09/08/16


ကမ္ဘာကျော် အမေရိကန် Apple ကုမ္ပဏီက iPhone 7 နဲ့ 7 Plus လက်ကိုင်စမတ်ဖုံးတွေကို ဒီနေ့ မိတ်ဆက်လိုက်ပါတယ်။ အခုထွက်လာတဲ့ အိုင်ဖုန်းတွေဟာ ပေ ၁၅ဝ အနက်အထိ ရေစိမ်ခံပြီး iPhone 7 plus မှာ ကင်မရာ ၂လုံး တပ်ဆင်ထားပါတယ်။ ကင်မရာတွေက12MP တွေပါ။ 4K ဗီဒီယိုကို 30fps နဲ့ ရိုက်ကူးနိုင်ပါတယ်။

iPhone 7 နဲ့ 7 Plus တွေကို ကမ္ဘာ့နိုင်ငံ ၂၅ ခုမှာ လာမယ့် ၁၆ ရက်နေ့ စတင်ရောင်းချပါလိမ့်မယ်။ အမေရိကန်ပြည်ထောင်စုမှာ iPhone 7 ကို ၆၅ဝ ဒေါ်လာ နဲ့ 7 Plus ကို ၇၇ဝ ဒေါ်လာ ပေးရမှာ ဖြစ်ပါတယ်။

တယ်လီဖုံးနဲ့တခါတည်းပါဝင်မယ့် နားကြပ်ကိုတပ်ချင်ရင် ကြိုးကိုဓါတ်အားသွင်းတဲ့ အပေါက်မှာ တပ်ဆင်ရမှာဖြစ်ပြီး EarPods လို့အမည်ပေးထားတဲ့ ကြိုးမဲ့နားကြပ်နဲ့ နားဆင်လိုရင် ဒေါ်လာ ၁၆ဝ ထပ်မံကုန်ကျပါလိမ့်မယ်။ အဲဒီ ကြိုးမဲ့နားကြပ်ကိုတော့ ရှေ့လထဲကျမှ ဝယ်လို့ရမှာပါ။

RFA Burmese
https://www.facebook.com/rfaburmese

ကမ္ဘာ့အဆင်းရဲဆုံးနိုင်ငံတစ်ခုဖြစ်တဲ့ မြန်မာနိုင်ငံမှာ လူဦးရေ သုံးပုံနှစ်ပုံလောက်ရှိတဲ့ ဆင်းရဲသားကျေးလက်နေ တောင်သူလယ်သမားတွေရဲ့ ဘဝကို မြှင့်တင်လိုက်ရုံနဲ့ ဆင်ရဲမွဲတေမှု လျှော့ချရေးကို ဆောင်ရွက်ပြီးသားဖြစ်တယ်လို့ နိုဘယ်လ်ဆုရ ကမ္ဘာကျော် စီးပွားရေးပညာရှင် ဂျိုးဇက်စတစ်ဂလစ် (Joseph Stiglitz) က ၂၀၀၉ ခုနှစ် ဒီဇင်ဘာလက နေပြည်တော်မှာ ပြုလုပ်ခဲ့တဲ့ စီးပွားရေးမူဝါဒချမှတ်ရေးနဲ့ ဆင်းရဲမွဲတေမှုလျှော့ချရေး ဆွေးနွေးပွဲမှာ အကြံပြုလမ်းညွှန်သွားခဲ့ပါတယ်။

ဒီအကြံပြုချက်က ၇ နှစ်ရှိသွားခဲ့ပြီဖြစ်ပါတယ်။ ဒါပေမယ့်ကျေးလက်နေ တောင်သူတွေရော၊ ဒေသအသီးသီးက အောက်ခြေပြည်သူတွေပါ ဘယ်တော့များမှ အသက်ရှုချောင် ထွက်ပေါက်ရမလဲဆိုတာ ဒီကနေ့အထိ တပ်အပ် မသိနိုင်သေးပါဘူး။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ စီးပွားရေးအကြံပေးပုဂ္ဂိုလ် ပါမောက္ခ ရှောင်တာနဲ ကတော့ စီးပွားရေးပြုပြင်ပြောင်းလဲရေးလုပ်ဆောင်နေမှုတွေဟာ အောက်ခြေဆင်းရဲသားလူထုနဲ့ မသက်ဆိုင်သလိုဖြစ်နေဆဲဘဲလို့ ဝန်ခံပြောဆိုပါတယ်။

“စီးပွားရေးပြုပြင်ပြောင်းလဲမှုဟာ ကျေးလက်နေလူထုတစ်ဦးတစ်ယောက်ကိုမှ ထိတွေ့သက်ရောက်မှု မရှိသေးပါဘူး။ ဒါ့ကြောင့် ကျေးလက်လူထုအတွက် အဓိကအာရုံစူးစိုက်လုပ်ဆောင်ပေးဖို့ လိုအပ်နေတယ်” လို့ ဒေါ်အောင်ဆန်းစုကြည်ရဲ့ စီးပွားရေးအကြံပေးပုဂ္ဂိုလ်တစ်ဦးဖြစ်သူ သြစတြေးလျနိုင်ငံ မကွာရီတက္ကသိုလ် စီးပွားရေးဌာနပါမောက္ခ မစ္စတာ ရှောင်တာနဲက ပြောပါတယ်။

ဒီနှစ်မှာတော့ နိုင်ငံရဲ့စီးပွားရေးဟာ ထူးထူးခြားခြားကောင်းမွန်လာတာ မရှိသေးပါဘူး။ နိုင်ငံတောင်ပိုင်းက မြိတ်၊ ထားဝယ်ဒေသမှာဆိုရင်လည်း အရင်နှစ်တွေကလောက်တောင် လုပ်ငန်းကိုင်ငန်းတွေ အဆင်မပြေဘူးလို့ ဒေသခံအမျိုးသမီးတစ်ဦးက ပြောပါတယ်။

“စီးပွားရေးလုပ်တာတော့ အဆင်ပြေမှုက သိပ်မရှိဘူး၊ လုပ်ငန်းတွေက အဆင်မပြေဘူးဆိုတော့၊ စီးပွားရေးက သိပ်အဆင်မပြေဘူး၊ ပြီးခဲ့တဲ့နှစ်ထက် သိပ်အဆင်မပြေကြဘူး”

အန်အယ်လ်ဒီ အစိုးရသစ်လက်ထက်မှာ အောက်ခြေလူထု ဆက်လက်ပြီး ခါးစည်းခံနေရတာတစ်ခုက ကုန်ဈေးနှုန်း မြင့်တက်မှုဒဏ်ဖြစ်ပါတယ်။ နာတာရှည်ရောဂါဆိုးတစ်ခုလို အစိုးရအဆက်ဆက်မဖြေရှင်းနိုင်တဲ့ အဲဒီကုန်ဈေးနှုန်းမြင့်တက်မှုဟာ ဒီနှစ်မှာဆိုရင် ရေဘေးကြောင့်ပါ ပိုခံရတယ်လို့ မန္တလေးက အိမ်ရှင်မတစ်ဦးက ပြောပါတယ်။

“ကျွန်မတို့ ဆန်ဈေးတွေလည်း တက်တယ်ဗျ၊ ခါတိုင်းဆို ကန်စွန်းရွက်တစီးကို တစ်ရာဖိုးဆိုရင် အစည်းလေး ၄စီးရတယ်ရှင့်၊ အခုတော့ တရာဖိုးကို ၃ စီးရှင့်။ ချဉ်ပေါင်ရွက်ကလည်း ခါတိုင်းဆိုလို့ရှိရင် တရာဖိုးကို ၄ စီးတို့ ၃ စီးတို့၊ အခုတော့ ၂ စီးတို့၊ နံနံပင် ၁ စီးကိုတော့ ကျွန်မတို့ ၁၀၀ ဝယ်သုံးရတယ်ရှင့်။ ကြက်ဥကလည်း ဈေးတက်တယ်ရှင့်။ တစ်လုံးကို ၁၅၀၊ ခါတိုင်း ၁၂၀ တန်လောက်က ၁၅၀ ဖြစ်သွားတာရှင့်။”

နာတာရှည်လို ကုန်ဈေးနှုန်းပြဿနာမျိုးက ကုသဖို့ခက်ခဲနေတဲ့ကြားကဘဲ ဒေသတချို့မှာဆိုရင် အတွေ့အကြုံနဲ့ အမြော်အမြင်နည်းပါးတဲ့ အာဏာပိုင်တချို့ရဲ့ လုပ်ဆောင်ချက်တွေကြောင့်လည်း ဆင်းရဲကြပ်တည်းတဲ့ ပြည်သူတွေဟာ ဗူးလေးရာဖရုံဆင့် ခါးစည်းခံနေကြရတာတွေလည်းရှိပါတယ်။ မန္တလေးမှာဆိုရင် ဥပမာတစ်ခုအနေနဲ့ လမ်းဘေးဈေးသည်တွေကို လုပ်ကိုင်စားသောက်ဖို့ ခက်ခဲသွားအောင် ဘယ်လိုရှင်းလင်းနေသလဲဆိုတာ မန္တလေးအနောက်မြောက် မြို့နယ်ရဲ့ ၁၉၉၀ ခုနှစ်အမတ်ဟောင်း ဦးတင်အောင်က အခုလို ထောက်ပြပါတယ်။

“မြင်သာတဲ့ အပြောင်းအလဲ၊ တိုးတက်တဲ့အပြောင်းအလဲ၊ ကုန်ဈေးနှုန်းတွေကျတဲ့ အပြောင်းအလဲတော့ မတွေ့ရသေးပါဘူးခင်ဗျ၊ လောလောဆယ်တော့ လမ်းဘေးဈေးသည်တွေပေါ့ဗျာ၊ ဈေးသည်တွေ လမ်းကျူးလို့ မထွက်နဲ့လို့ ပြောတဲ့အတွက် မထွက်ရရင်လည်း သူတို့အလုပ်လက်မဲ့ဖြစ်ဖို့ဟာတွေ များနေတယ်လေ၊ အဲဒီတော့ တချို့ကလည်း အဲဒီဟာတွေကို နည်းနည်းလေးစိတ်ထဲ ဘယ်လိုဖြစ်တာပါလိမ့်ဆိုတဲ့ သဘောမျိုးတွေနဲ့ စိုးရိမ်စိတ်တွေ ဆင်းရဲသားဈေးသည်တွေ တော်တော်လေးဖြစ်နေတယ်။ ဈေးဆိုင်တွေဗျာ မုန့်တီသည်တို့ မုန့်ဟင်းခါးသည်တို့ စသည်ဖြင့် ဆင်းရဲသားရပ်ကွက်တွေမှာ လမ်းဘေးထွက်နေတဲ့ဟာတွေ မထွက်ရဘူးတို့ ဖြစ်တဲ့အခါမှာ သူတို့မထွက်ရရင် သူတို့အလုပ်မရှိတော့ဘူးပေါ့ဗျာ။ နောက်တစ်ခုက ဆင်းရဲသားရပ်ကွက်ဆိုတော့ ဈေးသက်သက်သာသာနဲ့ စားရတဲ့ဆိုင်လေးတွေပျောက်သွားရင် ဆင်းရဲသား ရပ်ကွက်လူထုဟာလည်း သူတို့အတွက် အခက်အခဲတွေ့မယ်လေ၊ အခြားနေရာပေးပြီးတော့ ရှင်းတာမျိုးဆိုရင်တော့ ကောင်းတယ်လေ၊ လုံးဝမထွက်ရဘူးထက်စာရင် ဘယ်လိုထွက်ရမယ်ဆိုတဲ့ ထွက်ပေါက်ကလေးတွေ ပေးရင်တော့ ပိုကောင်းတာပေါ့။ အဲလိုမရှိတော့ လူထုက ခံစားနေရတဲ့သဘောတွေ ရှိနေတယ်”

ဧရာဝတီတိုင်းမှာလည်း အလားတူဖြစ်ရပ်မျိုး ကြုံနေရပါတယ်။ ဥပမာအနေနဲ့ ဖျာပုံခရိုင်အမာဒေသမှာ အောက်ခြေပြည်သူတွေ ဝင်ငွေအလုပ်အကိုင် အဆင်ပြေစပြုလာတဲ့ ဓနိဖူးလိုလုပ်ငန်းမျိုးတွေရပ်နားသွားအောင် ဖိအားပေးနေရတယ်လို့ အဲဒီဒေသမှာ ဆင်းရဲသားပြည်သူလူထုကို ကူညီဆောင်ရွက်ပေးနေတဲ့ ဦးဆန်းမောင်ဦးက ပြောပြပါတယ်။

“ဓနိဖူးလုပ်ငန်းဆိုတာ အရင်တုံးက စွန့်ပစ်ကုန်ပေါ့၊ အဲဒါလေးကို ကျွန်တော်တို့က အခုလတ်တလောမှာ ကျွန်တော်တို့မြို့ကလူတွေက အကုန်လုံးအလုပ်အကိုင်အခွင့်အလန်းတွေရကြတယ်။ ဒီဟာ ဈေးကွက်ဖြစ်လာ တော့လေ၊ ရကြတဲ့အပေါ်မှာ အခုလတ်တလောမှာ လွှတ်တော်ကိုယ်စားလှယ်တစ်ယောက်က နေပြီးတော့ သဘာဝပတ်ဝန်းကျင်ထိခိုက်တယ်၊ ဂေဟစနစ်တွေပျက်စီးတယ်ဆိုပြီးတော့သူက လွှတ်တော်မှာ ဆွေးနွေးမယ်ဆိုပြီးတော့ အုပ်ချုပ်ရေးပိုင်းကနေတဆင့် ဒါမှမဟုတ် သစ်တောပိုင်းကနေတဆင့် သူတို့ ဖိအားပေးတာတွေ ရှိလာတယ် ခင်ဗျ။ ရှိလာတဲ့အပေါ်မှာ လတ်တလောမှာ ဒီလုပ်ငန်းတွေကို ဒေသခံပြည်သူတွေက မလုပ်ရဲကြဘူး။ ရပ်တံ့ထားရတယ်ပေါ့။ နေ့စဉ်ဘဝတွေက အခုကလေးတွေ ကျောင်းထားရတာကအစ လတ်တလောမှာ သူတို့အကြွေးတွေနဲ့၊ ဥပမာ နေ့ကလေးထိန်းကျောင်းဆိုလို့ရှိရင် ဆိုင်းဘုတ်တင်ပြီးတော့ အကြွေးတောင်းရတဲ့အဆင့်တွေ ဖြစ်နေတယ်။ ဘာကြောင့်လဲဆိုတော့ ဒီအလုပ်အကိုင်အခွင့်အလန်းတွေ ပိတ်ပင်တဲ့အတွက် မလုပ်ရတဲ့အတွက် အခက်အခဲတွေဖြစ်လာတယ်ပေါ့၊ သူတို့ စားဝတ်နေရေးတွေပါ အကုန်လုံး ထိခိုက်ကြတယ် ခင်ဗျ”

ဒီလိုလုပ်ငန်းမျိုးတွေ ရပ်နားသွားအောင် အာဏာသုံးဖိအားပေးလုပ်ဆောင်နေတဲ့အတွက် အောက်ခြေလူထုအဖို့ အလုပ်အကိုင်အခွင့်အလန်းနဲ့ နေ့စဉ်ဝင်ငွေဆုံးရှုံးရသလို ရှင်သန်အောင်မြင်စပြုနေတဲ့ လုပ်ငန်းရှင်တွေလည်း အထိနာကြရပါတယ်။ အငယ်စားနဲ့ အလတ်စား SME လုပ်ငန်းတွေရှင်သန်းအားကောင်းလာအောင် အားပေးရမယ့်အစား ရှင်းလင်းဖယ်ရှားတဲ့လုပ်ရပ်မျိုးဖြစ်နေတာဟာ အစိုးရရဲ့ရေရှည်စီးပွားရေးမူဝါဒတွေနဲ့ လည်း ဆန့်ကျင်နေပါတယ်။

စီးပွားရေးပညာရှင် ဦးခင်မောင်ညို(ဘောဂဗေဒ) ကတော့ အမြော်အမြင်နည်းပါးပြီးနဲ့ အတွေ့အကြုံမရှိတာကြောင့် ဒီပြဿနာတွေ ကြုံနေရတာလို့ ရန်ကုန်တိုင်းအာဏာပိုင်တွေရဲ့ ကွမ်းယာဆိုင်တွေဖယ်ရှားရေးကြိုးပမ်းခဲ့တဲ့လုပ်ရပ် ဥပမာကို ထောက်ပြပြီး သုံးသပ်ပါတယ်။

“တစ်ခုကတော့ အတွေ့အကြုံမရှိတာပေါ့လေ၊ အတွေ့အကြုံမရှိတာ။ နောက် ကိုယ့်စိတ်ကူးထဲမှာ ပေါ်တာလေးတွေ ထလုပ်တာပေါ့၊ ဥပမာ ကွမ်းယာကိစ္စလိုမျိုးပေါ့။ ကွမ်းယာကိစ္စမျိုးကို ဖြေရှင်းတဲ့အခါကျရင် ကွမ်းယာကိစ္စကို ကိုင်တွယ်ချင်တဲ့စိတ်ဘဲရှိတယ်၊ အဲဒီမှာပါဝင်နေတဲ့သူတွေ ဘယ်လောက်ကြီးမားလဲ၊ အလုပ်အကိုင်လုပ်နေတဲ့သူတွေကလည်း များတယ်၊ စားသုံးတဲ့သူ ဘယ်လောက်များလဲ၊ ရောင်းတဲ့သူ ဘယ်လောက်များလဲဆိုတာ၊ အဲဒီဟာကို စီးပွားရေးလုပ်ငန်းကြီးတစ်ခုအနေနဲ့ ကြီးကြီးမားမားရှိနေတယ်ဆိုတဲ့ဟာမျိုးကို သတိထားမိဟန်မပေါ်ဘူးပေါ့နော်။ သူတို့မှာ စိတ်ကူးတွေကတော့ ရှိနေတယ်၊ အဲဒီစိတ်ကူးတွေက သိပ်ပြီးတော့ လက်တွေ့မဆန်ဘူး”

