08/14/16

မြန်မာအမျိုးသမီး အိမ်အကူ အလုပ်သမလေး ပြောင်ငိုက်ဒွန်း (၂၄) နှစ်ကို သတ်မှုဖြင့် အမှုရင်ဆိုင်နေရသော မူရှုဂါယန် (၃၆) နှစ်၏ ခင်ပွန်းဖြစ်သူ (၃၇) အရွယ် ရဲဖြစ်သူ ကီဗင်ချာလ်ဗမ်ကို သက်သေခံပစ္စည်း ဖျောက်ဖျက်မှု၊ ကိုယ်ထိလက်ရောက် ကျူးလွန်မှုတွေနဲ့ သြဂုတ်လ (၁၁) ရက်နေ့က ဖမ်းဆီးလိုက်ပြီး စင်္ကာပူတရားရုံးတွင် တရားစွဲဆိုလိုက်ပါတယ်၊ ၄င်းကို ပြီးခဲ့တဲ့ တနင်္လာနေ့ထဲက အလုပ်တာဝန်မှ ရပ်စဲထားတာဖြစ်ပါသည်။

အိမ်အကူအလုပ်သမလေး မသေဆုံးမီ ဇွန်လ ၂၄ ရက်နေ့က ကီဗင်ချာလ်ဗမ်သည် ကောင်မလေးကို ခြေထောက်လွတ်အောင် ဆံပင်ကနေ ဆွဲကိုင်မြှောက်ပြီး ကိုယ်တိုင်ကိုယ်ကျ နှိပ်စက်ခဲ့ခြင်း၊ ဇွန်လိုင်လ ၂၃ ရက်နေ့က သူမ၏ ပုခုံးကို ဘတ်တံဖြင့် ရိုက်ပြီး နှိပ်စက်ခဲ့ခြင်း၊ ရဲအရာရှိကို မမှန်မကန်ထွက်ဆိုခြင်းနှင့် သက်သေခံပစ္စည်းဖြစ်သော CCTV ကင်မရာနှင့် အချက်အလက်များကို ဖျောက်ဖျက်ခြင်း စသည့် စွဲချက် ၄ ချက်ဖြင့် တရားစွဲဆိုခဲ့တာဖြစ်ကြောင်း သိရှိရပါသည်။

CCTV ကင်မရာနှင့် အချက်အလက်များကို ဖျောက်ဖျက်ရာတွင် ယောက္ခမဖြစ်သူ ပရီမာအက်နာရေနာဆာမီနှင့်အတူ ပူပေါင်းဖျောက်ဖျက်ခဲ့တာဖြစ်တယ်လို့ ဆိုပါတယ်။ ရဲအရာရှိထံ အစစ်ခံရာ၌ ထို CCTV ကင်မရာဟာ လွန်ခဲ့တဲ့ ခြောက်လထဲက နေရာတွင် မရှိပါဟု လိမ်ညာထွက်ဆိုခဲ့တယ်လို့ဆိုပါသည်။

သေဆုံးသူ အိမ်အကူ အလုပ်သမလေး ပြောင်ငိုက်ဒွန်းရဲ့ ခန္ဓာကိုယ်မှာ တွေ့ရတဲ့ အတွင်းကြေဒဏ်ရာတွေအရ သူမဟာ အကြိမ်ကြိမ် နှိပ်စက်ညှဉ်းပန်းခံခဲ့ရပြီး သေဆုံးခဲ့တယ်ဆိုတာ ဖေါ်ပြနေတယ်လို့ စင်္ကာပူသတင်းဌာန CNA က သိရှိကြောင်းတင်ပြထားပါသည်။

သူရဲ့ ဇနီးဖြစ်သူ မူရှုဂါယန် (၃၆) နှစ်နှင့် ယောက္ခမဖြစ်သူ ပရီမာအက်နာရေနာဆာမီ (၅၈) နှစ်တို့ဟာလည်း မြန်မာအမျိုးသမီး အိမ်အကူ အလုပ်သမလေးကို သတ်မှုဖြင့် တရားရင်ဆိုင်နေရပါသည်။

ထိုအမှုကို စင်္ကာပူရဲတပ်ဖွဲ့အနေနဲ့ စံပြအနေဖြင့် ဆောင်ရွက်မှာဖြစ်ကြောင်း သိရှိရပါတယ်၊ စင်္ကာပူတွင် လူသတ်မှုကျူးလွန်ရင် သေစားသေစေ စီရင်တဲ့အတွက် ရည်ရွယ်ချက်ရှိရှိဖြင့် သတ်သည်ဟု ပြစ်မှုထင်ရှားလျှင် ပြစ်မှုကျူးလွန်သူ သားအမိသည် သေဒဏ် (သို့) ထောင်ဒဏ် တသက် ကျခံရမည်ဖြစ်ကြောင်း သိရှိရပါသည်။

============

Ref : CNA News
ကိုစိန်သန်း

လူမှုဝန်ထမ်းကယ်ဆယ်ရေးနဲ့ ပြန်လည်နေရာချထားရေးဝန်ကြီး ဒေါက်တာဝင်းမြတ်အေး ရေဘေးကူညီကယ်ဆယ်ရေးခရီးစဉ်။
လူမှုဝန်ထမ်းကယ်ဆယ်ရေးနဲ့ ပြန်လည်နေရာချထားရေးဝန်ကြီး ဒေါက်တာဝင်းမြတ်အေး ရေဘေးကူညီကယ်ဆယ်ရေးခရီးစဉ်။

ရက်(၁၀၀)အတွင်း စိန်ခေါ်မှုတွေ အများကြီးထဲက အကောင်းဆုံးဖြစ်အောင် လုပ်ခဲ့သလို ရက်(၁၀၀)မှာ အစပျိုးခဲ့တဲ့ မပြီးပြတ်သေးတဲ့ ဆက်လုပ်ဆောင်ရဦးမယ့် စီမံချက်တွေကိုလည်း ပြည်သူ့အကျိုးအတွက် အဓိက ထားဆောင်ရွက် သွားဖြစ်တယ်လို့ လူမှုဝန်ထမ်းကယ်ဆယ်ရေး နဲ့ပြန်လည် နေရာချထားရေး ဝန်ကြီးက ပြောဆိုလိုက်ပါတယ်။ အမျိုးသားဒီမိုကရေစီအဖွဲ့ချုပ် NLD အစိုးရသစ်လက်ထက် ဝန်ကြီးဌာနအသီးသီးက အစိုးရသစ်ဖွဲ့ပြီး ရက်ပေါင်း(၁၀၀) အတွင်း ဝန်ကြီးဌာနတွေရဲ့ လုပ်ဆောင်ချက်တွေနဲ့ပတ်သက်လို့ ပြည်သူအများ သိရှိအောင် သတင်းစာရှင်းလင်းပွဲတွေ လုပ်ပြီး ရှင်းလင်းပြခဲ့ရမှာ ဒီကနေ့မှာတော့ လူမှုဝန်ထမ်းကယ်ဆယ်ရေးနဲ့ပြန်လည်နေရာချထားရေးဝန်ကြီးဌာနကလည်း သူတို့ဆောင်ရွက်ခဲ့တာတွေနဲ့ ပတ်သက်လို့ သတင်းစာရှင်းလင်းခဲ့ပါတယ်။

ရက်(၁၀၀) သက်တမ်းအတွင်း လူမှုဝန်ထမ်းကယ်ဆယ်ရေး နဲ့ ပြန်လည်နေရာချ ထားရေး ဝန်ကြီးဌာန ကြုံခဲ့ရတဲ့ စိန်ခေါ်ချက်တွေနဲ့ပတ်သက်လို့ လူမှုဝန်ထမ်း ကယ်ဆယ်ရေး နဲ့ပြန်လည်နေရာချထားရေး ဝန်ကြီး ဒေါက်တာ ဝင်းမြတ်အေးကို သတင်းစာရှင်းလင်းပွဲပြီးပြီးချင်းမှာပဲ ဗွီအိုအေမြန်မာပိုင်း မဆုမွန်က ဆက်သွယ်မေးမြန်း ခဲ့ပါတယ်။ ရက်(၁၀၀) ကာလအတွင်း ထူးထူးခြားခြား လုပ်ဆောင်ဖြစ်ခဲ့တဲ့ စီမံဆောင်ရွက်ချက်တွေကို ဒေါက်တာဝင်းမြတ်အေးက အခုလို စရှင်းပြပါတယ်။
ဒေါက်တာဝင်းမြတ်အေး။ ။ ရက်(၁၀၀)အတွင်းမှာ လူမှုကိစ္စတွေရှိတယ်။

ကာကွယ်ရေးနဲ့ ပြန်လည်နေရာချထားရေးကိစ္စတွေရှိတယ်။ နှစ်ခုပေါ့နော်။ ကျနော်တို့ ဝန်ကြီးဌာနက။ အဲ့တော့ လူမှုနဲ့ပတ်သက်ရင် ကျနော်တို့ လုပ်ဆောင်ခဲ့တဲ့အချက်တွေက ကျနော်တို့ဘာသာ ကျနော်တို့ စီမံချက်တွေရှိခဲ့တယ်။ သို့သော်လည်း စီမံချက်ထဲမှာ လုပ်ဆောင်နိုင်ခဲ့တာတွေက
ရာနှုန်းပြည့် လုပ်ဆောင်နိုင်ခဲ့တာရှိတယ်။ ရာနှုန်းမပြည့်တာရှိတယ်။ အဲ့ဒီ့တော့ စိန်ခေါ်ချက်အနေနဲ့ ပြောရမယ်ဆိုရင် လမ်းပေါ်နေ ကလေးများ၊ တောင်းရမ်း စားသောက်သူများတို့ အမှီခိုမဲ့လူကြီးများတို့ နော် အဲ့လိုမျိုး လမ်းပေါ်မှာ ရောက်နေ တဲ့သူတွေပေါ့နော် အဲ့လိုမျိုး အကာအကွယ်မဲ့ ခဲ့သူတွေရှိတယ် အဲ့တာတွေကို ကျနော်တို့က ပပျောက်စေချင်တယ် လမ်းပေါ်ကနေပြီးတော့လေ။ ပပျောက်စေချင်တော့ ကျနော်တို့က တိုင်းဒေသကြီး အစိုးရအဖွဲ့တွေနဲ့ ပူးပေါင်းဆောင်ရွက်တယ် ဆောင်ရွက်တော့ အများဆုံးအဲ့လိုဖြစ်နေတဲ့နေရာတွေက ရန်ကုန်တိုင်းနဲ့ မန္တလေးတိုင်းပေါ့။ အဲ့တော့ ရန်ကုန်တိုင်းနဲ့ မန္တလေးတိုင်းမှာ ကျနော်တို့က အခြေခံအချက်တွေကို စစ်ဆေးတာပေါ့နော်။ အဲ့ဒီ့အဆင့်ကို ရောက်ခဲ့တယ်။

ကျနော်တို့ရဲ့ စိန်ခေါ်မှုက ဘာလဲဆိုတော့ ဒါတွေကို ကျနော်တို့ရှင်းအောင် ကျနော်တို့ မလုပ်နိုင်သေးဘူး။ ဒါဟာ ကျနော်တို့အတွက် ရက်(၁၀၀) ထဲမှာ ကျန်ရှိနေသေးတဲ့ စိန်ခေါ်မှု တရပ်ပဲ။ အဲ့တော့ ကျနော်တို့ အခက်အခဲက လူမှုပြဿနာပေါင်းစုံဖြစ်နေပြီးတော့ လမ်းမပေါ်ရောက်နေတဲ့ကိစ္စတွေပေါ့ ဒါတွေကို ရှင်းလင်းဖို့ဆိုရင် ကျနော်တို့က ဥပမာ ဌက်အော်စမ်း တစ်နေရာပဲ ရှိတယ် နောက်ထပ် ဌက်အော်စမ်း နှစ်နေရာ သုံးနေရာဖြစ်အောင် ကျနော်တို့က လုပ်ရမယ်။ အမျိုးသမီးစောင့်ရှောက်ရေးဂေဟာ တခုရှိတယ် ရန်ကုန်တိုင်းမှာဆိုရင် အဲ့တာ နောက်ထပ် နှစ်ခု၊ သုံးခု လုပ်ရမယ် စသဖြင့်ပေါ့ အဲ့လိုပြန်လည်ထူထောင်ရေးတွေ လုပ်ရမယ်။ အဲ့ကျလို့ရှိရင် ဘတ်ဂျက်အင်အားတွေ လိုမယ်။ လူအင်အားတွေလည်း ကျနော်တို့ လိုလာပြီ။ အဲ့တော့ ဒါတွေကို ကျနော်တို့ စီမံချက်နဲ့ လုပ်နေပြီ။
နိုင်ငံတော်အတိုင်ပင်ခံပုဂ္ဂိုလ်ကလည်း ကျနော်တို့ကို ပြောတယ်။ စီမံချက်သာရေးပါ။ စီမံချက်သာ တင်ပါ။ ဘတ်ဂျက်ကိစ္စကို ဖြေရှင်းပေးပါ့မယ်။ ဒါမျိုးပြောထားတယ်။ လုပ်ရင်လည်း ရဲရဲလုပ်။ ပြတ်ပြတ်သားသားလုပ်။ ဒါကလည်း စိန်ခေါ်မှုကိုရင်ဆိုင်နေရတာ ကျနော်တို့။ ဒါကတော့ လူမှုနဲ့ပတ်သက်ရင် လတ်တလောပေါ့။

