08/05/16


5August 2016

ထိုင်းနိုင်ငံ ရယောင်မြို့ နယ်အတွင်းက Jabbar Raiders host မြင်းစီးသူများ ညကပွဲ ရုံကို သြဂုတ်လ (၄) ရက်နေညက ရဲတွေ ၀င်ဖမ်းကြတာဖြစ်ပါတယ်။


ထိုင်းနိုင်ငံ လူကုန်တန် အသိုင်း ၀န်းက ငွေကြေးပြည့်စုံတဲ့ အမျိုးသမီးတွေ သွားနေကြတဲ့ "ယောက်ကျားမ၀င်ရ "နိုက်က လပ်(ညကပွဲရုံ)တွေမှာ အမျိုး သမီးတွေ အများစု လာပြီးကဲနေကြတာကို ထိုင်းအမျိုးသမီးတဦးက (ကဲလိုက် တဲ့ သူတွေ ရယ် အပျိုရော အအိုရော စုံနေတာ လွန်တယ်နော် .. ဆိုပြီး အွန် လိုင်းမှာတင်လိုက်ပြီးတဲ့နောက်ပိုင်းရဲတွေက ယောက်ကျားလေးပြည့်တန်ဆာ များ ရှိတဲ့ နေရာတွေကို ၀င်ဖမ်းနေကြပါတယ်။

ထိုင်းနိုင်ငံမှာ အမျိုးသားတွေ နိုက်ကလပ်ဘားတွေ သွားကြတာသာ လူသိ များပြီး အမျိုးသမီးတွေသွားကြ နေတဲ့နေရာကိုတော့ တိတ်တိတ်ပုန်း ကဲနေကြ တာကို အဆိုပါ အမျိုးသမီက ဖေါ်လိုက်တော့မှ ယောက်ကျားပြည့်တန်ဆာတွေရှိတဲ့နေရာမှာ လာရောက် ကြတဲ့ အမျိုးသမီးတွေ ကြိတ်ကြိတ်တိုးနေကြတာကို ထိုင်း အာဏာပိုင်တွေ မြင်တွေသွားခဲ့တာပါ။


ယောက်ကျားချင်းလိင်တူဆက်ဆံတဲ့သူတွေနဲ့  ယောက်ကျားတွေနဲ့  ပျော်ပါးလိုတဲ့ အမျိုးသမီး ရဲ့  သီးသန့် ကာမဖျော်ဖြေပွဲနေရာတွေဟာ ပိုပြီး အဆင့်မြင့်တဲ့ ခြံဝင်းတွေ မြေအောက်ခန်းတွေမှာအခိုင်အမာ ဆောက်ထားကြတာပါ၊ ၀င်ကြေးငွေပေးပြီး အဖွဲ့ ဝင်ဖြစ်မှ လာရောက်နိုင်ကြပါတယ်။


အပြင်မှာ ရိုးရိုး စားသောက်ဆိုင်သဘောမျိုး ဖွင့်ထားပြီး အဆောက်ဦး အတွင်းက အထူးခန်းကိုနေရာကို ၀င်မယ်ဆိုရင် အဖွဲ့  ၀င်ကပ်ပြားပြ၀င်ရပါတယ်။

စင်ပေါ်မှာယောက်ကျားတွေကနေတာကြည့်ပြီး ကိုယ်တိုင်ဝင်ကနိုင်တယ် စိတ်ပါရင် ထိုင်ခုံနေရာမှာတင် အလုပ်ဖြစ်သွားကြပြီး ၀ိတ်တာ စား ပွဲထိုး ယောက်ကျားလေးတွေနဲ့  ပျော်ပါးကြတဲ့ နေရာတွေကို လာရောက်ကြတဲ့ အမျိုးသမီးတွေဟာ ညပိုင်းနိုက်ကလပ်သွားနေကြတဲ့ ယောက်ကျားလေးဦးရေထက်များပြားနေတာတွေ့ ရပါတယ်။

(SAW)
Khaosod
ဓါတ်ပုံ ไอญ่า ไอญ่า
Social Action for Women - SAW


စစ်ကိုင်းတိုင်းဒေသကြီး ကလေးမြို့ တာဟန်းရပ်ကွက်တွင် သြဂုတ် ၃ ရက်၊ ည ၁၁း၃၀ ခန့်က ရည်စားနှင့် ချိန်းတွေ့သည့် အမျိုးသမီးတစ်ဦးကို အမျိုးသား ၅ ဦးမှ ရဲဝန်ထမ်းအယောင်ဆောင်ကာ လိမ်လည် ခေါ်ဆောင်ပြီး သားမယားအဖြစ် အဓမ္မပြုကျင့်မှုဖြစ်ပွားခဲ့ကြောင်း ကလေးမြို့မ ရဲစခန်းမှ သိရှိရသည်။

“ရဲဝန်ထမ်းအယောင်ဆောင်ပြီး အမျိုးသမီးကို လိမ်လည်ခေါ်ဆောင် အတင်းအဓမ္မ သားမယားပြုကျင့်ခဲ့တဲ့ တရားခံ ၅ ယောက်ထဲက ၄ ယောက်ကိုတော့ သြဂုတ် ၄ ရက်နေ့ နံနက်ပိုင်းမှာ ချက်ချင်း ဖမ်းမိလိုက်ပါပြီ။ တစ်ယောက်ကတော့ ထွက်ပြေး လွတ်မြောက်နေလို့ ရှာဖွေဖမ်းဆီးနေပါတယ်”ဟု ကလေးမြို့မ ရဲစခန်းမှ ဒုရဲအုပ်သူရဇော်က ပြောသည်။

အဆိုပါ အမျိုးသမီးကို ဆိုင်ကယ် ၂ စီးဖြင့် အမျိုးသား ၅ ဦးမှ ၎င်းတို့မှာရဲများဖြစ်၍ စစ်မေးစရာရှိသဖြင့် ရဲစခန်းသို့ လိုက်ခဲ့ရန် ပြောဆိုခဲ့ပြီး ရဲစခန်းသို့ မလိုက်ချင်ပါက ငွေပေးရမည်ပြောသဖြင့် အမျိုးသမီးမှ ၃ သောင်း ကျပ်ပေးသော်လည်း လက်မခံဘဲ ရဲစခန်းလိုက်ခဲ့ရန် ခေါ်သွားခဲ့ပြီး အမျိုးသမီး၏ရည်းစားဖြစ်သူကို ခြိမ်းခြောက် ချန်ထားခဲ့ကြောင်း သိရသည်။

ထို အမျိုးသား ၅ ဦးမှာ အမျိုးသမီးကို တာဟန်းရပ်ကွက်- လက်ပံချောင်းရွာသွား ကားလမ်းပေါ်ရှိ ဒိုးဝိုင်းချောင်း သုဿာန်ဟောင်း ဘက်သို့ ခေါ်သွားခဲ့ပြီး သားမယားအဖြစ် ပြုကျင့်ခဲ့ကြောင်း ကလေးမြို့မရဲစခန်းမှ သိရသည်။

အဓမ္မ ပြုကျင့်ခံရသည့် အမျိုးသမီးမှာ ကလေးမြို့ တောင်ဖီလာရပ်ကွက်နေ အသက် ၂၈ နှစ်အရွယ် မ…….. ဖြစ်ပြီး ရဲဝန်ထမ်းအယောင်ဆောင် အဓမ္မသားမယားပြုကျင့်ခဲ့သည်ဟု စွဲဆိုခံထားရသူ ၅ ဦးမှာ ကလေးမြို့၊ မင်္ဂလာဥယျာဉ် ရပ်ကွက်နေ အသက် ၂၃ နှစ်ရှိ မောင်ပြည့်စုံအောင်၊ အသက် ၂၅ ရှိ မောင်အာကာစိုး အသက် ၁၉ နှစ်ရှိ မောင်ဟိန်းထက်နိုင်၊ အောင်ကျော်ဟိန်း (ခ) ကိုရင်ကြီးနှင့် ညောင်ပင်သာရပ်ကွက်နေ အသက် ၁၉ နှစ်ရှိ ဆင်ပေါက် (ခ) လင်းထက်အောင်တို့ ဖြစ်ကြောင်း ကလေးမြို့မရဲစခန်း၏ တိုင်တန်းချက်အရ သိရသည်။

အဆိုပါ တရားခံဟုယူဆရသူ အမျိုးသား ၅ ဦးအနက် အောင်ကျော်ဟိန်း (ခ) ကိုရင်ကြီးသည် ထွက်ပြေးလွတ်မြောက်နေဆဲဖြစ်ပြီး ကျန် ၄ ဦးကိုမူ သားမယားပြုကျင့်ခံရသည့် မ………မှ တရားလိုပြု၍ ကလေးမြို့မ ရဲစခန်းတွင် (ပ)၃၀၂/၂၀၁၆၊ ရာဇသတ်ကြီး ပုဒ်မ ၁၇၀/၃၆၆/၃၇၆/၃၇၇/၁၁၄ တို့ဖြင့် အမှုဖွင့် တိုင်တန်းထားကြောင်း သိရသည်။

MMK
The Ladies News
https://www.facebook.com/News.TheLadies



ပါကစ္စတန်နိုင်ငံ အစိုးရပိုင် ရဟတ်ယာဉ် တစ်စီးအားတွေ့ရစဉ် (ဓါတ်ပုံ-အင်တာနက်)
    အစ္စလာမ်မာဘတ်၊ သြဂုတ် ၅ ရက် (ဆင်ဟွာ)

    အာဖဂန်နစ္စတန်နိုင်ငံ လိုဂါပြည်နယ်အတွင်းသို့ သြဂုတ် ၄ ရက်က ပါကစ္စတန် ရဟတ်ယာဉ် တစ်စီး အရေးပေါ် ဆင်းသက်ခဲ့ရပြီး ရဟတ်ယာဉ်ပေါ်ပါ ဝန်ထမ်း၇ဦးအား တာလီဘန်စစ်သွေးကြွများက ဓါးစားခံအဖြစ် ဖမ်းဆီးထိန်းသိမ်းထားကြောင်း သိရသည်။

Samaa သတင်းဋ္ဌာနက ပါကစ္စတန်ရဟတ်ယာဉ် သည် အလုံးစုံပြုပြင်ရေး ပြုလုပ်ရန် ဥဇဘတ်ကစ္စတန်နိုင်ငံသို့ ပျံသန်းနေစဉ် စက်ပစ္စည်းချို့ယွင်းမှု ဖြစ်ပေါ်ခဲ့၍ ရဟတ်ယာဉ်မှူး သည် ပါကစ္စတန် အနောက်မြောက်ဘက် Kurram လူမျိုးစုဒေသ နယ်စပ် အနီးရှိ လိုဂါ နယ်မြေသို့ အရေးပေါ်ဆင်းသက်ခဲ့ရကြောင်း သိရသည်။

အဆိုပါ ရဟတ်ယာဉ်ပေါ်၌ ပါကစ္စတန် ရဟတ်ယာဉ်မှူး နှစ်ဦး၊ စက်ပြင် လေးဦး နှင့် ရုရှားလူမျိုး လမ်းကြောင်းပြတစ်ဦး ပါဝင်လာခဲ့ပြီး ပါကစ္စတန် အနောက်မြောက်ပိုင်း ပီရှာဝါမြို့လေဆိပ်မှ သြဂုတ် ၄ ရက် ဒေသစံတော်ချိန် နံနက် ၈း၄၅ နာရီတွင် ထွက်ခွာလာခြင်းဖြစ်သည်။

တာလီဘန် စစ်သွေးကြွတို့သည် ရဟတ်ယာဉ်ဝန်ထမ်း ၇ဦးအား ဓါးစားခံအဖြစ် ထိန်းသိမ်းထားသည့်အပြင် ရဟတ်ယာဉ်ကိုလည်း မီးရှို့ဖျက်ဆီးခဲ့ကြောင်း သိရသည်။

မီဒီယာ တစ်ချို့၏ ဖော်ပြချက်အရ ရဟတ်ယာဉ် သည် မြေပြင်ပေါ်သို့ မဆင်းသက်မီ မီးလောင်ကျွမ်းခဲ့ပြီး ရဟတ်ယာဉ်ဝန်ထမ်း ၇ဦးစလုံး ဒဏ်ရာရရှိခဲ့ကြောင်း ဖော်ပြခဲ့ကြသည်။

ယင်း Mi-17 ရဟတ်ယာဉ်အား ပါကစ္စတန်နိုင်ငံ ၏ အရှေ့ပိုင်း ပန်ဂျပ်ပြည်နယ်အစိုးရ က ပိုင်ဆိုင်ခြင်းဖြစ်သည်။

ပါကစ္စတန်နိုင်ငံခြားရေးရုံးက ဖြစ်စဉ် အကြောင်းအရာကို စုံစမ်းနေပြီး အသေးစိတ်အချက်အလက်ကို မကြာမီ ထုတ်ပြန်ပေးသွားမည်ဖြစ်ကြောင်း ပြောကြားခဲ့သည်။

သို့သော် တာဝန်ရှိသူ တစ်ဦးက ပန်ဂျပ်ပြည်နယ်အစိုးရ၏ ရဟတ်ယာဉ်တစ်စီးသည် ဥဇဘတ်ကစ္စတန်နိုင်ငံသို့ ပျံသန်းသွားခဲ့ကြောင်း အတည်ပြုခဲ့သည်။ သို့ရာတွင် လိုဂျာပြည်နယ်တွင် ဆင်းသက်ခဲ့ရသည့် ရဟတ်ယာဉ် နှင့်အတူတူဖြစ်ကြောင်းကိုမူ အတည်ပြုခဲ့ခြင်းမရှိချေ။

တာဝန်ရှိသူက အသေးစိတ်အချက်အလက်အများအတွက် အာဖဂန် အစိုးရအား ဆက်သွယ်ထားကြောင်း ပြောကြားခဲ့သည်။

အာဖဂန်နစ္စတန် စစ်တပ်ပြောရေးဆိုခွင့်ရှိသူ က တာလီဘန်တို့သည် ပါကစ္စတန်ရဟတ်ယာဉ်ဝန်ထမ်းများအား ဓါးစားခံအဖြစ်ဖမ်းဆီးထားကြောင်းအတည်ပြုပြောကြားခဲ့သည်။

 (Xinhua)
http://www.xinhuamyanmar.com



ဂါဇာဒေသရဲ့ World Vision မန်နေဂျာ Mohammed Al Halabi (Credit: Reuters) 
World ​Vision ​ပရဟိတ ​ငွေကြေးတွေကို ​အသုံးပြုပြီး ​ဂါဇာဒေသရဲ့ ​World ​Vision ​မန်နေဂျာက ​ဟားမတ်စ် ​စစ်သွေးကြွအဖွဲ့ကို ​ထောက်ပံ့တယ်လို့ ​အစ္စရေးက ​စွပ်စွဲပြီး ​အရေးယူလိုက်ပါတယ်။

Gaza ​ဒေသက ​World ​Vision ​အကြီးအကဲ ​Mohammad ​Al ​Halabi ​ဟာ ​သန်းနဲ့ချီတဲ့ ​ပရဟိတ ​အဖွဲ့ရဲ့ ​ငွေကြေးကို ​ယူပြီး ​ဟားမတ်စ်ကို ​ထောက်ပံ့ခဲ့တာလို့ ​အစ္စရေးက ​ပြောပါတယ်။

၂၀၁၀ ​ပြည့်နှစ်နောက်ပိုင်း ​World ​Vision ​ရဲ့ ​နှစ်စဉ် ​ဘတ်ဂျက်ရဲ့ ​၆၀% ​ကို ​ဟားမာစ်ကို ​ထောက်ပံ့ခဲ့တာလို့ ​အစ္စရေးက ​ပြောပါတယ်။

အဲဒီလို ​စွပ်စွဲချက်ကြောင့် ​သြစတြေးလျ ​အစိုးရက ​ပါလစ္စတိုင်းကို ​ပေးနေတဲ့ ​ထောက်ပံ့ကြေးတွေကို ​ရပ်ဆိုင်းလိုက်ပြီ ​ဖြစ်ပါတယ်။

သြစတြေးလျ ​အစိုးရက ​လွန်ခဲ့တဲ့ ​သုံးနှစ်အတွင်း ​ဂါဇာဒေသ ​ဖွံ့ဖြိုးတိုးတက်ရေးအတွက် ​ဒေါ်လာ ​၅ ​သန်းကျော် ​ထောက်ပံ့ခဲ့တာ ​ဖြစ်ပါတယ်။

World ​Vision ​Australia ​ရဲ့ ​အကြီးအကဲ ​Tim ​Costello ​ကတော့ ​ဂါဇာဒေသက ​မန်နေဂျာ ​တစ်ဦး ​အခုလို ​အလွဲသုံးစားမှု ​လုပ်တယ်ဆိုတာကို ​ကြားရတာ ​အင်မတန် ​အံ့အားသင့်ရတယ်လို့ ​ပြောပါတယ်။

