08/02/16

မန္တလေး နားက တောင်သမန်အင်း မှာ ရေဆက်လက် မြင့်တက် နေလို့ နာမည်ကြီး ဦးပိန်တံတားပေါ်က အခန်းတွေ မှာ ရေဝင် နေပြီလို့ အစိုးရက သတင်း ထုတ်ပြန် ထားပါတယ်။

တံတား အခြေအနေကို တာဝန်ရှိသူတွေ အချိန်ပြည့် စောင့်ကြည့် နေတယ်လို့လည်း ဆိုပါတယ်။

စစ်ကိုင်းတိုင်း၊ မန္တလေးတိုင်း၊ မကွေးတိုင်းနဲ့ ဧရာဝတီတိုင်း က နေရာတချို့မှာ ရေကြီး ရေလျှံမှုတွေ ဆက်လက် ဖြစ်နေပါတယ်။

မကွေး မြို့နယ် ထဲမှာလည်း ဧရာဝတီ မြစ်ရေကြီး နေတဲ့ အတွက် မြစ်ဘေးနားက ကျေးရွာ တွေနဲ့ မြို့ပေါ်က ရပ်ကွက် တချို့က လူဦးရေ နှစ်ထောင် ကျော်နဲ့ အိမ်မွေးတိရိစ္ဆာန် တွေ ဘေးလွတ်ရာ ရွှေ့ပြောင်း နေနေရတယ် ဆိုပြီး ပြည်တွင်းက လာတဲ့ သတင်းတွေက ဆိုပါတယ်။

BBC Burmese

ရှမ်းပြည်မြောက်ပိုင်း ကျောက်မဲ၊ ကွတ်ခိုင်နဲ့ တာမိုးညဲ ဒေသတွေမှာ ဇူလိုင်လ ကုန်ပိုင်းက တအောင်းပလောင် အဖွဲ့ TNLA နဲ့ အစိုးရ စစ်တပ် အကြား တိုက်ပွဲတွေ ဖြစ်ခဲ့တယ်လို့ TNLA ဘက်က ပြောပါတယ်။

TNLA ဘက်က အကျအဆုံး မရှိဘူး ပြောပေမယ့် အစိုးရ တပ်ဘက်ကတော့ သတင်း တစုံတရာ မထုတ်ပြန် ပါဘူး။

TNLA လှုပ်ရှား နေတဲ့ ဒေသတွေကိုအစိုး စစ်ကြောင်း က ဝင်ရောက်ပြီး လိုက်လံ တိုက်ခိုက် နေတာ ဖြစ်တယ်လို့ TNLA ပြောခွင့်ရ ဗိုလ်မှုး မိုင်အိုက်ကျော်က ဘီဘီစီကို ပြောပါတယ်။

ပြည်တွင်း ငြိမ်းချမ်းရေး အတွက် ၂၁ ရာစု ပင်လုံ ညီလာခံ အကြို ဆွေးနွေး တွေ့ဆုံမှုတွေ ပြုလုပ် နေချိန်မှာပဲ ရှမ်းပြည် မြောက်ပိုင်းမှာ အခုလို တိုက်ပွဲတွေ ဆက်လက် ရှိနေတာ ဖြစ်ပါတယ်။

TNLA အပါအဝင်၊ ကိုးကန့်တပ် MNDAA နဲ့ ရခိုင် လက်နက်ကိုင် AA အဖွဲ့တွေကို တစ်နိုင်ငံလုံး အပစ်ရပ် သဘောတူ စာချုပ် NCA ထဲ အစိုးရ စစ်တပ်က ပါဝင်ခွင့် မပြုပဲ လက်တက်ချ ရမယ် ဆိုပြီး တောင်းဆို ထားပါတယ်။

ပြီးခဲ့တဲ့ ရက်ပိုင်းက ကချင် ပြည်နယ် မိုင်ဂျာယန် မှာ ကျင်းပ ခဲ့တဲ့ တိုင်းရင်းသား လက်နက်ကိုင် အဖွဲ့ စုံညီ ညီလာခံမှာ လည်း အဲဒီ့ ၃ ဖွဲ့ထဲက ရခိုင် AA တစ်ဖွဲ့ပဲ တက်ရောက် ခဲ့ပါတယ်။

TNLA အဖွဲ့ သွားတက်ရင် မိုင်ဂျာယန် ညီလာခံ အတွင်း ကြန့်ကြာ မှုတွေ ဖြစ်ပေါ် မှာကို စိုးရိမ်လို့က တစ်ကြောင်း၊ မိုင်ဂျာယန် ညီလာခံမှာ TNLA နဲ့ တိုက်ပွဲ ဖြစ်နေတဲ့ ရှမ်းပြည် တပ်မတော် တောင်ပိုင်း RCSS/SSA လည်း ရှိနေတာ ကြောင့် နှစ်ဖွဲ့ကြား ပြဿနာ ရှေ့တန်း ရောက်လာမှာကို မလိုလားတာက တစ်ကြောင်း မိုင်ဂျာယန် မှာ မပါဝင်ခဲ့တာ ဖြစ်တယ် ဆိုပြီး ဗိုလ်မှုး မိုင်အိုက်ကျော်က ဆိုပါတယ်။
BBC Burmese


ငဖဲ သြဂုတ် ၁

သြဂုတ်လ ၁ ရက်နေ့ နံနက် ၃ နာရီမိနစ်၂၀အချိန်ခန့်တွင် ၂၀၁၄-၂၀၁၅ ဘဏ္ဌာရေးနှစ် တင်ဒါပိုလျှံငွေ ကျပ်သိန်း(၅၀၀)ဖြင့် သတ္တု ဥက္ကာကုမ္မဏီမှ တည်ဆောက်ခဲ့သည့် ငဖဲမြို့နယ် မန်းဆုံ-အောင်ပင်လယ် ကျေးရွာချင်း ဆက်သွယ်သော တံတားအရှည်(၂၀၀)ပေ၊ အကျယ်(၁၂)ပေ၊ အမြင့် (၁၅)ပေ လက်ရှိကွန်ကရစ် တံတားသည် ယမန်နေ့က မိုးသည်းထန်စွာ ရွာသွန်းသဖြင့် ပန်းတိမ်း မန်းချောင်းရေ တိုက်စားမှုကြောင့် မန်းဆုံဘက်ခြမ်း ရေလယ်တိုင် နိမ့်ကျသွားသည့်အတွက် ပေ(၃၀) ၂ခန်း ပြုတ်ကျ ပျက်စီးသွားကြောင်း သိရသည်။

အဆိုပါ တံတားနေရာသို့ ဒုမြို့နယ် အုပ်ချုပ်ရေးမှူး ဦးတင်ဝင်း၊ တိုင်းဒေသကြီး လွှတ်တော် ကိုယ်စားလှယ် ဦးစန်းကြူ၊ကျေးလက် ဦးစီးဌာနဦးစီးမှူး ဦးယုနိုင်လင်း၊ ဆင်ချည်တိုင်ကျေးရွာ အုပ်စု အုပ်ချုပ်ရေးမှူးနှင့် ဆယ်အိမ်မှူးများ ပါဝင်သောအဖွဲ့မှ ကွင်းဆင်းကြည့်ရှု ဆောင်ရွက်ခဲ့ကြောင်း သိရသည်။

သန်းနိုင်ဦး(ငဖဲ)
MOI Webportal Myanmar
https://www.facebook.com/MOIWebportalMyanmar/


တွန်းဇန် သြဂုတ် ၁

ချင်းပြည်နယ် တီးတိန်-တွန်းဇန်-ကျီခါးလမ်းပေါ်တွင် ဆောက်လုပ်ထားသော ဗျဲလ်ကျင်းယာယီ တံတား (၃၀×၁၂)ပေသည် ၂၀၁၆ ခုနှစ် သြဂုတ်လ ၁ ရက်နေ့ နံနက် (၀၅း၀၀) နာရီအချိန်တွင် ကျွံကျမှု ဖြစ်ပွားခဲ့ကြောင်း သိရသည်။


ဖြစ်စဉ်မှာ ၂၀၁၆ ခုနှစ် ဇူလိုင်လ ၃၁ ရက်နေ့တွင် တွန်းဇန်မြို့နယ်၌ တစ်နေကုန် မိုးရွာသွန်းမှုကြောင့် ချောင်းရေကြီး၍ တံတား၏ ချဉ်းကပ်ခုံမြေသားများ တိုက်စားရာမှ ကျွံကျသွားခြင်း ဖြစ်ပါသည်။ တံတားကျွံကျမှုကြောင့် ဆက်သွယ်ရေး ပြတ်တောက်မှု မရှိစေရေးအတွက် တွန်းဇန်လမ်း ဦးစီးဌာနမှ JCP နှင့် တီးတိန်မြို့နယ်မှ စက်ကြီး နှစ်စီးဖြင့် ဆောင်ရွက်လျက်ရှိကြောင်း သိရသည်။

မြို့နယ် ပြန်/ဆက်
MOI Webportal Myanmar
https://www.facebook.com/MOIWebportalMyanmar/


ထိုင်းနိုင်ငံ ဗန်ကောက်မြို့ ဘန်ခွန်ထီယန်နယ်မြေ ထီယန်ထလေလမ်းမှာ နေထိုင်တဲ့ မြန်မာအမျိုးသမီးတစ်ဦး မအိလေး အသက် ၂၆နှစ်ဆိုသူ ဒီနေ့သြဂုတ်လ ၁ရက်နေ့ 272932ထွက် ထိုင်းအောင်ဘာလေသိန်းထီပထမဆု၂စောင်တွဲတစ်စုံပေါက်လို့ ဘတ်ငွေ ၆သန်းရှိခဲ့ပါတယ်၊ ထီပေါက်ကြောင်း သက်ဆိုင်ရာရဲစခန်းသို့သွားရောက် မှတ်တမ်းတင် အကြောင်းကြား ထားပါတယ်။

နေပြည်တော်(ဩဂုတ် ၁၊ ၂၀၁၆ခုနှစ်)။ ။ ပြီးခဲ့သည့် အစိုးရလက်ထက်တွင် နေပြည်တော်စည်ပင်သာယာဥပဒေ အရ တရားစွဲဆိုထားသော အမှုအားလုံးကို ပြန်လည်ရုပ်သိမ်းလိုက်ပြီဟု နေပြည်တော်စည်ပင်သာယာရေးကော်မတီမှ သိရှိရသည်။

ယခင်အစိုးရလက်ထက်တွင် နေပြည်တော်စည်ပင်သာယာရေးကော်မတီက ကျူးကျော်ဆောက်လုပ်နေထိုင်မှုဖြင့် တရားစွဲဆိုထားသော အမှုပေါင်း ၆၁မှုရှိခဲ့ရာမှ အစိုးရသစ်သက်တမ်း ၄လအတွင်းတွင် အမှုပေါင်း ၆၀အား ရုပ်သိမ်းလိုက်ခြင်းဖြစ်သည်။

"၁မှုက ဘာလို့ကျန်နေတာလည်းဆိုတော့ စည်ပင်က ခွင့်ပြုလို့မရတဲ့မြို့ကွက်ထဲမှာ အခိုင်အမာဆောက်ထားလို့ပါ။ ဒါကိုလည်း အဆင်အပြေဆုံးဖြစ်အောင် ညှိနှိုင်းပြီးတော့ ရုပ်သိမ်းမှာပါ" ဟု နေပြည်တော်စည်ပင်သာယာရေးကော်မတီမှ အမည်မဖော်လိုသူ တာဝန်ရှိသူတစ်ဦးက မဇ္ဈိမကို ပြောသည်။

ရုပ်သိမ်းပြီးသည့် အမှုပေါင်း ၆၀မှာ ဒက္ခိဏသီရိမြို့နယ်တွင် ၃၂မှု၊ ဇဗ္ဗူသီရိမြို့နယ်တွင် ၁၈မှု၊ ဥတ္တရသီရိမြို့နယ်တွင် ၂မှုနှင့် ပုဗ္ဗသီရိမြို့နယ်တွင် ၈မှုတို့ ဖြစ်သည်။

ရုပ်သိမ်းရန်ကျန်နေသည့် ၁မှုမှာ သုခဒီပရပ်ကွက် ကွင်းကြီးချောင်းနှင့် မြို့နယ်ဆေးရုံကြားတွင် ကျူးကျော်နေထိုင်၍ ပုဒ်မ ၂၆အရ ဒဏ်ငွေငါးသောင်း ထမ်းဆောင်ပြီးသော်လည်း ဆက်လက်ကျူးကျော်နေထိုင်သည့်အတွက် ပုဒ်မ- ၂၇ဖြင့် တရားစွဲဆိုသည့်အမှုဖြစ်သည်ဟု နေပြည်တော်စည်ပင်သာယာရေးကော်မတီ၏ စာရင်းများအရ သိရသည်။

နေပြည်တော်စည်ပင်သာယာရေးကော်မတီအနေဖြင့် ကျူးကျော်ဖြင့်တရားစွဲခံထားရသည့်အမှုများအား ပြန်လည်ရုပ်သိမ်းပေးသလို နေပြည်တော်စီမံကိန်းတည်ဆောက်ချိန်တွင် မြေသိမ်းခံရသော ဒေသခံများအား လျော်ကြေးပေးရန်နှင့်
မြေကွက်အစားထိုးပြန်မရသူများကိုလည်း ဥပဒေနှင့်စိစစ်ပြီး ပေးအပ်သွားရန် စီစဉ်ထားသည်ဟု နေပြည်တော်စည်ပင်သာယာရေးကော်မတီမှ တာဝန်ရှိသူတစ်ဦးက ဆိုသည်။

"နစ်နာခဲ့တဲ့သူတွေကို ဥပဒေနဲ့အညီ စိစစ်ပြီးတော့မှ ပြန်ပေးဖို့ စီစဉ်နေပါတယ်" ဟု အဆိုပါ တာဝန်ရှိသူက ပြောသည်။

(ဓာတ်ပုံ- မင်းမင်း/မဇ္ဈိမ)
Mizzima - News in Burmese

နယူးဒေလီ၊ သြဂုတ် ၁ ။ ။ အိန္ဒိယနိုင်ငံတွင် သားအမိနှစ်ဦးအား အုပ်စုလိုက် သားမယားပြုကျင့်မှုတွင် ပါဝင်သည့် သံသယရှိသူသုံးဦးအား ဖမ်းဆီးရမိပြီး ရမန်ကြီး ၁၄ ရက်ဖြင့် အကျဉ်းချထားကာ စုံစမ်းစစ်မေးမှုများကို ဆက်လက်လုပ်ဆောင်လျက်ရှိသည်။

ပြီးခဲ့သည့် ဇူလိုင် ၂၉ ရက်က ဒေလီဆင်ခြေဖုံးရပ် နိဒါမြို့နှင့် ကန်ပါမြို့ကြား အဝေးပြေးလမ်းတစ်နေရာတွင် အဆိုပါ သားအမိနှစ်ဦးကို လူတစ်အုပ်က ကားပေါ်က ဆွဲချကာ သားမယားပြုကျင့်ခဲ့ကြခြင်းဖြစ်သည်။

