07/18/16


ဇူလိုင် ၁၅ ရက်ညမှာ စစ်အာဏာသိမ်းမှုနဲ့ တူရကီနိုင်ငံရဲ့ အရပ်သားအစိုးရကို ဖြုတ်ချဖို့ကြိုးပမ်းမှုက မအောင်မြင်ခဲ့ပါဘူး။ တူရကီလုံခြုံရေးတပ်တွေက အာဏာသိမ်းမှုမှာ ပါဝင်ခဲ့တဲ့ ထောင်နဲ့ချီတဲ့ စစ်သားတွေကို ဖမ်းဆီး ထိန်းသိမ်းလိုက်ပါတယ်။ ဒီတော့ “တူရကီ စစ်အာဏာသိမ်းမှုဟာ ဘာကြောင့် မအောင်မြင်ရသလဲ” ဆိုတာနဲ့ “တူရကီနိုင်ငံမှာ ရှေ့ဆက်ပြီး ဘာဖြစ်လာမလဲ” ဆိုတဲ့ မေးခွန်းနှစ်ခု ပေါ်ထွက်လာပါတယ်။

Seizing Power ဆိုတဲ့ အာဏာသိမ်းမှုတွေနဲ့ ပတ်သက်တဲ့ ကမ္ဘာကျော်စာအုပ်ကို ရေးခဲ့တဲ့ ပညာရှင်တစ်ဦးဖြစ်တဲ့ နူနီဟောဆင်းကတော့ တူရကီစစ်အာဏာသိမ်းမှု မအောင်မြင်ရခြင်းကို ဆုံးဖြတ်တဲ့အချက်က အာဏာသိမ်းမှု စီစဉ်သူတွေရဲ့ စစ်အင်အား ဒါမှမဟုတ် စစ်တပ်အတွင်းက ထောက်ခံမှု ဟုတ်ပုံမရဘူးလို့ ဆိုပါတယ်။

သူက သူတို့ အောင်မြင်မယ်ဆိုတာကို လူတွေယုံကြည်အောင် လုပ်နိုင်စွမ်းမရှိမှုက အဆုံးအဖြတ် ပေးတာပဲလို့ ဆိုတယ်။ မီဒီယာတွေကတစ်ဆင့် လုပ်ရတတ်တဲ့ ဒီအာဏာသိမ်းမှုဟာ အောင်မြင်ရမယ်လို့ ထင်သွားအောင် ပုံဖော်နိုင်စွမ်းဟာ အာဏာသိမ်းမှုတွေမှာ အရေးကြီးပါတယ်။ အခြေခံသဘောအရ ဒီအာဏာသိမ်းမှု အောင်မြင်မယ်လို့ထင်သွားရင် လူတွေက အဲဒီအာဏာသိမ်းမှုကို ပူးပေါင်း ထောက်ခံလာနိုင်ပါတယ်။ ဘာဖြစ်လို့လဲဆိုတော့ လူတွေကဖြစ်နိုင်ရင် သေနတ်တွေရဲ့ အခြားတစ်ဘက်မှာ မရပ်တည်လိုကြလို့ပါ။ အာဏာသိမ်းမှုကို စီစဉ်သူတွေဟာ လူတွေ အဲဒီလိုထင်မြင်လာအောင် မဖန်တီးနိုင်ခဲ့ကြပါဘူး။ သူတို့ ကျရှုံးခဲ့ရပါတယ်။

■ အာဏာသိမ်းမှုတွေ မအောင်မြင်တတ်တဲ့ သမိုင်းပုံစံခွက်ထဲက တူရကီ

တူရကီအာဏာသိမ်းမှုနဲ့ပတ်သက်ရင် နားလည်ရမယ့် ပထမဆုံးအချက်က အာဏာသိမ်းမှုကို စီစဉ်သူတွေဟာ တစ်ဖက်က စစ်ရေးအရ ခုခံလာမယ့် နယ်မြေတွေကို မဖျက်ဆီးနိုင်ခဲ့တာပါ။ တူရကီဝန်ကြီးချုပ် ဘင်နယ်လီယီဒီရင်က အာဏာသိမ်းမှုနဲ့ပတ်သက်တဲ့ ပဋိပက္ခတွေမှာ လူပေါင်း ၂၆၅ ဦး သေဆုံးတယ်လို့ ဆိုပါတယ်။ ကြောက်မက်ဖွယ်ပါပဲ။ ဒါပေမဲ့ ပဋိပက္ခ အကြီးအကျယ်ဖြစ်ခဲ့တဲ့ အစ္စတန်ဘူနဲ့ အင်ကာရာမြို့တစ်လျှောက် ရှိနိုင်တဲ့ တင့်ကားတွေနဲ့ တပ်ဖွဲ့ဝင်တွေ အရေအတွက်ရဲ့ အဖျားအနားတောင် မရှိပါဘူး။

တကယ်တော့ အာဏာသိမ်းမှုကို ထောကခံသူတွေဟာ သူတို့ရဲ့ နောက်ဆုံးထွက်သက်အထိ တိုက်ခိုက်ဖို့ မကြိုးစားခဲ့ပါဘူး။ အဲဒီနောက်မှာ နိုင်ငံတော်ပုန်ကန်မှုနဲ့ တရားစွဲခံရမယ်ဆိုရင်တောင် လက်နက်ချဖို့ ဆန္ဒရှိနေတဲ့ အဖွဲ့တွေ ရှိနေပါတယ်။

အာဏာသိမ်းတယ်ဆိုတဲ့ အချက်တစ်ခုလုံးကို ခြုံကြည့်ရင် စစ်တပ်ရဲ့ တစ်စိတ်တစ်ပိုင်းဟာ ပြည်တွင်းစစ်မဖြစ်ဘဲ အစိုးရကို ဖြုတ်ချဖို့လုပ်တာပါ။ အာဏာသိမ်းသူတွေဟာ လူတွေတည်ငြိမ်နေတဲ့ အနေအထားတစ်ရပ်ကိုပဲ ထိန်းချုပ်လိုကြပါတယ်။ ယေဘုယျသဘောအရ အစိတ်စိတ်အမြွှာမြွှာကွဲပြီး သွေးထွက်သံယိုမှုတွေ ဆက်တိုက်ဖြစ်ပွားမယ့် အနေအထားမျိုးကို မလိုလားပါဘူး။ အဓိပ္ပာယ်ကတော့ အာဏာသိမ်းမှုတွေမှာ နိုင်မယ်ထင်ပုံရတဲ့ဘက်ကို ၀င်ပေါင်းလိုက်ကြတာပါ။ အုပ်စုကွဲပြီး တစ်ဖက်နဲ့တစ်ဖက် အသေအကျေ စစ်တိုက်ကြတာမျိုး မဟုတ်ပါဘူး။

အာဏာသိမ်းမှုတွေမှာ ဘယ်ဘက်က နိုင်မယ်ဆိုတဲ့ ထင်မြင်ချက်ဟာ တကယ်ကို အရေးပါပါတယ်။ တကယ်လို့ တူရကီအာဏာသိမ်း ခေါင်းဆောင်တွေဟာ သမ္မတရီဆပ်တေယစ်အာဒိုဂန်ကို မဖြစ်မနေ ဖြုတ်ချရတော့မယ်ဆိုတဲ့ ထင်မြင်ချက်ကို လူတွေလက်ခံလာအောင် ဖန်တီးနိုင်ရင် တူရကီလုံခြုံရေးတပ်တွေအတွင်းက အာဒိုဂန်ကို စာနာထောက်ထားသူတွေတောင်မှ သူတို့ကို ဆန့်ကျင်မှာ မဟုတ်တော့ပါဘူး။

စစ်တပ်ထဲမှာ အာဏာသိမ်းမှုတစ်ခု စဖြစ်ရင် အုပ်စုလေးတစ်စုက စပါတယ်။ အများစုကို လွှမ်းမိုးနိုင်ဖို့ကြိုးစားတဲ့ လူအနည်းအကျဉ်းလေးပါ။ သွေးသောက်ရဲဘော် ရဲဘက် အမာခံ တစ်စုလေးသာဖြစ်ပါတယ်။ အဲဒီအနေအထားမှာ တပ်ထဲက အများစုဟာ အရင်ဆုံးအနေနဲ့ အလယ်မှာ ရပ်နေကြပါတယ်။ အဲဒီလို ခြံစည်းရိုးခွထိုင်နေတဲ့လူတွေဟာ သူတို့နိုင်မယ်ထင်တဲ့ဘက်ကို ရွေးချယ်တတ်ကြပါတယ်။ အဲဒီတော့ ကိုယ့်ဘက်က နိုင်ရမယ်လို့ ထင်မြင်သွားအောင် ဖန်တီးနိုင်ဖို့ အရေးကြီးတာပါပဲ။ တူရကီအာဏာသိမ်းမှုကို စီစဉ်သူတွေ အဲဒီလို မလုပ်နိုင်ခဲ့ကြပါဘူး။

ကိုယ့်ဘက်က နိုင်မယ်လို့ လူတွေထင်သွားအောင် ဖန်တီးဖို့ အရေးကြီးတဲ့ နည်းလမ်းတစ်ရပ်က အသံလွှင့်မီဒီယာတွေကို ထိန်းချုပ်ဖို့ပါပဲ။ ခင်ဗျားတို့အနေနဲ့ ရေဒီယိုနဲ့ ရုပ်သံဌာနတွေကို ရသွားရင် အစိုးရအဖွဲ့ဟာ ပြုတ်ကျသွားပြီလို့ ခင်ဗျားတို့ လူတိုင်းကို ပြောနိုင်ပြီလေ။ အဲဒီအခါ တပ်ထဲက ခြံစည်းရိုးခွထိုင် နေဆဲလူတွေက အာဏာသိမ်းမှုဟာ အောင်မြင်ပြီလို့ ထင်သွားရင် သူတို့ ခင်ဗျားဘက်ကို ပါလာပါလိမ့်မယ်။

ရရှိတဲ့ သတင်းတွေအရကတော့ အဲဒီလို မလုပ်နိုင်ခဲ့ပါဘူး။ သမ္မတ အာဒိုဂန်ဟာ အာဏာသိမ်းမှုကို ဆန့်ကျင်တဲ့ ရုပ်သံကြေညာချက်တစ်ရပ်ကို ထုတ်လွှင့်ဖို့ စီစဉ်နိုင်ခဲ့ပါတယ်။ အာဒိုဂန်ဟာ ဆဲလ်ဖုန်းကိုအသုံးပြုပြီး Skype ကတစ်ဆင့် စီစဉ်နိုင်ခဲ့တာပါ။ အတိုက်အခံတွေအပါအ၀င် အဓိကနိုင်ငံရေးပါတီ ခေါင်းဆောင်တွေဟာ လူသိရှင်ကြားပဲ အာဏာသိမ်းမှုကို ဆန့်ကျင်လိုက်ကြပါတယ်။

ပိုပြီးအရေးကြီးတဲ့အချက် ဖြစ်နိုင်တာက အာဏာသိမ်းမှုကို စီစဉ်သူတွေဟာ သူတို့ဆီက မက်ဆေ့ခ်ျတွေကို ဖြန့်ထုတ်ဖို့ အင်မတန် ညံ့ဖျင်းခဲ့ကြတာပါ။ သူတို့ဟာ CNN Turk လိုမျိုး မီဒီယာတွေကို သိမ်းနိုင်ခဲ့တယ်ဆိုပေမယ့် သူတို့ရဲ့ မက်ဆေ့ခ်ျတွေကို ထုတ်လွှင့်ဖို့ ထိထိရောက်ရောက် အသုံးမချခဲ့ပါဘူး။

“အာဏာသိမ်းတပ်တွေဆီကနေ ဘာ ရှင်းရှင်းလင်းလင်း ကြေညာချက်မှ မရဘူး။ ဘယ်ခေါင်းဆောင်မှ ရုပ်သံကနေ ပေါ်မလာဘူး။ တကယ့် သဘောထားကြေညာချက်တွေလည်း မရဘူး” လို့ အာဏာသိမ်းတဲ့အချိန်မှာ တူရကီရောက်နေတဲ့ မြောက်ကယ်ရိုလိုင်းနား တက္ကသိုလ်က ပါမောက္ခဇေနက်တူဖက်ချီက သူ့ရဲ့ Twitter မှာ ရေးထားတာတွေ့ရပါတယ်။

အာဏာသိမ်းမှုကို စီစဉ်သူတွေဟာ သူတို့အပြည့်အ၀ ထိန်းချုပ်နိုင်ပြီလို့ လူတွေထင်သွားအောင် မလုပ်နိုင်ခဲ့ပါဘူး။ ဒါကြောင့် တပ်ထဲက များပြားတဲ့အင်အားတွေ သူတို့ဘက် ပါလာအောင်လည်း မလုပ်နိုင်တော့ပါဘူး။

■ အာဏာသိမ်းမှု ကျရှုံးခဲ့ပြီးတဲ့နောက် ဘာဖြစ်မလဲ

အာဏာသိမ်းမှုတွေ ကျရှုံးသွားရင် သစ္စာဖောက်တဲ့ တပ်ဖွဲ့ဝင်တွေကို အစိုးရက အကြီးအကျယ် အကြမ်းဖက်နှိပ်ကွပ်မယ့် အိပ်မက်ဆိုးတွေ ပေါ်လာပါလိမ့်မယ်။ အာဒိုဂန်ရဲ့ ပြင်းထန်တဲ့ ပြောကြားချက်အရ ဒါမျိုး ဖြစ်နိုင်ဖို့ ပိုများပါတယ်။ သူက အာဏာသိမ်းမှုနဲ့ပတ်သက်ပြီး ဂူလင်လှုပ်ရှားမှုမှာပါတဲ့ သူ့ရဲ့နိုင်ငံရေး အတိုက်အခံတွေအပေါ် အပြစ်ပုံချခဲ့ပါတယ်။ အာဒိုဂန်က သူတို့အနေနဲ့ တူရကီနိုင်ငံကို သစ္စာဖောက်တဲ့အတွက် တန်ဖိုးကြီးကြီး ပေးဆပ်ရမယ်လို့ ရုပ်သံက ထုတ်လွှင့်တဲ့မိန့်ခွန်းမှာ သတိပေးထားပါတယ်။

ဒါပေမဲ့ တစ်ခုရှိတာက အစိုးရအနေနဲ့ တပ်ထဲကလူတွေကို သတ်ဖြတ်မှုတွေ စပြီး လုပ်လိုက်တာနဲ့ လက်ရှိအာဏာသိမ်းမှုမှာ မပါဝင်တဲ့ စစ်တပ်က အရာရှိတွေတောင် သူတို့ကိုလည်း တစ်နေ့နေ့မှာ အစိုးရက သတ်မှာပဲလို့ ကြောက်လန့်သွားနိုင်ပါတယ်။

အဲဒီလို တပ်တွင်းမှာ သုတ်သင်မှုတွေ လုပ်မယ်ဆိုရင် အဲဒီ သုတ်သင်မှုတွေကို တုံ့ပြန်မှုအနေနဲ့ နောက်ထပ် အာဏာသိမ်းမှုတစ်ရပ် ဖြစ်ပေါ်လာနိုင်ပါတယ်။ အဲဒါကို တန်ပြန် အာဏာသိမ်းမှုလို့ ခေါ်ဆိုပါတယ်။ အစိုးရတွေက ဒါမျိုးတွေကိုသိပါတယ်။ ယေဘုယျ သဘောအရ ပါးနပ်တဲ့အစိုးရတွေဟာ အာဏာသိမ်းမှုမှာပါဝင်ခဲ့တဲ့ တပ်ထဲကလူတွေကို အစုလိုက်အပြုံလိုက် သုတ်သင်တာမျိုးထက် တပ်ရဲ့ အရေးပါတဲ့နေရာတွေမှာ သူတို့ရဲ့သစ္စာခံတွေကို နေရာချထားလိုက်တာမျိုးနဲ့ပဲ တုံ့ပြန်တတ်ပါတယ်။

