07/12/16

သမ္မတ ဦးထင်ကျော်လည်း ဒီအပတ် အတွင်း မှာ ရေဘေးသင့် ရခိုင်ဒေသသို့ လာရောက်မှာ ဖြစ်

ဇူလိုင်လ ၁၂ ရက်နေ့မှာ တပ်မတော် ကာကွယ်ရေး ဦးစီးချုပ်ဟာ ရခိုင်က ရေဘေးဒဏ် ခံခဲ့ရတဲ့ သွားရောက်မှာပါ။

ရခိုင်ပြည်နယ်က မြောက်ဦးခရိုင်ဟာ များမကြာမီက ရခိုင်မှာ ဖြစ်ပွားခဲ့တဲ့ ရေဘေးဒဏ်ကို အများ ဆုံး ထိခိုက်ခံစားခဲ့ရတဲ့ ဒေသ တစ်ခု ဖြစ်ပါတယ်။

ဗိုလ်ချုပ်မှူးကြီး မင်းအောင်လှိုင်ဟာ မြောက်ဦးဒေသသို့ သွားရောက်ဖို့ စစ်တွေကို ရောက်ရှိလာမှာ ဖြစ်တယ်လို့ သိရပါတယ်။

ခုလို လာရောက်မယ့် အကြောင်း ပြည်နယ် အထွေထွေ အုပ်ချုပ်ရေးမှူး ဦးတင်မောင်ဆွေက ဘီဘီစီကို အတည်ပြု ပြောကြားပါတယ်။

မြောက်ဦးခရိုင်အတွင်းက မြောက်ဦး၊ ကျောက်တော်နဲ့ မင်းပြားမြို့နယ် တို့ဟာ ဒီနှစ်မှာ ရေဘေးဒဏ်ကို အဓိက ထိခိုက်ခံစားခဲ့ရတဲ့ ဒေသတွေ ဖြစ်တဲ့ အတွက် အဲဒီဒေသကို ဦးစားပေး သွားရောက်မှာ ဖြစ်တယ်လို့ ဆိုပါတယ်။

နိုင်ငံတော် သမ္မတ ဦးထင်ကျော်လည်း ဒီအပတ် အတွင်း မှာ ရေဘေးသင့် ရခိုင်ဒေသသို့ လာရောက်မှာ ဖြစ်တယ်လို့ ပြည်နယ် အုပ်ချုပ်ရေးမှူးက ပြောပါတယ်။

ရေဘေး ဒဏ်ကို ခံခဲ့ရတဲ့ မြောက်ဦးဒေသမှာ နိုင်ငံတော်က ဦးစားပေး ဆောင်ရွက်နေတဲ့ အကြောင်း ဦးတင်မောင်ဆွေက ပြောပါတယ်။

ဇူလိုင်လ ပထမပတ်အတွင်း ရေနစ်ခဲ့တဲ့ အတွက် မြောက်ဦး၊ မင်းပြားနဲ့ ကျောက်တော်မြို့နယ်တို့မှာ လယ်မြေဧက ၅၀၀၀ နီးပါး ပျက်စီးခဲ့ရပြီး လူပေါင်း ၁၄၀၀၀ ကျော်ဟာလည်း ရေဘေးဒုက္ခတွေနဲ့ ရင်ဆိုင်နေကြရပါတယ်။

အခုအချိန်ထိ အကူအညီထောက်ပံ့ပေးမှုတွေ ရောက်သင့်သလောက် မရောက်ဘဲ ဖြစ်နေအတွက် ဒေသခံတွေ အကြား ဝေဖန်မှုတွေ မြင့်မားနေချိန်မှာ ကာချုပ်ရဲ့ ရခိုင် ခရီးစဉ် ထွက်ပေါ် လာတာလဲ ဖြစ်ပါတယ် ။
BBC Burmese



ဦးအောင်ကြည်ဟာ စစ်အစိုးရ လက်ထက်က ပြန်ကြားရေး ဝန်ကြီးဖြစ်ခဲ့
မြန်မာ နိုင်ငံ အမျိုးသား ပြန်လည်သင့်မြတ်ရေးနဲ့ ငြိမ်းချမ်းရေး ဗဟိုဌာန NRPC ကချမှတ် ပေးတဲ့မူဝါဒ တွေကို အကောင် အထည်ဖော်ဖို့ ဖွဲ့စည်းလိုက်တဲ့ ငြိမ်းချမ်းရေး ကော်မရှင်မှာ ပြန်ကြားရေးဝန်ကြီးဟောင်း ဦးအောင်ကြည်ကို အကြံပေး အဖွဲ့ခေါင်းဆောင်အဖြစ် ခန့်အပ်လိုက်ပါတယ်။

အဲဒီ ကော်မရှင်မှာ ဒေါက်တာတင်မျိုးဝင်း၊ ဦးသိန်းဇော်နဲ့ အငြိမ်းစား ဒုတိယဗိုလ်ချုပ်ကြီး ခင်ဇော်ဦးတို့လည်း ပါဝင်ပါတယ်။

မြန်မာ နိုင်ငံ အမျိုးသား ပြန်လည်သင့်မြတ်ရေးနဲ့ ငြိမ်းချမ်းရေး ဗဟိုဌာန NRPC ကို တရားဝင် ဖွဲ့စည်းကြောင်းကိုတော့ ဇူလိုင်လ ၁၁ ရက်နေ့က သမ္မတ ဦးထင်ကျော် လက်မှတ် ရေးထိုး ထုတ်ပြန်လိုက်ပါတယ်။

အဲဒီ အဖွဲ့မှာ ဒေါ်အောင်ဆန်း စုကြည် ဥက္ကဋ္ဌ အဖြစ် ပါဝင်ပြီး စုစုပေါင်း အဖွဲ့ဝင် ၁၁ ယောက် ပါဝင်ပါတယ်။

မြန်မာ နိုင်ငံ အမျိုးသား ပြန်လည်သင့်မြတ်ရေးနဲ့ ငြိမ်းချမ်းရေး ဗဟိုဌာန NRPC ကချမှတ် ပေးတဲ့မူဝါဒ တွေကို အကောင် အထည်ဖော်နိုင်စေဖို့ အခုလို ဖွဲ့စည်းတာ လို့လည်း သမ္မတရဲ့ ထုတ်ပြန်ချက်မှာ ဆိုထားပါတယ်။

BBC Burmese
http://www.bbc.com/burmese



ဆည် တမံတွေ ချောင်းတွေ ဘေးမှာ ရှိတဲ့ ရွာတွေ ကတော့ စိုးရိမ် မှုတွေ ရှိနေပါတယ်
မြန်မာ နိုင်ငံမှာ ရေဘေး ရင်ဆိုင်နေရတဲ့ တိုင်းဒေသကြီး အချို့ မှာ မိုးဆက် ကြီးနိုင်တဲ့ အခြေ အနေရှိ ပြီး မနှစ်က ရေဘေး ဒဏ် ခံရတဲ မြန်မာ ပြည် အလယ်ပိုင်း ဒေသ တချို့ မှာ လူတွေ ပြောင်းရွှေ့ ခဲ့ရ ပါပြီ။

ချင်းတွင်းမြစ် အထက်ပိုင်းက ရေကြီးတဲ့ မြို့တွေမှာ ရေတွေ ပြန်ကျ လာပေမဲ့ ဧရာဝတီ မြစ်ဘေးက ညောင်ဦး မှာ သတိထားဖို့ လို သလို ငဝန် မြစ်ဘေးက ငါးသိုင်းချောင်း မြို့လည်း သတိရှိဖို့ လိုတယ်လို့ မိုးလေဝသ နဲ့ ဇလဗေဒ ညွန်ကြားမှူး ဦးစီး ဌာနက ပြောပါတယ်။

ဒါ့အပြင် ရေဘေး ရင်ဆိုင် နေရတဲ့ ဒေသ တချို့မှာ နောက်နှစ်ရက်လောက် အထိ မိုးဆက် ရွာနိုင်တဲ့ အခြေ အနေ တွေ ရှိတယ် လို့ မိုးဇလ ညွန်ကြားမှူး ဦးစီးဌာန ဒုတိယ ညွန်ကြားရေးမှူးချုပ် ဦးကျော်မိုးဦး က ပြောပါတယ်။

ရခိုင် နဲ့ ချင်းဘက်က ရိုးမတွေ မြစ်ဖျားခံ ပြီး စီးနေတဲ့ မြန်မာပြည် အလယ်ပိုင်း မကွေးတိုင်း ထဲက ဆည် တမံတွေ ချောင်းတွေ ဘေးမှာ ရှိတဲ့ ရွာတွေ ကတော့ စိုးရိမ် မှုတွေ ရှိနေ ပါတယ်။

အဲဒီ အနီးမှာ ကြီးအုံ ကြီးဝ တမံ မုန်းတမံ စေတုတ္တရာ တမံ တွေ ရှိနေတာပါ။ တမံ တွေက ရေ မပြည့်သေး ပေမဲ့ အနီး နေရာ တစ်ချို့မှာ တော့ ရေလွှမ်း နေပြီ ဖြစ်ပါတယ်။

