07/28/16


တအာင်းပလောင်တပ်
KIO ထိန်းချုပ်ရာ မိုင်ဂျာယန်မြို့မှာ ပြုလုပ်နေတဲ့ တိုင်းရင်းသားလက်နက်ကိုင်များ ညီလာခံကို မတတ်ရောက်နိုင်တဲ့ အဖွဲ့အစည်းအချို့ထဲမှာ TNLA ခေါ် တအာင်းပလောင်တပ်လည်း ပါဝင်ပါတယ်။ TNLA ဟာ မြန်မာအစိုးရတပ်တွေနဲ့ ဒီကနေ့အထိ ပစ်ခတ်မှုတွေ ရှိနေသလို၊ နယ်မြေတွင်းမှာရှိ ရှမ်းပြည်တောင်ပိုင်းတပ်နဲ့လည်း ထိပ်တိုက်တွေ့မှုတွေ ရှိနေတဲ့အဖွဲ့အစည်းပါ။ သူတို့အနေနဲ့ ငြိမ်းချမ်းရေးကို လိုလားပေမယ့်၊ မြန်မာစစ်တပ်ဖက်က လုံးဝ လက်နက်ချဖို့ ဖိအားပေးနေတဲ့အခြေအနေကြောင့်ရော RCSS ခေါ် ရှမ်းတောင်ပိုင်းတပ်တွေနဲ့ စစ်ရေးထိပ်တိုက်ဖြစ်နေတဲ့အခြေအနေကြောင့်ပါ မိုင်ဂျာရမ်ညီလာခံကို မတတ်ရောက်နိုင်ခဲ့တာလို့ TNLA ပြောခွင့်ရသူ တာပန်လ က ဗွီအိုအေကို ပြောပါတယ်။ TNLA တာဝန်ရှိသူ တာပန်လကို ဗွီအိုအေက ကိုသားညွန့်ဦး ဆက်သွယ်မေးမြန်းထားတာပါ။

“အဓိကတော့ ကျနော်တို့ဆီမှာ အကြောင်းအရင်း ၂ ချက်ရှိပါတယ်။ တချက်ကတော့ မိုင်ဂျာယန်မှာသွားကြတဲ့ ကျနော်တို့ မဟာမိတ်အဖွဲ့အစည်းတွေက တော်တော်များများ အနည်းနဲ့အများကတော့ မြန်မာအစိုးရနဲ့ တွေ့ဆုံညှိနှိုင်းမှု တစုံတရာရှိထားပြီးသားအဖွဲ့တွေဖြစ်တယ်။ ကျနော်တို့ကျတော့ အခုအချိန်အထိ မြန်မာတပ်မတော်ကော မြန်မာအစိုးရကော ကျနော်တို့ကို လက်နက်ချမှ ငြိမ်းချမ်းရေးဖြစ်စဉ်ထဲကို ပါဝင်ခွင့်ရမယ်ဆိုတဲ့ပုံစံမျိုး ပြောဆိုထားတာရှိတယ်။ ဆိုတော့ အဲဒီလိုမျိုးအနေအထား မတူတဲ့အောက်မှာ ကျနော်တို့ဘက်က သွားလိုက်မယ်ဆိုရင် အခြားမဟာမိတ်တွေအတွက် အစည်းအဝေးတွေမှာ ကြန့်ကြာမှု့တွေ အစည်းအဝေးတွေမှာ ဖြစ်မှာကို ကျနော်တို့ဘက်က စိုးရိမ်တယ်ပေါ့လေ။

နောက်တခုက အခု မိုင်ဂျာယန်မှာလုပ်တဲ့ပွဲက အထူးသဖြင့် ဦးဆောင်တာက အိမ်ရှင် KIO နဲ့ RCSS အဖွဲ့အစည်းဖြစ်တယ်။ RCSS အဖွဲ့အစည်းနဲ့က ကျနော်တို့ တိုက်ပွဲအရမ်းပြင်းထန်တဲ့ကာလဖြစ်တယ်။ ကျနော်တို့ဘက်က တွေ့ဆုံညှိနှိုင်းဖို့တောင်းဆိုထားပေမယ့်လည်း သူတို့ဘက်က တရက်ပြီးတရက်ရွေ့နေတယ် အခုအချိန်အထိ မတွေ့ဆုံရသေးဘူး။ ဆိုတော့ ဒီပွဲကို ကျနော်တို့ သွားလိုက်မယ်ဆိုရင်ဆွေးနွေးမှုတွေဖြစ်သွားပြီးတော့လေ ကျန်တဲ့ညီလာခံ ဦးတည်ချက်တွေမရောက်သွားပဲနဲ့ ပိုမိုပြီး ကြန့်ကြာသွားမှာကို ကျနော်တို့ဘက်က စိုးရိမ်မှုရှိတယ်ပေါ့။ အဲဒါကြောင့်မို့လို့ မသွားဖို့ ကျနော်တို့ဘက်က ဆုံးဖြတ်ချက်ချလိုက်တာပေါ့။

မေး။ ။ ဟုတ်ကဲ့ခင်ဗျ ။ ခုနက တာပန်လ ပြောသွားတဲ့အထဲမှာ ၂ ချက်တွေ့ပါတယ်။ ပထမတချက်ကတော့ လက်ရှိဆွေးနွေးနေတဲ့ တိုင်းရင်းသားအဖွဲ့အစည်းတွေနဲ့ အခြေအနေမတူတဲ့ အနေအထားပေါ့။ ဒုတိယအချက်ကတော့ RCSS နဲ့ ဖြစ်တဲ့ ပြဿနာပေါ့။ ကျနော် ပထမအချက်ကို အဓိကဇောင်းပေးပြီးတော့ မေးချင်ပါတယ်ခင်ဗျ။ အဲဒီတော့ တာပန်လ တို့က မိုင်ဂျာယန်ညီလာခံ မတက်ဘူးဆိုတဲ့အခါကျတော့ လက်ရှိအစိုးရသစ်ကလုပ်နေတဲ့ ၂၁ ရာစုပင်လုံ ညီလာခံနဲ့ပတ်သက်လို့ရော ဘယ်လိုသဘောထားရှိသလဲ။ တက်ဖို့ကော စဉ်းစားတာရှိလား။

ဖြေ။ ။ အစိုးရသစ်နဲ့ ကျနော်တို့ ပူးပေါင်းဆောင်ရွက်မှုလုပ်လိုပါတယ်။ ပူးပေါင်းဆောင်ရွက်ဖို့လည်း အဆင်သင့် ရှိပါတယ်။ ဒါပေမယ့် အခုအချိန်အထိတော့ ကျနော်တို့နဲ့ တွေ့ဆုံညှိနှိုင်းဖို့တော့ မဖြစ်သေးဘူးပေါ့လေ။ တွေ့ဆုံညှိနှိုင်းမှုတွေရှိသွားပြီဆိုရင်တော့ ကျနော်တို့ အဲဒီသဘောထားတွေ ပြောဆိုလို့ရမှာဖြစ်ပါတယ်။

မေး။ ။ လက်တလောမှာတော့ အစိုးရကနေ ငြိမ်းချမ်းရေး ကော်မတီတရပ်ဖွဲ့ထားတာရှိပါတယ်။ ငြိမ်းချမ်းရေး ကော်မတီကရော TNLA ကိုဆက်သွယ်တာ ၊ မေးမြန်းတာ ၊ တီးခေါက်တာမျိုးကောမရှိဘူးလား။

ဖြေ။ ။ သူတို့တွေအနေနဲ့ အကြိုပြင်ဆင်ရေးကော်မတီ ဆပ်ကော်မတီ ၂ ကနေပြီးတော့ ၀ နဲ့ မိုင်းလားတွေကို သွားတွေ့တဲ့အချိန်မျိုးမှာ ကျနော်တို့ဘက်က ၀နဲ့ မိုင်းလားတွေရဲ့ စီစဉ်ပေးမှုကြောင့် ကျနော်တို့ဘက်က အလွတ်သဘော ၊ အလွတ်သဘောဆိုပေမယ့် မိတ်ဆက်တဲ့သဘောအနေအထားတော့ ကျနော်တို့ မိနစ် ၃၀ နီးပါးလောက် တွေ့ဆုံဖြစ်ပါတယ်။ ဒါပေမယ့် တရားဝင်ဆွေးနွေးပွဲတော့ အခုအချိန်အထိ မဖြစ်သေးဘူးပေါ့လေ။ တရားဝင်ဆွေးနွေးပွဲဖြစ်ဖို့အတွက်က တပ်မတော်ဘက်ကနေပြီးတော့ အနည်းဆုံး လက်နက်စွန့်ရမယ်ဆိုတဲ့ ကတိက၀တ်ကို ထုတ်ပြန်ကြေညာချက်ပေးရမယ်။ အဲဒီလိုမျိုးလက်နက်စွန့်ရမယ်လို့ ကတိက၀တ်ပေးမှသာလျှင် သူတို့ဘက်က တရားဝင်ဆွေးနွေးမှုပြုလုပ်နိုင်မယ်လို့ အဲဒီလိုမျိုးကျနော်တို့ကို ဖိအားပေးထားတာမျိုးတွေရှိပါတယ်။

မေး။ ။ တပ်မတော်ဘက်ကနေပြီးတော့ TNLA ကို လက်နက်ချမှ စကားပြောနိုင်မယ်ဆိုတာက တရားဝင်ပြောတာလား၊ ဘယ်ကတဆင့်ပြောတာလဲ။

