် ညီနောင်တွေအနေနဲ့ ပူးပေါင်းဆောင်ရွက်ဖို့ အချိန် အခါကောင်းဖြစ်တယ်လို့လည်း ရေးသားထားပါတယ်။

အခုလိုဦးရွှေမန်းရဲ့ ရေးသားချက်နဲ့ပတ်သက်လို့ တပ်မတော်ဘက်က ကန့်ကွက်ကြောင်း ဧပြီလ ၂၆ ရက်နေ့ ရက်စွဲနဲ့ တပ်မတော်သတင်းမှန် ပြန်ကြားရေးအဖွဲ့က ကြေညာချက်ထုတ်ပြန်ထားပါတယ်။

မအင်ကြင်းနိုင်
VOA Burmese News

 rakhine-refugees-620.jpg ရခိုင်ပြည်နယ်မှာ အစိုးရတပ်မတော်နဲ့ AA တိုက်ပွဲတွေကြောင့် မေလ ၅ ရက်နေ့က ကျောက်တော်မြို့နယ်ကို ထွက်ပြေးတိမ်းရှောင်လာ သူတွေကို တွေ့ရစဉ်

ရခိုင်ပြည်နယ် ကျောက်တော်မြို့နယ် ပညာဝကျေးရွာမှာ စစ်ဘေးဒုက္ခသည်တစ်ဦး သေဆုံးမှုနဲ့ပတ်သက်ပြီး ကျေးရွာအုပ်ချုပ်ရေးမှူးကို ကျောက်တော်မြို့နယ် ရဲစခန်းက လူသတ်မှုနဲ့ အမှုဖွင့်ထားပါတယ်။

ဒုက္ခသည်တွေအတွက် နေအိမ်ဆောက်လုပ်ဖို့ အစိုးရကထုတ်ပေးထားတဲ့ ငွေကို အုပ်ချုပ်ရေးမှူး ဦးမောင်ကျော်ခင်က အပြည့်မပေးတဲ့ကိစ္စနဲ့ပတ်သက်ပြီး စကားများရာကနေ အုပ်ချုပ်ရေးမှူးက ရိုက်နှက်ခဲ့တဲ့အတွက် သေဆုံးခဲ့တာဖြစ်တယ်ဆိုပြီး တိုင်ကြားလာတဲ့အတွက် အမှုဖွင့်ထား တာဖြစ်တယ် လို့ ကျောက်တော်မြို့နယ်ရဲစခန်းက ရဲမှူး ဦးခင်မောင် က ပြောပါတယ်။

ရခိုင်ပြည်နယ်မှာ နေရပ်မပြန်နိုင်ကြသေးတဲ့ စစ်ဘေးဒုက္ခသည်တွေအတွက်ယာယီတဲအိမ်တွေဆောက်လုပ်နေထိုင်ဖို့ဆိုပြီး အစိုးရက တစ်အိမ်ထောင်ကို
ငွေကျပ် ၂ သိန်းစီ ထုတ်ပေးခဲ့တာဖြစ်ပါတယ်။

ပညာဝကျေးရွာမှာရှိတဲ့ တခြားဒုက္ခသည်တွေအားလုံး ငွေကျပ် ၂ သိန်းကို အပြည့်အဝရကြပေမယ့် သေဆုံးသူ ဦးကျော်ဇံက ငွေကျပ် တစ်သိန်းခွဲသာ ရရှိတာကြောင့် နောက်ထပ် ၅ သောင်းကို ပြီးခဲ့တဲ့ ဇွန်လ ၂၂ ရက်နေ့က အုပ်ချုပ်ရေးမှူးထံ သွားတောင်းရာကနေ သေဆုံးတာဖြစ်တယ်လို့ သေဆုံးသူ ဦးကျော်ဇံရဲ့ ဦးလေး ဦးတင်အောင်ကပြောပါတယ်။

ဦးကျော်ဇံဟာ ရိုက်နှက်ခံရတဲ့ ဒဏ်ရာတွေကြောင့် ကျောက်တော်ဆေးရုံမှာ ဆေးကုသမှုခံယူပြီးနှစ်ရက်အကြာမှာ ဆေးရုံမှာပဲ သေဆုံးခဲ့တာ ဖြစ်ပါတယ်။

သေဆုံးသူ ဦးမောင်ကျော်ဇံဟာ အသက် ၅၁ နှစ်ရှိနေပြီဖြစ်ပြီး တိုက်ပွဲတွေကြောင့် ပုဏ္ဏားကျွန်းမြို့နယ် သပြုချောင်းကျေးရွာကနေ ကျောက်တော်မြို့နယ် ပညာဝကျေးရွာကို ပြီးခဲ့တဲ့ ဧပြီလလောက်က မိသားစုနဲ့အတူ ထွက်ပြေးတိမ်းရှောင်လာတာဖြစ်ပါတယ်။

လက်ရှိပညာဝကျေးရွာမှာ စစ်ဘေးဒုက္ခသည် ၁၀၀ လောက်ရှိပါတယ်။
RFA

7 Day သတင်းစာ အယ်ဒီတာချုပ် ဦးသောင်းစုငြိမ်းနဲ့ သတင်းထောက် ကိုမင်းဟိန်းကျော် တို့ကို တပ်တွင်းစည်းလုံးရေးကို ပျက်ပြားအောင် ရေးသားဖော်ပြတယ် ဆိုပြီး ရာဇသတ်ကြီးပုဒ်မ ၁၃၁ နဲ့ တပ်မတော်အရာရှိတစ်ဦးက ရန်ကုန်တိုင်း ကမာရွတ်မြို့နယ်ရဲစခန်းမှာ တရားစွဲဆိုထားကြောင်း အကြောင်းကြားစာကို လက်ခံရရှိထားတယ်လို့ 7 Day သတင်းစာ ဒုတိယအယ်ဒီတာချုပ် ကိုအားမာန် က ပြောပါတယ်။

သတင်းဖော်ပြခဲ့တဲ့နေရာမှာ သတင်းရင်းမြစ်ပြောကြားခဲ့တဲ့အတိုင်း ရေးသားခဲ့တာဖြစ်ပြီး ပုဒ်မ ၁၃၁ နဲ့ တရားစွဲဆိုတာ ပြင်းထန်လွန်းတယ်လို့ 7 Day နေ့စဉ် သတင်းစာ ဒုတိယအယ်ဒီတာချုပ် ကိုအားမာန်က ပြောပါတယ်။

