07/01/16

န၀တလက်ထက်က အကြောင်းအမျိုးမျိုးကြောင့် ပိတ်သိမ်းခဲ့သည့် အင်းစိန် (GTI) ကျောင်းကြီးကို မူလအတိုင်း ပြန်လည်ဖွင့်လှစ်သွားမည်ဖြစ်ကြောင်း ပညာရေးဝန်ကြီးဌာန၊ မြန်မာနိုင်ငံပညာရေးသုတေသန ညွှန်ကြား ရေးမှူးချုပ်ဒေါက်တာခိုင်မြဲက News Watch ဂျာနယ်သို့ ဇွန်လ ၃၀ ရက်တွင် ပြောသည်။

''ဒီကျောင်းကို နည်းပညာနဲ့ အသက်မွေးဝမ်းကျောင်းပညာတွေနဲ့ဆိုင်တဲ့ ပညာသင်ကျောင်းအဖြစ် တည်ထောင်ဖို့ ရည်ရွယ်ထားပါတယ်။ နဂိုအနှစ်သာရ အတိုင်းပါပဲ။ မြန်မာနိုင်ငံမှာက နည်းပညာနဲ့ အသက်မွေးဝမ်းကျောင်းပညာကဏ္ဍတွေ တော်တော်ကိုနည်းနေတယ်။ တနိုင်ငံလုံးမှာ ၅ ရာခိုင်နှုန်း လောက်ပဲရှိတယ်။ နိုင်ငံရဲ့အခြေအနေအရ ကျွမ်းကျင်လုပ်သားမရှိဘူး။ ကျွမ်းကျင်လုပ်သားမရှိဘူးဆိုတာထက် ကျွမ်းကျင်အသိအမှတ်ပြုလက်မှတ်မရှိဘူး။ ဒါကြောင့် အသက်မွေး ၀မ်းကျောင်းဆိုင်ရာ ပညာဘက်ကို ဦးစား ပေးလုပ်ရမယ်ပေါ့။ အဲဒါကတော့ သေချာပါတယ်''ဟု ၎င်းက ပြောသည်။

အင်းစိန်(GTI) ကျောင်းကြီးကို မူလအတိုင်းပြန်လည်ဖွင့်လှစ်နိုင်ရေးအတွက် ဂျပန်၊ တောင်ကိုရီးယား၊ ဂျာမနီ စသည့် နိုင်ငံများနှင့်ဆွေးနွေးနေပြီး အဆိုပါနိုင်ငံများမှ ငွေကြေး၊ သင်တန်းဆရာ၊ စက်ပစ္စည်းများစသည့် ကူညီမှု အပေါ် မူတည်ကာ ပညာရေးဖွံ့ဖြိုးရေးအတွက် ပေါင်းစပ်ကာ အဆင်ပြေနိုင်မည့်ကာလတွင် ဖွင့်လှစ် မည် ဖြစ်ကြောင်း ဒေါက်တာခိုင်မြဲက ပြောသည်။

အစိုးရသစ်လက်ထက်တွင် ပညာရေးဝန်ကြီးဌာန၊ ပြည်ထောင်စုဝန်ကြီးက အင်းစိန်(GTI) ကျောင်း၏ မြေဧက ၄၁ ဒသမ ၉၉၇ ဧကနှင့် ယင်းမြေပေါ်ရှိ အဆောက်အဦများကို ရန်ကုန်တိုင်းဒေသကြီးအစိုးရအဖွဲ့နှင့် ရန်ကုန်မြို့တော်စည်ပင်သာယာရေးကော်မတီလက်အောက်မှ ပညာရေးဝန်ကြီးဌာသို့ အဆင့်လိုက် ပြန်လည် လွှဲပြောင်းပေးရန် နိုင်ငံတော်သမ္မတရုံးထံ တင်ပြတောင်းဆိုခဲ့ကြောင်း သိရသည်။ လက်ရှိအချိန်တွင် ကျောင်းဖွင့်ရန်အတွက် လိုအပ်သည့်အဆောက်အအုံပိုင်းဆိုင်ရာနှင့် မြေနေရာရရှိထားပြီ YCDC မှ နှစ်ရှည်ငှားရမ်းထားသည့် မြေနေရာများသာကျန်ရှိနေကြောင်း ဒေါက်တာခိုင်မြဲက ပြောသည်။ ယင်းအပြင် အင်းစိန်(GTI) ကျောင်းဝန်းမြေနေရာကို ပညာရေးဝန်ကြီးဌာနသို့ လွှဲပြောင်းပေးရန် စီစဉ်နေသည်ဟုလည်း YCDC စီမံရေးရာဌာနမှ တာဝန်ရှိသူတဦးက ပြောသည်။

''အင်းစိန်ဂျီတီအိုင်ဟောင်းနေရာကို ပညာရေးအတွက်ပဲ ပြန်ပြီးအသုံးချဖို့အတွက် စည်ပင်ကနေ ပညာရေး ၀န်ကြီးဌာနကို ပြန်ပြီးလွှဲပြောင်းပေးတာကိုတော့ ကျွန်တော်တို့ ကျောင်းသူ/သားဟောင်းတွေ အားလုံးက ၀မ်းသာအားရ ဖြစ်နေကြတာပါ။ ကျောင်းသားဟောင်းတွေရဲ့ သဘောဆန္ဒကတော့ တကယ်အရည် အချင်းရှိတဲ့ အင်ဂျင်နီယာနည်းပညာရှင်တွေ မွေးထုတ်ပေးနိုင်မယ့် သင်တန်းတွေဖွင့်နိုင်ရင် ပိုပြီးသဘောကျ ပါတယ်''ဟု ဂျီတီအိုင်ကျောင်းသားဟောင်းတဦးဖြစ်သူ ဦးမြင့်ကြူက ပြောသည်။

အင်းစိန်(GTI)ကို ၁၈၉၅ ခုနှစ်မှစတင်ကာ စက်မှုလက်မှုကျောင်းအဖြစ် ရန်ကုန်မြို့တွင် စတင်ဖွင့်လှစ်ခဲ့ပြီး ၂၀၁၅ ခုနှစ် ဒီဇင်ဘာလ ၁၂ ရက်၌ သက်တမ်း ၁၂၀ နှစ်ပြည့်ခဲ့သည်။

လင်းလင်းအောင်

News Watch(စောင့်ကြည့်သတင်းဂျာနယ်)


8888museum-meeting-620.jpg
နေပြည်တော်မှာ သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး သူရဦးအောင်ကိုနဲ့ ရှစ်လေးလုံး သမိုင်းပြတိုက် ဖြစ်မြောက်ရေးကော်မတီတို့ ဇူလိုင်လ ၁ ရက်နေ့က တွေ့ဆုံစဉ်
Photo: Ant Bwe Kyaw (Facebook)

၈ အရေးတော်ပုံ အထိမ်းအမှတ်အဖြစ် ၈ လေးလုံး သမိုင်းပြတိုက် တရားဝင်ဖြစ်မြောက်ရေးအတွက် သာသနာရေးနှင့် ယဉ်ကျေးမှုဝန်ကြီးဌာန ပြည်ထောင်စုဝန်ကြီး သူရဦးအောင်ကိုနဲ့ သဘောတူညီမှုရခဲ့တယ်လို့ ရှစ်လေးလုံးသမိုင်းပြတိုက် ဖြစ်မြောက်ရေးကော်မတီက ပြောပါတယ်။

ရှစ်လေးလုံးသမိုင်းပြတိုက်ဟာ ခမ်းခမ်းနားနား ရှိသင့်တဲ့အတွက် ဝန်ကြီးက သဘောတူလက်ခံလိုက် တာဖြစ်တယ်လို့ ရှစ်လေးလုံးသမိုင်းပြတိုက် ဖြစ်မြောက်ရေးကော်မတီဝင် ဦးဂျင်မီ က ပြောပါတယ်။

"ဝန်ကြီးဘက်ကလည်း သဘောတူပါတယ်၊ ရှစ်လေးလုံးဟာ တကယ်တော့ နှစ်ပေါင်းများစွာ ဖျောက်ဖျက် ခံဖို့အတွက် ကြိုးစားခံခဲ့ရတာပေါ့၊ အခုကတော့ ဒီသမိုင်းဟာ အင်မတန်ကြီးမားတဲ့သမိုင်းဖြစ်တယ်ဆိုတာ ဘယ်သူမှဖျောက်ဖျက်လို့မရဘူး၊ တစ်ချိန်မှာ ဒီသမိုင်းအမှန်ဟာ ခမ်းခမ်းနားနားကြီး ရှိရမယ်ဆိုတာကို လည်း ဝန်ကြီးဘက်ကလည်း သဘောတူပါတယ်၊ ဒီအတွက် ကျနော်တို့ ဝန်ကြီးဘက်ကရော၊ ကျနော်တို့ ရှစ်လေးလုံးပြတိုက် ကော်မတီဘက်ကရော သမိုင်းဝင်ပြတိုက်တစ်ခုပေါ့၊ နိုင်ငံတော်အဆင့် ပြတိုက်ကြီး တစ်ခု ပေါ်လာအောင် ကြိုးစားကြမယ်ဆိုတာကိုတော့ ကျနော်တို့ နှစ်ဘက်ကြားမှာ သဘောတူညီ ကြပါတယ်"

ရှစ်လေးလုံးသမိုင်းပြတိုက် တရားဝင်ဖြစ်မြောက်လာဖို့အတွက် အစိုးရဘက်က လိုအပ်တဲ့ အကူအညီတွေနဲ့ ရှစ်လေးလုံး သမိုင်းအမှန်တွေ ဖော်ထုတ်ရေး၊ ပြုစုရေးကိစ္စတွေကို ဝန်ကြီးသူရဦးအောင်ကို ကို တင်ပြခဲ့ တာဖြစ်တယ်လို့ ပြောပါတယ်။

အခုလို သဘောတူညီမှုရရှိပြီးနောက်မှာ အစိုးရပြတိုက်မဟုတ်ဘဲအခြား ပြတိုက်တည်ထောင်ခွင့် ဥပဒေတစ်ခု ထွက်ပေါ်လာဖို့ သာသနာရေးနဲ့ ယဉ်ကျေးမှုဝန်ကြီးဌာနက ကြိုစားနေတာဖြစ်ပြီး၊ ဥပဒေထွက်လာပါက အစိုးရနဲ့ ပူးပေါင်းပြီး သမိုင်းဝင်ပြတိုက်ဖြစ်အောင် ကြိုးပမ်းသွားမှာဖြစ်မယ်လို့လည်း ပြောပါတယ်။

ရှစ်လေးလုံး သမိုင်းယာယီပြတိုက်ကို ၂ဝ၁၅ ခုနှစ် သြဂုတ်လ ၈ ရက်နေ့မှာ ရန်ကုန်မြို့ သင်္ဃန်းကျွန်းမြို့နယ် သုမင်္ဂလာလမ်း၊ ကျိုက္ကစံအနောက်ရပ်ကွက်မှာ ဖွင့်လှစ်ထားတာ ဖြစ်ပါတယ်။
RFA

 gambira-nyinyilwin-620.jpg အကျဉ်းထောင်ကနေ ပြန်လည်လွတ်လာတဲ့ အရှင်ဂမ္ဘီရ ကို ဇူလိုင်လ ၁ ရက်နေ့က တွေ့ရစဉ်
Photo: Htet Arkar/RFA

၂၀၁၂ ခုနှစ်က အမှုဟောင်း ၃ ခုနဲ့ တရားစွဲဆိုခံထားရတဲ့ အရှင်ဂမ္ဘီရ ခေါ် ကိုညီညီလွင် ကို ဗဟန်းမြို့နယ် တရားရုံးနဲ့ သံလျင်မြို့နယ်တရားရုံးတို့က အမှုအားလုံးရုပ်သိမ်းပြီး ဒီကနေ့ ပြန်လွှတ်ပေးလိုက်ပါတယ်။

မြန်မာနိုင်ငံရဲတပ်ဖွဲ့က အမှုတွေကို ဆက်စွဲဖို့ ဆန္ဒမရှိတော့တာကြောင့် ပြန်လွတ်လာရတာဖြစ်တယ်လို့ အရှင်ဂမ္ဘီရ က ပြောပါတယ်။

"မနေ့ညကသူတို့ ဗဟန်းအထွေထွေအုပ်ချုပ်ရေးဦးစီးဌာနရဲ့ အစည်းအဝေးပွဲဆုံးဖြတ်ချက်အရ အမှုတွေ ကိုကျေအေးရုပ်သိမ်းကြောင်းဆိုပြီး ပြောပြီးတော့ အမှုတွေကိုရုပ်သိမ်းသွားတယ်၊ အဲ့ဒါပြီးတော့ ၉ နာရီ ၁ဝ မိနစ်မှာ ကျနော့်ကို သန်လျင်တရားရုံးကို ဆက်ခေါ်သွားတယ်၊ သန်လျင်တရားရုံးကို ရောက်တော့လည်းပဲ အဲ့လိုပဲ ရဲတပ်ဖွဲ့က အမှုတွေဆက်ပြီးတော့ မစွဲချင်တဲ့ဆန္ဒရှိတော့ အမှုတွေကိုကျေအေးတယ်၊ အမှုတွေကို ရုပ်သိမ်းတယ်ဆိုပြီးတော့ ဆက်ပြီးတော့ပိတ်သွားပြန်ရော၊ အဲ့လို့ ကျနော်လွတ်လာတာပါ"

ထောင်ကလွတ်လွတ်ခြင်း မြန်မာနိုင်ငံကို ရောက်ရှိနေတဲ့ ကုလသမဂ္ဂ လူ့အခွင့်အရေး ကိုယ်စားလှယ် မစ္စ ယန်ဟီးလီနဲ့ ရန်ကုန်မြို့ ချယ်ထရီယံဟိုတယ်မှာ တွေ့ဆုံပြီး ကျန်းမာရေးအခြေအနေနဲ့ ထောင်ထဲမှာကြုံတွေ့ခဲ့ရတဲ့ အခြေအနေတွေကို ဆွေးနွေးခဲ့တယ် လို့ အရှင်ဂမ္ဘီရက ပြောပါတယ်။

လက်ရှိအချိန်မှာ ကျန်းမာရေးစစ်ဆေးမှုတွေနဲ့ ဆေးဝါးကုသတာတွေ လုပ်ဆောင်သွားမှာဖြစ်ပေမယ့် နောက်ပိုင်း မှာတော့ နိုင်ငံရေးပြန်လုပ်သွားမယ်လို့လည်း ပြောပါတယ်။

၂၀၀၇ ရွှေဝါရောင် သံဃာ့အရေးအခင်းမှာ ခေါင်းဆောင်ပါဝင်ခဲ့တဲ့ အရှင်ဂမ္ဘီရ ခေါ် ဦးညီညီလွင် ဟာ တရားမဝင် နယ်စပ်ဖြတ်ကျော်မှုနဲ့ ပြီးခဲ့တဲ့နှစ် ဧပြီလက မန္တလေးမြို့မှာ တရားစွဲခံရကာထောင် ၆လ ကျခဲ့တာဖြစ်ပါတယ်။

ထောင်က ပြန်လွတ်ခါနီး ၄ ရက်အလိုမှာတော့ ၂၀၁၂ ကအမှုဟောင်းသုံးမှုနဲ့ ဗဟန်းမြို့နယ်၊ သင်္ဃန်းကျွန်းမြို့နယ် နဲ့ သံလျင်မြို့နယ်တရားရုံးတွေက တရားပြန်စွဲခဲ့တာဖြစ်ပြီး အခု အမှုအားလုံးကနေ ပြန်လွှတ်ပေးလိုက်တာ လည်းဖြစ်ပါတယ်။

RFA

 bangali-620.jpeg ရခိုင်ပြည်နယ် စစ်တွေမြို့မှာ အစိုးရရဲ့ အသုံးအနှုန်းသစ်ကို ကန့်ကွက်တဲ့အနေနဲ့ စာရွက်ကပ်တဲ့လှုပ်ရှားမှု ပြုလုပ်စဉ်
Photo: Min Thein Aung/RFA

ရခိုင်ပြည်နယ်က မွတ်စလင်တွေကို "ဘင်္ဂါလီ" ဆိုတဲ့ အသုံးအနှုန်းကလွဲပြီး အခြားဘယ်အသုံးအနှုန်းကိုမှ လက်ခံမှာမဟုတ်ဘူးလို့ စစ်တွေမြို့ခံတွေ၊ သံဃာတော်တွေ၊ အရပ်ဘက်လူမှုအဖွဲ့အစည်းတွေက စာထုတ်ပြန် လိုက်ပါတယ်။

သူတို့တောင်းဆိုချက်တွေကို နိုင်ငံတော်သမ္မတ၊ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ တပ်မတော်ကာကွယ်ရေး ဦးစီးချုပ်တို့ဆီကို ဒီနေ့ အိတ်ဖွင့်ပေးစာ ပေးပို့လိုက်ကြောင်း စာပေးပို့ရာမှာပါဝင်သူ တစ်ဦးဖြစ်တဲ့ ဦးအောင်ဌေးကပြောပါတယ်။

"ကျနော်တို့ ရခိုင်ပြည်မှာရှိတဲ့ ရခိုင်လူမျိုးတွေကို မွတ်စလင်ဘာသာရယ်၊ ဗုဒ္ဓဘာသာရယ် ဆိုပြီးတော့ နှစ်မျိုးလုံးရှိတဲ့ပုံစံမျိုး ဖော်ပြသလိုဖြစ်နေတယ်၊ အဲ့လိုဖော်ပြလိုက်ခြင်းအားဖြင့် ကျနော်တို့ ရခိုင်လူမျိုးတွေ၊ ရခိုင်နာမည်ဟာ ပျောက်သွားမယ့်အခြေအနေ ဖြစ်နေတယ်ခင်ဗျ၊ အဲ့ဒီတော့ အိတ်ဖွင့် စာပေးပို့လိုက်ရတဲ့အတွက် နိုင်ငံတော်သမ္မတ အပါအဝင် ပြည်ထောင်စုဝန်ကြီးတွေကလည်း ရခိုင်ပြည်ရဲ့ ပထဝီအနေအထား၊ ရခိုင်ပြည်ရဲ့သမိုင်းတွေကို လေ့လာပြီးတော့ နားလည်သဘောပေါက်စေချင်တဲ့ ဆန္ဒလည်းပါပါတယ်ခင်ဗျ"

ပြီးခဲ့တဲ့ ဇွန်လ ၁၇ ရက်နေ့က ကျင်းပခဲ့တဲ့ ၃၂ ကြိမ်မြောက် လူ့အခွင့်အရေးကောင်စီညီလာခံမှာ မြန်မာ ကိုယ်စားလှယ်က "ရခိုင်ပြည်နယ်က မွတ်စလင်အသိုင်းအဝိုင်း"လို့ သုံးနှုန်းဖို့ တင်ပြထားပါတယ်။

ရခိုင်လူမျိုးတွေအနေနဲ့ အဲဒီအသုံးအနှုန်းကို လုံးဝလက်မခံဘဲ ကန့်ကွက်ကြောင်းလည်း ပါရှိပါတယ်။

အစိုးရရဲ့ အဲ့ဒီအသုံးအနှုန်းသစ်တွေကို ကန့်ကွက်တဲ့အနေနဲ့ စစ်တွေမြို့မှာရှိတဲ့ နေအိမ်တွေနဲ့ လမ်းတွေမှာ စာရွက်ကပ်လှုပ်ရှားမှုကို မနေ့က စတင်ပြီးဆောင်ရွက်နေကြသလို လာမယ့် ဇူလိုင်လ ၃ ရက်နေ့မှာလည်း ရခိုင်ပြည်နယ် မြို့နယ် ၁၇ ခုစလုံးမှာ ကန့်ကွက်ဆန္ဒပြပွဲတွေကို တပြိုင်တည်းဆောင်ရွက်သွားဖို့ ပြင်ဆင်နေကြ ပါတယ်။
RFA


dpn-drtinmyowin-620.JPG
UNFC ရဲ့ နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့နဲ့ ၂၁ ရာစု ပင်လုံညီလာခံ ပြင်ဆင်ရေးကော်မတီ တို့ ဇူလိုင်လ ၁ ရက်နေ့က ရန်ကုန်မြို့ ရွှေလီလမ်းက NRPC မှာ တွေ့ဆုံဆွေးနွေးကြစဉ်
Photo: Kyaw Lwin Oo

တိုင်းရင်းသား လက်နက်ကိုင်အဖွဲ့တွေအားလုံး တက်ရောက်မယ့် ကချင်ပြည်နယ် မိုင်ဂျားယန်ဆွေးနွေးပွဲကို ခွင့်ပြုပေးဖို့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC ကိုယ်စားလှယ်တွေက ဒီကနေ့ ၂၁ ရာစု ပင်လုံညီလာခံ ပြင်ဆင်ရေးကော်မတီနဲ့ ဒီကနေ့ ဆွေးနွေးခဲ့ပါတယ်။

UNFC ကိုယ်စားလှယ်တွေဟာ နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့ DPN အနေနဲ့ အစိုးရ ကိုယ်စားလှယ်တွေနဲ့ ဆွေးနွေးခဲ့တာဖြစ်ပါတယ်။ မိုင်ဂျားယန် ဆွေးနွေးပွဲကိစ္စကို အစိုးရဆီက ခွင့်ပြုချက်ယူတာလို့ UNFC ကိုယ်စားလှယ် ဦးခူးရယ်က ပြောပါတယ်။

"လက်နက်ကိုင်တိုင်းရင်းသား အဖွဲ့အစည်းတွေအနေနဲ့ ကျနော်တို့ ၂၁ ရာစု ပင်လုံညီလာခံ ကျင်းပမယ် ဆိုလို့ရှိရင် ကျနော်တို့ဘက်က ဘယ်လိုပူးပေါင်းပါဝင်ဆောင်ရွက်နိုင်မလဲဆိုတဲ့ အခြေခံပြင်ဆင်မှုတွေ ကျနော်တို့ဘက်က တိတိကျကျပြင်ဆင်နိုင်ဖို့အတွက် ကျနော်တို့ ညီလာခံကျင်ပဖို့ အကြမ်းမျဉ်းပြင်ဆင် ထားတာဖြစ်ပါတယ်၊ အဲ့ဒီတော့ ဒီညီလာခံကျင်းပနိုင်ဖို့အတွက်လည်း အစိုးရကိုတရားဝင် ကျနော်တို့ အနေနဲ့ မေတ္တာရပ်ခံပြီးတော့ ခွင့်ပြုချက်ရယူတာဖြစ်ပါတယ်"

ဒီလို တိုင်းရင်းသားလက်နက်ကိုင်အဖွဲ့အားလုံး တက်ကြမယ့် မိုင်ဂျာယန် ဆွေးနွေးပွဲကိုလည်း နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က လက်ခံတယ်လို့ ၂၁ ရာစုပင်လုံညီလာခံ ပြင်ဆင်ရေး ကော်မတီ အတွင်းရေးမှူး ဦးလှမောင်ရွှေ က ပြောပါတယ်။