ဖြေ။ ။ ခုနက ဒီမိတ်ဆက်ပွဲမှာ တရားဝင်ပြောတာမျိုးရှိသလို သူတို့ ကိုယ်စားလှယ်တွေဘက်ကနေတဆင့် အထူးသဖြင့် တပ်မတော်ကိုယ်စားလှယ်တွေ ဖြစ်ကြတဲ့ ဦးခင်ဇော်ဦးတို့ ၊ ဦးတင့်ဇော်တို့ကနေတဆင့် လည်း ပြောဆိုလာတာမျိုးတွေရှိပါတယ်။

မေး။ ။ ဒီ ၂၁ ပင်လုံ ညီလာခံ တက်၊ မတက်ဆိုတာ မသေချာသေးတဲ့အခြေအနေမှာ တဘက်မှာလည်း မိုင်ဂျာယန် တိုင်းရင်းသားညီလာခံကိုလည်း TNLA က မတက်ဘူးဆိုတော့ လက်ရှိသွားနေတဲ့လုပ်ငန်းစဉ်မှာ ကိုယ်က သီးသန့်လိုမဖြစ်နေဘူးလား။ တစုံတရာအခွင့်အရေး ကိုယ့်ဘက်က လွတ်သွားတယ်လို့ရော မတွက်မိဘူးလား။

ဖြေ။ ။ ကျနော်တို့ဘက်က ပူးပေါင်းပါဝင်ဖို့ အထူးသဖြင့် ဒီအစိုးရသစ်နဲ့ ပူးပေါင်းပါဝင်ပြီးတော့ ဒီနိုင်ငံကို ပြန်လည်တည်ဆောက်ပြီးတော့ ဒီပြည်တွင်းစစ် ချုပ်ငြိမ်းသွားဖို့ ကျနော်တို့ဘက်က ဆန္ဒရှိပါတယ်။ ဒါပေမယ့် ယခုအချိန်အထိ အစိုးရကနေပြီးတော့ လာရောက်ပြီးတော့ တွေ့ဆုံညှိနှိုင်းတာလည်း မရှိသေးတဲ့အတွက် ဒီ ကျနော်တို့ တပ်ဖွဲ့နဲ့ အခြေအနေမတူတဲ့ အချိန်မျိုးမှာ ကျနော်တို့အပေါ်မှာရှိနေတဲ့အခက်အခဲက ကျန်တဲ့လူတွေ ၊ ကျန်တဲ့မဟာမိတ်အဖွဲ့အစည်းတွေအပေါ် သက်ရောက်သွားတာမျိုးကို ကျနော်တို့ဘက်က မလိုလားပါဘူး။ ကျနော်တို့လဲ အဲဒီအပိုင်းမှာ စိုးရိမ်မှုရှိပါတယ်။”

သားညွန့်ဦး / ဗွီအိုအေ (မြန်မာပိုင်း)
http://burmese.voanews.com

ရခိုင်ပြည်နယ် မောင်တောမြို့နယ် အမှတ်(၂) နယ်ခြားစောင့်ရဲတပ်ဖွဲ့ခွဲ လက်အောက်ခံ ကျောက်ပန္တုရဲကင်းစခန်းထဲ မှာ ဖွက်ထားတဲ့ WY မူးယစ်ဆေးပြားအရေအတွက် ၃ သိန်းနီးပါးကို မနေ့က ဖမ်းဆီးရမိခဲ့ပါတယ်။

အမှတ် (၂)နယ်ခြားစောင့် ရဲတပ်ခွဲမှူး ဒုတိယရဲမှူးကြီး တင့်ဇော်ဦးနဲ့ တပ်ဖွဲ့ဝင်တွေက ဝင်ရောက်ရှာဖွေခဲ့ရာမှာ အဲ့ဒီမူးယစ်ဆေးဝါးတွေကို ရဲကင်းစခန်းထဲက စားဖိုဆောင်ခန်း မြေကြီးထဲမှာသိုဝှက်မြှုပ်နှံထားတာကို တွေ့ရှိ ခဲ့ပါတယ်။

ဖမ်းဆီးမိတဲ့ မူးယစ်ဆေးဝါးတွေဟာ ဒေသပေါက်ဈေးအရ ဆေးပြား တစ်ပြားကို ကျပ် နှစ်ထောင်နှုန်းနဲ့ တွက်ချက်ရင် ငွေကျပ် သိန်းပေါင်း ၅၈ဝဝ ကျော် တန်ဖိုးရှိပါတယ်။

အခုလိုတွေ့ရှိမှုနဲ့ ပတ်သက်ပြီး ကျောက်ပန္တုရဲကင်းစခန်းက ရဲကင်းမှူး မောင်မောင်လေး အပါအဝင် နယ်ခြားစောင့်ရဲတပ်ဖွဲ့ဝင် ၇ ဦးကို အလယ်သံကျော်နယ်မြေရဲစခန်းမှာ ဖမ်းဆီးထိန်းသိမ်းထားတယ်လို့လည်း သိရပါတယ်။

နယ်ခြားစောင့်ရဲတပ်ဖွဲ့ဝင်တွေဆီကနေ မူးယစ်ဆေးဝါးတွေကို ဖမ်းဆီးရမိတာနဲ့ ပတ်သက်ပြီး မောင်တောမြို့ အခြေစိုက် နယ်ခြားစောင့်ရဲကွပ်ကဲရေးမှူး ရဲမှူးချုပ် မောင်မောင်ခိုင်ထံRFA က ဆက်သွယ်မေးမြန်းခဲ့ရာမှာ ဖုန်းလက်ခံဖြေဆိုသူက သူတို့ ဘာမှမသိရှိကြောင်းနဲ့ သက်ဆိုင်ရာ ကျောက်ပန္တုရဲကင်းစခန်းကိုသာ ဆက်သွယ်မေးမြန်းဖို့ ပြောကြားခဲ့ပါတယ်။
RFA


ဝမ်းပျက်ဝမ်းလျှောရောဂါစတင်ဖြစ်ပွားခဲ့တဲ့ ပဲခူးတိုင်း ပြည်မြို့ န၀င်းနယ်မြေက ရပ်ကွက်တချို့ကို ဇူလိုင် ၂၇ ရက်နေ့က တွေ့ရစဉ်။ Photo: Aung Thain Kha/ RFA
ပဲခူးတိုင်း ပြည်မြို့မှာ ဖြစ်ပွားနေတဲ့ ပြင်းထန်ဝမ်းပျက်ဝမ်းလျှောရောဂါ ပျံ့နှံ့မှုကို လက်ရှိအချိန်မှာ ထိန်းချုပ်ထားနိုင်ပြီး လိုအပ်တဲ့ ကာကွယ်ရေး၊ ကုသရေးတွေ ကို ဆောင်ရွက်နေတယ်လို့ ပြည်ခရိုင် ဆေးရုံအုပ်ကြီးက ပြောပါတယ်။

သာမန် ၀မ်းပျက်ဝမ်းလျှောရောဂါကနေ ကူးစက်မြန်တဲ့ ပြင်းထန်ဝမ်းပျက် ၀မ်းလျှောရောဂါပိုး ရှိနေတာကို တွေ့ရှိခဲ့ပြီး ခုချိန်မှာ ရောဂါပျံ့နှံ့မှုကို ထိန်းချုပ်ထားနိုင် ပြီဖြစ်တယ်လို့ ပြည်ခရိုင် ဆေးရုံအုပ်ကြီး ဦးတင့်ရွှန်း က ပြောပါတယ်။

"၀မ်းပျက်ဝမ်းလျှောရောဂါက ခါတိုင်းထက် သိသိသာသာတိုးလာတယ်၊ အဲ့ဒီထဲကမှ အပြင်းအထန် ၀မ်းပျက် ၀မ်းလျှောရောဂါ ပါလာတာပေါ့ဗျာ၊ ခုလက်ရှိအနေအထားက ကျနော်တို့ကို လာကူပေးတဲ့ ရောဂါရှာဖွေရေး အထူးကုဆရာဝန်ကြီးတွေရယ်၊ ပဲခူးတိုင်းဒေသကြီးက တာဝန်ရှိတဲ့ပုဂ္ဂိုလ်တွေရယ်၊ လွှတ်တော်ကိုယ်စား လှယ်တွေရယ်၊ ပြည်သူတွေရယ် ပူးပေါင်းပါဝင်ပြီးတော့ ကျနော်တို့ တိုက်ဖျက်နေတယ်၊ ရောဂါထိန်းချုပ် ကာကွယ်တဲ့လုပ်ငန်းတွေ ပိုပြီးတော့ ထိရောက်မြန်ဆန်လာတာကို တွေ့ရတယ်"

န၀င်းနယ်မြေက ရပ်ကွက်တချို့မှာ ရောဂါစတင်ဖြစ်ပွားခဲ့တာဖြစ်ပြီး ပြည်ခရိုင် ဆေးရုံမှာ အတွင်း လူနာအဖြစ် တက်ရောက်ခဲ့သူ ၁၅၀ ကျော်ရှိခဲ့တာဖြစ်ပါတယ်။

အခုဆိုရင် အတွင်းလူနာအဖြစ်နဲ့ တက်ရောက်သူ ၃၉ ဦးသာ ကျန်ရှိပြီး ပြင်ပလူနာဌာနမှာ ဆေးကုသသူ ၃၀ နီးပါးရှိခဲ့ပါတယ်။

လက်ရှိမှာ ရောဂါပျံ့နှံ့နေတဲ့ ရပ်ကွက်နဲ့ ကျေးရွာတွေမှာ ကျန်းမာရေးအသိပညာရေးတာတွေ၊ ကျေးရွာသန့်ရှင်းရေး လုပ်တာတွေကို ကျန်းမာရေးဝန်ကြီးဌာန၊ တိုင်းအစိုးရအဖွဲ့ဝင်တွေနဲ့ အရပ်ဖက်လူမှုအဖွဲ့အစည်းတွေ ပူးပေါင်းဆောင် ရွက်နေကြပါတယ်။