ပြီးခဲ့တဲ့ ဧပြီ ၂၄ ရက်နေ့ထုတ် 7 Day သတင်းစာမှာ "စစ်တက္ကသိုလ်ဆင်းညီနောင်များအား လက်ရှိအစိုးရနှင့် ပူးပေါင်းဆောင်ရွက်ရန် သူရဦးရွှေမန်း တိုက်တွန်း"ဆိုတဲ့ သတင်းမှာ တပ်မတော်နဲ့ အစိုးရ ပူးပေါင်းခြင်းမရှိဘူးလို့ သဘောထားသက်ရောက်စေတယ်ဆိုပြီး တိုင်ကြားတာဖြစ်ပါတယ်။

အဲ့ဒီသတင်းနဲ့ ပတ်သက်ပြီး မေလထဲမှာ တပ်မတော် သတင်းတပ်ဖွဲ့က ခေါ်ယူမေးမြန်းတာကြောင့် သွားရောက်တွေ့ဆုံပြီး သတင်းထုတ်ပြန်ချက် ကိုသာ ရေးသားတာဖြစ်ကြောင်း၊ စာဖတ်သူတွေရဲ့ သတင်းသိပိုင်ခွင့်နဲ့သာ ရေးသားခဲ့တာဖြစ်ကြောင်း ရှင်းပြခဲ့ပြီးဖြစ်ကြောင်းလည်း ကိုအားမာန် က ပြောပါတယ်။

သတင်းမီဒီယာသမားတွေနဲ့ပတ်သက်ပြီး တိုင်ကြားချင်တယ်ဆိုရင် မြန်မာနိုင်ငံစာနယ်ဇင်းကောင်စီကို အရင်တင်ပြသင့်တာဖြစ်ကြောင်း နဲ့ 7 Day သတင်းစာအနေနဲ့ ညှိနိုင်းဖြေရှင်းလို့ရမယ့် နည်းလမ်းကိုသာ ရှာဖွေနေပြီး ဥပဒေအရ တရားရင်ဆိုင်ဖို့ ပြင်ဆင်ထားတယ်လို့လည်း ပြောပါတယ်။

မြန်မာနိုင်ငံသတင်းမီဒီယာကောင်စီ အဖွဲ့ဝင်တွေက ကုလသမဂ္ဂရဲ့ မြန်မာနိုင်ငံဆိုင်ရာ အထူးကိုယ်စားလှယ် မစ္စယန်ဟီးလီနဲ့ ဒီနေ့ တွေ့ဆုံ ရာမှာ ကောင်စီအဖွဲ့ဝင်တွေက မီဒီယာလောကသားတွေကို တရားစွဲဆိုတဲ့နေရာမှာ မြန်မာနိုင်ငံသတင်းမီဒီယာ ကောင်စီကို ကျော်လွန်ပြီး တရားမစွဲဖို့အတွက် အုပ်ချုပ်ရေးအဖွဲ့ကို ဖိအားပေးတိုက်တွန်းပေးဖို့ တင်ပြခဲ့ပါတယ်။
RFA

 thura-uaungko-620.jpg သာသနာရေးနဲ့ ယဉ်ကျေးမှုဝန်ကြီး သူရဦးအောင်ကို ဇွန်လ ၂၇ ရက်နေ့က ကျင်းပတဲ့ ကျိုက်ထီးရိုး စေတီတော်မြတ်ကြီးနဲ့ ပတ်သက်တဲ့ လုပ်ငန်းညှိနှိုင်းအစည်းအဝေးတွင် တွေ့ရစဉ်
Photo: Win Naung Toe/ RFA

ကျိုက်ထီးရိုးတောင်ပေါ်မှာ အစိုးရရဲ့ ခွင့်ပြုချက်ထက်ပိုပြီး တည်ဆောက်ထားတဲ့ ရုိုးရိုးလေးကုမ္ပဏီ ရဲ့ တည်းခိုဆောင်ထဲက အခန်းတစ်ရာကျော်ကို တစ်လအတွင်း အပြီးဖျက်ပေးရမှာဖြစ်ကြောင်းနဲ့ လိုက်နာဖို့ ပျက်ကွက်ရင် လုပ်ငန်းအားလုံးကို ရပ်ဆိုင်းဖို့ ညွှန်ကြားသွားမှာဖြစ်ကြောင်း သာသနာရေးနဲ့ ယဉ်ကျေးမှုဝန်ကြီး သူရဦးအောင်ကို က ပြောလိုက်ပါတယ်။

ဒီနေ့ နေပြည်တော် သာသနာရေးနဲ့ယဉ်ကျေးမှုဝန်ကြီးရုံးမှာ ကျိုက်ထီးရိုး စေတီတော်မြတ်ကြီးနဲ့ ပတ်သက်တဲ့ လုပ်ငန်းညှိနှိုင်းအစည်းအဝေးအပြီး ကျင်းပတဲ့ သတင်းစာရှင်းလင်းပွဲမှာ ပြောခဲ့တာ ဖြစ်ပါတယ်။

ဟိုတယ်နဲ့ ခရီးသွားလာရေးဝန်ကြီးဌာနက ရိုးရိုးလေးကုမ္ပဏီကို တည်းခိုခန်းအတွက် အခန်း ၁၃၅ ခန်း သာ ဆောက်လုပ်ခွင့်ပြုထားတာဖြစ်ပြီး ကုမ္ပဏီက အစိုးရရဲ့ ခွင့်ပြုချက်ထက် အခန်း တစ်ရာကျော် ပိုပြီးဆောက်လုပ်ထားတာဖြစ်ပါတယ်။

ဒီနေ့ အစည်းအဝေးကို ဟိုတယ်နှင့် ခရီးသွားလာရေးဝန်ကြီး ဦးအုန်းမောင် နဲ့ မွန်ပြည်နယ်ဝန်ကြီးချုပ် ဦးမင်းမင်းဦးတို့လည်း တက်ရောက်ခဲ့ကြပါတယ်။

