08/28/16


ကြည့်စမ်းလောကဟာ အလင်းစက် အလင်းမှုန်တွေ စုပုံလို့ပြိုကျ
သိပ်လှတဲ့ ကမ္ဘာမြေကြီးပေါ့

ဟိုမှာ ဒီမှာ အမြန်ဆုံးခြေလှမ်းတွေနဲ့
ဘတ်စ်ကားတွေပေါ်ပြေးတက်နေကြတာ
ဈေးဝယ်ပြီးပြန်ကြတာလား
ကျောင်းမှန်ဖို့ ဆန္ဒလား ပြန်ကြည့်လိုက်
အဲဒီလို လူ့ဘဝဟာ ပြေးကြလွှားကြ။

မီးမုန်တိုင်းတွေ မွှေနှောက်တယ်
အဲဒီ မြို့တော်တွေခြေရာပျောက်
ယမ်းခိုကြားထဲမှာ လူ့ဘဝတွေဟာလည်း
ချာချာလည် မူးနောက်နေကြပေါ့
လူမမယ်ချာတိတ်လေးရေ
( မင်း မြန်မြန်ပြေးစမ်း ) ၂
ဟိုဝင် ဒီဝင် မင်းမမေးပါနဲ့
မင်းကိုတွန်းအားသုံးပြီးတော့ လေဘာခန့်အပ်လိမ့်မယ်။

လောကကြီး မာယာတွေများတယ်
အဲဒီ လောကကြီး မာယာတွေကို တုပြိုင်ပြီးရင်ဆိုင်ဖို့ဟာ
လူသားတွေရဲ့ တာဝန်ပဲ
ဘာကြောင့် အချင်းချင်း အမဲလိုက်နေကြတာလဲ

အဲဒီလို မကြင်နာစိတ်ကူးတွေနဲ့ ဆိုရင်တော့
သံသရာ ရဲ့ အဆိုးများမှာ ဒူဝေဝေကြမှာပေါ့
တောရိုင်းဇာတ်တွေ အဆုံးသတ်ဖို့
နှလုံးသားတွေ ပန်းခင်းဖြစ်ဖို့ အနာဂါတ်ကို ဖူးပွင့်လိုက်ပါ

ငြိမ်းချမ်းရေးသာ တို့ ကမ္ဘာ
ငြိမ်းချမ်းရေးသာ တို့ သာသနာ
ငြိမ်းချမ်းရေးသာ တို့ ကဗျာ ။

၂၈.၈.၂၀၁၆


minaunghlaing-press-620.jpg
ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် နေပြည်တော် တပ်မတော်ကာကွယ်ရေးဦးစီးချုပ်ရုံး ဘုရင့်နောင်ခန်းမမှာ ၂ဝ၁၅ ခုနှစ် စက်တင်ဘာလ ၂၁ ရက်နေ့က ပြည်တွင်းမီဒီယာတချို့နဲ့ တွေ့ဆုံစဉ်
Photo: Myo Thant Khaing/RFA

၂၁ ရာစုပင်လုံညီလာခံ ဖွင့်ပွဲအခမ်းအနားမှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ ကုလသမဂ္ဂ အထွေထွေ အတွင်းရေးမှူးချုပ် မစ္စတာ ဘန်ကီမွန်းတို့ အဖွင့်အမှာစကားပြောကြားမယ်လို့ ပင်လုံညီလာခံအကြို ပြင်ဆင်ရေးကော် မတီ အတွင်းရေးမှူး ဦးလှမောင်ရွှေ က ပြောပါတယ်။

ဒီကနေ့ နေပြည်တော်က သင်္ဂဟဟိုတယ်မှာ ကျင်းပတဲ့ ၂၁ ရာစုပင်လုံ ပူးတွဲကျင်းပရေးကော်မတီ အကြိုအစည်း အဝေးအပြီးမှာ ဦးလှမောင်ရွှေ က ပြောတာဖြစ်ပါတယ်။

"အခုတော့ ကျွန်တော်တို့ဖက်က ဒီနေ့ အစည်းအဝေးမှာလည်း တင်ပြထားတယ် အစိုးရဖက်က နိုင်ငံတော် အတိုင်ပင်ခံပုဂ္ဂိုလ် အမှာစကားပြောဖို့ရှိတယ်။ လွှတ်တော်ဥက္ကဌတွေ စကားပြောဖို့ရှိတယ်။ တပ်မတော် ကာကွယ်ရေးဦးစီးချုပ် ပြောဖို့ရှိတယ်။ ပြီးတော့ ကုလသမဂ္ဂအထွေထွေအတွင်းရေးမှူးချုပ် သူလည်း စကားပြောဖို့ အစီအစဉ်ထဲမှာပါတယ်"

နိုင်ငံရေးပါတီတွေဖက်က ကိုယ်စားလှယ် တစ်ဦးနဲ့ အပစ်ရပ်လက်မှတ်ရေးထိုးထားတဲ့ လက်နက်ကိုင် အဖွဲ့ ခေါင်းဆောင်တွေလည်း အမှာစကားပြောကြား မှာဖြစ်ပါတယ်။

၂၁ ရာစုပင်လုံညီလာခံကို လာမယ့် သြဂုတ်လ ၃၁ ရက်ကနေ စက်တင်ဘာလ ၃ ရက်အထိ ၄ ရက်ကြာ ကျင်းပ မှာဖြစ်ပြီး နိုင်ငံတကာ သံတမန်တွေ၊ ငြိမ်းချမ်းရေး လုပ်ငန်းစဉ်အတွက် အလှူရှင်တွေ၊ နိုင်ငံတကာအဖွဲ့အစည်းတွေ နဲ့ ဖိတ်ကြားထားသူ စုစုပေါင်း ၁,၈၀၀ ခန့် တက်ရောက် ကြမှာဖြစ်ပါတယ်။

ဒါ့အပြင် အရင် အစိုးရလက်ထက်က အပစ်ရပ်လက်မှတ်ရေးထိုးထားတဲ့ တိုင်းရင်းသားလက်နက်ကိုင် ၈ အဖွဲ့ အပါအ၀င် လက်နက်ကိုင် အဖွဲ့ ၁၇ ဖွဲ့ တက်ရောက်မှာဖြစ်ပါတယ်။

မြန်မာအမျိုးသားဒီမိုကရေစီ မဟာမိတ် တပ်မတော် - ကိုးကန့်အဖွဲ့ (MNDAA) ၊ ပလောင် (တအာန်း)အမျိုးသား လွတ်မြောက်ရေးတပ်မတော် (TNLA)နဲ့ ရက္ခိုင့်တပ်မတော် (AA) တို့မှာ ၂၁ရာစုပင်လုံညီလာခံကို တက်နိုင်ဖို့ အစိုးရနဲ့ ညှိနှိုင်းနေဆဲဖြစ်ပါတယ်။
RFA

မြန်မာ သိပ္ပံပညာရှင်များ၊ သုတေသန ပညာရှင်များ၊ စွန့်ဦး တီထွင်သူများ၊ ဆရာ၊ ဆရာမများ၊ ကျန်းမာရေးဆိုင်ရာ ကျွမ်းကျင်သူများနှင့် တွေ့ဆုံရန် အမေရိကန် သိပ္ပံရေးရာ သံတမန် ဒေါက်တာ ဂျယ်ရဒင်း ရစ်ခ်ျမွန် ယခု သီတင်းပတ်အတွင်း မြန်မာနိုင်ငံသို့ နှစ်ရက်တာခရီး လာရောက်မည်ဖြစ်ကြောင်း အမေရိကန် သံရုံးက ယနေ့ (သြဂုတ် ၂၈ ရက်) တွင် သတင်း ထုတ်ပြန်သည်။

ဒေါက်တာရစ်ခ်ျမွန်သည် သိပ္ပံပညာရပ် နယ်ပယ်မျိုးစုံတွင် လုပ်ကိုင် ဆောင်ရွက်နေကြသော မြန်မာနိုင်ငံသားများ၏ စွမ်းဆောင်မှုများကို လေ့လာရမည် ဖြစ်ကြောင်း၊ မြန်မာနိုင်ငံသို့ ပထမဆုံးအကြိမ် ခရီးစဉ်လည်း ဖြစ်ကြောင်း ယင်းထုတ်ပြန်ချက်တွင် ဖော်ပြထားသည်။

ဒေါက်တာ ရစ်ခ်ျမွန်သည် အော်ရေဂွန် တက္ကသိုလ်တွင် သိပ္ပံဌာန၏ ဥက္ကဋ္ဌနှင့် ဓာတုဗေဒ ပါမောက္ခ တစ်ဦးဖြစ်ကာ မဲခေါင်မြစ်ဝှမ်း နိုင်ငံများဖြစ်သော ဗီယက်နမ်၊ လာအို၊ ကမ္ဘောဒီးယား၊ ထိုင်းနှင့် မြန်မာနိုင်ငံဆိုင်ရာ အမေရိကန် သိပ္ပံရေးရာ သံတမန်အဖြစ် ၂၀၁၅ ခုနှစ်တွင် အမေရိကန် နိုင်ငံခြားရေးရာ ဝန်ကြီးဂျွန်ကယ်ရီက ခန့်အပ်ခဲ့ကြောင်း၊ ၂၀၁၆ ခုနှစ်တွင် သူ၏ မော်ကွန်းတင် စွမ်းဆောင်မှုများဖြစ်သော ရေမျက်နှာပြင်ပေါ်တွင် မော်လီကျူးဆိုင်ရာ ထူးခြားသည့် သွင်ပြင်လက္ခဏာများ ရှာဖွေတွေ့ရှိမှု၊ သူ၏ ရှာဖွေတွေ့ရှိမှုများသည် ဇီဝဗေဒ၊ သဘာဝ ပတ်ဝန်းကျင်၊ ဓာတုဗေဒနှင့် နည်းပညာဆိုင်ရာ အဓိက ဖြစ်စဉ်များအပေါ်တွင် မည်သို့ သက်ရောက်မှု ရှိကြောင်းကို တီထွင်သာဓက ပြသနိုင်မှု၊ အမေရိကန် ပြည်ထောင်စု အပါအဝင် ကမ္ဘာတစ်ဝန်းရှိ သိပ္ပံပညာရပ် နယ်ပယ်အတွင်းမှ အမျိုးသမီးများကို မြှင့်တင်ရေးအတွက် သူ၏ ထူးခြားပြောင်မြောက်သော စွမ်းဆောင်မှုတို့အတွက် အမျိုးသား သိပ္ပံဆုတံဆိပ်ကို သမ္မတ အိုဘားမားက ပေးအပ်ချီးမြှင့်ခြင်း ခံခဲ့ရကြောင်းလည်း အမေရိကန်သံရုံး၏ ထုတ်ပြန်ချက်တွင် ဖော်ပြထားသည်။

============
The Voice

http://thevoicemyanmar.com/news/1247-amr

သြဂုတ် ၂၈ ။ ။ နိုင်ငံတွင် ဇီကာဗိုင်းရပ်စ် ကူးစက်ခံထားရသူပေါင်း ၄၀ ကျော် ရှိထားခဲ့ပြီး အများစုမှာ ဆောက်လုပ်ရေးဆိုဒ်တစ်ခုမှ ပြည်ပလုပ်သားများ ဖြစ်ကြကြောင်း စင်ကာပူအာဏာပိုင်များက သြဂုတ်လ ၂၈ ရက်တွင် ထုတ်ဖော်ပြောကြားလိုက်သည်။

အသက် ၄၇ နှစ်အရွယ် မလေးရှားနိုင်ငံသူတစ်ဦး နိုင်ငံတွင် ပထမဆုံးအကြိမ် ရောဂါပိုးကူးစက်ခံရသည့်ဖြစ်စဉ်ကို ဖော်ထုတ်တွေ့ရှိခဲ့ကြောင်း အာဏာပိုင်များက သြဂုတ်လ ၂၇ ရက်က ကြေညာထားခဲ့သည်။

ယခု ကူးစက်ခံခဲ့ရသူ ၄၁ ဦးစလုံးမှာ နိုင်ငံရှိ ဆောက်လုပ်ရေးဆိုဒ်တစ်ခုမှ နေထိုင်သူ သို့မဟုတ်အလုပ်လုပ်ကိုင်နေသူများဖြစ်ကြကြောင်း ကျန်းမာရေးဝန်ကြီးဌာနနှင့် အမျိုးသား သဘာဝပတ်ဝန်းကျင် အေဂျင်စီတို့က ပူးတွဲကြေညာချက်တစ်စောင် ထုတ်ပြန်သည်။

“သူတို့ ပြီးခဲ့တဲ့ ကာလကတော့ ဒီပိုးကူးစက်တဲ့ နိုင်ငံတွေဆီ သွားမထားဘူးလို့ သိရပါတယ်၊ ဒါကြောင့် စင်ကာပူမှာပဲ ကူးစက်ခံရတယ်လို့ သုံးသပ်ရပါတယ်” ဟု ယင်းထုတ်ပြန်ချက်တွင် ပြောထားသည်။
ကူးစက်ခံခဲ့ရသူများအနက် ၃၄ ဦးအား ယခုအခါ ပြန်လည်သက်သာလာနေပြီဖြစ်ကြောင်းနှင့် အခြားခုနစ်ဦးမှာမူ ယခုထက်ထိ ရောဂါလက္ခဏာများ ဆက်လက်ပြသနေဆဲဖြစ်ပြီး ဆေးရုံတွင် တက်ရောက်နေရလျက်ရှိကြောင်း သိရသည်။

ဘန်ကောက်ပို့စ်
Mizzima - News in Burmese

kia-protest-620.jpg တိုက်ပွဲတွေ ရပ်တန့်ဖိုအတွက် မြစ်ကြီးနားဒေသခံတွေ သြဂုတ်လ ၂၈ ရက်နေ့က ဆန္ဒပြတောင်းဆိုနေစဉ်
Photo: Kyaw Myo Min/ RFA

ကချင်ပြည်နယ် ဖားကန့်မြို့နယ် နန့်ယားကျေးရွာမှာ ပြီးခဲ့တဲ့ သြဂုတ်လ ၁၅ ရက်နေ့က တိုက်ပွဲဖြစ်ပွား မှုကြောင့် လက်နက်ကြီးကျရောက်ပြီး အလယ်တန်းကျောင်းဆရာမ တစ်ဦးအပါအဝင် ရွာသား တချို့ထိခိုက်ဒဏ်ရာရရှိခဲ့တဲ့အတွက် တိုက်ပွဲတွေ ရပ်တန့်ဖို့ ဒေသခံ ၈၀၀ ကျော်က မြစ်ကြီးနားမြို့မှာ ဒီကနေ့ ဆန္ဒပြကြပါတယ်။

ပြည်သူတွေရှိတဲ့ ကျေးရွာတွေထဲကို လက်နက်ကြီးတွေနဲ့ ပစ်တာမဖြစ်သင့်ကြောင်း ဆန္ဒပြပွဲ ဦးဆောင် သူတစ်ဦးဖြစ်တဲ့ ဦးခင်မောင်အေး က ပြောပါတယ်။

"ရွာထဲကို လက်နက်ကြီးနဲ့ ပစ်တဲ့အတွက် ဆရာမတစ်ယောက် ဒဏ်ရာရတယ်၊ ကျောင်းသား တစ်ယောက်ဒဏ်ရာရတယ်၊ ပြည်သူ့စစ်တစ်ယောက် ဒဏ်ရာရတယ်၊ အခုထက်ထိ ဆေးရုံက မဆင်းရသေးပါဘူး၊ ကျွန်တော်တို့ ပြည်သူတွေရှိတဲ့ ရွာထဲကို အဝေးကနေ လက်နက်ကြီးနဲ့ ပစ်တာလဲ။ ပျက်စီးစေလိုတာလား၊ ဖျက်ဆီးတာလား"

ပြီးခဲ့တဲ့ သြဂုတ်လ ၁၅ ရက်နေ့က အစိုးရတပ်မတော်ရဲ့ ရှေ့တန်းလှုပ်ရှားတဲ့ တပ်တွေနဲ့ ကေအိုင်အေ တပ်ရင်း ၆ တို့ တိုက်ပွဲဖြစ်ပွားခဲ့ရာမှာ နေအိမ်တချို့လည်း ပျက်စီးခဲ့ပါတယ်။

အစိုးရတပ်မတော် နဲ့ ကေအိုင်အေတပ်တွေဟာ ဧရာဝတီမြစ်အရှေ့ဘက်ခြမ်း တရုတ် - မြန်မာနယ်စပ် ဆဒုံး - ကန်ပိုက်တီဒေသ၊ လိုင်ဇာဒေသတစ်ဝိုက်နဲ့ ဧရာဝတီမြစ်အနောက်ဘက်ခြမ်း ဟူးကောင်းနဲ့ ကာမိုင်းဒေသတွေမှာ ဇူလိုင်လကုန်ပိုင်းကစပြီး ဒီကနေ့အထိ နှစ်ဖက် စစ်ရေးတင်းမာနေတာ ဖြစ်ပါတယ်။

