09/26/16

 dassk-un-speech-620.jpg ကုလသမဂ္ဂ အထွေအထွေညီလာခံမှာ စက်တင်ဘာလ ၂၁ ရက်နေ့က နိုင်ငံတော်အတိုင်ပင်ခံပုဂ္ဂိုလ်နဲ့ နိုင်ငံခြားရေး ဝန်ကြီး ဒေါ်အောင်ဆန်းစုကြည် မိန့်ခွန်းပြောကြားစဉ်
Photo: UN Photo/Cia Pak

နိုင်ငံတော်အတိုင်ပင်ခံပုဂ္ဂိလ် ဒေါ်အောင်ဆန်းစုကြည်ရဲ့ ကျန်းမာရေးအခြေအနေ စိုးရိမ်စရာ မရှိဘဲ အခုချိန်မှာ အနားယူနေတယ်လို့ နိုင်ငံတော်သမ္မတ ရုံး ပြောရေးဆိုခွင့်ရှိသူ ဦးဇော်ဌေးက ပြောပါတယ်။

မြန်မာနိုင်ငံက ကျွမ်းကျင်တဲ့ ဆရာဝန်တွေရဲ့ ဆေးစစ်ချက်ခံယူခဲ့တာဖြစ်ပြီး အနားယူဖို့ လိုအပ်တဲ့အတွက် နားနေတာဖြစ်တယ်လို့လည်း ဦးဇော်ဌေး က ပြောပါတယ်။

ဒေါ်အောင်ဆန်းစုကြည်ဟာ အမေရိကန်ခရီးစဉ်မှာ အစီအစဉ်တွေများလွန်းတာကြောင့် နားချိန်နည်းပါးခဲ့ပြီး ပင်ပန်းနွမ်းနွယ်တာ၊ စားသောက်ချိန်မမှန်တဲ့အတွက် အစာအိမ် ရောင်ရမ်းတာနဲ့ ကွန်ပျုတာ အကြည့်များလို့ အရိုးကျည်းပေါင်းတက်တာတွေ ရှိနေကြောင်း နိုင်ငံတော်အတိုင်ပင်ခံရုံးက မနေ့က သတင်းထုတ်ပြန်ခဲ့ပါတယ်။

ဒေါ်အောင်ဆန်းစုကြည်ဟာ ဗြိတိန်နဲ့ အမေရိကန်ပြည်ထောင်စု ခရီးစဉ်တွေကို စက်တင်ဘာ ၁၆ ရက်နေ့က စတင်သွားရောက်ခဲ့ပြီး မနေ့ညက ရန်ကုန်မြို့ကို ပြန်လည်ရောက်ရှိလာတာဖြစ်ပါတယ်။
RFA

 phyominthein-ygn-pm-620.jpg ရန်ကုန်တိုင်းဒေသကြီး ဝန်ကြီးချုပ် ဦးဖြိုးမင်းသိန်း ကို မေလ ၂၁ ရက်နေ့က ပြုလုပ်တဲ့ ရဲတပ်ဖွဲ့ရဲ့ဝန်ဆောင်မူကို ရှေးရှုသော ရဲလုပ်ငန်းစနစ် ဆိုင်ရာလုပ်ငန်းရှင်းလင်းပွဲမှာ တွေ့ရစဉ်
Photo: Aung Thain Kha/RFA

လယ်ယာမြေသိမ်းဆည်းခံရမှု၊ မြေယာအငြင်းပွားမှုတွေနဲ့ ပတ်သက်ပြီး ရန်ကုန်တိုင်း ဒေသကြီး အစိုးရအဖွဲ့ထံ တိုင်ကြားစာ ၅ ထောင်ခန့် ရောက်ရှိနေပြီး အဲဒီတိုင်ကြား စာတွေကို လွှတ်တော်ကိုယ်စားလှယ်တွေ ပြန်လည်စိစစ်ဖို့ ရန်ကုန်တိုင်းဝန်ကြီးချုပ် ဦးဖြိုးမင်းသိန်းက မနေ့က ညွှန်ကြားလိုက်ပါတယ်။

လွှတ်တော်ကိုယ်စားလှယ်တွေရဲ့ စိစစ်တွေ့ရှိချက်တွေကို ရေးသားပြီး အစိုးရအဖွဲ့ထံ ပြန်လည်တင်ပြဖို့ ညွှန်ကြားထားတာဖြစ်တယ်လို့ ရန်ကုန်တိုင်းဒေသကြီး၊ ဒဂုံမြို့နယ်က တိုင်းဒေသကြီး လွှတ်တော်ကိုယ်စားလှယ် ဦးကျော်ဇေယျက ပြောပါတယ်။

"၅၀၀၀ လောက်ရှိတယ် case က။ အဲဒီ ၅၀၀၀ လောက်ကို ဝန်ကြီးချုပ်က ပြန်ပြီးတော့ တိုင်းဒေသကြီး ကိုယ်စားလှယ်ရဲ့ မှတ်ချက်တွေပြန်ပေးမယ်ဆိုပြီး အဲဒီမှတ်ချက်နဲ့အရပဲ သူဆက်လုပ်မယ်ဆိုပြီး အဲဒါလေးညှိနှိုင်းအစည်းဝေးလုပ်တယ်။ အမြန်ဆုံးပြန်လုပ်ပေးပါ ဆိုပြီး သူကချပေးလိုက်တဲ့သဘောပါ" လို့ လွှတ်တော်ကိုယ်စားလှယ် ဦးကျော်ဇေယျ က ပြောတာဖြစ်ပါတယ်။

ရန်ကုန်တိုင်းဒေသကြီးအစိုးရအဖွဲ့က ဒေသခံတွေရဲ့ တိုင်ကြားစာတွေကို သက်ဆိုင်ရာ ရပ်ကွက်၊ ကျေး ရွာနဲ့ မြို့နယ်အသီးသီးက မြေယာစိစစ်ရေးကော်မတီထံ ပေးပို့ထားပြီး ကော်မတီအဆင့်ဆင့်က စစ် ဆေးတွေ့ရှိချက်တွေကို အောက်တိုဘာလနောက်ဆုံးထား ပြီး တိုင်းဒေသကြီးအစိုးရအဖွဲ့ထံ ပြန်လည် တင်ပြရမှာ ဖြစ်ပါတယ်။

အဲဒီတင်ပြချက်ထဲမှာ လွှတ်တော်ကိုယ်စားလှယ်တွေရဲ့ စိစစ်တွေ့ရှိချက်တွေကို ထည့်သွင်းရေးသားရမှာ ဖြစ်ပါတယ်။

အဲဒီနောက် တိုင်းဒေသကြီးအစိုးရအဖွဲ့က ဒုတိယသမ္မတ ၂ ဦးဟင်နရီဗန်ထီးယူ ဦးဆောင်တဲ့ လယ်ယာမြေနဲ့အခြားမြေများပြန်လည်စိစစ်ဆေးရေးဗဟိုကော်မတီထံ တင်ပြပြီး လယ်ယာမြေအမှုတွေကို ဖြေရှင်းဆောင်ရွက်သွားရမှာဖြစ်ပါတယ်။
RFA


နန်စီဘွန်ဒေသက ရေမဆေးကျောက်ရှာဖွေသူတွေ စက်တင်ဘာလ ၂၆ ရက်နေ့က ခန္တီးမြို့မှာ ဆန္ဒပြတောင်းဆိုနေစဉ်
Photo: Hset Paing Toe/ RFA

စစ်ကိုင်းတိုင်း ခန္တီးခရိုင် နန်စီဘွန်ဒေသက ရေမဆေးကျောက်ရှာဖွေသူတွေကို ကျောက်မျက်ဥပဒေနဲ့ လိုက်လံဖမ်းဆီးနေတာတွေ ရပ်တန့်ပေးဖို့နဲ့ တရားဝင်လုပ်ကိုင်ခွင့်ရရှိဖို့ ရေမဆေးလုပ်သား နှစ်ထောင်က ဒီကနေ့ ခန္တီးမြို့မှာ ဆန္ဒပြတောင်းဆိုကြပါတယ်။

ပြီးခဲ့တဲ့ စက်တင်ဘာလ ၁၇ ရက်နေ့က နန်စီဘွန်ကျောက်မျက်မှော်တွေကနေ ခန္တီးမြို့ကျောက်မျက်ဦးစီးဌာနကို မှတ်ပုံတင်ဖို့လာတဲ့ ရေမဆေးကျောက်သမား ၇ ဦးကို ခန္တီးလှေဆိပ်မှာ ဖမ်းဆီးခဲ့ပြီး ကျောက်မျက်ဥပဒေပုဒ်မ ၄၂(က) နဲ့ တရားစွဲဆိုထားတဲ့ အတွက် ဆန္ဒပြကြတာဖြစ်ပါတယ်။

ခန္တီးမြို့နဲ့ မိုင် ၃၀ ကျော်ဝေးတဲ့ နန်စီဘွန် နဲ့ မကျန်ခ ကျောက်မှော်တွေကနေ ထွက်ရှိလာတဲ့ကျောက်စိမ်းတွေကို ခန္တီးမြို့ကျောက်မျက်ရုံးမှာ ကျောက်သယ်ယူခွင့်ရရှိဖို့ အခွန် ပေးဆောင်ရတာဖြစ်ပါတယ်။ နန်စီဘွန်ဒေသမှာ အခွန်ရုံးမရှိတဲ့အတွက် ခန္တီးမြို့က ကျောက်မျက်ဦးစီးဌာနရုံးမှာ အခွန်ဆောင်ရတာဖြစ်ပါတယ်။

ဆန္ဒပြသူတွေဟာ ဖမ်းဆီးထားတဲ့ ရေမဆေးကျောက်သမားတွေကို ပြန်လွှတ်ပေးဖို့၊ ရေမဆေးကျောက်လုပ်သားတွေ ဖမ်းဆီးခံနေရတာကို ဖြေရှင်းပေးဖို့၊ တနိုင်တပိုင် ကျောက်မျက်လုပ်ကိုင်ခွင့်ရရှိဖို့တို့ကို တောင်းဆိုခဲ့ကြပါတယ်။

နန်စီဘွန် နဲ့ မကျန်ခ ကျောက်မှော်ဒေသတွေမှာ မှီခိုလုပ်ကိုင်နေကြတဲ့ ရေမဆေး လုပ်သား တစ်သောင်းခန့်ရှိပြီး ကုမ္ပဏီပေါင်း ၄၀ က ကျောက်စိမ်းတူးဖော်နေကြ တာဖြစ်ပါတယ်။
RFA