ဒါပေမဲ့ အစုလိုက်အပြုံလိုက် သုတ်သင်တာမျိုး မလုပ်ဘူးလို့လည်း မဆိုနိုင်ပါဘူး။ ဒါပေမဲ့ အာဒိုဂန်ရဲ့ ဒေါသတကြီး ပြောကြားချက်ကိုကြည့်ပြီး တကယ့်တကယ်မှာ သူ ဘာလုပ်မယ်ဆိုတာမျိုးကိုလည်း မှန်းဆလို့မရပါဘူး။ ဘာပဲဖြစ်ဖြစ် ပိုသိမ်မွေ့ပြီး ပိုဆိုးရွားတဲ့ အကျိုးဆက်အနေနဲ့ တူရကီ ဒီမိုကရေစီကို အကြီးအကျယ် ထိခိုက်လာစေမယ့် အလားအလာ ရှိပါတယ်။ လုံးဝအာဏာရှင်စနစ်ကို ကူးပြောင်းသွားတာမျိုးတောင် ဖြစ်နိုင်ပါတယ်။

အခုအထိ နှစ်အတန်ကြာအတွင်း အာဒိုဂန်ဟာ သူ့အတိုက်အခံတွေကို ပိုပြီးအသက်ရှူကျပ်အောင်လုပ်ဖို့နဲ့ သူ့လက်ထဲမှာ အာဏာပိုပြီးခိုင်မြဲလာအောင်လုပ်ဖို့ ကြိုးစားခဲ့ပါတယ်။ သူဟာ တူရကီရဲ့ စာနယ်ဇင်း လွတ်လပ်ခွင့်ကို နှိပ်ကွပ်ခဲ့တယ်။ အစိုးရဆန့်ကျင်ရေးဆန္ဒပြမှုတွေကို အကြမ်းဖက် ဖြိုခွဲခဲ့တယ်။ သမ္မတလက်ထဲမှာ အန္တရာယ်ကြီးလောက်တဲ့ ပမာဏအထိ အာဏာခိုင်ခိုင်မာမာရှိအောင် ဖွဲ့စည်းပုံအခြေခံဥပဒေမှာ အပြောင်းအလဲတွေလုပ်ဖို့ တွန်းအားပေးခဲ့တယ်။

အရင်က တူရကီရဲ့ ဒီမိုကရေစီအင်စတီ ကျူးရှင်းတွေဟာ အာဒိုဂန်ကိုဟန့်တားဖို့ အင်အားအလုံအလောက် ရှိပုံရပါတယ်။ ၂၀၁၅ ခုနှစ် ဇွန်လက ရွေးကောက်ပွဲတစ်ခုမှာ အာဒိုဂန်ရဲ့ပါတီ ရှုံးနိမ့်ခဲ့ပါတယ်။ တူရကီပြည်သူတွေရဲ့ ကြီးမားတဲ့အစိတ်အပိုင်းက ဖွဲ့စည်းပုံအခြေခံဥပဒေကိုပြင်ဆင်ပြီး သူ့ကိုယ်သူ အာဏာတွေပိုပေးဖို့ အာဒိုဂန်ရဲ့ အဆိုပြုချက်ကို ပယ်ချခဲ့ကြပါတယ်။

ဒါပေမဲ့ အခုလိုအာဏာသိမ်းဖို့ ကြိုးပမ်းမှုဟာ အနေအထားတွေကို ပြောင်းလဲသွားစေနိုင်ပါတယ်။ အခုလို အာဏာသိမ်းမှုကြောင့် အာဏာရှင်ဗီလိန်ဆိုတဲ့ အရင်က အာဒိုဂန်ရဲ့ ရုပ်ပုံလွှာဟာ တူရကီဒီမိုကရေစီကို ကာကွယ်သူကြီးအဖြစ် ပြောင်းလဲသွားနိုင်ပါတယ်။အခုအာဏာသိမ်းမှုက ပြည်သူတွေအနေနဲ့ နိုင်ငံ မတည်မငြိမ်ဖြစ်မှာကို စိုးရိမ်စိတ်တွေ ဖြစ်ပေါ်လာအောင် ဖန်တီးနိုင်လိုက်ပါတယ်။ ဒါကြောင့် အာဒိုဂန်ရဲ့ အာဏာရှင်ဆန်တဲ့ ကစားကွက်တွေကို ပြည်သူတွေအနေနဲ့ ပိုပြီး လိုလိုလားလား လက်ခံလာတာမျိုးတောင် ဖြစ်နိုင်ပါတယ်။

မအောင်မြင်တဲ့ အာဏာသိမ်းမှုဟာ တူရကီနိုင်ငံရေးကို အာဒိုဂန်က လုံးဝ လွှမ်းမိုး ပစ်လိုက်ဖို့အတွက် လမ်းရှင်းပေးလိုက်သလိုပါပဲ။ တူရကီမှာ အရာရာကို ဆုံးဖြတ်ဖို့ တစ်ဦးတည်းသော နိုင်ငံရေးသမားအနေနဲ့ သူ့ကိုယ်သူ မရှိမဖြစ် အနေအထားဖြစ်အောင် ဖန်တီးဖို့ရာ သူလိုလားနေတဲ့ ဖွဲ့စည်းပုံ အခြေခံဥပဒေ ပြောင်းလဲမှုတွေလုပ်ဖို့ အခုအာဏာသိမ်းမှုက ပိုပြီးလွယ်ကူသွားစေနိုင်ပါတယ်။

Writer:
နရီမင်း

============

Eleven Media Group

သုံးနှစ်တာ ကာလအတွင်း အခြေခံစားသောက်ကုန် ဈေးနှုန်းများသည် ဈေးနှုန်းကျဆင်းမှု မရှိခဲ့ဘဲ တစ်နှစ်ထက် တစ်နှစ် ဈေးနှုန်း ပိုမိုမြင့်တက်လာမှုများကြောင့် အခြေခံလူတန်းစား ပြည်သူများအနေဖြင့် အကျပ်အတည်းများစွာ ဖြစ်ပေါ်လျက်ခဲ့ပါတယ်။

တစ်နှစ်ထက် တစ်နှစ် မြင့်တက်လာတဲ့ ကုန်ဈေးနှုန်းအနေနဲ့ ၂၀၁၃ ခုနှစ်မှ စတင်ကာ တဖြည်းဖြည်း မြင့်တက်လာခြင်း ဖြစ်တယ်။

■ ၂၀၁၃ ခုနှစ်၏ အခြေခံစားသောက်ကုန်ဈေးနှုန်း

၂၀၁၃ ခုနှစ်အတွင်း အခြေခံစားသောက်ကုန်ဈေးနှုန်းများမှာ ၂၀၁၃ ခုနှစ် ဇွန်တွင် ဈေးနှုန်းအနည်းငယ် မြင့်တက်ခြင်း ဖြစ်ပါတယ်။ အခြေခံစားသောက်ကုန်စည်များ ဖြစ်ကျတဲ့ ဆန်၊ ဆီ၊ သားငါး၊ ကြက်သွန်တွေရဲ့ဈေးနှုန်းတွေက ယခင်ဈေးနှုန်းထက် ကျပ် ၁၀၀ မှ ၂၀၀၀ အတွင်း ဈေးနှုန်းမြင့်တက်လျက် ရှိခဲ့တယ်။

၂၀၁၃ ခုနှစ်တွင်းမှာ ဈေးနှုန်းမြင့်တက်ခဲ့တဲ့ သားငါးဈေးနှုန်းများကတော့ ငါးမြစ်ချင်း တစ်ပိဿာ ကျပ် ၂၂၀၀-၂၅၀၀ ကနေ တစ်ပိဿာကျပ် ၃၅၀၀ သို့ လည်းကောင်း၊ ငါးကြင်း တစ်ပိဿာကျပ် ၃၀၀၀-၄၀၀၀ မှ ကျပ် ၅၀၀၀ သို့ လည်းကောင်း၊ တီလားဗီးယား တစ်ပိဿာကျပ် ၁၀၀၀ မှ ၁၂၀၀ မှ တစ်ပိဿာ ကျပ် ၁၅၀၀ အထိ ဈေးနှုန်းမြင့်တက်ခဲ့ပါတယ်။

ထို့အပြင် ငါးဈေးကွက်အတွင်းရှိ ဈေးအပေါဆုံး ပင်လယ်ငါးဖြစ်တဲ့ ငါးသေတ္တာငါး ဈေးနှုန်းမှာလည်း ယခင်ဒိုင်ဈေး တစ်ပိ ဿာကျပ် ၈၀၀ မှ ၁၀၀၀ ၀န်းကျင်သာ ဈေးရှိတဲ့ငါးမှာ တစ်ပိဿာ ကျပ် ၁၈၀၀ မှ ၁၉၀၀ သို့ မြင့်တက်လျက် ရှိခဲ့တယ်။

ငါးဈေးများနည်းတူ အသားဈေးမှာလည်း ဈေးနှုန်းမြင့်တက်မှု ရှိခဲ့ပါတယ်။ မွေးမြူရေးကြက် တစ်ပိဿာကျပ် ၄၅၀၀ မှ ကျပ် ၅၅၀၀ သို့ လည်းကောင်း၊ ဗမာ ကြက် တစ်ပိဿာကျပ် ၆၀၀၀ မှ ကျပ် ၇၀၀၀ သို့ လည်းကောင်း၊ ၀က်သား တစ်ပိဿာ ကျပ် ၅၀၀၀ မှ ကျပ် ၆၅၀၀ သို့ လည်းကောင်း၊ အမဲသား တစ်ပိဿာ ကျပ် ၅၀၀၀ မှကျပ် ၇၀၀၀-၇၅၀၀ အထိ သားငါးဈေးနှုန်းအနေနဲ့ အနည်းဆုံး ကျပ် ၃၀၀ ကနေ ၂၀၀၀ အထိ ဈေးနှုန်းမြင့်တက်မှုကို ကြုံတွေ့ခဲ့ရပါတယ်။

ဆန်ဈေးနှုန်းတွေအနေနဲ့ ရွှေဘိုပေါ်ဆန်း တစ်အိတ်လျှင် ကျပ် ၄၀၀၀၀ မှ ၄၅၀၀၀ သို့ လည်းကောင်း၊ ဒုတိယတန်းစား ရွှေဘိုပေါ်ဆန်း တစ်အိတ် ကျပ် ၃၄၀၀၀ မှ ၃၇၀၀၀ သို့ လည်းကောင်း၊ ဖျာပုံပေါ်ဆန်း တစ်အိတ်လျှင် ကျပ် ၃၁၀၀၀ မှ ၃၄၀၀၀ သို့ လည်းကောင်း၊ ဆန်ကြမ်းဖြစ်တဲ့ ဧည့်မထ တစ်အိတ်လျှင် ကျပ် ၁၉၀၀၀ မှ ၂၀၅၀၀ သို့ လည်းကောင်း ဈေးနှုန်း မြင့်တက်ခဲ့ပါတယ်။ ဆီဈေးနှုန်းတွေ အနေနဲ့ကတော့ ပြည်တွင်း မြေပဲဈေးနှုန်းတွေက ဈေးနှုန်းမြင့်တက်ခြင်း မရှိခဲ့ပေမယ့် နိုင်ငံခြားကနေ တင်သွင်းလျက်ရှိတဲ့ စားအုန်းဆီ၊ နေကြာဆီ၊ ပဲပိစပ်ဆီ၊ ပုစွန်နှစ်ကောင်ဆီ ဈေးနှုန်းတို့က ကျပ် ၁၀၀ မှ ၂၀၀ ကြား ဈေးနှုန်းအနည်းငယ် မြင့်တက်ခဲ့ပါတယ်။

၂၀၁၃ ခုနှစ်အတွင်းမှာ ကုန်ဈေးနှုန်း အဓိကမြင့်တက်ခြင်း အကြောင်းရင်းက သယ်ယူပို့ဆောင်ရေး အခက်အခဲများနှင့် ကုန်ပစ္စည်း အ၀င်နည်းခြင်းတို့ကြောင့် ဈေးနှုန်းမြင့်တက်ရခြင်းဖြစ်တယ်လို့ ကုန်စည်ဒိုင်တွေက ဆိုထားပါတယ်။

■ ၂၀၁၄ ခုနှစ်အတွင်း ဈေးနှုန်းပြောင်းလဲ မြင့်တက်ခဲ့တဲ့ အခြေခံစားသောက်ကုန်ဈေးနှုန်း

၂၀၁၃ ခုနှစ် ဇွန်မှာ ဈေးနှုန်းမြင့်တက်ခဲ့တဲ့ ကုန်ဈေးနှုန်းတွေအနေနဲ့ ၂၀၁၄ ခုနှစ်အတွင်း ပြန်လည်ပြီး ဈေးနှုန်း မြင့်တက်ခဲ့ပါတယ်။ အထူးသဖြင့် သား၊ ငါးနဲ့ ဆန်ဈေးတွေ က အဓိက ဈေးနှုန်းမြင့်တက်ခဲ့ခြင်း ဖြစ်ပါတယ်။

သား၊ ငါးဈေးနှုန်းများအနေဖြင့် မွေးမြူရေးကြက် တစ်ပိဿာကို ကျပ် ၅၅၀၀ မှ ယခု ကျပ် ၆၀၀၀ အထိ လည်းကောင်း၊ အိမ်ကြက် တစ်ပိဿာကို ကျပ် ၆၀၀၀- ၇၀၀၀ မှ ကျပ် ၇၅၀၀ မှ ကျပ် ၁၀၀၀၀ အထိ လည်းကောင်း၊ ၀က်သား တစ်ပိဿာလျှင် ကျပ် ၆၅၀၀ မှ ကျပ် ၇၀၀၀-၈၀၀၀၊ အမဲသား တစ်ပိဿာကို ကျပ် ၇၀၀၀-၇၅၀၀ မှ ကျပ် ၉၀၀၀ သို့ လည်းကောင်း ၂၁၀၄ ခုနှစ်အတွင်း ဈေးနှုန်းမြင့်တက်ခဲ့ပါတယ်။

ဒါ့အပြင် ငါးဈေးနှုန်းများအနေနဲ့ ငါးကြင်းတစ်ပိဿာကို ကျပ် ၄၀၀၀-၅၀၀၀ မှ ကျပ် ၅၅၀၀ သို့ လည်းကောင်း၊ ငါးမြစ်ချင်း တစ်ပိဿာကို ကျပ် ၃၀၀၀-၃၅၀၀ မှ ကျပ် ၄၀၀၀ သို့ လည်းကောင်း၊ တီလာဗီးယား တစ်ပိဿာကို ယခင် ကျပ် ၁၅၀၀ မှ ယခု ကျပ် ၂၅၀၀ သို့လည်းကောင်း မြင့်တက်နေကြောင်း သိရသည်။

ဒါကြောင့် ၂၀၁၄ ခုနှစ်အတွင်းမှာ သား၊ ငါးဈေးနှုန်းတွေအနေနဲ့ အနိမ့်ဆုံး ကျပ် ၁၀၀၀ မှ ကျပ် ၃၅၀၀ အထိ ဈေးနှုန်း မြင့်တက်ခဲ့ပါတယ်။

ဆန်ဈေးနှုန်းများအနေနဲ့ ရွှေဘိုပေါ်ဆန်း တစ်အိတ်လျှင် ကျပ် ၄၀၅၀၀ မှ ၄၆၀၀၀ အထိသို့ လည်းကောင်း၊ ဖျာပုံပေါ်ဆန်း တစ်အိတ်လျှင် ကျပ် ၃၃၀၀၀ မှ ၃၈၀၀၀ အထိ လည်းကောင်း၊ ဧည့်မထ ဆန်ကြမ်းတစ်အိတ်ကို ကျပ်၂၀၀၀၀ မှ ၂၂၀၀၀ သို့ ဈေးနှုန်း မြင့်တက်သွားခဲ့ပါတယ်။

၂၀၁၄ ခုနှစ်အတွင်း ကုန်ဈေးနှုန်း မြင့်တက်ရခြင်းရဲ့ အဓိကအကြောင်းရင်းကတော့ ယခင်အစိုးရ လက်ထက်မှာပြုလုပ်ခဲ့တဲ့ ၀န်ထမ်းလစာ တိုးမြှင့်ခြင်း၊ ပိုးကျမှုကြောင့် ဆန်အထွက်နည်းခြင်း၊၂၀၁၄ ခုနှစ်မှာ ဒေါ် လာဈေး မြင့်တက်မှုများရှိခဲ့တာကြောင့် စားသောက်ကုန်အချို့ ဈေးနှုန်းမြင့်တက်မှု ရှိခဲ့ခြင်းဖြစ်တယ်လို့ သိရပါတယ်။

