09/18/16

အမေရိကန်နိုင်ငံက မြန်မာနိုင်ငံအပေါ် လက်ရှိ ချမှတ်ထားသည့် စီးပွားရေး ပိတ်ဆို့ အရေးယူမှုများမှာ ပစ်မှတ်ထားစာရင်းပါသူများကိုသာ ကန့်သတ်ထားခြင်းဖြစ်သဖြင့် နိုင်ငံ့စီးပွားရေး တစ်ခုလုံးအပေါ် သက်ရောက်မှု အနည်းငယ်သာ ရှိသည်ဆိုသော ယူဆချက်များမှာ မှားယွင်းသည့်အမြင်များ ဖြစ်သည်။ ပစ်မှတ်ထား အရေးယူမှုဟု ရည်ညွှန်းသည့် ထိုပိတ်ဆို့မှုမှာ အမှန်တကယ်အားဖြင့် ပိုမိုကျယ်ပြန့်စွာ ထိခိုက်စေသည်သာ ဖြစ်သည်။

ထိုပစ်မှတ်ထားစာရင်းက အမေရိကန်ကုမ္ပဏီများအပြင် အခြားနိုင်ငံခြား ကုမ္ပဏီများပါ မြန်မာနိုင်ငံ၌ စီးပွားရေးဆောင်ရွက်ရန် ခက်ခဲစေသည်။ ပိတ်ဆို့မှု စည်းမျဉ်းအား လိုက်နာရမည့်သူများတွင် အမေရိကန်တရားရေးစနစ်အောက်တွင် ရှိနေသူများ၊ နိုင်ငံသားများနှင့် အမြဲတမ်း နေထိုင်သူများ၊ အမေရိကန်ဥပဒေအရ ဖွဲ့စည်းထားသည့် အဖွဲ့အစည်းများနှင့် အမေရိကန် နယ်နိမိတ်အတွင်းရှိနေသူ အားလုံး ပါဝင်သည်။ ထိုပိတ်ဆို့ အရေးယူမှုဥပဒေကို ဖောက်ဖျက်ပါက ပြင်းထန်သည့် အရေးယူမှုများ ခံရမည်ဖြစ်သည်။

ပိတ်ဆို့ အရေးယူမှု ခံထားသူများ၏ ငွေကြေးလွှဲပြောင်းမှုများ ပြုလုပ်ပေးသည့် ဘဏ်များမှာ အကြီးမားဆုံး ဒဏ်ငွေ ရိုက်ခံရခြင်းများ ကြုံရလေ့ရှိသည်။ ၂၀၁၅ တွင် ပြင်သစ်ဘဏ် BNP Paribas သည် ဆူဒန်၊ ကျူးဘားနှင့် အီရန်တို့အပေါ် ချမှတ်ထားသည့် အမေရိကန်၏ စီးပွားရေး ပိတ်ဆို့အရေးယူမှု စည်းမျဉ်းများကို ချိုးဖောက်ခဲ့သဖြင့် စံချိန်တင် ဒဏ်ငွေ ဒေါ်လာ ၉ ဘီလီယံ ချမှတ်ခံခဲ့ရသည်။ BNP Paribas က ထိုစည်းမျဉ်းများကို သိလျက်နှင့် ရည်ရွယ်ချက်ရှိရှိ ချိုးဖောက်ခဲ့ခြင်းကြောင့် ကြီးမားသည့် ဒဏ်ငွေ ချမှတ်ခံရခြင်းဖြစ်သည်။

သို့သော် ဂရုတစိုက် လုပ်ငန်းဆောင်ရွက်သည့် ကုမ္ပဏီများပင် စည်းမျဉ်းများ ချိုးဖောက်မိခြင်းမရှိစေရန် ခက်ခဲစွာ ဆောင်ရွက်ရလေ့ရှိသည်။ ပစ်မှတ်ထား နာမည်ပျက်စာရင်းဝင် ကုမ္ပဏီနှင့် လူပုဂ္ဂိုလ်များက ၅၀ ရာခိုင်နှုန်းနှင့်အထက် ပိုင်ဆိုင်သည့် မည်သည့်လုပ်ငန်းမဆို အရေးယူ ပိတ်ဆို့မှုတွင် အလိုအလျောက် ပါဝင်ပြီး တစ်ခါတစ်ရံတွင် လုပ်ငန်းများ၏ ပိုင်ရှင်အစစ်အမှန်ကို သိရှိရန် ခက်ခဲလေ့ရှိသည်။

ဘဏ်များအတွက်မူ အမေရိကန်၏ အရေးယူ ပိတ်ဆို့မှုက မိုင်းကွင်းတစ်ခုသဖွယ် မှတ်ယူခံရသည်။ နိုင်ငံတကာတွင် အမေရိကန်ဒေါ်လာ လွှဲပြောင်း စီဆင်းမှု အားလုံးမှာ အတည်ပြုချက်ရရှိရန်အတွက် နယူးယောက်ရှိ အမေရိကန်ဖက်ဒရယ် အရန်ငွေကြေးဌာနကို ဖြတ်သန်းရသည့်အတွက် အလွယ်တကူ ခြေရာ ခံနိုင်သည်။ ထို့ကြောင့် အမေရိကန် ဘဏ်အားလုံးနီးပါးနှင့် အနောက်တိုင်း ဘဏ် အများစုသည် မြန်မာနိုင်ငံနှင့် ဒေါ်လာငွေကြေး လွှဲပြောင်းမှုကို ဆောင်ရွက်ပေးခြင်း မပြုကြပေ။

ငွေလွှဲသူ ငွေလက်ခံသူ စသည်ဖြင့် ပိတ်ဆို့မှုများကို စစ်ဆေးပြီးမှသာ လုပ်ဆောင်နိုင်သဖြင့် လွန်စွာအချိန်ကြန့်ကြာမှုများ ရှိသည်။ မြန်မာ့ စီးပွားရေး လုပ်ငန်းများအား ဘဏ္ဍာရေး ၀န်ဆောင်မှုပေးရန်မှာ အနောက်တိုင်းဘဏ်များအတွက် စွန့်စားလွန်းရာ ရောက်လျက်ရှိသည်။ စည်းမျဉ်းများအား ချိုးဖောက်မိပါက ငွေကြေးအပြင် ဂုဏ်သိက္ခာပိုင်းဆိုင်ရာ ထိခိုက်မှုများပါ ရှိလာမည်ဖြစ်သည်။ စီးပွားရေးလုပ်ငန်းများသာမက အကူအညီပေးသည့် ဖောင်ဒေးရှင်းများအတွက်ပါ မြန်မာနိုင်ငံသို့ အမေရိကန်မှ ငွေလွှဲပြောင်းပေးရန်မှာ ခေါင်းခဲစေသည့် ကိစ္စဖြစ်သည်။

အမေရိကန်က ချမှတ်ထားသည့် ပိတ်ဆို့ အရေးယူမှုအချို့မှာ သမ္မတအမိန့်ဖြင့် ချမှတ်ထားလျှင် သမ္မတအမိန့်ဖြင့် ရုပ်သိမ်းနိုင်သည်။ လွှတ်တော်တွင် ဥပဒေအဖြစ် ပြဋ္ဌာန်းထားသည့် အရေးယူပိတ်ဆို့မှုများကိုမူ လွှတ်တော်ကသာ ပြန်ရုပ်သိမ်းနိုင်မည် ဖြစ်သည်။ မြန်မာနိုင်ငံနှင့် ပတ်သက်၍ အမေရိကန်သမ္မတများကသာမက လွှတ်တော်က ပြထမ်းထားသည့် Jade Act ကဲ့သို့သော ဆန်ရှင်လောများက ရှိနေသေးသည်။

အမေရိကန်က မြန်မာနိုင်ငံအပေါ် လက်ရှိချမှတ်ထားသည့် စီးပွားရေးပိတ်ဆို့မှုများမှာ လူနှင့် အဖွဲ့အစည်းအချို့ကိုသာ ပစ်မှတ်ထား ချမှတ်ထားခြင်းဖြစ်သဖြင့် သီအိုရီအရ ထိုပိတ်ဆို့မှုများက မြန်မာနိုင်ငံတွင် အမေရိကန် ကုမ္ပဏီများ ရင်းနှီးမြှုပ်နှံမှု ပြုလုပ်ခြင်းကို တိုက်ရိုက် မထိခိုက်စေနိုင်ကြောင်း ဆန်ရှင်ထောက်ခံသူများက ဆိုသည်။

မြန်မာအစိုးရ၏ စီးပွားရေး အကြံပေးရှောင်တန်နယ်က “နိုင်ငံတစ်ခုအပေါ် ချမှတ်တဲ့ ဘယ်လို စီးပွားရေး ပိတ်ဆို့မှုမဆို အဆိုပါနိုင်ငံကို စွန့်စားရတဲ့ ဒေသအဖြစ် ရှုမြင်ခံရပါတယ်။ ဒီပိတ်ဆို့မှုတွေ ရုတ်သိမ်းတာက စီးပွားရေးလုပ်ငန်းတွေရဲ့ တွေးခေါ်ပုံအပေါ် သက်ရောက်မှုရှိပါတယ်” ဟု ပြောကြားခဲ့သည်။ လက်ရှိ မြန်မာနိုင်ငံ၌ အနောက်တိုင်းဘဏ်များ၊ အမေရိကန် လေကြောင်းလိုင်းများ လာရောက်လုပ်ကိုင်ခြင်းမရှိဟု ယင်းက ပြောကြားသည်။

KHTun
Ref - NYT, AP
The Ladies News

မြန်မာနိုင်ငံရှိ အထည်ချုပ်လုပ်ငန်းများ လက်ရှိတွင် အခြေအနေမကောင်းဘဲ စက်ရုံအချို့ပိတ်ရမည်ကို စိုးရိမ်ပူပန်နေရကြောင်း မြန်မာနိုင်ငံအထည်ချုပ်လုပ်ငန်းရှင်များအသင်းဥက္ကဋ္ဌဦးမြင့်စိုးက စက်တင်ဘာ ၁၂ ရက်တွင် News Watch သို့ ပြောသည်။

''လက်ရှိက စက်တင်ဘာ၊ အောက်တိုဘာမှာ အော်ဒါမှာယူမှုနည်းနေတယ်။ အချိန်ပိုတွေ မလုပ်နိုင်သလို စက်ရုံတွေလည်း စိတ်ပူနေကြတယ်။ အဓိက,က EU စီးပွားရေးမကောင်းတာပေါ့။ UK နိုင်ငံ EU က ထွက်မယ်ဆိုတဲ့ကိစ္စတွေဖြစ်ကတည်းကပေါ့။ ခုကတော့ ရွှေပေါက်ကံဘက်က စက်ရုံတရုံပိတ်တယ်။ အချို့ စက်ရုံတွေဆို အလုပ်သမားတွေကို လခမပေးနိုင်လို့ ၃ ခါလောက်ခွဲပေးနေရတယ်'' ဟု ၎င်းက ဆိုသည်။

လာမည့် ဆယ်နှစ်ကာလအတွင်း ပြည်တွင်းအထည်ချုပ်လုပ်ငန်းမှ ပို့ကုန်တန်ဖိုး အမေရိကန်ဒေါ်လာ ၁၀ ဘီလီယံအထိ မျှော်မှန်းထားပြီး ၂၀၂၇ ခုနှစ်တွင် စက်ရုံပေါင်း ၁၅၀၀ ကို ရင်းနှီးမြှုပ်နှံလည်ပတ်စေချင်ကြောင်း CMP မှ FOB စနစ်သို့ ပြောင်းလဲဖို့လိုကြောင်း ဦးမြင့်စိုးက ဆက်လက်ပြောသည်။
''ယခု ပြည်တွင်းက အထည်ချုပ် စက်ရုံတွေက လက်ခစားစနစ်ပဲရှိတယ်။ ပြည်ပက သွင်းကုန်တွေပေါ် လုပ်ငန်းရှင်တွေက မှီခိုနေရတယ်။ အလုပ်အကိုင် အခွင့်အလမ်းပိုများဖို့ CMP စနစ်ကနေ FOB စနစ်ကို ပြောင်းလဲဖို့ပြောနေတာကြာပြီ။ အခုအစိုးရသစ်ကတော့ ဒါနဲ့ပတ်သက်ပြီး ပြောနေလုပ်နေကြတာတော့ ရှိပါတယ်''ဟု ၎င်းက ဆက်လက်ပြောသည်။

အထည်ချုပ်လုပ်ငန်းများကို လက်ခစားစနစ် CMP မှ ကိုယ်ပိုင်အမှတ်တံဆိပ်ဖြင့် ပြည်ပနိုင်ငံများသို့ ထုတ်လုပ်သည့် FOB စနစ်သို့ ပြောင်းလဲရန်လိုကြောင်း သိရသည်။ လက်ရှိတွင် အစိုးရသစ်တက်လာသည့် ၂၀၁၆ အတွင်း အထည်ချုပ်လုပ်ငန်းများ အော်ဒါမှာယူမှုနည်းနေခြင်းကြောင့် စက်ရုံအချို့ရှိ အလုပ်ရှင်အလုပ် သမားများ လုပ်ငန်းဆက်လက်လည်ပတ်နိုင်ရန် စိုးရိမ်နေကြောင်းသိရသည်။ ပြည်တွင်း၌ လည်ပတ်နေသော အထည်ချုပ် စက်ရုံပေါင်း ၉၀၀ နီးပါးနှင့် အလုပ်သမား သုံးသိန်းခွဲခန့်ရှိပြီး အထည်တင်ပို့မှုပမာဏ ပို့ကုန် တန်ဖိုးမှာ ၂၀၁၄ ခုနှစ်တွင် အမေရိကန်ဒေါ်လာ ၁ ဒသမ ၄ ဘီလီယံ၊ ၂၀၁၅ ခုနှစ်တွင် ၁ ဒသမ ၆၅ ဘီလီယံထိ မြင့်တက်ခဲ့ပြီး ၂၀၁၆ ခုနှစ်တွင်မူ ယခင်နှစ်များ၏ ပို့ကုန်တန်ဖိုးထက် လျော့ကျဖွယ်ရှိကြောင်း အထည်ချုပ်လုပ်ငန်းရှင်များအသင်းမှ သိရသည်။

မောင်ထက်
News Watch(စောင့်ကြည့်သတင်းဂျာနယ်)


ရွှေဝါရောင်တော်လှန်ရေး ၉ နှစ်ပြည့် အထိမ်းအမှတ် ငြိမ်းချမ်းရေး ဆုတောင်းပွဲလုပ်
ရွှေဝါရောင်တော်လှန်ရေး ၉ နှစ်ပြည့် အထိမ်းအမှတ် ငြိမ်းချမ်းရေး ဆုတောင်းပွဲလုပ်

ဒီကနေ့ဟာ ရွှေဝါရောင်တော်လှန်ရေးလို့ သိနေကြပြီဖြစ်တဲ့ ဗုဒ္ဓဘာသာသံဃာတော်တွေ မေတ္တာပို့ စီတန်း လမ်းလျှောက်ကြွချီကြတဲ့ လှုပ်ရှားမှု ၉ နှစ်မြောက် နှစ်ပတ်လည်နေ့ဖြစ်ပါတယ်။ ဒီနှစ်ပတ်လည်နေ့ အထိမ်းအမှတ်အဖြစ် ရန်ကုန် တိုင်း၊ သင်္ဃန်းကျွန်းမြို့နယ်မှာရှိတဲ့ ဓမ္မပီယကျောင်းတိုက်မှာ သံဃာတော်အများစုပါဝင်တဲ့ အခမ်းအနားတခု ပြုလုပ်ပါတယ်။ ဒီ နှစ်ပတ်လည်နေ့ အထ်ိမ်းအမှတ်လုပ်တဲ့ ရည်ရွယ်ချက်နဲ့ လွန်ခဲ့တဲ့ကိုးနှစ် ၂၀၀၇ ခုနှစ်က နိုင်ငံအခြေအနေတွေနဲ့ ဒီကနေ့ အခြေအနေတွေအပေါ် သံဃာတော်တွေရဲ့အမြင်ကိုသိရအောင် ရွှေဝါရောင်လှုပ်ရှားမှု ဦးဆောင်သံဃာတော်တပါးဖြစ်တဲ့ ဆရာ တော် ဦးပဏ္ဍ၀ံသကို ကိုကျော်ကျော်သိန်းက ဆက်သွယ် မေးမြန်းတဲ့အခါ ဆရာတော်က အခုလို စမိန့်ပါတယ်။

“လက်ရှိလိုအပ်နေတဲ့ ငြိမ်းချိမ်းရေး အမြန်ဆုံးရရှိဖို့၊ နောက်စစ်ပွဲတွေ ဖြစ်နေတာရပ်ဆိုင်းဖို့ ပြည်တွင်းစစ်ပွဲတွေပေါ့။ နောက်ပြီးတော့ လက်ကျန်နိုင်ငံရေးအကျဉ်းသားတွေမရှိဖို့၊ လွှတ်ပေးဖို့၊ နောက် ကလေးသူငယ်တွေ မိုးလုံလေလုံ အန္တရာယ်ကင်းစွာနဲ့ ပညာသင်ကြားရေး အဲဒီ ရည်ရွယ်ချက်တွေနဲ့ လုပ်တယ်။"

မေး။ ။ တင်ပါ့ဘုရား။ အရှင်ဘုရားတို့ လွန်ခဲ့တဲ့ ၉ နှစ်က ရွှေဝါရောင်လှုပ်ရှားမှုမှာ သံဃာတော်တွေ မေတ္တာပို့ ကြွချီခဲ့ကြတယ်။ အဲဒီအချိန်တုန်းက အရှင်ဘုရားတို့ စိတ်ဆန္ဒထဲမှာ မျှော်မှန်းခဲ့တဲ့ ရှိခဲ့တဲ့အခြေအနေတွေ ဒီနေ့ခေတ် ဒီနေ့အချိန်မှာ အရှင်ဘုရား ဒီနေ့ကြည့်တဲ့အခါမှာ အတော်များများပြည့်နေပြီလို့ အရှင်ဘုရား အဲဒီလိုမြင်ပါသလားဘုရား။

ဖြေ။ ။ "(၁၉) ၉၀ တုန်းကတကြိမ် ပတ္တနိက္ကုဇ္ဖန ကံဆောင်ပြီးတော့ တောင်းဆိုခဲ့တာတွေရှိတယ်၊ ၂၀၀၇ ရွှေဝါရောင်မှာ လည်း တောင်းဆိုခဲ့တာတွေရှိတယ်။ အဲဒီလိုတောင်းဆိုခဲ့တာတွေနဲ့ ပတ်သက်ပြီးတော့ ဒီရည်ရွယ်ချက်တွေ ဦးတည်ချက်တွေ အပြည့်အ၀ ရရှိတာကတော့ မရသေးဘူး။ သို့သော်လည်း တချို့ တစိတ်တဒေသ ပြောင်းလဲမှုအနေနဲ့ အပြည့်အ၀ ရရှိတာကိုတွေ့ရတယ်ပေါ့။ ဒါပေမယ့်လည်း ဘယ်အစိုးရပဲ တက်တက်ပေါ့ ဆင်းရဲသားတွေနဲ့ ပတ်သက်ပြီးတော့ အထူးစီမံကိန်းကြီးတခု ရေးဆွဲပြီးတော့ မလုပ်နိုင်ဘူး ဆိုရင် မြန်မာနိုင်ငံကတော့ ရှေ့ဆက်ပြီးတော့ တိုးတက်မှုတွေက နှေးကွေးနေဦးမှာပဲဆိုတာတော့ တွေ့ရတယ်ပေါ့။"

မေး။ ။ တင်ပါ့ဘုရား။ ဒီကနေ့အစိုးရအဖွဲ့အပြောင်းလဲဖြစ်ပြီးတော့ တိုင်းပြည်ကို အစိုးရသစ်အုပ်ချုပ်နေတဲ့ ကာလမျိုးမှာ အရှင်ဘုရားတို့ သံဃာတော်တွေတွေအနေနဲ့ လွန်ခဲ့တဲ့ ၉ နှစ်ကထက်စာရင် အရှင်ဘုရားတို့အနေနဲ့ တိုင်းပြည်အပေါ်မှာ ကိုယ့်ရဲ့ ဒကာ တွေ ရဲ့အနာဂတ်အပေါ်မှာ အခုအချိန်ဟာ ပိုပြီးတော့ အကောင်းမြင်မျှော်လင့်ချက်တွေအရှင်ဘုရားတို့မှာရှိနေပြီလို့ ပြောနိုင်ပါသလားဘုရား။

ဖြေ။ ။ "အဲဒီလိုပြောနိုင်ပါတယ်။ ဘာကြောင့်လဲဆိုလို့ရှိရင် ကမ္ဘာပေါ်မှာရှိနေတဲ့ ဖွံ့ဖြိုးတိုးတက်ပြီး နိုင်ငံကြီးတွေကနေလာရောက်ပြီးတော့ ဒီမှာ အစိုးရအတွင်း ဆက်ဆံရေးတိုးတက်လာတာတွေ၊ အပြင်ကနေပြီးတော့ NGO တွေကနေပြီးတော့ ၀ိုင်းဝန်းပြီး Support လုပ်လို့ ပြည်တွင်းမှာ မမြင်ဖူးတဲ့ Education နဲ့ ပတ်သက်တဲ့ သင်တန်းတွေ၊ စာမေးပွဲတွေ၊ ဒီမှာရှိနေတဲ့ လူငယ်တွေအလိုက် online ကနေပြီးတော့ စာမေးပွဲဖြေဆိုခွင့် အစရှိတဲ့ ကောင်းတဲ့ လက္ခဏာတွေ ကောင်းတဲ့လမ်းစဉ်တွေနဲ့ ကောင်းတဲ့ လမ်းကြောင်းလေးတွေပေါ်နေတာကို တွေ့ရတာပေါ့နော်။ လွန်ခဲ့တဲ့ ၉ နှစ်တုန်းကတော့ အဲဒီလိုအခွင့်အရေးတွေဟာ မတွေ့ခဲ့ရဘူး။ အခုကျတော့ သင်တန်းတော်တော်များများလည်း ဒီနိုင်ငံကို လာပြီးပို့ချတာတွေရှိ တယ်။ အဲဒီသင်တန်းတွေမှာက ၀မ်းသာစရာတွေက အခမဲ့သင်တန်းတွေ ပါလာတာတွေ့ရတော့ ဒါ ဘုန်းကြီးတို့ ရွှေဝါရောင်သံဃာတော်တွေ ကတော့ တိုင်းပြည်အတွက် တကယ့်ကိုပဲ အနစ်သာရရှိတဲ့ အကျိုးကျေးဇူးတွေကို ခံစားနေရတယ်လို့ အဲလိုမြင်ပါတယ်။”

ရွှေဝါရောင်တော်လှန်ရေး ၉ နှစ်မြောက် နှစ်ပတ်လည်နေ့နဲ့ပတ်သက်ပြီး ဦးပဏ္ဍ၀ံသကို ဆက်သွယ်မေးမြန်းခဲ့တာ ပါ။ ဒီကနေ့ အခမ်းအနားကို နေ့လည် ၁၂ နာရီကနေ ၁ နာရီအထိ ဓမ္မပီယကျောင်းတိုက်မှာ ကျင်းပပြီးတဲ့နောက် အခမ်းအနား တက်ရောက်တဲ့ သံဃာတော်တွေနဲ့ လူပရိသတ်တွေစုပေါင်းပြီး ရွှေတိဂုံဘုရားပေါ်မှာ ငြိမ်းချမ်းရေး ဆုတောင်းပွဲတခုကိုလည်း လုပ်ခဲ့ကြပါတယ်။ ဒီကနေ့အခမ်းအနားကို ရွှေဝါရောင်တော်လှန်ရေး ဦးဆောင်သံဃာတော်တွေ၊ ၁၉၉၀ ပြည့်နှစ် ပတ္တနိက္ကုဇ္ဇန ကံဆောင်ပွဲမှာ ပါဝင်ခဲ့တဲ့ သံဃာတော်တွေ တက်ရောက်ကြပါတယ်။

ရွှေဝါရောင်လှုပ်ရှားမှုကို အဲဒီအချိန် စစ်အစိုးရက အကြမ်းဖက်နှိမ်နင်းခဲ့တာပါ။ အဲဒီဖြစ်ရပ်အတွင်။ သံဃာတော်အများအပြား ထိခိုက် ဒဏ်ရာရခဲ့ကြသလို အကျဉ်းချခံခဲ့ကြရသူတွေလည်း ရှိပါတယ်။
VOA Burmese News

အခု ဖွတ် ၁၁ပါတီက ဟိုဆူ ဒီဆူ

အထူးသဖြင့် ရခိုင်တွေကို
ပူးသတ်ဖို့ ဖွတ်တွေ ကြိုးစားနေကြတယ်။

ရခိုင်တွေကို တစ်ခုတော့ သတိပေးချင်ပါတယ်။
စစ်ဖိနပ်အောက်မှာ ခင်ဗျားတို့
နှစ်၃၀လောက်နေပြီးပြီ။
ထူးသလား?
စစ်ဖိနပ်အောက်မှာ အမျိုးဘာသာကြီး
သိပ်ကြီးပွားတိုးတက်ခဲ့ရောလား?

တစ်ခုပဲ စဉ်းစားပါ။
ခု ရှိနေတဲ့ကုလားတွေ ဝင်လာတာ
ဘယ်လက်ထက်ကလဲ?

နိုင်ငံရေးကို စိတ်လှုပ်ရှားမှုနဲ့
မဆုံးဖြတ်ပါနဲ့။

ဒေါ်စုအခု နိုင်ငံခြားတစ်ခါထွက်လိုက်တာနဲ့
ရလိုက်တဲ့ အထောက်အပံ့
ရလိုက်တဲ့ အခွင့်အရေး
ဆန်ရှင်တောင် ပွင့်တော့မတဲ့
ဒါမျိုး ဘယ်သူ့လက်ထက်က ရဘူးလဲ?

မတန်တဆ အတိုးနဲ့ ဂျင်းထည့်တာတွေ
မြစ်တွေ တောင်တွေကို
ပေါချောင်ကောင်း ထိုးကျွေးရတာတွေ
အဲ့ဒီလို ခပ်ညံ့ညံ့ခေါင်းဆောင်မျိုးတွေပဲ
ပြန်လိုချင်ကြလား?