မနှစ်တုန်းက မြို့လည်မှာ ၁၂ ပေ လောက် အထိ ရေတက် ခဲ့တဲ့ မကွေးတိုင်း စေတုတ္တရာ မှာလည်း ရေတွေ တက်လာ တဲ့ အရိပ် အရောင် မြင်နေရ လို့ အနိမ့် ပိုင်းက လူတွေ ပြောင်းကုန် ကြပြီလို့ မြို့ခံ တဦးက ဘီဘီစီကို ပြောပါတယ်။

စိုက်ပျိုးရေး မွေးမြူရေး နဲ့ ဆည်မြောင်း ဝန်ကြီးဌာန ဒုတိယ ဝန်ကြီးဟာ စေတုတ္တရာ ကို သွားပြီး ဒေသခံ တွေကို ဆည်တွေ အတွက် မစိုးရိမ်ကြ ဖို့ ကို ရှင်းပြဖို့ ရှိ နေပါတယ်။

မိုးဇလ ဘက်ကတော့ နောက်ရက် တွေမှာ ဒေသ တချို့ မိုးအား လျော့လာ နိုင်ပေမယ့် ရာသီ ဥတု ပြောင်းလဲ မှု ဖြစ်စဉ်တွေဟာ နေ့စဉ် ပြောင်းလဲ နေတာ ကြောင့် လူတွေ အနေနဲ့ ကြိုတင် ပြင်ဆင်ပြီး အမြဲ သတိ ရှိနေဖို့ လိုအပ်တယ် လို့ ပြောကြားသွား ပါတယ်။

BBC Burmese
http://www.bbc.com/burmese

ဇူလိုင် ၁၁၊ ပြင်သစ် ။ ။ ယူရို ၂၀၁၆ ဗိုလ်လုပွဲတွင် ပေါ်တူဂီအသင်းကို တစ်ဂိုး၊ ဂိုးမရှိဖြင့် ရှုံးနိမ့်ပြီးနောက်တွင် ပြင်သစ်တိုက်စစ်မှူး ဂရစ်ဇ်မန်က ကမ္ဘာ့အကောင်းဆုံးဘောလုံးသမားဆုကို စီရော်နယ်ဒို ရရှိသွားခဲ့ပြီဟု ပြောဆိုလိုက်သည်။

ဂရစ်ဇ်မန်သည် ယူရိုပြိုင်ပွဲတွင် ပြင်သစ်အသင်းအတွက် ခြေစွမ်းပြကစားပြီး ခြောက်ဂိုးသွင်းယူပေးနိုင်ခဲ့သည့်အတွက် ဂိုးသွင်းအများဆုံးကစားသမားဆု(ရွှေဖိနပ်ဆု)ကို ရရှိခဲ့သည်။ ဂရစ်ဇ်မန်သည် ပြီးခဲ့သည့်ရာသီက အက်သလက်အသင်းအတွက်လည်း ခြေစွမ်းပြခဲ့ပြီး ချန်ပီယံလိဂ်ဗိုလ်လုပွဲသို့ ပို့ဆောင်ပေးနိုင်ခဲ့သည့်အတွက် 2016 ကမ္ဘာ့အကောင်းဆုံးဘောလုံးသမားဆုကို ရရှိနိုင်သည်ဟု ထင်ကြေးပေးပြောဆိုမှုများ ရှိလာခဲ့သည်။

သို့သော် ယူရိုဗိုလ်လုပွဲအပြီးတွင်မှု ဂရစ်ဇ်မန်က ကမ္ဘာ့အကောင်းဆုံးဘောလုံးသမားဆုအတွက် ပြောဆိုမှုတွေက အားလုံးပြီးဆုံးသွားခဲ့ပါပြီဟု ဆိုခဲ့သည်။ ‘စီရော်နယ်ဒိုက အခုရာသီမှာ အဓိက ဆုဖလားကြီးနှစ်ခုကို ရရှိခဲ့ပါတယ်။ ဒါကြောင့် ကမ္ဘာ့အကောင်းဆုံးဘောလုံးသမားဆုက အရာရာပြီးဆုံးသွားခဲ့ပါပြီ’ ဟု ဂရစ်ဇ်မန်က ပြောဆိုသွားခဲ့သည်။

Ref: Goal.com

အောင်ငြိမ်းသွေး
Mizzima - News in Burmese


မလေးရှားဆောက်လုပ်ရေးလုပ်ငန်းခွင်တွင်လုပ်ကိုင်နေသော အလုပ်သမားများ
မလေးရှားဆောက်လုပ်ရေးလုပ်ငန်းခွင်တွင်လုပ်ကိုင်နေသော အလုပ်သမားများ

မလေးရှားနိုင်ငံ ပီနန်းမြို့မှာ မြန်မာ အလုပ်သမားတွေ တိုက်ခိုက်ခံရပြီး ၃ ဦး သေဆုံး ၁ ဦး အပြင်းအထန် ဒဏ်ရာရပါတယ်။ ဘယ်သူဘယ်ဝါမှန်း မသိရတဲ့ ဆိုင်ကယ်စီး လူအုပ်စုက တိုက်ခိုက်ခဲ့တဲ့ ဒီတိုက်ခိုက်မှုနဲ့ ပတ်သက်ပြီး မြန်မာ အလုပ်သမား ၁၄ ဦးကို ထိန်းသိမ်းထားပါတယ်။ မြန်မာ သံရုံးနဲ့ လက်တွဲဆောင်ရွက်နေတဲ့ ပီနန်း အခြေစိုက် ဒါနကုသလ နာရေး ကူညီမှု အသင်းကတော့ ဖမ်းဆီးခံ မြန်မာအလုပ်သမားတွေနဲ့ တွေ့ခွင့် ရရေး၊ သေဆုံးသူတွေရဲ့ ရုပ်အလောင်းတွေ ရရှိရေး အတွက် ရဲဌာနနဲ့ ဆက်သွယ်ဆောင်ရွက်နေပါတယ်။ မသိင်္ဂီထိုက် ဆက်သွယ်စုံစမ်းထားပါတယ်။

မလေးရှား နိုင်ငံ ပီနန်းမြို့မှာ မြန်မာနိုင်ငံသား အလုပ်သမားတွေ တိုက်ခိုက်ခံရပြီး ၃ ဦး သေဆုံးပြီး ၁ ဦး အပြင်းအထန် ထိခိုက်ဒဏ်ရာရပြီးနောက်မှာ မြန်မာနိုင်ငံသား အလုပ်သမား ၁၄ ဦးကိုလည်း မလေးရှားရဲက ဖမ်းဆီးထိန်းသိမ်းလိုက်တာ ဖြစ်ပါတယ်။ ဒါပေမယ့် တိုက်ခိုက်ခဲ့သူ ဘယ်သူတွေ ဆိုတာနဲ့ ဘာကြောင့် တိုက်ခိုက်ရလဲ ဆိုတာကိုတော့ မသိရသေးပါဘူး။

ပီနန်း က Chin Well Fasteners Co. Sdn Bhd စက်ရုံမှာ အလုပ်လုပ်တဲ့ မြန်မာနိုင်ငံသား ၁၇ ဦး နေထိုင်တဲ့ နေအိမ်ခြံဝင်း အတွင်းမှာ ၂ ဦးသတ်ဖြတ်ခံရပြီး အပြင်ဘက်မှာ ၁ ဦး သတ်ဖြတ် ခံရပြီး နောက်တဦးဒဏ်ရာရ တယ်လို့ မလေးရှားနိုင်ငံ ဆိုင်ရာ မြန်မာ သံရုံးက ရဲဌာနကို ဆက်သွယ်မေးမြန်းပြီး ထုတ်ပြန်ထားပါတယ်။ သေဆုံးသူတွေကတော့ အသက် ၂၈ နှစ် အရွယ် ကိုနိုင်ဝင်း၊ အသက် ၃၃ နှစ် အရွယ် ကိုကျော်မိုးနဲ့ အသက် ၂၄ နှစ် အရွယ် ကိုဝမ်းဝင်းတို့ ဖြစ်ပြီး အသက် ၃၃ နှစ် အရွယ် ကိုမြထွန်းကတော့ အပြင်းအထန် ဒဏ်ရရပြီး ဆေးရုံး အရေးပေါ်တင် ကုသနေရတယ်လို့လည်း မြန်မာသံရုံးက ထုတ်ပြန်ထားပါတယ်။

သတ်ဖြတ်ခံရသူတွေ အရေးနဲ့ ဖမ်းဆီးခံ မြန်မာ အလုပ်သမားတွေနဲ့ တွေ့ဆုံပြီး အကူအညီပေးနိုင်ရေး အတွက် မလေးရှားနိုင်ငံ ပီနန်း အခြေစိုက် ဒါနကုသလ နာရေးကူညီမှု အသင်းရဲ့ အတွင်းရေးမှူး ကိုဇော်မျိုး မကြာခင် နာရီပိုင်းကဘဲ ပီနန်း ရဲစခန်းကနေ ပြန်လာတာပါ။ သူ့ကို ဆက်သွယ်တာမှာတော့ အခြေအနေကို အခုလို ပြောပါတယ်။

