08/24/16


၂၀၁၆ ခုနှစ်၊ သြဂုတ်လ (၂၄)ရက်နေ့ မြန်မာစံတော်ချိန် (၁၇)နာရီ (၀၄)မိနစ် (၅၅)စက္ကန့်အချိန်တွင် မန္တလေး မြေငလျင် စခန်းမှ အနောက်တောင်ဘက် (၁၂၃)မိုင်ခန့် ကွာဝေးသော မြန်မာနိုင်ငံပြည်တွင်း (ချောက်မြို့၏ အနောက်ဘက် (၁၂)မိုင်ခန့်အကွာ)ကို ဗဟိုပြု၍ အင်အားရစ်(ခ်)တာ စကေး (၆.၈)အဆင့်ရှိ အင်အားပြင်းထန်သော မြေငလျင် ဖြစ်ပေါ်ခဲ့ရာ ညောင်ဦးမြို့နယ် ပုဂံဒေသရှိ ဓမ္မရံကြီး၊ ထီးလိုမင်းလို စေတီတော် ကွမ်းတောင်များပြိုကျခဲ့ပါသည်။

 မြန်မာစံတော်ချိန် (၁၈)နာရီ(၁၀)မိနစ်အထိ စာရင်းကောက်ခံချက်အရ ဘုရားပုထိုး ၆၅ဆူထိခိုက်မှုရှိကြောင်း ဆက်လက်စစ်ဆေးလျက်ရှိကြောင်း ကနဦး သတင်းရရှိပါသည်။

၂၄.၈.၂၀၁၆
Ministry of Religious Affairs


ငလျင်လှုပ်ခတ်ပြီး ညောင်ဦးမြို့ ကနဦးသတင်း

မန္တလေးတိုင်းဒေသကြီး၊ ညောင်ဦးခရိုင်၊ ညောင်ဦးမြို့တွင် (၂၄-၈-၂၀၁၆)ရက်နေ့ ညနေ (၁၇: ၀၇)နာရီအချိန်ခန့်တွင် လှုပ်ခတ်သွားသောအင်အားရစ်(ခ်)တာစကေး ၆.၈ အဆင့်ရှိ အင်အားပြင်း ထန်သောမြေငလျင်ဒဏ်ကြောင့် ပုဂံညောင်ဦးမြို့ရှိ ထီးလို မင်းလိုစေတီတော်ထီးတော်ပြိုကျခြင်း၊ ဓမ္မရံ ကြီးဘုရားမုဒ်ဦးပြိုကျခြင်း၊ ငါးမျက်နှာ ဘုရားအပျက်အစီးအနည်းငယ်ရှိခြင်း၊ ဘုရားအမှတ် ၁၆၁၆ ပျက်စီးခြင်း၊ ခေမိန္ဒ ဘုရားပျက်စီးခြင်း၊ မြစေတီစိန်ဖူးတော်ပြုတ်ကျခြင်း၊ အာနန္ဒာဘုရား အင်္ဂတေကွာကျခြင်း၊ တဘက်ကျစေတီထီးတော်မြေခခြင်းနှင့် အမည်မသိဘုရားအချို့ ပျက်စီး ဆုံးရှုံးမှုရှိခဲ့ကြောင်းကနဦးသတင်းရရှိသည်။

ညောင်ဦး ပြန်/ဆက်



နာဂဒေသ ဝက်သက်ရောဂါကူးစက်မှု ဆရာဝန်မှ စစ်ဆေးနေပုံ (MOI)
စစ်ကိုင်းတိုင်းဒေသကြီး နာဂကိုယ်ပိုင်အုပ်ချုပ်ခွင့်ရဒေသ အတွင်း ဖြစ်ပွါးနေတဲ့ ပြင်းထန်ဝက်သက်ကူးစက်ရောဂါကို အစိုး ရကျန်းမာရေးဌာနရောဂါတိုက်ဖျက်ရေးအဖွဲ့တွေကနေ ကွင်းဆင်းကုသပေးနေပေမဲ့ ရောဂါမကုသနိုင်သေးတဲ့ ဒေသ တချို့မှာ အခြေအနေကိုမထိန်းချုပ်နိုင်သေးဘဲ ကလေးငယ်တွေ သေပျောက်မှုတွေရှိနေဆဲလို့ တိုင်းဒေသကြီး လွှတ် တော်ကိုယ်စားလှယ်တွေကပြောပါတယ်။ လက်ရှိအချိန်အထိတော့ ကလေးငယ်ဦးရေ(၆၈)ဦး သေဆုံးခဲ့တယ်လို့လဲ အတည်ပြုပြောဆိုတာပါ။ နာဂကိုယ်ပိုင်အုပ်ချုပ်ခွင့်ရဒေသအတွင်းဖြစ်ပွားနေတဲ့ရောဂါနောက်ဆုံး အခြေအနေနဲ့ ပက်သက်လို့ ထိုင်းအခြေစိုက်VOAသတင်းထောက်နိုင်ကွန်းအိန်ကနေသတင်းပေးပို့ထားပါတယ်။

နာဂကိုယ်ပိုင်အုပ်ချုပ်ခွင့်ရဒေသအတွင်းဖြစ်ပွားနေတဲ့ပြင်းထန်ဝက်သက်ကူးစက်ရောဂါကြောင့် ယနေ့အထိ ကလေး ငယ် ၆၈ ဦးသေဆုံးသွားခဲ့ပြီးလို့ စစ်ကိုင်းတိုင်းဒေသကြီးလွှတ်တော်ကိုယ်စားလှယ်၊ ဦးစိန်းမောင်က အခုလို ပြောပါ တယ်။

“ကျနော်တို့အတည်ပြုချက်အရဆိုရင်တော့ ၆၈ ယောက် ရှိတယ်ခင်ဗျ ဒီနန်းယွန်းမြို့နယ်က အများဆုံးဖြစ်တယ်ခင်ဗျ။ နန်းယွန်းမှာက လူဦးရေ ၄၀ ဗျ လဟယ်မြို့နယ်မှာက ၂၈ ဦးဗျ။”

အစိုးရကျန်းမာရေးဌာနရောဂါတိုက်ဖျက်ရေးအဖွဲ့တွေအနေနဲ့ ရောဂါဖြစ်ပွါးရာ နာဂဒေသက လဟယ်မြို့နယ်နဲ့ နန်း ယွန်းမြို့နယ်နှစ်ခုအနက်က လဟယ်မြို့နယ်မှာသာ ဆေးဝါးကုသနေခဲ့ပြီးတော့ နန်းယွန်းမြို့နယ်ထဲမကုသနိုင်သေးတဲ့ အတွက် ကဲဆန်ဆာလင်နဲ့ ကဲဆန်ကားလန်ကျေးရွာမှာ ရောဂါအခြေအနေဆိုးဝါးနေစဲလို့ ဦးစိမ်းမောင်ကဆိုပါတယ်။

“အခုသူက တိုင်းအဆင့်သော်၎င်း၊ ပြည်ထောင်စုအဆင့်သော်၎င်း၊ ကျန်းမာရေးဌာနကနေပြီးတော့မှ လာရောက်ကူသတာက လဟယ်မြို့နယ်မှာပဲအခြေပြုပြီးတော့ ကုသနေပါတယ်ခင်ဗျ။ နန်းယွန်းမြို့နယ်မှာကတော့ တိုင်းကသော်၎င်း ၊ ပြည်ထောင်စုအဆင့်သော်၎င်း၊ စေလွှတ်ထားတဲ့ ဆရာဝန်တွေ ရောက်ရှိခြင်းမရှိတာကိုတွေ့ရတယ်ခင်ဗျ။ ကဲဆန်ဆာလင်နဲ့ ကဲဆန်ကားလန်မှာ ကျန်းမာရေး ဖျားနာမှုတွေကလည်း ပုံမှန်ရှိနေသလို ၊ ကလေးတွေလည်း ပုံမှန်သေနေတယ်ခင်ဗျ။ ကျန်းမာရေးဌာနကတော့ နန်းယွန်းမြို့နယ်ကို သူတို့လာဖို့အစီအစဉ်မရှိတာလားမသိဘူးပေါ့နော်။ အခုထက်ထိတော့ လာရောက်ပြီးတော့ ဆေးဝါးကုသတာမတွေ့ရဘူးခင်ဗျ။ ကျန်းမာရေး ဆိုးဆိုးဝါးဝါးဖြစ်နေတဲ့ အချိန်ကာလမှာ ကုသမှုပိုင်းဆိုင်ရာမှာတော့ လုံးဝအားမရဘူးလို့ ကျနော့်အနေနဲ့ မှတ်ချက်ပေးချင်ပါတယ်ခင်ဗျ။”

ဒီကူးစက်ရောဂါနဲ့ပတ်သက်လို့ ပြည်ထောင်စုအစိုးရ စစ်ကိုင်းတိုင်းဒေသကြီးအစိုးရတို့ကနေ အရေးပေါ်ဆေးကုသမှု အဖွဲ့တွေကိုစေလွှတ်ပြီး ရောဂါကိုကုသပေးနေတယ်လို့ စစ်ကိုင်းတိုင်းဒေသကြီးလွှတ်တော်ကိုယ်စားလှယ် ဒေါက်တာ ကျော်သူဟန်ထွန်းက အခုလိုပြောပါတယ်။

“အခုကျန်းမာရေးဝန်ကြီးဌာနက ကလေးအထူးကု ၅ ဦး၊ အထွေထွေရောဂါကု ၅ ဦးကိုလွှတ်ထားတယ်ခင်ဗျ။ ကျနော်တို့ တိုင်းအစိုးရက လူမှုရေးဝန်ကြီး ဒေါက်တာ ဇော်ဝင်တက်သွားတယ်ခင်ဗျ နာဂဒေသကိုပေါ့နော်။ လူမှုရေးဝန်ကြီးမသွားခင်၊ ကျန်းမာရေးဦးစီးဌာနက ကုသရေးအဖွဲ့တွေ တဖွဲ့ပြီး တဖွဲ့လွှတ်ပါတယ်ခင်ဗျ။”

နာဂကိုယ်ပိုင်အုပ်ချုပ်ခွင့်ရဒေသမှာဖြစ်ပွါးနေတဲ့ ကူးစက်ရောဂါထိန်းချုပ်နိုင်ဖို့ ကာကွယ်ရေးဝန်ကြီးဌာနဆေးဝန်ထမ်း ညွှန်ကြားရေးမှူးရုံးရဲ့စီစဉ်မှုနဲ့ နေပြည်တော် ခန္တီးတပ်မတော်ဆေးရုံကအထူးကုဆရာဝန်တွေ၊ ဗဟိုကကူးစက် ရောဂါ တိုက်ဖျက်ရေးအဖွဲ့နဲ့စစ်ကိုင်းတိုင်းဒေသကြီး ကချင်ပြည်နယ်က ကူးစက်ရောဂါတိုက်ဖျက်ရေးအဖွဲ့တို့ကနေ သြဂုတ် လဒုတိယအပါတ်ကစလို့ ကွင်းဆင်းကုသမှုကြောင့် အသေပျောက်နည်းပါးလာခဲ့ပေမဲ့ နန်းယွန်းမြို့နယ်ထဲမှာတော့ ရောဂါ ကုသနိုင်မှုကအားနဲနေပါသေးတယ်။

နာဂဒေသအတွင်းဆေးဝါးကုသမှုနဲ့ပက်သက်ပြီးတွေ့ကြုံနေရတဲ့အခက်ခဲအခြေအနေကိုတော့ ဒေါက်တာ ကျော်သူ ဟန်ထွန်းက အခုလိုပြောပါတယ်။

“အဓိကက ကလေးတွေက ကာကွယ်ဆေးမထိုးရတာ ။ ကာကွယ်ဆေးထိုးဖို့ အခက်အခဲဖြစ်တာပေါ့ အဲဒီမှာ သွားရေးလာရေး လမ်းပန်းဆက်သွယ်ရေးကခက်တာကြောင့်၊ ပြီးတော့ ကာကွယ်ဆေးတွေ သိုလှောင်ဖို့ကို ခက်တာမို့ ကလေးတွေက ကာကွယ်ဆေးမထိုးရတာ။ ကာကွယ်ဆေးမထိုးရတာနဲ့ များသောအားဖြင့်ကူးစက်ဖြစ်သွားတာပေါ့ ။ ပြီးတော့ နာဂဒေသက အိမ်တွေရဲ့ နေထိုင်မှုပုံစံတွေကလည်း အသက်ရှုလမ်းကြောင်းဆိုင်ရာ ပြဿနာတွေဖြစ်နိုင်တယ် သူတို့ရဲ့ lifestyle ပေါ့နော်။”

အစိုးရ၀န်ကြီးဌာနတွေကနေ နာဂကိုယ်ပိုင်အုပ်ချုပ်ခွင့်ရဒေသတွင်း ပြင်းထန်ဝက်သက်ကူးစက်ရောဂါဖြစ်ပွားနေတဲ့ အခြေအနေတွေကိုထိန်းချုပ်နိုင်ပြီးလို့ကြေညာထားပေမဲ့ မြေပြင်အနေအထားအရ အပြည့်အ၀မထိန်းချုပ်နိုင်သေးဘဲ သေဆုံးမှုထပ်မံဖြစ်ပွါးနေတယ်လို့ နာဂအမျိုးသားရေးရာ ကောင်စီကတာဝန်ရှိသူတွေကနေ ပြောဆိုခဲ့ပါတယ်။

စစ်ကိုင်းတိုင်းဒေသကြီး နာဂဒေသမှာ ဇွန်လပထမအပတ်လောက်ကတည်းကစတင်ပြီး လဟယ်မြို့နယ်အပြင် နန်း ယွန်းမြို့နယ်ဒုံဟီးမြို့နယ်ခွဲကကျေးရွာတွေမှာ ကူးစက်ရောဂါဖြစ်ပွားလာခဲ့ပြီး ကလေးငယ်(၆၈)ဦးအသေအပျောက်ရှိ ခဲ့ပြီးလို့တိုင်းဒေသကြီး လွှတ်တော်ကိုယ်စားလှယ်တွေကနေ အတည်ပြုပြောဆိုခဲ့ပါတယ်။

စစ်ကိုင်းတိုင်းဒေသကြီးအတွင်းက နာဂကိုယ်ပိုင်အုပ်ချုပ်ခွင့်ရဒေသဟာ မဖွံ့ဖြိုးသေးတဲ့ဒေသတခုဖြစ်ပြီးလမ်းပမ်းဆက် သွယ်ရေးခက်ခဲမှု ဒေသခံတွေကလဲ ကျန်းမာရေးအသိပညာချို့တဲ့မှု ကျန်းမာရေးဝန်ထမ်းမလုံလောက်မှု စတဲ့ပြဿနာ တွေရှိနေဆဲလို့လဲ စစ်ကိုင်းတိုင်းဒေသကြီးလွှတ်တော်ကိုယ်စားလှယ် ဒေါက်တာကျော်သူဟန်ထွန်းကပြောပါတယ်။

နိုင်ကွန်းအိမ် / ဗွီအိုအေ (မြန်မာပိုင်း)
http://burmese.voanews.com

မြေငလျင်သတင်းထုတ်ပြန်ချက်

၂၀၁၆ ခုနှစ်၊ သြဂုတ်လ (၂၄)ရက်နေ့ မြန်မာစံတော်ချိန် (၁၇)နာရီ (၀၄)မိနစ် (၅၅)စက္ကန့် အချိန်တွင် မန္တလေး မြေငလျင် စခန်းမှ အနောက်တောင်ဘက် (၁၂၃)မိုင်ခန့် ကွာဝေးသော မြန်မာနိုင်ငံပြည်တွင်း (ချောက်မြို့၏ အနောက်ဘက် (၁၂)မိုင်ခန့်အကွာ)ကို ဗဟိုပြု၍ အင်အားရစ်(ခ်)တာ စကေး (၆.၈)အဆင့်ရှိ အင်အား အနည်းငယ် ရှိသော မြေငလျင် တစ်ခုလှုပ်ရှားသွားကြောင်း တိုင်းထွာရရှိခဲ့ပါသည်။

REF: မိုးလေဝသနှင့်ဇလဗေဒညွှန်ကြားမှုဦးစီးဌာန




နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ငြိမ်းချမ်းရေးလုပ်ငန်းစဉ် ဦးဆောင်အဖွဲ့ PPST တို့ နေပြည်တော် သင်္ဂဟဟိုတယ်မှာ သြဂုတ်လ ၂၄ ရက်နေ့က တွေ့ဆုံဆွေးနွေးနေစဉ်။ Photo: Myo Thant Khaing/ RFA
ငြိမ်းချမ်းရေးညီလာခံ မအောင်မြင်ရင် ငြိမ်းချမ်းရေးရဖို့ နောင်ဘယ်လောက်ထိ စောင့်ရမလဲ မပြောနိုင် သလို စောင့်နေတဲ့ကာလမှာ တိုင်းပြည်မှာ ဘယ်လောက် ထိခိုက်နစ်နာမှုတွေ ရှိနိုင်မလဲဆိုတာ စဉ်းစားစေချင်ကြောင်း နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က တိုက်တွန်းလိုက်ပါတယ်။

ဒီနေ့ နေပြည်တော် သင်္ဂဟဟိုတယ်မှာ ငြိမ်းချမ်းရေးလုပ်ငန်းစဉ် ဦးဆောင်အဖွဲ့ PPSTနဲ့ တွေ့ဆုံစဉ်မှာ ဒေါ်အောင် ဆန်းစုကြည် ကလာမယ့်ငြိမ်းချမ်းရေးဆွေးနွေး ပွဲ အရေးကြီးတဲ့ အကြောင်း ပြောလိုက်တာဖြစ်ပါတယ်။

"လူတစ်ယောက်ရဲ့ ဘ၀မှာ အခွင့်အလမ်းဆိုတာ နှစ်ခါပြန်မလာနိုင်ပါဘူး၊ အခွင့်အရေးတစ်ခါ လွတ်သွား ရင် ပြန်လာနိုင်ပေမယ့် အဲ့ဒီကြားထဲမှာ အဟောသိကံ ဖြစ်သွားနိုင်တယ်၊ အဟောသိကံ မဖြစ်သွားစေချင် ဘူး။ ကျွန်မတို့ရဲ့ အချိန်တွေ ပြည်သူလူထုနဲ့ ငြိမ်းချမ်းရေးမှာ ပါနေတဲ့ ပုဂ္ဂိုလ်တွေရဲ့ အရည်အချင်းတွေ အချိန်တွေ အလကား အဟောသိကံဖြစ်သွားနိုင်တယ်။ ဒါကြောင့် ဒီတစ်ခါ အောင်မြင်အောင် လုပ်ချင် တယ် အောင်မြင်အောင် လုပ်နိုင်ရင် ကျမတို့နိုင်ငံအတွက် အများကြီး အကျိုးရှိနိုင်တယ် ဒီတစ်ခါ မအောင်မြင်ရင် နောင်ဘယ်လောက်ထိ စောင့်ရမလဲ၊ စောင့်နေတဲ့ အချိန်အတွင်းမှာ ကျမတို့နိုင်ငံ ဘယ်လောက်ထိခိုက် နစ်နာမလဲဆိုတာ စဉ်းစားစေချင်တယ်၊ ဘယ်သူ့ကိုမှ အပြစ်ဆိုချင်လို့မဟုတ်ဘူး၊ ကျမတို့ နိုင်ငံဟာ ဒေသတွင်းနိုင်ငံတွေထဲမှာ နောက်ကျကျန်ခဲ့ပြီ ကျမတို့ ဆုံးရှုံးသွားတဲ့ အချိန်တွေ ဒီနိုင်ငံကို တိုးတက်အောင် တည်ငြိမ်အောင် ဖွံ့ဖြိုးအောင် လုပ်နိုင်တဲ့ အခွင့်အရေး ကျမတို့ ဘယ်လောက်တောင် ဆုံးရှုံးသွားပြီလဲ အဲဒီလို ဖံွ့ဖြိုးတိုးတက်အောင် လုပ်ပေးနိုင်တဲ့ ပုဂ္ဂိုလ်တွေရဲ့ အရည်အချင်းတွေ ဘယ်လောက်ဆုံးရှုံးသွားပြီလဲ ဒါအင်မတန်နှမြောဖို့ ကောင်းတယ်။ နောက်တစ်ခါ ထပ်ပြီး အဲ့ဒီလိုဆုံးရှုံးခြင်းမျိုး မဖြစ်စေချင်ဘူး။ အခုဆွေးနွေးပွဲကို ရောက်လာသူတွေအားလုံး ဒီတစ်ခါ ညီလာခံ စလိုက်ပြီဆိုရင် ဒီနိုင်ငံမှာ မလိုအပ်ဘဲ နိုင်ငံ သူနိုင်ငံသားတွေအတွက် ဘယ်တော့မှဆုံး ရှုံးခြင်းတွေ မရှိအောင် ကြိုးစားပေးကြပါလို့ မေတ္တာရပ်ခံပါတယ်"

၂၁ရာစု ပင်လုံညီလာခံဟာ တစ်ယောက်နဲ့တစ်ယောက် ယုံကြည်မှုရှိဖို့၊ အပြန်အလှန် နားလည်မှုရှိဖို့ ဆွေးနွေးကြ မှာဖြစ်ပြီး ယုံကြည်မှုမရှိရင် စာချုပ်တွေမှာ လက်မှတ်ထိုးထားပေမယ့် အဟောသိကံ ဖြစ် သွားနိုင်ကြောင်း ဒေါ်အောင်ဆန်းစုကြည်က ပြောခဲ့ပါတယ်။