ထိုသားအမိနှစ်ဦးနှင့်အတူ ရှိခဲ့ကြသည့် ဆွေမျိုးသားချင်း အမျိုးသားသုံးဦးကိုလည်း ဝိုင်းဝန်းတိုက်ခိုက်ပြီး ချုပ်နှောင်ထားကာ သားအမိနှစ်ဦးအား မုဒိမ်းပြုကျင့်ခဲ့ကြခြင်းဖြစ်သည်။
ထိုဖြစ်ရပ်ဖြစ်စဉ်ကြောင့် နိုင်ငံတစ်လွှား စိတ်ဆိုးဒေါသထွက်ကြရကာ ရဲများ၏ လုပ်ရည်ကိုင်ရည်အပေါ်၌လည်း မေးခွန်းထုတ်စရာများ များပြားခဲ့သည်။

ဖြစ်ပွားစဉ်အချိန်က တိုက်ခိုက်ခံရသူများမှ တစ်ချို့က အရေးပေါ်ကူညီပေးရေးလိုင်းကို ခေါ်ဆိုသော်လည်း တုံ့ပြန်မှု မရှိခဲ့ကြောင်း ပြောကြသည်။

အရေးပေါ်လိုင်းက ဆက်တိုက် မအားသေးဘူးဖြစ်နေကြောင်း၊ နောက်ဆုံး လိုင်းဝင်သွားချိန်တွင်လည်း တာဝန်ရှိသူဖက်က ကူညီပေးရမည့်အစား မေးခွန်းများသာ ဆက်တိုက်မေးနေခဲ့ကြောင်း တိုက်ခိုက်ခံရသူများမှ တစ်ဦးသောသူက ဟိန္ဒူစတန်နီတိုင်းမ်စ်သို့ ပြောသည်။

ထို့ပြင် အခင်းဖြစ်နေစဉ် တစ်ဝိုက်တွင် လယ်ကွင်းကိုဖြတ်၍ ရဲကားတစ်စီး မောင်းနှင်သွားခဲ့ကြောင်း၊ သို့သော်လည်း ရပ်တန့်ကူညီခြင်းမရှိ ဆက်လက်မောင်းနှင်သွားကြောင်း တိုက်ခိုက်ခံခဲ့ရသူများက ပြောဆိုသည်။

ဇူလိုင် ၃၁ ရက်က သုံးဦးကို ဖမ်းဆီးရမိပြီး ကျုးလွန်ခံရသူများက ၎င်းတို့သုံးဦးအား တရားခံများအဖြစ် ခွဲခြားအတည်ပြုပြီးလည်းဖြစ်၍ ရမန်ချုပ်ဖြင့် ချုပ်နှောင်ထားရှိကြောင်း အကြီးတန်းရဲအရာရှိတစ်ဦးက ဘီဘီစီသို့ပြောသည်။

ယနေ့ သြဂုတ် ၁ ရက်၌လည်း နောက်ထပ်လူသုံးဦးကို ဖမ်းဆီးထိန်းသိမ်းထားကြောင်း ၎င်းက ဖြည့်စွက်ပြောသည်။

ယင်းဖြစ်စဉ်နှင့် ပတ်သက်ပြီး ရဲခုနစ်ဦးကိုလည်း ဥတာပရာဒေ့ရ်ှပြည်နယ်အစိုးရက တာဝန်ဆိုင်းငံ့လိုက်ပြီး အမှုအား စုံစမ်းထောက်လှမ်းရေးအတွက် ရဲတပ်ဖွဲ့အင်အား ၃၀၀ ကျော်ကို သုံးစွဲထားသည်။

ထိုအမှုအခင်းတွင် တိုက်ခိုက်ခံရသည့် မိသားစုက ငွေကြေး၊ လက်ဝတ်လက်စားနှင့် မိုဘိုင်းဖုန်းများကိုလည်း ဓားပြတိုက်လုယူခြင်းလည်း ခံရကြောင်း သိရသည်။

Mizzima - News in Burmese

 thai-workers-620.jpg ထိုင်းနိုင်ငံကိုရောက်ရှိနေတဲ့ မြန်မာနိုင်ငံသားအလုပ်သမားများကို တွေ့ရစဉ်
Photo: Kyaw Zaw Win/ RFA

ထိုင်းနိုင်ငံမှာ အဖမ်းခံရတဲ့ မြန်မာအလုပ်သမား အရေအတွက် သောင်းဂဏန်းလောက်ရှိမယ်လို့ မြန်မာ အလုပ် သမားအရေး လှုပ်ရှားနေတဲ့အဖွဲ့တွေ က ပြောပါတယ်။

အဖမ်းခံရတဲ့ အလုပ်သမား ၉၀ ရာခိုင်နှုန်းလောက်ဟာ တရားဝင်နေထိုင်ခွင့်၊ တရားဝင်အလုပ်လုပ်ခွင့် လက်မှတ် ရှိနေသူတွေ ဖြစ်တယ်လို့ ထိုင်းနိုင်ငံရောက် မြန်မာနိုင်ငံသားများအဖွဲ့ ဒါရိုက်တာ ဦးကျော်သောင်း က ပြောပါတယ်။

"ပြီးခဲ့တဲ့ ၁၀ ရက်ဝန်းကျင်လောက်ကစပြီး ထိုင်းမှာ အဖမ်းအဆီးတွေ အရမ်းကြမ်းတယ်၊ နယ်မြေကျော်လို့ဆိုပြီး ဖမ်းဆီးတယ်၊ ထိုင်းနိုင်ငံတဝှမ်း ဖမ်းဆီးတာ သောင်းချီပြီးရှိနေပြီ၊ ပျဉ်းမျှ တစ်နေ့ကို တစ်ထောင်ကျော် နှစ်ထောင်ကျော် ဖမ်းနေတာ နေရာအနှံ့လေ၊ အလုပ်သမားတွေရဲ့ ၉ဝ ရာခိုင်နှုန်းလောက်က တရားဝင်နေထိုင်ခွင့်တော့ရှိတယ် တရားဝင်အလုပ်လုပ်ကိုင်ခွင့်တော့ရှိတယ်၊ သို့သော် အလုပ်နဲ့တထပ်တည်း မကျတာ သူဌေးနဲ့ တထပ်တည်းမကျတာ ၉ဝ ရာခိုင်နှုန်းရှိတယ်"

ပြီးခဲ့တဲ့ ၁၀ ရက်အတွင်း ထိုင်းနိုင်ငံမှာရှိတဲ့ ဈေးတွေ၊ ဈေးဝယ်စင်တာတွေနဲ့ ဟိုတယ်တွေမှာ မြန်မာ အလုပ်သမားတွေကို ၀င်ရောက်ဖမ်းဆီးတာဖြစ်ပြီး တစ်နေ့ကို ထောင်နဲ့ချီ ဖမ်းဆီးခံနေရ တာဖြစ်ပါတယ်။

အဖမ်းခံရတဲ့ အလုပ်သမားတွေမှာ အလုပ်အကိုင် အေဂျင်စီတွေကတဆင့် အလုပ်သွားလုပ်တဲ့ အလုပ်သမားတွေ အပြင် အစိုးရချင်း သဘောတူညီမှုနဲ့ ပို့ဆောင်ပေးနေတဲ့ MOU အလုပ်သမားတွေလည်း ပါဝင်ပါတယ်။

ထိုင်းနိုင်ငံရဲ့ ဥပဒေအရ အလုပ်လုပ်ခွင့်ပြုထားတဲ့ အလုပ်ရှင်နဲ့ အလုပ်နေရာမတူညီရင် စည်းကမ်းချိုးဖောက်တယ်လို့ သတ်မှတ်ပြီး အလုပ်ရှင်ရော အလုပ်သမားပါ အရေးယူဖို့ ပြဌာန်းထားပေမယ့် အခုချိန်အထိ အလုပ်သမားတွေသာ အရေးယူခံနေရပြီး ထိုင်းအလုပ်ရှင်တွေကို အရေးယူတာမျိုး မရှိသေးဘူးလို့လည်း ဦးကျော်သောင်း က ပြောပါတယ်။

အဖမ်းခံရတဲ့ အလုပ်သမားတွေဟာ တရားဝင်အလုပ်လုပ်ခွင့်၊ နေထိုင်ခွင့် လက်မှတ်တွေကိုပါ အသိမ်းခံရ ပြီး မြန်မာနိုင်ငံနဲ့ ထိုင်းနယ်စပ်မြို့တွေဖြစ်တဲ့ မြ၀တီနဲ့ တာချီလိတ်မြို့တွေကို ပြန်ပို့ခံရတာဖြစ်ပါတယ်။

မြ၀တီနယ်စပ်ဂိတ်မှာရှိတဲ့ နယ်ခြားစောင့်တပ်ဂိတ်ကို အပို့ခံရတဲ့ အလုပ်သမားတွေဟာ ထိုင်းဘတ်ငွေ အနည်းဆုံး ၁ ထောင်ပေးမှသာ ဂိတ်ကနေထွက်ခွင့်ရှိပြီး မပေးနိုင်တဲ့ အလုပ်သမားတွေဆိုရင် သူတို့ရဲ့ စိုက်ပျိုးရေးလုပ်ငန်းတွေ မှာ ၀င်ရောက်အလုပ်လုပ်ကိုင်ပေးရတယ်လို့လည်း အလုပ်သမားအဖွဲ့အစည်းတွေ က ပြောပါတယ်။
RFA

 ndaa-press-620.jpg ငြိမ်းချမ်းရေးကော်မရှင်ဥက္ကဋ္ဌ ဒေါက်တာ တင်မျိုးဝင်း ဦးဆောင်တဲ့ အဖွဲ့နဲ့ NDAA မိုင်းလားအဖွဲ့တို့ သြဂုတ်လ ၁ ရက်နေ့က ရန်ကုန်မြို့ အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာနမှာ တွေ့ဆုံခဲ့စဉ်
Photo: Thiha Tun/ RFA

မိုင်းလားအဖွဲ့ဟာ နိုင်ငံတော်က ခွဲမထွက်ရေးမူကို အမြဲတမ်းဆုပ်ကိုင်ထားကြောင်းနဲ့ ၂၁ ရာစု ပင်လုံညီလာခံ ကျင်းပရေးအတွက် နိုင်ငံရေးမူဘောင် ပြင်ဆင်ရေး ပြန်လည်သုံးသပ်တဲ့ ဆွေးနွေးပွဲတွေကို တက်ရောက်နိုင်ဖို့ ကြိုးစားသွားမှာဖြစ်ကြာင်း NDAA မိုင်းလားအဖွဲ့ခေါင်းဆောင် ဦးစိုင်းလင်း က ပြောလိုက်ပါတယ်။

ငြိမ်းချမ်းရေးကော်မရှင်ဥက္ကဋ္ဌ ဒေါက်တာ တင်မျိုးဝင်း ဦးဆောင်တဲ့ အဖွဲ့နဲ့ NDAA မိုင်းလားအဖွဲ့တို့ ဒီနေ့ ရန်ကုန်မြို့ အမျိုးသား ပြန်လည်သင့်မြတ်ရေးနဲ့ ငြိမ်းချမ်းရေးဗဟိုဌာန NRPC ပြုလုပ်တဲ့တွေ့ဆုံပွဲမှာ ပြောခဲ့တာလို့ ငြိမ်းချမ်းရေးကော်မရှင် အတွင်းရေးမှူး ဦးခင်ဇော်ဦး က ပြောပါတယ်။

"နိုင်ငံရေးပိုင်းဆိုင်ရာမှာတေ့ာ အထူးဒေသ ၄ အနေနဲ့ နိုင်ငံတော်က ခွဲမထွက်ရေးမူကို အမြဲတမ်းဆုပ်ကိုင် ထားပါ့မယ်ဆိုပြီးတော့မှ သူတို့ပြောတာတွေရှိပါတယ်၊ ပြည်ထောင်စုမှ ခွဲမထွက်သင့်ဘူး၊ နိုင်ငံရေးအခြေခံမူ အနေနဲ့ ပြည်ထောင်စုက ခွဲမထွက်တဲ့မူကို ဆက်လက်ပြီးတော့ ဆုပ်ကိုင်ထားပါ့မယ် နောက်တစ်ခုက ငြိမ်းချမ်းရေး ညီလာခံမှာ အားလုံးပါဝင်ရေးကိုတော့ ဖော်ဆောင်သင့်ပါတယ်လို့ သူတို့အကြံပြုပါတယ် ၊ နိုင်ငံရေးဆွေးနွေးမှု မူဘောင် တက်ရောက်ရေးကို ကျနော်တို့က ဆွေးနွေးတဲ့အခါမှာတော့ သူတို့ စိတ်ဝင်စားပါတယ်၊ တက်ရောက်နိုင်ဖို့ သူတို့ကြိုးစားပါမယ်လို့ သူတို့ပြောပါတယ်"

ဒီနေ့ ဆွေးနွေးပွဲမှာ မိုင်းလားအဖွဲ့က တင်ပြတဲ့ အချက် ၅ ချက်ကတော့ နိုင်ငံတော်က ခွဲမထွက်ရေးမူကို ဆုပ်ကိုင်ထားတယ်၊ ငြိမ်းချမ်းရေးဆွေးနွေးပွဲတွေမှာ တိုင်းရင်းသား လက်နက်ကိုင်အဖွဲ့ အားလုံးပါဝင်ဖို့ လိုလားတယ်၊ နိုင်ငံတော်က ပိုင်ဆိုင်တဲ့ သယံဇာတတွေကို တိုင်းရင်းသား အားလုံးအတွက် အသုံးပြုသင့် တယ်၊ နိုင်ငံတော် လုံခြုံရေးအတွက် တိုင်းရင်းသားအားလုံး တာဝန်ရှိတယ် စတဲ့ အချက်တွေဖြစ်ပါတယ်။

ဒီဆွေးနွေးပွဲကို ငြိမ်းချမ်းရေးကော်မရှင် ဒုတိယဥက္ကဋ္ဌ ဦးသိန်းဇော်၊ အတွင်းရေးမှူး ဦးခင်ဇော်ဦး၊ အကြံပေးအဖွဲ့ခေါင်းဆောင် ဦးအောင်ကြည်နဲ့ အထောက်အကူပြုအဖွဲ့ဝင်တွေ တက်ရောက်ကြပါတယ်။

လာမယ့် သြဂုတ်လ ပထမပတ်ဝန်းကျင်မှာ နိုင်ငံရေးမူဘောင် ပြင်ဆင်ရေး ပြန်လည်သုံးသပ်တဲ့ ဆွေးနွေးပွဲတွေကို ကျင်းပသွားဖို့ရှိပြီး ကိုးကန့်၊ တအာင်းပလောင် ၊ AA ရခိုင်အဖွဲ့တွေ တက်ရောက်နိုင်ဖို့ နည်းလမ်းတွေ ကို ဆွေးနွေးနေပြီး အဲ့ဒီအဖွဲ့ ၃ဖွဲ့နဲ့ တွေ့ဆုံနိုင်ဖို့ မကြာမီ ရက်ပိုင်းအတွင်း မိုင်းလားဒေသကို သွားရောက်ဖို့ ရှိတယ်လို့ ဦးခင်ဇော်ဦး က ပြောပါတယ်။

ပြီးခဲ့တဲ့ ဇူလိုင်လ ၂၉ ရက်နေ့က နေပြည်တော်မှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့နဲ့ NDAA မိုင်းလားအဖွဲ့ခေါင်းဆောင် ဦးစိုင်းလင်း တို့ သီးခြားစီ တွေ့ဆုံခဲ့ကြပါတယ်။
RFA

 mp-lodging-620.jpg လွှတ်တော်ကိုယ်စားလှယ်တွေ တည်းခိုတဲ့ နေပြည်တော် စည်ပင်ဧည့်ရိပ်သာကို တွေ့ရစဉ်
Photo: RFA