■ ထင်မှတ်မထားသည်အထိ ဈေးနှုန်းမြင့်တက်ခဲ့တဲ့ ၂၀၁၅ ခုနှစ် အခြေခံစားသောက်ကုန် ဈေးနှုန်း

၂၀၁၃-၂၀၁၄ ခုနှစ်အတွင်းမှာ မြင့်တက်ခဲ့တဲ့ အခြေခံစားသောက်ကုန် ဈေးနှုန်းတွေအနေနဲ့ သိသာစွာကျဆင်းခြင်း မရှိသည့်အပြင် တက်မြဲ၊ တက်ဆဲ အနေအထားအတိုင်း ရှိနေသည်။ အထူးအဖြင့် ၂၀၁၅ ခုနှစ် ဧပြီ သင်္ကြန်မတိုင်ခင်မှာ အခြေခံစားသောက်ကုန်စည်များ ထက်မံဈေးနှုန်းများ မြင့်လာတဲ့အပြင် အစိုးရ၀န်ထမ်းများအား လစာ တရားဝင်တိုးမြှင့်လိုက်သည့် အချိန်မှစတင်၍ ကုန်ဈေးနှုန်းများသည် ဈေးနှုန်းနှစ်ဆ မြင့်တက်သည့် အနေအထားသို့ ရောက်သွားခဲ့ပါတယ်။

၂၀၁၅ ခုနှစ်အတွင်းမှာ ဖြစ်ပေါ်ခဲ့တဲ့ သားငါးဈေးနှုန်းတွေအနေနဲ့ ကြက်သား တစ်ပိဿာ ကျပ် ၆၀၀၀-၇၅၀၀ မှ ကျပ် ၇၀၀၀ မှ ၁၁၀၀၀ သို့ လည်းကောင်း၊ ၀က်သား တစ်ပိ ဿာ ကျပ် ၆၀၀၀-၈၀၀၀ မှ တစ်ပိဿာ ကျပ် ၇၀၀၀ မှ၁၁၀၀၀ သို့ လည်းကောင်း၊ အမဲသား တစ်ပိဿာကျပ် ၇၀၀၀-၉၀၀၀ မှ ကျပ် ၇၀၀၀ မှ ၁၃၀၀၀သို့ လည်းကောင်း၊ သား ငါး ဈေးနှုန်းများအနေဖြင့် အနည်းဆုံး ကျပ် ၂၀၀၀ မှ ၄၀၀၀ အထိ ဈေးနှုန်းမြင့်တက်ခဲ့ပါတယ်။

ငါးဈေးနှုန်းများအနေဖြင့် ယခင် ငါးမြစ်ချင်း တစ်ပိဿာလျှင် ကျပ် ၄၀၀၀ မှ ၅၀၀၀ သို့ လည်းကောင်း၊ တီလားဗီးယားငါး တစ်ပိဿာကျပ် ၁၀၀၀-၂၅၀၀ မှ ကျပ် ၃၀၀၀-၄၀၀၀ အထိသို့ လည်းကောင်း၊ ငါးကြင်း တစ်ပိဿာကျပ် ၄၀၀၀ မှ ကျပ် ၆၀၀၀ သို့ လည်းကောင်း ဈေးနှုန်းမြင့်တက်လျက် ရှိခဲ့ပြီပါတယ်။

ဒါ့အပြင် ၂၀၁၅ ခုနှစ်အတွင်း ဖြစ်ပေါ်ခဲ့တဲ့ ဆန်ဈေးနှုန်းက ယခင်နှစ်များထက် ဈေးနှုန်းအဆမတန် မြင့်တက်ခဲ့ပါတယ်။ ရွှေဘိုပေါ်ဆန်း တစ်အိတ်လျှင် ယခင် ကျပ် ၄၆၀၀၀ မှ ကျပ် ၅၈၀၀၀၊ ဖျာပုံပေါ်ဆန်း ရှယ်တစ်အိတ်လျှင် ကျပ် ၃၈၀၀၀ မှ ကျပ် ၄၀၈၀၀ အထိ ဈေးနှုန်း မြင့်တက်သွားခဲ့ပါတယ်။

ထို့အပြင် ၂၀၁၅ ခုနှစ်အတွင်း ရေကြီး၊ ရေလျှံမှုများ ဖြစ်ခဲ့တာကြောင့် ဆီဈေးနှုန်းများအပြင် အခြားသော ကုန်စည်ဈေးနှုန်းများမှာလည်း ဈေးနှုန်းမြင့်တက်လျက် ရှိခဲ့တယ်။

အထူးသဖြင့် ဆန်ဈေးနှုန်းတွေအနေနဲ့ ရွှေဘိုပေါ်ဆန်း ဆန်တစ်ပြည်ကို ကျပ် ၂၆၀၀၊ ၂၇၀၀ အထိ ဈေးနှုန်းမြင့်တက်ခဲ့တယ်။ ပြည်တွင်း ပဲဆီဈေးနှုန်းကလည်း ယခင် တစ်ပိ ဿာ ကျပ် ၃၅၀၀ -၅၀၀၀ အတွင်း ရှိခဲ့တဲ့ ပဲဆီဈေးတွေအနေနဲ့ တစ်ပိဿာကျပ် ၅၅၀၀ -၇၅၀၀ ထိဈေးနှုန်း မြင့်တက်ခဲ့ပါတယ်။

၂၀၁၅ ခုနှစ်အတွင်းမှာ ဆန်၊ ဆီ၊ သားငါးဈေးနှုန်းအပြင် ကြက်သွန်၊ငရုတ်၊ အာလူး ဈေးနှုန်းတွေကလည်း ကျပ် ၅၀၀ မှ ၁၅၀၀ ကြားအထိ ဈေးနှုန်းတစ်ဟုန်ထိုး မြင့်တက်မှုတွေ ရှိခဲ့ပါတယ်။

အခုလို မြင့်တက်တဲ့ အခြေခံစားသောက်ကုန်ဈေးနှုန်း အနေနဲ့ ရွေးကောက်ပွဲကာလ မတိုင်ခင်အထိကို အတက်ဈေးအတိုင်းသာ ရှိနေခဲ့ပါတယ်။ ရွေးကောက်ပွဲကာလအပြီးမှာ အခုလို မြင့်တက်နေတဲ့ အစားအသောက် ကုန်စည်တွေက ဘာတစ်ခုမှ သိသိသာသာ ပြောင်းလဲပြီး ဈေးနှုန်းကျဆင်းခဲ့ခြင်း မရှိပါတယ်။

ကုန်ဈေးနှုန်း မြင့်တက်မှုရဲ့နောက်ဆက်တွဲတွေကြောင့် တစ်နိုင်တစ်ပိုင် ဖွင့်လှစ်ထားတဲ့ စားသောက်ဆိုင်၊ ထမင်းဆိုင်တွေအနေနဲ့ ဈေးနှုန်းမြင့်တက်မှုများ ရှိခဲ့တယ်။

ယခင်အစိုးရလက်ထက်က အစိုးရ၀န်ထမ်းလစာ တိုးမြှင့်ထားပေမယ့် ယခုကဲ့သို့ မြင့်တက်ခဲ့တဲ့ ကုန်ဈေးနှုန်များကြောင့် အစိုးရ၀န်ထမ်းသာမက၊ သာမန်ပုဂ္ဂလိက ၀န်ထမ်းတွေအနေနဲ့ကလည်း လစာနှင့် လောက်ငခြင်း မရှိတာကို ကြုံတွေ့ရလျက် ရှိပါတယ်။

အထူးသဖြင့် ၂၀၁၅ ခုနှစ်အတွင်း ဖြစ်ပေါ်ခဲ့သည့် သဘာဝဘေးနှင့် နိုင်ငံရေး အပြောင်းအလဲအကြား တစ်ဟုန်ထိုး မြင့်တက်ခဲ့တဲ့ ကုန်ဈေးနှုန်း အတက်ကြမ်းတဲ့ဒဏ်ကို အောက်ခြေလူတန်းစားသာမ လူလတ်တန်းစားများပါ အလူးလဲ စားခံရလျက် ရှိပါတယ်။ ဒါ့အပြင် ယခုလို မြင့်တက်ခဲ့ ကုန်ဈေးနှုန်းတွေက ကျဆင်းခြင်းမရှိဘဲ တင်မြဲတက်ဆဲ အနေအထားအတိုင်း ၂၀၁၅ ခုနှစ် တစ်နှစ်လုံး ပြည်သူတွေကို နှိပ်စက်ခဲ့ပါတယ်။

■ ၂၀၁၆ ခုနှစ်ရဲ့ အခြေခံစားသောက်ကုန် ဈေးနှုန်းအနေအထားများ

၂၀၁၅ ခုနှစ်အတွင်းမှာ တစ်ဟုန်ထိုး မြင့်တက်ခဲ့တဲ့ ကုန်ဈေးနှုန်းအနေကတော့ ၂၀၁၆ ခုနှစ် ရောက်ရှိသောအခါ ဈေးနှုန်းကျဆင်းမှု ရှိခဲ့သော်လည်း ယခင် အတက်ဈေးတွေအတိုင်းသာ ဈေးအတက်အကျဖြင့် ၂၀၁၆ ခုနှစ် ဧပြီလမတိုင်ခင်အထိ ဈေးနှုန်း မငြိမ်မသက် ဖြစ်ပေါ်လျက်ရှိခဲ့ပါတယ်။

သို့သော် ၂၀၁၆ ခုနှစ် ဧပြီလမှ စတင်ပြီး ကုန်ဈေးနှုန်းများအနေဖြင့် ပြန်လည်၍ ဈေးနှုန်းမြင့်တက်လာမှာ ဧပြီ၊ မေ၊ ဇွန်လအတွင်း မှာ အမြင့်ဈေးဖြင့် ဈေးနှုန်းပြန်လည် မြင့်တက်ခဲ့ပါတယ်။ ကုန်ဈေးနှုန်းများအနေနဲ့ ၂၀၁၆ ခုနှစ် ဧပြီလတွင် သင်္ကြန်ကာလ နီးကပ်ပြီး ကုန်စည်ကား၊ သင်္ဘောများ ဆိုက်ရောက်မှု နည်းပါးမှုတွေကြောင့် စားသောက်ကုန်ဈေးကွက်အတွင်း ကုန်ခြောက်နှင့် သား၊ ငါးဈေးနှုန်းများ ကျပ် ၁၀၀၀ မှ ၅၀၀၀ အထိ မြင့်တက်လျက် ရှိနေသည်။

၂၀၁၆ ခုနှစ် မိုးရာသီ ဇွန်လ ကျောင်းဖွင့်ကာလသို့ ရောက်ရှိလာသောအခါ ယခင်ဈေးနှုန်း မြင့်တက်လျက်ရှိသည့် ကုန်ဈေးနှုန်းများအနေ ဈေးနှုန်းပိုမို မြင့်တက်လာမှုရှိခဲ့သည်ကို ဈေးကွက်အတွင်းမှ စုံစမ်းသိရသည်။

ယခင်က အတက်ဈေးနှုန်း၌ ရပ်တည်လျက်ရှိတဲ့ သားငါးဈေးနှုန်းများမှာ ကြက်သား တစ်ပိဿာလျှင် ကျပ် ၅၀၀၀- ၉၀၀၀ ကျပ် ၆၀၀၀-၁၂၀၀၀ သို့ လည်းကောင်း၊ ၀က်သား တစ်ပိဿာကျပ် ၆၀၀၀ -၁၀၀၀၀ ရှိခဲ့ရာ ယခုအခါတွင် ကျပ် ၇၀၀၀ - ၁၂၀၀၀ သို့ လည်းကောင်း၊ အမဲသားတစ်ပိဿာလျှင် ယခင် ကျပ် ၇၀၀၀ မှ ၁၃၀၀၀ ရှိခဲ့ရာ ယခုအခါမှာ ကျပ် ၈၀၀၀မှ ၁၅၀၀၀ သို့ လည်းကောင်း သားငါးဈေးနှုန်း ကျပ် ၁၀၀၀ မှ ၃၀၀၀ ကြားထိ ဈေးနှုန်းမြင့်ခဲ့ပါတယ်။

ငါးဈေးနှုန်းများ အနေဖြင့်လည်း ယခင် ငါးမြစ်ချင်း တစ်ပိဿာလျှင် ကျပ် ၄၀၀၀ -၅၀၀၀ ရှိခဲ့ရာ ယခုအခါတွင် တစ်ပိဿာ ကျပ် ၅၀၀၀ မှ ၆၀၀၀ အထိသို့ လည်းကောင်း၊ ယခင် တီလားဗီးယားငါး တစ်ပိဿာကျပ် ၃၀၀၀ မှ ယခု ကျပ် ၅၀၀၀-၆၀၀၀ အထိသို့ လည်းကောင်း၊ ယခင် ငါးကြင်းတစ်ပိဿာ ကျပ် ၄၀၀၀ မှ ယခုအခါမှာ ကျပ် ၄၀၀၀ မှ ကျပ် ၆၀၀၀-၆၅၀၀ သို့ လည်းကောင်း ဈေးနှုန်း မြင့်တက်ခဲ့ပါတယ်။

ထို့ကြောင့် ၂၀၁၆ ခုနှစ် ဇွန်အတွင်းမှာ ငါးဈေးနှုန်းများအနေဖြင့် ကျပ် ၂၅၀၀ မှ စတင်မြင့်လျက် ရှိခဲ့ပါတယ်။

ဆန်ဈေးနှုန်းအနေနဲ့ ဈေးနှုန်းမြင့်တက်လျက် ရှိပေမယ့် ၂၀၁၅ ခုနှစ်အတွင်း ဖြစ်ပေါ်ခဲ့တဲ့ ဆန်ဈေးနှုန်းထက် အနည်းငယ်ဈေးနှုန်း ကျဆင်းလျက်ပါ။

ယခုလက်ရှိ ဆန်ဈေးကွက်အတွင်းရှိ ဆန်ဈေးတွေက ဆန်ချောဖြစ်တဲ့ ရွှေဘိုပေါ်ဆန်းဆန် တစ်အိတ်လျှင် ကျပ် ၅၂ ၈၀၀ သို့ လည်းကောင်း၊ ဖျာပုံပေါ်ဆန်း တစ်အိတ်ကို ကျပ် ၄၃၂၀၀ သို့ လည်းကောင်း၊ တောင်ပြန်ဆန် တစ်အိတ်ကို ကျပ် ၄၀၈၀၀ လည်းကောင်း ဈေးကွက်အတွင်းမှာ ပေါက်ဈေး ရှိနေပါတယ်။ ဆန်ကြမ်း ဆန်သစ် ဈေးနှုန်းများအနေဖြင့် ဧည့်မထဆန် တစ်အိတ်လျှင် ကျပ် ၂၈၈၀၀ ဖြင့် ပေါက်ဈေးရှိပါတယ်။

အခြေခံစားသောက်ကုန်စည်များ အနေဖြင့် ၂၀၁၃ ခုနှစ်မှ စတင်၍ ကုန်ဈေးနှုန်းများ ဈေးနှုန်း စတင်မြင့်တက်လာခြင်း ဖြစ်ပြီး ၂၀၁၃-၂၀၁၄ ခုနှစ်အတွင်း ကုန်ဈေးနှုန်းများ အနေဖြင့် မြင့်တက်ခဲ့ပေမယ့် စံချိန်တင် မြင့်တက်ခဲ့ခြင်း မရှိခဲ့ပါဘူး။
အခြေခံ စားသောက်ကုန်စည် ဈေးနှုန်းများအနေဖြင့် ၀န်ထမ်းလစာ တိုးခြင်း၊ ဒေါ်လာဈေး မြင့်တက်ခြင်း၊ ကုန်ပစ္စည်းအ၀င်နည်းခြင်းနှင့် လမ်းပန်းဆက်သွယ်ရေး စသည့်အခက်အခဲများကြောင့် ယခုကဲ့သို့ ဈေးနှုန်းမြင့်တက်ခြင်းဖြစ်ပြီး ပြည်သူ များအနေဖြင့် ကုန်ဈေးနှုန်း တစ်ဟုန်ထိုးမြင့်တက်သည့် ဒဏ်ကို ၂၀၁၃ ခုနှစ် ဇွန်လမှ စတင်၍ ခံစားလာရခြင်း ဖြစ်ပါတယ်။

