10/04/16


ဓါတ်ပုံ- ၀ တပ်ဖွဲ့ကသိမ်းပိုက်ခဲ့သည့် ကျိုင်းတုံဘက်ကအ၀င် အထူးဒေသ ၄ ၏ ပန်မတ်ဖိုင်းဂိတ်
အောက်တိုဘာ ၃ ရက် ၂၀၁၆

ဝ တပ်ဖွဲ့မှ အင်အားအလုံးအရင်းဖြင့် သိမ်းပိုက်ထားသည့် အထူးဒေသ ၄ မိုင်းလားတပ်ဖွဲ့၏ တပ်စခန်းကြီးနှစ်ခုအား အထက်အမိန့် မရမချင်း ဆုတ်ပေး မည်မဟုတ်ဟု ၀ တပ်ဖွဲ့တပ်မှူးကြီး က ပြောသည်။

သျှမ်းပြည်အရှေ့ပိုင်းကျိုင်းတုံမြို့ အရှေ့ဘက် ကီလိုမီတာ ၁၀၀ ခန့်ဝေးသော မိုင်းလား တပ်ဖွဲ့၏ တပ်စခန်းကြီး နှစ်ခု ဂိတ်စခန်းတခုအား စက်တင်ဘာလ ၂၈ ရက်က အင်အား ၆၀၀ ကျော်ရှိ ဝ တပ်ဖွဲ့မှ ဝင်ရောက် သိမ်းပိုက်ထားရာ ယမန်ေ န့ အောက်တိုဘာ ၁ ရက် ညနေပိုင်းက ပန်မတ်ဖိုင်း ဂိတ်စခန်းနှ င့်အ တူ ဖမ်းထား သည့် မိုင်းလားတပ်ဖွဲ့ဝင် ၁၅၀ ကျော် အား ၀တပ်ဖွဲ့မှ မိုင်းလား တပ်ဖွဲ့ ထံပြန် အပ်လိုက်သည်။ သို့သော် စစ်ရေးအတွက် အရေးပါသည်ဟု ယူဆရသည့် မိုင်းလားတပ်ဖွဲ့၏ လွယ်ဆမ်ဆုမ် တပ်စခန်း၊ လွယ်ကျူဆိုင်း တပ်စခန်း တို့ကိုမူ အထက်အမိန့်မရလျှင် ပြန်လည်ပေး အပ်မည် မဟုတ်ဟု ၀ တပ်ဖွဲ့စစ်ကြောင်းမှူးက ပြောကြားလိုက်သည်ဟု သိရသည်။

“၀ က ဖမ်းထားတဲ့ ၁၅၁ ဦးကို စက်တင်ဘာ ၃၀ ရက်နေ့က ၁၇ ဦးလွတ်ပေး တယ်။ မနေ့က ညနေ ပိုင်းက ကျန်တဲ့ ၁၃၈ ဦးကိုပြန်လွတ်ပေးတယ်။ လက်နက်တွေလဲ ဒီမနက်ပြန်ရပြီ။ ပန်မတ်ဖိုင်းဂိတ် ကိုလဲပြန်အပ်တယ်။ ဒါပေမယ့် လွယ်ဆမ်ဆုမ် နဲ့ လွယ်ကျူဆိုင်းကိုတော့ အထက်အမိန့် မရရင် ပြန် မပေးနိုင်ဘူးပြောတယ်။ တပ်မဟာ ၄၆၈ မှူးပေါက်အိုက်ပန်းကပြောတယ်” - ဟုမိုင်းလားတပ်ဖွဲ့၏ ရှေ့တန်းအရာရှိတဦး ကပြောသည်။

တပ်မဟာ ၄၆၈ တပ်မှူး ပေါက်အိုက်ပန်း မှာ ၂၀၀၅ ခုနှစ် စက်တင်ဘာလက ဘိန်းဖြူ ၄၉၆ ကီလိုဂရမ် နှင့် အတူ သျှမ်းပြည် အရှေ့ပိုင်း မိုင်းပြင်း မြို့နယ် တုံတာ၌ အဖမ်းခံခဲ့ရ၏။ ၀ ပြည်သွေးစည်း ညီညွတ် ရေး တပ်မတော်က ဒုတိယ အကြိမ် အပစ်ရပ် ငြိမ်းချမ်းရေး တည်ဆောက်ပြီး နောက်ပိုင်း သမ္မတကြီး ဦးသိန်းစိန် ၏ ပြည်ထောင်စုအစိုးရသစ် က ၄င်းအား လွတ်ငြိမ်း ချမ်းသာ ခွင့် ပေးခဲ့ သည်။

