09/22/16

သမီးက ဘယ်သိမှာလဲ?
အိမ်အကူ လုပ်ဖို့တဲ့
လခ တစ်သောင်းခွဲတဲ့
စရိတ်ငြိမ်း ထမင်းလည်းစားရမယ်ဆိုတော့
ရွာမှာ ထမင်းငတ်နေတဲ့အဖြစ်ကြီးက
လွတ်ပြီ။

မြို့လည်ခေါင်မှာနေရမှာတဲ့
တိုက်ကြီး တာကြီးမှာ
မီးမရှိတဲ့ သမီးတို့ အိမ်ကလေးထက်တော့
သာမှာပေါ့နော်။

ဓနိမိုးနဲ့ ထရံကာ
အိမ်ဦးခန်းမှာ
ဘုရားစင်ကလေး တစ်စင်ရယ်။
ဗိုလ်ချုပ်အောင်ဆန်းပုံကလေးရယ်
ဒါပဲ သမီးတို့ အိမ်မှာ ရှိတယ်။
ဒါနဲ့ပဲ အင်းဝအမည်တွင်တဲ့
ငရဲခန်းဆီရောက်သွားတော့
သမီးအသက်က ဆယ့်တစ်နှစ်။

သူတို့က အပ်ချုပ်ကြတာ။
ဒါပေမဲ့ သမီးတို့ဘဝတွေကိုပါ ချုပ်ခဲ့တယ်။

သူတို့ဆီမှာ အဘတွေ လာချုပ်တယ်။
လူကြီးလူကောင်းတွေ လာချုပ်တယ်။
ဒါပေမဲ့ သမီးတို့ဘဝလေးကို
စောင်းငဲ့လို့မှ ကြည့်မသွားကြပါဘူး။

ငရဲ ဆိုတာ သေပြီးမှကျတာလို့
ဘယ်သူက ပြောသလဲ?

လူသားဟာ တိရိစ္ဆာန်ထက် မြင့်တယ်လို့
ဘယ်သူက ပြောသလဲ?

သမီးလက်တွေကို လှန်ချိုးတယ်။
လက်ချောင်းကလေးတွေ
တစ်ချောင်းချင်း တစ်ချောင်းချင်း
နောက်ပြန်လှန်ပြီး ကျိုးတဲ့အထိ
အား … အမယ်လေး
နာလိုက်တာ အမေရယ်
အား နာကျင်မှုဟာ
အသည်းထဲက လာတယ်။

ဒါပေမဲ့ သမီးမငိုရဘူး
အသံထွက် မအော်ရဘူး
အသံထွက်ရင် သတ်ပစ်မယ်တဲ့။

အား အား အား
သမီးလက်တွေ သမီးရဲ့ လက်ကလေးတွေ
လက်ချောင်းဖြူဖြူလေးတွေ ကျိုးသွားတဲ့အထိ
နောက်လှန်ချိုးတာကို
သမီး အံကြိတ်အောင့်ခံနေရတယ်။

အသံ မထွက်ရဲလို့ နှုတ်ခမ်းကို
သွားနဲ့ တင်းတင်းကိုက်ထားတယ်
နှုတ်ခမ်းတွေကနေ သွေးတွေစီးကျ
သမီးမျက်လုံးထဲမှာ ပြာနှမ်း
ဘာကိုမှ မမြင်တော့ဘူး
အသည်းခိုက်တဲ့
အဆုံးစွန် နာကျင်မှုကလွဲလို့
သမီး ဘာကိုမှ မခံစားရတော့ဘူး။

မေမေရေ သမီးကိုကယ်ပါ။
ဘုရားရှင် သမီးတို့ကို ကယ်ပါ။
ဗိုလ်ချုပ်အောင်ဆန်းက
လွတ်လပ်ရေးယူပေးခဲ့ပေမယ့်
သမီးတို့ ခုထိ ကျွန်ဖြစ်နေဆဲပါ။

ကျွန်မှ အဆိုးဆုံးကျွန်
သုံ့ပန်းလို ကျွန်။
ခွေးလို နွားလို ကျွန်။
ခွေးထက်နွားထက် ဆိုးတဲ့ကျွန်။

ထမင်းအသိုးတွေသမီးတို့ကို
ကျွေးတယ်။
ပျို့တက်ချင်လာတဲ့စိတ်ကိုထိန်းရင်း
ချဉ်စုတ်စုတ် ပုတ်အဲ့အဲ့တွေကို
ကြိတ်မှိတ်မျိုချခဲ့ရ။
အန်ချမိရင် သူတို့က ရိုက်ဦးမှာ။

လခလုံးဝမရတာ ငါးနှစ်ကျော်
ထွက်ပြေးရင် သူခိုးလို့
အချုပ်ထဲ ဖမ်းထည့်မတဲ့။ ဟုတ်မှာ
ရဲတွေကို သူတို့ကပိုင်တယ်လေ။

အသားဖြူဖြူ ခပ်ချောချော
ကုလားမင်းသားလေးနဲ့တူတဲ့ အကိုက
သမီးကို ချုပ်ထားတယ်။
သူ့မိန်းမက မျက်နှာကို မီးနဲ့မြှိုက်တယ်။
အဲ့အကိုက ပရဟိတ အကျိုးဆောင်သတဲ့
အမှိုက်တွေ ကောက်ပြခဲ့သေးတယ်။

လမ်းကို သန့်စင်ပေးဖို့
သူ နားလည်ပေမယ့်
သမီးတို့ဘဝတွေကို သန့်စင်ဖို့
သူ သိတတ်ပုံ မရ။

သမီး ခြေထောက်တွေ
သမီးလက်တွေ
တစ်ခုမှ အကောင်းပကတိ မရှိတော့။

နာလိုက်တာ အမေရယ်
အား အမယ်လေးလေး
အသည်းခိုက်မတတ်
ရက်ရက်စက်စက် နာပါတယ်။
ချွေးတွေ တကိုယ်လုံးပျံတက်လာ
သွေးထဲလှိုက်တဲ့နာကျင်မှုဟာ
တဆတ်ဆတ် ခန္ဓာကိုယ်အနှံ့တုန်ခါတယ်။

သမီးတို့ကို အကိုကြီးတစ်ယောက်က
ဓာတ်ပုံရိုက်သွားတယ်။
ပြီးတော့ ဘာမှ ဆက်မဖြစ်ဘူး
နောက်သုံးလ ကြာသွားတယ်။
တစ်ရက်ကို ငရဲတစ်ကမ္ဘာဆိုရင်
သမီးတို့ ငရဲမှာ နောက်ထပ်
ကမ္ဘာကိုးရာ ကြာခဲ့ရပေါ့။

ကူညီပါရစေက သမီးတို့ကို
ငရဲမှာ
နောက်ထပ်ကမ္ဘာကိုးရာ ကြာအောင်
ဆက်ထားတယ်။

လူ့အခွင့်ရေးကော်မရှင်က
သမီးတို့ကို ငရဲမှာ
နောက်ထပ် ကမ္ဘာကိုးရာ ကြာအောင်
ဆက်ထားတယ်။

ကျောက်တံတားရဲစခန်းမှာဖြစ်ဖြစ်
လူ့အခွင့်ရေးကော်မရှင်မှာဖြစ်ဖြစ်
သမီးတို့ဘဝတွေဟာ
ဒီ့ထက်ပိုကောင်းလိမ့်မယ်လို့ မထင်ဘူး။

အိမ်ဖော်ဆိုတာ ရိုက်ရတာပဲလို့
လူ့အခွင့်ရေးကော်မရှင်ကြီးက ပြောသတဲ့။

တစ်ခုတည်း သမီးသိတာက
လက်ချောင်းလေးတွေ တစ်ချောင်းစီ
မကျိုးမချင်း
နောက်လှန်အချိုးခံရတာ သိပ်နာတယ်။
တံတောင်ဆစ်ကနေ ဖျောင်းကနဲ
အချိုးခံရတာ သိပ်နာတယ်။

အသားတွေ အရှင်လတ်လတ်
ဓားနဲ့ အမွှမ်းခံရတာ သိပ်နာတယ်။

အသားဖတ်လေးတွေ
ကွာသွားတာကြည့်ရင်း
သွေးတွေ စီးကျလာတာကြည့်ရင်း
တအိအိ သမီးငိုခဲ့ရ။
နာလိုက်တာ ဆိုးလိုက်တာ။

သမီးမျက်နှာပေါ်က
အသားညှော်နံ့က ခုထိမွှန်ထူဆဲ။
ဓားနဲ့ အလှီးခံရတဲ့
သမီး နှာခေါင်းက အခုထိ နာကျင်ဆဲ။

အား အမယ်လေး လေး
နာလိုက်တာ အမေရယ်။

(Photo : မူရင်းတင်သူ)
Thorn Nay Soe


ညှင်းပမ်းခံရသူမိန်းကလေးနှစ်ဦးအမှု (MOI)
ညှင်းပမ်းခံရသူမိန်းကလေးနှစ်ဦးအမှု (MOI)

အင်းဝအထည်ချုပ်ဆိုင်တွင်း ညှင်းပမ်းနှိပ်စက်ခံခဲ့ရတဲ့ အမျိုးသမီးလေးတွေနဲ့ သတင်းပေးတိုင်ကြားခဲ့သူကို ကာကွယ်စောင့်ရှောက်ပေးဖို့ နိုင်ငံတော် သမ္မတရဲ့ တိုက်ရိုက်ညွှန်ကြားချက်ကို နိုင်ငံတော်သမ္မတရုံးက သတင်းထုတ်ပြန်လိုက်ပါတယ်။ ဒါကြောင့် ပြည်ထဲရေးဝန်ကြီးဌာနက လုံခြုံရေး ကာကွယ်ပေးတာတွေ၊ လူမှုဝန်ထမ်း ကယ်ဆယ်ရေးနဲ့ ပြန်လည်နေရာချထားရေးဝန်ကြီးဌာနက ဆေးဝါးကုသစောင့်ရှောက်မှုတွေ လုပ်ဆောင်ပေးနေပြီဖြစ်ပါတယ်။ ညှင်းပမ်းနှိပ်စက်ခံခဲ့ရသူတွေ အမျိုးသမီးလေးတွေဟာ အခုလက်ရှိဆေးရုံကြီးမှာ ဆေးကုသမှုခံယူနေပြီး ရုပ်ပိုင်း၊ စိတ်ပိုင်းဆိုင်ရာ နှစ်သိမ့်ဆွေးနွေးမှုတွေနဲ့အတူ သူတို့ရဲ့ လုံခြုံရေးအတွက်ကိုလည်း စနစ်တကျ ဆောင်ရွက်ပေးနေသလို လူမှုဝန်ထမ်းဦးစီးဌာနက တရားလိုလုပ်ပြီး ကလေးသူငယ်ပုဒ်မ ၆၆(ဃ)အရလည်း တရားစွဲဆိုလိုက်ပြီဖြစ်တယ်လို့ လူမှုဝန်ထမ်း ကယ်ဆယ်ရေးနှင့်ပြန်လည်နေရာချထားရေး ဝန်ကြီးဒေါက်တာဝင်းမြတ်အေးက ဗွီအိုအေမြန်မာပိုင်းကိုပြောပါတယ်။ အသေးစိတ် မဆုမွန် ဆက်ပြောပြပါမယ်။

ဒီကနေ့ စက်တင်ဘာလ ၂၂ရက်နေ့ ရက်စွဲနဲ့ ကျောက်တံတားမြို့နယ်ထဲက ဖြစ်စဉ်နဲ့ပတ်သက်လို့ အလေးထားစောင့်ကြည့်နေကြောင်း နိုင်ငံတော်သမ္မတရဲ့ ညွှန်ကြားချက်နဲ့ နိုင်ငံတော်သမ္မတရုံးက သတင်းထုတ်ပြန်လိုက်တာဖြစ်ပါတယ်။ သမ္မတရုံးဘက်က သက်ဆိုင်ရာဝန်ကြီးဌာနတွေနဲ့ အဖွဲ့အစည်းတွေကို စိစစ်မေးမြန်းနေပြီး ညှင်းပမ်းနှိပ်စက်ခံရတဲ့ကာယကံရှင်တွေ၊ မိသားစုဝင်တွေနဲ့ သတင်းပေးခဲ့သူ တာဝန်သိပြည်သူကို လုံခြုံရေးအရစောင့်ရှောက်ကာကွယ်ပေးဖို့ ပြည်ထဲရေးဝန်ကြီးဌာနကို ညွှန်ကြားချက် ထုတ်လိုက်တာဖြစ်ပါတယ်။ လူမှုဝန်ထမ်း ကယ်ဆယ်ရေးနှင့်ပြန်လည်နေရာချထားရေး ဝန်ကြီး ဌာနအနေနဲ့လည်း ဆေးရုံကြီးမှာ လက်ရှိဆေးကုသမှုခံယူနေတဲ့ အမျိုးသမီးလေးတွေအတွက် လုံခြုံစွာနေထိုင်ရေးစီစဉ်ပေးနေပါတယ်။ နိုင်ငံတော်သမ္မတရဲ့ တိုက်ရိုက်ညွှန်ကြားချက်နဲ့ပတ်သက်လို့ လူမှုဝန်ထမ်း ကယ်ဆယ်ရေးနှင့်ပြန်လည်နေရာချထားရေး ဝန်ကြီးဒေါက်တာဝင်းမြတ်အေးက ဗွီအိုအေမြန်မာပိုင်းရဲ့မေးမြန်းမှုကို အခုလိုရှင်းပြပါတယ်။

ဒေါက်တာဝင်းမြတ်အေး။ ။သမ္မတကြီးကနေပြီးတော့ အလွန်စိတ်ဝင်စားပြီးတော့ ဒီကိစ္စမှာ သမ္မတကြီးကနေပြီးတော့ဦးဆောင်ပြီးတော့ အစိုးရအနေနဲ့ တုန့်ပြန်တာတွေလုပ်ရမယ် ။ဘာဖြစ်လို့လဲဆိုတော့ အစိုးရမှာတာဝန်ရှိတယ်၊ ဒီကိစ္စဟာပြည်သူဖြစ်တဲ့အတွက်။ သမ္မတကြီးကိုယ်တိုင်လည်း ဒီကိစ္စမှာဦးဆောင်နေတာရှိတာ၊ သမ္မတကြီးလည်းသိတယ် ဒီကိစ္စကို အစအဆုံး ဒါကြောင့်မို့လို့ ဒီကိစ္စကို သတင်းတွေကိုဖော်ထုတ်ပေးတဲ့ ခုနပြောတဲ့လူလေးပေါ့နော် သူ့ကိုလည်းကာကွယ်စောင့်ရှောက်ဖို့လိုတယ်လို့ ယူဆတာပေါ့နော်။ဒါမှန်ပါတယ်၊ အဲဒီအတိုင်းသက်ဆိုင်ရာတွေက ဆောင်ရွက်နေတာပေါ့၊ ကာကွယ်စောင့်ရှောက်တဲ့ကိစ္စကိုလေ

မဆုမွန်။ ။ အဲ့တော့ ဆရာတို့ အခု ကလေးသူငယ်ပုဒ်မ ၆၆(ဃ)အရ တရားစွဲဆိုထားပြီဆိုတော့ ဆရာတို့အနေနဲ့ တရားလိုလုပ်ပြီးတော့ ကျူးလွန်တဲ့သူတွေကို တရားဆက်စွဲမှာပါ့နော်။

ဒေါက်တာဝင်းမြတ်အေး။ ။ ဟုတ်ပါတယ်။ တင်ထားပြီးပါပြီ စွဲထားပြီးပြီပေါ့နော်။ ဒီအမှုက ဆက်လက်ပြီးတော့ စစ်ဆေးပြီးတော့ အဖြေထွက်လာမှာပေါ့နော် အဲဒါကျတော့ ကျနော်တို့က သင်တန်းကျောင်းအုပ်ဆရာမကြီးက တရားလိုလုပ်ပြီး စွဲထားပါတယ်။လူတယောက်က နာမည်တပ်ရမှာပေါ့ အစိုးရဘက်ကနေပြီးတော့လေ ။ သူကအစိုးရရဲ့တရားဝင် ၀န်ထမ်းတဦးဖြစ်တယ် သင်တန်းကျောင်းအုပ်ဆရာမကြီးကနေပြီးတော့တရားလိုလုပ်ပြီး စွဲထားပါတယ်။ ကလေးသူငယ်ပုဒ်မ ၆၆(ဃ)ကနေပြီးတော့ စွဲဆိုပြီးရင် ဒီအဖြစ်အပျက်အတိုင်း တရားခံတွေက အစစ်ခံရမှာပေါ့။ အဖြေထွက်လာရင်လေ။

မဆုမွန်။ ။ အဲ့ဒီ့တော့ ဆရာ အဲ့ဒီ့အမျိုးသမီးငယ်လေးတွေကို အခု ဆရာတို့လူမှုဝန်ထမ်း ကယ်ဆယ်ရေးနှင့်ပြန်လည်နေရာချထားရေး ဝန်ကြီးဌာန လူမှုဝန်ထမ်းဦးစီးဌာနက တာဝန်ယူစောင့်ရှောက်ထားတယ်လို့ သိရပါတယ်ဆရာ။ အဲ့ဒီ့တော့ အဲ့ဒီ့အမျိုးသမီးလေးတွေကို ဘယ်လိုများ ဆရာတို့ စောင့်ရှောက်ထားပါသလဲဆရာ။

ဒေါက်တာဝင်းမြတ်အေး။ ။ ဟုတ်ကဲ့ဒီလိုပါ ကျနော်တို့ ဒီကလေးလေးတွေက ကလေးသူငယ်ကာကွယ်စောင့်ရှောက်မှုဥပဒေနဲ့ အကျုံးဝင်တဲ့ကလေးတွေဖြစ်တယ်။ သူတို့ရဲ့ ဖြစ်ပျက်တဲ့ အဖြစ်အပျက်ကလေ၊ နောက်သူတို့ရဲ့ အသက်အားဖြင့်လည်း ၁၆ ၊ ၁၇ တွေဆိုတော့ နောက်သူတို့စပြီးတော့ နေခဲ့တာကိုက တော်တော်ငယ်ငယ်လေးကတည်းက နေခဲ့တာဖြစ်နေတော့ ကလေးသူငယ်နဲ့ဆိုင်တဲ့ကိစ္စဖြစ်နေတယ်။ ဖြစ်နေတော့ ကျနော်တို့က သတင်းရလိုက်တဲ့အချိန်မှာ ကျနော်တို့အနေနဲ့ ဒါဟာ ကျနော်တို့မှာ တာဝန်ရှိတယ်။ အစိုးရမှာ တာဝန်ရှိတယ်။ ဘာဖြစ်လို့လဲဆိုတော့ ဥပဒေတွေလည်းရှိတယ်၊ နည်းဥပဒေတွေလည်းရှိတယ်။ လုပ်ထုံးလုပ်နည်းတွေလည်းရှိတယ်၊ အဲဒီတော့ ဒီကလေးတွေအခုလိုမျိုး ညှဉ်းပန်း နှိပ်စက်ခြင်းခံရတယ်ဆိုရင် ကျနော်တို့အနေနဲ့ ဒီလိုမျိုးလစ်လျူရှုလို့မရဘူး အစိုးရအနေနဲ့အစိုးရမှာ တာဝန်ရှိတဲ့အတွက်ကြောင့် ကျနော်တို့ တာဝန်ယူရတာပေါ့။ တာဝန်ယူတော့ ဥပဒေကလည်း ရှိပြီးသားဆိုတော့ ကျနော်တို့ က ဒီဥပဒေနဲ့၆၆(ဃ) ကလေးသူငယ်များကာကွယ်စောင့်ရှောက်မှုဥပဒေဆိုတာရှိတယ် ၊ အဲဒီ ၆၆(ဃ)က ညှဉ်းပန်း နှိပ်စက်တာရှိရင် ကျနော်တို့ကနေပြီးတော့ တရားစွဲဆိုအရေးယူလို့ရတယ် ဒါကြောင့် ကျနော်တို့ ဒါကို အခုလိုမျိုးဆောင်ရွက်လိုက်တာဖြစ်ပါတယ်။

မဆုမွန်။ ။ ဆရာ အဲ့ဒီ့တော့ အဲ့ဒီ့အမျိုးသမီးလေးတွေကို ဘယ်ရက်လောက် စပြီးဆရာတို့ခေါ်ပြီးစောင့်ရှောက်ပေးထားတာပါလဲရှင့်။ အခု မိဘတွေနဲ့ရော သူတို့က အတူတူရှိနေလားဆရာ။

ဒေါက်တာဝင်းမြတ်အေး။။ ဒီလိုပါ မနေ့ညနေပိုင်းက စပြီးတော့ ကျနော်တို့ လူမှုဝန်ထမ်း ဦးစီးဌာနကနေပြီးတော့ ကာကွယ်စောင့်ရှောက် မယ်ဆိုပြီးတော့ - ရဲက စောင့်ရှောက်ထားတာ လည်း ရှိပါတယ်။ဆိုတော့ အဲဒီကနေပြီးတော့ လူမှုဝန်ထမ်း ဦးစီးဌာနမှာ စောင့်ရှောက်မယ်လို့ ဆုံးဖြတ်ထားတယ်။ သို့သော်လည်း အသက်မွေးဝမ်းကြောင်းပညာသင်ကြောင်းကို ထားလို့မရသေးတဲ့အခြေအနေဖြစ်နေတဲ့အတွက်ကြောင့် ဆေးရုံမှာ ဆေးကုသမှုခံယူပေးထားတယ်။ ဆေးရုံမှာ ဆေးကုသမှုခံယူပြီးရင်တော့ ကျနော်တို့ လူမှုဝန်ထမ်းကယ်ဆယ်စောင့်ရှောက်ရေး ကိုခေါ်သွားပြီးစောင့်ရှောက်မှာပါ။ အမှန်တော့ လက်ခံပြီးသားပဲ။ အခုဆေးရုံမှာထားပြီးတော့ ကျမ်းမာရေးစောင့်ရှောက်မူတွေပေးနေတယ်၊ နောက်ပြီးရင် ကျနော်တို့သည် နက်မောက်မှာရှိတဲ့ အမျိုးသမီးသက်မွေးပညာသင်ကြောင်းကို သူတို့ရောက်လာမယ်။

ဒါကတော့ လူမှုဝန်ထမ်း ကယ်ဆယ်ရေးနှင့်ပြန်လည်နေရာချထားရေး ဝန်ကြီးဒေါက်တာဝင်းမြတ်အေးကိုဆက်သွယ်မေးမြန်းခဲ့တာဖြစ်ပါတယ်။ အခုလို လူမှုဝန်ထမ်းဦးစီးဌာနက တရားလိုလုပ်ပြီး ကလေးသူငယ်ပုဒ်မ ၆၆(ဃ)အရလည်း တရားစွဲဆိုထားသလို ကျောက်တံတားမြို့နယ်ရဲစခန်း တာဝန်ရှိသူတွေရဲ့ အရေးယူဆောင်ရွက်ခဲ့ပုံအသေးစိတ်ကို နိုင်ငံတော်သမ္မတရုံးကို တင်ပြဖို့ ပြည်ထဲရေးဝန်ကြီးဌာနကို ညွှန်ကြားချက်ထုတ်ထားကြောင်းကိုလည်း နိုင်ငံတော်သမ္မတရုံးက သတင်းထုတ်ပြန်ထားပါတယ်။ ဒါ့အပြင် ညှိနှိုင်းဆောင်ရွက်ပေးခဲ့တဲ့ မြန်မာနိုင်ငံအမျိုးသားလူ့အခွင့်အရေးကော်မရှင်ရဲ့ ဆောင်ရွက်မှုတွေနဲ့ အခြေအနေတွေကို အလေးထားစောင့်ကြည့်နေကြောင်းလည်း ဒီနေ့သတင်းထုတ်ပြန်ချက်ထဲ ထည့်သွင်းဖော်ပြထားပါတယ်။
VOA Burmese News

သူပုန်တွေကို ထောက်ခံတဲ့ Thiqa သတင်းဌာနရဲ့ ဗီဒီယိုထဲမှာ ညအမှောင်ထဲ မီးတောက်မီးလျှံတွေ တက်လာတဲ့ပုံကို တွေ့ရ။

ဆီးရီးယား နိုင်ငံမှာ တစ်ပတ်ကြာ အပစ်ရပ်မှု ပျက်ပြား ခဲ့ပြီးနောက် အလက်ပိုမြို့က သူပုန်တွေ ထိန်းချုပ်ထားတဲ့ ဧရိယာတွေမှာ လပေါင်းများစွာ အတွင်း အပြင်းထန်ဆုံး ဗုံးကြဲ တိုက်ခိုက်မှုတွေကို မနေ့က တစ်ညအတွင်းမှာ ရင်ဆိုင် ကြုံတွေ့ခဲ့ရတယ်လို့ အခွင့်အရေး လှုပ်ရှားသူတွေက ပြောပါတယ်။

အလက်ပိုမှာ ရှိတဲ့ အေအက်ဖ်ပီ သတင်းထောက်ကတော့ တိုက်လေယာဉ်တွေ ဗုံးကြဲလို့ သူနေတဲ့ လမ်း တစ်လမ်းလုံး ညတွင်းချင်း မီးလောင်သွားတယ်လို့ ပြောပါတယ်။

ကလေး ၃ ယောက် အပါအဝင် အနည်းဆုံး ၇ ယောက် သေဆုံးတယ်လို့ ယုံကြည်ရပါတယ်။

ဒေသခံ ဆရာဝန် တစ်ယောက်ကတော့ ရိုက်တာ သတင်းဌာနကို ပြောရာမှာ လူ ၄၅ ယောက် သေဆုံးတယ်လို့ ဆိုပါတယ်။

ဆီးရီးယားထဲက တခြား စစ်မျက်နှာ တွေမှာလည်း တိုက်ပွဲတွေ ပြန်ဖြစ်နေပါပြီ။

သူပုန်တပ်တွေနဲ့ အစိုးရတပ်တွေ တစ်ဖက် တစ်ပိုင်းစီ သိမ်းပိုက်ထားတဲ့ အလက်ပို မြို့ထဲမှာ လူ ၂ သန်းလောက် ပိတ်မိ နေတာပါ။

အဲဒီ လူတွေအတွက် ထောက်ပံ့ရေး ပစ္စည်းတွေ ပေးပို့နိုင်ဖို့ အဓိက ရည်ရွယ်ပြီး အပစ်အခတ် ရပ်ဆိုင်းဖို့အတွက် အမေရိကန်နဲ့ ရုရှားတို့ အစောပိုင်းက သဘောတူ ခဲ့ကြတာပါ။ ဒါပေမယ့် ထောက်ပံ့ရေး အကူအညီတွေ ပေးပို့နိုင်တဲ့အဆင့် အထိ မရောက်ခဲ့ပါဘူး။

တနင်္လာနေ့ကတော့ အကူ ယာဉ်တန်း တိုက်ခိုက်ခံရတဲ့ ဖြစ်ရပ် ပေါ်ပေါက်ခဲ့ပြီး အဲဒီ ကိစ္စအတွက် အမေရိကန်နဲ့ ရုရှားတို့ အပြန်အလှန် စွပ်စွဲနေကြပါတယ်။
BBC Burmese


