09/03/16


၂၁ ပင်လုံ ညီလာခံမှာ ပွင့်ပွင့်လင်းလင်း ဝေဖန်တာတွေ အတွက် ကြောက်စရာမလိုကြောင်း ပြဿနာ ရှိတာကို မရှိချင်ယောင်ဆောင်နေတာကသာ စိုးရိမ်စရာဖြစ်ကြောင်း နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောပါတယ်။

သတ္တိရှိရှိနဲ့ ပြဿနာတွေကို ရင်ဆိုင်သွားမယ်လို့လည်း ပြောပါတယ်။

ဒီကနေ့၂၁ပင်လုံညီလာခံ နောက်ဆုံးနေ့အခမ်းအနားမှာ နိုင်ငံတော်အတိုင်ပင်ခံပုဂ္ဂိုလ်က ကျေးဇူးတင် စကားပြောကြားခဲ့တာဖြစ်ပါတယ်။

အစိုးရ အနေနဲ့ အားလုံးကို ဖေးမမယ် လက်တွဲမယ် ၊ အရှေ့ကနေဆိုလည်း နေပေးမယ် အနောက်ကနေပါဆိုလည်း နေပါ့မယ် ခံစရာရှိလည်း အရှေ့ကနေ ခံသွားမယ်လို့ အားလုံးကို နိုင်ငံတော်အတိုင်ပင်ခံပုဂ္ဂိုလ်က ကတိပေးပါတယ်။

ဒီ ၂၁ပင်လုံညီလာခံဟာ ငြိမ်းချမ်းရေးဖြစ်စဉ်ရဲ့ တစိတ်တပိုင်းသာဖြစ်ကြောင်း နဲ့ ငြိမ်းချမ်းရေးရဖို့ တချိန်လုံး စဉ်းစားနေရမှာ ဖြစ်ကြောင်း နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောပါတယ်။

ပြည်သူတွေအနေနဲ့ ငြိမ်းချမ်းရေးလုပ်ငန်းစဉ်ဟာ ဘယ်လောက်ခက်ခဲကြောင်း သိရအောင် ၂၁ပင်လုံ ညီလာခံဆွေးနွေးမှုတွေကို တိုက်ရိုက် LIVE ထုတ်လွှင့်ပေးခဲ့တာဖြစ်ကြောင်း ပြောပါတယ်။

RFA Burmese
https://www.facebook.com/rfaburmese



 ပေါက်ကွဲမှု ဖြစ်တဲ့ အချိန်မှာ သမ္မတ ဒူတာတေး လည်း ဒေဗောင်း မြို့မှာ ရောက်ရှိ နေ
ဖိလစ်ပိုင် နိုင်ငံ တောင်ပိုင်း မှာ ဗုံးပေါက်ကွဲမှု ဖြစ်ပွား ခဲ့တာကြောင့် လူ အနည်းဆုံး ၁၂ ဦး သေဆုံး ခဲ့ရပြီး အများအပြား ဒဏ်ရာ အပြင်းအထန် ရရှိခဲ့ကြပါတယ်။

သမ္မတ ဒူတာတေး မြို့တော်ဝန် အဖြစ် တာဝန်ထမ်းဆောင်ခဲ့တဲ့ ဒေဗောင်း မြို့က ညဈေး တစ်ခုမှာ ပေါက်ကွဲမှု ဖြစ်ပွား ခဲ့တာပါ။

ကနဦး စုံစမ်း စစ်ဆေး မှုတွေအရ လက်လုပ်ဗုံး နဲ့ တိုက်ခိုက် ခဲ့တာ ဖြစ်ကြောင်း အစိုးရ တာဝန်ရှိသူ တစ်ဦး က ပြောပါတယ်။

ပေါက်ကွဲမှု ဖြစ်တဲ့ အချိန်မှာ သမ္မတ ဒူတာတေး လည်း ဒေဗောင်း မြို့မှာ ရောက်ရှိ နေပါတယ်။

မစ္စတာ ဒူတာတေး ဟာ ဖိလစ်ပိုင် သမ္မတ အဖြစ် ရွေးချယ်ခြင်း မခံရမီ က ဒေဗောင်း မြို့တော် ဝန် အဖြစ် နှစ်ပေါင်း ၂၀ ကျော် တာဝန် ထမ်းဆောင် ခဲ့တာ ဖြစ်ပါတယ်။

လောလောဆယ်မှာ ဒေဗောင်း မြို့ ရဲ့ အဝင်အထွက် တွေမှာ ရှာဖွေမှုတွေ ပြုလုပ် နေပါတယ်။ လူတွေကို လည်း ဗုံးပေါက်ကွဲမှု နဲ့ ပတ်သက်လို့ သတိ ရှိဖို့ အစိုးရ တာဝန်ရှိသူတွေက တိုက်တွန်း နေပါတယ်။

BBC Burmese
http://www.bbc.com/burmese/



 ဦးစီးဌာနက ဝန်ထမ်း ခန့်အပ်မှုကို ပြည်ထဲရေး ဝန်ကြီး ကပဲ လုပ်ကိုင်ဆောင်ရွက်
ပြည်ထဲရေးဝန်ကြီး ဌာန လက်အောက်က အထွေထွေအုပ်ချုပ်ရေးကို တိုင်းနဲ့ ပြည်နယ် ဝန်ကြီးချုပ် ရဲ့ လက်အောက်ကို တရားဝင်စာထုတ်လွှဲပြောင်းပေးတော့ မယ်လို့ ဆိုပါတယ်။

လက်ရှိ အချိန်မှာ NLD အစိုးရ အနေနဲ့ အုပ်ချုပ်ရေး လုပ်ငန်းတွေနဲ့ ပတ်သက်တာ တွေကို ပီပီပြင်ပြင် ဆောင်ရွက်တာမျိုး မရှိသေးဘူးလို့ ပြောနေကြပါတယ်။

လူတွေ ရဲ့ အမြင်မှာလည်း တစ်ဘက်က ရွေးကောက်ပွဲ နဲ့ တင်မြှောက် ထားတဲ့ အစိုးရ၊ တစ်ဘက်မှာကလည်း ကာကွယ်ရေး ဦးစီးချုပ်က ခန့်တဲ့ အုပ်ချုပ်ရေး အဖွဲ့ တို့နဲ့ အစိုးရ ၂ ရပ် အောက်မှာ နေရသလို ဖြစ်နေပါတယ်။

ဝေဖန်မှုတွေ နဲ့ အစိုးရ အဖွဲ့ရဲ့ လုပ်ငန်းတွေမှာ အခက်အခဲတွေ ရှိလာတဲ့ အတွက် ပြည်ထဲရေး ဝန်ကြီးဌာန လက်အောက်က ဦးစီးဌာန တွေကို ပြည်နယ်နဲ့ တိုင်း ဝန်ကြီးချုပ် တွေရဲ့ လက်အောက် ကို ပြောင်းပေး လိုက်တာ ဖြစ်ပါတယ်။

တိုင်းနဲ့ ပြည်နယ်က အရပ်သား ဝန်ကြီးချုပ် တွေရဲ့လက်အောက်ကို လွှဲပြောင်း ပေးတော့မှာ ဖြစ်ပေမယ့် ပြည်ထဲရေး ဝန်ကြီး ကပဲ ညွှန်ကြားချက်တွေ ဆက်ထုတ် နေမှာ ဖြစ်တဲ့ အတွက် ကြီးမားတဲ့ အပြောင်းအလဲ မျိုး မဟုတ်ဘူးလို့ ဆိုပါတယ်။

အမြင်အားဖြင့် ပြည်ထဲရေး ဝန်ကြီးဌာန ရဲ့ ဦးစီးဌာနတွေက ပြည်နယ်နဲ့ တိုင်း ဝန်ကြီးချုပ် တွေရဲ့လက်အောက်မှာ ရှိတယ် ဆိုပေမယ့် ပြည်ထဲရေး ဝန်ကြီးဌာန က သာ ဆက်လက် ကိုင်တွယ်သွားမှာပါ။

အထွေထွေ အုပ်ချုပ်ရေး ဦးစီးဌာနက ဝန်ထမ်း ခန့်အပ်မှုကို ပြည်ထဲရေး ဝန်ကြီး ကပဲ လုပ်ကိုင်ဆောင်ရွက်မှာ လို့ ၉၀ ခုနှစ် အမတ်များ အဖွဲ့ အတွင်းရေးမှူး ဦးဒေးဗစ် လှမြင့် က ပြောကြားပါတယ်။

ပြည်နယ်တိုင်း ဝန်ကြီးချုပ် တွေဟာ တာဝန် သဘောအရ ဒေသဆိုင်ရာ အုပ်ချုပ်ရေး အဖွဲ့ရဲ့ အကြီးအကဲ ဖြစ်ပြီး နိုင်ငံတော် သမ္မတ က တဆင့် ပြည်ထောင်စု လွှတ်တော်ကို တာဝန်ခံရတာ ဖြစ်ပါတယ်။

တာဝန် သဘောအရ ရာထူး ရှိပေမယ့် အုပ်ချုပ်ရေး အဖွဲ့ ရဲ့ လုပ်ပိုင်ခွင့်ကို ပေးမထား တာကြောင့် အခုမှ လွှဲပြောင်း ပေးတဲ့ သဘောမျိုး ဖြစ်တယ် လို့ တရားလွှတ်တော် ရှေ့နေ ဦးကိုနီ က ပြောပါတယ်။

ဖွဲ့စည်းပုံ အခြေခံ ဥပဒေ နဲ့ မဆိုင်ပဲ အုပ်ချုပ်ရေး အာဏာမှာ သမ္မတ က နိုင်ငံတော် အကြီးအကဲ၊ အုပ်ချုပ်ရေး ဌာနရဲ့ အကြီးအကဲ ဖြစ်တော့ အုပ်ချုပ်ရေး နဲ့ ပတ်သက်တဲ့ လုပ်ပိုင်ခွင့် ကို သမ္မတမှာ လုပ်ပိုင်ခွင့် ရှိပါတယ်။

ဖွဲ့စည်းပုံ အခြေခံ ဥပဒေ ပုဒ်မ ၁၉၉(ခ) ၁ နဲ့ ၂ တွေ အရ နိုင်ငံတော် သမ္မတ ဟာ သူ့ရဲ့ အုပ်ချုပ်ခွင့် အာဏာကို ပြည်နယ်တိုင်း ဒေသကြီးနဲ့ ကိုယ်ပိုင် အုပ်ချုပ်ခွင့် ရ ဒေသ တွေကို ခွဲဝေပေးနိုင်ပါတယ်။

နိုင်ငံတော် သမ္မတ ဟာ ဝန်ထမ်း အဖွဲ့အစည်းတွေကို လိုအပ်သလို ပြင်ဆင် ဖွဲ့စည်း နိုင်တယ်လို့ ဆိုပါတယ်။

အရင်တုန်းက အထွေထွေ အုပ်ချုပ်ရေး နဲ့ နယ်လုံ ဝန်ကြီးတွေက ပူးတွဲပြီး အုပ်ချုပ်ရေး ကိစ္စတွေကို ဆောင်ရွက် ခဲ့တာ ဖြစ်ပါတယ်။ ပြည်နယ်နဲ့တိုင်း က နယ်လုံ ဝန်ကြီးတွေက တပ်မတော်သား ကိုယ်စားလှယ်များ ဖြစ်ပါတယ်။

အုပ်ချုပ်ရေး ကို ကာကွယ်ရေး က တိုက်ရိုက် ကြီးကြပ် ထိန်းသိမ်း ထားရာက အခြေခံ ဥပဒေ ဘောင် အတွင်း ကနေ ပြည်သူ့ အုပ်ချုပ်ရေး ပုံစံ တဆင့်ရှေ့တိုးတာမျိုး ဖြစ်တယ်လို့ ဦးကိုနီက ပြောပါတယ်။

BBC Burmese
http://www.bbc.com/burmese



ရန်ကုန်နိုင်ငံတကာလေဆိပ်တွင် ရောဂါပိုး စောင့်ကြည့် စစ်ဆေးနေစဉ်။ ( သြဂုတ် ၂၀၊ ၂၀၁၄)
ဇီကာဗိုင်းရပ်စ်ပိုးနဲ့ ပတ်သက်လို့ မြန်မာနိုင်ငံ အ၀င်ပေါက် အားလုံးမှာ စောင့်ကြည့် သွားဖို့ ကျန်းမာရေးနဲ့ အားကစားရေးဝန်ကြီးဌာနက စက်တင်ဘာလ ၁ရက်နေ့မှာ သတိပေးချက် ထုတ်ပြန်ထားပြီး၊ အထူးသဖြင့် ရန်ကုန်နိုင်ငံတကာလေဆိပ်မှာ စစ်ဆေးနေပါတယ်။

ထိုင်းနဲ့ စင်္ကာပူနိုင်ငံတွေမှာ ဇီကာဗိုင်းရပ်စ်ပိုးရှိတဲ့ လူနာတွေ တွေ့ရှိတဲ့ သတင်း ထွက်ပေါ်လာပြီးနောက်၊ မြန်မာနိုင်ငံမှာလဲ ဒီလို စောင့်ကြည့်ဖို့ ဖြစ် လာရတယ် လို့ ပြည်သူ့ကျန်းမာရေးဦးစီးဌာန လက်ထောက်ညွှန်ချုပ် ဒေါက်တာ ဉာဏ်ဝင်းမြင့် က ပြောပါတယ်။ စောင့်ကြည့်ရေးကို ကျန်းမာရေးဝန်ထမ်းတွေက အချိန်ပြည့် တာဝန်ယူလုပ်နေပြီး၊ ဇီကာပိုးရှိမယ်လို့ သံသယဖြစ်သူကို အမြန်ဆုံးနဲ့ အတိကျဆုံး စစ်ဆေးဖို့ လုပ်နေတယ်လို့ သူကဆိုပါတယ်။

ဒီလို စောင့်ကြည်မှုတွေကို ဘန်ကောက်မြို့မှာရှိတဲ့ Chulalongkorn တက္ကသိုလ် ဓါတ်ခွဲခန်းနဲ့ ကမ္ဘာ့ကျန်းမာရေးအဖွဲ့က အသိမှတ်ပြုထားတဲ့ အိန္ဒိယနိုင်ငံ ESIC အဖွဲ့နဲ့ လက်တွဲဆောင်ရွက်နေတယ်လို့ ကျန်းမာရေးဝန်ကြီးဌာနက ပြောပါတယ်။

ဇီကာဗိုင်းရပ်စ်ပိုးကို ကုသဖို့နည်းလမ်း ဒါမှမဟုတ် ကာကွယ်ဆေး မရှိသေးတဲ့အတွက် အခုလို ကြိုတင်စောင့်ကြည့်မှုတွေ လုပ်ရတာ ဖြစ်ကြောင်း၊ ခုထိတော့ မြန်မာနိုင်ငံထဲမှာ ဇီကာဗိုင်းရပ်စ်ပိုးရှိတဲ့ လူနာမတွေ့ရသေးကြောင်း ၊ ဒါပေမယ့် ရောဂါသယ်ဆောင်နိုင်တဲ့ ခြင်တော့ ပေါကြောင်း ကျန်းမာရေးဌာန အရာရှိတဦးက ပြောပါတယ်။

စင်္ကာပူနိုင်ငံမှာ ဇီကာဗိုင်းရပ်ပိုး ကူးစက်ခံထားရသူပေါင်း ၁၅၁ ဦးထက်မနည်း ရှိတဲ့အထဲမှာ မြန်မာနိုင်ငံသားတဦးလဲ ပါဝင်တယ်လို့ စင်္ကာပူ အာဏာပိုင်တွေက စက်တင်ဘာ ၂ရက်က သတင်းထုတ်ပြန်ခဲ့ပါတယ်။

 ဗွီအိုအေ (မြန်မာပိုင်း)
http://burmese.voanews.com


ထိုင်းဘုရင်ကြီး ဆေးကုသမှုခံယူခဲ့စဉ်။
သက်တော် ၈၈ နှစ်ရှိပြီဖြစ်တဲ့ ထိုင်းဘုရင် Bhumibol Adulyadej ဟာ သွေးထဲ ရောဂါပိုးဝင်တဲ့ ဝေဒနာကို ပြင်းထန်စွာခံစားနေရတဲ့ အတွက် ဆေးကုသမှု ခံယူနေရပါတယ်။ ကမ္ဘာပေါ်မှာ နန်းသက် အရှည်ဆုံးဖြစ်တဲ့ ထိုင်းဘုရင်ကြီးရဲ့ ကျန်းမာရေးဆိုင်ရာ နောက်ဆုံး အခြေအနေကို သောကြာနေ့မှာ နန်းတော်က ကြေညာချက် ထုတ်ပြန်ခဲ့တာပါ။ကျောက်ကပ်ကို စက်နဲ့ဆေးတာတွေ ဆက်တိုက်လုပ်ခဲ့ပြီးတဲ့ နောက်မှာ ဘုရင်ကြီးရဲ့ အခြေနေဟာ တဖြေးဖြေး တိုးတက်မှု ရှိလာတယ်လို့လည်း ဖေါ်ပြထားပါတယ်။

ဒါ့အပြင် ဘုရင်ကြီးရဲ့ အဆုပ်ထဲ ရေဝင်နေပြီး ကျောက်ကပ်လည်း သိပ် အလုပ်မလုပ်ဘူးလို့ ပြောပါတယ်။ ဗုဒ္ဓဟူးနေ့မှာတော့ အသက်ရှု မြန်နေပြီး ချွဲတွေကပ်နေကြောင်းနဲ့ စမ်းသပ်ကြည့်ချက်အရ သွေးထဲမှာ ရောဂါပိုး ဝင်နေတာကို ပြနေတယ်လို့ လည်း ပြောပါတယ်။

ကျန်းမာရေး တိုးတက်မှု ရှိခဲ့ချိန်ကစပြီး ဘုရင်ကြီးမှာ သွေးဖိအား ကျဆင်းနေသလို အဖျားလည်း ရှိနေတယ်လို့ ထိုင်းဘုရင့်နန်းတော် က ပြောပါတယ်။ ထိုင်းဘုရင်ကြီးဟာ မနှစ်ကစပြီး နာမကျန်းဖြစ်လာတာမို့ ဘန်ကောက်မြို့က Siri raj ဆေးရုံမှာ တက်ရောက်ကုသမှု ခံယူနေတာဖြစ်ပါတယ်။

ဇန်နဝါရီလ ၁၁ ရက်နေ့တုန်းက ဘန်ကောက်က နန်းတော်ကို ပြန်လာပြီး နာရီတော်ကြာ နေခဲ့ချိန်က ပရိတ်သတ်နဲ့ နောက်ဆုံး အတွေ့ခံ ခဲ့တာပါ။ဘုရင်ကြီးကို ထိုင်းအများစုက ကြည်ညိုချစ်ခင်ကြတာမို့ ဘုရင်ကြီးရဲ့ ကျန်းမာရေး အခြေနေကို အနီးကပ် စောင့်ကြည့်နေကြတာ ဖြစ်ပါတယ်။

ထိုင်းနိုင်ငံမှာ အစိုးရအရာရှိတွေကြား အာဏာရဖို့ ကျိုးပမ်းနေချိန်မှာပဲ ဘုရင်ကြီးရဲ့ ကျန်းမာရေးက မရေမရာဖြစ်နေသလိုဘုရင့် အရိုက်အရာကို ဆက်ခံမယ့် သူနဲ့ပါတ်သက်ပြီးလည်း မရေရာမှုတွေ ရှိနေတဲ့ အတွက်ကြောင့် ထိုင်းနိုင်ငံ မှာ နိုင်ငံရေး အရ သဘောထား ကွဲပြားမှု အခြေနေကို ပိုဆိုးလာစေပါတယ်။ ဒါပေမယ့်လည်း ထိုင်းဘုရင့် ရေးရာနဲ့ ဆက်နွယ်ပါတ်သက်ပြီး ပွင့်ပွင့်လင်းလင်း ဆွေးနွေးမှု ကို ထိုင်းနိုင်ငံမှာ ပြင်းပြင်းထန်ထန် ပိတ်ပင်ထားသလို ဒါဟာ ထိုင်းတော်ဝင်မိသားစုကို အသရေဖျက် စော်ကားတဲ့ ပြစ်မှု လည်းမြောက်ပါတယ်။

ဗွီအိုအေ (မြန်မာပိုင်း)
http://burmese.voanews.com/

နောင်လာမည့် ခြောက်လအကြာတွင် ကျင်းပမည့် ၂၁ ရာစုပင်လုံညီလာခံ ဒုတိယ အကြိမ်အစည်းဝေးမကျင်း ပမီ တစ်နိုင်ငံလုံးပစ်ခတ်တိုက်ခိုက်မှုရပ်စဲရေး
သဘောတူစာချုပ် (NCA )ကို လက်မှတ်မထိုးထားရသေးသော တိုင်းရင်းသားလက်နက်ကိုင်အဖွဲ့များ လက်မှတ်ရေးထိုးလာနိုင် သည်ဟု ညီညွတ်သောတိုင်းရင်းသားလူမျိုးများဖက်ဒရယ်ကောင်စီ (UNFC) အတွင်းရေးမှူးခူးဦးရယ် က ပြောကြားလိုက်သည်။

စက်တင်ဘာလ(၂)ရက်တွင် ကျင်းပသည့်၂၁ ရာစုပင်လုံပထမအစည်းအဝေးသို့ တက် ရောက်လာစဉ် NCA လက်မှတ်ရေးထိုးထားခြင်းမရှိသေးသည့် တိုင်းရင်း
သားလက်နက်ကိုင်များ စုပေါင်းဖွဲ့စည်းထားသည့် ညီညွတ်သောတိုင်းရင်းသား
လူမျိုးများဖက်ဒရယ်ကောင်စီ (UNFC)ကိုယ်စား ၄င်းက ပြောကြား
လိုက်ခြင်းဖြစ်သည်။

“ ခြောက်လအတွင်းမှာ ငြိမ်းချမ်းရေးလက်မှတ်ထိုးဖို့ အခြေအနေက အဲသလို တွန်းပို့တယ်ဆို လို့ရှိရင်တော့ ဖြစ်နိုင်ပါတယ်။ အဲလိုအခင်းအကျင်းမျိုး ခင်းကျင်း
ပေးနိုင်တယ် ဆိုရင် ကျွန်တော်တို့ ဖြစ် နိုင်ပါတယ် ” ဟု ၄င်း ကပြောသည်။

အစိုးရသစ်လက်ထက်တွင် ကျင်းပပြုလုပ်သည့် ပြည်ထောင်စုငြိမ်းချမ်းရေးညီလာခံ ၂၁ ရာစု ပင်လုံ ညီလာခံ ပထမအကြိမ်အစည်းအဝေးကို သြဂုတ်လ ၃၁ ရက်မှ စက်တင်ဘာလ ၃ ရက်အထိ နေပြည် တော်ရှိ အပြည်ပြည်ဆိုင်ရာ ကွန်ဗင်းရှင်း စင်တာ(MICC-II)တွင် ကျင်းပလျှက်ရှိသည်။

အဆိုပါ ညီလာ ခံ၏ ဒုတိယ အကြိမ် အစည်းအဝေးကို နောင်ခြောက်လအကြာ ၂၀၁၇ ခုနှစ် ဖေဖော်ဝါရီလ အတွင်း ပြန်လည်ကျင်းပမည်ဖြစ်သည်။

NCA လက်မှတ်မထိုးထားသည့် တိုင်းရင်းသားလက်နက်ကိုင်အဖွဲ့အစည်းများက အစိုးရ၊ တပ်မ တော်တို့နှင့် ညှိနှိုင်းဆွေးနွေးမှုများရှိနေသေးကြောင်း၊ UNFC အဖွဲ့အနေဖြင့်လည်း တိုင်းရင်းသားလက် နက်ကိုင်အဖွဲ့အစည်း အားလုံးပါဝင်ရေးကို အစဉ်တစ်စိုက်တောင်းဆိုနေခြင်းဖြစ်၎င်းကပြောသည်။