( မြန်မာနိုင်ငံ အမျိုးသား လူအခွင့်အရေးကော်မရှင် အဖွဲ့ဝင်တွေ နှုတ်ထွက်ပေးဖို့ စက်တင်ဘာလ ၂၆ ရက်နေ့က ပြည်မြို့မှာ ဆန္ဒပြနေစဉ် ) Photo: ဇော်ထွန်း/ Facebook
မြန်မာနိုင်ငံ အမျိုးသားလူအခွင့်အရေးကော်မရှင် အဖွဲ့ဝင်တွေ နှုတ်ထွက်ပေးဖို့ ပဲခူးတိုင်းဒေသကြီး ပြည်မြို့နယ်မှာ လူ့အခွင့်အရေးလှုပ်ရှားနေသူ ၆၀ လောက်က ဒီနေ့ ဆန္ဒပြတောင်းဆိုကြပါတယ်။

အင်းဝအပ်ချုပ်ဆိုင်ပိုင်ရှင်တွေက အိမ်အကူမိန်းကလေး ၂ ဦးအပေါ် ညှဉ်းပန်းနှိပ်စက် ခဲ့တဲ့အမှုကို ငွေကြေးနဲ့ ကျေအေးဖို့ ဆုံးဖြတ်ပေးခဲ့တာကြောင့် ကန့်ကွက်တာလို့ ဆန္ဒပြပွဲမှာပါဝင်တဲ့ ကိုဇော်ထွန်းက ပြောပါတယ်။

"ဒီအိမ်ဖော်ကလေးမလေး နှစ်ယောက်နဲ့ပတ်သက်ပြီး လူ့အခွင့်အရေးကော်မရှင်ရဲ့ ဆောင်ရွက်ချက်တွေကို ရှုတ်ချပြီး ကန့်ကွက်ဆန္ဒပြတာ၊ ဒီအမှုကို အလုပ်ရှင်အလုပ် သမားပုံစံမျိုးနဲ့ ညှိနှိုင်းဖြန်ဖြေ ငွေကြေးနဲ့ ဆုံးဖြတ်တာကို ကန့်ကွက်တယ်၊ ဒီအဖွဲ့အစည်းထဲမှာ ပါဝင်ပတ်သက်ပြီး ဆုံးဖြတ်ချက်ချခဲ့တဲ့သူတွေကို ကျနော်တို့က ထွက်စေချင်တယ်" လို့ ကိုဇော်ထွန်း က ပြောပါတယ်။

ကျောက်တံတားမြို့နယ်က အင်းဝအပ်ချုပ်ဆိုင်ပိုင်ရှင်တွေက အိမ်အကူ မိန်းကလေး ၂ ဦးအပေါ် ညှဉ်းပန်းနှိပ်စက်ခဲ့ပြီး လစာမပေးပဲထားခဲ့တဲ့အပေါ် တစ်ဦးကို ကျပ်သိန်း ၅၀ ကျန်တစ်ဦးကို ကျပ် ၁၀ သိန်းနဲ့ နစ်နာကြေးပေးတဲ့နည်းနဲ့ ကျေအေးဖို့ မြန်မာနိုင်ငံ အမျိုးသားလူ့အခွင့်အရေးကော်မရှင်က ညှိနှိုင်းပေးခဲ့တာဖြစ်ပါတယ်။

RFA Burmese
https://www.facebook.com/rfaburmese



ဈေးကွက်အတွင်းရှိ စားသုံးဆီများအားတွေ့ရစဉ် (ဓာတ်ပုံ-- အင်တာနက်)
    ရန်ကုန်၊ စက်တင်ဘာ ၂၆ ရက် (ဆင်ဟွာ)

    ဓာတုဗေဒပစ္စည်းများ အသုံးပြု၍ အနံ့ ပေးထားသော အန္တရာယ်ရှိ စားသုံးဆီများ ဈေးကွက်အတွင်း ဝင်ရောက်မှု ပပျောက်စေရေး အတွက် ရေတို အစီအမံများ ချမှတ် လုပ်ဆောင်သွားမည် ဖြစ်ကြောင်း မြန်မာနိုင်ငံ ဆီစက် လုပ်ငန်းရှင်များအသင်းမှ တာဝန်ရှိသူတစ်ဦးကပြောသည်။

ဓာတုဗေဒပစ္စည်းများ အသုံးပြု၍ ပဲ သို့မဟုတ် နှမ်း စသည့်အနံ့ ပေးထားသော အန္တရာယ်ရှိ စားသုံးဆီများ ဈေးကွက်အတွင်း သို့ ဝင်ရောက်မှု မရှိစေရေး အတွက် ဆီစက် လုပ်ငန်းရှင် အသင်းသာမက အစိုးရဌာနများ နှင့်လည်း ပူးတွဲလုပ်ဆောင် သွားမည် ဖြစ်ကြောင်း သိရသည်။

ဓာတုဗေဒ ပစ္စည်းများ အသုံးပြု၍ အနံ့ ပေးထားသော အန္တရာယ်ရှိ စားသုံးဆီများ ရောင်းချ နေသည်ကို ပြည်သူများ တွေ့ရှိပါက သက်ဆိုင်ရာသို့ အသိပေးနိုင်ပြီး မြန်မာနိုင်ငံ ဆီစက် လုပ်ငန်းရှင်များ အသင်း အနေဖြင့်လည်း သက်ဆိုင်ရာ ဝန်ကြီးဌာန များသို့ အသိပေးတင်ပြ သွားမည် ဖြစ်ကြောင်း သိရသည်။

လက်ရှိဈေးကွက် အတွင်း၌ ရောင်းချနေသော စားအုန်းဆီ၊ ပဲပုပ်ဆီ သာမက တခြားသော ပြန်ကြော်ဆီ၊ ပြောင်းဆီ၊ ဝါစေ့ဆီ၊ လဲမှို့ဆီ စသည့် စားသုံးဆီ များတွင် ကျန်းမာရေးကို အန္တရာယ် ဖြစ်စေနိုင်သော ဆီအများအပြား ရှိကြောင်း သိရသည်။

ယခုကဲ့သို့ ရောင်းချနေခြင်း ကြောင့် စားသုံးသူ ပြည်သူများအား ကျန်းမာရေး ထိခိုက်စေရုံ သာမက ဆီစက်လုပ်ငန်း များလည်း ထိခိုက်နစ်နာမှုများ ရှိကြောင်း သိရသည်။

ဓာတုဗေဒ ပစ္စည်းများ အသုံးပြု၍ အနံ့ပေး ထားသော အန္တရာယ်ရှိ စားသုံးဆီများကို ဈေးနှုန်း သက်သာစွာ ရောင်းချနေရာ လက်ရှိ ဈေးကွက်အတွင်း ရောင်းချနေသော ပဲဆီနှင့် နှမ်းဆီများမှာ ဈေးနှုန်းမြင့်တက် နေသောကြောင့် စားသုံးသူများ အနေဖြင့် သက်သာသော ဆီများကိုသာ ဝယ်ယူ အသုံးပြုကြ၍ ယှဉ်ပြိုင်နိုင်ခြင်း မရှိဘဲ ပဲဆီ၊ နှမ်းဆီ ဈေးကွက်ကို ထိခိုက်မှု ဖြစ်စေကြောင်း သိရသည်။

သို့ဖြစ်၍ စားသုံးဆီ အတုများ ဈေးကွက်ထဲသို့ ဝင်ရောက်မှု လျော့နည်းစေရန် ဆီထွက်သီးနှံများ ဖြစ်သည့် ပဲ၊ နှမ်း အထွက်တိုး စေရေးအတွက်လည်း ရေရှည် အစီအမံများ ချမှတ်လုပ်ဆောင် သွားမည် ဖြစ်ကြောင်း ၎င်းတာဝန်ရှိသူကဆိုသည်။

(Xinhua)
http://www.xinhuamyanmar.com



သီလ၀ါဆိပ်ကမ်းအတွင်း တပတ်ရစ်ကားများကို တွေ့ရစဉ်
မလေးရှားနိုင်ငံက ကားခိုးဂိုဏ်းတွေဟာ အိမ်နီးချင်းထိုင်းတနိုင်ငံတည်းနဲ့တင် စီးပွားလုပ်နေကြတာမဟုတ်ဘဲ မြန်မာ၊ လာအိုနဲ့ ကမ္ဘောဒီးယား နိုင်ငံတွေအထိပါ တိုးချဲ့လာနေကြတယ်လို့ ယုံကြည်ရကြောင်း မလေးရှားနိုင်ငံထုတ် Bernama သတင်းမှာ ဖော်ပြထားပါတယ်။ မလေးရှားမှာ အခိုးခံရတဲ့ကားတွေကို အဲဒီနိုင်ငံတွေဆီပို့နိုင်ရင် ပြန်ရှာတွေ့စရာလမ်းမရှိတော့ဘူးလို့ ဂိုဏ်းအဖွဲ့ဝင်တွေပြောတာကို ကိုးကားပြီး သတင်းစာမှာ ဖော်ပြထားပါတယ်။

မလေးရှားမှာ ခိုးတဲ့ကားတွေကို စင်္ကာပူကတဆင့် ရေကြောင်းကပို့ကြောင်း၊ အဲဒီကမှ ထိုင်းနိုင်ငံမှာ ပထမတထောက်နားကြောင်းနဲ့ ထိုင်း Laem Chabang ဆိပ်ကမ်းဟာ သူတို့ရဲ့ အဓိက ဆိပ်ကမ်းဖြစ်ကြောင်း မလေးရှား ကားခိုးတဲ့ဂိုဏ်းအဖွဲ့ဝင်တဦးကို ကိုးကားပြီး သတင်းစာမှာ ဖော်ပြထားပါတယ်။ ဆိပ်ကမ်းကိုရောက်လာတဲ့ကားတွေကို ထိုင်းနိုင်ငံမှာ ရောင်းမစွံရင် ထိုင်းနဲ့ နယ်နိမိတ်ခြင်းထိစပ်နေတဲ့ မြန်မာ၊ လာအို၊ ကမ္ဘောဒီးယား စတဲ့ အိမ်နီးချင်းနိုင်ငံတွေကို ကုန်းလမ်းကနေ တင်ပို့ကြတယ်လို့ ဆိုပါတယ်။

အခုလ အစောပိုင်းတုန်းကလည်း ထိုင်းရဲတပ်ဖွဲ့က မလေးရှား Ringgit ငွေ ၂.၂ သန်းနဲ့ ညီတဲ့ ကား ၂၂ စီးကို မလေးရှားရဲတပ်ဖွဲ့ထံ ပြန် လွှဲပြောင်းပေးခဲ့သလို မနှစ်ကလည်း ထိုင်းနိုင်ငံ Laem Chabang ဆိပ်ကမ်းကို ကားခိုးဂိုဏ်းတွေက တင်သွင်းလာတယ်လို့ ယူဆရတဲ့ ဇိမ်ခံကား ၁၈ စီးကို ထိုင်းအာဏာပိုင်တွေက ဖမ်းဆီး ရမိခဲ့ပါတယ်။ မလေးရှားက ခိုးသွင်းလာတယ်လို့ ယူဆရတဲ့ ကားတွေ ထိုင်း-မြန်မာ နယ်စပ်ဒေသအပြင် ကမ္ဘောဒီးယားနဲ့ လာအိုနိုင်ငံတွေမှာလည်း မောင်းနေတာကို လွန်ခဲ့တဲ့ နှစ်အနည်းငယ်အတွင်း တွေ့ခဲ့ရတယ်လို့ ဆိုပါ တယ်။