အစ္စရေးကနေ ​ဖမ်းဆီးထားတဲ့ ​Mohammad ​Al ​Halabi ​ဟာ ​ရက်ပေါင်း ​၅၀ ​ကြာ ​အစ္စရေးတို့ရဲ့ ​ဖမ်းဆီးမှုကို ​ခံရပြီး ​မိသားစုနဲ့ ​တွေ့ခွင့်မရသလို ​World ​Vision ​အမှုထမ်းတွေနဲ့လည်း ​တွေ့ခွင့် ​မရသေးဘူးလို့ ​ဆိုပါတယ်။

ရှေ့နေမပါပဲ ​ထိန်းသိမ်းခံရတာ ​ဖြစ်လို့ ​နှစ်ဦးနှစ်ဖက်ရဲ့ ​တင်ပြချက်တွေကို ​သိရှိဖို့ ​အရေးကြီးတယ်လို့ ​ပြောလိုက်ပါတယ်။

World ​Vision ​အနေနဲ့ ​အကူအညီပေးသင့်တဲ့ ​လူတွေရဲ့ ​လက်ထဲ ​အကူညီတွေ ​ရောက်မရောက်ဆိုတာကို ​အမြဲတမ်း ​စစ်ဆေးသူတွေရှိပြီး ​လုပ်ဆောင်ရမယ့်အတိုင်း ​လုပ်ဆောင်လေ့ရှိတယ်လို့ ​ပြောသွားခဲ့ပါတယ်။

ပရဟိတ ​လုပ်ငန်းကို ​စောင့်ကြည့်တဲ့ ​အဖွဲ့တွေကတော့ ​ပြည်ပက ​ပရဟိတ ​စီမံကိန်းတွေကို ​အသေးစိတ် ​လိုက်လံ ​စောင့်ကြည့်ဖို့ ​အခက်အခဲတွေ ​ရှိတတ်တယ်လို့ ​မှတ်ချက်ပြုလိုက်ပါတယ်။

By Middle East correspondent Sophie McNeill
ABC Radio Australia
http://www.radioaustralia.net.au/burmese



 ရေဘေးကြောင့် ပြောင်းရွှေ့ နေထိုင်ရ
မြန်မာပြည် အလယ်ပိုင်း ရေလွှမ်းနေတဲ့ ဒေသအချို့မှာ ရေတွေ ကျဆင်းလာနေလို့ ဝမ်းသာစရာ ဖြစ်ပေမယ့် အဲဒီရေတွေဟာ ဧရာဝတီ မြစ်အောက်ပိုင်း ဒေသတွေ ကို မကြာမီ ရက်ပိုင်းအတွင်း ရောက်လာတော့ မှာ ဖြစ်ပါတယ်။

ဧရာဝတီ မြစ်လက်တက်တွေ ခွဲဖြာ ပြီး ပင်လယ် စီးဝင်ရာ ဧရာဝတီတိုင်း အတွင်းမှာ မြစ်ရေကြီးနေသလို ထပ်ပြီးတက်လာနိုင်တဲ့ အတွက် ကြိုတင် ပြင်ဆင်နေကြပါတယ်။

ဧရာဝတီ တိုင်းအတွင်း မှာ စိုးရိမ်ရေမှတ် ကျော်နေတဲ့ မြစ်ကြီး နှစ်စင်းကတော့ အထက်က စီးလာတဲ့ ဧရာဝတီမြစ်နဲ့ မြစ်လက်တက် ငဝန်မြစ်တို့ ဖြစ်ပါတယ် ။

မြန်မာပြည် အလယ်ပိုင်းနဲ့ နီးတဲ့ မြန်အောင်မြို့နယ်မှာ ရေကြီးနေသလို ဟင်္သာတမြို့ဟာလည်း စိုးရိမ်ရေမှတ်ကို ကျော်နေပါတယ် ။

နောက်ရက်တွေမှာ မြစ်ရေတွေ ဒီထက် တိုးလာနိုင်တဲ့အတွက် ဧရာဝတီတိုင်း အစိုးရက ပြင်ဆင်ထားတယ် လို့ အစိုးရ အဖွဲ့ရုံး ညွန်ကြားရေး မှူး ဦးမျိုးမင်းထွန်းက ပြောပါတယ် ။

လက်ရှိ ဧရာဝတီတိုင်း အတွင်းမှာ ရေဘေးကြောင့် ပြောင်းရွှေ့ နေထိုင်ရသူပေါင်း ၇ဝဝဝ ကျော်ရှိပြီး မြန်အောင် မြို့နယ်မှာ အများဆုံး ဖြစ်တယ် လို့ သိရပါတယ် ။

ဒါ့အပြင် ဧရာဝတီတိုင်း အတွင်း ဟင်္သာတမှာ ကယ်ဆယ်ရေး စခန်း ၅ ခု၊ ဇလွန်မှာ ၆ ခု၊ မြန်အောင်မှာ စခန်း ၃ဝ၊ ကြံခင်း ၇၊ အင်္ဂပူ ၂၊ စုစု ပေါင်း ၅ဝ ကျော် ဖွင့်ထားပြီး ဖြစ်တယ်လို့လည်း ပြောပါတယ် ။

မနှစ်က ရေကြီးမှု ပမာဏ ကို ကာကွယ် နိုင်အောင် ဆောင်ရွက်ထားတယ် လို့လည်း ဦးမျိုးမင်းထွန်းက ဆက်ပြောပါတယ် ။

မြန်မာနိုင်ငံ အလယ်ပိုင်း ဒေသတွေ ဖြစ်တဲ့ မင်းဘူး ချောက် တို့ မှာ မြစ်ရေတွေ ကျဆင်းစ ပြုလာပေမယ့် အောင်လံ၊ ပြည်၊ ဇလွန်၊ ဟင်္သာတ မှာ မြစ်ရေ လက်ရှိထက် နောက်တပေလောက် မနက်ဖြန် မှာ ဆက်တက်မယ်လို့ မိုးဇလက မှန်းပါတယ် ။

ဘင်္ဂလား ပင်လယ်အော် မှာလည်း အခုရက်ပိုင်း မုတ်သုံလေ အားကောင်း နေတာကြောင့် မြစ်ရေ အခုခန့်မှန်း တာထက် ပိုနိုင်တယ်လို့ သုံးသပ်နေ ကြပါတယ်။

BBC Burmese
http://www.bbc.com/burmese

ရဲနိုင် (လောက်ကိုင်)

ရန်ကုန်၊ သြဂုတ် ၄ ။ ။ နိုင်ငံတကာ အကြမ်းဖက်အဖွဲ့ ISISက မလေးရှားနိုင်ငံဝန်ကြီးချုပ်နှင့် အစိုးရအရာရှိကြီးများ၏ အသက်အန္တရာယ်ကို ခြိမ်းခြောက်ရာတွင် မြန်မာနိုင်ငံ နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်လည်း ပါဝင်နေသည့်အပေါ် မြန်မာ မွတ်စလင် လူ့အဖွဲ့အစည်းများက အထူးစိုးရိမ်နေကြောင်း သြဂုတ်လ ၃ရက်က ကြေငြာချက် ထုတ်ပြန်လိုက်သည်။

“ISISရဲ့လုပ်ဆောင်ချက်တွေက ကျမတို့ရဲ့ ဒီလူထုခေါင်းဆောင်အပေါ်မှာ ခြိမ်းခြောက်နေတယ်ဆိုပြီးတော့ သတင်းတွေမှာ ခုတွေ့လိုက်ရတယ်။ သတင်းတွေမှာတွေ့လိုက်ရတဲ့အခါ ကျမတို့ရဲ့ စိတ်ခံစားချက်က လူထုခေါင်းဆောင်ဒေါ်အောင်ဆန်းစုကြည်နဲ့ တသားတည်းရှိတယ်။ ပြီးတော့ ကျမတို့အနေနဲ့ ဒေါ်အောင်ဆန်းစုကြည်ဘက်က အပြည့်အဝ ကာကွယ်သွားမယ်။ နောက်ISIS ရဲ့လုပ်ရပ်တွေက ကျမတို့ အစ္စလာမ် ဘာသာဝင်ရဲ့ သွန်သင် ဆုံးမချက်နဲ့ လွဲချော်တဲ့အတွက် အစ္စလာမ်အမည်ခံထားတဲ့ ISIS ရဲ့ အကြမ်းဖက်လုပ်ရပ်မှန်သမျှကို အပြင်းအထန် ကိုကန့်ကွက်ပါတယ်။ ” ဟု Social Alliance ၏တာဝန်ခံ ဒေါ်ဒါလီမြင့်က ပြောသည်။

နိုင်ငံတော်၏ အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည်အပါအဝင် မလေးရှားနိုင်ငံဝန်ကြီးချုပ်နှင့် အစိုးရအရာရှိကြီးများ၏ အသက်အန္တရာယ်ကိုခြိမ်းခြောက်သော ISISတို့၏ ပေးပို့စာမှာပစ်စာ အဆင့်သာရှိကြောင်း၊ သို့ရာတွင် ထိုစာ၏ ဂယက်ကြောင့် မြန်မာနိုင်ငံတွင် ယခင်က ဖြစ်ပွားခဲ့သော လူမှုရေးပြသာများကို အကြောင်းပြုကာ နားလည်မှုလွဲမှားမှုများဖြစ်ပေါ်လာခြင်းကို မလိုလားဘဲ တည်ငြိမ်အေးချမ်းမှုကို လိုလားသည့်အတွက် ကြိုတင်ဟန့်တားသော အနေဖြင့် ထိုကြေငြာချက်ကို ထုတ်ပြန်ရခြင်းဖြစ်သည်ဟု Yway Lat Yar Institute ဘုတ်အဖွဲ့ဝင်တစ်ဦးဖြစ်သည့် ဦးနိုင်အောင်မင်းက ဆိုသည်။

“အဲ့စာရဲ့ခိုင်မာမှုနဲ့ ပတ်သတ်ပြီးတော့ တကယ်တရားဝင်ထုတ်တဲ့ စာလားဆိုတာ အခုထိ ဘယ်ကမ္ဘာ့မီဒီယာမှာမှ တက်လာတာမရှိသေးဘူး။ ISIS တို့ကျတော့လည်း သူတို့ရဲ့လှုပ်ရှားမှုနဲ့ပတ်သတ်ပြီးတော့ ခိုးကြောင် ခိုးဝှက်နဲ့ လုပ်တဲ့ အဖွဲ့အစည်းမျိုးသိပ်မဟုတ်ဘူး။ ဥရောပလို့နိုင်ငံတွေကိုတောင်မှ အကြမ်းမှုတွေကို တရားဝင်အသိပေးပြီးလုပ်တာဆိုတော့ ပစ်စာရဲ့ ရည်ရွယ်ချက်က ကျနော်ထင်ပါတယ် ဒီမလေးရှားမှာရှိတဲ့ အစိုးရပိုင်းနဲ့ နိုင်ငံရေး အရှုပ်အထွေးတွေနဲ့ပဲ ဆက်နွယ်နေတယ်လို့ပဲ ကျနော်တို့ကတော့ ယေဘုယျမှတ်ချက်ချလို့ရတာပေါ့။” ဟု ဦးနိုင်အောင်မင်းကဆိုသည်။
Mizzima - News in Burmese

မြန်မာမွတ်စလင်များသည် မည်သို့သော အခြေအနေတွင်မှ တရားမဲ့ အကြမ်းဖက်မှုများကို လုပ်ဆောင်သည် မဟုတ်သည့်အပြင် ပြည်တွင်းပြည်ပအကြမ်းဖက်မှု၊ ခြိမ်းခြေက်မှုများကိုလည်း ဘာသာစုံ၊ လူမျိုးစုံ တိုင်းရင်းသားပြည်သူများနှင့် ခိုင်ခိုင်မြဲမြဲလက်တွဲကာ ပြတ်ပြတ်သားသားတိုက်ဖျက် သွားမည်ဖြစ်ကြောင်း ကြေညာချက် ၇တွင်ပါရှိသည်။

mdy-flooding-620.jpg မန္တလေးမြို့နယ်မှာ ရေကြီးနေတာကို သြဂုတ်လ ၃ ရက်နေ့က တွေ့ရစဉ်
Photo: Hset Paing Toe/RFA
 
နိုင်ငံအ၀န်းရေကြီးနိုင်တဲ့ နေရာအားလုံး ကြိုတင်ကာကွယ်ရေးအစီအမံတွေကို ပြည်ထောင်စုအစိုးရအနေနဲ့ လုပ်ဆောင်ထားသင့်ကြောင်း လွှတ်တော်ကိုယ်စားလှယ်ဆယ်ဦးတို့က ပြည်သူ့လွှတ်တော်မှာ ဒီနေ့ ဆွေးနွေး ကြပါတယ်။

လွန်ခဲ့တဲ့ ၁၉၇၄ ၊ ၁၉၈၄ နဲ့ ၂၀၀၄ ခုနှစ်တွေက ငဝန်ရေကာတာနိမ့်ကျခဲ့တဲ့ အစဉ်အလာတွေရှိခဲ့တယ် လို့ ရေကြည်မဲဆန္ဒနယ်က ပြည်သူ့လွှတ်တော်ကိုယ်စားလှယ် ဒေါက်တာစံရွှေဝင်း က ဆွေးနွေးခဲ့ပါတယ်။

"ဒီတာအနေနဲ့ ၁၉၇၄ ခုနှစ်က တစ်ကြိမ်၊ ၁၉၈၄ ခုနှစ်က တစ်ကြိမ်၊ ၂ဝဝ၄ ခုနှစ်က တစ်ကြိမ် ၁ဝ ပေ ၁၅ ပေခန့် တာများ ရုတ်တရက်နိမ့်ကျခဲ့တဲ့ အစဉ်အလာများရှိခဲ့ပြီး ပြည်သူလူထုများရဲ့ ဝိုင်းဝန်းကြိုးပမ်းမှုကြောင့် တာကျိုးတဲ့ အဆင့် မရောက်ခဲ့တာပါ၊ ဒါပေမဲ့ ၂ဝ၁၅ ခုနှစ်မှာတော့ တစ်လခွဲခန့် စိုးရိမ်ချိန်အမှတ်အထက် ၄ ပေကျော် တက်ပြီးတော့ ဒီဒေသမှာရှိတဲ့ပုဂ္ဂိုလ်များအားလုံးအနေနဲ့ စိုးရိမ်ပြီး အထိတ်တလန့်နဲ့ နေခဲ့ကြရပါတယ်"

ဧရာဝတီတိုင်း လေးမျက်နှာမြို့နယ် မဲဆန္ဒနယ်က ပြည်သူ့လွှတ်တော်ကိုယ်စားလှယ် ဦးဇော်မင်းသိန်း တင်သွင်း ထားတဲ့ ဧရာဝတီတိုင်းက ဧရာဝတီမြစ်နဲ့ င၀န်မြစ်ကို ကာရံထားတဲ့ ရေကာတာတွေ ဒီနှစ်မိုးရာသီမှာ ကြိုတင် အစီအမံများ ချမှတ်ဆောင်ရွက်ထားရေးအဆိုကို လွှတ်တော်ကိုယ်စားလှယ်တွေက ထောက်ခံဆွေးနွေးကြ တာဖြစ်ပါတယ်။

ငဝန်ရေကာတာကို ၁၈၇၁ ခုနှစ်က လေးမျက်နှာ၊ ရေကြည်၊ ငသိုင်းချောင်းမြို့နယ်တွေကိုဖြတ်ပြီး မိုင် ၇၀ ကျော် အရှည်ရှိတဲ့ ဆည်ဖြစ်ပါတယ်။

လက်ရှိမှာ ကချင်ပြည်နယ်၊ စစ်ကိုင်းတိုင်း၊ မန္တလေးတိုင်း၊ မကွေးတိုင်း၊ ပဲခူးတိုင်းတွေမှာလည်း ရေကြီးခဲ့ပြီး ဧရာဝတီမြစ်တလျှောက် စီးဆင်းလာတဲ့ရေတွေဟာ မြစ်ဝကျွန်းပေါ်ဒေသဆီ ရောက်လာနေပြီ ဖြစ်ပါတယ်။

လူတစ်သိန်းကျော်ဟာလည်း ရေဘေးဒဏ်ခံနေရတယ်လို့ လူမှုဝန်ထမ်းကယ်ဆယ်ရေးနဲ့ ပြန်လည်နေရာချထားရေး ဝန်ကြီးဌာနက ထုတ်ပြန်ထားပါတယ်။

အဲ့ဒီအဆိုကို ဒီကနေ့ ဆုံးဖြတ်ချက်မချဘဲ မနက်ဖြန်မှာလည်း လွှတ်တော်ကိုယ်စားလှယ်တွေက ဆက်လက်ဆွေးနွေး ကြမှာ ဖြစ်ပါတယ်။

RFA သတင်းထောက် ကိုဝင်းနောင်တိုး ပေးပို့တာကို RFA သတင်းထောက် ကိုထက်အာကာ က တင်ပြထားပါတယ်။
RFA