ပြောချင်တာက
ဒေါ်စုကို ဘဝင်မကျစရာတွေ့တောင်
အရင်ဟာကြီးတွေထက်တော့
နံ့သာဆီနဲ့ အီးလောက်ကွာသေးကြောင်းပါ။

တစ်ခုပဲ သိသာတာ ပြချင်တယ်။
ဒေါ်စု သားတွေ ဘယ်လိုနေထိုင်သလဲ
အဘ သားမြေးတွေ ဘယ်လိုစည်းစိမ်ခံလဲ
အဲ့ဒီစည်းစိမ်တွေက ဘယ်သူ့ပိုက်ဆံတွေလဲ

ပြည်သူကိုလဲ နင်း
ပြည်သူ့ဘဏ္ဍာလဲ ခိုး
တိုင်းပြည်တိုးတက်အောင်လဲ မစွမ်းဆောင်နိုင်
နိုင်ငံတကာမှာလဲ မျက်နှာမပွင့်တဲ့
ခပ်ဖျင်းဖျင်းလူစားမျိုးတွေကို
'အမျိုးသားရေး' ဆိုတဲ့
ရွှီးဖောစကားလုံးသက်သက်နဲ့
ပြန်လိုချင်ရင်တော့လဲ
ဒီ့ထက် တုံး,သူ ဇမ္ဗူမှာ ရှားလိမ့်မယ်လို့သာ …

Thorn Nay Soe

သိပ်မဝေးတဲ့ကာလကို ပြန်သွားရရင် ၁၉၇၄ ခုနှစ် မိုးသည်းတဲ့ မိုးတွင်းကာလတချိန်မှာပါ။
အဲဒီအချိန်ဟာ ပဲခူးရိုးမတကြောမှာ တချိန်က အတော်အင်အားကောင်းခဲ့တဲ့ ဗကပတို့ရဲ့ အောင်နိုင်တပ်ရင်း၊ အောင်ဇေယျတပ်ရင်းကြီးတွေ လဲပြိုနေပြီး တနည်းပြောရရင် ဗကပတို့ရဲ့နေ၀င်ချိန်တိမ်မတောက်ဘဲ ဆည်းဆာရိပ်ကွယ်ပျောက်လုအချိန်က အဖြစ်အပျက်ကလေးပါ။

'ဖြစ်လာတာ ပျက်ဖို့ပဲ'ဆိုတဲ့ ငြင်းမရတဲ့ တရားသဘောအတိုင်းမို့ တချိန်က မိုးကောင်းခဲ့တဲ့ ဗကပဟာ သွေ့ခြောက်စပြုပြီး နိဂုံးပိုင်းရောက်လုဆဲဆဲအချိန်လေးမှာ သခင်ဇင်၊ သခင်ချစ်တို့ရဲ့ ဗကပဌာနချုပ်အုပ်စု လေးလောက်သာ လှုပ်လီလှုပ်လဲ့ မှုတ်လိုက်ရင် ပဲ့ကျလုအချိန်လို့ ဆိုနိုင်ပါတယ်။
အဲဒီအချိန်မှာ ရဲနွယ်ချောင်းဖျားဒေသမှာ တပ်စွဲထားတဲ့ စစ်ဗျူဟာ အခြေစိုက်စခန်းတခုဆီကို ကာကွယ်ရေးဦးစီးချုပ်ဖြစ်တဲ့ ဗိုလ်ချုပ်ကြီးတယောက် ညအိပ်ခရီးရောက်လာခဲ့ပါသတဲ့။
ကာကွယ်ရေးဦးစီးချုပ်ကိုယ်တိုင်လာပြီး တညအိပ်မယ်ဆိုတဲ့စကား တခွန်းဟာ အောက်ကတပ်ခွဲမှူး၊ တပ်စုမှူး၊ အရာရှိအရာခံ၊ တပ်သားတွေအတွက်တော့ ဘယ်လောက်'ပြာ'သွားလိမ့်မလဲ။

သစ်ငုတ်ကို သင်ဖျူး၊ ဆူးကို မွေ့ရာဆိုတဲ့စကား ဘေးအသာချထားပြီး ဗိုလ်ချုပ်ကြီးတည်းခိုဖို့ ယာယီတဲစခန်းကို တောထဲပေါပေါများများရတဲ့ ၀ါးတွေခုတ်ပြီး မိုးသည်းသည်းအောက်မှာ သစ်ခက်တဲနန်းဆောက် ကြရသတဲ့ လေ။
ဒါတင်မကသေးဘူး၊ ဟယ်လီကော့ပတာနဲ့ ဝေဟင်ခရီးက လာမယ် ဆိုတော့ ရဟတ်ယာဉ်ဆင်းဖို့ ကွင်းနေရာလေးလည်း ရှင်းလင်းကြရပါသေးတယ်တဲ့။
ဒါဟာ ဘယ်မှာမဆို ဆင်ကတော့ ရှူရှူပေါက်လိုက်တာပါ။ အောက်ကပုရွတ်ဆိတ်တွေကသာ ပင်လယ်မှတ်ပြီး ကူးကြတာလေ။ ဒါပေါ့ လေ ကာကွယ်ရေးဦးစီးချုပ် ဗိုလ်ချုပ်ကြီးလာတာပဲ။ တောထဲက ခါချဉ်တောင် ဘယ်ခါချဉ်အဆိပ်ပြင်းသလဲဆိုပြီး ဖယ်ကြရှားကြရမှာပေါ့။
မွန်းလွဲပိုင်းလောက်မှာ ဗိုလ်ချုပ်ကြီးရောက်လာပါပြီ။ ရောက်ရောက်ချင်း စစ်ဗျူဟာမှူးက စစ်ရေးအခြေအနေ တွေရှင်းပြနေတဲ့အချိန် အောက်ကတပ်သားတွေကတော့ ဗိုလ်ချုပ်ကြီးတည်းမယ့်နေရာတ၀ိုက်မှာ ဘေးမသီရန်မခရေး အထပ်ထပ်စစ်ဆေးနေကြရတယ်လို့ ဆိုပါတယ်။
X x x

“ခြင်းလုံး”

ညနေပိုင်းရောက်တော့ အံ့အားသင့်စရာလေးတခုနဲ့ ကြုံကြရပြန်တယ်။ အဲဒါက ဗိုလ်ချုပ်ကြီးက ခြင်းလုံးခတ်ချင်သတဲ့။
ခြင်းလုံး ဘယ်ကရသလဲတော့ မမေးနဲ့။ ဗိုလ်ချုပ်ကြီးရဲ့ PSO က သူ့ဆရာဝါသနာကိုသိလို့ နောက်ကလိုက်တိုင်း ခြင်းလုံးတလုံးအမြဲဆောင်ထားတယ်ဆိုပဲ။
ခြင်းလုံးပြဿနာမရှိတော့ပေမယ့် ဘယ်ရဲဘော်ခြင်းခတ်တတ်မှန်းမသိလို့ အခက်တွေ့နေရာက ရှာဖွေလေ တွေ့ရှိလေစကားအတိုင်း ခြင်းတ၀ိုင်းစာ လူစုလို့ရသွားပါတော့တယ်။
ထပ်ပြီးအခက်တွေ့ရတဲ့ပြဿနာက ခြင်းလုံးလည်းရှိရဲ့။ တ၀ိုင်းစာ ခတ်တတ်သူလည်းရှိရဲ့။ မရှိတာက ၀တ်စရာဘောင်းဘီတို။

ဗိုလ်ချုပ်ကြီးကလည်း ခတ်ချင်လှပြီ။ ဘောင်းဘီတိုကလည်းမရှိ။ သွားဝယ်ရအောင်ကလည်း တောထဲတောင်ထဲမှာဆိုတော့ ဒါလည်း အခက်တွေ့တဲ့အထဲ ပါနေပါရော။ စစ်သုံးအတွင်းခံဆိုတာက ရှေ့မှာအကွဲနဲ့ အပေါက်လည်းပါသေးသတဲ့။ ဗိုလ်ချုပ်ကြီးရှေ့မှာ ဒါဝတ်ပြီးခတ်လို့လည်း မဖြစ်ဘူးပေါ့။ မတော် ပေါ်သွားစော်ကားတယ်ထင်မှ အခက်။ ဒီတော့ ကိုရင်စန္ဒ ထီးထမ်းကြွ၊ လိုလျှင်ကြံဆ နည်းလမ်းရပြီး ဒီဘောင်းဘီကိုပဲ ရှေ့နောက်ပြောင်းပြန်ဝတ်ပြီး ခတ်ကြပါသည်။ ရဟတ်ယာဉ်ဆင်းဖို့ ရှင်းလင်းထားတဲ့ ကွင်းလေးကလည်း ခုတော့ ခြင်းခတ်ဖို့အသင့်လေ။

ဒါပေမဲ့ တခုခက်ပြန်တယ်။ ကာကွယ်ရေးဦးစီးချုပ် ဗိုလ်ချုပ်ကြီးနဲ့ ခတ်နေရလေတော့ ခြေဖျား၊ ဒူးဖျားတွေ တုန်ပြီး ခြင်းလုံးဟာ ဗိုလ်ချုပ်ကြီးရဲ့ ခေါင်းထိမလား၊ ပခုံးထိမလား ပူပင်ပြီးခတ်နေရလေတော့ အချင်းချင်းသာ အပေးအယူလုပ် ခတ်နေကြပြီ။ ခြင်းခတ်ချင်တဲ့ ဗိုလ်ချုပ်ကြီးမှာ ခြင်းလုံးမရရှာဘဲ သူ့ဘက်ကျွံလာတဲ့ ခြင်းလေးသာ စောင့်ခတ်နေရရှာတယ်။
နောက်ဆုံး မတတ်သာတော့ ဗိုလ်ချုပ်ကြီးလည်း ခြင်းလိုက်ကောက်ပေးနေတဲ့ တပ်ဖွဲ့မှူးဘက်လှည့်ပြီး ''မင်းကောင်တွေ ငါ့ဘက်လည်း ခြင်းပေးခိုင်းဦးလေကွာ''လို့ ဖွင့်ပြောလိုက်တော့မှ . . .။
''ဟေ့၊ အဘဘက်လည်း ခြင်းပေးလိုက်ဦးလေ''ဆိုလိုက်တော့မှ ၀ိုင်းလှည့်ကောင်းတဲ့ စိုစိုပြည်ပြည် ခြင်းဝိုင်းလေးတခု ဖြစ်သွားပါရောတဲ့။

''ရဲဘော်ဆိုတာ အမိန့်လေးမှမရရင် လုပ်သင့်လုပ်ထိုက်တာလေးသော်မှ မလုပ်ရဲ၊ မလုပ်ဝံ့သူတွေ ထင်ပါရဲ့နော်''

X x x

“၀ါးရောင်းချဉ်နဲ့ ၀ါးခွက်”

ခြင်းပွဲလည်းပြီးသွားပြီ၊ ညနေလည်းစောင်းပြီဆိုတော့ ညနေစာအတွက် စားပွဲကြီးပြင်ဆင်ကြရပါ တော့သတဲ့လေ။ ၀ါးစားပွဲရှည်ကြီးပေါ်မှာ ဗိုလ်ချုပ်ကြီးနဲ့အတူ အရာရှိတွေ ထမင်းစားကြဖို့ပါ။ ဖွယ်ဖွယ်ရာရာ လေးဖြစ်အောင် ညောင်လေးပင်ကို ရဟတ်ယာဉ်နဲ့သွားဝယ်ဖို့ တိုးတိုးတိတ်တိတ် စီစဉ်နေတာတွေကို ဗိုလ်ချုပ်ကြီးသိသွားပါရော။
''ဟေ့ ဒါမျိုးတွေက မြို့မှာစားနေကျပဲ။ ဒီရောက်တုန်း ၀ါးရောင်းချဉ် စားချင်တယ်ကွာ၊ အဲဒါပဲချက်''လို့ ပြောလိုက်ပါတော့တယ်။

ဝါးရောင်းချဉ်ဆိုတာ ကျွန်မတော့ မစားဖူးသလို မြင်လည်းမမြင်ဖူးပါဘူး။ ၀ါးပင်ကိုနွယ်တက်နေတဲ့ ချဉ်ပေါင်ရွက်လို ချဉ်ရည်ဟင်းချက်စားရတဲ့ အရွက်တဲ့။ ညနေစာ ထမင်းဝိုင်းကတော့ ၀ါးရောင်းချဉ်ဟင်းရယ်၊ တောကောင်သားချက်ရယ်၊ တောထဲမှာ အလေ့ကျပေါက်နေတဲ့ ဆင်ခရမ်းချဉ်သီးကို ငါးပိ၊ ငရုတ်သီးနဲ့ရော ထောင်းထားတဲ့ အရန်ဟင်းတခွက် ရယ်ပါပဲတဲ့လေ။
ရှိစုမဲ့စု ဇွန်းလေးဖန်ခွက်ကလေးကို ၀ါးရောင်းချဉ်ဟင်းထည့်ပြီး ဗိုလ်ချုပ်ကြီးကို ပေးတဲ့အခါ ''ဟေ့ ငါ့ကို ၀ါးခွက်နဲ့ပေး''ဆိုလို့ နီးရာ ကြသောင်းဝါးပင်က ၀ါးခွက်ခုတ်ပြီး ထည့်ပေးလိုက်တော့ မြိန်ရေရှက်ရေ စားပါသတဲ့။

ကာကွယ်ရေးဦးစီးချုပ် ဗိုလ်ချုပ်ကြီးတယောက်ဖြစ်ပြီး တောထဲဓလေ့အတိုင်း လက်အောက်ငယ်သားတွေနဲ့ လက်ရည်တပြင်တည်း စားသောက်နေထိုင်သွားတာကို ဘယ်သူမေ့နိုင်ပါတော့မလဲ။ မမေ့နိုင်လို့လည်း ဒုဗိုလ်မှူးကြီးစိုးမြင့်က ရင်ထဲစွဲနေတဲ့အကြောင်းလေး ကျွန်မကို ပြန်ပြောပြတာကို ကျွန်မက နငယ်အမြီး တပ်လိုက်ရုံပါပဲ။
ထမင်းစားပွဲမှာ စားပွဲထိုးလုပ်နေတဲ့ ရဲဘော်တယောက်ကိုတွေ့တော့ ဗိုလ်ချုပ်ကြီးက''မင်း ဘယ်အပတ်စဉ် ကလဲ''လို့ မေးလိုက်တော့ ''ကျွန်တော် အလုပ်သင်ဗိုလ်အပတ်စဉ်-၁ ကပါ''လို့ ဖြေလိုက်တဲ့အခါ ''ငါလည်း မင်းလိုအလုပ်သင်ဗိုလ် ဖြစ်ခဲ့တာပဲ။ လာ မင်းနဲ့ငါ ဓာတ်ပုံတွဲရိုက်မယ်''ဆိုပြီး ဒုဗိုလ်လေးပခုံးကိုဖက်ပြီး ဓာတ်ပုံရိုက်လိုက်လေတော့၊ ဒုဗိုလ်လေးလည်း အဲဒီပုံကိုမရအရတောင်းပြီး သူ့အိမ်ဧည့်ခန်းမှာ ဂုဏ်ယူ စွာချိတ်ထားသေးတယ်တဲ့လေ။ ဒါပေါ့လေ၊ အမေစုနဲ့တွဲရိုက်ခဲ့တဲ့ပုံကို ကျွန်မ အိပ်ခန်းထဲမှာ ဘောင်သွင်း ထောင်ထားသလိုနေမှာပေါ့။

ဗိုလ်ချုပ်ကြီးက စားသောက်ပြီးလို့ ၀ါးကွပ်ပျစ်ပေါ်ထိုင်နေရင်း တသက်တာမှတ်သားရမယ့် စကားတလုံးကို လည်း မိန့်ကြားခဲ့သေးတယ်။
''သစ်ငုတ်သစ်ဆွေးပေမယ့် မိုးသံလေသံကြားရင် အညွန့်အညှောင့် ပြန်ပေါက်တတ်တယ်။ အဲဒါကို သတိထားကြ''
အဲဒီအချိန်ကာလရဲ့ အခြေအနေကို ထင်ဟပ်စေတဲ့စကားလို့ အားလုံးက နားလည်လိုက်ကြတယ်။

ဗမာပြည်ကွန်မြူနစ်ပါတီရဲ့ အကိုင်းအခက်တွေဖြစ်တဲ့ 'အောင်နိုင် တပ်ရင်း'၊ 'အောင်ဇေယျတပ်ရင်း'တို့ ပြိုကွဲပြီး အလင်းဝင်ဗကပတွေ လည် ၀င်လာမစဲ တသဲသဲဖြစ်နေချိန်မှာ သခင်ဇင်နဲ့ သခင်ချစ်တို့ရဲ့ဌာနချုပ်မှာ လူ ၂၅ ယောက်လောက်သာ ကျန်နေပြီး သခင်ဇင်နဲ့ ၁၂ ယောက်တဖွဲ့၊ သခင်ချစ်နဲ့ ၁၃ ယောက်တဖွဲ့လောက်သာ ခွဲပြေးရှောင်တိမ်းလိုက်၊ ပြန်စုပေါင်းလိုက်နဲ့ တပ်မတော်ရဲ့ပိတ်ဆို့မှုကို ပြေးလွှားပုန်း အောင်းနေရတဲ့တချိန် . . .။
အခြေအနေပေးလာရင် ဗကပသစ်ငုတ်ဆွေးကြီး၊ အညွန့်ပြန်မထွက်စေရေး သတိပေးမိန့်ကြားစကားကြောင့် သစ်ငုတ်ဆွေးကို အမြစ်က ပါတူးဖို့ ဆုံးဖြတ်လိုက်ကြပါတယ်။

ဗိုလ်ချုပ်ကြီး ပဲခူးရိုးမက ပြန်ပြီး မကြာမီမှာပဲ ဗကပသစ်ငုတ်ဆွေးကြီးဟာ သခင်ဇင်၊ သခင်ချစ်တို့နဲ့အတူ နိဂုံးချုပ်သွားခဲ့ရပါသတဲ့။

X x x

“ဓာတ်ပုံလေးရဲ့ ရာဇ၀င်”

အချိန်တွေဟာ တရွေ့ရွေ့ကုန်ပြီး ဗိုလ်ချုပ်ကြီးနဲ့ ဓာတ်ပုံတွဲရိုက်ခဲ့တဲ့ ဒုဗိုလ်လေးကလည်း ဗိုလ်ကြီးဖြစ်နေသလို ကျွန်မမိတ်ဆွေ ဒုဗိုလ်မှူးကြီးကလည်း ပင်စင်စားပြီး ပန်းပင်လေးတွေစိုက်ရောင်းစားပြီး အေးချမ်းစွာနေပါ တယ်။
ဗိုလ်ကြီးဖြစ်နေတဲ့ ဒုဗိုလ်လေးအိမ်ကို ကျွန်မမိတ်ဆွေ ရောက်သွားတော့ ဧည့်ခန်းမှာ ဂုဏ်ယူဝင့်ကြွားစွာချိတ်ထားတဲ့ ဓာတ်ပုံကြီးမရှိတော့ဘူးတဲ့။ ဒါနဲ့''ဟေ့ မင်းပုံကြီး ဘယ်ရောက် သွားလဲ''လို့မေးတော့ ''ကျွန်တော် သေသေချာချာ ထုပ်ပိုးပြီးသိမ်းထားပါတယ်''တဲ့။

ဘာလို့လဲဆိုတော့ အဲဒီအချိန်က ''ဗိုလ်ချုပ်ကြီးဟာ အင်းစိန်တောရမှာ ၀ါဆိုနေတဲ့အချိန်မို့ပါ။ ကျွန်မမိတ်ဆွေက ပြောပါတယ်။ ''စစ်သား ဘ၀ဟာ ဒီလိုပါပဲ။ ကိုယ့်အတွက် ဂုဏ်ယူစရာလေးတခုကိုတောင် ပေါ် ပေါ်ထင်ထင်မထားရဲဘဲ၊ ကမောက်ကမနိုင်ငံရေးဖြစ်စဉ်ကြားမှာ ညပ်နေတတ်ပါတယ်တဲ့လေ။

ဟုတ်ပါတယ်။ တပ်မတော်သားအားလုံးကတော့ သိက္ခာရှိရှိ ပြည်သူ့တပ်မတော်သားတွေအဖြစ် ရပ်တည်ချင်မှာပါ။ ဂုဏ်ယူဖွယ်ရာ စစ်မှုထမ်းသက်တွေလည်း ဖြစ်ချင်ပြီး လိပ်ပြာသန့်စင်စွာလည်း ပင်စင်သွားချင်ကြမှာပါ။ ခုတော့လည်း အခြေအနေတွေ ပြောင်းခဲ့ပါပြီ။ ဒုဗိုလ်လေးတဖြစ်လဲ ဗိုလ်ကြီးရဲ့ အိပ်ဧည့်ခန်းမှာလည်း သူမြတ်နိုးတဲ့ဓာတ်ပုံကို ပြန်ချိတ်နိုင်ပါပြီ။

လွန်ခဲ့တဲ့ နှစ်ပေါင်း ၄၀ ကတည်းက ဧည့်ခန်းမှာ ဂုဏ်ယူစွာထားခဲ့တဲ့ ဓာတ်ပုံလေးဟာလည်း နေရာမှန်ပြန် ရောက်နေမှာ မလွဲပါဘူး။
အဲဒီဓာတ်ပုံထဲက ကာကွယ်ရေးဦးစီးချုပ် ဗိုလ်ချုပ်ကြီးဆိုတာ NLD ရဲ့ နာယကကြီး ဘဘဦးတင်ဦးပါပဲ။
ဘ၀အတွေ့အကြုံဆိုတာလည်း ဖွင့်ပွဲပြီးမှ ၀ယ်မိတဲ့ပေါက်မဲ လက်မှတ်လိုပဲနော်။

ခင်သူသူဝင်း

 thai-workers-620.jpg ထိုင်းနိုင်ငံကိုရောက်ရှိနေတဲ့ မြန်မာနိုင်ငံသားအလုပ်သမားများကို တွေ့ရစဉ်
Photo: Kyaw Zaw Win/ RFA

ထိုင်းနိုင်ငံမှာရှိတဲ့ တရားမ၀င် မြန်မာနိုင်ငံသား အလုပ်သမားတွေကို စက်တင်ဘာလ ကနေ ဒီဇင်ဘာလအထိ စစ်ဆေးဖမ်းဆီးမယ်လို့ ထိုင်းအစိုးရ က မြန်မာအလုပ်သမား အရေး ကူညီဆောင်ရွက်ပေးနေသူတွေကို အသိပေးလိုက်ပါတယ်။

အလုပ်သမားတွေအပြင် ပွဲစားတွေ အေဂျင်စီနာမည်တွေနဲ့ လုပ်ကိုင်နေသူတွေကိုပါ ဖမ်းဆီးမယ်လို့ အလုပ် သမားရေးဆောင်ရွက်နေတဲ့ အဖွဲ့တွေကို အသိပေးတာဖြစ် တယ်လို့ AAC အဖွဲ့ဥက္ကဌ ဦးခိုင်ကြီးက ပြောပါတယ်။

"နေထိုင်ခွင့်မရှိရင် ပတ်စပို့တွေမရှိရင်၊ နေထိုင်ခွင့်ရှိပြီး work permit မရှိရင်တော့ ဖမ်းနေတာပဲ ဆိုတော့ မြန်မာပြည်ထဲကနေ အလုံးလိုက်အရင်းလိုက် ၀င်လာမှာစိုးလို့ အဲ့လိုထုတ်ပြန်တာပါ၊ အသိပေးတာ ခင်ဗျ၊ မြန်မာသံရုံးကလည်း တရားဝင်အသိ မပေးထားဘူး၊ ထိုင်း လ.၀.က ကလည်း တရားဝင် စာမထွက် ဘူး။ ဖမ်းမယ်ဆိုတာကို သူတို့က ကျွန်တော်တို့အစည်းအဝေးတက်ရင်းနဲ့ ပြောလိုက်တာ။ ဒါတွေက ဖမ်းတော့ မယ်နော်၊ ပွဲစားတွေကိုလည်း ဖမ်းတော့မယ်။ ထိုင်းဘက်က အေဂျင်စီတွေကိုလည်း အေဂျင်စီ နာမည်နဲ့ ကိုယ်စားလှယ်နာမည်တွေနဲ့ ပါဝါတွေပေးထားတဲ့သူတွေကို သူဌေးတူတဲ့ အလုပ်ရုံကို ပြောင်းထား ပါ။ မပြောင်းရင် အဲ့ဒီလူတွေကိုပါ ဖမ်းမယ်လို့ ကြေညာချက်ထုတ်တာပါ"

ထိုင်းနိုင်ငံ လူဝင်မှုကြီးကြပ်ရေးအဖွဲ့နဲ့ အလုပ်သမားဦးစီးဌာတို့ ပူးပေါင်းပြီး အထူးအဖွဲ့အနေနဲ့ ရွှေ့ပြောင်းအလုပ် သမားတွေကို ဒီလကနေ ဒီဇင်ဘာလအထိ တစ်လမှာ ၅ ကြိမ် ဖမ်းဆီးစစ်ဆေးမှာဖြစ်ပါတယ်။

တရားမ၀င်အလုပ်လုပ်နေတဲ့ အလုပ်သမားတွေကို ဖမ်းမိရင် အလုပ်ရှင်က ထိုင်းငွေ ၅ သောင်း၊ အလုပ်သမားက တရားမ၀င်ခိုးမှုနဲ့ ထောင်ဒဏ် ၁ လခွဲကျော် ချမှတ်ခံရမှာဖြစ်ပြီး သက်ဆိုင်ရာနိုင်ငံကို ပြန်ပို့ခံရမှာဖြစ်ပါတယ်။

တရားဝင်အလုပ်လုပ်ခွင့်ရပေမယ့် အလုပ်လုပ်ခွင့်လက်မှတ်မှာပါတဲ့ အလုပ်ရှင်နဲ့ လက်ရှိ အလုပ်ရှင်မတူတဲ့ အလုပ်သမားဆိုရင်တော့ ထောင်ဒဏ် တလခွဲကျော် နဲ့ ဘတ်ငွေ ၁၈၀၀ ဒဏ်ရိုက်ခံရမှာဖြစ်ပါတယ်။

အဲ့ဒီလိုအရေးယူမယ်ဆိုရင် ထိုင်းနိုင်ငံမှာအလုပ်လုပ်နေတဲ့ မြန်မာနိုင်ငံသား တစ်ဝက်လောက် အဖမ်းခံရမယ့် အခြေအနေရှိနေတယ်လို့ AAC အဖွဲ့က ပြော ပါတယ်။

RFA


 kofiannan-sittwe-620.jpg ရခိုင်ပြည်နယ်ဆိုင်ရာ အကြံပေးကော်မရှင် ဥက္ကဌ မစ္စတာ ကိုဖီအာနန်နဲ့အဖွဲ့ စက်တင်ဘာလ ၆ ရက်နေ့က စစ်တွေမြို့ကို ရောက်ရှိ လာစဉ်
Photo: Min Thein Aung/RFA
ကုလသမဂ္ဂအတွင်းရေးမှူးချုပ်ဟောင်း မစ္စတာကိုဖီအာနန် ဦးဆောင်တဲ့ ရခိုင်ပြည်နယ်ဆိုင်ရာ အကြံပေးကော် မရှင်အဖွဲ့ဝင်တွေဟာ တပတ်အတွင်း ရန်ကုန်မြို့မှာ လူထုတွေ့ဆုံပွဲပြုလုပ်ဖို့ ပြင်ဆင်နေပါတယ်။

အဲဒီတွေ့ဆုံပွဲအတွက် ပြင်ဆင်နေတယ်လို့ ရခိုင်ပြည်နယ်ဆိုင်ရာ အကြံပေးကော်မရှင် အဖွဲ့ဝင် ဒေါ်စောခင်တင့် က ပြောပါတယ်။

"ရခိုင်တိုင်းရင်းသားအဖွဲ့အစည်းတွေလည်း လာနိုင်အောင်၊ လူငယ်အဖွဲ့အစည်း တွေလည်း လာနိုင်အောင်၊ အခြားတိုင်းရင်းသားအဖွဲ့အစည်း၊ ပါတီတွေ ဒီလူတွေက အကုန်လုံး သိချင်တယ်ဆိုလို့ရှိရင် ကျွန်မတို့ က ဖြေကြားပေးဖို့ အဆင်သင့်ပါပဲ။ ဒီအတွက်လည်း ဘယ်လိုလုပ်ရင်ကောင်းမလဲဆိုတာကို ကျွန်မတို့ က ဆွေးနွေး နေပါတယ်ရှင့်"

ပထမဆုံးအကြိမ်ပြုလုပ်မယ့် ကော်မရှင်နဲ့ လူထုတွေ့ဆုံပွဲမှာ ကော်မရှင် ဥက္ကဌ မစ္စတာ ကိုဖီအာနန်နဲ့ ကော်မရှင် အဖွဲ့ဝင် နိုင်ငံခြားသား ၂ ဦး ပါဝင်နိုင်မှာ မဟုတ်ပေမယ့် နောက်ပိုင်း ပြုလုပ်မယ့် တွေ့ဆုံပွဲတွေမှာ ပါဝင်နိုင်ဖို့ စီစဉ်ထားတယ်လို့လည်း သိရပါတယ်။

ရခိုင်ပြည်နယ်ဆိုင်ရာ အကြံပေး ကော်မရှင်ကို ပြီးခဲ့တဲ့ သြဂုတ်လ ၂၄ ရက်နေ့က နိုင်ငံတော် အတိုင်ပင်ခံရုံး ၀န်ကြီးဌာနက ဖွဲ့စည်းလိုက်တာ ဖြစ်ပါတယ်။

အဲဒီကော်မရှင်မှာ ဥက္ကဌဖြစ်တဲ့ ကုလသမဂ္ဂ အတွင်းရေးမှူးချုပ်ဟောင်း မစ္စတာ ကိုဖီအာနန်နဲ့ နိုင်ငံခြားသားတွေ ပါဝင်နေလို့ဆိုပြီး နိုင်ငံရေးပါတီတွေနဲ့ ရခိုင်လူမှုအဖွဲ့ အစည်းတွေက ကန့်ကွက်တာတွေ ရှိနေတဲ့အပြင် ရခိုင်ပြည်နယ် လွှတ်တော်ကလည်း အဲဒီ ကော်မရှင်ကို အသိအမှတ်မပြုကြောင်း လွှတ်တော်မှာ ဆုံးဖြတ်ထား ပါတယ်။
RFA

(၉ )နှစ်ပြည့် ရွှေဝါရောင်တော်လှန်ရေးနေ့ အခမ်းအနားကို ရန်ကုန်မြို့သင်္ဃန်းကျွန်းမြို့နယ် ဓမ္မပီယ ဘုန်းကြီးကျောင်းတွင် ကျင်းပပြုလုပ်ခဲ့ပြီး
နံနက် ၁၀ နာရီခွဲအချိန်၌ ဓမ္မပီယဆရာတော်နှင့်တကွ သံဃာတော် အရှင်သူမြတ်များကို နေ့ဆွမ်းဆက်ကပ်ခဲ့ပြီး ရွှေဝါရောင်
တော်လှန်ရေးတွင် တိုက်ပွဲဝင်ရင်းကျဆုံးခဲ့ရသော ရဟန်းရှင်လူများအား ရည်စူး၍ ရေစက်သွင်းချအမျှပေးဝေခဲ့ပါတယ်။

အဲဒီနောက် နေ့လည် ၁၂ နာရီအချိန်တွင် အခမ်းအနားကို ရွှေဝါရောင်အရေးအခင်းမှာပါဝင်ခဲ့သော ဆရာတော်များ လူပုဂ္ဂိုလ်များ
တက်ရောက် ကြပြီး ၈၈ မျိုးဆက် ငြိမ်းချမ်းရေးနဲ့ ပွင့်လင်းလူ့အဖွဲ့အစည်းမှဦးမင်းကိုနိုင် မှ အမှတ်တရဂုဏ်ပြု စကားပြောကြားခဲ့ပါတယ်။

ရွှေဝါရောင်တော်လှန်ရေး ၉နှစ် ပြည့်အထိမ်းအမှတ် ငြိမ်းရေးဆုတောင်းပွဲကို စက်တင်ဘာလ ၁၈ရက်၊ မွန်းလွဲ ၂နာရီမှစတင်၍ ကြေးသွန်းဘုရားရှေ့မှ ရွှေတိဂုံစေတီတော်ပေါ်သို့ ချီတက်ခဲ့ပြီး လယျာင်္ရစ် မေတ္တာပို့သခဲ့သည်။
ဓါတ်ပုံ- မောင်သိန်း(ဒဿနိက)
၁၈.၉.၂၀၁၆

Burmese Bride Matching ၀က်ဘ်ဆိုက်မှာ တွေ့ရတဲ့ မြန်မာ သတို့သမီး တဦး

မြန်မာနိုင်ငံ၌ ၂၀၀၆ ခုနှစ်မှ ၂၀၁၆ ခုနှစ် သြဂုတ်လကုန်အထိ ပြည်တွင်း ပြည်ပ လူကုန်ကူးမှုပေါင်း ၁၃၀၀ ကျော်ဖြစ်ပွားခဲ့ပြီး ၉၀၀ ကျော်မှာ တရုတ်ပြည်သို့ တရုတ်ဇနီးမယားအဖြစ် လက်ထပ်ရန် အဓမ္မခိုင်းစေမှု ဖြစ်ကြောင်း နေပြည်တော်လူကုန်ကူးမှု တားဆီးနှိမ်နင်းရေးရဲတပ်ဖွဲ့မှ ရဲမှူးကြီးမင်းနိုင်က စက်တင်ဘာ ၁၀ News Watch သို့ ပြောသည်။

''တရုတ်ပြည်ကို လူကုန်ကူးမှုတွေထဲမှာ အဓမ္မလုပ်အားခိုင်းစေမှုက ၁၀ မှု ကျော်ပဲရှိတယ်။ ကျန်တာက တရုတ်ဇနီးမယားအဖြစ် လက်ထပ်ရန် အဓမ္မခိုင်းစေမှုပါ''ဟု ၎င်းက ဆိုသည်။