NCA လက်မှတ်ရေးထိုးထားသည့် ပအိုဝ်းအမျိုးသား လွတ် မြောက် ရေးအဖွဲ့ချုပ် (PNLO) နာယကဦးခွန်ဥက္ကာက NCA လက်မှတ်ရေးထိုးရန် ကျန်ရှိနေသည့် တိုင်းရင်းသားလက်နက်ကိုင်များ အနေဖြင့် ဒုတိယ အကြိမ်ကျင်းပမည့် ၂၁ ရာစုပင်လုံအကြိမ်အစည်းအဝေးမတိုင်မီ လက်မှတ်မရေး ထိုးနိုင်ပါက ညီလာခံ သို့ လေ့လာသူအဖြစ်နှင့်သာ တက်ရောက်ရမည်ဖြစ်ကြောင်း၊ လက်မှတ်ရေး ထိုးပြီးမှ သာရှေ့ဆက် လုပ်ဆောင်မည့် နိုင်ငံရေးဆွေးနွေးပွဲများတွင် ထဲထဲဝင်ဝင် ပါဝင်ခွင့်ရှိမည်ဖြစ် ကြောင်း ပြောသည်။

“(ယခုကျင်းပလျှက်ရှိသည့်)ညီလာခံအပြီးမှာ (နိုင်ငံရေးမူဘောင် )frame work နဲ့ ကိုက်ညီတဲ့ ကိစ္စတွေကို လုပ်သွားမှာဖြစ်လို့ NCAကိုလက်မှတ်ထိုးဖို့ပါ။ ဒီအစီစဉ်တစ်ခုလုံးက NCA ကြောင့်ဖြစ် လာတာဆိုတော့ ဘယ်အချိန် ဘယ်အခါမှာပဲ ပါပါ NCAအတိုင်း လုပ်မယ်။ NCA ကိုကျော်ပြီးတော့ ဒီ process(ဖြစ်စဉ်) ထဲ ဝင်လာတာမဖြစ်သင့်ဘူး လမ်းကြောင်းလွဲနေတယ်။
ဒါကြောင့် လက်မှတ်ထိုးပါ ဝင်ဖို့လိုတယ် “ ဟု ၄င်းက ပြောသည်။

NCA လက်မှတ်ရေးထိုးရန် ကျန်ရှိသည့် တိုင်းရင်းသားလက်နက်ကိုင်အဖွဲ့များမှာ AA (ရခိုင့် တပ်မတော်) ၊TNLA(တအောင်းအမျိုးသားလွတ်မြောက်ရေးတပ်မတော်)
၊MNDAA (မြန်မာအမျိုး သား ဒီမိုကရက်တစ်မဟာမိတ်တပ်မတော်)၊
KIA(ကချင်လွတ်မြောက်ရေးတပ်မတော်) ၊ SSPP(ရှမ်းပြည်တိုး တက်ရေးပါတီ)၊ KNPP (ကရင်နီအမျိုးသားတိုးတက်ရေးပါတီ)နှင့်NMSP (မွန်ပြည်သစ်ပါတီ)
တို့ ဖြစ်သည်။

ANC(ရခိုင်အမျိုးသားကောင်စီ)၊ LUD(လားဟူဒီမိုကရက်တစ်အစည်းအရုံး) နှင့် WNO(၀အမျိုးသားအဖွဲ့ချုပ်)တို့မှာ စစ်တပ် လက်ကိုင်မရှိခြင်းကြောင့် NCA လက်မှတ်ရေးထိုးခြင်း မရှိသော်လည်း နိုင်ငံရေးဆွေးနွေးပွဲ များတွင် ပါ ၀င်နိုင်သည်ဟု အစိုးရက သတ်မှတ်ထားသည်။

ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံအကြိုပြင်ဆင်ရေးဆပ်ကော်မတီ
(၂) အနေဖြင့်လည်း NCA လက်မှတ်ထိုးရန် ကျန်ရှိနေသည့် အဖွဲ့များနှင့်
တွေ့ဆုံဆွေးနွေးကာလက်မှတ်ထိုးနိုင်ရေး ကြိုးစားနေကြောင်းသိရသည်။

ဝင်းဇော်နိုင်
News Watch(စောင့်ကြည့်သတင်းဂျာနယ်)

ဖက်ဒရယ်ပြည်ထောင်စုတည်ဆောက်မည်ဆိုပါက ၂၀၀၈ ဖွဲ့စည်းပုံ အခြေခံဥပဒေကို ပြင်ဆင်ရမည်ဖြစ်ကြောင်း ပအိုဝ်းအမျိုးသား လွတ်မြောက်ရေးအဖွဲ့ချုပ်(PNLO)နာယက ခွန်ဥက္ကာက ပြောဆိုလိုက်သည်။

“ဖွဲ့စည်းပုံအခြေခံဥပဒေကို ကျွန်တော်တို့ EAO (တိုင်းရင်းသားလက်နက်ကိုင်တပ်ဖွဲ့)က အခုချိန်ထိ လုံးဝလက်မခံပါဘူး။ အခု NCA လက်မှတ်ထိုးတာကလည်း ဖွဲ့စည်းပုံအခြေခံဥပဒေကို လက်ခံတာမဟုတ်ဘူး။ အပစ်အခတ်ရပ် စဲရေးဖြစ်ဖို့ထိုးတာ။ နိုင်ငံရေးဆွေးနွေးပွဲဆက်လုပ်မယ်၊ ဖက်ဒရယ်ပြည်ထောင်စု တည်ဆောက်မယ်။ ပြီးရင် ဖွဲ့စည်းပုံကို ပြင်သွားမယ်။”ဟု ခွန်ဥက္ကာကပြောသည်။

တိုင်းရင်းသား လက်နက်ကိုင်အဖွဲ့အစည်းများ၊ ပြည်တွင်းအရပ်ဖက် အဖွဲ့အစည်းများ၊ နိုင်ငံရေးပါတီများအနေဖြင့် လည်း ၂၀၀၈ ဖွဲ့စည်းပုံအခြေခံ ဥပဒေကို လက်မခံဘဲ ဖွဲ့စည်းပုံအခြေခံ ဥပဒေပြင်ဆင်ရေး၊ ဖက်ဒရယ်ပြည်ထောင်စု တည်ဆောက်ရေးနှင့်ပတ်သက်၍ လွှတ်တော်ပြင်ပမှ ကြိုးစားနေကြကြောင်း သိရသည်။

“ဖက်ဒရယ်ပြည်ထောင်စု ဖြစ်ဖို့ကလည်း ဖွဲ့စည်းပုံပြင်ရမယ်။ ဒီမိုကရေစီသမားနဲ့ ဖက်ဒရယ်သမားကလည်း တူနေတယ်။ အခု ၂၁ ပင်လုံညီလာခံကလည်း ဘာတွေ ဆွေးနွေးညှိနှိုင်းညှိနှိုင်း၊ ဖွဲ့စည်းပုံက ပြင်ကိုပြင်ရမယ်၊ ဒီအချိန်မှာ ဖွဲ့စည်းပုံက ပြင်ကိုပြင်ရမယ်”ဟု ၈၈ မျိုးဆက် ငြိမ်းချမ်းရေးနှင့် ပွင့်လင်းလူ့အဖွဲ့အစည်းမှ ကိုမင်းကိုနိုင်က ပြောသည်။

ယခင်အစိုးရနှင့် တိုင်းရင်းသား လက်နက်ကိုင်အဖွဲ့များ ဆွေးနွေးရေးသားခဲ့သည့် တစ်နိုင်ငံလုံး ပစ်ခတ်တိုက်ခိုက်မှုရပ်စဲရေး သဘောတူစာချုပ်(NCA) စာချုပ်အခန်း(၅)တွင်လည်း ပြည်ထောင်စု ငြိမ်းချမ်းရေး ညီလာခံများကျင်းပပြီး ဆုံးဖြတ်ချက်များအပေါ် အခြေခံကာ ဖွဲ့စည်းပုံအခြေခံဥပဒေကို လိုအပ်သလို ပြင်ဆင်ခြင်း၊ ဖြည့်စွက်ခြင်းနှင့် ပယ်ဖျက်ခြင်းများကို လုပ်ဆောင်ရမည်ဟု ဖော်ပြထားသည်။

“ဖက်ဒရယ်ပြည်ထောင်စု သွားမယ်ဆိုရင် ဖွဲ့စည်းပုံပြင်ရမှာဟုတ်တယ်။ NCA ထဲမှာလည်း ဖွဲ့စည်းပုံပြင်ဆင်ရေးပါတယ်။ ဘယ်လိုပြင်ဆင်မလဲဆိုတာက ထည့်ထားတယ်၊ တပ်ကလည်းလက်ခံထားတယ်” ဟု ၂၁ ရာစုပင်လုံညီ လာခံတွင် ပြည်ထောင်စုကြံ့ခိုင်ရေးနှင့် ဖွံ့ဖြိုးရေးပါတီကိုယ်စားလှယ်အဖြစ် တက်ရောက်နေသည့် ဦးမြင့်စိုးက ပြောသည်။

၂၁ ရာစုပင်လုံညီလာခံ ပထမအကြိမ်အစည်းအဝေး၊ တတိယမြောက်နေ့၊ စက်တင်ဘာ ၂ ရက်တွင် အစုအဖွဲ့ ကိုယ်စားလှယ်များမှ သဘောထားအမြင်များ တင်ပြရာတွင် တပ်မတော်ဖက်မှ ကိုယ်စားလှယ် ဒုတိယဗိုလ်မှူးကြီး ဇော်ဦးက တပ်မတော်၏တာဝန်မှာ နိုင်ငံတော်၏ ဖွဲ့စည်းပုံအခြေခံဥပဒေကို ကာကွယ်စောင့်ရှောက်ရန် အဓိက တာဝန်ရှိကြောင်း တင်ပြထားသည်။

၂၀၀၈ ဖွဲ့စည်းပုံအခြေခံ ဥပဒေကို ပြင်ဆင်ရေးအတွက် ပြည်တွင်းအရပ်ဖက် အဖွဲ့စည်းများ၊ အမျိုးသားဒီမိုကရေစီ အဖွဲ့ချုပ်နှင့် အခြားနိုင်ငံရေးပါတီများက ၂၀၁၂ ခုနှစ်ကပင် လုပ်ဆောင်ခဲ့သော်လည်း အောင်မြင်မှုမရခဲ့ဘဲ ယခု ကျင်းပနေသည့် ပြည်ထောင်စုငြိမ်းချမ်းရေး ညီလာခံ၊ ၂၁ ရာစုပင်လုံတွင် ဖွဲ့စည်းပုံပြင်ဆင်ရေးနှင့် ပတ်သက်၍ အဆိုပြုချက်များ၊ အကြံပြုချက်များ ပေါ်ထွက်လာခြင်းဖြစ်သည်။

MMK
The Ladies News

ရန်ကုန် စက်တင်ဘာ ၂

လှိုင်သာယာစက်မှုဇုန်(၃) ဦးရွှေအိုးလမ်း ရှိ ဂျပန်နိုင်ငံသားMr. KyoKazu Ito ပိုင်ဆိုင်သော ဆာကူရာအထည်ချုပ် စက်ရုံတွင် ဇူလိုင် ၂၉ ရက်က အလုပ် သမား ၈ဝ မှာ နေ့လယ်ထမင်းစားချိန် အပြီးတွင် လုပ်ငန်းခွင်သို့ ပြန်လည် ဝင် ရောက်ခြင်း မရှိဘဲ ရက်မှန်ကြေး ၃ဝဝဝဝ အားတစ်လ နှစ်ကြိမ်ခွဲပေးရန်၊ ယခင် သတ်မှတ် စံနှုန်းထက်ပို၍ အလုပ်မခိုင်း ရန်တောင်းဆိုသည်မှစ၍ အလုပ်ရှင်၊ အလုပ် သမား ပြဿနာဖြစ်ပွားခဲ့ပြီး သြဂုတ် ၃၁ ရက်တွင် အလုပ်သမား ၃ဝဝ ခန့်မှာ စက်ရုံရှေ့၌ ယာယီတဲများထိုး၍ စုဝေးခဲ့ကာ အလုပ်သမား ၁ဝဝ ခန့်မှာ ညအိပ်စောင့်ဆိုင်းခဲ့သည့်အတွက် ရေဥက္ကံ ကျေးရွာအုပ်ချုပ်ရေးမှူးနှင့် အပိုင်နယ် ထိန်းတို့မှ စောင့်ကြပ်ပေးလျက်ရှိကြောင်း သိရသည်။

အဆိုပါစက်ရုံတွင် အလုပ်သမား အမျိုးသမီး ၄၈၁ ဦး၊ အမျိုးသား ၅၉ ဦးရှိပြီး ယခင်သတ်မှတ်စံချိန်ထက်ပို၍ အလုပ်ခိုင်းစေခြင်းကြောင့် အလုပ်သမား ၃ဝဝ ခန့်နှင့် ပြဿနာဖြစ်ပွားခဲ့ခြင်းဖြစ်ပြီး ထိုကိစ္စနှင့်ပတ်သက်၍ မြို့နယ်ညှိနှိုင်း ဖျန်ဖြေရေးအဖွဲ့မှ တိုင်းဒေသကြီး ခုံ သမာဓိအဖွဲ့သို့ သြဂုတ် ၈ ရက်တွင် လွှဲပြောင်းခဲ့သည်။ သြဂုတ် ၂၆ ရက်တွင် စက်ရုံမန်နေဂျာမှ ''အေးချမ်းစွာ အလုပ်လုပ်နိုင်ရန်အတွက် အလုပ်လုပ် ရန်လာသော အလုပ်သမားများသာ စက်ရုံအတွင်းဝင်ခွင့်ပေးမည်'' ဖြစ် ကြောင်း စက်ရုံရှေ့တွင် စာကပ်ခဲ့သည့် အတွက် ယခင်စံနှုန်းထက်ပို၍ ချုပ်လုပ် နိုင်မှသာ စက်ရုံအတွင်း ဝင်ရောက်ခွင့်ပြု မည်ဟူသော ပြောဆိုချက်ကြောင့် အလုပ်သမား ၁ဝဝ ခန့်မှာညအိပ်စောင့် ဆိုင်းဆန္ဒထုတ်ဖော်ခဲ့ခြင်းဖြစ်သည်။

သြဂုတ် ၃၁ ရက်တွင် ဆာကူရာ အထည်ချုပ်စက်ရုံအလုပ်ရှင်၊ အလုပ် သမားအငြင်းပွားမှုနှင့် ပတ်သက်၍ တိုင်းဒေသကြီး ခုံသမာဓိအဖွဲ့မှ အလုပ် သမားခေါင်းဆောင်နှင့် အလုပ်သမား ၃၁၆ ဦးအား ၅ ရက်အတွင်း မူလရာထူး၊ မူလလစာနှင့်မူလနေရာ၊ မူလလုပ်သက် အတိုင်း အလုပ်ရှင်မှအလုပ်ပြန်လည် ခန့်ထားရန်၊ အလုပ်သမား ၃၁၆ ဦးက လည်း မူလသတ်မှတ်ထားသည့် စံချိန်အတိုင်း အလုပ်ပြန်လည် လုပ် ကိုင်ကြရန်၊ စံချိန်ပြောင်းလဲသတ် မှတ်ရန်လိုပါက အလုပ်ရှင်၊ အခြေခံ အလုပ်သမားအဖွဲ့အစည်းနှင့် ညှိနှိုင်း ရေးကော် မတီတို့ အကျေအလည် ညှိနှိုင်းပြီး သဘောတူညီချက် ရယူ ဆောင်ရွက်ကြရန်နှင့် ဇူလိုင်၂၉ ရက်မှ စ၍ လုပ်ငန်းခွင်မဝင်သော ကာလများ အတွက် လုပ်ခရလိုကြောင်းတောင်း ဆိုမှုအပေါ် ဇူလိုင် ၂၇ ရက်မှ သြဂုတ် ၅ ရက်ထိကာလအား သြတသမု သြစပေ သတ်မှတ်ပြီး လုပ်ခပေးရန်မလိုဘဲ စံချိန် နှုန်းသစ်ဖြင့် အလုပ်ဝင်ရန်ကြေညာ သော သြဂုတ် ၆ ရက်မှ ခုံသမာဓိ အဖွဲ့ကဆုံးဖြတ် ချက်ထုတ်ပြန်သည့် သြဂုတ် ၃၁ ရက် ထိကာလအတွက် လုပ် ခလစာပေးရန် ဆုံးဖြတ်ခဲ့ကြောင်း သိရသည်။

ညအိပ်စောင့်ဆိုင်းလျက်ရှိ သည့် အလုပ်သမား ၁ဝဝ ခန့်ကို ကျေး ရွာအုပ်ချုပ်ရေးမှူး အဖွဲ့နှင့် အပိုင် နယ်ထိန်းရဲကင်းတို့မှ စောင့်ကြပ်လျက် ရှိကြောင်း သိရသည်။

သန်းထိုက်(လှိုင်သာယာ)
MOI Webportal Myanmar

တွေ့ဆုံမေးမြန်း-တင်မောင်လွင်၊ ဇင်ဦး(မြန်မာ့အလင်း)
ဓာတ်ပုံ-သီဟစည်သူ

ပြည်ထောင်စုငြိမ်းချမ်းရေးညီလာခံ- (၂၁) ရာစုပင်လုံ ဒုတိယ မြောက်နေ့အဖြစ် စက်တင်ဘာ ၁ ရက်တွင် နေပြည်တော်ရှိ မြန်မာအပြည်ပြည်ဆိုင်ရာ ကွန်ဗင်းရှင်း ဗဟိုဌာန(၂) ၌ ဆက်လက်ကျင်းပသည်။

အဆိုပါငြိမ်းချမ်းရေးညီလာခံတွင် အဖွဲ့အစည်းအသီးသီးမှ တက်ရောက်လာသည့် ကိုယ်စားလှယ်များက သက်ဆိုင်ရာကဏ္ဍအလိုက် ၄င်းတို့၏အမြင်နှင့်သဘော ထားများကို ဖတ်ကြား တင်သွင်းခဲ့ကြသည်။ ညီလာခံသို့ တက်ရောက်လာသူ တချို့၏အမြင်များကို တွေ့ဆုံမေးမြန်းခဲ့သည်။

ဒေါ်စောမြရာဇာလင်း
ရခိုင်ပြည်လွတ်မြောက်ရေးပါတီ
ငြိမ်းချမ်းရေးဖော်ဆောင်ရေး ‘ဒုတိယခေါင်းဆောင်

မေး။ အခုလုပ်နေတဲ့ ပင်လုံညီလာခံကနေ ရခိုင်ပြည်နယ်ရဲ့ ပြဿနာတွေကို ဘယ်လောက်အထိ ဖြေရှင်းပေးနိုင်မယ်လို့ ထင်ပါသလဲ။

ဖြေ။ ဒီပင်လုံညီလာခံက ငြိမ်းချမ်းရေးခြေလှမ်းကို ပထမ စတင်လိုက်တဲ့ တံခါးခေါက်သံ၊ ခေါင်းလောင်းခေါက်သံ တစ်ခုလောက်ပဲဖြစ်ပါ တယ်။ ဒါပေမယ့် ပြည်နယ်အသီးသီးကနေ ပြီးတော့ ပြောချင်တဲ့စကားတွေ၊ ပါတီအသီးသီးကနေ ပြောချင် တဲ့စကားတွေကို ‘ဒီနေရာမှာ ပြောလိုက်နိုင်တယ်။ အဲဒီလိုပြော လိုက်နိုင်တဲ့အတွက် လူအများရဲ့ဆန္ဒကို အစိုးရသိသွား မယ်၊ ပြည်သူတွေသိသွားမယ်။ အဲဒါကြောင့်မို့ ပြည်သူတွေက အကဲဖြတ်လို့ ရနိုင်တယ်။ ‘ဒါပေမယ့် ဒီညီလာခံတစ်ခုတည်း နဲ့တော့ မပြီးဆုံးနိုင်သေးဘူး။ ညီလာခံတွေ ဆက်တိုက်ဆက်တိုက် အမြဲလုပ်ရဦးမှာ ဖြစ်ပါတယ်။ အဲဒါကြောင့်မို့ ပြည်တွင်းစစ်ကြီးကို အဆုံးသတ်ဖို့လိုတယ်။ ပြီးမှပဲ နိုင်ငံရေးပြဿ နာကို စားပွဲခုံပေါ်မှာ ဘယ်လိုဖြေရှင်းရမလဲဆိုတဲ့အနေအထားကို ကျွန်မတို့ ကြိုးစား နေဆဲ ဖြစ်ပါတယ်။ အားလုံးပါဝင်ရေးအတွက်လည်း ကျွန်မ တို့ နေ့စဉ်တိုက်တွန်းနေတယ်။

ဒီလက်နက်ကိုင် ပဋိပက္ခဖြစ်နေရခြင်း အကြောင်းအရင်းက အုပ်ချုပ်မှု မညီမျှလို့ဖြစ်ရတယ်။ သူများ တိုင်းပြည်ကို တစ်ပါးသူက လာပြီးအုပ်ချုပ်နေ လို့ ဖြစ်တယ်။ အဲဒါကြောင့်မို့လို့ ဘယ်သူမှလဲ သူများအုပ်ချုပ်တာကို မခံချင်ဘူး။ ကျွန်မတို့ ပြုစုထားတဲ့ ဒီစာတမ်းမှာလည်း အဲဒီစာသားတွေပါတယ်။ ကိုယ်တိုင်စီမံခန့်ခွဲ ချင်တယ်။ ကျွန်မတို့တိုင်းပြည်ရဲ့အနေအထားကို ကျွန်မတို့ ကိုယ်တိုင်အကောင်းဆုံး ဖန်တီးချင်တယ်။ ပြီးလို့ရှိရင် ကျွန်မတို့ ဒေသက သယံဇာတအရင်းအမြစ်တွေကိုလည်း ပင်မတိုင်းပြည် ဖြစ်တဲ့၊ မူလပိုင်ရှင်ဖြစ် တဲ့ ဒေသခံတွေရဲ့ဆန္ဒအရသာ ခွဲဝေခွင့်ရှိရ မယ်ဆိုတာကို ‘ဒီစာတမ်းမှာ ကျွန်မကိုယ်တိုင် ရေးဆွဲထားပါ တယ်။ ပြီးတော့ ဘင်္ဂလားဒေ့ရ်ှနိုင်ငံနဲ့ အိန္ဒိယနိုင်ငံနယ်စပ်တွေမှာ နေထိုင်ကြတဲ့ ရခိုင်နဲ့ရခိုင်အနွယ်ဝင်များ ဒီတိုင်းပြည် ကို ပြန်ဝင် လာရင် ချက်ချင်းနိုင်ငံသားပေးဖို့ဆိုတာမျိုးကိုလည်း ဒီမှာ တင်ပြ ထားတာရှိပါတယ်။ ကျွန်မတို့ရဲ့ ကံကြမ္မာကို ကျွန်မတို့အားလုံးဖန်တီးနိုင်ဖို့ဆိုရင် ဖွဲ့စည်းအုပ်ချုပ်ပုံအရေးကြီးတယ်။ ‘ဒါကြောင့် ပြည်နယ်ဖွဲ့စည်းအုပ်ချုပ်ပုံတစ်ခုဟာ အခိုင်အမာပေါ်ပေါက်လာ ဖို့ဆိုတာကိုလည်း ကျွန်မတို့တင်ပြမယ့် စာတမ်းမှာ ရေးဆွဲထား တာ ရှိပါတယ်။

မေး။ AA အပါအဝင် အဖွဲ့အားလုံးပါဝင်နိုင်အောင် ဆောင်ရွက်ဖို့ကိစ္စအပေါ်ရော ဘယ်လိုမြင်ပါသလဲ။

ဖြေ။ တစ်ဖက်က အစိုးရဘက်ကပြောနေတဲ့စကားကိုပဲ ပြောရမယ်ဆိုရင် သူတို့က လက်နက်ကိုင်လမ်းစဉ်ကို စွန့်လွှတ်ပြီးတော့မှပဲ ငြိမ်းချမ်းရေးခရီးကို သွားမယ် ဆိုပြီး တော့ ပြောနေတဲ့စကားတွေ ရှိပါတယ်။ ဒီညီလာခံဟာ ကျွန်မတို့ လိုချင်တာက အားလုံးပါဝင်တဲ့အနေအထားမျိုးကို ဖြစ်လာ စေချင်တယ်။ အားလုံးပါဝင်တဲ့ ညီလာခံမျိုး ဖြစ်စေချင်တယ်။ ဒီညီလာခံရဲ့ပိုင်ရှင်ဟာ အားလုံးဖြစ်ရမယ်ဆိုတဲ့ ကြွေးကြော်ချက် နဲ့ ‘ဒီညီလာခံကို စတင် လာတာ ဖြစ်ပါတယ်။

