10/03/16


အိန္ဒိယနယ်စပ်
အိန္ဒိယနယ်စပ်

အိန္ဒိယ- မြန်မာနယ်စပ် တမူးမြို့မှာ အိန္ဒိယမိုးရေးမြို့ဘက်ကလာတဲ့ ကသည်း လူမျိုးတဦးက တမူးဘက်မှာနေထိုင်နေတဲ့ ကသည်းလူမျိုးတဦးကို နယ်စပ်ဈေးဖြစ်တဲ့ နမ်ဖာလုံဈေးအနီးမှာ အောက်တိုဘာလ ၂ရက်နေ့ကပစ်ခတ်မှုဖြစ်ခဲ့ပါတယ်။ ဒီလိုပစ်ခတ်မူတွေရှိတဲ့အတွက် အိန္ဒိယနိုင်ငံဘက်က နယ်စပ်ဆက်ဆံရေးကော်မတီက တာဝန်ရှိသူတွေကို အကြောင်းကြားထားတဲ့အကြောင်း မြန်မာဘက်က ရဲအရာရှိတွေကပြောပါတယ်။ မအေးအေးမာ သတင်းပေးပို့ ထားပါတယ်။

အိန္ဒိယ-မြန်မာနယ်စပ် တမူးမြို့မှာ အိန္ဒိယဘက်ကနေ ၀င်ရောက်လာတဲ့ကသည်းလူမျိုးတဦးက ပစ်ခတ်ခဲ့တြာေံကာင့် မြန်မာဘက်ခြမ်းတမူးမြိုမှာနေထိုင်နေတဲ့ကသည်းလူမျိုးတဦး ထိခိုက်ဒဏ်ရာရရှိသွားခဲ့တယ်လို့ တမူးမြိုနယ် ဒုတိယခရိုင်ရဲတပ်ဖွဲမူး ရဲမူးတင့်ဝေကအခုလို ပြောပြပါတယ် ။

“ပြန်ထွက်သွားပြီးမှ ပေ ၃၀ - ၄၀ လောက်မှာ ပြန်လှည့်လာပြီးတော့မှ ဆိုင်ကယ်ပေါ်ကိုတက်ပြီး ပြန်ဖို့လုပ်တဲ့နေရာမှာပစ်လိုက်တာ ။ အနားကပ်ပြီးတော့ ပစ်တာပဲ ၊ ရံဖန်ရံခါဖြစ်တတ်ပါတယ် သူတို့ဘက်ကအဲလိုလေးတွေရှိတာပေါ့နော်။ ကျနော်တို့ဘက်က တမှုးဘက်ကတော့ ငြိမ်းချမ်းတယ်။ လက်နက်ကိုင်အဖွဲ့အစည်း ကျနော်တို့ဘက်မှာမရှိဘူး။ သူတို့ဘက်က ကျတော့ လက်နက်ကိုင်အဖွဲ့အစည်း အများကြီးပဲ၊ သူတို့ဘက်မှာက တရားမ၀င်လက်နက်ကိုင်ပြီးတော့ နေနေကြတဲ့အဖွဲ့အစည်းတွေ အဲဒီဘက်ကအများကြီးပဲ။ မဏိပူ တ၀ိုက်ဘက်မှာ အဲဒီအခြမ်းတွေက မငြိမ်းချမ်းဘူး။ အုပ်စုတွေလည်းများတယ်၊ ပြဿနာတွေလည်းများတယ်။ အဲဒီလူတွေနဲ့ အဆက်အသွယ်အရောင်းအ၀ယ်လုပ်နေတဲ့လူတွေက အဆင်မပြေတဲ့အခါ ပစ်ကြခတ်ကြတာ အဲလိုမျိုးတွေရှိတတ်တယ်။”

အခုလိုပစ်ခတ်မူနဲ့ ပတ်သက်လို့ အိန္ဒိယ- မြန်မာနယ်စပ်ဆက်ဆံရေးအဖွဲ့ကို အကြောင်းကြား ထားတယ် လို့လည်း ဒုတိယ ခရိုင်ရဲတပ်ဖွဲမှူးရဲမူးတင့်ဝေ က ဆက်ပြောပြပါတယ်။