မြန်မာနိုင်ငံတွင် ၂၀၀၆ ခုနှစ်မှ ၂၀၁၅ ခုနှစ်အထိ ဆယ်နှစ်တာကာလ အတွင်း လူကုန်ကူးမှု ၁,၂၅၃ မှုဖြစ်ပွား ခဲ့ပြီး တရုတ် ၈၉၀ မှု၊ ပြည်တွင်း ၁၈၁ မှု၊ ထိုင်း ၁၅၄ မှု၊ မလေးရှား ၂၄ မှု၊ အင်ဒိုနီးရှား ၁ မှု၊ စင်ကာပူ ၁ မှု၊ ကာတာ ၁ မှု၊ အမေရိက ၁ မှုတို့ဖြစ်ကြောင်း ရဲမှူးကြီးမင်းနိုင်က ဆက်လက်ပြောသည်။

ထို့ပြင် ၂၀၁၆ ခုနှစ် ဇန်န၀ါရီမှ သြဂုတ်လကုန်အထိ လူကုန်ကူးမှု ၇၈ မှု ထပ်မံဖြစ်ပွားခဲ့ပြီး ၅၆ မှုမှာ တရုတ်ဇနီး မယားအဖြစ် အဓမ္မလက်ထပ်ရန်ခိုင်းစေမှုဖြစ်ကြောင်း လူကုန်ကူးမှု တားဆီးနှိမ်နင်းရေးရဲတပ်ဖွဲ့မှ အမည်မဖော် လိုသူ အရာရှိကြီးတဦးက ဆိုသည်။

''တရုတ်ဇနီးမယားအဖြစ် ရောင်းချတဲ့ ဈေးကွက်က မြန်မာတင်မကဘူး အခြားအိမ်နီးချင်းနိုင်ငံတွေမှာလည်းရှိ တယ်။ ဒီနိုင်ငံအနေအထားနဲ့ဆို မြန်မာအမျိုးသမီးတဦးကို သိန်း ၂၀ ကနေ သိန်း ၅၀ အထိပေးပြီး ၀ယ်ယူမှုတွေ ရှိနေတယ်'' ဟု ၎င်းက ဆိုသည်။

လက်ရှိတွင် လူကုန်ကူးမှုတိုက်ဖျက်ရေး စီမံချက်၏ ဒုတိယငါးနှစ်စီမံကိန်း နောက်ဆုံးနှစ်သို့ ရောက်ရှိနေပြီ ဖြစ်ကာ ၂၀၁၇-၂၀၂၁ နှစ်ထိ ငါးနှစ်စီမံကိန်းကို ဆက်လက်ရေးဆွဲသွားမည်ဖြစ်ကြောင်း ရဲမှူးကြီးမင်းနိုင်က ဆိုသည်။ ထို့ပြင် ဆယ်နှစ်ကျော်ကာလအတွင်း ဖြစ်ပွားခဲ့သော လူကုန်ကူးမှုများအတွက် တရားစွဲဆိုရန် ခွင့်ပြုမိန့်ရထားသည့်အမှုများနှင့် အဓမ္မလက်ထပ်ခိုင်းစေမှု ၈၄၄ မှု၊ ပြည့်တန်ဆာမှု ၂၁၄ မှု၊ အဓမ္မခိုင်းစေမှု ၁၉၇ မှုနှင့် အခြားခိုင်းစေမှု ၄၁ မှုရှိကြောင်း သိရသည်။

မောင်ထက်
News Watch(စောင့်ကြည့်သတင်းဂျာနယ်)

ရန်ကုန်၊ စက်တင်ဘာ ၁၈

၁၈.၉.၂၀၁၆ ရက်နေ့ ၁၁၀၀ အချိန်ခန့်တွင် ကျောက်တံတားမြို့နယ်၊
(၃)ရပ်ကွက်၊ (၃၅)လမ်း(အလယ်ဘလောက်)ရှိ တိုက်အိမ်(၃)လွှာ
ယာဘက်တွင်နေထိုင်သူ ဒေါ်နှင်းပပလှိုင်သည် သွေးထွက်ဒဏ်ရာ
များဖြင့် တစ်လမ်းတည်းနေ အိမ်နီးချင်းဖြစ်သူထံသို့ရောက်ရှိလာပြီး
၎င်းတို့နေအိမ်တွင် ခိုက်ရန်ဖြစ်ပွားခဲ့ကြောင်း ပြောပြအကူအညီတောင်း
သဖြင့် ပတ်ဝန်းကျင်ရှိလူများမှ နေအိမ်ပေါ်သို့တက်ရောက်ကြည့်ရှုခဲ့
ကြောင်း၊ နေအိမ်ပေါ်တွင် ဒေါ်ကြင်မွှေး၊ (၆၅)နှစ်မှာ ဦးခေါင်း၌ ပြတ်ရှ
ဒဏ်ရာများ၊ လည်ပင်းတွင်ထိုးသွင်းဒဏ်ရာများဖြင့် သတိလစ်မေ့မျော
နေသည်ကိုတွေ့ရှိခဲ့ရကြောင်း၊ ယင်းအချိန်တွင် နေအိမ်နောက်ဘက်မှ
ပြိုလဲသံကြား၍ သွားရောက်ကြည့်ရှုကြရာ နောက်ဖေးလမ်းကြားမြေပြင်၌
အသက်(၂၅)နှစ်ခန့်ရှိ အမျိုးသားတစ်ဦး လဲကျနေသည်ကိုတွေ့ရှိရကြောင်း
တို့ကို ကျောက်တံတားမြို့မရဲစခန်းသို့ သတင်းပေးအကြောင်းကြားလာ
သဖြင့် ရဲတပ်ဖွဲ့မှသွားရောက်စစ်ဆေးခဲ့ပါသည်။

ဖြစ်စဉ်မှဒဏ်ရာရရှိသူ ဒေါ်နှင်းပပလှိုင်၊ ဒေါ်ကျင်မွှေးနှင့် သတိမေ့လဲကျ
နေသူ အမျိုးသားတို့အား ဆေးရုံသို့ပို့ဆောင်ခဲ့ရာ ၎င်းလူငယ်မှာ ဆေးရုံသို့
ရောက်ရှိစဉ် သေဆုံးသွားခဲ့ပြီး ဒေါ်ကျင်မွှေးမှာလည်းရရှိသည့်ဒဏ်ရာများဖြင့်
သေဆုံးသွားခဲ့ပါသည်။

ဖြစ်စဉ်နှင့်ပတ်သက်၍ စိစစ်ခဲ့ရာ သေဆုံးသွားသည့် အမျိုးသားမှာ
ဒေါ်ကြင်မွှေး၏ညီမအရင်းဖြစ်သူ ဒေါ်ခင်ခင်စု၏သား သန်လျင်မြို့နယ်နေ
မြတ်ကိုလှိုင်ဖြစ်ကြောင်း၊ အခင်းဖြစ်ချိန်တွင် ဒေါ်နှင်းပပလှိုင်မှာ ရေချိုးခန်း
အတွင်းရှိနေပြီး မိခင်ဖြစ်သူ ဒေါ်ကြင်မွှေးနှင့် တူအရင်းတော်စပ်သူ
မြတ်ကိုလှိုင်တို့ စကားများရန်ဖြစ်ကြခြင်းဖြစ်ကြောင်း၊ ဒေါ်နှင်းပပလှိုင်မှ
အသံများကြားရ၍ထွက်ကြည့်ရာ ၎င်းကိုလည်း မြတ်ကိုလှိုင်မှ လာရောက်
ရိုက်နှက်ခဲ့ခြင်းဖြစ်ကြောင်း သိရှိရပါသည်။

ဖြစ်စဉ်နှင့်ပတ်သက်၍ ကျောက်တံတားမြို့မရဲစခန်း(ပ)၁၉၂/၂၀၁၆၊
ရာဇသတ်ကြီးပုဒ်မ-၃၀၂/၃၂၆ ဖြင့် အမှုဖွင့်ကာ စစ်ဆေးအရေးယူ
ဆောင်ရွက်လျက်ရှိကြောင်းနှင့် လတ်တလောစိစစ်ချက်များအရ လူမှု
ကွန်ရက်သတင်းများတွင် ဖော်ပြထားသကဲ့သို့ အနုကြမ်းစီးခံရခြင်း
မဟုတ်ကြောင်း သတင်းရရှိပါသည်။

Yangon Police

ဟိုရှူဝါဆိုတဲ့ လူငယ်လေးဟာ ဖိလစ်ပိုင်နိုင်ငံ မနီလာမြို့ရဲ့ ဆင်းရဲသားရပ်ကွက်က လူငယ်လေးတယောက်ပါ။ သူဟာ သူနေထိုင်တဲ့ ဒေသက ရာဇ၀တ်မှုဆန့်ကျင်ရေးအဖွဲ့တွေကိုလည်း စေတနာ့ဝန်ထမ်း ကူညီပေး နေသူဖြစ်ပါတယ်။ ကောလိပ်တက်နေတဲ့ ကျောင်းသားလေး ဟိုရှူဝါဟာ သူ့ရဲ့အစ်မနဲ့ ယောက်ဖအိမ်မှာ နေထိုင်ရတယ်။ နောက်ပိုင်း အိမ်ကကျဉ်းတဲ့အတွက် သူ့ရဲ့သူငယ်ချင်းတယောက်အိမ်မှာ သွားနေတယ်။ ဇူလိုင်လတညမှာတော့ ရဲတွေက သူ့သူငယ်ချင်းအိမ်ဝင်ရှာ ကြတယ်။ ဟိုရှူဝါနဲ့ သူ့ရဲ့သူငယ်ချင်း နှစ်ယောက်ဟာ လက်နက်စွဲပြီး တိုက်ခိုက်ဖို့ပြင်ကြတယ်လို့ ရဲက ပြောတယ်။

အိမ်နီးချင်း အိမ်တအိမ်က အသိသက်သေအမျိုးသမီးသုံးယောက်ကပြောတော့ ဟိုရှူဝါနဲ့ သူ့သူငယ်ချင်း နှစ်ယောက်ဟာ ရဲတွေရောက်လာ ချိန်မှာ အိပ်ပျော်နေကြတာပါလို့ပြောတယ်။ ဟိုရှူဝါတို့ ငှားနေတဲ့အိမ်ရဲ့ အိမ်ရှင်ဖြစ်သူကတော့ ခိုးဆိုးနှိုက်စတဲ့ ပြစ်မှုလေးတွေ ကျူးလွန်တဲ့ ဂိုဏ်းဝင်တဦးပါ။ သူကတော့ ရဲတွေဆီမှာ အဖမ်းခံပြီး လူငယ်လေး သုံးယောက်ဟာ ဘာအပြစ်မှကျူးလွန်တဲ့သူတွေ မဟုတ်ပါဘူးလို့ ရဲတွေကို တောင်းပန်ပြောပြတယ်။ ဒီဖြစ်ရပ်ကိုကြည့်နေကြတဲ့ အိမ်နီးချင်းက လူတွေကို ရဲတွေကသေနတ်နဲ့ချိန်ပြီး မောင်းထုတ်တယ်လို့ မျက်မြင်သက်သေတွေက ပြောခဲ့ပါတယ်။ အိပ်ပျော်နေတဲ့ လူငယ်သုံးယောက်ကို ရဲက ခြေထောက်နဲ့ကန်ပြီးနှိုးခဲ့တယ်။ လူငယ်လေးတွေကလည်း ရဲတွေကိုတွေ့တော့ အညံ့ခံခဲ့ကြတယ်လို့ ဆိုပါတယ်။ အဲဒီနောက် သေနတ်သံတွေကြားခဲ့ရပြီး လူငယ်သုံးယောက်စလုံး အသတ်ခံခဲ့ရတယ်။

ဒီဖြစ်ရပ်နဲ့ပတ်သက်ပြီး လုံခြုံရေးကင်မရာပေါ်က မြင်ကွင်းတွေပြဖို့ ဒေသဆိုင်ရာအန်ဂျီအိုအဖွဲ့တွေက တောင်းဆိုကြတဲ့အခါမှာ ကင်မရာပျက်နေတယ်လို့ အဖြေရခဲ့ပါတယ်။ ရပ်ကွက်အုပ်ချုပ်ရေးဥက္ကဋ္ဌကလည်း သူခရီးထွက်နေတဲ့အတွက် ရဲတွေဝင်စီးတာ မသိလိုက်ပါဘူးလို့ ပြောတယ်။ ဒါကတော့ ဖိလစ်ပိုင်သမ္မတ ရိုဒရီဂိုဒူတာတေလက်ထက် ဖိလစ်ပိုင်နိုင်ငံရဲ့ ဘ၀အခြေအနေပဲဖြစ်ပါတယ်။

သမ္မတရွေးကောက်ပွဲဝင်ပြိုင်တုန်းကလည်း သူကသမ္မတဖြစ်ပြီး ခြောက်လအတွင်းမှာ ရာဇ၀တ်မှုတွေ အပြတ်ရှင်းမယ်၊ မသင်္ကာတဲ့ပြစ်မှုကျူးလွန်သူ ၁၀၀,၀၀၀ ကို သုတ်သင်ပစ်ရစေကာမူ သုတ်သင်မယ်လို့ ကြုံးဝါးခဲ့တယ်။ ရဲတွေတာဝန်ထမ်းဆောင်ချိန်မှာ လူ ၁၀၀၀ ကို သတ်ဖြတ်မိခဲ့ရင်တောင် ဒီရဲတွေကို သူအကာအကွယ်ပေးမယ်လို့ သမ္မတတာဝန် စတင်ထမ်းဆောင်တဲ့နေ့မှာ ဒူတာတေက ပြောခဲ့ပါတယ်။

သမ္မတဒူတာတေရဲ့လက်ထက်မှာ မူးယစ်ဆေးဝါးအရောင်းအ၀ယ်နဲ့ပတ်သက်လို့ သင်္ကာမကင်း ဖြစ်ခံရတဲ့လူတွေအတွက် အသက်ကိုဖက်နဲ့ထုပ်ထားရမလို ဖြစ်နေတယ်။ မေလ ၁၀ ရက်နေ့ (သမ္မတဒူတာတေ သမ္မတအဖြစ် အနိုင်ရပြီးတဲ့နောက်ပိုင်း)နဲ့ သြဂုတ်လ ၅ ရက်နေ့အတွင်းမှာ မူးယစ်ဆေးဝါးနဲ့ သင်္ကာမကင်း ဖြစ်ခံရသူပေါင်း ၉၄၃ ယောက် အသတ်ခံခဲ့ရပြီး အများစုဟာ ရဲတပ်ဖွဲ့ဝင်တွေရဲ့သတ်ဖြတ်မှုကိုခံခဲ့ရတာ ဖြစ်တယ်လို့ ABS.CBN ဖိလစ်ပိုင်အသံလွှင့်ဌာနတခုက ခန့်မှန်းခဲ့ပါတယ်။ တချို့လူသတ်မှုတွေကတော့ လက်သည်မပေါ်ခဲ့ပါဘူး။ အသတ်ခံရသူအများစုဟာ မူးယစ်ဆေးဝါးရောင်းဝယ်သူတွေဖြစ်ကြပြီး မူးယစ်ဆေး ၀ါးသုံးစွဲသူတွေကိုလည်း ပစ်မှတ်ထားခဲ့တယ်လို့ ဖိလစ်ပိုင်နိုင်ငံထုတ် အင်ကွိုင်ရာသတင်းစာက ဖော်ပြခဲ့တယ်။

မူးယစ်ဆေးဝါးနဲ့ပတ်သက်လို့ သင်္ကာမကင်းသံသယဖြစ်ခံရသူတွေဟာ ဘယ်တော့မှ တရားရုံးတင် စစ်ဆေးခံရတယ်ဆိုတာ မရှိခဲ့ဘူး။ သက်သေအထောက်အထားဆိုတာလည်း မရှိခဲ့ဘူး။ မူးယစ်ဆေးဝါးနဲ့ ပတ်သက်ပြီး မသင်္ကာတဲ့သူတွေရဲ့စာရင်းကို ရဲတပ်ဖွဲ့က ရပ်ကွက်နဲ့ ခရိုင်အုပ်ချုပ်ရေးအရာရှိတွေကို ပေးတယ်။ သက်ဆိုင်ရာအရာရှိတွေက ဒီစာရင်းအရ သံသယရှိတဲ့သူတွေကို အုပ်ချုပ်ရေးရုံးမှာ လာပြီးအညံ့ခံဖို့ အမိန့်ထုတ်တယ်။ ပြီးတော့သူတို့ကို ပြုပြင်ပြောင်းလဲဖို့သတိပေးတယ်။ မပြင်ရင် အဖမ်းခံရမယ်။ ဒါမှမဟုတ် အသတ်ခံရမယ်လို့ သတိပေးတယ်။ ပြုပြင်ပြောင်းပါမယ်လို့ ကတိပေးတဲ့သူတွေကိုတော့ စွန့်လွှတ်ကြောင်း တရားဝင်စာထုတ်ပေးတယ်။ ဒီလိုဝန်ခံကတိပြုခဲ့တဲ့သူပေါင်း ၁၂၅,၀၀၀ လောက်ရှိတယ်လို့ဆိုပါတယ်။ ဒါပေမဲ့လည်း သမ္မတဒူတာတေက ဖိလစ်ပိုင်မှာ မူးယစ်ဆေးစွဲနေတဲ့လူပေါင်းသုံးသန်းကျော် လေးသန်းလောက်ရှိနေတယ်လို့ ပြောပါတယ်။

သမ္မတဒူတာတေဟာ သူ့ရဲ့မှုခင်းနှိမ်နင်းရေးစစ်ပွဲကို သာမန်ပြည်သူတွေကြားမှာသာမကဘူး။ သူ့ရဲ့အုပ်ချုပ် ရေးအာဏာပိုင်အသိုင်း အ၀ိုင်းအထိ တိုးချဲ့ခဲ့တယ်။ သြဂုတ်လ ၇ ရက်နေ့မှာ သမ္မတဒူတာတေက မူးယစ်ဆေး ၀ါးကိစ္စနဲ့ပတ်သက်နေတဲ့ အရာရှိ ၁၅၀ ကျော်ရဲ့စာရင်းကို လူသိရှင်ကြားထုတ်ဖော်ကြေညာခဲ့တယ်။ ဒီအထဲမှာ တရားသူကြီးတွေ၊ နိုင်ငံရေးသမားတွေနဲ့ အထက်တန်းစစ်ဘက်နဲ့ ရဲဘက်အရာရှိကြီးတွေရဲ့ နာမည်တွေ ပါဝင်ပါတယ်။ ဒီစာရင်းပါတဲ့သူတွေ ၂၄ နာရီအတွင်း အဖမ်းခံဖို့ အမိန့်ထုတ်ပြန်ခဲ့တယ်။ ဒါပေမဲ့လည်း သူထုတ်ပြန်ခဲ့တဲ့စာရင်းထဲမှာ ကွယ်လွန်သွားတဲ့အရာရှိတွေ၊ အငြိမ်းစားသို့မဟုတ် ထုတ်ပယ်ခံထားရတဲ့ အရာရှိတွေရဲ့နာမည်တွေလည်း ပါဝင်နေပြီး ဖိလစ်ပိုင်တရားသူကြီးချုပ်နဲ့ အခြားသောနိုင်ငံရေးသမား အချို့ရဲ့ မကျေမနပ်ကန့်ကွက်ကြတဲ့ အသံတွေထွက်ပေါ်ခဲ့တယ်။ ဒါပေမဲ့ သမ္မတကတော့ မကျေနပ်ရင် မာရှယ်လော ကြေညာလိုက်မယ်လို့ ခြိမ်းခြောက်ပြီးတုံ့ပြန်ခဲ့တယ်။ တကယ်တော့ ဖိလစ်ပိုင်သမ္မတဒူတာတေဟာ အရင်တုန်း က သမ္မတတွေလို သမားရိုးကျနိုင်ငံရေးသမားတယောက် မဟုတ်တာသေချာပါတယ်။ ''ပြောရိုးပြောစဉ်အတိုင်း ပြောဖို့ဆိုတာ ကျုပ်ပါးစပ်နဲ့ဘာမှမဆိုင်ဘူး''လို့ သမ္မတဒူတာတေက ပြောခဲ့ဖူးတယ်။ ဒါပေမဲ့လည်း အခုလို တရားရေးဘောင်ကိုကျော်ပြီး သတ်ဖြတ်သုတ်သင်မှုတွေ ဆက်လက်ဖြစ်ပွားနေရင် ဖိလစ်ပိုင်မှာ တရားဥပဒေ စိုးမိုးမှု ထိခိုက်နိုင်ပါတယ်။

ထွဋ်ဝင်းထွဋ်
Ref:The Economist
News Watch(စောင့်ကြည့်သတင်းဂျာနယ်)


dassk-newyork-620.JPG
စက်တင်ဘာလ ၁၇ ရက်နေ့က 10 East, 77 St. ရှိ မြန်မာအမြဲတမ်း ကိုယ်စားလှယ်အဖွဲ့ရုံးမှာ နိုင်ငံတော်၏ အတိုင်ပင်ခံပုဂ္ဂိုလ်နဲ့ နယူးယောက်မြို့ရှိ မြန်မာအသိုက်အဝန်းတို့ တွေ့ဆုံစဉ်
ဓါတ်ပုံ- မြန်မာအဖွဲ့ရုံး၊ နယူးယောက်မြို့

အမေရိကန်ပြည်ထောင်စုကို ရောက်ရှိနေတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဟာ စနေနေ့ မနက်က နယူးယောက်မြို့က မြန်မာအမြဲတမ်းကိုယ်စားလှယ် အဖွဲ့ရုံးမှာ မြန်မာမိသားစုတွေနဲ့ တွေ့ဆုံခဲ့ပါတယ်။

အဲဒီတွေ့ဆုံပွဲမှာ ဆရာဝန်တစ်ဦးက ဆေးကုသခွင့်လက်မှတ်တွေ ပြန်လည်ရရှိရေး၊ မြန်မာပြည်သူတွေ ဆေးဝါး အစစ်အမှန်တွေ ရရှိရေး အပါအဝင် အမေရိကန်ရောက် မြန်မာဆရာဝန်တွေ အမိနိုင်ငံပြန်ပြီး တိုင်းပြည်လူထုကို ကူညီဖို့အတွက် အကြံပေးတင်ပြခဲ့ရာမှာ ဒေါ်အောင်ဆန်းစုကြည်က လိုအပ်သလို ဆောင်ရွက်မှာဖြစ်ကြောင်း ပြော ကြားသွားခဲ့ပါတယ်။

ရူပဗေဒပညာရှင်တစ်ဦးကလည်း မြန်မာနိုင်ငံမှာ အနုမြူစွမ်းအင်အသုံးပြုရေးအတွက် တင်ပြခဲ့သလို အဲ့ဒီ အခမ်းအနားကို ကနေဒါကလာရောက်ခဲ့တဲ့ ရခိုင်ပညာရှင်တစ်ဦးက ကိုဖီ အာနန် ဦးဆောင်တဲ့ ရခိုင်ပြည် နယ်ကော်မရှင်ကို ထောက်ခံကြောင်း ဒါပေမဲ့ ရခိုင်ပြည်သူတွေကို နားလည်အောင်ရှင်းပြဖို့ လိုကြောင်း အကြံပေးခဲ့ပါတယ်။

လောလောဆယ်မှာ မြန်မာပြည်ပြန်လိုတဲ့သူတွေကို ဗီဇာထုတ်ပေးရေးအတွက် နိုင်ငံရေးလုပ်မှာ မဟုတ်ကြောင်း သံရုံးက ခံဝန်လက်မှတ်ထိုးခိုင်းနေတဲ့ အချက်ဟာ မှားယွင်းနေကြောင်းလည်း ဒေါ်အောင်ဆန်းစုကြည် က ပြောကြားခဲ့တယ်လို့ အခမ်းအနားကို တက်ရောက်ခဲ့တဲ့ ယူနီဆက်အရာရှိဟောင်း ဦးခင်ဇော်က RFA ကိုပြောပါတယ်။

"အဲ့ဒီတော့ နိုင်ငံရေးလုပ်တဲ့သူက ဗီဇာမရဘူးဆိုရင် ကျမတို့လည်း နိုင်ငံရေးလုပ်တာပဲတဲ့၊ ခံဝန်ချက် လက်မှတ်ထိုးခိုင်းတယ်ဆိုတာ သဘာဝမကျဘူးလို့ ထင်တယ်တဲ့"

မြန်မာကုန်သည်ကြီးများ အသင်းဝင်တစ်ဦးက သူတို့မြန်မာပြည်မှာ ဟိုတယ်ဆောက်ဖို့ မြေကွက်လို ချင်ကြောင်း ပြောဆိုရာမှာတော့ ဒေါ်အောင်ဆန်းစုကြည်က အဲ့ဒီကိစ္စ လုံးဝမဖြစ်နိုင်ကြောင်း ပြောဆိုခဲ့ပါတယ်။

နယူးယောက်မြို့က အခမ်းအနားကို လူ ၅ဝ ခန့်သာ သီးသန့်ဖိတ်ကြားခဲ့တဲ့အတွက် လူဦးရေ ရာနဲ့ချီပြီး ဝင်ခွင့်မရ တဲ့ မြန်မာနိုင်ငံသားတွေက မြန်မာကိုယ်စားလှယ်ရုံး ပြင်ပကပဲ ဒေါ်အောင်ဆန်းစုကြည်ကို နှုတ်ဆက်ခွင့်ရခဲ့ပါတယ်။ အဲ့ဒီကိစ္စနဲ့ပတ်သက်ပြီး ဒေါ်အောင်ဆန်းစုကြည်က ဒါဟာ လူတန်းစားခွဲခြားရာ ကျတဲ့အတွက် နောင်မှာ အလားတူ ထပ်မံဖြစ်ပေါ်ခြင်း မရှိအောင်ဆောင်ရွက်ဖို့ ညွှန်ကြားခဲ့ကြောင်း သိရပါတယ်။

နယူးယောက်မြို့က ဒေါ်အောင်ဆန်းစုကြည်နဲ့ မြန်မာတွေ တွေ့ဆုံပွဲအကြောင်း ဦးတင်အောင်ခိုင် တင်ပြထား တာကို နားဆင်ပါ။
RFA



နယူးယောက် မြို့တော်ဝန် သတင်းစာရှင်းလင်းပွဲ ပြုလုပ်နေစဉ် (ဓာတ်ပုံ-အင်တာနက်)
    နယူးယောက်၊ စက်တင်ဘာ ၁၈ ရက် (ဆင်ဟွာ)

    အမေရိကန်နိုင်ငံ နယူးယောက်မြို့ရှိ ချဲလ်ဆီးလ်ရပ်ကွက် မန်ဟတ်တန်လမ်း အနီးတဝိုက်တွင် စက်တင်ဘာလ ၁၇ ရက် ဒေသစံတော်ချိန် ညနေပိုင်းက ပေါက်ကွဲမှု တစ်ခု ဖြစ်ပွားခဲ့ရာ လူ ၂၉ ဦး ဒဏ်ရာရရှိခဲ့ကြောင်းနှင့် အကြမ်းဖက် တိုက်ခိုက်မှုနှင့် ဆက်စပ်ခြင်း မတွေ့ရကြောင်း မြို့တော်ဝန်က သတင်းစာရှင်းလင်းပွဲ၌ ပြောကြားခဲ့သည်။

ယင်း ပေါက်ကွဲမှုသည် လျှပ်စစ်ပစ္စည်းများ စွန့်ပစ်သည့် အမှိုက်ပုံးအတွင်း ဖြစ်ပွားခဲ့ခြင်း ဖြစ်ကြောင်း ကနဦး ယူဆရသော်လည်း အကြောင်းရင်းအား စုံစမ်းစစ်ဆေးနေဆဲ ဖြစ်ကြောင်း နယူးယောက် မီးသတ်ဋ္ဌာနက ဆိုသည်။
နယူးယောက် ပေါက်ကွဲမှုနှင့် ပတ်သက်၍ သမ္မတ ဘားရတ် အိုဘားမားက အကျဉ်းချုပ် ပြောကြားခဲ့ကြောင်း အိမ်ဖြူတော်က ဖော်ပြခဲ့သည်။

ပေါက်ကွဲမှု ဖြစ်ပွားသည့်နေရာ၌ လုံခြုံရေး ယူထားစဉ် (ဓာတ်ပုံ-အင်တာနက်)
ယင်း ပေါက်ကွဲမှုနှင့် ပတ်သက်၍ နယူးယောက် မြို့တော်ဝန်က စက်တင်ဘာလ ၁၇ ရက် ဒေသစံတော်ချိန် ညသန်းခေါင်ယံ၌ သတင်းစာရှင်းလင်းပွဲ ပြုလုပ်ခဲ့သည်။

(Xinhua)
http://www.xinhuamyanmar.com


မန္တလေးမဟာအောင်မြေမြို့နယ် မဟာမြိုင်အပိုင်း(၁) ရပ်ကွက်အတွင်း ဆိုင်ကယ်စီးလာသူ အမျိုးသားနှင့်နောက်ကပါလာသူအမျိုးသမီး ဆိုင်ကယ်အတူစီးနှင်းလာစဉ် အမျိုးသမီးတဦးက ရှေ့မှပိတ်တားကာ အမျိုးသားကို အသင့်ယူဆောင်လာသော ဓါးဖြင့် ထိုးသဖြင့် ဒဏ်ရာရသူအမျိုးသားသည် မန္တလေးဆေးရုံအရောက်တွင် သေဆုံသွားခဲ့ကြောင်း သိရသည်။

