07/10/16

ဒီမနက် ယိုးဒယား က မိတ်ဆွေတွေ အလုပ်ကိစ္စနဲ့ ရန်ကုန်ကိုရောက်လာလို့ လေဆိပ်သွားကြိုတယ်
ညပိုင်း ဗဟိုလမ်းက ခုပ်ဖုဆိုင် မှာ ညစာလိုက်ကျွေးတယ် ။
ညစာ စားရင်း ယိုးဒယားအများစုက မဘသ နဲ့ ကွီးဖြိုး အကြောင်း မေးကြတယ်
သူတို့လဲ ယိုးဒယားကနေ ဒီကိစ္စ ကြားတယ် သိတယ် ပေါ့
ဘာဆက်ဖြစ်မယ် ဆိုတာ စိတ်ဝင်စားလို့ ဇာတ်ကြောင်းလေ
ဇာတ်ရေလည်အောင် ပြောပြပါလို့ ဆိုလာတယ် ။

ကျွန်တော်သိသလောက် ရှင်းပြပြီးတဲ့အချိန်မှာ ယိုးဒယားမိတ်ဆွေထဲမှ တစ်ယောက်က
ငါတို့နိုင်ငံမှာဖြစ်သွားတဲ့ အကြောင်းလေးပြောပြမယ် ဆိုပြီး စကား စလာတယ် ။

ဖြစ်စဉ် က ယိုးဒယားက ကမ္ဘာကျော် ကျားမွေးထားတဲ့ ဘုန်းကြီးကျောင်းကို ယိုးဒယားရဲက
ဝင်ဖမ်းတယ် ၊ ကြိုတင်သတင်းမပေးဘဲ ဝင်ဖမ်းတာ ကျောင်းထဲရှိတဲ့ ကျားမှန်သမျှနိုင်ငံပိုင်သိမ်းလိုက်တယ်

ဒီကိစ္စ ကမ္ဘာ့သတင်းပေါ်အထိရောက်ခဲ့တယ် ၊ ဘုန်းကြီးကျောင်းထဲရှိတဲ့ ကျားတွေအကုန်အသိမ်းခံရတော့
ကမ္ဘာကျော် ကျားကျောင်း ဆိုတာကြီးပျက်စီးသွားတယ် ဘုန်းကြီးတွေဝင်ငွေများစွာ ထိခိုက်ခဲ့တယ်
ိုသင်္ဃန်းဝတ်ထားတဲ့ ဘုန်းကြီးဟူသမျှ မည်သည့်ဖမ်းစီးချုပ်နှောင်ခြင်းမျိုး မှမပြုရ ဆိုတဲ့ ယိုးဒယားဘုရင် ရဲ့
ဥပဒေကြောင့် ဘုန်းကြီးတွေ အဖမ်းမခံရဘူး ။ ဒါပေမဲ့ ဘုန်းကြီးအများစုက ဒီကိစ္စ ကိုမကျေနပ်ဘူး အထူးသဖြင့်
အာဏာသိမ်းဗိုလ်ချုပ်ကြီးဟောင်း လက်ရှိဝန်ကြီးချုပ် က အာဏာသုံးပြီးဆောင်ရွက်တယ်လို့ ဘုန်းကြီးအများစုက
ထင်တယ် ။ ဒါကြောင့် ဘုန်းကြီး နဲ့ ဝန်ကြီးချုပ်တို့ အစည်းမကပ်တော့ဘူးဖြစ်လာတယ် ။

ဒါပေမဲ့ ဒီနေရာ မှာ ငါ တစ်ခုပြောချင်တာက မင်းတို့ နိုင်ငံလို တစ်ခုခုဖြစ်ရင် ကွီးဖြိုးကို ဝန်းရံကြ တို့
မဘသ ကိုထောက်ခံကြတို့ ဆိုပြီး ခပ်ပိန်းပိန်းအတွေး တွေနဲ့ ဘေးတီးတဲ့ သူတွေ ငါတို့နိုင်ငံမှာ မရှိတော့တာကျေးဇူးတင်ရမယ်နောက် ပြသာနာဖြစ်ရင် အကောင်းဆုံးဘယ်လိုဖြေရှင်းရမလဲ ဆိုတဲ့ ကိစ္စကိုသာ ငါတို့ဝိုင်းစဉ်းစားကြတယ် နှစ်ဖွဲ့ကွဲမသွားဘူး ၊ ဟိုဘက်လိုလို ဒီဘက်လိုလိုနဲ့ ပူးသတ်မဲ့ကောင်ပေါ်မလာခဲ့ဘူး ဒီလိုဘာလို့မဖြစ်တာလဲဆိုတော့ ဒို့ခံလိုက်ရဘူးလို့ ဒို့ အနီ နဲ့ အဝါ နှစ်ဖွဲ့ကွဲတာ ကြားက အစိမ်း စားသွားတာ ခံခဲ့ရတယ်လေ မင်းတို့က အခုထိ အမှတ်မရှိသေးဘူး အခုထိ ပ်ိန်းတုံး အတုံး ကွဲကောင်းတုံး တစ်ခုခုဆို ပြသာနာ
ရဲ့အခြေခံကို မရှာဘူး ဝူးဝူးဝါးဝါးလုပ်လိုက်ရမှကျေနပ်တယ် ။

အခု ကျားကျောင်းကိစ္စ ဝန်ကြီးချုပ် နဲ့ ဘုန်းကြီးတွေ တင်းမာနေတာ ဘယ်လိုပြေလည်သွားတယ်လို့ မင်းထင်သလဲ . . .?

ဘုန်းကြီးတွေဘက်က တစ်နိုင်ငံလုံးက ဘုန်းကြီးတွေကို စည်းရုံးတယ် အခု ကျားကျောင်း ကို ဥပမာကြည့်ကြ ဒို့ဘုန်းကြီးတွေကို စတင်နှိပ်ကွပ်နေပြီ ဘုန်းကြီးတွေရဲ့ အကျိုးစီးပွားကိုဖျက်စီးနေပြီ ညီညွတ်ကြလို့ စည်းရုံးတယ်

ဒီအခြေအနေ ကို ဝန်ကြီးချုပ်က သိတယ် ဘုရင့်ဥပဒေတိုင်း ဘယ်ဘုန်းကြီးမှ အသာလွတ်ဖမ်းလို့မရဘူး
ဒါကြောင့် ဘုန်းကြီးအားလုံး ကိုစောင့်ကြည့်တယ် ။

ဒီလိုဖြစ်နေတဲ့အချိန်မှာ တစ်တိုင်းပြည်လုံးက ဘုန်းကြီးဘက် ဝန်ကြီးချုပ်ဘက် ဆိုပြီးဘေးမတီးဘူး အသာကြည့်နေတယ် ဒီကိစ္စကို ဘယ်လိုပြေလည်မူရအောင် လုပ်မလဲလို့ ဝိုင်းစဉ်းစားကြတယ် နောက်တော့ အဖွဲ့တစ်ဖွဲ့ပေါ်လာတယ် ဘုန်းကြီးတွေဘက်က ဖြစ်ချင်တာကို ဘုန်းကြီးတွေကိုယ်စား ဝန်ကြီးချုပ် အထိ ရောက်အောင်ပြောပေးမယ်ဆိုပြီး အဲ့ဒီအဖွဲ့က ဘုန်းကြီးတွေကို နားချတယ် ဒါ့အပြင် ဝန်ကြီးချုပ်ကို ဘာကြောင့် ကျားမွေးရတယ် ဆိုတဲ့ အစီရင်ခံစာတစ်စောင် ကို ဘုန်းကြီးတွေကိုယ်စား အဲ့ဒီအဖွဲ့က ရေးပေးတယ် ။ နောက် ဝန်ကြီးချုပ် ဆီရောက်အောင်ပို့တယ် ဝန်ကြီးချုပ်က အစီရင်ခံစာ ဖတ်ပြီးတာနဲ့ ကျားကျောင်းပြန်လည်ထူထောင်ရေးကော်မတီဖွဲ့ပေးတယ် ကျားမွေးစရာမလိုဘဲ သာသနာအလုပ်အေးအေးဆေးဆေးလုပ်နိုင်အောင် ဝန်ကြီးချုပ် ရန်ပုံငွေကနေ
ကျောင်းအတွက် လစဉ်ထောက်ပံ့ငွေပေးမယ်လို့အကြောင်းပြန်တယ် ဒါအပြင် ကျားကျောင်းက ဆရာတော်နဲ့ အခြားဆရာတော်များ ကို ဝန်ကြီးချုပ်ရုံး ကိုပင့်လို့ ဘာကြောင့်ကျားကျောင်းကိုဝင်ဖမ်းရလဲဆိုတာရှင်းပြတယ် အထူးသဖြင့် နိုင်ငံတကာမှ မိမိတို့ယိုးဒယားနိုင်ငံရှိ ဒီကျားကျောင်းကို ထောက်ပြ၍ ဖိအားပေးနေကြောင်း ရှားပါးသဘာဝသားရဲတိရိစ္ဆာန်များရောင်းဝယ်ဖောက်ကားမူကိုတားမြစ်သည့်နိုင်ငံတကာဥပဒေ ကို
မိမိတို့နိုင်ငံမှလက်မှတ်ထိုးထားကြောင်း နိုင်ငံတကာရဲ့ဖိအားကြောင့် လုပ်ပြရတာဖြစ်ကြောင်းကိုနားလည်စေလိုကြောင်း စသည်ဖြင့် ဘုန်းကြီးများနားလည်အောင် ရှင်းပြတယ် ။

ဒါအပြင် ကျားကျောင်း ကို ဘာကြောင့် ဝင်ဖမ်းရသလဲဆိုတဲ့ အစီရင်ခံစာကို ဝန်ကြီးချုပ်ရုံးကနေ တစ်နိုင်ငံလုံးရှိ
ဘုန်းကြီးကျောင်းတိုင်း ကိုပို့လိုက်တယ် ဒီလိုနဲ့ အားလုံးပြေလည်သွားတယ် ။

ဒီနေရာမှာ သူက ရယ်စရာအနေနဲ့ တစ်ခုထည့်ပြောတယ် ဝန်ကြီးချုပ်နဲ့ တွေ့တော့ ကျားကျောင်းက ဆရာတော်တစ်ပါးက သူလက်သတ်မွေးထားတဲ့ကျားကြီးကို မခွဲနိုင်ကြောင်း ကျားကြီးအားတစ်ပတ်တစ်ခါ သူနဲ့ပေးတွေ့ဖို့တောင်းဆိုတယ် ဒါကိုဝန်ကြီးချုပ်က လက်ခံခွင့်ပြုလိုက်တယ် ဒါနဲ့ ကျားကြီးနဲ့ တွေ့ခွင့်တောင်းတဲ့ဆရာတော်က နောက်နေ့ ကျားကြီးရှိရာ သဘာဝဘေးမဲ့တောကို ရောက်လာတယ် ဒီအချိန်မှာ ဘေးမဲ့တောမှ တာဝန်ရှိသူတွေက ကျားကြီးနဲ့မတွေ့ဖို့တားတယ် ဒါကို ဆရာတော်က လက်မခံဘူး ဝန်ကြီးချုပ် ကိုယ်တိုင် ခွင့်ပြုထားတာ ငါကိုမတားနဲ့ ငါ့သားကြီးနဲ့ တွေ့မယ်ဆိုပြီး ပြောမရဖြစ်နေတယ် ဘေးမဲ့တောမှ တာဝန်ရှိသူတွေက ကျားက တောစိတ်ဝင်သွားပြီဖြစ်လို့ အသက်အန္တရာယ်ရှိလို့တားတာဖြစ်ကြောင်းရှင်းပြတယ် ၊ ဆရာတော်က သူမွေးထဲက ငါကိုယ်တိုင်နို့တိုက်လာတာ ငါ့ကိုဘယ်လို လို့အန္တရာယ်ပြုမှာလဲ မတားနဲ့ ငါ့သားကြီးနဲ့သာပေးတွေ့လို့
ဆိုပြီး အတင်းတောထဲဝင်သွားတယ် ၁၀မိနစ်လောက်ကြာတော့ ဆရာတော် သင်္ဃန်းမပါဘဲ တောထဲကနေပြန်ပြေးလာတယ် . . . ဆိုပြီး အားလုံးရယ်ကြတယ် . . . .

သူပြောပြတာ နားထောင်ပြီးတဲ့အချိန် ယိုးဒယားတစ်ယောက် က ကျွန်တော်ကို မေးတယ်

မြန်မာတွေ ဘာလို့ တစ်ယောက်နဲ့ တစ်ယောက် မျက်နှာချင်းဆိုင်ပြီးစကားမပြောကြတာလဲ
ဘာလို့ တစ်ယောက် နဲ့တစ်ယောက် ညှိဖို့ဝန်လေးတာလဲ . . .နောက် အဆိုးဆုံးက ကိုယ်ပြောချင်တာကို
ဘာလို့ မီဒီယာ ကြားခံပြီးပြောတာလဲ မီဒီယာ က ပြန်လည်တင်ပြတဲ့အခါ အဓိပ္ပာယ် တစ်မျိုးဖြစ်စေတာကို
ဘာလို့သတိမထားကြတာလဲ. . . .?

ဘုန်းကြီးတွေဘက်က ဘာလို့ ထစ်ခနဲဆို ဆန္ဒပြဖို့လမ်းကိုသာရွေးတာလဲ
ဘာလို့အင်အားပြချိန်းခြောက်ချင်တာလဲ ၊ ကိုယ့်အဖွဲ့ရဲ့ရပ်တည်ချက်ကို အာဏာရအစိုးရသိအောင်ဘာလို့မတင်ပြတာလဲ ၊ ဘာလို့သဘောပေါက်အောင်ရှင်းပြဖို့မကြိုးစားတာလဲ . . . . .?

ဒီမိုကရေစီ အစိုးရဆိုပြီး ဘာလို့ (လိုတယ် မလိုဘူးဆိုတာကို ) ပါးစပ်စကား နဲ့ လျှောက်ပြောနေတာလဲ
ပြောချင်ရင်လဲ ဘာလို့ လူမှန်သူမှန်ကို မရွေးတာလဲ ၊ ဘာလို့အခြေအနေအချိန်အခါမကြည့်တက်တာလဲ
နောက် ပြသာနာဖြစ်လာရင် ဘာလို့ကြီးတဲ့အထိ စောင့်နေတာလဲ . . .

ပြသာနာဖြစ်စဉ်ကို ရှူမြင်တဲ့အခါ ဘာလို့ ခံစားချက် နာကြီးချက်တွေကို ရှေ့တန်းတင်ပြီးကြည့်တာလဲ
့အစိုးရကိုယ်တိုင်က ကိုယ့်ရဲ့ အခက်အခဲ ဖိအားကို ပြည်သူသိအောင်ရှင်းပြဖို့ ဘာလို့ဝန်လေးတာလဲ
အစိုးရကိုယ်တိုင် တစ်ချို့ဆက်ဆံမူတွေမှာ မတူသလိုမတန်သလို ပုံစံမျိုးလုပ်တာလဲ . . .? အထူးသဖြင့် ရှင်းပြနေစရာမလိုဘူး ၊ ပြန်ရှင်းနေမှာမဟုတ်ဘူး (ပန်းနဲ့ပေါက်သလိုဘဲ. . . . ) . . . .စသည်ဖြင့် . . . .ခလေးဆန်ဆန် အကွက်တွေထုတ်သုံးတာလဲ . . . .?

ဝန်းရံသူ ဝန်းရံသူ ဆိုပြီး ဘာလို ခြေထိုးတဲ့သူ အဆင်းဘီးတက်တဲ့သူပေါတာလဲ. . . . .
ပြသာနာ အတွက် အကောင်းဆုံးအဖြေကို ဝိုင်းမစဉ်းစားဘဲ ဝန်းရံသူ အဆင့်ကနေ ထိုင်အော်နေတာလဲ ? ? ? ? ? ? . . . စသည်ဖြင့်မေးခွန်းပေါင်းများစွာကို ကျွန်တော် ကိုမေးနေတယ် . . . .

ဒါပေမဲ့ သူမေးတဲ့မေးခွန်းတွေ ဖြေဖို့ကျွန်တော်မှာ အဖြေမရှိလို့ ခုပ်ဖုဆိုင် ရဲ့ နံမည်ကြီး ဝက်သဲကြော် ပန်းကန်ကို အနားဆွဲလို့ တစ်ပန်းကန်လုံးကုန်အောင် ထိုင်စားနေမိတယ် . . . .
ဒီည စားခဲ့တဲ့ ဝက်သဲကြော် က ခါးလွန်းအားကြီးတယ် . . . . .

Htain Linn Aung FB

dassk-thailand-620.jpg ဇွန်လ ၂၃ ရက်နေ့က နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကို ထိုင်းနိုင်ငံ၊ ဘန်ကောက်မြို့ မဟာချိုင်ခရိုင်မှာ တွေ့ရစဉ်
Photo: Kyaw Zaw Win/RFA


ပြီးခဲ့တဲ့ဇွန်လက ထိုင်းနိုင်ငံ မဟာချိုင်မြို့မှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ရွှေ့ပြောင်းမြန်မာအလုပ်သမားတွေ တွေ့ဆုံပွဲမှာ ထိုင်းအစိုးရက ခေါ်လာတဲ့အလုပ်သမားတွေကို ခန်းမထဲ မ၀င်ဖို့တားမြစ်တဲ့ မြန်မာအလုပ်သမားအရေးကူညီသူတွေနဲ့ မြန်မာအလုပ်သမားတွေကို ထိုင်းရဲတပ်ဖွဲ့က စောင့်ကြည့်နေတယ်လို့ အလုပ်သမားအရေးကူညီသူတွေက ပြောပါတယ်။

အမှုဖွင့်အရေးယူတာမျိုး မရှိသေးပေမယ့် မကြာခင်ခေါ်ယူစစ်ဆေးတာတွေရှိလာနိုင်တယ်လို့ စောင့်ကြည့်ခံနေရသူတွေထဲက မြန်မာအလုပ်သမား အရေးကူညီစောင့်ရှောက်ရေး ကော်မတီ AAC အဖွဲ့ဝင် ကိုရဲမင်းက ပြောပါတယ်။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ထိုင်းနိုင်ငံခရီးစဉ်မှာ မဟာချိုင်မှာရှိတဲ့ မြန်မာအလုပ်သမားတွေနဲ့ တွေ့ဆုံဖို့ စီစဉ်ထား ရာမှာ သောင်းနဲ့ချီတဲ့ အလုပ်သမားအများစုက ခန်းမရှေ့မှာ စောင့်ဆိုင်းနေပြီး တွေ့ဆုံခွင့်မရဘဲ ထိုင်းအစိုးရက သီးသန့်ခေါ်ထားတဲ့ မြန်မာအလုပ်သမားတွေကို ခန်းမထဲဝင်ခွင့်ပေးတာဖြစ်ပါတယ်။

ထိုင်းအစိုးရက ကြိုတင်ခေါ်ထားတဲ့ မြန်မာအလုပ်သမားတွေကို တင်ဆောင်လာတဲ့ယာဉ်တွေကို ခန်းမရှေ့မှာ စောင့်ဆိုင်းနေတဲ့ မြန်မာအလုပ်သမားတွေက ၀င်ခွင့်မပေးဘဲ တားမြစ်ခဲ့တာဖြစ်ပါတယ်။

အဲဒီလိုတားမြစ်ရာမှာ ဦးဆောင်တဲ့ မြန်မာအလုပ်သမားတွေနဲ့ အလုပ်သမားအရေးကူညီသူတွေကို ထိုင်းရဲတပ်ဖွဲ့က စာရင်းပြုစုပြီး နောက်ကြောင်းတွေ စုံစမ်းနေ သလို ရဲစခန်းတွေကို ဓာတ်ပုံတွေဖြန့်ဝေထားတယ်လို့လည်း ကိုရဲမင်းက ပြောပါတယ်။

ရခိုင်ပြည်နယ်က မွတ်ဆလင် ဆိုတဲ့ အသုံးအနှုန်းကို ပယ်ဖျက်ပေးဖို့ မြန်မာအမျိုးသားရေး ကွန်ရက်က ဦးဆောင်ပြီး ဇူလိုင်လ ၁၀ ရက်နေ့က ဆန္ဒပြတောင်းဆိုနေစဉ်
Photo: Aung Thain Kha/ RFA

ရခိုင်ပြည်နယ်က မွတ်စလင်အသိုင်းအဝိုင်း ဆိုတဲ့ အစိုးရရဲ့အသုံးအနှုန်းအသစ်ကို မြန်မာအမျိုးသားရေး ကွန်ရက်က ဦးဆောင်ပြီး ဒီနေ့ ရန်ကုန်မြို့မှာ လူ ၅၀၀ ကျော်လောက် ဆန္ဒပြကန့်ကွက်ခဲ့ကြပါတယ်။

တိုင်းပြည်ဆူပူစေတဲ့ စကားလုံးတွေကို အစိုးရအနေနဲ့ မသုံးနှုန်းသင့်ကြောင်း မြန်မာအမျိုးသားရေး ကွန်ရက် ဥက္ကဋ္ဌ ဦးဝင်းကိုကိုလတ် က ပြောပါတယ်။

ဆန္ဒပြသူတွေဟာ ရခိုင်ပြည်နယ်က မွတ်ဆလင် ဆိုတဲ့ အသုံးအနှုန်းကို ပယ်ဖျက်ပေးဖို့ နဲ့ ဘင်္ဂါလီ လို့သာ ခေါ်ဝေါ်ဖို့ စာသားပါ ပိုစတာတွေ ကိုင်ဆောင်ပြီး ရန်ကုန်မြို့ ရွှေတီဂုံစေတီ အရှေ့ဘက်မုခ် ကြေးသွန်းဘုရား ရှေ့ကနေ လမ်းလျှောက်ချီတက်ခဲ့ကြပြီး တာမွေမြို့နယ် လူထုဟစ်တိုင်မှာ စုဝေးဟောပြော ခဲ့ကြပါတယ်။

ရန်ကုန်တိုင်းဒေသကြီးအစိုးရအဖွဲ့က ဗိုလ်စိန်မှန်ကွင်းကနေ လူထုဟစ်တိုင်ကွင်းထိသာ လမ်းလျှောက်ဆန္ဒ ပြခွင့်ပြုခဲ့ပြီး အခုဆန္ဒပြတဲ့ လမ်းကြောင်းဟာ ခွင့်ပြုချက်ပေးမထားတာကြောင့် ဦးဆောင်သူတွေကို ငြိမ်းချမ်းစွာ စုဝေးခွင့်ဥပဒေ ပုဒ်မ ၁၉ နဲ့ အရေးယူသွားမယ်လို့ ဗဟန်းမြို့နယ်ရဲမှူး ဦးဆွေဝင်း က ပြောပါတယ်။

ဆန္ဒပြပွဲကို မြန်မာအမျိုးသားကွန်ရက်၊ မျိုးချစ်မြန်မာ ရဟန်းတော်များ သမဂ္ဂအဖွဲ့၊ ရခိုင်လူငယ်အဖွဲ့နဲ့ အမျိုးသားရေးလှုပ်ရှားကြတဲ့ အဖွဲ့အစည်းတွေနဲ့ အမျိုးသားရေးအသင်းအဖွဲ့ အသီးသီးက ပေးပို့တဲ့ သဝဏ်လွှာတွေကိုလည်း ဖတ်ကြားခဲ့ကြပါတယ်။

ပြီးခဲ့တဲ့ ဇွန်လ ၁၇ ရက်နေ့က ၃၂ ကြိမ်မြောက် အပြည်ပြည်ဆိုင်ရာ လူ့အခွင့်အရေး ကောင်စီညီလာခံမှာ မြန်မာအစိုးရကိုယ်စားလှယ်က လူမျိုးအမည်ခေါ်ဆိုမှု အငြင်းပွားမှုရှိနေသူတွေကို ရခိုင်ပြည်နယ်က မွတ်စလင်တွေဆိုပြီး သုံးနှုန်းပေးဖို့ ပြောကြားခဲ့တဲ့အပေါ် ဆန္ဒပြကြတာ ဖြစ်ပါတယ်။
RFA

ပေါ်တူဂီ ကစားသမားများ လေ့ကျင့်နေစဉ်
ပေါ်တူဂီ ကစားသမားများ လေ့ကျင့်နေစဉ်

ပြင်သစ်နိုင်ငံက အိမ်ရှင်အဖြစ် လက်ခံကျင်းပနေတဲ့ ယူရို ၂၀၁၆ ဥရောပဖလားဖိုင်နယ်ကို အိမ်ရှင်ပြင်သစ် နဲ့ ပေါ်တူဂီအသင်းတို့ ပဲရစ်မြို့မှာ ဒီကနေ့ ဗိုလ်လုကြမှာပါ။ ပြင်သစ်ပြည်သူတွေအတွက် အစွမ်းကုန်ကြိုးစားသွားမှာဖြစ်သလို၊ သူတို့အသင်းအောင်ပွဲရဖို့အရေကြီးတယ်လို့ ပြင်သစ်ဘက်က ပြောလိုက်ပြီး ၊ ပေါ်တူဂီဘက်ကတော့ ဖိုင်နယ်ပွဲမှာ ဘာမဆိုဖြစ်နိုင်တယ်လို့ တုံ့ပြန်လိုက်ပါတယ်။ ဒီပွဲအပေါ် ဂျာမနီနိုင်ငံက အကြားအမြင်ဆင်မကြီးရဲ့ ရွေးချယ်မှု နဲ့ အားကစားဆောင်းပါးရှင်တွေရဲ့ သုံးသပ်ချက်တွေကို ကိုရန်နိုင်က တင်ပြပေးထားပါတယ်။

ယူရို ၂၀၁၆ ဥရောပဖလားဘောလုံးပွဲကတော့ နောက်ဆုံး ဖိုင်နယ်ကို ရောက်လာပါပြီ။ အိမ်ရှင်ပြင်သစ် နဲ့ ပေါ်တူဂီ တို့ ပဲရစ်မြို့က Stade de France ဘောလုံးကွင်းကြီးမှာ မြန်မာစံတော်ချိန် တနင်္လာနေ့မနက် ၁ နာရီခွဲမှာ ဗိုလ်လုကြမှာပါ။ အိမ်ရှင်ပရိဿတ်ကတော့ သူတို့အသင်းကို အားပေးဖို့ပြင်နေကြပြီး၊ ပြင်သစ်အသင်းသာ ယူရို ၂၀၁၆ ဗိုလ်စွဲမယ်ဆိုရင် ပြင်သစ်နိုင်ငံသားတွေအတွက် စိတ်ဓါတ်တက်သွားစေမယ်လို့ ပြင်သစ်သမ္မတ Francois Hollande ကလည်း ပြောလိုက်ပါတယ်။

“ကျနော်က ကစားသမားမဟုတ်သလို၊ နည်းပြလည်းမဟုတ်ပါဘူး။ ပြင်သစ်အသင်းရဲ့ အောင်မြင်မှုဟာ ကျနော်ကြောင့်မဟုတ်ပါဘူး။ ဒါပေမဲ့လည်း ဖိုင်နယ်နိုင်ပြီး ဗိုလ်စွဲလိုက်မယ်ဆိုရင်တော့ ပြင်သစ်ပြည်သူတွေ ပျော်ရွှင်ပြီး၊ စိတ်ဓါတ်တက်ကြွလာမှာဖြစ်သလို၊ အသင်းအတွက်လည်း ဂုဏ်ယူကြမှာဖြစ်ပါတယ်။”

ပြင်သစ်နိုင်ငံမှာ ပြီးခဲ့တဲ့ မတ်လက အကြမ်းဖက်တိုက်ခိုက်မှုဖြစ်ပွားခဲ့ပြီး လူ ၁၃၀ သေဆုံးပြီး၊ ၃၇၀ နီးပါး ဒဏ်ရာရခဲ့ကြတာပါ။ ဒါကြောင့် အဲဒီဒဏ်ရာတွေကို ကုစားဖို့အတွက် အနိုင်ရဖို့ အရေးကြီးတယ်လို့လည်း ပြင်သစ်အသင်းခေါင်းဆောင် Hugo Lloris က ပြောပါတယ်။ ပြင်သစ်နည်းပြ ဒေ့ရှောမ်ကလည်း အနိုင်ရဖို့အတွက် ရေကုန်ရေခမ်းကစားသွားမှာဖြစ်တယ်လို့ပြောလိုက်ပါတယ်။