မဆုမွန်။ ။ မြန်မာနိုင်ငံတဝှမ်း အဓိက တိုင်းနဲ့ပြည်နယ်ကြီးလေးခုမှာ လူသိန်းချီ ရေဘေးဒဏ်သင့်နေရတဲ့ လက်ရှိအခြေအနေမှာပေါ့ ဝန်ကြီးတို့အနေနဲ့ ဘာတွေများ အဓိကဦးစားပေးစီစဉ်ဆောင်ရွက်ပေးခဲ့တာတွေရှိပါသလဲရှင့်။
ဒေါက်တာဝင်းမြတ်အေး။ ။ အဓိက ကတော့ ဒီလိုမျိုး ရေဘေးသင့်တဲ့အချိန်မှာ သဘာဝဘေးအန္တရာယ် စီမံခန့်ခွဲမှု ကော်မတီဆိုတာ ဗဟိုကနေ ရပ်ကွက်အထိ အဆင့်ဆင့်ရှိတယ်။ နောက်ပြီးတော့ ကွပ်ကဲရေးရုံးတွေမှာ လွှတ်တော် ကိုယ်စားလှယ်တွေရှိတယ်။ လူမှုအဖွဲ့အစည်းတွေ ရှိတယ်။ နောက်ပြီးတော့ အထွေထွေ အုပ်ချုပ်ရေးဦးစီးကသူတွေရှိတယ်။ နောက်ပြီးတော့ ကျနော်တို့ဆီက လူကယ်ပြန်က လူတွေရှိတယ်။ ဒါပေမဲ့ လူကယ်ပြန်က တိုင်းမှာပဲရှိတယ်။ အောက် အထိ မရှိသေးဘူး။ လူအင်အားနည်းတယ်။ အဲ့တော့ ကျနော်တို့ လူမှုအဖွဲ့အစည်းကလူတွေရှိတယ်။ ပြည်သူ့ရဲတွေရှိတယ်။ ကြက်ခြေနီတွေရှိတယ်။ တပ်မတော်ရှိတယ်။ အကုန်လုံး ပူးပေါင်းပြီး ဆောင်ရွက်ကြ တယ်။
အဲ့လိုလုပ်တဲ့အခါမှာ ကျနော်တို့ရဲ့ဆောင်ရွက်ချက်က ဘာလဲဆိုရင် အဲ့ဒီ့အချိန်အခါမှာ အလိုအပ်ဆုံးက စားနပ်ရိက္ခာပဲ။ အဲ့ဒီ့အချိန်မှာ သူတို့ အလုပ်မလုပ်နိုင်ဘူး။ အလုပ်မသွားနိုင်ဘူး။ ဆိုရင် စားနပ်ရိက္ခာအရေးကြီးတယ် ဆိုတော့ ကျနော်တို့က အဓိက ကတော့ ဆန်တို့ ငါးသေတ္တာတို့ ရေသန့်တို့ စသဖြင့် ဒါတွေကို ထောက်ပံ့ဖို့အဓိက အနေနဲ့ လုပ်ခဲ့တယ်။ အဓိက ကတော့ ဆန်ပေါ့နော်။ မနက်တလုံး ညတလုံး လူတစ်ယောက်ကို တွက်တယ်။ ကြီးကြီးငယ်ငယ် ဒီလိုပဲ တွက်တယ်။ အဲ့လိုနည်းနဲ့ ကျနော်တို့ တွက်ပြီး ပေးတယ်။

ပြီးတဲ့အခါကျတော့ သူတို့ ဘယ်လောက်တောင် ဘယ်လောက်ကျမှ အလုပ်ပြန်လုပ်နိုင်မှာလဲ၊ ဘယ်တော့မှ သူတို့ ဝင်ငွေပြန်ရမှာလဲ။ အဲ့ဒီ့အပေါ်မှာ မူတည်ပြီး ကျနော်တို့ ပေးနေတယ် သုံးရက်စာ မကဘူး။ တစ်ပတ်နေမှ ရေပြန်ကျမယ့်နေရာကို တစ်ပတ်ပေးတယ်။ တစ်ပတ်နေ ရေပြန်မကျတဲ့နေရာတွေကို ကျနော်တို့ နောက်ထပ် တစ်ပတ်စာ လိုက်ပေးနေပြီ။ တချို့စခန်းတွေ ပိတ်သိမ်းလိုက်လို့ သူ့နေရာ သူပြန်သွားပြီ အဲ့ဒီ့အခါကျရင် သူတို့အဆင်ပြန်ပြေသွားပြီ။ အဲ့ဒီ့တော့ ကျနော်တို့ အလုပ်နိုင်ဆုံးသည် ရိက္ခာထောက်ပံ့တာ အလုပ်နိုင်ဆုံးပဲ။
စိန်ခေါ်မှုကို မေးလို့ စိန်ခေါ်မှု ထပ်ပြောချင်သေးတယ်။ ဘာလဲဆိုတော့ ဒီကျနော်တို့ ထောက်ပံ့တဲ့ပစ္စည်းသည် ချက်ခြင်းဖြစ် ချက်ခြင်း သွားထောက်ပံ့မယ်။ ဒါပေမဲ့ အဲ့ဒီ့ပစ္စည်း အဲ့လူတွေလက်ထဲ ရောက်ဖို့ အခက်အခဲရှိတယ်။ ဘာကြောင့်လဲဆိုတော့ ကျနော်တို့မှာ ဝန်ထမ်းအင်အားနည်းပါးတယ်။ အဲ့တော့ ဘယ်သူတွေက ကူညီလဲဆိုတော့ လူမှုအဖွဲ့အစည်းတွေက ကူညီတယ်။ ဒါပေမဲ့ ချက်ခြင်းရောက်လာရင်တော့ နည်းနည်းချိတ်ဆက်ရတာ ခက်ခဲနေသေးတယ်လို့။

မဆုမွန်။ ။ လူမှုဝန်ထမ်းကယ်ဆယ်ရေးနဲ့ ပြန်လည်နေရာချထားရေးဝန်ကြီးဌာနရဲ့ ဝန်ကြီးအနေနဲ့ အများပြည်သူကို ရက်(၁၀၀) အလွန် ရှေ့ဆက်ဆောင်ရွက်မယ့် စီမံမှုတွေနဲ့ပတ်သက်လို့ ဗွီအိုအေကနေတဆင့် ဘာများ အမှာစကားပါးချင်ပါလဲရှင့်။
ဒေါက်တာဝင်းမြတ်အေး။ ။ ဗွီအိုအေကနေတဆင့် ကျနော်တို့ လူမှုဝန်ထမ်းပြန်လည်နေရာချ ထားရေးဝန်ကြီးဌာနအနေနဲ့ ရက်(၁၀၀) အလွန် ဆောင်ရွက်ချက် ဆိုတာက ပြောရရင်တော့ တကယ်တော့ ရက်(၁၀၀) ဆိုတာ ကျနော်တို့က အရှိန်အဟုန်နဲ့ ဆောင်ရွက်ဖို့ ကျနော်တို့ အစိုးရအဖွဲ့အသစ် အနေနဲ့ ပြည်သူကို ဘယ်လောက် အကျိုးရှိအောင် ဆောင်ရွက်နိုင် မလဲ ဆိုတဲ့အထဲကရွေးပြီးတော့ အမြန်ဆုံးအကောင်အထည်ဖော်နိုင်မယ့်နည်းလမ်းကို ရက်(၁၀၀) ဆိုပြီးတော့ နာမည်တပ်လိုက်တယ်။ ရက်(၁၀၀) မှာ တချို့ကိစ္စတွေက ရက်(၁၀၀)မှာ ဖြတ်သွားတာရှိတယ်။ တချို့ကိစ္စတွေက ရက်(၁၀၀)မှာ စနိုင်တာပဲရှိတယ်။

အဲ့တော့ ရက်(၁၀၀) အလွန်မှာ ဘာလုပ်မလဲဆိုတော့ ပြည်သူ့အကျိုး တိုက်ရိုက်ရှိမယ့် လုပ်ငန်းတွေကို ကျနော်တို့ ချပြထားတာတွေရှိတယ်။ ဒါကို (၁၆)ရက်နေ့ကျရင် ရှင်းလင်းပွဲမှာ ရှင်းလင်းမှာဖြစ်တယ်။ အဲ့အချက်အလက်တွေကို ရက်(၁၀၀) မှာ မပြတ်ဘူး ဆိုတဲ့ ကိစ္စတွေကို ပြီးပြတ်အောင် ဆောင်ရွက် မယ်။ ပြည်သူအကျိုးကို ထိထိရောက်ရောက်အောင် ကျနော်တို့ ဆောင်ရွက်မယ်။ ရက်(၁၀၀)မှာ စပဲ စနိုင်တဲ့လုပ်ငန်းတွေကိုလည်း ထိထိရောက်ရောက် ဆက်ပြီးတော့ ဆောင်ရွက်နိုင်အောင် ကျနော်တို့ ကြိုးစားမယ်။ အဲ့ဒီ့တော့ ပြည်သူအားလုံးပူးပေါင်းပါဝင်ပေးပါလို့ ပြောချင်တယ်။

သတင်းစာရှင်းလင်းပွဲအပြီးမှာပဲ လူမှုဝန်ထမ်း ကယ်ဆယ်ရေးနဲ့ ပြန်လည်နေရာချ ထားရေးဝန်ကြီး ဒေါက်တာဝင်းမြတ်အေးကို မဆုမွန်က ဆက်သွယ်မေးမြန်းခဲ့ တာဖြစ်ပါတယ်။

မြန်မာနိုင်ငံတဝှမ်း ပြည်နယ်နဲ့တိုင်းဒေသတချို့မှာ အပူချိန်မြင့်မားပြီး မိုးခေါင်လို့ တချို့ဒေသတွေမှာ သောက်သုံးရေရှားပါးမှုပြဿနာ နောက် မိုးများရေကြီးပြီး လူသိန်းနဲ့ချီ ရေဘေးဒဏ်သင့်ရတာ စတဲ့ သဘာဝဘေးအန္တရာယ်တွေနဲ့ကြုံနေရတဲ့ အချိန်တွေမှာ NLD ဦးဆောင်တဲ့ အရပ်သား အစိုးရသစ်လက်ထက် လူမှုဝန်ထမ်းကယ်ဆယ်ရေး နဲ့ပြန်လည် နေရာချထားရေး ဝန်ကြီးကိုယ်တိုင် ဦးဆောင်ပြီး သဘာဝဘေးဖြစ်ပွားခဲ့တဲ့နေရာတွေအထိ သွားရောက် ကူညီပေးခဲ့တာတွေရှိခဲ့ပါတယ်။

မဆုမွန်
VOA Burmese News



( နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကိုတွေ့ရစဉ်) Photo: RFA
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ မနက်ဖြန် ကျင်းပမယ့် ပြည်ထောင်စု ငြိမ်းချမ်းရေးဆွေးနွေးမှုပူးတွဲ ကော်မတီ UPDJC အစည်းအဝေးကို တက်ရောက်မှာဖြစ်ပြီး ကျန်းမာရေး အခြေအနေ ကောင်းမွန်ကြောင်း အတိုင်ပင်ခံပုဂ္ဂိုလ်ရဲ့ မိသားစုဆရာဝန်ဖြစ်တဲ့ ဒေါက်တာတင်မျိုးဝင်း က ပြောပါတယ်။

ဒေါ်အောင်ဆန်းစုကြည် ကျန်းမာရေးမကောင်းဘူးဆိုတဲ့ သတင်းတွေထွက်ပေါ်နေတာနဲ့ပတ်သက်ပြီး မေးမြန်းရာမှာ ဒေါက်တာတင်မျိုးဝင်းက ပြောတာဖြစ်ပါတယ်။

ဒေါက်တာတင်မျိုးဝင်းဟာ ငြိမ်းချမ်းရေးကော်မရှင်မှာ တာဝန်မယူခင် ဒေါ်အောင်ဆန်းစုကြည်ရဲ့ မိသားစုဆရာဝန်အဖြစ်ဆောင်ရွက်ခဲ့တာဖြစ်သလို လက်ရှိမှာလည်းဒေါ်အောင်ဆန်းစုကြည်ရဲ့ ကျန်းမာရေးနဲ့ ပတ်သက်ပြီး ကြည့်ရှုပေးနေတာဖြစ်ပါတယ်။

ဒေါ်အောင်ဆန်းစုကြည်ဟာ ပြည်ထောင်စုငြိမ်းချမ်းရေးဆွေးနွေးမှုပူးတွဲကော်မတီ UPDJC မှာ ဥက္ကဌအဖြစ် တာဝန်ယူထားတာဖြစ်ပါတယ်။

UPDJC အစည်းအဝေးမှာ ၂၁ ရာစုပင်လုံညီလာခံကို တက်ရောက်နိုင်မယ့်သူတွေစာရင်းနဲ့ အစည်း အဝေးကျင်းပမယ့်ရက်နဲ့ အစည်းအဝေးကျင်းပမယ့် ကာလကို အတည်ပြုသွားဖို့ရှိပါတယ်။

RFA Burmese
https://www.facebook.com/rfaburmese



( ကရင်ရိုးရာ ၀ါခေါင်လ ချည်ဖြူဖွဲ့မင်္ဂလာပွဲကို သြဂုတ်လ ၁၄ ရက်နေ့က ရန်ကုန်မြို့ ဗဟန်းမြို့နယ်က ကရင်ပြည်နယ် ကျက်သရေဆောင်ကျောင်းမှာ ကျင်းပနေစဉ် ) Photo: Kyaw Lwin Oo/ RFA
အစိုးရသစ်လက်ထက်မှာ တိုင်းရင်းသားရိုးရာယဉ်ကျေးမှု ဖော်ဆောင်တဲ့ အရေးကိစ္စတွေ ကို အားပေးကူညီသွားမယ်လို့ ရန်ကုန်တိုင်းဒေသကြီး ကရင်တိုင်းရင်းသားရေးရာဝန်ကြီး နော်ပန်းသဉ္ဇာမျိုး က ပြောပါတယ်။

ဒီနေ့ ရန်ကုန်မြို့ ဗဟန်းမြို့နယ်က ကရင်ပြည်နယ် ကျက်သရေဆောင်ကျောင်းမှာ ကျင်းပတဲ့ ကရင်ရိုးရာ ၀ါခေါင်လ ချည်ဖြူဖွဲ့မင်္ဂလာပွဲမှာ ကရင်တိုင်းရင်းသားရေးဝန်ကြီး နော်ပန်းသဉ္ဇာမျိုးက ပြောပါတယ်။

ပြီးခဲ့တဲ့ ၂၉ နှစ်ကတည်းက ကရင်ပြည်နယ် ကျက်သရေဆောင် ဘုန်းတော်ကြီးကျောင်းမှာ ကရင်ရိုးရာပွဲတွေ ကျင်းပပြုလုပ်ခဲ့တာဖြစ်ပါတယ်။ ကရင်ရိုးရာ လက်ချည်ပွဲ ခေါ် ၀ါခေါင်လ ချည်ဖြူဖွဲ့ ပွဲကို နှစ်စဉ်ဝါခေါင်လဆန်း ၁ရက်နေ့ကနေ လပြည်နေ့အထိ ကျင်းပကြတာဖြစ်ပါတယ်။

ကရင်တိုင်းရင်းသားတွေမှာ ဝါခေါင်လချည်ဖြူဖွဲ့၊ ထိမ်းမြားမင်္ဂလာချည်ဖြူဖွဲ့နဲ့ လိပ်ပြာခေါ်ချည်ဖြူဖွဲ့ ဆိုပြီး ချည်ဖြူဖွဲ့ ၃မျိုးရှိပါတယ်။

ဝါခေါင်လဟာ မကောင်းဆိုးဝါးတွေ ပျော်မြူးတဲ့လဖြစ်တာကြောင့် ရှေးကရင်လူကြီးသူမတွေက သားသမီးတွေကို အကာအကွယ်ပြုတဲ့အနေနဲ့ လက်ကောက်ဝတ်မှာ ချည်ဖြူခင် အပါအ၀င် အဆောင်အယောင် ၇ မျိုးနဲ့ ချည်ဖြူ ဖွဲ့ပေးတဲ့ဓလေ့ဖြစ်ပါတယ်။

RFA Burmese
https://www.facebook.com/rfaburmese



ထိုင်းနိုင်ငံတွင် သြဂုတ် ၁၂ ရက်ကဖြစ်ပွားခဲ့သောဗုံးပေါက်ကွဲမှုမြင်ကွင်း အားတွေ့ ရစဉ်(ဓာတ်ပုံ-အင်တာနက်)
    ကွာလာလမ်ပူ ၊ သြဂုတ် ၁၄ရက်(ဆင်ဟွာ)