“ဟုတ်ကဲ့ ဖြစ်စဉ်နဲ့ပတ်သက်ပြီး ရဲက ဖြစ်စဉ်က မနက် ၆ နာရီခွဲအလုပ်သွားမယ့်အချိန်ဆိုတော့ ဒီအိမ်ထဲကကလေးတွေက အိမ်ထဲမှာပဲ ရှိနေတယ်ပေါ့နော်။ ရှင်းရှင်းလင်းလင်းတော့သိထားပြီးပါပြီ ပြောမယ်ဆိုရင်တော့ လူသတ်မှု ဓါးနဲ့ဝင်ခုတ်တဲ့အမှုပါပဲ။ နောက်လာတဲ့အဖွဲ့ပုံစံမျိုး အဲဒီအဖွဲ့လိုက်ကိုလည်း သူတို့ CCTV ကင်မရာက ရထားတယ်လို့ပြောပါတယ်။ ဒါပေမယ့်လို့ တိတိကျကျ ဆိုင်ကယ် နံပတ်ပလိပ်တွေအဆင့်အထိကတော့ သူမသဲကွဲသေးဘူးလို့တော့ပြောနေတယ်ခင်ဗျ။ အဲဒီအိမ်ရှေ့အပြင်ဘက်မှာ ဂျင်းဘောင်းဘီနဲ့ ဆုံးတဲ့ကလေးကလည်း ကျနော်တို့ အိမ်ထဲကလူနဲ့တော့ မသက်ဆိုင်လောက်ဘူးပေါ့နော်။ ၀င်ပြီးတော့ သတ်တဲ့လူက အရှေ့ကလူကို အရှေ့ကလူက နားကျပ်နဲ့ သီချင်းနားထောင်နေတဲ့ပုံစံမျိုး ဖြစ်နေတာ။ အရှေ့ကလူကို သတ်ပြီးတော့ အထဲကလူကလည်းမြင်တဲ့အတွက် အထဲကအိမ်ရှေ့နဲ့ နီးနီးလေး သူတို့က အိမ်ကလေးတွေကလည်း ကပ်နေတော့ သူတို့က အဲဒီအထိကိုပါ ၀င်ပြီးတော့ ဓါးနဲ့ ခုတ်သွားကြတာခင်ဗျ။

မေး။ ။ဟုတ်ကဲ့ပါ။ ဒီသေသွားတာကတော့ ၃ ယောက်ပေါ့နော်။

ဖြေ။ ။ဟုတ်ကဲ့သေသွားတာက ၃ ယောက်ခင်ဗျ။ အရေးပေါ်ထဲမှာက ၁ ယောက်ခင်ဗျ။

မေး။ ။ အရေးပေါ်ကလူ အခြေအနေဘယ်လိုရှိပါသလဲ။

ဖြေ။ ။ အရေးပေါ်ကလူက သွေးသွင်းနေရတယ်ခင်ဗျ။ သွေးထွက်နည်းနည်း လွန်နေတယ်လို့ပြောနေတယ်ခင်ဗျ။ ဆေးရုံရောက်နေပြီ ပီနန်း ဆေးရုံရောက်တဲ့အတွက် စိုးရိမ်စရာတော့ မရှိလောက်ဘူးလို့ပြောတဲ့အတွက် လက်ရှိတော့ သူတို့ထိန်းသိမ်းထားပြီးတော့ ကျပ်ကျပ်မတ်မတ် ကုသပေးနေတယ်လို့ ရဲတွေက ပြောပါတယ်ခင်ဗျ။”

ဒီညပိုင်း ရဲစခန်းကို ရောက်ချိန်မှာ ဧည့်တွေ့ချိန် မဟုတ်တာကြောင့် ဖမ်းဆီးခံရသူတွေနဲ့ တွေ့ဆုံခွင့် မရသေးဘဲ မနက်ဖြန် မနက်ရောက်မှသာ တွေ့ခွင့်ရမယ်လို့လည်း ကိုဇော်မျိုးက ပြောပါတယ်။ ဒါ့အပြင် ဖမ်းဆီးခံရသူတွေရဲ့ နိုင်ငံကူးလက်မှတ်တွေနဲ့ အလုပ်လုပ်ကိုင်ခွင့်တို့ကိုလည်း ရဲ့ စိစစ်နေတာကြောင့် ဘယ်သူတွေဆိုတာ မသိရသေးပါဘူး။ မနက်ဖြန်မှာတော့ သေဆုံးသူတွေရဲ့ ရုပ်အလောင်းတွေ ပြန်လည် ရရှိရေးနဲ့ ဖမ်းဆီးခံ မြန်မာ အလုပ်သမားတွေနဲ့ တွေ့ဆုံခွင့်ရရေး ဆက်ပြီး ကြိုးပမ်းသွားမယ်လို့လည်း ပီနန်း အခြေစိုက် ဒါနကုသမ နာရေးကူညီမှု အသင်းက ပြောဆိုပါတယ်။
VOA Burmese News


မလေးရှားနိုင်ငံ၊ ပီနန်း ဘာတာဝပ်၊ နာကာဆာရီအရပ်တွင် မြန်မာနိုင်ငံသား(၃)ဦး အသတ်ခံရသည့်ကိစ္စအား အသိပေးဖော်ပြခြင်း

၁။ မလေးရှားနိုင်ငံ၊ ပီနန်း ဘာတာဝပ်၊ နာကာဆာရီအရပ်တွင် မြန်မာနိုင်ငံသား (၃) ဦး အသတ်ခံရသည့်ကိစ္စနှင့်ပတ်သက်၍ မြန်မာသံရုံး၊ ကွာလာလမ်ပူမြို့မှ သက်ဆိုင်ရာနယ်မြေရဲစခန်းသို့ ဆက် သွယ်စုံစမ်းခဲ့ရာ ရဲစခန်းအစီရင်ခံစာအရ အောက်ပါအတိုင်း သိရှိရပါသည်-

(က) နံနက် ၀၆၃၈ နာရီအချိန်တွင် အရေးပေါ်တယ်လီဖုန်းလိုင်း ၉၉၉ မှတစ်ဆင့် နာကာဆာရီရပ်ကွက်၊ အိမ်အမှတ် (၇) ၌ အခင်းဖြစ်ပွားကြောင်း သတင်းပေးတိုင်ကြားချက် ရရှိခဲ့ပါကြောင်း၊

(ခ) အခင်းဖြစ်ပွားရာနေရာသို့ သက်ဆိုင်ရာနယ်မြေရဲစခန်း၏ အမှုစစ်အရာရှိ ASP Rusnah binit Saidin ဦးဆောင်သည့်အဖွဲ့မှ ၀၇၀၁ နာရီအချိန်တွင် ရောက်ရှိခဲ့ပြီး စုံစမ်းစစ်ဆေးမှုများကို ပြုလုပ်ခဲ့ပါကြောင်း၊

(ဂ) စုံစမ်းတွေ့ရှိချက်များအရ Chin Well Fasteners Co. Sdn Bhd စက်ရုံတွင် အလုပ် လုပ်ကိုင်လျက်ရှိသော မြန်မာနိုင်ငံသား အလုပ်သမား (၁၇) ဦး နေထိုင်သည့် နေအိမ်ခြံဝန်းအတွင်း (၂) ဦးနှင့် နေအိမ်ရှေ့ ခြံဝန်းအပြင်ဘက်တွင် (၁) ဦးတို့သည် ပြတ်ရှဒဏ်ရာများဖြင့် သေဆုံးလျက်ရှိပြီး၊ ခြံဝန်းအတွင်း (၁) ဦးမှာလည်း အပြင်းအထန် ဒဏ်ရာရရှိလျက်ရှိသည်ကို တွေ့ရှိရပါကြောင်း၊

(ဃ) နယ်မြေရဲတပ်ဖွဲ့ဝင်များ၏ ဆက်လက်စုံစမ်းစစ်ဆေးချက်များအရ သေဆုံးသူ (၃)ဦးနှင့် ဒဏ်ရာရရှိသူ(၁)ဦးတို့နှင့် ပတ်သက်သော အချက်အလက်များမှာ အောက်ပါအတိုင်း ဖြစ်ပါကြောင်း-

- နိုင်ဝင်း (ခြံဝန်းအတွင်းသေဆုံး)
အသက် (၂၈) နှစ်၊ နိုင်ငံကူးလက်မှတ်အမှတ် M 694876၊ Chin Well Fasteners Co. Sdn Bhd စက်ရုံအလုပ်သမား

- ကျော်မိုး (ခြံဝန်းအတွင်းသေဆုံး)
အသက် (၃၃) နှစ်၊ နိုင်ငံကူးလက်မှတ်အမှတ် MA 804443၊ Chin Well Fasteners Co. Sdn Bhd စက်ရုံအလုပ်သမား

- ဝမ်းဝင်း (နေအိမ်အပြင်ဘက်တွင်သေဆုံး)
အသက် (၂၄) နှစ်၊ UNHCR No 512-07C01147

- မြထွန်း (အပြင်းအထန်ဒဏ်ရာရ)
အသက် (၃၃) နှစ်၊ အထောက်အထားမရှိ၊ Chin Well Fasteners Co. Sdn Bhd စက်ရုံအလုပ်သမား