ဆန္ဒပြပွဲကို မြစ်ကြီးနား၊ မိုးကောင်း၊ ဝိုင်းမော်၊ မိုးညှင်း၊ ဖားကန့် စတဲ့ မြို့နယ်တွေက ဒေသခံတွေ ပါဝင်ခဲ့ကြပါတယ်။
RFA

paunglaung-press-620.jpg
ပေါင်းလောင်းအားကစားကွင်းပြန်လည်ရရှိရေး သတင်းစာရှင်းလင်းပွဲကို သြဂုတ်လ ၂၈ ရက်နေ့က ပျဉ်းမနားမြို့တွင် ကျင်းပနေစဉ်
Photo: Win Naung Toe/ RFA

နေပြည်တော် ပျဉ်းမနားမြို့က ပေါင်းလောင်းအားကစားကွင်းကို အများပြည်သူပိုင်ပြန်လည် သတ်မှတ်ပေးဖို့ မြို့ခံတွေက တောင်းဆိုလိုက်ပါတယ်။

ပေါင်းလောင်းအားကစားကွင်းပြန်လည်ရရှိရေးအတွက် ဒီနေ့ ပျဉ်းမနားမြို့က ပျားရည်လွင်ပြင် စားသောက်ဆိုင်မှာ ကျင်းပတဲ့ သတင်းစားရှင်းလင်းပွဲမှာ မြို့မိမြို့ဖ တစ်ဦးဖြစ်တဲ့ ဦးကျော်မင်းဟန်က ပြောတာဖြစ်ပါတယ်။

"ပေါင်းလောင်းကွင်းသိမ်းထားတဲ့ ကိစ္စကို ပြန်ရဖို့ ဥပဒေကြောင်းအရ ရင်ဆိုင်ရမယ့်ကိစ္စတွေရှိတယ်၊ ဒီ့ထက်ပိုပြီး ကျယ်ကျယ်ပြန့်ပြန့်လုပ်မယ်ဆိုရင် ဆန္ဒထုတ်ဖော်တဲ့အစီအစဉ် လုပ်ပါမယ်ဆိုတာ အသိပေးလိုပါတယ်၊ တကယ်လည်းလုပ်မယ့်ကိစ္စပါ၊ မလုပ်လို့ ကျွန်တော်တို့ ဒီကိစ္စက အေးအေး လူလူ ပြန်ရနိုင် တဲ့အခြေအနေ မရှိပါဘူး၊"

ပေါင်းလောင်းကွင်းပြန်လည်ရရှိရေးအတွက် နိုင်ငံတော်သမ္မထံ စာတင်ထားသလို လွှတ်တော် မှာလည်း ကိုယ်စားလှယ်ကတဆင့် မေးခွန်းမေးမြန်ထားကြောင်း နဲ့ ပေါင်းလောင်းအားကစားကွင်း ပြန်လည်ရရှိရေး ကြိုးပမ်းဆောင်ရွက်မယ့် ကော်မတီကို မြို့မိမြို့ဖတွေနဲ့ ဒီနေ့ ဖွဲ့စည်းလိုက်ပါတယ်။

လွန်ခဲ့တဲ့ ၁၉၇၃ ခုနှစ်က ပေါင်းလောင်းအားကစားကွင်းကို ပျဉ်းမနားမြို့ခံတွေက ကိုယ်ထူကိုယ်ထ စနစ်နဲ့ တည်ဆောက်ခဲ့တာဖြစ်ပါတယ်။

အရင်က ပေါင်းလောင်းအားကစားကွင်းဟာ ရပ်ကွက်၊ ကျေးရွာနဲ့ မြို့နယ်ပေါင်းစုံ ဘောလုံးပြိုင်ပွဲတွေ ကျင်းပခဲ့တာဖြစ်ပြီး အခုအချိန်မှာ အားကစားဝန်ကြီးဌာနက ထိန်းသိမ်းထားတဲ့အတွက် မြို့ခံတွေက ဘောလုံး ပွဲတွေ ကျင်းပမယ်ဆိုရင် ကွင်းဝင်ကြေးပေးသွင်းပြီး အသုံးပြုနေရတယ်လို့ မြို့ခံတွေက ပြောပါတယ်။

အဲဒီအားကစားကွင်းဟာ ရန်ကုန် - မန္တလေးကားလမ်းဟောင်းဘေးမှာ ရှိတာဖြစ်ပြီး ကွင်းအနီးမှာ ဈေးဆိုင် ခန်းပေါင်း ၅၀ ကျော်ကို ငှားရမ်းထားပါတယ်။
RFA


mdy-flooding-620.jpg
မန္တလေးမြို့နယ်မှာ သြဂုတ်လ ၃ ရက်နေ့က ရေကြီးနေတာကို တွေ့ရစဉ်
Photo: Hset Paing Toe/RFA
မြန်မာနိုင်ငံအလယ်ပိုင်းက မန္တလေး၊ မကွေး၊ နေပြည်တော်နဲ့ စစ်ကိုင်းတိုင်းဒေသကြီးတွေမှာ နောက် ၃ ရက်လောက်အထိ မိုးများပြီး ရေကြီးရေလျှံ တာတွေ ဖြစ်ပေါ်နိုင်တယ်လို့ မိုးလေ၀သနဲ့ ဇလဗေဒညွှန် ကြားမှုဦးစီးဌာနက သတိပေးထုတ်ပြန်ပါတယ်။

မြစ်တွေ ချောင်းတွေကနေ ရေလျှံတက်လာတွေဖြစ်နိုင်တယ်လို့ မိုးလေ၀သနဲ့ ဇလဗေဒ ညွှန်ကြားမှုဦးစီးဌာန ဒုတိယညွှန်ကြားရေးမှုးချုပ် ဦးကျော်မိုးဦး က ပြောပါတယ်။

"မုတ်သုံအားလျော့နေတဲ့အတွက် မြန်မာနိုင်ငံအလယ်ပိုင်းဒေသတွေမှာ ကွက်ပြီး မိုးကြီးနေတာ။ ပြီးခဲ့တဲ့နှစ်ရက်လောက်ကစပြီး မိုးများနေတဲ့ အတွက် ချောင်းရေ၊ မြစ်ရေတွေ လျှံတက်လာတာ၊ လမ်းတွေကို ရေကျော်တာတွေ မြင်းမူ၊ တို့ဘာတို့မှာဖြစ်နေပြီ"

တနင်္သာရီ၊ ရခိုင်၊ ရန်ကုန်၊ ဧရာဝတီ၊ ရှမ်းနဲ့ ကယားပြည်နယ်တွေမှာလည်း ဒီကနေ့ မိုးကြီးနိုင်တယ်လို့ ထုတ်ပြန်ထားပါတယ်။

မိုးကြီးနိုင်တဲ့အတွက် သတိထားဖို့ ကြေညာထားတဲ့ မန္တလေး၊ မကွေး၊ စစ်ကိုင်းနဲ့ နေပြည်တော်တို့ဟာ ဒီလဆန်းလောက်ကစပြီး ရေကြီးရေလျှံမှုတွေဖြစ်ပေါ် ခဲ့တဲ့ နေရာတွေဖြစ်ပါတယ်။
RFA

police-620.JPG

မြန်မာနိုင်ငံ ရဲတပ်ဖွဲ့ဝင်တချို့ကို တွေ့ရစဉ်
Photo: RFA
ပြည်ထဲရေးဝန်ကြီးဌာန အောက်မှာရှိတဲ့ မြန်မာနိုင်ငံရဲတပ်ဖွဲ့၊ အထွေထွေအုပ်ချုပ်ရေးဦးစီးဌာန၊ အထူးစုံစမ်း စစ်ဆေးရေးဦးစီးဌာန၊ အကျဉ်းဦးစီးဌာနနဲ့ မီးသတ်ဦးစီးဌာနတွေကို ပြည်နယ်နဲ့ တိုင်းဒေသကြီး ၀န်ကြီးချုပ်တွေရဲ့ ကွပ်ကဲမှုအောက်မှာ ထားရှိဖို့ ပြည်ထဲရေးဝန်ကြီးက သက်ဆိုင်ရာ အစိုးရအဖွဲ့တွေထံ စာပေးပို့ထားပါတယ်။

ဒီလိုလွှဲပြောင်းပေးဖို့အတွက် ဖွဲ့စည်းပုံအခြေခံဥပဒေကို ပြင်ဆင်ဖို့ လိုအပ်ပေမယ့် လတ်တလော လိုအပ်ချက်အရပဲ ညွှန်ကြားစာ ထုတ်ထားတာ ဖြစ်တယ်လို့ တနင်္သာရီတိုင်းဒေသကြီး ဝန်ကြီးချုပ် ဒေါက်တာလဲ့လဲ့မော် က ပြောပါတယ်။

"အမှန်ကတော့ ၂၀၀၈ ဖွဲ့စည်းပုံကို ပြင်မှရမယ်လေ၊ ဖွဲ့စည်းပုံမှာက နဂိုရှိရင်းစွဲအတိုင်းပါတာကိုး၊ ဖွဲ့စည်းပုံ ကိုကတော့ ပြင်ဖို့ လိုတာပေါ့၊ လောလောဆယ် အခြေအနေအရ လိုအပ်ချက်ကြောင့်လို့ပဲ ပြောရမှာပေါ့"

အခုလွှဲပြောင်းပေးလိုက်တဲ့ ဌာနတွေကို သက်ဆိုင်ရာ တိုင်းနဲ့ ပြည်နယ် ၀န်ကြီးချုပ်တွေက ဘယ်ဝန်ကြီးဌာနတွေနဲ့ ပူးပေါင်းလုပ်ဆောင်စေမလဲဆိုတာကို အသေးစိတ်ညွှန်ကြားရမှာဖြစ်ပါတယ်။
၂၀၀၈ ခုနှစ် ဖွဲ့စည်းပုံအခြေခံဥပဒေအရ ပြည်ထဲရေးဝန်ကြီးကို တပ်မတော် ကာကွယ်ရေး ဦးစီးချုပ်ကပဲ ရွေးချယ် ခန့်အပ်ရတာဖြစ်ပြီး ပြည်ထဲရေးဝန်ကြီးဌာန ဟာလည်း ပြည်ထောင်စု အစိုးရအဖွဲ့ရဲ့လုပ်ပိုင်ခွင့်အောက်မှာပါ ၀င်နေတာ ဖြစ်ပါတယ်။
RFA


မကွေးတိုင်း ဒေသကြီး ပွင့်ဖြူမြို့နယ်နေ ကျောင်းဆရာမတစ်ဦးက ၎င်းအား လက်ထောက်ခရိုင်ပညာရေးမှူးဟုဆိုကာ အိမ်ထောင်ရှိလျှက် လိမ်ညာလက်ထပ်သော အမျိုးသားအား တိုင်ကြားအမှုဖွင့်ခဲ့မှု သြဂုတ် ၂၇ ရက်ကဖြစ်ပွားခဲ့ကြောင်း နယ်မြေခံရဲစခန်း မှသိရသည်။

 ဖြစ်စဉ်မှာ ဒေါ်----၊ မူလတန်းပြ(သရက်တော၊ အမက)သရက်တောကျေးရွာ၊ ပွင့်ဖြူမြို့နယ်နေ သူသည် လွန်ခဲ့သော တစ် နှစ်ခန့်က မကွေးတိုင်းပညာရေးမှူးရုံးမှ လက်ထောက်ခရိုင်ပညာရေးမှူး ဦးမောင်မောင်လွင် ဆိုသူနှင့် ချစ်ကြိုက်ခဲ့ရာ ၄.၈.၂၀၁၆ ရက်တွင် သရက်တောကျေးရွာအုပ်ချုပ်ရေးမှူးရုံးတွင် အုပ်ချုပ်ရေးမှူး ဦးကိုကိုလေးနှင့် သက်သေများရှေ့တွင် လက်မှတ်ရေးထိုးပေါင်းသင်းနေထိုင်ခဲ့ပြီး ၇.၈.၂၀၁၆ ရက်နေ့တွင် ဦးမောင်မောင်လွင် ဆိုသူမှာ မွေးချင်းများထံ ကန်တော့ကန်သွားရောက်မည်ဖြစ်ကြောင်း အကြောင်းပြ၍ နေအိမ်မှ ထွက်ခွါသွားခဲ့ကြောင်း၊ နောက်နေ့ရက်များတွင်လည်း နေအိမ်သို့ ခေတ္တသာရောက်ရှိလာခဲ့သဖြင့် မသင်္ကာဖြစ်ခဲ့ပြီး ၂၇.၈.၂၀၁၆ ရက် နံနက် ၁၁ နာရီခွဲအချိန် ဦးမောင်မောင်လွင်ဆိုသူမှာ နေအိမ်သို့ပြန်လည်ရောက်ရှိလာသဖြင့် ကျေးရွာအုပ်ချုပ်ရေးမှူး ဦးကိုလေးထံ သတင်းပို့ပြီးနောက် တစ်ရွာတည်းနေ မိုးကျော်ပါ လေး ဦးတို့နှင့်အတူ မေးမြန်းရာ လက်ထောက်ခရိုင်ပညာရေးမှူး ဦးမောင်မောင်လွင်၏အမည်သုံးသူမှာ ပွင့်ဖြူုမြို့နယ်၊ လယ်ကိုင်းကျေးရွာနေ ဒေါ်ထွေးထွေးအောင်၏ ခင်ပွန်း တိုးနိုင်၊ ဖြစ်ကြောင်းသိရှိခဲ့ခြင်းဖြစ်ကြောင်း တရားလို၏တိုင်ကြားချက်အရသိရသည်။

 ဖြစ်စဉ်နှင့်ပက်သက်၍ တရားဝင်ထိမ်း မြှားပြီးသော အိမ်ထောင်ရှိသည်ကို ထိန်ချန်၍ ထပ်မံထိမ်မြားသူ တိုးနိုင် အားအရေးယူပေးရန် မ------မှ သြဂုတ် ၂၇ ရက်တွင် တရားလိုပြုတိုင် ကြားခဲ့သောကြောင့် ပွင့်ဖြူမြို့နယ်၊လယ်ကိုင်းနယ်မြေရဲစခန်းမှ (ပ)၂၄၀/၂၀၁၆၊ တစ်လင်တစ်မယား စနစ်ကျင့်သုံးခြင်းဆိုင်ရာဥပေဒပုဒ်မ ၁၇ ဖြင့်အမှုဖွင့်အရေးယူထားကြောင်းသိရသည်။

ရတနာပုံ သတင်းစာ
https://www.facebook.com/yadanabonnewspaper


ပခုက္ကူ သြဂုတ် ၂၈

သြဂုတ်လ ၂၈ ရက်နေ့ နံနက် ၈ နာရီ အချိန်ခန့်တွင် ပခုက္ကူမြို့နယ်ရှိ ကမ္မမြို့ အမှတ် (၂) ရပ်ကွက်နေ ဦးမျိုးဝင်း(ဘ)ဦးထွန်းရွှေ နေထိုင်သော ခြံဝင်းအတွင်း ကျောက်ခွက်-လက်ပံတိုရေနံမြေမှ အရာတော် ရေနံမြေသို့ သွယ်တန်းပို့လွှတ်သော ရေနံပိုက်လိုင်းမှ ရေနံများပေါက်ထွက်ခဲ့သည်။ ဦးမျိုးဝင်းအိမ် တောင်ဘက် နှစ်အိမ်ကျော်ရှိ ဦးလူချင်း (ဘ) ဦးစိုး ၏ နေအိမ်ဝိုင်းအတွင်းမှလည်း အဆိုပါရေနံပိုက်လိုင်းမှ ရေနံများ ပေါက်ထွက်၍ လမ်းပေါ်သို့ထွက်လာသဖြင့် ရေနံပိုက်လိုင်းပေါက်မှုဖြစ်ပွားရာနေရာသို့ မြို့နယ် အုပ်ချုပ်ရေးမှူး ဦးမင်းသက်ခိုင်၊ ကမ္မစခန်းမှူးရဲအုပ် မျိုးသန့်စိန်နှင့် တပ်ဖွဲ့ဝင်များ၊ အရန်မီးသတ်တပ်ဖွဲ့ဝင်များမှ လုံခြုံရေး ဆောင်ရွက်ခဲ့ပြီး သာကြီးတောင် ရေနံမြေနှင့် ကျောက်ခွက် ရေနံမြေမှ တာဝန်ရှိသူများထံသို့ ချက်ချင်း သတင်းပေးပို့ခဲ့ကြောင်း သိရသည်။


နံနက် ၈ နာရီ ၂၅ မိနစ် အချိန်ခန့်တွင် ကျင်းတူးပြီး ထိမ်းသိမ်းခဲ့ရာ ၈ နာရီ ၃၀ အချိန်ခန့်တွင် သာကြီးတောင် ရေနံမှ အင်ဂျင်နီယာမှူး ဦးဝင်းဦးပါ ၁၃ ဦးမှ အဆိုပါရေနံပိုက်လိုင်းအား ဖာထေးဆောင်ရွက်ခဲ့ရာ နံနက် ၁၀ နာရီအချိန်ခန့်တွင် ဆောင်ရွက်ပြီးစီးခဲ့ပြီဖြစ်ကြောင်း၊ လူနှင့် တိရိစ္ဆာန် ထိခိုက်မှုမရှိပါကြောင်း သတင်းရရှိသည်။

ပခုက္ကူ (ပြန်/ဆက်)
MOI Webportal Myanmar
https://www.facebook.com/MOIWebportalMyanmar/