မွန်ပြည်နယ်ဝန်ကြီးချုပ် ဦးမင်းမင်းဦးကလည်း ကျိုက်ထီးရိုးစေတီတော်တော်မြတ်ကြီးနဲ့ ပတ်သက်တဲ့ ကိစ္စအားလုံးကို ပြည်နယ်အစိုးရအဖွဲ့အနေနဲ့ မကြာခင် တာဝန်ယူပြီး ဖြေရှင်းဆောင်ရွက်သွားမှာ ဖြစ်ကြောင်း ပြောပါတယ်။

စေတီတော်နဲ့ ပတ်သက်တဲ့ ဘုရားဂေါပကအဖွဲ့သစ်ပြန်လည်ဖွဲ့စည်းဖို့အတွက်လည်း သာသနာရေး ၀န်ကြီးဌာန ၊ ပြည်နယ်အစိုးရအဖွဲ့နဲ့ ရှေ့နေချုပ်ရုံးတို့နဲ့ တိုင်ပင်ဆွေးနွေးပြီး နည်းဥပဒေတွေ ပြဌာန်းသွားမှာဖြစ်ပါတယ်။

ကျိုက်ထီးရိုးစေတီတော်မြတ်ကြီးကို ပြည်တွင်း၊ ပြည်ပ ဘုရားဖူးဧည့်သည်ပါင်း ၂ သန်းကျော် လာရောက်ခဲ့ပြီး စေတီတော်မှာ ငွေကျပ် ၁ ဒဿမ ၅ ဘီလီယံ ရှိကြောင်းလည်း ပြောပါတယ်။
RFA


ပြည်ထောင်စုအစိုးရအဖွဲ့ရဲ့ ညွှန်ကြားချက်နဲ့ ကချင်ပြည်နယ်အတွင်း လိုင်စင်မဲ့ မော်တော်ဆိုင်ကယ်နဲ့ သုံးဘီးဆိုင်ကယ်တွေကို ကော်မတီဖွဲ့ပြီး စစ်ဆေးဖို့ ပြည်နယ်အစိုးရအဖွဲ့က ပြင်ဆင်နေပါတယ်။

ပြည်သူတွေမနစ်နာအောင်နဲ့ အစိုးရလည်းအခွန်ငွေရပြီး ယာဉ်စည်းကမ်းထိန်းသိမ်းရေးကို ကြပ်မတ် နိုင်ဖို့အတွက် အရင်ဆုံး အသိပညာပေးအစီအစဉ်တွေ ပေးသွားမယ်လို့ ကချင်ပြည်နယ် အစိုးရအဖွဲ့ လီဆူတိုင်းရင်းသားရေးရာဝန်ကြီး ဦးအားတီယောဟန်က ပြောပါတယ်။

မြစ်ကြီးနားမြို့ပေါ်က မော်တော်ဆိုင်ကယ်အရောင်းဆိုင်တွေကို ဥပဒေနဲ့အညီ စစ်ဆေးပြီးမှ လိုင်စင်မဲ့ မော်တော်ဆိုင်ကယ်နဲ့ သုံးဘီးဆိုင်ကယ်တွေကို စိစစ်သွားမှာဖြစ်ပါတယ်။

ပြည်ထောင်စုအစိုးရအဖွဲ့ရဲ့ ညွှန်ကြားချက်ဟာ တစ်နိုင်ငံလုံးအတိုင်းအတာဆောင်ရွက်ရမှာဖြစ်ပြီး ပြည်နယ်နဲ့ တိုင်းဒေသကြီးအလိုက် မကြာခင် အကောင်အထည်ဆောင်ရွက်ကြမှာဖြစ်ပါတယ်။

တရုတ်-မြန်မာ နယ်စပ်ဂိတ်တွေကနေ ကချင်ပြည်နယ်ဘက်ဝင်ရောက်လာတဲ့ မော်တော်ဆိုင်ကယ်နဲ့ သုံးဘီးတွေကို အခွန်ကောက် လိုင်စင်ပြုလုပ်စေပြီး အားလုံးတစ်ပြေးညီ စိစစ်မယ်ဆိုရင် အစိုးရ နဲ့ ပူးပေါင်း ဆောင်ရွက်သွားမှာဖြစ်တယ်လို့ မြစ်ကြီးနားမြို့က ဆိုင်ကယ်ဝယ်ရောင်လုပ်ကိုင်သူတစ်ဦးက ပြောပါတယ်။

မြစ်ကြီးနား၊ ဗန်းမော်၊ မိုးညှင်း၊ မိုးကောင်း၊ ဟိုပင်၊ ဖားကန့် စတဲ့ မြို့ရွာတွေမှာ တရုတ်နိုင်ငံက ဝင်ရောက်လာတဲ့ လိုင်စင်မဲ့ မော်တော်ဆိုင်ကယ်တွေကို အများဆုံးအသုံးပြုနေတာဖြစ်ပါတယ်။

ပြီးခဲ့တဲ့ ဧပြီလကုန်အထိ ကချင်ပြည်နယ် ကုန်းလမ်းပို့ဆောင်ရေး ညွှန်ကြားမှုဦးစီးဋ္ဌာနရဲ့ စာရင်းတွေအရ ပြည်နယ်အတွင်းမှာ လိုင်စင်ပြုလုပ်ထားတဲ့ မော်တော်ယာဉ်ပေါင်းစုံ အစီးရေ တစ်သိန်းကျော်ရှိပါတယ်။

RFA Burmese
https://www.facebook.com/rfaburmese


27-6-2016

ထိုင်းနိုင်ငံထုတ် prachachat.net မှာ ဖေါ်ပြထားတဲ့ မြန်မာနိုင်ငံသားတွေဟာ ထိုင်းလူမျိုးတွေရဲ့ အလုပ်တွေ လုလုပ်နေတဲ့ ခေါင်းစဉ်နဲ့ ဖေါ်ပြထားပါတယ်။

သတင်းထဲမှာရေးသားထားတာကတော့ ပထမပိုင်းမှာ နာလည်မှုနဲ့  လုပ်ပိုင်ခွင့်ပေးထားခဲ့တဲ့ ထိုင်းအလုပ်သမားတွေသာ လုပ်ပိုင်ခွင်းရှိတဲ့ အလုပ်တွေမှာ ၀င်ရောက်လုပ် ကိုင်နေကြတဲ့ မြန်မာနိုင်ငံသားတွေဟာ ယခုရက်ပိုင်းအတွင်းမှာ မြန်မာနိုင်ငံသား အလုပ် သမားတွေရဲ့  တောင်းဆိုချက်တွေက ထိုင်းလူမျိုးတွေနဲ့  တန်းတူ ဖြစ်ရေးတောင်းဆိုနေပြီး ဥပဒေကြောင်း အရ လုပ်ကိုင်လို့ ရတဲ့အလုပ်တွေဟာ အလုပ်ကြမ်း ၂၄ မျိုးနဲ့  အိမ်ဖေါ်သာဖြစ်တယ်လို့ ဖေါ်ပြထားပါတယ်။

