07/05/16

pharkant-mosque-620.jpg
ကချင်ပြည်နယ် ဖားကန့်မြို့နယ် လယ်ပြင်ကျေးရွာရှိ လုံးခင်း-လယ်ပြင် ဥရုချောင်းကူးတံတားအနီး က ခွင့်ပြုချက်မရှိဘဲ ဆောက်ထားတဲ့ ဝတ်ပြုသည့် အဆောက်အဦးကို ဇူလိုင်လ ၁ ရက်နေ့က မီးရှို့ ဖျက်ဆီးထားသည်ကို တွေ့ရစဉ်။
Photo: Thurin Naymin/ Facebook

ကချင်ပြည်နယ် ဖားကန့်မြို့နယ် လုံးခင်းကျေးရွာက မီးရှို့ဖျက်ဆီးခံရတဲ့ အစ္စလာမ်ဘာသာရေးဆိုင်ရာ ယာယီ ဝတ်ပြုဆောင်နေရာကို တားမြစ်နယ်မြေအမြစ်သတ်မှတ်ပြီး ဖားကန့်မြို့နယ် အုပ်ချုပ်ရေးမှူးက မနေ့က ပုဒ်မ ၁၃၃ ထုတ်ပြန်လိုက်ပါတယ်။

အဲဒီနေရာကို ဘယ်သူမှ ၀င်ထွက်သွားလာခွင့်မပြုတဲ့ ပုဒ်မ ၁၃၃ ထုတ်ပြန်ထားတာဖြစ်ပြီး လက်ရှိမှာ အခြေအနေတွေ တည်ငြိမ်နေတယ်လို့ လုံးခင်းကျေးရွာမှာနေထိုင်တဲ့ ဖားကန့်မြို့နယ် ပြည်သူ့လွှတ်တော် ကိုယ်စားလှယ် ဦးတင့်စိုး က ပြောပါတယ်။

"အဲ့နယ်မြေကို မည်သူမှ ဝင်ထွက်သွားလာခွင့်မပြုဆိုတဲ့ ပုဒ်မ ၁၃၃ ထုတ်ပြန်ထားပါတတယ်၊ ခြံစည်းရိုး ကာရံထားလိုက်ပြီးတော့ မည်သူမျှ ကျူးကျော်ဝင်ရောက်ခွင့်မရှိ ဆိုတဲ့ ဆိုင်းပုဒ်တွေ ကပ်ထားတယ်၊ ခုထက်ထိလည်း လုံခြုံရေးက တောက်လျှောက်ထားပါတယ်၊ အခြေအနေက အားလုံးကောင်းပါတယ်"

ပြီးခဲ့တဲ့ အစိုးရလက်ထက်က လုံးခင်း-လယ်ပြင် ဥရုချောင်းကူးတံတား စီမံကိန်းမှာပါဝင်တဲ့ အစ္စလာမ်ဘာသာဝင် အင်ဂျင်နီယာတစ်ဦးက အစိုးရခွင့်ပြုချက်မရှိဘဲ မူလ အဆောက်အဦငယ်ကို တိုက်ခံအဆောက်အဦကြီးအဖြစ် တည်ဆောက်လိုက်တာပါ။

ဒေသခံတွေက အဲ့ဒီအဆောက်အဦအသစ်ကို ဖယ်ရှားပေးဖို့ အကြိမ်ကြိမ် တောင်းဆိုရာကနေ ပြီးခဲ့တဲ့ဇူလိုင်လ ၁ ရက်နေ့က ဖားကန့်ဒေသမှာ ရေမဆေးကျောက် လာရောက်ရှာဖွေနေသူတွေ အများစုပါဝင်တဲ့အဖွဲ့က မီးရှို့ဖျက်ဆီးလိုက်တာဖြစ်ပါတယ်။

လောလောဆယ်မှာ ဖားကန့်မြို့နယ် တာဝန်ရှိသူတွေက မီးရှို့မှုမှာပါဝင်ခဲ့တယ်လို့ သံသယရှိနေတဲ့ အမျိုးသား လေးဦးနဲ့ အမျိုးသမီး တစ်ဦးကို ခေါ်ယူစစ်ဆေးနေပါတယ်။
RFA

 mahachai-myanmar-workers-620.jpg ဖမ်းဆီးခံရတဲ့ ထိုင်းနိုင်ငံ မဟာချိုင်မြို့ နာနတ်သီးစက်ရုံက မြန်မာအလုပ်သမားတွေကို ဇွန်လ ၂ ရက်နေ့ကတွေ့ရစဉ်
Photo: Ye Min(AAC)

ထိုင်းနိုင်ငံ မဟာချိုင်မြို့ နာနတ်သီးစက်ရုံက အဖမ်းခံရတဲ့ မြန်မာအလုပ်သမားများအနက် ၄၇ ဦး ပြန်လွတ်လာပြီး ကျန် ၅၀ ကျော်အတွက် ညိုနှိုင်းစဲဖြစ်တယ်လို့ မြန်မာသံရုံးက ပြောပါတယ်။

ဇူလိုင်လ ၁ ရက်နေ့က ရဲတပ်ဖွဲ့က စက်ရုံအတွင်း လာရောက်စစ်ဆေးပြီး ဖမ်းသွားတာဖြစ်ပါတယ်။ သူတို့ရဲ့ အလုပ် သမားပါမစ်တွေမှာ စက်ရုံနာမည်မတူလို့ ဖမ်းတာဖြစ်တယ်လို့ အလုပ်သမားအရေး ဆောင်ရွက်သူတွေက ပြောပါ တယ်။ မဟာချိုင်မြို့ရဲစခန်းမှာ အလုပ်သမားတွေ ပြန်လွတ်ရေးဆောင်ရွက်ပေးနေသူ မြန်မာသံအရာရှိ ဦးအောင်ကိုသန့် က အခြေအနေကို ပြောပြပါတယ်။

"ညှိလို့ရသလောက်တော့ ၄၇ ယောက်က ဒဏ်ကြေးနဲ့ လွှတ်ပေးလိုက်ပြီ၊ အားလုံးဖမ်းထားတာ ၉၂ ယောက်ပါ၊ ကျန်တဲ့လူတွေက အထောက်အထားမပြည့်စုံလို့ အထောက်အထားတွေ မှားနေလို့ပါ၊ ကျန်တဲ့ဟာလေးတွေက ကျနော်ညှိပြီး ဆောင်ရွက်ပေးနေစဲဖြစ်ပါတယ်၊ အသေးစိတ်မပြီးတဲ့အခါကျတော့ ပြောဖို့စောလွန်းတယ်"

မနေ့က ဒဏ်ရိုက်ပြီး လွတ်မြောက်လာသူ ၄၇ ဦးကို စက်ရုံက အလုပ်ပြန်မပေးဘူးလို့လည်း သိရပါတယ်။ ဒီကိစ္စနဲ့ပတ်သက်ပြီး အလုပ်ရှင်ကို တရားစွဲဖို့ စီစဉ်နေတယ်လို့ မြန်မာအလုပ်သမားအရေး ဆောင်ရွက်နေတဲ့ AAC အဖွဲ့က ကိုရဲမင်း က ပြောပါတယ်။

အဖမ်းခံထားရသူအနက် အလုပ်သမား ၂၅ ဦးကို ဒဏ်ငွေ ဘတ် ငါးသောင်း ရိုက်ထားတာကြောင့် အလုပ်သမားတွေ က ထောင်ကျခံဖို့ ဆုံးဖြတ်တယ်လို့ သိရပါတယ်။ လက်ရှိအနေနဲ့ လွတ်မြောက်ခြင်းမရှိသူများမှာ MOU လုပ်ထားသူ ၂၅ ဦး ထိုင်းနိုင်ငံမှာပြုလုပ်တဲ့ ယာယီပတ်စ်ပို့ကိုင်ဆောင်သူ ၂၃ ဦးနဲ့ ကလေးအလုပ်သမား ၄ ဦးတို့ ဖြစ်ကြပါတယ်။

ဒီသတင်းနဲ့ပတ်သက်ပြီး မြန်မာအလုပ်သမားအရေး ဆောင်ရွက်နေတဲ့ AAC အဖွဲ့က ကိုရဲမင်း ကို ဦးတင်အောင်ခိုင် က ဆက်သွယ်မေးမြန်းထားတာကို နားဆင်နိုင်ပါတယ်။
RFA

မနက်ခင်းနိုးလာလျှင် ရေနွေးလေးနဲ့ ခပ်ကြာကြာလေး စိမ်ချိုးလိုက်ရတာလောက် ဇိမ်ရှိတာမရှိ။ သို့သော် ထိုနည်းသည် မှားယွင်းသော ချိုးနည်းဟု ကျွမ်းကျင်သူတို့က ထောက်ပြသည်။ အခြားသော မှားယွင်းသည့် ရေချိုးနည်းလေးများလည်း ကျွမ်းကျင်သူများက ထောက်ပြထားသည်။ ဥပမာ နေ့တိုင်း ရေချိုးခြင်းသည်လည်း ပညာရှင်ရှုထောင့်မှ ကြည့်ပါက မလိုအပ်သော အပြုအမူဟု ဆိုထားသည်။ ရေချိုးရာတွင် ဆပ်ပြာဆီ ထည့်ကာ ကိုယ်ကိုပွတ်သော အ၀တ်လုံးများသည်လည်း ကြာကြာသုံးလျှင် လူကိုပိုးမွှား ကူးစက်အောင်ပါ လုပ်နိုင်ကြောင်းလည်း ကျွမ်းကျင်သူများက သတိပေးသည်။

၁။ နေ့တိုင်း ရေချိုးခြင်း။

လူအများစုကြီးသည် ရေမချိုးဘဲ တစ်ရက်လောက်နေရမှာကိုပင် စိတ်မသန့်နိုင် ဖြစ်ကြသည်။ ကယ်လီဖိုးနီးယား တက္ကသိုလ် သုတေသန တစ်ရပ်ကမူ နေ့စဉ်ရေချိုးခြင်း၊ ရေချိုးရင်း ဆပ်ပြာနှင့် အလွန်အမင်း ပွတ်တိုက်ခြင်းသည် လူကိုအကျိုးထက် အဆိုးပင် ပိုဖြစ်စေသေးသည်ဟု ဆိုထားသည်။ ရေအလွန်ချိုး ဆပ်ပြာအလွန် တိုက်ခြင်းကြောင့် ခန္ဓာကိုယ်ကို အကျိုးပြုသည့် ဘက်တီးရီးယားများပါ သေဆုံးကာ လူကိုကူးစက်ရောဂါဝင်ဖို့ ပိုလွယ်ကူလာသည်ဟု သုတေသီတို့က ဆိုသည်။

နေ့စဉ် ရေချိုးခြင်းကြောင့် အရေပြားပေါ်က အဆီဓာတ်များပါ ပျက်ပြယ်ရသည်။ ထိုအဆီဓာတ်သည် အရေပြားမှာ အစိုဓာတ် မပြတ်အောင် ရေဓာတ်ထိန်းပေးထားသည့် အကူအညီပစ္စည်းဖြစ်သည်။ နေ့တိုင်းရေချိုးခြင်း၊ ရေချိုးလျှင် ဆပ်ပြာအလွန်တိုက်ခြင်း တို့ကြောင့် အဆီဓာတ်ဆုံးရှုံးကာ အရေပြား ခြောက်သွေ့သည့် ပြဿနာ ဖြစ်ပွားနိုင်သည်ဟု သုတေသီတို့က သတိပေးသည်။

၂။ အကြာကြီး ရေချိုးခြင်း။

ရေချိုးလျှင် တတ်နိုင်သမျှ ခပ်မြန်မြန်ချိုးသင့်သည်ဟု ဗြိတိန်အရေပြား ဖောင်ဒေးရှင်းမှ ဒေါက်တာအန်ဂျာလီမာတိုက ပြောသည်။

““အလွန်ဆုံး (၁၅) မိနစ်၊ မိနစ် (၂၀) လောက်ပဲ ချိုးသင့်တယ်။ အဲဒီထက်ကြာရင် အရေပြားခြောက်သွေ့ပြီး ပိုးဝင်တာမျိုး ပိုဖြစ်တတ်တယ်”” ဟု ဒေါက်တာ မာတိုက ဆိုသည်။အရေပြားအောက်က ဂလင်းများသည် အရေပြားကို အစိုဓာတ်ရှိနေအောင် ထိန်းပေးသည်။ ရေကြာကြာ ချိုးသည့်အခါ အဆီဓာတ်များ လျှောကျသွားသဖြင့် အရေပြား ခြောက်သွေ့အက်ကွဲခြင်းမျိုး ပိုဖြစ်ပွားနိုင်သည်။

၃။ ဆပ်ပြာအလွန်တိုက်ခြင်း။

ရေချိုးသည့်အခါ ဆပ်ပြာသိပ်တိုက်လွန်းခြင်း၊ လက်ကို ဆပ်ပြာနဲ့ ခဏခဏ ဆေးခြင်းသည်လည်း တကယ်တမ်းမှာ အကျိုးထက် အဆိုးကို ပိုဖြစ်စေသည်ဟု မေရီလန်းပြည်နယ် အမျိုးသမီး အစာချေလုပ်ငန်းများ စင်တာမှ ဒေါက်တာရော်ဘင်ချူကန်က ပြောသည်။

ဆပ်ပြာအလွန် တိုက်ပါက ခန္ဓာကိုယ်ပေါ်က အကျိုးပြု ဘက်တီးရီးယားများပါ ရေနဲ့လျှောကျပါသွားသဖြင့် အရေပြားသည် အဖျက်ဘက်တီးရီးယားများ အန္တရာယ် ပိုရင်ဆိုင်ရကြောင်း ဒေါက်တာချူကန်က ပြောသည်။ လူ့အရေပြားပေါ်တွင် အကျိုးပြု၊ အဆိုးပြု ဘက်တီးရီးယားတွေ သန်းချီပြီးရှိနေသည်။ ပုံမှန်ကျန်းမာသော လူတစ်ယောက်၏ အရေပြားပေါ်တွင် ထိုအင်အားစု နှစ်စုသည် မျှခြေအနေအထားမှာ ရှိသည်။

ဆပ်ပြာဟူသည် အရေပြားပေါ်က အညစ်အကြေးများကို ဖယ်ထုတ်ပေးနိုင်သည့် အစွမ်းရှိရုံဖြင့် လုံလောက်ကြောင်းလည်း ဒေါက်တာချူတန်ကပြောသည်။ ယခုနောက်ပိုင်း ပေါ်လာသော ဘက်တီးရီးယား ကာကွယ်ရေး ဆပ်ပြာများဟူသည် ပြင်းထန်သော ဓာတုပစ္စည်းများ ပါဝင်သဖြင့် အဆိုးပြု ဘက်တီးရီးယားများကို သာမက အကျိုးပြု ဘက်တီးရီးယားများကိုပါ သတ်ပစ်လျက်ရှိကြောင်း ဒေါက်တာချူတန်က ပြောသည်။

ရေချိုးရာတွင် အနံ့ထွက်၊ ချွေးထွက်သည့် ချိုင်းကြား၊ ပေါင်ကြား၊ တင်ပါးနှင့် မိမိမှာ အနံ့ထွက်သော နေရာများကို ဆပ်ပြာတိုက်ရုံနှင့် လုံလောက်ကြောင်း၊ ကျန်နေရာများကို ဆပ်ပြာမတိုက်လျှင်ပင် အဆင်ပြေကြောင်း၊ တိုက်လိုပါကလည်း အပေါ်ယံလောက် တိုက်ရုံနဲ့ လုံလောက်ကြောင်း ဒေါက်တာ ချူတန်က ပြောသည်။ အမှန်ဆိုလျှင် ရေနဲ့ဆေးရုံနဲ့ပင် လုံလောက်ကြောင်း ၎င်းကပြောသည်။

၎။ မျက်နှာသန့်ဆေးတွေ အလွန်သုံးခြင်း။

ရေပန်းနဲ့ ရေချိုးသူများ အယူမှားနေသည့် တစ်ချက်မှာ မျက်နှာကို မျက်နှာသစ် ဆပ်ပြာနဲ့ တိုက်ပြီးလျှင် ရေပန်းဖွင့်ချ၊ ရေပန်းအောက် မျက်နှာထိုးခံကာ မျက်နှာသစ်လျှင် မျက်နှာအရေပြားတွေ သန့်စင်ဝင်းပသွားသည်ဟူ၍ ဖြစ်သည်။ တကယ်တမ်းမှာကား အရှိန်နှင့် ကျလာသော ရေပန်းအောက်မှာ မျက်နှာထိုး ခံထားခြင်းကြောင့် မျက်နှာအရေပြားများပင် ပျက်စီးရသေးကြောင်း ဗြိတိန်နိုင်ငံမှ အရေပြား ကျန်းမာရေး ပညာရှင် ကေးစကော့က ပြောသည်။ ရေပူနှင့်ချိုးလျှင် အပူဓာတ်ကြောင့်ပါ မျက်နှာအရေပြားများ ပိုထိခိုက်ရသေးသည်ဟုလည်း ၎င်းကဆိုသည်။

