08/10/16


အာရှဒေသမှာ မက်တာအမ်ဖီတာမင်း စိတ်ကြွဆေးပြားတွေဟာ အကြီးဆုံး မူးယစ်ဆေးဝါး ပြဿနာ ဖြစ်နေပြီလို့ UNODC ကုလသမဂ္ဂ မူးယစ်ဆေးဝါးတိုက်ဖျက်ရေးအဖွဲ့က ပြောပါတယ်။

မြန်မာနိုင်ငံမှာလည်း မူးယစ်ဆေးဝါး ဖမ်းဆီးရမိမှုတွေ ပိုများလာပြီး မနှစ်က ဖမ်းဆီးမိတဲ့ အမှု အရေအတွက်ဟာ ၂၀၁၁ ခုနှစ်ကထက် ၂ဆခွဲလောက် ပိုများလာပြီး အမှုပေါင်း ၆၄၀၀ လောက် ရှိခဲ့ပါတယ်။

ပြည်တွင်းမှာ ယာဘား လို့ခေါ်တဲ့ အမ်ဖီတမင်း စိတ်ကြွဆေးပြား သုံးစွဲမှုဟာလည်း ပိုများလာတဲ့ လက္ခဏာ တွေ့ရပြီး အခု ၂၀၁၆ ခုနှစ် ဇူလိုင်လအထိ စိတ်ကြွဆေးပြား ၅၁ သန်းနီးပါး ရဲတပ်ဖွဲ့က ဖမ်းဆီး နိုင်ခဲ့ပါတယ်။

မြန်မာ နိုင်ငံ ရဲတပ်ဖွဲ့ အနေနဲ့ မူးယစ်ဆေးဝါး တားဆီးနှိမ်နှင်းရေးကို ရက် ၁၀၀ စီမံကိန်း ထဲမှာ ထည့်သွင်း ထားပြီး အထူးစီမံချက် တွေ ရေးဆွဲ ဆောင်ရွက် ခဲ့တာကြောင့် ဖမ်းဆီးမှုတွေ ပိုပြီး များပြား လာတာ ဖြစ်တယ်လို့ မြန်မာနိုင်ငံ မူးယစ်ဗဟိုက တားဆီးနှိမ်နှင်းရေးဌာန အကြီးအကဲ ရဲမှူးကြီး ရွှေညာမောင် က ဘီဘီစီ ကို ပြောပါတယ်။

အိန္ဒိယ နိုင်ငံ ဖက်ကနေ အမ်ဖီတမင်း စိတ်ကြွ ဆေးပြား ထုတ်လုပ် ရာမှာ သုံးတဲ့ ကုန်ကြမ်းတွေ ပိုဝင် လာနေတယ် ဆိုပြီး UNODC ဖက်ကပြော ဆိုချက်နဲ့ ပတ်သက်လို့ တရုတ်ဖက်က ပိုဝင်တယ်၊ ဒါမှမဟုတ် အိန္ဒိယ ဖက်က ပိုဝင်တယ် ဆိုတာမျိုး ပြောလို့ မရနိုင်ကြောင်း ရဲမှူးကြီး ရွှေညာမောင် ကဆိုပါတယ်။

စိတ်ကြွဆေးပြား သုံးစွဲမှု အပိုင်း မှာတော့ ဖမ်းဆီး ရမိမှု တွေပိုများ လာပြီး နေရာ အနှံ့အပြား မှာ ဖမ်းဆီး ရမိ တဲ့အတွက် သုံးစွဲမှု များလာ တယ်လို့ သုံးသပ် ရကြောင်း သူက ပြောပါတယ်။

မူးယစ် ဆေးဝါး နဲ့ ပတ်သက် လာရင် မြန်မာ နိုင်ငံမှာ အရေးယူမှု တွေဟာ နှစ်ရှည် ထောင်ဒဏ် တွေကနေ သေဒဏ် အထိ ပြင်းထန် တဲ့ အပြစ်ပေးမှုတွေ ရှိနေကြောင်း နဲ့ မူးယစ် ဆေးဝါး တိုက်ဖျက်ရေး နဲ့ ပတ်သက်တဲ့ မူဝါဒ တွေကို ပြန်လည် သုံးသပ် ပြင်ဆင် ဖို့ ရှိကြောင်း လည်း ရဲမှူးကြီး ရွှေညာမောင် ကပြောပါတယ်။

ဒါပေမယ့်လည်း မူးယစ်ဆေးဝါး ပပျောက် ရေး အတွက် တားဆီး နှိမ်နှင်းမှု တခုတည်းနဲ့ ဆောင်ရွက်လို့ မရ နိုင်ကြောင်းနဲ့၊ ဆေးဝါးကုသရေး၊ ပြန်လည် ထူထောင်ရေး၊ မူးယစ်ဆေးဝါး နဲ့ဆက်နွယ်နေတဲ့ အောက်ခြေ လူတန်းစားတွေရဲ့ လူနေမှုဘဝ မြှင့်တင်ရေး တွေကို ပါ ဆောင်ရွက် နိုင်ဖို့လိုကြောင်း သူက ထောက်ပြ ခဲ့ပါတယ်။

ဒါ့အပြင် ပြီးခဲ့တဲ့ နှစ်တွေ အတွင်း မြန်မာ နိုင်ငံမှာ ဘိန်းစိုက်ပျိုးမှု ကျဆင်း လာတာကိုလည်း ရဲမှူးကြီး ရွှေညာမောင် က ရှင်းပြခဲ့ပါတယ်။

BBC Burmese
http://www.bbc.com/burmese

 myuhnget-620.jpg ကွယ်လွန်သွားပြီဖြစ်တဲ့ မန္တလေးမြို့က Messenger ဂျာနယ်သတင်းထောက် ကိုမျိုးမြင့်စံ (ခေါ်) စာရေးဆရာ မြူငှက်ကို တွေ့ရစဉ်
Photo: Myu Hnget/ Facebook

မန္တလေးမြို့က Messenger ဂျာနယ်သတင်းထောက် ကိုမျိုးမြင့်စံ (ခေါ်) စာရေးဆရာ မြူငှက် ဟာ မန္တလေးပြည်သူ့ဆေးရုံကြီး ဦးနှောက်နှင့် အာရုံကြော ကုသဌာနမှာ ဒီကနေ့ နေ့လည် ၁ နာရီ ၃ဝ က ကွယ်လွန်သွားခဲ့ပါတယ်။

သြဂုတ်လ ၆ ရက်နေ့ ညက ၆၈ လမ်းနဲ့ လမ်း ၃ဝ ထောင့်မှာ သူစီးလာတဲ့ဆိုင်ကယ် ကို ကားတစ်စီးက ဝင်ရောက်တိုက်မိရာကနေ ဦးခေါင်းဒဏ်ရာရခဲ့တာပါ။ ဒီသေဆုံးမှုဟာ မတော်တဆမှုဖြစ်ပြီး ဒီလိုအဖြစ်မျိုး မန္တလေးမြို့ မှာ မကြာမကြာ ဖြစ်ပွားနေပါတယ်လို့ အထက်ဗမာနိုင်ငံ စာရေးဆရာအသင်း အတွင်းရေးမှူး ဦးသန်းနိုင်ဦးက ပြောပါတယ်။

"ပွင့်ပွင့်လင်းလင်းပြောရင်တော့ သာမန်မတော်တဆမှုပါပဲဗျ၊ သူညပိုင်းမှာပြန်လာတယ်၊ ပြန်လာတဲ့အခါမှာ လမ်း ၃၀နဲ့ ၆၈ လမ်းထောင့်မှာ သူ့ကိုကားက ဝင်တိုက်တာပါ၊ သူကဆိုင်ကယ်နဲ့ အဓိကပြဿနာကတော့ သူကဆိုင်ကယ်စီးဦးထုပ်မဆောင်းတာရယ်၊ ဟိုဖက်က ကားကအရှိန်ပြင်းတာရယ်ကြောင့်ဖြစ်သွား တာပါ၊ ဒီလိုအမှုတွေကတော့ မန္တလေးဆေးရုံကြီးမှာမကြာမကြာဖြစ်နေကြပါ၊ သူကတော့ သတင်းထောက် လည်းဖြစ်တယ်၊ လူချစ်လူခင်လည်းများတော့ လူငယ်လည်းဖြစ်တယ်ဆိုတော့ အုပ်အော်သောင်း နင်းဖြစ်သွားတယ်လို့ ကျနော်ထင်ပါတယ်၊ တိုက်သွားတဲ့ကားက မသေချာသေးပါဘူး၊ ကျနော်တို့ကြားရတဲ့ သတင်းတွေအရကတော့ တိုက်သွားတဲ့ယာဉ်မောင်းကိုယ်တိုင်က ယာဉ်အမှုစစ်မှာ သူကိုယ်တိုင်သွားပြီး ဝန်ခံထားတယ်လို့တော့သိရတယ်၊ အဲ့ဒါကတော့ မသေချာသေးပါဘူး၊ ကျနော်တို့လည်း ကြားရတာပဲရှိ ပါသေးတယ်"

အသက် ၃၄ နှစ်ရှိပြီဖြစ်တဲ့ ကိုမျိုးမြင့်စံဟာ စလင်းမြို့နယ် သရက်တော ကျေးရွာက အငြိ်မ်းစား အထက်တန်းပြ ဆရာ ဦးတင်လှနဲ့ ဒေါ်လှ တို့ရဲ့သား ဖြစ်ပြီး သူ့ရဲ့ ဈာပနကို မနက်ဖန် သြဂုတ်လ ၁၀ ရက် နေ့လည် ၁၂ နာရီမှာ မန္တလေးပြည်သူ့ဆေးရုံကြီး ကနေ တောင်အင်းမြောက်အင်းသုသန် သို့ ပို့ဆောင် သဂြိုလ်မယ် လို့သိရပါတယ်။

RFA

Rio အိုလံပစ်ပွဲရောက် မြန်မာအားကစားအဖွဲ့
Rio အိုလံပစ်ပွဲရောက် မြန်မာအားကစားအဖွဲ့

 မြန်မာအားကစားသမားတွေ အနေနဲ့ ကျန်းမာရေးကောင်းမွန်ပြီး လာမယ့် ပြိုင်ပွဲတွေအတွက် အဆင်သင့်ဖြစ်နေတယ်လို့ ဘရာဇီးလ်နိုင်ငံမှာကျင်းပနေတဲ့ Rio အိုလံပစ်အားကစားပွဲတွေမှာ ၀င်ရောက်ယှဉ်ပြိုင်နေတဲ့ မြန်မာအားကစား အဖွဲ့ေ ခါင်းဆောင် ဦးသက်လွင်ကပြောပါတယ်။ အားကစားနည်း ၅ မျိုးမှာ သေနတ်ပစ်နဲ့ မြားပစ်ပြိုင်ပွဲတွေမှာ ၀င်ရောက် ယှဉ်ပြိုင်ခဲ့ပြီး ဖြစ်တယ်လို့လည်း ဦးသက်လွင်က ပြောပါတယ်။ ဒီအကြောင်းအပြည့်အစုံကို ကိုအောင်အောင်က ဆက်သွယ်မေးမြန်းတင်ပြပေးထားပါတယ်။

“မေး။ ။ ဟုတ်ကဲ့ပါ ဦးသက်လွင်ရေ မြန်မာအားကစားအဖွဲ့အနေနဲ့ အိုလံပစ်မှာ ၀င်ရောက်ယှဉ်ပြိုင်ဖို့ Rio ကိုရောက်နေတယ်ပေါ့လေ။ ဆိုတော့ မြန်မာ အားကစားအဖွဲ့၊ အားကစားအဖွဲ့တွေရဲ့ နောက်ဆုံးအခြေအနေကို အရင်ဆုံးရှင်းပြပေးပါလား။

ဖြေ။ ။ ကျနော်တို့ကတော့ အခုလာပြိုင်တာ အားကစားနည်း ၅ မျိုးပေါ့နော်။ အားကစားနည်း ၅ မျိုးမှာ သေနတ်ပစ်က ၁၀ မီတာ Air Pistol ကိုပြိုင်ပြီးပြီ။ ပြိုင်ပြီးတော့ ကျနော်တို့သေနတ်ပစ်သမားကတော့ လူ ၆၀ ပြိုင်ပွဲဝင်တဲ့အချိန်မှာ အဆင့် ၃၃ ရတယ်ပေါ့။ စုစုပေါင်းက ၅၇၂ မှတ်ရတယ်။ အဲဒီတော့ ကွာလီဖိုင်းအောင်တဲ့ အဆင့် ကတော့ ၅၈၀ ။ ကျနော်တို့က ၅၇၂ မှတ်နဲ့ ၈ မှတ်နဲ့ ကွာလီဖိုင်းမအောင်ဘူးပေါ့နော် ။ ဒါပေမယ့် အဆင့် ၃၃ ရတယ်။ သူ့ average ကတော့ ၉.၅ ပစ်နိုင်တဲ့အတွက် ဒါဟာသူ့ရဲ့ အကောင်းဆုံးရမှတ်ကို သူရအောင်ပြန်ပစ်နိုင်တယ် အခြေအနေဖြစ်ပါတယ်။