“အားကစားကိုဝါသနာအရကစားတဲ့အခါ၊ စိတ်ပျော်ရွှင်မှုရဖို့ကစားကြတာပါ။ ဒါပေမဲ့ အဆင့်မြင့်ပြိုင်ပွဲတွေဝင်ပြိုင်တဲ့အခါတော့ ခင်ဗျားနိုင်ချင်တယ်။ နိုင်ရတာထက်ကောင်းတာဘာမှမရှိပါဘူး။ ဒါကိုလက်ခံဖို့လိုပါတယ်။ အဲဒါမတိုင်ခင် နိုင်ဖို့အတွက်တော့ လုပ်နိုင်သမျှလုပ်ရပါမယ်။ ဘောလုံးက သိပ္ပံလိုတော့ အတိအကျမဟုတ်ပါဘူး။ တခါတလေအသေးအဖွဲ့လေးတွေက အဆုံးအဖြတ်ပေးတာပါ။”

ပြင်သစ်အသင်းဟာ တပွဲနဲ့တပွဲခြေစွမ်းပြလာနေပြီး ဆီမီးဖိုင်နယ်မှာ ကမ္ဘာ့ချန်ပီယံဂျာမနီကို ၂ ဂိုး ဂိုးမရှိ နဲ့ နိုင်ပြီးတဲ့နောက် ဗိုလ်စွဲဖို့ရေပန်းစားနေပါတယ်။ ဒါပေမဲ့လည်း ပြင်သစ်နည်းပြဒေရှောမ့်ကတော့ သူတို့အနိုင်ရသေးတာမဟုတ်သေးဘူးလို့ သတိပေးထားပါတယ်။ ပေါ်တူဂီရှေ့တန်းလူ ရိုနာလ်ဒိုကလည်း ပြင်သစ်အသင်းဟာ အိမ်ရှင်ဖြစ်တဲ့အတွက် အနိုင်ရဖို့ ပိုရေပန်းစားကြောင်း၊ ဒါပေမဲ့ ဖိုင်နယ်ပွဲက ဘာမဆိုဖြစ်နိုင်တယ်လို့ ပြောလိုက်ပါတယ်။ ပြင်သစ်ဟာအိမ်ရှင်ဖြစ်တဲ့အတွက် တပမ်းသာတယ်လို့ ဆိုရမှာပါ။ ဒါပေမဲ့ နိုင်ရမယ်ဆိုတဲ့ဖိအားကလည်း တဘက်မှာရှိနေတယ်လို့ အားကစားဆောင်းပါးရှင် ဦးမြသက်က အခုလို ပြောပါတယ်။

"ဖိအားဖြစ်နိုင်တယ်ခင်ဗျ။ ဒါပေမယ့် ဖိအားကိုကျော်လွှတ်အောင် ပြင်သစ်ဘောလုံးသမားတွေက ၀ါရင့်တယ်၊ အတွေ့အကြုံရှိတယ်။ နောက်သက်ဆိုင်ရာနေရာ တွေမှာလည်း အဓိကနေရာကနေကစားနေတယ်ဆိုတော့ ကျနော်ထင်ပါတယ် ဒီဖိအားကို သူတို့တောင့်ခံနိုင်မှာပါ။ ဖိအားက ပေါ်တူဂီမှာလည်း သွားသက်ရောက်မှုတွေများပြီးတော့ ပြင်သစ်အပေါ်မှာတော့ ဒီလောက်ရှိနိုင်မယ်မထင်ဘူး။"

ပေါ်တူဂီက Pepe နဲ့ William Carvalho တို့ ပြန်ပါလာမှာဖြစ်တဲ့အတွက် ၂ သင်းစလုံးမှာ ပွဲပယ် နဲ့ ဒဏ်ရာပြဿနာမရှိဘဲ လူစုံပါလာမှာဖြစ်ပါတယ်။ ပြင်သစ် နဲ့ ပေါ်တူဂီတို့ နိုင်ငံတကာပြိုင်ပွဲတွေမှာ ဆီမီးဖိုင်နယ်မှာ ၃ ကြိမ်တွေ့ဖူးပြီး၊ ၃ ကြိမ်စလုံးပြင်သစ်က နိုင်ထားသလို၊ နောက်ဆုံး ၁၀ ကြိမ်မှာလည်း ပြင်သစ်ကပဲ အနိုင်ရထားတဲ့အတွက် အစဉ်အလာအရရော၊ လက်ရှိအခြေအနေမှာပါ ပြင်သစ်အသင်းက ဗိုလ်စွဲဖို့ ရေပန်းစားနေပါတယ်။ ဆိုတော့ ဒီအပေါ်မှာ အားကစားဆောင်းပါးရှင်တွေကရော ဘယ်လိုခန့်မှန်းပါသလဲ။

Soccer follow အယ်ဒီတာချုပ် ကိုကျော်ကျာ်မျိုးဟန်ကတော့

"ဟုတ် ပြင်သစ်က တိုက်စစ်ပိုင်း၊ ကွင်းလယ်ပိုင်းမှာ ပေါ်တူဂီထက် အများကြီးလည်းသာသလို အိမ်ရှင်လည်းဖြစ်တယ်။ နောက်သူတို့ ပေါ်တူဂီနဲ့ နောက်ဆုံးတွေ့တဲ့အချိန်တုန်းကလည်း နိုင်ထားတယ်ဆိုတော့ ပေါ်တူဂီရဲ့ နောက်တန်းပိုင်းကလည်း စိတ်မချရဘူးလေ။ အဲဒါကြောင့် ဒီပွဲကတော့ ပြင်သစ်အနိုင်လို့ပဲ ထင်တယ်။ ၁-၀ ဒါမှမဟုတ် ၂-၁ လောက်နဲ့ နိုင်မယ်လို့ထင်တယ်။"

တခါ အားကစားဆောင်းပါးရှင် ဦးမြသက်ကလည်း ပြင်သစ်ကိုကြိုက်တယ်လို့ ဆိုပါတယ်။

"အစစ အရာရာကတော့ ပြင်သစ်ကသာတယ်လေ ။ နောက်တခုက အိမ်ရှင်မို့လို့ အခွင့်အရေးသာတယ်ဆိုတာတော့ မဟုတ်ပါဘူး။ အိမ်ရှင်ဆိုတာတွေလည်း ရှုံးခဲ့တာတွေလည်းအများကြီးပဲ။ တကယ်တန်း သူခြေက ကွာတယ်။ ကျနော်ကတော့ ပြင်သစ် ဗိုလ်စွဲသွားမယ်လို့ထင်တယ်။ အခုကတော့ သိပ်ပြီးတော့ မပြတ်လောက်ဘူး။

အားကစားဆောင်းပါးရှင် ကိုဇော်မျိုးသန့်ကတော့

"အတိတ်ကအစဉ်အလာတွေရော ဒီနှစ် ယူရိုပြိုင်ပွဲမှာ ပြသခဲ့တဲ့ ခြေလှမ်းပေါ့ ၊ ခြေလှမ်းတွေအရဆိုရင် ပြင်သစ်နိုင်မယ့်ဘက်ကို ညွန်နေတာပေါ့။ သို့သော်လည်း ပေါ်တူဂီနည်းပြ ဖါနန်ဒိုက ဘယ်လိုပုံစံနဲ့ ပွဲထွက်လာမလဲပေါ့နော်။ ပြင်သစ်ကို ယှဉ်ကစားမလား၊ ပြင်သစ်ကို ယှဉ်ကစားမယ်ဆိုရင်တော့ သူမကစားနိုင်ဘူး ။ ကျနော်ကတော့ ဒီပွဲမှာ ပေါ်တူဂီနည်းပြအနေနဲ့ ပြင်သစ် ကို ကစားကွက်တင်လို့မရအောင် ကွင်းထဲမှာ ပြစ်ဒဏ်ဘော ဖြစ်တာတွေများအောင်လုပ်ပြီးတော့ သေရေ လောက်ကစားသွားမယ်လို့ ကျနော်ကတော့ အဲဒီလောက် သုံးသပ်ချင်ပါတယ်။ ပေါ်တူဂီပဲ ပန်နဒီလောက်မှာ အနိုင်ရပြီးတော့ ချန်ပီယန် ဖြစ်သွားမယ်လို့ သုံးသပ်မိတာပေါ့။ အမှန်တကယ်ဆို ပေါ်တူဂီက ဒီနှစ်မှာ အုပ်စုအဆင့်ကပဲ လှည့်ပြန်သင့်တဲ့အသင်းပေါ့ ။ သို့သော်လည်း ကံကောင်းစွာနဲ့ ဗိုလ်လုပွဲအဆင့်အထိတက်လာတာဆိုတော့ သူ့ရဲ့ကံကလည်း ဖလားရဖို့အထိ တွန်းပို့နေသလားဆိုတာ ထည့်တွက်ရတာပေါ့။"

ဂျာမနီအသင်းရဲ့ အုပ်စုပွဲစဉ်တွေအပါအ၀င် ၊ ဒုတိယအဆင့်ရှုံးထွက်ပွဲစဉ် ၈ ပွဲမှာ ၇ ပွဲ မှန်အောင်ရွေးနိုင်ခဲ့တဲ့ ဂျာမနီနိုင်ငံ စတုဂတ်မြို့က အကြားအမြင် ဆင်မကြီး ဇယ်လာကတော့ ပေါ်တူဂီအသင်း ဗိုလ်စွဲမယ်လို့ ရွေးလိုက်ပါတယ်။ ဆိုတော့ လူကြိုက်များရေပန်းစားနေတဲ့ အိမ်ရှင်ပြင်သစ်ပဲ ဗိုလ်စွဲမလား ၊ ဒါမှမဟုတ် ပေါ်တူဂီတွေကပဲ ၄၁ နှစ်ကြာ မနိုင်ထားတဲ့ရှုံးကြွေးကို ဒီတပွဲတည်းနဲ့ အကျေဆပ်သွားမလားဆိုတာကတော့ ရင်ခုန်စွာ နဲ့ စောင့်ကြည့်ရမှာပဲဖြစ်ပါတယ်။
VOA Burmese News

 မုံရွာဆိပ်ကမ်းတွင် တွေ့ရသည့် ရေယာဉ်များ။ ဓာတ်ပုံ-ဟိန်းလင်းသန့်
မုံရွာ၊ ဇူလိုင် ၁၀။

ချင်းတွင်းမြစ်ရေတက်လာ၍ မုံရွာမြို့မှ မြစ်အထက်ပိုင်း သို့ ခရီးသည်နှင့် ကုန်စည်များ ပို့ဆောင်ရာ ရေယာဉ် အားလုံး ဇူလိုင် ၁၁ရက်မှ ၁၃ ရက်ထိ ပြေးဆွဲမှု သုံးရက် နားမည်ဖြစ်ကြောင်း ရေယာဉ်အသင်းများထံမှ သိရ သည်။

"မနေ့က အသင်းပိုင်ရှင်တွေ အစည်းအဝေးထိုင်ပြီး ဆုံး ဖြတ်လိုက်တာ။ အထက်ပိုင်းမှာက ဆိပ်ကမ်းတွေက လည်း ပျောက်နေပြီ"ဟု ရေယာဉ်မောင်း(ဆလင်) တစ် ဦးက ပြောသည်။

မုံရွာမြို့မှ ချင်းတွင်းမြစ်အထက်ပိုင်း ရေယာဉ်အစင်းရေ ၄၇၀ ကျော်ရှိသည်။ ချင်းတွင်းမြစ် အထက်ပိုင်းမြို့များ တွင် စိုးရိမ်ရေမှတ်များကျော်နေသော်လည်း ဇူလိုင် ၁၀ ရက်နေ့တွင် တိုင်းမြို့တော်မုံရွာမြို့၏ မြစ်ရေစိုးရိမ်ရေ မှတ်မှာ ၉၆၀ စင်တီမီတာ သို့ ရောက်နေကြောင်း သိရ သည်။

ချင်းတွင်းမြစ် ရေကြီးချိန်တွင် မြစ်အတွင်း နာမည်ကျော် သိုက်ဝဲ၊ရွှေစာရေးဝဲ၊လောင်းဂရိတ်ဝဲစသော စုပ်ဝဲ၊ မှုတ် ဝဲများအန္တရာယ်ရှိကြောင်း ရေယာဉ်မောင်းများက ပြော သည်။

ဟိန်းလင်းသန့်
‪‎CentralNewsMyanmar‬
https://www.facebook.com/CNMyanmar

 ထိုင်းနိုင်ငံရောက် မြန်မာလုပ်သားများအား ဒေါ်အောင်ဆန်းစုကြည်ရောက်ရှိစဉ်က တွေ့ရစဉ်။ ဓာတ်ပုံ-ဟံသာဟိန်း
ရန်ကုန်၊ ဇူလိုင် ၁၀။

ထိုင်းနိုင်ငံတွင် အလုပ်လုပ်ကိုင်နေသည့် အထောက်အ ထားမဲ့ မြန်မာရွှေ့ပြောင်းအလုပ်သမားများကို အလုပ်သ မားဝန်ကြီးဌာနမှ ထိုင်းနိုင်င်ငံအတွင်း စခန်းခြောက်ခု ဖွင့်၍ CI(မြန်မာနိုင်ငံသားဖြစ်ကြောင်းထောက်ခံစာ)ကို ထုတ်ပေးသွားမည်ဖြစ်ကြောင်း အလုပ်သမား၊ လူဝင်မှု ကြီးကြပ်ရေးနှင့်ပြည်သူ့အင်အားဝန်ကြီးဌာန ပြည် ထောင်စုဝန်ကြီးဦးသိန်းဆွေက ပြောသည်။

ထိုသို့ထုတ်ပေးရန်အတွက် ထိုင်းနိုင်ငံအစိုးရနှင့် သ ဘောတူညီမှုရရှိ်ခဲ့ပြီးဖြစ်ကြောင်းနှင့် ယခုလအတွင်း ထုတ်ပေးနိုင်မည်ဖြစ်ကြောင်း သိရသည်။

''ထိုင်းအစိုးရနဲ့က အားလုံးသဘောတူညီမှုရပြီး သွားပြီး ထိုင်းနိုင်ငံဘက်က ဗီဇာရယ်အလုပ်လုပ်ကိုင် ခွင့်လက် မှတ်ရယ်ပေးမယ်။ မြန်မာဘက်က မြန်မာနိုင်ငံသားဖြစ် ကြောင်းထောက်ခံစာ(CI)ပေးမယ် အလုပ်သမားဝန်ကြီး ဌာန၊ လ၀က၊ နိုင်ငံခြားရေးဝန်ကြီးဌာန တွေပါမယ်။ သွားဖို့က အားလုံးအဆင်သင့်ဖြစ်နေပြီ။ ထိုင်းဘက်က တရားဝင်စာရပြီဆိုရင် စပြီးထုတ်ပေးလို့ရပြီ။ ဇူလိုင်လ ကုန်လောက်လုပ်ငန်းစမယ်ထင်တယ်"ဟု ပြည်ထောင် စုဝန်ကြီးဦးသိန်းဆွေက ပြောသည်။

့်စခန်းခြောက်ခုကို မြန်မာရွှေ့ပြောင်းအလုပ်သမားများ အများဆုံးရှိသော မဟာချိုင်၊ မဲဆိုင်၊ စမွတ်ပရာကန်၊ မဲ ဆောက်၊ ရနောင်း၊ ကန်ချနဘူရီ စသည့်နေရာ ခြောက် ခုတွင် စခန်းများဖွင့်သွားမည် ဖြစ်သည်။

CIပြုလုပ်နိုင်မည့်သူများမှာ မှတ်ပုံတင်နှင့်ထိုင်းနိုင်ငံမှ ထုတ်ပေးထားသည့် TR38၊(ပန်းရောက်ကတ်ပြား)စ သည်တို့ ကိုင်ဆောင်ထားသူဖြစ်ရမည်ဖြစ်ပြီး၊ CIရရှိပြီး ပါက ထိုင်းနိုင်ငံအတွင်း တရားဝင်သွားရောက် အလုပ် လုပ်နိုင်မည်ဖြစ်ကြောင်း သိရသည်။

''CI ကတ်ပြားလုပ်ပေးမှာက အလုပ်သမားအများစု အ လုပ်ပိတ်တဲ့ရက်တွေမှာ လုပ်ပေးမယ်။ အချို့လာဖို့ခက် တဲ့နေရာတွေဆိုရင် စက်ရုံရှိတဲ့နေရာကိုသွားပြီး လုပ် ပေးမယ်။ ကုန်ကျစရိတ်ကတော့ ထိုင်းဘက်က တရား ၀င်စာရတာနဲ့ ထုတ်ပြန်ပေးမယ်။ ၀န်ကြီးဌာနအနေနဲ့ ကတော့ အလုပ်သမားတွေ ၀န်ထုတ်ဝန်ပိုးဖြစ်စေမဲ့ နှုန်း ထားတော့ မကောက်ခံပါဘူး''ဟု ပြည်ထောင်စုဝန်ကြီး ဦးသိန်းဆွေက ပြောသည်။

ထိုင်းနိုင်ငံအတွင်း တရားမ၀င်မြန်မာရွှေ့ပြောင်း အလုပ် သမားများစွာရှိသော အဆိုပါ CIပြုလုပ်မှုကို နှစ်နှစ်ခန့် ကြာမြင့်မည်ဟု ခန့်မှန်ထားကြောင်း သိရသည်။

ဟံသာဟိန်း
‪‎CentralNewsMyanmar‬
https://www.facebook.com/CNMyanmar

တနင်္သာရီတိုင်း ဝန်ကြီးချုပ်နဲ့ အမျိုးသားဒီမိုကရေစီအဖွဲ့ချုပ် နာမည်ကိုသုံးပြီး မြိတ်မြို့မှာ မြေကွက်ရောင်းချနေသူ ၁၁ ဦးကို ငွေကြေးလိမ်လည်မှု၊ စာရွက်စာတမ်းအတုပြုလုပ်မှုတို့နဲ့ မြိတ်မြို့နယ်ရဲစခန်းက အမှုဖွင့်ထားပါတယ်။
စာရွက်စာတမ်းအတုတွေနဲ့ မြေကွက်ရောင်းချသူတွေထဲက ၁ ဦးကို မိထားပြီး ကျန်တဲ့ ၁၀ ယောက်ကို ဖမ်းဆီးနိုင်ဖို့ ကြိုးစားနေတယ်လို့ မြိတ်မြို့မရဲစခန်းတာဝန်ရှိသူတစ်ဦးက ပြောပါတယ်။

မြေကွက်ရောင်းချနေသူတွေဟာ မြိတ်မြို့နယ်မှာ လူမှုအထောက်အကူပြုအကျိုးဆောင်ကော်မတီ ဖွဲ့စည်းပြီး တနင်္သာရီတိုင်းဝန်ကြီးချုပ် ဒေါက်တာလဲ့လဲ့မော်က အိုးအိမ်မဲ့တွေအတွက် အိမ်ရာဖော် ဆောင်ပေးဖို့စီစဉ်နေတာကို အကြောင်းပြုပြီး မြေကွက်တွေ ရောင်းချနေတာဖြစ်ပါတယ်။

ဝန်ကြီးချုပ် ဒေါက်တာလဲ့လဲ့မော်က တိုင်းအစိုးရရဲ့ အစီအစဉ်အရ အိုးအိမ်အပိုင်မရှိသူတွေအတွက် မြေကွက်ချပေးမှာမဟုတ်ဘဲ တန်ဖိုးနည်းအိမ်ယာတွေ ဖော်ဆောင်ပေးသွားမှာဖြစ်တယ်လို့ ပြောပါတယ်။

မြေကွက်ရောင်းချသူတွေကို တိုင်းဒေသကြီးအစိုးရအဖွဲ့၊ တိုင်း NLD ပါတီရဲ့ ညွှန်ကြားချက်နဲ့ မြိတ်မြိုနယ် အမျိုးသားဒီမိုကရေစီအဖွဲ့ချုပ်က လူပုဂ္ဂိုလ်နဲ့ အဖွဲ့အစည်းနာမည်ကို အလွဲသုံးစားပြုပြီး ဂုဏ်သိက္ခာကျဆင်းစေတဲ့အတွက် ပုဒ်မ ၅၀၀ နဲ့ တရားရုံးကို ဦးတိုက်လျှောက်ထားတယ်လို့ မြိတ်မြို့နယ် အန်အယ်လ်ဒီတာဝန်ရှိသူတွေက ပြောပါတယ်။

ပြီးခဲ့တဲ့ တစ်လလောက်ကစပြီး မြိတ်မြို့ကုန်းဖောက်ရပ်ကွက်နဲ့ တောထွတ်ကြီးရပ်ကွက်တွေမှာ တိုင်းဒေသကြီး ဝန်ကြီးချုပ် ဒေါက်တာလဲ့လဲ့မော်နဲ့ NLD ပါတီက ဆင်းရဲသားတွေအတွက် မြေယာဖော်ဆောင်ပေးနေတယ်ဆိုပြီး လူမှုအထောက်အကူပြုအကျိုးဆောင်ကော်မတီ က မြေတစ်ကွက်ကို ငွေကျပ် ၈သောင်း၊ ကျပ် ၅သောင်း စတဲ့နှုန်းတွေနဲ့ ရောင်းချနေတာဖြစ်ပါတယ်။

အဲဒီကော်မတီဟာ မြေကွက် ၃ထောင်ကျော်ရိုက်ထားပြီး မြေကွက် ၁၈၀၀ ကျော် ရောင်းချထားတာဖြစ်ပါတယ်။ ကျွန်းစုမြို့နယ်၊ တနင်္သာရီ စတဲ့ မြို့နယ်တွေက လာရောက်ဝယ်ယူကြသူတွေများပါတယ်။

အဲဒီမြေကွက်ရိုက် ရောင်းချရာမှာ ပါဝင်တဲ့ ကော်မတီဝင် ဦးအောင်သန်းဆိုသူကို ငွေကျပ် သိန်း ၁၆၀ ကျော်နဲ့ ဖမ်းဆီးရမိထားပြီး နောက်ထပ်ကော်မတီဝင် ၃ဦးရဲ့ ဘဏ်စာအုပ်တွေထဲက ငွေကျပ် သိန်း ၃၀၀ ကို ထပ်မံစစ်ဆေးတွေ့ရှိထားပါတယ်။
RFA

ယူရို ၂ဝ၁၆ ဗိုလ်လုပွဲတွင် အိမ်ရှင် ပြင်သစ်အသင်းဗိုလ်စွဲရန်ရေပန်း စားနေသော်လည်း မိမိ၏ပေါ်တူ ဂီအသင်းမှာလည်း ဗိုလ်စွဲနိုင်ချေရှိ ကြောင်း၊ မိမိအတွက် ချန်ပီယံဖြစ်ရန်အိပ်မက်မှာ လက်တွေ့အ ကောင် အထည်ပေါ်နိုင်ကြောင်းဖြင့် ပေါ်တူဂီတိုက်စစ်မှူး စီရော်နယ်ဒိုက ယူအီးအက်ဖ်အေဝက်ဘ်ဆိုက်သို့ ပြောကြားသွားခဲ့သည်။ စီရော်နယ်ဒိုသည် ယူရို ၂ဝဝ၄ ပြိုင်ပွဲတွင် ဗိုလ်လုပွဲသို့ တက်လှမ်းနိုင်ခဲ့သော်လည်း ဂရိကို ၁-ဝ ဂိုးဖြင့် ရှုံးနိမ့်ခဲ့၍ ချန် ပီယံဆုနှင့်ဝေးကွာခဲ့ရပြီး ယခုတစ်ကြိမ်ဗိုလ်လုပွဲတက်ရောက်ရာ၌ ယူရိုချန်ပီယံဆုကိုအရယူရန် ဆန္ဒပြင်းပြနေခြင်းဖြစ်သည်။ ထို့ပြင် စီရော်နယ်ဒိုက ကလပ်အသင်းနှင့် အတူ အောင်မြင် မှုများစွာ ရယူထားနိုင်သော်လည်း လက်ရွေးစင် အသင်းနှင့် အောင်မြင်မှုရယူရန်လည်း စိတ်အားထက်သန် နေကြောင်း ဖွင့်ဟသွားခဲ့သည်။

''ကလပ်အသင်းနဲ့ တစ်ဦးချင်းစွမ်းဆောင်ရည်မှာ အောင်မြင် မှုများစွာရယူထားနိုင်ပေမယ့်လည်း လက်ရွေးစင်အသင်းနဲ့ အောင်မြင်ခဲ့ရင် ပိုပြီးကောင်းမွန်ပါလိမ့်မယ်။ အဲဒီအခွင့်အရေးကို ဒီတစ်ကြိမ် လက်တွေ့ အကောင်အထည်ဖော်နိုင်လိမ့်မယ်လို့ ကျွန် တော်အပါအဝင် ပေါ်တူဂီတစ်နိုင်ငံလုံးလည်း မျှော်လင့်နေပါလိမ့်မယ်။ အကောင်းဘက်ကပြောမယ်ဆိုရင် ပြင်သစ်နဲ့ကစားမယ့်ဗိုလ်လုပွဲမှာ အိမ်ရှင်အသင်းက ဗိုလ်စွဲဖို့ရေ ပန်းစားနေ တယ်ဆိုပေမယ့်လည်း ကျွန်တော်တို့လည်း ချန်ပီယံဖြစ်ဖို့ မျှော်လင့်နိုင်ပါတယ်''ဟု ပေါ်တူဂီတိုက်စစ်မှူးစီရော် နယ်ဒိုက ပွဲမတိုင်မီပြုလုပ်ခဲ့သည့် တွေ့ဆုံမေးမြန်းခန်း၌ ဖြေကြားခဲ့သည်။
Yangon Media Group

ယူရို ၂ဝ၁၆ ပြိုင်ပွဲတစ်လျှောက်လုံးမှာ နည်းဗျူဟာအားပြိုင်ခဲ့ကြသည့် ပွဲစဉ်ဆို၍ အီတလီ-စပိန်၊ အီတလီ-ဂျာမနီနှင့် ပြင်သစ်-ဂျာမနီပွဲစဉ်တို့သာ ထင်ထင်ရှားရှားရှိခဲ့ကြသည်။ ပြိုင်ပွဲတစ်ပွဲမှာ ပရိ သတ်ကိုညှို့ ယူဖမ်း စားနိုင်ခြင်မှာ နည်းစနစ်ပိုင်းသည်လည်း တစ်ခုအပါအဝင်ဖြစ် လာခဲ့သည်။ ပြိုင်ဘက်အသင်း၏အားနည်းမှုကို အခွင့်အရေးယူချင်းထက် နည်းစနစ်ဖြင့် ကစားခြင်းက ပြိုင်ပွဲကို ပိုပြီးပြင်းထန်စေသည်မှာ မလွဲဧကန်ပင်ဖြစ်သည်။ တနင်္ဂနွေညတွင်ကစားမည့် ပြင်သစ်နှင့် ပေါ်တူဂီပွဲသည်လည်း တစ်သင်း ခြင်း စီ၏ နည်းဗျူဟာများကြောင့် အကြိတ် အနယ်ဖြစ်လာပေဦးမည်။

ပေါ်တူဂီ

ပေါ်တူဂီနည်းပြဆန်းတို့စ်၏ နည်းဗျူ ဟာမှာ ယူရိုပြိုင်ပွဲဝင် ၂၃သင်း အသုံးပြုခြင်း မရှိသည့် နည်းဗျူဟာဖြစ်ခဲ့သည်။ ၄-၃-၁-၂ ကစားကွက်ဖြင့် ခင်းကျင်းလာခဲ့သော်လည်း တကယ်တမ်းကစားခဲ့ရာတွင် ၄-၁-၃-၂ ပုံစံ ကိုအသုံးပြုခဲ့သည်။ ဝီလီယံကာဗယ်ဟိုကို နောက်တန်းခံစစ်လေးယောက် တန်းရှေ့ တွင်ထားပြီး မာရီယို၊ ဆေးလ်ဗား၊ ဆန်းချက်စ်တို့က တိုက်စစ်ကိုလိုက်ပါကစားပြီး နေရာလွတ်များရရှိအောင် ဖန်တီးသည့် နည်း စနစ်မှာ ပြိုင်ဘက်အသင်းအတွက်အ ခက်တွေ့စေခဲ့သည်။ ပိုလန်ကိုအနိုင်ကစားခဲ့သည့်ပွဲတွင် သူတို့သုံးယောက်၏ကွင်းလယ်က ဖန်တီးထားသည့်ကစားကွက်နှင့်အံမဝင်ခဲ့ဘဲ လျင်မြန်မှုဖြင့် ရှုပ်ထွေးစွာက စား ခဲ့ခြင်း ကြောင့် ဆန်းတို့စ်လိုချင်သည့် ကစားဟန်ကိုမရခဲ့ပေ။ ပေါ်တူဂီအသင်းတွင် ဖြတ်တင် ဘောပေးရာ၌ ထူးချွန်သည့်ကစားသမားများရှိ နေခဲ့သော်လည်း သေသပ်ကောင်းမွန်သည့် ဖြတ်တင်ဘောများပြုလုပ်နိုင် ခဲ့ခြင်းမရှိ၍သာ ပိုလန်နှင့်ပွဲ၌ ဂိုးမရခဲ့ခြင်းဖြစ်သည်။