ကချင်စစ်ပြေးဒုက္ခသည်များ။ ( ဇန်နဝါရီ ၂၄၊ ၂၀၁၃)
ကချင်စစ်ပြေးဒုက္ခသည်များ။ ( ဇန်နဝါရီ ၂၄၊ ၂၀၁၃)

ကချင်ပြည်နယ် တနိုင်းမြို့နယ် ရှဒူဇွပ်ကျေးရွာအနီးမှာ အစိုးရတပ်မတော်နဲ့ ကချင်တပ်ဖွဲ့ KIA အကြား တိုက်ပွဲဖြစ်ပွားတာကြောင့် ရာနဲ့ချီတဲ့ဒေသခံတွေ ထွက်ပြေးရသလို တချို့လည်း တိုက်ပွဲကြားမှာ ပိတ်မိနေ တယ် လို့ ဒေသခံတွေက ပြောပါတယ်။ တနိုင်းမြို့နယ်အတွင်းတိုက်ပွဲတွေက မနေ့က စတင်ပြီး ဒီကနေ့ မနက်ထိ ကြိုးကြားဆက်လက်ဖြစ်ပွားနေသလို ဖားကန့်မြို့နယ် အတွင်းမှာလည်း မနေ့က တိုက်ပွဲ ၂ကြိမ်ဖြစ်ပွားခဲ့ပါတယ်။ လတ်တလော ကချင်ပြည်နယ် အတွင်းဖြစ်ပွားနေတဲ့ ပဋိပက္ခတွေကို ဗွီအိုအေမြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။

ပြည်ထောင်စုငြိမ်းချမ်းရေးညီလာခံ - ၂၁ ရာစုပင်လုံအတွက် အစိုးရနဲ့ တိုင်းရင်းသား လက်နက်ကိုင် အဖွဲ့တွေအကြား အပြန်အလှန်ဆွေးနွေးညှိနှိုင်းနေချိန်မှာ ကချင်ပြည်နယ် အတွင်းမှာတော့ ပစ်ခတ်တိုက်ခိုက် တာတွေ ဖြစ်ပွား လာတာဖြစ်ပါတယ်။

တနိုင်းမြို့နယ် ရှဒူဇွပ်ရွာအနီးမှာ ဒီလ ၃ရက်နေ့ကနေ စတင်ပြီး ဒီကနေမနက်ထိ တိုက်ပွဲတွေဖြစ်ပွားနေတယ်လို့ ဒေသခံတယောက်က အခုလို ပြောပါတယ်။

" ဖြစ်တယ်။ အနောက်ဘက်ခြမ်းဘက်မှာပေါ့နော်။ ရွှေမှော်ရှိတဲ့ဘက်မှာဖြစ်တယ်။ မနေ့က မနက်ပိုင်း ၈နာရီ ၉နာရီက စတာ ညနေ ၃ နာရီ ကျော်ကျော် အထိဖြစ်တယ်လို့ပြောတယ်။ နောက်ပြီးတော့ ညမှာလည်း ဆက်ဖြစ်တယ်။ ဒီနေ့လည်း သေနတ်သံ ဆက်ကြားရတယ်လို့ပြောတယ်။"

ဒီတိုက်ပွဲတွေဟာ ရွှေတွင်းတူးဖော်ရာဒေသအနီးဖြစ်ပွားတာကြောင့် ရွှေတူးတဲ့ လုပ်သားတွေနဲ့ ဒေသခံ ရွာသားတွေက တိမ်းရှောင်ထွက်ပြေးနေကြသလို တိုက်ပွဲတွင်း ပိတ်မိတာတွေလည်း ရှိတယ်လို့ တနိုင်းဒေသခံက ဆက်ပြောပါတယ်။

" ရွာမှာ သုံးရာကျော်လောက်ရှိတယ်လို့ပြောတယ်။ ဗုဒ္ဓဘုရားကျောင်း မှာလည်း နှစ်ရာကျော်လောက်ရှိတယ်။ နောက်ပြီးတော့ ခရစ်ယာန် ဘုရားကျောင်းတွေမှာလည်း နှစ်ရာကျော်လောက်ရှိတယ်။ အခုတိုက်ပွဲဖြစ်နေတဲ့ အဲ့ဒီ့အနီးအနားက ရွာတွေ ရွှေမှော်တွေကပေါ့နော်။ တချို့တွေ ရွာသားနှစ်ရာကျော်လောက် ပိတ်ဆို့နေပြီးတော့ ဒီဘက်ကို မထွက်နိုင်ဘူးဖြစ်နေတယ်တဲ့ သူတို့တွေက သေနတ်တွေ နဲ့ပစ်နေတော့ ကြောက်ပြီးတော့ ရေ အစာ အခက်အခဲလည်း ရှိနေတယ်။ နောက်ပြီးတော့ စားဖို့သောက်ဖို့အခက်အခဲရှိနေတော့ ရွာမှာရှိတဲ့ဘာသာရေးဆရာတွေက လှမ်းအကူအညီတောင်းတယ်လို့ ကျနော့်ကို လာပြောတယ်။"

ကချင်ငြိမ်းချမ်းရေးအကျိုးဆောင်အဖွဲ့ PCG က ဦးလမိုင်ဂွမ်ဂျာက တိုက်ပွဲဖြစ်ပွားရတဲ့ အခြေအနေကို အခုလို ပြောပါတယ်။

" မနေ့က အစိုးရနဲ့တပ်ပိုင်းကနေပြီးတော့မှ အနောက်ပိုင်းမှာ ရွှေမှော်တွေ ရှိတယ်။ အဲ့ဒီ့ရွှေမှော်တွေမှာ တရားမဝင် ခိုးတူးတဲ့ စက်ယန္တယားတွေနဲ့ ခိုးတူးနေလို့ သူတို့ အဲ့တာကို သွားဖမ်းတယ်လို့သိတယ်။ အဲ့လိုဆိုတော့ အဲ့ဒီ့ရွှေမှော်နဲ့ အနီးတဝိုက် ပတ်ဝန်းကျင်မှာ သူတို့ ကေအိုင်အိုထိန်းချုပ်နယ်မြေရှိတယ်လေ။ အဲ့နားလေးမှာ သူတို့လည်း သွားလာတဲ့အချိန်မှာ လက်နက်ကြီးနဲ့ ပစ်ပြီးတော့ တဘက်နဲ့တဘက် ပစ်ခတ်မှု နည်းနည်းပါးပါးရှိတယ်လို့သိရတယ်။ "

ဗုဒ္ဓဟူးနေ့က တနိုင်းဘက်မှာ တိုက်ပွဲဖြစ်ပွားခဲ့သလို ဖားကန့်မြို့နယ် အတွင်းမှာလည်း တိုက်ပွဲ ၂ကြိမ်ဖြစ် ခဲ့တယ်လို့ ဖားကန့်အခြေစိုက် KIA တပ်ရင်း၆ တပ်ရင်းမှူးက ပြောပါတယ်။

" မနေ့က နန့်ယန်းနားမှာ တခေါက်ဖြစ်တယ်။ နောက်ပြီးတော့ အဲ့ဒီ့ဘက်မှာ တခေါက်ဖြစ်တယ်။ မနေ့က နှစ်နေရာ တိုက်ပွဲဖြစ်တယ်။ ဒီဘက်မှာလည်း လမ်းမပေါ်မှာဖြစ်တယ်။ တိုက်ပွဲကတော့ မပြင်းပါဘူး။ နာရီဝက်လောက်ပါ တစ်နေရာမှာ နာရီဝက်လောက် နှစ်နေရာဖြစ်တယ်။ အထိအခိုက်တော့ ဘာမှ မကြားမိဘူးခင်ဗျ။"

ပြီးခဲ့တဲ့ ဇူလိုင်လကုန်ပိုင်းကတော့ KIA တပ်ဖွဲ့ထိန်းချုပ်ရာ တရုတ်မြန်မာနယ်စပ်က မိုင်ဂျာယန်မြို့မှာ ၂၁ရာစုပင်လုံနဲ့ပတ်သက်ပြီး တိုင်းရင်းသားလက်နက်ကိုင်တပ်ဖွဲ့ခေါင်းဆောင်တွေ အစည်းအဝေးကို ကျင်းပခဲ့ပါတယ်။ ၂၁ရာစုပင်လုံအတွက် နိုင်ငံရေးမူဘောင်ပြင်ဆင်ရေးဆွေးနွေးပွဲကို ဒီလ ပထမပတ်အတွင်း စတင်ဖို့ ပြင်ဆင်ထားပေမဲ့ တိုင်းရင်းသားလက်နက်ကိုင်အဖွဲ့ ဘယ်နှစ်ဖွဲ့ပါဝင်တက်ရောက်မယ်ဆိုတာတော့ တိတိကျကျ ထုတ်ပြန်တာမရှိသေးပါဘူး။


VOA Burmese News


နာဂလူမျိုးများ ။
နာဂလူမျိုးများ ။

အသက်ရှူလမ်းကြောင်းထဲဗိုင်းရပ်ပိုးဝင်ရောက်မှုကူးစက်ရောဂါကြောင့် စစ်ကိုင်းတိုင်းဒေသကြီး နာဂကိုယ်ပိုင် အုပ်ချုပ်ခွင့်ရဒေသ လဟယ်မြို့နယ်နဲ့ နန်းယွမ်းမြို့နယ်အတွင်းက ကလေးငယ်နဲ့ သက်ကြီးရွယ်အို စုစုပေါင်း(၃၆) ဦးခန့် သေဆုံးမှုဖြစ်ပွါးခဲ့တယ်လို့ ဒေသခံအာဏာပိုင်တွေကပြောပါတယ်။ ကူးစက်ရောဂါဖြစ်ပွါးနေတဲ့အဲဒီဒေသမှာ ကျန်းမာရေးလုပ်သားနဲ့ ဆေးဝါး လုံလောက်မှုမရှိလို့ တိုင်းဒေသကြီး နဲ့နေပြည်တော်ကကျန်းမာရေးအဖွဲ့တွေကနေ ထပ်မံအားဖြည့် ကုသသွားဖို့စီစဉ်နေတယ် လို့လဲဆိုပါတယ်။ ဒီအခြေအနေ ကိုတော့ ထိုင်းအခြေစိုက် ဗွီအိုအေမြန်မာပိုင်းသတင်းထောက် နိုင်ကွန်းအိန်ကနေ သတင်းပေး ပို့ထားပါတယ်။

စစ်ကိုင်းတိုင်းဒေသကြီး နာဂကိုယ်ပိုင်အုပ်ချုပ်ခွင့်ရဒေသက လဟယ်မြို့နယ်နဲ့ နန်းယွန်းမြို့နယ်တွေမှာ ကူးစက်မြန်ရောဂါ တမျိုးကြောင့် ကလေးငယ်တွေနဲ့ သက်ကြီးရွယ်အို(၃၆)ဦး သေဆုံးခဲ့တယ်လို့ နာဂဦးစီးအဖွဲ့ လက်ထောက် ညွှန်ကြားရေးမှူး ဦးသိန်းဇော်ကပြောပါတယ်။

"လဟယ်မှာတော့ အခုဒီနေ့နဲ့ဆို ဆုံးသွားတာတော့ ၂၄ ဦးပေါ့။ ၂၄ ဦးရှိသွားပြီ။ နန်းယွန်း ဒုံမီးမှာတော့ ၁၂ ဦးပေါ့။ ၁၂ ယောက်ရှိသွားပြီ။ နန်းယွန်းဆိုတာ ကဲဆန်ကားလန်တို့ ဘောက်လွန်းတို့ ကဲဆန်ကားနမ်တို့ အဲရွာတွေကတော့ ၁၂ ယောက်လောက် စုစုပေါင်းဆိုတော့ ၃၆ ယောက်လောက်တော့ ရှိသွားပြီပေါ့။ ကျနော်တို့ တပ်ကွဲ ကမ့်ကို ဆေးနမူနာပို့ထားရုံပဲရှိသေးတယ်။ တိုင်းကိုပို့ထားတာဗျ။ အပူဖုတွေ၊ ချောင်းဆိုးတယ်အကိုရာ ချောင်းဆိုးတော့ သလိပ်မှာသွေး ပါတယ်။ နောက်ပိုင်းမှာ ဆုံးခါနီး သွေးတချက် အန်တယ်ပြောတယ်"

ဒီဖြစ်ပွါးနေတဲ့ရောဂါကို နမိုးနီးယားခေါ် အသက်ရှူလမ်းကြောင်းထဲ ပိုးဝင်တဲ့ရောဂါလို့ သတ်မှတ်ထားပေမဲ့ လူနာတွေရဲ့ သွေး နမူနာ ဆီးနမူနာတွေကို စစ်ဆေးအတည်ပြုဖို့ စစ်ကိုင်းတိုင်းဒေသကြီးရုံးကိုပို့ဆောင်ထားတယ်လို့ ဦးသိန်းဇော်ကဆိုပါတယ်။ ဒီရောဂါဟာ ဇွန်လပထမအပါတ် လဟယ်မြို့နယ် ထန်ခေါ်လားမားကျေးရွာမှာ စတင်ဖြစ်ပွါးနေခဲ့ပြီး သြဂုတ်လ(၁) ရက်နေ့ အထိ(၂၀) ဦးသေဆုံးရာကနေ အခုဆို နန်းယွန်းမြို့နယ်ထဲက ကဲဆန်ဆာလင်၊ ကဲဆန်ကားလန်နဲ့ ကဲဆန်ဘောက်လွန်း စတဲ့ကျေးရွာတွေအထိပါ ကူးစက်ပြန့်ပွားလာပြီးတော့ (၃၆) ဦး အထိ သေဆုံးမှုဖြစ်ပွါးခဲ့တာပါ။

ရောဂါဖြစ်ပွါးရာနေရာတွေကို သက်ဆိုင်ရာ ကျန်းမာရေးဌာနတွေ ကနေ ဆေးဝါး ကုသနေပေမဲ့ ဆေးဝါးနဲ့ကျန်းမာရေးလုပ်သား ဦးရေလုံလောက်မှုမရှိတဲ့ အခက်ခဲအခြေအနေကိုတော့ လဟယ်မြို့နယ် တိုင်းဒေသကြီး လွှတ်တော်ကိုယ်စားလှယ် ဦးကယ်က အခုလိုပြောပါတယ်။

"ကုသရင်တော့ ဟိုမှာက ဆေးဝါးမလုံလောက်တာ နောက်ပြီး ဝန်ထမ်းကလည်း နည်းပါးတာပေါ့ဗျာ။ အဲဒီလိုမျိုး။ တရွာထဲမှာဖြစ်တာ မဟုတ်ဘူး။ ဟိုဖက်ရွာမှာ လည်းဖြစ်နေတယ် ဆိုတော့ ဟိုဖက်ရွာမှာလည်း လူခွဲရမယ်ဆိုတော့ တရွာနဲ့တရွာ သွားရတယ်ဆိုတော့ ဒီဖက်မှာလို ကားတွေ ဆိုင်ကယ်တွေ မသွားနိုင်တော့ တော်တော်လေး ခက်ခဲပါတယ်။ လမ်းပမ်းဆက်သွယ်ရေး ဝေးနေတာ ဘယ်လိုမှ ချက်ချင်း ချက်ချင်းမရဘူး။ အဲဒီမှာဖုန်းမရတော့ အိုင်ကွန်တွေနဲ့ လုပ်နေကြရတာ အဆက်အသွယ်အားလုံးကို"

လဟယ်မြို့နယ်နဲ့ နန်းယွန်းမြို့နယ်တွေမှာ ဆရာဝန်ဦးရေနဲပါးတာကြောင့် စစ်ကိုင်းတိုင်း အစိုးရအဖွဲ့ထံ အကူအညီတောင်း ထားပြီး လက်ရှိကျန်းမာရေးစောင့်ရှောက်မှု အနေအထားကိုတော့ နာဂဦးစီးအဖွဲ့ လက်ထောက်ညွှန်ကြားရေးမှုးဦးသိန်းဇော် ကအခုလိုဆက်ပြောပါတယ်။

"ကျနော်တို့ဆီက ဆရာဝန်အဖွဲ့နဲ့ သွားပြီးတော့မှ ဆေးကုပေး တယ်ပေါ့။ နောက်ပြီးတော့ တပ်မတော်ကနေ တာဝန်ချထားတဲ့ ဆရာဝန်တွေလည်းရှိတယ်။ အဲဒီဆရာဝန်အဖွဲ့ကလည်း မနေ့ကနေပြီးတော့ ထန်ခေါ်လားမားပေါ့နော် အဲရွာမှာရောက်ပြီးတော့မှ ဆေးကုသမှုတွေ လုပ်နေတယ်။ နောက်ပြီးတော့ ဒီနေ့ကို တိုင်းကျန်းမာ နဲ့ ခမ်းတီးခရိုင်ကျန်းမာ က ၄ ယောက် ရောက်လာတယ်။ သူတို့ ၄ ယောက်ရယ် ကျနော်တို့ရဲ့ဆရာဝန်တွေရယ် မနက်ဖန်ဆိုရင် ကျနော်တို့ နောက်ထပ်ဆရာဝန်အဖွဲ့ပေါ့ အားပြန်ဖြည့်ဖို့ရှိတယ်။ ပြီးရင်လည်း ၂ ရက်လောက်နေရင်တော့ နေပြည်တော်က အဖွဲ့လာမယ်။ နေပြည်တော်ကအဖွဲ့လာမှ အဲဒီအဖွဲ့လည်းဆင်းဖို့ရှိတယ်"