ဒါ့အပြင် ယုံကြည်မှုရှိဖို့အတွက် တစ်ယောက်နဲ့ တစ်ယောက် ပွင့်လင်းတဲ့ဆက်ဆံရေးရှိဖို့ လိုအပ်ကြောင်းနဲ့ တစ်ဖက်သား နားလည်အောင် အကျိုးရှိပြီး မှန်ကန်တဲ့ တစ်ဖက်သားခံသာတဲ့ စကားတွေကို ပြောဆိုဖို့လိုအပ် မှာဖြစ်ကြောင်းလည်း ပြောခဲ့ပါတယ်။

တွေ့ဆုံပွဲတက်ရောက်လာသူတွေကို အခုချိန်ထိ မြန်မာနိုင်ငံမှာ ဘာကြောင့် ထာဝရငြိမ်းချမ်းရေး မတည်ဆောက်နိုင်တာလဲဆိုတာကို စဉ်းစားကြဖို့လည်း တိုက်တွန်းခဲ့ပါတယ်။

တွေ့ဆုံပွဲမှာ ညီလာခံ အကြိုပြင်ဆင်ရေးကော်မတီ ဥက္ကဋ္ဌ ဒေါက်တာတင်မျိုးဝင်းက NCA လက်မှတ်မရေးထိုး ရသေးတဲ့ တိုင်းရင်းသားလက်နက်ကိုင် အဖွဲ့အစည်းတွေနဲ့ တွေ့ဆုံ ဆွေးနွေး ထားတဲ့ အခြေအနေတွေ၊ ကော်မတီ ဒုတိယဥက္ကဋ္ဌ ပြည်ထောင်စုဝန်ကြီး ဦးကျော်တင့်ဆွေက ၂၁ ရာစု ပင်လုံ ဗဟိုကော်မတီ ဖွဲ့စည်းဆောင်ရွက်ထားတဲ့ အခြေအနေတွေကို ရှင်းပြခဲ့ပါတယ်။

အစည်းအဝေးကို KNU ကရင်အမျိုးသားအစည်းအရုံး ဥက္ကဌ စောမူတူးစေးဖိုး၊ PNLO ဥက္ကဌ ဦးခွန်မြင့်ထွန်း၊ CNF ချင်းအမျိုးသားတပ်ဦး ဒုတိယ ဥက္ကဌ ဒေါက်တာဆလိုင်းလျန်မှုန်းဆာခေါင်း နဲ့ ABSDF၊ ALP၊ RCSS၊ DKBA၊ KNU/KNLA-PC တို့က ကိုယ်စားလှယ်တွေ နဲ့ UPDJC အဖွဲ့ဝင်တွေ စုစုပေါင်း ၃၀ လောက် တက်ရောက်ခဲ့ ကြပါတယ်။

RFA Burmese
http://www.rfa.org/burmese


သြဂုတ်လ (၂၄)ရက်နေ့ ယနေ့ငလျင်ကြောင့် မကွေးတိုင်းဒေသကြီး ရေနံချောင်းမြို့ သစ်တပွေရပ်ကွက်တွင် ၇နှစ်အရွယ်နှင့် ၁၅နှစ်အရွယ် အမျိုးသမီးနှစ်ဦး အိမ်သာတက်နေစဉ် ရွှေမြင်မိဘုရား ကမ်းပါရံပြိုကျ၍ ကမ်းပါးပိသေဆုံးကြောင်း သတင်းရရှိသည်။

ဖြိုးမွန်ကျော်
MOI Webportal Myanmar


နေပြည်တော် သြဂုတ် ၂၄။

နေပြည်တော် မှာ လှုတ်ခတ်ခဲ့တဲ့ ငလျင်ကြောင့် လွှတ်တော်အတွင်း အလုပ်ရုံဆွေးနွေးပွဲပြုလုပ်နေတဲ့ အမတ် ၁၅၀ကျော်လောက် ခန်းမထဲက နေအပြင်ကို ထွက်ပြေးခဲ့ကြရတယ်လို့  သိရပါတယ်။

ရန်ကုန်တိုင်းဒေသကြီး မဲဆန္ဒနယ် အမှတ် (၇)မှ အမျိုးသားလွှတ်တော်ကိုယ်စားလှယ် ဦးဘမျိုးသိမ်းက " အမျိုးသားလွှတ်တော်အဆောက်အဦးကြီးတုန်သွားတယ်။ အသံတွေကြားရတယ်။ အသံတွေက မျက်နှာကြက်လိုဟာမျိုးတွေ ပြုတ်ကျကုန်တာ။ ဆွေးနွေးပွဲတက်နေတဲ့ ကိုယ်စားလှယ်တွေအားလုံး ရှုတ်ရှုတ်သဲသဲ ထပြေးကြတယ်။ အဆောက်အဦးထဲပြေးတယ်။ စားပွဲဝိုင်းအောက်ကို ၀င်ပုန်းကြတယ်။ လမ်းပေါ်တက်ပြေးကြတယ်။ အလုပ်ရုံဆွေးနွေးပွဲရဲ့ အဆုံးသက်နိဂုံးချုပ်စကားပြောနေတဲ့ အချိ်န်လေးပေါ့။ ကနေဒါက နိုင်ငံခြားသားတွေပါတယ်။ သူတို့လည်း ရုတ်ရုတ်သည်းသည်းဖြစ်သွားကြတာပေါ့ "လို့ ဆိုပါတယ်။


အမျိုးသားလွှတ်တော်မှာ ဖက်ဒရယ်နဲ့ ပက်သက်တဲ့ အလုပ်ရုံဆွေးနွေးပွဲကျင်းပနေတာဖြစ်ပြီး လွှတ်တော်နှစ်ရပ်က ကိုယ်စားလှယ်ပေါင်း ၁၅၀လောက်အထိ ရှိနေတာဖြစ်တယ်လို့  လည်း သိရပါတယ်။အမတ်တွေ အကုန်လုံးကလည်း အဆောက်အဦးထဲကနေ အမြန်ဆုံးထွက်ချင်နေကြတာကြောင့် ဆွေးနွေးပွဲကို အဆုံးသတ်လိုက်ရတယ်လို့ လည်း အမျိုးသားလွှတ်တော် အမတ်တစ်ချို့  ကပြောပါတယ်။

သြဂုတ် ၂၄ရက် ညနေ ၅နာရီ ၀၄မိနစ်၅၄စက္ကန့်က မန္တလေးမြေငလျင်စခန်းမှ အကွာအဝေး အနောက်တောင်ဘက် (၁၂၉ )မိုင်ခန့်ကို ဗဟိုပြပြီး အင်အား ရစ်(ခ်)တာစကေး ၆.၅ အင်အားရှိ ငလျင်တစ်ခုလှုပ်ခတ်သွားခဲ့တယ်လို့  မိုးလေဝသ နှင့် ဇလဗေဒညွှန်ကြားမှု ဦးစီးဌာနက သတင်းထုတ်ပြန်ထားပါတယ်။
အလုပ်ရုံးဆွေးနွေးပွဲကို အမျိုးသားလွှတ်တော်က ထမင်းစားခန်းမဆောင်ကြီးမှာ ပြုလုပ်ခဲ့တာဖြစ်ပြီး ထိခိုက်ဒဏ်ရာရတဲ့ သူတော့ မရှိခဲ့ဘူးလို့  ပြောကြပါတယ်။

Author -ဖေသက်ထက်ခင်
Photo - Thiri Yadanar Facebook
Kumudra
https://www.facebook.com/newsKumudra/


တောင်တွင်းကြီးမြို့နယ်၌ ငလျှင်လှုပ်မှုဖြစ်ပွား

တောင်တွင်းကြီး သြဂုတ် ၂၄

မန္တလေးမြို့၏ အနောက်တောင်ဘက် (၁၂၃)မိုင်ခန့်အကွာ မကွေးတိုင်း ချောက်မြို့ ၏ အနောက်ဘက် (၁၂)မိုင်ခန့်အကွာ ကိုဗဟိုပြု၍ အင်အားရစ်(ခ်ျ)တာစကေး(၆.၈)အဆင့်ရှိ အင်အားပြင်းထန်သော မြေငလျှင် တစ်ခု သြဂုတ်လ ၂၄ ရက် ၁၇:၀၅ အချိန်မှ ၁၇:၀၈ အချိန်အထိ မြေငလျှင်တစ်ခု လှုပ်ရှားသွားကြောင်းသိရသည်။

အဆိုပါ ငလျှင်လှုပ်ရှားမှုကြောင့် တောင်တွင်းကြီးမြို့နယ် မောင်းတိုင်(၂) ရပ်ကွက် အပိုင်(၆)ရှိ မြောက်ပြင်အရှေ့ ကျောင်းတိုက် ဆရာတော် ဦးသီလဝံသ ဘုန်းတော်ကြီးကျောင်းဝန်းအတွင်းရှိ နှစ်ပေါင်း (၁၅၀)ဝန်းကျင်ခန့်ကြာမြင့်သည့် အလျှား (၆၅)ပေ၊ အနံ(၄၈)ပေlအမြင့် (၄၀)ပေ ခန့်ရှိသော ရဟန်းသံဃာမနေတော့ သည့် နှစ်ထပ်တိုက်ကျောင်း ဆောင်အိုမှာပြိုကျခဲ့ကြောင်း ငလျှင်လှုပ်ရှားမှုကြောင့် လူ၊ တိရစ္ဆာန်ထိခိုက် ဒဏ်ရာရရှိမှု မရှိကြောင်းသိရှိရသည်။

နိုင်ဝင်း
MOI Webportal Myanmar
https://www.facebook.com/MOIWebportalMyanmar



ငလျင်လှုပ်ခတ်မှုကြောင့် ပုဂံရှေးဟောင်းမြို့ရှိ ထီးလိုမင်းလိုဘုရား ထိပ်ပိုင်းပြိုကျသွားသည်ကို သြဂုတ်လ ၂၄ ရက်နေ့က တွေ့ရစဉ်
မြန်မာနိုင်ငံအလယ်ပိုင်း ချောက်မြို့ရဲ့ အနောက်ဘက် ၁၂ မိုင်ခန့်အကွာကို ဗဟိုပြုပြီး အင်အား ၆.၈ ရစ်ခ်ျတာစကေးရှိတဲ့ ငလျင်လှုပ်ခတ်ခဲ့ပါတယ်။

ပုဂံ ရှေးဟောင်းမြို့မှာ ထီးလိုမင်းလိုဘုရားနဲ့ အခြားဘုရားငယ်လေးတွေ ပြိုကျတာတွေရှိတယ်လို့ အမျိုးသားစာကြည့်တိုက်၊ ပြတိုက် နဲ့ ရှေးဟောင်းသုတေသန ဦးစီးဌာန ဒုတိယ ညွှန်ကြားရေးမှုးချုပ် ဦးသိန်းလွင် က ပြောပါတယ်။

"ကျွန်တော်တို့ ရှေးဟောင်းသုတေသနက လိုက်ပြီးတော့ စာရင်းတွေကောက်နေပါတယ်၊ ပျက်စီးတဲ့ ဘုရားလေးတွေလည်း ရှိတယ်ပေါ့နော်၊ လောလောဆယ်တော့ အပြည့်အစုံမသိရသေးဘူး၊ ခုမှစပြီးစာရင်းတွေ ကောက်နေတာဆိုတော့၊ အများကြီးတော့မဟုတ်ဘူးပေါ့လေ၊ နည်းနည်းတော့ ထိတာရှိပါတယ်၊ ဥပမာ- ထီးလိုမင်းလိုတို့၊ ဂူပြောက်ကြီးတို့ အပေါ်ပိုင်းလေးတွေပျက်တာရှိတယ်၊ အရင်တုန်းကအသစ်လုပ်ထားတဲ့နေရာနဲ့ အဟောင်းနဲ့ဆက်ထားတဲ့နေရာက ခါချလိုက် သလိုဖြစ်တာပေါ့နော်၊ ဒါပေမဲ့ စာရင်းအတိအကျတော့ မသိရသေးဘူး"

ရန်ကုန်၊ နေပြည်တော်၊ မကွေး၊ မန္တလေး၊ မင်းဘူး၊ ပခုက္ကူ၊ စစ်တွေ၊ သံတွဲ၊ ပုသိမ်၊ မိတ္ထီလာ၊ ရေနံချောင်း၊ မြင်းခြံ၊ ရမည်းသင်း၊ ရွှေဘို၊ စစ်ကိုင်း၊ ကျောက်ဆည်၊ ကျိုက်လတ် စတဲ့ မြို့ နယ်အတော်များများမှာ ငလျင်လှုပ်ခတ်မှုခံခဲ့ရတယ်လို့ ဖေ့ဘွတ်စ်စာမျက်နှာတွေမှာ ပျံ့နှံ့နေပါတယ်။

ငလျင်ဒဏ်ကြောင့် နေပြည်တော်က အမျိုးသားလွှတ်တော်အဆောက်အအုံမှာ မျက်နှာကျက်ကနေ အစိတ်အပိုင်းတွေ ပြိုကျတာတွေ ရှိခဲ့ပါတယ်။

RFA Burmese
http://www.rfa.org/burmese


မင်းပြား (Aug 24, 2016)

၂၀၁၆ ခု သြဂုတ်လ ၂၄ ရက် ယနေ့ ညနေ ၅း၀၅ နာရီ အချိန်ခန့်က အင်အား ၆.၈ ရစ်ခ်ျတာစကေးရှိသည့် အင်အား ပြင်းထန်သော ငလျင်တစ်ခု လှုပ်ခတ်ခဲ့ရာ အဆိုပါ ငလျင်ဒဏ်ကြောင့် ရခိုင်ပြည် မြောက်ဦးခရိုင် မင်းပြားမြို့ရှိ အထက-မင်းပြား ၂ -ထပ် ကျောင်းဆောင် အုတ်နံရံ ၂ ကွင် ပြိုကျခဲ့ကြောင်း သိရသည်။

ယင်းအပြင် အဆိုပါ သွပ်မိုး အုတ်ညှပ် ၂ ထပ် ကျောင်းဆောင်၌ နေရာတော်တော်များများ အက်ကွဲရာများ ဖြစ်ပေါ်ခဲ့သည်ဟုလည်း သိရသည်။

မင်းပြားမြို့နယ်၌ အထက-မင်းပြား ၂-ထပ် ကျောင်းဆောင်အပြင် အခြား ကျောင်းဆောင်အချို့လည်း ငလျင်ဒဏ်ကြောင့် ပျက်စီးမှုတစ်ချို့ရှိခဲ့ကြောင်း မြို့နယ်ပညာရေးမှူးရုံးမှ ကနဦးသတင်းရယူ မေးမြန်းချက်အရ သိရသည်။

နောက်ထက်သိရှိရပါက ပျက်စီးမှုစာရင်းကို ဆက်လက်တင်ပေးမည်။

မင်းပြား - သတင်း
24 . 08 . 2016
Photo: Ko Zaw Thant
https://www.facebook.com/mongbranews/


ပခုက္ကူမြို့နယ် ကွမ်းရွာတွင် ငလျင်လှုပ်ခတ်ပြီးနောက် အခြေအနေ
မြန်မာနိုင်ငံမှာ ဒီကနေ့ညနေပိုင်းက အင်အားပြင်း ငလျင်တခု လှုပ်ခတ်ခဲ့တဲ့အတွက် မန္တလေး၊ နေပြည်တော်၊ ရန်ကုန် စတဲ့မြို့တွေ အပါအ၀င် နေရာတော်တော်များများမှာ သက်ရောက်မှုတွေ ရှိခဲ့သလို၊ အနည်းဆုံး လူတဦး သေဆုံးပြီး ထိခိုက်ပျက်စီးမှုတွေလည်း ရှိခဲ့ပါတယ်။ မန္တလေးတိုင်း ချောက်မြို့ရဲ့ အနောက်ဖက် ၁၂ မိုင်လောက်အကွာကို ဗဟိုပြုပြီး အင်အား ၆.၈ ရှိတဲ့ ငလျင်လှုပ်ခတ်ခဲ့ကြောင်း မြန်မာနိုင်ငံ မိုးလေ၀သနဲ့ ဇလဗေဒ ညွှန်ကြားမှုဦးစီးဌာနရဲ့ ဒုတိယညွှန်ကြားရေးမှူးချုပ် ဦးကျော်မိုးဦးက ဗွီအိုအေကို ပြောပါတယ်။

“ကျနော်တို့ဒီ ချောက်ကနေပြီးတော့ အနောက်ဘက် ၁၂ မိုင်လောက်အကွာမှာ ဗဟိုပြုပြီးလှုပ်သွားတယ်။ အင်အားကတော့ ၆.၈ နဲ့ လှုပ်သွားပါတယ်။ မန္တလေးမြေငလျင်စခန်းကနေ တိုင်းရင်တော့ ၁၂၃ မိုင်လောက်ကွာတာပေါ့နော် အင်အားပြင်းထန်ပါတယ်။


ဒီမြေငလျင်ကိုတော့ တော်တော်များများခံစားလိုက်ရတာပေါ့နော် ပြည်နယ်နဲ့တိုင်း အရှေ့ဘက်အခြမ်း ရှမ်းတို့ ကယားတို့ ၊ အနောက်ဘက်ဆိုရင်လည်း ရခိုင်တို့ ဘာတို့အထိ ခံစားရတယ်။ အောက်ပိုင်းဆိုရင်လည်း ရန်ကုန်တို့ ဧရာဝတီတို့ အဲဒီအထိကို ခံစားရတဲ့အနေအထားရှိတယ်။ အဓိကတော့ အပျက်အစီးတွေအများဆုံးဖြစ်မှာကတော့ ချောက်နဲ့အနီးပတ်ဝန်းကျင်ပေါ့နော် အဲဒီဒေသတွေမှာကတော့ ငလျင် အင်အားလည်းပြင်းတဲ့အတွက်ကြောင့်မို့လို့ အဲဒီဒေသတွေမှာအများဆုံးတော့ ပျက်စီးဆုံးရှုံးမှု များမယ့်အနေအထားရှိတယ်။”

ထိခိုက်မှုတွေနဲ့ ပတ်သက်လို့ အသေးစိတ် မသိရသေးပေမဲ့၊ ငလျင်ဗဟိုချက်နဲ့ အနီးတ၀ိုက်မှာ ထိခိုက်ပျက်စီးမှုတွေ ပြင်းထန်နိုင်တယ်လို့လည်း ပြောပါတယ်။ ပခုက္ကူမြို့မှာ အနည်းဆုံး လူတဦး သေဆုံးကြောင်းလည်း မြန်မာအစိုးရ ပြန်ကြားရေးဝန်ကြီးဌာနရဲ့ ထုတ်ပြန်ထားပါတယ်။ ငလျင်ကြောင့် နေပြည်တော်က လွှတ်တော် အဆောက်အဦးမှာ ထိခိုက်မှုတချို့ ရှိခဲ့သလို၊ ပုဂံက ဘုရားစေတီတွေ အပါအ၀င်၊ နေရာတချို့က အဆောက်အဦးတွေမှာ ပျက်စီးမှုတွေ ရှိခဲ့တယ်လို့လည်း ဒေသခံတွေက ပြောပါတယ်။ ငလျင်ကြောင့် လျှပ်စစ်မီး ပြတ်တောက်မှုတချို့ ရှိခဲ့ကြောင်းလည်း ဒေသခံတွေက ပြောဆိုခဲ့ကြတာပါ။

ဗွီအိုအေ (မြန်မာပိုင်း)
http://burmese.voanews.com


ထိုင်းနိုင်ငံတောင်ပိုင်း၌ ဗုံပေါက်ကွဲမှုများ ဖြစ်ပွားပြီးနောက် လုံခြုံရေးတပ်ဖွဲ့ ဝင်များ ရှင်းလင်းနေစဉ်(ဆင်ဟွာ)
    ဘန်ကောက် ၊ သြဂုတ် ၂၄ ရက် (ဆင်ဟွာ)

    ထိုင်းနိုင်ငံတောင်ပိုင်း Pattani ပြည်နယ်၌ သြဂုတ်လ ၂၃ ရက် ညပိုင်းက ဗုံးပေါက်ကွဲမှု သုံးကြိမ်ဖြစ်ပွားရာ လူတစ်ဦးသေဆုံးပြီး ၃ဝ ကျော်ထိခိုက်ဒဏ်ရာရခဲ့ကြောင်း ၊ ယင်းပေါက်ကွဲမှုသည် လွန်ခဲ့သော နှစ်ပတ်မတိုင်မီက ထိုင်းနိုင်ငံတောင်ပိုင်း၌ အတွဲလိုက် ဗုံးပေါက်ကွဲမှုဖြစ်စဉ် နောက်ပိုင်း ပထမဆုံးအကြိမ် ပြန်လည်ကြုံတွေ့ ရသော ဗုံးဆက်တိုက်ပေါက်ကွဲမှုများဖြစ်ကြောင်း သိရသည်။

သြဂုတ်လ ၂၃ ရက် ၊ ည၁ဝ နာရီ ၄ဝ မိနစ်တွင် Southern ဟိုတယ်အနောက်ဖက်ရှိ ကားပါကင်၌ ပထမဗုံးတစ်လုံး ပေါက်ကွဲခဲ့ပြီး ထိခိုက်ဒဏ်ရာရသူများ မရှိခဲ့ပေ။  ည ၁၁ နာရီခန့် တွင် နောက်ထပ်ဗုံးတစ်လုံးသည်  Southern ဟိုတယ်အရှေ့ တွင်ရပ်ထားသည့် ပစ်ကပ်ထရပ်ကား၌ ပေါက်ကွဲခဲ့ရာ အမျိုးသမီးတစ်ဦးသေဆုံးပြီး အခြား လူပေါင်း ၃ဝ ထိခိုက်ဒဏ်ရာရသွားကြောင်းသိရသည်။