ပေါ်တူဂီအသင်း၏စုဖွဲ့မှုမှာ အားစိုက်ကစားနိုင်သည့် လူငယ်ကစား သမားများ ပါဝင်နေခဲ့သော်လည်း တိုက်စစ်လမ်းကြောင်း ကိုပုံဖော်ရာ၌ နောက် တန်း ကိုပြန်ပေးပြီး ပြိုင်ဘက်ကိုဆွဲခေါ်သည့်နည်းဗျူဟာမှာလည်း ထူးခြားနေခဲ့ သည်။ စီရော်နယ်ဒို၏တန်ပြန် တိုက်စစ်ကစားအားကိုအသုံးချမည်ဟုထင် မိသော်လည်း တကယ်တမ်းတွင် အနီးကပ် ပေးပို့မှုများ၊ တောင်ပံ တိုက်စစ် များမှ ထိုး ဖောက်ကာ တိုက်စစ် ကစားခဲ့ခြင်းဖြစ်သည်။ ခံစစ်ကစားရာ တွင်လည်း ကာဗယ်ဟို၏ကွင်း လယ်အဖျက်ကစားအားမှာ ပြိုင်ဘက်အသင်း များအတွက် အဟန့်အတားဖြစ်ခဲ့၍ ဗဟိုခံစစ်မှူးများဖြစ်သည့် ပီပီ၊ ဖွန်တီတို့လှုပ်ရှားချိန်ပိုရလာပြီး ပြိုင်ဘက်တိုက်စစ် လမ်း ကြောင်းမှာ အားနည်းသွားခဲ့သည်။

ပြင်သစ်

ပြင်သစ်နည်းပြဒက်ချမ့်သည် အုပ်စုပွဲ စဉ်များတွင် ကန်တီကိုပွဲထုတ်ချင်ခဲ့၍ ၄-၃-၃ ကစားကွက်ဖြင့် ပြင်ဆင်လာခဲ့သည်။ ထိုက စားကွက်တွင် ဂရေ့ဇ်မန်းမှာ တောင်ပံထွက် ကစားခဲ့ရ၍ ခြေစွမ်းမပြနိုင်ခဲ့ဘဲ ထိုကစား ကွက်အစား ၄-၂-၃-၁ ကို ပြောင်းလဲအသုံး ပြုရာ၌ ဂရေ့ဇ်မန်းခြေစွမ်းပြနိုင် ခဲ့သည်။ ဂျီရော့ဒ်မှာ အယောင်ပြတိုက်စစ်မှူးဖြစ်လာခဲ့ပြီး ဂရေ့ဇ်မန်းကို လှုပ်ရှားခွင့်ပြုချိန်တွင် တိုက်စစ်ကစားပုံကောင်းမွန်လာခဲ့ကာ ဂျာ မနီ ကဲ့သို့အသင်းမျိုးကို ၂-ဝ ဂိုးဖြင့်နိုင်ပွဲရ ခဲ့သည်။ ဆီမီးဖိုင်နယ်၌ နည်းပြဒက်ချမ့် သည် အိုဇေးလ်နှင့် တိုနီခရူးစ်တို့၏ ကွင်း လယ်မောင်းနှင်အား ကို နေရာလွတ်ပေးခဲ့သည်ဆိုသော်လည်း ပေါ့ဘာ၊ မက်တူရီဒီတို့ ခံစစ် ကိုလိုက်ပါကစားပေးနိုင်ခဲ့၍ ဂျာမနီ တိုက်စစ်မှူးများ ဂိုးရရန်ရုန်းကန်ခဲ့ရသည်။

ပေါ်တူဂီနှင့်ပွဲတွင်လည်း ဒက်ချမ့်သည် ဂျာမနီကိုရင်ဆိုင်ခဲ့သည့်ပွဲက လူစာရင်း အ တိုင်းပင် အပြောင်းအလဲမရှိပွဲထွက်လာပေ လိမ့်မည်။ ပေါ်တူဂီ တိုက် စစ်ဖွင့်ကစားချိန်တွင် ကာဗယ်ဟို၏တိုက်စစ်လိုက်ပါကစား မှုကြောင့် လေးယောက်တန်းထားသည့် ပေါ်တူဂီခံစစ်ရှေ့တွင် အားနည်း သွားပြီး ပြင်သစ်အသင်းဖြတ်တင်ဘောများမှ အခွင့် အရေးရယူ သွားနိုင်သည်။ ပေါ်တူဂီအသင်း ကလည်း အီဗရာနှင့် ဆက်ဂ်နာတို့၏တိုက် စစ်အလွန်အကျွံလိုက်ပါကစားမှုကို အသုံး ချပြီး ဂိုးရရန်ပြင်ဆင်လာပေမည်။ ထူးခြား မှုမှာ ဆီမီးဖိုင်နယ်ပွဲစဉ်များတွင် ပြင်သစ်က ပင်နယ်တီဂိုး၊ ပေါ်တူ ဂီက ထောင့်ကန်ဘော မှ ခေါင်းတိုက်ဂိုးများရယူထားခြင်းကြောင့် အလွတ်တည်ကန်ဘောများကို နှစ်သင်းစ လုံးသတိပြုရပေလိမ့်မည်။ ပရိသတ်စိတ်ဝင် စားမှုအမြင့်ဆုံးဖြစ်သည့် ဗိုလ်လုပွဲဖြစ်သည် နှင့်အညီ ဥရောပဗိုလ်ဖြစ်ရန် နည်းပြနှစ်ဦး ၏ နည်းဗျူဟာပြိုင်ပွဲဖြစ်လာပေလိမ့်မည်။

AST

‪#‎democracytoday‬
Yangon Media Group

ရန်ကုန်တိုင်းဒေသကြီးအတွင်း အသက်မပြည့်သေးသော ကလေးများနှင့် ဆယ်ကျော်သက်လူငယ်များ ကော်ရှူမှုများနှင့် ဖိနပ်သားရေများမီးရှို့ကာ မူးယစ်ဆေးအဖြစ် အသုံးပြုမှုများ ယခင်ထက် ပိုမိုမြင့် တက်လာသည်ဟု ရန်ကုန်တိုင်းဒေသကြီး ရဲတပ်ဖွဲ့မှူးရုံးမှ သိရှိရသည်။

အသက်မပြည့်သည့်ကလေးများ ကော်ရှူခြင်း၊ ဖိနပ်သားရေများကို မီးရှို့ကာ မူးယစ်ဆေးဝါးအဖြစ် သုံးစွဲလာကြ သည့်အပြင် လူငယ်များအနေဖြင့် အများ ပြည်သူအသုံးပြုမှုများသော လမ်းများအနီး၌ပင် ဆေးထိုးအပ်ဖြင့် မူးယစ်ဆေးသုံးစွဲမှုများလည်း ရှိနေသည်ဟု သိရသည်။

''အရင်ကဆိုရင် မူးယစ်ဆေးကို စိတ်ကြွဆေးပြားတွေ၊ ဘိန်းနဲ့ အမျိုးအစား ပေါ်မူတည်ပြီး ခွဲခြားထားပါတယ်။ ဒါပေမဲ့ အခုနောက်ပိုင်းမှာ ကလေးတွေအနေနဲ့ အမှိုက်ကောက်ရင်း ကော်ဘူးကို မီးရှို့ပြီး ရှူတာတွေနဲ့ သားရေဖိနပ်တွေကို မီးရှို့ပြီး မူးယစ်ဆေးအဖြစ် အသုံးပြုလာတာတွေ ပါရှိလာတယ်။ ဒါတွေဟာ ကလေးတွေ အတွက် အနာဂတ်မကောင်းသလို ပျက်စီးမှုတွေလည်း အရမ်းရှိတယ်။ အဲဒီအတွက်လည်း မူးယစ်ဆေးဝါး နဲ့ပတ်သက်တဲ့ အဖွဲ့အစည်းအသီးသီးက လုပ်ဆောင်နေပါတယ်။ ဒါပေမဲ့ အရမ်းကျယ်ပြန့်ထိရောက် မှုမရှိသေးဘူး''ဟု ရန်ကုန်တိုင်းဒေသကြီး မှုခင်းရဲတပ်ဖွဲ့ရုံးမှ အကြီးတန်းအရာရှိကြီးတဦးက ပြောသည်။

ယင်းသို့ မူးယစ်ဆေးဝါးများ သုံးစွဲမှုနှင့်ပတ်သက်ပြီး ရန်ကုန်တိုင်းဒေသကြီး ရဲတပ်ဖွဲ့နှင့် မူးယစ် ဆေးဝါးပပျောက်ရေး အဖွဲ့အစည်းများ လက်ရှိတွင် ပူးပေါင်းဆောင်ရွက်မှုများပြုလုပ်နေပြီး အသက်မပြည့် သော ကလေးငယ်များ မူးယစ်ဆေးဝါးသုံးစွဲမှုလျော့ကျနိုင်စေရန်နှင့် ပပျောက်စေရန် အဓိက ထားဆောင်ရွက်သွားမည်ဟု သိရသည်။

အသက်မပြည့်သည့် ကလေးများ ကော်ရှူမှုများနှင့် သားရေများကို မီးရှို့ပြီး မူးယစ်ဆေးအဖြစ် အသုံးပြုမှုများသည် ရန်ကုန်တိုင်းဒေသကြီးအတွင်း လှိုင်သာယာ၊ မြောက်ဒဂုံ၊ ကြည့်မြင်တိုင်တဖက်ကမ်းနှင့် ဒလမြို့နယ်များတွင် အများဆုံးရှိနေကြောင်း သိရသည်။

ထက်ဝေနှင်း၊ စန်းလင်းရွှေ
News Watch(စောင့်ကြည့်သတင်းဂျာနယ်)



ရန်ကုန်မြို့ ဆီဒိုးနားဟိုတယ်မှာ မြန်မာနိုင်ငံမူစလင်စီးပွားရေးလုပ်ငန်းရှင်များအသင်းက ဦးဆောင်ကျင်းပတဲ့ အစ်နေ့အထိမ်းအမှတ် ဘာသာပေါင်းစုံ ညစာစားပွဲကို တက်ရောက်လာတဲ့ ဝန်ကြီး သူရဦးအောင် ကို ဇူလိုင်လ ၉ ရက်နေ့ညက တွေ့ရစဉ်။ Photo: Htet Arkar/RFA
အမျိုးဘာသာသာသနာစောင့်ရှောက်ရေးအဖွဲ့ မဘသ ဗဟို က တောင်းဆိုထားတာကို အစိုးရအနေနဲ့ ဖြေရှင်းပေးဖို့ မလိုအပ်ဘူးလို့ သာသနာရေးနဲ့ ယဉ်ကျေးမှုပြည်ထောင်စုဝန်ကြီး သူရဦးအောင်ကိုက RFA ကို ပြောပါတယ်။

မနေ့ညက ရန်ကုန်မြို့ ဆီဒိုးနားဟိုတယ်မှာ မြန်မာနိုင်ငံမူစလင်စီးပွားရေးလုပ်ငန်းရှင်များအသင်းက ဦးဆောင်ကျင်းပတဲ့ အစ်နေ့အထိမ်းအမှတ်ဘာသာပေါင်းစုံ ညစာစားပွဲကို တက်ရောက်လာတဲ့ ဝန်ကြီး သူရဦးအောင်ကို ကို RFA ကမေးမြန်းရာမှာ ဝန်ကြီးက အခုလို ဖြေကြားခဲ့တာဖြစ်ပါတယ်။

"ဒီမိုကရေစီမှာ လွတ်လပ်စွာသဘောကွဲလွဲပိုင်ခွင့်ရှိတယ်ဆို ဖြေရှင်းစရာမလိုဘူး ထင်ပါတယ်"

ဝန်ကြီးချုပ်ဦးဖြိုးမင်းသိန်းက မြန်မာနိုင်ငံမှာ မဘသအဖွဲ့မလိုကြောင်း ပြောကြားခဲ့တဲ့အပေါ် အစိုးရနဲ့ NLD ပါတီက ဇူလိုင်လ ၁၄ ရက်နေ့မတိုင်ခင်ဖြေရှင်းပေးဖို့ မဘသအဖွဲ့ဗဟိုက တောင်းဆိုထားတာ ဖြစ်ပါတယ်။

အစိုးရအနေနဲ့မဖြေရှင်းဘူးဆိုရင် ဆန္ဒပြပွဲတွေနဲ့လက်မှတ်ကောက်ခံတာတွေ လုပ်ဆောင်သွားဖို့ရှိတယ်လို့လည်း မဘသအဖွဲ့က ပြောထားပါတယ်။

RFA Burmese
http://www.rfa.org/burmese



 ထိပ်တန်း အရာရှိတွေ ကြားဝင် ဖြေရှင်း ခဲ့ပေမယ့် သဘောတူမှု မရရှိခဲ့။
အလုပ်သမား သပိတ် ဖြစ်ပေါ် နေတာ တစ်လ ကျော် ကြာနေပြီ ဖြစ်တဲ့ ပလိပ်မြို့ ပန်ဒါ အထည်စက်ရုံ က အလုပ်ရှင် အလုပ်သမား ကြား ပြဿနာကို အစိုးရ ထိပ်တန်း အရာရှိတွေ ကြားဝင် ဖြေရှင်း ခဲ့ပေမယ့် သဘောတူမှု မရရှိ ခဲ့ကြ ပါဘူး။

အစိုးရ ဝန်ထမ်း ရပိုင်ခွင့် တွေ အတိုင်း ရရှိဖို့ အလုပ် သမားတွေ ရဲ့ တောင်းဆိုမှု ကို အလုပ်ရှင် တွေ ဘက်က မလိုက် လျော နိုင် ဖြစ်နေတာပါ။

အရင်တုန်းက အစိုးရပိုင် စက်မှု ၁ လက်အောက် မှာ ရှိတဲ့ အမှတ် ၂ အထည်စက်ရုံ ကို ပန်ဒါ ကုမ္ပဏီက အနှစ် ၃၀ ငှားရမ်း ပြီး လုပ်ကိုင် နေတာ ဖြစ်ပါတယ်။

ဒီလို ပုဂ္ဂလိက လုပ်ငန်း အဖြစ် အလွှဲအပြောင်း အချိန်တုန်းက လျော်ကြေး ပင်စင် ရရှိ ပြီး ဖြစ်တဲ့ အတွက် စက်ရုံ အလုပ်သမား တွေကို အစိုးရ ဝန်ထမ်း တွေ အတိုင်း အခွင့်အရေး တွေ ပေး စရာ မလိုအပ် ဘူး ဆိုပြီး ကုမ္ပဏီ ဘက်က ဘီဘီစီ ကို ပြောပါတယ်။

တခါ၊ အလုပ်သမားတွေ ဘက်က လည်း အစိုးရနဲ့ ပန်ဒါ တို့ ချုပ် ခဲ့တဲ့ လုပ်ငန်း လွှဲပြောင်းစာချုပ် ထဲမှာကို အတူ လိုက်ပါ လာတဲ့ ဝန်ထမ်း တွေကို မူလ အခွင့်အရေး များ အတိုင်း ပေးရမယ် ဆိုတဲ့ အချက် ပါဝင် နှင့်ပြီး ဖြစ်တယ်လို့ ထောက်ပြ နေကြပါတယ်။

ဇူလိုင်လ ၉ ရက်နေ့ က ညှိနှိုင်း ပွဲမှာတော့ အလုပ်သမား ဝန်ကြီးဌာန အမြဲတန်း အတွင်းဝန် ဦးမျိုးအောင်နဲ့ စက်မှု ဝန်ကြီးဌာန ဦးဆောင် ညွှန်ကြားရေးမှူး ဒေါက်တာစိုးလှိုင်တို့ ရှိ နေခဲ့ကြ ပေမယ့် လည်း ပြေလည် မှု တစုံတရာ မရရှိပဲ ပြီးဆုံး ခဲ့ပါတယ်။

အလုပ်သမား အခွင့်အရေး တောင်းဆိုမှုကြောင့် အစောပိုင်း က အလုပ် ဖြုတ် ခံထားရတဲ့ အလုပ်သမား ၂၂ ယောက် အလုပ် ပြန်ခန့်ရေး ကိုလည်း အလုပ်ရှင် ဘက်က သဘော မတူ တဲ့ အတွက် အလုပ်သမား တွေဘက်က သပိတ် ဆက်လက် မှောက် နေကြဆဲ ဖြစ်ပါတယ်။

BBC Burmese
http://www.bbc.com/burmese


Breaking news on 9July2016

ထိုင်းဝမ်နိုင်ငံ မြေအောက်မီးရထား ဘူတာဗုံးခွဲ သူလင်ယင်ချန်း Lin Ying-chang အသက်(၅၅) နှစ်ကို ထိုင်ဝမ်ရဲတွေက တရားခံ စထွက်လာတဲ့နေရာကနေ နောက်ဆုံး ရထားပေါ်မှာ ပေါက်ကွဲစေတဲ့ ပစ္စည်းအိပ် ထားတဲ့အထိ CCTV နဲ့ မှတ်တမ်းတင်ထားတာကို ထိုင်ဝမ် ရဲတပ်ဖွဲ့ က သတင်းစာရှင်းလင်းပွဲမှာ ထုတ်ဖေါ်ပြသခဲ့ပါတယ်။

လင်ယင်ချန်းဟာဒဏ်ယာရလူနာ(၂၅)ယောက်ထဲမှာ ရောပါသွားခဲ့ပြီး ဆေးရုံမှာ နောက်ဆုံး ဖမ်းမိခဲ့ပါတယ်။

ကင်ဆာရောဂါခံစားရတဲ့ လင်ဟာ ခွေးတကောင် နဲ့ ကားတစီး နဲ့  နောက်ဆုံး အလုပ်အကိုင်လက်မဲ့ ဖြစ်နေရင်း ဗုံးပေါက်တဲ့အထဲမှာ သူပါသွားပြီး ဒဏ်ယာရမယ်ဆိုရင် အစိုးရဆီကနေ လျော်ကြေးငွေနဲ့  ဆေးကုသခွင့်ရနိုင်တာကြောင့် အကြွေးတင်နေတာတွေလည်း ပြန်ဆပ်နိုင်မှာဖြစ်တယ်လို့  တရားခံက တွက်ကိန်းနဲ့  လုပ်ခဲ့တာလို့  ထိုင်ဝမ်နိုင်ငံက လာတဲ့ သတင်းတွေမှာရေးသား ဖေါ်ပြနေတာတွေ့ ရပါတယ်။


တရားခံဟာ ပွဲတော် တွေ မှာ ဖေါက်တဲ့ မီးရူးမီးပန်း ကို စုထုတ်ပြီး ဖေါက်ခွဲခဲ့ တာဖြစ်တယ်လို့ သိရပါတယ်။

Social Action for Women - SAW


ဇူလိုင်လ ၉ ရက် စနေနေ့ညက စင်္ကာပူနိုင်ငံ Yishun Street 22 ရှိ Block 279 ၏ ၆ လွှာတွင် လူသေအလောင်းတစ်လောင်း တွေ့ရှိခဲ့ပြီး အဆိုပါ လူသေမှုနှင့်ပတ်သက်၍ မသင်္ကာသူ အသက် ၂၀ အရွယ် ယောက်ျားလေးတစ်ဦးကို ဖမ်းဆီးထားကြောင်း စင်္ကာပူရဲဌာနမှ သတင်းထုတ်ပြန်ထားပါတယ်။

ဖြစ်စဉ်အကျဉ်းမှာ...
ရဲဌာနမှ ဇူလိုင်လ ၉ ရက် ည ၇ နာရီ ၅၇ မိနစ်ခန့်တွင် အကူအညီတောင်းခံမှု တစ်ခုရရှိခဲ့ပါတယ်။ အဲဒီနောက် အခင်းဖြစ်ပွားရာနေရာသို့ ဆေးဘက်အကူအဖွဲ့နဲ့အတူ ရောက်ရှိခဲ့ပြီး ည ၈ နာရီ ၂၉ မိနစ်တွင် အသက် ၂၆ နှစ်အရွယ် အမျိုးသားတစ်ဦးမှာ အသက်မရှိတော့ကြောင်း အတည်ပြုခဲ့ကြပါတယ်။

အခင်းဖြစ်ပွားခဲ့ရာ Blk 279 ၏ ၅ လွှာတွင် နေထိုင်သော အသက် ၄၂ နှစ်အရွယ် Mr Din ရဲ့  ပြောကြားချက်အရ ည ၇ နာရီ ၄၅ မနစ်ခန့်တွင် ၀ုန်းဆိုတဲ့ အသံကျယ်ကြီး ကြားခဲ့ရကြောင်း၊ ဒါပေမယ့် ဘာဖြစ်သွားခဲ့တယ်ဆိုတာတော့ တိတိပပ မသိလိုက်ကြောင်း သိရပါတယ်။

"၀ုန်းဆိုတဲ့အသံကျယ်ကြီးကြားလိုက်ရတယ်ဗျာ။ ကြမ်းပြင်ပေါ် တစ်ခုခုပြုတ်ကျလာတဲ့အသံပဲဗျ။ အသံကတော့ တော်တော်ကိုကျယ်တယ်။ အစပထမတော့ ကျွန်တော်လည်း အိမ်နီးနားချင်းတွေ ပစ္စည်းတစ်ခုခု ရွှေ့နေတယ်လို့ ထင်ခဲ့မိတယ်ဗျာ" လို့ Mr Din က သတင်းထောက်များကို ပြောပါတယ်။

အဆိုပါ ဇူလိုင်လ ၉ ရက် နံနက်ပိုင်းမှာပဲ စင်္ကာပူနိုင်ငံ Gaylang အရပ်က Geylang Lorong 23 လမ်းပေါ်မှာ အသက် ၅၂ အရွယ်ရှိ အမျိုးသားတစ်ဦး အသတ်ခံခဲ့ရပါသေးတယ်။ စင်္ကာပူရဲဌာနကတော့ သွေးရိုးသားရိုးသေဆုံးမှုမဟုတ်တဲ့ အဆိုပါ လူသေမှုဖြစ်စဉ်အတွက် ဆက်လက်ပြီးစုံစမ်းစစ်ဆေးနေကြောင်း သိရပါတယ်။

Ref: CNA
စလုံး Page
www.facebook.com/SaloneCollection


ဇူလိုင် ၉ရက်၊ ၂၀၁၆ခုနှစ်။ ကေအိုင်စီ

ကရင်အမျိုးသားလွတ်မြောက်ရေးတပ်မတော်(KNLA) တပ်မဟာ(၆)၊ တပ်ရင်း(၁၈)မှ တပ်ထောက်မှူးဖြစ်သူ စောလောင်အဲကို သတ်ခဲ့သူ သားအဖနှစ်ဦးအား ဇူလိုင်လ ၈ရက်နေ့၊ နံနက် ၈နာရီကျော်တွင် ဖမ်းဆီးရမိခဲ့သည်ဟု ကရင်အမျိုးသားရဲတပ်ဖွဲ့ (KN PF)၏ ဒူးပလာယာခရိုင် ဒုရဲမှူးဗိုလ်အကျော်က ကေအိုင်စီသို့ ပြောသည်။

ဖခင်ဖြစ်သူ အသက်(၆၀)ကျော် စောဒို့ကိုးနှင့် ၃၂နှစ်အရွယ် သားဖြစ်သူ စောဖားလေးလိုတို့နှစ်ဦးကို ကရင်အမျိုးသားကာကွယ် ရေးအဖွဲ့(KNDO) တပ်ရင်း(၆)မှ တပ်ခွဲ(၃) ဗိုလ်ကြီးစောမြင့်စိုး ဦးဆောင်သောအဖွဲ့က ကော့ကရိတ်မြို့နယ် မဲ့သယ်ကျေးအုပ်စု၊ ရသေ့ကျောင်းတွင် သွားရောက်ဖမ်းဆီးခဲ့ခြင်းဖြစ်သည်။

“သူတို့ သားအဖနှစ်ဦးကို ရသေ့ကျောင်းမှာ သွားဖမ်းမိတဲ့အချိန်မှာ အဖြူရောင်ဝတ်နေပြီ။ သူ့အဖေကတော့ လေဖြတ်လို့ အခုဆို စကားမပြောတတ်တော့ဘူး။ သူ့သားကို ကျနော်တို့မေးတာ့ ဗိုလ်လောင်အဲက သူတို့သားအဖကို အချိန်အခါမမှန် နွားလွှတ်ဖို့ခိုင်း တာကို ဒေါသဖြစ်မိလို့ ဓါးနဲ့ ခုတ်မိတာလို့ ပြောပါတယ်”ဟု ဒုရဲမှူးဗိုလ်အကျော်က ပြောသည်။

လက်ရှိအချိန်တွင် အဆိုပါ သားအဖနှစ်ဦးကို ကော့ကရိတ်မြို့နယ် ကရင်အမျိုးသားရဲတပ်ဖွဲ့(KNPF) ရုံးတွင် ဖမ်းဆီးထိန်းသိမ်း ထားပြီး ကရင်အမျိုးသားအစည်းအရုံး(ကေအဲန်ယူ) ဥပဒေအရ စစ်ဘက် သို့မဟုတ် အရပ်ဘက်ခုံရုံးသို့ စစ်ဆေးခံကာ အရေးယူ သွားရန် တင်ပြထားသည်ဟု သိရသည်။

KNLA တပ်မဟာ(၆)၊ တပ်ရင်း(၁၈)မှ အသက် ၅၀ အရွယ် တပ်ထောက်မှူးဖြစ်သူ စောလောင်အဲ ငှားရမ်းထားသည့် အလုပ်သ မား သားအဖနှစ်ဦးသည် ၎င်းအား ဓားဖြင့် ခုတ်သတ်ကာ ထွက်ပြေးလွတ်မြောက်ပြီး ရက်သတ္တလေးပတ်အကြာတွင် ယခုလို ဖမ်းဆီးရမိခြင်းဖြစ်သည်။

 ကေအိုင်စီ
http://kicnews.org

ရန်ကုန် ဇူလိုင် ၉

"အဖေဆုံးတော့ ကျွန်တော်က ရှစ်လသားပဲ ရှိသေးတာ၊ အဖေ့အကြောင်းကို ကျောင်းတက်တဲ့အရွယ်ကျမှ သိခဲ့ရတာ၊ အာဇာနည်နေ့ ရောက်တိုင်း အမေက အမြဲတမ်း အာဇာနည်ကုန်းကို ခေါ်သွားတယ်ဒဒဟု ဗိုလ်ချုပ်အောင်ဆန်း၏ အစ်ကို ဦးဘဝင်း၏ သားအငယ်ဆုံး ဖြစ်သူ ဦးထွေးဝင်းက ပြောသည်။

အာဇာနည်ခေါင်းဆောင်ကြီး ဦးဘဝင်း၏ သားအငယ်ဆုံးဖြစ်သူ ဦးထွေးဝင်း သည် လက်ရှိအချိန်တွင် အသက် ၇ဝ အရွယ်ရှိပြီး သား သမီး မြေးများနှင့်အတူ ရန်ကုန်မြို့ တက္ကသိုလ်ရိပ်သာလမ်း အမှတ်-၅(ခ)တွင် နေထိုင်လျက်ရှိသည်။

"အဖေက ညီတွေရော၊ သူ့ပတ်ဝန်းကျင်က လူတွေရော ယောက်ျားဆန်စေချင် တယ်။ မြင့်မြတ်တဲ့ စိတ်မျိုးထားစေချင်တယ်။ အမြဲတမ်းပဲ သွန်သင်ဆုံးမခဲ့တယ်ဒဒဟု ဖခင်ဦးဘဝင်းနှင့် ပတ်သက်ပြီး မိခင်ဖြစ်သူပြန်လည်ပြောပြခဲ့သည်များကို ဦးထွေးဝင်းက ပြောပြသည်။