လက်ရှိလဟယ်မြို့နယ်နဲ့နန်းယွမ်းမြို့နယ်ထဲမှာ လူဦးရေ (၁၈၀)ကျော် ရောဂါဝေဒနာ ခံစားနေရဆဲဖြစ်ပြီး နယ်မြေခံကျန်းမာရေး အဖွဲ့နဲ့ တပ်မတော်ဆေးတပ်ဖွဲ့ဝင်တွေကနေကုသပေးနေပါတယ်။
နာဂကိုယ်ပိုင် အုပ်ချုပ်ခွင့်ရဒေသဘက်မှာ ဘက်ပေါင်းစုံကနေအားနည်းနေတဲ့ အခြေအနေကြောင့် ကျန်းမာရေးအသိချို့တဲ့မှု ကျန်းမာ ရေးစောင့်ရှောက်နိုင်မှု အားနည်းချက်တွေကြောင့် ရောဂါကူးစက်မှုတွေမြန်ဆန်ခဲ့ပြီး အသက်ပေါင်း များစွာသေဆုံးမှုတွေ ရှိလာနေတယ်လို့ နာဂကိုယ်ပိုင် အုပ်ချုပ်ခွင့်ရဒေသ တိုင်းဒေသကြီး လွှတ်တော်ကိုယ်စားလှယ်ဦးကာစီရန်းကပြောပါတယ်။

VOA Burmese News

သြဂုတ် ၃ရက်၊ ၂၀၁၆ခုနှစ်။ ကေအိုင်စီ

အင်တာနက်ပေါ်တွင် ပြန့်နှံ့နေသော ကရင်အမျိုးသားအစည်းအရုံး(ကေအဲန်ယူ)ဝတ်စုံကို ဝတ်ဆင်ကြသည့် အဖွဲ့တစ်ဖွဲ့သည် လူငယ်များကို ရိုက်နှက်သည့်ရုပ်သံဖိုင်ကို ပြန်လည်စစ်ဆေးမှုများပြုလုပ်ပြီး အရေးယူဆောင်ရွက်မှုများ ပြုလုပ်သွားမည်ဟု KNU ဘိတ်-ထားဝယ်ခရိုင်က သြဂုတ်လ ၂ရက်နေ့၌ ကြေညာချက်တစ်စောင်ထုတ်ပြန်လိုက်သည်။

ဘိတ်-ထားဝယ်ခရိုင်မှ KNU အမျိုးသားရဲတပ်ဖွဲ့(KNPF)ဝတ်စုံ ဝတ်ဆင်ထားသော အဖွဲ့တစ်ဖွဲ့သည် ကြိုးတုပ်ထားသော လူငယ် တစ်စုကို ထိုးကြိတ်၊ ကန်ကျောက်၊ ရိုက်နှက်မှု ပြုလုပ်သည်ကို ပြီးခဲ့သည့် ရက်အနည်းငယ် အင်တာနက် လူမှုကွန်ရက်စာမျက် နှာတွင် ကျယ်ကျယ်ပြန့်ပြန့် ထွက်ပေါ်လာခဲ့ပြီးနောက် KNU ဘက်က ယခုကဲ့သို့ ထုတ်ပြန်ပြောဆိုလာခြင်းဖြစ်သည်။

၎င်းကိစ္စအပေါ် KNU တွဲဘက်အတွင်းရေးမှူး (၁)ပဒိုသောသီဘွဲက “အင်တာနက်ပေါ်မှာ ပြန့်နှံ့သွားကတည်းက စုံစမ်းစစ်ဆေးမှု တွေလုပ်ဖို့ ကျနော်တို့ ညွှန်ထားတာ ရှိပါတယ်။ အခု အရေးယူ ဆောင်ရွက်မှုတွေလုပ်ဖို့ လေး၊ ငါးဦးပါတဲ့ ကော်မတီတစ်ခုကို ဖွဲ့ စည်းထားပြီးပြီ။ စုံစမ်းစစ်ဆေးမှုတွေ လုပ်ပြီးရင် အရေးယူ ဆောင်ရွက်မှုတွေ လုပ်ဆောင်လိမ့်မယ်။”ဟု ကေအိုင်စီသို့ ယနေ့ ပြောသည်။



ထို့အပြင် ဘိတ်ထားဝယ်ခရိုင် ရဲတပ်ဖွဲ့၏ ပြုမူသည့်လုပ်ရပ်မှာ မဖြစ်သင့်ကြောင်း၊ လူငယ်များဘက်မှ ပြစ်မှုကျူးလွန်ခြင်း မှန်ကန် သော်လည်း ကေအဲန်ယူက ချမှတ်ထားသည့် ဥပဒေ လုပ်ထုံးလုပ်နည်းနှင့်အညီ လုပ်ဆောင်သင့်ကြောင်း၊ ယင်းဖြစ်ပွားခဲ့သည့် ဖြစ်စဉ်မှာ အဘက်ဘက်က လိုအပ်ချက်ရှိကြောင်းလည်း ပဒိုစောသောသီဘွဲက ဖြည့်စွက်ပြောဆိုလိုက်သည်။

ရိုက်နှက်ခံရသည့် လူငယ်တစ်စုမှာ ထိုင်းနိုင်ငံ၊ ရတ်ခ်ျဘူရီခရိုင်၊ စုံဖုမြို့နယ်ရှိ ထမ်းဟင်ဒုက္ခသည်စခန်းမှ ကရင်လူငယ် ၈ဦးဖြစ် ကာ ပြီးခဲ့သည့် မေလ ၂၀ရက်နေ့က ဒုက္ခသည်စခန်းအတွင်း ဆူပူမှုများ လုပ်ဆောင်ခဲ့သည့် အကြောင်းပြချက်ဖြင့် စခန်းလုံခြုံ ရေးနှင့် ထိုင်းပြည်သူ့စစ်အဖွဲ့တို့မှ ဖမ်းဆီးချုပ်နှောင်ပြီးနောက် ဇွန်လ ၁ရက်နေ့တွင် ကေအဲန်ယူ တပ်မဟာ(၄)သို့ ခေါ်ဆောင် သွားခံရခြင်းဖြစ်သည်ဟု အမည်မဖော်လိုသူ လူငယ်မိဘတစ်ဦးက ပြောသည်။

သူမက “ကျမသားက အသက် ၁၇နှစ်ပဲ ရှိသေးတယ်။ လူငယ်တွေဆိုတော့ အချင်းချင်း ခိုက်ရန်ဖြစ်ပွားတာကတော့ ရှိတယ်ပေါ့ လေ။ သူတို့ပြောတဲ့ မူးယစ်ဆေးဝါးသုံးတာတို့၊ ထိုင်းအာဏာပိုင်ကား သွားဖျက်ဆီးပစ်တာတွေကတော့ ကျမသား မပါပါဘူး။ ကလေးတွေက ထမင်းတောင် စားလို့ မဝင်ဘူးလို့ ပြောတယ်”ဟု ကေအိုင်စီသို့ ပြောသည်။

အဆိုပါ လူငယ်များမှာ အသက်အရွယ်အားဖြင့် ၁၆နှစ်မှ ၂၅နှစ်အရွယ် လူငယ်များဖြစ်ပြီး စခန်းအတွင်း မူးယစ်ဆေးဝါးသုံးစွဲမှု၊ ခိုက်ရန်ဖြစ်ပွားမှုနှင့် ဆူပူသောင်းကျန်းမှုများကြောင့် ကေအဲန်ယူ တပ်မဟာ (၄)ခေါ်ဆောင်သွားခဲ့ခြင်းဖြစ်သည်ဟု ကေအဲန်ယူ နှင့် နီးစပ်သူဘက်က ပြောသည်။

 ကေအိုင်စီ
http://kicnews.org



၂ဝ၁၂ ခုနှစ် ဖေဖော်ဝါရီလ ၂၂ ရက်နေ့က တနင်္သာရီတိုင်းဒေသကြီး၊ ကန်ဘောက်ဒေသမှာ Total၊ Petronas နဲ့ PTTEP ကုမ္ပဏီ ၃ ခုကို ဆန္ဒပြနေစဉ်။ Photo: Kyaw Lwin Oo/RFA
တနင်္သာရီတိုင်းဒေသကြီး၊ ထားဝယ်ခရိုင် ကံဘောက်ဒေသမှာ သဘာဝဓာတ်ငွေ့ ထုတ်လုပ်နေတဲ့ ကုမ္ပဏီတွေဖြစ်ကြတဲ့ Total၊ Petronas နဲ့ PTTEPI ကုမ္ပဏီတွေဟာ ဒေသခံတွေရဲ့အကျိုးစီးပွားကို လျစ်လျူရှုနေကြတယ်ဆိုပြီး ကျေးရွာ၂ဝ က လူ ၆ဝဝ ကျော်ဟာ ကုမ္ပဏီတွေရှေ့မှာ ဒီနေ့ ဆန္ဒပြခဲ့ကြပါတယ်။

ကုမ္ပဏီတွေနဲ့ ဒေသခံတွေအသုံးပြုနေတဲ့လမ်းမှာ တံတားပျက်စီးနေတာကို မပြင်ပေးတာ၊ ဒေသဖွံ့ ဖြိုးရေး လုပ်ငန်းတွေ လုပ်ဆောင်တာ အားနည်းတာကြောင့် ဆန္ဒပြတာလို့ ဆန္ဒပြဦးဆောင်သူ ကံပေါက်ရွာသား ဦးမျိုးအောင်က ပြောပါတယ်။

ဒီဆန္ဒပြပွဲမှာ မိချောင်းအိုင်၊ ဖားချောင်းအင်း၊ ဖောင်းတော၊ ကောင်းမှု၊ အုန်းပင်ကွင်း၊ ပြင်ကြီး၊ ဓမင်းဆိပ် စတဲ့ကျေးရွာ ၂ဝ နီးပါးက ဒေသခံတွေပါဝင်ကြပြီး အဲ့ဒီတံတားပျက်စီးလို့ ရွာတွေကို သွားလာရတာ အခက်အခဲဖြစ်ကြရတယ်လို့ ပြောပါတယ်။

ပြီးခဲ့တဲ့ ၂ဝ၁၄ ခုနှစ်ကလည်း ဖေဖော်ဝါရီလကလည်း အဲ့ဒီကုမ္ပဏီ ၃ ခုကို လမ်းတွေအသုံးပြုပြီး ပြုပြင်မပေး တာကြောင့် ဆန္ဒထုတ်ဖော်ခဲ့ကြပါတယ်။

ကံပေါက်ဒေသမှာ ပြင်သစ်နိုင်ငံက Total၊ မလေးရှားနိုင်ငံက Petronas နဲ့ ထိုင်းနိုင်ငံက PTTEP ကုမ္ပဏီ ၃ ခုစလုံးဟာ ကန်ဘောက်ဒေသ အုန်းပင်ကွင်းရွာမှာ ရုံးစိုက်ပြီး ၁၉၉၃ ခုနှစ်ကတည်းက ထိုင်းနိုင်ငံကို ဓာတ်ငွေ့တင်ပို့ နေကြတာဖြစ်ပါတယ်။

RFA Burmese
http://www.rfa.org/burmese/



အရေးပေါ်ကာလစီမံခန့်ခွဲရေး ဗဟိုကော်မတီအစည်းအဝေးကို နေပြည်တော် ပြည်ထဲရေးဝန်ကြီးဌာန အစည်းအဝေးခန်းမမှာ သြဂုတ်လ ၄ ရက်နေ့က ကျင်းပပြုလုပ်စဉ်။ ဓါတ်ပုံ - ဖြိုးမင်းသိန်း (facebook)
တနင်္သာရီတိုင်း ထိုင်း-မြန်မာနယ်စပ်ဂိတ်တွေဖြစ်တဲ့ မောတောင်၊ ထီးခီးနဲ့ ကော့သောင်း နယ်စပ်ဂိတ်တွေမှာ သီးသန့်လုံခြုံရေးအင်အား တိုးမြှင့်ပေးဖို့ အရေးပေါ်စီမံခန့်ခွဲရေး အစည်းအဝေးမှာ တိုင်းဒေသကြီး ဝန်ကြီးချုပ် ဒေါက်တာ လဲ့လဲ့မော်က တောင်းဆိုလိုက်ပါတယ်။

ဒီနေ့ နေပြည်တော်က ပြည်ထဲရေးဝန်ကြီးဌာနရုံးမှာ ကျင်းပတဲ့ အရေးပေါ်စီမံခန့်ခွဲရေး ဗဟိုကော်မတီ အစည်းအဝေးမှာ တင်ပြတောင်းဆိုခဲ့တာဖြစ်တယ်လို့ တနင်္သာရီတိုင်းဒေသကြီး ဝန်ကြီးချုပ် ဒေါက်တာ လဲ့လဲ့မော်က ပြောပါတယ်။

နယ်စပ်ဂိတ်တွေ လုံခြုံရေးချထားရာမှာ တနင်္သာရီတိုင်းက နယ်စပ်ဂိတ်တွေဟာ အနည်းဆုံးဖြစ်နေပြီး သီးသန့်လုံခြုံရေးအဖြစ် တိုးမြှင့်ချထားပေးဖို့ တောင်းဆိုတာဖြစ်တယ်လို့ ပြောပါတယ်။

ဒီနေ့အစည်းအဝေးကို တိုင်းနဲ့ ပြည်နယ်အသီးသီးက ဝန်ကြီးချုပ်တွေအပြင် လုံခြုံရေးနဲ့ နယ်စပ်ရေးရာ ဝန်ကြီးတွေလည်း တက်ရောက်ခဲ့ကြပြီး ဒေသအသီးသီးရဲ့ လိုအပ်ချက်တွေကို တင်ပြခဲ့ကြတယ်လို့ ပြောပါတယ်။

အရေးပေါ်စီမံခန့်ခွဲရေး ဗဟိုကော်မတီကို ဥက္ကဌအဖြစ် ဒုတိယသမ္မတ ဦးဟင်နရီဗန်ထီးယူ၊ ပြည်ထဲရေး၊ ကာကွယ်ရေးနဲ့ နယ်စပ်ရေးရာဝန်ကြီးဌာန ပြည်ထောင်စုဝန်ကြီးတွေ၊ တိုင်းနဲ့ ပြည်နယ်အသီးသီးက ဝန်ကြီးချုပ်တွေနဲ့ ဖွဲ့စည်းထားတာ ဖြစ်ပါတယ်။

ဒါ့အပြင် ရေကြီးရေလျှံမှုတွေဖြစ်နေတဲ့ တိုင်းဒေသကြီးနဲ့ ပြည်နယ်တွေက ဝန်ကြီးချုပ်တွေကို သီးသန့် တွေ့ဆုံပြီး အရေးပေါ်ကယ်ဆယ်ရေး ဆောင်ရွက်ပေးနိုင်မယ့်အခြေအနေတွေနဲ့ ပတ်သက်ပြီး ဆွေးနွေးခဲ့ကြတယ် လို့ ပြောပါတယ်။

မနက်ဖြန် နေပြည်တော်မှာ လူမှုဝန်ထမ်းကယ်ဆယ်ရေးနဲ့ နေရာချထားရေးဝန်ကြီးဌာနက တာဝန်ရှိသူတွေနဲ့ တိုင်းနဲ့ပြည်နယ်အသီးသီးက ဝန်ကြီးချုပ်တွေ ဆက်လက်တွေ့ဆုံသွားဖို့ ရှိပါတယ်။

RFA Burmese
http://www.rfa.org/burmese/



ကချင်ပြည်နယ် ဖားကန့်မြို့နယ် လယ်ပြင်ကျေးရွာရှိ လုံးခင်း-လယ်ပြင် ဥရုချောင်းကူးတံတားအနီး က ခွင့်ပြုချက်မရှိဘဲ ဆောက်ထားတဲ့ ဝတ်ပြုသည့် အဆောက်အဦးကို ဇူလိုင်လ ၁ ရက်နေ့က မီးရှို့ ဖျက်ဆီးထားသည်ကို တွေ့ရစဉ်။ Photo: Thurin Naymin/ Facebook
ဘာသာရေးနဲ့သက်ဆိုင်တဲ့ အဆောက်အဦးတွေကို ဆောက်လုပ်ရာမှာ သက်ဆိုင်ရာတိုင်းနဲ့ ပြည်နယ် အစိုးရအဖွဲ့နဲ့ ဒေသခံတွေရဲ့ထောက်ခံချက် ပါရှိရမှာဖြစ်ပြီး ခွင့်ပြုချက်မဲ့ ဆောက်လုပ်တာတွေကို ဖယ်ရှားရှင်းလင်းသွားမှာ ဖြစ်တယ်လို့ သာသနာရေးနဲ့ ယဉ်ကျေးမှုဝန်ကြီးဌာန ညွှန်ကြားရေးမှူး ဦးမြင့်ဇော်ဝင်းက ပြောပါတယ်။