နေပြည်တော်၊ စက်တင်ဘာ ၂၂

ရန်ကုန်တိုင်းဒေသကြီး၊ ကျောက်တံတားမြို့နယ်၊ အမှတ်(၉)ရပ်ကွက်၊ လမ်း(၄၀) (အထက် ဘလောက်) ရှိ အင်းဝအပ်ချုပ်ဆိုင်တွင် အိမ်အကူ မိန်းကလေးငယ် (၂)ဦးကို ညှဉ်းပန်းနှိပ်စက်မှု ကိစ္စအား စုံစမ်း ဖော်ထုတ် သတင်းရယူပြီး လူမှုရေး အသိစိတ်ဓာတ်ဖြင့် ကြိုးပမ်း ဆောင်ရွက် ခဲ့သော Myanmar Now သတင်းဌာနမှ သတင်းထောက်ချုပ် ဦးဆွေဝင်း အား နိုင်ငံတော်သမ္မတ ၏ ဂုဏ်ပြုမှတ်တမ်းလွှာကို ပြန်ကြားရေး ဝန်ကြီး ဌာန ပြည်ထောင်စု ဝန်ကြီး ဒေါက်တာဖေမြင့် က ပေးအပ်ချီးမြှင့်မည်ဖြစ်ပါသည်။

ဂုဏ်ပြုမှတ်တမ်းလွှာ ပေးအပ် ချီးမြှင်ခြင်းကို ၂၀၁၆ ခုနှစ် စက်တင်ဘာလ (၂၃)ရက်နေ့ နံနက် (၉)နာရီခွဲတွင် ပြန်ကြားရေးဝန်ကြီးဌာန၊ အစည်းအဝေး ခန်းမ၊ နေပြည်တော်၌ ကျင်းပပြုလုပ် မည်ဖြစ်ပါ၍ သတင်းမီဒီယာများ သတင်း ရယူနိုင်ပါကြောင်း အသိ ပေးအပ်ပါသည်။

MOI Webportal Myanmar
https://www.facebook.com/MOIWebportalMyanmar



အမျိုးသမီးငယ်နှစ်ဦး ညှဉ်းပမ်းနှိပ်စက်ခံရတဲ့အမှု အရေးယူပေးဖို့ ၈၈ မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက စက်တင်ဘာလ ၂၂ ရက်နေ့က ထုတ်ပြန်တဲ့ ကြေညာချက်ကို တွေ့ရစဉ်။ Photo: The 88 Generation Peace and Open Society
အစိုးရအနေနဲ့ အင်းဝအပ်ချုပ်ဆိုင်အိမ်ဖော် အမျိုးသမီးငယ်နှစ်ဦး ညှဉ်းပမ်းနှိပ်စက်ခံရတဲ့အမှုနဲ့ ပတ်သက်ပြီး ကျူးလွန်ခဲ့သူတွေနဲ့ တာဝန်ရှိသူတွေကို အမြန်ဆုံးဖော်ထုတ် အရေးယူပေးဖို့ ၈၈ မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့အစည်းက ဒီကနေ့ ကြေညာချက်ထုတ်ပြန် တိုက်တွန်းလိုက်ပါတယ်။

အမျိုးသမီးငယ်နှစ်ဦးရဲ့အမှုနဲ့ ပတ်သက်ပြီး မြန်မာနိုင်ငံအမျိုးသား လူ့အခွင့်အရေးကော်မရှင်ရဲ့ လုပ်ဆောင်ချက်တွေဟာ လူ့အခွင့်ရေးချိုးဖေါက်မှုကို အားပေးခဲ့တဲ့ပုံစံမျိုး တွေ့ရတယ်လို့လည်း ၈၈ မျိုးဆက်ငြိမ်းချမ်းရေးနဲ့ ပွင့်လင်းလူ့အဖွဲ့အစည်း လူထုဆက်ဆံရေးနှင့် လူ့အခွင့်အရေးဌာန တာဝန်ခံ ကိုဂျင်မီက ပြောပါတယ်။

"ကျွန်တော်တို့ရဲ့အမြင်မှာကိုက လူ့အခွင့်အရေးချိုးဖေါက်မှုနဲ့ ရာဇဝတ်မှုကို လျော်ကြေးပေးရုံနဲ့ လွတ်မြှောက်သွားတယ်ဆိုတာဟာ လူ့အခွင့်အရေးချိုးဖေါက်မှုကို တနည်းနည်းနဲ့အားပေးနေတယ်လို့ ကျွန်တော်တို့ကမြင်တယ်၊ ရာဇတ်ဝတ်မှုမြှောက်တဲ့ဟာကို အရေးယူရမယ်၊ လျော်ကြေးပေးတာကိုလည်း တပိုင်းလုပ်ရမယ်"

မြန်မာနိုင်ငံအမျိုးသား လူ့အခွင့်အရေးကော်မရှင်ရဲ့ ဖြေရှင်းပုံဟာ ပြည်သူကတင်မြှောက်ထားတဲ့ အစိုးရရဲ့မူဝါဒတွေနဲ့ ဆန့်ကျင်နေပြီး နိုင်ငံရဲ့ပုံရိပ်ကို ထိခိုက်စေတဲ့အပြင် လူ့အခွင့်အရေးချိုးဖေါက်တဲ့ အမှုတွေကို လျော်ကြေးပေးရုံနဲ့ လွတ်မြှောက်သွားတယ်ဆိုတာကို လက်မခံဘူးလို့လည်း ၈၈ အဖွဲ့ရဲ့ကြေညာချက်ထဲမှာ ပါရှိပါတယ်။

အင်းဝအပ်ချုပ်ဆိုင်က အိမ်ဖေါ်အမျိုးသမီးငယ်နှစ်ဦး ညှဉ်းပမ်းနှိပ်စက်ထားတဲ့အမှုကို လျော်ကြေးငွေနဲ့ အမှုကြေအေးဖို့ နှစ်ဘက်သဘောတူခဲ့တာဖြစ်တယ်လို့ မြန်မာနိုင်ငံအမျိုးသား လူ့အခွင့်အရေးကော်မရှင်က မနေ့က သတင်းစာရှင်းလင်းပွဲမှာပြောခဲ့ပါတယ်။

ဒါပေမဲ့ ဒီအမှုဟာ လူကုန်ကူးမှု၊ ညှဉ်းပမ်းနှိပ်စက်မှုဖြစ်တဲ့အတွက် လူမှု့ဝန်ထမ်းနဲ့ ပြန်လည်နေရာချထားရေး ဝန်ကြီးဌာနအပါအဝင် မြန်မာနိုင်ငံရဲတပ်ဖွဲ့ကပါ အမှုကျူးလွန်ခဲ့သူတွေကို ဖမ်းဆီးထားပြီး တရားစွဲဆိုဖို့ပြင်နေသလို တခြားဥပဒေအဖွဲ့အစည်းတွေကလည်း တရားစွဲဖို့စီစဉ်နေပါတယ်။

ဒါ့အပြင် ဒီမှုနဲ့ပတ်သက်ပြီး လူ့အခွင့်အရေးအကာအကွယ်မပေးခဲ့တဲ့ မြန်မာနိုင်ငံလူ့အခွင့်အရေးကော်မရှင် အဖွဲ့ဝင်တချို့ကို ထိရောက်တဲ့အရေးယူမှုတွေ လုပ်ဆောင်ပေးဖို့ အရေးကြီးအဆိုကို ဒီကနေ့ မနက်ပိုင်းက ကျင်းပတဲ့ ပြည်သူ့လွှတ်တော်မှာ လွှတ်တော်ကိုယ်စားလှယ် ဦးဌေးဝင်းအောင် က တင်သွင်းခဲ့ပြီး လွှတ်တော်မှာလက်ခံဆွေးနွေးဖို့ ဆုံးဖြတ်ခဲ့ကြပါတယ်။

RFA Burmese
http://www.rfa.org/burmese



(တရားလွှတ်တော်ရှေ့နေ ဦးရောဘတ်စန်းအောင် ကို တွေ့ရစဉ်) Photo: RFA
အိမ်အကူမိန်းကလေး ၂ ယောက်ကို လုပ်ခလစာမပေးဘဲ ညှဉ်းပမ်းနှိပ်စက်ခဲ့တဲ့ အင်းဝအပ်ချုပ်ဆိုင်ပိုင်ရှင်တွေရဲ့ ကျူးလွန်မှုကို ငွေကြေးပေးပြီး ကျေအေးဖို့ ညှိနှိုင်းဆောင်ရွက်ပေးခဲ့တဲ့ မြန်မာနိုင်ငံ အမျိုးသားလူ့အခွင့်အရေးကော်မရှင်ကို တရားစွဲမယ်လို့ တရားလွှတ်တော်ရှေ့နေ ဦးရောဘတ်စန်းအောင်က ပြောပါတယ်။

မြန်မာနိုင်ငံလူ့အခွင့်အရေး ကော်မရှင်ကို မှုခင်းထိန်ချန်မှုနဲ့ တရားစွဲဆိုသွားမှာဖြစ်တယ်လို့ ရှေ့နေ ဦးရောဘတ်စန်းအောင်က ပြောပါတယ်။

မြန်မာနိုင်ငံ အမျိုးသား လူ့အခွင့်အရေးကော်မရှင်ကို တရားစွဲဆိုနိုင်ဖို့အတွက် နိုင်ငံတော်သမ္မတထံ တရားစွဲဆို ခွင့်ပြုမိန့် တောင်းခံမှာဖြစ်ပါတယ်။

ကော်မရှင် အဖွဲ့ဝင်တွေဟာ အလုပ်တာဝန်ထမ်းဆောင်စဉ် ဖြစ်ပွားခဲ့တာကြောင့် ရာဇဝတ်ကျင့်ထုံးဥပဒေ ပုဒ်မ ၁၉၇ အရ တရားစွဲဆို ခွင့်ပြုမိန့် တောင်းခံရတာလို့ ပြောပါတယ်။

နှစ်နဲ့ချီပြီး ညှဉ်းပမ်းနှိပ်စက်ခံခဲ့ရတဲ့ မိန်းကလေး ၂ ဦးကို စုစုပေါင်း လျော်ကြေးငွေ သိန်းငါးဆယ်ကျပ်နဲ့ ကျေအေးဖို့ မြန်မာနိုင်ငံ အမျိုးသားလူ့အခွင့်အရေးကော်မရှင်က ညှိနှိုင်းပေးခဲ့တာဖြစ်ပါတယ်။

လက်ရှိမှာ အင်းဝအပ်ချုပ်ဆိုင်ပိုင်ရှင်တွေကို လူကုန်ကူးမှုတားဆီးရေးရဲတပ်ဖွဲ့နဲ့ လူကယ်ပြန်ဝန်ကြီးဌာနတို့က လူကုန်ကူးမှုတားဆီးကာကွယ်ရေး ဥပဒေပုဒ်မ၊ ကလေးသူငယ်ညှဉ်းပမ်းနှိပ်စက်မှုဆိုင်ရာ ဥပဒေပုဒ်မတွေနဲ့ တရားစွဲဆိုထားပါတယ်။

RFA Burmese
https://www.facebook.com/rfaburmese


ရန်ကုန်မြို့ ​ကျောက်တံတားမြို့နယ်က ​အင်းဝ ​အပ်ချုပ်ဆိုင်မှာ ​အိမ်အကူ ​အလုပ်လုပ်ကိုင်တဲ့ ​မိန်းကလေး ​၂ ​ဦးကို ​နှိပ်စက်တဲ့ကိစ္စနဲ့ ​ပတ်သက်ပြီး ​ကြားဝင်ညှိနှိုင်းပေးခဲ့တဲ့ ​လူ့အခွင့်အရေး ​ကော်မရှင် ​အဖွဲ့ဝင် ​တချို့ကို ​အရေးယူဖို့အတွက် ​လွှတ်တော်မှာ ​အရေးပေါ် ​ဆွေးနွေးနေကြပါတယ်။

အိမ်အကူ ​မိန်းကလေး ​၂ ​ဦးကို ​နှိပ်စက်တဲ့ကိစ္စနဲ့ ​ပတ်သက်ပြီး ​အပ်ချုပ်ဆိုင် ​ပိုင်ရှင် ​မိသားစုဝင် ​၄ ​ဦးကို ​ဖမ်းမိထားပြီး ​၂ ​ဦးကို ​ဆက်လက်ရှာဖွေနေသေးတယ်လို့ ​ဖေ့စ်ဘွတ်နဲ့ ​မြန်မာသတင်းတွေမှာ ​ရေးသားထားပါတယ်။

အိမ်အကူတွေကို ​ကိုယ်လက်အင်္ဂါ ​ချို့ယွင်းတဲ့အထိ ​နှိပ်စက်ခဲ့တာကို ​လူ့အခွင့်အရေး ​ကော်မရှင်က ​ကြားကနေ ​ညှိနှိုင်းပေးရာမှာ ​ကျပ်သိန်း ​၅၀ ​နဲ့ ​ကြေအေးသွားတဲ့ ​ကိစ္စကိုလည်း ​မကျေမနပ် ​ဖြစ်နေတဲ့အတွက် ​လူ့အခွင့်အရေး ​ကော်မရှင်က ​မနေ့တုန်းက ​သတင်းစာ ​ရှင်းလင်းပွဲ ​ပြုလုပ်ခဲ့ပါတယ်။

ဒါပေမဲ့ ​သတင်းစာ ​ရှင်းလင်းပွဲမှာ ​ပြောသွားတဲ့ ​ကော်မရှင်ရဲ့ ​တုန့်ပြန်ချက်တွေကို ​မကျေနပ်ကြသေးတာကို ​တွေ့နေရပါတယ်။

အဲဒါကြောင့် ​ကော်မရှင်အဖွဲ့ဝင်တွေ ​နှုတ်ထွက်ပေးဖို့ ​လူမှုကွန်ယက်ပေါ်မှာ ​တောင်းဆိုမှုတွေရှိသလို၊ ​ကာတွန်းတွေကလည်း ​ကော်မရှင်ကို ​ပျက်ရယ်ပြုနေကြပါတယ်။

အဲဒါ့အပြင် ​လူ့အခွင့်အရေး ​ကော်မရှင်ကို ​ပြည်သူ့လွှတ်တော် ​နိုင်ငံသားများ၏ ​မူလအခွင့်အရေးဆိုင်ရာ ​ကော်မတီကလည်း ​ကြားနာဖို့အတွက် ​လွှတ်တော်ဥက္ကဌကတဆင့် ​ဆင့်ခေါ်ထားတယ်လို့ ​သိရပါတယ်။

ဒီကနေ့မှာတော့ ​အရေးကြီး ​အဆိုအနေနဲ့ ​လွှတ်တော်မှာ ​ဆွေးနွေးကြပြီး ​အဆိုတင်သွင်းချက်ကို ​လွှတ်တော်အမတ်တချို့က ​ထောက်ခံတယ်လို့လည်း ​ကနဦး ​သတင်းတွေအရ ​သိရပါတယ်။

အိမ်အကူတွေကို ​နှိပ်စက်မှု ​လုပ်တယ်လို့ ​ယူဆရသူတွေကိုလည်း ​လူမှုဝန်ထမ်း ​ဦးစီးဌာနက ​တရားစွဲဆိုမှု ​ထပ်မံ ​လုပ်လိုက်ပါတယ်။

အရင်ရက်တွေတုန်းက ​လူကုန်ကူးမှု ​တားဆီးနှိမ်နင်းရေး ​ရဲတပ်ဖွဲ့သာမက ​လွှတ်တော် ​အမျိုးသမီးနဲ့ ​ကလေးသူငယ်များ ​ကာကွယ်စောင့်ရှောက်ရေး ​ကော်မတီကပါ ​တရားလို ​လုပ်ပြီး ​အမှုဖွင့်လိုက်ပြီ ​ဖြစ်ပါတယ်။

နှိပ်စက်မှုတွေ ​ခံရတဲ့ ​မသဇင်နဲ့ ​မစန်းကေခိုင်တို့တွေ ​ခံစားရတဲ့ ​ကိုယ်ခန္ဓာ ​အနာရွတ်တွေနဲ့ ​စိတ်ဒဏ်ရာတွေ ​ကုစားပေးဖို့အတွက် ​ငွေကြေးတွေ ​ထည့်ဝင်ပြီး ​ကူညီကြဖို့ ​လုပ်ဆောင်တာတွေလည်း ​ရှိနေတာကို ​အွန်လိုင်းမှာ ​တွေ့နေရပြီး ​လူမှုဝန်ထမ်း ​ကယ်ဆယ်ရေးက ​စောင့်ရှောက်ထားပြီလို့ ​သိရပါတယ်။

ABC Radio Australia
http://www.radioaustralia.net.au/burmese


စစ်ကိုင်းတိုင်းဒေသကြီး၊ ခန္တီးမြို့နယ်၊ ပင်လုံကျေးရွာမှာ ကလေးငယ် အယောက် ၅ဝ ကျော် တုပ်ကွေးရောဂါ ဖြစ် ပွားနေပြီး ကျေးရွာမူလတန်းကျောင်းကိုလည်း ပိတ်ထားရပါတယ်။

ကျောင်းနေအရွယ်ကလေးတွေ ဖြစ်ပွားနေတာကြောင့် ကူးစက်မှာ စိုးရိမ်တဲ့အတွက် ကျောင်းပိတ်ထားရတာ ဖြစ် တယ်လို့ ခန္တီးမြို့နယ်၊ တိုင်းလွှတ်တော် ကိုယ်စားလှယ် ဦးမောင်တေး က ပြောပါတယ်။

"အများအားဖြင့်ကတော့ ကလေးတွေဖြစ်တာများတယ်၊ ၅ နှစ်အောက်ကလေးတွေက ၁၄ ယောက်၊ ၁၈ နှစ်အောက်က ၁၈ ယောက်၊ ၁၅ နှစ်အောက် ကလေးတွေက ၂၅ ယောက်လောက် ကျောင်းနေတဲ့ အရွယ်လေးတွေ ဖြစ်တဲ့အခါကျတော့ ကျောင်းကို ပိတ်ထားရတာ ခဏပေါ့နော်၊ တုပ်ကွေးက ကူးတဲ့အခါကျတော့ ကျောင်းကို ခဏပိတ်ထားလိုက်တာပေါ့"

ပင်လုံကျေးရွာဟာ ခန္တီးမြို့ကနေ မိုင် ၂ဝ ကျော် ကွာဝေးပြီး အိမ်ခြေ ၂ဝ ကျော် လူဦးရေ ၁ဝဝ ကျော်ရှိ တဲ့ ကျေးရွာဖြစ်ပါတယ်။

ပြီးခဲ့တဲ့ ၁၅ ရက်နေ့လောက်က ပင်လုံကျေးရွာက တုပ်ကွေးဖြစ်ပွားနေတဲ့ ကလေးငယ်တချို့ဟာ ခန္တီးမြို့ တစ်ဖက်ကမ်း ဆင်သေကျေးရွာမှာ ဆေးခန်းလာပြရာကနေ ကျေးရွာမှာ တုပ်ကွေးဖြစ်ပွားနေတဲ့ ကလေးတွေများနေတာကို သိရတာဖြစ်တယ်လို့ ဦးမောင်တေး က ပြောပါတယ်။

အခုလိုဖြစ်ပွားတာဟာ ရာသီဥတုပြင်းထန်မှုကြောင့်ဖြစ်တဲ့ သာမန်တုပ်ကွေးဖြစ်ပြီး ပြီးခဲ့တဲ့လတွေက လဟယ် မြို့နယ်ဘက်မှာ ဖြစ်ပွားခဲ့တဲ့ ဝက်သက်ရောဂါပုံစံမျိုး မဟုတ်ဘူးလို့ ခန္တီးခရိုင် ဆေးရုံအုပ်ကြီး ဒေါက်တာညွန့်စိန် က ပြောပါတယ်။

လက်ရှိမှာ ခန္တီးမြို့က ကျန်းမာရေးဝန်ထမ်းတွေ စေလွှတ်ပြီး ဆေးကုသပေးနေတယ်လို့လည်း ပြောပါတယ်။

RFA Burmese
http://www.rfa.org/burmese

မြန်မာနိုင်ငံ အမျိုးသား လူ့အခွင့်အရေးကော်မရှင်မှ တာဝန်ရှိသူများအား ရာဇ၀တ်ကြောင်းဖြင့် မှုခင်းထိန်ချန်မှု အပါအ၀င် တရားစွဲဆိုသွားရန်ရှိကြောင်း တရားလွှတ်တော်ရှေ့နေ ဦးရောဘတ်စန်းအောင် (HYGIENIC LEGAL CLINIC) မှ စက်တင်ဘာလ ၂၂ရက်က The Ladies သို့ပြောသည်။

မြန်မာနိုင်ငံ အမျိုးသားလူ့အခွင့်အရေး ကော်မရှင်အနေဖြင့် အိမ်ဖော်အမျိုးသမီးငယ်များအား ညှဉ်းပမ်းနှိပ်စက်ခံရမှု နှင့် ပတ်သက်ပြီး ငွေကြေးဖြင့်ပြေလည်အောင် ညှိနှိုင်းပြီး အမှုဖွင့်အရေးယူရေး ဆောင်ရွက်ရန် ပျက်ကွက်မှုသည် ကြီးမားသည့် အမှုကိစ္စဖြစ်သည့် အတွက်ဆိုကာ တရားစွဲဆိုသွားရန် ရှိကြောင်း ဆိုသည်။

ဦးရောဘတ်စန်းအောင်က “သူတို့ဆီက ထုတ်ပြန်တဲ့အချက်တွေလည်း စုဆောင်းနေတယ်။ စုဆောင်းနေတယ် ဆိုတာက အခုလတ်တလော မှုခင်းထိန်ချန်မှုက အဓိကဖြစ်တာပေါ့။ ရန်ကုန်တိုင်းဒေသကြီး တရားလွှတ်တော်မှာက ရာဇ၀တ်မှုရဲ့ စစ်ဆေးပိုင်ခွင့်အာဏာ ရှိတဲ့အတွက် ဒီအမှုကို ရန်ကုန်တိုင်းဒေသကြီး တရားလွှတ်တော်ကို တင်မှာဖြစ်တယ်။ တကယ်ပဲလုပ်မှာဖြစ်ပါတယ်” ဟု ပြောသည်။

တရားစွဲဆိုခွင့်ရနိုင်ရန် အချက်အလက်များ စုဆောင်းလျက်ရှိပြီး မီဒီယာများမှ သတင်းမှတ်တမ်းများ၊ ရုပ်သံမှတ်တမ်း အချက်အလက်များ ကို စုဆောင်းနေကြောင်းဆိုသည်။ အချက်အလက်များ စုဆောင်းရရှိသည့်နှင့် အဆိုပါကော်မရှင် သည် သမ္မတအမိန့်ဖြင့် ဖွဲ့စည်းထားခြင်းဖြစ်သည့်အတွက် ယင်းတို့အား တရားစွဲဆိုနိုင်ရန် သမ္မတထံ ခွင့်တောင်းရမည်ဖြစ်ပြီး သမ္မတမှ ခွင့်ပြုသည့်နှင့် တရားစွဲဆိုခြင်းအမှု ပြုနိုင်မည်ဖြစ်ကြောင်း ဆက်လက်ပြောသည်။

“သူတို့တွေ့ဆုံဆွေးနွေးတဲ့ အချက်တွေ ဒီဒဏ်ရာတွေ အဲ့ဒါတွေနဲ့ပတ်သက်ပြီးတော့ အချက်အလက်တွေ စုဆောင်းနေပါတယ်။ စုဆောင်းပြီးတာနဲ့ လဆန်းပိုင်းလောက်မှာ စပြီး နိုင်ငံတော် သမ္မတကြီးဆီမှာ တရားစွဲဆိုခွင့်ပြုမိန့် တောင်းခံပါမယ်။ တရားစွဲဆိုခွင့်ပြုမိန့် ရပြီဆိုတာနဲ့ ကျနော် စတင်တရားစွဲဆိုမှာပါ” ဟု ပြောသည်။

ယင်းနှင့်အတူ မြန်မာနိုင်ငံ လူ့အခွင်ရေးကော်မရှင်မှ တာဝန်ရှိသူများကို တရားစွဲဆိုရန် ကိစ္စပတ်သက်ပြီး မြန်မာနိုင်ငံ ရှေ့နေကွန်ရက်မှ ရှေ့နေများ၊ လူ့အခွင့်အရေး စိတ်ဝင်စားသည့် ရှေ့နေများ ပါဝင်မည်ဖြစ်ကြောင်း ဦးရောဘတ်စန်းအောင်က ပြောသည်။

စိုင်းဟန်
The Ladies News

NLD အစိုးရသစ်တက်စက မြန်မာနိုင်ငံ လူ့အခွင့်ရေးကော်မရှင် ဥက္ကဋ္ဌ ရာထူးအား လက်ခံရယူရန်အတွက် ၈၈ မျိုးဆက်ငြိမ်းချမ်းရေးနှင့် ပွင့်လင်း လူ့အဖွဲ့အစည်းမှ ကိုမင်းကိုနိုင်အား ကမ်းလှမ်းခဲ့ဖူးပါသည်။

The Ladies News မှလည်း အဆိုပါသတင်းကို ဖော်ပြခဲ့ဖူးပြီး ကိုမင်းကိုနိုင်ကမူ အဆိုပါရာထူးနှင့် ပတ်သက်၍ ငြင်းဆန်ခဲ့သည်ဟု ဧပြီလပထမအပတ်အတွင်းက The Ladies News က ဖော်ပြခဲ့ဖူးသည်။

ငြင်းဆန်ရသည့် အကြောင်းအရာများတွင် လက်ရှိ ငြိမ်း၊ ပွင့် အဖွဲ့တွင် အဖွဲ့ဝင်များစွာရှိနေပြီး အလုပ်သမား လယ်သမား အရေးအပါဝင် ကဏ္ဍများစွာရှိနေသည့်အတွက် လက်ရှိအဖွဲ့၏ လုပ်ငန်းဆောင်တာ ကိစ္စရပ်များ လစ်ဟင်းမှုများ ဖြစ်နိုင်မည့် အနေအထားမှာ အဓိကကျခဲ့သည်ဟု ဖော်ပြခဲ့ဖူးသည်။

ကျောက်တံတားမြို့နယ်မှ နေအိမ်အကူ အမျိုးသမီးငယ်နှစ်ဦး ညှင်းပန်းနှိပ်စက်ခံရမှုတွင် မြန်မာနိုင်ငံ လူ့အခွင့်ရေးကော်မရှင်၏ ဆောင်ရွက်မှု အပါဝင် လူ့အခွင့်ရေး ကိစ္စရပ်များတွင် လုပ်ဆောင်ချက် အားနည်းမှုရှိသည်ဟု လတ်တလောတွင် လူ့အခွင့်ရေး ကော်မရှင်အားဝေဖန်နေကြပြီး ကော်မရှင် တာဝန်ရှိသူများ ရာထူးမှ နုတ်ထွက်ပေးရန် တောင်းဆိုမှုများလည်း ရှိနေသည်။
The Ladies News


ရန်ကုန် စက်တင်ဘာ ၂၁

ရန်ကုန်တိုင်းဒေသကြီး ကျောက်တံတားမြို့နယ် အမှတ်(၉)ရပ်ကွက် လမ်း(၄ဝ)အထက်ရှိ အင်းဝအပ်ချုပ်ဆိုင်ပိုင်ရှင်နှင့်မိသားစုက အိမ်အကူမိန်းကလေးများအား ညှဉ်းပန်းနှိပ်စက်မှုဖြင့် ရန်ကုန်တိုင်းဒေသကြီး လူမှုဝန်ထမ်းဦးစီးဌာနမှ ၁၉၉၃ ခုနှစ် ကလေးသူငယ်ကာကွယ်စောင့်ရှောက်ရေး ဥပဒေပုဒ်မ ၆၆ (ဃ)ဖြင့် တရားစွဲဆိုနိုင်ရန် စက်တင်ဘာ ၂၁ ရက်နေ့ ညနေ ၃ နာရီတွင် ကျောက်တံတားမြို့မရဲစခန်း၌ ထပ်မံတရားလိုပြုလုပ် အမှုဖွင့်လှစ်ခဲ့ကြောင်း သိရသည်။