အိန္ဒိယနိုင်ငံ၌ ဒုံးပျံစမ်းသပ်ပစ်လွှတ်နေစဉ် (ဓာတ်ပုံ-အင်တာနက်)
    နယူးဒေလီ ၊ သြဂုတ် ၂၈ ရက် (ဆင်ဟွာ)

    အိန္ဒိယနိုင်ငံသည် သြဂုတ်လ ၂၈ ရက်က (SCRAMJET)  ဒုံးပျံသစ် တစ်စင်းကို နိုင်ငံတောင်ပိုင်းရှိ Sriharikota အာကာသဒုံးပျံ ပစ်လွှတ်စင် မှ အောင်မြင်စွာ လွှတ်တင်နိုင်ခဲ့ကြောင်း သိရသည်။

အဆိုပါ ဒုံးပျံသစ် အောင်မြင်စွာ ပစ်လွှတ်နိုင်ခဲ့ခြင်းသည် အမေရိကန်ပြည်ထောင်စု နှင့် သြစတြေးလျနိုင်ငံများနှင့် အာကာသဆိုင်ရာ နည်းပညာပူးပေါင်းလုပ်ကိုင်နေသည့် အိန္ဒိယနိုင်ငံ အတွက် အာကာသဒုံးပျံလွှတ်တင်မှုတွင် ကုန်ကျစရိတ်များစွာ သက်သာလာနိုင်ကြောင်း ဆိုထားသည်။

၎င်းဒုံးပျံစမ်းသပ်ပစ်လွှတ်မှုကို အိန္ဒိယအစိုးရကလုပ်ကိုင်ဆောင်ရွက်နေသည့် အိန္ဒိယအာကာသသုတေသနအဖွဲ့ (ISRO) မှ ဒုံးပျံကို အသုံးပြုခဲ့ခြင်းဖြစ်ကြောင်းသိရသည်။

“ အဲဒီစမ်းသပ်မှုဟာ ခမ်းနားကြီးကျယ်တဲ့အောင်မြင်မှုပါပဲ” ဟု ISRO အဖွဲ့ အကြီးအကဲ Kiran Kumar က သတင်းသမားများအားပြောကြားခဲ့သည်။ အလေးချိန် ၃ တန်ရှိ SCRAMJET ကို ခေတ်မီနည်းပညာသုံးအာကာသယာဉ် တစ်စင်းဟု ခေါ်ဆိုကြပြီး အဆိုပါ ဒျံးပျံသည် လောင်စာလောင်ကျွမ်းမှုအတွက် သီးသန့် လောင်စာနှင့်အောက်ဆီဒိုက်ဇာ ကို အသုံးပြုရန် မလိုဘဲ ၄င်းတို့ အစား လေထုထဲမှအောက်ဆီဂျင်ကို လောင်ကျွမ်းစေသောနည်းဖြင့် အသုံးပြုထားကြောင်းသိရသည်။

အဆိုပါ နည်းပညာကိုအသုံးပြုခြင်းဖြင့် ဒုံးပျံသည် အလေးချိန်များစွာသယ်ပိုးရခြင်းကို လျှော့ချနိုင်ပြီး များစွာအကျိုးကျေးဇူးရနိုင်ကြောင်း နှင့် အာကာသခရီးစဉ်ကုန်ကျစရိတ်ကို များစွာ သက်သာစေကြောင်းသိရသည်။

အိန္ဒိယနိုင်ငံ သမ္မတ Pranab Mukherjee  က ဒုံးပျံအောင်မြင်စွာ စမ်းသပ်ပစ်လွှတ်နိုင်ခဲ့သည့်အပေါ်  အာကာသအေဂျင်စီသို့ ချီးကျူးစကားဆိုခဲ့သည်။

“ ဒုံပျံးသစ်ကို အောင်မြင်စွာ ပစ်လွှတ်နိုင်ခဲ့တဲ့အတွက် ISRO အဖွဲ့ ကို လှိုက်လှိုက်လှဲလှဲ ဂုဏ်ပြုပါတယ်။ အိန္ဒိယနိုင်ငံက သင်တို့ အတွက် ဂုဏ်ယူပါတယ်” ဟု ချီးကျူးခဲ့ကြောင်းသိရသည်။

(Xinhua)
http://www.xinhuamyanmar.com


တောင်တွင်းကြီး သြဂုတ် (၂၈)

မကွေးတိုင်းဒေသကြီး ၊တောင်တွင်းကြီးမြို့နယ်တွင် ယမန်နေ့ သြဂုတ်(၂၇) ရက်နံနက်(၉)နာရီခွဲအချိန်ခန့် တောင်ကျချောင်းအားဖြတ်ကူးစဉ် ရေစီးနှင့်အတူ မျောပါပျောက်ဆုံးသွားခဲ့သည့် ကျောင်းဆရာမအား ယနေ့ သြဂုတ် (၂၈) ရက် နံနက် (၇) နာရီ (၅၀) မိနစ်အချိန်ခန့်တွင် သေဆုံးလျှက် ပြန်လည်ရှာဖွေ တွေ့ရှိပြီဖြစ်ကြောင်း သိရသည် ။


အဆိုပါ ဆရာမသည် တောင်တွင်းကြီးမြို့နယ် ၊ အောင်းစုကျေးရွာအုပ်စု ၊ အောင်းစုကျေးရွာနေ (အဘ) ဦးခင်မောင်သိန်း၏ သမီး အသက်(၂၇) နှစ်ရှိ မလင်းစန္ဒာဖြစ်ပြီး အမှတ်(၁၅၉) ပိတ်ဆွယ်ခုံ အခြေခံပညာမူလတန်းကျောင်းတွင် မူလတန်းပြ ( နေ့စား/လပေး ) တာဝန်ထမ်းဆောင်နေသူဖြစ်ကြောင်း သိရသည်။
၎င်းသည် တာဝန်ထမ်းဆောင်ရန် စာသင်ကျောင်းသို့ သွားရာ အကျယ်(၅၀)ပေခန့်ရှိ ငမင်တောင်ကျချောင်းအားဖြတ်ကူးစဉ် ရေစီးနှင့် မျောပါသွားခဲ့ခြင်းဖြစ်သည်။ ထိုသို့မျောပါသွားခဲ့သည့် အချိန်မှစ၍ ဒေသဆိုင်ရာအုပ်ချုပ်ရေးအဖွဲ့အစည်းများ၊ တာဝန်ရှိဌာနဆိုင်ရာများ၊ဒေသခံပြည်သူများက ငမင်ချောင်းရိုးတစ်လျှောက်စဉ်ဆက်မပြတ် လိုက်လံရှာဖွေခဲ့ကြရာမှ ယနေ့နံနက်ပိုင်းတွင် ငမင်ရွာ၏အရှေ့ဘက် (၁) မိုင်ခန့် ၊ အခင်းဖြစ်ပွား မျောပါခဲ့သည့် နေရာ၏အနောက်ဘက် (၆)ဖာလုံခန့် အကွာ ငမင်ချောင်းမကြီးနှင့် ပိတ်ဆွယ်ခုံချောင်းတို့ဆုံသည့် နေရာအနီး ချောင်းဘေး သဲခုံပေါ်တွင် မှောက်လျှက်အနေအထားဖြင့် သေဆုံးနေသည်ကို တွေ့ရှိခဲ့ခြင်းဖြစ်ကြောင်း သိရသည်။


ထိုကဲ့သို့ ရေနောက်မျောပါသေဆုံးခဲ့ရသည့် ဆရာမလေး၏ မိသားစုအား တောင်တွင်းကြီးမြို့နယ်ဌာနဆိုင်ရာများ ၊ ပညာရေးဌာနမိသားစုများက စာနာထောက်ထားမှု ကူညီထောက်ပံ့ခြင်းများပြုလုပ်ပေးခြင်း ၊ ပြည်သူ့လွှတ်တော်ကိုယ်စားလှယ် ဦးမင်းသိန်း ၊ မြို့နယ်အုပ်ချုပ်ရေးမှူး ဦးသိန်းဇော်ဝင်း ၊ မြို့နယ်မီးသတ်ဦးစီးမှူး ဦးမောင်မောင်ထွေးတို့က လိုအပ်သော ကူညီမှု ၊ ပေါင်းစပ်ညှိနှိုင်းပေးမှုများ ပြုလုပ်ပေးလျှက်ရှိပြီး ဆရာမ မလင်းစန္ဒာ သေဆုံးခြင်း နှင့်ပတ်သက်၍ ဓမ္မတာအတိုင်း သေဆုံးခြင်း ဟုတ် / မဟုတ် သိရှိနိုင်ရန် တောင်တွင်းကြီးမြို့မရဲစခန်း သေမှုသေခင်း အမှတ်စဉ် ( ၉ /၂၀၁၆ ) ဖြင့်အမှုတွဲဖွင့်လှစ်၍ စခန်းမှူး ဒုတိယရဲမှူး မျိုးမြင့်ထွန်းက စုံစမ်းစစ်ဆေးဆောင်ရွက်လျှက်ရှိကြောင်း သတင်းရရှိသည် ။

ဗိုလ်ပြည့် ( တောင်တွင်းကြီး )
https://www.facebook.com/bopyae.taungdwingyi

ရန် ကုန် မြို့ရဲ့ အ ထင် ကရ နေ ရာ ဖြစ် တဲ့ မြို့ တော် ခန်း မ ရှေ့ မဟာ ဗန္ဓု လ ပန်း ခြံ မှာ ဒီ နေ့ ၂၁ရာ စု ပင် လုံ ညီလာ ခံ လူ ထု ထောက်ခံ ကြို ဆို ပွဲ ကို မိုး ထဲ ရေထဲ ခြိမ့် ခြိမ့် သည်း သည်း ကျင်းပ နေ ကြ တယ် ၊

နေ့  လည် ၁၂ မှာ ပန်း ရဲ့လမ်း မှ စတင် ပြီး ငြိမ်း ချမ်း ရေး သီ ချင်း များ နဲ့ ဖြေ ဖျော် ကြတယ် ၊
ကို ဂျင် မီ နဲ့ လူ ငယ် ကဗျာ ဆရာ များ အစီ စဉ် လည်း ပန်း ရဲ့ လမ်း အပြီး မှာတင် ဆက် နေ ပါ တယ် ၊
ထို့ နောက် ဆက် တိုက် ပဲ ငြိမ်း ချမ်း ရေး ဟောပြော ကြ မှာဖြစ် တယ် ၊
၂ နာရီ ကနေ ၄နာရီ အထိ အနုပညာ ရှင် များ က လည်း တေး သီ ချင်း များ နဲ့ေဖျြော် ကြ မှာ ဖြစ်တယ် ၊

တ ချိန် က သေ နတ် ပစ် သံ ခတ် သံ တွေ ၊ ရိုက် သံ နှက် သံ ၊ အော် ဟစ် သံ ၊ တောက် ခေါက် သံ ၊ ကမ္ဘာ မ ကြေ ဘူး လို့ နာ နာ ကျည်း ကျည်း ပြော ကြ အော် ကြ တဲ့ အသံ တွေ နဲ့ သွေး စိမ်း ရှင် ရှင် ပွက်ပွက် ဆူ နေ ခဲ့ လည်း ၊ ယမ်း ငွေ့ တွေ နဲ့ သွေး ညှီ နံ့တွေ အောက် မှာ စစ်အာ ဏာ ရှင် တွေ ကို ဒူး မထောက် ရဲ ရဲ တော်လှန် တဲ့ ကမ္ဘာ ကျော် နေ ရာ လည်း ဖြစ် တယ် ၊

အခု တော့ ငြိမ်း ရေး တေး သံ လွှမ်း ပေါ့ ၊ ပြည်သူ့ ဒီမို က ရေ စီသီး ကင်း လေး တွေ လည်း သီးပွင့် လာ ခဲ့ ပြီ ၊
လွတ် လပ် ရေး သမိုင်း နဲ့ ချီ ခဲ့တဲ့ ပြည် တွင်း စစ် ကြီး ကို လည်းငြိမ်း သတ် ဖို့ တိုင်း ရင်း သား ညီ အကို တွေ အပါ အဝင် နိုင် ငံ ရေး အင် အား စု များ ၊ တပ် မ တော် သား တွေ ပါ ဝင် ကြ မယ့် ၂၁ရာ စု ပင် လုံ ပြည်ထောင် စု ငြိမ်း ချမ်း ရေး ညီ လာ ခံ ကြီး ကို ၃၁ သြ ဂုတ် လ မှာ စ တင် ပါ တော့ မယ် ၊
အ မေ ဒေါ် အောင် ဆန်း စု ကြည် ဦး ဆောင် တဲ့ ထို ငြိမ်း ချမ်း ရေး ညီ လာ ခံ ကြီးကို နိုင် ငံ အနှံ့ ကြို ဆို ထောက် ခံ ပွဲ များ ကို ပြည်သူ လူ ထု က သောင်းသောင်း ဖျ ဖျ ဆင် နွဲ နေ ကြ တာ လည်းဖြစ် တယ် ၊ ညီ ညီ ညွတ် ညွတ် တွေ့ ဆုံ အ ဖြေ ရှာ ကြ ရင် ပြည် တွင်း ငြိမ်း ချမ်း ရေး အစစ် အ မှန် ရ ရှိ လိမ့် မယ် လို့ လည်း ပြည်သူ တွေ က ရင် ထဲ က ကို ယုံကြည် နေ ကြ တဲ့ အချိန် အခါ လည်း ဖြစ်တယ် ၊ တကယ် မင်္ဂလာ အချိန် အခါ လို့ လည်း ပြော လို့ ရ တယ် ၊ အခု လို အခြေ အနေ ကောင်းကို မိ မိ ရ ရ ဆုပ် ကိုင် ပြီးငြိမ်း ချမ်းရေး တည် ဆောက် ကြ ပါ စို့ ၊

၂၁ရာ စု ပင် လုံ ညီလာ ခံ အောင် ရမည် ၊28.8 206 .

D Chit Myo

မင်္ဂလာဒုံမြို့နယ် ပတ္တမြားမြို့သစ်တွင် ဖြစ်ပွားခဲ့သည့်လေးလောင်းပြိုင် လူသတ်မှုနှင့် ပတ်သက်၍ ဘုလက်ဂျာနယ်တွင် ဖော်ပြခဲ့သည့် အချက်အလက် များမှာ လုံးဝမှန်ကန်ခြင်းမရှိ ကြောင်း သေဆုံးသူမိသားစုဝင် များက သြဂုတ် ၂၅ ရက်၌ ငြင်းဆိုခဲ့သည်။

သြဂုတ် ၂၄ ရက် ဗုဒ္ဓဟူးနေ့တွင် ဖြန့်ဝေခဲ့သည့် ဘုလက်ဂျာနယ်၌ လေးလောင်းပြိုင်လူသတ် မှုနှင့်ပတ်သက်၍ သေဆုံးသူ ရဲဝန်ထမ်းဟောင်း ကိုစိုးနောင်သည် မူးယစ်ကုန်သည်ထံမှ ငွေကြေးရ ယူမှုဖြင့် ထောင်တစ်နှစ်ကျကာ ရဲတပ်ဖွဲ့မှ ထုတ်ပယ်ခံရသည်ဟု ဖော်ပြထားခဲ့ရာ ယင်းအချက်အ လက်များနှင့်ပတ်သက်၍ မိသားစုက တုံ့ပြန်ခဲ့ခြင်းဖြစ်သည်။

ထို့အပြင် နေအိမ်ဧည့်ခန်း အတွင်း သေဆုံးနေသည့် ကိုစိုး နောင်၏ အလောင်းအနီးတွင်ရှိ နေခဲ့သော ဓားမှာ သေဆုံးသူ၏ ဓားဖြစ်ပြီး သေဆုံးသူ မချယ်ရီပွင့် ခန္ဓာကိုယ်ရှိ ဓားဒဏ်ရာများသည်လည်း ရဲဝန်ထမ်းဟောင်း၏ ဓားချက်များဖြစ်ကာ ကလေးနှစ် ယောက်ခန္ဓာကိုယ်ရှိ ဓားဒဏ်ရာ များက အခြားဓားချက်များဖြစ် ကြောင်း အဆိုပါဂျာနယ်တွင် ရေးသားထားခဲ့သည်။

ဘုလက်ဂျာနယ်တွင် လေးလောင်းပြိုင်လူသတ်မှုနှင့် ပတ် သက်၍ ရေးသားဖော်ပြမှု၌ သ တင်းအရင်းအမြစ် လေးခုကို မေးမြန်းရေးသားခဲ့ပြီး ထောက်ကြန့်နယ်မြေရဲစခန်းမှ ရဲအုပ်ဌေးဝင်း၊ မြောက်ပိုင်းခရိုင်ရဲတပ်ဖွဲ့မှူး ဒုတိယရဲမှူးကြီးစိုးဝင်း၊ အနောက် ပိုင်းခရိုင် မူးယစ်ရဲတပ်ဖွဲ့မှ တာဝန်မှူးအဆင့်ရှိ ရဲအရာရှိတစ်ဦးနှင့် ရဲဝန်ထမ်းနှင့်နီးစပ်သူ တစ်ဦးတို့ကို မေးမြန်းကာ ရေးသားထားခြင်းဖြစ်သည်။