မလေးရှားနိုင်ငံက ခိုးထုတ်လာတဲ့ Four Wheel Drive ကားတွေဟာ မြန်မာနိုင်ငံထဲက မှောင်ခိုဈေးကွက်မှာ လူကြိုက်များ တယ်လို့ ဆိုပါတယ်။ မြန်မာ၊ လာအိုနဲ့ ကမ္ဘောဒီးယားနိုင်ငံတွေက ကားခိုးတဲ့ ဂိုဏ်းတွေဟာ သူတို့အချင်းချင်းကြား ခိုင်မာ တောင့်တင်းတဲ့ ဆက်သွယ်ရေး ကွန်ယက်ရှိတဲ့အတွက် အာဏာပိုင်တွေအနေနဲ့ နယ်စပ်ဖြတ်ကျော် ရာဇ၀တ်မှုတွေကို ဖမ်းဆီး နှိမ်နင်းဖို့ ပိုမို ခက်ခဲစေတယ်လို့ ဆိုပါတယ်။

 ဗွီအိုအေ (မြန်မာပိုင်း)
http://burmese.voanews.com



ဓါတ်ပုံ - Minyar Zar Facebook
မကွေးတိုင်း ဒေသကြီး ပခုက္ကူ ခရိုင် ရေစကြိုမြို့နယ်၊ ဇီးတောကျေးရွာအနီး မှ အသတ်ခံရသည့် အမျိုးသမီးအလောင်းတစ်လောင်း အား စက်တင်ဘာ ၂၅ ရက် နံနက်ပိုင်းက တွေ့ရှိခဲ့ကြောင်း ရေစကြိုမြို့မရဲစခန်းမှသိရသည်။

 ဖြစ်စဉ်မှာ စက်တင်ဘာ ၂၅ ရက်နေ့ နံနက် ၉ နာရီခွဲအချိန်က ဇီးတောကျေးရွာအုပ်စု၊ ကွင်းအမှတ်(၉၈)၊ ၀ယာဘုတာဘောင်နှင့် ကိုက် ၅၀၀ ခန့်အကွာ ဖူလုံကျေးရွာ နှင့် ကျွန်းဘိုကျေးရွသွား မြေသားကားလမ်းဘေး မြောင်းထဲတွင် အမျိုးသမီးတစ်ဦးမှောက်လျှက် အနေအထားဖြင့် သေဆုံးနေကြောင်း ဇီးတောကျေးရွာအုပ်ချုပ်ရေးမှူး ဦးတင်ခိ်ုင်မှ ဖုန်းဆက်အကြောင်းကြားချက်အရ မအူရဲကင်းမှူး ရဲအုပ်ထွန်းထွန်းဦး နှင့်အဖွဲ့ သွားရောက်စစ်ဆေးခဲ့ခြင်းဖြစ်သည်။


 မြေသားကားလမ်းဘေး ရေမြောင်းထဲတွင် အသက်(၃၀)နှစ်ခန့်ရှိ အမည်မသိအမျိုးသမီးတစ်ဦးမှာ အပေါ်အင်္က်ျီ၊အောက်ထမီ၊ဖိနပ်မပါ အတွင်းခံအင်္ကျီ၊အတွင်းခံ ဘောင်းဘီဝတ်ဆင်ထားပြီး ၀ဲချိုင်းအောက်တွင် ထိုးသွင်းဒဏ်ရာ၊ ကျောကုန်းထိုးသွင်းဒဏ်ရာ၊ ၀ဲဒူးအောက်ထိုးသွင်းဒဏ်ရာ၊ အောက်နှုတ်ခမ်းပေါက်ပြဲဒဏ်ရာများဖြင့် သေဆုံးနေသည်ကိုစစ်ဆေးတွေ့ရှိရသဖြင့် ရဲမှုခင်းဆေးစာဖြင့် ရေစကြိုမြို့နယ် ပြည်သူ့ဆေးရုံသို့ ပို့အပ်ထားရှိခဲ့ခြင်းဖြစ်ကြောင်းအမှုစစ်၏စစ်ဆေးချက်အရသိရသည်။

 ဖြစ်စဉ်နှင့် ပတ်သက်၍ အမည်မသိအမျိုးသမီးအား သတ်သွားသူအား စုံစမ်းဖော်ထုတ်အရေးယူပေးပါရန် ရဲအုပ်ထွန်းထွန်းဦးမှ တရားလိုပြုတိုင်ကြားခဲ့သောကြောင့် ရေစကြိုမြို့နယ်၊ မြို့မရဲစခန်းမှ (ပ) ၉၃၉/၂၀၁၆ ၊ရာဇသတ်ကြီးပုဒ်မ ၃၀၂ ဖြင့် အမှုဖွင့်ထားကြောင်းသိရသည်။

ရတနာပုံ သတင်းစာ
https://www.facebook.com/yadanabonnewspaper/



ဒုတိယ အကြိမ် ပြည်သူ့လွှတ်တော် အစည်းအဝေးကျင်းပနေစဉ် (ဆင်ဟွာ)
    နေပြည်တော်၊ စက်တင်ဘာ ၂၆ ရက် (ဆင်ဟွာ)

    ဖွဲ့စည်းပုံ အခြေခံဥပဒေပါ နိုင်ငံသားတို့၏ လူ့အခွင့်အရေး ချိုးဖောက်ခံရမှုကို အကာအကွယ် မပေးသည့် မြန်မာနိုင်ငံ အမျိုးသား လူ့အခွင့်အရေး ကော်မရှင်အဖွဲ့ ဝင် အချို့အား ထိရောက်စွာ အရေးယူပေးရန် ပြည်ထောင်စု အစိုးရအား တိုက်တွန်းကြောင်း အရေးကြီး အဆိုကို ယနေ့ ပြည်သူ့ လွှတ်တော်တွင် ဆွေးနွေး အတည်ပြုခဲ့ကြောင်း သိရသည်။

ရန်ကုန်တိုင်းဒေသကြီး ကျောက်တံတား မြို့နယ် အတွင်း အပ်ချုပ်ဆိုင် တစ်ဆိုင်၌ အိမ်အကူ မိန်းကလေး နှစ်ဦးကို နှိပ်စက်မှု နှင့်စပ်လျဉ်း၍ လူ့အခွင့်ရေး ကော်မရှင်၏ ဆောင်ရွက်ချက်အပေါ် ဒေါပုံမဲဆန္ဒနယ် ပြည်သူ့ လွှတ်တော် ကိုယ်စားလှယ် ဦးပြုံးချို ခေါ် ဦးဌေးဝင်းအောင်က စက်တင်ဘာလ ၂၂ ရက်နေ့ တွင် လွှတ်တော်သို့ တင်သွင်းပြီး ထိုအရေးကြီးအဆိုကို ပြည်သူ့ လွှတ်တော် ကိုယ်စားလှယ် ၁၆ ဦးတို့ က ထောက်ခံ ဆွေးနွေးခဲ့ကြသည်။ ထို့ အတူ မြန်မာနိုင်ငံ အမျိုးသား လူ့ အခွင့်အရေး ကော်မရှင်ကလည်း ယနေ့ ပြည်သူ့ လွှတ်တော် အစည်းအဝေးသို့ တက်ရောက်ခဲ့သည်။ ဆွေးနွေးမှုများအပြီး ဆန္ဒမဲရယူရာ ထောက်ခဲဆန္ဒမဲ ၃၇၄ မဲ၊ ကန့်ကွက်မဲ တစ်မဲ၊ ကြားနေ ရှစ်မဲ ဖြစ်၍ အဆိုကို လွှတ်တော်က အတည်ပြုကြောင်း လွှတ်တော် ဥက္ကဋ္ဌက ကြေညာခဲ့ခြင်း ဖြစ်သည်။

လူ့ အခွင့်အရေး ကော်မရှင် အဖွဲ့ဝင် ဦးဇော်ဝင်းက “ကျွန်တော်တို့ ကော်မရှင်ဟာ အခြား နိုင်ငံများရှိ လူ့ အခွင့်အရေး ကော်မရှင်များကဲ့သို့  ဥပဒေကြောင်းအရ စည်းနှောင်မှု ရှိတဲ့ ဆုံးဖြတ်ချက် ချမှတ်ခြင်း၊ တရားစွဲဆို အရေးယူခြင်းတို့ ကို ဆောင်ရွက်ပိုင်ခွင့် မရှိဘဲ သက်ဆိုင်ရာ ဌာနနဲ့ အဖွဲ့ အစည်းများက လိုအပ်သလို ဆောင်ရွက်နိုင်ရေးအတွက် အကြံပြု တိုက်တွန်းချက်ကိုသာ ပေးပို့ နိုင်ပါတယ်၊ ဒါကြောင့် ရန်ကုန်တိုင်းဒေသကြီး ရဲတပ်ဖွဲ့ ကို အကြောင်းကြား ပေးပို့ခြင်း ဖြစ်ပါတယ်” ဟု ရှင်းပြခဲ့သည်။ ထို့ အပြင်၎င်းက နစ်နာမှုများအား ကုစားပေးနိုင်ရေး အတွက် သဘောရိုးဖြင့် ဆောင်ရွက်ပေးခြင်းသာ ဖြစ်ကြောင်းလည်း ပြောကြားခဲ့သည်။
ပြည်သူ့ လွှတ်တော် ကိုယ်စားလှယ် ၁၆ ဦးတို့ က ထိုအရေးကြီး အဆိုကို ထောက်ခံ ဆွေးနွေး ကြရာတွင် ကော်မရှင်၏ ဆောင်ရွက်ချက်သည် သဘောရိုးဖြင့် မှားယွင်းခြင်း မဟုတ်သည်ကို တွေ့ ရှိရကြောင်း ၊ ကော်မရှင်အား ဥပဒေနှင့်အညီ အမှန်တကယ် စွမ်းဆောင်နိုင်ပြီး အသက် ၆၀ မကျော်သူတို့ ဖြင့် ပြန်လည် ဖွဲ့ စည်းသင့်ကြောင်းလည်း ဝေဖန် အကြံပြုခဲ့ကြသည်။