    ထိုင်းနိုင်ငံ၌ သြဂုတ်လ ၁၁ ရက် နှင့် ၁၂ ရက်များတွင်ဖြစ်ပွားခဲ့သော ဗုံးပေါက်ကွဲမှုများ၏ တရားခံကိုဖမ်းဆီးနိုင်ရေးအတွက် ဖုန်းခေါ်ဆိုမှုများကို ခြေရာခံစုံစမ်းနိုင်ရန် မလေးရှားနိုင်ငံက ကူညီပေးစေလိုကြောင်း ထိုင်းနိုင်ငံလုံခြုံရေးတပ်ဖွဲ့ ဝင်များက တောင်းဆိုလိုက်ကြောင်း Bernama သတင်းဌာနက သြဂုတ် ၁၄ ရက်တွင် ရေးသားဖော်ပြလိုက်သည်။

စုံစမ်းစစ်ဆေးချက်များအရ ဗုံးပေါက်ကွဲမှုသည် မလေးရှားနိုင်ငံ နှင့်ဆက်နွယ်မှုရှိကြောင်း ၊ ဖူးခတ်ပြည်နယ်တွင် ပေါက်ကွဲခဲ့သော ဗုံးမှာ ဖုန်းဖြင့် အဝေးမှထိန်း၍ ဖောက်ခွဲခဲ့ခြင်းဖြစ်ပြီး ၄င်းဖုန်းသည် မလေးရှားနိုင်ငံ ဆက်သွယ်ရေး နှင့် မာတီမီဒီယာကော်မရှင်မှ ထုတ်လုပ်ဖြန့် ချိထားသော နံပတ်စဉ်များဖြစ်ကြောင်း သိရသည်။

အဆိုပါ ဖုန်း၏ မူလပိုင်ရှင်ကို ဖော်ထုတ်ပေးရန် မလေးရှားလုံခြုံရေးတပ်ဖွဲ့ ဝင်များအား ထိုင်းထောက်လှမ်းရေးသမားများက တောင်းဆိုထားကြောင်း Bernama သတင်းတွင်ဖော်ပြထားသည်။

၎င်းဖုန်းများကို ဗုံးဖောက်ခွဲရာတွင် အဝေးထိန်းခလုတ်အဖြစ်အသုံးပြု၍ ထိုင်းနိုင်ငံ ဖူးခတ် နှင့် ဟွာဟင်းတို့ ၌ ကြိမ်ဖန်များစွာ ဖောက်ခွဲမှုများပြုလုပ်ခဲ့ခြင်းဖြစ်သည်။အဆိုပါ ဖောက်ခွဲမှုများကြောင့် အနည်းဆုံး လူလေးဦးသေဆုံးပြီး ၃ဝ ကျော်ထိခိုက်ဒဏ်ရာရခဲ့ကြောင်းသိရသည်။

သို့ သော်ဖုန်းခြေရာခံ၍ တရားခံအားဖော်ထုတ်ရန် မလွယ်ကူကြောင်း ၊ အဘယ်ကြောင့်ဆိုသော် ၄င်းလက်ကိုင်ဖုန်းကို ပိုင်ရှင်များစွာ လက်လွှဲအသုံးပြုခဲ့၍ ဖြစ်ကြောင်း သတင်းအရင်းအမြစ်များက ပြောသည်။

အကြမ်းဖက်ဝါဒ ဆက်စပ်မှုများကို ထိုင်းနိုင်ငံဗုံးခွဲမှုများတွင် မတွေ့ ရသော်လည်း အာဆီယံနိုင်ငံများအကြား ထောက်လှမ်းရေးသတင်းစုဆောင်းခြင်း နှင့် သတင်းဖလှယ်ခြင်းများကို ပြုလုပ်ရန် အလွန်အရေးကြီးကြောင်းကို ယခုဖြစ်ရပ်က ပြသနေသည်ဟု သတင်းများက ဆိုသည်။

မလေးရှားနိုင်ငံဒုတိယဝန်ကြီးချုပ် Ahmad Zahid Hamidi က ပြီးခဲ့သော ရက်သတ္တပတ်တွင် မလေးရှား၊အင်ဒိုနီးရှား နှင့် စင်ကာပူနိုင်ငံများအကြား ထောက်လှမ်းရေးသတင်းများ အချင်းချင်းဖလှယ်နိုင်ခဲ့ခြင်းကြောင့် စင်ကာပူနိုင်ငံ မာရီနာပင်လယ်ကမ်းခြေအား ဒုံးကျည်ဖြင့် ပစ်ခတ်မည့်အန္တရာယ်ကို အချိန်မီတားဆီးနိုင်ခဲ့ကြောင်းပြောကြားခဲ့ပြီး အသေးစိတ်အချက်အလက်ကိုမူ  ထုတ်ဖော်ပြောဆိုခြင်းမရှိကြောင်းသိရသည်။

(Xinhua)
http://www.xinhuamyanmar.com



 အစိုးရတပ် ရဲ့ လေကြောင်း တိုက်ခိုက်မှု တွေဟာ ဓားစာခံ အမျိုးသမီးတွေကို ထိခိုက် စေတယ်။
နိုင်ဂျီးယား နိုင်ငံ မြောက်ပိုင်းမြို့ဖြစ်တဲ့ ချီဘော့ခ် ကနေ လွန်ခဲ့တဲ့ ၂ ကျော်က ဖမ်းဆီး ခေါ်ဆောင် သွားခံ ခဲ့ရတဲ့ ကျောင်းသူ တွေ ထဲက တချို့ကို ရိုက်ကူး ပြထားတဲ့ ဗီဒီယို ထွက်ပေါ် လာပါတယ်။

ကျောင်းသူတွေကို ဖမ်းခေါ် သွားခဲ့တဲ့ ဘိုကိုဟာရမ် အဖွဲ့က ထုတ်ပြန် လိုက်တာပါ။

အဲဒီ့ ဗီဒီယိုထဲမှာ မျက်နှာဖုံးစွပ် ထားတဲ့ သေနတ်သမား တစ်ယောက်က စကား ပြောနေပြီး၊ အဲဒီ့သူရဲ့ နောက်မှာ အမျိုးသမီးငယ် အယောက် ၅ဝ ဝန်းကျင်ကို တွေ့ရပါတယ်။

အမျိုးသမီး တချို့ မျက်ရည် သုတ်နေကြပြီး၊ တစ်ယောက် ကတော့ ကလေးငယ် တစ်ဦးကို ပွေ့ထာပါတယ်။

သူတို့ ပြန်လည် လွတ်မြောက် ရေး အတွက် နိုင်ဂျီးရီးယား အစိုးရက ဆောင်ကြဉ်း ပေးဖို့ တိုက်တွန်း ကြပါ ဆိုပြီး မိဘတွေကို အမျိုးသမီး တစ်ဦးက ဗီဒီယိုထဲ တိုက်တွန်း ထားပါတယ်။

ဒါ့အပြင် အစိုးရတပ် ရဲ့ လေကြောင်း တိုက်ခိုက်မှု တွေဟာ ဓားစာခံ အမျိုးသမီးတွေကို ထိခိုက် စေတယ် လို့လည်း အဲဒီ့ အမျိုးသမီး က ဆိုပါတယ်။

နိုင်ဂျီးရီးယား အစိုးရ ဘက်ကတော့ အခု ထွက်ပေါ် လာတဲ့ ဗီဒီယို နဲ့ ပတ်သက်ပြီး သဘောထား မှတ်ချက် တစုံတရာ ထုတ်ပြန်ခြင်း မရှိ သေးပါဘူး။

BBC Burmese
http://www.bbc.com/burmese



မားကို့စ် ရုပ်အလောင်းကို ဘားတက်မြို့မှာ ပြသထား။
ဖိလစ်ပိုင် နိုင်ငံ မှာ အာဏာရှင် သမ္မတဟောင်း ဖာဒီနန် မားကိုးစ် ရဲ့ ရုပ်အလောင်းကို သူရဲကောင်း သုသာန်မှာ ပြောင်းရွှေ့ မြှုပ်နှံ ခွင့် ပြုမယ့် အစီအစဉ် ကို မနီလာ မြို့တော်မှာ လူ တွေ ထောင်ပေါင်း များစွာ ဆန့်ကျင် ကန့်ကွက် ခဲ့ကြပါတယ်။

မိုးတွေ သည်းသည်းမည်းမည်း ရွာနေတဲ့ ကြားကပဲ ဆန္ဒပြ သမားတွေ ဟာ ချီတက် လှည့်လည် ခဲ့ကြပြီး အဲဒီ့ အစီအစဉ် ကို ပြန်လည် စဉ်းစား သုံးသပ် ပေးဖို့ လက်ရှိ သမ္မတ ရော့ဒီရီးဂို ဒူတားတေး ကို တောင်းဆို ခဲ့ကြ ပါတယ်။

အကျင့်ပျက် ခြစားမှုတွေ နဲ့ လူ့ အခွင့်ရေး ချိုးဖောက် မှုတွေကို ဆိုးဆိုးရွားရွား ကျုးလွန်ခဲ့သူ တစ်ဦး အဖြစ် သမ္မတ ဟောင်း မားကို့စ်ကို ဖိလစ်ပိုင် ပြည်သူတွေ သတ်မှတ် ထားတာ ဖြစ်ပါတယ်။

မစ္စတာ မားကိုစ်ဟာ ၁၉၈၆ ခုနှစ် မှာ ဖြုတ်ချ ခံခဲ့ရပြီး ၃ နှစ် အကြာ ပြည်ပမှာ ကွယ်လွန် ခဲ့ပါတယ်။

BBC Burmese
http://www.bbc.com/burmese


14August 2016

တပ်မဟာ(၄)ဗိုလ်ချုပ်ကြီး နော့ ဖွန် Maj. Nopporn ဟာ ထိုင်းမြောက်ပိုင်း မဲဟောင်ဆောင် ဒေသ ရေကြီးမှု အခြေအနေကို သွားရောက် စစ်ဆေးရင်း အပြန်မှာ သူလိုက်ပါလာတဲ့ dUH-72 or Lago Vista အမျိုးအစား ရဟတ်ယာဉ်က ဒွိုင်အင်ထနုံ ရေဒါစခန်းနဲ့  အဆက်သွယ်ပြန်တောက်ပြီး ပျောက်ဆုံးသွား ခဲ့ကြောင်း သိရပါတယ်။

ဗိုလ်ချုပ်ကြီးနဲ့ အတူ အဖွဲ့ ဝင် လေးဦး လိုက်ပါသွားခဲ့ပါတယ်၊ ကယ်ဆယ်ရေး ရဟတ်ယာဉ်ဟာ ဒီကနေ့ မနက် (၁၀)နာရီမှာ မဲဟောင်ဆောင်ကနေ Phitsanulok ဖိစနုလို့  ပြည်နယ်ကို ပျံသန်းလာစဉ် မိနစ်(၃၀)အတွင်း ရေဒါကနေ ပျောက်ဆုံးသွားခဲ့တာပါ။


ထိုင်းနိုင်ငံ နယ်ခြားစောင့် တပ်ဖွဲ့ တွေနဲ့  ကယ်ဆယ်ရေး ၀န်ထန်းတွေ ပူးပေါင်းင်္ပြီး အဆက်သွယ်ပြန်တောက်ခဲ့တဲ့နေရာကို အပူတပြင်း သွားရောက်ရှာဖွေနေ ကြပါတယ်။

Kamol Noi face book
Social Action for Women - SAW



( ရန်ကုန်တိုင်း မရမ်းကုန်းမြို့နယ် ချော်တွင်းကုန်း မီးပွိုင့်ထောင့်က ဌာနပိုင်မြေပေါ်မှ ဆိုင်ခန်း ၂၀ကို သြဂုတ်လ ၁၄ ရက်နေ့က ရှင်းလင်းဖယ်ရှားနေစဉ် ) Photo: Aung Thain Kha/ RFA
ရန်ကုန်တိုင်း မရမ်းကုန်းမြို့နယ် ချော်တွင်းကုန်း မီးပွိုင့်ထောင့်က လူမှုဝန်ထမ်းကယ်ဆယ်ရေးနဲ့ ပြန်လည်နေရာချထားရေး ၀န်ကြီးဌာန ပိုင်မြေပေါ်မှာ ဆောက်လုပ်ထားတဲ့ ဆိုင်ခန်း ၂၀ ကို ဒီနေ့မနက်က စည်ပင် နဲ့ ရဲဝန်ထမ်း ၂၀၀ လောက်နဲ့ ဖယ်ရှားလိုက်ပါတယ်။

အစိုးရပိုင်မြေဖြစ်တဲ့အတွက် ဥပဒေနဲ့အညီ ဖယ်ရှားတာဖြစ်တယ်လို့ လူမှုဝန်ထမ်း၊ ကယ်ဆယ်ရေးနဲ့ ပြန်လည်နေရာချထားရေး ၀န်ကြီးဌာန ညွှန်ကြားရေးမှူး ဦးအောင်ကျော်မိုး က ပြောပါတယ်။

ဒါ့အပြင် ၀န်ကြီးဌာနအနေနဲ့ အခုလို အင်အားသုံးပြီး ဖယ်ရှားမယ့် အကြောင်းကိုလည်း ဆိုင်ရှင်တွေကို တစ်ပတ်ကြိုပြီး အကြောင်းကြားထားတယ်လို့ ပြောပါတယ်။

ဖယ်ရှားခံလိုက်ရတဲ့ ဆိုင်ခန်းတွေဟာ ၀န်ကြီးဌာနပိုင်မြေကို ငှားရမ်းထားတာ နှစ်ပေါင်း ၂၀ လောက် ရှိနေပြီဖြစ်ပြီး အခိုင်အခံ့ဆောက်လုပ်ထားတဲ့ စားသောက်ဆိုင်၊ စက်ချုပ်ဆိုင်၊ ဂက်စ်မီးဖိုအရောင်းဆိုင်တွေ ပါဝင်ပါတယ်။

လွန်ခဲ့တဲ့ ၃နှစ်ကျော်ကတည်းက အဲဒီဆိုင်တွေဆီကနေ ၀န်ကြီးဌာနက မြေငှားခ မကောက်ခံတာ ဖြစ်တယ်လို့လည်း ပြောပါတယ်။

အခုလို အင်အားသုံးပြီးဖယ်ရှားခံရတဲ့ကိစ္စကို ဆန္ဒပြဖို့အတွက် ဆိုင်ခန်းရှင်တွေက ခွင့်ပြုမိန့်တင်ထားပါတယ်။

RFA Burmese
https://www.facebook.com/rfaburmese



တောတောင်တွေအနီးမှာ မိုင်းတွေ မထောင်ဖို့ မိုးကောင်းမြို့နယ် ဆားမှော် ကျေးရွာမှာ သြဂုတ်လ ၁၄ ရက်နေ့က ဒေသခံတောင်သူတွေ ဆန္ဒပြတောင်း ဆိုနေစဉ်။ Photo: Kyaw Myo Min/ RFA
လယ်ယာစိုက်ခင်းတွေနဲ့ ဆက်စပ်နေတဲ့ တောတောင်တွေအနီးမှာ မိုင်းတွေ မထောင်ဖို့ မိုးကောင်းမြို့နယ် ဆားမှော် ကျေးရွာမှာ ဒေသခံတောင်သူ တစ်ထောင်ကျော်က ဒီကနေ့ဆန္ဒပြ တောင်းဆိုလိုက်ပါတယ်။