ပြီးခဲ့တဲ့ ဇူလိုင်လ ၁ ရက်နေ့က ကချင်ပြည်နယ်၊ ဖားကန့်မြို့နယ်၊ လုံးခင်းကျေးရွာအုပ်စုက အစ္စလာမ် ဝတ်ပြုကျောင်း မီးရှို့ခံရမှုနဲ့ပတ်သက်ပြီး သာသနာရေးဝန်ကြီးဌာနက မနေ့က ရက်စွဲနဲ့ သတင်းထုတ် ပြန်ခဲ့ပါတယ်။ အဲ့ဒီသတင်းနဲ့ ပတ်သက်ပြီး RFA က မေးမြန်းရာမှာ ညွှန်ကြားရေးမှူး ဦးမြင့်ဇော်ဝင်းက အခုလိုပြောတာဖြစ်ပါတယ်။

လက်ရှိမှာ ဖားကန့်က အစ္စလာမ်ဝတ်ပြုကျောင်း တည်ဆောက်ဖို့ လွှဲပြောင်းပေးအပ်သူနဲ့ ဝတ်ပြုကျောင်းကို မီးရှို့ဖျတ်ဆီးသူတွေကိုလည်း ပြည်နယ်အစိုးရဘက်က ဖမ်းဆီးအရေးယူမှုတွေ ဆောင်ရွက်နေတယ် လို့လည်း ပြောပါတယ်။

ဒါ့အပြင် ရန်ကုန်တိုင်းဒေသကြီးအတွင်းက ခွင့်ပြုချက်မရှိဘဲ ကျူးကျော်ဘုန်းကြီးကျောင်း ၁၇၃ ကျောင်းနဲ့ အခြားတိုင်းနဲ့ ပြည်နယ်တွေက ကျူးကျော်ဘုန်းကြီးကျောင်း ၈၆ ကျောင်းကိုလည်း ဖယ်ရှားရှင်းလင်းနေတယ်လို့ သာသနာရေးဝန်ကြီးဌာနက သတင်းထုတ်ပြန်ထားပါတယ်။

RFA Burmese
http://www.rfa.org/burmese


အရင်နှစ်က ထိုင်းနဲ့ မလေးရှားနိုင်ငံ နယ်စပ် တောထဲမှာ တွေ့ရတဲ့ လူကုန်ကူးခံရသူတွေရဲ့ သင်္ချိုင်း (Credit: ABC) 
ထိုင်းနိုင်ငံနဲ့ ​မလေးရှားနိုင်ငံ ​နယ်စပ်အနားမှာ ​လူကုန်ကူးသူတွေက ​စွန့်ပစ်ထားတဲ့ ​မြန်မာနိုင်ငံသား ​အယောက် ​၆၀ ​ကို ​ရဲတွေက ​တွေ့ရှိခဲ့ပါတယ်။

အဲဒီလူတွေကို ​တဲစခန်းတစ်ခုမှာ ​လူကုန်ကူးသူတွေက ​ချန်ထားပြီး ​တစ်ပတ်လောက် ​အကြာမှာ ​မြန်မာနှစ်ဦးက ​Padang ​Besar ​ကို ​လာပြီး ​ရဲတွေကို ​အကူအညီလာတောင်းတာ ​ဖြစ်ပါတယ်။

မလေးရှားနိုင်ငံမှာ ​အမျိုးတွေ ​ရှိကြတဲ့အတွက် ​အားလုံးက ​မလေးရှားနိုင်ငံကိုပဲ ​သွားချင်နေကြတယ်လို့ ​ရဲတွေက ​ပြောပါတယ်။

အဲဒီလူတွေဟာ ​မြန်မာနိုင်ငံကနေ ​လှေတွေနဲ့ ​ရောက်လာတာ ​မဟုတ်ပဲ ​ကုန်းလမ်းကတဆင့် ​ထိုင်းနဲ့ ​မလေးရှား ​နယ်စပ်ကို ​ရောက်ရှိလာကြတာလို့ ​ဆိုပါတယ်။

အားလုံးကို ​ရဲတွေက ​ကားတွေနဲ့ ​ခေါ်ဆောင်သွားပြီး ​ဘယ်သူတွေက ​လူကုန်ကူးခံရပြီး ​ဘယ်သူတွေက ​တရားမဝင် ​ဝင်ရောက်သူတွေ ​ဖြစ်သလဲ ​ဆိုတာကို ​မေးမြန်းပြီးမှ ​ဆိုင်ရာနိုင်ငံကို ​ပြန်ပို့မယ်လို့ ​ပြောပါတယ်။

ထိုင်းနဲ့ ​မလေးရှားနယ်စပ်မှာ ​အရင်နှစ်တုန်းကလည်း ​မြန်မာနဲ့ ​ဘင်္ဂလားဒေ့ရှ် ​နိုင်ငံသား ​အများအပြား ​လူကုန်ကူးခံရတာတွေ၊ ​တောထဲမှာ ​သေဆုံးတာမျိုးတွေ ​ရှိခဲ့ပြီးနောက် ​ထိုင်းနဲ့ ​မလေးရှား ​အာဏာပိုင်တွေက ​နှိမ်နင်းမှုတွေ ​လုပ်ခဲ့ရာက ​လူကုန်ကူးမှုတွေ ​ရပ်တန့်သလောက် ​ဖြစ်သွားခဲ့ပါတယ်။

အခုအခါမှာတော့ ​တောထဲမှာ ​လူကုန်ကူးခံရသူတွေ ​ရှိသေးတယ်ဆိုတာကို ​ထပ်မံတွေ့ရှိကြတာ ​ဖြစ်ပါတယ်။

ABC Radio Australia
http://www.radioaustralia.net.au/burmese


နေပြည်တော် သြဂုတ် ၄

အနာဂတ်ကာလကောင်းမွန်ရေးသည် ပညာရေးအပေါ်မူတည်နေပြီး ပညာရေး ကောင်းမွန်ရေးသည် ဆရာဆရာမများအပေါ် မူတည်နေကြောင်း နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားသည်။

ထို့ပြင် နိုင်ငံတော်၏ အတိုင်ပင်ခံပုဂ္ဂိုလ်က ဆရာဆရာမများ အနေဖြင့် ကျောင်းသား ကျောင်းသူများကို မှတ်ဉာဏ်ကောင်းအောင် သာမက တွေးခေါ်မြော်မြင် ဆင်ခြင် သုံးသပ်သည့် ဉာဏ်ပညာရရှိအောင် သင်ကြားပေးပြီး သင်ယူသူများက နိုင်ငံကောင်းအောင်၊ ကမ္ဘာကြီး ကောင်းအောင် ဆောင်ရွက်နိုင်မှုကသာ ဆရာ၊ ဆရာမ များ၏ အောင်မြင်မှုကို တိုင်းတာသောစံများဖြစ်ကြောင်း ပြောကြားသည်။

နေပြည်တော် ဇမ္ဗူသီရိမြို့နယ် အားကစားကျေးရွာ၌ ယနေ့ နံနက် ၉နာရီတွင် ကျင်းပသော ပညာရေးဝန်ကြီးဌာနပညာရေးမြှင့်တင်မှု အကောင်အထည်ဖော်ရေး နှီးနှောဖလှယ်ပွဲ (ဆရာအတတ်ပညာကဏ္ဍ) ဖွင့်ပွဲအခမ်းအနားတွင် နိုင်ငံတော်၏ အတိုင်ပင်ခံပုဂ္ဂိုလ်က ယခုကဲ့သို့ ပြောကြားလိုက်ခြင်းဖြစ်သည်။


ပညာရေးဝန်ကြီးဌာန သင်ကြားရေးလုပ်ငန်းတွင် အမျိုးသားဆရာ အင်အား နည်းပါးနေပြီး အမျိုးသမီးဆရာမ အင်အားများနေခြင်းကို စဉ်းစားကြရမည် ဖြစ်ကြောင်း၊ ဆရာဗဟိုပြုသင်ကြား နည်း၊ ကျောင်းသားကျောင်းသူ ဗဟိုပြုသင်ကြားနည်း၊ ဗဟုသုတ ဗဟိုပြု သင်ကြားနည်းဟူ၍ သင်ကြားနည်းသုံးမျိုးရှိကြောင်း၊ ဗဟုသုတဗဟိုပြု သင်ကြားနည်းထက် သင်ယူခြင်းကို ဗဟိုပြုသင်ကြားနည်းကပိုမိုအရေးပါ ကျယ်ပြန့်မည် ဖြစ်ကြောင်း၊ သင်ယူခြင်းကို တစ်သက်တာလုံး ဆောင်ရွက်နေရမည်ဖြစ်ကြောင်း ပြောကြားသည်။


နိုင်ငံတော်၏ အတိုင်ပင်ခံပုဂ္ဂိုလ်က ကလေးများသည် အမေးအမြန်းထူတတ်ရာ စိတ်ရှည်လက်ရှည်ဖြေကြားပေးရမည်ဖြစ်ကြောင်း၊ ရှေးဟိန္ဒူဒဿနိကအရ ဆရာဝန်၊ မင်း၏ အတိုင်ပင်ခံနှင့် ဆရာများသည် လုံးဝမုသားမပြောရသော ပုဂ္ဂိုလ်များဟု သတ်မှတ်ထားပါကြောင်း၊ တပည့်များကိုသင်ကြားပေးသော ဆရာဆရာမတို့သည် ဘယ်သောအခါမှ မုသားမပြောဆိုကြ ရဘဲ ဖြောင့်ဖြောင့်မတ်မတ် ပြောဆိုဆက်ဆံရ မည်ဖြစ်ကြောင်း၊ ဆရာဆရာမ များသည် တပည့်‌များကို ရင်သွေးပမာ စေတနာထားကာ ခွဲခြားဆက်ဆံခြင်းမပြုဘဲ စာမတော်သူ၊ စာညံ့သူများကို အထူး ဂရုစိုက် သင်ကြား လေ့ကျင့်ပေးရမည်ဖြစ်ကြောင်း၊ နိုင်ငံ၏တိုးတက်မှုအတွက် ဆောင်ရွက်ရာတွင်လည်း ဝင်ငွေနည်းသော ပြည်သူများ၏အ‌ခြေအနေကို အလေးထား ရမည် ဖြစ်ကြောင်း ပြောကြားသည်။


ကျောင်းသားများ၏ ဦးနှောက်ပိုင်းဆိုင်ရာဖွံ့ဖြိုးမှု (Intelligence Quotient - IQ) သာမက နှလုံးသားဆိုင်ရာဖွံ့ဖြိုးမှု (Emotional Quotient - EQ) များကို ဆောင်ရွက်ရမည်ဖြစ်ကြောင်း၊ ထိုမှတစ်ဆင့် သိမှုဆိုင်ရာ ဖွံ့ဖြိုးမှု(Spiritual Quotient-SQ) ကိုလည်း မြှင့်တင်ရန် လိုမလိုကို ဆရာဆရာမများအနေဖြင့် စဉ်းစားကြရမည်ဖြစ် ကြောင်း၊ ဆရာဆရာမများ ကိုယ်တိုင်က သင်ယူလိုစိတ်ရှိနေမှသာတပည့်‌များကို သင်ယူ လိုစိတ်များ မွေးဖွားပေးနိုင်မည်ဖြစ်ကြောင်း၊ မူလတန်းဆရာဆရာမများသည် အခြေခံ ပညာရေးတွင် အရေးပါသူများဖြစ်ကြောင်း၊ ကလေးများကိုကျောင်းနေစအရွယ်မှစ၍ သင်ယူလိုသည့်စိတ်၊ ပညာကိုလေးစားတန်ဖိုးထားသည့်စိတ်များကို လေ့ကျင့်ပျိုးထောင် ရမည်ဖြစ်ကြောင်း၊ တစ်ခါတရံတွင် ဆော့ကစားချင်သောကလေးများသည် အလွန် တော်သောကလေးများဖြစ်တတ်ကြောင်း၊ ဆော့ကစားချင်သောစိတ်သည် ကမ္ဘာကြီးကို စူးစမ်းလိုသောစိတ်ဖြစ်သဖြင့် ထိုစူးစမ်းလိုသောစိတ်မှသည် သင်ယူလိုချင်သောစိတ်ဖြစ် အောင် ဆရာဆရာမများက ပြုပြင်ပေးကြရမည်ဖြစ်ကြောင်း နိုင်ငံတော်၏ အတိုင်ပင် ခံပုဂ္ဂိုလ်က ပြောကြားသည်။
နိုင်ငံတော်၏ အတိုင်ပင်ခံပုဂ္ဂိုလ်က ဆရာဆရာမများ၏ အခက်အခဲများကို သိရှိပါကြောင်း၊ ပီတိစား၍ဆောင်ရွက်ရမည်ဆိုသည်မှာလည်း လက်တွေ့မကျသဖြင့် ဆရာဆရာမများ၏ လူမှုဘဝပြည့်စုံရေးကိုလည်း ထည့်သွင်းစဉ်းစားရမည်ဖြစ်ကြောင်း၊ စာမေးပွဲစနစ်၊ သင်ယူမှုစနစ်များကိုလည်း ပြောင်းလဲဆောင်ရွက်ရမည့်အပြင် ပညာရေး အသုံးစရိတ်များကိုလည်း တိုးမြှင့်ပေးရမည် ဖြစ်ကြောင်း၊ နိုင်ငံသူနိုင်ငံသားများကိုလည်း ဆရာဆရာမများ၏ စာသင်ပေးခြင်းတန်ဖိုးကို နားလည်အောင် ဆောင်ရွက်ပေးရမည်ဖြစ် ကြောင်း၊ ကျောင်းသားကျောင်းသူများကို အတွေ့အကြုံဖလှယ်ခြင်းနှင့် မတူညီသော အမြင်များကို ညှိနှိုင်းဆောင်ရွက်တတ်ခြင်းက သင်ယူခြင်းဖြစ်သည်ကို သိရှိနားလည် စေပြီး ပညာရှိများ၏ စိတ်နေသဘောထားများ ဖြစ်အောင် လေ့ကျင့်ပျိုးထောင်ပေးရ မည်ဖြစ်ကြောင်း၊ ကျောင်းသားကျောင်းသူများကိုလည်း အမှတ်များများရခြင်း၊ ဂုဏ်ထူးများများ ထွက်ခြင်းထက် အနာဂတ်မြန်မာနိုင်ငံတော်ကို ကောင်းသထက်ကောင်းအောင် ဘယ်လိုတည်ဆောက်မည်က ပို၍အရေးကြီးကြောင်း ကို သိရှိနားလည်အောင် သင်ကြားပေးကြပါရန်ဖြစ်ကြောင်း ပြောကြားသည်။


ယင်းနောက် ပညာရေးဝန်ကြီးဌာန ပြည်ထောင်စုဝန်ကြီး ဒေါက်တာမျိုးသိမ်းကြီး က ဆရာအတတ်ပညာနှင့် လေ့ကျင့်ရေးဆိုင်ရာ ဆောင်ရွက်နေမှုများကို ရှင်းလင်း တင်ပြသည်။

ထို့နောက် နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် ပြည်ထောင်စု ဝန်ကြီးများ၊ အထူးဖိတ်ကြားထားသူများသည် စုပေါင်းမှတ်တမ်းတင် ဓာတ်ပုံရိုက်ကြသည်။


ဆက်လက်၍ ပညာရေးဝန်ကြီးဌာန ပညာရေးမြှင့်တင်မှု အကောင်အထည် ဖော်ရေး နှီးနှောဖလှယ်ပွဲ(ဆရာအတတ်ပညာကဏ္ဍ) ပထမနေ့အစီအစဉ်အရ စာတမ်းဖတ်ပွဲများကို ဆက်လက်ကျင်းပသည်။
ဖွင့်ပွဲအခမ်းအနားသို့ သုံးခွမြို့နယ် ပြည်သူ့လွှတ်တော် ကိုယ်စားလှယ် ဒေါ်စုစုလွင်၊ ပြည်ထောင်စုဝန်ကြီးများ၊ ပညာရေးဝန်ကြီးဌာန ဒုတိယဝန်ကြီး(ငြိမ်း) ဒေါက်တာမျိုးမြင့်၊ အထူးဖိတ်ကြားထားသောပညာရှင်ကြီးများ၊ နိုင်ငံတကာမိတ်ဖက် အဖွဲ့အစည်းများ၊ ညွှန်ကြားရေးမှူးချုပ်များနှင့် တာဝန်ရှိသူများ၊ ပညာရေးကောလိပ်များမှ ကျောင်းအုပ်ကြီးများနှင့် ဆရာဆရာမများတက်ရောက်ကြသည်။