''အသက်(၁၈)နှစ်မပြည့်သေးတဲ့ ကလေးတွေကို နှိပ်စက်ညှဉ်းပန်းလို့ လူမှုဝန်ထမ်းဦးစီးဌာနက တရားလို ပြုလုပ် တရားစွဲဆိုတာဖြစ်ပါတယ်''ဟု ရန်ကုန်တိုင်းဒေသကြီး လူမှုဝန်ထမ်းဦးစီးဌာန ညွှန်ကြားရေးမှူး ဦးမျိုးဆက်အောင်က ပြောသည်။


အဆိုပါ မိန်းကလေးငယ်များသည် ရန်ကုန်တိုင်းဒေသကြီး ကော့မှူးမြို့နယ် ရှာဘွားကျေးရွာအုပ်စု ဘောလုံးကွင်းကျေးရွာနေ မစန်းကေခိုင်(၁၇)နှစ်နှင့် မသဇင်(၁၆)နှစ်တို့ဖြစ်ပြီး ၎င်းတို့၏ အုပ်ထိန်းသူမိဘများက အိမ်အကူလုပ်ငန်း လုပ်ကိုင်ရန်အတွက် အင်းဝအပ်ချုပ်ဆိုင်သို့ စေလွှတ်ခဲ့ကြောင်း သိရသည်။

အင်းဝအပ်ချုပ်ဆိုင်တွင် အိမ်အကူ လုပ်ငန်းလုပ်ကိုင်နေစဉ်အတွင်း အိမ်ရှင်နှင့်မိသားစုက အိမ်အကူမိန်းကလေးငယ်များ နေ့စဉ်နှိပ်စက်နေကြောင်း၊ ၎င်းတို့ ခန္ဓာကိုယ်အနှံ့အပြားတွင် ထိုးသွင်းပြတ်ရှ အမာရွတ်များလည်း တွေ့ရှိရကြောင်း မြန်မာနိုင်ငံ လူ့အခွင့် ရေးကော်မရှင်သို့လိပ်မူ၍ တိုင်တန်းမှုအား ကျောက်တံတားမြို့နယ် ရဲတပ်ဖွဲ့မှူးက တိုင်စာအား သက်သေများနှင့်အတူ စိစစ်ခဲ့ရာ ပိုင်ရှင်ဖြစ်သူ ဒေါ်တင်သူဇာက အိမ်အကူလစာ တစ်လလျှင် ငွေကျပ် နှစ်သောင်း ရမည်ဖြစ်ကြောင်း ပြောဆို၍ လက်ခံခဲ့ကြောင်း၊ လုပ်ခလစာများအား ၂ဝ၁၄ ခုနှစ် သြဂုတ်လအထိ ရရှိခဲ့သော်လည်း စက်တင်ဘာလမှစ၍ လုပ်ခလစာများ မရရှိတော့ဘဲ ဆက်လက်လုပ်ကိုင်နေရသည့်အပြင် လုပ်ငန်းလုပ်ကိုင်ရာတွင် လွဲချော်ပါက ဒေါ်တင်သူဇာနှင့် စုမွန်လတ်တို့က မျက်နှာနှင့် တစ်ကိုယ်လုံးအား ရိုက်နှက် နှိပ်စက်ညှဉ်းပန်းခြင်း၊ အစာရေစာ မကျွေးဘဲထားခြင်း၊ မစန်းကေခိုင်၏ လက်ချောင်းများအား လှန်ချိုးခြင်းနှင့် ကိုယ်အင်္ဂါ ချို့ယွင်းအောင် အမျိုးမျိုးနှိပ်စက်ခြင်းများ ပြုလုပ်ခဲ့ကြောင်း ရဲတပ်ဖွဲ့၏ သတင်းထုတ်ပြန်ချက်အရ သိရသည်။

စက်တင်ဘာ ၁၅ ရက်တွင် အိမ်အကူမိန်းကလေး မစန်းကေခိုင် ၏မိခင် ဒေါ်ညိုညိုဝင်းနှင့် မသဇင်၏ အဒေါ် ဒေါ်အုန်းငွေတို့အပါအဝင် နှစ်ဦးနှစ်ဖက် သက်ဆိုင်ရာပုဂ္ဂိုလ်များသည် မြန်မာနိုင်ငံလူ့အခွင့်အရေး ကော်မရှင်ရုံး၌တွေ့ ဆုံပြီး ကော်မရှင် အဖွဲ့ဝင်များ၏ ရှေ့မှောက်တွင်ညှိနှိုင်းခဲ့ကြရာ မစန်းကေခိုင်အတွက် နစ်နာကြေးသိန်း ၄ဝ၊ မသဇင်အတွက် နစ်နာ ကြေး ၁ဝ သိန်းတို့ကို ပေးအပ်ရန် သဘောတူညီမှုရရှိကာ ကျောက်တံတား မြို့နယ် အထွေထွေအုပ်ချုပ်ရေးဦးစီး ဌာနရုံး၌ ပေးအပ်ခဲ့ကြောင်းသိရသည်။

မြန်မာနိုင်ငံအမျိုးသား လူ့အခွင့် အရေးကော်မရှင်၏ ညှိနှိုင်းပေးချက် နှင့်ပတ်သက်၍ လူမှုကွန်ရက် စာမျက်နှာများတွင် မကျေနပ်မှုများ၊ ဝေဖန်သံများ ပျံ့နှံ့လျက်ရှိသည့်အပြင် စက်တင်ဘာ ၂၁ ရက် မွန်းလွဲ ၁ နာရီ က မြန်မာနိုင်ငံ အမျိုးသားလူ့အခွင့် အရေးကော်မရှင်ရုံးရှေ့တွင် စာတန်းများကပ်ခြင်းဖြင့် လူ့အခွင့်အရေး ကော်မရှင်၏ ညှိနှိုင်းပေးမှုကို ကန့်ကွက်သည့် ကမ်ပိန်းတစ်ခု ပြုလုပ်ခဲ့သည်။

ထို့ပြင် အမျိုးသမီးအဖွဲ့များ ကွန်ရက်(မြန်မာ)မှ မခင်လေးက''ပညာ လည်းမတတ်ဘူး၊ ဗဟုသုတလည်းမရှိ ဘူးဆိုရင် တရားဥပဒေအရ တရားစွဲ ရင် ဘယ်လိုအပြစ်ပေးလို့ရတယ်၊ နစ်နာကြေးကဘယ်လို၊ ဘယ်လို ဆောင်ရွက်ရတယ်။ ဒါတွေကို သေချာ ရှင်းပြပေးဖို့လိုတယ်။ ခုဟာက မလုပ် ပေးဘဲနဲ့ ရပ်ကွက်ထဲမှာရန်ဖြစ်တဲ့သူကို ဖြေရှင်းပေးသလို ဆောင်ရွက်ပေးသွားတာဖြစ်တဲ့အတွက် ကျွန်မတို့က မြန်မာနိုင်ငံလူ့အခွင့် အရေးကော်မရှင် ကို ရှုတ်ချတယ်''ဟု ပြောသည်။

မြန်မာနိုင်ငံ အမျိုးသားလူ့အခွင့် အရေးကော်မရှင်မှ အဖွဲ့ဝင် ဦးဇော်ဝင်းက ''ပြဋ္ဌာန်းထားတဲ့အချက်တွေနဲ့ အညီ ကျွန်တော်တို့ဆောင်ရွက်ပေး ခဲ့တာဖြစ်ပါတယ်။ ရဲကအစီရင်ခံစာ လာတင်တော့ သက်သေထွက်တာတွေ ပါတယ်။ ဒါပေမယ့် ဓာတ်ပုံမပါတဲ့ အတွက်ရယ်၊ နောက် ကျွန်တော်တို့ရဲ့ ကော်မရှင်ဥပဒေပုဒ်မ ၃၇ မှာ တရား ရုံးတွင် စစ်ဆေးနေတဲ့အမှုများ၊ တရားရုံးမှ စီရင်ဆုံးဖြတ်တဲ့ အမှုများကို ဝင်ရောက်စစ်ဆေးခြင်းမပြုရလို့ ပါတယ်။ အဲဒီတော့ ဒီအမှုက တရားရုံးလည်း မရောက်သေးဘူး၊ ရဲစခန်းမှာလည်း အမှုကမဖွင့်ရသေး ဘူး''ဟု ပြောသည်။


ထို့နောက် စက်တင်ဘာ ၂ဝ ရက် က အမှတ်(၆ )လူကုန်ကူးမှုတားဆီး နှိမ်နင်းရေးရဲတပ်ဖွဲ့စု ရန်ကုန်က တရားလိုပြုလုပ်၍ ဒေါ်တင်သူဇာနှင့် စုမွန်လတ်တို့အား အရေးယူပေးရန် တိုင်တန်းခဲ့သဖြင့် ၎င်းတို့နှစ်ဦးအား ကျောက်တံတားမြို့မရဲစခန်းက (ပ) ၁၉၃/၂ဝ၁၆ လူကုန်ကူးမှုတားဆီး ကာကွယ်ရေးဥပဒေပုဒ်မ ၂၄/၃၂ ဖြင့် အရေးယူဆောင်ရွက်ထားကြောင်း သိရသည်။

လူကုန်ကူးမှုတားဆီးနှိမ်နင်းရေး ရဲတပ်ဖွဲ့(ရန်ကုန်)မှ ဒုတိယရဲမှူး မျိုးသိန်းက''ပဏာမစစ်ဆေးလိုက်တဲ့ အခါကျတော့ လူကုန်ကူးမှုတားဆီး ကာကွယ်ရေး ဥပဒေပုဒ်မ ၃(က)မှာ ပြဋ္ဌာန်းထားတဲ့အချက်တွေနဲ့ သွားပြီး ငြိစွန်းနေတဲ့ အတွက်ကြောင့်မို့ လူကုန်ကူးမှုတားဆီးကာကွယ်ရေး ဥပဒေ ၂၄/၃၂ နဲ့ အမှုဖွင့်လှစ် ဆောင်ရွက်တာပါ''ဟု ပြောသည်။

လူကုန်ကူးမှုတားဆီးနှိမ်နင်းရေး က စွဲဆိုထားသည့် ပုဒ်မ၂၄/၃၂ တွင် ပုဒ်မ ၃၂ ၌ ထောင်ဒဏ်မည်မျှ ကျခံရမည်ဟု ဖွင့်ဆိုချက်တွင် မပါဝင်သော် လည်း ပုဒ်မ၂၄တွင် ထောင်ဒဏ် ၁ဝ နှစ်သို့မဟုတ် တစ်သက်တစ်ကျွန်း အပြင် ဒဏ်ငွေပါချမှတ်နိုင်သည်ဟု အနက်အဓိပ္ပာယ်ဖွင့်ဆိုထားကြောင်း တရားလွှတ်တော်ရှေ့နေ ဦးအောင် သူရိန်ထွန်းက ပြောသည်။

ထို့ပြင် ကလေးသူငယ် အခွင့် အရေးချိုးဖောက်ခံရသည်ကို တွေ့ရှိပါ က မိဘကိုယ်တိုင်မဟုတ်ဘဲ အခြား တာဝန်သိပြည်သူ တစ်ဦးဦးက တိုင်ကြားနိုင်သည်ဟု ဥပဒေတွင် ဖော်ပြထားကြောင်း Nay Thu Yein Law Farm မှ သိရသည်။

၎င်းကဆက်လက်၍ ''လူကုန်ကူးမှု တားဆီးကာကွယ်ရေးကိစ္စဟာ ကျေအေးပေးလို့ရတဲ့ ကိစ္စမဟုတ်ပါဘူး။ ဥပဒေကြောင်းအရ လူ့အခွင့် အရေးကော်မရှင်က ညှိနှိုင်းပေးခွင့် မရှိဘူး။ ရာဇဝတ်မှုက ရာဇဝတ်မှု ပါ။ ညှိနှိုင်းပေးရုံနဲ့ ပြေပျောက်တဲ့ ကိစ္စမဟုတ်ပါဘူး။ ဥပဒေကလည်း ခွင့်ပြုမထားပါဘူး''ဟု ကလေး အခွင့်အရေး လိုက်ပါဆောင်ရွက်နေသည့် Nay Thu Yein Law Farm မှ တရားလွှတ်တော်ရှေ့နေကြီး ဦးအောင်သူရိန်ထွန်းက ပြောသည်။


အိမ်အကူမိန်းကလေးငယ်များအား ညှဉ်းပန်းနှိပ်စက်ပြီး လုပ်ခလစာ များမပေးခဲ့သည့် ပြစ်မှုကျူးလွန်သူများအား စက်တင်ဘာ ၂ဝ ရက် ညပိုင်းတွင် သင်္ဃန်းကျွန်းမြို့နယ် (ခ)ရပ်ကွက် ပြည်တော်သာလမ်းရှိ နေအိမ်မှ ဒေါ်တင်သူဇာအား လည်းကောင်း၊ စက်တင်ဘာ ၂၁ ရက် နံနက်ပိုင်းတွင် တင်မင်းလတ်(ခ)ဖိုက်ဇယ်နှင့် မစုမွန်လတ်တို့အား လည်းကောင်း ဖမ်းဆီးရမိကြောင်း ရန်ကုန်တိုင်းဒေသကြီး ရဲတပ်ဖွဲ့၏ သတင်းထုတ်ပြန်ချက်အရ သိရသည်။

ရန်ကုန်တိုင်းဒေသကြီး လူမှုဝန်ထမ်း ဦးစီးဌာနက ညှဉ်းပန်းနှိပ်စက်ခံရသည့် မိန်းကလေးများ၏ စိတ်ဒဏ်ရာ သက်သာမှုရရှိအောင် နှစ်သိမ့် ဆွေးနွေးပညာပေးမှုများ ဆောင်ရွက်ပေးခြင်း၊ အသက်မွေးဝမ်းကျောင်း လက်မှုပညာနှင့် ကျောင်းပြင်ပ ပညာရေးများကို သင်ကြားပေးသွား မည်ဖြစ်ကြောင်း ရန်ကုန်တိုင်းဒေသကြီး လူမှုဝန်ထမ်းဦးစီးဌာန လူမှုဝန်ထမ်းရုံးမှ သိရသည်။

သတင်း - သီသီမင်း
ဓာတ်ပုံ - Myanmar Now / Yangon Police
MOI Webportal Myanmar
https://www.facebook.com/MOIWebportalMyanmar

အိမ်အကူ မိန်းကလေးငယ် နှစ်ဦးအား လက်ဆစ်ရိုက်ချိုးခြင်း၊ ဓားဖြင့်မွှန်းခြင်း၊ နှာခေါင်းကို လှီးဖြတ်ခြင်းများ ပြုလုပ်နှိပ်စက်ခဲ့မှုကို စေတနာမေတ္တာဖြင့် ညှိနှိုင်းပေးခဲ့ခြင်းသာဖြစ်ပြီး လာဘ်စားခဲ့ခြင်း မရှိဟု မြန်မာနိုင်ငံ အမျိုးသား လူ့အခွင့်အရေး ကော်မရှင်က သတင်းစာ ရှင်းလင်းသည်။

သို့ရာတွင် လူအများစုက ကော်မရှင်အား နုတ်ထွက်ရန် ဆန္ဒရှိနေသဖြင့် နုတ်ထွက်ရန် အစီအစဉ် ရှိ၊ မရှိ မေးခွန်းကိုမူ ကော်မရှင် အဖွဲ့ဝင်များက ရှင်းလင်းစွာ ဖြေကြားခဲ့ခြင်း မပြုကြောင်း သိရသည်။

စက်တင်ဘာ ၂၁ ရက်က ပြည်လမ်းရှိ မြန်မာနိုင်ငံ အမျိုးသား လူ့အခွင့်အရေး ကော်မရှင်ရုံး၌ သတင်းစာ ရှင်းလင်းပွဲ ပြုလုပ်ခဲ့ခြင်းဖြစ်ပြီး ကော်မရှင်အဖွဲ့ဝင် ဦးဇော်ဝင်း၊ ဒေါ်မြမြ၊ ဥပဒေပညာရှင် ဒေါ်သန်းနွဲ့၊ ဒေါက်တာ ဥာဏ်ဇော်နှင့် ဒေါက်တာမြင့်ကြင်တို့ ပါဝင်သည်။

အဆိုပါ သတင်းစာရှင်းလင်းပွဲ မတိုင်မီ နာရီဝက်ခန့် အလိုက လူ့အခွင့်အရေး ကော်မရှင် ရုံးရှေ့တွင် လူ့အခွင့်အရေး ကာကွယ်စောင့်ရှောက်သည့် အရပ်ဘက် အဖွဲ့အစည်းများက ဆန္ဒပြခဲ့ကြသည်။ ဆန္ဒပြရာတွင် လူ့အခွင့်အရေး ကော်မရှင်ကို လှောင်ပြောင် သရော်ထားသော ဓာတ်ပုံများ၊ စာများချိတ်ဆွဲပြီး လက်ချိုးခံရခြင်း၊ ဓား၊ ကတ်ကြေးတို့ဖြင့် လှီးဖြတ်ခြင်းများ ခံရသည့် အိမ်အကူ မိန်းကလေးငယ် နှစ်ဦးအား ကျပ်သိန်းငါးဆယ်ဖြင့် လျော်ကြေးပေးရန် ညှိနှိုင်းပေးခဲ့သော လူ့အခွင့်အရေး ကော်မရှင် နုတ်ထွက်ပေးရန် တောင်းဆိုခဲ့ကြသည်။

သတင်းစာ ရှင်းလင်းပွဲ၌ ကော်မရှင် အဖွဲ့ဝင်တို့က စက်တင်ဘာ ၁၅ ရက်က ဆွေးနွေးမှုမှတ်တမ်းကို (စာမျက်နှာ ခုနစ်မျက်နှာပါ) ဦးစွာ ရှင်းလင်းခဲ့သည်။

ကော်မရှင်အဖွဲ့ဝင် ဦးဇော်ဝင်းက လိုအပ်ပါက ကော်မရှင်သည် ကွင်းဆင်းစစ်ဆေး ဆောင်ရွက်ကြောင်း၊ ကိုပါကြီး၊ ဒေါ်ခင်ဝင်း၊ ကျောင်းသား ကိစ္စများ စသည်တို့ကို ဥပမာပြု ပြောကြားခဲ့ပြီး ရဲတပ်ဖွဲ့က ယင်းအမှုသည် လူ့အခွင့်အရေး ချိုးဖောက်မှုများ ရှိသဖြင့် ဥပဒေနှင့် ငြိစွန်းမှုများ ရှိသဖြင့် ကော်မရှင်သို့ ၂၁ မျက်နှာပါ အစီရင်ခံစာ တင်ပြခဲ့ကြောင်း၊ ကော်မရှင်အနေဖြင့် နှစ်ဦးနှစ်ဖက် ပြေလည်စေချင်ကြောင်း၊ ကြီးသည့်အမှု ငယ်အောင်၊ ငယ်သည့်အမှု ပပျောက်အောင် လုပ်စေချင်ကြောင်း ပြောကြားသည်။

ကော်မရှင်အဖွဲ့ဝင် ဒေါက်တာဥာဏ်ဇော်က ကော်မရှင်အနေဖြင့် တရားရေး လမ်းကြောင်းမှ သွားစေလိုသည့်ဆန္ဒ မရှိသည့်အတွက် ယခုကဲ့သို့ ခေါ်ယူတွေ့ဆုံရကြောင်း၊ နှစ်ဦးနှစ်ဖက် ပြေလည်စေလိုသည့် အတွက် ညှိနှိုင်းဆွေးနွေး ပေးခြင်းဖြစ်ကြောင်း ပြောကြားသည်။

ကော်မရှင်အဖွဲ့ဝင် ဒေါ်မြမြက အိမ်အကူမှာ အရိုက်ခံရခြင်းများရှိမည် ဖြစ်သလို၊ အိမ်အကူ မှားသည့် အချက်များလည်း ရှိနိုင်ကြောင်း၊ အိမ်ရှင် မှားသည့် အချက်များလည်း ရှိနိုင်ကြောင်း၊ အငြင်းပွားမည့်အစား ပြေလည်စွာ ဖြေရှင်းပေးစေလိုကြောင်း အဆိုပါ ဆွေးနွေးပွဲ၌ ပြောကြားသည်။

ထို့နောက် ကော်မရှင် အဖွဲ့ဝင်များက အင်းဝအပ်ချုပ်ဆိုင် မိသားစု နှိပ်စက်ခံရသည့် အိမ်အကူ မိန်းကလေးငယ် နှစ်ဦးနှင့် မိဘများ၊ ရဲတပ်ဖွဲ့ဝင်များ၏ ဆွေးနွေးမှုကို ပရိုဂျက်တာဖြင့် ပြန်လည် ရှင်းလင်းခဲ့သည်ကို တွေ့ရသည်။

သတင်းထောက်များ၏ မေးမြန်းမှုများကို ဖြေကြားမှုများအရ လူ့အခွင့်အရေး ကော်မရှင်သည် လူ့အခွင့်အရေး ချိုးဖောက်ခံရ၊ နှိပ်စက်ညှဉ်းပန်း ခံခဲ့ရသော မိန်းကလေးငယ် နှစ်ဦးအား ကော်မရှင်အနေဖြင့် သွားရောက် စစ်ဆေးခဲ့ခြင်း မရှိကြောင်း၊ ယခုဖြစ်စဉ်မှာ မှန်ခြင်း မှားခြင်း ဆိုသည်မှာ ကော်မရှင်နှင့် သက်ဆိုင်ခြင်း မရှိကြောင်း ပြန်လည် ဖြေကြားသည်။

“ကျွန်တော်တို့ ကိုယ်တိုင်လည်း စုံစမ်းဖို့ကတော့ ရဲကိုစုံစမ်းခဲ့တယ်။ ရဲကလာတဲ့အပေါ်မှာပဲ ကျွန်တော်တို့ကတော့ ကျွန်တော်တို့ ကိုယ်တိုင်လည်း စုံစမ်းဖို့ကတော့ ဟုတ်လား၊ မဟုတ်လား၊ ဟိုအရေးကြီးတဲ့ ကိုပါကြီး အမှုတို့ ဒေါ်ခင်ဝင်း အမှုတို့ကို သွားလုပ်ခဲ့တာပဲလေ။ ကျွန်တော်တို့ ညှိနှိုင်းပေးမှု မှန် မမှန်ကတော့ ကာယကံရှင်တွေအပေါ် မူတည်ပြီး ဆုံးဖြတ်လိုက်လေ။ မှန်တာ၊ မှားတာက ကျွန်တော်တို့နဲ့ မဆိုင်ဘူး” ဟု မြန်မာနိုင်ငံ လူ့အခွင့်အရေး ကော်မရှင်အဖွဲ့ဝင် ဦးဇော်ဝင်းက ပြောကြားသည်။

“ကော်မရှင်က ရိုးရိုးသားသားနဲ့ စေတနာ မေတ္တာ အပြည့်နဲ့ ဆောင်ရွက်ပေးခဲ့ခြင်း ဖြစ်ပါတယ်။ လာဘ်မစားပါဘူးဗျာ (ရယ်လျက်)” ဟု ဦးဇော်ဝင်းက ပြောကြားသည်။

ထို့ပြင် ဥပဒေပညာရှင် ဒေါ်သန်းနွဲ့က ဥပဒေ လမ်းကြောင်းအရ ယင်းအမှုမှာ လျော်ကြေးယူထားသော်လည်း အမှုဖွင့် တရားစွဲဆိုပိုင်ခွင့်ရှိကြောင်း၊ ကော်မရှင်က ပြဿနာ ပြေလည်စေရန်သာ စိတ်ကောင်း စေတနာကောင်းဖြင့် ညှိနှိုင်းခြင်းဖြစ်ကြောင်း ပြောကြားသည်။

သတင်းစာ ရှင်းလင်းပွဲမှာ နှစ်နာရီကျော်ခန့် ကြာမြင့်ခဲ့ပြီး လူမှုကွန်ရက် ဖေ့စ်ဘွတ်ကဲ့သို့သော လူအများဆန္ဒ မြင်တွေ့နိုင်သည့် နေရာများတွင် ကော်မရှင်ကို အလိုမရှိကြတော့ကြောင်း၊ ကော်မရှင်ရုံး ရှေ့တွင်လည်း ဆန္ဒပြမှု ဖြစ်ပွားခဲ့ကြောင်း၊ သို့ဖြစ်၍ နုတ်ထွက်ရန် အစီအစဉ် ရှိ၊ မရှိ သတင်းထောက်များက မေးမြန်းရာတွင်မူ ဦးဇော်ဝင်းက ရှင်းလင်းစွာ ဖြေကြားခြင်း မပြုခဲ့သည်ကို တွေ့ရသည်။

“ဘာမှမသိဘူး။ ခင်ဗျားတို့ပြောမှ သိတာ။ သူတို့ပြောစရာရှိလို့ သူတို့ဘာ သူတို့ပြောတာပဲ။ လူထုမှာလည်း လွတ်လပ်စွာ ရေးသားပြောဆို ထုတ်ဖော် ပုံနှိပ်ပိုင်ခွင့်ဆိုတဲ့ ဒီမိုကရေစီ အခွင့်အရေးတွေ ရှိပါတယ်။ အဲဒါကြောင့် သူတို့တွေ ပြောတာလေ။ ပြောပေါ့။ လူထုက တောင်းဆိုရင်လည်း ဒေါ်စုကြည်ကတောင်မှ အများဆန္ဒအရ ဘာပြောတာ၊ ညာပြောတာတွေ ရှိတာပဲ” ဟု မြန်မာနိုင်ငံ အမျိုးသား လူ့အခွင့်အရေး ကော်မရှင် အဖွဲ့ဝင် ဦးဇော်ဝင်းက ပြောကြားသည်။

မြန်မာနိုင်ငံ အမျိုးသား လူ့အခွင့်အရေး ကော်မရှင် ဥပဒေ ပုဒ်မ ၃၄ အရ ကော်မရှင်သည် တိုင်တန်းချက်နှင့် စပ်လျဉ်း၍ ဖြေရှင်းဆောင်ရွက်ရာတွင် တိုင်တန်းချက်ပါ အကြောင်းခြင်းရာသည် ညှိနှိုင်း၍ရသော နည်းလမ်းကို အသုံးပြုပြီး ဖြေရှင်းဆောင်ရွက်ရမည်။ ထိုသို့ ဆောင်ရွက်ရာတွင် တည်ဆဲဥပဒေများနှင့်အညီ ဖြစ်စေရမည်ဟု ပြဋ္ဌာန်းထားသည်။

သတင်းစာ ရှင်းလင်းပွဲတွင် ကော်မရှင် အဖွဲ့ဝင်များက ထိုပုဒ်မဖြင့်ပင် ညှိနှိုင်းဖြေရှင်းကြောင်း ရှင်းလင်းသော်လည်း ယင်းအမှုမှာ ညှိနှိုင်းဖြေရှင်း၍ မရနိုင်သော၊ ရဲအရေးပိုင်သော ရာဇ၀တ်မှု၊ လူကုန်ကူးမှု ဖြစ်နေပြီး လက်ရှိ အချိန်တွင်လည်း အိမ်အကူ မိန်းကလေးငယ် နှစ်ဦးကို နှိပ်စက်သော အမျိုးသမီး နှစ်ဦးကို လူကုန်ကူးမှု တားဆီးကာကွယ်ရေး ဥပဒေဖြင့် အမှုဖွင့် အရေးယူထားပြီး ဖြစ်သောကြောင့် ယင်းပုဒ်မ၏ နောက်ဆုံး စာကြောင်းတွင် ပါဝင်သော တည်ဆဲဥပဒေနှင့် မညီညွတ်သည်ကို တွေ့ရသည်။