"ဒီလူသတ်မှုဖြစ်နဲ့ပတ်သက်၍ ဘယ်လိုဖြစ်တယ်ဆိုတာ တိတကျကျ မသိရသေပါဘူး။ ကျွန်တော်တို့စုံစမ်းသိရှိသလောက်ကတော့ သေဆုံးသူ မောင်ပိုင်ဖြိုးဇော်ရဲ့ ပထမ ရည်းစားလို့သိရပါတယ်။ အခုဆိုင်ကယ်နောက်ကပါလာသူ အမျိုးသမီးက သေဆုံးသူ လက်ရှိတွဲနေတဲ့ရည်စားလို့သိရပါတယ်။ လူသတ်မှုကျုးလွန်ခဲ့တဲ့ မစန္ဒာလင်းဆီက ပိုက်ဆံတွေယူသုံးတယ်။ နောက်သမီးရည်းစားချင်းစကားများရန်ဖြစ်ပြီး မောင်ပိုင်ဖြိုးဇော်က နောက်တယောက်နဲ့တွဲပြီး မစန္ဒာလင်းဆုထားတဲ့ ပိုက်ဆံတွေကို ATM ကတ်တွေယူသုံးထားတာကနေ စကားများရာက အခုလို လူသတ်မှုအထိဖြစ်ပွားတယ်လို့သိရပါတယ်"ဟု တာဝန်ရှိသူ ရဲဝန်ထမ်းတဦးကပြောသည်။

သေဆုံးသူ မောင်ပိုင်ဖြိုးဇော် အသက်(၂၂) သည် ရူပဗေဒ နောက်ဆုံးနှစ်ကျောင်းသားဖြစ်ပြီး မဟာမြိုင်အပိုင်း(၁)ရပ်ကွက် ၆၈လမ်း၆၉လမ်းကြား ၃၈လမ်း၃၉လမ်းရှိ အောင်ချမ်းသာ အမျိုးသားဆောင်တွင်နေထိုင်ကြောင်း သိရသည်။

ဓါးဖြင့်ထိုးသတ်သူ မစန္ဒာလင်းက မဟာမြိုင်အပိုင်း(၁) ၆၉လမ်း၇၀ လမ်းကြား ၃၆ လမ်း ၃၇လမ်းရှိ စကားဝါ အမျိုးသမီးဆောင်တွင် နေထိုင်သူဖြစ်သည်။ အဆိုပါ လူသတ်မှုကို အမှတ်(၉) မြို့မ ရဲစခန်းမှ (ပ) ၅၂၂/၂၀၁၆ ရာဇသက်ကြီး ဥပဒေ ပုဒ်မ-၃၀၂ဖြင့် အမှုဖွင့်အရေးယူထားကြောင်း သိရသည်။

စိုင်းထူးခန့်
News Watch(စောင့်ကြည့်သတင်းဂျာ
https://www.facebook.com/NewsWatchJournal


ရန်ကုန်မြို့ ကျောက်တံတားမြို့နယ်၊ ၃၅ လမ်းအလယ်ဘလောက်ရှိ တိုက်အမှတ် ၁၇၂ - ၄ လွှာရှိ နေအိမ်သို့ ယနေ့ စက်တင်ဘာ ၁၈ ရက်နေ့ ၁၂ နာရီဝန်းကျင်က နေအိမ်ပေါ်တက်ခါ အနုကြမ်းစီးမှုတစ်ခု ဖြစ်ပွားခဲ့ကြောင်း ကျောက်တံတားမြို့နယ် ရဲတပ်ဖွဲ့ရုံးမှ ရသည်။

" ဖြစ်စဉ်နဲ့ပတ်သက်ပြီးတော့ အသေးစိတ်မသိရသေးဘူး။ နေအိမ်မှာကသားအမိနှစ်ယောက်တည်းနေတာလို့သိရတယ်။ အဘွားကြီး ကတော်တော်အသက်ကြီးနေပြီ။ အိမ်ပေါ်တက်လာတဲ့သူက လူငယ်ပဲ။ တံခါးလည်းသူတို့ ဖွင့်ပေးတာလို့ သိရတယ်။ အဘွားကြီးတော့ ဒဏ်ရာရရှိသွားတယ်။အဲဒီအချိန်မှာ ပတ်ဝန်းကျင် အကူအညီတောင်းတော့ ဒီလူက နောက်ဖေးလမ်းကြားဖက်ကို ထွက်သွား လမ်းထဲကလူတွေဝိုင်းဖမ်းတာမိသွားတယ်။အိမ်ပေါ်တက်တဲ့ လူကော၊အဘွားကိုရော ရဲတပ်ဖွဲ့က ဆေးရုံခေါ်သွားတယ် ဟု ကျောက်တံတားမြို့နယ် အမှတ် (၁)တိုင်းလွှတ်တော်ကိုယ်စားလှယ် ဒေါ်ကြည်ပြာကပြောသည်။

လင်းလင်းအောင်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

ရန်ကုန်မြို့မှာလစာ ၃ သိန်းရရှိတဲ့ဝန်ထမ်းတွေ အမှုထမ်းတွေအနေနဲ့ အိမ်ယာဝယ်ယူဖို့ အခက်အခဲတွေရှိနေတယ်လို့ ရန်ကုန်မြို့တော် စည်ပင်သာယာရေးကော်မတီမှ မြို့ပြစီမံကိန်း ရေးဆွဲရေးညွှန်ကြားရေးမှူး ဒေါက်တာတိုးအောင်က စက်တင်ဘာလ ၁၇ ရက်နေ့ကပြည်လမ်းရှိ IBC ခန်းမမှာပြုလုပ်တဲ့ တန်ဖိုးနည်းအိမ်ယာဆွေးနွေးပွဲမှာ ပြောပါတယ်။

လစာ ၃ သိန်းနဲ့ ၃ သိန်းအောက်ရရှိတဲ့ ၀န်ထမ်းအများစုကတော့ လက်ရှိမှာအိမ်ယာတွေ တည်ဆောက်နေပေမယ့် ၀ယ်ယူနိုင်ခြင်းမရှိသလို အိမ်ပိုင် ယာပိုင် မရှိတဲ့သူကလည်း အများစု ဖြစ်တယ်လို့ ဆိုပါတယ်။

ကမ္ဘာ့ဘဏ်က လစာ ၄ သိန်းရရှိတဲ့သူတွေကို ၀င်ငွေအလယ်အလတ်အဆင့်လို့ သတ်မှတ်ထား ပေမယ့်လည်း မြန်မာနိုင်ငံအနေနဲ့ကတော့ လစာ ၃ သိန်းက ၀င်ငွေအလယ်အလတ် အဆင့်မှာပဲ ရှိပါတယ်။

ရန်ကုန်တမြို့လုံးက လစာဝင်ငွေကိုကြည့်မယ်ရင် လစဉ် ၁ သိန်းခွဲ ၂ သိန်းဝန်းကျင် ရရှိသူက ၅၀ ရာခိုင်နှုန်းလောက်ရှိပြီး ၂ သိန်းအထိရရှိတာက ၇၆ ရာခိုင်နှုန်းနဲ့ ၃ သိန်းအထိရရှိတာက ၉၀ ရာခိုင်နှုန်းလောက်ရှိပါတယ်။
DVB TV News



ရခိုင်အကြံပေးကော်မရှင်ကိုဆန့်ကျင်ကန့်ကွက်နေကြတာဟာ နိုင်ငံရေးရည်ရွယ်ချက်ရှိရှိနဲ့ လုပ်ဆောင်နေတာဖြစ်တယ်လို့ ဒေါ်အောင်ဆန်းစုကြည်က တုံ့ပြန် ပြောလိုက်ပါတယ်။

စက်တင်ဘာ ၁၇ ရက်က အမေရိကန်နိုင်ငံ၊နယူးယောက်မြို့မှာ မြန်မာအသိုင်းအ၀ိုင်းနဲ့ တွေ့ဆုံတုန်း အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောခဲ့တာ ဖြစ်ပါတယ်။

“ရခိုင်ကိစ္စနဲ့ ပတ်သက်လို့ ပြောရမယ်ဆိုလို့ရှိရင် ၊ ကျမကတော့ ပွင့်ပွင့်လင်းလင်းပြောချင်တယ်။ ကျမတို့ ကိုဖီအာနန်ကော်မရှင်ကို ဆန့်ကျင်နေတဲ့ဟာက လူမျိုးရေး၊ ဘာသာရေးတောင်မဟုတ်ဘဲ နိုင်ငံရေးရည်ရွယ်ချက်တွေ ပါနေတယ်လို့ ကျမတို့မြင်ပါတယ်။ အဲဒါ အင်မတန်မှ ၀မ်းနည်းစရာကောင်းပါတယ်။ ကိုယ့်ရဲ့ နိုင်ငံရေးအဖွဲ့တွေရဲ့ အကျိုးကိုကြည့်ပြီးတော့ ကျမတို့ တနိုင်ငံလုံးအတွက်လုပ်နေတဲ့ကိစ္စ တခုကို မအောင်မြင်စေချင်တဲ့ စေတနာတွေ ထားတယ်ဆိုတာတော့ မဖြစ်သင့်ပါဘူး။ အဲဒါကြောင့်မို့လို့ ကူညီတယ်ဆိုတာဟာ ကိုယ့်အချင်းချင်းလည်း နားလည်အောင်ပြောပါ။ ဒီလိုကော်မရှင်ဖွဲ့ခြင်းဟာ ကျမတို့အတွက် ဘာမှ ဆုတ်ယုတ်မှုမရှိဘူး။”

သူ အဲ့ဒီလိုမပြောခင် စက်တင်ဘာ ၁၆ နေ့ရက်က ၂၀၁၅ ရွေးကောက်ပွဲမှာ အကြီးအကျယ်ရှုံးနိမ့်ခဲ့တဲ့ ပြည်ထောင်စုကြံ့ခိုင်ရေးနဲ့ ဖွံ့ဖြိုးရေးပါတီအပါအ၀င် ပါတီ ၁၁ ခုက ရခိုင်အကြံပေးကော်မရှင်ဖွဲ့တာကို ကန့်ကွက်ကြောင်း ကြေညာချက်ထုတ်ပြန်ခဲ့ပါတယ်။

အလားတူ ရခိုင်ပြည်နယ်လွှတ်တော်မှာ ကိုယ်စားလှယ်အများဆုံးရရှိထားတဲ့ ရခိုင်အမျိုးသားပါတီကလည်း ရခိုင်အကြံပေးကော်မရှင်ဖွဲ့တာကို တောက်လျှောက် ကန့်ကွက်နေတာ ဖြစ်ပါတယ်။

ဒီလို ကန့်ကွက်ဝေဖန်မှုတွေနဲ့ ပတ်သက်လို့ နိုင်ငံတော်အတိုင်ပင်ခံပုဂ္ဂိုလ်ဘက်က အခု ပထမဆုံး ပြင်းပြင်းထန်ထန် ပြန်လည်တုံ့ပြန်ပြောဆိုခဲ့တာ ဖြစ်ပါတယ်။

မြန်မာအစိုးရက ကုလသမဂ္ဂ အတွင်းရေးမှူးချုပ်ဟောင်း နိုဘယ်လ်ဆုရှင် ကိုဖီအာနန် ဥက္ကဋ္ဌအဖြစ် ဆောင်ရွက်မယ့် ရခိုင်ပြည်နယ်ဆိုင်ရာ အကြံပေးကော်မရှင်ကို အဖွဲ့ဝင် ၉ ဦးနဲ့ ပြီးခဲ့တဲ့ သြဂုတ်လအတွင်း ဖွဲ့စည်းခဲ့တာဖြစ်ပြီး နှစ်ဖက်အလုပ်သဘောစာချုပ်ကိုတော့ စက်တင်ဘာလ ဆန်းက လက်မှတ်ထိုးခဲ့ပါတယ်။

DVB TV News


ကျွဲ၊ နွားတိရစ္ဆာန်မွေးမြူရေးခြံများ တည်ဆောက်ရန်အတွက် အမေရိကန်ပြည်ထောင်စုတွင် မြင်းရိုင်း အကောင်ရေ ၄၅၀၀၀ ကို သုတ်သင်ပစ်မည်ဖြစ်ကြောင်း အမေရိကန်မြေယာစီမံခန့်ခွဲရေး ဗျူရို BLM ၏ အမျိုးသားမြင်းရိုင်းနှင့် မြည်းငယ်များအကြံပေးဘုတ်အဖွဲ့က ဆုံးဖြတ်ချက်ချခဲ့သည်။ တိရစ္ဆာန်မွေးမြူရေးခြံကြီး များ တည်ဆောက်ရန်အတွက် ယခုကဲ့သို့ မြင်းရိုင်းများ သုတ်သင်ခြင်းသည် အမေရိကန်သမိုင်းတွင် အကြီးမား ဆုံး မြင်းသုတ်သင်ရှင်းလင်းပွဲဖြစ်ပြီး အခွန်ထမ်းပြည်သူများကလည်း ကုန်ကျစရိတ်ကို ပေးဆောင်ကြရတော့ မည်။ ယင်းမြင်းရိုင်းများသည် အစိုးရက ဦးပိုင်လုပ်ကိုင်လျက်ရှိသော စားကျက်မြေများတွင် ထိန်းသိမ်းထားရှိ သော မြင်းများဖြစ်သည်။

''လက်ရှိ စားကျက်မြေပေါ်မှာရှိတဲ့ မြင်းရိုင်း ၄၅၀၀၀ ကို ဖျက်ဆီးပစ်ဖို့ BLM ရဲ့ ဆုံးဖြတ်ချက်ဟာ သူတို့အပေါ် စောင့်ရှောက်ထားတဲ့တာဝန်ကို လုံးဝစွန့်လွှတ်လိုက်တဲ့သဘောပါပဲ။ BLM ဟာ ဒီလိုသတ်ဖြတ်ပစ် မယ့်အစား အကြင်နာနဲ့ မျိုးပွားမှုထိန်းချုပ်ရေးကိစ္စကို လျစ်လျူရှုခဲ့တယ်''ဟု အမေရိကန်ပြည်ထောင်စု၏ ကြင်နာသက်ညှာပေးမှုအဖွဲ့အစည်းတခုမှ စီနီယာဒုတိယဥက္ကဋ္ဌ မစ္စဟိုလီဟာဇတ်က ပြောကြားဝေဖန်ခဲ့သည်။

အဆိုပါ မြင်းရိုင်းများကို BLM အဖွဲ့ပိုင် မြင်းဇောင်းများတွင် ထိန်းသိမ်းထားသည်။ သို့သော်လည်း မြင်းကောင် ရေမှာ အဆမတန်တိုးပွားနေသည့် ပြဿနာကြုံတွေ့နေရ၍ BLM က ၎င်းတို့ကို ညင်သာစွာ ဇီဝိန်ချုပ်ပေးရန် ဆုံးဖြတ်ခဲ့ခြင်းဖြစ်သည်။ အမေရိကန်နိုင်ငံ တောရိုင်းများအတွင်း မြင်းရိုင်းကောင်ရေ ၅၀၀၀၀ နီးပါးခန့်ရှိပြီး မြင်းရိုင်းအသေးစား ၂၇၀,၀၀၀ ကို ၁၉၇၁ ခုနှစ်ကတည်းကပင် ဖယ်ရှားခဲ့ပြီးဖြစ်သည်။ ဤကဲ့သို့ မြင်းရိုင်းများကို အစုလိုက်၊ အပြုံလိုက်သုတ်သင်မှုမပြုလုပ်ရန် အမေရိကန်လူမှုအဖွဲ့အစည်းများက တောင်းဆိုထားကြသည်။ သို့သော်လည်း အဆိုပါမြင်းရိုင်းများကို BLM က ရှင်းလင်းသုတ်သင်ရန် အဖွဲ့ကဆုံးဖြတ်ပြီး လက်တွေ့ သုတ်သင်မှုပြုလုပ်သည်။ သို့မဟုတ် မည်ကဲ့သို့ သုတ်သင်သည်ဆိုသည့်ကိစ္စများကိုမူ ရှင်းလင်းစွာ မသိရ သေးချေ။

Ref;The Telegraph
ထွဋ်ဝင်းထွဋ်
News Watch(စောင့်ကြည့်သတင်းဂျာနယ်)

စစ်အစိုးရလက်ထက်က မြန်မာ့ရုပ်မြင်သံကြားမှမကြာခနလာသောသီချင်းတပုဒ်ရှိသည် ။သီဆိုသူကရဲဘော်စိုးဝင်းထင်သည် ။

“ စီးပွားရေးပိတ်ဆို့ တာ ဒို့ မမှုပါ
သယံဇာတတွေပေါတဲ့မြေ “

ထိုသီချင်းကိုကြားတိုင်း ရင်မောမိသည် ။ စစ်အစိုးရသည် အနောက်တိုင်းနိုင်ငံများ (အထူသဖြင့်အမေရိကန်အစိုးရ) မှမြန်မာနိုင်ငံအပေါ် နိုင်ငံရေးနှင့်စီးပွားရေးပိတ်ဆို့ မှုများပြုလုပ်ထားခြင်းကိုအလွန်မခံချိမခံသာဖြစ်နေလျက်တဖပ်ကလည်း ထိုပိတ်ဆို့ မှုများကိုအရေးမစိုက်ဟန် ဆောင်လျှက် ၀ါဒဖြန့်နေခဲ့ပုံမှာ ရှေ့နောက်မညီသလိုဖြစ်နေပါသည် ။ အရေးတကယ်မစိုက်လျှင်ဖြင့် သီချင်းတွေဘာတွေနှင့်တုန့် ပြန်နေဖို့ပင်မလိုပါ ။ မသိသလိုနေလိုက်ရုံပင်ဖြစ်ပါသည် ။ ယခုတော့ စစ်အစိုးရက ဆောင်းပါးများရေး၍ အမေရိကန်နှင့်အနောက်တိုင်း၏ Sanctions (ပိတ်ဆို့မှု) များကို ဂရုမစိုက်ကြောင်း ၊ ရယ်စရာကောင်းကြောင်း ၊ ပြည်တွင်းမှပုဆိန်ရိုးတို့ ၏လုပ်ရပ်သာဖြစ်ကြောင်း ၊ မြန်မာနိုင်ငံကိုသိမ်းပိုက်ချင်သော ကိုလိုနီနယ်ချဲ့လက်သစ်များ ၏ မစားရတဲ့အမဲသဲနှင့်ပက်သောလုပ်ရပ်သာဖြစ်ကြောင်း ၊ သူတို့ အစိုးရကဂရုမစိုက်ကြောင်း မကြာခန၀ါဒဖြန့်ချိပါသည် ။ သီချင်းထဲမှာပါသလိုပင် မြန်မာနိုင်ငံသည် သယံဇာတပေါများသောတိုင်းပြည်ဖြစ်သည်မှာမှန်ပါသည် ။သို့ သော်ထိုသယံဇာတများသည် ဗိုလ်ချုပ်ကြီးများတဦးတည်းတဖွဲ့ တည်းပိုင်မဟုတ်ပဲ တိုင်းသူပြည်သားအားလုံးပိုင်ဆိုင်ရုံမက နောင်လာမည့်အနာဂါတ်မျိုးဆက်သစ်များပါပိုင်ဆိုင်သည်ဆိုသောအချက်ကိုတော့ ထည့်မပြောပေ ။ထို့ ကြောင့် သယံဇာတပေါများမှုကိုအခြေခံ၍ စီးပွားရေးပိတ်ဆို့ မှုများကို တရုတ်နှင့်ပေါင်း၍ မြန်မာ့နည်းမြန်မာ့ဟန်၊တရုတ်နည်းတရုတ်ဟန်နှင့် အန်တုဗလပြုခဲ့ရာ ၂၂ နှစ်ကြာသောအခါ မြန်မာနိုင်ငံသည် သစ်တောဟူ၍ဘာမှမယ်မယ်ရရမကျန်တော့သော တောကတုံး ၊တောင်ကတုံးအခွံသက်သက်ချည်းသာကျန်တော့သော နိုင်ငံဖြစ်လာခဲ့ပေ၏ ။ န.၀တ ၊ န.အ.ဖ ခေတ်တလျှောက်လုံး ၀ါဒဖြန့်ပြောဆိုလာခဲ့ရာတွင်မြန်မာနိုင်ငံအပေါ်ချမှတ်ထားသော စီးပွားရေးပိတ်ဆို့ မှုအားလုံးမှာ ဒေါ်အောင်ဆန်းစုကြည်တောင်းဆိုသဖြင့်ဖြစ်လာရခြင်းလိုလို ပြောဆိုလေ့ရှိပါသည် ။မြန်မာနိုင်ငံကြီးမဖွံ့ ဖြိုးမတိုးတက်ရခြင်းမှာ ဒေါ်အောင်ဆန်းစုကြည်နှင့် NLDပါတီဝင်များ ၊ ပြည်ပအားကိုးပုဆိန်ရိုးများကြောင့်ဟုတစိုက်မတ်မတ်စွပ်စွဲလေ့ရှိပါသည် ။စစ်အစိုးရအဖွဲ့ ဝင်များ၏ အကျင့်ပျက်ခြစားမှုများ၊ ကိုယ်ကျိုးရှာအလွဲသုံးမှုများ ၊ စီမံခန့် ခွဲမှုအလွဲများ ၊လူ့ အခွင့်အရေးချိုးဖောက်မှုများ ၊ ဖိနှိပ်မှုများ ၊ ဆွေမျိုးသားချင်းကောင်းစားရေးမူဝါဒများကိုမူတလုံးတပါဒမျှထည့်သွင်းပြောကြားလေ့မရှိချေ ။

၁၉၈၈ တွင် မြန်မာ့ဆိုရှယ်လစ်လမ်းစဉ်ပါတီအစိုးရထံမှ နိုင်ငံတော်ငြိမ်ဝပ်ပိပြားမှုတည်ဆောက်ရေးအဖွဲ့ ခေါ်စစ်ဗိုလ်ချုပ်များကအာဏာသိမ်းခဲ့စဉ်က စီးပွားရေးပိတ်ဆို့ မှုများမရှိခဲ့သေးပါ။ နောက်ပိုင်းမှသာ ဆိုးရွားသော လုပ်ရပ်များကြောင့်ဒီမိုကရေစီနှင့်လူ့အခွင့်အရေးကိုလေးစားသော နိုင်ငံများက အစိုးရ၏မလျော်ကန်သော ၊ ရက်စက်ကြမ်းတမ်းသောအပြုအမူများကြောင့်ပေါ်ပေါက်လာခြင်းဖြစ်သည် ။ ၁၉၈၈ စစ်အာဏာသိမ်းပွဲအပြီးတွင် အချို့သံရုံးများမှသံတမန်ဆက်ဆံရေးအဆင့်လျှော့ချသည့်အနေအထာလောက်သာရှိခဲ့သော်လည်း ၁၉၉၀ ရွေးကောက်ပွဲအပြီး အနိုင်ရ NLDပါတီကိုအာဏာလွှဲပြောင်းမပေးပဲ ဖိနှိပ်မှုများစွာပြုလုပ်လာခြင်းကြောင့် စီးပွားရေးနှင့်နိုင်ငံရေးပိတ်ဆို့ မှုများကိုနိုင်ငံများစွာမှလုပ်လာကြပါသည် ။ ဤလုပ်ရပ်များဖြစ်ပွားချိန်တွင် ဒေါ်အောင်ဆန်းစုကြည်သည် နေအိမ်အကျယ်ချုပ်ကျခံနေရပြီး ပိတ်ဆို့မှုနှင့်ပါတ်သက်၍ ဘာမှတောင်းဆိုခဲ့ခြင်းမရှိပေ ။ ပိတ်ဆို့ မှုများမှာ စစ်အစိုးရကြောင့်သာပေါ်ပေါက်လာရခြင်းဖြစ်သည်မှာထင်ရှားသည် ။ပိတ်ဆို့ ကြသောနိုင်ငံများမှာလည်း အမေရိကန်ပြည်ထောင်စုတခုတည်းမဟုတ်ပဲ အင်္ဂလန် နော်ဝေ ဆွစ်ဇာလန်အပါအ၀င်ဥရောပသမဂ္ဂ အဖွဲ့ ဝင်နိုင်ငံများ ၊ သြစတေးလျ ၊ကနေဒါ စသောနိုင်ငံများလည်းပါဝင်သဖြင့် စစ်အစိုးရမှာတကမ္ဘာလုံးနှင့်တယောက်ဖြစ်နေ၏ ။ ၁၉၉၀ တွင်ဥရောပသမဂ္ဂမှချမှတ်ခဲ့သောဒဏ်ခတ်ပိတ်ဆို့ မှုများမှာ မြန်မာအစိုးရအရာရှိများကိုပြည်ဝင်ခွင့်ဗီဇာပိတ်ပင်မှု ၊ အဆင့်မြင့်သံတမန်အစည်းအဝေးများကို ရွေ့ ဆိုင်းခြင်း ၊ လူသားခြင်းစာနာမှုအထောက်အပံ့မှလွဲ၍ ဘဏ္ဍာရေးအကူုအညီမပေးခြင်း ၊စီးပွားရေးပိတ်ဆို့ မှုများချမှတ်ခြင်း ၊မြန်မာအစိုးရအားလက်နက်ရောင်းချမှုပိတ်ပင်ခြင်း ၊မြန်မာနိုင်ငံမှ သဘာဝသယံဇာတများ တင်ပို့ ခြင်း တင်သွင်းခြင်း ကိုပိတ်ပင်ခြင်း ၊ မြန်မာစစ်ဗိုလ်ချုပ်များ၏ပြည်ပရှိပိုင်ဆိုင်မှုများကို ထိမ်းချုပ်ခြင်း ၊ အချို့ ပုဂ္ဂိုလ်များနှင့်အဖွဲ့ အစည်းအချို့ ကိုအမည်ပျက်စာရင်းသွင်းခြင်း တို့ ကိုပြုလုပ်ခဲ့သည်။NLD ပါတီဝင်များကို စစ်အစိုးရ၏ဖိနှိပ်နှောက်ယှက်မှုများ ရပ်တန့်သွားစေရန် ပိတ်ဆို့ မှုများရည်ရွယ်ဆောင်ရွက်ခြင်းဖြစ်ကြောင်း ကြေငြာခဲ့သည် ။