မေး။ ။ဟုတ်ကဲ့ မနေ့ကလည်း မြားပစ်ပြိုင်ပွဲမှာ မစန်းယုထွေး က ပွဲငယ်တွေမှာ ယှဉ်ပြိုင်ရာမှာ အနိုင်ရခဲ့တယ်ပေါ့နော်။

ဖြေ။ ။ မြားပစ်ပြိုင်ပွဲကတော့ ကျနော်တို့ ပထမနေ့ ပစ်တဲ့အခါမှာ ၆၄ ယောက်မှာ အဆင့် ၅၁ ရတဲ့အတွက် သူက အဆင့် ၁၄ ရှိတဲ့ ပုံစံနဲ့ ပထမအဆင့် ရှုံးထွက်ပြိုင်ရတာပေါ့။ အဲဒီမှာ သူက ၇ မှတ် ၃ မှတ် နဲ့ နိုင်တဲ့အတွက် သူက နောက်ထပ် ၁၆ ယောက်အဆင့်ကိုတက်သွားတာပါ။ ၃၂ ယောက်အဆင့်ကိုတက်သွားတာပေါ့နော်။ ၃၂ ယောက်အဆင့်ကိုတက်သွားပြီးတော့ USA ကိုကျနော်တို့ ပြိုင်ရတာပေါ့နော်။ ပြိုင်တဲ့အခါမှာလည်း သူက ၇ မှတ် ၃ မှတ် နဲ့ နိုင်တဲ့အတွက် အခုကတော့ သူက ၁၆ ယောက်အဆင့်ကို သူတက်သွားပြီးပေါ့ ။ အဲဒါကတော့ ကျနော်တို့ ၁၁ ရက်နေ့မှ သူပြိုင်ရမှာပေါ့။ သူနဲ့ ဘယ်သူနဲ့ ပြိုင်ရမယ်ဆိုတာ ဒီနေ့ပစ်တဲ့ နိုင်တဲ့လူတွေ၊ ရှုံးတဲ့လူတွေမှာ မူတည်ပြီးတော့ ကျနော်တို့ ဘယ်သူနဲ့ ပစ်ရမယ်ဆိုတာ သိရမှာပေါ့နော်။ အခုတော့မသိရသေးဘူး။

မေး။ ။ဟုတ်ကဲ့ပါ နောက်ထပ် ဘယ်အားကစားနည်းတွေမှာ ပါဝင်ယှဉ်ပြိုင်ဖို့ ကျန်ပါသေးသလဲခင်ဗျ။

ဖြေ။ ။ မနက်ဖြန်မှာတော့ ကျနော်တို့က သေနတ်ပစ်ကတော့ ၅၀ မီတာ ပစ်စတိုကို ဆက်ပြိုင်ရမယ်။ တပတ်ခါမှာတော့ ၁၁ ရက်နေ့မှာတော့ ရေကူးရယ် ၊ ဂျူဒိုရယ်၊ မြားပစ်ရယ် ဒါ ၁၁ ရက်နေ့ ပြိုင်ရပါမယ်။ ၁၂ ရက်နေ့ကတော့ ရေကူးအမျိုးသမီး အဲဒါပြီးရင်တော့ ကျနော်တို့ရဲ့ နောက်ဆုံးကျန်တဲ့ အားကစားနည်းဖြစ်တဲ့ ပြေးခုန်ပစ် အမျိုးသား၊ အမျိုးသမီး ဆက်လက်ပြိုင်ပါ့မယ်။ အဲဒါပြီးရင်တော့ ကျနော်တို့ကတော့ ပြီးပြီ။ ပိတ်ပွဲအခမ်းအနားကို တက်ရောက်ဖို့အတွက် ဒီမှာတော့ ပြိုင်ပွဲတွေအားပေးရင်းနဲ့ ကျနော်တို့ ဆက်စောင့်ရမှာပေါ့လေ။

မေး။ ။လက်ရှိအနေအထားအရ မြန်မာအားကစားသမားတွေရဲ့ စိတ်ဓါတ်ရေးရာ အားကစားအခြေအနေတွေ ဘယ်လိုရှိပါသလဲ ။ နောက် မြန်မာအားကစား အဖွဲ့တွေ အနေနဲ့ ဘယ်လောက်ထိအောင် ဆုတွေ ဆွတ်ခူးနိုင်မယ်ဆိုပြီး မျှော်လင့်ထားပါသလဲ။

ဖြေ။ ။ ကျနော်တို့အားကစားသမားတွေကတော့ အားလုံး ကျန်းမာကြံ့ခိုင်မှုကောင်းပါတယ်။ ကျန်းမာရေးကောင်းပါတယ် ဒီမှာလည်း နေရထိုင်ရတာ အဆင်ပြေပါတယ်။ နောက်တခု ကျနော်တို့ကို ဘယ်လောက်အဆင့်အထိမှန်းထားပြီး ဘာဆုတွေရမယ်ဆိုတာတော့ ကျနော်တို့အားကစားသမားတွေက အရှေ့တောင်အာရှအဆင့် အားကစားသမားတွေဖြစ်ပါတယ်။ ဒီမှာကတော့ ယှဉ်ပြိုင်နေတာကတော့ ကမ္ဘာ့အဆင့် အားကစားသမားတွေဖြစ်ပါတယ်။ ကျနော်တို့ ဆုရနိုင်တယ် မရနိုင်တယ်ဆိုတာထက် ကျနော်တို့ လက်ရှိရှိနေတဲ့ အားကစားသမားတွေရဲ့ အကောင်းဆုံးသောအခြေအနေကို ဒီမှာ အဲဒီအတိုင်းရအောင် ၊ အဲဒီထက်သာအောင် ယှဉ်ပြိုင်နိုင်ဖို့၊ အဖြေရရှိဖို့ ဒါကိုပဲ ဦးတည်ကြိုးစားပါတယ်။ ဆုရတာ မရတာကတော့ ဒီအပေါ်မှာ မူတည်ပြီးတော့ ဖြစ်လာတဲ့ အခြေအနေအတိုင်းပါပဲ။

မေး။ ။ဆိုတော့ မြန်မာအားကစားသမားအဖွဲ့အနေနဲ့ကော ဘယ်တော့လောက် Rio ကနေပြန်မှာလဲ ခင်ဗျ။

ဖြေ။ ။ ကျနော်တို့ ဒီကနေ ပိတ်ပွဲအခမ်းအနားပြီးရင် ၂၁ မှာ ဒီကနေ ပြန်ထွက်ရပါမယ်။”

ကိုအောင်အောင်က မြန်မာအားကစား အဖွဲ့ေ ခါင်းဆောင် ဦးသက်လွင် ကိုဆက်သွယ်မေးမြန်းခဲ့တာဖြစ်ပါတယ်။
VOA Burmese News

aungthantin-620.jpg
ပုဏ္ဏားကျွန်းစက်မှုဇုန်စီမံကိန်း အမြန်ဆုံးအကောင်အထည်ဖော်ပေးဖို့ တိုက်တွန်းကြောင်းအဆိုကို ပုဏ္ဏားကျွန်းမြို့နယ် ပြည်နယ် လွှတ်တော်ကိုယ်စားလှယ် ဦးအောင်သန်းတင် က သြဂုတ်လ ၉ ရက်နေ့ ရခိုင်ပြည်နယ်လွှတ်တော်မှာ တင်သွင်းစဉ်
Photo: Min Thein Aung/RFA

ရခိုင်ပြည်နယ်မှာ ဒုတိယအကြီးဆုံးဖြစ်လာမယ့် ပုဏ္ဏားကျွန်းစက်မှုဇုန်စီမံကိန်းကို အမြန်ဆုံးအကောင် အထည်ဖော်ပေးဖို့ တိုက်တွန်းကြောင်း အဆိုကို ဒီနေ့ ရခိုင်ပြည်နယ်လွှတ်တော်က လက်ခံဆွေးနွေးဖို့ အတည်ပြုလိုက်ပါတယ်။

အဆိုကို ပုဏ္ဏားကျွန်းမြို့နယ် ပြည်နယ်လွှတ်တော်ကိုယ်စားလှယ် ဦးအောင်သန်းတင်က တင်သွင်းခဲ့ တာဖြစ်ပါတယ်။

"ဒီလိုစက်မှုဇုန်တစ်ခုအတွက် အခြေခံအဆောက်အဦးများဖြစ်တဲ့ လမ်းပန်းဆက်သွယ်ရေး၊ လျှပ်စစ်မီးရရှိရေး၊ ရေကန်အသင့် ကြာအသင့်ဆိုသလို တည်ရှိထားပြီဖြစ်တဲ့အတွက် စက်မှုဇုန်ကို အခြားဒေသများရှိ စက်မှုဇုန်များကဲ့သို့ အမြန်ဆုံးအကောင်အထည်ဖော်ဖို့အဆိုကို တင်သွင်း ရခြင်းဖြစ်ပါတယ်"

မြေဧက ၁၈၀၀ မှာ အကောင်အထည်ဖေါ်မယ့် ပုဏ္ဏားကျွန်းစက်မှုဇုန်စီမံကိန်းကို ပြီးခဲ့တဲ့အစိုးရ လက်ထက်က ဆုံးဖြတ်ခဲ့တာဖြစ်ပြီး ပြည်နယ်အစိုးရရဲ့ စီမံခန့်ခွဲမှုနဲ့ဆောင်ရွက်ရမယ့် စီမံကိန်းဖြစ်ပါတယ်။

ဒီနေ့ လွှတ်တော်မှာပဲ ရခိုင်ပြည်နယ်မှာ အရင်အစိုးရလက်ထက်က သိမ်းယူပြီး အသုံးချမှုမရှိခဲ့တဲ့ မြေယာတွေ အတွက် လျော်ကြေးငွေရရှိအောင်အကူအညီပေးဖို့ ပြည်ထောင်စုအစိုးရထံ တိုက်တွန်းကြောင်းအဆိုကို ကိုယ်စားလှယ် ၃ ဦးဆွေးနွေးပြီး အတည်ပြုခဲ့ပါတယ်။

RFA

 pyitaungsu-620.jpg ပြည်ထောင်စုလွှတ်တော် အစည်းအဝေးကျင်းပနေစဉ်
Photo: Myanmar Union Parliament Facebook

နိုင်ငံတော်သမ္မတ တင်ပြထားတဲ့ ကမ္ဘာ့ဘဏ်ကနေ အမေရိကန်ဒေါ်လာ သန်း ၁၀၀ ချေးယူမယ့် အစီအစဉ်ဟာ စီမံကိန်းနဲ့ ဘဏ္ဍာရေးဝန်ကြီးနဲ့ ဗဟိုဘဏ်အတွက် ဖြစ်တယ်လို့ စီမံကိန်းနဲ့ ဘဏ္ဍာရေးဝန်ကြီးဌာန ဒုတိယ၀န်ကြီး ဦးမောင်မောင်ဝင်းက ပြည်ထောင်စုလွှတ်တော်မှာ ဒီနေ့ တင်ပြခဲ့ပါတယ်။
ဒေါ်လာသန်း ၁၀၀ ထဲက ၇၅ သန်းဟာ စီမံကိန်းနဲ့ ဘဏ္ဍာရေးဝန်ကြီးဌာနအတွက်ဖြစ်ပြီး အဲ့ဒီချေးငွေကို ၀န်ထမ်း လစာ၊ စရိတ်၊ ပင်စင်ငွေပေးဖို့ အထောက်အပံ့အနေနဲ့ သုံးစွဲမှာဖြစ်တယ်လို့ စီမံကိန်းနဲ့ ဘဏ္ဍာရေးဝန်ကြီးဌာန ဒုတိယ၀န်ကြီး ဦးမောင်မောင်ဝင်း က တင်ပြခဲ့ပါတယ်။