လတ်တလော ပြည်မြို့မှာ ၀မ်းနူးစာတွေဖြစ်တဲ့ မုန့်ဟင်းခါး၊ အသုတ်၊ တုတ်ထိုး စတဲ့ ဈေးဆိုင်တွေကို ယာယီပိတ်သိမ်းခိုင်းထားပြီး စိတ်ချရတဲ့ အနေအထားရောက် မှသာ ပြန်လည်ဖွင့်ခွင့်ပေးမှာ ဖြစ်ပါတယ်။

RFA Burmese
http://www.rfa.org/burmese



 ဘာသာရေး ခေါင်းဆောင်တွေ အီလီဆီ နန်းတော်မှာ စည်းဝေးခဲ့ကြ။
ပြင်သစ် နိုင်ငံမှာ ကက်သလစ် ဘုန်းတော်ကြီး တစ်ပါး အင်္ဂါနေ့က အသတ်ခံခဲ့ ရပြီးနောက် ဝတ်ပြုတဲ့ နေရာတွေမှာ လုံခြုံရေးတွေ တိုးမြှင့် ချထားပေးဖို့ ပြင်သစ် ဘာသာရေး ခေါင်းဆောင်တွေက တောင်းဆို လိုက်ပါတယ်။

ပြင်သစ် သမ္မတ ဖရန်ဆွာ ဟော်လွန်းဒ်က ခရစ်ယာန်၊ မွတ်ဆလင်၊ ဂျူးနဲ့ ဗုဒ္ဓဘာသာ ကိုယ်စားပြု ဘာသာရေး ခေါင်းဆောင်တွေကို တွေ့ဆုံ ခဲ့ပြီးနောက် သူတို့က ဘာသာရေး ဆိုင်ရာ ဝတ်ပြုရာ နေရာတွေမှာ လုံလောက်တဲ့ လုံခြုံရေး အစီအမံတွေ ထားရှိ စေချင်တယ်လို့ ပြောခဲ့တာပါ။

အသက်အရွယ် ကြီးရင့်ပြီ ဖြစ်တဲ့ ကက်သလစ် ဘုန်းတော်ကြီး Jacques Hamel ဟာ အင်္ဂါနေ့ မနက်က ဘုရားကျောင်း အတွင်း စုဝေး ဝတ်ပြုချိန်အတွင်း ဂျီဟတ် ဝါဒီ နှစ်ယောက်ရဲ့ သတ်ဖြတ်တာကို ခံခဲ့ရပါတယ်။

အဲဒီ သတ်ဖြတ်မှု ဖြစ်ပွားပြီးနောက် သမ္မတ ဟော်လွန်းဒ်က ရုပ်သံက တဆင့် ပြောရာမှာ ပြင်သစ်နဲ့ ဥရောပ အနေနဲ့ အခုလို ဆိုးဆိုးရွားရွား ခြိမ်းခြောက် ခံရမှုမျိုးကို အရင်က တစ်ခါမှ မကြုံခဲ့ရဖူးကြောင်း၊ ဒါပေမယ့် အကြမ်းဖက် ဆန့်ကျင်ရေး ဥပဒေတွေက ခိုင်ခိုင်မာမာ ရှိနေပြီ ဖြစ်ကြောင်း ပြောခဲ့ပါတယ်။

တိုက်ခိုက်သူ နှစ်ဦးကို ရဲတပ်ဖွဲ့က ပစ်သတ် ခဲ့ပါတယ်။

နိစ်မြို့မှာ ၈၄ ဦး သေဆုံးခဲ့တဲ့ တိုက်ခိုက်မှု အပြီး ၁၂ ရက် အကြာမှာ အခုလို ဘုန်းတော်ကြီးကို သတ်ဖြတ်မှု ထပ်မံ ပေါ်ပေါက် လာတာ ဖြစ်ပါတယ်။

အင်္ဂါနေ့က တိုက်ခိုက်မှုဟာ Rouen မြို့ ဆင်ခြေဖုံးမှာ ရှိတဲ့ သာမန် ကက်သလစ် ဘုရားကျောင်း တစ်ကျောင်းမှာ ပေါ်ပေါက် ခဲ့တာပါ။

BBC Burmese
http://www.bbc.com/burmese/


(ဓာတ်ပုံ-မြန်မာနိုင်ငံ ကျောက်မျက်ရတနာ လုပ်ငန်းရှင်များအသင်း)
ပထမ ၅ နှစ် သက်တမ်းပြည့်သွားတဲ့ ကျောက်စိမ်း၊ ကျောက်မျက် လုပ်ကွက်ပေါင်း ၃၀၀ ကျော်ကို နောက်ထပ် သက်တမ်း ထပ်တိုး မပေးတော့ဘူးလို့ သဘာဝပတ်ဝန်းကျင် ထိန်းသိမ်းရေး ၀န်ကြီးဌာနက ပြောဆိုပါတယ်။

အစိုးရဘက်က ကျောက်စိမ်း၊ ကျောက်မျက် တူးဖော်မှုကို အတိုင်းအတာ တခုအထိ လျှော့ချဖို့ ဆောင်ရွက်လာတာလို့ ကျောက်မျက်လုပ်ငန်းရှင်တွေက ကြိုဆိုပါတယ်။ တချိန်တည်းမှာလည်း ကျောက်မျက်ရတနာဆိုင်ရာ မူဝါဒတွေ တသမတ်တည်းဖြစ်ဖို့နဲ့ တရားဥပဒေ စိုးမိုးရေးကိုလည်း အာရုံစိုက် လုပ်ဆောင်လို့ လိုအပ်တယ်လို့ ထောက်ပြပါတယ်။ အသေးစိတ်ကို မသိင်္ဂီထိုက် က စုစည်း တင်ပြထားပါတယ်။

အရင် အစိုးရလက်ထက်က ချထားပေးခဲ့တဲ့ ကျောက်စိမ်းနဲ့ ကျောက်မျက် လုပ်ကွက်များစွာထဲက အခု ဇူလိုင်လမှာ ၅ နှစ် သက်တမ်းပြည့်သွားတဲ့ လုပ်ကွက် ၃၁၀ တို့ကို ထပ်မံ သက်တမ်း တိုးမပေးတော့ဘူးလို့ သယံဇာတနဲ့ သဘာဝပတ်ဝန်းကျင် ထိန်းသိမ်းရေးဝန်ကြီးဌာနက ပြောပါတယ်။ သယံဇာတနဲ့ သဘာဝပတ်ဝန်းကျင် ထိန်းသိမ်းရေး ၀န်ကြီးဌာနရဲ့ ညွှန်ကြားရေးမှူးချုပ် ဦးဝင်းထိန်က သက်တမ်းပြည့်သွားတဲ့ လုပ်ကွက်တွေကို ထပ်ချ မပေးတော့ဘူးလို့ ဗွီအိုအေကို ပြောပါတယ်။

ကျောက်စိမ်း၊ ကျောက်မျက် လုပ်ကွက်တွေကို သက်တမ်းပြည့် ပိတ်လိုက်တာက အစိုးရသစ်ရဲ့ ဆောင်ရွက်ပုံ ပြောင်းလဲလာတာ ဖြစ်တယ်လို့ မြန်မာနိုင်ငံ ကျောက်မျက်လုပ်ငန်းရှင်အသင်းရဲ့ ဒုတိယ ဥက္ကဌ ဦးမြင့်ဟန်က ပြောပါတယ်။

“လုပ်ငန်းလုပ်ကွက်တကွက်ဟာ ၅ နှစ်ပေးမယ်၊ ၅ နှစ်ပေးပြီးလို့ရှိရင် နောက်ထပ် ၃ နှစ်၊ နောက်ထပ် ၃ နှစ်တခါပေးမယ်။ ၃ နှစ်တခါ ပေးပြီးရင် နောက်ထပ် ၂ နှစ်တခါပေးမယ်။ အဲ့လိုပြည့်သွားလို့ ဒီကျောက်က မပြီးသေးဘူး၊ ဒီကျောက်က ကျောက်ကျောကောင်းနေသေးတယ်၊ ဆက်ပြီးတော့ တူးချင်တယ်ဆိုရင်တော့ သူက လက်ငုပ်လက်ရင်းအနေနဲ့ သူ မရဘူး။ လေလံပြန်ဆွဲရတော့မယ်။ ဒီ့ပြင်လူတွေနဲ့ အပြိုင်ပေါ့နော်။ အခုတော့ ဆက်တိုးမပေးတော့တာပေါ့နော်။ အခုလောလောဆယ် ပိတ်မယ်။ နောက်ပြီးတော့မှ တခုခု လုပ်မှာပေါ့နော်။ ဒါ ဘယ်လိုသဘောတူညီချက်တွေနဲ့ လုပ်ရင် ကောင်းမလဲ။ အခု ဆွေးနွေးနေတဲ့ အကြီးစားတွေ လုပ်မလား၊ အလတ်စားတွေ လုပ်မလား၊ အကြီးစားတွေကို ဘယ်လောက်ပေးမလဲ၊ အလတ်စားတွေကိုရော ဘယ်လောက် ပေးမလဲ ဆိုတဲ့ဟာမျိုး လုပ်မှာပေါ့နော်။”