နေပြည်တော် စည်ပင်ဧည့်ရိပ်သာမှာ တည်းခိုတဲ့ လွှတ်တော်ကိုယ်စားလှယ်တွေနဲ့ လွှတ်တော်ရေးရာ ကော်မရှင် အဖွဲ့ဝင်တွေဟာ တစ်ရက် အခန်းငှားရမ်းခအပေါ် ကုန်သွယ်လုပ်ငန်းခွန် ၅ ရာခိုင်နှုန်း ပေးဆောင်ရမယ်လို့ ဒီနေ့ ပြည်သူ့လွှတ်တော်ရုံးက ကြေညာလိုက်ပါတယ်။

တစ်ရက် အခန်းငှားရမ်းခ ငွေကျပ် ၅ဝဝဝ အပေါ်မှာ ငါးရာခိုင်နှုန်း ၂၅၀ ကျပ်ကို ပေးဆောင်ရမှာဖြစ်တယ် လို့ ပြည်သူ့လွှတ်တော်ကိုယ်စားလှယ် ဒေါ်ခင်စောဝေ က ပြောပါတယ်။

"အရင်တုန်းကတော့ အမတို့ကို တခါမှမကောက်ခဲ့ဘူး၊ အခု ၁ ရက်နေ့ကနေ ကောက်မယ်ဆိုတဲ့အပေါ်မှာ အမတို့ စားသောက်ဆိုင်မှာ သွားစားတဲ့အခါလည်း စားသောက်တဲ့ ရာခိုင်နှုန်းအလိုက် အမတို့ပေးနေရတာတွေရှိပါ တယ်၊ နောက်တခါ စည်ပင်မှာလည်း အခုဆိုရင် အမတို့ကို အခန်းခ ငါးထောင်ကောက်တယ်ပေါ့၊ အဲ့အပေါ်မှာ ထပ်ပြီးတော့ အမတို့ကို ကုန်သွယ်ခွန်၂၅ဝ ထပ်ကောက်မယ်ဆိုတယ်ပေါ့၊ ဒီကုန်သွယ်ခွန်ကို အစိုးရအနေ နဲ့ကောက်တာကို အမတို့အနေနဲ့ ဘာမှမပြောလိုပါဘူး"

အရင်အစိုးရလက်ထက်မှာ လွှတ်တော်ကိုယ်စားလှယ်တွေအနေနဲ့ ၀င်ငွေခွန်သာ ပေးဆောင်ခဲ့ရတာဖြစ်ပါတယ်။

စည်ပင်ဧည့်ရိပ်သာရဲ့ ၀န်ဆောင်မှုလုပ်ငန်းတွေဟာ ကုန်သွယ်လုပ်ငန်းခွန်ဥပဒေအရ အခွန်ကင်းလွတ်ခွင့်မရှိတဲ့ အတွက် ၀န်ဆောင်မှုရယူသူတွေထံကနေ တစ်ပါတည်း ကောက်ခံပြီး ပြည်တွင်းအခွန်များဦးစီးဌာနထံ ပေးသွင်း ရမယ်လို့ နေပြည်တော် စည်ပင်သာယာရေးကော်မတီက ပြည်သူ့လွှတ်တော်ရုံးထံ ပေးပို့လာတာဖြစ်ပါတယ်။

အခွန်ကောက်ခံမှုဟာ ဒီနေ့ သြဂုတ်လ ၁ ရက်နေ့က စတင်အကျုံးဝင်မှာဖြစ်ပါတယ်။ နေပြည်တော် စည်ပင် ဧည့်ရိပ်သာ အမှတ် ၂ မှာ အမျိုးသားလွှတ်တော်နဲ့ ပြည်သူ့လွှတ်တော် ကိုယ်စားလှယ် ၄၀၀ ကျော် တည်းခိုပြီး လွှတ်တော်တက်ရောက်ကြတာဖြစ်ပါတယ်။

ဒီသတင်းနဲ့ ပတ်သက်ပြီး လွှတ်တော်ကိုယ်စားလှယ်တွေရဲ့ သဘောထားကို မဝေယံမိုးမြင့် က မေးမြန်းတင်ပြထား ပါတယ်။
RFA


ဆီးရီးယားမှာ ရုရှားစစ်ရဟတ်ယာဉ် ပျက်ကျ
ဆီးရီးယားမှာ ရုရှားစစ်ရဟတ်ယာဉ် ပျက်ကျ

ဆီးရီးယား နိုင်ငံ အနောက်မြောက်ပိုင်းမှာ ဒီကနေ့ တနလာင်္နေ့မှာ ရုရှား ရဟတ်ယာဉ်တစင်း ပစ်ချခံရပြီး စီးနင်းလိုက်ပါသူ ၅ ဦးလုံး သေဆုံးခဲ့ပါတယ်။ သယ်ယူပို့ဆောင်ရေး ရဟတ်ယာဉ် ပစ်ချခံရတာလို့ ရုရှား ကာကွယ်ရေး ၀န်ကြီးဌာနက ပြောပါတယ်။

အလက်ပိုမြို့ကို လူသားချင်းစာနာထောက်ထားမှု ဆိုင်ရာ အထောက်အပံ့တွေ ပို့ဆောင်ပေးပြီး အပြန်မှာ ပစ်ချခံရတာ ဖြစ်ပြီး သေဆုံးသူတွေထဲမှာတော့ အရာရှိ ၂ ဦးနဲ့ ရဟတ်ယာဉ် ၀န်ထမ်း ၃ ဦးတို့ ပါဝင်တယ်လို့လည်း ပြောပါတယ်။ ပြီးခဲ့တဲ့နှစ် စက်တင်ဘာလကစလို့ ဆီးရီးယား သမ္မတ ဘာရှားလ်အယ်လ်အာဆဒ် အစိုးရကို အထောက်အပံ့ပေးတဲ့ အနေနဲ့ ရုရှား တပ်ဖွဲ့တွေက လေကြောင်းကနေ တိုက်ခိုက်ခဲ့တာပါ။

သမ္မတ အာဆဒ် အစိုးရ တပ်ဖွဲ့တွေနဲ့ သူ့ကို ရာထူးက ဖယ်ရှားလိုတဲ့ သူပုန်တွေကြား တိုက်ပွဲတွေက ၂၀၁၁ ခုနှစ် မတ်လကတည်းက စခဲ့တာပါ။ ငြိမ်းချမ်းစွာ ဆန္ဒပြ တောင်းဆိုမှုတွေကနေ ပြည်တွင်းစစ် အထိ ဖြစ်ခဲ့ရတဲ့ ဆီးရီးယား ပြည်တွင်းစစ်မှာ သူပုန်အဖွဲ့တွေ အတော်များများ ပါဝင်တိုက်ခိုက်နေသလို နယ်မြေတွေ ရရှိရေး တိုက်ခိုက်နေတဲ့ အစ္စလာမ္မစ် အစွန်းရောက် IS အဖွဲ့လည်း ပါဝင်ပါတယ်။

ကုလသမဂ္ဂရဲ့ အစီအစဉ်နဲ့ ဆွစ်ဇာလန် နိုင်ငံ ဂျီနီဗာမြို့မှာ သြဂုတ်လကုန်ပိုင်း ကျင်းပမယ့် အတိုက်အခံတွေနဲ့ ငြိမ်းချမ်းရေး ဆွေးနွေးပွဲကို ကြိုတင်သတ်မှတ်ချက်တွေ၊ ပြည်ပက စွက်ဖက်မှုတွေ မပါဘဲ ဆွေးနွေးဖို့ အဆင်သင့်ရှိတဲ့ အကြောင်း ဆီးရီးယား အစိုးရက မနေ့ တနင်္ဂနွေနေ့က ပြောပါတယ်။

ဆီးရီးယား နိုင်ငံတွင်း အကြမ်းဖက်မှုတွေ ဆက်ပြီး ဖြစ်နေတာနဲ့ သမ္မတ အာဆဒ် ရာထူးက ဆင်းရေး မဆင်းရေး ကိစ္စ မဖြေရှင်းနိုင်တာတွေကြောင့် ကုလသမဂ္ဂက စီစဉ်တဲ့ အရင်ငြိမ်းချမ်းရေး ဆွေးနွေးပွဲ အတော်များများက အထမမြောက်ခဲ့ပါဘူး။

ဘယ်လို ငြိမ်းချမ်းရေး သဘောတူညီချက်မှာ မဆို ဆီးရီးယား သမ္မတ ဘာရှားလ်အယ်လ်အာဆဒ် ဆင်းပေးရေး ပါဝင်ရမယ်လို့ အမေရိကန် ပြည်ထောင်စုနဲ့ အနောက်အင်အားကြီး နိုင်ငံတို့ဘက်က အခိုင်အမာ ပြောဆိုနေတာဖြစ်ပြီး သမ္မတ အာဆဒ်ရဲ့ အရေးအပါဆုံး ရုရှား အပါအ၀င် မဟာမိတ်တွေကတော့ ဒီကိစ္စကို လက်မခံဘဲ ပယ်ချထားပါတယ်။

VOA Burmese News


မြန်မာနိုင်ငံ အပြည်ပြည်ဆိုင်ရာ လေဆိပ်တွင် လူဝင်မူကြီးကြပ်ရေးကောင်တာတွင် အစစ်ဆေးခံနေစဉ်
မြန်မာနိုင်ငံ အပြည်ပြည်ဆိုင်ရာ လေဆိပ်တွင် လူဝင်မူကြီးကြပ်ရေးကောင်တာတွင် အစစ်ဆေးခံနေစဉ်

အမည်မည်း စာရင်း Black List သွင်းထားတဲ့ မြန်မာနိုင်ငံသား ၃၀၀ ကျော်ကို သြဂုတ်လ ပထမအပတ် ဒါမှမဟုတ် ဒုတိယအပတ်လောက်မှာ သက်ဆိုင်ရာ ၀န်ကြီးဌာနတွေကနေတစ်ဆင့် ပယ်ဖျက်ပေးသွားမယ်လို့ လူဝင်မှု ကြီးကြပ်ရေးနဲ့ ပြည်သူ့အင်အားဝန်ကြီးဌာနက ပြောဆိုလိုက်ပါတယ်။ ဒါဟာ အစိုးရသစ်လက်ထက်မှာ ပထမဆုံး အကြိမ် ပြုလုပ်တာ ဖြစ်ပြီး အကြမ်းဖက်မှုနဲ့ ဆက်စပ်နေတဲ့ သူများနဲ့ ကလေး လိင်ကိစ္စ ကျုးလွန်သူတွေအပါအ၀င် အကြောင်းအမျိုးမျိုးကြောင့် နိုင်ငံကူး လက်မှတ်ပျောက်ဆုံးသူတွေကိုတော့ blacklist စာရင်းမှာ ဆက်လက်ထားရှိသွားမှာလည်း ဖြစ်ပါတယ်။အပြည့်အစုံကိုတော့ ဗွီအိုအေမြန်မာပိုင်း သတင်းထောက် ကိုထက်အောင်က တင်ပြပေးမှာပါ။

ပညာရေး ကျန်းမာရေး ကိစ္စရပ်တွေအပါအ၀င် အကြောင်းအမျိုးမျိုးကြောင့် အမည်မဲစာရင်းသွင်းထားတဲ့ မြန်မာနိုင်ငံ သား ၃၀၀ ကျော်ကို ဒီစာရင်းကနေ ပယ်ဖျက်ပေးတော့မယ်လို့ လူဝင်မှု ကြီးကြပ်ရေးနဲ့ ပြည်သူ့အင်အား ၀န်ကြီးဌာနက ပြောဆိုလိုက်ပါတယ်။ လာမယ့် သြဂုတ်လ ပထမအပတ် ဒါမှမဟုတ် ဒုတိယအပတ်လောက်မှာ သက်ဆိုင်ရာ ၀န်ကြီးဌာနတွေကနေတစ်ဆင့် ထုတ်ပြန်သွားမယ်လို့ လ၀က ၀န်ကြီးဌာနက အမြဲတမ်းအတွင်းဝန် ဦးမြင့်ကြိုင်က ပြောပါတယ်။

“၃၀၀ ကျော်လောက်ရှိမယ်။ ကျနော်မှန်းကြည့်တာကတော့ ပထမပတ်၊ ဒုတိယပတ်အတွင်းမှာပဲ ဖြစ်ဖို့များပါတယ်ခင်ဗျ။ ဒီ သြဂုတ်လ ပထမပတ်နဲ့ ဒုတိယပတ်အတွင်းမှာပဲဖြေလျှော့မယ့်ဟာတွေကိုတော့ အစိုးရအဖွဲ့ ကို တင်ပြထားမှာပေါ့နော်။ အစိုးရအဖွဲ့ကနေ တင်ပြထားတဲ့ ဖြေလျှော့မယ့်ဟာတွေကို သက်ဆိုင်ရာ ၀န်ကြီးဌာနတွေကို ပယ်ဖျက်ပေးဖို့အတွက် သူတို့ ပြန်အကြောင်းကြားမှာပေါ့နော်။”

အခု ထုတ်ပြန်မယ့် အမည်မည်းစာရင်းကနေ ပယ်ဖျက်မှု သူတွေထဲမှာ အင်တာပိုလို့ခေါ်တဲ့ နိုင်ငံတကာ ရဲတပ်ဖွဲ့က အကြောင်းကြားထားတဲ့ အကြမ်းဖက်မှုနဲ့ ဆက်စပ်တဲ့ သူတွေအပါအ၀င် ကလေးသူငယ်လိင်ကိစ္စနဲ့ ပတ်သတ်လို့ အမှုအခင်း ကျုးလွန်ထားတဲ့ သူ ၃၀၀၀ ထောင်ကျော်နဲ့ အကြောင်းအမျိုးမျိုးကြောင့် နိုင်ငံကူး လက်မှတ် ပျောက်ဆုံးတဲ့ သူ ၄၅၀၀ ကတော့ပါဝင်မှာ မဟုတ်ပါဘူး။ ဒီစာရင်းကနေ ပယ်ဖျက်ပေးမယ့် သူတွေကိုတော့ ဦးမြင့်ကြိုင်က အခုလို ပြောပါတယ်။

“ဒီမြန်မာနိုင်ငံသားတွေအကြောင်းအမျိုးမျိုးနဲ့ အမည်အမည်းစာရင်းအသွင်းခံရတာပဲ။ အဓိကတော့ သက်ဆိုင်ရာဌာနတွေနဲ့ ငွေရေးကြေးရေး ပြုလုပ်တာနဲ့ အမည်အမည်းစာရင်းအသွင်း သွင်းထားတာတွေရှိသေးတယ်။ တချို့က သက်ဆိုင်ရာတွေ ဒေါက်တာဝင်းတို့ဆိုရင် ပညာရေးနဲ့ပတ်သက်ပြီးတော့ ၊ ပညာရပ်နဲ့ ပတ်သက်ပြီးတော့ ဘွဲ့သွားယူပြီးတော့ သက်ဆိုင်ရာဌာနမှာ အလုပ်ဝင်မလုပ်တော့လို့ Black list လုပ်လိုက်တာတွေရှိတယ်။ အဲလိုဟာတွေကို ကျနော်တို့က ဖြေလျှော့ပေးမယ်။ လုပ်ထုံးလုပ်နည်းဥပဒေအတိုင်းပဲ အရေးယူပြီးတော့ အမည်အမည်းစာရင်းမှာ မထည့်တော့ပါဘူး။ ဒီ ပြစ်ဒဏ် ကျခံပြီးသား နိုင်ငံခြားသားတွေကို အမည်မဲစာရင်းသွင်းတာတွေရှိတယ်။ ပြီးတော့ မြန်မာနိုင်ငံသားတွေကတော့ အဓိကတော့ သက်ဆိုင်ရာ ၀န်ကြီးဌာနတွေနဲ့ အမူအခင်းဖြစ်ပွားပြီးတော့ အမည်မည်းစာရင်း သွင်းတာတွေရှိတယ်။ အခုကျနော်တို့ ဖြေလျှော့တာက မြန်မာနိုင်ငံသားတွေ နဲ့ ပတ်သက်လို့ ဖြေလျှော့မှာဖြစ်ပါတယ်။