ကမ္ဘာ့ဘဏ်ကနေ ဒေါ်လာ သန်း ၁၀၀ ချေးယူဖို့ကိစ္စကို နိုင်ငံတော်သမ္မတက ပြည်ထောင်စုလွှတ်တော် နာယကထံ သြဂုတ်လ ၅ ရက်နေ့စွဲနဲ့ သ၀ဏ်လွှာပေးပို့ထားတာဖြစ်ပြီး ချေးငွေရယူမယ့် စီမံကိန်းနဲ့ ဘဏ္ဍာရေုးဝန်ကြီးဌာန နဲ့ မြန်မာနိုင်ငံတော်ဗဟိုဘဏ် ဒုတိယဥက္ကဌတို့က လွှတ်တော်မှာ ရှင်းပြတာဖြစ်ပါတယ်။

ချေးငွေ ၂၅သန်းရယူမယ့် မြန်မာနိုင်ငံတော် ဗဟိုဘဏ်ဟာ အရည်အသွေးမြှင့်တင်ရေးလုပ်ငန်းနဲ့ ငွေရေးကြေးရေး လုပ်ငန်းဆိုင်ရာ သင်တန်းကျောင်းဖွင့်လှစ်ရေးတို့အတွက် သုံးစွဲသွားမှာဖြစ်ပါတယ်။

အဲ့ဒီချေးငွေဟာ ဆိုင်းငံ့ကာလ ခြောက်နှစ်၊ ပြန်ဆပ်ကာလ ၃၂ နှစ် နဲ့ အတိုးမဲ့ချေးငွေဖြစ်ပြီး ၀န်ဆောင်ခအဖြစ် တစ်နှစ်ကို ၀ ဒသမ ၇၅ ရာခိုင်နှုန်း ပေးရမှာဖြစ်ပါတယ်။

နိုင်ငံတော်သမ္မတတင်ပြတဲ့ ကမ္ဘာ့ဘဏ်ကနေ ချေးငွေရယူမယ့်အစီအစဉ်ကို လွှတ်တော်မှာ ကိုယ်စား လှယ်တွေ ဆွေးနွေးကြမှာဖြစ်ပြီး ပါဝင်ဆွေးနွေးမယ့် ကိုယ်စားလှယ်တွေက လာမယ့် သြဂုတ်လ ၁၁ ရက် နောက်ဆုံးထားပြီး အမည်စာရင်းပေးရမှာဖြစ်ပါတယ်။
RFA


8888-sagaing-620.jpg
ရှစ်လေးလုံး အရေးတော်ပုံအတွင်း သြဂုတ်လ ၉ ရက်နေ့ စစ်ကိုင်းမြို့ ဖြိုခွင်းမှုမှာ ကျဆုံးခဲ့တဲ့သူတွေအတွက် အောက်မေ့ဖွယ် အခမ်းအနားကို ပြုလုပ်ခဲ့စဉ်
Photo: Hset Paing Toe/RFA

စစ်ကိုင်းမြို့မှာ ရှစ်လေးလုံး အရေးတော်ပုံကာလအတွင်း သြဂုတ်လ ၉ ရက်နေ့က ကျဆုံးခဲ့တဲ့ ရဟန်းရှင်လူ ကျောင်း သားပြည်သူ တစ်ရာနီးပါးလောက်အတွက် အောက်မေ့ဂုဏ်ပြုပွဲ အခမ်းအနားကို ဒီကနေ့ ကျင်းပခဲ့ပါတယ်။

အဲဒီနေ့ရက်က ဆန္ဒပြပွဲမှာ ပါဝင်ခဲ့တဲ့ စစ်ကိုင်းမြို့ခံ ဦးမောင်မောင်က လွန်ခဲ့တဲ့ ၂၈နှစ် သြဂုတ်လ ၉ရက်နေ့က စစ်ကိုင်းမြို့မရဲစခန်းရှေ့က ပစ်ခတ်မှုကို အခုလိုပြန်ပြောပြပါတယ်။

"၉ ရက်နေ့မှာပေါ့၊ ရဲစခန်းရှေ့မှာဆန္ဒပြကြတယ်၊ နောင်ရိုးတင်ဝင်းကို ဖမ်းထားတာလွှတ်ပေးဖို့ တောင်းဆို ကြတာ၊ တောင်းဆိုကြတဲ့အချိန်မှာ ရဲတွေက ညနေ ၃ နာရီ ၄၅ မှာစပစ်တယ်၊ အဲ့လိုပစ်တဲ့အချိန်မှာ လူတွေ အများကြီးသေတယ်၊ ရဲစခန်းရှေ့မှာပစ်တယ်၊ ကမ်းနားလမ်းမှာပြေးတဲ့သူတွေကိုလည်း ဟိုတုန်းက တိုင်းကောင်စီရုံးကနေပစ်တယ်၊ အဲ့တော့သေတာက နေရာအနှံ့အပြားမှာသေတယ်"

ဒေသခံ ၅၀ လောက်က စစ်ကိုင်းမြို့လယ်ကနေ ဆန္ဒပြသူတွေကို ပစ်ခတ်ခဲ့တဲ့ စစ်ကိုင်းမြို့မရဲစခန်းရှေ့အထိ လမ်းလျှောက်ချီတက်ခဲ့ကြတာဖြစ်ပါတယ်။ ပစ်ခတ်ဖြိုခွင်းတာကြောင့် ဒေသခံ ၃၄ ဦး သေဆုံးခဲ့တယ်လို့ အဲဒီအချိန်က တာဝန်ယူထားတဲ့ အစိုးရက ကြေညာခဲ့ပါတယ်။

လမ်းလျှောက်ပွဲမှာပါဝင်သူတွေဟာ စစ်ကိုင်းမြို့မရဲစခန်းရှေ့ကနေ ဧရာဝတီမြစ်ဆိပ်ကို ဆက်လက်လမ်းလျှောက် ပြီး ကွယ်လွန်သွားသူတွေအတွက် အမျှပေးဝေခဲ့သလို လွမ်းသူပန်းခွေတွေကို ဧရာဝတီမြစ်အတွင်းမျှောခဲ့ပါတယ်။
RFA


 ပြည်သူ့လွှတ်တော်
ပြည်သူ့လွှတ်တော်
အမျိုးသား ဒီမိုကရေစီ အဖွဲ့ချုပ် (NLD) အစိုးရသစ်အနေနဲ့ အဂတိ လိုက်စားမှုတွေကို ထိထိရောက်ရောက် တိုက်ဖျက်ဖို့ လိုအပ်နေပြီ လို့ ပြည်သူ့လွှတ်တော်မှာ လွှတ်တော် ကိုယ်စားလှယ်တွေက ထောက်ပြ ခဲ့ကြပါတယ်။ အဂတိလိုက်စားမှုကိုအမှန်တကယ် တိုက်ဖျက်လိုတဲ့ အစိုးရဖြစ်ဖို့နဲ့ (NLD) အစိုးရသစ်အနေနဲ့ တရားဥပဒေ စိုးမိုးမှုကို ထိထိရောက်ရောက် လုပ်ဆောင်ပေးဖို့ လွှတ်တော်ကိုယ်စားလှယ်တွေ ဘက်ကတင်ပြလာကြပါတယ်။ ဒီသတင်းတွေကို ဗွီအိုအေမြန်မာပိုင်းက မေခကစုစည်း တင်ပြထားပါတယ်။

ဒီကနေ့ ပြည်သူ့လွှတ်တော်မှာ မြောက်ဥက္ကလာမြို့နယ် ပြည်သူ့လွှတ်တော် ကိုယ်စားလှယ် ဒေါက်တာသန်းဝင်း ရဲ့ နိုင်ငံတ၀န်း အဂတိ လိုက်စားမှုများ ထင်ရှား သိသာစွာ ကျဆင်း လျော့ပါးရေးအတွက် ထိထိရောက်ရောက် ကိုင်တွယ် ဖြေရှင်း ဆောင်ရွက်ပေးရေး ပြည်ထောင်စု အစိုးရကို တိုက်တွန်းတဲ့အဆိုကို လွှတ်တော် ကိုယ်စားလှယ် ၃၃ ဦးအထိ ဝင်ရောက်ဆွေးနွေးကြပါတယ်။ ဒီဆွေးနွေးမှုဟာ လွှတ်တော်သတ်တမ်းမှာ အများဆုံးဆွေးနွေးမှုတခုဖြစ်ပါတယ်။

ဒီလိုဆွေးနွေးကြတာမှာ လွှတ်တော်ကိုယ်စားလှယ်တွေက လက်ရှိဖြစ်ပွားနေတဲ့ အခြေအနေတွေကို တင်ပြခဲ့တာတွေရှိနေပါတယ်။ သာမန်မြေတိုင်းစာရေးလေးက နောက်ဆုံးပေါ် မော်တော်ကား ၄ စီး စီးနိုင်တာ၊ ဖားကန့်ဒေသမှာ ရဲစခန်းမှူးတယောက် ဖြစ်ဖို့ ကျပ်ငွေ သိန်း ၂၀၀ လောက် လာဘ်ပေးရတာနဲ့ လောင်းကစားဒိုင်တွေ ဖမ်းတဲ့အခါမှာလည်း လက်ခွဲဒိုင်တွေသာ မိပြီး ဒိုင်ကြီးတွေကို ဘယ်တော့မှ မမိတော့တာတွေ၊ အဂတိလိုက်စားမှုတွေကြောင့် နိုင်ငံတော်ဘဏ္ဍာငွေတွေမြောက်မြားစွာဆုံး နေရတယ်ဆိုတဲ့ အဂတိလိုက်စားမှုတွေ နဲ့ပတ်သိတ်ပြီး တင်ပြခဲ့တာတွေရှိခဲ့ပါတယ်။

အဂတိလိုက်စားမှုကိုအမှန်တကယ် တိုက်ဖျက်လိုတဲ့ အစိုးရဖြစ်ဖို့နဲ့ (NLD) အစိုးရသစ်အနေနဲ့ တရားဥပဒေ စိုးမိုးမှုကိုထိထိရောက်ရောက်လုပ်ဆောင်ပေးဖို့ လိုအပ်နေပြီ လို့ ပြည်သူ့လွှတ်တော်ကိုယ်စားလှယ်ဒေါက်တာသက်သက်ခိုင်က ခုလိုဆွေးနွေးခဲ့ပါတယ်။

“သက်ဆိုင်ရာတာဝန်ရှိတဲ့ အဖွဲ့အစည်းဝင်တွေက အမှန်တကယ် အဂတိ တိုက်ဖျက်ရေး ကို အောင်မြင်စေချင်တဲ့ စိတ်စေတနာ အပြည့်အ၀နဲ့ ရည်ရွယ်တဲ့ ရလဒ်များ အမှန်တကယ်ရနိုင်တဲ့ ကိုင်တွယ်ဖြေရှင်းဆောင်ရွက်ချင်းများကို လက်တွေ့ဆောင်ရွက်ကြမှသာ အဂတိ တိုက်ဖျက်ရေး အကောင်အထည်ဖော်မှု အမှန်တကယ်တိုးတက်အောင်မြင်နိုင်မှာဖြစ်တဲ့အကြောင်း လေးလေးနက်နက်ပြောကြားလိုပါတယ်ရှင့်။ လက်ရှိဖြစ်ပေါ်နေတဲ့ နိုင်ငံရေး၊ လူမှုရေး၊ စီးပွားရေး ပြောင်းလဲမှုတွေနဲ့ အံဝင်ခွင်ကျဖြစ်အောင် ပုံစံချပြီး အဂတိ နှိမ်နင်းရေးဆိုင်ရာ ဥပဒေများ သိသိသာသာအသက်ဝင်အောင် ဆောင်ရွက်ခြင်းအားဖြင့် ရလဒ်ကိုအခြေခံတဲ့ ချဉ်းကပ်မှုတွေနဲ့ အကောင်အထည်ဖော်သင့်ကြောင်း တိုက်တွန်းဆွေးနွေးလိုပါတယ်ရှင့်။

လက်ရှိအစိုးရလက်ထက်မှာ တည့်မတ်တဲ့ တရားစီရင်ရေးပေါ်ပေါက်ဖို့ တရားစီရင်ရေး ကဏ္ဍ ပြုပြင်ပြောင်းလဲရတော့မယ့် အချိန်ဖြစ်တယ်လို့ အထူးပြုပြောကြားလိုပါတယ်ရှင့်။”