တောင်သူတွေ ဝမ်းရေးအတွက် လုပ်ကိုင်နေတဲ့ လယ်ကွင်းနဲ့ အင်းအိုင်တွေအနီးမှာ မိုင်းမထောင်ဖို့ ကချင်လွတ်မြောက်ရေးတပ်မတော် ကေအိုင်အေ ထံ တောင်းဆိုတာဖြစ်တယ်လို့ ငါးရှာသွားရင် မိုင်းထိလို့ ဘယ်ဘက်ခြေထောက် ဒူးဆစ်အောက်ကနေ ဖြတ်ထားရတဲ့ ဦးခင်မောင်သန်းက ပြောပါတယ်။

တိုက်ပွဲဖြစ်ပွားရာဒေသက ပြည်သူတွေရဲ့ ဘဝကို စာနာပြီး ငြိမ်းချမ်းရေးရအောင် အမြန်ဆုံး ကြိုးစားပေးဖို့လည်း ဒီလ ၄ ရက်နေ့က မိုင်းထိပြီး သေဆုံးခဲ့သူ တစ်ဦးရဲ့ အမဖြစ်သူ ဒေါ်စန်းထွေးက နိုင်ငံတော်သမ္မတ နဲ့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ထံ တောင်းဆို လိုက်ပါတယ်။

မိုင်းဒဏ်ခံခဲ့ရတဲ့မိသားစုတွေကို KIA/KIO အဖွဲ့က လျော်ကြေးပေးဖို့၊ နိုင်ငံတော်အစိုးရနဲ့ နိုင်ငံတကာအဖွဲ့အစည်းတွေအနေနဲ့ မိုင်းရှင်းလင်းရေး အမြန်ဆုံးဖော်ဆောင်ပေး ဖို့တို့ကိုလည်း ဆန္ဒပြသူတွေက တောင်းဆိုခဲ့ပါတယ်။

တိုက်ပွဲဖြစ်ပွားချိန်ကစပြီး ကေအိုင်အေ စခန်းတွေအနီး နဲ့ အစိုးရတပ်မတော်စစ်ကြောင်း လှုပ်ရှားရာနယ်မြေတွေမှာ မိုင်းထောင်ထား တာဖြစ်ကြောင်း ကေအိုင်အေတပ်ဖွဲ့က ပြောထားပါတယ်။

ဒီနှစ်အတွင်း ဆားမှော်ကျေးရွာကတောင်သူတွေ လယ်ယာလုပ်ကိုင်ချိန်နဲ့ ဖားရှာ ငါးရှာသွားချိန်မှာ မိုင်းပေါက်ကွဲမှု အကြိမ်နှစ်ဆယ်နီးပါးဖြစ်ပွားခဲ့ပါတယ်။

အဲ့ဒီပေါက်ကွဲမှုတွေမှာ အသက် ၁၃ နှစ်အရွယ် ၇ တန်းကျောင်းသားတစ်ဦးအပါအဝင် စုစုပေါင်း ၅ ဦးသေဆုံးခဲ့ပြီး ၁၀ ယောက်ကျော် ထိခိုက်ဒါဏ်ရာ ရရှိခဲ့ပါတယ်။

ဆန္ဒပြပွဲကို ဆားမှော်၊ မြစ်ကြီးနား၊ ဝိုင်းမော်၊ မိုးကောင်း၊ မိုးညှင်း၊ ဟိုပင် စတဲ့မြို့ရွာတွေက ဒေသခံရှမ်းတိုင်းရင်းသားတွေနဲ့ စစ်ကိုင်းတိုင်းဒေသကြီး ဟုမ္မလင်းမြို့နယ်က တိုင်းလိုင် (ရှမ်းနီ) စာပေ နဲ့ ယဉ်ကျေးမှုအဖွဲ့က လာရောက်ပူးပေါင်းခဲ့ပါတယ်။

မိုင်းထိမှန်မှုကြောင့် ထိခိုက်သေဆုံးရသူတွေအတွက် လယ်ယာလုပ်ငန်းနဲ့ အသက်မွေးဝမ်း ကျောင်းပြုတဲ့ ရှမ်းတိုင်းရင်းသားအများစုနဲ့ ဒေသခံတောင်သူတွေ ပူးပေါင်းဆန္ဒပြပွဲဟာ ကချင်ပြည်နယ်မှာ ပထမဆုံးအကြိမ်အဖြစ် အစိုးရဲ့ခွင့်ပြုချက်နဲ့ ပြုလုပ်တာဖြစ်ပါတယ်။

RFA Burmese
http://www.rfa.org/burmese


Breaking news on 14August 2016

အမေရိကန်ပြည်ထောင်စု ကယ်လီဖိုးနီးယား ပြည်နယ်မြောက်ပိုင်းက shopping mall အကြီးဆုံး ကုန်တိုက်ကြီးအတွင်းမှာ ယနေ့ နာရီပိုင်း အတွင်းက ပစ်ခတ်မှုတွေ ဖြစ်ပွားနေတယ်လို့  သိရပါတယ်။


အားလပ်ရက် ဈေးလာဝယ်သူတွေ များပြားနေတဲ့ ကုန်တိုက်အတွင်း အစား အသောက်တွေ ရောင်းတဲ့ နေရာကနေ စတင်ပစ်ခတ်ခဲ့တာဖြစ်ပြီး ကုန်တိုက်အတွေင်းမှာ ရောက်နေကြတဲ့သူတွေ အမြန်ဆုံးအပြင်ရောက်အောင် ပြေးထွက်နေကြတာလည်း တွေ့ မြင်ရပါတယ်။


ယခုအချိန်မှာ ရဲတွေရောက်လာနေပြီဖြစ်ပြီး ဖြစ်ပွားတဲ့နေရာက သေနတ်သမားကို ရှာဖွေရှင်းလင်းနေပါပြီ။
မျက်မြင်သက်သေ အမျိုးသမီး တစ်ဦးရဲ့  ပြောကြားတာကတော့ သူမကုန်တိုက်တွင်းရှိနေစဉ် သေနတ်သံတွေ စတင်ကြားခဲ့ရလို့  ရောက်နေတဲ့ နေရာကနေ အပြင်ကို ရောက်အောင် ပြေးထွက်ခဲ့ရတယ်လို့  ဆိုပါတယ်။

Social Action for Women - SAW


သြဂုတ် ၁၄/ DNJ

ရခိုင်ပြည်နယ်ကျောက်ဖြူခရိုင်၌ ၁၅ ရက်အတွင်းလူသတ်မှု ၃ မှုခန့်ဖြစ်ပွားခဲ့ကာ ဇန်နဝါရီမှ သြဂုတ်လအထိ စုစုပေါင်း လူသတ်မှု ၁၀ မှုခန့်ရှိခဲ့ကြောင်း ကျောက်ဖြူမြို့မရဲစခန်းမှသိရသည်။

အဆိုပါလူသတ်မှုများဖြစ်ပွားရခြင်းမှာ အရက်သေစာသောက်စားခြင်းနှင့်ဆက်နွယ်လျက်ရှိပြီး သြဂုတ်လ အတွင်းဖြစ်ပွားခဲ့သည့်အမှုများမှာ သြဂုတ် ၃ ရက်နေ့ကတစ်မှု၊ သြဂုတ်လ ၁၂ ရက်နေ့က တစ်မှုနှင့် သြဂုတ်လ ၁၃ ရက်နေ့တွင်တစ်မှုစသည်ဖြင့်ဖြစ်ပွားခဲ့ပြီး ဖြစ်စဉ်များမှာ အရက်သောက် စားထားရာမှ စိတ်မထိန်းနိုင်ပဲကျုးလွန်ကြခြင်းဖြစ်ကြောင်း ကျောက်ဖြူမြို့မရဲစခန်းမှ တာဝန်ရှိသူ တစ်ဦးဖြစ်သူ ရဲအုပ်ရဲထွန်းကပြောသည်။
“အဓိကတော့ အရက်သောက်ပြီးတော့ ရန်ဖြစ်ကြတယ်၊ အရက်သောက်ပြီးဖြစ်တယ် လို့ပဲသုံး သတ်ရမယ်”ဟု၎င်းကပြောသည်။

ယင်းအပြင်တရားခံများကိုဖမ်းဆီးအရေးယူနိုင်မှုအပိုင်းတွင်လည်း လမ်းပန်းဆက်သွယ်ရေးခက်ခဲခြင်း သတင်းရရှိမှုနောက်ကျခြင်းများကြောင့် အချိန်နှင့်တပြေးညီတရားခံဖမ်းဆီးနိုင်ရန် အခက်အခဲများရှိကြောင်းလည်းဆိုသည်။
“တရားခံကိုဖမ်းဆီးရတဲ့အပိုင်းမှာ အဓိကကတော့ ရေလမ်းကိုအသုံးပြုရတာကြောင့် မိုးရာသီဆိုတော့ လှိုင်းကြီးလေကြီးတာနဲ့ သွားလာရေးပိုင်းမှအခက်ခဲတွေရှိတယ်။ တစ်ချို့နေရာတွေမှာဆိုရင် ဆိုင်ကယ်လမ်းမပေါက်ဘူး။ ခြေကျင်လျောက်သွားကြရတယ်။ တစ်နာရီ နှစ်နာရီ သုံးနာရီဆိုသလို လျောက်ရတယ်။နောက် သတင်းပို့တာနောက်ကျတယ်၊ ၃ နာရီကဖြစ်တယ်ဆိုရင် ၂ နာရီလောက်ကွာမှ သတင်းပို့တယ်။ သွားရတာကလဲ ရေလမ်းကြောင်းဆိုတော့ တရာခံထွက်ပြေးဖို့အ ချိန်ရသွားတာပေါ့”ဟုလည်း၎င်းကပြောသည်။


ကျောက်ဖြူခရိုင်အတွင်း၌ မှုခင်းကျဆင်းမှုအပိုင်းနှင့်ပတ်သက်ပြီး ကျေးရွာများအထိကွင်းဆင်း ဆောင်ရွက်ခြင်းများအပြင် လှည့်ကင်းများချထားဆောင်ရွက်ခြင်းများရှိကာ တရားမဝင်အရက်ရောင်းချမှုများအား တင်းကျပ်စွာဖမ်းဆီးနေသော်လည်း လူသတ်မှုအများစုမှာ အရက်သောက်စားမှုကြောင့် စိတ်မထမ်းနိုင်ပဲဖြစ်ပွားရခြင်းဖြစ်ကြောင်းလည်း၎င်းကသုံးသပ်ပြောဆိုသည်။
“နဂိုလဲစိတ်ဆတ်တယ်၊ ဒီအထဲအရက်သောက်လိုက်တော့ ပိုဆိုးသွားတာပေါ့၊ ၁၂ ရက်နေ့ကဖြစ်တဲ့အမှုမှာဆိုရင် ပိုက်ဆံရစရာရှိလို့သွားတောင်းတယ်။ တရားခံက အရက်သောက်ထားတယ်။ အကြွေးမပေးနိုင်တဲ့အခါကျတော့ ဓားသွားယူပြီးတော့မှ လူသတ်မှုဖြစ်တာပေါ့”ဟုလည်း၎င်းကဆိုသည်။

လက်ရှိအချိန်တွင် ကျောက်ဖြူခရိုင်အတွင်းမှုခင်းကျဆင်းရေးအတွက် ကျေးရွာများအထိကွင်း ဆင်းဆောင်ရွက်ခြင်းများ၊မြို့ပေါ်ရပ်ကွက်များအတွင်း ကားဖြင့်လှည့်လှည်ခြင်းများကိုဆောင်ရွက်နေလျက်ရှိရာ တစ်ခြားအမှုများသိသိသာသာ လျော့ကျသွားသွားသော်လည်း လူသတ်မှုမှာမြင့်တက်လာသည့်အကြောင်းမှာ အရက်ကြောင့်ဖြစ်သည်ဆိုသော်လည်း ဆင်းရဲမွဲတေမှုမှာ အဓိကျကြောင်း ကျောက်ဖြူမြို့နယ် အမှတ်(၁) မဲဆန္ဒနယ်မှ ပြည်နယ်လွှတ်တော်ကိုယ်စားလှယ် ဦးကျော်လွင်ကဆိုသည်။
“ကျနော့်အမြင်ကတော့ အရက်ကြောင့်ဆိုရင်လဲဖြစ်သလို အဓိကတရားခံဟာ ဆင်းရဲမွဲတေမှုကြောင့်ဖြစ်တဲ့ပြဿနာတွေလို့မြင်တယ်။ ”ဟုဆိုသည်။

ယင်းအပြင် ပြစ်မှုဖြစ်ပွားခြင်းမှာ တရားဥပဒေစိုးမိုးမှုအားနည်းသည့်အတွက်ဖြစ်ပွားရခြင်းဖြစ်ပြီး အစိုးရအနေဖြင့် လုံခြုံရေးအင်အားနည်းသည့်အတွက်လည်း မှုခင်းဖြစ်စဉ်များဖြစ်ပွားရာ၌ အချိန်မီ လာရောက်တားဆီးနိုင်ခြင်းမရှိသည့်အတွက် လုံခြုံရေးအင်အားတိုးမြှင့်ချထားသင့် ကြောင်းလည်း ၄င်းကပြောသည်။

လက်ရှိအချိန်တွင် ကျောက်ဖြူခရိုင်အတွင်း၂၀၁၆ ခုနှစ် ဇန်နဝါရီလမှသြဂုတ်လအထိ မှုခင်းပေါင်း (၆၂၁)ခန့်ဖြစ်ပွားခဲ့သည့်အထဲတွင် လူသတ်မှု (၁၀)မှုခန့်ပါ ဝင်ကြောင်းလည်းသိရသည်။

ဓါတ်ပုံ - ရမ္မဝတီစိုးမိုးကျော်
Development Media Group
https://www.facebook.com/DevelopmentNJ/

မြန်မာနိူင်ငံ ကို အလည် အပါတ် ရောက် ရှိနေတဲ့ တရုတ် ကွန်မြူ နစ် ပါတီ မှ နိူင်ငံတကာ ရေးရာ ဌာနကြီးမှုး Song Tao က တပ်ချူ ပ်ဟောင်းကြီး ဦးသန်းရွှေ နဲ့ သွားရောက် တွေ့ ဆုံ ခဲ့မှု အပေါ် ဆိုရှယ်မီဒီယာ တွေမှာ ပွက် လော ရိုက် သွား ခဲ့ရပါတယ်။

လူမြင်ကွင်း ကိုတောင် ၂၀၁၀ မှာ အနားယူ ပြီးနောက် တနှစ်တခါ တောင် မထွက်တတ်တဲ့ ဦးသန်းရွှေ က လက်ရှိ တပ်မတော် စစ်ခေါင်းဆောင်များကို သြဇာ အာဏာ ရှိဆဲ ဖြစ်တယ် ဆိုတာ တရုတ် အစိုးရ က ကောင်းကောင်း သိထားပြီး ဖြစ်ပါတယ်။