NLD အစိုးရသစ်အနေနဲ့ ပြည်သူလူထုရဲ့မျှော့်လင့်ချက်ကို ဖြည့်ဆည်းပေးဖို့ နှစ်အတန်ကြာ အချိန်ယူဆောင်ရွက်သွားရဖွယ်ရှိတယ်လို့လည်း ဦးခင်မောင်ညိုက ပြောပါတယ်။

“တစ်ခုကတော့ ပြည်သူလူထုရဲ့မျှော်လင့်ချက်ပေါ့နော်၊ ပြည်သူလူထုရဲ့ မျှော်လင့်ချက်ဆိုတာကလည်း အပြစ်တော့ ပြောလို့မရဘူးပေါ့၊ ပြည်သူလူထုရဲ့မျှော်လင့်ချက်က သိပ်ကြီးမားတယ်၊ မြန်မြန်ဆန်ဆန် ဖြစ်စေချင်တာပေါ့၊ နောက် ခံစားနေရတာတွေကလည်း ကြာပြီပေါ့လေ။ တကယ့်တကယ်ကျတော့ ပြည်သူလူထုရဲ့ မျှော်လင့်ချက်ကို ချက်ချင်းလက်ငင်းဖြည့်ဆည်းပေးဖို့ ရေတိုမှာတော့ သိပ်ပြီးတော့ မလွယ်ကူဘူးပေါ့နော်။”

မြန်မာနိုင်ငံ နိုင်ငံရေးနဲ့ စီးပွားရေးဖွံ့ဖြိုးတိုးတက်ရေးအသင်းရဲ့ ဥက္ကဌဖြစ်သူ ဒေါက်တာမင်းညိုကတော့ အောက်ခြေလူထုရဲ့ကြပ်တည်းမှုတွေကို မြန်မြန်ဆန်ဆန် မှန်မှန်ကန်ကန် ဖြေရှင်းနိုင်စွမ်းမရှိဘူးဆိုရင် မလိုလားအပ်တဲ့ တုံ့ပြန်မှုတွေနဲ့ ရင်ဆိုင်ရမှာ စိုးရိမ်မိကြောင်း ပြောပါတယ်။

“ခက်တာက အောက်ခြေမှာကတော့ သိတဲ့အတိုင်းဘဲ တကယ့်အဓိကကျတဲ့ စားဝတ်နေရေးပြဿနာကို၊ ပြောရင်တော့ စီးပွားရေးလည်း မြို့ပေါ်မှာလည်း တော်တော်ကျနေတာကိုတွေ့နေရတယ်ပေါ့၊ နောက်တစ်ခုက အဓိကကျတဲ့ ၇၀ ရာခိုင်နှုန်းက တောင်သူလယ်သမားတွေ ဖြစ်နေတယ်လေ၊ ကျေးလတ်က ဖြစ်နေတယ်၊ အဲဒီတော့ ကျေးလတ်က ဖွံ့ဖြိုးတိုးတက်မှုလည်း အခုထိဘာမှ မလုပ်နိုင်သေးတာကို တွေ့နေရတယ်ပေါ့။ နောက်တခါ လယ်သမားတွေသာမက အလုပ်သမားတွေပါ ပေါင်းလိုက်ရင် ရာခိုင်နှုန်းက မနည်းဘူးလေ၊ အနိမ့်ဆုံးလစာကလည်း ပြောမယ်ဆိုရင် အရှေ့တောင်အာရှမှာ အနိမ့်ဆုံးအဆင့်ဘဲရှိနေသေးတာ တွေ့နေရတယ်ပေါ့။ ဘယ်လိုဖြစ်လာနိုင်သလဲဆိုတော့ ကျွန်တော်တို့က အစိုးရိမ်ဆုံးက ကျွန်တော်တို့ မျှော်လင့်ထားတဲ့အစိုးရတစ်ခုကို ပြည်သူတွေက တင်ပြီးနေပြီလေ၊ တင်ပြီးနေတာကို အဲဒီတင်ထားတဲ့အစိုးရ ပြည်သူတွေအတွက် မလုပ်နိုင်ဘူးဆိုရင် ပြည်သူတွေက အားကိုးရာမဲ့ရောက်ပြီးတော့ မထူးဇာတ်ခင်းသွားမှာဘဲ ကြောက်တယ်လေ၊ မြန်မာရာဇဝင်မှာလည်း ရှိခဲ့တာပေါ့၊ အပေါ်ကမလုပ်နိုင်ဘူးဆိုရင် မထူးဇာတ်ခင်းတာနဲ့ တပြိုင်နက် တစစီဖြစ်တဲ့ အစဉ်အလာက ရှိခဲ့ကြတာကိုး။”

ဒါကတော့ အစိုးရသစ်တက်လာပြီး ၆ လခန့်အကြာ အောက်ခြေလူထုအခြေအနေပါ။ ရှေ့အပတ်မှာတော့ နိုင်ငံအတွက် လိုအပ်နေတဲ့ ရေတိုရေရှည် စီးပွားရေးမူဝါဒနဲ့ပါတ်သက်လို့ ဆက်လက်တင်ပြသွားမှာ ဖြစ်ပါတယ်ခင်ဗျား။
RFA

စက်တင်ဘာလ ၇ ရက်နေ့မှာ Apple ဟာ iPhone 7 နဲ့ 7 Plus တို့ကိုတရားဝင်မိတ်ဆက်ပြသခဲ့ပြီဖြစ်ပါတယ် ။ iPhone မျိုးဆက်သစ်တွေဖြစ်တဲ့ iPhone 7 နဲ့ 7 Plus တို့မှာ အဓိကပြောင်းလဲမှုကြီးတွေပြုလုပ်ပေးထားတာကိုတွေ့ရပါတယ်။ iPhone 7,7 Plus မှာဘာတွေပါဝင်လာသလဲ ၊ 6s နဲ့ယှဉ်လိုက်ရင်ဘာတွေပြောင်းလဲမှုရှိလဲဆိုတာကိုကျွန်တော်လေ့လာသုံးသပ်ထားပြီးသလောက်ပြောပြပေးသွားပါမယ်။

iPhone 7,7 Plus Review By Thet Naing Soe (Myanmar Mobile App) , Photo: The Verge

ဖုန်းရဲ့အရောင် နဲ့ ဒီဇိုင်းပိုင်း
————————
iPhone 7 နဲ့ 7 Plus ကို အရောင်အနေနဲ့ Silver,Gold,Rose Gold, Jet Black, Black စတဲ့အရောင်ငါးမျိုးနဲ့ထုတ်လုပ်ပေးထားပါတယ်။ ယခင် iPhone တွေမှာမရှိခဲ့ဖူးတဲ့ အရောင်အသစ်အနေနဲ့ကတော့ Jet Black နဲ့ Black စတဲ့အရောင်တွေဖြစ်ပါတယ်။ ဒီအရောင်သစ် ၂ မျိုးဟာ Space Grey အရောင်နေရာမှာအစားထိုးပေးလိုက်တဲ့အရောင်သစ် ၂ မျိုးပါ။ အသစ်စက်စက် ချောမွေ့ တောက်ပတဲ့ ပုံစံကိုတော့ Jet Black လို့ ခေါ်ပါတယ်။ ဒါပေမယ့်လည်း သိပ်မတောက်ပ တဲ့ ဂန္တဝင်အနက်ရောင် အသွင်ပြင်ကို ပေးပါတယ်။ ပြောခဲ့တဲ့အတိုင်း ဒီဖုန်းမှာ မထင်ရှားတဲ့ antena လိုင်းတွေနဲ့ တောက်ပတဲ့ Apple ရဲ့ လိုဂိုတစ်ခု ထွင်းပြီး ပါရှိပါတယ်။ဒီဖုန်းကို ရွှေရောင် ၊ နှင်းဆီရွှေရောင် နဲ့ ငွေရောင်တွေနဲ့ လည်း ဝယ်ယူရရှိနိုင်ပါတယ်။

iPhone 7 နဲ့ 7 Plus ဒီဇိုင်းပုံစံကတော့ မထွက်ခင်ကာလ Online ပေါ်မှာပျံနှံ့ခဲ့တဲ့အတိုင်းပဲဖြစ်ပါတယ်။ iPhone 7 မှာနောက်ထပ်သိသာထင်ရှားတဲ့ဒီဇိုင်းပြောင်းလဲမှုအနေနဲ့ဆိုရင် နားကြပ်ပေါက်မပါရှိတော့ခြင်းပါပဲ။ နားကြပ်ကို Lightning Connector ခေါင်းနဲ့ ပြုလုပ်ပေးထားပြီး ဖုန်းဂျပ်ဗူးထဲမှာတစ်ပါတည်းပါဝင်မှာပါ။ သာမန်နားကြပ်ခေါင်းကို iPhone 7 မှာတပ်သုံးချင်သူတွေအတွက်လည်းအဆင်ပြေအောင် Lightning to 3.5mm Dongle လေးတစ်ခုကိုလည်းဖုန်းဂျပ်ဗူးထဲမှာတစ်ပါတည်းထည့်ပေးထားမှာပါ။ ဖုန်းရဲ့ကိုယ်ထည်ပိုင်းမှာလည်း iPhone 6s စီးရီးတွေမှာအသုံးပြုထားတဲ့ 7000 series Aluminum သတ္တုကိုပဲဆက်လက်အသုံးပြုထားပါတယ်။ iPhone 6 နဲ့ 6s တွေတုန်းကလို ဖုန်းနောက်ကျောဘက်ခြမ်းမှာ ထည့်ထားတဲ့ အဖြူရောင် Antenna လိုင်းစင်းတွေကို ဖုန်းရဲ့အထက်နဲ့အောက် ဘေးဘောင်နေရာတွေကိုရွှေ့ပြီး ဒီဇိုင်းနည်းနည်းပြန်ဆန်းသစ်ပေးလိုက်တာကိုလည်းတွေ့ရပါတယ်။

Screen အရွယ်အစား နဲ့ ရုပ်ထွက်အရည်အသွေး
———————————————————
iPhone 7 ရဲ့ Screen အရွယ်အစားကတော့ Screen size ၄.၇ လက်မဖြစ်ပြီး ၊ iPhone 7 Plus ကတော့ Screen size ၅.၅ လက်မပါ။ ယခင် iPhone 6s,6s Plus နဲ့ Screen size အတူတူပါပဲ။ ရုပ်ထွက်အရည်အသွေးအနေနဲ့ iPhone 7 ဟာ 750 x 1334 pixels pixel အရည်အသွေးရှိ Retina HD Display ကိုတပ်ဆင်ထားပါတယ်။ iPhone 7 Plus မှာတော့ 1080 x 1920 pixels အရည်အသွေးရှိ Retina HD Display ကိုတပ်ဆင်ထားပါတယ်။ ဒါကြောင့် iPhone 7 ရဲ့ Screen Resolution အရောင်အသွေးဟာသဘာဝကျတဲ့အရောင်အသွေးခံစားချက်ကိုပေးစွမ်းနိုင်မှာပါ။ iPhone 6s မှာသုံးထားတဲ့ Display ထက် ၂၅ ရာခိုင်နှုန်းအရောင်အသွေးပိုမိုတောက်ပမှုရှိပါတယ်။

Home Button
—————————————————————
အခု iPhone 7 နဲ့ iPhone 7 Pus မှာပါဝင်လာမယ့် Home Button ကတော့
Non-mechanical အမျိုးအစားဖြစ်ပါတယ် Non-mechanical လို့ဘာကြောင့်
ခေါ်သလဲဆိုတော့ ရုပ်ပိုင်းဆိုင်ရာအရ ရွေ့လျားမှုမရှိတော့လို့ပါ တစ်နည်းအား
ဖြင့် အသေပါ (Force Sensitive Static Version) နှိပ်လိုက်ရင် အရင်လိုကျွံဝင်သွားမှာမဟုတ်ပါဘူး ။ ဒါပေမယ့်သုံးစွဲတဲ့ User ကတော့ Home Button မှာသုံးထားတဲ့ Taptic Engine ကြောင့် Home Button နေရာကိုနှိပ်လိုက်တဲ့အခါ ပြန်ကန်ထွက်လာတဲ့ Feeling (Vibration) ကိုခံစားရမှာဖြစ်ပါတယ်။ Apple ဟာ Taptic Engine API ကို သုံးပြီး Quick Actions ၊ Messages ၊ Notifications ၊ Ringtones အစရှိတဲ့ features တွေကို သုံးတဲ့အခါ ခံစားမှုသစ် အတွေ့ အကြုံသစ်တွေ ဖန်တီးပေးဖို့ အက်ပလီကေးရှင်းတွေ ကို လုပ်ခွင့်ပြုထားပါတယ်။

Storage
——————
Storage အနေနဲ့ iPhone 7 နဲ့ 7 Plus မှာ 16GB Storage မပါဝင်တော့ဘဲ 32GB , 128GB, 256GB ဆိုပြီး Storage ၃ မျိုးနဲ့ပွဲထုတ်လာပါတယ်။

Processor
—————————
iPhone 7,7 Plus တို့မှာ A10 Fusion Chipset ကိုတပ်ဆင်ပေးထားပါတယ်။ 64 Bit four-core processor အမျိုးအစားဖြစ်ပါတယ်။ iPhone 6s ထက် ၄၀ ရာခိုင်နှုန်းပိုမြန်မှာပါ။

Operating System
——————————
iPhone 7 , 7 Plus တို့ဟာ Apple ရဲ့ နောက်ဆုံးထွက် iOS 10 version နဲ့လာမှာဖြစ်ပါတယ်။

Camera
——————
iPhone 7 ရဲ့ ကင်မရာပိုင်းမှာတော့ အားလုံး အသစ်ဖြစ်နေပါတယ်။
iPhone 7 ဖုန်းအားလုံးမှာ အခုဆို အမြင်ပိုင်း ပုံရိပ်တည်ငြိမ်မှု ရှိထားပြီး အလင်းကို ၅၀% ပိုဝင်စေတဲ့ ပိုပြီး ကျယ်တဲ့ f/1.8 မှန်ဘီလူး၆ပိုင်း ပါရှိထားပါတယ်။ Sensor ကလည်း ၆၀% ပိုမြန်ပြီး 6s Camera က sensor ထက် ၃၀% ပိုမို ထိရောက်မှု ရှိပါတယ်။ အခုဆို ကင်မရာဟာ မီးရောင်အလင်းတုတွေအောက်မှာ ဓါတ်ပုံရိုက်တာတို့ ကွန်ပျူတာစကရင်ပေါ်က ဓါတ်ပုံတွေကို တဖျပ်ဖျပ်ဖြစ်မနေအောင် လုပ်ပေးတဲ့ flicker sensor တစ်ခု ပါရှိပါတယ်။

Apple ရဲ့ အသစ်စက်စက် single processor ကို A10 chips တွေထဲမှာ ဖွဲ့ စည်းပြီး ကင်မရာရဲ့ settings ကိုလည်း ချိန်ညှိပေးပြီး 25 milliseconds ထဲမှာ ပုံတစ်ပုံကို ဘီလျံပေါင်းရာနဲ့ ချီပြီး လုပ်ဆောင်နိုင်စေပါတယ်။ လုပ်ပေးရမှာက အလင်းဝင်ပေါက် shutter button ခလုပ်လေးကို နှိပ်ပေးဖို့ ပါပဲ။

တကယ်တော့ အလင်းအားနည်းတဲ့ ဓါတ်ပုံပညာဟာ အများကြီး တိုးတက်လာပါပြီ ။ အခုဆို ဗွီဒီယို ပုံရိပ်ငြိမ်မှုကို Live Photos တွေမှာ သုံးကြပါတယ်။ အပိုဆု အနေနဲ့  developers တွေဟာ API သစ်များကို သုံးပြီး သူတို့ ရဲ့ အက်ပ်တွေထဲက Live Photos များကို ဖမ်းယူနိုင်ပြီး iPhone 7 ဟာ RAW images များကိုလည်း ပုံရိပ်ဖမ်းနိုင်ပါတယ်။

iPhone 7 Plus အတွက်မှာတော့ သူ့ မှာ 2x optical zoom အစစ်ချဲ့နိုင်တဲ့ ကင်မရာနှစ်ခု ပါရှိပါတယ်။ ဒီ 2x optical zoom ဟာ ကိုယ်ရိုက်ကူးမယ့်အရာကို အနီးကပ်ဆွဲဖို့ 12 MP သုံး မှန်ဘီလူးနှစ်ခု သုံးထားပါတယ်။ တကယ်တော့ သင့်အနေနဲ့ 2x ကို ကျော်ပြီး အဝေးအနီးဆွဲလို့ ရပေမယ့် digital Zoom (10x အထိ) ဟာ အခုဆို dual-lens စနစ်ကြောင့် software zoom ထက် အများကြီး ပိုမိုကောင်းမွန်တဲ့ ပုံရိပ်ကိုတောင် ထုတ်ပေးပါတယ်။