ပြည်သူ့ လွှတ်တော် တပ်မတော်သား ကိုယ်စားလှယ် ဗိုလ်မှူး အောင်ဇင်မင်းက “ကော်မရှင်မှ အဖွဲ့ ဝင် အချို့ဟာ သက်ဆိုင်ရာ အဖွဲ့ အစည်းများနှင့် ပူးပေါင်းဆောင်ရွက်မှု အားနည်းခဲ့ပြီး ပြစ်မှု ကျူးလွန်သူ အားလုံးကို သက်သာရာ ရောက်အောင် ညှိနှိုင်း ဆောင်ရွက်ခဲ့တဲ့ သဘော သက်ရောက်နေပါတယ်၊ ဒါ့အပြင် အမျိုးသားများကို အကြမ်းဖက်မှုများ အပေါ် ကာကွယ်တားဆီးသည့် ဥပဒေ မရှိသေးသဖြင့် ဥပဒေ ပြဌာန်းဖို့  လိုအပ်ပါတယ်”  ဟု အကြံပြု ပြောကြားခဲ့သည်။

(Xinhua)
http://www.xinhuamyanmar.com



နိုင်ငံတော်အတိုင်ပင် ခံပုဂ္ဂိုလ် ဒေါ်အောင်ဆန်းစုကြည်နှင့် CNN မေးမြန်းခန်း (Myanmar State Counsellor Office)
ဒီမိုကရေစီအသွင်ကူးပြောင်းနေတဲ့ လက်ရှိ မြန်မာနိုင်ငံမှာ လုံလောက်တဲ့ တိုးတက် မှုတွေရှိနေပြီး ရှေ့လျောက် နိုင်ငံတကာရဲ့ ပိတ်ဆို့အရေးယူမှုတွေ မလိုအပ်တော့ ဘူးလို့ နိုင်ငံတော်အတိုင်ပင် ခံပုဂ္ဂိုလ် ဒေါ်အောင်ဆန်းစုကြည်က ကမ္ဘာ့ထိပ်တန်း သတင်းမီဒီယာတခုဖြစ်တဲ့ CNN နဲ့တွေ့ဆုံမေးမြန်းခန်း မှာ ပြော ကြားလိုက် ပါတယ်။ ဒါ့အပြင် လွှတ်တော်မှာ စစ်တပ်က ၂၅ ရာခိုင်နှုန်း ပါဝင်နေတဲ့ ဖွဲ့စည်းပုံ အခြေခံဥပဒေ ကိုလည်း ပြင်ဆင်နိုင်အောင် သူ့အနေနဲ့ ဆက်လက် ကြိုးပမ်းသွား မှာဖြစ်တယ် လို့လည်း ဒေါ်အောင်ဆန်းစုကြည်က ပြောသွားပါတယ်။

တနင်္ဂနွေနေ့က ထုတ်လွှင့်ပြသခဲ့တဲ့ အမေရိကန်အခြေစိုက် CNN ရုပ်သံဌာနက သတင်းထောက် Fareed Zakaria နဲ့ ဒေါ်အောင်ဆန်းစုကြည် တို့ရဲ့ သီးခြားတွေ့ဆုံမေးမြန်းခန်းကို မအင်ကြင်းနိုင်က ကောက်နုတ်တင်ပြမှာပါ။

ဒေါ်အောင်ဆန်းစုကြည်ကို သူရဲ့ အမေရိကန်ပြည်ထောင်စုနဲ့ ကုလသမဂ္ဂခရီးစဉ် အဆုံး မသတ်ခင် နယူးရောက်မြို့ ကုလသမဂ္ဂဆိုင်ရာ မြန်မာ အမြဲ တမ်းကိုယ်စား လှယ်ရုံးမှာ CNN သတင်းထောက် Fareed Zakaria က သီးခြားတွေ့ ဆုံမေးမြန်းခဲ့ တာပါ။

လက်ရှိမြန်မာနိုင်ငံမှာ သဘောထားတင်းမာတဲ့ စစ်အာဏာရှင်အုပ်ချုပ်တဲ့စနစ်ကနေ ဒီမိုကရေစီအသွင်ကူးပြောင်းရေးလုပ်ဆောင်နေတဲ့ ကာလမှာ နိုင်ငံတကာ ဖိအားပေးမှုတွေ လိုအပ်နေသေးတယ်လို့ အများကထင်နေချိန် တဘက်မှာလည်း ပိတ်ဆို့အရေးယူမှုအားလုံးကို ရုတ်သိမ်းဖို့ အမေရိကန်ဘက်က ဒီသတင်းပတ် အတွင်းဆုံးဖြတ်ခဲ့တာဆိုတော့ တကယ်ပဲ မြန်မာနိုင်ငံအနေနဲ့ ဖိအားပေးတာမျိုး မလိုရလောက်အောင် တကယ့် တိုးတက်မှုတွေရှိနေသလားလို့ Mr. Zakaria က ဒေါ်အောင်ဆန်းစုကြည်ကို မေးမြန်းခဲ့ပါတယ်။

ဒီမေးခွန်းကို ဒေါ်အောင်ဆန်းစုကြည် တုန့်ပြန်တာကတော့

“ကျမတို့ လုံလောက်တဲ့ တိုးတက်မှုတွေကို လုပ်ပြီးခဲ့ပြီလို့ ထင်ပါ တယ်။ နောက်ထပ် အဆင့်တက်လှမ်းဖို့ ကျမတို့ ကြိုးစားနေတာပါ။ အားလုံးပြီး တဲ့နောက်မှာ ပိတ်ဆို့ အရေးယူမှုဆိုတာ ကျမတို့ရဲ့ လုပ်ဆောင်မှုတွေမှာ အကူအညီပေးရုံပဲ ဖြစ်ခဲ့ပါတယ်။ (အမေရိကန်) ကွန်ဂရက်က ကျမတို့မိတ်ဆွေတွေကို ကျမရှင်းပြခဲ့တာက ပိတ် ဆို့အရေးယူမှုဆိုတာ ကျမတို့ အင်အားချိနဲ့ပြီး သန်မာမှုမရှိတဲ့ အချိန်မှာ ချိုင်းထောက် လိုပဲ အထောက်အကူပေးခဲ့ပါတယ်။ ဒါပေမဲ့ အခုချိန်မှာ ဒီချိုင်းထောက် ကို ဖြုတ်ြ ပီးတော့ ကိုယ်ရဲ့ကြွက်သွားတွေ သန်မာလာအောင် လုပ်ကိုလုပ်ရပါတော့ မယ်။”

ဒါပေမဲ့လည်း လွှတ်တော်မှာ စစ်တပ်က ၂၅ ရာခိုင်နှုန်း ပါဝင်နေတဲ့ ဖွဲ့စည်းပုံအခြေခံဥပဒေကြောင့် စစ်တပ်ကို ကျော်လွန်ပြီး ဆောင်ရွက်လို့မ ရတဲ့အခြေအနေရှိနေတဲ့အချက်ကို Mr. Zakaria ကထောက်ပြီးမေးမြန်းရာ မှာတော့ ဒေါ်အောင်ဆန်းစုကြည်က အခုလိုဖြေဆိုပါတယ်။

“ဟုတ်ပါတယ်။ စစ်တပ်ကရှိနေပါသေးတယ်။ ဘာဖြစ်လို့လဲဆိုတော့ ကျမတို့အနေနဲ့ တရား ဥပဒေစိုးမိုးရေးမှာ ယုံကြည်မှုအပြည့်အ၀ရှိနေပြီး လတ်တလော အခြေအနေ အရ ဖွဲ့စည်းပုံ အခြေခံဥပဒေ အသက်ဝင်နေသေးသရွေ့ ကျမတို့ ဒီဖွဲ့စည်းပုံကို လက်ခံထားပါတယ်။ ဒါပေမဲ့ လည်း ကျမတို့ ဒီဖွဲ့စည်းပုံ ကို ပြင်ဆင်ချင်ပါတယ်။ ကျမတို့ ရွေးကောက်ပွဲကာလတုန်းက ဖွဲ့စည်းပုံပြင်ဆင်ရေးကို ကတိပေးခဲ့တာပါ။”

ဒါ့ပြင် ဖွဲ့စည်းပုံမှာ ဒီမိုကရေစီမရှိပဲနဲ့ ဒီမိုကရေစီ အတွက် ဆောင်ရွက်နေ ပါပြီလို့ ပြောလို့မရကြောင်း ဒေါ်အောင်ဆန်းစုကြည်က ပြောပါတယ်။

မြန်မာနိုင်ငံနဲ့ပတ်သက်ရင် ကုလသမဂ္ဂအပါအ၀င် နိုင်ငံတကာအသိုင်းအ၀ိုင်းက အစဉ်တစိုက်ထောက် ပြနေတဲ့ ရခိုင်ပြည်နယ်ပြဿနာကိစ္စ ကိုလည်း Mr. Zakaria ကဒေါ်အောင်ဆန်း စုကြည်ကိုမေး ခဲ့ပါတယ်။ အထူးသဖြင့် ဗုဒ္ဓဘာ သာနိုင် ငံဖြစ်ပြီး နိုဘယ်လ်ငြိမ်းချမ်းရေးဆုရှင်တဦး ဦးဆောင်နေတဲ့ နိုင်ငံမှာ မွတ်စလင်လူ နည်းစုတွေကို ညှမ်းပန်းနှိပ်စက်တာ၊ အကြမ်းဖက်တာတွေ ဘာကြောင့် ဖြစ်နေရ သလဲဆိုတဲ့ မေးခွန်းအပေါ်မှာတော့

“ဒီ နိုဘယ်လ်ငြိမ်းချမ်းရေးဆုရှင်ကလည်း ပြီးခဲ့တဲ့ မတ်လကမှာ နိုင်ငံကို ဦးဆောင်ရ တာပါ။ ကျမဆန္ဒပြုသလို သဟဇာတဖြစ်မှု၊ နားလည်မှုနဲ့ သည်းခံခွင့် လွှတ်မှုစတဲ့ အချက်တွေဖြစ်လာဖို့ ကြိုးစားတဲ့နေရာမှာ ကျမတို့ ပြဿနာတွေ အများကြီးရှိပါတယ်။ ရခိုင်ပြည်နယ်က ပြဿနာကိုအဖြေရှာဖို့ ကိုဖီအာနန်ဦးဆောင်တဲ့ အကြံပေးကော်မရှင် ဖွဲ့စည်းခဲ့တာကို ကြားမိမှာပါ။ အဲဒီတုန်းကလည်း ဒီလိုပဲ ပြဿနာတွေက ဘာတွေလဲ၊ ဒါတွေဘာကြောင့်ဖြစ်ရသလဲဆိုတဲ့ ရှင်မေးတဲ့မေးခွန်းတွေအတိုင်း ကျမတို့မေးခံရ ပါတယ်။ အခုလိုကြုံကြိုက်တုန်း ပြောပြရရင် ကျမတို့ရင်ဆိုင်နေရတဲ့ ဒီပြဿနာတခု တည်းမဟုတ်ပါဘူး။ ဒါပေမဲ့လည်း နိုင်ငံတကာ အသိုင်းအ၀ိုင်းက ဒီတခုတည်းကိုပဲ အာရုံစိုက်နေတာပါ။ ဒါကြောင့် ကျမတို့အနေနဲ့ ရခိုင်အကြံပေးကော်မရှင်ကို ဖွဲ့စည်း ချိန်မှာ နိုင်ငံရေးပါတီအတော်များများ ဆန့်ကျင်ခဲ့ကြပါတယ်။ အခုလဲ အကြောင်း အမျိုးမျိုးနဲ့ ဆန့်ကျင်နေတုန်းပါပဲ။ ဒါကြောင့် အခက်အခဲတွေနဲ့ ကျမတို့ရုန်းကန်နေရ ပါတယ်။”