လက်ရှိမှာ အဂတိ လိုက်စားမှု တိုက်ဖျက်ရေး ဥပဒေကို ၂၀၁၃ ခုနှစ်၊ သြဂုတ်လမှာ ပြဌာန်းခဲ့ပြီးတဲ့နောက် ၂၀၁၄ ခုနှစ်မှာ အဂတိ လိုက်စားမှု တိုက်ဖျက်ရေး ကော်မရှင် ပေါ်ပေါက်လာပေမယ့် လက်တွေ့မှာ အလုပ်မဖြစ်ခဲ့ပါဘူး။ ဒါတွေကြောင့် ကော်မရှင်အသစ် ဖွဲ့စည်းပြီး ထိထိရောက်ရောက် လုပ်ဆောင်ဖို့ ကိုယ်စားလှယ်တွေက ထောက်ပြမှုတွေရှိခဲ့ပါတယ်။

တရားဥပဒေစိုးမိုးရေးကိုလုပ်ဆောင်နေတဲ့ သူတွေကိုယ်တိုင် အဂတိလိုက်စားမှုတွေရှိနေတာကြောင့် တရားဥပဒေစိုးမိုးရေးပိုင်းအားနည်းနေတာဖြစ်တယ်လို့ ဖားကန့်ုပြည်သူ့လွှတ်တော်ကိုယ်စားလှယ်က ဦးတင်စိုးတင်ပြခဲ့ပါတယ်။ လက်ရှိမှာ ဖားကန့်ဒေသမှာ ရဲစခန်းမှူးတယောက် ဖြစ်ဖို့ ကျပ်ငွေ သိန်း ၂၀၀ လောက် လာဘ် ပေး ရတာရှိနေပြီး မူးယစ်နဲ့ပတ်သတ်ပြီး အဂတိလိုက်စားမှုတွေကြောင့် ထင်သလောက်ထိရောက်စွာမနှိမ်နင်းနိုင်ဘူးလို့ သူကထောက်ပြခဲ့ပါတယ်။

အဂတိလိုက်စားမှုနဲ့ပတ်သတ်ပြီး အဂတိ လိုက်စားမှု တိုက်ဖျက်ရေး ကော်မရှင်ဘက်က ထိထိရောက်ရောက်အရေးယူလုပ်ဆောင်ပေးဖို့ လိုနေတယ်လို့ ချောက်ပြည်သူ့ လွှတ်တော်ကိုယ်စားလှယ် ဦးဘိုကြီးက အခုလိုထောက်ပြသွားပါတယ်။

“အဂတိလိုက်စားမှုတိုက်ဖျက်ရေးကော်မရှင်အနေနဲ့လည်း ကော်မရှင်ဝန်ထမ်း၏ လစာများအပါအ၀င် ကော်မရှင်တခုလုံး၏ ၁ နှစ်ကုန်ကျငွေများနှင့် တနေ့တွင် ပြည်သူများအတွက် စိစစ်ထုတ်ပြန်တဲ့ အမှု့အရေ အတွက်ကို နိုင်းယှဉ်စေပြီး အမှန်တကယ်ဖြစ်ရပ်မှန်များကို မဖော်ထုတ်နိုင်ပါက ပြောင်းလဲချိန်တန်ပြီဖြစ်သဖြင့် အားလုံးကိုပြောင်းလဲသင့်ကြောင်း သုံးသပ်အကြံပြုလိုပါတယ်။ အဂတိလိုက်စားသူနှင့် အဂတိလိုက်စားမှု ပြုလုပ်အားပေးသူများကို နမူနာပြ အရေးယူ ဆောင်ရွက်ပေးသင့်ကြောင်းနှင့်မြောက်ဥက္ကလာမြို့နယ် ပြည်သူ့လွှတ်တော် ကိုယ်စားလှယ်၏ ပြည်ထောင်စုအစိုးရကို တိုက်တွန်းကြောင်းအဆိုကို ထောက်ခံဆွေးနွေးတင်ပြပါတယ်။”

လက်ရှိ အဂတိ လိုက်စားမှု တိုက်ဖျက်ရေး ကော်မရှင်ထုတ်ပြန်ထားချက်အရ အဂတိလိုက်စားမှု တိုက်ဖျက်ရေးကော်မရှင် သက်တမ်း နှစ်နှစ်ကျော်အတွင်း တိုင်ကြားစာပေါင်း ၂၂၁၄ စောင် လက်ခံရရှိထားရာမှာ တိုင်ကြားစာပေါင်း ၁၇၀၆ စောင်မှာ စစ်ဆေးအရေးယူမှုဆောင်ရွက်နိုင်တာမရှိခဲ့ဘဲ မှတ်တမ်းအဖြစ်သာ ထားခဲ့ရတယ်လို့ သတင်းထုတ်ပြန်ထားပါတယ်။ တိုင်ကြားစာပေါင်း ၅၀၈ စောင်သာ စစ်ဆေးအရေးယူမှုလုပ်ငန်း လက်ခံဆောင်ရွက် ပေးနိုင်ခဲ့တယ်လို့ ထုတ်ပြန်ထား ပါတယ်။

ဒီအဆိုနဲ့ ပတ်သက်ပြီး ဒီကနေ့လွှတ်တော်မှာ အချိန် အကန့်အသတ်ကြောင့် ၁၂ ဦးသာ ဆွေးနွေးနိုင်ခဲ့ပြီး နောက်နေ့တွေမှာ ဆက်လက်ဆွေးနွေးသွားမှာဖြစ်ပါတယ်။

မေခ
VOA Burmese News



မကွေးတိုင်းဒေသကြီး ၊ ပွင့်ဖြူမြို့ နယ် ဆည်မုန်းကျေးရွာ၌ လူနေအိမ် အချို့ ရေ၀င်နေသည်များကို တွေ့ ရစဉ်(ဓာတ်ပုံ- Relief and Resettlement Department - Myanmar)
    ရန်ကုန် ၊ သြဂုတ် ၉ ရက်(ဆင်ဟွာ)

    တိုင်းဒေသကြီးနှင့် ပြည်နယ် ၈ ခုတွင် ယခုနှစ်အတွင်း ရေကြီးရေလျှံမှုများကြောင့် သြဂုတ် ၈ ရက်တွင် ရန်ကုန်တိုင်းဒေသကြီးအတွင်း သေဆုံးသူ ဦးရေ ၁ ဦး ထပ်မံ တိုးလာခဲ့ပြီး သေဆုံးသူ စုစုပေါင်း ၅ ဦးအထိ ရှိလာခဲ့ကြောင်း လူမှုဝန်ထမ်း ၊ ကယ်ဆယ်ရေး နှင့် ပြန်လည် နေရာချထားရေး ၀န်ကြီးဌာန၏ ထုတ်ပြန်ချက် အရ သိရသည်။

တိုင်းဒေသကြီးနှင့် ပြည်နယ်များအလိုက် ရေဘေးဖြစ်ပွားမှုကြောင့် သေဆုံးသူ ဦးရေမှာ ဇူလိုင်လ ၁၅ ရက်မှ သြဂုတ်လ ၇ ရက်ထိ စစ်ကိုင်းတိုင်း ဒေသကြီးတွင် ၂ ဦးနှင့် ကချင်ပြည်နယ်တွင် ၂ ဦးထိသာ ရှိခဲ့ရာမှ သြဂုတ် ၈ ရက်နေ့ စာရင်းတွင် ရန်ကုန်တိုင်းဒေသကြီးတွင် ၁ ဦး ထပ်မံ တိုးလာခဲ့ခြင်း ဖြစ်သည်။

ထို့ အတူ နာဆာဂြိုဟ်တုမှ သြဂုတ် ၈ ရက် တိုင်းတာချက်အရ မိုးရေများ ၊ ချောင်းရေများ ၊ တောင်ကျရေများ၊ မြစ်ရေများ စီးဆင်းမှုကြောင့် ပဲခူးတိုင်းဒေသကြီးအတွင်းရှိ ပဲခူးမြို့နယ် ၊ ဧရာဝတီတိုင်းဒေသကြီး အတွင်းရှိ ပုသိမ်မြို့ နယ် နှင့် မအူပင်မြို့နယ် ၊ ရန်ကုန်တိုင်းဒေသကြီး အတွင်းရှိ မင်္ဂလာဒုံမြို့နယ်တို့ တွင် ရေဖုံးလွှမ်းခံရမှု အလားအလာ ရှိသော ဒေသများ ဖြစ်ပေါ်နေကြောင်း မိုးလေ၀သ ပညာရှင် ဦးထွန်းလွင်က ၄င်း၏ Facebook စာမျက်နှာတွင် သတိပေး ရေးသားထားသည်။

ရေဘေး ဖြစ်ပွားခဲ့သည့် ဇူလိုင်လ ၁၅ ရက်မှ သြဂုတ်လ ၈ ရက်အထိ ၂၅ ရက်အတွင်း တိုင်းဒေသကြီးနှင့် ပြည်နယ် ၈ ခုတွင် ရေဘေးသင့်သူ ၃၇၇,၆၆၇ ဦးရေ အထိ ရှိလာခဲ့ပြီး မျောပါ ၊ ပျက်စီး အိမ်ခြေမှာ ၁၂၆ လုံး ထိ ရှိခဲ့ကြောင်း သိရသည်။

ထိုသို့ ရေဘေး ဖြစ်ပွားမှုကြောင့် တိုင်းဒေသကြီးနှင့် ပြည်နယ် ၈ ခုသို့ စုစုပေါင်း ငွေကျပ် ၄၀၁,၈၂၀,၃၄၁ ထောက်ပံ့ထားကြောင်း သိရသည်။

(Xinhua)
http://www.xinhuamyanmar.com


မန္တလေး ချမ်းအေးသာစံမြို့နယ် ၆၈ လမ်း x ၆၉လမ်းကြား လမ်း ၃၀ လမ်းမကြီးပေါ်တွင် သြဂုတ်လ ၆ ရက်နေ့ ည ၁၁ အချိန်က ကားတဏီက နောက်မှ ဝင်တိုက်ခြင်း ခံခဲ့ရ၍ မန္တလေးပြည့်သူဆေးရုံကြီး၊ ဦးနှောက်နှင့်အာရုံကြော အထူးကြပ်မတ်ဆောင်တွင် ဆေးကုသမှုခံယူနေရာမှ ယနေ့ နေလယ် ၁ နာရီအချိန်ခန့်က ဘဝတပါးသို့ပြောင်းလဲသွားကြောင်း သိရသည်။


သေဆုံးသူမှာ မန္တလေးအလင်းသတင်းစာ၏ သတင်းထောက်ချုပ်ဖြစ်ပြီး မြူငှက်ဆိုသော ကလောင်အမည်ဖြင့် စာရေးသူတယောက်ဖြစ်ကာ အမည်ရင်းမှာ မျိုးမြင့်စံဖြစ်ကြောင်း၊ ကွယ်လွန်ချိန်၌ အသက် ၃၃ နှစ်ဖြစ်ကြောင်း သိရသည်။


၎င်း၏နောက်ဆုံးခရီးကို အမရပူရမြို့နယ် တောင်အင်းမြောက်အင်းသုသာန်တွင် သြဂုတ် ၁၀ နေ့ မွန်းတည့် ၁၂ နာရီတွင် ပို့ဆောင်သွားမည်ဖြစ်ကြောင်းသိရသည်။ သတင်းလောကသားတဦး အရွယ်မတိုင်မီ ဆုံးရှုံးခဲ့ရခြင်းအတွက် News Watch မိသားစုမှ အထူးပင် ဝမ်းနည်းကြေကွဲမိပါသည်။

စိုင်းထူးခန့်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/


မန္တလေးအလင်းသတင်းစာတွင် တာဝန်ထမ်းဆောင်နေသည့် သတင်းထောက်ချူပ် ကိုမြုငှက်(ခ)ကိုမျိုးမြင်စံ ကျန်းမာရေးအခြေအနေ စိုးရိမ်ရကြောင်း မန္တလေးမြို့ရှိ သတင်းထောက် အသိုင်းအ၀ိုင်းမှာ သိရသည်။

“ကိုမြူငှက်အခြေအနေက စိုးရိမ်ရတဲ့ အနေအထားရောက်နေပါပြီ။ ဆရာဝန်ကလည်း အခြေအနေမကောင်းဘူး ပြောပါတယ်” ဟု ဆေးရုံရောက်နေသည့် BBC သတင်းထောက် ကိုနေလင်းက သြဂုတ်လ ၉ ရက်နေ့ မနက် ၁၁ နာရီခန့်က ပြောသည်။