“ကျနော်တို့မှာ BLO ဆိုတဲ့ အဖွဲ့အစည်း တမူးမှာရှိတယ်လေ။ သူတို့နဲ့ နယ်စပ်ဆက်ဆံရေးအဖွဲ့ပေါ့ ဟိုဘက်နဲ့ ချိတ်ဆက်ပြီးတော့မှ ဆောင်ရွက်နေတာရှိပါတယ်။ ကသဲဆိုတာ ဒီဘက်က မဏီပူရပြည်နယ်ထဲမှာ သူတို့ရဲ့ပြည်နယ်လိုရှိပါတယ်။ အဲဒါနဲ့မှ သူတို့အထဲမှာလည်းအများကြီး သူတို့အဖွဲ့အချင်းချင်း တဖွဲ့နဲ့ တဖွဲ့က သူ့အုပ်စုနဲ့သူ မပြေလည်တာတွေရှိတယ်အများကြီးပဲ အဖွဲ့တွေက ။ မငြိမ်းချမ်းတဲ့အခါကျတော့ သူတို့က ဒီဘက်ကနေဆက်သွယ်ပြီးတော့မှ လူမျိုးချင်းတူတာတွေကို ဆက်သွယ်ပြီးတော့မှ မပြေလည်ရင် ဟိုဘက်က လာပြီးတော့မှ လုပ်တာလေးတွေရှိတာပေါ့။”

အခုလိုပစ်ခတ်တာတွေတော့ အမြဲတမ်းမဟုတ်ပေမယ့် တနှစ်တကြိမ်လောက်ရှိနေတယ်လို့ဆိုပါတယ်။ နယ်စပ်မြို့တွေဖြစ်တဲ့အတွက် အကာအရန် တွေမလုပ်ထားပဲ နှစ်နိုင်ငံကဈေးသွားဈေးဝယ်တွေနဲ့ စည်ကားနေတဲ့နေရာဖြစ်တာကြောင့် အခုလိုမျိုးပြဿနာတွေရှိနေတတ်တယ်လို့ လည်းဆိုပါတယ်။

“ကျနော်တို့က အိန္ဒိယ နဲ့မြန်မာဆိုပြီးတော့မှ ၂ ဘက် နိုင်ငံဆိုပေမယ့် ခြံစည်းရိုးတွေခတ်၊ တတိုင်းကြီးတွေ ခတ် ထားတာမဟုတ်ဘူး၊ ဒီအတိုင်းမြေပြင်အတိုင်းဆိုတော့ သွားချင်တဲ့နေရာကသွား၊ ၀င်ချင်တဲ့နေရာက ၀င်ကြတယ်။ အဲဒီမှာ ကျနော်တို့က အတက်နိုင်ဆုံး နယ်စပ် border line တွေမှာတော့ စောင့်ကြပ်တာတော့ရှိတာပေါ့။ သို့သော်လည်း သူတို့က ဟိုဘက်က လူနဲ့ ဒီဘက်ကလူနဲ့က လူမျိုးပုံစံတွေကလည်း အတူတူပဲဆိုတော့ ဘယ်သူက ဘယ်သူတွေမှန်းမသိဘူး၊ သွားလာနေကြတာ။ နောက်ပြီတော့ နမ်ဖာလုံဈေးဆိုတာကလည်း ၂ ဖက်က အရောင်းအ၀ယ်လုပ်နေတဲ့နေရာကို၊အဲဒါကြောင့် အဲဒီနားပတ်ဝန်းကျင်တွေက border line ဆိုပေမယ့် အဲဒီမှာ သွားလာရောင်းဝယ်နေကြတာတွေက မိရိုးဖလာ လုပ်နေကြနေတဲ့ နေရာလေ။”

ဒါကတော့ ဒုတိယခရိုင်ရဲတပ်ဖွဲမူး ရဲမူးတင့်ဝေကို VOA က ဆက်သွယ်မေးမြန်းခဲ့တာဖြစ်ပါတယ်။
VOA Burmese News