နောက်ဆုံးအနေနဲ့ Apple ရဲ့ အင်ဂျင်နီယာတွေဟာ iPhone 7 Plus နဲ့ ဓါတ်ပုံပညာရပ်မှာ အောင်မြင်မှုကြီးတစ်ရပ်ကို ဖန်တီးလိုက်ပါတယ်။ ဒါကတော့ DSLR လို မျိုးပဲ အပါချာအနိမ့်နဲ့  ပုံရိပ်တွေကို လှမ်းဆွဲရိုက်နိုင်စွမ်းရှိပါတယ်။ ပုံတစ်ပုံကို ရိုက်ကူးတဲ့အခါ စက်နဲ့ သုံးသပ်တဲ့အပိုင်းက ပုံရိပ်ကို စိတ်ဖြာကြည့်ပြီး ပုံကို ပြတ်သားစေမယ့် လမ်းကြောင်းတစ်ခု ဖန်တီးပါတယ်။ ကိုယ့်ရှေ့မှာရှိတဲ့ ရိုက်ကူးလိုတဲ့ အ ရာကို ချိန် focus ထားစဉ် နောက်ခံ background ကို ဝါးအောင် လုပ်ထားပေးမယ့် Background Blur ရိုက်လို့ရတဲ့ bokeh feature တွေလည်းပါဝင်ပါတယ်။

ဖုန်းရဲ့ရှေ့ဘက်ခြမ်း Camera ကတော့ 7MP FaceTime HD Camera တပ်ဆင်ထားပါတယ်။ ဖုန်းရဲ့နောက်ဘက်ခြမ်းအနေနဲ့ iPhone 7 ဟာ 12 Megapixel အရည်အသွေးရှိ Camera ၁ လုံးတပ်ဆင်ထားပါတယ်။
iPhone 7 Plus ကတော့ 12 Megapixel (f/1.8 Aperture)အရည်အသွေးရှိ Camera ၂ လုံးတပ်ဆင်ထားပါတယ်။ တစ်လုံးကတော့ Wide-angle Camera ဖြစ်ပြီး ၊ နောက်တစ်လုံးကတော့ Telephoto Camera ပါ။ Zoom ဆွဲဖို့အတွက်အသုံးပြုမယ့် Camera ဖြစ်ပါတယ်။ 10x Zoom ထိချဲ့လို့ရပါမယ်။
iPhone 7 နှင့် iPhone 7 Plus တို့ ရဲ့ အဆင့်မြှင့်ထားတဲ့ ကင်မရာ အရည်အသွေး နဲ့အချက်အလက်တွေ ဟာ အထင်ကြီး လောက်ပြီး Apple အနေနဲ့  ဓါတ်ပုံ အရည်အသွေးပိုင်း ပိုမိုကောင်းမွန်အောင် 5.5 လက်မအရွယ် iPhone 7 Plus မှာ Wide နဲ့ Tele ကင်မရာ ၂လုံး တပ်ဆင်ပေးလိုက်တာဟာလည်း ချီးကျူးဖွယ်ရာပါပဲ။ DSLR ကင်မရာတွေနေရာမှာအစားထိုးနိုင်မယ့် စမတ်ဖုန်းလို့တောင်တင်စားပြောဆိုသွားပါသေးတယ်။

Water & Dust Resistance
———————
iPhone 7 ဟာ ရေစိုခံတဲ့စမတ်ဖုန်းတစ်လုံးဖြစ်လာပါပြီ။ Apple ဟာ သူ့ ရဲ့  iPhone 7,7 Plus တို့ မှာ ရေလုံနှုန်းအဆင့်အားဖြင့် IP67 အဆင့်ရှိပါတယ်။ ရေအနက် ၁မီတာမှာ မိနစ် ၃၀ တိုင်အောင် ရေစို ၊ ရေစိမ်ခံအောင်ပြုလုပ်ပေးထားပါတယ်။ ဖုန်းကိုယ်ထည်ထဲကိုဖုန်နဲ့အခြားအမှုန်အမွှားတွေမ၀င်နိုင်အောင်လည်းကာကွယ်ပေးထားပါတယ်။

Stereo Speaker
—————————————
iPhone 7 မှာ Stereo Speaker တွေလည်းပါဝင်တယ်။ Speaker တွေကိုဖုန်းရဲ့အပေါ်ဘက်ခြမ်းနဲ့ အောက်ဘက်ခြမ်းမှာထည့်သွင်းပေးထားပါတယ် ။ iPhone 6s ထက် Speaker အသံ ၂ဆကျယ်မယ်။ အသံရောက်နိုင်မယ့်အကွာအဝေးလည်းပိုပါတယ်။

Battery
—————————
iPhone 7,7 Plus တွေရဲ့ Battery ဟာလည်း iPhone 6s,6s Plus တွေထက် ၂ နာရီလောက်ပိုခံမယ်လို့ညွှန်းဆိုသွားပါတယ်။

စတင်ရောင်းချမယ့်ရက်နဲ့ဈေးနှုန်း
———————————
iPhone 7,7 Plus တွေကို စက်တင်ဘာ ၁၆ ရက်နေ့မှာစတင်ရောင်းချပေးသွားမှာပါ။ Pre Order အနေနဲ့ကတော့ စက်တင်ဘာ ၉ ရက်နေ့မှာစမှာလို့ရနေပါပြီ။ ဈေးနှုန်းအနေနဲ့ ကတော့ အောက်ပါအတိုင်းပါ။
iPhone 7
* 32 GB — $649 (မြန်မာငွေ ၈ သိန်းဝန်းကျင်)
* 128 GB —$749 (မြန်မာငွေ ၉ သိန်းခွဲဝန်းကျင်)
* 256 GB — $849 (မြန်မာငွေ ၁၀ သိန်းခွဲဝန်းကျင်)
iPhone 7 Plus
* 32 GB — $769 (မြန်မာငွေ ၉ သိန်းခွဲဝန်းကျင်)
* 128 GB — $869 (မြန်မာငွေ ၁၀ သိန်းခွဲဝန်းကျင်)
* 256 GB —$$969 (မြန်မာငွေ ၁၂ သိန်းခွဲဝန်းကျင်)

သက်နိုင်စိုး (Myanmar Mobile App)
https://www.facebook.com/thetnaing.mmas

ဗီယင်ကျန်း စက်တင်ဘာ ၇

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ဗီယက်နမ်၊ ဂျပန်၊ နယူးဇီလန်နိုင်ငံ ၀န်ကြီးချုပ်တို့နှင့် ယနေ့တွင် လာအိုပြည်သူ့ဒီမိုကရက်တစ်သမ္မတနိုင်ငံ ဗီယင်ကျန်းမြို့ရှိ အမျိုးသား ကွန်ဗင်းရှင်းဗဟိုဌာန၌ သီးခြားစီတွေ့ဆုံသည်။



နံနက်ပိုင်းတွင် နိုင်ငံတော်၏အတိုင်ပင်ခံပုဂ္ဂိုလ်နှင့် ဗီယက်နမ်နိုင်ငံဝန်ကြီးချုပ် H. E. Mr. Nguyen Xuan Phuc တို့ တွေ့ဆုံစဉ် ဗီယက်နမ်နိုင်ငံမှ မြန်မာနိုင်ငံ၏ ဆက်သွယ်ရေးကဏ္ဍ၊ ဘဏ်လုပ်ငန်းနှင့် ဘဏ္ဍာရေး ကဏ္ဍ၊ ခရီးသွားလာရေးကဏ္ဍများတွင် ရင်းနှီးမြှုပ်နှံမှုများ ပိုမိုတိုးချဲ့ဆောင်ရွက်ရေး၊ မြန်မာ-ဗီယက်နမ် လေကြောင်းလိုင်းများ တိုးချဲ့ ပျံသန်းရေး၊ အာဆီယံအဖွဲ့ဝင် နိုင်ငံများအချင်းချင်း ချစ်ကြည်ရင်းနှီးမှုနှင့် ဆက်ဆံရေးကဏ္ဍ တိုးမြှင့်ပြီး အပြန်အလှန်ယုံကြည်မှု ပိုမိုခိုင်မာစွာတည်ဆောက်ရေး ကိစ္စရပ်များ ဆွေးနွေးကြသည့်အပြင် ဗီယက်နမ်နိုင်ငံဝန်ကြီးချုပ်က နိုင်ငံတော်သမ္မတနှင့် နိုင်ငံတော်၏အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်တို့အား ဗီယက်နမ်နိုင်ငံသို့ ချစ်ကြည်ရေးခရီးလာရောက်ရန် ဖိတ်ခေါ်ခဲ့ပြီး ဒေသတွင်းနှင့် နိုင်ငံတကာတွင် ဗီယက်နမ်နိုင်ငံ၏ ရည်တည်မှုအား မြန်မာနိုင်ငံမှ နားလည်ပေးစေ လိုကြောင်း ပြောကြားသည်။


ဆက်လက်၍ နိုင်ငံတော်၏အတိုင်ပင်ခံပုဂ္ဂိုလ်နှင့် ဂျပန်နိုင်ငံဝန်ကြီးချုပ် H.E.Mr. Shinzo Abe တို့ တွေ့ဆုံစဉ် မြန်မာနိုင်ငံ၏ စိုက်ပျိုးရေးကဏ္ဍနှင့် ဆင်းရဲနွမ်းပါးမှု တိုက်ဖျက်ရေးကဏ္ဍများတွင် ဂျပန်နိုင်ငံမှ အကူအညီအထောက်အပံ့များ ပေးအပ်မည့်အခြေအနေ၊ ဂျပန်နိုင်ငံ၏ အကူအညီအထောက်အပံ့ဖြင့် မြန်မာနိုင်ငံအတွင်းရှိ တိုင်းဒေသကြီးနှင့် ပြည်နယ်များတွင် ဖွံ့ဖြိုးရေးလုပ်ငန်းများ ဆောင်ရွက်မည့် အခြေအနေ၊ လျှပ်စစ်နှင့်စွမ်းအင်ကဏ္ဍ တိုးတက်ရေးအတွက် ပူးပေါင်းဆောင်ရွက်မည့် အခြေအနေများကို ဆွေးနွေးကြသည့်အပြင် ဂျပန်နိုင်ငံ ၀န်ကြီးချုပ်က မြန်မာနိုင်ငံ၏ ပြုပြင်ပြောင်းလဲရေး၊ ဖွံ့ဖြိုးတိုးတက်ရေး လုပ်ငန်း စဉ်များနှင့် ပြည်ထောင်စုငြိမ်းချမ်းရေးညီလာခံ-၂၁ရာစုပင်လုံကို ထောက်ခံကြိုဆိုကြောင်း၊ ဂျပန် နိုင်ငံသည် မြန်မာနိုင်ငံ၏ မိတ်ဆွေကောင်းနိုင်ငံအဖြစ် ခံယူထားသည့်အတွက် မြန်မာနိုင်ငံ ဖွံ့ဖြိုး တိုးတက်ရေးအတွက် ဖြစ်နိုင်စွမ်းရှိသည့် ကဏ္ဍပေါင်းစုံတွင် ရင်းနှီးမြှုပ်နှံမှုများ တိုးမြှင့် ဆောင်ရွက် သွားမည်ဖြစ်ကြောင်း ဆွေးနွေးပြောကြားပြီး နိုင်ငံတော်သမ္မတနှင့် နိုင်ငံတော်၏အတိုင်ပင်ခံပုဂ္ဂိုလ်တို့အား ဂျပန်နိုင်ငံသို့ ချစ်ကြည်ရေးခရီး လာရောက်ပါရန် ဖိတ်ခေါ်ခဲ့သည်။

မွန်းလွဲပိုင်းတွင် နိုင်ငံတော်၏အတိုင်ပင်ခံပုဂ္ဂိုလ်နှင့် နယူးဇီလန်နိုင်ငံဝန်ကြီးချုပ် H.E.Mr.John Key တို့ တွေ့ဆုံစဉ် မြန်မာနိုင်ငံ၏ လယ်ယာစိုက်ပျိုးရေးနှင့် မွေးမြူရေးကဏ္ဍ ဖွံ့ဖြိုးတိုးတက်ရေးအတွက် နှစ်နိုင်ငံ ပူးပေါင်း ဆောင်ရွက်ရေး၊ နယူးဇီလန်နိုင်ငံမှ စိုက်ပျိုးရေးနှင့် မွေးမြူရေးဆိုင်ရာ နည်းပညာနှင့် အတွေ့အကြုံကောင်းများ ပြန်လည်မျှဝေပေးရေး၊ အနာဂတ် လူငယ်များ၏ အရည်အသွေး မြင့်မားရေး အတွက် အဓိကလိုအပ်သည့် ပညာရေးနှင့် ကျန်းမာရေးကဏ္ဍ မြှင့်တင်မှုလုပ်ငန်းများ ပူးပေါင်း ဆောင်ရွက်ရေး၊ အစိုးရနှင့်ပုဂ္ဂလိကပူးပေါင်း ဆောင်ရွက်မှုလုပ်ငန်းများ ဖွံ့ဖြိုးတိုးတက်ရေးအတွက် နှစ်နိုင်ငံ ပူးပေါင်းဆောင်ရွက်ရေးဆိုင်ရာ ကိစ္စရပ်များကို ဆွေးနွေးခဲ့ကြသည်။

Myanmar State Counsellor Office
https://www.facebook.com/state.counsellor


နိုင်ငံတော်၏အတိုင်ပင်ခံပုဂ္ဂိုလ်နှင့် နိုင်ငံခြားရေးဝန်ကြီး ဒေါ်အောင်ဆန်းစုကြည်သည် အာဆီယံထိပ်သီးအစည်းအဝေးတွင် ဂျပန်ဝန်ကြီးချုပ် ရှင်ဇိုအာဘေနှင့် သီးသန့်တွေ့ဆုံခဲ့ရာ မြန်မာနိုင်ငံဖွံ့ဖြိုးတိုးတက်ရေးအတွက် ဂျပန်က ကူညီထောက်ပံ့ရန် ကတိပြုခဲ့ကြောင်း သတင်းရရှိသည်။

လာအိုနိုင်ငံတွင် ပြုလုပ်လျက်ရှိသော အဆိုပါအစည်းအဝေး၌ ယင်းသို့တွေ့ဆုံပြီးနောက် မြန်မာ့စိုက်ပျိုးရေးကဏ္ဍဖွံ့ဖြိုးတိုးတက်ရေးနှင့် ဆင်းရဲမွဲတေမှုပပျောက်ရေးအတွက် ဂျပန် ယန်း ၁၂၅ ဘီလီယံ (ဒေါ်လာ ၁.၂၃ ဘီလီယံ) ကူညီထောက်ပံ့မည်ဟု ရှင်ဖိုအာဘေက ထုတ်ဖော်ပြေကြားခဲ့သည်။

မြန်မာ့စီးပွားရေး ဦးမော့လာရေးအတွက် ပြည်ပရင်းနှီးမြှပ်နှံမှုများကို အားပေးကြိုဆိုသင့်ကြောင်း၊ သူမ၏အစိုးရအနေဖြင့် ပြည်ပရင်းနှီးမြှပ်နှံမှုဥပဒေသစ်များ ရေးဆွဲပြဌာန်းနိုင်ရန် ကြိုးပမ်းလျက်ရှိကြောင်း ဒေါ်အောင်ဆန်းစုကြည်က ပြောကြားသည်ဟု ဂျပန်အစိုးရအရာရှိများထံမှ သိရသည်။ မြန်မာနိုင်ငံ၏ ပုဂ္ဂလိကကဏ္ဍတွင် ဂျပန်ကုမ္ဗဏီများဝင်ရောက်လုပ်ကိုင်ကြရန် တိုက်တွန်းအားပေးမည်ဟု ရှင်ဆိုအာဘေက ပြန်လည်ပြောကြားခဲ့ကြောင်း သိရသည်။

ထို့နောက် ခေါင်းဆောင်နှစ်ဦးတို့ ဒေသတွင်းနှင့် အပြည်ပြည်ဆိုင်ရာပူးပေါင်းဆောင်ရွက်ရေးများနှင့်ပတ်သက်၍ အမြင်ချင်းဖလှယ်ခဲ့ကြပြီး ရှင်ဇိုအာဘေက ဒေါ်အောင်ဆန်းစုကြည်အား မကြာခင်ကာလအတွင်း ဂျပန်နိုင်ငံသို့ လာရောက်လည်ပတ်ရန် ဖိတ်ကြားခဲ့ကြောင်း သိရသည်။

NLD ပါတီ အစိုးရဖြစ်လာပြီးနောက် ဒေါ်အောင်ဆန်းစုကြည်သည် အာဆီယံဒေသပြင်ပတွင် တရုတ်နိုင်ငံသို့ ပထမဆုံးသွားရောက်ခဲ့ပြီး တရုတ်သမ္မတ ရှီကျင့်ဖျင်၊ ၀န်ကြီးချုပ် လီခချန်တို့နှင့်တွေ့ဆုံ၍ မြန်မာနိုင်ငံ၏အခြေခံအဆောက်အအုံ ဖွံ့ဖြိုးတိုးတက်ရေးဆိုင်ရာ ကိစ္စရပ်များ ဆွေးနွေးခဲ့သည်။

