09/05/16



ရေမဲနေတဲ့ ချင်းတွင်းမြစ်ရေကို တွေ့ရစဉ်။ ဓါတ်ပုံ - ဇော်ဇော်ဌေး တကိုယ်တော် အောင်လံ(facebook)
စစ်ကိုင်းတိုင်း ခန္တီးမြို့နယ်နဲ့ ဟုမ္မလင်းမြို့နယ်တ၀ိုက်က ချင်းတွင်းမြစ်ရေထဲမှာ ခဲပါဝင်မှုတွေ များနေတာဟာ ခန္တီးဘက်မှာ အမဲရောင်ရေထွက်တဲ့ တွင်းတတွင်း ပေါ်နေတယ်ဆိုပြီး သတင်းတွေ ထွက်နေတာကြောင့် စစ်ကိုင်းတိုင်းအစိုးရအဖွဲ့က လာမယ့် စက်တင်ဘာလ ၆ ရက်နေ့မှာ သွားရောက် စစ်ဆေးမှာ ဖြစ်ပါတယ်။

ရေမဲကြီး စတင်ဖြစ်ပေါ်တဲ့နေရာ အရင်းအမြစ်ကို သွားရောက်ရှာဖွေပြီး တွေ့ရှိရင် ပြန်လည်ပြုပြင်မှု တွေလုပ်သွား မှာ ဖြစ်တယ်လို့ စစ်ကိုင်းတိုင်းအစိုးရအဖွဲ့ ပတ်ဝန်းကျင်ထိန်းသိမ်းရေးဦးစီးဌာန လက်ထောက် ညွှန်ကြားရေး မှူး ဒေါ်ဥမ္မာမြင့် က ပြောပါတယ်။

"အင်္ဂါနေ့ကိုသွားဖို့ရှိတယ်၊ ထိပ်ပိုင်းအထိလေ၊ ဖေ့စ်ဘွတ်ထဲမှာ တွေ့ထားတယ်၊ အဲ့နေရာမှာ တွင်းကြီးတစ်တွင်းတွေ့တယ်ပေါ့နော်၊ အဲ့တွင်းကြီးကနေပြီးတော့မှ အဲ့လိုမျိုး ဖြစ်နေတယ်ပေါ့၊ အဲ့နေရာလောက်နားအထိ ရောက်အောင်သွားဖို့တော့ စီစဉ်နေတယ်၊ ရေကို ပြန်ကောင်းအောင် လုပ်လို့မရဘူး၊ Treatment မပေးနိုင်ဘူး၊ အဲ့လိုမျိုး Treatmemt မပေးနိုင်ဘူးဆိုတော့ အပေါ်ကနေ ဆင်းလာတဲ့ Source ကို ရှာပြီးတော့မှ အဲ့ Source မှာ ဘာလုပ်လို့ရမလဲဆိုတာမျိုးကို စဉ်းစားရမှာ "

အဲ့ဒီဒေသတွေဘက်က ချင်းတွင်းမြစ်ရေကို အသေးစိတ် ထပ်မံစစ်ဆေးသွားမှာဖြစ်ပြီး သောက်ရေ ဒါမှမဟုတ် သုံးရေ အဖြစ် ဆက်ပြီး အသုံးပြုလို့ ရ/မရ ကို စစ်ဆေးသွားမယ်လို့လည်း ဒေါ်ဥမ္မာမြင့် က ပြောပါတယ်။

အဲ့ဒီမြစ်ရေမှာ ခဲပါဝင်မှုက အဆ ၁၀၀ ကျော်ရှိနေတာကြောင့် အနီးပတ်ဝန်းကျင်မှာ နေထိုင်သူတွေ ခဲဆိပ်သင့်တဲ့ အန္တရာယ်ဖြစ်နိုင်ကြောင်း ရေမဲတွေစီးဆင်းခဲ့တဲ့ ခန္တီးနဲ့ ဟုမ္မလင်းမြို့နယ်တွေမှာ ချင်းတွင်းမြစ်ရေကို သောက်သုံးဖို့ မသင့်ကြောင်း အထွေထွေအုပ်ချုပ်ရေး ဦးစီးဌာနတွေက လိုက်လံသတိပေးထားပါတယ်။