မိုင်ဂျားယန်မှာ ကျင်းပမယ့် တွေဆုံပွဲကို ဒီလကုန်ပိုင်းလောက် ဖြစ်မယ်လို့ သတင်းတွေ ထွက်ပေါ်နေပေမယ့် အတိအကျ ထုတ်ပြန်ထားတာ မရှိသေးပါဘူး။ ဒီကြားထဲမှာ UNFC အဖွဲ့က ခေါင်းဆောင်တွေဟာ နိုင်ငံတော် အတိုင်ပင်ခံပုဂ္ဂိုလ်နဲ့ တွေ့ဆုံခွင့်တောင်းထားပြီး ဇူလိုင်လလယ်လောက်မှာ တွေ့ဆုံကြမယ်လို့လည်း ခန့်မှန်းပြော ကြပါတယ်။
RFA


ကချင်ပြည်နယ်အတွင်း အစိုးရတပ်နှင့် ကချင် လွတ်လပ်ရေး တပ်မတော် KIA ကြား လိုင်ဇာ ဗဟိုဌာနချုပ် အနီး တိုက်ပွဲများ ဖြစ်ပွားနေခြင်းသည် ယနေ့ ဇူလိုင် ၁ ရက်နေ့မှာ တပတ် ရောက်လာပြီ ဖြစ်သည်။
ဝိုင်းမော်မြို့နယ်၊ နမ်ဆန်ယန် (Nam San Yang) ကျေးရွာအနီး မြစ်ကြီးနား-ဗန်းမော် ကားလမ်းမကြီး အနောက်ဘက် လဇိန်ကောင် (Lazing Kawng) ရွာ အနီး နှစ်ဖက်တပ်ဖွဲ့ကြား ဇွန် ၂၅ ရက် ကတည်းက တိုက်ပွဲများ ဆက်တိုက် ဖြစ်ပွားနေခြင်း ဖြစ်သည်။

ယခု တိုက်ပွဲ ဖြစ်ပွားသော နေရာသည် နမ်ဆန်ယန် ကျေးရွာ အရှေ့တောင်ဘက် ကချင် လွတ်လပ်ရေး အဖွဲ့ KIO/KIA ဗဟိုဌာနချုပ် လိုင်ဇာမြို့နှင့် ဆယ်မိုင်ခန့် အကွာမှာ တည်ရှိပြီး ဗဟိုဌာနချုပ် လုံခြုံရေးအတွက် အရေးပါသော နေရာလည်း ဖြစ်ပါသည်။

ယနေ့ နံနက်ပိုင်းက KIA တပ်ရင်း (၁၈) ရှေ့တန်း နယ်မြေ ဖြစ်သော လဇိန်ကောင်ရွာ (Lazing Kawng) အနီး စစ်ရေး လှုပ်ရှားလာသော အစိုးရတပ် ခမရ (၃၈၂) နှင့် ခလရ (၅၁) ပူးပေါင်း တပ် အင်အား ၂၀၀ ခန့်ကို KIA တပ်ဖွဲ့များ မိုင်းများဖြင့် ခုခံတိုက်ခိုက်ခဲ့ကြောင်း KIA ရှေ့တန်းသတင်းများ ပြောသည်။

ဇွန် ၂၉ နှင့် ၃၀ မှာလည်း ရွာအနီး အစိုးရတပ် ခမရ (၃၈၂) နှင့် KIA တပ်ဖွဲ့များ တိုက်ပွဲ ဖြစ်ခဲ့ပါသည်။

ဇွန် ၂၈ ရက်နေ့ကလည်း ခလရ (၅၁) အစိုးရ စစ်ကြောင်းများနှင့် ရွာ တောင်ဘက်တွင် တစ်ကြိမ်၊ ၎င်းစစ်ကြောင်းကို တပ်ကူပေးရန်လာသည့် ခမရ (၃၈၂) စစ်ကြောင်းနှင့် ရွာ မြောက်ပိုင်း Chyahkya Hka ချောင်းအနီးမှာ တစ်ကြိမ် တိုက်ပွဲများ ဖြစ်ပွားခဲ့သည်။

တပတ်ကြာ တိုက်ပွဲများတွင် အစိုးရတပ်ဘက်မှ ထိခိုက် သေဆုံးမှု များပြားနိုင်သည်ဟု လိုင်ဇာမှ KIA အရာရှိများ ကချင်သတင်းဌာန KNG ကို ပြောပါသည်။

‘အစိုးရသစ် တက်လာသည့် သက်တမ်း (၃) လ အတွင်း ကချင်ပြည်နယ်တွင် တိုက်ပွဲ ဖြစ်ပွားမှု ပို၍ တိုးလာနေကြောင်း’ လိုင်ဇာမှ KIO သတင်းနှင့် ပြန်ကြားရေး ဌာန တာဝန်ရှိ ဒုဗိုလ်မှုးကြီး နော်ဘူ က ပြောပါသည်။

Kachinnews
http://burmese.kachinnews.com



အစိုးရကိုယ်စားလှယ်အဖွဲ့နဲ့ အပစ်မရပ်ရသေးတဲ့ တိုင်းရင်းသားလက်နက်ကိုင် အဖွဲ့တွေဆွေးနွေး။ သတင်းဓာတ်ပုံ- ဦးလှမောင်ရွှေ
အစိုးရကိုယ်စားလှယ်အဖွဲ့နဲ့ တိုင်းရင်းသားလက်နက်ကိုင် အဖွဲ့တွေ ပြည်ထောင်စု ငြိမ်းချမ်းရေး ညီလာခံ-၂၁ ရာစုပင်လုံအတွက် ညှိနှိုင်းဆွေးနွေးနေချိန်မှာ တိုင်းရင်းသားနယ်မြေဒေသတွေအတွင်းမှာတော့ ပစ်ခတ် တိုက်ခိုက်တာတွေ ဆက်လက်ဖြစ်ပွားနေဆဲရှိပါတယ်။ ဒီကနေ့မနက် အစောပိုင်းမှာဆို ကချင်ပြည်နယ်မှာ တိုက်ပွဲတကြိမ်ဖြစ်ပွားခဲ့သလို အရင်ရက်တွေကတော့ ရှမ်းပြည်နယ် အတွင်းမှာ ပလောင်၊ကိုးကန့်စတဲ့တပ်တွေနဲ့ အစိုးရ တပ်မတော်အ ကြားတိုက်ပွဲငယ်တွေဖြစ်ပွားခဲ့ပါတယ်။ လက်ရှိ တိုက်ပွဲဖြစ်ပွားနေတဲ့ အခြေအနေကို ဗွီအိုအေမြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။

အစိုးရဘက်က ငြိမ်းချမ်းရေးကိုယ်စားလှယ်အဖွဲ့ခေါင်းဆောင် ဒေါက်တာတင်မျိုးဝင်း
ဒီကနေ့ ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံ အကြိုပြင်ဆင်ရေးကော်မတီ နဲ့ တနိုင်ငံလုံးပစ်ခတ်တိုက်ခိုက်မှု ရပ်စဲရေး သဘောတူစာချုပ် NCA လက်မှတ်မရေးထိုးသေးတဲ့ တိုင်းရင်းသား လက်နက်ကိုင်အဖွဲ့၉ဖွဲ့က ကိုယ်စားလှယ်တွေ ရန်ကုန်မြို့မှာ ဆွေးနွေးနေချိန် ဒီရက်ပိုင်းမှာ တိုက်ပွဲတွေ ဆက်တိုက်ဖြစ်ပွားနေခဲ့တာပါ။

ဒီကနေ့ ကချင်ပြည်နယ်မှာ ဖြစ်ပွားတဲ့ တိုက်ပွဲအခြေအနေကိုတော့ ကချင် လွတ်လပ်ရေး အဖွဲ့ KIO ကပြန်ကြားရေးတာဝန်ခံ ဒုဗိုလ်မှူး ကြီး နော်ဘူက အခုလို ပြောပါတယ်။

" မြစ်ကြီးနား-ဗန်းမော် ကားလမ်းရဲ့ အနောက်ဘက်ပေါ့။ .. ရွာကြားမှာ ဒီမနက် ၅ နာရီ ၄၀ ကနေ ၇ နာရီကြားမှာ တိုက်ပွဲဖြစ်တယ်လို့ ကြားပါတယ်။ အဲ့ကနေ ဆက်ပြီးတော့ အပြန်အလှန် ပစ်ခတ်တာမှာ ညနေ တစ်နာရီလောက် အချိန်အထိ ဖြစ်တယ်လို့ ကြားပါတယ်။ အမ်အမ်တို့ အေကေဝမ်း တို့ နဲ့ ထုတယ်လို့ ကြားပါတယ်။"

ဇွန်လ ၂၂ရက်နေ့ကတော့ KIO ဒုဥက္ကဋ္ဌ ဒုတိယဗိုလ်ချုပ်ကြီး အင်ဘန်လအပါအ၀င် NCA လက်မှတ် မရေးထိုးသေးတဲ့ တိုင်းရင်းသား လက်နက်ကိုင် အဖွဲ့၉ဖွဲ့ က ခေါင်းဆောင်တွေကို ဇူလိုင်လ ပထမပတ်မှာ နိုင်ငံတော် အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်နဲ့တွေ့ဆုံဖို့ ဖိတ်ကြားထားခဲ့ပါတယ်။

ပြီးခဲ့တဲ့ လကုန်ပိုင်းကတော့ ရှမ်းပြည်နယ်မြောက်ပိုင်း နမ့်ဆန်မှာ TNLA ခေါ် တအာန်း(ပလောင်) လက်နက်ကိုင်တပ်ဖွဲ့နဲ့ အစိုးရတပ်မတော်အကြားမှာ တိုက်ပွဲပြင်းထန်ခဲ့တယ်လို့ TNLA ရဲ့ ပြန်ကြားရေးတာဝန်ခံ ဗိုလ်မှူး တာ့အိုက်ကျော် က ပြောပါတယ်။

" မနေ့ကတော့ နမ့်ဆန်မြို့အနီး ကျေးရွာမှာ ဖြစ်တယ်။ နေ့လည် ၁၂ နာရီကနေ ၁ နာရီခွဲလောက်အထိဖြစ်တယ်။ အရင်ဘက် ကလည်း ဖြစ်တယ်။ ကျောက်မဲနယ် ဘက်မှာ ဖြစ်တယ်။ ကျောက်မဲမြို့နယ်ထဲမှာ အရင်ရက်တွေက နှစ်ရက် ၊ သုံးရက် ဆက်တိုက်ဖြစ်တယ်။

ဇွန်လ ၃၀ရက်နေ့ နမ့်ဆန်မြို့အနီး တိုက်ပွဲဖြစ်ပွားတဲ့အခြေအနေကို နမ့်ဆန်မြို့ခံ တယောက်က အခုလို ပြောပါ တယ်။

" ဟုတ်ကဲ့ ။ မနေ့က ၁၂ နာရီကနေ ၁ နာရီအတိ ဖြစ်တယ်ခင်ဗျ။ နမ့်ဆန်ကနေ လှမ်းမြင်ရတယ်။ နမ့်ဆန်မြို့နယ် တောင်သုံးဆယ်နဲ့ မမ်နောက် ရွာကြားမှာ။ လက်နက်ကြီးနဲ့ပစ်တာ။ မမ်နောက်နဲ့ တောင်သုံးဆယ်ကြား ရောက်သွားတယ်။ ဘုန်းကြီးကျောင်းနားမှာ နှစ်လုံး၊ တောထဲမှာ တလုံး။ ထိခိုက်ဒဏ်ရာ ရတာတော့ မရှိဘူး။ အထိတ်တလန့်ဖြစ်ပြီး မြို့ပေါ် ပြေးတဲ့သူပြေး။ တောထဲ လက်ဘက်ခြံထဲ ပြေးတဲ့သူပြေး အဲ့လိုတော့ရှိတယ်။"

နမ့်ဆန်မြို့ခံက ဆွေးနွေးမယ့်အချိန် တိုက်ပွဲတွေ မဖြစ်စေဖို့ သူ့အမြင်ကို အခုလို ဆက်ပြောပါတယ်။

" အဓိက ကတော့ဗျာ တပ်မတော်ဘက်က ဆွေးနွေးနေပြီဆိုရင် အောက်ကို အမိန့်ပေးရမှာဗျ။ စစ်ကြောင်းတွေ ထိုးစစ်တွေ ရပ်ဖို့ အဖွဲ့တွေ မြို့နားကို သိပ်မကပ်နဲ့။ ဆွေးနွေးနေတဲ့အချိန်မှာ နှစ်ဖက်စလုံး လိုတာပေါ့။"

ဇွန်လ ၂၇ရက်နေ့က နမ္မတူမြို့နယ်အတွင်းမှာ ရှမ်းပြည်တပ်မတော်တောင်ပိုင်းနဲ့ အစိုးရတိုက်ပွဲဖြစ်ခဲ့သလို ရှမ်းတပ်ဖွဲ့နဲ့ ပလောင်တပ်အကြားမှာလည်း တိုက်ပွဲဖြစ်ခဲ့ပါ တယ်။ ရှမ်းပြည်တပ်မတော်တောင်ပိုင်းဟာ NCA ကိုလက်မှတ်ရေးထိုး ထားပြီး ပလောင်တပ်ဖွဲ့ ကတော့ လက်မှတ်ထိုးဖို့ ဖိတ်ခေါ်မခံရပါဘူး။

အခြား NCA မှာ ပါဝင်လက်မှတ်ရေးထိုးဖို့ ဖိတ်ခေါ်မခံရတဲ့ MNDAA ခေါ် ကိုးကန့်တပ်ဖွဲ့နဲ့ အစိုးရတပ်မတော်အကြားမှာ ဒီရက်ပိုင်း တိုက်ပွဲဖြစ်ပွားခဲ့ သလို နှစ်ဖက်တပ်တွေ အကြားမှာ စစ်ရေးတင်းမာမှုတွေ ရှိနေဆဲဖြစ်ကြောင်း ကိုးကန့်တပ်ဖွဲ့ ရဲ့ တပ်မဟာ ၂၁၁က တပ်မဟာမှူး က ပြောပါတယ်။

" ကိုးကန့်မှာလည်း ၂၆၊ ၂၇ ၊ ၂၈ သုံးရက်ဆက်တိုက်ဖြစ်နေတယ်။ တာရွှေထန် အနောက်မှာ ရွာထဲမှာ။ သူတို့လာတာ။ ကျနော်တို့ထိုင်နေတဲ့နေရာ သူတို့လာနေတာ။ ထိုင်တဲ့နေရာ လာတယ်ဆိုရင် တိုက်ပွဲက ဖြစ်မှာပေါ့။ မနေ့ညနဲ့ ဒီနေ့ဆိုရင် တိုက်ပွဲမဖြစ်ဘူး။ ဒီအတိုင်းပဲ ထိုင်နေတယ်။"

ဒီရက်ပိုင်းအတွင်း တိုက်ပွဲဖြစ်နေတာနဲ့ပတ်သက်ပြီး အစိုးရတပ်ဘက်ကတော့ သတင်းထုတ်ပြန်တာ မရှိသေးပါဘူး။ တိုက်ပွဲဖြစ်နေတဲ့ ပလောင်၊ ကိုးကန့်နဲ့ AA ခေါ် ရခိုင်တပ်ဖွဲ့တွေကို NCA မှာ ပါဝင်လက်မှတ်ရေးထိုးဖို့ ဦးသိန်းစိန်အစိုးရက ဖိတ်ခေါ်တာ မရှိခဲ့သလို လောလောဆယ် မှာလည်း ဒီအဖွဲ့ (၃)ဖွဲ့ လက်နက်စွန့်မှ ငြိမ်းချမ်းရေး ဆွေးနွေး မှာဖြစ်ကြောင်း တပ်မတော်ဖက်က သတင်းထုတ်ပြန်တာတွေရှိခဲ့ပါတယ်။

ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံအကြိုပြင်ဆင်ရေးကော်မတီ ကတော့ ဒီအဖွဲ့ ၃ဖွဲ့နဲ့ တွေ့ဆုံဆွေးနွေးနိုင်ဖို့ ပြင်ဆင်နေသလို ဒီအဖွဲ့ ၃ဖွဲ့ကလည်း တွေ့ဆုံဖို့ ကမ်းလှမ်းလာရင်တော့ ဆွေးနွေးဖို့ အသင့်ရှိကြောင်း ပြောဆို ထားတာတွေ ရှိပါတယ်။

 မိုးဇော် / ဗွီအိုအေ (မြန်မာပိုင်း)
http://burmese.voanews.com


ဇူလိုင် - ၁ - ၂၀၁၆

ထိုင်း-မြန်မာနယ်စပ်ရှိ မဲဆောက်ဆေးရုံကြီး အရေးပေါ်ဌာနဖုံး ၁၆၆၉ ကို မတော်တဆမှု အမှန်တကယ်ဖြစ်ပွားခြင်းမရှိဘဲ နောက်ပြောင်ခေါ်ဆိုနေသည့် မြန်မာဖုံးသရဲများကို အရေးယူနိုင်ရေးအတွက် မဲဆောက်ဆေးရုံကြီးက ယနေ့တွင် မဲဆောက်ရဲစခန်း၌ အမှုဖွင့်လိုက်သည်။

နေ့စဉ်အကြိမ်ရေ (၁၀၀) အထက်တွင် နောက်ပြောင်ခေါ်ဆိုနေသောကြောင့် လုပ်ငန်းခွင် အနှောက်အယှက်ဖြစ်သောကြောင့် ၀တ္တရားနှောင့်ဆက်မှုဖြင့် အမှုဖွင့်ခြင်းဖြစ်သည်ဟု သိရှိရသည်။

ယမန်နေ့ကဆိုလျှင် နောက်ပြောင်ခေါ်ဆိုမှုမှာ (၁၆၉)ကြိမ် ရှိသည်ဟု မဲဆောက်ဆးရုံကြီး အရေးပေါ်ဌာနကပြောဆိုသည်။

မည်သည့်နေရာတွင် ယာဉ်တိုက်မှုဖြစ်ပွားနေသည် မီးလောင်နေသည် အပါအ၀င် အကြောင်းအမျိုးမျိုးဖြင့် ဖုံးဆက်လာသောကြောင့် သွားရောက်ရာတွင် အမှန်တကယ်ဖြစ်ပွားခြင်းမရှိသည်ကိုလည်း နေ့စဉ်နီးပါး ကြုံတွေ့နေရသည်ဟု ဆေးရုံတာဝန်ရှိသူက ပြောဆိုသည်။

ဖုံဆက်သူများမှာ ထိုင်းစကားကို ကောင်းမွန်စွာပြောဆိုနိုင်ခြင်းမရှိသူများ အပါအ၀င် အချို့ဆိုလျှင် မြန်မာစကားဖြင့်သာ ဆက်သွယ်လာကြခြင်းဖြစ်သည်ဟုလည်း ဆေးရုံတာဝန်ရှိသူက ဖြည့်စွက်ပြောဆိုသည်။

ဆက်သွယ်လာသည့် ဖုံးနံပတ်များကို အရေးပေါ်ဌာနက မှတ်တမ်းတင်ထားသောကြောင့် မည်သူကိုင်ဆောင်သည့်ဖုံးဖြစ်သည်ကိုလည်း ကွင်းဆက်လိုက်ရန် လုပ်ဆောင်နေသည်ဟုလည်း သိရှိရသည်။

ပြည်သူများအတွက် အရေးပေါ်ဖွင့်လှစ်ထားသည့် ဆေးရုံဖုံးများကို နောက်ပြာင်ခြင်းများကြောင့် လူ့အသက်ပေါင်းများစွာ ဆုံးရှုံးနိုင်သလို မလိုလားအပ်သည့်ဆိုးကျိုးများလည်း ဆက်စပ်မှုရှိနေသဖြင့် နောင်ပြောင်ခြင်းများ မပြုလုပ်ကြဘဲ ကူညီမှုပေးကြရန် တာဝန်ရှိသူများက မေတ္တာရပ်ခံထားသည်။

မဲဆောက်ဒေသအတွင်းရှိ စက်ရုံအလုပ်ရုံများတွင် မြန်မာအလုပ်သမား ၂ သိန်းကျော် အလုပ်လုပ်ကိုင်နေကြသည်။

သတင်းနှင့်ဓာတ်ပုံ - ကရင်အမျိုးသား မီဒီယာ



ကမ္ဘာ့ နိုင်ငံတွေရဲ့ တည်ငြိမ်မှု အခြေအနေကို စောင့်ကြည့် ထုတ်ပြန်တဲ့ Fund for Peace အဖွဲ့ရဲ့ ၂၀၁၆ အစီရင်ခံစာ
မြန်မာနိုင်ငံရဲ့ တည်ငြိမ်မှု အခြေအနေဟာ သတိနဲ့ စောင့်ကြည့်ရမယ့် အဆင့်မှာ ရှိနေဆဲ ဖြစ်တယ်လို့ ကမ္ဘာ့ နိုင်ငံတွေရဲ့ တည်ငြိမ်မှု အခြေအနေကို စောင့်ကြည့် ထုတ်ပြန်တဲ့ Fund for Peace အဖွဲ့ရဲ့ ၂၀၁၆ အစီရင်ခံစာက ဖော်ပြလိုက်ပါတယ်။ ပြီးခဲ့တဲ့နှစ်အတွင်း မြန်မာနိုင်ငံမှာ ကဏ္ဍအချို့မှာ ထင်သာမြင်သာတဲ့ တိုးတက်မှုအချို့ ရှိခဲ့ပေမယ့် အခြား ကဏ္ဍတွေမှာ ဆက်ပြီး ကျဆင်းနေဆဲဖြစ်တဲ့အတွက် အခုလို စောင့်ကြည့်ဖို့ လိုအပ်ဆဲ အဆင့် သတ်မှတ်ထားတာဖြစ်တယ်လို့ သိရပါတယ်။ သတင်း အပြည့်အစုံကို ဆက်သွယ်မေးမြန်းထားတဲ့ ကိုရဲခေါင်က ပြောပြပါမယ်။

ကမ္ဘာ့ နိုင်ငံတွေရဲ့ တည်ငြိမ်မှု အခြေအနေကို ပြတဲ့ Fragile States Index အညွှန်းကိန်းကို အမေရိကန် ပြည်ထောင်စု ၀ါရှင်တန် ဒီစီ အခြေစိုက် Fund for Peace အဖွဲ့က ဇွန်လ ၂၇ရက်က အစီရင်ခံစာ တစ်စောင် ထုတ်ပြန် လိုက်တာ ဖြစ်ပါတယ်။

ဒီအဖွဲ့က နိုင်ငံပေါင်း ၁၇၈ နိုင်ငံအတွက် စစ်တမ်းကောက်ယူခဲ့တာဖြစ်ပြီး၊ ၂၀၁၅ ခုနှစ်က မြန်မာနိုင်ငံရဲ့ တည်ငြိမ်မှု အဆင့်က ၂၇ ရှိခဲ့ပေမယ့်၊ အခု ၂၀၁၆ခုနှစ် မှာတော့ အဆင့် ၂၆ နဲ့ စောင့်ကြည့်ရမယ့် နိုင်ငံစာရင်းထဲမှာ ပါဝင် နေပါတယ်။

