09/01/16


၂၀၀၈ ခုနှစ်ဖွဲ့စည်းပုံအခြေခံဥပဒေဟာ ဖယ်ဒရယ်စနစ်ရဲ့ ၀ိသေသလက္ခဏာတွေ ဖြစ်တဲ့ နိုင်ငံတော်ဖွဲ့စည်းတည်ဆောက်ပုံ တိုင်းရင်းသားများတန်းတူအခွင့်အရေးတွေ ပါဝင်တယ်လို့ တပ်မတော်ကိုယ်စားလှယ်က ကျင်းပနေတဲ့ ပြည်ထောင်စုငြိမ်းချမ်းရေးညီလာခံမှာပြောဆိုလိုက်ပါတယ်။ မြန်မာစစ်တပ်က ကျောထောက်နောက်ခံပေးထားတဲ့ ပြည်ထောင်စုကြံခိုင်ရေးနဲ့ဖွံဖြိုးရေးပါတီရဲ့ ဖယ်ဒရယ်အပေါ် သဘောထားကလည်း ၂၀၀၈ ဖွဲ့စည်းပုံကို အခြေခံကြဖို့ကိုလည်း တိုက်တွန်းပါတယ်။ ဒုတိယနေ့ ကျင်းပတဲ့ ပြည်ထောင်စုငြိမ်းချမ်းရေးညီလာခံသတင်းကိုတော့ တတ်ရောက်သတင်းယူနေတဲ့ကိုသားညွန့်ဦး ပေးပို့ထားပါတယ်။

ပြည်ထောင်စုငြိမ်းချမ်းရေးညီလာခံ ဒုတိယနေ့မှာတော့ ဖယ်ဒရယ်နဲ့ပတ်သက်ပြီးစာတမ်းတွေကို တင်သွင်းကြတာတွေ့ရပါတယ်။ ဒီနေရာမှာ ထူးခြားတာပြောမယ်ဆိုရင်တော့ တပ်မတော်ကနေ ဦးဆောင်ဖွဲ့စည်းခဲ့တဲ့ ကြံ့ခိုင်ရေးပါတီက ဖယ်ဒရယ် အယူအဆနဲ့ အခြားတိုင်းရင်းသား နိုင်ငံရေးပါတီတွေက တင်သွင်းကြတဲ့ ဖယ်ဒရယ် အယူအဆနဲ့အတော်လေးကွဲပြားတာ တွေ့ရပါတယ်။ တပ်မတော်နဲ့ ကြံ့ခိုင်ရေးပါတီ တင်သွင်းတဲ့ ဖယ်ဒရယ် အယူအဆထဲမှာတော့ ပြီးခဲ့တဲ့သူတို့ ရေးဆွဲထားတဲံ ၂၀၀၈ ခုနှစ် ဖွဲ့စည်းပုံအခြေခံဥပဒေဟာဖယ်ဒရယ် ဖွဲ့စည်းပုံနဲ့ ညီညွတ်တယ်ဆိုတာကို အဓိကထားပြီး တော့ ထောက်ပြပြောဆိုသွားတာ တွေ့ရပါတယ်။

“ဖွဲ့စည်းပုံအခြေခံဥပဒေ ၂၀၀၈ ခုနှစ်ဟာ အထက်ပါ တင်ပြခဲ့တဲ့အတိုင်း နိုင်ငံတော်ရဲ့ အချုပ်အချာအာဏာဟာ နိုင်ငံတော်အထဲမှာ ဆင်းသက်ခြင်း တိုင်းဒေသကြီး၊ ပြည်နယ်နှင့် အုပ်ချုပ်ခွင့်ရ စီရင်စုများရဲ့ နယ်နိမိတ် တည်တန့်မှုကို အာမခံချက်ပေးထားခြင်း၊ တိုင်းရင်းသားလူမျိုးများကို တန်းတူအခွင့်အရေးပေးထားခြင်း ၊ လူမျိုးစုလွှတ်တော်လို့ခေါ်တဲ့ အမျိုးသားလွှတ်တော်ကို ပြည်သူ့လွှတ်တော်နဲ့ တန်းတူအခွင့်အရေးပေးထားခြင်း စတဲ့ နိုင်ငံတော်ဖွဲ့စည်းတည်ဆောက်ပုံ ၊ တိုင်းရင်းသားများရဲ့ တန်းတူအခွင့်အရေး ဥပဒေပြုရေး ဆက်လျှင်းပြီး ဖက်ဒရယ်စနစ်ရဲ့ ၀ိသေသလက္ခဏာများပါနေတာကို ထင်ရှားစွာတွေ့မြင်နိုင်မှာ ဖြစ်ပါတယ်။”

တပ်မတော်ကိုယ်စားလှယ်တဦးဖြစ်တဲ့ ဗိုလ်မှူးကြီးတင်နိုင်အေးက ဖယ်ဒရယ်နဲ့ပတ်သက်လို့ တပ်မတော်ကိုယ်စားပြု စာတမ်းကို ဖတ်ကြားတင်သွင်းခဲ့တာပါ။

အခု ညီလာခံအတွင်းမှာ တတ်ရောက်လာတဲ့ ကိုယ်စားလှယ်အများစုက ဖယ်ဒရယ်ဆိုတဲ့ စကားကို တွင်တွင် ပြောကြပေမယ့်၊ တပ်မတော်သားကိုယ်စားလှယ်တွေဖက်ကတော့ ဖယ်ဒရယ်ဆိုတဲ့ စကားစု အထူးရှောင်ပါတယ်။ အခု စာတမ်းမှာတော့ ၂၀၀၈ ဖွဲ့စည်းပုံဟာ ဖယ်ဒရယ်စနစ်ရဲ့ ၀ိသေသလက္ခဏာတွေကို တွေ့ရတယ်လို့ပဲ ပြောတာပါ။ တပ်မတော်ဖက်က တင်သွင်းတဲ့ အယူအဆနဲ့ ဆင်တာကတော့ တပ်မတော်ခေါင်းဆောင်ဟောင်းတွေ ဦးဆောင်ဖွဲ့စည်းတဲ့ ပြည်ထောင်စုကြံခိုင်ရေးနဲ့ဖွံဖြိုးရေးပါတီရဲ့ သဘောထားပါ။ ၂၀၀၈ ခုနှစ် ဖွဲ့စည်းပုံအခြေခံဥပဒေဟာ ဖယ်ဒရယ်ပြည်ထောင်စုစနစ်အတွက် လုံလောက်ကောင်းမွန်တဲ့ အခြေခံကောင်းတွေ ရှိတယ်လို့ ကြံခိုင်ရေးပါတီ ဗဟိုအလုပ်အမှူဆောင်ကော်မတီဝင် အငြိမ်းစား ဒုတိယ ဗိုလ်ချုပ်ကြီး ဦးမြင့်စိုးက ကြံခိုင်ရေးပါတီရဲ့ စာတမ်းကို တင်သွင်းခဲ့ပါတယ်။

“ပြည်ထောင်စုပြိုကွဲရေးကို ဦးတည်စေနိုင်တဲ့ composition ပုံစံမျိုး မဖြစ်ဖို့ လိုပါတယ်။ ယခင် သမိုင်းကြောင်းအရ ဒီမိုကရေစီစနစ် ဆိတ်သုန်းသုံးခဲ့ရတဲ့ စစ်များ၊ ငြိမ်းချမ်းရေးနဲ့ အလှမ်းဝေးစေနိုင်တဲ့ ၀ိဝါဒ ကွဲပြားစေတဲ့ အမျိုးသားပြည်နယ် ၊ အမျိုးသားများပြည်နယ်ဆိုတဲ့ အယူအဆတွေဟာ တိုင်းရင်းသားစည်းလုံးညီညွှတ်ရေးကို ထိခိုက်စေနိုင်တဲ့အတွက် သတိပြုဆင်ချင်သုံးသပ်သင့်ကြောင်းနဲ့”

ဒီသဘောထားတွေဟာ လူမျိုးကိုအခြေခံပြီး ဖယ်ဒရယ်ပြည်ထောင်စုစနစ်ကိုကျင့်သုံးဖို့လိုလားတဲ့ တိုင်းရင်းသားအဖွဲ့အစည်း အတော်များများနဲ့တော့ ကွာဟနေပါတယ်။ တိုင်းရင်းသားအဖွဲ့အစည်းတွေဖက်က တင်ပြချက်မှာတော့ ဖယ်ဒရယ်ပြည်ထောင်စုစနစ်မှာ ပြည်နယ်တွေရဲ့ လုပ်ပိုင်ခွင့်ကို ပိုပြီး တောင်းဆိုတာ တွေ့ရပါတယ်။

အမျိုးသားဒီမိုကရေစီအဖွဲ့ချုပ်ဖက်က ဗဟိုအလုပ်အမှူဆောင် ဦးဝင်းထိန်က ပါတီရဲ့သဘောထားကို တက်ရောက်ပြောဆိုပြီး အန်အယ်ဒီပါတီရဲ့ ယခင်သဘောထားကိုပဲ ထင်ဟပ်ခဲ့ပါတယ်။ အစိုးရကိုယ်စား ဒေါက်တာတင်မျိုးဝင်းက စာတမ်းတင်သွင်းရာမှာတော့ တပ်မတော်ရဲ့သဘောထားနဲ့ တိုင်းရင်းသားအဖွဲ့အစည်းတွေရဲ့သဘောထား ဒီနှစ်ခုအကြား ရှိနေတာ တွေ့ရပါတယ်

“ဖယ်ဒရယ်ဆိုတာ ခွဲထွက်ရေး လုံးဝမဟုတ်ပါဘူး။ ခွဲထွက်ရေးပြောလိုက်တာနဲ့ ဖယ်ဒရယ်မဟုတ်တော့ပါဘူး။ ဖယ်ဒရယ်ဆိုတာ ပေါင်းစည်းရေး အခြေခံပဲ ဖြစ်ပါတယ်။ ကျနော်တို့ ရည်မှန်းတဲ့ ဖယ်ဒရယ်ကတော့ အုပ်ချုပ်ရေး ဥပဒေပြုရေး တရားစီရင်ရေး ၃ ရပ်ကို အပြန်အလှန် ထိန်းကြောင်းတဲ့စနစ်ပဲဖြစ်ပါတယ်။ ပြည်ထောင်စုနဲ့ ဒေသန္တရ အစိုးရတွေကြားမှာ အာဏာခွဲဝေ ပူးပေါင်းအုပ်ချုပ်တဲ့ ကိုယ်ပိုင်အုပ်ချုပ်ခြင်း ၂ ခုကို သဟဇာတ မျှတအောင် အကောင်အထည်ဖော်နိုင်တဲ့ ဖယ်ဒရယ်ဖြစ်ဖို့ လိုအပ်ပါတယ်။ဒါကြောင့် တနိုင်ငံလုံးအတွက်ဖြစ်တဲ့ ပြည်ထောင်စုအစိုးရဆိုတာ ရှိသလို ဒေသန္တရ အစိုးရတွေလည်းရှိတဲ့ အစိုးရ ၂ ရပ် အသွင်‌သဏ္ဌာန်ကို အနှစ်သာရအရကော ဖွဲ့စည်းပုံအရပါ လုပ်ဆောင်နိုင်ဖို့ လိုအပ်ပါတယ်။ ”

လူမျိုးစုကိုအခြေခံတဲ့ဖယ်ဒရယ်ထက် လူမျိုးစုအားလုံးကို ကိုယ်စားပြုနိုင်တဲ့ အမျိုးသားလွှတ်တော် စုဖွဲ့မှူအခြေခံစဉ်းစားဖို့လိုတယ်လို့လည်း အစိုးရအဖွဲ့ကိုယ်စားလှယ် ဒေါက်တာတင်မျိုးဝင်းက ပြောခဲ့ပါတယ်။ အခုလို ဖတ်ကြားတင်သွင်းကြတဲ့ စာတမ်းတွေပေါ်မှာ သီးခြားစီ ဆွေးနွေးတာမျိုး မရှိပါဘူး။ ဒါပေမယ့် ဒီစာတမ်းတွေအပေါ် အခြေခံပြီး လာမယ့် ၃ လအတွင်း နိုင်ငံရေးဆွေးနွေးပွဲတွေ ရှိလာနိုင်တယ်လို့ အစည်းအဝေးတတ်ရောက်နေတဲ့ အကဲခပ်ဦးက ပြောပါတယ်။ ဒီတင်သွင်းစာတမ်းတွေကို ကြည့်ပြီး တဖက်နဲ့တဖက် ရှိနေတဲ့ သဘောထားတွေကို ပြည့်ပြည့်စုံစုံအကဲဖြတ်နိုင်မှာဖြစ်တယ်လို့လည်း ညီလာခံစီစဉ်သူတဦးက ဗွီအိုအေကို ပြောခဲ့ပါတယ်။

 သားညွန့်ဦး / ဗွီအိုအေ (မြန်မာပိုင်း)
http://burmese.voanews.com


ချင်းပြည်နယ် ဖလမ်းမြို့နယ် ဆီးယင်းသစ်တောကြိုးဝိုင်းအတွင်း ကျူးကျော်ဆောက်ထားကြသော လူနေအိမ်များ ကို ပြည်နယ် အစိုးရက မြေထိုးစက်ကြီးများဖြင့် ယနေ့ ဖြိုချဖျက်ဆီးခဲ့သည်။

ချင်းပြည်နယ် နယ်စပ်ရေးရာနှင့် လုံခြုံရေးဝန်ကြီး ဗိုလ်မှူးကြီးကျော်ကျော်၏ ဦးဆောင်မှုဖြင့် အင်အား ၁၀၀ ခန့်ရှိသော ချင်းပြည်နယ်နှင့် ကလေးခရိုင်ရဲတပ်ဖွဲ့တို့မှ မြေထိုးစက် (JCB) စက်ကြီး ၄ လုံးဖြင့် ယနေ့နံနက်ပိုင်း ၆ နာရီကစတင်ပြီး လူနေအိမ် ၃၀၀ ကျော်ကို ဖြိုချဖျက်ဆီးခဲ့ကြခြင်းဖြစ်သည်။

ပြည်နယ်အစိုးရအနေဖြင့် အဆိုပါ ဆီးယင်းသစ်တောကြိုးဝိုင်း အမှတ် (၁၄၄) တွင် နေထိုင်သူများအား ၂ ကြိမ်သတိပေးပြီး ဖြစ်သော် လည်း ပြောင်းရွှေ့ခြင်းမရှိသည့်အတွက် ယခုကဲ့သို့ လုပ်ဆောင်ရခြင်းဖြစ်သည်ဟု ချင်းပြည်နယ်သစ်တောဝန်ကြီး ဦးမာန်ဟင်းဒါလ် ကပြောသည်။

“ပြည်နယ်အစိုးရရဲ့ဆုံးဖြတ်ချက်ဖြစ်ပါတယ်၊ warning (သတိပေးချက်) ၂ ခါပေးပြီးပြီ၊ ၇ ရက်နေ့ ၈ လပိုင်း ကပေး ပြီးပြီ၊ နောက်ပြီးတော့ ၂၂ နေ့နောက်ဆုံး ထပ်ပေးတာလေ၊ ကိုယ့်ဟာကိုဖျက်သွား ရင်ပြသနာမဖြစ်ဘူးလေ၊ မဖျက်တော့ ဒီစီမံခန့်ခွဲမှုနည်းနဲ့ ဆုံးဖြတ်တာပဲ’’ ဟု ၀န်ကြီးကပြောသည်။

နေအိမ်များဖျက်ဆီးခံရသည့် ဒေသခံပြည်သူများသည် အနီးရှိ စီးစံကျေးရွာနှစ်ခြင်းဘုရားကျောင်းဝန်းအတွင်း ၀င်ရောက် ခိုလှုံကြရသည်။ တစ်ချိူ့မှာလည်း ဆွေးမျိူးအသိုင်းအ၀န်းထံသို့ သွားရောက်ခိုလှုံသူများလည်းရှိ သည်ဟု သိရသည်။

“ကျနော်တို့ကို အစိုးရက ဒီမှာမနေဖို့ အမြန်ဆုံးပြောင်းရွှေ့ကြဖို့ သတိပေးပါတယ်၊ ဒါပေမယ့် ကျနော်တို့မှာ တခြားနေစရာ မှမရှိတာ ဘယ်မှာ သွားနေရမှာလည်း၊ အစိုးရကို မလေးစားလို့ ၊ အာခံတာလည်းမဟုတ်ပါဘူး၊ ဒီမှာနေကြတဲ့သူတွေဟာ တခြားမှာနေစရာ အိမ်မရှိကြပါဘူး၊ အခု အိမ်လည်းအဖျက်ခံရပြီ၊ ကျနော်တို့ဘယ်မှာ သွားနေမှာရလဲ၊ အစိုးရက ကိုယ့်ပြည် သူတွေကို သက်ညှာထောက် ထားမယ် လို့ ကျနော်တို့ယုံကြည် ခဲ့တယ်၊ ဒါပေမယ့် ဒီနေ့ဒီလိုအဖြစ်ဆိုးနဲ့ကြုံခဲ့ရတယ်’’ ဟု နေအိမ်ဖျက်ဆီးခံရသူတစ်ဦးကပြော သည်။