သတင်းထောက်ချုပ် ကိုမျိုးမြင့်စံအား သြဂုတ် ၆ ရက်နေ့ ည ၁၀ နာရီခန့်က လမ်း ၃၀ နှင့် ၆၈ လမ်းတွင် တိုက်မိခဲ့ခြင်းဖြစ်ပြီး ဘယ်ဘက် ခြေထောက်ကျိုး၊ ဦးခေါင်းပြင်းထန် ဒဏ်ရာများ ရရှိခဲ့ပြီး မန္တလေး ပြည်သူ့ဆေးရုံကြီး ဦးနှောက်နှင့် အာရုံကြောဌာနတွင် အတွင်းလူနာအဖြစ် ဆေးကုသမှုခံယူနေရပြီး လက်ရှိကျန်းမာရေး အခြေအနေသည် စိုးရိမ်ရဖွယ် အခြေအနေတွင်ရှိကြောင်း ပြောပြချက်အရ သိရသည်။

မန္တလေးအလင်း သတင်းစာတိုက်မှ သတင်းထောက်တစ်ဦးဖြစ်သူ မသက်စုအောင်က “ကိုမြူအခြေအနေက တတိယနေ့အရောက်မှာ လုံးဝလက်လျှော့ လိုက်ရပါပြီ။ မနက်မှာ ဆရာဝန်က သေချာစစ်ဆေးပြီးတဲ့ နောက်မှာ ဦးနှောက်က လုံးဝအလုပ် မလုပ်တော့ပါ။ သူငယ်အိမ်ကလည်း ကျယ်နေပီ။ အောက်ဆီဂျင် ပေးထားလို့သာ နှလုံးခုန်နေပေမယ့် အောက်ဆီဂျင် ရပ်လိုက်တာနဲ့ နှလုံးခုန်ရပ်သွားမှာပါ။ ပြောရရင် မျှော်လင့်ချက်မဲ့သွားပါပြီ။ ကျန်တာ ကျွန်တော် ပြောမထွက်တော့ပါဘူး” ဟု ယင်းကိုယ်ပိုင်ဖေ့စ်ဘုတ် စာမျက်နှာတွင် ရေးသားထားသည်ကို တွေ့ရသည်။

အဆိုပါ သတင်းထောက်ချုပ် ကိုမျိုးမြင့်စံ(ခ) ကိုမြူငှက် စီးလာသည့် ဆိုင်ကယ်အား ကားဖြင့်တိုက်ကာ တိမ်းရှောင်သွားသည့် ယာဉ်ပိုင်ရှင်အား သြဂုတ် ၈ ရက်နေ့က အမှတ် ၁၄ ယာဉ်ထိန်း ရဲတပ်ဖွဲ့ခွဲ (မန္တလေး)မှ တွေ့ရှိကာ စစ်ဆေးလျက်ရှိနေကြောင်း သိရသည်။

အဆိုပါ လက်ရှိတွင် ယာဉ်တိုက်မှုဖြစ်စဉ်ကြောင့် ယာဉ်မောင်းဖြစ်သူအား အမှတ် ၃ ရဲစခန်းမှ(ပ)၁၉/၂၀၁၆ ၊ ဥပဒေပုဒ်မ ၂၇၉/၃၃၈/၂၀၂ တို့ဖြင့် ရဲမှူး ကျော်သန်းက တရားလိုပြုလုပ်ကာ အမှုဖွင့်ထားပြီး သြဂုတ် ၈ ရက်နေ့တွင် ယာဉ်ပိုင်ရှင်အား ယာဉ်ထိန်း ရဲတပ်ဖွဲ့ အမှုစစ်ဌာနမှ စစ်ဆေးနေကြောင်း သတင်းများအရ သိရသည်။

The Ladies News
https://www.facebook.com/News.TheLadies




ကချင်ပြည်နယ်က ရွှေတူးဖော်တဲ့ လုပ်ငန်းခွင်တစ်ခုကို တွေ့ရစဉ်။ Photo: Myo Zaw Ko/RFA
ကချင်ပြည်နယ် ဖားကန့်မြို့နယ် ရှဒူးဇွပ်ကျေးရွာအနီးတဝိုက်မှာ အစိုးရတပ်မတော်နဲ့ ကေအိုင်အေ တပ်တွေ အကြား ဖြစ်ပွားခဲ့တဲ့ တိုက်ပွဲတွေကြောင့် လူဦးရေ တစ်ထောင်လောက်ဟာ ရှဒူးဇွပ်ကျေးရွာက ဘုန်းတော် ကြီးကျောင်းတွေနဲ့ ဘုရားကျောင်းတွေမှာ ခိုလှုံနေကြပါတယ်။

ဝါရာဇွပ်ကျေးရွာ အုပ်ချုပ်ရေးမှူးက ဦးဆောင်ပြီး ရွှေတွင်းတွေဘက်ကနေ ထွက်ပြေးလာကြသူတွေကို ယာယီ ဒုက္ခသည်စခန်းတွေမှာ နေရာချထားပေးတယ်လို့ ဖားကန့်မြို့နယ်အုပ်ချုပ်ရေးရုံး ၀န်ထမ်းတစ်ဦးက ပြောပါတယ်။

ဇူလိုင်လကုန်လောက်က ရှဒူးဇွပ်ကျေးရွာတ၀ိုက်မှာ တရားမဝင်ရွှေတူးဖော်သူတွေကို အစိုးရတပ်မတော်က နယ်မြေရှင်းလင်းရေး လုပ်ဆောင်နေချိန်မှာ ကေအိုင်အေနဲ့ တိုက်ပွဲတွေဖြစ်ပွားခဲ့တာဖြစ်ပါတယ်။

ရှဒူးဇွပ်ကျေးရွာ အနောက်ဘက်က တရားမဝင်ရွှေတွင်းတွေရှိတဲ့ ချောင်းဆုံ၊ ကိုင်းတော၊ သုံးဆယ် စတဲ့ မှော် ရွာတွေဘက်မှာ မြန်မာနိုင်ငံဒေသအသီးသီးကနေ လာရောက်ပြီး ရွှေတူးကြသူ၊ ဈေးရောင်းသူတွေဟာ တိုက်ပွဲတွေကြောင့် ထွက်ပြေးနေကြတာဖြစ်ပါတယ်။

အဲ့ဒီဒုက္ခသည်တွေထဲကတချို့ကို နေရပ်ပြန်နိုင်ရေးအတွက် မော်တော်ယာဉ် ၈ စီးနဲ့ မိုးကောင်းမြို့ မီးရထား ဘူတာရုံကို သွားရောက်ပို့ဆောင်ပေးခဲ့ပြီး ကျန်တဲ့အယောက် တစ်ထောင်လောက်ဟာ ရှဒူးဇွပ်ရွာတစ်ဝိုက်မှာ ယာယီခိုလှုံနေကြပါတယ်။

ပြီးခဲ့တဲ့ ဇူလိုင် ၂၈ ရက်နေ့ကစပြီး တရားမဝင်ရွှေတူးဖော်သူတွေကို တပ်မတော်က နယ်မြေရှင်းလင်းချိန်မှာ တရုတ်နိုင်ငံသား ၁၆ ယောက်နဲ့ ရွှေတူးဖော်ရာမှာ အသုံးပြုတဲ့စက်ယန္တရားတွေကို ဖမ်းဆီးရမိခဲ့ပါတယ်။

ဖမ်းမိထားတဲ့ တရုတ်နိုင်ငံသားတွေထဲက ပြည်ဝင်ခွင့်လက်မှတ်ရှိသူတွေကို သတ္ထုတွင်းပုဒ်မနဲ့ တရားစွဲမှာဖြစ် သလို ပြည်ဝင်ခွင့်လက်မှတ်မရှိသူတွေကို လဝကဥပဒေ၊ သတ္ထုတွင်း ပုဒ်မတွေနဲ့ တရားစွဲဆိုမှာဖြစ်တယ်လို့ ကချင်ပြည်နယ် လူဝင်မှုကြီးကြပ်ရေးနဲ့ အမျိုးသားမှတ်ပုံတင်ရေးဦးစီးဋ္ဌာန ညွှန်ကြားရေးမှူးက ပြောပါတယ်။

RFA Burmese
http://www.rfa.org/burmese/



အမေရိကန်က မြန်မာနိုင်ငံအတွက် ကုန်သွယ်မှုအထူးအခွင့်အရေး ပြန်ပေးမည်
လက်ရှိ မြန်မာနိုင်ငံကိုရောက်နေတဲ့ အမေရိကန်နိုင်ငံခြားရေးဌာနစီးပွားရေးနဲ့ စီးပွားရေးလုပ်ငန်းဆိုင်ရာလက်ထောက်နိုင်ငံခြားရေးဝန်ကြီး Charles Rivkin ဟာဒီနေ့မှာတော့ စီးပွားရေးနဲ့ ကူးသန်းရောင်းဝယ်ရေးပြည်ထောင်စု ဝန်ကြီးနဲ့ တွေ့ဆုံပြီး မြန်မာနိုင်ငံကို ကုန်သွယ်မှုဆိုင်ရာအထူးအခွင့်အရေး GSP ပေးဖို့ အတွက် ဆွေးနွေးခဲ့တယ်လို့ ဝန်ကြီးဦးသန်းမြင့်က ပြောဆို လိုက်ပါတယ်။ ဒါ့အပြင် ကုန်သွယ်ရေးဆိုင်ရာ ကိစ္စတွေလည်းဆွေးနွေး ခဲ့တယ်လို့ ပြောပါတယ်။ ဆက်သွယ်မေးမြန်းထားတဲ့ VOA သတင်းထောက် မသိင်္ဂီလင်းကပြောပြပေးပါမယ်။

လက်ရှိနေပြည်တော်ကိုရောက်ရှိနေတဲ့ အမေရိကန်နိုင်ငံခြားရေး ဌာနစီးပွားရေး ဆိုင်ရာနဲ့ စီးပွားရေးလုပ်ငန်းဆိုင်ရာလက်ထောက်နိုင်ငံခြားရေးဝန်ကြီး Charles Rivkin ဟာဒီနေ့မှာတော့ စီးပွားရေးနဲ့ ကူးသန်းရောင်းဝယ်ရေးဝန်ကြီးဦးသန်းမြင့် နဲ့ တွေ့ဆုံပြီး မြန်မာနိုင်ငံကိုကုန်သွယ်မှုဆိုင်ရာအထူးအခွင့်အရေး GSP ချပေးဖို့အတွက် ညှိနှိုင်းဆွေးနွေးခဲ့တယ်လို့ ဦးသန်းမြင့်က VOA ကိုအခုလိုပြော ပါတယ်။

“GSP ကိုသူက ပေးချင်တယ်ပေါ့လေ။ ပေးဖို့အတွက် ဘယ်လို ဒီဘက်အပြန်အလှန် ဘယ်လိုလုပ်မလဲဆိုတာ သူတို့ဘက်ကမေးခွန်းလေးတွေမေးမယ်ပေါ့ဗျာ။ ဒီဘက်ကတော့ လိုတာဖြေပြီးတော့ ကျနော်တို့ဘက်ကလည်း ဘာလုပ်ချင်တယ်၊ သူတို့ကလည်း ဘာလုပ်ချင်တယ်ဆိုတာ သူတို့ကလည်း ပေးဖို့အတွက်ကို လိုအပ်တဲ့ဟာတွေကို အခြေခံအချက်လေးတွေရှင်းလင်းဖို့ အဲဒါပါပဲ။ အန်ကယ်တို့ကတော့ ဟုတ်ပြီ ၂ ဘက်အကျိုးရှိမယ်ဆိုရင်တော့ ၂ ဘက်ဆိုတာ mutual benefit ပေါ့ Gross community ပေါ့ အရင်တုန်းကနဲ့ လက်ရှိ အမေရိကန်နဲ့ ပူးပေါင်းဆောင်ရွက်တာရှိတယ်။ ဒီလိုဆက်လုပ်ဖို့ အတွက် ပြောလိုက်တာပေါ့လေ။ တက်နိုင်သမျှ ညှိနှိုင်းမယ်ပေါ့။”

ဒီနေ့ နေ့လည် ၁ နာရီမှာနေပြည်တော် Hilton ဟိုတယ်မှာတွေ့ဆုံခဲ့တာပါ။ လက်ထောက်နိုင်ငံခြားရေးဝန်ကြီး Charles Rvikinနဲ့ရော သူနဲ့အတူပါလာတဲ့ အမေရိကန်စီးပွားရေး ကုမ္ပဏီကြီးတွေကတာဝန်ရှိသူတွေနဲ့လည်းတွေ့ဆုံခဲ့တယ်လို့ ဦးသန်းမြင့်က ပြောပါတယ်။