ယခုရက်ပိုင်းအတွင်း မြန်မာနို်ငံသားတွေဟာ တောင်းဆိုချက်တွေ ပိုမိုတိုးပြီးတောင်းလာတာကြောင့် ပြည်ထဲရေးဝန်ကြီးဌာနကနေ လာအို-ကမ္ဘောဒီယား မြန်မာနိုင်ငံသားတွေ ၀င်ရောက်လုပ်ကိုင်လို့ မရတဲ့ လုပ်ငန်းတွေကို ဖေါ်ပြပြီး နယ်မြေတိုင်းမှာ အရေးယူတော့မှာဖြစ်တယ်လို့  ဖေါ်ပြထားပါတယ်။

ဈေး-ကုန်တိုက်-ဓါတ်ဆီဆိုင် -ကုပဏီ စတဲ့နေရာတွေမှာ အရောင်းဝန်ထမ်း လုပ်ကိုင်ခြင်း။ ကိုယ်ပိုင် အစားအသောက်ရောင်းခြင်း (ရိုတီ-အသီးအရွတ်-ဖျော်ရည်-မြေပဲ-အသားငါး) ဖေါ်ပြထားတဲ့အလုပ်တွေမှာ လုပ်ကိုင်နေတာကို တွေ့ ရင် သတင်းပေးကြဖို့ နဲ့  တွေ့ ရှိရင် ပုဒ်မ (၅၄) အရ ထောင်ငါးနှစ်နဲ့  ဒဏ်ငွေ ၂၀၀၀၀ (နှစ်သောင်း) မှ ၁၀၀၀၀၀(တစ်သိန်း)အထိ အလုပ်ရှင်ပါ အရေးယူခံရမှာဖြစ် တယ်လို့ ဖေါ်ပြထားပါတယ်။

Social Action for Women - SAW


အလုပ်သမားတွေအတွက် အချိန်ပိုကြေးကျပ်သိန်း ၅၀၀ လောက်ပေးဖို့ ကျန်နေတဲ့ Premier ကော်ဖီမစ်စက်ရုံကို အစိုးရက မနက်ဖြန် တရားစွဲဆိုမယ်လို့ ပြောပါတယ်။

ပြီးခဲ့တဲ့နှစ် စက်တင်ဘာလကတည်းက ဒီနေ့အထိ ပေးဖို့ကျန်နေတဲ့အတွက် တရားစွဲမှာဖြစ်တယ်လို့ လှိုင်သာယာမြို့နယ် အလုပ်သမား ဥပဒေစစ်ဆေးရေးဦးစီးဌာန လက်ထောက်ညွှန်ကြားရေးမှူး ဦးချစ်ပေါ က ပြောပါတယ်။
ပရီးမီးယား စက်ရုံကို ဆက်သွယ်မေးမြန်းရာမှာ ဖြေဆိုမည့် လူကြီးမရှိကြောင်း ဖြေကြားပါတယ်။

ပရီးမီးယားစက်ရုံဟာ ရန်ကုန်တိုင်းဒေသကြီး လှိုင်သာယာစက်မှုဇုန် ၃မှာရှိတာဖြစ်ပြီး အလုပ်သမား အရေအတွက်က တစ်ထောင်ကျော်လောက် ရှိတာဖြစ်ပါတယ်။

Premier ကော်ဖီမစ်စက်ရုံမှာ နေ့စားအလုပ်သမားတွေကို အချိန်ပိုကြေး အပြည့်မပေးတဲ့အပြင် ဥပဒေ အရ သတ်မှတ်ပေးထားတဲ့ နားရက်တွေအတွက် လုပ်အားခဖြတ်တောက်မှုတွေ ရှိနေတယ်လို့လည်း ဦးချစ်ပေါ က ပြောပါတယ်။

အချိန်ပိုကြေး အပြည့်မရတဲ့ နေ့စားအလုပ်သမား ၃၀၀ လောက်ရှိပြီး အဲဒီအထဲမှာ အများဆုံး လုပ်သက် ၂ နှစ်ကနေ အနည်းဆုံး လုပ်သက်တစ်လ ရှိသူတွေ ပါဝင်ပါတယ်။

RFA Burmese
https://www.facebook.com/rfaburmese


27June2016

အသက် (၄၃)နှစ်ရှိ အမျိုးသားသရုပ်ဆောင် ကင်ဆွန်မင် Kim Sung-minဟာ ဇွန်လ ၂၄ ရက် သောကြာနေက မူယစ်ဆေးဝါးတွေ အလွန်အကျွံသောက်ခဲ့ပြီး ရေချိုးခန်းအတွင်း ဇွဲကြိုးချ အဆုံးစီရင်ခဲ့တာလို့  သိရပါတယ်။

ဆေးရုံကို အရေးပေါ်တင်ခဲ့ပေမယ့် ဆရာဝန်တွေကတော့ ကင် ရဲ့ ဦးနှောက် အလုပ်မလုပ်တော့ဘဲ သေဆုံးခဲ့ပါပြီလို့  ဆေးရုံမှာ စောင့်နေကြတဲ့ သူ့  မိသားစုဝင်တွေနဲ့  ပရိတ်သတ်တွေကို ထုတ်ဖေါ်ပြောဆိုခဲ့ပါတယ်။

ကင်စွန်မင်းဟာ မူယစ်ဆေးဝါးသုံးစွဲမှုနဲ့  ထောင်နှစ်ခါကျခဲ့ပြီး ဖြစ်ပါတယ်။၂၀၀၂ခုနှစ်မှာ ရေသူမလေး Little Mermaid အခန်းဆက်ဇတ်လမ်းတွေနဲ့  နံမည်ကြီးလာခဲ့ သူဖြစ်ပြီး ရေသူမလေးဇတ်ကားနဲ့ 
MBC Drama Awards အကောင်းဆုံး ဇတ်လမ်းတွဲ ဆုရခဲ့ပါတယ်။