ဈေးအနီးရှိ အမှိုက်ပုံထဲတွင် ထောင်ထားသော တတိယမြောက် ဗုံးတစ်လုံးမှာ ည ၁၁ နာရီခွဲခန့် တွင် ထပ်မံပေါက်ကွဲခဲ့သော်လည်း ယင်းပေါက်ကွဲမှုကြောင့် ထိခိုက်ဒဏ်ရာရသူများ မရှိခဲ့ပါ။  သြဂုတ်လ ၂၃ ရက်က ဖြစ်ပွားခဲ့သော ပေါက်ကွဲမှုများအတွင်း ထိခိုက်ဒဏ်ရာရသူအားလုံးမှာ ထိုင်းနိုင်ငံသားများဖြစ်ကြောင်း သိရသည်။

ထိုင်းနိုင်ငံ တောင်ပိုင်း၌ လွန်ခဲ့သော နှစ်ပတ်မတိုင်မီက အမှုဖြစ်စဉ်ဖော်ထုတ်နိုင်ခြင်းမရှိသေးသော အဆိုးဝါးဆုံး အတွဲလိုက်ဗုံးပေါက်ကွဲမှုများဖြစ်ပွားခဲ့ရာတွင် ထိုင်း လူမျိုး ၄ ဦးသေဆုံးပြီး နိုင်ငံခြားသား ၁၁ ဦးအပါအဝင် ဒါဇင်ပေါင်းများစွာ ထိခိုက်ဒဏ်ရာရခဲ့ကြောင်းသိရသည်။

Pattani ပြည်နယ်သည် ၂ဝဝ၄ ခုနှစ်ကတည်းက မတည်မငြိမ်မှုများဖြစ် ကြုံတွေ့ လာခဲ့ရသည့် ထိုင်းနိုင်ငံတောင်ပိုင်းရှိ ပြည်နယ်သုံးခုထဲမှ တစ်ခုအပါအဝင်ဖြစ်ကြောင်းသိရသည်။

(Xinhua)
http://www.xinhuamyanmar.com


ပိတ်မိနေသူတွေကို ရှာဖွေ ကယ်ထုတ်နေရ
အီတလီ အလယ်ပိုင်းမှာ ရစ်ခ်ျတာစကေး ၆.၂ ရှိတဲ့ အင်အားပြင်း ငလျင် တခု လှုပ်ခတ်သွားလို့ အနည်းဆုံး လူ ၃၇ ယောက် သေဆုံးပြီး အများအပြား ပျောက်နေ ပါတယ်။

ကျေးရွာနဲ့ မြို့အတော်များများလည်း ထိခိုက်ပျက်စီးခဲ့ပါတယ်။

နေရာအနှံ့အပြားမှာ အဆောက်အအုံတွေ ပြိုကျ ပျက်စီးပြီး လူ အတော်များများ ပျောက်ဆုံးနေပါတယ်။

အပျက်အစီးပုံတွေအောက်မှာ လူတွေ အော်ဟစ် အကူအညီ တောင်းခံနေသံတွေ ကြားရပြီး တယောက်ချင်းစီ ကယ်ထုတ်နေရတယ်လို့ Amatrice မြို့တော်ဝန်က ပြောပါတယ်။

ငလျင်လှုပ်ခဲ့တဲ့ Umbria၊ Lazio နဲ့ Marche နယ်တွေဟာ ကမ္ဘာလှည့် ခရီးသွားတွေ အလာများတဲ့ နေရာလည်း ဖြစ်ပါတယ်။

BBC Burmese
http://www.bbc.com/burmese


မုတ်သုန်မိုး ရွာသွန်းမှုကြောင့် ရေကြီး
အိန္ဒိယ နိုင်ငံအလယ်ပိုင်းနဲ့ မြောက်ပိုင်းဒေသတွေမှာ မုတ်သုန်မိုး ရွာသွန်းမှုကြောင့် ရေကြီးပြီး လူ ၁၅ဝ ကျော် သေဆုံးခဲ့တယ်လို့ အစိုးရက ထုတ်ပြန်ပါတယ်။

ဘီဟာ ပြည်နယ်မှာ လူ ၂ သန်းခွဲလောက် ရေဘေးသင့်နေပြီး ဂင်္ဂါမြစ်ရေလည်း ဆက်ပြီး မြင့်တက်နေပါတယ်။

ထောင်သောင်းချီတဲ့ ရေဘေး ဒုက္ခသည်တွေ အတွက်လည်း စခန်းတွေ ဖွင့်ထားရပါတယ်။

အိမ်က မရွှေ့ဘဲ ဆက်နေသူတွေအတွက် လှေတွေနဲ့ လိုက်ပြီး စားနပ်ရိက္ခာတွေ ဝေငှနေရပါတယ်။

ရေကြီးလို့ စပါးခင်းတွေ အမြောက်အမြား ပျက်စီးခဲ့တဲ့ အတွက် စားနပ်ရိက္ခာ အခက်အခဲ ကြုံရနိုင်တယ်လို့လည်း ကူညီရေး အဖွဲ့တွေက သတိပေးနေပါတယ်။

BBC Burmese
http://www.bbc.com/burmese

မင်္ဂလာဒုံ လေးလောင်းပြိုင် လူသတ်မှုနှင့် စပ်လျဉ်း၍ သတင်းမှားများ ထွက်ပေါ်နေပြီး အမှုမှန်ပေါ်ပေါက်ရေး ရန်ကုန်တိုင်းဒေသကြီးရဲတပ်ဖွဲ့ နှင့် မှုခင်းရဲတပ်ဖွဲ့ တို့ ပူးပေါင်းဆောင်ရွက်

ရန်ကုန် သြဂုတ် ၂၃

ရန်ကုန်တိုင်းဒေသကြီး မင်္ဂလာဒုံမြို့နယ် ရွှေနံ့သာကျေးရွာအုပ်စု ပတ္တမြားမြို့သစ်ရပ်ကွက် ကျူးကျော်ကွက်သစ် မြအေးချမ်း လမ်းသွယ်တွင် နေထိုင်သည့် မိသားစုဝင်လေးဦး သြဂုတ် ၂ဝ ရက်က အသတ်ခံရမှုနှင့်စပ်လျဉ်းပြီး တိုင်းဒေသကြီး ရဲတပ်ဖွဲ့ နှင့် မှုခင်းရဲတပ်ဖွဲ့တို့ ပူးပေါင်းကာ အမှုမှန်ပေါ် ပေါက်ရေးအတွက် ဆောင်ရွက်လျက်ရှိကြောင်း သိရသည်။

အဆိုပါအမှုနှင့် စပ်လျဉ်းပြီး လူမှုကွန်ရက်စာမျက်နှာများ နှင့် သတင်းမီဒီယာအချို့တွင် သေဆုံးသူ ကိုစိုးနောင်နှင့် ပတ်သက်ပြီး ဖော်ပြနေသည့်သတင်းများမှာ မှန်ကန်မှုမရှိ ကြောင်း၊ သတင်းအမှားများ ဖော်ပြနေခြင်းသာဖြစ်ကြောင်း တိုင်းဒေသကြီး ရဲတပ်ဖွဲ့မှ သိရှိရသည်။

ထို့ပြင် ပဲခူးတိုင်းဒေသကြီး လှော်ကားကျေးရွာအုပ်စု စစ်ပင်ဆိပ်ကျေးရွာနေ ဝင်းကိုဦးသည် ယခုနှစ် ဖေဖေါ်ဝါရီ ၈ ရက်က လက်နက်မှု၊ လိုင်စင်မဲ့ကား လက်ဝယ်တွေ့ရှိမှုဖြင့် ဖမ်းဆီး ခံခဲ့ရစဉ် အမှုသက်သာစေရေးအတွက် ဆောင်ရွက်ပေးရန် သေဆုံးသူ ကိုစိုးနောင်နှင့် ငွေကြေးကိစ္စ ပတ်သက်မှုရှိခဲ့ကြောင်း သတင်းရရှိသဖြင့် သြဂုတ် ၂၁ ရက်တွင် ရဲတပ်ဖွဲ့မှ မသင်္ကာ၍ ဝင်းကိုဦးအား ခေါ်ယူစစ်ဆေးရာ သေဆုံးသူနှင့် ပတ်သက်မှု မရှိကြောင်း သိရှိရသည်။

ထို့အတူ လူမှုကွန်ရက်စာမျက်နှာများတွင် သေဆုံးသူ ကိုစိုးနောင်နှင့် ပတ်သက်ပြီး ၄င်းတာဝန်ထမ်းဆောင်စဉ်က ရန်ကုန်ထောက်ကြန့်အဝင်လမ်းတွင် အလုံပိတ်ကားတစ်စီး တားဆီးရာမှ ရပ်တန့်ပေးခြင်းမရှိသဖြင့် ¤င်းနှင့်အတူ တပ်ဖွဲ့ဝင် သုံးဦးတို့က တွဲခိုလိုက်ပါသွားခဲ့ရာ သမိုင်းလမ်းဆုံ မုဒိတာအိမ်ရာ အနီးတွင် ကားရပ်တန့်သွားကြောင်း၊ ယင်းကားပေါ်တွင် စိတ်ကြွရူးသွပ်ဆေးပြား ခြောက်သန်း ပါရှိသည့်အမှုမှာ အကောင်အထည်ပေါ်မလာဘဲ ပျောက်သွားသည့်ကိစ္စနှင့် ပတ်သက်၍ စိတ်နာပြီး ရဲတပ်ဖွဲ့မှ နုတ်ထွက်သွားကြောင်း ဖော်ပြ ထားသည့်သတင်းမှာလည်း သတင်းအမှားများသာဖြစ်ကြောင်း၊ ဖြစ်စဉ်အမှန်မှာ ၂ဝ၁၆ ခုနှစ် မတ် ၃ ရက်က မူးယစ်တပ်ဖွဲ့စု (၄၂) နှင့် မရမ်းကုန်းမြို့နယ်ရဲတပ်ဖွဲ့ဝင်တို့ ပူးပေါင်း၍ မရမ်းကုန်း မြို့နယ် အမှတ်(၂)ရပ်ကွက် မုဒိတာအိမ်ရာတွင် စောဘာလာစော ပါ ခြောက်ဦးတို့အား စိတ်ကြွရူးသွပ်ဆေးပြား ၆ ဒသမ ၄ သိန်း၊ အိုက်စ် ၄၄ ဂရမ်၊ ဘိန်းမည်း ၅၄ ဂရမ်၊ ငွေကျပ် သိန်း ၁ဝဝ နှင့် မော်တော်ယာဉ်နှစ်စီးတို့ သိမ်းဆည်းရမိခဲ့သဖြင့် ဘုရင့်နောင် နယ်မြေ ရဲစခန်း (ပ)၂/၂ဝ၁၆၊ မူးစိတ်ပုဒ်မ ၁၅/၁၉(က)/၂ဝ (က)/၂၁ ဖြင့် အမှုဖွင့်ထားသော အမှုတစ်မှုဖြစ်ပြီး အဆိုပါ အမှုသည် ဒုရဲအုပ်စိုးနောင် ရဲတပ်ဖွဲ့မှ နုတ်ထွက်သွားပြီးနောက်ပိုင်း ဖြစ်ပွားသော အမှုသာဖြစ်ကြောင်း ရန်ကုန်တိုင်းဒေသကြီး ရဲတပ်ဖွဲ့ မှ သိရသည်။

လေးလောင်းပြိုင်လူသတ်မှု အမှုမှန်ပေါ်ပေါက်စေရေး အတွက် သြဂုတ် ၂၂ ရက် နံနက်ပိုင်းက မြန်မာနိုင်ငံရဲတပ်ဖွဲ့ ရဲချုပ်ဇော်ဝင်း ဦးဆောင်ကာ ရဲဦးစီးအရာရှိချုပ် ရဲမှူးချုပ် မျိုးဆွေဝင်း၊ မှုခင်းရဲတပ်ဖွဲ့မှူး ယာယီရဲမှူးချုပ် အောင်နိုင်သူ၊ ရန်ကုန်တိုင်းဒေသကြီး ရဲတပ်ဖွဲ့မှူး ရဲမှူးချုပ် ဝင်းနိုင်နှင့် အထူး အမှုစစ်အဖွဲ့မှ ဦးစီးအရာရှိများ လိုက်ပါ၍ အခင်းဖြစ်ပွားသည့် နေအိမ်သို့ သွားရောက် အသေးစိတ် ကြည့်ရှုစစ်ဆေးခဲ့ပြီးနောက် ယင်းနေ့ မွန်းလွဲ ၁ နာရီတွင် ရန်ကုန်တိုင်းဒေသကြီး ရဲတပ်ဖွဲ့ မှူးရုံး အစည်းအဝေးခန်းမ၌ တွေ့ဆုံဆွေးနွေးမှုများ ပြုလုပ် ခဲ့သည်။

တွေ့ဆုံဆွေးနွေးရာတွင် ရန်ကုန်တိုင်းဒေသကြီး ရဲတပ်ဖွဲ့မှူး က မှုခင်းဖြစ်စဉ်နှင့် စပ်လျဉ်း၍ ဆောင်ရွက်ထားရှိမှုအခြေအနေ၊ စစ်ဆေးတွေ့ရှိမှု အခြေအနေများကို အသေးစိတ်ရှင်းလင်း တင်ပြခဲ့ပြီး ရဲချုပ်ဇော်ဝင်းက အမှုမှန် ဖော်ထုတ်ရရှိရေးအတွက် ရန်ကုန်တိုင်းဒေသကြီးရဲတပ်ဖွဲ့နှင့် မှုခင်းရဲတပ်ဖွဲ့တို့ ပူးပေါင်း ဆောင်ရွက်ရမည့်အချက်များအား ဆွေးနွေးမှာကြားခဲ့သည်။

အမှုနှင့်ပတ်သက်၍ လူမှုကွန်ရက်စာမျက်နှာတွင် မသင်္ကာ သူ သုံးဦးအား ဓာတ်ပုံမှတ်တမ်းနှင့်တကွ ဖော်ပြပါရှိနေမှုကို ရန်ကုန်တိုင်းဒေသကြီး ရဲတပ်ဖွဲ့နှင့် မှုခင်းရဲတပ်ဖွဲ့တို့က သတင်း အတည်ပြုရရှိနိုင်ရေးအတွက် စုံစမ်းဖော်ထုတ်ဆောင်ရွက် လျက်ရှိကြောင်းနှင့် အဆိုပါသတင်းနှင့် ပတ်သက်၍လည်း ပြည်သူများမှ တွေ့ရှိ ပါက ရဲတပ်ဖွဲ့သို့ အကြောင်းကြားပေးရန် မေတ္တာရပ်ခံထားကြောင်း သိရှိရသည်။

အများပြည်သူစိတ်ဝင်စားသော အဆိုပါ လေးလောင်းပြိုင် အမှုအား မြန်မာနိုင်ငံရဲတပ်ဖွဲ့က အပူတပြင်း စုံစမ်းဆောင်ရွက် လျက်ရှိကြောင်းနှင့် အမှုမှန်ဖော်ထုတ်ရရှိပါက အချိန်နှင့် တစ်ပြေးညီ ပြည်သူများသိရှိရန် သတင်းထုတ်ပြန်သွားမည် ဖြစ်ကြောင်း ရန်ကုန်တိုင်းဒေသကြီး ရဲတပ်ဖွဲ့မှ သိရသည်။

သတင်း၊ဓာတ်ပုံ - မင်းသစ်(သတင်းစဉ်)
Myanmaalinn
https://www.facebook.com/MYANMAALINNNEWS



ကုလသမဂ္ဂ အတွင်းရေးမှူးချုပ် ဘန်ကီမွန်းနဲ့ ဘာသာပေါင်းစုံက ခေါင်းဆောင်တွေ ဒီလကုန် မြန်မာနိုင်ငံမှာ တွေ့ဆုံဖို့ရာ ရန်ကုန်မှာရှိတဲ့ ကုလသမဂ္ဂ ဌာနေကိုယ်စားလှယ်ရုံးက ဖိတ်ကြားထားတယ်လို့ အမေရိကန်ပြည်ထောင်စုမှာ ခေတ္တရောက်ရှိနေတဲ့ ကာဒီနယ် ဘုန်းတော်ကြီး Charles Maung Bo က ဗွီအိုအေကို ပြောဆိုလိုက်ပါတယ်။

ဒီလိုတွေ့ဆုံတဲ့အခါ မြန်မာနိုင်ငံမှာ ဖြစ်ပျက်နေတဲ့ ဘာသာရေး၊ လူမျိုးရေးပဋိပက္ခတွေ အပါအ၀င် လူအချင်းချင်းကြား သင့်မြတ်စွာ နေထိုင်နိုင်ရေး ဘာသာရေးခေါင်းဆောင်တွေ အတူတကွ လုပ်ဆောင် နေတဲ့အကြောင်း မစ္စတာ ဘန်ကီမွန်းကို အဓိက တင်ပြသွားဖို့ရှိတယ်လို့လည်း ကာဒီနယ် ဘုန်းတော်ကြီးက ပြောကြားခဲ့ပါတယ်။ အသေးစိတ်ကိုတော့ မနန္ဒာချမ်း က ဆက်ပြောပြပါမယ်။

မြန်မာနိုင်ငံမှာ သြဂုတ်လ ၃၁ ရက်နေ့ကျင်းပမယ့် ၂၁ ရာစု ပင်လုံညီလာခံကို ကုလသမဂ္ဂ အတွင်းရေးမှူးချုပ် ဘန်ကီမွန်း တက်ရောက် လိမ့်မယ်လို့ သတင်းတွေ ထွက်ပေါ်နေချိန်မှာပဲ - ရန်ကုန်အခြေစိုက် ကုလသမဂ္ဂဌာနေကိုယ်စားလှယ်ရုံးကနေ မြန်မာနိုင်ငံမှာရှိတဲ့ ဘာသာပေါင်းစုံက ခေါင်းဆောင်တွေနဲ့ မစ္စတာ ဘန်ကီမွန်း နေပြည်တော်မှာ တွေ့ဆုံဖို့ရာ ဖိတ်ကြားခဲ့တယ်လို့ - ကာဒီနယ်ဘုန်းတော်ကြီး Charles Maung Bo က ပြောဆိုခဲ့တာပါ။ လောလောဆယ် Texas ပြည်နယ် Houston မြို့မှာ ရောက်ရှိနေတဲ့ ကာဒီနယ်ဘုန်းတော်ကြီးအနေနဲ့ ဖိတ်စာကို မနေ့ အင်္ဂါနေ့မနက်ကပဲ အီးမေးလ်နဲ့ ရရှိခဲ့တာဖြစ်တယ်လို့ ဗွီအိုအေကို အခုလို ပြောပြပါတယ်။

“သြဂုတ်လ ၃၁ ရက်နေ့မှာ ယူအန်အတွင်းရေးမှူးချုပ် ဘန်ကီမွန်း လာစရာရှိတယ်ပြောတယ်။ အဲဒါ ဘာသာရေးခေါင်းဆောင်တွေနဲ့ နေပြည်တော်မှာ တွေ့ဖို့အတွက်ဆိုပြီးတော့ သူ ဖိတ်ခေါ်ထားတာရှိတယ်။ ဂျက်နက်ဆိုတဲ့တယောက်လေ ယူအန်ကပဲ အမျိုးသမီးအခွင့်အရေး အဖွဲ့အစည်းကနဲ့တူတယ်။ ယူအန်ကပဲ သူက မနက်ကပဲ ဖိတ်ထားတယ်။ ဖိတ်ခေါ်ပြီးတဲ့နောက်ပေါ့နော် အားလုံး ဗုဒ္ဓဘာသာ၊ မူဆလင်၊ ခရစ်ယာန်၊ ဟိန္ဒူ ခေါ်ပြီးတော့ပေါ့နော် သူတို့ အခြေအနေလေး ဘာလေး ဆွေးနွေးမေးချင်တယ်၊ နောက်ပြီးတော့ ဘယ်လို ကူညီပေးနိုင်မလဲ၊ သူတို့ပြောမှာကတော့ ဘာသာရေးခေါင်းဆောင် များအနေနဲ့ ကချင်ပြည်နယ်မှာဆိုရင် ဘယ်လိုလုပ်ပြီးတော့ ၀ိုင်းဝန်းအားပေးနိုင်ကြမလဲဆိုတာ ပြောမယ်ထင်တယ်၊ နောက်ပြီးတော့ ရခိုင်ပြည်နယ်မှာရှိ တဲ့ ဘင်္ဂလားဒေ့ရ်ှက ပုဂ္ဂိုလ်တွေနဲ့ နိုင်ငံရေး၊ ဘာသာရေးဘက်မှာ ဘယ်လို အေးအေးဆေးဆေး နေနိုင်မလဲ ဆိုတဲ့ဟာတွေလည်း မေးမယ့် ဆွေးနွေးမယ့် ပုံစံပါပဲ။ ဆရာတော်အနေနဲ့ကတော့ သြဂုတ်လ ၃၁ ရက်နေ့အမီ မသွားနိုင်တော့ဘူးပေါ့။”

မေး - ဆရာတော့်အစားရော ဘယ်သူသွားဖို့ရှိမလဲ။

ဖြေ - “သူတို့အနေနဲ့ ခွင့်ပြုတယ်၊ လက်ခံတယ်ဆိုရင် ကိုယ်စားလှယ်တပါး လွှတ်လိုက်မယ်လို့ စဉ်းစားထားတယ်။”