ဒေါ်အောင်ဆန်းစုကြည်ရဲ့ ကျင်းပမယ့် ၂၁ ရာစု ပင်လုံညီိလာခံ ကို ထောက်ခံကြောင်း တရုတ်က လူ သိရှင်ကြား ပြောကြားထားပြီး ဖြစ်တဲ့ အပြင် နယ်စပ်ဒေသ က ၎င်းတို့ ရဲ့ proxy army ကြားခံ တပ်ကြီး သဖွယ် အခိုင်အမာ နေရာယူနေတဲ့ ၀ တပ်တွေ ဘက် ကလည်း လိုအပ်ရင် ကတိ ပြု ချက် တွေ ပေးကောင်း ပေးရနိူင်ပါတယ်။

တပ်မတော် အပေါ် ယုံကြည်မှု ဘယ်လိုမှ မရှိတဲ့ ၀ ခေါင်း ဆောင် တွေ နဲ့ အခြား တိုင်းရင်းသား တွေကို ခိုင်မာတဲ့ အာမခံချက် ပေးနိူင်ဖို့ တရုတ် အစိုးရ အနေနဲ့ တပ်မတော် ခေါင်းဆောင်များကို သြဇာ လွှမ်းဆဲ ဖြစ်တဲ့ ဦးသန်းရွှေ ထံ မှ တပ်မတော် အနေနဲ့ ရရှိကောင်း ရရှိ နိူင်မယ့် သဘောတူညီချက် ကို လိုက်နာဖို့ တာ ၀န် ယူ ပါတယ် ဆိုတဲ့ နှုတ်ထွက် ကတိ ကို တရုတ် က လိုလားနေတဲ့ အတွက် သံတမန် လုပ်ထုံး လုပ်နည်း များ ကို ကျော်လွန် ပြီး သွားရောက်တွေ့ ဆုံ ခဲ့တာ ဖြစ်တယ်လို့ ယူဆရပါတယ်။

ဒီ အတွက် လည်း ဦးသန်းရွှေ အနေနဲ့ စိတ်အေးလက်အေး ဗိုနေမြဲ ကျားနေမြဲ နေနိူင်ရေး တရုတ်က ဆက်လက်ပြီး အာမခံ သွားမယ့် ကတိ ပေးကောင်း ပေးနိူင် ပါတယ်။

သို့ မှသာ ဒေါ်အောင် ဆန်းစုကြည်ရဲ့ သမိုင်းဝင်မဲ့ ခရီးစဉ် တခု အဖြစ် မှတ်တမ်းဝင်လာမယ့် ဘီဂျင်း ခရီးစဉ်မှာ တရုတ် ခေါင်းဆောင် အတွေနဲ့ ဘာတွေ လုပ်ပေးနိူင်မလဲ ဆိုတာ စနိူးစနောင့် မဖြစ်ပဲ ချပြ ဆွေးနွေး နိူင်မှာ ဖြစ်ပါတယ်။

အရင် စစ်အစိုးရ အဆက်ဆက် ကမ္ဘာ့ အသိုက် အ၀န်း က ၀ိုင်း ကျဉ် သည် ထက် ကျဉ် ခံရအောင် တရုတ် က နောက်ကွယ် က တဖက်လှည့်နဲ့ မြှောက်ထိုးပင့်ကော် လုပ်ပေးပြီး မြန်မာ အစိုးရ အပေါ် ထင်သလို ချယ် လှယ်နိူင် ခွင့် ရရှိ ခဲ့တာလည်း ဖြစ်ပါတယ်။

ဒီလို အနိူင်ကျင့် ဗိုလ်ကျ ခံလာ နေရတာကို မြန်မာ စစ်ခေါင်းဆောင် တွေ က သဘောပေါက် လာကြပြီး အမြန် ရုန်း ထွက် နိူင်ဖို့ အရေး ၂၀၀၈ ဖွဲ့ စည်း ပုံ ကို ရေးဆွဲပြီး အရပ်သား အစိုးရ တပိုင်း ဖန်တီးကာ နိူင်ငံတကာ အသိုက် အ၀န်း ထဲ ပြန် ၀င် ဖို့ ကြိုးစား ခဲ့တာလည်း ဖြစ်ပါတယ်။ ဒီ အတွက် မြစ်ဆုံ စီမံကိန်း ကို ရပ်ပြစ်ပြီး တရုတ် ရဲ့ အရှိုက်ကို အလဲ ထိုးပြ ခြင်းဖြင့် အမေရိကန် နဲ့ အနောက်နိူင်ငံတွေ ရဲ့ ယုံကြည်မှု ကို ရယူ ခဲ့တာ ဖြစ်ပါတယ်။

တရုတ် ခေါင်းဆောင် တွေ အနေနဲ့ နိူင်ငံရေး အရ သြဇာ လွှမ်းမိုးမှု ဆုံးရှုံး သွားခဲ့ရပေမယ့် စီးပွားရေး အရ ဆက်လက် သြဇာ သက်ရောက်နိူင်ပြီး မိမိတို့ အကျိူး စီးပွားကို ရေရှည် ဖေါ်ဆောင်နိူင်ဖို့ က ဒေါ်အောင်ဆန်းစုကြည်ရဲ့ မြန်မာ ပြည်တ၀ှမ်း ငြိမ်းချမ်းရေး ဖေါ်ဆောင်နိူင်ရေး လုံးပါမ်းမှု တွေ မှာ သူမ လိုချင်တာ ကို မဖြစ်မနေ လိုက်လျောရဘို့ သာ ရှိနေပါတော့တယ်။

ဒီအတွက် ဒေါ်အောင်ဆန်းစုကြည် ခရီးစဉ် အပြီး နှစ်နိူင်ငံ ပူးတွဲကြေငြာချက် ထုတ်ပြန်နိူင်အောင် တရုတ် မှ တယောက်ပြီး တယောက် စေလွှတ်ကာ လျေ့ာ့တိလျော့ရဲ လို့ သူတို့ ယူဆ ထားတဲ့ loose ends တွေ ကို ချည်ပြီး တုတ်ပြီး ဖြစ်အောင် ဦးသန်းရွှေ နဲ့ တွေ့ ဆုံ ခဲ့ တာ ဖြစ်တယ်လို့ က္ဈန်တော်အမြင် ကို တင်ပြ လိုက်ပါတယ်။

HSW

BrainWave ဉာဏ်လှိုင်း



 သေဆုံးသူ ဦးရေက (၈)ဦးရှိသွားပြီ
နိုင်ငံတဝန်း ရေကြီးမှုတွေ ဖြစ်ခဲ့တဲ့ ပြည်နယ်နဲ့ တိုင်းဒေသကြီး (၈)ခုက ကယ်ဆယ် ရေး စခန်းတွေမှာ ခိုလှုံနေရတဲ့ ရေဘေးသင့်သူ (၄)သိန်း (၃)သောင်းကျော် ပြီ ဖြစ်ကြောင်း လူမှုဝန်ထမ်း ကယ်ဆယ်ရေးနဲ့ ပြန်လည် နေရာချထားရေး ဝန်ကြီး ဌာနက ထုတ်ပြန်ပါတယ်။

အခု အချက်အလက်တွေဟာ ဇူလိုင် (၁၅)ရက်နေ့ကနေ ဩဂုတ်လ (၁၂)ရက်နေ့ အထိ ဝန်ကြီးဌာနက ကောက်ယူထားတဲ့ စာရင်းတွေဖြစ်ပြီး ရေကြီးမှုကြောင့် သေဆုံးသူ ဦးရေက (၈)ဦးရှိသွားပြီ ဖြစ်ပါတယ်။

ရေကြီးမှုကြောင့် မကွေးတိုင်းမှာ ရေဘေးဒုက္ခသည် (၂)သိန်း ကျော်ရှိပါတယ်။ မန္တလေးမှာ (၁)သိန်းကျော် ရှိပြီး လောလောဆယ်မှာတော့ ဧရာဝတီတိုင်းထဲမှာ ရေကြီးရေလျှံမှုတွေ ကြုံနေရပါတယ်။

ရေကြီးရေလျှံမှုတွေ ဖြစ်ခဲ့တာက မကွေးတိုင်းမှာ အများဆုံး ဖြစ်ခဲ့ပြီး၊ မန္တလေး တိုင်း က ဒုတိယ အဖြစ်အများဆုံး ဖြစ်ပြီး၊ ဧရာဝတီ တိုင်းမှာ ရေကြီး ရေလျှံ ဖြစ်တဲ့ ဒေသ တွေက အထက်က ဒေသ ၂ ခုလောက် မများဘူးလို့ လူမှုဝန်ထမ်း ဦးစီးဌာန ညွှန်ကြားရေးမှူးချုပ် ဦးကိုကိုနိုင်က ပြောပါတယ်။

တိုင်းဒေသကြီး အစိုးရ တွေက ထုတ်ပြန်တဲ့ ရေဘေး သင့်သူ အရေ အတွက် နဲ့ လူမှုဝန်ထမ်း ကယ်ဆယ်ရေး နဲ့ ပြန်လည် နေရာချထားရေး ဝန်ကြီးဌာနက ထုတ်ပြန် တဲ့ စာရင်းဇယားတွေမှာ ကွဲလွဲချက်တွေလည်း ရှိနေပါတယ်။

ရေဘေးရှောင် စခန်းတွေမှာ ရောက်နေတဲ့ သူတွေရော၊ စခန်း ကို မရောက်လာတဲ့ ရေကြီး ရေလျှံ နေတဲ့ ဒေသတွေက လူတွေကိုရော ထောက်ပံ့မှု လုပ်ဖို့ ဝန်ကြီး ဌာန အနေနဲ့ ညွှန်ကြား ထားတယ်လို့ သိရပါတယ်။

စားနပ်ရိက္ခာ၊ ရေသန့် နဲ့ ဆေးဝါး ပစ္စည်းတွေကို ဝန်ကြီး ဌာန အနေနဲ့ ပေးပို့ ကူညီ မှုတွေ ပြုလုပ်နေကြေရာင်း လူမှုဝန်ထမ်း ဦးစီးဌာန ညွှန်ကြားရေးမှူးချုပ် က ပြောပါတယ်။

BBC Burmese
http://www.bbc.com/burmese

ရန်ကုန်တိုင်းဒေသကြီး၊ လှိုင်မြို့နယ် ယောဂီကျောင်းလမ်းရှိ လှိုင်မဟာစည်သာသနာ့ရိပ်သာတွင် သုံးလ တရားစခန်းဝင်ရောက်ပြီးပါက ငွေကျပ်တသိန်းခွဲနှင့် အလုပ်အကိုင်ပါ ရှာဖွေပေးမည့်အစီအစဉ်အပေါ် လူငယ်များအကြား စိတ်ဝင်စားမှု မြင့်တက်လျက်ရှိကြောင်း သတင်းရရှိသည်။

အသက် (၃၅)နှစ်အောက် ကျန်းမာရေးကောင်းမွန်သူများ တရားအားထုတ်ရန်အတွက် ယောဂီဝတ်စုံနှင့် လိုအပ်သည်များကို ကုမ္ပဏီမှ စီစဉ်ပေးမည်ဖြစ်ပြီး သုံးလပြည့်ပြီး၍ တရားစခန်းမှထွက်ပါက ငွေကျပ် တသိန်းခွဲတိတိ ချီးမြှင့်ပေးသွားမည့်အပြင် အလုပ်လိုချင်သူများအတွက် ပညာအရည်အချင်းနှင့်အညီ အလုပ် အကိုင်ရှာဖွေပေးမည်ဖြစ်ကြောင်း land and house co,Ltd မှ သြဂုတ်လ ၇ ရက်တွင် မြန်မာ့အလင်း သတင်းစာ၌ ထည့်သွင်းဖော်ပြခဲ့ရာ အဆိုပါကြော်ငြာကို ဖတ်ရှုပြီးနောက် လူငယ်များအကြားတွင် စိတ်ဝင်စားမှု မြင့်တက်လာခဲ့ခြင်းဖြစ်သည်။

''ကျွန်တော်တို့ တရားဝင် ဖုန်းနှစ်လုံးပေးထားပါတယ်။ အခုအချိန်အထိ တောက်လျှောက်ဆက်ပြီး မေးနေကြပါ တယ်။ အကျင့်သီလနဲ့ပြည့်စုံတဲ့ လူငယ်တွေ ပေါ်ထွက်လာစေဖို့ ရည်ရွယ်ပြီးလုပ်တာပါ။ နယ်ကလူတွေအနေနဲ့ ဖုန်းဆက်တဲ့အခါ အဆင်မပြေမှုဖြစ်ရင် အမည်နဲ့ နေရပ်လိပ်စာကို message ပို့ထားရင် ကျွန်တော်တို့ ပြန်ပြီး ဆက်သွယ်ပေးပါ့မယ်။ လူငယ်တွေ စိတ်ဝင်တစားမေးမြန်းကြတဲ့အတွက် ကျွန်တော်ကလည်း ၀မ်းသာပါတယ်။ ငွေတသိန်းခွဲကတော့ ခရီးစရိတ် သဘောမျိုး ပြန်ပေးတဲ့သဘောပါ''ဟု အဆိုပါကုမ္ပဏီမှ တာဝန်ရှိသူတဦးက ပြောသည်။

ထို့ပြင် တရားစခန်းဝင်ရောက်ခွင့်ပြုမည့်အရေအတွက်နှင့်ပတ်သက်၍ မေးမြန်းရာ၌ လက်ရှိအနေအထားအရ ဖြေကြားနိုင်ခြင်းမရှိသေးကြောင်း ၎င်းက ဆက်လက်ပြောကြားသည်။

''လူဘယ်လောက် လက်ခံမယ်ဆိုတာတော့ ကျွန်တော်တို့အနေနဲ့ ပြောလို့မရသေးဘူး။ တချို့ကျတော့လည်း တရားစခန်းက ချမှတ်ထားတဲ့စည်းကမ်းတွေကို ပြောလိုက်တဲ့အခါမှာ နောက်တွန့်သွားတာ မျိုးရှိတယ်။ ဥပမာ မနက် ၃ နာရီ အိပ်ရာထရမယ်ဆိုတဲ့ကိစ္စမျိုးပေါ့''ဟု အဆိုပါ တာဝန်ရှိသူက ပြောသည်။

တရားစခန်းဝင်ရောက်ရမည့် လှိုင်မဟာစည်သာသနာ့ရိပ်သာသည် စည်းကမ်းတင်းကျပ်သည်ဟု နာမည်ကြီး သော တရားရိပ်သာတခုဖြစ်ပြီး စည်းကမ်းမလိုက်နာသဖြင့် အိမ်ပြန်လွှတ်လိုက်ရသည့် ဖြစ်စဉ်များရှိခဲ့ဖူး ကြောင်း လှိုင်မဟာစည်ရိပ်သာမှ တာဝန်ကျဝန်ထမ်းတဦးက ပြောကြားသည်။

