07/22/16


ယူနန်ပြည်နယ်ထဲက သံလွင်မြစ်အထက်ပိုင်းဖြစ်တဲ့ နုကျန်မြစ်မှာ ရေကာတာစီမံကိန်း ရပ်ဆိုင်းလိုက်ပြီး သံလွင်မြစ်မှာ ရေကာတာဆောက်ဖို့ ကြံစည်ပုံကို နှိုင်းယှဉ်ပြီး တင်ပြလိုပါတယ်။ ယူနန်မှာ မြစ်ချောင်း (၆၀၀) ကျော် ရှိပေမယ့် နုကျန် (ခေါ်) သံလွင်မြစ်နဲ့ လန်ကမ်းကျန် (ခေါ်) မဲခေါင်မြစ် အပါအဝင် မြစ်ကြီး (၆) ခုမှာသာ ရေအားလျှပ်စစ် ထုတ်ယူသင့်တယ်လို့ တရုတ်က ယူဆပါတယ်။ လွန်ခဲ့တဲ့ အနှစ် (၂၀) ကျော်အတွင်း ယူနန်မှာ ရေကာတာ (၂၈) ခု တည်ဆောက်ပြီး လျှပ်စစ်ဓါတ်အား ထုတ်ယူပါတယ်။ တရုတ်ပြည်မှာ သုံးစွဲတဲ့ ရေအားလျှပ်စစ် (၁၀) ရာခိုင်နှုန်းလောက်ကို ယူနန်က ထုတ်ပေးနေပါတယ်။

လွန်ခဲ့တဲ့ (၁၀) နှစ်ကျော်လောက်ကစပြီး နုကျန်မြစ်မှာ ရေကာတာ (၁၃) ခု တည်ဆောက်ဖို့ တရုတ်က ကြံစည်ခဲ့ပေမယ့် အကောင်အထည် မဖော်ခဲ့ပါဘူး။ မကြာမီကတော့ နုကျန်မြစ်ရဲ့  မြစ်လက်တက်တွေမှာ ရေကာတာ မဆောက်ဘူးလို့ ယူနန် အာဏာပိုင်က ကြေညာကြောင်း မေလ (၁၂) ရက်နေ့ထုတ် National Geographic မဂ္ဂဇင်းဆောင်းပါးမှာ ဖော်ပြပါတယ်။ နုကျန်အမျိုးသားဥယျာဉ် တည်ဆောက်မယ်လို့ ဆိုတဲ့အတွက် နုကျန်ရေကာတာ စီမံကိန်းဟာ အကောင်အထည်ဖော်တဲ့အဆင့် မရောက်တော့ဘဲ နိဂုံးချုပ်သွားပုံ ရပါတယ်။ ဒါပေမဲ့ သံလွင်မြစ်မှာတော့ ရေကာတာစီမံကိန်းတွေ ရှိနေတုန်း ဖြစ်ပါတယ်။

တရုတ်ပြည်အတွက် ရည်ရွယ်ပြီး မြန်မာနိုင်ငံမှာ တည်ဆောက်တဲ့ ပထမဦးဆုံးသော ရေအားလျှပ်စစ်ဟာ ရွှေလီမြစ်ပေါ်က ရွှေလီအမှတ် (၁) ရေအားလျှပ်စစ် ဖြစ်ပါတယ်။ ၂၀၀၉ ကစပြီး ယူနန်ကို မီးပေးပြီးနောက် အနှစ် (၃၀) ကျော်ကြာမှ မြန်မာ့လက်ကို လွှဲပြောင်းပါလိမ့်မယ်။ ရွှေလီအမှတ် (၁) အောက်မှာ အမှတ် (၂) နဲ့ အမှတ် (၃) ဓါတ်အားစက်ရုံ တည်ဆောက်မယ့် စီမံကိန်းလည်း ရှိပါတယ်။ သံလွင်မြစ်ပေါ်မှာ ရေအားလျှပ်စစ် စီမံကိန်း (၅) ခု အကောင်အထည်ဖော်မယ့် အစီအစဉ်ရှိကြောင်း လျှပ်စစ်ဝန်ကြီးဌာနက မနှစ်က ရှင်းပြပါတယ်။ ကွမ်းလုံ၊ နောင်ဖ၊ မိုင်းတုံ၊ ရွာသစ် နဲ့ ဟတ်ကြီးစတဲ့ ရေကာတာ (၅) ခု တည်ဆောက်ဖို့ ဖြစ်ပါတယ်။ ကွမ်းလုံဆည် တည်ဆောက်ဖို့ တရုတ်နဲ့ သဘောတူစာချုပ် လက်မှတ်ထိုးထားပြီး ကျန်ရေကာတာတွေကတော့ နားလည်မှု စာချွန်လွှာ ရယူထားတဲ့အဆင့်မှာပဲ ရှိပါသေးတယ်။

လျှပ်စစ်ဓါတ်အားခနဲ့ ပတ်သက်ပြီး အငြင်းပွားနေတဲ့အတွက် ယူနန်ပြည်နယ်က ရေအားလျှပ်စစ်စက်ရုံအချို့ ဟာ ရာခိုင်နှုန်းပြည့်သုံးနိုင်တဲ့ အခြေအနေ မရှိဘူးလို့ တရုတ်သုတေသီ ဟူရွဲ့ စေ က ဆိုပါတယ်။ တချို့ ကြတော့လဲ လျှပ်စစ်ဓါတ်ကြိုး သွယ်တန်းဖို့ အခက်အခဲ ရှိနေတယ်လို့ ဆိုပါတယ်။ ဒါကြောင့်မို့ ယူနန်ရေအားလျှပ်စစ်ဟာ ရှိတဲ့အင်အားရဲ့  တဝက်လောက်ပဲ သုံးနိုင်လိမ့်မယ်လို့ ခန့််မှန်းကြပါတယ်။ ဒီလို အခြေအနေ ဖြစ်နေတာတောင် သံလွင်မြစ်မှာ ရေကာတာဆောက်ပြီး ယူနန်ကို လျှပ်စစ်ဓါတ်အားပို့ပေးဖို့ စီစဉ်နေတာ ဘာသဘောလဲလို့ မေးစရာ ဖြစ်လာပါတယ်။ ဖြစ်နိုင်တာတခုကတော့ သံလွင်ရေအားလျှပ်စစ်ကို ဈေးပေါပေါနဲ့ သုံးနိုင်ရင် ယူနန်ရေအားလျှပ်စစ် ဈေးကျသွားမယ်လို့ မျှော်လင့်တာ ဖြစ်နိုင်ပါတယ်။ သံလွင်ရေအားလျှပ်စစ်ဟာ တရုတ်ကုမ္ပဏီတွေရဲ့  ခုတုံးလို ဖြစ်နေပါတယ်။