ပြည်နယ်အစိုးရအနေဖြင့် လူနေအိမ်များအားလုံးဖျက်စီးပြီးပါက အဆိုပါနေရာတွင် ကျွန်းပင်များကို တခါတည်းစိုက်ပျိူး သွားရန် စီစဉ်ထားကြောင်းသိရသည်။

ကလေးမြို့အနောက်ဘက် စက္ကန့်ရွာအထက်နားတွင် တည်ရှိသော ဘွာလ်ပီးကျေးရွာဟုခေါ်ဆိုကြသော အဆိုပါဒေသတွင် အိမ်ခြေ စုစုပေါင်း ၃၆၁ အိမ် ရှိသော်လည်း အမှန်တကယ်နေထိုင်သူမှာ လူဦးရေ ၁၈၀ ခန့်သာရှိကြသည်။ အဆိုပါဒေသ တွင် နေထိုင်သူများ သည် ၂၀၁၅ ခုနှစ် သဘာဝဘေးဒဏ်ဖြစ်ပြီးနောက်ပိုင်း ပြောင်းရွှေ့လာကြသူများဖြစ်သည်။

ချင်းပြည်နယ်အစိုးရကတော့ ၎င်းတို့သည် သဘာဝဘေးဒဏ်ခံခဲ့ရသည့် ဒုက္ခသည်အစစ်များမ ဟုတ်ကြောင်းပြော ဆိုနေ သော်လည်း ဒေသခံများကမူ သဘာဝဘေး၊ လူမှုဘ၀ဒုက္ခအမျိူးမျိူးကြောင့် ယခုနေရာသို့ ပြောင်းရွှေ့အခြေချ လာကြ ခြင်းဖြစ်သည်ဟု ပြောဆိုကြသည်။

Khonumthung Burmese
http://www.khonumthungburmese.org


၂၁ ​ရာစု ​ပင်လုံညီလာခံရဲ့ ​ဒုတိယနေ့မှာ ​ဝပြည်သွေးစည်းညီညွတ်ရေး ​အဖွဲ့က ​မတက်ရောက်ဖို့ ​ဆုံးဖြတ်ခဲ့တဲ့ ​ကိစ္စဟာ ​နားလည်မှု ​လွဲတာ ​ဖြစ်နိုင်တယ်လို့ ​အစိုးရဘက်က ​ညီလာခံ ​ကျင်းပရေး ​ကော်မတီဝင် ​ဦးခင်ဇော်ဦးက ​ပြောပါတယ်။

အစိုးရကနေ ​ဖိတ်ခေါ်ထားတဲ့ ​လူတိုင်းအတွက် ​ဆိုင်ရာ ​အဖွဲ့အစည်းတွေကို ​ဖိတ်စာနဲ့ ​လုံခြုံရေးကဒ်တွေ ​ပေးပို့ထားပေမယ့် ​ဝ ​တပ်ဖွဲ့မှာ ​ကဒ်တွေ ​မပါလာခဲ့ဘူးလို့ ​ဦးခင်ဇော်ဦးက ​ပြောပါတယ်။

အဲဒါကြောင့် ​ညီလာခံ ​ဖွင့်ပွဲနေ့မှာ ​ဝ ​တပ်ဖွဲ့ကို ​အသင့်ရှိနေတဲ့ ​'လေ့လာသူ' ​ကဒ်တွေသာ ​ထုတ်ပေးလိုက်တာ ​ဖြစ်ပြီး ​နောက်ရက်မှာ ​ကဒ်အမှန်တွေ ​ထုတ်ပေးမယ်လို့ ​ပြောခဲ့တယ်လို့ ​မီဒီယာတွေကို ​ဦးခင်ဇော်ဦးက ​ရှင်းပြပါတယ်။

ဝအဖွဲ့ကို ​လေ့လာသူ ​အဖြစ် ​အစိုးရဘက်က ​သတ်မှတ်တာလို့ ​ဝဖက်က ​ယူဆလို့ ​နားလည်မှု ​လွဲတာ ​ဖြစ်နိုင်တဲ့အကြောင်း ​နားလည်မှု ​လွဲတာ ​ဟုတ်မဟုတ် ​သေချာအောင် ​ဝ ​တပ်ဖွဲ့တွေ ​တည်းခိုတဲ့ ​ဟိုတယ်ကို ​လိုက်သွားပြီး ​ဆွေးနွေးမယ်လို့လည်း ​ပြောလိုက်ပါတယ်။

ညီလာခံ ​ဖြစ်မြောက်ရေးလူတွေက ​လူပေါင်း ​၁၆၀၀ ​ကို ​စီမံခန့်ခွဲရတဲ့အတွက် ​အပြည့်အဝ ​မလုပ်ပေးနိုင်တာတွေ ​ရှိနိုင်တယ်လို့လည်း ​ပြောသွားခဲ့ပါတယ်။

ဝတပ်ဖွဲ့ကတော့ ​ညီလာခံမှာ ​တန်းတူညီမျှမှု ​မရှိတာကြောင့် ​မတက်တော့တာ ​ဖြစ်ပြီး ​အဲလို ​ထွက်ခွာမယ့်အကြောင်းကိုလည်း ​ကျင်းပရေး ​ကော်မတီကို ​အသိပေးခဲ့တယ်လို့ ​ပြောဆိုခဲ့တာ ​ရှိပါတယ်။

ABC Radio Australia
http://www.radioaustralia.net.au/burmese


ရန်ကုန် သြဂုတ် ၃၁

အထပ်မြင့်အဆောက်အအုံများ ဆောက် လုပ်ရာတွင် လက်မှတ်ရေးထိုး၍ လိုင်စင် ကြေးသာယူပြီး ကိုယ်တိုင်ကြီးကြပ်ခြင်း မရှိသော အင်ဂျင်နီယာများအား ကျင့်ဝတ် ဖောက်ဖျက်မှုဖြင့် ထိရောက်စွာ အရေးယူဆောင်ရွက်သွားမည် ဖြစ် ကြောင်း မြန်မာနိုင်ငံ အင်ဂျင်နီယာ အသင်းဥက္ကဋ္ဌ ဦးအောင်မြင့်က ယနေ့ ညနေပိုင်းတွင် ကန်တော်ကြီးပတ်လမ်းရှိ ဒေါ်(လ်)ဖင် စားသောက်ဆိုင်၌ ကျင်းပ သော ရန်ကုန်မြို့တော် စည်ပင်သာယာ ရေးကော်မတီ လိုင်စင်ရအဆောက်အအုံ ကန်ထရိုက်တာများအသင်း ဖွဲ့စည်းရေး အစည်းအဝေးတွင် ပြောကြားသည်။

မြန်မာနိုင်ငံ အင်ဂျင်နီယာအသင်း အနေဖြင့် လိုင်စင်ရအင်ဂျင်နီယာ သုံးမျိုး သုံးစား သတ်မှတ်ထုတ်ပြန်လိုက်ပြီဖြစ် ကြောင်း၊ ယင်းတို့မှာ မှတ်ပုံတင်အင်ဂျင် နီယာ၊ အကြီးတန်းမှတ်ပုံတင်အင်ဂျင်နီယာနှင့် အင်ဂျင်နီယာပညာရှင်ဟူ၍ ဖြစ်ကြောင်း၊ မုတ်ပုံတင်အင်ဂျင်နီယာ များသည် မည်သည့်အဆောက်အအုံကိုမျှ ဦးဆောင်အင်ဂျင်နီယာအဖြစ် ဆောက် လုပ်ခြင်းမရှိကြောင်း၊ လက်ထောက် အနေဖြင့်သာ ဆောင်ရွက်ခွင့်ရှိကြောင်း၊ အကြီးတန်းမှတ်ပုံတင် အင်ဂျင်နီယာ တစ်ဦးအနေဖြင့် ရှစ်ထပ်လူနေအဆောက် အအုံကိုသာ တာဝန်ယူ၍ ဆောက်လုပ် ခွင့်ရှိကြောင်း၊ နှစ်ထပ်ကျောင်း၊ ဈေးနှင့် တစ်ထပ်အားကစားရုံများကို တာဝန်ခံ အင်ဂျင်နီယာအဖြစ် ဆောက်လုပ်ခွင့် မရှိကြောင်း၊ ယင်းတို့အနက် အင်ဂျင် နီယာပညာရှင်အဆင့်မှသာ အဆောက် အအုံအားလုံးကို တာဝန်ယူတည်ဆောက် ခွင့်ရှိကြောင်း သိရသည်။

ဆောက်လုပ်ရေး လုပ်ငန်းရှင်များ၊ ကန်ထရိုက်တာများအနေဖြင့် မိမိတို့ တာဝန်ယူဆောက်လုပ်သော အဆောက် အအုံများကို သတ်မှတ်အရည်အချင်း နှင့်ပြည့်စုံသော မှတ်ပုံတင်အင်ဂျင်နီယာ များဖြင့်သာ ဆောက်လုပ်သင့်ကြောင်း၊ အင်ဂျင်နီယာမပါဘဲ ဆောက်လုပ်သော အဆောက်အအုံများ များပြားလာ၍ အရည်အသွေးမှာလည်း ကျဆင်းလာ ကြောင်း၊ ယခုအခါ ရန်ကုန်မြို့တော် စည်ပင်သာယာရေး ကော်မတီက ထုတ်ပေးထားသော လိုင်စင်ရအင်ဂျင် နီယာအရေအတွက်မှာ ၁၂ဝဝ ခန့်သာ ရှိကြောင်း သိရသည်။

သတင်း - မြင့်မောင်စိုး၊ ဓာတ်ပုံ - တင်စိုး(မြန်မာ့အလင်း)
Myanmaalinn
https://www.facebook.com/MYANMAALINNNEWS


၂၀၁၆ခုနှစ် သြဂုတ်လ ၃၁ ရက်နေ့  ည ၈ နာရီ အချိန်ခန့် တွင် မကွေးတိုင်းဒေသကြီး မကွေးမြို့၊ တောင်တွင်းလမ်းနှင့် မြင်းကင်းလမ်းထောင့် ဗိဿနိုးအဆောင်ရှေ့တွင် လူတစ်စုမှ တုတ်၊ ဓား လက်နက်များ ကိုင်ဆောင်ကာ လမ်းသွားလမ်းလာ ဆိုင်ကယ်များအား တားဆီး၍ ခြိမ်းခြောက်ငွေတောင်းခံ ခဲ့ကြောင်း သိရသည်။

 ဦးအောင်ဘုန်းမြင့်ကြည်၏ ဆိုင်ကယ်ကို ရပ်တန့်ပြီး လူ(၇)ဦးမှ ဝိုင်းကာ ခြိမ်းခြောက်ပြီး ငွေတောင်းနေစဉ် ဦးအောင်ဘုန်းမြင့်ကြည်၏ သူငယ်ချင်းများ ရောက်လာသဖြင့် လူ(၇)ဦးမှာ ၂၆ယ/၉၃၇၅၄ နံပါတ်ပါ ဆိုင်ကယ်အပါအဝင် ဆိုင်ကယ်(၃)စီးဖြင့် ထွက်ပြေးသွားသဖြင့် ဦးအောင်ဘုန်းမြင့်ကြည်မှ တရားလိုပြုလုပ်တိုင်တန်းရာ မကွေးမြို့မ ရဲစခန်း(ပ)၁၇၄၉/၂၀၁၆၊ ရာဇသတ်ကြီးပုဒ်မ ၃၈၆ ဖြင့် လက်ခံအမှုဖွင့်အရေးယူ ခဲ့ပါသည်။

ဖြစ်စဉ်နှင့်ပတ်သက်၍ မကွေးခရိုင်ရဲတပ်ဖွဲ့မှူးမှ တရားခံများအား အမြန်စုံစမ်းဖော်ထုတ် ဖမ်းဆီးရန်ညွန်ကြားမှုဖြင့် မကွေးခရိုင် မှုခင်းနှိမ်နင်းရေးဌာနစုမှ ရဲအုပ်သက်အောင်စိုး၊ ဒုရဲအုပ်သိန်းနိုင်ဝင်း၊ ရဲဒုတပ်ကြပ် နိုင်ဦး၊ရဲတပ်သားဝဏ္ဏမင်းထက်တို့သည် မကွေးမြို့မရဲစခန်းမှူးဒုရဲမှူးစိန်အောင်၊ မြို့မရဲစခန်းမှတပ်ဖွဲ့ဝင်များနှင့်ပူးပေါင်းကာ သတင်းများစုဆောင်းရှာဖွေပြီး စုံစမ်းရာ မကွေးမြို့၊ စိုက်ပျိုးရေးဝင်းအတွင်းနေ ဦးအောင်နိုင်၏သား ဥာဏ်လင်းအောင် ပါဝင်ကြောင်း သတင်းအရခေါ်ယူစစ်ဆေးရာမှ တရားခံများကို အောက်ပါအတိုင်းဖမ်းဆီးရမိခဲ့ပါသည်။


ဖြစ်စဉ်မှာ မကွေးမြို့၊ နတ်မောက်လမ်း၊ စိုက်ပျိုးရေးဝင်းအတွင်းနေ  ---
၁။ ဥာဏ်လင်းအောင်(သ)၂၃နှစ်(ဖ)ဦးအောင်နိုင်၊ ဆီစက်လုပ်သား။
၂။ အောင်ဇေယျာ(ခ)မိုးဒီ(သ)၁၉နှစ်(ဖ)ဦးညွန့်လှိုင်၊ မှီခို။
၃။ ဝေဖြိုးအောင်(သ)၁၉နှစ်(ဖ)ဦးမျိုးအောင်၊ လေထိုးကျွတ်ဖာ။
၎။ ချစ်ကို(သ)၁၇နှစ်(ဖ)ဦးကံကောင်း၊ လေထိုးကျွတ်ဖာ။
၅။ ခိုင်သက်အောင်(သ)၁၈နှစ်(ဖ)ဦးအောင်ကျော်စိုး၊ ဝင်း 2 ကုန်စုံဆိုင်လုပ်သား။
၆။ ပျိုဝိုင်း(သ)၂၁နှစ်(ဖ)ဦးမြဝင်း၊ ပွဲရုံလုပ်သား၊ ဥသျှစ်ကုန်းရွာ၊ တောင်တွင်းကြီးမြို့နယ် (လက်ရှိနေရပ်၊ ကုတင်၁၀၀ဆေးရုံဝင်း၊ နတ်မောက်လမ်း၊ မကွေးမြို့။
၇။ဟိန်းထက်အောင်(သ)၁၈နှစ်(ဖ)ဦးစံမောင်း၊ ဟိန်းစတားဆိုင်ကယ်ပြုပြင်ဆိုင်၊ ချမ်းမြေ့သာယာ(ဂ)အုပ်စု(၃)လမ်း၊ မကွေးမြို့နေသူတို့ ဖြစ်သည်။

 အခင်းဖြစ်ညက အရက်သေစာသောက်စားပြီး သံတုတ်များ၊ ဓားများကိုင်ဆောင်ကာ ဆိုင်ကယ်များဖြင့် အုပ်စုဖွဲ့သွားလာကြပြီး မကွေးမြို့၊ တောင်တွင်းလမ်းနှင့် မြင်းကင်းလမ်း ထောင့် ဗိဿနိုးဆောင် အမှောင်ရိပ်တွင် ရပ်ကာ လမ်းသွားလမ်းလာ ဆိုင်ကယ်များအား အရှည် (၁၈)လက်မခန့်ရှိ စတီးလ်ပိုက်လုံး (၂)ချောင်း၊ အရှည်(၂၀)လက်ခန့်ရှိ ဓား(၁)ချောင်း၊ အရိုးအသွား(၈)လက်မခန့်ရှိ စတီးလ်ခေါက်ဓားမြောင်တို့ကိုင်ဆောင်ကာ ခြိမ်းခြောက်ပြီး ငွေတောင်းခြင်း ဖြစ်ကြောင်း စစ်ဆေးပေါ်ပေါက်ပါသည်။

တရားခံ(၇)ဦးအား စစ်ဆေးခဲ့ရာ မကွေးနယ်မြေရဲစခန်း(ပ)၁၅၉၁/၂၀၁၆၊ရာဇသတ်ကြီးပုဒ်မ ၃၂၅/၄၂၇/၁၁၄ ပြစ်မှုကျူးလွန်သူ တရားခံများဖြစ်ကြောင်း ဆက်စပ်၍ စစ်ဆေးပေါ်ပေါက်ခဲ့ပါသည်။