တည်ဆဲဥပဒေဖြစ်သော လူကုန်ကူးမှု တားဆီးကာကွယ်ရေး ဥပဒေ ပုဒ်မ ၃၂ တွင် မည်သူမဆို ဤဥပဒေပါ ပြစ်မှုတစ်ရပ်ရပ်ကို ကျူးလွန်ရန် ပြင်ဆင်ခြင်း၊ အားထုတ်ခြင်း၊ ပူးပေါင်းကြံစည်ခြင်း၊ စည်းရုံးခြင်း၊ စီမံခန့်ခွဲခြင်း ပြုလျှင်ဖြစ်စေ၊ ပြစ်မှုတစ်ရပ်ရပ်ကို ကျူးလွန်ရန် သို့မဟုတ် ပြစ်မှုကျူးလွန်ရာတွင် အားပေးကူညီခြင်း၊ ငွေကြေးထောက်ပံ့ခြင်း တစ်ခုခု ပြုလုပ်လျှင်ဖြစ်စေ ယင်းပြစ်မှုအတွက် ဤဥပဒေတွင် ပြဋ္ဌာန်းထားသည့် ပြစ်ဒဏ်ကို ချမှတ်ခြင်း ခံရမည်ဟု ပြဋ္ဌာန်းထားသောကြောင့် ကော်မရှင်၏ ယခုကဲ့သို့ ကြားဝင်ညှိနှိုင်း ဆောင်ရွက်မှုမှာ လူကုန်ကူးမှုကို အားပေးအားမြှောက်ပြုပြီး တည်ဆဲဥပဒေနှင့်အညီ မဖြစ်သည့်အပြင် ချိုးဖောက်ရာပင် ရောက်နေကြောင်း သုံးသပ်မှုများလည်း ရှိနေသည်။


Writer:
သက်မင်း
Eleven Media Group


စက်တင်ဘာလ ၂၁ ရက် ဗုဒ္ဓဟူးနေ့ အမေရိကန်ဒေသစံတော်ချိန် ၅ နာရီခွဲက နယူးယောက်မြို့ Asia Society မှာ ပြုလုပ်ခဲ့တဲ့ ဒေါ်အောင်ဆန်းစုကြည်နဲ့ တွေ့ဆုံပွဲကို အယ်ဒီတာ ဦးကျော်ဇံသာက တောက်လျှောက် စောင့်ကြည့်နေခဲ့တာဆိုတော့ ဒေါ်အောင်ဆန်းစုကြည် ပြောကြားခဲ့တာတွေနဲ့ ပတ်သက်ပြီး တင်ပြထားပါတယ်။

ပထမဆုံးကတော့ Asia Society အဖွဲ့ရဲ့ တာဝန်ရှိပုဂ္ဂိုလ်နှစ်ဦးက ဒေါ်အောင်ဆန်းစုကြည်နဲ့ ပရိသတ်ကို မိတ်ဆက်ပေးပါတယ်။ အဲဒီနောက် ဒေါ်အောင်ဆန်းစုကြည် စ ပြောတဲ့အခါမှာတော့ မြန်မာနိုင်ငံဟာ ဒီမိုကရေစီ လမ်းခရီးအစမှာသာ ရှိနေတယ်။ လူတကာက သူ့ကို ချီးကျူးဂုဏ်ပြုနေတာတွေ သိပ်များနေတယ်။ ဂုဏ်ပြုချီးကျူးရမယ့်အချိန်မဟုတ်သေးဘူးလို့ အခုလို စပြောပါတယ်။

“ကျမ အမေရိကန်ပြည်ထောင်စုကို ရောက်လာကတည်းက လူတွေအများအပြား အကြိမ်ပေါင်းများစွာ ဂုဏ်ပြုချီးကျူးနေကြပါတယ်။ ကျမအမြဲပြန်ပြောတာက ဂုဏ်ပြုရမယ့်အချိန် မဟုတ်သေးပါဘူး။ ကျမတို့ဟာ ခရီးအစမှာပဲ ရှိပါသေးတယ်။ ဂုဏ်ပြုချီးကျူးခံနိုင်ဖို့အတွက် ခရီးအဝေးကြီးသွားရပါဦးမယ်။ မြန်မာနိုင်ငံ ဒီမိုကရေစီဖော်ဆောင်ရေးအတွက် အခုမှ စတင်တာပါ။ ၂၀၁၁ ခုနှစ် အရပ်သားအစိုးရဖွဲ့စည်းနိုင်ခဲ့တာကို ဒီမိုကရေစီ စတင်ပြီလို့ လူအတော်များများက ထင်ကြပါတယ်။ ဒါပေမဲ့ အစိုးရအဖွဲ့ထဲမှာ ၈၀% ဟာ စစ်တပ်အငြိမ်းစားတွေ ဖြစ်နေတယ်ဆိုတာ လူအတော်များများ မသိကြပါဘူး။ တကယ်တော့ စစ်အုပ်ချုပ်ရေးပဲ ဖြစ်နေဆဲလို့ ဆိုပါတယ်။ ဒါ့အပြင် ဖွဲ့စည်းပုံ အခြေခံဥပဒေကလည်း နိုင်ငံရေးမှာ စစ်တပ်အတွက် အခွင့်အရေး အများကြီး ပေးထားပါတယ်။”

အဲဒီနောက်မှာတော့ ဒေါ်အောင်ဆန်းစုကြည်ဟာ မြန်မာနိုင်ငံဟာ လွတ်လပ်ရေးရပြီးကတည်းက ပြည်တွင်းစစ်တွေ ဖြစ်ပွားခဲ့တယ်။ ပြည်တွင်းစစ်မှာမှ တခါမှ မကြားဖူးတဲ့ ရောင်စုံ သောင်းကျန်းသူ ဆိုပြီးတော့ အလံဖြူ၊ အလံနီ စသဖြင့် ရှိခဲ့တဲ့ဟာကို ပြောပါတယ်။ ကျန်တချို့နိုင်ငံတွေမှာလည်းပဲ ငြိမ်းချမ်းရေး မရရှိသေးပါဘူး။ ဒီထက်ဆိုးတဲ့ အခြေအနေတွေ ရှိနေပါသေးတယ်။ ဒါပေမဲ့ မြန်မာနိုင်ငံကတော့ အခုအခါမှာ ငြိမ်းချမ်းရေး ဆောင်ရွက်နိုင်မယ့် အခြေအနေ လမ်းဆုံလမ်းခွကို ရောက်နေပြီလို့လည်း ဆိုပါတယ်။ ဒီအတွက် ငြိမ်းချမ်းရေးလမ်းစကို လမ်းခင်းပေးခဲ့တဲ့ ယခင်အစိုးရကိုလည်း ကျေးဇူးတင်ပါတဲ့အကြောင်း ဒေါ်အောင်ဆန်းစုကြည်က အခုလို ထည့်သွင်း ပြောကြားခဲ့ပါတယ်။

“ကျမတို့နိုင်ငံဟာ အခုအခါမှာ ပြည်တွင်းစစ်ကို အဆုံးသတ်နိုင်မယ့် လမ်းဆုံလမ်းခွကို ရောက်ရှိနေပါပြီ။ ဒါကြောင့် ငြိမ်းချမ်းရေးဖြစ်စဉ်ကို ကျမတို့ အထူး အလေးအနက် ထားပါတယ်။ မကြာသေးခင်က ဒီဖြစ်စဉ်ကို စတင်ခဲ့တဲ့ အရင်အစိုးရကို အထူးပဲ ကျေးဇူးတင်ပါတယ်။ သူတို့ဟာ တိုင်းရင်းသားအင်အားစုမျိုးစုံနဲ့ အပစ်အခတ်ရပ်စဲရေးကို စတင် ဆွေးနွေးခဲ့ပါတယ်။ ဒါဟာ မပြီးဆုံးသေးပါဘူး။”

ဒါဟာ မပြီးဆုံးသေးဘူး။ အဓိကအားဖြင့်ကတော့ အပစ်အခတ်ရပ်စဲရေးကို ကြိုးပမ်းနေပေမဲ့ မြန်မာနိုင်ငံမှာရှိတဲ့ လက်နက်ကိုင်အင်အားစုတွေ အားလုံးဟာ အပစ်အခတ်ရပ်စဲရေးထဲမှာ မပါဝင်နိုင်သေးဘူး။ အထူးသဖြင့် နောက်ပေါက် ၃ ဖွဲ့ကလည်း ဘယ်လိုမှ သူတို့နဲ့ ပေါင်းစည်းလို့ မရနိုင်သေးဘူး ဖြစ်နေတယ်လို့ ဆိုပါတယ်။ ဒီလို အားလုံး မပါဝင်ရင် စစ်မှန်တဲ့ ငြိမ်းချမ်းရေး မရနိုင်ဘူးလို့လည်း သူက ဆိုပါတယ်။ တချို့က ပြောကြပါတယ်တဲ့ ဒေါ်အောင်ဆန်းစုကြည်ဟာ ဒီ ၂၁ ရာစု ပင်လုံညီလာခံလို့ ဆိုတဲ့ ငြိမ်းချမ်းရေးညီလာခံကို ခေါ်ယူတာ အချိန်စောလွန်းတယ်လို့ ဆိုတာကို သူက လက်မခံဘူးလို့ ဆိုပါတယ်။ ဘာကြောင့်လဲဆိုရင် မြန်မာနိုင်ငံပြည်သူတွေ ဒုက္ခခံလာကြရတာ နှစ်ပေါင်းများစွာ ကြာခဲ့ပြီ။ တကယ်တော့ ဒီငြိမ်းချမ်းရေးညီလာခံကို လွန်ခဲ့တဲ့ ၁၀ စုနှစ်တွေ များစွာကတည်းက ခေါ်ခဲ့သင့်တယ်လို့ သူက ဆိုပါတယ်။ မြန်မာနိုင်ငံဟာ လွတ်လပ်ရေးရပြီးစက သိပ်ကို အလားအလာကောင်းတဲ့ တိုင်းပြည်လို့ ဆိုခဲ့ရာက တိုင်းပြည်ဖရိုဖရဲ ဖြစ်သွားခဲ့ရတာဟာ စီးပွားရေးကြောင့် မဟုတ်ပါဘူးတဲ့။ နိုင်ငံရေးကြောင့် ဖြစ်ပါတယ်တဲ့။ လူတွေက စီးပွားရေးချမ်းသာရင် စီးပွားရေးကောင်းရင် အကုန်လုံး တိုင်းပြည်ကောင်းမယ်လို့ ထင်ကြတယ်ဆိုရင် အမေရိကန်ပြည်ထောင်စုမှာ ဘာပြဿနာမှ ရှိမှာမဟုတ်ဘူးလို့ ပြောတော့ ပရိတ်သတ်တွေက ရယ်ကြပါတယ်။ နောက်တခါ ဒေါ်အောင်ဆန်းစုကြည်ကို ပရိတ်သတ်က မိန့်ခွန်းပြောဖို့ဖိတ်တယ်တဲ့။ ဖိတ်ပြီးတော့လည်း သူတို့ပြောချင်တာကို ပြောခိုင်းတယ်ပြောတော့လည်း ရယ်ကြပါတယ်။ ဒါ ဒေါ်အောင်ဆန်းစုကြည်ဟာ နောက်ဆက်ပြီး ပြောတဲ့အခါမှာတော့ NLD ဟာ ရွေးကောက်ပွဲမှာ အပြတ်အသတ် နိုင်ခဲ့တယ်ဆိုတာကို ရှင်းပြပါတယ်။ သို့သော်လည်းပဲ စစ်တပ်ရဲ့အာဏာဟာ သိပ်ပြင်းထန်နေတယ်။ စစ်တပ်ဟာ ဖွဲ့စည်းပုံ ပြုပြင်ဖို့လုပ်လိုက်တိုင်း ဘီတိုအာဏာသုံးပြီး ပယ်ချနိုင်တဲ့အတွက်ကြောင့် ပြင်းထန်တဲ့ အဟန့်အတားဖြစ်တယ်ဆိုပြီးတော့ စစ်တပ်အကြောင်းကိုလည်း ပြောသွားပါတယ်။ အဲဒီမှာ အမေရိကန်ပြည်ထောင်စုရဲ့ အငြိမ်းစားဗိုလ်ချုပ်ကြီး David Petraeus လည်း ပရိတ်သတ်ထဲမှာ ရှိမှာပဲတဲ့။ အဲဒီတော့ ဗိုလ်ချုပ်ကြီး David Petraeus ကလည်း ပြောမှာပဲတဲ့။ ဒါ စစ်သားမို့လို့ အမိန့်ကိုလိုက်နာရတယ်လို့ ပြောတော့လည်းပဲ ပရိတ်သတ်တွေက ရယ်ကြပါတယ်ခင်ဗျ။ အဲဒါကတော့ ဒေါ်အောင်ဆန်းစုကြည်က ဒါ မိန့်ခွန်းပြောတဲ့အပိုင်းမှာ ထည့်သွင်းပြောကြားသွားတာဖြစ်ပါတယ်။

ဦးစံမိုးဝေ - ဟုတ်ကဲ့ ကျေးဇူးပါ။ အဲဒီလို မိန့်ခွန်းပြောပြီးတဲ့နောက်မှာ ဒေါ်အောင်ဆန်းစုကြည်က Asia Society ဥက္ကဌနဲ့လည်း အမေးအဖြေ ပြုလုပ်ခဲ့တယ်မဟုတ်လား အဲဒီအကြောင်းလည်း ဆက်ပြောပါဦးခင်ဗျ။

ဦးကျော်ဇံသာ - ဟုတ်ကဲ့ အဲဒီမှာ Asia Society လက်ရှိဥက္ကဌ Kevin Rudd - ဒီပုဂ္ဂိုလ်က သြစတြေးလျနိုင်ငံရဲ့ ၀န်ကြီးချုပ်ဟောင်းပါ။ သူဟာ တရုတ်ရေးရာကျွမ်းကျင်သူလို့ ၀န်ကြီးချုပ်ဘ၀မှာ ကျနော်တို့ သတင်းသမားတွေအနေနဲ့ လေ့လာခဲ့ရပါတယ်။ တရုတ်စကားလည်း သိပ်ပြီးတော့ ပြေပြစ်အောင် ကျွမ်းကျွမ်းကျင်ကျင် ပြောနိုင်တယ်။ ဆိုတော့ သူက တရုတ်အကြောင်းကို တော်တော်မေးတယ်ဗျ။ ဒါပေမဲ့ သူ့ရဲ့အားနည်းချက် ဒေါ်အောင်ဆန်းစုကြည်ရဲ့ နာမည်အသံထွက်တွေ အကုန်လုံးမှားကြတယ်။ တရုတ်နဲ့ပတ်သက်ပြီး သူ စ မေးတာ မြစ်ဆုံကိစ္စ၊ ဒေါ်အောင်ဆန်းစုကြည် တက်လာပြီးတော့ မြစ်ဆုံကိစ္စ ပြန်လည် ပြေလည်အောင်လုပ်တယ်၊ ဘာညာကြားတယ်၊ မြစ်ဆုံကိုတောင် အသံမှန်အောင် မထွက်နိုင်ဘူး။ မီဆုံး တို့ ဘာတို့လုပ်တော့ ဒေါ်အောင်ဆန်းစုကြည်က your pronunciation is very bad ဆိုပြီးပြောတော့ ပရိတ်သတ်ကလည်း ရယ်ကြပါတယ်။ ဆိုတော့ မြစ်ဆုံကိစ္စနဲ့ ပတ်သက်ပြီးတော့ ဒေါ်အောင်ဆန်းစုကြည်က ထုံးစံအတိုင်း ဒီကိစ္စကို စုံစမ်းဖုိ့အတွက် ကော်မရှင်ဖွဲ့စည်းပေးထားတယ်။ ကော်မရှင်ရဲ့ရလဒ်ကို အခြေခံပြီးတော့ ဆုံးဖြတ်မယ်ဆိုပြီးတော့ ပြောသွားပါတယ်။ နောက်တခါ တရုတ်နဲ့ပတ်သက်ပြီး ဘာမေးသလဲဆိုတော့ တရုတ်နိုင်ငံမှာ Jack Ma ဆိုတဲ့ သန်းကြွယ်သူဌေးကြီး အဲဒီပုဂ္ဂိုလ်က ကျေးလက်ဖွံ့ဖြိုးရေး စီးပွားရေးစီမံကိန်းတွေ လုပ်နေတယ်တဲ့။ အဲလိုစီမံကိန်းမျိုး မြန်မာပြည်မှာ လုပ်နိုင်သလား၊ လုပ်ရင်ဖြစ်နိုင်သလားဆိုတော့ ဒေါ်အောင်ဆန်းစုကြည်က အဲဒီကိစ္စကို ဒီလိုပဲ ဖြေပါတယ်။

တရုတ်ပြည်ကလုပ်တဲ့ပုံစံနဲ့ ဗမာပြည်ကလုပ်တဲ့ပုံစံ မျဉ်းပြိုင်သာဖြစ်ပါတယ်တဲ့။ အတိအကျ မတူပါဘူးတဲ့။ မြန်မာပြည်နဲ့ တရုတ်ပြည်နဲ့ အခြေအနေတွေ ကွဲလွဲပါတယ်တဲ့။ မြန်မာနိုင်ငံ ဖွံ့ဖြိုးရေးအတွက်ကို မြန်မာပုံစံနဲ့ လုပ်ရမှာဖြစ်တယ်။ အထူးသဖြင့် ကွဲလွဲတာက မြန်မာပြည်ရဲ့သွားနေတဲ့ လမ်းကြောင်းကတော့ ဒီမိုကရေစီ ဖက်ဒရယ် ပြည်ထောင်စုလမ်းကြောင်းဖြစ်တယ်ဆိုပြီးတော့ သူ ပြောသွားပါတယ်။

နောက်တခါ အိမ်နီးချင်းဖြစ်တဲ့ အာဆီယံနိုင်ငံတွေနဲ့ ဆက်ဆံရေးအခြေအနေရော ဘယ်လိုလဲလို့ မေးတဲ့အခါမှာတော့ - သူက တလောတုန်းက ထိုင်းနိုင်ငံကို သွားရောက်ခဲ့တဲ့ ခရီးစဉ်နဲ့ နှိုင်းယှဉ်ပြီးတော့ အခုလို ပြောသွားပါတယ်။

“သူဟာ မကြာသေးခင်က ထိုင်းနိုင်ငံကို သွားခဲ့တယ်။ ဆက်ဆံရေး အင်မတန် ကောင်းမွန်တယ်။ မြန်မာနိုင်ငံက နယ်စပ်ဖြတ်ကျော်လာတဲ့ အလုပ်သမားတွေအရေးကိုလည်း သူ ဆွေးနွေးနိုင်ခဲ့တယ်။ နှစ်နိုင်ငံ နယ်စပ်အခြေအနေတွေကိုလည်း ရင်းနှီးပွင့်လင်းစွာ ဆွေးနွေးနိုင်ခဲ့တယ်လို့ ဆိုပါတယ်။ ဒါကြောင့် အာဆီယံ အိမ်နီးချင်းနိုင်ငံတွေနဲ့ ဆက်ဆံရေးဟာလည်း အင်မတန်ကောင်းမွန်တယ်လို့ ဒေါ်အောင်ဆန်းစုကြည်က ပြောပါတယ်။”

အဲဒီတော့ ဥက္ကဌဖြစ်တဲ့ Kevin Rudd က ဘာပြောသလဲဆိုတော့ - လွန်ခဲ့တဲ့ နှစ် ၃၀ လောက်တုန်းကဆိုရင်တဲ့ အာဆီယံဟာ တနိုင်ငံနဲ့ တနိုင်ငံ လည်ပင်းချင်း ညစ်နေခဲ့ကြတာ မဟုတ်လားတဲ့။ ရန်သူတွေဖြစ်နေခဲ့ကြတယ်လို့ ပြောပါတယ်။ အဲဒီကိစ္စကို ဒေါ်အောင်ဆန်းစုကြည်က အခုလို ပြန်တုံ့ပြန်ခဲ့ပါတယ်။

“ကျမတို့နိုင်ငံတွေက တနိုင်ငံနဲ့တနိုင်ငံ လည်ပင်းမညစ်ကြပါဘူး။ ကျမလည်း မသိရပါလားတဲ့။ ဘယ်တုန်းက လုပ်ခဲ့လို့လဲ။ အဲ့လိုမလုပ်ခဲ့ကြပါဘူးလို့ ပြန်ပြောပါတယ်။”

ဆိုတော့ Asia Society ဥက္ကဌ လုပ်တဲ့သူကတော့ - တချို့က ကွန်မြူနစ်ဖြစ်တယ်၊ တချို့က အမေရိကန်ဘက်ပါတယ် စသဖြင့် ရှင်းပြသွားပါတယ်။ ဆိုတော့ အပြန်အလှန်မေးခွန်းထုတ်တဲ့ ဆွေးနွေးမှုတွေကတော့ သိပ်ပြီးတော့ ပျော်ပျော်ရွှင်ရွှင်နဲ့ လုပ်သွားတယ်လို့ ပြောရပါလိမ့်မယ်။ သိပ်အလေးအနက်ထားတဲ့ ပွဲတခုနဲ့တော့ မတူဘူးပေါ့။ မနက်က ပြောသွားတဲ့ ကုလသမဂ္ဂ အထွေထွေ ညီလာခံကြီးမှာ သူကိုယ်တိုင်ပြောသွားတဲ့ မိန့်ခွန်းတွေက ပိုပြီးတော့ လေးနက်တယ်လို့ ဆိုရမှာပါ။

 ဦးကျော်ဇံသာ / ဗွီအိုအေ (မြန်မာပိုင်း)
http://burmese.voanews.com



ဥပဒေသစ် အရ ရင်းနှီး မြှုပ်နှံ မှု ကဏ္ဍ ကို အားပေး တဲ့ လုပ်ငန်း မျိုး တွေကို သာ ၅ နှစ် အခွန် ကင်းလွတ် ခွင့် ပြု တော့မယ်။
မြန်မာ နိုင်ငံမှာ စီးပွားရေး လုပ်ကိုင်ကြမယ့် နိုင်ငံသား နဲ့ နိုင်ငံခြား သားတွေ အတွက် ရင်းနှီး မြှုပ်နှံမှု ဥပဒေ နှစ်ရပ် သီးခြားစီ မထား တော့ပဲ ပေါင်းစည်း လိုက်တဲ့ ဥပဒေသစ် တစ်ရပ်ကို အတည်ပြုနိုင်ဖို့ ပြည်သူ့ လွှတ်တော် ထံ မနေ့ စက်တင်ဘာ ၂၁ ရက် ဗုဒ္ဓဟူး နေ့က တင်သွင်း လိုက်ပါတယ်။

အဲဒီ့ ဥပဒေသစ် မူကြမ်း အရ၊ မဟာဗျုဟာ မြောက် အရေးပါတဲ့ လုပ်ငန်း တွေ၊ ရင်းနှီးမြှုပ်နှံ မှု ပမာဏ ကြီးမားတဲ့ လုပ်ငန်းတွေ ၊ သဘာဝ ပတ်ဝန်းကျင် ကို ထိခိုက် မလား ဆိုပြီး စိုးရိမ် ရတဲ့ လုပ်ငန်း မျိုး တွေကိုသာ မြန်မာ နိုင်ငံ ရင်းနှီး မြှုပ် နှံမှု ကော်မရှင် MIC က ဆုံးဖြတ် သွား တော့ မှာ ဖြစ်တယ်လို့ MIC က ပြောပါတယ်။

ဒါ့ကြောင့် ဒီ ဥပဒေ သစ် သာ အတည် ဖြစ်လာ ခဲ့ရင် တိုင်း ဒေသကြီးနဲ့ ပြည်နယ် အာဏာပိုင် တွေ မှာ လုပ်ငန်း ငယ် တွေကို လုပ်ခွင့် ပေးနိုင်တဲ့ အခွင့် အာဏာ ရှိ လာမှာ ဖြစ်ပါတယ်။

ဒါပေမယ့် MIC ရဲ့ အတည်ပြုမှု ကို တော့ ရယူ ရဦးမှာ ဖြစ်တယ်လို့ MIC ရဲ့ ဒု တိယ ညွှန်ကြား ရေးမှုး ချုပ် ဦးသန်းအောင်ကျော် က ဘီဘီစီ ကို ပြောပါတယ်။

MIC က ခွင့်ပြု ပေးသမျှ လုပ်ငန်း တိုင်း ဟာ ၅ နှစ် အခွန် ကင်းလွတ်ခွင့် ရခဲ့တာကနေ ဥပဒေသစ် အရ တော့ ရင်းနှီး မြှုပ်နှံ မှု ကဏ္ဍ ကို အားပေး တဲ့ လုပ်ငန်း မျိုး တွေကို သာ ၅ နှစ် အခွန် ကင်းလွတ် ခွင့် ပြု တော့မှာ ဖြစ်ပါတယ်။

ဒါ့ကြောင့် ဘယ်လို လုပ်ငန်း မျိုး တွေ ဟာ ရင်းနှီး မြှုပ်နှံ မှု ကဏ္ဍ ကို အားပေး တဲ့ လုပ်ငန်း မျိုး လည်း ဆိုတာ ကို အတိတကျ သတ်မှတ် ပေးလာ မှာ ဖြစ်ပါတယ်။

ဥပဒေ သစ် မှာ မြန်မာ နိုင်ငံသားတွေ အတွက် သီးခြား ပေးထား တဲ့ အခွင့် အရေး တွေ ပါဝင် မှာ ဖြစ်သလို၊ အသေးစားနဲ့ အလတ်စား စီးပွားရေး ကို ဦးစား ပေး မြှင့်တင်ဖို့ ရည်ရွယ် ထားတဲ့ အချက် မျိုးတွေ လည်း ထည့်သွင်း ထားတယ်လို့ ဦးသန်းအောင်ကျော် က ဆိုပါတယ်။

BBC Burmese
http://www.bbc.com/burmese


ဒုတိယနိုင်ငံခြားရေးဝန်ကြီး ဦးကျော်တင် CTBT စည်းဝေးပွဲ တက်ရောက်နေစဉ်။
နျူကလီယား စမ်းသပ်မှု တားမြစ်ခြင်း ဆိုင်ရာ ပြီးပြည့်စုံတဲ့ သဘောတူညီချက် CTBT အတွက် မြန်မာနိုင်ငံက အတည်ပြုချက်ကို တင်သွင်းတော့မှာ ဖြစ်ကြောင်း မြန်မာ ဒုတိယ နိုင်ငံခြားရေးဝန်ကြီး ဦးကျော်တင်က စက်တင်ဘာလ ၂၁ ရက် ဗုဒ္ဓဟူးနေ့က ကုလသမဂ္ဂမှာ ကျင်းပတဲ့ CTBT မိတ်ဆွေနိုင်ငံများ နှစ်ပါတ်လည် အစည်းအဝေးမှာ ပြောကြားလိုက်ပါတယ်။