မေး - ဆရာတော်တို့ဘက်ကရော ဘယ်သူ့ကို လွှတ်ဖို့ ရွေးပြီးပြီလား။

ဖြေ - “ကိုယ်စားလှယ် သူတို့ဘက်က လက်ခံတယ်ဆိုရင် ဘာသာရေးပေါင်းစုံ ဦးဆောင်နေတဲ့ Father ဂျိုးဇက်မောင်ဝေးကို ကိုယ်စားလှယ်အနေနဲ့ လွှတ်မယ်လို့ စဉ်းစားထားတာပေါ့နော်။”

တကယ်လို့ ဆရာတော့် ကိုယ်စားပေါ့လေ Father ဂျိုးဇက် သွားတက်ခွင့်ရခဲ့မယ်ဆိုရင် ဘယ်လိုအကြောင်းအရာမျိုးကို အဓိကထား ပြောမလဲ။

ဖြေ - “အဓိကကတော့ မြန်မာနိုင်ငံမှာ လက်ရှိပေါ့နော် ဘာသာပေါင်းစုံ ခေါင်းဆောင်တွေ၊ အထူးသဖြင့် ဘာသာရေးခေါင်းဆောင်တွေ အတတ်နိုင်ဆုံး လက်တွဲ လုပ်ဆောင်နေကြတယ်ဆိုတာနဲ့ နောက်တခုက Religious for Peace ဆိုပြီးတော့ နိုင်ငံတကာအဖွဲ့အစည်းထဲမှာလည်း ပါဝင်နေတဲ့အတွက် ကြောင့် သူတို့အနေနဲ့ ဘယ်လိုလုပ်ပြီးတော့ ၀ိုင်းဝန်းကူညီပေးနိုင်မလဲဆိုတဲ့ဟာပေါ့နော် ၀ိုင်းဝန်းပြောဆိုပေးဖို့ရာအတွက် အဓိက ဖြစ်ပါတယ်။”

ကာဒီနယ်ဘုန်းတော်ကြီး Charles Maung Bo ဟာ သြဂုတ်လလယ်မှာ ကနေဒါ၊ အမေရိကန်ပြည်ထောင်စုနဲ့ မက်ဆီကို ၃ နိုင်ငံခရီး ထွက်ခွာလာတာ ဖြစ်ပြီး၊ ကနေဒါခရီးစဉ်အတွင်း - အစိုးရတာဝန်ရှိသူတွေ၊ လွှတ်တော်အမတ်တွေနဲ့ တွေ့ဆုံစဉ် မြန်မာနိုင်ငံရဲ့ လက်ရှိ ငြိမ်းချမ်းရေးလုပ်ငန်းစဉ်တွေကို ဆက်လက် အားပေးကူညီသွားဖို့၊ ပြုပြင်ပြောင်းလဲရေးလုပ်ဆောင်နေစဉ် အစိုးရသစ်အပေါ် ဖိအားပေးဝေဖန်တာမျိုးတွေကိုလည်း သိပ်ပြီး မလုပ်ဆောင် ကြဖို့တွေကို ပြောကြားခဲ့တယ်လို့ ကာဒီနယ်ဘုန်းတော်ကြီးက ဆိုပါတယ်။ မကြာသေးခင် နာရီပိုင်းကတော့ Texas ပြည်နယ် Houston မြို့မှာ မြန်မာမိသားစုတွေနဲ့ ကာဒီနယ်ဘုန်းတော်ကြီး တွေ့ဆုံခဲ့ပြီး ဆုတောင်းပွဲ ကျင်းပခဲ့ပါတယ်။ အမေရိကန်ဒေသစံတော်ချိန် ဗုဒ္ဓဟူးနေ့မနက်ကျရင်တော့ မက်ဆီကိုနိုင်ငံကို ခေတ္တ သွားရောက်လည်ပတ်မှာဖြစ်ပြီး၊ စက်တင်ဘာ ၂ ရက်နေ့မှာ အမေရိကန်ပြည်ထောင်စုကနေ မြန်မာနိုင်ငံကို ပြန်လည် ထွက်ခွာမှာလည်း ဖြစ်ပါတယ်။

သက်တော် ၆၈ နှစ်ရှိပြီဖြစ်တဲ့ ကာဒီနယ်ဘုန်းတော်ကြီး Charles Maung Bo ဟာ ရန်ကုန် ရိုမန်ကက်သလစ် ဂိုဏ်းချုပ်ကြီးအဖြစ် ၂၀၀၃ ခုနှစ်ကနေ တာဝန်ထမ်းဆောင်ခဲ့ရာက ၂၀၁၅ ခုနှစ်မှာ ပုပ်ရဟန်းမင်းကြီး Francis က သူ့ကို ရဟန်းမင်းကြီး အမတ် လို့ခေါ်တဲ့ ကာဒီနယ်အဖြစ် ရွေးချယ် တင်မြှောက်ခဲ့တာ ဖြစ်ပါတယ်။ ကာဒီနယ် ဘုန်းတော်ကြီးတွေဟာ ရိုမန်ကက်သလစ် ဘာသာအတွင်း ပုပ်ရဟန်းမင်းကြီးပြီးရင် အာဏာရှိတဲ့သူတွေ ဖြစ်ပြီး၊ ပုပ်ရဟန်းမင်းကြီးကို ရွေးချယ်ရာမှာလည်း မဲပေးနိုင်တဲ့ ပုဂ္ဂိုလ်တွေ ဖြစ်ကြပါတယ်ရှင်။

 မနန္ဒာချမ်း / ဗွီအိုအေ (မြန်မာပိုင်း)
http://burmese.voanews.com

(Credit: Kofi Annan Foundation)
ကုလသမဂ္ဂအတွင်းရေးမှူးချုပ်ဟောင်း Kofi Annan ဥက္ကဋ္ဌအဖြစ်ဆောင်ရွက်မယ့် ရခိုင်ပြည်နယ်ဆိုင်ရာ အကြံပေးကော်မရှင်ကို ဖွဲ့စည်းတော့မှာ ဖြစ်ပါတယ်။

ရခိုင်ပြည်နယ်ရဲ့ သိမ်မွေ့နက်နဲတဲ့ အရေးကိစ္စတွေကို ဖြေရှင်းနိုင်မယ့် ရေရှည်နည်းလမ်းကောင်းတွေကို ရှာဖွေနိုင်ဖို့ အတွေ့အကြုံရှိသူနဲ့ အများလေးစား လူသိများသူ စုစုပေါင်း ၉ ယောက်နဲ့ ရခိုင်ပြည်နယ်ဆိုင်ရာ အကြံပေးကော်မရှင်ကို ဖွဲ့စည်းမယ်ဆိုတဲ့ နိုင်ငံတော်အတိုင်ပင်ခံရုံးရဲ့ ကြေညာချက်ကို ဒီကနေ့ထုတ် အစိုးရသတင်းစာတွေမှာ ဖော်ပြထားပါတယ်။

ကော်မရှင်ဖွဲ့စည်းရေး နားလည်မှုစာချွန်လွှာကို နိုင်ငံတော်အတိုင်ပင်ခံရုံးဝန်ကြီးဌာနနဲ့ Kofi Annan ဖောင်ဒေးရှင်းတို့ကြား မကြာခင် လက်မှတ်ရေးထိုးမယ်လို့လည်း သတင်းထဲမှာ ရေးထားပါတယ်။ Kofi Annan ဖောင်ဒေးရှင်းကို တည်ထောင်သူ Noble ငြိမ်းချမ်းရေးဆုရင် Mr. Kofi Annan ဥက္ကဋ္ဌအဖြစ် ဆောင်ရွက်မယ့် ရခိုင်ပြည်နယ်ဆိုင်ရာ အကြံပေးကော်မရှင်မှာ မြန်မာနိုင်ငံ အမျိုးသား လူ့အခွင့်အရေး ကော်မရှင်ဥက္ကဋ္ဌ ဦးဝင်းမြ၊ မြန်မာနိုင်ငံကြက်ခြေနီအသင်း နာယက ဒေါက်တာသာလှရွှေ၊ ငြိမ်းချမ်းမေတ္တာအဖွဲ့ (မြန်မာနိုင်ငံ) ကို တည်ထောင်သူ ဦးအေးလွင်တို့အပြင်၊ ကုလသမဂ္ဂမှာ ထိပ်တန်းတာဝန်တွေကို ထမ်းဆောင်ခဲ့ဖူးတဲ့ နိုင်ငံတကာက ပုဂ္ဂိုလ်တွေ ပါဝင်ပါတယ်။

မြန်မာနိုင်ငံသား ၆ ယောက် နိုင်ငံတကာပုဂ္ဂိုလ် ၃ ယောက်ဖြစ်ပါတယ်။ ရခိုင်ပြည်နယ်နဲ့ပတ်သက်လို့ လက်ရှိဖြစ်နေတဲ့ ပြဿနာတွေကို ဖြေရှင်းနိုင်မယ့် အကောင်းဆုံး နည်းလမ်းတွေကို ရှာဖွေဖို့အတွက် ကော်မရှင်အဖွဲ့ဝင်တွေအနေနဲ့ သက်ဆိုင်ပါဝင်နေသူတွေ၊ နိုင်ငံတကာက ကျွမ်းကျင်သူတွေ၊ အရေးပါတဲ့ ပုဂ္ဂိုလ်တွေနဲ့ တွေ့ဆုံပြီး သဘောထားအမြင်တွေကို လေ့လာသုံးသပ်မှုတွေလုပ်မယ်လို့ သတင်းထုတ်ပြန်ချက်ထဲမှာ ဖော်ပြပါတယ်။

ကျယ်ကျယ်ပြန့်ပြန့် ဆွေးနွေးမှုတွေ လုပ်ပြီး ရှာဖွေတွေ့ရှိချက်တွေနဲ့ လေ့လာအကြံပြုချက်တွေကို နိုင်ငံတော် အတိုင်ပင်ခံပုဂ္ဂိုလ်ကတဆင့် အစိုးရကို တင်ပြမှာဖြစ်ပြီး ပြည်သူတွေ သိရှိနိုင်အောင်လည်း ထုတ်ပြန်သွားမယ်လို့ ပြောထားပါတယ်။ ကော်မရှင်ဖွဲ့ပြီး ၁၂ လထက် နောက်မကျစေဘဲ အစီရင်ခံစာတင်ပြရမယ်လို့ နိုင်ငံတော်အတိုင်ပင်ခံရုံးဝန်ကြီးဌာနရဲ့ ထုတ်ပြန်ချက်ထဲမှာ ဖော်ပြထားပါတယ်။

ရခိုင်ဒေသရှိပြည်သူတွေရဲ့ လုံခြုံရေး၊ အခြေခံအခွင့်အရေးတွေကို အာမခံချက်ပေးနိုင်ဖို့၊ လူသားချင်းစာနာထောက်ထားမှုဆိုင်ရာနဲ့ ဖွံ့ဖြိုးတိုးတက်ရေးဆိုင်ရာ ကိစ္စတွေ၊ အခြေခံဝန်ဆောင်မှု ပေးနိုင်ရေးကိစ္စတွေကို ရခိုင်ပြည်နယ်ဆိုင်ရာ ကော်မရှင်အနေနဲ့ စဉ်းစားဆောင်ရွက်သွားမှာ ဖြစ်ပါတယ်ရှင်။

 ဗွီအိုအေ (မြန်မာပိုင်း)
http://burmese.voanews.com

 

 
 “တစ်၊ နှစ်၊ သုံး၊ လေး” ဟု အကျဉ်းသားတစ်ဦးက နေပူပူ တောင်ခြေစိုက်ခင်းတွင် စတင် အော်ဟစ်
 ရေတွက်လိုက်သည်။ ရေတွက်သံ ထွက်လာသည်နှင့် သူ့ရှေ့မှ အကျဉ်းသား ၁ဝဝ ခန့်က ပေါက်တူးကိုင်ပြီးအဆက်မပြတ်မြက်ရှင်းကြလေသည်။ 
 


အမှတ်စဉ် ရေတွက်သူက ကိုင်ထားသည့်ဝါးတံပိုးဖြင့် အကျဉ်းသားတချို့ကို လှမ်းရိုက်လိုက်သည်။ ထိုသူမှာ ထောင်ဝန်ထမ်းများကို ကူညီရသော အုပ်ချုပ်မှုအကူ ခေါ် တုတ်ကိုင်ဖြစ်သည်။သေနတ်လွယ်ထားသော ကာကီရောင် ယူနီဖောင်းဝတ် ဝန်ထမ်းတစ်ဦး ရပ်ကြည့်နေပြီး ရံဖန်ရံခါ သူကိုယ်တိုင် ဝင်ရိုက်သည်။ 

တုတ်ကိုင် ၄ ဦးခန့်ရှိပြီး  အကျဉ်းဦးစီးဌာနမှ ဝန်ထမ်း ၄ ဦးလည်း ရှိနေသည်။ အကျဉ်းသားအားလုံး ညစ်နွမ်းသော အပြာရောင်ရှပ်အင်္ကျီလက်တို၊  ပုဆိုးတို့ကို ဝတ်ဆင်ထားကြပြီး တချို့က သံခြေကျင်း ခတ်ခံထားရသည်။  

ထိုနေရာသည်  ရှမ်းပြည်နယ် နောင်ချိုမြို့အပြင်ဘက်တွင်ဖြစ်သည်။ ညနေဘက် လုပ်ငန်းသိမ်းချိန်တွင်   အကျဉ်းသားများ တန်းစီပြီး
 ကောင်းမှုအကျဉ်းစခန်းသို့ လမ်းလျှောက်ပြန်သွားကြသည်။  

“အုပ်ချုပ်တဲ့ အကျဉ်းသားတွေက သဘောမကျရင် မကျသလိုဝင်ရိုက်တယ်။
 ရှေ့ကသွား၊ နောက်ကရိုက်။ ကြံပင်တွေကြားပေါင်းရှင်းတဲ့အခါ မှို့ပင်လေး တစ်ပင်ကျန်တာနဲ့ဝင်ရိုက်တယ်၊ ဝန်ထမ်းတွေလည်း ဝင်ရိုက်တယ်။
 ထောင်မှူးတွေက ရိုက်ခိုင်းလို့ ဝင်ရိုက်တာလည်း ရှိတယ်” ဟု
 ကောင်းမှုစခန်းမှ  ဇွန် ၃ ရက် နေ့က ပြန်လွတ်လာသူ ကိုဇေယျာလင်း ကဆိုသည်။ 

စစ်အာဏာရှင်အုပ်ချုပ်ရေးအောက်တွင် နှစ်ပေါင်းများစွာ ရှိခဲ့ရာမှ  ၂ဝ၁၁ မှ စတင်သော နိုင်ငံရေးအပြောင်းအလဲများကြောင့် တိုင်းပြည်၏ ကဏ္ဍ အများ အပြားတွင် အပြုသဘော ဖြစ်ထွန်းမှုများ ပေါ်ပေါက်လာသည်။ သို့သော်လည်းအကျဉ်းစခန်းအများအပြားတွင်မူ ရက်စက်မှု၊ ညှင်းပန်းနှိပ်စက်မှုတို့ ဆက်လက်မင်းမူနေသည်။ 
 
ပြစ်မှုကျွေးချွေးဖြင့်ဆပ်
-------------
ထောင်၊ ရဲဘက်စခန်းတို့တွင် လူအခွင့်အရေးချိုးဖောက်မှုများ ဖြစ်ပေါ်နေ သည် ဟု နိုင်ငံတကာက စွပ်စွဲဝေဖန်နေချိန်တွင် ယခင်စစ်ဗိုလ်ချုပ်ကြီးများ က အပြည်ပြည်ဆိုင်ရာ ကြက်ခြေနီကော်မတီ(ICRC) ကို ၁၉၉၉  မေလမှစ၍ သွားရောက်စစ်ဆေးခွင့်ပြုလိုက်သည်။ 

လအနည်းငယ်ကြာစစ်ဆေးပြီးနောက် ကမ္ဘာကစွပ်စွဲထားသော အချက်များ မှန်ကန်ကြောင်း တိတ်တဆိတ် ထုတ်ဖော်ပြောကြားခဲ့သူမှာ ICRC အဖွဲ့အားထိုစဉ်က ဦးဆောင်သူ Mr့ De Riedmatten Leon ဖြစ်သည်။ 

၎င်းကထောင်များတွင် ရိုက်နှက်၊ ခြိမ်းခြောက်မှုများ ရှိနေကြောင်း၊  အစားအသောက်ကျွေးမွေးမှု လွန်စွာ အဆင့်နိမ့်ကျကြောင်း၊
 ငွေကြေးတတ်နိုင်သူတို့ ကောင်းမွန်စွာနေထိုင်ရပြီး၊ ဆင်းရဲသူတို့မှာ ရဲဘက်စခန်းများသို့ ပို့ခံရပုံကို ထိုစဉ်က အကျဉ်းဦးစီးဌာန ညွှန်ကြားရေးမှူးချုပ် တာဝန်ယူထားသူ ဦးကျော်ထွန်းနှင့် ၁၉၉၉  နိုဝင်ဘာတွင်
 တွေ့ဆုံစဉ် ပြောဆိုခဲ့ကြောင်း ထိုဌာန၏မှတ်တမ်းတစ်ခုတွင် ဖော်ပြထားသည်။ 

ထိုအချိန်မှစ၍ ထောင်တွင်း အစားအသောက်ကဏ္ဍ ပြုပြင်ပြောင်းလဲ မှုဖြစ်ပေါ်ခဲ့သော်လည်း ငွေပေးနိုင်မှုအပေါ်အခြေခံ၍ အကျဉ်းသားတို့ကို ခွဲခြားဆက်ဆံမှု၊  အဆင်းရဲဆုံးသော အကျဉ်းသားတို့ကိုကျောက်ထုတ် စခန်းများ၊ ဝေးလံသော အကျဉ်းစခန်းများသို့ ပို့ဆောင်မှုတို့က ဆက်လက် တည်ရှိသည်။

ရဲဘက်စခန်းသို့မပြောင်းရွှေ့ရဘဲ ထောင်ထဲတွင်သာ နေလိုသူ၊ မြို့နှင့်နီးသော စခန်းသို့ သွားလိုသူ၊  ပင်ပန်းသည့်ကျောက်ထုတ်စခန်းကို ရှောင်ရှားလိုသူတို့ ထုတ်သုံးကြရသည့် ငွေပမာဏ မတူညီကြောင်း အကျဉ်းဦးစီးဌာနတွင် လုပ်သက် ၂၅နှစ်ရှိခဲ့ပြီး၊ ယခုဥပဒေအကြံပေးအဖြစ်ဆောင်ရွက်နေသော ဦးခင်မောင်မြင့်ကဆိုသည်။ 

“ရဲဘက်ထွက်ရပြီဟေ့ဆိုလည်း ခြေကျင်းခတ်ခံရတော့မယ်။အဲ့ဒီမှာ ခြေကျင်း
အမျိုးမျိုး ထဲက ပေါ့ပါးပြီး လှုပ်ရှားလို့ကောင်းတဲ့ ခြေကျင်းခတ်ခံချင်လား၊ လေးပြီး လှုပ်ရှားလို့မလွယ်တဲ့ခြေကျင်း မခတ်ခံချင်ဘူးလား၊ဒါဆိုရင်ငွေ
ဘယ်လောက်ဆိုတာ စသည်ဖြင့်ရှိတယ်” ဟု ထောင်မှူးကြီးဟောင်း ဦးခင်မောင်မြင့်က ရှင်းပြသည်။ 

Myanmar Now က လနှင့်ချီ၍ ပြုလုပ်ခဲ့သောစုံစမ်းဖော်ထုတ်မှုတွင် အကျဉ်းသား၊ အကျဉ်းသားဟောင်း၊ အကျဉ်းဦးစီးအာဏာပိုင်တို့နှင့် 
 တွေ့ဆုံမေးမြန်းမှုအများအပြား ပြုလုပ်ခဲ့သည်။ နှစ်ပေါင်း ၅ဝ ကျော်အတွင်း ထုတ်ပြန်ခဲ့သော  အကျဉ်းဦးစီးဌာန၏ ထောင်နှင့်ချီသော မှတ်တမ်းများ၊ အစိုးရ၏ အမိန့်ညွှန်ကြားချက်များကိုလည်း လေ့လာဆန်းစစ်မှုပြုလုပ်ခဲ့သည်။ 

ခေတ်အဆက်ဆက် အာဏာပိုင်တို့က အလုပ်စခန်းများတွင် အကျဉ်းသားလုပ်အားကို မှားယွင်းသော နည်းလမ်းမျိုးစုံဖြင့် သုံးစွဲမှု၊အကျဉ်းသားများအား ငွေထုတ်စက်များကဲ့သို့ သဘောထားပြီး ဌာနအတွက် တရားဝင်ရံပုံငွေရှာဖွေမှု၊ ခြစားမှုမြောက်သော တရားမဝင်ငွေကြေးရှာဖွေမှု စသော လူ့အခွင့်အရေးချိုးဖောက်မှုများ ကျူးလွန်ကြောင်းတွေ့ရှိရသည်။  

စစ်အစိုးရများနှင့် သမ္မတဟောင်းဦးသိန်းစိန်အစိုးရလက်ထက်တွင်
လူ့အခွင့်အရေးအဖွဲ့များက သာမန်အကျဉ်းသားတို့၏ အခြေ အနေထက် နိုင်ငံရေးအကျဉ်းသားအရေးကိုသာအာရုံစိုက်ခဲ့သည်။ 