မကွေးခရိုင်ရဲတပ်ဖွဲ့



ရီပါပလေကန် ပါတီရဲ့ သမ္မတလောင်း Donald Trump (Credit: Reuters) 
ရီပါပလေကန် ​သမ္မတလောင်း ​Donald ​Trump ​က ​မက္ကဆီကို ​သမ္မတနဲ့ ​တွေ့ဆုံပြီး ​လူဝင်မှုကြီးကြပ်ရေး ​ကိစ္စနဲ့ ​ကုန်သွယ်ရေး ​အကြောင်းတွေ ​ဆွေးနွေးခဲ့ကြပါတယ်။

မက္ကဆီကို ​နိုင်ငံသားတွေ ​အမေရိကန်နိုင်ငံထဲ ​တရားမဝင် ​ဝင်လာတာမျိုး ​မရှိအောင် ​နှစ်နိုင်ငံ ​နယ်စပ်မှာ ​တံတိုင်းတွေ ​တည်ဆောက်မှာ ​ဖြစ်ပြီး ​ကုန်ကျစရိတ်ကို ​မက္ကဆီကို ​နိုင်ငံကို ​ပေးခိုင်းမယ်လို့ ​Donald ​Trump ​က ​အစောပိုင်းမှာ ​ပြောဆိုခဲ့တာ ​ရှိပါတယ်။

မက္ကဆီကို ​သမ္မတ ​Enrique ​Pena ​Nieto ​နဲ့ ​တွေ့ဆုံတဲ့အခါမှာလည်း ​နှစ်နိုင်ငံ ​နယ်စပ်မှာ ​အမေရိကန်က ​တံတိုင်းတွေ ​ကာရံပိုင်ခွင့် ​ရှိတယ်လို့ ​ပြောပါတယ်။

တံတိုင်းကာပိုင်ခွင့် ​ရှိတဲ့အကြောင်းကိုသာ ​ဆွေးနွေးပြီး ​ကုန်ကျစရိတ်ကို ​ဘယ်သူခံရမယ် ​ဆိုတဲ့အကြောင်း ​မဆွေးနွေးဖြစ်ခဲ့ဘူးလို့ ​Donald ​Trump ​က ​ပြောသွားခဲ့ပါတယ်။

ဒါပေမဲ့ ​AFP ​သတင်းမှာတော့ ​မက္ကဆီကို ​သမ္မတက ​တံတိုင်းတည်ဆောက်မယ့် ​ကုန်ကျစရိတ်ကို ​မက္ကဆီကို ​ကုန်ကျမခံနိုင်ဘူးလို့ ​အတိအလင်း ​ပြောကြားခဲ့တယ်လို့ ​ဆိုပါတယ်။

Donald ​Trump ​နဲ့ ​တွေ့ဆုံစမှာပဲ ​အဲဒီကိစ္စကို ​ဆွေးနွေးခဲ့တယ်လို့ ​မက္ကဆီကို ​သမ္မတက ​Donald ​Trump ​အမေရိကန်နိုင်ငံကို ​ပြန်သွားပြီး ​မကြာခင်မှာပဲ ​တွစ်တာမှာ ​ရေးသားခဲ့တာ ​ဖြစ်ပါတယ်။

ဒါ့အပြင် ​Donald ​Trump ​နဲ့ ​တွေ့ဆုံပြီး ​နာရီပိုင်းအတွင်းမှာပဲ ​မက္ကဆီကို ​သမ္မတက ​Donald ​Trump ​ရဲ့ ​ပေါ်လစီ ​တချို့က ​မက္ကဆီကိုအတွက် ​စိုးရိမ်စရာ ​ဖြစ်တာကြောင့် ​Donald ​Trump ​ကို ​လာလည်ဖို့ ​ဖိတ်ခေါ်ခဲ့ရတာ ​ဖြစ်တယ်လို့လည်း ​ရုပ်မြင်သံကြား ​တစ်ခုမှာ ​ပြောသွားခဲ့ပါတယ်။

မက္ကဆီကို ​သမ္မတက ​Donald ​Trump ​ကို ​ဖိတ်ခေါ်ခဲ့သလို  ​ဒီမိုကရက်တစ် ​ပါတီရဲ့ ​သမ္မတလောင်း ​ဟီလာရီ ​ကလင်တန်ကိုလည်း ​မက္ကဆီကို ​နိုင်ငံဆီ ​လာလည်ဖို့ ​ဖိတ်ခေါ်ထားပါတယ်။

ABC Radio Australia
http://www.radioaustralia.net.au/burmese



ရေမဲနေတဲ့ ချင်းတွင်းမြစ်ရေကို တွေ့ရစဉ်။ ဓါတ်ပုံ - ဇော်ဇော်ဌေး တကိုယ်တော် အောင်လံ(facebook)
စစ်ကိုင်းတိုင်းဒေသကြီး ဟုမ္မလင်းမြို့နဲ့ ခန္တီးမြို့နားတဝိုက်မှာ ချင်းတွင်းမြစ်ရေတွေ မဲနေတာကြောင့် ဓာတ်ခွဲ စစ်ဆေးကြည့်ရာမှာ ခဲဓါတ်တွေအများအပြားပါဝင်နေပြီး သောက်သုံးရန်မသင့်ကြောင်း တွေ့ရှိခဲ့တယ်လို့ စစ်ကိုင်းတိုင်းဒေသကြီး အစိုးရအဖွဲ့က ပြောပါတယ်။

ချင်းတွင်းမြစ်ရေမှာ ခဲပါဝင်မှုက ရေထဲမှာပျော်ဝင်ရမယ့်နှုန်းထားထက် အဆ ၁ဝဝ ကျော် ပိုပြီး ပါဝင်နေတာကို စစ်ဆေးတွေ့ရှိခဲ့တယ်လို့ စစ်ကိုင်းတိုင်းဝန်ကြီးချုပ်ရဲ့ ကိုယ်ရေးအရာရှိ ဦးသန်းဌေး က ပြောပါတယ်။

"သဘာဝပတ်ဝန်းကျင်ဦးစီးဌာနရဲ့ Report ပေါ့၊ သူကကျတော့ ခဲပါဝင်မှုက ရေထဲမှာ သာမန်ပျော်ဝင် ရမယ့် နှုန်းထားထက် အဆ ၁ဝဝ ကျော်ပေါ့၊ မြောက်များစွာပိုပါနေတာကို တွေ့ရတယ်တဲ့၊ ဒါ့ကြောင့်မို့ ဘယ်လိုမှ သောက်သုံးရန် မသင့်ပါဘူး၊ အန္တရာယ်ရှိနိုင်ပါတယ်လို့ ပြောတာပေါ့၊ ဒါအင်မတန်စိုးရိမ် ရတဲ့အနေအထားပါလို့ ပြောပါတယ်"

ဟုမ္မလင်းမြို့နယ် အထွေထွေအုပ်ချုပ်ရေးဦးစီးဌာနက ပေးပို့တဲ့မြစ်ရေနမူနာကို မန္တလေးဓါတ်ခွဲခန်းမှာ စစ်ဆေးခဲ့ပြီး အဲဒီလို စစ်ဆေးတွေ့ရှိရတာဖြစ်ပါတယ်။

ရေမဲတွေစီးဆင်းခဲ့တဲ့ ခန္တီးနဲ့ ဟုမ္မလင်းမြို့နယ်တွေမှာ ချင်းတွင်းမြစ်ရေကို သောက်သုံးရန် မသင့်ကြောင်း အထွေထွေအုပ်ချုပ်ရေး ဦးစီးဌာနတွေက လိုက်လံသတိပေးထားပါတယ်။

စစ်ကိုင်းတိုင်းအစိုးရအဖွဲ့အနေနဲ့ ချင်းတွင်းမြစ်ရေကို နောက်ထပ် ဓါတ်ခွဲစစ်ဆေးသွားမှာဖြစ်ပြီး ချင်းတွင်းမြစ်ထဲ ကို ရေမဲတွေ စတင်စီးဝင်ခဲ့တဲ့ နမ့်စလိန်ချောင်းကိုလည်း သွားရောက်စစ်ဆေးသွားမှာ ဖြစ်တယ်လို့ ဦးသန်းဌေး က ပြောပါတယ်။

အဲ့ဒီဘက်မှာ ပြီးခဲ့တဲ့ ၂ နှစ်လောက်တုန်းကလည်း အခုလို အမဲရောင်ရေတွေ စီးဆင်းခဲ့ဖူးတယ်လို့ ဒေသခံတွေ က ပြောပါတယ်။

RFA Burmese
http://www.rfa.org/burmese


မုံရွာ၊ စက်တင်ဘာ ၁

စစ်ကိုင်းတိုင်းဒေသကြီး မုံရွာမြို့ ချမ်းမြ၀တီရပ်ကွက်၊ ရတနာလမ်းနှင့် လမ်း ၃၀ ထောင့်ရှိ ရေအိုင်အနီးတွင် စက်တင်ဘာ ၁ ရက် မနက်ပိုင်းက အမျိုးသားတစ်ဦးမှာ လည်ပင်းလှီးဖြတ် ဓားဒဏ်ရာများဖြင့် သေဆုံးလျက်ရှိကြောင်း ချမ်းမြ၀တီရပ်ကွက် အုပ်ချုပ်ရေးအဖွဲ့ထံမှ သိရသည်။

သေဆုံးသူမှာ ချမ်းဝတီရပ်ကွက်နေ ကိုဝင်းဆွေ အသက်(၃၈)နှစ်ဆိုသူဖြစ်သည်။ သေဆုံးသူသည် အရက်စွဲရောဂါရှိသူတစ်ဦးဖြစ်ပြီး အရက်သောက်သုံးခြင်းအား သုံးရက်တာဖြတ်ထားခဲ့ပြီးနောက် စက်တင်ဘာ ၁ ရက် မနက် ၁ နာရီအချိန်ခန့်က မိသားစုနှင့်အတူ နေအိမ်တွင်ရှိနေစဉ် ၎င်းတစ်ဦးတည်း နေအိမ်အပြင်ဘက်သို့ထွက်ခွာသွားခဲ့သည်။

ယနေ့ မနက် မိုးလင်းသောအခါ ရတနာလမ်းနှင့် လမ်း ၃၀ ထောင့်အနီး ရေအိုင်စပ်တစ်နေရာတွင် နေအိမ်မီးဖိုချောင်သုံး ဓားဖြင့် မိမိကိုယ်ကို လည်ပင်းလှီးဖြတ်၍ အဆုံးစီရင်သွားခဲ့ခြင်းဖြစ်သည်။ ထို့သူမှ မိမိကိုယ်ကို အဆုံးစီရင်သည့်အခါ အသုံးပြုသော နေမီးဖိုချောင်သုံး ဓားမှာ ၎င်း၏ နေအိမ်မှဓားဖြစ်ပြီး ညာဘက်လက်တွင် ဆုပ်ကိုင်ထားလျက်သေဆုံးနေခြင်းဖြစ်သည်။

ထို့ကြောင့် မုံရွာနယ်မြေရဲစခန်းမှူး ရဲအုပ် ရဲအောင်မှ သေဆုံးသူအား မှုခင်းဆေးပညာများအရ ဆက်လက်၍ စစ်ဆေးဆောင်ရွက်နိုင်ရန် မုံရွာနယ်မြေရဲစခန်း သေမှုသေခင်းအမှတ်စဉ် ၁၅/၂၀၁၆ အရ သေဆုံးသူအား မုံရွာပြည်သူ့ဆေးရုံကြီးသို့ပို့ဆောင်ခဲ့သည်။

ထို့နောက် မုံရွာပြည်သူ့ဆေးရုံကြီးရှိ မှုခင်းဆရာဝန်ကြီးမှ အဆိုပါ သေဆုံးသူအား မှုခင်းဆေးပညာများအရ ဆက်လက်၍ စစ်ဆေးဆောင်ရွက်ခဲ့ရာတွင် သေဆုံးသူသည် ယနေ့မနက် ၅ နာရီအချိန်ဝန်းကျင်ခန့်က သေဆုံးသွားခြင်းဖြစ်နိုင်ဖွယ်ရာရှိကြောင်း၊ သေဆုံးရခြင်းအကြောင်းမှာ လည်ပင်းပြတ်ရှဒဏ်ရာဖြင့် မှောက်လျက်အနေအထားကြောင့် အသက်ရှုလမ်းကြောင်းပိတ်ဆို့ကာ သေဆုံးသွားခဲ့ခြင်းဖြစ်သည်။

 သေဆုံးသူ၏ အသည်းမှာ ပုံမှန်အနေအထားမဟုတ်ဘဲ အရက်အလွန်အကျွံသောက်သုံးသူများတွင် တွေ့ရှိရသော အသည်းအနေအထားများဖြစ်ကြောင်း မှုခင်းဆေးပညာများအရ ထင်မြင်သုံးသပ်ထားကြောင်း သိရှိရသည်။

သတင်း၊ ကိုတိုးကြီး
https://www.facebook.com/KoToeChinDween



မလေးရှားနိုင်ငံ ကွာလာလမ်ပူမြို့ ရှိ အမြွှာမျှော်စင်အားတွေ့ ရစဉ်(ဆင်ဟွာ)
    ကွာလာလမ်ပူ ၊ စက်တင်ဘာ ၁ ရက် (ဆင်ဟွာ)

    မကြာသေးမီက စင်ကာပူနိုင်ငံသို့ သွားရောက်လည်ပတ်ခဲ့သည့် အမျိုးသမီးတစ်ဦးထံမှ ဇီကာဗိုင်းရပ်စ် ရောဂါကို ပထမဆုံး တွေ့ ရှိကြောင်း မလေးရှားနိုင်ငံအစိုးရတာဝန်ရှိသူများက စက်တင်ဘာလ ၁ ရက်တွင် အတည်ပြုပြောကြားသည်။

စင်ကာပူနိုင်ငံသည် မကြာသေးမီ ရက်ပိုင်းများက ဇီကာဗိုင်းရပ်စ် ကျယ်ကျယ်ပြန့် ပြန့် တိုးမြှင့်ကူးစက်ခံခဲ့ရသည့် နိုင်ငံတစ်နိုင်ငံဖြစ်သည်။ မလေးရှားနိုင်ငံ ဆီလန်ဂေါရှိ ဘန်ဒါဘော့တနစ်မှ အသက် ၅၈ နှစ်အရွယ်  အမျိုးသမီးတစ်ဦးထံမှ ဇီကာဗိုင်းရပ်စ်တွေ့ ရှိပြီးနောက်တွင် မလေးရှားကျန်းမာရေးအာဏာပိုင်များသည် နိုင်ငံတွင်း၌ ဗိုင်းရပ်စ် သတိပေးတပ်လှန့် မှုများပြုလုပ်ခဲ့ကြောင်း မလေးရှားနိုင်ငံကျန်းမာရေးဝန်ကြီးဌာန ဝန်ကြီး ဒေါက်တာ S.Subramaniam က သတင်းစာရှင်းလင်းပွဲတွင်ပြောကြားသည်။

 အဆိုပါ ဇီကာဗိုင်းရပ်စ် ကူးစက်ခံရသည့် အမျိုးသမီးကို ဆေးရုံတင်ပို့ ထားကြောင်း ဝန်ကြီးက အတည်ပြုခဲ့သည်။

ရောဂါကူးစက်ခံရသော အမျိုးသမီးသည် သြဂုတ်လ ၁၉ ရက် မှ ၂၁ ရက်အထိ ၄င်း၏ သမီး ဖြစ်သူရှိရာ စင်ကာပူနိုင်ငံသို့ သွားရောက်လည်ပတ်စဉ် ရောဂါကူးစက်ခံလိုက်ရဖွယ် ရှိကြောင်း သံသယရှိနေကြသည်။၎င်းသည် သြဂုတ်လ ၂၈ ရက်တွင် ဇီကာဗိုင်းရပ်စ်လက္ခဏာကို စတင်ခံစားခဲ့ရကြောင်း နှင့် သြဂုတ်လ ၃ဝ ရက်တွင် ဆေးစစ်မှုများခံယူခဲ့ကြောင်း ဝန်ကြီးဌာနထုတ်ပြန်ချက်အရ သိရသည်။

ရောဂါကူးစက်ခံရသောအမျိုးသမီး နှင့် တစ်အိမ်တည်းအတူနေထိုင်ခဲ့ကြသည့် ၄င်း၏ ခင်ပွန်း နှင့် မိသားစုဝင်များထံတွင်မူ ဇီကာဗိုင်းရပ်စ် ကူးစက်ခံရသော လက္ခဏာများ တွေ့ ရှိခြင်း မရှိသေးပေ။ သို့ သော် ၄င်း၏ ခင်ပွန်းသည် သမီးနေထိုင်ရာ စင်ကာပူသို့ ၎င်းနှင့် အတူတူသွားရောက်လည်ပတ်ခဲ့ကြောင်း သိရသည်။