ကုလသမဂ္ဂ ၊ ဥရောပသမဂ္ဂနှင့် အမေရိကန်ပြည်ထောင်စုသည် ၁၉၉၀ ပြည့်လွန်ကာလများက အရှေ့အလည်ပိုင်းနိုင်ငံအချို့ ကို စီးပွားရေးဒဏ်ခတ်အရေးယူပိတ်ဆို့ မှုများပြုလုပ်ခဲ့ရာ စီးပွားရေးများကြပ်တည်းလာပြီးဒေသတွင်းမတည်ငြိမ်မှုများဖြစ်ပွားခဲ့သဖြင့် အတော်ပင်ဝေဖန်ခံနေရသောအချိန်ဖြစ်သည် ။ထို့ ကြောင့် ဤတကြိမ်တွင်တော့ မြန်မာနိုင်ငံကိုဒဏ်ခတ်ပိတ်ဆို့သောအခါ ထိုအဖြစ်အပျက်မျိုးမှရှောင်ရှားနိုင်ရန် (ဒေသခံပြည်သူလူထုမထိခိုက်စေရန်) အတတ်နိုင်ဆုံးကြိုးစားလာကြပေသည် ။ထိုအခါ Targeted Sanctions (ဥရောပသမဂ္ဂက Stand Alone Sanction ဟုခေါ်သည်) ခေါ်လူပုဂ္ဂိုလ်များကိုပစ်မှတ်ထားကာ သီးသန့် ပြုလုပ်သော စီးပွားရေးဒဏ်ခတ်မှုပုံစံကိုပိုမိုကျင့်သုံးလာကြပေသည် ။ မြန်မာနိုင်ငံမှ ဒီမိုကရေစီနှင့် လူ့အခွင့်အရေးကိုထိပါးနှောက်ယှက်နေသည်ဟုသူတို့ ယူဆသော အပြောင်းအလဲကိုမလိုလားသူ (သို့မဟုတ်) ပြည်သူလူထုကိုဖိနှိပ်သူ ဟုယူဆသူများကိုသာစာရင်းပြုစု၍ သူတို့ ၏ပိုင်ဆိုင်မှုများကိုထိမ်းချုပ်ခြင်း၊အမေရိကန်နှင့် အီးယူပိုင်နက်ထဲသို့ဝင်ရောက်ခွင့်ကန့်သတ်ခြင်း ၊ ၎င်းတို့ပိုင်ဆိုင်သောကုမ္မဏီများနှင့်စီးပွားရေးလုပ်ခြင်းကို တားမြစ်ခြင်းစသော ပြဌာန်းချက်များကိုချမှတ်ခဲ့ရာ မြန်မာနိုင်ငံမှလူပုဂ္ဂိုလ် ၆၁ ဦး နှင့် စီးပွားရေးလုပ်ငန်း ၈၃ ခုကို ဒဏ်ခတ်ပိတ်ပင်ခဲ့လေ၏ ။ အခြားသောအထွေထွေဒဏ်ခတ်ပိတ်ဆို့ မှုများတွင်လည်း တိုးသာဆုတ်သာအောင် တနှစ်တခါပြန်လည်သုံးသပ်ပြီး အခြေအနေများတိုးတက်ကောင်းမွန်လာပါက ဖြေလျှော့မှုများပြုလုပ်နိုင်အောင်ထည့်သွင်းပြဌာန်းထားလေသည် ။ထိုကန့်သတ်ချက်ကြောင့် မြန်မာနိုင်ငံမှအလါန်ချမ်းသာသော ခရိုနီကြီးများ စစ်ဗိုလ်ချုပ်ကြီးအချို့သည် ငွေကြေးအလွန်ချမ်းသာသော်လည်း အမေရိကနှင့်ဥရောပနိုင်ငံများသို့ ဆေးသွားကုခွင့်မရခြင်း၊ ကျောင်းတက်ခွင့်မရခြင်းတို့ဖြစ်ပေါ်ခဲ့ပေ၏ ။ သို့ သော်ထိုအရေးယူပိတ်ဆို့မှုများသည် အမှန်တကယ်အလုပ်မဖြစ်ပဲ နိုင်ငံရေးသိက္ခာချရုံ ၊နိုင်ငံရေးဖိအားပေး ရုံသက်သက်သာဖြစ်ပြီးပြည်သူလူထုကိုသာပိုမိုဆင်းရဲကြပ်တည်းစေသည်ဟုအချို့ ကဝေဖန်ကြသည် ။ ဟုတ်သင့်သလောက်လဲဟုတ်ပေသည် ။ ပိုက်ဆံအလွန်ချမ်းသာသော ခရိုနီကြီးများနှင့် ဗိုလ်ချုပ်ကြီးများ သည် အမေရိကန်ဘဏ်များတွင်ငွေများအပ်နှံထားသူမရှိသလောက်ရှားသဖြင့် သူတို့ ၏ပိုင်ဆိုင်မှုများကို အမေရိကန်က သိမ်းယူထားလိုက်နိုင်ခြင်းမှာ ဖြစ်မလာခဲ့ပေ ။ ထိုသို့ အမေရိကန်နှင့်ဥရောပကလက်မခံသောငွေကြေးများအား စင်္ကာပူကအစစ်အဆေးမရှိလက်ခံနေသောအခါ အမေရိကန်နှင့် အီးယူ၏ပိတ်ဆို့မှုမှာ ဟန်ပြသက်သက်ဆိုသလိုဖြစ်နေသည်ဆိုခြင်းမှာလည်းမမှားပေ ။ လာဘ်စားမှုနှင့် အမည်မဖော်နိုင်သောလုပ်ငန်းများနှရရှိသည့်ငွေကြေးများမှာလည်း တရုတ်ဘဏ်များနှင့်စင်္ကာပူဘဏ်များတွင်အပူအပင်မရှိအပ်နှံနိုင်ကြလေသည် ။ မည်သူကအပူအပင်ရှာ၍ အမေရိကသို့ သွားနေမည်နည်း ။ နယူးယောက်ကိုမလာရသောခရိုနီသည် ဟောင်ကောင်တွင်သွား၍ပျော်ပါးမည် ။ လန်ဒန်ကလက်မခံလျှင် ဒူဘိုင်းမှာအိမ်တွေမြေတွေဝယ်ထားမည် ။ ပဲရစ်ကလက်မခံလျှင် ပီကင်းမှာရင်းနှီးမြှုပ်နှံမည် ။စစ်ဗိုလ်ချုပ်များအတွက်လည်းထိုနည်းနှင်နှင်ပင် အမေရိကန်နှင့် ဥရောပနိုင်ငံများက စစ်လက်နက်ပစ္စည်းများမြန်မာသို့ တင်ပို့ရောင်းချခြင်းကိုပိတ်ပင်ထားလျှင် တရုတ်တပ်မတော်ထံက၀ယ်မည် ၊ ရုရှားထံက၀ယ်မည် ၊ ယုတ်စွအဆုံး မိမိလိုပင်ကမ္ဘာက၀ိုင်းပယ်ထားသောမြောက်ကိုရီးယားနိုင်ငံမှစစ်ပစ္စည်းများကိုဝယ်မည်ဖြစ်သည် ။ စီးပွားရေးပိတ်ဆို့မှုများကြောင့်နိုင်ငံရေး သိက္ခာကျ အရှက်ကွဲရသော်လည်း မြန်မာနိုင်ငံသည် တရုတ်၊ရုရှား ၊ မြောက်ကိုရီးယားတို့ နှင့်ပိုမိုနီးစပ်သွားသောရလာဒ်ထွက်ပေါ်ခဲ့လေ၏ ။ ဈေးတွက်တွက်သောအခါ ခရိုနီလည်းမရှုံး ၊ မြန်မာစစ်တပ်လည်း မရှုံးပဲ တိုင်းပြည်နှင်နှင့်ပြည်သူလူထုသာ မိအေးနှစ်ခါနာဆိုသလို ဘက်ပေါင်းစုံမှခံရလေသည် ။ ခံရပုံမှာ နိုင်ငံခြားမှရင်းနှီးမြှုပ်နှံမှုများမလာသဖြင့် အလုပ်အကိုင်ရှားပါးခြင်းကို ပထမခံရ၏ ။ မြန်မာနိုင်ငံမှထုတ်လုပ်သောအထည်အလိပ်အပါအ၀င် ထုတ်ကုန်များကို ပိတ်ပင်လိုက်သဖြင့် စက်ရုံအလုပ်ရုံများပိတ်ရကာ အလုပ်လက်မဲ့များဖြစ်ကြပြီးဒုတိယမိနစ်နာကြ၏ ။ ၅၁ သန်းသောမြန်မာပြည်သူလူထုပိုင်ဆိုင်သည့် သဘာဝသယံဇာတများကို တရုတ်စသောနိုင်ငံများသို့ စစ်အစိုးရနှင့်ခရိုနများကရရာဈေးဖြင့် ဖောချင်းသောချင်းရောင်းချကြသောကြောင့် တိုင်းပြည်ကနစ်နာရပြန်သည် ။ သို့ သော် ရှင်းရှင်းလင်းလင်းရှိစေချင်သောအချက်မှာ ဤစီးပွားရေးဒဏ်ခတ်ပိတ်ဆို့ မှုများသည် ဒေါ်အောင်ဆန်းစုကြည်နှင့်နိုင်ငံရေးသမားများကြောင့်ပေါ်ပေါက်လာခြင်းလုံးဝမဟုတ်ပဲ စစ်အစိုးရ၏ အမှားများကြောင့်သာ တစထက်တစဆိုးလာရခြင်းဖြစ်သည် ။ ဥပမာအားဖြင့်အမေရိကန်ပြည်ထောင်စုမှပြဌာန်းသော ပိတ်ဆို့ မှုများသည် ယခင်ကဟန်ပြလောက်သာဖြစ်ပြီးသိပ်မပြင်းထန်သေးပေ ။ သို့ သော် ၂၀၀၃ ခုမေလ ၃၀ ရက်နေ့တွင်ဖြစ်ပွားခဲ့သော ဒေါ်အောင်ဆန်းစုကြည်နှင့် သူ့ ကိုအားပေးထောက်ခံသူရာပေါင်းများစွာအားခြုံခိုတိုက်ခိုက်ကာ လုပ်ကြံသတ်ဖြတ်ရန်ကြိုးပမ်းခဲ့သော ဒီပဲယင်းလုပ်ကြံမှုကြီးအပြီးတွင်တော့ နိုင်ငံတကာမှဒဏ်ခတ်ပိတ်ဆို့မှုများမှာ ပြင်းထန်လာခဲ့တော့သည်။ ဒီပဲယင်းသည် သူတို့လက်ချက်မဟုတ်သယောင် စစ်အစိုးရကဟန်ဆောင်ခဲ့သော်လည်း ဖြစ်ပွားခဲ့သည့်ခြေစလက်စများအရ စစ်အစိုးရအုပ်ချုပ်သောခေတ်တွင် အစိုးရ၏ကျောထောက်နောက်ခံမရှိပဲ မည်သည့်အဖွဲ့အစည်းကမှဤမျှကြီးမားသောအုပ်စုလိုက်လုပ်ကြံသတ်ဖြတမှုကြီးမျိုးကိုလုပ်နိုင်မည်မဟုတ် ကြောင်းအားလုံးသိကြပေ၏။ထူးဆန်းသောဖြစ်ရပ်မှာလည်း လုပ်ကြံခံရ၍သေဆုံးသွားသူများဘက်မှဥပဒေကြောင်းအရဘာမှတရားစွဲဆိုခွင့်မရခဲ့ပဲ ၊ လုပ်ကြံသတ်ဖြတ်ခံရခြင်းဘေးမှကံသီ၍လက်မတင်လေးလွတ်မြောက်လာခဲ့သူဒေါ်အောင်ဆန်းစုကြည်နှင့်ဦးတင်ဦးတို့အား နေအိမ်အကျယ်ချုပ်ချထားလိုက်ခြင်းဖြစ်သည် ။ တရားလိုကတရားခံဖြစ်ပြီး တရားခံများက တရားလိုဖြစ်နေသောလုပ်ရပ်ဖြစ်သည် ။ ထိုဖြစ်ရပ်အတွက်ယနေ့အထိမြန်မာနိုင်ငံတွင် တရားမျှတမှုနှင့် ဥပဒေမှာ မေးခွန်းထုတ်စရာဖြစ်နေဆဲဖြစ်သည် ။ဒေါ်အောင်ဆန်းစုကြည်တို့အာဏာရလာသောအခါ ထိုဒီပဲယင်းအရေးအခင်းလက်သည်တရားခံကိုကော်မရှင်ဖွဲ့ ၍စုံစမ်းဖော်ထုတ်မည်ဟုထင်ခဲ့ကြသော်လည်း အမျိုးသားပြန်လည်သင့်မြတ်ရေးလို လိုလားသောဒေါ်အောင်ဆန်းစုကြည်က ခါးသီးဖွယ်အတိတ်ကဖြစ်ရပ်ဆိုးကိုပြည်ဖုံးကားချခဲ့ပါသည် ။ စာရေးသူ၏အမြင်အရပြောရပါမူ လူပုဂ္ဂိူလ်ရေးမပါပဲ တရားဥပဒေစိုးမိုးရေးရှုထောင့်မှကြည့်၍ ဒီပဲယင်းအရေးအခင်းကို ပြန်လည်စုံစမ်းဖော်ထုတ်သင့်ပါ၏ ။ ပြစ်မှုကျူးလွန်သူများကိုအပြစ်မပေးနိုင်တောင် မှတ်တမ်းတင်ထားသင့်ပေ၏ ။ ထားတော့ ဤကားပြောလိုရင်းမဟုတ် ။ မြန်မာနိုင်ငံတွင် အစိုးရဦးစီးသောအကြမ်းဖက်မှုတခုကြောင့် ဒီပဲယင်းအရေးအခင်းအပြီးတွင် ပိတ်ဆို့ ဒဏ်ခတ်မှုများတဟုတ်ထိုးတိုးတက်များပြားလာခြင်းကိုပြောလိုရင်းဖြစ်သည် ။

ဒီပဲယင်းအရေးအခင်းအပြီးတွင်ဒေါ်အောင်ဆန်းစုကြည်လည်းထိမ်းသိမ်းခံရသည် ။ ထို့နောက် ၂၀၀၉ သြဂုတ်လ ၁၅ ရက်နေ့ တွင် အမေရိကန်အထက်လွှတ်တော်အမတ်ဂျင်ဝက်သည် နေအိမ်အကျယ်ချုပ်ကျနေသော ဒေါ်အောင်ဆန်းစုကြည်နှင့် စိမ်းလဲ့ကန်သာ နိုင်ငံတော်ဧည့်ဂေဟာတွင် ၄၅ မိနစ်ခန့်တွေ့ ဆုံဆွေးနွေးခွင့်ရခဲ့ပါသည် ။ ထိုတွေ့ ဆုံဆွေးနွေးပွဲတွင်ပြောကြသည့်အကြောင်းအရာများကို အမေရိကန်သံရုံးက သြဂုတ်လ ၁၉ ရက်နေ့တွင် သူ့ နိုင်ငံသို့ ကြေးနန်းဖြင့်အကြောင်းကြားခဲ့သည် ။ ၀ီကီလိခ်ပေါက်ကြားမှုအရထိုကြေးနန်းထွက်ပေါ်လာခဲ့ရာ ရှည်လျားလှသောကြေးနန်းစာတွင် စိတ်ဝင်စားဖွယ်အချက်မှာ ဒေါ်အောင်ဆန်းစုကြည်က စီးပွားရေးပိတ်ဆို့မှုများနှင့်ပါတ်သက်၍ ဂျင်ဝက်ကိုပြောကြားချက်များဖြစ်သည် ။အမေရိကန်သံရုံးကြေးနန်းစာထဲတွင်ဤသို့ရေးထား၏

“She noted that sanctions were strengthened after the Depayin incident (Note: in which government-backed thugs attacked a convoy carrying ASSK and her supporters, killing several), but she had not called for those measures.”

ဒီပဲယင်းအရေးအခင်းအပြီးတွင် အရေးယူဒဏ်ခတ်ပိတ်ဆို့ မှုများပိုမိုတင်းကြပ်လာသည်ကို သူသိပါကြောင်း ( မှတ်ချက်- ဒီပဲယင်းအရေးအခင်းမှာအစိုးရကျောထောက်နောက်ခံပြုထားသောလူရမ်းကားများကဒေါ်အောင်ဆန်းစုကြည်နှင့်သူမကိုထောက်ခံသူများလိုက်ပါလာသောယာဉ်တန်းကိုတိုက်ခိုက်ခြင်းဖြစ်ပြီး လူပေါင်းများစွာသေဆုံးခဲ့သည်) သို့ သော် ဤကဲ့ သို့ ဒဏ်ခတ်ပိတ်ဆို့ မှုများဖြစ်ပွားအောင် သူတောင်းဆိုခဲ့ခြင်းမဟုတ်ပါကြောင်းပြောကြားသည်ဟူ၍ပါရှိပေသည် ။ ဒေါ်အောင်ဆန်းစုကြည်ပြောစကားကိုကြေးနန်းထဲတွင်ဆက်လက်ဖော်ပြရာတွင်
“မြန်မာနိုင်ငံရဲ့စီးပွားရေး နိမ့်ကျနေတာ ဒဏ်ခတ်ပိတ်ဆို့တာတွေနဲ့မဆိုင်ဘူး ( ဒေါ်အောင်ဆန်းစုကြည်က ၂၀၀၈ နိုင်ငံတကာငွေကြေးရံပုံငွေအဖွဲ့ ၏ထုတ်ပြန်ချက်က်ိုကိုးကားလျက်) စစ်အစိုးရရဲ့ လွဲမှားတဲ့ စီးပွားရေးမူဝါဒလမ်းညွှန်မှုတွေ ကြောင့်ဖြစ်တာပါ ။ စီးပွားရေးပိတ်ဆို့ မှုတွေဟာနိုင်ငံရေးအကြောင်းသက်သက်ပါပဲ။ နိုင်ငံရေးပြုပြင်ပြောင်းလဲမှုတွေဖြစ်လာရင် ဒဏ်ခတ်ပိတ်ဆို့တာတွေပျောက်သွားမှာပဲ ။ဒါဟာရှင်းရှင်းလေးပဲ “ ဟုပြောခဲ့သည် ။

ဒေါ်အောင်ဆန်းစုကြည်ပြောခဲ့သလိုပင် ။ အမေရိကန်အစိုးရသည် သမ္မတဦးသိန်းစိန်လက်ထက်တွင်ဒေါ်အောင်ဆန်းစုကြည်ကို ထိမ်းသိမ်းထားရာမှလွှတ်ပေးပြီးနိုင်ငံရေးအပြောင်းအလဲအချို့ ပြုလုပ်ခဲ့သည်နှင့် စီးပွားရေးပိတ်ဆို့မှုများကိုတဆင့်ခြင်းဖြေလျှော့ပေးခဲ့လေသည် ။ ထို့ကြောင့်ယခုအခါ အမေရိကန်ရင်းနှီးမြှုပ်နှံမှုအချို့ မြန်မာပြည်တွင်းသို့ ဝင်လာကြပေပြီ ။ ကိုကာကိုလာ ၊ KFC ကြက်ကြော်စသော လုပ်ငန်းများမြန်မာနိုင်ငံထဲဝင်လာကြပေပြီ ။ ပိတ်ဆို့မှု၌ ကျန်ရှိနေသေးသည်မှာ မြန်မာ့တပ်မတော်အားစစ်လက်နက်ပစ္စည်းများရောင်းချခြင်းကိုတားမြစ်ထားခြင်းနှင့် Targeted Sanctions အရ လူပုဂ္ဂိုလ် ၆၁ ယောက်နှင့် တွဲဖက်၍စီးပွားရေးမလုပ်ရန် ၊ ထိုလူများပိုင်ဆိုင်သော ကုမ္မဏီနှင့်လုပ်ငန်း ၈၃ ခုနှင့်ပါတ်သက်ပြီး ရင်းနှီးမြှုပ်နှံမှုမလုပ်ရန်( အလုပ်တွဲမလုပ်ရန်)ဖြစ်သည် ။ မြန်မာနိုင်ငံမှစစ်အစိုးရနှင့်ရင်းနှီးပါတ်သက်ခဲ့ကြသောခရိုနီကြီးအများစုထိုတားမြစ်စာရင်းထဲမှာပါနေပါသည် ။ မြန်မာနိုင်ငံမှလူသိထင်ရှားသောပုဂ္ဂလိကဘဏ်တော်တော်များများနှင့် စီးပွားရေးလုပ်ငန်းများလည်းထိုတားမြစ်စာရင်းထဲမှာပါနေဆဲဖြစ်သည် ။ ထိုအချက်သည် အမေရိကန်ကုန်သည်များနှင့်စက်မှုလုပ်ငန်းရှင်များကိုအထိနာစေသည် ။ မြန်မာပြည်မှခရိုနီကြီးများသည် အလွန်ချမ်းသာကြွယ်ဝလှပြီးစီးပွားရေးလုပ်ကွက်ကောင်းတော်တော်များများကို လွှမ်းမိုးချုပ်ကိုင်ထားကြရာ ထိုခရိုနီများနှင့်မပါတ်သက်ပဲ မြန်မာပြည်တွင်းဝယ်စီးပွားရေးစတင်လုပ်ကိုင်ဖို့ခက်ခဲပေလိမ့်မည် ။ ထိုအချိန်တွင် တရုတ် ၊စင်္ကာပူ ၊ထိုင်း ၊ဗီယက်နမ်၊ကိုရီးယားစသောနိုင်ငံများသည် ထိုသို့သော ဥပဒေပြဌာန်းချက်များမရှိသဖြင့် မြန်မာပြည်တွင် ထင်တိုင်းကြဲကာ အတားအဆီးမရှိ ခရီးပေါက်နေကြပေသည် ။ ယခုအခါနိုင်ငံတော်၏အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်၏ အမေရိကန်ပြည်ထောင်စုတရားဝင်အလုပ်သဘောခရီးစဉ်၍ ဒဏ်ခတ်ပိတ်ဆို့မှုများဖြေလျှော့ရေးအပေါ်ဒေါ်အော်ငဆန်းစုကြည်၏သဘောထားကို သမ္မတအိုဘားမားနှင့် လွှတ်တော်အမတ်များကမေးမြန်းမည်ဟုသိရပေသည် ။

ကျွန်တော့်သဘောကိုပြောရလျှင် အမေရိကန်၏အရေးယူပိတ်ဆို့မှုအားလုံးကို ဖယ်ရှားပေးစေချင်ပါသည် ။ ခရိုနီနှင့်ဗိုလ်ချုပ်ကြီး ၆၁ ယောက်ကို မေတ္တာရှိလွန်း၍တော့မဟုတ် ။သူတို့ ပိုင်ကုမ္မဏီ ၈၃ ခုကို စေတနာရှိလွန်း၍တော့မဟုတ်။ မြန်မာပြည်ကိုချစ်သဖြင့် မြန်မာပြည်သူလူထုကိုအလုပ်အကိုင်အခွင့်အလမ်းများစွာတိုးတက်ရရှိစေချင်၍ဖြစ်သည် ။ တရုတ်ကုမ္မဏီများ ၊ ထိုင်းကုမ္မဏီများ၊ထိုင်ဝမ်ကုမ္မဏီများ ၊ ကိုရီးယားကုမ္မဏီများ ပြိုင်ဘက်မရှိထင်တိုင်းကြဲနေသည့်နေရာတွင် တာဝန်ယူမှု တာဝန်ခံမှုရှိသော အမေရိကန်ကုမ္မဏီများဝင်ရောက်လာစေလို၍ဖြစ်သည် ။ ခရိုနီများ ၊ ဗိုလ်ချုပ်ကြီးများအနေနှင့် အမေရိကန်ကစီးပွားရေးပိတ်ဆို့ထားလည်း အနေအစားပျက်သည်မဟုတ် ။ စားမြဲစားဆဲ ချမ်းသာနေကြဆဲသာဖြစ်သည် ။သူတို့ချမ်းသာတာ ၊သူတို့စားပေါက်ချောင်တာမချောင်တာပြည်သူလူထုကစိတ်မ၀င်စားပါ။သူတို့မကောင်းခဲ့သည်ကားမှန်ပါ၏။သို့သော်သူတို့ ကိုအပြစ်ပေးဖို့ မဆိုင်သောပြည်သူလူထုကပါဝင်၍ ခံနေရသည်မှာယုတ္တိမရှိပါ ။သဘာဝမကျပါ။ ပြည်သူလူထုစိတ်ဝင်စားသည်ကအားလုံးစားဝတ်နေရေးချောင်လည်ဖို့ပင်ဖြစ်သည်။ထို့ ကြောင့်ထိုလူတွေ နှင့်သူတို့ကျူးလွန်ခဲ့သမျှကို စီးပွားရေးဒဏ်ခတ်မှုမှ လျှော်ပစ်လိုက်၍အမေရိကန်ရင်းနှီးမြှုပ်နှံမှုပြည်တွင်းကိုဝင်လာစေပြီး စက်ရုံအလုပ်ရုံများထူထောင်ကာ ၅၁ သန်းသောပြည်သူလူထု၏ မနက်စာညစာနပ်မှန်ရအောင်ရုန်းကန်နေရသောဘ၀များကိုမြှင့်တင်နိုင်စေရန်ဒေါ်အောင်ဆန်းစုကြည်အကောင်းဆုံး၊ဆုံးဖြတ်အကြံပေးနိုင်လိမ့်မည်ဟုယုံကြည်ပါကြောင်းရေးသားလိုက်ရပါသည်။

သရ၀ဏ်(ပြည်)

စောင့်ကြည့်ဂျာနယ်
၁၆.၉.၂၀၁၆[full-post]

ဒီမို ကရေစီ အရေး အတွက် ထူးထူးခြားခြား စွမ်း ဆောင် ပေးခြင်း အားဖြင့် လူသား တွေ ဘဝ မြှင့်တင် ပေး နိုင် ခဲ့သူ ကို ရွေး ချယ် တာ ပဲ ဖြစ်

အမေရိကန်နိုင်ငံကို ရောက်ရှိနေတဲ့ ဒေါ်အောင်ဆန်းစုကြည်ဟာ ဒီကနေ့ စနေနေ့ ညနေမှာ ဟားဗတ် တက္ကသိုလ် ၊ ဟားဗတ် ဖောင်ဒေးရှင်းက ချီးမြှင့်မယ့် ၂၀၁၆ ခုနှစ် ဟားဗတ် ပီတာ ဂျေ ဂိုးမက်စ် လူသားချင်း စာနာမှုဆုကို လက်ခံယူမှာ ဖြစ်ပါတယ်။

ဆုလက်ခံယူပွဲမှာ ဒေါ်အောင်ဆန်းစုကြည် မိန့်ခွန်းပြောကြားမှာပါ။ နှစ်စဉ် လူ တော်တော် များများ ကို ဇကာတင် စိစစ် ပြီးမှ ၊ ဒီ လူသားချင်း စာနာမှု ဆုကို ပေး အပ်တာ ဖြစ်တယ်လို့ ဟားဗတ်ဖောင်ဒေးရှင်း ဒါရိုက်တာ အယ်လန် ကောင်တာ က ဆုရွေးချယ် ခဲ့မှု နဲ့ ပတ်သက်လို့ ဘီဘီစီကို ပြောပါတယ်။

ဇကာတင် စာရင်းကို အကြံပြု ကြ သူတွေ ကတော့ ဟားဗတ် တက္ကသိုလ် မှာ ပညာသင် ယူ နေကြတဲ့ ကျောင်းသူ/ ကျောင်းသား တွေနဲ့ ဘာသာရပ် ဆိုင်ရာ မဟာဌာန အသီးသီး တို့ စုပေါင်း ထားတဲ့ ကော်မတီ က ဖြစ်ပါတယ်။

အဓိက ကတော့၊ ငြိမ်းချမ်းရေး နဲ့ ဒီမို ကရေစီ အရေး အတွက် ထူးထူးခြားခြား စွမ်း ဆောင် ပေးခြင်း အားဖြင့် လူသား တွေ ဘဝ မြှင့်တင် ပေး နိုင် ခဲ့သူ ကို ရွေး ချယ် တာ ပဲ ဖြစ်ပါတယ်။ ဒီ ဆု ကို ရဖူး ခဲ့သူ တွေကို ကြည့်ရင် ဘုန်း တော်ကြီး ဒပ်စမွန် တူးတူး နဲ့ မာလာလာ တို့လို သူမျိုးတွေ ပါဝင် ပါတယ်။

ဒီနေ့ ခေတ်ပြိုင် ကမ္ဘာ ကြီး မှာ ထူးချွန် ပြောင်မြောက် တဲ့ အတွေး အခေါ် အယူအဆ တွေ ကို ဖော်ထုတ် နိုင် ကြသူ တွေ ရဲ့ လုပ်ရပ် တွေ နဲ့ ဟားဗတ် ကျောင်းသူ/ကျောင်းသားတွေကို ထိတွေ့ ရင်းနှီးစေဖို့ ဟားဗတ် က အမြဲ ကြိုးပမ်း နေပါတယ်။

ငြိမ်းချမ်းရေး နဲ့ ဒီမိုကရေစီ အရေး တွေ ကတဆင့် လူသား တွေ ရဲ့ ကောင်းကျိုး ချမ်းသာ ကို ဖော်ဆောင် ပေး နိုင်စွမ်း ရှိ ရမယ် ဆိုတဲ့ စံနှုန်း အပေါ် မူတည် ပြီး ရွေးချယ်ခဲ့တာလည်း ဖြစ်ပါတယ်။

ဟားဗတ် မှာ နိုင်ငံ တကာ က ထူးချွန် တဲ့ သူတွေ ပညာ သင် နေကြ ပြီး၊ သူတို့ဟာ အနာ ဂတ် မှာ ဦးစီးဦးဆောင် နေရာ ရောက် လာကြ မယ့်သူတွေ လို့ မျှော်လင့် နိုင်တဲ့ အတွက်၊ သူတို့ အတွက် အတုယူ အားကျ သင့်တဲ့ လူတွေ နဲ့ ထိတွေ့ ခွင့် ပေးတာ မျိုးလည်း ဖြစ်ပါတယ်။

အစိုးရ တာဝန် ထမ်းဆောင် လို့ မရွေးချယ် ဘူး ဆိုတာ တော့ မရှိဘူးလို့ ဆုရွေးချယ်ရေး အဖွဲ့ဉီးဆောင်သူ ဒေါက်တာ အယ်လန် ကောင်တာ က ဆက်လက် ပြောကြားပါတယ်။

နိုဘယ် ငြိမ်းချမ်းရေး ဆု ရွေးချယ်ရေး ကော်မတီ ရဲ့ ဥက္ကဌ ဟောင်းလည်း ဖြစ် နော်ဝေ ဝန်ကြီးချုပ် ဟောင်း လည်း ဖြစ်တဲ့ သိုဘီယွန် ဂျက်ကလန် Thorbjørn Jagland ကိုဟားဗတ် က လူသားချင်း စာနာမှု ဆု ပေးခဲ့ပါတယ်။ သူ့ရဲ့ လူသား အကျိုး ပြု စွမ်းဆောင် မှု တွေ အပေါ် အခြေခံ ပြီး ရွေးခဲ့တာလည်း ဖြစ်ပါတယ်။ ဒီဆု ကို လက်ခံ တုန်း ကလည်း သိုဘီယွန် က ဥရောပ ကောင်စီ ရဲ့ အမှုဆောင် အတွင်းရေးမှုး တစ်ယောက် အဖြစ် တာဝန် ထမ်းဆောင် နေဆဲပါ။

ဒေါ်အောင်ဆန်းစုကြည် အကြောင်း ပြောရရင် ပြီးခဲ့တဲ့ နှစ် အနည်းငယ် တုန်း ကပဲ သူ့ကို ဟားဗတ် တက္ကသိုလ် ဂျွန် အက်ဖ် ကနေဒီ အုပ်ချုပ်ရေး ကျောင်း မှာ ဧည့်သည် တော် အနေနဲ့ ခေါ်ယူ ပြီး စကား ပြော စေခဲ့ ပါတယ်။

ဟားဗတ် ကျောင်းသား တွေ သိပ် လေးစား အားကျ တာကို တွေ့ရတယ် ဆိုပြီး Boston Globe သတင်းစာ က ရေး ခဲ့တာ ကို ကြည့်ရင်၊ ဒေါ်အောင်ဆန်းစုကြည် ဟာ ကျောင်းသား တွေ အပေါ် လွှမ်းမိုး နိုင်သူ ဖြစ်တယ် ဆိုတာ ထင်ရှား ပါတယ်။
BBC Burmese

ဆီးရီးယား အတိုက်အခံ စစ်သားတွေ

အမေရိကန် တို့ရဲ့ လေကြောင်းကနေ ဗုံးကြဲ တိုက်ခိုက်မှုကြောင့် အိုင်အက်စ် အစ္စလာမ်နိုင်ငံ အဖွဲ့ကို တိုက်ခိုက်နေတဲ့ ဆီးရီးယား စစ်သားတွေ သေဆုံးခဲ့တယ်ဆိုတာကို အမေရိကန် ဦးဆောင်တဲ့ ညွန့်ပေါင်းတပ်ဖွဲ့က ဝန်ခံ လိုက် ပါတယ်။

Syrian Observatory for Human Right အဖွဲ့က အနည်းဆုံး စစ်သား ၈၀ သေဆုံးခဲ့တယ်လို့ ဆိုပါတယ်။

အမေရိကန် ဦးဆောင်တဲ့ ညွန့်ပေါင်းတပ်ဖွဲ့က ထုတ်ပြန်တဲ့ ကြေညာချက်မှာ ပြောဆိုသွားတာကတော့ ဒီတိုက်ခိုက်မှုကို သူတို့က ဆီးရီးယား အစိုးရမှန်းသိသိနဲ့ တမင်ရည်ရွယ်တိုက်ခိုက်တာမဟုတ်ဘူးလို့ဆိုပါတယ်။

ဆီးရီးယားမှာ စစ်တပ်တွေက အများအပြားရှိနေကြပြီး နေရာယူထားပုံကလည်း ရှပ်ထွေးသလို တဖွဲ့နဲ့တဖွဲ့ကလည်း နီးကပ်နေကြလို့ သူတို့အနေနဲ့ မှားယွင်းတိုက်ခိုက်တာသာဖြစ်တယ်လို့ ဆိုပါတယ်။ သူတို့က အိုင်အက်စ် တပ်ဖွဲ့လို့ထင်ပြီးတိုက်ခိုက်ခဲ့တာလို့ ပြောပါတယ်။

ဆီးရီးယားအစိုးရတပ်ဖွဲ့မှန်းသိသိချင်းမှာ တိုက်ခိုက်တာကို ရပ်တန့်ခဲ့တယ်လို့လည်း ဆိုပါတယ်။