ကျွန်မဟာ ရခိုင်အမျိုးသမီးတစ်ယောက်ဖြစ်ပါတယ်။ ရခိုင် ပြည်လွတ်မြောက်ရေး ပါတီလည်း ကျွန်မတို့ရဲ့ပါတီဖြစ်တယ်။DDR နဲ SSR ဆိုရင် DDR ဆိုတာ ကတော့ အားလုံး လက်နက်ဖြုတ်သိမ်းရေးဆိုတဲ့ အဓိပ္ပာယ်ထွက်ပါတယ်။ Security Sector Reform လို့ ပြောတဲ့အခါမှာ အားလုံး ပြန်ပေါင်းစည်းရေးဆိုတဲ့ အနေအထားမျိုးဖြစ်ပါတယ်။ ဒါပေမယ့် ဘယ်လိုပြန်လည်ပေါင်းစည်းကြမလဲ ဆိုတဲ့မူကို ဘယ်မှာ ရှာရ မလဲဆိုတော့ စားပွဲဝိုင်းမှာပဲရှာလို့ရမှာပါ။ DDR သွားရမလား နဲ့ SSRသွားရမလားဆိုလို့ရှိရင့်DDRကိုစတင်ပြီး ပြောလိုက် ပြီဆိုလို့ရှိရင် တိုင်းရင်းသားလက်နက်ကိုင်အဖွဲ့အစည်းတွေကတော့ လက်မခံတဲ့ အဖွဲ့အစည်းတွေရှိပါတယ်။ အဲဒါကြောင့်DDR ကိုချန်ထားပြီးတော့မှ တိုင်းပြည်ကြီး တစ်ခုလုံးကို ထူထောင်လာပြီ ဆိုတဲ့အခါမှာ ဒီတိုင်းပြည်ကို လုံခြုံဖို့အတွက် ပြည်နယ်လုံခြုံရေး ပြည်မလုံခြုံရေးနှစ်ရပ်ကို ဘယ်လိုပေါင်း စည်းပြီး ကြိုးစားရမလဲဆိုတာပဲ Security Sector Reform ဖြစ်တယ်။ အဲဒါကြောင့် Security Sector Reform ကိုပဲ အများကြီးပြောသင့်တယ်လို့မြင်ပါ တယ်။ ငြိမ်းချမ်းရေးရလဒ်တွေ နဲ့အညီပဲ တိုင်းပြည်ကိုတည်ဆောက်သွား ရမှာ ဖြစ်တယ်။ တိုင်းပြည်တည်ဆောက်ဖို့ဆို ဖက်ဒရယ်စစ် မူကိုသွား မှာ ဖြစ်တယ်။ ပြည်နယ်ဖွဲ့စည်းပုံနဲ့ ပြည်ထောင်စုဖွဲ့စည်းပုံဆိုပြီး တော့မှ ဖွဲ့စည်းပုံနှစ်ရပ်ရှိလာရပါမယ်။ ပြည်နယ်ဖွဲ့စည်းပုံမှာလဲ အာဏာကြီးသုံးရပ် ကို အပ်နှင်းထားဖို့လိုပါမယ်။ အဲဒါမှ ကျွန်မတို့ရဲ့ပြည်နယ်ကို ကောင်းမွန်စွာ ဖန်တီးနိုင်မယ်။ ဖွဲ့စည်း အုပ်ချုပ်ပုံ အခြေခံတဲ့အကြောင်းတရားတွေကို ဖွဲ့စည်းအုပ်ချုပ် ပုံအခြေခံဥပဒေမှာ အခိုင်အမာပြဋ္ဌာန်းပြီးသွားမှ အနာဂတ်မှာ ညီလာခံတွေမှာ တင်လာရမယ်။ အဲဒီအရာတွေ ပြည့်စုံလာပြီးမှပဲ ကျွန်မတို့လိုချင် တဲ့ ဖက်ဒရယ်မူစစ်စစ်ကို ရမှာဖြစ်ပါတယ်။

စောစိန်ဝင်း
ဒီမိုကရေစီအကျိုးပြုပြည်သူ့တပ်မတော်အဖွဲ့

မေး။ ဒီနေ့ဖတ်ကြားသွားတဲ့ သဘောထားအမြင်နဲ့ပတ်သက် ပြီး ရည်ရွယ်ချက်နဲ့ အမြင်သဘောထားလေး အနည်းငယ် ပြောပြပေးပါခင်ဗျာ။

ဖြေ။ ကျွန်တော်တို့ဆီမှာ နယ်က စွန့်ခွာထွက်ပြေးသွားတဲ့ ဒုက္ခသည်တွေ ‘ဒီမှာ ငြိမ်းချမ်ရေးညီလာခံ ပြန်လည် တည်ဆောက်နေစဉ်မှာပဲ ကြိုဆို လက်ခံရေးနဲ့ နေရာချထားရေးကို အဆင်ပြေပြေ ဆောင်ရွက်နိုင်ဖို့က အဓိကလို့ ပြောချင်ပါတယ်။ နောက် ကျွန်တော်တို့ဒေသကနေပြီး တိုင်းရင်း သားတွေက ကိုယ့်စာပေကိုသင်ကြားရေး အခွင့်အရေးရရှိဖို့ အဓိကရည်ရွယ် ပါတယ်။ ကျန်းမာရေးမှာဆိုလည်း ဗဟိုကနေ တိုက်ရိုက်ချုပ်ကိုင် ရင် အောက်ခြေက ဘာတွေလိုအပ်တာလဲဆိုတာတွေကို ဗဟိုအစိုးရက အကုန်မသိနိုင်ဘူး။ ဗဟိုကနေ ချပေးတဲ့အခါ လိုအပ်တဲ့ဆေးတွေက မလုံလောက်ဘူး။ မလိုအပ်တဲ့ဆေးတွေက ပိုနေတာတွေရှိတယ်။ ကျန်းမာရေးကို ဒေသခံကျန်းမာရေးအဆင့် ကနေ တိုက်ရိုက်ကြီးကြပ်နိုင်မယ် ဆိုရင် ဒေသရဲ့ကျန်းမာရေး အခြေအနေ ပိုပြီးတော့ ထိရောက်မယ်လို့ ယူဆပါတယ်။

မေး။ ဒီနေ့ ညီလာခံမှာ ကိုယ်စားလှယ်အသီးသီးက တင်ပြတဲ့ သဘောထား အမြင်ပေါ်မှာ သုံးသပ်ချက်ကလေး နည်းနည်းပြောပြပေးပါခင်ဗျာ။

ဖြေ။ ဒီနေ့ညီလာခံမှာ ကိုယ်စားလှယ်အားလုံးဖတ်သွားတဲ့ အပေါ်မှာ သုံးသပ်ကြည့်မယ်ဆိုရင် အမြင်သဘောထားက သုံးပုံနှစ်ပုံလောက် တိုက်ဆိုင် တူညီနေတာကို တွေ့ရတယ်။ မတူညီတဲ့ အကန့်လေးတွေကို လာမယ့်ဆွေးနွေးပွဲ ကာလမှာ အမြင်ချင်းဖလှယ်ပြီး ဘယ်ဟာက အကောင်းဆုံးဖြစ်တယ် ကို ရွေးချယ်ဆွေးနွေးပြီးတော့ တစ်ခုခုကို အကောင်းဆုံးရွေးချယ် သုံးသပ်သွား မယ်လို့ မြင်ပါတယ်။ ‘ဒီညီလာခံကနေ ဒေသတစ်ခု နဲ့တစ်ခု ကွာဟနေတဲ့ ရိုးရာယဉ်ကျေးမှုဓလေ့ထုံးတမ်းတွေ၊ လူနေမှုစနစ်တွေ၊ တစ်ခုနဲ့တစ်ခု လုပ်ကိုင်နေထိုင်စားသောက်တဲ့ လူနေမှုအခြေအနေ မတူကွဲပြားမှုအပေါ်မှာ ‘ဒီညီလာခံကနေ အကုန်လုံးကို အကောင်းဆုံး တိုင်ပင်ညှိနှိုင်းအဖြေရှာ သွားနိုင်မယ်လို့ မျှော်လင့်ပါတယ်။

ဦးမင်းဇော်ဦး
တစ်နိုင်ငံလုံးပစ်ခတ် တိုက်ခတ်မှု ရပ်စဲရေးဆိုင်ရာ
လေ့လာစောင့်ကြည့်ရေး ပူးတွဲကော်မတီ (JMC)

မေး။ ပြည်ထောင်စုငြိမ်းချမ်းရေးညီလာခံ ‘ဒုတိယနေ့မှာ ''ဝ'' နဲ့ မိုင်းလားအဖွဲ့တွေ မတက်ရောက်ဘဲ ပြန်သွားကြတယ်လို့ သိရပါတယ်။ အဲဒီအပေါ်မှာ ဘာဖြစ်လို့လဲ ဆိုတာလေး ရှင်းပြပေးပါ။

ဖြေ။ တိုင်းရင်းသားလက်နက်ကိုင်ကိုယ်စားလှယ် အယောက် ၂ဝဝ တက်ရောက်ဖို့ လျာထားပါတယ်။ ဒီတိုင်းရင်းသား လက်နက်ကိုင်ကိုယ်စားလှယ်တွေ သူတို့ အတွက် တက်မယ့် ဏျေ တွေကို တိုင်းရင်းသားကိုယ်စားလှယ်တွေ အတွက် ပေးလိုက်ပြီးပြီ။ အဲဒါကို စီမံခန့်ခွဲနေတဲ့သူ ရှိပါတယ်။ အကုန်ပေး လိုက်ပြီးပြီ။ နိုင်ငံရေးပါတီဆိုလည်း နိုင်ငံရေးပါတီပေါ့။ တိုင်းရင်း သားလက်နက် ကိုင် ကိုယ်စားလှယ်တွေကိုရော ပေးပြီးပါပြီ။ တိုင်းရင်းသား လက်နက်ကိုင် အဖွဲ့တွေအတွက် ပေးတဲ့ဝင်ခွင့် ကတ်တွေထဲမှာ အဲဒီ“ ''ဝ'' နဲ့ မိုင်းလားအဖွဲ့က အဲဒီစီမံခန့်ခွဲရေး အဖွဲ့ တွေနဲ့ဆက်သွယ်ပြီး သွားမထုတ်လိုက်ဘူး။ သွားမထုတ်ဘဲနဲ့ ၃ဝ ရက်နေ့မှ အစိုးရပူးပေါင်းဆောင်ရွက်ရေး စင်တာ ကို ရောက်လာတယ်။ ခင်ဗျားတို့အတွက် ကတ်မရရင် ဝင်ရခက်နေ မယ်ဆိုပြီး ယာယီအနေနဲ့ ကတ်လုပ်ပေးလိုက်မယ်။ ယာယီကတ်နဲ့ ခေတ္တဝင်ထားပါလို့ ပြော ထားတယ်။ နောက်နေ့မှာ အဲဒီကတ်တွေ ကို ပြန်ယူပေးမယ်လို့ပြောလိုက်တယ်။ ကျွန်တော့်အထင် ပြောရ ရင် အဲ့ဒါကိုပဲ နားလည်မှုလွဲသွားတာမျိုးဖြစ်မှာပါ။

မေး။ ကိုယ်စားလှယ် အသီးသီးက ‘ ဒီနေ့ ညီလာခံမှာ ဖတ်ကြားသွားတဲ့ သဘောထားအမြင်ပေါ်မှာ သုံးသပ်ချက်ကိုလည်း ရှင်းပြပေးပါဦး။

ဖြေ။ အဓိကကတော့ ညီလာခံနေ့မှာ အဖွဲ့အစည်းအသီးသီး ဟာ သူတို့လိုချင် တာတွေကို ပြောကြတာပေါ့။ နီးစပ်တာတွေရှိသလို တချို့ကလည်း လက်တွေ့ မကျတာတွေ အများကြီးရှိပါတယ်။ ဆွေးနွေးပွဲဆိုတာ မတူတဲ့အမြင်တွေကို တစ်ခုတည်းဖြစ်အောင် ပေါင်းစည်းကြတာ။ အဲဒီအတွက်တော့ စိန်ခေါ်မှုတွေ အများကြီး ရှိပါတယ်။ ‘ဒါပေမယ့် ‘ဒါဟာ အစဖြစ်တဲ့အတွက်ကြောင့် အစပိုင်းမှာ ကိုယ်လိုချင်တာ ကိုယ် ပြောကြတာ ဖြစ်ပါတယ်။ နောက်ပိုင်းမှာ ညှိနှိုင်းရင်း ညှိနှိုင်းရင်းနဲ့ ဘယ်ဟာ လက်တွေ့ကျတယ်၊ ဘယ်ဟာ လက်တွေ့မကျဘူး။ ဘယ်ဟာကတော့ တခြားနိုင်ငံတွေမှာ ရှိတယ်၊ ဘယ်ဟာက တော့ က္ဘာပေါ် မှာ မရှိသေးတာကို တောင်းနေပါလားဆိုပြီး သိလာမှာပါ။

ခွန်မြင့်ထွန်း(ပအိုဝ်းအမျိုးသားလွတ်မြောက်ရေးအဖွဲ့ချုပ်)

မေး။ ပြည်ထောင်စုငြိမ်းချမ်းရေးညီလာခံ-(၂၁) ရာစုပင်လုံ ကျင်းပနေတဲ့အပေါ် သဘောထားအမြင်ကို
ပြောပြပေးပါ။

ဖြေ။ ကျွန်တော်တို့မှာ မျှော်လင့်ချက်သုံးခုရှိပါတယ်။ ဒီနေ့ ဖြစ်တည်လာတဲ့ လူထုအစိုးရဟာ နိုင်ငံရေးအစိုးရ ဖြစ်ပါတယ်။ နိုင်ငံရေးအစိုးရ လက်ထက်မှာ နိုင်ငံရေးပြဿနာ တွေကို အင်အားသုံး ဖြေရှင်းတာမဟုတ်ဘဲနဲ့ ငြိမ်းချမ်းစွာ ဖြေရှင်းနိုင်မယ်လို့ အများကြီးယုံကြည်မျှော်လင့်မိပါ တယ်။ နောက်တစ်ခု ထူးခြားတာကတော့ အရင်တုန်းက အပစ်အခတ် ရပ်စဲရေးဖြစ်စဉ်တွေမှာ နိုင်ငံရေးကို မဆွေးနွေးပါဘူး။ ပြည်သူ လူထုပါဝင်ခွင့် မရရှိခဲ့ပါဘူး။ ဒီကနေ့ဆွေးနွေးပွဲမှာတော့ နိုင်ငံရေး ဆွေးနွေးခွင့်ရမယ်။ ကုလသမဂ္ဂအပါအဝင် နိုင်ငံတကာမိသားစုနဲ့ ပြည်သူလူထုတစ်ရပ်လုံးရဲ့ အားပေးကူညီမှုတွေနဲ့ ဆောင်ရွက်နေ တာဖြစ်ပါတယ်။ ‘ဒါကြောင့် ကျွန်တော် တို့ အောင်မြင်မယ်လို့ ယုံကြည်ပါတယ်။ တစ်ဦးနဲ့တစ်ဦး၊ တစ်ဖက်နဲ့ တစ်ဖက် ပြည်ထောင်ဖက် များအဖြစ် အပြန်အလှန်အသိအမှတ်ပြုပြီး ဖက်ဒရယ် ပြည်ထောင်စုတည်ထောင်ရေးအတွက် သန္နိဋ္ဌာန်ချမှတ်ပြီးNCAကို လက်မှတ်ရေးထိုးနိုင်ခဲ့တာဖြစ်ပါတယ်။ ကျွန်တော်တို့နိုင်ငံသမိုင်းမှာ ပြည်ထောင်စု အစိုးရနဲ့ တိုင်းရင်းသားလက်နက် ကိုင်အဖွဲ့အစည်းတွေရဲ့ အမြင့်မားဆုံးသော သဘောတူစာချုပ် တစ်ရပ်ဖြစ်တဲ့ ငြိမ်းချမ်းရေးအခြေခံအုတ်မြစ်တစ်ရပ်ကို ကျွန်တော်တို့ ရရှိထားပြီးဖြစ်ပါတယ်။

မန်းကြည်ဝင်း (KNU/KNLA Peace Council)

မေး။ ပြည်ထောင်စုငြိမ်းချမ်းရေး ညီလာခံ-(၂၁)ရာစု ပင်လုံ ကျင်းပနေတဲ့အပေါ် သဘောထား အမြင်လေးကို ပြောပြပေးပါ။

ဖြေ။ တိုင်းရင်းသားတွေရဲ့ သဘောထား၊ နိုင်ငံတော်ရဲ့ သဘောထား၊ တပ်မတော်ရဲ့ သဘောထားတွေကို သိလိုက်ရပါတယ်။ အားလုံး ကတော့ ငြိမ်းချမ်းရေးကို လိုလားစွာ နဲ့ (၂၁) ရာစုပင်လုံမှာစုပေါင်းပြီး မူဝါဒတစ်ခု ချမှတ်မယ်လို့ သိရ ပါတယ်။ (၂၁) ရာစုပင်လုံ အောင်မြင်ပါစေလို့ ဆန္ဒရှိပါတယ်။ ဖက်ဒရယ်မူနဲ့ ဖက်ဒရယ်ပြည်ထောင်စု တည်ဆောက်နိုင်အောင် ဆွေးနွေးကြ မှာဖြစ်ပါတယ်။ မတူညီတဲ့အချက်တွေကို တူညီ အောင်ညှိနှိုင်းပြီး အားလုံးက လိုလားတောင့်တတဲ့ ဖက်ဒရယ် ပြည်ထောင်စုဆီကို တက်လှမ်းနိုင်ဖို့ မျှော်လင့် မိပါတယ်။

ဦးစိုင်းကျော်ညွန့်(ရှမ်းတိုင်းရင်းသားများ ဒီမိုကရေစီအဖွဲ့ချုပ်)

မေး။ ပြည်ထောင်စုငြိမ်းချမ်းရေးညီလာခံ -(၂၁)ရာစုပင်လုံ ကျင်းပနေတဲ့အပေါ် သဘောထားအမြင်လေးကို ပြောပြပေးပါ။

ဖြေ။ တိုင်းရင်းသားလူမျိုးတွေတင်ပြတဲ့အထဲမှာတော့ ဖက်ဒရယ်ရဲ့ မူဝါဒတွေရော၊ သဘောထားကြီးကြီးနဲ့ ဘယ်လိုနေထိုင်မယ်ဆိုတာကြားရတယ်။ မြန်မာ အခြေခံတဲ့ ပါတီတွေနဲ့ တိုင်းရင်းသားတွေရဲ့တင်ပြမှုတွေဟာ ခုထိတော့ အတိုင်းအတာတစ်ခုအထိ ကွဲလွဲနေဆဲဖြစ်ပါတယ်။ ဒေါက်တာ တင်မျိုးဝင်း တင်ပြတဲ့အချက်ထဲမှာ ကောင်းတာတွေရှိပါတယ်။ အစိုးရဘက်ကတော့ ဒီမိုကရေစီဖက်ဒရယ်ပြည်ထောင်စုကို မဖြစ်မနေသွားမယ်ဆိုတာ မျိုးကို တော့ တွေ့ရပါတယ်။ အဲဒါက လည်း ကောင်းတဲ့အချက်ဖြစ်ပါတယ်။ တိုင်းရင်းသားတွေနဲ့ ကောင်းကောင်းမွန်မွန် ညှိနှိုင်းပြီးသွားမယ်ဆိုရင်တော့ ကျွန်တော်တို့မျှော်မှန်းထားတဲ့ ဖက်ဒရယ်ကိုရောက်မယ်လို့ မြင်ပါတယ်။ အခွင့်အရေးတစ်ခုဆိုတာ ကြိုးစားစရာမလိုဘဲနဲ့ကို သူဟာနဲ့သူရပြီးသား အဆင့်ရောက်အောင် လုပ်ဆောင်ရမှာ ဖြစ်ပါတယ်။ ပဋိပက္ခတွေကလည်း ခုမှဖြစ်လာတာမဟုတ်တဲ့ အတွက် အကြောင်းအရာတွေကလည်း တစ်ခုတည်းမဟုတ် ပါဘူး။ နောက်ဆုံး ကောက်ရိုးတစ် မျှင်ကြောင့် လှည်းကျိုးသွား တာလည်း ဖြစ်နိုင်ပါတယ်။ ရှေ့မှာလည်း မြောက်မြားစွာသော ပြဿနာတွေ ရှိလာခဲ့တာဖြစ်တဲ့အတွက်ကြောင့် ဒီအရင်းခံ ပြဿနာကို မဖြေရှင်းနိုင်သရွေ့တော့ ဒီငြိမ်းချမ်းရေးကို မလွယ်ကူ ဘူးလို့ ထင်မိပါတယ်။

ဖွဲ့စည်းပုံအခြေခံ ကိုပြင်နိုင်ဖို့အတွက်ပဲ နိုင်ငံရေးဆွေးနွေးပွဲ တွေ လုပ်နေတာပါ။ တိုင်းရင်းသားလက်နက်ကိုင်အဖွဲ့အစည်း တွေနဲ့ တိုင်းရင်းသားပါတီတွေ တင်သွင်းတဲ့စာတမ်းတွေက သိပ်မကွာပါဘူး။ စကားလုံးသာ ကွဲပြားပြီး အနှစ်သာရက အတူတူပါပဲ။ ပင်လုံစာချုပ်၊ ပင်လုံကတိကဝတ်မှာ ပင်လုံ စိတ်ဓာတ်ကိုအခြေခံပြီး ပင်လုံစာချုပ်မှာ မဖော်ဆောင်နိုင်ခဲ့သေး တဲ့အချက် အလက်တွေကို ဖော်ဆောင်နိုင်မှသာလျှင် ဒီနိုင်ငံ ကြီးအေးချမ်းမယ် ဆိုတာကို တိုင်းရင်းသားအဖွဲ့အစည်းအားလုံး က တညီတညွတ်တည်း တင်ပြကြတာဖြစ် ပါတယ်။ တိုင်းရင်းသား ပါတီတွေတင်ပြတဲ့စာတမ်းတွေအားလုံးက ကျွန်တော်တို့ တိုင်းရင်းသားအားလုံးရဲ့ လိုအင်ဆန္ဒတွေပါပဲ။

MOI Webportal Myanmar


ဆေးလိပ်ထုပ်များတွင် သတိပေးရုပ်ပုံနှင့် စာသားများဖော်ပြရမည့် အမိန့်ကြော်ငြာစာသည် ၂၀၁၆ ခုနှစ် စက်တင်ဘာ ၁ ရက်တွင် စတင် အသက်ဝင်ခဲ့ပြီး လိုက်နာမှုမရှိပါက အမြင့်ဆုံးထောင်ဒဏ် နှစ်နှစ်အထိ ချမှတ်နိုင်မည်ဖြစ်ကြောင်း ကျန်းမာရေးနှင့် အားကစားဝန်ကြီးဌာန၏ ထုတ်ပြန်ချက်အရ သိရှိရသည်။

မြန်မာနိုင်ငံသည် ဆေးလိပ်နှင့် ဆေးရွက်ကြီးသောက်သုံးမှု မြင့်မားနေပြီး ပြည်သူ့ ကျန်းမာရေးပြဿနာတရပ်အဖြစ် ရင်ဆိုင်နေရပါကြောင်း စက်တင်ဘာ ၁ ရက် က နေပြည်တော်ရှိ ကျန်းမာရေးနှင့် အားကစားဝန်ကြီးဌာန၌ ကျင်းပသည့် ဆေးလိပ်ဘူးနှင့် ဆေးလိပ်ထုပ်များတွင် သတိပေးရုပ်ပုံနှင့် စာသားများ ပုံနှိပ်ဖော်ပြ ခြင်းဆိုင်ရာ အမိန့်ကြော်ငြာစာ စတင်အာဏာသက်ရောက်ခြင်း အထိမ်းအမှတ်အခမ်းအနားတွင် ကျန်းမာရေးနှင့်အားကစားဝန်ကြီးဌာန အမြဲတမ်းအတွင်းဝန် ပါမောက္ခ ဒေါက်တာသက်ခိုင်ဝင်းက ပြောကြားခဲ့သည်။