တိကျသေချာမှုမရှိသော အချက်အလက်များတွင်မူ သေဆုံးသူ ရဲဝန်ထမ်းနှင့် နီးစပ်သူတစ်ဦးဟုသာ သုံးစွဲထားပြီး ယင်းအချက်အလက်များနှင့် ပတ်သက်၍ သေဆုံးသူ၏ မိသားစုဝင်များက ကန့်ကွက်ပြောကြားခြင်းဖြစ် သည်။

‘‘မူးယစ်ကုန်သည်ဆီကနေ ပိုက်ဆံယူလို့ ထောင်တစ်နှစ်ကျ တယ်ဆိုတာ လုံးဝမဟုတ်ပါဘူး။ ရဲက ထုတ်ခံရတယ်ဆိုတာလည်း မဟုတ်ဘူး။ နောက်ပြီး အဲဒီဂျာ နယ်ထဲမှာ ထည့်ထားတဲ့အချက် တွေက မှားနေတယ်’’ဟု ဒေါ်ရီရီနွဲ့၏ခင်ပွန်း ဦးခွန်နောင်ကဆိုသည်။

‘‘ဂျာနယ်ထဲမှာပါတဲ့ သိန်းရာကျော်တန် ကားဝယ်စီးတယ်ဆို တာကလည်း ကျွန်မ ခြံရောင်းလို့ ရတဲ့ငွေနဲ့ ဝယ်ပေးထားတဲ့ ကားပါ။ ရဲဝန်ထမ်းလုပ်နေတုန်းက အ ကြံအဖန်လုပ်တာမရှိပါဘူး။ အဲဒီကားကိုလည်း အုတ်သဲကျောက် လုပ်ငန်းလုပ်ဖို့ မဆုံးခင်ကမှ ပြန်ရောင်းလိုက်တာ’’ဟု ဒေါ်ရီရီနွဲ့က ဆိုသည်။

‘‘အခုလိုရေးသားတာနဲ့ပတ် သက်ပြီး ကျွန်မတို့အနေနဲ့ နာရေးကိစ္စပြီးတာနဲ့ ဒီကိစ္စကို ဆက်လုပ်မယ်။ သူတို့ဘက်က တောင်းပန် ရင်တော့ ကျေအေးပေးရမှာပေါ့။ မတောင်းပန်ရင်တော့ ကျွန်မတို့ တရားစွဲဖို့ စီစဉ်ရမှာပဲ’’ဟု ဒေါ်ရီရီ နွဲ့က ဆိုသည်။

လေးလောင်းပြိုင်လူသတ်မှု နှင့်ပတ်သက်၍ ဘုလက်ဂျာနယ် မှ သတင်းဖော်ပြခဲ့မှုတွင် မြောက်ပိုင်းခရိုင်ရဲတပ်ဖွဲ့မှူး ဒုတိယရဲမှူးကြီးစိုးဝင်းက ပြောဆိုသည်ဟု ရေးသားခဲ့မှုအပေါ် မြောက်ပိုင်းခရိုင် မှူးက ၎င်းဖြေကြားပေးခဲ့ခြင်းမရှိ ကြောင်း ငြင်းဆိုခဲ့သည်။

‘‘ကျွန်တော် ဒီလေးလောင်း ပြိုင်ကိစ္စနဲ့ပတ်သက်ပြီး ဘယ်မီဒီယာကိုမှ ဖြေကြားပေးတာမရှိပါ ဘူး’’ဟု မြောက်ပိုင်းခရိုင်ရဲတပ်ဖွဲ့ မှူး ဒုရဲမှူးကြီးစိုးဝင်းက ဆိုသည်။

သေဆုံးသူ ကာယကံရှင်မိသားစုက ဂျာနယ်စာမျက်နှာဖော်ပြချက်များအပေါ် ငြင်းဆန်ခဲ့မှုနှင့်ပတ်သက်ပြီး ဘုလက်ဂျာနယ်မှ အယ်ဒီတာ မခင်မြန်မာအောင်အား ဆက်သွယ်မေးမြန်း ခဲ့ရာ ‘‘အစ်မအနေနဲ့က ပြောလို့မရပါဘူး။ တာဝန်ခံအယ်ဒီတာကိုပဲ ဆက်သွယ်လိုက်ပါ။ တော်ကြာ သူပြောတာနဲ့ အစ်မပြော တာ လွဲနေမှာစိုးလို့ပါ’’ဟု ပြန်လည်ပြောကြားခဲ့သည်။

ဘုလက်ဂျာနယ်မှ တာဝန်ခံ အယ်ဒီတာ ဇွဲဝဏ္ဏ(ကျုံပျော်)၏ လက်ကိုင်ဖုန်းသို့ 7Day Daily က သြဂုတ် ၂၅ ရက် ညနေ ၅ နာရီခန့်တွင် ဆက်သွယ်မေးမြန်းခဲ့သော် လည်း စက်ပိတ်ထားသဖြင့် ဆက်သွယ်မရခဲ့ပေ။

ဖိုးသူတော်
(www.phothutaw.com)
Credit:7Day Daily


Donald Trump နဲ့ Hillary Clinton တို့ မဲဆွယ်စည်းရုံးစဉ်
Donald Trump နဲ့ Hillary Clinton တို့ မဲဆွယ်စည်းရုံးစဉ်

နိုဝင်ဘာ ၈ရက်နေ့ကျရင် အမေရိကန်ပြည်ထောင်စုမှာ သမ္မတရွေးကောက်ပွဲတွေ ကျင်းပတော့မှာပါ။ အခုလို တဖြည်းဖြည်း နီးလာတဲ့ အချိန်မှာ သမ္မတလောင်းတွေ ကလည်း ပြည်သူတွေရဲ့ ထောက်ခံမှုကိုရဖို့ နည်းမျိုးစုံနဲ့ အကြိတ်အနယ် မဲဆွယ်နေ ပါတယ်။ ဒီမဲဆွယ်စည်းရုံး မှုတွေရဲ့ နောက်ဆုံးအခြေအနေ ဘယ်လိုရှိသလဲ ကြည့် ရအောင်ပါ။

မေး - မနန္ဒာချမ်း ။ ။ ကိုဇော်ဝင်းလှိုင်ရေ၊ အမေရိကန် သမ္မတရွေးကောက် ပွဲကလည်း တဖြည်းဖြည်း နီးလာနေပြီဆိုတော့ မဲဆွယ် စည်းရုံးမှုတွေမှာလည်း ကိုယ်စားလှယ်ေ လာင်းတွေက အရှိန်မြင့် လုပ်ဆောင်နေကြတယ်နော်။ အခု သမ္မတလောင်း ၂ ဦး ကြားက မဲဆွယ် စည်းရုံးမှု အခြေအနေတွေ ဘယ်အဆင့်ရောက်နေပြီလဲ ပြော ပါဦးရှင့်။

ဖြေ - ကိုဇော်ဝင်းလှိုင်။ ။ အမေရိကန်သမ္မတလောင်း ၂ ယောက်ဖြစ်ကြတဲ့ ဒီမိုကရက်ပါတီက Hillary Clinton နဲ့ ရီပတ်ဘလီကန်ပါတီက Donald Trump တို့ ၂ ယောက်ကြားက မဲဆွယ် စည်းရုံးမှု အခြေအနတွေကတော့ ဒီသီတင်းပတ်ထဲမှာ အတော်လေး ဆိုးရွားတဲ့ အခြေအနေကို ရောက်သွားခဲ့တယ်လို့ ပြောရမှာပဲဗျ။

အခုဆိုရင် တယောက်နဲ့ တယောက် ပုဂ္ဂိုလ်ရေးတိုက်ခိုက်မှုတွေပါ လုပ်လာနေကြ ပြီလေ။ ပြိုင်ဖက်လူဟာ သမ္မတမဖြစ်သင့်တဲ့သူဆိုတာမျိုး မဲဆန္ဒရှင်တွေအကြား အကြောက်တရားဝင်လာအောင် အပြိုင်အဆိုင် မဲဆွယ် စည်းရုံးနေကြတယ်လေ။ ပြီး ခဲ့တဲ့ရက်ပိုင်းအတွင်း ထူးခြားတဲ့ ပြောင်းလဲမှုကတော့ Trump က အာဖရိကန်-အမေရိကန် လို့ခေါ်တဲ့ အမေရိကန် လူမဲတွေ သူ့ကို မဲပေးကြဖို့အတွက် စည်းရုံး မှုတွေ အရှိန်မြင့် လုပ်လာတာကို တွေ့ရတယ်။

မေး။ Trump ကို လူမဲတွေရော၊ လက်တီနိုးတွေရော၊ တခြား လူဖြူမဟုတ်တဲ့ လူနည်း စုတွေကရော မကြိုက်ကြဘူး မဟုတ်လား။ ဒီလူတွေရဲ့ မဲတွေက သမ္မတေ ရွးကောက်ပွဲမှာ ဘယ်လောက် အရေးပါသလဲရှင့်။

ဖြေ။ ရွေးကောက်ပွဲတွေမှာ မဲတပြားတိုင်းက အရေးပါတာပဲ မနန္ဒာရဲ့။ ကိုယ့်ကို ထောက်ခံမှုများလေ၊ ကိုယ့်အတွက် အနိုင်ရဖို့ အခွင့်အရေး ပိုရှိလေပဲလေ။ Trump အပေါ် လူဖြူမဟုတ်တဲ့သူတွေက မထောက်ခံ ကြတာ၊ ထောက်ခံမှု နည်း တာကတော့ သူ့ရဲ့ ရပ်တည်ချက်၊ အပြောအဆိုတွေနဲ့ ဆိုင်တယ်။

Trump ဟာ လူဖြူမဟုတ်တဲ့သူတွေကို မုန်းတီးရေး လှုပ်ရှား ရပ်တည်နေတဲ့ အစွန်းေ ရာက်တွေနဲ့ နီးစပ်မှုရှိတယ်လို့ အစောပိုင်းက စွပ်စွဲ ပြောဆိုခံနေရတဲ့ကြားကပဲ Alt-Right လှုပ်ရှားမှုလို့ခေါ်တဲ့ ယဉ်ကျေးမှုပေါင်းစုံ ပါဝင်တာ၊ အမေရိကန် ပြည်ထောင်စုထဲကို တခြားလူမျိုးတွေ လာရောက် ရွေ့ပြောင်းနေထိုင်တာတွေကို ဆန့်ကျင်တဲ့အဖွဲ့ရဲ့ အကြီးအကဲကို သူ့ရဲ့ မဲဆွယ်စည်းရုံးမှုအဖွဲ့ မန်နေဂျာအဖြစ် ပြီးခဲ့တဲ့ ရက်ပိုင်းအတွင်းကပဲ ခန့်လိုက်တယ်လေ။ ဆိုတော့ အရင်ကတည်းက လူမျိုးခြားတွေကို မုန်းပါတယ်လို့ အမြင်ခံနေရတဲ့ Trump အပေါ် ကျန်တဲ့လူတွေက ပိုပြီးတောင် ထောက်ခံဖို့ ဝေးသွားသလို ဖြစ်နေတယ်။

မေး။ သူ့ရဲ့ လူဝင်မှုကြီးကြပ်ရေးပေါ်လစီတွေကရောရှင့်၊ အစောပိုင်းမှာ တရား မ၀င်နေထိုင်နေသူတွေ အားလုံးကို မောင်းထုတ်မယ်၊ မက္ကဆီကိုနဲ့ အမေရိကန် နယ်စပ်မှာ တံတိုင်းဆောက်မယ်ဆိုပြီး ပြောဆိုခဲ့တာတွေ ဒီရက်ထဲမှာ နည်းနည်း လေသံပြောင်းသွားတယ်ဆို။

ဖြေ။ ဟုတ်တယ်ဗျ။ လေသံပြောင်းတယ်၊ ရပ်တည်ချက်ပြောင်းလာတယ် တူတူ ပဲပေါ့နော်။ အမေရိကန်နိုင်ငံထဲမှာ တရားမ၀င် ရောက်နေကြတဲ့ လက်တီနိုး ၁၁ သန်းလောက်ကို အစောပိုင်းက လုံးဝမောင်းထုတ်မယ်လို့ Trump က ကြွေးကြော် ခဲ့တယ်။ တကယ်တော့ သူ ဒီအဆင့်အထိ ရောက်လာတာဟာ အဲဒီလို တရား မ၀င်နေထိုင်သူတွေကို မောင်းထုတ်မယ်ဆိုတဲ့ ကြွေးကြော်သံကြောင့်လို့ နိုင်ငံရေး သုံးသပ်သူတွေက ယူဆကြတယ်လေ။

အခုတော့ သူက အဲဒီလူတွေကိစ္စကို ပြန်စဉ်းစားမယ်၊ ပြန်စီစစ်မယ်။ တချို့နေခွင့်ရှိ သူတွေကို နေထိုင်ခွင့်ပြုမယ်ဆိုတဲ့ ပုံစံမျိုးပြောလာတယ်။ ဒီနေရာမှာ ထူးခြားတာက သူအရင်က ပြောခဲ့တဲ့ မောင်းထုတ်ပစ်မယ်ဆိုတဲ့ မူကိုလဲ သူက လုံးလုံးကြီး ပစ် ပယ်မယ်လို့ ပြောတာ မဟုတ်ဘူး။ နှစ်ဖက်ခွ သဘောမျိုး ရပ်တည်လာတာပေါ့။

Trump က သူသမ္မတဖြစ်ရင် လူမဲတွေအတွက် အတတ်နိုင်ဆုံး အလုပ်အကိုင်တွေ ရနိုင်အောင်၊ စီးပွား တိုးတက်အောင် လုပ်ပေးမယ်၊ ဒါကြောင့် သူ့ကို မဲပေးကြပါ ဆိုပြီး ဒီရက်ပိုင်းအတွင်း မဲဆွယ် စည်းရုံးနေတာဟာ လူမဲတွေရဲ့ မဲတွေကို ရနိုင်ဖို့ ဆိုတာထက် အခုချိန်ထိ ဘယ်သူ့ကို မဲပေးရမလဲလို့ မဆုံးဖြတ်ရသေးတဲ့ လူဖြူတွေ ကို စည်းရုံးနေတာလို့ တချို့ နိုင်ငံရေးအကဲခတ်တွေ သုံးသပ်ကြတာက သုံးသပ် ကြတယ်လေ။ ဘာဖြစ်လို့လဲဆိုတော့ အစောပိုင်းမှာ သူပြောခဲ့တာတွေဟာ အစွန်းရောက် လွန်းတဲ့အတွက် Hillary Clinton ကို မကြိုက်ပေမယ့်လည်း Trump ကိုတော့ အဲဒီအချက်ကြောင့် မဲမပေးချင်ဘူးလို့ - ဖြစ်နေတဲ့သူတွေ အများကြီး ရှိတာ ကိုး။ အဲဒီလူတွေကို Trump က စည်းရုံးနေတာတဲ့။

ဒါပေမယ့် သူက အပြောအဆိုကလည်းမတတ်၊ နောက် စောစောက ပြောခဲ့သလို သူ့ဘေးနားရှိတဲ့သူတွေကလည်း လူမျိုးခြား မုန်းတီးရေး လုပ်တဲ့သူတွေဆိုတော့ သူ့အနေနဲ့ ဘယ်လောက်ပဲ စည်းရုံး စည်းရုံး သူ့ကို ထောက်ခံကြမှာမဟုတ်ဘူးလို့ ယူဆကြတယ်။ အခုချိန်ထိလဲ လူထုစစ်တမ်းတွေမှာ သူ့ကို ထောက်ခံတဲ့ လူမဲ အရေ အတွက်က ၂% လောက်ပဲ ရှိတယ်တဲ့။ ဒီထက်လဲ ပိုလာမှာ မဟုတ်ဘူးလို့ ပြော ကြတယ်။

မေး။ Trump ကိစ္စကတော့ ဟုတ်ပါပြီ။ Hillary Clinton ကရောရှင့်။ အခုချိန်ထိ သူက လူထုစစ်တမ်းတွေမှာ Trmpm ထက် သာတယ်ဆိုပေမယ့် သူ့ကို မကြိုက်တဲ့ သူတွေလည်း အများကြီး ရှိတယ်မဟုတ်လား။

ဖြေ။ အခု ရွေးကောက်ပွဲ ၀င်ကြမယ့် သမ္မတလောင်း ၂ ယောက်စလုံးဟာ အမေရိ ကန်နိုင်ငံရေး သမိုင်းတလျှောက်မှာ လူကြိုက် အနဲဆုံးတွေဆိုပြီး ဒီမှာရှိတဲ့ သတင်း ဌာနတွေ အားလုံးက ပြောကြတယ်လေ။ ဒါဆို သူတို့ ဘယ်အဆင့်မှာ ရှိတယ် ဆိုတာကို ခန့်မှန်းလို့ ရတာပေါ့နော်။ Hillary Clinton ဟာ အုပ်ချုပ်ရေးပိုင်းမှာ Trump ထက် အတွေ့အကြုံ ရှိတယ်ဆိုပေမယ့် သူ့ရဲ့ Email အရှုပ်တော်ပုံ ကိစ္စ၊ နောက် Clinton Foundation ကို ငွေလှုတဲ့ ကိစ္စတွေမှာ မရိုးသားမှုတွေ အများကြီးတွေ့ရတယ်ဆိုပြီး လူအတော်များများက မကြိုက်ကြတာ။ သူမအပေါ် ယုံကြည်မှု နဲကြတာလေ။ အဲဒီ အားနဲချက်ကိုတွေက Trump အုပ်စုကလည်း အမိအရ ဆုပ်ကိုင်ပြီး သူမကို ထိုးနှက်နေကြတာပဲလေ။