မျက်နှာသန့် ဆေးများသုံးကာ မကြာမကြာ မျက်နှာသစ်ခြင်းကြောင့် မျက်နှာလေး ၀င်းပနေသည်ဟု ထင်ရသော်လည်း တကယ်တမ်းမှာ မျက်နှာအဆီဓာတ် ခန်းခြောက်ရသလို၊ မျက်နှာ အရေပြားပေါ်က အကျိုးပြု ဘက်တီးရီးယားများကိုပါ သတ်ပစ်ရာ ရောက်နေသဖြင့် ကြာလာသည်နှင့်အမျှ မျက်နှာအရေပြား ခြောက်သွေ့ကာ အဆိုးပြု ဘက်တီးရီးယားများ ဒုက္ခပေးနိုင်ခြေ ပိုများလာရကြောင်း ဗြိတိန်နိုင်ငံမှ အရေပြားကျန်းမာရေး ပညာရှင် ကေးစကော့က ပြောသည်။

၅။ ကိုယ်တိုက် အ၀တ်လုံးသုံးခြင်း။

ရေချိုးလျှင် ဆပ်ပြာဆီထည့်ကာ ကိုယ်ကို လိုက်ပွတ်နိုင်သော အ၀တ်ပွတ်လုံး လှလှလေးများသည် တကယ်တမ်းတွင် ဘက်တီး ရီးယားအိမ်ကြီး ဖြစ်နေတတ်သည်။ ထိုအ၀တ်ပွတ်လုံး လှလှလေးများသည် တော်တော်နဲ့ ရေမခြောက်ခြင်း၊ ရေချိုးခန်းထဲမှာသာ ထားခြင်းကြောင့် အစိုဓာတ် အမြဲရှိနေခြင်း တို့ကြောင့် ဘက်တီးရီးယားတွေ ပေါက်ဖွားနေထိုင်ရန် အသင့်တော်ဆုံး ဖြစ်နေသည်။ ထိုအ၀တ်ပွတ်လုံး နှင့် တစ်ကိုယ်လုံး လိုက်ပွတ်သည့်အခါ ဘက်တီးရီးယားတွေ ခန္ဓာကိုယ်ပေါ်လိုက်ဖြန့်ရာ ရောက်သည်။ အ၀တ်ပွတ်လုံး သုံးမည်ဆိုလျှင်ပင် နှစ်လတစ်ကြိမ် အသစ်လဲသင့်သည်။

Source: Daily Mail

============

Search Myanmar

ကွာလာလမ်ပူ၊ ဇူလိုင် ၄ ။ ။ ပြီးခဲ့သည့် ဇွန် ၂၈ ရက်က ပူချောင်အရပ်၌ နိုက်ကလပ်တစ်ခုတွင် ပေါက်ကွဲမှုဖြစ်ခဲ့ခြင်းသည် အိုင်အက်စ်အဖွဲ့နှင့် ချိတ်ဆက်ပတ်သက်မှုရှိကြောင်း မလေးရှား ရဲထောက်လှမ်းရေးချုပ်က ပြောသည်။

"ကျွန်တော်တို့ စုံစမ်းစစ်ဆေးမှုအရ ဒါအမှန်ပါပဲ။ မိုဗီဒါနိုက်ကလပ်စာသောက်ဆိုင်မှာ ဖြစ်ခဲ့တဲ့ ပေါက်ကွဲမှုက အိုင်အက်စ်လက်စလက်နတွေ ပါဝင်နေပါတယ်။"ဟု ခါလစ်အဘူဘာကာက သတင်းစာရှင်းလင်းပွဲ၌ ပြောကြားသည်။

အစောပိုင်းက ယင်းပေါက်ကွဲမှုက အစွန်းရောက်တိုက်ခိုက်မှု မဟုတ်ဟု အာဏာပိုင်များက ငြင်းပယ်ခဲ့ပြီး စီးပွားရေးပြိုင်ဖက်ချင်း သတ်ဖြတ်ရန် ကြံစည်မှုအနေဖြင့် စုံစမ်းထောက်လှမ်းခဲ့ခြင်းဖြစ်သည်။

သို့သော် ပေါက်ကွဲမှုဖြစ်ပြီးနောက်ပိုင်း ဆီးရီးယားရှိ အိုင်အက်စ်အတွက် တိုက်ခိုက်နေသည့် မလေးရှားဖေ့ဘုတ်အကောင့်တစ်ခု၏ ပို့စ်ရေးသားချက်အရ စုံစမ်းမှုလမ်းကြောင်း ပြောင်းခဲ့ရခြင်းဖြစ်သည်။

"ကျွန်တော်တို့ လိုက်လံစုံစမ်းထောက်လှမ်းမှုအရ ဇွန် ၂၈ နဲ့ ဇူလိုင် ၁ ရက်နေ့ကြား လူပေါင်း ၁၅ ဦးကို ဖမ်းဆီးထားပါတယ်။ သူတို့က နိုက်ကလပ်ပေါက်ကွဲမှုမှာ ပါဝင်သူတွေ မဟုတ်ပေမယ့် အိုင်အက်စ်နဲ့ ချိတ်ဆက်မှုရှိတဲ့သူတွေပါ။"ဟု ခါလစ်က ပြောပြီး လေးဦးကို ဆီနီဂေါပြည်နယ်၊ ခုနစ်ဦးက ကီဒက်၊ ကွာလာလမ်ပူ၌ နှစ်ဦးနှင့် မီလာကာနှင့် ပန်နန်တို့တွင် တစ်ဦးစီ ဖမ်းဆီးခဲ့ရခြင်းဖြစ်ကြောင်း ၎င်းက ဖြည့်စွက်ပြောသည်။

ထိုပြင် ရဲနှစ်ဦးကိုလည်း ဖမ်းဆီးထားကြောင်း အာဏာပိုင်များက ပြောသည်။

ပေါက်ကွဲမှုဖြစ်သည့် ညက မိုဗီဒါကလပ်သို့ လက်ပစ်ဗုံး ပစ်သွင်းခဲ့သူဟု ယူဆရသူနှစ်ဦးကိုလည်း ဖမ်းဆီးရမိထားကြောင်း၊ ၎င်းတို့ကို ဆီးရီးယားက အိုင်အက်စ်အဖွဲ့က ညွန်ကြားခိုင်းစေခြင်းဖြစ်ကြောင်း ခါလစ်က ဆိုသည်။

"ကျွန်တော်တို့ ထောက်လှမ်းသိရတာ ဆီးရီးယားမှာရောက်နေတဲ့ မိုဟာမတ်ဝန်ဒီမိုဟာမတ်ဂျီဒီဆိုသူ မလေးရှားတစ်ဦးကနေ ညွန်ကြားချက်ပေး ခိုင်းစေတာကိုပါ။ သူက တိုက်ခိုက်မှုတွေလုပ်ဖို့ တိုက်ရိုက်စေခိုင်းနေတာပါ။ အစိုးရအထက်တန်းအရာရှိတွေ၊ ရဲဌာနနဲ့ ဥပဒေအရာရှိနဲ့ တရားသူကြီးတွေကို ပစ်မှတ်ထားတိုက်ခိုက်ဖို့ စေခိုင်းညွန်ကြားတာတွေ တွေ့ရတယ်။"ဟု ခါလစ်က ပြောကြား ခဲ့သည်။

စီအင်န်အေ
Mizzima - News in Burmese

ပေကျင်း၊ ဇူလိုင် ၄ ။ ။ တရုတ်သမ္မတဟောင်း ဟူကျင်တောင်း၏ အကူလက်ထောက်တစ်ဦးအား အကျင့်ပျက်ခြစားမှု၊ နိုင်ငံတော်လျှို့ဝှက်ချက် ခိုးယူရယူမှုနှင့် အာဏာအလွဲသုံးမှုများ အတွက် ထောင်ဒဏ် တစ်သက်တစ်ကျွန်း ပြစ်ဒဏ်ချမှတ်လိုက်ကြောင်း နိုင်ငံပိုင် ဆင်ဟွာသတင်းက ဖော်ပြသည်။

လင်ကျိဟွာအား လွန်ခဲ့သည့် တစ်လကတည်းက လျှို့ဝှက်စစ်မေးနေရာ တျန်ကျင်းရှိ တရားရုံးက ပြစ်ဒဏ်ချမှတ်လိုက်ခြင်းဖြစ်ပြီး လင်ကျိဟွာက အပြစ်ကို ဝန်ခံပြီး အသနားခံ လျှောက်ထားမည်မဟုတ်ဟု ဆုံးဖြတ်ခဲ့ကြောင်း သတင်း၌ ဖော်ပြသည်။

လင်ကျိဟွာသည် တရုတ်အမျိုးသားနိုင်ငံရေးအကြံပေးအဖွဲ့၏ ဒုတိယအကြီးအကဲအဖြစ် တာဝန်ထမ်းဆောင်ခဲ့သူဖြစ်ပြီး လာဘ်ငွေရယူမှုများကို ကိုယ်တိုင်လည်းကောင်း၊ မိသားစုကတစ်ဆင့်ခံအဖြစ်လည်းကောင်း ယွမ် ၇၇ ဒဿမ ၀၈ မီလီယံကျော်(အမေရိကန်ဒေါ်လာ ၁၁ ဒဿမ ၆ သန်း) ရယူခဲ့ကြောင်း တရားရုံးက စီရင်ချက်ချခဲ့သည်။

"စစ်ဆေးကြားနာမှုမှန်သမျှကို ကျွန်တော်လက်ခံပါတယ်။ တရားသူကြီးများ စီရင်ရာကို လိုက်နာပါတယ်။ စီရင်ချက်ချတဲ့ ဒီကနေ့ကိုတော့ ကျွန်တော် မှတ်ဥာဏ်မှာ သံမှိုစွဲသလို မှတ်မိနေမှာပဲဖြစ်ပါတယ်။"ဟု လင်ကျိဟွာက နောက်ဆုံး ပြောဆိုသည်။

"စိတ်ထဲက အရင်းအတိုင်း ပြောတာပါ။ တရားရုံးရယ်၊ အစိုးရရှေ့နေရယ်၊ ပြီးတော့ ကျွန်တော်ဖက်က ရှေ့နေနှစ်ဦးရယ်ကို အမှန်တကယ်ကို ကျေးဇူးတင်ပါတယ်။"ဟု ၎င်းက ပြောခဲ့သည်။

ဘန်ကောက်ပို့စ်၊ ဆင်ဟွာ
Mizzima - News in Burmese

မန္တလေး၊ ဇူလိုင် ၄ ။ ။ မန္တလေးတိုင်းဒေသကြီး ရေအရင်းအမြစ်နှင့် မြစ်ချောင်းများ ဖွံ့ဖြိုးတိုးတက်ရေးဦးစီးဌာနမှ တိုင်းဒေသကြီးအတွင်း ကျေးရွာ(၇) ရွာအတွက် ရေတိုက်စားကမ်းပြို ကာကွယ်ရေး လုပ်ငန်းများ ဆောင်ရွက်ပေးရန်အတွက် ကျပ်သန်းပေါင်း ၃၆၅၈ ဒသမ ၅၀ ကို ပြည်ထောင်စုအစိုးရထံ သီးသန့်ရံပုံငွေရရှိရေး တင်ပြတောင်းခံထားသည်။

တိုင်းဒေသကြီးအတွင်း ဧရာဝတီမြစ်၊ ပန်းလောင်မြစ် နှင့် မြစ်ငယ်မြစ်အတွင်းမှ ကျေးရွာ(၇)ရွာအတွက် လာမည့် မြစ်ရေကျချိန်တွင် ကမ်းပြို ကာကွယ်ရေးလုပ်ငန်းများဆောင်ရွက်ပေးရန်အတွက် တင်ပြတောင်းခံခြင်းဖြစ်သည်။

ရေအရင်းအမြစ် နှင့် မြစ်ချောင်းများ ဖွံ့ဖြိုးတိုးတက်ရေးဦးစီးဌာန ညွန်ကြားရေးမှူး ဦးတိုးအောင်လင်းက “ကျွန်တော်တို့ ဌာနအနေနဲ့ ကမ်းပြိုကာကွယ်ရေးလုပ်ငန်းတွေ ဆောင်ရွက်ပေးနိုင်ဖို့အတွက် တိုင်းဒေသကြီးအစိုးရအဖွဲ့နဲ့ ပြည်ထောင်စုအစိုးရအဖွဲ့ကို ခွင့်ပြု ရံပုံငွေတောင်းခံရပါတယ်။ ကမ်းပြိုတဲ့ ရွာတွေကို သွားရောက်ပြီး လွှတ်တော်ကိုယ်စားလှယ်တွေနဲ့အတူ သွားကြည့်ပြီး ဘယ်လို ဆောင်ရွက် သင့်တယ်ဆိုတာ တိုင်းတာရေးလုပ်ပြီး ခွင့်ပြုချက်တောင်းခံရတာပါ။”ဟု ပြောသည်။

၂၀၁၆/၁၇ ခုနှစ်တွင် ကမ်းပြိုကာကွယ်ရေးဆောင်ရွက်ရမည့် ကျေးရွာများမှာ ဧရာဝတီမြစ်တွင်းမှ ရွာသာယာကျေး ရွာ(စဉ်ကူးမြို့နယ်)အတွက် ကျပ်(၁၀၁)သန်း၊ အိုင်ဒိုင်ကျေးရွှာ (မတ္တရာမြို့နယ်)အတွက် ကျပ်သန်း(၉၀၀)၊ ဆီမီး ခုံကျေးရွာ(မြင်းခြံမြို့နယ်)အတွက် ကျပ်သန်း(၁၉၃၇ဒသမ ၅၀)၊ မြစ်ငယ်မြစ်တွင်းမှ အင်းဝမြို့၊ နန်းဦးစေတီအနီး အတွက် ကျပ်ငွေ သန်း(၁၅၀)၊ တံတားဦးမြို့နယ်ရှိ ဈေးချိုကျေးရွာ အတွက် ကျပ်သန်း(၂၁၀) နှင့် အိုးတုတ္တတန်း ကျေးရွာအတွက် ကျပ်သန်း(၂၁၀)၊ ပန်းလောင်မြစ်အတွင်းမှ ဥသျှစ် ဖိုရွာ (တံတားဦးမြိုနယ်)အတွက် ကျပ်သန်း (၁၅၀)တို့ဖြစ်ပြီး စုစုပေါင်းခန့်မှန်းကုန်ကျငွေ ကျပ်သန်း(၃၆၅၈ ဒသမ ၅၀)ဖြစ်သည်။
Mizzima - News in Burmese

(ဓာတ်ပုံ- မင်းမင်း/မဇ္ဈိမ)
နေပြည်တော်(ဇူလိုင် ၄ရက်၊ ၂၀၁၆ခုနှစ်)။ ။ ယခင်က အကျင့်ဆိုးများကို ပြုပြင်ပြီး ကိုယ်ပိုင်အရည်အချင်းကို အလုပ်အပေါ်တွင် အသုံးချကာ လုပ်သင့်တာကို ရဲရဲဝံ့ဝံ့ဆောင်ရွက်ရမည့်အချိန် ရောက်ပါပြီဟု စိုက်ပျိုးရေး၊ မွေးမြူရေးနှင့် ဆည်မြောင်းဝန်ကြီးဌာန၊ ပြည်ထောင်စုဝန်ကြီး ဒေါက်တာအောင်သူက ပြောကြားလိုက်သည်။

ဇူလိုင်လ ၄ရက်က နေပြည်တော်ရှိ သမဝါယမဦးစီးဌာနရုံးတွင်ပြုလုပ်သော ၂၀၁၆ခုနှစ်၊ အပြည်ပြည်ဆိုင်ရာသမဝါယမနေ့အခမ်းအနားတွင် ဒေါက်တာအောင်သူက ထိုသို့ ပြောဆိုလိုက်ခြင်းဖြစ်သည်။

"အကျင့်ဟောင်း၊ အကျင့်ဆိုး၊ အကျင့်ဆွေးတွေကို ပြုပြင်ပြောင်းလဲဖို့ အချိန်တန်ပါပြီ။ 'မလုပ်၊ မရှုပ်၊ မပြုတ်' ဆိုတဲ့ခေတ်လည်း ကုန်သွားပါပြီ။ လုပ်သင့်လုပ်ထိုက်တာကို ရဲရဲဝံ့ဝံ့ ဆောင်ရွက်ကြရမယ့် အချိန်ရောက်နေပါပြီ။ ဒါကြောင့် မိမိတို့ရဲ့ အရည်အချင်း၊ စွမ်းရည်တွေကို မိမိတို့ရဲ့ အလုပ်အပေါ်မှာ အသုံးချပါ" ဟု ဒေါက်တာအောင်သူက အခမ်းအနားတွင် ပြောသည်။

ပြီးခဲ့သည့် အစိုးရအဆက်ဆက်တွင် အရိုးစွဲလာကြသော ဝန်ထမ်းအချို့၏ "အလုပ်မလုပ်တော့ ဘာပြဿနာမှ မရှုပ်တော့ဘူး။ ဘာပြဿနာမှ မရှုပ်တော့ အလုပ်မပြုတ်တော့ဘူး" ဟူသည့် ခံယူချက်အပေါ် ရည်ညွှန်းကာ ဝန်ကြီး ဒေါက်တာအောင်သူက ပြောဆိုလိုက်ခြင်းလည်း ဖြစ်သည်။