မြန်မာနိုင်ငံမှာ ပြီးခဲ့တဲ့ နှစ်က အောင်အောင်မြင်မြင် ကျင်းပပြီးစီး ခဲ့တဲ့ ရွေးကောက်ပွဲကြောင့် “နိုင်ငံရဲ့ တရားဝင်ရပ်တည်မှု” လို့ခေါ်တဲ့ အညွှန်ကိန်းမှာ တိုးတက်လာခဲ့ပေမယ့်၊ နိုင်ငံအနှံ့ရေကြီး ရေလျံမှုတွေ ကြုံတွေ့ခဲ့ပြီး၊ လူသေဆုံးမှု များပြားခဲ့တာနဲ့ နိုင်ငံ့ စီးပွားရေးကို ထိခိုက်မှု ရှိခဲ့ပြီး ဒီရေကြီးရေလျံမှုတွေ ကြုံခဲ့တာကြောင့် လူဦးရေရဲ့ ဖိအား လို့ခေါ်တဲ့ အညွှန်းကိန်းမှာ ကျဆင်းခဲ့ပြီး၊ ဒါဟာ ၂၀၁၆ ခုနှစ်အတွက် အဆင့်သတ်မှတ်ချက်မှာ ကျဆင်းခဲ့တဲ့ အဓိက အကြောင်းရင်း ဖြစ်တယ်လို့ Fund for Peace အဖွဲ့က ညွှန်ကြားရေးမှူး Nate Haken က ပြောပြပါတယ်။

“၂၀၁၆ခုနှစ်အတွက် မြန်မာနိုင်ငံရဲ့ အညွှန်းကိန်းတွေကို ကြည့်မယ် ဆိုရင် နိုင်ငံအနှံ့ ဖြစ်ပွားခဲ့တဲ့ ရေကြီး ရေလျံမှုတွေကြောင့် လူဦးရေရဲ့ ဖိအားပေးခံရမှုကို ပြတဲ့ အညွန်ကိန်းအရ အခြေအနေ ပိုဆိုးလာပါတယ်။ ဒါ့အပြင် မြန်မာနိုင်ငံမှာ ဆက်ရှိနေတဲ့ ဘာသာရေးအရ ကွဲပြားမှုတွေကို သည်းမခံနိုင်မှုတွေကြောင့် လူထုရဲ့ စုစည်းညီညွတ်မှုကို ပြတဲ့ အညွှန်းကိန်းမှာလဲ ပိုဆိုးလာပါတယ်။ ဒါအပြင် နိုင်ငံတွင်းက ပြည်သူတွေ ထွက်ခွာမှုနဲ့ ဦးနှောက် ယိုစီးမှု အခြေအနေကို ပြတဲ့ အညွှန်းကိန်းမှာလဲ ပိုဆိုးလာပါတယ်။ ဒါတွေအားလုံးက တစ်နိုင်ငံလုံး အတိုင်းအတာနဲ့ တည်ငြိမ်မှု အဆင့်ကျသွားတဲ့ အကြောင်းရင်း ဖြစ်ပါတယ်။ ဒါပေမယ့်လည်း ဆယ်စုနှစ်များစွာအတွင်း ပထမဆုံး လွတ်လပ်တဲ့ ရွေးကောက်ပွဲကို ကျင်းပနိုင်ခဲ့တာကြောင့် အစိုးရရဲ့ တရားဝင်ဖြစ်မှုကို ပြတဲ့ အညွှန်းကိန်းမှာ တိုးတက်လာပါတယ်။ ”

၂၀၁၆ ခုနှစ်အတွက် Fragile States Index အညွှန်ကိန်းအရ ကမ္ဘာ့ နိုင်ငံ ၁၇၈နိုင်ငံထဲမှာ တည်ငြိမ်မှု အနည်းဆုံး ဆိုမာလီယာ နိုင်ငံက အဆင့် ၁ ဖြစ်ပြီး၊ တည်ငြိမ်မှု အရှိဆုံး ဖင်လန်နိုင်ငံက အဆင့် ၁၇၈ ဖြစ်ပါတယ်။

မြန်မာနိုင်ငံဟာ တည်ငြိမ်မှု အဆင့်သတ်မှတ်ချက်အရ ဒေသတွင်းနိုင်ငံတွေထဲမှာ အနိမ့်ဆုံး ဖြစ်နေပေမယ့်၊ နိုင်ငံ တစ်နိုင်ငံရဲ့ တည်ငြိမ်မှုဆိုတာ ရှုပ်ထွေးပြီး နက်နဲတဲ့ ကိစ္စတစ်ခုဖြစ်လို့ တစ်နိုင်ငံနဲ့တစ်နိုင်ငံကို တည်ငြိမ်မှု အဆင့်အရ နှိုင်းယှဉ်ကြည့် ရုံနဲ့ အခြေအနေမှန်ကို မသိနိုင်တဲ့အကြောင်း Nate Haken က ပြောပါတယ်။

“နိုင်ငံ တစ်နိုင်ငံတည်းမှာပဲ အဲဒီနိုင်ငံရဲ့ မတူညီတဲ့ အညွှန်ကိန်းတွေ အချိန်ကာလတစ်ခုအတွင်းဘယ်လောက် ပြောင်းလဲလာသလဲ ဆိုတာကို ကြည့်ပြီး၊ သုံးသပ်မယ်ဆိုရင် ပိုပြီး အဓိပ္ပါယ်ရှိပါလိမ့်မယ်။ ဘာကြောင့်လဲ ဆိုတော့ နိုင်ငံတစ်နိုင်ငံမှာ ရှိနေတဲ့ အခြေအနေနဲ့ လိုအပ်ချက်တွေက တစ်နိုင်ငံနဲ့ တစ် နိုင်ငံမတူနိုင်ပါဘူး။ ဒါကြောင့်မို့ အညွှန်ကိန်း တစ်ခုက နိုင်ငံတစ်နိုင်ငံရဲ့ တည်ငြိမ်မှု အတွက် အရမ်းအရေးကြီးပေမယ့် အခြား တစ်နိုင်ငံအတွက်တော့ အရေးကြီးချင်မှ ကြီးမယ်။ ဒါကြောင့်မို့ နိုင်ငံတစ်နိုင်ငံနဲ့ တစ်နိုင်ငံကို အဆင့်နဲ့ နှိုင်းယှဉ်ပြီး သုံးသပ်တာမျိုးကို ကျွန်တော်တို့ အားမပေးပါဘူး။

ဒေသတစ်ခုမှာ ဘယ်နိုင်ငံက အတည်ငြိမ်ဆုံးဖြစ်ပြီး၊ ဘယ်နိုင်ငံကတော့ တည်ငြိမ်မှု အနည်းဆုံးဖြစ်တယ် ဆိုတာမျိုး သုံးသပ်တာမျိုးထက်၊ တစ်နိုင်ငံချင်းစီရဲ့ အညွှန်းကိန်းတွေကို နက်နက်နဲနဲ ကြည့်စေချင်ပါတယ်။ တစ်နိုင်ငံချင်းစီမှာ ဘာတွေ တိုးတက်မှု ရှိခဲ့သလဲ၊ ဘယ်လို စိန်ခေါ်မှုတွေ ရှိနေသလဲ ဆိုတာမျိုးကို ကြည့်ပြီး သုံးသပ်ပြီးမှသာ စဉ်ဆက်မပြတ် အကျိုးဖြစ်ထွန်းတဲ့ တည်ငြိမ်မှုမျိုး ဖြစ်လာဖို့ အဖြေရှာနိုင်မှာ ဖြစ်ပါတယ်။”

မြန်မာ နိုင်ငံတည်ငြိမ်မှု ရှိဖို့အတွက် သဘာဝ ဘေးအန္တရာယ် ကျရောက်တဲ့ ဒေသတွေ ပြန်လည် ထူထောင်ဖို့နဲ့ အနာဂတ်မှာ ကျရောက်လာနိုင်တဲ့ အရေးပေါ်အခြေအနေတွေအတွက် ကြိုတင်ပြင်ဆင်ဖို့၊ ဘာသာရေးနဲ့ လူမျိုးရေး ကွဲပြားမှုတွေအပေါ် သည်းခံနိုင်စွမ်း တိုးတက်လာဖို့၊ ကာလရှည်ခံတဲ့ ငြိမ်းချမ်းရေး ရဖို့၊ ပြည်သူ့ကိုယ်စားပြုတဲ့ အစိုးရ တင်မြှောက်နိုင်ခဲ့တာလိုမျိုး ရရှိပြီးသား အောင်မြင်မှုတွေကို ဆက်ထိမ်းထားနိုင်ဖို့ စတာတွေလိုအပ်တယ်လို့ Fund for Peace အဖွဲ့က သုံးသပ်ထားပါတယ်။

 ရဲခေါင် / ဗွီအိုအေ (မြန်မာပိုင်း)
http://burmese.voanews.com


လူသွားလမ်း ပလက်ဖောင်းနှင့် ရေမြောင်းများပေါ်တွင် မီးစက်များထား၊ ပစ္စည်းထားခြင်းများ၊ ဈေးရောင်းခြင်းများ မပြုလုပ်ရန် အသိပေးထားသော်လည်း လိုက်နာခြင်းမရှိသည်များကို ဇူလိုင်လ ၁၅ ရက်မှစကာ မန္တလေးစည်ပင်မှ ထိရောက်စွာ အရေးယူမည်ဖြစ်ကြောင်း သတင်းရရှိသည်။

မန္တလေးမြို့တော် စည်ပင်သာယာရေးကော်မတီ စည်ပင်သာယာ နယ်နိမိတ် ခြောက်မြို့နယ်အတွင်း နေအိမ်များ၊ အိမ်ဆိုင်များ၊ ဈေးဆိုင်များ၊ စားသောက်ဆိုင်များ၊ မိုဘိုင်းတယ်လီဖုန်း အရောင်းဆိုင်များ၊ ပွဲရုံများနှင့် အရောင်းစင်တာများမှ ရောင်းကုန်ပစ္စည်းများ၊ ဆောက်လုပ်ရေး ပစ္စည်းများ၊ စားပွဲကုလားထိုင်များ၊ မီးစက်များကို လူသွား စင်္ကြံပလက်ဖောင်း၊ ရေမြောင်း၊ လမ်းမများ၊ လမ်းဆုံများ၊ လမ်းခွ၊ လမ်းထောင့်များတွင် ကျူးကျော်၍ ပစ္စည်းများထားရှိရောင်းချခြင်း၊ ခင်းကျင်းခြင်း၊ စုပုံခြင်း၊ ပြုပြင်မွမ်းမံခြင်းများ လုံးဝမပြုလုပ်ရန် အသိပေး ကြေညာခဲ့ကြောင်း သိရသည်။

ထိုသို့ လမ်းမများဘေးတွင် လက်တွန်းဈေးရောင်း လှည်းများ လမ်းပိတ်ဆို့ရောင်းချခြင်း၊ မူသေရပ်နား ရောင်းချခြင်းများ လုံးဝမပြုလုပ်ရန်နှင့် ရွေ့လျားသွားလာ၍ ရောင်းချသည့် ပုံစံဖြင့်သာ ရောင်းချရမည် ဖြစ်သည်။ တရားမဝင် လောင်စာဆီ၊ စက်သုံးဆီများကို တရားဝင်ခွင့်ပြုချက် မရရှိဘဲ လမ်းဘေး၊ လမ်းများပေါ်တွင် ဆီဘူးများ ထောင်၍ ရောင်းချခြင်းမပြုရန်နှင့် လမ်း၊ ပလက်ဖောင်း၊ ရေမြောင်းများပေါ်သို့ အမိုး၊ ကဲလားများချ၍ ဈေးရောင်း ခြင်းများ မပြုလုပ်ရန် အသိပေးထားသည်။

ယင်းအသိပေးထားခြင်းများကို လိုက်နာခြင်းမရှိပါက မန္တလေးမြို့တော် စည်ပင်သာယာရေး ကော်မတီ၏ တည်ဆဲဥပဒေ၊ နည်းဥပဒေအရ ဇူလိုင် ၁၅ ရက်မှစတင်ကာ ထိရောက်စွာ အရေးယူ ဆောင်ရွက်သွားမည်ဖြစ်ကြောင်း မန္တလေးမြို့တော် စည်ပင်သာယာရေး ကော်မတီက အသိပေးထားကြောင်း သိရသည်။

Photo - Wai Lin FB
The Ladies News
https://www.facebook.com/News.TheLadies


မြန်မာနိုင်ငံ ဘောလုံး အဖွဲ့ချုပ် အမှတ်တံဆိပ်အား တွေ့ ရစဉ် (ဓာတ်ပုံ-MFF)
    ရန်ကုန် ၊ ဇူလိုင် ၁ ရက် (ဆင်ဟွာ)

    နိုင်ငံ ဂုဏ်သိက္ခာနှင့် ဘောလုံး လောက အဆင့်အတန်း တို့အား ထိခိုက် နစ်နာ စေမည့် သံသယ ဖြစ်ဖွယ်ရှိသည့် မည်သည့် မသမာမှုနှင့် လုပ်ပွဲ ပွဲစဉ်မျိုးမဆို အထူး စုံစမ်း စစ်ဆေးရေး ကော်မတီဖြင့် စနစ်တကျ စုံစမ်း၍ ထိရောက် ပြင်းထန်စွာ အရေးယူ အပြစ်ပေးသွားမည် ဖြစ်ကြောင်း မြန်မာနိုင်ငံ ဘောလုံး အဖွဲ့ ချုပ် (MFF) မှ သတင်း ထုတ်ပြန်ခဲ့သည်။

အထူး စုံစမ်း စစ်ဆေးရေး ကော်မတီအား မြန်မာနိုင်ငံ ဘောလုံး အဖွဲ့ချုပ် အနေဖြင့် FEFA ၊ AFC နှင့်အခြား သက်ဆိုင်ရာ အဖွဲ့အစည်းများ ၊ ပြည်တွင်းပြည်ပမှ ကျွမ်းကျင်သူများ ၊ တာဝန်ရှိသူ များ ပါဝင်၍ အမြန်ဆုံး  ဖွဲ့ စည်းသွားမည် ဖြစ်ပြီး မသမာမှုများနှင့် သံသယဖြစ်ဖွယ်များ တွေ့ရှိပါက သတင်း အချက်အလက်များ ၊ သက်သေများအား စုံစမ်း စစ်ဆေးရေး ကော်မတီ သို့ လည်းကောင်း၊ မြန်မာနိုင်ငံ ဘောလုံး အဖွဲ့ချုပ်သို့ လည်းကောင်း ပေးပို့ ကူညီ ပေးကြပါရန်နှင့် ဝိုင်းဝန်းပူးပေါင်း ဆောင်ရွက်ပေးကြပါရန် ဖိတ်ခေါ်ထားသည်။

မြန်မာနိုင်ငံ ဘောလုံး အဖွဲ့ချုပ် အနေဖြင့် မည်သည့် မသမာမှုနှင့် လုပ်ပွဲ ကစားခြင်းမျိုးကိုမဆို လုံးဝ လက်ခံမည် မဟုတ်ကြောင်း ၊ ကမ္ဘာ့ဘောလုံး အဖွဲ့ချုပ် (FEFA) နှင့် အာရှဘောလုံး အဖွဲ့ချုပ် (AFC) တို့ ၏ အဖွဲ့ ဝင် နိုင်ငံ ဖြစ်သည့်နှင့်အညီ ယင်းတို့ ၏ မူဝါဒများ အတိုင်း လုပ်ပွဲ (Match Fixing) လုံးဝမရှိစေရေး အတွက် သက်ဆိုင်ရာ အဖွဲ့အစည်းများနှင့် ပူးပေါင်း ဆောင်ရွက်ခြင်း ၊ လှုပ်ရှားမှုများ ပါဝင်ဆောင်ရွက်ခြင်း တို့ကို ပြီးခဲ့သည့် နှစ် MNL ပွဲစဉ်များတွင် ထည့်သွင်း ဆောင်ရွက်ခဲ့ကြောင်း သိရသည်။

(Xinhua)
http://www.xinhuamyanmar.com


မန္တလေးတိုင်းဒေသကြီး ပြင်ဦးလွင်ခရိုင် ပြင်ဦးလွင်မြို့တော် ခန်းမရှေ့မှ စတင်၍ ဉာဏ်တောကွင်းအထိ ဇီးပင်ကြီး သင်တန်းကျောင်း ၃ ကျောင်း သိမ်းယူထားသောပိုလျှံမြေများ ပြန်လည်ရရှိရေးအတွက် ဒေသခံ ၅၀၀ ခန့် ဇူလိုင် ၁ နေ့ မနက်ပိုင်းက လမ်းလျှောက် ဆန္ဒဖော်ထုတ်ခဲ့ကြသည်။


“ကျွန်တော်တို့ဒေသခံတောင်သူတွေရဲ့မြေတွေသိမ်းတယ် ကျောင်းကြီး ၃ ကျောင်းဆောက်တယ် ပိုလျှံမြေတွေအများကြီးကျန်နေပါလျှက်နဲ့ ဒေသခံတွေ ပြန်မပေးဘဲ အခြားအရပ်က သူတွေကို သီးစားချထားတယ်။ မလိုအပ်ဘဲ တောင်သူတွေရဲမြေတွေကို မတရားသိမ်းထားလို့  ယနေ့ ပြင်ဦးလွင်မြို့ပေါ်တက်ပြီး ဆန္ဒပြတာပါ”ဟု ဒေသခံဦးသောင်ရွှေကပြောသည်။


အဆိုပါဆန္ဒဖော်ထုတ်မှုသည် တောင်သူလယ်သမားအရေးနှင့်ပတ်သက်ပြီး အစိုးရသစ်လက်ထက် ပြင်ဦးလွင်မြို့ပေါ်တွင် ပထမဆုံး ဆန္ဒဖော်ထုတ်ခြင်းဖြစ်ကြောင်း သိရသည်။

စိုင်းထူးခန့် 
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/



ရှမ်းပြည်နယ်မြောက်ပိုင်း လားရှိုးမြို့နယ် မိုင်းယော်တိုက်နယ်ကျေးရွာအ၀င်မှာ ဇွန်လ ၃ဝ ရက်နေ့က လူသေအလောင်းတွေကို တွေ့ရစဉ်။ Photo: Kan Thar/RFA
ရှမ်းပြည်မြောက်ပိုင်း၊ လားရှိုးမြို့နယ်၊ မိုင်းယော်ကျေးရွာအနီးမှာ မနေ့ကတွေ့ရှိခဲ့တဲ့ ဒေသခံအလောင်း ၇ လောင်း အမှုနဲ့ ပတ်သက်ပြီး မြန်မာနိုင်ငံအမျိုးသားလူ့အခွင့်အရေးကော်မရှင်အနေနဲ့ နယ်မြေခံအဖွဲ့ အစည်းတွေထံ စုံစမ်းမေးမြန်းနေဆဲဖြစ်ကြောင်း ကော်မရှင်တာဝန်ရှိသူတစ်ဦးက ပြောပါတယ်။

မြန်မာနိုင်ငံအမျိုးသား လူ့အခွင့်အရေးကော်မရှင်အနေနဲ့ အမှုကိုဆက်လက်စုံစမ်းစစ်ဆေးရန် သင့် မသင့် ဆိုတာကို ဆုံးဖြတ်သွားမှာဖြစ်တယ်လို့ လူ့အခွင့်အရေးကော်မရှင်အဖွဲ့ဝင် ဒေါက်တာ ဥာဏ်ဇော်က အခုလိုပြောပါတယ်။

ရှမ်းပြည်မြောက်ပိုင်း၊ လားရှိုးမြို့နယ်၊ မိုင်းယော်တိုက်နယ်မှာ ဇွန်လ၂၅ ရက်နေ့က အမျိုးသား ၆ ဦးနဲ့ အမျိုးသမီး တစ်ဦး အသတ်ခံရမှုအတွက် ရှမ်းပြည်နယ် ရဲတပ်ဖွဲ့ကလည်း အမှုဖွင့်အရေးယူထားခြင်း မရှိသေးပါဘူး။ အဲ့ဒီ အမှုအတွက် လာရောက်တိုင်တန်းသူ မရှိသေးဘူးလို့ ရှမ်းပြည်နယ်၊ မြောက်ပိုင်း ရဲတပ်ဖွဲ့က ဒုတိယရဲမှူး ကြီး အောင်မြတ်မိုး က ပြောပါတယ်။

ဇွန်လ ၂၅ ရက်နေ့က လက်နက်ကိုင်တပ်ဖွဲ့  တစ်ဖွဲ့က ဒေသခံ ၁၁ ဦးကို ဖမ်းဆီးခေါ်ဆောင်သွားခဲ့ပြီး အမျိုးသမီး ၆ ဦးကိုသာ ပြန်လွှတ်ပေးခဲ့ပါတယ်။ ပြောင်းဖူးခင်းထဲက အလောင်း ၅ လောင်းဟာ အဖမ်းခံလိုက်ရတဲ့ လူ ၅ ယောက်လို့ ယူဆကြပါတယ်။

မိုင်းယော်ကျေးရွာနားက ပြောင်းဖူးခင်းထဲမှာ ၅ လောင်းကို မြှုပ်နှံထားတာဖြစ်ပြီး နောက်ထပ် ၂ လောင်းကို မိုင်းယော်လမ်းမအနီးမှာ တွေ့ရှိတာဖြစ်ပါတယ်။

မိုင်းယော်လမ်းမအနီးမှာတွေ့တဲ့ အလောင်း ၂ လောင်းဟာ မိုင်းယော်ကျေးရွာဖက်ကို ဆိုင်ကယ်နဲ့လာစဉ် လက်နက်ကိုင်တပ်ဖွဲ့က တားဆီးရာမှာ ရပ်မပေးတဲ့အတွက် အပစ်ခံရပြီး သေဆုံးတာလို့ လားရှိုးမြို့အခြေစိုက် တအာင်းအမျိုးသမီးအဖွဲ့က ပြောပါတယ်။

ရှမ်းပြည်မြောက်ပိုင်းက အဲဒီနယ်တ၀ိုက်ဟာ အစိုးရတပ်မတော်အပြင် တအာင်းလွတ်မြောက်ရေးတပ်မတော် TNLA၊ ရှမ်းပြည်တိုးတက်ရေးပါတီ၊ ရှမ်းပြည်တပ်မတော် SSPP/SSA ၊ ရှမ်းပြည် ပြန်လည်ထူထောင်ရေးကောင်စီ RCSS/SSA တပ်တွေ လှုပ်ရှားကြတဲ့ နယ်မြေဖြစ်ပါတယ်။