ယူနန်ပြည်နယ်မှာ ခေါင်းဆောင်အပြောင်းအလဲ ဖြစ်တာဟာလည်း နုကျန်ရေကာတာ ရပ်ဆိုင်းမှုနဲ့ ဆက်စပ်နေတယ်လို့ ပြောနိုင်ပါတယ်။ (၂၀၀၁) ကနေ (၂၀၁၁) အထိ ယူနန်ပြည်နယ်မှာ ပါတီအထွေထွေ အတွင်းရေးမှူး လုပ်ခဲ့သူ ဘိုင်အံ့ပေ ဟာ ရေအားလျှပ်စစ်စီမံကိန်းကို ထောက်ခံအားပေးသူ ဖြစ်ပါတယ်။ အဂတိလိုက်စားမှုနဲ့ ဘိုင်အံ့ပေ အဖမ်းခံရတာကြောင့် နုကျန် ရေကာတာစီမံကိန်း အားနည်းသွားပုံရပါတယ်။ ဘိုင်အံ့ပေ လက်ထက်မှာ မြန်မာပြည်မှာ ရေကာတာတွေဆောက်ဖို့ ဗိုလ်သန်းရွှေအစိုးရနဲ့ သဘောတူခဲ့တာ ဖြစ်ပါတယ်။ ယူနန်ပြည်နယ် အုပ်ချုပ်ရေးမှူးသစ် လီဂျီဟန်းကတော့ နုကျန်မြစ်ထဲမှာ ရေကာတာ တည်ဆောက်မယ့်အစား အမျိုးသားသဘာဝဥယျာဉ် တည်ဆောက်ပြီး ခရီးသည်လာရောက် လည်ပတ်အောင် ဆွဲဆောင်မယ်လို့ ကြေညာပြီး၊ သံလွင်မြစ်မှာ ရေကာတာ ဆောက်နိုင်အောင် ကြိုးပမ်းနေပါတယ်။

မြစ်ဆုံစီမံကိန်းကို ရပ်ဆိုင်းထားပေမယ့် ချီဗွေ၊ ချီဗွေငယ်၊ ဂူဆောက်၊ ခေါင်လန်းဖူး၊ ယီနန်၊ ဖီဇော နဲ့ လိုင်ဇော စတဲ့ စီမံကိန်းတွေကတော့ ရှိနေဆဲ ဖြစ်ပါတယ်။ မဂ္ဂဝပ် တစ်ရာရှိတဲ့ ချီဖွေငယ် နဲ့ မဂ္ဂဝပ် (၂၄၀) ရှိတဲ့ တာပိန် (၁) ရေအားလျှပ်စစ် ပြီးစီးလို့ ဓါတ်အား (၈၀) ရာခိုင်နှုန်း ယူနန်ကို တင်ပို့နေပါပြီ။ ဗိုလ်သန်းရွှေ အစိုးရလက်ထက်မှာ တရုတ်ဆီက တံစိုးလက်ဆောင်ကို လက်ခံပြီး ယူနန်အတွက် မြန်မာပြည်မှာ ရေအားလျှပ်စစ် တည်ဆောက်ဖို့ သဘောတူခဲ့တာဟာ အန္တရာယ် များပါတယ်။ တရုတ်ပြည်မှာ ရေကာတာ ရှစ်သောင်းကျော်ရှိပြီး၊ ရေကာတာကျိုးရင် ဒုက္ခရောက်မယ့် မြို့ ပေါင်း (၂၀၀) နီးပါး ရှိပါတယ်။ တရုတ်ရေကာတာတွေအကြောင်း ဗမာအစိုးရ ကောင်းကောင်းသိဖို့ လိုပါတယ်။

တရုတ်ပြည်မှာ ရေကာတာပေါက်လို့ သေကျေပျက်စီးတာတွေ အများကြီး ရှိပါတယ်။ ဒါပေမဲ့ ၁၉၇၅ မှာ ဘန်ချောင်ဆည် ရေလျှံပြီး ပြိုပျက်သွားတဲ့အတွက် ဒေသခံ နှစ်သိန်းကျော် သေဆုံးတာဟာ အထင်ရှားဆုံး ဖြစ်ပါတယ်။ ဒါပေမဲ့ တရုတ်အစိုးရ သတင်းအမှောင်ချထားလို့ သေဆုံးသူအရေအတွက်ကို အနှစ် (၃၀) ကြာမှ သိရပါတယ်။ တရုတ်ပြည်မှာ ရေကာတာ (၅၀) လောက် နှစ်စဉ်ပြိုပျက်နေကြောင်း သိရပါတယ်။ အမေရိကန်မှာလည်း ရေကာတာ ပြိုကျမှုတွေ ရှိပေမယ့် သေဆုံးသူဦးရေဟာ ရာဂဏန်းသာ ရှိပါတယ်။ မြန်မာပြည်မှာ နိုင်ငံခြားအတွက် ရေအားလျှပ်စစ် ထုတ်ယူဖို့ ရေကာတာ တည်ဆောက်ပြီး ရေကာတာ က ဖြစ်ပေါ်လာတဲ့ အန္တရာယ်အမျိုးမျိုးကို ပြည်သူလူထုက ရင်ဆိုင်ရမှာ ဖြစ်ပါတယ်။

  ဦးအောင်ခင် /  ကျော်ကျော်သိန်း
http://burmese.voanews.com


 ဟောင်ကောင်ကျောင်းသားခေါင်းဆောင် သုံးယောက် Joshua Wong၊ Nathan Law နဲ့ Alex Chow။
ဟောင်ကောင်ကျောင်းသားခေါင်းဆောင် သုံးယောက် Joshua Wong၊ Nathan Law နဲ့ Alex Chow။

လွန်ခဲ့တဲ့ ၂ နှစ်နီးပါးက ဟောင်ကောင်မှာ ဒီမိုကရေစီရေး လူထုဆန္ဒပြပွဲတွေဖြစ်ပွားစေခဲ့တဲ့ အစိုးရကန့်ကွက်ဆန္ဒပြပွဲတွေမှာ ပါဝင်မှုနဲ့ ဟောင်ကောင်ကျောင်းသားခေါင်းဆောင် သုံးယောက်ကို အပြစ်ရှိကြောင်း တရားရုံးက ဆုံးဖြတ်လိုက်ပါတယ်။ ကျောင်းသားခေါင်းဆောင် Joshua Wong နဲ့ Alex Chow တို့ကို တရားမ၀င်စုဝေးမှု၊ နောက်တဦးဖြစ်တဲ့ Nathan Law ကိုတော့ တခြားသူတွေကို ဆန္ဒပြပွဲမှာ ပါလာအောင် သွေးထိုးလှုံ့ဆော်မှုတွေနဲ့ အပြစ်ရှိကြောင်း ဒီကနေ့ပဲ ဆုံးဖြတ်လိုက်တာပါ။ သူတို့ကို ပြစ်ဒဏ်ချမှတ်မယ့် ရက်ကိုတော့ သြဂုတ်လ ၁၅ ရက်နေ့ သတ်မှတ်ထားပါတယ်။

“ဘယ်လို ပြစ်ဒဏ်မျိုးတွေကို ချမှတ်ပါစေ၊ အစိုးရရဲ့ဖိနှိပ်မှုတွေကို ကျနော်တို့ ဆက်ပြီး တွန်းလှန်သွားမှာဖြစ်ပါတယ်။ ကမ္ဘာ့အင်အားအကြီးဆုံး ကွန်မြူနစ်အစိုးရနဲ့ ရင်ဆိုင်ရတဲ့ ဒီမိုကရေစီတိုက်ပွဲဟာ အချိန်ယူရမှာ ဖြစ်တယ်ဆိုတာကို ကျနော်တို့သိတယ်။ အနာဂတ်မှာကျနော်တို့ ပြစ်ဒဏ်ကျခံရပါစေ၊ ကိုယ်ပိုင်ပြဋ္ဌာန်းခွင့်ရဖို့ လှုပ်ရှားမှုကို ကျနော်တို့ဆက်ပြီး တွန်းလှန် တိုက်ပွဲဝင်သွားမယ်” လို့ ကျောင်းသားခေါင်းဆောင် Joshua Wong က ပြောပါတယ်။