မလေးရှားကျန်းမာရေးဝန်ကြီးဌာနအနေဖြင့် ဇီကာဗိုင်းရပ်စ် ကူးစက်ခံရသည့် အမျိုးသမီးနေထိုင်ရာ ပတ်ဝန်းကျင်ဧရိယာအတွင်း ခြင်ပေါက်ဖွားမှုမဖြစ်ပွားအောင် ထိန်းချုပ်ရေးလုပ်ငန်းများ စတင်လုပ်ဆောင်လျက်ရှိသလို ၄င်းသွားရောက်လည်ပတ်ခဲ့သည့် နေရာများ၌လည်း ခြင်နှိမ်နင်းရေးလုပ်ငန်းများ လုပ်ဆောင်လျက် ရှိကြောင်း သိရသည်။

နိုင်ငံအတွင်း ဇီကာဗိုင်းရပ်စ်တွေ့ ရှိရာ လမ်းကြောင်းတစ်လျှောက်တွင်  အသက်ရှုရောဂါဖြစ်ပေါ်စေသည့် အီဒစ် (Aedes) ခြင်နှိမ်နင်းရေးအတွက် ခြင်ဆေးပက်ဖျန်းခြင်း လုပ်ငန်းစဉ်များ ပါဝင်ကြောင်း သိရသည်။

ဇီကာဗိုင်းရပ်စ်ပိုး ပြန့် နှံ့ ခြင်း ရှိမရှိ စစ်ဆေးရန် ဒေသခံများအား ၄င်းတို့ ၏ နေအိမ်အတွင်းအထိ ရောဂါထိန်းချုပ်ရေးအရာရှိများကို ဝင်ရောက် စစ်ဆေးခွင့်ပြုပါရန် Subramaniam က တိုက်တွန်းထားကြောင်း သိရသည်။

(Xinhua)
http://www.xinhuamyanmar.com


ဘရာဇီးလ်နိုင်ငံမှာ သမ္မတသစ် ဖြစ်လာတဲ့ Michel Temer က ပြဿနာတွေနဲ့ ရင်ဆိုင်နေရတဲ့ သူ့နိုင်ငံအတွက် ခေတ်သစ်အစိုးရတရပ်ကို ထူထောင်မှာဖြစ်ကြောင်း ဗုဒ္ဓဟူးနေ့က သမ္မတအဖြစ် ကျမ်းသစ္စာ ကျိန်ဆိုပြီး မကြာခင်မှာပဲ ကတိပေးလိုက်ပါတယ်။

အရင်သမ္မတဟောင်း Dilma Rousseff ကို အစိုးရဘတ်ဂျက်ငွေ ရသုံးစာရင်းဆိုင်ရာ ဥပဒေချိုးဖောက်မှုနဲ့ ရာထူးကနေ ဖယ်ရှားဖို့ ဘရာဇီးလ် အထက်လွှတ်တော်က ထောက်ခံမဲ ၆၁ မဲ ကန့်ကွက်မဲ ၂၀ နဲ့ မဲခွဲဆုံးဖြတ်ခဲ့ကြတာပါ။

ဘရာဇီးလ်နိုင်ငံရဲ့ ပထမဆုံး အမျိုးသမီး သမ္မတဖြစ်တဲ့ Dilma Rousseff ကို တနင်္လာနေ့က ၁၄ နာရီ ကျော် မေးမြန်းစစ်ဆေးခဲ့ပြီးတဲ့နောက်မှာ အပြစ်ရှိကြောင်း ဆုံးဖြတ်ချက်ချခဲ့တာဖြစ်ပြီး အင်္ဂါနေ့ကတော့ သူ့အပေါ် စွဲချက်တင်ထားတာကို နောက်ဆုံးအဖြစ် ချေပခွင့် ပေးခဲ့ပါတယ်။ တရားရုံးရဲ့ အခုလို ဆုံးဖြတ်ချက်အတွက် အထက်လွှတ်တော်အမတ် ၈၁ ဦးထဲက အနည်းဆုံး ၅၄ ဦးက ထောက်ခံမဲပေးမှ ဒီဆုံးဖြတ်ချက်ဟာ အတည်ဖြစ်ပါတယ်။

သမ္မတအဖြစ် ကျမ်းသစ္စာ ကျိန်ဆိုပြီးတဲ့နောက်မှာ ပြုလုပ်တဲ့ ရုပ်သံကနေ တိုက်ရိုက်ထုတ်လွှင့်တဲ့ ဝန်ကြီးများအဖွဲ့ အစည်းဝေးမှာ Temer က သူဟာ ဘရာဇီးလ်နိုင်ငံရဲ့ စီးပွားရေးကို ပြုပြင်ဖို့၊ နိုင်ငံခြားရင်းနှီးမြှုပ်နှံမှုတွေ ရအောင် ဆွဲဆောင်ဖို့၊ အလုပ်လက်မဲ့ဦးရေ လျှော့ချဖို့နဲ့ ပင်စင်စနစ်ကို ပြန်လည် ပြုပြင်ဖို့တွေကို အဓိက ဦးစားပေး လုပ်ဆောင်မယ်လို့ ပြောကြားခဲ့ပါတယ်။

ဒါပေမဲ့ သူ့ လုပ်ဖော်ကိုင်ဖက် မဟာမိတ်တွေကြား အကွဲကွဲ အပြားပြား ဖြစ်တာကိုတော့ သည်းခံမှာ မဟုတ်ဘူးလို့ သတိပေးခဲ့ပါတယ်။

Rousseff ဟာ ၂၀၁၄ ရွေးကောက်ပွဲမှာ လူကြိုက်များစေဖို့ ကြိုးစားခဲ့ရာမှာ အစိုးရဘတ်ဂျက် လိုငွေပြတာကို နိုင်ငံတော် ဘဏ်တွေက ငွေတွေယူပြီး တရားမဝင် သုံးစွဲခဲ့တယ်လို့ အစွပ်စွဲခံခဲ့ရတာပါ။ သူကတော့ အမှား ဘာတခုမှ မလုပ်ခဲ့ဘဲ အတိုက်အခံတွေက သူ့ကို ဖြုတ်ချဖို့ ကြိုးစားမှုတခုလို့ ချေပခဲ့ပါတယ်။

 ဗွီအိုအေ (မြန်မာပိုင်း)
http://burmese.voanews.com


မဲ ခြောက်ထောင် ဝန်းကျင် အသာစီးနဲ့ သမ္မတ ဘွန်ဂိုက အနိုင်ရခဲ့တယ် ဆိုတဲ့ အချက် ဟာ လိမ်ညာ လှည့်ဖျားတာ ဆိုပြီး အတိုက်အခံ တွေက ယူဆ နေပါတယ်။
အတ္တလန္တိတ် သမုဒ္ဒရာ ကမ်းရိုးတမ်း ဘက်ခြမ်း ဗဟို အာဖရိက နိုင်ငံ တစ်ခု ဖြစ်တဲ့ ဂက်ဘ်ဘွန်း မှာ သမ္မတ အလီ ဘွန်ဂို ကို ဆန့်ကျင် သူတွေက အမျိုးသား လွှတ်တော် အဆောက်အဦ ကို မီးတင် ရှို့ ခဲ့ကြ ပါတယ်။

ပြီးခဲ့တဲ့ စနေနေ့က ကျင်းပ ခဲ့တဲ့ ရွေးကောက်ပွဲ မှာ လက်ရှိ သမ္မတ ဘွန်ဂိုက ပြိုင်ဘက် ယန်းပင်း ကို ပွတ်ကာ သီကာ နဲ့ အနိုင်ရရှိ ခဲ့တယ် ဆိုတဲ့ ကြေညာချက် ထွက်လာ အပြီးမှာ မစ္စတာ ပင်းကို ထောက်ခံ ကြသူတွေ အုံကြွ လာခဲ့တာ ဖြစ်ပါတယ်။

မဲ ခြောက်ထောင် ဝန်းကျင် အသာစီးနဲ့ သမ္မတ ဘွန်ဂိုက အနိုင်ရခဲ့တယ် ဆိုတဲ့ အချက် ဟာ လိမ်ညာ လှည့်ဖျားတာ ဆိုပြီး အတိုက်အခံတွေက ယူဆ နေပါတယ်။

ဂစ်ဘ်ဘွန် ရဲ့ မြို့တော် လီဘရာဗီးလ် မှာ ဆန္ဒပြ အုံကြွ နေသူ တွေကို ရဲတွေက မျက်ရည်ယိုဗုံး သုံးပြီး ဖြိုခွဲ ခဲ့ကြပါတယ်။

ရေနံ ထွက်တဲ့ ဂစ်ဘ်ဘွန်း နိုင်ငံ မှာ ဘွန်ဂို မျိုးနွယ် တွေ အာဏာ ပိုင်စိုး ထားတာ ရာစုနှစ် ထက်ဝက် နီးပါး ကြာမြင့် နေပြီ ဖြစ်ပါတယ်။

BBC Burmese
http://www.bbc.com/burmese

 

၁၊စက်တင်ဘာ။နေပြည်တော်၊

ဝပြည်သွေးစည်းညီညွတ်ရေးတပ်မတော်၊ ၀ပြည် သွေးစည်းညီညွတ်ရေးအဖွဲ့(UWSA/UWSP)ဟာ ဒီကနေ့စတင်တဲ့ပြည်ထောင်စုငြိမ်းချမ်းရေး ၂၁ရာစုပင်လုံညီလာခံ ကနေ ထွက်ခွာသွားပြီလို့ သတင်းရရှိပါတယ်။ 
ညီလာခံကနေ ထွက်ခွာသွားရတဲ့အကြောင်းအရင်းက ၀ကိုယ်စားလှယ်များကို ညီလာခံလေ့လာသူများအဖြစ် သာသတ်မှတ် ထား ပြီးညီလာခံတတ်ရောက်သူအဖြစ်သတ်မှတ်မထားတာကြောင့် ထွက်ခွာသွားတယ်လို့ UWSA ရဲ့ကိုယ်စားလှယ်တစ်ဦးကဖုန်းနဲ့ပြောပါတယ်။
ပြည်ထောင်စုငြိမ်းချမ်းရေးညီလာခံ ၂၁ရာစုပင်လုံကို တတ်ရောက်ဖို့ ၁၇၁ စစ်ဒေသက ဆက်ဆံရေးတာဝန်ခံတယောက်ဦးစီးပြီးစုစုပေါင်း ၀ကိုယ်စားလှယ် ၉ဦးလာရောက်ခဲ့တာဖြစ်ပါတယ်။
နောက်ဆက်တွဲသတင်းတွေကိုဆက်လက်ဖော်ပြပေးပါမယ်။
Author- နိုင်ငံရေးသတင်းအဖွဲ့.                           Kumudra 

IS စစ်သွေးကြွအဖွဲ့၏ အဓိကခေါင်းဆောင်တစ်ဦးဖြစ်သော Gulmurod Khalimov အားတွေ့ရစဉ် (ဓါတ်ပုံ-အင်တာနက်)
    ဝါရှင်တန်၊ သြဂုတ် ၃၁ ရက် (ဆင်ဟွာ)

    အမေရိကန်နိုင်ငံ သည် IS စစ်သွေးကြွအကြမ်းဖက် အဖွဲ့၏ အဓိကခေါင်းဆောင်တစ်ဦးဖြစ်သော Gulmurod Khalimov နှင့်ပတ်သက်၍ သတင်းပေးနိုင်ပါက ဆုကြေးအဖြစ် အမေရိကန်ဒေါ်လာ ၃သန်းအထိ ပေးသွားမည်ဖြစ်ကြောင်း နိုင်ငံခြားရေးဝန်ကြီးဋ္ဌာနက သြဂုတ် ၃၀ ရက်တွင်ထုတ်ပြန်ခဲ့သည်။

လက်ရှိတွင် IS စစ်သွေးကြွအကြမ်းဖက် အဖွဲ့၏ အဖွဲ့ဝင် နှင့် တပ်သားစုဆောင်းရေးမှူးတစ်ဦး ဖြစ်သူ Khalimov သည် ယခင်က တာဂျစ်ကစ္စတန်နိုင်ငံ၏ အထူးစစ်ဆင်ရေး တပ်ဖွဲ့ ဗိုလ်မှူးကြီး၊ ရဲမှူး နှင့် စစ်တပ် လက်ဖြောင့်သေနတ်သမား အဖြစ် တာဝန်ထမ်းဆောင်ခဲ့ကြောင်း သိရသည်။ ထို့အပြင် ၄င်းသည် တာဂျစ်ကစ္စတန်နိုင်ငံ ပြည်ထဲရေးဝန်ကြီးဋ္ဌာန အထူးစစ်ဆင်ရေးရဲတပ်ဖွဲ့၏ ရဲမှူးအဖြစ် လုပ်ဆောင်ခဲ့ကြောင်း အမေရိကန်နိုင်ငံခြားရေးဝန်ကြီးဋ္ဌာနက ထုတ်ပြန်ချက်အရ သိရသည်။

Khalimov သည် ၂၀၁၅ခုနှစ် မေလတွင် ၁၀မိနစ်စာ ဝါဒဖြန့်ချိမှုဗွီဒီယိုဖိုင်တစ်ခု ထုတ်လွှင့်ခဲ့ပြီး ယင်းဗွီဒီယိုဖိုင်၌ ၄င်းသည် IS အဖွဲ့အတွက် တိုက်ခိုက်ခဲ့ကြောင်း၊ အမေရိကန်နိုင်ငံ၊ ရုရှားနိုင်ငံ နှင့် တာဂျစ်ကစ္စတန်နိုင်ငံတို့ကို ဆန့်ကျင်၍ အကြမ်းဖက်တိုက်ခိုက်မှုများလုပ်ဆောင်သွားရန် တိုက်တွန်းနှိုးဆော်ခဲ့ကြောင်း သိရသည်။

Khalimovအား အမေရိကန်နိုင်ငံက အကြမ်းဖက်သမားအဖြစ် အမည်မည်းစာရင်းသွင်းခဲ့ပြီး ကုလသမဂ္ဂလုံခြုံရေးကောင်စီ ၏ အကြမ်းဖက်မှုတိုက်ဖျက်ရေးကော်မတီ က တားမြစ်ပိတ်ဆို့မှုများ ပြုလုပ်ခဲ့ကြောင်း သိရသည်။

တာဂျစ်ကစ္စတန် အစိုးရနှင့် နိုင်ငံတကာမှုခင်းဆိုင်ရာရဲအဖွဲ့အစည်း (INTERPOL) တို့ကလည်း Khalimov အား အလိုရှိလျက်ရှိကြောင်း သိရသည်။

(Xinhua)
http://www.xinhuamyanmar.com

သမ္မတအိုဘားမား
အမေရိကန်သမ္မတ ဘရာ့ခ် အိုဘားမားဟာ တရုတ်နိုင်ငံ၊ Hangzhou မြို့မှာကျင်းပမယ့် ကမ္ဘာ့စီးပွားရေးအင်အားကြီး နိုင်ငံ ၂၀ G20 ထိပ်သီးအစည်းအဝေးနဲ့လာအိုနိုင်ငံ၊ ဗီယန်ကျင်းမြို့တော်မှာ ကျင်းပမယ့် အရှေ့တောင်အာရှနိုင်ငံများအဖွဲ့ ASEAN နဲ့ အရှေ့အာရှထိပ်သီးအစည်းအဝေးကို တက်ရောက်ဖို့ စက်တင်ဘာလ ၂ ရက်နေ့ကနေ ၈ ရက်နေ့အထိ အာရှဒေသကို ခရီးထွက် ဖို့ရှိပါတယ်။

အခုခရီးစဉ်ဟာ သမ္မတအိုဘားမားအတွက် သူ့ရဲ့သမ္မတသက်တမ်းအတွင်း ၁၁ ကြိမ်နဲ့ နောက်ဆုံးအကြိမ်မြောက် အာရှခရီးစဉ် ဖြစ်မှာပါ။ အာရှ-ပစိဖိတ်ဒေသမှာ အမေရိကန် အင်အားချိန်ခွင်လျှာ ပြန်ထိန်းညှိရေး မဟာဗျူဟာနဲ့ ဒီဒေသနဲ့ပတ်သက်ပြီး သူ့ရဲ့ သမိုင်းမှတ်တမ်းတွေ ဘယ်လိုဖြစ်မယ်ဆိုတာ မရေမရာရှိနေချိန်မှာပဲ အရေးတကြီးကိစ္စရပ်မျိုးစုံကို အခုခရီးစဉ်အတွင်း