RFA Burmese
http://www.rfa.org/burmese/


ရေး ၊ ဇွန် ၃၀

ရေးမြို့၊ ရန်မျိုးအောင်ရပ်ကွက်အတွင်းရှိ ရှေးဟောင်းကျုံးတော်ကြီး၏ အပေါ် ကျုံးထဲတွင် ဇွန်လ ၃၀ ရက်နေ့ နံနက်ပိုင်းက မိန်းကလေးတစ်ဦး၏ အလောင်းတစ်လောင်း ပေါ်ခဲ့သဖြင့် စုံစမ်းစစ်ဆေးမှုများ ပြုလုပ်နေကြောင်း ရေးမြို့နယ်ရဲတပ်ဖွဲ့မှူး ရဲမှူးမြင့်သော်က သံလွင်တိုင်းမ်သို့ ပြောကြားသည်။

“ ကျွန်တော်တို့ သေမှုသေခင်း ဖွင့်ထားတယ်၊ ဆေးစာတော့ ချက်ခြင်း မထွက်သေးဘူး၊ စစ်ဆေးပါဦးမယ်။ရေနစ်သေဆုံးတဲ့ အနေအထားရှိတာပေါ့၊ ဆရာဝန်မှတ်ချက်တော့ ထွက်လာမှာပေါ့ ” ဟု၎င်းက ဆိုသည်။

ယင်းနေ့ နံနက်ပိုင်းက အပေါ်ကျုံး ကန်ဘောင်နှင့် ၄ ပေခန့်အကွာတွင် အမျိုးသမီးတစ်ဦး အလောင်း မှောက်လျက် အနေအထားဖြင့် တွေ့ရကာ သေဆုံးသူမှာ ရေးမြို့နယ်၊ ပုပ္ဖ၀တီကျေးရွာတွင် နေထိုင်သူ အ-ထ-က(၂)၊ ရေးမြို့တွင် ကျောင်းတက်နေသည့် မယွန်းယွန်း(၁၇)နှစ်ဖြစ်သည်ဟု ရေးမြို့နယ် ရဲတပ်ဖွဲ့မှူးရုံးက သိရသည်။

“ မနေ့ညနေကအထိ ထူးထူးခြားခြား မကြားမိဘူး၊ ကောင်းကောင်းပါပဲ၊ မနက် ၅ နာရီခွဲလောက် အားလုံးထကြတော့ သတိမထားမိသေးဘူး၊ နောက်မှ "မလာနိုင်တဲ့ နေရာကို ငါသွားပြီ" လို့ စာရေး ထားတာ တွေ့တယ်၊ နောက် စိတ်ပူပြီး အားလုံးရှာကြတော့ ကျုံးမှာတွေ့ပါတယ် ” ဟု သေဆုံးသူနှင့် နီးစပ်သူတစ်ဦးက ပြောသည်။

၎င်းဖြစ်စဉ်နှင့်ပတ်သက်၍ ရေးမြို့မရဲစခန်းက သေမှုသေခင်းအမှတ်စဉ် ၂၅/၂၀၁၆ ဖြင့် ဖွင့်လှစ်ထားသည်ဟု သိရသည်။

“ ကြားရတာကတော့ စိတ်မကောင်းဘူး၊ အရွယ်က တအားငယ်တယ်။ ပထမကတော့ သို့လောသို့သောနဲ့ထင်မြင်ယူဆ သုံးသပ်ချက်တွေကတော့ ကြားရတာပေါ့၊ နောက်ဆုံး သိရသလောက်ကတော့ စာလေးနှစ်စောင်တွေ့ရတာပေါ့၊ နှစ်စောင်လုံးက သေတမ်းစာသဘော၊ တစ်စောင်ကတော့ ကြာပြီပေါ့၊ နောက်တစ်စောင် ကတော့ သူ့သူငယ်ချင်းကို လိပ်မူပြီးရေးတဲ့ သဘောပေါ့၊ ဒီဟာက ၀ဋ်ကြွေးကြောင့်ပဲလို့ပဲ သုံးသပ်လို့ရပါတယ် ” ဟု အောင်သုခရပ်ကွက်နေ ပြည်သူတစ်ဦးက ဆိုသည်။

၎င်းအပေါ်ကျုံးတွင်ပင် လွန်ခဲ့သည့် ၆ နှစ်ခန့်ကလည်း မိန်းကလေးတစ်ဦး နေအိမ်တွင် စာတစ်စောင်ရေးသားကာ ရေထဲသို့ ခုန်ချသတ်သေမှု ဖြစ်ပွားခဲ့သေးကြောင်းလည်း ဒေသခံများ၏ ပြောကြားချက်အရ သိရှိရသည်။

သတင်း - ရဲနိုင်ဦး
ဓါတ်ပုံ - Ko Kyaw Naing
Than Lwin Times
https://www.facebook.com/thanlwintimes9/



IL-76 အမျိုးအစား ရုရှားလေယာဉ်တစ်စင်းအားတွေ့ ရစဉ်(ဓာတ်ပုံ-အင်တာနက်)
    မော်စကို ၊ ဇူလိုင် ၁ (ဆင်ဟွာ)

    ရုရှားနိုင်ငံ၌ ခရီးသည် ၁၁ ဦးတင်ဆောင်ထားသည့် IL-76 အမျိုးအစား လေယာဉ် တစ်စင်း ပျောက်ဆုံးနေကြောင်း နှင့် ၄င်းလေယာဉ်ရှာဖွေရေးကို နိုင်ငံအတွင်းရှိ တောမီးလောင်ကျွမ်းနေသည့် Irkutsk ဒေသအတွင်း၌ လုပ်ဆောင်လျက်ရှိကြောင်း Sputnik ရုရှားသတင်းအေဂျင်စီက ဇူလိုင် ၁ ရက်တွင် သတင်းထုတ်ပြန်သည်။

အဆိုပါ လေယာဉ်သည် ခရီးစဉ် ပျံသန်းမှု အစီအစဉ်ကို သတင်းပို့ ရန် ပျက်ကွက်ခဲ့ကြောင်း ပြည်တွင်း ကယ်ဆယ်ရေးအဖွဲ့ ကဆိုသည်။ ကယ်ဆယ်ရေးသမားများတင်ဆောင်သွားသည့် လေယာဉ်က ဒေသစံတော်ချိန် နံနက် ၆နာရီခွဲတွင် ဆက်သွယ်မှုများ ပြုလုပ်ခဲ့ကြောင်း ဆိုထားသည်။

(Xinhua)
http://www.xinhuamyanmar.com

နိရဉ္စရာ၊ ဇွန် ၃၀

မြန်မာနိုင်ငံမှ ဘင်္ဂလီလူမျိုး ၅ ဦးကို ဘင်္ဂလာဒေ့ရှ် နိုင်ငံ ဒုက္ခသည် စခန်းမှ လက်နက်လုမှု သံသယဖြင့် RAB ခေါ် ဘင်္ဂလာဒေ့ခ်ျ အထူးမူခင်း နှိမ်နှင်းရေး ရဲတပ်ဖွဲ့က ဖမ်းဆီးလိုက်သည်ဟု Cox’sbazar news com တွင် သတင်း ဖော်ပြသည်။

ဖမ်းဆီးခံရသူများမှာ မိုဟာမတ်ရိုဖိလ်၊ အာဘဒူလ်ရာဇ္ဇက်၊ ဇာနေအာလာမ်၊ မိုဟာမတ် ဟာရူလ်နှင့် အာဘဒူလ် ဆာလာမ်တို့ဖြစ်ကြောင်း ရဲကို ကိုးကား သတင်း ဖော်ပြသည်။

သူတို့ကို ယနေ့ ဇွန်လ ၃၀ ရက် နေ့လယ်ပိုင်းက မြန်မာနယ်စပ်အနီးရှိ ဘင်္ဂလာဒေ့ရ်ှနိုင်ငံ အိုခီးယားမြို့နယ်ရှိ ကောတောပလောင် ဒုက္ခသည်စခန်း အတွင်းမှ အမှတ် (၇) အထူး မှုခင်းနှိမ်နှင်းရေးအဖွဲ့ (RAB) တပ်ဖွဲ့မှ ဖမ်းဆီးခြင်းဖြစ်ကြောင်း သတင်းတွင်ဖော်ပြသည်။

လွန်ခဲ့သည့် မေလ ၁၁ ရက်နေ့က တက်ကနက်မြို့နယ်ရှိ နော်ဝါပါရာ ဒုက္ခသည်စခန်းတွင် လုံခြုံရေး ယူထားသည့် အန်ဆာခေါ် ပြည်သူစစ်စခန်းကို အမည်မသိ လူတစ်စုမှ ၀င်ရောက် စီးနှင်းခဲ့ပြီး အန်ဆာ တပ်ဖွဲ့ တာဝန်ရှိသူ ခေါင်းဆောင်ကို သတ်ပစ်ကာ လက်နက် ၁၁ လက်နက်နှင့် ကျဉ်ဆန် ၆၇၀ လုယက် ယူဆောင် သွားခဲ့သည်။

၎င်းလက်နက်လုယူမှုနှင့် ဆက်နွယ်နေသည့် သံသယဖြင့် ၎င်းတို့ ၅ ဦးကို ဘင်္ဂလာ အာဏာပိုင်များမှ ဖမ်းဆီးခဲ့ခြင်း ဖြစ်သည်။

ဖမ်းဆီးခံရသူများ အထဲတွင် ရော်ဖိလ်ဆိုသူမှာ ဒေသအတွင်း ဓါးပြ အဖွဲ့ခေါင်းဆောင် တစ်ဦးဖြစ်ပြီး ဓါးပြမှုများဖြင့် အာဏာပိုင်များမှ အလိုရှိနေသူဖြစ်ကြောင်း သတင်းတွင် ဖော်ပြသည်။

Narinjara
https://www.facebook.com/Narinjara



 မြန်မာနိုင်ငံ ကို လူကုန်ကူးမှု အဆိုးရွားဆုံး အဆင့်(၃) ကို အမေရိကန်က ပြောင်းလဲ သတ်မှတ်
အမေရိကန်နိုင်ငံခြားရေး ဌာနက ထုတ်ပြန်လိုက်တဲ့ ၂၀၁၆ခုနှစ် လူကုန်ကူးမှု ဆိုင်ရာ အစီရင်ခံစာထဲမှာ မြန်မာနိုင်ငံကို လူကုန်ကူးမှု မတိုက်ဖျက်နိုင်တဲ့ အဆိုးဝါးဆုံး စောင့်ကြည့်စာရင်း အဆင့်၂ကနေ စောင့်ကြည့်စာရင်း အဆင့် ၃ကို လျှော့ချလိုက်ပါတယ်။

အခုလို စောင့်ကြည့်စာရင်း အဆင့်၃ကို အလျှော့ခံခဲ့ရတာနဲ့ ပတ်သက်လို့ မြန်မာနိုင်ငံခြားရေး ဝန်ကြီးဌာနက တုန့်ပြန် ကြေညာချက် ထုတ်ပြန်လိုက်ပြီး ဒီမိုကရေစီ အစိုးရသစ်အနေနဲ့ ရွှေ့ပြောင်း အလုပ်သမားတွေ၊ လူကုန်ကူး ခံရသူတွေနဲ့ အဓမ္မ စေခိုင်းခံရသူတွေကို ကာကွယ်နိုင်ရေးအတွက် အရှိန်အဟုန်မြှင့် ဆောင်ရွက်နေချိန်မျိုးမှာ အခုလို အဆင့်လျှော့ချ ခံခဲ့ရတဲ့အတွက် စိတ်မကောင်း ဖြစ်မိကြောင်း ဖော်ပြထားပါတယ်။

မြန်မာနိုင်ငံ အနေနဲ့ အဆင့်(၂) စောင့်ကြည့် စာရင်း နဲ့ ပြည့်မီ ပေမယ့် လွန်ခဲ့တဲ့ လေးနှစ်ဆက်တိုက် အဆင့်(၂)မှာပဲ ဆက်လက် ရှိနေခဲ့တဲ့ အတွက် အဆင့်(၃) ကို အမေရိကန်က ပြောင်းလဲ သတ်မှတ် လိုက်တာလို့ နားလည်ကြောင်းနဲ့ အဆင့်(၃) စာရင်းဝင် နိုင်ငံတွေ အပေါ် ကန့်သတ်ချက်တွေကြောင့် မြန်မာနဲ့ အမေရိကန် အကြား ပူးပေါင်း ဆောင်ရွက်ချက်တွေကို မထိခိုက် စေဖို့ မျှော်လင့်ကြောင်း မြန်မာ နိုင်ငံခြားရေး ဝန်ကြီးဌာနရဲ့ ထုတ်ပြန်ချက်ထဲမှာ ဖေါ်ပြထားပါတယ်။

အမေရိကန် နိုင်ငံခြားရေး ဌာနက ထုတ်ပြန်တဲ့ အဲဒီ အစီရင်ခံစာထဲမှာ ထိုင်းနိုင်ငံကိုတော့ အဆိုးဝါးဆုံး စောင့်ကြည့်စာရင်း အဆင့်၃ကနေ အဆင့်၂ကို တိုးမြှင့် ဖေါ်ပြခဲ့ပါတယ်။

ထိုင်းနိုင်ငံရဲ့ ပင်လယ်စာ ကုန်ထုတ်လုပ်ငန်းမှာ လူ့အခွင့်အရေး ချိုးဖောက်မှုတွေ ပျံ့နှံ့ ဖြစ်ပွားနေတယ်ဆိုတဲ့ စွပ်စွဲမှုတွေ ပေါ်ထွက်နေတဲ့ ကြားက အခုလို အဆင့် တိုးမြှင့် ဖေါ်ပြခဲ့တာပါ။

အမေရိကန် နိုင်ငံခြားရေး ဝန်ကြီး John Kerry ကတော့ ဒီဆုံးဖြတ်ချက်ဟာ နိုင်ငံရေးနဲ့ ဆက်နွယ် ပတ်သက်မှု မရှိဘူးလို့ ငြင်းဆိုလိုက်ပါတယ်။

အမေရိကန် အစိုးရ ထုတ်ပြန်လိုက်တဲ့ လူကုန်ကူးမှု မတိုက်ဖျက်နိုင်တဲ့ အဆိုးဝါးဆုံး နိုင်ငံတွေ စာရင်းထဲမှာ ဥဇဘက်ခစ္စတန်၊ ဂျီဘုတီ၊ ဟေတီ၊ ပါပွာ နယူးဂီနီ၊ ဆူဒန်၊ ဆူရီနမ်း နဲ့ တူခ်မန်နစ္စတန် စတဲ့ နိုင်ငံတွေလည်း ပါဝင်ပါတယ်။

အမေရိကန် က ထုတ်ပြန်တဲ့ လူကုန်ကူးမှု အစီရင်ခံစာ မှာ ပါရှိတဲ့ အကြံပြုချက် တွေကို အလေးအနက်ထား စဉ်းစားပြီး လူကုန်ကူးမှု ကိစ္စရပ်တွေကို နိုင်ငံတကာ နဲ့ ပူးပေါင်းပြီး အားသွန်ခွန်စိုက် ဖြေရှင်း သွားမယ်လို့ မြန်မာ နိုင်ငံခြားရေး ဝန်ကြီးဌာနက ထုတ်ပြန်တဲ့ ကြေညာချက်ထဲမှာ ပါရှိပါတယ်။

BBC Burmese
http://www.bbc.com/burmese



မြန်မာနိုင်ငံခြားရေး ဝန်ကြီးဌာန။
အမေရိကန်နိုင်ငံခြားရေး ဝန်ကြီးဌာနက ၂၀၁၆ ခုနှစ်အတွက်ထုတ်ပြန်တဲ့ လူကုန်ကူးမှု အစီရင်ခံစာထဲမှာ မြန်မာနိုင်ငံကို Tier 3 အနိမ့်ဆုံး စာရင်းထဲ ထည့်သွင်းခဲ့တာဟာ အရင်က အချက်အလက်ဟောင်းတွေအပေါ် အခြေခံခဲ့ တာသာဖြစ်တယ်လို့ မြန်မာနိုင်ငံခြားရေး ဝန်ကြီးဌာနက တုန့်ပြန်လိုက်ပါတယ်။ ဒါပေမယ့် လူကုန်ကူးမှုတိုက်ဖျက်ရေးနဲ့ပတ်သက်လို့ အမေရိကန်ရဲ့ အကြံပြုချက်တွေ အတိုင်း နိုင်ငံတကာနဲ့ ပူးပေါင်းပြီး မြန်မာအစိုးရက ဆက်လက်ကြိုးပမ်း လုပ်ဆောင်သွားမယ်လို့ မြန်မာနိုင်ငံခြားရေးဝန်ကြီးဌာနက ဇွန်လ(၃၀) ရက်နေ့ထုတ် ကြေညာချက်မှာ ဖေါ်ပြထားပါတယ်။ ဆက်သွယ်မေးမြန်းထားတဲ့ ကိုဉာဏ်ဝင်းအောင်က တင်ပြပါမယ်။

အမေရိကန်နိုင်ငံခြားရေးဝန်ကြီးဌာနရဲ့ ကြာသာပတေးနေ့မှာ ထုတ်ပြန် လိုက်တဲ့ နိုင်ငံတကာ လူကုန်ကူးမှု အစီရင်ခံစာအရ မြန်မာနိုင်ငံမှာ ကလေးစစ်သား အသုံးပြုမှုနဲ့ အဓမ္မလုပ်အားခိုင်းစေမှု တိုက်ဖျက်ရေးမှာရော၊ ရိုဟင်ဂျာ မူဆလင် လို့ နိုင်ငံတကာက ခေါ်ဝေါ်သုံးနေတဲ့ လူနည်းစု တွေအပေါ် ဖိနှိပ်အုပ်ချုပ်တာတွေ ဆက်ဖြစ်နေတာ အဆုံးသတ်ရေး ပိုပြီးလုပ်ဆောင်ဖို့ တွန်းအားပေးတဲ့ အနေနဲ့ မြန်မာနိုင်ငံကို Tier 3 အနိမ့်ဆုံး အဆင့်ထိ လျှော့ချလိုက်တာပါ။

အမေရိကန်အစိုးရဟာ အရင်က အချက်လက်ဟောင်းတွေအပေါ် အခြေခံပြီး Tier 3 အနိမ့်ဆုံး စာရင်းထဲ ထည့်သွင်းခဲ့တာသာဖြစ်တယ်လို့ မြန်မာနိုင်ငံခြားရေးဝန်ကြီးဌာန အမြဲတမ်း အတွင်းဝန် ဦးအောင်လင်းက ပြောပါတယ်။

" ဒီဥစ္စာက ဘယ်လိုလဲဆိုတော့ မနှစ်တုန်းက ၂၀၁၅ခုနှစ်မှာ ဖြစ်တဲ့ဟာတွေကို သူက ၂၀၁၆ခုနှစ်မှာ သူတို့က ထုတ်ပြန်တာပေါ့။ ထုတ်ပြန်တယ်ဆိုတဲ့အခါကျတော့ ကျနော်တို့ ၂၀၁၅ခုနှစ်မှာ ဖြစ်ခဲ့တဲ့ဟာကို ဒီအစိုးရသစ် တာဝန်ယူတဲ့အချိန်မှာ သူတို့ ထုတ်တဲ့သဘောမျိုး ဖြစ်သွားတာပေါ့။ ဒီဥစ္စာနဲ့ပတ်သက်ပြီးတော့ ကျနော်တို့ကတော့ စိတ်မကောင်းဘူး။ သို့ရာတွင် ကျနော်တို့ လုပ်စရာရှိတာ ကျနော်တို့ ဆက်လုပ်မယ်။ ဒီ Tier 3 ကနေပြီးတော့ လွတ်မြောက်ဖို့အတွက်ကို အမေရိကန်နိုင်ငံအပါအဝင် သက်ဆိုင်တဲ့နိုင်ငံအားလုံးနဲ့ ပူးပေါင်းဆောင်ရွက်သွားမယ် ။ အခုထောက်ပြနေတဲ့ဟာကို ကျေန်ာတို့ကနေပြီးတော့ ကျနော်တို့ သူတို့ကို နားလည်အောင် ရှင်းပြဖို့ ဆောင်ရွက်ဖို့ရှိပါတယ်။

တကယ်တော့ မြန်မာနိုင်ငံဟာ လွန်ခဲ့တဲ့ ၄ နှစ်တာကာလအတွင်း ၂၀၁၅ ခုနှစ်အထိ Tier 2 အဆင့်(၂)ရဲ့ စောင့်ကြည့် စာရင်းနိုင်ငံတွေထဲ ရှိနေခဲ့တယ် လို့ မြန်မာနိုင်ငံခြားရေး ဝန်ကြီးဌာနရဲ့ကြေညာချက်မှာ ဖေါ်ပြထားပါတယ်။

လူကုန်ကူးခံရသူတွေကို အကာအကွယ်ပေးရေးဥပဒေ TVPA ပါ အနိမ့်ဆုံး စံနှုန်းသတ်မှတ်ချက်တွေကို အပြည့်အ၀ မလိုက်နာသလို လိုက်နာဖို့သိသာတဲ့ လုပ်ဆောင်ချက်တွေ လည်း မရှိတာကြောင့် Tier 3 အဆင့်ထဲ ထည့်ခံရတာဖြစ်ပါတယ်။

မြန်မာနိုင်ငံမှာ ကလေးစစ်သားအသုံးပြုမှု လျော့ကျအောင် လုပ်ဆောင်နေတာနဲ့ ပတ်သက်လို့ ရန်ကုန် အမေရိကန်သံရုံးတာဝန်ရှိသူတွေကို ရှင်းပြခဲ့ကြောင်း အမြဲတမ်း အတွင်းဝန် ဦးအောင်လင်းက ပြောပါတယ်။

" ကလေးစစ်သားနဲ့ပတ်သက်ပြီးတော့ တနေ့ကတော့ အမေရိကန်သံရုံး တာဝန်ရှိတဲ့သူ နဲ့ ကျနော်တို့ တွေ့ပြီးပါပြီ။ ကလေးစစ်သားနဲ့ပတ်သက်ပြီးတော့ ကျနော်တို့ နိုင်ငံက အရေးယူဆောင်ရွက်မှုတွေကို သူတို့ ကျေနပ်အားရတယ်လို့ သူတို့ပြောပါတယ်။ သူတို့ဘက်ကနေပြီးတော့ ထောက်ပြစရာရှိတာကတော့ အတင်းအဓမ္မခိုင်းစေမှုနဲ့ ပတ်သက်ပြီး သူတို့ဘက်က သိစေချင်တဲ့ဟာလေးတွေ ရှိသေးတယ်လို့ ကျနော်တို့ကိုပြောသွားပါတယ်။ အဲ့ဒီ့ကိစ္စနဲ့ပတ်သက်ပြီးလည်း ကျနော်တို့ သူတို့ကို နားလည်အောင် ရှင်းပြဖို့ အဆင်သင့်ရှိပါတယ်။"

မေး။ ။ အဲ့တော့ ရခိုင်ပြည်နယ်က မူဆလင်တွေ ကိစ္စနဲ့ ပတ်သက်ပြီး မြန်မာအစိုးရ က ဘယ်လိုကိုင်တွယ်ဆောင်ရွက်နေတယ်ဆိုတာမျိုးရော သူတို့ဘက်က ဆွေးနွေး တာ ရှိပါသလား။