မေး။ ။ ဆိုတော့ နိုင်ငံရေးတက်ကြွလှုပ်ရှားသူတွေအတွက် ဒီ အမည်မဲစာရင်းကနေ ပယ်ဖျက်ပေး ဖို့ အစီအစဉ်ရှိသလားခင်ဗျ။

ဖြေ။ ။ အမည်မည်းစာရင်းမှာ နိုင်ငံရေးတက်ကြွလှုပ်ရှားသူတွေ မရှိဘူးခင်ဗျ။ ခေါင်းစဉ်ကိုမပါတာ။”

မြန်မာနိုင်ငံမှာ Black List စာရင်းသွင်းခံထားရတဲ့သူ ၈၀၀၀ ထောင်ကျော်ရှိနေပြီး အခုတစ်ခေါက် ပယ်ဖျက်မယ့် စာရင်းမှာ ၃၀၀ ကျော် သာ ပါဝင်မှာ ဖြစ်ပါတယ်။ အမည်မည်းစာရင်းမှာ ပါဝင်နေတယ်လို့ သံသယရှိသူတွေဟာ သက်ဆိုင်ရာ ၀န်ကြီးဌာနတွေကို သွားရောက်စုံစမ်းနိုင်တယ်လို့လည်း ဆိုပါတယ်။ ပြီးခဲ့တဲ့ ဦးသိန်းစိန် အစိုးရ လက်ထက်မှာ အခုလိုမျိုး အမည်မည်းစာရင်းကနေ ပယ်ဖျက်ပေးတာတွေ ရှိပေမယ့် လက်ရှိ အစိုးရသစ်လက်ထက်မှာဆိုရင် ဒါဟာ ပထမဆုံးအကြိမ်လို့ ပြောရမှာပါ။ ဒါ့အပြင် ဒီမိုကရေစီ နည်းကျ ရွေးချယ် တင်မြှောက်ထားတဲ့ အစိုးရသစ်လက်ထက်မှာ အမည်မည်းစာရင်း ပယ်ဖျက်ပေးတာကို ပိုပြီး ပွင့်လင်းမြင်သာမှု ရှိပြီး ကျယ်ကျယ်ပြန့်ပြန့် လုပ်ဆောင်ဖို့ လိုတယ်လို့ နိုင်ငံရေး သုံးသပ်သူ တစ်ချို့ကလည်း ထောက်ပြပြောဆိုကြပါတယ်။ အခုလို အမည်မည်းစာရင်းကနေ ပယ်ဖျက်မယ့် ကိစ္စရပ်အပေါ် နိုင်ငံရေး အကဲခတ် ပုဂ္ဂိုလ် ဒေါက်တာ ရန်မျိုးသိမ်းပြောတာက

“နိုင်ငံခြားရေးဝန်ကြီးဌာနရဲ့ ရက် ၁၀၀ စီမံချက်မှာကောပေါ့လေ နောက်ပြီးတော့ အစိုးရအသစ်ရဲ့ ထုတ်ပြန်ချက်တွေအရကော ကြည့်မယ်ဆိုရင် သူက အမျိုးသားပြန်လည်သင့်မြတ်ရေးနဲ့ ရင်ကြားစေ့ရေးကို ဦးတည်တယ်ဆိုရင် ဒီ Black list သွင်းထားတဲ့ လူတွေအားလုံးရဲ့ စာရင်းကို ပယ်ဖျက်ပေးဖို့ လိုအပ်တယ်လို့ ကျနော်ကတော့ သုံးသပ်ပါတယ်။ ဥပမာအားဖြင့် Black list သွင်းထားတဲ့လူတွေရဲ့ ရာခိုင်နှုန်းတချို့ကိုပဲ ဖြေလျှော့ပေးမယ်ဆိုရင် ဒါကျိုးကြောင်းစီလျှော်မှုမရှိဘူးလို့ ကျနော်ကမြင်ပါတယ်။အဲဒီတော့ တကယ်တန်းကတော့ Black list ထဲမှာ ပါနေတဲ့ လူတွေရဲ့စာရင်းကို အကုန်လုံးနီးပါးကို လျှော့ချပစ်မှသာလျှင် ဒါဟာ အမျိုးသားပြန်လည် ရင်ကြားစေ့ရေးနဲ့ ယုံကြည်မှုတည်ဆောက်ရေးကို ထိရောက်တဲ့ ခြေလှမ်းဖြစ်နိုင်တယ်လို့ ကျနော်သုံးသပ်ပါတယ်။”

လက်ရှိ ထုတ်ပြန်မယ့် အမည်မည်းစာရင်းက ပယ်ဖျက်မယ့် သူတွေ စာရင်းမှာ နိုင်ငံရေး လှုပ်ရှားမှုကြောင့် black list သွင်းခံရသူတွေ မပါပေမယ့်လို့ ဒီစာရင်းထဲမှာ ပါနေတယ်လို့ ကိုယ့်ကိုယ်ကိုယ် သံသယ ရှိသူတွေကတော့ ပြည်ထဲရေး ၀န်ကြီးဌာနကို သွားရောက် စုံစမ်းနိုင်မှာလည်း ဖြစ်ပါတယ်။ ပြည်ပရောက် နိုင်ငံရေးတတ်ကြွလှုပ်ရှားသူအချို့ကိုတော့ နိုင်ငံခြားက မြန်မာသံရုံးတွေကနေ ပြည်ဝင်ခွင့်ဗီဇာထုတ်မပေးတာကြောင့် ဒီလူတွေ မြန်မာနိုင်ငံကို ပြန်လာဖို့ အခက်ကြုံတာတွေရှိနေပါတယ်။ အလုပ်သမား လူဝင်မှု ကြီးကြပ်ရေး နဲ့ ပြည်သူ့အင်အား ၀န်ကြီးဌာန ပြည်ထောင်စု ၀န်ကြီးကတော့ လက်ရှိအချိန်မှာ နိုင်ငံရေး လုပ်ရှားမှုကြောင့် အမည်မည်းစာရင်းသွင်းခံရသူတွေ မရှိသလောက် ဖြစ်နေပြီး အစိုးရသစ်အနေနဲ့လည်း ဖြေလျော့မှုတွေ လုပ်နေတယ်လို့ ပြောဆိုထားပါတယ်။

ကိုထက်အောင်
VOA Burmese News



နာဂကိုယ်ပိုင် အုပ်ချုပ်ခွင့်ရဒေသ တနေရာ
နမိုးနီးယားခေါ် အသက်ရှူလမ်းကြောင်းထဲ ဗိုင်းရပ်ပိုးဝင်ရောက်မှု ကူးစက်ရောဂါကြောင့် စစ်ကိုင်းတိုင်းဒေသကြီး နာဂကိုယ်ပိုင် အုပ်ချုပ်ခွင့်ရဒေသ လဟယ်မြို့နယ်အတွင်းက ဒေသခံကလေးငယ်အများစုအပါအ၀င်(၂၀)ဦးသေဆုံးခဲ့ပြီး (၁၆၀)ဦးကျော် ရောဂါကူးစက်ခံနေရတယ်လို့ နာဂဦးစီး အဖွဲ့ခေါင်းဆောင်တွေ ကပြောပါတယ်။ လက်ရှိမှာမြို့နယ်ကျန်းမာရေးအဖွဲ့တွေကနေ ရောဂါဖြစ် ပွါးရာဒေသကိုသွားရောက် ကွင်းဆင်းဆေးကုသနေသလို နာဂကိုယ်ပိုင်အုပ်ချုပ်ခွင့်ရဒေသဘက်မှာ ဘက်ပေါင်းစုံကနေ အားနဲနေတဲ့အခြေအနေတွေကြောင့် ရောဂါကူးစက်မှု တွေရှိလာနေတယ်လို့လဲ ပြောဆိုမှု တွေရှိနေပါတယ်။ ထိုင်းအခြေစိုက် ဗွီအိုအေမြန်မာပိုင်း သတင်းထောက် နိုင်ကွန်းအိန်ကနေသတင်းပေးပို့ထားပါတယ်။

စစ်ကိုင်းတိုင်းဒေသကြီး နာဂကိုယ်ပိုင်အုပ်ချုပ်ခွင့်ရဒေသ လဟယ်မြို့နယ် ထန်ခေါ်နောက်ကုန်းကျေးရွာအုပ်စုအတွင်းမှာ စိုးရိမ် ဘွယ်ရာ ဖျားနာရောဂါဖြစ်ပွါးနေတာကြောင့် ကလေးငယ်အများစုနဲ့ သက်ကြီးတွေ(၂၀)ဦးခန့် သေဆုံးခဲ့တယ်လို့ နာဂဦးစီးအဖွဲ့ဝင် ပြည်နယ်လွှတ်တော်ကိုယ်စားလှယ် ဦးကာစီရန်းကပြောပါတယ်။

“အဲဒီအနေအထားတွေက စိုးရိမ်စရာတွေရှိနေတယ်။ သေဆုံးသူက ၂၀ ရှိသွားပြီ ၃- ၄ နှစ်အတွင်းမှာ အများဆုံးဖြစ်တယ်။ ကျနော်တို့ ကွင်းဆင်းတဲ့အချိန် စစ်ပေးတဲ့ အုပ်စု ၂ အုပ်စုမှာဆိုရင် အယောက် ၆၀ ကျော်တယ်။ ပြင်းထန်တဲ့ဟာရော မပြင်းထန်တဲ့ဟာရော လူနာဦးရေပေါ့။ပြင်းထန်တဲ့ဟာ ကတော့ စုစုပေါင်းဆိုရင် ၄၀ -၅၀ လောက်ရှိမယ်။”

ဒီရောဂါဟာဇွန်လ ပထမအပါတ်မှစတင်ဖြစ်ပွါးနေခဲ့ပြီး အခုအချိန်ထိ ကူးစက်မှုရှိနေဆဲဖြစ်သလို လဟယ်မြို့နယ် ထန်ခေါ် နောက်ကုန်းကျေးရွာအုပ်စုအတွင်းမှာ ရောဂါဖြစ်ပွါးသူ(၁၆၀)ကျော်ရှိနေပြီး စိုးရိမ်နေသူ(၄၀)ကျော်ရှိနေတယ်လို့ ကိုယ်တိုင် ကွင်းဆင်းလေ့လာခဲ့တဲ့ ဦးကာစီရန်းကပြောပါတယ်။

ပြီးခဲ့တဲ့ဇူလိုင်လ(၂၄)ရက်နေ့ကစပြီး နာဂဦးစီးအဖွဲ့ဝင် ဦးကာစီရန်း ဦးဆောင်တဲ့ မြို့နယ်ကျန်းမာရေးအဖွဲ့တွေကနေ ရောဂါဖြစ် ပွါးရာဒေသကိုသွားရောက် ကွင်းဆင်းဆေးကုသခဲ့ပါပေမဲ့ ရောဂါဖြစ်ပွါးမှုနှုန်းက ကျမသွားခဲ့ဘူးလို့ ဦးကာစီရန်းကပြောပါတယ်။

ဒီရောဂါဖြစ်ပွါးမှုနဲ့ကုသနေမှုနဲ့ပက်သက်ပြီး လဟယ်မြို့နယ်ဆရာဝန် ဒေါက်တာဟိန်းထွဋ်က အခုလိုပြောပါတယ်။

“ရေဂါတွေကတော့ ကလေးတွေအဖြစ်များတာပေါ့နော် ဖျားတာတို့ ၊ အဆုပ်အအေးမိတာတို့ အဲဒီရောဂါအဖြစ်များတာပေါ့နော်။ လောလောဆယ်တော့ ကျန်းမာရေးမှူးတွေ ၊ဆရာဝန်တွေ ဆရာမတွေ ဖြစ်တဲ့နေရာကို ကုသမှုပေးနေတာပေါ့နော်။ အဓိကတော့ အသက်ရှူလမ်းကြောင်းပိုးဝင်တဲ့ဟာပေါ့ နမိုးနီးယားပေါ့နော် အဲဒီရောဂါအဖြစ်များတယ်။ ကလေးတွေအဖြစ်များတယ်။ နည်းနည်းရောဂါပြင်းတာက ၃၀-၄၀ လောက်ရှိမှာပေါ့။ ကျနော်တို့ စောင့်ကြည့်ရမယ့် လူနာပေါ့လေ။”

နာဂကိုယ်ပိုင်အုပ်ချုပ်ခွင့်ရဒေသဒေသအတွင်းဖြစ်ပွါးနေတဲ့ နမိုးနီးယားရောဂါဟာ ဗိုင်းရပ်ရောဂါပိုးတွေ အသက်ရှူလမ်းကြောင်းထဲ ၀င်ရောက်လာတာကြောင့် အဆုတ်အတွင်းလေအိတ်တွေယောင်ရမ်းလာပြီး ပြည်တည်လာတဲ့အတွက် ဖျားနာခြင်း ချမ်းတုန်ခြင်း အသက်ရှုခက်ခဲခြင်းဝေဒနာကိုခံစားရသလို အသက်အန္တရာယ်စိုးရိမ်ရတဲ့အထိ ပြင်းထန်နိုင်ပါပြီး မွေးကင်းစကလေးတွေ ကလေး ငယ်တွေနဲ့ အသက်၆၅နှစ်နဲ့အထက်လူကြီးတွေဟာ အဆုတ်ရောင်နမိုးနီးယားရောဂါကိုပိုမိုခံစားရလေ့ရှိတယ်လို့ ဒေါက်တာ ဟိန်းထွဋ်ကပြောပါတယ်။

နာဂကိုယ်ပိုင်အုပ်ချုပ်ခွင့်ရဒေသဘက်မှာ ဘက်ပေါင်းစုံကနေ အားနဲနေတဲ့အခြေအနေကြောင့် အဟာရချို့တဲ့မှုကနေ ရောဂါကူး စက်မှုတွေရှိလာနေတယ်လို့ ဦးကာစီရန်းကပြောပါတယ်။

“အဟာရချို့တဲ့ပြီးတော့ ရောဂါဝင်တာပေါ့နော် အဲဒီပုံစံမျိုးတွေဖြစ်နေတယ်။ ပြီးတော့ ကျနော်တို့ ဒေသရဲ့အနေအထားအရ ဆန်စပါးတွေ မဖူလုံတဲ့အခါကျတော့ အဲဒီ အဟာရချို့တဲ့ တဲ့အနေအထားတွေပေါ့နော် ပြီးတော့ အသိအမြင်တွေအားနည်းတဲ့ အနေအထားတွေကြောင့် ကျနော်တို့ ၀န်ထမ်းအင်အားတွေလည်း လိုတယ်ပေါ့နော် ဘက်ပေါင်းစုံက အားနည်းနေတဲ့အနေအထားတွေပေါ့လေ။”