၂၀၁၅ ခုနှစ် ဧပြီလမှ စတင်ပြီး အခြေခံစားသောက်ကုန်စည် ဈေးနှုန်းတွေက တဖြည်းဖြည်း တက်ရိပ်ပြလာလျက်ရှိပြီး ၂၀၁၅ ခုနှစ်တွင်လည်း မိုးရာသီအတွင်း ဖြစ်ပေါ်ခဲ့သော သဘာဝဘေးအန္တရာယ်များက ဆန်၊ ဆီ၊ သားငါး၊ ပဲဈေးနှုန်းတွေက ဈေးနှုန်းတစ်ဟုန်ထိုး မြင့်တက်မှုကို အခိုင်အမာ ဖြစ်ပေါ်စေခဲ့ပါတယ်။

ဒါတွေအပြင်၂၀၁၆ခုနှစ်အတွင်း ဒေါ်လာဈေးနှုန်းများအနေဖြင့် ကျပ် ၁၂၀၀ ကျော်အထိ ပေါက်ဈေး မြင့်တက်မှုများ ရှိနေခြင်းများကြောင့် မြန်မာနိုင်ငံအတွင်းသို့ ၀င်ရောက်လျက်ရှိသော ပြည်ပမှ သွင်းကုန်များအနေဖြင့်လည်း ဈေးနှုန်းအနည်းငယ် မြင့်တက်လျက်ရှိခဲ့ပြီး ကမ္ဘာ့ရွှေဈေးနှုန်း မြင့်တက်မှုများကြောင့် မြန်မာ့ရွှေဈေးကွက်အတွင်း ရွှေဈေးနှုန်းများ စံချိန်တင်ဈေးနှုန်းမြင့်တက်မှုတွေ ဖြစ်ပေါ်လျက် ရှိနေခဲ့ပါတယ်။

မြန်မာနိုင်ငံတွင် အခြေခံ စားသောက်ကုန်စည်များ ဈေးနှုန်းမြင့်တက်မှုများကို ထိန်းချုပ်နိုင်ခြင်း မရှိပါက အခြေခံလူတန်းစားများအနေဖြင့် ကျပ်တည်းဆင်းရဲမှုဒဏ်ကို ပိုမိုခံစားရမှာ ဖြစ်ပါတယ်။

Writer:
အေးမို့မို့အောင်သူ၊ မြတ်စုနိုင်
Eleven Media Group

ကန်ကြီးထောင့်၊ ဇူလိုင် ၁၈ ။ ။ ဇူလိုင်​လ ၁၉ ရက်​တွင် ကျရောက်မည့် ၆၉ နှစ်​​မြောက်​ အာဇာနည်​​နေ့အား နှစ်​​ပေါင်း နှစ်​ဆယ်​​ကျော်​ကြာပြီး အရပ်​သားအစိုးသစ်​လက်​ထက်​တွင်​ ကန်ကြီးထောင့်မြို့ အ.ထ.က ၁ အတွင်း ပထမဆုံးအကြိမ် ပြန်လည်ကျင်းပမည်ဖြစ်သည်။

"အဓိက နိုင်​ငံသားတ​ယောက်​ရဲ့ တာဝန်​​ကျေပွန်​​အောင်​ ထမ်း​ဆောင်​ချင်​တယ်​။ ကိုယ်​​ကျောင်းသား​ကျောင်းသူ​တွေကို လွတ်​လပ်​​ရေးအသက်​​ပေးသွားတဲ့ အာဇာနည်​ကြီး​တွေအ​ကြောင်းကို သိ​စေချင်​တယ်​။ သူတို့စိတ်​ဓါတ်​​တွေကို ​လေးစားပြီး အတုယူ​စေချင်​တယ်​။ မွန်​မြတ်​တယ်​။ အာဇာနည်​​တွေစိတ်​ထားသိစေချင်​တယ်​။ နိုင်​ငံသားတ​ယောက်​အ​နေနဲ့ ဒီလိုပွဲမျိုးမဖြစ်​တာကြာပြီးဖြစ်​သင့်​ဖြစ်​ထိုက်​တယ်​ယူဆပြီး ဒီမှာကျင်းပရတာ”ဟု ကန်​ကြီး​ထောင့်​မြို့၊ အ​ခြေခံပညာအထက်​တန်း​ကျောင်းအုပ်​ကြီး ​ဒေါ်​ဆွေ​ဆွေမြင့်​က အာဇာနည်​​နေ့ကျင်းပရခြင်း နှင့် ပတ်သက်၍ မဇ္ဈိမသို့​ပြောသည်​။

ကန်​ကြီး​ထောင့်​မြို့တွင် ၆၉နှစ်​​မြောက်​အခမ်းအနားအား အထက်​တန်း​ကျောင်း၌ ကျင်းပပြုလုပ်​ပြီး ဇူလိုင် ၁၈ရက်တွင်လည်း စာပေဟောပြောပွဲ ကျင်းပခဲ့သည်။

"ကျွန်​​တော်​တို့ ငယ်​ငယ်​က အာဇာနည်​​နေ့အခမ်းအနားကို ကျွန်​​တော်​တို့မြို့မှာ ကျင်းပခဲ့တယ်​။ အခုမကျင်းပခဲ့ရတာ နှစ်​​ပေါင်း နှစ်​ဆယ်​​ကျော်​ကြာပြီးမှ အခု တရားဝင်​ပြန်​ပြီး ကျင်းပခွင့်​ရတာပါ” ဟု ပွဲကျင်းပ​ရေးအဖွဲ့ဝင်​ဖြစ်​သူ ဆရာဦး​ဝေယံ​အောင်​မှ မဇ္ဈိမကို ပြောသည်။

ကန်​ကြီး​ထောင့်​မြို့တွင် အာဇာနည်​​နေ့အခမ်းအနားအား အာဇာနည်များ ကျဆုံးခဲ့သည့် ၁၀နာရီ၃၇မိနစ်၌ ဥသြဆွခြင်း၊ အ​လေးပြုခြင်းပြီး၊ လွမ်းသူပန်း​ခွေ့ချခြင်းပြုလုပ်​မည်​ဖြစ်​ပြီး၊ ပရဟိတအဖွဲ့များ​၊ ကျောင်းသားများနှင့်​ပြည်​သူများ လွမ်းသူပန်း​ခွေ့ချခြင်းတို့လုပ်​​ဆောင်​မည်​ဖြစ်​သည်​။

စည်သူမောင်မောင်
Mizzima - News in Burmese

အစ္စတန်ဘူလ်၊ ဇူလိုင် ၁၈ ။ ။ တူရကီနိုင်ငံတွင် ဖြစ်ပွားသွားသော အာဏာသိမ်းရန်ကြံစည်မှုနှင့် ပတ်သက်သည်ဟု သံသယရှိရသော ရဲအင်အား ၈၀၀၀ ခန့်ကို တာဝန်က ဆိုင်းငံ့ထားကြောင်း တူရကီအရာရှိများက ပြောသည်။

ဗိုလ်ချုပ်အဆင့်များအပါအဝင် စစ်သားနှင့် တရားရေးဌာနအရာရှိပေါင်း ၆၀၀၀ ခန့်ကိုလည်း ဖမ်းဆီးထားသည်။

အစိုးရဌာနအဖွဲ့အစည်းများအတွင်း ပုန်ကန်မှုကိုဖြစ်ပွားစေသည့် အမှောင့်ပယောဂများကို ကျုပင်ခုတ်ကျုငုတ်မကျန် ရှင်းလင်းသွားမည်ဟု သမ္မတအာဒိုဂန်က ကြွေးကြော်ထားသည်။

အမေရိကန်နိုင်ငံခြားရေးဝန်ကြီး ဂျွန်ကယ်ရီက ဒီမိုကရေစီအုပ်ချုပ်ရေးက အရေးကြီးသည်ဟု အလေးအနက်သတိပေးသည်။

အမေရိကန်အနေဖြင့် တူရကီနိုင်ငံက ရွေးကောက်ခံခေါင်းဆောင်အုပ်စုဖက်က အတိအလင်းရပ်တည်ကြောင်း ဘရပ်ဆဲလ်တွင် ဥရောပနိုင်ငံခြားရေးဝန်ကြီးများနှင့် တွေ့ဆုံသည့် အစည်းအဝေး၌ ဂျွန်ကယ်ရီက ပြောသည်။

အာဏာသိမ်းရန်ကြံစည်မှုနောက်ကွယ်တွင် အစ္စလာမ်ဘာသာရေးခေါင်းဆောင် ဆတ်တူလက်ရ်ှဂူလန် ရှိနေကြောင်း တူရကီအစိုးရက အခိုင်အမာစွပ်စွဲသည်။

အမေရိကန်တွင် အခြေစိုက်နေထိုင်လျက်ရှိသူ ဂူလန်က မည်သည့်ပါဝင်ပတ်သက်မှုမျှ မရှိကြောင်း အခိုင်အမာငြင်းဆိုသည်။
Mizzima - News in Burmese

အဓမ္မ ကျင့်သူတွေကို သေဒဏ်ပေးဖို့ ဆန္ဒပြ

အိန္ဒိယ နိုင်ငံမှာ လွန်ခဲ့တဲ့ သုံးနှစ်က အုပ်စုနဲ့ အဓမ္မ ပြုကျင့်ခံခဲ့ရတဲ့ မိန်းမငယ် တယောက်ဟာ အခုတခါ အုပ်စုနဲ့အဓမ္မကျင့် ခံခဲ့ရတယ်လို့ နိုင်ငံမြောက်ပိုင်း ရဲတွေက ပြောပါတယ်။

အခုတကြိမ်မှာလည်း ပထမတစ်ကြိမ် အဓမ္မပြုကျင့်ခဲ့သူတွေကပဲ ကျူးလွန်ခဲ့တာ ဆိုတဲ့ စွပ်စွဲမှုတွေ ရှိနေပါတယ်။

သတိမေ့မျောနေတဲ့ Haryana က ဇာတ်နိမ့် မိသားစုဝင် ကျောင်းသူ မိန်းမငယ်ဟာ အခုတော့ ဆေးရုံမှာ အခြေ အနေ ပြန်ကောင်းမွန်လာနေပြီဖြစ်ပါတယ်။

အဓမ္မပြုတဲ့ အမျိုးသား အုပ်စုက သူတို့ကိုစွဲဆိုထားတဲ့ ပြစ်မှုကို ရုပ်သိမ်းပြီး တရားရုံး ပြင်ပ ကျေအေးမှု လုပ်ဖို့ မိန်းကလေးငယ်နဲ့ သူ့မိသားစုကို ဖိအားတွေ ပေးနေတယ်လို့လည်း ဒေသတွင်းက သတင်းတွေက ဆိုပါတယ်။
BBC Burmese

နိစ် မြို့မှာ လူထောင်ချီတက်တဲ့ အောက်မေ့ဖွယ် အခမ်းအနား

ပြင်သစ် နိုင်ငံ နိစ် မြို့မှာ ဖြစ်ခဲ့တဲ့ လော်ရီကားနဲ့ တိုက်ခိုက်မှုကြောင့် သေဆုံးသူတွေ အတွက် အောက်မေ့ဖွယ် အခမ်းအနားမှာ ပြင်သစ် ဝန်ကြီးချုပ် မန်ညူရယ် ဗားလ် ကို လူတချို့က ရှုတ်ချ အော်ဟစ် ခဲ့ကြပါတယ်။

ကြာသပတေးနေ့က ဖြစ်ပွားတဲ့ တိုက်ခိုက်မှုကြောင့် လူ ၈၄ ယောက် သေဆုံးခဲ့ရပါတယ်။

သေဆုံးသူတွေ အတွက် အမှတ်တရ ငြိမ်သက်မှု မစခင်မှာ တချို့က သူ့ကို "လူသတ်သမား" ၊ "ရာထူးက ဆင်းပေး" လို့ အော်ဟစ်ခဲ့ကြပါတယ်။

ပြင်သစ် သမ္မတ ဖရန်ဆွာ အော်လန်းကတော့ ပဲရစ်မြို့မှာ အောက်မေ့ဖွယ် အခမ်းအနားကို ဦးဆောင်ခဲ့ပါတယ်။

လူစုဝေးတဲ့ နေရာတွေနဲ့ နယ်စပ်တွေမှာ ကာကွယ်ရေး ကို ပို အာရုံစိုက် လုပ်ဆောင်သွားမယ်လို့ ပြင်သစ် အစိုးရက ပြောပါတယ်။

အထင်ကရ နေရာတွေ၊ ကမ်းခြေတွေနဲ့ အားကစားပွဲတွေ၊ တခြား ပွဲလမ်းသဘင်တွေကို အရံတပ်တွေ ချပြီး ကာကွယ်ပေးသွားမှာ ဖြစ်ပါတယ်။
BBC Burmese

UNFC ပြောခွင့်ရသူ ခူဦးရယ် ( ဓါတ်ပုံ-Htet Aung Hkant)
UNFC ပြောခွင့်ရသူ ခူဦးရယ် ( ဓါတ်ပုံ-Htet Aung Hkant)

 ၂၁ ရာစု ပင်လုံညီလာခံမှာ ဆွေးနွေးမယ့် နိုင်ငံရေးမူဘောင်ရေးဆွဲရာမှာ အားလုံးတန်းတူမပါဝင်နိုင်ဘူးဆိုရင် ကျင်းပမယ့် ၂၁ရာစုပင်လုံညီလာခံ ဟာ အောင်မြင်ဖို့ ခက်ခဲမယ်လို့ ညီညွတ်သော တိုင်းရင်းသားလူမျိုးများ ဖက်ဒရယ် ကောင်စီ (UNFC)ကပြောဆိုလိုက်ပါတယ်။ မနေ့က နိုင်ငံတော် အတိုင်ပင်ခံနဲ့တွေ့ဆုံတာမှာ နိုင်ငံတော်အတိုင်ပင်ခံဒေါ်အောင်ဆန်းစုကြည်က တိုင်းရင်းသားတွေ တောင်းဆိုသမျှကို လိုက်လျောဖို့ အစိုးရအနေနဲ့ အာမ မခံနိုင်ဘူးလို့ တုန့်ပြန်ခဲ့တဲ့အကြောင်းလည်းသိရပါတယ်။UNFC သတင်းစာရှင်းလင်းပွဲကိုကိုယ်တိုင်သွားရောက်သတင်းယူခဲ့တဲ့မေခကပေးပို့ထားပါတယ်။
(ဓါတ်ပုံ-ကို စည်သူ)
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ညီညွတ်သော တိုင်းရင်းသားလူမျိုးများ ဖက်ဒရယ် ကောင်စီ (UNFC)တို့ မနေ့က တွေ့ဆုံမှုဟာ ငြိမ်းချမ်းရေးအတွက် ခြေလှမ်းတလှမ်းအဖြစ် ရှေ့ဆက်ဖို့ လမ်းစပွင့်ခဲ့တယ်လို့ တိုင်းရင်းသားတွေဖက်က ယူဆပါတယ်။ မနေ့က ဒီတွေ့ဆုံဆွေးနွေးခဲ့တာနဲ့ပတ်သက်လို့ ယူအန်အက်စီဖက်က ရန်ကုန် ချက်ထရီယန်ဟိုတယ်မှာ သတင်းစာရှင်းလင်းခဲ့တာပါ။ ငြိမ်းချမ်းရေးညီလာခံမှာ ဆွေးနွေးမယ့် နိုင်ငံရေးမူဘောင် ကြိုတင်ရေးဆွဲရာမှာ အားလုံး တန်းတူပါဝင်နိုင်ခြင်းမရှိဘူးဆိုရင်တော့ ၂၁ ရာစု ပင်လုံညီလာခံဟာ အခက်အခံတွေ ကြုံရနိုင်တယ်လို့ UNFC ပြောခွင့်ရသူ ခူဦးရယ်က သတိပေးခဲ့ပါတယ်။