" အဲ့ဒီ့ကိစ္စနဲ့ပတ်သက်ပြီးတော့ ကျနော့်ကို အမေရိကန်သံရုံးတာဝန်ရှိသူ လာတွေ့ခဲ့စဉ်တုန်းကတော့ သီးခြားပြောသွားတာ မရှိပါဘူး။ ရခိုင်ပြည်နယ်မှာ ဆောင်ရွက်နေတဲ့ နိုင်ငံသားစိစစ်ရေးကိစ္စကိုသာ သူတို့မေးသွားပါတယ်။"

မြန်မာနိုင်ငံက လူအများစုဟာ ထိုင်းနိုင်ငံဘက်ကို လူကုန်ကူးခံရပြီး လူကုန်ကူး ဂိုဏ်းတွေရဲ့ အရောင်းစားခံကြရပါတယ်။ အရင်က Tier 3 အနိမ့်ဆုံးအဆင့် ရှိခဲ့တဲ့ ထိုင်းနိုင်ငံကို ဒီနှစ် အမေရိကန်လူကုန်ကူးမှု အစီရင်ခံစာထဲမှာ Tier 2 အဆင့်(၂)ထိ တိုးပေးခဲ့ပါတယ်။

လူကုန်ကူးခံရသူ အများအပြား နောက်ဆုံးမှာ ရောက်သွားလေ့ရှိတဲ့ မလေးရှားနိုင်ငံ ကိုလည်း ၂၀၁၅ ခုနှစ်မှာ Tier 3 အဆင့်ထဲ ထားခဲ့ရာက ဒီနှစ်မှာတော့ Tier 2 အဆင့်ထဲ ထည့်သွင်းသတ်မှတ်လိုက်ပါတယ်။

 ကိုဉာဏ်ဝင်းအောင် / ဗွီအိုအေ (မြန်မာပိုင်း)
http://burmese.voanews.com/



RIO 2016 Summer Olympics
၂၀၁၆ ရီယိုအိုလံပစ် အားကစားပြိုင်ပွဲမှာ မြန်မာနိုင်ငံအနေနဲ့ အားကစားနည်း ၅ မျိုး ၀င်ရောက် ယှဉ်ပြိုင်သွားမှာ ဖြစ်တယ်လို့ မြန်မာအိုလံပစ် အားကစား အဖွဲ့ခေါင်းဆောင် က ပြောလိုက်ပါတယ်။ မြန်မာနိုင်ငံ အနေ နဲ့ ရေကူး၊ ပြေးခုန်ပစ် ၊ သေနတ်ပစ်၊ ဂျူဒို၊ နဲ့ မြှားပစ်အားကစားနည်းတွေမှာ ၀င်ရောက် ယှဉ်ပြိုင်မှာဖြစ်ပြီး သေနတ်ပစ်ပြိုင်ပွဲကနေ ဆုတံဆိပ်တွေ မှန်းထားတယ် လို့သူက ပြောပါတယ်။ ဒီအကြောင်းအပြည့်အစုံကိုတော့ ဆက်သွယ်စုံစမ်းထားတဲ့ ကိုရန်နိုင်က ပြောပြပေးမှာဖြစ်ပါတယ်။

ဘရာဇီးနိုင်ငံမှာ သြဂုတ်လ ၅ ရက်နေ့ကနေ ၂၁ ရက်နေအထိ ကျင်းပမယ့် ၂၀၁၆ ရီယိုအိုလံပစ်ပြိုင်ပွဲကို မြန်မာနိုင်ငံကလည်း သွားရောက်ယှဉ်ပြိုင်မှာဖြစ်ပါတယ်။ မြန်မာနိုင်ငံအနေနဲ့ အားကစားနည်း ၅ မျိုးမှာ ၀င်ရောက်ယှဉ်ပြိုင်မှာဖြစ်တယ်လို့ မြန်မာအိုလံပစ်အားကစားအဖွဲ့ခေါင်းဆောင်၊ ကျန်းမာရေး နဲ့ အားကစားဝန်ကြီးဌာန အားကစားနဲ့ ကာယပညာဦးစီးဌာန ဒု-ညွန်ချုပ် ဦးသက်လွင်က ပြောပါတယ်။

" အားကစားနည်းက သေနတ်ပစ်၊ မြှားပစ်၊ ပြေးခုန်ပစ်၊ ရေကူး၊ ဂျူဒို ငါးမျိုးပါ။"

မြန်မာအိုလံပစ်အားကစားအဖွဲ့မှာ ပြေးခုန်ပစ်အားကစားသမား ၂ ဦး၊ ရေကူး အားကစားသမား ၂ ဦး၊ သေနတ်ပစ်၊ ဂျူဒို၊ နဲ့ မြှားပစ်အားကစားသမား ၁ ဦးစီ ပါဝင်မှာဖြစ်တယ်လို့ သူကပြောပါတယ်။ ရီယိုအိုလံပစ် အားကစားပြိုင်ပွဲ မှာ မြန်မာနိုင်ငံက ဝင်ရောက်ယှဉ်ပြိုင်မယ့် အားကစားနည်းတွေကို ဘယ်လိုရွေးချယ် သတ်မှတ်ခဲ့သလဲဆိုတဲ့ အပေါ်မှာတော့ မြန်မာအိုလံပစ် အားကစားအဖွဲ့ ခေါင်းဆောင် ဦးသက်လွင်က အခုလိုရှင်းပြပါတယ်။

" ပြေးခုန်ပစ်နဲ့ရေကူးကတော့ အိုလံပစ်ဂိမ်းမှာ ဦးစားပေးအဆင့်တစ် သတ်မှတ်ထားတဲ့ အားကစားနည်းထဲမှာ ပါဝင်တယ်။ ကမ္ဘာ့ပြေးခုန်ပစ် အဖွဲ့ချုပ်နဲ့ ကမ္ဘာ့ရေကူးအဖွဲ့ကတော့ အမြဲတမ်း အဖွဲ့ဝင် နိုင်ငံတိုင်းက အားကစားသမား တနိုင်ငံကို ကျားတစ်ဦး၊ မတစ်ဦးနှုန်း ကိုတာသတ်မှတ်ပေးတယ်။ အဲ့တော့ အဲ့ဒီ့ကနေ ကျနော်တို့က ဒါကို ဝင်ပြိုင်ရတာ။ နောက်တခုကတော့ ဂျူဒိုဆိုရင် ကျနော်တို့က အရှေ့တောင်အာရှပြိုင်ပွဲတွေမှာ ကျနော်တို့ ဂျူဒိုအဖွဲ့က ရွှေ၊ ငွေ၊ ကြေး အောင်မြင်မှု ရှိတာပေါ့နော်။ အဲ့တာကြောင့် အဲ့ဒီ့အားကစားနည်း ကို ကျနော်တို့က လျှောက်တယ်။ လျှောက်တော့ သူတို့က ကျနော်တို့ကို အမျိုးသားတဦးရွေးပေးတယ်။ အဲ့တော့ ကျနော်တို့က အဲ့တာပြိုင်ရတယ်။ နောက်တခုကတော့ သေနတ်ပစ်ကတော့ နဂိုကတည်းက ကျနော်တို့က လက်ရည်စစ်ပြိုင်ပွဲမှာ အဆင့်မှီတဲ့အတွက် အောင်မြင်လို့ သူက ပြိုင်ရတာ။ ကွာလီဖိုင်း ဖြစ်တာကတော့ အားကစားအဖွဲ့သွားမယ့်အထဲမှာ သူတယောက်ပဲ ကွာလီဖိုင်း ဖြစ်တာဖြစ်တယ်။ ကျန်တဲ့အားကစားနည်းနဲ့ အားကစားသမားတွေကတော့ ကျနော်တို့သက်ဆိုင်ရာ ကမ္ဘာ့အိုလံပစ်ကနေ အိုလံပစ်သွေးစည်းညီညွတ်ရေးအစီအစဉ်အရ ခွဲတမ်းပေးတဲ့အရ ကျနော်တို့သွားပြီးတော့ ယှဉ်ပြိုင်ရမှာဖြစ်ပါတယ်။"

မြန်မာနိုင်ငံအနေနဲ့ လက်ဝှေ့ပြိုင်ပွဲမှာ ၀င်ရောက်ယှဉ်ပြိုင်နိုင်ဖို့အတွက် ပြိုင်ပွဲဝင် တနေရာရဖို့ ကြိုးပမ်းခဲ့ပေမယ့်လည်း လက်ရည်စစ်ပွဲမအောင်မြင်တဲ့အတွက် ၀င်ရောက် ယှဉ်ပြိုင်ခွင့်မရခဲ့ဘူးလို့ ဦးသက်လွင်က ပြောပါတယ်။ အိုလံပစ်ပြိုင်ပွဲ ရဲ့ သေနတ်ပစ် နဲ့ မြှားပစ်ပြိုင်ပွဲတွေမှာ ရလဒ်ကောင်းတွေ ရဖို့ မျှော်လင့်နေပြီး၊ သေနတ်ပစ်ပြိုင်ပွဲ ကတော့ ဆုရဖို့ အလားအလာ အကောင်းဆုံးဖြစ်တယ်လို့ ဦးသက်လွင်ကပြောပါတယ်။

"သူက လက်ရည်စစ်ပွဲလည်း အောင်တယ်။ သူ့ရဲ့စိတ်တည်ငြိမ်မှု၊ သူ့ရဲ့ကိုယ်ရော စိတ်ပါ လန်းဆန်းတည်ငြိမ်မှု ပုံမှန်အတိုင်းကို ရမယ်။ သူ့ရဲ့ Equipment ကိုအသုံးပြုတဲ့အခါမှာ ပုံမှန်အတိုင်း အသုံးပြုခွင့်ရမယ်ဆိုရင် သူများနဲ့ တန်းတူ ယှဉ်လို့ရတာပေါ့နော်။ မြှားပစ်လည်း ထိုနည်းလည်းကောင်းပါပဲခင်ဗျ။ အခုလက်ရည်စစ်ပွဲ မအောင်ဘူးဆိုပေမဲ့ ဒီအားကစားသမားက ဆီးဂိမ်းတွေမှာလည်း ဆုရဖူးတဲ့ အားကစားသမားဖြစ်တဲ့အတွက် သူလည်း လက်ရည်ပစ်နိုင်တယ်ဆိုရင်တော့ ဖြစ်နိုင်ခြေရှိတာပေါ့။"

မြန်မာနိုင်ငံအနေနဲ့ ဂျူဒိုမှာ အရှေ့တောင်အာရှ အဆင့်ကို ကောင်းကောင်း ယှဉ်ပြိုင်နိုင်ပေမယ့်၊ ဂျူဒိုအပါအ၀င် ၊ ပြေးခုန်ပစ် နဲ့ ရေကူးပြိုင်ပွဲတွေမှာတော့ ကမ္ဘာ့အဆင့်ထိပ်တန်းနိုင်ငံတွေကို ယှဉ်ပြိုင်နိုင်ဖို့မလွယ်ကူကြောင်း ၊ ပြေးခုန်ပစ်ပြိုင်ပွဲမှာတော့ တာဝေးပြေးမှာ ၀င်ရောက် ယှဉ်ပြိုင်မှာဖြစ်တယ်လို့ ပြောပါတယ်။ ရီယိုအိုလံပစ်ပြိုင်ပွဲဝင်မယ့် အားကစားသမားတွေကို ပြီးခဲ့တဲ့ စင်ကာပူဆီးဂိမ်းပြိုင်ပွဲအပြီးကတည်းက စတင် ပြင်ဆင်လေ့ကျင့်ခဲ့တာဖြစ်ပြီး ၊ မြန်မာအိုလံပစ်အားကစားအဖွဲ့ဟာ ဘရာဇီးနိုင်ငံကို သြဂုတ်လဆန်းမှာသွားမှာဖြစ်တယ်လို့ သူကပြောပါတယ်။

 ကိုရန်နိုင် / ဗွီအိုအေ (မြန်မာပိုင်း)
http://burmese.voanews.com



နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကို ဇွန်လ ၂၈ ရက်နေ့က နေပြည်တော်မှာတွေ့ရစဉ်။ Photo: Myanmar State Counsellor Office။
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ ဥက္ကဌ ဗိုလ်ချုပ်ကြီး အန်ဘန်လတို့ လာမယ့် ဇူလိုင်လအတွင်း နေပြည်တော်မှာ တွေ့ဆုံ ဆွေးနွေးသွားမှာ ဖြစ် ပါတယ်။

တွေ့ဆုံမယ့်ရက်ကို အတိအကျသတ်မှတ်နိုင်ဖို့ ၂၁ ရာစု ပင်လုံညီလာခံအကြို ပြင်ဆင်ရေးကော်မတီနဲ့ UNFC က နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့တွေ မနက်ဖြန် ရန်ကုန်မြို့မှာ ကနဦးတွေ့ဆုံ သွားမှာဖြစ်တယ်လို့ UNFC ကိုယ်စားလှယ်အဖွဲ့ခေါင်းဆောင် ခူးဦးရယ်က ပြောပါတယ်။

"ကျနော်တို့ UNFC က ခေါင်းဆောင်တွေနဲ့ နိုင်ငံတော်အတိုင်ပင်ခံပုဂ္ဂိုလ်နဲ့ တွေ့ဆုံဖို့ ဖိတ်ကြားခြင်း ခံရတဲ့ အတွက်လည်း တွေ့ဆုံဆွေးနွေးမှုဖြစ်ပေါ်ဖို့အတွက် ကျနော်တို့ ဆက်လက်ညှိနှိုင်းဆောင်ရွက်သွားမှာဖြစ်ပါ တယ်၊ တွေ့ဆုံမှုအပေါ်မှာ မူတည်ပါတယ်၊ အဲ့ဒီကမှပဲ ကျနော်တို့ ဘယ်လိုတွေ့ဆုံကြမလဲ ဘယ်အချိန်ဖြစ်မယ် ဆိုတာကို ကျနော်တို့ ပြောလို့ရမှာပါ၊ ဒီတွေ့ဆုံဆွေးနွေးမှုမဖြစ်ခင်တော့ ကျနော်တို့ ကြိုပြီးဘာမှပြောလို့မရပါဘူး"

ပြီးခဲ့တဲ့ ဇွန်လ ၃ ရက်နေ့က ထိုင်းနိုင်ငံ၊ ချင်းမိုင်မြို့မှာ ဒေါက်တာ တင်မျိုးဝင်း ဦးဆောင်တဲ့ ၂၁ ရာစု ပင်လုံညီလာခံ အကြိုပြင်ဆင်ရေးကော်မတီ အဖွဲ့ဝင်တွေနဲ့ UNFC ခေါင်းဆောင်တွေ တွေ့ဆုံခဲ့ရာမှာ UNFC က နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ တွေ့ဆုံခွင့်ရဖို့ တောင်းဆိုခဲ့တာ ဖြစ်ပါတယ်။

ဒေါ်အောင်ဆန်းစုကြည်က UNFC ဥက္ကဌနဲ့အဖွဲ့ကို လက်ခံတွေ့ဆုံသွားဖို့ အကြောင်းပြန်ကြားထားပြီး ဖြစ် တာကြောင့် လာမယ့်ဇူလိုင်လ ပထမအပတ်အတွင်း တွေ့ဆုံနိုင်ဖို့အတွက် ဒေါက်တာတင်မျိုးဝင်းက စီစဉ်ဆောင်ရွက်ပေးနေ တာ ဖြစ်ပါတယ်။

လက်ရှိ UNFC အဖွဲ့ဝင်တွေဟာ တစ်နိုင်ငံလုံး အပစ်အခတ်ရပ်စဲရေးစာချုပ်မှာ လက်မှတ်မထိုးရသေးတဲ့ တိုင်းရင်းသား လက်နက်ကိုင်အဖွဲ့တွေ စုပေါင်းထားတဲ့ အဖွဲ့ဖြစ်ပါတယ်။

အခုလ ၂၈ ရက်နေ့က နေပြည်တော်မှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ အပစ်ရပ် လက်မှတ်ရေးထိုးထားတဲ့ တိုင်းရင်းသားလက်နက်ကိုင်အဖွဲ့တွေ တွေ့ဆုံခဲ့ရာမှာ ၂၁ ရာစု ပင်လုံညီလာခံကို လာမယ့်သြဂုတ်လအတွင်း ဆောင်ရွက်နိုင်ဖို့ သဘောတူညီခဲ့ကြပါတယ်။

၂၁ ရာစု ပင်လုံညီလာခံ အကြိုပြင်ဆင်ရေးအဖွဲ့နဲ့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC က ကိုယ်စားလှယ်တွေဟာ  မနက်ဖြန် ရန်ကုန်မြို့၊ ရွှေလီလမ်းက အမျိုးသားရင်ကြားစေ့ရေးနဲ့ ငြိမ်းချမ်းရေးဗဟိုဌာန NRPC မှာ တွေ့ဆုံကြဖို့ရှိပါတယ်။

အဲ့ဒီတွေ့ဆုံပွဲမှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ UNFC ဥက္ကဌတို့ နေပြည်တော် မှာ တွေ့ဆုံနိုင်မယ့်ရက်ကို ညှိနှိုင်းသွားဖို့ရှိတယ်လို့ ၂၁ ရာစု ပင်လုံညီလာခံအကြိုပြင်ဆင်ရေး ကော်မတီ အတွင်းရေးမှူး ဦးလှမောင်ရွှေ က ပြောပါတယ်။

RFA Burmese
http://www.rfa.org/burmese


မြစ်ကြီးနားမြို့မှ မန္တလေးမြို့ကို စုန်ဆင်းလာသည့် အမြန်ရထားတစ်စင်းအား ကချင်ပြည်နယ်အတွင်းရှိ ဘူတာတစ်ခုတွင် တွေ့ရစဉ်။ Photo:Kyaw Myo Min/RFA
မြန်မာ့မီးရထားက မန္တလေးတိုင်း မြို့ဟောင်းဘူတာကနေ ကချင်ပြည်နယ် မြစ်ကြီးနားဘူတာအထိ ကုန်မျိုးစုံနဲ့ ဆီတွေတင်ဆောင်တဲ့ ကုန်ရထားတန်ဆာခနှုန်းထားတွေကို အခုလလယ်ပိုင်းကစပြီး လျှော့ချလိုက်ပါတယ်။

အရင်က ခရီးတစ်မိုင်အတွက် တစ်တန် ၉၀ ကျပ်နှုန်းကနေ ၇၅ ကျပ်နှုန်းကိုလျှော့ချလိုက်တာ ဖြစ်တယ် လို့ မြစ်ကြီးနားဘူတာကြီးရဲ့ ရုံပိုင်ချုပ် ဦးကြည်ဆန်းက ပြောပါတယ်။

"ကုန်ဆို တစ်တန် တစ်မိုင်ကို ၇၅ ကျပ်နှုန်းကောက်ပါတယ်၊ ဆီလုံးရထားကတော့ တစ်တန် တစ်မိုင်ကို ၉၀ ကျပ်နှုန်းကောက်ပါတယ်၊ အဲ့ဒါပဲပြောင်းလဲသွားတာပါ၊ တစ်တန် တစ်မိုင် ၁၅ ကျပ် သက်သာသွားတဲ့အခါ မှာ မြစ်ကြီးနားနဲ့ မြို့ဟောင်း ၅၁ဝဝ သက်သာပါတယ်၊ တွဲတစ်တွဲလုံးအနေနဲ့ဆိုရင် ငွေ တစ်သိန်းခြောက်သောင်းလောက် သက်သာပါတယ်၊ ဒီလိုနှုန်းချပေးလိုက်တဲ့အတွက်ကြောင့် ကားခနဲ့ ယှဉ်လို့ရှိရင် နည်းနည်းသက်သာလာတဲ့အတွက်ကြောင့် ဒီဘက်နည်းနည်းပိုတင်လာမယ်လို့ ယူဆပါတယ်"

ဒီနှစ်ပိုင်းအတွင်း မန္တလေးဘက်ကနေ မြစ်ကြီးနားဘက်ကို ကားမျိုးစုံနဲ့ သယ်ယူတာတွေရှိလာတဲ့အတွက် ကုန်ရထားနဲ့ သယ်ယူစားရိတ် တန်ဆာခဈေးနှုန်းတွေကို လျှော့ချလိုက်တာဖြစ်တယ်လို့ ပြောပါတယ်။

အခုလျှော့ချလိုက်တဲ့ တန်ဆာခ နှုန်းထားဟာ မြို့ဟောင်းဘူတာဘက်ကနေ မြစ်ကြီးနားဘူတာဘက် အဆန်ခရီး သယ်ယူစားရိတ်ဖြစ်ပြီး မြစ်ကြီးနားဘက်ကနေ မြို့ဟောင်းဘူတာဘက် သယ်ယူခနှုန်းကတော့ မူလအတိုင်း ဖြစ် ပါတယ်။

မြစ်ကြီးနားဘူတာကနေ မြို့ဟောင်းဘူတာကို မီးရထားမိုင်အနေနဲ့ မိုင် ၃၄၀ ရှိပါတယ်။

လက်ရှိအခြေအနေမှာ မြစ်ကြီးနားဘူတာကနေ တစ်လကို လူစီးရထားမျိုးစုံ ၇ စီး အစုန်အဆန် သွားလာနေပြီး ကုန်ရထား အစီးနှစ်ဆယ်လောက် အစုန် အဆန် သယ်ယူပို့ဆောင်နေတာဖြစ်ပါတယ်။

ကချင်ပြည်နယ်၊ စစ်ကိုင်းတိုင်းဒေသကြီးနဲ့ မန္တလေးတိုင်းဒေသကြီးတစ်ချို့က တိုင်းရင်းသားပြည်သူတွေဟာ ခရီးသွားလာရေးနဲ့ ကုန်စည်ပို့ဆောင်ရေးအတွက် မြန်မာ့မီးရထားကို အစဉ်အဆက် အသုံးပြု နေကြတာ လည်း ဖြစ်ပါတယ်။

RFA Burmese
http://www.rfa.org/burmese


မုံရွာ-ဇွန်(၂၉)ရက်

ယင်းမာပင်မြို့နယ် တရော်ကျင်းကျေးရွာအနီးတွင်ရှိသော တောင်နှစ်တောင်၌ ကျောက်ထု-ထုတ်နေကြသည့် ကုမ္ပဏီ(၃)ခုအား လုပ်ငန်းလိုင်စင်မပြနိုင်၍ ကျောက်ထု-ထုတ်ခွင့် ရပ်နားခိုင်းထားကြောင်း တရော်ကျင်းဒေသခံများထံမှသိရသည်။

ကျောက်ထု-ထုတ်ခွင့်ရပ်ထားခိုင်းခံခဲ့ရသည့် ကုမ္ပဏီ(၃)ခုမှာ မုံရွာဆောက်လုပ်ရေးကုမ္ပဏီ-ချင်းတွင်းနဂါးကုမ္ပဏီ-စိုးကြည်အောင်တည် ဆောက်ရေး ကုမ္ပဏီတို့ဖြစ်ပြီး ယင်းကုမ္ပဏီ(၃)ခုသည် အစိုးရ၏ ခွင့်ပြုအမိန့် ကျောက်ထု-ထုတ်ခွင် လုပ်ငန်းလိုင်စင်အား ကျေးရွာသားများထံ မပြနိုင်ခဲ့၍ ကျေးရွာသားများမှ ရပ်နားခိုင်းခဲ့သည်ဟုဒေသခံများကဆိုသည်။