အခု ဇူလိုင်လမှာ သက်တမ်းကုန်မယ့် လုပ်ကွက်တွေကတော့ လုံးခင်း- ဖားကန့်က လုပ်ကွက် ၉၃ ခု၊ ခန္တီး-ရတနာမြေက ၃၆ ခု၊ မိုးညှင်း-ရတနာမြေက လုပ်ကွက် ၁၅၁ ခု၊ နောက် မိုးကုတ်၊ မိုင်းရှူးနဲ့ နမ့်ယားဆိပ် ရတနာမြေက လုပ်ကွက် ၃၀ တို့ ပါဝင်ပါတယ်။ ကျောက်စိမ်း၊ ကျောက်မျက် တူးဖော်ထုတ်လုပ်မှုကို အတိုင်းအတာ တခုအထိ လျှော့ချဖို့ အစိုးရသစ်ရဲ့ ဆောင်ရွက်ချက်ကို ကျောက်မျက်လုပ်ငန်းရှင် အသင်းကလည်း ကြိုဆိုပါတယ်။

“တချို့တွေဆီမှာကလည်း တကယ်တမ်းပြောရရင်တော့ တအားကို များနေတာတွေရှိတယ်။ တချို့ပိုင်ရှင်တွေဆီမှာပေါ့နော်။ တချို့သိပ်များနေတဲ့သူတွေကလည်း ဒီလောက်ကြီးတော့ အများကြီး မတူးစေချင်တော့ဘူးပေါ့နော်။ အခု အပြင်မှာလည်း တချို့ဆီမှာဆိုရင် လက်ထဲမှာပေါ့နော် ကျောက်တွေက အများကြီးရှိပါတယ်။ သွေးပြီးသားကျောက်တွေပေါ့နော်။ ဒါတွေကို ဒီလိုပဲ ထပ်တူးဦးမယ်ဆိုရင်တော့ ဒီထက်လည်း များမှာပေါ့နော်။ အဲတော့ အကောင်းဆုံးကပေါ့နော် အခိုက်အတန့်ပေါ့နော် လျှော့ချစေချင်တယ်ပေါ့။ လက်ရှိကလည်း သူတို့ရဲ့ လုပ်ငန်းတွေက ရှိသေးတာကိုး။ သူတို့ ရင်းနှီးမြှုပ်နှံထားတဲ့သူတွေ ရှိသေးတယ်။ လောလောဆယ် ရင်းနှီးမြှုပ်နှံထားတဲ့ လူတိုင်းမှာလည်း အားလုံးကတော့ အောင်မြင်နေတဲ့သူတွေတော့ မဟုတ်ဘူး။ နောက်ပြီးတော့ အဲဒီကုမ္ပဏီတွေ၊ အဲဒီလုပ်ငန်းရှင်တွေကိုလည်း မှီခိုစားသောက်နေကြသူတွေ အများကြီးရှိတယ်။ အဲဒီတော့ကာ သင့်တင့်မျှတတာပေါ့နော်၊ အရင်တုန်းကလောက်တော့ မတူးစေချင်တော့ဘူး။ အရင်တုန်းကလောက် ဒီထက်ဒီထက် တူးမယ်ဆိုရင် နည်းနည်းတော့ အရှိန်သတ်စေချင်ပါတယ်။ နည်းနည်း အရှိန်သတ်လိုက်မယ်ဆိုရင်တော့ ပိုပြီးတော့ သင့်တော်မယ်လို့ ထင်တယ်။ လုံးဝကို အပြီး ရပ်လိုက်တာမျိုးလည်း မကောင်းပါဘူး။”

အခု အစိုးရလက်ထက်မှာတော့ ကျောက်စိမ်း၊ ကျောက်မျက် ဖော်ထုတ်လုပ်ကွက်တွေရော၊ သတ်မှတ်လုပ်ကွက်တွေရော လုပ်ကွက်အသစ်တွေကို ပိတ်ထားပါတယ်။ နိုင်ငံတ၀န်း ရတနာမြေတွေမှာ မတူးရသေးတဲ့ ကျောက်မျက်လုပ်ကွက် အသစ်တွေကတော့ ကျန်ရှိနေသေးတယ်လို့လည်း ကျောက်မျက်လုပ်ငန်းရှင်အသင်းရဲ့ ဒုဥက္ကဌ ဦးမြင့်ဟန်က ပြောပါတယ်။

“မိုးကုတ်လည်း အများကြီးကို ကျန်ပါသေးတယ်။ ကျောက်စိမ်းလည်း အများကြီး ကျန်ပါသေးတယ်။ ကျောက်ဆိုတာကတော့ မတူးရသေးတဲ့နေရာ ဆက်တူးကြတာပဲပေါ့နော်။”

ကျောက်စိမ်းနဲ့ ကျောက်မျက် တူးဖော်ထုတ်လုပ်ရေး လျှော့ချဖို့ အစိုးရသစ်ရဲ့ ဆောင်ရွက်ချက်တွေကို ကြိုဆိုပေမဲ့လည်း ကျောက်စိမ်း၊ ကျောက်မျက် လုပ်ငန်းမှာ တိကျတဲ့ မူဝါဒတွေ မရှိသေးသလို ရတနာမြေတွေမှာ တရားမ၀င် တူးဖော်မှုတွေကို ထိထိရောက်ရောက် မကိုင်တွယ်နိုင်သေးဘူးလို့လည်း ကျောက်မျက်လုပ်ငန်းရှင်အသင်းက ပြောပါတယ်။ ကျောက်စိမ်း ရောင်းချမှုမှာလည်း အထူးကုန်စည်ခွန်အဖြစ် တိုးကောက်လိုက်တာကြောင့် ကျောက်မျက်လုပ်ငန်းရှင်တွေကြား အထိနာရတယ်လို့လည်း ကျောက်မျက်လုပ်ငန်းရှင်အသင်းက ပြောပါတယ်။

 မသိင်္ဂီထိုက် / ဗွီအိုအေ (မြန်မာပိုင်း)
http://burmese.voanews.com



တူရကီ အာဏာပိုင်တို့က ဒါဇင်နဲ့ချီတဲ့ သတင်းထောက်တွေကို ထပ် ဖမ်းဖို့ အမိန့်ထုတ်ထားပါတယ်။
ဒီလ အစောပိုင်း တူရကီနိုင်ငံက စစ်အာဏာသိမ်း ကြိုးပမ်းမှုကို အဓိက စီစဉ်သူလို့ အစိုးရက ပြောဆိုနေတဲ့ အမေရိကန် အခြေစိုက် မူဆလင် ဘာသာရေးဆရာနဲ့ အဆက်အစပ် ရှိတယ်ဆိုတဲ့ စွပ်စွဲချက်နဲ့ သတင်းထောက်တွေကို ဖမ်းမိန့်ထုတ်လိုက်တာ ဖြစ်ပါတယ်။

ဗုဒ္ဓဟူးနေ့မှာ အနည်းဆုံး သတင်းထောက် တယောက် အဖမ်းခံရပြီး တူရကီရဲ့ အကြီးဆုံး သတင်းစာ Zaman ရဲ့ စာတည်းအဖွဲ့ဝင်ဟောင်း ၄၇ ယောက်ကိုလည်း ဖမ်းမိန့်ထုတ်ထားပါတယ်။ မတ်လ အတွင်းမှာ တူရကီ တရားရုံး တခုက Zaman သတင်းစာကို အစိုးရက ထိန်းချုပ်ဖို့ အမိန့်ချမှတ်ခဲ့ပြီးနောက် မကြာခင်မှာဘဲ သတင်းစာတိုက်ရဲ့ ရုံးတွေကို ရဲက ၀င်ရောက်စီးနင်းခဲ့တာ ဖြစ်ပါတယ်။ အမေရိကန်မှာ အခြေစိုက်တဲ့ မူဆလင် ဘာသာရေး ဆရာ Fethullah Gulen ရဲ့ ဘာသာရေးဆိုင်ရာ လှုပ်ရှားမှုတွေနဲ့ ဒီသတင်းစာကြီးက အတော်လေး ပတ်သက် ဆက်နွယ်ခဲ့တာပါ။

အစိုးရက သတင်းစာကို ထိန်းချုပ်လိုက်ချိန်ကစပြီးတော့ဒီသတင်းစာကြီးမှာ အစိုးရ လိုလားတဲ့ဘက်ကို ဇောင်းပေး ရေးသားလာပါတယ်။ ဒီသတင်းပတ် အစောပိုင်းတုန်းက သတင်းထောက် ၄၂ ယောက်ကို ဖမ်းဆီးဖို့ တူရကီ အစိုးရက ဖမ်းမိန့်ထုတ်ခဲ့ပြီး ဒီထဲက ၁၆ ဦးကို အာဏာပိုင်တွေက ထိန်းသိမ်းပြီး ဖြစ်ပါတယ်။

လူ ၃၀၀ နီးပါး သေဆုံးခဲ့ရတဲ့ တူရကီနိုင်ငံ စစ်အာဏာသိမ်း ကြိုးပမ်းမှု မအောင်မမြင် ဖြစ်ခဲ့ပြီးနောက်ပိုင်း အစိုးရ အရာရှိတွေနဲ့ ပညာရေးဆိုင်ရာ ခေါင်းဆောင် အများအပြားကို ဖမ်းဆီးမှုတွေ နောက်ပိုင်း အခု သတင်းထောက်တွေကို ဖမ်းဆီးတာလည်း ဖြစ်ပါတယ်။ ဇူလိုင်လ ၁၅ ရက်နေ့ စစ်အာဏာသိမ်းကြိုးပမ်းမှု နောက်ပိုင်း တူရကီ နိုင်ငံတွင်း ဖမ်းဆီးခံရသူ ၁ သောင်းကျော်လောက် ရှိပြီလို့ နိုင်ငံတကာ အခွင့်အရေး လှုပ်ရှားမှု အဖွဲ့ကြီး Amnesty International က ခန့်မှန်းထားပါတယ်။