ထို့ပြင် ပွင့်လင်းမြင်သာမှုရှိစွာ အလုပ်လုပ်မှသာ ပြည်သူများ၏ ယုံကြည်ကိုးစားမှုကို ရရှိလာမည်ဖြစ်ကြောင်းလည်း ဒေါက်တာအောင်သူက သမဝါယမအမှုဆောင်များနှင့် ဝန်ထမ်းများကို ညွှန်ကြားခဲ့သေးသည်။

"အတိတ်ကဖြစ်ခဲ့တဲ့ သမဝါယမအပေါ် အမြင်မကြည်မှုတွေကို ကျော်လွှားပြီး ပြည်သူများရဲ့ ယုံကြည်မှုရရှိအောင် လက်ရှိဆောင်ရွက်နေမှုများကို အရှိန်အဟုန် ပြင်းပြင်းဖြင့် ကြိုးပမ်းကြဖို့လိုပါတယ်" ဟု ဒေါက်တာအောင်သူက ဆိုသည်။

မြန်မာနိုင်ငံတွင် ကျေးရွာပေါင်း (၆၀၀၀၀)ကျော်ရှိသည့်အနက် လက်ရှိတွင် ကျေးရွာပေါင်း (၄၂၀၀၀)ကျော်တွင် သမဝါယမအသင်းများ အသီးသီးဖွဲ့စည်းထားကာ အသေးစားချေးငွေများကို ထုတ်ချေးလျက်ရှိသည်။

"သမဝါယမ အသေးစားချေးငွေဟာ စဉ်ဆက်မပြတ် ထုတ်ချေးပေးနေမှာဖြစ်လို့ အသင်းသားများအတွက် လိုအပ်တဲ့ ရင်းနှီးငွေကိုလည်း အချိန်မီ ရရှိကြမှာ ဖြစ်ပါတယ်။ ချေးငွေကို အမှန်တစ်ကယ် လုပ်ငန်းတွေမှာ သုံးစွဲသွားဖို့လည်း အရေးကြီးပါတယ်" ဟု ဒေါက်တာအောင်သူက ပြောဆိုသည်။
Mizzima - News in Burmese


TNLA တပ်ဖွဲ့ဝင်များ။ PSLF -TNLA News & Information Department
TNLA တပ်ဖွဲ့ဝင်များ။ PSLF -TNLA News & Information Department

ရှမ်းပြည်မြောက်ပိုင်း လားရှိုးမြို့နယ် မိုင်းယော်ဒေသခံ (၇) ဦး သတ်ဖြတ်ခံရတဲ့ ကိစ္စအပေါ် အမှုမှန်ဖော်ထုတ်ပေးဖို့ TNLA တအောင်းပလောင် တပ်ဖွဲ့က တောင်းဆိုနေသလို၊ ဒီအမှုအပေါ်မှာ မြန်မာနိုင်ငံ လူ့အခွင့်အရေး ကော်မရှင် ဘက်ကလည်း အချက်အလက်ယူ စုံစမ်းမှုတွေ ပြုလုပ်နေပါတယ်။ ဒီအခြေအနေတွေနဲ့ပတ်သက်လို့ ဗွီအိုအေ သတင်းထောက် ကိုနိုင်ကွမ်းအိမ် သတင်းပေးပို့ထားပါတယ်။

ရှမ်းပြည်နယ် လားရှိုးမြို့နယ် မိုးယော်မြို့အနီးမှာ ဇွန်လ ၂၅ ရက်နေ့ တိုက်ပွဲဖြစ် တာကြောင့် အဲဒီ တိုက်ပွဲအတွင်းမှာ တီအန်အယ်အေ တပ်ဖွဲ့ဝင် (၇) ဦး သေဆုံးခဲ့တယ်လို့ မြ၀တီသတင်းစာက ဖော်ပြချက်ဟာ မှားယွင်းနေတယ်လို့ TNLA ပလောင်တပ်ဖွဲ့က ငြင်းချက်ထုတ်ခဲ့ပါတယ်။ အဲဒီဒေသတွင်းမှာ သူတို့ တပ်ဖွဲ့ဝင်တွေ မရှိဘူးလို့လည်း ထုတ်ပြန်ပါတယ်။

ဒါ့အပြင် သေဆုံးခဲ့ကြတဲ့ ရွာသား (၇) ဦးကိစ္စ အမှုမှန်ဖော်ထုတ် အရေးယူသွားဖို့ လည်း ပလောင် လွတ်မြောက်ရေး တပ်ဦးက တောင်းဆို ထားခဲ့တယ်လို့ TNLA နိုင်ငံခြား ဆက်ဆံရေး တာဝန်ခံ တာပန်လှက ပြောပါတယ်။

" မန်ကစ်နဲ့ မန်တပ်ရွာ ပေါင်း ၅ ဦး နဲ့ ပြီးတော့ ဒေသခံခရီးသွား ရွာသား ၂ ဦး စုစုပေါင်း ၇ ဦးပေါ့လေ ဗမာ့တပ်မတော် ကနေပြီးတော့ သတ်ဖြတ်ခြင်းခံရတယ်။ အဲ့ဒီရွာသား (၇) ယောက် သတ်ဖြတ်ခြင်းခံရတဲ့ နေရာမှာကတော့ တိုက်ပွဲ မဖြစ်တာ ၁ နှစ်ကျော်ကျော်တောင်မှ ရှိနေပါပြီ။ တိုက်ပွဲအတု ဖန်တီးပီးတော့ ဒီရွာသားတွေကို သတ်ဖြတ်ပေမယ့် ဒါဟာ ဖမ်းဆီးခေါ်ဆောင်သွားပြီးတော့ မတရား သတ်ဖြတ်တာပေါ့လေ။ သတ်ဖြတ်ခံရပြီးတော့နောက်ပိုင်းမှာ အဲဒါကို ဘာမှ အရေးယူတာမျိုးတွေ ဆောင်ရွက်ပေးတာမျိုးတွေမရှိဘဲနဲ့ ဒါဟာ မတရားသတ်ဖြတ်ခံရမှုတွေ ခံနေကြရတယ်။ အဲဒီအပေါ်မှာ ကျနော်ကတော့ ဗမာ့တပ်မတော်ရဲ့ လုပ်ရပ်ကို ကန့်ကွက်တယ် ပေါ့လေ။ ဒေသခံ ရွာသား (၇)ဦး အသတ်ခံရတဲ့ ကိစ္စကို သက်ဆိုင်ရာ အဖွဲ့အစည်းများဖြစ်တဲ့ နိုင်ငံရေး ပါတီအဖွဲ့အစည်းတွေရော မြန်မာအစိုးရ ဒေါ်အောင်ဆန်းစုကြည်တို့ သမ္မတဦးထင်ကျော်တို့ ဦးဆောင်တဲ့ အစိုးရရော ကျန်တဲ့ လူထုအဖွဲ့အစည်းတွေရော အဲဒါတွေကို ဝိုင်းဝန်းပြီးတော့ ဖော်ထုတ်ပြီးတော့ အရေးယူကြဖို့ ကျနော့်အနေနဲ့ တိုက်တွန်းနှိုးဆော်တာပေါ့လေ။"

ပြီးခဲ့တဲ့ဇွန်လ(၂၅)ရက်နေ့တုန်းက မြန်မာ့တပ်မတော်စစ်ကြောင်းကနေ မန်ကစ်နဲ့မန်တပ် ကျေးရွာသားတွေကို ဖမ်းဆီး ခဲ့ပြီးနောက်ပိုင်း လူသေဆုံးမှုတွေဖြစ်ပေါ်လာခဲ့တယ်လို့ ရှမ်းအမျိုးသမီး လူ့အခွင့်အရေး အဖွဲ့ခေါင်းဆောင် တဦး ဖြစ်သူ ယိင်းဟန်ဖကဆိုပါတယ်။

"ရွာသားတွေကို စစ်ကြောင်း ခမရ ၃၆၂ က လာခေါ်သွားတယ်နော်။ လူ အယောက် (၃၀) ဖမ်းဆီးခေါ်ဆောင်သွားပြီး စစ်ဆေးတော့ ပစ်ခတ်မှုတွေဖြစ်ခဲ့တယ်လေ။ ပစ်ခတ်မှုဖြစ်တော့ ၃၂ ယောက်က ပွဲချင်းပြီးဆုံးသွားတယ် အဲဒီနေ့မှာ။ နောက်ပြီး ၅ ယောက် ကျတော့ ၁၉ ရက် ညနေကျမှ တူးဖော်တွေ့တာပေါ့နော်။ ကျမပြန်စုံစမ်းရ သလောက်ကတော့ TNLA တပ်သားတွေတော့ မဟုတ်ဘူး။ ပလောင်ရွာသားတွေ ပါတယ်။ ရှမ်းရွာသားတွေ ပါတယ်။ ကျမတို့ ခုထက်ထိလည်း ဆက်လက် ထပ် စုံစမ်းနေတုန်းပဲ။"

ဇွန်လ (၂၅)ရက်နေ့တုန်းက အဲဒီမှာ သေနတ်သံတွေ ကြားခဲ့ရပြီး၊ စစ်တပ်ပိုင်း မြ၀တီ သတင်းစာ ကတော့ ဒါဟာ TNLA နဲ့ တိုက်ပွဲဖြစ်ခဲ့တာ လို့ ဖော်ပြပါတယ်။ TNLA ဖက်က စစ်သားစုဆောင်းတဲ့ တပ်ဖွဲ့ဝင်တွေနဲ့၊ နယ်မြေရှင်းလင်းရေးလုပ်နေတဲ့ မြန်မာအစိုးရတပ်တို့အကြား တိုက်ပွဲဖြစ်ပြီး အလောင်းရမိတဲ့ TNLA တပ်ဖွဲ့ဝင် တွေကို မြုပ်နှံထားရာနေရာတွေမှာ ရွာသားတွေကို မြုပ်နှံတယ်ဆိုပြီး သတင်းတွေ ထွက်လာတဲ့ အကြောင်း စစ်တပ်ပိုင် မြ၀တီသတင်းမှာ ရေးခဲ့တာပါ။ ဒေသခံအချို့ကတော့ ဒါဟာ ရွာသားတွေသာဖြစ်ပြီး၊ စစ်တပ်က ဖမ်းဆီးသွားသူတွေဖြစ်တယ်လို့ တပ်အပ်ပြောနေကြပါတယ်။

လားရှိုးမြို့နယ် မိုင်းယော်မြို့အနီး မန်ကစ်နဲ့မန်တပ်ရွာဘက်မှာ တအာင်းပလောင် တပ်ဖွဲ့တွေ နှစ်နဲ့ချီမရောက် ရှိခဲ့သလို မြန်မာ့တပ်မတော်နဲ့ အဲဒီဒေသမှာ တိုက်ပွဲ မဖြစ်ပွါးခဲ့ဘူးလို့ TNLAဘက်က ငြင်းဆိုထားပါတယ်။

ဒီလိုသံသယဖြစ်ဖွယ်ရာ သတ်ဖြတ်ခံရမှုနဲ့ပက်သက်ပြီးတော့ တအာင်းပလောင် တပ်ဖွဲ့တွေအနေနဲ့ ကလည်း အမှုမှန်ဖေါ် ထုတ်နိုင်ရေးအတွက် သက်ဆိုင်ရာ နိုင်ငံရေး အဖွဲ့အစည်းတွေ နိုင်ငံတော်အစိုးရနဲ့ လူထုအခြေပြု အဖွဲ့အစည်းတွေ ကိုလည်း တိုက်တွန်းထားပါတယ်။

မြန်မာနိုင်ငံအမျိုးသား လူ့အခွင့်အရေးကော်မရှင်အနေနဲ ရှမ်းပြည်နယ်အတွင်းလူ(၇) ဦး သေဆုံးမှုနဲ့ပတ်သက်ပြီး သတင်းအချက်အလက် စုဆောင်းနေဆဲဖြစ် သလို ကော်မရှင် အစည်းအဝေး ဆုံးဖြတ်ချက်ကို ရယူရဦး မယ်လို့ ကော်မရှင် အဖွဲ့ဝင် ဒေါက်တာဉာဏ်ဇော်က အခုလိုပြောပါတယ်။

"အဲ့ဒီကို မစုံစမ်းသေးဘူး။ ကျနော်တို့က သတင်းအချက်အလက်တွေ စုဆောင်းတုန်း။ သတင်းအချက်အလက်တွေ စုဆောင်းပြီးတော့မှ ကျနော်တို့ ကော်မရှင် အစည်းအဝေးမှာ တင်ပြီးတော့မှ ကော်မရှင် အစည်းအဝေးမှာ ဆုံးဖြတ်မှုကို ရယူရမယ်"

လက်ရှိမြန်မာနိုင်ငံရေးအနေအထားကတော့ နိုင်ငံတော်အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည် ကိုယ်တိုင် ဦးဆောင်လုပ်ဆောင်သွားမယ့် ၂၁ ရာစုပင်လုံညီလာခံမှာ တိုင်းရင်းသားလက်နက်ကိုင်အဖွဲ့အနေနဲ့ အဆင့်တိုင်း မှာပါဝင်သွားနိုင်ဖို့နှစ်ဖက်တွေ့ဆုံဆွေးနွေးနေချိန်မှာ ရှမ်းပြည်နယ် ကချင်ပြည်နယ်ဘက်မှာတော့ မြန်မာ့တပ်မ တော်နဲ့ KIOကချင်လွတ်လပ်ရေး တပ်မတော် TNLA တအာင်းပလောင်တပ်ဖွဲ့တွေနဲ့ တိုက်ပွဲဆက်လက်ဖြစ် ပွါးနေဆဲဖြစ်ပါတယ်။

တိုက်ပွဲဖြစ်ပွါးနေမှုနဲ့အတူ လူ့အခွင့်အရေးခ်ျိုးဖေါက်မှု ခံနေရတဲ့ဖြစ်စဉ်တွေလဲရှိနေဆဲလို့ ရှမ်းလူ့အခွင့်အရေး အဖွဲ့တာဝန်ရှိသူတွေကပြောပါတယ်။
VOA Burmese News


၂၀၁၆ ခုနှစ် ဇူလိုင်လ ၃ရက်နေ့ ရာဇဂြိုဟ်ဆည် ရေအခြေအနေ။ သတင်းဓာတ်ပုံ Credit to - MOI- ကလေးမြို့မီဒီယာ
၂၀၁၆ ခုနှစ် ဇူလိုင်လ ၃ရက်နေ့ ရာဇဂြိုဟ်ဆည် ရေအခြေအနေ။ သတင်းဓာတ်ပုံ Credit to - MOI- ကလေးမြို့မီဒီယာ

စစ်ကိုင်းတိုင်း ကလေးမြို့ ရာဇဂြိုဟ်ဆည်မှာ ရေတိုးနေတဲ့ အတွက် ဒေသခံပြည်သူတွေအပေါ် သဘာဝဘေးအန္တရာယ် ကြုံလာရရင် ကူညီကယ်ဆယ်ဖို့ လူမှုဝန်ထမ်းကယ်ဆယ်ရေးနဲ့ ပြန်လည်နေရာချထားရေး ဝန်ကြီးဌာနက ကြိုတင် ပြင်ဆင်ထားတယ်လို့ ဝန်ကြီးကပြောပါတယ်။ ဆည်အထက်ပိုင်းမှာ မိုးများပြီး ရေကြီးတဲ့အတွက် ကလေးမြို့၊ ရာဇဂြိုဟ်ဆည်ကြီးက နုန်းတားဆည်တွေ နစ်မြုပ်ကုန်တယ်ဆိုတဲ့ သတင်းစကားတွေကြောင့် ဒေသခံတွေကလည်း စိုးရိမ်နေကြပါတယ်။ အသေးစိတ် ဆက်သွယ်စုံစမ်းထားတဲ့ မဆုမွန်က ပြောပြပေးပါမယ်။

စစ်ကိုင်းတိုင်းဒေသကြီး ကလေးမြို့က ရာဇဂြိုဟ်ဆည်ကြီး အထက်ပိုင်းမှာ မိုးများပြီး ရေကြီးတဲ့အတွက် ဆည်ရေလျှံပြီး ဆည် ကျိုးပေါက်မှာကို ဒေသခံတွေက စိုးရိမ်နေကြတာပါ။ ဒီအခြေအနေကို စောင့်ကြည့်နေပြီး သက်ဆိုင်ရာ ဌာနတွေအနေနဲ့ ဒေသခံပြည်သူတွေအပေါ် သဘာဝဘေးအန္တရာယ် မကျရောက်စေရေး ကြိုတင်ပြင်ဆင်နေတယ်လို့ လူမှုဝန်ထမ်းကယ်ဆယ်ရေးနဲ့ ပြန်လည်နေရာချထားရေးဝန်ကြီးဌာန ဝန်ကြီး ဒေါက်တာဝင်းမြတ်အေးက ဗွီအိုအေမြန်မာပိုင်းကိုပြောပါတယ်။