သူတို့သုံးဦးဟာ ဟောင်ကောင်မှာ အုပ်ချုပ်ရေးမှူးကို လူထုက လွတ်လပ်စွာ ရွေးချယ် တင်မြှောက်ခွင့်ရဖို့ တောင်းဆိုတဲ့အနေနဲ့ ၂၀၁၄ ခုနှစ် စက်တင်ဘာလ ၂၆ ရက်နေ့က ဟောင်ကောင် အစိုးရရုံး စည်းရိုးကို ကျော်တက်ပြီး ပြည်သူ့ရင်ပြင်လို့ လူသိများတဲ့နေရာမှာ ဆန္ဒပြခဲ့ကြတာပါ။

အဲဒီ့ဆန္ဒပြမှုကနေပဲ ဟောင်ကောင်က အဓိက လမ်းမကြီးတွေပေါ်မှာ လူထု စုဝေး ဆန္ဒပြပွဲကြီးတွေ ပေါ်ပေါက်လာတဲ့အထိ ဦးတည်သွားခဲ့ပြီး ဟောင်ကောင်ရဲ့ အဓိက အချက်အချာ နေရာအတော်များများမှာ စီးပွားရေးလုပ်ငန်းတွေ ရက်ပေါင်း ၇၉ ရက်ကြာ ရပ်ဆိုင်းပစ်ရတဲ့ အခြေအနေအထိ ရောက်ခဲ့တာပါ။
VOA Burmese News


ဒီမိုကရက်ပါတီရဲ့ သမ္မတလောင်းဖြစ်လာဖို့ သေချာသလောက်ရှိနေတဲ့ Hillary Clinton ဟာ သူမနဲ့အတူ သမ္မတရွေးကောက်ပွဲမှာ ၀င်ရောက်ယှဉ်ပြိုင်မယ့် ဒုသမ္မတလောင်း အမည်ကို ရီပတ်ဘလစ်ကန်ပါတီ ညီလာခံပြီးဆုံးပြီး မကြာခင်မှာ ကြေညာလိမ့်မယ်လို့ အများစုက မျှော်လင့်နေကြပါတယ်။

Clinton အနေနဲ့ ဒုသမ္မတလောင်းအဖြစ် လျာထားသူ ဇကာတင် ၉ ဦးရှိတယ်လို့ Clinton နဲ့ နီးစပ်တဲ့ အသိုင်းဝိုင်းက ပြောပါတယ်။

အခုလို လူတွေအများကြီး ဇကာတင်စာရင်းမှာ ရှိနေတာဟာ တကယ့် စာရင်းမဟုတ်ဘဲ ပါတီတွင်းက မတူညီတဲ့ အုပ်စုတွေနဲ့ သြဇာကြီးတဲ့ သူတွေ ကျေနပ်မှုရှိအောင် လုပ်ပြခြင်းဖြစ်တယ်လို့ Virginia တက္ကသိုလ် နိုင်ငံရေးဌာနက Larry Sabato က ဗွီအိုအေကို ပြောပါတယ်။

ဒုသမ္မတလောင်းဖြစ်နိုင်ခြေရှိသူတွေကို ရွေးချယ်တဲ့နေရာမှာ အကူအညီဖြစ်စေရေးအတွက် Clinton Campaign က နိုင်ငံရေးအခြေအတွေ လေ့လာသုံးသပ်တဲ့ အုပ်စုတွေနဲ့ မကြာသေးခင်က တွေ့ဆုံခဲ့ပါတယ်။ Hillary Clinton အနေနဲ့ အဲဒီ ဒုသမ္မတ ဖြစ်လာနိုင်ခြေရှိသူ တချို့နဲ့ ၀ါရှင်တန်ဒီစီက သူမ နေအိမ်မှာ တွေ့ဆုံခဲ့တယ်လို့ ဆိုပါတယ်။

Clinton အနေနဲ့ ဒုသမ္မလောင်းရဲ့ အမည်ကို သောကြာ၊ သို့မဟုတ် စနေနေ့လောက်မှာ ကြေညာလိမ့်မယ်လို့ မျှော်လင့်ရပါတယ်။

ဒုသမ္မလောင်း ဘယ်သူဖြစ်မယ်ဆိုတာကို Hillary Clinton က သိထားပြီးဖြစ်ပြီး အပြင်လူတွေ မသိသေးတာသာ ဖြစ်ကြောင်း၊ ဒါဟာ အင်မတန် သိုသိပ်တဲ့ လုပ်ရပ်ဖြစ်ကြောင်း၊ အပြင်ကို သတင်းလုံးဝ မပေါက်ကြားသလောက်အထိ ဖြစ်ကြောင်း Virginia တက္ကသိုလ် နိုင်ငံရေးဌာနက Larry Sabato က ပြောပါတယ်။

 ဗွီအိုအေ (မြန်မာပိုင်း)
http://burmese.voanews.com



ရေးမြို့ကနေ ကြိုဆိုပါ၏ ဆိုင်းဘုတ်ကို တွေ့ရစဉ်။ Photo: KPhyo Ye‎ Facebook
မွန်ပြည်နယ်၊ ရေးမြို့နယ်မှာ လက်နက်ကိုင်အဖွဲ့တွေက ခရီးသည်တွေနဲ့ ဒေသခံတွေဆီက ဓါးပြတိုက်နေတာတွေကို ပပျောက်အောင်ဆောင်ရွက်ပေးဖို့နဲ့ ရေးမြို့နယ်အတွင်း လျှပ်စစ်မီးရရှိအောင်ဆောင်ရွက်ပေးဖို့ ဒေသတွင်း အရပ်ဘက်အဖွဲ့တွေက မွန်ပြည်နယ်ဝန်ကြီးချုပ် ဦးမင်းမင်းဦး ကို တောင်းဆိုလိုက်ပါတယ်။

ဒီနေ့ ရေးမြို့နယ်၊ အထွေထွေအုပ်ချုပ်ရေးဦးစီးဌာနရုံးမှာ မွန်ပြည်နယ်ဝန်ကြီးချုပ် ဦးမင်းမင်းဦးနဲ့ အစိုးရအဖွဲ့ တာဝန်ရှိသူတွေက အရပ်ဘက်အဖွဲ့တွေ၊ ရပ်ကွက်နဲ့ ကျေးရွာအုပ်ချုပ်ရေးမှူးတွေကို ခေါ်ယူတွေ့ဆုံရာမှာ အခုလိုတောင်းဆိုခဲ့တာဖြစ်တယ်လို့ ရေးမြို့လူမှုအကျိုးဆောင်အဖွဲ့က ဦးအောင်နိုင်ဝင်း က ပြောပါတယ်။

"သူ့အနေနဲ့ ကျနော်တို့ တင်ပြတဲ့အပေါ်မှာ စိတ်ပါဝင်စား ပြန်လည်မေးမြန်းပြောဆိုပြီးတော့ ဖြေရှင်းညှိနှိုင်း တာလေးတွေရှိတယ်၊ နောက်ကျနော်တို့က တင်ပြချက်တွေအကုန်လုံးကို စာရိုက်ပြီးတော့မှ အချက်အလက် အတိအကျနဲ့ သူ့ကိုစာလှမ်းပေးထားပါတယ်၊ အဲ့စာကို သူ့အနေနဲ့ နောက်နောင်ဖြေရှင်းဆောင်ရွက်ပေးဖို့ ကျနော်တို့က မျှော်လင့်တာပေါ့၊ စာနဲ့လည်းတင်ပြတယ် နှုတ်နဲ့လည်း အဲ့မှာထတင်ပြတာပေါ့၊ ဒေသအတွင်းမှာ ရှိတဲ့  ပြည်သူတွေနဲ့ တိုက်ရိုက်ထိတွေ့ဆက်ဆံပြီးတော့မှ ပြည်သူတွေရဲ့ အခက်အခဲ အတွေ့အကြုံတွေကို စုစည်းတင်ပြတဲ့ သဘောဖြစ်တဲ့အတွက် သူ့အနေနဲ့ အလေးနက်ထားပြီး ဖြေရှင်းဆောင်ရွက်ပေးမယ် လို့ မျှော်လင့်ပါတယ်"