 ဗွီအိုအေ (မြန်မာပိုင်း)
http://burmese.voanews.com


(၄၉) ကြိမ်မြောက် အာဆီယံနိုင်ငံခြားရေးဝန်ကြီးများ အစည်းအဝေးနှင့် ဆက်စပ် အစည်းအဝေး များသို့ တက်ရောက်ခဲ့သော ပြည်ထောင်စုဝန်ကြီး ဒေါ်အောင်ဆန်းစုကြည် မြန်မာနိုင်ငံသို့ ပြန်လည်ရောက်ရှိ

နေပြည်တော်၊ ဇူလိုင် ၂၇

နိုင်ငံခြားရေးဝန်ကြီးဌာန၊ ပြည်ထောင်စုဝန်ကြီး ဒေါ်အောင်ဆန်းစုကြည်သည် လာအို ပြည်သူ့ဒီမိုကရက် တစ်သမ္မတနိုင်ငံ၊ ဗီယင်ကျန်းမြို့၌ ဇူလိုင် (၂၃) မှ (၂၆) ရက်အထိ ကျင်းပခဲ့သည့် (၄၉) ကြိမ်မြောက် အာဆီယံ နိုင်ငံခြားရေးဝန်ကြီး များ အစည်းအဝေးနှင့် ဆက်စပ်အစည်းအဝေးများသို့ တက်ရောက်ခဲ့ပြီး ဇူလိုင် (၂၇) ရက် ညနေပိုင်းတွင် မြန်မာနိုင်ငံသို့ ပြန်လည်ရောက်ရှိခဲ့ပါသည်။


ပြည်ထောင်စုဝန်ကြီး ဒေါ်အောင်ဆန်းစုကြည်သည် ဇူလိုင် (၂၃) ရက်က အရှေ့ တောင်အာရှ နျူကလီးယား လက်နက်ကင်းမဲ့ဇုန်ဆိုင်ရာ ကော်မရှင် အစည်းအဝေးနှင့် လူ့အခွင့်အရေးနှင့် စပ်လျဉ်းသည့် အာဆီယံ အစိုးရချင်းဆိုင်ရာကော်မရှင် ကိုယ်စားလှယ် များတွေ့ဆုံပွဲသို့ တက်ရောက်ခဲ့သည်။ ဇူလိုင် (၂၄) ရက်တွင် (၄၉) ကြိမ်မြောက် အာဆီယံနိုင်ငံခြားရေး ဝန်ကြီးများ၏ မျက်နှာစုံညီ အစည်း အဝေးနှင့် သီးသန့်အစည်း အဝေး များသို့ ဆက်လက်တက်ရောက်ခဲ့သည်။ အဆိုပါ အစည်းအဝေးများမှ (၄၉) ကြိမ်မြောက် အာဆီယံနိုင်ငံခြားရေး ဝန်ကြီးများ၏ ပူးတွဲ ကြေညာချက် နှင့် အရှေ့တောင်အာရှချစ်ကြည်ရေးနှင့် ပူးပေါင်းဆောင်ရွက်ရေးစာချုပ် (TAC) ချုပ်ဆိုခြင်း ဆိုင်ရာ နှစ် (၄၀) ပြည့်အထိမ်းအမှတ် နိုင်ငံခြားရေး ၀န်ကြီးများ၏ ထုတ်ပြန်ကြေညာချက်နှင့် ဒေသတွင်း အေးချမ်းတည်ငြိမ်မှု ထိန်းသိမ်းရေးဆိုင်ရာ အာဆီယံနိုင်ငံခြားရေး ဝန်ကြီးများ၏ ပူးတွဲကြေညာချက် ကို ထုတ်ပြန် ခဲ့သည်။


ထို့ပြင် ပြည်ထောင်စုဝန်ကြီးသည် ဗီယင်ကျန်းမြို့၌ ဇူလိုင် ၂၄ ရက် နှင့် ၂၅ ရက် တွင် ကျင်းပသည့် (၆) ကြိမ်မြောက် မဲခေါင်-ကိုရီးယား နိုင်ငံခြားရေးဝန်ကြီးများ အစည်းအဝေး၊ (၇) ကြိမ်မြောက် မဲခေါင်-ဂင်္ဂါ ပူးပေါင်းဆောင်ရွက်မှုဆိုင်ရာ ဝန်ကြီးများ အစည်းအဝေး၊ (၉) ကြိမ်မြောက် မဲခေါင်-ဂျပန် နိုင်ငံခြားရေးဝန်ကြီးများ အစည်းအဝေးနှင့် (၉) ကြိမ်မြောက် မဲခေါင်မြစ်အောက်ပိုင်းနိုင်ငံများ ဖွံ့ဖြိုးတိုးတက်ရေး အစီအစဉ်ဆိုင်ရာ နိုင်ငံခြားရေး ဝန်ကြီးများ အစည်းအဝေးတို့ကို တက်ရောက်ခဲ့သည်။ (၈) ကြိမ်မြောက် မဲခေါင်-ဂင်္ဂါ ပူးပေါင်း ဆောင်ရွက်မှု ဆိုင်ရာဝန်ကြီးများ အစည်းအဝေး၏ ဥက္ကဋ္ဌတာဝန်ကို မြန်မာနိုင်ငံမှ တာဝန်ယူထမ်းဆောင်မည် ဖြစ်သည်။

အာဆီယံနိုင်ငံခြားရေးဝန်ကြီးများ အစည်းအဝေးအပြီးတွင် ပြည်ထောင်စုဝန်ကြီး သည် ဇူလိုင် (၂၅) ရက်တွင် အာဆီယံနှင့် ဆွေးနွေးဘက်နိုင်ငံများဖြစ်သော တရုတ်ပြည်သူ့ သမ္မတနိုင်ငံ၊ ကိုရီးယားသမ္မတနိုင်ငံ၊ ကနေဒါနိုင်ငံ၊ ဂျပန်နိုင်ငံ၊ သြစတြေးလျနိုင်ငံ၊ အိန္ဒိယနိုင်ငံ၊ အမေရိကန်ပြည်ထောင်စု၊ ဥရောပသမဂ္ဂ၊ နယူးဇီလန်နိုင်ငံ၊ ရုရှားဖက်ဒရေးရှင်းနိုင်ငံများမှ နိုင်ငံခြားရေးဝန်ကြီးများနှင့် သီးခြားစီ ကျင်းပသည့် ဆွေးနွေး ဘက်နိုင်ငံများ အစည်းအဝေးများသို့ တက်ရောက်ခဲ့သည်။ အဆိုပါ အစည်းအဝေးများအပြီးတွင် အာဆီယံ ဥက္ကဋ္ဌ၏ကြေညာချက် များကို ထုတ်ပြန်နိုင်ခဲ့သည်။ အာဆီယံ-တရုတ် နိုင်ငံခြားရေးဝန်ကြီးများ အစည်းအဝေးမှ တောင်တရုတ်ပင်လယ်တွင်းနိုင်ငံများ လိုက်နာရမည့် လုပ်ထုံးလုပ်နည်းဆိုင်ရာ ကြေညာချက် အပြည့်အ၀ ထိရောက်စွာ အကောင်အထည်ဖော်ရေးဆိုင်ရာ အာဆီယံ-တရုတ် နိုင်ငံခြားရေး ၀န်ကြီးများ ပူးတွဲ ကြေညာချက် ကိုလည်း အတည်ပြုခဲ့သည်။

ယင်းအစည်းအဝေးများအနက် အာဆီယံ-သြစတြေးလျ နိုင်ငံခြားရေးဝန်ကြီးများ အစည်းအဝေးတွင် ပြည်ထောင်စုဝန်ကြီး ဒေါ်အောင်ဆန်းစုကြည်သည် သြစတြေးလျနိုင်ငံ၊ နိုင်ငံခြားရေးနှင့် ကုန်သွယ်ရေးဝန်ကြီး မစ္စဂျူလီဘီရှော့နှင့် အတူ ပူးတွဲသဘာပတိအဖြစ် ဆောင်ရွက်ခဲ့သည်။ မြန်မာနိုင်ငံအနေဖြင့် ၂၀၁၆ ခုနှစ်မှ ၂၀၁၈ ခုနှစ်အထိ အာဆီယံ-သြစတြေးလျ ဆွေးနွေးဘက်ဆက်ဆံရေး တွင် ညှိနှိုင်းရေးတာဝန်ခံနိုင်ငံအဖြစ် ဆောင်ရွက် လျက် ရှိသည်။

ဇူလိုင် (၂၆) ရက်တွင် (၁၇) ကြိမ်မြောက် အာဆီယံအပေါင်းသုံး နိုင်ငံခြားရေး ဝန်ကြီးများ၏ အစည်းအဝေး၊ ဆဋ္ဌမအကြိမ်မြောက် အရှေ့အာရှထိပ်သီး နိုင်ငံခြား ရေးဝန်ကြီး များ၏ အစည်းအဝေးနှင့် (၂၃) ကြိမ်မြောက် အာဆီယံဒေသဆိုင်ရာဖိုရမ် ဝန်ကြီး အဆင့် အစည်း အဝေးများသို့ တက်ရောက်ခဲ့ပါသည်။ (၂၃) ကြိမ်မြောက် အာဆီယံဒေသဆိုင်ရာ ဆွေးနွေးပွဲတွင် ပင်လယ်ရေကြောင်း ဥပဒေအာဏာသက်ရောက်သော အေဂျင်စီများ အကြား ပူးပေါင်းဆောင်ရွက်မှု မြှင့်တင်ရေးဆိုင်ရာ အာဆီယံဒေသတွင်းဖိုရမ်၏ ထုတ်ပြန်ချက်၊ အကြမ်း ဖက်တိုက်ခိုက်မှုများအပေါ် အာဆီယံဒေသတွင်းဖိုရမ်၏ ထုတ်ပြန်ချက်၊ တရားမဝင် ထိန်းချုပ်မှုမရှိ၊ အသိပေးခြင်း မရှိသော ငါးဖမ်းမှုများကို ကြိုတင်ကာကွယ်ဟန့်တားပိတ်ပင် ရေးအတွက် ပူးပေါင်းဆောင်ရွက်မှု ဆိုင်ရာ အာဆီယံဒေသ တွင်းဖိုရမ်၏ ထုတ်ပြန်ချက်၊ နိုင်ငံဖြတ်ကျော်မှုခင်းများ ထိန်းချုပ်ရေးဆိုင်ရာ ပူးပေါင်းဆောင် ရွက်မှု မြှင့်တင်ရေးဆိုင်ရာ အာဆီယံဒေသတွင်းဖိုရမ်၏ ထုတ်ပြန်ချက်တို့ကို ထုတ်ပြန်နိုင်ခဲ့သည်။