''မြန်မာနိုင်ငံမှာ ဆေးလိပ်နဲ့ ဆေးရွက်ကြီးတွေကို ပုံစံအမျိုးမျိုးနဲ့ သုံးစွဲနေကြပါတယ်။ ဒါကြောင့်မို့လို့ အမိန့်ကြော်ငြာစာမှာပါတဲ့အချက်တွေကို ထိရောက်စွာ အကောင်အထည်ဖော်နိုင်ဖို့အတွက် ကျန်းမာရေးနှင့်အားကစားဝန်ကြီးဌာနနှင့်အတူ နှီးနွှယ်ရာဌာနဆိုင်ရာ အဖွဲ့အစည်းတွေအားလုံး ပူးပေါင်းဆောင်ရွက်ကြဖို့ လိုအပ်ပါတယ်''ဟု ၎င်းက ပြောကြားသည်။

ဆေးလိပ်ထုပ်တွင် သတိပေးရုပ်ပုံနှင့် စာသားများ ပုံနှိပ်ဖော်ပြခြင်း ဆိုင်ရာ အမိန့်ကြော်ငြာစာကို ၂၀၁၆ ခုနှစ် ဖေဖော် ၀ါရီ ၂၉ ရက်က ထုတ်ပြန်ခဲ့ပြီး စက်တင်ဘာ ၁ ရက်တွင် စတင်အာဏာသက်ရောက်ခဲ့ခြင်းဖြစ်သည်။

ဆေးလိပ်ထုပ်ဆိုသည်မှာ ဆေးလိပ်ကိုဖြစ်စေ၊ ဆေးရွက်ကြီးကိုဖြစ်စေ စုစည်း၍ ထည့်သွင်းထားသော သို့မဟုတ် ထုပ်ပိုးထားသော ဘူး၊ ပုလင်း၊ ကတ်ပြား သို့မဟုတ် အလားတူ အခြားပစ္စည်းတမျိုးမျိုးကို ဆိုလိုကြောင်း သိရသည်။

၂၀၁၆ ခုနှစ် မြန်မာနိုင်ငံ ဆေးလိပ်နှင့်ဆေးရွက်ကြီးထွက်ပစ္စည်းသောက်သုံးမှု ထိန်းချုပ်ရေးဥပဒေအခန်း(၅) တွင် ကျန်းမာရေးဝန်ကြီးဌာန၏ လုပ်ငန်းတာဝန်များတွင် ''ဆေးလိပ်ထုပ်တွင် ဖော်ပြပါရှိရမည့် ဆေးလိပ် သောက်ခြင်းကြောင့် ကျန်းမာရေးကို ဆိုးရွားစွာ ထိခိုက်စေနိုင်ကြောင်း မြန်မာဘာသာဖြင့် သတိပေးစာသားကို လည်းကောင်း၊ အခြားလိုအပ်သော သတိပေးချက်များကိုလည်းကောင်း သတ်မှတ်ခြင်းပြုလုပ်နိုင် သည်ဟု ဖော်ပြထားသဖြင့် မြန်မာနိုင်ငံတွင် လိုအပ်သည့် အကောင် အထည်ဖော်ရန် ဆေးလိပ်ထုပ်တွင် သတိပေး ရုပ်ပုံနှင့် စာသားများ ပုံနှိပ်ဖော်ပြခြင်းဆိုင်ရာ အမိန့်ကြော်ငြာစာကို ထုတ်ပြန်ခဲ့ခြင်းဖြစ်ကြောင်း အမြဲတမ်း အတွင်းဝန်က ပြောကြားသည်။

အမိန့်ကြော်ငြာစာအရ ဆေးလိပ်နှင့်ဆေးရွက်ကြီးပစ္စည်း ထုတ်လုပ်သူ သည် ဆေးလိပ်ထုပ်ပေါ်တွင် သတိပေးရုပ်ပုံနှင့် စာသားကို ရှေ့မျက်နှာပြင်နှင့် နောက်မျက်နှာပြင်အပေါ်ပိုင်း ၇၅ ရာခိုင်နှုန်းထက် မနည်းစေဘဲ ပုံနှိပ်ဖော်ပြရ မည်ဖြစ်ကြောင်း၊ ယင်း ၇၅ ရာခိုင်နှုန်းတွင် ဆေးလိပ်နှင့် ဆေးရွက်ကြီးသုံးစွဲမှု၏ ဆိုးကျိုးများ သတိ ပေးရုပ်ပုံကို ၅၀ ရာခိုင်နှုန်းနှင့် သတိ ပေးစာသားကို ၂၅ ရာခိုင်နှုန်းဖော်ပြရမည် ဖြစ်ကြောင်း ကျန်းမာရေးနှင့် အားကစားဝန်ကြီးဌာနထံမှ သိရသည်။

သတိပေးရုပ်ပုံနှင့်စာသားများ ပုံနှိပ်ဖော်ပြထားခြင်းမရှိသော ဆေးလိပ် ထုပ်များကို ထုတ်လုပ်ခြင်း၊ ဖြန့်ဖြူးခြင်း၊ ရောင်းချခြင်းပြုလုပ်သူ သို့မဟုတ် ဆေးလိပ်ထုပ်ပိုးရာတွင် လိုက်နာရ မည့်အချက်များကို ဖောက်ဖျက်သူများအား ပထမအကြိမ် ပြစ်မှုကျူးလွန်ပါက ထိုသူအား ငွေဒဏ် နှစ်သောင်းကျပ်မှ ငါးသောင်းကျပ်အထိလည်းကောင်း၊ ဒုတိယအကြိမ် ထပ်မံကျူးလွန်ပါက နှစ်နှစ် ထက်မပိုသော ထောင်ဒဏ်အထိ ချမှတ်ရမည့်အပြင် အနည်းဆုံးငါးသောင်းကျပ်မှ အများဆုံးနှစ်သိန်းကျပ်အထိ ငွေဒဏ်လည်းချမှတ်နိုင်ကြောင်း ပြဋ္ဌာန်းထားသည်ဟု ပြည်သူ့ကျန်းမာရေးဦးစီးဌာန ညွှန်ကြားရေးမှူး ဒေါ်သူဇာချစ်တင်က ပြောသည်။

မြန်မာနိုင်ငံသည် ကမ္ဘာတ၀န်းလုံးတွင် ဆေးလိပ်နှင့် ဆေးရွက်ကြီး သောက်သုံးမှုကို ထိန်းချုပ်နိုင်ရန်အတွက် ဆေးလိပ် နှင့် ဆေးရွက်ကြီးထွက် ပစ္စည်းသောက် သုံးမှုထိန်းချုပ်ရေးအပြည်ပြည်ဆိုင်ရာ ကွန်ဗင်းရှင်းကို ၂၀၀၃ ခုနှစ် အောက်တို ဘာ ၂၃ ရက်တွင် သဘောတူလက်မှတ် ရေးထိုးခဲ့ပြီး ၂၀၀၄ ခုနှစ် ဧပြီ ၂၀ ရက် တွင် အတည်ပြုခဲ့ရာ အဆိုပါကွန်ဗင်းရှင်းကို လက်မှတ်ထိုးသည့် (၁၁)နိုင်ငံမြောက် အဖွဲ့ဝင်နိုင်ငံဖြစ်လာခဲ့သည်။

ထွန်း(နေပြည်တော်)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


ဥဇဘက် နိုင်ငံကို ၁၉၈၉ ခုနှစ်ကတည်းက မစ္စတာ ကာရီမော့ဗ် အုပ်ချုပ်ခဲ့။
ဥဇဘက် ကစ္စတန် အစိုးရက တရားဝင် အတည်ပြုချက် ထုတ်ပြန်တာ မရှိသေးပေမယ့် ဥဇဘက် နိုင်ငံရဲ့ သမ္မတ ဖြစ်သူ အစ္စလာမ် ကာရီမော့ဗ် သေဆုံးသွားပြီလို့ တူရကီ အစိုးရက ပြောပါတယ်။

အသက် ၇၈ နှစ်အရွယ် မစ္စတာ ကာရီမော့ဗ်ကို ဦးနှောက် သွေးလွန်တဲ့ ရောဂါကြောင့် ပြီးခဲ့တဲ့ သီတင်းပတ်က ဆေးရုံ တင်ခဲ့တာပါ။ ဥဇဘက် အစိုးရကတော့ မစ္စတာ ကာရီမော့ဗ် အသည်းအသန် နာမကျန်း ဖြစ်နေတယ် လို့သာ ပြောခဲ့ပါတယ်။

မစ္စတာ ကာရီမော့ဗ် သေဆုံးသွားပြီလို့ တူရကီ ဝန်ကြီးချုပ် ဘင်နာလီ ယီလ်ဒီရင်က ဒီကနေ့ သောကြာနေ့မှာ ရုပ်သံ စည်းဝေးပွဲ တစ်ခုမှာ ပြောခဲ့တာပါ။

မစ္စတာ ကာရီမော့ဗ်ဟာ ဥဇဘက် ကစ္စတန် နိုင်ငံကို ၁၉၈၉ ခုနှစ် ကတည်းက အာဏာရှင် ဆန်ဆန် အုပ်ချုပ်ခဲ့သူ ဖြစ်ပါတယ်။

သူ့နိုင်ငံမှာ တရားဝင် အတိုက်အခံ နိုင်ငံရေး ပါတီ မရှိသလို မီဒီယာကိုလည်း အစိုးရက တင်းတင်းကျပ်ကျပ် ထိန်းချုပ် ထားပြီး၊ သူ့နေရာ ဘယ်သူ ဆက်ခံမယ် ဆိုတာ မရှင်းလင်းသေးပါဘူး။

BBC Burmese
http://www.bbc.com/burmese

ရှေးတုန်းက ဂျပန်ပြည်မှာ ခုခေတ် တိုကျိုမြို့တော်ဖြစ်လာမယ့် အဲဒိုဆိုတဲ့ မြို့ရှိခဲ့ပါတယ်။ အဲဒိုမြို့က တာတာမိ မြက်ဖျာရက်တဲ့ ဆာဘုရိုဘဲဆိုသူဟာ နှစ်သစ်ကူးပွဲတော်အတွက် ပိုက်ဆံ ရွှေဒင်္ဂါးသုံးပြား သွားချေးခဲ့တယ်။ ကံဆိုးချင်တော့ ငွေချေးပြီး အပြန်လမ်းမှာပဲ ပိုက်ဆံအိတ် ကျပျောက်သွားပါတော့တယ်။

ဆာဘုရိုဘဲဟာ အိမ်ပြန်ရောက်မှ ပိုက်ဆံအိတ် ကျပျောက်ခဲ့မှန်းသိပြီး ဆုံးပြီလို့ပဲ စိတ်လျှော့ထားလိုက်ပါတယ်။

သူကျကျန်ခဲ့တဲ့ ပိုက်ဆံအိတ်ကို လက်သမားဆရာ ချောဂျိရိုက ကောက်ရတယ်။ အိတ်ကိုဖွင့်ကြည့်လိုက်တော့ ရွှေဒင်္ဂါးသုံးပြား တွေ့ပေမယ့် ချောဂျိရိုက ဝမ်းမသာဘူး။ သူ့ပိုက်ဆံမှ မဟုတ်တာ၊ ပိုင်ရှင်ကို လိုက်ရှာပြီး ပြန်ပေးရမယ်ဆိုတော့ အလုပ်ရှုပ်တာပေါ့။ ဂျပန်ပြည်မှာ နှစ်သစ်ကူးခါနီးရင် လူတိုင်း အလုပ်များကြတာပဲ။ လက်ခံထားတဲ့အလုပ်တွေကို နှစ်မကူးခင် အပြီးသတ်ရမယ်။ ပြီးတော့၊ မိသားစု နှစ်သစ်ကူးပွဲအတွက် ရိုးရာထုံးစံ ပြင်ဆင်ရတာတွေလည်း အများကြီး။

ပိုက်ဆံအိတ်မှာ ဆာဘုရိုဘဲဆိုတဲ့ နာမယ်ထိုးထားတာကလွဲရင် ဘာမှ လိပ်စာအတိအကျ မသိရတော့ တော်တော်ရှာရခက်မယ်လေ။

ချောဂျိရိုလည်း အလုပ်တွေရပ်ထားပြီး ရွှေဒင်္ဂါးသုံးပြားပိုင်ရှင်ကို လိုက်ရှာရတော့တယ်။ တိုကျိုဖြစ်မလာခင် အဲဒိုမြို့မှာ ခန်ဒါ၊ ဟွန်းဂိုစတဲ့ ရပ်ကွက်ကြီး လေးခုရှိတော့ ချောဂျိရိုက တစ်ရပ်ကွက်ကို တစ်ရက်အချိန်ပေးပြီး လိုက်စုံစမ်းရတယ်။ နောက်ဆုံးမှာတော့ မြက်ဖျာရက်တဲ့ ဆာဘုရိုဘဲကို ဆိုက်ဆိုက်မြိုက်မြိုက် တွေ့ပါတော့တယ်။

ဒါပေမယ့် ဆာဘုရိုဘဲက ရွှေဒင်္ဂါးသုံးပြားကို လက်မခံဘဲ ဇွတ်ငြင်းတော့ ပြဿနာ ဖြစ်ကြပါလေရော။ သူကျပျောက်ခဲ့တာ ရက်အတော်ကြာပြီမို့ အဆုံးထားလိုက်ပါပြီ၊ အချိန်ကုန်လူပန်း လိုက်ရှာပေးရတဲ့ တွေ့သူပဲ ယူလိုက်ပါဆိုပြီး ချောဂျိရိုကို ပြန်ပေးတယ်။ ချောဂျိရိုကလည်း သူ့လုပ်အားမပါဘဲ အချောင်ရတဲ့ ဥစ္စာပစ္စည်းကို မလိုချင်ဘူးဆိုပြီး အတင်းပေးတယ်။
တစ်ယောက်နဲ့တစ်ယောက် အတင်းပေးရင်း အတင်းငြင်းရင်းနဲ့ နောက်ဆုံးတော့ လုံးထွေးသတ်ပုတ်ကြပါလေရော။ (ဒီစာကို ဖတ်ကြည့်ရင် ဘယ်လိုကြီးပါလိမ့်လို့ အတွေးရခက်နေမှာ သိပါတယ်။ တကယ်ဆို တစ်ခြားတိုင်းပြည်တွေမှာ ကောက်တွေ့သူက ပျော်ပျော်ကြီး ယူသွားမှာမို့ ဒီလို ပြဿနာဖြစ်စရာအကြောင်း မရှိဘူး။ ဒါပေမယ့်၊ ခုခေတ်အထိ ဂျပန်လူမျိုးအများစုဟာ ကောက်ရတဲ့ ပစ္စည်းကို ရဲစခန်းမှာ သွားအပ်ကြတာ ကိုယ်တွေ့ပါ။)

လုံးထွေးရန်ဖြစ်နေတဲ့ သူတို့နှစ်ယောက်ကို ရပ်ကွက်က ဖျန်ဖြေပြီး မြို့ဝန် တရားသူကြီးရုံးကို ပို့လိုက်ကြပါတယ်။ တရားသူကြီး အိုးအိုးခဆိုတာ ဂျပန်ရာဇဝင်မှာ နာမယ်ကျော် ပညာရှိကြီးပါ။ မြန်မာနိုင်ငံ တောင်ငူခေတ်နဲ့ တစ်ချိန်တည်း ၁၆၇၇ - ၁၇၅၁ မှာ သက်ရှိထင်ရှား ရှိခဲ့တဲ့ ပုဂ္ဂိုလ်ကြီး ဖြစ်ပြီး သူ့စီရင်ထုံးတွေကို ခုခေတ်ထိ ရုပ်ရှင်၊ ပြဇာတ်တွေ ပြသနေပါတယ်။

မြို့ဝန်တရားသူကြီး အိုးအိုးခက အမှုကို ကြားနာပြီး ရွှေဒင်္ဂါးသုံးပြားကို နှစ်ယောက်စလုံးက ငြင်းဆန်နေတာ သိသွားပါတယ်။ အညီအမျှ ခွဲဝေဖို့ဆိုတာလည်း ဒင်္ဂါးတစ်ပြားကို ထက်ခြမ်းခွဲလိုက်ရင် တန်ဖိုးမဲ့သွားမှာကြောင့် မဖြစ်နိုင်ဘူး။ ဒီတော့ အိုးအိုးခက အလွယ်တကူပဲ စီရင်ဆုံးဖြတ်လိုက်တယ်။

"အငြင်းပွားနေသော ရွှေဒင်္ဂါး သုံးပြားကို အစိုးရဘဏ္ဍာတော်အဖြစ် သိမ်းဆည်းစေ" ဆိုပြီး မင်းချင်းတစ်ယောက်ကို အမိန့်ညွှန်ကြားလွှာနဲ့ ငွေတိုက်ကို ပို့ခိုင်းလိုက်ပါတယ်။

စောစောက ရန်ဖြစ်နေကြတဲ့ လူနှစ်ယောက်လည်း ရွှေဒင်္ဂါးတွေကို အစိုးရက သိမ်းသွားပြီဆိုတော့ ပြဿနာ ပြေလည်သွားပြီ။ တစ်ယောက်နဲ့ တစ်ယောက် အပြန်အလှန် လေးလေးစားစား ဦးညွှတ်ရင်း "ယောရောရှိကု" လုပ်နေကြပြီ။ မြို့ဝန်မင်းကို အရိုအသေပေးပြီး ပြန်တော့မယ်ဆိုတော့ အိုးအိုးခက သူတို့ကို တားတယ်။

"မောင်မင်းတို့ နှစ်ဦးဟာ ရိုးသားဖြောင့်မတ်ပြီး အချောင်လိုချင်စိတ်မရှိသူတွေ ဖြစ်တဲ့အတွက် ဆုချရဦးမယ်" လို့ မိန့်ကြားတယ်။ ပြီးတော့ ငွေတိုက်က ပြန်လာသူ မင်းချင်းယူလာတဲ့ စာအိတ်နှစ်အိတ်ကို တစ်ယောက်တစ်အိတ်စီ ပေးလိုက်ပါတယ်။

ဆာဘုရိုဘဲနဲ့ ချောဂျိရိုက စာအိတ်တွေကို ဖွင့်ကြည့်တဲ့အခါ အထဲမှာ ရွှေဒင်္ဂါး နှစ်ပြားစီ တွေ့တယ်။ ဟင်… သူတို့ အငြင်းပွားတာ ရွှေဒင်္ဂါး သုံးပြား၊ ခုတော့ ဘယ်က တစ်ပြား ပိုလာပြီး စုစုပေါင်း လေးပြားဖြစ်နေပါလိမ့်ဆိုပြီး မြို့ဝန်မင်းကို ဇဝေဇဝါ ကြည့်ကြတယ်။

ရိုးသားဖြောင့်မတ်တဲ့ မြို့သားနှစ်ယောက်ကို ဆုချဖို့ အစိုးရဘဏ္ဍာထဲက ရွှေဒင်္ဂါးတစ်ပြား မြို့ဝန်က အသုံးပြုလိုက်တာပဲ ဖြစ်ပါတယ်။

ဒီတော့ ငွေပျောက်သူ ဆာဘုရိုဘဲလည်း ကျေနပ်၊ အလုပ်ပျက်အကိုင်ပျက် လိုက်ရှာပေးရတဲ့ ချောဂျိရိုလည်း ကျေနပ်၊ တရားစီရင်တဲ့ မြို့ဝန်လည်း ကျေနပ်သွားကြပါတယ်။ အားလုံးကျေနပ်အောင် ဒီလို ပြဿနာ ဖြေရှင်းနည်းမျိုးကို ဂျပန်လို ဝ နော့ဂိုင်းနင်း (Concept of Wa) လို့ခေါ်ပါတယ်။ "သဟဇာတ ညီညွတ်မျှတစွာ ဖြေရှင်းနည်း" လို့ ခေါ်ရပါလိမ့်မယ်။ (ဒီအကြောင်းအရာနဲ့ ပတ်သက်လို့ အနောက်တိုင်းပညာရှင်တွေ အသေအချာ လေ့လာဆွေးနွေးထားတာ ရှိပါတယ်။)

ဒါဖြင့်ရင် ဒီဖြေရှင်းနည်းရဲ့ အရှုံးအမြတ်ကို တွက်ကြည့်ကြရအောင်။ အရှုံးအနေနဲ့ တွက်ချက်မယ်ဆိုရင် မူလက ရွှေဒင်္ဂါးသုံးပြားရှိခဲ့တဲ့ ဆာဘုရိုဘဲဟာ အခုတော့ နှစ်ပြားပဲ ရှိတော့လို့ တစ်ပြားရှုံးတယ်။ ချောဂျိရိုလည်း ကောက်ရတဲ့အချိန်မှာ သုံးပြားပေမယ့် ခုချိန်မှာ နှစ်ပြားပဲရှိတာကြောင့် တစ်ပြားရှုံးတယ်။ မြို့ဝန်အိုးအိုးခလည်း ဘဏ္ဍာတိုက်ထဲက ရွှေဒင်္ဂါးတစ်ပြား ထုတ်ပေးလိုက်ရလို့ တစ်ပြားရှုံးတယ်။

အမြတ်ဖက်ကကြည့်ပြန်တော့၊ ရွှေဒင်္ဂါး တွေ တစ်ပြားမကျန် ဆုံးရှုံးသွားတဲ့ ဆာဘုရိုဘဲက နှစ်ပြားပြန်ရလို့ နှစ်ပြားမြတ်တာပေါ့။ အရင်က တစ်ပြားမှမရှိတဲ့ ချောဂျိရိုလည်း အမှုပြီးတဲ့အခါ ရွှေဒင်္ဂါးနှစ်ပြား အမြတ်ထွက်တယ်လေ။

ဒါဖြင့်၊ မြို့ဝန်အိုးအိုးခက ဘာအမြတ်ထွက်သလဲ။ စာရိတ္တကောင်းမွန်ပြီး ရိုးသားဖြောင့်မတ်တဲ့ မြို့သားနှစ်ယောက်ကို ဆုလာဘ်ချီးမြှင့်ပြီး မြို့သူမြို့သားအားလုံးအတွက် စံနမူနာယူစရာ ဂုဏ်ပြုလိုက်ရတာဟာ ရွှေထက်မက တန်ဖိုးရှိပါသတဲ့။

အရှုံးဖက်ကကြည့်ကြည့်၊ အမြတ်ဖက်ကကြည့်ကြည့် တန်းတူညီမျှမို့ ဆရာကြီး သခင်ကိုယ်တော်မှိုင်း ပြောခဲ့သလို "သူမသာ ကိုယ်မနာ ငြိမ်းချမ်းရေး" နည်းလမ်းပါပဲ။

ကျနော်တို့ ပြည်ထောင်စုသားတွေ မျှော်လင့်အားထားနေကြတဲ့ ၂၁ ရာစု ပင်လုံညီလာခံ ကျင်းပနေဆဲအချိန်မှာ ကျနော် ဒီပို့စ်ကို ရည်ရွယ်ချက်ရှိရှိ ရေးခဲ့တာ ဖြစ်ပါတယ်။ စစ်တပ်နဲ့ တိုင်းရင်းသားများရဲ့ လက်နက်ကိုင် ပဋိပက္ခကို ဖြေရှင်းဖို့ ကြိုးစားခဲ့တာ နှစ် ၆၀ လောက်ရှိခဲ့ပါပြီ။ (တကယ်စိတ်မပါဘဲ ဖြေရှင်းချင်ယောင်ဆောင်တာလည်း အများကြီး ဖြစ်နိုင်ပါတယ်။)

အခုတော့၊ ပြည်သူတွေ အားကိုးကြတဲ့ ဒီမိုကရေစီခေါင်းဆောင် ဒေါ်အောင်ဆန်းစုကြည် ဦးဆောင်ပြီး ဖြေရှင်းပေးဖို့ ကြိုးစားနေတာ အများအသိပါပဲ။ အရင်တုန်းကလို ပွဲပြီးမီးသေ အပြောတစ်မျိုး အလုပ်တစ်မျိုး မဟုတ်ဖူးဆိုတာကိုလည်း လက်ရှိ ကုလသမဂ္ဂအတွင်းရေးမှူးချုပ် ဘန်ကီမွန်းကို ဖိတ်ကြား သက်သေထားတာ ဖြစ်ပါတယ်။ တရားမျှတစွာ ဖြေရှင်းပြီး ဆုံးဖြတ်ချက်ကို လေးစားလိုက်နာမယ်ဆိုတာ ကမ္ဘာကို သက်သေတိုင်တာပါ။