ကျိုင်းတုံအခြေစိုက် တြိဂံတိုင်းစစ်ဌာနချုပ် နှင့် နီးစပ်သည့် အသိုင်းအဝိုင်းက - “ကျနော်တို့ ဝ တပ်ဖွဲ့ ကိုဖုန်းဆက်မေးတယ်။ သူတို့ကတော့ စစ်ရေးလေ့ကျင့် တာပါတဲ့။ ဘာမှမဖြစ်ဘူးတဲ့။ အဲဒီလိုဘဲပြော တာ” - ဟုဆို၏။

မိုင်းလားတပ်စခ န်းအားစစ်သည်အင်အားအလုံးအရင်းဖြင့် ဝင်ရောက်သိမ်း ပိုက်သည့် ပေါက်အိုက်ပန်း သည် ဝ တပ်ဖွဲ့ခေါင်းဆောင် ပေါက်ယူချမ်းနှင့် တူ တော်စပ်ပါသည်။

လွယ်ဆမ်ဆုမ် နှင့် လွယ်ကျူဆိုင်းတပ်စခန်းသည် ကျိုင်းတုံမြို့အထိမြင်နိုင် သည့် တောင်စခန်းဖြစ် သည်ဟု လည်းမိုင်းလားတပ်ဖွဲ့ဘက်ကအတည်ပြုေ ပာဆိုသည်။

မိုင်းလားတပ်ဖွဲ့၏ အရေးပါတပ်စခန်းများအား ဝ တပ်ဖွဲ့ အင်အားသုံး သိမ်း ပိုက် ရခြင်းမှာ - ၁ ။ ၀ တပ်ဖွဲ့ ၏ အောက်ခြေအရာရှိအဆင့်တာစေလွတ်ရန် ဝ တပ်ဖွဲ့အကြံပေးတဲ့အပေါ် မိုင်းခေါင်းဆောင်လက်မခံ ပဲ ဥက္ကဌဦးစိုင်းလင်း ကိုယ်တိုင် ၂၁ ရာစုပင်လုံညီလာခံတွင်ပါဝင်ခြင်း၊ ၂၁ ရာစုပင်လုံညီခံ မှ ဝ တပ်ဖွဲ့ ကိုယ်စားလှယ်များနှုတ်ထွက်လာသော်လည်းမိုင်းလား ကိုယ်စား လှယ်များနှုတ်မထွက်လာသည့်အပြင် ၂၁ ရာစုပင်လုံညီလာခံကျင်းပရေးေ က်ာမတီတွင်ပါဝင်ခြင်း၊ အထူးဒေသ ၄ မိုင်းလားမြို့နယ် နှင့် မိုင်းယုမြို့ နယ်ခွဲနှစ်ခုပေါင်းအား အခါကိုယ်ပိုင်အုပ်ချုပ်ရဒေသအဖြစ် သတ်မှတ်ပေးရန် မိုင်းလား တောင်းဆိုခြင်း စသည့်အကြောင်းအရာများနှင့် စပ်ဆိုင်သည် ဟုပြည်ထောင်စုအင်စတီကျု ဒါရိုက်တာဦးခွန်ဆိုင်း က သုံးသပ်သည်။

ဝ တပ်ဖွဲ့ UWSA မှာမူအထူးဒေသ ၄ နှင့် ကျိုင်းတုံမြို့၊ ကျိုင်းတုံခရိုင် အပါအဝင်သျှမ်းပြည်နယ် ၏ သံလွင်ရှေ့ခြမ်းဒေသအားလုံးအား ဝ ပြည်နယ် အဖြစ် သတ်မှတ်ပေးရန် ၂၁ ရာစုပင်လုံညီလာခံတွင် တင်ပြသည့် ၎င်းတို့ ၏စာတမ်းတွင်ပါရှိသည်။