၂၀၁၆ ခုနှစ်၊ ဇူလိုင် (၂၄) ရက်တွင် ဖွင့်လှစ်ခဲ့သည့် (၄၉) ကြိမ်မြောက် အာဆီယံ နိုင်ငံခြားရေးဝန်ကြီးများ အစည်းအဝေး ဖွင့်ပွဲအခမ်းအနားအပြီးတွင် အာဆီယံနိုင်ငံခြားရေး ဝန်ကြီးများသည် လာအိုပြည်သူ့ဒီမိုကရက် တစ်သမ္မတနိုင်ငံ ဝန်ကြီးချုပ်အား သွားရောက် တွေ့ဆုံခဲ့သည်။ အစည်းအဝေးကာလအတွင်း ပြည်ထောင်စု ဝန်ကြီးသည် ဘရူနိုင်း ဒါရူဆလမ်နိုင်ငံ၊ ဗီယက်နမ်နိုင်ငံ၊ နော်ဝေနိုင်ငံ၊ ကိုရီးယားသမ္မတနိုင်ငံ၊ တရုတ်ပြည်သူ့ သမ္မတ နိုင်ငံ၊ သြစတြေးလျနိုင်ငံ၊ ရုရှားဖက်ဒရေးရှင်း၊ ကိုရီးယားဒီမိုကရက်တစ်ပြည်သူ့သမ္မတနိုင်ငံတို့မှ နိုင်ငံခြားရေး ဝန်ကြီးများနှင့် လည်းကောင်း၊ အိန္ဒိယပြည်ပရေးရာဝန်ကြီးနှင့် လည်းကောင်း သီးခြားစီ တွေ့ဆုံခဲ့ပြီး နှစ်နိုင်ငံ အကျိုးတူ ကိစ္စရပ်များကိုလည်း ဆွေးနွေးခဲ့သည်။
နိုင်ငံခြားရေးဝန်ကြီးဌာန ပြည်ထောင်စုဝန်ကြီးဦးဆောင်သော မြန်မာကိုယ်စား လှယ် အဖွဲ့သည် အာဆီယံ အစည်းအဝေးများအပြီး ဇူလိုင် (၂၆) ရက် ညနေပိုင်းတွင် လာအိုပြည်သူ့ ဒီမိုကရက်တစ်သမ္မတနိုင်ငံဆိုင်ရာ မြန်မာသံအမတ်ကြီး၏နေအိမ်၌ ကျင်းပသော သံရုံးမိသားစု ညစာစားပွဲသို့ တက်ရောက်ခဲ့ပြီး မြန်မာသံရုံး ၀န်ထမ်းများ၊ လာအိုနိုင်ငံရှိ မြန်မာအသိုင်း အဝိုင်းနှင့် ရင်းရင်းနှီးနှီး တွေ့ဆုံခဲ့သည်။

ယခုကျင်းပခဲ့သည့် နိုင်ငံခြားရေးဝန်ကြီးဌာန ပြည်ထောင်စုဝန်ကြီး ဒေါ်အောင်ဆန်းစုကြည် အနေဖြင့် ပထမဆုံး တက်ရောက်သည့် အာဆီယံ အစည်းအဝေးဖြစ်ပြီး ဒေသတွင်းနှင့် နိုင်ငံတကာရေးရာကိစ္စရပ်များ၊ အာဆီယံနှင့် ပြင်ပဆက်ဆံရေးဆိုင်ရာ ပူးပေါင်းဆောင်ရွက်မှုများတွင် ကဏ္ဍအလိုက် ပါဝင် ဆွေးနွေးခဲ့ ကြောင်းသိရှိရသည်။

MOI Webportal Myanmar
https://www.facebook.com/MOIWebportalMyanmar


တနင်္သာရီတိုင်းဒေသကြီး၊ တနင်္သာရီမြို့နယ်နှင့် မေတ္တာမြို့နယ် နယ်စပ်ဒေသ၊ တနင်္သာရီမြစ်ကြောင်း တစ်လျှောက်ရှိ သတ္ထုတူးဖော်ရေး လုပ်ငန်းများမှာ ခွင့်ပြုချက်မရှိဘဲ လုပ်ကိုင်နေခြင်းကြောင့် ဥပဒေနှင့်အညီ အရေးယူ ဆောင်ရွက်သွားမည်ဖြစ်ကြောင်း တနင်္သာရီတိုင်းဒေသကြီး၊ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီး ဦးမြင့်မောင်ကပြောသည်။

ဒုတိယအကြိမ် တနင်္သာရီတိုင်းဒေသကြီး လွှတ်တော်၊ ဒုတိယ ပုံမှန်အစည်းအဝေး(စတုတ္ထနေ့)ကို ဇူလိုင် ၂၆ ရက် က ကျင်းပခဲ့ရာ တနင်္သာရီမြစ်ကြောင်း တစ်လျှောက်တွင် တရုတ်လူမျိုးများမှ ဂုံးဂလား(ခေါ်) စက်ယန္တရားကြီးများဖြင့် သတ္ထုတူးဖော်ရေး လုပ်ကိုင်လျှက်ရှိနေပြီး အဆိုပါ လုပ်ငန်းများမှာ ခွင့်ပြုချက်ဖြင့် လုပ်ကိုင်နေသော လုပ်ငန်း များဟုတ်၊ မဟုတ် တနင်္သာရီ မဲဆန္ဒနယ်အမှတ် ၁ မှ တိုင်းဒေသကြီးလွှတ်တော် ကိုယ်စား ဦးအောင်သူရ၏ မေးမြန်းမှုကို ဝန်ကြီးက ပြန်လည်ဖြေကြားခဲ့ခြင်းဖြစ်သည်။

“တနင်္သာရီမြစ်ကြောင်း တစ်လျှောက်မှာ ခဲမဖြူ၊ အဖြိုက်နက်၊ ရွှေသတ္တုတွေကို တရားဝင် တိုင်းတာခွင့်၊ စမ်းသပ် ထုတ်လုပ်ခွင့် လုပ်ကွက်တွေ ခွင့်ပြုထားတာ မရှိပါဘူး။ ဒါကြောင့် မြစ်ကြောင်း တစ်လျှောက်မှာ တရားမဝင်သတ္တု တူးဖော်တဲ့လုပ်ငန်းတွေကို ဥပဒေနဲ့အညီ အရေးယူ ဆောင်ရွက်သွားမှာပါ”ဟု တနင်္သာရီတိုင်းဒေသကြီး၊ သယံဇာတနှင့် သဘာဝပတ်ဝန်းကျင် ထိန်းသိမ်းရေးဝန်ကြီး ဦးမြင့်မောင်က ဖြေကြားခဲ့သည်။

အမှတ် ၂ သတ္တုတွင်း လုပ်ငန်းနှင့် ထုတ်လုပ်မှုအပေါ် အချိုးခွဲဝေခံစားသည့် စာချုပ်အရ ထားဝယ်ခရိုင်၊ ထားဝယ် မြို့နယ်အတွင်း သတ္တုတူးဖော်မှု အကြီးစားလုပ်ငန်း ၂ ခု၊ အသေးစား ၇ ခု၊ မေတ္တာမြို့နယ်အတွင်း သတ္တုတူးဖော်မှု အကြီးစားလုပ်ငန်း ၂ ခု၊ အသေးစား ၂ ခုနှင့် ရေဖြူမြို့နယ် အတွင်း သတ္တုတူးဖော်မှု အကြီးစားလုပ်ငန်း ၂ ခု၊ အသေးစား ၄ ခုကိုသာ တရားဝင် ခွင့်ပြုထားကြောင်း သိရသည်။