သမ္မတအိုဘားမား ရင်ဆိုင်ရဖို့ရှိပါတယ်။ နိုင်ငံခြားရေးမူဝါဒ ပြန် ချိန်ညှိရေးဟာ အမေရိကန်နိုင်ငံရဲ့ အနာဂတ် ဘေးကင်းလုံခြုံရေး နဲ့ သာယာဝပြောရေးအတွက် အထူး အရေးကြီးတယ်လို့ သမ္မတ အိုဘားမားက ပြောထားတာပါ။ အခုအာရှခရီးစဉ်အတွင်း ပစိဖိတ်သမုဒ္ဒရာဖြတ် မိတ်ဘက် ပူးပေါင်း ဆောင်ရွက်ရေး TPP ကို အတည်ပြုဖို့ သမ္မတအိုဘားမားအနေနဲ့ ထပ်ခါတလဲလဲ အခိုင်အမာပြောမယ်လို့ အိမ်ဖြူတော် တာဝန်ရှိသူတွေက ပြောပါတယ်။

ပစိဖိတ်ရပ်ဝန်းက နိုင်ငံ ၁၂ နိုင်ငံ လက်မှတ်ရေးထိုးထား တဲ့ ဒီ TPP သဘောတူညီချက်ဟာ သမ္မတ အိုဘားမားချမှတ်တဲ့ အာရှဗဟိုပြုမူဝါဒရဲ့ စီးပွားရေးဆိုင်ရာ အခြေခံအုတ်မြစ်ဖြစ်ပါ တယ်။ လက်ရှိသမ္မတရွေးကောက်ပွဲဝင်မယ့် ရီပတ်ဘလီကန် သမ္မတလောင်း Donald Trump နဲ့ ဒီမိုကရက်သမ္မတလောင်း ဟီလာရီ ကလင်တန်တို့က TPP ကို ကန့်ကွက် ပြောဆိုထားပါတယ်။

 ဗွီအိုအေ (မြန်မာပိုင်း)
http://burmese.voanews.com


၂၁ ပင်လုံ ညီလာခံသို့တက်ရောက်ခဲ့သည့် ကေအိုင်အို ဒုတိယ ဥက္ကဌ ဗိုလ်ချုပ်ကြီးအန်ဘန်လက တိုင်းရင်းသားများတောင်းဆိုနေခြင်းမှာ တန်းတူရေးနှင့် ကိုယ်ပိုင်ပြဌာန်းခွင့်သာဖြစ်ပြီး ခွဲထွက်ခွင့်တောင်းဆိုနေခြင်းမဟုတ်ဟု ပြောသည်။

‘ ဟိုတုန်းက ကျွန်တော်တို့ ပြောခဲ့တဲ့ ဖက်ဒရာယ်ပြည်ထောင်စုဆိုတာ စုဖွဲ့ပြီးအားလုံးအေးအတူ ပူအမျှနေထိုင်သွားဖို့ဖြစ်တယ်။ ဖက်ဒရာယ်ပြည်ထောင်စုဟာလည်း ခွဲထွက်ရေးမပါဘူးဆိုတာ ကျွန်တော်တို့ ပြောလိုတယ်။ ‘ ဟု ကေအိုင်အို ကချင်လွတ်မြောက်ရေးအဖွဲ့ ဒုတိယ ဥက္ကဌ ဗိုလ်ချုပ်ကြီးအန်ဘန်လက အဖွင့်မိန့်ခွန်းတွင်ပြောဆိုသည်။

၎င်းအနေဖြင့် ၂၁ ရာစု ပင်လုံအသုံးနှုန်းနှင့်ပတ်သက်၍ ၁၉၄၇ ခုနစ်က တိုင်းရင်းသားများနှင့် ဗိုလ်ချုပ်အောင်ဆန်းတို့အကြား လွတ်လပ်ရေးအရယူနိုင်ရန် လက်မှတ်ရေးထိုးခဲ့သည့် ပင်လုံစာချုပ်သဘောတူညီချက်ကို အကြောင်းပြု၍ ဖြစ်ပေါ်လာသည်ဟု ခံစားရကြောင်းလည်း အဖွင့်မိန့်ခွန်းတွင် ပြောဆိုသည်။

‘ ဟိုတုန်းက ထားရှိခဲ့တဲ့ ပင်လုံစိတ်ဓါတ် ၊ ပင်လုံ ကတိက၀တ်နဲ့ စာချုပ်တွေက အားလုံးပါဝင်လက်မှတ်ရေးထိုးထားခြင်း မရှိသော်လည်း၊ တိုင်းရင်းသားပြည်သူအားလုံးအတွက် တန်းတူညီမျှရှိသော ဖက်ဒရယ် ဒီမိုကရေစီနိုင်ငံမဖြစ်သည်ကလွှဲ၍ ကမ္ဘာ့အလယ်တွင် လွတ်လပ်သည့်နိုင်ငံအဖြစ် ပေါ်ထွန်းခဲ့သည်ကိုတော့ အသိအမှတ်ပြုရမည်ဖြစ်သည်ဟု ဆိုသည်။

‘ ညီအစ်အကိုမောင်နှမ စိတ်ဓါတ် ပြည်ထောင်စု စိတ်ဓါတ်မွေးကြဖို့အရေးကြီးပါတယ်။ ဗမာမဟုတ်တဲ့ တိုင်းရင်းသားမျိုးနွယ်စုတွေ ဘာကြောင့် လက်နက်ကိုင်စွဲတော်လှန်နေကြသလဲဆိုတာ မေးချင်ကြပါလိမ့်မယ်။ ကျွန်တော်တို့ ပင်လုံမှာ ရှိခဲ့တဲ့ ကတိက၀တ်တွေကို အကောင်ထည်မဖော်ခဲ့ကြလို့ ကျွန်တေ်ာတို့လိုလားတဲ့ ဒီမိုကရေစီအရေး ၊တန်းတူအရေး ကိုယ်ပိုင်ပြဌာန်းခွင့်တွေဆုံးရှုံးနေလို့ပဲ ဖြစ်တယ်လို့ ဆိုရမှာဖြစ်တယ် ‘ ဟု ဗိုလ်ချုပ်ကြီးအန်ဘန်လက ပြောသည်။

၁၉၆၂ ခုနစ်နှစ်မှစ၍ အာဏာသိမ်းကာ မြန်မာ့နိုင်ငံရေးတွင် တောက်လျှောက်ပါဝင်ခဲ့သည့် တပ်မတော်မှာ ၆၂ အာဏာသိမ်းရသည့်အကြောင်းအရင်းမှာ ခွဲထွက်ခွင့်ကြောင့် တိုင်းပြည် ချောက်ကမ်းပါးထဲကျမည်ကို စိုးရိမ်သဖြင့် တပ်မတော်မှ အာဏာဝင်ယူခဲ့ရခြင်းဟု ခေတ်အဆက်ဆက် အကြောင်းပြခဲ့သည်။

‘ကျွန်တော်တို့သွားမှာက ဖက်ဒရာယ်သွားမှာ ဖက်ဒရာယ်မှာ ကျွန်တော်တို့ တိုင်းရင်းသားတွေနဲ့ ညှိနှိုင်းလို့ရတဲ့ ဖက်ဒရယ်ကိုသွားမှာ ကနေဒါလို ဖြစ်ချင်မှ ဖြစ်မယ်။ ရေမြေတောတောင်သဘာဝချင်း နောက်ခံသမိုင်းချင်း မတူဘူး။ ခွဲထွက်ခွင့်မပါဘူး။ ‘ ဟု တပ်မတော်၏ ငြိမ်းချမ်းရေးကိုယ်စားလှယ်အဖြစ် ငြိမ်းချမ်းရေးဆွေးနွေးမှုများတွင် ပါဝင်နေသူ ဦးခင်ဇော်ဦး ( ဒုတိယ ဗိုလ်ချုပ်ကြီး အငြိမ်းစား ) က ပြောသည်။

ကချင်တိုင်းရင်းသားလက်နက်ကိုင်အဖွဲ့၏ ထိပ်တန်းခေါင်းဆောင်ကမူ ပင်လုံ ကတိက၀တ်၊သဘောတူညီချက်များကို အသုံးပြုခြင်းမှာ ငြိမ်းချမ်းရေးအတွက် အလွန်အရေးကြီးသည်ဟု ဆိုသည်။

================

The Ladies News


နေပြည်တော်၊ ဩဂုတ် ၃၁

သြဂုတ်လ ၂၈ ရက်နေ့ နံနက် ၁၀ နာရီ ၃၀ မိနစ်အချိန်ခန့်တွင် မန္တလေးမြို့၊ အောင်မြေသာစံမြို့နယ်၊ စင်္ကြာနွယ်စဉ်ရပ်ကွက်နေ ဦးဝါဟင်း(၅၀)နှစ်၏ လက်ကိုင်ဖုန်းသို့ ကျိုးပိန်းဝှာ (၄၂)နှစ် ပတ်စ်ပို့အမှတ် G 46234421 (ဗီဇာအမှတ်- C 498934၊ Business ဗီဇာ၊ သက်တမ်း အေ ၀၅ မှ ဇူ ၁၄ ထိ)မှ တရုတ်ဘာသာစကားဖြင့် ၎င်း၏ရွှေကုမ္ပဏီလုပ်ငန်းပြီးဆုံး၍ တရုတ်ပြည်သို့ ပြန်မည်ဖြစ်၍ ရွှေတုံး(၅၀)ခန့် ရောင်းချလိုကြောင်းဆက်သွယ်လာခဲ့ရာ ကျွဲဆည်ကန်ကားဝင်း ဝင်ပေါက်အနီးသို့ ချိန်းဆိုတွေ့ဆုံခဲ့ရာတွင် ကျိုးပိန်းဝှာ ပါ(၃)ဦးအား တွေ့ဆုံမိပြီး ၎င်းတို့ထံမှ ရွှေတုံး(၅၀)တုံးအား ငွေကျပ်သိန်း(၆၀၀)ဖြင့် ဝယ်ယူရန်သဘောတူညီခဲ့ပြီး ဩဂုတ်လ(၂၉)ရက်နေ့တွင် ဝယ်ယူခဲ့သည်။


 မွန်းလွဲ ၁ နာရီအချိန်တွင် ရွှေတုံးများအား ထပ်မံစစ်ဆေးရာ ရွှေအတုများဖြစ်နေ သဖြင့် ပြည်ကြီးတံခွန်မြို့မရဲစခန်း(ပ)၄၇၄/၂၀၁၆၊ ရာဇသတ်ကြီးဥပဒေပုဒ်မ(၄၀၂)ဖြင့် အမှုဖွင့် တိုင်ကြားခဲ့သည်။ တိုင်ကြားချက်အရ စစ်ကိုင်းမြို့မရဲစခန်းနှင့် ချိတ်ဆက်စုံစမ်းခဲ့ရာ ကျိုးပိန်းဝှာ ပါ(၃)ဦးသည် Happy Hotel အခန်း(၂၉)တွင် တည်းခိုနေကြောင်း သတင်းရရှိ၍ ပြည်ကြီးတံခွန် မြို့နယ်၊ မြို့မရဲစခန်းမှူး ဒုတိယရဲမှူး ဇော်အောင်နှင့် အဖွဲ့မှ သက်သေများနှင့်အတူ ဝင်ရောက် ဖမ်းဆီးခဲ့ရာ ၎င်းတို့ထံမှ မြန်မာငွေကျပ်(၆,၁၀၆,၀၀၀)ကျပ်၊ အမေရိကန်ဒေါ်လာ(၃၃၇)၊ တရုတ်ယွမ် (၅၂၂၅)၊ ထိုင်းဘတ်(၅၆၀)၊ ဟောင်ကောင်ဒေါ်လာ(၈၀)၊ မလေးရှားရင်းဂစ်(၅၁)၊ ရုရှားရူဘယ် (၁၅၀)၊ စင်ကာပူဒေါ်လာ(၁၂)၊ အာရေဗီးယားဒဟားမား(၅)တို့နှင့်အတူ လက်ကိုင်ဖုန်းတစ်လုံး၊ ရွှေတုံးအတု(၄၈)တုံး၊ ရွှေဖြတ်စ(၁)စ၊ ဖြတ်လွှ(၂)ချောင်းတို့နှင့်အတူ ပြန်လည်ဖမ်းဆီးမိကြောင်း သတင်းရရှိသည်။

ဓါတ်ပုံ - (Facebook)
သတင်း - ရဲဇာနည်
https://www.facebook.com/yezarnimedia

ဗိုလ်ချုပ်ကြီး အင်ဘန်လ က ၂၁ ရာစု ပင်လုံတွင် မိန့်ခွန်းပြောစဉ် (Myanmar State Counsellor Office)
ဗိုလ်ချုပ်ကြီး အင်ဘန်လ က ၂၁ ရာစု ပင်လုံတွင် မိန့်ခွန်းပြောစဉ် (Myanmar State Counsellor Office)

တိုင်းရင်းသားတွေ လက်နက်ကိုင် တိုက်ပွဲဝင်နေတာ ခွဲထွက်ဖို့ မဟုတ်ဘဲ တန်းတူခွင့် အတွက် ဖြစ်တယ်လို့ ဒီကနေ့ နေပြည်တော်မှာ စတင်လိုက်တဲ့ ငြိမ်းချမ်းရေး ညီလာခံဖွင့်ပွဲမှာ တိုင်းရင်းသား ခေါင်းဆောင်တွေက ထပ်လောင်းပြောကြားသွားပါတယ်။ တိုင်းရင်းသားဒေသတွေက စစ်ပြေးစစ်ရှောင်ဒုက္ခသည်တွေအရေး ဖြေရှင်းကြဖို့၊ တိုက်ပွဲတွေ ရပ်စဲကြဖို့ အလေးထား ပြောကြားသွားကြတဲ့ အပြင် ၂၀၀၈ ခုနှစ် ဖွဲ့စည်းပုံ အခြေခံ ဥပဒေ ပြင်ဆင်ရေးကိုလည်း တိုက်တွန်းသွားပါတယ်။ ပြည်ထောင်စု ငြိမ်းချမ်းရေး ညီလာခံ - ၂၁ ရာစု ပင်လုံမှာ တိုင်းရင်းသား ခေါင်းဆောင်တွေရဲ့ အသံတွေကို မသိင်္ဂီထိုက် စုစည်းတင်ပြထားပါတယ်။

ပြည်ထောင်စု ငြိမ်းချမ်းရေး ညီလာခံ - ၂၁ ရာစု ပင်လုံကို နေပြည်တော်မှာ စတင်ဖွင့်လှစ်တာမှာတော့ တနိုင်ငံလုံး အပစ်အခတ် ရပ်စဲရေး စာချုပ် NCA မှာ လက်မှတ်ရေးထိုးထားတဲ့ တိုင်းရင်းသား လက်နက်ကိုင်တွေရော NCA ကို လက်မှတ်မရေးထိုးရသေးတဲ့ တိုင်းရင်းသား လက်နက်ကိုင်တွေရဲ့ ကိုယ်စားလှယ်တွေပါ စုံစုံညီညီ တက်ရောက်ခဲ့ကြတာပါ။ ညီလာခံ အဖွင့်မှာတော့ တိုင်းရင်းသား လက်နက်ကိုင်တွေက တော်လှန်ရေးရဲ့ ရည်မှန်းချက်၊ နောက် ငြိမ်းချမ်းရေး လိုလားချက်တွေကို အလေးအနက်ထား ပြောဆိုခဲ့ကြတာပါ။ ကချင်လွတ်မြောက်ရေး အဖွဲ့ KIO ရဲ့ ဒုတိယ ဥက္ကဌ ဗိုလ်ချုပ်ကြီးက သူ့ကို တိုင်းရင်းသားတွေက ဗိုလ်ချုပ်ကြီးလို့ ခေါ်ပါတယ်လို့အဖွင့်မိန့်ခွန်းကို အခုလို စလိုက်ပါတယ်။

“အားလုံးမင်္ဂလာပါ။ ကျနော့်နာမည် ဦးအင်ဘန်လပါ။ UNFC ရဲ့ ဥက္ကဌနဲ့ KIO ရဲ့ ဒုတိယ ဥက္ကဌ တာဝန်ကို ထမ်းဆောင်ရပါတယ်။ ကျနော်တို့ တိုင်းရင်းသားများကတော့ ကျနော့်ကို ဗိုလ်ချုပ်ကြီးအင်ဘန်လ လို့ခေါ်ကြပါတယ်။”

ဒါ့အပြင် တိုင်းရင်းသားတွေ လက်နက်ကိုင်တိုက်နေရတာ ခွဲထွက်ဖို့ အတွက် မဟုတ်ဘူးလို့လည်း ညီညွတ်သောတိုင်းရင်းသား လူမျိုးများ ဖက်ဒရယ် ကောင်စီ UNFC ရဲ့ ဥက္ကဌ အဖြစ်လည်း တာဝန်ယူထားတဲ့ ဗိုလ်ချုပ်ကြီး အင်ဘန်လက ထပ်လောင်း ပြောပါတယ်။