''အဲဒီကုမ္ပဏီက သူတို့ဝန်ထမ်းတွေကိုလည်း လစဉ်တရားစခန်းဝင်ခိုင်းတာမျိုးတွေရှိတယ်။ တရားစခန်းဝင်ရင်းနဲ့ ဥာဏ်စဉ်တက်တဲ့အပေါ် မူတည်ပြီး လစာတိုးပေးတာမျိုးတွေလည်း ရှိတယ်။ အဓိကက ဒီခေတ်မှာ လူကောင်း တွေနည်းလာတဲ့အတွက် လူကောင်းရှာတဲ့သဘောလို့ မြင်မိပါတယ်''ဟု ၎င်းက ပြောသည်။

တရားစခန်းဝင်ရောက်ချင်သော်လည်း အချိန်သုံးလမှာ များလွန်းသောကြောင့် အချိန်လျှော့ချပေးပါက လူငယ် များအတွက် ပိုမိုအဆင်ပြေနိုင်ကြောင်း မြောက်ဥက္ကလာပမြို့မှ ကိုဇော်ထူးက ပြောသည်။

''လူငယ်ဆိုတော့ စိတ်ကသိပ်မငြိမ်ချင်ဘူးဗျ။ သုံးလဆိုတော့ မနည်းရုန်းရမယ်။ သူတို့လုပ်တဲ့အစီအစဉ်ကိုတော့ သဘောကျပါတယ်။ ဒါပေမဲ့ တလလောက်နဲ့စပြီးလုပ်ရင် လူငယ်တွေအတွက် ပိုပြီးတော့ အဆင်ပြေမယ်လို့ ထင်တယ်'' ဟု အသက် (၂၉)နှစ်အရွယ်ရှိ အဆိုပါလူငယ်က ပြောသည်။

လှိုင်မဟာစည်ရိပ်သာတွင် တရားစခန်းဝင်ရောက်လိုသူများအနေဖြင့် ဆေးလိပ်၊ ဆေးတံ၊ ဆေးရွက်ကြီး၊ ကွမ်းယာ၊ စိပ်ပုတီး၊ အခြားသောစာအုပ်များ (ပရိတ်ကြီးစသည်) ရေမွှေးနံ့သာ အလှပြင်ပစ္စည်းများ၊ ရေဒီယို၊ ကက်ဆက်၊ MP3၊ MP4၊ ကင်မရာ၊ လက်ကိုင်ဖုန်းအမျိုးမျိုးနှင့် ဒစ်ဂျစ်တယ်ပစ္စည်းများအပါအ၀င် ယောဂီနှင့် မသင့်လျော်သည့် ပစ္စည်းများကို ယူဆောင်ခွင့်မရှိကြောင်း စည်းကမ်းထုတ်ပြန်ထားသည်။
Land and house ကုမ္ပဏီနှင့် ချိတ်ဆက်၍ တရားစခန်းဝင်ရောက်လိုသူများအနေဖြင့် ဖုန်း ၀၉-၂၅၂၅၈၈၄၄၀၊ ၀၉-၂၅၂၅၈၈၄၄၃ တို့သို့ ဆက်သွယ်နိုင်ကြောင်း ကုမ္ပဏီထံမှ သိရှိရသည်။

_နှင်းမောင်ဦး
News Watch(စောင့်ကြည့်သတင်းဂျာနယ်)


တရုတ်ကွန်မြူနစ်ပါတီ နိုင်ငံတကာရေးရာဌာန ၀က်ဘ်ဆိုက် မှာ ဖေါ်ပြထားသည့် ဗိုလ်ချုပ်မှူးကြီးသန်းရွှေနှင့် ဝန်ကြီး Mr. Song Tao တို့ တွေ့ဆုံနေပုံ။
တရုတ်ကွန်မြူနစ်ပါတီ နိုင်ငံတကာရေးရာဌာန ၀က်ဘ်ဆိုက် မှာ ဖေါ်ပြထားသည့် ဗိုလ်ချုပ်မှူးကြီးသန်းရွှေနှင့် ဝန်ကြီး Mr. Song Tao တို့ တွေ့ဆုံနေပုံ။
မြန်မာနိုင်ငံကို ၄ ရက်ကြာ ချစ်ကြည်ရေးခရီးစဉ်အဖြစ်ရောက်ရှိနေတဲ့ တရုတ် ကွန်မြူနစ်ပါတီ နိုင်ငံတကာရေးရာဝန်ကြီးက စစ်အစိုးရခေါင်းဆောင်းဟောင်း ဗိုလ်ချုပ်မှူးကြီး သန်းရွှေကို သွားရောက်တွေ့ဆုံခဲ့တာဟာ ဗိုလ်ချုပ်မှူးကြီး အနေနဲ့ မြန်မာ့နိုင်ငံရေးမှာ အရေးပါတဲ့ အခန်းကဏ္ဍမှာ ရှိနေသေးတယ်ဆိုတာကို တရုတ်ကွန်မြူနစ်ပါတီက အသိအမှတ်ပြုရာရောက်တယ်လို့ မြန်မာ့နိုင်ငံရေး အကဲခတ်တွေက ပြောပါတယ်။

လက်ရှိမြန်မာ နိုင်ငံရဲ့ အသွင် ကူးပြောင်းရေး အခြေအနေ တိုးတက်မှုဟာ အရေးကြီးဆုံးအဆင့်မှာ ရောက်ရှိနေကြောင်းနဲ့ တရုတ်နိုင်ငံရဲ့ အုပ်ချုပ်မှု အတွေ့ အကြုံတွေကိုလည်း မြန်မာနိုင်ငံအနေနဲ့ နောက်ထပ် လေ့လာဖို့ လိုအပ်ကြောင်း ဗိုလ်ချုပ်မှူးကြီး သန်းရွှေကလည်း တွေဆုံပွဲမှာ ပြောကြားခဲ့ပါတယ်။ အပြည့်အစုံကိုတော့ မအင်ကြင်းနိုင်က တင်ပြပေး ထားပါတယ်။

မြန်မာနိုင်ငံကို သြဂုတ်လ (၁၁)ရက်နေ့ကနေ (၁၄)ရက်နေ့အထိ လေးရက်ကြာ ခရီးစဉ်အဖြစ် ရောက်ရှိနေတဲ့ တရုတ်ကွန်မြူနစ်ပါတီ ဗဟို ကော်မတီရဲ့ နိုင်ငံ တကာရေးရာဌာန ဝန်ကြီး Mr. Song Tao ဟာ သြဂုတ်လ (၁၁)ရက်နေ့ က နေပြည်တော်မှာ စစ်အစိုးရခေါင်းဆောင်ဟောင်း အငြိမ်းစား ဗိုလ်ချုပ်မှူးကြီး သန်းရွှေကို သွားရောက်တွေ့ဆုံခဲ့တာပါ။

မြန်မာနိုင်ငံရဲ့ စီးပွားရေးနဲ့ လူမှုရေး တိုးတက်ဖွံ့ဖြိုးအောင် တရုတ်နိုင်ငံဟာ နှစ်ပေါင်း များစွာ ကူညီပံပိုးပေးခဲ့တဲ့ အိမ်နီးချင်းမိတ်ဆွေနိုင်ငံဖြစ်ကြောင်း ဗိုလ်ချုပ်မှူးကြီး သန်းရွှေက တွေ့ဆုံပွဲမှာ ပြောကြားခဲ့တယ်လို့ တရုတ်ကွန်မြူနစ် ပါတီရဲ့ နိုင်ငံ တကာရေးရာဌာနရဲ့ အင်တာနက်ဝက်ဘ်ဆိုဒ်မှာ ဖေါ်ပြထားပါတယ်။ ကဏ္ဍပေါင်းစုံမှာလည်း နှစ်နိုင်ငံ ပူးပေါင်းဆောင်ရွက်ရေး ခိုင်မာဖို့နဲ့ တရုတ်ရဲ့ အုပ်ချုပ်ရေး အတွေ့အကြုံ တွေကိုလည်း မြန်မာအနေနဲ့ နောက်ထပ် လေ့လာဖို့ လိုအပ်ကြောင်း ပြောဆိုခဲ့တယ်လို့ ရေးသားထားပါတယ်။

ဒါအပြင်မြန်မာနိုင်ငံအနေနဲ့ အသွင်ကူးပြောင်းရေးအခြေအနေ တိုးတက်ဖို့ အရေးကြီး အဆင့်မှာ ရောက်နေကြောင်းနဲ့ တရုတ်အစိုးရအနေနဲ့ နိုင်ငံရေး အင်အားစု အသီးသီးနဲ့ ဆက်လက်ပြီးတော့ ရင်းရင်းနှီးနှီး ဆက်ဆံတဲ့အပေါ်မှာ သူ့အနေ နဲ့လေးစား မိကြောင်း ပြောကြားခဲ့တယ်လို့ ဆိုပါတယ်။
မြန်မာ့နိုင်ငံရေး လေ့လာသုံးသပ်သူ ဒေါက်တာရန်မျိုးသိမ်းကတော့ ဒီတွေ့ဆုံမှု ဟာ မြန်မာနိုင်ငံရေး အပြောင်းအလဲဖြစ်စဉ်မှာ ဗိုလ်ချုပ်မှူးကြီး သန်းရွှေရဲ့ အရေး ပါမှုကို တရုတ်ဘက်က တရားဝင်အသိအမှတ် ပြုလိုက်တဲ့သဘောဖြစ်တယ်လို့ ဗွီအိုအေ မြန်မာပိုင်းရဲ့ စနေနေ့ည တိုက်ရိုက်လေလှိုင်း အစီအစဉ်မှာ အခုလို သုံးသပ်ခဲ့ပါတယ်။

“ အဓိကတော့ပေါ့လေ တရုတ်နိုင်ငံရဲ့အမျိုးသား အကျိုးစီးပွားနဲ့ တိုက်ရိုက်ဆက်စပ် နိုင်တယ်လို့ ကျနော်က သုံးသပ်ပါတယ်။ နောက်ပြီးတော့ မြန်မာနိုင်ငံရဲ့ လက်ရှိ နိုင်ငံရေး အပြောင်းအလဲမှာ ဗိုလ်ချုပ်မှူးကြီးဟောင်း ဦးသန်းရွှေရဲ့ အခန်းကဏ္ဍ ဟာ တော်တော် အရေးပါတဲ့ အနေအထားမှာ ရှိတယ်ဆိုတာကို တရုတ်ကွန်မြူနစ် ပါတီအနေနဲ့ တရားဝင် အသိမှတ်ပြုလိုက်တဲ့ သဘောမျိုးလည်း သက်ရောက်နေ တယ် လို့ ကျနော်ကတော့ သုံးသပ်ပါတယ်။ အယ် နောက်ပြီးတော့ အခုနောက် ပိုင်းမှာ ဒီတရုတ် ကွန်မြူနစ်ပါတီရဲ့ခေါင်းဆောင် တဦးကို ဗိုလ်ချုပ် မှူးကြီးဟောင်း ဦးသန်းရွှေက တွေ့ဆုံတာဟာ ဒါသူ့အတွက်လဲပဲ ဒါ ပထမဆုံးပေါ့လေ ၊ နိုင်ငံခြား ဧည့်သည်တဦးကို လက်ခံတွေ့ဆုံတာပဲ။ အဲဒီ အပြင် အဲဒီတွေ့ဆုံမှုနဲ့ ပတ်သက် ပြီးတော့၊ တရုတ်ကွန်မြူနစ်ပါတီကရော တရုတ်သတင်း မီဒီယာတွေကရော နေ့ မကူးခင် အလျှင်မြန် သတင်း ထုတ်ပြန်တာတွကို ကြည့်မယ်ဆိုရင် အဲဒီနောက် ကွယ်မှာ အကျိုးစီးပွားတွေ အများကြီး ဆက်စပ်နေမယ်လို့တော့ ကျနော် သုံးသပ် ပါတယ်ဗျ ”

ဗိုလ်ချုပ်မှူးကြီး သန်းရွှေလက်ထက်မှာ စတင်အကောင်အထည်ဖေါ်ခဲ့တဲ့ မြစ်ဆုံဆည် စီမံကိန်းလို တရုတ်အလိုကျ ဆောင်ရွက်ခဲ့တဲ့ ရင်းနှီးမြှုပ်နှံမှုတွေနဲ့ပတ်သက်လို့ ဗိုလ်ချုပ်မှူးကြီးရဲ့ သဘောထားကို လာပြီး မေးမြန်းတာဖြစ်နိုင်ကြောင်း စစ်ဖက်အရာရှိဟောင်း ဗိုလ်မှူးဟောင်း ဦးအောင်လင်းထွဋ်က သုံးသပ်ပါတယ်။

“ ဗိုလ်ချုပ်မှူးကြီး သန်းရွှေ ကိုယ်တိုင်လည်း ကနေ့ထိဟာ ဘာပဲဖြစ်ဖြစ် ကျနော်တို့ သိရသလောက်တော့၊ ဒီ ဗိုလ်ချုပ်မှူးကြီး မင်းအောင်လှိုင် သည် ဗိုလ်ချုပ်မှူးကြီး သန်းရွှေရဲ့ သြဇာ အရိပ်အောက်မှာပဲ ရှိနေတုန်းပဲ ဖြစ်ပါတယ်။ ဆိုတော့ ဗိုလ်ချုပ် မင်းအောင်လှိုင်သည် ဗိုလ်ချုပ်သန်းရွှေ လုပ်ခဲ့တာတွေကို ဖျက်ဖို့အတွက် သူ့အနေနဲ့ လုပ်ခွင့် မရှိပါဘူး။ လုပ်လို့လဲ ရမယ့်အနေထားမျိုး မရှိတဲ့ အတွက်ကြောင့်မို့လို့၊ တရုတ် ဖက်က မက်ဆေ့ခ်ျ ပေးချင်တာကတော့ ဒီတပ်မတော်နဲ့ ပတ်သက်ပြီးတော့မှ ဒီငြိမ်းချမ်းရေးကိစ္စတွေကို ငြိမ်းငြိမ်းချမ်းချမ်း ဖြစ်ဖို့ အတွက်ကို ဒီ ဗိုလ်ချုပ်မှူးကြီး သန်းရွှေတို့ ဘက်ကနေပြီးတော့မှ .. ဒါ ဗိုလ်ချုပ်မှူးကြီး သန်းရွှေကို ပြောမှ၊ ဗိုလ်ချုပ် မှူးကြီး မင်းအောင်လှိုင်က လုပ်မှာကိုးဗျ၊ အဲဒီတော့ ငြိမ်းချမ်းရေးကိစ္စ ကိုလည်း ပြော နိုင်ပါတယ်။ အလားတူပဲ ဒီမြစ်ဆုံကိစ္စက ဗိုလ်ချုပ်မှူးကြီး သန်းရွှေကိုယ်တိုင် သဘော တူခဲ့တဲ့ ကိစ္စ၊ နောက် ဂက်စ်ပိုက်လိုင်း၊ ရထားလမ်း ကိစ္စတွေဟာ ဒါတွေကို ဗိုလ်ချုပ် မှူးကြီး သန်းရွှေအနေနဲ့ ဘယ်လို သဘောထား မလဲဆိုတဲ့ ဥစ္စာကိုလည်း တရုတ် ဘက်က လာပြီးတော့မှ တီးခေါက်တဲ့ အနေထားမျိုး ရှိတယ်လို့ ကျနော်ထင်တယ်။ ”