အာဇာနည်ခေါင်းဆောင်ကြီးများ ကျဆုံးပြီးနောက်ပိုင်း သမ္မတကြီး မန်းဝင်း မောင်၊ ဝန်ကြီးချုပ် ဦးနုတို့ဦးဆောင်ပြီး အာဇာနည်နေ့ အခမ်းအနားသို့ နှစ်စဉ် တက်ရောက် အလေးပြုခဲ့ကြောင်း၊ ဦးနေဝင်းလက်ထက်တွင် အစပိုင်း ၎င်းကိုယ်တိုင် တက်ရောက် အလေးပြုခဲ့သော်လည်း နောက်ပိုင်းတွင် ယဉ်ကျေးမှုဝန်ကြီးနှင့် မြို့တော်ဝန် အဆင့်လောက်နှင့်သာ အာဇာနည်နေ့ အခမ်းအနားကို ကျင်းပခဲ့ ကြောင်း ဦးထွေးဝင်းက ပြောသည်။

အာဇာနည်ခေါင်းဆောင်ကြီးများ ကျဆုံးပြီးနောက်ပိုင်း ကျန်ရစ်သူ ဇနီးသည်များအား လုပ်ကိုင်စားသောက်နိုင်ရန် BOC ကုမ္ပဏီမှ ဆီရောင်းချခွင့်ပါမစ်ချပေးခဲ့ကြောင်း၊ မြေ နေရာကို ကိုယ်ပိုင်ငွေဖြင့် ဝယ်ယူစေခဲ့ကြောင်း၊ ဦးနေဝင်း တက်လာပြီးနောက်ပိုင်းတွင် အဆိုပါ ဓာတ်ဆီဆိုင်နှင့် မြေနေရာ ကို ပြည်သူပိုင်အဖြစ် သိမ်းယူပြီး ထောက်ပံ့ငွေတစ်လငွေကျပ် ၁ဝဝဝ ပေးခဲ့ကြောင်း အာဇာနည်ခေါင်းဆောင်ကြီးများ၏ မိသားစုများထံမှ သိရသည်။

"BOC က ချပေးတဲ့ ဓာတ်ဆီဆိုင်ပါမစ်ကို ဒေါ်ခင်ကြည် က မယူခဲ့ဘူး၊ ရဲဘော် ကိုထွေးလည်းမရဘူး၊ ကျန်တဲ့ခေါင်းဆောင် တွေရဲ့ မိသားစုဝင်တွေတော့ရတယ်။ အဲဒီတုန်းကတော့ အဆင် ပြေတာပေါ့၊ ပြည်သူပိုင်သိမ်းပြီးနောက်ပိုင်း စီးပွားရေးကျပ်လာ ကြတယ်။ ပြန်ရဖို့အတွက် အကြိမ်ကြိမ်ပြန်လျှောက်ခဲ့တယ်။ မရခဲ့ပါဘူးဒဒဟု ဦးထွေးဝင်းက အတိတ်အကြောင်းကို ပြန်ပြောင်း ပြောပြသည်။

အာဇာနည်ခေါင်းဆောင်ကြီး ဦးဘဝင်း ကွယ်လွန်ချိန်တွင် ဇနီးသည်နှင့် သားသမီး ခြောက်ဦးကျန်ရစ်ခဲ့ပြီး အစိုးရက ထောက်ပံ့ကြေးငွေတစ်သိန်းပေးအပ်ခဲ့ရာ အဆိုပါငွေများ မပျောက်ပျက်စေရန်အတွက် မြန်မာ့အလင်း ဦးတင်တို့ ပါဝင် သည့်အမွေထိန်းအဖွဲ့က ထိန်းသိမ်းစောင့်ရှောက်ပေးခဲ့ကြောင်း ဦးထွေးဝင်းထံမှ သိရသည်။

"အဖေဆုံးတဲ့အချိန် အမေကငယ်သေးတော့ အမွေထိန်းနဲ့ နေခဲ့ရတာ၊ အမွေထိန်းက အားလုံးကိုထိန်းသိမ်းစောင့်ရှောက်ပေးထားတယ်ဒဒဟု ဦးထွေးဝင်းက ပြောသည်။
"အခုတော့ အစိုးရကလည်း ပြောင်းသွားပြီ၊ အာဇာနည် နေ့နဲ့ပတ်သက်ပြီး ခမ်းခမ်းနားနား လုပ်ကြတာပေါ့၊ ဒါ ကောင်းပါ တယ်ဒဒဟု ဦးထွေးဝင်းက ပြောသည်။

အာဇာနည်ခေါင်းဆောင်ကြီးများ မြှုပ်နှံထားသည့် အာဇာနည်ဗိမာန်တွင် နိုင်ငံ့တာဝန်ထမ်းဆောင်ခဲ့သည့် ဦးတင်ထွဋ်၊ ဗိုလ်စိန်မှန်တို့ အုတ်ဂူများ ယခင်ကရှိခဲ့သော် လည်း ဗုံးခွဲခံရပြီးနောက်ပိုင်း အဆိုပါအုတ်ဂူများအား မည်သည့် နေရာတွင် ရွှေ့ပြောင်းလိုက်သည်ကို မသိလိုက်ရသည့်အတွက် စိတ်မကောင်းဖြစ်မိကြောင်းလည်း ဦးထွေးဝင်းက ဆိုသည်။

ဖခင်ဖြစ်သူ ဦးဘဝင်းနှင့်ပတ်သက်၍ အမှတ်တရ ဖြစ်စရာ များကို သားဖြစ်သူ ဦးထွေးဝင်း က ဒဒအဖေက သနားဖို့ကောင်း တယ်။ကောလိပ်ကျောင်း နှစ်နှစ်လောက်တက်ပြီး အလုပ်ဝင် ခဲ့တာ၊ ညီတွေဖြစ်တဲ့ ဗိုလ်ချုပ်အောင်ဆန်းနဲ့ ဦးအောင်သန်း ကို ထောက်ပံ့ပေးခဲ့တယ်။ ဗိုလ်ချုပ်အောင်ဆန်းဆို ငါးတန်း ကနေ ဆယ်တန်းအထိ ထောက်ပံ့ပေးခဲ့တယ်။ ဗိုလ်ချုပ်ကို ခေါ်ပြီး အင်္ဂလိပ်ရုပ်ရှင်ကားတွေ သွားကြည့်တယ်။ပြီးရင် ဘာသာပြန်ခိုင်းတယ်ဒဒဟု ပြောပြသည်။

အာဇာနည်ခေါင်းဆောင်ကြီး ဦးဘဝင်း ကွယ်လွန်ချိန် တွင် သားသမီးခြောက်ဦး ကျန်ရစ်ခဲ့ပြီး မိခင်ဖြစ်သူ၏ ထိန်းကျောင်းမှုဖြင့် သားငယ်ဖြစ်သူ ဦးထွေးဝင်းမှအပ ကျန်သားသမီး ငါးဦးမှာ နိုင်ငံ့ဝန်ထမ်းတာဝန်များကို ထမ်းဆောင်ခဲ့ကြကြောင်း၊ လက်ရှိတွင် မိခင်ဖြစ်သူနှင့် အစ်မအကြီးဆုံးဖြစ်သူတို့မှာ ကွယ်လွန်သွားခဲ့ပြီး ညီအစ်ကို မောင်နှမငါးဦးသာ ကျန်ရှိကြောင်း သိရသည်။

သတင်း - မင်းသစ်(သတင်းစဉ်)၊ ဇော်ကြီး(ပဏီတ)၊ ဓာတ်ပုံ - ဇော်မင်းလတ်
MOI Webportal Myanmar

နိုင်ငံတော်သမ္မတ ဦးထင်ကျော်ဟာ အာရှ-ဥရောပ ထိပ်သီးဆွေးနွေးပွဲတက်ရောက်ဖို့ မကြာခင် မွန်ဂိုလီးယားနိုင်ငံ၊ အူလန်ဘာတာမြို့ကို သွားရောက်မယ်လို့ အစိုးရက သတင်းထုတ်ပါတယ်။

မွန်ဂိုလီးယားသမ္မတ H. E. Mr. ELBEGDORJ Tsakhia ရဲ့ ဇွန်လလယ် မြန်မာပြည်ချစ်ကြည်ရေးခရီးစဉ်အတွင်း အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုလည်း အာရှ-ဥရောပ ထိပ်သီးစည်းဝေးပွဲတက်ဖို့ ဖိတ်ကြားခဲ့ပေမယ့် အခုတော့ သမ္မတဦးထင်ကျော်ပဲ တက်ရောက်မှာ ဖြစ်ပါတယ်။

မွန်ဂိုးလီးယားသမ္မတဟာ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ပုဂ္ဂိုလ်ရေးရင်းနှီးမှုရှိသူတဦးဖြစ်ပြီး မြန်မာပြည်ခရီးစဉ်အတွင်း ဒေါ်စုနဲ့ ဒီမိုကရေစီ အသွင်ကူးပြောင်းရေးနဲ့ တရားဥပဒေ စိုးမိုရေး လုပ်ငန်းတွေ၊ သယံဇာတနှင့် သဘာဝ အရင်းအမြစ် ထိန်းသိမ်းရေးကဏ္ဍ၊ သတ္တုကဏ္ဍ၊ ဒီမိုကရေစီ အစဉ်အလာကောင်းနဲ့ တာဝန်သိ တာဝန်ကျေပွန်သော မီဒီယာများ၏ အခန်းကဏ္ဍ စတာတွေ အပါအ၀င် ကဏ္ဍ ၇ ခုကို ဆွေးနွေးခဲ့ပါတယ်။
DVB TV News

ပြီးခဲ့သည့် ၁၀ နှစ်အတွင်း မြန်မာနိုင်ငံ၏ ဘိန်းထုတ်လုပ်မှုမှာ မြင့်တက်လာနေပြီး ဘိန်းစိုက်ဧကမှာ ၂၀၀၆ နှင့် နှိုင်းယှဉ်ပါက နှစ်ဆခန့်အထိ တိုးလာသည်။ မြန်မာနိုင်ငံ၏ ဘိန်းစိုက် ဧရိယာမှာ တစ်ကမ္ဘာလုံး ဘိန်းစိုက်ဧရိယာ၏ ၂၅ ရာခိုင်နှုန်းကျော်ရှိပြီး အာဖဂန်နစ္စတန်ပြီးနောက် ဒုတိယမြောက် ဘိန်းထုတ်လုပ်မှု အများဆုံးနိုင်ငံ ဖြစ်သည်ဟု ကုလသမဂ္ဂစာရင်းများတွင် ဖော်ပြသည်။

မြန်မာနိုင်ငံတွင် ဘိန်းစိုက်ပျိုးမှုအများစုကို တရုတ်၊ ထိုင်း၊ လာအိုတို့နှင့် ထိစပ်နေသော ရှမ်းပြည်နယ် ကုန်းမြင့်ဒေသရှိ ဆင်းရဲသော တောင်သူများက ပြုလုပ်ကြသည်။ ထိုဒေသမှာ တိုင်းရင်းသား တပ်ဖွဲ့များနှင့် ဗဟိုအစိုးရတို့ကြား ဆယ်စုနှစ်များစွာ လက်နက်ကိုင် ပဋိပက္ခများ ဖြစ်ပွားခဲ့သည့် နေရာလည်းဖြစ်သည်။

၂၀၁၂ တွင် ဒေသခံ သုတေသန သမားများပြုလုပ်ခဲ့သည့် စစ်တမ်းအရ ရှမ်းပြည်နယ်တွင် မြို့နယ် ၅၅ မြို့နယ်ရှိသည့်အနက် ၄၉ မြို့နယ်တွင် ဘိန်းစိုက်ပျိုးမှု ပြုလုပ်လျက်ရှိပြီး အိမ်ထောင်စု နှစ်သိန်းကျော် ပါဝင်ပတ်သက်မှု ရှိသည်ဟု တွေ့ရှိခဲ့သည်။ ဘိန်းစိုက်ရာမှ ရသည့်ဝေငွေက ဒေသခံ တောင်သူများအတွက် စားနပ်ရိက္ခာများ ဈေးကြီးကာ ရှားပါနေချိန်၊ လက်နက်ကိုင်တပ်ဖွဲ့များက အခွန်နှုန်းကြီးမြင့်စွာ ကောက်ခံနေချိန်၊ အစိုးရ ကျေးလက်ဖွံ့ဖြိုးရေးအတွက် ရင်းနှီးမြှုပ်နှံမှု နည်းပါးနေချိန်တွင် ရှင်သန်ရပ်တည်ရန် အထောက်အပံ့ ဖြစ်စေသည်။

နယ်စပ်ဒေသများတွင် မူးယစ်ဆေးမှာ အလွန်ကြီးမားသည့် ပြသ၁နာတစ်ရပ် ဖြစ်သည်။ ထိုဒေသတွင် ပြီးခဲ့သည့် ဆယ်စုနှစ်အတွင်း မူးယစ်ဆေး အလွန်အကျွံသုံးစွဲမှုကြောင့် သေဆုံးရသူ ဦးရေက စစ်ပွဲနှင့် ပဋိပက္ခများကြောင့် သေဆုံးရသူများထက် များစွာပိုမိုသည်။ ရှမ်းပြည်နယ်နှင့် ကချင်ပြည်နယ်တွင် မူးယစ်ဆေးသုံးစွဲမှု များပြားခြင်းက မြန်မာနိုင်ငံတွင် HIV / AIDS ဖြစ်ပွားမှု မြင့်မားစေသည့် အကြောင်းရင်း တစ်ရပ်ဖြစ်သည်။

ကမ္ဘာ့အစားအစာ အစီအစဉ် (WFP) ၏ ခန့်မှန်းချက်အရ ရှမ်းပြည်နယ် လူဦးရေ၏ ငါးပုံတစ်ပုံဖြစ်သော လူဦးရေ တစ်သန်းခန့်မှာ ကာလရှည် စားနပ်ရိက္ခာ မလုံလောက်မှုနှင့် ရင်ဆိုင်နေရသည်ဟု ဆိုသည်။ ဘိန်းစိုက်ပျိုးမှုမှရရှိသော ၀င်ငွေက တောင်သူများအတွက် စားနပ်ရိက္ခာ ၀ယ်ယူရန်နှင့် တစ်ခါတစ်ရံ အခြေခံ ကျန်းမာရေးနှင့် ပညာရေး အသုံးစရိတ်များအတွက် အထောက်အပံဖြစ်စေသည်။

ဘိန်းပင်သည် မြေသြဇာမကောင်းသည့် တောင်စောင်းဒေသများတွင်ပင် ကောင်းစွာ စိုက်ပျိုးနိုင်သဖြင့် ဆန်စိုက်ပျိုးရန် ခက်ခဲသည့် ကုန်းမြင့်ဒေသများအတွက် သင့်တော်သည့် သီးနှံတစ်ခုဖြစ်လျက်ရှိသည်။ တောင်ပေါ်ဒေသများတွင် စိုက်ပျိုးရန် သင့်တော်သည့် အခြားအပင်များဖြစ်သော သစ်သီးပင်များ၊ ကော်ဖီနှင့် လက်ဖက်တို့မှာ ၀င်ငွေရရန် နှစ်နှင့်ချီကြာမြင့်သော်လည်း ဘိန်းပင်မှာ လေးလအတွင်း ဘိန်းထုတ်နိုင်သည့်အဆင့်သို့ ရောက်ရှိနိုင်သည်။ ထို့ကြောင့် ကုန်းမြင့်ဒေသနေ တောင်သူများနှင့် ပဋိပက္ခများကြောင့် နယ်မြေသစ်သို့ ရွှေ့ပြောင်းခဲ့ရသူများအတွက် အကောင်းဆုံး ရွေးချယ် စိုက်ပျိုးစရာ ဖြစ်လာခဲ့သည်။

ဘိန်းမှာ ၀ယ်လက် အမြဲတမ်း ရှိနေသည်ကို တောင်သူများက သိရှိထားသဖြင့်လည်း စိုက်ပျိုးကြခြင်း ဖြစ်သည်။ အနောက်နိုင်ငံ ဈေးကွက်တွင် မြန်မာနိုင်ငံမှ ဘိန်းဖြူနေရာ၌ အာဖဂန်နှင့် တောင်အမေရိကမှ ဘိန်းဖြူများ အစားထိုး ၀င်ရောက်လာနေသော်လည်း ကမ္ဘာပေါ်တွင် ကြီးထွားနှုန်း အမြန်ဆုံး ဘိန်းဖြူဈေးကွက်ဖြစ်သော အိမ်နီးချင်း တရုတ်နိုင်ငံကြောင့် ဘိန်းဝယ်လိုအားမှာ မြင့်တက်နေဆဲ ဖြစ်သည်။

မြန်မာနိုင်ငံ ဘိန်းစိုက်ပျိုးမှုတွင် ဆင်းရဲမွဲတေမှုအပြင် နိုင်ငံရေးကလည်း တွန်းအားတစ်ခု ဖြစ်ကြောင်းကို သတိပြုရန် လိုအပ်သည်။ ဘိန်းကုန်သွယ်မှုသည် မြန်မာပြည်တွင်းစစ်အတွက် အထောက်အပံ့ပြုနေသည့် စီးပွားရေးတစ်ခု အဖြစ် ကာလရှည်ကြာ ရပ်တည်ခဲ့ပြီး အစိုးရကို ဆန့်ကျင်တိုက်ခိုက်နေသည့် တိုင်းရင်းသား လက်နက်ကိုင် တပ်ဖွဲ့အများအပြားအတွက် ၀င်ငွေရလမ်းဖြစ်ခဲ့သည်။

ပြီးခဲ့သည့် ဆယ်စုနှစ်အတွင်း တိုင်းရင်းသားတပ်ဖွဲ့များ ထိန်းချုပ်ထားသည့် နယ်မြေဧရိယာပမာဏ လျော့ကျလာသော်လည်း ဘိန်းစိုက်ပျိုးမှုမှာ မြင့်တက်လာနေပြီး အစိုးရ ထိန်းချုပ်နယ်မြေများတွင် စိုက်ပျိုးမှု ပိုမိုလာခဲ့သည်။

သဘာဝသယံဇာတ ကြွယ်ဝပြီး တရုတ်နိုင်ငံသို့ စီးပွားရေးတံခါးပေါက်ဖြစ်သော ရှမ်းပြည်နယ်ကို ထိန်းချုပ်ရန် အစိုးရ၏ အစီအစဉ်များတွင် ဘိန်းစိုက်ပျိုးမှုကလည်း တစ်စိတ်တစ်ပိုင်း ပါဝင်ခဲ့သည်။ ၁၉၈၀ နှောင်းပိုင်းမှစ၍ ဘိန်းစိုက်ပျိုးမှု တိုက်ဖျက်ခြင်းအစား ဘိန်းလုပ်ငန်းမှ ရသည့်ဝင်ငွေကို ယင်း၏ နိုင်ငံ တည်ဆောက်ရေး လုပ်ငန်းများတွင် အသုံးပြုခဲ့သည်။

ရှမ်းပြည်နယ်တွင် အခြေစိုက်သည့် အစိုးရတပ်များအား ဗဟိုထောက်ပံ့ရေးစနစ်အပေါ် မှီခိုမှုမပြုဘဲ ကိုယ်တိုင်ရပ်တည်ရန် ဘိန်းစိုက် တောင်သူများနှင့် ဘိန်းကုန်သည်များထံမှ အခွန်ကောက်ကာ ရပ်တည်ခဲ့ကြသည်။ ဘိန်းခင်းဖျက်ဆီးရေး တရားဝင် ဆောင်ရွက်မှုများအား အသုံးပြုကာ ဘိန်းစိုက်သူများကို ခြိမ်းခြောက်၍ “အကာအကွယ်ခ” တောင်းခံခြင်းများရှိခဲ့ပြီး ဖျက်ဆီးသည့် ဘိန်းခင်းဧရိယာ အချက်အလက်များကို ပြုပြင်တင်ပြခြင်းများ ရှိခဲ့သည့်အပြင် အထက်ပိုင်းတာဝန်ရှိသူများကလည်း တိကျစွာစစ်ဆေးမှုမရှိပေ။

တိုင်းရင်းသားဒေသများတွင် ယခင် စစ်အစိုးရက ဖွဲ့စည်းပေးထားသည့် အမျိုးမျိုးသော ပြည်သူ့စစ်အဖွဲ့များကို ထောက်ပံ့ရန် ဘိန်းလုပ်ငန်းကို အသုံးပြုခြင်းလည်း ရှိသည်။ ရှမ်းပြည်နယ်တစ်ဝန်းရှိ ရေနံနှင့် သဘာဝဓာတ်ငွေ့ ပိုက်လိုင်းနှင့် ဆည်ကဲ့သို့ စီမံကိန်းကြီးများကို ကာကွယ်ရန် ရာဘာစိုက်ခင်းကဲ့သို့ စိုက်ပျိုးရေး စီမံကိန်းကြီးများအတွက် မြေယာများသိမ်းယူရန် ပြည်သူ့စစ်များကို ဖွဲ့စည်းပေးခဲ့ခြင်း ဖြစ်သည်။

ပြည်သူ့စစ်များအား အစိုးရက တိုက်ရိုက်လစာပေးခြင်း မရှိသော်လည်း ယင်းတို့၏ တာဝန်ထမ်းဆောင်မှုအတွက် စီးပွားရေး အခွင့်အလမ်းများ ပြန်လည်ပေးအပ်ခဲ့ပြီး ဘိန်းစိုက်တောင်သူများကို အခွန်ကောက်ခံခွင့်၊ ဘိန်း အရောင်းအ၀ယ် ပြုလုပ်ခွင့်တို့ ပါဝင်သည်။ စစ်တပ် က တိုက်ရိုက်ပါဝင် ပတ်သက်ရန် မလိုဘဲ ဘိန်းစိုက်လုပ်ငန်းမှာ အခွန်နှင့် အကျိုးအမြတ်များ ဆန့်ကျင်ဘက် တိုင်းရင်းသားလက်နက်ကိုင်တပ်ဖွဲ့များလက်သို့ ကျရောက်မသွားစေရေး ထိန်းချုပ်နိုင်ရန် ပြည်သူ့စစ်များက ကြားခံအဖြစ် ဆောင်ရွက်ပေးသည်။

လက်ရှိ ရှမ်းပြည်နယ်တွင် ဘိန်းလုပ်ငန်းအား အဓိကလုပ်ကိုင်နေသူများမှာ စစ်တပ်က ကျောထောက်နောက်ခံ ပြုထားသည့် ပြည်သူ့စစ်များ ဖြစ်နေသည်။ ဘိန်းစိုက်ပျိုးမှု တိုက်ဖျက်ရေးအတွက် ပြင်းထန်သည့် မူဝါဒများ ချမှတ်ပါက အဓိက ထိခိုက်နစ်နာသူများမှာ စိုက်ပျိုးသူ တောင်သူများဖြစ်သော်လည်း ဘိန်းလုပ်ငန်းမှ ကြီးမားသော စီးပွားရေးနှင့် နိုင်ငံရေး အကျိုးအမြတ် ရရှိနေသူများမှာ တောင်သူများ မဟုတ်ပေ။

ဘိန်းလုပ်ငန်း၏ ပကတိအခြေအနေမှန်များဖြစ်သော လက်နက်ကိုင် ပဋိပက္ခများနှင့် ဆက်စပ်နေမှု၊ အမျိုးသား ရင်ကြားစေ့ရေးနှင့် စီးပွားရေး ဖွံ့ဖြိုး တိုးတက်မှုတို့နှင့် ဆက်စပ်နေမှုတို့ကို ပိုမိုနက်ရှိုင်းစွာ နားလည်ထားရန် လိုအပ်သည်။ ဘိန်းစိုက်ပျိုးမှုနှင့် ဆက်နွယ်နေသော နိုင်ငံရေး ပြသ၁နာများ ကို ဖြေရှင်းနိုင်ခြင်း မရှိပါက ဘိန်းစိုက်ပျိုးမှု တိုက်ဖျက်ရေးလုပ်ငန်းများမှာ အောင်မြင်မှုရနိုင်မည် မဟုတ်ပေ။

KHTun

The Ladies News Journal

“မန္တလေး ထောင်မှာနေတုန်းက ဆရာတော် ဦးဝီရသူ အဲဒီမှာရှိတယ်။ သူရှိမှန်းလည်း သိတယ်။ ကျနော် ရှိမှန်းလည်း သိတယ်။ သူနဲ့ ရင်းနှီးအောင် မကြိုးစားခဲ့ဘူး။ ဘာလို့လဲဆိုတော့ သူရေးတဲ့ စာအုပ် ဖတ်ကြည့်တဲ့အခါ အင်မတန် အစွန်းရောက်တယ်။ တိုင်းပြည်အတွက်ရော ပြည်သူအတွက် ဘာမှ အကျိုး မရှိဘူးဆိုတဲ့ ဝါဒကို သိတဲ့အတွက်ကြောင့် သူ့ကို လုံးဝကို မိတ်ဆွေ မဖွဲ့ခဲ့ဘူး။ အခုလည်း မိတ်ဆွေဖွဲ့စရာ အကြောင်းမရှိဘူး။"

”၂၇နှစ်လုံး အဝေဖန်ခံရ၊ အနှိပ်ကွပ်ခံရ စစ်အစိုးရရဲ့ ဖိနှိပ်မှုခံရတဲ့ဟာနဲ့ စာရင် အခုက ပန်းနဲ့ပေါက်တယ်လို့ ယူဆတယ်လို့။ ဘာမှပြန်လုပ်မှာမဟုတ်ဘူး။ ဘာမှာလည်း ပြောမှာမဟုတ်ဘူး။"

"ဘာဖြစ်လို့လဲဆိုတော့ ကိုယ်တို့က မူအရ ဖွဲ့စည်းပုံအခြေခံဥပဒေအရရော NLD ရဲ့ ဖွဲ့စည်းပုံ မူအရရော ဘာသာရေးနဲ့ နိုင်ငံရေးက လုံးဝ ခွဲခြားထားတယ်။ ဘာသာရေးကို နိုင်ငံရေး အကျိုးအတွက် အသုံးမချဘူး။ နိုင်ငံရေးနဲ့ ဘာသာရေးနဲ့မရောဘူး။ အဲ့တော့ သူတို့ပြောချင်ရာ ကိုယ်တို့ ဘာမှ မလုပ်ဘူး။ "

ဦးဝင်းထိန်
CEC - အမျိုးသားဒီမိုကရေစီအဖွဲ့ချုပ်။
The Ladies News Journal



(Credit: U Phyo Min Thein's Facebook)
မဘသရဲ့တောင်းဆိုချက်ကို အစိုးရအနေနဲ့ ဖြေရှင်းစရာ မလိုအပ်ဘူးလို့မြင်ကြောင်း သာသနာရေးနဲ့ ယဉ်ကျေးမှုဝန်ကြီး သူရဦးအောင်ကိုက ပြောကြားလိုက်ပါတယ်။ ရန်ကုန်တိုင်းဝန်ကြီးချုပ် ဦးဖြိုးမင်းသိန်းရဲ့ ပြောဆိုချက်ဟာ ပုတ်ခတ်ပြောဆိုတာမဟုတ်ဘဲ သူရဲ့အယူအဆကိုသာ ပြောကြားခဲ့တာသာဖြစ်ပြီး၊ လူတိုင်းသဘောထား ကွဲလွဲပိုင်ခွင့်ရှိကြောင်း သူရဦးအောင်ကိုက မနေ့က ရန်ကုန်မြို့မှာ သတင်းထောက်တွေကို ပြောဆိုခဲ့တာပါ။ မအင်ကြင်းနိုင်က တင်ပြထားပါတယ်။

မနေ့ စနေနေ့က ရန်ကုန်မြို့မှာ မြန်မာနိုင်ငံ မူဆလင်စီးပွားရေးလုပ်ငန်းရှင်များအသင်းက ဦးဆောင်ကျင်းပတဲ့ အစ်နေ့အထိမ်းအမှတ် ဘာသာပေါင်းစုံ ညစာစားပွဲကို တက်ရောက်လာတဲ့ ဝန်ကြီး သူရဦးအောင်ကိုက မဘသရဲ့တောင်းဆိုချက်နဲ့ ပတ်သက်လို့ သတင်းထောက်တဦးက မေးမြန်းရာမှာ အခုလို တုံ့ပြန်ပြောဆိုခဲ့ပါတယ်။

“ဒီမိုကရေစီမှာ လွတ်လပ်စွာ သဘောထား ကွဲလွဲပိုင်ခွင့် ရှိတယ်ဆိုတော့ ဖြေရှင်းစရာ မလိုဘူးထင်ပါတယ်။”