Myanmar State Counsellor Office
https://www.facebook.com/state.counsellor/


၊4August2016၊

မြန်မာနိုင်ငံ ချင်းပြည်နယ်မှ အမျိုးသမီး Piang Ngaih Don ပိုင်ငိုက်ဒွန် (ချင်းနံမယ် ) အသက်၂၄ နှစ်ဟာ စင်္ကာပူနိုင်ငံမှာ အိမ်ဖေါ်အဖြစ် သွားရောက် လုပ်ကိုင်နေရာမှာ သူမနေထိုင် နေတဲ့ Block 145, Bishan Street 11 လမ်း (၉)ထပ် တိုက် အဆောက်အဦးက အခန်းမှာ ဇူလိုင် ၂၅ရက်နေ့ က အသတ်ခံ ခဲ့ရ တာကြောင့် အလုပ် ရှင် သားအမိနှစ်ဦးကို ရဲစခန်းမှာ ဖမ်းဆီးစစ်ဆေးနေ တာဖြစ်ပါတယ်။


သြဂုတ်လ (၂)ရက်နေ့ မှာတော့ တရားခံ သားအမိ နှစ်ဦးကို ရဲတပ်ဖွဲ့ တွေက ၀ိုင်းရံထားကာ အခင်းဖြစ်ပွားတဲ့ နေရာကိုခေါ်လာကြင်္ပြီး မိနစ် (၉၀) ကြာ စစ်ဆေး မှုတွေပြုလုပ်ခဲ့ပါတယ်။


တရားခံဖြစ်သူ Gaiyathiri Murugayan, အသက် ၃၆ နှစ်နဲ့  မိခင် Prema Naraynasamy, အသက် (၅၈) နှစ်တို့ နှစ်ဦးကို မြန်မာအိမ်ဖေါ်ကို သတ်ခဲ့မှုနဲ့  အမှုနဲ့ ရုံးတင် တရားစွဲတော့မှာဖြစ်ပြီး တရားခံသားအမိနှစ်ဦးဟာ အပြစ် ရှိကြောင်း တရားရုံးက ဆုံးဖြတ်ခဲ့ရင် သေဒဏ်အထိအပြစ်ပေးခံရနိုင် တယ် လို့ သိရပါတယ်။

သက်သေတွေစစ်ဆေးဖို့ ရဲတွေခေါ်လာတဲ့အချိန်မှာ တရားခံ သမီးဖြစ်သူ Gaiyathiri ဟာ လမ်းတောင် လမ်းလျှောက် နိုင်တော့လို့  ရဲဝန်ထမ်းတွေက တွဲခေါ်သွားခဲ့ရတာကိုလည်း တွေ့ မြင်ရပါတယ်။

(SAW)
straitstimes
Social Action for Women - SAW


သြဂုတ် ၄ရက်၊ ၂၀၁၆ ခုနှစ်။ ကေအိုင်စီ

ကရင်ပြည်နယ် ကော့ကရိတ်မြို့နယ်၊ ကော့နွဲ့နှင့် တတန်ကူးကျေးရွာအကြား ဒေါနတောင်ခြေချောင်းဖျား ဘက်ရှိ အာရှလမ်းဘေး အခြေစိုက် နယ်ခြားစောင့်တပ်(BGF) အမှတ် (၁၀၁၇)တပ်ဖွဲ့နှင့် လက်နက်ကိုင် တပ်ဖွဲ့တစ်ခုဖြစ်သည့် ဗိုလ်နားမကြားအဖွဲ့တို့အကြား ပစ်ခတ်မှုဖြစ်ပွားပြီး ပစ်ခတ်မှုအတွင်း ဒေသခံမိသားစုဝင် ၄ဦး ထိခိုက်ဒဏ်ရာ ရရှိခဲ့ကြောင်း ကေအိုင်စီမှ စုံစမ်းသိရှိရသည်။

နယ်မြေလုံခြုံရေး ယူထားသော BGF တပ်ဖွဲ့နှင့် ဗိုလ်နားမကြားအဖွဲ့တို့ နှစ်ဘက် လက်နက်ကြီး လက်နက် ငယ်တို့ဖြင့် နာရီဝက်ကျော်အကြာ ပစ်ခတ်တိုက်ခိုက်ကြကာ ပစ်ခတ်မှုအတွင်းတွင် တတန်ကူးကျေးရွာ ဒေသခံ စောမောင်ငို၏ မိသားစု နေအိမ်ကို ထိမှန်သောကြောင့် စောမောင်ငို ၄၇နှစ် အပါအဝင် ဇနီး နော်စဲလစ် ၄၀နှစ်နှင့် သမီး နော်ဂေစေး အဌမတန်းကျောင်းသူနှင့် တူမ နော်မုထိုး ၂၀နှစ်တို့ကို ထိခိုက်ဒဏ်ရာများ ရရှိသွားခြင်းဖြစ်သည်။

တတန်ကူး ရွာသူကြီးဖြစ်သူ နော်နှင်းရီက “ဒဏ်ရာရရှိတဲ့ သူတွေထဲမှာ နော်ဂေစေးကတော့ မျက်ခုံးဘေး ဘယ်ဘက်မှာ ထိပြီး ဒဏ်ရာပြင်းထန်တယ်။ ကျန်တဲ့သူကတော့ ရှထိတာပဲ။ နော်ဂေစေးနဲ့ သူ့အမေ နော်စဲလစ်ကတော့ မဲဆောက်ကို ပို့တယ်။ စောမောင်ငိုက အိမ်မှာပဲ။ နော်မုထိုးကတော့ ကော့ကရိတ် ဆေးတပ်ဆေးရုံကို ခဏပို့ပြီး ပြန်လာပါပြီ”ဟု ကေအိုင်စီသို့ ပြောသည်။

ယခု ပစ်ခတ်မှု ဖြစ်ပွားနေခြင်းမှာ ဗိုလ်နားမကြားအဖွဲ့သည် ယနေ့နံနက်၌ အာရှလမ်းမဘေးလုံခြုံရေး ယူနေသည့် BGF တပ်ရင်း ၁၀၁၇ တပ်ရင်းမှ ဒုတပ်ရင်းမှူး ဗိုလ်မှူး စောကျော်နောင်ဦးစီးသည့် အဖွဲ့ကို သွားရောက်ပစ်ခတ်ရာ တတန်ကူးရွာသို့ လက်နက်ကြီးကျရောက်ပြီး အဆိုပါ ဒေသခံများအား ထိမှန်ခဲ့ခြင်းလည်း ဖြစ်သည်။

ပစ်ခတ်မှုဖြစ်စဉ်နှင့်ပတ်သက်ပြီး BGF ၁၀၁၇ တပ်ရင်းမှ ဒုတပ်ရင်းမှူး ဗိုလ်မှူးစောကျော်နောင်က “ကျနော်တို့ကို ဗိုလ်နားမကြားတို့က လာပစ်တာ။ နံနက် ၅ နာရီခွဲလောက်မှာ စပြီးလက်နက်ကြီး လက်နက်ငယ်တွေနဲ့ နှစ်ဖွဲ့ညှပ်ပစ်တာ။ ခန့်မှန်းခြေအင်အား ၂၀ လောက်ရှိမယ်”ဟု ပြောသည်။

လက်နက်ကိုင်အဖွဲ့တစ်ခုဖြစ်သည့် ဗိုလ်နားမကြားအဖွဲ့နှင့် နယ်မြေခံ BGF တပ်များသည် ပြီးခဲ့သည့် ၂၀၁၅ခုနှစ်အတွင်းမှစ၍ ကော့ကရိတ်-မြဝတီ အာရှလမ်းသစ်အနီး တိုက်ပွဲများ စတင်ဖြစ်ပွားနေရာ ယခုဆိုလျှင် တစ်နှစ်ကျော် ကြာမြင့်နေပြီဖြစ်ကြောင်း သိရသည်။

 ကေအိုင်စီ
http://kicnews.org


ပခုက္ကူမြို့နယ်၊ဖိုကုန်းကျေးရွာ ၌ အမျိုးသမီးတစ်ဦး ဓါတ်လိုက်သေဆုံးခဲ့မှု သြဂုတ်သုံး ရက်က ဖြစ်ပွားခဲ့ကြောင်း နယ်မြေခံရဲစခန်းမှသိရသည်။

 ဖြစ်စဉ်မှာ သြဂုတ် သုံး ရက် ညနေ ၅နာရီ ၅ မိနစ်အချိန်က ပခုက္ကူမြို့နယ်၊မြစ်ခြေတိုက် နယ်ဆေးရုံ၌ ဓါတ်လိုက်သေဆုံးသည့် အမျိုးသမီး အလောင်းတစ်လောင်းရောက်ရှိလာကြောင်းသတင်းအရ မြစ်ခြေနယ်မြေရဲစခန်းမှူး ရဲအုပ်မြင့်စိုးဦး သွားရောက်စစ်ဆေးခဲ့ခြင်းဖြစ်သည်။

 သေဆုံးသူမှာ မမြင့်မြင့်ခိုင်၊ ဖိုကုန်းကျေးရွာ၊ပခုက္ကူမြို့နယ်နေသူဖြစ်ပြီး နှာခေါင်းဝတွင် အမြုပ်နည်းငယ်ထွက်လျှက်ပြင်ပဒဏ်ရာမရှိ သေဆုံးနေသည်ကို စစ်ဆေးတွေ့ရှိခဲ့၍ ဖြစ်စဉ်အားစုံစမ်းခဲ့ရာ သေဆုံးသူ မမြင့်မြင့်ခိုင်၏ နေအိမ်ဝိုင်းအတွင်း ဧရာဝတီမြစ်ရေအနက်တစ် ပေခွဲခန့် ဝင်ရောက်လျှက်ရှိပြီး နေအိမ်နောက်ဖေးရှိ လမ်းမီးတိုင်မှ ပြုတ်ကျနေသော လိုင်းမီးကြိုးမှာ အမြင့် ငါး ပေခန့်ရှိ နောက်ဖေး ခြံစည်းရိုးဝန်းထရံပေါ်တွင် သွယ်တန်းလျှက်အနေအထားတွေ့ရှိခဲ့ပြီး သေဆုံးသူ မမြင့်မြင့်ခိုင်မှာ ၎င်းနေရာရှိ နောက်ဖေး ပေါက်မှ အပြင်ထွက်ရန်ပြုစဉ် လိုင်းမီးကြိုးအားကိုင်မိပြီး ဓါတ်လိုက်ကာ ရေထဲသို့ပြုတ်ကျသေဆုံးခြင်းဖြစ်ကြောင်းအမှုစစ်၏စစ်ဆေးချက်အရသိရသည်။

ယင်းအမျိုးသမီးသေဆုံးခဲ့မှုနှင့် ပက်သက်၍ ရဲအုပ်မြင့်စိုးဦး မှ တရားလိုပြုတိုင် ကြားခဲ့သောကြောင့် ပခုက္ကူမြို့နယ်၊ မြစ်ခြေနယ်မြေရဲစခန်း မှ သေမှုသေခင်းအမှတ်စဉ်၆/၂၀၁၆ ဖြင့်အမှုဖွင့်ထားသည်။

ရတနာပုံ သတင်းစာ
https://www.facebook.com/yadanabonnewspaper


မော်လမြိုင်၊ သြဂုတ် ၃

မော်လမြိုင်မြို့၊ မြိုင်သာယာရပ်ကွက်၊ (၁၃) လမ်းတွင် ဇူလိုင်လ ၃၀ ရက်နေ့ နံနက် ၂ နာရီက ဦးမျိုးလွင်၏ နေအိမ်ပေါ်သို့ အမျိုးသားတစ်ဦး တက်လာကာ လူရိုက်သတ်မှုနှင့် ပတ်သက်မှုဖြစ်ပွားခဲ့ခြင်းနှင့် ပတ်သက်၍ သက်သေများ အပါအဝင် လူခုနှစ်ဦးခန့်ကို မြိုင်သာယာနယ်မြေရဲစခန်း၌ ခေါ်ယူစစ်ဆေးမှု ပြုလုပ်ခဲ့ကြောင်း မြိုင်သာယာနယ်မြေရဲစခန်းမှူး ရဲအုပ်ဇော်မင်းဦးက ဟင်္သာမီဒီယာသို့ ပြောသည်။

ထိုနေအိမ်မှ အသက် ၁၇ အရွယ် မဆုစန္ဒီသည် သူမ၏ ဖခင် ဦးမျိုးလွင်နှင့် အဖွားဖြစ်သူ ဒေါ်ခင်ရွှေနှင့်အတူ နေအိမ်တွင် အိပ်ပျော်နေစဉ် အော်သံ ကြားသဖြင့် လန့်နိုးသွား၍ ထကြည့်ခဲ့ရာ အသက် ၃၀ နှစ်ခန့် အရွယ်ရှိ အမျိုးသားတစ်ဦးက အွဖွားဖြစ်သူ ဒေါ်ခင်ရွှေကို တုတ်ဖြင့်ရိုက်နေခြင်းကြောင့် “ကယ်ကြပါအုံး”ဟု အော်ဟစ်အကူအညီတောင်းစဉ် မဆုစန္ဒီကိုလည်း တုတ်ဖြင့် လေးငါးချက် ဆက်တိုက်ရိုက်သဖြင့် အသံ မထွက်ရဲတော့ဘဲ မေ့ချင်ယောင် ဟန်ဆောင်နေခဲ့ကြောင်း မဆုစန္ဒီက ပြောသည်။

ထိုဖြစ်စဉ်တွင် မဆုစန္ဒီ၏ ဖခင် ဦးမျိုးလွင်နှင့် အဖွားဖြစ်သူ ဒေါ်ခင်ရွှေတို့သည် အသက်ဆုံးရုံးမှုဖြစ်ပွားခဲ့သည်။

မဆုစန္ဒီသည် မေ့ချင်ယောင် ဟန်ဆောင်လိုက်သဖြင့် မျက်နှာအဝတ်မဲစည်း၍ တုတ်ကိုင်ထားသူ အမျိုးသားမှာ ၎င်းနေအိမ်နောက်ဖေးဘက်သို့ ဝင်ရောက် သွားခဲ့စဉ် မဆုစန္ဒီသည် နေအိမ်တံခါးဖွင့်၍ အိမ်အပေါ်မှ ဆင်းပြေးကာ ခြံဝင်းတံခါးဘေး အုတ်တံတိုင်ပေါ် ကျော်တက်ပြီး လမ်းမအပြင်ဘက် ထွက်ပြေးခဲ့ကြောင်း ၎င်းက ဆိုသည်။

ထိုအချိန်တွင် အနီးအနား နေအိမ်များကို အော်ခေါ်သော်လည်း မနိုးကြသဖြင့် ဦးလေးတော်စပ်သူ ဦးမျိုးနိုင် (ခ) ဦးကာဆင် နေအိမ်သို့ သွားရောက်ကာ အကြိမ်ကြိမ်အော်ခေါ်ခဲ့ရာ ဦးလေး၏ဇနီး ထလာသဖြင့် ထုဖြစ်စဉ်ကို အကျိုး အကြောင်းပြောပြ၍ ပတ်ဝန်းကျင်အ်ိမ်များကို အကူအညီတောင်းရန် အော်ခေါ်နေစဉ် အခင်းဖြစ်ပွားသော နေအိမ်နှစ်ခြံကျော်မှ ခြံဝင်းရေမြောင်းဘေးမှ တက်လာသော ဦးလေးကာဆင်ကို တွေ့မြင်ခဲ့ရကြောင်း ၎င်းက ပြောဆိုသည်။

ဦးမျိုးနိုင်သည် ၎င်းနေအိမ်တွင် အိပ်နေစဉ် “လုပ်ကြပါအုံး၊ ကယ်ကြပါအုံး၊ သူခိုး၊ သူခိုး”ဟု အော်သံ မသဲမကွဲ ကြားရခြင်းကြောင့် ၎င်းနေအိမ်အပေါ်မှ ဆင်းပြေးထွက်လာပြီး အခင်းဖြစ်ပွားရာ နေအိမ်ဘေးခြံ၏ ခြံစည်းရိုးထိပ် အရောက်တွင် လူရိပ်တစ်ခုသည် ခြံအနောက်ဘက်သို့ ဖြတ်ပြေးသွားသည်ကို တွေ့လိုက်ကြောင်း ဦးမျိုးနိုင်က ဆိုသည်။

ထိုလူအရိပ် မြင့်တွေ့ခဲ့ခြင်းကြောင့် ဘေးဘက်ရှိ နေအိမ်ခြံစည်းရိုးဘေးမှ ကပ်လိုက်သွားခဲ့ရာ ထောင်ထောင် မောင်းမောင်း ကိုယ်လုံးကောင်းသော အသက် ၃၀ ကျော်အရွယ် မျက်နှာအဝတ်စည်းထားသူကို မြင်တွေ့ခဲ့ပြီး ထိုလူမှာ ထွက်ပြေးနေခြင်း မဟုတ်ဘဲ၊ တစ်လှမ်းချင်း လှမ်းလျှောက်သွားခြင်း ဖြစ်ကြောင်း ၎င်းက ပြောသည်။