အိမ်နီးချင်းတရုတ်နိုင်ငံရဲ့ မြန်မာအပေါ်လွှမ်းမိုးမှုနဲ့ အများစိုးရိမ်နေ တဲ့ မြစ်ဆုံ ဆည်စီမံကိန်း အကြောင်းကိုလည်း Mr. Zakaria က ဒေါ်အောင်ဆန်း စုကြည်ကို မေးရာမှာတော့-

“တရုတ်ဟာ ကျမတို့ကိုလွှမ်းမိုးမှုရှိအောင် ကြိုးစားနေတယ်လို့ ကျမမထင်ပါဘူး။ ဘယ်နေရာမှာမဆို အင်အားကြီးနိုင်ငံတွေက စီးပွားရေးအရ လက်ဦးမှုရှိအောင် သူတို့စွမ်းနိုင်သလောက် ကြိုးစားကြတယ်လို့ ကျမမြင်ပါတယ်။ ဘာကြောင့်လဲ ဆိုတော့ အခုခေတ်ဟာ သံတမန်ရေးနည်း နဲ့ လုပ်ဆောင်တဲ့ ခေတ်ရောက်နေပါပြီ။ တရုတ်ဟာ ကျမတို့ရဲ့ အိမ်နီးချင်းနိုင်ငံပါ။ မြန်မာနိုင်ငံ လွတ်လပ်ရေးရပြီးက တည်းက တရုတ်နဲ့ ကောင်းမွန်တဲ့ဆက်ဆံရေးရှိခဲ့ပြီး အဲဒီအတိုင်း ကျမတို့ ဆက်ပြီးတည်ဆောက်သွားမှာပါ။”

အမေရိကန်သမ္မတ အိုဘားမားနဲ့တွေ့ဆုံခဲ့တာနဲ့ပတ်သက်ပြီး မေးရာမှာတော့ သူ့အနေနဲ့ မစ္စတာအိုဘားမားကို လေးစားကြောင်းနဲ့ ပိတ်ဆို့အရေးယူ ထားတဲ့ ကိစ္စအပါဝင် မြန်မာနိုင်ငံဒီမိုကရေစီအ သွင်ကူးပြောင်းရေးအခြေအနေတွေ ကို ဆွေးနွေးခဲ့ကြောင်း ဒေါ်အောင်ဆန်းစုကြည်က တုန့်ပြန်ပြောဆိုသွားပါတယ်။

ဒါ့အပြင် အတိုက်အခံ ခေါင်းဆောင်အဖြစ် နှစ်ပေါင်းများစွာနေအိမ်အကျယ်ချုပ် ခံထားရတဲ့အခြေအနေကနေ အခု တိုင်းပြည်ရဲ့ ခေါင်းဆောင်ဖြစ်လာတဲ့အချိန်မှာ ဘယ်လို ကွာခြားချက်တွေရှိခဲ့သလဲဆိုတဲ့ မေးခွန်းကိုတော့ ကွာခြားမှုသိပ် မရှိကြောင်းနဲ့ နေအိမ်အကျယ်ချုပ်ခံရထားရစဉ်မှာ ဆုံးဖြတ်ချက် အများအပြားကို ကိုယ့်ဘာသာကိုယ်ပဲ ပိုပြီးချမှတ်ခဲ့ရကြောင်း ဒေါ်အောင်ဆန်း စုကြည်က ပြောဆိုခဲ့ ပါတယ်။

အင်ကြင်းနိုင်/ ဗွီအိုအေ (မြန်မာပိုင်း)
http://burmese.voanews.com

ဒေါ်အောင်ဆန်းစုကြည်အား ကုလသမဂ္ဂအထွေထွေညီလာခံ၌ တွေ့ရစဉ်။ ဓာတ်ပုံ-အေအက်ဖ်ပီ                                                      နေပြည်တော်၊ စက်တင်ဘာ ၂၅

ယနေ့ည ၁၀ နာရီခန့်အချိန်တွင် အမေရိကန်ပြည်ထောင်စု ချစ်ကြည်ရေးခရီးမှ မြန်မာနိုင်ငံသို့ ပြန်လည်ရောက်ရှိလာသည့် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် အရိုးကျီးပေါင်းတက်ခြင်းနှင့် အစာအိမ်ရောဂါ ခံစားနေရသည်ဟု  နိုင်ငံတော်သမ္မတရုံး၊ ဒုတိယညွှန်ကြားရေးမှူးချုပ် ဦးဇော်ဌေးက Frontier ကို ပြောသည်။

“ကျန်းမာရေးကတော့ ကောင်းတယ်။ အမေရိကန်ခရီးစဉ်က အစီအစဉ်တွေများတော့ နည်းနည်း ပန်းတာမျိုးပါ။ နားချိန်ကလည်း နည်းတယ်လေ” ဟု ၎င်းက ပြောသည်။

ရန်ကုန်မြို့သို့ ဒေါ်အောင်ဆန်းစုကြည် ပြန်လည်ရောက်ရှိချိန်တွင် ကျွမ်းကျင်သူ ဆရာဝန်ကြီးများနှင့် ချက်ချင်းစစ်ဆေးခဲ့သည်ဟုလည်း ၎င်းကပြောသည်။ 

“ကွန်ပျူတာအကြည့်များလို့ အရိုးကျီးပေါင်းတက်တာမျိုးတော့ ရှိတယ်။ ခရီးပင်ပန်းလို့ အန်တာမျိုးရှိတယ်။ အစားအသောက်မမှန်တော့ အစာအိမ်သဘောမျိုး၊ ဆိုးဆိုးရွားရွားတော့ မဟုတ်ဘူး။ အားနည်းတယ်” ဟု ဦးဇော်ဌေးက ပြောသည်။

ဒေါ်အောင်ဆန်းစုကြည်၏ ကျန်းမာရေးအခြေအနေအား မေးမြန်းရန် ဒေါက်တာတင်မျိုးဝင်းထံ Frontier က ဆက်သွယ်ခဲ့သော်လည်း ဆက်သွယ်၍ မရရှိသေးပေ။

သို့သော် စက်တင်ဘာ ၂၈ ရက်နေ့၌ နေပြည်တော်တွင် ကျင်းပရန် စီစဉ်ထားသော်လည်း ရက်ရွှေ့ဆိုင်းလိုက်သည့် နိုင်ငံတော်၏ အတိုင်ပင်ခံပုဂ္ဂိုလ်နှင့် စီးပွားရေးလုပ်ငန်းရှင်များ ဖွံ့ဖြိုးမှု မိတ်ဖက်များ တွေ့ဆုံပွဲအခမ်းအနားအား ရက်ရွှေ့ဆိုင်းလိုက်ခြင်းမှာမူ ဒေါ်အောင်ဆန်းစုကြည်၏ ကျန်းမာရေးကြောင့် မဟုတ်ဘဲ အသေးစိတ် အချက်အလက်အချို့ ညှိနှိုင်းရန် ကျန်ရှိသေး၍သာဖြစ်ကြောင်း ဦးဇော်ဌေးက ပြောသည်။

ဒေါ်အောင်ဆန်းစုကြည်၏ ကျန်းမာရေးအခြေအနေမှာ အထူးစိုးရိမ်ဖွယ်မရှိပဲ ကောင်းမွန်လျက်ရှိကာ အချိန်အနည်းငယ် အနားယူရန် လိုအပ်သည်ဟုသာ နိုင်ငံတော်အတိုင်ပင်ခံရုံးက သတင်းထုတ်ပြန်ခဲ့သည်။

အသက် ၇၁ နှစ် ရှိပြီဖြစ်သည့် ဒေါ်အောင်ဆန်းစုကြည်၏ ယူကေနှင့် အမေရိကန်နိုင်ငံခရီးစဉ်သည် ရက်ရှည်လျားပြီး အစည်းအဝေး အစီအစဉ်များနှင့် ပြည့်နှက်နေသည်ကို တွေ့ရသည်။

ဒေါ်အောင်ဆန်းစုကြည်သည် စက်တင်ဘာ ၁၀ ရက်နေ့တွင် မြန်မာနိုင်ငံမှ ယူကေနိုင်ငံသို့ စတင်ထွက်ခွာခဲ့သည်။ ယူကေနိုင်ငံတွင် ဥရောပ၊ အာဖရိကနှင့် အရှေ့အလယ်ပိုင်းနိုင်ငံများမှ မြန်မာသံအမတ်ကြီးများနှင့် တွေ့ဆုံခဲ့သည်။ ထို့နောက် ဗြိတိန်နိုင်ငံခြားရေးဝန်ကြီး၊ ဗြိတိန်ဝန်ကြီးချုပ်နှင့်လည်း တွေ့ဆုံခဲ့သည်။

ထို့နောက် အမေရိကန်နိုင်ငံသို့ ဆက်လက်ထွက်ခွာခဲ့ပြီး စက်တင်ဘာ ၁၄ ရက်နေ့တွင် အမေရိကန်သမ္မတ အားရတ်အိုဘားမားနှင့် ဝါရှင်တန်ရှိ သမ္မတအိမ်ဖြူတော်တွင် တွေ့ဆုံခဲ့သည်။ ထိုသို့ တွေ့ဆုံပြီးနောက် မြန်မာနိုင်ငံအပေါ် အမေရိကန်အစိုးရက ချမှတ်ထားသည့် စီးပွားရေးအရ အရေးယူပိတ်ဆို့မှုများအား ဖယ်ရှားပေးရန် ပြင်ဆင်နေသည်ဟု အိုဘားမားက ကြေညာလိုက်သလို မြန်မာနိုင်ငံအပေါ် ကုန်သွယ်မှုဆိုင်ရာ အထူးအခွင့်အရေးများ ပြန်လည်ပေးအပ်မည်ဟုလည်း ကြေညာလိုက်သည်။

ထို့နောက် ဒေါ်အောင်ဆန်းစုကြည်သည် နယူးယောက်မြို့တွင် ကျင်းပနေသည့် ကုလသမဂ္ဂ အထွေထွေညီလာခံသို့ တက်ရောက်ကာ စက်တင်ဘာ ၂၁ ရက်နေ့တွင် အထွေထွေ မူဝါဒဆိုင်ရာ မိန့်ခွန်းပြောကြားခဲ့သည်။