“Framework က အားလုံးသဘောတူ လက်ခံနိုင်တဲ့ Framework ဖြစ်ဖို့လိုပါတယ်။ အဲဒါကြောင့်မို့လို့ Framework review မှာ အားလုံး တန်းတူညီမျှပါဝင်နိုင်ခြင်း မရှိရင် အားလုံးက လက်ခံသဘောတူထားတဲ့ Framework ဖြစ်မလာဘူးဆိုရင် ညီလာခံကို ကျင်းပတဲ့အခါမှာ ကျနော်တို့ကိုယ်စားလှယ် အနေအထားနဲ့ပတ်သက်လို့ ကျနော်တို့ ညှိနှိုင်းဆွေးနွေးအဖြေရှာတဲ့အခါမှာ အခက်အခဲတွေနဲ့ ကြုံတွေ့ရနိုင်တယ်။ အဲဒီကိစ္စကိုလည်း မနေ့က ကျနော်တို့ နိုင်ငံတော်အတိုင်ပင်ခံပုဂ္ဂိုလ်နဲ့ တွေ့တဲ့အခါမှာလည်း အဲဒီစိုးရိမ်မှုကိုလည်း ကျနော်တို့ ထည့်သွင်းတင်ပြပါတယ်။ အဖွဲ့တွေအားလုံးပုံစံတခုထဲအောက်မှာ အတူတကွသွားနိုင်ဖို့ကြိုးစားပေမယ့်လို့ တကယ်လို့ မတူကွဲပြားတဲ့အနေအထားနဲ့ ကျနော်တို့သွားရမယ်ဆိုရင်တော့ ဒါဖြစ်ပေါ်လာမယ့်အခြေအနေပေါ်မှာပဲ ကျနော်တို့ စောင့်ကြည့်ရမယ့်သဘောဖြစ်ပါတယ်။”

အစိုးရဘက်က နိုင်ငံရေးမူဘောင်ပြန်လည်ဖြည့်စွက်နိုင်ဖို့ လက်ရှိအချိန်မှာ တိုင်းရင်းသားတွေတဖွဲ့ချင်းကိုဖိတ်ခေါ်ထားပါတယ်။ အပစ်ရပ် လက်မှတ်မထိုးရသေးတဲ့ တိုင်းရင်းသားအဖွဲ့တွေက နိုင်ငံရေးမူဘောင်ဆွေးနွေးမှု ပါဝင်ဖို့ကိစမှာ ယူအန်အက်စီ တပ်ပေါင်းစုအနေနဲ့ တက်မလား၊ တဖွဲ့ချင်းက ဆုံးဖြတ်မလားဆိုတာကိုလည်း တိုင်းရင်းသားတွေ အကြား ပြန်လည်ညှိုနှိုင်း ဖို့ရှိနေပါတယ်။

မနေ့ကတွေ့ဆုံပွဲမှာတော့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က တိုင်းရင်းသားတွေ တောင်းဆိုသမျှကို အစိုးရအနေနဲ့ အားလုံးအ ကုန်ရာနှုန်းပြည့်လုပ်ပေးဖို့ ခက်တယ်လို့ပြောဆိုခဲ့ပြီး ကိုယ်ဘက်ကတောင်းဖို့ထက် ပေးဖို့စဉ်းစားဖို့ကိုလည်း တိုင်းရင်း သားတွေကို ပြောခဲ့တယ်လို့ ခူးဦးရယ်က ပြောပါတယ်။ ဒီအပေါ်မှာ ခူဦးရယ်ကတော့ အခုလိုပြန်ပြောပါတယ်။

“ကျနော်တို့ ဗမာမဟုတ်တဲ့တိုင်းရင်းသားတွေ ကျနော်တို့ပြည်နယ်တွေမှာ သွားကြည့်လိုက်ပါ။ တောင်တွေဟာ မြေပြန့်ဖြစ်ကုန်ပြီ။ မြေပြန့်တွေဟာ ကန္တာရ ဖြစ်ကုန်ပြီ။ မြစ်ချောင်းအင်းအိုင်တွေဟာ ခမ်းခြောက်ကုန်ပြီ။ ကျနော်တို့ လူထုတွေရဲ့ကျေးရွာတွေဟာ ပျက်စီးပြီးတော့ တောထဲတောင်ထဲရောက်နေ ကြပြီ။ မြေအောက်က သံယံဇာတဆိုရင် ကုန်ပြီ ထုတ်လို့။ သစ်ပင်ဝါးပင်တွေမရှိတော့ဘူး။ ကဲ ကျနော်တို့ဆီမှာ ဘာတွေလိုချင်သေးသလဲ။ ကျနော်တို့ဘာတွေ ထက်ပေးရအုန်းမလဲ။ ကျနော်တို့နားလည်တာက ဒီတိုင်းပြည်ကြီးဟာ ကျနော်တို့အတူတကွ လက်တွဲပြီးတော့ လွတ်လပ်ရေးယူခဲ့ကြတာ။ ဒါကြောင့်မို့လို့ ဒီတိုင်းပြည်ဟာ ကျနော်တို့ အတူတကွပိုင်ဆိုင်တယ်။ ကျနော်တို့ ပြောနေတဲ့ တန်းတူညီတူအခွင့်အရေးဆိုတာ ဒါပဲ။ အဲဒါကြောင့်မို့လို့ ကျနော်တို့မှာ တောင်းစရာလည်း မရှိသလို၊ ပေးစရာလည်းမရှိဘူး။ အတူတကွ ယှဉ်တွဲနေထိုင်ခြင်းကို ငြိမ်းချမ်းသာယာအောင်၊ တိုးတက်အောင် ဘယ်လိုအတူတကွလုပ်ကြမလဲ၊ လူတိုင်းလူတိုင်းတာဝန်ရှိတယ်။”

တက်လာတဲ့ အစိုးရသစ်အနေနဲ့ ငြိမ်းချမ်းရေးကိုဦးတည်လုပ်ဆောင်နေပေမယ့် တပ်မတော်ဘက်ကကောဒီငြိမ်းချမ်းရေးအပေါ် အစိုးရနဲ့ အတူ တကွလုပ်ဆောင်နေသလား မနေဘူးလားဆိုတာကိုတော့ တိုင်းရင်းသားတွေဘက်ကမေးခွန်းထုတ်နေဆဲပါ။ တိုက်ပွဲအရှိန်လျော့ဖို့ တိုင်းရင်းသား တွေဘက်က တောင်းဆိုတာတွေရှိခဲ့ပါတယ်။

အစိုးရသစ်ရဲ့ငြိမ်းချမ်းရေးလုပ်ငန်းစဉ်အပေါ် မွန်ပြည်သစ်ပါတီ (NMSP) မှ နိုင်ထောမွန်က ခုလိုမှတ်ချက်ပေးပါတယ်။

“သူဟာအစိုးရအသစ်ဖြစ်တယ်။ စစ်အစိုးရမဟုတ်ဘူး။ အလားအလာ သူ့အခြေအနေကလည်း အခြေအနေပေါင်းစုံကနေဖြတ်ပြီးတော့လာရတာကို ၊ နိုင်ငံရေးပါတီအစိုးရကို အပြောင်းအလဲတော့ဖြစ်နိုင်တယ်လို့ ကျနော်တို့မြင်တယ်လေ။ ခုနကပြောသလို ပြည်ထောင်စုပြန်လည် တည်ဆောက်မယ် ၊ ရေရှည်တည်တန့်တဲ့ငြိမ်းချမ်းရေးလည်း ရအောင်လုပ်မယ်ဆိုရင်တော့ မျှော်မှန်းချက်နဲ့ ကိုက်ညီတယ်ပေါ့။ ဖြစ်နိုင်မယ်လုိ့ ၂ ဘက်စလုံးကြိုးစားရင်တော့ ဖြစ်နိုင်မယ်လို့ အဲဒီလိုမြင်တယ်လေ။”

လာမယ့် ဇူလိုင် ၂၀မှာ အစိုးရရဲ့ပင်လုံညီလာခံကျင်းပရေးကော်မတီနဲ့ အပစ်ရပ်လက်မှတ်မထိုးရသေးတဲ့ တိုင်းရင်းသားအဖွဲ့တွေ ထပ်မံတွေ့ဆုံ ဦးမှာပါ။ ဒီပြင် လာမယ့် ၂၆ရက်မှာတော့ ကချင်ပြည်နယ်မိုင်ဂျာယန်မှာ ကျင်းပမယ့် တိုင်းရင်းသားထိပ်သီးခေါင်းဆောင်များညီလာခံမှာ ၂၁ရာစု ပင်လုံညီလာခံ တက်ဖို့အတွက် အကြိုညှိုနှိုင်းဖို့ ရှိနေသလို အနာဂတ် ဖက်ဒရယ်ဒီမိုကရေစီနိုင်ငံ တည်ဆောင်ဖို့အတွက် ဘုံသဘောတူညီချက်တွေ ကိုစုစည်းသွားမယ်လို့ တိုင်းရင်းသားတွေကပြောပါတယ်။

VOA Burmese News


ချင်းပြည်နယ် ရေကြီးမှုကြောင့် နေအိမ်များပြိုကျနေပုံ
ချင်းပြည်နယ် ရေကြီးမှုကြောင့် နေအိမ်များပြိုကျနေပုံ

၂၀၁၅ ခုနှစ်တုန်းက ရေကြီးရေလျှံမှုဒဏ်ခံခဲ့ရတဲ့ ဒေသတွေမှာ သဘာဝဘေးအန္တရာယ်ဒဏ်ခံနိုင်တဲ့ လမ်း၊တံတားတွေ တည်ဆောက်ဖို့ ကမ္ဘာ့ဘဏ်အနေနဲ့ ချေးငွေ အမေရိကန်ဒေါ်လာ သန်း ၂၀၀ ထုတ်ချေးသွားမှာဖြစ်ပါတယ်။ အတိုးနှုန်းမဲ့ ထုတ်ချေးမယ့် ဒီနှစ်ရှည်စီမံကိန်းအကြောင်း ဆက်သွယ်မေးမြန်းထားတဲ့ VOA သတင်းထောက် မသိင်္ဂီလင်းက ပြောပြပေးပါမယ်။

ပြီးခဲ့တဲ့ ၂၀၁၅ ခုနှစ်တုန်းက ဆိုးရွားတဲ့ ရေကြီးရေလျှံမှုနဲ့ မြေပြိုမှုတွေ ရင်ဆိုင်ခဲ့ရတဲ့ မြန်မာပြည်အထက်ပိုင်း၊ ရခိုင်ပြည်နယ်၊ ဧရာဝတီတိုင်းဒေသကြီး စတဲ့ ဒေသတွေမှာ ပြန်လည်ထူထောင်ဖို့အတွက် အမေရိကန်ဒေါ်လာ သန်း ၂၀၀ ထုတ်ချေးသွားမှာဖြစ်တယ်လို့ ကမ္ဘာ့ဘဏ်က ပြောဆိုလိုက်ပါတယ်။

ရေကြီးရေလျှံမှုနဲ့ မြေပြိုမှုတွေကြောင့် အရေးပေါ်အခြေအနေရောက်ခဲ့တဲ့ ဒေသတွေမှာ သဘာဝဘေးအန္တရာယ်ဒဏ်ခံနိုင်တဲ့ လမ်း၊ တံတားတွေ ပြန်လည်တည်ဆောက်ဖို့ ချေးငွေ ဒေါ်လာ သန်း ၂၀၀ကို သုံးစွဲသွားမယ်လို့ ကမ္ဘာ့ဘဏ် ရန်ကုန်ရုံးခွဲ ပြန်ကြားရေးတာဝန်ခံ ကိုကျော်စိုးလင်းက VOA ကို အခုလို ပြောပါတယ်။

“အဓိကအားဖြင့်တော့ ဧရာဝတီတိုင်းဒေသကြီး၊ စစ်ကိုင်းတိုင်းဒေသကြီး၊ မကွေးတိုင်းဒေသကြီး၊ ပဲခူးတိုင်းဒေသကြီး နောက် ချင်းနဲ့ ရခိုင်ပြည်နယ်တွေမှာ အဓိကဆောင်ရွက်သွားမှာပါ။ ကျနော်တို့လမ်းတံတားတွေ ပြန်ပြီးတော့မှ ပြုပြင်သွားဖို့တွေရှိမယ်။ နောက်အဲဒီလို ပြုပြင်သွားမယ့်နေရာတွေမှာလည်း သူတို့ ဒီ သဘာဝဘေး ရာသီဥတုဒဏ်ကို ခံနိုင်ရည်ရှိတဲ့ လမ်းတွေဖြစ်အောင်လို့ ဘယ်လိုပြုပြင်သွားမလဲဆိုတာတွေပါမယ်ပေါ့နော်။ နောက်တခုက ဒီ သဘာဝ ဘေးဒဏ်ကြောင့်မို့လို့ ထိခိုက်ခံစားနေရတဲ့ လယ်ယာလုပ်ငန်းတွေအတွက်ကို ပြန်လည်ထူထောင်ရေးလုပ်ငန်းတွေဆောင်ရွက်သွားဖို့အတွက် အသုံးပြုသွားမှာဖြစ်ပါတယ်။”

ကမ္ဘာ့ဘဏ်ရဲ့ ချေးငွေနဲ့ လုပ်ကိုင်မယ့် ဒီ စီမံကိန်းကို စီမံကိန်းနဲ့ဘဏ္ဍာရေးဝန်ကြီးဌာန၊ ဆောက်လုပ်ရေးဝန်ကြီးဌာနနဲ့ စိုက်ပျိုးရေး၊ မွေးမြူရေးနဲ့ ဆည်မြောင်းဝန်ကြီးဌာန လက်အောက်က ကျေးလက်ဒေသဖွံ့ဖြိုးတိုးတက်ရေးဦးစီးဌာန တို့ ပူးပေါင်းပြီး အကောင်အထည်ဖော်ကြမှာဖြစ်ပါတယ်။

ဒါ့အပြင် ဒီစီမံကိန်းဟာ ၃၈ နှစ်ကြာမြင့်မယ့် နှစ်ရှည်စီမံကိန်းဖြစ်ပြီး အတိုးပေးဖို့လည်း လိုအပ်မှာမဟုတ်ဘူးလို့ ကိုကျော်စိုးလင်းက အခုလိုရှင်းပြပါတယ်။

“ဒီစီမံကိန်းအတွက်ကို ကျနော်တို့ ကမ္ဘာ့ဘဏ်ကနေပေးတဲ့ ချေးငွေဟာ ကမ္ဘာ့ဘဏ်ရဲ့ အပြည်ပြည်ဆိုင်ရာ ဖွံ့ဖြိုးရေးအသင်းကနေပြီးတော့မှ ဖွံ့ဖြိုးဆဲ နိုင်ငံကိုပေးတဲ့ ချေးငွေအမျိုးအစားဖြစ်ပါတယ်။ ဒီချေးငွေဟာ ကျနော်တို့ နှစ်ရှည်ချေးငွေအမျိုးအစားဖြစ်ပြီးတော့ သူ့သက်တမ်းက ၃၈ နှစ်ဖြစ်ပါတယ်။ ဆိုတော့ ပထမ ၆ နှစ်ကတော့ ပြန်ဆပ်စရာမလိုတဲ့ကာလဖြစ်တယ်။ သူ့မှာ အတိုးနှုန်းကတော့ မရှိပါဘူး။ ဇီးရိုး အတိုးနှုန်း ဖြစ်ပါတယ်။”

၂၀၁၅ ခုနှစ် ဇူလိုင်လကုန်နဲ့ သြဂုတ်လဆန်းတွင်း မိုးသည်းထန်စွာရွာသွန်းတာတွေနဲ့ ဆိုင်ကလုန်းကိုမင် တိုက်ခတ်ခဲ့တာကြောင့် ရေကြီးရေလျှံတာတွေ၊ မြေပြိုတာတွေ ဖြစ်ပွားခဲ့ပြီး ဒေသခံ ၁.၆ သန်းကျော် ဘေးလွတ်ရာကို ပြောင်းရွှေ့နေထိုင်ခဲ့ရပါတယ်။

မသိင်္ဂီလင်း
VOA Burmese News

နေပြည်တော် ဇူလိုင် ၁၈

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ပြည်ထောင်စု ၀န်ကြီးများ၊ ရန်ကုန်တိုင်းဒေသကြီးဝန်ကြီးချုပ်နှင့် တိုင်းဒေသကြီး ၀န်ကြီးများအား ယနေ့နံနက် ၁၀ နာရီတွင် ရန်ကုန်တိုင်းဒေသကြီး အစိုးရအဖွဲ့ရုံး အစည်းအဝေးခန်းမ (၁)၌ တွေ့ဆုံသည်။

