09/02/16


၂၁ ရာစု ပင်လုံညီလာခံ မှာ တက်ရောက် နေကြတဲ့ အစုအဖွဲ့တွေ ရဲ့ ဆွေးနွေးပွဲ တွေ စတင် လာခဲ့ပြီ ဖြစ်တာ မှာ တပ်မတော် အစုအဖွဲ့က တက်ရောက် ကြသူတွေ လည်း စက်တင်ဘာ ၁ ရက် နေ့ အစည်းအဝေး အတွင်း စာတမ်း ဖတ်ကြား တာတွေ ပြုလုပ် ခဲ့ပါတယ်။

တပ်မတော်သား တွေ ဖတ်ကြားတဲ့ စာတမ်း ဟာ လက်ရှိ ၂ဝဝ၈ ဖွဲ့စည်းပုံ အခြေခံ ဥပေဒ ထဲမှာလည်း ဖက်ဒရယ် ပြည်ထောင်စု ရဲ့ ဝိသေသ လက္ခဏာ တွေလည်း ပါဝင် နေတယ် ဆိုတဲ့ အချက် ကို အဓိက ထား ပြောသွားတာ ဖြစ်တယ်လို့ အရပ်ဘက် စစ်ဘက် ဆက်ဆံရေးကို လေ့လာ နေသူ တွေက ဆိုပါတယ်။

၂ဝဝ၈ ဖွဲ့စည်းပုံ ထဲမှာ ကိုယ်ပိုင် အုပ်ချုပ်ခွင့်ရ ဒေသတွေ သတ်မှတ်ထားတာ၊ နိုင်ငံသား အခွင့်အရေး တွေ ပေး ထားတာ အပါအဝင် အမျိုးသား လွှတ်တော် ဖွဲ့စည်းထားပုံ တွေကို ကိုးကားပြီး ဖက်ဒရယ် စနစ် ကို လက်ရှိ ဖွဲ့စည်းပုံ ကလည်း အာမခံ ထားတယ် ဆိုပြီး တပ်မတော်သား တွေက ပြောတာ ဖြစ်တယ်လို့ တကောင်း နိုင်ငံရေး လေ့လာမှု အဖွဲ့က သုံးသပ် ပါတယ်။

ဒါပေမယ့် တိုင်းရင်းသား တွေ ဆွေးနွေး ချပြကြတဲ့ ဖက်ဒရယ် မူ တွေ နဲ့ တပ်မတော် ရဲ့ သဘောထား အမြင် တွေ ကွဲလွဲ နေတုန်း ပဲ လို့ တကောင်း အဖွဲ့ရဲ့ ဒါရိုက်တာ ကိုရဲမျိုးဟိန်းက ဆိုပါတယ်။

တပ်မတော် ကာကွယ်ရေး ဦးစီးချုပ် ဗိုလ်ချုပ်မှုးကြီး မင်းအောင်လှိုင်ရဲ့ ညီလာခံ အဖွင့် မိန့်ခွန်း ထဲမှာလည်း ဖွဲ့စည်းပုံ ကို လိုက်နာရမယ် ဆိုတဲ့ အချက် ပါဝင် နေတဲ့ တပ်မတော်ရဲ့ မူ ၆ ချက် ကို ထပ်လောင်း အတည် ပြု ပြောဆို ထားပါတယ်။

နိုင်ငံရေး အင်အားစု တွေ နဲ့ တိုင်းရင်းသား တွေ ကတော့ ဖက်ဒရယ် ပြည်ထောင်စု တည်ဆောက် နိုင်မယ့် ဖွဲ့စည်းပုံ တစ်ရပ် လိုအပ် နေတယ်လို့ အစဉ်တစိုက် ပြောဆိုလေ့ ရှိကြပါတယ်။

BBC Burmese
http://www.bbc.com/burmese


မင်းဘူးမြို့၌ စက်တင်ဘာ ၁ ရက် မွန်းလွဲ ပိုင်းက ဘဏ်သို့ ငွေကျပ်တစ်သောင်းတန် အတု လာရောက်လွှဲအပ်သူ အမျိုးသား တစ်ဦးအား ဖမ်းဆီးအရေးယူထား ကြောင်း မင်းဘူးမြို့မရဲစခန်းမှ သိရသည်။


ဖြစ်စဉ်မှာ စက်တင်ဘာ ၁ ရက် မွန်းလွဲ ၂ နာရီက မင်းဘူးမြို့ အမှတ် (၄) ရပ်ကွက်ရှိ ကမ္ဘောဇဘဏ် ဘဏ်မန်နေဂျာ ဦးကျော်ခိုင်က လူတစ်ဦး ငွေစက္ကူ အတုဟု ယူဆရသော ငွေကျပ် တစ်သောင်းတန် အရွက် ၄ဝ အား ငွေလွှဲအပ်မှု ပြုလုပ်နေကြောင်း ဖုန်းဖြင့် အကြောင်းကြားချက်အရ မင်းဘူးမြို့မ ရဲစခန်းမှူး ရဲအုပ်ခိုင်လင်း၊ နယ်ထိန်း ခေါင်းဆောင် ရဲအုပ်မိုးကျော်ဟိန်းတို့ ပါဝင်သော တပ်ဖွဲ့ဝင်များ သွားရောက် စစ်ဆေးခဲ့ရာ နီဝင်း(ခ) ဖိုးနီ (၃၃ နှစ်) ရေပုတ်ကျေးရွာ မင်းဘူး မြို့နယ်နေသူအား တွေ့ရှိခဲ့ပြီး သက်သေများရှေ့တွင် ရှာဖွေစစ်ဆေးခဲ့ရာ ၎င်းလွယ်ထားသည့် လွယ်အိတ်အတွင်းမှ ငွေစက္ကူအတုဟု ယူဆရသော ငွေကျပ် တစ်သောင်းတန် ၅၉ ရွက်နှင့်အတူ မောင်နီဝင်းအမည်ပါ နိုင်ငံသား စိစစ်ရေးကတ် တစ်ခုတို့အား တွေ့ရှိ သိမ်းဆည်းရမိခဲ့ခြင်းဖြစ်ကြောင်း သိရသည်။


ယင်းသိမ်းဆည်း ရမိခဲ့မှုနှင့် ပတ်သက်၍ ငွေစက္ကူအတုဟု ယူဆရသော ငွေကျပ်တစ်သောင်းတန် ၅၉ ရွက်အား ငွေလွှဲအပ်ရန် ပြုလုပ်သူ နီဝင်း(ခ) ဖိုးနီအား အရေးယူပေးရန် ရဲအုပ် မိုးကျော်ဟိန်းက တရားလို ပြုတိုင်ကြားခဲ့သောကြောင့် မင်းဘူးမြို့မရဲစခန်း က အမှုဖွင့် စစ်ဆေးလျက် ရှိကြောင်း သိရသည်။

ကျော်ဇေယျ
MOI Webportal Myanmar
https://www.facebook.com/MOIWebportalMyanmar




ဗင်နီဇွဲလားနိုင်ငံ သမ္မတ Nicolas Maduro ကို ဆန့်ကျင်တဲ့ ရာထောင်ချီတဲ့သူတွေဟာ ဝေးလံတဲ့ အမေဇုံဒေသ ရွာတွေကနေလာရောက် ကြပြီး Caracas မြို့ရဲ့လမ်းမတွေပေါ်မှာ ကြာသပတေးနေ့က ချီတက် ဆန္ဒပြခဲ့ကြပါတယ်။

ဆန္ဒပြသူတချို့ဟာ တကိုယ်လုံး အဖြူရောင်ကို ၀တ်ဆင်ထားကြပြီး “ဗင်နီဇွဲလားမှာ ငတ်နေပြီ”လို့ ကြွေးကြော်ကာ မြို့ တော်ရဲ့အရှေ့ဘက်ကို ချီတက် ဆန္ဒပြခဲ့ကြတာပါ။ သမ္မတကို ထောက်ခသူ ဒီနှစ်ထဲ ၂၅ ရာခိုင်နှုန်းထိ ကျသွားခဲ့ပြီး လက်ရှိသမ္မတ နှုတ်ထွက်ပေးရေး ပြည်သူ့ဆန္ဒ ခံယူပွဲလုပ်ဖို့  ဆန္ဒပြသူတွေက တောင်းဆိုနေ ကြတာဖြစ်ပါတယ်။

စီးပွားရေး ကပ်ဆိုက်မှု၊ ရာဂဏန်းအထိ ငွေကြေးဖောင်းပွမှုတွေနဲ့ စားနပ်ရိက္ခာအပါအ၀င် တနိုင်ငံလုံး အခြေခံ လိုအပ်ချက်တွေနဲ့ ပတ်သက်ပြီး အတိုက်အခံတွေက မြို့တော်မှာ ဆန္ဒပြနေကြတာ ဖြစ်ပါတယ်။

သမ္မတ Maduro က အကြမ်းဖက်မှု ပေါ်လာရင် အတိုက်အခံ ခေါင်းဆောင်ကို ထောင်ချမယ်လို့  ခြိမ်းခြောက်ထားပါတယ်။ ဒါပေမယ့် Democratic Unity Roundtable အတိုက်အခံပါတီရဲ့ခေါင်းဆောင် Jesus Torrealba ကတော့ ချီတက်မှုတွေကို ငြိမ်းချမ်းစွာ ဆက်လုပ်သွား မယ်လို့ ကတိပေး ထားပါတယ်။

အတိုက်အခံတွေက “Caracas ကို သိမ်းကြ” ၊ “ဒီ အစိုးရ ကျဆုံးရမယ်” လို့  ကြွေးကြော်ကြပြီး သမ္မတကို အရေးယူဖို့  မြို့တော်ရဲ့ လမ်းမတွေပေါ်မှာ ချီတက်ခဲ့ကြတာပါ။ ဒါပေမယ့် ရွေးကောက်ပွဲဘုတ်အဖွဲ့က အချိန်ဆွဲနေတာကြောင့် ဒီနှစ်မှာ ပြည်သူ့ဆန္ဒ ခံယူပွဲလုပ်ဖို့ အလားအလာ မမြင်ရသေးပါဘူး။ တချိန်ထဲမှာပဲ အစိုးရထောက်ခံတဲ့ အနီရောင်ဝတ် ဆန္ဒပြသူတွေကလဲ ကြာသပတေးနေ့မှာပဲ သီးခြားဆန္ဒပြပွဲတွေ လုပ်ခဲ့ကြပါတယ်။

ဗွီအိုအေ (မြန်မာပိုင်း)
http://burmese.voanews.com




အမေရိကန် ပြည်ထောင်စု၊ ဖလော်ရီဒါ ပြည်နယ် မှာ ရှိတဲ့ Cape Canaveral ဂြိုလ်တု ဒုံးပျံ လွှတ်တင်ရေး စခန်းမှာ ဖြစ်ပေါ် ခဲ့တဲ့ ပေါက်ကွဲမှု အတွင်း အာဖရိကတိုက် မှာ မြန်နှုန်းမြင့် အင်တာနက် သုံးနိုင်အောင် လုပ်ဆောင် ပေးမယ့် ဖေ့စ်ဘွတ် ကုမ္ပဏီ ရဲ့ ဂြိုလ်တု ပျက်စီး သွား တဲ့ အပေါ် အင်မတန် စိတ်ပျက် ရတယ် လို့ ဖေ့စ်ဘွတ် ရဲ့ အကြီးအကဲ မာ့ခ် ဇတ်ကာဘာ့ဂ် က ပြောပါတယ်။

Falcon Nine ဒုံပျံ ကို လောင်စာဆီ ဖြည့် နေတုန်း ပေါက်ကွဲ
ဖေ့စ်ဘွတ် ရဲ့ Amos-Six လို့ နာမည် ပေးထားတဲ့ ဂြိုလ်တု တပ်ထားတဲ့ Falcon Nine ဒုံးပျံဟာ၊ စနေနေ့ တကယ် မလွှတ်တင် မီ၊ အကြို စမ်းသပ်တုန်း ပေါက်ကွဲ သွားတာပါ။

Falcon Nine ဒုံပျံ ကို လောင်စာဆီ ဖြည့် နေတုန်း ပေါက်ကွဲ သွားတာ ဖြစ်ပါတယ်။

ဒီ ဖြစ်ရပ် အတွင်း ထိခိုက် ဒဏ်ရာ ရသူ တစ်ဦးမှတော့ မရှိ ခဲ့ပါဘူး။

BBC Burmese
http://www.bbc.com/burmese


ISအဖွဲ့ဝင် ၃ဝဝ ကျော်ကို ဖမ်းဆီး ထားတယ် လို့လည်း ပါကစ္စတန် စစ်တပ်ရဲ့ ပြောခွင့်ရ ဒုတိယ ဗိုလ်ချုပ်ကြီး အာဆင်းမ် ဘာ့ဂ်ျဝါ က ပြော။