ဂျပန်နိုင်ငံ၏ ငွေးကြေးကူညီထောက်ပံ့ရန်ကမ်းလှမ်းချက်သည် မြန်မာနိုင်ငံအပေါ် တရုတ်၏သြဇာလွှမ်းမိုးမှုအပေါ် တုံ့ပြန်ချက်အဖြစ် အချို့ကရှုမြင်သည်။

ဂျပန်ဝန်ကြီးချုပ် ရှင်ဇိုအာဘေသည် မဲခေါင်ဒေသ ခေါင်းဆောင်များဖြစ်သော ကမ္ဘောဒီယား၊ လာအို၊ ထိုင်းနှင့် မြန်မာမှ ခေါင်းဆောင်းများနှင့်လည်း ဆက်လက်တွေ့ဆုံမည်ဖြစ်သည်။ မဲခေါင်ဒေသ ဖွံ့ဖြိုးတိုးတက်ရေးအတွက် ဂျပန်နိုင်ငံက ယန်းငွေ ၇၅၀ ဘီလီယံကို သုံးနှစ်အတွင်း ကူညီထောက်ပံ့ရန် ၂၀၁၅ ဇူလိုင်က ကတိပြုခဲ့၍ ၎င်းကူညီထောက်ပံ့မှု၏ အကျိုးသက်ရောက်မှုနှင့် လက်ရှိအခြေအနေများ၊ အခြား လိုအပ်ချက်များနှင့်ပတ်သက်၍ ဆွေးနွေးမည်ဖြစ်ကြောင်း သိရသည်။

Ref;Japan Times
News Watch(စောင့်ကြည့်သတင်းဂျာနယ်)


အာဆီယံနိုင်ငံများထဲမှ နိုင်ငံတစ်နိုင်ငံဖြစ်သည့် မြန်မာအနေဖြင့် အာရှ ပစိဖိနှင့် အရှေ့တောင်အာရှ ဆက်စပ် ပြဿနာရပ် များဖြစ်သည့် မြောက်ကိုးရီးယားအရေးနှင့် တောင်တရုတ်ပင်လယ် အရေးတို့တွင် ဂျပန်နိုင်ငံ၏ ရပ်တည်ချက်အား မြန်မာဘက်မှ ထောက်ခံနိုင်မည်လား ဟု ဂျပန်ဝန်ကြီးချုပ်က မေးမြန်းခဲ့သည်ဟု နိုင်ငံခြားရေးဝန်ကြီးဌာနမှ ပြောခွင့်ရ ပုဂ္ဂိုလ်ဖြစ်သည့် ဦးကျော်ဇေယျက ပြောသည်။

‘ သူတို့ကတော့ ဒေသတွင်း ပြဿနာတွေဖြစ်တဲ့ မြောက်ကိုးရီယားအရေးဆွေးနွေးမှု ( အာဆီယံ+ ၃ ( တရုတ် ၊ ဂျပန် ၊ ကိုးရီးယား တွင် မြောက်ကိုးရီးယား အရေးဆွေးနွေး ) တွေမှာ သူတို့ရဲ့ရပ်တည်ချက်ကို ထောက်ခံနိုင်မလားလို့ မေးတယ်။ မြန်မာ ကတော့ တောင်တရုတ်ပင်လယ်အရေးနဲ့ ပတ်သက်လို့ အများသဘော တူညီချက်ကို လိုက်နာပါ့မယ်ဆိုတာပဲ ပြောခဲ့တယ်။ ‘ ဟု ဦးကျော်ဇေယျက လာအိုနိုင်ငံ ဗီယန်ကျင်းတွင် ဒေါ်အောင်ဆန်းစုကြည်နှင့် ဂျပန်ဝန်ကြီးချုပ် ရှင်ဇိုအားဘေးတို့ တွေ့ဆုံမှုအပြီး မီဒီယာများကို ပြောသည်။

မြန်မာအနေဖြင့် ဘက်မလိုက်နိုင်ငံခြားရေးမူဝါဒကို ကျင့်သုံးသွားမည် ဟုလည်း ဦးကျော်ဇေယျက ပြောသည်။

ဂျပန်နိုင်ငံအနေဖြင့် မြန်မြာိ့ငမ်းချမ်းရေးဖြစ်စဉ်နှင့် စိုက်ပျိုးရေး ဖွံ့ဖြိုးရေး လုပ်ငန်းများ အခြေခံ အဆောက်ဦးများ တိုးတက်ကောင်းမွန်လာရေး အတွက် ဆက်လက်ပံ့ပိုးသွားမည်ဟု ကတိပြုခဲ့သည်။

ဂျပန် အနေဖြင့် ဒေါ်အောင်ဆန်းစုကြည်အား လာမည့် အောက်တိုဘာလ တွင် ၇ျပန်နိုင်ငံသို့ လာရောက်လည်ပတ်ရန် ဖိတ်ခေါ်ခဲ့သော်လည်း မအားလပ်သောကြောင့် လာမည့် နိုဝင်ဘာလမှသာ လာရောက် လည်ပတ်နိုင်မည်ဟု အကြောင်းပြန်ခဲ့ကြောင်း သိရသည်။
The Ladies News


ဒေါ်စုနဲ့ ဂျပန်ဝန်ကြီးချုပ် တွေ့ဆုံဆွေးနွေး
ဒေါ်စုနဲ့ ဂျပန်ဝန်ကြီးချုပ် တွေ့ဆုံဆွေးနွေး

အာဆီယံထိပ်သီးအစည်းအဝေးတက်ဖို့ လာအိုနိုင်ငံ၊ ဗီယန်ကျင်းမြို့တော်မှာရောက်နေတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ် အောင်ဆန်းစုကြည်ဟာ ဂျပန်ဝန်ကြီးချုပ် ရှင်ဇို့ အဘဲ့နဲ့ ဒီကနေ့ သီးခြားတွေ့ဆုံပြီး နှစ်နိုင်ငံဆက်ဆံရေး တိုးမြှင့်ရေးကိစ္စ ဆွေးနွေးပါတယ်။

အခု အာဆီယံထိပ်သီးအစည်းအဝေးနဲ့ အရှေ့အာရှထိပ်သီးအဝေးတွေကို ဒေါ်အောင်ဆန်းစုကြည်အနေနဲ့ ပထမဆုံးအကြိမ် တက်ရောက်တာဖြစ်ပြီး အမေရိကန်၊ တရုတ်၊ ဂျပန်၊ တောင်ကိုရီးယား၊ အိန္ဒိယ၊ သြစတြေးလျ၊ ရုရှားနဲ့ နယူးဇီလန်နိုင်ငံတွေက ခေါင်းဆောင်တွေလည်း တက်ရောက်နေကြတာပါ။

အခု လာအိုနိုင်ငံခရီးစဉ်အပြီး စက်တင်ဘာလ ၁၀ ရက်နေ့မှာတော့ ဒေါ်အောင်ဆန်းစုကြည်ဟာ ဗြိတိန်နိုင်ငံကို သွားရောက်ဖို့ရှိပြီး ကမ္ဘာ့အနောက်ခြမ်းမှာ တာဝန်ကျနေတဲ့ မြန်မာသံအမတ်ကြီးတွေနဲ့ လန်ဒန်မြို့တော်မှာ တွေ့ဆုံပါမယ်။

အဲဒီကနေမှ အမေရိကန်ပြည်ထောင်စုကို ခရီးဆက်ပြီး ၀ါရှင်တန်ဒီစီမြို့တော် သမ္မတအိမ်ဖြူတော်မှာ သမ္မတ ဘရာ့ခ် အိုဘားမား နဲ့ တွေ့ဆုံပါမယ်။ အဲဒီနောက် ကုလသမဂ္ဂ အထွေထွေညီလာခံတက်ဖို့အတွက် နယူးယောက်မြို့ကို ခရီးဆက်ပါမယ်။

ကျင်းပဆဲ အာဆီယံထိပ်သီးအစည်းအဝေးရဲ့ ဒီကနေ့အစီအစဉ်တွေထဲမှာတော့ အာဆီယံအဖွဲ့ဝင် ၁၀ နိုင်ငံက ခေါင်းဆောင်တွေ ဟာ အဖွဲ့ရဲ့ ပြင်ပဆက်ဆံရေးကိစ္စရပ်တွေ၊ ဒေသတွင်းနဲ့ နိုင်ငံတကာဆိုင်ရာ ဆက်စပ်နေတဲ့ကိစ္စရပ်တွေကို ဒီကနေ့ ဆက်ပြီး ဆွေးနွေးကြပါတယ်။
RFA

 kofiannan-rakhine-refugees-620.jpg ရခိုင်ပြည်နယ်ဆိုင်ရာ အကြံပေးကော်မရှင် ဥက္ကဌ မစ္စတာ ကိုဖီအာနန်နဲ့အဖွဲ့ စစ်တွေမြို့အနီးက ရခိုင်ဒုက္ခသည်စခန်း တာဝန်ရှိသူတွေနဲ့ စက်တင်ဘာလ ၇ ရက်နေ့က တွေ့ဆုံစဉ်
Photo: Win Naing/RFA

ရခိုင်ပြည်နယ်ဆိုင်ရာ အကြံပေးကော်မရှင် ဥက္ကဌ ကိုဖီအာနန်နဲ့ ကော်မရှင်အဖွဲ့ဝင်တွေဟာ ဒီနေ့မနက် က အောင်မင်္ဂလာရပ်ကွက်မှာ မွတ်စလင်ဘာသာရေးခေါင်းဆောင်တွေ၊ ရပ်မိရပ်ဖတွေနဲ့တွေ့ဆုံခဲ့သလို မင်းဂံရပ်ကွက်က ရခိုင်ဒုက္ခသည်စခန်းမှာလည်း ဒုက္ခသည်တွေနဲ့ သွားရောက်တွေ့ဆုံခဲ့ပါတယ်။

ရခိုင်ပြည်နယ်ဆိုင်ရာ အကြံပေးကော်မရှင်အနေနဲ့ ဒေသခံရခိုင်တိုင်းရင်းသားတွေရဲ့ ခံစားချက်တွေကိုပါ နားလည်သဘောပေါက်အောင် နားထောင်ပေးဖို့ တင်ပြခဲ့တယ်လို့ တွေ့ဆုံပွဲတက်ရောက်ခဲ့တဲ့ ဒုက္ခသည် စခန်းစီမံခန့်ခွဲရေးကော်မတီဝင် ဦးလုံးမောင်က ပြောပါတယ်။

"သူတို့ကက ရခိုင်ကိုလာတယ်၊ ရခိုင်မှာ နှစ်ရက်လောက်ပဲ နေတယ်ဆိုတော့ ရခိုင်အကြောင်းကို မပြောနဲ့ ဒီစစ်တွေ အကြောင်းတောင် သူနှံ့နှံ့စပ်စပ်သိမှာ မဟုတ်ဘူး၊ နားတဖက်တည်းနဲ့ နားမထောင်နဲ့ဆိုတာ သူတို့က မွတ်စလင် အသိုင်းအဝိုင်းကို နားထောင်ပေးနေတာကိုး အခွင့်အရေးပေးနေတယ်ဆိုတော့ ကျနော်တို့ ရခိုင်ပြော တဲ့စကားတွေကျတော့ သူတို့အများကြီး မကြားဘူးလေ၊ အဲ့တော့ နားနှစ်ဖက်နဲ့ နားထောင် ပြီး အေးအေးဆေးဆေး ဆုံးဖြတ်ပါလို့ ကျနော်အဲ့လိုပြောခဲ့တယ်"

မစ္စတာကိုဖီအာနန်က ရခိုင်တိုင်းသားတွေနဲ့ မွတ်စလင်တွေ အရင်အတိုင်း အတူယှဉ်တွဲ နေထိုင်ရေးကိစ္စနဲ့ ပတ်သက်ပြီး ဆွေးနွေးခဲ့ရာမှာ ပြဿနာတွေထပ်ဖြစ်မှာကို စိုးရိမ်တဲ့အတွက် ရခိုင်တိုင်းရင်းသားတွေဘက်က အဲ့ဒီကိစ္စကို ကန့်ကွက်ခဲ့ကြတယ်လို့ သိရပါတယ်။

အဲ့ဒီတွေ့ဆုံပွဲမှာ နိုင်ငံတကာ လူမှုအဖွဲ့အစည်းတွေနဲ့ ကုလသမဂ္ဂ စားနပ်ရိက္ခာနပ်ရိက္ခာအဖွဲ့က ရခိုင်တိုင်းရင်းသား ဒုက္ခသည်တွေအပေါ် စားနပ်ရိက္ခာ အကူအညီပေးနေတာတွေကို မကြာခင်ရပ်တန့်ဖို့ ပြင်ဆင်နေတာကို ကန့်ကွက် တဲ့အကြောင်း တင်ပြခဲ့သလို အကူအညီပေးမယ်ဆိုရင် နှစ်ဘက်စလုံးကို ဆက်လက်ပေးဖို့နဲ့ အကူအညီတွေ ရပ်မယ်ဆိုရင်လည်း နှစ်ဘက်စလုံးကိုရပ်ဖို့ ပြောခဲ့ကြတယ်လို့ ပွဲတက်ရောက်ခဲ့သူတွေက ပြောပါတယ်။

အောင်မင်္ဂလာရပ်ကွက်က မွတ်စလင်တွေနဲ့ တွေ့ဆုံရာမှာ ပညာရေး၊ ကျန်းမာရေး၊ စားဝတ်နေရေးနဲ့ လွတ်လပ်စွာသွားလာခွင့် ကိစ္စတွေကို အစိုးရက ဆောင်ရွက်ပေးဖို့ တင်ပြခဲ့ကြတယ်လို့ သိရပါတယ်။

မစ္စတာကိုဖီအာနန် ဦးဆောင်တဲ့ ကော်မရှင်အဖွဲ့ဟာ စစ်တွေမြို့အနောက်ဘက်က သက္ကယ်ပြင် မွတ်စလင်ဒုက္ခသည်စခန်းတွေက ဒုက္ခသည်တွေနဲ့လည်း သွားရောက်တွေ့ဆုံခဲ့ပါတယ်။

ရခိုင်ပြည်နယ်ဆိုင်ရာ အကြံပေးကော်မရှင်မှာ နိုင်ငံခြားသားတွေပါဝင်နေတာကို ကန့်ကွက်ကြောင်း မစ္စတာကိုဖီအာနန်နဲ့အဖွဲ့ မနေ့က စစ်တွေမြို့ကိုရောက်ရှိချိန် လေဆိပ်အနီးမှာ ဒေသခံတွေဆန္ဒပြခဲ့ကြသလို ဒီနေ့ နေ့လည်ပိုင်းက ရန်ကုန်ကိုအပြန်ခရီးမှာလည်း လေဆိပ်အနီးမှာ ထပ်မံဆန္ဒပြခဲ့ကြပါတယ်။
RFA


အမေရိကန် ပြည်ထောင်စုကို ရှေ့သတင်းပတ်ထဲ လာရောက်မယ့် နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က အမေရိကန် သမ္မတ ဘရက်ခ်အိုဘားမားနဲ့ တွေ့ဆုံဆွေးနွေးမှာ ဖြစ်သလို ကုလသမဂ္ဂ အထွေထွေညီလာခံကို တက်ရောက် မိန့်ခွန်းပြောဖို့လည်း ရှိနေပါတယ်။ နိုင်ငံတော် ခရီးစဉ် အဖြစ်နဲ့ ဗြိတိန်၊အမေရိကန် ပြည်ထောင်စုတို့မှာ ထိပ်သီးခေါင်းဆောင်တွေနဲ့ တွေ့ဆုံဆွေးနွေးမှာ ဖြစ်သလို ဥရောပနဲ့ အရှေ့အလယ်ပိုင်းက မြန်မာ သံအမတ်ကြီးတွေနဲ့လည်း တွေ့ဆုံဖို့ စီစဉ်ထားပါတယ်။ ကုလအထွေထွေ ညီလာခံမှာတော့ မြန်မာ့ ဒီမိုကရေစီ အသွင်ကူးပြောင်းရေး ဖြစ်ထွန်းမှုတွေ၊ မြန်မာ့ လူ့အခွင့်အရေး အခြေအနေတွေနဲ့ ပတ်သက်လို့ ခုခံ ချေပရလိမ့်မယ်လို့လည်း အကဲခတ်တို့က သုံးသပ်ပါတယ်။ မသိင်္ဂီထိုက် စုစည်းတင်ပြထားပါတယ်။

နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ရဲ့ သတင်း ၂ ပတ်ကျော်ကြာ ဗြိတိန်၊ အမေရိကန်နဲ့ ကုလသမဂ္ဂ ခရီးစဉ်ကိုတော့ စက်တင်ဘာလ ၁၀ ရက်နေ့က စတင်မှာ ဖြစ်ပါတယ်။ ဗြိတိန်နိုင်ငံ လန်ဒန်မြို့တော်ကို စက်တင်ဘာလ ၁၀ ရက်နေ့မှာ ဆိုက်ရောက်မှာ ဖြစ်ပြီး ဒီကနေ့ တဆင့် အမေရိကန် ပြည်ထောင်စုကို သွားမှာ ဖြစ်တယ်လို့ သမ္မတရုံး ၀န်ကြီးဌာန ပြောခွင့်ရ ဦးဇော်ဌေးက ပြောပါတယ်။