“ဗမာ မဟုတ်တဲ့ကျနော်တို့ တိုင်းရင်းသားတွေ လက်နက်စွဲကိုင် ပြီး တော်လှန်မှုတွေ ပြုလုပ်နေကြတာဟာ ဘာကြောင့်လဲ လို့ မေးချင်ကြပါလ်ိမ့်မယ်။ ကျနော်တို့ဟာ ပင်လုံမှာ ပြုခဲ့ကြတဲ့ ကတိ၊ ချုပ်ခဲ့ကြတဲ့ စာချုပ်ပါ သဘောတူညီချက်တွေကို ပြီးပြည့်စုံအောင် အကောင်အထည် မဖော်ခဲ့ကြလို့ ကျနော်တို့လိုလားတောင့်တတဲ့ ဒီမိုကရေစီအရေး အမျိုးသားတန်းတူရေးနဲ့ ကိုယ်တိုင်ပြဌာန်းခွင့်တို့ကို အာမခံတဲ့ အခွင့်အရေးတွေ ဆုံးရှုံးနေရလို့ပဲလို့ဆိုတာကို ပြောလိုပါတယ်။”

UNFC အဖွဲ့ဝင် တိုင်းရင်းသား လက်နက်ကိုင်တပ်ဖွဲ့တွေက တနိုင်ငံလုံး အပစ်ရပ်စာချုပ် NCA ကို လက်မှတ်မထိုးကြသေးပါဘူး။ အရပ်သား အစိုးရကို ထောက်ခံတဲ့ အနေနဲ့ ပြည်ထောင်စုငြိမ်းချမ်းရေး ညီလာခံကို တက်တာ ဖြစ်တယ်လို့လည်း UNFC ဥက္ကဌက ပြောဆိုသွားပါတယ်။ တနိုင်ငံလုံး အပစ်ရပ်စာချုပ် NCA မှာ လက်မှတ်ထိုးထားတဲ့ မြန်မာ့ သက်တမ်းအရှည်ဆုံး လက်နက်ကိုင်တပ်ဖွဲ့ ကရင့်အမျိုးသား အစည်းအရုံး KNU က ဗိုလ်ချုပ်ကြီး မူတူးစေးဖိုးကလည်း အဖွင့်စကား ပြောပါတယ်။ NCA ဟာ လုံးဝ ပြီးပြည့်စုံမှု မရှိပေမယ့် ငြိမ်းချမ်းရေး လုပ်ငန်းစဉ် အတွက် အထောက်အကူကောင်း ဖြစ်ပါတယ်လို့ သူ့ရဲ့ မိန့်ခွန်းမှာ ထည့်သွင်းပြောပါတယ်။ ဒါ့အပြင် ဖက်ဒရယ် ဒီမိုကရေစီ ပြည်ထောင်စု အတွက် မူနဲ့ လုပ်ငန်းစဉ်တွေ ချမှတ်ဖို့ လိုအပ်ချက်ကို အလေးအနက် ပြောဆိုသွားပါတယ်။

“၂၁ ရာစု ပင်လုံညီလာခံအပြီး စတင်ဆွေးနွေးကြမယ့် နိုင်ငံရေးဆွေးနွေးပွဲတွေမှာ မတူကြတဲ့ အစွန်း ၂ ဖက် မှာရှိတဲ့ ဖက်ဒရယ် ပန်းတိုင်ကို ကဏ္ဍကြီး ၅ ခုကနေ ဘယ်အခြေခံကို စတင် သဘောတူ ရယူပြီး ဖွဲ့စည်းပုံအခြေခံဥပဒေကို ပြုပြင်ပြောင်းလဲမယ်ဆိုတဲ့ လက်တွေ့အကောင်အထည် ဖော်ကြမယ့်အချိန် ရောက်ရှိလာပြီဖြစ်ပါတယ်။”

တိုင်းရင်းသား လက်နက်ကိုင်တပ်ဖွဲ့ ခေါင်းဆောင်တွေဘက်ကတော့ နှစ်ဘက် ယုံကြည်မှု တည်ဆောက်ရေး အတွက် စစ်ပြေး စစ်ရှောင် ဒုက္ခသည်တွေ အရေး၊ ဒီလူတွေကို လူသားချင်းစာနာထောက်ထားမှုဆိုင်ရာ အကူအညီတွေ ရရှိရေး၊ တိုင်းရင်းဒေသ စစ်ပွဲတွေ ရပ်စဲရေးတို့ကို ဆောင်ရွက်ဖို့အရေးကြီးတဲ့ အကြောင်းကိုလည်း တိုက်တွန်း ပြောဆိုပါတယ်။ ဒါ့အပြင် ရှေ့ဆက်မယ့် ငြိမ်းချမ်းရေး လုပ်ငန်းစဉ်မှာ ပါဝင်သင့် ပါဝင်ထိုက်သူတွေ ပါဝင်နိုင်ဖို့ကိုလည်း တိုက်တွန်း ပြောဆိုသွားပါတယ်။
VOA Burmese News



ဒီကနေ့ကတော့ သမိုင်းမှာ ၂၁ ရာစုပင်လုံ ရယ်လို့ သမိုင်းဝင်မယ့် နေ့တစ်နေ့ ဖြစ်လာမှာပါ။ တကယ်တော့ ဒီနေ့ ကျွန်တော်တို့ နိုင်ငံသားတွေရဲ့ အဓိက ဆာလောင်မွတ်သိပ်ရာ ငြိမ်းချမ်းရေးအရသာကို အပြန်အလှန် မြည်းစမ်းနိုင်ရေး စတင်တည်ခင်းတဲ့ပွဲလည်း ဖြစ်ပါတယ်။ (ဒီခေတ်ဒီကာလကြီးမှာ ပစ္စည်းကောင်းမှန်သမျှဟာ အမြည်းပေးတာတို့၊ စမ်းသုံးခိုင်းတာတို့ကနေ တစ်ဆင့်သာ လူကြိုက်များတဲ့ဆီ ရောက်ရတာချည်းပဲကိုး ခင်ဗျ)။ တစ်နည်းအားဖြင့် ၂၁ ရာစု ပင်လုံ ဆိုတာ နိုင်ငံသားတိုင်း နှစ်ပေါင်းများစွာ မက်လာတဲ့ အိပ်မက်ကို ဖော်ဆောင်မယ့် နိဒါန်း၊ တစ်နည်းအားဖြင့်တော့ “ကိုယ်စီ ရင်ခုန်ကြိုဆိုရမယ့် လင်းလက်အရုဏ်ဦး” ဆိုရင် မှားမယ် မထင်ပါဘူး။

အရုဏ်ဦးဆိုတဲ့ လင်းလက်ရောင်ခြည် မမြင်မီမှာ ကျွန်တော်တို့တစ်တွေဟာ တစ်ဦးကိုတစ်ဦး သံသယတို့ မယုံကြည်မှုတို့ တစ်ဖက်သတ် အမြင်တို့ စတဲ့ အမှောင်ထုကြီးတွေထဲ စမ်းတ၀ါးဝါး နေနေကြရတာဆိုတာလည်း အားလုံးအသိပါပဲ။ (အမှောင်ကြီးထဲမှာ စမ်းထဲကလူကစမ်း၊ ၀ါးတဲ့လူက၀ါးတော့ ဖြစ်ချင်ဖြစ်မှာပေါ့နော်)။ တစ်နည်းအားဖြင့် ငြိမ်းချမ်းရေး ရောင်ခြည်မသန်းမီ ပြည်တွင်းစစ် ပဋိပက္ခ အမှောင်ထုထဲမှာ ဆင်းရဲဒုက္ခနဲ့ နေခဲ့ကြရတာဟာ ဆယ်စုနှစ်နှစ်ပေါင်းများစွာ ကြာခဲ့ပြီပဲ။ တကယ်တော့ ပြည်တွင်းစစ်ဆိုတာကြီးက လွတ်လပ်ရေးနဲ့အတူ ပါလာတာလို့ ပြောကြသလို လက်ဝဲအင်အားစုများ လက်တွဲကြိုးစားခဲ့တဲ့ လွတ်လပ်ရေး ရလာတဲ့အခါ လက်ဝဲ ထဲမှာမှ အစိုးရနေရာ ရောက်လာတဲ့ ဆိုရှယ်လစ်အုပ်စုနဲ့ အဓိကအတိုက်အခံ ဖြစ်လာတဲ့ ကွန်မြူနစ်တို့ သဘောပိုကွဲရာက တောထဲ ထွက်သူကထွက်၊ ထောင်ထဲဖမ်းပို့သူကပို့နဲ့ ပြည်တွင်းစစ်ကြီး ဖြစ်လာတယ်လို့ ဆိုတယ်။ တစ်ခါ ကိုလိုနီဝါဒရဲ့အမွေဆိုးလို့ မြင်ကြတာ ရှိသလို ဗုဒ္ဓဘာသာကို နိုင်ငံတော်ဘာသာ အဖြစ် ကြေညာခဲ့ရာကနေ တိုင်းရင်းသားတွေ နားလည်မှုပိုလွဲပြီး ပြည်တွင်းစစ်ပိုကျယ်ပြန့် သွားတယ်လို့ သုံးသပ်ကြတာလည်း ရှိပါတယ်။ ဒါပေမဲ့ သမိုင်းကို သမိုင်းမှာပဲ ထားခဲ့ပြီး ရှေ့ဆက်ကြဖို့ လုပ်ကြရမှာပါပဲ။

ဒီနေရာမှာ အရင်ကလည်း သမိုင်းကို သမိုင်းမှာ ထားခဲ့ပြီး ရှေ့ဆက်နိုင်ဖို့ ၀ိုင်းရုန်းကန် ကြိုးစားကြတာပါပဲ။ ဒါပေမဲ့ သမိုင်းကနေ ရှေ့ဆက်ရင်းဆက်ရင်း “အင်းစိန်” ရောက်ရောက် ကုန်တာကိုး။ အခုတော့ နောက်ကြောင်းမပြန်ကြေး ဆိုတဲ့မူနဲ့ အရင်နဲ့မတူတဲ့ လမ်းကို လျှောက်ကြရာမှာ “အင်းစိန်”နဲ့ဝေးပြီး လွှတ်တော်တို့၊ မြို့တော်ခန်းမတို့၊ ငြိမ်းချမ်းအေးမြတဲ့ ရွှေတိဂုံတို့၊ မောသမျှ အပန်းဖြေနိုင်မယ့် ပန်းခြံတို့နဲ့ နီးရာဘက်ဆီ အတူတူလျှောက်လှမ်းရမယ်လို့ ကိုယ်စီသဘောပေါက်လာပြီလို့ ယူဆရပါတယ်။ အမှန်တော့ မြန်မာ့သမိုင်း မှာ ငြိမ်းချမ်းရေး ဆွေးနွေးပွဲဆိုတာက အရင်က မလုပ်ဖူးတာတော့ မဟုတ်ပါဘူး။ အားလုံးသိတဲ့အတိုင်း လွတ်လပ်ရေး ခေတ်ဦး ပါလီမန် အစိုးရခေတ်မှာ “ငေးမနေနဲ့ရဲဘော်၊ တွေးမနေနဲ့ရဲဘော်၊ ငြိမ်းချမ်းရေးအတွက် တူပျော်ပျော်”ဆိုတဲ့ သီချင်းမျိုးနဲ့ လှုံ့ဆော်ပြီး တောထဲ ရောက်နေတဲ့ ရဲဘော်တွေကို ပြန်ခေါ်ဆွေးနွေးတာမျိုး လုပ်ဖူးပါတယ်။ “လက်နက်နဲ့ ဒီမိုကရေစီလဲမယ်”ဆိုတာက အဲဒီခေတ်က စခဲ့ တဲ့ စကားလုံးပါပဲ။ အဲဒီမှာ တောထဲကလာသူတွေကို ပထစအစိုးရက ဖော့ဦးထုပ်တစ်လုံးစီ ဝေခဲ့ပါတယ်။ ဒါကို ကြေးမုံဦးသောင်းက ကြေးမုံသတင်းစာကနေ “လက်နက်နဲ့ဖော့ဦးထုပ်လဲမယ်”လို့ သရော်တော်တော် ရေးခဲ့ဖူးပါသေးတယ်။ အဲဒီကာလကလည်း လူတွေ မျှော်လင့်ချက်ကြီးခဲ့ပြီး သက်ရှိထင်ရှား ရှိနေသေးတဲ့ ဆရာကြီး သခင် ကိုယ်တော်မှိုင်းကဆို “ဆရာမသေခင် ငြိမ်းချမ်းရေးရတာ မြင်သွားချင်တယ်”လို့ ပြောခဲ့ဖူးတာ ရှိပါတယ်။ ဒါပေမဲ့ အဲဒီခေတ်မှာလည်း ငြိမ်းချမ်းရေး တကယ်မရခဲ့ပဲ ငြိမ်းချမ်းရေး လူထုလမ်းလျှောက်ပွဲ တို့ဘာတို့ လုပ်တဲ့သူတွေသာ ထောင်ထဲရောက်တာ ရှိခဲ့ပါတယ်။

နောက်တော့ တော်လှန်ရေးကောင်စီ ခေတ်ဦး ၁၉၆၃ မှာ ဗိုလ်ချုပ်ကြီးနေ၀င်းက “ပြည်တွင်းငြိမ်းချမ်းရေးဆွေးနွေးပွဲ” ဆိုတဲ့ ခေါင်းစဉ်နဲ့ ဆွေးနွေးပွဲခေါ်ခဲ့ပါတယ်။ အားလုံးသိတဲ့အတိုင်းပဲ အဲဒီဆွေးနွေးပွဲမှာ ကရင်တော်လှန်ရေး ကောင်စီ (ကေအာစီ) ခေါင်းဆောင် စောဟန်တာသာမွှေး ရဲ့အဖွဲ့ကလွဲပြီး ကျန်အဖွဲ့များနဲ့ ဆွေးနွေးမှု မပြေလည်ဘဲ ပျက်သွားခဲ့ရပါတယ်။ စောဟန်တာသာမွှေးနဲ့ ပြေလည်တယ်ဆိုတာတောင် သူနဲ့ပါလာတဲ့ တပ်မဟာ (၅)တပ်မှူး ဗိုလ်လင်းထင်ဟာ အစိုးရကို မယုံကြည်တော့ဘဲ တောပြန်ခိုဖို့ ကြံစည်စဉ်မှာပဲ အသေပစ်ခတ် ဖမ်းဆီးခံရရာကနေ မူလ ငြိမ်းချမ်းရေး သဘောတူညီချက်တွေလည်း ပျက်ပြယ်သွားတယ်လို့ ဆိုပါတယ်။ ဒီလိုပဲ နအဖ ခေတ်မှာလည်း ငြိမ်းချမ်းရေးထက် အပစ်အခတ် ရပ်စဲရေးကို ပိုဦးစားပေး ဆွေးနွေးခဲ့တဲ့ သဘောတူညီချက်တွေက တစ်ဆင့် နိုင်ငံရေး တိုးတက်မှု အသွင်မဆောင်ဘဲ တိုင်းရင်းသားလက်နက်ကိုင် ခေါင်းဆောင်တချို့ စီးပွားရေးသမား ဖြစ်သွားတာက လွဲရင် အဖြေမရခဲ့ပါဘူး။ ဒါကြောင့် နိုင်ငံရေး အနှစ်သာရထက် ပုဂ်္ဂိုလ်ရေး အကျိုးစီးပွားကို အခြေပြု ကမ်းလှမ်းခဲ့တာ ဟာ အဖြေ အစစ်အမှန်မရဘူးဆိုတဲ့ သင်ခန်းစာကို နောင်လာနောက်သားတွေအတွက် ထားခဲ့တာကလွဲပြီး အောင်မြင်တဲ့ ငြိမ်းချမ်းရေးအဖြေ မရခဲ့ဘူးလေ။