“ကာလကြာရှည်စွာ စောင့်ဆိုင်းခဲ့ရတဲ့ CTBT သဘောတူညီချက်မှာ ပါဝင်ရေးထိုးနိုင်ဖို့ မြန်မာနိုင်ငံတွင်းမှာ လုပ်ဆောင်ရမယ့် အတည်ပြုချက်ကို ပြီးစီးအောင် လုပ်နိုင်ပြီ ဖြစ်ကြောင်း အခု သြဂုတ်လ အစည်းအဝေးမှာ ဝမ်းမြောက် ဝမ်းသာစွာနဲ့ တင်ပြအပ်ပါတယ်။ ဒါ့အပြင် ဒီနေ့ နေ့လည်မှာပဲ ဒီအတည်ပြုချက်ကို တင်သွင်းမှာ ဖြစ်ပါတယ်။ အခုလို အပြုသဘောဆောင်တဲ့ လုပ်ဆောင်မှုဟာ ဒီအရေးပါတဲ့ သဘောတူညီချက် ဖြစ်တဲ့ နျူကလီယား လက်နက် မပြန့်ပွါးရေးနဲ့ နျူကလီယား လက်နက် ဖျက်သိမ်းရေးအတွက် မြန်မာ အစိုးရသစ်ရဲ့ ထောက်ခံ ပံ့ပိုးကြောင်းကို ပြသလိုက်တာ ဖြစ်ပါတယ်။“

ဒီနှစ်ဟာ ဘယ် နျူကလီယားဖေါက်ခွဲမှု မျိုးကိုမဆို ဘယ်နိုင်ငံကမှ၊ ဘယ်နေရာမှာမှ မပြုလုပ်ဖို့ နျူကလီယား စမ်းသပ်မှု တားမြစ်ခြင်းဆိုင်ရာ ပြီးပြည့်စုံတဲ့ သဘောတူညီချက် CTBT ချမှတ်ခဲ့တဲ့ နှစ် ၂၀ ပြည့်တဲ့ နှစ်ဖြစ်ပြီး ဒီအရေးပါတဲ့ သဘောတူညီမှု စာချုပ်မှာ ပါဝင် လက်မှတ်ရေးထိုးဖို့ မြန်မာနိုင်ငံ နှစ် ၂၀ လောက် နောက်ကျခဲ့ရတာအတွက် ဝမ်းနဲကြောင်းလည်း ပြောကြားခဲ့ပါတယ်။

ဒါ့အပြင် အရင်အစိုးရအဆက်ဆက် လက်ထက်မှာ မပါဝင်ခဲ့တဲ့ မြန်မာနိုင်ငံဟာ အခု အပြုသဘောဆောင်တဲ့ ပြောင်းလဲမှုတွေ လုပ်နေပြီ ဖြစ်ကြောင်းနဲ့ အခု အရပ်သား အစိုးရသစ်က ဦးဆောင်နေတဲ့ မြန်မာနိုင်ငံဟာ နိုင်ငံတကာနဲ့ ထိတွေ့ ဆက်ဆံမှုတွေ တတ်နိုင်သမျှ တိုးလုပ်နေပြီး အရေးပါတဲ့ နိုင်ငံတကာ ဆောင်ရွက်မှုတွေမှာ ပါဝင်နိုင်ဖို့ ပြန်လှန် သုံးသပ်နေတယ်လို့လည်း ပြောပါတယ်။

ပြည်တွင်းမှာ ငြိမ်းချမ်းရေး၊ ပြန်လည်သင့်မြတ်ရေးနဲ့ ဖွံ့ဖြိုးရေးကို အဓိက လုပ်ဆောင်နေရာမှာ လက်နက်ဖျက်သိမ်းရေးကို မျက်ခြေမပြတ်စေပဲ BWC ဇီဝလက်နက်နဲ့ CWC ဓါတုလက်နက် မသုံးစွဲရေး ဆိုင်ရာတွေကိုပါ ဆက်လက် လုပ်ဆောင်နိုင်ဖို့ ကျိုးစားနေကြောင်းလည်း ပြောကြားခဲ့ပါတယ်။ မြန်မာနိုင်ငံဟာ ၁၉၉၆ ခုနှစ်မှာ CTBT ညှိနှိုင်းဆွေးနွေးမှုတွေ လုပ်ဖို့ သဘောတူညီခဲ့တာဖြစ်ပြီး အခုမှ အတည်ပြုချက် တင်သွင်းတဲ့ အဆင့်ကို ရောက်လာခဲ့တာပါ။

VOA (မြန်မာပိုင်း)
http://burmese.voanews.com


လက်ရှိ ရာစုနှစ်အကုန်မှာ ရောဂါတွေ အကုန်လုံးကို တိုက်ဖျက်ဖို့ နည်းလမ်းတွေ ရှာဖွေမယ့် သုတေသနတွေ လုပ်ဆောင်ဖို့ လာမယ့် ၁၀ နှစ်အတွင်းမှာ ဒေါ်လာ ၃ ဘီလီယံလောက် လှူဒါန်းမယ်လို့ Facebook တည်ထောင်သူ Mark Zuckerberg နဲ့ သူ့ဇနီးဖြစ်သူ Priscilla Chan တို့က ကြေညာလိုက်ပါတယ်။

အဲဒီထဲက ဒေါ်လာ သန်း ၆၀၀ ဟာ San Francisco ကယ်လ်လီဖိုးနီးယား တက္ကသိုလ်မှာ အသစ်တည်ဆောက်မယ့် သုတေသန အဆောက်အဦး အသစ်အတွက် ရည်စူးထားပြီး Berkeley ကယ်လီဖိုးနီးယားတက္ကသိုလ်နဲ့ Standford တက္ကသိုလ်တို့နဲ့အတူ သုတေသနတွေ ပူးပေါင်း ဆောင်ရွက်မှာဖြစ်ပါတယ်။

ပြီးခဲ့တဲ့ ၂ နှစ်အတွင်း နိုဘဲလ်ဆုရ သိပ္ပံပညာရှင်တွေ၊ ဘွဲ့လွန်ကျောင်းသားတွေနဲ့ တိုင်ပင် ဆွေးနွေးခဲ့ပြီးတော့ အခုလို ဆုံးဖြတ်ဖြစ်ခဲ့တာလို့ Priscilla Chan က ပြောပါတယ်။ အနာဂတ်မှာ ကလေးတွေ မဖျားမနာဘဲ နေကြမှာ မဟုတ်ပေမဲ့ ဖျားနာတာမျိုး နည်းနည်းပါးပါးလောက်ပဲ ရှိစေဖို့ လုပ်ဆောင်တာ ဖြစ်တယ်လို့ ပြောပါတယ်။

ဒီသုတေသနဌာနကို အာရုံကြောဆိုင်ရာ သိပ္ပံပညာရှင် Cori Bargmann က ဦးဆောင်မှာ ဖြစ်ပါတယ်။ သူတို့ ဇနီးမောင်နှံက အခုလို ပေးလှူမယ့်အကြောင်း ဗုဒ္ဓဟူးနေ့မှာ ကြေညာခဲ့တာပါ။ သူတို့ ၂ ဦးဟာ သူတို့ရဲ့ ပိုင်ဆိုင်ကြွယ်ဝတဲ့ ဥစ္စာပစ္စည်းတွေထဲက ၉၉ % ကို ပေးလှူမယ်လို့ သန္ဓိဌာန် ချထားကြတာပါ။

Facebook ကို ၂၀၀၄ ခုနှစ်မှာ တည်ထောင်ခဲ့တာဖြစ်ပြီး၊ အဲဒီအချိန်ကစလို့ တဖြေးဖြေး ကြီးထွားလာနေတဲ့ Facebook ကုမ္ပဏီဟာ ခုနောက်ဆုံး ၄ လပတ်မှာ အမြတ်ငွေ ၄ ဘီလီယံခွဲ ရနေပြီဖြစ်ပါတယ်။ တနေ့ကို လူပေါင်း သန်းတထောင်ကျော် Facebook သုံးနေကြတာဖြစ်ပြီး အဲဒီထဲက ၈၀ % ဟာ အမေရိကန်နဲ့ ကနေဒါ ပြင်ပမှာ နေထိုင်သူတွေ ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com

ရန်ကုန်တိုင်းဒေသကြီး ကျောက်တံတားမြို့နယ်မှာ အိမ်အကူမိန်းကလေးငယ်တွေကို ညှဉ်းပန်းနှိပ်စက်ပြီး လုပ်ခလစာတွေ မပေးခဲ့တဲ့ ဖြစ်စဉ်နဲ့ပတ်သက်လို့ ကနဦး တိုင်ကြားချက်ကို ဆောင်ရွက်ဖို့ ပျက်ကွက်ခဲ့တာနဲ့ပတ်သက်လို့ ခုံရုံးဖွဲ့စစ်ဆေးနေတယ်လို့ ဒီအမှုကို စတင်ဖော်ထုတ်တဲ့ ကိုဆွေဝင်း (ခ) ကိုဘကောင်းက ပြောပါတယ်။

လွန်ခဲ့တဲ့ လပိုင်းက အိမ်အကူကလေးငယ်တွေမှာ ပြတ်ရှဒဏ်ရာအနာရွတ်တွေကို ဓာတ်ပုံရိုက်ယူပြီး ရဲထံ တိုင်ကြားခဲ့ပေမယ့် အရေးယူမှု မရှိခဲ့တာကြောင့် ကိုဆွေဝင်းက လူ့အခွင့်အရေးကော်မရှင်ကို ဆက်လက်တိုင်ကြားခဲ့တာပါ။ ဒီနောက် အချိန်အတော်ကြာမှ ဒီအမှုကို လူသိရှင်ကြားဖြစ်ခဲ့ပြီး မနေ့ညနဲ့ ဒီကနေ့မှာတော့ အိမ်ရှင်အမျိုးသမီး ၂ ဦးနဲ့ အမျိုးသား ၁ ဦးကို ရဲကဖမ်းဆီးပြီး စစ်ဆေးနေပါတယ်။

ကိုဆွေဝင်းကို စက်တင်ဘာ ၂၁ ရက်နေ့ ညနေပိုင်းက ဆက်သွယ်မေးမြန်းပါတယ်။

မေး – ကိုဆွေဝင်း ဒီကနေ့ အမှုနဲ့ပတ်သက်လို့ ရဲအချင်းချင်း စစ်နေကြတယ်ကြားပါတယ်။ အဲဒါသိသလောက် ပြောပြပါ။

ဖြေ – “သူတို့ မနက်အစောကြီးကတည်းက စစ်နေတာ။ အခုချိန်ထိတော့မပြီးသေးဘူး။ ရဲမှူးခင်မောင်ဌေးပေါ့။ သူက ခုံရုံးအဖွဲ့ခေါင်းဆောင်အနေနဲ့ စစ်နေတာပေါ့။ ကျနော်တိုင်ခဲ့တဲ့ ကနဦးတိုင်ကြားချက်ကို ဘာကြောင့်မို့လို့ ရဲဌာနက အရေးမယူတာလဲဆိုပြီး ခုံရုံးဖွဲ့စစ်နေတာပေါ့နော်။ ခေါင်းဆောင်ကတော့ ပန်းဘဲတန်းမြို့နယ်မှူးပေါ့၊ ရဲမှူးခင်မောင်ဌေးကနေပြီးတော့ ခုံရုံးအဖွဲ့ကို ဦးဆောင်တယ်။ နောက်တယောက် ဒုရဲမှူး တင့်ဆွေပါတယ်။ နောက်တယောက်က နာမည်မေ့နေတယ်။ ဆိုတော့ ရဲအရာရှိ ၃ ဦး ဦးဆောင်ပြီးတော့ ဒီအမှုကို ကျနော်တိုင်ကြားခဲ့တဲ့ အချိန်မှာ ရဲစခန်းကနေပြီးတော့ ဘယ်သူတွေက တာဝန်ယူပြီးတော့ ဘယ်လိုဆောင်ရွက်ခဲ့တယ်ဆိုတာ အကုန်လုံးကို ပြန်စစ်တယ်ပေါ့။”

မေး – ဒီအမှုဖြစ်စဉ်ကို ပြောပါလား။

ဖြေ – “ဒီဟာနဲ့ပတ်သက်ပြီးတော့ ကျနော်သတင်းကြားတယ်ပေါ့နော်။ သဲလွန်စရတယ်၊ ရတော့ ကျနော်ကိုယ်တိုင် ဘယ်ကိုမှမသွားဘဲနဲ့ အပ်ချုပ်ဆိုင်ကိုသွားပြီးတော့မှ ကျနော်ကိုယ်တိုင် စုံစမ်းတယ်။ ကျနော်ကိုယ်တိုင် ကပ်စတန်မာ (စားသုံးသူ) ပုံစံမျိုးနဲ့ စုံစမ်းတယ်။ စုံစမ်းတဲ့အခါမှာ ကလေး ၂ ယောက်လုံးကို ကျနော်တွေ့တယ်။ ကလေး ၂ ယောက်လုံးမှာ တူညီတဲ့ လက်ဖမိုးမှာ ပြတ်ရှဒဏ်ရာတွေ ကျနော်တွေ့တယ်။ တွေ့တော့ ဆိုင်တခုလုံးကို ကျနော်က ပတ်ပြီးတော့ ဓာတ်ပုံတွေရိုက်တယ်။ ကုတ်အင်္ကျီတွေကို ဓာတ်ပုံရိုက်တယ်။ ရိုက်ပြီးတော့ ကလေးတယောက်ရဲ့ မျက်နှာကို မပါပါအောင် ကျနော် ရိုက်လာခဲ့တယ်။ ရိုက်လာပြီးတော့ အဲဒီ ကျနော်တွေ့ရှိချက်ရယ်၊ နောက်ပြီးတော့ ကျနော်ရခဲ့တဲ့ ဓာတ်ပုံရယ်ကို ကျနော် ကျောက်တံတားရဲစခန်းမှာ ကျနော်သွားပေးလိုက်တယ်။ သွားပေးလိုက်ပြီးတော့မှ ကျနော် ၁ ရက်ဆက်တယ် (ဖုန်း) ၂ ရက်ဆက်တယ်၊ ၃ ရက်ဆက်တယ်။ ဘာမှ မဖြစ်လာဘူး။ အဲတော့ ကျနော် လှမ်းပြီးတော့ ကော်မရှင် (မြန်မာနိုင်ငံအမျိုးသားလူ့အခွင့်အရေးကော်မရှင်) ကို တိုင်တယ်ပေါ့ဗျာ။ ကော်မရှင်ကို တိုင်လိုက်ပြီးတော့မှ ဘယ်လောက်လောက်ကြာသွားလဲဆိုတော့ တလလောက်ကြာတော့မှ ကော်မရှင်ကနေပြီးတော့ အကြောင်းကြားလို့ဆိုပြီးတော့ ရဲတပ်ဖွဲ့က ပြန်ခေါ်တယ်၊ ပြန်ခေါ်ပြီး ကျနော့်ကို အမှုတခုလုံးကို ပြန်ပြီးတော့ မေးတယ်။ မေးတဲ့အခါမှာ ကျနော်က ပြောတယ်။ မဟုတ်ဘူး ခင်ဗျားတို့ တလကျော်လောက်က အကုန်လာတိုင်ပြီးသွားပြီ၊ အထောက်အထားတွေလည်းပေးပြီးသွားပြီ၊ အဲဒါကို အဲဒီဖိုင်ထဲပြန်လှန်လိုက် ကျနော်ဘာမှ ပြောစရာမလိုဘူးဆိုတော့ သူတို့က အဲဒါ ဘာမှ ပြန်မပြောဘဲနဲ့ ကျနော့်ကို အမှု အစအဆုံးပြန်မေးတယ်။ နောက်ပြီးတော့ သူဘာပြောလဲဆိုတော့ အကယ်လို့ ကျနော်ကနေပြီးတော့ တရားဝင်တိုင်ကြားချက်မဖွင့်ဘူးဆိုလို့ရှိရင် သူတို့အနေနဲ့ သွားပြီးတော့ စစ်ဆေးလို့မရဘူး၊ ဒီအိမ်တအိမ်ကို။ ဆိုတာနဲ့ ကျနော်လည်း မဖွင့်ချင်ဘူး၊ သတင်းသမားအနေနဲ့ ဇာတ်လမ်းတခုထဲမှာ ကျနော်ကိုယ်တိုင် ပါဝင်ရတဲ့ဟာမျိုး မပါချင်ဘူးလေဗျာ နော်။ ကျနော်က ဒါနဲ့ပတ်သက်ပြီးတော့ ကယ်တင်ချင်လို့၊ ကလေးတွေကို ကယ်တင်ချင်လို့၊ သတင်းထောက်ဆိုတာလည်း ကယ်တင်လို့ရတဲ့ အဖွဲ့အစည်းလည်းမဟုတ်ဘူးလေ။ ဆိုတော့ အာဏာပိုင်အဖွဲ့အစည်းကို ကျနော်ကသွားပြီးတော့ အဲဒါကြောင့်မို့လို့ အကြောင်းကြားတာပေါ့ဗျာ။ ဒါပေမယ့် သူတို့က တရားဝင်တိုင်ကြားမှပဲ သွားပြီးတော့ စစ်လို့ရမယ်၊ ကယ်လို့ရမယ်ဆိုတော့လည်း ကျနော်က တရားဝင် တိုင်ကြားလိုက်တာပေါ့နော်။ ဇာတ်လမ်းက အဲဒါပါပဲ။”

မေး – ပထမဆုံး ရဲစခန်းကိုတိုင်ကြားတဲ့ ရက်၊ လ မှတ်မိလား၊ လချီကြာခဲ့တယ်ဆိုလို့။

ဖြေ – “ကျနော် ဇွန်လ တတိယပတ်လောက်ကိုတိုင်တာဗျ။ အခု ခုံရုံးစစ်တဲ့အခါ ဘာတွေ့ရလဲဆိုတော့ အဲဒီတုန်းက လုပ်ခဲ့တဲ့ တာဝန်မှူးကနေပြီးတော့မှ သက်ဆိုင်ရာ မြို့နယ်ရဲစခန်းမှူးကို အကြောင်းကြားခဲ့တယ်ဗျ။ အဲဒီရဲစခန်းမှူးကလည်း ဒါနဲ့ပတ်သက်ပြီး ဆောင်ရွက်ခြင်းမရှိခဲ့ဘူး။ မရှိတဲ့အတွက်ကြောင့်မို့လို့ အဲဒီစခန်းမှူးကို သူတို့ အရေးယူမယ်ပြောတယ်။ ရဲမှူးခင်မောင်ဌေးကနေပြီးတော့။”

မေး – ဒီနေ့ အမျိုးသားလူ့အခွင့်အရေးကော်မရှင်က ဒီဖြစ်စဉ်နဲ့ပတ်သက်လို့ ရှင်းလင်းပွဲကို ကိုဆွေဝင်းသွားသေးလား။

ဖြေ – ကျနော် မသွားဘူး။ တမင်သက်သက်မသွားတာပါ။ ဘာကြောင့်လဲဆိုတော့ ကျနော်ကသွားလိုက်လို့ရှိရင် သူတို့ပြောဆိုချက်တွေကို ကျနော်က သဘောမကျဘဲနဲ့ ထပြီးပြောလို့ရှိရင် သတင်းစာရှင်းလင်းပွဲပုံစံမဖြစ်ဘဲနဲ့ အပြန်အလှန်ပြောဆိုတဲ့ပုံစံမျိုးတွေ၊ အငြင်းအခုံဖြစ်မယ်ဆိုတော့ ကျနော်ရှောင်တာ။ နောက်ပြီးတော့ သူတို့လည်း သူတို့ဟာသူတို့ ခုခံပိုင်ခွင့်ရှိတယ်ဆိုပြီးတော့ ကျနော်က ခုခံပိုင်ခွင့်ပေးလိုက်တယ်။ ကျနော့်အနေနဲ့ကလည်း မီဒီယာသမားတယောက်ဆိုတော့ ကျန်တဲ့ မီဒီယာသမားတွေကို ကျနော်က အလွယ်တကူနဲ့ ရှင်းပြလို့ရတဲ့အနေအထားဆိုတော့ ကျနော် မသွားတော့ဘူးလေ။”ရန်ကုန်တိုင်းဒေသကြီး ကျောက်တံတားမြို့နယ်မှာ အိမ်အကူမိန်းကလေးငယ်တွေကို ညှဉ်းပန်းနှိပ်စက်ပြီး လုပ်ခလစာတွေ မပေးခဲ့တဲ့ ဖြစ်စဉ်နဲ့ပတ်သက်လို့ ကနဦး တိုင်ကြားချက်ကို ဆောင်ရွက်ဖို့ ပျက်ကွက်ခဲ့တာနဲ့ပတ်သက်လို့ ခုံရုံးဖွဲ့စစ်ဆေးနေတယ်လို့ ဒီအမှုကို စတင်ဖော်ထုတ်တဲ့ ကိုဆွေဝင်း (ခ) ကိုဘကောင်းက ပြောပါတယ်။
လွန်ခဲ့တဲ့ လပိုင်းက အိမ်အကူကလေးငယ်တွေမှာ ပြတ်ရှဒဏ်ရာအနာရွတ်တွေကို ဓာတ်ပုံရိုက်ယူပြီး ရဲထံ တိုင်ကြားခဲ့ပေမယ့် အရေးယူမှု မရှိခဲ့တာကြောင့် ကိုဆွေဝင်းက လူ့အခွင့်အရေးကော်မရှင်ကို ဆက်လက်တိုင်ကြားခဲ့တာပါ။ ဒီနောက် အချိန်အတော်ကြာမှ ဒီအမှုကို လူသိရှင်ကြားဖြစ်ခဲ့ပြီး မနေ့ညနဲ့ ဒီကနေ့မှာတော့ အိမ်ရှင်အမျိုးသမီး ၂ ဦးနဲ့ အမျိုးသား ၁ ဦးကို ရဲကဖမ်းဆီးပြီး စစ်ဆေးနေပါတယ်။
ကိုဆွေဝင်းကို စက်တင်ဘာ ၂၁ ရက်နေ့ ညနေပိုင်းက ဆက်သွယ်မေးမြန်းပါတယ်။
မေး – ကိုဆွေဝင်း ဒီကနေ့ အမှုနဲ့ပတ်သက်လို့ ရဲအချင်းချင်း စစ်နေကြတယ်ကြားပါတယ်။ အဲဒါသိသလောက် ပြောပြပါ။
ဖြေ – “သူတို့ မနက်အစောကြီးကတည်းက စစ်နေတာ။ အခုချိန်ထိတော့မပြီးသေးဘူး။ ရဲမှူးခင်မောင်ဌေးပေါ့။ သူက ခုံရုံးအဖွဲ့ခေါင်းဆောင်အနေနဲ့ စစ်နေတာပေါ့။ ကျနော်တိုင်ခဲ့တဲ့ ကနဦးတိုင်ကြားချက်ကို ဘာကြောင့်မို့လို့ ရဲဌာနက အရေးမယူတာလဲဆိုပြီး ခုံရုံးဖွဲ့စစ်နေတာပေါ့နော်။ ခေါင်းဆောင်ကတော့ ပန်းဘဲတန်းမြို့နယ်မှူးပေါ့၊ ရဲမှူးခင်မောင်ဌေးကနေပြီးတော့ ခုံရုံးအဖွဲ့ကို ဦးဆောင်တယ်။ နောက်တယောက် ဒုရဲမှူး တင့်ဆွေပါတယ်။ နောက်တယောက်က နာမည်မေ့နေတယ်။ ဆိုတော့ ရဲအရာရှိ ၃ ဦး ဦးဆောင်ပြီးတော့ ဒီအမှုကို ကျနော်တိုင်ကြားခဲ့တဲ့ အချိန်မှာ ရဲစခန်းကနေပြီးတော့ ဘယ်သူတွေက တာဝန်ယူပြီးတော့ ဘယ်လိုဆောင်ရွက်ခဲ့တယ်ဆိုတာ အကုန်လုံးကို ပြန်စစ်တယ်ပေါ့။”
မေး – ဒီအမှုဖြစ်စဉ်ကို ပြောပါလား။
ဖြေ – “ဒီဟာနဲ့ပတ်သက်ပြီးတော့ ကျနော်သတင်းကြားတယ်ပေါ့နော်။ သဲလွန်စရတယ်၊ ရတော့ ကျနော်ကိုယ်တိုင် ဘယ်ကိုမှမသွားဘဲနဲ့ အပ်ချုပ်ဆိုင်ကိုသွားပြီးတော့မှ ကျနော်ကိုယ်တိုင် စုံစမ်းတယ်။ ကျနော်ကိုယ်တိုင် ကပ်စတန်မာ (စားသုံးသူ) ပုံစံမျိုးနဲ့ စုံစမ်းတယ်။ စုံစမ်းတဲ့အခါမှာ ကလေး ၂ ယောက်လုံးကို ကျနော်တွေ့တယ်။ ကလေး ၂ ယောက်လုံးမှာ တူညီတဲ့ လက်ဖမိုးမှာ ပြတ်ရှဒဏ်ရာတွေ ကျနော်တွေ့တယ်။ တွေ့တော့ ဆိုင်တခုလုံးကို ကျနော်က ပတ်ပြီးတော့ ဓာတ်ပုံတွေရိုက်တယ်။ ကုတ်အင်္ကျီတွေကို ဓာတ်ပုံရိုက်တယ်။ ရိုက်ပြီးတော့ ကလေးတယောက်ရဲ့ မျက်နှာကို မပါပါအောင် ကျနော် ရိုက်လာခဲ့တယ်။ ရိုက်လာပြီးတော့ အဲဒီ ကျနော်တွေ့ရှိချက်ရယ်၊ နောက်ပြီးတော့ ကျနော်ရခဲ့တဲ့ ဓာတ်ပုံရယ်ကို ကျနော် ကျောက်တံတားရဲစခန်းမှာ ကျနော်သွားပေးလိုက်တယ်။ သွားပေးလိုက်ပြီးတော့မှ ကျနော် ၁ ရက်ဆက်တယ် (ဖုန်း) ၂ ရက်ဆက်တယ်၊ ၃ ရက်ဆက်တယ်။ ဘာမှ မဖြစ်လာဘူး။ အဲတော့ ကျနော် လှမ်းပြီးတော့ ကော်မရှင် (မြန်မာနိုင်ငံအမျိုးသားလူ့အခွင့်အရေးကော်မရှင်) ကို တိုင်တယ်ပေါ့ဗျာ။ ကော်မရှင်ကို တိုင်လိုက်ပြီးတော့မှ ဘယ်လောက်လောက်ကြာသွားလဲဆိုတော့ တလလောက်ကြာတော့မှ ကော်မရှင်ကနေပြီးတော့ အကြောင်းကြားလို့ဆိုပြီးတော့ ရဲတပ်ဖွဲ့က ပြန်ခေါ်တယ်၊ ပြန်ခေါ်ပြီး ကျနော့်ကို အမှုတခုလုံးကို ပြန်ပြီးတော့ မေးတယ်။ မေးတဲ့အခါမှာ ကျနော်က ပြောတယ်။ မဟုတ်ဘူး ခင်ဗျားတို့ တလကျော်လောက်က အကုန်လာတိုင်ပြီးသွားပြီ၊ အထောက်အထားတွေလည်းပေးပြီးသွားပြီ၊ အဲဒါကို အဲဒီဖိုင်ထဲပြန်လှန်လိုက် ကျနော်ဘာမှ ပြောစရာမလိုဘူးဆိုတော့ သူတို့က အဲဒါ ဘာမှ ပြန်မပြောဘဲနဲ့ ကျနော့်ကို အမှု အစအဆုံးပြန်မေးတယ်။ နောက်ပြီးတော့ သူဘာပြောလဲဆိုတော့ အကယ်လို့ ကျနော်ကနေပြီးတော့ တရားဝင်တိုင်ကြားချက်မဖွင့်ဘူးဆိုလို့ရှိရင် သူတို့အနေနဲ့ သွားပြီးတော့ စစ်ဆေးလို့မရဘူး၊ ဒီအိမ်တအိမ်ကို။ ဆိုတာနဲ့ ကျနော်လည်း မဖွင့်ချင်ဘူး၊ သတင်းသမားအနေနဲ့ ဇာတ်လမ်းတခုထဲမှာ ကျနော်ကိုယ်တိုင် ပါဝင်ရတဲ့ဟာမျိုး မပါချင်ဘူးလေဗျာ နော်။ ကျနော်က ဒါနဲ့ပတ်သက်ပြီးတော့ ကယ်တင်ချင်လို့၊ ကလေးတွေကို ကယ်တင်ချင်လို့၊ သတင်းထောက်ဆိုတာလည်း ကယ်တင်လို့ရတဲ့ အဖွဲ့အစည်းလည်းမဟုတ်ဘူးလေ။ ဆိုတော့ အာဏာပိုင်အဖွဲ့အစည်းကို ကျနော်ကသွားပြီးတော့ အဲဒါကြောင့်မို့လို့ အကြောင်းကြားတာပေါ့ဗျာ။ ဒါပေမယ့် သူတို့က တရားဝင်တိုင်ကြားမှပဲ သွားပြီးတော့ စစ်လို့ရမယ်၊ ကယ်လို့ရမယ်ဆိုတော့လည်း ကျနော်က တရားဝင် တိုင်ကြားလိုက်တာပေါ့နော်။ ဇာတ်လမ်းက အဲဒါပါပဲ။”
မေး – ပထမဆုံး ရဲစခန်းကိုတိုင်ကြားတဲ့ ရက်၊ လ မှတ်မိလား၊ လချီကြာခဲ့တယ်ဆိုလို့။
ဖြေ – “ကျနော် ဇွန်လ တတိယပတ်လောက်ကိုတိုင်တာဗျ။ အခု ခုံရုံးစစ်တဲ့အခါ ဘာတွေ့ရလဲဆိုတော့ အဲဒီတုန်းက လုပ်ခဲ့တဲ့ တာဝန်မှူးကနေပြီးတော့မှ သက်ဆိုင်ရာ မြို့နယ်ရဲစခန်းမှူးကို အကြောင်းကြားခဲ့တယ်ဗျ။ အဲဒီရဲစခန်းမှူးကလည်း ဒါနဲ့ပတ်သက်ပြီး ဆောင်ရွက်ခြင်းမရှိခဲ့ဘူး။ မရှိတဲ့အတွက်ကြောင့်မို့လို့ အဲဒီစခန်းမှူးကို သူတို့ အရေးယူမယ်ပြောတယ်။ ရဲမှူးခင်မောင်ဌေးကနေပြီးတော့။”
မေး – ဒီနေ့ အမျိုးသားလူ့အခွင့်အရေးကော်မရှင်က ဒီဖြစ်စဉ်နဲ့ပတ်သက်လို့ ရှင်းလင်းပွဲကို ကိုဆွေဝင်းသွားသေးလား။
ဖြေ – ကျနော် မသွားဘူး။ တမင်သက်သက်မသွားတာပါ။ ဘာကြောင့်လဲဆိုတော့ ကျနော်ကသွားလိုက်လို့ရှိရင် သူတို့ပြောဆိုချက်တွေကို ကျနော်က သဘောမကျဘဲနဲ့ ထပြီးပြောလို့ရှိရင် သတင်းစာရှင်းလင်းပွဲပုံစံမဖြစ်ဘဲနဲ့ အပြန်အလှန်ပြောဆိုတဲ့ပုံစံမျိုးတွေ၊ အငြင်းအခုံဖြစ်မယ်ဆိုတော့ ကျနော်ရှောင်တာ။ နောက်ပြီးတော့ သူတို့လည်း သူတို့ဟာသူတို့ ခုခံပိုင်ခွင့်ရှိတယ်ဆိုပြီးတော့ ကျနော်က ခုခံပိုင်ခွင့်ပေးလိုက်တယ်။ ကျနော့်အနေနဲ့ကလည်း မီဒီယာသမားတယောက်ဆိုတော့ ကျန်တဲ့ မီဒီယာသမားတွေကို ကျနော်က အလွယ်တကူနဲ့ ရှင်းပြလို့ရတဲ့အနေအထားဆိုတော့ ကျနော် မသွားတော့ဘူးလေ။”