ရေးမြို့နယ်အတွင်းမှာ အစိုးရကဖြန့်ဝေတဲ့ လျှပ်စစ်မီးမရရှိတာကြောင့် ကိုယ်ထူကိုယ်ထစနစ်နဲ့ လျှပ်စစ်မီး သုံးစွဲနေရပြီး တစ်ယူနစ်ကို ၇၀၀ ကျပ် ပေးဆောင်နေရတယ်လို့ ပြောပါတယ်။

အလားတူ စာသင်ကျောင်းတွေမှာလည်း ဆရာ၊ ဆရာမဦးရေ လုံလောက်အောင် ချထားပေးဖို့နဲ့ သွားလာရခက်ခဲ တဲ့ဒေသတွေက စာသင်ကျောင်းတွေကို အစိုးရအဖွဲ့တာဝန်ရှိသူတွေ သွားရောက်စစ်ဆေးဖို့လည်း တောင်းဆိုခဲ့ကြ ပါတယ်။

ဒီနေ့တွေ့ဆုံပွဲကို ရေးမြို့နယ် အရပ်ဘက်အဖွဲ့အသီးသီးက ကိုယ်စားလှယ် ၂၅ ဦး အပါအဝင် အစိုးရဌာနဆိုင်ရာက တာဝန်ရှိသူတွေ စုစုပေါင်း ၂၀၀ လောက် တက်ရောက်ခဲ့ပါတယ်။

RFA Burmese
http://www.rfa.org/burmese



ဒါကာမြို့တော်မှာ လုံခြုံရေး ပိုတင်းကျပ်လာ
ဘင်္ဂလားဒေ့ရှ် နိုင်ငံမှာ အစ္စလာမ် စစ်သွေးကြွတွေရဲ့ ခြိမ်းခြောက်မှု အန္တရာယ် ကြီးထွားလာနေလို့ ဆွေးနွေးဖို့ ဆိုပြီး အစ္စလာမ် ဘာသာရေး ခေါင်းဆောင် ခုနစ်ထောင်ကျော်ကို အစိုးရက ဆင့်ခေါ်ခဲ့ပါတယ်။

လူ ၂၀ ကျော် သေဆုံးခဲ့ရပြီး စားသောက်ဆိုင်ကို ဝင်စီးနင်းမှု အပါအ၀င် အကြမ်းဖက် တိုက်ခိုက်မှုတွေ ဆက်တိုက် ဆိုသလို ဖြစ်ခဲ့ပြီးတဲ့နောက် အခုလို ဆွေးနွေးဖို့ စီစဉ်လာတာ ဖြစ်ပါတယ်။

ပြီးခဲ့တဲ့ သောကြာနေ့တုန်းကတော့ ဘဂလားဒေ့ရ်ှက ဗလီတိုင်းမှာ စစ်သွေးကြွ ရှုတ်ချရေး တရားတွေကို ဖတ်ရှုကြားနာဖို့ အာဏာပိုင်တွေက တိုက်တွန်းခဲ့ပါတယ်။

အပတ်တိုင်း ဟောကြားဖို့ တရားစာ သတ်မှတ်ပေးပြီး အဲဒါကို လိုက်နာမှု ရှိမရှိ လိုက်ပြီး ကြပ်မတ် စစ်ဆေးမှာပါ။

ဒါပေမဲ့ အယူသည်းတဲ့ ဘာသာရေး ဆရာ အုပ်စု တစုက ဒီလို အစီအစဉ်တွေကို နောက်တပတ်ထဲမှာ ကန့်ကွက် ဆန္ဒပြဖို့ ပြင်နေကြပါတယ်။

BBC Burmese
http://www.bbc.com/burmese


high-building-construction-620.jpg
ရန်ကုန်တိုင်းဒေသကြီး အစိုးရအဖွဲ့ရဲ့ အထပ်မြင့်အဆောက်အဦ ဆောက်လုပ်ခွင့်ဆိုင်ရာ ညွှန်ကြားချက်အသစ်ကြောင့် နစ်နာ ခဲ့တဲ့ ဆောက်လုပ်ရေးလုပ်ငန်းရှင်တွေ စုပေါင်းပြီး ရန်ကုန်မြို့ နိုဗိုတယ်ဟိုတယ်မှာ ဇူလိုင်လ ၂၁ ရက်နေ့က သတင်းစာရှင်းလင်းပွဲ ကျင်းပစဉ်
Photo: Kyaw Htoon Naing/RFA

ရန်ကုန်တိုင်းဒေသကြီးအစိုးရအဖွဲ့ရဲ့ အထပ်မြင့်အဆောက်အဦ ဆောက်လုပ်ခွင့်ဆိုင်ရာ ညွှန်ကြားချက် အသစ်ကြောင့် အမေရိကန်ဒေါ်လာ ၅ ဘီလျံကျော် နစ်နာဆုံးရှုံးနေတယ်လို့ ရန်ကုန်မြို့ အခြေစိုက် ဆောက်လုပ်ရေး လုပ်ငန်းရှင်တွေက ပြောပါတယ်။

ဒီနေ့ ရန်ကုန်မြို့ နိုဗိုတယ်ဟိုတယ်မှာ နစ်နာခဲ့တဲ့ ဆောက်လုပ်ရေးလုပ်ငန်းရှင်တွေ စုပေါင်းကျင်းပတဲ့ သတင်းစာ ရှင်းလင်းပွဲမှာ ဆောက်လုပ်ရေးလုပ်ငန်းလုပ်ကိုင်သူ ဦးမျိုးမြင့် က ပြောခဲ့တာဖြစ်ပါတယ်။

"KER လို အဆောက်အဦဆိုရင် ဖောင်ဒေးရှင်းတစ်ခုတည်းတင် ဒေါ်လာ ၁၂ သန်းကုန်ပါတယ်၊ ဒီလောက်ငွေကြေးမြောက်များစွာကို ကျနော်တို့ ဘဏ်တွေကတဆင့် ယူထားပြီးတော့ ဆောင်ရွက်ရ တာဖြစ်ပါတယ်၊ ဒီအလုံး ၁ဝဝ၊ ၂ဝဝ ဖြစ်လာလို့ရှိရင် ဒီငွေကြေးပမာဏသည် ဒေါ်လာနဲ့တွက်ရင် ၅ ဘီလျံ၊ ၆ ဘီလျံအထိလောက်ကို ဆုံးရှူံးမှုပမာဏသည် နည်းသောပမာဏ မဟုတ်ဘူးဆိုတာ ကျနော့်အနေနဲ့ တင်ပြလို ပါတယ်"