မျက်နှာတွင် ဝတ်စည်းထားသောသူမှာ အခင်းဖြစ်ပွားသော နေအိမ် အနောက်ဘက် ခြံစည်းရိုးကို ကျော်တက်ပြီး အနောက်ခြံထဲသို့ ဆင်သွား သဖြင့် ဦးမျိုးနိုင်က ဘေးခြံစည်းရိုးကို ကျော်တက်၍ ထိုလူအနောက် လိုက်သွားခဲ့ရာ ၎င်းသည် အခင်းဖြစ်ပွားရာ နေအိမ်အနောက်ဘက် နှစ်ခြံကျော်ရှိ လူမနေသော ခြေတိုင်ရှည်အိမ်ဘေးမှ ရေမြောင်းထဲသို့ ပြုတ်ကျသွားခဲ့စဉ် မျက်နှာစည်းထားသောသူမှာ ထိုလူမနေသော ခြေတိုင်ရှည် အိမ်အောက်၌ မျက်ခြေပျက် ပျောက်ကွယ်သွားကြောင်း ၎င်းက ပြောဆိုသည်။

သေဆုံးသူ ဦးမျိုးလွင်၏ ဝမ်းကွဲညီတော်စပ်သူ ကိုမျိုးနိုင်ကို မြိုင်သာယာ နယ်မြေရဲစခန်းသို့ ခေါ်ယူ စစ်ဆေးမှု ပြုလုပ်ရာ ၎င်းပြောဆိုအစစ်ခံချက်များ ကွဲလွဲမှုများရှိနေသဖြင့် ဥပဒေနှင့်အညီး စစ်ဆေး ဆောင်ရွက်မှုများ
ပြုလုပ်လျက်ရှိနေကြောင်း မြိုင်သာယာရဲစခန်းမှူး ရဲအုပ်ဇော်မင်းဦးက ပြောသည်။

သတင်း-ခေတ်မင်း
ဓာတ်ပုံ-သားကြီး
Hinthar Media Corporation
https://www.facebook.com/hintharmediacorporation


အစိုးရတပ်နှင့် ကချင် လွတ်လပ်ရေး တပ်မတော် KIA တပ် ကြား တနိုင်းမြို့နယ်တွင် ယနေ့၊ သြဂုတ် ၄ ရက်နေ့ ထပ်မံ တိုက်ပွဲ ဖြစ်ပွားနေပါသည်။
KIA တပ်မဟာ ၂၊ တပ်ရင်း ၁၄ ရှေ့တန်း လုံခြုံရေး စခန်းရှိသော ယမန်နေ့ တိုက်ပွဲ ဖြစ်ပွားခဲ့သော ရှထူးဇွပ် (Shahtu Zup) ကျေးရွာအနီး ချောင်းဆုံ၊ ခ ဒ (Hka Da) ရွှေမှော်ဘက်ကို အစိုးရ စစ်ကြောင်းများ ထိုးစစ် ဆင်လာခြင်းကြောင့် မွန်းလွဲပိုင်းမှစပြီး တိုက်ပွဲ ဖြစ်ပွားလာခြင်း ဖြစ်သည်။

ယခု တိုက်ပွဲနှင့် ပတ်သက်ပြီး အသေးစိတ် သတင်း ပေးပို့ချက်ကို မသိရ သေးသော်လည်း နှစ်ဖက်တပ် ပစ်ခတ်မှု စတင် ဖြစ်ပွားနေပြီ ဖြစ်ကြောင်းကို ကချင် လွတ်လပ်ရေး အဖွဲ့ KIO သတင်းနှင့် ပြန်ကြားရေး ဌာန တာဝန်ရှိသူ ဒုဗိုလ်မှုးကြီး နော်ဘူ က အတည်ပြုပါသည်။

အစိုးရ စစ်ကြောင်းတွင် မြောက်ပိုင်းတိုင်းစစ်ဌာနချုပ် မပခ လက်အောက် ခလရ ၁၀၅ နှင့် ၄၇၊ ခမရ ၃၈၁၊ ၃၈၂၊ ၃၉၀ နှင့် အရှေ့ပိုင်းတိုင်းစစ်ဌာနချုပ် ရပခ တပ်များ အပြင် ရှမ်းနီပြည်သူ့စစ်များလည်း ပါဝင်နေသည်ဟု ဒုဗိုလ်မူးကြီး နော်ဘူမှ ကချင်သတင်းဌာန KNG ကို ပြောသည်။

ဒေသခံများ၏ သတင်းပေးပို့ချက်များအရ ယမန်နေ့ တိုက်ပွဲအတွင်း အစိုးရတပ် အကျအဆုံး များကြောင်း ဆိုပါသည်။

ယမန်နေ့ တိုက်ပွဲ မစမီ သြဂုတ် ၂ ရက်နေ့ တွင်လည်း တပ်မတော်ဘက်မှ KIA စခန်းများသို့ လက်နက်ကြီးများ ပစ်ခတ်ခဲ့ခြင်း မက ရွှေမှော်ရှိ လူများကိုလည်း ဖမ်းဆီးစစ်ဆေးမှုများ ပြုလုပ်ခဲ့သည်ဟု ဒေသခံများ ပြောပါသည်။

နှစ်ရက်ကြာ တိုက်ပွဲ ကြောင့် ရွှေမှော်ရှိ လူ ၂၀၀ ခန့် မှာ ရှထူးဇွပ် (Shahtu Zup) ကျေးရွာ ခရစ်ယာန် အသင်းတော် ဘုရားကျောင်းများတွင် ခိုလှုံနေကြကြောင်း KNG စုံစမ်းသိရသည်။

ယခု တိုက်ပွဲများကြောင့် ဟူးကောင်းချိုင့်ဝှမ်းဒေသ အဖိုးတန် ပယင်းနှင့် ရွှေ တူးမှော်ခြင်း လုပ်ငန်းများကို ထိခိုက်လာမည် ဖြစ်သည်ဟု ကုန်သည်များ နှင့် ဒေသခံများ ပြောဆိုနေကြပါသည်။

ပြီးခဲ့သည့် ဧပြီလ အမျိုးသား ဒီမိုကရေစီ အဖွဲ့ချုပ် NLD အစိုးရ တက်လာချိန်မှ ကချင် ပြည်နယ်၏ အဓိက ၀င်ငွေ ရရှိသော ဖားကန့် ကျောက်စိမ်းမှော် နှင့် မံစီမြို့နယ် တရုတ် နယ်စပ် သစ် သယ်ပို့ရေး လမ်းကြောင်းများတွင် အစိုးရတပ်နှင့် KIA တပ် ကြား မကြာခဏ တိုက်ပွဲ ဖြစ်ပွားရာမှ ယခု ဟူးကောင်းချိုင့်ဝှမ်းဘက် တိုးချဲ့ ဖြစ်ပွားလာခြင်း ဖြစ်သည်။

Kachin News Group
http://burmese.kachinnews.com


မွန်ပြည်နယ်၊ မော်လမြိုင်မြို့နယ် စည်ပင်သာယာရေးအဖွဲ့ရုံးရှေ့တွင် ဒေသခံတဦးက အမှိုက်များ လာရောက်စွန့်ပစ်သွားကြောင်း စည်ပင်သာယာရေးအဖွဲ့ရုံးမှ သိရသည်။

ယင်းဖြစ်စဉ်နှင့် ပတ်သက်၍ စုံစမ်းရာ စည်ပင်ရုံးရှေ့၌ အမှိုက်စွန့်ပစ်သူမှာ မော်လမြိုင်မြို့ အမှတ် (၈၄) သုတလမ်း ထန်းပင်ကုန်းရပ်၊ ကျိုက်ဖနဲရပ်ကွက်မှ ဦးဟိန်းမိုးဦးဟု သိရသည်။

ဦးဟိန်းမိုးဦးအား တောင်ပိုင်းဂျာနယ်လစ်ကွန်ရက်ရုံးတွင် တွေ့ဆုံမေးခဲ့ရာ “ကျွန်တော် မြို့နယ်စည်ပင်ရုံးကို လေးကြိမ်လောက်ပြောခဲ့တယ်။ ကျွန်တော်တို့ ရပ်ကွက်လမ်းကြားထဲကို အမှိုက်ကား မရောက်ဘူး။ ကျွန်တော် စည်ပင်သာရေးအဖွဲ့ရုံးရှေ့ကို အမှိုက်စွန့်တာ ပြန့်ကြဲနေအောင် မလုပ်ဘူး။ ကြွပ်ကြွပ်အိတ်၊ ပုံးတွေနဲ့ထည့်ပြီး ချထားတယ်။ စည်ပင်သာယာ ရေးအဖွဲ့ရုံးက သြဂုတ်လ ၂ ရက်နေ့မှာ ခေါ်တွေ့တယ်။ မြို့နယ်စည်ပင်သာယာရေးအဖွဲ့ရုံး အမှုဆောင်အရာရှိ ဒုတိယညွှန်ကြားရေး မှူး ဦးမြင့်သိန်းက စည်ပင်ဥပဒေကိုရှင်းပြပြီး ငွေဒဏ်ဆို ၁ သိန်းကနေ ၁၀ သိန်း၊ ထောင်ဒဏ်ဆို ၁ နှစ်ကျခံရမယ်လို့ ပြောတယ်။ ၂၀၁၆ ခုနှစ် သြဂုတ် ၃ ရက် ထပ်တွေ့ပြီး ခံဝန်ထိုးခိုင်းတယ်။ ကျွန်တော် ခံဝန်မထိုးနိုင်ဘူးလို့ ပြောတယ်။ ဒဏ်ငွေဆောင်ခိုင်းတယ်။ ကျွန်တော်က ရပ်ကွက်နေပြည်သူအားလုံးသိအောင် အမှိုက်ကားလာမယ်ဆိုတာ စာထုတ် ပေးပါ။ ကျွန်တော် ငွေဒဏ်တသိန်းဆောင်ပေးမယ်ပြောခဲ့တယ်။ သြဂုတ်လ ၄ ရက်မှာ စာထုတ်ပြီးရင် ကျွန်တော်လည်း ငွေချက်ချင်းသွင်းမယ်လို့ ပြောခဲ့ တယ်”ဟု ပြောသည်။

“မော်လမြိုင်မြို့မှာ ရပ်ကွက် ၂၉ ခုရှိတယ်။ စည်ပင်အမှိုက်ကား ၁၁ စီးပဲရှိတယ်။ ဒီအထဲ တစီးပျက်ခဲ့ရင် အမှိုက်က ပုံနေတယ်။ တမြို့လုံးကို အဆင်ပြေအောင်လုပ်ဆောင်နေတယ်။ ခုလို စည်းကမ်းမဲ့ အမှိုက်လာပစ် သွားတာကိုတော့ လက်မခံနိုင်ဘူး။ ဆွေးနွေးလို့ ရပါတယ်။ ခုဖြစ်စဉ်က မော်လမြိုင်မြို့မှာ ပထမဆုံးအကြိမ် ဖြစ်ခဲ့တာပါ။ နောက်ပိုင်းမှာ ဥပဒေအရ ဆောင်ရွက်သွားမှာပါ။ အဲဒီ ကျိုက်ဖနဲရပ်ကွက် ကြက်လျှာစွန်း သုတလမ်းထိပ်ထိ အမှိုက်ကားရောက်ပါတယ်။ လမ်းကြောင်းအခက်အခဲ တော့ရှိတာပေါ့။ မြို့သာယာလှပဖို့ ရပ်ကွက်နေပြည်သူများ စုပေါင်းပြီး လုပ်ဆောင်ဖို့ လိုပါတယ်”ဟု အမှုဆောင်အရာရှိ ဒုတိယညွှန်ကြားရေးမှူး ဦးမြင့်သိန်းက News Watch သို့ ပြောသည်။

ထွန်းထွန်း
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


ကိုယ်ဝန်ဆောင်အမျိုးသမီးတဦး အပါအ၀င် အမေရိကန်တပ်ဖွဲ့ဝင် ၃၃ ဦးဟာ ပြည်ပနိုင်ငံတွေမှာ ဇီကာဗိုင်းရပ်စ် ကူးစက်ခံထားရပါတယ်။

ကူးစက်ခံထားရသူအားလုံးဟာ ဇီကာဗိုင်းရပ်စ် ဖြစ်ပွားနေတဲ့ တိုင်းပြည်တွေမှာ တာဝန်ကျနေခဲ့တာဖြစ်တယ်လို့လည်း အမေရိကန်ပင်တဂွန် စစ်ဌာနချုပ် က ပြောဆိုပါတယ်။ ဒါ့အပြင် အမေရိကန်စစ်သည်တွေရဲ့ မိသားစုဝင် ၆ ဦးလည်း ကူးစက်ခံထားရတာ ဖြစ်ပါတယ်။

ရောဂါပိုးကူးစက်ခံရသူ တပ်ဖွဲ့ဝင်တွေထဲက နေထိုင်မကောင်းဖြစ်နေဆဲ အခြေအနေမှာရှိတဲ့သူ ဘယ်နှစ်ယောက်ရှိတယ်၊ ဒါမှမဟုတ် အမေရိကန် ပြည်ထောင်စုကို ပြန်သွားတဲ့သူ ဘယ်လောက်ရှိတယ်ဆိုတာကိုတော့ ပင်တဂွန်စစ်ဌာနချုပ် ပြောခွင့်ရ ဗိုလ်မှူး Ben Sa Kris Son က - မပြောခဲ့ပါဘူး။

မကြာသေးခင်လပိုင်းတွေအတွင်း ဇီကာဗိုင်းရပ်စ် ကူးစက်ခံခဲ့ရသူ အမေရိကန်ပြည်ထောင်စုအတွင်းမှာ လူပေါင်း ၁,၆၅၀ ကျော်လောက်ရှိပြီး၊ အားလုံး နီးပါးဟာလည်း ပြည်ပနိုင်ငံတွေမှာ ခရီးသွားလာရင်း ကူးစက်ခံခဲ့ရတာ ဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com



ပြည်တွင်းစစ်များကြောင့် ပျက်စီးခဲ့ရသည့် အလက်ပိုမြို့တွင်း တစ်နေရာအားတွေ့ရစဉ် (ဓါတ်ပုံ-အင်တာနက်)
    ဒမတ်စကတ်၊ သြဂုတ် ၄ ရက် (ဆင်ဟွာ)

    ဆီးရီးယားနိုင်ငံ အလက်ပိုမြို့တွင် သူပုန်များက ဓါတု ဓါတ်ငွေ့ဖြင့် တိုက်ခိုက်ခဲ့မှုကြောင့် လူ ၇ဦးသေဆုံးပြီး အခြား လူ ၂၀ကျော်မှာ အသက်ရှူကျပ်သည့် ဝေဒနာများ ခံစားခဲ့ရကြောင်း နိုင်ငံပိုင်သတင်းဋ္ဌာနတစ်ခုဖြစ်သည့် SANA သတင်းဋ္ဌာနက ရုရှားလေ့လာရေးစင်တာ တစ်ခုကို ကိုးကား၍ သြဂုတ် ၃ ရက်ကဖော်ပြခဲ့သည်။

အလက်ပိုမြို့ ရှိ အစိုးရကထိန်းချုပ်ထားသော Salahuddien ခရိုင် တွင် သြဂုတ် ၁ ရက်က Nour Addien al-Zinki သူပုန်အုပ်စု သည် အဆိပ်ဓါတ်ငွေ့များ ဖြည့်တင်းထားသော ဒုံးကျည်များဖြင့် ပစ်ခတ်တိုက်ခိုက်ခဲ့ကြောင်း သိရသည်။

ရုရှားနိုင်ငံသည် အလက်ပိုမြို့၌ သူပုန်များ ဓါတုလက်နက် အသုံးပြု၍ တိုက်ခိုက်သည့် သတင်းအား အမေရိကန်နိုင်ငံသို့ အကြောင်းကြားခဲ့ကြောင်း SANA က ဖော်ပြခဲ့သည်။

တစ်ချိန်တည်းမှာပင် သူပုန်တို့ထိန်းချုပ်ထားသည့် Saraqeb မြို့၌ အစိုးရ တပ်ဖွဲ့များက သြဂုတ် ၂ ရက်တွင် ကလိုရင်းဓါတ်ငွေ့ဖြည့်တင်းထားသည့် ဗုံးများလေကြောင်းများ ကြဲချခဲ့ကြောင်း သူပုန်တို့က အစိုးရအား စွပ်စွဲခဲ့ကြသည်။

အစိုးရ နှင့် သူပုန်အဖွဲ့တို့သည် တိုက်ပွဲများအတွင်း ဓါတုပစ္စည်းများအသုံးပြုမှုအပေါ် တစ်ဘက်နှင့်တစ်ဘက် အပြန်အလှန် စွပ်စွဲပြောဆိုခဲ့ကြကြောင်း သိရသည်။