ထို့ပြင် ဒေါ်အောင်ဆန်းစုကြည်သည် Asia Society တွင် မြန်မာနိုင်ငံ၏ အခြေအနေအား ရှင်းလင်းပြောကြားခဲ့သလို ဟားဗတ်တက္ကသိုလ်တွင် ကျင်းပသည့် Harvard Humanitarian of the Year (လူသားချင်းစာနာမှုဆိုင်ရာဆု) ဆုပေးပွဲ ကို တက်ရောက်ကာ ဆုလက်ခံရယူပြီး မိန့်ခွန်းပြောကြားခဲ့သည်။ ထို့ပြင် ကုလသမဂ္ဂအထွေထွေ ညီလာခံ တက်ရောက်နေသည့် ကမ္ဘာ့ခေါင်းဆောင်များ၊ အဖွဲ့အစည်းအသီးသီးမှ ခေါင်းဆောင်များနှင့်လည်း ဆက်တိုက် တွေ့ဆုံခဲ့သည်။

သို့သော် စက်တင်ဘာ ၂၃ ရက်နေ့က ကျင်းပခဲ့သည့် ကုလသမဂ္ဂ အတွင်းရေးမှူးချုပ်၏  မြန်မာ့အရေး ကုလသမဂ္ဂ မဟာမိတ်အုပ်စု အစည်းအဝေးပွဲကို တက်ရောက်ဖို့ စီစဉ်ထားသော်လည်း မတက်ရောက်နိုင်ခဲ့ပေ။

ဒေါ်အောင်ဆန်းစုကြည်၏ ဆရာဝန်က ခေတ္တအနားယူရန် အကြံပေး တိုက်တွန်းချက်အရ မတက်ရောက်ခြင်းဖြစ်ကာ အမြန်ဆုံး နေကောင်းပါစေဟု အဆိုပါ အစည်းအဝေးတွင် ကုလသမဂ္ဂအထွေထွေ အတွင်းရေးမှူးချုပ် မစ္စတာ ဘန်ကီမွန်းက ပြောကြားခဲ့သည်။

အမေရိကန်ခရီးစဉ်အတွင်း စက်တင်ဘာ ၁၅ ရက်နေ့က ဝါရှင်တန်ဒီစီရှိ Theodore Roosevelt အထက်တန်းကျောင်းသို့ သွားရောက်စဉ် ၎င်းအနေဖြင့် အနားယူချိန်လိုအပ်နေကြောင်းကို အရိပ်အမွက် ပြောကြားခဲ့သေးသည်။

“ကျွန်မကို စနေ၊ တနင်္ဂနွေနေ့တွေမှာ နေအိမ်အကျယ်ချုပ်နဲ့ ပြန်ထားရင် ကောင်းလိမ့်မယ်လို့တောင် ဆန္ဒ ဖြစ်မိတယ်။ ဒါဆိုကျွန်မ ခဏတဖြုတ် အနားယူလို့ရတာပေါ့” ဟု ၎င်းက ကျောင်းသား၊ ကျောင်းသူများကို ပြောကြားခဲ့သည်။

ဒေါ်အောင်ဆန်းစုကြည်သည် အစိုးရအဖွဲ့တွင် ကြီးမားလွန်းသည့် အလုပ်တာဝန်များ ထမ်းဆောင်နေပြီး အစိုးရ၏ အောင်မြင်မှုမှာ တစ်စိတ်တစ်ပိုင်းအားဖြင့် ၎င်း၏ အလုပ်တာဝန် ခွဲဝေပေးနိုင်စွမ်းအပေါ် မူတည်နေသည်ဟု ဘယ်လ်ဂျီယံနိုင်ငံ၊ ဘရပ်ဆဲလ်အခြေစိုက် ပညာရှင် အကြံပေးအဖွဲ့တစ်ခုဖြစ်သည့် International Crisis Group က သြဂုတ်လဆန်းပိုင်းတွင် သတိပေးခဲ့သည်။

သတင်း-ဉာဏ်လှိုင်လင်း                                      

Frontier myanmar 



နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ လန်ဒန်နဲ့ အမေရိကန်ခရီးစဉ်ကနေ မြန်မာနိုင်ငံကို စက်တင်ဘာ ၂၅ ရက်နေ့ ညပိုင်းမှာ ပြန်လည်ရောက်ရှိလာပြီဖြစ်ပါတယ်။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ကျန်းမာရေးအခြေအနေဟာ စိုးရိမ်စရာမရှိပေမယ့် အနားယူဖို့လိုအပ်နေတယ်လို့ နိုင်ငံတော်အတိုင်ပင်ခံရုံးဝန်ကြီးဌာန ဖေ့စ်ဘုတ်စာမျက်နှာမှာ စက်တင်ဘာ
၂၅ ရက် ည ၁၁ နာရီကျော်ခန့်မှာ သတင်းထုတ်ပြန်ခဲ့ပါတယ်။
Eleven Media Group



ဗြိတိန်​၊ အ​မေရိကန်​ပြည်​​ထောင်​စု ခရီးစဉ်​များမှ ယ​နေ့ည ပြန်​လည်​​ရောက်​ရှိလာ​သော နိုင်​ငံ​တော်​၏ အတိုင်​ပင်​ခံပုဂ္ဂိလ်​ ​ဒေါ်​အောင်​ဆန်းစုကြည်​၏ ကျန်းမာ​ရေး အ​ခြေအ​နေ စိုးရိမ်​စရာ မရှိပါ။

ကျွမ်းကျင်​သူ ဆရာဝန်​ကြီးများဖြင့်​ ကျန်းမာ​ရေး စစ်​​ဆေးခဲ့ရာ -အ​မေရိကန်​ပြည်​​ထောင်​စု ခရီးစဉ်​အတွင်း အစီအစဉ်​များ များပြားလွန်းပြီး နားချိန်​ နည်းပါးသဖြင့်​ ပင်​ပန်းနွမ်းနယ်​ခြင်း၊

ခရီးစဉ်​အတွင်း စားချိန်​​သောက်​ချိန်​ မမှန်​သဖြင့်​ အစာအိမ်​​ရောင်​ရမ်းခြင်း နှင့်​ကွန်​ပျူတာ အကြည့်​များသဖြင့်​ အရိုးကျည်း​ပေါင်းတက်​ခြင်း

စသည်​တို့ ​တွေ့ရှိရသည်​။

ကျန်းမာ​ရေးအ​ခြေအ​နေမှာ အထူး စိုးရိမ်​ဖွယ်​ရာ မရှိဘဲ ​ကောင်းမွန်​လျက်​ ရှိပြီး အချိန်​ အနည်းငယ်​ အနားယူရန်​ လိုအပ်​​ကြောင်း သိရှိရသည်​။

Ref - State Counsellor Office


ဆီးရီးယား နိုင်ငံ၊ အလက်ပိုမြို့ အရှေ့ပိုင်းက သူပုန်တွေ ထိန်းချုပ်ရာ ဒေသတွေကို ဆီးရီးယားနဲ့ ရုရှား တိုက်လေယာဉ်တွေက ဒီကနေ့ တနင်္ဂနွေနေ့မှာ ဗုံးကျဲတိုက်ခိုက်ခဲ့ပါတယ်။

တိုက်ပွဲတွေ ပြင်းထန်နေတဲ့ အလက်ပိုမြို့တွင်း အကြမ်းဖက်မှုတွေကို ကုလသမဂ္ဂ လုံခြုံရေး ကောင်စီမှာ ဆွေးနွေးဖို့ နာရီပိုင်း အလိုမှာ အခုလို တိုက်ခိုက်မှုတွေ ဖြစ်ခဲ့တာပါ။ ခန့်မှန်းခြေ လူ ၂ သိန်းခွဲလောက် ရှိတဲ့ မြို့ထဲက လူနေရပ်ကွက်တွေကို တိုက်ခိုက်ရေး သမားတွေက ဦးတည် တိုက်ခိုက်နေတာ ဖြစ်ပြီး တိုက်ခိုက်မှုတွေကြောင့် အဆောက်အအုံတွေ ပြိုကျ ပျက်စီးနေပြီး လမ်းမတွေပေါ်မှာလည်း အပျက်အစီးတွေ အင်္ဂတေတုံးတွေနဲ့ ပြည့်နှက်နေပါတယ်။ တိုက်ခိုက်မှုတွေထဲမှာဆိုရင် မစ်ဇိုင်းလ် ဒုံးကျည်တွေ၊ အဆင့်ဆင့် ပေါက်ကွဲစေတဲ့ စည်ပိုင်းဗုံးတွေ၊ အမြောက်တွေနဲ့ ပစ်ခတ် တိုက်ခိုက်မှုတွေလည်း ပါဝင်ပါတယ်။

အမေရိကန်နဲ့ ရုရှားတို့ ကြားဝင် ညှိနှိုင်းပေးခဲ့တဲ့ အပစ်အခတ် ရပ်စဲရေး ပြိုကွဲခဲ့ရပြီး ဆီးရီးယား အစိုးရတပ်က ပြီးခဲ့တဲ့ ဗုဒ္ဓဟူးနေ့က စလို့ ထိုးစစ်ဆင် တိုက်ခိုက်ချိန်ကစလို့ လူ ၁၀၀ ကျော် သေဆုံးခဲ့ရတဲ့ အထဲမှာ အများစုက အရပ်သားတွေ ဖြစ်တယ်လို့ ဗြိတိန် အခြေစိုက် ဆီးရီးယား လူ့အခွင့်အရေး စောင့်ကြည့်ရေး အဖွဲ့က ပြောပါတယ်။ သက်တမ်း ၆ နှစ် ရှိလာပြီ ဖြစ်တဲ့ ဆီးရီးယား ပြည်တွင်းစစ်ကြောင့် လူပေါင်း သိန်းနဲ့ချီ သေဆုံးခဲ့ရပြီး လူပေါင်း ၁၁ သန်းတို့ကတော့ နေရပ်စွန့်ခွာ ထွက်ပြေးနေကြရပါတယ်။

ပစ်ခတ်တိုက်ခိုက်မှုတွေ ရပ်စဲနိုင်ဖို့ ရုရှားဘက်မှာ တာဝန်ရှိတယ်လို့ အမေရိကန် ပြည်ထောင်စုနဲ့ ဥရောပ မဟာမိတ်တို့က ပြောဆိုပြီး ဆီးရီးယား နိုင်ငံတွင်း အပစ်ရပ်ရေး အတွက် ရုရှားဘက်က အထူးအလေးထား လုပ်ဆောင်ဖို့လည်း တောင်းဆိုထားပါတယ်။