By အေးနိုင်
http://burmese.dvb.no/archives/169355

ဘန်ကောက်၊ စက်တင်ဘာ ၂၁ ။ ။ ဖိလစ်ပိုင်နိုင်ငံအတွင်း ရာဇဝတ်မှုများအား အကြမ်းဖက် ဖြိုခွင်းမှုများကြောင့် လူသေဆုံးမှုများ များပြားနေခြင်းအား နိုင်ငံတကာက ဝေဖန်နေခြင်းကို သမ္မတ ဒူတာတေးက ပြန်လည်တုံ့ပြန်ခြင်းအဖြစ် ဥရောပသမဂ္ဂ အီးယူအား မရိုသေ့စကားများဖြင့် ဆဲဆိုတုံ့ပြန်လိုက်သည်။

ဖိလစ်ပိုင်၌ တရားလက်လွတ် ကွပ်မျက်သတ်ဖြတ်ခြင်းများ ကျရောက်နေပြီဟု အီးယူက ပြစ်တင်ရှုတ်ချလိုက်ခြင်းကို ဒူတာတေးက ဆတ်ဆတ်ထိမခံ ဆဲဆိုတုံ့ပြန်ရာ၌ ကိုယ်အမူအယာဖြင့်လည်း ရုန့်ရိုင်းသော လက္ခဏာဖြစ်သည့် လက်ခလယ်ထောင်ပြခြင်းဖြင့်လည်း အီးယူကို တုံ့ပြန်လိုက်သည်။

“သူတို့(အီးယူ)ကို ပြောမယ်။ ခင်ဗျားတို့တွေ လိင်ဆက်ဆံတာကို ခံလိုက်။ ခင်ဗျားတို့ အပြစ်တွေအတွက် ဒီလို ဆက်ဆံတာခံပြီးပဲ ဆေးကြောလိုက်။”ဟု စက်တင်ဘာ ၂၀ ရက် နှောင်းပိုင်းက ဒါဗာအိုမြို့တွင် ဒေသတာဝန်ရှိများနှင့် ပြောဆိုရာ ဒူတာတေးက ယခုကဲ့သို့ ပြောခဲ့ကြောင်း ABS-CBN ရုပ်သံက ဖော်ပြသည်။

အသက် ၇၁ နှစ်ရှိ ဒူတာတေးသည် ၎င်း၏ မူးယစ်ဆေးဝါးနှိမ်နှင်းမှုအား ပြည်ပနိုင်ငံများက ဝေဖန်မှုကို အလားတူ ကြမ်းတမ်းစွာ တုံ့ပြန်ခဲ့သူဖြစ်သည်။ အမေရိကန်သမ္မတ အိုဘားမားအား မိန်းမပျက်သားဟု ခေါ်ခဲ့သကဲ့သို့ ကုလသမဂ္ဂကိုလည်း ဆဲရေးခဲ့သူဖြစ်သည်။

ခြောက်လအတွင်း မူးယစ်ဆေးဝါးရောင်းဝယ်မှုများအား အမြစ်ဖြတ်မည်ဟု ကြွေးကြော်လျက် မေလအတွင်းက ရွေးကောက်တွင် ဒူတာတေးက သောင်ပြိုကမ်းပြို အနိုင်ရခဲ့ခြင်းဖြစ်သည်။ ရာဇဝတ်မှုကျုးလွန်သူပေါင်း တစ်သိန်းအထိ သတ်ဖြတ်ပစ်မည်ဟုလည်း ကတိပေးထားသူဖြစ်သည်။

ဇွန် ၃၀ ရက်က သမ္မတ ဒူတာတေး ရာထူးရယူပြီးနောက်ပိုင်း ရာဇဝတ်မှုနှိမ်နှင်းရေးတွင် လူပေါင်း ၃၀၀၀ နီးပါး သတ်ဖြတ်ခံခဲ့ရသည်။

ဘန်ကောက်ပို့စ်
Mizzima - News in Burmese

ညှဉ်းပန်းနှိပ်စက်ခံရတဲ့ ကလေးတွေရဲ့သတင်းကို ရေးသားဖော်ပြခဲ့တဲ့ MYANMAR NOW သတင်းဌာနက သတင်းထောက်ကိုဆွေဝင်းကို အဲဒီသတင်းရေးသားခဲ့တဲ့ အတွက် ပြစ်မှုကျူးလွန်တဲ့ မိသားစု ဝင်တစ်ဦးဖြစ်တဲ့ တင်မင်းလတ်(ခ)ဖိုင်ဇယ်က တစ်ကွေ့ကွေ့ မှာတွေ့မယ်လို့ စက်တင်ဘာလ၁၀ရက်နေ့ မှာခြိမ်းခြောက်လိုက်ပါတယ်။
14442790_102063705570asdfasdf57454_76902095_n
ကလေးတွေကို ကူညီစောင့်ရှောက်ပေးနေတဲ့ ကော့မှူးမြို့နယ် ရှားဘွားကျေးရွာ အုပ်စု ဘောလုံးကွင်းကျေးရွာ ကအုပ်ချုပ်ရေးမှူး ဦးမျိုးမြင့်မောင်ကတဆင့် ပြောကြားလိုက်တာပါ။ အဲဒီ လိုခြိမ်းခြောက်မှုနဲ့ပတ်သက်ပြီး ကျောက်တံတားရဲစခန်းကို ဖုန်းနဲ့ ဆက်သွယ်တိုင်ကြားခဲ့ပေမယ့် ရဲစခန်းက မှတ်ထားပြီး စခန်းမှုးကို တင်ပြလိုက်ပါ့မယ်လို့ပဲပြောကြားခဲ့တယ်လို့ ကိုဆွေဝင်းကပြောပါတယ်။

စက်တင်ဘာ လ၁၅ရက်နေ့က လူ့အခွင့်အရေးကော်မရှင်ရုံးမှာ အဲဒီကိစ္စနဲ့ပတ်သ က်ပြီးညှိနှိုင်းမှုတွေပြုလုပ်နေတုန်းကလည်း ပြစ်မှုကျူးလွန်သူတွေထဲက မဆုမွန်လတ်က အခုဖြစ်စဉ်တွေနဲ့ပတ်သက်ပြီး သတင်းမတင်ဖို့ကို ပြောကြားသေးတယ်လို့ ကိုဆွေဝင်းက MCN သတင်းဌာနနဲ့ သီးခြားတွေ့ဆုံတဲ့အချိန်မှာပြောကြားခဲ့ပါတယ်။

အဲဒီခြိမ်းခြောက်မှု ဖြစ်စဉ်နောက်ပိုင်းမှာ မသင်္ကာဖွယ်ရာ လူတစ်ဦးက ကိုဆွေဝင်းရဲ့ ရုံးခန်း အနီးကိုလာေ ရာက်ခဲ့ တဲ့ အတွက် ကျောက်တံတားရဲစခန်းကို အကြောင်းကြားရာမှာ တစ်ခုခုဖြစ်ရင် ချက်ချင်းပြောပါလို့သာ အကြောင်းပြန်ခဲ့တယ်လို့ ကိုဆွေဝင်းကပြောကြားပါတယ်။

http://www.mcntv.biz/news/local-news/16596/

(ဓာတ်ပုံ - ဘာစီလိုနာ)

မနေ့ညက နူးကမ့်မှာ ဘာစီလိုနာနှင့် အက်သလက်တီကိုမက်ဒရစ်တို့ တစ်ဂိုးစီသရေကျတဲ့ပွဲမှာ မက်ဆီဟာ ပေါက်ခြံဒဏ်ရာရရှိသွားပြီး (၃) ပတ်လောက် အနားယူရမယ်လို့ ဘာစီလိုနာအသင်းက အတည်ပြုခဲ့ပါတယ်။

မက်ဆီဟာ ညဘက်ခြေထောက်မှာ ပေါက်ခြံဒဏ်ရာရရှိကြောင်း ဘာစီလိုနာအသင်းက ဆိုပါတယ်။

ပထမပိုင်းအပြီး နည်းပြ အန်းနရစ်အသင်းက ဒုတိယပိုင်းမှာ တစ်ဂိုးအသာနဲ့ ဦးဆောင်နေချိန်မှာ မက်ဆီဟာ လဲကျပြီး ပြန်အထမှာ ရုန်းကန်ခဲ့ရတာကြောင့် (၅၉)မိနစ်မှာ မက်ဆီကို အာဒါသူရမ်နဲ့ လူစားလဲခဲ့ရပါတယ်။ ချက်ချင်းဆိုသလို အက်သလက်တီကိုဘက်က ကော်ရီယာက ချေပဂိုး သွင်းယူသွားခဲ့ပါတယ်။

ဥရုဂွေးနဲ့ ကမ္ဘာ့ဖလားခြေစစ်ပွဲစဉ်မှာ မက်ဆီဟာ ပေါက်ခြံဒဏ်ရာရှိလျက်နဲ့ ကစားခဲ့ပြီးနောက်မှာ ဗင်နီဇွဲလားနဲ့ပွဲကို မကြာသေးမီက လွှဲချော်ခဲ့သလို သြဂုတ်လကုန်ပိုင်းက ဘီဘာအိုနဲ့ ပွဲစဉ်ကိုလည်း လွှဲချော်ခဲ့ပါသေးတယ်။

ဘာစီလိုနာအသင်းက အိမ်ကွင်းမှာ အလာဗတ်ကို နှစ်ဂိုး တစ်ဂိုးနဲ့ ရှုံးနိမ့်နေစဉ် ဒဏ်ရာကနေ ပြန်သက်သာလာတာ မကြာသေးတဲ့ မက်ဆီက ချက်ချင်းဆိုသလို ဒုတိယပိုင်မှာ အစားထိုးဝင်ရောက်ကစားခဲ့ပါတယ်။

ဒဏ်ရာကြောင့် မက်ဆီမပါဝင်တဲ့ ဘာစီလိုနာအသင်းဟာ အောက်တိုဘာလရဲ့ နိုင်ငံတကာပွဲစဉ်တွေမတိုင်မီ စပို့တင်းဂီဂျွန်၊ မိုချန်ဂလာဘတ်နှင့် ဆယ်လ်တာဗီဂိုတို့ကို အဝေးကွင်းမှာ ရင်ဆိုင်ရမှာဖြစ်ပါတယ်။

မက်ဆီဟာ အာဂျင်တီးနားအသင်းရဲ့ ကမ္ဘာ့ဖလားခြေစစ်ပွဲတွေဖြစ်တဲ့ အောက်တိုဘာ ၆ ရက်နဲ့ ၁၁ ရက်နေ့မှာ ရင်ဆိုင်ရမယ့် ပီရူးနှင့် ပါရာဂွေးတို့ရဲ့ ပွဲစဉ်တွေမှာ လွှဲချော်ဖွယ်ရှိနေပါတယ်။

Ref; ESPN FC
Mizzima - News in Burmese


ဥက္ကဋ္ဌကြီး၊ ဂုဏ်သရေရှိ ကိုယ်စားလှယ်တော်ကြီးများ၊ လူကြီးမင်းများရှင့်။

၁။ မြန်မာနိုင်ငံ အစိုးရသစ်ရဲ့ ပထမဦးဆုံး ကိုယ်စားလှယ်အနေနဲ့ ဒီအထွေထွေ ညီလာခံမှာ စကားပြောရင်း ကုလသမဂ္ဂ ပဋိဉာဏ်စာတမ်းရဲ့ ရည်ရွယ်ချက်နဲ့ မူတွေအပေါ်မှာ အပြည့်အ၀ ယုံကြည်မှုရှိကြောင်း ပြောကြားရတာဟာ ကျမရဲ့တာဝန်၊ ကျမရဲ့ အခွင့်ထူး ဖြစ်ပါတယ်။

ဒီအဖွဲ့ကြီးရဲ့ ခွန်အားဟာ ပဋိဉာဏ်စာတမ်းနဲ့ နိုင်ငံတကာဥပဒေရဲ့ အခြေခံမူတွေမှာ ထည့်သွင်းထားတဲ့ တကမ္ဘာလုံးလွှမ်းခြုံအကျုံးဝင်မှုနဲ့ တရားဝင် ဖြစ်မှုတို့အပေါ်မှာ မူတည်နေပါတယ်။ ပြီးပြည့်စုံမှု မရှိခြင်းနဲ့ ကန့်သတ်မှုတွေ ရှိနေပေမဲ့ ကုလသမဂ္ဂအဖွဲ့ကြီးဟာ ကျမတို့အားလုံးရဲ့ ပိုမို ငြိမ်းချမ်း၍ သာယာဝပြောတဲ့ ကမ္ဘာကြီးဖြစ်ရေး၊ ဂရုဏာတရား ထွန်းကားတဲ့ လူသားအားလုံးရဲ့ နေရာထိုင်ခင်းဖြစ်မြောက်ရေး ဆိုတဲ့ မျှော်လင့်ချက်တွေကို သိုမှီးထားတဲ့ အဖွဲ့ကြီးအဖြစ် ရှိနေဆဲပါ။

၂။ ကျမတို့နိုင်ငံဟာ ၁၉၄၈ ခုနှစ်မှာ လွှတ်လပ်သော ပြည်ထောင်စုမြန်မာနိုင်ငံသစ် အဖြစ် ကုလသမဂ္ဂကို ၀င်ရောက်ခဲ့ပါတယ်။ အဲဒီကာလဟာ ကမ္ဘာ့လူသားတွေဟာ ငြိမ်းချမ်းရေး၊ သာတူညီမျှရေး၊ သာယာဝပြောရေး၊ တရားမျှတရေးတွေအတွက် လူသားတို့ရဲ့ လုပ်နိုင်စွမ်းအပေါ်မှာ ယုံကြည်မှု ထားရှိပြီး သူတို့ရဲ့ နိုင်ငံသစ်တွေကို ပြန်လည် ထူထောင်ဖို့ ရုန်းထကြတဲ့အချိန် ဖြစ်ပါတယ်။ အခုတကြိမ် ထပ်မံပြီးတော့ မြန်မာနိုင်ငံအဖို့ ပြတ်သားတဲ့မျှော်လင့်ချက်တွေ ထားရှိနိုင်ပါပြီ။ ပြီးခဲ့တဲ့ နိုဝင်ဘာလ ရွေးကောက်ပွဲတုန်းက ကျမတို့ ပြည်သူတွေဟာ အမျိုးသား ဒီမိုကရေစီအဖွဲ့ချုပ် (NLD) ကို တခဲနက် မဲပေးခဲ့ကြပါတယ်။ ဒါဟာ နိုင်ငံရေးပါတီ တခုကို ထောက်ခံတယ်ဆိုတာ ပြသခြင်းသာမက၊ သူတို့ရဲ့ အခွင့်အရေး၊ စွမ်းရည်၊ သူတိုမျှော်မှန်းထားတဲ့ တိုင်းပြည်ရဲ့ အနာဂတ်ပုံစံ စတဲ့ နိုင်ငံရေး ပျိုးထောင်မှုတွေအတွက် မဲပေးခဲ့ကြတာလည်း ဖြစ်ပါတယ်။ ဒီမျှော်မှန်းချက်တွေ၊ ရည်ရွယ်တွေဟာ ကုလသမဂ္ဂကို စတင် ထူထောင်ခဲ့တဲ့ ပုဂ္ဂိုလ်တွေရဲ့ အယူအဆနဲ့လည်း ထပ်တူ ထပ်မျှ ဖြစ်ပါတယ်။

၃။ ဓားသွားတွေကို ထွန်သွားအဖြစ် ပြောင်းလဲရေး ဆိုတဲ့ မျှော်မှန်းချက်၊ ခေတ်သစ် အသုံးအနှုန်းနဲ့ ပြောရမယ်ဆိုရင်တော့၊ ဖျက်ဆီးနိုင်တဲ့ လက်နက်တွေကို စိုက်ပျိုးရေး ယန္တရားတွေအဖြစ် ပြောင်းလဲရေး ဆိုတဲ့ မျှော်မှန်းချက်ဟာ ကျမတို့ ပြည်သူတွေရဲ့ မျှော်မှန်းချက် ဖြစ်ပါတယ်။ ဒီပဋိပက္ခတွေကြောင့် အိပ်ခွင့်မသာဘဲ လယ်ယာမြေတွေကိုလည်း ဆုံးရှုံးခဲ့ရတဲ့ ကျမတို့ ပြည်သူတွေဟာ အထက်မှာ ပြောခဲ့တဲ့အတိုင်း ပြောင်းလဲဖို့ လိုအပ်တယ်ဆိုတာကို စိတ်ထဲ၊ နှလုံးထဲမှာ စွဲစွဲမြဲမြဲ နားလည်ထားကြပါတယ်။ မိမိတို့ရဲ့ နေအိမ်ထဲမှာ လုံခြုံမှုရှိဖို့၊ မိမိတို့ရဲ့ စွမ်းရည်အပေါ်မှာ ယုံကြည်မှုရှိပြီး အပြည့်အ၀ အကောင်အထည်ဖော်နိုင်ဖို့၊ လူငယ်တွေရဲ့ အနာဂတ် အလားအလာအတွက် စိတ်ချ ပျော်ရွှင်မှု ရရှိနိုင်ဖို့၊ သက်ကြီးရွယ်အိုများဘ၀ လုံခြုံဖို့၊ ငြိမ်းချမ်းပြီး ကြွယ်ဝတဲ့ ပြည်ထောင်စုသားတွေရဲ့ ရပိုင်ခွင့်နဲ့ တာဝန်ကို အပြည့်အ၀ ထမ်းဆောင်နိုင်ဖို့တို့ပဲ ဖြစ်ပါတယ်။ ဒါတွေဟာ ရိုးရှင်းတယ်၊ ဒါပေမယ့် လက်တွေ့အကောင်အထည်ဖော်ဖို့ ခက်ခဲတယ်ဆိုတာကိုတော့ အထူး ပြောစရာ မလိုပါဘူး။ ကျမတို့ရဲ့ ဒီ ရည်မှန်းချက် ပန်းတိုင်ကို ရောရှိနိုင်ဖို့ တခုတည်းသော လမ်းကြောင်းကတော့ ငြိမ်းချမ်းရေး လမ်းကြောင်းပဲ ဖြစ်ပါတယ်။ ဒီလမ်းကြောင်းကို မျှော်လင့်ချက်နဲ့ ပြတ်သားတဲ့ သံဓိဋ္ဌာန်ချမှတ်ပြီး လျှောက်လှမ်းကြရပါလိမ့်မယ်။

ငြိမ်းချမ်းရေးဖြစ်စဉ်

၎။ မြန်မာပြည်သူတွေဟာ ငြိမ်းချမ်းလုံခြုံစွာ နေထိုင်ခွင့်၊ အခြေခံလွတ်လပ်ခွင့်၊ ဖွံ့ဖြိုးတိုးတက်ခွင့်ဆိုတဲ့ ၂၀၃၀ ပြည့် အဓွန့်ရှည် ခိုင်မြဲတဲ့ ဖွံ့ဖြိုးမှု ပန်းတိုင်နဲ့ အကျုံးဝင်တဲ့ မွေးရာပါ ရပိုင်ခွင့်တွေကို နှစ်ပေါင်းများစွာ ဆုံးရှုံးခံခဲ့ကြရတာ ဖြစ်ပါတယ်။ နှစ်ပေါင်း (၆၀) ကျော် ပြည်တွင်း လက်နက်ကိုင် ပဋိပက္ခတွေ ကြုံတွေ့ခဲ့ရတဲ့ နိုင်ငံတခုအဖို့ အဓွန့်ရှည် ခိုင်မြဲတဲ့ ငြိမ်းချမ်းရေးနဲ့ အမျိုးသားရင်ကြားစေ့ရေး ရရှိဖို့ဆိုတာထက် ဘယ်အရာမှ ပိုပြီး အရေးမကြီးနိုင်ပါဘူး။ ဒါဟာ မြန်မာနိုင်ငံ အစိုးရသစ်အနေနဲ့ အဓိက စိန်ခေါ်မှုကြီးတရပ်အဖြစ် အဆင့်မြင့် ဦးစားပေး ဆောင်ရွက်နေတဲ့ ခက်ခဲ ရှုပ်ထွေးတဲ့ လုပ်ငန်းကြီးတရပ် ဖြစ်ပါတယ်။ ပြည်ထောင်စုငြိမ်းချမ်းရေးညီလာခံ၊ တနည်းအားဖြင့် ၂၁ ရာစု ပင်လုံညီလာခံကြီးကို မကြာသေးခင်က ကျမတို့ ခေါ်ယူ ကျင်းပခဲ့ပါတယ်။ ဒီ ညီလာခံဟာ လွှတ်လပ်သော ပြည်ထောင်စုမြန်မာနိုင်ငံ ပေါ်ပေါက်ရေး အခြေခံအုတ်မြစ်ဖြစ်တဲ့ ၁၉၄၇ ခုနှစ် ညီလာခံရဲ့ ပင်လုံစိတ်ဓာတ်ကို ပြန်လည် အသက်သွင်းထားတာ ဖြစ်ပါတယ်။ အစိုးရ၊ လွှတ်တော်၊ တပ်မတော်၊ တိုင်းရင်းသားလက်နက်ကိုင်အဖွဲ့တွေ၊ နိုင်ငံရေးပါတီတွေ၊ လူထုအခြေပြု အရပ်ဖက်အဖွဲ့အစည်းတွေရဲ့ ကိုယ်စားလှယ်တွေ တက်ရောက်ကြတဲ့ ဒီညီလာခံဟာ အားလုံးပါဝင်ရေးမူနဲ့ ပြည်ထောင်စုစိတ်ဓါတ်ကို အခြေပြုထားတာ ဖြစ်ပါတယ်။ ဒီညီလာခံ ကျင်းပရုံနဲ့ မပြီးသေးပါဘူး။ အမျိုးသားရင်ကြားစေ့ရေးနဲ့ တည်တန့်ခိုင်မြဲတဲ့ ငြိမ်းချမ်းရေးဆီကို ချီတက်တဲ့ခရီးမှာ အရေးကြီးတဲ့ ပထမအဆင့်သာ ဖြစ်ပါတယ်။ ရရှိလာတဲ့ ငြိမ်းချမ်းရေးဟာ ကျမတို့ကြုံတွေ့ခဲ့ရတဲ့ မဖော်ပြနိုင်လောက်တဲ့ ၀မ်းနည်း ကြေကွဲဖွယ် စစ်ဘေး စစ်ဒဏ်က နောင်လာမယ့် မျိုးဆက်တွေကို ကယ်တင်နိုင်မှာ ဖြစ်ပါတယ်။