(င) အခင်းဖြစ်ပွားရခြင်းမှာ ယနေ့ ၀၆၃၀ နာရီအချိန်တွင် ခိုက်ရန်ဖြစ်ပွားခဲ့ခြင်းဖြစ်ပြီး အခင်းဖြစ်ပွားမှုနှင့်ပတ်သက်၍ ဟိန်းထက်အောင်၊ အသက်(၂၃)နှစ်၊ နိုင်ငံကူးလက်မှတ် M539503 နှင့် အခြား (၁၃) ဦး၊ ပေါင်း (၁၄) ဦးတို့အား ဖမ်းဆီးထိန်းသိမ်း၍ စုံစမ်းစစ်ဆေးလျက်ရှိပါကြောင်း ကနဦး စုံစမ်းသိရှိရချက်များကို ပြည်သူလူထု သိရှိနိုင်ပါရန် ဖော်ပြအပ်ပါသည်။

၂။ မြန်မာသံရုံးအနေဖြင့် အမှုဖြစ်စဉ်နှင့်ပတ်သက်၍ နယ်မြေခံရဲအဖွဲ့၊ ဒေသခံလူမှုရေးအသင်း အဖွဲ့များနှင့် ဆက်သွယ်ပြီး ဥပဒေနှင့်အညီ ဖြစ်စေရေး လိုအပ်သည်များ ဆောင်ရွက်လျက်ရှိပါကြောင်း ဖော်ပြအပ်ပါသည်။

လေးစားမှုဖြင့်
မြန်မာသံရုံး၊ ကွာလာလမ်ပူမြို့
Myanmar Embassy in Kuala Lumpur, Malaysia


၁။ ၂၀၁၆ ခုနှစ်၊ ဇူလိုင်လ (၁၀)ရက်နေ့ (၁၂း၄၅) အချိန်တွင် အမြန်လမ်းမကြီး မိုင်တိုင်အမှတ် ၂၃၉/၁-၂ (အသွားလမ်း)တွင် 8F-#### (Light Truck) မော်တော်ယာဉ် တိမ်းမှောက်မှုကြောင့် အမျိုးသား(၁)ဦး အမျိုးသမီး(၁)ဦး နေရာတွင်သေဆုံးခဲ့ပြီး (၂၉)ဦး ဒဏ်ရာရရှိခဲ့ပါသည်။ (နောက်ဆုံးသတင်းအရ ဒဏ်ရာရှိသူများအနက် ကျား-၃ဦးနှင့် မ-၂ဦး တို့မှာ စိုးရိမ်ရသည့် အခြေအနေရှိသည်ဟု သတင်းရရှိပါသည်။)


၂။ အဆိုပါ Light Truck မော်တော်ယာဉ်သည် တင်ဆောင်သင့်သော လူဦးရေ (၁၅)ဦးထက်ကျော်လွန်၍ (၃၁)ဦးအထိတင်ဆောင်ခြင်း (Over Weight) ကြောင့် ယာဉ်၏ ညာဘက် အနောက်ဘီးကျွတ်ထွက်ပြီး ယာဉ်တစ်စီးလုံး တိမ်းမှောက်ရခြင်းဖြစ်ပါသည်။


၃။ ၂၀၁၆ ခုနှစ်၊ ဇန်န၀ါရီလ (၁) ရက်နေ့မှ ဇွန်လ (၃၀)ရက်နေ့အထိ ရန်ကုန်-မန္တလေး အမြန်လမ်းမကြီးတွင် ယာဉ်မတော်တဆမှု စုစုပေါင်း (၃၁၉)မှု ဖြစ်ပွားရာတွင် Light Truck ယာဉ်မတော်တဆမှုမှာ (၉၁)မှု ဖြစ်ပွားခဲ့ပြီး ရာခိုင်နှုန်းအားဖြင့် (၂၈.၅%) ဖြစ်ပွားကြောင်း သုံးသပ်တွေ့ရှိရပါသည်။

၎။ Light Truck မော်တော်ယာဉ်များသည် ကုန်တင်ယာဉ်ငယ် အမျိုးအစားသာ ဖြစ်ပြီး လူစီးယာဉ်အဖြစ်အသုံးပြုချိန်တွင် ယာဉ်နောက်တွင်လိုက်ပါလာသည့် ခရီးသွားများ အတွက် ဘေးကင်းလုံခြုံမှု မရှိခြင်းကြောင့် သတ်မှတ်အရှိန်နှုန်းအတိုင်း မောင်းနှင်ခြင်း၊ သင့်လျော်သည့် လူဦးရေ (သို့မဟုတ်) သတ်မှတ်ထားသည့် ယာဉ်+ကုန်အလေးချိန်ထက် ပိုမိုတင်ဆောင် သွားလာခြင်းမပြုကြပါရန် Light Truck ယာဉ်ပိုင်ရှင်များ၊ ယာဉ်မောင်းများ နှင့် ခရီးသွားပြည်သူများသို့ မေတ္တာရပ်ခံ သတိပေးနှိုးဆော်အပ်ပါသည်။

Safety Inspection Unit
အမြန်လမ်းမကြီး ထိန်းသိမ်းပြုပြင်ရေးနှင့် ကြီးကြပ်ရေးအဖွဲ့



မိုးဆက်တိုက်ရွာသွန်းမှုကြောင့် ရခိုင်ပြည်နယ် မင်းပြားနဲ့ မြောက်ဦး မြို့နယ်တို့မှာ ရေကြီး၊ ရေလျှံမှုဖြစ်ပေါ်နေသည်ကို ဇူလိုင်လ ၇ ရက်နေ့က တွေ့ရစဉ်။ Photo: RFA
လာမယ့် နှစ်ရက်အတွင်း ရခိုင်၊ တနင်္သာရီ၊ ဧရာဝတီ၊ မွန်၊ ကချင်၊ စစ်ကိုင်း၊ ပဲခူး၊ ချင်း စတဲ့တိုင်းနဲ့ ပြည်နယ် ၈ ခုမှာ မိုးကြီးနိုင်တဲ့အတွက် ရေဘေးအန္တရာယ် သတိထားကြဖို့ မိုးလေ၀သနဲ့ ဇလဗေဒ ညွှန်ကြားမှုဦးစီးဌာနက ဒီကနေ့ သတင်းထုတ်ပြန်ပါတယ်။

မိုးများပြီး ရေကြီးရေလျှံတာတွေ ဖြစ်လာနိုင်တဲ့အတွက် သတိပေးတာဖြစ်တယ်လို့ မိုးလေ၀သနဲ့ ဇလဗေဒ ညွှန်ကြားမှု ဦးစီးဌာန ဒုတိယညွှန်ကြားရေးမှုးချုပ် ဦးကျော်မိုးဦး က ပြောပါတယ်။

"ရခိုင်ပြည်နယ်မှာ ဒေသအလိုက် မိုးကြီးမယ့် အနေအထားရှိပါတယ်၊ ဧရာဝတီတိုင်း မွန်ပြည်နယ် တနင်္သာရီ တိုင်းတွေမှာ နေရာကွက်ပြီး မိုးကြီးမယ့် အနေအထားရှိပါတယ်၊ မြစ်ဝကျွန်းပေါ်ဒေသတွေဖြစ်တဲ့ ရန်ကုန်တိုင်းနဲ့ ပဲခူးတိုင်းမှာ နေရာအနှံ့အပြား မိုးရွာနိုင်ပါတယ်၊ ရခိုင်ကမ်းရိုးတန်းတို့ ဧရာဝတီမြစ်ဝကျွန်းပေါ်တို့ မွန်ပြည်နယ် တနင်္သာရီတို့က ကမ်းရိုးတန်းဒေသတွေဖြစ်တဲ့အတွက် အဲ့ဒေသတွေမှာ မိုးများတဲ့အတွက်ကြောင့် ရေကြီးရေလျံ မှုတွေဖြစ်နိုင်မယ့် အနေအထားရှိပါတယ်"

လက်ရှိမှာ ရခိုင်ပြည်နယ်ဟာ ရေဘေးဒဏ်ခံခဲ့ပြီးနောက် ပြန်လည်ထူထောင်ရေးလုပ်ငန်းတွေနဲ့ ပျက်စီးသွား တဲ့ ရေကန်တွေကို ပြန်လည်ပြုပြင်နေဆဲဖြစ်ပါတယ်။

လက်ရှိ ချင်းတွင်းမြစ်ရေဟာ စစ်ကိုင်းတိုင်း ဟုမ္မလင်း၊ ဖောင်းပြင်၊ မော်လိုက်မြို့၊ ကလေးဝ၊ မင်းကင်း၊ ကနီနဲ့ မုံရွာမြို့တွေမှာ စိုးရိမ်ရေမှတ်ထက် ကျော်နေတဲ့အတွက် မြစ်ကမ်းတလျှောက် နေထိုင်သူတွေကို သတိထားနေ ထိုင်ကြဖို့ သက်ဆိုင်ရာမြို့နယ် အုပ်ချုပ်ရေးအဖွဲ့တွေက လိုက်လံသတိပေးနေ ပါတယ်။