တနင်္သာရီတိုင်းဒေသကြီးအတွင်း တရားဝင် ခွင့်ပြုပေးထားသည့် သတ္တုတူးဖော်ရေး လုပ်ငန်းအရေအတွက်အနေဖြင့် ခဲမဖြူ၊ အဖြိုက်နက်ရောရာ သတ္တုတူးဖော်ရေး အကြီးစားလုပ်ငန်း ၉ ခု၊ သတ္ထုတူးဖော်ရေး အသေးစားလုပ်ငန်း ၂၈ ခုနှင့် အသေးစား ရွှေတူးဖော်ရေးလုပ်ငန်း ၂ ခုသာရှိပြီး ဝန်ကြီးဌာနအနေဖြင့် တနင်္သာရီမြစ်ကြောင်း တစ်လျှောက်တွင် မည့်သည်သတ္တုတူးဖော်ရေး လုပ်ငန်းကိုမှ လုပ်ကိုင်ခွင့် မပြုထားကြောင်း သိရသည်။
“တနင်္သာရီမြိုနယ်နဲ့ မေတ္တာမြို့နယ်၊ နယ်စပ်ဒေသ တနင်္သာရီမြစ်ရိုးတစ်လျှောက်မှာ တရုတ်လူမျိုးတွေက ဂုံးဂ လား ခေါ် စက်ယန္တရားကြီး ၃ စင်းနဲ့ ရွှေတူးနေကြပါတယ်။ ရွှေတူးရာမှာ အသုံးပြုတဲ့ ပြဒါးတွေဟာ မြစ်ရေထဲမှာ ဝင်ရောက်နေတဲ့အတွက် ဒေသခံကျေးရွာတွေ အနေနဲ့ မြစ်ရေကို အသုံးပြုမရ ဖြစ်နေသလို မြစ်ကြောင်းတစ်လျှောက်မှာလည်း ရွှေတူးတဲ့ လုပ်ငန်းကြောင့် သောင်တွေ ဖြစ်ပေါ်နေပါတယ်။ ဒီလုပ်ငန်းတွေက တရားဝင်ခွင့်ပြု ချက်နဲ့ လုပ်ကိုင်နေတဲ့ လုပ်ငန်းတွေ ဟုတ်၊ မဟုတ် သိချင်ပါတယ်” ဟု တနင်္သာရီမဲဆန္ဒနယ်အမှတ်(၁)မှ တိုင်းဒေသကြီး လွှတ်တော် ကိုယ်စားလှယ် ဦးအောင်သူရက မေးမြန်းခဲ့သည်။

ထို့အပြင် တရုတ်လူမျိုးများအနေဖြင့် လက်ရှိလုပ်ကိုင်နေသည့် စက်ယန္တရား ၃ စင်းအပြင် အခြား စက်ယန္တရား ၄ စင်းကိုလည်း ထပ်မံတည်ဆောက်လျက်ရှိကြောင်း တိုင်းဒေသကြီးလွှတ်တော် ကိုယ်စားလှယ် ဦးအောင်သူရက တင်ပြခဲ့သည်။

MMK
The Ladies News
https://www.facebook.com/News.TheLadies



စစ်ကိုင်းတိုင်း ခန္တီးမြို့မှာ တစ်မြို့လုံး ရေဖုံးလွှမ်းနေတာကြောင့် တပ်မတော်နဲ့ မီးသတ်အဖွဲ့ဝင်တွေ ဇူလိုင်လ ၂၇ ရက်နေ့က ကယ်ဆယ်ရေးလုပ်ငန်းတွေ ဆောင်ရွက်နေစဉ်။ Photo: ခန္တီးစစ်ဗျုဟာမှုးဦးစီး/ Facebook
ချင်းတွင်းမြစ်ရေမြင့်တက်တာကြောင့် စစ်ကိုင်းတိုင်း ခန္တီးမြို့မှာ တစ်မြို့လုံး ရေဖုံးလွှမ်းနေပြီး ရေဘေး ဒုက္ခသည် တစ်ထောင်နီးပါးကို ဘုန်းကြီးကျောင်းတွေ မှာ ပြောင်းရွှေ့ပေးထားပြီး တပ်မတော်နဲ့ မီးသတ် အဖွဲ့တွေကပါ ကယ်ဆယ်ရေးလုပ်ငန်းတွေ ဆောင်ရွက်ပေးနေရပါတယ်။

ခန္တီးမှာ တပ်မတော်သားအင်အား ၃၀၀ နီးပါးနဲ့ မီးသတ်တပ်ဖွဲ့တွေက မြစ်ရိုးတလျှောက် တာတွေဖို့တာ၊ ရေဘေးဒုက္ခသည်တွေအတွက် ကူညီကယ် ဆယ်ရေးတွေ ဆောင်ရွက်ပေးနေတယ်လို့ ခန္တီး စစ်ဗျုဟာမှူး(ဦးစီး) ဗိုလ်မှုးကြီး မင်းမင်းစိုးက ပြောပါတယ်။

ချင်းတွင်းမြစ်ရေဟာ ခန္တီးမြို့မှာ စိုးရိမ်ရေမှတ်အောက်နားမှာ ရှိနေဆဲဖြစ်ပြီး ဟုမ္မလင်း၊ ဖောင်းပြင်၊ မော်လိုက်၊ ကလေးဝ၊ မင်းကင်း၊ ကနီနဲ့ မုံရွာမြို့တွေမှာ စိုးရိမ်ရေမှတ်ကို ရောက်ရှိနိုင်တယ်လို့ မိုးလေ၀သနဲ့ ဇလဗေဒညွှန်ကြားမှု ဦးစီးဌာနက ထုတ်ပြန်ထားပါတယ်။

ဧရာဝတီနဲ့ ချင်းတွင်းမြစ်ရေ မြင့်တက်တာကြောင့် မြစ်ကြီးနား၊ ဗန်းမော်၊ ဟင်္သာတ၊ ခန္တီး၊ ကလေးဝ၊ မော်လိုက် စတဲ့ မြို့နယ်ပေါင်း ၁၄ မြို့နယ်မှာ သတိထားနေထိုင်ကြဖို့ မိုးလေ၀သနဲ့ ဇလဗေဒညွှန်ကြား မှုဦးစီးဌာနက ကြေညာထားပါတယ်။

ကချင်ပြည်နယ် ဗန်းမော်မြို့က ရပ်ကွက်သုံးခုမှာ မြစ်ရေဝင်ရောက်တာကြောင့် လူဦးရေ ငါးရာလောက် နီးစပ်ရာဘုန်းကြီးကျောင်းတွေမှာ ခိုလှုံနေရတယ်လို့ ဗန်းမော်ခရိုင် ကယ်ဆယ်ရေးနဲ့ပြန်လည် နေရာချထားရေးဦးစီးမှူး ဦးဋ္ဌေးမြင့် က ပြောပါတယ်။

ဒီကနေ့ နေ့လည်ပိုင်းအထိ ဧရာဝတီမြစ်ရေဟာ ရွှေကူမြို့နဲ့ ဗန်းမော်မြို့ရဲ့ စိုးရိမ်ရေမှတ် ကိုကျော်လွန်ရောက်ရှိနေပါတယ်။ မြစ်ရေတက်လာတဲ့အတွက် ဗန်းမော် နဲ့ ရွှေကူက စိုက်ပျိုးသီးနှံတွေ ပျက်စီးဆုံးရှုံးနေတယ်လို့ ဒေသခံတွေက ပြောပါတယ်။

ဧရာဝတီမြစ်ကြောင်းတစ်လျှောက် မြစ်ချောင်းကမ်းပါးတွေအနီးမှာ နေထိုင်ကြသူတွေအနေနဲ့ ရေကြောင်းခရီးတွေမှာ သတိထားသွားလာကြဖို့ နဲ့ ရေဒီယို သတင်းတွေ နားထောင်ကြဖို့ မိုးလေဝသ နဲ့ ဇလဗေဒဋ္ဌာန က အသိပေးထားပါတယ်။

RFA Burmese
http://www.rfa.org/burmese


27July2016

ထိုင်းနိုင်ငံ ဆူကိုထိုင်း ပြည်နယ်အတွင်းက Ban Dan Lan Hoi District ဘန့် ဒင်လန်ခရိုင် အတွင်းမှာ ရှိတဲ့ ရှေးဟောင်း သစ်တုံး ကြီး နန်ကွန်း ကိုစောင့် ရှောက်နေတဲ့ သခင်မယ်တော်ကြီးဟာ လူတယောက်ကို ၀င်ပူးပြီး ချဲနံပါတ် ပေးခဲ့တာကို ယုံကြည်ပြီး ထိုးကြ တဲ့သူတွေ ပြည်နယ်တခုလုံး ချဲပေါက်ခဲ့ တာ နှစ်ပါတ်ရှိပြီဖြစ်ပါတယ်။


ယခုအပါတ်မှာ တော့ ချဲနံပါတ် နောက်ဆုံးပေးမယ့်ပွဲဖြစ်တာကြောင့် တနိုင်ငံလုံး လာရောက် နံပါတ်ယူကြသူတွေ လမ်းမကြီး တလျောက်ပြည့်နေလို့  ကားတွေဆက် မသွားနိုင်တော ဘဲ လမ်းလျောက်ပြီး နတ်နန်းကို သွားခဲ့ကြ ရပါတယ်။

ယခုအပတ် အတွက် သုံးလုံး 213 -နှစ်လုံး 70 ဖြစ်ပါတယ် နတ်ဝင်ပူးစဉ် လက်ချောင်းတွေနဲ့  နံပါတ်ကိုပြသွားတာဖြစ်ပြီး ဒီအပါတ်မှာ ၂၁၃-၇၀ ကိုဒိုင်တွေကြောက်ပြီး ဒိုင်စားချန်ထားလို့  ၀ယ်လို့ မရတောကြောင်း သိရပါတယ်။

(SAW)
Khaosod
Social Action for Women - SAW



အဓိက ယှဉ်ပြိုင် ဘက် ဖြစ်ခဲ့တဲ့ ဘာနီ ဆန်းဒါး ကလည်း ဟီလာရီ ကလင်တန် ကို အဓိက ထောက်ခံသူ ဖြစ်ခဲ့
အမေရိကန် ဒီမိုကရက်တစ် ပါတီ ရဲ့ ပထမဦးဆုံး အမျိုးသမီး သမ္မတ လောင်း အဖြစ် ဟီလာရီ ကလင်တန် ကို ဖီလာဒဲလ်ဖီးယား ကျင်း ပနေတဲ့ ပါတီ ညီလာခံ ကနေ အတည်ပြု နိုင်ခဲ့ပါတယ်။