ခဲဆိပ်သင့်တဲ့ရောဂါ ခံစားရသူတွေဟာ အသားတွေပြာတာ၊ နှုတ်ခမ်းတွေပြာတာ၊ အရိုးကင်ဆာ ဖြစ်တာ၊ မွေး ကင်းစကလေးတွေနဲ့ ကလေးငယ်တွေအနေနဲ့ ကြီးထွားမှု၊ ဥာဏ်ရည်ဖွံ့ဖြိုးမှုတွေ နှေးသွားတာမျိုးတွေ ဖြစ်နိုင်တယ် လို့လည်း ပြောပါတယ်။

ချင်းတွင်းမြစ်ရေကို အသုံးမပြုရင်တောင် ခဲဆိပ်ပျံ့နှံမှုကြောင့် မြေကြီးထဲတွေ စိမ့်ဝင်ပြီး စိုက်ပျိုးရေး လုပ်ကိုင်လို့ မရတာတွေလည်း ရှိနိုင်ပါတယ်။

RFA Burmese
http://www.rfa.org/burmese



ဂရိတ်ဝေါလ်သကြားစက်ရုံက ရေဆိုးတွေကို မြစ်ထဲသို့စွန့်ပစ်နေသည်ကို တွေ့ရစဉ်။ Photo: Ko Tint Wai/ Facebook
စစ်ကိုင်းတိုင်းဒေသကြီး ထီးချိုင့်မြို့နယ် မောင်းကုန်းကျေးရွာအုပ်စုအနီးမှာရှိတဲ့ ဂရိတ်ဝေါလ် သကြားစက်ရုံဟာ ဧရာဝတီမြစ်ထဲကို ရေဆိုးတွေ စွန့်ပစ်နေတာ စစ်ဆေးတွေ့ရှိထားကြောင်းနဲ့ ဆက်လက်စွန့်ပစ်မှု ရှိ၊ မရှိကို စောင့်ကြည့်ဖို့ စစ်ကိုင်းတိုင်းဝန်ကြီးချုပ် ဒေါက်တာမြင့်နိုင် က အုပ်ချုပ်ရေးအဖွဲ့တွေနဲ့ လွှတ်တော် ကိုယ်စားလှယ်တွေကို ညွှန်ကြားထားပါတယ်။

စက်ရုံတာဝန်ရှိသူတွေက ရေဆိုးတွေကို ဧရာဝတီမြစ်ထဲကို မစွန့်ပစ်တော့ဘူးလို့ ကတိပေးထား ပေမယ့် စက်ရုံပြန်လည်ပတ်မယ့် နိုဝင်ဘာလမှာ စောင့်ကြည့် စစ်ဆေးမှာဖြစ်တယ်လို့ ထီးချိုင့်မြို့နယ် တိုင်းဒေသကြီး လွှတ်တော်ကိုယ်စားလှယ် ဦးသိန်းဟန်က ပြောပါတယ်။

"အရင်တုန်းက အခုလို ထိထိရောက်ရောက် စစ်ဆေးမှုတွေ မရှိခဲ့ဘူးခင်ဗျ။ အခုအစိုးရ လက်ထက်မှာတော့ သဘာဝပတ်ဝန်းကျင်ကို ဦးစားပေးလုပ်တဲ့အတွက် ၀န်ကြီးချုပ်ကိုယ်တိုင် သွားရောက်စစ်ဆေးတာမှာ တွေ့ ရှိခဲ့တာပါ။ စက်ရုံဘက်က ပေးထားတဲ့ ကတိက၀တ်အတိုင်းပဲ သူတို့ စက်ရုံ ၁၁ လပိုင်းမှာ လည်မယ်ပြော တယ်။ လည်တဲ့အခါလည်း သူတို့ဒီအညစ်ကြေးတွေကို တကယ်သန့်စင်မှု ရှိမရှိ၊ ခရိုင်အုပ်ချုပ်ရေးမှုးနဲ့တကွ ကျွန်တော်တို့လွှတ်တော်ကိုယ်စား လှယ်တွေ စစ်ဆေးမှာပါခင်ဗျ"