မေး။ မြန်မာနိုင်ငံနဲ့ ပတ်သက်လို့ရောရှင့်။ ကိုယ်စားလှယ်နှစ်ယောက်အကြားမှာ ဘာတွေများ ပြောဆိုကြတာတွေ ရှိလဲ။

ဖြေ ။ အခုချိန်ထိတော့ နိုင်ငံခြားရေး ပေါ်လစီကို ပြောကြတဲ့အခါမှာ မြန်မာနိုင်ငံ အကြောင်းရယ်လို့တော့ သီးခြား ပြောဆိုကြတာတွေတော့ မရှိသေးဘူးဗျ။ Hillary Clinton ကတော့ မြန်မာနိုင်ငံကို ရောက်ဘူးတယ်၊ ဒေါ်အောင်ဆန်းစုကြည်နဲ့လည်း ရင်းနှီးပြီးသားဖြစ်တယ်ဆိုတဲ့ အမြင်မျိုး အမေရိကန်မှာရှိနေကြတဲ့ မြန်မာတွေကြားမှာ ရှိကြတယ်လေ။ ဒါပေမယ့် မြန်မာတွေကြားမှာလည်း Donald Trump ကို ထောက် ခံသူတွေ ရှိကြတာပဲ။ ဆိုတော့ ကိုယ့်ပုဂ္ဂိုလ် တဦးချင်းစီရဲ့ နိုင်ငံရေး အမြင်ပေါ် မူတည်ပြီး သမ္မတလောင်း ၂ ယောက်စလုံးကို တမျိုးစီ ကြိုက်နှစ်သက်တဲ့သူတွေ ရှိကြတာပေါ့ဗျာ။
VOA Burmese News



မိုးကြီးပြီး တောင်ကျ ချောင်းရေတွေ ရုတ်တရက် ကျခဲ့တာကြောင့် သွားလာမှုတွေ ခက်ခဲခဲ့
အင်အားပြင်းငလျင် လှုပ်ခဲ့အပြီး ရက်ပိုင်းအကြာမှာပဲ မြန်မာနိုင်ငံ အထက်ပိုင်းက နေရာတချို့မှာ မိုးကြီးပြီး တောင်ကျချောင်းရေတွေ ရုတ်တရက် ကျခဲ့တဲ့အတွက် လမ်းပန်းဆက်သွယ်ရေးတွေ ယာယီ ပိတ်သွားခဲ့ပါတယ်။

ညောင်ဦးနဲ့ မြင်းခြံအကြား ကားလမ်းမမှာ တောင်ကျချောင်းရေ ဒလဟော လျှံကျ နေတဲ့အတွက် ကားအစင်းတရာလောက် ရှေ့ဆက် မသွားနိုင်ပဲ ပိတ်မိနေခဲ့တယ်လို့ ပုဂံကနေ သတင်းယူပြီး ပြန်လာတဲ့ ဘီဘီစီ သတင်းထောက် ကိုနေလင်းက ပြောပြပါတယ်။

ချောင်းလယ်မှာ ပိတ်မိနေတဲ့ ကားတွေကို နယ်မြေခံ ရဲတပ်ဖွဲ့နဲ့ လူမှုရေးအသင်းတွေက ဝိုင်းဆွဲထုတ်ပေးခဲ့ပြီး လမ်းကြောရှင်းပေးတာတွေ လုပ်ခဲ့တယ်လို့ သူက ပြောပါတယ်။

တောင်တွင်းကြီးမြို့နယ်မှာလည်း မိုးအဆက်မပြတ် သည်းထန်စွာ ရွာသွန်းခဲ့ခြင်းကြောင့် ငမင်ချောင်းရေများ ရုတ်တရက် ကျဆင်း လာပြီး ချောင်းအတွင်း ဖြတ်ကူးနေသည့် ပညာရေးဝန်ထမ်း ကျောင်းဆရာမတွေ ရေစီးနဲ့ မျောပါ ပျောက်ဆုံးနေပါတယ်။ သူနဲ့အတူ ပါတဲ့ နောက်ပညာရေး ဝန်ထမ်းတဦးကိုတော့ ကယ်ဆယ် လိုက်နိုင်ခဲ့တယ်လို့ သိရပါတယ်။

အခုရက်ပိုင်းအတွင်း မိုးသည်းထန်စွာ ရွာသွန်းနေတာကြောင့် ငလျင်ဒဏ်ကြောင့် ပြိုကျ ကွဲအက်ခဲ့တဲ့ ပုဂံ ညောင်ဦးက စေတီ ပုထိုးတွေထဲ မိုးရေတွေ ဝင်ပြီး ထပ်မပျက်စီးအောင် အမိုးအကာတွေ မြန်မြန်လုပ်ဖို့ ငလျင်ဘေးသင့် နေရာတွေကို သွားရောက် ကြည့်ရှုခဲ့တဲ့ တပ်မတော် ဦးစီးချုပ် ဗိုလ်ချုပ်မှူးကြီး မင်းအောင်လှိုင်က ညွှန်ကြားခဲ့ပါတယ်။

ငလျင်ဒဏ် အထိခိုက်ခံရဆုံး စူဠာမဏိ စေတီတော်မှာတော့ ယူနက်စကို အဖွဲ့နဲ့ ပုဂံဒေသမှာ ရှိတဲ့ ကုမ္ပဏီတွေက မိုးကာ တာလပတ်တွေ၊ ယာယီတဲတွေနဲ့ စစ်ဆေး မှတ်တမ်းတင်တာတွေ လုပ်နေတယ်လို့ သိရပါတယ်။

BBC Burmese
http://www.bbc.com/burmese



တူရကီနိုင်ငံ Diyarbakir လေဆိပ် အား တွေ့ရစဉ် (ဓာတ်ပုံ-အင်တာနက်)
    အန်ကာရာ၊ သြဂုတ် ၂၈ ရက် (ဆင်ဟွာ)

    တူရကီနိုင်ငံ အရှေ့တောင်ပိုင်း Diyarbakir မြို့ ရှိ လေဆိပ်သို့ ဒုံးကျည် လေးခု ကျရောက် ပေါက်ကွဲခဲ့ သော်လည်း လူသေဆုံးမှု မရှိခဲ့ကြောင်း Dogan သတင်းဋ္ဌာန က ဖော်ပြခဲ့သည်။

လေဆိပ်၏ အရေးကြီးပုဂ္ဂိုလ်များ နားနေဆောင် အပြင်ဘက် ရှိ ရဲတပ်ဖွဲ့၏ စစ်ဆေးရေးဂိတ် သို့ ဒုံးကျည်များ ကျရောက်ပေါက်ကွဲခဲ့ခြင်း ဖြစ်သည်။ ဒုံးကျည်များကြောင့် ပြတင်းပေါက်များ ပျက်စီးသွားခဲ့ပြီး ခရီးသည်နှင့် ဝန်ထမ်းများကို ဘေးလွတ်ရာ အဆောက်အအုံသို့ ပြောင်းရွှေ့ပေးထားကြောင်း သိရသည်။

Diyarbakir မြို့ အုပ်ချုပ်ရေးမှူး Huseyin Aksoy ၏ ပြောကြားချက်အရ ဒုံးကျည်များကြောင့် သေဆုံးသူမရှိသလို လေယာဉ်ခရီးစဉ် ရပ်ဆိုင်းမှုများလည်းမရှိကြောင်း ရုပ်သံထုတ်လွှင့်ရေး NTV က ဖော်ပြခဲ့သည်။

အဆိုပါ တိုက်ခိုက်မှုအား ကာဒစ်အလုပ်သမားပါတီ (PKK) စစ်သွေးကြွများက လုပ်ဆောင်ခဲ့သည်ဟု သံသယရှိနေပြီး ရဲတပ်ဖွဲ့က အကြမ်းဖက်သမားများအား ရှာဖွေဖမ်းဆီးရန် အကြီးစား စစ်ဆင်ရေးများ လုပ်ဆောင်လျက်ရှိကြောင်း သိရသည်။

PKK အဖွဲ့အား တူရကီနိုင်ငံ၊ အမေရိကန်နိုင်ငံ နှင့် ဥရောပသမဂ္ဂ တို့က အကြမ်းဖက်အဖွဲ့အစည်းတစ်ခု အဖြစ် သတ်မှတ်ထားကြောင်း သိရသည်။

(Xinhua)
http://www.xinhuamyanmar.com


စင်္ကာပူနိုင်ငံမှာ ZIKA ဗိုင်းရပ်စ်ပိုးကို စတင်တွေ့ရှိတယ်လို့ ကျန်းမာရေးဝန်ကြီးဌာန (MOH) နဲ့ အမျိုးသားပတ်ဝန်းကျင်ထိန်းသိမ်းရေးအဖွဲ့ (NEA) တို့က ဒီကနေ့ ပူးတွဲကြေညာချက် ထုတ်ပြန်လိုက်ပါတယ်။

ရောဂါကူးစက်သူ အသက် ၄၇ နှစ်အရွယ် မလေးရှားအမျိုးသမီးဟာ ဇီကာရောဂါ ကူးစက်ပျံ့နှံ့နေတဲ့နေရာဒေသတွေကိုလည်း လတ်တလော သွားရောက်ထားခြင်းမရှိဘဲနဲ့ သူဟာ စင်္ကာပူနိုင်ငံမှာပဲ ကူးစက်ခံရပုံရှိတယ်လို့ပြောထားပါတယ်။ လူနာဟာ ကိုယ်အပူချိန်မြင့်တက်တာ၊ အရေပြားမှာ အနီကွက်တွေဖြစ်တာ၊ မျက်စေ့နာတာ စတဲ့ရောဂါလက္ခဏာတွေကို ကြာသပတေးနေ့မှာ စတင်ခံစားရတယ်လို့ MOH နဲ့ NEA က ပြောပါတယ်။ သူက သောကြာနေ့မှာ ဆေးခန်းသွားပြခဲ့ပြီး သူ့ကို ဆရာဝန်က (CDC) ကူးစက်ရောဂါ ကာကွယ်ထိန်းချုပ်ရေးဌာနရှိတဲ့ဆေးရုံဆီ သွားခိုင်းခဲ့တော့ သူ့မှာ ဇီကာဗိုင်းရပ်စ်ပိုးရှိနေကြောင်း Tan Tock Seng ဆေးရုံမှာ စမ်းသပ်တွေ့ရှိခဲ့တာပါ။

သူ့ကို ဆေးရုံမှာပဲတင်ထားပြီး CDC က စောင့်ကြည့်နေဆဲဖြစ်ပါတယ်။ သူဟာ လက်ရှိအခြေအနေကောင်းပြီး ပြန်နာလံထူလာနေတယ်လို့ ဆိုပါတယ်။ ကျန်းမာရေးဝန်ကြီးဌာနကတော့ ဒီလူနာနဲ့ အနီးကပ်အဆက်အဆံရှိတဲ့သူတွေနဲ့ မိသားစုဝင်တွေကို စမ်းသပ်စစ်ဆေးနေပါတယ်။ ဒါ့အပြင် သူနေထိုင်နေတဲ့ ရပ်ကွက်က ကိုယ်ပူဖျားနေသူတွေ၊ အရေပြားအနီကွက်ဖြစ်သူတွေကိုလည်း စစ်ဆေးမှုတွေလုပ်နေတယ်လို့ ကြေညာချက်မှာ ဖော်ပြပါတယ်။

 ဗွီအိုအေ (မြန်မာဌာန)
http://burmese.voanews.com



( 21.9.1975 ဟံသာဝတီ သတင်းစာ"မအအောင် သမိုင်းသင်ရတာကွ "လို့
ပြောခဲ့တဲ့ ဆရာ ဦးသန်းထွန်းရဲ့စာ )
.
.....ပုဂံမှာ ၈ ဂျူလိုင် ၁၉၇၅ ငလျင်ကြောင့် တော်တော်ပျက်စီးခဲ့တယ်လို့ကြားရပြီးနောက် ကျနော်တို့ မျက်မြင်ကိုယ်တွေ့ဖြစ်အောင် ပုဂံကို သွားကြပါတယ်။ နေ့စဉ်နဲ့အမျှ ဆယ်ရက်လောက် အပြိုအပျက်တွေကြားထဲ လှည့်လည်သွားလာပီး အပျက်မှတ်တမ်းယူပါတယ်။

ကျနော့်သဘောထား အချုပ်ကိုပြောရရင် စောစောက ပြောခဲ့ပီးတဲ့အကြောင်းတွေကိုမှီပီး ပုဂံခေတ်အနုပညာဆုံးရှုံးဒါကနဲတယ်။ ကုန်းဘောင်ခေတ် အနုပညာဆုံးရှုံးဒါက တော်တော်ဘဲများနေတယ်လို့ ပြောချင်ပါတယ်။

နောက်အရေးကြီးတဲ့ အချက်တချက်ပြောချင်ပါသေးတယ်။ အဆောက်အအုံမှာ သုံးစွဲတဲ့ ခေတ်သစ်ပစ္စည်းတွေဖြစ်တဲ့ သံအတွင်းသားအမာခံနဲ့ ကွန်ကရစ်အင်္ဂတေတွေသုံးပီး အထက်ဝါလေးလေးကြီးတွေကို ပျမ်းမျှလိုက်ရင် အသက်ရှစ်ရာရှိကြတဲ့ အုတ်ပုံအောက်ဝါပေါ်မှာ ဇွတ်မရ ရအောင်တင်ထားကြဒါဟာလဲ အင်မတန်ညံ့တဲ့ လုပ်ပုံကိုင်ပုံဖြစ်ပါတယ်။ ပြော့ပြော့ပေါ့ပေါ့ပစ္စည်းကို အခံထားပြီး မာမောလေးလေးပစ္စည်းကို ထိပ်ကဖိတင်ဘို့ဟာ လွယ်တဲ့ကိစ္စမဟုတ်ပါဘူး။ မကြာခင်ဘဲ အပေါ်က လေးတဲ့ပစ္စည်းဟာ စိုက်ကျမယ်၊ ကျိုးကျမယ်ပေါ့။ ဒီတခါ ဥပမာ အမြင့် ပေတရာက ကျလာမယ်ဆိုရင် အောက်ခံဂူမိုး၊ ဂူမျက်နှာကြက်နဲ့ ဂူနံရံတွေဟာ ဘယ်သက်သာပါ့မလဲ။ ငလျင်ဘေးက သေးသေး၊ ထိပ်က ပြုတ်ကျလာတဲ့ပစ္စည်းဆောင့်လို့ ပျက်တာကများများဖြစ်တော့မယ်လို့ ကြိုပီးပြောနိုင်ပါတယ်။ သိပ်ကောင်းတဲ့ပစ္စည်းကို မသုံးတတ်ဘဲသုံးရင် ဒီလိုဘဲ ဒုက္ခပေးနေမှာဘဲ။ ဘုရားလူကြီးတွေဟာ ဘုရားငွေနဲ့ ဘုရားပြင်တဲ့အခါ အဆောက်အအုံပစ္စည်းသုံးစွဲနည်းကို ပိသုကာဆိုင်ရာ အကြံပေးချက်မပါဘဲ ကိုယ်လုပ်ချင်သလို လုပ်တာမျိုး မလုပ်သင့်ကြတော့ဘူး။.......
.........................................................................
နိဂုံးချုပ်ပြောချင်ဒါကတော့ တကယ်လို့ အပျက်ကိုမပြင်ဘဲ နောက်ထပ်ဆက်မပျက်အောင် ထိန်းသိမ်းဒါလောက်နဲ့ မကျေနပ်နိုင်ကြရင် ဒီသုံးချက်ကို ဆင်ခြင်ပါ။

၁။ ဆွေးမတတ်ဖြစ်နေတဲ့ အုတ်ခုံပေါ်မှာ သံခံကွန်ကရစ်လောင်းတဲ့ လေးလေးလံလံထိပ်ဖျားမျိုး
မတင်ကြပါနဲ့။

၂။ အခြေခံပုံစံနဲ့ ကိုက်မယ့်အထွတ်ကိုဘဲ ရွေးပီးတင်ကြပါ။ ပီးတော့-

၃။ ပုဂံခေတ်ကုန်အထိ မပေါ်ရဘူးသေးတဲ့ ပုံစံမျိုးလုပ်ရင်တော့ နဲနဲမှ လက်မခံကြပါနဲ့။

#သန်းထွန်း

#ပုံ- ဟံသာဝတီသတင်းစာ (၂၁ စက်တင်ဘာ ၁၉၇၅) မှ
#စာ- သန်းထွန်း။ ပုဂံပြန်လည်တည်ဆောက်ရေးစာတမ်း။ စနေစာပေဝိုင်း။ မန္တလေး၊ ဟံသာဝတီသတင်းစာတိုက်၊ ၁၉၇၆။ မှ

Credit မူရင်းလူ

ရန်ကုန်တိုင်းဒေသကြီးအတွင်းရှိ မြို့ပတ်ရထားများပြေးဆွဲရာတွင် ရထားလမ်းနှင့်ကားလမ်းဆုံသည့် ဂိတ် ၂၅ ဂိတ်အား အချက်ပြမည့်လူ မထားရှိတော့ဘဲ အော်တိုစနစ်ဖြင့် ထိန်းချုပ်သွားရန် ၂၀၁၆ နှစ်အတွင်း စတင်အကောင်အထည်ဖော်သွားမည်ဖြစ်ကြောင်း သတင်းရရှိသည်။