အထပ်မြင့်အဆောက်အဦ ၁၈၅ လုံးကိုလည်း ရန်ကုန်တိုင်းဒေသကြီးအစိုးရအဖွဲ့က မြို့အင်္ဂါရပ်နဲ့ ညီ မညီ ပြန်စီစစ်ဖို့ ဆိုပြီး ၂၀၁၆ မေလထဲက လုပ်ငန်းရပ်နားခိုင်းထားတဲ့အတွက် ဆောက်လုပ်ရေးလုပ်သား သောင်းနဲ့ချီ အလုပ်လက် မဲ့ဖြစ်နေတယ်လို့လည်း ပြောပါတယ်။

ရန်ကုန်တိုင်းဒေသကြီးအစိုးရအဖွဲ့ရဲ့ အထပ်မြင့်အဆောက်အဦးဆိုင်ရာ ညွှန်ကြားချက်အရ အဆောက်အအုံ ၁၂ လုံးဟာ အထပ်လျှော့ချတာတွေ လုပ်ဆောင်ရမှာဖြစ်သလို ဒီဇိုင်းပြင်ဆင်ဖို့ကိုလည်း ညွှန်ကြားခဲ့တာဖြစ်ပါတယ်။

အထပ်လျှော့ချခံရတဲ့ ဆောက်လုပ်ရေးလုပ်ငန်းရှင်တွေက သူတို့ဟာ ယခင်အစိုးရလက်ထက်ကရှိခဲ့တဲ့ တည်ဆဲဥပဒေနဲ့အညီ ဆောက်လုပ်ထားတာဖြစ်သလို စည်းကမ်းချိုးဖေါက်ထားတာမရှိဘူးလို့ ပြောပါတယ်။

ရန်ကုန်တိုင်းအစိုးရအနေနဲ့ အထပ်မြင့်အဆောက်အဦနဲ့ဆိုင်တဲ့ ညွှန်ကြားချက်တွေကို ပြန်စိစစ်ပေးဖို့ကို လည်း ဆောက်လုပ်ရေးလုပ်ငန်းရှင်တွေက တောင်းဆိုခဲ့ပါတယ်။

ဒါ့အပြင် တိုင်းဒေသကြီး အစိုးရအဖွဲ့ရဲ့ ညွှန်ကြားချက်ကြောင့် ဆောက်လုပ်ရေးလုပ်ငန်းတွေအပေါ် ယုံကြည်မှု ကျဆင်းတာတွေ၊ ဆောက်လုပ်ရေးလုပ်ငန်းသုံး ပစ္စည်းအရောင်းဆိုင်တွေ ဈေးကွက်ပျက်နေတာတွေအပြင် ဘဏ်လုပ်ငန်းတွေအပေါ်မှာပါ အကျိုးသက်ရောက်မှာ ဖြစ်တယ်လို့လည်း ဆောက်လုပ်ရေးလုပ်ငန်းရှင်တွေ က ပြောပါတယ်။
RFA


ဒတ်ခ်ျ ပန်းချီကျော် ဗင်းဆင့် ဗန်ဂိုး

ကမ္ဘာကျော် ဒတ်ခ်ျ ပန်းချီ ဆရာ ဗင်းဆင့် ဗန်ဂိုး သူ့နားရွက်ကို ဖြတ် ပေးလိုက်တဲ့ အမျိုးသမီးငယ်ကို ဖော်ထုတ်နိုင်ခဲ့ပါပြီ။

Gabrielle Berlatier ဆိုတဲ့ လယ်သမားတယောက်ရဲ့ သမီးကို ဗန်ဂိုးက သူ့နားရွက် ပေးခဲ့တာလို့ အနုပညာ သတင်းစာက ခြေရာခံနိုင်ခဲ့ပါတယ်။

ဗန်ဂိုးက သူ့နားရွက် တစိတ်တပိုင်း မဟုတ်ဘဲ တခုလုံး ဖြတ်ခဲ့တာဆိုတဲ့ ယူဆချက်တွေ ထွက်လာပြီးနောက် ဒီမိန်းကလေး နာမည်ကို ဖော်ထုတ်ခဲ့ကြတာ ဖြစ်ပါတယ်။

ဒီအကြောင်း အရင်ပတ်က ထွက်လာတဲ့ ဗန်ဂိုး အကြောင်း စာအုပ်မှာ ပါလာပါတယ်။

Gabrielle ပြည့်တန်ဆာ အိမ် တခုမှာ လုပ်နေတုန်း ဒီထူးဆန်းတဲ့ လက်ဆောင် ပစ္စည်း ရခဲ့တာ လို့လည်း သိရပါတယ်။
BBC Burmese



 စင်္ကာပူက အစားအသောက်ဆိုင် မြင်ကွင်း
စင်္ကာပူက လမ်းဘေး စားသောက်ဆိုင်တန်း ၂ ခုကို နာမည်ကြီး အစားအသောက် လမ်းညွှန် ဖြစ်တဲ့ Michelin က ဆုပေးလိုက်ပါတယ်။

ဆိုင်တန်းတခုက ဝက်သား ခေါက်ဆွဲမှာ ထင်ရှားပြီး နောက်တလမ်းက ကြက်ဆီ ထမင်း နာမည်ကြီးပါတယ်။

ဒီလို နာမည်ကြီး ဆုရတဲ့ အစားအသောက် တွေထဲမှာ ဒါဟာ ပထမဆုံး အကြိမ် ဈေးပေါတဲ့ အစားအသောက်တွေကို ချီးမြှင့်တာလည်း ဖြစ်ပါတယ်။

ဒီလို ထမင်းနဲ့ ခေါက်ဆွဲ တပွဲမှ ၄ ဒေါ်လာတောင် မပေးရဘူးလို့လည်း ဆိုပါတယ်။

Michelin က ပထမဆုံး အကြိမ် စင်္ကာပူမှာ စပြီး ဆုပေးခဲ့တာ ဖြစ်ပါတယ်။

BBC Burmese
http://www.bbc.com/burmese

namtuu-refugees-620.jpgရှမ်းပြည်နယ်မြောက်ပိုင်း နမ္မတူမြို့မှာ ခိုလှုံနေတဲ့ စစ်ပြေးဒုက္ခသည်တွေကို တွေ့ရစဉ်
ဓါတ်ပုံ - ကိုမျိုး
ရှမ်းပြည်နယ်မြောက်ပိုင်း ပလောင်ကိုယ်ပိုင်အုပ်ချုပ်ခွင့်ရဒေသ မန်တုံမြို့နယ်က ဒေသခံတွေဟာ TNLA နဲ့ RCSS တပ်တွေ တိုက်ပွဲတွေ ပြန်လည်ဖြစ်ပွားလာမှာ စိုးရိမ်နေရတာကြောင့် နမ္မတူမြို့ ပေါ်ကို ထွက်ပြေးလာကြပါတယ်။

လက်ရှိမှာ လူဦးရေ ၄၀၀ နီးပါးလောက် ရှိနေတယ်လို့ ဒုက္ခသည်တွေအရေး ကူညီပေးနေတဲ့ မန်တုံမြို့ နယ် တအာင်းပလောင် အမျိုးသားပါတီက ပြည်သူ့လွှတ်တော်ကိုယ်စာလှယ် ဒေါ်နန်းမိုး က ပြောပါတယ်။

"စစ်ဘေးရှောင်တွေက နမ္မတူမှာ ၈ ရက်နေ့ကတည်းက စရောက်တယ်ပေါ့နော်၊ အုပ်စုလိုက်ရောက်တာမျိုး မဟုတ်ဘဲနဲ့ တဖွဲဖွဲစလာတာပေါ့နော်၊ အခုနမ္မတူမှာရောက်နေတဲ့ စစ်ဘေးရှောင်က လီဆူလူမျိုး ၂ဝဝ နီးပါးနဲ့ ရှမ်းလူမျိုး ၂ဝဝ နီးပါးပါတယ်ပေါ့"