ကိုလိုနီခေတ်၊ ပါလီမန်ဒီမိုကရေစီအစိုးရခေတ်တို့တွင်အကျဉ်းထောင်စနစ်
သည် အများအားဖြင့် လူ့အဖွဲ့အစည်း၏ လုံခြုံရေးအတွက်သာ ဖြစ်ခဲ့သော်လည်း ၁၉၆၂ စစ်တပ်အာဏာသိမ်းပြီးနောက်ပိုင်းတွင် အုပ်ချုပ်သူတို့က “ပြစ်မှုကြွေးချွေးဖြင့်ဆပ်” ဟူသော ဆောင်ပုဒ်ကိုတီထွင်ကာ
အကျဉ်းသားလုပ်အားကို စတင် သုံးစွဲခဲ့သည်။ 
 
မှတ်တမ်းတစ်ခုအရ ၁၉၉၃ ခုနှစ်အစည်းအဝေးတစ်ခုတွင် ထိုစဉ်က ပြည်ထဲရေးဝန်ကြီးဒုဗိုလ်ချုပ်ကြီးဟောင်း ဘုန်းမြင့်က အကျဉ်းသားရဲဘက်များ၏ “အလဟဿ လေလွင့်ပြုန်းတီးနေသော”  လုပ်အားကို နိုင်ငံတော်စီမံကိန်းများတွင် သုံးစွဲပြီး ရည်မှန်းချက် ၃ ရပ်ကိုအကောင်အထည်ဖော်မည်ဟု ပြောကြားခဲ့ကြောင်း သိရသည်။ ရည်မှန်းချက်များတွင် လယ်ယာမြေသစ် ဖော်ထုတ်ရန်၊ နိုင်ငံတော်စီမံကိန်းများ
တွင် သုံးစွဲရန်၊ နိုင်ငံတော်က အခမဲ့ ကျွေးမွေးထားရသည့် ထိုအကျဉ်းသားများ ကို ခိုင်းစေပြီး ဝင်ငွေပြန်ရရှိရေး လုပ်ဆောင်ရန်တို့ ပါဝင်သည်။ 

၁၉၉၃ ဖေဖော်ဝါရီ ၂၃ ရက်စွဲတပ် ထိုမှတ်တမ်းအရ ထိုအစည်းအဝေး ကို နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့ အတွင်းရေးမှူး (၂) ဗိုလ်ချုပ်တင်ဦး၊ ထိုစဉ်က ထိပ်တန်းစစ်ဗိုလ်ချုပ်များဖြစ်ကြသည့် ဗိုလ်မှူးချုပ်အေဘယ်လ်၊ ဗိုလ်မှူးချုပ်လွန်းမောင် အပါအဝင် စစ်ဗိုလ်ချုပ် တစ်ဒါဇင်ကျော်တက်ရောက်ခဲ့သည်။ 

ထိုအစည်းအဝေးက အကျဉ်းသားတို့ကို စစ်မြေပြင်ပို့ပြီး လက်နက်၊ ရိက္ခာ သယ်ဆောင်စေရန်၊ အကျဉ်းသားအင်အား ၅ဝဝ စီရှိသော “ဝန်ဆောင်” တပ်ရင်းများကိုမြစ်ကြီးနား၊ လွိုင်ကော်၊ မြိတ်၊ သထုံ၊ ဘားအံတို့တွင် ဖွဲ့စည်းရန် ဆုံးဖြတ်လိုက်သည်။ 

ဗိုလ်ချုပ်မှူးကြီးဟောင်းသန်းရွှေကလည်း ၁၉၉၉ ဇန်နဝါရီ ၂၂ တွင် ရန်ကုန်တိုင်း၊ တိုက်ကြီးမြို့နယ်ရှိ အမှတ် (၂) ဘဝသစ်စိုက်ပျိုးထုတ်လုပ်မှုစခန်းသို့ သွားရောက်ပြီးအကျဉ်းစခန်းများသည် နိုင်ငံတော်၏ ကုန်ထုတ်လုပ်ရေးကို အထောက်အကူပြုသကဲ့သို့ အကျဉ်းသားများစားသောက်ရေးနှင့်ပတ်သက်၍ “နိုင်ငံတော်အစိုးရအပေါ်မှီခိုနေမှုအား အမှီအခိုကင်းသောဘဝရောက်အောင်” လုပ်ဆောင်ရမည်ဟု ညွှန်ကြားခဲ့ကြောင်း မှတ်တမ်းတစ်ခု တွင် ဖော်ပြထားသည်။ 

၎ ရက်အကြာတွင် ထိုညွှန်ကြားချက်ကို လုပ်ငန်းလမ်းညွှန်အဖြစ် ခံယူပြီး လုပ်ငန်းအောင်မြင်ရေးအကောင်အထည်ဖော်ရမည်ဟု ညွှန်ကြားရေးမှူးများသို့ ပေးပို့သောစာတွင် ဖော်ပြထားသည်။ 

မှတ်တမ်းများအရ ၁၉၈ဝ တွင်  အကျဉ်းသား ၂၅,ဝဝဝ ကို အလုပ်စခန်း ၂၂ ခု တွင် ခိုင်းစေခဲ့သည်။ 

အစာရေစာမလုံလောက်၊ ကျန်းမာရေးစောင့်ရှောက်မှု ချို့တဲ့၊ ညှဉ်းပန်းနှိပ်စက်ခြင်း တို့ကြောင့် အကျဉ်းစခန်းများ၊ နိုင်ငံတော် စီမံကိန်းလုပ်ကွက်များတွင် အကျဉ်းသားထောင်နှင့်ချီသေဆုံးခဲ့သည်။ ၂ဝ၁၄ ခုနှစ် ပြည်ထဲရေးဝန်ကြီးဌာန၏ ထုတ်ပြန်ချက်တွင် ၁၉၇၈ မှ ၂ဝ၁၄ အတွင်း စခန်းများတွင် သေဆုံးသူ ၅,ဝဝဝ ကျော် ရှိပြီး၊ အကျဉ်းသားတို့၏ “အလဟဿ လေလွင့်ပြုန်းတီးနေသောလုပ်အား” ကို
 နိုင်ငံတော်နှင့်ပြည်သူအကျိုးအတွက် အသုံးချရေးအတွက် အကျဉ်းစခန်းများဆက်လက်ရှိရန်လိုအပ်ကြောင်း ဖော်ပြခဲ့သည်။ 

လွန်ခဲ့သည့် ၁ဝ နှစ်ခန့်မှ စတင်ပြီး အကျဉ်းစခန်းတွင် သေဆုံးနှုန်း
 လျော့ကျလာသော်လည်း အမျိုးမျိုးသော လူ့အခွင့်အရေးချိုးဖောက်မှုများသည် သမ္မတ ဦးထင်ကျော် အစိုးရ လက်ထက်တိုင် တည်ရှိနေသည်။ 

ယခုအခါအလုပ်စခန်း ၄၈ ခုတွင် အကျဉ်းသားအရေအတွက်၂ဝ,ဝဝဝ မှ ၃ဝ,ဝဝဝ ကြားရှိနေသည်။  ၁၈ ခု မှာ ကျောက်ထုတ်လုပ်ရေး “ကုန်ထုတ်စခန်းများ” ဖြစ်ပြီး ကျန်စခန်းများမှာ
 စိုက်ပျိုးမွေးမျိုးရေး “အတတ်သင်” စခန်းများ ဖြစ်ကြသည်။ 

ဗြိတိသျှတို့ရေးဆွဲပြီး ယနေ့တိုင်သုံးစွဲနေသည့် ၁၈၉၄ အကျဉ်းထောင်လက်စွဲတွင် ရဲဘက်စခန်းများဖွင့်ပြီးကုန်ထုတ်ရမည်ဟူ၍ မပါရှိပေ၊ ထောင်နှင့် ဆက်စပ်သောလုပ်ငန်းများတွင်အဓိက
ထားခိုင်းစေရမည်ဟု ဖော်ပြထားသည်။ 

“ဒီအကျဉ်းသားတစ်ယောက်က သူ့ပြစ်ဒဏ်အလျောက် ပြစ်ဒဏ်ခံခဲ့ရပြီးပြီ။ လူ့အသိုင်းအဝိုင်းထဲကနေ သူ့ကို ကာလအကန့်အသတ်တစ်ခုနဲ့ ဖယ်ထုတ်လိုက်ပြီးပြီ။ ဒါကိုက ပြစ်ဒဏ်ပဲလေ။ 

အဲဒီထဲမှာမှ ထောင်ထဲမှာ လုပ်ရမယ့် လုပ်ငန်းကို ထပ်ပြီး အကျယ်ဖွင့်ဆိုပြီး အကျဉ်းထောင် အပြင်မှာပါ သူ့လုပ်အားကို ထပ်သုံးတော့မယ် ဆိုတော့ သူ့ပြစ်ဒဏ်က နှစ်ဆတိုးသွားသလို ဖြစ်တယ်” ဟု ထောင်မှူးကြီးဦးခင်မောင်မြင့်ကဆိုသည်။ 

ကျွန်တော်တို့ဟာ ကျွန်တွေပါ
--------------

ရဲစည်းကမ်းဖောက်ဖျက်မှုဖြင့် ထောင် ၂ နှစ်ကျခဲ့သော ရဲဝန်ထမ်းဟောင်း ကိုဇေယျာလင်းသည် မန္တလေးထောင်တွင် လအနည်းငယ်နေခဲ့ရပြီး
 နောင်ချိုမြို့နယ်၊ကောင်းမှု အလုပ်စခန်းသို့ပို့ဆောင်ခံခဲ့ရသည်။ 

စိမ်းလန်းသည့် စပါးခင်း၊ ကြံစိုက်ခင်း၊  ပြောင်းစိုက်ခင်းများ မြင်ကွင်း
တစ်ဆုံးရှိသဖြင့် အေးချမ်းမှု၊ ငြိမ်းချမ်းမှုအသွင်ဆောင်သော
 တောင်ကုန်းအနီးတွင် ငရဲခန်းတို့နှင့် နှိုင်းယှဉ်ခံရသော အလုပ်စခန်းများ တည်ရှိနေသည်။စခန်းမှ အကျဉ်းသား ၂ဝဝ နီးပါးသည်   အကျဉ်းဦးစီးဌာန၏ ကြံစိုက်ခင်း ဧက ၁၄ဝ၊ ပုဂ္ဂလိကစိုက်ခင်းတို့တွင် လုပ်ကိုင်ရသည်ဟု သူက ရှင်းပြသည်။ 

မည်သည့်အသက်မွေးဝမ်းကျောင်းပညာမှ သင်ကြားခြင်း မပြုသောအဆိုပါ အတတ်သင်စခန်းတွင် အကျဉ်းသားတို့ ရက်သတ္တတစ်ပတ်
လျှင် ၆ ရက် လုပ်ကိုင်ရသည်ဟု ဆိုသည်။ သူ စခန်းသို့ ရောက်သည့် ၂ဝ၁၅ ဇူလိုင် ၅ ရက်နေ့ကတည်းကအုပ်ချုပ်မှုအကူအကျဉ်းသားတို့၏ နှိပ်စက်မှုကို ခံရကြောင်း၊ ထိုအချိန်က အုပ်ချုပ်သူမှာ ထောင်ပိုင်ဦးဇော်ဦးဖြစ်ကြောင်း သူက ရှင်းပြသည်။

“ကျောကို ရိုက်တယ်။ တင်ပါးကိုရိုက်တယ်။ အကြောင်းပြချက်ကတော့ အလုပ်နှေးတယ်ပေါ့။ တစ်နေ့ကို မရိုက်ခံရဘူးဆို အချက် ၃ဝ လောက်ရှိတယ်” ဟု ကိုဇေယျာလင်းကဆိုသည်။ 

မိခင်၊ ဇနီးတို့ စခန်းလိုက်လာပြီး ထောင်မှူးကြီးကို ၅ သိန်း ပေးလိုက်မှ ရိုက်နှက်မှုများ ရပ်သွားပြီး ထောင်ဝန်ထမ်းတို့ကိုရေနွေးကျို၊
 ကော်ဖီဖျော်တိုက်ရသည့်ရာထူး ရခဲ့သည်ဟု ဆိုသည်။ငွေမပေးနိုင်သည့် ငယ်ရွယ်သောအကျဉ်းသားများအနက် တချို့မှာ စခန်းအတွင်း လိင်ပျော်တော်ဆက်သူများ ဖြစ်သွားကြောင်း သူက ရှင်းပြသည်။ 

“ငွေရင်းမလား၊ လူရင်းမလား၊ ကျွဲလိုနွားလို အလုပ်လုပ်ပြီး လုပ်အားရင်းရမလား။ ကျန်တာရွေးချယ်စရာမရှိဘူး။ တကယ့် ကျွန်ဘဝပါဗျာ” ဟု ကိုဇေယျာလင်းကအကျဉ်းစခန်းမှပြန်လွတ်လာသည့်နေ့တွင် ဝမ်းနည်းတစ်ဆို့စွာ ပြောပြသည်။ 

အမည်မဖော်လိုသူ အကျဉ်းသားတစ်ဦးကလည်း ထိုစခန်းတွင် ရိုက်နှက်ခံနေရ
သည်မှာတစ်နှစ်ကျော်လာပြီဖြစ်သောကြောင့် အကျဉ်းထောင်သို့
 ပြန်ပို့ခံရရေးအတွက်  အသေအကျေ ပြန်လည်တိုက်ခိုက်သည့်နည်းဖြင့်အမှု ဖန်တီးရန် မကြာခဏစဉ်းစားမိသည်ဟု ဆိုသည်။

 သားငယ်၊ သမီးငယ်တို့၏မျက်နှာကိုမြင်ယောင်ပြီး စိတ်ထိန်းထားရကြောင်း
၊မိသားစုက ထောင်ဝင်စာ လာတွေ့ခြင်း မရှိသေးကြောင်း  ရိုက်ခံထားရသော ဒဏ်ရာများကို ပြပြီး ပြောပြသည်။ 

“ကျွန်တော်က တောသူတောင်သားဆိုတော့ ဒီအလုပ်ကြမ်းကို လုပ်နိုင်ပါတယ်။လုပ်နိုင်လည်း ရိုက်ခံနေရတာပဲ။ ဒီနေ့ တစ်ဧက
 ပေါင်းရှင်းနိုင်တယ်ဆို၊ နက်ဖန် နှစ်ဧက ခိုင်းတော့ လူကဘယ်လိုမှ မခံနိုင်ဘူး” ဟု မျက်ရည်ဝိုင်းနေသော အဆိုပါ အကျဉ်းသားက အကျဉ်းစခန်း အနီးလုပ်ငန်းခွင် တွင် ခေတ္တတွေ့ဆုံစဉ်  Myanmar Now ကို ပြောပြသည်။ 

ရိုက်နှက်ရန် ဖိအားပေးခြင်း
------------

ကောင်းမှုစခန်းအပြင် နောင်ချိုရှိ အကျဉ်းဦးစီးဌာနပိုင် ကော်ဖီခြံ၊ ကြံစိုက်ခင်းများရှိသည့်ကြူအင်း၊ ဟိုခို၊ လွင်ကြီး၊ ကုန်းစံ၊ ခဲမွန် တို့ကို စိုက်ပျိုးရေးနှင့် မွေးမြူရေးအတတ်သင်စခန်းဟု အမည်ပေးထားသည်။ 

ဟိုခိုစခန်းမှ ၂ဝ၁၄ တွင် လွတ်မြောက်လာသူ ဦးအောင်စိုးကအကျဉ်းသား အချင်းချင်း အုပ်ချုပ်သည့် တုတ်ကိုင်ရာထူးရရှိရန် သိန်းနှင့်ချီ လာဘ်ထိုးရသည်ဟု ပြောပြသည်။  

“ရိုက်မှ အကျဉ်းသားတွေက အမြဲကြောက်နေပြီး ဝန်ထမ်းတွေကို ပိုက်ဆံပေးမယ်၊ ပစ္စည်းပေးမယ်၊ ဒီဝန်ထမ်းတွေ ရေချိုးရင် ဆပ်ပြာတိုက်ပေးမယ်၊ သူတို့ကို နှိပ်နယ်ပေးမယ်၊ နည်းမျိုးစုံနဲ့ ကျွန်ခံပေးမယ်။ ဒါ့ကြောင့်ရိုက်တာ” ဟု ဦးအောင်စိုးက ဆိုသည်။ 

ဦးအောင်စိုး အကျဉ်းစခန်းတွင် အရိုက်မခံရစေရန် ကျင့်သုံးခဲ့သောနည်းလမ်းမှာ အခြားအကျဉ်းသားတို့နှင့် မတူပေ။  ၂ဝ၁၃ ခုနှစ်က ဟိုခိုသို့ ရောက်သည်နှင့် အကျဉ်းသားသစ်များကို ရိုက်နှက်ပြီး ကြိုဆိုစဉ် ဦးအောင်စိုးက သူ့အား ရိုက်နှက်ပါက အသက်နှင့်ရင်းပြီးပြန်လည်တိုက်ခိုက်မည်ဟု ပြောဆိုခဲ့သည်။ 

ထောင်သက် ၁၇ နှစ်၊ တုတ်ခိုင်သော သူ၏ခန္ဓာကိုယ်၊ စူးရှသော မျက်လုံးအစုံ၊ တင်းမာသော သူ၏ မေးကြောတို့က  သူ၏ခြိမ်းခြောက်မှုကို အထောက်အပံ့ပေးခဲ့သည်။  ရိုက်နှက်ခြင်းမခံရသော်လည်း သူလည်း အလုပ်ကြမ်း လုပ်ရသည်။

အကျဉ်းစခန်းမှ လွတ်မြောက်ပြီးမကြာမီတွင် “အုတ်ရိုးအတွင်း သံဆူးကြိုးဝင်းမှ လူဆိုးများ” ဟူသော စာအုပ်ကိုအင်းစိန်အောင်စိုး ကလောင်အမည်ဖြင့်
 ရေးသားထုတ်ဝေလိုက်သည်။လူဆိုးများထက်ဆိုးသောသူတို့မှာ အကျဉ်းဦးစီးဝန်ထမ်းများဖြစ်ကြောင်း ထိုစာအုပ်တွင် နိဒါန်းချီထားသည်။ အကျဉ်းသားများ ကြံခုတ်ပြီး ကြံဖတ်ခွာစဉ် ရိုက်နှက်ခံရသည်ဟု ဆိုသည်။ 

“တစ်နေကုန် မကြာခဏရိုက်တယ်။ ထောင်မှူး၊ ဝန်ထမ်းအကြပ်တွေက သူတို့ရှေ့မှာ ရိုက်နေတာကို တစ်ခွန်းမှ ဝင်မပြောဘူး။…
တစ်ယောက်မကျန်အကုန်ရိုက်တယ်။ ကျွန်တော့်ကိုသာ မရိုက်တာပါ” ဟု သူကထိုစာအုပ်တွင် ရေးသားထားသည်။ 

မကြာသေးမီက သူနေထိုင်ရာ ရန်ကုန်၊ အင်းစိန်မြို့နယ်တွင် Myanmar Now နှင့် တွေ့ဆုံစဉ် ကြံစည်းများထမ်းပုံခဲ့ပုံရပုံကို ပြန်ပြောပြပြီး “ကျွန်တော် အခု ကြံပင်ကိုတွေ့ရင် သိပ်မုန်းတယ်” ဟု ဦးအောင်စိုးက ဆိုသည်။ 

၂ဝ၁၄ ခုနှစ်က နောင်ချိုရှိ အကျဉ်းစခန်းများကို အဓိကကွပ်ကဲခဲ့သူ ဦးဌေးလွင်ထွန်းက ကောင်းမှုစခန်း ရိုက်နှက်မှုများနှင့်ပတ်သက်၍ တာဝန်ရှိသူ ထောင်မှူးကြီး ဦးဇော်မြင့်ဦးကို သတိပေးခဲ့ပြီးဖြစ်သည်ဟု ဆိုသည်။ 

“ဒါက လူသေလောက်တဲ့ကိစ္စလည်းမဟုတ်ဘူး၊ သာမန်ပဲဆိုတော့ နှုတ်နဲ့ပဲ သတိပေးခဲ့တယ်။ တခြားအရေးယူတာမျိုးတော့မရှိဘူး” ဟု မန္တလေးမြို့ ထုံးဘိုကျောက်ထုတ်စခန်း (အမျိုးသား) တွင် တာဝန်ကျနေသော လက်ထောက်ညွှန်ကြားရေးမှူး ဦးဌေးလွင်ထွန်းက ပြောသည်။ 

စည်းကမ်းဘောင်အတွင်းနေထိုင်သူကို သတ်မှတ်ကာလမတိုင်ခင်
 လျှော့ရက်ပေးပြီး ပြန်လွှတ်လေ့ ရှိရာ စည်းကမ်းတစ်ခုခုဖောက်မိသော အကျဉ်းသားက လျှော့ရက်မရမည်ကို စိုးရိမ်ပြီး  အရိုက်ခံရခြင်း
ကိုသာလိုလားသည့်အခြေအနေမျိုးလည်း ရှိတတ်သည်ဟု သူက ဆိုသည်။

Myanmar Now က သွားရောက်လေ့လာခဲ့သည့် အကျဉ်းစခန်းများအနက် စစ်ကိုင်းတိုင်းဒေသကြီး၊ ကလေးမြို့နယ်ရှိ ရာဇဂြိုဟ် အမှတ် ၂ သည်  အဖိနှိပ်ဆုံးစခန်းများတွင် ပါဝင်သည်။ထိုစခန်းတွင် အကျဉ်းကျခဲ့သူ ကိုထန်းသည် ဘုတ်ကိုင် ခေါ် တုတ်ကိုင်ရာထူး ရရန် ငွေလမ်းခင်း ကြိုးပမ်းပြီးနောက် ဘဝတူအကျဉ်းသားများကို ကိုင်တွယ်အုပ်ချုပ်ရ သူတစ်ဦး ဖြစ်လာသည်။  