ဒါ့အပြင် လမ်းပမ်းဆက်သွယ်ရေးခက်ခဲမှု ကျန်းမာရေးဝန်ထမ်းမလုံလောက်မှု ကျန်းမာရေးဝန်ထမ်းတွေကလဲ တာဝန်ကျရာ ဒေသကိုပြန်မရောက်မှုစတဲ့ ပြဿနာအခက်ခဲတွေရှိနေတယ်လို့လဲ နာဂဦးစီးအဖွဲ့ဝင် ပြည်နယ်လွှတ်တော်ကိုယ်စားလှယ် ဦးကာစီရန်းကပြောပါတယ်။

 နိုင်ကွန်းအိမ် / ဗွီအိုအေ (မြန်မာပိုင်း)
http://burmese.voanews.com



မူးယစ်ဆေးဝါးတိုက်ဖျက်ရေးအတွက် အကျင့်ပျက်လာဘ်စားနေတဲ့ ရဲဝန်ထမ်းတွေကို စီစစ်အရေးယူဖို့ သြဂုတ်လ ၁ ရက်နေ့က အမျိုးသားလွှတ်တော် ကိုယ်စားလှယ် ဦးဥက္ကာမင်း ဆွေးနွေးနေစဉ်။ Photo: Win Ko Ko Latt/ RFA
မူးယစ်ဆေးဝါးတိုက်ဖျက်ရေး ထိရောက်ဖို့အတွက် အကျင့်ပျက်လာဘ်စားနေတဲ့ ရဲဝန်ထမ်းတွေကို စီစစ်အရေးယူဖို့ လိုအပ်တယ်လို့ အမျိုးသားလွှတ်တော် ကိုယ်စားလှယ် ဦးဥက္ကာမင်းက ဒီနေ့ အမျိုးသားလွှတ်တော်မှာ တင်ပြခဲ့ပါတယ်။

ရှမ်းပြည်နယ်မြောက်ပိုင်းမှာ မူးယစ်ဆေးဝါးကို အုပ်စုလိုက်သုံးစွဲမှုရှိနေတာကို ထိထိရောက်ရောက် အရေးယူဖို့နဲ့ မူးယစ်ဆေးဝါးအန္တရာယ်ပညာပေး မှုတွေ၊ ပြန်လည်ပြုစုကုသရေး စခန်းတွေ ဖွင့်လှစ်ဖို့ တိုက်တွန်းကြောင်း အဆိုကို အမျိုးသားလွှတ်တော်မှာ ကိုယ်စားလှယ် ၉ ဦးက ဆွေးနွေးခဲ့ရာမှာ ကိုယ်စားလှယ် ဦးဥက္ကာမင်းက ဆွေးနွေးခဲ့တာဖြစ်ပါတယ်။

ဦးဥက္ကာမင်းက သူ့ရဲ့အမျိုးသားလွှတ်တော် မဲဆန္ဒနယ်ထဲက မြိတ်မြို့နယ်နဲ့ ကျွန်းစုမြို့နယ်က ရဲတပ်ဖွဲ့တွေမှာ မူးယစ်ဆေးဝါးရောင်းဝယ်သုံးစွဲသူတွေကို ဖမ်းဆီးဖို့အတွက် ရဲတပ်ဖွဲ့ဝင်အင်အား နဲ့ အထောက်အပံ့ပစ္စည်း လိုအပ်နေတာတွေကို တင်ပြခဲ့ပါတယ်။

ဒီနေ့ ဆွေးနွေးကြတဲ့ ကိုယ်စားလှယ်တွေက မူးယစ်ဆေးဝါးတားဆီးကာကွယ်ရေးအတွက် ဘတ်ဂျက်မရှိတာတွေ တွေ့ရှိရကြောင်းနဲ့ စိတ်ကြွဆေးပြားချက် လုပ်ရာမှာသုံးတဲ့ ဓာတုဆေးဝါး တွေဟာ အိန္ဒိယနိုင်ငံကနေ တမူး၊ ကလေး၊ ပခုက္ကူ၊ မုံရွာ၊ မန္တလေးတို့ကတဆင့် ပျံ့နှံ့နေတာကို သိလျက်နဲ့ မတားဆီးတာဟာ ရဲတပ်ဖွဲ့ဝင်တွေရဲ့ နိုင်ငံတော်အပေါ်သစ္စာရှိမှုကို ပြန်လည်သုံးသပ် ရမှာဖြစ်တယ်လို့လည်း ထောက်ပြဆွေးနွေးကြပါတယ်။

ပြီးခဲ့တဲ့နှစ် မြန်မာနိုင်ငံမူးယစ်ဆေးဝါးထိန်းချုပ်ရေး နှစ်ပတ်လည်အစီရင်ခံစာအရ မြန်မာနိုင်ငံမှာ ဘိန်းကို ရှမ်းပြည်နယ်အရှေ့ပိုင်းမှာ ၃၁ ရာခိုင်နှုန်း၊ ရှမ်းပြည် နယ်မြောက်ပိုင်းမှာ ၁၇ ရာခိုင်နှုန်း၊ ရှမ်းပြည်နယ်တောင်ပိုင်းမှာ ၄၂ ရာခိုင်နှုန်း၊ ကချင်ပြည်နယ်မှာ ၈ ရာခိုင်နှုန်း၊ ချင်းပြည်နယ်နဲ့ ကယားပြည်နယ်တို့မှာ ၁ ရာခိုင်နှုန်းစီစိုက်ပျိုးတယ်လို့ ဖော်ပြထားပါတယ်။

မြန်မာနိုင်ငံမှာ ၂၀၁၄ ခုနှစ်က ဘိန်း ၆၇၃ မက်ထရစ်တန်ထွက်ရှိခဲ့ပြီး မနှစ်က ၆၄၇ မက်တရစ်တန် ထွက်ခဲ့တဲ့အတွက် ထုတ်လုပ်မှု ၃ ရာခိုင်နှုန်းကျဆင်း ခဲ့ပါတယ်။

အဲဒီအဆိုကို မနက်ဖြန် လွှတ်တော်မှာ ကိုယ်စားလှယ် ၈ ဦးက ထပ်မံဆွေးနွေးပြီး သက်ဆိုင်ရာ ပြည်ထောင်စုအဆင့်အစိုးရအဖွဲ့ဝင်က ပြန်လည်ရှင်းလင်း မှာဖြစ်ပါတယ်။

RFA Burmese
http://www.rfa.org/burmese


သြဂုတ် ၁ ။

မန္တလေး(အမရပူရ) တောင်သမန်းအင်းအတွင်းသို့ ရေ၀င်ရောက်မှုကြောင့် အင်းရေမြင့်တက်လာပြီး သြဂုတ် ၁-ရက်နေ့ မွန်းလွဲ ၂နာရီခွဲခန့်တွင် ဦးပိန်တံတားမှ နိမ့်သည့် ကြမ်းခင်းအချို့တွင် ရေများထိစပ်လာပြီဖြစ်ကြောင်းသိရသည်။

“မန္တလေးမှာ ဇူလိုင် ၃၀-ရက်က စပြီး မြစ်ရေက စိုးရိမ်ရေအမှတ်အထက် ကျော်လာတာက ဒီနေ့ဆိုရင် ၂-ပေ လောက်ထိရှိနေတယ်။ မြစ်ရေနဲ့ မြို့ထဲက ရေတွေကြောင့် တောင်သမန်အင်းမှာ ရေများလာပြီး တံတားကြမ်း ခင်းထိ ရောက်လာပြီ။”ဟု အမရလူမှုကူညီရေး အသင်းမှ ပြောသည်။

တောင်သမန်အင်းရေတံခါးကိုလည်း မြို့တော် စည်ပင် သာယာမှ ယနေ့နံနက်ပိုင်းက အင်းရေလျော့ကျရန် ဖွင့်လှစ်လိုက်လိုက်ကြောင်းသိရသည်။

“တောင်သမန် အင်းရေတံခါးဖွင့်လိုက်တော့ တခြားရပ်ကွက်တွေရေ၀င်မှာပဲ။ဒါပေမယ့် အခြေ အနေအရ လုပ်သင့်တာလုပ်ရတာပဲ။လူမှု ကူညီရေးအသင်းတွေနဲ့ ဌာနဆိုင်ရာ တွေရော လိုအပ် တာတွေ ကူညီဖို့အဆင်သင့်ရှိနေတယ်။”ဟု အမရပူရ မြို့ခံတစ်ဦးက ပြောသည်။

တောင်သမန်အင်းရေမြင့်တက်၍ ၂၀၀၄-ခုနှစ်က ဦးပိန်တံတားကြမ်းပြင်ကျော်လွန် အောင်ရေ လွှမ်းခဲ့ပြီး မန္တလေး(ဧရာဝတီ)မြစ်ရေ စိုး ရိမ်ရေအမှတ်မှာ၂၃၀.၇၄ ပေရှိ၍ ယင်းအထက် ၄-ပေခန့်ရောက် ရှိခဲ့ပြီးယခုနှစ် သြဂုတ် ၁-ရက်နေ့တွင် စိုးရိမ်ရေအမှတ်အထက် ၂-ပေခန့်တွင် ရပ်တံ့နေ ကြောင်းသိရသည်။

Mandalay News


မန္တလေး (ဧရာဝတီ) ဆိပ်ကမ်းတွင် ဇူလိုင် ၃၀ ရက်မှစ၍ မြစ်ရေမှာ စိုးရိမ်ရေအမှတ်ကျော်လွန်ခဲ့ပြီးနောက် ရတနာပုံ တက္ကသိုလ်(မန္တလေး)ကျောင်းဝင်းအတွင်း ၄ ပေခွဲကျော် ရေလွှမ်းခဲ့သဖြင့် သြဂုတ် ၁ ရက်မှ စတင်၍ ကျောင်းပိတ်လိုက်ကြောင်း သိရသည်။

“စာသင်လို့ မရတော့တဲ့အခြေအနေကြောင့် ခေတ္တရပ်နားလိုက်တာပါ။ အရင်ရေကြီးတုန်းက ၁ လက်မ၊ ၂ လက်မ တဖြည်းဖြည်းတက်ပြီး တရက်နှစ်ရက်နေ ရေပြန်ကျတယ်။ ၂၀၀၇ တုန်းကတကြိမ် ကျောင်းပိတ်ရတဲ့အထိ ရေ၀င်ခဲ့ဖူးပေမယ့် ဒီတခါ ရေက စောင့်ဝင်တာပါ”ဟု ရတနာပုံတက္ကသိုလ် အင်္ဂလိပ်စာဌာန၊ ကထိက ဦးသုတ ကပြောသည်။


အဆိုပါတက္ကသိုလ်တွင် ပညာသင်ကြားနေသည့် ကျောင်းသားပေါင်း ၂၅၀၀၀ ကျော်နှင့် ဆရာ/ဆရာမများ၊ ပတ်ဝန်းကျင်ရပ်ကွက်နေထိုင်သူများအပါအ၀င် ၃၀၀၀၀ ခန့် ရေဘေးသင့်ခံနေရသည်ဟု ပြောနိုင်ကြောင်း ၎င်းကဆက်လက်ပြောကြားသည်။

ရတနာပုံတက္ကသိုလ်တွင်၂၀၀၇ ခုနှစ်၊ ဇူလိုင် ၃၀ ရက်နေ့က စတင်ရေ၀င်ခဲ့ပြီး သြဂုတ်လ ၆ ရက်နေ့မှ ၁၀ ရက်နေ့ ၅-ရက်ကြာ ကျောင်းပိတ်ခဲ့ရကြောင်း၊ ထိုနှစ်သြဂုတ် ၅ ရက်နေ့က ဧရာဝတီမြစ်ရေသည် ၂၃၂.၅၈-ပေ (၁၃၁၆-စင်တီမီတာ) ရှိခဲ့ပြီး ယခုဖြစ်စဉ်မှာ ရေ၀င်ရောက်မှုကြောင့် ဒုတိယအကြိမ် တက္ကသိုလ်ပိတ်လိုက်ရ ခြင်းဖြစ်ကြောင်း သိရသည်။


ဧရာဝတီမြစ်ရေသည် သြဂုတ် ၁ ရက်နေ့တွင် ၂၃၂.၈၇-ပေ(၁၃၂၅-စင်တီမီတာ)တွင် ရပ်တန့်နေပြီး မန္တလေးနှင့် စစ်ကိုင်းတို့တွင် စိုးရိမ်ရေအမှတ်အထက် ၂ ပေခန့်စီရှိနေကြောင်း၊ နောက်ရက်တွင် မြစ်ရေကျဆင်းမှာဖြစ်သော်လည်း စိုးရိမ်ရေမှတ်အထက်တွင် ဆက်လက်ရှိနေဦးမည်ဟုခန့်မှန်းထားကြောင်း ၎င်းကဆက်လက်ပြောကြားသည်။

ခိုင်ဆက်ဝေ
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/



မန္တလေး ရတနာပုံတက္ကသိုလ်အနီး မြင့်ရေမြင့်တက်မှုကို ယနေ့မြင်တွေ့ရစဉ်(ဓာတ်ပုံ-မန္တလေးမြို့တော်)
    ရန်ကုန်၊ သြဂုတ် ၁ ရက် (ဆင်ဟွာ)

    မန္တလေးတိုင်းဒေသကြီး၊ အမရပူရမြို့နယ်အတွင်းရှိ တောင်သမန်အင်း တာရိုးပေါက်၍ အင်းရေထိန်းတံခါးကို ဖွင့်လိုက်ရသဖြင့် အင်းအနီးနေထိုင်သူများ အရေးပေါ်ပြောင်းရွှေ့ပေးနေရကြောင်း မန္တလေးတိုင်းဒေသကြီး အစိုးရအဖွဲ့မှ တာဝန်ရှိသူတစ်ဦးက ပြောကြားသည်။

အဆိုပါ တောင်သမန်အင်း တာရိုးပေါက်သွားပြီး အင်းရေထိန်းတံခါးများကို ၆လက်မခန့်ဖွင့်ရကြောင်း၊ ယင်းရေထိန်းတံခါးများမဖွင့်လျှင် ပိုမို အန္တရာယ်ရှိနိုင်ကြောင်း ၎င်းကဆိုသည်။

တောင်သမန်ကန်ပတ်လမ်း ပြည်ကြီးတံခွန်မြို့နယ် နံ့သာရပ်ကွက်အနီးတွင် အိမ်ခြေ ၇၀၀ခန့်ကို သက်ဆိုင်ရာ အာဏာပိုင်များ စုပေါင်း ပြောင်းရွှေ့ထားရကြောင်း ကယ်ဆယ်ရေးလုပ်ဆောင်နေသူများထံမှ သိရသည်။