ဂရိတ်ဝေါလ်သကြားစက်ရုံကို အရေးယူတာမျိုးမရှိပေမယ့် နောက်ထပ် စွန့်ပစ်တာတွေ မလုပ်ဖို့ သတိပေးထား ပါတယ်။

စက်ရုံကထွက်ရှိတဲ့ ရေဆိုးတွေကို ဧရာဝတီမြစ်ထဲကို တိုက်ရိုက်စွန့်ပစ်တဲ့အတွက် အနံ့ဆိုးတွေ ထွက်ပေါ်နေ တယ်လို့ ဦးသိန်းဟန် က ပြောပါတယ်။

အခုချိန်မှာ ကြံပေါ်တဲ့ ရာသီမဟုတ်သေးတဲ့အတွက် စက်ရုံလည်ပတ်မှုမရှိသေးဘဲ ရပ်နား ထားတာဖြစ်ပါတယ်။

ရေဆိုးစွန့်ပစ်တာတွေကြောင့် အနီးပတ်ဝန်းကျင်မှာရှိတဲ့ ကျေးရွာ ၅ ရွာလောက်ဟာ အနံ့ဆိုးတွေ ခံစားနေရပြီး မသန့်ရှင်းတဲ့ ရေတွေကို အသုံးပြုနေရသလို ဧရာဝတီမြစ်ကြောင်း တစ်လျှောက်ကျေးရွာတွေကလည်း ရေဆိုးဒဏ် ခံနေရတာဖြစ်ပါတယ်။

RFA Burmese
http://www.rfa.org/burmese


သမ္မတအိုဘားမား တရုတ်ခရီးစဉ်
တရုတ်နိုင်ငံမှာ ဒီကနေ့ စတင်တဲ့ စီးပွားရေးအင်အားကြီး နိုင်ငံ ၂၀ တို့ရဲ့ ထိပ်သီးညီလာခံ G 20 ညီလာခံကို တက်ရောက်ဖို့ စနေနေ့က တရုတ်နိုင်ငံကို ရောက်သွားတဲ့ အမေရိကန်သမ္မတ ဘရာ့ခ် အိုဘားမားရဲ့ ခရီးစဉ်မှာတော့ အဆင်မပြေမှုတွေနဲ့ ပွက်လောညံခဲ့ပါတယ်။

အမေရိကန်သမ္မတရဲ့ Air Force One လေယာဉ် တရုတ်နိုင်ငံ Hangzhou လေဆိပ်ကို စနေနေ့က ဆိုက်ရောက်ချိန်မှာ သမ္မတ ဘရာ့ခ် အိုဘားမား လေယာဉ်ပေါ်ကနေ ဆင်းဖို့အတွက် လေယာဉ်လှေခါး မရှိခဲ့သလို လေယာဉ်ပေါ်ကနေ အမေရိကန်သမ္မတ ဆင်းလာတဲ့အချိန်မှာလည်း တခြား နိုင်ငံတကာ ခေါင်းဆောင်တွေကို ခင်းပေးခဲ့သလိုမျိုး ကောဇောနီ ခင်းမပေးခဲ့ပါဘူး။

အမေရိကန်သမ္မတ အိုဘားမားကို ဓာတ်ပုံရိုက်ဖို့ လေယာဉ်ပြေးလမ်းပေါ်မှာ နေရာယူကြတဲ့ အမေရိကန် သမ္မတ အိမ်ဖြူတော် ဓာတ်ပုံသတင်းထောက်တွေကိုလည်း တရုတ်တာဝန်ရှိသူတွေက အော်ဟစ်ခဲ့တာကြောင့် တင်းတင်းမာမာ ဖြစ်ခဲ့ကြသေးတာပါ။