“သဘာဝဘေးကျရောက်ရင် ကျနော့်တို့ ဝန်ကြီးဌာနအနေနဲ့ကတော့ ကြိုတင်ပြင်ဆင်မှုအပိုင်းကို ဦးစားပေးဆောင်ရွက်ထားတယ်။ တကယ်ဖြစ်ရင် လူတွေ အထိမနာအောင်လုပ်မယ်။ ဒါအတွက်ပါပဲ။ ဒါကြောင့်မို့လို့ ကြိုတင်ပြင်ဆင်တဲ့ ကိစ္စတွေ ဆောင်ရွက်ထားတာ ဖြစ်တဲ့အတွက်ကြောင့် အရမ်းကြီးစိုးရိမ်ထိတ်လန့်တာ မဖြစ်ပါနဲ့လို့ ပြောချင်တယ်။ ဘာမှမပြင်ဆင်ထား ရင်တော့ ရုတ်တရက်ဖြစ်လာရင် အကုန်လုံး အန္တရာယ်ရှိတယ်။ ဒုက္ခရောက်မယ်ပေါ့နော်။
အခုကြိုတင်ပြင်ဆင်ထားတာတွေ ရှိတဲ့အတွက်ကြောင့် သက်ဆိုင်ရာတွေကလည်း ဆောင်ရွက်စရာရှိတာကို ဆောင်ရွက်နေကြတာဖြစ်တဲ့အတွက်ကြောင့် တကယ်ဖြစ်လာရင်တောင် စိုးရိမ်သောကမဖြစ်ကြပါနဲ့လို့။ အစိုးရအနေနဲ့လည်း တာဝန်ယူပြီးဆောင်ရွက်မယ်။ ပြည်သူလူထုကလည်း ဝိုင်းဝန်းဆောင်ရွက်ကြမှာပဲလေ။ အဲ့တာအတွက်ကြောင့်မို့လို့ စိုးရိမ်ထိတ်လန့် မဖြစ်ဖို့ပဲ ကျနော့်အနေနဲ့ မှာချင်ပါတယ်။ သက်ဆိုင်ရာ လိုအပ်တဲ့ လုပ်သင့်လုပ်ထိုက်တာ အကုန်လုံး လုပ်ထားပါတယ်။”
ဒေါက်တာဝင်းမြတ်အေး ကူညီကယ်ဆယ်ရေးခရီးစဉ်များ သွားခဲ့စဉ် ဒေသခံတွေနဲ့တွေ့ဆုံ။
ဒေါက်တာဝင်းမြတ်အေး ကူညီကယ်ဆယ်ရေးခရီးစဉ်များ သွားခဲ့စဉ် ဒေသခံတွေနဲ့တွေ့ဆုံ။
ကလေးမြို့က ရာဇဂြိုဟ်ဆည်ကြီး နောက်ဆုံးအခြေအနေတွေကို အချိန်နဲ့တပြေးညီ သိရှိနိုင်အောင် သက်ဆိုင်တဲ့ တာဝန်ရှိသူတွေဘက်က လုပ်သင့်လုပ်ထိုက် တာတွေကို အသင့်ပြင်ဆင်ထားသလို တကယ်လို့ အန္တရာယ်ကျရောက်လာရင် လည်း ဒေသခံတွေ အရေးပေါ်ခိုလှုံနိုင်တဲ့ ဘေးကင်းတဲ့ အရပ်ဒေသတွေ ကို ပြောင်းရွှေ့ဖို့အတွက်တွေကိုလည်း ကြိုတင်လေ့ကျင့်တာတွေ စတဲ့ လုပ်သင့်လုပ်ထိုက်တဲ့ အလုပ်တွေအားလုံးကို လုပ်ထားတယ် ဆိုတာ ဒေသခံပြည်သူတွေကို ဝန်ကြီးက ဗွီအိုအေကနေ တဆင့် အသိပေးပြောဆိုပါတယ်။

“ ကျနော်တို့က အစဉ်တစိုက် သတင်းတွေ ယူနေတယ်။ သတင်းတွေယူနေတော့ အခုလောလောဆယ် ဖြစ်တာက နုန်းတားဆည်ကြီး ပျက်သွားတာတော့ မဟုတ်ပါဘူး။ အခုဟာက မိုးများပြီးတော့ ရေတွေ ကျလာတာ များလာတယ်သဘောပဲ။

ရာဇဂြိုဟ်ဆည်ကြီးလည်း ပေါက်သွားတယ်ဆိုတဲ့ သတင်းမဟုတ်သေးဘူး။တကယ်လည်း မပေါက်သေးဘူးပေါ့နော်။ ရာဇဂြိုဟ်ဆည်ရဲ့အောက်မှာ အသေးလေးတွေ ရှိသေးတယ်။ ဒါပေမဲ့ ဒီအသေးလေးတွေ ပေါက်တယ် မပေါက်တယ်ဆိုတာက သိပ်မသေချာသေးဘူး။ ဒါပေမဲ့လည်း မဟုတ်ဖို့များတယ်။ အခုဟာက မိုးများပြီးတော့ ရေတွေများတာပေါ့။ ရေတွေများပြီးတော့ ဆင်းလာတဲ့ရေတွေက ရှိတယ်။ ဒါပေမဲ့ အခုပြန်ကျသွားပြီဗျ။ အခုလောလောဆယ် ပြောတာနော်။ အခုပြန်ကျသွားပြီ။

အကယ်လို့ တခုခုဖြစ်ရင်လည်း ကျနော်တို့က နောက်ဆုံးပိတ် ဘာလုပ်မလဲဆိုတာ လုပ်ထားပြီးသားလေ။ အဲ့တာကတော့ နေရာတွေ ရွှေ့မယ် ကယ်ဆယ်ရေးတွေ လုပ်ဖို့ အဆင်သင့် လုပ်ထားပြီးပြီ။ နေရာ (၂၉) နေရာရှိတယ်။ သူ ဘယ်အရပ်ဒေသက ဘယ်ကိုရွှေ့မယ်။ ဘယ်အရပ်ဒေသက ဘယ်ကိုရွှေ့မယ်ဆိုတာ ဇာတ်တိုက်လေ့ကျင့်တာလည်း လုပ်ပြီးပြီ။ အဲ့လိုရွှေ့ဖို့ နေရာတွေလည်း သတ်မှတ်ပြီးပြီ။ ကယ်ဆယ်ရေးပစ္စည်းတွေလည်း အဆင်သင့်ရှိတယ်။ လှေတွေ လည်း ပေးထားတာရှိတယ်။ အဲ့တာမျိုးပေါ့ ပြင်ဆင်ထား တာတွေတော့ လုပ်ထားပါတယ်။ ဒါပေမဲ့ လတ်တလောလည်း အဲ့ဒီ့အခြေအနေအထိတော့ မရောက်သေးပါဘူး။”
စစ်ကိုင်းတိုင်းနဲ့ ချင်းပြည်နယ်ဘက်တွေမှာတော့ ကလေးမြို့က ရာဇဂြိုဟ်ဆည်ကြီး ရေလျံပြီး ဆည်ကျိုးပေါက်တော့မယ်ဆိုတဲ့ သတင်းစကားတွေ ထွက်နေပါတယ်။ တချို့ဒေသခံတွေဘက်ကတော့ ဆည်ရေကြီးရေလျှံဖြစ်တာဟာ မိုးရာသီမှာ ဖြစ်လေ့ဖြစ်ထရှိတယ်လို့ ဆိုကြပြီး စိုးရိမ်ကြတယ်လို့တော့ပြောပါတယ်။

“ရာဇဂြိုဟ်ဆည်ပေါက်တာထင်တယ်တဲ့ ရေတွေတက်လာတယ်တဲ့။ အခြေအနေ ဆိုးတဲ့အဆင့်တော့ မဟုတ်ပါဘူး။ နည်းနည်းတော့ အရင်ကထက်စာရင် ရေက နည်းနည်းများလာတာပါ။ ဆိုးတဲ့အဆင့်တော့ မဟုတ်ဘူး။ အဲ့ဒီ့ ရာဇဂြိုဟ် ဆည်အထက်ပိုင်းမှာ တောင်ပေါ်တွေမှာ မိုးကရွာတာရှိမှာ။”

ကလေးမြို့ခံတဦး ပြောသွားတာပါ။ တမူးဘက်မှာလည်း ရာဇဂြိုဟ်ဆည်က နုန်းကန် ကျိုးပေါက်တယ်ဆိုတဲ့သတင်းစကားတွေ ထွက်နေတယ်လို့ တမူးဒေသခံက ပြောပါတယ်။
“ နုန်းကန်ပေါက်တယ်လို့ ကြားတယ်ဗျ။ ရာဇဂြိုဟ်ဆည် မှာဗျ။ ရာဇဂြိုဟ်ဆည်မှာ။ ကျနော်တို့ တမူးတို့ကလေးတွေက မိုးများတယ်။ တမူးထက်ကို ကလေးက မိုးတအားများနေတယ်လို့ ကြားတယ်ဗျ။”

လူမှုကွန်ရက်စာမျက်နှာတွေပေါ်မှာတော့ ကလေးမြို့က ရာဇဂြိုဟ်ဆည်ကြီး ကျိုးပေါက်တော့မယ့်ဆိုတဲ့သတင်းစကားတွေထွက်နေတဲ့အပေါ် စိုးရိမ်နေကြတာနဲ့ ပတ်သက်ပြီး လူမှုဝန်ထမ်း ဝန်ကြီးကတော့ လူမှုကွန်ရက်တွေပေါ်ကနေ သတင်းစကားတွေ အချိန်နဲ့တပြေးညီသိရှိနိုင် သလို ကောလဟာလတွေရှိနိုင်တာမို့ အစိုးရိမ်မကြီးကြဖို့နဲ့ ရပ်ကွက်အုပ်ချုပ်ရေးမှူး ဒေသခံ သက်ဆိုင်ရာတာဝန်ရှိသူတွေရဲ့ အချိန်နဲ့တပြေးညီ သတင်းထုတ်ပြန်မှုတွေကို နားစွင့်ထားကြဖို့ သဘာဝဘေးအန္တရာယ်ကျရောက်ချိန် တာဝန်ရှိသူတွေနဲ့အတူ ပူးပေါင်းဆောင်ရွက်ဖို့ တိုက်တွန်းပါတယ်။

“အခုခေတ်ကတော့ မီဒီယာတွေက တအားများလာတယ်။ ဖေ့စ်ဘွတ်ခ် ဆိုလည်း ပေါ်လာတဲ့အတွက်ကြောင့်မို့လို့ အန္တရာယ်ရှိတာနဲ့ အန္တရာယ် မရှိတာဖြစ်လာတယ်။ ဒါပေမဲ့ အဲ့ဒီ့မီဒီယာတွေပေါ်လာလို့လည်း ကျေးဇူးတင်စရာ အကြောင်းတွေက ရှိလာတယ်။ ဘာကြောင့်လဲဆိုတော့ အဲ့ဒီ့မီဒီယာတွေ ပေါ် လာတော့ ထစ်ခနဲဆို တက်လာတယ်။ သိရတယ် ဆိုတဲ့အခါကျတော့ ကြိုတင်ပြင်ဆင်တဲ့အပိုင်းကျတော့ ပိုအားကောင်းအောင် လုပ်လို့ရတယ် ဆိုတဲ့အခါကျတော့ ဒါက မီဒီယာရဲ့ကောင်းကျိုးပေါ့နော်။

ဆိုးတဲ့အခါကျတော့ ရုတ်တရက် အဓိပါယ်ဖော်ဆောင်မှုတို့မှာ သူတို့ကလည်း စိုးရိမ်လို့ဖြစ်ရင်ဖြစ်မှာပေါ့။ တခါတလေကျရင် အထိတ်တလန့်ဖြစ်တာမျိုးလည်း ကြုံရတတ်တယ်။ အဲ့ဒီ့အခါကျရင် ခိုင်မာတဲ့သက်သေအထောက်အထားနဲ့ သတင်းမှန် ရပြီဆိုတာနဲ့ ကျနော်တို့က ချက်ခြင်းပဲ ပြည်သူကို အသိပေးရမယ်ပေါ့။

အခုလည်း ကျနော်တို့က ဒီကနေ့မှာ အဲ့လိုဖြစ်လာတဲ့ကိစ္စနဲ့ပတ်သက်ပြီး ကျနော်တို့သတင်းအမှန်ကိုရအောင် ဓာတ်ပုံတွေလည်း စုနေတယ်။ ကျယ်ကျယ်ပြန့်ပြန့်သွားနိုင်တဲ့ မီဒီယာကနေ ပြည်သူကိုရှင်းဖို့အတွက်ကို ကျနော်တို့ ပြင်ဆင်နေတယ်။”

နှစ်စဉ်လို မိုးများရေကြီး ရေလျှံဖြစ်မှုတွေကြောင့် စစ်ကိုင်းတိုင်းနဲ့ချင်းပြည်နယ်ဘက်တွေမှာ မြေပြိုကျမှုတွေ ရေလွှမ်းမိုးမှုတွေဖြစ်လေ့ရှိပြီး ဆည်တွေ ရေလျှံပြီး ကျိုးပေါက်မှုဖြစ်ကုန်မယ်ဆိုပြီး ဒေသခံတွေဘက်က စိုးရိမ်မှုတွေ ဖြစ်လေ့ရှိပေမဲ့လို့ ရာဇဂြိုဟ်ဆည်ကြီး ကျိုးပေါက်သွားတာမျိုးတော့ ဆိုးဆိုးဝါးဝါး မဖြစ်ခဲ့ဘူးပါဘူး။

အခု ဗွီအိုအေမြန်မာပိုင်း ကနေ ရာဇဂြိုဟ်ဆည်ကြီး ရဲ့ ရေအခြေအနေ နဲ့ပတ်သက်ပြီး ဒေသခံ ကို နောက်ဆုံးဆက်သွယ်မေးမြန်းချက် အရတော့ မိုးများလို့ ဆည်ထဲ ရေများလာနေတဲ့ ရာဇဂြိုဟ်ဆည်ကြီး နဲ့ နုန်းတားဆည်တွေမှာရေ အတော်လေး ကျသွားပြီဖြစ်ပြီး စိုးရိမ်စရာအနေအထားမရှိတော့ဘူးလို့ သိရပါတယ်။ ဒါပေမဲ့ ကလေးနဲ့ တမူးဘက်မှာတော့ မိုးများနေတုန်းပဲဖြစ်ပါတယ်။

မဆုမွန်
VOA Burmese News

gwansanaung-protest-ygn-620.jpg မောင်ဂွမ်ဆိုင်းအောင် သေဆုံးမှု အမှုမှန်ပေါ်ရေးအတွက် ဇူလိုင်လ ၄ ရက်နေ့က ရန်ကုန်တိုင်း တာမွေမြို့နယ် လူထုဟစ်တိုင်ကွင်းမှာ ကချင်စာပေ နဲ့ ယဉ်ကျေးမှုအဖွဲ့ ဖက်ဒရေးရှင်းက လူငယ်တွေ ဆန္ဒပြတောင်းဆိုစဉ်
Photo: Aung Thain Kha/ RFA

ပြီးခဲ့တဲ့ ဇွန်လ ၂ဝ ရက်နေ့ညက ကချင်ပြည်နယ် မြစ်ကြီးနားမြို့က ကွန်ပျူတာတက္ကသိုလ် ကျောင်းသား မောင် ဂွမ်ဆိုင်းအောင် သေနတ်ထိမှန်သေဆုံးမှုနဲ့ ပတ်သက်ပြီး အမှုမှန်ပေါ်ပေါက်အောင် စစ်ဆေးပေးဖို့ ကချင်စာပေ နဲ့ ယဉ်ကျေးမှုအဖွဲ့ ဖက်ဒရေးရှင်းက လူငယ်တွေက ရန်ကုန်တိုင်း တာမွေမြို့နယ်က လူထုဟစ်တိုင်ကွင်းမှာ ဒီနေ့ ဆန္ဒပြတောင်းဆိုကြပါတယ်။

အမှုမှန်ပေါ်ပေါက်ဖို့အတွက် ကချင်ပြည်နယ်လုံး အတိုင်းအတာနဲ့ ဆက်လက်ဆန္ဒပြ တောင်းဆိုသွားမယ်လို့ ကချင်စာပေနဲ့ ယဉ်ကျေးမှုအဖွဲ့ ဖက်ဒရေးရှင်းက ကျောင်းသားတစ်ဦးဖြစ်တဲ့ ကိုဆယ်လီအောင် က ပြောပါတယ်။

"ကျနော်တို့ ကချင်စာပေနဲ့ ယဉ်ကျေးမှုအဖွဲ့ ဖက်ဒရေးရှင်းအနေနဲ့တော့ တပြည်နယ်လုံး အတိုင်းအတာနဲ့ ဆန္ဒပြဖို့အတွက် မူချထားတာတော့ရှိပါတယ်၊ ကျနော်တို့ရဲ့ သဘောထားအမှန်ကို ထုတ်ဖော်ခြင်းဖြစ်ပါတယ်၊ အခုလက်ရှိ ရွေးကောက်တင်မြှောက်ထားတဲ့ အစိုးရရဲ့ တရားဥပဒေစိုးမိုးမှုအပေါ်မှာ ကျနော်တို့ မေးခွန်းထုတ် စရာတွေ ရှိလာနိုင်မယ်လို့ ကျနော်ထင်ပါတယ်"