၂၀၀၉ ခုနှစ် နယ်ခြားစောင့်တပ်အဖြစ် အသွင်ပြောင်းရန် မြန်မာ့တပ်မတော် စရဖမှူးဒုတိယ ဗိုလ်ချုပ်ကြီးရဲမြင့် မှ ဖိအားပေးစဉ် သျှမ်းပြည်အတွင်းဒုတိယ အမြင့်ဆုံးတောင်ထိပ်ဖြစ်သည့် မွန်ပန်နောဝ်တောင် စခန်း၊ တောင်ဘက် မဲခေါင်မြစ်အဝင် နမ့်လွေချောင်းဝ စခန်း၊ အပါအဝင် အရေးပါသည့် တပ်စခန်းကြီးများအားထိုစဉ် မိုင်းလားတပ်ဖွဲ့ သဘောတူညီချက်ဖြင့် ၀ တပ်ဖွဲ့ များပူးတွဲအခြေချ ထားပြီးဖြစ်သည်။

သျှမ်းသံတော်ဆင့် - ဟွမ်ဟိန်း
Panglong(Burmese)
https://www.facebook.com/Panglong.burmese




မုံရွာ၊ အောက်တိုဘာ ၄

စစ်ကိုင်းတိုင်းဒေသကြီး မုံရွာမြို့ အိုးဘိုတောင်ရပ်ကွက်၊ ပြည်ထောင်စု အဝေးပြေးလမ်းမကြီးအနီးရှိ ကွန်ပျူတာကားမှတ်တိုင် အဆောင်အဦးအတွင်း အောက်တိုဘာ ၄ ရက်မနက် ၆ နာရီအချိန်ခန့်က အမျိုးသားတစ်ဦး ၀မ်းလျားမှောက်၍ သေဆုံးနေသည်ကို ဒေသခံပြည်သူများက တွေ့ရှိရသည်။


အဆိုပါ သေဆုံးသူသည် မည်သူမည်ဝါဖြစ်သည်ကို မသိရှိရသေးသော်လည်း သေဆုံးသူ၏ ဆိုင်ကယ်ဟုယူဆရသော ရုပ်ဆိုး 125 အနက်ဖြူကြား ယာဉ်အမှတ် ၂၁ယ/ ၇၉၆၂ အမျိုးအစား ဆိုင်ကယ်တစ်စီး၊ ပန်းနုရောင်နှင့်အနက်ကြား ဆိုင်ကယ်စီး ဦးထုပ်တစ်လုံး၊ ဖိနပ်တစ်ဘက်အား ၎င်းသေဆုံး၏ နေရာအနီး သံလမ်းအရှေ့ဘက် တွင်တွေ့ရှိရသည်။ ၎င်းဆိုင်ကယ်၏ ပစ္စည်းသေတ္တာဘောက်အား သက်ဆိုင်ရာမှ ဖွင့်ဖောက်စစ်ဆေးရာတွင် ၎င်းဆိုင်ကယ်အတွင်းမှ ယာဉ်မောင်းလိုင်စင်တစ်ခုတွေ့ရှိရသည်။ လိုင်စင်မှာ ဦးအောင်ရဲကျော်၊ ၅/ ယမပ(နိုင်) ၀၆၀၆၃၄ ဖြစ်ကြောင်း သိရသည်။


ထို့ကြောင့် ဒေသခံပြည်သူများက မုံရွာမြို့မရဲစခန်းသို့ ဆက်သွယ်အကြောင်းကြားထားကြောင်း သိရသည်။
လွန်ခဲ့သော သုံးနှစ်တာကာလခန့် ၂၀၁၃ ခုနှစ်၊ ဇူလိုင် ၁၈ ရက်နေ့မနက်က အဆိုပါ လူသေအလောင်းတွေ့ရှိရာ အရပ်နှင့် ၀န်းကျင်နေရာတစ်ခုတွင် ဦးခေါင်းကြေမွဒဏ်ရာ၊ မျက်နှာစုပ်ပြဲဒဏ်ရာ၊ လက်ကျိုးဒဏ်ရာများနှင့် လူသေအလောင်းတစ်လောင်း စွန့်ပစ်ထားသည်ကို တွေ့ရှိရပြီး အဆိုပါ လူသတ်မှုမှာ ယနေ့အထိတိုင်တောင် ပြစ်မှုကျူးလွန်သူအား စုံစမ်းဖော်ထုတ်နိုင်ခြင်း မရှိသေးသည့်အပြင်၊ ၎င်းညက ဆက်တိုက်ဖြစ်ပွားခဲ့သော မုံရွာမြို့ အောင်းချမ်းသာဈေးရှေ့အနီးဖြစ်ပွားသော လူသတ်မှုမှာလည်း စုံးစမ်းဖော်ထုတ်ပေးနိုင်ခြင်းမရှိသေးကြောင်း သတင်းမှတ်တမ်းများအရ သိရှိရသည်။