SANA သတင်းဋ္ဌာနက အလက်ပိုမြို့ ရှိ အစိုးရကထိန်းချုပ်ထားသော နယ်မြေများတွင် သူပုန်တို့၏ တိုက်ခိုက်မှုကြောင့် လူ၇ဦးသေဆုံးပြီး ၄၁ဦး ဒဏ်ရာရရှိခဲ့ကြောင်း ဖော်ပြခဲ့သည်။

အစိုးရတပ်ဖွဲ့များက နိုင်ငံ အရှေ့ပိုင်းရှိ သူပုန်တို့ထိန်းချုပ်ထားသည့် နယ်မြေများအား တဖြည်းဖြည်း တိုက်ခိုက် သိမ်းယူလာမှုတို့နှင့်အတူ အလက်ပိုမြို့တွင် တိုက်ပွဲများ နှင့် အကြမ်းဖက်များ ပိုမို ပြင်းထန်လာပြီး တစ်ချိန်တည်းမှာပင် သူပုန်တို့ကလည်း ၄င်းတို့ ၏ နယ်မြေများကို ဝိုင်းရံပိတ်ဆို့ထားသည့် အစိုးရတပ်ဖွဲ့အား တိုက်ထုတ်ရန် ထိုးစစ်များစွာ ဆင်နွှဲခဲ့ကြောင်း သိရသည်။

SANA က အလက်ပိုမြို့ ကျေးလက်ဒေသ ရှိ သူပုန်တို့၏ နယ်မြေများအပေါ် သြဂုတ် ၃ ရက်တွင် လေတပ်က လေကြောင်း စစ်ဆင်မှု ၁၀၀ကျော် ပြုလုပ်ခဲ့ပြီး သူပုန်တို့၏ ထိုးစစ်ဆင်တိုက်ခိုက်မှုများ လျော့နည်းလာစေရန် စီစဉ်ဆောင်ရွက်ခဲ့ကြောင်း ဖော်ပြခဲ့သည်။

(Xinhua)
http://www.xinhuamyanmar.com



နိုင်ငံခြားသားများ စီးလာသည့် ဘတ်စ်ကား တိုက်ခိုက်ခံရမှုတွင် ဒဏ်ရာရထားသူတစ်ဦးအား တွေ့ရစဉ် (ဓာတ်ပုံ- အင်တာနက်)
    ဟဲရတ်၊ အာဖဂန်နစ္စတန်၊ သြဂုတ် ၄ ရက် (ဆင်ဟွာ)

    အာဖဂန်နစ္စတန်နိုင်ငံ အနောက်ပိုင်း ဟဲရတ်ပြည်နယ်တွင် သြဂုတ်လ ၄ ရက်က ချုံခိုတိုက်ခိုက်မှု တစ်ခု ဖြစ်ပွားခဲ့ရာ အနည်းဆုံး ပြည်ပ ခရီးသွားဧည့်သည် ၁၀ ဦး သေဆုံးပြီး အခြားလူ ၅ ဦး ဒဏ်ရာရရှိခဲ့ကြောင်း ခရိုင် အုပ်ချုပ်ရေးမှူး တစ်ဦးက ပြောသည်။

“သြဂုတ်လ ၄ ရက် နံနက်ပိုင်းက ချစ်ရ်ှထီ ရှာရစ်ဖ် ခရိုင်ရှိ အဓိက လမ်းမကြီးပေါ်မှာ နိုင်ငံခြားသား ဧည့်သည် များကို တင်ဆောင်လာတဲ့ မီနီဘတ်စ် နှစ်စီးကို သေနတ်သမားတွေက တိုက်ခိုက်ခဲ့တယ်၊ လူ ၁၀ ယောက် သေဆုံးပြီး ၅ ယောက် ဒဏ်ရာရခဲ့တယ်” ဟု ခရိုင် အုပ်ချုပ်ရေးမှူး ဖာဟတ် ခါဒီမီက ဆင်ဟွာသို့ ပြောသည်။

သေဆုံးသူများသည် မည်သည့်နိုင်ငံသားများ ဖြစ်ကြောင်း အသေးစိတ် မသိရသေးပေ။
အဆိုပါ ဘတ်စ်ကား နှစ်စီးသည် ဘမ်ယန်ပြည်နယ်မှ ဟဲရတ်ပြည်နယ်ရှိ ဟဲရတ်မြို့သို့ သွားရောက်ခဲ့ခြင်း ဖြစ်သည်။
“မတော်တဆမှု ဖြစ်ပြီးနောက် ခရီးသွား အများအပြားကို လုံခြုံရေးတပ်ဖွဲ့က ကယ်တင်နိုင်ခဲ့တယ်၊ တိုက်ခိုက်မှု ကိုလဲ စုံစမ်းစစ်ဆေးနေပြီ” ဟု ခါဒီမီက ဖြည့်စွက် ပြောကြားခဲ့သည်။
ယင်း တိုက်ခိုက်မှုနှင့် ပတ်သက်၍ မည်သည့်အဖွဲ့၏ လက်ချက် ဖြစ်ကြောင်း ပြောကြားထားခြင်း မရှိသေးပေ။

(Xinhua)
http://www.xinhuamyanmar.com


ဒါကာ သြဂုတ် ၃

ဘင်္ဂလားဒေ့ရ်ှရဲများသည် မြို့တော်ဒါကာ စားသောက်ဆိုင် တိုက်ခိုက်မှု ၏ နောက် ကွယ်က ကြိုးကိုင်သူများအဖြစ် သံသယ ရှိသည့် လူနှစ်ဦးကို ဖမ်းဆီးခဲ့ကြောင်း အင်န်အိတ်ခ်ျကေ သတင်းတစ်ရပ်တွင် သြဂုတ် ၃ ရက် က ဖော်ပြခဲ့သည်။

သံသယရှိသူများဖြစ်သည့် ကနေဒီ ယန်-ဘင်္ဂလားဒေ့ရှ် တမင်ချောင်ဒရီနှင့် ယခင်တပ်မတော်အရာရှိဟောင်း ဆိုင်းဇီ အူဟိတ်တို့နှင့် သက်ဆိုင်သော သတင်း ပေးနိုင်သူများကို ငွေသားဆုများပေးမည် ဖြစ်ကြောင်း လွန်ခဲ့သော အဂ¯နေ့က ကြေညာခဲ့သည်။ သံသယရှိသူတစ်ဦးလျှင် အမေရိကန်ဒေါ်လာ ၂၆ဝဝဝ ပေးမည် ဖြစ်ကြောင်း ရဲအဖွဲ့ကကြေညာခဲ့သည်။

ယင်းဖမ်းဆီးရမိသူ နှစ်ဦးသည် လွန်ခဲ့သောလ ဇူလိုင် ၁ ရက်က ဒါကာ စားသောက်ဆိုင် တိုက်ခိုက်မှုတွင် ကြိုးကိုင်သူများဖြစ်မည်ဟု ယုံကြည် ကြောင်း ရဲအဖွဲ့ကပြောခဲ့သည်။ ယင်း စား သောက်ဆိုင်တိုက်ခိုက်မှုတွင် ဂျပန်လူမျိုး ခုနစ်ဦးအပါအဝင် လူ ၂ဝ သေဆုံးခဲ့သည်။

ချောင်ဒရီသည် ပြည်တွင်းအကြမ်း ဖက်အဖွဲ့အစည်း ခေါင်းဆောင်ဖြစ်မည်ဟု ရဲအဖွဲ့က သံသယရှိခဲ့သည်။ ချောင်ဒရီဟု ယူဆရသူတစ်ဦးကို အိုင်အက်စ် အကြမ်း ဖက်အုပ်စု၏ဂျာနယ်မှ တွေ့ဆုံမေးမြန်းမှု ပြုလုပ်ရာတွင် ၄င်းက အိန္ဒိယနှင့် မြန်မာ နိုင်ငံတို့တွင် အကြမ်းဖက်တိုက်ခိုက် မှုများ ပြုလုပ် မည်ဖြစ်ကြောင်း ပြောခဲ့သည်။

(အင်န်အိတ်ခ်ျကေ)
MOI Webportal Myanmar
https://www.facebook.com/MOIWebportalMyanmar


4 August 2016

ဒီကနေ့  နေ့ လည် ၁၁နာရီ မှာ ထိုင်းနိုင်ငံတောင်ပိုင်း နကော်စီဌာမရ ပြည်နယ် ထွန်းစုန် မြို့ နယ် တရားရုံး အတွင်းကို ၀င်လာတဲ့ သေနတ်သမားတစ်ဦးက ထိုင်းလူမျိုး နိုင်စာထစ် (၂၄)နှစ် ဆိုသူကို သွေးအေးအေးနဲ့  ပစ်သတ်ပြီး ထွတ်သွားခဲ့တဲ့ မှုခင်း ဖြစ်ပွားခဲ့ကြောင်း သိရပါတယ်။


မြို့ နယ်တရားရုံးမှာ လာရောက်နေတဲ့ သူတွေ များနေတဲ့ အချိန်မှာ သနတ် သမား ၀င်ရောက်လာပြီး "နိုင်စာထစ်" ကို ၉မမ သေနတ်နဲ့ အကြိမ်ကြိမ်ပစ် ခတ်ခဲ့ တာကြောင့် ရုံးတွင်းမှာရှိနေသူ ၀န်ထမ်းနဲ့  ပြည်သူတွေ ထွက်ပြေးခဲ့ကြ ပါတယ်။

သေနတ်သမားက နောက်ပိုင်းမှာ မြို့ နယ်ရဲ့ စခန်း တစ်ခုကို သွားရောက် အဖမ်းခံခဲ့ကြောင်း သိရပါတယ်။

သေနတ်သမားတရားခံဟာရဲအရာရှိတဦးဖြစ်ပါတယ်၊သေနတ်ဒဏ်ရာနဲ့  သေဆုံးသွားသူ"နိုင်စာထစ်"က မိန်းမနဲ့ ခလေးရှိနေရက်နဲ့ သမီးဖြစ်သူကို လိမ်ညာပေါင်းသင်းနေတာဖြစ်တယ်။


နောက်ပိုင်းမိသားစုအိမ်ထောင်ရေး ပြသနာကြီးမားလာခဲ့တဲ့နောက်မှာ "စာထစ်" နဲ့ အတူ ဆိုင်ကယ်စီးရင်း ဆိုင်ကယ်မှောက်ပြီး သမီးဖြစ် သူ သေဆုံး သွား ခဲ့ရတာဟာ သွေးရိုးသားရိုး မဟုတ်ဘဲ "စာထစ်"ကသူ့ သမီးကိုသတ်ခဲ့တာ လို့ ရဲအရာရှိက ယုံကြည်နေ ခဲ့တာပါ။

ဒီနေ့ မှာ သမီးဖြစ်သူသေဆုံးရမှုနဲ့ ပါတ်သက်ပြီး လူသေမှုနဲ့  သက်သေလာ ထွက်ဆိုရမှာမို့  တရားရုံးကို "စာထစ် "လာရောက်နေစဉ်မှာ ဖခင်ရဲအရာရှိ ဟာ ဒေါသစိတ်မထိမ်းနိုင်ဖြစ်ပြီး လူသတ်မှုဖြစ်ပွားခဲ့ရ တာဖြစ်ပါတယ်။

(SAW)
Khaosod
Social Action for Women - SAW


တရုတ်နိုင်ငံ ယူနန်ပြည်နယ်အတွင်း ခိုးသွင်းလာသည့် မြန်မာပြည်က သစ်လုံးများ။
မြန်မာနိုင်ငံတ၀ှမ်း သစ်ခုတ်ခွင့် တနှစ်တာ ပိတ်ပင်လိုက်ပြီး ပဲခူးရိုးမ အတွင်းမှာလည်း သစ်ခုတ်ခွင့် ၁၀ နှစ်တာ တားမြစ် လိုက်ကြောင်း မြန်မာအစိုးရသစ်က ကြေညာချက် ထုတ်ပြန်လိုက်ပါတယ်။ တနိုင်ငံလုံး အတိုင်းအတာနဲ့ သစ်ခုတ်ခွင့် ပိတ်ပင် တားမြစ်မှုဟာ ၂၀၁၇ ခုနှစ်၊ မတ်လအထိ အကျုံးဝင်မှာ ဖြစ်ပါတယ်။ ပြည်ပကို သစ်တင်ပို့မှုတွေကိုတော့ ယခင် အစိုးရလက်ထက် ၂၀၁၄ ခုနှစ်၊ ဧပြီလကတည်းက တားမြစ်ထားခဲ့ပြီး ဖြစ်ပါတယ်။

အခုလို သစ်ခုတ်ခွင့်ပိတ်ပင် တားမြစ်လိုက်တာဟာ နှစ်ပေါင်းများစွာ စည်းမဲ့ ကမ်းမဲ သစ်တွေကို ခုတ်ယူခဲ့တဲ့အတွက် သစ်တောတွေ ပြုန်းတီးမှုတွေ ရပ်တန့် သွားမှာဖြစ်တဲ့အပြင် သစ်ပင်တွေလည်း ရှင်သန်ခွင့်ရမယ်လို့ အင်္ဂလန်နိုင်ငံ၊ လန်ဒန်မြို့အခြေစိုက် EIA သဘာဝပတ်ဝန်းကျင် စုံစမ်း စစ်ဆေးရေး အဖွဲ့က ကြေညာချက်ထုတ်ပြန် ပြောဆိုပါတယ်။

အစိုးရက အခုထုတ်ပြန်လိုက်တဲ့ ကြေညာချက်ကို ကြည့်ခြင်းအားဖြင့် အခုနှစ် မတ်လမှာ တိုင်းပြည်အာဏာကို လွဲပြောင်း ရယူခဲ့တဲ့ NLD အစိုးရသစ်အနေနဲ့ သစ်တောဌာနအတွင်း ဖြစ်နေတဲ့ လာဘ်စားမှုတွေကို တိုက်ဖျက်ဖို့ ရည်ရွယ်ချက် ရှိတယ်ဆိုတာကို ပြသလိုက်ခြင်း ဖြစ်တယ်လို့ EIA အဖွဲ့ရဲ့ သစ်တောဆိုင်ရာ လှုပ်ရှားဆောင်ရွက်မှုအသင်း ခေါင်းဆောင် Faith Doherty က ပြောပါတယ်။

မြန်မာ့သစ်လုပ်ငန်းနဲ့ သစ်ကုန်သွယ်မှုကဏ္ဍတွေမှာ စီမံခန့်ခွဲမှု အမှားတွေ၊ လာဘ်စားမှုတွေနဲ့ နှစ်ပေါင်းများစွာ ရင်ဆိုင်ခဲ့ရတဲ့ အကျိုးဆက်အဖြစ်နဲ့ သစ်တောပြုန်းတီးမှု အဆိုးဝါးဆုံးနဲ့ ရင်ဆိုင်ခဲ့ရတာပါ။ ၂၀၁၀ ခုနှစ်နဲ့ ၂၀၁၅ ခုနှစ်ကြားမှာတင် ၅၄၆,၀၀၀ ဟက်တာ သစ်တောပြုန်းတီးမှုနဲ့ ရင်ဆိုင် ခဲ့ရပြီးတဲ့နောက်မှာ အခုလို သစ်ခုတ်ခွင့် တားမြစ်ချက် ထွက်ပေါ် လာတာလည်း ဖြစ်ပါတယ်။

EIA က အကြီးတန်း အရာရှိတွေဟာ ပြီးခဲ့တဲ့ သီတင်းပတ်အတွင်း မြန်မာနိုင်ငံ၊ နေပြည်တော်ကို သွားရောက်ပြီး သယံဇာတနဲ့ ပတ်ဝန်းကျင် ထိန်းသိမ်းရေးကော်မီတီက လွှတ်တော်အမတ်တွေ၊ သစ်တောဌာနက အရာရှိတွေနဲ့ တွေ့ဆုံခဲ့ကြတယ်လို့ ဆိုပါတယ်။

မြန်မာနဲ့ တရုတ်နယ်စပ်တလျှောက် သစ်ခိုးထုတ်မှု နောက်ဆုံး အခြေအနေများကို တင်ပြထားတဲ့ Organized Chaos ဆိုတဲ့ အစီရင်ခံစာကို EIA အနေနဲ့ မနှစ် စက်တင်ဘာလတုန်းက ထုတ်ပြန်ခဲ့ပါတယ်။ အမေရိကန်ဒေါ်လာ သန်း ၅၀၀ တန်ဖိုးရှိတဲ့ သစ်တွေကို တရုတ်နိုင်ငံဘက်ကို တရားမ၀င် တင်ပို့ ရောင်းချမှုတွေ ရှိခဲ့ကြောင်း ဖော်ပြထားတဲ့ အဲဒီ အစီရင်ခံစာနဲ့ ပတ်သက်လို့လည်း နေပြည်တော် ခရီးစဉ်အတွင်း အသိပေး တင်ပြခဲ့တယ်လို့ ဆိုပါတယ်။

VOA (မြန်မာပိုင်း)
http://burmese.voanews.com