ဒုက္ခသည်တွေဟာ အခုလ ၈ ရက်နေ့ကတည်းက ရောက်နေတာဖြစ်ပြီး ဒေသအတွင်း တိုက်ပွဲတွေဖြစ်မှာကို စိုးရိမ်တာကြောင့် ထွက်ပြေးလာတာလို့ ပြောပါတယ်။

လက်ရှိမှာ ဒုက္ခသည်တွေကို နမ္မတူမြို့ ရွှေမြင်းတင်ဘုန်းကြီးကျောင်နဲ့ လီဆူဘုရားကျောင်းတွေမှာ နေရာချ ထားပေးပြီး ဒေသခံတွေနဲ့ စေတနာရှင်တွေက ကူညီပေးနေတာဖြစ်ပါတယ်။

ဒုက္ခသည်တွေရဲ့ အခြေအနေနဲ့ ပတ်သက်ပြီး အကူအညီပေးနေတဲ့ မန်တုံမြို့နယ် တအာင်း (ပလောင်) အမျိုးသားပါတီက ပြည်သူ့လွှတ်တော်ကိုယ်စားလှယ် ဒေါ်နန်မိုး ကို RFAသတင်းထောက် ကိုကံသာ က တွေ့ဆုံမေးမြန်းထားပါတယ်။
RFA



၂၀၁၄ ခုနှစ်က ကောက်ယူခဲ့တဲ့ သန်းခေါင်စာရင်းထဲက ကိုးကွယ်တဲ့ဘာသာဆိုင်ရာ အချက်အလက် ထုတ်ပြန်ခြင်း အခမ်းအနားကို နေပြည်တော် Hotel Max မှာ ဇူလိုင်လ ၂၁ ရက်နေ့က ကျင်းပစဉ်။ Photo: Win Ko Ko Latt/RFA
ရခိုင်ပြည်နယ်နဲ့ တစ်နိုင်ငံလုံးမှာ နိုင်ငံသားစိစစ်ရေးလုပ်ငန်းတွေကို အချိန်ကာလသတ်မှတ်မထားဘဲ စိတ်ရှည်ရှည်ထားပြီး ကောက်ယူသွားမှာဖြစ်ကြောင်း အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အား ဝန်ကြီးဌာနက ပြည်ထောင်စုဝန်ကြီးက ပြောပါတယ်။

ဒီနေ့ နေပြည်တော် Hotel Max မှာ ပြုလုပ်တဲ့ ၂၀၁၄ ခုနှစ်က ကောက်ယူခဲ့တဲ့ ကိုးကွယ်တဲ့ဘာသာ ထုတ်ပြန်ခြင်း အခမ်းအနားအပြီး သတင်းစာရှင်းလင်းပွဲမှာ ပြည်ထောင်စုဝန်ကြီး ဦးသိန်းဆွေ က ပြော လိုက်တာဖြစ်ပါတယ်။

"ကာလသတ်မှတ်ချက်မရှိပါဘူး၊ ရက်တစ်ရာမှာ စတင်ဆောင်ရွက်မယ်ဆိုတဲ့ လုပ်ငန်းတစ်ခုပါပဲ၊ ဆက်ပြီးတော့မှ ရှိနေတဲ့အင်အားတွေ ပြည့်စုံအောင်လို့ စိတ်ရှည်သည်းခံစွာနဲ့ စည်းရုံးတဲ့နည်းနဲ့ သူတို့တွေကို အမှန်အကန် လုပ်ပေးတယ်ဆိုတဲ့အမြင်တွေ သူတို့ထဲမှာရောက်ရှိလာမယ်၊ သူတို့တောင်းဆိုတဲ့ ဖြေလျော့နိုင်တဲ့ကိစ္စတွေ ကို ဖြေလျော့ပြီးဆောင်ရွက်ပေးမယ်ဆိုရင် သူတို့ယုံကြည်လာပြီးတော့မှ တိုးတက်မှုတွေ လုပ်ဆောင်မှုတွေ ပိုမိုလာလိမ့်မယ်လို့ ဒီလိုပဲမျှော်လင့်ပြီး ဆောင်ရွက်နေပါတယ်"

၂ဝ၁၄ သန်းခေါင်စာရင်းအရ မြန်မာနိုင်ငံမှာ ဗုဒ္ဓဘာသာ ၈၉ ဒသမ ၈ ရာခိုင်နှုန်း၊ ခရစ်ယာန် ၆ ဒသမ ၃ ရာခိုင်နှုန်း၊ အစ္စလာမ် ၂ ဒသမ ၃ ရာခိုင်နှုန်း၊ ဟိန္ဒူ ၀ ဒဿမ ၅ ရာခိုင်နှုန်း ၊ နတ်ကိုးကွယ်သူ ၀ ဒဿမ ၈ ရာခိုင်နှုန်း ရှိတယ်လို့ ထုတ်ပြန်ပါတယ်။

သန်းခေါင်စာရင်း ကောက်ယူဖို့ ကျန်နေတာက ရခိုင်ပြည်နယ်မှာ မွတ်စလင် လူဦးရေက တစ်သန်းကျော်၊ ကချင်ပြည်နယ် KIO ထိန်းချုပ်နယ်မြေထဲမှာ လေးသောင်းငါးထောင်ကျော်နဲ့ ကရင်ပြည်နယ် တပ်မဟာ ( ၅ ) ထိန်းချုပ်နယ်မြေထဲ ခုနှစ်သောင်းနီးပါးကျန်ရှိနေပါတယ်။

ကောက်ယူဖို့ ကျန်တဲ့ ရခိုင် ကချင် နဲ့ ကရင်ပြည်နယ်တွေက လူဦးရေအားလုံးကိုပါ တွက်လိုက်ရင် ရာခိုင်နှုန်း ပြောင်း သွားမှာဖြစ်ပြီး ဗုဒ္ဓဘာသာ ၈၇.၉ ရာခိုင်နှုန်း ၊ ခရစ်ယာန် ၆.၂ ရာခိုင်နှုန်း၊ အစ္စလာမ် ၄.၃ ရာခိုင်နှုန်း ၊ ဟိန္ဒူဘာသာ ၀.၅ ရာခိုင်နှုန်း ရှိမှာဖြစ်တယ်လို့ ထုတ်ပြန်ပါတယ်။

ရခိုင်ပြည်နယ်မှာ ပြီးခဲ့တဲ့ဇွန်လပိုင်းကစပြီး အစိုးရရဲ့ ရက်တစ်ရာစီမံချက် အရ ၁၉၈၂ ခုနှစ်နိုင်ငံသားဖြစ်ခွင့် ဥပဒေနဲ့ အညီ စိစစ်ဆောင်ရွက်နေရာမှာ နိုင်ငံသားစိစစ်ခံယူခွင့်ကဒ် လို့ခေါ်တဲ့ (National Verification Card) NVC ကဒ်တွေကို ထုတ်ပေးနေရာမှာ မွတ်စလင်အများစုက လက်မခံကြပါဘူး။

RFA Burmese
http://www.rfa.org/burmese

(ဓာတ်ပုံ- မဇ္ဈိမ)

