09/07/16



စက်တင်ဘာလ ၁၄ ရက်နေ့မှာ စတင်မယ့် ဒေါ်အောင်ဆန်းစုကြည်ရဲ့ အမေရိကန်ခရီးစဉ်အတွင်း - မြန်မာနိုင်ငံရဲ့ ဒီမိုကရေစီ အသွင်ကူးပြောင်းရေး အောင်မြင်စေဖို့ စီးပွားရေးဖွံ့ဖြိုးမှုအတွက်မြန်မာနိုင်ငံအပေါ် ချမှတ်ထားတဲ့ ဒဏ်ခတ်အရေးယူမှုတွေကို အိုဘားမား အစိုးရက လျှော့ချပေးဖို့ စဉ်းစားနေတယ်လို့ အိမ်ဖြူတော် ထိပ်တန်းအရာရှိတဦးက အင်္ဂါနေ့မှာ ပြောဆိုလိုက်ပါတယ်။ ဒီအပေါ် လူ့အခွင့်အရေးအဖွဲ့တွေနဲ့ မြန်မာ့အရေး အကဲခတ်တွေက ဘယ်လို သုံးသပ်ခဲ့ကြသလဲ - ဆက်သွယ် မေးမြန်းထားတဲ့ မနန္ဒာချမ်း က တင်ပြထားပါတယ်။

ဧပြီလ ၁ ရက်နေ့မှာ အစိုးရတာဝန်ကို တရားဝင် လွှဲပြောင်းရယူပြီးချိန်ကစလို့ - မြန်မာနိုင်ငံရဲ့ နိုင်ငံတော်အတိုင်ပင်ခံပုဂ္ဂိုလ်၊ မြန်မာနိုင်ငံခြားရေး ၀န်ကြီး ဒေါ်အောင်ဆန်းစုကြည်ရဲ့ ပထမဆုံးအကြိမ် တရားဝင်လာရောက်မယ့် အမေရိကန်ခရီးစဉ်အတွင်း စက်တင်ဘာလ ၁၄ ရက်နေ့ကျရင် အိမ်ဖြူတော်မှာ သမ္မတ အိုဘားမားနဲ့ တွေ့ဆုံမှာဖြစ်ပါတယ်။ ဒီခရီးစဉ်အတွင်း - မြန်မာပြည် ဒီမိုကရေစီ ပြုပြင်ပြောင်းလဲရေးအတွက် အရင် စစ်အစိုးရလက်ထက်က လူ့အခွင့်အရေးချိုးဖောက်မှုတွေကြောင့် ချမှတ်ထားတဲ့ ဒဏ်ခတ်အရေးယူမှုတွေကို ရုပ်သိမ်းပေးဖို့ စဉ်းစားနေ တယ်လို့ အိမ်ဖြူတော် အမျိုးသား လုံခြုံရေး လက်ထောက်အကြံပေး Ben Rhodes က သတင်းထောက်တွေကို ပြောဆိုခဲ့တာပါ။ လူထုက ရွေးချယ် တင်မြှောက်တဲ့ အစိုးရတက်လာပြီးနောက် - မြန်မာနိုင်ငံ ဘက်စုံ ဖွံ့ဖြိုးတိုးတက်ရေးမှာ အမေရိကန်က ၀ိုင်းဝန်းကူညီပံ့ပိုးပေးနေချိန် - အခုလို ဒဏ်ခတ်မှုတွေ ရုပ်သိမ်းဖို့ စဉ်းစားတာဟာ - နှစ်နိုင်ငံ ကုန်သွယ်ရေးအပြင် စီးပွားဖွံ့ဖြိုးတိုးတက်စေရေးမှာ အထောက်အကူ ဖြစ်စေဖို့ ရည်ရွယ် စဉ်းစားတာဖြစ်တယ်လို့ အိမ်ဖြူတော် အမျိုးသား လုံခြုံရေး လက်ထောက်အကြံပေးလည်းဖြစ်၊ သမ္မတ အိုဘားမားရဲ့ လက်ထောက်လည်းဖြစ်တဲ့ Ben Rhodes က ပြောဆိုခဲ့တာပါ။

“မြန်မာနိုင်ငံရဲ့ စီးပွားရေး ဖွံ့ဖြိုးတိုးတက်ရေးအတွက် ကျနော်တို့အနေနဲ့ အကောင်းဆုံး အကူအညီပေးနိုင်တာက မြန်မာနဲ့ အမေရိကန်အပြင် တခြား ကမ္ဘာတ၀ှမ်းရှိ နိုင်ငံတွေအကြား ကုန်သွယ်ရေး လမ်းဖွင့်ပေးဖို့ပါပဲ။ ဒီလို လုပ်ဆောင်နိုင်ဖို့ရာ ကျနော်တို့အနေနဲ့ မြန်မာနိုင်ငံရဲ့ နိုင်ငံခြား ရင်းနှီးမြှုပ်နှံမှုနဲ့ ကုန်သွယ်ရးကို အားဖြည့်ပေးနိုင်မယ့် ပတ်ဝန်းကျင် ဖန်တီပေးရာမှာ ကူညီဖို့ပါပဲ။ အဲဒီလို လုပ်ဆောင်ရာမှာ ဒဏ်ခတ်ပိတ်ဆို့မှုတွေ လျှော့ချပေးဖို့အပြင် စီးပွားရေးလုပ်ငန်းတွေ တိုးချဲ့နိုင်ဖို့ ခြေလှမ်းတွေ ယူခဲ့ပြီးဖြစ်ပါတယ်။ ဒါကို ကျနော်တို့ ဆက်လက် လုပ်ဆောင်သွားမှာ ဖြစ်ပါတယ်။ တကယ်တော့ ဒဏ်ခတ်ပိတ်ဆို့မှုတွေ ချမှတ်တဲ့ အဓိက ရည်ရွယ်ချက်ကလည်း ဒီမိုကရေစီ အသွင်ကူးပြောင်းရေးကို ထောက်ခံ အားပေးဖို့ပဲ ဖြစ်ပါတယ်။ တချို့ အမေရိကန်က ချမှတ်ခဲ့တဲ့ ဒဏ်ခတ်ပိတ်ဆို့မှုတွေကို ကြည့်ရင် ဒေါ်အောင်ဆန်းစုကြည် နှိပ်ကွပ်ခံရတဲ့ ဆက်ဆံမှု တွေကြောင့် ဖြစ်တယ်ဆိုတာကို တွေ့ရပါလိမ့်မယ်။ မြန်မာနိုင်ငံတွင်းမှာ ပြဿနာတွေ ဆက်လက် ရှိနေသေးတယ်ဆိုတာကို နားလည် သဘောပေါက်ပေမဲ့ ဒီမိုကရေစီ အကျိုးရလဒ်တွေကို လူထုက ခံစားနိုင်ဖို့ ကျနော်တို့ လိုလားပါတယ်။”

မြန်မာနိုင်ငံမှာ ၈ လေးအရေးအခင်းနောက်ပိုင်း၊ မေ ၃၀ ဒီပဲယင်းအရေးအခင်းနောက်ပိုင်းနဲ့ ရွှေဝါရောင်သံဃာ့အရေးအခင်းနောက်ပိုင်းတွေမှာ အမေရိကန်ပြည်ထောင်စုက ဒဏ်ခတ်အရေးယူမှုတွေ ချမှတ်ခဲ့တာဖြစ်ပါတယ်။

အခုလို အမေရိကန်က မြန်မာအပေါ် ချမှတ်ထားတဲ့ ဒဏ်ခတ်အရေးယူမှုတွေကို လျှော့ချပေးဖို့ စဉ်းစားနေချိန်မှာပဲ နိုင်ငံတကာ လူ့အခွင့်အရေး လှုပ်ရှားမှုအဖွဲ့တွေကတော့ မြန်မာနိုင်ငံမှာ ဒီမိုကရေစီ ခိုင်ခိုင်မာမာ မရှိသေးဘဲ ဒဏ်ခတ်မှုတွေ ရုပ်သိမ်းဖို့ မသင့်ဖူးလို့ ယူဆနေကြတာပါ။ ဒဏ်ခတ်မှုတွေ အလျင်စလို ပြန်မရုပ်သိမ်းဖို့ အင်္ဂါနေ့မှာပဲ ကြေညာချက်ထုတ်ပြန်ပြီး အမေရိကန် အစိုးရကို တိုက်တွန်းခဲ့တဲ့ Human Rights Watch အဖွဲ့ရဲ့ အာရှရေးရာ တာဝန်ခံ Brad Adams ကတော့ အထူးသဖြင့် မြန်မာ့နိုင်ငံရေးမှာ ဆက်လက် သြဇာလွှမ်းမိုးနေတဲ့ စစ်တပ်ကို ဖိအားပေးနိုင်ဖို့ ဒဏ်ခတ်မှုတွေ ဆက်ရှိသင့်တယ်လို့ ပြောပါတယ်။