ဇနီးဖြစ်သူ (သွားဆရာဝန်)နဲ့  သားက ရဲစခန်းကို ဖုန်းဆက်ပြီး ဖခင်ဟာ ဆေးတွေကြောင်နေပြီဖြစ်ကြောင်း အကြောင်းကြားခဲ့လို့  ရဲတွေရောက်လာတဲ့အခါမှာ ခုလိုအဆုံးစီရင်သွားခဲ့တာပါ။ ကင်ရဲမိသားစုက
တော့ ကျန်ရစ်တဲ့ ရုပ်အလောင်းကို ဆေးသုတေသနကိုလှူမယ်လို့  သိရပါတယ်။

Social Action for Women - SAW


အရှေ့တောင်အာရှဒေသမှာ တောရိုင်းတိရစ္ဆာန်နဲ့သစ်ခိုးထုတ်မှုတွေတိုက်ဖျက်ဖို့ တရားဥပဒေစိုးမိုးရေးနဲ့ ဒေသတွင်းပူးပေါင်း ဆောင်ရွက်ရေးအတွက် ပိုမို ခိုင်မာအောင် လုပ်ဖို့လိုနေတယ်လို့ ကုလသမဂ္ဂ မူးယစ် ဆေးဝါးနဲ့ ရာဇဝတ်မှု တိုက်ဖျက်ရေးအဖွဲ့ UNODC က ပြောပါတယ်။

ထိုင်းနိုင်ငံအနောက်ပိုင်းက ဘုန်းကြီးကျောင်းတကျောင်းကို ဝင်ရောက်စီးနင်း ရှာဖွေ ရာမှာ ကျားခန္ဓာကိုယ် အစိတ်အပိုင်းတွေ တွေ့ခဲ့ရပြီးနောက် ပိုင်း ထိုင်းအစိုးရက စုံစမ်းစစ်ဆေးမှုတွေ တိုးလုပ်လာချိန်မှာ အခုလို ကုလသမဂ္ဂက ပန်ကြားလိုက်တာပါ။

ထိုင်းနိုင်ငံဟာ သူ့နိုင်ငံက အင်ဒိုချိုင်းနားကျားမျိုးတွေကို တရားမဝင် သတ်ဖြတ် ခိုးထုတ်တာကအစ ရပ်ဝေး ဒေသဖြစ်တဲ့ အာဖရိက-က ကျားတွေအထိ တောရိုင်း တိရစ္ဆာန်တွေ မှောင်ခိုရောင်းဝယ်မှုအတွက် အချိန်အတော်ကြာ ကတည်းက အဓိကကြားခံနိုင်ငံတနိုင်ငံအဖြစ် ရှိနေတာပါ။

ကျားမျိုးစိတ်တွေကို စီးပွားဖြစ်မမွေးမြူဖို့ CITES လို့ခေါ်တဲ့ နိုင်ငံတကာ သဘာဝတော ရိုင်း တိရစ္ဆာန်တွေနဲ့ အပင်မျိုးစိတ်တွေ ကူးသန်းရောင်းဝယ်မှုဆိုင်ရာ သဘောတူညီ ချက်ကို ထိုင်းနိုင်ငံက ၂၀၀၇ ခုနှစ်ကတည်းက လက်မှတ်ရေး ထိုးခဲ့ပါတယ်။ ဒါပေမယ့် ထိုင်းနိုင်ငံမှာ ၂၀၀၇ ခုနှစ်က သဘာဝတောရိုင်းထဲမှာ ကျက်စားတာ မဟုတ်တဲ့ ကျားကောင်ရေ ၆၆၀ ပဲရှိရာကနေ ၂၀၁၆ မှာတော့ ၁,၅၀၀ အထိ တိုးလာခဲ့တာပါ။

ထိုင်းနိုင်ငံနဲ့ အတူ လာအို၊ ဗီယက်နမ်နဲ့ တရုတ်တို့ကလည်း သူတို့ရဲ့ CITES သဘောတူညီချက်အရ သတ်မှတ်ထားတာကို မလိုက်နာဘူးလို့ WFF သဘာဝတော ရိုင်း စောင့်ရှောက်ရေး အဖွဲ့ကပြောပါတယ်။

 ဗွီအိုအေ (မြန်မာဌာန)
http://burmese.voanews.com



စင်္ကာပူလေကြောင်းလိုင်း (SIA) မှ လေယာဉ်အမှတ် SQ368 သည် ယနေ့ ၂၇.၆.၂၀၁၆ တနင်္ဂလာနေ့ နံနက် ၆နာရီ ၅၀ မိနစ်ခန့်က ချန်ဂီလေဆိပ်သို့ အရေးပေါ်ဆင်းသတ်မှု ပြုလုပ်စဉ်မှာ လေယာဉ်၏ ညာဘက်အင်ဂျင်မီးလောင်မှု ဖြစ်ပွားခဲ့ပါတယ်။ လေယာဉ်ကွင်းရှိ အရေးပေါ်မီးသတ်ဌာနမှ တာဝန်ရှိသူများက အဆိုပါမီးလောင်မှုကို ထိမ်းချုပ်နိုင်ခဲ့ပြီး လေယာဉ်ပေါ်ပါ ခရီးသည် ၂၂၂ ဦးနှင့် လေယာဉ်ဝန်ထမ်း ၁၉ ယောက် တို့ တစ်ဦးတစ်ယောက်မှ ဒဏ်ရာ အနာတရ မရရှိခဲ့ဘူးလို့ သိရပါတယ်။




ဖြစ်စဉ်မှာ လေယာဉ်အမှတ် SQ368 သည် စင်္ကာပူနိုင်ငံချန်ဂီလေဆိပ်မှ အီတလီနိုင်ငံ မီလန်မြို့ သို့ ၂၇.၆.၂၀၁၆ တနင်္ဂလာနေ့နံနက် ၂နာရီ ၅ မိနစ်က ပျံသန်းထွက်ခွာသွားခဲ့ပါတယ်။ အချိန် ၂ နာရီခွဲခန့်အကြာ မောင်းနှင်ပြီးနောက် လေယာဉ်မှ လေယာဉ်ဆီများ စိမ့်ထွက်နေခဲ့တဲ့အတွက် ချန်ဂီသို့ ပြန်လှည့်လာခဲ့ရပြီး အရေးပေါ် ဆင်းသက်စဉ်မှာ ယခုလို မီးလောင်မှု ဖြစ်ပွားသွားခဲ့ကြောင်း လေယာဉ်ပေါ်တွင်လိုက်ပါစီးနှင်းခဲ့သော ခရီးသွားတစ်ဦး၏ ပြောကြားချက်အရ သိရပါတယ်။