ဒီနေ့ ကနီမြို့နယ် ယင်းရွာ၊ မဲဒင်ရွာမ၊ မယ့်လဘို့တောင်၊ ယင်းဘိုး၊ လက်ပံစု စတဲ့ ကျေးရွာ ၁၀ ရွာလောက် မှာ နေအိမ်တွေထဲကို ရေအမြင့်ပေ တစ်ပေကနေ ၄ ပေလောက်အထိ ၀င်ရောက်တာတွေ ရှိနေတယ်လို့ ကနီမြို့နယ် အထွေထွေအုပ်ချုပ်ရေးမှူးရုံး တာဝန်ရှိသူတစ်ဦးက ပြောပါတယ်။

RFA Burmese
http://www.rfa.org/burmese/



မြောက်ကိုရီးယားခေါင်းဆောင် Kim Jong Un
လူ့အခွင့်အရေး ချိုးဖောက်မှုတွေအတွက် မြောက်ကိုရီးယားခေါင်းဆောင် Kim Jong Un အပေါ် အမေရိကန်က ပိတ်ဆို့ဒဏ်ခတ် အရေးယူလိုက်တဲ့အပေါ် တုံ့ပြန်တဲ့ အနေနဲ့၊ အမေရိကန်နဲ့ နောက်ဆုံးကျန်နေသေးတဲ့ အဆက်အသွယ်တွေကို ပါ ဖြတ်တောက်လိုက်ပြီ ဖြစ်တဲ့အကြောင်း မြောက်ကိုရီးယားက ကြေညာလိုက်ပါတယ်။

နယူးယောက် ကုလသမဂ္ဂရုံးကတဆင့် ဆက်သွယ်နေတဲ့ အမေရိကန်နဲ့ သံတမန် အဆက်အဆံ အားလုံးကို စတင်ဖြတ်တောက်လိုက်ပြီ ဖြစ်တဲ့အကြောင်း အမေရိကန်ကို အကြောင်းကြားလိုက်ပြီလို့ ဒီကနေ့ပဲ မြောက်ကိုရီးယား က ပြောဆိုခဲ့တာပါ။

နျုကလီးယားလက်နက် အစီအစဉ်တွေကြောင့် မြောက်ကိုရီးယားအပေါ် ပ်ိတ်ဆို့ဒဏ်ခတ်မှုတွေ ချမှတ်ထားတဲ့ အမေရိကန် ပြည်ထောင်စု က မြောက်ကိုရီးယားခေါင်းဆောင်နဲ့ တခြားအစိုးရ တာဝန်ရှိသူ တော်တော်များများ အပေါ် ပြီးခဲ့တဲ့ သီတင်းပတ်ထဲမှာပဲ အရေးယူဒဏ်ခတ်မှုတွေ ထပ်မံချမှတ်ခဲ့တာ ဖြစ်ပါတယ်။ တောင်ကိုရီးယားမှာ အဆင့်မြင့် ဒုံးလက်နက် ကာကွယ်ရေးစနစ် ချထားဖို့ အမေရိကန်နဲ့ တောင်ကိုရီးယားတို့က ကြေညာထားတဲ့ အပေါ်မှာလည်း၊ လက်တွေ့ တုံ့ပြန်သွားမယ့် အကြောင်း ဒီကနေ့အစောပိုင်းမှာပဲ မြောက်ကိုရီးယားက သတိပေးခဲ့တာပါ။

မြောက်ကိုရီးယားက ပဲ့ထိန်းတပ်ဒုံးတွေနဲ့ နျူကလီးယား စမ်းသပ်မှုတွေ ဆက်တိုက်ဆိုသလို လုပ်ဆောင်လာတဲ့အတွက် THAAD (TAD) လို့ ခေါ်တဲ့ ဒုံးခွင်းဒုံးစနစ်တခု ကိုရီးယားကျွန်းဆွယ်မှာ ချထားရေး အမေရိကန်နဲ့ တောင်ကိုရီးယားတို့ ပူးတွဲကြေညာ ခဲ့ပြီး နောက်မှာ ပဲ မြောက်ကိုရီးယားက ခြိမ်းခြောက်မှုတွေ ဆက်တိုက်လုပ်ဆောင် လာခဲ့တာ ဖြစ်ပါတယ်။ ဒုံးခွင်းဒုံးစနစ် ချထားမယ့် နေရာနဲ့ အချိန်ကာလကိုတော့ မကြေညာသေးပါဘူး။

 ဗွီအိုအေ (မြန်မာပိုင်း)
http://burmese.voanews.com



တောင်ဆူဒန် ရှိ တရုတ် ငြိမ်းချမ်းရေး တပ်ဖွဲ့ဝင်များအားတွေ့ရစဉ် (ဆင်ဟွာ)
    ပေကျင်း၊ ဇူလိုင် ၁၁ ရက် (ဆင်ဟွာ)

    တောင်ဆူဒန်နိုင်ငံ မြို့တော် ဂျူးဘားတွင် တရုတ် ငြိမ်းချမ်းရေး တပ်ဖွဲ့ဝင်များ လိုက်ပါလာသည့် သံချပ်ကား တစ်စီးသည် လုံခြုံရေး ဆောင်ရွက်နေစဉ် အတွင်း အမြောက်ဆံ ထိမှန်ခဲ့၍ တရုတ် ငြိမ်းချမ်းရေး တပ်ဖွဲ့ဝင် တစ်ဦးသေဆုံးခဲ့ပြီး ၆ ဦး ဒဏ်ရာ ရရှိခဲ့ကြောင်း တရုတ်နိုင်ငံ အမျုိးသား ကာကွယ်ရေး ဝန်ကြီး ဋ္ဌာနက ပြောကြားခဲ့သည်။

အဆိုပါ ဖြစ်ရပ်သည် ဂျူးဘားမြို့တွင် အစိုးရတပ်ဖွဲ့များနှင့် အစိုးရဆန့်ကျင်သည့် တပ်ဖွဲ့များ အကြား တိုက်ပွဲ ဖြစ်ပွားနေသည့် ဇူလိုင်လ ၁၀ ရက် ဒေသစံတော်ချိန် ညနေပိုင်းတွင် ဖြစ်ပွားခဲ့ကြောင်း သိရသည်။

ဝန်ကြီးဋ္ဌာန သတင်းအချက်အလက် ရုံး၏ ထုတ်ပြန်ချက်အရ ငြိမ်းချမ်းရေး တပ်ဖွဲ့ဝင်များ၏ သံချပ်ယာဉ်သည် ဒုက္ခသည်စခန်းများအား လှည့်လည်လုံခြုံရေး ဆောင်ရွက်နေစဉ် အမြောက်ဆံ ထိမှန်ခဲ့ခြင်း ဖြစ်ပြီး ဒဏ်ရာရရှိသူများ အနက် သုံးဦးမှာ အခြေအနေ ပြင်းထန်ကြောင်း သိရသည်။

ထုတ်ပြန်ချက်တွင် တရုတ်နိုင်ငံ စစ်တပ် အနေဖြင့် အဆိုပါ တိုက်ခိုက်မှု အား ပြင်းထန်စွာ ရှုတ်ချပြီး ထိခိုက်သေဆုံးသူများ နှင့် ၄င်းတို့၏ မိသားစုဝင်များအား အထူး ဝမ်းနည်းရကြောင်း ဖော်ပြခဲ့သည်။

တရုတ်စစ်တပ်သည် အဆိုပါဖြစ်ရပ် ဖြစ်ပွားပြီး ချက်ချင်း အရေးပေါ် လုပ်ဆောင်ချက်များကို စတင်ခဲ့ကြောင်း၊ တရုတ် ငြိမ်းချမ်းရေး တပ်ဖွဲ့ဝင်များသည် ဒဏ်ရာရရှိသူများအား အားသွန်ခွန်စိုက် ကုသပေးခဲ့ကြောင်းနှင့် လုံခြုံရေး အတွက် ကြိုတင် ကာကွယ်မှုများ တိုးမြှင့် လုပ်ဆောင်ခဲ့ကြောင်း ထုတ်ပြန်ချက်၌ ပါရှိသည်။

 (Xinhua)
http://www.xinhuamyanmar.com


ကမ္ဘာတ၀န်းတွင် ကိုယ်အင်္ဂါအစားထိုးခွဲစိပ်ကုသမှုခံယူလိုသူဦးရေများသည်ထက်များလာသော်လည်းအလှူရှင် ဦးရေမှာ
သိသိသာသာတိုးလာခြင်းမရှိကြောင်းနှင့်အကြောင်းရင်းမှာလူအများစုကကိုယ်အင်္ဂါအစိပ်အပိုင်းများကို လှူဒါန်းလိုသော် လည်းစိုးရိမ်ထိတ်လန့် မှုရှိခြင်း၊ လှူဒါန်းရာတွင် ဆောင်ရွက်ရသည့် စာရွက်စာတမ်းကိစ္စ များပြားသည်ကိုမလိုလားခြင်းတို့ ကြောင့်ဖြစ်ကြောင်းပေါ်ပေါက်သည့်အတွက် ယခုအခါ ကိုယ်အင်္ဂါအစိပ်အပိုင်း လှူဒါန်းလိုသူများအနေဖြင့် iPhone ဖြင့် လွယ်ကူစွာဆောင်ရွက်နိုင်စေရန် စီစဉ်လျက်ရှိကြောင်းအမေရိကန်ပြည် ထောင်စု၊ အမျိုးသားဇီဝအလှူမှတ်ပုံတင်ဌာန NDLR မှ ထုတ်ပြန်ကြေညာသည်။