ဗွီအိုအေ (မြန်မာပိုင်း)
http://burmese.voanews.com



မြန်မာနိုင်ငံတွင်းက လက်ရှိအကျဉ်းထောင်အခြေအနေတွေကို ပြောင်းလဲပေးဖို့နဲ့ ခေတ်စနစ်နဲ့ မလျော်ညီတော့တဲ့ အကျဉ်းထောင်စနစ်တွေကို ပြုပြင်ပေးဖို့ နိုင်ငံရေးအကျဉ်းသားဟောင်းတွေကနေ ဒီကနေ့ အရပ်သားအစိုးရနဲ့ လွှတ်တော်ကို တောင်းဆိုလိုက်ကြပါတယ်။ AAPPB နိုင်ငံရေးအကျဉ်းသားများ ကူညီစောင့်ရှောက်ရေးအသင်း(မြန်မာနိုင်ငံ)က အစိုးရ၊ တာဝန်ရှိသူတွေနဲ့ အများပြည်သူသိရှိနိုင်အောင် ဒီကနေ့ အစီရင်ခံစာထုတ်ပြန်လိုက်တာပါ။ မြန်မာနိုင်ငံ၏ အကျဉ်းထောင်အခြေအနေ၊ အကျဉ်းထောင်စနစ်ပြုပြင်ပြောင်းလဲရေးအလားအလာဆိုတဲ့ အစီရင်ခံစာထုတ်ပြန်ရတဲ့ အကြောင်းရင်းနဲ့ပတ်သက်ပြီး AAPPB နိုင်ငံရေးအကျဉ်းသားများ ကူညီစောင့်ရှောက်ရေးအသင်း(မြန်မာနိုင်ငံ)ရဲ့ အတွင်းရေးမှူး ဦးတိတ်နိုင်ကို ဗွီအိုအေမြန်မာပိုင်းက မဆုမွန်က ဆက်သွယ်မေးမြန်းတဲ့အခါ သူက အခုလိုစဖြေပါတယ်။
(FB: Thet Thet Aung)
(FB: Thet Thet Aung)
ဦးတိတ်နိုင်။ ။ ဒီမြန်မာနိုင်ငံမှာ ဒီကနေ့အထိ ကျင့်သုံးနေတဲ့ အကျင်းထောင်လက်စွဲဥပဒေက ၁၉၈၄ ခုနှစ်ကတည်းက ပြဌာန်းထားတဲ့ ဥပဒေဖြစ်ပါတယ်။ ဆိုတဲ့အခါကျတော့ ခေတ်မမှီတော့တဲ့ အကျင်းထောင်လက်စွဲဥပဒေလို့ ပြောလို့ရမှာပေါ့နော်။ ဒီဥပဒေကိုထုတ်တဲ့အချိန်တုန်းက နိုင်ငံတကာ စံချိန်စံညွှန်းနဲ့ဆိုရင်တော့ အကျင်းထောင်များဥပဒေက ဘယ်လိုမှကို ခေတ်မမှီတော့တဲ့အခြေအနေတခုဖြစ်တယ်။ ကျနော်တို့က အကျင်းထောင်လက်စွဲဥပဒေနဲ့ အကျင်းထောင်ပြုပြင်ပြောင်းလဲရေးအတွက် ကျနော်တို့ တောက်လျှောက်ကျနော်တို့ ကြိုးစားနေတယ် AAPPB အနေနဲ့ကတော့။ ဆိုတော့ပြီးခဲ့တဲ့ သမ္မတ ဦးသိန်းစိန်လက်ထက်မှာလည်း ကျနော်တို့ကြိုးစားခဲ့တယ်၊ တင်ပြခဲ့တယ်။ ပြီးတဲ့အခါမှာ သမ္မတ ဦးသိန်းစိန်လက်ထက်မှာ အကျဉ်းထောင်များဥပဒေမူကြမ်းဆိုပြီးတော့ ထွက်လာတယ် ၊ လွှတ်တော်မှာတင်ပြတယ်။ သို့ပေမယ့် သက်တမ်း ၅ နှစ်တာ ကုန်သွားတဲ့အချိန်အထိ အကျင်းထောင်ဥပဒေက အတည်ပြုလို့မရသေးဘူးဆိုတဲ့ ကိစ္စမျိုးဖြစ်တယ်။ ဆိုတော့ ဒီဘက်ကိစ္စကို လွှဲလိုက်တဲ့အနေအထားမျိုးရှိပါတယ်။ ဆိုတော့ အဲဒီအခါမျိုးမှာ ကျနော်တို့က သက်ဆိုက်ရာကော်မတီတွေနဲ့လည်း အများကြီးဆွေးနွေးဖြစ်တယ်။ အခုကတော့ ကျနော်တို့ ထပ်ပြီးတော့ လေ့လာပြီးတော့မှ ဒီမြန်မာနိုင်ငံရဲ့ အကျဉ်းထောင်အခြေအနေနဲ့ ပြုပြင်ပြောင်းလဲရေးလုပ်နိုင်မယ့် အလားအလာတွေကို ကျနော်တို့အနေနဲ့ ကြိုးစားပြီးတော့ ရေးဆွဲထားတာပါ။

မဆုမွန်။ ။ အဲ့ဒီ့တော့ ဒီနေ့ထုတ်ပြန်တဲ့အစီရင်ခံစာက လက်ရှိ မြန်မာနိုင်ငံထဲမှာ ရှိတဲ့ အခြေအနေနဲ့ပတ်သက်ပြီး ဘယ်လောက်အတိုင်းအတာအထိ ထင်ဟပ်ဖော်ပြနိုင်မယ်ထင်ပါသလဲရှင့်။

ဦးတိတ်နိုင်။ ။ ကျနော်တို့ကတော့ အခန်း ၆ ခန်းနဲ့ ဖော်ပြထားပါတယ်။ အထိက ၁၊ ၂ ၊ ၃ ကတော့ မြန်မာနိုင်ငံအကျဉ်းထောင်ရဲ့အခြေအနေ နောက်တခါ နိုင်ငံတကာအကျဉ်းထောင်တွေနဲ့ ၊ နိုင်ငံတကာ ဥပဒေတွေနဲ့ မြန်မာနိုင်ငံ အကျဉ်းထောင်ထဲမှာ သုံးစွဲနေတဲ့ ဒီကနေ့ ကျင့်သုံးနေတဲ့ ဥပဒေတွေ အဲဒါမျိုးတွေကို ကျနော်တို့ နိုင်းယှဉ်ပြီးတော့ တကယ့်နိုင်ငံတကာ စံချိန်စံညွန်းတွေနဲ့ညီအောင် ကျနော်တို့ မြန်မာနိုင်ငံရဲ့ အခြေအနေနဲ့လည်း ကိုက်ညီအောင်ဆိုတဲ့ အနေအထားမျိုးတွေကို ကျနော်တို့ ဖော်ပြထားပြီးတော့ အကြံပြုတိုက်တွန်းချက်တွေအနေနဲ့ ကျနော်တို့အများကြီးလုပ်ထားပါတယ်။
မဆုမွန်။ ။ အဲ့ဒီ့အစီရင်ခံစာထဲမှာ အကျဉ်းထောင်ပြုပြင်ပြောင်းလဲရေး အတွက် အလားအလာလို့ ပြောထားပါတယ်။ ဆိုတော့ဒီအစီရင်ခံစာကနေပြီးတော့မှ တဆင့်ပေါ့နော် နိုင်ငံတော်တာဝန်ရှိသူတွေ၊ အကျဉ်းထောင်ထဲမှာ ဆောင်ရွက်နေတဲ့ သူတွေ၊လက်ရှိတာဝန်ယူထားတဲ့သူတွေ အတွက် ပြုပြင်ပြောင်းလဲရေး ဘယ်လိုအလားအလာကောင်းတွေရှိလာနိုင်မယ်လို့ရော မျှော်လင့်ပါလဲရှင့်။

ဦးတိတ်နိုင်။ ။ကျနော်တို့ တိုက်တွန်းထားတဲ့အထဲမှာဆိုရင်လည်း ဥပမာဆိုရင်တရားရေးဝန်ကြီးဌာနကို ကျနော်တို့ ထားရှိဖို့အတွက် ကျနော်တို့ တိုက်တွန်းထားတယ်။ နောက်တခါ ဒီအကျဉ်းဦးစီးဌာနတို့ ၊ ပြစ်ဒဏ်ချနေတဲ့ ကိစ္စ ရဲစခန်းတို့ ဆိုတဲ့ကိစ္စတွေပေါ့၊ အချုပ်တို့ ဘာတို့က တရားရေးဝန်ကြီးဌာနရဲ့အောက်မှာပဲ သွားသင့်တယ်။ ဘယ်နိုင်ငံတွေ ဘယ်နိုင်ငံတွေက ဘယ်လိုမျိုးကျင့်သုံးနေတယ်ဆိုတဲ့ဟာကို နိုင်ငံတကာရဲ့အခြေအနေနဲ့ ကျနော်တို့နိုင်ငံမှာလည်း တကယ်လိုအပ်နေတဲ့ တရားရေးဝန်ကြီး ဌာနအောက်မှာ ဒါတွေကို ထားလိုက်ခြင်းဖြင့် ကျနော်တို့ ပြစ်ဒဏ်ပေးခြင်းဆိုင်ရာ ပြုပြင်ပြောင်းလဲမှုတွေကို အများကြီးလုပ်နိုင်လိမ့်မယ်လို့ မြင်ပါတယ်။

မဆုမွန်။ ။ နောက်ဆုံးတခုမေးချင်တာကတော့ နိုင်ငံရေးအကျဉ်းသားတွေနဲ့ ပတ်သက်ပြီးမေးချင်တာပါ။ မြန်မာနိုင်ငံမှာ နိုင်ငံရေးအကျဉ်းသားဆိုတဲ့ အမည်ဝေါဟာရဆိုပြီး သတ်မှတ်နိုင်ဖို့က အခုအချိန်အထိ အခက်အခဲတွေ၊ ကြန့်ကြာမှုတွေရှိနေပါတယ်။ ဒါကြောင့် အကျဉ်းထောင်တွေထဲ အကျဉ်းသားတွေ၊ အထူးသဖြင့် ယုံကြည်ချက်ကြောင့် အကျဉ်းကျခံနေရတဲ့ နိုင်ငံရေးအကျဉ်းသားတွေအတွက် အခန်းကဏ္ဍနဲ့ပတ်သက်ပြီး ဒီအစီရင်ခံစာထဲမှာ ပါပါလားရှင့်။

ဦးတိတ်နိုင်။ ။ ဟုတ်ကဲ့။ ပါပါတယ်ခင်ဗျ။ ကျနော်တို့မြန်မာနိုင်ငံမှာရှိနေတဲ့ အကျဉ်းထောင်တွေ မှာရှိနေတဲ့ နိုင်ငံရေးအကျဉ်းသားတွေရဲ့ အခြေအနေ နောက်တခါ ဘယ်လိုခွဲခြားသေးတယ်၊ ဘယ်လိုခွဲခြားနေတဲ့အခြေအနေမျိုးတွေမှာ ဘယ်လိုစီမံသင့်တယ်ဆိုတာမျိုးတွေကို ကျနော်တို့အနေနဲ့ သေသေချာချာရေးပြီးတော့ အကြံပြုချက်အနေနဲ့ တိုက်တွန်းထားပါတယ်။