ဆန္ဒပြသူတွေက အမှုစစ်ဆေးရာမှာ တပ်မတော်သားနှစ်ဦးကို စစ်ဖက်တရားရုံးမှာ မစစ်ဘဲ အရပ်ဘက်တရားရုံးမှာ စစ်ဆေးပေးဖို့ တောင်းဆိုခဲ့ပါတယ်။ ဆန္ဒပြပွဲမှာ သေဆုံးသူ မောင်ဂွမ်ဆိုင်းအောင်အတွက် ဖယောင်းတိုင်မီးထွန်းပြီး ဝမ်းနည်းခြင်းအထိမ်းအမှတ်နဲ့ ငြိမ်သက်ပြီး ၀တ်ပြုဆုတောင်းခဲ့ကြပါတယ်။

ဆန္ဒပြပွဲမှာ ကျောင်းသားတွေကို မသတ်ဖို့၊ ပြည်သူတွေကို မသတ်ဖို့ မျှတတဲ့တရားစီရင်မှု ချက်ခြင်းပေး စာသားပါ ပိုစတာတွေကိုင်ဆောင်ပြီး ကချင်လူငယ် ၂၀ ခန့် ပါဝင်ခဲ့ပါတယ်။
RFA

 sintkuu-farmers-620.jpg မန္တလေးတိုင်းဒေသကြီး စဥ့်ကူးမြို့နယ် တရော်ပင်ကျေးရွာမှာ မတ်လ ၂ ရက်နေ့က ဒေသခံတောင်သူတွေ ထွန်တုံးတိုက်ပွဲဆင်နွှဲစဉ်
Photo: Nay Thwae/RFA

မန္တလေးတိုင်းဒေသကြီး မတ္တရာ၊ စဥ့်ကူးနဲ့ သပိတ်ကျင်း မြို့နယ်တွေမှာ သိမ်းဆည်းခံထားရတဲ့ လယ်ယာမြေတွေ ပြန်လည်ရရှိဖို့ နဲ့ လယ်ယာမြေအမှုနဲ့ ရင်ဆိုင်နေရတဲ့ တောင်သူတွေအမှုကို ဖြေရှင်းပေးဖို့အတွက် တောင်သူ ၁၅၀၀ နီးပါးရဲ့ လက်မှတ်တွေနဲ့ ပြည်ထောင်စုအစိုးရထံ တိုင်ကြားသွားမယ် လို့ ဒေသခံတောင်သူတွေက ပြောပါတယ်။

မနေ့က မတ္တရာမြို့နယ်မှာ မြို့နယ် ၃ မြို့နယ်က တောင်သူတွေ တွေ့ဆုံပြီး တောင်းဆိုဖို့ ဆုံးဖြတ်လိုက်တာဖြစ်တယ်လို့ မတ္တရာမြို့နယ်က ဒေသခံတောင်သူ ကိုရဲရင့်အောင် က ပြောပါတယ်။

"မတ္တရာ၊ စဥ့်ကူးနဲ့ သပိတ်ကျင်းမှာရှိတဲ့ တောင်သူတွေနဲ့ တွေ့ဆုံပြီး တောင်သူတွေရဲ့ အခက်အခဲကိုတင်ပြနိုင်ဖို့ လုပ်ခဲ့တာပါ၊ နိုင်ငံတော်အတိုင်ပင်ခံ ဒေါ်အောင်ဆန်းစုကြည်ရယ်၊ လယ်ယာမြေနဲ့ ပတ်သက်ပြီး စုံစမ်းစစ်ဆေးရေးကော်မရှင်ရယ် နိုင်ငံတော်သမ္မတ ဦးထင်ကျော် ဆီကို တောင်သူတွေ လက်ရှိရင်ဆိုင်နေတဲ့ အမှုတွေကိစ္စရယ်၊ မြေသိမ်းယာသိမ်းကိစ္စရယ်ပေါ့နော်၊ အဲ့ဒါတွေနဲ့ပတ်သက်ပြီး အမြန်ဆုံးဖြေရှင်းပေးဖို့ တိုင်ကြားစာတင်သွားမှပါ၊ တောင်သူ ၁၄၅၃ ယောက် လက်မှတ်ရေးထိုးထားတာပါ၊ တောင်သူအကုန်တော့ မဟုတ်သေးဘူး တက်ရောက်လာတဲ့ တောင်သူတွေပေါ့၊ နောက်တစ်ပတ်ထဲလောက်ကို ပို့ဖို့အစီအစဉ်ရှိတယ်ဗျ၊ ခုလောလောဆယ် စပြီးတော့ စိစစ်နေပါတယ်"

၁၉၈၂ ခုနှစ်လောက်ကစပြီး မတ္တရာ၊ စဥ့်ကူး နဲ့ သပိတ်ကျင်းမြို့နယ်တွေမှာ သိမ်းယူခံထားရတဲ့ လယ်ယာမြေ ဧက ၁ သောင်းကျော်ဝန်းကျင်ရှိကြောင်းလည်း ကိုရဲရင့်အောင် က ပြောပါတယ်။

သိမ်းဆည်းခံထားရတဲ့ လယ်ယာမြေတွေဟာ တောင်သူ ၂ ထောင်ကျော် ပိုင်ဆိုင်တဲ့မြေတွေဖြစ်ပြီး တပ်မတော်၊ သမ၀ါယမ၀န်ကြီးဌာန၊ စက်မှုလက်မှုဝန်ကြီး ဌာနနဲ့ ပုဂ္ဂလိကကုမ္ပဏီတွေက သိမ်းယူခဲ့တာ ဖြစ်ပါတယ်။

မနေ့ကတွေ့ဆုံပွဲကို လွှတ်တော်ကိုယ်စားလှယ်တွေနဲ့ ဌာနဆိုင်ရာတာဝန်ရှိသူတွေကို ဖိတ်ကြားခဲ့ပေမဲ့ တက်ရောက်ခဲ့ခြင်းမရှိဘူးလို့ ဒေသခံတောင်သူတွေ က ပြောပါတယ်။

မတ္တရာ၊ စဥ့်ကူးနဲ့ သပိတ်ကျင်းမြို့နယ်တွေက တောင်သူတချို့ဟာ အကျိုးစီးပွားဖျက်ဆီးမှု၊ ကျူးကျော် ၀င်ရောက်မှုစတဲ့ ပုဒ်မတွေနဲ့လည်း အမှုရင်ဆိုင်နေ ရပါတယ်။

RFA


lashio-corpse-620.jpg
ရှမ်းပြည်နယ်မြောက်ပိုင်း လားရှိုးမြို့နယ် မိုင်းယော်တိုက်နယ်ကျေးရွာအ၀င်မှာ ဇွန်လ ၃ဝ ရက်နေ့က တွေ့ရှိခဲ့တဲ့ လူသေအလောင်းတွေထဲက တစ်လောင်းကို သယ်ဆောင်လာစဉ်
Photo: Kan Thar/RFA
ရှမ်းပြည်မြောက်ပိုင်း လားရှိုးမြို့နယ် မိုင်းယော်ရွာအနီးမှာ ဇွန်လ ၂၅ ရက်နေ့က တွေ့ရှိထားတဲ့ အလောင်း ၇ လောင်း ဟာ တအာင်းတပ်မတော် TNLA တပ်ဖွဲ့ဝင်တွေ မဟုတ်ကြောင်းနဲ့ အဲ့ဒီအမှုကို တရားမျှတမှုရှိအောင် ဖော်ထုတ်ပေး ဖို့ ပလောင်ပြည်နယ်လွတ်မြောက်ရေးတပ်ဦး PSLF/TNLA က မနေ့က ရက်စွဲနဲ့ ကြေညာချက်ထုတ်ပြန်လိုက်ပါတယ်။

အဲ့ဒီနေ့က သေဆုံးခဲ့သူတွေဟာ TNLA ရဲ့ တပ်သားတွေမဟုတ်ဘဲ ဒေသခံတွေဖြစ်တာကြောင့် အမှုမှန်ကို ဖော် ထုတ်ပေးဖို့ တောင်းဆိုတာဖြစ်တယ်လို့ TNLA သတင်း နဲ့ ပြန်ကြားရေးတာဝန်ခံ ဗိုလ်မှူး မိုင်းအိုက်ကျော် က ပြောပါတယ်။

"ဖြစ်တဲ့အချိန်က ပြောင်းဖူးခင်းထဲမှာ အလုပ်လုပ်နေတဲ့အချိန်မှာ အယောက် ၅ဝ ကျော် ဖမ်းသွားတယ်၊ ကျန်တဲ့သူတွေက ပြန်လွှတ်တယ်၊ အဲ့ ၇ ဦးက သတ်ဖြတ်ခံရတယ်၊ အဲ့မှာအသတ်မခံရဘဲနဲ့ ပြန်လွှတ် လာတဲ့လူလည်း အများကြီးရှိတယ်"

ပြီးခဲ့တဲ့နှစ် ဖေဖော်ဝါရီလကစပြီး မိုင်းယော်ဒေသတစ်ဝိုက်မှာ TNLA အနေနဲ့ ဘယ်လက်နက်ကိုင်အဖွဲ့နဲ့မှ တိုက် ပွဲဖြစ်ပွားခဲ့ခြင်း မရှိခဲ့ကြောင်း လည်း ပြောပါတယ်။ PSLF/TNLA သတင်းထုတ်ပြန် ချက်မှာ ဒေသခံရွာသားတွေ ရဲ့ ပြောကြားချက်တွေကို ကိုးကားပြီး အစိုးရတပ်မတော်က ပြောင်းဖူးခြံ လုပ်သားတွေကို ဖမ်းဆီးခဲ့ကြောင်း ပြီးခဲ့တဲ့ ဇွန်လ ၂၉ရက်နေ့က ပြောင်းဖူးခြံအနီးမှာ ရွာသား ၅ ဦးရဲ့ အလောင်းကို တူးဖော်တွေ့ရှိခဲ့ကြောင်း ပါရှိပါတယ်။

တပ်မတော်က ပြီးခဲ့တဲ့ ဇူလိုင်လ ၂ ရက်နေ့က သတင်းထုတ်ပြန်ရာမှာ မိုင်းယော်ကျေးရွာအနီး တွေ့ရှိထားတဲ့ အလောင်း ၇ လောင်းနဲ့ပတ်သက်ပြီး အမှုမှန်ပေါ်ပေါက်အောင် စုံစမ်းစစ်ဆေးသွားမှာဖြစ်ကြောင်းနဲ့ တပ်မတော်နဲ့ TNLA တပ်ဖွဲ့တွေဟာ ပြီးခဲ့တဲ့ ဇွန်လ ၂၅၊ ၂၆ ရက်တို့မှာ တိုက်ပွဲဖြစ်ပွားခဲ့ကြောင်း၊ တိုက်ပွဲပြီးတဲ့နောက် သေနတ် ဒဏ်ရာနဲ့ သေဆုံးနေတဲ့ TNLA တပ်ဖွဲ့ဝင် ၇ ဦးရဲ့အလောင်းကို တွေ့ရှိတဲ့အတွက် မြေမြှုပ်သဂြိုလ်ခဲ့ကြောင်း ထုတ်ပြန် ခဲ့ပါတယ်။

အဲ့ဒီဖြစ်စဉ်ကို စုံစမ်းဖော်ထုတ်ဖို့အတွက် မြန်မာနိုင်ငံအမျိုးသား လူ့အခွင့်အရေးကော်မရှင်က အစည်းအဝေးကျင်းပပြီး ဆုံးဖြတ်သွားမယ်လို့ ကော်မရှင်အဖွဲ့ဝင် တစ်ဦးက ပြောပါတယ်။

PSLF/TNLA က သတင်းပြန်ကြားရေးတာဝန်ခံ ဗိုလ်မှူး မိုင်းအိုက်ကျော် ကို RFA သတင်းထောက် ကိုကျော်သူ က ဆက်သွယ်မေးမြန်းထားပါတယ်။
RFA



ဖမ်းဆီးခံထားရတဲ့ မကွေးတိုင်းဒေသကြီး စလင်းမြို့နယ် စီမံကိန်းဦးစီးဌာန ဒုတိယ ဦးစီးမှုး ဦးထွန်းမင်းလတ်ကို တွေ့ရစဉ်။ Photo: Darrine La Vwe Ray/ Facebook
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို ဖေ့ဘွတ်စ်မှာ ကြမ်းတမ်းစွာ ဆဲဆိုရေးသားခဲ့တဲ့ မကွေးတိုင်းဒေသကြီး စလင်းမြို့နယ် စီမံကိန်းဦးစီးဌာန ဒုတိယ ဦးစီးမှုး ဦးထွန်းမင်းလတ်ကို မင်းဘူးခရိုင်ရဲတပ်ဖွဲ့က မနေ့က ဖမ်းဆီးအရေးယူထားပါတယ်။

ဦးထွန်းမင်းလတ်ကို သူ့ရဲ့နေအိမ်ကနေ ဖမ်းဆီးခဲ့တာဖြစ်တယ်လို့ စလင်းမြို့နယ် ရဲတပ်ဖွဲ့စခန်းမှုး ဦးဝင်းတင်က ပြောပါတယ်။

ဦးထွန်းမင်းလတ်ရဲ့ ဖေ့ဘွတ်မှာ ဒေါ်အောင်ဆန်းစုကြည်ကို ကုလားမယားဟု ဆဲဆိုရေးသား ခဲ့တဲ့အတွက် သင့်တော်တဲ့ဥပဒေ ပုဒ်မနဲ့အရေးယူပေးဖို့ ဦးမြင့်သိန်းဌေး ဆိုသူက ပြီးခဲ့တဲ့ ဇွန်လ ၃၀ ရက်နေ့က တိုင်ကြားခဲ့တာဖြစ်ပါတယ်။

ဦးထွန်းမင်းလတ်ဟာ နိုင်ငံဝန်ထမ်းတစ်ယောက်ဖြစ်ပေမယ့် နိုင်ငံတော်ဖွံ့ဖြိုးတိုးတက်ရေး၊ ရပ်ရွာအေးချမ်းသာယာရေး၊ တရားဥပဒေစိုးမိုးရေးကို နှောင့်ယှက် ဟန့်တားစေတဲ့ အရေးအသားတွေ ရေးသားခဲ့ကြောင်း တိုင်ကြားစာမှာ ပါရှိပါတယ်။

RFA Burmese
http://www.rfa.org/burmese


“ကျွန်တော်အနေနဲ့ အခွင့်အရေးရမယ်ဆိုရင် ပြည်သူ့လူထုနဲ့ ပါတီအကြီးအကဲများနဲ့ပါ မျက်နှာစုံညီတောင်ပန်းပွဲလေး လုပ်ချင်ပါတယ် …”

မကွေးတိုင်းဒေသကြီး စလင်းမြို့နယ်မှ NLD လွှတ်တော် ကိုယ်စားလှယ်နှင့် နိုင်ငံတော်အတိုင်ပင်ခံပုဂ္ဂိုလ်အား လူမှုကွန်ယက် စာမျက်နှာပေါ်တွင် အသရေဖျက်ခဲ့မှုဖြင့် အမျိုးသား စီမံကိန်းနှင့် ဘဏ္ဍာရေးဝန်ကြီးဋ္ဌာန စလင်းမြို့နယ် ဒု-ဦးစီးမှူးကို ယနေ့ (ဇူလိုင် ၄) က စလင်းတရားရုံးတွင် စတင် ရုံးတင်စစ်ဆေးမှုပြုလုပ်ကြောင်း သိရသည်။

‘’ကျွန်တော်အနေနဲ့ အခွင့်အရေးရမယ်ဆိုရင် ပြည်သူ့လူထုနဲ့ ပါတီအကြီးအကဲများနဲ့ပါ မျက်နှာစုံညီတောင်ပန်းပွဲလေး လုပ်ချင်ပါတယ်။ နိုင်ငံတော်အတိုင်ပင်ခံ ပုဂ္ဂိုလ်ထံကိုလည်း ဇွန်လ ၂၇ ရက်နေ့က အသနားခံစာ တင်ထားပါတယ်။ နောက်ပြီး မြို့နယ်လွှတ်တော်ကိုယ်စားလှယ်တွေကိုလည်း တောင်းပန်ပွဲပြုလုပ်ထားပါသေးတယ်။ ကျွန်တော့်မိခင်ဌာနကလည်း ဌာနဆိုင်ရာ လုပ်ထုံးလုပ်နည်းများအတိုင်း ကျွန်တော်ကို စစ်ဆေးမှုပြုလုပ်ပြီး အရေးယူဖို့ ဆောင်ရွက်နေပါတယ်။ ပြည်သူလူထုကိုလည်း တောင်းပန်ပါတယ်”ဟု ဆက်သွယ်ရေးပုဒ်မ ၆၆ ဃ ဖြင့် ဖမ်းဆီးချုပ်နှောင်ခြင်းခံထားရသူ ဦးထွန်းမင်းလတ်က News Watch သို့ ပြောသည်။