ဒီမိုကရက်တစ် ပါတီ ညီလာခံကို တက်ရောက် လာကြတဲ့ ကိုယ်စားလှယ်တွေက ဟီလာရီ ကလင်တန် ကို သမ္မတလောင်း အဖြစ် အသီးသီး ထောက်ခံ ပြောကြား ခဲ့တာဖြစ်ပါတယ်။

ဒီမိုကရက်တစ် ပါတီ ပေါင်းစည်း ညီညွှတ်မှု ရှိကြောင်း ပြသတဲ့ အနေနဲ့ ပရိုင်မာရီ ရွေးချယ် ပွဲတွေ အတွင်း က အဓိက ယှဉ်ပြိုင် ဘက် ဖြစ်ခဲ့တဲ့ ဘာနီ ဆန်းဒါး ကလည်း ဟီလာရီ ကလင်တန် ကို အဓိက ထောက်ခံသူ ဖြစ်ခဲ့ပါတယ်။

ဇူလိုင် ၂၇ ရက်နေ့ နှောင်းပိုင်းမှာ သမ္မတ ဟောင်း တစ်ဦး ဖြစ်တဲ့ ခင်ပွန်း သည် ဘေလ် ကလင်တန် ကလည်း ဟီလာရီ ကလင်တန် ကို ထောက်ခံတဲ့ အနေနဲ့ ပါတီ ညီလာခံ မှာ မိန့်ခွန်း လာရောက် ပြောကြားမှာ ဖြစ်ပါတယ်။

BBC Burmese
http://www.bbc.com/burmese


ပြင်သစ်နိုင်ငံ နော်မန်ဒီမြို့က Catholic ဘုရားရှိခိုးကျောင်းတခုမှာ ဘုန်းတော်ကြီးတပါး အသတ်ခံခဲ့ရပြီးနောက် IS အစွန်းရောက်ဝါဒီတွေနဲ့ စစ်ဆင်နေတဲ့ ပြင်သစ်နိုင်ငံအနေနဲ့ အနိုင်ရအောင် တိုက်သွားမယ်လို့ သမ္မတ Francois Hollande က နိုင်ငံကို ကတိပြုခဲ့ပါတယ်။

ဒီတိုက်ပွဲဟာ အချိန်ကြာကောင်း ကြာပါလိမ့်မယ်။ ပစ်မှတ်ထားခံနေရတဲ့ ကျနော်တို့ရဲ့ ဒီမိုကရေစီဟာ ကျနော်တို့ကို အကာအကွယ်ပေးနေတဲ့ ဒိုင်းကြီး ဖြစ်ပါတယ်။ စည်းလုံးညီညွတ်မှုဟာ ခွန်အားဖြစ်တဲ့အတွက် အမုန်းတရားတွေ အယူသန်မှုတွေကို တိုက်ဖျက်နေတဲ့စစ်ပွဲ အနိုင်ရအောင် ပြင်သစ်ပြည်သူအားလုံး စည်းလုံးကြပါ။

ဒီစစ်ပွဲအနိုင်ရအောင်တိုက်ဖို့ ကျနော် ကတိပြုပါတယ်လို့ ပြင်သစ်သမ္မတ Francois Hollande က နိုင်ငံကို မိန့်ခွန်း ပြောကြားခဲ့တာ ဖြစ်ပါတယ်။ ဘုန်းတော်ကြီးကို သတ်ဖြတ်ခဲ့သူတွေဟာ သူတို့ရဲ့ စစ်သည်တော်တွေ ဖြစ်တယ်လို့ IS စစ်သွေးကြွတွေက ပြောကြားခဲ့ပါတယ်။

အင်္ဂါနေ့မနက်ပိုင်း ဘုရားဝတ်ပြုနေချိန်မှာ တိုက်ခိုက်သူ ၂ ယောက်က ဘုရားကျောင်းထဲကို ဝင်လာပြီး ဘုန်းတော်ကြီး Jacques Hamel အပါအဝင် ဘုရားကျောင်းထဲမှာ ရှိနေတဲ့ သီလရှင် ၃ ပါးနဲ့ ဝတ်လာပြုသူ ၂ ယောက်ကို ဓားစာခံအဖြစ် ဖမ်းဆီးထားခဲ့ပါတယ်။

သီလရှင်တပါးကတော့ ထွက်ပြေးလွတ်မြောက်ပြီး လုံခြုံရေးတွေကို အကြောင်းခဲ့ပါတယ်။ လုံခြုံရေးတွေ ရောက်လာစဉ်မှာ ဓားစာခံ ၃ ယောက်ကို လူသားဒိုင်းတွေသဖွယ် တံခါးဝမှာ ထားထားတဲ့အတွက် ရဲတွေက ချက်ခြင်း မပြစ်ခတ်နိုင်ခင်မှာ အသက် ၈၄ နှစ်အရွယ် ဘုန်းတော်ကြီး Jacques Hamel ကို တိုက်ခိုက်သူတွေက လည်လှီးသတ်ခဲ့တာပါ။

နောက်ပိုင်းမှာတော့ တိုက်ခိုက်သူ ၂ ယောက်ကို ရဲတွေက ပစ်သတ်ခဲ့ပါတယ်။ ဓားစာခံတွေထဲက ၁ ယောက်ရဲ့ ဓားဒဏ်ရာတွေ အတော်လေး ပြင်းထန်တယ်လို့ ပြင်သစ်ရဲတပ်ဖွဲ့က ပြောပါတယ်။ ခုလို ကြောက်မက်ဖွယ်တိုက်ခိုက်မှုအပေါ် အပြင်းထန်ဆုံး ရှုတ်ချတယ်လို့ အမေရိကန်က ပြောကြားခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com


လွတ်လပ်စွာထုတ်ဖော်ပြောဆိုမှုအပေါ် ထိုင်းစစ်အစိုးရက လတ်တလော ဖိနှိပ်နေတဲ့အပေါ် ကုလသမဂ္ဂက ဝေဖန် ပြစ်တင်လိုက်ပါတယ်။ ထိုင်းနိုင်ငံမှာ ဖွဲ့စည်းပုံဆိုင်ရာ လူထုဆန္ဒခံယူပွဲ ပြုလုပ်ရေး အက်ဥပဒေကို မကြာခင်က ပြဌာန်းခဲ့ပြီးနောက် ဒီဥပဒေနဲ့ ဖမ်းဆီး အရေးယူမှုတွေ လုပ်နေပါတယ်။

ဖွဲ့စည်းပုံမူကြမ်း ရေးဆွဲမှုနဲ့ပတ်သက်လို့ ထုတ်ဖော် ဝေဖန်သူတွေ၊ သတင်းရယူဖို့ ကြိုးပမ်းသူတွေကို ဥပဒေအရ အရေးယူဖို့ စစ်အစိုးရက အမိန့်ထုတ်ပြန်ထားတဲ့အပေါ် သူ့အနေနဲ့ အလွန်စိုးရိမ်တယ်လို့ လွတ်လပ်စွာ ထုတ်ဖော်ပြောဆိုမှု မြှင့်တင်ရေးနဲ့ ကာကွယ်ရေးဆိုင်ရာ ကုလသမဂ္ဂ အထူးကိုယ်စားလှယ်က ပြောကြားခဲ့ပါတယ်။

ဖွဲ့စည်းပုံမူကြမ်းနဲ့ ပတ်သက်လို့ သဘောထား ထုတ်ဖော်နေသူတွေကို အရေးယူမယ့်အစား ထိုင်းအစိုးရအနေနဲ့ ဖွဲ့စည်းပုံအတွက် လူထုဆန္ဒခံယူပွဲမှာ ပြည်သူတွေရဲ့ သဘောထား လွတ်လွတ်လပ်လပ် ထုတ်ဖော်နိုင်ဖို့နဲ့ ဒီဖွဲ့စည်းပုံနဲ့ ပတ်သက်လို့ သေသေချာချာ သဘောပေါက် မဲပေးနိုင်ကြဖို့ အခြေအနေတွေကို အားပေးသင့်တယ်လို့ အထူးကိုယ်စားလှယ် David Kaye က ပြောကြားခဲ့တာ ဖြစ်ပါတယ်။

ထိုင်းနိုင်ငံမှာ ဖွဲ့စည်းပုံမူကြမ်းကို သြဂုတ်လ ၇ ရက်နေ့မှာ ဆန္ဒခံယူပွဲကျင်းပဖို့ စီစဉ်ထားပါတယ်။ ဖွဲ့စည်းပုံမူကြမ်းအပေါ် ထုတ်ဖော်ဝေဖန်ခဲ့လို့ စစ်ဆေးမေးမြန်းခံရသူ ဒါမှမဟုတ် တရားစွဲခံရသူပေါင်းဟာ ဇွန်လထဲက ၈၆ ယောက်ထက်မနည်း ရှိပြီလို့ သတင်းတွေသိရကြောင်း ကုလသမဂ္ဂရဲ့ ကြေညာချက်မှာ ဖော်ပြထားပါတယ်။

ဇူလိုင်လအစောပိုင်းကလည်း ဖွဲ့စည်းပုံကို ပယ်ချကြဖို့ မဲဆွယ်ခဲ့တဲ့ လှုပ်ရှားသူတော်တော်များများကို တရားစွဲခဲ့ပါတယ်။ ဒီအကြောင်း သတင်းရယူတဲ့ သတင်းထောက်တယောက်ကိုလည်း ဖွဲ့စည်းပုံဆိုင်ရာ လူထုဆန္ဒခံယူပွဲ ပြုလုပ်ရေး အက်ဥပဒေနဲ့ ထိုင်းအစိုးရက ဖမ်းဆီးခဲ့ပါတယ်။

 ဗွီအိုအေ (မြန်မာပိုင်း)
http://burmese.voanews.com

Author Name

Contact Form

Name

Email *

Message *

Powered by Blogger.