ဓါတ်ပုံ - Yin Ko Oo
စစ်ကိုင်းတိုင်းဒေသကြီး ၊တမူးမြို့နယ် ၊နန်းဖာလုံဈေးအနီး၌ ယနေ့ (အောက်တိုဘာလ ၂ရက်) မွန်းလွဲ ၁နာရီအချိန်ခန့်တွင် လူလေးဦးက လူတစ်ဦးကိုသေနတ်ဖြင့် ပစ်ခတ်မှုဖြစ်ပွားခဲ့ကြောင်း တမူးလူငယ်ကွန်ရက် နယ်စပ်စောင့်ကြည့်ရေး အဖွဲ့ထံမှ သိရသည်။

“ကျွန်တော်တို့ မြန်မာပြည်ဘက်ထဲမှာပဲ နန့်ဖာလုံဈေးသွားတဲ့ လမ်းဆုံနားမှာပဲ လူတစ်ဦးကို လက်နက်နဲ့ပစ်သွားတာ။ ခါးကို တစ်ချက်ထိသွားတယ်။ ကျွန်တော် အခုပဲ သူ့ကို သွေးလှူပြီး ပြန်လာတာ။”ဟု တမူးလူငယ်ကွန်ရက် နယ်စပ်စောင့်ကြည့်ရေးအဖွဲ့မှ ကိုယဉ်ကိုဦးက ပြောသည်။

သေနတ်နှင့်အပစ်ခံရသူမှာ တမူးမြို့နယ်(၈)ရပ်ကွက်နေ ဦးသန်းထွေးဖြစ်ပြီး နန်းဖာလုံဈေး သုံးဘီးဂိတ်အနီးတွင် နှစ်ချက်ပစ်ခတ်ခံရခြင်းဖြစ်သည်။ ပထမတစ်ချက်မှာ ၄င်း၏ဆိုင်ကယ်သို့ ထိမှန်ပြီး ဒုတိယတစ်ချက်မှာ ၄င်း၏ခါးသို့ ထိမှန်ခြင်းဖြစ်ကြောင်း သိရသည်။

“ပစ်တဲ့သူတွေက ဟိုဘက်ကမ်းကို ပြေးသွားတယ်။ မဖမ်းမိလိုက်ဘူး။ အပစ်ခံရတဲ့သူကိုတော့ တမူးမြို့ ပြည်သူ့ဆေးရုံကို တင်ပို့ထားတယ်။”ဟု တမူးမြို့နယ်ရဲစခန်းမှ တာဝန်ရှိသူတစ်ဦးက ပြောသည်။

ဒေသခံများ၏ ပြောဆိုချက်များအရ သေနတ်ဖြင့်ပစ်ခတ်သွားသူ လေးဦးလုံး၏ လက်ထဲတွင် သေနတ်များပါရှိပြီး အခင်းဖြစ်ပွားရာနေရာတွင် ကြိုတင်စောင့်ဆိုင်းနေခဲ့ခြင်းဖြစ်ကြောင်း သိရသည်။

ဖူးပွင့်သူ
SKY Land News & Entertainment Media
https://www.facebook.com/skyland.news



ပလိပ်မြို့တွင် ဓားပြတိုက်မှုဖြစ်ပွား တရားခံအားလုံးကို ၂၄ နာရီအတွင်း ဖမ်းဆီးရမိ
မန္တလေးတိုင်းဒေသကြီး စဥ့်ကိုင်မြို့နယ် ပလိပ်မြို့တွင် အောက်တိုဘာလ ၁ ရက်နေ့ ည ၉ နာရီအချိန်ခန့်က ဓားပြတိုက်မှုတစ်ခုဖြစ်ပွားခဲ့ပြီး တရားခံများကို ၂၄ နာရီအတွင်း ဖမ်းဆီးရမိခဲ့ကြောင်း မန္တလေးတိုင်းဒေသကြီး ရဲတပ်ဖွဲ့မှူးရုံးမှ သိရသည် ။