ပါကစ္စတန် နိုင်ငံမှာ အစ္စလာမ်မစ် နိုင်ငံ အဖွဲ့ IS ရှိနေတယ် ဆိုတဲ့ အချက်ကို ပါကစ္စတန် အစိုးရ စစ်တပ်က ပထမဆုံး အကြိမ် အသိအမှတ်ပြု ပြောကြား လာပါတယ်။

ဒါပေမယ့် IS အဖွဲ့ ပါကစ္စတန် မြေပေါ်မှာ မကြီးထွား လာနိုင်အောင် ထိန်းချုပ် ထားနိုင်တယ် လို့ ဆိုပါတယ်။

ပါကစ္စတန် IS အဖွဲ့ ရဲ့ နောက်ကွယ်က ကြိုးကိုင်သူ နဲ့ တိုက်ခိုက်ရေး အဖွဲ့ ခေါင်းဆောင် အပါအဝင် IS အဖွဲ့ဝင် ၃ဝဝ ကျော်ကို ဖမ်းဆီး ထားတယ် လို့လည်း ပါကစ္စတန် စစ်တပ်ရဲ့ ပြောခွင့်ရ ဒုတိယ ဗိုလ်ချုပ်ကြီး အာဆင်းမ် ဘာ့ဂ်ျဝါ က ပြောပါတယ်။

ဒါ့အပြင် မြို့တော် အစ္စလာမ်မာဘာ့ဒ် မှာ ရှိတဲ့ နိုင်ငံခြား သံရုံးတွေနဲ့ လေဆိပ်ကို တိုက်ခိုက် ကြမယ့် IS တွေရဲ့ အစီအစဉ်ကိုလည်း ကြိုတင် ဖော်ထုတ် ဟန့်တား နိုင်ခဲ့တယ်လို့ လည်း ဒုဗိုလ်ချုပ်ကြီး ဘာ့ဂ်ျဝါက ဆိုပါတယ်။

ကွက်တာမြို့ က ဆေးရုံမှာ ပြီးခဲ့တဲ့ လက လူပေါင်း ၇ဝ ကျော် သေဆုံး ခဲ့ရတဲ့ အထိ အသေခံ ဗုံးခွဲ တိုက်ခိုက် ခဲ့မှုဟာ သူတို့ လက်ချက် ဖြစ်တယ်လို့ ပါကစ္စတန် IS အဖွဲ့က ကြေညာ ထားပေမယ့်လည်း ဒုဗိုလ်ချုပ်ကြီး ဘာ့ဂ်ျဝါက IS လက်ချက် မဟုတ်ဘူး ဆိုပြီး ငြင်းပယ် ခဲ့ပါတယ်။

BBC Burmese


မူးယစ်ဆေးဝါးမှုဖြင့်ဖမ်းဆီးထားရသည့် ရုပ်ရှင်နှင့် ဗွီဒီယိုသရုပ်ဆောင်မိုးအောင်ရင်ကို ပုစွန်တောင်မြို့နယ် ရဲစခန်းက တရားရုံးမှ ရမန်ရက်ယူကာ စစ်ဆေးနေဆဲဖြစ်သည့်အတွက် ပုစွန်တောင်မြို့နယ် ရဲစခန်းတွင်သာ ထားရှိကြောင်း သိရှိရသည်။
“လောလောဆယ် သူ့အတွက်ရမန်တစ်ပတ်ယူထားပါတယ်။ သူကိုစစ်ဆေးနေဆဲမို့လို့ ပုစွန်တောင်စခန်းမှာ ပဲထားပါတယ်။ ရမန်ပြီးမှ အင်းစိန်ထောင်ကိုပို့မှာပါ။”ဟု ပုစွန်တောင်မြို့နယ်ရဲစခန်းမှ ရဲအုပ်မျိုးသန့်က ပြောသည်။

သရုပ်ဆောင်မိုးအောင်ရင်ကို သြဂုတ် ၂၉ ရက်၊ နံနက် ၄ နာရီတွင် ပုစွန်တောင်မြို့နယ်၊ နှစ် ရက်ကွက်၊ သာ ယာကုန်းလမ်းရှိ ၎င်း၏ တိုက်ခန်းတွင် မူးယစ်ဆေးဝါးများနှင့်အတူ ဖမ်းဆီးရမိခဲ့ခြင်းဖြစ်ပြီး မြန်မာနိုင်ငံရုပ်ရှင် အစည်းအရုံးအနေဖြင့် သရုပ်ဆောင်မိုးအောင်ရင်ကို အားပေးနှစ်သိမ့်ရန် သြဂုတ် ၃၀ ရက်က သွားရောက်ကြည့် ရှုခဲ့ကြောင်း သိရသည်။
“သူ့ကို သွားကြည့်ခဲ့သေးတယ်။ ဒီအတိုင်း နှစ်သိမ့်ဖို့သက်သက်ပါပဲ။ တခြားဘာမှပြောလို့ မရလို့ မမေးစေချင်ဘူး။”ဟု မြန်မာနိုင်ငံရုပ်ရှင်အစည်းရုံးမှ ဒုတိယ ဥက္ကဌ ဦးအေးကြူလေးက ပြောသည်။

သရုပ်ဆောင်မိုးအောင်ရင်အနေဖြင့် အနုပညာသက်တမ်း ၁၀ စုနှစ်ကျော်ကြာ ကျော်ဖြတ်ကျော်လာခဲ့သူဖြစ်ပြီး အကယ်ဒမီမို့မို့မြင်အောင်နှင့် တွဲဖက်ရိုက်ကူးခဲ့သည့် ငါးစိမ်းသည်မသား ဗွီဒီယိုဇာတ်ကားသည် မိုးအောင်ရင် အဖြစ် အောင်မြင်လာခဲ့သည့် ဇာတ်ကားတစ်ကားဖြစ်သည်။

ရတနာပုံ သတင်းစာ
https://www.facebook.com/yadanabonnewspaper


အမေရိကန် ပြည်ထောင်စုမှာ ဒေါ်လာသန်း ထောင်နဲ့ချီပြီး ငွေကြေး မသမာမှုမှာ ပါနေတဲ့ တရားစွဲခံထားရသူ အမည် ဖော်ပြခြင်း မရှိတဲ့ မလေးရှား အရာရှိကြီး ဆိုတာဟာ ဝန်ကြီးချုပ် Najib Razak ဖြစ်တယ်လို့ မလေးရှားအစိုးရ ဝန်ကြီး တယောက်က ဘီဘီစီကို အတည်ပြု ပြောပါတယ်။

မလေးရှားက နံပတ် ၁ အရာရှိကြီးလို့ သာ သီတင်းပတ် အတန်ကြာ ပြောဆိုသုံးနှုန်း ခဲ့ကြပြီး အခုမှ အဲဒီလူဟာ ဝန်ကြီးချုပ်ပါလို့ မလေးရှား ဝန်ကြီး Abdul Rahman Dahlan က အတည်ပြု ပြောတာဖြစ်ပါတယ်။

တရားရေးဌာနက ဒီအမှုနဲ့ပတ်သက်လို့ ဝန်ကြီးချုပ်ကို ခေါ်စစ်မှာ မဟုတ်တဲ့ အတွက် သူ့နာမည်ကို ထည့်သွင်းမထားတာလို့ မလေးရှား ဝန်ကြီးက ပြောသွားပါတယ်။

1 MDB လို့ ခေါ်တဲ့ မလေးရှား အစိုးရ ရဲ့ သန်းထောင်နဲ့ချီတဲ့ ရန်ပုံငွေတွေကို လွှဲပြောင်းခဲ့တာလို့ တရားစွဲဆိုမှုမှာ ဆိုထားပါတယ်။

အဲဒီငွေတွေကိုထိန်းချုပ်သူ မစ္စတာ Najib ကတော့ တစုံတရာ အမှားအယွင်း မရှိကြောင်း ငြင်းဆိုပါတယ်။

BBC Burmese
http://www.bbc.com/burmese


စက်တင်ဘာလ ၁ ရက် ၂၀၁၆

သျှမ်းပြည်တောင်ပိုင်း လွိုင်လင်မြို့နယ် မိုင်းပွန်မြို့ တွင် သေနတ်သမား တဦးက နေအိမ်တအခုအတွင်း ၀င်ရောက်ပစ်ခတ်သဖြင့် လင်မယား နှစ်ဦးကျည်ဆံထိမှန်ကာ အမျိုးသားဖြစ်သူက နေအိမ်အတွင်း ပွဲချင်းပြီးသေဆုံးသွားသည်ဟုသိရသည်။

စက်တင်ဘာ ၁ ရက်နေ့ ညနေ ၄ နာရီက မိုင်းပွန်မြို့ အမှတ် ၅ ရပ် ကွက် ခေါ် ဈေးတန်းရပ် ရေဆုံလမ်းရှိ တရုတ်လူမျိုးအိမ်တအိမ်အား အနက်ရောင် ဗီဂိုကားဖြင့် သေနတ်သမားတဦးက ၀င်ရောက်ပစ်ခတ်ရာ အိမ်ရှင် ဦးအိုက်မြင့် နှင့် မယဉ်မေ တို့လင်မယား ကျည် ၅ ချက် ထိမှန်ကာ ဦးအိုက်မြင့်မှာ နေရာတွင်ပင် ပွဲချင်းပြီးသေဆုံးသွားသည်။ သေနတ်သမားက နားခိုင်းကျေးရွာဘက် ကားမောင်းထွက်ပြေးကာ လွတ်မြောက်သွားသည်ဟု သိရပါသည်။

“ သူ့မိန်းမတော့ပြောတယ် အသိထဲကလူဘဲ ၊ မိုင်းကိုင်ဘက်က လာတယ်တဲ့။ ဘယ်သူဆိုတာတော့ မသိသေး ဘူး။ သူတို့အချင်းချင်းနောက်ကြောင်း တခုခုရှိ မယ်ထင်တယ်။ ဘာအလုပ်လုပ်ခဲ့လဲမသိတော့မသိဘူး ” ဟု ဈေးကုန်းရပ်နေ ဦးယန်ရှင်း ကပြောသည်။

ဦးအိုက်မြင့် ခေါ် လီ့ကျန်းမဲန့် အသက် ၅၅ နှစ်မှာ ညာဖက် ပိုက်တွင် တချက်ထိပြီး ဒေါ်ယဉ်မေ ခေါ် ဒေါ်အားလျဲန် အသက် ၅၁ နှစ်မှာ ညာဖက် တင်ပါးဆုံတွင် သေနတ်သုံးချက် ထိမှန်ကြောင်း သိရှိရသည်။

“ ကျနော်တို့ဘက်မှာတော့ စစ်ဆေးတုန်းဆိုတော့ ဘယ်သူဆိုတာတော့ မသိသေးဘူး၊ သူ့ယောကျာ်းအလောင်းကော၊ သူ့မိန်းမကော လွယ်လင်ေ ဆးရုံကို ပို့လိုက်ပြီ။ ကုသဖို့။ မိုင်းပွန်မှာ ရင်ခွဲရုံမရှိတော့ သေဆုံးတဲ့သူလဲ ဟိုကို ပို့လိုက်တယ်လေ။ ထပ်စစ်ဆေးရဦးမယ် ဆိုတော့ ။ ခုဆေးကုသခံနေ ရတယ်” ဟု တာဝန်ရှိသူ ရဲစခန်းကပြောသည်။