Apple ကလည်း ၄င်းအသစ်ဖြန့် ချိသွားမည့် iOS10 တွင်ပါရှိသော Health app တွင် အမျိုးသားဇီဝအလှူမှတ်ပုံတင် ဌာနထံတိုက်ရိုက်လျှောက်ထားနိုင်မည့် အပလီကေးရှင်း ပါဝင်မည်ဖြစ်ကြောင်း၊ ဆေးလောကတွင် အလွန် လိုအပ်လျက်ရှိသောကိုယ်အင်္ဂါအစိပ်အပိုင်းလှူဒါန်းမှုကိုအဆင်ပြေချောမွေ့ လွယ်ကူစွာဆောင်ရွက်နိုင်ရန် ရည် ရွယ်ကြောင်းသိရသည်။ အမေရိကန်ပြည်ထောင်စုမှာကိုယ်အင်္ဂါအစိပ်အပိုင်းလှူဒါန်းဖို့  အမည်စာရင်းပေးထားသူသန်း ၁၂၀ ထက် မနည်းရှိပါတယ်။

ကိုယ်အင်္ဂါအစိပ်အပိုင်းအစားထိုးခွဲစိပ်ကုသမှုခံယူဖို့ စောင့်ဆိုင်းနေသူဦးရေကလည်း ၁၂၀၀၀၀ ဦးထက်မနည်းရှိပါတယ်။ Apple နဲ့  ပေါင်းစပ်ပြီးတော့ iPhone ကနေတစ်ဆင့် ကိုယ်အင်္ဂါအစိပ်အပိုင်း လှူဒါန်းနိုင်အောင် စီစဉ်ပေးနေပါတယ်ဟုNDLR မှ တာဝန်ရှိသူတစ်ဦးက ပြောပြသည်။

အချို့ အင်္ဂါအစိပ်အပိုင်းတွေကအလှူရှင်သေဆုံးသွားမှ ထုတ်ယူလို့ ရပေမယ့် ကျောက်ကပ်၊အသည်းအစရှိတဲ့ ကိုယ်အင်္ဂါတွေကိုကျတော့ အလှူရှင်အသက်ရှင်နေဆဲအချိန်မှာခွဲစိပ်ထုတ်ယူလို့ ရပါတယ်။ အလှူရှင်အများစု က ဆန္ဒရှိပေမယ့် ခွဲစိပ်ခံရမှာကိုကြောက်၍ဖြစ်စေ၊ စာရွက်စာတမ်းကိစ္စတွေ ရှုပ်ထွေး၍ဖြစ်စေ၊ မလှူဖြစ်ကြပါဘူးဒါကြောင့် လှူချင်တယ်ဆိုရင် အလွယ်တကူလှူလို့ ရအောင် အခုလိုစီစဉ်ဆောင်ရွက်ခြင်းဖြစ်ပါတယ်ဟု ၄င်းက ဆက်လက်ပြောပြသည်။

Apple သည် ၄င်း၏ ကျန်းမာရေးအပလီကေးရှင်းကို ၂၀၁၄ ခုနှစ်တွင် စတင်ဖြန့် ချိခဲ့ပြီးစမတ်ဖုန်းအသုံးပြုသူ၏ ကျန်းမာရေးကိုစောင့်ကြည့်ပေးခဲ့ကြောင်း၊ အရေးပေါ်အခြေအနေများတွင် လူနာ၏အသေးစိပ်အချက်အလက် များကိုချက်ခြင်းဖော်ပြပေးနိုင်ခဲ့ကြောင်း၊ ယခုလည်းကိုယ်အင်္ဂါအစိပ်အပိုင်းလှူဒါန်းလိုသူများအတွက် အဆင် ပြေချောမွေ့ အောင် စီစဉ်ပေးခြင်းပင်ဖြစ်ကြောင်းသိရသည်။
ရတနာပုံ သတင်းစာ

Google နှင့်အခြားနည်းပညာမြင့်သုံးမျက်မှန်ထုတ်လုပ်ရေးကုမ္ပဏီတို့ ပူးပေါင်းကာကွန်ပျူတာဖန်သားပြင်ကိုမျက်နှာရှေ့ တွင် မြင်တွေ့ ရပြီးလက်ဖြင့် ထိပုတ်အသုံးပြုနိုင်မည့် မျက်နှာကွန်ပျူတာကိုထုတ်လုပ်ထားပြီးယခုအခါ လုပ်ငန်းခွင်လောကတွင် တွင်ကျယ်လာနေပြီဖြစ်ကြောင်းသိရသည်။ Google Glass က ခေတ်ကုန်သွားပါပြီ။ ၂၀၁၅ ဇန်န၀ါရီလကတည်းက ထုတ်လုပ်သူ Google ကုမ္ပဏီက Google Glass ကို update ထပ်မပေးတော့ပါဘူး။ အခု Google Glass ကိုပဲအခြေခံပြီးအခြားသောနည်းပညာမြင့်မျက်မှန် ထုတ်လုပ်ရေးကုမ္ပဏီတွေနဲ့ ပေါင်းစပ်ပြီးမျက်နှာကွန်ပျူတာကိုထုတ်လုပ်ထားပါတယ်ဟု Google မှ တာဝန်ရှိသူတစ်ဦးက ပြောပြသည်။

Google နှင့်အတူVuzix, Atheer, ODG, Microsoft Hololensတို့ က ပူးပေါင်းထားခြင်းဖြစ်ကြောင်း၊ စီးပွားရေးနှင့်လုပ်ငန်းခွင်သုံးစမတ် ကွန်ပျူတာကိုထုတ်လုပ်ရန် ရည်ရွယ်ဆောင်ရွက်ခဲ့ကြကြောင်း၊ ၄င်းတို့ ထုတ်လုပ်သော Face Computer ကိုလူကြိုက် များနေပြီးလုပ်ငန်းခွင်တွင်အသုံးများလျက်ရှိကြောင်းသိရသည်။

မျက်နှာကွန်ပျူတာမှာအဓိကအသုံးပြုထားတဲ့ ဆော့ဖ်ဝဲ ဒါမှမဟုတ် OS က APX Labs ဖြစ်ပါတယ်။ ဒီ OS ကိုအသုံးပြုပြီးလုပ်ငန်းသမားတွေက သူတို့ စိတ်ကြိုက် အပလီကေးရှင်းလေးတွေကိုဖန်တီးနိုင်ပါတယ်။ မျက်နှာရှေ့ ပေါ်လာတဲ့ ကွန်ပျူတာစကရင်ကနေအိမ်က၊ ရုံးထဲကကွန်ပျူတာဆာဗာ၊ ကွန်ပျူတာအစရှိတာတွေထဲကအချက် အလက်တွေကိုလည်းဆွဲသုံးနိုင် မှာဖြစ်သလိုမျက်နှာကွန်ပျူတာမှာ အလုပ်လုပ်ပြီးသွားရင်လည်းနှစ်သက်ရာ network ချိတ်ထားတဲ့ကွန်ပျူတာထဲမှာသိမ်းဆည်းထားနိုင်မှာဖြစ်ပါတယ်ဟုသုတေသီတစ်ဦးကပြောပြသည်။မျက်နှာကွန်ပျူတာဟာစမ်းသပ်ဆဲကာလမှာပဲရှိပါသေးတယ်။
အချို့ ကုမ္ပဏီကြီးတွေကလည်းမျက်နှာကွန်ပျူတာကိုစမ်းသပ်ကြည့်ချင်ကြသလိုအချို့ ကလည်းသမားရိုးကျနည်းလမ်းတွေနဲ့  ဆက်သွားနေချင်ကြ တုန်းပါပဲ။ ဘာပဲဖြစ်ဖြစ် မျက်နှာကွန်ပျူတာကိုရအောင်လုပ်သွားရပါမယ်ဟု ၄င်းက ဆက်လက်ပြောပြသည်။
ရတနာပုံ သတင်းစာ

(ဓာတ်ပုံ - RUNGROJ YONGRIT၊ အီးပီအေ)
သာသနာအား စော်ကားရာ ရောက်စေသဖြင့် ဗုဒ္ဓပုံတော်အား ခြေထောက်တွင် ဆေးမင်ကြောင်တက်တူးထိုးထားသည့် စပိန်နိုင်ငံသား ကမ္ဘာလှည့်ခရီးသည်အား ပြည်နှင်ဒဏ်ပေးမည်ဟု ရဲဌာနက ဇူလိုင် ၁၁ ရက်တွင် ပြောသည်။