ရုရှားကတော့ ဆီးရီးယားစစ်တပ်ကို အမေရိကန်က အခုလိုတိုက်ခိုက်လိုက်တာဟာ အိုင်အက်စ်အဖွဲ့ဟာ အခွင့်ကောင်းရပြီး ရှေ့ဆက်ချီတက်နိုင်အောင်လုပ်ပေးတာလို့ ဆိုပါတယ်။

အခု ရုရှားနဲ့ အမေရိကန် သဘောတူ ထားတဲ့ အပစ်အခတ်ရပ်စဲရေး စာချုပ်အရ အစိုးရစစ်တပ်နဲ့ သူပုန်အဖွဲ့တွေ တိုက်ခိုက်မှုကို ရပ်စဲထားပြီး အိုင်အက်စ် အဖွဲ့နဲ့ ဂျီဟာ့ဒ် ဝါဒီ အယ်လ် နူဇရာ အဖွဲ့နှစ်ဖွဲ့ကိုသာ တိုက်ခိုက်ကြဖို့ သဘော တူ ထားတာဖြစ်ပါတယ်။

သဘောတူ ညီချက်အရ အမေရိကန် လေကြောင်း တပ်ဖွဲ့က ဆီးရီးယား အစိုးရစစ်တပ်ကို တိုက်ခိုက်နေတာကိုလည်း ရပ်တန့်ပေးရမှာ ဖြစ်သလို ရုရှား လေကြောင်းတပ်ဖွဲ့က ဆီးရီးယား သူပုန်တွေကို တိုက်ခိုက် နေတာကိုလည်း ရပ်တန့်ပေးရမှာ ဖြစ်ပါတယ်။
BBC Burmese

အမေရိကန်ပြည်ထောင်စုမှာ ရောက်နေတဲ့ ဒေါ်အောင်ဆန်းစုကြည်ဟာ စနေနေ့ ညနေပိုင်းမှာ ဟားဗတ်တက္ကသိုလ် ဟားဗတ်ဖောင်ဒေးရှင်းက ချီးမြှင့်တဲ့ ၂၀၁၆ ခုနှစ် လူသားချင်းစာနာမှုဆိုင်ရာဆု - Harvard Humanitarian of the Year ဆုကို လက်ခံ ရယူခဲ့ပါတယ်။

ဒီဆုလက်ခံရယူခဲ့တဲ့ ဒေါ်အောင်ဆန်းစုကြည်က လူသားတွေ အတွက် လောကကြီးမှာ သာတူညီမျှရှိရေးဟာ သိပ်ကို အရေးပါကြောင်း အခုလို ပြောကြားခဲ့ပါတယ်။

“ပစ္စည်းဥစ္စာ ပိုင်ဆိုင်တာနဲ့ ပတ်သက်ပြီး ပြောရရင်၊ ဘာ့ကြောင့် ပိုင်ဆိုင်ချင်ကြတာပါလဲ၊ လုံခြုံရေး အတွက်ကြောင့်လား၊ သူများထက် သာချင်လို့လား၊ ကျမတော့ သိပ်မသိပါဘူး။ အဲဒီအဖြေကို သိချင်ပါတယ်။ ချမ်းသာတဲ့သူတွေက ဘာ့ကြောင့်များပိုပြီး ချမ်းသာချင်ကြတာပါလဲ၊ သိပ်အရေးကြီးတဲ့ အဖြေ ရှာရပါတော့မယ်။ မတူကွဲပြားတဲ့ တိုင်းရင်းသားတွေ ကြားမှာ ဆက်ဆံရေး ပိုကောင်းလာအောင် ကျမတို့ တခုခုတော့ ရှာကြရပါတော့မယ်။ ဒီကိစ္စဟာ လူသား တွေ အချင်းချင်းကြားမှာ ဖြစ်တာမို့ လူသားတွေနဲ့ ပါတ်သက်ပြီး ကျမယုံကြည်ချက်ကတော့ တယောက်နဲ့ တယောက်ကြားမှာ အပြုသဘောဆောင်တဲ့ နည်းလမ်းနဲ့ မချဉ်းကပ် မချင်း ရှေ့တိုးနိုင်မယ်လို့ မထင်ပါဘူး။

လူသားတွေရဲ့ အဖွဲ့အစည်းဟာ နောက်ကိုမဆုတ်ပါဘူး။ ရှေ့ကိုပဲ တိုးတက်မယ်ဆိုတာ ကျမ ယုံကြည်ပါတယ်။ ဒါ့ကြောင့် ဘယ်လို တိုးတက်အောင် လုပ်မယ် ဆိုတဲ့ အဖြေကို ရှာကြရမှာပါ။ ဒီကျောင်းတော်ကြီးမှာ ကမ္ဘာ့အရပ်ရပ်က ဘာသာ ယဉ်ကျေးမှု မျိုးစုံနဲ့ လူတွေ စုဝေးနေတာမို့ ဒီအဖြေကို ဒီနေရာမှာ ရှာလို့ ရနိုင်တာပါ။ ဒါ့ကြောင့် ဘယ်လိုရှာရမယ်ဆိုတဲ့ အဖြေကို ပြောကြပါလို့ ဒေါ်အောင်ဆန်းစုကြည်က ပြောကြားသွားတာပါ။”

ဘော်စတွန်မြို့မှာရှိတဲ့ ကမ္ဘာ့ထိပ်တန်း ဟားဗတ် တက္ကသိုလ် ဖေါင်ဒေးရှင်း က ဒေါ်အောင်ဆန်းစုကြည်ကို Peter J. Gomes Humanitarian Award ချီးမြှင့်ခဲ့တာဖြစ်ပါတယ်။ ဒေါ်အောင်ဆန်းစုကြည်ဟာ စနေနေ့ မနက်ပိုင်းက နယူးယောက်မြန်မာသံရုံးမှာ မြန်မာအသိုင်းအဝိုင်းနဲ့ တွေ့ဆုံခဲ့ပါတယ်။ စက်တင်ဘာလ ၁၉ ရက် တနင်္လာနေ့ ကျရင်တော့ နယူးယောက်မြို့ ကုလသမဂ္ဂ ဌာနချုပ်မှာ ကျင်းပမယ့် ဒုက္ခသည်နဲ့ ရွှေ့ပြောင်း အခြေချနေထိုင်သူများ ဆိုင်ရာ ကုလသမဂ္ဂ ဆွေးနွေးပွဲကို တက်ရောက်မှာ ဖြစ်ပြီး စက်တင်ဘာလ ၂၁ ရက်နေ့မှာတော့ ကုလသမဂ္ဂ အထွေထွေညီလာခံမှာ မိန့်ခွန်းပြောကြားမှာဖြစ်ပါတယ်။

စက်တင်ဘာလ ၂၁ ရက် ဗုဒ္ဓဟူးနေ့ မှာပဲ ညနေ ၅နာရီခွဲမှာ နယူးရောက်က Asia Society Policy Institute မှာ မြန်မာနိုင်ငံ ဖွံ့ဖြိုးတိုးတက်ရေးနဲ့ အနာဂါတ်အကြောင်း မိန့်ခွန်းပြောကြားမှာဖြစ်ပြီး အဲဒီမိန့်ခွန်းကို တိုက်ရိုက် ထုတ်လွှင့်ပေးမှာလည်း ဖြစ်ပါတယ်။

ဆုချီးမြင့်ပွဲအပြီးမှာတော့ ဒေါ်အောင်ဆန်းစုကြည်ဟာ Harvard က ထူးချွန်ကျောင်းသား တချို့နဲ့ တွေ့ဆုံခဲ့ပါတယ်။ အဲဒီနောက်မှာတော့ ဒေါ်အောင်ဆန်းစုကြည်ကို ညစာနဲ့ တည်ခင်း ဧည့်ခံခဲ့တယ်လို့ သိရပါတယ်။
VOA Burmese News


DASSK in NY
DASSK in NY

ဒေါ်အောင်ဆန်းစုကြည်ဟာ စက်တင်ဘာ ၁၇ ရက် စနေနေ့မနက်ပိုင်းက နယူးယောက်မြို့ မြန်မာသံရုံးမှာ မြန်မာနိုင်ငံသားတချို့နဲ့ တွေ့ဆုံခဲ့ ပါတယ်။ အဲလိုတွေ့ဆုံရာမှာ ဒေါ်အောင်ဆန်းစုကြည်က အမျိုးသားရင်ကြားစေ့ရေးကို ဦးတည်ပြီးတော့ ဘက်ပေါင်းစုံကလူတွေ ပါဝင်နိုင်အောင် သူတို့အစိုးရကို ဖွဲ့စည်းခဲ့ကြောင်း၊ ၀န်ထမ်းရွေးချယ်ရာမှာလည်း အရည်ချင်းရှိပြီးတော့ တိုင်းပြည်အကျိုး တကယ်ထမ်းဆောင် မယ့်သူမျိုးတွေကို ရွေးချယ်ဖို့ လိုအပ်တဲ့အကြောင်း၊ ပြည်ပရောက် မြန်မာတွေအတွက် ပြည်ဝင်ခွင့်ဗီဇာနဲ့ ပတ်သက်ပြီး တင်းကြပ်မှုတွေကို ဖြေလျော့ပေးမယ့်အကြောင်း၊ ပြည်ပရောက် ပညာရှင်တွေ အထူးသဖြင့် ဆရာဝန်တွေရဲ့ အကူညီတွေလိုအပ်ကြောင်း စတဲ့ကိစ္စတွေ ပြောကြားခဲ့ပြီး၊ ဒုတိယပိုင်းမှာတော့ ဆွေးနွေးပွဲမှာပါတဲ့ ပရိသတ်တချို့ရဲ့ မေးမြန်းချက်တွေကို ဖြေကြားခဲ့တာတွေကို စုစည်းတင်ဆက် လိုက်ပါတယ်။

“အမျိုးသားရင်ကြားစေ့ရေး အစိုးရ”

“… အခု ကျမတို့ရဲ့နိုင်ငံပေါ်မှာ ရဲဘော်ရဲဘက်စိတ်နဲ့ တတ်နိုင်သမျှ ကူညီစေချင်တယ်။ ကူညီနိုင်တဲ့နည်းတွေ အမျိုးမျိုးရှိပါတယ်။ ကျမတို့အခု ဒီနိုင်ငံမှာဆိုလို့ရှိရင် ပညာတတ်တွေ အများကြီးရောက်နေတယ်။ အဲဒီတော့ တတ်ထားတဲ့ပညာတွေနဲ့ နိုင်ငံ့အတွက် ဘယ်လိုပြန်ပြီးတော့ သုံးနိုင်မလဲဆိုတာကို စဉ်းစားစေချင်တယ်။ ကျမတို့အနေနဲ့လည်း တဖက်ကနေ အစိုးရကလည်း နိုင်ငံပြင်ပရောက်သွားတဲ့ ပုဂ္ဂိုလ်များ ပြန်ပြီးတော့ ကူညီနိုင်အောင်လို့ အခြေနေတွေကိုလဲ ဖန်တီးပေးရမယ်။ အရင်တုန်းက အုပ်ချုပ်ရေး စနစ်အရဆိုလို့ရှိရင် ‘ ငါနဲ့မတူ ငါ့ရန်သူ’ ဆိုတဲ့စိတ်ဓါတ်က တော်တော်များပါတယ်။ ကျမတို့ကတော့ စိတ်ထဲမှာ ဒီလိုမထားပါဘူး၊ အစထဲက ကျမတို့ပြောတယ် .. ဒီ ရွေးကောက်ပွဲ မဖြစ်ခင် ကတည်းကပြောတာပါ။ ကျမတို့ ရွေးကောက်ပွဲမှာ အပြတ်အသတ် အနိုင်ရလို့ရှိရင် အမျိုးသား ရင်ကြားစေ့ရေးကို မူတည်တဲ့ အစိုးရတခု ဖွဲ့မယ်ဆိုတာ၊ ကျမတို့ပြောတဲ့အတိုင်းလည်း ဖွဲ့ခဲ့တယ်။ ကျမတို့ရဲ့ ဝန်ကြီးတွေထဲမှာ ဆိုလို့ရှိရင် အမျိုးသားဒီမိုကရေစီ အဖွဲ့ချုပ်ဝင် မဟုတ်တဲ့ ၀န်ကြီးတွေက အများစုပါ။ ကျမတို့ .. ကိုယ့်ပါတီထဲက လူတွေမှ ခန့်မယ်ထည့်မယ်ဆိုတဲ့ စိတ်ဓါတ်မရှိပါဘူး။ ဒီလိုမလုပ်ခဲ့ လို့လည်း ကျမတို့ပါတီထဲက လူတွေက မနှစ်မြို့တာ မကြေနပ်တာတွေ ရှိတယ်။ ဒါကတော့ လူ့သဘာဝပါ။ ဒါကတော့ တချို့ကလည်း သူတို့ဒီလောက် ခံခဲ့ရ ပြီးပြီပေါ့နော် .. အခုမပေးဘူးလား ဆိုတဲ့သဘော။ ကျမပြောတယ် အစကတည်းက လိုချင်လို့လုပ်ပေးတာ ဆိုလို့ရှိရင်တော့ မပေးဘူးလို့ .. (ရယ်သံများ) ။

အဲဒါကတော့ မကောင်းဘူးလေ၊ အဲဒီတော့ နောင်ကျရင် ပိုပြီးပေးနိုင်တဲ့သူ ရောက်လာရင် အဲဒီလူဖက် ရောက်သွားမှာလား၊ အဲဒီတော့ ဒါမျိုးတွေကို ကျမတို့ မလုပ်တာက၊ ကျမတို့ထဲမှာ တကယ့်ကိုမှ အနစ်နာခံတဲ့လူတွေ ပင်ပင်ပန်းပန်းလုပ်ခဲ့တဲ့ သူတွေရှိပါတယ်။ အဲဒီဟာကို ကျမတို့ အလေးမထားလို့ မဖြစ်ဘူး၊ တန်ဘိုးမထားလို့ မဖြစ်ဘူး။ ဒါပေမယ့် နံပါတ် ၁ က နိုင်ငံပဲ၊ ဒီလူတယောက်ဟာ အရည်အချင်း မပြည့်စုံမှန်း သိလျက်သားနဲ့ သူ့ပေါ်မှာ ပုဂ္ဂိုလ်ရေး ဂရုဏာအရ မပေးအပ်တဲ့နေရာ ပေးလိုက်မယ်ဆိုရင် နိုင်ငံထိခိုက်မှာပေါ့။ အဲဒီတော့ ပြောရမယ်ဆိုရင် တနိုင်ငံလုံးနဲ့ ဒီလူတယောက်နဲ့ ချိန်လိုက်တဲ့အခါမှာ ဒီလူတယောက်ကို ပိုပြီးအလေးပေးရာ ရောက်နေမှာပေါ့၊ တကယ်က ဒီလူတယောက်ကို အလေးပေးတာ မဟုတ်ဘူး ကိုယ့်ကိုယ်ကို အလေးပေးတာပဲ။

“နိုင်ငံအတွက်လုပ်တာ အားနာစရာမလို”

အားနာတယ်ဆိုတဲ့ဟာက ကိုယ့်ကိုယ်ကို ညှာတာ ဟိုဖက်ကို ညှာတာမဟုတ်ဘူး။ ပြောတော့ အားနာလို့ပါ .. အားနာတယ်ဆိုတာ ဘာလဲ၊ တကယ်စဉ်းစား ကြည့်လို့ရှိရင် အမုန်းမခံချင်တာ။ မလုပ်ပေးလိုက်လို့ရှိရင် ဟိုဖက်က မုန်းသွားမှာ .. ကျမ အားနာလို့လုပ်ပေးလိုက်ရပါတယ်။ တခါတလေကျလို့ရှိရင် ကိုယ်က ဂျီကျမယ့်ဒဏ်ကို မခံနိုင်တာ၊ အဲဒီတော့ အားနာတယ်ဆိုတာ အများအားဖြင့်က ကိုယ့်ကိုယ်ကို ညှာတာ၊ ဟိုဖက်အတွက် စဉ်းစားလို့လဲ မဟုတ်ဘူး။

အဲဒီတော့ ပုဂ္ဂိုလ်ရေးအရ အားနာနိုင်တယ်၊ ပုဂ္ဂိုလ်ရေးအရ ကိုယ့်ရဲ့မိသားစု ကိုယ့်ရဲ့မိတ်ဆွေတွေ အားနာလို့ ကိုယ့်မှာရှိတဲ့ ပစ္စည်းတွေ အားလုံးပေးရင် ပေးလိုက်လို့ ရတယ်။ ဒါပေမယ့် ကိုယ့်နိုင်ငံကို ထိခိုက်အောင်လို့ အားနာတယ်ဆိုတာကို ကျမ လက်မခံဘူး။ ဒါကြောင့် ဥပမာဆိုလို့ရှိရင် ကျမတို့ အစိုးရသစ် တက်ပြီးတဲ့အခါမှာ ပထမဦးဆုံးအားဖြင့်တော့ အစိုးရအဖွဲ့ထဲမှာ တခြားပါတီက ပုဂ္ဂိုလ်တွေ၊ အခြားပါတီက မဟုတ်ပေမယ့် ကျွမ်းကျင်တယ်လို့ ကျမတို့ယူဆတဲ့ ပုဂ္ဂိုလ်တွေကို ကျမတို့နေရာပေးတယ်။ ပြီးတော့ တတ်နိုင်သမျှ ကျမတို့ တိုင်းရင်းသားတွေကို ပါဝင်ပြီးတော့ ဖွဲ့စည်းတယ်။ အဲဒါကလည်းပဲ ဒါ ကျမတို့နိုင်ငံဟာ ပြည်ထောင်စုမို့လို့၊ ဒါ လိုကိုလိုအပ်တယ်။ ဒီလို ကျမတို့လုပ်ပါတယ်။ လုပ်ပြီးတော့ အသေးစိတ်ပေါ့ .. ။
DASSK in NY
DASSK in NY

“သားသမီး ဆွေမျိုး ကိုယ်ရေးအရာရှိ မခန့်ရ”

တချို့ကတော့ သတိလဲ ထားမိချင်မှ ထားမိမယ်၊ အများကလည်း သိမှာမဟုတ်ပါဘူး ဥပမာဆိုရင် အဆက်ဆက်တုန်းက ဒီလုပ်ထုံးလုပ်နည်း အရဆိုရင် ၀န်ကြီးတယောက်ပေါ့နော် ယာယီ ရာထူးရသွားတယ်ဆိုရင် သူတို့ရဲ့ ကိုယ်ရေး အရာရှိကို ခန့်ချင်တဲ့သူခန့်တာ၊ တခါတလေလည်း သားတွေခန့်တယ်၊ တခါတလေလည်း တူတွေကိုခန့် အဲလိုဟာမျိုးတွေပေါ့။ ကျမတို့ တက်လာတော့ ကျမတို့က ညွှန်ကြားချက်ထုတ် လိုက်တယ်။ ကိုယ်ရေးအရာရှိတွေကို ခန့်မယ်ဆိုရင် ၀န်ထမ်းထဲကပဲ ခန့်ရမယ်၊ နောက် ကိုယ့်ဆွေးနီးမျိုးစပ် တယောက်မှ မခန့်ရဘူး၊ ဝန်ထမ်းဖြစ်သည့်တိုင်အောင် ကိုယ့်နဲ့အမျိုးတော်ရင် မခန့်ရဘူး၊ ဘာဖြစ်လို့လည်း ဆိုတော့ ဒီဟာတွေဟာ မဖြစ်သင့် မဖြစ်ထိုက်တဲ့ ကိစ္စတွေ။ ဟို .. ၀န်ထမ်းဆိုတာဟာ သူ့ရဲ့ဌာနအလုပ်ကို ကျွမ်းကျင်တယ်။ ကိုယ်ခေါ်လာတဲ့ ကိုယ့်တူက ဘာမှလဲမသိဘူး၊ ကိုယ့်သားကလည်း ဘာမှလဲ မတတ်ဘူး .. ဒါပေမယ့် ကိုယ့်သားမို့လို့ ဆိုတော့။ (ရယ်သံများ) .. ဒါ အမှန်ပဲလေ။ ရုံးထဲမှာထိုင်ပြီးတော့ အားလုံးကို အမိန့်ပေးနေတာ ကျမတို့လက်မခံနိုင်ဘူး၊ ဒါ ဒီမိုကရေစီလဲ မဟုတ်ဘူး။ ဒါ နိုင်ငံ့ရဲ့အကျိုး အတွက်လဲ မဟုတ်ဘူး။ အဲဒီတော့ ဒီလို အသေးလေးတွေပေ့ါနော်၊ အသေးလေးတွေ ဆိုပေမယ့် အရေးကြီးပါတယ်။ အားလုံး သဘောပေါက် မှာပေါ့၊ ကိုယ်ရေးအရာရှိ တယောက်ရဲ့အနေအထားက ဘယ်လောက်ထိ အရေးပါလဲဆိုတာ။ ပြောတော့သာ ဒါဘာလေး မို့လို့လဲ၊ နောက် တော်တော်များများက ကျမတို့ကို ဘယ်လို ရှင်းပြလဲဆိုတော့ .. ကိုယ်ရေးအရာရှိတွေက ကိုယ်စိတ်ချရတဲ့လူမှ ဖြစ်မယ်၊ ဒါကြောင့်မို့လို့ ကိုယ်စိတ်ချရတဲ့ သူမှဖြစ်မှာဆိုတော့ ကိုယ့်သားခန့်ပါတယ်၊ ကိုယ့်တူခန့်ပါတယ် ဆိုပြီး အဲလိုတွေ ပြောကြတယ်။ အဲဒီတော့ ကျမကတော့ ဒီလိုမြင်တယ်။ ကိုယ့်ရဲ့ဝန်ထမ်းတွေကို စိတ်ချရအောင် မလုပ်နိုင်လို့ရှိရင် ကိုယ့်မှာလည်း တာဝန်ရှိတယ်။

“၀န်ထမ်းစည်းမျဉ်းအတိုင်းလုပ်မယ်”

ကျမတို့ဝန်ထမ်းတွေကိုလည်း ပြောပါတယ်။ ကျမတို့ ၀န်ထမ်းတွေကိုလည်း ပြောပါတယ် ကျမတို့ အစိုးရစဖွဲ့ချိန်က ‘ဖြုတ်ထုတ်သတ်တွေ ဘာတွေ ကျမတို့ မလုပ်ဘူး’ လို့.. အလုပ်ဖြုတ်ဖို့ မစဉ်းစားဘူးလို့၊ ဒါပေမယ့် တာဝန်မကျေရင်တော့ မကျေသလို အရေးယူမယ်၊ ဒါမှ သူတို့တာဝန်ကျေမှာ.. တာဝန်တော့ ကျေရမယ်။ စည်းမျည်းစည်းကမ်းအတိုင်း အရေးယူမယ် (ယူလို့ ရှိရင်လဲ)၊ ဟို မင်းမဲ့ စည်းမဲ့ မလုပ်ဘူး။ အဲဒါကတော့ ကျမတို့ အခုအစိုးရရဲ့ အခြေအနေ၊ အနေထားကို ရှင်းပြတာပေါ့။

“ဗီဇာကိစ္စ ဖြေလျော့မယ်”

အခုဒီမှာပေါ့နော်၊ အမေရိကန်ပြည်ထောင်စုမှာ ရောက်နေတဲ့ ကျမတို့ရဲ့ မြန်မာနိုင်ငံပေါ်မှာ စေတနာထားတဲ့ ပုဂ္ဂိုလ်တွေအားလုံးပေါ့ .. မြန်မာ နိုင်ငံသား ဖြစ်သည်ဖြစ်စေ မဖြစ်သည်ဖြစ်စေ၊ ကျမတို့နိုင်ငံရဲ့ အခု သိပ်ပြီးတော့ လိုအပ်နေတဲ့ အခြေအနေမှာ ဝိုင်းဝန်းပြီးတော့ ကူညီစေ ချင်တယ်။ အဲဒီတော့ ဝိုင်းဝန်းကူညီဖို့ ဆိုတာဟာ ကျမတို့ဖက်ကလည်း ကူညီနိုင်အောင်လို့ လုပ်ပေးရမှာပေ့ါ။ ဥပမာ ဗီဇာ အ၀င်အထွက် စသည်ဖြင့်ပေါ့ .. အဲဒီတော့ ကျမတို့က ဗီဇာပိုပြီး လွယ်လွယ်ရနိုင်အောင်လို့၊ ဒီ ၂၈ ရက်တို့ဘာတို့ဆိုတဲ့ ကိစ္စတွေကို ကျမတို့က ဖြေလျော့ ပြီးတော့၊ ပိုက်ဆံတော့ ပိုတောင်းမယ်နော် (ရယ်သံများ) … ဒါကတော့ တရားမျှတတယ်လေ၊ ကြာကြာနေချင်ရင်တော့ ပိုက်ဆံ ပိုပေးပေါ့၊ ဒီက သွားချင်တဲ့သူတွေလဲ တတ်နိုင်ပါတယ်။ အဲဒီတော့ ပိုတောင်းသင့်တဲ့နေရာ ပိုတောင်းပါမယ်။ ဒါပေမယ့် ကျမတို့ ဖြေလျော့ပေးပါမယ်။ ဖြေလျော့ပေးမယ်ဆိုတာ ပိုပြီးကြာကြာနေဖို့ ကျမတို့လုပ်ပေးမယ်။ Multiple Entry တွေဘာတွေလဲ လုပ်ပေးမယ်။ နောက်ပြီးတော့ အရင်တုန်းက ကန့်သတ်ချက်တွေလဲ ကျမတို့ ပြန်ပြီးတော့ အားလုံး စိစစ်မယ်။

“Black Lists”

နောက် ဒီ Black Lists (အမည်မဲစာရင်း) ကိစ္စပေါ့။ Black Lists ဆိုတာ တကယ်တော့ Interpol နဲ့ဆိုင်တဲ့ ကိစ္စတွေပဲဖြစ်သင့်တယ်လို့ ကျမတို့ကတော့ သတ်မှတ်တယ်။ ဒါ ရာဇ၀တ်မှုတွေနဲ့ ဆိုင်တာပေါ့နော်။ Interpol ရဲ့ Lists ပေါ်မှာ ပါတဲ့သူတွေကိုတော့ Black Lists အနေနဲ့ ဆက်ပြီးတော့ ထားသွားမှာပဲ။ တကယ်ပဲ ရာဇ၀တ်မှု တွေနဲ့ဆိုင်တယ်။ ရာဇ၀တ်မှုတောင်မှ ကိုယ့်နိုင်ငံမှာ ပြန်ပြီးတော့ အစစ်ခံပါမယ် ဆိုရင်တော့ ကျမတို့က လက်ခံမှာပါ။ ဒါပေမယ့် သူ့ရဲ့ ဥပဒေ လမ်းကြောင်းအရကတော့ သွားရမှာပဲလေ။ ဗမာနိုင်ငံမှာ လာပြီးတော့ အစစ်ခံမယ် .. ကျမတို့ နိုင်ငံရဲ့ တရားဥပဒေအရ ဆောင်ရွက်ချက် တွေကို ယုံကြည်တယ်၊ အဲဒီမှာကျမှ ခံရမယ့်ဒဏ် ခံပြီးလို့ရှိရင် ဆက်နေမယ်ဆိုရင်လည်း ကျမတို့ကဒါကို ငြင်းစရာအကြောင်း မရှိပါဘူး။ အဲဒီတော့ အဲလိုဟာမျိုးတွေပေါ့၊ ကျမတို့ အမြန်ဆုံးလုပ်သွားပါမယ်။

“နိုင်ငံရေး မလုပ်ရဆိုတာ မဟုတ်ဘူး”

ဒါနဲ့ကျမကို တယောက် နှစ်ယောက် လာပြောတယ်၊ လက်မှတ်ထိုး ခိုင်းတယ်.. သူတို့ နိုင်ငံရေးမလုပ်ပါဘူး ဆိုတာကို..၊ ဒီကိစ္စကတော့ ရရလိမ့်မယ်၊ ဘာလို့ဆို ကျမတို့ကိုယ်တိုင်က နိုင်ငံရေးလုပ်နေပြီးတော့ အခြားလူတွေ နိုင်ငံရေးလုပ်ရင် ပြန်မလာရဘူး ဆိုတာကတော့ သိပ်တော့ မဟုတ်တော့ဘူး ထင်တယ်။ အဲဒါလည်း သိပ်တော့ ကျမ နားမလည်ဘူး။ အရင်တုန်းကလဲ .. အစိုးရအဖွဲ့ဝင်တွေက နိုင်ငံရေးလုပ်လို့ အစိုးရအဖွဲ့ဝင် ဖြစ်နေတာပေါ့။ တခြားလူတွေကျတော့ နိုင်ငံရေး မလုပ်ရဘူးဆိုတော့ ဒါ သိပ်ပြီးတော့ ရှေ့နောက်မညီဘူးလို့ထင်တယ်။ အဲဒါတော့ ကျမတို့ ဒါအမြန်ဆုံး ပြောင်းလဲလိုက်ရ ပါလိမ့်မယ်။ နိုင်ငံရေးဟိုမှာ လုပ်တဲ့ အခါမှာတော့ ဥပဒေဘောင်အတွင်းက လုပ်ရမှာပေါ့။ ဟိုမှာလာပြီးတော့ ဥပဒေ ချိုးဖေါက်လို့ ရှိရင်တော့ ဥပဒေအတိုင်းပဲ အရေးယူမှာပဲ။ တခြားနိုင်ငံတွေမှာလဲ ရှိပါတယ်။ ဥပဒေတခုကို ချိုးဖေါက်လိုက်လို့ နိုင်ငံကနေပြီးတော့ ပြန်နှင်ထုတ်လိုက်တဲ့ အခါကျရင် နောင် ဗီဇာတွေဘာတွေ ပြန်မပေးတာဟာ တခြားနိုင်ငံတွေမှာ လုပ်ရိုးလုပ်စဉ်တွေပဲ၊ အဲဒီတော့ ကျမတို့က ဗီဇာပေးလို့ ပြန်လာတယ်၊ ပြန်လာပြီးတော့ ဥပဒေချိုးဖေါက်တယ်၊ ချိုးဖေါက်လုိ့ရှိရင်တော့ ကျမတို့ ပြန်ပြီးနှင်ထုတ် ပြီးရင်တော့ နောင်ဗီဇာရဖို့ လွယ်တော့မှာ မဟုတ်ပါဘူး။ ဒါကတော့ နိုင်ငံတကာရဲ့ စံနှုန်းအတိုင်းပါပဲ။ လုပ်ထုံးလုပ်နည်းအရ ကျမတို့ လုပ်သွားမှာဖြစ်ပါတယ်။
DASSK in NY
DASSK in NY