နောက်ဆက်တွဲ သတင်းများအရ သေဆုံးသူမှာ စစ်ကိုင်းတိုင်းဒေသကြီး လွှတ်တော်ရုံးတွင် တာဝန်ထမ်းဆောင်လျက်ရှိသော ရဲတပ်ဖွဲ့ဝင်တစ်ဦးဖြစ်ပြီး ထိုသူ၏ ရာထူဒအဆင့်မှာ ရဲဒုတပ်ကြပ် အောင်ရဲကျော် ဖြစ်ကြောင်း သိရှိရသည်။.                                        

https://www.facebook.com/KoToeChinDween

ရုရှားသမ္မတ Vladimir Putin
နျူးကလီးယား လက်နက်တွေ ထုတ်လုပ်နိုင်တဲ့ ပလူတိုနီယံ ဓာတ်သတ္တု စွန့်ပစ်ရေးနဲ့ ပတ်သက်ပြီး အမေရိကန် ပြည်ထောင်စုနဲ့ သဘောတူညီချက်ကို ဆိုင်းငံ့ထားဖို့ အမိန့်တရပ်ကို ရုရှားသမ္မတ Vladimir Putin က ဒီကနေ့ တနလာင်္နေ့မှာ လက်မှတ်ရေးထိုးလိုက်ပါတယ်။

ပိုလျှံနေတဲ့ လက်နက်ထုတ်နိုင်တဲ့ ပလူတိုနီယမ်တွေကို စီမံခန့်ခွဲဖို့ အတွက် အမေရိကန် ပြည်ထောင်စု ဘက်က သူ့ရဲ့ ကတိက၀တ်တွေကို လက်တွေ့ မဆောင်ရွက်ခဲ့ဘူးဆိုပြီးလည်း ပြောဆိုပါတယ်။ ၂၀၀၀ ပြည့်နှစ်မှာ ကနဦး စတင်ခဲ့ပြီး ၂၀၁၀ ပြည့်နှစ်မှာ သက်တမ်းတိုးခဲ့တဲ့ ဒီသဘောတူညီချက်က နျူးကလီးယား အင်အားကြီး နှစ်နိုင်ငံတို့ အနေနဲ့ ကာကွယ်ရေး အစီအစဉ်တွေကနေ လက်နက်ထုတ်နိုင်တဲ့ ပလူတိုနီယံတွေ ဖျက်စီးဖို့ ဖြစ်ပါတယ်။

ရုရှား နိုင်ငံခြားရေး ၀န်ကြီး Sergei Lavrov နဲ့ အမေရိကန် နိုင်ငံခြားရေး ၀န်ကြီး ဟီလာရီ ကလင်တန် တို့ လက်မှတ်ရေးထိုးခဲ့တဲ့ ၂၀၁၀ ပြည်နှစ် သဘောတူညီချက် အရတော့ တနိုင်ငံချင်းစီက ပလူတိုနီယံ ၃၄ မက်ထရစ်တန်စီကို နျူးကလီးယား ဓာတ်ပေါင်းဖိုတွေမှာ မီးရှိှုပြီး ဖျက်စီးဖို့ ဖြစ်ပါတယ်။ ဒီပမာဏက နျူးကလီးယား လက်နက် ၁ သောင်း ၇ ထောင် တည်ဆောက်နိုင်လောက်တဲ့ ပမာဏ ဖြစ်တယ်လို့လည်း မစ္စစ် ကလင်တန်က ပြောဆိုပါတယ်။