“ကျွန်တော်က မမောင်းရင် ကျွန်တော့်ကို အထက်အရာရှိတွေက  ဖိအားပေးတယ်။ မင်းတို့ကောင်တွေ ဒီနေ့ဘာလို့ ဒီလောက်ပဲပြီးတာလဲလို့ ကျွန်တော့်ကိုပြောတော့ ကျွန်တော်ကလည်းကျွန်တော့်အောက်က လူတွေကို ဖိရတာပေါ့” ဟု ယမန်နှစ် သြဂုတ်လတွင် လွတ်မြောက်လာသော ကိုထန်းက Myanmar Now ကို ပြောပြသည်။  

ရောင်းစားခံရသော လုပ်အား
-----------------
ကုလသမဂ္ဂက ၁၉၅၅ တွင်ချမှတ်ထားသော “အကျဉ်းသားများဆက်ဆံရာတွင် အနိမ့်ဆုံး ထားရှိရမည့် စည်းမျဉ်းစည်းကမ်းများ” တွင်အကျဉ်းသားတို့ကို အန္တရာယ်သဘောဆောင်သည့် ခိုင်းစေမှုမပြုရ၊လုပ်ငန်းတစ်ခုခုမှ စီးပွားရေးအကျိုးအမြတ်ရရန် ရည်ရွယ်၍ခိုင်းစေခြင်းမပြုရဟု ဖော်ပြထားသည်။ 

မြန်မာနိုင်ငံက လက်မှတ်ရေးထိုးထားသော အဓမ္မခိုင်းစေမှုဆိုင်ရာ ကုလသမဂ္ဂပဋိဉာဉ် အခန်း ၂ တွင်လည်း တရားရုံးကပြစ်ဒဏ် ချမှတ်လိုက်သူသည် ပုဂ္ဂလိက ကုမ္ပဏီ၊ အသင်းအဖွဲ့များ၏ အသုံးချခံမဖြစ်စေရဟု ပြဋ္ဌာန်းထားသည်။ 

Myanmar Now က သွားရောက်လေ့လာခဲ့သော မွန်၊ ရှမ်း၊ မန္တလေး၊ စစ်ကိုင်း စသည့် ဒေသများရှိ  အကျဉ်းစခန်းအချို့တွင် ထောင်အာဏာပိုင်တို့က အကျဉ်းသားများ၏ လုပ်အားကို ပုဂ္ဂလိကအလုပ်များတွင် အသုံးချလျက်ရှိသည်။ 

နောင်ချို၊ ကောင်းမှုစခန်းမှ လွတ်လာသော ကိုဇေယျာလင်းက
 ငွေရည်ပုလဲကုမ္ပဏီပိုင် ကြံစိုက်ခင်း၊ စခန်းတဝိုက်ရှိ ရွာသားတို့၏ စပါးခင်း၊ ပြောင်းခင်းများတွင်  သွားရောက်လုပ်ကိုင်ခဲ့ရကြောင်း ပြောသည်။ 

“ကျွန်တော့်ရှေ့မှာတင် ထောင်မှူးကို လုပ်ငန်းရှင်တွေက အကျဉ်းသား ၁ဝဝ ကို တစ်နေ့ (လုပ်အားခ တစ်ယောက်) ၃,ဝဝဝ နဲ့တွက်ပြီး ပိုက်ဆံရှင်းတာ
 တွေ့တယ်၊ ကျွန်တော်တို့အကျဉ်းသားကတော့ ဘာမှမရဘူး” ဟု သူကဆိုသည်။ 

အကျဉ်းဦးစီးဌာနတွင် ၂ဝဝ၄ မှ ၂ဝ၁၂ အထိ ညွှန်ကြားရေးမှူးချုပ် တာဝန်ထမ်းဆောင်ခဲ့ပြီး လက်ရှိတွင် မြန်မာနိုင်ငံ လူ့အခွင့်အရေးကော်မရှင် အဖွဲ့ဝင်တစ်ဦးဖြစ်သူ ဦးဇော်ဝင်းကငွေရည်ပုလဲနှင့် အကျဉ်းဦးစီးဌာနတို့ ကြံစိုက်ခင်း ဧက ၈ဝဝခန့် နောင်ချိုတွင်လုပ်ကိုင်ရန် စာချုပ်ချုပ် ထားခဲ့ကြောင်း ပြောပြသည်။ဌာနက မြေ နှင့် အကျဉ်းသားလုပ်အားထည့်ဝင်ပြီး ကုမ္ပဏီက မျိုးစေ့၊မြေသြဇာ ထည့်ဝင်ကြောင်း သူကဆိုသည်။ 

“ကျွန်တော်တို့ ရိတ်သိမ်းပေးပြီး၊ သူတို့က သူတို့ကားနဲ့လာတင်တာရှိသလို၊ ကျွန်တော်တို့ကားနဲ့သွားတင်ပြီး သူတို့သကြားစက်ကို သွားပို့လို့ရတော့ ဈေးကွက်အတွက်လည်း ပူစရာမရှိတော့ဘူး။ ဒီလိုအကျိုးတူဖက်စပ်လုပ်ကိုင်ခွင့်ရှိတာ ဒါကျွန်တော့်လက်ထက်မှာအကြီးမားဆုံးပဲ” ဟု သူက ရှင်းပြသည်။

နောင်ချိုအကျဉ်းစခန်းများကို ကွပ်ကဲခဲ့သူ ဦးဌေးလွင်ထွန်းက အကျဉ်းသားများ၊ ဝန်ထမ်းများ၏ စားဝတ်နေရေးအတွက် စခန်းတာဝန်ခံတို့က အဆင်ပြေသလိုရှာဖွေရကြောင်း၊ အကျိုးအမြတ်ကို မျှမျှတတခွဲဝေသုံးစွဲလျှင်  တိုင်တန်းမှုရှိမည်မဟုတ်ကြောင်း ပြောပြသည်။ 

နောင်ချို အကျဉ်းစခန်းများတွင် ဖြစ်ပေါ်နေသော လူ့အခွင့်အရေး ချိုးဖောက်မှုများမှာ အကျဉ်းစခန်းအများစုတွင်လည်း ဖြစ်ပျက်နေသည်။ ထိုကဲ့သို့ ပုဂ္ဂလိကအလုပ်များတွင် သွားရောက်လုပ်ကိုင်ရသည်ကို
 ထောင်အာဏာပိုင်များက လုပ်အားပေးဟု အမည်တပ်ကြောင်း အကျဉ်းသားများ၊ ပြန်လွတ်လာသူများကအတည်ပြုသည်။ 

ရာဇဂြိုဟ်၂အနီးရှိ ရာဇဂြိုဟ်ရွာအုပ်ချုပ်ရေးမှူး ကိုချောအောင်ကလည်း ရွာသားတို့က ထောင်အာဏာပိုင်တို့ကို အခကြေးငွေပေးပြီး အကျဉ်းသားတို့၏လုပ်အား ရယူကြောင်း ပြောသည်။ 

မွန်ပြည်နယ်၊  ကျိုက်ထိုမြို့နယ်ရှိ မုပ္ပလင်ကျောက်ထုတ်စခန်းမှ ရာနှင့်ချီသောအကျဉ်းသားများသည်    ပုဂ္ဂလိကပိုင်စပါးခင်း၊ 
 ရော်ဘာခြံများတွင် လုပ်ကိုင်ရကြောင်း ဒေသခံတစ်ဦးဖြစ်သူ အမျိုးသား ဒီမိုကရေစီအဖွဲ့ချုပ်အဖွဲ့ဝင် ဦးရွှေထွန်းက Myanmar Now ကို ပြောသည်။ဇူလိုင် ၃ဝ ရက်နေ့က အရပ်ဝတ်အကျဉ်းသား ၅ဝခန့် သူ့အိမ်အနီးရှိပုဂ္ဂလိက လယ်ကွင်းတွင် အလုပ်လုပ်နေရသည်ကို  တွေ့ရှိကြောင်းသူက ဆက်ပြောသည်။

“အကျဉ်းသားတွေကို အပြင်မှာတရားဝင်ခိုင်းခွင့်မရှိတာလည်းတစ်ကြောင်း၊ လုပ်ရတာကလည်း မုပ္ပလင်မြို့အဝင် လမ်းမကြီးဘေးမှာ ဆိုတာကလည်း တစ်ကြောင်းမို့ အကျဉ်းသားဝတ်စုံပြာတွေနဲ့ဆိုရင် အများအမြင်မှာ မကောင်းဘူးထင်တယ်၊ ဒါ့ကြောင့်မို့လို့ အကျဉ်းသားတွေကို အရပ်ဝတ်နဲ့ခိုင်းတာ” ဟု သူက မှတ်ချက်ပြုသည်။ 

စခန်းတာဝန်ခံများအလွယ်တကူချမ်းသာလာကြောင်း သူက ဆက်ပြောသည်။“ထောင်ပိုင်တွေ ဒီကိုရောက်လာပြီး ၁ နှစ်မပြည့်ဘူး၊ အိမ်တွေ၊ ခြံတွေ အကုန်ပိုင်ဆိုင်သွားတာပဲ” ဟု သူကဆိုသည်။ 

အကျဉ်းဦးစီးဌာန ပြောရေးဆိုခွင့်ရှိသူ ဒုတိယညွှန်ကြားရေးမှူး ဦးမင်းထွန်းစိုးကို အကျဉ်းစခန်းများ၏ ဆိုးဝါးသော အခြေအနေများအကြောင်း မေးမြန်းရာ သူက အသေးစိတ် ရှင်းလင်းခြင်း မရှိသော်လည်း တိုးတက်ဖြစ်ထွန်းမှုများရှိသည်ဟု ဆိုသည်။

“ဒါတွေက ရှိကောင်းရှိနိုင်ပါတယ်။ ယခင်ကလောက်တော့ မဆိုးတော့ပါဘူး” ဟု ဦးမင်းထွန်းစိုးကဆိုသည်။ 

နိုင်ငံတကာ အလုပ်သမားအဖွဲ့ (ILO) ၏ မြန်မာနိုင်ငံရုံးတာဝန်ခံ Piyamal Pichaiwongse က အကျဉ်းစခန်းများရှိအလုပ်သည် ပုဂ္ဂလိကကုမ္ပဏီတို့၏အကျိုးစီးပွားနှင့် ဆက်စပ်နေပါက ကုလသမဂ္ဂ အဓမ္မခိုင်းစေမှုပဋိဥာဉ်အရ အဓမ္မခိုင်းစေမှုမြောက်ကြောင်း ပြောသည်။ 

“အကျဉ်းသားတွေကိုခိုင်းစေတဲ့အလုပ်ဆိုတာ ထောင်ရဲ့ဘောင်ထဲမှာပါပြီး၊ ထောင်ရဲ့ အကောင်းဆုံးသော အကျိုးစီးပွားကိုသာ ဦးတည်ရမှာဖြစ်ပါတယ်။ ဥပမာ ထောင်ထဲမှာ အကျဉ်းသားတွေ ထင်းခွဲမယ်၊ ထမင်းဟင်းချက်မယ်၊ အခန်းတွေကို သန့်ရှင်းရေးလုပ်မယ်၊ ဒါဆိုရင်တော့ အဓမ္မခိုင်းစေတာ မမြောက်ဘူးပေါ့” ဟု ILO အရာရှိက ဆိုသည်။ 

သူကိုယ်တိုင် မန္တလေးမြို့အနီး ရထားခရီးစဉ်တစ်ခုတွင် အကျဉ်းဦးစီး အလုပ်စခန်းတစ်ခုမှ   အကျဉ်းသားများကို လှမ်းတွေ့ဖူးကြောင်း ပြောသည်။  

“ကျွန်မအကျဉ်းသားတွေကို လှမ်းမြင်လိုက်တော့ အို…့ဘယ်လိုပြောရမလဲ၊ သူတို့က ကျွန်တွေနဲ့တူလိုက်တာ။ ဒါပေမဲ့ ဒီကိစ္စကို ဘယ်သူမှ ကျွန်မတို့ဆီလာမတိုင်ကြဘူး” ဟုသူကပြောပြသည်။ ။

ဆွေဝင်း/Myanmar Now.                              News Watch(စောင့်ကြည့်သတင်းဂျာနယ်)



Panmunjom ငြိမ်းချမ်းရေး ရွာ အနီးတွေ့ရတဲ့ မြောက်ကိုရီးယား စစ်သားများ
လုံခြုံရေး ထူထူထပ်ထပ်ချထားတဲ့ တောင်ကိုရီးယားနဲ့ နယ်စပ်ဒေသမှာ မြောက်ကိုရီးယားက မြေမြှုပ်မိုင်းအသစ်တွေ ထပ်ချနေတယ်လို့ ကုလသမဂ္ဂ ကွပ်ကဲရေးရုံးက ပြောဆိုလိုက်ပါတယ်။

၂ နိုင်ငံကြားမှာရှိတဲ့ Panmunjom ငြိမ်းချမ်းရေးရွာအနီး မြစ်ပေါ်က ပြန်လမ်းမရှိ တံတားလို့ အမည်ပေးထားတဲ့ တံတားနားက မြောက်ကိုရီးယား ဘက်ခြမ်းမှာ မြောက်ကိုရီးယား စစ်သားတွေ မိုင်းမြှုပ်နေတာ တွေ့ခဲ့ကြတာပါ။ ၁၉၅၀ ပြည့်နှစ်ကနေ ၁၉၅၃ ခုနှစ်အထိ ဖြစ်ပွားခဲ့တဲ့ ကိုရီးယားစစ်ပွဲ အဆုံးသတ်ခဲ့တဲ့ စစ်ပြေငြိမ်းရေး သဘောတူညီချက်ကို စောင့်ကြည့် အကဲခတ်နေတဲ့ ကုလသမဂ္ဂ ကွပ်ကဲရေးဌာနကတော့ မြေမြှုပ်မိုင်းတွေဟာ စစ်မဲ့ဇုံဒေသမှာ ရှိနေကြတဲ့ ၂ နိုင်ငံ လူထုအတွက် အကြီးအကျယ် အန္တရာယ်ဖြစ်စေတယ်ဆိုပြီး ဒီကနေ့ပဲ ကြေညာတစောင် ထုတ်ပြန်ရှုတ်ချလိုက်ပါတယ်။

မြောက်ကိုရီးယားဟာ ၂ နိုင်ငံကြားက စစ်မဲ့ဇုံဒေသမှာ မြေမြှုပ်မိုင်းတွေ ချထားတဲ့အတွက် ပြစ်တင်ဝေဖန်ခံနေရပြီး၊ ပြီးခဲ့တဲ့နှစ်ထဲမှာတုန်းကလည်း နယ်စပ်မှာ ကင်းလှည့်နေတဲ့ တောင်ကိုရီးယား စစ်သား ၂ ဦးဟာ မြေမြှုပ်မိုင်း နင်းမိပြီး ထိခိုက်ဒဏ်ရာတွေ ရခဲ့တာပါ။ မြောက်ကိုရီးယားက မြေမြှုပ်မိုင်းတွေ ထပ်ချနေတဲ့ ကိစ္စနဲ့ ပတ်သက်လို့ အမေရိကန် ဦးဆောင်တဲ့ ကွပ်ကဲရေးဌာနက တစုံတရာ ခန့်မှန်းပြောဆိုတာမျိုး မရှိပေမဲ့၊ တောင်ကိုရီးယားနိုင်ငံက Yonhap သတင်းဌာနကတော့ မြေမြှုပ်မိုင်းတွေဟာ ရှေ့တန်းကစစ်သားတွေ ဘက်ပြောင်းခိုလှုံတာတွေ မလုပ်နိုင်အောင် ဟန့်တားဖို့ ရည်ရွယ်တဲ့အကြောင်း အစိုးရနဲ့နီးစပ်သူ အသိုင်းအ၀ိုင်းကို ကိုးကားပြောဆိုခဲ့ပါတယ်။

နျူကလီးယား လက်နက်တွေနဲ့ ပဲ့ထိန်းတပ်ဒုံးတွေ ဆက်တိုက်ဆိုသလို စမ်းသပ်ခဲ့တဲ့အတွက် မြောက်ကိုရီးယားအပေါ် ကုလသမဂ္ဂက နောက်ထပ် ပြင်းထန်တဲ့ ပိတ်ဆို့ဒဏ်ခတ်မှုတွေ ချမှတ်ခဲ့တာကြောင့်၊ မကြာသေးခင် လတွေကစလို့ ကိုရီးယား ကျွန်းဆွယ်မှာ တင်းမာမှုတွေ ပေါ်ပေါက်နေတာ ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com



ဖိလစ်ပိုင်နိုင်ငံ မှ ၃၄ကီလိုဂရမ် အလေးချိန်ရှိသည့် ကမ္ဘာ့အကြီးဆုံး ပုလဲအားတွေ့ရစဉ် (ဓါတ်ပုံ-အင်တာနက်)
    မနီလာ၊ သြဂုတ် ၂၃ ရက် (ဆင်ဟွာ)

    မီးလောင်ကျွမ်းခဲ့သည့် အိမ်တစ်လုံးမှ ရှာဖွေတွေ့ရှိခဲ့သော အမေရိကန်ဒေါ်လာ သန်း၁၀၀ တန် ကမ္ဘာ့အကြီးဆုံး သဘာဝ ပုလဲကြီးအား ဖိလစ်ပိုင်နိုင်ငံ၌ မကြာခင်ပြသသွားမည်ဖြစ်ကြောင်း သိရသည်။

ဖိလစ်ပိုင် ခရီးသွားလုပ်ငန်း အရာရှိတစ်ဦး ဖြစ်သူ Aileen Amurao က အဆိုပါ ပုလဲကြီးအား ၂၀၀၆ခုနှစ် တွင် ပါလာဝမ်ကျွန်းမှ ငါးဖမ်းသမားတစ်ဦးက ရှာဖွေတွေ့ရှိခဲ့ခြင်းဖြစ်ကြောင်း ပြောကြားခဲ့သည်။

ငါးဖမ်းသမား သည် ပုလဲ၏ တန်ဖိုးကို မသိရှိပဲ ကံကောင်းစေသည့် အဆောင်တစ်ခုအနေဖြင့်သာ ထိန်းသိမ်းထားရာ ၄င်း၏ အိမ်မီးလောင်ကျွမ်းသွားပြီးနောက် ယင်းပုလဲအား အာဏာပိုင်များထံ ပေးအပ်ရန် ဆုံးဖြတ်ခဲ့ကြောင်း Amuraoက ပြောကြားခဲ့သည်။

Amuraoက “ပုလဲရဲ့တန်ဖိုးကို အပြည့်အဝ အတည်ပြုဖို့အတွက် ကျောက်မျက်ရတနာ သုတေသန ပညာရှင်တွေရဲ့အကူအညီ ကို အခုလိုအပ်နေပါတယ်”ဟု ဆိုသည်။

ပုလဲကြီးသည် အရှည် ၆၇စင်တီမီတာ၊ အကျယ် ၃၀.၅စင်တာမီတာ ရှိပြီး ၃၄ကီလိုဂရမ်အလေးချိန်ရှိကြောင်း သိရသည်။ ယခင်ကမ္ဘာ့စံချိန်တင်ခဲ့သည့် Lao Tze ပုလဲလုံးသည် အလေးချိန်အားဖြင့် ၆.၄ကီလိုဂရမ်ရှိကာ အမေရိကန်ဒေါ်လာ ၃၅သန်းတန်ဖိုးရှိပြီး ယင်းပုလဲလုံးကိုလည်း ပါလာဝမ်ကျွန်းအနီးမှ ရှာဖွေတွေ့ရှိခဲ့ကြောင်း သိရသည်။

(Xinhua)
http://www.xinhuamyanmar.com

၂ဝ၁၄ တုန်းက နေပြည်တော် အာဆီယံ ထိပ်သီး အစည်းဝေးကို လာတက်တဲ့ ကုလ အတွင်းရေးမှုးချုပ် ဘန်ကီမွန်း။

 မြန်မာနိုင်ငံ ပြည်တွင်း ငြိမ်းချမ်းရေး အတွက် အခု ဩဂုတ်လ အကုန်မှာ ကျင်းပ ဖို့ စီစဉ် ထားတဲ့ ၂၁ ရာစု ပင်လုံ ညီလာခံ ကို ကုလသမဂ္ဂ အတွင်းရေးမှုး ချုပ် ဘန်ကီမွန်း တက်ရောက် မယ် ဆိုတဲ့ သတင်းတွေ ကျယ်ကျယ် ပြန့်ပြန့် ထွက် ပေါ် နေပါတယ်။

မစ္စတာဘန် တက်ရောက်မယ့် အကြောင်းကို သမ္မတရုံး ပြောခွင့်ရ ဦးဇော်ဌေးက အတည်ပြု ပြောပေမယ့် အသေးစိတ် တော့ မထုတ်ပြန်ဘူး ဆိုပြီး အေဂျင်စီ သတင်း တစ်ပုဒ်က ကိုးကား ဖော်ပြ သလို၊ တိုင်းရင်းသား လက်နက်ကိုင် တပ် တချို့ ဆီကလည်း သိရတယ်လို့ ဆိုပါတယ်။

၂၁ ရာစု ပင်လုံ ညီလာခံ ကို မစ္စတာဘန် တက်ရောက် မယ် ဆိုတာဟာ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ကြိုးစားနေတဲ့ မြန်မာ့ ငြိမ်းချမ်းရေး ဖြစ်စဉ် အပေါ် နိုင်ငံတကာ အသိုင်းအဝိုင်းက အားပေး ထောက်ခံတာ ကို အခိုင်အမာ ပြသရာ ရောက်တယ် ဆိုတဲ့ သုံးသပ် မှု တွေ လည်း ရှိနေပါတယ်။