Ref: CNA
စလုံး Page

www.facebook.com/SaloneCollection



ဗြိတိန်ရဲ့ အဆုံးအဖြတ်ဟာ ကမ္ဘာ့ စီးပွားရေး အပေါ် အကြီးအကျယ် ရိုက်ခတ် ။
ဥရောပ သမဂ္ဂ အဖွဲ့ အီးယူထဲက ဗြိတိန် နှုတ်ထွက်ဖို့ ဆုံးဖြတ် ခဲ့အပြီး နောက်ဆက်တွဲ ဖြစ်ပေါ် လာတဲ့ စီးပွားရေး မတည်ငြိမ်မှုတွေ အတွက် စိုးရိမ်ကြောင်း တရုတ်၊ ဂျပန် နဲ့ တောင်ကိုရီးယား တို့လို အာရှက စီးပွားရေး အင်အားကြီး နိုင်ငံတွေက ထုတ်ဖော် ပြောဆို လာပါတယ်။

ဗြိတိန်ရဲ့ အဆုံးအဖြတ်ဟာ ကမ္ဘာ့ စီးပွားရေး အပေါ် အကြီးအကျယ် ရိုက်ခတ် လာစေတယ် လို့ တရုတ် ဘဏ္ဍာရေး ဝန်ကြီး လောင်ကျိဝေ က ပြောပါတယ်။

ဂျပန်က အာဏာရ ပါတီ ဖြစ်တဲ့ လစ်ဘရယ် ဒီမိုကရက်တစ် ပါတီကလည်း အခုလို ဘဏ္ဍာရေး ဈေးကွက် တွေထဲ အတော်လေး လှုပ်လှုပ်ရှားရှား ဖြစ်ပေါ် လာမယ့် အရေးကို တုံ့ပြန် ကိုင်တွယ်ဖို့ အတွက် ဂျပန် အနေနဲ့ ကြိုတင် ပြင်ဆင် ထားသင့်တယ်လို့ ဆိုပါတယ်။

ဗြိတိန် အီးယူထဲက နှုတ်ထွက် တာဟာ ကမ္ဘာ့ စီးပွားရေးကို ပြောင်းလဲ သွားစေ နိုင်တယ် ဆိုပြီး တောင်ကိုရီးယားကလည်း ဆိုပါတယ်။

ဒီကနေ့ တနင်္လာနေ့ အာရှ အရှေ့ဖျား ဒေသရဲ့ ဈေးကွက်တွေ အဖွင့်မှာ တွေ့ကြုံ လာရနိုင်တဲ့ ဈေးကွက် မတည်ငြိမ်မှု တွေကို တုံ့ပြန် ကိုင်တွယ်နိုင်ဖို့ အတွက် အဲဒီ ၃ နိုင်ငံစလုံး ပြင်ဆင် နေကြပါတယ်။

ယူကေ ဘဏ္ဍာရေး ဝန်ကြီး ဂျော့ခ်ျ အော့စ်ဘွန်း ကတော့ ဒီနေ့ တနင်္လာနေ့ အရောင်းအဝယ် ဈေးကွက်တွေ ပြန်ဖွင့်တာ အမှီ အာမခံချက် တွေ ပေးနိုင်ဖို့ ကြိုးစား နေတယ်လို့ ဆိုပါတယ်။

ဗြိတိန်ရဲ့ စီးပွားရေးကို အကာအကွယ်ပြု နိုင်ဖို့ လိုအပ်တဲ့ ဆောင်ရွက်မှုတွေ ပြုလုပ် နေတယ် ဆိုပြီး ဘဏ္ဍာရေး ဌာနရဲ့ ပြောခွင့်ရ ပုဂ္ဂိုလ်က ဆိုပေမယ့် အသေးစိတ် အချက်အလက်တွေ ကိုတော့ မထုတ်ပြန် ပါဘူး။

ရှယ်ယာ တန်ဖိုးတွေ ဆက်လက် ကျဆင်းပြီး အခြေအနေဟာ စိုးရိမ် အမှတ် ရောက်လာ မလား ဆိုပြီး ကုန်သွယ်ရေး သမားတွေကတော့ ရင်တထိတ်နဲ့ စောင့်ကြည့် နေကြပါတယ်။

BBC Burmese
http://www.bbc.com/burmese



နိုင်ဂျီးရီးယားတွင် စစ်သွေးကြွများ ဖမ်းဆီးထားသည့် ပြန်ပေးဆွဲခံရသူများအား တွေ့ရစဉ် (ဓာတ်ပုံ- အင်တာနက်)
    ကန်ဘာရာ၊ ဇွန် ၂၇ ရက် (ဆင်ဟွာ)

    နိုင်ဂျီးရီးယားနိုင်ငံ တောင်ပိုင်းတွင် လွန်ခဲ့သော ရက်သတ္တပတ်က ချုံခိုတိုက်ခိုက်မှု တစ်ခု ဖြစ်ပွားပြီးနောက် သြစတြေးလျ နိုင်ငံသား ၃ ဦး အပါအဝင် အမျိုးသား ၇ ဦးအား စစ်သွေးကြွများက ပြန်ပေးဆွဲခဲ့ပြီးနောက် ပြန်လည် လွတ်မြောက်လာခဲ့ကြောင်း သြစတြေးလျ နိုင်ငံခြားရေး ဝန်ကြီး ဂျူလီ ဘစ်ရှော့ပ်က ဇွန်လ ၂၇ ရက်က ပြောသည်။

သြစတြေးလျ သတ္တု ကုမ္ပဏီ တစ်ခုဖြစ်သော Macmahon Holdings က ဇွန်လ ၂၆ ရက်နှောင်းပိုင်းက အသေးစိတ် ထုတ်ပြန်လိုက်သည့် ကြေညာချက်၌ ၎င်းတို့၏ အလုပ်သမား ၇ ဦးသည် တစ်ပတ်ကြာ ဖမ်းဆီးခံရပြီး နောက် လွတ်မြောက်လာခဲ့ပြီ ဖြစ်ကြောင်း အသေးစိတ် ထုတ်ပြန်ထားသည်။