ရခိုင်အခြေအနေ

၅။ ပြီးခဲ့တဲ့ နှစ်အနည်းငယ်အတွင်း ရခိုင်ပြည်နယ်ရဲ့ အခြေအနေကို ကမ္ဘာက အာရုံ စူးစိုက်ခဲ့ကြပါတယ်။ တာဝန်သိတဲ့ ကမ္ဘာ့မိသားစု အဖွဲ့ဝင် နိုင်ငံတခုအနေနဲ့ ကျမတို့ဟာ နိုင်ငံတကာက အနီးကပ် စောင့်ကြည့်တာကို မစိုးရိမ်ပါဘူး။ ကျမတို့ဟာ ရခိုင်ပြည်အတွင်း လူ့အသိုင်းအ၀ိုင်း အားလုံးအတွက် ငြိမ်းချမ်းရေး၊ တည်ငြိမ်ရေး၊ တိုးတက်ဖွံ့ဖြိုးရေးကို ဦးတည်စေတဲ့ အဓွန့်ရှည် ခိုင်မြဲသော အဖြေရရှိဖို့အတွက် သံဓိဋ္ဌာန် ချထားပါတယ်။ ကျမတို့အစိုးရဟာ နားလည်မှုနဲ့ ယုံကြည်မှုရရှိရေးကို ဦးတည်တဲ့ ရေတို၊ ရေရှည်အစီအစဉ်တွေ ဖွံ့ဖြိုးတိုးတက်အောင် ဘက်ပေါင်းစုံက ချဉ်းကပ်နေပါတယ်။ ရခိုင်ပြည်နယ်တည်ငြိမ် အေးချမ်းမှုနှင့် ဖွံ့ဖြိုးတိုးတက်ရေး အကောင်အတည်ဖော်ရေး ဗဟိုကော်မီတီကို အစိုးရသစ်တာဝန်ယူပြီး မကြာခင်မှာ ဖွဲ့စည်းပေးခဲ့ပါတယ်။ ဗဟိုကော်မီတီအောက်မှာ ဖွဲ့စည်းထားတဲ့ လုပ်ငန်းကော်မီတီတွေဟာ လုံခြုံရေး၊ ငြိမ်းချမ်းရေး၊ တည်ငြိမ်ရေးနဲ့ တရားဥပဒေ စိုးမိုးရေး လုပ်ငန်းစဉ်တွေကို ထမ်းဆောင်နေကြပြီ ဖြစ်ပါတယ်။ လူဝင်မှုကြီးကြပ်ရေးနဲ့ နိုင်ငံသားဖြစ်ရေးတို့ကို စိစစ်ပြီး နေရာချထားရေး၊ လူမှုစီးပွား ဖွံ့ဖြိုးရေးတို့ကိုလည်း ကူညီ ဆောင်ရွက်ပေးနေပါတယ်။ လူသားချင်း စာနာမှုအကူအညီတွေ ထောက်ပံ့နိုင်ဖို့အတွက် ကုလသမဂ္ဂအဖွဲ့အစည်းတွေ၊ နိုင်ငံတကာ အဖွဲ့အစည်းတွေနဲ့လည်း ပူးပေါင်း ညှိနှိုင်း ဆောင်ရွက်နေပါတယ်။

၆။ ဒီပြဿနာကို ပြီးပြည့်စုံပြီး ပိုမိုထိရောက်အောင် ဖြေရှင်းနိုင်ဖို့ ကျမတို့ကြိုးပမ်းရာမှာ အထောက်အကူ ဖြစ်စေဖို့အတွက် ကုလသမဂ္ဂ အတွင်းရေးမှူးချုပ်ဟောင်း ကိုဖီအာနန် ဥက္ကဋ္ဌအဖြစ် ဆောင်ရွက်တဲ့ ရခိုင်ပြည်နယ် အကြံပေးကော်မရှင်ကိုလည်း ကျမတို့ ဖွဲ့စည်းထားပါတယ်။ အဖွဲ့ဝင် (၉) ဦး ပါဝင်တဲ့ ဒီကော်မရှင်ရဲ့ တာဝန်တွေထဲမှာ - ရခိုင်ပြည်နယ်အတွင်း လူ့အခြေခံလိုအပ်ချက်တွေ၊ ဖွံ့ဖြိုးတိုးတက်ရေး၊ အခြေခံ ရပိုင်ခွင့်နဲ့ လုံခြုံရေးကိစ္စတွေ ပါဝင်ပါတယ်။ ပဋိပက္ခဟန့်တားရေး၊ စာနာမှုအထောက်အပံ့ပေးကမ်းရေး၊ ရပိုင်ခွင့်များနဲ့ ပြန်လည်သင့်မြတ်ရေး၊ လူမှုအဆောက်အဦးတွေ တည်ဆောက်ရေး၊ ဖွံ့ဖြိုးတိုးတက်မှု မြင့်တင်ရေးတို့ကို အထူးအလေးပေး ဆောင်ရွက်ရပါလိမ့်မယ်။

၇။ ဒီကော်မရှင်ဖွဲ့စည်းလိုက်တာနဲ့ ပတ်သက်ပြီး တချို့အစိတ်အပိုင်းတွေက အပြင်းအထန် ကန့်ကွက်နေကြပါတယ်။ ဒါပေမဲ့ ရခိုင်ပြည်နယ်မှာ သဟဇာတ ဖြစ်ထွန်းရေး၊ ငြိမ်းချမ်းရေး၊ သာယာဝပြောရေး ရရှိဖို့အတွက် ဆက်လက် အားထုတ်သွားမယ်ဆိုတာ ကျမတို့ စိတ်ပိုင်းဖြတ်ထားပါတယ်။ ဒီနေရာမှာ နိုင်ငံတကာ အသိုင်းဝိုင်းအနေနဲ့ နားလည်မှုရှိပြီး အပြုသဘောနဲ့ ပါဝင်ဆောင်ရွက်ကြဖို့ တောင်းဆိုလိုက်ပါတယ်။ မလိုမုန်းတီးမှုနဲ့ စာနာခွင့်လွှတ်ခြင်း ကင်းမဲ့တဲ့ အုပ်စုတွေကို အခိုင်အမာ ဆန့်ကျင်ရပ်တည်ခြင်းအားဖြင့် အခြေခံ လူ့အခွင့်အရေးတွေ၊ ဂုဏ်သိက္ခာနဲ့ လူပုဂ္ဂိုလ်ဆိုင်ရာ တန်ဖိုးတွေကို ယုံကြည်မှုရှိကြောင်း ထပ်မံပြီး အလေးအနက် ပြောကြားလိုပါတယ်။

SDG ရေရှည်တည်တန့်တဲ့ ဖွံ့ဖြိုးမှုပန်းတိုင် အကော်အထည်ဖော်ရေး

၈။ ငြိမ်းချမ်းရေးနဲ့ အမျိုးသားရင်ကြားစေ့ရေးတို့ဟာ ကျမတို့ပြည်သူတွေရဲ့ လူမှုရေးနဲ့ စီးပွားရေး လိုအပ်ချက်တွေ ပြည့်ဝရေးဆိုင်ရာ မူဝါဒနဲ့ အစီအစဉ်တွေကို အောင်မြင်စွာ အကောင်အထည်ဖော်နိုင်ဖို့ အခြေခံ လိုအပ်ချက်တွေ ဖြစ်ပါတယ်။ မြန်မာနိုင်ငံရဲ့ ၂၀၁၆ အမျိုးသား စီးပွားရေးနဲ့ ဖွံ့ဖြိုးရေး မူဝါဒဟာ အခြေခံအဆောက်အဦးဆိုင်ရာ ရင်းနှီးမြှုပ်နှံမှု၊ လယ်ယာစိုက်ပျိုးရေး၊ ပုဂ္ဂလိကကဏ္ဍ၊ အသေးစားနဲ့ အလတ်စား စီးပွားရေးလုပ်ငန်းတွေ၊ အထူးသဖြင့် ဆင်းရဲနွမ်းပါးမှု တိုက်ဖျက်ရေး စတာတွေ ပါဝင်တဲ့ SDG ရေရှည်တည်တန့်တဲ့ ဖွံ့ဖြိုးမှုပန်းတိုင် အကောင်အထည်ဖော်ရေးနဲ့ ကိုက်ညီအောင် ရေးဆွဲထားတာ ဖြစ်ပါတယ်။ အမျိုးသားရင်ကြားစေ့ရေး၊ အလုပ်အကိုင် ဖန်တီးရေး၊ သဘာဝပတ်ဝန်းကျင် ထိန်းသိမ်းရေး၊ လူငယ်တွေရဲ့ စွမ်းရည်မြင့်မားရေးနဲ့ အခွင့်အလမ်း ဖန်တီးရေးတို့ဟာ ကျမတို့ရဲ့ လူထုအခြေပြု အားလုံးပါဝင်ရေး မူဝါဒ ရည်မှန်းချက်တွေအတွက် အဓိက သော့ချက်တွေ ဖြစ်ပါတယ်။

၉။ ကုလသမဂ္ဂအဖွဲ့ဝင်တွေ အနေနဲ့ ကျမတိုရဲ့ တူညီသော စိုးရိမ်ကြောင့်ကျစရာ အများအပြားကို မနေ့က ဒီညီလာခံ စတင်ချိန်ကတည်းက ကျယ်ကျယ်ပြန့်ပြန့် ဆွေးနွေးခဲ့ကြပြီး ဖြစ်ပါတယ်။ ကျမအနေနဲ့ ခွင့်ပြုထားတဲ့အချိန်အတွင်း အနည်းအကျဉ်းပဲ ပြောကြားပါမယ်။ ရွေ့ပြောင်းအခြေချမှု၊ အကြမ်းဖက်ဝါဒ၊ နျူကလီးယားဖျက်သိမ်းရေးတို့ ဖြစ်ပါတယ်။

ရွှေ့ပြောင်းအခြေချမှု

၁၀။ ပြဿနာတွေအတွက် ရေရှည်ခိုင်မြဲမယ့်အဖြေကို ရရှိဖို့အတွက် ပြဿနာဇစ်မြစ်ကို စုံစမ်း စစ်ဆေးဖို့ လိုအပ်ပါတယ်။ မကြာသေးမှီ နှစ်တွေအတွင်း မကြုံစဘူးအောင် များပြားလှတဲ့ ပြောင်းရွေ့အခြေချမှုတွေနဲ့ နောက်ဆက်တွဲ ဖြစ်ပေါ်လာတဲ့ ဒုက္ခတွေဟာ ပုံမှန်မဟုတ်တဲ့ ပြောင်းရွေ့အခြေချမှုရဲ့ အရေးအကြီးတဲ့ အကြောင်းရင်း ၂ ရပ်ကို ဖြေရှင်းဖို့ လိုအပ်လာစေပါတယ်။ အဲဒီ အကြောင်းရင်း ၂ ရပ်ကတော့ ငြိမ်းချမ်းမှု မရှိခြင်းနဲ့ ဖွံ့ဖြိုးတိုးတက်မှု ကင်းမဲ့ခြင်းတို့ပဲ ဖြစ်ပါတယ်။ ငြိမ်းချမ်းရေး တည်ဆောက်ဖို့နဲ့ ဖွံ့ဖြိုးတိုးတက်မှုအကြောင်းကို ပြောကြတဲ့အခါမှာ လူအခွင့်အရေးကိုလေးစားမှု၊ တရားမျှတမှု၊ မတူကွဲပြားမှု၊ သည်းခံခွင့်လွတ်မှုတို့ကို မြင့်တင်ရေးနဲ့ ဘက်စုံစီးပွားရေး မူဝါဒ အကောင်အထည်ဖော်ရေးတို့ကို လျစ်လျူရှုထားလို့ မဖြစ်နိုင်ပါဘူး။ ဒါဟာ စိန်ခေါ်မှုကြီးတရပ်ဖြစ်ပြီး နိုင်ငံတွေအနေနဲ့ အပြည်ပြည်ဆိုင်ရာ ဥပဒေနဲ့အညီ တရားမျှတပြီး ပြီးပြည့်စုံတဲ့ ဖြေရှင်းမှုရရှိဖို့ ပူးပေါင်း ဆောင်ရွက်ကြရမှာ ဖြစ်ပါတယ်။ ရွေ့ပြောင်း အခြေချနေထိုင်သူတွေဟာ အိမ်ရှင်နိုင်ငံတွေနဲ့ ကမ္ဘာ့စီးပွားရေးအတွက် အထောက်အကူ ဖြစ်စေတယ်ဆိုတဲ့ အချက်ကို မမေ့သင့်ကြပါဘူး။ ရွှေ့ပြောင်းအလုပ်သမားတွေရဲ့ အခွင့်အရေးကို ခိုင်မာအောင် အိမ်ရှင်နိုင်ငံနဲ့ မူရင်းနိုင်ငံတို့ ပူးပေါင်း ဆောင်ရွက်ခြင်းအားဖြင့် ၂ နိုင်ငံစလုံးရဲ့ စီးပွားရေးကို အထောက်အပံ့ ဖြစ်စေတယ်လို့ ကျမ ယုံကြည်ပါတယ်။ ကျမတို့ ကမ္ဘာကြီးမှာ ကျမတို့အားလုံး မျှဝေနေထိုင်ကြရမှာ ဖြစ်ပါတယ်။ တန်ဖိုးထားမှုနဲ့ ကြွယ်ဝမှုတွေကို မျှဝေကြခြင်းအားဖြင့် ပိုမို ကောင်းမွန်တဲ့ ကမ္ဘာကြီးကို ဖန်တီးနိုင်မှာ ဖြစ်ပါတယ်။

အကြမ်းဖက်ဝါဒ တန်ပြန်ရေး

၁၁။ သာသာရေး၊ ယဉ်ကျေးမှု၊ လူမှုရေးတို့နဲ့ ဆက်နွယ်တဲ့ အကြမ်းဖက် အစွန်းရောက်ဝါဒ ပုံစံအားလုံးကို ကျမတို့ အတူတကွ ရပ်တည် ဆန့်ကျင်ကြဖို့ လိုအပ်ပါတယ်။ အစွန်းရောက်ဝါဒဟာ အကြမ်းဖက်ဝါဒရဲ့ ဇစ်မြစ်ဖြစ်တဲ့အတွက် အစွန်းရောက်ဝါဒရဲ့ အကြောင်းရင်းတွေကို စူးစမ်းဖို့ လိုအပ်ပါတယ်။ လူမှုရေး၊ စီးပွားရေး ဖူလုံမှု ကင်းမဲ့ခြင်းဟာ အရေးကြီးတဲ့ အကြောင်းတရားတွေ ဖြစ်တယ်ဆိုတာ သံသယဖြစ်စရာ မလိုပါဘူး။ ဒါပေမဲ့ ဦးတည်ချက်ကင်းမဲ့ခြင်း၊ ဘ၀ရည်မှန်းချက် ကင်းမဲ့ခြင်းတို့ဟာလည်းပဲ အထူးသဖြင့် လူငယ်တွေကို ရေရာ သေချာမှု ရှိသယောင် ပြသနေတဲ့ အယူအဆတွေရဲ့ ညွတ်ကွင်းမိစေနိုင်တယ်ဆိုတာလည်း ကျမတို့ ထည့်သွင်း စဉ်းစားရမှာ ဖြစ်ပါတယ်။

နျူကလီးယားဖျက်သိမ်းရေး

နျူကလီးယားကင်းမဲ့သော ကမ္ဘာကြီး ဖြစ်မြောက်ရေးကို မြန်မာနိုင်ငံ ထောက်ခံပါတယ်။ ကျမတို့နိုင်ငံက တင်သွင်းတဲ့ နျူကလီးယားလက်နက် ဖျက်သိမ်းရေး နှစ်ပတ်လည် ပြဌာန်းချက်ဟာ လက်ရှိနဲ့ နောင်လာမယ့် မျိုးဆက်တွေအတွက် ငြိမ်းချမ်းရေးနဲ့ လုံခြုံမှု ရရှိရေးကို ရည်ရွယ်ပါတယ်။ ကမ္ဘာ့ဒေသအများအပြားမှာ နျူကလီးယားလက်နက် ကင်းမဲ့တဲ့ ရပ်ဝန်းတွေ ထူထောင်ရေးကိစ္စဟာ ဒီရည်မှန်းချက်အတွက် အထောက်အကူ ဖြစ်စေပါတယ်။ နျူကလီးယားစမ်းသပ်မှု ပိတ်ပင်ရေး CTBT စာချုပ် အတည်ပြုချက်ကို ကျမတို့နိုင်ငံက ဒီညနေမှာ တင်းသွင်းမှာဖြစ်ကြောင်း ၀မ်းမြောက်စွာ အထွေထွေညီလာခံကို အသိပေးလိုပါတယ်။

ဦးကျော်ဇံသာ / ဗွီအိုအေ (မြန်မာပိုင်း)
http://burmese.voanews.com


မောင်တောမြို့ဈေး တနေရာ
မောင်တောမြို့ဈေး တနေရာ

ရခိုင်ပြည်နယ် မောင်တော ခရိုင်တွင်းက တရားမ၀င် ဆောက်လုပ်ထားတဲ့ ပုဂ္ဂလိကနဲ့ သာသနိက အဆောက်အအုံတွေကို ဖျက်သိမ်းမယ်လို့ ရခိုင် ပြည်နယ် အစိုးရ နယ်လုံဝန်ကြီးက ပြောဆိုထားပါတယ်။ ဖျက်သိမ်းမယ့် အထဲမှာ မူဆလင် ပလီတွေ၊ အစ္စလာမ် ဘာသာရေးဆိုင်ရာ သင်ကြားပေးတဲ့ စာသင်ကျောင်းတွေလည်း ပါဝင်တဲ့ အပေါ် မူဆလင် ဘာသာရေး အဖွဲ့အစည်းတွေက သာသနာရေး ၀န်ကြီးနဲ့ ဆွေးနွေးဖို့ ပြင်ဆင်နေကြပါတယ်။ မောင်တော ခရိုင်တွင်းက တရားမ၀င် အဆောက်အအုံတွေ ဖျက်သိမ်းမယ့် ပြည်နယ် အစိုးရရဲ့ အစီအစဉ်နဲ့ ပတ်သက်လို့ မသိင်္ဂီထိုက် စုစည်းတင်ပြထားပါတယ်။

ရခိုင်ပြည်နယ် မောင်တော ခရိုင်တွင်းက တရားမ၀င် ဆောက်လုပ်ထားတဲ့ အဆောက်အအုံတွေကို ဖျက်သိမ်းမယ်ဆိုတဲ့ အထဲမှာ အစ္စလာမ် ဘာသာရေးဆိုင်ရာ စာသင်ကျောင်းတွေ၊ ပလီ ၀တ်ပြုကျောင်းတချို့လည်း ပါဝင်ပါတယ်။ ပြီးခဲ့တဲ့ ရက်ပိုင်း အတွင်း မောင်တောမြို့နယ်မှာ ပြည်နယ် အစိုးရ အဖွဲ့ဝင်တွေ မောင်တော ခရိုင်တွင်းက တာဝန်ရှိသူတွေ အစည်းအဝေး ပြုလုပ်ခဲ့တာမှာ ရခိုင်ပြည်နယ် လုံခြုံရေးနဲ့ နယ်စပ်ရေးရာဝန်ကြီးဌာန ၀န်ကြီး ဗိုလ်မှူးကြီး ထိန်လင်းက ပြောဆိုခဲ့တာ ဖြစ်ပါတယ်။ ရခိုင် အစိုးရ ပြန်ကြားရေး တာဝန်ရှိသူရုံးက ၀န်ထမ်းတဦးကတော့ ဒီအစီအစဉ်ကို နယ်လုံဝန်ကြီး ဗိုလ်မှူးကြီး ထိန်လင်းက ဦးဆောင် လုပ်ကိုင်နေတာ ဖြစ်တယ်လို့ ပြောပါတယ်။

“ဟုတ်ကဲ့ခင်ဗျ အဲဒါကလေ ကျနော်တို့ရခိုင်ပြည်နယ်အစိုးရအဖွဲ့ရဲ့ နယ်လုံဝန်ကြီး ဗိုလ်မှူးကြီး ထိန်လင်းက ဦးဆောင်ပြီးတော့လုပ်တာခင်ဗျ။ သူဦးဆောင်တယ်ဆိုပေမယ့်လည်း အစိုးရအဖွဲ့ရဲ့ဆုံးဖြတ်ချက်နဲ့လုပ်တာပဲလို့ပြောတာပဲ။”

မူဆလင် အများစု နေထိုင်တဲ့ မောင်တော ခရိုင်တွင်းက ဖျက်သိမ်းမယ့် အဆောက်အအုံတွေထဲမှာ အစ္စလာမ် ဘာသာရေး ၀တ်ပြုကျောင်း ပလီတွေ၊ ဘာသာရေးဆိုင်ရာ သင်ကြားတဲ့ စာသင်ကျောင်းတွေကို ဖျက်သိမ်းမယ့် ကိစ္စကို ပြည်ထောင်စု သာသနာရေး ၀န်ကြီးနဲ့ တွေ့ဆုံ တင်ပြနိုင်ဖို့ မူဆလင် အဖွဲ့အစည်းတွေက ပြင်ဆင်နေကြပါတယ်။ အစ္စလာမ် ဓမ္မဗိမာန်ရဲ့ ဦးဆောင် ဆော်သြရေးမှူး ဆရာ ဦးအေးလွင်က အခုလို ပြောပါတယ်။

“အခုတော့ ဒီသာသနာရေးဝန်ကြီးနဲ့ တွေ့ဖို့ဘာဖို့တွေကတော့ ဘာသာရေးအဖွဲ့အစည်းတွေက ကြိုးစားနေကြတယ်လေ။ အဲဒီတော့ ဒီဟာက ဥပဒေအရကတော့ ကျနော်တို့ ဒီဘာသာကိုလွတ်လပ်စွာ ကိုးကွယ်ခွင့်ပေးထားတယ်ဆိုရင် ကိုးကွယ်ဖို့နေရာကတော့ လိုအပ်တာပေါ့ဗျာ။ အဲဒီတော့ မရှိတဲ့နေရာတွေမှာလည်းဆောက်ရမယ် ရှိပြီးသားနေရာလေး ဟောင်းသွားရင်လည်း ပြန်လည်ပြုပြင်မွမ်းမံရမှာပေါ့နော် အဲဒီတော့ အဲဒါလေးတွေကတော့ လမ်းကြောင်းလေးတွေကတော့ ဖွင့်ပေးဖို့တော့လိုအပ်ပြီလို့ကျနော်ထင်တယ် အခုလောလောဆယ်တော့ မရသေးပါဘူး။ အခုရခိုင်ကိစ္စကတော့ အပြင်ဘက်မှာရှိနေတဲ့ ဘာသာရေးအဖွဲ့တွေကတော့ ဘာဆက်လုပ်မယ်ဆိုတာမသိသေးဘူးလေ သတင်းကလည်း မနေ့ညကမှ ကြားရတာကို ဒါပေမယ့် သူတို့အထွေထွေကိစ္စအတွက် သာသနာရေးဝန်ကြီးနဲ့တွေ့ဖို့ တွေ့ခွင့်တောင်းထားတဲ့အကြောင်းလေး ကျနော်တို့တွေ့ရပါတယ်။ နောက်ထပ်အဲဒီလိုတွေ့တဲ့အချိန်မှာ သူတို့အဲဒီအချက်လေးတွေကို တင်ပြမှာဖြစ်ပါတယ်။”

ရခိုင်ပြည်နယ် အစိုးရဘက်က မောင်တော ခရိုင်တွင်းက တရားမ၀င် အဆောက်အအုံတွေ ဖျက်သိမ်းဖို့ စဉ်းစား ပြောဆိုနေပေမယ့် လက်တွေ့ ဆောင်ရွက်ဖို့ ညွှန်ကြားချက်တွေတော့ မရှိသေးဘူးလို့ မောင်တော ခရိုင်ရဲမှူး ဦးအောင်စောက ပြောပါတယ်။

“ကျနော်တို့ကိုတော့ အဲဒီလိုဖျက်မိန့်တို့တော့မကြားဘူးခင်ဗျ။ ညွှန်ကြားချက်တွေလည်းမရောက်သေးဘူး။ ဖျက်ပါ ဘာညာဆိုတဲ့အမိန့်တွေလည်းမထုတ်သေးဘူး ၊ ရောက်လည်းမရောက်သေးဘူး။ ကျနော်တို့ဆီကိုတော့ အဲဒီလို ဘာမှ ညွန်ကြားချက်တော့မရှိဘူး။ သူတို့ဟိုတနေ့က တွေ့ဆုံသွားတာတော့ သိလိုက်တယ် နယ်လုံဝန်ကြီးလာသွားတာလေ မူဆလင်ရပ်မိရပ်ဖတွေနဲ့တော့ တွေ့သွားတာတော့တွေ့လိုက်တယ်။ ကျန်တဲ့ ဟာကတော့ ဘာမှမသိရသေးဘူး။”

မြန်မာနိုင်ငံတွင်းမှာ ၁၉၆၂ ခုနှစ် နောက်ပိုင်းကတည်းက မူဆလင်တို့ အတွက် ၀တ်ပြုကျောင်း ပလီတွေ၊ နောက် Madrassa လို့ ခေါ်ကြတဲ့ အစ္စလာမ် ဘာသာရေးဆိုင်ရာ ကျင့်ထုံးကျင့်ဝတ်တွေ ကျမ်းစာတွေ သင်ကြားပေးတဲ့ အာရဗီစာသင်ကျောင်းတွေကို တရားဝင် ဆောက်လုပ်ခွင့် မပေးခဲ့ဘူးလို့ အစ္စလာမ် ဓမ္မဗိမာန်ရဲ့ ဦးဆောင် ဆော်သြရေးမှူး ဆရာ ဦးအေးလွင်က ပြောပါတယ်။ ဒီကိစ္စတွေနဲ့ ပတ်သက်ပြီး ဆွေးနွေးခွင့်ရဖို့ အတွက် သာသနာရေး ၀န်ကြီးနဲ့ တွေ့ဆုံခွင့်ရဖို့ စီစဉ်နေတာလို့လည်း ဦးအေးလွင်က ပြောဆိုပါတယ်။
VOA Burmese News


နယူးယောက်နဲ့ နယူးဂျာစီအရပ်တွေမှာ စနေနေ့က ဖောက်ခွဲမှုတွေရဲ့ လက်သည်အဖြစ် သံသယရှိထားသူဟာ သူသုံးတဲ့ပစ္စည်း တွေကို eBay အင်တာနက် အရောင်းဆိုင်ကနေ ၀ယ်ခဲ့တယ်လို့ ဖက်ဒရယ် စုံစမ်းစစ်ဆေးရေးမှူးတွေက ပြောပါတယ်။ ဒါ့အပြင် သူ့အိမ်လို့ တခါကပြောထားတဲ့နေရာကနေ မီတာ ၅၀၀ လောက်ဝေးတဲ့ စတိုးဆိုင်တခုကနေ ၀ယ်ခဲ့တဲ့ ဆဲလ်ဖုန်းတွေကိုလည်း ဖောက်ခွဲတာမှာ အသုံးပြုခဲ့တယ်လို့ဆိုပါတယ်။

အသက် ၂၈ နှစ်အရွယ် Ahmad Khan Rahami အပေါ် စွပ်စွဲထားတဲ့ စွဲချက်အသေးစိတ်တွေကို အင်္ဂါနေ့က ထုတ်ပြန်တဲ့ ရာဇ၀တ်ကြောင်း တရားစွဲဆိုမှု လျှောက်ထားချက်ထဲမှာ ဖော်ပြထားတာပါ။ စွဲချက်အများစုဟာ အမြင့်ဆုံး ထောင်ဒဏ်တသက်ထိ ပြစ်ဒဏ် ချခံရနိုင်ပါတယ်။

တနင်္လာနေ့က Rahami ကို ရဲတွေ ၀ိုင်းဖမ်းတာမှာ အပြန်အလှန် ပစ်ခတ်ကြပြီးတဲ့နောက် Rahami ကို ဖမ်းမိခဲ့တာပါ။ အဲဒီဖြစ်ရပ် မှာ Rahami ရော ရဲတပ်ဖွဲ့ဝင်နှစ်ဦးပါ ဒဏ်ရာရခဲ့ပါတယ်။