တောင်သမန်အင်းအတွင်း ဖြတ်သန်းသွားလာခွင့်ကို ယနေ့မှ စ၍ ပိတ်လိုက်ပြီး အဆိုပါ တောင်သမန်အင်းရေ မြင့်တက်မှုကြောင့် ရတနာပုံတက္ကသိုလ်အတွင်း ရေများဝင်ရောက်လာသဖြင့် တက္ကသိုလ်ခေတ္တပိတ်ထားလိုက်သည်။
တောင်သမန်အင်းရှိ ဦးပိန်တံတား မြင့်ရေမြင့်တက်နေမှုကို ဇူလိုင် ၃၁ရက်နေ့ ညနေက မြင်တွေ့ရစဉ်(ဓာတ်ပုံ-ဆင်ဟွာ)
“တောင်သမန်အင်းက ဦးပိန်တံတား နိမ့်တဲ့အပိုင်းတွေတော့ ရေထိနေပြီ၊ မြင့်တဲ့နေရာတွေကတော့ ရေလွတ်သေးတယ်၊ ရေဒီထက်တက်ရင်တော့ မြှပ်သွားနိုင်တယ်”ဟု ဦးပိန်တံတားအနီး နေထိုင်သူတစ်ဦးက ဆိုသည်။

မန္တလေးတိုင်းဒေသကြီးအတွင်း မြစ်ရေတိုးလာမှုများကြောင့် နေအိမ်၊ လမ်းများ၊ ကျောင်းများ ရေနစ်မြှပ်နေမှု အများအပြားဖြစ်ပွားနေပြီး ရေဘေးလွတ်ရာများသို့ ပြောင်းရွှေ့နေထိုင်နေရကြောင်း ဒေသခံများထံမှ သိရသည်။

ဧရာဝတီမြစ်ရေသည် သပိတ်ကျဉ်း၊ မန္တလေး၊ စစ်ကိုင်း၊ မြင်းမူ၊ ပခုက္ကူ၊ညောင်ဦး၊ ဟင်္သာတ၊ဇလွန် မြို့များတွင် လည်းကောင်း၊ ချင်းတွင်းမြစ်ရေသည် ဟုမ္မလင်း၊ ဖေါင်းပြင်၊ မော်လိုက်၊ ကလေးဝ၊ မင်းကင်း၊ ကနီ၊ မုံရွာ မြို့များတွင်လည်းကောင်း၊ ဒုဋ္ဌ၀တီမြစ်ရေသည် မြစ်ငယ်မြို့တွင်လည်းကောင်း၊ င၀န်မြစ်ရေသည် ငါးသိုင်းချောင်းမြို့တွင်လည်းကောင်း၊ အဆိုပါမြို့များအသီးသီးတို့၏ စိုးရိမ်ရေအမှတ်များကို ကျော်လွန်ရောက်ရှိ နေကြောင်း မိုးလေ၀သနှင့် ဇလဗေဒပညာရှင် ဦးထွန်းလွင်က ပြောသည်။

ဧရာဝတီမြစ်ရေသည် မင်းဘူး၊ မကွေး၊ အောင်လံ၊ ပြည်၊ ဆိပ်သာ မြို့များတွင် လည်းကောင်း၊ သံလွင်မြစ်ရေသည် ဘားအံမြို တွင်လည်းကောင်း နောက်(၂)ရက်အတွင်း အဆိုပါမြို့များ၏  စိုးရိမ်ရေအမှတ်များဆီသို့ ရောက်ရှိကျော်လွန်သွားနိုင်ကြောင်း ၎င်းက ဆိုသည်။

အဆိုပါမြစ်ရေများသည် လာမည့်၂ရက်အတွင်း စိုးရိမ်ရေအမှတ်များအောက် ပြန်လည်ကျ ဆင်းဖွယ်ရာ မရှိသေးဘဲ စိုးရိမ်ရေအမှတ်များ၏ အထက်တွင် ဆက်လက်တည်ရှိနေဦးမည်ဖြစ်ကြောင်း  ဦးထွန်းလွင်က ပြောသည်။

(Xinhua)
http://www.xinhuamyanmar.com



 စစ်ကိုင်းတိုင်း ဖောင်းပြင်မြို့နယ်အတွင်း ချင်းတွင်းမြစ်ရေ ဝင်ရောက်မှုကြောင့် ရေဘေးသင့် ပြည်သူများ
အစားအသောက်များ လိုအပ်နေ
စစ်ကိုင်းတိုင်းဒေသကြီး၊ ဖောင်းပြင်မြို့နယ်အတွင်း ချင်းတွင်းမြစ်ရေဝင်ရောက်မှုကြောင့် ရေဘေးသင့်ပြည်သူ များမှာ ဆန်၊ ဆီအစရှိသည့် အစားအသောက်ပစ္စည်းများ လိုအပ်နေကြောင်း သိရှိရသည်။

ချင်းတွင်းမြစ်ရေသည် မော်လိုက်မြို့နယ်အတွင်း မြစ်ရေမှာ ဇူလိုင်လ ပထမအပတ်မှ စတင်ဝင်ရောက်ခဲ့ပြီး ဒေသခံများမှာ မိမိတို့နှင့်နီးစပ်သည့် ဘုန်းကြီးကျောင်းများ၊ စာသင်ကျောင်းများ၊ သီလရှင်ကျောင်း၊ လောကနန္ဒာ ဘုရားဇရပ်၊ ခရစ္စယာန်ကျောင်း၊ စည်ပင်ဈေး၊ တိုင်းရင်းသားစည်းလုံးညီညွတ်ရေးပါတီရုံးစသည့် နေရာများတွင် ပြောင်းရွှေ့နေထိုင်နေရကြောင်း သိရသည်။

 ရေဘေးရှောင်စခန်းများ သို့ ပြောင်းရွှေ့နေထိုင်နေရသူများအား ဖောင်းပြင်မြို့(ခမရ) (၃၆၇)နှင့် (၃၆၈) တပ်ရင်း (၂)ခုတို့မှ ခေါက်ဆွဲခြောက်များလှူဒါန်းခဲ့ပြီး ဇူလိုင် ၂၉ ရက်တွင်လည်း ဖောင်းပြင်မြို့နယ်၊ အထွေအထွေ အုပ်ချုပ်ရေးဦးစီးဌာနမှ ဆန်၊ ဆီ စသည့် အစားအသာက်များလှူဒါန်းခဲ့ကြောင်း သိရသည်။
“ကျွန်တော်တို့ကတော့ ရေဘေးသင့်ပြည်သူတွေအားလုံးရဲ့ စာရင်းကိုကောက်ယူထားပါတယ်။ ရေယာဉ်တွေ မထွက်နိုင်တော့ ကုန်ဈေးနှုန်းတွေ ကြီးလာသလို အလုပ်အကိုင်မရှိတော့ စားဝတ်နေရေး အခက်အခဲ ဖြစ်နေကြပါတယ်။” ဟု ဖောင်းပြင်မြို့နယ်၊ အမျိုးသားဒီမိုကရေစီအဖွဲ့ချုပ်မှ အလုပ်အမှုဆောင်အဖွဲ့ဝင် ဦးဇော်မျိုးဝါက ပြောသည်။

ချင်းတွင်းမြစ်ရေ ဝင်ရောက်ခဲ့မှုကြောင့် မော်လိုက်မြို့ပေါ်ရှိ ရပ်ကွက်များအပြင် နတ်ဆက်၊ ပိုးစာကုန်း၊ ကယား၊ အင်းပေါက်၊ ဟဲနှိမ်၊ သငါ၊ ရောင်းရွာစသည့် စုစုပေါင်းကျေးရွာ ၁၈ ရွာမှ အိမ်ထောင်စုပေါင်း ၂၈၆ အိမ် ရေဝင်ရောက်ခဲ့ပြီး ရေဘေးသင့်ပြည်သူ ၁၄၅၀ အထိ ရှိနေကြောင်း ဖောင်းပြင်မြို့နယ်၊ အမျိုးသား ဒီမိုကရေစီ အဖွဲ့ချုပ်မှ ကောက်ယူထားသည့် စာရင်းများအရ သိရသည်။

ရတနာပုံ သတင်းစာ
https://www.facebook.com/yadanabonnewspaper



( မန္တလေးတိုင်း ပြည်ကြီးတံခွန်မြို့နယ်မှာ ဧရာဝတီမြစ်ရေ မြင့်တက်လာတာကြောင့် သြဂုတ်လ ၁ ရက်နေ့က ဒေသခံတွေကို ဘေးလွတ်ရာသို့ ပြောင်းရွှေ့ပေးနေစဉ် ) Photo: Hset Paing Toe/ RFA
ဧရာဝတီ၊ ချင်းတွင်းနဲ့ ဒုဌဝတီမြစ်ရေ မြင့်တက်တာကြောင့် မန္တလေးတိုင်း ညောင်ဦး၊ အမရပူရ၊ ပုသိမ်ကြီး၊ စဥ့်ကူး၊ သပိတ်ကျင်း စတဲ့ မြို့နယ် ၁၀ မြို့နယ်လောက်က ဒေသခံ နှစ်သောင်းကျော်ဟာ ဘေးလွတ်ရာကို ပြောင်းရွှေ့နေထိုင်နေရပါတယ်။

ဒေသခံတွေဘေးလွတ်ရာကို ပြောင်းရွှေ့နေဖို့အတွက် အစိုးရဘက်က လိုက်လံအသိပေး နှိုးဆော်တာ တွေကို ဆောင်ရွက်နေတယ်လို့ မန္တလေးတိုင်းဒေသကြီး စိုက်ပျိုး၊ မွေးမြူရေးနဲ့ ဆည်မြောင်းဝန်ကြီး ဌာနဝန်ကြီး ဒေါက်တာစိုးသန်းက ပြောပါတယ်။

ဒေသခံတွေဟာ သက်ဆိုင်ရာမြို့နယ်တွေက ဘုန်းကြီးကျောင်း၊ ဘုရားဝင်း၊ စာသင်ကျောင်းတွေနဲ့ ဆွေမျိုးနီးစပ် နေအိမ်တွေမှာ ခိုလှုံနေရပြီး ကျေးရွာတွေက စာသင်ကျောင်းတွေကိုလည်း ယာယီပိတ်ထားရပါတယ်။ အမရပူရနဲ့ တံတားဦးမြို့နယ်တွေမှာ ရေနစ်မြုပ်တဲ့ နေအိမ် အများဆုံးဖြစ်နေပါတယ်။

ဒီနေ့မနက်က ဧရာဝတီမြစ်ရေ မြင့်တက်လာတဲ့အတွက် တောင်သမန်အင်း အရှေ့ဘက်ခြမ်း တာရိုးပေါက်ထွက်တော့မယ့်အနေထားကို ရောက်ရှိလာတာကြောင့် ရေထိန်းတံခါးကို ၂ ပေခန့် ဖွင့်ချလိုက်ရပြီး မန္တလေးမြို့ ပြည်ကြီးတံခွန်မြို့နယ် နံ့သာရပ်ကွက်ကို ရေ ၆ ပေခန့် ဝင်ရောက်ခဲ့ပြီး လူနေအိမ်ခြေ ၂၀၀ ကျော်ကို ပြောင်းရွှေ့ထားရပါတယ်။

လက်ရှိမှာ သက်ဆိုင်ဌာနတွေနဲ့ မန္တလေးတိုင်းအစိုးရအဖွဲ့က တာဘောင်ကို ပြန်လည်ပြုပြင် ထိန်းသိမ်းနေပါတယ်။ တာဘောင်ကျိုးထွက်သွားရင် အခြေအနေပိုဆိုးဝါးလာနိုင်တဲ့အတွက် ရေတံခါးကို လိုအပ်သလို ထပ်ဖွင့်ချဖို့လည်း စီစဉ်ထားပါတယ်။

တောင်သမန်အင်းအရှေ့ဘက်ခြမ်းတာဘောင်ကို လွန်ခဲ့တဲ့ ၅ နှစ်ခန့်က တည်ဆောက်ခဲ့တာ ဖြစ်ပါတယ်။ အလားတူ တောင်သမန်အင်း နောက်ဘက်ခြမ်းမှာလည်း လူနေအိမ်အချို့ ရွှေ့ပြောင်းနေရပြီး တောင်ဘက်ခြမ်းက ရတနာပုံတက္ကသိုလ်ကိုလည်း ယာယီပိတ်လိုက်ကာ ဦးပိန်တံတားကိုလည်း ဖြတ်သန်းခွင့်ပိတ်လိုက်ပြီ ဖြစ်ပါတယ်။

ဘင်္ဂလားပင်လယ်အော်မှာ ဖြစ်နေတဲ့ လေဖိအားနည်းရပ်ဝန်းကြောင့် မြန်မာနိုင်ငံအလယ်ပိုင်း၊ မြစ်ဝကျွန်းပေါ်နဲ့ ရခိုင်ကမ်းရိုးတန်းဒေသတွေမှာ နောက် ၃ ရက်အထိ မိုးများနိုင်တယ်လို့ မိုးလေဝသနဲ့ ဇလဗေဒညွှန့်ကြားမှု ဦးစီးဌာနက သတင်းထုတ်ပြန်ထားပါတယ်။

RFA Burmese
https://www.facebook.com/rfaburmese/



 ရုရှ သယ်ယူပို့ဆောင်ရေး စစ် ရဟတ်ယာဉ် ကို ဆီးရီးယား အစိုးရ ကို ဆန့်ကျင်နေတဲ့ လက်နက်ကိုင် အဖွဲ့က ပစ်ချ ခဲ့
ဆီးရီးယား နိုင်ငံ မြောက်ပိုင်းမှာ စစ်ရေး တာဝန် ထမ်းဆောင် နေတဲ့ ရုရှ စစ်ရဟတ်ယာဉ် တစ်စင်း ပစ်ချ ခံခဲ့ရပြီး လိုက်ပါလာတဲ့ စစ်သား ၅ ယောက် သေဆုံး ခဲ့ပါတယ်။

Mi-8 ရုရှ သယ်ယူပို့ဆောင်ရေး စစ် ရဟတ်ယာဉ် ကို ဆီးရီးယား အစိုးရ ကို ဆန့်ကျင်နေတဲ့ လက်နက်ကိုင် အဖွဲ့က ပစ်ချ ခဲ့တာပါ။

အလက်ပို မြို့မှာ ပိတ်မိနေတဲ့ အရပ်သားတွေ အတွက် ဆေးဝါး ပစ္စည်းတွေ သွားရောက် ပေးပို့ ခဲ့ပြီး ပြန်လာတဲ့ အချိန်မှာ ပစ်ချ ခံရတာလို့ ရုရှ တာဝန် ရှိသူ တွေက ပြောပါတယ်။

ဆီးရီးယား မှာ ရှိတဲ့ အစိုးရ ဆန့်ကျင်ရေး လက်နက်ကိုင် အဖွဲ့တွေ ထဲက ဘယ်အဖွဲ့ရဲ့ လက်ချက်လဲ ဆိုတာကိုတော့ အခုချိန်ထိ ရှင်းရှင်းလင်းလင်း မသိရသေးပါဘူး။