ခုနကပြောခဲ့တဲ့ ဂျပန်ပြည်က ဖြစ်ရပ်လိုပဲ ဒေါ်အောင်ဆန်းစုကြည်ဟာ မြို့ဝန်တရားသူကြီး အိုးအိုးခနေရာက တာဝန်ယူကိုင်တွယ်ပါလိမ့်မယ်။ တိုင်းရင်းသားတွေဖက်၊ စစ်တပ်ဖက်ကို မျှမျှတတ သမာသမတ်ကျကျ ဖြေရှင်းပေးဖို့ သူဦးဆောင်တဲ့ အစိုးရဖက်က လိုအပ်တာမှန်သမျှ စိုက်ထုတ်ဆောင်ရွက်ပေးမယ်ဆိုတာ အကြွင်းမဲ့ ယုံကြည်ပါတယ်။

ဒီလို ခေါင်းဆောင်ကောင်းနဲ့ အခွင့်အခါကောင်းကြုံတဲ့အခိုက် ငြိမ်းချမ်းရေးပန်းတိုင်ကို မိမိရရလှမ်းကိုင်နိုင်ပါစေလို့ ရင်ထဲက ပြင်းပြင်းပြပြ ဆုတောင်းလိုက်ရပါတယ်။

Min Myat Maung FB



ပြည်ထောင်စုငြိမ်းချမ်းရေးညီလာခံ ၂၁ရာစုပင်လုံ တတိယနေ့ သဘာပတိမှ အဖွင့်အမှာစကားပြောကြားစဉ်။ ( စက်တင်ဘာ ၂၊ ၂၀၁၆)
ပြည်ထောင်စုငြိမ်းချမ်းရေးညီလာခံ -၂၁ရာစုပင်လုံ တတိယနေ့အဖြစ် ဒီကနေ့ ဆက်လက် ကျင်းပရာမှာ 'ဝ' အမျိုးသားစည်းလုံးညီညွတ်ရေးပါတီက ‘ဝ’ ပြည်နယ် ဖွဲ့စည်းရေးကို တင်ပြတောင်းဆိုလိုက်ပြီး ပြည်နယ်ဖွဲ့စည်းရာမှာ လက်ရှိ ‘ဝ’ ကိုယ်ပိုင် အုပ်ချုပ်ခွင့်ရတိုင်းက ၆မြို့နယ်နဲ့အတူ ကျိုင်းတုံဒေသက မြို့နယ် တွေကို ပါ ထည့်သွင်းပေးဖို့ တင်ပြထားပါတယ်။ ဒီသတင်းကိုတော့ ဗွီအိုအေမြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။

ပြည်ထောင်စုငြိမ်းချမ်းရေးညီလာခံ -၂၁ရာစုပင်လုံ တတိယနေ့မှာ သက်ဆိုင်ရာ ကိုယ်စားလှယ်အသီးသီးက မိမိတို့ရဲ့ သဘောထားအမြင်တွေကို တင်ပြကြရာမှာ 'ဝ' အမျိုးသားစည်းလုံး ညီညွတ်ရေးပါတီ တွဲဘက်အထွေထွေအတွင်းရေးမှူး ၂ ဦးညီနပ်က တင်ပြတောင်းဆိုခဲ့တာဖြစ်ပါတယ်။

" ဝတိုင်းရင်းသားလူမျိုးစုသည် တိုင်းရင်းသားစစ်စစ် ဖြစ်သလို သမိုင်း အစဉ်အလာရှိသော လူမျိုးစုဖြစ်ပြီး ပြည်ထောင်စုဝင် ပြည်နယ်ဖြစ်ရန် လိုအပ်သော အရည်အချင်း(၇)ချက်နှင့်လည်း ပြည့်မှီဖြစ်တဲ့အတွက်ကြောင့် လက်ရှိ ဝ ကိုယ်ပိုင်အုပ်ချုပ်ခွင့်ရ အတိုင်း ခြောက်မြို့နယ်နှင့် ကျိုင်းတုံဒေသ (၁၀) မြို့နယ်ကို ပြည်ထောင်စုဝင် ဝပြည်နယ်အဖြစ် ပြန်လည်အသိအမှတ်ပြုပေးနိုင်ပါရန် ကျိုင်းတုံမြို့ပြနိုင်ငံ ရှေးဟောင်းပစ္စည်းများ မပျောက်ပျက်ပဲ ထိန်းသိမ်း ထားနိုင်ရန် နိုင်ငံတော် ၏ ရှေးဟောင်း အမွေအနှစ်အဖြစ် ပြန်လည် သတ်မှတ်ပေးပါရန် လေးနက်ရိုသေစွာ တောင်းဆိုရင်း တင်ပြရင်း နိဂုံးချုပ်အပ်ပါတယ်။"
ဦးညီနပ် (ဝအမျိုးသားစည်းလုံးညီညွှတ်ရေးပါတီ)

ဦးညီနပ် (ဝအမျိုးသားစည်းလုံးညီညွှတ်ရေးပါတီ)

ဦးညီနပ်ဟာ‘၀’ ကိုယ်ပိုင် အုပ်ချုပ်ခွင့်ရတိုင်း မက်မန်းမြို့နယ်ရဲ့ ပြည်နယ် လွှတ်တော် ကိုယ်စားလှယ် လည်း ဖြစ်ပါတယ်။

‘ဝ’ဒီမိုကရက်တစ်ပါတီက ‘ဝ’ ကိုယ်ပိုင်အုပ်ချုပ်ခွင့်ရတိုင်းရဲ့ အမျိုးသား လွှတ်တော် ကိုယ်စားလှယ်ဟောင်း ဦးစိုင်းပေါင်းနပ်က ‘ဝ’ ပြည်နယ် ဖွဲ့စည်းရေးကို လွတ်လပ်ရေး ရယူစဉ်ကတည်းက တောင်းဆိုခဲ့တာဖြစ်ကြောင်း ပြောပါတယ်။

" ကျနော်တို့ ဒီဝပြည်နယ် တောင်းဆိုထားတာကတော့ အခုမှ မဟုတ်ဘူးလေ။ အခုဦးညီနပ်တို့ တောင်းမှ ပဲ တောင်းနေတာတော့ မဟုတ်ဘူး။ ဒီဥစ္စာက ဟိုး ကျနော်တို့ လွတ်လပ်ရေး ရကတည်းကကို ဒါက ရှေးက ဝ ခေါင်းဆောင်တွေ ကလည်း သီးခြား ဒါက ကျနော်တို့ ရှမ်းပြည်နယ်နဲ့ ပေါင်းစပ်လို့ မဖြစ်ဘူးဆိုမှ တင်ပြခဲ့တယ် သို့သော် အခြေအနေအမျိုးမျိုးက မပေးတဲ့အတွက်ကြောင့် လွတ်လပ်ရေး ယူတော့ ယူလိုက်တာပေါ့ဗျာ။ ကျနော်တို့ကို ဆက်လက်ပြီးတော့ ရှမ်းပြည်နယ်နဲ့ ပူးပေါင်းတယ်။ "

၁၉၄၇ဖွဲ့စည်းပုံအခြေခံဥပဒေရေးဆွဲစဉ်ကလည်း ‘၀’ လူငယ်တွေက တောင်းဆိုခဲ့ သလို ၂၀၀၈ဖွဲ့စည်းပုံ အခြေခံဥပဒေအတွက် အခြေခံမူချမှတ်တဲ့ အမျိုးသား ညီလာခံမှာလည်း ‘၀’ ကိုယ်စားလှယ်တွေနဲ့ အပစ်ရပ် ‘၀’ လက်နက်ကိုင် အဖွဲ့က တောင်းဆိုခဲ့ဖူးကြောင်းနဲ့ ၂၀၁၀ရွေးကောက်ပွဲနောက်ပိုင်း လွှတ်တော် အတွင်းမှာလည်း သူကိုယ်တိုင် တောင်းဆိုခဲ့ဖူးကြောင်း ပြောပါတယ်။

ဒီလို ပြည်နယ်ဖွဲ့စည်းရေးတောင်းဆိုချက်ကိုတော့ နိုင်ငံရေးနည်း နဲ့ ဖြေရှင်းကြ ရမှာ ဖြစ်ကြောင်း ဦးစိုင်းပေါင်းနပ်က ပြောပါတယ်။

" ဘာပဲဖြစ်ဖြစ် ကျနော်တို့ နိုင်ငံရေးနည်းနဲ့ ဆွေးနွေးကြတယ်ဆိုရင်တော့ ထိခိုက်ကြတယ် ဘယ်လိုပြောမလဲ သွေးထွက်သံယိုပြဿနာတွေ မဟုတ်ဘူး။ နိုင်ငံရေး သဘောအရပဲ ဆွေးနွေးရှင်းလင်းပြောဆိုကြမယ်။ ကျနော်တို့ကိုယ်တိုင်ကပဲ နိုင်ငံရေး သဘောအရပဲ ဝိုင်းဝန်းဖြေရှင်းကြဖို့ပဲ။"

‘၀ ’ ပြည်နယ်အတွင်းမှာ လက်ရှိ ကျိုင်းတုံဒေသကနယ်မြေတွေ ထည့်သွင်းတောင်းဆို ထားတဲ့အပေါ်မှာ ရှမ်းပြည်တိုးတက်ရေးပါတီ SSPP/SSA မြောက်ပိုင်းရဲ့ ဒုဥက္ကဋ္ဌ ဦးစပ်ခွန်ဆိုင်ကတော့ သူ့အမြင်ကို အခုလိုပြောပါတယ်။

" ဒါကတော့ သူတို့အခွင့်အရေး သူတို့ရဲ့ Rights ကို ဒါကတော့ သူတို့က သူတို့ရှု့ထောင့်ကနေ သူတို့ တင်မှာပေါ့။ ဒါကတော့ ဒီမိုကရေစီကာလမှာ သူ့အမြင် ကိုယ့်အမြင် တင်ပြခွင့်ရတာပဲ ဒါ သဘာဝ ကျပါတယ်။ ခေတ်ရဲ့ နိုင်ငံရေး ယဉ်ကျေးမှုပါ။ ကျနော်တို့ကတော့ တဦးနဲ့တဦး ပြဿနာကို နိုင်ငံရေးစားပွဲဝိုင်းပေါ်မှာ တန်းတူမျှတ ပြေပြေလည်လည် ကျေကျေလည်လည် ကျနော်တို့ ဆွေးနွေးကြဖို့ပဲ လိုပါတယ်။"

‘၀’ ပြည်နယ်ဖွဲ့စည်းရေးကို မြန်မာပြည်က အင်အားကြီး တိုင်းရင်းသားလက်နက်ကိုင် အဖွဲ့တခုဖြစ်တဲ့ ‘ ၀’ ပြည်သွေးစည်းညီညွတ်ရေးပါတီUWSP/ UWSA ကလည်း တောင်းဆိုထားတာဖြစ်ပါတယ်။

‘ ၀’ ပြည်သွေးစည်းညီညွတ်ရေးပါတီက ညီလာခံတက်ရောက်လာတဲ့ ကိုယ်စားလှယ် အဖွဲ့ဟာ ကြာသပတေးနေ့က လေ့လာသူအဖြစ် တက်ရောက်ခွင့် ပေးခဲ့တာကြောင့် တန်းတူမှုမရှိဘူး ဆိုပြီး ညီလာခံကနေ ထွက်ခွာခဲ့ပါတယ်။

ဒီကနေ့မှာတော့ ငြိမ်းချမ်းရေးကော်မရှင် ဒုဥက္ကဋ္ဌ ဦးသိန်းဇော်က တန်းတူညီတူ သဘောထားကြောင်းနဲ့ ညီလာခံအတွင်း စီမံခန့်ခွဲမှုအားနည်းချက်တချို့ကြောင့် အဆင်မပြေဖြစ်ရတာကို နားလည်ပေးဖို့ မေတ္တာရပ်ခံစာပေးပို့ခဲ့ပါတယ်။

‘၀’ ကိုယ်ပိုင်အုပ်ချုပ်ခွင့်ရတိုင်းက ပြည်နယ်တောင်းဆိုနေသလို ရှမ်းပြည်နယ်က ပလောင် ၊ ပအိုဝ်းစတဲ့ ကိုယ်ပိုင်အုပ်ချုပ်ခွင့်ရဒေသတွေနဲ့ စစ်ကိုင်းတိုင်ဒေသကြီး အတွင်းက နာဂကိုယ်ပိုင်အုပ်ချုပ်ခွင့်ရဒေသတွေ ကလည်း ပြည်နယ်ဖွဲ့စည်းရေး အတွက် တောင်းဆိုဖို့ ပြင်ဆင်တာတွေရှိနေလို့ သတင်းတွေ ထွက်ပေါ်နေပါတယ်။

 ကိုမိုးဇော် / ဗွီအိုအေ (မြန်မာပိုင်း)
http://burmese.voanews.com

Samsung ကုမ္ပဏီက Galaxy Note 7 Smartphone တွေ ရောင်းတာကို ဒီကနေ့ ရပ်ထားလိုက်ပါတယ်။ ဒီဖုန်းအမျိုးအစားထဲက တချို့ဖုန်းတွေကို အားသွင်းနေရင်း ပေါက်ကွဲ မီးလောင်တာတွေ ဖြစ်ပြီးတဲ့နောက် စထုတ်ပြီး သီတင်းနှစ်ပတ်ပဲ ရှိသေးတဲ့အချိန်မှာ ဆက်မရောင်းဘဲ ရပ်ထားလိုက်တာပါ။

Note 7 ကို ၀ယ်ထားသူတွေအနေနဲ့ ဘယ်အချိန်တုန်းကပဲ ၀ယ်ထားဝယ်ထား Smartphone အသစ်တွေနဲ့ ပြန်လဲပေးမယ်လို့ Samsung ကုမ္ပဏီရဲ့ မိုဘိုင်းလ်ဖုန်းလုပ်ငန်းပိုင်း ဥက္ကဋ္ဌ Koh Dong-jin ကပြောပါတယ်။

သူတို့ရောင်းထားတဲ့ ဘယ်ဖုန်းဟာ အန္တရာယ်ဖြစ်စေတယ်ဆိုိတာကို အတိအကျ သိနိုင်တဲ့နည်းလမ်း ရှာမတွေ့တဲ့အတွက် တကမ္ဘာလုံးမှာရောင်းထားတဲ့ ဖုန်းတွေ အားလုံးကို ပြန်လာအပ်ဖို့ Samsung က ကြေညာထားပါတယ်။ ဒီလိုပြန်သိမ်းရတာ ဒါဟာ ပထမဆုံးအကြိမ် ဖြစ်ဖွယ်ရှိပါတယ်။

တောင်ကိုရီးယားနဲ့ အမေရိကန်အပါအ၀င် နိုင်ငံ ၁၀ နိုင်ငံမှာရောင်းနေတဲ့ Note 7 ဖုန်းတွေကို ပြန် သိမ်းလိုက်ပါပြီ။ သူတို့ဖုန်းတွေအတွက် ဘက်ထရီလုပ်ပေးတဲ့ ကုမ္ပဏီနှစ်ခုထဲမှာ တခုရဲ့ ဘက်ထရီက မီးလောင်စေနိုင်တာကို ကုမ္ပဏီရဲ့ စုံစမ်း စစ်ဆေးမှုကနေ တွေ့ရတယ်လို့ ဥက္ကဋ္ဌ Koh Dong-jin ကပြောပေမဲ့ အဲ့ဒီ့ကုမ္ပဏီနာမည်ကိုတော့ မပြောပါဘူး။

ဒီပြဿနာကြောင့် ထိခိုက်ဒဏ်ရာရတဲ့ သတင်းမျိုးတွေတော့ မကြားရသေးပါဘူး။ ဒီဖုန်းအလုံးပေါင်း ၂ သန်းခွဲလောက် ထုတ်ထား ပြီး သြဂုတ်လ ၁၉ ရက်နေ့မှာ စရောင်းကတည်းကဆိုရင် အလုံးရေ ၁ သန်းကျော် ရောင်းထားပြီးပြီလို့ Samsung ကပြောပါတယ်။ တရုတ်နိုင်ငံမှာတော့ ဒီဖုန်း တွေရောင်းတာကို မရပ်ပါဘူး။ တရုတ်မှာရောင်းနေတဲ့ Note 7 ဖုန်းတွေမှာ သုံးတဲ့ဘက်ထရီက နောက်ထပ် ကုမ္ပဏီတခုကသွင်းတဲ့ ဘက်ထရီကို အသုံးပြုထားတာလို့ Samsung ကပြောပါတယ်။

ဗွီအိုအေ (မြန်မာပိုင်း)
http://burmese.voanews.com


ပြည်ထောင်စု ငြိမ်းချမ်းရေး ညီလာခံ-(၂၁)ရာစု ပင်လုံ တတိယနေ့ သို့ တက်ရောက်လာသော တပ်မတော်သား ကိုယ်စားလှယ်များအား တွေ့ ရစဉ်(ဆင်ဟွာ)
    ရန်ကုန် ၊ စက်တင်ဘာ ၂ ရက်(ဆင်ဟွာ)

    ပြည်ထောင်စု ငြိမ်းချမ်းရေး ညီလာခံ-(၂၁)ရာစု ပင်လုံ တတိယနေ့ တွင် တပ်မတော်သား ကိုယ်စားလှယ် အစုအဖွဲ့ မှ နိုင်ငံတော်၏ မူဝါဒများ အပိုင်းအား သဘောထား အမြင်များ တင်ပြရာတွင် တစ်ခုတည်းသော တပ်မတော် ထားရှိရေးအား အဓိကထား တင်ပြခဲ့သည်။

တပ်မတော်သား ကိုယ်စားလှယ် အစုအဖွဲ့ မှ ဗိုလ်မှူးကြီး မင်းဦးက မြန်မာနိုင်ငံ၏ ကာကွယ်ရေး နှင့် လုံခြုံ ရှင်သန်စွာ နေထိုင်နိုင်ရေး ၊ အချုပ်အခြာ အာဏာ တည်တံ့ ခိုင်မြဲရေး တို့ အတွက် တပ်မတော်ကို အဆင့်မြင့် တပ်မတော် တစ်ခု ဖြစ်အောင် ကြိုးပမ်း ဆောင်ရွက် သွားကြရမည် ဖြစ်ကြောင်း ၊ ကမ္ဘာ့ နိုင်ငံ အသီးသီးတွင် ကာကွယ်ရေး အတွက် တပ်မတော် တစ်ရပ်သာ ထားရှိကြသည့် မူဝါဒ အတိုင်း တစ်ခုတည်းသော တပ်မတော်ကို တည်ဆောက်သွားရန် မဖြစ်မနေ လိုအပ်ကြောင်း တင်ပြခဲ့သည်။

ထို့ ကြောင့် ပြည်ထောင်စု တပ်မတော် တစ်ခုတည်းကိုသာ အင်အား တောင့်တင်းရန် ၊ စွမ်းရည် ထက်မြက်ရန် ၊ ခေတ်မီ တပ်မတော် ဖြစ်ရန် အတွက် စနစ်တကျ ခိုင်မာစွာ ဖွဲ့ စည်း ဆောင်ရွက်သွားကြမည် ဖြစ်ကြောင်း ၊ ဖွဲ့ စည်းပုံ အခြေခံ ဥပဒေ ပုဒ်မ ၃၃၈ တွင် နိုင်ငံတော် အတွင်းရှိ လက်နက်ကိုင် အဖွဲ့ အစည်း အားလုံးသည် တပ်မတော်၏ ကွပ်ကဲမှု အောက်တွင် ရှိသည်ဟု ပြဌာန်းထားခြင်းသည် တစ်ခုတည်းသော တပ်မတော် ထားရှိရေး မူဝါဒ သာ ဖြစ်ကြောင်း ထည့်သွင်း တင်ပြခဲ့သည်။

ထို့ ပြင် နိုင်ငံတော် ကာကွယ်ရေး နှင့် လုံခြုံရေး ဆိုင်ရာ အခြေခံသင့်သည့် မှုများ အပိုင်းမှ တပ်မတော်၏ မူဝါဒများအား ဒုတိယ ဗိုလ်မှူးကြီး ဇော်ဦး က လည်းကောင်း ၊ လက်နက်ကိုင် လမ်းစဉ်များ ချုပ်ငြိမ်းစေရေး အတွက် အခြေခံရမည့် လုပ်ငန်းစဉ်များအား ဗိုလ်မှူးကြီး ဇော်ဝင်းမြင့် က လည်းကောင်း အသီးသီး တင်ပြခဲ့သည်။

ပြည်ထောင်စု ငြိမ်းချမ်းရေး ညီလာခံ-(၂၁)ရာစု ပင်လုံ တတိယနေ့ တွင် အစိုးရ ၊ တပ်မတော် ၊ လွှတ်တော် ၊ တိုင်းရင်းသား လက်နက်ကိုင် အဖွဲ့ အစည်း ၊ နိုင်ငံရေး ပါတီ စုစုပေါင်း ကိုယ်စားလှယ် ၃၃ ဦးက သဘောထား အမြင်များအား တင်ပြကြမည် ဖြစ်ကြောင်း သိရသည်။

(Xinhua)
http://www.xinhuamyanmar.com/myanmar


နေပြည်တော် စက်တင်ဘာ ၂

ရန်ကုန်-မန္တလေး အမြန်လမ်းမကြီးတွင် သတ်မှတ်အမြန်နှုန်း ကျော် လွန်မောင်းနှင် သော မော်တော်ယာဉ်များကို ဖမ်းဆီးအရေးယူလျက်ရှိရာ ယနေ့တွင် မော်တော်ယာဉ် (၂၆)စီးကို ဖမ်းဆီးအရေးယူခဲ့ကြောင်း သိရသည်။

သတ်မှတ်အမြန်နှုန်းထက် ပိုမို အရှိန်ပြင်းမောင်းနှင်သော မော်တော်ယာဉ်များကို ယနေ့နံနက် (၇)နာရီမှ ညနေ (၅)နာရီအတွင်း အရှိန်နှုန်းတိုင်းတာစက်များ အသုံးပြု၍ တိုင်းတာစစ်ဆေးခြင်းကို ပလွေးလမ်းမကြီးတွင် ရဲအုပ်ဇော်လှိုင်ထွန်း ဦးစီး၍ လည်းကောင်း၊ နေပြည်တော် တိုးဂိတ် (စီလမ်းဆုံ)တွင် အမြန်လမ်း ရဲတပ်ဖွဲ့မှ ရဲမှူး ရန်နောင်ဝင်း ဦးစီး၍ တပ်ဖွဲ့ဝင်များနှင့် ပူးပေါင်းအဖွဲ့ဝင်များသည် လည်းကောင်း သတ်မှတ်အမြန်နှုန်းထက် ပိုမိုမောင်းနှင်သော မော်တော်ယာဉ် (၂၆)စီးကို ဖမ်းဆီး စစ်ဆေးပြီး ဇမ္ဗူသီရိမြို့နယ် မော်တော်ယာဉ် စည်းကမ်း တရားရုံးသို့ တရားစွဲတင်ပို့ခဲ့ သည်။

ထိုသို့တရားစွဲတင်ပို့ရာ၌ အရှိန်နှုန်းလွန်ယာဉ်(၁၃)စီးအား နေ့ချင်းပြီး တရားစွဲ တင် ဒဏ်ငွေချမှတ်အရေးယူခဲ့ပြီး ကျန်ယာဉ် (၁၃)စီးအား ဇမ္ဗူသီရိမြို့နယ် တရားရုံးသို့ ယာဉ်မောင်းများကိုယ်တိုင် ဒဏ်ကြေးပေးဆောင်စေ ခြင်းဖြင့် အရေးယူဆောင် ရွက်သွား မည်ဖြစ်ကြောင်း အမြန်လမ်းရဲတပ်ဖွဲ့မှ သိရသည်။