ဖြစ်စဉ်မှာ စဉ်ကိုင်မြို့နယ် ပလိပ် - တံတားဦးကားလမ်းတွင် တဘက်ဆွဲကျေးရွာမှ ထွန်းထွန်းအောင် (၁၈နှစ်) နှင့် တရွာတည်းနေ နိုင်စိုးအောင် (၁၆နှစ်) တို့သည်ရွာသို့ ဆိုင်ကယ်ဖြင့် ပြန်အလာတွင် ပန်ဒါချည်မျှင်နှင့် အချောထည်စက်ရုံအနီး လူဆယ်ဦး မှ လက်သီးဖြင့် ထိုးကြိတ်ခြင်း ၊ လည်ပင်းညှစ်ခြင်းများ ပြုလုပ်၍ လက်နက်များဖြင့် ခြိမ်းခြောက်၍ ဆိုင်ကယ်၊ လက်ကိုင်ဖုန်း နှင့် ရွှေဆွဲကြိုးတို့ကို ဓါးပြတိုက်သွားခဲ့ခြင်းဖြစ်ကြောင်း သိရသည်။

ထို့နောက် ဓါးပြတိုက်ခံရသူများက အော်ဟစ်အကူအညီ တောင်းခဲ့သည့်အတွက် ပလိပ်မြို့ခံ (၇) ဦး နှင့် သံဃာ (၄) ပါးရောက်လာပြီး ဝိုင်းဝန်းဖမ်းဆီးခဲ့ရာ ဓားပြတိုက်သူများက ပြန်လည်ခုခံထွက်ပြေးသွားခဲ့ကြောင်း သိရသည်။

"တရားခံတွေဘက်က ဆိုင်ကယ်တစ်စီးကျန်နေခဲ့တာ ဒါကို သူတို့ဘက်က လာယူတဲ့အခါမှာ ရဲတပ်ဖွဲ့ နဲ့ ဒေသခံတွေက ပူးပေါင်းပြီး ဖမ်းစီးခဲ့ရတယ် ။ ပထမဆုံး ၅ ယောက်ပဲ မိခဲ့တယ်"ဟု နယ်မြေခံရဲစခန်း (ပုလိပ်မြို့)မှ တာဝန်ရှိသူတစ်ဦးက ပြောသည်။

ယင်းကျူးလွန်သူများသည် နေထိုင်ရာတူညီမှုမရှိသည့် အတွက် တစ်ဦးချင်းလိုက်လံဖမ်းစီးခဲ့ရာ အောက်တိုဘာလ ၂ ရက်နေ့ ညနေ ၅ နာရီခန့်တွင် ကျန်ရှိနေသည့် တရားခံ (၅) ဦးကို ဖမ်းဆီးရမိခဲ့ကြောင်း သိရသည်။

ယင်းသို့ ဓါးပြမှုကျူးလွန်သူများကို ရာဇသတ်ကြီးပုဒ်မ ၃၉၅/၃၂၅ ဖြင့် ပလိပ်နယ်မြေရဲစခန်းတွင် အမှုဖွင့်စစ်ဆေးလျက်ရှိကြောင်း မန္တလေးတိုင်းဒေသကြီး ရဲတပ်ဖွဲ့မှူးရုံးမှ သိရသည်။

Central News Myanmar
https://www.facebook.com/CNMyanmar


ကမ်းရိုးတန်း တလျှောက်က ငါးတွေသေ
ဗီယက်နမ်နိုင်ငံမှာ ပင်လယ်ရေပြင်ထဲ ဓာတု အဆိပ်တွေ စွန့်ပစ်ခဲ့တဲ့ ထိုင်ဝမ် သံမဏိစက်ရုံတခုရဲ့ အပြင်ဘက်မှာ လူ ထောင်ပေါင်းများစွာ ကန့်ကွက် ဆန္ဒပြခဲ့ကြပါတယ်။

ဆန္ဒပြသူ တချို့က စက်ရုံ တံတိုင်းကို ဖျက်ဆီးခဲ့ကြပါတယ်။

ပြီးခဲ့တဲ့ ဧပြီလက ဖြစ်ခဲ့တဲ့ ဖြစ်ရပ်အတွက် အဲဒီ စက်ရုံရဲ့ Formosa Plastics Group ကုမ္ပဏီက လျော်ကြေးငွေ ဒေါ်လာ သန်း ၅ဝဝ ပေးလျော်မှာ ဖြစ်ပါတယ်။