“လန်ဒန်ကနေ ၀ါရှင်တန် ၊ ၀ါရှင်တန်မှာ အိမ်ဖြူတော်မှာ သမ္မတ အိုဘားမားနဲ့တွေ့မယ်။ နောက် ဒုသမ္မတ ဘိုင်ဒန်နဲ့ တွေ့မယ် ၊ နောက် နိုင်ငံခြားရေးဝန်ကြီး ကယ်ရီနဲ့ တွေ့မယ်။ နောက် ၀ါရှင်တန်မှာ ကွန်ဂရက်ပေါ့နော်၊ ကွန်ဂရက် အဖွဲ့တွေနဲ့ တွေ့မယ်။ နောက်ပြီးတော့ Roosevelt High School သွားမယ် နောက် ကျနော်တို့ US Chamber of Commerce , နောက် US – ASEAN Business Council အဲဒါတွေနဲ့ တွေ့မယ်။ တွေ့ပြီးတာနဲ့ ၀ါရှင်တန်မှာ ကျနော်တို့ ဟိုဟာနဲ့တွေ့ဦးမယ်။ အဲဒါက confirm တော့ မဖြစ်သေးဘူး ကျနော်တို့ အမေရိကန် ကာကွယ်ရေးဝန်ကြီးနဲ့ တွေ့ဖို့ရှိတယ်။

“ဗြိတိန်ကို ကျနော်တို့က လန်ဒန် Heathrow လေဆိပ် ဒေသစံတော်ချိန် ၁၀ ရက်နေ့မှာ လန်ဒန်ကိုရောက်မယ်။ ပြီးရင် ၁၁ ရက်နေ့မှာ ဥရောပ အရှေ့အလယ်ပိုင်း အာဖရိကမှာရှိတဲ့ မြန်မာသံအမတ်ကြီး ၁၂ ယောက်နဲ့ တွေ့မယ်။ ”

ဝါရှင်တန်ဒီစီမြို့တော်မှာ အမေရိကန် သမ္မတ ဘရက်ခ်အိုဘားမား၊ ဒုတိယ သမ္မတ ဂျိုးဘိုင်ဒင်၊ အစိုးရ ၀န်ကြီးတချို့နဲ့ လွတ်တော်အမတ်တွေနဲ့ တွေ့ဆုံအပြီးမှာတော့ ကုလသမဂ္ဂ အထွေထွေ ညီလာခံ တက်ဖို့ အတွက် နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က နယူးယောက်မြို့ကို သွားရောက်မှာပါ။ကုလ သမဂ္ဂ ဌာနချုပ်မှာတော့ စက်တင်ဘာလ ၁၉ ရက်နေ့မှာ ပြုလုပ်မယ့် ဒုက္ခသည်နဲ့ ရွှေ့ပြောင်းနေထိုင်မှုဆိုင်ရာ ကုလသမဂ္ဂ အဆင့်မြင့် အရာရှိကြီးများ အစည်းအဝေးမှာ မိန့်ခွန်းပြောမှာ ဖြစ်သလို ကုလသမဂ္ဂ အထွေထွေ ညီလာခံမှာလည်း မိန့်ခွန်းပြောမှာ ဖြစ်တယ်လို့ သမ္မတရုံး ၀န်ကြီးဌာန ပြောခွင့်ရ ဦးဇော်ဌေးက ပြောပါတယ်။

“High level Refugee of Migrant အဲဒီမှာ မိန့်ခွန်းသွားပြောမယ်။ နောက် General debate ပေါ့နော် ဖွင့်ပွဲတွေ တက်မယ်။ ဖွင့်ပွဲတက်ပြီးတော့ ကျနော်တို့ ပြည်ထောင်စုသမ္မတ မြန်မာနိုင်ငံ ကိုယ်စား ၂၁ ရက်နေ့မှာပြောမယ်။ ဒါက အထွေထွေညီလာခံ General Debate မှာပြောမှာ။ ရှေ့မှာက ကုလသမဂ္ဂ High Level meeting ပေါ့နော် Refugee of Migrant အဲဒီမှာလည်း မိန့်ခွန်းပြောမယ်။ နောက် General Assembly တို့General Debate မှာလည်း မိန့်ခွန်းပြောမယ်။”

ဆယ်စုနှစ်တွေ အတွင်း ပထမဆုံး အကြိမ်အဖြစ် လူထု ရွေးကောက် တင်မြှောက်ထားတဲ့ အရပ်သား အစိုးရ ခေါင်းဆောင် တဦး အဖြစ်နဲ့ ကုလ သမဂ္ဂ အထွေထွေ ညီလာခံကို တက်ရောက်တဲ့ အခါမှာတော့ မြန်မာ့ ဒီမိုကရေစီ အသွင်ကူးပြောင်းရေး အပါအ၀င် နိုင်ငံတွင်းက လူ့အခွင့်အရေး အခြေအနေတွေနဲ့ ပတ်သက်ပြီး မိန့်ခွန်းမှာ ထည့်သွင်းပြောဆိုမယ်လို့ ခန့်မှန်းရတဲ့ အကြောင်း မြန်မာ့အရေး အကဲခတ် ဦးအောင်သူငြိမ်းက ပြောပါတယ်။

“အထူးသဖြင့် Democratization ပေါ့ မြန်မာနိုင်ငံရဲ့ ဒီမိုကရေစီ ပြုပြင်ပြောင်းလဲမှု ဘယ်အခြေအနေဆိုက်နေပြီလဲ ၊ ဘယ်လောက်အထိ တိုးတက်လာသလဲဆိုတာကို သိချင်ကြပါတယ် ။ ဆိုတော့ ဒါနဲ့ ပတ်သက်လို့ ဒေါ်အောင်ဆန်းစုကြည်က ပြောမယ်လို့ ယူဆပါတယ်။ နောက်တခုကျတော့ ကျနော်တို့ ပြည်တွင်းစစ်ပြဿနာပေါ့နော်။ ကျနော်တို့ လွတ်လပ်ရေးရပြီးကတည်းက တိုင်းရင်းသားတွေနဲ့ တိုက်ခိုက်လာတဲ့ ပြည်တွင်းစစ်ပြဿနာနဲ့ ပတ်သက်လို့ အထူးသဖြင့်တော့ ငြိမ်းချမ်းရေးကိစ္စ ဘယ်လိုဖြေရှင်းသလဲပေါ့ ဒါတွေကို ဒေါ်အောင်ဆန်းစုကြည်ပြောမယ်လို့ ယူဆပါတယ်။ ဒါကြောင့်မို့လို့ပဲ ညီလာခံမတိုင်ခင်ပေ့ါနော် ကျနော်တို့ ပြီးခဲ့တဲ့ သိပ်မကြာသေးခင် ကာလမှာတုန်းက ပြည်ထောင်စုငြိမ်းချမ်းရေး ညီလာခံ ၂၁ ရာစုပင်လုံဆိုပြီးတော့ ကျင်းပခဲ့တာတွေရှိပါတယ်။ နောက်တခုကတော့ အခုဒီမှာ အငြင်းပွားနေတဲ့ ကိုဖီအာနန် ဦးဆောင်တဲ့ ရခိုင် ကိစ္စကေ်ာမရှင်ပေါ့နော် အထူးသဖြင့် တော့ ရိုဟင်ဂျာ ကိစ္စက နိုင်ငံတကာဘက်ကကို စိုးရိမ်ပူပန်မှုတွေ ရှိပါတယ်။ ဆိုတော့ လူ့အခွင့်အရေးတွေ သူတို့ ကိစ္စတွေနဲ့ ပတ်သက်လို့ပေါ့။ အဲဒီတော့ ဒါလည်းကော်မရှင် ဖွဲ့ထားပြီးပြီဆိုတော့ ဒေါ်အောင်ဆန်းစုကြည်က ဒီကိစ္စကို ခုခံချေပပြီးတော့ ကုလသမဂ္ဂအထွေထွေညီလာခံမှာ ပြောမယ်လို့ ယူဆပါတယ်ခင်ဗျ။”

ပြီးခဲ့တဲ့ မြန်မာ အစိုးရအဆက်ဆက် လက်ထက် ကုလသမဂ္ဂ အထွေထွေ ညီလာခံ ဆုံးဖြတ်ချက်တွေမှာတော့ မြန်မာနိုင်ငံနဲ့ ပတ်သက်ပြီး လူ့အခွင့်အရေး ချိုးဖောက်မှုတွေနဲ့ ပတ်သက်ပြီး အတော်လေး ပြင်းပြင်းထန်ထန် ဝေဖန်ခံနေရတာကြောင့် ဒီတကြိမ်မှာတော့ ဒေါ်အောင်ဆန်းစုကြည် အနေနဲ့ ကုလ ဆုံးဖြတ်ချက်တွေမှာ ပိုပြီး ပျော့ပျော့ပြောင်းပြောင်း ရှိလာစေဖို့ အရေး လုပ်ဆောင်ရဖွယ် ရှိတယ်လို့လည်း မြန်မာ့ အရေး အကဲခတ်တို့က ယူဆကြပါတယ်။

မသိင်္ဂီထိုက်  / ဗွီအိုအေ (မြန်မာပိုင်း)
http://burmese.voanews.com



ဒီတချီမှာလည်း ဒေါ်အောင်ဆန်းစုကြည်က သမ္မတ အိုဘားမားနဲ့ တွေ့ဆုံမှာ ဖြစ်ပါတယ်။ (Credit: AFP)
နိုင်ငံတော် ​အတိုင်ပင်ခံ ​ပုဂ္ဂိုလ် ​ဒေါ်အောင်ဆန်းစုကြည်က ​လာမယ့်တပတ်အတွင်း ​အမေရိကန်နိုင်ငံကို ​သွားရောက် ​လည်ပတ်မှာ ​ဖြစ်ပါတယ်။

လာအိုနိုင်ငံမှာ ​ရောက်ရှိနေတဲ့ ​အမေရိကန် ​သမ္မတက ​မနေ့တုန်းကပဲ ​ဒေါ်အောင်ဆန်းစုကြည်က ​အမေရိကန်နိုင်ငံကို ​စက်တင်ဘာလ ​၁၄ ​ရက်နဲ့ ​၁၅ ​ရက်မှာ ​လည်ပတ်ဖို့ ​ရှိတယ်လို့ ​ပြောဆိုခဲ့ပါတယ်။

ဒေါ်အောင်ဆန်းစုကြည် ​ခရီးစဉ် ​မတိုင်ခင်မှာ ​အမေရိကန် ​အစိုးရက ​မြန်မာအပေါ် ​ချမှတ်ထားတဲ့ ​ဒဏ်ခတ် ​ပိတ်ဆို့မှုတွေကို ​ထပ်မံ ​ဖယ်ရှားပေးဖို့ ​သင့်မသင့် ​စဉ်းစားနေပါတယ်။

ဒဏ်ခတ်ပိတ်ဆို့မှုတွေကြောင့် ​အမေရိကန်နိုင်ငံက ​အကြီးစား ​ကုမ္ပဏီတွေ ​မြန်မာနိုင်ငံထဲ ​ဝင်ဖို့ ​အခက်အခဲတွေ ​ရှိတဲ့အတွက် ​ဒဏ်ခတ်ပိတ်ဆို့မှုတွေကို ​ဖယ်ရှားပေးဖို့ ​အမေရိကန် ​အစိုးရကလည်း ​ဆန္ဒရှိနေပါတယ်။

လူ့အခွင့်အရေး ​စောင့်ကြည့်တဲ့အဖွဲ့ကတော့ ​အမေရိကန်ရဲ့ ​ဒဏ်ခတ်ပိတ်ဆို့မှုတွေဟာ ​မြန်မာ ​စစ်ဗိုလ်တွေ၊ ​ခရိုနီတွေအပေါ် ​ပစ်မှတ်ထားတဲ့ ​ပိတ်ဆို့မှု ​ဖြစ်တာကြောင့် ​ဒီမိုကရေစီ ​ပြုပြင်ပြောင်းလဲမှုတွေ ​လုပ်ဆောင်ဖို့အတွက် ​ဒဏ်ခတ်ပိတ်ဆို့မှုတွေ ​ဆက်ထားသင့်တယ်လို့ ​ပြောဆိုနေပါတယ်။

မြန်မာနိုင်ငံ ​ငွေရေးကြေးရေးကဏ္ဍ၊ ​သွင်းကုန်နဲ့ ​ရင်းနှီးမြုပ်နှံမှုတွေမှာ ​ဒဏ်ခတ်ပိတ်ဆို့မှုတွေ ​ဖယ်ရှားပေးပြီးသား ​ဖြစ်လို့ ​ကာကွယ်ရေးဝန်ကြီးဌာနနဲ့ ​လက်နက်ကိုင်အဖွဲ့အစည်းတွေကိုသာ ​အဓိက ​ပစ်မှတ်ထားတဲ့ ​ပိတ်ဆို့မှုတွေတော့ ​ဆက်ထားသင့်တယ်လို့ ​လူ့အခွင့်အရေး ​စောင့်ကြည့်ရေး ​HRW ​က ​ပြောဆိုလိုက်ပါတယ်။

ဒေါ်အောင်ဆန်းစုကြည်ကလည်း ​အမေရိကန်ရဲ့ ​ဒဏ်ခတ်ပိတ်ဆို့မှုကို ​မကြောက်တဲ့အကြောင်း ​မြန်မာနိုင်ငံကို ​ဒုက္ခရောက်စေဖို့ထက် ​မြန်မာကို ​ကူညီချင်လို့ ​အမေရိကန်ဘက်က ​ပိတ်ဆို့မှု ​လုပ်တာလို့ပဲ ​ယုံကြည်ကြောင်း ​အရင်တုန်းက ​ပြောဆိုခဲ့တာ ​ရှိပါတယ်။

ABC Radio Australia
http://www.radioaustralia.net.au/burmese


ကချင်ပြည်နယ် ဖာကန့်မြို့နယ် လုံးခင်းအုပ်စု မှော်ပုံကျေးရွာ ရာအိမ်မှူး  ရွေးချယ်ပွဲတွင် လုံးခင်းတိုက်ခိုက်ရေးရဲတပ်ရင်း တပ်ရင်း(၁၆) ဆန်ခါစခန်း တာဝန်ခံ ဒုရဲအုပ်စိုးဇော်ဇော် မှ ရွာသားများကို သေနတ်ဖြင့် ခြိမ်းခြောက်မှု့ ကြောင့်  ၆/၉/၂၀၁၆ နေ့ နံနက်၁၁:၀၀နာရီခန့်တွင် ရွာသားများနှင့် ပြဿ     နာ ဖြစ်ပွားခဲ့ကြောင်း သိရသည်။

ထိုသို့ဖြစ်ရခြင်းမှာ စစ်တပ်/ရဲ/အထက် အုပ်ချုပ်ရေး ဌာန အသီးသီးသို့ အကြံအဖန် ငွေရှာပေးနေသော
ဦးမျိုးတင့်အောင် (ခေါ်) မောင်မျိုးဆိုသူ မော်ပုံကျေးရွာအုပ်ချုပ်ရေးမူုးဟောင်း နှင့် ဒုရဲအုပ်စိုးဇော်ဇော်အား ထိရောက်စွာ အရေးယူသင့်ကြောင်း ရွာသားများက ပြောဆိုမှုကြောင့် ဖြစ်ကြောင်း သိရသည်။

Thurin Naymin



သြဂုတ်လ ၂၄ ရက်နေ့ ငလျင်ကြောင့် ကွမ်းတောင်ပြိုကျသွားခဲ့တဲ့ ပုဂံမြို့က စူဠာမဏိဘုရားကို တွေ့ရစဉ်။ Photo: Myo Zaw Ko/ RFA
ငလျင်ဒဏ်ကြောင့် ပျက်စီးသွားတဲ့ ပုဂံဒေသက စေတီပုထိုးတွေကို ဒီလအတွင်း နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် လာရောက် ကြည့်ရှုမယ်လို့ ရှေးဟောင်း သုတေသနနှင့် အမျိုးသားပြတိုက်ဦးစီးဌာ ပုဂံဌာနခွဲက ညွှန်ကြားရေးမှူး ဦးအောင်အောင်ကျော် က ပြောပါတယ်။

ဘယ်နေ့လာမယ်ဆိုတာကို အတိအကျမသိသေးပေမယ့် ငလျင်ကြောင့် ထိခိုက်သွားတဲ့ဘုရားတွေ စုံလင်အောင် လိုက်ပြနိုင်ဖို့ ပြင်ဆင်ထားတယ်လို့ ညွှန်ကြားရေးမှူး ဦးအောင်အောင်ကျော် က ပြောပါတယ်။

"နိုင်ငံတော်အတိုင်ပင်ခံပုဂ္ဂိုလ်ကနိုင်ငံခြားခရီးစဉ်ရှိနေတဲ့အတွက် အဲဒီကပြန်လာရင် လာနိုင်တယ်ဆိုတဲ့ သတင်းပဲကျွန်တော်တို့ရပါသေးတယ်။ ကျွန်တော်တို့ ပျက်စီးနေတာတွေထဲကနေပြီးတော့မှ ပုံစံကွဲတဲ့ ဘုရားတွေကိုလိုက်ပြမှာပါ။ ဥပမာ စေတီရှိတယ်၊ လိုဏ်ဘုရားရှိတယ်၊ ဂူဘုရားရှိတယ် အဲဒါတွေကိုနေရာစုံအောင်နဲ့ ပျက်စီးမှုအခြေအနေတွေကို စုံအောင် လိုက်ပြမှာပါ။" လို့ ဦးအောင်အောင်ကျော် က ပြောတာဖြစ်ပါတယ်။