တွေ့ဆုံစဉ် နိုင်ငံတော်၏ အတိုင်ပင်ခံပုဂ္ဂိုလ်က ရေတို၊ ရေရှည် ဆောင်ရွက်ရမည့် လုပ်ငန်းများနှင့် ပြည်ထောင်စုအစိုးရအဖွဲ့သို့ တင်ပြ၍ နိုင်ငံတစ်ဝန်း ဖွံ့ဖြိုးတိုးတက်ရေး ပေါင်းစပ်ဆောင်ရွက်ရမည့် လုပ်ငန်းများကို စနစ်တကျ စီမံခန့်ခွဲ၍ တည်ဆဲဥပဒေ၊ နည်းဥပဒေများကို လိုက်နာပြီး ဒေသဖွံ့ဖြိုး တိုးတက်ရေးကို ကြိုးပမ်း ဆောင်ရွက်ကြရန် မှာကြားသည်။

တွေ့ဆုံပွဲသို့ ပြည်ထောင်စုဝန်ကြီး ဒေါက်တာအောင်သူ၊ ဦးသန့်စင်မောင်၊ ဦးခင်မောင်ချို၊ ဦးဝင်းခိုင်၊ ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်း၊ ဒုတိယ ၀န်ကြီး ဦးမောင်မောင်ဝင်းနှင့် တိုင်းဒေသကြီးဝန်ကြီးများ တက်ရောက်ကြသည်။
Myanmar State Counsellor Office


တူရကီနိုင်ငံမှာ ပြီးခဲ့တဲ့ ရက်သတ္တပါတ်အတွင်းက အာဏာသိမ်းဖို့ ကြိုးပမ်းမှုဖြစ်ပွားခဲ့ပြီးတဲ့နောက် စစ်ဘက်ဆိုင်ရာက ရဟတ်ယာဉ် (၄၂) စီးပျောက်ဆုံးနေခဲ့တယ်လို့ စပွန်နစ်သတင်းမှာ ဖော်ပြထားပါတယ်။

အဲဒီလို ပျောက်ဆုံးနေတဲ့ ရဟတ်ယာဉ်တွေဟာ အစိုးရဆန့်ကျင်တဲ့ တပ်ဖွဲ့တွေက ပြန်ပေးဆွဲသွားခဲ့တာ ဖြစ်နိုင်တာကြောင့် တူရကီအစိုးရက အစ္စတန်ဘူလ်မြို့မှာ အထူးစစ်ဆင်ရေးတပ်ဖွဲ့ဝင် (၁၈၀၀) လောက် ကို ဖြန့်ကျက်ချထားခဲ့တယ်လို့ သိရပါတယ်။


 ဒါ့အပြင် တပ်ဖွဲ့ဝင်တွေအနေ နဲ့ ပျောက်ဆုံးနေတဲ့ ရဟတ်ယာဉ်တွေကို တွေ့ရှိရင်လည်း တစ်စုံတစ်ရာ သတိပေးခြင်းမပြုဘဲ တစ်ခါတည်း ပစ်ချဖို့ အစိုးရက ညွှန်ကြားထားတယ်လို့ သိရပါတယ်။

 အစ္စတန်ဘူလ်မြို့မှာ ပြန်ပေးဆွဲခံထားရတဲ့ ရဟတ်ယာဉ်တွေထဲက (၃) စီးဟာ မြို့အတွင်း ပျံသန်းသွားတာကို တွေ့မြင်ခဲ့ရပြီးနောက်ပိုင်း အစိုးရက အရေးပေါ်လုံခြုံရေး အစီအစဉ်တွေကို လုပ်ဆောင်ထားတာဖြစ်တယ်လို့ သိရပါတယ်။

 ဒါ့အပြင် တူရကီသမ္မတ အာဒိုဂန်ရဲ့ အစိုးရအဖွဲ့ဟာ ပျောက်ဆုံးနေ တဲ့ ရဟတ်ယာဉ်တွေကို တိုက်ခိုက်ဖို့အတွက် တူရကီလေတပ်က F-16 ဂျက်တိုက်လေယာဉ်တွေကို ဖြန့်ကျက်ချထားတယ်လို့ သိရပါတယ်။

 ပြီးခဲ့တဲ့ ရက်သတ္တပါတ်အတွင်းက ဖြစ်ပွားခဲ့တဲ့ အာဏာသိမ်းဖို့ကြိုးပမ်းတဲ့ ဖြစ်စဉ်မှာ သူပုန် (၁၀၀) ကျော်အပါအ၀င် လူပေါင်း (၂၉၀) လောက်သေဆုံးခဲ့ပြီး လူပေါင်း (၂၀၀၀) ကျော်ဒါဏ်ရာရရှိခဲ့တယ်လို့ သိရပါတယ်။

 အဲဒီဖြစ်စဉ်နဲ့ ပတ်သက်ပြီး လ်ူပေါင်း (၆၀၀၀) လောက်ကိုလည်း ဖမ်းဆီးထိန်းသိမ်းထားခဲ့တယ်လို့ သတင်းမှာ ဖော်ပြခဲ့ပါတယ်။

5 Plus News
https://www.facebook.com/5plusnews



အာဏာသိမ်းမှု ကျရှုံးသွားပြီးနောက် တူရကီနိုင်ငံသားများ အောင်ပွဲခံနေစဉ် (ဆင်ဟွာ)
    အန်ကာရာ ၊ ဇူလိုင် ၁၈ ရက် (ဆင်ဟွာ)

    တူရကီနိုင်ငံ၌ စစ်တပ်၏ မအောင်မြင်သော အာဏာသိမ်းမှု ဖြစ်စဉ်အတွင်း လူပေါင်း ၂၉ဝ ဦးကျော် သေဆုံးခဲ့ကြောင်း ဇူလိုင်လ ၁၇ ရက်တွင် ထုတ်ပြန်သည့် နိုင်ငံခြားရေး ဝန်ကြီးဌာန ထုတ်ပြန်ချက်တွင် ဖော်ပြထားသည်။

သေဆုံးသူများတွင် အနည်းဆုံး အရပ်သား ၁၉ဝ ဦး နှင့် စစ်သား ၁ဝဝ ဦး ပါဝင်ကြောင်း ထုတ်ပြန်ချက်တွင် ရေးသားသည်။ ထို့ပြင် ဇူလိုင်လ ၁၅ ရက် ညပိုင်းတွင် ဖြစ်ပွားခဲ့သော အာဏာသိမ်းရန် ကြိုးပမ်းမှု ဖြစ်စဉ်တွင် အနည်းဆုံး လူပေါင်း ၁,၄ဝဝ ဦးကျော် ထိခိုက်ဒဏ်ရာ ရခဲ့ကြောင်း ဆက်လက် ဖော်ပြထားသည်။

အဆိုပါ စစ်တပ်၏ မအောင်မြင်သော အာဏာသိမ်းမှု ဖြစ်စဉ်တွင် ပါဝင်ပတ်သက်မှုဖြင့် လူပေါင်း ၆,ဝဝဝ ကျော်ကို ဖမ်းဆီး ထိန်းသိမ်းထားကြောင်း တူရကီ နိုင်ငံခြားရေး ဝန်ကြီးက ဆိုသည်။ ထို့ပြင် ၄င်းအာဏာသိမ်းမှု အစီအစဉ်ကို အစ္စလန်မစ် ဘာသာရေး ခေါင်းဆောင် Fethullah Gulen က နောက်ကွယ်က ကြိုးကိုင် ဦးဆောင်လုပ်ကိုင်ခဲ့ခြင်း ဖြစ်ကြောင်း  ထုတ်ပြန်ချက်တွင် ရေးသား ထားသည်။

“ကျနော်တို့ အစိုးရဟာ အကြမ်းဖက်အဖွဲ့ ကို အားလုံး မြင်နိုင်အောင် အမြဲ ပြောဆို ထောက်ပြခဲ့တယ်။ အဲဒီအကြမ်းဖက်အဖွဲ့မှာ အဖွဲ့ ခေါင်းဆောင် Fethullah Gulen နဲ့ သူရဲ့ မဟာမိတ် နောက်လိုက် နောက်ပါတွေ ပေါ့။ အခု မအောင်မမြင်ဖြစ်ခဲ့တဲ့ စစ်တပ်ရဲ့ အာဏာသိမ်းမှုဟာ Fethullah Gulen ဦးဆောင်တဲ့ အကြမ်းဖက်အဖွဲ့ က နောက်ဆုံး ကျူးလွန်တဲ့ ပြစ်မှုကြီး တစ်ခုပါပဲ ” ဟု ၄င်းက ဆိုသည်။

(Xinhua)
http://www.xinhuamyanmar.com



 ကာဇက်စတန် မြို့တော်မှာ လုံခြုံရေး တပ်လှန့်
ကာဇက်စတန် နိုင်ငံ အယ်လ်မာတာ မြို့တော်မှာ ပစ်ခတ်မှုတွေ ဖြစ်ပွားပြီး လုံခြုံရေး အမြင့်ဆုံးထိ တပ်လှန့်ထားပါတယ်။

ရဲ ၃ ယောက်နဲ့ အရပ်သား တယောက် အသတ်ခံခဲ့ရပါတယ် ။

အာဏာပိုင်တွေက အကြမ်းဖက် တိုက်ဖျက်ရေး စစ်ဆင်ရေးတွေ လုပ်ဆောင်နေပြီး လူတွေကို အိမ်ထဲမှာပဲ နေဖို့ ဆော်ဩထားပါတယ်။

ပစ်ခတ်သူလို့ မသင်္ကာသူ တယောက်ကို ဖမ်းထားပြီး နောက်တယောက်ကို လိုက်ရှာနေတယ် လို့လည်း ဆိုပါတယ်။

BBC Burmese
http://www.bbc.com/burmese


ဇူလိုင်လ (၁၈)ရက်နေ့ ယနေ့၁၂နာရီခွဲမှာ ရန်ကုန် - မန္တလေးလမ်းဟောင်း မိုင်တိုင်၅၈/၆နှင့်၅၈/၇ အကြား ဘုရားကြီးမြို့အဝင်မှာ ရပ်ထားသည့် အဖြူရောင်၁၂ဘီးကားအား ရွှေစင်စင်္ကြာမှ အရှိန်လွန် ဝင်တိုက်မိခဲ့ပြီး၊  အရှေ့မှရပ်ထားသည့် တက္ကစီယာဉ်ပါကိုပါ ဆက်လက် တိုက်မိ ခဲ့ကြောင်း သိရသည်။

Mg Myit Tar

ဧရာဝတီတိုင်းဒေသကြီး ပုသိမ်မြို့တွင် ဇူလိုင်လ ၁၉ ရက်နေ့၊ ၆၉ နှစ်မြောက် အာဇာနည်နေ့ အထိမ်း အမှတ်ပြခန်းကို မြို့တော် ခန်းမတွင် ပြသသွားမည်ဖြစ်ကြောင်း သိရသည်။

ယင်းပြခန်းတွင် အာဇာနည်ခေါင်းဆောင်ကြီး ကိုးဦး၏ ဓာတ်ပုံများနှင့်အတ္ထုပ္ပတ္တိများ၊ ဗိုလ်ချုပ်အောင်ဆန်း၏ မိသားစုပုံများ၊ နတ်မောက်နှင့် ရန်ကုန်မြို့ တာဝါလိန်းလမ်းရှိ ဗိုလ်ချုပ်နေခဲ့သော အိမ်များ နှင့် အသုံးအဆောင် ပစ္စည်းများ၏ ပုံများ၊ အာဇာနည်ခေါင်းဆောင်ကြီးများ လုပ်ကြံခံရမှု သရုပ်ဖော်ပန်းချီကား များ၊ အာဇာနည် ခေါင်းဆောင်ကြီးများ၏ မှတ်တမ်းဓာတ်ပုံများ၊ မူလတန်း၊ အလယ်တန်း၊ အထက်တန်းအဆင့် စာစီစာကုံးနှင့် ကဗျာပြိုင်ပွဲ ဆုရစာမူများကို ပြသထားသည်။

ယင်းပြခန်းကို ဇူလိုင် ၁၉ ရက်အထိ နံနက် ၉ နာရီမှ ည ၉ နာရီအထိ ပြသထားမည်ဖြစ်ရာ မည်သူမဆို လာရောက်ကြည့်ရှုနိုင်ကြောင်း သိရသည်။

MOI
The Ladies News Journal



Louisiana ပြည်နယ် ပစ်ခတ်မှု သမ္မတ အိုဘားမားရှုတ်ချ
အမေရိကန်ပြည်ထောင်စု၊ Louisiana ပြည်နယ်၊ Baton Rouge မြို့မှာ တနင်္ဂနွေနေ့က မျက်နှာဖုံစွပ် သေနတ်သမားက မောင်းပြန်သေနတ်နဲ့ ပစ်ခတ်ခဲ့လို့ ရဲအရာရှိ ၃ ဦး သေဆုံးသွားတဲ့ ဖြစ်ရပ်နဲ့ ပတ်သက်ပြီး သမ္မတ Barack Obama က ပစ်တင်ရှုံ့ချလိုက်ပြီး ဒီလိုမျိုးဖြစ်ရပ်တွေ မကြာခန ဖြစ်ပွားနေတယ်လို့ နိုင်ငံကို ရုပ်သံကနေတဆင့် ပြောကြားလိုက်ပါတယ်။

ဒါဟာ နိုင်ငံဝန်ထမ်းတွေအပေါ်၊ တရားဥပဒေစိုးမိုးမှုအပေါ်၊ အရပ်ဖက် လူမှုအသိုင်းဝိုင်းအပေါ် သူရဲဘောကြောင်တဲ့ တိုက်ခိုက်မှုတရပ် ဖြစ်တယ်လို့ ပြောဆိုလိုက်သလို အခုနောက်ဆုံး ဖြစ်ပွားတဲ့ အကြမ်းဖက်မှု နောက်ပိုင်းမှာ သဘောထား ကွဲလွဲစေတဲ့ အပြောအဆိုတွေ ရှောင်ကြင်ကြဖို့ သမ္မတက တိုက်တွန်းလိုက်ပါတယ်။

အစောပိုင်း ထွက်လာတဲ့သတင်းတွေကတော့ မသေချာသေးပေမယ့် သေနတ်သမား တဦး သေဆုံးပြီး ၄ ဦးမြောက် ရဲအရာရှိဟာလည်း စိုးရိမ်ရတဲ့ အနေအထားမှာ ရှိနေတာကြောင့် ဒေသတွင်း ဆေးရုံကို ပို့ထားတယ်လို့ အာဏာပိုင် တွေက ပြောပါတယ်။ သေနတ်နဲ့ ပစ်ခတ်သူဟာ တဦးထက် ပိုနိုင်တယ်လို့ ဆိုပေမဲ့ စုံစမ်းစစ်ဆေးသူတွေကတော့ ပစ်ခတ်သူ တဦးတည်း ဖြစ်နိုင်ကြောင်း နောက်ပိုင်းမှာ ပြည်နယ်ရဲမှုးကြီး Mike Edmonson က သတင်းထောက် တွေကိုပြောပါတယ်။

မကြာသေးခင် သီတင်းပတ်အတွင်း ဖြစ်သွားခဲ့တဲ့ ပစ်ခတ်မှုတွေရဲ့ ဒဏ်ရာတွေ ပျောက်ကင်းအောင် လုပ်ဆောင်ဖို့နဲ့ ညီညွတ်မှု လိုအပ်နေတဲ့အချိန်မှာ အခုလို ပစ်ခတ်မှု ဖြစ်ပွားခဲ့တာဟာ ပြောမပြနိုင်အောင် ဆိုးရွားပြီး တရားနည်းလမ်း မကျတဲ့ လုပ်ရပ်ဖြစ်တယ်လို့ Louisiana ပြည်နယ် အုပ်ချုပ်ရေးမှူး John Bel Edwards က ပြောပါတယ်။