ဒါပေမယ့် ဗီယက်နမ် ပြည်သူအတော်များများက အဲဒီ စက်ရုံကို လုံးဝ ပိတ်ပစ်ဖို့ လိုလားနေပါတယ်။

အဲဒီ ဓာတုအဆိပ် စွန့်ပစ်မှုဟာ ဗီယက်နမ် နိုင်ငံ အတွက် ပတ်ဝန်းကျင် ထိန်းသိမ်းမှုဆိုင်ရာ အကြီးမားဆုံး ထိခိုက်မှုကြီး ဖြစ်ခဲ့ပြီး နိုင်ငံ အလယ်ပိုင်း ကမ်းရိုးတန်း ဒေသတလျှောက်မှာ ငါးတွေ တန်ပေါင်းများစွာ သေကြေ ဆုံးရှုံးခဲ့ရပြီး တချို့နေရာတွေမှာ ငါးဖမ်းဆီးမှုကို ပိတ်ပင်ထားဆဲ ဖြစ်ပါတယ်။

BBC Burmese
http://www.bbc.com/burmese



ပြည်သူ့လွှတ်တော် ကျင်းပနေသည့်မြင်ကွင်းအားတွေ့ရစဉ် (ဆင်ဟွာ)
    ရန်ကုန်၊ အောက်တိုဘာ ၂ ရက် (ဆင်ဟွာ)

    အိမ်ထောင်မပြုမနေရဥပဒေသစ် လွှတ်တော်တွင်ဆွေးနွေး ဟုသည့် အင်တာနက်တွင် ပျ့ံ နှံ့နေသည့် သတင်းသည် မှန်ကန်မှုမရှိကြောင်း လွှတ်တော်ကိုယ်စားလှယ်တချို့က ဆင်ဟွာသို့ပြောသည်။

ပြည်သူ့လွှတ်တော်ကိုယ်စားလှယ် ဦးမြင့်ဦးက “ ကျွန်တော်လည်း အင်တာနက်မှာ အဲဒီသတင်းတွေ့လိုက်ပါတယ်။ ကျွန်တော်တို့ ပြည်သူ့လွှတ်တော်မှာ ဆွေးနွေးတာ မရှိပါဘူး။  အိမ်ထောင်မပြုမနေရ ဆိုတဲ့ ကိစ္စက အစကတည်း မဖြစ်နိုင်တာကြီးပါ ။ လွှတ်တော်မှာ ဒီကိစ္စကြီး ဆွေးနွေးဖို့လည်း မရှိပါဘူး’’ ဟုပြောသည်။

အမျိုးသားလွှတ်တော်ကိုယ်စားလှယ် ဦးဟန်ဝင်းသိန်းက “အိမ်ထောင်မပြုမနေရဆိုတဲ့ ကိစ္စရပ်နဲ့ ပတ်သက်ပြီး ကျွန်တော်တို့ အမျိုးသားလွှတ်တော်မှာ ဆွေးနွေးနေတာ မရှိပါဘူး။ ဆွေးနွေးဖို့လည်း မရှိပါဘူး’’ ဟုပြောသည်။

အင်တာနက် သတင်းတစ်ရပ်တွင်တော့ မြန်မာနိုင်ငံသည် အရှေ့တောင်အာရှ၏ အိမ်ထောင်မပြုသူ အများဆုံးနိုင်ငံ  စာရင်းတွင် ပါဝင်နေပြီး၊ အိမ်နီးချင်းနိုင်ငံများ နှင့်ယှဉ်လျှင် လူဦးရေကွာခြားမှု မြင့်မားလျှက်ရှိကြောင်း၊ အဆိုပါကိစ္စ နှင့် ပတ်သက်ပြီး လူဦးရေ အချိုးအစား နှင့် အိမ်ထောင်ပြုခြင်းဆိုင်ရာ ဥပဒေသစ်တစ်ရပ်အား လွှတ်တော်တွင်ဆွေးနွေးလျက်ရှိကြောင်း ဟူ၍ ပါရှိသည်။

(Xinhua)
http://www.xinhuamyanmar.com

Author Name

Contact Form

Name

Email *

Message *

Powered by Blogger.