ဒါပေမယ့် ၂၁ ရာစု ညီလာခံ မှာ လက်နက်ကိုင် တပ်ဖွဲ့ အားလုံး ပါဝင် နိုင်ရေး ကတော့ မသေချာ မရေရာ ရှိနေဆဲ ဖြစ်ပြီး တအောင်းပလောင် တပ် TNLA ၊ ကိုးကန့်တပ် MNDAA နဲ့ ရခိုင် AA အဖွဲ့တွေ တက်ရောက် နိုင်ရေး အတွက် ညှိနှိုင်း နေရဆဲ ဖြစ်တယ်လို့ ရန်ကုန်က ဘီဘီစီ သတင်းထောက်က ဆိုပါတယ်။

ဒီ အခြေအနေ မှာပဲ ရခိုင်ပြည်နယ် အခြေစိုက် နိုင်ငံရေး ပါတီ တစ်ခု ဖြစ်တဲ့ ရခိုင်မျိုးချစ် ပါတီ APP က AA အဖွဲ့ အပါအဝင် တခြား လက်နက်ကိုင် တပ် တချို့ ၂၁ ရာစု ညီလာခံ ထဲ ပါဝင် နိုင်မှာ မဟုတ် တာကြောင့် အားလုံး ပါဝင်တဲ့ ငြိမ်းချမ်းရေး ညီလာခံ လို့ ခေါ်ဆို လို့ မရနိုင် ဘူး ဆိုပြီး ဝေဖန်လိုက်ပါတယ်။

ဒါ့ကြောင့် ရခိုင်မျိုးချစ် ပါတီ APP အနေနဲ့လည်း ၂၁ ရာစု ပင်လုံ ညီလာခံကို တက်ရောက်မှာ မဟုတ်ဘူး ဆိုပြီး ပါတီ ဥက္ကဌ ဦးဇော်ဝင်းထွန်းက ဘီဘီစီကို အတည်ပြု ပြောကြား ခဲ့ပါတယ်။

APP ပါတီလိုပဲ ၂ဝ၁၅ ရွေးကောက်ပွဲ တုန်းက အနိုင်မရ ခဲ့တဲ့ ပါတီ တွေ ထဲက စုစုပေါင်း လူ ၅ ယောက်ကိုပဲ ရွေးချယ်ပြီး ၂၁ ရာစု ပင်လုံ ညီလာခံမှာ ပါဝင်သင့် ပါဝင်ထိုက်သူတွေ အစုအဖွဲ့ ထဲ ထည့်သွင်း တက်စေမယ့် အစီအစဉ် အပေါ် မှာလည်း မကျေနပ်မှု တွေ ရှိနေပါတယ်။

အစိုးရ လက်အောက်ခံ ဖြစ်တဲ့ အမျိုးသား ရင်ကြားစေ့ရေးနဲ့ ငြိမ်းချမ်းရေး ဗဟိုဌာန NRPC ရန်ကုန်ရုံးမှာ ဒီကနေ့ ဩဂုတ်လ ၂၃ ရက် အင်္ဂါနေ့ ကျရင် အနိုင်မရ ပါတီ အဖွဲ့ ၇ဝ ထဲက ၅ ဦး ရွေးချယ် ကြဖို့ ရှိနေပေမယ့် အဲဒီ့ ပွဲကို မတက် ရောက်နိုင်ဘူးလို့ ထုတ်ပြော ထားတဲ့ ပါတီ တချို့ ရှိနေ ကြပါတယ်။

BBC Burmese

ဖိလစ်ပိုင်နိုင်ငံတွင် မူးယစ်ဆေးဝါးဖြိုခွင်းနှိမ်နှင်းမှုလုပ်ဆောင်ရာ သီတင်းခုနစ်ပတ်အတွင်း လူပေါင်း ၁၉၀၀ ကျော် အသတ်ခံရကြောင်း ရဲဌာနအကြီးအကဲက ပြောသည်။

သမ္မတဒူတာတေး ရာထူးရပြီးနောက်ပိုင်း သေဆုံးမှုများ ခုလိုသိသာသာမြင့်တက်နေခြင်းကြောင့် လွှတ်တော်တွင် ကြားနာရာ ရဲချုပ်ရိုနယ်ဒီလာရိုဆာက ယခုကဲ့သို့ ပြောဆိုခြင်းဖြစ်သည်။

ရဲစစ်ဆင်မှုများအတွင်း သေဆုံးသူပေါင်း ၇၅၀ နီးပါးရှိပြီး ကျန်သေဆုံးမှုများကို စုံစမ်းစစ်ဆေးနေဆဲဖြစ်ကြောင်း ရိုဆာက ဆိုသည်။

သမ္မတဒူတာတေးသည် မူးယစ်ဆေးဝါးအမြစ်ဖြုတ်ရန် အမာခံပေါ်လစီချမှတ်ထားသူဖြစ်သည်။

မူးယစ်ဆေးဝါးကုန်သည်များအား ပစ်သတ်ရန်လည်း တိုက်တွန်းထားပြီး ထိုသို့ ပစ်သတ်ခြင်းကိုလည်း ဥပဒေနှင့် ညီကြောင်း ပြောဆိုထားသူဖြစ်သည်။

ဒူတာတေး၏ မူးယစ်ဆေးဝါးနှိမ်နှင်းဖြိုခွင်းမှုများက နိုင်ငံတကာဥပဒေအရ ရာဇဝတ်မှုမြောက်နေကြောင်း ကုလသမဂ္ဂက ပြောဆိုလိုက်ရာ ၎င်းက ကုလသမဂ္ဂအဖွဲ့ဝင်အဖြစ်မှ နုတ်ထွက်ရမည်ဖြစ်ကြောင်း ခြိမ်းခြောက်ပြောဆိုခဲ့သည်။

============

Mizzima - News in Burmese

http://mizzimaburmese.com/article/17251


သံလွင်မြစ်
သံလွင်မြစ်

သံလွင်ရေကာတာ စီမံကိန်းတွေ ဆောက်ဖြစ်ရင် ပြည်တွင်းငြိမ်းချမ်းရေးကို ထိခိုက်နိုင်တာကြောင့်၊ ရေကာတာကြောင့် သဘာဝဘေး အန္တရာယ် တင်မကဘဲ ဒေသခံတွေအနေနဲ့ စစ်ပွဲတွေဒဏ်ပါ ခံရနိုင်တယ်လို့ ရှမ်းလူထုအဖွဲ့အစည်းတွေက ပြောပါတယ်။ ဒီကနေ့ ရှမ်းလူထုအဖွဲ့အစည်းတွေ စုပေါင်းပြီး ထိုင်းနိုင်ငံ ဘန်ကောက်မြို့မှာ သတင်းစာရှင်းလင်းပွဲ တရပ်ကျင်းပခဲ့တာပါ။ VOA သတင်းထောက် မသိင်္ဂီလင်းက ပြောပြပေးပါမယ်။

သံလွင်မြစ်ကြောင်းတလျှောက် ရေကာတာတွေ ဆောက်ဖြစ်ခဲ့ရင် တစ်နိုင်ငံလုံးပစ်ခတ်တိုက်ခိုက်မှုရပ်စဲရေး စာချုပ်ရေးထိုးပြီးသားအဖွဲ့တွေနဲ့ရော မထိုးရသေးတဲ့အဖွဲ့တွေနဲ့ပါ ပဋိပက္ခဖြစ်နိုင်တယ်လို့ Action for Shan State Rivers ရှမ်းလူထုအခြေပြုအဖွဲ့ရဲ့ပြောရေးဆိုခွင့်ရှိသူ စိုင်းခွန်ဆိုင်းက အခုလို ပြောဆိုလိုက်ပါတယ်။

“ဆောက်ဖြစ်လို့ရှိရင်တော့ စစ်ပွဲကတော့ ထက်ဖြစ်မှာသေချာပါတယ်။ ဘာဖြစ်လို့လဲဆိုတော့ သံလွင်မြစ်ကြောတလျှောက်မှာဆိုရင် လက်နက်ကိုင် အဖွဲ့တွေက အများကြီးရှိတယ်။ အခုက ငြိမ်းချမ်းရေးလို့ ကျနော်တို့ပြောနေကြတာပေါ့နော် ။ ဒါကြောင့် တကယ်လို့ ပြန်တိုက်ရင်တော့ ကျနော်တို့ လက်မှတ်ထိုးထားတဲ့အဖွဲ့ရော မထိုးထားတဲ့လူတွေအဖွဲ့တွေပါ အဲဒီရေကာတာအားလုံးတ၀ိုက်မှာရှိတယ် KNU ရော KNPP ရော RCSS ရော SSPP ရော ၀ ရော ၊ ပလောင်ရော KIA ရော အကုန်လုံးက အဲဒီမှာ စုပြီးရှိနေကြတဲ့အချိန်ကျတော့ ပြဿနာတက်လာရင် ကျနော်တို့ မဖြေရှင်းနိုင်တဲ့ ပြဿနာပြန်ဖြစ်လာမှာ ဖြစ်တယ်။ ဒါပေမယ့် နောက်ဆုံးခံရမှာကတော့ ကျနော်တို့ လူထုတွေပေါ့နော်။ ရေကြီးမှုတင်မကဘူး ၊ ရေကာတာကြောင့်ရယ် စစ်ပွဲကြောင့်ရယ် ၊ လုံခြုံရေးကြောင့်ရယ်၊ ဒီမြေမြုပ်မှိုင်းတွေကြောင့် ဒေသခံတွေ ကတော့ ဆက်တိုက်ခံရမှာပေါ့ ဆောက်ပြီးရင်။”

ပြည်သူတွေ ဆန့်ကျင်နေတဲ့ မြစ်ဆုံအရေးကို ဖြေရှင်းဖို့အတွက် တရုတ်ကုမ္ပဏီနဲ့ အခြားနေရာတစ်ခုမှာ အလားတူ ရေအားလျှပ်စစ်စီမံကိန်း တည်ဆောက်ခွင့်ပေးမလားဆိုတဲ့ စဉ်းစားသုံးသပ်ချက်တွေ ပေါ် ထွက်နေတာပါ။ဒါကြောင့် သံလွင်ရေကာတာ စီမံကိန်းတွေကို မြစ်ဆုံစီမံကိန်းအတွက် အစားထိုးအဖြစ် ဆောက်လုပ်ခွင့်ပေးမှာကို စိုးရိမ်တယ်လို့ စိုးခွန်ဆိုင်းက ဆက်ပြောပါတယ်။

“တနေရာမရရင် တနေရာဆောက်မယ်ဆိုတဲ့ဟာလည်း ကျနော်တို့ မဖြစ်စေလိုပါဘူး။ ဘာဖြစ်လဲဆိုတော့ ရေကာတာတွေက ထိခိုက်မှုတွေအများကြီးရှိသလို နောက်ပြီးတော့ ဒီဟာကသေချာစမ်းစစ်ပြီးတော့မှ သေချာလုပ်မှ ရတဲ့ကိစ္စတွေဖြစ်နေတဲ့အတွက်ကြောင့် ဥပမာ မြစ်ဆုံကိုတော့ ဘာမှမပြောတော့ဘူး ငြိမ်နေတယ်။ ဒါပေမယ့် တရုတ်အစိုးရလည်းသူက ဘာမှမပြောတော့ဘူး ဒါကြောင့်မြစ်ဆုံကိုတော့ မဆောက်တော့ဘဲနဲ့ သံလွင်မြစ်ကို လာဆောက်ရတော့မှာလားဆိုတာတွေ ဖြစ်လာတာပေါ့နော်။”

သံလွင်မြစ်ကြောင်းမှာ ဆောက်မယ့် ရေကာတာ စီမံကိန်းထဲက တစ်ခုဖြစ်တဲ့ နောင်ဖာဒေသမှာ ရေကြီးရေလျှံမှုတွေ ဖြစ်သလို၊ ငလျင်လှုပ်တာတွေလည်း ရှိတာကြောင့် ရေကာတာဆောက်ဖြစ်ရင် ဒေသခံတွေအနေနဲ့ သဘာဝဘေးအန္တရာယ်တွေကို ရင်ဆိုင်ရနိုင်တယ်လို့လည်း ရှမ်းလူထုအဖွဲ့အစည်းတွေက သတင်းထုတ်ပြန်ထားတာပါ။

သံလွင်မြစ်ဟာ မြန်မာနိုင်ငံအရှေ့ပိုင်းက ပြည်သူတွေ အားထားနေရတဲ့ မြစ်တစ်စင်းဖြစ်တာကြောင့် မြစ်ကြောင်းတစ်လျှောက် ဆောက်ဖို့ စီစဉ်ထားတဲ့ ရေကာတာစီမံကိန်းတွေ ရပ်ဆိုင်းပေးဖို့ ရှမ်းလူထုအဖွဲ့ ၂၆ ဖွဲ့က သြဂုတ်လ ၁၇ ရက်နေ့မှာ ဒေါ်အောင်ဆန်းစုကြည်ထံ အိတ်ဖွင့်ပေးစာတစ်စောင်လည်း ပေးပို့ထားပါတယ်။
VOA Burmese News

 တောင်ကြီးမြို့နယ်၊ တောင်နီကျေးရွာတွင် ဖြစ်ပွားသော (၃)လောင်းပြိုင်လူသတ်မှုအား နာရီ(၄၀)အတွင်း ဖော်ထုတ်ဖမ်းဆီးရမိ

ကျူးလွန်သူအမည် - ရှို့စိန်(ခ) အိုက်မောင်(ခ) လုံးမောင်
အသက် - (၅၆)နှစ်
အဘ - ဦးလုံးထွန်း
အလုပ်အကိုင် - တောင်သူ
လူမျိုး/ဘာသာ - ရှမ်းတရုတ်(ဗုဒ္ဓ)
ဇာတိ - ၀မ်လိုင်ရွာ၊ ၀မ်ဟိုင်းကျေးရွာအုပ်စု၊ လဲချားမြို့
လိပ်စာ - နယ်မြေ(၃)၊ တောင်နီရွာ၊ မိုင်းသော်အရှေ့အုပ်စု၊ တောင်ကြီးမြို့နယ်


ဖြစ်စဉ်မှာ ရှို့စိန်(ခ) အိုက်မောင်သည် လဲချားမြို့ဇာတိဖြစ်ကာ သေဆုံးသူ ဒေါ်ရွှေရည်မျိုး(အသက် ၃၈ နှစ်)၏ အမနှင့် ဒေါ်ရွှေရည်မျိုးတို့နှစ်ဦးစလုံးအား ခင်မင်ရင်းနှီးခဲ့ သူဖြစ်ပါသည်။ သေဆုံးသူ ဒေါ်ရွှေရည်မျိုး ၏ခင်ပွန်းဖြစ်သူသည် လွန်ခဲ့သော (၈)နှစ်ခန့်က မလေးရှားနိုင်ငံသို့ အလုပ်သွားရောက် လုပ်ကိုင်ခဲ့ပါသည်။ သေဆုံးသူဒေါ်ရွှေရည်မျိုး၏ခင်ပွန်း အလုပ်သွားရောက် လုပ်ကိုင်ပြီး (၁)နှစ်ခန့် အကြာတွင် သေဆုံးသူ ဒေါ်ရွှေရည်မျိုးနှင့် တိတ်တဆိတ် ပေါင်းသင်းနေ ထိုင်ခဲ့ပါသည်။ ပေါင်းသင်းခဲ့ သည့်ကာလမှ (၇)နှစ်ခန့်ရှိပါသည်။ ပေါင်းသင်းနေစဉ်ကာလ အတွင်း လက်ဝတ်လက်စား ရွှေအလေးချိန် (၇)ကျပ်သားခန့် ပံ့ပိုးဖြည့်ဆီးခဲ့ပါသည်။

 လွန်ခဲ့ သော (၆)လခန့်က သေဆုံးသူ ဒေါ်ရွှေရည်မျိုးမှ ရှို့စိန်(ခ) အိုက်မောင်းအား တိတ်တဆိတ် ပေါင်းသင်းချင်းကို မပြုလုပ်လိုတော့ကြောင်းနှင့် မိမိတွင် အခြားလက်ထပ်မည့်သူ ရှိသည်ဟု ပြောခဲ့ပါသည်။ သေဆုံးသူ ဒေါ်ရွှေရည်မျိုးမှ ၀ယ်ပေးခဲ့သော လက်ဝတ်ရတနာများအား ပြန်လည်ပေးအပ်မည်ဟု ပြောခဲ့ပါသည်။ ထိုစဉ်အချိန်မှစပြီး ရှို့စိန်(ခ) အိုက်မောင်မှာ မကျေမနပ်ဖြစ်ကာ အမျက်ထွက်ခဲ့ပါသည်။


အခင်းဖြစ်သည့် (၁၉.၈.၂၀၁၆)ရက်နေ့ နံနက် (၂)နာရီအချိန်ခန့် သေဆုံးသူ ဒေါ်ရွှေရည်မျိုး၏ နေအိမ်သို့ အနောက်ဘက်အုတ်ခြံစည်းရိုးမှ ကျော်ဝင်ခဲ့ပါသည်။ နေအိမ်တံခါများမှာ ပိတ်ထား သဖြင့် တံခါးချက်အားလက်နှိက်ကာ ဖွင့်ဝင်ခဲ့ပါသည်။ နေအိမ် အတွင်းသို့ ရောက်ရှိစဉ် သေဆုံးသူ ဒေါ်ရွှေရည်မျိုးအား နင်ဘယ်မှာလဲထွက်ခဲ့ ဟုပြောစဉ် သေဆုံးသူ ဒေါ်ရွှေရည်မျိုးမှ အခန်းထဲတွင် ရှိနေသည်ဟု ပြောပြီးထွက်မလာခဲ့ပါ။ အခန်းအတွင်း သို့ဝင်သွားပြီး ရှို့စိန်(ခ) အိုက်မောင်မှ သူနှင့်အတူ လိုက်ခဲ့ရန် ပြောခဲ့ပါသည်။ ထိုအခါ သေဆုံးသူ ဒေါ်ရွှေရည်မျိုးမှ မလိုက်နိုင်ကြောင်း အခြားသ တစ်ဦးနှင့် လက်ထပ်မည်ဖြစ်သဖြင့် ငြင်းဆန်ခဲ့ပါသည်။ ထိုသို့မလိုက်သဖြင့် ရှို့စိန်(ခ) အိုက်မောင်မှာ အခန်းအတွင်းတွင် အသင့်ရှိ သောဓါးရှည်အား ကောက်ယူပြီး သေဆုံးသူ ဒေါ်ရွှေရည်မျိုးနှင့် သမီးဖြစ်သူ ၀ါဝါထွေး (အသက် ၁၄)နှစ်တို့ အိပ်နေသည့် ကုတင်အနီးသို့သွားရောက်ကာ သေဆုံးသူ ဒေါ်ရွှေရည်မျိုးလက်ကို ဆွဲခေါ် သဖြင့် သမီးဖြစ်သူတို့နှင့် လုံးထွေးသဖြင့် လက်တဖက်တွင် ကိုင်ဆောင်ထားသောဓါးဖြင့် သမီးဖြစ်သူ ၀ါဝါထွေး၏လက်တွင် ပြတ်ရှဒဏ်ရာရရှိပြီး သွေးအနည်းငယ်ထွက်ခဲ့ပါသည်။


 ၄င်းနောက် သေဆုံးသူ ဒေါ်ရွှေရည်မျိုး အား ဧည့်ခန်းအတွင်းသို့ ဆွဲခေါ်ကာ ဓါးဖြင့်လည်ဂုတ် အားတစ်ချက်ခုတ်ခဲ့ရာ အခြားအိပ်ခန်း တစ်ခု အတွင်းသို့ ပြေးဝင်သွားစဉ် အိပ်ခန်းအတွင်းမှ ထွက်လာသော သမီးဖြစ်သူ ၀ါဝါထွေး အား ဧည့်ခန်း အတွင်းမှာပင် သေဆုံးသည်အထိ ဓါးဖြင့် (၃/၄)ချက်ခန့် လည်ဂုတ်ကို ခုတ်ခဲ့ ပါသည်။ ၄င်းနောက် အခြားအိပ်ခန်းတစ်ခု အတွင်းသို့ ပြေးဝင်သွားသည့် ဒေါ်ရွှေရည်မျိုးထံ လိုက်ကာ ကုတင်အောက်တွင် ပုန်းနေသည်ကိုဆွဲထုတ်ပြီး (၂)ချက်ခန့် ထပ်မံခုတ်ခဲ့ပါသည်။


 ထို့နောက် ရုန်းရင်းဆန်ခတ်ဖြစ်နေသည်ကို အသံကြား သဖြင့်နိုးလာသည့် သီးခြားအခန်းအိပ်နေသူ တူဖြစ်သည့် အားကျူး(ခ) စိုင်းလှိုင်ဟန် (အသက် ၁၁ နှစ်)အား ၄င်းအိပ်နေသည့် အခန်းအတွင်းရှိ ကုတင်ပေါ်တွင် ဓါးဖြင့် လည်ဂုတ်အား (၃)ချက်ခန့် သေသည်အထိ ခုတ်သတ်ခဲ့ပါသည်။ ထို့နောက် နေအိမ်အတွင်းမှ လာလမ်း အတိုင်း ခြံစည်းရိုးကျော်ပြီး ပြန်ခဲ့ပါသည်။