"ကျမသူဌေးက ၂၀၁၃-၂၀၁၄ခုနှစ်က တစောင်ဘဲ ကျမကို ပေးလိုက်တယ်။သူဌေးပြောတာကတော့ မြို့နယ်မြေစာရင်းရုံးကို ဖုန်းဆက်မေးလိုက်ရင် မြို့နယ်မြေစာရင်းရုံးက အကုန်စုံပြောပြပါလိမ့် မယ်လို့ ကျမကို ပြောခိုင်းလိုက်ပါတယ်"ဟု ချင်းတွင်းနဂါးကုမ္ပဏီမှ ကိုယ်စားလှယ် ဒေါ်ရီမွန်တင့်ကပြောသည်။

၂၀၁၃-၂၀၁၄ခုနှစ်မှစတင်ကာ တရော်ကျင်းကျေးရွာအနီးမှာရှိသည့် မြတောက်တောင်နှင့်တောင်ဆုံတောင်တို့အား ကျောက်ထု-ထုတ်လုပ်ငန်း လုပ်ကိုင်နေကြပြီး ယင်းကုမ္ပဏီ(၃)ခုသည် နိုင်ငံတော်၏ ခွင့်ပြုမိန့်မပါရှိဘဲ လုပ်ကိုင်နေကြကြောင်း သိရသည်။

"ကျွန်တော်တို့က လုပ်ငန်းလိုင်စဉ်တောင်းတယ်။ သူတို့ဖက်က မပေးနိုင်ပါဘူး။ လုပ်ငန်းလိုင်စဉ် မပေးနိုင်လို့ အခုလို့ ရပ်-ရွာက ကျောက်ထု-ထုတ်ဖို့ ရပ်ခိုင်းထားပါ"ဟု တရော်ကျင်းကျေးရွာ ဥက္ကဌဦးပြေငြိမ်းကပြောသည်။

ပြီးခဲ့သည့် ဇွန်(၂၀)ရက်က စစ်ကိုင်းတိုင်း ဒေသကြီးအစိုးရ အဖွဲ့သည် ကျောက်ထု-ထုတ်ခြင်းဆိုင်ရာ-စည်းမျင်းစည်းကမ်းများဖြစ်သည့် ရှေ့ဟောင်းအမွေအနှစ်များရှိသောနေရာ- သဘာဝပတ်ဝန်းကျင်ဂေဟစနစ် ထိန်းညှိပေးသောနေရာ-သစ်တောဖုံးလွှမ်းသောနေရာ-မြို့ရွာနဲ့နီးသောနေရာ-လူနေဒေသနဲ့ နီးသောနေရာ-ဘာသာရေးအဆောက်အဦးနဲ့နီးသောနေရာ-ရိုးရာယဉ်ကျေးမှု ဓလေ့ရှိသောနေရာများတွင် တူးဖော်ခွင့်မပြုကြောင်း ထုတ်ပြန်ချက်(၆)ချက် ထုတ်ပြန်ထားပြီးကျောက်ထု-ထုတ်နေသည့် ကုမ္ပဏီ(၃)ခုသည် ယင်းအချက်များဖြင့် ညှိစွန်းနေကြောင်းသိရသည်။

Monywa Gazette
https://www.facebook.com/chindwingazet


နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်
ဘင်္ဂလား ဒေ့ရှ် ပြည်သူ့ သမ္မတနိုင်ငံ ဝန်ကြီးချုပ်ရဲ့ အထူး ကိုယ်စားလှယ် ဘင်္ဂလားဒေ့ရှ် နိုင်ငံခြားရေး ဝန်ကြီးဌာန နိုင်ငံခြားရေး အတွင်းဝန် မစ္စတာ အမ်ဒီ ရှာဟိဒူလ် ဟိတ်ခ် ဟာ နိုင်ငံတော်၏ အတိုင်ပင်ခံပုဂ္ဂိုလ် နိုင်ငံခြားရေးဝန်ကြီး ဌာန ပြည်ထောင်စု ဝန်ကြီး ဒေါ်အောင်ဆန်းစုကြည် ကို ဒီနေ့ ဇွန်လ ၃၀ရက်နေ့မှာ လာရောက် တွေ့ဆုံခဲ့ပါတယ်။

မစ္စတာရှာဟိဒူလ် ဟိတ်ခ် ဟာ တပ်မတော် အကြီးအကဲနဲ့လည်း သွားရောက် တွေ့ဆုံခဲ့ပါတယ်။

ဘင်္ဂလားဒေ့ရှ် ဝန်ကြီးချုပ်ရဲ့ အထူး ကိုယ်စားလှယ် ရဲ့ ခရီးစဉ်ဟာ အန်အယ်ဒီ အစိုးရကို ထောက်ခံကြောင်း ပြဖို့ လာတာ ဖြစ်တယ်လို့ မြန်မာနိုင်ငံ နိုင်ငံခြားရေး ၀န်ကြီး ဌာန ညွန်ကြားရေးမှူးချုပ် ဦးကျော်ဇေယျက ပြောပါတယ်။

ဒေါ်အောင်ဆန်းစုကြည်နဲ့ တွေ့ဆုံရာမှာတော့ နှစ်နိုင်ငံ ဆက်ဆံရေး ကိစ္စကို ဒီထက် ပိုမြှင့်ချင်ကြောင်း ၊ လက်ရှိ နှစ်နိုင်ငံကြား လည်ပတ် လုပ်ဆောင်နေတဲ့ ယန္တယားတွေကို ခိုင်ခိုင်မာမာဆောင်ရွက်ချင်တယ်လို့ အထူးကိုယ်စားလှယ်က ပြောသွားကြောင်း ဦးကျော်ဇေယျက ရှင်းပြပါတယ်။

ဒါ့အပြင် နှစ်နိုင်ငံကြား BLO ရုံးတွေ တည်ထောင်သွားချင်ပြီး အဓိက ကတော့ ကုန်သွယ်ရေးနဲ့ ရင်းနှီးမြုပ်နှံမှုတွေ လုပ်ချင်တယ်လို့ ဆိုကြောင်း ၊ ရခိုင်နဲ့ ဟိုဘက်မှာ ရှိတဲ့ ပြည်နယ်တွေ ကြားမှာ နှစ်နိုင်ငံ နယ်စပ် ကုန်စည် ကူးသန်း ရောင်းဝယ်မှု အတွက် ဖြစ်နိုင်တဲ့ နည်းလမ်းတွေကို စဉ်းစားမယ်လို့ ပြောဆို ဆွေးနွေးကြကြောင်း သိရပါတယ်။

နှစ်နိုင်ငံကြား Foreign Office Consulation လုပ်ဖို့ ရှိနေပြီး ဒီလို တွေ့ဆုံဖို့ မနှစ်ကတည်းက ရည်ရွယ်ထားကြတာ ဖြစ်ပေမယ့် ရွေ့လိုက်တာ ဖြစ်ကြောင်း ၊ အဲသလို တွေ့ဆုံနိုင်ဖို့ကို အခုဆွေးနွေးပွဲမှာ ပြောဆိုခဲ့ကြတယ်လို့ ဆိုပါတယ်။

ရိုဟင်ဂျာ အရေးကို ဆွေးနွေးတဲ့ အထဲမပါပေမယ့် ရည်ညွန်း ကိုးကားချက်တော့ နည်းနည်း ပါကြောင်း ဦးကျော်ဇေယျက ဆိုပါတယ်။

ဒါ့အပြင် အခု ရောက်ရှိလာတဲ့ အထူးကိုယ်စားလှယ် မစ္စတာ ရှာဟိဒူလ် ဟိတ်ခ် ဟာ ဘင်္ဂလား ၀န်ကြီးချုပ် ရှိတ် ဟာစီနာ ပေးလိုက်တဲ့ သ၀ဏ်လွှာကို ဒေါ်အောင်ဆန်းစုကြည်ကို ပေးအပ်ခဲ့တယ်လို့လည်း သူက ပြောပါတယ်။

မြန်မာနဲ့ ဘင်္ဂလားဒေ့ရ်ှဟာ ရေပြင်ပိုင်နက် အငြင်းပွားမှု ပြဿနာ ဖြစ်ခဲ့ဖူးသလို နှစ်နိုင်ငံ နယ်စပ် ဖြတ်ကျော် ၀င်ရောက်မှု ၊ အဲဒီမှာ စစ်ရေး လေ့ကျင့်တာနဲ့ စစ်စခန်း တည်ဆောက်မှုတွေကြောင့် နှစ်နိုင်ငံကြား ဆက်ဆံရေးမှာ အဖုအထစ်တွေ ရှိခဲ့ဖူးပါတယ်။

အခု ဒေါ်အောင်ဆန်းစုကြည်နဲ့ လာရောက် တွေ့ဆုံတဲ့ အခါမှာတော့ နှစ်နိုင်ငံဆက်ဆံရေးနှင့် ပူးပေါင်းဆောင်ရွက်မှု မြှင့်တင်ရေးဆိုင်ရာ ကိစ္စရပ်များအပေါ် ရင်းနှီးပွင့်လင်းစွာ အမြင်ချင်းဖလှယ် ဆွေးနွေးခဲ့ကြတယ်လို့ ဦးကျော်ဇေယျက ပြောပါတယ်။

အဲဒီ တွေ့ဆုံပွဲကို နိုင်ငံတော်အတိုင်ပင်ခံရုံး ဝန်ကြီးဌာန ပြည်ထောင်စု ဝန်ကြီး ဦးကျော်တင့်ဆွေ၊ နိုင်ငံခြားရေးဝန်ကြီးဌာန ဒုတိယဝန်ကြီး ဦးကျော်တင်နှင့် နိုင်ငံခြားရေး ဝန်ကြီးဌာနမှ အဆင့်မြင့် အရာရှိကြီးများ တက်ရောက်ခဲ့ကြပါတယ်။

BBC Burmese
http://www.bbc.com/burmese


ယင်းမာပင်၊ဇွန်-၂၉

ယင်းမာပင်မြို့ မြို့မဈေးအနီးတွင်ရှိသော စိန်ဆေးဆိုင်ကို ဇွန်(၂၈)ရက်ညတွင် ဖောက်ထွင်းခံခဲ့ရပြီးသိန်း၂၀ကျော်တန်ဖိုးရှိဖုန်း ငွေဖြည့်ကဒ်များခိုးယူခံခဲ့ရသည်ဟုစိန်ဆေးဆိုင် ပိုင်ရှင်ကပြောသည်။

"ဆိုင်ကိုဘယ်သူဘယ်ဝါဖောက်တယ်ဆိုတာတော့မသိရသေးပါဘူး ရဲကတော့ဖြစ်စဉ်ကိုအသေးစိတ်လာ မေးပြီး မှတ်တမ်းယူသွားတယ်"ဟု၎င်းက ဆက်ပြောသည်။


ဈေးဆိုင်၏သွပ်မိုး အား ဖွင့်ဖောက်ကာပစ္စည်းခိုးယူမှု ဖြစ်ခဲ့ပြီးယင်းဆေးဆိုင်အတွင်း သေတ္တာ ထဲတွင်သိမ်းဆည်းထားခဲ့သောဖုန်းငွေ ဖြည့်ကဒ်များခိုးယူခံခဲ့ရပြီးတခြားသော ပစ္စည်းများလည်း ခိုးယူခံခဲ့ရသည်။

ယင်းဖြစ်စဉ်နှင့်ပတ်သက်ပြီး ယင်းမာပင်မြို့မရဲစခန်းမှ အမှုဖွင့်အရေးယူခြင်းမရှိသေး ကြောင်းသိရှိရသည်။

နွယ်နွယ်ထွန်း
Monywa Gazette
https://www.facebook.com/chindwingazet



ဘတ်စ်ကားတွေမှာ စပယ်ယာ ထားတော့မှာ မဟုတ်
မော်တော်ယာဉ် လိုင်းပေါင်းစုံ ထိန်းသိမ်း ကြီးကြပ်မှု ဗဟို ကော်မတီ (မထသ) ကို ဖျက်သိမ်းပြီး ရန်ကုန် သယ်ယူ ပို့ဆောင်ရေး အာဏာပိုင်အဖွဲ့ က ရန်ကုန်မြို့တွင်း ခရီးသည် သယ်ယူ ပို့ဆောင်ရေး စနစ်သစ်ကို (၃)လတွင်း အကောင်အထည် ဖော်ဖို့ ရှိပါတယ်။

Yangon Transport Authority အနေနဲ့ လက်ရှိ ဘတ်စ်ကားတွေ စည်းကမ်း မလိုက်နာတာ၊ ယာဉ်လိုင်းများ နေတာတွေ အပြင် နေ့စဉ်ကြုံနေရတဲ့ ယာဉ်ကြော ပိတ်ဆို့တာတွေကို ဖြေရှင်းဖို့ အဓိကထား လုပ်ဆောင်မှာ ဖြစ်ပါတယ်။

လက်ရှိ ပြေးဆွဲနေတဲ့ ဘတ်စ်ကားလိုင်း (၃၅၀) ကျော်ကို လိုင်းပေါင်း (၅၀) အထိ လျှော့ချပြီး ပုဂ္ဂလိကပိုင် ဘတ်စ်ကားလိုင်းတွေကို အများပိုင် ကုမ္ပဏီအဖြစ် စုဖွဲ့ဖို့ ရှိနေပါတယ်။

ဘတ်စ်ကားတွေ လျော့သွားမှာ မဟုတ်ဘဲ E-Ticket စနစ် နဲ့ လက်မှတ်ရောင်းပြီး ဘတ်စ်ကားတွေမှာ စပယ်ယာ ထားတော့မှာ မဟုတ်ပါဘူး။

စနစ်သစ်မှာ အီလက်ထရောနစ် စနစ်နဲ့လက်မှတ် ရောင်းမှာ ဖြစ်လို့ လက်ရှိ ကားဟောင်းတွေ နေရာမှာ ကားသစ်တွေ အစားထိုးဖို့ လိုတဲ့ ငွေကို ဒီအဖွဲ့က ထုတ်ချေးပေးမယ်လို့ ရန်ကုန်တိုင်း အစိုးရ သယ်ယူ ပို့ဆောင်ရေး အကြံပေး ဒေါက်တာ မောင်အောင် က ပြောပါတယ်။

စနစ်သစ်မှာ ဘတ်စ်ကားခ တိုးကောက်ဖို့ အစီစဉ် မရှိသေးဘူးလို့ ဒေါက်တာ မောင်အောင်က ပြောပါတယ်။

မထသ ကို အစိုးရ ဦးဆောင်မှုနဲ့ ၁၉၆၂ ကတည်းက စတင် ဖွဲ့စည်းခဲ့တာ ဖြစ်ပါတယ်။

အသစ်ဖွဲ့မယ့် ရန်ကုန်သယ်ယူပို့ဆောင်ရေး အာဏာပိုင်အဖွဲ့ မှာ တိုင်းဝန်ကြီးချုပ် ဦးဖြိုးမင်းသိန်းက နာယက၊ တိုင်း နယ်စပ်ရေးရာနဲ့ လုံခြုံရေးဝန်ကြီး၊ ပို့ဆောင်ရေး ဝန်ကြီးတွေ အပြင် တတ်သိပညာရှင်တွေ ပါမှာ ဖြစ်ပါတယ်။

ဒီအဖွဲ့ဟာ ရန်ကုန်မြို့တွင်း ဘတ်စကားလိုင်းတွေ သာမက မြို့ပတ်ရထား ပြေးဆွဲတာကို ကြီးကြပ်မယ့် အပြင် လှိုင်မြစ်ကြောင်း နဲ့ ငမိုးရိပ်ချောင်း တလျှောက် ရေကြောင်း သယ်ယူ ပို့ဆောင်ရေး Water Taxi စနစ် ကိုလည်း လပိုင်းအတွင်း အကောင်အထည် ဖော်ဖို့ ရှိပါတယ်။

BBC Burmese
http://www.bbc.com/burmese

တိုက်ခိုက်မှု အတွင်း သေဆုံးသူတွေကို သင်္ဂြိုဟ်

ပြီးခဲ့တဲ့ အင်္ဂါနေ့က အစ္စတန်ဘူလ် မြို့ရဲ့ အဓိက လေဆိပ်ကို အသေခံ ဗုံးခွဲ တိုက်ခိုက်ခဲ့သူ သုံးယောက်ဟာ ရုရှ ၊ ဥဇဘက် ကစ္စတန်နဲ့ ခါဇက် စတန် နိုင်ငံတို့က လူတွေ ဖြစ်တယ်လို့ တူရကီက ပြောပါတယ်။

အဲဒီလူ သုံးယောက်လုံးဟာ သူတို့ကိုယ်မှာ တပ်ထားတဲ့ ဗုံးတွေကို ခွဲပြီး အသေခံ တိုက်ခိုက်ခဲ့တာ ဖြစ်ပါတယ်။

ဒီတိုက်ခိုက်မှုအတွင်း လူ လေးဆယ်နီးပါး သေဆုံးခဲ့ပြီး ဒါဟာ အစ္စလာမ္မစ် စတိတ် အကြမ်းဖက် အဖွဲ့ရဲ့ လက်ချက်လို့ တူရကီ နဲ့ အမေရိကန် အစိုးရတို့က ယူဆနေကြပါတယ်။

အစ္စတန်ဘူလ်နဲ့ အစ်ဇ်မီယာ ကမ်းခြေမြို့ တို့မှာ ရဲတွေက စီးနင်း ရှာဖွေမှု တော်တော်များများ လုပ်ခဲ့ပါတယ်။

လူ ၁၃ ယောက်ကိုလည်း ထိန်းသိမ်းခဲ့ပြီး အဲဒီ အထဲမှာ အနည်းဆုံး တယောက်က နိုင်ငံခြားသား ဖြစ်ပါတယ်။
BBC Burmese

တပ်မတော်က တရားစွဲဆိုခဲ့တာကြောင့် 7 Day သတင်းစာအနေနဲ့ နိုင်ငံပိုင်သတင်းစာမှာ ပြန်လည်တောင်းပန်ကြောင်း ဖော်ပြခဲ့ရတာဟာ မီဒီယာလွတ်လပ်ခွင့်ကို ခြိမ်းခြောက်မှုတစ်ခုအဖြစ်ထင်မြင်ကြောင်း မြန်မာဂျာနယ်လစ်ကွန်ရက်က သဘောထားထုတ်ပြန်ချက်တစ်စောင် ဒီနေ့ထုတ်ပြန်လိုက်ပါတယ်။

7 Day သတင်းစာက ရေးသားလိုက်တဲ့သတင်းဟာ သတင်းစာပညာအရ မှားယွင်းမှုမရှိဘူးလို့ မြန်မာဂျာနယ်လစ်ကွန်ရက် အတွင်းရေးမှူး ၂ မဝေမာသိမ့် က ပြောပါတယ်။

"7 Day က အဓိကရေးသားထားက သူရဦးရွှေမန်းရဲ့ ဖေ့စ်ဘွတ်မှာ တင်ထားတဲ့ အကြောင်းအရာကို အခြေခံပြီးတော့ ရေးသားတယ်၊ နောက်တစ်ဘက်က သူတို့ရဲ့ သတင်းအရင်းမြစ်တွေကို မေးထားတယ်ပေါ့နော်၊ အဲ့မေးထားတဲ့အပေါ်မှာ သတင်းသမားတစ်ယောက်က သူ့ရဲ့ယူဆချက်တွေမပါဘူး၊ တခြားလူတွေရဲ့ သဘောထားအမြင်နဲ့ပဲ သတင်းတစ်ပုဒ်ကို ဖန်တီးဖေါ်ပြထားတာဖြစ်တယ်၊ အဲ့အပေါ်မှာ ကျမတို့အနေနဲ့ ရှုမြင်တာကလည်း သတင်းစာပညာအရ ကြည့်မယ်ဆိုရင်တော့ မှားယွင်းမှုမရှိဘူးလို့ ကျမတို့အနေနဲ့ အဲ့လိုရှုမြင်ပါတယ်၊ ကျမတို့ထုတ်ပြန်ချက်ထဲမှာ အဲ့ဒါလေးကို ထည့်ထားတာဖြစ်ပါတယ်"

ဒါ့အပြင် မီဒီယာသမားတွေဘက်က ပြန်လည်တောင်းပန်ကြောင်း ဖော်ပြလိုက်တာဟာ အယ်ဒီတာတွေရဲ့ သတင်းခန်း စီမံခန့်ခွဲမှုအပေါ်မှာ ပိုင်ရှင်တွေအနေနဲ့ ၀င်ရောက်စွက်ဖက်သလို သတင်းမီဒီယာသမားတွေရဲ့ လွတ်လပ်စွာ သတင်းထုတ်ဖော်ခွင့်ကို ခြိမ်းခြောက်တဲ့သဘော သက်ရောက်စေကြောင်းလည်း ပြောပါတယ်။

7 Day သတင်းစာမှာ ပြီးခဲ့တဲ့ ဧပြီလက "စစ်တက္ကသိုလ်ဆင်းညီနောင်များအား လက်ရှိအစိုးရနဲ့ပူးပေါင်းဆောင် ရွက်ရန် သူရဦးရွှေမန်းတိုက်တွန်း"ဆိုတဲ့ ခေါင်းစဉ်နဲ့သတင်းကို ဖော်ပြခဲ့ရာမှာ တပ်တွင်းစည်းလုံးညီညွတ်မှုကို ပျက်ပြားအောင် သတင်းဖော်ပြခဲ့တယ်ဆိုပြီး တပ်မတော်ဘက်က ပြီးခဲ့တဲ့ ဇွန်လ ၂၅ ရက်နေ့က ကမာရွတ်ရဲစခန်းမှာ ရာဇသတ်ကြီး ဥပဒေပုဒ်မ ၁၃၁ နဲ့ အမှုဖွင့်တိုင်ကြားခဲ့ပါတယ်။

အမှုဖွင့်ပြီးနောက် 7Day သတင်းစာနဲ့ တပ်မတော် တာဝန်ရှိသူတွေကြား ညှိနှိုင်းဆောင်ရွက်ခဲ့ပြီး 7 Day Daily သတင်းစာနဲ့ နိုင်ငံပိုင်သတင်းစာတွေမှာ တပ်မတော်သို့ ပန်ကြားလွှာထုတ်ပြန်ပြီး ဖော်ပြတောင်းပန်ခဲ့တာဖြစ်ပြီး အမှုကို ပိတ်သိမ်းလိုက်ပြီဖြစ်ပါတယ်။

အဲ့ဒီကိစ္စနဲ့ပတ်သက်ပြီး မြန်မာဂျာနယ်လစ်ကွန်ရက်ရဲ့ အတွင်းရေးမှူး ၂ မဝေမာသိမ့် ကို RFA သတင်းထောက် မသီရိမင်းဇင် က ဆက်သွယ်မေးမြန်းထားပါတယ်။