Baton Rouge ရဲဌာနချုပ်နဲ့ ၂ ကီလိုမီတာ လောက်ဝေးတဲ့ အခင်းဖြစ်တဲ့နေရာ တ၀ိုက်က ကောင်းကင်မှာ ရဟတ်ယာဉ်တွေလည်း ၀ဲပျံနေတယ်လို့ ဆိုပါတယ်။ မနက် ၉ နာရီက ဖြစ်သွားခဲ့တဲ့ ပစ်ခတ်မှုအပြီး ၅ နာရီလောက် ကြာလာတဲ့အထိ ရဲအရာရှိတွေကို အခုလို ပစ်ခတ်မှုဟာ ရဲက တားဆီးတဲ့အချိန်မှာဖြစ်တာလား၊ ဒါမှမဟုတ် ရဲတပ်ဖွဲ့ဝင်တွေကို တမင် ပစ်မှတ်ထား တိုက်ခိုက်တာလားဆိုတာကို ရဲတပ်ဖွဲ့က ထုတ်ဖော် ပြောဆိုခြင်း မရှိသေးပါဘူး။

Baton Rouge မြို့ဟာ ဇူလိုင်လ ၅ ရက်နေ့က ရဲတပ်ဖွဲ့ဝင်တွေရဲ့ ပစ်ခတ်မှုကြောင့် အာဖရိကန်-အမေရိကန်လို့ခေါ်တဲ့ လူမဲ Alton Sterling သေဆုံးခဲ့တာကြောင့် ဆန္ဒပြပွဲတွေ ဖြစ်ပေါ်ခဲ့တဲ့ မြို့လည်း ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com



 သေနတ်သမား လည်း သေဆုံး သွားပေမယ့် ကြံရာပါ ဖြစ်နိုင်တဲ့ နောက်ထပ် နှစ်ဦးကို ဆက်လက် ရှာဖွေ နေ။
အမေရိကန် ပြည်ထောင်စု လူဝီဆီယားနား ပြည်နယ်မှာ သေနတ်ပစ်ခတ်မှု ဖြစ်ပေါ် ခဲ့ပြီး အနည်းဆုံး ရဲ အမှုထမ်း ၃ ဦး သေဆုံး သွားပါတယ်။

ပြည်နယ်မြို့တော် ဘာတန်ရူ့ဂ်ျရဲ့ လမ်းပေါ် လူတစ်ယောက် ရိုင်ဖယ် သေနတ်ကိုင်ပြီး လျှောက်သွား နေတယ် ဆိုပြီး မျက်မြင်တွေက သတင်းပို့ တိုင်ကြားမှု အပေါ် ရဲတပ်ဖွဲ့က တုံ့ပြန် လာချိန်မှာ ပစ်ခတ် ခံခဲ့ရတာ ဖြစ်ပါတယ်။

အခြား ရဲ ၃ ဦးလည်း ဒဏ်ရာရ ရှိခဲ့ပြီး အဲဒီ့ထဲက တစ်ဦးက ဒဏ်ရာ ပြင်းထန် ပါတယ်။

သေနတ်သမား လည်း သေဆုံး သွားပေမယ့် ကြံရာပါ ဖြစ်နိုင်တဲ့ နောက်ထပ် နှစ်ဦးကို ဆက်လက် ရှာဖွေ နေတယ်လို့ ရဲ တပ်ဖွဲ့က ပြောပါတယ်။

အခင်းဖြစ်ရာ ဘာတန်ရူ့ဂ်ျ မြို့မှာ လွန်ခဲ့တဲ့ သီတင်း နှစ်ပတ် နီးပါးက အယ်လ်တန် စတာလင် အမည်ရှိတဲ့ လူမည်း အမျိုးသား တစ်ဦး ကို ရဲတွေက မြေကြီးပေါ် လှဲချ ဖမ်းချုပ်ပြီး သေနတ်နဲ့ အသေ ပစ်သတ်မှု ဖြစ်ခဲ့တဲ့ နောက်ပိုင်း အခြေအနေ တွေ တင်းမာ နေခဲ့ပါတယ်။

BBC Burmese
http://www.bbc.com/burmese


တောင်တွင်းကြီး ဇူလိုင် (၁၈)

မကွေးတိုင်းဒေသကြီး ၊ တောင်တွင်းကြီးမြို့၏ အရှေ့ဘက်ရှိ တောင်ပေါ်ဒေသများတွင် မိုးသည်းထည်စွာရွာသွန်းမှုများကြောင့် ယနေ့ ဇူလိုင် (၁၈) ရက် နံနက် (၁) နာရီအချိန်ခန့်မှစတင်ကာ တောင်ပြင်(၁)ရပ်ကွက် ၊တောင်ပြင်(၂)ရပ်ကွက် ၊ အုန်းတော(၁)ရပ်ကွက် ၊အုန်းတော(၂)ရပ်ကွက် ၊ မောင်းတိုင်(၂) ရပ်ကွက် စသည့် မြေနိမ့်ပိုင်းများရှိ နေအိမ်အချို့တွင် ရေအနက် တစ်ပေခွဲမှ နှစ်ပေခွဲခန့်အထိ ရေများ စတင်ဝင်ရောက်မှု ဖြစ်ပေါ်လျှက်ရှိကြောင်း သိရသည် ။

 

ထိုကဲ့သို့ ရေကြီးရေလျှံမှုများဖြစ်ပေါ်နေရခြင်းကြောင့် မော်တော်ယာဉ် ၊ မော်တော်ဆိုင်ကယ် ၊ စက်ဘီး နှင့် ကြက် ၊ ၀က်စသည့် အိမ်မွေး တိရိစ္ဆာန်များကို ရေလွတ်ရာ ကုန်းမြင့်ပိုင်းများသို့ ခေတ္တပြောင်းရွှေ့ထားရကြောင်း သိရသည် ။

ဗိုလ်ပြည့် ( တောင်တွင်းကြီး )
https://www.facebook.com/bopyae.taungdwingyi


17July2016

ပြည်တွင်းဖြစ် တဆိပ်မျိုးစုံ အရက်အပြင်းတွေ သောက်ရာကနေ အန္ဒိယ နိုင်ငံ တောင်ပိုင်း Uttar Pradesh state အုတာပရာဒက်ရှ် ပြည်နယ်က ကျေးရွာသား (၅၀) အဆိပ်သင့် ခဲ့ကြောင်းသိရပါတယ်။

ရွာသား ၂၁ယောက် ဆေးရုံမှာသေဆုံးခဲ့ပြီး (၆)ဦးက မျက်လုံးကန်း သွားခဲ့ပါတယ်၊သေဆုံးသူဦးရေ ထပ်တိုးလာနေတယ်လို့  ပြည်နယ် အုပ်ချုပ်ရေး တာဝန်ရှိ သူတွေက ပြောပါတယ်။


အိန္ဒိယနိုင်ငံမှာ ဓါတုဆေးတွေနဲ့  ရောချက်ထားတဲ့ တဆိပ်မျိုးစုံ ကပ် ထားပြီး ရောင်းနေကြတဲ့ အရက်တွေကို သောက်လို့  အဆိပ်ဖြစ်သေ ဆုံးနေတာဟာ ၂၀၁၆ မှာ အများဆုံးဖြစ်ပါတယ်၊၂၀၁၆ ဇွန်လပိုင်းက မိုဘိုင်းမြို့ မှာ အရက်အဆိပ်သင့်လို့  သေဆုံး သူ(၉၄ )ဦးအထိရှိခဲ့ပါတယ်။


လက်ရှိအခြေနေမှာ အာဏာပိုင်တွေ ခွင့်ပြုချက်မရဘဲ ရောင်းနေကြတဲ့ အရက်တွေမှာ မီးတောက်အောင် toxic ဓါတ်ပေါင်းတွေနဲ့  ရောစပ်ပြီး ချက်နေကြ တာပါ။

ပွဲတော်ရက်တွေ မင်္ဂလာဆောင်တွေ မှာ တိုက်တဲ့ Express အမြန်ချက်ထားတဲ့ အရက်တွေကို ပေါင်းအိုးကနေ ချပြီး အအေးခံတဲ့ အချိန်တောင် မစောင့်နိုင်ကြဘဲ ပူနေသေးတဲ့အရက် ကို လေနဲ့ မှုတ်သောက်သောက်ကြတဲ့အထိ အိန္ဒိယနိုင်ငံမှာ အရက်စွဲ ပြသနာဟာ အလွန်ကြီးမားနေကြောင်း သိရပါတယ်။


အာဏာပိုင်တွေက အရက်အတုတွေ ကျန်းမာရေးနဲ့ မညီတဲ့ အရက်တွေကို ရှာဖွေဖမ်းဆီး အရေးယူနေခဲ့ပေမယ့် သောက်တဲ့သူတွေကတော့ လျော့ သွားတယ်ဆိုတာ မတွေ့ ရသေးဘူလို့  အာဏာပိုင်တွေကပြောပါတယ်။

Philstar.com
Social Action for Women - SAW



 သမ္မတ ရာရစ် တေရစ်ပ် အာဒိုဝမ်
တူရကီမှာ ပြီးခဲ့တဲ့ သောကြာနေ့တုန်းက ဖြစ်ခဲ့တဲ့ မအောင်မမြင်ဖြစ်ခဲ့တဲ့ စစ်အာဏာသိမ်းမှုကို ဗိုင်းရပ်ပိုးနဲ့ သမ္မတ ရာရစ် တိုင်ရစ်ပ် အာဒိုဝမ် က ခိုင်းနှိုင်းလိုက်ပြီး အစိုးရ အနေနဲ့ ဒါကို သုတ်သင် တိုက်ဖျက် ချေမှုန်း သွားမယ်လို့ ဆိုပါတယ်။

အာဏာသိမ်းမှုမှာ ပါတဲ့သူတွေ အတွက် ပြေးစရာ မြေမရှိဘူးလို့လည်း သူက အာဏာသိမ်းပွဲမှာ သေဆုံးသွားခဲ့သူ တယောက်ရဲ့ ဈာပနမှာ ပြောကြားခဲ့ပါတယ်။

လတ်တလောမှာ ဖမ်းထားသူ ခြောက်ထောင်ကျော်သွားပြီလို့ တရားရေး ၀န်ကြီးဌာနက ဆိုပြီး အဲဒီ အထဲမှာ အမေရိကန်တွေ ဆီးရီးယားက အိုင်အက်စ် စစ်သွေးကြွတွေကို နှိမ်နင်းတဲ့ အခါ သုံးလေ့ရှိတဲ့ Incirlik လေတပ် စခန်းက တပ်မှူး တယောက် ပါဝင်တယ်လို့ သိရပါတယ်။

ဒါ့အပြင် အခု အဖမ်းခံထားရတွေဟာ အမေရိကန်မှာ ခိုလှုံနေတဲ့ ၊ အစိုးရက အာဏာသိမ်းပွဲ ဉီးဆောင်သူလို့ စွပ်စွဲနေတဲ့ ဖာတူလာ ဂူလန်ရဲ့ နောက်လိုက်တွေ လို့ ဆိုပါတယ်။

မစ္စတာ ဂူလန် ကတော့ ဒီကိစ္စမှာ သူဘာမှ ပါဝင် ပတ်သက်မှု မရှိဘူးလို့ ပြောပါတယ်။

တူရကီမှာ သေဒဏ်ပေးတာကို ပြန်ကျင့်သုံးနိုင်အောင် အဆိုပြုချက်ကို ပါလီမန်က စဉ်းစားကောင်း စဉ်းစားနိုင်တယ်လို့ သမ္မတ အင်ဒိုဝမ်က ပြောပါတယ်။

အခု အာဏာသိမ်းမှု နောက်ကွယ်မှာ ပါသူတွေဟာ ကြီးလေးတဲ့ ပစ်ဒဏ်ခံရမယ်လို့ သမ္မတက သတိပေးလိုက်ပြီး အခုလို တော်လှန်မှုက တဆင့် စစ်တပ်ကို ရှင်းလင်းဖို့ အခွင့်အရေး ရသွားတယ်လို့ဆိုပါတယ်။

နောက်တခါ ဟစ်မက်လှုပ်ရှားမှုရဲ့ ထင်ရှားတဲ့ ခေါင်းဆောင်လဲဖြစ် စစ်တပ်အကြီးအကဲတွေ အလယ်အလတ် ဗျူရိုကရက်တွေရဲ့ ထောက်ခံမှုလည်းရှိတဲ့ ဂူလန်ကို အမေရိကန်အစိုးရက ပြန်လွှဲပြောင်းပေးဖို့သမ္မတ အင်ဒိုဝမ်က တောင်းဆိုပါတယ်။

အမေရိကန်နိုင်ငံခြားရေးဝန်ကြီး ဂျွန်ကယ်ရီကတော့ စစ်ဆေးမှုကို ခံယူနိုင်တဲ့ တရားဝင် အထောက်အထားမျိုး တူရကီက တင်ပြဖို့လိုတယ် ၊ အဲဒီတွေ့ရှိချက်တွေပေါ်မူတည်ပြီး သင်တော်တဲ့ ဆုံးဖြတ်ချက်မျိုး ပေးမယ်လို့ တုန့်ပြန်ပါတယ်။

အသက်၇၅နှစ်အရွယ် မစ္စတာဂူလန်က အခုအာဏာသိမ်းရာမှာ ဘာမှ သူပါဝင်ပတ်သက်မှုမရှိဘူးလို့ ပြောပါတယ်။

သူဟာ ပင်ဆယ်ဗေးနီးယားပြည်နယ်မှာ အခြေချတာ၁၅နှစ်ရှိပြီး သူ့နောက်လိုက်တွေ ဘယ်သူရှိတယ် ဆိုတာလည်းမသိကြောင်းပြောပါတယ်။

တူရကီ အလုပ်သမားဝန်ကြီး Suleyman Soylu ကတော့ အခု အာဏာသိမ်းမှုနောက်ကွယ်မှာ အမေရိကန်ပါတယ်လို့ စနေနေ့က ပြောပြီး အမေရိကန်နိုင်ငံခြားရေးဝန်ကြီးက အခုစွပ်စွဲချက်ကို အပြင်းအထန် ငြင်းဆန်ပါတယ်။

ဒါဟာ နှစ်နိုင်ငံဆက်ဆံရေးကို အန္တရာယ်ပေးနိုင်တယ်လို့လည်းတုန့်ပြန်ခဲ့ပြီး သမ္မတအိုဘားမား အပါအဝင်ကမ္ဘာ့ခေါင်းဆောင်တွေကတော့တူရကီမှာ ဘက် အားလုံး ဥပဒေဘောင်ထဲက ဆောင်ရွက်ကြဖို့ တိုက်တွန်းနေပါတယ်။

သမ္မတအင်ဒိုဝမ်အနေနဲ့ တနေ့တခြား အာဏာရှင်ဆန်လာနေတယ်လို့ ပစ်တင်ဝေဖန်သူတွေက အခုလို အာဏာသိမ်းဖို့ ကြိုးပမ်းတာကို အလျင်အမြန် နှိမ်နင်းတဲ့အပေါ် ကြိုဆိုလိုက်ပြီး ဒါဟာ ဒီမိုကရေစီရဲ့ အောင်ပွဲပဲလို့ ပြောကြပါတယ်။

ဒါပေမယ့် အခုအခါ သမ္မတ က အာဏာသိမ်းတဲ့ဘက်ကို အနိုင်ရလိုက်တဲ့အတွက် ဒီအခွင့်အရေးကို သူကိုယ်တိုင် အပြည့်အဝအသုံးချပြီး တူရကီရဲ့တန်ဘိုးကြီးတဲ့ ဒီမိုကရေစီအနေနဲ့ ဘယ်လောက်ခံနိုင်မလဲဆိုတာ စိုးရိမ်နေကြတယ်လို့ ဘီဘီစီ အရှေ့အလယ်ပိုင်း အယ်ဒီတာက သုံးသပ်ထားပါတယ်။

မအောင်မမြင် ဖြစ်ခဲ့တဲ့ စစ်အာဏာသိမ်းမှုကို အကြောင်းပြပြီး အတိုက်အခံတွေကို တရားမဲ့ လိုက်လံ ဖမ်းဆီးဖို့ သမ္မတ အာဒိုဝမ်ကို တူရကီ လူထုက အပြည့်အ၀ ခွင့်ပေးထားတာ မဟုတ်ဘူးလို့ ပြင်သစ် နိုင်ငံခြားရေး ၀န်ကြီး က သတိပေးလိုက်ပါတယ်။

တူရကီမှာ တရားဥပဒေ အပြည့်အ၀ စိုးမိုးဖို့ လိုနေပြီး ဥရောပရဲ့ ဒီမိုကရေစီ ဆိုင်ရာ စည်းမျဉ်းစည်းကမ်းတွေ အတိုင်း လိုက်နာ လုပ်ဆောင်ဖို့ နက်ဖြန် တနလာနေ့ကျရင် ဘရပ်ဆဲစ် မြို့မှာ အီးယူ ၀န်ကြီးတွေက တိုက်တွန်းလိမ့်မယ်လို့ ဆိုပါတယ်။