“ဒဏ်ခတ်မှု အများစုကို ပြန်ရုပ်သိမ်းဖို့ အချိန်မတန်သေးဘူးလို့ ကျနော်တို့က ယူဆပါတယ်။ ဒေါ်အောင်ဆန်းစုကြည် ကိုယ်တိုင်လည်း ဒဏ်ခတ်မှု တွေ မရုပ်သင့်သေးဘူးလို့ ပြောခဲ့တာ သိပ်မကြာသေးပါဘူး။ နိုင်ငံခြားရေးဝန်ကြီး John Kerry ကလည်း ပြုပြင်ပြောင်းလဲရေး လုပ်ငန်းစဉ် မပြီးမချင်း ဆက်ထားသင့်တယ်လို့ ပြောဖူးပါတယ်။ ထိလွယ်ရှလွယ် အခြေအနေမျိုး၊ ဒါမှမဟုတ် စတောင်မစရသေးတဲ့ ပြုပြင်ပြောင်းလဲရေး လုပ်ငန်းတွေ တပုံကြီး ကျန်သေးတဲ့အတွက် စောလွန်းသေးတယ်လို့ ထင်ပါတယ်။ ပြုပြင်ပြောင်းလဲရေး လမ်းအတိုင်း ဆက်လျှောက်ပြီး အတားအဆီးတွေ မလုပ်တော့တဲ့အထိ ဒဏ်ခတ်မှုတွေကို စစ်တပ်နဲ့ စစ်တပ်ထဲက ချမ်းသာနေကြတဲ့ လက်ဝေခံလူတန်းစားကို ပစ်မှတ်ထား သင့်ပါတယ်။ အရပ်သားအစိုးရက အပြည့်အ၀ အုပ်ချုပ်ခွင့်ရတာမျိုး၊ ကာကွယ်ရေး၊ ပြည်ထဲရေးနဲ့ နယ်စပ်ရေးရာ ၀န်ကြီးတွေကို စစ်တပ်ကသာ ခန့်အပ်တာမျိုးတွေ မလုပ်ဖို့ ဖြစ်ပါတယ်။ စစ်တပ်အနေနဲ့ အရပ်သားအစိုးရ အုပ်ချုပ်မှုအောက်မှာသာ ရှိသင့်ပြီး၊ လွှတ်တော်ထဲမှာ ၂၅ ရာခိုင်နှုန်းကို စစ်တပ်အတွက် သီးသန့်နေရာပေးထားတာကိုလည်း ပယ်ဖျက်ရမှာပါ။”

ဒါပေမဲ့လည်း ၀ါရှင်တန်အခြေစိုက် Georgetown တက္ကသိုလ်က မြန်မာ့အရေးကျွမ်းကျင်သူ ဂုဏ်ထူးဆောင်ပါမောက္ခ David Steinberg ကတော့ သမ္မတ အိုဘားမား အစိုးရရဲ့ နိုင်ငံခြားရေးရာ မူဝါဒတွေထဲမှာ မြန်မာနိုင်ငံနဲ့ ထိတွေ့ဆက်ဆံခဲ့တဲ့ မူဝါဒဟာ အောင်မြင်မှုတခု ဖြစ်တယ်လို့ မြင်ပါတယ်။ ဒါကြောင့်လည်း ဆက်လက်ပြီး ဆက်ဆံရေးတွေ တိုးမြှင့်သွားနိုင်ဖို့ ဒဏ်ခတ်မှု အများစုကို ပြန်ရုပ်သိမ်းသင့်တယ်လို့လည်း ပြောဆိုခဲ့ တာပါ။

“ပိတ်ဆို့ဒဏ်ခတ်မှုတွေ ရှိနေတာဟာလည်း အခြေခံအားဖြင့်ကတော့ ဒေါ်အောင်ဆန်းစုကြည်ကြောင့်ပါ။ မြန်မာနိုင်ငံအပေါ် အမေရိကန်ရဲ့ မူဝါဒတွေနဲ့ ပတ်သက်လို့ နှစ်ပေါင်းများစွာ ဒေါ်အောင်ဆန်းစုကြည် က ခိုင်ခိုင်မာမာ သြဇာညောင်းခဲ့ပါတယ်။ မကြာသေးခင်ကမှသာ အပြောင်းအလဲ တွေ ဖြစ်လာတာပါ။ လူ့အခွင့်ရေး အုပ်စုတွေကတော့ ဒဏ်ခတ်ဖို့ကို အမြဲတမ်း လိုလားကြပါတယ်။ ဒါပေမဲ့လည်း ဒဏ်ခတ်မှုတွေနဲ့ ဒီမိုကရေစီကို ဘယ်တော့မှ မရနိုင်ပါဘူး။ ကျနော်ကတော့ ဒဏ်ခတ်မှုတွေ ရုပ်သိမ်းသင့်တယ်လို့ ယူဆပါတယ်။ လက်နက် ရောင်းချတာမျိုးလောက်ကိုပဲ ချန်ချင်ရင် ချန်ထားသင့်ပါတယ်။”

မြန်မာနိုင်ငံမှာ စစ်တပ်ရဲ့ အုပ်ချုပ်မှုအဆုံးသတ်ပြီး၊ ဦးသိန်းစိန်ဦးဆောင်တဲ့ အစိုးရတက်လာပြီး နောက်မှာပဲ မြန်မာအစိုးရနဲ့ ထိတွေ့ ဆက်ဆံလာတဲ့ အမေရိကန်ကတော့ ၂၀၁၂ ဇူလိုင်ကစလို့ ၂၀၁၆ မေလအထိ မြန်မာ့ငွေကြေးဆိုင်ရာ ဘဏ်လုပ်ငန်းတွေ၊ သွင်းကုန်တွေနဲ့ အမေရိကန်ရဲ့ မြန်မာနိုင်ငံတွင်း ရင်းနှီးမြှုပ်နှုံတွေအပေါ် ကန့်သတ်ထားမှု တော်တော်များများကို ဖြေလျှော့ပေးခဲ့တာပါ။ ဒါပေမဲ့လည်း မြန်မာနိုင်ငံ ဒီမိုကရေစီ အသွင်ကူးပြောင်းမှုမှာ အဟန့်အတားလုပ်သူတွေ၊ လူ့အခွင့်အရေး ချိုးဖောက်မှုတွေနဲ့ ဆက်နွယ်သူတွေအဖြစ် မြန်မာစစ်ဘက်ဆိုင်ရာတွေ၊ လက်နက်ကိုင်အဖွဲ့အစည်းတွေ၊ SDN ခေါ် လူပုဂ္ဂိုလ် အဖွဲ့အစည်းတချို့ကိုတော့ အမေရိကန် ဘဏ္ဍာရေးဌာနက ဆက်လက်ပြီး ပစ်မှတ်ထား ဒဏ်ခတ်မှုတွေ ချမှတ်ထားဆဲ ဖြစ်ပါတယ်ရှင်။

 မနန္ဒာချမ်း  / ဗွီအိုအေ (မြန်မာပိုင်း)
http://burmese.voanews.com




အမေရိကန်သမ္မတ Barack Obama ကို ရင့်သီးရိုင်းပြတဲ့ အသုံးအနှုန်းသုံးပြီး ပုဂ္ဂိုလ်ရေးအရ တိုက်ခိုက် ပြောဆိုခဲ့တဲ့အတွက် နောင်တရမိကြောင်း ဖိလစ်ပိုင်သမ္မတ Rodrigo Duterte က အင်္ဂါနေ့မှာ ပြောပါတယ်။

သူတို့ရဲ့ အဓိကရည်ရွယ်ချက်ဟာ သီးခြား လွတ်လပ်တဲ့ နိုင်ငံခြားရေးမူဝါဒကို ချမှတ် အကောင်အထည်ဖော်နေတဲ့ တချိန်ထဲမှာပဲ နိုင်ငံတိုင်းနဲ့ ရင်းနှီးတဲ့ ဆက်ဆံရေး ဖြစ်ပေါ်အောင် အားပေး လုပ်ဆောင်သွားဖို့ ဖြစ်ကြောင်း၊ အထူးသဖြင့် ကာလရှည်ကြာစွာ မိတ်ဆွေအဖြစ် ရပ်တည်လာခဲ့တဲ့ အမေရိကန်ပြည်ထောင်စုနဲ့ ရင်းနှီးတဲ့ ဆက်ဆံရေး တည်ရှိအောင် လုပ်ဆောင်သွားဖို့ ဖြစ်ကြောင်း ဖိလစ်ပိုင်သမ္မတက ထုတ်ပြန်တဲ့ ကြေညာချက်မှာ ဖော်ပြထားပါတယ်။