မဝေမာသိမ့် ကို မေးမြန်းချက်
RFA



president-office-viber-620.jpg
“Myanmar President Office” နာမည်နဲ့ Viber မှာ Public Chat ဖွင့်လှစ်လိုက်ပါပြီ။
Photo: Myanmar President Office
အစိုးရရဲ့မှုဝါဒတွေ၊ လုပ်ဆောင်ချက်တွေနဲ့ ပတ်သက်ပြီး ပြည်သူတွေဆီကို ဖြန့်ဝေဖို့နဲ့ ပြည်သူတွေရဲ့ သဘောထား တုန့်ပြန်ချက်တွေကို သိရှိနိုင်ဖို့ နိုင်ငံတော်သမ္မတရုံးက Viber အကောင့်ကို ဒီကနေ့ စတင်ဖွင့်လှစ်လိုက်ပါတယ်။

နိုင်ငံတော်သမ္မတရုံး Viber Public Account ကနေ ဝင်ရောက်ဆွေးနွေးတာတွေထဲက နိုင်ငံအတွက် အကျိုးရှိမယ့် ကိစ္စတွေကို သမ္မတဦးထင်ကျော်နဲ့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တို့ဆီကို တင်ပြသွားမယ် လို့ နိုင်ငံတော်သမ္မတရုံး ပြောခွင့်ရသူ ဦးဇော်ဌေး က ပြောပါတယ်။

"လုပ်ကိုင်ဆောင်ရွက်နေတဲ့ အစိုးရတွေရဲ့မူဝါဒတွေ စီမံကိန်းလုပ်ငန်းတွေအပေါ်မှာ ပြည်သူလူထုရဲ့ တုန့်ပြန်မှု သဘောထားတွေကို အစိုးရတွေက သိဖို့လိုပါတယ်၊ သိမှလည်း ပြည်သူလူထုရဲ့ သဘောထားကို အခြေခံ ပြီးတော့ အချိန်မီ ပြင်ဆင်တာမျိုးကို လုပ်လို့ရမှာဖြစ်ပါတယ်၊ နိုင်ငံတော် အတိုင်ပင်ခံပုဂ္ဂိုလ် သမ္မတရုံး ဝန်ကြီး ဒေါ်အောင်ဆန်းစုကြည် နောက်နိုင်ငံတော်သမ္မတ အဆင့်ဆင့်ပေ့ါနော်၊ ဒါမျိုးတွေ သိသင့်သိထိုက်တဲ့ အချက်အလက်တွေ ကျနော်တို့က ဒီအထဲကနေယူပြီးတော့ စဉ်းစားသွားမှာပါ"

နိုင်ငံတော်သမ္မတရုံး Viber အကောင့်ကနေ နိုင်ငံတော်သမ္မတရဲ့ လုပ်ဆောင်ချက်တွေနဲ့ မူဝါဒ ထုတ်ပြန်တာတွေ ကိုလည်း အချိန်နဲ့တပြေးညီ ဖေါ်ပြပေးသွားမယ်လို့ ပြောပါတယ်။

ဒါ့အပြင် ပြည်သူတွေက အစိုးရကို တိုက်ရိုက်တိုင်ကြားနိုင်မယ့် Mobile Phone Application တစ်ခု လုပ်ဆောင်နေ သလို တိုင်တန်းတဲ့ဌာနတွေ ဖွင့်လှစ်ပေးဖို့ရှိတယ်လို့လည်း ပြောပါတယ်။

မြန်မာနိုင်ငံမှာ မိုဘိုင်းတယ်လီဖုန်းကနေ Viber အသုံးပြုသူ ၅ သန်းကျော်ရှိတယ်လို့ သိရပါတယ်။

သမ္မတရုံး Viber လူမှုကွန်ရက်ဖွင့်လှစ်တာနဲ့ ပတ်သက်ပြီး သမ္မတရုံးပြောခွင့်ရပုဂ္ဂိုလ် ဦးဇော်ဌေး ကို RFA သတင်းထောက် ကိုမျိုးဇော်ကို က ဆက်သွယ်မေးမြန်းထားပါတယ်။
RFA

tinmyowin-unfc-620.jpg ၂၁ ၂၁ ရာစု ပင်လုံညီလာခံ အကြိုပြင်ဆင်ရေးကော်မတီ ဥက္ကဋ္ဌ ဒေါက်တာ တင်မျိုးဝင်း ဦးဆောင်တဲ့အဖွဲ့နဲ့ UNFC က နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့တို့ ဇွန်လ ၃ ရက်နေ့က ထိုင်းနိုင်ငံ ချင်းမိုင်မြို့မှာ တွေ့ဆုံဆွေးနွေးစဉ်
Photo: Aung Moe Myin/RFA

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ ဥက္ကဌ ဗိုလ်ချုပ်ကြီး အန်ဘန်လတို့ လာမယ့် ဇူလိုင်လအတွင်း နေပြည်တော်မှာ တွေ့ဆုံ ဆွေးနွေးသွားမှာ ဖြစ် ပါတယ်။

တွေ့ဆုံမယ့်ရက်ကို အတိအကျသတ်မှတ်နိုင်ဖို့ ၂၁ ရာစု ပင်လုံညီလာခံအကြို ပြင်ဆင်ရေးကော်မတီနဲ့ UNFC က နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့တွေ မနက်ဖြန် ရန်ကုန်မြို့မှာ ကနဦးတွေ့ဆုံ သွားမှာဖြစ်တယ်လို့ UNFC ကိုယ်စားလှယ်အဖွဲ့ခေါင်းဆောင် ခူးဦးရယ်က ပြောပါတယ်။

"ကျနော်တို့ UNFC က ခေါင်းဆောင်တွေနဲ့ နိုင်ငံတော်အတိုင်ပင်ခံပုဂ္ဂိုလ်နဲ့ တွေ့ဆုံဖို့ ဖိတ်ကြားခြင်း ခံရတဲ့ အတွက်လည်း တွေ့ဆုံဆွေးနွေးမှုဖြစ်ပေါ်ဖို့အတွက် ကျနော်တို့ ဆက်လက်ညှိနှိုင်းဆောင်ရွက်သွားမှာဖြစ်ပါ တယ်၊ တွေ့ဆုံမှုအပေါ်မှာ မူတည်ပါတယ်၊ အဲ့ဒီကမှပဲ ကျနော်တို့ ဘယ်လိုတွေ့ဆုံကြမလဲ ဘယ်အချိန်ဖြစ်မယ် ဆိုတာကို ကျနော်တို့ ပြောလို့ရမှာပါ၊ ဒီတွေ့ဆုံဆွေးနွေးမှုမဖြစ်ခင်တော့ ကျနော်တို့ ကြိုပြီးဘာမှပြောလို့မရပါဘူး"

ပြီးခဲ့တဲ့ ဇွန်လ ၃ ရက်နေ့က ထိုင်းနိုင်ငံ၊ ချင်းမိုင်မြို့မှာ ဒေါက်တာ တင်မျိုးဝင်း ဦးဆောင်တဲ့ ၂၁ ရာစု ပင်လုံညီလာခံ အကြိုပြင်ဆင်ရေးကော်မတီ အဖွဲ့ဝင်တွေနဲ့ UNFC ခေါင်းဆောင်တွေ တွေ့ဆုံခဲ့ရာမှာ UNFC က နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ တွေ့ဆုံခွင့်ရဖို့ တောင်းဆိုခဲ့တာ ဖြစ်ပါတယ်။

ဒေါ်အောင်ဆန်းစုကြည်က UNFC ဥက္ကဌနဲ့အဖွဲ့ကို လက်ခံတွေ့ဆုံသွားဖို့ အကြောင်းပြန်ကြားထားပြီး ဖြစ် တာကြောင့် လာမယ့်ဇူလိုင်လ ပထမအပတ်အတွင်း တွေ့ဆုံနိုင်ဖို့အတွက် ဒေါက်တာတင်မျိုးဝင်းက စီစဉ်ဆောင်ရွက်ပေးနေ တာ ဖြစ်ပါတယ်။

လက်ရှိ UNFC အဖွဲ့ဝင်တွေဟာ တစ်နိုင်ငံလုံး အပစ်အခတ်ရပ်စဲရေးစာချုပ်မှာ လက်မှတ်မထိုးရသေးတဲ့ တိုင်းရင်းသား လက်နက်ကိုင်အဖွဲ့တွေ စုပေါင်းထားတဲ့ အဖွဲ့ဖြစ်ပါတယ်။

အခုလ ၂၈ ရက်နေ့က နေပြည်တော်မှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ အပစ်ရပ် လက်မှတ်ရေးထိုးထားတဲ့ တိုင်းရင်းသားလက်နက်ကိုင်အဖွဲ့တွေ တွေ့ဆုံခဲ့ရာမှာ ၂၁ ရာစု ပင်လုံညီလာခံကို လာမယ့်သြဂုတ်လအတွင်း ဆောင်ရွက်နိုင်ဖို့ သဘောတူညီခဲ့ကြပါတယ်။
RFA



နေပြည်တော်ကောင်စီနယ်မြေမှာ သိမ်းဆည်းခဲ့တဲ့ လယ်ယာမြေ ဧက ၂ဝဝ ကျော်ကို တောင်သူတွေထံ ဇွန်လ ၃ဝ ရက်နေ့ က ပြန်လည်ပေးအပ်စဉ်။ Photo: Win Ko Ko Latt/RFA
နေပြည်တော်ကောင်စီနယ်မြေ၊ ဇေယျာသီရိမြို့နယ်၊ ဝဲကြီးကျေးရွာမှာ ပြန်ကြားရေးဝန်ကြီးဌာန၊ သတင်းစာတိုက်နဲ့ ပုံနှိပ်စက် အဆောက်အအုံအတွက် သိမ်းဆည်းခဲ့တဲ့ တောင်သူ ၇၄ ဦးပိုင် လယ်ယာမြေ ဧက ၂ဝဝ ကျော် ကို တောင်သူတွေဆီ ပြန်လည်ပေးအပ်ခဲ့ပါတယ်။

လယ်ယာမြေတွေကို ပြန်လည်ပေးအပ်တာမှာ ပုံစံ ၃ လို့ ခေါ်တဲ့ ယာယီအသုံးပြုခွင့်ကို ပေးအပ်ထား တာဖြစ်ပြီး ဒီနှစ်အတွင်း ပုံစံ ၇ ဆိုတဲ့ လယ်မြေပိုင်ဆိုင်ခွင့်ကို နောက်ဆက်တွဲအနေနဲ့ ပေးအပ်မှာဖြစ်တယ် လို့ နေပြည်တော်ကောင်စီ ဥက္ကဌ ဒေါက်တာ မျိုးအောင်က ပြောပါတယ်။

ဒုတိယသမ္မတ ၂ ဦးဟင်နရီဗန်ထီးယူ ဦးဆောင်တဲ့ လယ်ယာမြေနဲ့ အခြားမြေများသိမ်းဆည်းခံရမှု များပြန်လည်စိစစ်ရေး ဗဟိုကော်မတီနဲ့ ကော်မတီအဆင့်အဆင့် ပူးပေါင်းစိစစ်ပြီး အသုံးမပြုတော့တဲ့ လယ်ယာမြေတွေကို တောင်သူတွေဆီ ပြန်လည်ပေးအပ်တာဖြစ်ပါတယ်။

ပြီးခဲ့တဲ့အစိုးရလက်ထက် ၂ဝဝ၃ ခုနှစ် ကနေ ၂ဝဝ၇ ခုနှစ်အတွင်းက သိမ်းဆည်ခဲ့တဲ့ လယ်မြေတွေ ဖြစ်ပြီး လယ်ယာမြေတွေပြန်လည်ရရှိဖို့ ထွန်တုံးတိုက်ပွဲဆင်နွှဲခဲ့တာတွေကြောင့် ဒေသခံတောင်သူ ၁ဝ ဦးခန့်ကို ပြီးခဲ့တဲ့အစိုးရက ထောင်ဒဏ်တွေ ချမှတ်ခဲ့တာလည်းရှိခဲ့ပါတယ်။

ဒီကနေ့ အခမ်းအနားကို နေပြည်တော်ကောင်စီ ဥက္ကဌ ဒေါက်တာမျိုးအောင်နဲ့ ကောင်စီဝင်တွေ၊ လွှတ်တော် ကိုယ်စားလှယ်တွေ၊ မြို့နယ်အုပ်ချုပ်ရေးအဖွဲ့၊ ဒေသခံတောင်သူတွေလည်း တက်ရောက် ခဲ့ကြပါတယ်။

RFA Burmese
http://www.rfa.org/burmese



စစ်ပွဲတွေရပ်ရေး ငြိမ်းချမ်းစွာဆန္ဒပြကြစဉ်။
ရှမ်းပြည်နယ်မြောက်ပိုင်း လားရှိုးမြို့နယ်အတွင်းမှာ မိုင်းယော်ကျေးရွာ အနီးက ပြောင်းခင်းမှာ မြှုပ်နှံထားတဲ့ အလောင်းတွေ ကို တွေ့ရှိကြောင်း ဒေသခံတွေ က ပြောပါတယ်။ သေဆုံးသူတွေဟာ မိုင်းယော်ရွာက ပြောင်းခင်း လုပ်သားတွေဖြစ်ပြီး ပစ်ခတ် တိုက်ခိုက် သံတွေကြားရပြီးနောက် အိမ်ပြန်မလာဘဲ ရှိနေရာက ၄ရက်အကြာ သွားရောက် ရှာဖွေရာမှာ တွေ့ရှိခဲ့တာဖြစ်ပါတယ်။ ဒီသတင်းကိုတော့ ဗွီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

မိုးယော်ကျေးရွာဟာ လားရှိုးမြို့အရှေ့ဘက်က မိုင်၃၀လောက်အကွာမှာတည်ရှိပြီး လူ၅ယောက် ရဲ့ အလောင်းတွေကိုတော့ ဗုဒ္ဓဟူးနေ့ နေ့ခင်းပိုင်းက တွေ့ရှိခဲ့ တာဖြစ်ပါတယ်။ ဒီလိုတွေ့ရှိတဲ့အကြောင်းကို မိုင်းယော်ရွာသားတဦးက အခုလို ပြောပါတယ်။

" မိုင်းယော်၊ မိုင်းယော်၊ ရွာအဝင် ပြောင်းခြံနားမှာ တွေ့တာ။ တောင်ပေါ်မှာ။ မနေ့က နှစ်နာရီခွဲ၊ သုံးနာရီလောက်မှာ။ မြေကြီးထဲမှာ မြှုပ်ထားတာ။ သိပ်ပြီးတော့ မနက်တော့ ယင်ကောင်တွေ တလောင်းလောင်းနဲ့ အပုတ်နံ့ပါ ရတယ်လေ။ အဲ့ဒီ့မိုင်းယော် ရွာထဲကပဲဗျ။ ရပ်ကွက်ထဲက ကလေးတွေ ရှမ်းနှစ်ယောက်၊ ပလောင်ဝ်သုံးယောက်ဗျ။ "

ရွာသား၅ယောက် ပျောက်ဆုံးတဲ့ဖြစ်စဉ်ကိုတော့ မိုင်းယော်ရွာခံက အခုလို ဆက်ပြောပါတယ်။

" ၂၅ရက်နေ့က အဲ့တာ ပစ်တာခတ်တာ တချက်ဖြစ်သေးတယ်။ ပြောင်းခြံ နားမှာပေါ့။ အဲ့မှာ သူတို့ငါးယောက်ကို ဖမ်းသွားတာ။ အဲ့ကတည်းက သတင်းမကြားတော့ ၂၉ရက်နေ့ စစ်ကြောင်းတွေ အကုန်လုံး ထွက်သွားတော့မှ သူ့မိဘတွေ၊ ရွာသားတွေ လိုက်ရှာတာပေါ့ဗျာ။ အဲ့ဒီ့ပြောင်းခြံအပေါ်မှာ အပုတ်နံ့ရတော့ အဲ့မှာ သွားဖော်ကြည့်တော့မှ ငါးယောက်စလုံး သေသွားမှန်း သိတယ်။"

ပြောင်းခြံ အနီးအနားမှာလည်း သေနတ်ကျည်ဆံခွံ အတော်များများ ကို တွေ့ရှိရကြောင်း ပြောပါတယ်။

သေဆုံးသူတွေရဲ့ ဈာပနကို မိုင်းယော်ရွာမှာ ဒီကနေ့ပြုလုပ်ပြီး ဒီဈာပနကို တက်ရောက်ခဲ့တဲ့ အမျိုးသားလွှတ်တော်ကိုယ်စားလှယ် ဦးစိုင်းဝမ်းလှိုင်ခမ်း က ဖြစ်ပျက်တဲ့ အခြေအနေကို အခုလို ပြောပါတယ်။

"ဒေသခံတွေ ပြောပြချက်ပေါ့လေ မျက်မြင်ကိုယ်တွေ့ အဲ့ဒီ့ ထိတွေ့မှုတွေဖြစ်တယ်ဆိုတဲ့ ၂၅ရက် မိုင်းယော်၊ လားရှိုးလမ်းမကြီးပေါ်မှာ ကားတွေရပ်ထားတယ်။ ဆိုင်ကယ်တွေရပ်ထားတယ်။ အဲ့ဒီ့ရွာသားငါးဦးကို ပြောင်းခြံထဲကနေ ဖမ်းသွားတာလို့ပြောပါတယ်ခင်ဗျ။ ဖမ်းသွားတာကတော့ တပ်မတော်စစ်ကြောင်းပေါ့လေ။ ဖမ်းသွားပါတယ်။ ဒါပေမဲ့ သတ်တာဖြတ်တာတော့ ကျနော်တို့ အတိအကျတော့ မသိရဘူးပေါ့လေ။ ဖမ်းသွားပြီးနောက်ပိုင်း ပြီးခဲ့တဲ့ မနေ့ကပေါ့လေ ၂၉ရက်နေ့က အလောင်းတွေ မြှုပ်ထားတာ တွေ့ရတာပေါ့လေ။ "

ဒီသေဆုံးမှုတဲ့ပတ်သက်ပြီး သေဆုံးသူတွေရဲ့ မိဘဆွေမျိုးသားချင်းတွေက ရဲတပ်ဖွဲ့နဲ့ တခြားသက်ဆိုင်ရာအာဏာပိုင်တွေကို အကြောင်းကြားတိုင်ကြားတာမရှိကြောင်းနဲ့ ဦးစိုင်းဝမ်းလှိုင်ခမ်း အနေနဲ့လည်း ဒီလိုအဖြစ်မျိုးတွေ ထပ်မံမဖြစ်ပွားအောင် မိခင်ပါတီနဲ့ ညှိနှိုင်းဆောင်ရွက်ဖို့ ပြင်ဆင်နေကြောင်း ဆက်ပြောပါတယ်။

ဒီအခင်းဖြစ်ပွားတာနဲ့ပတ်သက်ပြီး လားရှိုးမြို့ ပြည်နယ်ရဲတပ်ဖွဲ့ကို ဆက်သွယ်မေးမြန်းရာမှာတော့ ပြည်နယ်ရဲမှူးကြီး အောင်မြတ်မိုးက အခုလို ပြောပါတယ်။

" အတည်ပြုလို့တော့ မရသေးဘူးပေါ့နော်။ အဲ့ဒီ့နေရာက သောင်းကျန်းသူ ဧရိယာဖြစ်တော့ သွားဖို့ခက်တယ်။ အဲ့တာကို တရားဝင် တိုင်ချက်လာဖွင့်မလားလို့ ကျနော်တို့ကလည်း စောင့်နေတယ်။ အခုအချိန်အထိကတော့ တရားဝင် ဒီဖြစ်ရပ်နဲ့ပတ်သက်ပြီးတော့ သတင်းလာပေးတာတို့ တိုင်ကြားတာတို့ မရှိသေးဘူးခင်ဗျ။ hear say တွေပဲ ကြားနေရတယ်။"

အခင်းဖြစ်ပွားတဲ့ မိုင်းယော်ရွာတိုက်နယ်အတွင်းမှာ မန်ပန်ပြည်သူ့စစ်တပ်ဖွဲ့တွေနဲ့ အစိုးရတပ်မတော်စစ်ကြောင်းတွေသွားလာလှုပ်ရှားနေပြီး ပလောင်၊ ရှမ်းနဲ့ ကချင်စတဲ့ လက်နက်ကိုင်တပ်ဖွဲ့တွေကတော့ မိုင်းယော်ရွာနဲ့ မိုင်၃၀အကွာ တောင်ပေါ်ဒေသတွေမှာ လှုပ်ရှားတာတွေရှိကြောင်း ရှမ်းသံတော်ဆင့်သတင်းဌာနက ဖော်ပြထားပါတယ်။

 မိုးဇော် / ဗွီအိုအေ (မြန်မာပိုင်း)
http://burmese.voanews.com


၁၈ နှစ်ကြာ အေးခဲထားသည့် သန္ဓေသားမှ မွေးဖွားခဲ့သည့် ကလေးငယ်အား တွေ့ရစဉ် (ဓာတ်ပုံ- အင်တာနက်)
    ရှန်ဟိုင်း၊ ဇွန် ၃၀ ရက် (ဆင်ဟွာ)

    တရုတ်နိုင်ငံ  ရှန်ဟိုင်းမြို့ ဆေးရုံတွင် ၁၈ ကြာ အေးခဲထားသည့် သန္ဓေသား တစ်ခုမှ ကျန်းမာသည့် မိန်းကလေး တစ်ဦး မွေးခဲ့ကြောင်း ဇွန်လ ၂၉ ရက်က ကြေညာခဲ့သည်။

အသက် ၄၅ နှစ်အရွယ် အမျိုးသမီး တစ်ဦးက အဆိုပါ သန္ဓေသားကို ကိုယ်ဝန်ဆောင်ကာ အလေးချိန် ၃၃၀၀ ဂရမ်ရှိ သမီး မိန်းကလေးအား ကျန်းစုပြည်နယ်တွင် ဇွန်လ ၂၉ ရက်က မွေးဖွားခဲ့သည်။ ၂၀၁၅ ခုနှစ် နိုဝင်ဘာ လက ရှန်ဟိုင်းရှိ ဖူဒန် ဆေးတက္ကသိုလ် သားဖွား နှင့် မီးယပ်ဌာန၌ အဆိုပါ သန္ဓေသားအား ယင်း အမျိုးသမီး၏ သားအိမ်အတွင်းသို့  ထည့်သွင်းပေးခဲ့သည်။

ယင်း အမျိုးသမီးသည်သားဥပြွန် ပိတ်ဆို့မှုရောဂါ ခံစားပြီးနောက် ၁၉၉၈ ခုနှစ်တွင် ရှန်ဟိုင်းဆေးရုံ၌ ဖန်ပြွန် သန္ဓေနည်း (IVF) ဖြင့် ပဋိသန္ဓေရယူရန် ကြိုးစားခဲ့သည်။ ထိုသို့သောနည်းဖြင့် ကလေးရယူ သုံးကြိမ်ခန့် ကြိုး စားခဲ့ပြီး မအောင်မြင်ခဲ့ခြင်းကြောင့် နောက် တစ်ကြိမ် ကြိုးစားရန် အချိန် စောင့်ဆိုင်းနေခဲ့သည်။