“ပြည်ပရောက်ဆရာဝန်များ”

အဲဒီတော့ ခုဒီမှာ ဆိုလို့ရှိရင် အဆင့်မြင့်ပညာရှင်တွေကို ကျမတို့ အကူညီပေးစေချင်တဲ့ နည်းတွေအမျိုးမျိုး ရှိပါတယ်။ ဥပမာ ဆရာဝန်တွေလည်း အများကြီး ရှိတယ်။ ကျမတို့ ဆရာဝန်တွေ အတော်များများက နိုင်ငံခြားရောက်သွားတဲ့ အခါကျတော့ အဲဒါ ဆရာဦးမြင့်ထွေး (ကျန်းမာရေးဝန်ကြီး ဒေါက်တာမြင့်ထွေး) နဲ့ကျမ သေချာစဉ်းစား ဆွေးနွေးပြီးပါပြီ၊ ကျမတို့ နိုင်ငံခြားရောက်သွားတဲ့ ဆရာဝန်တွေရဲ့ လုပ်အားကို ကျမတို့ လိုချင် ပါတယ်။ အဲဒီတော့ ပေးနိုင်တဲ့လုပ်အားနဲ့ ကျမတို့လိုအပ်တဲ့ လုပ်အားနှစ်ခုကို ညှိဖို့၊ အဲလို အစီစဉ်တခုကို လုပ်ဖို့ဆိုပြီးတော့ ဆရာမြင့်ထွေးနဲ့ ကျမ ဆွေးနွေးထားပါတယ်။ ပြီးတော့ လုပ်အားပေးချင်တဲ့ ဆရာဝန်များက Register တခုလုပ်ထားဖို့ပေါ့နော်၊ နာမည်ပေးထားပြီးတော့ ဘယ်လို လုပ်အားပေးချင်လဲ၊ ဘယ်လောက်လောက် ပေးနိုင်လဲ၊ ဥပမာ တနှစ်ကို တလလောက်လာပြီးတော့ လုပ်ပေးမယ်ပေ့ါ၊ လာပြီးတော့ လုပ်ပေးမယ်ဆိုရင် ဘာလုပ်ပေးချင်တာလဲ၊ teaching ဖက်က လုပ်ပေးချင်တာလား၊ ဒါမှမဟုတ် တကယ့်ကိုလိုအပ်နေတဲ့ တောမြို့လေး တွေမှာ တလလောက်နေပြီးတော့ လုပ်အားပေးမယ်၊ လုပ်အားပေးခြင်းအားဖြင့် ထိထိရောက်ရောက်နဲ့ လူနာတွေကို လုပ်အား ပေးရရုံတင် မကပဲ အဲဒီက ဆရာဝန်လေးတွေကိုလဲ သူတို့သင်ပေးရာ ရောက်တာပေါ့နော်။ သူတို့ကိုလဲ training ပေးရာရောက်တယ်။ အမျိုးမျိုးပေါ့၊ နောက်ပြီးတော့ တယောက်နဲ့တယောက် ချိတ်ဆက်ပြီးတော့ လုပ်တာမျိုးက ကောင်းတယ်။

ဥပမာဆိုရင် .. အယ် ကျမကတော့ ဆရာဝန်လဲ မဟုတ်တဲ့အခါကျတော့ သိပ်တော့ မကျွမ်းကျင်ပါဘူး၊ Oncology (ကင်ဆာကုသမှု) ဆိုရင် ကျမတို့သိပ်လိုအပ်နေတယ်။ Oncology နဲ့ပတ်သက်လို့ ကျမတို့ Course တခုဆွဲထားတယ်။ တလထဲနဲ့ပြီးချင်ပြီးမယ်၊ ပြီးချင်မှလဲ ပြီးမယ်၊ ဒါပေမယ့် အဲဒီလို Course တခုဟာ သုံးလေးလ ကြာမယ်ဆိုရင်၊ ၃ ယောက် ၄ယောက်ထဲမှာ ချိတ်ပြီးတော့ တယောက်ပြီးတယောက် ဆက်ပြီးလုပ်သွားမယ် ဆိုလို့ရှိရင်လဲ ဒါဟာ ဘာမှ ကျမတို့အတွက် အရှုပ်မရှိဘူး။ လုပ်ပေးချင်တဲ့သူတွေကလည်း တလပဲတတ်နိုင်လို့ ဒီ ၅လ Course မို့လို့၊ လုပ်ခွင့် မပေးဘူးလို့ ပြောမယ့်အစား၊ ကဲ ..တလပဲ လာနိုင်မယ် ဆိုလို့ရှိရင် နောက် ၄လကိုဖြည့်ဆည်းပေးမယ့်သူတွေ ရှိသလား၊ အားလုံးညှိပြီးတော့ သေသေချာချာပေါ့နော်၊ ကျမတို့ စီစဉ်ပြီး လုပ်လို့ရှိရင် ကိုယ့်မှာတတ်နိုင်တဲ့ အင်အားနဲ့ ကိုယ်ကူညီနိုင်မယ်။ ထိုနည်းလည်းကောင်းပဲ တခြား ကျွမ်းကျင်တဲ့ ပုဂ္ဂိုလ်တွေနဲ့ ကျမတို့ အများကြီးညှိပါတယ်။

“ပညာရေးအခြေအနေ”

ပညာရေးဖက်ကလဲ အင်မတန်မှ လိုအပ်နေတယ်လို့ ကျမတို့ထင်တယ်။ ကျမတို့ ပညာရေးစနစ်က တော်တော်ကို ကျဆင်းသွားတယ်ပေါ့နော်၊ ဒါကို အားလုံးသိပြီးသားပါ။ ဒါပေမယ့်ကျမအခု အနောက်နိုင်ငံတွေကို ကြည့်လိုက်လို့ရှိရင် .. ခုဒီနိုင်ငံကို ကြည့်လိုက်မယ်ဆိုရင် အဆင့်မြင့်ပညာ- တက္ကသိုလ်ပညာ ဆိုလို့ရှိရင်တော့ အကောင်းဆုံး အမြင့်ဆုံးကတော့ သူတို့က ကမ္ဘာပေါ်မှာ အကောင်းဆုံး အမြင့်ဆုံးပဲ၊ သို့သော်လည်း အောက်ပဲ ကြည့်လိုက်လို့ရှိရင် ပိုပြီးတော့ အဆင့်နိမ့်တဲ့ ပညာ- မူလတန်းတို့ အထက်တန်းတို့ ကြည့်လိုက်လို့ ရှိရင်တော့ သိပ်အားရစရာ မရှိဘူး၊ အဲဒီတော့ ကျမအမြင်မှာ စောစောက ပြောသလိုပဲ ဒီလူမှုအသိုင်းအ၀ိုင်းနဲ့ ဆိုင်တာပေါ့နော်၊ မိဘတွေအသိုင်းအဝိုင်း၊ တခါတလေ ကျမအမြင်မှာ မှားသလားတော့ မသိဘူး၊ လူကြီးတွေက ကလေးတွေကို ကြောက်နေတယ် .. အဲဒါဟုတ်သလား (ရယ်သံများ ..)။ ဘာဖြစ်လို့လဲ ဆိုတာကိုလည်း ကျမစဉ်းစားနေတယ်။ ကျမကလေ နိုင်ငံရေးသမားပါ၊ ဒါနဲ့ နိုင်ငံရေးသမားက နေပြီးတော့ ကိုယ်ကျိုးတွက် လုပ်မယ့်ကိစ္စတွေနဲ့ အများကြီးဆိုင်တယ်လို့ ကျမထင်တယ်။ Issue လုပ်တာပေါ့နော်။ ဥပမာဆိုရင် ဒီ ..ကလေး Child Rights ဆိုတာတော့မှန်ပါတယ်။ Child Rights ဆိုတာ အမေက မိဘက ကလေးကို ကြောက်နေရပြီးဆိုရင်တော့ မကောင်းတော့ဘူးပေါ့။ Parent Rights ဆိုတာတော့ နည်းနည်းပါးပါး ရှိရမှာပေါ့ (ရယ်သံများ ..)။

“မြန်မာအတွက် ဂုဏ်ယူစရာဖြစ်ပါစေ”

ကျမတို့ မိသားစု နွေးထွေးမှုကို ထိခိုက်ခဲ့တာတွေ ဘာတွေကတော့ နိုင်ငံတနိုင်ငံ လူ့အသိုင်းအဝိုင်းတခုအတွက် အကျိုးမရှိဘူးလို့ ကျမအဲလိုပဲ မြင်ပါတယ်။ ဒီမှာဆိုလို့ရှိရင် တချို့မိသားစုတွေက တော်တော်နွေးထွေးပါတယ်။ ကလေးတွေက ယဉ်ယဉ်ကျေးကျေးရှိတယ်၊ ချစ်ဖို့ကောင်း တယ်၊ တချို့ကျတော့လည်း ဒီလို မဟုတ်ပြန်ဘူး .. မိဘတွေကိုလည်း လူမထင်ဘူး၊ မိဘတွေကလဲ ကလေးတွေပေါ် ဆက်ဆံတာ မာရေ ကြောရေပေါ့နော်။ ညင်ညင်သာသာ နွေးနွေးထွေးထွေး မရှိဘူးပေါ့။ အဲဒီတော့ အဲဒါတွေကလည်း တော်တော်များများတော့ ဒါဟာ စီးပွားရေး အရ ရုန်းကန်ရလို့ ဒီလိုဖြစ်တယ်လို့ ဆိုပေမယ့်လည်း ဒါလည်းဟုတ်ရဲ့လားလို့ ကျမတို့ ပြန်ပြီး စဉ်းစားရမယ်။ ဒီကမ္ဘာကြီးမှာပေါ့နော် ဆင်းရဲတဲ့ နိုင်ငံတွေမှာ နိုင်ငံက ဆင်းရဲပေမယ့်လည်း မိသားစုနွေးထွေးမှုရှိတဲ့ လူယဉ်ကျေးတွေ အများကြီး ရှိပါတယ်။ အဲဒါကိုတော့ ကျမက အားပေး ချင်တယ်။ ဒီမိသားစု နွေးထွေးမှုဆိုတာဟာ စောစောက ကျမပြောသလိုပေါ့၊ ကောင်းတယ်ဆိုတာ ဘာလဲ၊ ကောင်းတယ်ဆိုတာ လူများပေါ်မှာ ကောင်းတဲ့စိတ်ဓါတ်၊ လူများပေါ်မှာ မေတ္တာထားတဲ့ စိတ်ဓါတ်၊ အဲဒါ မိဘတွေ သင်ပေးမှရမယ်။ ဗီဇတော့ ပါတာပေါ့။ တအူတုံဆင်း တမိသားစု ထဲမှာ ကြီးလာတဲ့ ကလေးတွေတောင်မှ တယောက်နဲ့တယောက်မတူဘူး။ သို့သော်လည်း ခြုံငုံပြောရရင် မြန်မာအတွက် ဂုဏ်ယူစရာဖြစ်ပါစေ၊ ဂုဏ်ယူစရာဆိုတာက ကျမတို့နိုင်ငံသား ထပ်ဖြစ်ဖို့ မလိုပါဘူး။ အမေရိကန်နိုင်ငံသားတယောက် ဖြစ်နေလို့ ရှိလို့ရှိရင်လည်း အားလုံးက လေးစားရတဲ့ အမေရိကန်နိုင်ငံသားဆိုတာ ကျမတို့အတွက် ဂုဏ်ယူစရာပါပဲ။

နောက်တခုကတော့ နောင်မျိုးဆက်တွေပေါ့၊ ဒီက သားသမီးတွေက ပေါက်ဖွား လာမယ့် သားသမီးတွေ - လုံးဝတော့ ကျမတို့ရဲ့ ယဉ်ကျေးမှုကို တန်ဖိုးထားတာတွေ မပျောက်သွားပါစေနဲ့၊ ဘာပဲပြောပြော သံယောဇဉ်လေးတော့ ရှိစေချင်တယ်။ ဒီသံယောဇဉ်က ပြန်လာပြီး လုပ်ရမယ် ဆိုတာမျိုး မပြောဘူး၊ ဒါပေမယ့် ကျမစောစောက ပြောတာနဲ့ ဆက်နွှယ်နေတယ်။ သူတို့ မိဘတွေအတွက် ဂုဏ်ယူနိုင်တယ်ဆိုရင် သူတို့လဲ “အော် ငါတို့က ဗမာပြည်ဖွား ..ငါ့အဖေအမေက ဗမာပြည်ကလာတာ”.. မိဘတွေအတွက် ဂုဏ်ယူနိုင်သလို သူတို့ကိုယ်တိုင်ကလည်း ကျမတို့နိုင်ငံပေါ်မှာ လေးစားစိတ်နဲ့ ပြန်ပြီး သံယောဇဉ် ရှိလာမယ်။

“သယံဇာတကို အားမကိုးပါနဲ့”

နောက် တတိယကတော့ ခုနောက်ဆုံး လက်ရှိအချိန်မှာ ကျမတို့ရထားတဲ့ အခွင့်အရေးကို အသားကုန်သုံးပြီးတော့ နိုင်ငံတိုးတက်အောင် ကျမတို့လုပ်ဖို့လိုတယ်။ ကျမတို့နိုင်ငံဟာ လူတွေကတော့ အများကြီး ပြောတာ ပေါ့နော် အလားလာ သိပ်ကောင်းတယ်။ Opportunity က သိပ်ကောင်းတယ်။ နောက်ပြီး ထပ်ခါတလဲလဲ ပြောတဲ့ကိစ္စကတော့ ဟိုဥစ္စာပေါ့၊ သယံဇာတပစ္စည်းကိစ္စ၊ အဲဒါတော့ ကျမသိပ်မကြိုက်ဘူး။ သယံဇာတတွေ ပေါကြွယ်ဝတယ်ဆိုပြီးတော့ အဲဒီဟာကို ရှေ့တန်းတင်တာ ကျမ မကြိုက်ဘူး။ ကျမပြောတယ် ကျမတို့ရဲ့ တန်းဖိုးအရှိဆုံး သယံဇာတကတော့ လူတွေပဲ၊ ကျမတို့လူတွေ တန်ဖိုးရှိရင် တန်ဖိုးရှိမှာပဲ။ ကမ္ဘာပေါ်မှာ အချမ်းသာဆုံး နိုင်ငံတွေကြည့်လိုက်ရင် .. ကျမတို့ ဒီ ဒေသမှာဆိုရင် စင်္ကာပူဆိုရင် ဘာရှိမတုန်း၊ စင်္ကာပူနိုင်ငံလေးဟာ သေးသေးလေး၊ သူတို့လူတွေကို သူတို့ ပြုစုပျိုးထောင်ပြီးတော့ Capacity Building နဲ့ သူတို့လုပ်လာခဲ့တာ။ ဟို ဆွစ်ဇာလန်မှာရော ဘာရှိလို့လဲ၊ သူလဲ နိုင်ငံကြီးတွေနဲ့ ဝိုင်းဝိုင်းလည်နေတာ ဒါပေမယ့် သူတို့ရဲ့လိမ္မာ ပါးနပ်မှုပေါ့။ သံတမန်ရေးရာအရ လိမ္မာပါးနပ်မှုလည်းပါတယ် .. နောက် သူတို့စီးပွားရေးအရ ခိုင်ခိုင်မြဲမြဲ ဖြစ်အောင် လုပ်နိုင်မှုလည်းပါတယ်။ သူတို့ရဲ့ မတူကွဲပြားတဲ့ လူမျိုးစုတွေကို စည်းလုံးညီညွတ်အောင် ထိန်းနိုင်တယ်၊ အဲဒီဟာတွေနဲ့ သူတို့ ရပ်တည်ခဲ့တာပဲ။ ကျမတို့လဲ ဒီလိုပဲ နိုင်ငံကြီးတွေကြားထဲမှာ ကျမတို့နေရတယ်။ အိန္ဒိယကတဖက် တရုတ်ကတဖက်၊ နောက် အရှေ့တောင်အာရှတခုလုံးဟာ ကျမတို့ထက် တိုးတက်နေတယ်၊ ကျမတို့ထက် ချမ်းသာနေတယ်။ ဆိုတော့ ကျမတို့က ဒီကြားထဲမှာနေပြီးတော့ ရုန်းကန်နေရတာ။

“သယံဇာတကျိန်စာ”

ရုန်းကန်နေရတာ ဆိုတော့ အဓိက .. ကျမတို့ သယံဇာတပစ္စည်းဆိုတာ သူတို့အခု ပြောနေတယ် မဟုတ်လား- Natural Resources Curse ဆိုတာ .. အဲဒါက နှစ်မျိုးပါ တမျိုးက ဘာလဲဆိုတော့ အစိုးရများဟာ တာဝန်သိစိတ် နည်းသွားတာပေါ့၊ ဟာ .. ငါတို့က ရေနံလေးတူးပြီး ရောင်းစားလိုက်မယ်။ သဘာဝဓါတ်ငွေ့လေး ထုတ်ပြီး ရောင်းစားလိုက်မယ်။ ဟိုနားက mining လုပ်ကွက်ကို ရောင်းစားလိုက်မယ်၊ ဒီနားမှာ hydroelectric ပရောဂျက်လေး ပေးလိုက်မယ်၊ အဲဒီလို ပေါ့ပေါ့ စဉ်းစားတဲ့ဟာမျိုးက တခုပေါ့နော်။ ပြဿနာ တခု။ နောက် ပြဿနာတခုက ပြည်သူကို သိပ်ပြီးတော့ အားမထားတော့ဘူး။ ပြည်သူပေးတဲ့ အခွန်အကောက်ကို စိတ်ပူရတာမဟုတ်ဖူး၊ အဲဒီအပေါ်မှာ အားကိုးရတာ မဟုတ်ဖူး။ သူတို့ဟာသူတို့ ဟိုဟာလေးရောင်းစား၊ ဒီဟာလေးရောင်းစား ဟို concession ပေး၊ ဒီ concession ပေးနဲ့ ရပ်တည်နိုင်မယ် ဆိုရင် ပြည်သူ့ထောက်ခံမှု ရှိမှ ပြည်သူကို ချမ်းသာအောင် လုပ်ပေးနိုင်မှ ရပ်တည်နိုင်မယ် ဆိုတဲ့ စိတ်ဓါတ်က မရှိတော့ဘူး။

“အကျိုးအမြတ်ခွဲရေး”

နောက် တတိယ တခုက ဘာလဲဆိုတော့ ပြည်ပနိုင်ငံတွေက ကျမတို့ ဝန်ဆောင်မှုကို အားကျ လာတယ်။ တကယ်တော့ ကျမတို့မှာ ဒါတွေ သိပ်ရှိတဲ့ အခါကျတော့ ကျမတို့က ပိုပြီးတော့ သတိထားရတယ်။ ပိုပြီးတော့ ဂရုစိုက်ရတယ်။ ငါတို့ကို ကူညီချင်လို့ လာတာလား။ ငါတို့ဆီက နေပြီးတော့ အမြတ်ထုတ်ချင်လို့ လာတာလား။

စီးပွါးရေးသမားကတော့ အမြတ်လိုချင်မှာပဲ ဒါလဲ ကျမတို့ ပေးရမှာပါ။ အမြတ်မရပဲနဲ့တော့ ဘာကိစ္စ သူလုပ်ပေးရမှာလဲ၊ ဒါကိုလည်း ကျမတို့ လက်တွေ့ပြရမှာပေါ့။ သို့သော်ငြားလည်း သူတို့ရတဲ့ အမြတ်နဲ့ ကျမတို့ နိုင်ငံသူနိုင်ငံသားတွေ ရတဲ့ အကျိုးကတော့ အနဲဆုံးတော့ ညီမျှရ မှာပေါ့။ တကယ်တော့ ကျမတို့က ပိုရမှာပေါ့ ဘာပဲပြောပြော အိမ်ရှင်ပဲဟာ။ အနဲဆုံးကတော့ ၆၀ - ၄၀ က ကျမတို့ဘက်မှာ ရှိရမှာပေါ့။ ဒါပေမယ့် ၅၀ အောက်ဆိုတာကတော့ လုံးဝကို လက်ခံနိုင်စရာ မရှိဘူး။ ဘာလို့လည်းဆိုတော့ ဒါဟာ ကျမတို့က အားလုံးပေးနေတာ၊ ထုတ်ပေးနေတာ၊ ကျမတို့မှာ ကျွမ်းကျင်မှု မရှိသေးလို့သာ၊ ပြင်ပရဲ့ အကူအညီတွေ ကျမတို့ လိုနေတာ။ ဒါပေမယ့်လည်း ညီမျှအောင်ပြောရမယ်။ အရေးကြီးတာက မိတ်ဆွေ ဖြစ်ဖို့ပဲ၊ မိတ်ဆွေကောင်း ဖြစ်သွားပြီ ဆိုရင် ပြဿနာ ပေါ်လာရင် ကျမတို့ ဖြေရှင်းလို့ ရတယ်။အဲဒီတော့ ကျမတို့ သယံဇာတ ပစ္စည်းတွေကို သိပ်အားကိုးတာ မကြိုက်ဖူး ဆိုတာ အဲဒီအချက်တွေကြောင့် ဖြစ်ပါတယ်။ ကျမတို့ ပြည်သူတွေရဲ့ ကျွမ်းကျင်မှု၊ စွမ်းဆောင်မှု အားတွေကို ကျမမြှင့်တင် ချင်တယ်။ အဲဒီအားတွေ မြှင့်တင်ခြင်းအားဖြင့် ကျမတို့နိုင်ငံ တိုးတက်အောင် လုပ်ချင်တယ်။

“အစိုးရသက်တမ်း ၄နှစ်ခွဲ”

ဒီအချိန်ဟာ အချိန်ကောင်းပဲ၊ ကျမတို့မှာ အချိန်ကလည်း သိပ်များများကြီး မရှိဘူး။ များများကြီး မရှိဘူးဆိုတာက ကျမတို့ရဲ့ ရွေးကောက်ပွဲဟာ ၅ နှစ် တခါ ဆိုပေမယ့် ဒီဖွဲ့စည်းပုံ အခြေခံ ဥပဒေအရကအစိုးရအဖွဲ့က ၆ လကြာမှ ဝင်ရတယ်။ အဲတော့ ပြောတော့သာ ၅ နှစ်ပြောရတယ်၊ တကယ်က ၄ နှစ်ခွဲပဲ ကျမတို့ အချိန်ရတယ်။ ဒီ ၄ နှစ်ခွဲ ဆိုတာ ဘာမှမရှိဘူး။ ကျမတို့က ဒီမိုကရေစီကို ယုံကြည်တဲ့ အဖွဲ့ တခုအနေနဲ့ ကိုယ့်မှာ သေချာပေါက် ၄နှစ်ခွဲ ရှိတယ်လို့ သတ်မှတ်တယ်။ အဲငါက နောက်ထပ်ရွေးရင် နိုင်မှာပေါ့ ဆိုရင်တော့ မဟုတ်တော့ဘူး။ အဲတော့ နိုင်အောင်ကျိုးစားမယ်၊ နောက်ထပ်ဆက်ပြီး လုပ်နိုင်အောင်၊ ကျမတို့ရဲ့ လုပ်ငန်းတွေ အောင်မြင်တဲ့ အထိ၊ လုပ်ငန်းတွေ ရင့်ကျက်တဲ့ အထိ၊ အသီးအပွင့်တွေ မြင်ရတဲ့အထိ ရအောင်ကျိုးစားမယ်။ ဒါက ကျမတို့ရဲ့ ကျိုးစားပိုင်ခွင့်ပဲ။ ဒါပေမယ့် ကျမတို့ အသေတွက်လို့ မရဘူး။

“အနာဂတ်ကို မျက်နှာမူ”

အသေတွက်လို့ မရဘူးဆိုတော့၊ ဒီကြားထဲမှာ ကျမတို့ရဲ့ စံနစ် အောင်မြင်ရေးအတွက် အားလုံးကို ဝိုင်းပြီးတော့ ကူညီစေချင်တယ်။ ကျမတို့ ခွဲခြားမဆက်ဆံပါဘူး။ အရင်တုန်းက ဘယ်အစိုးရနဲ့ ပါတ်သက်လို့၊ ဘယ်သူနဲ့ အမျိုးတော်လို့ဆိုတာတွေ၊ ဒါတွေ ကျမဘယ်တုန်းကမှ မကြည့် ဘူး။ အခုမှ အခုပဲ။ ဒီအတိတ်က အတိတ်ပဲ။ အတိတ်က ပြန်ပြင်လို့ မရဘူး။ အဆိုရှိတယ်မှလား၊ မြတ်စွာဘုရားတောင်မှ ဖြစ်ပြီးတဲ့ ကိစ္စ မဖြစ်ပါစေနဲ့ ဆို ပြန်လုပ်လို့ မရဘူး။ ဖြစ်ပြီးတာ ဖြစ်ပြီးသွားပြီ ကုက္ကုစ္စ ပွါးနေလို့လည်း ဘာမှ မထူးဘူး။ အဲဒီတော့ ကျမတို့ အရှေ့ကိုပဲ၊ အနာဂါတ်ကို မျက်နှာမူပြီးတော့၊ ရှိတဲ့ အချိန်ကို အကောင်းဆုံး ဖြစ်အောင်လို့ သုံးချင်တယ်။ အဲဒါကို ကျမတို့ အများဆုံး ဝိုင်းပြီးတော့ ကူညီစေချင်တယ်။

“အားလုံးသိတယ်ထင်လို့ ဒုက္ခရောက်ခဲ့”

ကျမတို့ဟာ အားလုံး အရာရာမှာ အဖက်ဖက်မှာ မကျွမ်းကျင်ဘူး။ တချို့ ကျမတို့ နိုင်ငံမှာ ဖြစ်ခဲ့တဲ့ ပြဿနာတွေထဲမှာတချို့တွေက သူတို့အားလုံး သိတယ်လို့ ထင်တာပဲ။ အဲဒါ ဘယ်လိုမှ မဖြစ်နိုင်ဘူး။ ဘယ်လိုမှ မဖြစ်နိုင်ဘူး။ ငါတော့ အားလုံးသိတယ်လို့ ထင်ပြီ ဆိုကတည်းက ဒုက္ခရောက်တော့တာပဲ။ ကျမတို့က အားလုံးမသိဘူး။ သိတဲ့လူတွေ ကျွမ်းကျင်တဲ့လူတွေကို ကျမတို့ တောင်းခံတယ်။ ကျမ တို့နဲ့ ဆွေးနွေးတိုင်ပင်ပြီးတော့၊ လုပ်စေချင်တယ်။ ကိုယ်ဘာလုပ်ပေးနိုင်မလဲ ဆိုတာကို စေတနာသန့်သန့်နဲ့ လုပ်ပေးစေချင်တယ်။စေတနာ သန့်သန့်နဲ့ လုပ်ပေးလို့ရှိရင် အများကြီး ကျေနပ်မှုကို ရမယ်။ ဒါက ကိုယ့်ရဲ့ အတွေ့အကြုံအရ ပြောတာပါ။ စေတနာ သန့်သန့်နဲ့ ကိုယ့်အတွက် ဘာမှ အကျိုးအမြတ် မရပဲနဲ့ နိုင်ငံ့အတွက် လုပ်ပေးရတဲ့ အရသာဟာ လုပ်ပေးဖူးတဲ့ လူမှ သိနိုင်ပါတယ်။ အဲဒီတော့ လုပ်ကြည့်ပါ။ ဘယ်လို လုပ်နိုင်မလဲ ဆိုတာကိုလည်း အခု ကျမကို အကြံဥာဏ်ပေးပါလို့ ကျမအနေနဲ့ မေတ္တာရပ်ခံချင်ပါတယ်။

“အလုပ်လက်မဲ့ပြသနာ"

နောက်တခုကတော့ အလုပ်လက်မဲ့ပြဿနာပါပဲ။ အလုပ်လက်မဲ့ဆိုတာဟာ ပညာတတ် အလုပ်လက်မဲ့၊ ပညာတတ် အလုပ်လက်မဲ့တွေလည်း ရှိတယ်။ အလုပ်လက်မဲ့ကိစ္စတို့ လက်ဗလာတို့က ကျမတို့နိုင်ငံမှာ ဟိုး အောက်ကနေ အထက်အထိ ရှိတယ်။ တောလက်ကျေးရွာမှာနေတဲ့ လယ်သမားတွေက အလုပ်အကိုင် လက်မဲ့ဖြစ်နေသလို၊ ကျမတို့ရဲ့ ဘွဲ့ရတွေကလည်း အလုပ်လက်မဲဖြစ်နေတယ်။ အဲတော့ အလုပ်ရမယ့် ကိစ္စဆိုရင် ကျမတို့ တတ်နိုင်သမျှ ကြိုးစားပြီးတော့ လုပ်ပေးမှာပဲ ဖြစ်ပါတယ်။ ကျမတို့ရဲ့ ဒီ Chamber of Commerce မှာ တနေ့က US Chamber of Commerce နဲ့ US ASEAN Business Council နဲ့ ကျမတို့ စကားပြောပါတယ်။ အဲဒီတုန်းက ကျမတို့ရဲ့ စီးပွားရေးနဲ့ ပတ်သက်လို့ ရည်မှန်းချက်တွေ၊ မျှော်လင့်ချက်တွေကိုလည်း ကျမတို့ ချပြပေးပါတယ်။ အဲဒါကို ကြည့်ခြင်းအားဖြင့် ကျမတို့ ဘယ်လိုအခွင့် အရေးတွေ ရှိနိုင်မလဲ၊ ပိုပြီးတော့ အခွင့်အရေးတွေကို ကျမတို့ ကျယ်ကျယ်ပြန့်ပြန့်ဖြစ်အောင်လို့ ဘယ်လိုလုပ်ဖို့ ရည်ရွယ်ချက် ရှိသလဲဆိုတာကို ခန့်မှန်းလို့ရပါတယ်။