ဓာတ်ပုံသတင်းထောက်တွေ ဘယ်နေရာကနေ ဓာတ်ပံရိုက်ရမယ်ဆိုတာကို အမေရိကန်က သတ်မှတ်ရမှာ ဖြစ်ပါတယ်လို့ အိမ်ဖြူတော် အရာရှိတဦးက ၀င်ပြောတာမှာလည်း တရုတ်တာဝန်ရှိတဦးက ဒါက ငါတို့တိုင်းပြည်၊ ဒါက ငါတို့လေဆိပ် ဆိုပြီး ပြန်အော်ဟစ်ခဲ့တာပါ။ ဒါက အစပိုင်းမှာ ဖြစ်ခဲ့တာပါ။

ဒီနောက်ပိုင်းမှာတော့ အမေရိကန်သမ္မတရဲ့ ယာဉ်တန်းဆီကို လျှောက်သွားတဲ့ အမျိုးသားလုံခြုံရေးအကြံပေး Susan Rice ကို အဲဒီတရုတ်တာဝန်ရှိသူကပဲ တားမြစ်ဖို့ ကြိုးစားတာကြောင့် အမေရိကန်သမ္မတရဲ့ လုံခြုံရေး တပ်ဖွဲ့ဝင်တဦးက ကြားဝင် ပြောခဲ့ရပါတယ်။

ရာသီဥတု ပြောင်းလဲမှုဆိုင်ရာ ပါရီ သဘောတူညီချက်အပေါ် တရုတ်-အမေရိကန် နှစ်နိုင်ငံ ပူးတွဲကြေညာချက် ထုတ်ဖို့ လုပ်တဲ့ အခမ်းအနားအပြီးနဲ့ နှစ်နိုင်ငံ ခေါင်းဆောင်တွေရဲ့ ၃ နာရီခွဲကြာ တွေ့ဆုံဆွေးနွေးပွဲအတွင်း စနေနေ့ ညနေပိုင်းမှာတော့ တင်းမာမှုတွေ ထပ်ဖြစ်ခဲ့ပါတယ်။ ဒီတခါမှာတော့ သမ္မတနှစ်ဦးတို့ရဲ့ ညပိုင်း တွေ့ဆုံမှုမှာ သတင်းထောက် ဘယ်နှယောက်ကို ခွင့်ပြုမလဲဆိုတဲ့အပေါ် အငြင်းပွားခဲ့ကြတာပါ။

တရုတ်အစိုးရ တာဝန်ရှိသူတွေက အရင်က သတင်းထောက် ၆ ဦး ခွင့်ပြုထားရာကနေ ၃ ဦးပဲ ခွင့်ပြုမယ်လို့ လျှော့ချလိုက်ပြီး နောက်ဆုံးကျတော့ တဦးသာ ခွင်ပြုမယ်လို့ ဖြစ်သွားတာပါ။ ဒီပွဲက ငါတို့စီစဉ်တာလို့လည်း တရုတ်အစိုးရ တာဝန်ရှိသူတဦးက အမေရိကန်အစိုးရ အိမ်ဖြူတော် ပြန်ကြားရေး တာဝန်ရှိသူတဦးကို ပြောခဲ့ ပါတယ်။ အမေရိကန် သမ္မတအိမ်ဖြူတော် အရာရှိကလည်း ခင်ဗျားတို့ အစီအစဉ်ကလည်း ပြောင်းပြီးရင်း ပြောင်း လုပ်နေတာကိုးလို့ ပြန်ပြီး တုံ့ပြန်ခဲ့ပါတယ်။ နောက်ဆုံးမှာတော့ သတင်းထောက် ၂ ဦး ၀င်ခွင့်ပြုဖို့ နှစ်ဘက် သဘောတူလိုက်ကြပါတယ်။

ဗွီအိုအေ (မြန်မာပိုင်း)
http://burmese.voanews.com

Author Name

Contact Form

Name

Email *

Message *

Powered by Blogger.