သန်းဦး (လေးမျက်နှာ)
MOI Webportal Myanmar
https://www.facebook.com/MOIWebportalMyanmar


လာအိုနိုင်ငံ ၊ ဗီယန်ကျင်းမြို့မှာ ကျင်းပမယ့် ၂၈ နဲ့ ၂၉ ကြိမ်မြောက် အာဆီယံထိပ်သီးအစည်းအဝေးနဲ့ ဆက်စပ်အစည်းအဝေးတွေ ကို နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တက်ရောက် မှာဖြစ်တယ်လို့ နိုင်ငံခြားရေးဝန်ကြီးဌာန ပြောရေးဆိုခွင့်ရှိသူ ဒေါ်အေးအေးစိုး က 5plus ကိုအတည်ပြုပါတယ်။

 နိုင်ငံတော်၏အတိုင်ပင်ခံပုဂ္ဂိုလ် အနေနဲ့ အခုလ အစောပိုင်းမှာ လာအိုနိုင်ငံကို သွားရောက်မှာဖြစ်တယ်လို့လည်း ဆိုပါတယ်။

 ၂၈ နဲ့ ၂၉ ကြိမ်မြောက် အာဆီယံထိပ်သီးအစည်းအဝေးနဲ့ ဆက်စပ်အစည်းအဝေးတွေကို လာအိုနိုင်ငံ ၊ ဗီယန်ကျင်းမြို့ရှိ အမျိုးသားကွန်ဗန်းရှင်းစင်တာမှာ စက်တင်ဘာလ ၆ ရက်ကနေ ၈ ရက်နေ့အထိ ကျင်းပပြုလုပ်မှာဖြစ်ပါတယ်။

 အဲဒီအစည်းအဝေးတွေကို အာဆီယံ (၁၀) နိုင်ငံက ခေါင်းဆောင်တွေအပြင် တရုတ် ၊ ဂျပန် ၊ ကိုရီးယား ၊ ရုရှား ၊ သြစတေးလျ ၊ နယူးဇီလန် နဲ့ အမေရိကန်နိုင်ငံတွေ က ထိပ်သီးခေါင်းဆောင်တွေလည်း တက်ရောက်မှာဖြစ်တယ်လို့ လာအိုနိုင်ငံခြားရေး ၀န်ကြီးဌာနက သတင်းထုတ်ပြန်ထားပါတယ်။

ဓာတ်ပုံ - MOFA
5 Plus News
https://www.facebook.com/5plusnews


မြင့်ဆန်းအောင်နဲ့ ထိန်လင်းရေ။ မင်းတို့နာမည်တွေက အလက်ဇန်းဒါးအဲရစ် (Alexander Aris) နဲ့ ကင်မ်အဲရစ် (Kim Aris) ဆိုတာသိပေမယ့် မြန်မာနာမည်လေးတွေလည်း ရှိကြသမို့ ချစ်တဲ့စိတ်နဲ့ မြန်မာနာမည်လေးတွေကို ခေါ်လိုက်ပါတယ်။ တကယ်တော့ ဘယ်နာမည်ပဲခေါ်ခေါ် အဓိက,ကတော့ လူတယောက်မှာ စိတ်ဓာတ်က အဓိကဆိုတာသိပါ တယ်။ မောင်ရင်တို့လို အမျိုးသားခေါင်းဆောင်ကြီး ဗိုလ်ချုပ်အောင်ဆန်းရဲ့ မြေး၊ လူထုခေါင်းဆောင်နိုင်ငံတော်၏ အတိုင်ပင်ခံပုဂ္ဂိုလ်ဒေါ်အောင်ဆန်း စုကြည်ရဲ့သားတွေကို မင်းနဲ့ငါနဲ့ ခေါ်ရပြောရတာကိုတော့ ခွင့်လွှတ်ဖို့ တောင်းပန်ပါရစေ။ နံပါတ်(၁)အချက်ကတော့ လူကြီးသားတွေပေမယ့် ကိုယ်နဲ့ ရင်းရင်းနှီးနှီးရှိနေသလိုခံစားရလို့ မင်းနဲ့ငါနဲ့ပြောတာပါ။ အရင်ခေတ်တုန်းကတော့ ရပ်ကွက်အုပ်ချုပ်ရေးမှူးရဲ့ သားလောက်တောင် ကိုယ်တို့က ဘယ်လောက်ပဲအသက်ကြီးကြီး အစ်ကိုခေါ်ရ၊ အထက်က အကောင်ကြီးကြီးရဲ့ သားတွေ၊ သမီးတွေဆိုလည်း အသက်ဘယ်လောက်ငယ်ငယ် အောက်ကလူတွေကဖားပြီး သားတော်ခေါ်ရ၊ သမီးတော်ခေါ်ရတဲ့ခေတ်မို့လား (ဦးပုညစကားနဲ့ပြောရရင် မင်းသားအစစ်မဟုတ်တဲ့ ယမနေမင်းသားတွေပေါ့ကွာ)။ အခုတော့ အဲဒီလိုဖားတဲ့ ခေတ်။ အရှက် နည်းတဲ့ခေတ်လည်း ကုန်သလောက်ဖြစ်နေပါပြီ။ ဒုတိယအချက်ကတော့ သားကြီးအလက်ဇန်းဒါးဟာ ၁၉၇၃ ဧပြီလ ၁၂ ရက် ကြာသပတေးနေ့မှာ မွေးခဲ့တာမို့ အသက်အားဖြင့် မောင်ရင်က အခုအခါ(၄၃)နှစ်၊ သားငယ် ကင်မ်က ၁၉၇၇ ခုနှစ်မှာမွေးတာမို့ အခုအသက်က (၃၉)နှစ်ရှိနေကြပြီး စာရေးဆရာကိုယ်က (၄၉)နှစ်ရှိသမို့ (၆)နှစ်နဲ့ (၁၀) နှစ်စီကြီးတာကြောင့် ရင်းရင်းနှီးနှီးခေါ်မိခြင်း ဖြစ်ပါတယ်။

မြင့်ဆန်းအောင်နဲ့ ထိန်လင်းရေ။ စစ်အစိုးရကတော့ သူတို့ သက်တမ်းတလျှောက် မင်းတို့နဲ့ မင်းတို့အဖေကို အကြောင်းပြုပြီး ငါတို့ခေါင်းဆောင် ဒေါ်အောင်ဆန်းစုကြည်ကို နာမည်ဖျက်အပုပ်ချလိုက်တာ ကမ်းကုန်ပဲဟေ့။ နိုင်ငံခြားသားကို လက်ထပ်ခဲ့လို့ ဘိုကတော်တဲ့၊ မျိုးဖျက်မတဲ့၊ ကုလားမယားတဲ့၊ ပြည်ပအားကိုးပုဆိန်ရိုးတဲ့ စုံနေတာပါပဲကွာ။ နိုင်ငံပိုင်သတင်းစာတွေကနေ ငါးစိမ်းသည်ရန်တွေ့သလို ရေးကြတဲ့စစ်အစိုးရ ကြေးစားကလောင်တွေဆိုတာလည်း အခုသာ ဘယ်ချောင်ရောက်သွားမှန်းမသိတာ အဲဒီတုန်းကတော့ နေ့တိုင်းစာမျက်နှာထက်မှာ မမြင်ချင်အဆုံးဟေ့။ အဲဒီလို မသမာတဲ့ဆောင်းပါးတွေရေးခဲ့လို့ တိုက်ခန်းရတဲ့သူကရ၊ ရာထူးတိုးတဲ့သူကတိုး၊ ရာထူးမြဲတဲ့သူကမြဲကြပေမယ့် အခုတော့ အဲဒီလူတွေလည်း လူကြားထဲ ခေါင်းမဖော်ဝံ့ပါဘူးကွာ။ ထားပါတော့ ပြောချင်တာကတော့ ၂၀၁၅ အထွေထွေရွေးကောက်ပွဲကြီး ကျင်းပချိန်အထိ မင်းတို့ကို အကြောင်းပြုပြီး မင်းအမေဦးဆောင်တဲ့ပါတီနဲ့ မင်းအမေကို ဆန့်ကျင် ဘက်အုပ်စုတွေက ရစရာမရှိအောင် ရေးကြပြောကြတာဟေ့။

'အောင်ဆန်းစုကြည်နိုင်ရင် ကုလားနိုင်ငံကြီးဖြစ်တော့မယ်' တို့၊ 'အောင်ဆန်းစုကြည်သားနှစ်ယောက်က သမ္မတအိမ်တော်မှာရောက်လာပြီး ကြီးစိုးတော့မယ်'တို့၊ 'အမျိုးဘာသာပျောက်တော့မယ်'တို့ စုံနေတာပါပဲ။ ငါလဲ အဲဒီရွေးကောက်ပွဲကာလတုန်းက သူတို့အုပ်စုတွေဝါဒဖြန့် အပုပ်ချတဲ့စာတွေကို သိမ်းထားမိသမို့ သတိရတာနဲ့ ပြန်ကြည့်တော့ ဒီလိုရေးထား တာတွေ့ ရသဟေ့။

''ဒေါ်အောင်ဆန်းစုကြည် သမ္မတဖြစ်သွားပါက မြန်မာအိမ်ဖြူတော်တွင် နိုင်ငံခြားသားမိသားစု ချက်ချင်းရောက်လာတော့မည်။ နိုင်ငံတော် အခမ်းအနားများတွင် မြန်မာစကားမတတ်သော ဒေါ်စုသားများ တောင် ရှည်ပုဆိုး မ၀တ်တတ်ဝတ်တတ်ဖြင့် အခမ်းအနားတက်တော့မည်။ အစ္စလာမ်ဘာသာဝင်အများဆုံးပါဝင်သည့် NLD ပါတီမှ သမ္မတဖြစ်လာခြင်းကြောင့် လွတ်လပ်စွာကိုးကွယ်ခွင့်အရ နိုင်ငံအနှံ့ဗလီများ မှိုလိုပေါက်လာတော့မည်''

ငါကလည်း အရာရာကို လက်တွေ့မှယုံတဲ့သူဆိုတော့ ရွေးကောက်ပွဲပြီးတဲ့အခါ စောင့်ကြည့်ရတာပေါ့ကွာ။ မင်းတို့နှစ်ယောက် နေပြည်တော်ကို ဘယ်နေ့များပေါက်ချလာမလဲ။ နေပြည်တော်ကို ပေါက်ချလာပြီး သူတို့ ပြောသလို တောင်ရှည်တွေ၊ ဘာတွေများဝတ်ပြီး အခမ်းအနားတက်မလားပေါ့ကွာ။ အဲဒီလိုတက်လာရင်တော့ ဟိုလူတွေက သူတို့ပြောတာဟုတ်ပြီဆိုပြီး ဟိုဂျာနယ်ဒီဂျာနယ်ကနေတမျိုး၊ ဖေ့စ်ဘုတ်ကတဖုံ၊ ဗိုလ်စိန်မှန် ကွင်းမှာ စုဝေးလို့တနည်းနဲ့ တို့တွေပြောတာမဟုတ်လားဆိုပြီး လက်သီးလက်မောင်းတန်းကြဦးမှာကိုး။ မာမီမွှေးတို့ အာရကေပေးတို့၊ ဘာတို့ဆိုတဲ့ ဂျာနယ်တွေကနေ သမဦးမှာကိုး။ ဒါပေမဲ့ မင်းတို့ကလည်း နေနိုင်တယ် ကွာ။ သူတို့က ချက်ချင်းရောက်လာမှာဆိုလို့ ငါ့မှာမျှော်လိုက်ရတာ။ မင်းတို့ နှစ်ယောက်စလုံးကလည်း ကိုယ့်အမေပါတီ အပြတ်အသတ်နိုင်လည်း ပြေးချမလာဘူးနော်။ ကိုယ့်အမေပါတီ အစိုးရဖွဲ့တော့လည်း ရောက်မလာပြန်ဘူး။ နောက်ဆုံးကိုယ့်အမေကိုယ်တိုင် နိုင်ငံတော်၏အတိုင်ပင်ခံပုဂ္ဂိုလ် ဆိုတဲ့ ဧရာမရာထူးကြီးရတော့လည်း ယောင်လို့တောင် ခြေဦးမလှည့်ပြန်ဘူး။ မင်းတို့မလာတာကအကြောင်း မဟုတ်ဘူး။ နိုင်ငံရေး၊ ဘာသာရေး ပရောဟိတ်ပုဂ္ဂိုလ်ကြီးတွေ ဟောကိန်းတွေ လွဲကုန်တာ အရှက်တွေကွဲ တယ်ကွ။ တခေါက်လောက်တော့ လာခဲ့ကြဦး။

နောက်ပြီး မင်းတို့ညီအစ်ကိုနှစ်ယောက်ကို ငါအားမရတာ တချက်ရှိတယ်။ အားမရတာမှ တော်တော်အားမရတာပါ။ ငါကကျိတ်ကြံထားတာ ရှိတယ်။ မင်းတို့ မြန်မာပြည်ကိုများ အလည်လာရင် ငါကလည်း အင်္ဂလိပ်စကားလေး မတောက်တခေါက်တတ်တော့ စကားပြန်အဖြစ်နဲ့ မင်းတို့ကို ၀င်လုံးမယ်။ ခင်အောင် ပေါင်းမယ်။ လိုချင်တာတွေအားလုံးဖားပြီး အပိုင်ချည်မယ်။ ပြီးရင် ငါ့မှာမရှိမဲ့ရှိမဲ့ အိမ်လေးရောင်းပြီး မင်းတို့နာမည် ငါ့နာမည်နဲ့ ကုမ္ပဏီထောင်မယ်။ မင်းတို့ နာမည်ခံ၊ ငါက ငွေစိုက်ပေါ့ကွာ။ ဒါက ဟိုအရင်က လူတွေလုပ်နေကျနည်းဟောင်းပေါ့။ ပြီးရင် မင်းတို့မျက်နှာနဲ့ နိုင်ငံတော်စီမံကိန်းတွေကရမယ့် တင်ဒါတွေအားလုံးကို ငါတို့ရမယ်။ နိုင်ငံတော်က ၀ယ်ရမယ့်ပစ္စည်းအားလုံးကို ငါတို့ကုမ္ပဏီကနေ ၀ယ်ရမယ်။ သွင်းကုန်ပါမစ်တွေကိုလည်း စားအုန်းဆီတို့၊ စက်သုံးဆီတို့စတဲ့ မရှိမဖြစ်ပစ္စည်းတွေကို ငါတို့ကုမ္ပဏီကပဲ လက်ဝါးကြီးအုပ်ပြီး သွင်းကုန်ပါမစ်နဲ့တင်သွင်းမယ်။ တတ်နိုင်ရင် တယ်လီဖုန်းတွေကို အရင်ကလို ဆင်းကတ်တခု ဆယ်သိန်း၊ ဆယ့်ငါးသိန်းဈေးပြန်ရောက်အောင်လုပ်ပြီး ၀ါးတီးခွင်ဖန်ကြမယ်။ ကားပါမစ်တွေကိုလည်း ငါတို့နဲ့မင်းတို့ ငါတို့ အမျိုးတွေကိုပဲ ချပေးမယ်။ ကျောက်စိမ်းလုပ်ကွက်တွေ၊ ပတ္တမြားတူးဖော်ကွက်တွေ၊ သစ်တောတွေ၊ ရွှေတူးဖော်ရေးလုပ်ကွက်တွေကိုလည်း ငါတို့အဖွဲ့တွေပဲ မင်းအမေမျက်နှာနဲ့ မောင်ပိုင်စီးကြမယ်။ ဒါဆို မင်းတို့ညီအစ်ကို နှစ်ယောက်ရော ငါရော တနှစ်၊ နှစ်နှစ်အတွင်း မြန်မာပြည်က နောက်ဆုံးပေါ်ခရိုနီအကောင်းစားကြီးတွေဖြစ်ပြီး ကောင်းစားပြီပေါ့ကွာ။ ငါချမ်းသာလို့ကတော့ လေယာဉ်လိုင်းတွေ ထောင်မယ်။ ဘဏ်တွေထောင်မယ်။ ဟိုတယ်တွေ ထောင်မယ်။ ငွေမည်းတွေကို ကိုယ့်ဘဏ်နဲ့ကိုယ် ဖြူလိုက်မယ်။ ဟယ်လီကော်ပတာကြီးစီးပြီး ဟိုသွားဒီသွားလုပ်မယ်။ အလှဆုံးဆို တဲ့မော်ဒယ်လ်တွေခေါ်ပြီး နိုင်ငံခြားကို အပန်းဖြေခရီးထွက်မယ်။ ဒါတွေက ငါ့ရဲ့စိတ်ကူးယဉ်စီမံကိန်းတွေ ကင်မ်နဲ့အလက်ဇန်းဒါးရဲ့။ ဒါပေမဲ့ မင်းတို့က ရိုးရိုးကြီးတွေကွာ။ ငါ့ကိုစကားပြန်မငှားရုံမကဘူး၊ မြန်မာပြည်ကို ယောင်လို့တောင် တခေါက်မှ ရောက်မလာပါလားကွာ။ မင်းတို့လာဘ်မမြင်ပုံကတော့ လက်ဖျားခါတယ်။ အောချတယ်ဟေ့။ အဘတို့ခေတ်ကဆို အဘသားတွေ၊ သမီးတွေ၊ မြေးတွေ ဘာတွေလုပ်ပြီးပြီလဲ မင်းတို့သိစေ ချင်လိုက်တာ။ အရင်ခေတ်က လူကြီးသားသမီးတွေအားလုံးဟာ ကိုယ်ပိုင်ကုမ္ပဏီမထောင်တဲ့ လူကြီးသားသမီးလို့ မရှိဘူးကွဲ့။ မင်းအမေ ရာထူးလောက်မပြောနဲ့ ၀န်ကြီး၊ ဒုဝန်ကြီးရာထူးလောက် ရာထူးရရင်ကိုပဲ သူတို့ သားသမီးတွေ၊ သမက်ချွေးမတွေနာမည်နဲ့ စီးပွားရေးတွေလုပ်ကြပြီ။ လုပ်ငန်းတွေထောင်ကြပြီ။ တကယ်အရည်အချင်းရှိလို့ ကိုယ့်အစွမ်းအစ နဲ့စီးပွားရေးလုပ်တယ်ဆိုထားပါဦး။ အခုတော့ သူတို့လုပ်သမျှဟာ အာဏာစီးပွားရေးပဲကွ။ အဖေရဲ့အာဏာ၊ အဘိုးရဲ့အာဏာကို အသုံးချပြီး ခွင်ရိုက်တဲ့အလုပ်မှန်သမျှ လုပ်ကြတော့တာပဲ။ ဥပမာ အဖေကတိုင်းဒေသကြီး တခုရဲ့ အာဏာပိုင်ဖြစ်ပြီဆိုတာနဲ့ သားက လယ်ယာမြေအကျိုးဆောင် ကုမ္ပဏီလိုလို၊ ဘာလိုလို နာမည်လှလှလေးနဲ့ထောင်။ ပြီးတော့ လယ်သမားတွေဆီက လယ်တွေကို မတန်တဆဈေးနဲ့ လိုက်သိမ်း။ အတော်များများ လက်ထဲပိုက်မိမှ ဘာစီမံကိန်း၊ ညာစီမံကိန်းဆိုပြီး အဖေက အော်ပေး။ သားက ဈေးအဆမတန်တင်ပြီး ပြန်ရောင်း။ တချို့ကျတော့လည်း အဖေက၀န်ကြီး။ ဌာနအတွက် လိုအပ်တဲ့ပစ္စည်းတွေကို လက်ကျိတ်ထိုး အိပ်ပိတ်တင်ဒါခေါ်။ သားက ဖုတ်ပူမီးတိုက်ကုမ္ပဏီထောင်ပြီး အဖေ့ဝန်ကြီးဌာနက ၀ယ်မယ့်ပစ္စည်းတွေ (လိုလိုမလိုလို၊ ကောင်းကောင်း၊ မကောင်းကောင်း) သားဆီကပြန်ဝယ်။ ဒီလိုခွင်တွေရိုက်ခဲ့ကြတာပေါ့ကွာ။ ပြီးတော့ နိုင်ငံတော်ကနေ ပုဂ္ဂလိကလွဲတယ်လို့နာမည်တပ် အဖေ့ဌာနကမြေကွက်တွေ နေရာကောင်းတွေမှန်သမျှကို သားက ပုဂ္ဂလိကဆိုပြီး လေလံအောင်။ ပိုက်ဆံတောင် နောက်မှပေးမယ်ဆိုပြီး အကြွေးချန်ပေးလိုက်ကြသေးမောင်။ နောက်တော့ အပြင်မှာဈေးကြီးကြီးနဲ့ ရောင်းစား။ သူခိုးဈေးနဲ့ရထားတဲ့ ငွေလက်ကျန်ကို အဲဒီတော့မှရှင်းဆိုတဲ့ အကွက်တွေလည်း များသားပေါ့ကွာ။ တချို့ကတော့ သစ်တောလုပ်ကွက်တွေ၊ ကျောက်မျက်လုပ်ကွက်တွေ၊ ရွှေလုပ်ကွက်တွေမှာ ဖအေက လုပ်ပိုင်ခွင့်ရှိတော့ သားနာမည်နဲ့ကုမ္ပဏီကို ပါမစ်တွေချပေးကြ။

အကောင်းဆုံးအကွက်တွေမှာ ဈေးအသက်သာဆုံးနဲ့ရကြပေါ့။ တချို့ကတော့ ဘယ်အဆောက်အဦပဲ နိုင်ငံတော်က ဆောက်ဆောက်၊ တင်ဒါမခေါ်ဘူး။ သူ့လူပဲသူ ကန်ထရိုက်ချပေးလိုက်တယ်။ ရတဲ့သူက ကိုယ် တိုင်မလုပ်တတ်တော့ အမြတ်စားပြီး အောက်က ဆပ်ကန်ထရိုက်ကို တဆင့်ပြန်ချပေးလိုက်တယ်။ အဲဒီလိုနဲ့ ဖွင့်ပွဲလုပ်ပြီး မကြာမီ အက်ကြောင်းတွေပေါ်လာတဲ့ အဆောက်အအုံတွေ။ ရေတိုက်စားလို့ လမ်းပျက်မှ အတွင်းက သံချောင်းနေရာမှာ ၀ါးလုံးတွေထွက်လာတာတွေ၊ ပုဂံခေတ်အဆောက်အဦထဲက PVC ကော် ပိုက်တွေထွက်လာတာတွေ ဖြစ်ကုန်တာ မြင်ရကြားရတာပေါ့။ အဲဒီလို ရိုက်စားခွင်တွေမိခဲ့ကြပေမယ့် အခွန် ဆောင်တဲ့နေရာမှာတော့ ဘယ်တုန်းကမှ အဲဒီ VIP တွေဟာ မှန်မှန်ကန်ကန်တိတိကျကျ မလုပ်ကြဘူးဟေ့။ အစ်ကိုကြီး၊ ညီလေး၊ အစ်မ၊ အဘနဲ့ နားလည်မှုနဲ့ ပြီးသွားကြတာပဲ။ ဘယ်စ,သုံးလုံးတို့၊ ဘယ်အဂတိလိုက် စားမှုတိုက်ဖျက်ရေးကော်မရှင်တို့မှ အနားကို မကပ်ရဲဘူးဟေ့။ လူကြီးသားသမီးဖြစ်ရတာ အိုင်ယာလန်ထီ အကြိမ်တထောင်ပေါက်သလို အင်မတန်တွက်ခြေကိုက်တဲ့အလုပ်ကွ ငါ့ကောင်တွေရ။ ဒါ့ကြောင့် မင်းတို့ အမေ နိုင်ငံတော်၏ အတိုင်ပင်ခံပုဂ္ဂိုလ်ဖြစ်ပြီဆိုတော့ ဟိုလူကြီးတွေပြောသလို မင်းတို့တတွေ ဖုတ်ပူမီးတိုက်ပေါက်ချ လာပြီး ကုမ္ပဏီတွေထောင်၊ စီးပွားရေးရိုက်စားခွင်တွေများ ဟိုစားဖားတွေလို လုပ်ကြတော့မလားလို့ ငါ့မှာ စောင့်ကြည့်လိုက်ရတာ။ လေယာဉ်ဆိုက်တိုင်း မင်းတို့များလားလို့ ရန်ကုန်-မင်္ဂလာဒုံလေဆိပ်မှာ ဧည့်သည် ကြိုရင်း ကြည့်ရတာအမောဟေ့။ ဒါပေမဲ့ မင်းတို့က ပြတ်တယ်ကွာ။ ဒီနေ့ထက်ထိ ရောက်မလာကြဘူး။ လာခဲ့ရင်လည်း ခွင်ရိုက်တဲ့အလုပ်တွေကို အောင်ဆန်းသွေးမို့ ခါးခါးသီးသီးမုန်းတာ ငါသိပါတယ်။