၂၀၁၅ ခုနှစ် နှစ်ဦးပိုင်း၌ နောက်တစ်ကြိမ် ကလေးရယူရန် မျှော်လင့်ချက်ဖြင့် ယင်း အမျိုးသမီးသည် ဆေးရုံသို့ ပြန်ရောက်လာခဲ့သည်။ ဆရာဝန်များက ၎င်း၏ သားအိမ် ပိတ်ဆို့မှုနှင့် သားအိမ် အမြှေးပါး ပါးလွှာမှုအား ရှာဖွေ တွေ့ရှိခဲ့ပြီးနောက် ခွဲစိတ်ကုသပြီး ၎င်း၏ သားအိမ်အတွင်းသို့ သန္ဓေသား ထည့်သွင်းခဲ့သည်။

အေးခဲထားသည့် သန္ဓေသားများအား နိုက်ထရိုဂျင် အရည်များထဲတွင် အနုတ် ၁၉၆ ဒီဂရီ စင်တီဂရိတ်၌ သိမ်း ဆည်းထားရပြီး အေးခဲထားသည့် သန္ဓေသားများအား ငါးနှစ်အထိ သိမ်းဆည်းထားသင့်ကြောင်း ရှန်ဟိုင်း ကျန်း မာရေး ဋ္ဌာနထံမှ သိရသည်။

(Xinhua)
http://www.xinhuamyanmar.com



တရားရေး ၀န်ကြီး မိုက်ကယ် ဂိုးဗ်
ဗြိတိန်က ကွန်ဆာဗေးတစ်ပါတီ ခေါင်းဆောင်နေရာ အတွက် လန်ဒန်မြို့တော်ဝန်ဟောင်း ဘောရစ်ဂျွန်ဆင် ၀င်ရောက်ယှဉ်ပြိုင်မှာ မဟုတ်တော့ပါဘူး။

သူဟာ တကယ်တော့ အီးယူကနေ ဗြိတိန် ခွဲထွက်ဖို့ မဲဆွယ် စည်းရုံးမှုတွေ ဦးဆောင်ခဲ့သူလည်း ဖြစ်ပါတယ်။

အဲဒီ မဲဆွယ်ပွဲတွေမှာ ပါဝင် လှုပ်ရှားခဲ့တဲ့ တရားရေး ၀န်ကြီး မိုက်ကယ် ဂိုးဗ်က သူ့နေရာမှာ ဝင်ပြိုင်သွားမှာ ဖြစ်ပါတယ်။

ပြည်ထဲရေး ၀န်ကြီး ထရီဆာ မေ လည်း ၀င်ရောက် ယှဉ်ပြိုင်မှာ ဖြစ်ပြီး ပါတီတွင်း ညီညွတ်မှု ရအောင် လုပ်ဆောင် သွားမယ်လို့ ဆိုပါတယ်။

အီးယူထဲက ဗြိတိန် ထွက်ခွာရေး ကိစ္စကို သွေဖီမှုတွေ လုပ်သွားမှာ မဟုတ်ဘူးလို့လည်း ပြောပါတယ်။

BBC Burmese
http://www.bbc.com/burmese



တူရကီလေဆိပ်တိုက်ခိုက်မှုအပြီး လုံခြုံရေးတင်းကျပ်စွာ ချထား။
တူရကီနိုင်ငံ၊ အစ္စတန်ဘူလ်မြို့က နိုင်ငံတကာလေဆိပ်ကို အင်္ဂါနေ့က အသေခံ ဗုံးခွဲတိုက်ခိုက်မှု သုံးခုလုပ်ခဲ့တဲ့ဖြစ်ရပ်နဲ့ ဆက်စပ် ပြီး သံသယရှိသူ ၁၃ ဦးကို ရဲတပ်ဖွဲ့က ဖမ်းဆီးထားတယ်လို့ တူရကီသတင်းမီဒီယာတွေက ဒီကနေ့ဖော်ပြပါတယ်။ အဲဒီတိုက်ခိုက် မှုတွေကြောင့် လူ ၄၂ ယောက်သေဆုံးပြီး ၂၃၉ ယောက် ဒဏ်ရာရခဲ့တာပါ။

အစ္စတန်ဘူလ်မြို့က နေရာ ၁၆ နေရာကို ၀င်ရောက် စီးနင်း ရှာဖွေမှုတွေအတွင်း အခုလိုဖမ်းဆီးတာတွေ လုပ်ခဲ့တာပါ။ အစ္စတန် ဘူလ်မြို့မှာ အဖမ်းခံရသူ သုံးဦးထက်မနည်းဟာ နိုင်ငံခြားသားတွေလို့ ဆိုပါတယ်။

နိုင်ငံအနောက်ပိုင်းက Izmir ကမ်းရိုးတန်းမြို့မှာလည်း လူ ကိုးယောက်ကို ဖမ်းခဲ့တယ်လို့ နိုင်ငံပိုင် Anadolu သတင်းဌာနက ပြော ပါတယ်။ အဲဒီလူတွေကိုတော့ ဘဏ္ဍာငွေကြေးပိုင်း၊ လူသစ်စုတာနဲ့ သယ်ယူပို့ဆောင်ရေးပိုင်း ကူညီထောက်ပံ့တာတွေ အပါအ၀င် ဆီးရီးယားက IS အဖွဲ့နဲ့ အချိတ်အဆက် ရှိတယ်ဆိုတဲ့သံသယနဲ့ ဖမ်းတာပါ။

လေဆိပ်တိုက်ခိုက်မှုဟာ IS တွေလက်ချက်လို့ တူရကီ တာဝန်ရှိသူတွေက ပြော ထားပေမဲ့လည်း IS တွေကိုယ်တိုင်ကတော့ သူတို့ လုပ်တာလို့ မပြောသေးပါဘူး။ စုံစမ်းစစ်ဆေးတာကို ဆက်လုပ်နေပေမဲ့လည်း အထောက်အထားတွေက IS လက်ချက်ဆိုတာ ပြနေတယ်လို့ ၀န်ကြီးချုပ် Binali Yildrim က မနေ့ကပြောပါတယ်။ ရုရှား၊ အစ္စရေးလ်တို့နဲ့ ဆက်ဆံရေးတိုးတက်လာဖို့ တူရကီကကြိုးစားနေတဲ့အပေါ် တုန့်ပြန်တာ ဖြစ်နိုင်တယ်လို့ သူကဆိုပါတယ်။

ဒီဗုံးခွဲတိုက်ခိုက်မှုတွေဟာ IS အဖွဲ့ရဲ့ ဆိုးရွား ယုတ်မာတဲ့ တွေ့နေကျ သွင်ပြင်လက္ခဏာတွေအားလုံးပါဝင်ပြီး ဒီလိုတိုက်ခိုက်မှုမျိုးတွေကို တားဆီးဖို့ ခက်ခဲတယ်ဆိုတာ CIA အကြီးအကဲ John Brennan က သတိပေးပါတယ်။

 ဗွီအိုအေ (မြန်မာပိုင်း)
http://burmese.voanews.com


တူရကီနိုင်ငံ Istanbul မြို့ လေဆိပ်မှာ လူ ၃ ဦးက အသေခံဗုံးခွဲ တိုက်ခိုက်ခဲ့တဲ့ ဖြစ်ရပ်ဟာ IS အစ္စလာမ်မစ် စစ်သွေးကြွတွေရဲ့ ရက်စက် ကြမ်းကြုတ်တဲ့ လုပ်နည်း လုပ်ဟန်နဲ့ တူနေကြောင်းနဲ့ အလားတူ တိုက်ခိုက်မှုမျိုး အမေရိကန်ပြည်ထောင်စု အတွင်းမှာလည်း ပြုလုပ်နိုင်ကြောင်း CIA ဗဟိုထောက်လှမ်းရေးအေဂျင်စီ အကြီးအကဲ John Brennan က သတိပေးလိုက်ပါတယ်။

တူရကီလေဆိပ်က ပေါက်ကွဲမှုတွေကို ကြည့်ရင် သူတို့ဟာ ဖောက်ခွဲရေးပစ္စည်းတွေ တပ်ဆင်ထားတဲ့ အင်္ကျီတွေကို အသုံးပြုခဲ့တယ်ဆိုတာ တွေ့ရှိရမှာဖြစ်ပြီး အဲဒီအင်္ကျီတွေကို ပြုလုပ်ဖို့ သိပ်မခက်ခဲဘူးလို့ Brennan က Yahoo သတင်းဌာနကို ဗုဒ္ဓဟူးနေ့မှာ ပြောပါတယ်။

IS အဖွဲ့ရဲ့ လုပ်နိုင်စွမ်းနဲ့ လူတွေ အတတ်နိုင်ဆုံး အများဆုံး သေကြေအောင် ပြည်ပနိုင်ငံတွေမှာ သူတို့ရဲ့ လုပ်ဆောင်နိုင်စွမ်းကို ထောက်လှမ်းရေးလုပ်ငန်း လုပ်ဆောင်နေသူတဦးရဲ့ ရှုဒေါင့်ကကြည့်ပြီး စိုးရိမ်ပူပန်နေခြင်းဖြစ်ကြောင်း Brennan က ပြောပါတယ်။

Istanbul မြို့က Ataturk လေဆိပ်မှာ အင်္ဂါနေ့နှောင်းပိုင်းက ဖြစ်သွားခဲ့တဲ့ တိုက်ခိုက်မှုနဲ့ ပတ်သက်လို့ ဘယ်သူက တာဝန်ယူ လုပ်ဆောင်ခဲ့တယ်ဆိုတာကို ကြေညာခြင်း မရှိသေးပေမဲ့ တူရကီအစိုးရကတော့ ဒါဟာ IS အဖွဲ့ရဲ့ လက်ချက်လို့ အပြစ်တင်လိုက်ပါတယ်။

တိုက်ခိုက်မှုကြောင့် အနည်းဆုံး လူ ၄၁ ဦး သေဆုံးပြီး ၂၃၉ ဦး ထိခိုက် ဒဏ်ရာရသွားခဲ့တာပါ။

 ဗွီအိုအေ (မြန်မာပိုင်း)
http://burmese.voanews.com



အာဖဂန်မြို့တော် တိုက်ခိုက်မှု ရဲတပ်ဖွဲ့ဝင် ၃၀ ခန့်သေဆုံး။ (ဇွန် ၃၀၊ ၂၀၁၆)
အာဖဂနစ္စတန် နိုင်ငံ ကဘူလ်းမြို့တော်တွင်း ဒီကနေ့ ကြာသပတေးနေ့မှာ ရဲတပ်ဖွဲ့ ယာဉ်တန်းကို တာလီဘန်တို့ အသေခံ ကားဗုံးခွဲ တိုက်ခိုက်ခဲ့တာကြောင့် အနည်းဆုံး လုံခြုံရေး တပ်သား ၃၀ သေဆုံးပြီး ဒါဇင်နဲ့ချီ ဒဏ်ရာရပါတယ်။ ရဲတပ်ဖွဲ့ဝင် သင်တန်းသားတွေနဲ့ သင်တန်းဆရာတွေကို တင်ဆောင်လာတဲ့ ယာဉ်တန်း တိုက်ခိုက်ခံခဲ့ရတာပါ။

ပေါက်ကွဲမှုတွေ ရှေ့ဆင့် နောက်ဆင့် ဖြစ်ခဲ့တယ်လို့ အာဖဂန် အရာရှိတွေက အတည်ပြုပါတယ်။ သေဆုံး၊ ဒဏ်ရာရတဲ့ ရဲတပ်ဖွဲ့ဝင်တွေကို သယ်ဆောင် သွားတယ်လို့ ကိုယ်တိုင် မြင်တွေ့ခဲ့ရသူတွေက ဗွီအိုအေကို ပြောပါတယ်။ အာဖဂန် သမ္မတ Ashraf Ghani က အကြမ်းဖက်တိုက်ခိုက်မှုကို လူသားထုအပေါ် ကျူးလွန်တဲ့ ရာဇ၀တ်မှု တခု အဖြစ် ရှုတ်ချပါတယ်။

ရဲသင်တန်းသားတွေကို အခုလို ပို့ဆောင်ဖို့ ဆုံးဖြတ် လုပ်ဆောင်ခဲ့မှုကို စုံစမ်းစစ်ဆေးဖို့ ပြည်ထဲရေး ၀န်ကြီးဌာနကို အာဖဂန် သမ္မတက ညွှန်ကြားလိုက်ပြီး ပျက်ကွက်မှုတွေ ရှိရင် အရေးယူမယ်လို့လည်း ကတိပြုလိုက်ပါတယ်။ အသေခံ ဗုံးခွဲတိုက်ခိုက်ခံရသူတွေဟာ ရာမာဒန် ဥပုသ်လ အပြီးသတ် Eid ပွဲတော် ဆင်နွှဲဖို့ အတွက် နိုင်ငံအလယ်ပိုင်း Maidan Wardak ပြည်နယ်ကနေ ကဘူးလ်မြို့တော်ကို ဘတ်စ်ကားတွေနဲ့ ခရီးထွက်လာကြတာ ဖြစ်ပါတယ်။

ဗုံးခွဲတိုက်ခိုက်မှုဟာ သူတို့လက်ချက် ဖြစ်တယ်လို့ တာလီဘန် အဖွဲ့က ပြောပါတယ်။ အသေခံ ဗုံးခွဲသမား တဦးက ဖောက်ခွဲရေး ပစ္စည်းတွေတင်ထားတဲ့ ကားနဲ့ ယာဉ်တန်း အတွင်းကို ၀င်တိုက်လိုက်တာလို့ တာလီဘန် ပြောခွင့်ရ Zabihullah Mujahid က သတင်းထောက်ထံကို ပေးပို့တဲ့ ကြေညာချက်ထဲမှာ ပြောဆိုပါတယ်။

ပေါက်ကွဲတဲ့ နေရာတ၀ိုက်မှာ ရဲတပ်ဖွဲ့ဝင်တွေ စုစည်းရောက်ရှိနေချိန်မှာ နောက်ထပ် ဒုတိယမြောက် ဗုံးခွဲသမားက ၀င်တိုက်တာလို့လည်း တာလီဘန် ပြောခွင့်ရက ထပ်ပြောပါတယ်။ တိုက်ခိုက်မှု အတွင်း အာဖဂန် လုံခြုံရေး တပ်ဖွဲ့ဝင် ဒါဇင်နဲ့ချီ သေဆုံးတယ်လို့လည်း သူက ပြောပါတယ်။

ပြီးခဲ့တဲ့ သတင်းပတ်တုန်းကလည်း ကဘူးလ်မြို့တော်က ကနေဒါသံရုံးမှာ အလုပ်လုပ်နေတဲ့ နီပေါလ် လုံခြုံရေး အစောင့်တွေ အများစု လိုက်ပါလာတဲ့ ဘတ်စ်ကား တစင်းကို တာလီဘန် အသေခံဗုံးခွဲသမား တဦးက တိုက်ခိုက်ခဲ့ပါတယ်။ ဒီတိုက်ခိုက်မှုအတွင်း သေဆုံးသူ ၁၄ ဦးထဲမှာ အများစုက နီပေါလ်နိုင်ငံသားတွေ ဖြစ်ကြပါတယ်။

 ဗွီအိုအေ (မြန်မာပိုင်း)
http://burmese.voanews.com


ဗြိတိန်နိုင်ငံအနေနဲ့ ဥရောပသမဂ္ဂကနေ ခွဲထွက်ဖို့ ပြီးခဲ့တဲ့သီတင်းပတ်အတွင်း ဆုံးဖြတ်ခဲ့ပြီးတဲ့နောက် ပြည်တွင်းမှာ စီးပွားရေးထိခိုက်နေတဲ့အပြင် အဓိက နိုင်ငံရေးပါတီကြီး နှစ်ရပ်ကြားမှာလည်း ထိပ်တိုက်ရင်ဆိုင်မှုတွေ ကြုံတွေ့နေရပါတယ်။ အာဏာရ ကွန်ဆာဗေးတစ်ပါတီအတွင်းမှာရော၊ အတိုက်အခံ လေဘာပါတီအတွင်းမှာပါ ပြဿနာတွေ တက်နေကြပါတယ်။ အကြောင်းစုံကို ကိုရဲခေါင်က တင်ပြထားပါတယ်။

ဗြိတိန်နိုင်ငံဟာ ဥရောပသမဂ္ဂကနေ ခွဲထွက်ဖို့ ပြီးခဲ့တဲ့အပတ်က ဆုံးဖြတ်ခဲ့ပြီးနောက်ပိုင်း စီးပွားရေးအရ အခက်အခဲတွေ ကြုံနေရတယ်လို့ ဗြိတိန်ဝန်ကြီးချုပ် David Cameron က ဗုဒ္ဒဟူးနေ့က ပြောလိုက်ပါတယ်။

"လက်ရှိ အခြေအနေမှာ စီးပွားရေးအခက်အခဲတွေနဲ့ ကြုံတွေ့ရမယ်ဆိုတာ ကျနော့်စိတ်ထဲမှာ သံသယ မရှိပါဘူး။”

ဒါကတော့ David Cameron ဗြိတိလျှ ပါလီမန်မှာ ပြောသွားတာပါ။

David Cameron က အစိုးရအနေနဲ့ အများပြည်သူ အသုံးစရိတ်တွေအတွက် ဘဏ္ဍာငွေ သုံးစွဲမှုကို ကန့်သတ်တဲ့ စည်းမျဉ်းတွေ ချမှတ်ထားတာကို ပြောင်းလဲဖို့ မရှိတဲ့အကြောင်းပြောပြီး အတိုက်အခံ လေဘာပါတီ ခေါင်းဆောင် Jeremy Corbyn ရဲ့ ရင်းနှီးမြှုပ်နှံမှုတွေ ပိုလုပ်ဖို့ တောင်းဆိုမှုတွေကို ငြင်းဆို လိုက်ပါတယ်။

Corbyn က လူကြိုက်နည်းတဲ့ ကွန်ဆာဗေးတစ်ပါတီရဲ့ စီးပွားရေးမူဝါဒတွေကို ပြန်လည် ပြင်ဆင်ဖို့ David Cameron ကို တောင်းဆိုလိုက်တာပါ။ အဲဒီကိစ္စကြောင့်ပဲ ဗြိတိန်ပြည်သူတွေဟာ အစိုးရရဲ့ သဘောထားကို ဆန့်ကျင်ပြီး အီးယူကနေ ထွက်ခွာဖို့ ရွေးချယ်ခဲ့ကြတာ ဖြစ်တယ်လို့ Corbyn က ပြောပါတယ်။ အာဏာရ ကွန်ဆာဗေးတစ် ပါတီဝင်တွေဟာ ၀န်ကြီးချုပ် David Cameron ရဲ့ နေရာမှာ အစားထိုးနိုင်ဖို့ ပါတီခေါင်းဆောင်သစ်ကို ရွေးချယ်ဖို့ နာမည်စာရင်း တင်သွင်းတာတွေကို မနေ့က စတင်လိုက်ပါတယ်။ ဒီနေ့ ကြာသာပတေးနေ့ နေ့လည်အချိန်မှာ အမည်စာရင်း တင်သွင်းတာတွေ အဆုံးသတ်မှာ ဖြစ်ပါတယ်။

David Cameron နေရာကို အစားဝင်ဖို့ နာမည်စာရင်းတင်သွင်းခံရမယ့် သူတွေထဲမှာ အီးယူကနေ ခွဲထွက်ရေး လှုပ်ရှားမှုတွေရဲ့ ခေါင်းဆောင် လန်ဒန်မြို့တော်ဝန်ဟောင်း Boris Johnson က ရှေ့ဆုံးက ပြေးနေပါတယ်။ အလားတူ ပါဝင်လာနိုင်သူတွေကတော့ ပြည်ထဲရေးဝန်ကြီး Theresa May နဲ့ ကျန်းမာရေးဝန်ကြီး Jeremy Hunt တို့ ဖြစ်ပါတယ်။ အင်္ဂါနေ့ကတော့ အတိုက်အခံ လေဘာပါတီက အမတ်တွေက အတိုက်အခံပါတီ ခေါင်းဆောင် Corbyn ကို အယုံအကြည် မရှိတဲ့ အကြောင်း အဆိုတခု တင်သွင်းခဲ့ပါတယ်။ Corbyn ဟာ ဗြိတိန်နိုင်ငံ အီးယူထဲကနေ မခွဲထွက်ဖြစ်အောင် လုံလောက်တဲ့ မဲဆွယ်စည်းရုံးမှုတွေ မလုပ်ခဲ့ဘူးလို့ သူတို့က စွပ်စွဲခဲ့ကြတာပါ။

ဒါပေမဲ့ Corbyn ကတော့ ရာထူးကနေ ဆင်းပေးဖို့ ငြင်းဆိုထားခဲ့ပါတယ်။ ခုလို လေဘာပါတီ ရဲ့ ခေါင်းဆောင် Corbyn ကို ရာထူးကနေ နှုတ်ထွက်ပေးဖို့ တောင်းဆိုမှုတွေမှုတွေနဲ့ ပက်သက်လို့ David Cameron က ခုလို ပြောပါတယ်။

“သူ လွှတ်တော်ထဲမှာ ၀င်ထိုင်နေတာဟာ ကျနော်တို့ ပါတီအတွက် အကျိုးရှိကောင်း ရှိနိုင်ပေမဲ့ နိုင်ငံအတွက် အကျိုးမရှိပါဘူး။ ကျနော်ကတော့ သူ့ကို “သွားပေတော့” လို့ပဲ ပြောချင်ပါတယ်”

ဒါကတော့ မနေ့က David Cameron က ဗြိတိသျှ အောက်လွှတ်တော်မှာ ပြောသွားတာ ဖြစ်ပါတယ်။

မျက်မှောက်ခေတ်မှာ ဗြိတိန်နိုင်ငံအနေနဲ့ အဆိုးရွားဆုံး နိုင်ငံရေး အကျပ်အတည်း ကြုံနေရချိန်မှာ အတိုက်အခံ လေဘာပါတီဝင်တွေက ကိုယ့်ခေါင်းဆောင်ကို ပြန်ဖြုတ်ချဖို့ ကြိုးစားနေကြတာ ဖြစ်ပါတယ်။ သူတို့ရဲ့ ကြိုးပမ်းအားထုတ်မှု အောင်မြင်မှု ရှိမရှိ ဆိုတာဟာ ဆန္ဒခံယူပွဲ နောက်ပိုင်း ဗြိတိန်နိုင်ငံနဲ့ အီးယူ ရဲ့ ဆက်ဆံရေးကို အဆုံးအဖြတ်ပေးမှာ ဖြစ်ပါတယ်။

 ရဲခေါင် / ဗွီအိုအေ (မြန်မာပိုင်း)
http://burmese.voanews.com