မြန်မာနိုင်ငံမှာ မဘသအဖွဲ့ မလိုအပ်တော့ဘူးလို့ ဦးဖြိုးမင်းသိန်းရဲ့ ပြောဆိုချက်နဲ့ပတ်သက်လို့ ဇူလိုင်လ (၁၄) ရက်နေ့ နောက်ဆုံးထားပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ သမ္မတ ဦးထင်ကျော်တို့က တာဝန်ယူဖြေရှင်းပေးဖို့ မဘသ က တောင်းဆိုထားတာပါ။ ဒီလို ဦးဖြိုးမင်းသိန်းရဲ့ ပြောကြားချက်နဲ့ ပတ်သက်လို့ သူရဦးအောင်ကိုက သူရဲ့အမြင်ကို အခုလို သတင်းထောက်တွေကို ပြောသွားပါတယ်။

“ရန်ကုန်တိုင်းဝန်ကြီးချုပ်ရဲ့ ပြောကြားချက်ကလေးက တနိုင်ငံလုံး တကမ္ဘာလုံး ရိုက်ခတ်နေပါတယ်။ အားလုံးသိပါတယ်။ တကယ်တော့ ဒီမိုကရေစီမှာ လွတ်လပ်စွာ သဘောထားကွဲလွဲပိုင်ခွင့် ရှိပါတယ်။ သူက ပုတ်ခတ်ပြောတာလည်း မဟုတ်ဘူး။ သူ့ရဲ့ အယူအဆတခုကို ထုတ်ဖော်ပြောဆိုတာမျိုး ဖြစ်တဲ့အတွက်ကြောင့် လွတ်လပ်စွာ သဘောထား ကွဲလွဲပိုင်ခွင့် ရှိပါတယ်။”

ဒါ့အပြင် ၂၀၀၉ ခုနှစ်မှာ စတင်ဖွဲ့စည်းခဲ့တဲ့ ဘာသာပေါင်းစုံ ချစ်ကြည် ပူးပေါင်း ဆောင်ရွက်ရေး အဖွဲ့ကြီးကို လက်ရှိ အစိုးရသစ်အနေနဲ့ ပြန်ပြီး အသက်ဝင်အောင် ဆောင်ရွက်နေပြီး နိုင်ငံတွင်း မတူကွဲပြားတဲ့ ဘာသာဝင်တွေ အားလုံး လုံခြုံမှုရှိအောင် စတင်ပြီး ကာကွယ်ဆောင်ရွက်တာဟာ အရင် ဦးသိန်းစိန်အစိုးရလက်ထက်နဲ့ ကွာခြားချက်ဖြစ်တယ်လို့ သူရဦးအောင်ကိုက ဆိုပါတယ်။

“အရင်ကနဲ့မတူတာက ဘာသာပေါင်းစုံ ချစ်ကြည် ပူးပေါင်းဆောင်ရွက်ရေးအဖွဲ့ကြီးကို ပြန်အသက်သွင်းပြီးမှ ပြည်ထောင်စုအတွင်းမှာရှိတဲ့ မတူကွဲပြားတဲ့ ဘာသာဝင်တွေ ဘာသာတွေကို ကူညီကာကွယ်စောင့်ရှောက်ပေးဖို့အတွက် စ လုပ်တာဟာ ဒါ မတူကွဲပြားတဲ့ ဆောင်ရွက်ချက် ဖြစ်ပါတယ်။”

အထူးသဖြင့် ဘာသာရေး၊ လူမျိုးရေး မုန်းတီးမှုတွေဖြစ်ပေါ်အောင် ဟောပြော လှုံ့ဆော်မှုတွေနဲ့ ပတ်သက်လို့ ထိထိရောက်ရောက် အရေးယူနိုင်ဖို့အတွက် ဥပဒေပြဌာန်းနိုင်ရေး ဘာသာပေါင်းစုံ ချစ်ကြည် ပူးပေါင်း ဆောင်ရွက်ရေး အဖွဲ့ကြီးကနေ ကြိုးပမ်းဆောင်ရွက်နေကြောင်း အခုလို ပြောပါတယ်။

“ဘာသာတခုနဲ့တခုကြား၊ လူမျိုးတမျိုးနဲ့ တမျိုးကြားမှာ ပဋိပက္ခတွေဖြစ်ပွားအောင် အမုန်းစကားတွေ ဖြန့်ဝေတဲ့ ဟာတွေကို ထိရောက်စွာ တားဆီးနိုင်ဖို့၊ အရေးယူနိုင်ဖို့ ဥပဒေတရပ် ပြဌာန်းဖုိ့ လိုတယ်လို့ ဆုံးဖြတ်ခဲ့ပါတယ်။ အဲဒီဘာသာပေါင်းစုံ ချစ်ကြည် ပူးပေါင်း ဆောင်ရွက်ရေး အဖွဲ့ကြီးမှာ အဖွဲ့ကြီးရဲ့ ဥက္ကဌကတော့ အငြိမ်းစားသံအမတ်ကြီး ဦးစိန်ဝင်းအောင် ဖြစ်ပါတယ်။ နောက် အဲဒီထဲမှာ အငြိမ်းစားသံအမတ်ကြီး ဦးလှမောင်၊ ခုနက အစ္စလာမ်ရေးရာကောင်စီက အဖွဲ့ဝင်တွေလည်း ပါပါတယ်။ နောက် ဥပဒေပညာရှင်တွေလည်း ပါပါတယ်။”

ရန်ကုန်မြို့မှာကျင်းပတဲ့ အစ်နေ့အထိမ်းအမှတ် ဘာသာပေါင်းစုံ ညစာစားပွဲကို အာဏာရ NLD ပါတီ နာယကကြီး သူရဦးတင်ဦးလည်း တက်ရောက်ချီးမြှင့်ခဲ့ပါတယ်။

 အင်ကြင်းနိုင် / ဗွီအိုအေ (မြန်မာပိုင်း)
http://burmese.voanews.com



ကျန်းမာရေးဝန်ကြီးဌာနက ပြန်လည်စွန့်လွှတ်ခဲ့တဲ့ လယ်ယာမြေပြန်လည်ပေးအပ်ပွဲကို ဇူလိုင်လ ၉ ရက်နေ့က မတ္တရာမြို့နယ် ဘုရင့်နောင်ခန်းမမှာ ကျင်းပစဉ်။ Photo: Hset Paing Toe/RFA
မန္တလေးတိုင်း မတ္တရာမြို့နယ် ရေနံ့သာကျေးရွာမှာ ကျန်းမာရေးဝန်ကြီးဌာနက ပြန်လည်စွန့်လွှတ်ခဲ့တဲ့ လယ်ယာမြေဧက တစ်ထောင်ကျော်ထဲက ဧက ၂၀၀ ကျော်ကို ဒုတိယသမ္မတ ဦးဟင်နရီဗန်ထီးယူ က တောင်သူတွေထံ ဒီနေ့ ပြန်လည်ပေးအပ်ခဲ့ပါတယ်။

ဒုတိယသမ္မတ ဦးဟင်နရီဗန်ထီးယူက အထွက်နှုန်းတိုးတက်အောင် ကြိုးစားစိုက်ပျိုးပြီး နိုင်ငံတော်ဖံွ့ဖြိုး တိုးတက်ရေးအတွက် အထောက်အကူပြုနိုင်အောင် ပူးပေါင်းပါဝင်ကြဖို့ လယ်ယာမြေပြန်လည် ရရှိတဲ့ တောင်သူတွေကို တိုက်တွန်းပြောကြားခဲ့ပါတယ်။

"နိုင်ငံတော်အစိုးရစေတနာကို သိရှိပြီး မိမိတို့မိသားစု လူမှု၊ စီးပွားရေး အထွေထွေတိုးတက်အောင် ရိုးသားကြိုးစားပြီး လက်မှုလယ်ယာစနစ်ကနေ စက်မှု လယ်ယာစနစ်ကို ကူးပြောင်းပြီး အရည်အသွေးအဆင့်အတန်းမြင့်မားပြီး အထွက်နှုန်းတိုးတက်မြင့်မားအောင် ဆောင်ရွက်ကြဖို့ လိုသလို နိုင်ငံတော်ဖွံ့ဖြိုး တိုးတက်ရေးအတွက် မိမိတို့ကျရာအခန်းကဏ္ဍကနေ ပူးပေါင်းပါဝင်ကြဖို့ တိုက်တွန်းလိုပါတယ်"

လယ်ယာမြေပြန်လည်ပေးအပ်ပွဲကို မတ္တရာမြို့နယ် ဘုရင့်နောင်ခန်းမမှာ ကျင်းပခဲ့တာဖြစ်ပါတယ်။

၁၉၇၈ ခုနှစ်က အမှတ် ၁ စက်မှုဝန်ကြီးဌာနက ရေနံ့သာကျေးရွာက လယ်ယာမြေဧက ၂ ထောင်ခန့်ကို သိမ်းယူခဲ့ပြီး ၁၉၉ဝ ခုနှစ်မှာ အနာကြီးရောဂါဆေးရုံ ဆောက်လုပ်ဖို့အတွက် ကျန်းမာရေးဝန်ကြီးဌာနထံ လွှဲပြောင်းပေးခဲ့တာဖြစ်ပါတယ်။

အဲ့ဒီလယ်ယာမြေတွေထဲက ဧက ၆ဝဝ ကျော်မှာ အနာကြီးရောဂါဆေးရုံ ဆောက်လုပ်ပြီး ပိုလျှံနေတဲ့ မြေဧက ၁၃ဝဝ ကျော်ထဲက ဧက ၂ဝဝ ကို မူလပိုင်ရှင်တွေဖြစ်တဲ့ ရေနံ့သာကျေးရွာက တောင်သူ ၃၂ ဦးကို ယာယီ လုပ်ကိုင်ခွင့်လက်မှတ်လို့ခေါ်တဲ့ ပုံစံ ၃ တွေ ပြန်လည်ထုတ်ပေးခဲ့တာဖြစ်ပါတယ်။

ကျန်းမာရေးဝန်ကြီးဌာနက မန္တလေးတိုင်းအစိုးရထံ ပိုလျှံနေတဲ့ မြေဧက ၁၃ဝဝ ကျော်ကို ပြန်လည်ပေးအပ်ထားပြီး မန္တလေးတိုင်းအစိုးရအဖွဲ့က ကျန်တဲ့စွန့်လွှတ်မြေဧက တစ်ထောင်ခန့်ကို စိစစ်ပြီး ဆက်ပေးသွားမယ်လို့လည်း ဒုတိယသမ္မတ က ပြောခဲ့ပါတယ်။

လယ်ယာမြေပြန်လည်ရရှိတဲ့ တောင်သူတွေက အစိုးရရဲ့ ဆောင်ရွက်ပေးမှုကို ကျေးဇူးတင်ကြောင်းနဲ့ ရေနံ့ သာကျေးရွာတစ်ဝိုက်မှာရှိတဲ့ ကျေးရွာပေါင်း ၁ဝ ရွာကျော်က သိမ်းဆည်းခံထားရတဲ့ လယ်ယာမြေဧက ၂ ထောင်ကျော်ကို မူလတောင်သူတွေထံ ပြန်လည်ပေးအပ်နိုင်ဖို့ ဆောင်ရွက်ပေးဖို့လည်း ပြောကြပါတယ်။

RFA Burmese
http://www.rfa.org/burmese



(ဓာတ်ပုံ - တွဲလက်ညီလူမှုကူညီရေးအဖွဲ့)
နှစ်နိုင်ငံ သဘောတူညီမှုနဲ့ ထိုင်းနိုင်ငံမှာ တရားဝင် အလုပ်လုပ်ကိုင်နေကြတဲ့ မြန်မာနိုင်ငံသားတချို့ မနေ့က နေရပ်ပြန်ပို့ခံခဲ့ရပါတယ်။ မကြာသေးခင်ကပဲ လုပ်အားခနစ်နာကြေး တောင်းခံမှုကြောင့် အလုပ်ထုတ်ခံခဲ့ရတဲ့ လပ်ဘူရီခရိုင် ဂျယ်ရီစက်ရုံက မြန်မာအလုပ်သမား ၃၀၀ လောက်ကို စက်ရုံက လုံခြုံရေးအင်အားသုံးပြီး မြန်မာသံအရာရှိ ရှေ့မှောက်မှာပဲ နေရပ်ကို ပြန်ပို့ခဲ့တာလို့ အလုပ်သမားအရေး ဆောင်ရွက်သူတွေက ပြောပါတယ်။ အသေးစိတ်ကိုတော့ စုံစမ်းထားတဲ့ ထိုင်းအခြေစိုက် သတင်းထောက် မအေးအေးမာ က သတင်းပေးပို့ထားပါတယ်ရှင်။

အလုပ်သမားတွေကို ထိုင်းနိုင်ငံရဲ့ ဥပဒေပါ တနေ့ လုပ်အားခဘတ်ငွေ ၃၀၀ ပေးပေမဲ့ နေ့စဉ် လုပ်အားခ ဖြတ်တောက်နေတာတွေကြောင့် လုပ်အားခနစ်နာမှုတွေ ဖြေရှင်းပေးဖို့ ပြီးခဲ့တဲ့ရက်ပိုင်းကပဲ တောင်းဆိုခဲ့တာပါ။ မြန်မာသံရုံးက အလုပ်သမားသံအရာရှိလည်း လာရောက်ခဲ့ပြီး အလုပ်သမားတွေကို နေရပ်ရင်း ပြန်ပို့ခဲ့တာပါ။ ကားတွေနဲ့ အလုပ်သမားတွေကို ပြန်ပို့ချိန်မှာ နေရပ်ရင်း ကို မပြန်လိုကြဘူးလို့ တောင်းဆိုနေကြပါတယ်။

အလုပ်သမားတွေဟာ နှစ်နိုင်ငံသဘောတူညီချက်နဲ့ လာတာဖြစ်လို့ တရားဝင် အထောက်အထားတွေနဲ့ ဥပဒေပါအခွင့်အရေးကို ရရှိခံစားခွင့် ရှိရမယ်ဆိုပြီး သူတို့နစ်နာမှုတွေကို တောင်းဆိုခဲ့တာပါ။ စနေနေ့မှာတော့ အတင်းအကြပ် ဘတ်စ်ကားတွေနဲ့ နယ်စပ်ကို ပြန်ပို့တာတွေ လုပ်ခဲ့တယ်လို့ အလုပ်သမားတဦးက အခုလို ပြောပြပါတယ်။

(ဓာတ်ပုံ - တွဲလက်ညီလူမှုကူညီရေးအဖွဲ့)
“မြန်မာအလုပ်သမားတွေက အားလုံးက တယောက်မှ ကားပေါ်မတက်ကြပါဘူး။ ကားပေါ်မတက်တဲ့အခါမှာ ဗမာစကားပြန်ကလည်း ပြောပါတယ်ခင်ဗျ။ သူတို့ ကားပေါ်ကို အသာတကြည် တက်ခိုင်းနေတုန်းကို တက်ပေါ့။ အဲ့လိုမှ မတက်လို့ရှိရင် သူတို့ ရိုက်နှက်ပြီး ဖမ်းချုပ်ပြီး တင်ရလိမ့်မယ်ပေါ့။ ကျနော် MOU နဲ့ လာတာ ၂ နှစ်ရှိပါပြီခင်ဗျ။ ကျနော် ၁ နှစ်ခွဲကတည်းက ကျနော်တို့အဖွဲ့တွေကပြောတယ်။ ကျနော်တို့ တယောက်မှ မြန်မာပြည်ကို မပြန်ကြပါဘူးခင်ဗျ။ ဒီစက်ရုံကနေ ကျနော်တို့ကို အလုပ်ထုတ်တယ်လို့လည်း ကျနော်တို့ကို မပြောဘူးခင်ဗျ။ ကျနော်တို့ကို မောင်းထုတ်ပါတယ်။”

မြန်မာသံရုံးက အလုပ်သမားသံအရာရှိကိုယ်တိုင် လာရောက်ဖြေရှင်းမှုတွေ ရှိပေမဲ့ ပြေလည်မှု မရှိတာကြောင့် ဖြေရှင်းမှုက နည်းလမ်းမကျဘူးလို့ အလုပ်သမားတွေဘက်က ဝေဖန်မှုတွေလည်း ရှိနေတာပါ။ ဒီအတွက် အလုပ်သမားတွေကတော့ နေရပ်ရင်းကိုမပြန်လိုကြဘဲ ပြန်ကြရတယ်လို့ နိုင်ငံကူးလက်မှတ် ကိုင်ဆောင်ပြီး အလုပ်လုပ်နေတဲ့ အလုပ်သမားခေါင်းဆောင်တဦးကလည်း ပြောပြပါတယ်။

“သံမှူးက အေးဂျင့်တွေ အေဂျင်စီတွေနဲ့ လာပြီး သူက သူဌေးတွေနဲ့ပေါင်းပြီးတော့ အလုပ်သမားတွေရဲ့ ဖြစ်ချင်တဲ့ဆန္ဒကို မလိုက်လျောဘဲနဲ့ သူတို့ဖြစ်ချင်တဲ့ဆန္ဒကိုပဲ အကုန်လုံး ပြောပြသွားပြီးတော့ အလုပ်သမားတွေဘက်မှာ မရှိဘူးပေါ့။ သူ လူကြီးတယောက်အနေနဲ့ လူအများအရှေ့မှာ သူက အမှန်တကယ်ဆိုရင် သူ ပွင့်ပွင့်လင်းလင်း ပြောရမယ့်ဟာ မပြောဘူး။ လူတယောက်ချင်းစီကို ခေါ်ပြီးတော့ ပုလိပ်တွေ၊ စစ်သားတွေ ခံထားပြီးတော့ လူတိုင်းကို ပေးမ၀င်ဘူး။ သူခေါ်တဲ့သူကိုပဲ ပေးဝင်ပြီးတော့ စည်းရုံးပြီးတော့ သူကိုယ်တိုင်ပဲ စီစဉ်တဲ့ပုံစံမျိုး ဖြစ်သွားတာပေ့ါ။ နိုင်ငံတော်အကြီးအကဲတယောက်ဟာ ဒီလိုမျိုး ဖြစ်တယ်ဆိုတော့ ကျနော်တို့လုပ်တာတွေမှာ အရမ်းကို ဒုက္ခရောက်ပါတယ်။ ကျနော်တို့ခေါင်းဆောင်ဘက် ၄ ယောက်မှာဆိုရင်တော့ ကျနော်တို့ ၂ ယောက်ပဲကျန်ရစ်ခဲ့တယ်။ ကျနော်တို့လည်း မနက်ဖြန်လောက်ဆိုရင်တော့ ဗမာပြည်ပြန်မှာပဲ။ ဗမာပြည်မှာ ကျနော်တို့လည်း ဘယ်လိုခေါ်မလဲ ကျနော်တို့ဘက်ကနေလည်း တရားစွဲယူမယ်။ ကုမ္ပဏီ ၅ ခုနဲ့ ကျနော်တို့လာခဲ့တာပေ့ါ။ လူတွေက ဒီနိုင်ငံပတ်စ်ပို့လည်းရှိတယ်။ လက်မှတ်တွေလည်း ရှိတယ်ပေါ့နော်။ နိုင်ငံတော်အစိုးရရဲ့ ခွင့်ပြုချက်နဲ့ လာပြီးတော့ ကျနော်တို့က လက်ရှိ ရမယ့်အခွင့်အရေးကိုလည်း အခွင့်အရေးမရတဲ့အပြင်ကို အကုန်လုံးက မောင်းထုတ်ခံရတယ်။”

မြန်မာအလုပ်သမားကူညီရေးအဖွဲ့ AAC က ဒါရိုက်တာ ဦးခိုင်ကြီးကတော့ အလုပ်သမားတွေ ပြဿနာဖြစ်နေတဲ့နေရာကို ရောက်ရှိလာခဲ့ပြီး သံအရာရှိနဲ့ ညှိနှိုင်းခဲ့ပေမဲ့ အလုပ်သမားတွေ နေရပ်ရင်းကိုသာ ပြန်ပို့ခံခဲ့ရတယ်လို့ ဆိုပါတယ်။


“မြန်မာသံရုံးဘက်က လုပ်တာကိုင်တာတွေ သိပ်အဆင်မပြေဘူး သံအရာရှိတွေက။ မြန်မြန်အေးပြီးရောဆိုပြီးတော့ အကုန်ပြန်ပို့လိုက်တာ အလုပ်သမားတွေ ငိုယိုပြီးတော့ ပြန်ကြရတယ်။ ကျနော်တို့က သူတို့ကို မေးတယ်လေ။ အလုပ်သမားတွေက မပြန်ချင်ဘဲ ပြန်ရတာလို့ပြောတော့ သူတို့က အလုပ်သမားတွေရှေ့မှာ မေးတာကို သူတို့က အလုပ်သမားတွေကိုယ်၌က ပြန်မယ်ပြောလို့ ပြန်ပို့တာပါတဲ့။ အမှန်တော့ အလုပ်သမားတွေ တယောက်မှ မပြန်ချင်ကြပါဘူး။ ကလေးတွေကို ကားပေါ်အတင်းတက်ခိုင်းပြီးတော့ နယ်မြေခံစစ်တပ်တွေကလည်း ဘာသာစကား မကျွမ်းကျင်တော့ အကုန်လုံး ပြန်ပို့ပစ်လိုက်တာ သူတို့က။ အလုပ်သမားအားလုံးပေါင်း ၃၀၀ လောက်ရှိတာပေါ့ဗျ။”

ဒီကိစ္စနဲ့ပတ်သက်လို့ မြန်မာသံရုံးက တာဝန်ရှိသူတွေကို ဆက်သွယ်မေးမြန်းဖို့ ကြိုးစားခဲ့ပေမဲ့ ဆက်သွယ်လို့ မရခဲ့ပါဘူး။ ထိုင်းနိုင်ငံမှာ မြန်မာရွှေ့ပြောင်းအလုပ်သမား ၃ သန်းထက်မနည်း အလုပ်လုပ်ကိုင်နေပြီး နေ့စဉ် အလုပ်သမားတင်ပို့နေတဲ့ ကုမ္ပဏီတွေက အလုပ်သမားတဦးကို မြန်မာကျပ်ငွေ ၅ သိန်းထက်မနည်း တောင်းခံပြီး အလုပ်ရှာဖွေတဲ့သူတွေကို ထိုင်းနိုင်ငံကို ပို့ဆောင်နေတာပါ။ ထိုင်းကိုရောက်တဲ့အခါမှာ အလုပ်လက်မဲ့ ဖြစ်နေရတာတွေ စာချုပ်ပါ သဘောတူညီချက်အတိုင်း ဖြစ်မလာတာတွေ အလုပ်သမားနစ်နာမှုတွေကို ဖြေရှင်းပေးနိုင်တာတွေ မရှိတာတွေကြောင့် အခုလိုပဲ တချို့အလုပ်သမားတွေက ငွေတွေကုန်ပြီးမှ နေရပ်ရင်းကို ပြန်ပို့ခံနေရ တာ ဖြစ်ပါတယ်။

  မအေးအေးမာ / ဗွီအိုအေ (မြန်မာပိုင်း)
http://burmese.voanews.com


မြန်မာနိုင်ငံ စစ်ကိုင်းတိုင်းဒေသကြီး ကောလင်းမြို့မှာ သွေးလွန်တုပ်ကွေးရောဂါ ဆိုးရွားစွာ ဖြစ်ပေါ်နေတာကြောင့် ကလေးငယ်တဦး သေဆုံးသွားခဲ့တယ်လို့ ကောလင်းမြို့နယ် လုံးဆိုင်ရာ ဖွံ့ဖြိုးတိုးတက်ရေး ပရဟိတကွန်ယက် KDPN က သတင်းထုတ်ပြန်ပါတယ်။

ဇူလိုင်လ ၈ ရက်နေ့ကစပြီး ကောလင်းမြို့၊ သရက်ချဉ်ကျေးရွာက ကျောင်းသား ၅၈ ဦး ဖျားနာနေတာကို တွေ့ရှိတာကြောင့် ကျောင်းဆရာမကြီးက ချောင်းနားတိုက်နယ်ဆေးရုံကို သတင်းပို့ခဲ့တာမှာ ကလေးငယ် ၁၀ ဦးထက်မနည်းကို အရေးပေါ် ဆေးရုံကို ပို့လိုက်ရပြီး၊ အဲဒီအထဲက ၃ ဦးဟာ စိုးရိမ်စရာ အခြေအနေမှာ ရှိနေတဲ့အတွက် စောင့်ကြည့်နေရတယ်လို့ ဆိုပါတယ်။

ဇူလိုင်လ ၉ ရက်နေ့ အထိတော့ အဖျားရှိနေတဲ့ ကလေးငယ်ပေါင်း ၄၀ ကျော် ရှိနေတယ်လို့ ဆိုပါတယ်။ ကောလင်းမြို့ပေါ် ဆေးရုံနဲ့ ချောင်းနားတိုက်နယ်ဆေးရုံဟာလည်း လူနာတွေ များလွန်းနေတဲ့အတွက် ဆေးရုံဝန်ထမ်း ဆရာ၊ ဆရာမတွေ မနိုင်ဝန် ထမ်းနေကြရတယ်လို့ ဆိုပါတယ်။

ဇူလိုင်လ ၉ ရက်နေ့ကတော့ ကောလင်းကျန်းမာရေးဌာနက တာဝန်ရှိသူတွေ စေလွှတ်ပြီး ခြင်ဆေးဖြန်းတာ၊ ပညာပေးလုပ်ငန်းတွေ လုပ်တာနဲ့ သွေးစစ်တာတွေ ပြုလုပ်ခဲ့တယ်လို့ ဆိုပါတယ်။

ကောလင်းမြို့ပေါ်နဲ့ အနီးဝန်းကျင်က ကျေးရွာတွေမှာ နှစ်စဉ် ရေလွှမ်းမိုးတဲ့ဒဏ် ခံရတာကြောင့် ရေ၀ပ်တဲ့နေရာတွေများပြီး ခြင်တွေလည်း ပွားများနေတာ ဖြစ်ပါတယ်။

ကောလင်းမြို့ တမြို့လုံးမှာ ခြင်ဆေးဖြန်းစက် တခုပဲ ရှိတဲ့အတွက် ခြင်ဆေးဖြန်းစက် အရေးပေါ် အကူအညီ လိုအပ်နေကြောင်းနဲ့ ဖုန်းသွန်လဲစစ် ပညာပေးလက်ကမ်းစာစောင်တွေ၊ BPI ဓာတ်ဆားထုတ်တွေလည်း အရေးပေါ် လိုအပ်နေကြောင်း ကောလင်းမြို့နယ်လုံးဆိုင်ရာ ဖွံ့ဖြိုးတိုးတက်ရေး ပရဟိတကွန်ယက် KDPN က ထုတ်ပြန်တဲ့ ကြေညာချက်မှာ ဖော်ပြထားပါတယ်။

 ဗွီအိုအေ (မြန်မာပိုင်း)
http://burmese.voanews.com



ရခိုင်မှာ စုစုပေါင်း ၄၈၇၂ ဧကကျော် ရေလွှမ်း ခံခဲ့ရပြီး လူပေါင်း ၁၄ဝဝဝ ဝန်းကျင် ရေဘေးဒဏ် ခံစား ခဲ့ရ။
ပြီးခဲ့တဲ့ ရက်ပိုင်းတွေက ရခိုင်ပြည်နယ် ထဲ မိုးဆက်တိုက် ရွာပြီး ရေကြီး ခဲ့တဲ့ အတွက် လမ်း တံတားတွေ ပျက်စီးပြီး ကျန် နေရစ် ခဲ့ပါတယ်။

မြောက်ဦးနဲ့ မင်းပြား ကြားက တံ့တား နှစ်စင်း ကျိုး နေလို့ စစ်တွေ-ရန်ကုန် ကားလမ်းမ အသုံးပြုလို့ မရ အသွားအလာ ရပ်တန့် နေတယ် ဆိုပြီး ဒေသခံတွေက ပြောပါတယ်။

တံတားတွေ အပါအဝင်၊ တံတား ချည်းကပ်လမ်းတွေပါ ပျက်စီး ကုန်တာ ကြောင့် ချက်ခြင်း ပြန် မပြင်နိုင် ဖြစ်နေရတယ် ဆိုပြီး ဘီဘီစီ သတင်းထောက် က ပြောပါတယ်။

မြောက်ဦး၊ ကျောက်တော်၊ မင်းပြား မြို့နယ် တွေ ထဲက နေရာ အတော် များများမှာ အခု ရေကျ သွားပေမယ့်၊ ကျောက်တော် မြို့နယ်ထဲ လမုန့်တပင် ကျေးရွာနဲ့ အနီး တဝိုက်မှာလို ရေမကျ ဖြစ်နေဆဲ နေရာတွေ လည်း ရှိနေပါတယ်။