ယင်း အလုပ်သမားများ ဘေးကင်းစွာ လွတ်မြောက်ရေးအတွက် သြစတြေးလျနှင့် နိုင်ဂျီးရီးယား နှစ်နိုင်ငံ အစိုးရ များက ကြိုးပမ်း အားထုတ်ခဲ့ပြီး သြစတြေးလျ အစိုးရအနေဖြင့် ပြန်ပေးသမားများအား ပြန်ပေးငွေ ပေးအပ်ခဲ့ခြင်း မရှိခဲ့ကြောင်း ဘစ်ရှော့က အတည်ပြု ပြောကြားခဲ့သည်။

ပြန်လည် လွတ်မြောက်လာသူ အားလုံးမှာ ကောင်းမွန်လျက် ရှိကြောင်း၊ ကျန်းမာရေး စစ်ဆေးမှုများ လုပ်ဆောင် နေဆဲ ဖြစ်ကြောင်း၊ အားလုံးအတွက် စိတ်ဒဏ်ရာ သိသိသာသာ ရရှိခဲ့ကြောင်းနှင့် ၎င်းတို့အားလုံး မိသားစုထံ ပြန်ရောက်သွားပြီ ဖြစ်ကြောင်း ဘစ်ရှော့ပ်က Macquarie ရေဒီယိုသို့ ပြောကြားခဲ့သည်။

Macmahon Holdings ၏ အမှုဆောင် အရာရှိချုပ် Sy van Dyk က လွတ်မြောက်လာသူများအနက် ၂ ဦးမှာ အပြင်းအထန် ဒဏ်ရာ ရရှိခဲ့ကြောင်း၊ ကျန်းမာရေးနှင့် အခြား ထောက်ပံ့ရေး အဖွဲ့လည်း ပံ့ပိုးပေးထားကြောင်း ဇွန်လ ၂၆ ရက် ညနေပိုင်းက ပြောကြားခဲ့သည်။

ပြန်ပေး ဆွဲခံရသူများတွင် သြစတြေးလျ ၃ ဦး၊ နယူးဇီလန် ၁ ဦး၊ တောင်အာဖရိက ၁ ဦးနှင့် နိုင်ဂျီးရီးယားမှ ၂ ဦး ပါဝင်ကြောင်း ဒေသဆိုင်ရာ ရဲတပ်ဖွဲ့ထံမှ သိရသည်။

(Xinhua)
http://www.xinhuamyanmar.com



င်္Fallujah မြို့ကို သိမ်းပိုက်ပြီးကြောင်း ကြေညာအပြီး အီရတ်စစ်သားတွေက နိုင်ငံတော်အလံကို သယ်ဆောင်လာစဉ်။ (ဇွန် ၂၆၊ ၂၀၁၆)

အီရတ်နိုင်ငံမှာ အိုင်အက်စ် စစ်သွေးကြွတွေ သိမ်းပိုက်ထားတဲ့ Fallujah မြို့ကို တလကြာစစ်ဆင်ရေးတွေ လုပ်ပြီးတဲ့နောက် လုံးဝ ပြန်လည်သိမ်းပိုက်နိုင်ပြီလို့ အီရတ်ဒုဗိုလ်ချုပ်ကြီး Abdul-Wahab al-Saadi က တနင်္ဂနွေနေ့မှာ ပြောကြားလိုက်ပါတယ်။

IS စစ်သွေးကြွတွေ ထိန်းချုပ်ထားရာ နောက်ဆုံးနေရာဖြစ်တဲ့ Julan ရပ်ကွက်ကို အီရတ်တပ်တွေက ပြန်သိမ်းယူနိုင်ခဲ့တဲ့နောက် အခု Fallujah ဟာ IS လက်က လုံးဝလွတ်မြောက်သွားပြီ ဖြစ်ကြောင်း ဒုဗိုလ်ချုပ်ကြီးက ပြောပါတယ်။

မြို့ထဲမှာတော့ အပျက်အစီးက အတော်ကြီးများပါတယ်။ အမေရိကန်ဦးဆောင်တဲ့ မဟာမိတ်တွေရဲ့ လေကြောင်းအကူအညီတွေအပြင် ရှီယာလက်နက်ကိုင်တပ်ဖွဲ့တွေရဲ့ ပံ့ပိုးမှုနဲ့ ဒီသီတင်းပတ်တွေအတွင်းမှာပဲ အီရတ်တပ်တွေက IS အစွန်းရောက်တွေကို ပြင်းပြင်းထန်ထန် တိုက်ခိုက်ခဲ့တာပါ။ Fallujah တိုက်ပွဲအတွင်း ၂ ဘက် သေဆုံးဒဏ်ရာရသူ ဘယ်နှစ်ယောက် ရှိတယ်ဆိုတာ သေသေချာချာ မသိရသေးပါဘူး။

ပြင်းထန်တဲ့ တိုက်ပွဲရန်က လွတ်အောင် မြို့နေလူထု ရှစ်သောင်းခွဲလောက် မြို့ပြင်နဲ့ ဝန်းကျင်ဒေသတွေကို ထွက်ပြေးခဲ့ကြတာမို့ လူသားချင်း စာနာမှုကူညီရေးအဖွဲ့တွေနဲ့ အီရတ်အစိုးရက သူတို့ကိုကူညီဖို့ ကြိုးစားနေ ပါတယ်။ ထွက်ပြေးကြသူအများစုဟာ ခိုလှုံစရာ နေရာကောင်းကောင်းမရှိဘဲ အပူချိန် ၄၅ ဒီဂရီနဲ့ အထက် ပူပြင်းတဲ့ အီရတ်နွေရာသီဒဏ်အပြင် သဲမုန်တိုင်းဒဏ်ကိုပါ ခံနေကြရတာပါ။

ဒီဒုက္ခသည်တွေမှာ သောက်သုံးရေ ပြတ်လပ်ပြီး အညစ်အကြေးစွန့်စရာ နေရာကောင်းကောင်းမရှိတဲ့အပြင် လူတွေကလည်း ပြည့်ကြပ်နေတာမို့ ဒါကို အချိန်မီ မဖြေရှင်းနိုင်ရင် မကြာခင်မှာပဲ ရောဂါပြန့်ပွါးမှုတွေ ရှိလာနိုင်တယ်လို့ အဲဒီဒေသက ကျန်းမာရေး တာဝန်ခံက ပြောပါတယ်။