ငလျင်ကြောင့် စူဠာမဏိစေတီအပေါ်ဘက် ထီးတော်အခြမ်းပြိုကျခဲ့ရသလို၊ သဗ္ဗညုဘုရားနဲ့ ကန်တော့ပလ္လင် ဘုရားတို့ရဲ့အပေါ်ဘက်မှာ အက်ကြောင်းတွေဖြစ်သွားတယ်လို့ ဦးအောင်အောင်ကျော် က ပြောပါတယ်။

အခုအချိန်အထိ စာရင်းကောက်ယူမှုအရ ငလျင်ကြောင့်ပျက်စီးထိခိုက်သွားတဲ့ ပုဂံဘုရား ၄၃၀ ရှိနေပြီး ၃၀ ကျော်ကို တက်ရောက်ခွင့်ပိတ်ပင်ထားပါတယ်။

RFA Burmese
http://www.rfa.org/burmese



 ၂၁ ရာစုပင်လုံညီလာခံ တွင် စာတမ်းဖတ်နေသည့် ဒူးလေးပါတီ ဥက္ကဌ ဦးရွှေမင်း
၂၁ ရာစု ပင်လုံ ညီလာခံတွင် နိုင်ငံရေးပါတီ ၂ ခု၏ ကချင်ပြည်နယ် အတွင်း ကိုယ်ပိုင် အုပ်ချုပ်ခွင့်ရ နယ်မြေ သတ်မှတ် ပေးရန်အတွက် တောင်းဆိုမှုကို ကချင်နိုင်ငံရေးပါတီ မဟာမိတ်အဖွဲ့ KPCC က ယနေ့ ကန့်ကွက် လိုက်ပါသည်။

ညီလာခံတွင် တင်ပြခဲ့သည့် လီဆူ အမျိုးသား ဖွံ့ဖြိုး တိုးတက်ရေး ပါတီ (ဒူးလေး ပါတီ) L.N.D.P ၏ ပူတာအို၊ မချမ်းဘော၊ ဆော့လော်၊ ခေါင်လန်ဖူး နှင့် ချီဖွေမြို့နယ်တို့ကို လီဆူ အထူးကိုယ်ပိုင် အုပ်ချုပ်ခွင့်ရဒေသ ရရှိရေးနှင့် တိုင်းလိုင် (ရှမ်းနီ) အမျိုးသား တိုးတက်ရေး ပါတီ၏ မြစ်ကြီးနား၊ မိုးညှင်း၊ ဗန်းမော် အပါအဝင် ခရိုင် ၈ ခု ပူးပေါင်းပြီး ရှမ်းနီပြည်နယ် သတ်မှတ်ပေးရေးကို KPCC မှ ကန့်ကွက်ခဲ့ခြင်းဖြစ်သည်။

အထူးသဖြင့် ဒူးလေးပါတီ ဥက္ကဌ ဦးရွှေမင်း ၏ ၂၁ ရာစု ပင်လုံညီလာခံတွင်း တောင်းဆိုချက်ကို ကန့်ကွက် ရခြင်းမှာ ‘ကချင် မျိုးနွယ်စု အတွင်း အချင်းချင်း စိတ်ဝမ်း အကွဲကွဲ ဖြစ်မှာကို စိုးရိမ်သည့်အတွက်’ ဖြစ်သည်ဟု KPCC ဦးဆောင် ကော်မတီမှ လော်ဝေါ် အမျိုးသား စည်းလုံး ညီညွတ်ရေးနှင့် ဖွံ့ဖြိုးရေးပါတီ အထွေအထွေ အတွင်းရေးမှုး ဦး ဘီ ဟောင်းဇယ် က ပြောပါသည်။

မြန်မာနိုင်ငံ လီဆူစာပေနှင့် ယဉ်ကျေးမှု ဗဟိုကော်မတီ မှ လည်း ဒူးလေးပါတီ၏ တောင်းဆိုမှုသည် ‘ဒီမိုကရေစီစနစ် ထွန်းကားလာသည်နှင့် အညီ ပွင့်လင်းစွာ နိုင်ငံရေးလုပ်ဆောင်ခြင်း ဖြစ်ပြီး နိုင်ငံရေး သဘောအရ တင်ပြခြင်းသာ ဖြစ်သည်’ ဟု သဘောထား ကွဲလွဲစွာ စက်တင်ဘာ ၆ ရက်နေ့က သဘောထား ထုတ်ပြန်ခဲ့ပါသည်။

အလားတူ ရဝမ် စာပေ နှင့် ယဉ်ကျေးမှု ကော်မတီ နှင့် လော်ဝေါ် အမျိုးသား စည်းလုံး ညီညွတ်ရေးနှင့် ဖွံ့ဖြိုးရေးပါတီ (L.N.U.D.P) တို့က လည်း လီဆူပါတီ၏ အထူး ကိုယ်ပိုင်အုပ်ချုပ်ခွင့်ရဒေသ တောင်းဆိုမှုကို ကန့်ကွက် ခဲ့ကြသည်။

ပြည်ထောင်စုငြိမ်းချမ်းရေးညီလာခံ ၂၁ ရာစုပင်လုံတွင် လီဆူအမျိုးသားဖွံ့ဖြိုးတိုးတက်ရေးပါတီမှ ဦးရွှေမင်းက အပုဒ် ၇ ခုပါ စာတမ်းကို ဖတ်ကြားရာ “လီဆူ အထူးကိုယ်ပိုင်အုပ်ချုပ်ခွင့်ရဒေသ” အစိုးရမှ သတ်မှတ်ပေးရန် ထည့်သွင်းပြောကြားခဲ့ခြင်းဖြစ်သည်။

တိုင်းလိုင် (ရှမ်းနီ) အမျိုးသား ဖွံ့ဖြိုးတိုးတက်ရေး ပါတီ (T.N.D.P) ၏ ကချင်ပြည်နယ်မှ ခရိုင် ၃ ခုအပါအဝင် ရှမ်းနီပြည်နယ် တောင်းဆိုမှုသည် လုံးဝ မဖြစ်နိုင်ကြောင်း နှင့် ရှမ်းနီလူမျိုးများသည် ကချင်ပြည်နယ်၏ အတူနေ တိုင်းရင်းသားများ ဖြစ်သည့်အလျှောက် တောင်းဆိုမှုကို ကန့်ကွက်သည် ဟု ကချင်ပြည်နယ် ဒီမိုကရေစီပါတီ မှ ဦး တူးရော်မှ ပြောပါသည်။

Kachin News Group
http://burmese.kachinnews.com/



ဘုရားဝန်းအတွင်းရှိ အလှူခံပုံးအတွင်းမှ အလှူငွေများ ခိုးယူသူအား တာဝန်သိပြည်သူများက ဖမ်းဆီး၍ ရဲစခန်းသို့ လာရောက်အပ်နှံ 
နေပြည်တော်၊ စက်တင်ဘာ ၇

၂၀၁၆ ခုနှစ်၊ စက်တင်ဘာလ ၆ ရက်နေ့ နံနက် ၆ နာရီ ၄၅ မိနစ်အချိန် မန္တလေးတိုင်း ဒေသကြီး၊ တကောင်းမြို့၊ အမှတ်(၂)ရပ်ကွက်၊ လေးမျက်နှာဘုရားဝန်းအတွင်းရှိ အလှူခံပုံး အတွင်းမှ အလှူငွေများအား ခိုးယူနေသူတစ်ဦးအား ဖမ်းဆီးရမိထားကြောင်း ဘုရားဂေါပက ဦးကြည်လင်းထံ တာဝန်သိပြည်သူများက လာရောက်အကြောင်းကြား ခဲ့ပါသည်။

ဦးကြည်လင်းနှင့်အဖွဲ့က အလှူခံပုံးနေရာအား သွားရောက်စစ်ဆေးခဲ့ရာ အလှူငွေခိုးယူသူမှာ သပိတ်ကျင်းမြို့နယ်၊ မကျီးကုန်းရွာနေ မျိုးမြင့်အောင် (၃၃)နှစ်ဖြစ်ပြီး ၎င်းမှ အလှူခံပုံးမှန်အား ခဲဖြင့်ထုခွဲပြီးခိုးယူခဲ့ကြောင်း ဝန်ခံပြောကြား၍ ရဲစခန်းသို့ ခေါ်ဆောင်အပ်နှံပေးခဲ့သဖြင့် တကောင်းနယ်မြေရဲစခန်း(ပ)၃၉/၂၀၁၆၊ ရာဇသတ်ကြီးဥပဒေပုဒ်မ ၃၈၀ ဖြင့် အမှုဖွင့်အရေးယူထားကြောင်း သတင်းရရှိသည်။

ရဲဇာနည်
https://www.facebook.com/yezarnimedia



ဇီကာဗိုင်းရပ်စ် အကြောင်းရေးထားတဲ့ ပညာပေးကြော်ငြာတစ်ခုကို တွေ့ရစဉ်။ Photo: www.gov.sg/zika
ထိုင်းနုိုင်ငံ ချင်းမိုင်မြို့ကို ကိုယ်ဝန်ဆောင်အမျိုးသမီးတွေအပါအ၀င် ကိုယ်ဝန်ဆောင်ဖို့ ရည်ရွယ်ထားတဲ့ အမျိုးသမီးတွေ လတ်တလော မလာကြဖို့ ခရီးစဉ်ကို ဆိုင်းငံ့ထားဖို့ ဒီကနေ့ စက်တင်ဘာလ ၇ ရက်နေ့ ရက်စွဲနဲ့ ချင်းမိုင်မြို့ မြန်မာ ကောင်စစ်ဝန်ရုံး က သတိပေးကြေညာချက် ထုတ်ပြန်လုိုက်ပါတယ်။

ချင်းမုိုင်ခရိုင် ဆန်ဆိုင်းမြို့မှာ အသက် ၂၈ နှစ်အရွယ် မြန်မာအမျိုးသမီးတစ်ဦး ဇီကာဗုိုင်းရပ်စ် ရောဂါပိုး ကူးစက်ခံထားရကြောင်း ချင်းမိုင်မြို့ ပြည်သူ့ ကျန်းမာရေးဌာနက တရားဝင်ထုတ်ပြန်ခဲ့ပြီး မြန်မာနိုင်ငံသားတွေ ထပ်မံကူးစက်မှုမဖြစ်ပွားရအောင် အခုလို သတိပေးတားမြစ်တာဖြစ်တယ်လို့ ချင်းမုိုင် မြန်မာကောင်စစ်ဝန်ရုံးက သံမှူး ဆန်းယုကျော် က ပြောပါတယ်။

"ဒီမှာက ကျနော်တို့ အခု ဒီ ချင်းမုိုင်မှာရှိတဲ့ ဆန်းဆိုင်းဧရိယာမှာ ဇီကာဗိုင်းရပ်စ် ကူးစက်ခံထားရတဲ့ သူ ၁၁ ယောက်လို့ သတင်းရတဲ့ထဲမှာ ကျနော် တို့ မြန်မာအမျိုးသမီး ကိုယ်ဝန်ဆောင် အမျိုးသမီး တစ်ယောက် ပါနေတာပေါ့လေ သူ့ရဲ့အခြေအနေနဲ့ ပတ်သက်ပြီးတော့ ဒီ ကိုယ်ဝန် ၂ လရှိတဲ့ အသက် ၂၈ နှစ် အရွယ် မြန်မာအမျိုးသမီးတစ်ယောက် ဆန်ဆိုင်း ပြည်သူ့ဆေးရုံမှာ ဇီကာဗိုင်းရပ်စ် ကူးစက်ခံရတဲ့အတွက် စောင့်ကြပ်ကုသလျက် ရှိတယ်ဆိုတဲ့ဟာကိုတော့ သူတို့ အတည်ပြုပါတယ်ခင်ဗျ၊ အခုဟာကလည်း ဒီ ဇီကာဗုိုင်းရပ်စ် ကူးရတဲ့အကြောင်းအရင်းကလည်း ခြင်ကိုက်တာကနေ အဓိကထားပြီးတော့ အဓိက ကူးစက်တာဆိုတော့ ကိုယ်ဝန်ဆောင် အမျိုးသမီးတွေမှာ ကူးစက်လို့ရှိရင် လူပုဂ္ဂိုလ်နဲ့ မွေးလာတဲ့ ရင်သွေးမှာ ဦးခေါင်းခွံနဲ့ ပတ်သက်တဲ့ ပြသနာတွေ ရှိတော့ ကျနော်တို့က အဲ့လိုမျိုး ကူးစက်ခြင်းမခံရအောင်လို့ တတ်နိုင်လို့ရှိရင်တော့ လောလောဆယ် ဒီ ချင်းမိုင်ပြည်နယ်ကို လာမည့် ကိုယ်ဝန်ဆောင် အမျိုးသမီးတွေ ကိုယ်ဝန်ဆောင်ဖို့ ရည်ရွယ်ချက်ရှိတဲ့ အမျိုးသမီးတွေ ဆိုင်းငံ့ထားပါဆိုပြီးတော့ ကျနော်တို့က သတိပေးချက် ထုတ်ပြန်တာပါခင်ဗျ။ "

ဇီကာဗုိုင်းရပ်စ် ပိုးကူးစက်ခံရသူဟာ ကိုယ်အပူချိန်တက်တာ၊ အဖျားတက်တာ၊ အရေပြား ယားယံတာ၊မျက်လုံးနီတာ၊ ခန္ဒာကိုယ်ကိုက်ခံတာ နဲ့ ပုံမှန်မဟုတ်တဲ့ ကြွက်သားနာကျင်တာတွေအပြင် ခေါင်းကိုက်တဲ့ လက္ခဏာတွေ ခံစားရတယ်လို့လည်း ဆိုပါတယ်။

အဲဒီအခြေအနေတွေကြောင့် ထုိုင်းနုိုင်ငံမြောက်ပိုင်း ချင်းမုိုင်ခရိုင်ကို လာရောက်လည်ပတ်ကြမယ့် မြန်မာနိုင်ငံသားတွေ ကြိုတင်တားဆီးကာကွယ် ထားနိုင်ဖို့အတွက် သတိပေးချက် ထုတ်ပြန်လိုက်တာလည်း ဖြစ်ပါတယ်။

လောလောဆယ် ဇီကာဗိုင်းရပ်စ်ပိုးကူးစက်ခံထားရသူရဲ့ အခြေအနေကိုတော့ ဆေးရုံကတဆင့် မေးမြန်းထားပေမယ့် ကာယကံရှင်က တစ်စုံတစ်ရာ ထုတ်ပြန်ပြောဆိုနိုင်ဖို့ ခွင့်ပြုချက်မရသေးပဲ ကူးစက်ခံထားရတဲ့ မြန်မာနိုင်ငံသားကို အကူအညီပေးနိုင်ဖို့အတွက် မြန်မာကောင်စစ်ဝန်ရုံးက တွေ့ဆုံခွင့်တောင်း ဆိုထားတယ်လို့လည်း သိရပါတယ်။

RFA Burmese
http://www.rfa.org/burmese


ရခိုင်ပြည်နယ်အတွင်း စက်တင်ဘာလ ၇ ရက်နေ့က တောင်တုတ်- စကုကျွန်းစက်လှေနစ်မြုပ်မှု ကြောင့် အမျိုးသမီး ၃ ဦးသေဆုံးသွားခဲ့ပြီး ၃ ဦးပျောက်ဆုံးလျက်ရှိရာ ၄င်းပျောက်ဆုံးနေသော အမျိုးသမီး ၃ ဦးအား သက်ဆိုင်ရာအဖွဲ့အစည်းများနှင့် ဒေသခံများပူးပေါင်းကာ ရှာဖွေလျက်ရှိကြောင်း သိရသည်။


အဆိုပါ နစ်မြုပ်စက်လှေတွင် အမျိုးသား ၉ ဦးနှင့် အမျိုးသမီး ၁၀ ဦး ပေါင်း ၁၉ ဦး စီးနင်း လိုက်ပါ လာခဲ့ကြောင်း၊ အမျိုးသား ၉ ဦးနှင့် အမျိုးသမီး ၄ ဦးမှာ အသက်ရှင်လျက် ပြန်တွေ့ခဲ့ပြီး ကျန်အမျိုးသမီး ၆ ဦးတွင် ၃ ဦး သေဆုံးသွားခဲ့ကာ ၃ ဦးမှာ ပျောက်ဆုံးနေသည်။


နစ်မြုပ်မှုဖြစ်ပွားခဲ့သော စက်လှေသည် တောင်ကုတ်မြို့နယ် ကုလားချောင်းကျေးရွာအုပ်စု ၊ ခေါင်းလောင်းတူ ကျေးရွာမှ နံနက် ၇ နာရီ ၃၀ မိနှစ် အချိန်တွင် ရမ်းဗြဲမြို့နယ် စကုကျွန်းသို့ ထွက်ခွာလာခဲ့ရာ နတ်ကန်မြစ်အရောက် နံနက် ၁၁ နာရီအချိန်တွင် လှိုင်းရိုက်ခတ်မှုကြောင့် နစ်မြုပ်သွားခဲ့ခြင်း ဖြစ်ကြောင်း သိရသည်။

သတင်းနှင့်ဓာတ်ပုံ / ရခိုင်ဂေဇက်
Rakhine Gazette
https://www.facebook.com/RakhineGazetteJournal