BBC Burmese
http://www.bbc.com/burmese


ချောက် သြဂုတ် ၁

မကွေးတိုင်းဒေသကြီး၊ချောက်မြို့၌ဧရာဝတီမြစ် ရေများ တဖြည်းဖြည်း မြင့်တက် လာသဖြင့် မြို့အနိမ့်ပိုင်း ရပ်ကွက်ဖြစ်သည့် အမှတ်(၂)/(၃) /(၄) /(၇) ရပ် ကွက်နေ ရေနစ်မြုပ်သည့် အိမ်ထောင်စုဝင် အချို့မှာ ရပ်ကွက် အသီးသီးရှိ ဓမ္မာရုံ၊ ရေနံ အလုပ်သမား အပန်းဖြေရိပ်သာ၊ အားကစား ကွင်းများသို့ ခေတ္တရွှေ့ပြောင်း နေထိုင်လျက်ရှိ ကြောင်းနှင့် ဧရာဝတီမြစ်ရေသည် ယနေ့ နေ့လယ် ၂ နာရီခွဲ အချိန် တိုင်းထွာချက် အရ ၁၃၉၆ စင်တီမီတာ ရှိကြောင်း စိုးရိမ်ရေအမှတ် ရောက်ရှိရန် ၅၄ စင်တီမီတာ ခန့် လိုသေးကြောင်း ချောက်မြို့နယ် မိုး/ဇလမှ တာဝန်ရှိသူ ပြောကြားချက် အရသိရသည်။

ကျော်ကျော်မိုး
MOI Webportal Myanmar
https://www.facebook.com/MOIWebportalMyanmar/


ကံမ သြဂုတ် ၁

မကွေးတိုင်းဒေသကြီး၊ သရက်ခရိုင်၊ ကံမမြို့နယ်တွင် ယခုရက်ပိုင်း အတွင်း ဧရာဝတီမြစ်ရေ မြင့်တက်မှုကြောင့် မြစ်ကမ်း တလျှောက်မြေနိမ့် ပိုင်း ကျေးရွာ များနှင့် မြို့ပေါ် ရပ်ကွက်များရှိ အနိမ့်ပိုင်း နေရာများ တွင် ရေလွမ်း မိုးမှု များ ဖြစ်ပွား ခဲ့သည်။


အဆိုပါရေလွှမ်းမိုးခြင်းကြောင့် ကျောင်းသားကျောင်းသူများ ဘေးအန္တရာယ် မဖြစ် စေရေး အတွက် စာသင်ကျောင်း ၁၃ ကျောင်း ခေတ္တ ပိတ်ခဲ့ရပြီး ရေလွှမ်းမိုး သည့် မြို့ပေါ် ရပ်ကွက် အချို့နှင့်ကျေးရွာများမှ အိမ်ထောင်စု အချို့ရှိ ပြည်သူ များနှင့်ကျွဲ၊နွား တိရစ္ဆာန်များအား ၄င်းတို့နှင့် နီးစပ်ရာ ရေလွတ် သည့် နေရာ များသို့ သက်ဆိုင်ရာ တာဝန်ရှိသူများ က ရွှေ့ပြောင်း နေရာ ချထား ပေးခဲ့ ကြကြောင်း သိရ သည်။

ကျော်ဇေယျဝင်း(ကံမ)
MOI Webportal Myanmar
https://www.facebook.com/MOIWebportalMyanmar/


ရခိုင်ပြည်နယ်၊ ကျောက်ဖြူမြို့ရှိ လူနေဧရိယာများအား ပင်လယ်ရေ၀င်ရောက်မှု ကာကွယ်ရန် တည်ဆောက် ထားသည့် မြို့ထိန်းရေကာတာကျိုးပေါက်မည်ကို မြို့ခံများက စိုးရိမ်နေကြောင်း သိရှိရသည်။

 ကျောက်ဖြူမြို့အား ပင်လယ်ရေ၀င်ရောက်မှု အန္တရာယ်မှ ကာကွယ်ထားသည့် မြို့၏တောက်ဖက်ရှိ မြေသား ရေကာတာ တာတမံမှာ မိုးရွာသွန်းမှုများကြောင့် ဇူလိုင် ပထမပတ်တွင်းက ၁၅ ပေခန့် မြေသားတာ ကျိုးပေါက်သွားပြီး ရဲတပ်ဖွဲ့ဝင်များနှင့် မြို့ခံများမှ ပြုပြင် တည်ဆောက်ခဲ့ရကြောင်း သိရသည်။
“ရက်ဆက်မိုးကြီးရင်လူတွေက တာကျိုးပေါက်မှာကို စိုးရိမ်နေကြတယ်။ အခုလ သုံး ရက်က မြို့ရဲ့တောင်ဖက် မြေသားတာတံကျိုးလို့ပင်လယ်ရေဒလဟော ၀င်လာတာ။ အချိန်မီအရေးပေါ် တာဆီးကာကွယ်နိုင်လို့သာ မဟုတ်ရင်တော့အန္တရာယ် ကျရောက်နိုင်တယ်။”ဟု စေတီတောင်ရပ်ကွက်မှ မြို့ခံ ဦးလှမောင်သန်းက ပြောသည်။

 ကျောက်ဖြူမြို့ပင်လယ်ကမ်းခြေ၊ ဦးဥတ္တမပန်းခြံမှ ပြင်ဖြူမော်ထိ ကွန်ကရစ်တာတမံများဖြင့် ထိန်းသိမ်း ကာကွယ်ထားသော်လည်း တောင်ဖက်ပိုင်းရှိ ကာကွယ်ထားသည့် အရှည်ပေ ၆၀၀၀ ခန့် မြေသား တာတမံ များမှာ ခိုင်ခန့်မှုမရှိသဖြင့် မိုးရွာသွန်းမှုများကြောင့် မြေသားကျွံကျခြင်း၊ နိမ့်ကျခြင်းများအပြင် ပင်လယ် ရေလှိုင်း ရိုက်ပုပ်မှုနှင့် ဒီရေတွန်းအားအရှိန်ကြောင့် ကျိုးပေါက်ပျက်စီးမည့် အန္တရာယ်နှင့် ရင်ဆိုင်နေရကြောင်း မြို့ခံတို့ကဆိုသည်။
“ဒီိတာတမံသာ ကျိုးပေါက်သွားရင် မြို့အတွက် အန္တရာယ်များပါတယ်။ ဒီကိစ္စကို မြို့နယ်အုပ်ချုပ်ရေးမှူးနဲ့ ဆည်မြောင်းဦးစီးဌာနကို နှုတ်နဲ့တော့ ပြောထားပြီးပါပြီ။ ပြည်နယ်လွှတ်တော်မှာလည်း လာမယ့်အပတ် တွေကျရင် တင်ပြသွားဖို့ အစီအစဉ်ရှိပါတယ်။”ဟု ရခိုင်အမျိုးသားပါတီမှ ပြည်နယ်လွှတ်တော်အမတ် ဦးဖိုးစံက ပြောသည်။

 ကျောက်ဖြူမြို့မှာ ပင်လယ်ရေပြင်အမြင့် ၁၂ ပေတွင်တည်ရှိပြီး ရပ်ကွက် ၁၀ ခုရှိရာ ဒီရေတက်ချိန်ဆိုပါက မြေနိမ့်ပိုင်းရပ်ကွက်များဖြစ်သည့် ကလာဘာတောင်၊ စေတီတောင်နှင့် ကညင်တော၊ ဆားပြင်ကွင်းနှင့် ပြင်ဖြူမော် ကျေးရွာများမှာ ပင်လယ်ရေမျက်နှာပြင်အောက် ၄ ပေမှ ၅ ပေထိ နိမ့်ကျသွားကြောင်း သိရသည်။

ရတနာပုံ သတင်းစာ
https://www.facebook.com/yadanabonnewspaper


ခင်ဦး သြဂုတ် ၁

စစ်ကိုင်းတိုင်းဒေသကြီး၊ ရွှေဘိုခရိုင်၊ ခင်ဦးမြို့နယ်၊ ကဘွက်ကျေးရွာအုပ်စုနှင့် ရုံးပင်ကျေးရွာအုပ်စုတို့တွင် ဇူလိုင်လ ၂၉ ရက်နေ့က ဧရာဝတီမြစ်ရေ ၀င်ရောက်ခဲ့ရာ သြဂုတ်လ ၁ ရက်နေ့ထိ အိမ်ထောင်စု ၅၀၂ အိမ် ရေ၀င်ရောက်ခဲ့ပြီး အိမ်ထောင်စု ၁၆၆ အိမ် ပြောင်းရွှေ့ခဲ့ရကြောင်း သိရသည်။
အဆိုပါ ဧရာဝတီမြစ်ရေ၀င်ရောက်ခဲ့မှုကြောင့် ကဘွက်ကျေးရွာအုပ်စုတွင် သီးနှံ (၅) ဧက၊ ရုံးပင်ကျေးရွာ အုပ်စုတွင် သီးနှံ (၈၆) ဧက စုစုပေါင်းဆုံးရှုံးမှု ခန့်မှန်းတန်ဘိုး ငွေကျပ်(၃၆၉၄၅၀၀) ဆုံးရှုံးခဲ့ကြောင်း သိရသည်။

မြစ်ရေ၀င်ရောက်ခဲ့သည့် ကျေးရွာများသို့ ခရိုင်စီမံခန့်ခွဲမှုကော်မတီဥက္ကဌ ဦးမောင်ထူး၊ မြို့နယ်စီမံခန့်ခွဲမှု ကော်မတီ ဥက္ကဌနှင့် အဖွဲ့ဝင်များ၊ မြို့နယ်ဌာနဆိုင်ရာများ၊ လူမှုရေးအသင်းအဖွဲ့များကသွားရောက်ပြီး ကူညီ ဆောင် ရွက်ပေးလျက်ရှိကြောင်းသိရသည်။

ခင်ဦးစိုးဝေ
MOI Webportal Myanmar
https://www.facebook.com/MOIWebportalMyanmar/



မန္တလေးတိုင်းဒေသကြီး ပုသိမ်ကြီးမြို့နယ်တွင်း မြစ်ရေမြင့်တက်မှုကြောင့် လှေဖြင့်သွားလာနေရစဉ် (ဓာတ်ပုံ- ဆင်ဟွာ)
    ရန်ကုန်၊ ဇူလိုင် ၃၁ ရက် (ဆင်ဟွာ)

    မန္တလေးတိုင်းဒေသကြီးအတွင်း ဧရာဝတီမြစ်ရေ မြင့်တက်လာမှုကြောင့် မြစ်နှင့် အနီးပတ်ဝန်းကျင်ရှိ နေအိမ်အများအပြား ပြောင်းရွှေ့ထားရကြောင်း  မန္တလေးတိုင်းဒေသကြီး အစိုးရအဖွဲ့မှ တာဝန်ရှိသူတစ်ဦးက ပြောကြားသည်။

" ဧရာဝတီမြစ်ရေ နောက်ထပ် ငါးပေလောက်သာ ထပ်တက်ရင် မြစ်ဘေးနေသူများအတွက် စိုးရိမ်ရတယ်၊ အသက်အရွယ်ကြီးတဲ့ လူတွေတော့ လွတ်ရာကို ပြောင်းကြတယ်၊ တချို့ကတော့ မပြောင်းကြသေးဘူး" ဟု ၎င်းကဆိုသည်။

မန္တလေးတိုင်းဒေသကြီး ပုသိမ်ကြီးမြို့နယ်အတွင်းရှိ ရှမ်းလေးကျွန်းရှိ အိမ်နေအများအပြား ရေမြုပ်လျက်ရှိပြီး နေအိမ်တချို့ပြောင်းရွှေ့ကြသော်လည်း အိမ်အချိူ့ မှာမူ အိမ်ခေါင်အထိ ရေတက်လာသည့်တိုင် တန်းထိုးနေနေကြကြောင်း အဆိုပါ မြို့နယ်သို့ သွားရောက်သော ဒေသခံတစ်ဦးက ပြောသည်။

မန္တလေးတိုင်းဒေသကြီး အတွင်း နေအိမ် အချို့ ရေမြုပ်နေသည်ကို တွေ့ရစဉ် (ဆင်ဟွာ)
"မန္တလေးမှာ ဧရာဝတီမြစ်နဲ့ နီးတဲ့ နေရာတွေ အကုန်ရေတက်နေတယ်၊ အိမ်တွေအကုန်မြုပ်နေတယ်၊ စစ်ကိုင်း မန္တလေးလမ်းလဲ ရေကျော်ကုန်ပြီ"ဟု ၎င်းက ဆိုသည်။
ဧရာဝတီ၊ ချင်းတွင်း၊ ဒုဋ္ဌ၀တီ၊ င၀န် မြစ်ရေများ လက်ရှိချိန်ထိ တိုးနေပြီး စိုးရိမ်ရေအမှတ်များ ကျော်နေကြောင်း၊ အဆိုပါ မြစ်များနှင့် နီးစပ်ရာ အနိမ့်ပိုင်း ရွာများ ၊လယ်ကွင်းများ ၊လမ်းများရေဖုံးလျက်ရှိနေသည်။

အဆိုပါ ရေကြီးမှုကြောင့် လှေများဖြင့်သွားလာနေရကာ မန္တလေးတိုင်းဒေသကြီး မတ္တရာမြို့တွင် စက်လှေတစ်စီး မှောက်ပြီး လူသုံးဦး ပျောက်ဆုံးနေကြောင်း ဒေသခံများထံမှ သိရသည်။

"ရေတွေကဆက်တက်နေပါလိမ့်ဦးမယ်။ နောက်ထပ်မြစ်ရေတွေလည်း တိုးပြီးတက်လာပါဦးမယ်။ ပင်လယ်ခရီးတွေမှာလည်း မြန်မာ့ကမ်းရိုးတန်းတလျှောက် လေတွေ၊  လှိုင်းတွေ၊ မိုးတွေ တိုးလာဖို့ရှိနေပါတယ်" မိုးလေဝသနှင့် ဇလဗေဒပညာရှင် ဦးထွန်းလွင်က ပြောကြားသည်။

မန္တလေးတိုင်းဒေသကြီးအတွင်း ရေဘေးကယ်ဆယ်ရေးများ ပြုလုပ်ရန် သုံးရက်တိုင်တိုင် စောင့်ကြည့်လျက်ရှိပြီး ရေမြုပ်နေသည့် နေအိမ်၊ ရေဘေးသင့်ပြည်သူ မည်သည့်အရေအတွက် ရှိသည်ကို သက်ဆိုင်ရာက ထုတ်ပြန်ထားခြင်းမရှိသေးကြောင်း ပုသိမ်ကြီးမြို့နယ်တွင် ရေဘေးကယ်ဆယ်ရေးလုပ်ကိုင်သူတစ်ဦးက ပြောကြားသည်။

(Xinhua)
http://www.xinhuamyanmar.com



ရန်ကုန်မြို့တွင်းက ဗလီကျောင်းတခု
တရားဝင် ခွင့်ပြုချက် တောင်းခံခြင်းမရှိပဲ ရန်ကုန်မြို့တွင်းက ဗလီကျောင်းတွေကို သွားရောက်ခဲ့ပြီး တရားဟောခဲ့တဲ့ ပါကစ္စတန်နိုင်ငံသား ၂ ဦးကို မြန်မာအစိုးရ အာဏာပိုင်တွေက ထိန်းသိမ်းထားပြီး ပြည်နှင်ဒဏ်ပေးဖို့ဆောင်ရွက်နေတယ်လို့ တူရကီနိုင်ငံအခြေစိုက် Anadolu Agency သတင်းဌာနက ဖေါ်ပြထားပါတယ်။

နိုင်ငံအတွင်းမှာ ပြီးခဲ့တဲ့လ တလထဲအတွင်း ဗလီကျောင်းတွေ တော်တော်များများနဲ့ ဘာသာရေး အဆောက်ဦးတွေ တိုက်ခိုက်ခံရမှုတွေဖြစ်ပွားခဲ့ပြီး ဘာသာရေးဆိုင်ရာ ပိတ်ပင် ချုပ်ချယ်မှုတွေ ဖြစ်ပွားနေချိန်မှာ အခုလို ဖမ်းဆီးထိန်းသိမ်းမှု ပေါ်ပေါက်လာတာဖြစ်တယ်လို့ ရေးသားထားပါတယ်။