 အခင်းဖြစ်ပြီး (၂၁.၈.၂၀၁၆)ရက်နေ့ ညနေ(၄)နာရီ အချိန်ခန့်တွင် ပတ်ဝန်းကျင်မှ တဆင့်သိရှိသဖြင့် ရှမ်းပြည်နယ်ရဲတပ်ဖွဲ့၊ ပြည်နယ်ရဲတပ်ဖွဲ့မှူးမှ ဦးစီးဆောင်ရွက်ပြီး စတင်စစ်ဆေးဆောင်ရွက်ခြင်းများ ပြုလုပ်ခဲ့ပါသည်။ မြန်မာနိုင်ငံရဲတပ်ဖွဲ့ ရဲချုပ်၊ ဒုတိယရဲချုပ် တို့၏ အဝေးရောက်ညွှန်ကြားမှု ရှမ်းပြည်နယ်ရဲတပ်ဖွဲ့မှူး ရဲမှူးချုပ် အောင်အောင်၏ အနီးကပ်ကြီးကြပ်မှုဖြင့် တောင်ကြီးခရိုင်ရဲတပ်ဖွဲ့မှူး၊ တောင်ကြီးမြို့နယ်ရဲတပ်ဖွဲ့မှူးဦးစီးသည့် အမှုစစ်အဖွဲ့၊ မှုခင်းရဲတပ်ဖွဲ့တို့ ပါဝင်သည့် ပူးပေါင်းအဖွဲ့သည် ပြည်သူလူထုပူးပေါင်းပါဝင်သော ရဲလုပ်ငန်းစနစ်ကို ပီပီပြင်ပြင် ဆောင်ရွက်ခဲ့သည့် အကျိုးကျေးဇူးကြောင့် (၂၃.၈.၂၀၁၆) ရက်နေ့ နံနက် (၈)နာရီ အချိန်ခန့် (နာရီ ၄၀ အတွင်း)ဒေသခံ ပြည်သူလူထု၏ ပူးပေါင်းဆောင်ရွက်မှုဖြင့် ရှမ်းပြည်နယ်ရဲတပ်ဖွဲ့မှ စုံစမ်းစစ်ဆေး တွေ့ရှိချက်များအရ တစ်ရွာတည်းနေ ရှို့စိန်(ခ) အိုက်မောင် (ခ)လုံးမောင်အား ဖမ်းဆီး ရရှိခဲ့ပါသည်။ ၄င်းနောက် ရှမ်းပြည်နယ်ရဲတပ်ဖွဲ့မှူး ရဲမှူးချုပ် အောင်အောင်မှ ဦးစီးပြီး အမှုစစ်ဆေးခြင်းကို ဆောင်ရွက်ခဲ့ရာ (၁၂၀၀)အချိန် စတင်စစ်ဆေးပြီး (၄) နာရီအတွင်းတွင် တရားခံဖြစ်သူ ရှို့စိန်(ခ) အိုက်မောင်(ခ)လုံးမောင်သည် အထက်ပါ ဖြစ်စဉ်အတိုင်း ပြစ်မှုကျူးလွန်ခဲ့ကြောင်း ၀န်ခံထွက် ဆိုခဲ့ပါသည်။

ရှမ်းပြည်နယ် မှုခင်းနှင့် သတင်းများ


23August 2016

ထိုင်းနိုင်ငံ ဘန်ကောက်နယ်မြေ Suvarnabhumi ဆူဝါနပူး မြို့ နယ်မှာ အသက် (၅၁)နှစ်အရွယ်ထိုင်း အမျိုးသမီးကို ထိုင်းအမျိုးသားတစ်ဦးက မနက် (၃)နာရီမှာ အခန်းတွင်းဝင်ရောက်လာပြီး မုဒိန်းကျင့်ဘို့  ကျိုးစားခဲ့ပါတယ်။

တရားခံက အမျိုးသမီးနဲ့  သိကျွမ်းနေတဲ့ သူ တစ်ဦးဖြစ်ကြောင်းသိရပြီး ၊မတရားကျင့်ခံရတဲ့ အမျိုးသမီးဟာ ယောက်ကျားဖြစ်သူသေဆုံးသွားခဲ့ပြီးကတဲက တစ်ဦးထဲ နေထိုင်နေသူဖြစ်ပါတယ်။

အမျိုးသမီးဟာ ရုန်းကန်တာ- ပါတ်ဝန်းကျင်ကို အော်ဟစ် အကူညီတောင်းခဲ့တာမျိုး မလုပ်ခဲ့ပဲ အမျိုးသားအလို အတိုင်း ငြိမ်နေခဲ့ပြီးမှ အမျိုးသားရဲ့ လျှာဟာ သူမပါးစပ်ထဲရောက်လာတဲ့အခါ အမိအရကိုက်ဖြတ် ခဲ့ပါတယ်။

တရားခံဟာ လျှာဖြတ်ရက်တန်းလန်း ထွက်ပြေးသွားခဲ့ပြီး နီးစပ်ရာမြို့ နယ်ဆေးရုံမှာ တက်ရောက်ကုသနေခဲ့ရပါတယ်၊ နောက်တနေ့ မှာ အမျိုးသမီးရဲ့  တိုင်းတန်းချက် နဲ့  ရဲတွေက ဆေးရုံတွေ ကို အကြောင်းကြားစစ်ဆေးခဲ့ရာ ကနေ ဆေးရုံတက်နေရတဲ့ တရားခံ လျှာပြတ်ကို ရဲတွေကဖမ်းဆီးနိုင်ခဲ့တာပါ။

တရားခံဟာ လျှာတ၀က်ခန့် ပြတ်သွားခဲ့လို့  စကားတောင်မပီတော့တာ ကိုတွေ့ ရပါတယ်။

Social Action for Women - SAW


သြဂုတ် ၂၃ရက်၊ ၂၀၁၆ခုနှစ်။ ကေအိုင်စီ

ကရင်ပြည်နယ် ကော့ကရိတ်မြို့နယ်၊ ကရင်အမျိုးသားရဲတပ်ဖွဲ့(KNPF)၏ တပ်စိတ်မှူး ဒုတပ်ကြပ်ဖြစ်သူ စောခင် ရွှေအား ယခုသြဂုတ်လဆန်းပိုင်းက ဓါးခုတ်သတ်ခဲ့သူ စောဖူဖူကို ကော့ကရိတ်မြို့မ ရဲစခန်းတွင် ယနေ့အချိန်ထိ ထိန်းသိမ်းထားဆဲဖြစ်ပြီး ကေအဲန်ယူ ရဲတပ်ဖွဲ့က ပြန်လည်လွှဲပေးရန် တောင်းဆိုထားသည်ဟု သိရသည်။

သြဂုတ်လ ၈ရက်၊ မွန်းလွဲ ၂နာရီခွဲအချိန်တွင် ကော့ကရိတ်မြို့တောင်ပိုင်း၊ အံဖလေးကျေးရွာတွင် အဆိုပါ ဓား ခုတ်မှုဖြစ်ပွားပြီး ညတွင်းချင်းပင် စောဖူဖူသည် ကော့ကရိတ်မြို့မ ရဲစခန်းသို့ သွားရောက်အဖမ်းခံခဲ့ပြီးနောက် ကော့ကရိတ်မြို့နယ် KNPF က ပြစ်မိကျူးလွန်သူကို မိမိတို့လက်ထဲကို ပြန်လည်လွှဲအပ်ပေးရန် တောင်းဆိုထား ခြင်းဖြစ်သည်။

ယခုကိစ္စအပေါ် ကော့ကရိတ်မြို့နယ် KNPF ရဲမှူးကြီး စောအကျော်က “အခု သူ(စောဖူဖူ) သူသတ်သွားတာက ရိုးရိုးအရပ်သားမဟုတ်ဘဲ ကျနော်တို့အဖွဲ့အစည်းက လူဖြစ်တဲ့အတွက် ကျနော်တို့ဆီကို ပြန်လွှဲပေးသင့်ပါတယ်။ သူ့ကို ကျနော်တို့ရဲ့ ဥပဒေနဲ့အညီ ကိုင်တွယ်သွားမှာပါ။ ဒီကိစ္စက နှစ်ဖက်တာဝန်ရှိသူတွေ အချင်းချင်းညှိနှိုင်းလို့ ပြေလည်ရင် ပြန်လွှဲအပ်ပေးလိမ့်မယ်လို့ မျှော်လင့်တယ်”ဟု ကေအိုင်စီသို့ ပြောသည်။

ပြစ်မှုကျူးလွန်ခဲ့သူ စောဖူဖူကို လက်ရှိ ကော့ကရိတ်မြို့၊ မြို့မရဲစခန်း သီးသန့်အချုပ်ထဲတွင် ထိန်းသိမ်းထား ကြောင်း၊ သြဂုတ်လ ၁၈ရက်နေ့က ၎င်းထံသွားရောက်တွေ့ဆုံခဲ့ကြောင်းနှင့် ၎င်းသည် မူးယစ်ဆေးဖြစ်သည့် စိတ်ကြွဆေးပြား သုံးစွဲသူတစ်ဦးဖြစ်ကြောင်း ကော့ကရိတ်မြို့နယ် KNPF က ဆိုသည်။

“သူ့(စောဖူဖူ)ကို ပြန်လွှဲပေးဖို့ကတော့ နှစ်ဖက်အကြားမှာ ကျနော်တို့ ညှိနှိုင်းနေကြတဲ့ အနေအထားမှာပဲ ရှိနေ
သေးပါတယ်။ ပြန်လွှဲ၊ မလွှဲကတော့ ကျနော် မပြောတတ်ဘူး။ အထက်လူကြီးတွေပဲ ဒီကိစ္စကို ညှိနှိုင်းပြောဆိုကြ မှာ ဖြစ်ပါတယ်”ဟု အစိုးရဘက် ကော့ကရိတ်မြို့နယ် ရဲတပ်ဖွဲ့၏ နယ်ထိန်းဖြစ်သူ မျိုးမင်းထွန်းက ကေအိုင်စီသို့ ပြောသည်။

ယခုသြဂုတ်လအတွင်း ကော့ကရိတ်မြို့နယ်ရှိ လှိုင်ဝရွာ၌ သားက အဖေကို ဓါးဖြင့် ခုတ်သတ်ခြင်း ဖြစ်စဉ်တစ်ခု၊ အဇင်းရွာတွင် ခင်ပွန်းသည်က ဇနီးသည်ကို ဓါးဖြင့် ထိုးသတ်မှုတစ်ခုနှင့် သုံးဆယ့်သုံးဆူရွာတွင် သားအဖအ ချင်းချင်း အပြန်အလှန် ဓါးထိုးမှုတစ်ခု ဖြစ်ပွားခဲ့ပြီး အဆိုပါ ဖြစ်စဉ်များမှာ မူးယစ်ဆေးဝါး သုံးစွဲခဲ့ကြောင့် ဖြစ် သည်ဟု သိရသည်။

ဓါးဖြင့် အခုတ်ခံရ၍ သေဆုံးသွားသူ ကော့ကရိတ်မြို့နယ်၊ ကရင်အမျိုးသားရဲတပ်ဖွဲ့(KNPF)၏ တပ်စိတ်မှူး ဒုတပ်ကြပ်ဖြစ်သူ စောခင်ရွှေသည် ဇနီးနှင့် သားသမီးနှစ်ဦး ကျန်ရစ်ခဲ့သည်။

 ကေအိုင်စီ
http://kicnews.org


 ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံအတွက်အကြိုပြင်ဆင်ရေးကော်မတီ တွေ့ဆုံစဉ်
ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံအတွက်အကြိုပြင်ဆင်ရေးကော်မတီ တွေ့ဆုံစဉ်

၂၀၁၅ ရွေးကောက်ပွဲမှာ ရွေးချယ်မခံရတဲ့ ပါတီ ၇၀ က ပြည်ထောင်စုငြိမ်းချမ်းရေးညီလာခံ-၂၁ ရာစုပင်လုံအတွက် ကိုယ်စားလှယ် ၅ဦးရွေးခြယ်ပွဲကို ဒီကနေ့ ရန်ကုန်မြို့မှာ ကျင်းပရာမှာ တက်ရောက်လာတဲ့ ပါတီတွေက လက်မခံတာကြောင့် ကိုယ်စားလှယ် မရွေးချယ်နိုင်ခဲ့ပါဘူး။ ဒီလို မရွေးခြယ်နိုင်တာကတော့ ပြည်ထောင်စုငြိမ်းချမ်းရေးညီလာခံကျင်းပရေးအခြေခံမူနဲ့ အားလုံးပါဝင်ရေးမူနဲ့ မကိုက်ညီတာကြောင့်ဖြစ်တယ်လို့ ဝေဖန်တာတွေ ရှိနေပါတယ်။ ဒီသတင်းကိုတော့ ဗွီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

ပြည်ထောင်စုငြိမ်းချမ်းရေးညီလာခံ-၂၁ရာစုပင်လုံတက်ရောက်မယ့် ကိုယ်စားလှယ် ၅ဦးကို ရွေးချယ်မယ့်အစည်းအဝေးကို ရန်ကုန်မြို့က အမျိုးသားပြန်လည်သင့်မြတ်ရေးနဲ့ ငြိမ်းချမ်းရေးဗဟို ဌာနခွဲမှာ ဒီကနေ့ မနက် ၉ နာရီက ကျင်းပခဲ့တာဖြစ်ပါတယ်။

ဒီအစည်းအဝေးကို ပါတီ ၃၀ကျော်တက်ရောက်ခဲ့ပေမဲ့ ကိုယ်စားလှယ်ရွေးခြယ်တာ မရှိခဲ့ကြောင်း အစည်းအဝေးကို တက်ရောက်ခဲ့တဲ့ ကချင်ဒီမိုကရက်တစ်ပါတီက တွဲဘက်အတွင်းရေးမှုး ဦးဂျော်ဆန်နော်က ပြောပါတယ်။

“ကိုယ်စားလှယ် ၅ ဦးကိစ္စကတော့ မရွေးချယ်ဖြစ်တော့ဘူး ဒီမနက်ကတော့။ လာတဲ့ပါတီတွေလည်း ၃၃ ပါတီပဲ ရှိတဲ့အခါကျတော့ တ၀က်လည်းမပြည့်ဘူး။ နောက်တခုက ပါတီ ၇၀ အားလုံးရဲ့ကိုယ်စား ၅ ဦးဆိုတဲ့နေရာမှာလည်း ကိုယ်စားပြုဖို့အခက်အခဲရှိတယ် ဒါနိုင်ငံရေးအရပေါ့လေ။ နောက်တခုက ခုနပြောတဲ့ နိုင်ငံရေးဆွေးနွေးပွဲတို့ ၊ ကျနော်တို့ political dialogue လို့ပဲပြောပြော ခုနက ၂၁ ရာစုပင်လုံလို့ပြောတဲ့အခါကျတော့ အဓိကတော့ နိုင်ငံရေးဆွေးနွေးပွဲလုပ်မယ်ဆိုရင်တော့ နိုင်ငံရေးပါတီ အခန်း ကဏ္ဍ လည်းဒါ အရေးကြီးတယ်ဆိုတဲ့အမြင်မှာ အားလုံး ဆွေးနွေးချက်တွေကို စုပြီးတော့ သက်ဆိုင်ရာတွေကို ပြန်ပြီးတော့ တင်ပြပေးမယ် ဆိုတဲ့အနေအထား။ ကျနော်တို့အချက်အလက်တွေစုစည်း သဘောထားတွေ စုပြီးမှ ဒါပြန်ပြီး သိရတဲ့အနေအထားလောက်ပါပဲ ဒီမနက်တော့။”

မနက် ၉နာရီမှာစတင်တဲ့ အစည်းအဝေးဟာ ၉နာရီခွဲလောက်မှပြီးဆုံးသွားပြီး တက်ရောက်လာတဲ့ နိုင်ငံရေးပါတီတွေရဲ့သဘောထားတွေကို ၂၁ရာစုပင်လုံ ပူးတွဲကျင်းပရေး ကော် မတီ နဲ့ သက်ဆိုင်ရာကို စာရေးသားပေးပို့ခဲ့တာဖြစ်ပါတယ်။

အစည်းအဝေးကို မတက်ရောက်ခဲ့တဲ့ အမျိုးသားဒီမိုကရေစီအင်အားစု NDF ပါတီရဲ့ ဥက္ကဌ ဦးခင်မောင်ဆွေက သူတို့ ပါတီ သဘောထားကို အခုလို ပြောပါတယ်။

“သဘောမတူတဲ့အချက်ကတော့ဗျာ ဒီ တရားဝင်ပါတီတွေဟာ NCA စာချုပ်ပါအတိုင်းဆိုရင်တော့ ဒီငြိမ်းချမ်းရေးဆွေးနွေးပွဲကို တက်ကိုတက်ရမယ်။ နိုင်ငံရေးပါတီအစုအဖွဲ့၊ တပ်မတော်၊ အစိုးရ လွတ်တော်အစုအဖွဲ့ ၊ တိုင်းရင်းသားလက်နက်ကိုင်အစုအဖွဲ့တွေဟာ အဓိကအဖွဲ့ကြီး ၃ တွေအနေနဲ့ တရားဝင်ပါတီမှန်သမျှဟာ ရှုံးသည်နိုင်သည် မဆိုင်ဘဲနဲ့ တက်ခွင့်ရှိတာကို မနိုင်လို့ ၅ ယောက်ပဲဖြစ်ရမယ်ဆိုတဲ့ သတ်မှတ်ချက်ဟာ နိုင်ငံရေးပါတီ တခုရဲ့ ဂုဏ်သိက္ခာနဲ့ ပြည်သူကိုကိုယ်စားပြုတဲ့ပါတီတခုအနေနဲ့ ဒါမလျှော်ဘူးဆိုပြီး သွားမတက်တာဖြစ်ပါတယ်။ နိုင်ငံရေးပါတီကို နိုင်ငံရေးပါတီဂုဏ်သိက္ခာနဲ့ ညီညွှတ်အောင် ဆက်ဆံသင့်တယ်လေ။ နောက်ပြီးတော့ All inclusive ပေါ့ ဒါတချိန်လုံးပြောလာတာ All inclusive အနေနဲ့ဖြစ်ရမယ့်ဟာကို အားလုံးပါဝင်ရမယ် All stakeholders တွေပါဝင်ရမယ့် သဘောထားကိုလည်း ချိုးဖောက်သွားတယ်လေ။ ဒီလို ချိုးဖောက်တာ မူအားဖြင့် မသင့်တော်တဲ့အတွက်ကြောင့်မို့လို့ မူအရ ကျနော်တို့ မတက်ခြင်းဖြစ်ပါတယ်။”

ဒီကနေ့ အစည်းအဝေးကို တက်ရောက်ခဲ့တဲ့ ပြည်ထောင်စုငြိမ်းချမ်းရေးညီလာခံ-၂၁ရာစုပင်လုံ ပူးတွဲကျင်းပရေးကော်မတီ ဒုဥက္ကဌ ဦးသုဝေက ရွေးကောက်မခံရတဲ့ ပါတီ ၇၀က ကိုယ်စားလှယ် တဦးစီ ညီလာခံဖွင့်ပွဲမှာ တက်ရောက်ဖို့နဲ့ ကိုယ်စားလှယ် ၅ယောက် ရွေးခြယ်ဖို့ သတ်မှတ်ထားတာဖြစ်ကြောင်း ပြောပါတယ်။

ဒီနေ့ အစည်းအဝေးတက်ရောက်ဆွေးနွေးတဲ့အခြေအနေကို ဦးသုဝေက အခုလို ဆက်ပြောပါတယ်။

“စပြီးတော့ စကားပြောတဲ့သူတွေက သူတို့က ဒါပါတီတွေကို အညီအမျှပဲ ဖြစ်စေချင်တယ်။ ၅ ပါတီတည်း ခွင့်ပြုမယ်ဆိုရင်တော့ ဒါကိုလက်မခံနိုင်ဘူးပေါ့ဗျာ အဲဒါကြောင့်မို့လို့ ၇၀ လုံး ကိုလက်ခံပါဆိုပြီးတော့ သူတို့ ကြေညာချက်တခုထုတ်လိုက်တယ်ခင်ဗျ။ အဲဒါလေးကိုတင်ပြချက်ပေါ့လေ အဲဒါကို အခမ်းအနားလာကျင်းပပေးတဲ့သူတွေက ဒါအစိုးရကို ပြန်တင်ပြမှာပေါ့နော်။”

မေလ ၂၇ ရက်နေ့က ကျင်းပတဲ့ ပြည်ထောင်စုငြိမ်းချမ်းရေးဆွေးနွေးမှု ပူးတွဲကော်မတီUPDJC ပြန်လည်ဖွဲ့စည်းတဲ့ အစည်းအဝေးမှာတော့ နိုင်ငံရေးအဖွဲ့အစည်းတွေဟာ လွှတ်တော်တရပ်ရပ်မှာ ပြည်သူလူထုအပေါ် ကိုယ်စားပြုမှုအပေါ် အခြေခံပြီး ၂၁ရာစုပင်လုံမှာ ကိုယ်စားလှယ်အဖြစ်ပါဝင်ဖို့ မူချမှတ်ထားကြောင်း ဒေါ်အောင်ဆန်းစုကြည်က ပြောဆိုခဲ့ပါတယ်။

ပြီးခဲ့တဲ့လတွေကတော့ လွှတ်တော် ၃ရပ်အနက် တခုခုမှာ အရွေးမခံရတဲ့ နိုင်ငံရေးပါတီတွေဟာ ငြိမ်းချမ်းရေးလုပ်ငန်းစဉ်အတွက် အရပ်ဖက်လူမှုအဖွဲ့အစည်းတွေနဲ့ ဆွေးနွေးပွဲမှာ ပါဝင်ဖို့ သတ်မှတ်ခဲ့ရာကနေ၊ညီလာခံထဲ ကိုယ်စားလှယ် ၅ဦး ပါဝင်ဖို့ ပြောင်းလဲ သတ်မှတ်ခဲ့တာဖြစ်ပါတယ်။
VOA Burmese News