တကယ်ဆိုမင်းတို့လည်း အရွယ်နဲ့မမျှ ဒုက္ခတွေခံခဲ့ရတာပါ။ ၁၉၈၈ မှာ မင်းတို့အဘွား ဒေါ်ခင်ကြည်နေမကောင်းလို့ ပြုစုဖို့ မင်းတို့အမေ မြန်မာနိုင်ငံကို ခဏပြန်ဦးမယ်ဆိုတော့ ခဏပဲကြာမှာပါလို့ မင်းတို့စိတ်ထဲမှာ ထင်ခဲ့ကြတယ်။ အဲဒီအချိန်က မြင့်ဆန်းအောင်(၁၅)နှစ်၊ အငယ်ကောင်ထိန်လင်းက (၁၁)နှစ်။ လူမမယ်အရွယ်လေးတွေပေါ့။ နိုင်ငံရေးကို နားမလည်သေးချိန်။ မင်းအမေရဲ့အနေအထားကို အပြည့်အ၀သဘောမပေါက်သေးချိန်မှာ အမေဟာ မင်းတို့ဆီပြန်မလာတော့ဘူးဆိုတော့ ဘယ် လောက်ခံစားရမလဲဆိုတာ ကိုယ်ချင်းစာမိပါတယ်။ အဲဒီနောက် မင်းတို့အဖေ ဒေါက်တာမိုက်ကယ်အဲရစ်ဟာ မင်းတို့အတွက် အဖေလည်းသူ၊ အမေလည်းသူဆိုတဲ့အနေနဲ့ ပြုစုစောင့်ရှောက်ခဲ့တယ်။ ဒါပေမဲ့ မင်းတို့ ကြာကြာကံမကောင်းခဲ့ဘူး။ ၁၉၉၇ မှာ မင်းအဖေဟာ ကင်ဆာရောဂါဖြစ်နေပြီဆိုတာ သိလိုက်ရတော့ အားလုံးတုန်လှုပ်သွားကြတယ်။

အမေကလည်း အိမ်မှာမရှိ။ မြန်မာနိုင်ငံမှာ မရေရာတဲ့အနေအထားနဲ့ နေအိမ် အကျယ်ချုပ်ကျနေတယ်။ အိမ်ထောင်ဦးစီးအဖေကလည်း ကုမရတဲ့ နာတာရှည်ရောဂါကြီးရနေပြီ။ ကလေးတွေမှာ ကျောင်းတဖက်နဲ့ ဘယ်လောက်ကသီမလဲ။ ဘယ်လောက်ဒုက္ခတွေရောက်မလဲ။ ဘယ်လောက် အားငယ်ရမလဲ။ ဒီကြားထဲအဖေဖြစ်သူဟာ နှစ်နှစ်လောက် ရောဂါဝေဒနာကို ခံစားရင်း ဇနီးဖြစ်သူဆီ သွားချင်ပါလျက် မြန်မာအာဏာပိုင်တွေက ပြည်ဝင်ခွင့်မပေးလို့ ဇနီးကိုမတွေ့ရတဲ့အဖြစ်ကို ကလေးတွေဖြစ်တဲ့ မင်းတို့ကမြင်ပြီး နေ့တိုင်း စိတ်ကောင်းနိုင်မှာမဟုတ်ဘူး။ အဲဒီအချိန်မှာတော့ မြန်မာနိုင်ငံမှာ လူကြီးသားသမီးအချို့၊ လူကြီးနဲ့နီးစပ်သူအချို့ဟာ အာဏာပိုင်တွေနဲ့ပေါင်းပြီး သယံဇာတတွေကို ဖြိုလှဲလို့ အတောမသတ်ထုတ်ယူလို့ ကောင်းနေဆဲပေါ့။ နောက်နှစ်နှစ်အကြာ ၁၉၉၉ မှာ မင်းအဖေ ကင်ဆာရောဂါနဲ့ ကွယ်လွန်တယ်။ အဲဒီအချိန်မှာ မင်းတို့ဟာ နေရင်းထိုင်ရင်း မိဘမဲ့ဘ၀ကို ရောက်သွားကြတယ်။ အင်္ဂလန်နိုင်ငံ အောက်စဖို့ဒ်မြောက်ပိုင်း Park Town က မင်းတို့အိမ်ကြီးကိုလည်း နောက်တော့ရောင်းပစ်လိုက်ရတယ်။ မင်းတို့အမေ နိုဗယ်ဆုရတဲ့ဆုငွေဒေါ်လာ ၁ဒသမ ၃သန်း ထဲကလည်း မင်းတို့ဟာ တပြားတချပ်မှ ကိုယ်ကျိုးအတွက်မသုံးခဲ့ကြဘဲ၊ မင်းအမေအချုပ်အနှောင်ကလွတ်လာချိန်မှာ မြန်မာပြည်ရဲ့ ပညာရေးနဲ့ ကျန်းမာရေးအတွက်သုံးဖို့ ရန်ပုံငွေဆိုပြီး လုံခြုံရာမှာ အပ်နှံသိမ်းဆည်းထားခဲ့ကြတယ်။ သားအကြီး (အလက်ဇန်းဒါး) (မြင့်ဆန်းအောင်) ဟာ အခက်အခဲတွေအမျိုးမျိုးကြားက Northern Illinois တက္ကသိုလ်က Mathematical Science အဓိကနဲ့ ဘီအက်စီဘွဲ့ရခဲ့တယ်။ အခုတော့ မင်းဟာ အမေရိကန်ပြည်ထောင်စုမှာပဲ စာပေလေ့လာလိုက်စားရင်း၊ ဗုဒ္ဓဘာသာလေ့လာလိုက်စားရင်း သာမန်ပြည်သူတယောက်လို မထင် မရှားနေနေတယ်။ သားငယ်ထိန်လင်း (Kim ) ကို ငါအအံ့သြဆုံးပဲ။

ငါတို့က လူကြီးသားသမီးဆိုတာနဲ့ ပိုက်ဆံတွေ အရမ်းထော၊ နိုင်ငံခြားမှာ ကျောင်းသွားတက်။ ဥရောပကို တောင် ဘောလုံးပွဲသွားကြည့်။ ကလပ်တွေမှာ တက်သောင်းကျန်း၊ ညဘက် ပြိုင်ကားတွေမောင်းတဲ့လူတွေကိုပဲ မြင်ဖူးတာကိုး။ မင်းဘာတွေ လုပ်ပြီး ရိုးရိုးသားသား အသက်မွေးဝမ်းကျောင်းနေသလဲဆိုတာသိတော့ မင်းအဘိုး ဗိုလ်ချုပ်အောင်ဆန်းကို ငါကြည်ညိုသလို မင်းကိုလည်း လှိုက်လှိုက်လှဲလှဲကြည်ညိုမိပါရဲ့ မောင်ရင်ရယ်။ Australian Women (သြစတြေးလျအမျိုးသမီး)အပတ်စဉ်စာစောင်ရဲ့ အယ်ဒီတာ William Langley ပြောမှ အလန့်တကြားသိရတာက “He was living modestly in Oxford then and working as a carpenter,”တဲ့။ အောက်စဖို့ဒ်မှာ ဘ၀ကို ရိုးရိုးအေးအေးပဲ ဖြတ်သန်းနေထိုင်ပါတယ်တဲ့။

လုပ်တဲ့အလုပ်ကတော့ လက်သမားဆရာပါပဲတဲ့။ ကဲ ကြည့်ကြပေတော့ဗျာ။ ဗိုလ်မင်းရောင်မျိုးဆက်၊ သခင်အောင်ဆန်းမျိုးဆက်၊ ဒေါ်ခင်ကြည်မျိုးဆက်၊ ဒေါ်အောင်ဆန်းစုကြည်မျိုးဆက်ရဲ့ ရိုးချက်ဗျာ။ မိသားစုတကွဲတပြားနေလို့ ဒုက္ခရောက်နေတာတောင် သူ့အမေနာမည်သုံးပြီး ငွေမရှာဘူး။ အင်တာဗျူးတခါလုပ်ရင် ဒေါ်လာသောင်းနဲ့ ချီရနိုင်တဲ့အချိန်မှာ ဘယ်စာစောင် မီဒီယာအတွက်မှ အင်တာဗျူးမလုပ်ခဲ့ဘူး။ ထိန်လင်းပြောတာက သူဘယ် မီဒီယာနဲ့မှ အင်တာဗျူးဖို့သဘောမတူရဲပါဘူးတဲ့။ အကြောင်းကတော့ သူပြောလိုက်တဲ့စကားတခွန်းကို စစ်အစိုးရက လိုရာဆွဲသုံးပြီး ကလီကမာလုပ်ရင် အကျယ်ချုပ်ကျနေတဲ့သူ့အမေနဲ့ သူ့အမေတိုင်းပြည် အခက်အခဲမတွေ့စေချင်လို့ပါတဲ့။ သူ့အမေရဲ့ ရိုးရိုးကျင့်မြင့်မြင့်ကြံစိတ်ဓာတ်ကို သူဂုဏ်ယူတယ်၊ အဲဒီအတိုင်း လိုက်နာမယ်။ ဖြစ်လာတဲ့ဒုက္ခတွေအားလုံးကိုလည်း သူခံမယ်လို့ ခံယူချက်ရှိသူဖြစ်ပါတယ်။ ထိန်လင်းဟာ တသက်မှာ တကြိမ်ပဲ ၂၀၀၄ မှာ သြစတြေးလျအမျိုးသမီးမဂ္ဂဇင်းနဲ့ အင်တာဗျူးလုပ်ဖူးပြီး အဲဒီအင်တာဗျူးထဲမှာ ''နောက်ဆုံးမှာတော့ မြန်မာပြည်လွတ်မြောက်ရေးထက်ပိုပြီး အရေးကြီးတာ ကျွန်တော့်အမေအတွက် ဘာမှမရှိတော့ပါဘူး။ အမေ အဲဒီလိုစဉ်းစားဆုံးဖြတ်တာကို ကျွန်တော်လေးစားရပါမယ်။ အရာရာဟာ ကျွန်တော်တို့အတွက် သိပ်ကိုခက်ခဲခဲ့တာပေါ့။ ဒါပေမဲ့ အမေဒီလိုဆုံးဖြတ်ခဲ့တာကို ကျွန်တော်ဂုဏ်ယူတယ်။ စိတ်ဓာတ်ပြင်းထန်လွန်းတာ အမေ့ရဲ့မွေးရာပါသဘာဝပါ။ သူ့မှာ ၀မ်းနည်းစရာတွေရှိခဲ့ရင်တောင်မှ လုပ်စရာအလုပ်တွေရှိနေသေးတယ်ဆိုတာ အမေက သိနေတယ်။ ရင်နာစရာတွေကို ငိုကြွေးပြီးအချိန်ဖြုန်းဖို့ အမေ၀ါသနာမပါဘူး''

မျိုးစေ့မှန်တော့အပင်သန်ဆိုသလို ဒီအမေကမွေးတော့လည်း ဒီစိတ်ဓာတ်မျိုးရှိပေမပေါ့ကွာ။ မင်းအမေပြောသွားတဲ့ မိန့်ခွန်းတခုထဲမှာ Put the family second (မိသားစုအရေးသည် နံပါတ်နှစ်)ဆိုတဲ့စကား ဟာ ကမ္ဘာကျော်ခဲ့တယ်ကွာ။ မိသားစုနဲ့ပတ်သက်ပြီး မင်းအမေဟာ ပြောလေ့မရှိပေမယ့် ရှားရှားပါးပါးပြောဖူးတာလေးတခုကို မှတ်မိသေးတယ်။

''အင်းပေါ့ မိသားစုနဲ့ခွဲခွာသွားရတာတော့ ဘယ်စိတ်ကောင်းမလဲ၊ ပုဂ္ဂိုလ်ရေးအနေနဲ့တော့ ၀မ်းနည်းတာပေါ့။ ကျွန်မလည်းမိသားစုနဲ့အတူ ပျော်ပျော်ရွှင်ရွှင်နေချင်တာပေါ့။ ကျွန်မသားတွေ ကြီးပြင်းအရွယ်ရောက်လာ တာကို စောင့်ကြည့်နေချင်တာပေါ့။ ဒါပေမဲ့ ဒီနိုင်ငံမှာ ကျွန်မပြည်သူတွေနဲ့အတူနေဖို့ လမ်းကြောင်းကို ရွေးချယ်ရမယ်ဆိုတဲ့ အချက်အပေါ်မှာတော့ ဘယ်တုန်းကမှ သံသယမရှိခဲ့ပါဘူး''

ကဲ စကားတွေလည်း ရှည်ကုန်ပါပြီကွာ။ အငယ်ကောင်ရေ မင်းဘယ်ဘက်လက်မောင်းမှာ NLD အလံကို ဂုဏ်ယူစွာနဲ့ ဆေးမင်ကြောင်ထိုးထားတာကလွဲပြီး မင်းအမေအလုပ်မှာ ဘာဆိုဘာမှဝင်မရှုပ်တဲ့ မင်းတို့ညီအစ်ကိုနှစ်ယောက်ရဲ့ စိတ်ဓာတ်ကိုတော့ အံ့သြလေးစားတယ်ကွာ။ ကိုယ်ပိုင်အရောင်နဲ့မှ လင်းလက်ချင်တဲ့ မင်းတို့နှစ်ယောက်ကိုကြည့်တိုင်း ငါတို့ကတော့ အရင်မြင်ဖူးခဲ့တဲ့ လူကြီးသားသမီးဆိုသူတွေနဲ့ နှိုင်းယှဉ်ကြည့်ပြီး ခေါင်းတညိတ်ညိတ်ဖြစ်နေရတာပါ။ မြန်မာနိုင်ငံကုမ္ပဏီများမှတ်ပုံတင်ရုံးမှာ Alexander & Kim Trading Co,Ltd လို့ပဲရှာရှာ။ မြင့်ဆန်းအောင်သစ်ထုတ်လုပ်ရေးကုမ္ပဏီနဲ့ပဲ ကြည့်ကြည့်၊ ထိန်လင်းသတ္ထုတူးဖော်ရေးလီမိတက်ပဲဖြစ်ဖြစ် ငါတော့မတွေ့မိသေးဘူး မောင်ရင်တို့။ အစိုးရအသစ်လက်ထက်မှာ ဘာတွေပြောင်းသလဲမေးလာရင် ဒီတချက်တော့ကောင်းကောင်းပြောင်းပြီကွာ။ ဒေါ်အောင်ဆန်းစုကြည်ရဲ့ သားတွေ၊ ချွေးမတွေ၊ ၀မ်းကွဲတွေနာမည်နဲ့ ကုမ္ပဏီတွေ ဖုတ်ပူမီးတိုက်ထောင်၊ ကန်ထရိုက်တွေရ၊ တင်ဒါတွေအောင်တာမျိုးတော့ လုံးလုံးကို မတွေ့ရပါဘူးကွာ။ ပြောရရင် အင်္ဂလိပ်သွေးတ၀က်ပါတယ်ဆိုပေမယ့် တို့ဗမာပြည်က အမျိုးကိုချစ်လွန်းတဲ့ မျိုးချစ်ပုဂ္ဂိုလ်ကြီးတွေထက် အဆပေါင်းသောင်းနဲ့သိန်းနဲ့ချီပြီး မြင့်မြတ်သမို့ မင်းတို့နှစ်ယောက်ကိုတော့ လေးလေးစားစား လက်ဆွဲနှုတ်ဆက်လိုက်ချင်ပါရဲ့ကွာ။ မြန်မာပြည်လာ ဖြစ်ရင်တော့ ငါမင်းတို့ကို လက်ဖက်ရည်တ၀ိုင်းလောက် ဧည့်ခံပါရစေ။ နေပြည်တော်က နှင်းဆီစံအိမ်မှာ မဟုတ်ဘူးနော်။ လမ်းဘေးဆိုင်မှာ တိုက်မှာပါ။ တောင်ရှည်ပုဆိုးလည်းမ၀တ်ခဲ့နဲ့။ တော်ကြာ မျိုးချစ်တို့ ဟောကိန်းထဲကလို အပြင်မှာဖြစ်နေပြီလို့ မဟုတ်ကဟုတ်ကတွေပြောတာ ခံနေရဦးမယ်။

သရ၀ဏ်(ပြည်)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal[full-post]


အီလက်ထရောနစ် နည်းပညာ ကုမ္ပဏီကြီး ဆမ်ဆောင်းက သူတို့ရဲ့ နောက်ဆုံးထုတ် စမတ်ဖုန်း ဖြစ်တဲ့ Galaxy Note 7 တွေမှာ ဘက်ထရီ ပြဿနာ ရှိနေတယ် ဆိုပြီး ရောင်းထားပြီးသား တွေကို ပြန်သိမ်းနေပါတယ်။

အမေရိကန်နဲ့ တောင်ကိုရီးယား နိုင်ငံတို့မှာ အဲဒီ Note 7 ဖုန်း တချို့ ဘက်ထရီ အားသွင်းရာမှာ ပေါက်ကွဲ မီးလောင်တာတွေ ဖြစ်ခဲ့တဲ့ သတင်းတွေ ထွက်ပေါ် ခဲ့ပြီးနောက် အခုလို ပြန်သိမ်းဖို့ ဆုံးဖြတ်ချက် ပေါ်ပေါက် လာတာ ဖြစ်ပါတယ်။

အဲဒီ ဖုန်းတွေ ဝယ်ထားသူတွေ အနေနဲ့ အသစ်နဲ့ ပြန်လဲလို့ ရတယ်လို့ ဆမ်ဆောင်း ကုမ္ပဏီက ပြောပါတယ်။

ဆမ်ဆောင်းရဲ့ အဓိက ပြိုင်ဖက်ဖြစ်တဲ့ အက်ပဲလ် ကုမ္ပဏီက အိုင်ဖုန်း အသစ်ကို မိတ်ဆက်ဖို့ တစ်ပတ်သာ လိုတော့ချိန်မှာ ဆမ်ဆောင်းက သူ့နောက်ဆုံးထုတ် Note 7 ဖုန်းတွေကို အခုလို ပြန်သိမ်းဖို့ ဖြစ်လာရတာပါ။

ဆမ်ဆောင်းက အဲဒီ ဖုန်းတွေကို နိုင်ငံ ၁၀ နိုင်ငံမှာ ရောင်းချ ထားပြီးသား ဖြစ်ပြီး၊ ဖုန်း ဘက်ထရီတွေကတော့ တခြား ကုမ္ပဏီတွေက ထုတ်လုပ် ပေးပို့တာ ဖြစ်တယ်လို့ ဆမ်ဆောင်းက ပြောပါတယ်။

နိုင်ငံအနှံ့ ၃၅ ခုသာ ရှိခဲ့တဲ့ ပေါက်ကွဲမီးလောင်မှု အနည်းငယ်ကြောင့် အခုလို ရောင်းပြီးသား ဖုန်း အားလုံးကို ပြန်သိမ်းဖို့ ဆုံးဖြတ်တာဟာ အလွန် ထူးခြားတဲ့ ဆုံးဖြတ်ချက် ဖြစ်ပါတယ်။

BBC Burmese
http://www.bbc.com/burmese



 မန္တလေး စည်ပင်သာယာ ရဲတပ်ဖွဲ့မှ အလုံပိတ်အခန်းများ- ဆက်လက် အရေးယူ 
စက်တင်ဘာ ၂ ။

မန္တလေးမြို့တော်စည်ပင် ရဲတပ်ဖွဲ့မှ စည်ပင်သာယာနယ်နိမိတ်အတွင်း တရားမ၀င်ဖွင့်လှစ်သည့် အလုံ ပိတ် အခန်းများကို အရေးယူလျက်ရှိရာ စက်တင်ဘာ ၂-ရက် နံနက် ၁၂-နာရီခွဲခန့်က ၆၂-လမ်း၊၁၄× ၁၅-လမ်း ကြား၊ ဒေါနာဘွားရပ်တွင် ခွင့်ပြုချက်မရှိ ဖွင့်လှစ်ထားသည့် အကြင်နာရိပ် အအေးဆိုင်အားအရေး ယူခဲ့ကြောင်း မြို့တော်စည်ပင်ရဲတပ်ဖွဲ့မှ သိရသည်။


အကြင်နာရိပ်အအေးဆိုင်တွင် အလုံပိတ်အခန်းပေါင်း ၁၇-ခန်းကို အအေးဆိုင် ဗန်းပြ ကာ ခွင့်ပြုချက်မရှိဘဲ ဖွင့်လှစ်ထားခြင်းဖြစ်သည်။

“ မြို့တော်စည်ပင် ဖေ့ဘုတ်စာမျက်နှာမှာ တင်လိုက်တော့ အလုံပိတ် ခန်းရှိ တဲ့တခြားနေရာတွေ ကော့မန့်မှာ တက်လာတယ်။အဲဒိနေရာတွေအပြင် ကျွန်တော်တို့ စုံစမ်း လို့ရရင်တဲ့ နေရာတွေမှာ အရေးယူတယ်။ အအေး ဆိုင် ဗန်းပြပြီး ခွင့်ြ့ပုချက်မရှိ အလုံပိတ်အခန်းတွေ ဖွင့်ထားတာကို အရေး ယူနေ တယ်။” ဟု မြို့တော်စည်ပင်ရဲ တပ်ဖွဲ့မှ ရဲအုပ် သဲဦးလှိုင်က ပြောသည်။


တရားမ၀င်ဖွင့်လှစ်ထားသော အလုံပိတ်တဲများဖြင့် ဖွင့်လှစ်ခြင်းကြောင့် အကြင်နာရိပ်အအေးဆိုင်လုပ် ကိုင်သူအား စည်ပင်သာယာ(အထူးတရား ရုံး)သို့ တရားစွဲဆိုတင်ပို့ခဲ့ရာ လက်ခံစစ်ဆေးပြီး စည်ပင်သာယာ ဥပဒေပုဒ်မ ၁၁၈-အရ ဒဏ်ငွေ ကျပ် လေးသိန်းတပ်ရိုက်ခဲ့ကြောင်းသိရသည်။

Mandalay News
ဓါတ်ပုံ - Mandalay City Development Committee
https://www.facebook.com/MCDCIT



ကုန်သွယ် လုပ်ငန်းခွန် တံဆိပ်ခေါင်း(ဆင်ဟွာ)
    ရန်ကုန်၊ စက်တင်ဘာ ၂ ရက် (ဆင်ဟွာ)

    ရန်ကုန်တိုင်းဒေသကြီးအတွင်း ၂ဝ၁၆ ခုနှစ် ဧပြီလမှ သြဂုတ်လ အထိ ကုန်သွယ်လုပ်ငန်းခွန် တံဆိပ်ခေါင်းမကပ်သော စားသောက်ဆိုင် ၄၄ ဆိုင်ကို ဒဏ်ရိုက်ရာ ငွေကျပ်သိန်း ၁၅ဝ ကျော်ရရှိကြောင်း ပြည်တွင်းအခွန်များ ဦးစီးဌာနထံမှ စုံစမ်းသိရှိရသည်။

လက်ရှိတွင် ကုန်သွယ် လုပ်ငန်းခွန် တံဆိပ်ခေါင်း မကပ်သည့် စားသောက်ဆိုင်၊ ဟိုတယ်နှင့် တည်းခို ခန်းများကို ဒဏ်ကြေးငွေဖြင့် အရေးယူ ဆောင်ရွက်လျက် ရှိပြီး နောက်ပိုင်းတွင် ကုန် သွယ် လုပ်ငန်းခွန် ဥပဒေနှင့် အညီ အရေးယူ ဆောင်ရွက်မည် ဖြစ်ကြောင်း ပြည်တွင်းအခွန်များ ဦးစီးဌာနမှ တာဝန်ရှိသူ တစ်ဦးက ပြောကြားသည်။