အဆိုပါဖြစ်ပွားမှုကို မိုင်းပွန်မြို့ ရဲစခန်းက လူ့အသက်ကိုသေကြေစေသည့်အမှု ပုဒ်မ ၃၀၇ နှင့် အမှု့ဖွင့်ထားကြောင်း၊ ဥက္ကဌကိုယ်တိုင် ရဲတပ်ဖွဲ့အားခေါ်ယူပြီး ဗီဂိုကားနှင့်သေနတ်သမားတို့နောက် လိုက်သေးကြောင်း၊ ပစ်သတ်မှုမဖြစ် ပွားခင် အဆိုပါ သေနတ်သမား က ၄င်းတို့နှင့် လာရောက်တွေ့ဆုံ စကားပြောေ နသေးကြောင်း၊ အချေအတင်စကားများရာမှ ကားသမားက သေနတ် သွားယူလားပြီး ပစ်ခတ်ကြောင်း သိရှိရသည်။ ပစ်ခတ်ခံရသည့် ဦးအိုက်မြင့် နှင့် ဒေါ်ယဉ်မေ တို့တွင် သားသမီး ၄ ဦးရှိ ရှိရာ အသက် ၁၈ နှစ်အရွယ် ၄င်းတို့၏ သမီးဖြစ်သူ ရှေ့မှောက်တွင် ပစ်ခတ်မှုပြုသွားခြင်းဖြစ်ကြောင်း အသိုင်းအ၀ိုင်းများက ပြောသည်။

သျှမ်းသံတော်ဆင့်/ ယိင်းအုမ်မွေ
Panglong(Burmese)
https://www.facebook.com/Panglong.burmese


ပဲခူးတိုင်းအနောက်ပိုင်း၊ ပြည်မြို့တွင် ကူးစက်မြန်ပြင်းထန် ၀မ်းပျက်ဝမ်းလျှောရောဂါ ပိုးသစ်တစ်မျိုးအား ထပ်မံ တွေ့ရှိရသောကြောင့် မုန့်ဖတ်ပြုလုပ်သော မုန့်ဖတ်ဖိုများအား စက်တင်ဘာလ(၁) ရက်မှ စတင်ကာ ယာယီ ပိတ်သိမ်းခိုင်းထားကြောင်း ပြည်ခရိုင် အထွေထွေအုပ်ချုပ်ရေးမှူးရုံးမှ သိရှိရသည်။

 ပြည်ခရိုင်တွင် ဇူလိုင်လအတွင်းက ကူးစက်မြန်ပြင်းထန်ဝမ်းပျက်ဝမ်းလျှောရောဂါဖြစ်ပွားခဲ့ကာ မုန့်ဖတ်ဖိုများ၊ လက်သုပ်ဆိုင်များ ပိတ်ခိုင်းခဲ့ရပြီး သြဂုတ်လနောက်ဆုံးပတ်တွင် လူနာတစ်ဦးထံမှ ကူးစက်မြန်ပြင်းထန် ၀မ်းပျက်ဝမ်း လျှောရောဂါပိုးသစ်တစ်မျိုးအား အမျိုးသား ကျန်းမာရေး ဓာတ်ခွဲမှုဆိုင်ရာဌာန (ရန်ကုန်)၏ ဓာတ်ခွဲစစ်ဆေးမှုအရ တွေ့ရှိရသောကြောင့် မုန့်ဖတ်ဖိုများအား ယာယီထပ်မံပိတ်သိမ်းထားခိုင်းခဲ့ခြင်း ဖြစ်ကြောင်း သိရသည်။

အဆိုပါပိတ်ထားသည့် မုန့်ဖတ်ဖိုလုပ်ငန်းများသည် လူနေရပ်ကွက်များအတွင်း မရှိသင့်ဘဲ လူနေရပ်ကွက် များနှင့် ဝေးသောစက်မှုဇုံကဲ့သို့နေရာများသို့ ပြောင်းရွှ့ဖွင့်လှစ်နိုင်ရေးအတွက်လည်း မုန့်ဖတ်ဖိုလုပ်ငန်းရှင်များ နှင့် ညှိုနှိုင်းလုပ်ဆောင်သွားမည်ဖြစ်ကြောင်း သိရသည်။
“ပထမတစ်ခါ လူနာတွေများလို့ ၀မ်းပျက်ဝမ်းလျှောတွေဖြစ်လို့ဆိုပြီး ဗြုန်းစားကြီးပိတ်လိုက်ရတယ်။ ကျွန်တော် တို့မှာဆုံးရှုံးမှုတွေရှိတယ်။ အခုတစ်ခါအစည်းအဝေး ဆိုပြီး ဖိတ်တယ် ပြီးတော့ပိတ်ခိုင်းပြန်တယ်။ ပထမတစ်ခါ ကျွန်တော်တုို့ ဆုံးရှုံးတာလည်း သူတို့သိတယ်။ အခု ဒုတိယအကြိမ်ထပ်ပိတ်ရမယ်ဆိုတော့ အများကြီးနစ်နာ တာပေါ့။”ဟု ပြည်မြို့ရှိ မုန့်ဖတ် စက်ပိုင်ရှင်တစ်ဦးက ပြောသည်။

 ပြည်ခရိုင်အတွင်း ပြီးခဲ့သည့် ဇူလိုင်လအတွင်းက ကူးစက်မြန် ပြင်းထန်ဝမ်းပျက်ဝမ်းလျှောရောဂါဖြစ်ပွားခဲ့ပြီး ၀မ်းပျက် ၀မ်းလျောရောဂါဖြစ်ပွားသူ လူ ၂၀၀ ခန့် ဆေးကုသမှုများခံယူခဲ့ရပြီး လူတစ်ဦး သေဆုံးခဲ့ရကြောင်း သိရသည်။

ရတနာပုံ သတင်းစာ
https://www.facebook.com/yadanabonnewspaper


မန္တလေးတိုင်းဒေသကြီး၊ မန္တလေးမြို့တွင် အသေးစား ရုပ်ရှင်ရုံ၊ အအေးဆိုင်အမည်ခံကာ စုံတွဲများ ချိန်းတွေ့ရန် အတွက် အလုံပိတ်ခန်းများ ဖွင့်လှစ်ထားရှိခြင်းအား သိရှိလျှင် တိုင်ကြားနိုင်ကြောင်း မန္တလေးမြို့တော် စည်ပင်သာယာရေး ကော်မတီ ရဲတပ်ဖွဲ့မှ သိရှိရသည်။
 “လူမှုကွန်ယက်စာမျက်နှာပေါ်မှာ ဖော်ပြလာတာတွေကိုတွေ့တဲ့အတွက် အရေးယူမှုတွေကိုပြုလုပ်တာဖြစ်တယ်။ ဆက် လက်လည်း အရေးယူမှုတွေကိုပြုလုပ်သွားမှာဖြစ်တယ်။ ဖွင့်လှစ်ထားတာကိုတွေ့ရှိရင် တိုင်ကြားနိုင်ပါ တယ်။”ဟု မန္တလေးမြို့တော် စည်ပင်သာယာရေး ကော်မတီ ရဲတပ်ဖွဲ့မှ ရဲမှူး ငြိမ်းချမ်းအောင်က ပြောသည်။

 ငယ်ရွယ်သော လူငယ်လူရွယ်များ စာရိတ္တပိုင်းဆိုင်ရာ၊ ယဉ်ကျေးမှုပိုင်းဆိုင်ရာပျက်စီးနိုင်ခြင်း၊ ခွင့်ပြုချက်မရှိဘဲ အလုံပိတ် ခန်းများ တည်ဆောက်ထားရှိခြင်းတို့ကြောင့် ယခုကဲ့သို့အရေးယူမှုများကို ဆက်လက် လုပ်ဆောင်သွားရန် စီစဉ်ခြင်းဖြစ်ကြောင်း သိရသည်။
“လူနေထိုင်ဖို့ဆောက်လုပ်ထားတဲ့ အဆောက်အဦးတွေမှာ ကော်မတီကခွင့်ပြုမထားတဲ့ လုပ်ငန်းတွေကို မလုပ်ရပါဘူး။”ဟု ရဲမှူးငြိမ်းချမ်းအောင်ကပြောသည်။

 ခွင့်ပြုထားခြင်းမရှိပဲ လုပ်ငန်းလုပ်ကိုင်လျှင် စည်ပင်ဥပဒေပုဒ်မ(၁၁၈)အရ တရားစွဲသွားမည်ဖြစ်ကာ ပြစ်ဒဏ်အဖြစ် ဒဏ်ငွေ ကျပ် လေး သောင်းမှ ကျပ် လေး သိန်းအထိဖြစ်စေ၊ ထောင်ဒဏ် ခြောက် လဖြစ်စေ(သို့) နှစ်မျိုးလုံးအား ပူးတွဲကာ ချမှတ်နိုင်ကြောင်း သိရသည်။

 လက်ရှိ ဥပဒေအရ အရေးယူမှုပြုလုပ်ရာတွင် အလုံပိတ်ဆိုင်များ ဖွင့်လှစ်ထားသူများကို အရေးယူမှုကို ပြုလုပ်နိုင်ပြီး အဆိုပါ ဆိုင်များထံသို့ လာရောက်သည့်စုံတွဲများကို အရေးယူမှုမပြုလုပ်ဘဲ အသိပညာပေး မှုများကို လုပ်ဆောင်သွားမည်ဖြစ်သည်။

 အဆိုပါ အလုံပိတ်ဆိုင်များအား ၂၀၁၅ ခုနှစ်တွင် ၂၇ ဆိုင်၊ ၂၀၁၆ ခုနှစ်တွင် လေး ဆိုင် အရေးယူမှု ပြုလုပ်ထားရှိပြီး ဖြစ်ကြောင်း သိရသည်။

ရတနာပုံ သတင်းစာ
https://www.facebook.com/yadanabonnewspaper



 အေအန်ပီ ကတော့ ကော်မရှင်မှာ ကိုဖီအာနန် အပါအဝင် နိုင်ငံခြားသား ၃ ဦး ပါတာကို ကန့်ကွက်
ကုသမဂ္ဂ အတွင်းရေးမူးချုပ် ဟောင်း ကိုဖီအာနန် မြန်မာ နိုင်ငံကို ရှေ့တစ်ပတ် အတွင်း လာမှာ ဖြစ်ပြီး သူဟာ ရခိုင် ပြည်နယ်ကို သွားဖို့ ရှိပါတယ်။

ပြီးခဲ့တဲ့ အပတ် နိုင်ငံတော် အတိုင်ပင်ခံ ရုံးက ဖွဲ့စည်း လိုက်တဲ့ ရခိုင်ပြည်နယ် ဆိုင်ရာ အကြံပေး ကော်မရှင် မှာ ဥက္ကဌ အဖြစ် တာဝန် ပေးခံ ရတဲ့ ကုလသမဂ္ဂ အတွင်းရေးမှူးချုပ် ဟောင်း နိုဗဲလ် ဆုရှင် ကိုဖီအာနန် ဟာ မြန်မာ နိုင်ငံ ကို စက်တင်ဘာလ ပထမပတ် အတွင်း လာဖို့ ရှိနေ တာပါ။

မစ္စတာ ကိုဖီအာနန် ဟာ ပဋိပက္ခ ဖြေရှင်းရေး သူ့ရဲ့ အတွေ့ အကြုံ တွေကို မျှဝေ နိုင်မှာ ဖြစ်တယ်လို့ ရခိုင်ပြည်နယ် ဆိုင်ရာ အကြံပေး ကော်မရှင် အဖွဲ့ဝင် ဦးအေးလွင် က ပြောပါတယ်။

ရခိုင်ပြည်နယ် ဆိုင်ရာ အကြံပေး ကော်မရှင် မှာ ကိုဖီအာနန် နဲ့ နိုင်ငံခြားသား သုံးဦး ပါဝင် မှုကို ရခိုင် အမျိုးသား ပါတီ က လွှတ်တော်မှာ အရေးပေါ် အဆိုတင် ကန့်ကွတ် ခဲ့တဲ့ ဖြစ်ပါတယ်။

ရခိုင်လူမျိုးတွေ ဘက်ကတော့ ရခိုင် ပြည်နယ် အရေးကို ပြည်တွင်း တတ်သိ သူတွေ ခန့်အပ်ဖို့ ပြောသလို စစ်တွေ အနီး ဒုက္ခသည် စခန်းက ဒုက္ခသည်တွေ ကလည်း သူတို့ အကြောင်း နားလည်တဲ့ သူတွေ ပါဝင် သင့်တယ် လို့လည်း ပြောပါတယ်။

ကုသမဂ္ဂ အတွင်းရေးမူးချုပ်ဟောင်း ကိုဖီအာနန် ပါဝင်တဲ့ ဒီကော်မရှင်ဟာ ကော်မရှင် တည်ထောင်ပြီး ၁၂ လ အတွင်း နိုင်ငံတော် အတိုင် ပင်ခံ ပုဂ္ဂိုလ်ကို တင်ပြရမှာ ဖြစ်ပြီး တော့ ဒီစီရင်ခံ စာကို အများ သိအောင် ထုတ်ပြန် သွားမယ် လို့လည်း အစိုးရ ဘက်က ပြောထား ပါတယ်။