အမေရိကန်စီးပွားရေးလုပ်ငန်းရှင်တွေနဲ့ တွေ့ဆုံတဲ့အခါမှာတော့ နှစ်နိုင်ငံကုန်သွယ်ရေး မြှင့်တင်ဖို့ ဆွေးနွေးခဲ့တယ်လို့ ဦးသန်းမြင့်က ဆက်ပြောပါတယ်။

“အန်ကယ်ဘက်ကတော့ Trade promotion ကောင်းအောင်ပေါ့လေ တိုးတက်အောင် ဘယ်လိုလုပ်ကြမလဲဆိုတာ အန်ကယ်တို့ကလည်း သူတို့ လုပ်ငန်းရှင်တွေဘက်က လာရောက် ရင်နှီးမြုပ်နှံနိုင်မယ့် အလားအလာတွေ ပြောပြ တယ်။ ဒီအလားအလာတွေ ရဖို့အတွက် သူတို့အနေနဲ့ ဘယ်လို အမေရိကန်ဘက်က ကူညီသင့်တယ် ဆိုတာ နည်းပညာတွေ ပေါ့ကွာ။ အဲဒါမျိုးလေးတွေ ဆွေးနွေးကြတာပေါ့ ။ သူတို့ဘက်ကလည်း လုပ်ငန်းရှင်များ ကလည်း သူတို့ဘာကို လုပ်ပေးနိုင်တယ်ဆိုတာ ပါတာပေါ့။ Rivkin နဲ့တွေ့တော့ လည်း အဲဒါတွေပါပဲ။”

ဒါ့အပြင် အမေရိကန်နိုင်ငံခြားရေးဌာန စီးပွားရေးဆိုင်ရာလက်ထောက်နိုင်ငံခြားရေး ၀န်ကြီး Charles Rivkin ဟာ စီမံကိန်းနဲ့ဘဏ္ဍာရေးဝန်ကြီးဌာန၊ စက်မှုဝန်ကြီး ဌာနတို့က တာဝန်ရှိသူတွေနဲ့လည်းတွေ့ဆုံခဲ့တာပါ။

လက်ထောက်နိုင်ငံခြားရေးဝန်ကြီး Rivkinဟာ မြန်မာနိုင်ငံတွင်း အမေရိကန် ရင်းနှီးမြုပ်နှံမှုတွေကိုအားပေးမြင့်တင်ဖို့အတွက် အမေရိကန် စီးပွားရေး လုပ်ငန်းကြီးတွေက တာဝန်ရှိသူတွေကို ဦးဆောင်ပြီး American Innovation Roadshow to Myanmar ဆိုတဲ့ ခေါင်းစဉ်နဲ့ မြန်မာနိုင်ငံကိုလေးရက်ကြာ ခရီးရောက်ရှိနေတာပါ။

ဒီကနေ့ နေပြည်တော်မှာတော့ စီးပွားရေးနဲ့ကုန်သွယ်ရေးဆိုင်ရာ မြန်မာအစိုးရ တာဝန်ရှိသူတွေနဲ့ တွေ့ဆုံခဲ့သလို၊ မနက်ဖြန်ကျရင်တော့ ရန်ကုန်ပြန်ပြီးအဲဒီမှာရှိတဲ့ အမေရိကန်ရင်းနှီးမြုပ်နှံမှုနဲ့ အမေရိကန်စီးပွားရေးလုပ်ငန်းအခြေအနေတွေ ကိုသုံးသပ် လေ့လာမှာဖြစ်ပါတယ်။ လက်ရှိအားဖြင့် အမေရိကန်ပြည်ထောင်စု အနေနဲ့ မြန်မာနိုင်ငံအပေါ် ပစ်မှတ်ထားအရေးယူဒဏ်ခတ်မှုအချိ့ ထားရှိပေမယ့်၊ အများစုသောဒဏ်ခတ်မှုတွေကိုဆိုင်းငံတာရုပ်သိမ်းတာတွေ လုပ်ထားပါတယ်။ ရှိထားတဲ့ အမေရိကန်ရဲ့ ပစ်မှတ်ထားအရေးယူမှု ဟာလည်း မြန်မာ့စီးပွားရေးကို ထိခိုက်စေဖို့မဟုတ်ပဲ၊ မြန်မာနို်င်ငံရဲ့ နိုင်ငံရေးနဲ့ စီးပွားရေးအပြောင်းအလဲတွေကို အဟန့်အတားဖြစ်သူတွေကိုသာပစ်မှတ်ထားအရေးယူတာဖြစ်တယ်လို့ အမေရိကန်တာဝန်ရှိသူတွေဘက်က ပြောလေ့ရှိပါတယ်။

သိင်္ဂီလင်း / ဗွီအိုအေ (မြန်မာပိုင်း)
http://burmese.voanews.com



ပုံစာ - ဒူးပလာယာခရိုင်ရဲမှူးကြီးစောတိတုနှင့် ရဲအရာရှိအချို့ ။
သြဂုတ် - ၉ - ၂၀၁၆

ကရင်အမျိုးသားရဲတပ်ဖွဲ့ဝင် စောခင်ရွေကို ယမန်နေ့မွန်းလွဲပိုင်းက သတ်ဖြတ်ကာ ကော့ကရိတ်မြို့ မရဲစခန်းတွင် သွားရောက်အဖမ်းခံခဲ့သည့် စောဖူဖူ ကို ပြန်လွဲပေးရန် (KNU) ပြည်ထဲရေးနှင့်သာသနာရေးဌာနမှူး ပဒိုစောအားတိုးက ကော့ကရိတ်ရဲတပ်ဖွဲ့ကို ယနေ့တောင်းဆိုလိုက်သည်။

ကရင်အမျိုးသားအစည်းအရုံး (KNU) က မိမိတို့ပြဌာန်းထားသည့် တရားဥပဒေအတိုင်းသာ အရေးယူဆောင်ရွက်သွားမည်ဖြစ်သည့်အတွက် စောဖူဖူကို လွှဲပြောင်းပေးရန် ကော့ကရိတ်မြို့ မရဲစခန်းမှ နယ်ထိန်းဖြစ်သူမျိုးမင်းထွန်းထံသို့ ယနေ့တွင် ဆက်သွယ်အကြောင်းကြားလိုက်ခြင်းဖြစ်သည်။

အဆိုပါကိစ္စနှင့်ပတ်သက်၍ (KNU) ပြည်ထဲရေးဌာနမှူးက ညှိနှိုင်းဆောင်ရွက်မှုများပြုလုပ်ရန် ကော့ကရိတ်မြို့ မရဲစခန်းသို့ ကရင်အမျိုးသားရဲတပ်ဖွဲ(KNPF) ဒူးပလာယာခရိုင်ရဲမှူးကြီးစောတိတုကို စေလွတ်လိုက်ပြီးဖြစ်သည်။

အခင်းဖြစ်ပွားမှုမှာ အိမ်တွင်းအကြမ်းဖက်မှုနှင့်ဆက်စပ်၍ စောဖူဖူ ကို ကရင်အမျိုးသားရဲတပ်ဖွဲ့(KNPF) ၏ ဒုတပ်ကြပ်တဦးဖြစ်သည့် စောခင်ရွှေက သွားရောက်ပြောဆိုဟန့်တားမှုများကို မကျေနပ်သဖြင့် ယမန်နေ့က အလစ်ချောင်းကာ သေဆုံးသူ၏လည်ပင်းကို နောက်ကျောမှ ဓားဖြင့်ခုတ်သတ်လိုက်ခြင်းဖြစ်သည်ဟု အခင်းဖြစ်သည့် ကော့ကရိတ်မြို့ နယ် အံဖလေးကျေးရွာမှာ ရွာသားတဦးက ကရင်အမျိုးသား မီဒီယာ ကို ပြောဆိုခဲ့သည်။

ကရင်ပြည်နယ် ဘားအံမြို့ တွင် တာဝန်ကျသည့် ရဲအရာရှိကြီးတဦးက လုပ်ထုံးလုပ်နည်းများအရ လာရောက်အဖမ်းခံထားသူကို အမှုဖွင့်လက်ခံဖမ်းဆီးထားပြီးဖြစ်သည့်အတွက် လွှဲပြောင်းပေးရန်ကိစ္စမှာ ဖြစ်နိုင်ခြေမရှိနိုင်ကြောင်း ၎င်း၏ထင်မြင်ယူဆချက်ကို ပြောဆိုခဲ့သည်။

သတင်းနှင့်ဓာတ်ပုံ - ကရင်အမျိုးသား မီဒီယာ



စောဖူဖူ (ပြစ်မှုကျူးလွန်သူ)
သြဂုတ် ၈ရက်၊ ၂၀၁၆ခုနှစ်။ ကေအိုင်စီ

ကရင်အမျိုးသားအစည်းအရုံး(ကေအဲန်ယူ)၏ ကော့ကရိတ်မြို့နယ်၊ ရဲတပ်ဖွဲ့၏ တပ်စိတ်မှူး ဒုတပ်ကြပ်တစ်ဦးသည် သြဂုတ်လ ၈ရက်၊ မွန်းလွဲ ၂နာရီခွဲအချိန်တွင် ကော့ကရိတ်မြို့တောင်ပိုင်း၊ အံဖလေးကျေးရွာတွင် ဓားဖြင့် အခုတ်ခံရကာ ပွဲချင်းပြီး သေဆုံး သွားခဲ့ကြောင်း ဒေသခံများက ကေအိုင်စီသို့ ပြောသည်။

သေဆုံးသွားရသူ ကေအဲန်ယူ ကော့ကရိတ်မြို့ နယ် အမှုလိုက်ရဲ ဒုတပ်ကြပ် စောခင်ရွှေ ၅၂နှစ်မှာ ၎င်းတို့၏ အံဖကြီးရုံးမှ ပြန်လာ ပြီး အံဖလေးရွာရှိ ရွာသား စောဖိုးလားအောင်၏နေအိမ်၌ ခေတ္တ ၀င်ရောက်နားနေစဉ် အသက် ၅၃နှစ်အရွယ် ရွာသား စောဖူဖူ က ဓားဖြင့် နောက်ကျောမှ လည်ပင်းကို လာရောက်ခုတ်သတ်ခဲ့ခြင်းဖြစ်သည်ဟု အိမ်ရှင် စောဖိုးလားအောင်က ကေအိုင်စီသို့ ပြောသည်။

“သူ လာတက်ခုတ်တဲ့အချိန်မှာ ကျနော်က အိမ်နောက်ဖေးဘက် ပြန်ဝင်သွားနေတယ်။ ကျနော့်မြေး ငိုသံကြားတော့ ကျနော်ပြန် လာကြည့်အချိန်မှာ စောခင်ရွှေက ဓားဒဏ်ရာနဲ့ဖြစ်နေပြီး ကျနော့်အိမ်ပေါ်လည်း သွေးတွေချည်းပဲ။ သူ ခုတ်ပြီးတာနဲ့ ပြန်ဆင်း သွားတယ်။ သူ့အိမ်ကို လမ်းလျှောက်ပြန်ပြီး ဆိုင်ကယ်နဲ့ ထွက်သွားတယ်”ဟု စောဖိုးလားအောင်က ပြောသည်။

စောခင်ရွှေမှာ အရှည် ၁ပေခွဲ၊ အကျယ် တစ်လက်မခန့်ရှိ ဓားဖြင့် ဂုတ်ပိုး(လည်ပင်းအနောက်ဘက်)တွင် တစ်ချက်၊ ဘယ်ဖက် ပေါင်တွင် တစ်ချက် အခုတ်ခံရ၍ ဒဏ်ရာပြင်းထန်စွာ ရရှိကာ သေဆုံးသွားခဲ့ခြင်းဖြစ်ပြီး ပြစ်မှုကျူးလွန်သူ စောဖူဖူမှာ ထွက်ပြေး လွတ်မြောက်နေဆဲဖြစ်ကြောင်း သိရသည်။