ဒီတွေဆုံမှုနဲ့ ပတ်သက်လို့ တရုတ်-မြန်မာဆက်ဆံရေးကျွမ်းကျင်သူ တရုတ်နိုင်ငံ အခြေစိုက် ဒေါက်တာလှကျော်ဇောက သူရဲ့ အမြင်ကို တိုက်ရိုက်လေလှိုင်း အစီအစဉ်မှာ အခုလိုပြောဆိုခဲ့ပါတယ်။

“ အစပိုင်းကတည်းက သူတို့က ကြည့်ရတာ ဟို .. ဗိုလ်ချုပ်မှူးကြီး သန်းရွှေနဲ့ရော ဦးသိန်းစိန်နဲ့ရော သူတို့က တော်တော်ရင်းနှီး ကြတာဖြစ် တာကိုး နော်။ စီးပွားရေး လုပ်ငန်းတွေ ဘာတွေလည်း တောက်လျှောက် လုပ်နေတာဖြစ်တော့ အဲဒီအတွက် ၊ နောက် ခင်ဗျားတို့အားလုံး အသိ ပဲလေ န၀တခေတ်တို့ နအဖခေတ်တို့မှာ တကမ္ဘာ လုံးက ၀ိုင်းပိတ်ဆို့နေတဲ့ အခါမှာ တရုတ်ကပဲ သူတို့ကို အကာကွယ်ပေးထား သလို ဖြစ်တာကိုး၊ အဲဒီတော့ အဲဒီဟာကို အခု အပြန်အလှန် သွားပြီးနှုတ်ဆက်တဲ့ သဘောလောက်ပဲ ရှိမယ်ထင်ပါတယ် ”

တရုတ်နိုင်ငံ ကွန်မြူနစ်ပါတီ ဗဟိုကော်မတီရဲ့ နိုင်ငံ တကာရေးရာဌာနဝန်ကြီး Mr. Song Tao ဦးဆောင်တဲ့ ကိုယ်စားလှယ်အဖွဲ့ ဟာ မြန်မာနိုင်ငံခရီးစဉ် အတွင်း နိုင်ငံတော် အတိုင်ပင်ခံပုဂ္ဂိုလ်လည်းဖြစ် ၊ နိုင်ငံခြားရေး ၀န်ကြီးလည်းဖြစ်တဲ့ ဒေါ်အောင်ဆန်းစုကြည် အပါအ၀င် ကာကွယ်ရေး ဦးစီးချုပ် ဗိုလ်ချုပ်မှူးကြီးမင်းအောင်လှိုင်၊ ကြံခိုင်ဖွံဖြိုးရေးပါတီ ဥက္ကဌ သမ္မတဟောင်း ဦးသိန်းစိန်၊ ပြည်ထောင်စုလွှတ်တော် ဥပဒေရေးရာနှင့် အထူး ကိစ္စရပ်များ လေ့လာဆန်းစစ် သုံးသပ်ရေးကော်မရှင် ဥက္ကဋ္ဌ သူရ ဦးရွှေမန်း တို့နဲ့လည်း တွေ့ဆုံဆွေးနွေး ခဲ့ပါတယ်။

VOA Burmese News


ကွာလာလမ်ပူ သြဂုတ် ၁၃

အစ္စလာမ္မစ်နိုင်ငံတော်ထူထောင်ရေးအဖွဲ့(အိုင်အက်စ်)နှင့် ဆက်သွယ်လှုပ်ရှားမှုများပြုနေသည်ဟု သံသယရှိသူ လူကိုးဦးအား မလေးရှားရဲအဖွဲ့က ဖမ်းဆီးခဲ့ကြောင်း၊ ယင်းတို့ထဲမှ နှစ်ဦးမှာ ယခုလအစောပိုင်းက မလေးရှားတွင်ဖြစ်ပွားခဲ့သော တိုက်ခိုက်မှုတစ်ခု၌ ပါဝင်ခဲ့သူများဖြစ်ကြောင်း မလေးရှားရဲအဖွဲ့က ယနေ့ပြောကြားသည်။

ယင်းသံသယရှိသူကိုးဦးအား မလေးရှားရဲတပ်ဖွဲ့မှ အကြမ်းဖက်မှုတန်ပြန်ချေမှုန်းရေးရဲအဖွဲ့ဝင်များက မြို့တော်ကွာလာလမ်ပူနှင့်အခြားပြည်နယ်များ၌ ဇူလိုင်လကုန်ပိုင်း နှင့်သြဂုတ်လ လဆန်းပိုင်းတွင် ဖမ်းဆီးခဲ့ခြင်းဖြစ်သည်ဟု ရဲအဖွဲ့၏ကြေညာချက်တွင် ဖော်ပြသည်။

မလေးရှားနိုင်ငံ မြို့တော် ကွာလာလမ်ပူမြို့ ဆင်ခြေ ဖုံးတွင် ယခုလအစောပိုင်းက ဖြစ်ပွားခဲ့သော လက်ပစ်ဗုံးဖြင့် ပစ်ပေါက်တိုက်ခိုက်မှုတွင် ပါဝင်ခဲ့သူနှစ်ဦးအား အဆိုပါသံသယဖြင့် ဖမ်းဆီးထားသူကိုးဦးအတွင်းမှ ဖော်ထုတ်တွေ့ရှိရကြောင်း၊ ယင်းတိုက်ခိုက်မှုမှာ မလေးရှားနိုင်ငံတွင် အိုင်အက်စ်အဖွဲ့နှင့် အဆက်အစပ်ရှိသည့် ပထမဆုံးတိုက်ခိုက်မှုဖြစ်ကြောင်း မလေးရှားရဲအဖွဲ့က ပြောကြားသည်။

အိုင်အက်စ်အဖွဲ့ထံမှ တိုက်ခိုက်မှုပြုရန်အမိန့်စောင့် ဆိုင်းနေသူနှစ်ဦးနှင့် အခြားလက်ပစ်ဗုံးများကို ဖမ်းဆီးသိမ်းဆည်းရမိကြောင်း ရဲအဖွဲ့က ဆက်လက်ပြောကြားသည်။

အသက် (၁၇) နှစ်အရွယ်ရှိသည့် သံသယရှိသူတစ်ဦးအား ဘော်နီယိုကျွန်းမြောက်ပိုင်းရှိ ဆာဘားပြည်နယ်တွင် ထိန်းသိမ်းခဲ့ပြီး ၎င်းသည် ဆီးရီးယားနိုင်ငံအတွင်းရှိ အိုင်အက်စ်အဖွဲ့ထံမှ တစ်ကိုယ်တော်တိုက်ခိုက်မှုများပြုလုပ်ရန် အမိန့်ကို လက်ခံရရှိထားသူဖြစ်ကြောင်း ရဲအဖွဲ့က ပြောကြားသည်။

မလေးရှားနိုင်ငံတွင် ၂ဝ၁၃ ခုနှစ်မှစ၍ ယနေ့အထိ အိုင်အက်စ်အဖွဲ့ဝင်ဦးရေ ၂၃ဝ ကို ဖမ်းဆီးထားပြီး ၎င်းတို့ထဲမှ မလေးရှားနိုင်ငံသား ၉ဝ ခန့်မှာ ဆီးရီးယားရှိ အိုင်အက်စ်စစ်သွေးကြွအဖွဲ့၏လှုပ်ရှားမှုနှင့်ပါဝင်ပတ်သက် သူများဖြစ်ကြောင်း ဖော်ထုတ်သိရှိရသည်။

ဆင်ဟွာ။
The Mirror Daily
https://www.facebook.com/TheMirrorDaily



Louisiana ပြည်နယ်မှာ ရေကြီးနေ
အမေရိကန်ပြည်ထောင်စု တောင်ပိုင်း ပြည်နယ်မှာ မိုးသည်းထန်စွာ ရွာသွန်းနေ တာကြောင့် ပြည်နယ်အုပ်ချုပ်ရေးမှူး John Bel Edwards က စနေနေ့မှာ အရေးပေါ် အခြေအနေကို ကြေညာလိုက်ပါတယ်။

Louisiana ပြည်နယ်တောင်ပိုင်း ဆိုးဆိုးရွားရွား ရေကြီးနေထဲ့ ဒေသတွေထဲမှာ New Orleans မြို့လည်း ပါဝင်တာပါ။ လူသေ အလောင်း၂ခုကို ရေထဲက ဆယ်ယူ ခဲ့ရပြီး၊ စနေ နေ့လည်ပိုင်းအထိ လူပေါင်း တထောင်ကျော်ကို ကယ်ဆယ်ခဲ့ရတယ်လို့ National Guard အဖွဲ့က ပြောပါတယ်။

ပြည်နယ်ထဲက နေရာအတော်များများ တနင်္ဂနွေနေ့ထိ ဆက်ပြီးရေကြီးနိုင်ခြေ ရှိနေ ပါတယ်။ တောင်ပိုင်း Mississippi နဲ့ Alabama ပြည်နယ် တွေမှာလဲ မုန်တိုင်းအသွင် နဲ့ မိုးသည်းထန်စွာ ရွာနေပြီး ၊ အဲဒီဒေသတခုလုံး မိုးဆက်ကြီးနိုင်ပါတယ်။

ရေတက်မြန်တာကြောင့် ကားတွေအပါအ၀င် (၁၈) ဘီးတပ် ထရပ်ကားတစီးတို့ ကို ရေအားနဲ့ အဝေးပြေးလမ်းမပေါ်ကနေ လမ်းဘေးကို ထွက်သွားတဲ့ အထိ ဖြစ် သွား ခဲ့တဲ့အတွက် ဒေသခံ အများအပြားကို သူတို့အိမ်တွေကနေ အမြန် ရွေ့ပြောင်း ဖို့အတွက် အရေးပေါ် စီစဉ်လိုက်ရပါတယ်။ Louisiana မြို့တော် Baton Rouge နားမှာ ကယ်ဆယ်ဖို့ စောင့်နေကြတဲ့ လူ (၁၅၀) ကို အမြန် ကယ်ဆယ်နိုင်ရေး စီစဉ်နေတယ်လို့ ဒေသအာဏာပိုင်တွေက ပြောပါတယ်။

 ဗွီအိုအေ (မြန်မာပိုင်း)
http://burmese.voanews.com



ရုရှက ပြေးလာရတဲ့ Stepanova
ရုရှ အားကစားမယ် Yuliya Stepanova ရဲ့ တည်နေရာ အတိအကျ ကို ဖော်ပြတဲ့ သူ့ရဲ့ အီလက်ထရောနစ် အကောင့်ကို ဖောက်ထွင်းခံရကြောင်း WADA နိုင်ငံတကာ တားမြစ်ဆေး သုံးစွဲမှု ဆန့်ကျင်ရေး အဖွဲ့ချုပ်က ပြောကြား လိုက်ပါတယ်။

Stepanova ဟာ ရုရှ အစိုးရက အားကစား သမားတွေ တားမြစ်ဆေး သုံးအောင် အားပေး နေတာကို ဖော်ထုတ်ရာမှာ ကူညီပေးခဲ့လို့ ပုန်းအောင်းနေရသူပါ။

ဝါဒါရဲ့ တားမြစ်ဆေး သုံးစွဲမှု ထိန်းချုပ်ရေး စနစ် အရ အားကစားသမားတွေကို ပုံမှန် ဆေးစစ်ဖို့ သူတို့ ဘယ်ရောက်နေတယ် ဆိုတာကို ဖော်ပြရပါတယ်။

အခု ဒီလို ဖောက်ထွင်းခံလိုက်ရလို့ တခြား အားကစားသမားတွေပါ မထိခိုက်အောင် ဝါဒါက စစ်ဆေးနေပါတယ်။

Stepanova က ရုရှက ပြေးလာပြီးနောက် သူတို့ အခုရောက်နေတဲ့ နေရာသစ်မှာ လုံခြုံတယ်လို့ ခံစားရကြောင်း အရင်လကပဲ ဘီဘီစီကိုပြောကြားပါတယ်။

ဝါဒါကလည်း သူတို့ လုံခြုံရေး အတွက် ဂရုစိုက်ပေးတယ်လို့ ဆိုပါတယ်။

ဒါပေမဲ့လည်း ရုရှမှာတော့ သူတို့ အပေါ် ထားတဲ့ သဘောထားက မကောင်းလှဘဲ လူတွေကရော အားကစား သမားတွေကပါ သူတို့ကို မုန်းတီးနေကြလို့ သူတို့ ရုရှ မပြန်သေးဘူးလို့လည်း Stepanova က ဆိုပါတယ်။

ရုရှ အားကစားအဖွဲ့ကို ရီယို အိုလံပစ် မှာ ပိတ်ပင်ခံရသလို Stepanova ကိုယ်တိုင်လည်း ၂ နှစ် အပိတ်ခံခဲ့ရဖူးပါတယ်။

သူ့ကို ဒီအိုလံပစ်မှာ တခြားအဖွဲ့ တခုအောက်ကနေ ပြိုင်ဖို့ အိုလံပစ်ကော်မတီက ဖိတ်မယ်လို့ မျှော်လင့်ခဲ့ပေမယ့် သူ့ကို တားမြစ်ထားတာကို စမ်းမကြည့်ဖို့ Stepanova က ဆုံးဖြတ်ခဲ့ပါတယ်။

BBC Burmese
http://www.bbc.com/burmese



 IS လက်နက်ကိုင်တွေ အဓမ္မ ထားခိုင်းခဲ့တဲ့ မုတ်ဆိပ် ကျင်စွယ်တွေကို မန်ဘစ်ဂ်ျ မြို့ခံ အမျိုးသားတွေ ပြန်ရိတ်ခဲ့ကြ
ဆီးရီးယားနိုင်ငံ မြောက်ပိုင်းမှာ IS အစ္စလာမစ်နိုင်ငံ လက်နက်ကိုင်တွေရဲ့ ဓါးစာခံအဖြစ် ထိန်းသိမ်း ခံခဲ့ရသူ မန်ဘစ် မြို့ခံ ၂ထောင် အခုအခါ ပြန်လွတ်လာပြီ ဖြစ်ပါတယ်။

အမေရိကန် ထောက်ခံတဲ့ ဆီးရီးယား ဒီမိုကရက်တစ် တပ်ဖွဲ့က မန်ဘစ်မြို့ကို မနေ့က သိမ်းပိုက်ခဲ့ရာမှာ IS လက်နက်ကိုင်တွေက မြို့ခံတွေ ခြံရံပြီး ထွက်ပြေးသွားခဲ့ကြတာပါ။

အတော်များများကို ဓါးစာခံအဖြစ် ဖမ်းသွားခဲ့တာ ဖြစ်ပေမယ့် တချို့ကတော့ IS လက်နက်ကိုင်တွေနဲ့ ဆက်နွယ်နေတဲ့အတွက် ကိုယ့်သဘောနဲ့ကိုယ် သွားတာလို့ ယူဆရပါတယ်။