BBC Burmese
http://www.bbc.com/burmese



လူနေတိုက်ခန်း တွေမှာ ခြင်သတ်ဆေး လိုက်ဖြန်းပြီး ဇီကာရောဂါပိုး နှိမ်နင်း
စင်ကာပူနိုင်ငံမှာ ခြင်ကတဆင့် ကူးစက်ဖြစ်ပွားတဲ့ ဇီကာ ဗိုင်းရပ်စ်ပိုး ကူးစက်ခံရသူတွေ ပိုမို များပြားလာခဲ့ပြီးတဲ့နောက် လူနေတိုက်ခန်း တွေမှာ ခြင်သတ်ဆေး လိုက်ဖြန်းပြီး ဇီကာရောဂါပိုး နှိမ်နင်းဖို့ စင်ကာပူ အာဏာပိုင်တွေက အရှိန်မြင့်လုပ်ဆောင်နေပါတယ်။

အခုနောက်ဆုံး ကူးစက်ခံရသူတွေထဲမှာ ပထမဆုံး ကိုယ်ဝန်ဆောင်အမျိုးသမီးတဦးလည်း ပါဝင်လာပါတယ်။ တိုက်ခန်းပေါင်း ၁ ထောင်လောက်ရှိတဲ့ အဆောက်အဦးတခုမှာ ရောဂါ ဖြစ်ပွားနိုင်မယ့် အခြေအနေ စစ်ဆေးမှုတွေနဲ့ ဆေးဖြန်းတာတွေကို ဗုဒ္ဓဟူးနေ့က လုပ်ခဲ့တာပါ။

အဲဒီနေရာမှာ နေထိုင်သူ ဒါမှမဟုတ် အလုပ်လုပ်သူ ၅ ဦး ဇီကာရောဂါပိုး ကူးစက်ခံရပြီးတဲ့နောက် အခုလို လုပ်ဆောင်တာဖြစ်တယ်လို့ Channel News Asia သတင်းဌာနက ပြောပါတယ်။

ဇီကာရောဂါပိုးဖြစ်စေတဲ့ အေးဒိစ် အီဂျစ်ပ်တီ အမျိုးအစားခြင်တွေ ရှိမရှိ စစ်ဆေးတာတွေကို ဒီ တိုက်ခန်းတွေရဲ့ ၆၀ ရာခိုင်နှုန်းလောက်မှာ စစ်ဆေးခဲ့ပြီး ဖြစ်ပြီး ခြင်တွေ ထပ်မံ ပေါက်ဖွားမှု ရှိမရှိ စမ်းသပ် စစ်ဆေးဖို့အတွက် အနီးအနား ရေ၀ပ်တဲ့နေရာတွေက ရေနမူနာတွေကို ယူထားပါတယ်။

စင်ကာပူနိုင်ငံမှာ မနေ့က ဗုဒ္ဓဟူးနေ့အထိတော့ ဇီကာဗိုင်းရပ်စ်ပိုး ကူးစက်ခံရသူ ပေါင်း ၁၅၅ ယောက် ရှိပါတယ်။ အိမ်နီးချင်း မလေးရှားနိုင်ငံမှာလည်း စင်ကာပူနိုင်ငံကို သုံးရက်ကြာ သွားခဲ့တဲ့ အမျိုးသမီးတဦးမှာ ဇီကာရောဂါပိုး ကူးစက်ခံနေရတာကို တွေ့ရတဲ့အကြောင်း မလေးရှားအစိုးရက ဒီကနေ့ အတည်ပြု ပြောဆိုထားပါတယ်။

 ဗွီအိုအေ (မြန်မာပိုင်း)
http://burmese.voanews.com

စက်တင်ဘာ ၁ ။ စင်ကာပူ က ဇီကာဗိုင်းရပ်စ်ကူးစက်ခံထားရကြောင်း စစ်ဆေးတွေ့ရှိသူ နိုင်ငံခြားသား ၅၇ဦးအနက် မြန်​မာနိုင်​ငံသားတစ်ဦးပါဝင်ကြောင်း စင်ကာပူကျန်းမာရေးဝန်ကြီးဌာနရဲ့ ထုတ်ပြန်ချက်ကိုကိုးကားပြီး ချန်နယ်နယူးစ်အေးရှားသတင်းတစ်ပုဒ်မှာ ဒီကနေ့ဖော်ပြထားပါတယ်။

အဆိုပါနိုင်ငံခြားသားတွေထဲမှာ တရုတ်နိုင်ငံသား ၂၃ဦး အိန္ဒိယ ၁၅ဦး နဲ့ ဘင်္ဂလားဒေ့ရှ် ၁၀ဦး အများဆုံးပါဝင်ပြီး မြန်မာ၊ အင်ဒိုနီးရှားနဲ့ ထိုင်ဝမ်တို့က တစ်ဦးစီပါဝင်ပါတယ်။ မလေးရှားနိုင်ငံသား ၆ဦးလည်း ဇီကာဗိုင်းရပ်စ်ကူးစက်ခံထားရတယ်လို့ ကျန်းမာ​ရေး ဌာနရဲ့ ကြာသပတေးနေ့ထုတ်ပြန်ချက်တစ်ခုမှာတွေ့ရပါတယ်။

"အားလုံးကတော့ အပျော့စားဖျားနာဝေဒနာသာခံစားရတာပါ။ အများစုက နေပြန်ကောင်းသွားပါပြီ။ ကျန်တဲ့သူတွေလည်း ပြန်ကောင်းလာပါပြီ" လို့ စင်ကာပူကျန်းမာရေးဝန်ကြီးဌာနကပြောပါတယ်။
စင်ကာပူမှာ အခုဆိုရင် ဇီကာပိုး စမ်းသပ်တွေ့ရှိသူ စုစုပေါင်း ၁၁၅ဦး ရှိသွားပြီလို့သိရပါတယ်။

စင်ကာပူရဲ့ ပထမဆုံး သည်ရောဂါ ပြည်တွင်းမှာ တွေ့ရှိမှုကို စနေနေ့က ကြေညာခဲ့တာဖြစ်ပါတယ်။
ရောဂါပိုးတွေ့ရှိတယ်ဆိုတဲ့ မြန်မာနိုင်ငံသားအကြောင်းကိုတော့ သတင်းမှာ အသေးစိတ်ဖော်ပြခြင်းမရှိပါဘူး။

စင်ကာပူက ဇီကာဗိုင်းရပ်စ်ကူးစက်သူ နိုင်ငံခြားသားအများစုဟာ ဆောက်လုပ်ရေးလုပ်ငန်းခွင်တစ်ခုက ဖြစ်တယ်လို့ အစောပိုင်းသတင်းတွေမှာတွေ့ရပါတယ်။
ကိုမိုးထက်
Ref: CNA

Kumudra

သြဂုတ် ၃၁ ရက်က မက္ကဆီကိုစီးတီး၌ မက္ကဆီကိုသမ္မတ ပီညာနစ်တို (၀ဲ) နှင့် ရီပက်ဘလီကင် သမ္မတလောင်း ဒေါ်နယ်ထရန့်တို့ လက်ဆွဲနှုတ်ဆက်နေစဉ် (Photo: AFP)

ရီပက်ဘလီကင် သမ္မတလောင်း ဒေါ်နယ်ထရန့်သည် မက္ကဆီကိုမှ ပြန်လာပြီးနောက် သြဂုတ် ၃၁ ရက်တွင် ရွှေ့ပြောင်းအခြေချမှုကို ဆန့်ကျင်သည့်တင်းမာသော သတိပေးချက်တစ်ရပ်ကို ထုတ်ြပန်ခဲ့သည်။ ထရန့်က အမေရိကန်အတွင်းသို့ တရားမ၀င် ဖြတ်ကျော် ၀င်ရောက်လာသူများအနေဖြင့် မည်သည့်အခါမျှ တရားဝင် အနေအထားကို ရရှိမည်မဟုတ်ဟု ပြောကြားခဲ့သည်။

ယင်းသည် ထရန့်က ယင်းနေ့အစောပိုင်းတွင် မက္ကဆီကိုသမ္မတ အင်းနရစ်ပီညာနစ်တိုနှင့် တွေ့ဆုံသည့်အခါ တရားမ၀င် ရွှေ့ပြောင်းအခြေချမှုများအား နှိမ်နင်းရန် အစီအစဉ်ကို ချပြသည့် တင်းမာသော ကြေညာချက်များအနက် တစ်ခုဖြစ်သည်။

“ကျွန်တော်တို့ ခိုလှုံခွင့် တောင်းခံခြင်းနဲ့ တရားမ၀င် ရွှေ့ပြောင်းအခြေချခြင်း သံသရာလည်နေမှုကို ချိုးဖျက်ရမယ်” ဟု ထရန့်က ဖီးနစ်မြို့၌ လူအုပ်ကြီးအား ပြောကြားခဲ့သည်။

ရွှေ့ပြောင်းအခြေချမှု အကြောင်းအရာသည် နိုဝင်ဘာ ၈ ရက် ရွေးကောက်ပွဲမတိုင်မီ ဒီမိုကရက်တစ်သမ္မတလောင်း ဟီလာရီကလင်တန်နှင့် ပြိုင်ဆိုင်ရာ၌ ထရန့်၏ အမှတ်လက္ခဏာဖြစ်ပြီး တရားမ၀င် နယ်ခြားဖြတ်ကျော် ၀င်ရောက်မှုများနှင့် နိုင်ငံအတွင်း အထောက်အထား စာရွက်စာတမ်းမရှိသူများ၏ မတော်တရော်အပြုအမူများကို အဆုံးသတ်ရန်အတွက် ထရန့်က တင်းမာသည့် အချက် ၁၀ ချက်ပါဝင်သော အစီအစဉ်တစ်ရပ်ကို ချပြခဲ့သည်။

“ကျွန်တော်တို့က ကမ္ဘာကြီးကို ပေးချင်တဲ့ မက်ဆေ့ခ်ျက ဒီလိုပါ။ ခင်ဗျားတို့အနေနဲ့ ကျွန်တော်တို့ နိုင်ငံထဲကို တရားမ၀င် ၀င်ရောက်လာတဲ့ နည်းနဲ့တော့ တရားဝင် အနေအထား မရနိုင်ဘူးဆိုတာနဲ့ အမေရိကန် နိုင်ငံသား ဖြစ်လာမှာ မဟုတ်ဘူး ဆိုတာပါပဲ။ အဲဒီလိုနေ့တွေက ကုန်ဆုံးသွားပါပြီ” ဟု ထရန့်က ပြောကြားခဲ့သည်။

ထရန့်သည် ပီညာနစ်တိုအား သူ ရွေးကောက်ပွဲ အနိုင်ရခဲ့ပါက အမေရိကန်- မက္ကဆီနယ်စပ်၌ မဟာတံတိုင်းကြီး တည်ဆောက်မည်ဖြစ်ကြောင်း အခိုင်အမာပြောခဲ့ပြီးနောက် မကြာမီမှာပင် ယခုကဲ့သို့ ရွှေ့ပြောင်း အခြေချမှုနှင့်ပတ်သက်သည့် သူ၏ တင်းမာသော သဘောထားကို ထုတ်ဖော်ပြောဆိုခဲ့ခြင်းဖြစ်သည်။

ဘီလျံနာသူဌေးဖြစ်သူ ရီပက်ဘလီကင် သမ္မတလောင်းထရန့်၏ အစီအစဉ်တွင် ပြစ်မှုမှတ်တမ်းများရှိသော ရွှေ့ပြောင်းအခြေချသူများကို ပြန်ပို့ရန်၊ အထောက်အထားမရှိသည့် ရွှေ့ပြောင်းအခြေချသူ သန်းနှင့်ချီ လျက်ကို ကာကွယ်ထားသော သမ္မတ ဘာရက်အိုဘားမား၏ အမိန့်ကြော်ငြာစာများကို ဖျက်သိမ်းရန်နှင့် အထောက်အထားမရှိသူများကို ဆန့်ကျင်သည့် ခွဲခြားဆက်ဆံမှုများကို တားမြစ်ထားသော ခိုလှုံခွင့်ရှိသည့်မြို့များဟု ခေါ်ဆိုသော နေရာများအား ပြည်ထောင်စုအစိုးရက ရန်ပုံငွေထောက်ပံ့ပေးမှုကို ပိတ်ဆို့ရန်တို့ ပါဝင်သည်။