ကေအဲန်ယူ ကော့ကရိတ်မြို့နယ် ရဲမှူး စောအကျော်က “လက်ရှိ ဒီအမှုနဲ့ပတ်သက်ပြီးတော့ တရားခံတော့ မမိသေးဘူး။ သူ့ရဲ့ ဓာတ်ပုံကို ကျနော်တို့ လိုက်ပြီး ဖြန့် နေတယ်။ တရားခံကို မိအောင်ဖမ်းမယ်။ ကျနော်တို့ စုံစမ်းသိရသလောက်တော့ စောဖူဖူက မိသားစုကို ကိုယ်ထိလက်ရောက် နှိပ်စက်တာရှိတယ်။ စောခင်ရွှေက ရဲဆိုတော့ အဲလိုမလုပ်ဖို့ သွားရောက်ပြောဆိုဆုံးမဖူး တယ်။ ပြီးတော့ ရွာက ဝါးတံတားတစ်ခုကို သူလမ်းပြန်လျှောက်လာချိန် ခြေကျွံသွားလို့ အဲဒီတံတားကို သူ ဖြိုလိုက်တယ်။ အဲဒါ စောခင်ရွှေက သူ့ကို တံတားပြန်လုပ်ပေးဖို့ သွားပြောတာရှိတယ်။ အဲဒါတွေကြောင့် စောခင်ရွှေကို သူ လုပ်ချင်နေကြာပြီး”ဟု ကေအိုင်စီသို့ ပြောသည်။
စောခင်ရွှေရဲ့အလောင်းတင်ထားတဲ့တဲ
စောခင်ရွှေမှာ ဇနီးနှင့် သမီးတစ်ဦး၊ သားတစ်ဦး ကျန်ရှိပြီး ယခုလို ဖြစ်ပွားသည့်အတွက် ၎င်းတို့မိသားစုကို သက်ဆိုင်ရာ အဖွဲ့အ စည်းကသာ ကြည့်ရှုစောင့်ရှောက်စေလိုကြောင်း သူ၏ဇနီးဖြစ်သူ နန်းအေးတင်က ကေအိုင်စီသို့ ရင်ဖွင့်ပြောဆိုသည်။

ထိုအမှုနှင့်ပတ်သက်၍ အစိုးရဘက် ရဲတပ်ဖွဲ့က ဆေးစစ်ချက်ပြုလုပ်ကာ အမှုဖွင့်ရန် ဆောင်ရွက်လိုသော်လည်း ကေအဲန်ယူ ဘက်က ၎င်းတို့သာ ကိုင်တွယ်ဖြေရှင်း အရေးယူသွားမည်ဖြစ်ကြောင်း ပြောဆိုသည့်အတွက် မိမိတို့အနေဖြင့် တရားခံမိရန် ကူညီစုံစမ်းပေးသွားမည်ဖြစ်ကြောင်း ကော့ကရိတ်မြို့နယ်၊ ရဲနယ်ထိန်းတာဝန်ခံ မျိုးမင်းထွန်းက ပြောသည်။

ရွာသားအချို့၏ ပြောပြချက်အရ စောဖူဖူမှာ မူးယစ်ဆေးဝါး သုံးစွဲခြင်း၊ ရွာတွင်း၌ ပြဿနာများ မကြာခဏ ဖြစ်ပွားသည့်အပြင် အိမ်တွင်းအကြမ်းဖက်မှုကြောင့် ဇနီးနှင့် သားသမီးများမှာ ၎င်းနှင့်အတူ နေထိုင်ခြင်းမရှိဘဲ ရှောင်တိမ်းနေထိုင်လျှက်ရှိကြောင်း သိရသည်။

နောက်ဆုံးရရှိသည့် သတင်းအရ ပြစ်မှုကျူးလွန်သူ စောဖူဖူမှာ အခင်းဖြစ်သည့်နေ့ ညဘက် ၈နာရီခွဲအချိန်တွင် ကော့ကရိတ် မြို့မရဲစခန်းသို့ သွားရောက် အဖမ်းခံခဲ့ကြောင်း တာဝန်ရှိသူ ရဲစခန်းမှူးက အတည်ပြုပြောဆိုခဲ့ပြီး ထိုအမှုကို ကေအဲန်ယူဘက်က လည်း မြို့မရဲစခန်းမှ တာဝန်ရှိသူများနှင့် သွားရောက်ညှိနှိုင်းပြောဆိုမည်ဟု သိရသည်။

 ကေအိုင်စီ
http://kicnews.org


ညောင်တုန်း ဩဂုတ် ၈

ဧရာဝတီမြစ်ရေ ဆက်လက် မြင့်တက်လာမှုကြောင့် ညောင်တုန်းမြို့နယ် အတွင်းရှိ ဆည်မြောင်း၊ တာတမံ အပြင်ဘက်ရှိ ကျေးရွာများရေကြီး နစ်မြုပ်လျက်ရှိသည်။ ညောင်တုန်း မြို့နယ်အနေဖြင့် ခေတ်အဆက်ဆက် ဧရာဝတီမြစ်ရေ ကြီးမြင့်ခဲ့သည့် ရေမှတ်များကို ကျော်လွန်ကာ ယခုနှစ်မြင့် တက်နေသည့် ရေမှတ်သည် အမြင့်ဆုံးဖြစ်သည်။ ယခင်နှစ် က ရေဘေးကြောင့် လိမ္မော်ရောင် အဆင့်ကြေညာခဲ့သော မြို့တစ်မြို့ ဖြစ် သည်။ ထိုစဉ်က အမြင့်ဆုံးရေမှတ်သည် ၂၅ ဒသမ ၈ ပေအထိ ရှိခဲ့ပြီး ယခုမြင့်တက်နေသော ရေမှတ်သည် ဩဂုတ် ၈ ရက် နံနက် ၁၀ နာရီထိ တိုင်းထွာချက်အရ ၂၆ ဒသမ ၃ ပေရှိသည်။

မြစ်ရေ မြင့်တက်မှုကြောင့် ညောင်တုန်းမြို့ပေါ်အနေဖြင့် စိုးရိမ်ဖွယ် မရှိသော်လည်း စံကင်းကျွန်းနှင့် ညောင်တုန်းကျွန်း ဒေသရှိ ဆည်မြောင်း၊ တာတမံများ၏ အပြင်ဘက်တွင် နေထိုင်ကြသော ကျုံတမာ၊ ပေစိ၊ ထိပ်ဝကြီး၊ မြမ္မပြာသာ၊ ဆင်ထုံးအရှေ့၊ စက္ကော့ရေလယ်၊ သပြုရေလယ်ကျွန်း၊ ကျုံရစ်၊ ဂန်ချောင်း-ထုံးဝ၊ ရန်ကင်းစံရာ၊ ဂုံမင်းဆိပ်၊ ပါလှဲ့နှင့် အလယ်ချောင်း ကျေးရွာများသည် အိမ်များ ရေမြုပ်၍ ကုန်းမြင့်ရာ သို့ ပြောင်းရွှေ့ နေထိုင်ကြရသည်။ အချို့ကျေးရွာများသည် ရွာလုံးကျွတ် နီးပါးရေမြုပ်ပြီး သောက်ရေနှင့် အစားအစာများ လိုအပ်လျက်ရှိသည်။

"အရင်နှစ်က မြစ်ရေကြီးတာကြောင့် အိမ်တွေရေမြုပ်လို့ အခုနှစ်မြှင့် ပြီး ဆောက်ထားပေမယ့် ယခင်နှစ်က ရေထက် ပိုမြင့်တက်လာတော့ ထပ်မြုပ်ပြန်ရော။ မြစ်ရေတွေကလည်း ရေနောက်တွေ၊ ကျိုချက် သောက် ရအောင်လည်း ထင်းတွေကစိုနေတော့ ချက်ပြုတ် စားရတာတောင် အခက်တွေ့နေကြတယ်။ သစ်သားတွေက ရေစိုနေတော့ ဝါးလုံး အခြောက်တွေကို ပိုင်းဖြတ်ပြီး ချက်နေကြရတယ်။ ကျွန်တော်တို့က ဆည်မြောင်းတာရဲ့ အပြင်ဘက်က ရွာတွေဆိုတော့ နှစ်စဉ်နှစ် တိုင်း ရေမြုပ်နေကြ ဆိုပေမယ့်လည်း ယခင် နှစ်တွေကထက် အခုနှစ်က ပိုဆိုးပါတယ်"ဟု ထိပ်ဝကြီး ကျေးရွာအုပ်စုမှ ဒေသခံတစ်ဦးက ပြောသည်။

မြို့နယ် သဘာဝဘေးအန္တရာယ် ကြိုတင် ကာကွယ်ရေး ကွပ်ကဲရေးရုံးကို လမ်း(၂၀)ထိပ် မြို့နယ် မီးသတ် ဦးစီးဌာနတွင် ဖွင့်လှစ်ထားရှိပြီး ဖုန်း ၀၄၆-၂၀၄၀၄၊ ၀၉-၉၆၀၂၂၇၃၅၉ တို့သို့ ဆက်သွယ် စုံစမ်းမေးမြန်း၍ လှူဒါန်းနိုင်ပြီး အလှူရှင်များ အနေဖြင့် အမှန်တကယ် ရေဘေး ဒုက္ခရောက်နေကြသော ပြည်သူများ လက်ဝယ်သို့ တိုက်ရိုက် သွားရောက် လှူဒါန်းသည် ဖြစ်စေ၊ ကွပ်ကဲရေးရုံးတွင် လှူဒါန်းသည်ဖြစ်စေ အလှူရှင်များ၏ ဆန္ဒအလျောက် ဆောင်ရွက်ပေးလျက် ရှိကြောင်း သိရသည်။

ဝင်းမြင့်ကျော်(ညောင်တုန်း)
MOI Webportal Myanmar
https://www.facebook.com/MOIWebportalMyanmar



ဒုတိယအကြိမ် ပြည်သူ့လွှတ်တော် ဒုတိယပုံမှန်အစည်းအဝေးကို ကျင်းပနေစဉ်။ Photo: Win Naung Toe/ RFA
လက်ရှိ ပညာရေးစနစ်ဟာ တွေးခေါ်မြော်မြင်မှုမရှိဘဲ အလွတ်ကျက်ဖြေနေရတဲ့ စနစ်ဖြစ်တာကြောင့် မှန်ကန်တဲ့ ပညာရေးမူဝါဒတစ်ရပ် ရေးဆွဲပေးဖို့ ပညာရေး ၀န်ကြီးဌာနထံ တိုက်တွန်းကြောင်းအဆိုကို ပြည်သူ့လွှတ်တော်မှာ တနင်္လာနေ့က တင်သွင်းလိုက်ပါတယ်။

အဆိုတင်သွင်းတဲ့ ပြည်သူ့လွှတ်တော်ကိုယ်စားလှယ် ဒေါက်တာလှမိုးက စာမေးပွဲလွှမ်းမိုးတဲ့ ပညာရေးစနစ် ကို ပြောင်းလဲဖို့ လိုအပ်ကြောင်း ပြည်သူ့လွှတ်တော် မှာ တင်ပြခဲ့ပါတယ်။

"စာမေးပွဲစနစ်ကိုဆန့်ကျင်တာလည်းမဟုတ်ပါဘူး၊ ကန့်ကွက်တာလည်းမဟုတ်ပါဘူး၊ စာမေးပွဲ ၁၀၀ ရာခိုင်နှုန်းအပြည့်နဲ့ ဆုံးဖြတ်တာဟာ နိုင်ငံပညာရေး၊ နိုင်ငံတော်ရဲ့ရည်ရွယ်ချက်၊ အမျိုးပညာရေးရဲ့ရည် ရွယ်ချက်တွေကို ဘယ်လိုမှအထောက်အပံ့မဖြစ်တာကို တင်ပြလိုခြင်းဖြစ်ပါတယ်၊ အဓိကကတော့ စာမေးပွဲ လွှမ်းမိုးတဲ့ ပညာရေးစနစ်ကို မဖြစ်စေလိုခြင်းဖြစ်ပါတယ်၊ စာမေးပွဲမေးတဲ့ မေးခွန်းအများစုမှာ လည်းကြည့်မယ်ဆိုရင် တွေးခေါ်မြော်မြင်မှုပါတဲ့ ပညာသင်ကြားခြင်း၊ တတ်မြောက်မှုစနစ်မဟုတ်ပဲနဲ့ ပုံနှိပ်စာအုပ်ထဲမှာပါတဲ့ဟာကို အလွတ်ကျက်၊ ပြီးရင်ပြန်ပြီးရေးနိုင်တဲ့ အလွတ်ကျက်ပညာရေးစနစ်ကိုပဲ ဦးတည်ထားခြင်းဖြစ်ပါတယ်"