''ရန်ကုန်မြို့ပတ်ရထားလမ်းပိုင်းမှာ ရထားလမ်းနဲ့ ကားလမ်း ဆုံတဲ့ဂိတ် ၂၅ ဂိတ်ရှိတယ်။ အဲဒီဂိတ်တွေကို ရထားလာတဲ့အခါ အချက်ပြတဲ့ လူမထားတော့ဘဲ အော်တိုစနစ်နဲ့ အချက်ပြထိန်းချုပ်ရေးပြုလုပ်သွားမှာပါ။ ဒီစနစ်ကို ၂၀၁၆ ခုနှစ်အတွင်းမှာပဲလုပ်မှာဖြစ်ပါတယ်။ အခုကကွင်း ဆင်းစစ်ဆေးမှုလုပ်နေပြီးနောက် ချက်ချင်းအကောင်အထည်ဖော် ဆောင်ရွက်သွားမှာပါ။ အဲဒီစနစ်ကို ကျန်ခဲ့တဲ့ ခြောက်လလောက်ကတည်းက ကျန်စစ်သားဂိတ်မှာစမ်းသပ်တာ အောင်မြင်ပြီး ဖြစ်ပါတယ်''ဟု ရန်ကုန်ဘူတာကြီး တိုင်း (၇) မန်နေဂျာဦးကျော်စိုးလင်းက News Watch သို့ ပြော သည်။

မြို့ပတ်ရထားလမ်းရှိ ဂိတ် ၂၅ ဂိတ်အား အော်တိုစနစ်ဖြင့် အချက်ပြခြင်းလုပ်ငန်းကို မြန်မာ့မီးရထားနှင့် ဂျိုက်ကာတို့ ပူးပေါင်းလုပ်ဆောင်သွားမည်ဖြစ်ကြောင်း၊ ထိုသို့ ဆောင်ရွက်ခြင်းဖြင့် ရထားများ အခေါက်ရေများများပြေးဆွဲနိုင်မည်ဖြစ်ပြီး အချိန်ကြန့်ကြာမှုပါ လျော့နည်းနိုင်မည်ဖြစ်ကြောင်း ဦးကျော်စိုးလင်းက ဆက်လက်ပြောသည်။
''အခုက မြို့ပတ်ရထားအနေနဲ့ တရက်ကို ၂၁၅ ခေါက် ပြေးဆွဲတယ်။ အချိန်အားဖြင့်လည်း မြို့တပတ်လုံးကို ၂ နာရီနဲ့ ၅၅ မိနစ်ကြာတယ်။ အော်တိုစနစ်ထားရှိမယ်ဆိုရင် ရထားအခေါက်ရေလည်း ပိုဆွဲနိုင်ပြီး အချိန်ကြန့်ကြာမှုလည်း လျော့နည်းသွားမှာဖြစ်တယ်''ဟု ၎င်းကပြောသည်။
ရန်ကုန်မြို့ပတ်ရထားလမ်းတလျှောက်တွင် အစိုးရမှပြုလုပ်ထားသော ရထားလမ်းနှင့် ကားလမ်းဆုံရာ တရားဝင် ဂိတ်ပေါင်း ၂၅ ဂိတ်သာရှိသော်လည်း ဒေသခံများက တရားမ၀င် ပြုလုပ်ထားသည့်ဂိတ် ၁၅ ဂိတ်ခန့်ရှိကြောင်း အဆိုပါ ဂိတ်များ ပယ်ဖျက်ပေးရန် ဥပဒေနှင့်အညီ မြန်မာ့မီးရထားမှ ဆောင်ရွက်သွားမည်ဖြစ်ကြောင်းလည်း သိရသည်။

နောင်လေး
News Watch(စောင့်ကြည့်သတင်းဂျာနယ်)


တိုးတက်မှုရပေမယ့် ငြိမ်းချမ်းရေး မသေချာ

အမေရိကန် နိုင်ငံခြားရေးဝန်ကြီး ဂျွန် ကယ်ရီနဲ့ ရုရှားနိုင်ငံခြားရေးဝန်ကြီး ဆာဂေးလက်ဗရော့ဗ် တို့ဟာ ဆီးရီးယားနိုင်ငံငြိမ်းချမ်းရေးအတွက် ရှင်းလင်းတဲ့ လမ်းကြောင်းပေါ်ခြေချမိကြပြီလို့ ဆိုပါတယ်။

တကယ်ပဲ သူတို့ရဲ့ ဆွေးနွေးပွဲဟာ ဆီးရီးယားငြိမ်းချမ်းရေးကို ဆောင်ကြဉ်းနိုင်တော့မှာပါလား။

ဆယ်နာရီကြာတဲ့ သူတို့ရဲ့ အစည်းအဝေး အပြီးမှာ အခြေ အနေဟာ တိုးတက် ကောင်းမွန် လာပြီး တော်တော်များများ ပြေလည်သွားပြီ။ နည်းနည်းပဲ မပြေလည်တာ ကျန်တော့တယ်လို့ အမေရိကန် နိုင်ငံခြားရေး ဝန်ကြီး ဂျွန်ကယ်ရီက ဆိုပါတယ်။

ဒါပေမယ့် ဆယ်နာရီဆွေးနွေးပွဲဟာ ကွဲလွဲချက်အားလုံးကို ဖြေရှင်းနိုင်လောက်အောင် ပြေလည်ဖို့အတွက် လုံလောက်ခဲ့ပုံမရပါဘူး။

တိုးတက်မှုတစုံတရာရခဲ့တယ်ဆိုတာ သေချာပါတယ်။ ဒါပေမယ့် မေးစရာရှိတာက အရေးကြီးတဲ့ တကယ့်ပြသနာတွေနဲ့ ရှုပ်ထွေးတဲ့ကိစ္စတွေမှာ အမေရိကန်နဲ့ ရုရှားဟာ တကယ်တာရှည်ခံမယ့် သဘောတူညီချက်မျိုးရနိုင်ပါ့မလားဆိုတာ ဖြစ်ပါတယ်။

အစ္စလာမ်နိုင်ငံ အိုင်အက်စ်၊ အယ်လ်ခိုင်းဒါးနဲ့ အဆက် အစပ်ရှိ သူပုန်အဖွဲ့ တွေကို တိုက်ခိုက်ဖို့အတွက် ရုရှားအမေရိကန် အမှန်တကယ် ပူးပေါင်းမှုလုပ်နိုင်မလား။ ဒါဟာအရေးကြီးပါတယ်။

ဒါပေမယ့် အမေရိကန်က သူပုန်တွေနဲ့ မဟာမိတ် ဖြစ်ပြီး ရုရှားက ဆီးရီးယား အစိုးရနဲ့ မဟာမိတ် ဖြစ်နေတော့ ပစ်မှတ် ရွေးချယ်ရာမှာ သဘောတူညီချက် ရဖို့ ခက်ခဲ နေပါတယ်။

ဒီတော့ အဲဒီအခက်အခဲကိုပြေလည်နိုင်ဖို့အတွက် ဆီးရီးယားအစိုးရနဲ့ အမေရိကန်ထောက်ခံတဲ့ သူပုန်တွေ အပစ်ရပ်စဲနိုင်ဖို့ အမေရိကန် ရုရှားတို့က လိုလားကြပါတယ်။

ဒါပေမယ့် တကယ်တန်းဖြစ်နေကြတာက အပစ်မရပ်ခင် အသာစီးရဖို့ဆိုတဲ့ ရည်မှန်းချက်နဲ့ သူပုန်နဲ့ အစိုးရဟာ ပြင်းပြင်းထန်ထန် တိုက်ပွဲဆင်နေပါတယ်။

ဒမာ့စကတ်နားမှာရှိတဲ့ ဒါရေးယားမှာဆိုရင် သူပုန်တပ်တွေလက်နက်ချဖို့ အစိုးရစစ်တပ်က ဖိအားပေးတိုက်ခိုက်နေပါတယ်။

ဒီလိုအခြေအနေမျိုးတွေကြောင့် ရုရှားအမေရိကန် သဘောတူညီချက်တခုခုရမယ်ဆိုတာ သေချာပေမယ့် ဆီးရီးယား ပြသနာကို တကယ်ဖြေရှင်းပြေလည်မယ့် သဘောတူညီချက် ဖြစ်ဖို့ဆိုတာ မသေချာဘူးလို့ ဆိုရမှာ ဖြစ်ပါတယ်။
BBC Burmese


အရှည် ပေ တစ်ထောင် အနံ ပေ (၆၀၀) လောက်ရှိတဲ့ အနက်ရောင်ရေတွေဟာ မြစ်ရေတွေနဲ့ မရောပဲ စီးဆင်း

ဩဂုတ်လ (၂၂) ရက်က ခန္တီးမြို့အထက်နားမှာ အနက်ရောင်အဖြစ် ပြောင်းလဲစီဆင်းလာတဲ့ ချင်းတွင်းမြစ်ရေကို ဓာတ်ခွဲစမ်းသပ်ဖို့ မန္တလေးကို ပို့ဆောင်နေပြီ ဖြစ်တယ်လို့ စစ်ကိုင်းတိုင်းအစိုးရက ပြောပါတယ်။

ချင်းတွင်းမြစ်ထဲမှာ အရှည် ပေ တစ်ထောင် အနံ ပေ (၆၀၀) လောက်ရှိတဲ့ အနက်ရောင်ရေတွေဟာ မြစ်ရေတွေနဲ့ မရောပဲ စီးဆင်းနေတာ ဖြစ်ပါတယ်။

ဒီအနက်ရောင်ရေပြင်ဟာ အခုသီတင်းပတ်အစောပိုင်းကတည်းက ခန္တီးမြို့အထက်ပိုင်းကနေ စတင်စီးဆင်းခဲ့ပြီး ဟုမ္မလင်းမြို့နားက ချင်းတွင်းမြစ်ရေကို ဖြတ်သန်းစီးဆင်းခဲ့တာ ဖြစ်ပါတယ်။

ချင်းတွင်းမြစ် တပြင်လုံး အင်ဂျင်ဝိုင် ဆီ လို အမဲရောင် ဖြစ်နေပြီး ဒီလို အဖြစ်မျိုး တစ်ခါမှ မမြင်ဖူးဘူးလို့ ခနီး္တမြို့ခံ ဦးမောင်တေးက ပြောပါတယ်။

အခုတော့ ဒီအနက်ရောင်ရေတွေဟာ ကလေးဝမြို့ဆီ ကို ရောက်နေပြီး ချင်းတွင်းမြစ်အောက်ပိုင်းကို ဆက်လက်စီးဆင်းနေပါတယ်။

ဒီရေတွေဟာ သဘာဝကြောင့်လား စက်ရုံကြောင့်လားဆိုတာ ရှင်းရှင်းလင်းလင်း မသိရသေးပါဘူး။

စတင်စီးဆင်းတဲ့နေရာမှာ စက်ရုံမရှိဘူး။ အခုတော့ အနက်ရောင် ရေတွေကို ဓာတ်ခွဲစမ်းသပ်ဖို့ စီစဉ်နေတယ်လို့ စစ်ကိုင်းတိုင်းအစိုးရဝန်ကြီးချုပ်ရဲ့ ကိုယ်ရေးအရာရှိ ဦးသန်းဌေးက ပြောပါတယ်။

အမျိုးသားအဆင့် ရေအရင်းအမြစ် ကော်မတီ အကြံပေးအဖွဲ့ အတွင်းရေးမှူး ဒေါက်တာ ခင်နီနီသိန်းကတော့ ဒီအနက်ရောင်ရေတွေ စတင်စီးဆင်းတယ်လို့ဆိုတဲ့ နာဂဒေသက ချောင်းတွေဆီကို သွားရောက်စစ်ဆေးဖို့တွေလည်း အမြန်ဆုံးလုပ်ဖို့ လိုတယ်လို့ ပြောပါတယ်။

အခုတော့ ဒီအနက်ရောင် ရေတွေကို မန္တလေးကို ပို့ပြီး ဓာတ်ခွဲ စစ်ဆေးဖို့ ပြင်နေပါတယ်။

သဘာဝကြောင့်ပဲ ဖြစ်ဖြစ် တခြားအကြောင်းကြောင့်ပဲ ဖြစ်ဖြစ် လောလောဆယ်မှာ ဒီရေတွေကို မသုံးစွဲဖို့ ဒေသခံတွေကို ပြောထားတယ်လို့ သိရပါတယ်။

ဓာတ်ခွဲစမ်းသပ်ချက် အဖြေရလာရင် လူထုကို အသိပေးမယ်လို့ စစ်ကိုင်းတိုင်းအစိုးရက ပြောပါတယ်။
BBC Burmese

ဘင်္ဂလားဒေ့ရ်ှရဲတပ်ဖွဲ့ဝင်တွေက Narayanganj စီးနင်းမှုအပြီး နှစ်ထပ်အိမ်တလုံးကို စစ်ဆေးနေစဉ်။ (သြဂုတ် ၂၇၊ ၂၀၁၆)
ဘင်္ဂလားဒေ့ရ်ှရဲတပ်ဖွဲ့ဝင်တွေက Narayanganj စီးနင်းမှုအပြီး နှစ်ထပ်အိမ်တလုံးကို စစ်ဆေးနေစဉ်။ (သြဂုတ် ၂၇၊ ၂၀၁၆)
ဘင်္ဂလားဒေ့ရ်ှနိုင်ငံ ဒက္ကာမြို့အပြင်ဘက်က IS စစ်သွေးကြွတွေ ခိုအောင်းနေ တဲ့ နေရာတခုကိုဝင်စီးခဲ့တာမှာ စစ်သွေးကြွ အနည်းဆုံး ၃ ယောက်ကို သုတ်သင်နိုင်ခဲ့ပါတယ်။ ဒက္ကာမြို့တောင်ပိုင်း ၁၅ မိုင်ခွဲအကွာမှာရှိတဲ့ Narayanganj မြို့မှာ တနာရီကြာ ရဲတပ်ဖွဲ့ဝင်တွေနဲ့ အပြန်အလှန် ပစ်ခတ်ခဲ့ကြတာဖြစ်ပြီး စစ်သွေးကြွတွေ သေဆုံးမှုကို အကြီးတန်းရဲအရာရှိ Sanwar Hossain က အတည်ပြုပါတယ်။

စစ်သွေးကြွတွေကလက်နက်မချဘဲ ရဲတပ်ဖွဲ့ဝင်တွေကို လက်ပစ်ဗုံးလေးငါး လုံး လောက်နဲ့ ပစ်ခဲ့သလို AK ၂၂ ရိုင်ဖယ်တွေနဲ့လည်း ပစ်ခဲ့ကြောင်း ဘင်္ဂလားဒေ့ရှ် အမျိုးသားရဲတပ်ဖွဲ့အကြီးအကဲက AFP သတင်းဌာနကို ပြောပါတယ်။ သေဆုံးသူတွေ ထဲမှာ ဘင်္ဂလားဒေ့ရ်ှနိုင်ငံ မှာ မွေးဖွားတဲ့ ကနေဒါ နိုင်ငံသား Chowdhury လည်း ပါဝင်ကြောင်း တာဝန်ကျအရာရှိတွေက ပြောပါတယ်။ သူဟာ ဘင်္ဂလားဒေ့ရ်ှမှာ အဆိုးဆုံးတိုက်ခိုက်မှုဖြစ်တဲ့ ရဲတပ်ဖွဲ့ဝင် ၂ ယောက်နဲ့ အတူ နိုင်ငံခြားသား ၁၇ ယောက်အပါအဝင် ပြန်ပေးဆွဲထားတဲ့ လူပေါင်း ၂၀ ကို သတ်ဖြတ်ခဲ့တဲ့ တိုက်ခိုက်မှုကို ကြိုးကိုင်သူအဖြစ် ယူဆကြပါတယ်။

ရဲတပ်ဖွဲ့ဝင်တွေနဲ့ လုံခြုံရေးတပ်ဖွဲ့တွေဟာ စစ်သွေးကြွတွေ ပုန်းအောင်းနေတယ် ဆိုတဲ့နေရာတွေကို ဆက်တိုက် စီးနင်းတိုက်ခိုက်နေကြောင်း သတင်းတွေ မှာ ဖော်ပြထားပါတယ်။ သြဂုတ်လ ၂ ရက်နေ့မှာ အစိုးရအာဏာပိုင်တွေက အကြမ်းဖက်မှုတွေကို စီစဉ်ကြိုးကိုင်နေတဲ့ Chowdhury ကို သတင်းပေးနိုင်ရင် အမေရိကန်ဒေါ်လာ ၂ သောင်းခွဲပေးမယ်လို့ ကြေညာထားခဲ့ပါတယ်။
VOA Burmese News