သမ္မတ Duterte အာဏာရလာတဲ့ ဇွန်လကစလို့ ဖိလစ်ပိုင်မှာ မူးယစ်ဆေးရောင်းသူ၊ သုံးစွဲသူ ၂ ထောင်ကျော် တရားဥပဒေမဲ့ အသတ်ခံရတဲ့ ကိစ္စနဲ့ပတ်သက်လို့ သမ္မတ အိုဘားမားအနေနဲ့ သူ့ကို သြ၀ါဒလာ မပေးဖို့ လာအိုနိုင်ငံမှာ ကျင်းပမယ့် ထိပ်သီးစည်းဝေးပွဲကို မထွက်ခွာခင် သမ္မတ Duterte က သတိပေး ပြောကြားလိုက်တာလည်း ဖြစ်ပါတယ်။

သမ္မတအိုဘားမားကို အရိုအသေတန်အောင်နေ၊ မေးခွန်းတွေပဲ လျှောက်မေးမနေနဲ့၊ ခင်ဗျားကို ဆွေးနွေးပွဲကျရင် ဆဲလိုက်ရဆိုပြီး ရင့်သီးတဲ့အသုံးအနှုန်းသုံးပြီး သမ္မတ Duterte က သတိပေး ပြောကြားခဲ့တာဖြစ်ပါတယ်။

အဲဒီလိုပြောခဲ့ပြီး အစမှာ သမ္မတအိုဘားမားက ဖိလစ်ပိုင်သမ္မတဟာ စိတ်ဝင်စားစရာ ကောင်းသူဖြစ်တယ်လို့ဆိုပြီး သူနဲ့ စီစဉ်ထားတဲ့အတိုင်း တွေ့မယ်လို့ ပြောခဲ့ပါတယ်တယ်။ ဒါပေမဲ့ နာရီပိုင်းအကြာမှာတော့ သမ္မတအိုဘားမားနဲ့ သမ္မတ Duterte အင်္ဂါနေ့ တွေ့ဆုံမယ့် အစီအစဉ်ကို ဖျက်လိုက်ပြီး သမ္မတက တောင်ကိုရီးယားသမ္မတ Park Geun-hye နဲ့ တွေ့ဆုံခဲ့ပါတယ်။

Duterte ကတော့ သမ္မတ အိုဘားမားနဲ့ အခုလို တွေ့ဆုံမှု ဖျက်သိမ်းလိုက်ပေမယ်လို့ နောက်ပိုင်းမှာ တွေ့ဆုံဖို့ စီစဉ်ထားတယ်လို့ ၂ ဘက် သဘောတူထားတဲ့အကြောင်း ထုတ်ဖော် ပြောကြားခဲ့ပါတယ်။

အိမ်ဖြူတော် လက်ထောက်အမျိုးသားအကြံပေးပုဂ္ဂိုလ် Ben Rhodes ကတော့ သမ္မတ အိုဘားမားနဲ့ ဖိလစ်ပိုင်သမ္မတတို့ဟာ အာဆီယံခေါင်းဆောင် ညီလာခံတွေမှာ အတူရှိနေကြမှာဖြစ်တဲ့အတွက် တခြားခေါင်းဆောင်တွေနည်းတူ တွေ့ဆုံဖို့ ရှိပေမယ့် နှစ်နိုင်ငံ ဆွေးနွေးမှုနဲ့ ပတ်သက်လို့ အင်္ဂါကနေ့က ပြုလုပ်တဲ့ သတင်းစာရှင်းလင်းပွဲမှာ ထည့်သွင်း ပြောကြားခဲ့ခြင်း မရှိပါဘူး။

ဗွီအိုအေ (မြန်မာပိုင်း)
http://burmese.voanews.com


ခြင်ကနေ စတင် ဖြစ်ပွားတဲ့ ဇီကာပိုးဟာ လိင်ဆက်ဆံမှုကနေ ကူးစက်နိုင်တယ်လို့ သတိပေးထား
WHO ကမ္ဘာ့ ကျန်းမာရေး အဖွဲ့ကြီးက ဇီကာ ရောဂါပိုး ကူးစက် ဖြစ်ပွားနေတဲ့ နိုင်ငံတွေကို သွားခဲ့သူတွေအတွက် သူတို့ ထုတ်ပြန်ထားတဲ့ လမ်းညွှန်ချက်ကို ပြင်ဆင်ဖြည့်စွက်လိုက်ပါတယ်။

အခု လမ်းညွှန်ချက်သစ်ထဲမှာ အဲဒီ နေရာတွေကနေ ပြန်လာတဲ့ အမျိုးသား၊ အမျိုးသမီးတွေအနေနဲ့ ဇီကာ ရောဂါပိုး ကူးစက်ခံရတဲ့ လက္ခဏာတွေ ရှိရှိ မရှိရှိ၊ ကလေးယူဖို့ ကြိုးစားနေတာပဲ ဖြစ်ဖြစ် လိင်ဆက်ဆံတဲ့အခါ အကာအကွယ်သုံးပြီး လိင်ဆက်ဆံဖို့၊ ဒါမှမဟုတ် ၆လလောက် လိင်ဆက်ဆံမှု မပြုဖို့ အကြံပြုထားပါတယ်။

ဦးဏှောက် ဖွံ့ဖြိုးမှု နှောင့်နှေးတဲ့ ကလေးငယ်တွေ မွေးလာစေနိုင်တဲ့ ဇီကာ ဗိုင်းရပ်ပိုးဟာ ကနဦးက ခြင်ကနေ ပြန့်ပွားတာ ဖြစ်ပေမယ့် လိင်ဆက်ဆံမှုကနေ တဆင့် ကူးစက်နိုင်တယ် ဆိုတဲ့ အထောက်အထားတွေ ပိုခိုင်မာလာနေပါတယ်။

BBC Burmese
http://www.bbc.com/burmese


အမေရိကန်သမ္မတ Barack Obama နဲ့ ဒေါ်အောင်ဆန်းစုကြည်တို့ ၂၀၁၄ တုန်းက တွေ့ဆုံစဉ်
အမေရိကန်သမ္မတ Barack Obama နဲ့ ဒေါ်အောင်ဆန်းစုကြည်တို့ ၂၀၁၄ တုန်းက တွေ့ဆုံစဉ်

အာဆီယံ ထိပ်သီး အစည်းအဝေးကို လာအို ပြည်သူ့ဒီမိုကရက်တစ်သမ္မတနိုင်ငံ၊ မြို့တော် ဗီယင်ကျန်းမှာ ဒီကနေ့စတင်ကျင်းပနေပါတယ်။ အရှေ့အာရှ ထိပ်သီးအစည်းအဝေးလည်း ကျင်းပမှာဖြစ်တဲ့ ဗီယင်ကျန်းမြို့ကို ရောက်ရှိနေတဲ့ အမေရိကန်သမ္မတ Barack Obama ကမကြာခင်မှာ အမေရိကန်ပြည်ထောင်စုကို သွားရောက်ဖို့ရှိနေတဲ့ ဒေါ်အောင်ဆန်းစုကြည်ကို ကြိုဆိုသွားမှာဖြစ်ကြောင်း ပြောပါတယ်။ ASEAN အသင်းဝင် မြန်မာနိုင်ငံရဲ့ အနေအထားနဲ့ ပတ်သက်လို့ သုံးသပ်ချက်တွေကို ကိုအောင်အောင်က မေးမြန်းတင်ပြပေးထားပါတယ်။

စက်တင်ဘာ ၆ ရက်နေ့ကနေ ၈ ရက်နေ့ထိ ကျုင်းပမယ့် အာဆီယံထိပ်သီး မျက်နှာစုံညီအစည်းအဝေးကို တက်ရောက်ဖို့ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဗီယင်ကျန်းမြို့ကို ဒီကနေ့ရောက်ရှိသွားပါတယ်။ အရှေ့အာရှ ထိပ်သီးအစည်းအဝေးတက်ရောက်ဖို့ အတွက် ကမ္ဘာ့အင်အားကြီး နိုင်ငံခေါင်းဆောင်အချို့လည်း ရောက်ရှိနေတာမှာ အမေရိကန်သမ္မတ Barack Obama လည်း ပါဝင်ပါတယ်။ မြန်မာ့ဒီမိုကရေစီရေး ပြုပြင်ပြောင်းလဲမှုဖေါ်ဆောင်ရေး တခါ ဒေါ်အောင်ဆန်းစုကြည်ရဲ့အမေရိကန်ပြည်ထောင်စု ခရီးစဉ်နဲ့ ပတ်သက်ပြီး သမ္မတ အိုဘားမားက အခုလိုပြောပါတယ်။
“အမေရိကန်သမ္မတတယောက်အနေနဲ့မြန်မာနိုင်ငံကို ပထမဆုံးသွားခဲ့ပြီး အားပေးကူညီခဲ့တဲ့အတွက် ဂုဏ်ယူပါတယ်။အခုအခါမှာ မြန်မာနိုင်ငံရဲ့ သမိုင်းဝင် ဒီမိုကရေစီရေးပြုပြင်ပြောင်းလဲမှုတွေအတွက် ထောက်ပံ့ကူညီပေးနေပါတယ်။ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နောင် သီတင်းပတ်ထဲ အမေရိကန်ပြည်ထောင်စု ကို လာရောက်တဲ့အခါမှာလည်း ကြိုဆိုသွားမှာပါ။ မတူကွဲပြားမှုနဲ့ ငြိမ်းချမ်းရေးလမ်းဆီ လျှောက်လှမ်းတဲ့ လမ်းခရီးမှာလည်း မြန်မာလူထုနဲ့အတူ ကျနောတို့ ရပ်တည်သွားမှာပါ။”