Rahami ဟာ ahmad rahimi ဆိုတဲ့နာမည်ကိုသုံးပြီး eBay ကနေ ဆိုက်ထရစ်အက်ဆစ်၊ လျှပ်စီး ဆားကစ်ပြားတခု၊ လျှပ်စစ် မီးကူးပစ္စည်းတွေနဲ့ ရာပေါင်းများစွာသော ဘောစေ့တွေကို ဇွန်လ ၂၀ ရက်နဲ့ သြဂုတ် ၁၀ ရက်ကြားကာလအတွင်း ၀ယ်ခဲ့တယ်လို့ စုံစမ်းစစ်ဆေးရေးမှူးတွေက ယူဆထားတဲ့အကြောင်း တရားရုံးမှတ်တမ်းတွေမှာ တွေ့ရပါတယ်။

အဲဒီပစ္စည်းတွေကို စက်တင်ဘာလ ၂ ရက်နေ့အထိ Rahami အလုပ်လုပ်ခဲ့တဲ့ နယူးဂျာစီပြည်နယ်။ Perth Amboy မြို့က စီးပွား ရေးလုပ်ငန်းနေရာတခုကို ပို့ခဲ့တာပါ။

 ဗွီအိုအေ (မြန်မာပိုင်း)
http://burmese.voanews.com

tunoo-620.jpg
ပြည်နယ်ရဲတပ်ဖွဲ့မှူး ရဲမှူးကြီး ထွန်းဦး ကို ဇူလိုင်လ ၃၁ ရက်နေ့က ကချင်ပြည်နယ် မြစ်ကြီးနားမြို့ ပမ္မတီးရပ်ကွက်မှာ ကျင်းပတဲ့ မူးယစ်ဆေးဝါးအသိပညာပေး ဟောပြောပွဲမှာ တွေ့ရစဉ်
Photo: Kyaw Myo Min/ RFA
ကချင်ပြည်နယ် မိုးညှင်းမြို့နယ် မိုင်းနောင်ကျေးရွာအနီးက သစ်တောကြိုးဝိုင်းမှာ စက်တင်ဘာ ၁၉ ရက်နေ့က ရဲဘက်ပြေးတစ်ဦးကို သွားရောက်ဖမ်းဆီးချိန်မှာ မူးယစ်ဆေးရောင်းဝယ်သူတွေနဲ့ ရုန်းရင်း ဆန်ခတ်ဖြစ်ပြီး တိုက်ခိုက်ခံရတဲ့အတွက် သတင်းရဲတပ်ဖွဲ့က ဒုရဲမှူးတစ်ဦး ဒဏ်ရာရရှိခဲ့ပါတယ်။

အဲဒီအမှုနဲ့ပတ်သက်ပြီး ရဲတပ်ဖွဲ့ နဲ့ အစိုးရတပ်မတော်တို့ ဒီကနေ့ မိုင်းနောင်ကျေးရွာအနီးက သစ်တောကြိုးဝိုင်းကို သွားရောက်စစ်ဆေးချိန်မှာ တရားမဝင် သစ်တွေနဲ့အတူ လူတစ်ဦးကို ဖမ်းဆီးရမိထားတယ်လို့ ကချင်ပြည်နယ်ရဲတပ်ဖွဲ့မှူး ရဲမှူးကြီး ထွန်းဦးက ပြောပါတယ်။

လတ်တလောမှာ မူးယစ်ဆေးဝါးတွေ၊ လက်နက်တွေ၊ သစ်ခွဲစက်တွေနဲ့အတူ တရားမဝင် သစ်ခွဲသား တန် ၃၀ နီးပါးကို ဖမ်းဆီးရမိထားပြီး လုံးတုံးကျေးရွာရဲစခန်းမှာ မူးယစ်ဆေးဝါးမှု၊ လက်နက်မှု စတဲ့ ပုဒ်မ ၃ ခု နဲ့ အမှုဖွင့်ထားပါတယ်။ အဲဒီအမှုနဲ့ဆက်နွယ်ပြီး တစ်ဦးကိုသာ ဖမ်းမိပြီး အယောက် ၂၀ ထွက်ပြေးလွတ်မြောက်သွားပါတယ်။ ထွက်ပြေးနေသူတွေဟာ မိုင်းနောင်၊ နန့်မွန်း၊ ခုနှစ်မိုင် စတဲ့ ကျေးရွာတွေကဖြစ်တယ်လို့ ရဲတပ်ဖွဲ့က ခန့်မှန်းထားပါတယ်။

အစိုးရတပ်မတော်နဲ့ ကေအိုင်အေတပ်ဖွဲ့တွေအကြား စစ်ရေးပဋိပက္ခတွေဖြစ်ပွားနေတဲ့ ကချင်ပြည်နယ်မှာ နယ်မြေမတည်ငြိမ်မှုကို အခွင့်ကောင်းယူပြီး မူးယစ်ဆေးဝါး နဲ့ တရားမဝင်သစ် တွေအပါအဝင် မှောင်ခိုလုပ်ငန်း တွေကို လုပ်ကိုင်နေကြတယ်လို့ ဒေသခံတွေကပြောကြပါတယ်။
RFA

 winmyint-620.jpg ပြည်သူ့လွှတ်တော် ဥက္ကဌ ဦးဝင်းမြင့်ကို စက်တင်ဘာလ ၂၁ ရက်နေ့က ပြည်သူ့လွှတ်တော်တွင် တွေ့ရစဉ်
Photo: Win Naung Toe/ RFA

ဗိုလ်ချုပ်နေ၀င်းအစိုးရက အာဏာသိမ်းယူခဲ့တဲ့ မတ်လ ၂ ရက်နေ့ကို တောင်သူလယ်သမားနေ့အဖြစ် မသတ်မှတ်ဘဲ တောင်သူလယ်သမားတွေရဲ့ ဆန္ဒကို ရယူပြီး ပြောင်းလဲသတ်မှတ်ဖို့ ပြည်သူ့ လွှတ်တော် ဥက္ကဌ ဦးဝင်းမြင့်က အစိုးရကို တိုက်တွန်းလိုက်ပါတယ်။

တောင်သူလယ်သမားနေ့ကို ပြောင်းလဲသတ်မှတ်ပေးဖို့ ပြည်သူ့လွှတ်တော် ကိုယ်စားလှယ် ဦးဖေသန်း က လွှတ်တော်မှာ မေးမြန်းပြီးနောက် လွှတ်တော်ဥက္ကဌ ဦးဝင်းမြင့် က ပြောခဲ့တာဖြစ်ပါတယ်။

တောင်သူလယ်သမားနေ့ကို မတ်လ ၂ ရက်နေ့အစား တောင်သူလယ်သမား အရေးတော်ပုံ ကာလအတွင်းက အထင်ကရ နေ့တစ်နေ့ကို ရွေးချယ်ပြီး ပြောင်းလဲ သတ်မှတ်ဖို့ လွှတ်တော် ကိုယ်စားလှယ် ဦးဖေသန်း က ပြည်သူ့လွှတ်တော်မှာ တင်ပြခဲ့တာဖြစ်ပါတယ်။

ဒါ့အပြင် နေ့ထူးနေ့မြတ်ထားရှိမှုနဲ့ပတ်သက်ပြီး နိုင်ငံတော်အစိုးရနေနဲ့ ပြဌာန်းထားတဲ့ ဥပဒေ၊ နည်းဥပဒေ၊ လုပ်ထုံးလုပ်နည်းတွေနဲ့အညီ စိစစ်ဆောင်ရွက်ထားတဲ့ လုပ်ငန်းဖြစ်ကြောင်းနဲ့ အဲဒီနေ့ရက် ကို ပြင်ဆင်မယ်ဆိုရင် အမှန်တကယ် ကိုယ်စားပြုတဲ့ တောင်သူလယ်သမားတွေရဲ့ဆန္ဒနဲ့ အညီဖြစ်ဖို့ လိုအပ်ကြောင်း စိုက်ပျိုးရေး၊ မွေးမြူရေးနဲ့ ဆည်မြောင်း ၀န်ကြီး ဒေါက်တာအောင်သူက တင်ပြခဲ့ ပါတယ်။
RFA

 shwetaung-dam-project-620.jpg ရွှေတောင်ကုမ္ပဏီက ရေကာတာတည်ဆောက်ဖို့ စမ်းသပ်ပြင်ဆင်နေသည်ကို တွေ့ရစဉ်
Photo: ကရင်နီပြည်လူငယ်များသမဂ္ဂ

ကယားပြည်နယ်၊ ဘော်လခဲမြို့နယ်၊ ပွန်ချောင်းအနီးမှာ ရွှေတောင်ကုမ္ပဏီက ရေကာတာ တည်ဆောက်ဖို့ စမ်းသပ်ပြင်ဆင်တာတွေကို ရပ်ဆိုင်းပေးဖို့ ကရင်နီပြည်လူငယ်များသမဂ္ဂအပါအ၀င် လူမှုအဖွဲ့အစည်း ၉ ဖွဲ့က ဒီကနေ့ တောင်းဆိုလိုက်ပါတယ်။

စမ်းသပ်လုပ်ကိုင်နေတာ ၃ လလောက်ရှိနေတာဖြစ်ပြီး ကုမ္ပဏီဘက်က ဒေသခံတွေကို ရှင်းလင်း ပြောကြားတာမျိုးမရှိဘူးလို့ ကရင်နီပြည်လူငယ်များသမဂ္ဂအဖွဲ့ဝင် ခွန်းဘိုဘို က ပြောပါတယ်။

" သူတို့လုပ်နေတာ ၂ လ ၃ လ လောက်ရှိပြီ၊ စမ်းသပ်နေတာ၊ ဒါပေမဲ့ ဒေသခံတွေကို လုံးဝလည်း မချပြပေးဘူးပေါ့နော်၊ အခြေအနေက ဒေသခံတွေက မလိုလားကြဘူးပေါ့နော်၊ စိုးရိမ်မှုတွေ အများကြီးရှိတယ်၊ ကျွန်တော်တို့က စားစရာရှိတာဆိုလို့ ဒီချောင်းနံဘေးမှာလောက်ပဲရှိတယ်၊ သူတို့က အဲ့လိုလာ လုပ်လိုက်ရင် မကောင်းဘူးပေါ့ ဘာညာပြောတယ်ပေါ့၊ အဲ့ဒါကြောင့် ကျွန်တော်တို့ အဲ့ဒီထုတ် ပြန်စာကို ထုတ်ရခြင်းဖြစ်တယ်ပေါ့"

ဒေသခံတွေဟာ အဲဒီရေကာတာ တည်ဆောက်မယ့် ပွန်ချောင်းအနီးမှာ နှမ်းစိုက်ပျိုးရေးကို အဓိက လုပ်ကိုင်ကြတာဖြစ်ပါတယ်။

အဲ့ဒီစီမံကိန်းကို ကရင်နီအမျိုးသားတိုးတက်ရေးပါတီရဲ့ ခွင့်ပြုချက်နဲ့ ရွှေတောင်ကုမ္ပဏီက အကောင်အထည်ဖော်နေတာဖြစ်တယ်လို့လည်း ခွန်းဘိုဘို က ပြောပါတယ်။

အဲ့ဒီဒေသဟာ ကယားပြည်နယ်ရဲ့ သမိုင်းဝင် စော်ဘွားတွေ၊ ဟော်နန်းတည်ရှိရာနေရာဖြစ်တဲ့အပြင် ရေကာတာတည်ဆောက်မယ်ဆိုရင် ဂေဟစနစ်နဲ့ စိမ့်စမ်းတွေ ပျောက်ကွယ်သွားနိုင်ပြီး စိုက်ပျိုး မြေတွေလည်း ဆုံးရှုံးသွားနိုင်တယ်လို့ အရပ်ဖက်အဖွဲ့ ၉ ဖွဲ့ရဲ့ ထုတ်ပြန်ချက်မှာ ပါရှိပါတယ်။

ဒါ့အပြင် ပွန်ချောင်းဟာ နှစ်စဉ် ဘော်လခဲမြို့ပေါ်အထိ ရေကြီးလေ့ရှိတာကြောင့် အခုရေကာတာ တည်ဆောက်မှာကို ဒေသခံတွေက စိုးရိမ်နေကြ တာလည်းဖြစ်ပါတယ်။

အဲ့ဒီကိစ္စနဲ့ပတ်သက်ပြီး ရပ်ဆိုင်းပေးဖို့အတွက် ဒေသခံတွေက နိုင်ငံတော်သမ္မတနဲ့ နိုင်ငံတော် အတိုင်ပင်ခံ ပုဂ္ဂိုလ်တို့ထံလည်း စာတင်ပြတောင်းဆိုထားပါတယ်။
RFA



 ကူညီ ထောက်ပံ့ရေး ယာဉ်တန်း တိုက်ခိုက်ခံရပြီး နောက်တစ်ရက်မှာ ဆေးခန်း တိုက်ခိုက်ခံရ။
ဆီးရီးယား နိုင်ငံ၊ အလက်ပို မြို့အနီးမှာ လေကြောင်း တိုက်ခိုက်မှုတွေ ပြင်းပြင်းထန်ထန် ဖြစ်ပွားနေရာမှာ ရွာတစ်ရွာက ဆေးခန်းတစ်ခုကို ထိမှန်ခဲ့လို့ ဆေးဝန်ထမ်း ၄ ယောက် သေဆုံးခဲ့ရတယ်လို့ ပြင်သစ် အခြေစိုက် ဆေးဝါးကူညီရေး အဖွဲ့တစ်ဖွဲ့က ပြောပါတယ်။

ဒီလို ဆေးခန်းကို တိုက်ခိုက်တာဟာ မတော်တဆ မဟုတ်နိုင်ဘဲ တမင် ပစ်မှတ်ထားခဲ့တာ ဖြစ်နိုင်တယ်လို့ အဲဒီ UOSSM အဖွဲ့က ပြောပါတယ်။

တိုက်ခိုက်မှုအတွင်း သူပုန် တပ်သား ၉ ယောက်လည်း သေဆုံးတယ်လို့ ဆီးရီးယား လူ့အခွင့်အရေး စောင့်ကြည့်ရေး အဖွဲ့က ပြောပါတယ်။

ကုလ သမဂ္ဂရဲ့ ကူညီ ထောက်ပံ့ရေး ယာဉ်တန်း တိုက်ခိုက်ခံရပြီး နောက်တစ်ရက်မှာပဲ အခုလို ဆေးခန်း တစ်ခု တိုက်ခိုက် ခံခဲ့ရတာပါ။

တနင်္လာနေ့က အကူ ယာဉ်တန်း တိုက်ခိုက်ခံရလို့ ထောက်ပံ့ရေး ပစ္စည်းတွေ အပြည့်နဲ့ လော်ရီကား ၁၈ စီး ပျက်စီးခဲ့ပြီး အရပ်သား ၂၀ သေဆုံးခဲ့ပါတယ်။ စစ်ရာဇဝတ်မှု ဖြစ်နိုင်တဲ့ အဲဒီကိစ္စက ရုရှားမှာ တာဝန်ရှိတယ်လို့ အမေရိကန်က ပြောခဲ့ပါတယ်။

ရုရှားကတော့ အဲဒီ ထောက်ပံ့ရေး ယာဉ်တွေဟာ လေကြောင်း တိုက်ခိုက်ခံရတာ မဟုတ်ဘဲ မြေပြင်ပေါ်က မီးကြောင့် လောင်ကျွမ်း ပျက်စီးတာသာ ဖြစ်တယ်လို့ ပြောခဲ့ပါတယ်။

UOSSM အဖွဲ့ရဲ့ ညွှန်ချုပ် ဒေါက်တာ Zaydoun al Zoubi ကတော့ အကူ ယာဉ်တန်း တိုက်ခိုက် ခံရပြီး ဆက်တိုက်ဆိုသလို ဆေးခန်း တိုက်ခိုက် ခံရတာဟာ တိုက်ဆိုင်မှု မဖြစ်နိုင်ဘူးလို့ ဘီဘီစီကို ပြောပါတယ်။

သီးခြား ဖြစ်ရပ် အနေနဲ့ ဆီးရီးယား အစိုးရ လေယာဉ် တစ်စီး ဒမာ့စကတ် မြို့အနီးမှာ ပျက်ကျ ခဲ့တယ်လို့ ယူကေ အခြေစိုက် ဆီးရီးယား စောင့်ကြည့်ရေး အဖွဲ့က ပြောပါတယ်။

BBC Burmese
http://www.bbc.com/burmese


ဒီကနေ့ကျရောက်တဲ့ အပြည်ပြည်ဆိုင်ရာငြိမ်းချမ်းရေးနေ့ကို ကမ္ဘာတ၀ှမ်း ကျင်းပနေချိန်မှာ မြန်မာပြည် အတွင်းမှာတော့ အစိုးရတပ်မတော်နဲ့ ကချင်လွတ်လပ်ရေးတပ်ဖွဲ့အကြား တိုက်ပွဲတွေ ဆက်လက် ဖြစ်ပွားနေပါတယ်။ အဓိက ဖြစ်ပွားနေတာကတော့ ကချင်ပြည်နယ်နဲ့ ရှမ်းပြည်နယ်အတွင်းမှာဖြစ်ပွားနေပြီး တိုင်းရင်းသားလက်နက်ကိုင်တွေဖက်က အစိုးရက ထိုးစစ်ဆင်တာ ကြောင့်လို့ ပြောဆိုနေချိန်မှာပဲ အစိုးရတပ်မတော်ဖက်က တိုင်းရင်းသားတွေဖက်က နယ်မြေချဲ့ထွင်တာတွေ ကြောင့်လို အပြန်အလှန်စွပ်စွဲတာတွေ ရှိနေပါတယ်။ ဒီသတင်းကိုတော့ ဗွီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

ဒီလ ၁၅ ရက်နေ့လောက်ကတည်းက စတင်ခဲ့တဲ့ ကချင်ပြည်နယ်တွင်းတိုက်ခိုက်မှုတွေဟာ ဒီကနေ့ ထိ ငြိမ်သက်မသွားသေးဘဲ တိုက်ပွဲတွေဟာ ပိုမိုပြင်းထန်လာနေပါတယ်။

လက်ရှိကချင်ပြည်နယ်တွင်း ဖြစ်ပွားနေတဲ့ တိုက်ပွဲအခြေအနေကိုတော့ ကချင်လွတ်လပ်ရေးအဖွဲ့ KIO ရဲ့ ပြန်ကြားရေးတာဝန်ခံ ဒုဗိုလ်မှုးကြီးနော်ဘူက အခုလို ပြောပါတယ်။

“ကျနော်တို့ ကချင်ပြည်နယ်ဘက်က တိုက်ပွဲအခြေအနေကတော့ မနေ့က ညနေ ၅ နာရီခွဲအချိန်ကနေ ၉ နာရီ အချိန်အထိပေါ့ KIA ရဲ့ ၂၅၂ တပ်ခွဲထားတဲ့ Nhkam Bum တောင် ဆိုတဲ့နေရာမှာ ထိုးစစ်ဆင်တဲ့တိုက်ပွဲတွေ ရှိပါတယ်။ ညသန်းခေါင်လောက်မှာနားပြီးမှာ ဒီမနက် ၇ နာရီလောက်ကနေ ၈ နာရီအထိတခါ ပြန်ပြီးတိုက်ပွဲဖြစ်ပါတယ်။ သူတို့ထိုးဝင်လာလို့တခါ တိုက်ပွဲဖြစ်ပါတယ် အခုလည်းတိုက်ပွဲ ဖြစ်တဲ့သတင်းတွေကြားတယ်။”

လက်ရှိဖြစ်ပွားတဲ့ တိုက်ပွဲအတွင်း ထိခိုက်တာနဲ့ ရှမ်းပြည်နယ်မြောက်ပိုင်းတိုက်ပွဲနဲ့ ပတ်သက်တာတော့ သတင်းအတိအကျမရသေးကြောင်း ပြောပါတယ်။

ရှမ်းပြည်နယ်မြောက်ပိုင်းက KIA တပ်မဟာ၎ က တာဝန်ရှိသူတဦးကတော့ ရှမ်းပြည်နယ် မြောက်ပိုင်း သိန်းနီနဲ့ ကွမ်လုံကြားမှာ တိုက်ပွဲဖြစ်ပွားကြောင်း ပြောပါတယ်။

“အဲဒီဘက်မှာ စစ်ကြောင်း ၃ ကြောင်းနဲ့ ထိုးတယ်လို့ပြောတယ်။ အဲဒါကြောင့် ဒီမနက်လွတ်တဲ့နေရာကို ရွေ့ခိုင်းလိုက်တာ ။မနေ့ကတော့ တိုက်ပွဲ ၁ ကြိမ်ဖြစ်တယ်။ ဒီနေ့ကတော့ အခုအချိန်အထိ တိုက်ပွဲဖြစ်တာတော့ မကြားသေးဘူး။”

KIA တပ်ဖွဲ့ဘက်ကတော့ အစိုးရတပ်မတော်ဖက်က ထိုးစစ်ဆင်တိုက်ခိုက်တယ်လို့ ပြောဆိုတာရှိပေမဲ့ အစိုးရတပ်မတော်က ပြောရေးဆိုခွင့်ရှိသူ ဗိုလ်ချုပ် အောင်ရဲဝင်းကတော့ တိုက်ပွဲတွေ ဘာကြောင့်ဖြစ်ပွားရ သလဲဆိုတာကို အခုလို ပြောဆိုပါတယ်။

“အဓိကတော့ သူတို့ သတ်မှတ်နေမြေမှာ မနေတာ တခုပေါ့နော်၊ ပြီးသွားရင် ကျနော်တို့ပုံမှန်လှုပ်ရှားသွားလာနေတဲ့ လှုပ်ရှားမှုတွေမှာ သူတို့ဘက်ကနေပြီးတော့ စတင်ပစ်ခတ်မှုတွေရှိတာပေါ့နော်။ အဲဒီလောက်ပါပဲ အဓိကတော့။”

ဒီလို တိုက်ပွဲတွေ ဖြစ်တာများလာရင်တော့ ငြိမ်းချမ်းရေးလုပ်ငန်းစဉ်အပေါ် ထိခိုက်လာနိုင်တယ်လို့လည်း ပြောပါတယ်။

“ဒီဟာကတော့ ကျနော်တို့လည်း ရည်ရွယ်ချက်နဲ့လုပ်တာမဟုတ်ပါဘူး။ ဒီလို ထိတွေ့မှု နည်းခြင်း၊ များခြင်းကတော့ နည်းနည်းတော့ စကားပြောလာနိုင်တာပေါ့နော်။”

ဒီကနေ့ကျရောက်တဲ့ အပြည်ပြည်ဆိုင်ရာငြိမ်းချမ်းရေးနေ့ကို တိုင်းရင်းသူအမျိုးသမီးအဖွဲ့အစည်းတွေနဲ့ စုပေါင်းဖွဲ့စည်းထားတဲ့ အမျိုးသမီးများအဖွဲ့ချုပ်(မြန်မာနိုင်ငံ) WLBကတော့ သူတို့အဖွဲ့တွေအခြေစိုက်တဲ့ ကချင်၊ကရင်၊ကယား၊ မွန်၊ရခိုင်၊ ရှမ်းစတဲ့ပြည်နယ်တွေနဲ့ စစ်ကိုင်းတိုင်းတိုင်းဒေသကြီးတွေမှာ ကျင်းပခဲ့ပါတယ်။

WLBရဲ့ အထွေထွေအတွင်းရေးမှုး မဂျူလီယာမရစ်ကတော့ တိုက်ပွဲတွေ ရပ်ဆိုင်းဖို့အတွက် အခုလိုတောင်းဆိုကြောင်း ပြောပါတယ်။

“လက်ရှိအစိုးရနဲ့ တိုင်းရင်းသားလက်နက်ကိုင်တွေက ငြိမ်းချမ်းရေးတွေ့ဆုံဆွေးနွေးပွဲတွေ ဆက်တိုက်၊ အစဉ်မပျက်လုပ်နေတယ်၊ တချိန်တည်းမှာလည်း တိုက်ပွဲတွေဆက်လက်ဖြစ်ပွားနေတယ်ဆိုရင်တော့ ကျမတို့မျှော်မှန်းတဲ့ စစ်မှန်ပြီးမှ၊ ရေရှည်တည်တန့်တဲ့ ငြိမ်းချမ်းရေးအတွက် ယုံကြည်မှုတည်ဆောက်တဲ့နေရာမှာ ပြဿနာဖြစ်လာနိုင်တယ်လေ။ တကယ့်တကယ် မြန်မာနိုင်ငံမှာ ငြိမ်းချမ်းရေး တည်ဆောက်မယ်ဆိုရင်တော့ အောက်ခြေအဆင့်မှာ တိုက်ပွဲတွေဖြစ်နေတာကို လုံးဝရပ်တန့်ပြီးမှ ၊ တပ်အင်အားတိုးချဲ့ပြီးမှ တိုင်းရင်းသားဒေသတွေမှာ တပ်စွဲထားတဲ့ အစိုးရတပ်တွေကို ပြန်ဖို့အတွက်လည်း ကျမတို့ ထုတ်ပြန်ထားတဲ့ သဘောထားထုတ်ပြန်ချက်ထဲမှာပေါ့နော်၊ တောင်းဆိုချက်တခုအနေနဲ့ ထည့်ထားတာဖြစ်ပါတယ်ရှင့်။”

မြန်မာနိုင်ငံမှာ ငြိမ်းချမ်းရေးဆွေးနွေးပွဲတွေစတင်ပြီးတဲ့နောက် နိုင်ငံတကာက နယ်စပ်ဒေသက ဒုက္ခသည်တွေကို ကူညီထောက်ပံတာတွေ လျော့ချလာတကြောင့်ဒုက္ခသည်တွေ အခက်အခဲတွေ့ နေရကြောင်းနဲ့ ထောက်ပံ့တာတွေကို မရပ်ဆိုင်းစေလိုကြောင်းလည်း ဆက်ပြောဆိုပါတယ်။

မြန်မာနိုင်ငံမှာ အစိုးရနဲ့ ငြိမ်းချမ်းရေးဆွေးနွေးခဲ့တဲ့ တိုင်းရင်းသားလက်နက်ကိုင်အဖွဲ့ ၂၁ဖွဲ့ရှိနေပြီး အဖွဲ့၈ဖွဲ့ကသာ တနိုင်ငံလုံးပစ်ခတ်တိုက်ခိုက်မှုရပ်စဲရေးသဘောတူစာချုပ် NCAကို လက်မှတ်ရေးထိုး ထားပါတယ်။ ဒီလဆန်းပိုင်းက ပြီးဆုံးသွားတဲ့ ပြည်ထောင်စုငြိမ်းချမ်းရေးညီလာခံ-၂၁ရာစုပင်လုံကို NCA လက်မှတ် မရေးထိုးသေးတဲ့ အဖွဲ့ ၁၂ဖွဲ့ပါ ပါဝင်တက်ရောက်ခဲ့ပါတယ်။နောက်တကြိမ်ညီလာခံနဲ့ နိုင်ငံရေးဆွေးနွေးပွဲတွေမှာ ပါဝင်ဖို့ဆိုရင် NCAမှာ ပါဝင်လက်မှတ်ရေးထိုးဖို့ လိုအပ်နေပြီး လက်ရှိဖြစ်ပွားနေတဲ့ တိုက်ပွဲတွေဟာ NCA လက်မှတ်ရေးထိုးဖို့အတွက် အဟန့်အတားတွေဖြစ်လာမယ့် အခြေအနေရှိနေပါတယ်။

ကိုမိုးဇော်  / ဗွီအိုအေ (မြန်မာပိုင်း)
http://burmese.voanews.com