အဆိုပါ စားသောက်ဆိုင်၊ ဟိုတယ်နှင့် တည်းခိုခန်းများ၏ ငွေရှင်း ပြေစာများ၌ ကုန်သွယ် လုပ်ငန်းခွန် တံဆိပ်ခေါင်းကပ်ရန် ၂ဝ၁၄ ခုနှစ် နှစ်ကုန်ပိုင်းတွင် စတင် ဆောင်ရွက်ခဲ့ပြီး ကုန်သွယ်လုပ် ငန်းခွန် တံဆိပ်ခေါင်း မကပ်သည့် စားသောက်ဆိုင်များကို ၂ဝ၁၅ ခုနှစ် မေလမှ စတင်ကာ ဒဏ်ရိုက်ခဲ့သည်။

စားသောက်ဆိုင်၊ ဟိုတယ်နှင့် တည်းခိုခန်းများ၏ ငွေရှင်း ပြေစာများတွင် ကုန်သွယ် လုပ်ငန်းခွန်တံဆိပ်ခေါင်း ကပ်ရန် ပျက်ကွက်ပါက ဥပဒေပုဒ်မ ၃၂ အရ တရား စွဲဆိုနိုင်ပြီး ပြစ်မှုထင် ရှားပါက ထောင်ဒဏ် သုံးနှစ်မှ ခုနစ်နှစ်အထိ ချမှတ် နိုင်သည်။

(Xinhua)
http://www.xinhuamyanmar.com/myanmar



ဟာရီကိန်း ဟာမင်းကြောင့် ဖလော်ရီဒါ အထိနာ
အမေရိကန် နိုင်ငံ၊ ဖလော်ရီဒါ ပြည်နယ်ကို ၁၁ နှစ်အတွင်း ပထမဆုံး အကြိမ် ဟာရီကိန်း မုန်တိုင်း တစ်ခု ဝင်ရောက် တိုက်ခတ် သွားခဲ့တဲ့အတွက် ဧရိယာ တချို့မှာ အပျက်အစီး များပြား ခဲ့ပါတယ်။

ဟာမင်း လို့ခေါ်တဲ့ ဟာရီကိန်း မုန်တိုင်းဟာ တစ်နာရီ ကီလိုမီတာ ၁၃၀ နှုန်းနဲ့ တိုက်ခတ် သွားခဲ့ပြီးနောက် အခုတော့ အပူပိုင်း မုန်တိုင်းအဖြစ် အားပျော့ သွားပြီး ကုန်းတွင်းဘက်ကို ဆက်လက် ရွေ့လျား သွားပါတယ်။

ဖလော်ရီဒါ ပြည်နယ်မှာ အရေးပေါ် အခြေအနေ ကြေညာထားရပြီး မုန်တိုင်းကြောင့် နေရာ အနှံ့အပြား ရေလွှမ်းနေကာ ထောင်သောင်းချီတဲ့ နေအိမ်တွေမှာ လျှပ်စစ်မီးတွေ ပြတ်တောက်နေပါတယ်။

အမျိုးသား အစောင့် တပ်ဖွဲ့ဝင် ခြောက်ထောင်လောက်နဲ့ မုန်တိုင်းအလွန် အပျက်အစီး ရှင်းလင်းမှုတွေ လုပ်ဖို့ ပြင်ဆင် နေပါတယ်။

အပူပိုင်း မုန်တိုင်း ဟာမင်းဟာ အခုတော့ ဂျော်ဂျီယာ ပြည်နယ်ထဲကို ဝင်ရောက် နေပြီး ကာရိုလိုင်းနား ပြည်နယ်ဘက်ကို ဦးတည် နေပါတယ်။

BBC Burmese
http://www.bbc.com/burmese/



ပြည်ထောင်စု ငြိမ်းချမ်းရေး ညီလာခံ-(၂၁)ရာစု ပင်လုံ တတိယနေ့ သို့ တက်ရောက်လာသော တပ်မတော်သား ကိုယ်စားလှယ်များအား တွေ့ ရစဉ်(ဆင်ဟွာ)
    ရန်ကုန် ၊ စက်တင်ဘာ ၂ ရက်(ဆင်ဟွာ)

    ပြည်ထောင်စု ငြိမ်းချမ်းရေး ညီလာခံ-(၂၁)ရာစု ပင်လုံ တတိယနေ့ တွင် တပ်မတော်သား ကိုယ်စားလှယ် အစုအဖွဲ့ မှ နိုင်ငံတော်၏ မူဝါဒများ အပိုင်းအား သဘောထား အမြင်များ တင်ပြရာတွင် တစ်ခုတည်းသော တပ်မတော် ထားရှိရေးအား အဓိကထား တင်ပြခဲ့သည်။

တပ်မတော်သား ကိုယ်စားလှယ် အစုအဖွဲ့ မှ ဗိုလ်မှူးကြီး မင်းဦးက မြန်မာနိုင်ငံ၏ ကာကွယ်ရေး နှင့် လုံခြုံ ရှင်သန်စွာ နေထိုင်နိုင်ရေး ၊ အချုပ်အခြာ အာဏာ တည်တံ့ ခိုင်မြဲရေး တို့ အတွက် တပ်မတော်ကို အဆင့်မြင့် တပ်မတော် တစ်ခု ဖြစ်အောင် ကြိုးပမ်း ဆောင်ရွက် သွားကြရမည် ဖြစ်ကြောင်း ၊ ကမ္ဘာ့ နိုင်ငံ အသီးသီးတွင် ကာကွယ်ရေး အတွက် တပ်မတော် တစ်ရပ်သာ ထားရှိကြသည့် မူဝါဒ အတိုင်း တစ်ခုတည်းသော တပ်မတော်ကို တည်ဆောက်သွားရန် မဖြစ်မနေ လိုအပ်ကြောင်း တင်ပြခဲ့သည်။

ထို့ ကြောင့် ပြည်ထောင်စု တပ်မတော် တစ်ခုတည်းကိုသာ အင်အား တောင့်တင်းရန် ၊ စွမ်းရည် ထက်မြက်ရန် ၊ ခေတ်မီ တပ်မတော် ဖြစ်ရန် အတွက် စနစ်တကျ ခိုင်မာစွာ ဖွဲ့ စည်း ဆောင်ရွက်သွားကြမည် ဖြစ်ကြောင်း ၊ ဖွဲ့ စည်းပုံ အခြေခံ ဥပဒေ ပုဒ်မ ၃၃၈ တွင် နိုင်ငံတော် အတွင်းရှိ လက်နက်ကိုင် အဖွဲ့ အစည်း အားလုံးသည် တပ်မတော်၏ ကွပ်ကဲမှု အောက်တွင် ရှိသည်ဟု ပြဌာန်းထားခြင်းသည် တစ်ခုတည်းသော တပ်မတော် ထားရှိရေး မူဝါဒ သာ ဖြစ်ကြောင်း ထည့်သွင်း တင်ပြခဲ့သည်။

ထို့ ပြင် နိုင်ငံတော် ကာကွယ်ရေး နှင့် လုံခြုံရေး ဆိုင်ရာ အခြေခံသင့်သည့် မှုများ အပိုင်းမှ တပ်မတော်၏ မူဝါဒများအား ဒုတိယ ဗိုလ်မှူးကြီး ဇော်ဦး က လည်းကောင်း ၊ လက်နက်ကိုင် လမ်းစဉ်များ ချုပ်ငြိမ်းစေရေး အတွက် အခြေခံရမည့် လုပ်ငန်းစဉ်များအား ဗိုလ်မှူးကြီး ဇော်ဝင်းမြင့် က လည်းကောင်း အသီးသီး တင်ပြခဲ့သည်။

ပြည်ထောင်စု ငြိမ်းချမ်းရေး ညီလာခံ-(၂၁)ရာစု ပင်လုံ တတိယနေ့ တွင် အစိုးရ ၊ တပ်မတော် ၊ လွှတ်တော် ၊ တိုင်းရင်းသား လက်နက်ကိုင် အဖွဲ့ အစည်း ၊ နိုင်ငံရေး ပါတီ စုစုပေါင်း ကိုယ်စားလှယ် ၃၃ ဦးက သဘောထား အမြင်များအား တင်ပြကြမည် ဖြစ်ကြောင်း သိရသည်။

(Xinhua)
http://www.xinhuamyanmar.com/myanmar



ဇီကာဗိုင်းရပ်စ် အကြောင်းရေးထားတဲ့ ပညာပေးကြော်ငြာတစ်ခုကို တွေ့ရစဉ်။ Photo: www.gov.sg/zika
စင်္ကာပူနိုင်ငံကို ကိုယ်ဝန်ဆောင်အမျိုးသမီးတွေ၊ ကိုယ်ဝန်ဆောင်ဖို့ ရည်ရွယ်ချက်ရှိတဲ့ မိခင်လောင်းတွေအနေနဲ့ ခရီးစဉ်ကို ခေတ္တရပ်ဆိုင်းထားဖို့ စင်္ကာပူနိုင်ငံဆိုင်ရာ မြန်မာသံရုံးက ဒီနေ့ ကြေညာချက်ထုတ်ပြန်လိုက်ပါတယ်။

စင်္ကာပူနိုင်ငံမှာ ဇီကာဗိုင်းရပ်စ် ပျံ့နှံ့နေပြီး မြန်မာနိုင်ငံသား တစ်ဦးပါ ကူးစက်ခံရတဲ့အတွက် အခုလို ကြေညာချက် ထုတ်ပြန်လိုက်တာဖြစ်တယ်လို့ စင်္ကာနိုင်ငံဆိုင်ရာ မြန်မာသံမှူး ဒေါ်ထွေးထိပ်တင်လွင်က ပြောပါတယ်။

"စင်္ကာပူ ကျန်းမာရေးဝန်ကြီးဌာနက အကြောင်းကြားလာပါတယ်၊ မြန်မာနိုင်ငံသားတစ်ယောက် ကူးစက် ခံရတယ်ဆိုပြီးတော့ပေါ့နော်၊ အဲဒါနဲ့ ပတ်သက်ပြီးတော့ သံရုံးက ကြေညာချက် ဒီနေ့မနက် တင်ပဲ ထုတ်လိုက်ပါတယ်။ ကိုယ်ဝန်ဆောင်မိခင်တွေ၊ ကိုယ်ဝန်ဆောင်ဖို့ ရည်ရွယ်တဲ့ အမျိုးသမီးတွေ၊ မိခင်လောင်းတွေပေါ့၊ အခုရက်ပိုင်းအတွင်း စင်္ကာပူနိုင်ငံကို လာရောက်မှုကို ခေတ္တ ရပ်ဆိုင်းထားသင့် ပါတယ်ဆိုပြီး အသိပေး အကြောင်းကြားချက် ထုတ်ထားပါတယ်"

ဇီကာဗိုင်းရပ် ကူးစက်ခံထားရတဲ့ မြန်မာနိုင်ငံသားကို စင်္ကာပူကျန်းမာရေးဝန်ကြီးဌာနက အနီးကပ်စောင့်ကြည့် ကုသပေးနေပြီး သက်သာလာပြီဖြစ်ကြောင်းနဲ့ လူနာရဲ့ မေတ္တာရပ်ခံချက်ကြောင့် အသေးစိတ် အချက်အလက်တွေ ကို ပြောလို့မရကြောင်းလည်း ကြေညာချက်ထဲမှာ ပါဝင်ပါတယ်။

ဇီကာဗိုင်းရပ်ကူးစက်ခံရသူဟာ ကိုယ်အပူချိန်တက်ခြင်း၊ အရေပြားယားရန်ခြင်း၊ မျက်လုံးနီခြင်း၊ ခန္တာကိုယ် ကိုက်ခဲခြင်းနဲ့ ခေါင်းကိုက်ခြင်း ဝေဒနာတွေ ခံစားရတဲ့ လက္ခဏာတွေ ပြလာတာတွေရှိပါတယ်။

စင်္ကာပူနိုင်ငံမှာရှိတဲ့ မြန်မာနိုင်ငံသားတွေ ဇီကာဗိုင်းရပ်ကူးစက်ခံရရင်လည်း စင်္ကာပူနိုင်ငံဆိုင်ရာ မြန်မာသံရုံးရဲ့ အရေးပေါ် ဆက်သွယ်ရေးတယ်လီဖုန်းနံပါတ် ၀၈၂၄၆၈၅၈၁ ကို ဆက်သွယ်ပြီး လိုအပ်တဲ့ အကူအညီတွေ တောင်းခံနိုင်ကြောင်းလည်း သံရုံးကအသိပေးထားပါတယ်။

RFA Burmese
http://www.rfa.org/burmese



Donald Trump နဲ့ ဇနီးသည် Melania Trump (Credit: Reuters) 
Donald ​Trump ​ရဲ့ ​ဇနီးသည် ​Melania ​Trump ​ဟာ ​မော်ဒယ်လ် ​ဘဝတုန်းက ​ပြည့်တန်ဆာအဖြစ် ​လုပ်ခဲ့တယ်လို့ ​ရေးသားခဲ့တဲ့ ​မီဒီယာ ​နှစ်ခုကို ​ဒေါ်လာ ​သန်း ​၂၀၀ ​နဲ့ ​Melania ​က ​တရားစွဲဆိုလိုက်ပါတယ်။

၁၉၉၀ ​ပြည့်နှစ်တွေတုန်းက ​Melania ​ဟာ ​ပြည့်တန်ဆာအဖြစ် ​လုပ်ခဲ့တယ်လို့ ​Daily ​Mail ​Online ​နဲ့ ​Webster ​G. ​Tarpley ​ဆိုတဲ့ ​ဘလော်ဂါတို့က ​ရေးသားတဲ့အအပေါ် ​တရားစွဲလိုက်တာ ​ဖြစ်ပါတယ်။

Melania ​ဟာ ​Donald ​Trump ​ကသာ ​သမ္မတ ​ဖြစ်လာရင် ​သမ္မတကတော် ​ဖြစ်လာမှာ ​ဖြစ်လို့ ​ဒီလို ​အရေးအသားတွေဟာ ​နာမည်ပျက်စေတဲ့အတွက် ​တရားစွဲဆိုရတာ ​ဖြစ်တယ်လို့ ​Melania ​ရဲ့ ​ရှေ့နေတွေက ​ပြောပါတယ်။

တရားစွဲဆိုမှုကို ​ခံရတဲ့ ​Daily ​Mail ​ကတော့ ​အဲဒီ ​သတင်းကို ​ပြန်ရုပ်သိမ်းလိုက်သလို ​အဲဒီလို ​ရေးသားမိတဲ့အပေါ် ​နောင်တရမိတယ်လို့လည်း ​တုန့်ပြန်လိုက်ပါတယ်။

ABC Radio Australia
http://www.radioaustralia.net.au/burmese


ဇီကာရောဂါနဲ့ ​ဆက်စပ်တဲ့ ​လေ့လာမှု ​တစ်ခုအရ ​ကမ္ဘာ့လူဦးရေ ​၃ ​ပုံ ​တစ်ပုံဟာ ​ဇီကာရောဂါရဲ့ ​အန္တာရာယ်ကို ​ကြုံရနိုင်တယ်လို့ ​ဆိုပါတယ်။

ဒါဟာ ​လူအယောက်ပေါင်း ​၂.၅ ​ဘီလီယံက ​ဇီကာရဲ့ ​ရန်ကို ​ကြုံရနိုင်တဲ့ ​သဘောဖြစ်ပြီး ​အဲဒီလူတွေ ​နေထိုင်ရာ ​အရပ်ဒေသကြောင့် ​ဖြစ်ရတာလို့ ​ဆိုပါတယ်။

ဇီကာရောဂါနဲ့ ​ပတ်သက်ပြီး ​ကမ္ဘာ့အရေးပေါ် ​ကျန်းမာရေးအခြေအနေအဖြစ် ​သတ်မှတ်ထားတာကြောင့် ​ပညာရှင်တွေက ​သုတေသနတွေ ​လုပ်နေကြသလို ​ရောဂါ ​ပြန့်ပွားလာရင် ​ဘယ်လို ​ကိုင်တွယ်ဖြေရှင်းမလဲ၊ ​ရောဂါ ​မဖြစ်အောင် ​ဘယ်လို ​ကာကွယ်ရမလဲ ​ဆိုတာတွေကို ​တောက်လျှောက် ​ဆွေးနွေးလုပ်ကိုင်ကြတာ ​ဖြစ်ပါတယ်။

လေ့လာချက်အရ ​ဇီကာဖြစ်တဲ့ ​ဒေသကို ​သွားရောက်တဲ့ ​လူအရေအတွက်၊ ​ခြင်တွေရှိတဲ့ ​နိုင်ငံ ​အရေအတွက်နဲ့ ​လက်ရှိ ​ကျန်းမာရေး ​အရင်းအမြစ်တွေကို ​တွက်ချက်တဲ့အခါမှာ ​ကမ္ဘာ့လူဦးရေ ​သုံး ​ပုံ ​တစ်ပုံ ​က ​ဇီကာရောဂါရဲ့ ​အန္တာရာယ်ကို ​ကြုံရနိုင်တယ်လို့ ​တွက်ချက်ကြတာ ​ဖြစ်ပါတယ်။

ဇီကာရောဂါအတွက် ​စိုးရိမ်ရတဲ့ ​နိုင်ငံတွေထဲမှာ ​ခြင်တွေပေါတဲ့ ​နိုင်ငံတွေ ​ပါဝင်ပြီး ​လူဦးရေလည်း ​များပြားတဲ့ ​အိန္ဒိယ၊ ​ပါကစ္စတန်နဲ့ ​နိုင်ဂျီးရီးယားလို ​နိုင်ငံတွေလည်း ​ပါဝင်ပါတယ်။

အခုလောလောဆယ် ​စင်္ကာပူနိုင်ငံမှာ ​လူပေါင်း ​၁၅၀ ​လောက် ​ရောဂါ ​ကူးစက်ခံနေရပြီး ​ကူးစက်ခံရသူတွေထဲမှာ ​မြန်မာနိုင်ငံသား ​တစ်ဦး၊ ​အင်ဒိုနီးရှား၊ ​ထိုင်ဝမ်၊ ​တရုတ်၊ ​အိန္ဒိယ၊ ​ဘင်္ဂလားဒေ့ရ်ှနဲ့ ​မလေးရှားနိုင်ငံသားတွေ ​ပါဝင်ပါတယ်။

ဇီကာရောဂါ ​ပြန့်နှံ့မှုကို ​ထိန်းသိမ်းနိုင်တယ်လို့ ​စင်္ကာပူက ​ပြောဆိုနေပေမယ့် ​သြစတြေးလျ၊ ​ဗြိတိန်၊ ​အမေရိကန်နဲ့ ​ထိုင်ဝမ်နိုင်ငံတို့ကတော့ ​ကိုယ်ဝန်သည်တွေ ​ဖြစ်နိုင်ရင် ​စင်္ကာပူ ​နိုင်ငံကို ​မသွားကြဖို့ ​တိုက်တွန်းထားပါတယ်။

မြန်မာသံရုံးကလည်း ​ကိုယ်ဝန်ရှိတဲ့ ​မြန်မာနိုင်ငံသူတွေ ​စင်္ကာပူကို ​မလာဖို့ ​တိုက်တွန်းထားပါတယ်။

အခုလောလောဆယ် ​စင်္ကာပူနိုင်ငံကနေ ​ပြန်ရောက်လာတဲ့ ​မလေးရှား ​အမျိုးသမီးတစ်ယောက်မှာလည်း ​ဇီဂာရောဂါ ​ရှိနေတယ်လို့ ​မလေးရှား ​အစိုးရက ​ပြောကြောင်း ​AFP ​သတင်းမှာ ​ရေးသားထား ​ပါတယ်။

ABC Radio Australia
http://www.radioaustralia.net.au/burmese



ပါကစ္စတန်တွင် ဗုံးပေါက်ကွဲမှု တစ်ခုအား တွေ့ရစဉ် (ဓာတ်ပုံ- အင်တာနက်)
    အစ္စလာမ်မာဘတ်၊ စက်တင်ဘာလ ၂ ရက် (ဆင်ဟွာ)

    ပါကစ္စတန်နိုင်ငံ အနောက်မြောက်ပိုင်းရှိ မာဒန်မြို့ရှိ ခရိုင် တရားရုံး၌ စက်တင်ဘာလ ၂ ရက်က အသေခံ ဗုံးပေါက်ကွဲမှု ဖြစ်ပွားခဲ့ရာ ရှေ့နေ ၄ ဦး အပါအဝင် အနည်းဆုံး လူ ၁၂ ဦး သေဆုံးခဲ့ပြီး အခြားလူ ၂၇ ဦး ဒဏ်ရာရရှိခဲ့ကြောင်း အရာရှိများက ပြောသည်။

ရဲတပ်ဖွဲ့ လက်ထောက် စစ်ဆေးရေးမှူးချုပ် အီဇတ် ခန်း၏ အဆိုအရ အေသခံ ဗုံးဖောက်ခွဲရေးသမား တစ်ဦးသည် တရားရုံး ဝင်ပေါက်နှင့် ရုံး နေရာသို့ လက်ပစ်ဗုံး တစ်လုံး ပစ်ဖောက်ခဲ့ခြင်းကြောင့် ဖြစ်ပြီး ၎င်းအား တရားရုံး အခန်းတွင်းသို့ မဝင်ရောက်မီ ရဲတပ်ဖွဲ့က ပစ်ခတ် ဖမ်းဆီးခဲ့ကြောင်း သိရသည်။

ဒဏ်ရာရရှိသူများအား မာဒန် ဆေးရုံတွင် ဆေးကုသမှု ခံယူလျက်ရှိပြီး ၎င်းတို့အနက် အနည်းဆုံး ၈ ဦးသည် အထူး ကြပ်မတ်ကုသဆောင်၌ စိုးရိမ်ဖွယ် အခြေအနေရှိကြောင်း ကယ်ဆယ်ရေး အရာရှိ ဟာရစ် ဟာဘတ်က ပြောကြားခဲ့သည်။

တိုက်ခိုက်မှု ဖြစ်ပွားပြီးပြီးချင်း လုံခြုံရေး တပ်ဖွဲ့များ၊ ရဲတပ်ဖွဲ့နှင့် ကယ်ဆယ်ရေး တပ်ဖွဲ့များ အခင်း ဖြစ်ပွားရာ နေရာသို့ ချက်ချင်းရောက်ရှိလာခဲ့ကြောင်း သေဆုံးသူများ သယ်ဆောင်ခြင်းနှင့် ဒဏ်ရာရရှိသူများအား ဆေးရုံသို့ ရွှေ့ပြောင်းခဲ့ရကြောင်း သိရသည်။

အသေခံ ဗုံးဖောက်ခွဲသူသည် ၅-၆ ကီလိုဂရမ် အလေးချိန်ရှိ ဖောက်ခွဲရေး ပစ္စည်းများ ပါဝင်သည့် ဖောက်ခွဲရေး ဂျာကင် ဝတ်ဆင်ကာ ဗုံးဖောက်ခွဲခဲ့ခြင်း ဖြစ်ကြောင်း ဗုံး ရှင်းလင်းရေး အဖွဲ့ အရာရှိ တစ်ဦးက ပြောကြားခဲ့သည်။

ရဲတပ်ဖွဲ့နှင့် လုံခြုံရေး တပ်ဖွဲ့က ရှာဖွေရေး လုပ်ငန်းများ လုပ်ဆောင်ရန် အခင်းဖြစ်ပွားသည့်နေရာအား သွားလာခွင့် ပိတ်ထားကြောင်း သိရသည်။

အဆိုပါ တိုက်ခိုက်မှုနှင့် ပတ်သက်၍ မည်သည့်အဖွဲ့ လက်ချက်ဖြစ်ကြောင်း ပြောကြားထားခြင်း မရှိသေးပေ။

ဗုံးပေါက်ကွဲမှုတွင် သေဆုံးသူများနှင့် နစ်နာဆုံးရှုံးသူများအတွက် ကြေကွဲဝမ်းနည်းကြောင်း ပါကစ္စတန် သမ္မတ မန်နွန် ဟူစိန်နှင့် ဝန်ကြီးချုပ် နာဝပ်ဇ် ရှာရစ်ဖ်တို့က ပြောကြားခဲ့သည်။

(Xinhua)
http://www.xinhuamyanmar.com