မက္ကဆီကိုသည် နယ်စပ်ဖြတ်ကျော်သော ရာဇ၀တ်သားများနှင့် မုဒိမ်းသမားများကို စေလွှတ်နေသည်ဟု ထရန့်က ပြီးခဲ့သည့်နှစ်တွင် ကြေညာခဲ့ပြီး သူ၏ရွေးကောက်ပွဲ မဲဆွယ်မှုကို စတင်ခဲ့သည်။ ထိုနောက်ပိုင်းတွင် ပီညာနစ်တိုက ထရန့်သည် နာဇီခေါင်းဆောင် အဒေါ့ဖ်ဟစ်တလာနှင့် ဖက်ဆစ်ခေါင်းဆောင် ဘီနီတိုမူဆိုနီလီတို့နှင့် ရပ်တည်ချက် တူညီနေကြောင်း တုံ့ပြန်ခဲ့သည်။
Writer:
Ref: AFP
Eleven Media Group

နေပြည်တော်၊ စက်တင်ဘာ ၁ ။ ။ ၂၁ ရာစုပင်လုံ ပြည်ထောင်စုငြိမ်းချမ်းရေးညီလာခံ ဒုတိယနေ့တွင် “ ဝ ” ပြည် သွေးစည်းညီညွတ်ရေးအဖွဲ့ (UWSA/UWSP) တိုင်းရင်းသားကိုယ်စားလှယ်အဖွဲ့ ညီလာခံအဖွဲ့ အပေါ် နိုင်ငံရေးအရခွဲခြားဆက်ဆံခြင်းမရှိခဲ့ဘဲ ညီလာခံမှ ထွက်ခွာသွားသည့်အပေါ် မည်သူ့ ကိုမှအပြစ်မတင်ကြရန် နိုင်ငံတော်အတိုင်ပင်ခံပုဂ္ဂိုလ်က မှာကြားကြောင်း ညီလာခံပူးတွဲကျင်းပရေးကော်မတီ၏ ယနေ့ပြုလုပ်သည့် သတင်းစာရှင်းလင်းပွဲမှ သိရသည်။

ညီလာခံမှ ပြန်လည်ထွက်ခွာသွားသည့် “ ဝ ” အဖွဲ့ ဖြစ်စဉ်ကို နိုင်ငံတော်အတိုင်ပင်ခံပုဂ္ဂိုလ်ထံသို့  ချက်ချင်းတင်ပြခဲ့ရာတွင် ဖြစ်တတ်သည့် ကိစ္စများသာဖြစ်၍ မည်သူ့ ကိုမှ အပြစ်မတင်ကြရန် မှာကြားခဲ့ကြောင်း ညီလာခံပူးတွဲကျင်းပရေးကော်မတီမှ နိုင်ငံတော်သမ္မတရုံး ပြောရေးဆိုခွင့်ရှိသူ ဦးဇော်ဌေးကပြောသည်။

“နိုင်ငံတော်၏အတိုင်ပင်ခံပုဂ္ဂိုလ်ထံ သတင်းပို့တဲ့ ဖြစ်စဉ်ကို ရှင်းပြပါတယ်။ ဖြစ်စဉ်ကိုအမှန်အတိုင်းရှင်းပြပေးပါ နောက်ပြီးတော့ ဒါဘယ်သူ့ ဘယ်သူကိုမှ အပြစ်မတင်ပါနဲ့ ဒါဖြစ်တတ်တဲ့ဟာလေးတွေ နည်းပညာဆိုင်ရာ လွဲမှားမှုလေးတွေရှိတယ်။ အဲ့ဒီအတွက်တော့ ကျနောတို့ သွားနေတဲ့ အမျိုးသားပြန်လည်သင့်မြတ်ရေးကိုမထိခိုက်ပါဘူး ” ဟု ဦးဇော်ဌေးကပြောသည်။

“ ဝ တိုင်းရင်းသားကိုယ်စားလှယ်အဖွဲ့ အပေါ် နိုင်ငံရေးအရခွဲခြားဆက်ဆံခြင်း လုံးဝမဟုတ်ဘူး၊ လူမျိုးရေးအရခွဲခြားဆက်ဆံခြင်း လုံးဝမဟုတ်ဘူး။ အဖွဲ့ အစည်းအရခွဲခြားဆက်ဆံခြင်းလုံးဝမဟုတ်ဘူး၊ နည်းပညာပိုင်း အနည်းငယ် အရ ချို့ယွင်းချက်ဖြစ်တာပါ” ဟု ညီလာခံပူးတွဲကျင်းပရေးကော်မတီမှ ဒေါက်တာဆလိုင်းလျန်မှုန်းက မီဒီယာများကိုပြောသည်။

ညီလာခံသို့ တက်ရောက်လာသည့် “ ဝ ” ကိုယ်စားလှယ်အဖွဲ့ သည် ၎င်းတို့ အား လေ့လာသူ များအဖြစ် သတ်မှတ်သည့် လည်ဆွဲကတ်များသာထုတ်ပေးခဲ့သည့်အပေါ် ခွဲခြားဆက်ဆံခံရပြီး တန်းတူညီမျှမှုမရှိဟုဆိုကာ ညီလာခံ ဒုတိယနေ့ နံနက်ပိုင်းတွင် ညီလာခံမှ ထွက်ခွာသွားခဲ့ခြင်းဖြစ်သည်။

“ ဝ ” ကိုယ်စားလှယ် အဖွဲ့ ညီလာခံသို့ တက်ရောက်နိုင်ရေးအတွက် ငြိမ်းချမ်းရေးကော်မရှင် ဥက္ကဌ ဒေါက်တာတင်မျိုးဝင်း နှင့် ညီလာခံပူးတွဲကျင်းပရေးကော်မတီမှ ဦးခင်ဇော်ဦးတို့သည် ပြီးခဲ့သည့် လပိုင်းက “ ဝ ” ဒေသသို့ သွားရောက်၍ ညှိနှိုင်းမှုများပြုလုပ်ခဲ့သည်။

“ ဝ ” တိုင်းရင်းသားကိုယ်စားလှယ်အဖွဲ့ သည် ညီလာခံမှ ထွက်ခွာသွားခဲ့သော်လည်း ညီလာခံပူးတွဲကျင်းပရေးကော်မတီမှ ဦးခင်ဇော်ဦးထံ စာတမ်းတစ်စောင်ပေးအပ်ခဲ့ပြီး စာတမ်းကို ညီလာခံ မှ တာဝန်ရှိသူများထံပေးအပ်သွားမည်ဟု ဦးခင်ဇော်ဦးကပြောသည်။

၂၁ ရာစုပင်လုံ ပြည်ထောင်စုငြိမ်းချမ်းရေးညီလာခံကို သြဂုတ်လ ၃၁ ရက်နေ့ မှစတင်ကာ စက်တင်ဘာလ ၃ ရက်နေ့ အထိ ပြုလုပ်သွားမည်ဖြစ်ပြီး ညီလာခံဒုတိယနေ့ အထိ ညီလာခံအောင်မြင်ကြောင်း ယနေ့ ကျင်းပသည့် ညီလာခံပူးတွဲကျင်းပရေးကော်မတီ၏ သတင်းစာရှင်းလင်ပွဲမှ သိရသည်။
Mizzima - News in Burmese

၁၊စက်တင်ဘာ၊ရန်ကုန်။
ပြည်ထောင်စုငြိမ်းချမ်းရေး -၂၁ရာစုပင်လုံညီလာခံ ပထမအကြိမ်အစည်းအဝေး ဒုတိယနေ့ မှာ ညီလာခံကနေထွက်ခွာသွားတဲ့ “၀” အဖွဲ့ နဲ့ ပတ်သက်ပြီး အပြစ်မတင်ကြဖို့  နိုင်ငံတော်အတိုင်ပင်ခံ ပုဂ္ဂိုလ် မှာကြားခဲ့တယ်လို့  နိုင်ငံတော် အတိုင်ပင်ခံရုံး ဒု ညွှန်ကြားရေးမှုးချုပ် ဦးဇော်ဌေးက ပြောပါတယ်။

” ကျွန်တော်တို့  ၀ ဖြစ်စဉ်နဲ့ ပတ်သက်လို့  နိုင်ငံတော်တာဝန်ရှိသူတွေ၊ နိုင်ငံတော်အတိုင်ပင်ခံပုဂ္ဂိုလ် ဖြစ်စဉ်အစအဆုံးရှင်းပြခဲ့ပါတယ်။အဲတော့ နိုင်ငံတော်အတိုင်ပင်ခံပုဂ္ဂိုလ်ပြောတာက ဘယ်သူ့ ..ဘယ်သူကိုမှ အပြစ်မတင်ပါနဲ့ တဲ့။ဒါဟာ နည်းပညာဆိုင်ရာလွဲမှားမှုတွေ ရှိနေလို့ ပဲတဲ့ ။ အဲတော့ အမျိုးသားပြန်လည်သင့်မြတ်ရေးကို မထိခိုက်အောင် အကောင်းဆုံးလုပ်ဖို့  လမ်းညွှန်ပါတယ်” လို့  ဦးဇော်ဌေးက ပြောပါတယ်။

သည်ကနေ့ မှာ ၀ပြည်သွေးစည်းညီညွတ်ရေးတပ်မတော်၊ ၀ပြည် သွေးစည်းညီညွတ်ရေးအဖွဲ့(UWSA/UWSP) ညီလာခံကနေ ထွက်ခွာသွားရတဲ့အကြောင်းအရင်းက ၀ကိုယ်စားလှယ်များကို ညီလာခံတတ်ဖို့ ကတ်ပြားတဲ့ထုတ်ပေးတဲ့နေရာမှာ လေ့လာသူကတ်ကိုသာထုတ်ပေး တာကြောင့်တန်းတူညီမျှမှုမရှိလို့ဆိုကာ ထွက်ခွာခဲ့တာဖြစ်တယ်လို့ ၀အဖွဲ့ရဲ့ ကိုယ်စားလှယ်တစ်ဦးကဖုန်းနဲ့ပြောပါတယ်။

၂၁ ရာစု ပင်လုံ ညီလာခံ မကျင်းမီက တိုင်းရင်းသားလက်နက်ကိုင် အဖွဲ့အစည်းတွေရဲ့  ကိုယ်စား လှယ် ၂၀၀ အတွက် ညီလာခံ ဝင်ခွင့် ကတ်ပြားတွေကို ထုတ်ယူပြီးသားဖြစ်ပါတယ်။အဲဒီကတ် တွေကိုတိုင်းရင်းသား လက်နက်ကိုင်များကိုယ်စားလှယ်တွေအဖွဲ့ရဲ့ လက်ထဲမှာရှိနေခဲ့ပါတယ်။ ဒါပေမယ့် ၀ အဖွဲ့ဟာ အဲဒီကိုယ်စားလှယ် အဖွဲ့နဲ့အဆက်အသွယ်မရှိခဲ့ဘဲ ၃၀ ရက်နေ့ မှာ ညီလာခံကျင်းပရေးကော်မတီထံကို သာ ၀င်ခွင့်ကတ်ပြား တောင်းယူခဲ့ပါတယ်။ ညီလာခံကျင်းပရေးကော်မတီက ၃၁ ရက်နေ့  ညီလာခံမှာ တက်ရောက်လို့ ရအောင် လေ့လာ သူ ၀င်ခွင့်ကတ်ပြားတွေ ခေတ္တ ထုတ်ပေးခဲ့တာဖြစ်တယ်လို့  ညီလာခံ ကျင်းပရေးကော်မတီအတွင်းရေးမှုး ဦးခင်ဇော်ဦးက ပြောပါတယ်။

” ၃၁ ရက်နေ့ ညီလာခံမှာ ၀င်ခွင့်ရအောင် ကျွန်တော်တို့ လေ့လာသူကတ်ကို ခဏပေးထားမယ်။ မနက်ဖြန်ကျရင် လဲ ပေးပါ့မယ်ဆိုပြီး လေ့လာသူကတ်ကို ခဏပေးထားခဲ့ပါတယ်။ ဖွင့်ပွဲအခမ်းအနားပြီးတဲ့ အခါမှာလည်း ကျွန်တော်နဲ့  တွေ့ ပါတယ်။ မနက်ဖြန်မှာ ကျွန်တော်တို့  စကားပြောလို့ မရဘူးလားလို့  မေးတယ်။ စကားပြောလို့ ရတယ်။ ခင်ဗျားတို့ က လေ့လာသူတွေ မဟုတ်ဘူး။ တင်းပြည့်ကျပ်ပြည့် ဖိတ်ခေါ်ထားတဲ့ လူတွေဖြစ်တယ်။ ဒီလေ့လာသူကတ်ကို ပေးတယ်ဆိုတာက ခင်ဗျားတို့  ဒီနေ့ ဝင်လို့ ထွက်လို့  လွယ်အောင်လို့  ခဏပေးထားတာလို့  ရှင်းပြခဲ့ပါတယ်။ မနက်ဖြန်မှ သက်ဆိုင်ရာ ကို ဆက်သွယ်ပြီး ပြန်လဲပေးမယ်လို့ လည်း ပြောထားပါတယ်။” လို့  ဦးခင်ဇော်ဦးက ပြောပါတယ်။