ဗွီအိုအေ (မြန်မာပိုင်း)
http://burmese.voanews.com


တစ်ခါတလေကျ ကျွန်တော်စဉ်းစားမိတာရှိသည် ။ မြန်မာ့လက်ရွေးစင်ဘောလုံးအသင်းကို ကမ္ဘာကျော်နည်းပြဆရာတွေဖြစ်သည့် ဖာဂူဆန်တို့ ၊မော်ရင်ဟိုတို့  ၊ ဂွါဒီယိုလာတို့  ၊ အာဆင်ဝင်းဂါးတို့ လက်ထဲအပ်လိုက်လျှင်ဘယ်လိုနေမည်လဲဟု ။ ကစားသမား Player တွေကတော့ လက်ရှိ မြန်မာ့လက်ရွေးစင်အသင်းမှလူများပင်ပြန်ပါမည် ။ ကမ္ဘာ့အဆင့်နည်းပြနှင့် လက်ရှိပြည်တွင်းဖြစ်ကစားသမားဟောင်းများကိုတွဲစပ်လိုက်လျှင် မြန်မာအသင်းသည် အရှေ့တောင်အာရှတွင်ဗိုလ်စွဲသွားမလား ၊ အာရှချန်ပီယံဖြစ်မလား ၊ ကမ္ဘာ့ဖလားခြေစစ်ပွဲတွေအောင်ကာ ကမ္ဘာ့ဖလားဘောလုံးပွဲတွေမှာဝင်ရောက်ဆင်နွှဲနိုင်မလား ဟုစိတ်ကူးယဉ်မိသည် ။ သို့ သော် သေချာသည်ကတော့ နည်းပြဘယ်လောက်ကောင်းကောင်း ကစားသမားတွေဘက်ကလည်း ကမ္ဘာ့အဆင့်မီဖို့ လိုသေးသည် ။ ခပ်ညံ့ညံ့ကစားသမားအများစုပါဝင်သောအသင်းတစ်သင်းတွင် မည်မျှပင်နည်းပြကတော်သော်လည်း အောင်မြင်မှုရဖို့ ဆိုတာ အချိန်တိုအတွင်းဖြစ်နိုင်မည်မဟုတ် ။ မည်မျှတော်သောနည်းပြပဲဖြစ်ဖြစ် သဲထဲရေသွန်သလိုသာဖြစ်ပေလိမ့်မည် ။ မြန်မာ့ဘောလုံးအသင်းလည်း ဤမိုးဤလေ ဤလူတွေနှင့်ကတော့ ကမ္ဘာကျော်နည်းပြဆရာမကလို့ သိကြားမင်းဆင်းနည်းပြလည်း သိပ်ပြီး ပြောင်းလဲလာမှာမဟုတ်ပေ ။