အခု တစ်ခေါက် ရခိုင်ပြည်နယ်ထဲ ရေကြီးရေလျှံ ဖြစ်ခဲ့တာမှာ မြောက်ဦးမြို့နယ် ထဲမှာ ၁၀၂၆ ဧက၊ ကျောက်တော် မြို့နယ်မှာ ၁၈၁၆ ဧက နဲ့ မင်းပြားမြို့နယ် မှာ ဆိုရင် ၂၀၃၀ ဧက၊ စုစုပေါင်း ၄၈၇၂ ဧကကျော် ရေလွှမ်း ခံခဲ့ရပြီး လူပေါင်း ၁၄ဝဝဝ ဝန်းကျင် ရေဘေးဒဏ် ခံစား ခဲ့ရပါတယ်။

BBC Burmese
http://www.bbc.com/burmese



အမေရိကန် ဟာ စည်းလုံး ညီညွတ်ဆဲ ဖြစ်တယ် လို့လည်း သမ္မတ အိုဘားမား ပြော။
တက္ကဆက်ပြည်နယ် ဒါးလပ်စ် မြို့မှာ ပြီးခဲ့တဲ့ ကြာသပတေးနေ့က ရဲ အမှုထမ်း ၅ ဦး သေဆုံးခဲ့ရတဲ့ သေနတ် ပစ်ခတ်မှု ပေါ်ပေါက် ခဲ့အပြီး၊ အမေရိကန် လူမှု အသိုင်းအဝိုင်း ထဲ သွေးကွဲမှု တွေ ကြီးကြီးမားမား ဖြစ်ပေါ် နေပြီ ဆိုတဲ့ ဝေဖန် သံတွေကို သမ္မတ အိုဘားမားက ပယ်ချ လိုက်ပါတယ်။

ဝါဆော မြို့တော် မှာ ပြုလုပ်နေတဲ့ နေးတိုး စစ်ရေး မဟာမိတ် အဖွဲ့ရဲ့ ထိပ်သီး အစည်းအဝေးမှာ တက်ရောက် နေတဲ့ သမ္မတ အိုဘားမားက တချို့တွေ ထင်မြင် ယူဆ နေသလို အမေရိကန် နိုင်ငံထဲ သွေးကွဲ မနေဘူး လို့ ပြော ခဲ့ပါတယ်။

ဝမ်းနည်းမှုတွေ၊ အမျက် ဒေါသတွေ ရှိခဲ့ပေမယ့် အမေရိကန် ဟာ စည်းလုံး ညီညွတ်ဆဲ ဖြစ်တယ် လို့လည်း သမ္မတ အိုဘားမားက ဆိုပါတယ်။

ဒါးလပ်စ် ပစ်ခတ်မှုကို ကျူးလွန် ခဲ့သူဟာ စိတ်မူ မမှန်သူ တစ်ဦးသာ ဖြစ်ပြီး၊ အာဖရိကန် အမေရိကန် အသိုင်းအဝိုင်းကို ကိုယ်စား ပြုသူ မဟုတ်ဘူးလို့ မစ္စတာ အိုဘားမားက ပြောပါတယ်။

ဒါးလပ်စ် ပစ်ခတ်မှု နဲ့ သီတင်းတစ်ပတ် ထဲမှာ ပဲ လူဝီဆီယားနား နဲ့ မင်နီဆိုးတာ ပြည်နယ် တွေမှာ ပေါ် ပေါက်ခဲ့တဲ့ လူမည်း နှစ်ဦးကို ရဲ က အသေ ပစ်သတ် ခဲ့မှု တွေ မှာလည်း အသား အရောင် မရွေး၊ လာတဲ့ နောက်ခံ မရွေး အမေရိကန် အားလုံး ဝမ်းနည်း တုန်လှုပ် ခဲ့ရတာ ဖြစ်တယ် လို့ သမ္မတ အိုဘားမား က ပြောပါတယ်။

လူမည်း တွေ ကို ဆိုရင် ရဲဘက်က အလွန်အကျွံ ပြုမူတယ် ဆိုပြီး အမေရိကန် ပြည်ထောင်စု တဝှမ်းက မြို့ကြီး တွေမှာ ဆန္ဒပြပွဲ တွေ ပေါ် ပေါက် လာခဲ့ပါတယ်။

BBC Burmese
http://www.bbc.com/burmese/


အင်္ဂလန်နိုင်ငံက Wimbledon တင်းနစ် အမျိုးသမီး တဦးချင်း ချန်ပီယံပြိုင်ပွဲမှာ အမေရိကန်နိုင်ငံက Serena Williams က ဂျာမနီက Angelique Kerber ကို ၂ ပွဲပြတ်နဲ့ အနိုင်ရ ဗိုလ်စွဲသွားပါတယ်။ စနေနေ့က ကမ္ဘာ့ နံပါတ် (၄) အဆင့်ရှိတဲ့ Kerber ကို အနိုင်ရလိုက်တာဟာ ကမ္ဘာ့ နံပါတ် (၁) Serena Williams ရဲ့ ၇ ကြိမ်မြောက် Wimbledon ချန်ပီယံဆုဖြစ်ပါတယ်။

ဒါဟာ Serena အနေနဲ့ တချိန်က တင်းနစ်လောကကို လွှမ်းမိုးခဲ့တဲ့ Steffi Graf အနိုင်ရခဲ့တဲ့ Major အဓိကဆုကြီး ၂၂ ခုနဲ့ တူသွားတာ ဖြစ်သလို Major ဆုကြီး ၁၇ ခုကို ဆက်တိုက် ယှဉ်ပြိုင်ခဲ့တဲ့အထဲ ၉ ခုမြောက်အဖြစ် အနိုင်ရလိုက်တာလည်း ဖြစ်ပါတယ်။

ဒါဟာ Serena Williams အတွက် ၉ ကြိမ်မြောက် Wimbledon ဖိုင်နယ်ပွဲဖြစ်ပေမဲ့ Angelique Kerber အတွက်တော့ ပထမဆုံးအကြိမ် ဖိုင်နယ်ကို တက်ခြင်းဖြစ်ပါတယ်။

အခုနှစ် ဇန်န၀ါရီလအတွင်း ကျင်းပတဲ့ Australian Open ပြိုင်ပွဲ ဖိုင်နယ်မှာတော့ Angelique Kerber က Serena Williams ကို အနိုင်ရပြီး ချန်ပီယံ ဖြစ်ခဲ့ပါတယ်။

စနေနေ့နှောင်းပိုင်းမှာ ကျင်းပတဲ့ အမျိုးသမီး ၂ ဦးချင်း ဗိုလ်လုပွဲမှာလည်း Serena နဲ့ Venus Williams တို့ ညီအမ ၂ ဦးက - ပြိုက်ဘက် Timea Babos နဲ့ Ya ro sla va Sh ve do va တို့ ၂ ဦးကို အနိုင်ရသွားခဲ့ပါတယ်။ ဒါဟာ Serena အနေနဲ့ တနေ့ထဲမှာ ဗိုလ်လုပွဲ ၂ ခုကို ယှဉ်ပြိုင်ကစားပြီး ၂ ခုစလုံးမှာ အနိုင်ရသွားတာလည်း ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com/


တိုကျို ဇူလိုင် ၉

ဂျပန်နိုင်ငံတစ်ဝန်းတွင် အပူချိန်များ မြင့်တက်လာခြင်းကြောင့် ဇူလိုင် ၇ ရက်က အပူရှပ်ခြင်း သို့မဟုတ် အပူကြောင့် ပင်ပန်းနွမ်းနယ်ခြင်းကြောင့် လူသုံးဦး သေဆုံးပြီး လူပေါင်း ၄၉ဝ ခန့်ကို ဆေးရုံသို့တင်ပို့ပေးခဲ့ရကြောင်း ကျိုဒိုသတင်းတွင် ဖော်ပြသည်။

ဂျပန်နိုင်ငံတစ်ဝန်းလုံးတွင် မိုးလေဝသအေဂျင်စီက တိုင်းတာရေးစခန်း ၉ဝ၂ ခု ဖြန့်ကြက်ထားရာ စခန်းပေါင်း ၄ဝဝ ကျော်တွင် အပူချိန် ၃ဝ ဒီဂရီစင်တီဂရိတ်ထက်မနည်း မှတ်တမ်းရယူခဲ့ပြီး ဒေသ ၅၁ ခုတွင် အပူချိန် ၃၅ ဒီဂရီ စင်တီဂရိတ်ထိ အပူချိန်မြင့်တက်ခဲ့သည်။

ဂျပန်နိုင်ငံအရှေ့ပိုင်း ယာမာနာရှီပြည်နယ်၏ မြို့တော် ကိုရှုတွင် အပူချိန် ၃၈ ဒသမ ၈ ဒီဂရီ စင်တီ ဂရိတ်ရှိပြီး ဂျပန်နိုင်ငံအလယ်ပိုင်း ကာဝါနီဟွန်ချိုနှင့် ရှီဇူကာပြည်နယ်များတွင် အပူချိန် ၃၈ ဒသမ ၆ ဒီဂရီ စင်တီဂရိတ်ထိ မြင့်တက်ခဲ့ကြောင်း သတင်းတွင်ဖော်ပြသည်။

ဖိအားမြင့်မားသော စနစ်တစ်ခုက ပင်လယ်ပြင်အတွင်း ကျွန်းစုများအဖြစ်တည်ရှိနေသော ဂျပန်နိုင်ငံကို ဖုံးလွှမ်းထားခြင်းမှ ကျယ်ပြန့်သောလေပူထုကို ဖြစ်ပေါ်စေပြီး ယင်းလေထုသည် ဂျပန်ကျွန်းစုတစ်ခုလုံးကို ဖုံးအုပ်ထားကြောင်း ဂျပန် မိုးလေဝသအေဂျင်စီက ပြောကြားသည်။

ဆင်ဟွာ။
The Mirror Daily
https://www.facebook.com/TheMirrorDaily


ဂျူဘာ ဇူလိုင် ၉

တောင်ဆူဒန်နိုင်ငံမြို့တော် ဂျူဘာရှိ သမ္မတနန်းတော်၌ ဇူလိုင် ၈ ရက် ညနေပိုင်းက အပြင်းအထန်ပစ်ခတ်မှုဖြစ်ပွားခဲ့ရာ လူ ၁၁၅ ဦးထက်မနည်း သေဆုံးခဲ့ကြောင်း ဇူလိုင် ၉ တွင် အတည်ပြုပြောကြားသည်။

အဆိုပါပစ်ခတ်မှု၌ သေဆုံးသွားသည့်အလောင်းအများစုမှာ အစိုးရတပ်မတော်ဘက်မှဖြစ်ပြီး ဂျူဘာဆေးရုံရှိအအေးခန်းမှာ လူသေအလောင်း များဖြင့်ပြည့်နေကြောင်း အတိုက်အခံဆူဒန်ပြည်သူ့လွတ်မြောက်ရေး တပ်မတော်၏ပြောရေးဆိုခွင့်ရှိသူ ဝီလျံဂတ်ဂျစ်က ပြောကြားသည်။

အလားတူပင် တောင်ဆူဒန်ဒုတိယသမ္မတ ရိုက်ခ်မာချာဦးဆောင်သည့် အတိုက်အခံ ဆူဒန်ပြည်သူ့လွတ်မြောက်ရေးတပ်မတော်ဘက်မှလည်း အများအပြား သေကျေဒဏ်ရာရရှိခဲ့ကာ တာဝန်ရှိသူများသည် သမ္မတနန်းတော်နှင့် ဂျူဘာမြို့၏ဆင်ခြေဖုံးအရပ်များတွင် ရှာဖွေရေးလုပ်ငန်းများ အရှိန်မြှင့်လုပ်ဆောင်နေဆဲဖြစ်ကြောင်း သိရသည်။

''အခင်းဖြစ်တဲ့နေရာမှာ အတိုက်အခံ ဆူဒန်လွတ်မြောက်ရေးတပ်မတော်မှ ကျွန်တော်တို့ရဲ့ကိုယ်ရံတော် ၃၅ ဦးရဲ့အလောင်းကို ရှာဖွေတွေ့ရှိခဲ့ပါတယ်။ ဒါ့အပြင် သမ္မတနန်းတော်ခြံစည်းရိုးအပြင်ဘက်မှာ တာဝန်ချထားတဲ့ အစိုးရ ထောက်ခံတဲ့ ဆူဒန်ပြည်သူ့လွတ်မြောက်ရေးတပ်မတော်ဘက်မှ အလောင်း ၈၅ လောင်းကို လည်း ရှာဖွေတွေ့ရှိခဲ့ပါတယ်'' ဟုဂတ်ဂျစ်က ပြောကြားသည်။

လက်နက်ကြီးပစ်ခတ်မှုများပါဝင်သည့် အဆိုပါပစ်ခတ်မှု၏အသံများကို တောင်ဆူဒန်သမ္မတ ဆာလ်ဗာကီးရ်၊ ဒုတိယသမ္မတ ရိုက်ခ်မာချာနှင့် ဒုတိယသမ္မတ ဝါနီအစ်ဂါတို့ အစည်းအဝေးပြုလုပ်လျက်ရှိရာ သမ္မတနန်းတော် ခြံဝင်းမှ ညနေ ၅ နာရီခွဲ ခန့်ကတည်းက ကြားခဲ့ရခြင်းဖြစ်သည်။ သမ္မတ ဆာလ်ဗာကီးရ်၊ ဒုတိယသမ္မတ ရိုက်ခ်မာချာနှင့် ဒုတိယသမ္မတဝါနီအစ်ဂါတို့ သည် ဇူလိုင် ၇ ရက်က ရန်ပွဲဖြစ်ပွားပြီး စစ်သည်ငါးဦးသေဆုံးကာ နှစ်ဦး ဒဏ်ရာရရှိခဲ့ပြီးနောက် ယခုကဲ့သို့အစည်းအဝေးပြုလုပ်ခဲ့ခြင်းဖြစ်သည်။

ယင်းပစ်ခတ်မှုသည် ဒုက္ခသည် ၂၈ဝဝဝ ခန့်ခိုလှုံလျက်ရှိ တောင်ဆူဒန် ဆိုင်ရာ ကုလသမဂ္ဂအခြစိုက် စခန်းအပါအဝင် မြို့နှင့်အနီးဝန်းကျင်နေရာအားလုံးသို့ပျံ့နှံ့သွားခဲ့သည်။ သို့သော် ယင်းပစ်ခတ်မှုဖြစ်ပွားရခြင်းအကြောင်းကိုမူ အသေးစိတ်မသိရသေးပေ။

ဆင်ဟွာ။
The Mirror Daily
https://www.facebook.com/TheMirrorDaily


 ဗဟို ထောက် ထောက်လှမ်းရေး အေဂျင်စီ စီအိုင်အေ ဝန်ထမ်းတွေလို့ ရုရှ ဘက်က စွပ်စွဲ ထား
ရုရှ နိုင်ငံမှာ ရှိတဲ့ သံရုံး ဝန်ထမ်းတွေ ကို ပြန်လာဖို့ အိမ်ဖြူတော်က အမိန့် ထုတ်ပြန် ခဲ့ပြီး နောက်မှာ အမေရိကန် သံတမန်တွေကို ရုရှ တာဝန် ရှိသူတွေ က နှင်ထုတ် လိုက် ပါတယ်။

ရုရှ ရဲ တစ်ယောက်က သံရုံ ဝန်ထမ်းတွေကို တိုက်ခိုက်မှုတွေ လုပ်ခဲ့ပြီးနောက် သံရုံး ဝန်ထမ်းတွေကို ပြန်လာဖို့ အမေရိကန် နိုင်ငံခြားရေး ဝန်ကြီး ဌာနက ဇူလိုင်လ ၈ ရက်နေ့ သောကြာနေ့မှာ ကြေညာ ခဲ့ပါတယ်။

သံအရာရှိတစ်ဦး နဲ့ နောက်ထပ် သံရုံ ဝန်ထမ်း တို့ဟာ ဗဟို ထောက် ထောက်လှမ်းရေး အေဂျင်စီ စီအိုင်အေ ဝန်ထမ်းတွေလို့ ရုရှ ဘက်က စွပ်စွဲ ထားပါတယ်။

အမေရိကန် သံရုံး ဝန်ထမ်းတွေဟာ သံတမန် တွေရဲ့ အဆင့်အတန်း နဲ့ မညီညွှတ် တဲ့ ကိစ္စတွေ လုပ်ဆောင် ခဲ့တယ်လို့ ရုရှ လက်ထောက် နိုင်ငံခြားရေး ဝန်ကြီး က ပြောကြားခဲ့ပါတယ်။

BBC Burmese
http://www.bbc.com/burmese

 child-martyrs-day-620.jpg ၆၉ နှစ်မြောက် အာဇာနည်နေ့မှာ ရန်ကုန်မြို့အာဇာနည်ဗိမာန်က ဗိုလ်ချုပ်အောင်ဆန်းနဲ့ အာဇာနည်ခေါင်းဆောင်ကြီးတွေကို တက်ရောက်အလေးပြုဖို့ စစ်ဝတ်စုံဝတ်ထားတဲ့ ကလေးငယ်ငယ်တွေ ကြိုတင်ပြင်ဆင်လေ့ကျင့်နေသည်ကို ဇူလိုင်လ ၉ ရက်နေ့က တွေ့ရစဉ်
Photo: Nay Myo Zin/ Facebook

လာမယ့် ဇူလိုင်လ ၁၉ ရက်နေ့မှာ ကျရောက်မယ့် ၆၉ နှစ်မြောက် အာဇာနည်နေ့မှာ အာဇာနည် ခေါင်းဆောင်တွေ ကျဆုံးခဲ့တဲ့ မနက် ၁၀ နာရီ ၃၇ မိနစ်မှာ အစိုးရပိုင်မီဒီယာဖြစ်တဲ့ မြန်မာ့အသံကနေ ဥသြဆွဲပြီး အချက်ပေးမှာဖြစ်တယ်လို့ အစိုးရက သတင်းထုတ်ပြန်ပါတယ်။

၆၉ နှစ်မြောက် အာဇာနည်နေ့ အခမ်းအနား အောင်မြင်စွာကျင်းပနိုင်ရေးအတွက် ဒုတိယသမ္မတ ဦးမြင့်ဆွေက ဦးဆောင်စီစဉ်နေတာဖြစ်ပြီး ဒီနေ့ အာဇာနည် ဂူဗိမာန်ကို သွားရောက်စစ်ဆေးခဲ့ပါတယ်။

ဒါ့အပြင် အာဇာနည်နေ့မှာ အများပြည်သူလေ့လာနိုင်အောင် ဖွင့်လှစ်ဖို့ ပြင်ဆင်ထားတဲ့ နတ်မောက် လမ်းက ဗိုလ်ချုပ်ပြတိုက် နဲ့ ၀န်ကြီးများရုံးတို့ကိုလည်း ဒုတိယသမ္မတ ဦးမြင့်ဆွေနဲ့ ရန်ကုန်တိုင်း ၀န်ကြီးချုပ် ဦးဖြိုးမင်းသိန်း တို့လှည့်လည်စစ်ဆေးခဲ့ကြပါတယ်။

၆၉ နှစ်မြောက် အာဇာနည်နေ့မှာ စစ်ဝတ်စုံဝတ်ထားတဲ့ ကလေးငယ် ၆၉ ယောက်နဲ့ တိုင်းရင်းသား ရိုးရာဝတ်စုံ ၀တ်ဆင်ထားတဲ့ ကလေးငယ် ၂၁ ဦးဟာ ရန်ကုန်မြို့အာဇာနည်ဗိမာန်မှာ ဗိုလ်ချုပ်အောင်ဆန်းနဲ့ အာဇာနည်ခေါင်းဆောင်ကြီးတွေကို တက်ရောက်အလေးပြုကြမှာဖြစ်ပါတယ်။

အကြိုပြင်ဆင်တဲ့အနေနဲ့ ဒီနေ့ ရန်ကုန်မြို့ကန်တော်ကြီးပတ်လမ်းက ဗိုလ်ချုပ်ပန်းခြံရှေ့က ဗိုလ်ချုပ် ကြေးရုပ်ကို သွားရောက်အလေးပြုခဲ့ကြတယ်လို့ စီစဉ်သူ ဗိုလ်ကြီးဟောင်းနေမျိုးဇင် က ပြောပါတယ်။

"လာမယ့် ၆၉ နှစ်မြောက်အာဇာနည်နေ့မှာ ဗိုလ်ချုပ်အောင်ဆန်းဝတ်တဲ့ စစ်ဝတ်စုံဝတ်၊ ၆ နှစ်မှ ၉ နှစ်အရွယ် ကလေး ၆၉ ယောက်ရယ်၊ တိုင်းရင်းသားဝတ်စုံဝတ်တဲ့ သားသား၊ မီးမီး ၂၁ ယောက်ရယ်၊ အာဇာနည်နေ့ဗိမာန်ကို ဇူလိုင် ၁၉ မနက်မှာ တက်ရောက်အလေးပြုဖို့စီစဉ်နေပါတယ်၊ အဲ့အတွက် အခုတည်းက ကလေးတွေကိုဝတ်စုံပြည့်လေ့ကျင့်ရင်းနဲ့ ဗိုလ်ချုပ်အောင်ဆန်းနဲ့ အာဇာနည်ခေါင်းဆောင်တွေအကြောင်း သူတို့တွေ စိတ်ပါဝင်စားစွာနဲ့ သူတို့ကိုယ်တိုင်လေးလေးစားစား အလေးပြုရအောင် အကြိုပြင်ဆင်လေ့ကျင့်ပေးတာဖြစ်ပါတယ်"

အဲဒီလိုချီတက်ရာမှာ ရွှေည၀ါဆရာတော်၊ ရုပ်ရှင်သရုပ်ဆောင် ဗေလုဝနဲ့ စာရေးဆရာ ဦးထင်လင်းဦးတို့လည်း ပါဝင်ခဲ့ပါတယ်။
RFA

ပြည်သူ့အရေးဂျာနယ် အတွဲ၂၊ အမှတ် ၉၁၊ မျိုးညွန့် (popular news) ဆောင်းပါး

အထဲဝင်လို့ မရရင် အပြင်ထွက်တွေ့မယ်ဟု ဆိုလိုက်သည်။ ဇွန် ၂၃ ရက် ထိုင်းနိုင်ငံ မဟာချိုင်တွင် ဒေါ်အောင်ဆန်းစုကြည်ကို တွေ့ဆုံရန် စောင့်ဆိုင်းနေကြသော မြန်မာ ရွှေ့ပြောင်းလုပ်သားများ ထိုင်း အစိုးရ စီစဉ်ထားသည့် ခန်းမထဲသို့ ၀င်ခွင့်မရခြင်းအပေါ် ဒေါ်စု၏ တုံ့ပြန်ချက် ဖြစ်သည်။
ခန်းမပြင်ပတွင် ဒေါ်အောင်ဆန်းစုကြည်ကို ခဏ မြင်ရဖို့အရေး၊ လူထုခေါင်းဆောင်၏အမှာစကားကို ကြားရဖို့အရေး မိုးထဲလေထဲ စောင့်ဆိုင်းနေကြသော မြန်မာလုပ်သားများမှာ နည်းနည်းနောနော မဟုတ်။ ဒံပေါက် တစ်ထုပ် လည်း ရတာ မဟုတ်၊ နေ့စားခလည်း ရတာ မဟုတ်။ ခရီးစရိတ် အကုန်ခံ၊ တစ်ရက်တာ လုပ်ခ အဖြတ်ခံလို့။ ပြည်သူနှင့် တွေ့ဖို့ရာ အမြဲတမ်း တက်ကြွနေသူနှင့် ဒေါ်စုနှင့် တွေ့ဖို့ရာ ထာဝစဉ် မျှော်လင့်နေကြသူ ပြည်သူများ။

ထိုမြင်ကွင်းမြင်ရတော့ တက်ကြွစိတ်နှင့် အတူ အသက် ၇၁ နှစ်ကျော်ပြီ ဖြစ်သော ဒေါ်အောင်ဆန်းစုကြည်အနေနှင့် ဘယ်လောက် ပင်ပန်းရှာလိုက်မလဲဟု အတွေးဝင်မိသည်။အပျော်ခရီးထွက်လာခြင်း မဟုတ်။ နိုင်ငံကို ကိုယ်စားပြု ဆွေးနွေးရ၊ ညှိနှိုင်းရ၊ ပြောရဟောရ။သို့သော် ပင်ပန်းတာကို ပင်ပန်းတယ်ဟု မထင်။ဇွန် ၂၅ ရက်၊ လမ်းနံဘေး ဆီးကြို မေတ်္တာ ပို့နေသော မြန်မာလုပ်သားများကို မြင်ရတော့ မူလသတ်မှတ် အစီအစဉ်ထဲမှာ မပါသော်လည်း ပြည်သူတို့ထံ အရောက်သွားလို့ နှုတ်ခွန်း ဆက်သပြန်သည်။
တွေ့ပြန်တော့လည်း ကြီးကြီးကျယ်ကျယ် ဘာမှမပြော။ အထက်စည်းမှ မိန့်ခွန်းချွေသည့် ပုံစံမဟုတ်။ အဝေးရောက် သားသမီးများကို ခေတ္တ တွေ့ဆုံခိုက် မိခင်တစ်ယောက်က မှာကြားနေသလို။ လိမ်လိမ်မာမာ နေကြနော်၊ အားမငယ်နဲ့၊ သူ့အချိန်နဲ့သူ ဖြစ်လာအောင် အမေတို့ ကြိုးစားအားထုတ်ပေးမယ်တဲ့။

မြန်မာ့ လူမှုပတ်ဝန်းကျင်တွင် ၇၁ နှစ် အရွယ်မှာ ဘုရားသွား ကျောင်းတက်၊ တရား ဘာဝနာ ပွားများ၊ သားတွေ မြေးတွေ သိုက်သိုက်ဝန်းဝန်းဖြင့် ဘ၀၏ နေ၀င်ချိန်ကို သက်သောင့်သက်သာ ဖြတ်သန်းကြသည့် အရွယ်။ ဒေါ်အောင်ဆန်းစုကြည်အတွက် ကတော့ ခါးကျိုးမတတ်လုပ်၊ မီးပွင့်မတတ် စဉ်းစား။ နေ့ရှိသရွေ့ အချိန်တိုင်းသည် တိုင်းပြည်ကို လမ်းကြောင်းတစ်ခုပေါ်သို့ ရောက်အောင် ဘယ်လို ဆွဲတင်မလဲ။နှစ်နှစ်ခြိုက်ခြိုက်တောင် အိပ်ပျော်ပါ့မလား မသိ။

သို့သော် ၁၉၈၈ ခုနှစ် အောင်ဆန်းစုကြည် အဖြစ် ပြည်သူတို့၏ရှေ့ စတင် ရောက်ရှိစဉ်က တွေ့ခဲ့ရသည့် ပုံစံအတိုင်း ယနေ့တိုင် တက်ကြွဆဲ။ မမောဆဲ မပန်းဆဲ။ တိုင်းပြည် အတွက် ဇွဲနဲပဲကြီးဆဲ။ ဒေါ်အောင်ဆန်းစုကြည်၏ ထိုသို့သော ပုံရိပ်ကို မြင်ရတော့ ကျွန်တော်တို့ ပြည်သူတွေကရော ဘယ်လိုလဲဟု ကိုယ့်ပေါင် ကိုယ်လှန်ထောင်း ကြည့်ချင်လာသည်။
ဒီချုပ်ကို ပုံအောလို့ လက်သန်းကို မင်တို့ ပြန်လာခဲ့ရုံဖြင့် ပြည်သူတို့၏ တာဝန်ကျေသွား ရော့လေသလား။ ဒေါ်အောင်ဆန်းစုကြည်ကို လှိုက်လှိုက်လှဲလှဲ ကြိုဆို၊ အမေစု ကျန်းမာပါစေ၊ ချမ်းသာပါစေဟု ဟစ်ကြွေးလိုက်ရုံဖြင့် တာဝန် ကျေပြီဟု ယူဆနိုင်ပါသလား။ နှစ်ပေါင်းများစွာ မလျှော်မဖွပ် အညစ်ပေါ် အညစ်ထပ်နေသော လက်နှီးစုတ်တစ်စလို ဖြစ်နေသည့် တိုင်းပြည်ကို ပြန်လည် လျှော်ဖွပ်ရာတွင် အစိုးရတစ်ရပ် တည်းဖြင့် လုံလောက်ပြီဟု ထင်မြင်မိပါ သလားဟု မေးခွန်းထုတ်မိသည်။