၃ ရက်ကြာ ထိပ်သီးအစည်းအဝေးပွဲအတွင်း အကြမ်းဖက်ဝါဒ တိုက်ဖျက်ရေး ကစလို့ တောင်တရုတ်ပင်လယ်တွင်းက ကျွန်းစုအရေးနဲ့ ပတ်သက်လို့ တင်းမာမှုတွေဖြစ်ပွါးနေတဲ့ကိစ္စရပ်တွေအထိ ဆွေးနွေးကြမှာပါ။ ASEAN အသင်းကြီးရဲ့ အလှည့်ကျဥက္ကဌ တာဝန်ယူထားတဲ့ လာအိုနိုင်ငံ ၀န်ကြီးချုပ်THONGLOUN SISOULITH က ပထမဆုံးအကြိမ်အဖြစ် အစည်းအဝေးတက်ရောက်လာသူတွေကို အခုလို နှုတ်ဆက်စကား ပြောကြားပါတယ်။
“ASEAN အသင်းကြီးရဲ့ အစည်းအဝေးကို ပထမဆုံးအကြိမ်အဖြစ် တက်ရောက် လာတဲ့ ဖိလစ်ပိုင် သမ္မတ Rodrigo Duterte နဲ့နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် တို့ကို ကြိုဆိုနှုတ်ဆက်ပါကြောင်း ပထမဆုံးပြောချင်ပါတယ်။”

စက်တင်ဘာ ၃ ရက်နဲ့ ၄ ရက်နေ့တွေမှာတော့ အာဆီယံ အဆင့်မြင့်အရာရှိတွေရဲ့ ကြိုတင်ညှိနှိုင်းအစည်းအဝေးတွေကို ကျင်းပခဲ့ပြီး ဒီအစည်းအဝေးက ရရှိလာတဲ့ ရလဒ်တွေကို အာဆီယံထိပ်သီး အစည်းအဝေးကို တင်ပြ အတည်ပြုချက် ရယူသွားမှာပါ။ ကြာသပတေးနေ့အထိ ကျင်းပမယ့် ASEAN အစည်းအဝေးကို ၂၀၁၅ ခုနှစ်ရွေးကောက်ပွဲအပြီး အာဏာရလာတဲ့ NLD အစိုးရအနေနဲ့ ပထမဆုံးအကြိမ်အဖြစ် တက်ရောက်တာဖြစ်ပြီး ဒီလိုအနေအထားမျိုးကို အသုံးချဖို့လိုအပ်ကြောင်း ထောက်ပြသူကတော့ ထိုင်းနိုင်ငံ ချူလာလောင်ကွန် တက္ကသိုလ်က နိုင်ငံရေး သိပ္ပံပညာရှင် Thitinan Pongsudhirakပါ။
“နိုင်ငံပေါင်းစုံက ခေါင်းဆောင်တွေနဲ့ တွေ့ဆုံနိုင်သလို မြန်မာနိုင်ငံက တိုးတက်မှုတွေနဲ့ ပတ်သက်ပြီး ပြသဖို့ ဒါဟာ အခွင့်အရေးကောင်းတရပ်ပါ။ ဒါ့အပြင် ဖွံ့ဖြိုးတိုးတက်မှုအခြေအနေ၊ အလုပ်အကိုင်အခွင့်အလမ်း ပိုပွင့်လန်းလာဖို့နဲ့ နိုင်ငံ အခြေခံ အဆောက်အအုံ လိုအပ်ချက် စတာတွေနဲ့ ပတ်သက်ပြီးတော့ လည်း ပြောဆိုဖို့ အခွင့်အလမ်း ကောင်းတခုဖြစ်ပါတယ်။

ASEAN အသင်းကြီးအနေနဲ့ ကုလသမဂ္ဂ၊ အမေရိကန်ပြည်ထောင်စု၊ အိန္ဒိယ၊ ဂျပန်၊ ကိုရီးယား၊ သြစတေးလျစတဲ့ နိုင်ငံတွေနဲ့ တွေ့ဆုံဆွေးနွေးမှာအပြင် ASEAN တရုတ် ဆွေးနွေးဖက်ဆက်ဆံရေး ၂၅ နှစ်ပြည့် အထိမ်းအမှတ်အဖြစ် တရုတ်နိုင်ငံနဲ့လည်း ၁၉ ကြိမ်မြောက် ဆက်စပ်ထိပ်သီးအစည်းအဝေးတွေ ကျင်းပသွားဖို့ရှိပါတယ်။ ASEAN အသင်းဝင်နိုင်ငံအချို့နဲ့ တရုတ်နိုင်ငံကြား သူပိုင်ကိုယ်ပိုင် အငြင်းပွါးနေတဲ့ တောင်တရုတ်ပင်လယ်တွင်းက ကျွန်းစုတွေအရေးနဲ့ ပတ်သက်ပြီးတော့လည်း ဒီထိပ်သီးအစည်းအဝေးပွဲတွေ အတွင်း ဆွေးနွေးသွားဖို့ရှိနေပါတယ်။ မြန်မာ့ အိမ်နီးချင်း တရုတ်နိုင်ငံနဲ့ မြန်မာဆက်ဆံရေး အနေအထားကို Pongsudhirak က အခုလိုသုံးသပ်ပါတယ်။

“တရုတ်နိုင်ငံအပေါ် မှီခိုအားထားရတဲ့အခြေအနေကနေ အခုအခါမှာ မြန်မာနိုင်ငံ ဟာ ပိုလွတ်လပ်လာပြီး ဥရောပ၊ အမေရိကန်ပြည်ထောင်စုအပြင် ASEAN နိုင်ငံတွေနဲ့လည်း ပိုထိတွေ့ ဆက်ဆံလာပါတယ်။ တခြားနိုင်ငံတွေရဲ့ အနေအထားနဲ့စာရင် မြန်မာနိုင်ငံ ရပ်တည်နေတဲ့အနေအထားဟာ အများကြီးကောင်းပါတယ်။ တောင်တရုတ်ပင်လယ်တွင်းက ကျွန်းစုတွေအရေးနဲ့ ပတ်သက်ပြီး ဖိလစ်ပိုင်နိုင်ငံဟာ ပြဿနာတွေနဲ့ ရင်ဆင်နေရပြီး တရုတ်နိုင်ငံနဲ့ ထိပ်တိုက်တွေ့နေသလို ဗီယက်နမ်လည်း အလားတူပြဿနာမျိုး ကြုံနေရတာပါ။ မြန်မာအနေနဲ့တော့ ဟန်ချက်ထိန်းညှိပြီး အခြေအနေကို အကျိုးရှိရှိ အသုံးချသွားဖို့ပါ။”

အာဆီယံအသိုက်အ၀န်းထူထောင်မှု၊ အာဆီယံအသိုက်အ၀န်းမျှော်မှန်းချက် ၂၀၂၅ စတဲ့အကြောင်းအရာတွေကို အာဆီယံထိပ်သီး အစည်းအဝေးပွဲအတွင်း ဆွေးနွေး သွားမှာပါ။ အရှေ့အာရှ အစည်းအဝေးအတွင်းမှာတော့ အာဆီယံပြည်ပ ဆက်ဆံရေးအပြင် ဒေသတွင်းနဲ့ နိုင်ငံတကာအရေးကိစ္စတွေနဲ့ပတ်သက်ပြီး ဆွေးနွေး သွားမှာဖြစ်ပါတယ်။
VOA Burmese News