ဒီတော့ ကျွန်တော်တို့နိုင်ငံရဲ့ ငြိမ်းချမ်းရေးဆွေးနွေးပွဲဆိုတာ မလုပ်ဖူးတာမျိုး မဟုတ်ဘဲ ခဏခဏ လုပ်ခဲ့ဖူးတာမျိုးပါပဲ။ ဆေးလိပ်စွဲနေသူက “ဆေးလိပ်ဖြတ်တာများ ဘာခက်လို့လဲ၊ ငါဆို ခဏခဏ ဖြတ်နေတာ”ဆိုတာမျိုး ပြောတယ်ဆိုတာလို ကျွန်တော်တို့လည်း “ငြိမ်းချမ်းရေး ဆွေးနွေးပွဲများ တို့ခဏခဏလုပ်ဖူးနေတာ” လို့ ပြောရမလို ဖြစ်နေတာ။ ဒါပေမဲ့ ဒီတစ်ခါကတော့ ထူးခြားချက်တစ်ခုက ဒီငြိမ်းချမ်းရေး ဆွေးနွေးပွဲကို ခေါင်းဆောင်လုပ်သူက တိုင်းရင်းသား အများစုက ပုံအပ်ယုံကြည်နိုင်လောက်တဲ့ ဒေါ်အောင်ဆန်းစုကြည် ဖြစ်နေပြီး ဆွေးနွေးပွဲခေါင်းစဉ်ကိုက “၂၁ ရာစု ပင်လုံ” ဆိုတဲ့ ပြည်ထောင်စုစိတ်ကို ထင်ဟပ်ပေါ်လွင်တဲ့ ဆွေးနွေးပွဲမျိုး ဖြစ်နေတာပါပဲ။ တိုင်းရင်းသား လက်နက်ကိုင်အဖွဲ့က ၂၁ ဖွဲ့ရှိပြီး အဲဒီအထဲက ၁၇ ဖွဲ့ တက်ရောက်ဆွေးနွေးမှာ ဖြစ်ပါတယ်။ မြောက်ပိုင်း မဟာမိတ်အဖွဲ့ လို့ဆိုကြတဲ့ ကိုးကန့်၊ အေအေနဲ့ တအာင်းပလောင်အဖွဲ့အပြင် နာဂအဖွဲ့လည်း မတက်ရောက်နိုင်ဘူးလို့ ဆိုပါတယ်။

ဒေါ်အောင်ဆန်းစုကြည် ကတော့ ဒီဆွေးနွေးပွဲမှာ အားလုံးပါဝင်နိုင်အောင် အစိုးရက ကြိုးစားဆောင်ရွက်ခဲ့ကြောင်း ပြောပါတယ်။ ဒါကလည်း မှန်ပုံရပါတယ်။ တကယ်တော့ လက်ရှိအစိုးရ အနေနဲ့က ဒီဆွေးနွေးပွဲကို ၂၀၀၈ အခြေခံဥပဒေ မူဘောင်ထဲကနေ ဆောင်ရွက်နေရတာဖြစ်ကြောင်း သဘောပေါက်ဖို့ လိုပါတယ်။ တစ်ဖက်မှာလည်း တပ်မတော်က အစိုးရနဲ့ ပူးပေါင်းဆောင်ရွက်နေပုံ ပေါ်လွင်ပါတယ်။ မတက်ရောက်တဲ့အဖွဲ့သုံးဖွဲ့နဲ့ ပတ်သက်ပြီး တပ်မတော်ရဲ့ တောင်းဆိုမှုမှာ ပထမတော့ လက်နက်စွန့်ရမယ် ဆိုရာကနေ နောင်မှာ လက်နက်စွန့်မယ်အကြောင်း ကတိပေးဖို့၊ နောက်တစ်ဆင့်လျှော့ပြီး လက်နက်ကိုင်လမ်းစဉ်မူကို စွန့်လွှတ်မယ်ဆိုတာ ကြေညာဖို့အထိ အဆင့်ဆင့် လျှော့ပေးခဲ့တယ်လို့ ဆိုပါတယ်။ ဘာပဲဖြစ်ဖြစ် ညှိနှိုင်းဆွေးနွေးတယ် ဆိုတာက အပြန်အလှန် လေးစားမှုရော၊ အပြန်အလှန် သဘောထားကြီးမှုရော လိုအပ်တာပါပဲ။ တောင်အာဖရိက နိုင်ငံမှာတုန်းကဆိုရင် ဒီကလပ်ဟာ လက်ရှိအာဏာရှိ သမ္မတတစ်ယောက်အနေနဲ့ အစွမ်းကုန် သဘောထားကြီးခဲ့တာကို မြင်ခဲ့ကြရပါတယ်။ မင်ဒဲလားရဲ့ အေအဲန်စီပါတီဟာ မတရားသင်း ကြေညာခံရပြီး ထောင်ချခံထားရတဲ့ အနေအထားကနေ အာဏာရပါတီဘ၀ကို ရောက်သွားတဲ့အထိ ဒီကလပ်က လမ်းဖွင့်ပေးခဲ့တာပါ။ ဒီကလပ်ဟာ ဒါကြောင့် လူဖြူအာဏာရတွေရဲ့ သစ္စာဖောက်လို တံဆိပ်ကပ်ခံရပေမယ့် သမိုင်းမှာတော့ ငြိမ်းချမ်းရေးကို ဆောင်ကြဉ်းပေးခဲ့တဲ့ သဘောထားပြည့်ဝသူ အဖြစ် ကျန်ခဲ့တာပါ။ မင်ဒဲလားကလည်း ဒီကလပ်ကို ဒုသမ္မတ ရာထူးပြန်ပေးပြီး အပြန်အလှန် သဘောထား ကြီးခဲ့တာပါပဲ။ ငြိမ်းချမ်းရေးဆွေးနွေးပွဲ ပထမအကျော့သာ ရှိသေးပြီး အဆင့်ဆင့် ခရီးဆက်ရဦးမယ့် ကျွန်တော်တို့တစ်တွေရဲ့ ဆွေးနွေးပွဲ အဆင့်ဆင့်မှာ ပါဝင်ဆွေးနွေးညှိနှိုင်းမယ့် သူများဟာ ဒီလို လူမျိုးတွေဆီက သဘောထားကြီးမှုနဲ့ အမြော်အမြင်ကြီးမှုတွေကို အတုယူ ပြီး သမိုင်းကောင်းထားခဲ့နိုင်ဖို့ အရေးကြီးပါတယ်။

ကျွန်တော်တို့ နိုင်ငံမှာက ငြိမ်းချမ်းရေးနဲ့ ပတ်သက်ပြီး ပြောကြရင် တိုင်းရင်းသားများကပဲ ငြိမ်းချမ်းရေးကို လိုချင်ပြီး တပ်မတော် ကတော့ မလိုချင်သယောင် ပြောဆိုတာတွေ မကြာခဏ ကြားရပါတယ်။ အမှန်တော့ ငြိမ်းချမ်းရေး မရရှိခြင်းရဲ့ ဒဏ်ရာဒဏ်ချက်တွေ ကို အသက်နဲ့ဘ၀နဲ့ ရင်းပြီး လက်တွေ့ခံစားနေရတဲ့ အထဲမှာ တပ်မတော် အရာရှိ အရာခံ အကြပ်တပ်သားတွေ အားလုံး ပါဝင်ပါတယ်။ တစ်ဦးချင်း တစ်ယောက်ချင်းမှာလည်း ခါးသီးတဲ့ အတွေ့အကြုံတွေ၊ မမေ့နိုင်စရာ ရင်နင့်ရမှုတွေ ရှိနေတတ်ပြီး တချို့တပ်မတော်အရာရှိ တွေဆိုရင် ကိုယ့်ဘက်က ရင်နာစရာတွေ တင်မကဘဲ ကိုယ့်တပ်က ပစ်ခတ်လို့ ကျဆုံးသွားတဲ့ တစ်ဖက်အုပ်စုက ညီနောင်တိုင်းရင်းသား တွေဆီမှာ ကျန်ခဲ့တဲ့ ဓာတ်ပုံတို့ စာတို့၊ ဒိုင်ယာရီတို့ကနေ ကြေကွဲရင်နင့်စရာတွေကို တစ်သက်လုံး မမေ့နိုင်သူတွေလည်း ရှိနေပါတယ်။ တချို့ တပ်မတော်အရာရှိတွေမှာ တစ်ဖက် လက်နက်ကိုင်တို့ ကျင်လည်ရာ ရွာတွေမှာ သွားလာလှုပ်ရှားရင်း သူတို့ဆွေမျိုးတွေနဲ့ပါ သံယောဇဉ်ဖြစ်၊ မိသားစုလို ခင်မင်တွယ်တာရင်း သူတို့တွေ ဘာကြောင့် ဒီလိုဖြစ်ရတယ်ဆိုတာကို ခံစားနားလည် သွားနိုင်သူတွေလည်း အများကြီး တွေ့ရပါတယ်။ စစ်ဖြစ်တယ်ဆိုရင် သတ်ရဖြတ်ရ ရက်စက်ရ၊ ဥပဒေမဲ့လုပ်မိကြရနဲ့ နှစ်ဖက်စလုံးမှာ တစ်ဦးချင်း ဆုံးဖြတ်ချက် အမှားနဲ့ လုပ်ကိုင်ခဲ့မိသမျှဟာ မိမိကိုယ်စားပြုတဲ့အုပ်စုကို အမည်းစက်ထင်စေပြီး ညီနောင် တိုင်းရင်းသားချင်းကို သွေးကွဲစေတာပါပဲ။

ဘာပဲဖြစ်ဖြစ် ပြောခဲ့သလိုပဲ ပြီးခဲ့တာတွေကို သမိုင်းကို သမိုင်းမှာပဲ ထားရစ်ပြီး ရှေ့ဆက်ဖို့ လက်တွဲ လျှောက်လှမ်းကြမယ်လို့ ဆုံးဖြတ်ချက်နဲ့ ညှိနှိုင်းဆွေးနွေးရာမှာ ကိုယ်ဖြစ်ချင်တာတွေကို ပြောရင်း တစ်ဖက်က ဖြစ်ချင်တာတွေကိုလည်း နားထောင်ပေးကြရမှာ ဖြစ်ပြီး ဖြစ်ချင်တာ ဆိုတာတွေကလည်း ဖြစ်နိုင်တယ်ဆိုတဲ့ ဘောင်ထဲဖြစ်ဖို့ လိုမှာဖြစ်ပါတယ်။ ပြည်သူတွေကတော့ နှစ်ပေါင်းများစွာ မက်လာတဲ့ အိပ်မက်အတွက် မျှော်လင့်ချက်တွေ ယုံကြည်ချက်တွေနဲ့ ဒီပွဲကို လှိုက်လှိုက်လှဲလှဲ ကြိုဆိုနေကြပါတယ်။ ဒီလို ကြိုဆို တဲ့ပွဲမှာ ကြုံခဲ့ရတဲ့ တပ်မတော်အရာရှိဟောင်း တစ်ဦးနဲ့ စကားစပ်ပြောဆိုရင်းက တကယ် အောင်မြင်စေချင်ပါကြောင်း လှိုက်လှိုက်လှဲလှဲ ဆန္ဒပြုတာကိုလည်း ကြားခဲ့ရပါတယ်။ ငြိမ်းချမ်းရေးရမှ ကျွန်တော်တို့ လုပ်ရမှာ အများကြီးကို ဆက်လုပ်နိုင်မှာလို့ သူက ပြောတာပါ။

ဒီတော့ ပထမအကျော့ဆိုတဲ့ ဒီဆွေးနွေးပွဲမှာ ပြည်သူတွေ ယုံကြည်ထားသလို အောင်မြင်မှုတွေ ရရှိရုံမကဘဲ နောင် အကျော့တွေမှာ ပိုမိုပြည့်စုံပြီး အားလုံး ပါဝင်နိုင်တဲ့ အဆင့်များဆီ တက်လှမ်းနိုင်ခြင်းအားဖြင့် တစ်မြေတည်းနေ တစ်ရေတည်းသောက် တစ်မိုးတည်းအောက်က ညီနောင် တိုင်းရင်းသားတွေ ငြိမ်းချမ်းရေးအစစ်ရဲ့ ရသကို မြည်းစမ်းရုံမဟုတ်ဘဲ လက်တွေ့ခံစားသောက်သုံးခွင့် ရပါစေကြောင်း မျှော်လင့်ဆုတောင်းကြရမှာပါပဲ ခင်ဗျား။

ရီနေနိုင်
http://www.theladiesnewsjournal.com/articles/wed-2016-08-31-1518/3186

ပြည်ထောင်စုငြိမ်းချမ်းရေး ညီလာခံ-(၂၁)ရာစုပင်လုံညီလာခံ ဖွင့်ပွဲ အခမ်းအနားနှင့် ညီလာခံ ဆွေးနွေးပွဲများသို့ တက်ရောက်လာကြသူများအား ဂုဏ်ပြုတည်ခင်း ဧည့်ခံသည့် ညစာစားပွဲကို ယနေ့ ညပိုင်း တွင် နေပြည်တော် ရှိ မြန်မာအပြည်ပြည်ဆိုင်ရာ ကွန်ဗင်းရှင်းဗဟိုဌာန(၂) (MICC – 2) တွင် ကျင်းပသည်။

ညစာစားပွဲမစတင်မီ နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်း စုကြည် က ညစာ စားပွဲသို့ တက်ရောက်လာကြသူများအား ရင်းရင်းနှီးနှီး လိုက်လံနှုတ်ဆက် သည်။

ညစာစားပွဲသို့ နိုင်ငံတော်သမ္မတ ဦးထင်ကျော်၊ နိုင်ငံတော်၏ အတိုင်ပင်ခံ ပုဂ္ဂိုလ် ဒေါ်အောင်ဆန်း စုကြည်၊ ဒုတိယသမ္မတ ဦးမြင့်ဆွေနှင့် ဦးဟင်နရီဗန်ထီးယူ၊ ပြည်သူ့လွှတ်တော် ဥက္ကဋ္ဌ ဦးဝင်းမြင့်၊ အမျိုးသား လွှတ်တော် ဥက္ကဋ္ဌ မန်းဝင်းခိုင်သန်း၊ တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်၊ ဒုတိယတပ်မတော် ကာကွယ်ရေးဦးစီးချုပ်၊ ကာကွယ်ရေးဦးစီးချုပ် (ကြည်း) ဒုတိယ ဗိုလ်ချုပ်မှူးကြီး စိုးဝင်း၊ လွှတ်တော် ဒုတိယ ဥက္ကဋ္ဌများ၊ ပြည်ထောင်စုဝန်ကြီးများ၊ တိုင်း ဒေသကြီး၊ ပြည်နယ် ၀န်ကြီးချုပ် များ၊ တပ်မတော်အရာရှိကြီးများ၊ တိုင်းမှူးများ၊ လွှတ်တော် ကော်မတီ ဥက္ကဋ္ဌ များ၊ တိုင်းရင်းသား ရေးရာ ၀န်ကြီးများ၊ အစိုးရ၊ လွှတ်တော်နှင့် တပ်မတော်သားအစုအဖွဲ့မှ ကိုယ်စားလှယ် များ၊ တိုင်းရင်းသား လက်နက်ကိုင် အဖွဲ့များမှ ကိုယ်စားလှယ် များ၊ နိုင်ငံရေးပါတီများမှ ကိုယ်စား လှယ် များ၊ ပါဝင်သင့်ပါဝင် ထိုက်သူအစုအဖွဲ့မှ ကိုယ်စားလှယ်များ၊ တိုင်းရင်းသား ကိုယ်စား လှယ် များ၊ နိုင်ငံခြား သံရုံးများမှ သံတမန်များ၊ ကုလ သမဂ္ဂ လက်အောက်ခံ အဖွဲ့အစည်းများမှ ကိုယ်စား လှယ် များ၊ ပြည်တွင်း၊ ပြည်ပ မှ အစိုးရ မဟုတ် သောအဖွဲ့အစည်းများ၊ တိုင်းရင်းသား ကိုယ်စားလှယ်များ၊ တိုင်းရင်းသား ယဉ်ကျေးမှု အဖွဲ့များနှင့် ဖိတ်ကြားထား သူများ တက်ရောက်ကြသည်။

ညစာစားပွဲတွင် ရှမ်းပြည်နယ် မိုင်းလားဒေသ တိုင်းရင်းသား ယဉ်ကျေးမှု အဖွဲ့နှင့် အနုပညာဦးစီးဌာနမှ အနုပညာရှင်များက အကများ၊ တေးသံသာ များဖြင့် ဖျော်ဖြေ တင်ဆက်ကြသည်။
MOI Webportal Myanmar

ကုလသမဂ္ဂအတွင်းရေးမှူးချုပ် မစ္စတာ ဘန်ကီမွန်းက ဒီကနေ့ မနက်ပိုင်းက အရပ်ဖက်အဖွဲ့ အစည်းတွေနဲ့ တွေ့ဆုံ (Aung Myo Min)
ကုလသမဂ္ဂအတွင်းရေးမှူးချုပ် မစ္စတာ ဘန်ကီမွန်းက ဒီကနေ့ မနက်ပိုင်းက အရပ်ဖက်အဖွဲ့ အစည်းတွေနဲ့ တွေ့ဆုံ (Aung Myo Min)