ဒီလူ ၂ ဦးဟာ ပုံမှန်ထက် အနည်းငယ်ပိုပြီးတော့ ဗလီကျောင်းတွေကို သွားရောက်ခဲ့ပြီး တရားဟောခဲ့တယ်လို့ မြန်မာနိုင်ငံက တရားဝင် မွတ်ဆလင်အဖွဲ့အစည်းရဲ့ တာဝန်ရှိသူတွေက တနင်္ဂနွေနေ့မှာ ပြောဆိုလိုက်ပြီး၊ ဒီဖမ်းဆီးမှုဟာ ၀တ်ပြုဆုတောင်း ပိုင်ခွင့်ကို ဖိနှိပ်ချုပ်ချယ်တာ ဖြစ်တယ်လို့ ဆိုပါတယ်။

အသက် ၆၃ နှစ်အရွယ် Amed Zulficar နဲ့ သူ့ရဲ့သားဖြစ်သူ အသက် ၂၉ နှစ်အရွယ် Amed Saifullah တို့ဟာ ဇူလိုင်လ ၂၆ ရက်နေ့ ရန်ကုန်မြို့ကို ရောက်ရှိလာခဲ့ပြီးနောက်မှာ ဖမ်းဆီးလိုက်တာဖြစ်ပြီး၊ အာဏာပိုင်တွေထံကနေ ခွင့်ပြုချက် မရယူပဲ ပန်းဘဲတန်း၊ ကျောက်တံတားနဲ့ မင်္ဂလာတောင်ညွန့် မြို့နယ်တွေမှာ တရားဟောခဲ့တယ်လို့ ရန်ကုန်မြို့က ရဲအရာရှိတယောက်က Anadolu သတင်းဌာနကို ပြောပြတယ်လို့ ဖေါ်ပြထားပါတယ်။

ဒီလူ ၂ ယောက်ဟာ Tourist ခရီးသွားဗီဇာနဲ့ ရောက်ရှိလာတာ ဖြစ်ပြီး၊ စည်းကမ်း စည်းမျဉ်းအရ ဒီဗီဇာအမျိုးအစားနဲ့ ၀င်ရောက်လာသူ တွေဟာ တရားဟောပိုင်ခွင့် မပြုထားကြောင်း အမည်မဖေါ်လိုတဲ့ ရဲအရာရှိက ရှင်းပြခဲ့တယ်လို့ ရေးသားထားပါတယ်။ သူတို့ကို စနေနေ့က ဖမ်းဆီးခဲ့ပြီး မြို့နယ်ရဲစခန်းတခုမှာ စစ်ဆေးခဲ့ကြောင်း ပြောတယ်လို့ ဆိုပါတယ်။

သူတို့ ၂ ဦးဟာ လူဝင်မှု ကြီးကြပ်ရေး ဥပဒေကို ချိုးဖောက်ခဲ့ကြောင်းတွေ့ရှိခဲ့ရင် ထောင်ဒဏ် (၆)လ ဒါမှမဟုတ် ဒဏ်ငွေ ဒါမှမဟုတ် ပြစ်ဒဏ် (၂)ရပ်လုံး ချမှတ်ခံရနိုင်ပါတယ်။

ဒါပေမဲ့ ရန်ကုန်မြို့မှာရှိတဲ့ ပါကစ္စတန် သံရုံးရဲ့ ချက်ခြင်း ကြားဝင်ညှိနှိုင်းဆောင်ရွက်ပေးနေမှု ပြီးဆုံးတာနဲ့ ချက်ချင်း ပြည်နှင်ဒဏ်ပေးဖွယ် ရှိကြောင်း ရဲအရာရှိကို ကိုးကားပြီး Anadolu သတင်းဌာနက ရေးသားထားပါတယ်။

 ဗွီအိုအေ (မြန်မာပိုင်း)
http://burmese.voanews.com



ပါလက်စတိုင်းနိုင်ငံသား အား အစ္စရေး စစ်သားများက ပစ်သတ်ခဲ့သည့် အခင်းဖြစ်ပွားရာသို့ လုံခြုံရေး တပ်ဖွဲ့ဝင်များရောက်ရှိလာစဉ် (ဆင်ဟွာ)
    ဂျေရုဆလင်၊ သြဂုတ် ၁ ရက် (ဆင်ဟွာ)

    အစ္စရေးလုံခြုံရေးတပ်ဖွဲ့က အနောက်ဘက်ကမ်းဒေသ ဒေသ လုံခြုံရေးဂိတ်တစ်ခု တွင် ဇူလိုင် ၃၁ ရက်က အစ္စရေးစစ်သားများ အား ဓါးဖြင့် ထိုးရန် ကြိုးစားခဲ့သည့် ပါလက်စတိုင်း တစ်ဦးအား သေနတ်ဖြင့် ပစ်သတ်ခဲ့ကြောင်း ပြောကြားခဲ့သည်။

အစ္စရေးစစ်တပ်ပြောရေးဆိုခွင့်ရှိသူတစ်ဦးက ဓါးကိုင်ဆောင်ထားသော ပါလက်စတိုင်း တစ်ဦးသည် ၄င်း၏ မော်တော်ယာဉ်ပေါ်မှ ဆင်းလာပြီး Nablus မြို့အဝင် လုံခြုံရေးဂိတ် ရှိ အစ္စရေးစစ်သားများ အား ဓါးဖြင့် ခြိမ်းခြောက်မှု ပြုလုပ်ခဲ့ကြောင်း ဆင်ဟွာသို့ပြောကြားခဲ့သည်။

၎င်း၏ပြောကြားချက်အရ လုံခြုံရေးတပ်သားများသည် ဓါးကိုင်ထားသော ပါလက်စတိုင်း အမျိုးသားအား သေနတ်ဖြင့် ပစ်ခတ်တားဆီးခဲ့၍ ၄င်းသေဆုံးခဲ့ကြောင်း သိရသည်။

ယခုဖြစ်စဉ်သည် ၂၀၁၅ခုနှစ် စက်တင်ဘာလလယ် မှစ၍ ဖြစ်ပွားခဲ့သော အကြမ်းဖက်မှုများအနက် နောက်ဆုံး တစ်ခု ဖြစ်ပြီး အကြမ်းဖက်မှုများကြောင့် အနည်းဆုံး ပါလက်စတိုင်း ၂၁၉ဦး နှင့် အစ္စရေး ၃၄ဦး သေဆုံးခဲ့ကြောင်း သိရသည်။

အစ္စရေးနိုင်ငံက ပါလက်စတိုင်းအမျိုးသားအာဏာပိုင်အဖွဲ့သည် အစ္စရေးတို့အပေါ် ဆန့်ကျင်တိုက်ခိုက်မှုများ နှင့်ပတ်သက်၍ လှုံ့ဆော်ပေးမှုများရှိနေကြောင်း စွပ်စွဲပြောဆိုခဲ့ပြီး ပါလက်စတိုင်းတို့ကလည်း ယင်းအကြမ်းဖက်မှု သည် အစ္စရေးတို့က ၄၉နှစ်ကျော်ကြာ ၄င်းတို့၏ နယ်မြေများကို သိမ်းပိုက်ထားခြင်း၏ ရလဒ်တစ်ခုပင်ဖြစ်ကြောင်း နှင့် အစ္စရေး လုံခြုံရေး တပ်ဖွဲ့များအား အန္တရာယ်ပေးလိုသည့် ဆန္ဒမရှိသော ပါလက်စတိုင်းနိုင်ငံသားများကို အစ္စရေးတို့သည် လက်နက်အင်အားအသုံးပြု၍ သတ်ဖြတ်နေကြောင်း စွပ်စွဲပြောဆိုခဲ့သည်။

(Xinhua)
http://www.xinhuamyanmar.com



သမ္မတ ကို ဖမ်းဆီး ဖို့ ကြိုးစားတဲ့ တူရကီ စစ်တပ်က အထူး တပ်ဖွဲ့ဝင်တွေကို မားမာရစ် မြို့ အနီး က တောတွင်း တစ်နေရာမှာ ဖမ်းဆီး ရမိ
ပြီးခဲ့တဲ့ ၂ပတ် က တူရကီ နိုင်ငံမှာ မအောင်မမြင် ဖြစ်ခဲ့ရတဲ့ စစ်တပ်ရဲ့ အာဏာသိမ်းမှု အတွင်းမှာ သမ္မတ အာဒိုဝန် ကို ဖမ်းဆီး ဖို့ ကြိုးစားခဲ့သူတွေလို့ သံသယ ရှိသူ စစ်သား တချို့ ဖမ်းဆီး ရမိခဲ့ပါတယ်။

အာဏာသိမ်းမှု ဖြစ်ပွား စဉ် အတွင်း သမ္မတ အာဒိုဝန် ဟာ နိုင်ငံ အနောက်တောင်ပိုင်း က ဟိုတယ် တစ်ခုမှု ရောက်ရှိနေခဲ့ပြီး အဆိုပါ ဟိုတယ် ကို အငိုက်ဖမ်း ဝင်ရောက် စီးနင်းစဉ် လွတ်မြောက်သွားခဲ့တာ ဖြစ်ပါတယ်။

သမ္မတ ကို ဖမ်းဆီး ဖို့ ကြိုးစားတဲ့ တူရကီ စစ်တပ်က အထူး တပ်ဖွဲ့ဝင်တွေကို မားမာရစ် မြို့ အနီး က တောတွင်း တစ်နေရာမှာ ဖမ်းဆီး ရမိခဲ့တာပါ။

စစ်တပ် အင်အားသုံးပြီး အစိုးရကို ရုတ်တရက် ဖြတ်ချဖို့ ကြိုးစားခဲ့ကြသူတွေကို သမ္မတာ အာဒိုဝန်က ဖြိုခွင်းမှုတွေ ပြုလုပ်နေပါတယ်။

BBC Burmese
http://www.bbc.com/burmese



ရပ်ကွက် တံခါး ကို ဖောက်ခွဲရေး ပစ္စည်းတွေ တင်ဆောင်လာတဲ့ ကုန်တင်ကား နဲ့ ဝင်တိုက်
အာဖဂန်နစ္စတန် နိုင်ငံ ကဘူးလ်မြို့က နိုင်ငံခြားသား တွေ နေထိုင်တဲ့ နေရာကို တာလီဘန်တွေက ဝင်ရောက် တိုက်ခိုက်ခဲ့ပါတယ်။

ဩဂုတ်လ ၁ ရက်နေ့ တနင်္လာနေ့ မနက်ပိုင်း က ပေါက်ကွဲသံတွေ ကြားခဲ့ရတယ်လို့ ဒေသခံတွေက ပြောပါတယ်။

နိုင်ငံခြားသား တွေ နေထိုင်ရာ ရပ်ကွက် တံခါး ကို ဖောက်ခွဲရေး ပစ္စည်းတွေ တင်ဆောင်လာတဲ့ ကုန်တင်ကား နဲ့ ဝင်တိုက် ခဲ့ပြီး တာလီဘန် သေနတ် သမား နှစ်ယောက် ဝင်ရောက် ပစ်ခတ်မှုတွေ လုပ်ခဲ့တယ်လို့ ရဲ က ပြောပါတယ်။

တာလီဘန် တိုက်ခိုက်မှု အတွင်း ရဲတပ်ဖွဲ့ဝင် တစ်ဦး နဲ့ တာလီဘန် တစ်ဦး သေဆုံး ခဲ့တယ်လို့ တာဝန်ရှိသူတွေက ပြောပါတယ်။

တိုက်ခိုက်မှုတွေ ပြီးဆုံး သွားခဲ့ပြီးနောက် မှာ ရဲ သုံးယောက် ဒဏ်ရာ အပြင်းအထန် ရရှိခဲ့တယ်လို့ သိရပါတယ်။

BBC Burmese
http://www.bbc.com/burmese


ကျပ်သိန်း ၁၀၀၀
…………………..
လ-၃၀၅၂၃၂
ဆ-၇၀၆၆၆၀
ကျပ်သိန်း ၅၀၀
………………………………..
န-၂၉၀၄၁၀
ဘ- ၉၅၃၇၄၇
ဎ-၈၆၁၀၀၀
ဘ-၄၈၇၁၉၆
ဋ္ဌ-၃၀၃၆၄၃
ကျပ်သိန်း ၃၀၀
………………………………
န-၃၁၈၈၄၀
ကဂ-၂၃၁၅၁၂
ကဃ-၈၄၁၁၉၈
ကက-၇၁၈၂၀၃
ဃ-၄၃၃၁၆၈
ဠ-၇၂၀၇၄၁
ကျပ်သိန်း ၂၀၀
………………………..
ဃ-၁၆၀၄၇၉
လ-၈၁၉၁၀၆
တ-၂၇၉၈၀၆
ရ-၉၅၆၉၁၉
ဋ-၉၅၉၇၃၃
ဓ-၂၂၄၆၆၂
သ-၈၁၈၆၄၆
ဝေဝေဆာဆာပဒေသာဆုမဲစနစ်
ကျပ်သုံးသိန်းဆုများ ( အက္ခရာနှင့်ရှေ့ဂဏန်းငါးလုံး အစဉ်လိုက်တူ )
…………………………………..


န-၆၉၃၆၀
စ်-၇၇၀၁၈
ဃ-၁၆၃၉၈
ကစ-၄၆၅၆၅
ဠ-၃၄၈၁၆
ဍ-၅၅၃၃၄
ကဆ-၁၈၇၃၀
ဖ-၁၃၁၀၁
ရ-၄၄၇၈၀
ကင-၁၅၆၃၁
ဝေဝေဆာဆာပဒေသာဆုမဲစနစ်
ကျပ်နှစ်သိန်းဆုများ ( အက္ခရာနှင့်ရှေ့ဂဏန်းလေးလုံး အစဉ်လိုက်တူ )
………………………………………………………
န-၅၃၃၇
ဗ-၆၄၀၄
သ-၉၆၀၄
ဇ-၄၆၉၅
ည-၇၆၅၇
ဋ-၁၂၃၁
ရ-၅၉၀၂
ဃ-၈၂၈၅
န-၉၃၅၉
ခ-၈၈၉၉
( ၃၃၁ ) ကြိမ်မြောက် အောင်ဘာလေသိန်းဆုဖွင့်ပွဲ

ဝေဝေဆာဆာပဒေသာဆုမဲစနစ်
ကျပ်တစ်သိန်းဆုများ ( အက္ခရာနှင့်ရှေ့ဂဏန်းသုံးလုံး အစဉ်လိုက်တူ )
………………………………………..
ဝ-၂၀၉
ဒ-၁၃၃
စ-၉၅၃
ဇ-၉၂၆
အ-၆၈၆
င-၂၉၇
ဓ-၅၄၅
ဋ-၄၉၉
လ-၁၇၀
ဝေဝေဆာဆာပဒေသာဆုမဲစနစ်
ကျပ်ငါးသောင်းဆုများ ( အက္ခရာနှင့်ရှေ့ဂဏန်းနှစ်လုံးအစဉ်လိုက်တူ )
………………………………………..
ဆ-၁၁
ဆ-၉၃
စ-၁၇

Credit --T T Aung Aung