“ဥပဒေမဲ့ မြေသိမ်းကိစ္စ”

မြေနဲ့ပတ်သက်လို့ကိစ္စဟာ ကျမတို့နိုင်ငံမှာ အင်မတန်မှ ကြီးမားတဲ့ ပြဿနာဖြစ်ပါတယ်။ ဘာဖြစ်လို့လဲဆိုတော့ မြေပိုင်ဆိုင်ခွင့်၊ မြေပိုင်ဆိုင်ခွင့်ဆိုတာ အရင်တုန်းက ဥပဒေနဲ့ မကိုက်ညီဘဲ သိမ်းထားတဲ့ မြေတွေရဲ့ ပြဿနာကြောင့်မို့ ကျမတို့အခု မြေနဲ့ပတ်သက်တဲ့လုပ်ငန်းတွေကို အကောင်အထည်ဖော်တဲ့နေရာမှာ အများကြီး အခက်အခဲဖြစ်နေတယ်။ ဥပမာဆိုရင် ကျမတို့ရဲ့ စိုက်ပျိုးရေး စီမံကိန်းတွေပေါ့။ စိုက်ပျိုးရေးစီမံကိန်းတွေကို ကျမတို့ စွဲထားပေးပါတယ်။ ဒါပေမဲ့ စိုက်ပျိုးရေး စီမံကိန်း တော်တော်များများဟာ လယ်သမားတွေရဲ့ လယ်ယာပိုင်ဆိုင်ခွင့်နဲ့က ချိတ်ဆက်နေတဲ့အခါကျတော့ ကျမတို့ အကောင်အထည်ဖော်တဲ့ နေရာမှာ ဟိုဘက်ကနေပြီးတော့ အဲဒီ တရားဥပဒေအရ ပိုင်ဆိုင်မှုပြဿနာတွေကို မဖြေရှင်းနိုင်သေးလို့ ကျမတို့မှာ အရှေ့ကို တိုးလို့မရသလို ဖြစ်နေပါတယ်။ ဒါပေမဲ့ အမြန်ဆုံးဖြေရှင်းနိုင်ဖို့ ကျမတို့ ကြိုးစားနေပါတယ်။ ဒါပေမဲ့ မလွယ်ပါဘူး။ ကျမ ပွင့်ပွင့်လင်းလင်းပဲ ပြောတာပါ။ ဒီလို မတရားသဖြင့်ပေါ့နော် ဥပဒေနဲ့ မကိုက်ညီစွာ သိမ်းဆည်းခဲ့ပြီးတော့ ပြန်ပြီးတော့ မပေးတဲ့ လယ်ယာမြေကိစ္စတွေဆိုတာ လွန်ခဲ့တဲ့ အနှစ် ၂၀ လောက်ကတည်းက စပြီးတော့ ဖြစ်နေတာ ဆိုးဆိုးရွားရွားပေါ့။ ဟိုးအရင်တုန်းကတော့ နည်းနည်းပါးပါးတော့ ရှိနေမှာပေါ့။ အဲတော့ အဲဒီဟာတွေ အားလုံးကို ကျမတို့ စပြီးတော့ ဖြေရှင်းဖို့ ကြိုးစားတာဟာ ၂၀၁၃ လောက်မှ လွှတ်တော်ထဲကနေ စခဲ့တာ။ သို့သော်ငြားလည်း မျှော်လင့်သလောက် တိုးတက်မှုမရှိခဲ့ဘူး။ အမြန်ဆုံး တိုးတက်အောင်တော့ ကျမတို့ လုပ်ပါမယ်။ ကျမတို့ကနေပြီးတော့ ဟိုတယ်နဲ့ ခရီးသွား စီးပွားရေးကဏ္ဍကိုလည်း အများကြီး အားပေးချင်ပါတယ်။ အဲဒါကိုတော့ ကျမတို့ တတ်နိုင်သမျှ ကြိုးစားနေပါတယ်လို့ ပြောချင်ပါတယ်။

“တိုင်းရင်းသား မကြေနပ်ချက်”

နောက်ပြီးတော့ ကျမတို့ရဲ့ တိုင်းရင်းသားများနဲ့ပတ်သက်လို့ပေါ့ - တိုင်းရင်းသားတွေကြားထဲမှာ အမျိုးသားရင်ကြားစေ့ရေး၊ ငြိမ်းချမ်းရေးကိစ္စကို ထောက်ခံတယ်ဆိုတဲ့အတွက် အများကြီးကို အားတက်ပါတယ်။ အဲဒါကို ခုနက နောက်ဆုံးပြောသွားတဲ့ ရခိုင်ကိစ္စနဲ့ ဆက်ပြောချင်ပါတယ်။ ကျမတို့နိုင်ငံမှာ တကယ်ပဲ အမျိုးသားရင်ကြားစေ့ရေး ဖြစ်နိုင်ရမယ်။ နောက်ပြီးတော့ ငြိမ်းချမ်းရေးရဖို့ဆိုရင် ကျမတို့ရဲ့ တိုင်းရင်းသားအားလုံး ကျမ ခဏခဏ သတိပေးရတယ်။ ဗမာတွေကလည်း တိုင်းရင်းသားတစုပါလို့။ ခက်နေတာက ဗမာတွေက အများစုဖြစ်နေတော့ ဘယ်သူကမှ မကျေနပ်ကြဘူး။ တခါတလေကျ ဗမာတွေကလည်း သိပ်ချစ်စရာမကောင်းဘူး။ ကျမကိုယ်တိုင်ကလည်း ဗမာဆိုတော့ အဲ့လိုပြောလို့ရတယ်။ အဲဒါ ကျမတို့တိုင်းရင်းသားတွေကလည်း နားလည်မှုတော့ ရှိရမယ်။ တခါတလေဆိုရင် လူနည်းစု တိုင်းရင်းသားတွေဖြစ်လို့ လူများစုအပေါ်မှာ လုံးဝ အမြင်မကြည်ဘူး။ ဘာလုပ်လုပ် မကြိုက်ချင်ဘူး။ ဒါကလည်း သူ့သဘာဝပဲ။ ဒါပေမဲ့ ဗမာတိုင်းရင်းသားတွေကလည်း အနိုင်ကျင့်ခဲ့တာ နည်းနည်းကြာပြီနဲ့ တူပါတယ်။ ဗိုလ်ကျတယ်။ အနိုင်ကျင့်တဲ့အခါကျတော့ ကျမတို့ကို မြင်တဲ့အခါမှာ သံသယနဲ့ မြင်ကြပါတယ်။

“ခွဲခြားမှုမရှိ”


ဒါပေမဲ့ ကျမက အမှန်အတိုင်းပြောတာပါ။ ကိုယ့်ကိုယ်ကို အမွှန်းတင်ပြီးတော့ ပြောတာ မဟုတ်ပါဘူး။ ကျမတို့ရဲ့ မိသားစုထဲမှာလည်း တခါမှ တိုင်းရင်းသားတွေကို ခွဲခြားဆက်ဆံစရာဖို့ကို အဲ့လိုမျိုး ကျမတို့ကို ပြုစုပျိုးထောင်ခဲ့တာ မရှိတော့ ကျမတို့က လုံးဝ နားမလည်ဘူး။ နည်းနည်း ကြီးလာတော့မှ ဒီလို တိုင်းရင်းသားတွေကို ခွဲခြားနိုင်ပါလားဆိုတာ ကျမတို့ သဘောပေါက်တယ်။ မေမေက အမြဲပဲ ကျမတို့ကို သင်ပြတာက တိုင်းရင်းသားတွေက ဖေဖေ့အပေါ်မှာ အင်မတန်မှ သစ္စာရှိတယ်ဆိုတာ ဖေဖေမရှိတဲ့နောက်ပိုင်းမှာ ကျမတို့မိသားစုကို ပုံစံမပျက် စောင့်ရှောက်ခဲ့တာ တိုင်းရင်းသားတွေပဲ ဖြစ်တယ်လို့ အမြဲပဲ ကျမတို့ကို သင်ခဲ့ပါတယ်။ အဲတော့ ကျမတို့အနေနဲ့ကတော့ တိုင်းရင်းသားတွေနဲ့ ပတ်သက်လို့ ဘာမှ ခွဲခြားလိုစိတ်မရှိဘူး။ ဒါပေမဲ့ ၀မ်းနည်းစွာ ပြောရမယ်ဆိုရင် ကျမ ကြီးလာတာနဲ့အမျှ ဒါမျိုးတွေရှိတယ်ဆိုတာ မြင်လာတယ်။ မြင်လာတော့ အဲဒါတွေလည်း ကျမတို့ အတတ်နိုင်ဆုံး ပြုပြင်ပြောင်းလဲနိုင်အောင် ကျမတို့ ကြိုးစားပါတယ်။

“ကိုဖီအာနန်ကော်မရှင်”

ဒီ ရခိုင်ကိစ္စနဲ့ ပတ်သက်လို့ ပြောရမယ်ဆိုရင် ကျမကတော့ ဒါ ပွင့်ပွင့်လင်းလင်း ပြောချင်တယ်။ ကျမတို့ ကိုဖီအာနန် ကော်မရှင်ကို ဆန့်ကျင်တဲ့ ဟာက လူမျိုးရေး၊ ဘာသာရေးတောင်မဟုတ်ဘဲနဲ့ နိုင်ငံရေး ရည်ရွယ်ချက်တွေ ပါနေတယ်လို့ ကျမကတော့ မြင်ပါတယ်။ အဲဒါ အင်မတန်မှ ၀မ်းနည်းစရာ ကောင်းပါတယ်။ ကိုယ့်နိုင်ငံရေးအဖွဲ့အစည်းတွေရဲ့ အကျိုးကို ကြည့်ပြီးတော့ ကျမတို့ တနိုင်ငံလုံးအတွက် လုပ်နေတဲ့ကိစ္စကို မအောင်မြင်စေချင်တဲ့ စေတနာတွေ ထားတယ်ဆိုတာကတော့ မဖြစ်သင့်ပါဘူး။ အဲဒါကြောင့်မို့လို့ ကူညီတယ်ဆိုတာဟာ ကိုယ့်အချင်းချင်းလည်း နားလည်အောင် ပြောရမယ်။ ဒီလိုကော်မရှင်ဖွဲ့ခြင်းဟာ ကျမတို့အတွက် ဘာမှ အကျိုးယုတ်မှု မရှိဘူး။ ပြောရမယ်ဆိုရင် ဒီကော်မရှင်ဖွဲ့လိုက်လို့လည်း ကျမတို့ကို OIC ကနေပြီးတော့ Human Rights နဲ့ ပတ်သက်လို့ Resolution မတင်တော့ဘူးလို့ ဆုံးဖြတ်လိုက်တာပါပါတယ်။ ဒီ့အပြင်မှာလည်း ကျမတို့အခု Third Committee မှာ နှစ်တိုင်းနှစ်တိုင်း ရုန်းကန်နေရတဲ့ကိစ္စ အခု ဒီနှစ်တော့ သက်သာသွားပြီဆိုတာ။ ဒါတွေဟာ ကျမတို့ရဲ့ ကြိုးပမ်းမှုတွေထဲမှာ ဒီကော်မရှင်ဖွဲ့တဲ့ ကြိုးပမ်းမှုကလည်း အင်မတန် ထိထိရောက်ရောက်နဲ့ ကူညီပေးခဲ့လို့ ဖြစ်ပေါ်လာတဲ့ကိစ္စ။

“လူငယ်ပညာရေး”

နောက်တခုက ကျမတို့လူငယ်တွေ ပညာ ပိုတတ်ရေး။ ဒါကတော့ စောစောကလည်း ကျမ ပြောပါတယ်။ ကျမတို့ရဲ့ ကလေးတွေ ပညာတတ်ဖို့လိုတယ်။ အဲဒီဟာတွေနဲ့ ပတ်သက်လို့ ကျမတို့ ပူးပေါင်း ဆောင်ရွက်ချင်ပါတယ်။ ကိုယ့်ဟာကိုယ်ဖွဲ့စည်းပြီးတော့ ပြောရမယ်ဆိုရင်တော့ နှစ်ဆထက်မက တက်သွားတာပေါ့ ၄၀% ကျော်ကနေ ၈၀% ကျော်ထိဆိုတော့ ၂ ဆမက တက်သွားတယ်ဆိုတာလည်း ကျမ ဂုဏ်ပြုပါတယ်။ အများကြီးပဲလည်း ၀မ်းသာပါတယ်။ အဲဒါမျိုး တတ်နိုင်တဲ့ဘက်က ကျမတို့ ဒါကို အကူအညီ ပိုတိုးပေးချင်ပါတယ်။

“နျူ ကလီးယားစွမ်းအင်”

နျူကလီးယားစွမ်းအင်နဲ့ပတ်သက်လို့ နျူကလီးယားစွမ်းအင် လုပ်မယ် - မလုပ်မယ် ဆိုတာက ကျမတို့ရဲ့ overall energy policy ကို ဆုံးဖြတ်ပေးမှာဖြစ်တယ်။ ဘယ်လောက်အထိ လူထုက နျူကလီးယားစွမ်းအင်နဲ့ ပတ်သက်လို့ ထဲထဲဝင်ဝင် လုပ်သင့်တယ်၊ မလုပ်သင့်တယ်ဆိုတာကို စဉ်းစားရမှာဖြစ်ပါတယ်။ ကျမတို့ရဲ့ စွမ်းအင်ဆိုတာဟာ စွမ်းအင်နဲ့ပတ်သက်လို့ ကိစ္စတွေဟာ နိုင်ငံရေး၊ လူမှုရေး ကိစ္စတွေနဲ့ အများကြီး ဆိုင်ပါတယ်။ ဥပမာဆိုရင် - hydro electronic နဲ့ ပတ်သက် လို့ရှိရင် တိုင်းရင်းသားနယ်မြေတွေမှာရှိနေတဲ့ အရင်းအမြစ်တွေ ဖြစ်တဲ့အတွက် ကျမတုိ့ကနေ ဓာတ်အားရရှိရေးကိုပဲ စဉ်းစားလို့မရဘူး။ တိုင်းရင်းသားတွေရဲ့ ခံစားမှုနဲ့ တိုင်းရင်းသားတွေရဲ့ လိုအပ်ချက်၊ နောက်ပြီးတော့ နောင်ကို စဉ်းစားရမယ့် resource sharing၊ ဒါ နိုင်ငံရေးကိစ္စတွေပါ။ အဲဒါတွေကို ကျမတို့ လျစ်လျူရှုလို့ မရပါဘူး။ နျူကလီးယားလည်း အတူတူပါပဲ။ နျူကလီးယားစွမ်းအင်ကိုနဲ့ ပတ်သက် လို့ရှိရင် ကမ္ဘာ့နေရာ တော်တော်များများမှာလည်း ကြောက်ကြပါတယ်။ ဒါတွေက အားလုံး သိပြီးသားပါ။ အထူးသဖြင့် ဂျပန်မှာ ဖူကူရားမားမှာ ဖြစ်တဲ့ကိစ္စ ဆိုရင် တော်တော်များများက ပြောကြပါတယ်။ ဂျပန်လို တိုးတက်ပြီးတော့ ပညာတတ်တွေ များပြားတဲ့နိုင်ငံမှာတောင်မှ ဒီလို လွဲချော်မှုတွေ ဖြစ်နိုင်လို့ရှိရင် ဒီလိုကိစ္စတွေဟာ ကျမတို့လို human capacity/capacity building သိပ်ပြီးတော့ မမြင့်သေးတဲ့ နိုင်ငံမှာ လုပ်လို့ဖြစ်ပါ့မလား။ မတော်တဆထိခိုက်မှုတွေ ခဏခဏ ဖြစ်မလားပေါ့။ ဘာလို့လဲဆိုတော့ ကျမတို့ကလည်း မကျွမ်းကျင်သေး ဘူးလေ။ ဟိုမှာ ဒီလောက် ကျွမ်းကျင်တဲ့သူတွေတောင်မှ အမှားအယွင်း ဖြစ် သွားသေးတာပဲ။

“သဘာဝဘေးအန္တရာယ်”


တခါတလေလည်း သဘာဝဘေးအန္တရာယ်ကြောင့်၊ အခု ကျမတို့နိုင်ငံမှာ ရာသီဥတုပြောင်း လဲမှုကြောင့် အထိခိုက်ဆုံး နိုင်ငံတနိုင်ငံဖြစ်မယ်လို့ ပညာရှင်တွေက သတ်မှတ်ထားပါတယ်။ အဲဒါကြောင့် ရာသီဥတု ပြောင်းလဲ မှုကြောင့်မို့ အထိခိုက်နိုင်ဆုံး နိုင်ငံဖြစ်မယ်ဆိုတော့ ကျမတို့ သဘာဝဘေးအန္တရာယ် ဥပမာ - ငလျင်လှုပ်တာတို့၊ ရေကြီးတာတို့၊ မြေပြိုတို့ အဲဒီလိုဟာမျိုးတွေကို ကျမတို့ အများကြီး ထည့်စဉ်းစားရမှာဖြစ်ပါတယ်။ ကျမတို့က တကူးတက သုံးဖို့ ဆုံးဖြတ် မယ်ဆိုရင်တောင်မှ ဘယ်နေရာမှာ ဆောက်မလဲ။ ဒီဟာတွေဟာ ဘယ်လို အန္တရာယ်မျိုးတွေ ဖြစ်နိုင်သလဲ။ ဒီအန္တရာယ်တွေကို ကျမတို့က ကာကွယ်နိုင်မှာလား။ အဲဒါတွေကို အများကြီး စဉ်းစားရမှာဖြစ်ပါတယ်။ ဒါကြောင့်မို့လို့ ကျမကတော့ ကျမတို့ စွမ်းအင်မူဝါဒအောက်မှာ နျူကလီးယားစွမ်းအင်ကို ဘယ်လိုကဏ္ဍအနေနဲ့ သတ်မှတ်မလဲ။ ဘယ်လောက်အထိ ကျမတို့ဟာ နံပါတ်တစ် နိုင်ငံရေးအရ၊ နံပါတ်နှစ် ကျွမ်းကျင်မှုအရ၊ နံပါတ်သုံးကတော့ ကျမတို့ရဲက ငွေရေးကြေးရေး တတ်နိုင်မှု ဘယ်လောက်အထိ စွမ်းဆောင်နိုင်မလဲဆိုတာ ဆုံးဖြတ်ရမှာ ဖြစ် ပါတယ်။ ဒါပေမဲ့ ဒီလို စေတနာနဲ့ အကြံပြုတဲ့အတွက် ကျမတို့ ကျေးဇူးတင်ပါတယ်။ ကျမတို့က စွမ်းအင်နဲ့ ပတ်သက်လို့ရှိရင် အမျိုးမျိုး စဉ်းစားရတယ်။ တမျိုးတည်းနဲ့ပဲ ရလို့ မဖြစ်ဘူး။ တမျိုးတည်းကို ကျမတို့ အားကိုးလို့ မရဘူး။ အမျိုးမျိုး ကျမတို့ လိုအပ်နေတဲ့ စွမ်းအင်တွေကို အမြန်ဆုံး ဖြည့်ဆည်းပေးဖို့ ကြိုးစားရမှာ ဖြစ်ပါတယ်။

“အခြေခံ အဆောက်အဦ”

  Infrastructure အဓိကကတော့ ကျမတို့ communication ဆိုရင် ဒီနှစ်ခုမှာ အားနည်းနေတဲ့ အခါကျတော့ လာပြီးတော့ ရင်းနှီးမြှုပ်နှံ မှုတွေရဲ့ အခန်းကဏ္ဍက လွတ်သွားမယ်။ ရင်းတော့ ရင်းနှီးမြှုပ်နှံပါရဲ့။ လမ်းတော့ မဆောက်ဘူးဆိုတော့ ဘယ်လိုလုပ်မလဲ။ အဲဒါမျိုးတွေ သူတို့ပြောလာမှာပေါ့။ ဒါလည်း မှန်ပါတယ်။ သူတို့က စက်ရုံပဲ ဆောက်ပေးချင်တာ။ လမ်းပါ ဆောက်ဖို့က မရှိဘူး။ တချို့က အခြေအနေ ကြည့်ပြီးတော့ စက်ရုံရော၊ လမ်းရော ဆောက်ပေးပြီး သူတို့အကျိုးအမြတ် ပိုတောင်း မယ်ဆိုရင်လည်း ဒါလည်း တရားမျှတပါတယ်။ ကျမ တို့ကတော့ အဘက်ဘက် ကနေပြီးတော့ အောင်မြင်အောင် လုပ်ပေးမှာပါ။ “ကနေဒါ ဖယ်ဒရယ်” အခု ကနေဒါနဲ့ နောက်ဆုံး အဆုံးသတ်ရမယ်ဆိုရင် Canada federation နဲ့ ပတ်သက်လို့ ကျမတို့ ဒါကို စီစဉ်ပြီးသား ဖြစ်ပါတယ်။ ကျမတို့ ကနေဒါမှာ လာပြီးတော့ federation ကို လေ့လာဖို့ဆိုတာ ကျမတို့ နိုင်ငံရေး အသိုင်းအ၀ိုင်း ကရော၊ တပ်မတော်အသိုင်းအ၀ိုင်းကရော၊ တိုင်းရင်းသားလူမျိုးများ အသိုင်းအ၀ိုင်း ကရော စုပေါင်းပြီးတော့ လာပြီးတော့ လေ့လာပြီးတော့ ဆွေးနွေးပြီးတော့ ဘယ်လို ပုံစံနဲ့ အောင်မြင်အောင် လုပ်နိုင်မလဲ။ ကနေဒါက ကျမတို့အတွက် သင်ခန်းစာယူ ရမယ့်ဟာက capitalism အခါက ကွဲသွားမယ်ဆိုရင် ဒီနေ့ကွဲမလား၊ မနက်ဖြန် ကွဲမလားဆိုပြီး ပြင်သစ်ဘာသာစကားနဲ့ ပတ်သက်လို့ ဖြစ်ခဲ့တဲ့အချိန် ရှိတာပါပဲ။ ဒါပေမဲ့ ဒါတွေကို ကျော်သွားပြီး အခုဆိုရင်တော့ ကွဲရေးတော့ သိပ်မကြားတော့ ဘူးနော်။ တချိန်တခါတုန်းက ဒီနေ့၊ မနက်ဖြန်များ ကနေဒါ ကွဲတော့မလားလို့ ထင် ရတာ။ အဲဒီဟာကို ကျော်လွှားတော့ ဘယ်လိုပုံစံနဲ့ ကျော်လွှားခဲ့ရသလဲ ဆိုတာ ကိုလည်း ကျမတို့အနေနဲ့ သင်ခန်းစာယူစရာတွေ အများကြီးရှိပါတယ်။ အဲဒါကြောင့် ကျမတို့က ကနေဒါကို လာဖို့ဆိုတာဟာ ရည်ရွယ်ချက် အပြည့်အ၀ ရှိပါ တယ်။ နောက်ပြီးတော့ ကျမကလည်း honoring citizen ဆိုတော့ အဲဒီမှာ သွားချင်ပါတယ်။ ဒီလို ကျမတို့ကို ဖိတ်ခေါ်တဲ့အတွက်လည်း အများကြီးကို ကျေးဇူး တင်ပါတယ်။  

“နှစ်နိုင်ငံသား ခံယူရေး”

 Dual Citizenship ဆိုတာကိုတော့ ကျမတို့ နိုင်ငံတနိုင်ထဲ အတွက်တော့ မစဉ်းစားေ ပးနိုင်ပါဘူး။ ကျမတို့ နိုင်ငံအားလုံးနဲ့ပတ်သက်ပြီးတော့ စဉ်းစားမှာပေါ့။ ကျမတို့ ကနေပြီးတော့ အမေရိကန်နိုင်ငံသားတွေကို Dual Citizenship ပေးမယ်ဆိုလဲ ကျမတို့ မပေးနိုင်ပါဘူး။ ကျမတို့အနေနဲ့ Dual Citizenship ဆိုတဲ့ Principle ကို လက်ခံမလား၊ လက်မခံဘူးလားဆိုတာ ဆုံးဖြတ်ရမှာပါ။ ဆိုတော့ အဲဒီဟာဟာ အများကြီး ကျယ်ပြန့် ပါတယ်။ ဒါပေမယ့်လည်း ခနကလိုပေါ့နော်၊ Social Visa တို့ ဘာတို့ကိစ္စကတော့၊ ဒါကတော့ ကျမတို့ ရေတိုအတွင်းမှာ ဆုံးဖြတ်နိုင်တဲ့ ကိစ္စ တခု ဖြစ်ပါတယ်။ စောစောက ကျမပြောသလို ပိုက်ဆံတော့ ပိုတောင်းမယ်နော်။ ဟုတ်တယ်လေ၊ Quid pro quo ပေါ့၊ တယောက်နဲ့ တယောက် ကူညီတဲ့ သဘော တရားအရပေါ့။ ဒါပေမယ့် ဒါကလဲ ကျမတို့ကနေပြီးတော့ မူအရ လုပ်ရမှာပေါ့။ ကျမ အခုလုပ်တဲ့ဟာတွေ ရေရှည်မှာရော၊ အခုပြန်လို့မရလို့ ပြန်ချင်တဲ့လူတွေ၊ ဥပမာ ဟိုဟာလုပ်ပေးပါ၊ ဒီဟာလုပ်ပေးပါဆိုပြီးတော့ ကျမကို ပြောကြပါတယ်။ စောစောကပြောသွားတဲ့တယောက် ပြောသလိုပေါ့၊ နိုင်ငံရေးလုပ်လို့မရဘူး ဆိုပြီးေ တာ့ ၀န်ခံချက်ထိုးမှ ဗီစာပေးတယ်ဆိုတော့၊ ကျမကဒါကို စဉ်းစားတယ်၊ ဒါဟာ မတရားဘူးပေါ့။ ကျမတို့ကိုယ်တိုင် နိုင်ငံရေးလုပ်လို့ ဒီနေရာ ရောက်နေ တာပဲ။ နိုင်ငံရေး မလုပ်ရပါဘူးဆိုတာတော့ မဖြစ်နိုင်ဘူး။ ကျမတို့ ဖြေလျော့ပေးနိုင် သမျှ အများကြီး ဖြေလျော့ပေးပါမယ်။ နောက်ပြီးတော့ နောက်တခုက နိုင်ငံတကာရဲ့ လုပ်ပုံလုပ်နည်းလဲ ကျမတို့ နဲနဲလေ့လာဖို့ လိုပါတယ်။ ဘာဖြစ်လို့လဲဆိုတော့ သံတမန်ရေးရာမှာ သံအမတ်ကြီးအဆင့် နေတဲ့နိုင်ငံတွေက တချို့ စည်းမျဉ်း စည်းကမ်းတွေ သူတို့ လက်ခံထားတာက အကြောင်းရှိလို့ပဲ။ အလကားသက်သက် မဟုတ်ပါဘူး။ ဖြစ်နိုင်တဲ့ ပြဿနာတွေ၊ နောက်ဆက်တွဲတွေ ဘာဖြစ်နိုင်သလဲဆိုတာကို သူတို့ကြည့်ပြီးတော့ တချို့ စည်းမျဉ်း စည်းကမ်းတွေကို သူတို့ကနေပြီးတော့ လိုက်နာတာ ဖြစ်တယ်။ ဒါကြောင့်မို့၊ ကျမတို့ကနေပြီးတော့ ဥပမာဆိုရင် ဗီစာနဲ့ပတ်သက်လို့ ပြောမယ်ဆိုရင်၊ တခြားနိုင်ငံတွေက ဘယ်လိုလုပ်လဲဆိုတာကို ကျမတို့ လေ့လာမှဖြစ်မယ်။ အထူးသဖြင့် ဒီမိုကရေစီ ရင့်ကျက်တဲ့နိုင်ငံကြီးတွေကပေါ။ ဘာဖြစ်လို့လဲဆိုတော့ သူတို့က လုပ်သက် အတွေ့အကြုံတွေ အရ သူတို့က လုပ်တာဖြစ်တယ်။ ကျမတို့ ဒါကို လေးလေးနက်နက် စဉ်းစားပါ့မယ်။ ဒါပေမယ့် Dual Citizenship ကတော့ အခု ကျမတို့ မစဉ်းစားသေးဘူး။ ဒါဟာ အင်မတန် နက်နဲတဲ့ကိစ္စပါ။ ဒါကို ကျမတို့ ဒီက အမေရိကန်နိုင်ငံမှာတော့ မြန်မာနိုင်ငံက ရောက်နေတဲ့ လူတွေ အများစုဖြစ်ပေမယ့် အမေရိကန်နိုင်ငံတခုထဲပဲ ကျမတို့ ကွက်ပြီးတော့ စဉ်းစားလို့ မရသေးပါဘူး။ Dual Citizenship ဆိုတာဟာ တကမ္ဘာ လုံးက နိုင်ငံတွေနဲ့ ဆိုင်တာပါ။ ဒီတော့ ကိုယ့်ရဲ့နိုင်ငံသားဆိုတဲ့ အနေအထားကို ကျမတို့ တန်ဖိုးထားတယ်၊ ဒါက ကိုယ်မွေးလာကတည်းက ရတဲ့ ကိုယ့်ရဲ့အမွေ။ အဲဒါကြောင့်မို့လို့ Citizenship နဲ့ ပတ်သက်လို့ ကျမတို့ ပေါ့ပေါ့တန်တန် မစဉ်းစားဘူး။ ကျမတို့ စောစောကပြောတဲ့အတိုင်းပဲ ကျမတို့နိုင်ငံသားတွေ ဖြစ်သည် ဖြစ်စေ၊ မဖြစ်သည် ဖြစ်စေ၊ မြန်မာနိုင်ငံက ပေါက်ဖွားလာတဲ့လူတွေ အားလုံးဟာ ကျမတို့နိုင်ငံရဲ့ သားသမီးတွေလို့ သံရုံးကနေပြီးတော့ ဆက်ဆံပါလို့ ကျမ အသေအချာ ပြောချင်ပါတယ်။
VOA Burmese News ပထမပိုင်း VOA Burmese News