သူက ဆက်ပြီး - ” ကျွန်တော်တို့ တို့  အချိန်မရတော့တာကြောင့် ကျွန်တော်တို့ ဆီမှာ ရှိတဲ့ အလွယ်ဆုံးကတ်ကို ပေးထားလိုက်တာပါ။ သူတို့ ကို status ချလိုက်တာမဟုတ်ပါဘူး” လို့  ဆက်ပြောပါတယ်။

ဒီကနေ့မနက်မှာညီလာခံစခါနီးမှာလည်း လေ့လာသူကတ်တွေမလဲရသေးတဲ့ကိစ္စနဲ့ပတ်သတ်ပြီး ၀ကိုယ်စားလှယ်တွေက ဗဟိုဌာနချုပ်ကို အသိပေးအကြောင်းကြားခဲ့ရာ ဗဟိုဌာနချုပ်က ပြန်လာဖို့ ပြောဆိုတာကြောင့် ပြန်သွားရတာဖြစ်တယ်လို့ သိရပါတယ်။

အဲသည်ဖြစ်စဉ်နဲ့  ပတ်သက်ပြီး သည်ကနေ့ မှာ အစိုးရကိုယ်စားလှယ်အဖွဲ့ ဝင်တွေက ၀ပြည်သွေးစည်းညီညွတ်ရေးတပ်မတော်၊ ၀ပြည် သွေးစည်းညီညွတ်ရေးအဖွဲ့(UWSA/UWSP)ကိုယ်စားလှယ်တွေကို လိုက်လံ ရှင်းပြခဲ့ပေမယ့် မအောင်မြင်ခဲ့ဘူးလို့  သိရပါတယ်။

Author/ချမ်းသာ
Photo/ အေပီ
Kumudra

wa-goback-620.jpg
၂၁ ပင်လုံညီလာခံကို တက်ရောက်လာတဲ့ ဝ ကိုယ်စားလှယ်အဖွဲ့ဟာ စက်တင်ဘာလ ၁ ရက်နေ့က ညီလာခံကို ဆက်မတက်တော့ ဘဲ ပြန်လည်ထွက်ခွါသွားစဉ်
Photo: Ko Khin Mg Win

၂၁ ပင်လုံညီလာခံကို တက်ရောက်လာတဲ့ ဝ ကိုယ်စားလှယ်အဖွဲ့ဟာ ဒီကနေ့ ညီလာခံကို ဆက်မတက်တော့ဘဲ ထွက်ခွာသွားပါတယ်။

အစိုးရဘက်က လေ့လာသူအဖြစ် အသိအမှတ်ပြုတဲ့ ဝင်ခွင့်ကတ်ပြားသာ ထုတ်ပေးတာကြောင့် ညီလာခံမှာ မျက်နှာပူရကြောင်း UWSA ဝပြည်သွေးစည်း ညီညွတ်ရေးအဖွဲ့ခေါင်းဆောင် ဦးညီရမ်းက ပြောပါတယ်။

ညီလာခံကနေ ထွက်ခွာသွားတဲ့အတွက် အာအက်ဖ်အေက ဖုန်းနဲ့ဆက်သွယ်မေးမြန်းရာမှာ ဦးညီရမ်း က အခုလို ပြောပါတယ်။

"ကျနော်တို့ စဝင်တဲ့နေ့ကတည်းက ပထမဦးဆုံးပြောပြီးပြီ၊ ကတ်ဝေပေးကတည်းက လေ့လာသူ အနေနဲ့ ပြော၊ ပြောတော့သူတို့က လဲပေးမယ်လဲပေးမယ်ဆိုပြီး ညအထိလည်း လဲမပေးဘူး၊ မိုးလင်း လို့ နောက်ရက်ထပ်တက်တော့လည်း ဒီဘက်ဝင်မရ ဟိုဘက်ဝင်မရ၊ ဟိုမှာသွားမရ၊ ထမင်းစားတော့လည်း မျက်နှာပူနေရတာ၊ ကန့်သတ်ချက်တွေကလည်း အမျိုးမျိူးပဲ"

ဝအဖွဲ့ ညီလာခံကနေ ထွက်ခွာသားတဲ့ ကိစ္စနဲ့ပတ်သက်ပြီး ဒီကနေ့ သတင်းမီဒီယာတွေကို ရှင်းပြရာမှာ ညီလာခံ ပူးတွဲကျင်းပရေးကော်မတီ အတွင်းရေးမှူး ဦးခင်ဇော်ဦးက နားလည်မှု လွဲတာဖြစ်ကြောင်း ပြောပါတယ်။

"Dinner မစခင်မှာပေါ့ အဲဒီအချိန်မှာကတ်ရတော့ ကတ်ပေးမယ်ဆိုတော့ ခင်ဗျားတို့ပဲ ကိုင်ထား လိုက်ပါ၊ ကျနော်တို့ မယူသေးပါဘူးဆိုပြီး သူတို့ပြောပါတယ်။ ဒါလေ့လာသူကတ်ကိစ္စပေါ့၊ ဒါကတော့ ကျနော် ယူဆတာတော့ Misunderstanding ဖြစ်တာပေါ့"

ဝအဖွဲ့ဟာ တခြားတိုင်းရင်းသား လက်နက်ကိုင်အဖွဲ့တွေနဲ့ တနေရာတည်းမှာ တည်းခိုတာ မဟုတ်ဘဲ သူတို့အစီအစဉ်နဲ့သာ တည်းခိုတာဖြစ်တယ်လို့ ဦးခင်ဇော်ဦးက ပြောပါတယ်။

၂၁ ပင်လုံညီလာခံမှာ တက်ရောက်နေတဲ့ တိုင်းရင်းသားလက်နက်ကိုင်အဖွဲ့ ၁၈ ဖွဲ့ကို ကိုယ်စားပြုတဲ့ ကိုယ်စားလှယ် ၂ဝဝ လောက်ရှိပြီး စုစုပေါင်းတက်ရောက်သူ ၁၄ဝဝ လောက်ရှိပါတယ်။

အဲ့ဒီညီလာခံကို ဝပြည်သွေးစည်းညီညွတ်ရေးတပ်မတော် UWSA က ကိုယ်စားလှယ် ၉ ဦး ညီလာခံကို တက်ရောက်ခဲ့တာဖြစ်ပါတယ်။
RFA

 saffron-revolution-meeting-620.jpg ရန်ကုန်မြို့ မင်္ဂလာတောင်ညွန့်မြို့နယ်က ရွှေတောင်ကျောင်းတိုက်မှာ စက်တင်ဘာလ ၁ ရက်နေ့ကကျင်းပတဲ့ ရွှေဝါရောင်တော် လှန်ရေး အခမ်းအနားကျင်းပရေး အစည်းအဝေးကို တွေ့ရစဉ်
Photo : Kyaw Lwin Oo/RFA

လာမယ့် အောက်တိုဘာလ ၁၈ ရက်နေ့မှာ ကျရောက်မယ့် ရွှေဝါရောင်တော်လှန်ရေး ၉ နှစ်ပြည့် နှစ်ပတ်လည် အခမ်းအနား ကျင်းပဖို့အတွက် ပြန်ကြားရေး၊ ဘဏ္ဍာရေး၊ အခမ်းအနားပြင်ဆင်ရေးနဲ့ ဧည့်ခံကြိုဆိုရေးကော်မတီ ၄ ခုကို ဒီနေ့ဖွဲ့စည်းလိုက်ပါတယ်။

ရန်ကုန်မြို့ မင်္ဂလာတောင်ညွန့်မြို့နယ်က ရွှေတောင်ကျောင်းတိုက်မှာ ဒီနေ့ကျင်းပတဲ့ ရွှေဝါရောင်တော်လှန်ရေး အခမ်းအနား ကျင်းပရေးအစည်းအဝေးမှာ ကော်မတီ ၄ ခုကို ဖွဲ့စည်းလိုက်တာဖြစ်တယ်လို့ ရွှေဝါရောင် သံဃာတော်များကွန်ရက် ဦးဆောင်ဆရာတော် ဦးပဏ္ဍဝံသက ပြောပါတယ်။

ဒီနေ့ဖွဲ့စည်းလိုက်တဲ့ ကော်မတီတွေထဲမှာ နိုင်ငံရေးအကျဉ်းသားဟောင်းများအဖွဲ့က ဦးထွန်းကြည်၊ ဒီမိုကရေစီ အင်အားစုအဖွဲ့က ဦးဘမြင့်၊ တ.က.သ ကျောင်းသားခေါင်းဆောင်ဟောင်း ကိုစည်သူမောင်နဲ့ ၇၄၊ ၇၅ နိုင်ငံရေး အင်အားစုက အဖွဲ့ဝင်တွေ ပါဝင်ပါတယ်။

ဒီနှစ်ကျင်းပမယ့် ရွှေဝါရောင်တော်လှန်ရေး နှစ်ပတ်လည်အခမ်းအနားကနေ တိုင်းရင်းသားဒေသတွေမှာ ဖြစ် ပွားနေတဲ့ တိုက်ပွဲတွေရပ်စဲပြီး ကလေးငယ်တွေ အေးအေးချမ်းချမ်း ပညာသင်ကြားနိုင်ဖို့နဲ့ ဘာသာရေး ပဋိပက္ခတွေမဖြစ်အောင် အစိုးရက ဆောင်ရွက်ဖို့စတာတွေကို တောင်းဆိုဖို့လည်း ဒီနေ့အစည်းအဝေးမှာ သဘောတူညီခဲ့ကြပါတယ်။

ရွှေဝါရောင်တော်လှန်ရေး နှစ်ပတ်လည်နေ့ အခမ်းအနားကျင်းပမယ့် နေရာကို မရွေးချယ်ရသေးကြောင်းနဲ့ အဲ့ဒီနေ့ အခမ်းအနားအပြီးမှာ ရွှေတိဂုံဘုရားမှာ ငြိမ်းချမ်းရေးဆုတောင်းပွဲ ကျင်းပဖို့စီစဉ်ထားပြီး နိုင်ငံရေး အင်အားစု အသီးသီးက ကိုယ်စားလှယ်တွေကို ဖိတ်ကြားသွားမယ်လို့ ရွှေဝါရောင်ဦးဆောင် ဆရာတော်တွေက ပြောပါတယ်။

မြန်မာနိုင်ငံအနှံ့မှာရှိတဲ့ သံဃာတော်တွေဟာ ပြီးခဲ့တဲ့ ၂ဝဝ၇ ခုနှစ်က စစ်အစိုးရကို ဆန့်ကျင်ပြီး ပတ္တနိက္ကုဇ္ဇန သပိတ်မှောက်ကံဆောင်မှု စတင်ခဲ့တဲ့ အောက်တိုဘာလ ၁၈ ရက်နေ့ကို ရွှေဝါရောင်တော်လှန်ရေးနေ့ အဖြစ်သတ်မှတ်ပြီး နှစ်ပတ်လည်နေ့ အခမ်းအနားတွေကို ကျင်းပနေတာဖြစ်ပါတယ်။
RFA

တရုတ် နိုင်ငံခြားရေးဌာန ပြောခွင့်ရ Hua Chunying
တရုတ် နိုင်ငံခြားရေးဌာန ပြောခွင့်ရ Hua Chunying

မြန်မာနိုင်ငံမှာကျင်းပနေတဲ့ ပြည်ထောင်စု ငြိမ်းချမ်းရေးညီလာခံကနေ ၂၁ ရာစု ပင်လုံကို နှုတ်ခွန်းဆက်သပြီး ချီးကျူးဂုဏ်ပြုပါ ကြောင်း တရုတ်နိုင်ငံက ပြောလိုက်ပါတယ်။