ဘန်ကောက်မြို့တနေရာတွင် ခြင်ဆေးဖျန်းနေစဉ်
ဇီကာဗိုင်းရပ်စ်ရောဂါပိုး ကူးစက်ပျံ့ပွားနေတဲ့ အိမ်နီးချင်းထိုင်းနိုင်ငံမှာ အခုနောက်ဆုံး ရောဂါကူးစက်ခံရသူတွေထဲ မြန်မာနိုင်ငံက ကိုယ်ဝန်ဆောင် အမျိုးသမီးတဦးပါ ပါဝင်နေတာ တွေ့ရတဲ့အတွက် ခရီးသွားလာမှုတွေကို ဆင်ခြင်ဖို့ ချင်းမိုင်မြို့မှာရှိတဲ့ မြန်မာကောင်စစ်ဝန်ချုပ်ရုံးက သတိပေးလိုက်ပါတယ်။ ရောဂါကူးစက် ခံရတဲ့ မြန်မာနိုင်ငံသားတွေအနေနဲ့ ကောင်စစ်ဝန်ချုပ်ရုံးကို ဆက်သွယ် အကူအညီ တောင်းခံနိုင်ကြောင်းလည်း ကြေညာချက် ထုတ်ပြန်ထားပါတယ်။ အပြည့်အစုံကိုတော့ ဆက်သွယ်စုံစမ်းထားတဲ့ ဗွီအိုအေ မြန်မာပိုင်း သတင်းထောက် ကိုမိုးဇော်က တင်ပြထားပါတယ်။

အထူးသဖြင့် ထိုင်းနိုင်ငံမှာတ၀ှမ်းမှာ ဇီကာဗိုင်းရပ်စ်ကူးစက်သူ လူ၂၀လောက်ထပ်မံတွေရှိရာမှာ ချင်းမိုင်ပြည်နယ်ကလည်း ပါဝင်နေတာကြောင့် မြန်မာကောင်စစ်ဝန်ချုပ်ရုံးက ချင်းမိုင်ပြည်နယ်ကို လာရောက်တာကို ခေတ္တ ဆိုင်းငံ့ထားဖို့အတွက် ထုတ်ပြန်ထားကြောင်းမြန်မာကောင်စစ်ဝန်ချုပ် ဦးကောင်းစံလွင်က ပြောပါတယ်။

“ထိုင်းနိုင်ငံမှာ ၂၀ ပေါ့နော် ။ ၂၀ လောက်တွေ့ပြီ ချင်းမိုင်မှာ ၁၁ ယောက်ပါ ၊ အဲဒီအထဲမှာ ကိုယ်ဝန်ဆောင် အမျိုးသမီး ၂ ဦးပါတယ်ပေါ့နော် တဦးကတော့ ထိုင်း ၊ တဦးကတော့ မြန်မာဆိုပြီး သတင်းလာတယ်။ ကျနော်တို့ကတော့ အဓိကတော့ ဇီကာဗိုင်းရပ်စ် ဒီမှာတွေ့ပြီ မြန်မာနိုင်ငံသားတွေ ကူးစက်ခံရတယ်ဆိုတာ သိရှိပြီဆိုရင် လည်း ကျနော်တို့ ရုံးကို ဆက်သွယ်ဖို့ ပေါ့နော် ၊ ရုံးဖုန်း နောက်ပြီး ကျနော်တို့ဆီက သံမှူးတယောက်ရဲ့ ဟန်းဖုန်း နံပတ်ပါ တခါတည်းထည့်ပြီးတော့ ပညာပေးထားပါတယ်။ နောက် ကိုယ်ဝန်ဆောင်နေတဲ့ အမျိုးသမီးတွေ ၊ နောက်တခုက ကိုယ်ဝန်ဆောင်ဖို့အတွက် ရည်ရွယ်ထားတဲ့ အမျိုးသမီးတွေအနေနဲ့ လက်ရှိအချိန်မှာ ချင်းမိုင်ကို လည်ပတ်မှုကို ခေတ္တစောင့်ဆိုင်းထားဖို့ပေါ့နော် ၊ ဆင်ခြင်ကြဖို့ဆိုတဲ့ဟာနဲ့ ကြေညာချက် ထုတ်ထားတာပါ။”

ဗိုင်းရပ်စ်ကူးစက်ခံထားရတဲ့ မြန်မာကိုယ်ဝန်ဆောင်မိခင်ကို ကူညီနိုင်ဖို့အတွက်လည်း ဆက်သွယ် ဆောင်ရွက်နေတယ်လို့ ပြောပါတယ်။

ထိုင်းနိုင်ငံက ပြည်နယ် ၁၆ခုမှာ ဒီနှစ်အတွင်း ဇီကာဗိုင်းရပ်စ်ကူးစက်သူ ၉၇ယောက်လောက် တွေ့ရှိထားပြီး ဒီရက်ပိုင်းမှာ ပြည်နယ် ၄ခုမှာ လူ၂၀ထပ်မံကူးစက်တာကိုထပ်မံတွေရှိထားကြောင်းနဲ့ ရောဂါအခြေအနေကို ထိန်းချုပ်ထားနိုင်ကြောင်းထိုင်းသတင်းတွေမှာ ဖော်ပြပါတယ်။

ထိုင်းနိုင်ချင်းမိုင်မြို့မှာ နေထိုင်နေတဲ့ မြန်မာနိုင်ငံသားတဦးကတော့ လောလောဆည် ထိုင်းအာဏာပိုင်တွေရဲ့ ဆောင်ရွက်မှုနဲ့ သူတို့နေထိုင်နေတဲ့ အခြေအနေကို အခုလို ပြောပါတယ်။

“သူတုိ့ ကတော့ ခြင်ဆေးတွေဘာတွေ လိုက်ဖျန်းပေးတာတော့ ရှိတယ်ပေါ့နော်။ သူတို့ ခြင်ဆေးဖျန်းတာကလည်း နည်းနည်းပါးပါးပဲ အဲလောက်ပဲဆိုတော့ ကိုယ့်ဟာနဲ့ကိုယ် ခြင်တွေမကိုက်အောင်လောက်တော့ နေကြတာတော့ ရှိတယ်ပေါ့နော် အဲလောက်ပဲပေါ့။ သူတို့ကတော့ သွေးလွန်တုတ်ကွေးကိုတော့ ပိုပြီးတော့ သတိပေးတယ် ဇီကာ နဲ့ ပတ်သက်ပြီးတော့ အရမ်းကြီးလုပ်တာတော့ မရှိဘူး။”

စင်္ကာပူနိုင်ငံမှာ ဇီကာဗိုင်းရပ်စ်ကူးစက်ခံရသူ ၂၅၈ ဦး ရှိနေပြီဖြစ်ပါတယ်။

မြန်မာနိုင်ငံ၊ ပြည်သူ့ကျန်းမာရေးဦးစီးဌာနကတော့ မြန်မာနိုင်ငံကို ဇီကာဗိုင်းရပ်စ်မကူးစက်နိုင်ရေးအတွက် သက်ဆိုင်ရာဝန်ကြီးဌာနတွေ၊ လူမှုအဖွဲ့အစည်းတွေ၊ မီဒီယာတွေနဲ့ ပြည်သူတွေပူးပေါင်းပါဝင်ဖို့ လိုအပ်ကြောင်းသတင်းထုတ်ပြန်ထားပါတယ်။

ဇီကာဗိုင်းရပ်စ်ကူးစက်ခံတဲ့ အဓိကလက္ခဏာတွေဟာ ဖျားတာ၊ အရေပြားမှာ အနီစက်ထွက်တာ၊ မျက်စိနာတာ၊ ခေါင်းကိုက်တာ၊ ကြွက်သားနဲ့အဆစ်တွေနာကျင်တာဖြစ်တတ်ကြောင်းနဲ့ ရောဂါဖြစ်ပွားပြီးနောက်ဆက်တွဲအဖြစ် ကိုယ်ဝန်ဆောင်မိခင်တွေဟာ ဦးနှောက်သေးငယ်တဲ့ ကလေးငယ်တွေမွေးဖွားလာနိုင်ကြောင်း ကျန်းမာရေးနဲ့အားကစားဝန်ကြီးဌာနက နေ့စဉ်ထုတ် အစိုးရပိုင်သတင်းစာတွေက တဆင့် သတိပေးထုတ်ပြန်ထားပါတယ်။

ဇီကာဗိုင်းရပ်စ်ရောဂါဟာ သွေးလွန်တုပ်ကွေးရောဂါပိုးကို သယ်ဆောင်တဲ့ အေးဒီးစ်ခြင်ကျားကိုက်တာကနေ တဆင့် ကူးစက်ပြန့်နှံတာဖြစ်ပါတယ်။

ကိုမိုးဇော်  / ဗွီအိုအေ (မြန်မာပိုင်း)
http://burmese.voanews.com



( အလုပ်ခန့်အပ်ထားတဲ့ စည်ပင်သန့်ရှင်းရေးဝန်ထမ်းတွေကို တွေ့ရစဉ် ) Photo: Hset Paing Toe/ RFA
စစ်ကိုင်းမြို့နယ်အတွင်း အလုပ်လက်မဲ့ဖြစ်နေတဲ့ ကျူးကျော်နေထိုင်သူတွေ အလုပ်အကိုင် ရရှိရေးအတွက် စစ်ကိုင်းမြို့နယ် စည်ပင်သာယာရေးကော်မတီက ကျူးကျော်တွေကို စည်ပင်သန့်ရှင်းရေးဝန်ထမ်းအဖြစ် အခုလက စတင်ခန့်အပ်ပေးနေပါတယ်။

အဲဒီသန့်ရှင်းရေးဝန်ထမ်းတွေဟာ တစ်ရက် လုပ်အားခ ကျပ် ၃၆၀၀ နဲ့ ရရှိမှာဖြစ်ပြီး နေထိုင်ဖို့ အတွက်လည်း ဝန်ထမ်းအိမ်ယာမှာ နေရာချထားပေးပါတယ်။

လတ်တလောမှာ ကျူးကျော်နေထိုင်သူ ၅၀ ကို စည်ပင်သာယာရေး ၀န်ထမ်းအဖြစ် လုပ်ကိုင်ဖို့ မြို့နယ်စည်ပင်သာယာရေးကော်မတီက ကမ်းလှမ်းထားပါတယ်။

စစ်ကိုင်းမြို့နယ်စည်ပင်သာယာရေးကော်မတီက ကောက်ယူထားတဲ့ စစ်တမ်းအရ စစ်ကိုင်းမြို့နယ် အတွင်းမှာ ကျူးကျော်နေထိုင်သူ ၃ ထောင် လောက်ရှိပြီး အဲဒီအထဲက ၁ ထောင်ကျော်ဟာ အမှန်တကယ် ဒုက္ခရောက် နေသူတွေ ဖြစ်ကြပါတယ်။

အဲဒီ ကျူးကျော်နေထိုင်သူတွေထဲက ၁၀၀ ကျော်ဟာ အလုပ်လက်မဲ့ ဖြစ်နေကြတယ်လို့လည်း စစ်တမ်းအရ သိရပါတယ်။

RFA Burmese
https://www.facebook.com/rfaburmese


သြစတြေးလျ ဖယ်ဒရယ်ရဲ (Credit: AAP) 
IS ​အစ္စလာမ်မစ်ရဲ့ ​ဝါဒ ​ဖြန့်ချီရေး ​မဂ္ဂဇင်းမှာ ​သြစတြေးလျနိုင်ငံ ​ဆစ်ဒနီမြို့နဲ့ ​မဲလ်ဘုန်းမြို့တွေမှာ ​တိုက်ခိုက်မှုတွေ ​လုပ်ကြဖို့ ​တိုက်တွန်းထားပါတယ်။

အဲဒီလို ​တိုက်တွန်းမှုကို ​ဗစ်တိုးရီးယား ​ပြည်နယ် ​ဝန်ကြီးချုပ် ​Daniel ​Andrews ​နဲ့ ​ပြည်နယ်ရဲအရာရှိကတော့ ​သိပ်ပြီး ​မစိုးရိမ်ကြပေမယ့် ​သြစတြေးလျ ​ဝန်ကြီးချုပ်ကတော့ ​ဒီကိစ္စကို ​အလေးအနက် ​ထားရမယ်လို့ ​ပြောပါတယ်။

လာအိုနိုင်ငံမှာ ​ရောက်ရှိနေတဲ့ ​ဝန်ကြီးချုပ် ​Malcolm ​Turnbull ​က ​IS ​က ​ဆစ်ဒနီနဲ့ ​မဲလ်ဘုန်းမြို့တွေမှာ ​တိုက်ခိုက်မှု ​လုပ်ဖို့ ​ပြောဆိုထားတာဟာ ​အကြံတွေ ​ကုန်လာလို့ ​ဖြစ်တယ်လို့ ​ပြောဆိုလိုက်ပါတယ်။

အခုဆိုရင် ​ဆီးရီးယားနဲ့ ​အီရတ်မှာ ​IS ​တွေ ​ပိုပြီး ​ထိုးစစ်ဆင်ခံနေရပြီး ​သိမ်းပိုက်ထားတဲ့ ​နယ်မြေတချို့ ​လက်လွတ်ဆုံးရှုံးရတဲ့အတွက် ​အဲဒီလို ​ရှုံးနိမ့်မှုကို ​တုန့်ပြန်တဲ့အနေနဲ့ ​ပြည်ပနိုင်ငံတွေမှာ ​အကြမ်းဖက်မှုတွေ ​ပိုလုပ်နိုင်တယ်လို့ ​ဝန်ကြီးချုပ်က ​သတိပေးလိုက်ပါတယ်။

IS ​ရဲ့ ​လုပ်နိုင်ရည်ကတော့ ​သူတို့ ​ပြောသလောက် ​မလုပ်နိုင်ပေမယ့် ​သတိကြီးကြီးတော့ ​ထားရမယ်လို့ ​ပြောပါတယ်။

IS ​မဂ္ဂဇင်းမှာ ​သြစတြေးလျကို ​ခြိမ်းခြောက်ထားပေမယ့် ​သြစတြေးလျ ​အစိုးရကတော့ ​အကြမ်းဖက် ​တပ်လှန့်မှု ​အဆင့်ကို ​ဖြစ်နိုင်ခြေ ​ရှိတယ် ​ဆိုတဲ့ ​အဆင့်မှာပဲ ​သတ်မှတ်ထားဆဲ ​ဖြစ်ပါတယ်။

သြစတြေးလျ ​နိုင်ငံမှာ ​အကြမ်းဖက်မှုအတွက် ​သတိထားကြသလို ​အာဆီယံ ​အစည်းအဝေးနဲ့ ​အရှေ့အာရှ ​ညီလာခံ ​ကျင်းပနေတဲ့ ​လာအိုနိုင်ငံမှာလည်း ​ကမ္ဘာ့ခေါင်းဆောင်တွေအတွက် ​လုံခြုံရေးတွေ ​အထပ်ထပ် ​ချမှတ်ထားတယ်လို့ ​သိရပါတယ်။

ABC Radio Australia
http://www.radioaustralia.net.au/burmese



ဖိလစ်ပိုင် သမ္မတ ရော်ဒရီကို ဒူတာတေး (Credit: AFP) 
ဖိလစ်ပိုင် ​သမ္မတ ​ရော်ဒရီကို ​ဒူတာတေးက ​Abu ​Sayyaf ​အစ္စလာမ်မစ် ​စစ်သွေးကြွတွေရဲ့ ​အသားတွေကို ​ဆုတ်ခွာပြီး ​စားပစ်လိုက်မယ်လို့ ​ပြောဆိုခဲ့ကြောင်း ​AFP ​သတင်းမှာ ​ဖော်ပြထားပါတယ်။

Abu ​Sayyaf ​အဖွဲ့ကို ​အမေရိကန်နဲ့ ​ဖိလစ်ပိုင် ​အစိုးရတို့က ​အကြမ်းဖက် ​အဖွဲ့အစည်းအဖြစ် ​သတ်မှတ်ထားပါတယ်။

အဲဒီအဖွဲ့ဟာလည်း ​နိုင်ငံခြားသားတွေကို ​ဖမ်းဆီးငွေကြေးတောင်းခံမှု ​လုပ်လေ့ရှိသလို ​ဒီနှစ်အတွင်း ​ကနေဒါ ​နိုင်ငံသား ​ဓားစာခံ ​နှစ်ဦးကို ​လည်လှီးသတ်ဖြတ်ခဲ့တဲ့ ​အဖွဲ့ ​ဖြစ်ပါတယ်။

ဒါ့အပြင် ​အရင်လတုန်းက ​ဖိလစ်ပိုင် ​စစ်သား ​၁၅ ​ယောက်ဟာလည်း ​Abu ​Sayyaf ​အဖွဲ့ကြောင့် ​သေဆုံးခဲ့ရပြီး ​ဒူတာတေးရဲ့ ​မွေးရပ်မြေမှာ ​ဗုံးဖောက်ခွဲမှုလုပ်လို့ ​လူ ​၁၄ ​ဦး ​သေဆုံးခဲ့ရပါတယ်။

အဲဒီကိစ္စတွေကို ​မကျေနပ်လို့ ​သမ္မတ ​ဒူတာတေးက ​အဲဒီအတွက် ​ပြန်လည်ပေးဆပ်ရမယ့်အကြောင်း၊ ​ပြန်လှည့်စားချေရမယ့် ​အချိန်ရောက်ရင်တော့ ​လူရှေ့သူရှေ့မှာပဲ ​အဲဒီလူတွေကို ​ဝါးစားလိုက်မယ်လို့ ​လာအိုနိုင်ငံကို ​ရောက်နေတုန်း ​သမ္မတ ​ဒူတာတေးက ​ပြောလိုက်ပါတယ်။