ဗီယင်ကျန်း စက်တင်ဘာ ၆

လာအိုပြည်သူ့ဒီမိုကရက်တစ်သမ္မတနိုင်ငံ ဗီယင်ကျန်းမြို့၌ စက်တင်ဘာ ၆ ရက်မှ ၈ ရက်အထိ ကျင်းပမည့် (၂၈) ကြိမ်မြောက်နှင့် (၂၉) ကြိမ်မြောက် အာဆီယံ ထိပ်သီးအစည်းအဝေးများနှင့် ဆက်စပ် ထိပ်သီးအစည်းအဝေးများသို့ တက်ရောက်ရန် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်း စုကြည်သည် အဖွဲ့ဝင်များနှင့်အတူ ယနေ့ နံနက်ပိုင်းတွင် ရန်ကုန်မြို့မှ လေကြောင်းခရီးဖြင့် ထွက်ခွာ သည်။

နိုင်ငံတော်၏ အတိုင်ပင်ခံပုဂ္ဂိုလ်နှင့် အဖွဲ့အား ရန်ကုန်တိုင်းဒေသကြီး အစိုးရအဖွဲ့ဝင် ၀န်ကြီးများ၊ မြန်မာနိုင်ငံဆိုင်ရာ လာအိုသံရုံး ယာယီတာဝန်ခံနှင့် နိုင်ငံခြားရေး ၀န်ကြီးဌာနမှ တာဝန်ရှိသူများက ရန်ကုန် အပြည်ပြည်ဆိုင်ရာလေဆိပ်၌ ပို့ဆောင် နှုတ်ဆက်ကြသည်။


နိုင်ငံတော်၏ အတိုင်ပင်ခံပုဂ္ဂိုလ်နှင့် အဖွဲ့သည် ဒေသစံတော်ချိန် နံနက် ၁၀ နာရီ ၅၈ မိနစ်တွင် ဗီယင်ကျန်းမြို့ ၀ပ်တေးအပြည်ပြည်ဆိုင်ရာလေဆိပ်သို့ ရောက်ရှိရာ လာအိုနိုင်ငံ သိပ္ပံနှင့်နည်းပညာဝန်ကြီး H. E. Mr. Borviengkham Vondara၊ လာအို နိုင်ငံဆိုင်ရာ မြန်မာနိုင်ငံ သံအမတ်ကြီး ဦးကျော်စိုးဝင်း၊ သံရုံးမိသားစုများနှင့် တာဝန်ရှိသူများက ကြိုဆိုနှုတ်ဆက်ကြသည်။

Myanmar State Counsellor Office
https://www.facebook.com/state.counsellor



မဲဆွယ်စည်းရုံးနေတဲ့ NLD လွှတ်တော်ကိုယ်စားလှယ် ဦးနိုင်ငံလင်းကို ၂ဝ၁၅ ခုနှစ် နိုဝင်ဘာလ ၃ ရက်နေ့က သာကေတမြို့နယ် မှာ တွေ့ရစဉ်။ Photo: Aung Thain Kha/ RFA
ပြီးခဲ့တဲ့နှစ် ရွေးကောက်ပွဲ မဲဆွယ်စည်းရုံးရေးကာလမှာ လက်ရှိ ရန်ကုန်တိုင်းလူမှုရေးဝန်ကြီး ဦးနိုင်ငံလင်း သာကေတမြို့နယ်မှာ မဲဆွယ်စည်းရုံးစဉ် ဓါးနဲ့ဝင်ခုတ်ခဲ့သူ ၃ ဦးကို သာကေတမြို့နယ် တရားရုံးက ဒီနေ့ အလုပ်နဲ့ထောင်ဒဏ်အသီးသီး ချမှတ်လိုက်ပါတယ်။
တရားခံ ၃ဦးကို တရားရုံးက ချမှတ်ခဲ့တဲ့ ပြစ်ဒဏ်တွေကို တရားလိုရှေ့နေ ဦးကျော်လှက အခုလိုပြောပါတယ်။

ပြီးခဲ့တဲ့နှစ် အောက်တိုဘာ ၃၀ ရက်နေ့က သာကေတမြို့နယ် မာန်ပြေရပ်ကွက်မှာ အောင်နိုင်ရေးကားနဲ့ ဦးနိုင်ငံလင်း လှည့်လည် မဲဆွယ်စည်ရုံးစဉ်မှာ မြို့ခံသုံးဦးက ဓါးနဲ့ ၀ိုင်းခုတ်ခဲ့ကြတာကြောင့် ဦးနိုင်ငံလင်း ဦးခေါင်းနဲ့ လက်မှာ ဒဏ်ရာရရှိခဲ့ပြီး အရေးပေါ်ခွဲစိတ်ကုသခဲ့ရပါတယ်။
အဲ့ဒီအမှုကို သာကေတမြို့နယ်တရားရုံးမှာ ၉ လကြာစစ်ဆေးခဲ့ပြီး ဒီနေ့ အပြီးသတ် အမိန့်ချမှတ်ခဲ့တာ ဖြစ်ပါတယ်။

RFA Burmese
http://www.rfa.org/burmese



ဇန်နဝါရီလ ၁ဝ ရက်နေ့ မနက်က မီးလောင်ခဲ့တဲ့ ရန်ကုန်တိုင်းဒေသကြီး မင်္ဂလာတောင်ညွန့်မြို့နယ်က မင်္ဂလာဈေးကို တွေ့ရစဉ်။ Photo: Kyaw Lwin Oo/RFA
ပြီးခဲ့တဲ့ ဇန်နဝါရီလ ၉ ရက်နေ့က မီးလောင်ကျွမ်းခဲ့တဲ့ ရန်ကုန်မြို့ မင်္ဂလာတောင်ညွန့်မြို့နယ်က မင်္ဂလာဈေးကို လာမယ့် ပွင့်လင်းရာသီမှာ ဖြိုချပြီး အသစ်ပြန်လည်တည်ဆောက်ရေးကို စတင်လုပ်ဆောင်သွားမယ်လို့ ရန်ကုန် မြို့တော်စည်ပင်သာယာရေး ကော်မတီဝင် ဒေါ်သန်းမြင့်အောင် က ပြောပါတယ်။

မင်္ဂလာဈေးကြီး ပြန်လည်တည်ဆောက်ရေးနဲ့ ပတ်သက်ပြီး ဈေးသူဈေးသားတွေက ဒီနေ့ ဆန္ဒပြဖို့ ပြင်ဆင် ထားပေမယ့် ရန်ကုန်မြို့တော် စည်ပင်သာယာရေးကော်မတီက တာဝန်ရှိသူတွေနဲ့ မနေ့က တွေ့ဆုံခဲ့ကြ တာ ပြေလည်သွားတယ်လို့ ဒေါ်သန်းမြင့်အောင်က ပြောပါတယ်။

မင်္ဂလာဈေးတည်ရှိရာဝန်းထဲက ဈေး ၄ ခုလုံးကို တွဲပြီး အဆင့်မြင့်ဈေးကြီး တည်ဆောက်ပေးမှာ ဖြစ်တာကြောင့် အချိန်ကြာသွားတာဖြစ်တယ်လို့လည်း ပြောပါတယ်။

မင်္ဂလာဈေးကြီး တည်ဆောက်ပေးမယ့် အချိန်ကြာမြင့်နေတဲ့အတွက် ဈေးသူ၊ ဈေးသားတွေက ဆန္ဒပြဖို့ စီစဉ်တာဖြစ်ပါတယ်။

မင်္ဂလာဈေး မီးလောင်မှုကြောင့် ဆိုင်ခန်းပေါင်း ၁၆၀၀ ကျော်ပျက်စီးခဲ့ပြီး ကျပ်သိန်းပေါင်း ၃ သိန်း ၆ သောင်း ကျော်ဆုံးရှုံးခဲ့ပါတယ်။ မင်္ဂလာဈေး မီးလောင်တာဟာ ၂၀၁၀ ခုနှစ်ကလည်း တကြိမ်ဖြစ်ခဲ့ပြီး ဆိုင်ခန်းပေါင်း ၈၀၀ နီးပါးဆုံးရှုံးပျက်စီးခဲ့ပါတယ်။

RFA Burmese
http://www.rfa.org/burmese



Kofi Annan သည် ရခိုင်ပြည်နယ်၊ စစ်တွေမြို့ကို ရောက်ရှိနေပါသည်။
ရခိုင်ပြည်နယ် အကြံပေးကော်မရှင် ဥက္ကဋ္ဌအဖြစ် တာဝန်ယူပြီးနောက် ပထမဆုံးအကြိမ်အဖြစ် ရခိုင်ပြည်နယ် ခရီးစဉ်အတွင်း ကုလသမဂ္ဂ အတွင်းရေးမှူးချုပ်ဟောင်း ကိုဖီ အာနန် က မသင့်မမြတ်ဖြစ်နေတဲ့ လူမှုအသိုင်းအ၀ိုင်းကြား ဆွေးနွေးဖြေရှင်းဖို့ တိုက်တွန်းလိုက်ပါတယ်။