ရုရှား သမ္မတ ပူတင်ကလည်း တူရကီ အာဏာသိမ်းမှုကို ရှုတ်ချလိုက်ပြီး တည်ငြိမ်မှု အမြန်ပြန်ရဖို့ မျော်လင့်ကြောင်း မစ္စတာ အာဒိုဝမ်ကို ပြောကြားခဲ့ပါတယ်။

BBC Burmese
http://www.bbc.com/burmese



ထိုင်းနိုင်ငံက ခရီးသွားလာရေး မြှင့်တင်ပွဲ
ထိုင်းနိုင်ငံမှာ နာမယ်ကြီး အနှိပ်ခန်းတွေနဲ့ ပြည့်တန်ဆာ လုပ်ငန်း တော်တော်များများကို အစိုးရက လိုက်လံ ဖမ်းဆီး နေပါတယ်။

တိုင်းပြည်မှာ အဆင့်ရှိတဲ့ ခရီးသွားလာရေး ၀န်ဆောင်မှု ရှိလာစေချင်တဲ့ အတွက် လိင်လုပ်ငန်း လုပ်ကိုင်နေတဲ့ နေရာတွေကို ပိတ်ပစ်ချင်တယ်လို့ ထိုင်း ဟိုတယ်နဲ့ခရီးသွား ဝန်ကြီး က ရိုက်တာ သတင်းဌာနကို ပြောကြားခဲ့ပါတယ်။

ထိုင်းနိုင်ငံမှာ ပြည့်တန်ဆာ လုပ်ငန်းဟာ တရားဝင် မဟုတ်ပေမယ့် ဒါကို ကျယ်ကျယ်ပြန့်ပြန့် လုပ်ကိုင်နေတဲ့ အပေါ် အားလုံးက မျက်စိမှိတ် လက်ခံထားကြတဲ့ အပြင် တိုင်းပြည် စီးပွားရေး အတွက် အရေးပါတဲ့ လုပ်ငန်း တခုဖြစ်ပါတယ်။

BBC Burmese
http://www.bbc.com/burmese

လူမဲဆန္ဒပြ အုပ်စုတွေနဲ့  ရဲတပ်ဖွဲ့ ဝင်တွေ ထိတ်တိုက်ရင်ဆိုင်မှုတွေ အမြင့်ဆုံးဖြစ်ပွားနေတဲ့  အမေရိကန်နိုင်ငံ Louisiana လူဝီစီးယားနားပြည်နယ် မြို့ တော် Baton Rouge ဘတွန်ရု မှာယန့ ရဲတပ်ဖွဲ့ ဝင် (၈)ဦး ကို သေနတ်သမားတွေက ပစ်ခတ်ခဲ့လို့  (၃)ဦး သေဆုံးကြောင်းသိရပါတယ်။

ချောင်းမြောင်းပစ်ခတ်ခဲ့သူတွေဟာ အမေရိကန်မှာနေထိုင် နေကြတဲ့ အာဖရိကန် နွယ်ဖွား လူမဲအုပ်စုတွေ ဖြစ်ပါတယ်။

Black lives matter လူမဲအခွင့်အရေးတောင်းဆိုဆန္ဒပြပွဲတွေကနေ အကြမ်း ဖက်အသွင်းပြောင်းပြီး လက်နက်ကိုင်သူပုန်ထိတဲ့ အခြေအနေ ကို ဆိုက်ရောက်နေပြီး ဖြစ်ပါတယ်။

အမေရိကန်နိုင်ငံမှာ သေနတ်တွေက တရားဝင်ရော မှောင်ခိုပါ ၀ယ်ရတာလွယ်တဲ့ နိုင်ငံဖြစ်လို့  လူတိုင်းသေနတ်တွေ ကိုင်ထားတဲ့အတွက် ထိမ်းချုပ်ရတာ အလွန်ခက်ခဲလာတာကို တွေ့ ရပါတယ်။

SAW
Credit CNN
Social Action for Women - SAW

dassk-meet-unfc-620.jpg
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဦးဆောင်တဲ့ အစိုးရအဖွဲ့နဲ့ ညီညွတ်သော တိုင်ရင်းသားလူမျိူးများ ဖက်ဒရယ်ကောင်စီ (UNFC)အဖွဲ့တို့ ဇူလိုင်လ ၁၇ ရက်နေ့က ရန်ကုန်မြို့ အမျိုးသားရင်ကြားစေ့ရေးနဲ့ ငြိမ်းချမ်းရေးဗဟိုဌာန(NRPC) မှာ တွေ့ဆုံနေစဉ်
Photo: Aung Thain Kha/ RFA

သြဂုတ်လကုန်မှာ ကျင်းပမယ့် ၂၁ ရာစုပင်လုံညီလာခံမှာ တိုင်းရင်းသား လက်နက် ကိုင်တပ်ဖွဲ့တွေ အားလုံး ပါဝင်ရေးနဲ့ ဖက်ဒရယ်ပြည်ထောင်စုတည်ဆောက်ရာမှာ တိုင်းရင်းသားအားလုံး ပါဝင်ရေး ဒီကနေ့ ညီညွတ်သောတိုင်းရင်းသားလူမျိုးများ ဖက်ဒ ရယ်ကောင်စီ UNFC ကိုယ်စားလှယ်တွေနဲ့ ပထမဆုံး တွေ့ဆုံရာမှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က တိုက်တွန်းလိုက်ပါတယ်။

UNFC ဥက္ကဌ ဒုတိယဗိုလ်ချုပ်ကြီး အင်ဘန်လ ဦးဆောင်တဲ့ ကိုယ်စားလှယ်အဖွဲ့တွေ ဒီနေ့တွေ့ဆုံရာမှာ ပြောခဲ့တာဖြစ်တယ်လို့ ၂၁ ရာစုပင်လုံညီလာခံအကြိုပြင်ဆင်ရေးကော်မတီ အဖွဲ့ဝင် ဦးကျော်လင်းဦး ကပြောပါတယ်။

"အစိုးရသစ်လက်ထက်မှာ ငြိမ်းချမ်းရေးဖြစ်စဉ်စကတည်းက အဆင့်တိုင်းမှာ အားလုံးပါဝင်ရေးကို မူချထားတာ ရှိခဲ့ပြီးသားပေါ့၊ အဲ့ဒါကိုပဲ ထပ်ပြီးတော့မှ ကျနော်တို့ ဒီနေ့ တစ်ဘက်နဲ့တစ်ဘက် အမြင်ချင်းဖလှယ်တာပါပဲ၊ ဖလှယ်တဲ့အခါကျတော့ တစ်ဘက်နဲ့တစ်ဘက် မေးစရာလေးတွေရှိတဲ့ ဆွေးနွေးစရာရှိတာလေးတွေလည်း ရှိလာတာပေါ့နော်၊ ရှိပေမယ့်လည်း ဒါမိသားစုဆန်ဆန် အမြင်ချင်းဖလှယ်တဲ့သဘောလို့ပဲ ပြောလို့ရပါတယ် အခုက၊ အဓိကတော့ဗျာ ငြိမ်းချမ်းရေးဖြစ်စဉ်မှာ အားလုံးပါဝင်လာရေး၊ ငြိမ်းချမ်းရေးဆွေးနွေးရေးနဲ့ ဖက်ဒရယ်ပြည်ထောင်စု တည်ဆောက်ရေးမှာ အားလုံးပါဝင်ရေးပေါ့၊ ဒါတွေကိုပဲ အခြေခံဦးတည်ပြီးတော့ ပြောတာပါ"

အပစ်ရပ်လက်မှတ်မရေးထိုးရသေးတဲ့ တိုင်းရင်းသားလက်နက်ကိုင်အဖွဲ့တွေနဲ့ နိုင်ငံတော်အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်တို့ အခုတစ်ကြိမ်တွေ့ဆုံတာဟာ ပထမဆုံးဖြစ်ပြီး နောင်မှာလည်း အလျဉ်းသင့်သလို တွေ့ဆုံကြဖို့ သဘောတူညီခဲ့တယ်လို့ ဦးကျော်လင်းဦးက ပြောပါတယ်။

UNFC ရဲ့ နိုင်ငံရေးဆိုင်ရာညှိနှိုင်း ဆွေးနွေးရေး ကိုယ်စားလှယ်အဖွဲ့ DPNအနေနဲ့လည်း တစ်နိုင်ငံလုံးအပစ်ခတ်ရပ်စဲရေးသဘောတူစာချုပ် NCA နဲ့ပတ်သက်ပြီး တင်ပြစရာတွေ ရှိတဲ့အတွက် ချင်းမိုင်မြို့မှာ အစိုးရဘက်က ၂၁ ရာစုပင်လုံညီလာခံအကြိုပြင်ဆင်ရေးကော်မတီနဲ့ လာမယ့်အပတ်မှာ ထပ်မံတွေ့ဆုံဖို့ သဘောတူညီခဲ့ပါတယ်။

  လာမယ့် ဇူလိုင်လ ၂၆ ရက်နေ့မှာ ကချင်ပြည်နယ် မိုင်ဂျာယန်မြို့မှာ ကျင်းပမယ့် တိုင်းရင်းသားထိပ်သီး ခေါင်းဆောင်များညီလာခံ ကျင်းပရေးအတွက်လည်း အစိုးရဘက်က သွားလာရေးပိုင်းကို တာဝန်ယူဆောင်ရွက်ပေးဖို့ သဘောတူညီထားတယ်လို့ ဦးကျော်လင်းဦး က ပြောပါတယ်။

ဒီနေ့တွေ့ဆုံပွဲကို အစိုးရဘက်က နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ ဒေါက်တာ တင်မျိုးဝင်း အပါအဝင် ၄ ဦးတက်ရောက်ခဲ့ပြီး UNFC ဘက်က ဥက္ကဌ ဒုတိယ ဗိုလ်ချုပ်ကြီး အင်ဘန်လ၊ နိုင်ထောမွန်၊ ခွန်အေဘယ်တွစ် အပါအဝင် ၁၃ ဦးတက်ရောက်ခဲ့ပါတယ်။

ဒီပွဲမှာ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီ UNFC ဥက္ကဌ ဒုတိယဗိုလ်ချုပ်ကြီး အင်ဘန်လ ဦးဆောင်တဲ့ အဖွဲ့တွေက နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နဲ့ ဒီနေ့ တွေ့ဆုံရာမှာ အစိုးရဘက်က ၂၁ ရာစုပင်လုံညီလာခံလို့ ခေါ်ဝေါ်သုံးစွဲတာနဲ့ပတ်သက်ပြီး မေးမြန်းခဲ့တယ်လို့သိရပါတယ်။

ဒီအကြောင်း ၂၁ရာစုပင်လုံညီလာခံအကြိုပြင်ဆင်ရေးအဖွဲ့ဝင် ဦးကျော်လင်းဦးကို RFA သတင်း ထောက် မဝေမာထွန်း က ဆက်သွယ်မေးမြန်းထားပါတယ်။
RFA


ရေဦး- ဇူလိုင် - ၁၇

ဇူလိုင် ၁၉ ရက်တွင် ကျရောက်မည့်(၆၉) နှစ်မြောက် အာဇာနည်နေ့တွင် စစ်ကိုင်းတိုင်းဒေသကြီး ရေဦးမြို့ခံများက အာဇာနည် ဗိမာန် ပုံတူပြုလုပ်၍ အလေးပြု အခမ်းအနား ကျင်းပကြမည် ဖြစ်သည်။

ကျဆုးံသွားသော ခေါင်းဆောင်ကြီးမျာအား ဂါရ၀ထား အလေးပြုနိုင်ရန် ရန်ကုန်မြို့ အာဇာနည်ဗိမာန်ကဲ့သို့ ပုံစံတူ ပြုလုပ်ခြင်းဖြစ်ကြောင်း ရေဦးမြို့ခံများကပြောသည်။

အာဇာနည်ဗိမာန်ပုံတူကို သံဖရိန်များ၊ ငါးထပ်ပြားများဖြင့် တည်ဆောက်ပြီး ရေဦးမြို့မ အားကစားကွင်း လွတ်လပ်ရေးကျောက်တိုင်အနီးတွင် ထား၍ အလေးပြု ကြမည်ဖြစ်သည်။

" နဂိုကတော့ အာဇာနည်နေ့လုပ်လို့လုပ်သွားမှန်းကို မသိဘူး။ ခုတော့ လူငယ်တွေအားလုးံ တက်ကြွနေကြတယ်။ အကုန်စုပေါင်းကုသိုလ်နဲ့လုပ်တာ "ဟု ရေဥိးမြို့ခံတစ်ဦးကပြောသည်။

ဓာတ်ပုံ- Aung Myint Thaung fb
Monywa Gazette
https://www.facebook.com/chindwingazet


ရန်ကုန်၊ ဇူလိုင် ၁၇။

ငွေကျပ်သိန်းပေါင်း ၆၀၀၀ ကျော်ကုန်ကျခဲ့သော ခရမ်းမြို့နယ်ရှိ ဘုရားပျိုချောင်းကူးတံတားမှာ ဆောက်လုပ်ပြီး သုံးလအကြာတွင် မြေကျွံကျမှုဖြစ်ပွားခဲ့် ကြောင်း ရန်ကုန်တိုင်းဒေသကြီး ခရမ်းမြို့နယ် လွှတ်တော်ကိုယ်စားလှယ် မဲဆန္ဒနယ်အမှတ်(၂)မှ ဦးသိန်းဇော်လတ်က ပြောသည်။


အဆိုပါ တံတားကို ရတနာပြည့်စုံ ဆောက်လုပ်ရေးကုမ္ပဏီက ဆောက်လုပ်ခဲ့ခြင်းဖြစ်ကာ ပြီးခဲ့သောမတ်လ ၁၅ရက်တွင် ဆောက်လုပ်မှုပြီးစီးခဲ့ပြီး ဧပြီလလယ်တွင် ယာဉ်စတင်ဖြတ်သန်းမှုပေးခဲ့ကြောင်း သိရသည်။

်"အခုတံတားက ကုမ္ပဏီက အစိုးရကိုအပ်တောင် မအပ်ရသေးဘူး။ ဇူလိုင် ၁၄ရက်မှာ တံတားပေါ်ခင်းထားတဲ့ ကတ္တရာလမ်းသားက ရေတိုက်စားပြီး ကျွံကျတယ်။ပျဉ်ပြားကျိုးသလို ကျိုးသွားတာ။ အထဲမှာ သံချောင်းသုံးထားတာ အလွန်နည်းနေတာတွေ့ရတယ်''ဟု အဆိုပါ တံတားကိုသွားရောက်စစ်ဆေးခဲ့သည့် လွှတ်တော်ကိုယ်စားလှယ် ဦးသိန်းဇော်လတ်က ပြောသည်။


လက်ရှိတွင် ယင်းတံတားပျက်စီးမှုအကြောင်းကို ဆောက်လုပ်သည့်ကုမ္ပဏီထံ အကြောင်းကြားထားရာ ကုမ္ပဏီက ပြန်လည်ပြင်ဆင်ပေးလျက်ရှိကြောင်း သိရသည်။

''တံတားရဲ့ကြံ့ခိုင်မှုက ဘယ်လောက်ယုံကြည်ရမလဲဆိုတာ မသိဘူး။အရင်တခါလည်း မြေဘေးနံရံ ပျိုကျသေးတယ်။ဒါကြောင့်တိုင်းလွှတ်တော်မှာ ဒီတံတားနဲ့ ပက်သက်ပြီး တင်ပြသွားမယ်''ဟု ဦးသိန်းဇော်လတ်က ဆက်လက် ပြောကြားသည်။


ခရမ်းမြို့နယ် ဘုရားပျိုချောင်းကူးတံတား တည်ဆောက်မှုအတွက် ဘက်ဂျက်ငွေကို ယခင် အစိုးရက ခွင့်ပြုပေးခဲ့ခြင်းဖြစ်ကြောင်း သိရသည်။

ဓာတ်ပုံ-Thein Zaw Lat Fb
ဟံသာဟိန်း
Central News Myanmar
https://www.facebook.com/CNMyanmar