ကျွန်တော်တို့ ပြည်သူများမှာ နှစ်များစွာကြာ လောကဓံပေါင်းသောင်းခြောက် ထောင်ဖြင့် ခါးသက်ခဲ့သည်။ သို့သော် ဖိနှိပ်မှု ပေါင်းများစွာကို ကြုံတွေ့ခဲ့ကြရသော်ငြား ပြည်သူတို့၏ ဒီမိုကရေစီ စိတ်ဓာတ်ကို စစ်ဝါဒီများက ရိုက်ချိုး ဖျက်ဆီး၍ မရအောင် ကြံ့ကြံ့ခံခဲ့ကြသည်။ ထိုစိတ်ဓာတ်ကြောင့်ပင် ၂၀၁၅ ရွေးကောက်ပွဲတွင် ဒီမိုကရေစီ ခရီး အတွက် မဟာဗျူဟာမြောက် ခြေတစ်လှမ်းကို လှမ်းနိုင်ခဲ့ကြသည်။ ပြည်သူအများ ယုံကြည် အားထားခြင်း ခံရသလို က်္ဘာ့အဆင့် နိုင်ငံရေး ခေါင်းဆောင်များနှင့် တစ်တန်းတည်း ရှိသော ဒေါ်အောင်ဆန်းစုကြည်ကဲ့သို့ ခေါင်းဆောင် ကောင်းတစ်ယောက် ရှိနေခြင်းနှင့် ပြည်သူတို့၏ ပြင်းပြသော ဒီမိုကရေစီ စိတ်ဓာတ်သည် အနာဂတ်သို့ ချီရန် မရှိမဖြစ် လိုအပ်သော ကိရိယာတန်ဆာပလာများပင် ဖြစ်သည်။

လှေလည်း အဆင်သင့်၊ လှော်တက်လည်း အဆင်သင့်။ သို့သော် မလှော်လျှင်တော့ မရွေ့။လှော်ပြန်လျှင်လည်း တစ်ယောက်တစ်ပေါက် လှော်ချင်သလို လှော်နေပါက အားစိုက် သလောက်လည်း ရွေ့မှာ မဟုတ်။ ညီညာမှု ရှိရန် လိုသည်။ ဟိုလိုလို ဒီလိုလိုဖြင့် ရေသာ မခိုမိကြဖို့ လိုသည်။ ထိုသို့ဆို၍ ဒေါ်အောင်ဆန်း စုကြည် ပြောသမျှ အစိုးရအဖွဲ့ လုပ်ဆောင်သမျှ သင့်မြတ်လှကြောင်းပါဟု အရာရာကို သင့်မြတ်လိုက်ရန် ဆိုလိုခြင်းတော့ မဟုတ်။ဝေဖန်ရေး ဆိုသည်မှာလည်း လိုအပ်သည်။သို့သော် ဝေဖန်ရေး ဆိုသည်မှာ ဆီလို အပေါက်ရှာ အပြစ်ရှာနေခြင်း မဟုတ်တာ သေချာ၏။

ယနေ့ မြန်မာနိုင်ငံ၏ အခြေအနေမှာ တစ်စိတ်တစ်ဒေသသာ ရရှိသေးသော ဒီမို ကရေစီကို ယခုထက် ပို၍ ပို၍ ရရှိလာအောင် ရုန်းကန်နေရခြင်းနှင့် ရုပ်ရောစိတ်ပါ တစ်စစီ ဖြစ်နေသော တိုင်းပြည်ကို ပြန်လည် ဆက်စပ်ရေး ဖြစ်သည်။ ထို နှစ်ပိုင်းမှာ တစ်ခုနှင့် တစ်ခုလည်း အပြန်အလှန် ဆက်စပ်နေသည်။ထားတော့။
ပထမအပိုင်း ဖြစ်သော တစ်စိတ် တစ်ဒေသမှသည် ပြည့်ဝ ဒီမိုကရေစီသို့ သွားရာ ခရီးတွင် မြင်နေရပြီ ဖြစ်သော ထောင်ချောက်နှင့် မမြင်ရသေးသော ထောင်ချောက်တို့သည် လည်း အစီအရီ ရှိနေသည်။ မြင်နေရသော ထောင်ချက်ဆိုသည်မှာ အကဲစမ်းလာနေသော လူမျိုးဘာသာ အကြောင်းပြ အကြမ်းဖက် လိုမှုပင် ဖြစ်သည်။
၂၀၁၂ ခုနှစ် ကြားဖြတ် ရွေးကောက်ပွဲလွန် ကာလတွင် လူမျိုးဘာသာ အကြောင်းပြ အကြမ်းဖက်မှုများ ဖြစ်ပွားခဲ့သည်။ မြို့ကြီးအချို့ မီးဟုန်းဟုန်း တောက်ခဲ့ရသည်။ ငါတို့မြို့ ဘယ်တော့ မီးတောက်မလဲ၊ ပြည်သူအများ ကျီးလန့်စာ စားခဲ့ရသည်။ အခုပဲ တိုင်းပြည် ပျက်တော့ မလို၊ အခုပဲ လူမျိုးပျောက်တော့ မလို၊ အခုပဲ ဗုဒ္ဓဘာသာ မြန်မာမှာ ကွယ်ပတော့ မလိုဖြင့် လိမ်ညာ ၀ါဒဖြန့်ကာ ၂၀၁၅ ရွေးကောက်ပွဲတွင် လူမျိုးဘာသာ အသုံးချ အောက်လမ်း နိုင်ငံရေးမှာ ဗြောင်ကျကျ ထွက်ပေါ်လာခဲ့သည်။ သို့သော် ပြည်သူတို့တွင် နိုင်ငံရေး ကျပ်မပြည့်သော ရောဂါမရှိကြောင်း သက်သေပြခဲ့သည်။

လူမျိုးဘာသာ အသုံးချ လိမ်ညာဝါဒ ဖြန့်မှုမှာ ၂၀၁၅ ရွေးကောက်ပွဲ မတိုင်မီက စည်းရုံးရေး လက်နက် ဖြစ်ခဲ့သော်လည်း ယခုအခါမှာတော့ တိုင်းပြည်၏ အနာဂတ်ကို ဖျက်လိုဖျက်ဆီးလုပ်လိုသည့် လက်နက်ပုန်း ဖြစ်လာသည်။ ယင်းလက်နက်ပုန်းကို လိမ်္မာ ပါးနပ်စွာ ရှောင်ရှားရန်နှင့် ခုခံ ကာကွယ်ရန်မှာ ပြည်သူတို့၏ တာဝန်ပင် ဖြစ်သည်။
နောက်ထပ် အရေးကြီးသော တာဝန်မှာ တစ်စစီ ဖြစ်နေသော တိုင်းပြည်ကို ပြန်လည် ဆက်စပ်ရာတွင် ပြည်သူတစ်ဦးချင်းစီ၏အား ထည့်ဝင်ရေးပင် ဖြစ်သည်။ မည်သို့ ထည့်ဝင် ရမည်နည်။ မတရားမှုများကို ဆန့်ကျင်ခြင်း နည်းဖြင့် ထည့်ဝင်နိုင်သလို ကိုယ့်တာဝန် ကိုယ်ယူခြင်း နည်းသည်လည်း တိုင်းပြည်၏အရွေ့အတွက် သဲတစ်ပွင့်ပင် ဖြစ်သည်။
တစ်ချိန်တုန်းကတော့ အစိုးရဆိုတာလည်း သူ့ဘာသာ အာဏာသိမ်းအုပ်ချုပ်၊ ပြည်သူကို ကျွန်သဖွယ် ပြုမူ၊ ပြည်သူ့ဘဏ္ဍာ ငါတို့ဟာဟု သဘောထား။ ပြည်သူကလည်း အစိုးရဆိုတာ ငါတို့နဲ့ ဘာမှမဆိုင်ဟု သိမှတ်ခြင်းနှင့် အတူ ရရင်ရသလို လုပ်မယ် ဆိုသည်မှာလည်း ဘ၀ပေး အသိသဖွယ် ဖြစ်လာခဲ့သည်။
ယခုအခါမှာတော့ ကိုယ်ကိုယ်တိုင် တင်မြှောက်ထားသည့် အစိုးရ။ ကိုယ့်အစိုးရနှင့် အတူ အနာဂတ် ဆိုတာကိုလည်း တွေးတတ်စ ပြုပြီမို့ ငါ့ နိုင်ငံတော် ဆိုသည့် စိတ်ဓာတ်သည် လည်း အတောင်မပေါက်သေးဟု ဆိုတောင် အကောင်တော့ ပေါက်နေလောက်ပြီဟု ထင်၏။

ငါ့နိုင်ငံတော်တွင် ငါ့နိုင်ငံတော် ဖွံ့ဖြိုးရေးအတွက် ပြဋ္ဌာန်း ဥပဒေ အတိုင်း စိတ်ထက်သန်စွာ အခွန်ပေးကြခြင်းသည် တစ်ဦးချင်းစီ၏ ထည့်ဝင်အား တစ်ခုပင် ဖြစ်သည်။ ကိုယ်ကိုယ်တိုင်လည်း ကိုယ့်အကျိုးကို ကြည့်ကာ လာဘ်မပေး၊ ကိုယ်ကိုယ်တိုင်လည်း လာဘ်မယူ၊ လာဘ်ပေးလာဘ်ယူ တွေ့ရှိပါ ကလည်း ကိုယ်နဲ့မဆိုင်ဟု သဘောမထားကာ ဖော်ထုတ်ခြင်းသည် ထည့်ဝင်အားတစ်မျိုးပင် ဖြစ်သည်။ နောက်ထပ် ထည့်ဝင်ရမည့်အား တစ်ခုကတော့ တရားသဖြင့် ပြဋ္ဌာန်းထားသော အများပြည်သူ လက်ခံသင့်၊ လက်ခံနိုင်သော ဥပဒေဖြစ်ပါက ယင်း ဥပဒေဘောင်အတွင်း နေထိုင်ခြင်းနှင့် ဥပဒေ ပြင်ပ နေထိုင်မှုများ တွေ့ရှိပါက ငါနဲ့ မဆိုင်ဟု သဘောမထားဘဲ ဆန့်ကျင် ကန့်ကွက်ခြင်း ဖြစ်သည်။ အားလုံးကို တစ်ခွန်းတည်း ချုပ်ဆိုရသော် တစ်ဦးချင်းစီ၏စိတ်တွင်းသို့ ခေတ်ဆိုးကြီးက ရိုက်သွင်းထား သော ရလို့ လုပ်သည်ဆိုသော အကျင့်ဆိုးကို မြေလှန်ပစ်ရေးပင် ဖြစ်သည်။

တွေ့ရာနေရာ အမှိုက်ပစ်နေခြင်းမှာ ရလို့ လုပ်နေခြင်း ဖြစ်သည်။ လာဘ်မပါလျှင် ဘောပင် မင်ကုန်သွားခြင်းမှာ ရလို့လုပ်နေခြင်းဖြစ်သည်။ကိုယ့်အမျိုးသားချင်း မညှာမတာ၊ ဥပဒေပါ အခွင့်အရေးအတိုင်း မပေးဘဲ လုပ်သားများဆီမှ ရရင် ရသလို အချောင်နှိုက်နေခြင်းမှာလည်း ရလို့ လုပ်နေခြင်း ဖြစ်သည်။ ကိုယ်ကိုယ်တိုင်မှ စပြီး ရလို့ လုပ်နေသော ဇာတ်ထုပ်မှာ မနည်း။အကျင့်ဆိုးကြီးက လွှမ်းမိုးမှု အားကောင်း လေတော့ ရလို့ လုပ်နေခြင်းဟု မထင်မိဘဲ ရလို့ လုပ်နေကြသည်။

သို့သော် တိုင်းပြည်ကို ရှေ့သို့ ခက်သွက် သွက် ရွေ့လိုလျှင်တော့ ထိုအကျင့်ဆိုးကြီးကို ကိုယ်စီကိုယ်င ပြင်ကြရန် လိုသည်။ ဘယ်နှယောက် ပြင်နိုင်သလဲ၊ ဘယ်လောက်ထိ ပြင်နိုင်သလဲသည် တိုင်းပြည်အရွေ့နှင့် တိုက်ရိုက် အချိုးကျမည်သာ ဖြစ်သည်။ (ယင်းမှာ အစိုးရကောင်းခြင်း၊ မကောင်းခြင်းနှင့် မဆိုင်)
ထိုအကျင့်ဆိုးကြီးကို ကိုယ်စီကိုယ်င အတတ်နိုင်ဆုံး ပြင်နိုင်ခဲ့သည့်တိုင် အညစ်ပေါ် အညစ်ထပ်နေသော လက်နှီးစုတ်ကြီးမှာ ချက်ချင်း မဖြူသွားနိုင်သည်ကိုလည်း အထူး သတိချပ်စေလိုပါသည်။ အစိုးရ စွမ်းဆောင်ရည် လည်းကောင်း၊ ပြည်သူတို့၏ ထည့်ဝင်အားသည် လည်း ကောင်းသည့်တိုင် နှစ် ၅၀ ကျော်ကြာ ငရဲမှာ လူးခဲ့ရသော တိုင်းပြည်သည် ငါးနှစ်တာ အချိန်အတွင်း နိဗ်္ဗာန်ရွှေပြည်သို့ မရောက်နိုင် ကြောင်း ရဲရဲတွေးထားကြဖို့ လိုသည်။

အစိုးရရော ပြည်သူပါ ညီညာစွာ လှော်ခတ်ခဲ့လျှင် ယခု ငါးနှစ်သည် အပြောင်း အလဲ၏ အရသာ ချိုမြိန်ကြောင်း မြည်းစမ်းခွင့် ရသည့် အဆင့်၊ နောင်ထက် ငါးနှစ် ကာလမှသာ အာရှတွင် မြန်မာသည်လည်း ကျားတစ်ကောင် ဖြစ်လာပြီဟု ကြွေးကြော်နိုင်လိမ့်မည် ထင်၏။

ထိုသို့ ကြွေးကြော်နိုင်ရန်အတွက် နောက်ထပ် ထမ်းဆောင်ရမည့် ပြည်သူတို့၏တာဝန်မှာ ၂၀၁၅ ကဲ့သို့ပင် ၂၀၂၀ ရွေးကောက် ပွဲတွင်လည်း ဒီချုပ်ကို ပုံအောရေးပင် ဖြစ်သည်။

မျိုးညွန့် (Popular News)
ပြည်သူ့အရေး


 ပိတ်မိနေတဲ့ လူတွေကို ကြိုးစားကယ်ထုတ်
အိန္ဒိယ နိုင်ငံ မြောက်ပိုင်းမှာ အထပ်မြင့် ဈေးဝယ် စင်တာ တစ်ခု ကို ဖျက်ဆီး ဖြိုချ ခဲ့စဉ်မှာ မတော်တဆမှု ကြောင့် အနည်းဆုံး လူ ၄ ဦး သေဆုံး ခဲ့ရပါတယ်။

အဆောက်အဦး အပျက်အစီး ပုံတွေ ကြားထဲမှာ ပိတ်မိနေတဲ့ လူတွေကို ကယ်ထုတ်ဖို့ အရေးပေါ် ကယ်ဆယ်ရေး အဖွဲ့တွေက ကြိုးစားနေရပါတယ်။

မီးရွတ် မြို့က အဆိုပါ ဈေးဝင် စင်တာ ဟာ ခွင့်ပြုချက် မရှိဘဲ ဆောက်လုပ် ခဲ့တာကြောင့် တာဝန်ရှိသူတွေက ဖြိုဖျက်ဖို့ အမိန့် ပေးခဲ့ တာပါ။

တရားရုံးက ဈေးဝယ် စင်တာ ဖြိုဖျက်ဖို့ အမိန့်ချမှတ် ခဲ့တာကို မီးရွတ် မြို့မှာ နေထိုင် သူတွေက ဆန့်ကျင် ဆန္ဒပြပွဲတွေ ပြုလုပ် နေစဉ် ထိခိုက် ဒဏ်ရာ ရရှိခဲ့တာ ဖြစ်ပါတယ်။

BBC Burmese
http://www.bbc.com/burmese

လျှပ်စစ်နှင့် စွမ်းအင်ဝန်ကြီးဌာန၏ ရက် ၁၀၀ စီမံကိန်းအရ ရန်ကုန်တိုင်းဒေသကြီးခရိုင်လေးခုတွင် ထရန် စဖော်မာအလုံး ပေါင်း ၁၅၀ တပ်ဆင်ပြီးစီးသွားပါက ဒုတိယ ရက် ၁၀၀ စီမံချက်ဖြင့် ရန်ကုန်မြို့ရှိ လျှပ်စစ်မီး အခက်အခဲရှိနေသည့် မြို့နယ်၊ ရပ်ကွက်များကို ထရန်စဖော်မာ၊ ဓာတ်အားလိုင်းများ ထပ်မံတပ်ဆင်ပေးသွား မည်ဖြစ်ကြောင်း ရန်ကုန်လျှပ်စစ်ဓာတ်အား ကော်ပိုရေးရှင်း (YESC) ၏ ဓာတ်အားဖြန့်ဖြူးရေး အထွေထွေမန်နေဂျာ ဦးစောဝင်းမောင်က News Watch သို့ ပြောသည်။

''ဒုတိယရက် ၁၀၀ စီမံချက်နဲ့ပတ်သက်ပြီး မြို့နယ်တွေကို အချက်အလက် ကောက်နေတုန်းပါပဲ။ ဒီလုပ်ငန်း တွေပဲ ဆက်လုပ်မှာပေါ့။ ထရန်စဖော်မာတပ်မယ်။ ဓာတ်အားလိုင်းတပ်မယ်။ ထရန်စဖော်မာ အလုံးရေ ကန့်သတ်မထားဘူး။ ရပ်ကွက်ထဲမှာလိုသလောက်တပ်ပေးမှာ။ လိုအပ်ချက် အပေါ်မူတည်ပြီးတော့ တပ်ဆင်ပေးမှာပါ'' ဟု ၎င်းက ပြောသည်။

လျှပ်စစ်နှင့် စွမ်းအင်ဝန်ကြီးဌာန၏ ရက် ၁၀၀ စီမံကိန်းဖြင့် မေလ ၁ ရက်နေ့မှ စတင်ကာ ရန်ကုန်တိုင်းဒေသကြီး ခရိုင်လေးခုတွင် ထရန်စဖော်မာအလုံးပေါင်း ၁၅၀ တပ်ဆင်လျက်ရှိရာ ဇွန်လ ၂၇ ရက် နေ့အထိ ထရန်စမော်ဖာ အလုံးပေါင်း ၁၂၅ လုံးတပ်ဆင်ပြီးစီးခဲ့ကြောင်းနှင့် ရက် ၁၀၀ ပြီးစီးပါက YESC ၏ ဒုတိယရက် ၁၀၀ စီမံချက်ကိုအကောင်အထည်ဖော်သွားမည်ဖြစ်ကြောင်း သိရသည်။

''ရပ်ကွက်ထဲရှိနေတဲ့ အခက်အခဲအခြေအနေတွေအပေါ် မူတည်ပြီးတော့ ထရန်စဖော်မာတပ်ဆင်ပေးရမှာ။ တ/ဒဂုံ တို့ မြောက်ဒဂုံတို့အတွက် Plan ရှိပြီးသား။ တင်ပြထားမှုတွေရှိနေတော့ ဘက်ဂျက်အခြေအနေပေါ် မူတည်ပြီးတော့ ထရန်စဖော်မာတပ်ဆင်ပေးမယ်။ အမှန်တကယ် လိုအပ်တဲ့ မြို့နယ်တွေကို ဦးစားပေးဆောင် ရွက်ပေးသွားမယ်'' ဟု ဦးစောဝင်းမောင်က ပြောသည်။

လက်ရှိတပ်ဆင်နေသည့် ထရန်စဖော်မာများမှာ ၂၀၀ KVA ထရန်စဖော်မာဖြစ်ပြီး ရက် ၁၀၀ စီမံချက်သည် ဇူလိုင်လအတွင်း ပြီးစီးမည်ဖြစ်ကြောင်း သိရသည်။ ထို့ပြင် ရန်ကုန်တိုင်းဒေသကြီးတွင် ဇန်န၀ါရီလမှ မေလ အထိ အမြင့်ဆုံးဓာတ် အားသုံးစွဲမှု ၁၁၈၈ မဂ္ဂါဝပ်အထိရှိခဲ့ကြောင်းနှင့် ရန်ကုန်တိုင်းဒေသကြီးသည် တနိုင်ငံ လုံး၏ ဓာတ်အားသုံးစွဲမှု၏ ၅၀ ရာခိုင်နှုန်း သုံးစွဲနေသည့်အတွက် ဓာတ်အားအပြည့်အ၀ပေးနိုင်ရေးအတွက် ဓာတ်အားပေးစက်ရုံများ ထပ်မံတည်ဆောက်ရန် လိုအပ်နေကြောင်း YESC ၏ အမှုဆောင်အရာရှိချုပ် ဦးထွန်းကြွယ်က ပြောဆိုထားသည်။

လင်းလင်းအောင်
News Watch(စောင့်ကြည့်သတင်းဂျာနယ်)

ဇူလိုင်လ ၃ရက်နေ့က သြစတြေးလျနိုင်ငံမှ သူငယ်ချင်းတယောက်က ဖေ့စ်ဘွတ်ပေါ်တွင် အောက်ပါအတိုင်း ပြောလာပေ၏။

''ဒီနေ့ Australia နိုင်ငံ အစိုးရရွေးချယ်ပွဲမှာ မဲပေးခဲ့ရတယ်။ မြန်မာပြည်လို တံဆိပ်တုံးလည်းမနှိပ်ရ၊ ကိုယ်ကြိုက်တဲ့ပါတီ အမည်လေးဘေးက လေးထောင့်ကွက်ထဲမှာ ခဲတံလေးနဲ့အမှတ်ခြစ်လိုက် ရုံပါပဲ။ မဲစာရင်းမပါလို့ ငိုစရာလည်းမလို ဓာတ်ပုံပါတဲ့သက်သေခံ ကတ်ပြားပြပြီး နေရပ်လိပ်စာပြလိုက်ရင် မဲပေးခွင့်ရပါတယ်။ နိုင်ငံသားတိုင်း မဲပေးရမယ်၊ ပျက်ကွက်ရင် ဒဏ်ငွေဆောင်ရမယ်တဲ့လေ၊ မဲရုံညနေ ၆ နာရီပိတ်ပြီး အခုမဲတွေရေတွက်နေတာကို TV ကနေမြင်နေရပြီး ကြိုတင်မဲဆိုတာတွေ ကားကြီးတွေနဲ့လည်း ရောက်မလာကြပါဘူး။ နိုင်ငံရေး ကျွမ်းကျင်သူတွေကတော့ အနိုင်ရမယ့်ပါတီကို ခန့်မှန်းပြောဆိုနေကြတာ ကိုလည်း မြင်နေရပါတယ်။ ဘယ်ပါတီနိုင်မှာလဲ မကြာမီ သိရတော့မှာပါ။ အနိုင်ရပါတီခေါင်းဆောင်ကို ရှုံးတဲ့ ပါတီခေါင်းဆောင်က Congratulations လုပ်တာလည်း ဒီမိုကရေစီနိုင်ငံရဲ့ အလေ့အကျင့်တခုပါပဲ''ဟု ရေးသား ထားလေသည်။ ထိုအခါ ကျွန်တော်တို့သိရသည်မှာ သူများနိုင်ငံက ရွေးကောက်ပွဲများနှင့် ဒီမိုကရေစီအလေ့ အထများ ဖြစ်သည်။ လူတိုင်းလွယ်ကူစွာ မဲပေးနိုင်ရန် ဆောင်ရွက်ထားခြင်း၊ နိုင်ငံသားတိုင်း မဲပေးရမည့်တာဝန် ကို ထမ်းဆောင်ချင်လာအောင် မဲမပေးသူ ဒဏ်ငွေဆောင်ရမည့်စနစ်ဖြင့် ထိန်းချုပ်ထားတာကိုလည်း သတိပြု မိသည်။ ထို့အပြင် မြန်မာနိုင်ငံတွင် လူပြောများလှသော ကြိုတင်မဲစနစ်ကိုလည်း ကင်းဝေးအောင် ဆောင်ရွက်ထားကြတာလည်း အတုယူစရာကောင်းသည်။ စင်စစ်မြန်မာနိုင်ငံသည်ကား ၁၉၆၂ မှစကာ နှစ်ပေါင်းငါးဆယ်ခန့် ဒီမိုကရေစီအလေ့ အထများ ပျက်သုဉ်းခဲ့သည်ဖြစ်ရာ အရာရာသည် စည်းကမ်းတကျ မဖြစ်ဘဲ ဖရိုဖရဲဖြစ်နေဆဲသာ ဖြစ်သည်။ တိုင်းသူပြည်သားများဘက်ကရော၊ အစိုးရဘက်ကရော ဒီမိုကရေစီ မဆန်သော အပြုအမူအကျင့်အကြံတို့ ရှိနေသေးတာ မကြာခဏတွေ့ရလေသည်။

ဒီမိုကရေစီ၏ဆန့်ကျင်ဘက်မှာ အာဏာရှင် စနစ်ဖြစ်ရုံသာမက၊ ဒီမိုကရေစီ၏ဆန့်ကျင်ဘက်မှာ လူအုပ်ဖြင့် အကြမ်းဖက်ရမ်းကားသော မော့ဘိုကရေစီဝါဒ (Mobocracy) ဖြစ်သည်။ လူအများစုဖြင့် ရမ်းကားခြင်းကို ဒီမိုကရေစီဟုမခေါ်ဘဲ မော့ဘိုကရေစီ (Mobocracy) ဟု ခေါ်သည်။ မော့ဘိုကရေစီကို ဒေါက်တာဘဟန် (M.A.,Phd., D.Litt) ပြုစုသော အင်္ဂလိပ်မြန်မာအဘိဓာန်၌ ၁။ ရုန်းရင်းခတ်ပြုသူတို့ ထကြွသူလူစု၊ ရုန်းရင်း ခတ်ပြုသူတို့ ထကြွသူလူစုအုပ်ချုပ်ခြင်း၊ ရုန်းရင်းခတ်ပြုသူတို့ ထကြွသူလူစု အုပ်ချုပ်နည်း။ ၂။ လူညံ့စု၊ အောက်တန်းစားလူစု၊ တရားမရှိ ဓားမရှိလူစုဟု ရေးသားထားပါသည်။ Webster’s New Collegiate Dictionary တွင် mobocracy ကို 1: rule by the mob 2: the mob as a ruling class ဟု ရေးသား ထားပါသည်။ ဒီမိုကရေစီ၏ ဆန့်ကျင်ဘက်သည် မော့ဘိုကရေစီဖြစ်ပါသည်။ မော့ဘိုကရေစီအားကောင်း လာလျှင် ဒီမိုကရေစီပျောက်ကွယ်တတ်ပါသည်။ ထို့ကြောင့် ဒီမိုကရေစီ၏ဆန့်ကျင်ဘက်မှာ အာဏာရှင်စနစ် တခုတည်းသာမဟုတ်ဘဲ မော့ဘိုကရေစီဝါဒလည်း ပါဝင်ပါသည်။ မော့ဘိုကရေစီဆိုသည်မှာ အဘယ်နည်းဟူမူ ပြဿနာတရပ် အငြင်းပွားမှုတရပ်၊ ဖြစ်လာလျှင် ဥပဒေကြောင်းအရ နည်းမှန်လမ်းမှန် ယဉ်ယဉ်ကျေးကျေး အေးအေးချမ်းချမ်းမဖြေရှင်းဘဲ သွေးဆူနေဆဲအခိုက်ဝယ် လူအုပ်ဖြင့် ဥပဒေပြင်ပမှ စိတ်လိုက်မာန်ပါ ဖြေရှင်းကြ သောလုပ်ရပ်ဖြစ်သည်။ ထိုလုပ်ရပ်မျိုးသည် ဖွံ့ဖြိုးပြီးနိုင်ငံများ၊ ပညာတတ်ပေါများသော၊ ယဉ်ကျေးသော လူ့အသိုင်းအ၀ိုင်းတို့တွင် အဖြစ်နည်းသည် (သို့မဟုတ်) လုံးဝမဖြစ်သလောက်နီးပါးရှိသည်။ ခါးပိုက်နှိုက် တယောက်ကို လူအုပ်က၀ိုင်းရိုက်သဖြင့် သေသွားသောအဖြစ်မျိုး၊ ယာဉ်တိုက်မှုတခုဖြစ်ပွားရာတွင် ကားမောင်း သူကို လူအုပ်က၀ိုင်းရိုက်တာမျိုး အင်္ဂလန်၊ ဂျာမဏီ၊ ပြင်သစ် စသော ဒီမိုကရေစီရင့်ကျက်နေသောနိုင်ငံများမှာ တွေ့ရလေ့ရှိမည်မဟုတ်ပါ။ ထိုအဖြစ်မျိုးသည် ပညာရည်နိမ့်ကျသောနိုင်ငံများတွင် အဖြစ်များပါသည်။ အိန္ဒိယ၊ ဘင်္ဂလားဒေ့ရှ်၊ ပါကစ္စတန်၊ အာဖဂန်နစ္စတန်၊ ဆီးရီးယား၊ အီရတ်၊ လစ်ဗျား၊ လိုက်ဘေးရီးယား၊ ရ၀မ်ဒါ၊ ဆိုမာလီ စသော နိုင်ငံများတွင် အဖြစ်များပါသည်။ ခြွင်းချက်အဖြစ် အမေရိကန်ပြည်ထောင်စု ဖာဂူဆန်မြို့ကလေးတွင် ဆယ်ကျော်သက် လူမည်းကောင်လေးတယောက်ကို ရဲကပစ်သတ်ခဲ့သောကြောင့် လူအုပ်ဖြင့် ဆူပူအကြမ်းဖက် မှု ဖြစ်ပွားခဲ့သေးသည်။