ယခုကဲ့သို့ တရားစွဲဆိုမှုပြုလုပ်ရခြင်းမှာ ဦးထွန်းမင်းလတ်သည် မြို့နယ်လွှတ်တော်ကိုယ်စားလှယ်နှင့် နိုင်ငံတော်အတိုင်ပင်ခံပုဂ္ဂိုလ်တို့ကို လူမှုကွန်ယက်စာမျက်နှာတွင် မကြားဝံ့မနာသာ စကားလုံးအသုံအနှုန်းများ ရေးသားခဲ့မှုများကြောင့် ဖြစ်သည်ဟု သိရသည်။ တရားစွဲဆိုခြင်းခံထားရသော ဦးထွန်းမင်းလတ်၏ မိသားစုကလည်း တောင်းပန်ပါကြောင်း ပြောဆိုသည်။

စောကျော်ဝင်း
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


၂၀၀၆ မှ ၂၀၁၆ အတွင်း မြန်မာနိုင်ငံမှ တရုတ်နိုင်ငံသို့ လူကုန်ကူးခံရသူ သုံးထောင်ကျော် ခန့်ရှိသည်ဟု တရားဝင်စားရင်းများတွင် ဖော်ပြသည်။

ရန်ကုန်အခြေစိုက် လူကုန်ကူးမှုတိုက်ဖျက်ရေး တပ်ဖွဲ့မှ ရဲမှူး ရဲဝင်းအောင်က “သူတို့ထဲမှာ အမျိုးသမီး နှစ်ထောင်ခန့် ပါဝင်ပြီး အသက် ၁၈ နှစ်အောက် ကလေးငယ် လေးရာခန့် ပါဝင်ပါတယ်” ဟု ပြောကြားခဲ့သည်။

“သူတို့ကို တရုတ်နိုင်ငံမှာ အလုပ်ရမယ်လို့ လိမ်ခေါ်သွားပြီး ဟိုရောက်တော့ တရုတ်အမျိုးသားတွေရဲ့ မယားအဖြစ် ရောင်းစားခံရပါတယ်” ဟု ရဲမှူးက ပြောကြားခဲ့ပြီး ထိုသို့သော အမှုမျိုး ၈၀၀ ခန့်ရှိသည်ဟု ဆိုသည်။

အစိုးရမဟုတ်သော အဖွဲ့အစည်းများ၏ အဆိုအရ အမှန်တကယ် လူကုန်ကူးခံရသူ အရေအတွက်မှာ တရားဝင်စာရင်းထက် များစွာ ပိုမိုသည်ဟုဆိုသည်။ အထူးသဖြင့် ကချင်ပြည်နယ်တွင် ဆင်းရဲမွဲတေမှုနှင့် စစ်ပွဲများကြောင့် ထောင်နှင့်ချီ၍ တရုတ်နိုင်ငံသို့ လူကုန်ကူးခံနေရသည်ဟု ဆိုသည်။

အိမ်နီးချင်း ထိုင်းနိုင်ငံတွင်လည်း မြန်မာရွှေ့ပြောင်း လုပ်သား သန်းနှင့်ချီရှိနေပြီး ဆောက်လုပ်ရေးလုပ်ငန်းများ စားသောက်ဆိုင်များနှင့် စက်ရုံများတွင် လုပ်ကိုင်လျက်ရှိသည်။ ထိုရွှေ့ပြောင်း လုပ်သားများမှာ အနိုင်ကျင့် အမြတ်ထုတ်ခံရမှုများ မကြာခဏ ရင်ဆိုင်နေရပြီး အထူးသဖြင့် အလုပ်ပါမစ်မရှိသူများတွင် ပိုမို ရင်ဆိုင်ကြုံတွေ့နေရသည်။

ကျားမအချိုး မညီမျှမှု ဖြစ်ပေါ်နေသည့် တရုတ်နိုင်ငံတွင်လည်း မြန်မာ သတို့သမီး ၀ယ်လိုအားမြင့်လာလျက်ရှိသည်။

ယခုလအတွင်း အမေရိကန်နိုင်ငံက ထုတ်ပြန်သည့် လူကုန်ကူးမှုဆိုင်ရာ စာရင်းတွင် မြန်မာနိုင်ငံအား အဆိုးဝါးဆုံးအဆင့်၌ ဖော်ပြထားသဖြင့် ထွန်းသစ်စ ဒီမိုကရေစီနိုင်ငံမှာ သံတမန်ရေးရာ နောက်ကြောင်းပြန်မှုတစ်ခုနှင့် ကြုံတွေ့ခဲ့ရသည်။

မြန်မာအစိုးရသည် လူကုန်ကူးမှု တိုက်ဖျက်ရေးအတွက် အနိမ့်ဆုံး စံသတ်မှတ်ချက်များကို ပြည့်မီခြင်းမရှိဟု အမေရိကန် နိုင်ငံခြားရေးဝန်ကြီးဌာနက နှစ်စဉ်ထုတ်ပြန်သည့် အစီရင်ခံစာတွင် ဖော်ပြထားပြီး လူကုန်ကူးမှုအတွက် အနိမ့်ဆုံး သတ်မှတ်ချက် “အဆင့် ၃ ” စာရင်းတွင် ထည့်သွင်းခဲ့သည်။

“မြန်မာအမျိုးသမီးတွေဟာ တရုတ်နိုင်ငံကို တင်ပို့ခံနေရပြီး လိင်မှုကိစ္စအတွက် လူကုန်ကူးမှု အတင်းအကျပ် လက်ထပ်စေကာ အိမ်တွင်း နှိပ်စက်ခံရမှုတွေနဲ့ ကြုံတွေ့နေရပါတယ်” ဟု အစီရင်ခံစာတွင် ဖော်ပြထားပြီး လူကုန်ကူးမှုအချို့တွင် အစိုးရအရာရှိများ ပါဝင်ပတ်သက်နေခြင်းက လူကုန်ကူးမှု မြင့်မားစေသည့် အကြောင်းရင်းတစ်ရပ် ဖြစ်သည်ဟု ဆိုသည်။

KHTun
The Ladies News
https://www.facebook.com/News.TheLadies


ရခိုင်ပြည်နယ် အစိုးရအဖွဲ့ရုံးကို တွေ့ရစဉ် ။ Photo: Min Thein Aung/ RFA
ရခိုင်ပြည်နယ်မှာ လတ်တလောဖြစ်ပေါ်နေတဲ့ အခြေအနေတွေအရ "ရခိုင်ပြည်နယ်ရှိ ဗုဒ္ဓဘာသာကိုးကွယ်သူ ဒေသခံတိုင်းရင်းသားများ" ဆိုတဲ့အသုံးအနှုန်းကို သုံးစွဲမှာမဟုတ်တော့ဘဲ "ရခိုင်လူမျိုး" လို့သာ သုံးစွဲမှာဖြစ်ကြောင်း ရခိုင်ပြည်နယ်အစိုးရအဖွဲ့က ဒီနေ့ ကြေညာချက် ထုတ်ပြန်လိုက်ပါတယ်။

ရခိုင်ပြည်သူတွေရဲ့ လိုလားချက်အတိုင်းသာ သုံးစွဲမှာဖြစ်တဲ့အကြောင်း နဲ့ "ရခိုင်ပြည်နယ်က အစ္စလာမ်ဘာသာကိုးကွယ်သူများ"ဆိုတဲ့ ကိစ္စနဲ့ပတ်သက်ပြီး ကြေ ညာချက်မှာ မပါရှိပေမယ့် ပြည်သူတွေရဲ့ ဆန္ဒအတိုင်း ဖြစ်သွားမှာဖြစ်ကြောင်း ပြည်နယ်အစိုးရအဖွဲ့ သတင်းထုတ်ပြန်ရေး ကော်မတီဥက္ကဌ ဦးမင်းအောင် က ပြောပါတယ်။

ရခိုင်ပြည်နယ်အစိုးရအဖွဲ့ရဲ့ သဘောထားထုတ်ပြန်ချက်ဟာ ပြီးခဲ့တဲ့ ဇွန်လ ၁၆ ရက်နေ့က ပြန်ကြားရေး ဝန်ကြီးဌာနက " ရခိုင်ပြည်နယ်ရှိ အစ္စလာမ်ဘာသာ ကိုးကွယ်သူများ"၊ " ရခိုင်ပြည်နယ်ရှိ ဗုဒ္ဓဘာသာကိုးကွယ်သူများ" လို့ သုံးနှုန်းဖို့ ညွှန်ကြားခဲ့တဲ့အပေါ်မှာ ပြန်လည်ထုတ်ပြန် တာဖြစ်ပါတယ်။

အစိုးရရဲ့ အဲဒီအသုံးအနှုန်းသစ်တွေကို ကန့်ကွက်ကြောင်း ANP ပါတီနဲ့ အရပ်ဘက်လူမှုအဖွဲ့အစည်း တွေက သဘောထားကြေညာချက်တွေ အသီးသီး ထုတ်ပြန်ခဲ့ ကြသလို မနေ့ကလည်း ရခိုင်ပြည်နယ် မြို့နယ် ၁၅ ခုမှာ သံဃာတော်တွေနဲ့ ဒေသခံတွေ ကန့်ကွက်ဆန္ဒပြခဲ့ကြပါတယ်။

RFA Burmese
http://www.rfa.org/burmese


4July2016

ထိုင်းနိုင်ငံ စလဘူရီမှာ ထိုင်းကျောင်းဆရာမ ဆူဒါလပ် ထိုဝနာ အသက်၂၆ နှစ်ကို သူမနေတဲ့ အခန်းအတွင်းမှာ မနက်(၃)နာရီမှာ မုဒိန်းကျင်း သတ်ဖြတ် ခံရပြီး တဲ့နောက် ထိုင်းနိုင်ငံသားတွေ အကြားမှာ ထိုင်းအစိုးရရဲ့  မုဒိန်းဥပဒေ မှာ တရားခံတွေအပေါ် သက်သက်သာသာအမိန့် ချနေမဲ့အစား သေဒဏ်အမှန် တကယ်ပေးဖို့  တောင်းဆိုမှု များပြားလာနေတာတွေ့ ရပါတယ်။


တရားခံထိုင်းလူမျိုး ချာသရီ အသက် (၂၇)ဖြစ်ပါတယ်၊ အခန်းချင်းကပ်ရက်နေတဲ့သူဖြစ်ပါတယ် ။ ချာသရီဟာ မိန်းမဖြစ်သူရဲ့ သူငယ်ချင်းကို မုဒိန်ကျင့်မှုနဲ့ ထောင်ကျခဲ့ပြီး လွတ်မြောက်လာတာ မကြာသေးကြောင်း သိရပါတယ်။ ထောင်ကလွတ်ပြီး လိင်ပြုပြင်ထားတဲ့ အခြောက်တဦးနဲ့ အတူနေရင်း ကျောင်းဆရာမလေးကို မုဒိန်းကျင့် ဖို့ ကြိုးစားခဲ့တာပါ။


ရဲကဖမ်းဆီးမိခဲ့ပြီး ၀န်ခံချက် သရုပ်ပြတဲ့ ဒီကနေ့ နေ့ လည်မှာဘဲ ရာနဲ့ ချီတဲ့ လူအုပ်ကြီးက အခင်းဖြစ်ပွားတဲ့ အခန်းရှေ့ ပိတ်ပြီး ဆန္ဒပြနေကြပါတယ် ။


ထိုင်းဒုဝန်ကြီးချုပ်ရဲ့  ဒီနေ့ ပြုလုပ်တဲ့ သတင်းစာရှင်းလင်းပွဲမှာ ထိုင်းနိုင်ငံ တ၀န်း မှာ မုဒိန်းကျင့် သတ်ဖြတ်ခံရတာတွေ တိုးပွားလာနေတာကို ထိမ်းချုပ်နိုင်ဖို့  တကယ်သေဒဏ်ပေးတဲ့ ဥပဒေကို ပြင်ဆင်ဖို့ လွှတ်တော်မှာ တင်ပြသွားမှာဖြစ်တယ်လို့  သတင်းထောက်တွေကို ထုတ်ဖေါ်ပြော ဆိုခဲ့ပါတယ်။

ထိုင်းနိုင်ငံမှာ မုဒိန်းကျင့်တဲ့ တရားခံတွေကို သေဒဏ်ပေးတာနည်းပါပြီး နှစ်ရှည်ထောင်ဒဏ်သာ အများဆုံးချလေ့ရှိပါတယ်၊ သေဒဏ်ကျခံရရင်လည်း လွတ်ငြိမ်းချမ်းသာခွင့် တွေ ပုံမှန်ပေးနေတဲ့အတွက် နှစ်အနည်းငယ်တွင်းပြန်လည်လွတ်မြောက်လာကြတာများပါတယ်။

Social Action for Women - SAW



ရန်ကုန် တိုင်းဒေသကြီး ရဲတပ်ဖွဲ့ ဝန်ဆောင်မှုကို ရှေးရှုသော ရဲလုပ်ငန်း စနစ်ဆိုင်ရာ ရှင်းလင်းပွဲ၌ ရဲမှူးချုပ် ဝင်းနိုင် မိန့်ခွန်းပြောကြားနေစဉ် (ဆင်ဟွာ)
    ရန်ကုန်၊ ဇူလိုင် ၄ ရက် (ဆင်ဟွာ)

    ရန်ကုန် တိုင်းဒေသကြီး၌ ၆ လ အတွင်း အမှုကြီး ၂၂၄ မှု ဖြစ်ပွားပြီး ယင်းအမှုများထဲတွင် မုဒိမ်းမှု အများဆုံး ဖြစ်ကြောင်း ရန်ကုန် တိုင်းဒေသကြီး ရဲတပ်ဖွဲ့ထံမှ သိရသည်။

ယင်း ၆ လ အတွင်း မုဒိမ်းမှု ၉၆ မှု၊ လူသတ်မှု ၉၃ မှု၊ ဓားပြမှု ၁ မှု၊ ဖောက်ထွင်းမှု ၂ မှု၊ လက်နက်မှု ၁ စသည့် အမှုကြီးပေါင်း ၂၂၄ မှု ဖြစ်ပွားခဲ့ပြီး အခြားအမှုများ ဖြစ်သော ခိုးမှု၊ နာကျင်စေမှုနှင့် အခြားအမှု  ၇,၂၅၃ မှု အပြင်  ပြည့်တန်ဆာ၊ မူးယစ်ဆေးဝါး၊ လောင်းကစား၊ လက်နက်ပုန်း၊ ယစ်မျိုး၊ ခြေချုပ်မှုတို့ အပါအဝင် အခြား ကြိုတင် ကာကွယ်မှုပေါင်း ၁,၈၅၉ မှုတို့လည်း ဖြစ်ပွားခဲ့သည်။

ရန်ကုန် တိုင်းဒေသကြီး အတွင်းမှာ တရားဥပဒေ စိုးမိုးရေး ရရှိရန် အစိုးရအနေဖြင့် အစွမ်းကုန် ကြိုးပမ်းလျက်ရှိရာ တရားဥပဒေ စိုးမိုးမှု ရှိစေရန် ရန်ကုန် တိုင်းဒေသကြီးရှိ မြို့နယ် ၄၄ မြို့၌ ထိရောက်သော တရားဥပဒေ စိုးမိုးရေး ဖြစ်ရေးအတွက် နယ်မြေများကို စိုးမိုးနိုင်ရမည် ဖြစ်ပြီး ပြည်သူများ ဥပဒေနှင့် အညီ နေတတ်သော အလေ့အကျင့် ရရှိလာအောင် ပြည်သူများ လိုလားချက်များကို ရဲတပ်ဖွဲ့အနေဖြင့် သိရှိရန် လိုအပ်ကြောင်း ဝန်ကြီးချုပ် ဦးဖြိုးမင်းသိန်းက ပြောကြားထားသည်။

(Xinhua)
http://www.xinhuamyanmar.com



ဒီနှစ်မိုးရာသီအတွက် မြစ်ကြီးနားမြို့ရဲ့အမြင့်ဆုံးရေမှတ် ၉၇၀ စင်တီမီတာကို ရောက်ရှိခဲ့တဲ့ ဧရာဝတီမြစ်ကို ဇူလိုင်လ ၄ ရက်နေ့ နေ့လည်ပိုင်းကတွေ့ရစဉ်။ Photo: Kyaw Myo Min/ RFA
မြန်မာနိုင်ငံမြောက်ဖျား မေခနဲ့ မလိခမြစ်တွေရှိတဲ့ ပူတာအိုမြို့နယ်နဲ့ ချီဖွေမြို့နယ်တို့မှာ မိုးကြီးနေတာကြောင့် ဒီနှစ်မိုးရာသီအတွက် မြစ်ကြီးနားမြို့ရဲ့ ဧရာဝတီမြစ်ရေဟာ ဒီကနေ့ မနက်ပိုင်းမှာ အမြင့်ဆုံး ရေမှတ် ၉၇၀ စင်တီမီတာ ကိုရောက်ရှိခဲ့ပါတယ်။

ဒီကနေ့မနက်ပိုင်းမှာ အမြင့်ဆုံးရေမှတ် ၉၇၀ အထိရောက်ရှိခဲ့ပြီး ညနေပိုင်းမှာ ၉၆၀ ကိုပြန်ကျနေတယ်လို့ ကချင်ပြည်နယ် မိုးလေဝသနဲ့ ဇလဗေဒညွှန်ကြားမှု ဦးစီးဋ္ဌာနမှူး ဦတင်ထိုက်က ပြောပါတယ်။