အဆိုပါ စပိန်အမျိုးသားကို ပုဂံတွင် ဖမ်းဆီးထိန်းသိမ်းထားခဲ့ခြင်းဖြစ်သည်။

"ပုဂံက ဘုန်းကြီးတွေက ဘောင်းဘီတို ဝတ်ထားတဲ့ အဲဒီ စပိန်နိုင်ငံသား ညာခြေထောက်မှာ ဗုဒ္ဓပုံဆေးမင်ကြောင်ထိုးထားတာကို စမြင်တာပါ။ ဒါ မသင့်မတော်ဘူးဆိုပြီး ရဲကို လာတိုင်ကြတာဖြစ်ပါတယ်။"ဟု အမည်မဖော်သည့် ရဲအရာရှိတစ်ဦးက Agence France-Presse သို့ပြောခဲ့သည်။ ထိုစပိန်နိုင်ငံသားကို ရန်ကုန်သို့ ချက်ချင်းပြန်ပို့ခဲ့ကြောင်းလည်း ဖြည့်စွက်ပြောသည်။

ရန်ကုန်လေဆိပ်ရှိ အမည်မဖော်သည့် ရဲအရာရှိတစ်ဦးကလည်း စပိန်တိုးရစ်အား ထိန်းသိမ်းထားခြင်းကို အတည်ပြုပြောပြီး ၎င်းကို ဘန်ကောက်သို့ ဇူလိုင် ၁၁ ရက်(ယနေ့)ညနေပိုင်း၌ ပြန်ပို့မည်ဟု ပြောသည်။

"ကျွန်တော်တို့က သူ့ကို ဒီနိုင်ငံမှာ ခရီးသွားဧည့်သည်တစ်ယောက်အနေနဲ့ စည်းမျဉ်းစည်းကမ်းတွေ ချိုးဖောက်လို့ ပြန်ပို့ရမှာဖြစ်ပါတယ်။"ဟု ၎င်းက ရဲအရာရှိက ပြောသည်။

ပြီးခဲ့သည့်နှစ်အတွင်းက နယူးဇီလန်ဘားမန်နေဂျာတစ်ဦးအား ဗုဒ္ဓပုံတော်အား မလျော်ကန်စွာအသုံးပြုခြင်းအတွက် သာသနာစော်ကားရာရောက်သည်ဆိုကာ ထောင်ဒဏ် ဆယ်လ ချမှတ်ခဲ့သည်။
Mizzima - News in Burmese

ဘာသာပေါင်းစုံချစ်ကြည်ရေးအဖွဲ့ မတ်လ, ၂၀၁၅ လစဉ်ပုံမှန် အစည်းအဝေး
ဘာသာပေါင်းစုံချစ်ကြည်ရေးအဖွဲ့ မတ်လ, ၂၀၁၅ လစဉ်ပုံမှန် အစည်းအဝေး

မတူကွဲပြားတဲ့ လူမျိုး၊ ဘာသာ တခုနဲ့ တခုကြားမှာ ပဋိပက္ခတွေဖြစ်စေဖို့ အမုန်းစကားတွေ ဖြန့်ဝေမှုတွေ ကို ထိထိရောက်ရောက် ကိုင်တွယ်ဖြေရှင်းနိုင်မယ့် ဥပဒေကြမ်းတရပ်ကို ဘာသာပေါင်းစုံချစ်ကြည်ရေးအဖွဲ့ က အချောသတ် ရေးဆွဲနေပြီး ဒီလမကုန်မီ သာသနာရေးနဲ့ ယဉ်ကျေးမှုဝန်ကြီးဌာနကို ပေးပို့သွားမှာဖြစ်ပါတယ်။ ဥပဒေကြမ်းကို သာသနာရေးဝန်ကြီးဌာနကို မပို့ခင်မှာ ပြန်လည်သုံးသပ်နိုင်ဖို့ ဘာသာကြီး ၄ ခု ဆိုင်ရာ အဖွဲ့အစည်းတွေကိုလည်း ပေးပို့ ထားတယ်လို့ ဘာသာပေါင်းစုံ ချစ်ကြည်ရေးအဖွဲ့က ပြောပါတယ်။ ဒီသတင်း အပြည့်အစုံကိုတော့ ဗွီအိုအေ သတင်းထောက် မမြင့်မြင့်ခိုင်က စုံစမ်းတင်ပြထားပါတယ်။

မတူကွဲပြားတဲ့ လူမျိုး၊ ဘာသာ တခုနဲ့ တခုကြား ပဋိပက္ခတွေ ဖြစ်စေတဲ့ အမုန်းစကားတွေ ဖြန့်ဝေ မှုကို ထိထိရောက်ရောက် ကိုင်တွယ်အရေးယူနိုင်မယ့် ဥပဒေကြမ်းတရပ်ကို ဘာသာပေါင်းစုံ ချစ်ကြည်ရေးအဖွဲ့ အနေနဲ့ ရေးဆွဲတာ ပြီးစီးနေပါပြီ။

ဒီဥပဒေကြမ်းမှာပါတဲ့ အချက်အလက်တွေကို ပြန်လည်ပြင်ဆင် သုံးသပ်နိုင်ဖို့ ဘာသာကြီး ၄ခုကို ပေးပို့ထားပြီး ဇူလိုင်လ မကုန်ခင် သာသနာရေးနဲ့ ယဉ်ကျေးမှု ဝန်ကြီးဌာနကို ပေးပို့သွားမှာဖြစ်တယ်လို့ ဘာသာပေါင်းစုံ ချစ် ကြည်ရေးအဖွဲ့ ဥက္ကဌ ဦးစိန်ဝင်းအောင်က ပြောပါတယ်။

“ ကျနော်တို့ကတော့ ဥပဒေရေးရာတော့ ရေးပြီးပြီ။ အခုကျနော်တို့ရေးထားတဲ့ဟာကို ဘာသာ ၄ ခုကို ထပ်ပြီးတော့ ပေးထားတယ်။ ကျနော်ပို့တော့မယ် ခင်ဗျားတို့ ဘာပြင်မလဲ၊ ပြင်ချင်တာရှိရင်ပြင်ပါ။ ဘာသာရေး ၄ ခုကနေပြီး ၁၃ ရက်နေ့ ကျနော်တို့ပြန်တောင်းထားတယ်။ ညှိမယ် ညှိပြီးလို့ရှိရင် ဒါလက်ခံနိုင်တဲ့ဟာရှိကောင်းရှိမယ်။ လက်မခံနိုင်တဲ့ဟာရှိရင် သူတို့ကိုပြန်ပြီးတော့ ညှိနှိုင်းရမယ်။ အဲဒီအချက်တော့ရှိတယ်။ ၁၃ ရက်နေ့တောင်းမယ် ကျနော်တို့အတွက်လုပ်ဆောင်ချက် ၁၀ ရက် ၊ ၁၅ ရက်လောက်ယူမယ် ပြီးရင် ဒီလထဲမှာအပြီးပို့မယ်။”

ငြိမ်းချမ်းစွာအတူ ယှဉ်တွဲနေထိုင်ရေးနဲ့ ပတ်သက်လို့ ရန်ကုန်၊ မန္တလေး၊ မော်လမြိုင်၊ မကွေးစတဲ့ မြို့တွေမှာ ဘာ သာပေါင်းစုံအဖွဲ့တွေ အစည်းအဝေးတွေ ပြုလုပ်ခဲ့တုန်းက အမုန်းစကားတွေ ဖြန့်ဝေမှုတွေကို တားမြစ်နိုင်မယ့် ဥပဒေတရပ် ပြဌာန်းဖို့ ဆုံးဖြတ်ထားရာကနေ အခုလို အမုန်းစကားတွေ ဖြန့်ဝေမှုကို တားဆီးကာကွယ်နိုင်မယ့် ဥပဒေကြမ်းတရပ် ရေးဆွဲခဲ့ကြတာပါ။

ဒီဥပဒေကြမ်းအရတော့ ပဋိပက္ခတွေဖြစ်အောင် အမုန်းစကားတွေကို တဦးတယောက်ကဖြစ်စေ၊ အဖွဲ့အစည်း အလိုက်ဖြစ်စေ ဖြန့်ဝေရင် အရေးယူနိုင်မှာဖြစ်ပြီး အမုန်းစကားတွေ ပြောဆိုဖြန့်ဝေမှုနဲ့ ပတ်သက်လို့ အရေး ယူ မယ့် ပြစ်မှု ပြစ်ဒဏ်ကိုတော့ လောလောဆယ်မပြောလိုသေးဘူးလို့ ဦးစိန်ဝင်းအောင်က ပြောပါတယ်။

“အဲဒါကတော့ ဘာသာလေးခုက အဖြေရတဲ့အချိန်ကျရင် ကျနော်တို့ပြောပါမယ်။ ဘာသာလေးခုက အဖြေရပြီးမှပြောလို့ဖြစ်မယ်။ဘာဖြစ်လို့လဲဆိုတော့ တချို့ဟာတွေကတော့ သိပ်ပြီးတော့ ပြင်းပြင်းထန်ထန် သွားပြီးတော့ လုပ်ပြန်ရင်လည်း ကျန်တဲ့ ဥပဒေတွေနဲ့ ချိန်ထိုးပြီးတော့ ကြည့်ရတာကို။ ဥပဒေက မတင်ရသေးတဲ့ဟာကို သွားပြီးတော့ပြောလိုက်ရင် ဘာသာတွေကျနော့်ကို ၀ိုင်းပြီးတော့ ပြောကြလိမ့်မယ်။ ဒါကြောင့်မို့လို့ ဘယ်လောက်၊ ဘာတွေဆိုတာကို အခုပြောဖို့စောသေးတယ်။”