သို့သော် ထိုကိစ္စမျိုးသည် မြန်မာနိုင်ငံတွင်လည်း တစတစနှင့် ဖြစ်ပွားလာပါသည်။ ထိုသို့ဖြစ်ရသော အဓိက အကြောင်းအချက်မှာ ဥပဒေစိုးမိုးမှုအားနည်းခြင်း၊ တရားစီရင်ရေးမဏ္ဍိုင် ယိမ်းယိုင်နေခြင်း၊ ရဲတပ်ဖွဲ့သည် အားကိုးလောက်ဖွယ်မရှိခြင်း၊ ဗျူရိုကရေစီယန္တရားအဆင့်ဆင့်တွင် အဂတိလိုက်စားမှုကြီးမားစွာ အမြစ်တွယ် နေခြင်း၊ တိုင်းသူပြည်သားများ ပညာရေးတွင် နိမ့်ကျခြင်းတို့ဖြစ်သည်။ ဥပမာ ယာဉ်တိုက်မှုတခုဖြစ်သည် ဆိုပါစို့၊ ယာဉ်မောင်း၏အမှားကြောင့် လူများစွာ(သို့မဟုတ်) လူအချို့ အသက်သေခဲ့သည် ဆိုပါစို့။ ဒီမိုကရေစီထွန်းကား သော ဖွံ့ဖြိုးပြီးနိုင်ငံကြီးများတွင် လုပ်လေ့ရှိသောအလုပ်မှာ ရဲကိုဖုန်းဆက်ခေါ်ခြင်း ဖြစ်သည်။ ရဲက ထိုဖြစ်စဉ်ကို သတင်းတိုင်ကြားချက်လက်ခံရရှိသည်နှင့်တပြိုင်နက် အရေးပေါ်လူနာတင်ယာဉ်ကိုပါ လှမ်း၍အကြောင်းကြား ခေါ်ယူပါမည်။ အချို့ ရဲဌာနများတွင် အရေးပေါ်လူနာတင်ယာဉ်ပါ ပူးတွဲထားရှိပါသည်။ အခင်းဖြစ်ရာသို့ရောက် လျှင် လူနာကို ဆေးရုံသို့လည်းကောင်း၊ သေဆုံးပြီးဖြစ်လျှင် ရင်ခွဲရုံသို့လည်းကောင်း ပို့ပါမည်။ အမှုဖြစ်သော ကားဆရာကို ရဲစခန်းသို့ခေါ်၍ စစ်ချက်ယူပါမည်။ အာမခံပေး၍ရသောအမှုဆိုလျှင် အာမခံပေးပါမည်။ အမှုကို တော့ တရားရုံးသို့ ပို့ဆောင်ပြီး ဥပဒေကြောင်း အရစစ်ဆေးစီရင်ပါမည်။ လူသေသော်လည်း ဒရိုက်ဘာ၏ အပြစ်မဟုတ်ဘဲ သူ့ကိုယ်သူသတ်သေရန် ကားအောက်သို့ဝင်ခြင်း၊ လမ်းဖြတ်မကူးရနေရာဖြစ်သော ဟိုင်းဝေး လမ်းမလိုနေရာမျိုးတွင် လမ်းဖြတ်ကူး၍သေ ခြင်းမျိုးဖြစ်လျှင် ကားဆရာကို အမှုမှအပြစ်မရှိဟုဆုံးဖြတ်၍ ကွင်းလုံးကျွတ် လွှတ်ပါမည်။ ပေါ့ဆမှုကြောင့် လူသေခဲ့သောပြစ်မှုဖြစ်လျှင် ကားဆရာကို ထိုက်သင့်သော ပြစ်ဒဏ်စီရင်ပါမည်။ ဤကဏ္ဍတွင် ဥပဒေလမ်းကြောင်းအတိုင်းသာ သွားသည်ဖြစ်၍ ဒရိုက်ဘာထွက်ပြေးခြင်း၊ ရပ်ကွက်ထဲမှ လူများဝိုင်းရိုက်ခြင်း စသောကိစ္စများ ဖြစ်ပေါ်လာစရာမရှိတော့ပေ။ ခါးပိုက်နှိုက်တယောက်၊ သူခိုး တယောက် ဖမ်းမိရာတွင်လည်း ဤနည်းနှင်နှင် ဖြစ်သည်။ ဖွံ့ဖြိုးပြီးနိုင်ငံများ၌ သူခိုးမိလျှင် ရဲလက်အပ်လိုက် ခြင်းသာရှိပြီး မည်သူကမျှ ၀ိုင်းဝန်းရိုက်နှက်ခြင်း၊ ဆွမ်းကြီးလောင်းခြင်း စသော ဥပဒေမဲ့လုပ်ရပ်များတွင် မပါဝင် ကြပေ။

ဘာသာရေးကိစ္စများတွင်လည်း ဤနည်းနှင်နှင်ဖြစ်သည်။ မည်သည့်ဘာသာမှဖြစ်စေ ပတ်ဝန်းကျင်ပြည်သူလူထု နားမခံသာအောင် ကျယ်လောင်သော အသံချဲ့စက်များဖြင့် ဖွင့်လှစ်နေပြီဆိုလျှင် တားမြစ်ရမည်က ရဲတပ်ဖွဲ့၏ တာဝန်ဖြစ်သည်။ ဥပဒေအရ ခွင့်ပြုမထားသည့် ဘာသာရေးအဆောက်အဦတခု ရပ်ထဲရွာထဲတွင် ပေါ်ပေါက် နေပြီဆိုပါက ရဲကို အကြောင်းကြားရုံပဲဖြစ်သည်။ ထိုအခါ ရဲတပ်ဖွဲ့သည် ဥပဒေနှင့်အညီ ဆောက်လုပ်ခြင်း ဟုတ်မဟုတ် စစ်ဆေးကြည့်ရှုပြီး ဥပဒေနှင့်မကိုက်ညီပါက ထိုအဆောက်အဦပိုင်ရှင်ကို တရားစွဲခြင်း၊ တရားရုံးမှ ဖျက်သိမ်းမိန့်ထုတ်ခြင်းတို့ လုပ်ရပေမည်။ မိမိမကြိုက်သော အဆောက်အဦတခုပေါ် လာသည်နှင့် လူအုပ်နှင့် ၀ိုင်းဖျက်ကြခြင်းသည် မိမိကိုယ်၌က အမျိုးဘာသာကို ချစ်သည့်စိတ်ဖြင့်လုပ်သည့်တိုင် ဥပဒေမဲ့လူအုပ်ဖြင့် ရမ်းကားသောဝါဒ မော့ဘိုကရေစီဆီသို့ ဦးတည်သွားနိုင်ပါသည်။ သို့သော် မော့ဘိုကရေစီမဖြစ်အောင် တားဆီး ရာ၌ ဥပဒေ၀န်ထမ်းများဘက်ကလည်း လာဘ်မစားဘဲ၊ အချိန်မဆွဲဘဲ မည်သူ့မျက်နှာမှမကြည့်ဘဲ ဥပဒေ မျက်နှာကိုသာကြည့်၍ ပြတ်ပြတ်သားသား ရိုးရိုးသားသားဆောင်ရွက်ကြရမည်ဖြစ်သည်။ မျက်နှာကြီးသူကို တမျိုး၊ မျက်နှာမွဲကိုတမျိုး၊ အာဏာရှိသူကိုတမျိုး၊ အာဏာမရှိသူကိုတမျိုး အမျိုးမျိုးကွဲပြားနေ၍မဖြစ်၊ ဥပဒေ အထက်တွင် ကြောက်ရမည့် လူပေါ်လူဇော်တစုရှိနေ၍မဖြစ်ပေ။ ကျွန်တော်တို့နိုင်ငံတွင် လူအုပ်နှင့်ရမ်းကား သော အဖြစ်တော်တော်များများ၏ နောက်ကွယ်တွင် ရဲတပ်ဖွဲ့အပါအ၀င် ဥပဒေဘက်တော်သားများ၏ မပြတ်သားမှုများ၊ အချိန်ဆွဲမှုများ၊ ကြိုးနီစနစ်များကြောင့်လည်း ပါဝင်ပေသည်။ ခရစ်ယာန်ဘာသာဝင်များ၏ ဘုရားကျောင်းသို့ ဗုဒ္ဓဘာသာဝင်များက ကျူးကျော်ဝင်ရောက်သည်ဖြစ်စေ၊ ဗုဒ္ဓဘာသာဘုန်းကြီးကျောင်းထဲသို့ ခရစ်ယာန်က ၀င်သည်ဖြစ်စေ၊ မူဆလင်ဗလီထဲသို့ ဟိန္ဒူက အတင်းဝင်ဖျက်သည်ဖြစ်စေ၊ ဗုဒ္ဓဘာသာက ဗလီကို ဖျက်သည်ဖြစ်စေ အဓိကကြည့်ရမည်မှာ မည်သည့်ဘာသာက မည်သည့်ဘာသာကို လုပ်သည်ဟူ၍ မဟုတ်ဘဲ ပိုင်နက်ကျူးလွန်မှု၊ လူအုပ်ဖြင့်ဆူပူရမ်းကားမှု၊ ခြိမ်းခြောက်မှု၊ အကျိုးပျက်စီးစေမှု စသည်တို့ကို ကျူးလွန်မှုရှိမရှိ ကိုသာ စဉ်းစားဆုံးဖြတ်ရမည်ဖြစ်သည်။ လူတယောက်ကို ဖမ်းလျှင်လည်း မည်သည့်ဘာသာဝင်ဖြစ်စေ ရာဇ၀တ်မှုကျူးလွန်လျှင် ရဲရဲဝံ့ဝံ့ဖမ်းဆီးရပေမည်။ ထိုသို့မပြုဘဲ ဥပဒေအရဆောင်ရွက်ရန် နှောင့်နှေးကြန့်ကြာ နေခဲ့လျှင် လူစုဖြင့် သောင်းကျန်းသောဝါဒမှ ဘယ်သောအခါမှ ပျောက်ပျက်သွားမည်မဟုတ်ချေ။ ရဲများဘက် ကလည်း လူတယောက်ကိုဖမ်းချုပ်ရာ၌ ချစ်ခြင်းမုန်းခြင်း၊ အထက်အမိန့်အရ ဟုတ်ဟုတ် မဟုတ်ဟုတ်လုပ်ခြင်း၊ ဘက်လိုက်ခြင်းမပါဘဲ၊ ဥပဒေအရသာဖမ်းဆီးခြင်း၊ စစ်ဆေးခြင်း၊ ပြန်လွှတ်ပေးခြင်းတို့ကို ပြုသင့်သည်။ ထိုအခါ မြန်မာနိုင်ငံတွင်ကြားရတတ်လေ့ရှိသော (အထူးသဖြင့် ရခိုင်ပြည်နယ်မြို့များတွင် ဖြစ်တတ်သော) ရဲစခန်းကို လူအုပ်ဖြင့် သွားရောက်ဝိုင်းဝန်းအရေးဆိုခြင်းမျိုး ပပျောက်သွားမည်ဖြစ်သည်။

ကမ္ဘောဒီးယားနိုင်ငံ၌ မကြာသေးခင်ရက်များက ၀န်ကြီးချုပ်သည် ဆိုင်ကယ်စီးလာစဉ် ဆိုင်ကယ်ဦးထုပ် မဆောင်းမိသဖြင့် ယာဉ်ထိန်းရဲကလေးက ဒဏ်ငွေရိုက်သည်ကို ၀န်ကြီးချုပ်ဖြစ်သူက စိတ်မဆိုးဘဲ ကြည်ကြည်ဖြူဖြူ ဒဏ်ငွေဆောင်သွားခြင်းသည် နိုင်ငံ့ခေါင်းဆောင်များ လိုက်နာအပ်သော ဒီမိုကရေစီပြယုဂ် ဖြစ်သည်။ ကျွန်တော်တို့နိုင်ငံတွင် တပ်မတော်ခေါင်းဆောင်ဟောင်းတဦးက ဖေ့စ်ဘွတ်ပေါ်တွင် မျိုးဆက်သစ် တပ်မတော်ခေါင်းဆောင်များအား ဆုံးမသြ၀ါဒစကားများကို ရေးသားထား၏။ ထိုသြ၀ါဒအမှာစကားများကို ဂျာနယ်တစောင်က ပြန်လည်ကူးယူ ပုံနှိပ်ဖော်ပြခဲ့အပြီးတွင် ထောင်ဒဏ် ၁၀ နှစ်မှ တသက်တကျွန်းအထိ ပြစ်ဒဏ်ချ၍ရသော တပ်မတော်အားပြိုကွဲစေမှုဖြင့် တပ်မှတရားစွဲခဲ့ပေ၏။ တဆင့်စကား ပြန်လည်ဖော်ပြသော ဂျာနယ်အယ်ဒီတာချုပ်နှင့် သတင်း ထောက်အား အရေးယူတရားစွဲ(နောက်တော့ တောင်းပန်ညှိနှိုင်းပြီး အမှု ရုပ်သိမ်း)ခဲ့သော်လည်း ထိုစကားများကို အရင်ဆုံးပြောခဲ့သူ (ဖေ့စ်ဘွတ်တင်ခဲ့သူ) အငြိမ်းစားတပ်မတော် အရာရှိကြီးမှာမူကား မည်သည့်အမှုနှင့်မျှ တရားစွဲခံရသည်မကြားမိပေ။ ဥပဒေ၏အောက်တွင် ဂျာနယ်လစ်များ၊ သတင်းထောက်များ၊ စာရေးဆရာများ၊ သာမန်တိုင်းသူပြည်သားများ ရှိနေသော်လည်း တရားဥပဒေအထက် တွင် ထိုစစ်ဗိုလ်ချုပ်ကြီးရှိသေးသည့်သဖွယ် ဖြစ်ပါပေ၏။ အမှန်မှာ ကျွန်တော်သည် မောင်ဘ၏မကောင်း ကြောင်း ဝေဖန်သည့်စကားကို မောင်မြအားပြော၏။ မောင်မြက ထိုစကားကို အများသိအောင်ပြောဆိုခဲ့လျှင် ထိုအမှုတွင် အဓိကကျူးလွန်သူမှာ ထိုစကားကို စတင်ပြောကြားခဲ့သော ကျွန်ုပ်သာလျှင်ဖြစ်သင့်၏။ ကျွန်ုပ် စကားကို တဆင့်ပြန်ပြောသော မောင်မြ၌ အပြစ်မကျရောက်သင့်ပေ။တကယ်ဆိုလျှင် မိမိပြောစကားကြောင့် တစုံတယောက်တရားစွဲခံရသည်ဆိုလျှင် ထိုသူ့တွင်အပြစ်မရှိကြောင်း တရားစွဲခြင်းစွဲလျှင် မိမိကိုသာစွဲသင့် ကြောင်းကို မူလစကားပိုင်ရှင်က လူကြီးလူကောင်းဆန်ဆန် တာဝန်ယူတာဝန်ခံကာ ရှင်းလင်းပြောကြားရမည် ဖြစ်သည်။ တရားစွဲသူကလည်း ဒုတိယလူထက် ပထမလူကိုအဓိကထား၍ ဥပဒေအရဖြေရှင်းသင့်ပါသည်။ ဒီမိုကရေစီတရားစီရင်ရေး၌ ကွက်ကျားမိုး မရွာစကောင်းပေ။ ဥပဒေဆိုသော ထီးရိပ်အောက်၌ အားလုံးတန်းတူ အကာအကွယ်ရသင့်ပေသည်။

အမေရိကန်ပြည်ထောင်စုတွင် ဟီလာရီကလင်တန်သည် နိုင်ငံ၏ လက်ရှိသမ္မတဘားရက်အိုဘားမားနှင့် ပါတီ တခုတည်းမှလာသူဖြစ်သည်။ သူကိုယ်တိုင်လည်း သမ္မတလောင်းအဖြစ် ၀င်ရောက်ယှဉ်ပြိုင်တော့မည့်သူဖြစ် သည်။ ယခင်ကလည်း အမေရိကန်အစိုးရအဖွဲ့တွင် နိုင်ငံခြားရေးဝန်ကြီးအဖြစ် လုပ်ကိုင်ခဲ့သူဖြစ်သည်။ ယခင် သမ္မတဘေလ်ကလင်တန်လက်ထက်ကလည်း ဟီလာရီသည် သမ္မတကတော်(First Lady) ဖြစ်ခဲ့သူဖြစ်သည်။ ထိုသို့သော ဂုဏ်သရေရှိသူ၊ အာဏာရအသိုင်းအ၀ိုင်းနှင့် နီးစပ်သူသော်မှ ဥပဒေအရာတွင် ခြွင်းချက်မရ၊ ဥပဒေအထက်ကနေ၍ မရဘဲ ဟီလာရီနိုင်ငံခြားရေးဝန်ကြီး တာဝန်ထမ်းဆောင်ခဲ့စဉ်က အစိုးရကိစ္စများကို ကိုယ်ပိုင် အီးမေးလ်ဖြင့် အသုံးပြုဆက်သွယ်ခဲ့မှုအတွက် F.B.I ခေါ် ပြည်ထောင်စုရဲတပ်ဖွဲ့မှ ခေါ်ယူစစ်ဆေး ခဲ့လေသည်။ တကယ်ဆိုလျှင် သမ္မတဟောင်းကလင်တန်မျက်နှာ၊ လက်ရှိ သမ္မတဘားရက်အိုဘားမား မျက်နှာ၊ သမ္မတအသစ်ဖြစ်လာနိုင်သော ဟီလာရီကလင်တန်ကိုယ်တိုင်၏ မျက်နှာ၊ အာဏာရဒီမိုကရက်တစ်ပါတီ၏ မျက်နှာတို့ဖြင့် ဟီလာရီကလင်တန်သည် ဥပဒေ၏မျက်နှာသာပေးမှုကိုရနိုင်ပါ၏ (ရသင့်ပါ၏)။ သို့သော် ဒီမိုကရက်တစ်အလေ့အထများ ထွန်းကားသည့်တိုင်းပြည်မို့ ဤမျက်နှာသာပေးမှုမျိုးအားလုံးကိုဘေးချိတ်ကာ No one is above the law ဆိုသည့် ဆောင်ပုဒ်ကိုအပြောမဟုတ်ဘဲ လက်တွေ့တကယ် အကောင်ထည်ဖော် ပြီး ဟီလာရီကလင်တန်အား ခေါ်ယူစစ်ဆေးခဲ့ခြင်းဖြစ်သည်။ ဟီလာရီကလည်း ကျွန်တော်တို့တွေ့ကြုံဖူးသော လူမျိုးတွေလို ငါ့ကို ဘာထင်သလဲတို့၊ ငါ့ယောက်ျားဘယ်သူဆိုတာ သိသလားတို့၊ ခုသမ္မတ က ငါ့မိတ်ဆွေတို့၊ ငါသမ္မတဖြစ်ရင် နင်တို့သိမယ်ဟဲ့တို့ စသော ရူးနှမ်းသည့်စကားများကို တခွန်းမှမပြောဘဲ F.B.I ၏ စစ်ဆေးမှုကို ကြည်ဖြူစွာ လက်ခံခဲ့ပေသည်။ ဒါသည်ပင် ဒီမိုကရေစီ၏ အလေ့အထဖြစ်သည်။ ရိုးသားစွာယှဉ်ပြိုင်ကစား ကြရာတွင် အစိုးရဘက်ကရော၊ ပြည်သူလူထုဘက်ကရော လက်နက်ကိုင်အဖွဲ့အစည်းများဘက်ကရော မည်သူကမျှ အသာစီးကြေးကြော ဟန်ဒီကက်(Handicap) မယူဘဲ တရားမျှတစွာ တန်းတူယှဉ်ပြိုင်ကစား ကြခြင်းမှာ ဒီမိုကရေစီ၏ သရုပ်သကန်ပေါ်လွင်ပါသည်။ မြန်မာနိုင်ငံတွင်မူကား ထိုအပြုအမူမျိုးသည် ရှားပါး နေဆဲသာ ဖြစ်၏။

ကျွန်တော်တို့နိုင်ငံသည် အာဏာရှင်စနစ်၊ လူအုပ်ဖြင့် ရမ်းကားသောစနစ်များဖြင့် အသားကျနေသည်မှာ နှစ်ပေါင်းများစွာတိုင်ခဲ့ပြီဖြစ်သည်။ ထိုသို့မကောင်းသည့်ဘက်တွင် အသားကျနေသောစနစ်ကြောင့် အချို့ကိစ္စများတွင် ဥပဒေကို ချိုးဖောက်နေပါလျက် ချိုးဖောက်သူကိုယ်တိုင်က ဥပဒေကိုချိုးဖောက်ခြင်းဟုပင် မသိကြတော့ပေ။ မသိကြခြင်းမှာ ပြည်သူလူထုဘက်ကရော အစိုးရဘက်ကပါဖြစ်သည်။ ထို့ကြောင့် ရုပ်ရှင် နှင့်ဂီတခိုးကူးခွေများကို တရားဝင်သဖွယ် ရှော့ပင်းစင်တာများမှာပါ ရောင်းချနေခြင်း၊ လမ်းဘေးတွင် ပေါပေါပဲပဲ ရနိုင်ခြင်း၊ ခါးပိုက်နှိုက်တယောက်၊ သူခိုးတယောက်မိလာလျှင် တရားရုံးက အပြစ်ရှိသည်မရှိသည် မဆုံးဖြတ် ရသေးမီ ၀ိုင်းဝန်းရိုက်နှက်ကြခြင်း၊ ကားတိုက်မှုတခုဖြစ်လျှင် ယာဉ်မောင်းကို ၀ိုင်းဝန်းရိုက်နှက်ကြခြင်း၊ ယာဉ်မောင်းကလည်း တိုက်ပြီးထွက်ပြေးခြင်း၊ လူတဦးကို ရဲစခန်းကဖမ်းထားလျှင် လူအုပ်အသာစီးရပါက လွှတ်ပေးရန် ၀ိုင်းဝန်းတောင်းဆိုကြခြင်း၊ သူတပါး၏ အဆောက်အဦကို လူအုပ်ဖြင့်ဝင်ရောက်ဖျက်ဆီးကြခြင်း၊ သူတပါးပိုင်နက်ထဲသို့ လူအုပ်ဖြင့် ကျူးကျော်ဝင်ရောက်၍ မိမိလိုလားသော ဘာသာရေးအဆောက်အဦများ ဆောက်ခြင်း၊ မဆိုင်သူကိုဖမ်းချုပ်ခြင်း၊ သက်ဆိုင်သူကိုမဖမ်းခြင်း၊ မဆိုင်သူကိုတရားစွဲခြင်း၊ သက်ဆိုင်သူကို တရားမစွဲခြင်း၊ လုပ်ငန်းရှင်များအခွန်ရှောင်ခြင်း၊ ကျူးလွန်သူကိုလွှတ်ပေးခြင်း၊ ပြည်သူ့ရဲလက်ချက်ဖြင့် စစ်ဆေး ခံရသူ သေဆုံးခြင်း၊ မကျူးလွန်သူကို ထောင်ချခြင်း၊ ဥပဒေနှင့်မညီဘဲ ဖမ်းဆီးခြင်း၊ ဥပဒေနှင့်မညီဘဲ လွှတ်ပေးခြင်း၊ လာဘ်စားခြင်း၊ ဘာသာရေး ကိုအကြောင်းပြု၍ ကိုယ်ကျိုးရှာခြင်း၊ ဘာသာရေးကို နိုင်ငံရေး အကျိုးအမြတ်အတွက် အသုံးချခြင်း၊ တရားခံမပေါ်သော လူသတ်မှုများ များပြားနေခြင်း စသောကိစ္စများစွာ ဖြစ်ပေါ်နေပေသည်။ အဓိက,ကတော့ ဒီမိုကရေစီ၏အားသာချက်ဖြစ်သော ဥပဒေအထက်တွင် မည်သူမျှမရှိ ဟူသည့် လွတ်လပ်မျှတသည့်တရားစီရင်ရေးစနစ်ကို တိတိကျကျ အကောင်အထည်မဖော်နိုင်သေးခြင်း ဖြစ်သည်။

ဒီမိုကရေစီစနစ်တွင် တာဝန်နှင့်အခွင့်အရေးသည် ယှဉ်တွဲလျက်ပါရှိ၏။ ပြည်သူလူထုဘက်က တာဝန်ဖြစ်သည့် မှန်မှန်ကန်ကန်အခွန်ဆောင်ခြင်း၊ ဆန္ဒမဲပေးခြင်း၊ အမှိုက်စနစ်တကျပစ်ခြင်း၊ အများနှင့်သက်ဆိုင်သော နေရာ များတွင် တိုးဝှေ့မနေဘဲ စနစ်တကျတန်းစီခြင်း၊ ဥပဒေကို လေးစားလိုက်နာခြင်း၊ လူအုပ်ဖြင့်မရမ်းကားခြင်းတို့ကို ဆောင်ရွက်ဖို့လိုသလို အစိုးရဘက်ကလည်း ရွေးကောက်ပွဲတွင် ရှုံးသူက နိုင်သူကို မုဒိတာပွားခြင်း၊ ချီးကျူး ဂုဏ်ပြုခြင်း၊ မနှောင့်ယှက်ခြင်း၊ တရားသဖြင့် ယှဉ်ပြိုင်ခြင်း၊ နိုင်သူကလည်း ရှုံးသူကိုလေးစားခြင်း၊ ဥပဒေအရာ တွင် အားလုံးတန်းတူဖြစ်ခြင်း၊ ရွေးကောက်ပွဲတွင်မဲပေးခွင့်ရှိသူ အားလုံးလွယ်လွယ်ကူကူ မဲပေးနိုင်ရေးဆောင် ရွက်ခြင်း၊ ရွေးကောက်ပွဲကော်မရှင်မှ ဘက်မလိုက်ခြင်း၊ အဂတိလိုက်စားမှုများကို ထိထိရောက်ရောက်နှိမ်နင်း ခြင်း၊ ပွင့်လင်းမြင်သာမှုရှိခြင်း၊ တာဝန်ယူမှုတာဝန်ခံမှုရှိခြင်း၊ စတုတ္ထမဏ္ဍိုင်ကို လေးစားခြင်း၊ မိမိအဖွဲ့အစည်း အတွင်းမှ လူတယောက် ဥပဒေချိုးဖောက်လျှင် ကာကွယ်မပေးဘဲ ဥပဒေအတိုင်းဆောင်ရွက်ခြင်းတို့ကို ပြသရမည်ဖြစ်သည်။ ထိုသို့သော ဒီမိုကရေစီအလေ့အထမျိုးသည် မြန်မာနိုင်ငံ၌ တိုင်းသူပြည်သားဘက်က ရော၊ အစိုးရနှင့်တပ်မတော်ဘက်ကပါ အလေ့အကျင့်နည်းနေသေး၏။ ထိုအကျင့်များ တိုးပွားလာမှသာ မြန်မာ နိုင်ငံ၌ ဒီမိုကရေစီ သက်ဆိုးရှည်ပေလိမ့်မည်။

သရ၀ဏ်(ပြည်)
News Watch(စောင့်ကြည့်သတင်းဂျာနယ်)