အနာဂတ်ကို တည်ဆောက်ရာမှာ ရခိုင်ပြည်နယ်မှာရှိနေတဲ့ အဓိက လူမှုအသိုင်းအ၀ိုင်း ၂ ခုအကြား ဆယ်စုနှစ်တွေနဲ့ချီပြီး ရှိနေခဲ့တဲ့ မယုံကြည်မှုတွေကို ကျော်လွှားဖို့၊ ၂ ဘက်စလုံးက တန်ဘိုးထားတဲ့ တရားမျှတမှုနဲ့ တန်းတူညီမျှမှုတွေ ရရှိနိုင်မယ့် နည်းလမ်းတွေကို ရှာဖွေဖို့၊ ကုလသမဂ္ဂ အတွင်းရေးမှူးချုပ်ဟောင်း ကိုဖီ အာနန် က စစ်တွေမြို့ကို ရောက်ရှိစဉ် ဒီကနေ့ပဲ ပြောဆိုခဲ့တာပါ။ ရှေ့ဆက်တိုးတက်မှုရအောင် ရခိုင်ပြည်နယ်မှာ နေထိုင်ကြသူတွေ အနေနဲ့ နောက်ဆုံးမှာ ဆွေးနွေးပြောဆိုကြရမှာဖြစ်သလို ကော်မရှင် အဖွဲ့ဝင်တွေ အနေနဲ့ စိတ်ကူးတွေ အကြံဥာဏ်တွေနဲ့ အကူအညီပေးမှာ ဖြစ်တဲ့အကြောင်းလည်း ပြောဆိုခဲ့ပါတယ်။

ငြိမ်းချမ်းရေး နိုဘဲလ်ဆုရှင်တဦးလည်းဖြစ်တဲ့ ကိုဖီအာနန်ရဲ့ ဒီကနေ့ ရခိုင်ပြည်နယ် ခရီးစဉ်မှာတော့ ကန့်ကွက်ဆန္ဒပြမှုတွေနဲ့လည်း ကြုံခဲ့ရတာပါ။ ရာနဲ့ချီတဲ့ ဆန္ဒပြသူတွေဟာ စစ်တွေမြို့မှာ စုဝေးပြီး ရခိုင်ပြည်နယ် အကြံပေးကော်မရှင်မှာ ပြည်ပက ကျွမ်းကျင်သူတွေ ပါဝင်နေတာကို ကန့်ကွက်ခဲ့ကြပါတယ်။

ရခိုင်ပြည်နယ်အရေးနဲ့ ပတ်သက်ရင် ပြည်ပက ကျွမ်းကျင်သူတွေဟာ ဘက်လိုက်လေ့ ရှိတတ်တဲ့အတွက် မလိုလားကြောင်းနဲ့ ပြည်တွင်းကသူတွေ၊ ရခိုင်လူမျိုးတွေကို ထည့်သွင်းဖို့လည်း ဆန္ဒပြသူတွေက တောင်းဆိုခဲ့ကြတာပါ။ ရခိုင်ပြည်နယ် အကြံပေးကော်မရှင် ဥက္ကဋ္ဌအဖြစ် တရားဝင်တာဝန်ယူခဲ့ပြီးနောက် တနင်္လာနေ့က ရန်ကုန်မြို့မှာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ ပူးတွဲပြုလုပ်တဲ့ သတင်းစာ ရှင်းလင်းပွဲမှာတော့၊ သူ့အနေနဲ့ ရခိုင်ပြည်နယ်အရေး ဖြေရှင်းရာမှာ ဘက်လိုက်မှုကင်းကင်းနဲ့ ဆောင်ရွက်မှာဖြစ်သလို၊ သက်ဆိုင်သူတွေ အားလုံးရဲ့ အသံတွေကိုလည်း နားထောင်မှာ ဖြစ်တဲ့အကြောင်း ပြောဆိုထားပါတယ်။

ဗွီအိုအေ (မြန်မာပိုင်း)
http://burmese.voanews.com



ထိုင်းနိုင်ငံတွင် ဖြစ်ပွားခဲ့သည့် ဗုံးပေါက်ကွဲမှုတစ်ခုအားတွေ့ရစဉ် (ဆင်ဟွာ)
    ဘန်ကောက် ၊ စက်တင်ဘာ ၆ ရက် (ဆင်ဟွာ)

    ဆူပူလှုပ်ရှားမှုများရှိနေသည့် ထိုင်းနိုင်ငံ တောင်ဘက်အစွန်းပိုင်း ရှိ စာသင်ကျောင်းတစ်ကျောင်း၏ အပြင်ဘက် တွင် စက်တင်ဘာ ၆ ရက်က ပေါက်ကွဲမှု တစ်ခု ဖြစ်ပွားခဲ့ရာ သားအဖနှစ်ဦးသေဆုံးပြီး လူအများအပြား ဒဏ်ရာရရှိခဲ့ကြောင်း ရဲတပ်ဖွဲ့ကပြောကြားခဲ့သည်။

Narathiwat ပြည်နယ် Takbai ခရိုင် ရှိ Daba မူကြိုကျောင်း အပြင်ဘက်၌ Mayeng Wahba နှင့် Mitra Wahba အမည်ရှိ သားအဖနှစ်ဦး မော်တော်ဆိုင်ကယ်စီးနေစဉ် ပေါက်ကွဲမှုဖြစ်ပွားခဲ့ရာ ဖခင် နှင့် ၄င်း၏ ငါးနှစ်အရွယ်သမီးတစ်ဦး သေဆုံးခဲ့ပြီး အခြား ၆ဦးဒဏ်ရာရရှိခဲ့ကြောင်း သိရသည်။

ဒဏ်ရာရရှိသူများသည် မူကြိုကျောင်း အပြင်ဘက် တွင် ယာဉ်လမ်းကြောင်း ရှင်းလင်းပေးနေသည့် ရဲဝန်ထမ်း နှစ်ဦး နှင့် အနီးအနားရှိ ဈေးဆိုင်တစ်ခုအတွင်းမှ ရွာသား ၄ဦး တို့ဖြစ်ကြောင်း သိရသည်။

ဗုံးပေါက်ကွဲမှုမဖြစ်ပွားခင် ယင်းဗုံးအား မူကြိုကျောင်း နှင့်မျက်နှာချင်းဆိုင် ဈေးဆိုင်အရှေ့တွင် ရပ်ထားသည့် မော်တော်ဆိုင်ကယ် အတွင်း၌ ဝှက်ထားခြင်းဖြစ်ကြောင်း ရဲတပ်ဖွဲ့ကပြောသည်။

ပေါက်ကွဲမှုဖြစ်ပွားခဲ့သည့် နေရာအား ရဲတပ်ဖွဲ့များက စုံစမ်းစစ်ဆေးမှုများ ပြုလုပ်နေပြီး တရားခံမှာ လွတ်မြောက်နေဆဲဖြစ်ကြောင်း သိရသည်။

အစောပိုင်းနေ့များတွင်လည်း အိမ်နီးချင်း Pattani ပြည်နယ်အနီး Hat Yai မြို့ နှင့် Sugai Kolok မြို့ အကြားရှိ ရထားလမ်းတစ်ခု၌ ပေါက်ကွဲမှုတစ်ခု ဖြစ်ပွားခဲ့ရာ ရထားပေါ်၌ လိုက်ပါလာသူတစ်ဦးသေဆုံးခဲ့ပြီး ရထားအနောက်ဘက်ရှိ လူတစ်ချို့ ဒဏ်ရာရရှိခဲ့ကြောင်း သိရသည်။

(Xinhua)
http://www.xinhuamyanmar.com


၆-၉-၂၀၁၆

ထိုင်းနိုင်ငံ ပရကျင်ဘူရီက အသက် (၁၃) နှစ်အရွယ် အလယ်တန်းကျောင်းသူ ဟာ ဆေးရုံတက်နေတဲ့ သူငယ်ချင်းအနားမှာ အဖေါ်လာ စောင့်ပေးနေတာ ကို ဆေးရုံညစောင့်က ညပိုင်းအိပ်မရရင် သူ့ အခန်းမှာ အိပ် နိုင် အနားယူနိုင် တယ်လို့ ကမ်းလှမ်း ပြောတာကို ယုံကြည်ခဲ့ပြီး ကိုယ်လက်သန့်  စင်ဘို့  ညစောင့်အခန်းကို ည(၉)နာရီမှာ လိုက်သွား ခဲ့ပါ တယ်။