  ဗွီအိုအေ (မြန်မာဌာန)
http://burmese.voanews.com



EU ထဲ UK ဆက်နေဖို့ အတိုက်အခံ လေဘာပါတီက လိုလား
EU ဥရောပ သမဂ္ဂထဲကနေ ဗြိတိန်နိုင်ငံ နှုတ်ထွက်ဖို့ ဆုံးဖြတ်ခဲ့အပြီး ထွက်ပေါ်လာတဲ့ သဘောကွဲလွဲမှုတွေ ကြောင့် UK နိုင်ငံရေး လောကမှာ ကသောင်းကနင်း ပြဿနာတွေ ပေါ်နေပါတယ်။

EUထဲမှာ ဗြိတိန်နိုင်ငံ ဆက်နေဖို့ လိုလား ထောက်ခံခဲ့တဲ့ အတိုက်အခံ လေဘာ ပါတီခေါင်းဆောင် Jeremy Corbyn ဟာ EUထဲမှာ ဗြိတိန်နိုင်ငံ ဆက်နေဖို့ မဲဆွယ်စည်းရုံးမှုတွေကို စိတ်မပါ့တပါ လုပ်ခဲ့တယ် ဆိုတဲ့ ဝေဖန်မှုတွေနဲ့ ရင်ဆိုင်နေရပါတယ်။

တခါ မစ္စတာ Corbyn ကို ပါတီ ခေါင်းဆောင်အဖြစ်ကနေ ဆင်းပေးဖို့ တောင်းဆိုခဲ့သူ လေဘာ နိုင်ငံခြားရေး ဝန်ကြီး Hilary Benn ရာထူးကနေ အထုတ်ခံလိုက်ရပါတယ်။

အခုလောလောဆယ် လေဘာပါတီတွင်းက ဝန်ကြီး ၇ယောက်လောက် ရာထူးကနေ နှုတ်ထွက်သွားကြပြီ ဖြစ်ပြီး နောက်ထပ် ထပ်ထွက်ကြအုံးမယ့်ပုံ ရှိနေပါတယ်။

မစ္စတာ Corbyn ကို ထောက်ခံသူ ပါတီဝင်တွေကတော့ မစ္စတာ Corbyn ပါတီခေါင်းဆောင်အဖြစ်ကနေ နှုတ်ထွက်မှာ မဟုတ်ပဲ ပါတီဝင် အများစုရဲ့ တခဲနက် ထောက်ခံအားပေးမှုကို ရထားတယ်လို့ ပြောနေကြပါတယ်။

ဒီအတောအတွင်းမှာပဲ စကော့တလန် အစိုးရအဖွဲ့ အကြီးအကဲ Nicola Sturgeon က အီးယူ ဥရောပ သမဂ္ဂ ထဲကနေ ဗြိတိန်နိုင်ငံ နှုတ်ထွက်တာကို စကော့တလန် ပါလီမန်က ဗီတို အာဏာသုံးပြီး ကန့်ကွက်နိုင်တယ်လို့ ပြောပါတယ်။

အီးယူထဲမှာ UK ဆက်နေဖို့ကို စကော့တလန် ပြည်နယ် တခုလုံးက တခဲနက် ထောက်ခံမဲ ပေးခဲ့ကြတာ ဖြစ်ပြီး အီးယူထဲကနေ UK နှုတ်ထွက်လိုက်တဲ့အတွက် ဖြစ်ပေါ်လာမယ့် နောက်ဆက်တွဲ အကျိုးဆက်တွေကြောင့် စကော့တလန် ပြည်သူတွေ ထိခိုက်နစ်နာမယ့် အရေးကနေ သူအကာအကွယ်ပေးလိုတယ်လို့လည်း မစ္စစ် Sturgeon က ပြောပါတယ်။

ဒါ့အပြင် စကော့တလန်ကို UK နိုင်ငံထဲကနေ နှုတ်ထွက်ရေးနဲ့ ပတ်သက်လို့ ဒုတိယအကြိမ် လူထု ဆန္ဒခံယူပွဲ ကျင်းပကောင်း ကျင်းပဖို့ ကိုလည်း မစ္စစ် Sturgeon က ပြောထားပြီး ဖြစ်ပါတယ်။

တခါ အခုလို EU ထဲကနေ ဗြိတိန်နိုင်ငံ နှုတ်ထွက်ဖို့ ဆုံးဖြတ်ချက်ကြောင့် ကမ္ဘာ့ စီးပွားရေးစနစ် အချိန်အတော်ကြာ ကံဆိုးမိုးမှောင် ကျလိမ့်မယ်လို့ တရုတ်အစိုးရက ပြောပါတယ်။

တရုတ် ဘဏ္ဍာရေး ဝန်ကြီး လူ ဂျီဝေ က နောက်ဆက်တွဲ ဘယ်လို အကျိုးဆက်တွေ ဖြစ်လာမလဲ ဆိုတာကို ခန့်မှန်း ပြောဖို့ ခက်လှကြောင်း ဒါပေမယ့် ၁၀နှစ်လောက်တော့ အခြေအနေ ကောင်းမှာ မဟုတ်ဘူးလို့ ယူဆကြောင်း ပြောပါတယ်။

ဒါပေမယ့်လည်း EUထဲကနေ ဗြိတိန်နိုင်ငံ ထွက်ပြီးပြီးချင်းမှာ ငွေကြေးဈေးကွက်တွေအနေနဲ့ လိုတာထက် ပိုပြီး လှုပ်လှုပ်ခတ်ခတ် ဖြစ်ခဲ့ကြတယ်လို့ သူက ဆိုပါတယ်။

ဒီဖြစ်ရပ်ရဲ့ ဂယက်ရိုက်မှုအပေါ် အပြုသဘော မသုံးသပ်နိုင်ခင်မှာ ငွေကြေးဈေးကွက်တွေအနေနဲ့ တည်တည်ငြိမ်ငြိမ် ရှိဖို့ လိုတယ်လို့ တရုတ် ဘဏ္ဍာရေး ဝန်ကြီး လူ ဂျီဝေ က ပြောသွားပါတယ်။

BBC Burmese
http://www.bbc.com/burmese