သာသာရေးနဲ့ ယဉ်ကျေးမှု ဝန်ကြီး သူရ ဦးအောင်ကိုကလည်း ဇူလိုင်လ ၉ရက်နေ့က မြန်မာမွတ်ဆလင် စီးပွား ရေး လုပ်ငန်းရှင်များအသင်းရဲ့ အစ်နေ့အထိမ်းအမှတ် ညစာစားပွဲမှာ အမုန်းစကားတွေ ဖြန့်ဝေမှုတွေကို တား မြစ်နိုင်မယ့် ဥပဒေကြမ်းကို သာသနာရေးဝန်ကြီးဌာနအနေနဲ့ လက်ခံရရှိရင် ပြည်ထောင်စုရှေ့နေရုံးကို ပေးပို့ပြီး ရင် လွှတ်တော်မှာ တင်မယ်လို့ ပြောဆိုထားပါတယ်။

ဒီဥပဒေကြမ်းနဲ့ ပတ်သက်လို့ သာသာရေးဝန်ကြီးဌာနရဲ့ ပြောရေးဆိုခွင့်ရှိသူ ဦးမြင့်ဇော်ဝင်းကတော့ အခုလို ပြောပါတယ်။

“ဘာသာပေါင်းစုံအဖွဲ့တွေနဲ့ကော ဘယ်အချိန်မှန်းတော လောလောဆယ်ကျနော်တို့မသိသေးဘူးခင်ဗျ။ ဒါပေမယ့်လည်း အခု ၀န်ကြီးလည်း နောက်ဆုံး ဒီဟာတွေ တာဝန်ပေးပြီးလုပ်ထားတယ်ဆိုတာတော့ ပြောပါတယ်ခင်ဗျ။ ပြောရရင်တော့ ကျနော်တို့ ၀န်ကြီးအနေနဲ့ကတော့ အဓိကအားဖြင့်တော့ ဘာသာပေါင်းစုံချစ်ကြည်ရေးအဖွဲ့ကိုပဲ သီးခြားတာဝန်ပေးပြီးလုပ်ခိုင်းတဲ့အတွက် ကျနော်တို့ဝန်ကြီးဌာနအနေနဲ့ လောလောဆယ်အကြမ်းဖျင်း သိသလောက်ပဲ ဖြေပေးလို့ရမယ်။ ကျနော်တို့နဲ့ ပူးပေါင်းဆောင်ရွက်မှုတွေ မလုပ်ရသေးတော့လေ အသေးစိတ်ကို ကျနော်တို့ မသိနိုင်သေးဘူးခင်ဗျ။”

ပြီးခဲ့တဲ့ရက်ပိုင်းတုန်းက ရန်ကုန်တိုင်းဝန်ကြီးချုပ်က အမျိုးဘာသာသာသနာစောင့်ရှောက်ရေး အဖွဲ့ ရှိစရာ မလိုတော့ဘူးလို့ ပြောဆိုထားတဲ့အပေါ်မှာ၊ မဘသ အဖွဲ့အစည်းတွေဖက်က မကျေမနပ်ဖြစ်ခဲ့ပြီး၊ ဒီအပေါ် ဖြေရှင်းပေးဖို့ အစိုးရအာဏာပိုင်တွေကို တောင်းဆိုထားပါတယ်။ ဒီကိစ္စနဲ့ပတ်သက်လို့ လူမှုကွန်ယက်တွေပေါ် မှာ နှစ်ဖက်အပြန်အလှန်ပြောဆို ငြင်းခုံမှုတွေရှိနေပြီး၊ တဆက်တည်းမှာပဲ လူမျိုးရေး ဘာသာရေး အဓိကရုဏ်း တွေကို ဦးတည်စေတဲ့ အမုန်းစကားဖြန့်ဝေမှုကိစ္စတွေကိုပါ တပါတည်း ပြောဆိုလာကြတာပါ။

မမြင့်မြင့်ခိုင်
VOA Burmese News

ယခုနှစ်ကာလသည် ဆောက်လုပ်ရေးလုပ်ငန်း ကပ်ဆိုက်ချိန်ဖြစ်သောကြောင့် ဆောက်လုပ်ရေး အလုပ်သမား အများစုသည် အလုပ်လက်မဲ့ ဖြစ်နေကြောင်း မြန်မာနိုင်ငံ ဆောက်လုပ်ရေး လုပ်ငန်းရှင်များ အသင်း (MCEA) မှသိရသည်။

ရန်ကုန်တိုင်းဒေသကြီးအတွင်း လွန်ခဲ့သည့် တစ်နှစ်ဝန်းကျင်ခန့်မှ စတင်ကာ ဆောက်လုပ်ရေး လုပ်ငန်းခွင် အားလုံးနီးပါး ရပ်နားခဲ့ရရာ ကုမ္ပဏီများမှ ခန့်ထားသော အလုပ်သမားအနည်းစု မှလွဲ၍ အလုပ်သမားအများစု တို့သည် အလုပ်လက်မဲ့ ဖြစ်နေကြကြောင်း သိရသည်။

“လက်ရှိအချိန်မှာတော့ ဆောက်လုပ်ရေး လုပ်ငန်းက ကပ်ဆိုက်နေတယ်။ အလုပ်သမားတွေကို တတ်နိုင် သလောက်တော့ အဆင်ပြေတဲ့အလုပ်တွေမှာ ခေါ်နေပေမယ့် အသင်းကလည်း NGO ဖြစ်လို့ အားလုံးကို လုပ်ပေးဖို့က အခက်အခဲဖြစ်တယ်။ အလုပ်သမားတွေ အနေနဲ့ကလည်း သူတို့အဆင်ပြေမယ့် အလုပ်တွေမှာ ၀င်ရောက် လုပ်ကိုင်နေပေမယ့်လည်း အများစုကတော့ အခက်အခဲတွေနဲ့ ရုန်းကန်နေကြရတယ် ” ဟု ဆောက်လုပ်ရေး လုပ်ငန်းရှင်များအသင်းမှ ဒု-ဥက္ကဋ္ဌ ဦးသာအေးက The Ladies သို့ ပြောကြားသည်။

ရန်ကုန်တိုင်းဒေသကြီး အတွင်းရှိ ဆောက်လုပ်ရေး လုပ်ငန်းခွင်များတွင် ၀င်ရောက် လုပ်ကိုင်လျက်ရှိသော အလုပ်သမားအများစုမှာ နေ့စားအလုပ်သမားများ ဖြစ်ကြသောကြောင့် ယခုကဲ့သို့ ကာလတာရှည် ဆောက်လုပ်ရေး လုပ်ငန်းခွင်များ ရပ်နားချိန်တွင် အခက်တွေ့နေရခြင်းဖြစ်သည်။

အစိုးရအပြောင်းအလဲတွင် ဖွံ့ဖြိုးတိုးတက်လာမည်ဟု မျှော်လင့်ရသော်လည်း လက်ရှိအချိန်တွင် ငွေကြေးရှားပါးခြင်း၊ ဆောက်လုပ်ရေး လုပ်ငန်းတွင် အိမ်ရာ ၊ တိုက်ခန်း အရောင်းအ၀ယ်အေးခြင်း၊ အချို့လုပ်ငန်းခွင်များသည် သတ်မှတ်စည်းကမ်းချက်နှင့် ညီညွှတ်မှု မရှိသောကြောင့် ဆောက်လုပ်ရေးလုပ်ငန်းများ ရပ်နားထားရခြင်း တို့ကြောင့် ဆောက်လုပ်ရေး လုပ်ငန်းများမှာ အေးစက်နေသည်ဟု ကန်ထရိုက်အသိုင်းဝိုင်းက ဆိုသည်။

“တချို့ကလည်း လုပ်ငန်းပြောင်းလုပ်လို့ရတယ်။ အဆင်ပြေတယ်။ ဈေးတွေမှာ အထမ်းလုပ်တာကအစပေါ့။ ဒါပေမဲ့ ကျွန်တော့်အသိတွေထဲမှာ ဆိုရင် တော်တော်များများက အလုပ်ပါးတော့ တခြားနယ်စပ်တွေဘက် သွားတာတို့ ရွာပြန်တာတို့ ဖြစ်ကုန်တယ်။ မူလ လုပ်နေတဲ့ လုပ်ငန်းခွင်ကနေ သက်မွေးဝမ်းကျောင်း ပြောင်းတဲ့ ပုံစံပါ ဖြစ်ကုန်တယ်။ တကယ်အခက်တွေ့ပါတယ်” ဟု ရွှေပြည်သာမြို့နယ်မှ နေ့စားလုပ်သားတစ်ဦးက ပြောသည်။

ဝသန်
The Ladies News Journal

Author Name

Contact Form

Name

Email *

Message *

Powered by Blogger.