မြန်မာနိုင်ငံအရေးဟာ ကုလသမဂ္ဂအတွက် အရေးပါနေဆဲဖြစ်တာမို့ အစိုးရသစ်နဲ့ရော၊ အရပ်ဖက် အစည်းတွေနဲ့ပါ ပူးပေါင်းဆောင်ရွက်မှုတွေ လုပ်သွားမယ်လို့ ကုလသမဂ္ဂအတွင်းရေးမှူးချုပ် မစ္စတာ ဘန်ကီမွန်းက ဒီကနေ့ မနက်ပိုင်းက အရပ်ဖက်အဖွဲ့ အစည်းတွေနဲ့ တွေ့ဆုံချိန်မှာ ပြောဆို သွားပါတယ်။ မြန်မာပြည်ရဲ့ လူ့အခွင့်အရေးအခြေအနေတွေနဲ့ ပတ်သက်လို့လည်း အရပ်ဖက်အဖွဲ့အစည်းတွေဘက်က တင်ပြဆွေးနွေးခဲ့ကြပါတယ်။ ဒီ သတင်းအပြည့်အစုံကိုတော့ ဗွီအိုအေ သတင်းထောက် မမြင့်မြင့်ခိုင် က ပေးပို့ထားပါတယ်။

မြန်မာပြည်ကို ရောက်ရှိနေတဲ့ ကုလသမဂ္ဂ အတွင်းရေးမှူးချုပ် မစ္စတာဘန်ကီမွန်းနဲ့ မြန်မာပြည်က လူ့အခွင့် အရေးလှုပ်ရှားသူ ၁၃ဦးတို့ ဒီကနေ့ သြဂုတ် ၃၁ရက်နေ့ နေပြည်တော်မှာ တွေ့ဆုံခဲ့ပြီး လက်ရှိ မြန်မာ ပြည်ရဲ့ လူ့အခွင့်အရေးအခြေအနေတွေကို ဘက်ပေါင်းစုံက ဆွေးနွေးခဲ့ကြပါတယ်။

ကုလသမဂ္ဂ အတွင်းရေးမှူးချုပ် မစ္စတာ ဘန်ကီမွန်းအနေနဲ့ လက်တွေ့ မြေပြင်အခြေအနေမှာ ဖြစ်နေတဲ့ လူ့ အခွင့်အရေး အခြေအနေတွေကို ပိုနားလည်သွားသလို မြန်မာပြည်အရေးနဲ့ ပတ်သက်လို့ အစိုးရသစ်နဲ့ ရော အရပ်ဖက် အဖွဲ့အစည်းတွေနဲ့ပါ ပူးပေါင်းဆောင်ရွက် သွားမယ့်အကြောင်း ပြောဆိုသွားတယ်လို့ Equality Myanmar အဖွဲ့က ဦးအောင်မျိုးမင်းက ပြောပါတယ်။

“အခုအချိန်မှာအစိုးရသစ်က လုပ်ဆောင်မှုတွေရှိတယ်။ လူတွေမှာ မျှော်လင့်ချက်အရမ်းကြီးတယ်။ အဲဒီအချိန်မှာလုပ်နိုင်ဖို့အတွက် တက်နိုင်သမျှနည်းလမ်းပေါင်းစုံကို ကျနော်တို့ ကုလသမဂ္ဂကနေ ပံ့ပိုးသွားသလို အရပ်ဖက် လူမှုအဖွဲ့အစည်းတွေရဲ့ အခန်းကဏ္ဍအရေးကြီးတဲ့အကြောင်း သဘောပေါက်တယ်။ ကျနော်တို့ဆန္ဒတွေ၊ ကျနော်တို့ လုပ်ဆောင်ချက်တွေ ၊ ကျနော်တို့နဲ့ ပူးပေါင်းနိုင်မယ့်နည်းကိုလည်း ကုလသမဂ္ဂကအမြဲတမ်းပေးပါတယ်။ လုပ်ဆောင်မယ်လို့ပြောပါတယ်။ မြန်မာနိုင်ငံအရေးဟာ လက်ရှိ ကုလသမဂ္ဂရဲ့ လက်ရှိလုပ်ဆောင်နေသော ၊ အရေးပါသော အရေးတယူလုပ်ဆောင်မယ့်စာရင်းထဲမှာ ဆက်လက်ရှိနေတုန်းပဲလို့ တင်ပြသွားပါတယ်။”

ကုလသမဂ္ဂရဲ့ လူ့အခွင့်အရေးဆိုင်ရာ မဟာ မင်းကြီးရုံးကို မြန်မာပြည်မှာ ဖွင့်လှစ်နိုင်ဖို့ မစ္စတာ ဘန်ကီမွန်းအနေနဲ့ တင်ပြသွားမယ်လို့လည်း ပြောဆိုသွားကြောင်း ဦးအောင်မျိုးမင်းက ပြောပါတယ်။

ကုလသမဂ္ဂအတွင်းရေးမှူးချုပ် မစ္စတာဘန်ကီမွန်းဟာ လူ့အခွင့်အရေးလှုပ်ရှားသူတွေနဲ့ ၁နာရီကြာတွေ့ ဆုံခဲ့ပြီး အရပ်ဖက်အဖွဲ့အစည်းတွေဘက်က မြေယာကိစ္စအပါအဝင် စစ်ဘေးရှောင်ဒုက္ခသည်တွေအရေး၊ ကလေးသူငယ်နဲ့ အမျိုးသမီးအခွင့် အရေး ချိုးဖောက်မှု စတာတွေ ဆွေးနွေးကြပါတယ်။

မစ္စတာဘန်ကီမွန်းနဲ့ တွေ့ဆုံမှုမှာ ပါဝင်ခဲ့တဲ့ နိုင်ငံရေး အကျဉ်းသားများ ကူညီစောင့်ရှောက်ရေး အသင်း AAPP က ကိုဘိုကြည်က သူ့ရဲ့ ဆွေးနွေးတင်ပြမှုနဲ့ ပတ်သက်လို့ အခုလိုပြောပါတယ်။

“ကျနော်တို့ တွေ့တာက အားလုံးပေါင်း ၁၃ ဖွဲ့ပေါ့နော်၊ အရပ်ဖက်လူ့အဖွဲ့အစည်းတွေပေါ့။ အဲဒီမှာ ကျနော်ကတော့ နိုင်ငံရေး အကျဉ်းသားကိစ္စပြောတယ်။ နောက် နှိပ်စက်ညှင်းပန်းမှု ကိစ္စဆိုင်ရာတွေပြောတယ်။ နောက် အကျဉ်းထောင် ပြုပြင်ပြောင်းလဲဖို့ လိုတဲ့ကိစ္စတွေ ကျနော်ကတော့ အချက် ၃ ချက်ကို တင်ပြပါတယ်။ မြန်မာနိုင်ငံ မှာ လူ့အခွင့်အရေးချိုးဖောက်မှုကိစ္စတွေကတော့ သူတော်တော်များကိုကြားသိသွားတယ်ပေါ့နော်။ ဘာဖြစ်လို့လဲဆိုတော့ ၁၃ ဖွဲ့ထဲမှာ issue ပြောင်းစုံပေါ့နော်။ လူ့အခွင့်အရေးချိုးဖောက်မှုဆိုင်ရာ ကိစ္စတော်တော်များများကို ကျနော်တို့ ပြောခဲ့ကြပါတယ်။”

ကုလသမဂ္ဂ အတွင်းရေးမှူးချုပ်နဲ့ တွေ့ဆုံရာမှာ ငြိမ်းချမ်းရေးလုပ်ငန်းစဉ် အောင်မြင်ဖို့အတွက် တိုက်တွန်းပေးဖို့ အဓိက တင်ပြခဲ့တယ် ငြိမ်းဖောင်ဒေးရှင်းက ဇခုန်နန်ရော်က ပြောပါတယ်။

“၂၁ရာစု ပင်လုံ ညီလာခံမှာ ဆုံးဖြတ်ချက်တိုင်းဟာ လုပ်ဆောင်ချက်အားလုံးဟာ ပူးတွဲဆိုတဲ့ သဘောတရားကို အမြဲတမ်းမပျက် ဆုပ်ကိုင်ထားဖို့ လိုအပ်တယ်။ အစိုးရက Institution ကြီးတယ် တရားဝင်အဖွဲ့အစည်းလည်းဖြစ်တယ်။ အဲဒီတော့ သူ့မှာက ဌာနပေါင်းစုံနဲ့ back up ကောင်းကောင်းနဲ့ ငွေကြေးတောင့်တောင့်တင်းတင်းနဲ့ လုပ်နိုင်တာဖြစ်တဲ့အတွက် နေရာတကာမှာ အစိုးရကြီးပဲ ဆုံးဖြတ်ချက် ချသွားမယ်ဆိုရင် ကျန်တဲ့အဖွဲ့တွေက အောင့်သီးအောင့်သက်နဲ့ လိုက်ရတဲ့ အခြေအနေ မျိုးဆိုရင် ဒီဟာက ရေရှည်သွားရမယ့် ခရီးမှာက အဆင်မပြေနိုင်ဘူး။ ဒါကြောင့် ဘာလေးပဲ လုပ်လုပ် ပူးတွဲလုပ်တယ်ဆိုတဲ့ အသံတသံကို ပူးတွဲလက်ကိုင်ထားနိုင်ဖို့အတွက်လည်း encourage လုပ်ပေးပါလို့ ကျမတို့ ပြောခဲ့ပါတယ်။”

ကုလသမဂ္ဂ အတွင်းရေးမှူး ချုပ် မစ္စတာ ဘန်ကီမွန်းဟာ ဒီကနေ့ သြဂုတ်လ ၃၁ ရက်နေ့မှာ ကျင်းပပြုလုပ်တဲ့ ၂၁ရာစု ပင်လုံ ညီလာခံကို တက်ရောက်ဖို့ မြန်မာပြည်ကို ရောက်ရှိနေတာဖြစ်ပြီး သမ္မတဦးထင်ကျော်၊ နိုင်ငံတော်ရဲ့ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်၊ တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့နဲ့လည်း တွေ့ဆုံခဲ့ပါတယ်။
VOA Burmese News



တိုင်းရင်းသားလက်နက်ကိုင် အဖွဲ့အစည်းတွေ၊ နိုင်ငံရေးပါတီတွေနဲ့ အစိုးရကြား အခြေအတင် တွေ့ဆုံညှိနှိုင်းမှုတွေနဲ့ အခက်အခဲတွေကြား ကနေ ဒီကနေ့ စတင်ကျင်းပတဲ့ ၂၁ ရာစု ပြည်ထောင်စုငြိမ်းချမ်းရေး ပင်လုံညီလာခံနဲ့ ပတ်သက်လို့ ဝေဖန်တာတချို့ ရှိပေမဲ့လည်း အများစုကတော့ ငြိမ်းချမ်းရေးအတွက် အလားအလာကောင်းတဲ့ အစပျိုးခြေလှမ်းဖြစ်တယ်လို့ ပြောဆိုကြပါတယ်။ ငြိမ်းချမ်းရေးနဲ့ တိုင်းပြည်ဖွံ့ဖြိုး တိုးတက်ရေးအတွက် ဒီညီလာခံကနေ ဘယ်လို မျှော်လင့်ချက်တွေ ရှိနေပါလဲ။ တိုင်းရင်းသားတချို့ရဲ့ မျှော်လင့်ချက်တွေကို မခင်ဖြူထွေးက စုစည်းတင်ပြပေးပါမယ်။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကိုယ်တိုင် ကြီးမှူးကျင်းပပြီး ကုလသမဂ္ဂ အတွင်းရေးမှူးချုပ် ဘန်ကီမွန်းနဲ့ ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်တို့ပါ တက်ရောက်နေတဲ့ ဒီကနေ့ စတင်ကျင်းပတဲ့ ၂၁ ရာစု ပြည်ထောင်စုငြိမ်းချမ်းရေး ပင်လုံညီလာခံကနေ တိုင်းပြည် ငြိမ်းချမ်းရေးနဲ့ ဖွံ့ဖြိုးတိုးတက်ရေး အတွက် အလားအလာကောင်းတွေ ဆောင်ကြဉ်းပေးနိုင်ဖို့ ညီလာခံ တက်ရောက်သူအများစုက မျှော်လင့်နေပါတယ်။ အားလုံးက ငြိမ်းချမ်းရေးကို လိုလားနေကြတာကြောင့် အောင်မြင်တဲ့ညီလာခံတရပ်ဖြစ်ဖို့ မျှော်လင့်တဲ့အကြောင်း ပြည်ထောင်စုငြိမ်းချမ်းရေး ညီလာခံဖြစ်မြောက်ရေး စီစဉ်သူတဦးဖြစ်တဲ့ ပအို့ဝ်စာပေနဲ့ယဉ်ကျေးမှုအဖွဲ့က ခွန်သန်းမြင့် က ပြောပါတယ်။

“ကျနော်တို့မျှော်လင့်တာပေါ့ ဒီငြိမ်းချမ်းရေးညီလာခံက အောင်အောင်မြင်မြင် နဲ့လည်းဖြစ်သွားမှာပါ။ နောက်ပြည်သူကလည်း စိတ်ဝင်စားတယ်။ ကမ္ဘာကလည်း စိတ်ဝင်စားတယ် ကျနော်မြင်တာပေါ့နော် အခုက တနိုင်ငံလုံးအတိုင်းအတာမှာရှိတဲ့ ပြည်သူလူထုကလည်း ငြိမ်းချမ်းချင်တယ်။ ကမ္ဘာကလည်း စိတ်ဝင်စားတယ်ဆိုတော့ ဒါက ဘယ်လိုပဲဖြစ်ဖြစ်မလွဲမသွေအောင်မြင်မယ်လို့တော့ ယုံကြည်ပါတယ်။”

မြန်မာနိုင်ငံမှာ လူ့အသက်တွေ ထောင်နဲ့ချီ သေဆုံးခဲ့ရပြီးဖြစ်တဲ့ ဆယ်စုနှစ်တွေနဲ့ချီ ဖြစ်ပွားနေတဲ့ လက်နက်ကိုင် ပဋိပက္ခတွေ အဆုံးသတ်ရေး ရည်ရွယ်ချက်နဲ့ နေပြည်တော်မှာ ကျင်းပနေတဲ့ ၂၁ ရာစုပင်လုံညီလာခံကို တိုင်းရင်းသားလူမျိုးစုပေါင်းစုံက ကိုယ်စားလှယ်တွေ ရာနဲ့ချီ တက်ရောက် နေကြတာပါ။

ပြည်ထောင်စုငြိမ်းချမ်းရေး ညီလာခံဖြစ်မြောက်ရေး စီစဉ်ရေးအဖွဲ့ဝင်တဦးဖြစ်တဲ့ ချင်းချင်းကတော့

“ဟုတ်ကဲ့ ပထမဆုံးအနေနဲ့တော့ ပြည်သူတွေက လုံခြုံမှုရှိလာမယ်။ နောက်ပြီးတော့မှ လွတ်လွတ်လပ်လပ်သွားလာနိုင်မယ်။ ပြီးတဲ့အခါမှာ ငြိမ်းချမ်းရေးရရင်တော့ စီးပွားရေးကော၊ ဖွံ့ဖြိုးတိုးတက်ရေးကော အလိုလိုဖြစ်လာမှာဖြစ်တဲ့အတွက်ကြောင့် အဓိကအနေနဲ့တော့ ငြိမ်းချမ်းရေးအဓိက ပြီးမှပဲ ဖွံ့ဖြိုးတိုးတက်မှုကတော့ နောက်ကနေလိုက်လာမယ်။ အဲဒီတော့ ပြည်သူလူထုတွေအားလုံးရဲ့ ငြိမ်းချမ်းမှုနဲ့ ဖွံ့ဖြိုးတိုးတက်မှု၊ လူမှုဘ၀ မြှင့်တင်မှုကိုတော့ အရမ်းမျှော်လင့်ပါတယ်။”

မြန်မာအစိုးရသစ်လက်ထက် ပထမဆုံးအကြိမ်ကျင်းပတဲ့ ပြည်ထောင်စုငြိမ်းချမ်းရေး ညီလာခံဟာ ငြိမ်းချမ်းရေးအတွက် အလားအလာ ကောင်းတဲ့ ပထမအဆင့် ခြေလှမ်းဖြစ်တယ်လို့ ကုလသမဂ္ဂ အတွင်းရေးမှူးချုပ် ဘန်ကီမွန်းကလည်း ပြောဆိုထားတာပါ။ လာမယ့် ၅ ရက် အတွင်း ဆွေးနွေးမှုတွေကနေ ငြိမ်းချမ်းရေးအတွက် ဘယ်လိုရလဒ်ကောင်းတွေ ထွက်ပေါ်လာမလဲ ဆိုတာကိုတော့ ပြည်တွင်းပြည်ပက စိတ်ဝင်တစား စောင့်ကြည့်နေကြတာ ဖြစ်ပါတယ်။

VOA Burmese News