သမ္မတ ​ဒူတာတေးဟာ ​မဆင်မခြင် ​စကားတွေ ​ပြောဆိုလေ့ရှိတဲ့အတွက် ​သမ္မတနဲ့ ​နီးစပ်သူတွေက ​သမ္မတရဲ့ ​ပြောစကားတွေကို ​လုံးစေ့ပတ်စေ့ ​အဓိပ္ပာယ် ​မကောက်ဖို့ ​သတင်းထောက်တွေကို ​သတိပေးရလေ့ရှိတယ်လို့လည်း ​AFP ​သတင်းမှာ ​ဖော်ပြထားပါတယ်။

ဖိလစ်ပိုင် ​သမ္မတဟာ ​မကြာသေးခင်တုန်းကပဲ ​သမ္မတ ​အိုဘားမားကို ​ဖာသည်မရဲ့သားလို့ ​ပြောခဲ့ဖူးသလို ​ပုပ်ရဟန်းမင်းကြီး ​ဖရန်းစစ်ကိုလည်း ​အလားတူ ​ပြောခဲ့ပါတယ်။

အဲဒီလို ​ပြောဆိုတဲ့အတွက် ​သမ္မတ ​အိုဘားမားက ​ဒူတာတေးနဲ့ ​အင်္ဂါနေ့မှာ ​တွေ့ဆုံမယ့် ​အစီအစဉ်ကို ​ဖျက်သိမ်းခဲ့ပြီးနောက် ​ဒူတာတေးက ​သူပြောခဲ့တဲ့ ​စကားတွေအပေါ် ​စိတ်မကောင်းဖြစ်ရတယ်လို့ ​ပြောဆိုလာတာ ​ရှိပါတယ်။

ABC Radio Australia
http://www.radioaustralia.net.au/burmese

လေးလောင်းပြိုင်လူသတ်မှု အမှုမှန် အမြန်ပေါ်ပေါက်ရေး အပူတပြင်းဆောင်ရွက်လျက်ရှိ၊ ပြည်သူများ ပူးပေါင်းပါဝင်ပေးစေလို ။
ဒုတိယတိုင်းရဲတပ်ဖွဲ့မှူး - ရဲမှူးကြီးမျိုးဆွေ

သြဂုတ်လ ၂ဝ ရက်က ရန်ကုန်တိုင်းဒေသကြီး မင်္ဂလာဒုံ မြို့နယ် ရွှေနံ့သာကျေးရွာတွင် ဖြစ်ပွားခဲ့သော မိသားစု လေးဦး တစ်ပြိုင်တည်း အသတ်ခံရသည့်အမှုကို မြန်မာနိုင်ငံရဲတပ်ဖွဲ့က အမှုမှန်ပေါ်ပေါက်ရေးအတွက် အပူ တပြင်း ဆောင်ရွက်လျက်ရှိသည်။

ပြည်သူများ အထူးစိတ်ဝင်စားနေသည့် အဆိုပါ လေးလောင်းပြိုင်လူသတ်မှုအား အမှုမှန် အမြန်ပေါ်ပေါက် ရေးအတွက် ဆောင်ရွက်နေမှုများနှင့်စပ်လျဉ်း၍ ရန်ကုန်တိုင်းဒေသကြီးရဲတပ်ဖွဲ့ ဒုတိယတိုင်းရဲတပ်ဖွဲ့မှူး ရဲမှူးကြီးမျိုးဆွေနှင့် မှုခင်းရဲတပ်ဖွဲ့ ဒုတိယရဲမှူးကြီး သာထွန်းတို့နှင့် မြန်မာ့သတင်းစဉ်က တွေ့ဆုံမေးမြန်း ထားသည်များကို တင်ပြလိုက်ရပါသည်-

မေး။ ။ လေးလောင်းပြိုင် လူသတ်မှုနဲ့ပတ်သက်ပြီး သွားရောက်စစ်ဆေးခဲ့ရာမှာ တွေ့ရှိခဲ့တာနဲ့ ပတ်သက်ပြီး ပထမဆုံး ပြောပြပေးစေချင်ပါတယ်။

ဖြေ။ ။ အမှုဖြစ်ပွားတယ်လို့ သတင်းရတာနဲ့ ချက်ချင်းပဲ တိုင်းဒေသကြီး ရဲတပ်ဖွဲ့မှူးနဲ့ ကျွန်တော်တို့ သွားရောက် ကြည့်ရှုစစ်ဆေးခဲ့ပါတယ်။ ကျွန်တော်တို့အပြင် မှုခင်းရဲတပ်ဖွဲ့က တာဝန်ရှိသူတွေနဲ့ မြောက်ပိုင်းခရိုင် ရဲတပ်ဖွဲ့မှူး၊ မင်္ဂလာဒုံမြို့နယ် ရဲတပ်ဖွဲ့မှူး၊ မင်္ဂလာဒုံမြို့မ ရဲစခန်းမှူးတို့လည်း လိုက်ပါစစ်ဆေးခဲ့ကြပါတယ်။
ကျွန်တော်တို့ စတင်ဝင်ရောက်စစ်ဆေးချိန်မှာ နေအိမ် ရှေ့ဘုရားခန်းမှာ ကိုစိုးနောင်နဲ့ သူ့ရဲ့ သားကြီးဖြစ်သူ ဟန်သူရတို့ သေဆုံးနေတာတွေ့ရပါတယ်။ ကိုစိုးနောင် ရဲ့ဇနီး မချယ်ရီပွင့်က နေအိမ်မီးဖိုခန်းမှာ သေဆုံးနေတာ တွေ့ရပါတယ်။ သားငယ်စွမ်းထက်မြက်ကတော့ အခန်းထဲက ခုတင်ပေါ်မှာ သေဆုံးနေတာတွေ့ရပါတယ်။


ကျွန်တော်တို့ စစ်ဆေးတဲ့အခါမှာ ထမင်းစားခန်း စားပွဲအောက်နဲ့ ဗီရိုရှေ့မှာ သွေးကွက်တွေတွေ့ရပြီး အဲဒီတွေ့ရတဲ့ သွေးကွက်အချို့ကို အဝတ်နဲ့သုတ်ထားတာ တွေ့ရပါတယ်။ အဲဒီအဝတ်တွေကတော့ ကိုစိုးနောင်ရဲ့ စွပ်ကျယ်ချိုင်းပြတ်နဲ့ သားကြီး ဟန်သူရရဲ့ ဘောင်းဘီ ဖြစ်တာကို တွေ့ရပါတယ်။ သွေးသုတ်ထားတဲ့ ကိုစိုးနောင် ရဲ့ စွပ်ကျယ်ကို သူတို့အိပ်တဲ့ ခုတင်စောင်းမှာ တန်းလန်း တင်ထားတာတွေ့ရပြီး သွေးသုတ်ထားတဲ့ ဟန်သူရရဲ့ ဘောင်းဘီကိုတော့ ထမင်းစားစားပွဲအောက်မှာ တွေ့ရပါတယ်။

မေး။ ။ သေဆုံးသူတွေရဲ့ ခန္ဓာကိုယ်မှာ တွေ့ရတဲ့ ဒဏ်ရာ ဒဏ်ချက်တွေကို ရှင်းပြပေးစေလိုပါတယ်။

ဖြေ။ ။ သေဆုံးသူ ကိုစိုးနောင်က ပက်လက်အနေအထား နဲ့သေဆုံးနေပြီး ယာဘက်ရင်အုံ၊ ရင်ညွန့်၊ ဝဲဘက်ရင်အုံ၊ ဝဲရင်အုံအောက်တွေမှာ ထိုးသွင်းဒဏ်ရာ စုစုပေါင်း လေးချက် တွေ့ရှိရပါတယ်။ မောင်ဟန်သူရက ဒဏ်ရာ ငါးချက်၊ မချယ်ရီပွင့်မှာ ဒဏ်ရာ ၁၂ ချက်၊ မောင်စွမ်း ထက်မြက်မှာတော့ ဒဏ်ရာ လေးချက်နဲ့ သေဆုံးနေတာ တွေ့ရပါတယ်။

မေး။ ။ အခုလို တွေ့ရှိရတဲ့ဒဏ်ရာတွေဟာ ဘယ်လို လက်နက်မျိုးနဲ့ ကျူးလွန်ခဲ့တယ်ဆိုတာရယ်၊ သက်သေခံ ပစ္စည်းတွေ့ရှိမှုအခြေအနေကိုလည်း ရှင်းပြပေးပါ။

ဖြေ။ ။ အင်းစိန်မှုခင်းဆရာဝန်ကြီးနဲ့ တွေ့ဆုံမေးမြန်း ချက်အရ ရရှိတဲ့ဒဏ်ရာတွေဟာ တစ်ဖက်တုံး၊ တစ်ဖက် သွားရှိ ထိုးသွင်းဒဏ်ရာတွေဖြစ်တယ်လို့ သိရပါတယ်။ နေအိမ်ထဲမှာ ရှာဖွေတွေ့ရှိချက်အရ အရိုး၊ အသွား ၁၁ လက်မခန့်ရှိတဲ့ ဓားမြောင် တစ်ချောင်းကို သေဆုံးသူ ကိုစိုးနောင်ရဲ့ ဝဲဘက်လက်နဲ့ ခုနစ်လက်မလောက်အကွာ မှာ တွေ့ရပါတယ်။

မေး။ ။ အဲဒီဓားဟာ ဘယ်သူ့ဓားဆိုတာ စုံစမ်းလို့ ရပါပြီလား။

ဖြေ။ ။ အဲဒီဓားက သေဆုံးသူ ကိုစိုးနောင်ရဲ့ ဓား ဖြစ်ပါတယ်။ ဘာလို့ ဒီလိုပြောနိုင်သလဲဆိုတော့ ကိုစိုး နောင်ရဲ့ ဧည့်ခန်းဗီရိုပေါ်မှာ ဒီဓားရဲ့ ဓားအိမ်ကို တွေ့ရှိခဲ့ လို့ရယ်၊ သေဆုံးသူ မချယ်ရီပွင့်ရဲ့ မောင်အရင်း တော်စပ် တဲ့ လှည်းကူးမြို့မရဲစခန်းက ရဲတပ်သား မင်းစည်သူရဲ့ ပြောပြချက်အရရယ်ကြောင့် ဒီဓားဟာ ကိုစိုးနောင် ကိုင်ဆောင်တဲ့ ဓားဆိုတာ သိရှိရတာဖြစ်ပါတယ်။

မေး။ ။ စစ်ဆေးတဲ့အခါမှာ အဲဒီအိမ်အတွင်းကနေ အခြားထူးခြားတဲ့ အချက်တွေ့ရှိခဲ့ရင် သိချင်ပါတယ်။ နောက် အိမ်ရဲ့ပတ်ဝန်းကျင်အနေအထားနဲ့ပတ်သက်လို့ လည်း နည်းနည်းလောက် ရှင်းပြပေးပါ။



ဖြေ။ ။ အိမ်ထဲကနေ စာအုပ် ၅ဝ တွေ့ရှိသိမ်းဆည်း ရမိခဲ့ပါတယ်။ အဲ့ဒီစာအုပ်တွေကတော့ ဂမ္ဘီရဝတ္ထုစာအုပ် တွေနဲ့ ဖြစ်ရပ်မှန်မှုခင်းစာအုပ်တွေပဲဖြစ်ပါတယ်။ ဒီစာအုပ် တွေကို နေအိမ်ဧည့်ခန်းထဲက ဗီရိုထဲကနေ သိမ်းဆည်း ရရှိခဲ့ပါတယ်။ အိမ်ရဲ့ ပတ်ဝန်းကျင်မှာလည်း ယတြာချေ ထားတဲ့ အထုပ် ရှစ်ထုပ်တွေ့ရှိခဲ့ရပါတယ်။
အရှေ့ဘက်အိမ်နဲ့ ၆၅ ပေလောက်ကွာဝေးပြီး အိမ်ရဲ့ ဝဲဘက်အိမ်က ပေ ၁၅ဝ လောက်ဝေးတဲ့အတွက် တော်ရုံတန်ရုံ ရုန်းရင်းဆန်ခတ်ဖြစ်တာကို သာမန်အနေ အထားအရ ကြားရဖို့ မလွယ်တာကို တွေ့ရပါတယ်။

မေး။ ။ အမှုမှန်ပေါ်ပေါက်ရေးအတွက် စုံစမ်းဆောင် ရွက်နေမှုကို ပြောပြပေးစေလိုပါတယ်။

ဖြေ။ ။ ကျွန်တော်တို့အနေနဲ့ တစ်မိသားစုလုံး အသတ်ခံရတာကို ဖြစ်စဉ်အမှန်ပေါ်ပေါက်ရေးအတွက် ဖြစ်ရတဲ့ အကြောင်းအရင်းကို စုံစမ်းဖော်ထုတ်နေပါတယ်။ အထူး အမှုစစ်အဖွဲ့တွေခွဲပြီး ရန်ကုန်တိုင်းဒေသကြီးရဲတပ်ဖွဲ့နဲ့ မှုခင်းရဲတပ်ဖွဲ့တို့ ပူးပေါင်းပြီး စီးပွားရေးလုပ်ငန်းနဲ့ ပတ်သက်ဆက်စပ်သူတွေ၊ သေဆုံးသူကိုစိုးနောင် တပ်ဖွဲ့ မှာ တာဝန်ထမ်းဆောင်တုန်းက ပတ်သက်ဆက်နွှယ်ခဲ့သူ တွေ၊ လူမှုရေးအရ ပတ်သက်ဆက်နွှယ်သူ ၆၂ ဦးကို စစ်ဆေးခဲ့ပြီးဖြစ်ပါတယ်။ တစ်ဖက်မှာလည်း မှုခင်း ဆရာဝန်ကြီးတွေအပိုင်းက တွေ့ရှိချက်တွေအပေါ် အသေးစိတ် ထင်မြင်ယူဆချက်တွေနဲ့အညီ ပေါင်းစပ်ဆောင်ရွက်သွားမှာ ဖြစ်ပါတယ်။


မေး။ ။ ဓာတ်ပုံထဲပါတဲ့ မသင်္ကာသူ သုံးယောက်နဲ့ ပတ်သက်လို့ အခြေအနေလေး သိချင်ပါတယ်။

ဖြေ။ ။ ဟုတ်ပါတယ်။ မသင်္ကာသူ သုံးယောက်နဲ့ ပတ်သက်လို့ သေဆုံးသူ မချယ်ရီပွင့်ရဲ့ တယ်လီဖုန်းထဲက ဓာတ်ပုံ သုံးပုံကို ထုတ်ယူရရှိခဲ့ပါတယ်။ အဲဒီဓာတ်ပုံမှာ ပါတဲ့ မသင်္ကာသူ သုံးယောက်ကိုလည်း အပူတပြင်း ရှာဖွေဆောင်ရွက်နေပါတယ်။ တိုင်းဒေသကြီး/ပြည်နယ် ရဲတပ်ဖွဲ့တွေနဲ့ တပ်ဖွဲ့အသီးသီးကို ဓာတ်ပုံပါသူတွေကို စုံစမ်းပေးနိုင်ဖို့ဖြန့်ဝေထားပြီး ဖြစ်ပါတယ်။

အမှုနဲ့ပတ်သက်ပြီး မြန်မာနိုင်ငံရဲတပ်ဖွဲ့အနေနဲ့ ဆောင်ရွက်မှုအခြေအနေကို ပြည်သူတွေသိရှိနိုင်ဖို့ အခုလို ရှင်းပြရခြင်းဖြစ်ပါတယ်။ အမှုမှန်ပေါ်ပေါက်ဖို့အတွက် ရန်ကုန်တိုင်းဒေသကြီးရဲတပ်ဖွဲ့နဲ့ မှုခင်းရဲတပ်ဖွဲ့တို့ ပူးပေါင်းပြီး အပူတပြင်း ဆောင်ရွက်နေပါတယ်။

သဲလွန်စမှတ်တမ်းတွေကိုလည်း အသေးစိတ်ရယူထား ရှိပြီးဖြစ်ပါတယ်။ အခင်းဖြစ်အရပ်ကနေရရှိတဲ့ သဲလွန်စ တွေအပေါ်အခြေခံပြီး ဆက်စပ်ဖော်ထုတ်မှုတွေ ဆက်လုပ်နေပါတယ်။ ပြည်သူတွေအနေနဲ့လည်း ကိုယ်သိထားတဲ့ အချက်အလက်တွေနဲ့ပတ်သက်လို့ သတင်းပေးလိုရင် ရန်ကုန်တိုင်းဒေသကြီးရဲတပ်ဖွဲ့ ဖုန်း-ဝ၁-၂၃၂၃၁၉၉၊ ဝ၁-၂၃ဝ၁၆၄၆၊ ဝ၁-၂၃ဝဝ၇၄၇ ကို ဆက်သွယ်သတင်း ပေးကြပါလို့ မေတ္တာရပ်ခံအပ်ပါတယ်။
ဟုတ်ကဲ့။ အခုလို ရှင်းပြပေးတဲ့အတွက် ကျေးဇူးတင်ပါတယ်။

တွေ့ဆုံမေးမြန်း-မင်းသစ်(သတင်းစဉ်)၊
ဇော်ကြီး(ပဏီတ) ဓာတ်ပုံ-ဖေဇော်
The Mirror Daily
https://www.facebook.com/TheMirrorDaily/