ကြာသပတေးနေ့က နျူကလီယားဒုံးကျည် စမ်းသပ်ပစ်လွှတ်မှုကို ကြည့်ရှုနေတဲ့ မြောက်ကိုရီးယားခေါင်းဆောင် Kim Jong-un ရဲ့ TV သတင်းကို ကြည့်နေတဲ့ တောင်ကိုရီးယားစစ်သည်တဦး။ (၀၈-၂၅-၁၆)
ကြာသပတေးနေ့က နျူကလီယားဒုံးကျည် စမ်းသပ်ပစ်လွှတ်မှုကို ကြည့်ရှုနေတဲ့ မြောက်ကိုရီးယားခေါင်းဆောင် Kim Jong-un ရဲ့ TV သတင်းကို ကြည့်နေတဲ့ တောင်ကိုရီးယားစစ်သည်တဦး။ (၀၈-၂၅-၁၆)
မြောက်ကိုးရီးယားနိုင်ငံက အခုနောက်ဆုံး ဒုံးကျည်ပစ်လွှတ်လိုက်တဲ့လုပ်ရပ်ကို ကုလသမဂ္ဂလုံခြုံရေးကောင်စီက တညီတညွှတ်တည်း ရှုတ်ချလိုက်ကြပါတယ်။

ဒီလို ပြင်းထန်တဲ့ရှုတ်ချချက်ကို မြောက်ကိုးရီးယားရဲ့  အဓိကမဟာမိတ် တရုတ် ကလည်း ထောက်ခံထားတာပါ။ မြောက်ကိုးရီယားအပေါ် အနီးကပ် စောင့်ကြည့် သွားမှာ ဖြစ်သလို သိသာထင်ရှားတဲ့ နောက်ထပ် အရေးယူဆောက်ရွက်ချက်တွေ လုပ်သွားမယ်လို့ သောကြာနေ့နှောင်းပိုင်းမှာ ထုတ်ပြန်လိုက်တဲ့ ကုလသမဂ္ဂ လုံခြုံရေး ကောင်စီအဖွဲ့ဝင် (၁၅) နိုင်ငံရဲ့ ကြေငြာချက်ထဲမှာ ဖော်ပြထားပါတယ်။ ဘယ်လိုအရေးယူမှုမျိုးတွေလဲ ဆိုတာကိုတော့ ထုတ်ပြန်ချက်ထဲမှာ ဖော်ပြမထား ပါဘူး။

ဒေသတွင်း တင်းမာမှုတွေတိုးလာနိုင်တယ်ဆိုတဲ့စိုးရိမ်မှုကြောင့် ကနဦးမှာ တရုတ်နိုင်ငံရဲ့သဘောတူညီမှု မရခဲ့ပေမယ့် တရုတ်နဲ့ အကြိမ်ကြိမ်ဆွေးနွေးပြီးမှ ဒီကြေငြာချက်ကို အတည်ပြုလိုက်နိုင်တာပါ။

မြောက်ကိုးရီးယားနိုင်ငံဟာ ရေငုပ်သင်္ဘောတစင်းပေါ်ကနေ အင်္ဂါနေ့တုန်းက ဂျပန်နိုင်ငံဘက်ကို ဒုံးကျည်ပစ်လွှတ်ခဲ့တာပါ။ ဒါဟာ မြောက်ကိုးရီးယား အတွက် ရေထဲကနေ ပထမဆုံး အောင်အောင်မြင်မြင် ပစ်လွှတ်လိုက်တာဖြစ်သလို ပြီးခဲ့တဲ့လတွေအတွင်း ကုလသမဂ္ဂဆုံးဖြတ်ချက်ကို အာခံပြီး မြောက် ကိုရီးယားက ဆက်တိုက်လုပ်ဆောင်နေတဲ့ နောက်ဆုံး စမ်းသပ်ပစ်လွှတ်မှုဖြစ်ပါတယ်။ ဒါဟာ ခွင့်လွှတ်နိုင်စရာမရှိတဲ့ အဆင်အခြင်မဲ့တဲ့ အပြုအမူဖြစ်ပြီး ဂျပန်ရဲ့လုံခြုံရေးကို ခြိမ်းခြောက်တဲ့လုပ်ရပ်ဖြစ်တယ်လို့ ဂျပန်ဝန်ကြီးချုပ်က ပြောပါတယ်။

ကုလသမဂ္ဂနဲ့ သူ့ရဲ့မဟာမိတ်တွေက မြောက်ကိုးရီးယားရဲ့ ဒုံးကျည်စမ်းသပ် ပစ်လွှတ်မှုကို ကုလသမဂ္ဂရဲ့ဆုံးပြဌာန်းချက်ကို ချိုးဖောက်တယ်ဆိုပြီး လုံခြုံရေး ကောင်စီမှာ ဆွေးနွေးကြတာဟာ ဆိုးရွားတဲ့ရန်စမှုဖြစ်သလို အပြစ်မဲ့သူကို အပြစ်ရှိကြောင်း စွပ်စွဲလိုက်တာမျိုးဖြစ်တယ်လို့ မြောက်ကိုးရီးယား နိုင်ငံခြားရေး ၀န်ကြီးဌာနအရာရှိ Jon Min Dok ကစနေနေ့မှာ ပြောပါတယ်။
VOA Burmese News


အိန္ဒိယနိုင်ငံ ဂိုယာတွင် ကျင်းပမည့် ဘရာဇီး၊ ရုရှ၊ အိန္ဒိယ၊ တရုတ်နှင့် တောင်အာဖရိက (BRICS) နယ်ကျော်ကူညီထောက်ပံ့မှုများ ညီလာခံသို့ တက်ရောက်ရန် ဒေါ်အောင်ဆန်းစုကြည်က အောက်တိုဘာလအတွင်း အိန္ဒိယသို့ လာရောက်မည်ဖြစ်ကြောင်း အိန္ဒိယနိုင်ငံခြားရေးဝန်ကြီးဌာနက သြဂုတ် ၂၆ ရက်၌ ပြောသည်။
မြန်မာနိုင်ငံတွင် ဆယ်စုနှစ်များစွာအတွင်း အရပ်သားအစိုးရအဖြစ် ပထမဆုံးထွက်ပေါ်လာသည့် NLD အစိုးရ တက်လာပြီးနောက် ခြောက်လကျော်ကြာတွင် ဒေါ်အောင်ဆန်းစုကြည်က အိန္ဒိယသို့ ပထမဆုံးခရီးစဉ်လာရောက်ခြင်းလည်းဖြစ်သည်။

ဘင်္ဂလားဒေ့ရှ်၊ ဘူတန်၊ အိန္ဒိယ၊ နီပေါ၊ သီရိလင်္ကာနှင့် ထိုင်းနိုင်ငံတို့ဖြင့်ပါ ဖွဲ့စည်းထားသည့် BIMSTEC အဖွဲ့မှ ခေါင်းဆောင်များ တက်ရောက်ရန်ရှိသည့် အဆိုပါ အစည်းအဝေးတွင် ဒေါ်အောင်ဆန်းစုကြည်က မြန်မာနိုင်ငံကိုယ်စားပြုအနေဖြင့် တက်ရောက်မည်ဖြစ်သည်။ BIMSTEC အဖွဲ့ဝင် နိုင်ငံများသည် ကမ္ဘာ့လူဦးရေ၏ ၂၁ ရာခိုင်နှုန်းရှိပြီး နှုန်းထားအားဖြင့် ၁ ဒဿမ ၅ ဘီလီယံနှင့် ဂျီဒီပီအားဖြင့် အမေရိကန်ဒေါ်လာ ၂ ဒဿမ ၅ ထရီယံရှိသည်။

ဒေါ်အောင်ဆန်းစုကြည်၏ အိန္ဒိယခရီးစဉ်သည် ပြီးခဲ့သည့်သီတင်းပတ်က တရုတ်ခရီးစဉ်အပြီးတွင် သွားရောက်ခြင်းလည်း ဖြစ်သည်။ တရုတ်ခရီးစဉ်အတွင်း နှစ်နိုင်ငံ ပူးပေါင်းဆောင်ရွက်မှုများအတွက် သဘောတူညီမှု ရရှိခဲ့သည်။
Mizzima - News in Burmese

တပ်မတော်အား ညစ်ညမ်းစာများဖြင့် ဆဲဆိုသည့် စာသားများ ကားပေါ်တွင်ရေးသူ သရုပ်ဆောင် ထွန်းငယ်အား သောကြာနေ့က ထောင်ဒဏ် ၁ နှစ်နှင့် ၃ လ ချမှတ်ခံရကြောင်း သိရသည်။

ရုပ်ရှင်သရုပ်ဆောင် ထွန်းငယ်သည် လှည်းတန်းခုံးကျော် တံတားပေါ်တွင် မတ် ၁ ရက် နံနက်ပိုင်းတွင် ၎င်း၏ မော်တော်ကားကိုရပ်၍ ကား၏ အရှေ့ဘက် ဘောနတ်ဖုံးပေါ်တွင် သာသနာ့အလံနှင့် နိုင်ငံတော်အလံသေး ၊ အနောက်ဘက် မှန်ကြီးတွင် နိုင်ငံတော်အလံအား တိပ်ဖြင့်ကပ်၍ ကတ်ထူစက္ကူပေါ်တွင် တပ်မတော်အား ညစ်ညမ်းစွာ ဆဲဆိုထားသော စာသားများကို မှုတ်ဆေးဖြင့် ရေးသားခဲ့ခြင်းဖြစ်သည်။

ထိုကဲ့သို့ တပ်မတော်အား ညစ်ညမ်းစာများနှင့် ဆဲဆိုထားသည့် စာသားများ ကားပေါ်တွင် ရေးသားသည့် သရုပ်ဆောင် ထွန်းငယ်(ခ) ထွန်းလင်းသိန်း (ခ) လင်းမောင် အား ကမာရွတ်မြို့နယ် ရဲစခန်းက (ပ)၉၆/၁၆ ပုဒ်မ ၂၉၄၊ ၂၉၅ (က)၊ ၅၀၅ (ခ) တို့ဖြင့် အမှုဖွင့်ခဲ့ပြီးနောက် မတ်(၃)ရက်တွင် ထပ်မံပြီး နိုင်ငံတော်အလံ ဥပဒေပုဒ်မ ၁၆ ဖြင့် ထပ်မံအမှုဖွင့်ခဲ့ခြင်းဖြစ်သည်။

ထိုသို့အမှုဖွင့် ရင်ဆိုင်နေရပြီး သြဂုတ်(၂၆)ရက်နေ့တွင် ထောင်ဒဏ် ၁ နှစ်နှင့် ၃ လကျခံရန် အမိန်ချမှတ်ခြင်း ခံရခြင်းဖြစ်ကြောင်း ကမာရွတ်ရဲစခန်းမှ ရဲအရာရှိကဆိုသည်။

စိုင်းဟန်
The Ladies News



ရှမ်းပြည်နယ် မြောက်ပိုင်း သီပေါမြို့ နယ် အနီး ယာဉ်တိမ်းမှောက်မှု ဖြစ်စဉ်များအား တွေ့ ရစဉ် (ဓာတ်ပုံ-ပြည်နယ် ဒုတိယ ရဲတပ်ဖွဲ့ (လားရှိုး)
    ရန်ကုန် ၊ သြဂုတ် ၂၇ ရက်(ဆင်ဟွာ)

    ရှမ်းပြည်မြောက်ပိုင်း ၊ သီပေါမြို့ နယ် နမ့်အွန် ရွာအနီး မိုင်တိုင် ၁၄၉/၃ တွင် ယနေ့ သြဂုတ် ၂၇ ရက် ၊ နံနက်ပိုင်းတွင် နေပြည်တော်-လားရှိုး ပြေးဆွဲသည့် ကြယ်စင်ဟိန်း ခရီးသည်တင်ယာဉ် တိမ်းမှောက်မှုကြောင့် ခရီးသည် စုစုပေါင်း ၇ ဦး သေဆုံးသွားခဲ့ကြောင်း ရှမ်းပြည်နယ် ၊ ပြည်နယ် ဒုတိယ ရဲတပ်ဖွဲ့ မှူးရုံးမှ သတင်းရရှိသည်။

“ဖြစ်စဉ်ကတော့ နံနက် ၆ နာရီခွဲလောက်မှာ မိုးသည်းထန်စွာ ရွာသွန်းတဲ့ချိန် မော်တော်ယာဉ်က ကုန်းအဆင်းမှာ လမ်းချော်လို့ ဘရိတ်(Break)အုပ်လိုက်တာ ကားက တစ်ပတ်လှည် သွားပြီး လမ်းစောင်းနဲ့ သွားရိုက်ပြီး တိမ်းမှောက်သွားတာပါ”ဟု ရှမ်းပြည်နယ် ၊ ပြည်နယ် ဒုတိယ ရဲတပ်ဖွဲ့ မှူးရုံးမှ တာဝန်ရှိသူတစ်ဦးက ဆင်ဟွာသို့ အတည်ပြု ပြောကြားခဲ့သည်။

ထိုခရီးသည်တင်ယာဉ် တိမ်းမှောက်မှုကြောင့် ပွဲချင်းပြီး ၆ ဦး သေဆုံးခဲ့ပြီး ဒဏ်ရာရရှိသူ ၁၃ ဦး ရှိခဲ့ရာမှ ၁ ဦး ထပ်မံ သေဆုံးသွားခဲ့သဖြင့် စုစုပေါင်း သေဆုံးသူ ၇ ဦးထိ ရှိခဲ့ပြီး ပွန်းပဲ့ဒဏ်ရာ ရရှိသူ ၄ ဦး ရှိခဲ့ကြောင်း သိရသည်။

(Xinhua)
http://www.xinhuamyanmar.com

 khamti-police-station-620.jpg စစ်ကိုင်းတိုင်းဒေသကြီး၊ ခန္တီးမြို့မ ရဲစခန်းကို တွေ့ရစဉ်
Photo : Aung San Myint

စစ်ကိုင်းတိုင်းဒေသကြီး၊ ခန္တီးခရိုင် ရဲစခန်း အချုပ်ကနေ အချုပ်သား ၉ ယောက် မနေ့ညက ထွက်ပြေးခဲ့ပြီး ၈ ဦးကို ပြန်လည်ဖမ်းမိခဲ့ပေမယ့် တစ်ဦးလွတ်မြောက်နေပါတယ်။

ထွက်ပြေးတဲ့အချုပ်သားတွေဟာ မူးယစ်ဆေးဝါးအမှုနဲ့ ဖမ်းဆီးခံထားရသူတွေဖြစ်တယ်လို့ ခန္တီးမြို့နယ် ရဲစခန်းက မြို့နယ်မှူး ရဲမှူးကြီးသန်းထွန်း က ပြောပါတယ်။

"ဖြစ်စဉ်ကတော့ ဘေးက ကာရံထားတဲ့ဟာကို ဖောက်ပြီးပြေးတာ၊ ပြေးတဲ့လူတွေ အကုန်ပြန်မိပါတယ်၊ တစ်ယောက်ပဲ ကျန်တော့တယ်၊ ခန္တီးခရိုင်မှာဆို မြို့နယ်ငါးမြို့နယ်ရှိတယ်၊ ခန္တီးတို့၊ ဟုမ္မလင်းတို့ အဲ့ဒီက တရားခံတွေပေါ့၊ ခန္တီးကတော့ နည်းပါတယ်၊ ဟုမ္မလင်းက များတယ်၊ ထွက်ပြေးတဲ့သူတွေက မူးယစ်ဆေးဝါးအမှုတွေပါ" လို့ ပြောတာဖြစ်ပါတယ်။

အချုပ်စခန်း ဖောက်ထွက်ပြေးသူတွေကို ဖမ်းဆီးရာမှာ ထိခိုက်ဒဏ်ရာတွေ ရရှိခဲ့တာကြောင့် ခန္တီးမြို့နယ် ရဲစခန်းက ယာယီစခန်းမှူး ရဲအုပ်ဝေဖြိုးလွင်က ခရိုင်ဆေးရုံကြီးမှာ ဆေးကုသမှုခံနေရပါတယ်။

ခန္တီးခရိုင်အချုပ်စခန်းဟာ လူဦးရေ ၆ဝ လောက်သာဆန့်ပေမယ့် လက်ရှိ အယောက် ၁ဝဝ ကျော်ကို ထိန်းသိမ်းထားတာကြောင့် နေရာအခက်အခဲတွေရှိနေပါတယ်။
RFA

 bus-620.jpg ရန်ကုန်မြို့တွင်း ပြေးဆွဲနေတဲ့ မထသ ခရီးသည်တင် ကားတစ်စီးကို တွေ့ရစဉ်
Photo: RFA

မော်တော်ယာဉ်လိုင်းပေါင်းစုံ ထိန်းသိမ်းရေး ဗဟိုကော်မတီ (မ.ထ.သ) လက်အောက်မှာရှိတဲ့ ယာဉ်ပိုင်ရှင်တွေဟာ အများပိုင်ကုမ္ပဏီဖွဲ့စည်းဖို့အတွက် ပြင်ဆင်နေကြပါတယ်။

မထသ လက်အောက်က ယာဉ်ပိုင်ရှင်တွေပေါင်းပြီး အများပိုင်ကုမ္ပဏီအဖြစ်လုပ်ဖို့ ရန်ကုန်တိုင်း ဝန်ကြီးချုပ် ပြောခဲ့တဲ့အတိုင်း ပြင်ဆင်နေကြတာဖြစ်တယ်လို့ မ.ထ.သ ဥက္ကဌ ဦးလှအောင် က ပြောပါတယ်။