ဒီနှစ်ဟာ ပြီးခဲ့တဲ့နှစ်ထက်စာရင် မိုးကြီးတဲ့အတွက် ပြီးခဲ့တဲ့ မိုးဦးကာလကလည်း ဧရာဝတီမြစ်ရေ မြင့်တက်ခဲ့ပါတယ်။

မြစ်ကြီးနားမြို့မှာ မြစ်ရေတက်လာတဲ့အတွက် မကြာခင်ရက်ပိုင်းအတွင်း ဆင်ဘို၊ ဗန်းမော်၊ ရွှေကူ၊ ကသာ စတဲ့မြို့တွေမှာလည်း ဧရာဝတီမြစ်ရေဟာ အဲ့ဒီမြို့တွေရဲ့ စိုးရိမ်ရေမှတ်နားအထိ ရောက်နိုင်တယ်လို့ ပြောပါတယ်။

ဧရာဝတီမြစ်ကြောင်းတစ်လျှောက်က မြစ်ချောင်းကမ်းပါးတွေအနီးမှာ နေထိုင်ကြတဲ့ တိုင်းရင်းသားပြည်သူတွေဟာ ရေလမ်းခရီးတွေမှာ သတိထားသွားလာကြဖို့ မိုးလေဝသနဲ့ ဇလဗေဒဋ္ဌာနက သတိပေးထားပါတယ်။

မြစ်ကြီးနားမြို့ရဲ့ ဧရာဝတီမြစ်ရေစိုးရိမ်ရေမှတ်ဟာ ၁၂၀၀ စင်တီမီတာဖြစ်ပြီး မြစ်ကြီးနားမြို့မှာ လွန်ခဲ့တဲ့ ၂၀၁၂ ခုနှစ်က နောက်ဆုံးအကြိမ်အဖြစ် ဧရာဝတီမြစ်ရေကြီးခဲ့ပါတယ်။

RFA Burmese
http://www.rfa.org/burmese


ရန်ကုန်တိုင်းဒေသကြီး၊ အောင်မင်္ဂလာအဝေးပြေးတွင် စည်ပင်သာယာရေးကော်မတီနှင့် ယာဉ်ထိန်းရဲတပ်ဖွဲ့ဝင် များပူးပေါင်းပြီး လူခေါ်ပွဲစားပပျောက်ရေးနှင့် ခရီးသွားခက်ခဲနေသူများကို ဆောင်ရွက်ရေးအတွက် ဂိတ်ပေါက်ဝမှ အဝေးပြေးဝင်းအတွင်းသို့ အခမဲ့ယာဉ်သုံးစီးပြေးဆွဲပေးနေကြောင်း ရန်ကုန်မြို့တော်စည်ပင်သာ ယာရေးကော်မတီ အခွန်ဌာနမှ ဒုဌာနမှူး ဦးဥာဏ်ထွန်းအောင်က News Watch သို့ ပြောကြားသည်။

အဝေးပြေးဂိတ်များတွင် လူခေါ်ပွဲစားများပြားနေပြီး ခရီးသည်များနှင့် ပစ္စည်းကို ဆွဲယမ်းမှုနှင့် ကာယိနြေ္ဒပျက်စီး မှုများဖြစ်ပေါ်နေသောကြောင့် ယင်းအခက်အခဲများကို ဖြေရှင်းနိုင်ရန် အောင်မင်္ဂလာအဝေးပြေးရှိ စည်ပင် သာယာရေးကော်မတီအခွန်ဌာနနှင့် ယာဉ်ထိန်းရဲတပ်ဖွဲ့ဝင်များပူးပေါင်း၍ ဇွန်လ ၁၀ ရက်နေ့မှ စတင်ကာ အထက်ပါအစီအစဉ်ကို အကောင်အထည်ဖော်ခဲ့ခြင်းဖြစ်ကြောင်း သိရှိသည်။

''လူခေါ်ပွဲစားနဲ့ပတ်သက်ပြီးတော့ လူခေါ်ပွဲစားနှစ်မျိုးရှိတယ်။ ကားမှတ်တိုင်သွားပြီး လူခေါ်တယ်။ နောက် တမျိုးက ဂိတ်က၀န်ထမ်းတွေ မွေးထားတဲ့သူတွေရှိတယ်။ ဘာဖြစ်လို့ မွေးထားရတာလဲဆိုတော့ အဝေးပြေး ဂိတ်အချို့က ခရီးသည်မရဘူး။ ရအောင်လို့ ဂိတ်ရဲ့အပြင်သွားပြီး ခေါ်ခိုင်းတယ်။ အဲလိုနဲ့လူခေါ်ပွဲစားများလာ တော့ ခရီးသည်တွေကို ဆွဲလိုက်၊ ရမ်းလိုက်လုပ်ကြတယ်။ ပြီးတော့ အချို့ပွဲစားတွေက ခရီးသည်များကို ကူညီပေးတယ်။ အချို့ပွဲစားတွေက ခရီးသည်တွေကို ခေါ်လို့မရဘူးဆိုရင် ရိုင်းပျစွာပြောဆိုဆက်ဆံကြတယ်။ ဒီလိုနဲ့ ခရီးသည်တွေတော်တော်များများ ဒုက္ခရောက်ကြတယ်။ မိမိတို့အဖွဲ့အနေနဲ့ ဒီလိုမဖြစ်ရအောင် စီစဉ်နေ တာ တနှစ်ရှိပြီ။ ပြေးဆွဲနေတဲ့ကားက သုံးစီးပဲရှိတယ်။ အချို့ဂိတ်တွေကလည်း အလှည့်ကျပြေးဆွဲကြတယ်။ အလုပ်ရှင်များကလည်း ကုသိုလ်အဖြစ် လာပြေးဆွဲပေးတယ်''ဟု ဦးဥာဏ်ထွန်းအောင်က ပြောကြားသည်။

လက်ရှိအချိန်တွင် အောင်မင်္ဂလာ အဝေးပြေးဝင်း၌ စည်ပင်ဝန်ထမ်းများက နံနက် ၈ နာရီမှ ၁၂ နာရီထိနှင့် နေ့လယ် ၁ နာရီမှ ၆ နာရီအထိ ဂိတ်ပေါက် ၂ နှင့် ၃ မှ အဝေးပြေးဝင်းထဲသို့ ခရီးသည်များ အဆင်ပြေစေရန် ပို့ဆောင်ပြေးဆွဲပေးနေကြောင်း သိရသည်။ အောင်မင်္ဂလာအဝေးပြေးဝင်းတွင် မော်တော်ယာဉ်ဂိတ်ပေါင်း ၂၂၅ ဂိတ်ရှိကြောင်း သိရှိရသည်။

စန်းလင်းရွှေ
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal



အမေရိကန် ခရီးသည်တင် လေယာဉ် ဘိုးရင်း ၇၈၇ အား တွေ့ရစဉ် (ဆင်ဟွာ)
    ဆစ်ဒနီ ၊ ဇူလိုင် ၄ ရက် (ဆင်ဟွာ)

    အမေရိကန် လေကြောင်းလိုင်းမှ ဘိုးရင်း ၇၈၇ ခရီးသည်တင် လေယာဉ်သည် လေဆိပ်မှ စတင် ပျံတက်စဉ် ငှက်နှင့် တိုက်မိသွားခြင်းကြောင့် ဆစ်ဒနီနိုင်ငံတကာ လေဆိပ်သို့ အရေးပေါ် ဆင်းသက်ခဲ့ရကြောင်း သိရသည်။

အဆိုပါ လေယာဉ်သည် အမေရိကန်နိုင်ငံ လော့စ်အိန်ဂျလိစ်သို့ ပျံသန်းရန် ဆစ်ဒနီလေဆိပ်မှ ဒေသစံတော်ချိန် နံနက် ၉ နာရီ ၄ဝ မိနစ် မှ စတင်ထွက်ခွာစဉ် ငှက်နှင့် တိုက်မိသဖြင့် ဆစ်ဒနီလေဆိပ်သို့ အရေးပေါ် ပြန်လည် ဆင်းသက်ခဲ့ရခြင်း ဖြစ်သည်။ ၄င်းဖြစ်စဉ်တွင် လေယာဉ်ပေါ် လိုက်ပါလာသူ တစ်ဦးတစ်ယောက်မျှ ထိခိုက်ဒဏ်ရာ ရရှိခြင်းမရှိကြောင်း သိရသည်။

အရေးပေါ်လုပ်ထုံးလုပ်နည်း အတိုင်း လေယာဉ်ဆီများကို ပင်လယ်ထဲသို့ ဖောက်ပစ်ခဲ့ကြောင်းနှင့် လေယာဉ်မှူး ၏ ကိုယ်ပိုင် ဆုံးဖြတ်ချက်ဖြင့်သာ လေယာဉ်အား ပြန်လည် ဆင်းသက်ခဲ့ခြင်း ဖြစ်ကြောင်း သြစတြေးလျ လေကြောင်းပို့ဆောင်ရေး ပြောရေးဆိုခွင့်ရှိသူက သတင်းမီဒီယာအား ပြောကြားသည်။

“ လိုအပ်ရင် ချက်ခြင်း အကူအညီပေးနိုင်ဖို့  မီးသတ်သမားတွေနဲ့ ကယ်ဆယ်ရေးအဖွဲ့ တွေက အသင့်ပါပဲ” ဟု ၄င်းပြောရေးဆိုခွင့်ရှိသူ အမျိုးသမီးက ဆင်ဟွာ သတင်းဌာနသို့ ပြောကြားသည်။

ငှက်နှင့် တိုက်မိပြီးနောက် လေယာဉ် ထိခိုက်ပျက်စီးမှု တစ်စုံတစ်ရာ ဖြစ်ပေါ်လာနိုင်သည်ကို စိုးရိမ်သဖြင့် လေယာဉ်မှူးသည် ဆစ်ဒနီလေဆိပ်ရှိ လေကြောင်းထိန်းချုပ်ရေး တာဝါသို့ အရေးပေါ် သတင်း ပို့ခဲ့ခြင်း ဖြစ်သည်။ သြစတြေးလျ လေကြောင်း ထိန်းသိမ်းရေးဌာနသည် ဖြစ်စဉ်နှင့် ပတ်သက်၍ အသေးစိတ် စုံစမ်းစစ်ဆေးမှုများ ဆက်လက် လုပ်ဆောင်ရန်အတွက် အမေရိကန် လေကြောင်းလိုင်းမှ သတင်း အချက်အလက်များကို စောင့်ဆိုင်းလျက် ရှိသည်။ အမေရိကန် လေကြောင်းလိုင်းက အဖြစ်အပျက်နှင့် ပတ်သက်၍ ဆင်ဟွာသို့ အစောတလျင် ဝေဖန်ပြောကြားမှု မပြုလုပ်ခဲ့ကြောင်း သိရသည်။

(Xinhua)
http://www.xinhuamyanmar.com/


နိရဉ္စရာ၊ ဇူလှိုင် ၄ ရက်

ရခိုင်ပြည်နယ် ပေါက်တောမြို့င၀က်စွယ်ကျေးရွာရှိ အလယ်တန်း(ခွဲ)ကျောင်းမှာ မြစ်ရေကြီးမှုကြောင့် ရေနစ်နေပြီး ကလေးသူ ငယ်များ ကျောင်း မတက်ရဘဲ ဖြစ်နေကြာင်း သိရသည်။

ယင်းင၀စွယ်ကျေးရွာ အလယ်တန်း(ခွဲ)တွင် အလယ်တန်းပြအဖြစ် တာဝန်ထမ်းဆောင်နေသည့် ဆရာဦးဇော်လွင်မောင်အား ဆက်သွယ်မေးမြန်းရာ သူက “ ခုလိုမိုးရာသီဆိုတော့ မိုးကလည်းကြီး မြစ်ရေကလည်းကြီးတော့ ကျောင်းသွားလမ်းတွေနစ်မြုပ်တယ်။ ကျောင်းစာ သင်ခန်းကိုပါ ရေ၀င် ပါတယ်။ ခုလိုအချိန်ဆို ကျွန်တော်တို့ စာသင်ဖို့အတွက် အခက်အခဲဖြစ်လေ့ရှိပါတယ်။ ကျောင်းသားတွေ အတွက်ကလည်း သွားလာရအဆင်မပြေဘူး” ဟုနိရဉ္စရာသို့ ပြောသည်။

င၀က်စွယ်ကျေးရွာမှ ဒေသခံဆရာမ ဒေါ်စိုးစိုးဝင်းကလည်း “ ကျွန်မတို့ကျောင်းက ရေပေါ်ကျောင်းလို ဖြစ်နေပါတယ်။ မြစ်ရေကြီးရင် ကျောင်းတက်လို့မရတော့ဘူး။ ကလေးတွေအ ခက်အခက်ဖြစ်ပါတယ်။ ရွာထဲလည်း ရေ၀င်တော့ ပိုဆိုးတာပေါ့” ဟု ပြောသည်။

င၀က်စွယ်ကျေးရွာမှ ကျောင်းသားမိဘတစ်ဦးဖြစ်သူ ဦးထွန်းအေးကျော်က “ကျွန်တော်တို့ အဓိက ကျောင်းသွားလမ်းမှာ ချောင်းနဲ့ နီးတယ်။ လမ်းကို ကျောက်ချောလေးတွေနဲ့ ဆယ်ထားတဲ့ သဘော ရှိပြီးတော့ အနိမ့်အမြင့် မညီဘူး အန္တရာယ်များပါတယ်။ ဒီလိုရေကြီးတဲ့ အချိန်ဆို သူငယ်တန်းကနေ ၄ တန်းအထိ ကလေးတွေအတွက်အဆင် မပြေပါဘူး။ အစိုးရတွေအနေနဲ့လည်း ကြည့်ရှုလုပ်ပေးရင် ပိုအဆင်ပြေမှာပါ” ဟု ပြောသည်။

င၀က်စွယ်ကျေးရွာဟာ အိမ်ခြေ ၄၀၀ နီးပါးရှိပြီးတော့ အလယ်တန်းကျောင်း(ခွဲ)တွင် ကျောင်းသား အင်အား ၄၀၀ ကျော်ရှိကြောင်း မြစ်ရေကြီး ချိန်တွင် ကျောင်ခန်းထိ ရေ၀င်လေ့ရှိကြောင်း သိရသည်။

ယခုလိုရေကြီးပြီး ကျောင်းခန်းထဲရေ၀င်သည်မှာ လွန်ခဲ့တဲ့နှစ်နှစ်လောက်ပင် စပြီး ကျောင်း ဆောင်ကိုမြင့်တင်ဖို့ လိုကြောင်းဆရာ ဦးဇော်လွင်ဦးမှ ဆက်ပြောသည်။

ရွှေရအောင်(တောင်ကုတ်)
ဓာတ်ပုံ- ဇော်လွင်မောင်
Narinjara
https://www.facebook.com/Narinjara



အဆောက်အအုံ ရဲ့ အရွယ်အစားက ဘောလုံး ကွင်း ၃၀ စာ လောက် ရှိတဲ့ အကျယ်အဝန်း ဖြစ်
လွန်ခဲ့တဲ့ ငါး နှစ်ခန့်က တရုတ် နိုင်ငံမှာ တည်ဆောက်ခဲ့တဲ့ ကမ္ဘာ့ အကြီးဆုံး ရေဒီယို တယ်လီစကုပ် အာကာသ လေ့လာ စောင့်ကြည့် ရေး အဆောက်အအုံ ကြီး ဆောက်လုပ် ပြီးစီးတော့မှာပါ။

နိုင်ငံ မြောက်ပိုင်း ဂွေကျို့ ဒေသ က တောင်တန်း တစ်ခုပေါ်မှာ အာကာသတွင်း စူးစမ်း လေ့လာရေး အဆောက်အအုံ ရဲ့ နောက်ဆုံး အစိတ်အပိုင်း ကို တပ်ဆင် ခဲ့ပြီးလည်း ဖြစ်ပါတယ်။

အာကာသတွင်း စူးစမ်း လေ့လာရေး အဆောက်အအုံ ရဲ့ အရွယ်အစားက ဘောလုံး ကွင်း ၃၀ စာ လောက် ရှိတဲ့ အကျယ်အဝန်း ဖြစ်ပါတယ်။

အာကာသ စူးစမ်း လေ့လာရေး အဆောက်အအုံ ကို လွန်ခဲ့တဲ့ ၅ နှစ် မှာ စတင် တည်ဆောက် ခဲ့တာ ဖြစ်ပြီး လာမယ့် စက်တင်ဘာလ မှာ အများပြည်သူ ကို တွေ လာရောက် ကြည့် ရှု နိုင်မယ်လို့ ဆိုပါတယ်။

စကြဝဠာ ထဲက အခြားဂြိုလ် တွေရဲ့ အသေးစိတ် အခြေအနေ တွေကို လေ့လာ နိုင်တော့မှာ ဖြစ်တယ်လို့ ကမ္ဘာ့ အကြီးဆုံး အာကာသ စူးစမ်း လေ့လာရေး ရေဒီယို တယ်လီစကုပ် ကို တည်ဆောက် သူတွေက ပြောပါတယ်။