မဆုမွန်။ ။ ဒီအစီရင်ခံစာက ဘယ်သူတွေကိုပေါ့နော် အထူးသဖြင့် နိုင်ငံတော်အတိုင်ပင်ခံပုဂ္ဂိုလ်၊ နိုင်ငံတော်သမ္မတ၊ သက်ဆိုင်ရာတာဝန်ယူထားတဲ့ဝန်ကြီးဌာနတွေကို ပေးပို့ထားဖို့ အစီအစဉ်ရှိပါလား။ ဒီအစီရင်ခံစာက အများပြည်သူသိရှိနိုင်အောင်ရော အစိုးရတာဝန်ရှိသူတွေသိအောင်ရော ဘယ်လိုများ ဆက်ပြီး ဆောင်ရွက်သွားဖို့ ရှိပါသလဲရှင့်။ ဒီအစီရင်ခံစာပါ အချက်တွေနဲ့ပတ်သက်ပြီးတော့။
ဦးတိတ်နိုင်။ ။ ဟုတ်ကဲ့ ကျနော်တို့အနေနဲ့ကတော့ ၁ အချက်က ကျနော်တို့ လွှတ်တော်မှာရှိတဲ့ကော်မတီတွေနဲ့ ကျနော်တို့ ဆွေးနွေးဖို့ စဉ်းစားထားပါတယ်။ တဆက်တည်းမှာပဲ အာဏာပိုင်အစိုးရပိုင်းတွေကိုလည်း ကျနော်တို့က ချဉ်းကပ်ပြီးတော့ အစီရင်ခံစာရဲ့တကယ့်အနှစ်သာရတွေကို ကျနော်တို့ဆွေးနွေးမယ်၊ ညှိနှိုင်းမယ်၊ အကြံပြုမယ်ဆိုတဲ့ကိစ္စမျိုးတွေ ကျနော်တို့ စဉ်းစားထားပါတယ်။ နောက်တခုက ကျနော်တို့က အမျိုးသမီးနဲ့ပတ်သက်တဲ့အခြေအနေမျိုးတွေ ၊ ကလေးနဲ့ ပတ်သက်တဲ့အခြေနေမျိုးတွေ၊ သက်ကြီးရွယ်အိုနဲ့ ပတ်သက်တဲ့အခြေအနေမျိုးတွေကို ၊ ပြစ်ဒဏ်ပေးခြင်းဆိုင်ရာနဲ့ ပတ်သက်တဲ့ဟာမျိုးတွေကို ကျနော်တို့အနေနဲ့ စာတမ်းပြုစုနေတာတွေရှိပါတယ်။ အဲဒီတော့ ကျနော်တို့က အကျဉ်းထောင်ထဲမှာ ပြုပြင်ပြောင်းလဲဖို့ကိစ္စက တော်တော်ကို "တနွယ်ငင် တစင်ပါ" လုပ်ဖို့ လိုပါတယ် ။ လုပ်နိုင်လိမ့်မယ်လို့ ကျနော်တို့က အဲဒီလိုမြင်ပါတယ်။

မဆုမွန်။ ။ဦးတိတ်နိုင် ဖြေပေးတာကျေးဇူးအများကြီးတင်ပါတယ်။
ဦးတိတ်နိုင်။ ။ဟုတ်ကဲ့ပါ။

AAPPB နိုင်ငံရေးအကျဉ်းသားများ ကူညီစောင့်ရှောက်ရေးအသင်း(မြန်မာနိုင်ငံ)ရဲ့ အတွင်းရေးမှူး ဦးတိတ်နိုင်ကို ဗွီအိုအေမြန်မာပိုင်းက မဆုမွန်က ဆက်သွယ်မေးမြန်းခဲ့တာဖြစ်ပါတယ်။

ဒီကနေ့မှာပဲ မြန်မာနိုင်ငံ အကျဉ်းထောင်အခြေအနေ အကျဉ်းထောင်စနစ်ပြုပြင်ပြောင်းလဲရေးအစီရင်ခံစာ မိတ်ဆက်ပွဲအခမ်းအနားကို ရန်ကုန်မြို့ တော်ဝင်နှင်းဆီခန်းမမှာ ကျင်းပခဲ့ပြီး နိုင်ငံရေးအကျဉ်းသားဟောင်းတွေနဲ့ ဒီမိုကရေစီအင်အားစုတွေ တက်ရောက်ခဲ့ပါတယ်။ မြန်မာနိုင်ငံတွင်း အကျဉ်းထောင်စနစ်ပြုပြင်ပြောင်းလဲရေးနဲ့ပတ်သက်ပြီးလည်း ရှမ်းအမျိုးသားဒီမိုကရေစီအဖွဲ့ချုပ် (SNLD) ပါတီခေါင်းဆောင်တဦးဖြစ်တဲ့ ဦးစိုင်းညွန့်လွင်၊ ၈၈မျိုးဆက်ငြိမ်းချမ်းရေးနဲ့ပွင့်လင်းလူ့အဖွဲ့အစည်းက ဦးကိုကိုကြီးနဲ့ AAPPB နိုင်ငံရေးအကျဉ်းသားများ ကူညီစောင့်ရှောက်ရေးအသင်း(မြန်မာနိုင်ငံ)တွဲဘက်အတွင်းရေးမှူးတို့ကဦးဆောင်ဆွေးနွေးခဲ့တယ်။

မဆုမွန်

VOA Burmese News


ပြည်သူများအကြား ကျယ်ပြန့်စွာပျံ့နှံ့နေသော စင်ကာပူထီသည် မြန်မာနိုင်ငံ တရားမ၀င်ထီတမျိုး ဖြစ်သောကြောင့်ထိုးသူများအနေနှင့် လောင်းကစားဥပဒေနှင့် ငြိစွန်းကြောင်း အောင်ဘာလေထီသိန်း ဆုဌာနခွဲ၏ ညွှန်ကြားရေးမှူးဦးထွန်းထွန်းအောင်က News Watch သို့ ပြောကြားသည်။

''စင်ကာပူထီနဲ့ပတ်သက်လို့က ပြောရမယ်ဆိုရင် နိုင်ငံတော်က ၁၉၈၆ ခုနှစ် လောင်းကစားဥပဒေကို ပြဋ္ဌာန်းခဲ့ တယ်။ အဲဒီဥပဒေအရ နိုင်ငံတော်က ခွင့်ပြုတဲ့ အောင်ဘာလေထီကိုပဲ တရားဝင်ခွင့်ပြုထားပါတယ်။ ကျန်တာတွေကတော့ အကျုံးမ၀င်တဲ့ လောင်းကစားလို့ သတ်မှတ်ထားပါတယ်။ စင်ကာပူထီရောင်း တယ်ဆိုတာက တရားမ၀င်ပါဘူး။ အလားတူနှစ်လုံး၊ သုံးလုံးတွေကလည်း တရားမ၀င်ပါဘူး''ဟု ၎င်းက ပြောသည်။

ထို့နောက် စင်ကာပူထီနှင့်ပတ်သက်၍ ထီပေါက်ခဲ့ပါက နိုင်ငံတော်မှ ခွင့်မပြုထားသည့်အတွက် ရရှိလာသောငွေကြေးမှာ Money Laundry အက်ဥပဒေနှင့် ငြိစွန်းကြောင်းလည်း ထပ်မံသိရသည်။

''အပြင်မှာ စင်ကာပူထီက တော်တော်လေးပျံ့နှံ့နေပါတယ်။ သူက ထီထိုးရင် သုံးဒေါ်လာနဲ့ ထိုးရတယ်။ ဗမာငွေနဲ့ ဒီမှာ ၃၅၀၀၊ ၄၀၀၀ လောက်ရောင်းတယ်လို့ သိရတယ်။ အဲဒီတော့ စထိုးကတည်းက ဈေးအများကြီးပေးရတယ်။ အောင်ဘာလေထီက ကျပ် ၂၀၀ နဲ့ပဲ ရောင်းတာ ဖြစ်တယ်။ ကျပ် ၂၀၀ နဲ့ထီပေါက်ရင် သိန်း ၁၅၀၀ ရတယ်။ စင်ကာပူထီနဲ့က အများကြီးကွာခြားတယ်။ စင်ကာပူထီနဲ့ ဆုကြီးပေါက်ခဲ့ရင်လည်း ဘယ်မှာသွားထုတ်မှာလဲ။ စင်ကာပူထီလက်မှတ်က အတုလား၊ အစစ်လားဆိုတာ ဘယ်လိုသိ ကြမလဲ''ဟု ၎င်းက သုံးသပ်ပြောကြားသည်။

စင်ကာပူထီနှင့်ပတ်သက်၍ ရောင်းချမှုများအပေါ် အရေးယူရန်မှာ သက်ဆိုင်ရာရဲတပ်ဖွဲ့ဝင်များနှင့် အုပ်ချုပ်ရေးဆိုင်ရာ အဖွဲ့အစည်းများကသာ သက်ဆိုင်ကြောင်း အောင်ဘာလေသိန်းဆုဌာနခွဲအနေဖြင့် အရေးယူဆောင်ရွက်နိုင်ခြင်းမရှိကြောင်း သိရသည်။

အောင်ဘာလေထီဥပဒေနှင့်ပတ် သက်၍ လွှတ်တော်တွင် တင်ပြထားသော်လည်း အတည်မပြုနိုင် သေးသည့်အတွက် နိုင်ငံတော်၏ ခွင့်ပြုချက်၊ ညွှန်ကြားချက်များနှင့် လုပ်ဆောင်လာခဲ့ကြောင်း၊ ဥပဒေထွက်ရှိပါက အီးလော်ထရီစနစ်သို့ ပြောင်း လဲကျင့်သုံးနိုင်ရန် လုပ်ဆောင်သွားမည် ဖြစ်ကြောင်း သိရသည်။

''ဥပဒေထဲမှာလည်း ပြစ်မှုပြစ်ဒဏ်တွေ ထည့်ထားပါတယ်။ ကျွန်တော်တို့က ဈေးပိုရောင်းချရင် အရေးယူဆောင်ရွက်ဖို့ ပြစ်ဒဏ်တွေလည်း ပါဝင်တယ်။ နောက် အီးလော်ထရီစနစ်ကိုသွားဖို့လည်း အစီအစဉ်ရှိပါတယ်။ ဒီစနစ်က အချိန်ကုန် ငွေသက်သာပြီး ၀န်ထမ်းအင်အားလည်း လျှော့ချနိုင်မှာ ဖြစ်ပါတယ်''ဟု ၎င်းက ဆက်လက်ပြောကြားခဲ့သည်။

နိုင်ဆွေလင်း
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal

Author Name

Contact Form

Name

Email *

Message *

Powered by Blogger.