ညစောင့်က သူမ အခန်းထဲရောက်တာနဲ့  ပါးစပ်ပိတ်ပြီး အတင်းအဓမ္မ ကျင့်ဘို့  ကြိုးစားခဲ့လို့ ညစောင့်လက်ကို ကိုက်ပြီး နဘေးခန်းကလူတွေကို အော်ဟစ် အကူညီ တောင်းခဲ့ရပါတယ်။
ညစောင့်ဟာ အနီးခန်းကလူတွေရောက်လာလို့  ထွက်ပြေး သွားခဲ့ပါတယ်။
ရဲစခန်း ကို ဖုန်းဆက်တိုင်ကြား ခဲ့ပြီး ရဲကားနဲ့  အမှု့ ဖွင့် ဘို့  မိန်းခလေးကို လာရောက် ခေါ်ဆောင်ခဲ့တဲ့ အချိန်ဟာ ည(၁) နာရီကျော်နေပြီ ဖြစ်ပါတယ်။


ရဲစခန်းမှာ စစ်ဆေးပြီးတဲ့နောက် မနက်(၂)နာရီထိုးနေလို့ ရဲစခန်းက မနက်ပိုင်းရောက်မှ မိဘတွေ လက်ထဲ မိန်းလေးကိုပြန်အပ်မယ်၊ လောလော ဆယ် ရဲတပ်ကြပ်ကြီး အခန်းမှာ ခဏနေထိုင်ဘို့  နေရာပေးခဲ့ပါတယ်။
ရဲတပ်ကြပ်ကြီးက သူတာဝန်ချိန်ကင်းလှည့်ရမှာကြောင့် မိန်းခလေးကို သူ့ အခန်းမှာ အနားယူခိုင်းပါတယ်။ သူမကို ဆေးလေးလုံးပေးတိုက်ပြီး ပျော်အောင်အိပ်ဘို့ မှာနေတာကို ဘာဆေးတွေမှန်းမသိလို့  မိန်းခလေးက မသောက်ဘဲ အိပ်ခဲ့ပါတယ်။

တကယ်တော့ ရဲဟာ ကောင်မလေးကို အိပ်ဆေးတွေ ပေးတိုက်တာပါ။
ရဲက ကောင်မလေး အိပ်ပြီအထင်နဲ့  အခန်းထဲ ပြန်ဝင်လာတယ်၊ သူမ တကိုယ်လုံး အ၀တ်တွေ ချွတ်ပြီး မုဒိန်းကျင်ဘို့  ကြိုးစားနေတာကို မိန်းခလေးက အတင်းရုန်ကန်ပြီး ထွက်ပြေးခဲ့ရပြန်ပါတယ် ။

နောက်တနေ့ မနက်မှာ ထိုင်းကျောင်းသူဟာ ရဲစခန်းတခုမှာ မိဘတွေနဲ့  အတူ အမှုထပ်ဖွင့် ခဲ့ရပါတယ်။ ဆေးရုံညစောင့်ကိုတော့ ဖမ်းမိခဲ့ပြီး ဒုတိယ မုဒိန်း တရာခံ ရဲတပ်ကြပ်ကြီးကတော့ အလုပ်မဆင်းတော့ဘဲ ထွက်ပြေးသွား ခဲ့ကြောင်း သိရပါတယ်။

(SAW)
Credit Khaosod
Social Action for Women - SAW


မန္တလေးမြို့၊ ကျုံးအနောက်ဘက် လမ်း ၈၀×၈၁-လမ်း၊ ၁၃ ×၁၄ လမ်းကြား၊ ထီးရိုးဝင်းအတွင်း နေအိမ်တွင် စက်တင်ဘာ ၆ ရက်(ယနေ့) နံနက် ၁၁-နာရီခွဲခန့်က အိမ်ရှင်အမျိုးသမီး တစ်ဦးထဲ ရှိနေစဉ် လူငယ်နှစ်ဦး
ရောက်ရှိလာပြီး အနုကြမ်းစီးမှု ဖြစ်ပွားခဲ့သဖြင့် အဆိုပါ အမျိုးသမီးမှာ ဓါးဒဏ်ရာဖြင့် အရေးပေါ် ကုသမှုခံယူနေရကြောင်း သိရသည်။
“နှစ်ယောက်မှာ တစ်ယောက်က အဖေါ်လိုက်လာတာလို့ ပြောတယ်။ အိမ်ရှင်က ဆံပင်စုတ်ဖွားကြီးနဲ့ ကျမတို့ဘက် မြင်လိုက်ရတော့ ရုံးပြီးထလာတာနေမှာ။ အဲဒိမှာ ကောင်လေးတွေက အထဲကို ပြန်သွင်းသွားတာမြင် တော့ သဘောပေါက်ပြီး ကျမကုန်းအော်လိုက်မှ ထွက်ပြေးသွားတယ်။ သားကနောက်ကနေလိုက်တာမမှိ လိုက်ဘူး။”ဟု ဖြစ်စဉ်အိမ်၏ အရှေ့ဘက်ကပ်လျက် အိမ်မှဒေါ်ချိုချိုမာကပြောသည်။


အိမ်ရှင်အမျိုးသမီးမှာ ဒေါ်နီနီအောင်(၅၅-နှစ်)ဖြစ်ပြီး စားပွဲတွင် ထိုင်ကာ စာအုပ်ဖတ်နေစဉ် ကျူးလွန်သူက နားရွက်မှ နားကပ်ကို ဖြုတ်ယူရာ ပါရှိမသွားဘဲ နားတွင်ဒဏ်ရာများ ရရှိခဲ့ကြောင်း၊ ထို့အပြင် ဓားဖြင့်အထိုးခံရ သည့် ဒဏ်ရာများနှင့် ပွန်းပဲ့ဒဏ်ရာများ ရရှိခဲ့ပြီး၊ ၁၀-ကျပ်သားခန့် ရွှေဆွဲကြိုးကို လုယက်ထွက်ပြေးသွားခဲ့ကြောင်း သိရသည်။

“ကျူးလွန်သူက သူတို့ရဲ့ အလုပ်ရုံမှာ ရက် ၂၀-ခန့်အလုပ်လုပ်ခဲ့ပြီး သူဆီက အကြွေး တစ်သိန်းခွဲလောက်ရ စရာရှိလို့ ပုသိမ်ကြီးရပ်ကွက်ရုံးမှာ တစ်လအတွင်း ပေးမယ်လို့ဝန်ခံချက်ထိုးထားတယ်။ တကယ်မပေးခဲ့လို့
တရားစွဲမယ်လို့ ပြောခဲ့တယ်။ ဒီနေ့မှာ တော့ အဲဒီကလေးက ဒေါ်နီနီခင်ပွန်းဆီ ဖုန်းဆက်ပြီး ခင်ဗျားအိမ်ရောက် နေပြီ လာခဲ့လို့ ပြောခဲ့တယ်။”ဟု အမှတ် ၄-ရဲစခန်း စခန်းမှူး မြတ်ကျော်သူက ပြောသည်။


အခင်းဖြစ်ပွားစဉ် ရဲတပ်ဖွဲ့ဝင်များ ရောက်ရှိလာပြီး နှစ်ဖွဲ့ခွဲ့ ရပ်ကွက်ပြည်သူများနှင့် ကျူးလွန်သူများနောက်သို့ လိုက်လံဖမ်းဆီးခဲ့ရာ ကျူးလွန်သူများသည် ၈၁-လမ်းအတိုင်း တောင်ဘက်သို့ ထွက်ပြေးခဲ့ရာ ၁၉-လမ်းအကျော် တွင် မျက်ခြေပြတ် သွားခဲ့ကြောင်း၊ လမ်း ၈၀-နှင့် ၃၄-လမ်းတွင် ထွက်ပြေးသူများသည့် ယာဉ်တိုက်မှုဖြစ်ပွားကာ အဓိက ဖြစ်သည့်အလုပ်သမားဟောင်းဖြစ်သူ သူရိန်အား ဒဏ်ရာများနှင့် ဖမ်းမိခဲ့ပြီး ကျန်တစ်ဦးမှာ ထွက်ပြေး သွား ခဲ့ကြောင်းသိရသည်။


အလုပ်သမားဟောင်းဖြစ်သူ အဓိကကျူးလွန်သူမှာ သူရိန်မှာ ယာဉ်တိုက်မှု ဒဏ်ရာဖြင့် ဆေးရုံတွင်ရောက်ရှိ ကာ သတိမရသေးကြောင်းနှင့် အိမ်ရှင်ဒေါ်နီနီအောင်မှာ ထိုးသွင်းဒဏ်ရာတစ်ချက်နှင့် ထိခိုက်ရှနာ ဒဏ်ရာများ နှင့် ဆေးရုံတွင် ကုသမှုခံယူလျက်ရှိရာ အခြေအနေကောင်းမွန်ကြောင်းနှင့် ယင်းဖြစ်စဉ်နှင့် ပတ်သက်ပြီး အမှတ် ၄-ရဲစခန်းမှ ပုဒ်မ ၃၉၄-ဖြင့် အမှုဖွင့်ထားကြောင်း သိရသည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal



ဒုတိယ အကြိမ် ပြည်သူ့လွှတ်တော် အစည်းအဝေးကျင်းပနေစဉ် (ဆင်ဟွာ)
    နေပြည်တော်၊ စက်တင်ဘာ ၆ ရက် (ဆင်ဟွာ)

    ပေါက်တော မဲဆန္ဒနယ် ပြည်သူ့ လွှတ်တော် ကိုယ်စားလှယ် ဦးအောင်ကျော်ဇံက ပြည်သူ့ လွှတ်တော်သို့  ၂၀၁၆ ခုနှစ် သြဂုတ်လ ၃၀ ရက် တွင် တင်သွင်းခဲ့သည့် “ရခိုင်ပြည်နယ် ဆိုင်ရာ အကြံပေး ကော်မရှင်တွင် နိုင်ငံခြားသားများ ပါဝင်နေခြင်းသည် မိမိနိုင်ငံ၏ ပြည်တွင်းရေး ပြသနာကို နိုင်ငံတကာ ပြဿနာအဖြစ် ဖန်တီးရာ ရောက်စေသဖြင့် အဆိုပါ ကော်မရှင်ကို ပြည်တွင်းမှ တတ်သိပညာရှင်များဖြင့်သာ ပါဝင် ဖွဲ့ စည်းသင့်ပါကြောင်း ပြည်ထောင်စု အစိုးရအား တိုက်တွန်းသည့် အရေးကြီးအဆို” ကို ယနေ့ ပြည်သူ့လွှတ်တော်၌ ဆွေးနွေး မဲခွဲ ဆုံးဖြတ်ခဲ့ကြသည်။

အဆိုပါ အရေးကြီး အဆိုကို တပ်မတော်သား ကိုယ်စားလှယ်လေးဦး၊ ပြည်ခိုင်ဖြိုး ပါတီဝင် ငါးဦး၊ ရခိုင်ပါတီ (ANP) ဝင် လေးဦးတို့က ထောက်ခံ ဆွေးနွေးခဲ့ကြရာ တပ်မတော်သား ကိုယ်စားလှယ်များက “ ပြည်တွင်းရေး ပြဿနာတွင် နိုင်ငံခြားသားများ ပါဝင် ပတ်သက်မှုကြောင့် မလိုလားအပ်သည့် ဆိုးကျိုးများ ပေါ်ပေါက်လာနိုင်ကြောင်း၊  ကော်မရှင်ဖွဲ့ ခြင်းကို ပြည်ထောင်စု လွှတ်တော်သို့ တင်ပြကာ လွှတ်တော်၏ အတည်ပြုချက် ရယူပြီးမှ ဆောင်ရွက်သင့်ကြောင်း၊ ယခင် အစိုးရ လက်ထက်တွင် တိုင်းရင်းသား မဟုတ်သူတို့ကို လွှတ်တော်အတွင်းသို့ ရောက်စေခဲ့သည့် အတွက် သမိုင်းတွင် အမည်းစက် ထင်ခဲ့ကြောင်း၊ ယခု အစိုးရကိုလည်း ထိုသို့ သမိုင်း တရားခံ မဖြစ်စေလိုသောကြောင့် ယခု အရေးကြီး အဆိုကို ထောက်ခံရခြင်း ဖြစ်ကြောင်း” တင်ပြ ဆွေးနွေးခဲ့ကြသည်။

ထို့ အတူ ပြည်ခိုင်ဖြိုး ကိုယ်စားလှယ်များနှင့် ရခိုင်ပါတီ (ANP) ဝင် ကိုယ်စားလှယ်များက “ပြည်တွင်း၌ ဒေါ်အောင်ဆန်းစုကြည်ကဲ့သို့ ကမ္ဘာ့ငြိမ်းချမ်းရေး နိုဘယ်လ်ဆုရှင်လည်း ရှိနေပြီး တတ်သိ ပညာရှင် များစွာ လည်း ရှိနေပါလျက် နိုင်ငံခြားသားများ ပါဝင် ဖွဲ့ စည်းခြင်းမှာ မိမိတို့ ညံ့ဖျင်းရာ ကျနေကြောင်း၊ ပြည်တွင်းရေးကို ပြည်ပ ပြဿနာ အဖြစ် ပုံကြီး မချဲ့သင့်ကြောင်း၊ ပြည်တွင်းရေး ပြဿနာကို နိုင်ငံတကာက မပါဝင်သည့် အမျိုးသားရေး အဖြစ် ခံယူပြီး ပြည်တွင်းမှ ပညာရှင်များဖြင့်သာ ဆောင်ရွက်သင့်ကြောင်း” စသည့် အချက်များကို ဆွေးနွေး တင်ပြခဲ့ကြသည်။

ထို့ နောက် NLD ပါတီဝင်  ကိုယ်စားလှယ် ၂၁ ဦးတို့ က အဆိုကို ကန့်ကွက် ဆွေးနွေးခဲ့ကြရာ “ပြည်ပမှ နိုင်ငံခြားသားများ ရခိုင်ပြည်နယ်ထဲ ဝင်ရောက် နေထိုင်နေခြင်းကို ပြည်တွင်းရေး အဖြစ် သတ်မှတ်၍ မရနိုင်ကြောင်း၊ ထိုအရေးကို ပြည်တွင်း ပညာရှင်များဖြင့် သာ ဖြေရှင်းပါက ဘက်လိုက်မှု ကင်းရှင်းပါသည်ဟု နိုင်ငံတကာက လက်ခံမည် မဟုတ်ကြောင်း၊ ထို့ကြောင့် နိုင်ငံတကာက အသိအမှတ်ပြုသည့် ၊ လေးစားသည့်၊ နိုင်ငံတကာတွင် ဂုဏ်သတင်း ကျော်ဇောသည့် နိုင်ငံခြားသားများ ပါဝင်စေခြင်းသည် မှန်ကန် သင့်လျော်ကြောင်း” စသည့် အချက်များကို တင်ပြပြီး ထို အရေးကြီး အဆိုကို ကန့် ကွက်ခဲ့ကြသည်။

ပြည်ထောင်စု အစိုးရ အဖွဲ့ ၏ သဘောထားကို လွှတ်တော်သို့ တင်ပြရာတွင် နိုင်ငံတော်၏ အတိုင်ပင်ခံရုံး ဝန်ကြီးဌာန ပြည်ထောင်စု ဝန်ကြီး ဦးကျော်တင့်ဆွေက “ ဒါဟာ အဆိုရှင် ပြောသလို မိမိနိုင်ငံရဲ့ ပြဿနာကို နိုင်ငံတကာ ပြဿနာ အဖြစ် ဖန်တီးတာ မဟုတ်ပါဘူး။ လွန်ခဲ့တဲ့ ၁၀ နှစ်ကျော်ကတည်းက နိုင်ငံတကာ ပြဿနာအဖြစ် ဖန်တီးထားတဲ့ ကိစ္စတစ်ရပ်ကို နိုင်ငံတကာနဲ့  မြန်မာနိုင်ငံမှ ထင်ပေါ် ကျော်ကြားတဲ့  ရိုသေလေးစားတဲ့ ပုဂ္ဂိုလ်များ ပါဝင်တဲ့ အကြံပေး ကော်မရှင် ဖွဲ့စည်း ခြင်းဟာ အမျိုးသား အကျိုးစီးပွားကို ကာကွယ်ဖို့  စီစဉ်ဆောင်ရွက်မှုပဲ ဖြစ်တဲ့ အတွက် ဒီအဆိုကို အတည်မပြုသင့်ပါဘူး” ဟု လွှတ်တော်တွင် ရှင်းပြခဲ့သည်။

ထို့နောက် ပြည်သူ့ လွှတ်တော် အစည်းအဝေးတွင် ထိုအရေးကြီး အဆိုကို ပြည်သူ့ လွှတ်တော် ကိုယ်စားလှယ် ၃၄ ဦးတို့ က ဆွေးနွေးခဲ့ကြအပြီး ပြည်ထောင်စု အဆင့်အဖွဲ့ အစည်းဝင်က ပြန်လည် ဆွေးနွေး ရှင်းလင်းကာ ပြည်သူ့ လွှတ်တော်၌ မဲခွဲ ဆုံးဖြတ်ခဲ့ရာ ထောက်ခံမဲ ၁၄၈ မဲ၊ ကန့်ကွက်မဲ ၂၅၀ မဲ၊ ကြားနေ တစ်မဲ ရရှိသဖြင့် ကန့် ကွက်မဲ အရေအတွက်က ပိုများသောကြောင့် ထိုအဆိုကို လွှတ်တော်က အတည် မပြုကြောင်း ကြေညာခဲ့ခြင်း ဖြစ်သည်။

(Xinhua)
http://www.xinhuamyanmar.com

Author Name

Contact Form

Name

Email *

Message *

Powered by Blogger.