BBC Burmese
http://www.bbc.com/burmese



ဟိန္ဒူစတန် လေကြောင်း ကုမ္ပဏီ က Tejas လေယာဉ်ကို ပုံစံ ထုတ်လုပ်
အိန္ဒိယ နိုင်ငံက ပုံစံထုတ်လုပ်တဲ့ တိုက်ခိုက်ရေး ဂျက်လေယာဉ် ကို စစ်တပ် အတွင်းမှာ စတင် အသုံးပြု နေပါပြီ။

လွန်ခဲ့တဲ့ ၃၁ နှစ် ခန့်က တိုက်လေယာဉ် Tejas ကို စတင် ထုတ်လုပ်ဖို့ အကောင် အထည် ဖော် ခဲ့တာလည်း ဖြစ်ပါတယ်။

အိန္ဒိယ ပြည်တွင်း ကုမ္ပဏီ တစ်ခု ဖြစ်တဲ့ ဟိန္ဒူစတန် လေကြောင်း ကုမ္ပဏီ က Tejas လေယာဉ်ကို ပုံစံ ထုတ်လုပ်ခဲ့ပြီး Tejas ရဲ့ အဓိပ္ပါယ်က ထွန်းလင်း တောက်ပခြင်း လို့ ဆိုပါတယ်။

ဇူလိုင်လ ၁ ရက်နေ့က အပြည့်အစုံ တပ်ဆင် ပြီးစီး ခဲ့တဲ့ Tejas တိုက် လေယာဉ် ၂ စင်း ကို အိန္ဒိယ စစ်တပ် ကို လွှဲပြောင်း ပေးအပ် ခဲ့ပါတယ်။

Tejas တိုက်လေယာဉ် က ပြည်တွင်းမှာ ပုံစံ ထုတ်လုပ် တပ်ဆင် တာ ဖြစ်ပေမယ့် တခြား နည်းပညာတွေ ဖြစ်တဲ့ လေယာဉ် အင်ဂျင် နဲ့ ရေဒါ အစိတ်အပိုင်း တွေကိုတော့ ပြည်ပ က တင်သွင်း တာ ဖြစ်ပါတယ်။

အိန္ဒိယ စစ်တပ် အနေနဲ့ ဒီနှစ် အတွင်းမှာ Tejas တိုက်လေယာဉ် ၈ စီး တည်ဆောက် ပြီးစီး နိုင်ဖို့ မျှော်လင့် နေပြီး ရုရှ လုပ် MIG 21 တိုက်လေယာဉ် တွေရဲ့ နေရာမှာ အစား ထိုး ဖို့ စီစဉ် ဆောင်ရွက်နေပါတယ်။

BBC Burmese
http://www.bbc.com/burmese/



ပန်းခြံပေါက်ကွဲမှုတွင် ဒဏ်ရာရထားသည့် အမျိုးသားအား တွေ့ရစဉ် (ဆင်ဟွာ)
    နယူးယောက်၊ ဇူလိုင် ၄ ရက် (ဆင်ဟွာ)

    နယူးယောက်မြို့ရှိ စင်ထရယ် ပန်းခြံတွင် ဇူလိုင်လ ၃ ရက်က ပေါက်ကွဲမှု တစ်ခုတွင် အမျိုးသား တစ်ဦး ဒဏ်ရာ ပြင်းထန်စွာ ရရှိခဲ့ကြောင်း တာဝန်ရှိသူများက ပြောသည်။

၅ လမ်းနှင့် ၆၂ လမ်းထောင့်ရှိ ပန်းခြံ၏ တောင်ဘက်ပိုင်း၌ ပေါက်ကွဲမှု ဖြစ်ပွားပြီးနောက် ရဲများ စုံစမ်းစစ်ဆေးမှု များ ပြုလုပ်ရန်အတွက် ယင်း ပန်းခြံ၏ နေရာ တချို့အား ပိတ်ထားခဲ့ရကြောင်း သိရသည်။

ပေါက်ကွဲမှု ဖြစ်ပွားရခြင်း အကြောင်းရင်းအား မသိရသေးသော်လည်း ဇူလိုင်လ ၄ ရက်တွင် ကျရောက်မည့် လွတ်လပ်ရေးနေ့ အတွက် မီးရူးမီးပန်းဖောက်မှုကြောင့် ဖြစ်နိုင်ကြောင်း သိရသည်။

ယင်း ပေါက်ကွဲမှုတွင် ဒဏ်ရာရရှိသူမှာ ဝါရှင်တန် ဒီစီမှ နယူးယောက်သို့ လာရောက် လည်ပတ်နေသည့် ဗာဂျီးနီး ယားပြည်နယ် Fairfax မြို့က အသက် ၁၈ နှစ်အရွယ် ကွန်နာ ဂိုးလ်ဒင်းဆိုသူ ဖြစ်ကြောင်း ဒေသဆိုင်ရာ မီဒီယာထံမှ သိရသည်။

မျက်မြင် သက်သေများ၏ အဆိုအရ ဂိုးလ်ဒင်းသည် သူငယ်ချင်း နှစ်ဦးနှင့်အတူ ကျောက်ဆောင်ပေါ်သို့ တက်နေစဉ်တွင် ပေါက်ကွဲမှု ဖြစ်ပွားခဲ့ခြင်း ဖြစ်ကြောင်း သိရသည်။

ဂိုးလ်ဒင်း၏ ခြေထောက်တွင် ဒဏ်ရာ အပြင်းအထန် ရရှိထားပြီး ခြေထောက် ဖြတ်ရနိုင်ခြေ ရှိကြောင်း နယူးယောက် မီးသတ်ဋ္ဌာန ပြောရေးဆိုခွင့်ရှိသူက ဆိုသည်။

အဆိုပါ ပေါက်ကွဲမှု ဖြစ်ပွားသည့် နေရာသည် ပြည်ပ ခရီးသွားများအကြား ကျော်ကြားသည့် နေရာ တစ်ခုဖြစ်ပြီး စင်ထရယ် ဥယျာဉ် တိရစ္ဆာန်ရုံနှင့် အနည်းငယ်သာ ကွာဝေးသည်။

(Xinhua)
http://www.xinhuamyanmar.com



ဗုံးပေါက်ကွဲမှု ဖြစ်ပွားပြီးနောက် အမေရိကန် ကောင်စစ်ဝန်ချုပ်ရုံးအား တွေ့ရစဉ် (ဓာတ်ပုံ-အင်တာနက်)
    ရီယာ့ဒ်၊ ဇူလိုင် ၄ ရက် (ဆင်ဟွာ)

    ဆော်ဒီအာရေဗျနိုင်ငံ Jeddah မြို့ရှိ အမေရိကန် ကောင်စစ်ဝန်ချုပ်ရုံး အနီး၌ ဇူလိုင်လ ၄ ရက် အစောပိုင်းက အသေခံ ဗုံးတစ်လုံး ပေါက်ကွဲခဲ့ကြောင်း ပြည်တွင်း မီဒီယာများက ဖော်ပြခဲ့သည်။

ဗုံးခွဲ တိုက်ခိုက်သူသည် ကားဗုံး ပေါက်ကွဲမှု အတွင်း သေဆုံးခဲ့ပြီး လက်ရှိတွင် သေဆုံးသူ မရှိကြောင်း Okaz News အင်တာနက် စာမျက်နှာတွင် ဖော်ပြခဲ့သည်။

Sabq အွန်လိုင်း သတင်းစာကလည်း အမေရိကန် လွတ်လပ်ရေးနေ့ ဖြစ်သည့် ဇူလိုင်လ ၄ ရက်တွင် အသေခံ ဗုံးခွဲမှု မအောင်မြင်ခဲ့သော်လည်း လုံခြုံရေး တပ်ဖွဲ့ဝင် ၂ ဦး ဒဏ်ရာ ရရှိခဲ့ကြောင်း ရေးသားခဲ့သည်။
ဗုံးခွဲ တိုက်ခိုက်မှု အပြီးတွင် ကောင်စစ်ဝန်ချုပ်ရုံး ဝန်ထမ်း အများစုအား နေရာ ရွှေ့ပြောင်းပေးခဲ့ကြောင်း သိရသည်။

AP သတင်းဋ္ဌာန၏ ဖော်ပြချက်အရ အမေရိကန် တာဝန်ရှိသူများသည် ပေါက်ကွဲမှုနှင့် ပတ်သက်သည့် အစီရင်ခံစာများကို သတိထားနေပြီး သတင်း အချက်အလက်များ ပိုမိုရရှိရန် ဆော်ဒီအာရေဗျ အာဏာပိုင်များ နှင့် ပူးပေါင်း ဆောင်ရွက်နေကြောင်း သိရသည်။

(Xinhua)
http://www.xinhuamyanmar.com



အမျိုးသမီးတွေရဲ့ လူမှုဘဝ မြင့်မား တိုးတက်ဖို့ အတွက် အစိုးရက ဘာတွေ လုပ်ပေး နေလဲ ဆိုတာကို ကုလကော်မတီက သိလိုပါတယ်။
အမျိုးသမီးတွေ အပေါ် ခွဲခြားဆက်ဆံမှု ချုပ်ငြိမ်းရေး ကုလသမဂ္ဂ ကော်မတီ (CEDAW) ရဲ့ ၆၄ ကြိမ်မြောက် အစည်းအဝေးကို ဇူလိုင် ၄ ရက် နေ့က စလို့ ဇူလိုင် ၂၂ ရက်နေ့ အထိ ဂျနီဗာ မြို့မှာ ကျင်းပ သွားဖို့ ရှိနေပါတယ်။

ဒီ ကော်မတီ အစည်းအဝေး တွေ မှာ မြန်မာ အပါအဝင် နိုင်ငံ ၉ နိုင်ငံက အမျိုးသမီးတွေ တွေ့ကြုံ ခံစား နေရတဲ့ အခြေအနေ တွေကို သုံးသပ် ကြမှာ ဖြစ်ပါတယ်။

မြန်မာ အမျိုးသမီးတွေ ရဲ့ အခြေအနေကို ဇူလိုင် ၇ ရက် နေ့မှာ ကော်မတီဘက်က သုံးသပ်မှာ ဖြစ်တယ်လို့ ကုလသမဂ္ဂ လူ့အခွင့်အရေး ဆိုင်ရာ မဟာမင်းကြီး ရုံးက ထုတ်ပြန် ထားပါတယ်။

အမျိုးသမီးတွေ အပေါ် ခွဲခြားဆက်ဆံတဲ့ ပုံစံတွေ အားလုံး ပပျောက်ရေး ကုလသမဂ္ဂ သဘောတူညီမှု ပဋိညာဉ် ထဲမှာ မြန်မာ နိုင်ငံလည်း ပါဝင် နေတာကြောင့် ပဋိညာဉ်ပါ အချက်တွေကို မြန်မာ နိုင်ငံဘက်က ဘယ်လောက် အကောင်အထည်ဖော် လိုက်နာ ဆောင်ရွက် သလဲဆိုတဲ့ အပေါ် ကော်မတီ အနေနဲ့ ဆန်းစစ် သုံးသပ်မှုတွေ အမြဲတမ်း ပြုလုပ် နေတယ် လို့ ကုလသမဂ္ဂက ဆိုပါတယ်။

မြန်မာ အစိုးရ ကိုယ်စားလှယ်တွေ နဲ့ ကော်မတီ အကြား ဒီတခေါက် ဆွေးနွေး ကြမယ့် အကြောင်းအရာ တွေထဲ ခွဲခြား ဆက်ဆံ ခံခဲ့ရတဲ့ အမျိုးသမီး တွေ အနေနဲ့ ဥပဒေကြောင်း ဆိုင်ရာ အကာအကွယ် ရရှိနိုင်ဖို့ အထောက်အပံ့တွေ ရှိမရှိ၊ အမျိုးသမီးတွေရဲ့ လူမှုဘဝ မြင့်မား တိုးတက်ဖို့ အတွက် မြန်မာ အစိုးရ ဘက်က တနိုင်ငံလုံး အတိုင်းအတာ နဲ့ ဘယ်လိုမျိုး စီမံကိန်းတွေ ချမှတ် ဆောင်ရွက် နေသလဲ ဆိုတာနဲ့ ၁၉၈၂ နိုင်ငံသား ဥပေဒကို ပြန်လည် သုံးသပ်ရေး အတွက် ဘာတွေ လုပ်ဆောင် ထားသလဲ စတဲ့ အချက်တွေ အပါအဝင် အကြောင်းချင်းရာ ကိစ္စ တော်တော်များများ ပါဝင် မှာ ဖြစ်ပါတယ်။

CEDAW ကော်မတီ အစည်းအဝေးကို မြန်မာနိုင်ငံ ထဲ အမျိုးသမီးအခွင့်အရေး အတွက် လှုပ်ရှားနေတဲ့ NGO အဖွဲ့တွေလည်း တက်ရောက်ဖို့ ရှိနေတယ်လို့ ဘီဘီစီ သတင်းထောက်က ပြောပါတယ်။

အဲဒီ့ NGO တွေဘက်က တင်ပြ ချက်တွေကိုလည်း ကော်မတီက ကြားနာ သွားမှာ ဖြစ်ပါတယ်။

BBC Burmese
http://www.bbc.com/burmese



တရုတ်ရေတပ် တပ်ဖွဲ့ဝင်များကို paracel ကျွန်းစုမှာတွေ့ရစဉ်။ (ဇန်နဝါရီ ၂၉၊ ၂၀၁၆)
တောင်တရုတ်ပင်လယ်ထဲက အငြင်းပွားနေတဲ့ ကျွန်းစုတွေမှာ ၇ ရက်ကြာမယ့် စစ်ရေးလေ့ကျင့်မှုကို အင်္ဂါနေ့မှာ စတင်မှာဖြစ်ကြောင်း တရုတ်နိုင်ငံ ရေကြောင်းပိုင်နက်လုံခြုံရေးဌာနက တနင်္ဂနွေနေ့မှာ ကြေညာပါတယ်။ The Hague တရားရုံးကို အခြေပြုထားတဲ့ ညှိနှိုင်းရေး တရားရုံးက တောင်တရုတ်ပင်လယ်အရေး အငြင်းပွားနေတဲ့ ကိစ္စအဝဝကို စီရင်ချက်မချခင်မှာပဲ ဒီကြေညာချက် ထွက်ပေါ်လာခဲ့တာပါ။

တရုတ်နိုင်ငံက သူ့ပိုင်နက်အဖြစ် အခိုင်အမာပြောထားတဲ့ တောင်တရုတ်ပင်လယ်ပြင်ရဲ့ အများစုဖြစ်နေတဲ့ nine dash line ရေပိုင်နက် အရေးနဲ့ပတ်သက်လို့ ဖိလစ်ပိုင်နိုင်ငံက တရားရုံးမှာ ဖြေရှင်းဖို့ တရားဝင်စိန်ခေါ်ထားတာကို တရုတ်နိုင်ငံက သပိတ်မှောက် နေပါတယ်။ တရားရုံးက ဇူလိုင်လ ၁၂ ရက်နေ့မှာ စီရင်ချက်ချမှာဖြစ်ကြောင်း ပြောထားပါတယ်။

တရုတ်နိုင်ငံက တောင်တရုတ်ပင်လယ်ထဲမှာ စစ်ရေးလေ့ကျင့်မှုတွေကို ပုံမှန်လုပ်လေ့ရှီပါတယ်။ နောက်ဆုံးလေ့ကျင့်မှုဟာ ဇူလိုင် လ ၁၁ ရက်၊ အင်္ဂါနေ့မှာ ဖြစ်ကြောင်း ရေကြောင်းလုံခြုံရေးဝန်ကြီးဌာနက ပြောပါတယ်။ဒီလေ့ကျင့်မှုတွေဟာ တရုတ်နိုင်ငံအရှေ့ပိုင်း ဟိုင်နန်ကျွန်း ကနေ Paracel ကျွန်းစုတွေအထိ အကျုံးဝင်ကြောင်းနဲ့ အဲဒီနေရာတွေကို ဝင်ရောက်ခြင်းမပြုဖို့ တားမြစ်ကြောင်းလည်း ဖော်ပြထားပါတယ်။

ပါရာဆယ်လ်ကျွန်းစုတွေကို တရုတ်က ထိန်းချုပ်ထားပြီး ဗီယက်နမ်နဲ့ တိုင်ဝမ်တို့ကလည်း သူတို့ပိုင်ကြောင်း ပြောနေကြပါတယ်။

တခြား အာရှနိုင်ငံတွေကလည်း သူတို့ပိုင်ဆိုင်ကြောင်း အခိုင်အမာပြောဆိုနေကြ တဲ့ရေပြင်နဲ့ ကျွန်းစုတွေကို တရုတ်နိုင်ငံက သူပိုင်ဖြစ်ကြောင်း အခိုင်အမာ ပြောနေ တဲ့အတွက် တောင်တရုတ်ပင်လယ်အရေးဟာ အခြေအနေတင်းမာမှုတွေ လည်း မြင့်တက်နေရတာ ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com/