"မ.ထ.သ အဖွဲ့အစည်းမှာပါတဲ့ ယာဉ်ပိုင်ရှင်တွေအနေနဲ့ ပုဂ္ဂလိကတစ်ဦးချင်းပိုင်တာကို နောင်ခွင့် မပြုတော့ဘဲ ကုမ္ပဏီပိုင်ယာဉ်တွေပဲဖြစ်ရမယ်လို့ ၅ လပိုင်း ၂၂ ရက်နေ့မှာ ဝန်ကြီးချုပ်က ပြောခဲ့ပြီးဖြစ် ပါတယ်၊ အခု မထသ မှာပါဝင်နေတဲ့ ယာဉ်ပိုင်ရှင်တွေအနေနဲ့လည်း ကုမ္ပဏီဖွဲ့စည်းရေးအတွက် ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့မှာ သွားရောက်ပြီးတော့ သတင်းပို့နေကြပြီ ဖြစ်ပါတယ်ဗျ" လို့ ပြောတာဖြစ်ပါတယ်။

ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်းက မ.ထ.သ အဖွဲ့ကို ဖျက်သိမ်းပြီး မ.ထ.သ အဖွဲ့ဝင်တွေ ကိုလည်း အသစ်ဖွဲ့စည်းထားတဲ့ ရန်ကုန်တိုင်းဒေသကြီး သယ်ယူပို့ဆောင်ရေး အာဏာပိုင်အဖွဲ့မှာ ဝင်ရောက်လုပ်ကိုင်ဖို့ ပြောထားတာဖြစ်ပါတယ်။

မ.ထ.သ လက်အောက်မှာ အရင်က ယာဉ်လိုင်းပေါင်း ၃၅၈ လိုင်းရှိခဲ့ပေမယ့် ပြီးခဲ့တဲ့ ဇူလိုင်လက အများပြည်သူ စီးတာနည်းတဲ့ ယာဉ်လိုင်း ၂၆ လိုင်းကို ဖျက်သိမ်းလိုက်ပါတယ်။

မ.ထ.သ အဖွဲ့ကို လာမယ့် စက်တင်ဘာလ ၁၅ ရက်နေ့မှာ ဖျက်သိမ်းမယ်လို့ သတင်းတွေ ထွက်ခဲ့ပေမယ့် အဲ့ဒီနေ့ရက်မှာ ဖျက်သိမ်းဖို့ အခုအချိန်ထိ ညွှန်ကြားချက် မရရှိသေးဘူးလို့ မ.ထ.သ ဥက္ကဌ ဦးလှအောင် က ပြောပါတယ်။
RFA

 alp-leader-free-620.jpg ALP ရဲ့ ဗဟိုကော်မတီဝင် ခိုင်မျိုးထွန်းကို လွှတ်ပေးဖို့ သြဂုတ်လ ၂၇ ရက်နေ့က ပုဏ္ဏားကျွန်းမြို့မှာ ဆန္ဒပြတောင်းဆိုနေစဉ်
Photo: RFA
 ရခိုင်ပြည်နယ် စစ်တွေအကျဉ်းထောင်မှာ ဖမ်းဆီးခံထားရတဲ့ ရခိုင်ပြည်လွတ်မြောက်ရေးပါတီ ALP ရဲ့ ဗဟိုကော်မတီဝင် ခိုင်မျိုးထွန်းကို အမြန်ဆုံးပြန်လွှတ်ပေးဖို့ ရခိုင်ပြည်နယ် ပုဏ္ဏားကျွန်းမြို့မှာ လူအင်အား တစ်ထောင်ကျော်လောက် ဒီနေ့ ဆန္ဒပြတောင်းဆိုကြပါတယ်။

ခိုင်မျိုးထွန်းဟာ မတရားဖမ်းဆီးခံရတာဖြစ်တယ်လို့ ယုံကြည်တာကြောင့် အခုလို ဆန္ဒပြတောင်းဆိုတာလို့ ဆန္ဒပြပွဲမှာပါဝင်တဲ့ ပုဏ္ဏားကျွန်းမြို့ခံ ကိုမျိုးဝင်း က ပြောပါတယ်။

"ရွာသားတွေကို ပေါ်တာဆွဲတာတွေ၊ အတင်းအဓမ္မ မောင်းထုတ်တာတွေ ရှိတယ်၊ ဒီလိုကြေညာချက်ထုတ် တာကို မမှန်ကန်ဘူးဆိုပြီး နိုင်ငံတော်အကြည်ညိုပျက်စေမှု ပုဒ်မ ၅ဝ၅(ခ) နဲ့ ဖမ်းတာပေါ့နော်၊ ဒါကျွန်တော် တို့မှာ အချက်အလက်တွေရှိတယ်၊ ဒါကြောင့်မို့လို့ မတရားဖမ်းဆီးခံရတဲ့အတွက် ပြည်သူပြည်သားတွေ ဝိုင်းဝန်းပြီး ကျောင်းသားရယ်၊ ရဟန်းရယ်၊ တက်ကြွတဲ့ လူငယ်တွေပေါင်းပြီး ဆန္ဒပြထုတ်ဖော်တာပေါ့" လို့ ပြောတာဖြစ်ပါတယ်။

ဆန္ဒပြပွဲမှာ ခိုင်မျိုးထွန်းကို ပြန်လွှတ်ပေးဖို့အပြင် ခိုင်မျိုးထွန်းနဲ့ ALP က ထုတ်ပြန်ခဲ့တဲ့ ကြေညာချက်ကို ထောက် ခံကြောင်း ကြွေးကြော်ခဲ့ကြပါတယ်။

ရခိုင်ပြည်နယ်မှာ AA ရက္ခိုင့်တပ်မတော်နဲ့ အစိုးရတပ်မတော်တို့အကြား ဖြစ်ပွားခဲ့တဲ့တိုက်ပွဲတွေနဲ့ ပတ်သက်ပြီး အစိုးရတပ်မတော်ဘက်က ပြည်သူတွေကို ပေါ်တာဆွဲတာတွေ၊ ကျေးရွာအတွင်းကနေ နှင်ထုတ် တာတွေလုပ်နေကြောင်း ALP ပါတီက ကြေညာချက်တစ်စောင် ထုတ်ပြန်ခဲ့တာကြောင့် ပါတီရဲ့ ဗဟိုကော်မတီဝင် ခိုင်မျိုးထွန်းကို ပြီးခဲ့တဲ့ ဇူလိုင်လ ၂၇ ရက်နေ့က စစ်တွေမြို့နယ်တရားရုံးမှာ ဖမ်းဆီးတရားစွဲဆိုခဲ့တာဖြစ်ပါတယ်။

ရခိုင်ပြည်နယ် လုံခြုံရေးနဲ့ နယ်စပ်ရေးရာဝန်ကြီး ဗိုလ်မှူးကြီး ထိန်လင်းက ခိုင်မျိုးထွန်းကို ဖမ်းဆီးအရေးယူ ထားတာဟာ ALP ပါတီကို အရေးယူတာမဟုတ်ကြောင်းနဲ့ ခိုင်မျိုးထွန်းရဲ့ လုပ်ဆောင်ချက်တွေဟာ ဥပဒေနဲ့ ငြိစွန်းနေတဲ့အတွက်ကြောင့်သာ အရေးယူတာဖြစ်ကြောင်း မနေ့က စစ်တွေမြို့မှာ အရပ်ဘက်လူမှု အဖွဲ့အစည်းတွေနဲ့တွေ့ဆုံစဉ်မှာ ပြောကြားခဲ့ပါတယ်။
RFA



တိုကျို သြဂုတ် ၂၇

သြစတြေးလျနိုင်ငံမှာ သီတင်းသုံးနေထိုင်ရာမီ ဂျပန်နိုင်ငံ
သို့ ကြွရောက်လာခဲ့သောဆရာတော်ဦးကိတ္တိသာရ (ဦးပဉ္ဇင်း ကျော်ဟိန်း)သည် ယနေ့၂၇-၈-၂၀၁၆ (စနေနေ့) ညနေတွင်
တိုကျိုမြို့ မြန်မာ ဘုန်းတော်ကြီးကျောင်းအနီးရှိ ချိအိခိစင်တာ မှာတရားနာပရိသတ်များကို နိဗ္ဗာန်ရောက်ကြောင်းတရားရေ အေးတိုက်ကျွေး ဟောကြားပေးတော်မူကြောင်းသိရပါသည်။

ယနေ့ ဦးပဉ္ဇင်းကျော်ဟိန်းတရားပွဲသို့ တရားနာပရိသတ် ၁၀၀ရာကျော် တရားနာလျှက်ရှိကြောင်းသိရပြီး ဦးပဉ္ဇင်းမှာ ထေရဝါဒပရိယတ္တိကျောင်းတော်ကြီး ၌၂၅-၈-၂၀၁၆ မှ ၃၀-၈-၂၀၁၆နေ့ အထိ ၆ ရက်တာ သီတင်းသုံး နေထိုင် သွားမှာဖြစ်ကြောင်းလည်းသိရသည်။

ဓါတ်ပုံ-မှတ်တမ်း VIDEO-ကိုထွန်းဝေ

ဂယာ သြဂုတ် ၂၇

အိန္ဒိယသမ္မတနိုင်ငံ သမ္မတ မစ္စတာ ပရာနာ့ဗ် မူခါဂျီး၏ ဖိတ်ကြားချက် အရ နိုင်ငံတော် သမ္မတ ဦးထင်ကျော်နှင့်ဇနီး ဒေါ်စုစုလွင်တို့သည် အဖွဲ့ဝင် များနှင့်အတူ အိန္ဒိယသမ္မတ နိုင်ငံ၌ ချစ်ကြည်ရေးခရီးလည်ပတ်ရန် ယနေ့ နံနက် ပိုင်းတွင် နေပြည်တော်မှ လေကြောင်း ခရီးဖြင့် ထွက်ခွာသွားသည်။

နိုင်ငံတော်သမ္မတနှင့်အဖွဲ့အား ဒုတိယသမ္မတ ဦးမြင့်ဆွေနှင့် ဦးဟင်နရီ ဗန်ထီးယူ၊ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဒုတိယ ဗိုလ်ချုပ်မှူးကြီးစိုးဝင်း၊ နေပြည်တော်ကောင်စီ ဥက္ကဋ္ဌ ဒေါက်တာ မျိုးအောင်၊ နေပြည်တော် တိုင်းစစ်ဌာနချုပ်တိုင်းမှူး ဗိုလ်ချုပ် မိုးမြင့်ထွန်း၊ မြန်မာနိုင်ငံဆိုင်ရာ အိန္ဒိယ နိုင်ငံသံရုံး ယာယီတာဝန်ခံနှင့် တာဝန် ရှိ သူများက နေပြည်တော် အပြည်ပြည်ဆိုင်ရာလေ ဆိပ်၌ ပို့ဆောင်နှုတ်ဆက်ကြသည်။

နိုင်ငံတော်သမ္မတနှင့်အဖွဲ့သည် အိန္ဒိယနိုင်ငံ ဂယာမြို့သို့ ဒေသစံတော်ချိန် နံနက် (၁၀) နာရီ(၅)မိနစ်တွင် ရောက်ရှိကြရာ အိန္ဒိယနိုင်ငံဆိုင်ရာ မြန်မာ သံအမတ်ကြီး ဦးအောင်ခင်စိုးနှင့်ဇနီး၊ မြန်မာကောင်စစ်ဝန်ချုပ်၊ ဂယာခရိုင် အုပ်ချုပ် ရေးမှူး Mr. Kumar Ravi နှင့် တာဝန်ရှိသူများက ဂယာမြို့လေဆိပ်၌ ကြိုဆိုနှုတ် ဆက်ကြသည်။

ထို့နောက် မော်တော်ယာဉ်များဖြင့် ခေတ္တတည်းခိုမည့် ဂယာမြို့ Royal Residency ဟိုတယ်သို့ ရောက်ရှိကြသည်။

မွန်းလွဲပိုင်းတွင် နိုင်ငံတော်သမ္မတနှင့် ဇနီးနှင့် အဖွဲ့သည် ဗုဒ္ဓ ဂယာ မြန်မာ ဘုန်း တော်ကြီးကျောင်းသို့ ရောက်ရှိကြပြီး မြန်မာကျောင်းပဓာနနာယက ဆရာတော် အဂ္ဂမဟာသဒ္ဓမ္မဇောတိကဓဇ သဒ္ဒန္တဥာဏိန္ဒ အမှူးပြုသော မဟာအောင်မြေရခိုင် မွန်ကျောင်း၊ ကမ္ဘောဇရှမ်းကျောင်း၊ မဟာဗောဓိ ဓမ္မရိပ် သာ ရခိုင်ကျောင်းနှင့်ရာမည မွန်ကျောင်းတို့မှ ဆရာတော်ကြီး များ အား ဖူးမြော်ကြည် ညိုပြီး ၀ါဆိုသင်္ကန်းနှင့်လှူဖွယ် ပစ္စည်း များ ဆက်ကပ် လှူဒါန်းကြ သည်။

ယင်းနောက် မဟာဗောဓိစေတီတော်အား သွားရောက်ဖူးမြော်ကြည်ညိုပြီး ဗုဒ္ဓရုပ်ပွား တော်မြတ်အား ပန်း၊ ရေချမ်း၊ ဆီမီးနှင့်ရွှေကြာသင်္ကန်းတို့ကို ဆက်ကပ် လှူဒါန်းသည်။

ဆက်လက်၍ နိုင်ငံတော်သမ္မတနှင့်ဇနီးတို့သည် စေတီတော်အထက်ပစ္စယာရှိ ဗုဒ္ဓ ရုပ်ပွားတော်မြတ်အား ဖူးမြော်ကြည်ညိုပြီး ပန်း၊ ရေချမ်း၊ ဆီမီးတို့ကို ကပ် လှူ ပူဇော် သည်။

ထို့နောက် နိုင်ငံတော်သမ္မတနှင့် ဇနီးနှင့်အဖွဲ့သည် သတ္တသတ္တာဟ ခုနှစ်ဌာန သို့ လှည့်လည် ဖူးမြော်ကြည်ညိုကာ ဆဋ္ဌမသတ္တာဟဖြစ်သည့် မုဉ္စလိန္ဒာအိုင်၌ ငါးစားကျွေး ကြပြီး ဗုဒ္ဓ ပြခန်းကို ကြည့်ရှုလေ့လာသည်။

ကုန်းဘောင်ခေတ် မင်းတုန်းမင်းသည် မဟာဗောဓိစေ တီတော် ကို နောက် ဆုံး ပြုပြင်ခဲ့ သည့် မင်းဖြစ်သည်။ ၁၈၇၁ ခုနှစ်တွင် မင်းတုန်းမင်း သည် မြောင်လှမြို့စား ၀န် ထောက် သီရိမဟာဇေယျသူ ဦးဆောင်သည့် ကိုယ်စားလှယ် အဖွဲ့ကို စေလွှတ်ပြီး ဗုဒ္ဓဂယာ စေတီတော်ကို ပြုပြင်ခွင်ရရှိရန် အိန္ဒိယအစိုးရထံ မေတ္တာရပ်ခံခဲ့သည်။

မင်းတုန်းမင်းသည် ၁၈၇၇ခုနှစ်တွင် စေတီတော်အား ပြုပြင်ခဲ့ပြီးမင်းတုန်းမင်း နတ်ရွာစံပြီး နောက် သီပေါမင်းက ဆက်လက်ဆောင်ရွက်ခဲ့ကြောင်း သိရ သည်။ မင်းတုန်းမင်းကြီး သည် မဟာဗောဓိ စေတီတောသာမက အရံစေ တီတော် (၄)ဆူကို လည်း တည်ထားခဲ့သည်။

ယင်းနောက် နိုင်ငံတော်သမ္မတနှင့်အဖွဲ့သည် ဂယာမြို့ရှိ မင်းတုန်းမင်းကျောက် စာကို သွားရောက် ကြည့်ရှုလေ့လာသည်။

ထို့နောက် ဂျပန်ဘုရား (Daijokyo Buddhist Temple) အား သွားရောက် ဖူး မြော်ကြည်ညိုခဲ့ကြသည်။

MOI
MOI Webportal Myanmar


သြဂုတ် ၂၇

ကချင်ပြည်နယ် ကာမိုင်းမြို့နယ်ခွဲ ယုဇနလမ်းပိုင်းတွင် သြဂုတ်(၂၇)ရက်နေ့ ယနေ့ညနေ ၃ နာရီမှ ၅ နာရီအတွင်း မြေမြုပ်မိုင်းနှစ်လုံးကို ကာမိုင်း ဌာနေပြည်သူ့စစ်က ဖော်ထုတ်ရှင်းလင်းနိူင်ခဲ့ကြောင်းသိရသည် ။


သြဂုတ်လ ၂၆ ရက်နေ့ နံနက်ပိုင်းကလည်း မအူပင်ကျေးရွာနှင့် ရေကာတာ ကျေးရွာကြား လမ်းပိုင်းတွင် မြေမြုပ်မိုင်း တစ်လုံးကို ဌာနေပြည်သူ့စစ်အဖွဲ့က ရှင်းလင်းနိူင်ခဲ့ပြီး သြဂုတ်လ အတွင်းမိုင်းငါးလုံးကို ရှင်းလင်းနိူင်ခဲ့ပြီး ဖြစ်ကြောင်းလည်း သိရသည်။

The Voice of Shan-Ni