“ဒီညီလာခံကျင်းပတဲ့အပေါ် မြန်မာအစိုးရကို ချီးကျူးဂုဏ်ပြုပါတယ်။ ငြိမ်းချမ်းရေးလုပ်ငန်းစဉ် ရှေ့ဆက်ဖြစ်ပေါ်ဖို့၊ အားလုံးကြား မှာ နားလည်မှုနဲ့ ယုံကြည်မှု အားကောင်းစေဖို့၊ အမျိုးသားပြန်လည်သင့်မြတ်ရေးကို အားပေးမြှင့်တင်ဖို့ ဒီညီလာခံက အထူး အရေးကြီးတယ်လို့ ယုံကြည်ပါတယ်။ ကွဲပြားချက်တွေကို ငြိမ်းချမ်းတဲ့နည်းနဲ့ဖြေရှင်းဖို့၊ နိုင်ငံတ၀န်းမှာ ရေရှည်တည်တံ့တဲ့ ငြိမ်းချမ်းရေးဖော်ဆောင်ရေး အခြေအနေတွေဖန်တီးဖို့ နိုင်ငံရေးဆွေးနွေးပွဲတွေ လုပ်နိုင်မယ်လို့ မျှော်လင့်ပါတယ်။” ဆိုပြီး တရုတ် နိုင်ငံခြားရေးဌာန ပြောခွင့်ရ Hua Chunying က ဒီကနေ့ သတင်းစာရှင်းလင်းပွဲအတွင်း ပြောသွားပါတယ်။

မြန်မာနိုင်ငံမှာ ငြိမ်းချမ်းရေးနဲ့ အမျိုးသားပြန်လည်သင့်မြတ်ရေး ဖြစ်ပေါ်စေမယ့် လုပ်ရပ်တွေအားလုံးကို မြန်မာ့မိတ်ဆွေအိမ်နီးချင်း တရုတ်နိုင်ငံအနေနဲ့ အားပေးထောက်ခံတဲ့အကြောင်း၊ အာရှရေးရာ တရုတ်အထူးသံတမန် Sun Guoxiang ကို ညီလာခံတက်ဖို့ ဖိတ်ကြားထားကြောင်း၊ တရုတ်-မြန်မာ နယ်စပ်တလျှောက်မှာ ငြိမ်းချမ်းရေးနဲ့တည်ငြိမ်ရေးကို ကာကွယ်ဖို့ ရည်ရွယ်ချက်နဲ့ မြန်မာ အစိုးရနဲ့ တခြားသက်ဆိုင်သူတွေ ဆန္ဒရှိတဲ့အတိုင်း စေ့စပ်ညှိနှိုင်းမှု၊ ဆွေးနွေးပြောဆိုတာကို အားပေးမှုတွေကနေတဆင့် တရုတ် နိုင်ငံဟာ အပြုသဘောဆောင်တဲ့ အခန်းကဏ္ဍကနေ ဆက်ပြီး ပါဝင်သွားပါမယ်လို့ တရုတ်နိုင်ငံခြားရေးဌာန ပြောခွင့်ရ Hua Chunying ကပြောသွားပါတယ်။

VOA Burmese News


စက်တင်ဘာ ၁ရက်၊ ၂၀၁၆ခုနှစ်။ စအိုင်ဆူး

အစိုးရတပ်မတော်နှင့် နယ်ခြားစောင့်(BGF)တပ်များ၏ တိုးတက်သော ဗုဒ္ဓဘာသာ ကရင်အမျိုးသားတပ်မတော်(DKBA) အပေါ် ထိုးစစ်ဆင်မှုများအား ရုတ်သိမ်းဆုတ်ခွာမှုမရှိလျှင် DKBA အနေဖြင့် မိမိတို့၏ထိန်းချုပ်နယ်မြေများနှင့် လှုပ်ရှားနယ်မြေများတွင် စစ်မျက်နှာဖွင့်သွားမည်ဖြစ်ကြောင်း သြဂုတ်လ ၃၁ရက် နေ့စွဲဖြင့် ထုတ်ပြန်ထားသည်။

DKBA ၏ ၃/၂၀၁၆ ထုတ်ပြန်ချက်တွင် ဗဟိုစစ်ကော်မတီ၏ ယခင်လ ၃၁ရက်နေ့ အရေးပေါ်အစည်းအဝေး၏ ဆုံးဖြတ်ချက်အရ ကော့ကရိတ်မြို့နယ်၊ ကောင်းမှုဒေသတွင်ဖြစ်ပွားနေသော ထိုးစစ်များအား စက်တင်ဘာလ ၁ရက်နေ့တွင် ရုတ်သိမ်းဆုတ်ခွာ ပေးရန် တောင်းဆိုထားပြီး ရုတ်သိမ်းမှုမရှိလျှင် စစ်မျက်နှာဖွင့်သွားမည်ဟူ၍ ဖော်ပြပါရှိသည်။

DKBA မှ ဗိုလ်မှူးကြီးစောဆန်းအောင်က “ဒီကောင်းမှုမှာ စစ်တပ်က မဆုတ်မှန်းလည်း သိပါတယ်။ ဒါပေမဲ့ ကျနော်တို့က မငြိမ်း ချမ်းတာ မဖြစ်စေချင်လို့ နှုတ်နဲ့၊ စာနဲ့ ထုတ်ပြန်ကြေညာပြီးတော့ ဆုတ်ခိုင်းတာပေါ့။ တကယ်လို့ မဆုတ်ပေးဘူးဆိုရင်လည်း ကျနော်တို့က တတ်နိုင်ရင် ဝင်ရောက်လှုပ်ရှားတဲ့ အဖွဲ့အင်အားနဲ့ စစ်ရေးအရ ပြန်လည်လုပ်မယ့်အနေအထားတော့ ရှိတယ်ပေါ့။ ဒါက လုပ်ချင်လို့လုပ်တာမဟုတ်ဘူးလေ။ နှုတ်နဲ့ပြောလို့မရ၊ စာနဲ့ပြောလို့မရဆိုတော့ ပြောပြီးရင် လုပ်ပြရမှာပေါ့”ဟု ကေအိုင်စီ ၏ မေးမြန်းချက်ကို ပြန်လည်ဖြေကြားသည်။

ထို့အပြင် ၎င်းတို့အဖွဲ့ကြောင့် ငြိမ်းချမ်းရေးအပေါ်ထိခိုက်စရာမရှိကြောင်းနှင့် ယခင်ဦးသိန်းစိန်အစိုးရလက်ထက် အပါအဝင် လက်ရှိ အရပ်သားအစိုးရလက်ထက်အထိ ငြိမ်းချမ်းရေးဖြစ်စဉ်များတွင် ပါဝင်ခွင့်ရရေး စာရေးပေးပို့မှုများ၊ ညှိနှိုင်းခဲ့မှုများရှိခဲ့ သော်လည်း ပါဝင်ခွင့်မရတာကြောင့် ငြိမ်းချမ်းရေးအတွက် ဆက်လက် တိုက်ပွဲဝင်ရမည့် အနေအထားသာဖြစ်ကြောင်း ဗိုလ်မှူး ကြီးစောဆန်းအောင်က ဆက်ပြောသည်။


DKBA ၏ ထုတ်ပြန်ချက်၌ ငြိမ်းချမ်းရေးဖြစ်စဉ်များတွင် ပါဝင်နိုင်ရေးအတွက် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစု ကြည်နှင့် ငြိမ်းချမ်းရေးအကျိုးဆောင်ကိုယ်စားလှယ် ဒုတိယဗိုလ်ချုပ်ကြီးခင်ဇော်ဦး(ငြိမ်း) အပါအဝင် ပြည်နယ်နှင့် ပြည်ထောင်စု အဆင့်အသီးသီးသို့ စာများပေးပို့ခဲ့ကြောင်းနှင့် အောက်ခြေဖြစ်စဉ်များကို သိရှိညှိနှိုင်းရန် ငြိမ်းချမ်းရေးအကျိုးဆောင်ကိုယ်စား လှယ်တစ်ဦးပါ ထားရှိခဲ့ကြောင်းလည်း ဖော်ပြထားသည်။

ပြည်ထောင်စုငြိမ်းချမ်းရေးညီလာခံ၊ ၂၁ရာစုပင်လုံတွင် ပါဝင်တက်ရောက်နိုင်ခွင့်ရရှိရေးအတွက် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ထံသို့ ဇွန်လ ၁၂ရက်နေ့တွင်လည်းကောင်း၊ DKBA ၏ အခက်အခဲများ၊ သဘောထားများ၊ တောင်းဆို ချက်များပါဝင်သည့် စာတစ်စောင်ကို ၂၁ပင်လုံညီလာခံ အကြိုပြင်ဆင်ရေးကော်မတီအဖွဲ့ဝင် ဒုတိယဗိုလ်ချုပ်ကြီးခင်ဇော်ဦး (ငြိမ်း)ထံ ဇူလိုင်လ ၁၅ရက်နေ့ကလည်းကောင်း စာရေးသားပေးပို့ခဲ့ပြီးဖြစ်သည်။

၎င်းအပြင် သြဂုတ်လ ၂၉ရက်နှင့် ၃၀ရက်နေ့များတွင် ကော့ကရိတ်မြို့နယ်၊ ကောင်းမှုကျေးရွာ အနောက်ဘက် တောင်မဲတောင် ၌ နယ်မြေရှင်းလင်းရေးဆောင်ရွက်နေသည့် BGF (၁၀၁၆)(၁၀၁၇)တပ်းရင်းများ ၊အစိုးရတပ်မတော်မှ ခြေလျင်တပ်ရင်း(ခလရ) ၂၃၀နှင့် ၂၃၁ ပူးပေါင်းတပ်ဖွဲ့နှင့် ဗုဒ္ဓဘာသာကရင်တပ်မတော်(DKBA)တို့ ပစ်ခတ်မှု ဖြစ်ပွားခဲ့သည်။

အလားတူ သြဂုတ်လ ၂၇ရက်နေ့၌ DKBA မှ ဗိုလ်မှူးနားမကြားအဖွဲ့က ကောင်းမှုဒေသတွင် သစ်လုပ်ငန်း လုပ်ကိုင်နေသည့် ဆင် တစ်ကောင်နှင့် ဆင်ဦးစီးပါ လုပ်သား ၅ဦးကို ဖမ်းဆီးခေါ်ဆောင်သွားပြီးနောက် ၂၉ရက်နေ့ မနက် ၁၀နာရီခန့်တွင် ဆင်ဦးစီးမှ ဗိုလ်မှူးနားမကြားအား ဆင်ထိန်း၏ဓါးဖြင့် ခုတ်သတ်ခဲ့ပြီး ကောင်းမှုအခြေစိုက် BGF တပ်များထံ လာရောက်သတင်းပို့ခဲ့သဖြင့် အစိုးရစစ်တပ်နှင့် BGF ပူးပေါင်းတပ်ဖွဲ့က DKBA တပ်ဖွဲ့များနောက်သို့ လိုက်လံရှင်းလင်းခဲ့ခြင်းဖြစ်သည်ဟု နယ်ခြားစောင့်တပ် များနှင့် မြို့နယ်ရဲတပ်ဖွဲ့များက သြဂုတ်လ ၃၀ရက်နေ့တွင် ကေအိုင်စီသို့ ပြောသည်။

ထိုကိစ္စနှင့်ပတ်သက်၍ ဗိုလ်မှူးကြီးစောဆန်းအောင်က ဗိုလ်မှူးနားမကြားအနေဖြင့် ဆင်နှင့် ဆင်ဦးစီးများကို ပြန်ပေးဆွဲခြင်းနှင့် ငွေကျပ်သိန်း ၅၀၀ တောင်းခံခြင်းမှာမဟုတ်မှန်ဘဲ ၎င်းတပ်ဖွဲ့ ရပ်တည်နိုင်ရေးအတွက် တောင်းခံမှုများသာရှိကြောင်းနှင့် ဆင်ဦး စီးမှ ဗိုလ်မှူးနားမကြားအား ဓါးဖြင့် ခုတ်သတ်ခြင်းမှာ ဟုတ်မှန်ကြောင်း ကေအိုင်စီသို့ အတည်ပြုပြောဆိုသည်။