နေပြည်တော်(ဇူလိုင် ၂၁၊ ၂၀၁၆ခုနှစ်)။ ။ ဆရာ၊ ဆရာမများနှင့် ပညာရေးဌာနမှ ဝန်ထမ်းများအနေဖြင့် ကျောင်းသုံးပြဌာန်းစာအုပ်ကို လေ့လာထားရုံနှင့်မလုံလောက်ဘဲ ကိုယ်တိုင် သင်ယူလိုစိတ် ရှိဖို့ လိုအပ်သည်ဟု နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားလိုက်သည်။

"တစ်ကယ့်ပညာဆိုတာ ဘဝတစ်လျှောက်လုံး သင်ယူသွားရမယ့်ကိစ္စပဲ။ ကိုယ်တိုင်မှ ဘဝတစ်လျှောက် သင်ယူလိုတဲ့စိတ်မရှိရင် ဘယ်သူ့ကို ပညာပေးနိုင်မှာလဲ" ဟု ဒေါ်အောင်ဆန်းစုကြည်က ပြောသည်။

ဇူလိုင် ၂၁ရက်က နေပြည်တော်တွင်ပြုလုပ်သော ပညာရေးမြှင့်တင်မှု အကောင်အထည်ဖော်ရေး နှီးနှောဖလှယ်ပွဲ(အခြေခံပညာကဏ္ဍ)တွင် ဒေါ်အေင်ဆန်းစုကြည်က ထိုသို့ ပြောဆိုလိုက်ခြင်းဖြစ်သည်။

"ငါတို့ရဲ့ ပညာရေးစနစ်ကို ဘယ်လိုပိုပြီးတော့ကောင်းအောင် လုပ်နိုင်မလဲ။ ငါတို့ရဲ့ တပည့်တပန်းတွေ ပညာသင်တဲ့အခါမှာ ပိုပြီးတော့ ထက်မြက်အောင်၊ ပိုပြီးတော့ ပျော်ရွှင်အောင်၊ ပိုပြီးတော့ ပညာသင်ချင်တဲ့စိတ်ဖြစ်အောင် ဘယ်လိုလုပ်နိုင်မလဲဆိုတာ ဆရာ၊ ဆရာမတွေကိုယ်တိုင်က အမြဲပဲ သင်ယူချင်တဲ့စိတ်တွေရှိဖို့ လိုပါတယ်" ဟု ဒေါ်အောင်ဆန်းစုကြည်က ဆိုသည်။

ထို့ပြင် မူလတန်းပြဆရာ၊ ဆရာမများထက် အထက်တန်းနှင့် တက္ကသိုလ်မှ ဆရာ၊ ဆရာမများအား ပိုမို လေးစား၊ တန်ဖိုးထားခြင်းမှာလည်း မှားယွင်းသည့်လုပ်ရပ်ဟု ဒေါ်အောင်ဆန်းစုကြည်က ထောက်ပြသည်။

"တစ်ချို့နိုင်ငံတွေမှာ မူလတန်းဆရာ၊ ဆရာမများကို အထက်တန်းဆရာ၊ ဆရာမများထက်ပိုပြီး ကြီးတဲ့လစာပေးပါတယ်။ ဘာဖြစ်လို့လည်းဆိုတော့ မူလတန်းသင်ရတဲ့အလုပ်ဟာ အထက်တန်းသင်ရတဲ့ အလုပ်ထက် အခက်ခဲဆုံးပဲ၊ အရေးပါဆုံးပဲဆိုတာကို လက်ခံထားလို့ ဖြစ်ပါတယ်" ဟု ဒေါ်အောင်ဆန်းစုကြည်က ပြောသည်။

မြန်မာနိုင်ငံ၏ အခြေခံပညာဆရာ၊ ဆရာမများ၏ လုပ်ခလစာမှာမူ အထက်တန်းပြ ဆရာ၊ ဆရာမများက အများဆုံးရရှိပြီး မူလတန်းပြ ဆရာ၊ ဆရာမများက အနည်းဆုံးရရှိသည်။

မြန်မာနိုင်ငံတွင် အခြေခံပညာစာသင်ကျောင်း စုစုပေါင်း ၄၅၄၆၁ကျောင်း ရှိပြီး အခြေခံပညာ ကျောင်းသား၊ ကျောင်းသူဦးရေ ၈သန်းကျော်ရှိသည်ဟု ပညာရေးဝန်ကြီးဌာန၏ စာရင်းများအရ သိရသည်။
Mizzima - News in Burmese

 naymyolin-bbc-620.jpg မန္တလေး အိုးဘိုထောင်ကနေ ပြန်လည်လွတ်မြောက်လာတဲ့ BBC သတင်းထောက် ကိုနေမျိုးလင်း ကို ဇူလိုင်လ ၂၁ ရက်နေ့က တွေ့ရစဉ်
Photo: Hset Paing Toe/RFA

တာဝန်ချိန် သာမန်နာကျင်စေမှုနဲ့ ထောင်ဒဏ် ၃ လ ကျခံနေရတဲ့ BBC သတင်းထောက် ကိုနေမျိုးလင်း ဟာ အမှုအယူခံရခဲ့တဲ့အတွက် ဒီကနေ့ လွတ်မြောက်လာပါတယ်။

အခင်းဖြစ်စဉ်က သူ့အနေနဲ့ အပြစ်မရှိဘဲ အရေးယူခံခဲ့ရတာဖြစ်တယ်လို့ ကိုနေမျိုးလင်း က ပြောပါတယ်။

"တကယ်တန်း အပြစ်ရှိတာက ဗကသကျောင်းသားလေးကို ဆိုင်ကယ်ဆွဲလှဲတဲ့ ဒုတပ်ကြပ်အပေါ်မှာ အပြစ်ရှိ တယ်၊ သူ့ကို အရေးမယူတဲ့အပေါ် ရဲတပ်ဖွဲ့ရဲ့ အားနည်းချက်ဖြစ်မယ်၊ တကယ်တန်း မျှတစေချင်တယ်ဆိုရင် ကျနော့်ကို လွှတ်ပေးသလို ဒုတပ်ကြပ်ကိုလည်း အရေးယူပေးသင့်ပါတယ်၊ ခုလောလောဆယ် ထောင်ထဲ အခြေအနေကတော့ ရက် ၁ဝဝ စီမံကိန်းကြောင့် ရက် ၁ဝဝ က မသက်မသာဖြစ်နေတယ်၊ ထောင်ထဲမှာ လူက ၆၂ဝဝ ကျော်ဖြစ်တယ်၊ လူချင်းက အဆောင်တစ်ဆောင်မှာဆိုရင် တကယ်တန်းဆံ့တာက ၈ဝ၊ ၉ဝ လောက်ဆံ့တဲ့ အခန်းထဲမှာ လူ ၁၆၀ လောက်နေနေရတယ်"


မနှစ်က မတ်လ ၂၇ ရက်နေ့မှာ မန္တလေးဗကသကျောင်းသားတွေက ဒီမိုကရေစီပညာရေး သပိတ်မှောက် ကျောင်း သားတွေပြန်လွှတ်ပေးဖို့ ဆန္ဒပြကြရာမှာ ရဲနဲ့ ကျောင်းသားတွေ အပြန်အလှန်ရုန်းရင်း ဆန်ခတ်ဖြစ်နေချိန် ရဲတပ် ဖွဲ့ဝင်တစ်ဦးဖြစ်တဲ့ ဒုတပ်ကြပ် တစ်ဦးကို ကိုနေမျိုးလင်းက ကိုယ်ထိလက်ရောက် ကျူးလွန်လို့ဆိုပြီး တရားစွဲခံခဲ့ရ တာဖြစ်ပါတယ်။