ကျောင်းသူ၊ ကျောင်းသားတွေဟာ စာကိုအလွတ်ကျက်နေရတဲ့အတွက် တွေးခေါ်မှုအပိုင်းမှာ အားနည်း သွားကြောင်း၊ ကျောင်းသားမိဘတွေအနေနဲ့ သားသမီးတွေရဲ့စာမေးပွဲ အောင်မြင်စေရေး အတွက် ငွေကြေးတွေ ကို မတန်တဆသုံးစွဲနေကြောင်းတို့ကို ဒေါက်တာလှမိုး က တင်ပြခဲ့ပါတယ်။

ဒါ့အပြင် လေရှီးမဲဆန္ဒနယ် ပြည်သူ့လွှတ်တော်ကိုယ်စားလှယ် ဦးကျော်ဌေး ကလည်း ကျေးလက် ဒေသမှာရှိတဲ့ အခြေခံပညာကျောင်းတွေမှာ တာဝန် ထမ်းဆောင်နေတဲ့ ဆရာ၊ဆရာမတွေအတွက် ၀န်ထမ်းအိမ်ရာတွေ ကို ပြည်ထောင်စုအစိုးရရဲ့ဘတ်ဂျက်နဲ့ ဆောက်လုပ်ပေးဖို့၊ တစ်နိုင်ငံလုံး အတိုင်းအတာနဲ့ ခွင့်ပြုငွေချပေး ဖို့ ပြည်ထောင်စုအစိုးရထံ တိုက်တွန်းကြောင်း အဆိုတင်သွင်းခဲ့ပါတယ်။

အဲဒီအဆိုနှစ်ခုကို ကန့်ကွက်သူမရှိတဲ့အတွက် ဆွေးနွေးဖို့ အတည်ပြုလိုက်ပါတယ်။

RFA Burmese
http://www.rfa.org/burmese



ဖိလစ်ပိုင် သမ္မတ Rodrigo Duterte (Credit: AFP) 
ဖိလစ်ပိုင် ​သမ္မတအသစ် ​ရော်ဒရီကို ​ဒူတာတေးက ​တရားမဝင် ​မူးယစ်ဆေးဝါး ​ကုန်ကူးမှုတွေမှာ ​ပါဝင်တဲ့ ​အစိုးရ ​အရာရှိတွေ၊ ​ရဲတွေရဲ့ ​နာမည်စာရင်းကို ​ထုတ်ဖော်ပြီးတဲ့နောက် ​လူအယောက် ​၅၀ ​ကျော် ​ရဲစခန်းကို ​လာပြီး ​အဖမ်းခံခဲ့ကြပါတယ်။

ဖိလစ်ပိုင် ​သမ္မတက ​တရားမဝင် ​မူးယစ်ကုန်ကူးမှုမှာ ​ပါဝင်တဲ့ ​အစိုးရ ​အရာရှိ ​အယောက်ပေါင်း ​၁၆၀ ​လောက်ရှိတယ်လို့ ​တနင်္ဂနွေနေ့တုန်းက ​ပြောဆိုပြီးတဲ့နောက် ​မြို့တော်ဝန် ​၂၇ ​ဦး၊ ​ရဲ ​၃၁ ​ယောက်တို့ ​မနီလာမြို့က ​ရဲစခန်းကို ​လာရောက် ​အဖမ်းခံလိုက်ကြတာ ​ဖြစ်ပါတယ်။

၂၄ ​နာရီအတွင်းမှ ​အဖမ်းမခံရင် ​သတ်ပစ်မယ်လို့ ​သမ္မတက ​ပြောထားတဲ့အတွက် ​အစိုးရဝန်ထမ်း ​အယောက် ​၆၀ ​နီးပါး ​လာရောက်အဖမ်းခံကြတာပါ။

ဒါ့အပြင် ​နယ်တွေမှာ ​တာဝန်ထမ်းဆောင်တဲ့ ​အစိုးရ ​ဝန်ထမ်းတွေကလည်း ​၂၄ ​နာရီအတွင်း ​မနီလာမြို့အထိ ​မရောက်နိုင်မှာ ​စိုးလို့ ​ဆိုင်ရာ ​ရဲစခန်းမှာ ​မကြာခင် ​အဖမ်းခံမယ့်အကြောင်း ​ကြိုတင် ​အကြောင်းကြားထားကြတယ်လို့ ​ဆိုပါတယ်။

အစိုးရ ​အရာရှိတွေအပြင် ​မူးယစ်ကုန်ကူးမှုလုပ်တယ် ​ဆိုတဲ့ ​သမ္မတရဲ့ ​စာရင်းထဲမှာ ​စီးပွားရှင်တွေ၊ ​တရားသူကြီးတွေ၊ ​လွှတ်တော်အမတ်ဟောင်းတွေ၊ ​စစ်သားတွေလည်း ​ပါဝင်ကြပါတယ်။

သမ္မတ ​ဒူတာတေးဟာ ​မဲဆွယ် ​စည်းရုံးရေး ​ကာလကတည်းက ​သမ္မတ ​ဖြစ်လာရင် ​၆ ​လအတွင်း ​ရာဇာဝတ်သားတွေကို ​နှိမ်နင်းမယ်လို့ ​ပြောထားတဲ့အတိုင်း ​သမ္မတ ​သက်တမ်း ​၃ ​လအတွင်း ​မူးယစ်ကုန်ကူးတယ်လို့ ​ယူဆရသူ ​အယောက် ​၄၀၀ ​ကျော် ​ပစ်သတ်ခံရပြီ ​ဖြစ်ပါတယ်။

တချို့ ​သတင်းတွေမှာတော့ ​အယောက် ​၈၀၀ ​လောက် ​သေဆုံးရပြီလို့ ​ပြောပါတယ်။

လက်နက်ချ ​အဖမ်းခံတဲ့ ​ရဲတွေကို ​စုံစမ်းပြီး ​မူးယစ်ကုန်ကူးတာတွေ ​လုပ်တယ်လို့ ​အခိုင်အမာတွေ့ရှိရင်တော့ ​ထိုက်တန်တဲ့အပြစ် ​ပေးသွားမယ်လို့ ​ဖိလစ်ပိုင်ရဲ ​အရာရှိက ​ရိုက်တာ ​သတင်းကို ​ပြောပါတယ်။

သမ္မတ ​ဒူတာတေးရဲ့ ​မူဝါဒကို ​လူ့အခွင့်အရေး ​အဖွဲ့တွေက ​စိုးရိမ်မကင်း ​ဖြစ်နေကြပါတယ်။

ABC Radio Australia
http://www.radioaustralia.net.au/burmese


ဧရာဝတီတိုင်းဒေသကြီးအတွင်း ရေကြီးမှုရေလျှံမှုများကြောင့် သာပေါင်းမြို့နယ်ရှိ စာသင်ကျောင်း အားလုံးကို သြဂုတ် ၈ ရက်မှ စတင်၍ ပိတ်လိုက်ရပြီဖြစ်ကြောင်း သာပေါင်းမြို့နယ် ပညာရေးမှူးရုံးမှ သိရှိရသည်။

သာပေါင်းမြို့နယ်အတွင်း စုစုပေါင်းကျောင်း ၂၂၅ ရှိပြီး ရေကြီးရေလျှံမှုများကြောင့် သြဂုတ် ၈ ရက်မှ စတင်၍ ရေမြုပ်သည့် ကျောင်းများအပြင် အခြားကျောင်းများပါ ပိတ်လိုက်ရခြင်းဖြစ်သည်။

“ကျောင်းတွေအားလုံး ပိတ်လိုက်ပါပြီ။ ရေအခြေအနေက တော်တော်ဆိုးတော့ အဆင်မပြေတော့လို့ပါ” ဟု သာပေါင်းမြို့နယ် ပညာရေးမှူး ဒေါ်ဝင်းဝင်းတင်က ပြောသည်။

လက်ရှိ ရေဆက်လက် မြင့်တက်နေခြင်းကြောင့် ကျေးရွာအချို့တွင် စာသင်ကျောင်းများအား ကယ်ဆယ်ရေး စခန်းများအဖြစ် အသုံးပြုနေရကြောင်း သိရသည်။

“ရေဒီလောက်ကြီးနေတာ ကလေးတွေ ကျောင်းသွားဖို့ အဆင်မပြေတော့ဘူး။ အခန့် မသင့်ရင် အန္တရာယ် ဖြစ်နိုင်တယ်” ဟု သာပေါင်းမြို့နယ် ဆတ်သွားကျေးရွာမှ ကျောင်းသားမိဘ ဦးပြည့်လင်းက ပြောသည်။

သာပေါင်းမြို့နယ်အတွင်း ရပ်ကွက် ကျေးရွာအုပ်စုပေါင်း ၇၀ ရှိပြီး ဇူလိုင်မှစ၍ သာပေါင်းမြို့နယ်အတွင်း ကျေးရွာထက်ဝက်ကျော်မှာ ရေနစ်မြုပ်ခဲ့ပြီး သြဂုတ် ၈ ရက်အထိ ငဝန်မြစ်ရေသည် အန္တရာယ် ရေမှတ်ကို ကျော်၍ ၂၂.၂၀ ပေ အထိမြင့်တက်နေကြောင်း သိရသည်။

ဧရာဝတီတိုင်းဒေသကြီး မြို့နယ် ၈ မြို့နယ်တွင် ရေကြီးနစ်မြုပ်မှုများကြောင့် ဒေသခံ ၁၂၀၀၀ ခန့်သည် ကယ်ဆယ်ရေးစခန်းများတွင် ခိုလှုံနေရကြောင်း ဧရာဝတီတိုင်းဒေသကြီး အစိုးရအဖွဲ့မှ သိရသည်။

ဧရာဝတီတိုင်းဒေသကြီးအတွင်း ရေကြီးနစ်မြုပ်မှုများကြောင့် သြဂုတ် ၈ ရက်အထိ ပုသိမ်ခရိုင်၊ ဟင်္သာတခရိုင်၊ မအူပင်ခရိုင်များမှ လူဦးရေ ၃ သိန်းကျော် ရေဘေးဒဏ်ခံစားနေရကြောင်း တိုင်းဒေသကြီးအစိုးရအဖွဲ့ရုံးမှ
သိရသည်။

MMK
The Ladies News
https://www.facebook.com/News.TheLadies


ရန်ကုန်တိုင်းဒေသကြီး ၊ ဒလမြိုနယ်မှာ(၁၈)နှစ်အောက် မိန်းကလေးတစ်ဦး သားမယားအဖြစ် ပြုကျင့်ခံရတယ်ဆိုပြီး သြဂုတ်လ(၅)ရက်မှာ မိခင်ဖြစ်သူ က ရဲစခန်းကို လာရောက် အမှုဖွင့်ခဲ့ပါတယ်။

 အသက် ၁၅ နှစ်ကျော်အရွယ် သမီးဖြစ်သူ အမျိုးသမီးကိစ္စ မူမမှန်တာကြောင့် မေးမြန်းရာကနေ သားမယား အဖြစ်ပြုကျင့်ခံရတာကို သိရှိခဲ့တာဖြစ်တယ်လို့ မိခင်ဖြစ်သူက အမှုဖွင့်ရာမှာပြောဆိုခဲ့ပါတယ်။

 ဇူလိုင်လ ၂၇ ရက်နေ့ မွန်းတည့် ၁၂ နာရီအချိန်ခန့်က မိခင်ဖြစ်သူဈေးရောင်းသွားတဲ့အချိန် သမီးဖြစ်သူနေအိမ်မှာတစ်ဦးတည်း ရှိနေစဉ် ဈေးကူရောင်းပေးဖူးခဲ့သူ ဆိပ်ကြီးခနောင်တိုမြို့နယ်နေ အောင်ကိုလတ်(ခ) ကိုလတ် ရောက်ရှိလာပြီး နောက်ဖေးမီးဖိုခန်းမှာ သားမယားအဖြစ်ပြုကျင့်ခဲ့တယ်လို့ မိခင်ဖြစ်သူက ပြောထား ပါတယ်။

 အောင်ကိုလတ်(ခ) ကိုလတ် က ပြန်ပြောရင် သတ်ပစ်မယ်လို့လည်း ခြိမ်းခြောက်ပြောဆိုခဲ့တယ်လို့ တိုင်ချက်ထဲမှာ ရေးသားထားပါတယ်။

ဒီအမှုကိုဒလမြို့မရဲစခန်းကပြစ်မှုနံပတ်၃၉ဝ/၂၀၁၆ ရာဇသတ်ကြီးဥပဒေပုဒ်မ ၃၇၆ အရ အမှုဖွင့်စစ်ဆေးလျက်ရှိပါတယ်။

5 Plus News
https://www.facebook.com/5plusnews