ဗိုလ်မှူးချုပ်စောကျော်သက် ဦးစီးသော တိုးတက်သော ဗုဒ္ဓဘာသာကရင်အမျိုးသားတပ်မတော်(DKBA) ကို ၂၀၁၆ခုနှစ်၊ ဇန်န၀ါ ရီလ ၁၆ရက်နေ့တွင် ပြန်လည်ဖွဲ့စည်းခဲ့ခြင်းဖြစ်ပြီး ၂၀၁၅ခုနှစ်၊ ဇူလိုင်လ ၂ရက်နေ့က စတင်ဖြစ်ပွားခဲ့သည့် အာရှလမ်းမတိုက်ပွဲ များအပြီး ဒီမိုကရေစီအကျိုးပြုကရင်တပ်မတော်(DKBA)မှ ခွဲထွက်ကာ သီးခြားရပ်တည်နေသည့် ကရင်လက်နက်ကိုင်အဖွဲ့တစ် ခု ဖြစ်သည်။

စအိုင်ဆူး (ကေအိုင်စီ)
http://kicnews.org


ပြည်ထောင်စု ငြိမ်းချမ်းရေး ညီလာခံ - ၂၁ ရာစု ပင်လုံကို ဆက်မတက်ဘဲ ထွက်ခွာသွားတဲ့ ၀ပြည်သွေးစည်းညီညွတ်ရေးပါတီ UWSP ကိုယ်စားလှယ် အဖွဲ့ကို ဖြစ်စဉ်တွေကို ရှင်းပြ တောင်းပန်ဖို့ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ညွန်ကြားလိုက်ပါတယ်။ ပြည်ထောင်စု ငြိမ်းချမ်းရေး ညီလာခံ - ၂၁ ရာစု ပင်လုံမှာ တန်းတူခွင့်မရဘူးဆိုပြီးဝ ပြည်သွေးစည်းညီညွှတ်ရေးတပ်ဖွဲ့ ကိုယ်စားလှယ်တွေ ညီလာခံကို ဆက်မတက်ဘဲ ထွက်ခွာသွားကြပါတယ်။မသိင်္ဂီထိုက် စုစည်းတင်ပြပေးမှာပါ။

ပြည်ထောင်စု ငြိမ်းချမ်းရေး ညီလာခံ ၂၁ ရာစု ပင်လုံမှာ တန်းတူညီမျှ ဆက်ဆံမခံရဘူးဆိုပြီး ညီလာခံ ဒုတိယနေ့မှာ ၀ပြည်သွေးစည်းညီညွတ်ရေးတပ်ရဲ့ နိုင်ငံရေး အဖွဲ့အစည်း ၀ပြည် သွေးစည်းညီညွတ်ရေးပါတီ ကိုယ်စားလှယ် အဖွဲ့က ညီလာခံကို ဆက်မတက်ဘဲ ထွက်ခွာသွားတာ ဖြစ်ပါတယ်။ ဒီကိစ္စနဲ့ ပတ်သက်ပြီး ဖြစ်စဉ်ကို ပြန်လည်ရှင်းပြ တောင်းပန်ဖို့ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ညွှန်ကြားလိုက်တယ်လို့ သမ္မတရုံး ၀န်ကြီးဌာန ပြောခွင့်ရ ဦးဇော်ဌေးက သတင်းစာ ရှင်းလင်းပွဲပြုလုပ်ပြီး အခုလို ပြောဆိုပါတယ်။

"ကျနော်တို့ ၀ ဖြစ်စဉ်နဲ့ ပတ်သက်ပြီး နေ့လည်ထဲက တာဝန်ရှိသူ နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ကို သတင်းပို့ပါတယ်။ သတင်းပို့ပြီး ဖြစ်စဉ် အစအဆုံးကို ရှင်းပြပါတယ်။ ခုနက ဒေါက်တာ လျန်မုန်း ရှင်းပြတဲ့ အတိုင်းပါဘဲ။ အဲတော့ နိုင်ငံတော်ရဲ့ အတိုင်ပင်ခံ ပုဂ္ဂိုလ် ပြောတာကတော့ ဒါကို ဖြစ်စဉ် အမှန်အတိုင်း ရှင်းပြပေးဖို့၊ နောက် ဘယ်သူ့ ဘယ်သူမှ အပြစ်မတင်ပါနဲ့။ ဒါဟာ ဖြစ်တတ်တဲ့ ဟာလေးတွေပေါ့နော်။ နည်းပညာဆိုင်ရာ လွဲမှားမှုတွေ ရှိခဲ့တယ်။ အဲဒီအတွက်နဲ့တော့ ကျနော်တို့သွားနေတဲ့ အမျိုးသား ပြန်လည်သင့်မြတ်ရေးကို မထိခိုက်အောင် ဆောင်ရွက်သွားဖို့ပေါ့နော်။ အဲဒါလေးကို လမ်းညွှန်ပါတယ်။ သူလည်း အကုန်လုံးသိပြီးသွားပြီ။ အကုန်လုံးလည်း ရှင်းပြပြီးပြီ။ ဒါ ဘယ်သူ့အပြစ်မှ မဟုတ်ဘူးပေါ့နော်။ ဖြစ်တတ်တဲ့ဟာလေးတွေ ဖြစ်သွားတဲ့ အပေါ်မှာ သူတို့ကို နားလည်မှု ရှိရှိ ကျနော်တို့ ပြန်တောင်းပန်ဖို့။ အလားတူ မိုင်းလားမှာလည်း ဖြစ်သွားတယ်။ ဒါလေးတွေ အကုန်လုံး ရှင်းပြဖို့။ ဒါပေမယ့် ဒါတွေဟာ ဘယ်သူ့အပြစ်မှ မဟုတ်ဘူး။ နားလည်မှုလွဲမှားအောင် လုပ်သလို ဖြစ်သွားပါတယ်။ ဒီအတွက်တော့ ကျနော်တို့ သွားနေတဲ့ Peace Process (ငြိမ်းချမ်းရေး လုပ်ငန်းစဉ်) ကို ကြီးကြီးမားမား မထိခိုက်အောင်ပေါ့နော် ကျနော်တို့ဘက်က ကြိုးပမ်းသွားမှာ ဖြစ်ပါတယ်။ "

ပြည်ထောင်စု ငြိမ်းချမ်းရေး ညီလာခံ ၂၁ ရာစု ပင်လုံကို တက်ရောက်လာတဲ့ ၀ပြည် သွေးစည်းညီညွတ်ရေး ပါတီ UWSP ကိုယ်စားလှယ်တွေဟာ ညီလာခံမှာ UWSA ရဲ့ လိုလားချက် အသေးစိတ် ဖော်ပြထားတဲ့ စာတမ်း ဖတ်ဖို့ ပြင်ဆင်ထားတာပါ။ ၂၁ ရာစု ပင်လုံညီလာခံ ကျင်းပရေး ကော်မတီ အဖွဲ့ဝင် ဒေါက်တာ ဆလိုင်းလျန်မုန်း ဆာခေါင် ကတော့ ၀ပြည် သွေးစည်းညီညွတ်ရေး အဖွဲ့ကို တခြားတိုင်းရင်းသား အဖွဲ့အစည်းတွေနဲ့ တန်းတူ အခွင့်အရေး ပေးခဲ့တဲ့ အကြောင်း ဖြေရှင်းပါတယ်။

"ဖွင့်ပွဲနေ့မှာ သူတို့ အနေနဲ့ ရှေ့ဆုံးနေရာမှာ နေရာလိုချင်တယ် ၀ နဲ့ မိုင်းလား က သူတို့ အနေနဲ့ တောင်းဆိုပါတယ်။ ဆိုတော့ ကျနော်တို့ တိုင်းရင်းသား လက်နက်ကိုင် အဖွဲ့အားလုံးက ၁၇ ဖွဲ့ ရှိတဲ့ အပေါ်မှာ သူတို့ကို အထူးဦးစားပေးပြီးတော့ ရှေ့ဆုံးက ခုံ ၂ ခုံကို ၀ နဲ့ မိုင်းလား အတွက် ကျနော်တို့ ချန်ထားပေးတယ်။ ဆိုတော့ ကျန်တဲ့ ၆ ခုံကို DPN ဘက်က ၃ ခုံ ယူတယ်။ ကျနော်တို့ လက်မှတ်ရေးထိုးထားတဲ့ ၈ ဖွဲ့က ၃ ခုံ ယူတယ်။ အဲလိုနဲ့ ကျနော်တို့ အတတ်နိုင်ဆုံး မျှမျှတတ ဆောင်ရွက်ပြီးတော့ သူတို့ကိုလည်း ရှေ့ဆုံးမှာ နေရာပေးတယ်။ နောက်ပြီးတော့ သူတို့ကိုလည်း ကျနော်တို့ ကျင်းပရေး ကော်မတီမှာ ယနေ့ အထိ အဲလို ပြောတာမျိုး တခုမှ မရှိသေးဘူး။ ပြီးတော့ သူတို့ကို လေ့လာသူ အနေနဲ့ တက်ခွင့်ပေးတယ်ဆိုတာကလည်း လုံးဝ မမှန်ဘူး။ ကျနော်တို့ ဒီ ကျင်းပရေး ကော်မတီမှာ ၁၇ ဖွဲ့ကို ၁၇ ဖွဲ့ဆိုတဲ့ နေရာမှာ လက်မှတ်ရေးထိုးထားတဲ့ ၈ ဖွဲ့ ရှိတယ်။ DPN က ၇ ဖွဲ့ ရှိတယ်။ ၀ နဲ့ မိုင်းလား ရှိတယ်။ အားလုံးကို ကျနော်တို့က တရားဝင် တက်ရောက်ခွင့် အဖြစ်နဲ့ တက်ရောင်ခွင့် သူတို့ကို ပေးတဲ့ အတွက်လည်း ရှေ့ဆုံးမှာ ထိုင်ခွင့်ရတာ ဖြစ်ပါတယ်။ "

ညီလာခံ ကျင်းပရေး ကော်မတီက အငြိမ်းစား ဒုတိယ ဗိုလ်ချုပ်ကြီး ခင်ဇော်ဦးကတော့ ငြိမ်းချမ်းရေး ညီလာခံကို ၀ပြည်သွေးစည်းညီညွတ်ရေး ပါတီကို တရားဝင် တက်ရောက်သူ အဖြစ် ဖိတ်ကြားခဲ့တာ ဖြစ်ပေမယ့် မနေ့က ဖွင့်ပွဲမှာတော့ ၀ ကိုယ်စားလှယ်တွေ အတွက် လေ့လာသူ ၀င်ခွင့်ကတ်တွေကို ယာယီ သဘော ထုတ်ပေးခဲ့တာ ဖြစ်ပြီး ဒီအပေါ်မှာ နားလည်မှု လွဲတာလို့ ဆိုပါတယ်။ ညီလာခံ ကျင်းပရေး ကော်မတီဘက်က သွားရောက်ညှိနှိုင်းခဲ့ကြပေမယ့် မအောင်မြင်ပါဘူး။ ၀ပြည်သွေးစည်းညီညွတ်ရေး အဖွဲ့ UWSA ရဲ့ ပြောခွင့်ရ ယေ့ဗ်နမ်ဆွမ် ကတော့ အခြေအနေကို မသိရသေးဘူးလို့ ဗွီအိုအေကို ပြောပါတယ်။

"ဟုတ်ကဲ့ရှင့်။ ကျမတို့ အဲဒါတော့ ဘာမှ သေသေချာချာ ပြောလို့ မဖြစ်သေးဘူး။

ကျမလည်း သေသေချာချာ မသိသေးဘူး အဲဒီကိစ္စ။ ဟုတ်ကဲ့ရှင့်။ လောလောဆယ် ဒီမှာတော့ ဘာမှ အဲလို ဘာအကြောင်းရယ်လို့ သေသေချာချာ တိတိကျကျ မပြောသေးဘူး။ အဲလိုဘဲ သတင်းတွေ ဖြစ်သေးတာ။ "

တိုင်းရင်းသား လက်နက်ကိုင် အားလုံးပါဝင်ခွင့်ရရေး ကြိုးပမ်းထားတဲ့ ပြည်ထောင်စု ငြိမ်းချမ်းရေး ညီလာခံ ၂၁ ရာစု ပင်လုံမှာတော့ လက်ရှိမှာတော့ အပစ်ရပ်နဲ့ အပစ်မရပ်ရသေးတဲ့ တိုင်းရင်းသား လက်နက်ကိုင် အဖွဲ့ ၁၆ ဖွဲ့က ကိုယ်စားလှယ်တွေ ညီလာခံမှာ ဆက်လက် ပါဝင် တက်ရောက်နေကြပါတယ်။

 မသိင်္ဂီထိုက် / ဗွီအိုအေ (မြန်မာပိုင်း)
http://burmese.voanews.com