IS လက်နက်ကိုင်တွေ ထွက်သွားတဲ့ မန်ဘစ်မြို့မှာ မြို့ခံတွေက အောင်ပွဲ ဆင်နွဲနေကြပါတယ်။

အမျိုးသားတွေက IS လက်နက်ကိုင်တွေ အဓမ္မ ထားခိုင်းခဲ့တဲ့ မုတ်ဆိတ် ကျင်စွယ်တွေကို ပြန်ရိတ်ခဲ့ကြပြီး အမျိုးသမီး တချို့ကလည်း ခေါင်းမြီးခြုံ ပုဝါတွေကို မီးတင်ရှို့ခဲ့ကြပါတယ်။

BBC Burmese
http://www.bbc.com/burmese



တိုက်ခိုက်မှု မလုပ်ခင် ရထား ကို မီးရှို့ဖို့ ကြိုးစား
ဆွစ်ဇာလန် နိုင်ငံ က ရထား တစီး ပေါ်မှာ လူတဦး က ဓား နဲ့ တိုက်ခိုက်မှုတွေ လုပ်ခဲ့တဲ့ အတွက် အနည်းဆုံး လူ ခြောက်ဦး ထိခိုက် ဒဏ်ရာ ရရှိ ခဲ့ပြီး တိုက်ခိုက် ခံရသူ အချို့တွေရဲ့ အသက် အန္တရာယ် ဟာ စိုးရိမ် ရပါတယ်။

တိုက်ခိုက်မှုတွေ လုပ်ခဲ့တဲ့ အသက် ၂၇ နှစ် အရွယ် ဆွစ် လူမျိုး ကို ဖမ်းဆီး ရမိထားပြီး အဲဒီ့ လူက တိုက်ခိုက်မှုတွေ မလုပ်ခင်မှာ ရထား ကိုလည်း မီးရှို့ဖို့ ကြိုးစား ခဲ့တယ်လို့ ရဲတပ်ဖွဲဝင် တဦး က ပြောပါတယ်။

တိုက်ခိုက်မှုတွေ ဖြစ်ပွား တဲ့ နေရာမှာ လုံခြုံရေး အမြောက်အများ ချထားပြီး အစွန်းရောက် တိုက်ခိုက်မှု ဟုတ် မဟုတ် ဆိုတာကိုတော့ စုံစမ်း စစ်ဆေး နေတုန်း ပဲလို့ တာဝန်ရှိသူတွေက ပြောကြား ပါတယ်။

BBC Burmese
http://www.bbc.com/burmese


အမေရိကန်ပြည်ထောင်စု Puerto Rico မှာ ဇီကာရောဂါပိုး ကူးစက်ပျံ့ပွားမှု ကျယ်ကျယ်ပြန့်ပြန့် ဖြစ်လာတဲ့အတွက် အမေရိကန်အစိုးရက သောကြာနေ့မှာ အရေးပေါ် အခြေအနေ ကြေညာလိုက်ပါတယ်။

အခု ၂၀၁၆ နှစ်ကုန်ပိုင်းလောက်မှာ Puerto Rico ဒေသခံ ၃ သန်းခွဲထဲက လေးပုံတပုံလောက်ဟာ ဒီရောဂါပိုး ကူးစက်တာ ခံရနိုင်တယ်လို့ ဒီသီတင်းပတ်ထဲ Puerto Rico ကျွန်းဒေသကို သွားရောက်ခဲ့တဲ့ အမေရိကန်စစ်တပ် ကျန်းမာရေးဆိုင်ရာ အကြီးအကဲ Surgeon General Vivek Murthy က ခန့်မှန်းလိုက်ပါတယ်။

ပြီးခဲ့တဲ့ သီတင်းပတ်ထဲမှာပဲ Puerto Rico မှာ ရောဂါကူးစက်ဖြစ်ပွးသူ ၁၉၁၄ ယောက် ရှိခဲ့တာမို့ ပထမဆုံး ဒီရောဂါ ဖြစ်ပွားသူ တွေ့ခဲ့တဲ့ ဒီဇင်ဘာလ ကစပြီး အခုဆိုရင် စုစုပေါင်း (၁၀,၆၉၀) ရှိသွားပြီ ဖြစ်ပါတယ်။ ဒီအထဲမှာ ကိုယ်ဝန်ဆောင်မိခင်က တထောင် ကျော်ပါတယ်။

ဒါပေမဲ့ ရောဂါအကူးစက်ခံရသူ အရေအတွက် ဒီထက်ပိုများမှာကို ကျွမ်းကျင်သူတွေက စိုးရိမ်နေတာပါ။ အခုလို အကူးစက်ခံရသူ ဆယ်ယောက်မှာ ၈ ယောက်က ရောဂါလက္ခဏာ မပြတာမို့ ဆရာဝန်ဆီ မသွားကြပါဘူး။

အခုလို အရေးပေါ် အခြေနေ ကြေညာဖို့ အုပ်ချုပ်ရေးမှူး Alejandro Garcia Padilla က ပန်ကြားခဲ့တာဖြစ်ပြီး ဒီအခြေနေအောက်မှာဆိုရင် Puerto Rico အတွက် ရောဂါတိုက်ဖျက်ရေး အရေးပေါ် ရန်ပုံငွေအပြင် ဆေးဝန်ထမ်းတွေပါ ချထားပေးရမှာ ဖြစ်ပါတယ်။

ဒီရောဂါပိုးကြောင့် လူနာအသဲအသန်ဖြစ်တာ သိပ်မရှိပေမဲ့ ကိုယ်ဝန်ဆောင်မိခင်တွေမှာ အကူးစက်ခံရရင်တော့ မွေးလာတဲ့ ကလေးဟာ microcephaly လို့ခေါ်တဲ့ ပုံမှန်မဟုတ်ဘဲ သိပ်သေးတဲ့ ဦးခေါင်းပါတဲ့ ချို့ယွင်းမှုရှိတဲ့ ကလေးတွေ မွေးလာတတ်ပါတယ်။

 ဗွီအိုအေ (မြန်မာပိုင်း)
http://burmese.voanews.com



နန်းတော်မှာ ထားရှိတဲ့ ရုပ်အလောင်းကို တန်းစီ ဂါရဝပြု
ရိုမေးနီးယား နိုင်ငံက နန်းကျ မိဘုရားကြီးရဲ့ ဈာပနကို လူရာနဲ့ချီ တက်ရောက် ခဲ့ကြပါတယ်။

ဘူခါရက်စ် မြို့တော်က နန်းတော်မှာ ဒီဈာပန အခမ်းအနားကို ကျင်းပခဲ့တာပါ။

အန်း မိဘုရားကြီးက အသက် ၉၂ နှစ် အရွယ်မှာ ဆွစ်ဇာလန်မှာ ကွယ်လွန်ခဲ့ပါတယ်။

၁၉၄၇ က ရိုမေးနီးယား ဘုရင် မိုက်ကယ်ကို ကွန်မြူနစ်တွေ နန်းချလို့ နိုင်ငံက ထွက်ပြေးခဲ့ပြီးနောက်မှ သူနဲ့ ဘုရင်ဟောင်းတို့ လက်ထပ်ခဲ့တာပါ။

ဒီနောက် သူတို့ နိုင်ငံကို အနှစ် ၄ဝ ကျော် ပြန်လို့မရ ဖြစ်ခဲ့ပါတယ်။

သူ့ရဲ့ ရုပ်ကလာပ်ကို မြှုပ်နှံမယ့် ရိုမေးနီးယား အလယ်ပိုင်းက မြို့လေးမှာ ရာနဲ့ချီတဲ့ ပြည်သူတွေ စုဝေးခဲ့ကြပါတယ်။

မကြာခင်က ကောက်ခဲ့တဲ့ စစ်တမ်းတွေ အရ ရိုမေးနီးယားမှာ ပြည်သူတွေက လက်ရှိ ခေါင်းဆောင်တွေထက် တော်ဝင် မိသားစုတွေကို ပိုပြီး လိုလားတယ်လို့ သိရပါတယ်။

ဒါပေမဲ့လည်း ဘုရင်စနစ် ပြန်အသက်သွင်းဖို့ ကိုတော့ သူတို့ ဘယ်တော့မှ လေးလေးနက်နက် မစဉ်းစားခဲ့ကြဘူးလို့ ဆိုပါတယ်။

BBC Burmese
http://www.bbc.com/burmese

Facebook တွင် ပေါ်ထွက်လာသည့် ဗိုလ်ချုပ်မှူးကြီးဟောင်း ဦးသန်းရွှေနှင့် တရုတ်ဝန်ကြီး တွေ့ဆုံနေသည့် ဓာတ်ပုံ။

မြန်မာနိုင်ငံသို့ လာရောက်ခဲ့သည့် တရုတ်နိုင်ငံ ကွန်မြူနစ်ပါတီ ဗဟိုကော်မတီ၏ နိုင်ငံတကာရေးရာဌာနဝန်ကြီး မစ္စတာဆုန့်ထောင်း (Mr.Song Tao) ဦးဆောင်သော ကိုယ်စားလှယ်အဖွဲ့က အငြိမ်းစား ဗိုလ်ချုပ်မှူးကြီး ဦးသန်းရွှေအား သွားရောက်တွေ့ဆုံခဲ့သည့် ဓာတ်ပုံသည် တရုတ်သတင်းမီဒီယာများနှင့် လူမှုကွန်ယက်များတွင် သြဂုတ် ၁၂ ရက်နေ့က ပေါ်ထွက်လာသည်။

၂၀၁၁ ခုနှစ်တွင် တာဝန်မှ အနားယူသွားပြီးနောက် လူမြင်ကွင်းသို့ ပေါ်ထွက်လာခြင်းမရှိသည့် ဗိုလ်ချုပ်မှူးကြီးဟောင်း ဦးသန်းရွှေ ပထမဆုံး ပြန်လည် ပေါ်ထွက်လာခြင်းလည်း ဖြစ်သည်။

ယခုတရုတ်ကိုယ်စားလှယ်အဖွဲ့သည် ၎င်းတာဝန်မှ အနားယူပြီးချိန်မှ စတင်ကာ ပထဆုံး လက်ခံတွေ့ရှိခဲ့သည့် အဖွဲ့လည်း ဖြစ်သည်။ သို့သော် မည်သည့်နေ့ရက်က တွေ့ဆုံခဲ့ခြင်းဖြစ်သည်ကိုမူ မသိရှိရပေ။

မစ္စတာ ဆုန့်ထောင်း ဦးဆောင်သော ကိုယ်စားလှယ်အဖွဲ့သည် သြဂုတ် ၁၀ ရက်နေ့ ညက နေပြည်တော်သို့ ရောက်ရှိခဲ့ပြီး သြဂုတ် ၁၄ ရက်နေ့အထိ နေပြည်တော်နှင့် ရန်ကုန်မြို့တို့တွင် အစိုးရအဖွဲ့ခေါင်းဆောင်များနှင့် ပါတီခေါင်းဆောင်များကို တွေ့ဆုံရန် စီစဉ်ထားကြောင်း မြန်မာနိုင်ငံရှိ တရုတ်သံရုံးက သတင်းထုတ်ပြန်ခဲ့သည်။

သြဂုတ် ၁၂ ရက်နေ့ ထုတ်ပြန်သည့် အဆိုပါ သတင်းထုတ်ပြန်ချက်နှင့်အတူ တရုတ်ဝန်ကြီးနှင့်အဖွဲ့က ဒေါ်အောင်ဆန်းစုကြည်၊ သူရဦးရွှေမန်းနှင့် ဦးသိန်းစိန်တို့အား သွားရောက်တွေ့ဆုံခဲ့သည့် သတင်းဓာတ်ပုံများကို ဖော်ပြထားသော်လည်း ဗိုလ်ချုပ်မှူးကြီးဟောင်း ဦးသန်းရွှေနှင့် တွေ့ဆုံခဲ့မှုကိုမူ ထည့်သွင်းဖော်ပြထားခြင်း မရှိသည်ကို တွေ့ရသည်။

၎င်းကိုယ်စားလှယ်အဖွဲ့သည် နိုင်ငံတော်၏အတိုင်ပင်ခံပုဂ္ဂိုလ်နှင့် နိုင်ငံခြားရေးဝန်ကြီး ဒေါ်အောင်ဆန်းစုကြည်အား သြဂုတ်လ ၁၁ ရက်နေ့က သွားရောက်တွေ့ဆုံခဲ့ခြင်း ဖြစ်သည်။

ထို့ပြင် ပြည်ထောင်စုလွှတ်တော် ဥပဒေရေးရာနှင့် အထူးကိစ္စရပ်များ လေ့လာဆန်းစစ် သုံးသပ်ရေး ကော်မရှင် ဥက္ကဋ္ဌ သူရဦးရွှေမန်းနှင့်လည်း တွေ့ဆုံခဲ့သည်ဟု သတင်းထုတ်ပြန်ချက်တွင် ဖော်ပြထားသည်။

သမ္မတဟောင်းနှင့် ပြည်ထောင်စုကြံ့ခိုင်ရေးနှင့်ဖွံ့ဖြိုးရေးပါတီ ဥက္ကဋ္ဌ ဦးသိန်းစိန်ကိုလည်း မစ္စတာဆုန့်ထောင်း ဦးဆောင်သော ကိုယ်စားလှယ်အဖွဲ့က နေပြည်တော်ရှိ ပြည်ထောင်စု ကြံ့ခိုင်ရေးနှင့် ဖွံ့ဖြိုးရေးပါတီ ရုံးချုပ်တွင် တွေ့ဆုံခဲ့ကြသည်။

မြန်မာနိုင်ငံအား နှစ်ပေါင်းများစွာ အုပ်ချုပ်ခဲ့သည့် စစ်အစိုးရအဖွဲ့ဖြစ်သည့် နိုင်ငံတော် အေးချမ်းသာယာရေးနှင့် ဖွံ့ဖြိုးရေးကောင်စီ၏ ဥက္ကဋ္ဌဖြစ်ခဲ့သူ ဗိုလ်ချုပ်မှူးကြီးဟောင်း ဦးသန်းရွှေသည် ၁၉၉၂ ခုနှစ်မှ ၂၀၁၁ ခုနှစ်အထိ မြန်မာနိုင်ငံအား အုပ်ချုပ်ခဲ့သည်။ ထို့နောက် စစ်တပ်က ကြောထောက်နောက်ခံပြုထားသည့် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီထံ အာဏာ လွှဲပြောင်းပေးအပ်ပြီးနောက် ၎င်းကိုယ်တိုင် ရွေးချယ်ခဲ့သည်ဟု ယူဆရသည့် ဦးသိန်းစိန်အား သမ္မအဖြစ် တင်မြှောက်ကာ တာဝန်မှ အနားယူသွားခဲ့ခြင်း ဖြစ်သည်။

သို့သော် ၎င်းသည် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီအပေါ် သြဇာအာဏာ ရှိနေဆဲဖြစ်သည်ဟု နိုင်ငံရေး လေ့လာသုံးသပ်သူများက ယူဆထားကြသည်။

Frontier Myanmar
http://frontiermyanmar.net/mm/news/2434