ကိုနေမျိုးလင်းကို တာဝန်ချိန် သာမန်နာကျင်စေမှု ပုဒ်မ ၃၃၂ အရ မန္တလေးမြို့ ချမ်းမြသာစည်မြို့နယ် တရားရုံးက ပြီးခဲ့တဲ့ ဇွန်လ ၆ ရက်နေ့မှာ အလုပ်နဲ့ထောင်ဒဏ် ၃ လ ချမှတ်ခဲ့တာဖြစ်ပါတယ်။

အဲ့ဒီအတွက် ရဲနဲ့မီဒီယာအကြား ပြေလည်သင့်မြတ်မှုတွေကို ထိခိုက်မှုမရှိစေရေးအတွက် သက်ညာစွာပြန်လည် စဉ်းစားပေးဖို့ မန္တလေးခရိုင်တရားရုံးကို အယူခံတင်ခဲ့ရာမှာ ထောင်ဒဏ် ၃ လ ကို ၁ လနဲ့ ၁၅ ရက်ဆို ပြီး လျော့ပေါ့ပြင်ဆင် သတ်မှတ်ပေးခဲ့တာဖြစ်ပါတယ်။

ကိုနေမျိုးလင်းဟာ မန္တလေးအိုးဘိုအကျဉ်းထောင်မှာ ၁ လခွဲလောက် အပြစ်ကျခံခဲ့ရတာဖြစ်ပါတယ်။
RFA


ငြိမ်းချမ်းရေးဗိသုကာ ဆရာကြီး သခင်ကိုယ်တော်မှိုင်း ကွယ်လွန်တဲ့ ၅၂ ပြည့်နဲ့ ဂူဗိမာန် နှစ် ၅၀ ပြည့် အခမ်း အနားကို ရန်ကုန်မြို့ ရွှေတိဂုံဘုရား တောင်ဘက်မုခ်က ဆရာကြီး သခင်ကိုယ်တော်မှိုင်းဂူဗိမာန်မှာ ကျင်းပခဲ့ ပါတယ်။

ဆရာကြီး သခင်ကိုယ်တော်မှိုင်းရဲ့ ငြိမ်းချမ်းရေး နဲ့ ပတ်သက်တဲ့ သဘောထားတွေကို လူထုကြားကျယ်ကျယ် ပြန့်ပြန့် သိရှိနိုင်ဖို့ ကဗျာရွက်ဆိုပွဲတွေ၊ စာတမ်းဖတ်ပွဲတွေ ထည့်သွင်းပြီး ဒီနေ့ စတင်ကာ ၃ ရက်ကြာကျင်းပမှာ ဖြစ်တယ်လို့ ဆရာကြီးရဲ့ ဂူဗိမာန်ထိန်းသိမ်းစောင့်ရှောက်ရေးအဖွဲ့ဝင် ဦးထွန်းဝင်းငြိမ်း က ပြောပါတယ်။

"ဒီနေ့ ဗမာပြည်မှာ အလိုအပ်ဆုံးက ငြိမ်းချမ်းရေးပါပဲ၊ နိုင်ငံတော်အတိုင်ပင်ခံပုဂ္ဂိုလ်တို့ တပ်မတော်တို့ တိုင်းရင်းသား အင်အားစုတွေ လက်နက်ကိုင်အင်အားစုတွေရော အကုန်လုံးငြိမ်းချမ်းရေးကို အားသွန်ခွန် စိုက် ဆောင်ရွက်နေတဲ့ကာလလို့ ကျနော်တို့ ခံယူပါတယ်၊ ကျနော်တို့ကိုယ်တိုင်ကလည်း ဆရာကြီး သခင် ကိုယ်တော်မှိုင်း ပြည်တွင်းငြိမ်းချမ်းရေးအယူအဆကို ဆက်ခံပြီးတော့ ဆရာကြီး သခင်ကိုယ်တော်မှိုင်း ငြိမ်းချမ်းရေးကွန်ရက်ကို ဖွဲ့စည်းထားတာရှိပါတယ်၊ အဲ့ဒီအတွက် ပြည်သူလူထုကို ဆရာကြီး သခင် ကိုယ်တော်မှိုင်းရဲ့ ငြိမ်းချမ်းရေးနဲ့ ပတ်သက်လို့ ဒီလိုအတွေးအမြင်အယူအဆတွေ ကျယ်ကျယ်ပြန့်ပြန့် ပျံ့နှံ့စေချင်ပါတယ်"

ဒီနေ့စတင်ဖွင့်လှစ်တဲ့ အခမ်းအနားမှာ ငြိမ်းချမ်းရေး ကဗျာရွတ်ဆိုပွဲပြုလုပ်ခဲ့ကြပြီး စာရေးဆရာ ကဗျာဆရာ တွေက ဆရာကြီး သခင်ကိုယ်တော်မှိုင်း စပ်ဆိုခဲ့တဲ့ ငြိမ်းချမ်းရေး ကဗျာတွေ ရွတ်ဆိုဂုဏ်ပြုခဲ့ကြပါတယ်။

မနက်ဖြန် ဒုတိယနေ့မှာ ငြိမ်းချမ်းရေး စာတမ်းဖတ်ပွဲ ပြုလုပ်သွားမှာဖြစ်ပြီး ဆရာကြီးကွယ်လွန်တဲ့ ဇူလိုင်လ ၂၃ ရက်နေ့မှာ ဆရာတော် သံဃာတော်တွေကို ဆွမ်းကပ်လှုဒါန်းတာတွေ၊ ဆရာကြီး သခင်ကိုယ်တော်မှိုင်းနဲ့ ပတ်သက်တဲ့ အမှတ်တရ ဂုဏ်ပြု အခမ်းအနားတွေကို ကျင်းပသွားမှာဖြစ်ပါတယ်။

ငြိမ်းချမ်းရေး ဗိသုကာ ဆရာကြီး သခင်ကိုယ်တော်မှိုင်းကို လွန်ခဲ့တဲ့ ၁၈၇၆ ခုနှစ် မတ်လ ၂၆ ရက်နေ့မှာ ပြည် ခရိုင် ရွှေတောင်မြို့နယ် ၀ါးလည်ရွာမှာ မွေးဖွားခဲ့တာဖြစ်ပြီး ၁၉၆၄ ခုနှစ် ဇူလိုင်လ ၂၃ ရက်နေ့မှာ ကွယ်လွန်ခဲ့ တာဖြစ်ပါတယ်။

ဆရာကြီး သခင်ကိုယ်တော်မှိုင်းဟာ နယ်ချဲ့ဆန့်ကျင်ရေး၊ ဖက်ဆစ်ဂျပန်ဆန့်ကျင်ရေးတို့မှာ စာရေးဆရာ ကဗျာ ဆရာ တစ်ဦးအဖြစ် သာမက တို့ဗမာ အစည်းအရုံးမှာ နာယကတစ်ဦး အနေနဲ့ပါ ပါဝင်ခဲ့သူဖြစ်ပါတယ်။

မကွန်လွန်ခင်အချိန်အထိ ပြည်တွင်းငြိမ်းချမ်းရေးကို တစိုက်မတ်မတ် ဦးဆောင်တောင်းဆိုခဲ့သူဖြစ်ပါတယ်။
RFA

Author Name

Contact Form

Name

Email *

Message *

Powered by Blogger.