နိုင်ငံရေးမှာလည်း ဤနည်းနှင်နှင်သာဖြစ်ပေသည် ။ ယခုအခါ ကျွန်တော်တို့ နိုင်ငံသည် နည်းပြအသစ်ပြောင်းလဲလိုက်သော ဘောလုံးအသင်းနှင့်တူသည် ။ မန်နေဂျာပြောင်းလိုက်သော အသင်းတစ်သင်း ၊ အဖွဲ့ တစ်ဖွဲ့ နှင့်တူသည် ။ကစားကွက်ပြောင်းလိုက်သော ဘောလုံးအသင်းတစ်သင်းနှင့်တူသည် ။ခေါင်းတွဲလဲလိုက်သော ရထားတစ်စင်းနှင့်တူသည် ။သမ္မတကြီးဦးထင်ကျော်နှင့် ဒေါ်အောင်ဆန်းစုကြည်ဦးဆောင်သောအစိုးရသစ်လက်ထက်တွင် ဒီမိုကရေစီလမ်းစဉ်အတိုင်း အားကောင်းမောင်းသန်ချီတက်နေခဲ့ပြီဖြစ်သည် ။ သို့ သော်မပြောင်းမလဲ ကျန်နေရစ်သောအရာများစွာလည်းရှိသေးသည် ။ တရားစီရင်ရေးသည် မပြောင်းလဲသေး ။ ရဲတပ်ဖွဲ့ သည်မပြောင်းလဲသေး ။ အကျဉ်းထောင်များသည်မပြောင်းလဲသေး ။ မြို့နယ်နှင့် ၊ခရိုင်အုပ်ချုပ်ရေးသည် မပြောင်းလဲသေး ။ ပြည်ထဲရေးဝန်ကြီးဌာနသည်မပြောင်းလဲသေး ။ အရာရာသည်အရင်အတိုင်းပင်ရှိသေးသည် ။ နိုင်ငံတွင် ပြည်ထဲရေး၊ ကာကွယ်ရေး၊ နယ်စပ်ရေးရာဝန်ကြီးဌာနများသည် NLD ၏ထိမ်းချုပ်ကွပ်ကဲမှုအောက်တွင်မရှိပဲ တပ်မတော်၏ထိမ်းချုပ်မှုအောက်တွင်သာရှိနေသေးရာ ထိုအဖွဲ့များမှာ ထိပ်ဆုံးမှ နည်းပြပြောင်းသော်လည်း ကစားသမားမပြောင်းသောဘောလုံးအသင်းလိုရှိနေဆဲဖြစ်သည် ။ အထူးသဖြင့် မြန်မာနိုင်ငံတွင် NLD အစိုးရတက်လာသော်လည်း ပြည်ထောင်စုအဆင့်အချို့အဖွဲ့ အစည်းများမှာ ယခင်ဦးသိန်းစိန်အစိုးရကထားခဲ့သည့်ပုံစံဟောင်းအတိုင်းဆက်လက်တည်မြဲနေတာအံ့သြဖွယ်တွေ့ ရှိရလေသည်။ အထူးသဖြင့် မြန်မာနိုင်ငံလူ့ အခွင့်အရေးကော်မရှင်ဆိုတာကြီးနှင့် ၊ အဂတိလိုက်စားမှုတိုက်ဖျက်ရေး ဆိုသောအဖွဲ့ ကြီးနှစ်ဖွဲ့ မှာ ယခင်အစိုးရလက်ထက်ကထားခဲ့သော လူဟောင်းကြီးများနှင့်သာ ဆက်လက် တည်မြဲနေတာ အံ့သြဖွယ်တွေ့ ရှိရလေသည် ။မြန်မာနိုင်ငံလို လာဘ်ပေးလာဘ်ယူမှုဗရပွ ဖြစ်နေသောနိုင်ငံတွင် အဂတိလိုက်စားမှုတိုက်ဖျက်ရေး အဖွဲ့ ကြီးမှ ဖြေရှင်း အမိဖမ်းအပြစ်ပေးတရားစွဲနိုင်သော ဟိုးလေးတကျော်အမှုကြီးဆို၍ မယ်မယ်ရရတစ်ခုမှမကြားရပါ ။ယခင်လူဟောင်းများ၏လုပ်နည်းလုပ်ဟန်အဟောင်းကြီးအတိုင်း သက်သေမစုံလင်သဖြင့် ၊ တိုင်ကြားသူကအချက်အလက်မပြည့်စုံသဖြင့် ၊ လုပ်ထုံးလုပ်နည်းနှင့်မညီသဖြင့် စသည်ဖြင့် အကြောင်းအမျိုးမျိုးပြပါယ်ချလိုက်ရာ အရေးယူအပြစ်ပေးနိုင်စရာပြစ်မှုပင်မြန်မာနိုင်ငံတွင်မရှိသလောက်ရှားနေရပေတော့သည် ။

မသိလျှင်မြန်မာနိုင်ငံသည် လာဘ်ပေးလာဘ်ယူမှုအလွန်ကင်းရှင်းနေသယောင်ရှိပေသည် ။ တကယ့်လက်တွေ့တွင်မူကား ရုံးဌာန အတော်များများ ၊တရားသူကြီးတော်တော်များများ ၊ ဥပဒေအရာရှိတော်တော်များများနှင့် ရဲဝန်ထမ်းများ သည် လာဘ်ပေးလာဘ်ယူမှုတွင်နက်နက်ရှိုင်းရှိုင်းပါဝင်ပါတ်သက်နေကြသည် ။ပြည်သူလူထု၏တိုင်ကြားမှုများကိုသာ အလေးပေးထောက်လှမ်းစုံစမ်းခဲ့ပါလျှင် တသီတတန်းကြီးပေါ်လာနိုင်စရာအကြောင်း၇ှိပေသည် ။ သို့ သောမြန်မာနိုင်ငံ လာဘ်ပေးလာဘ်ယူတိုက်ဖျက်ရေးကော်မရှင်သည် စင်္ကာပူလို၊ တရုတ်လို အသည်းအသန်ရေဆုံးမြေဆုံးလိုက်ချင်သောအဖွဲ့ အစည်းမဟုတ်သဖြင့်ကြီးမားသော အဂတိလိုက်စားမှုများမှာ တရားဥပဒေရှေ့မှောက်သို့ ရောက်ရှိ၍မလာခဲ့ပေ ။

ထို့ ကြောင့် Player အဟောင်းများနှင့် ကစားနေသော အဖွဲ့ကြီးကို ပြည်သူလူထုက မျှော်လင့်ချက်ကြီးကြီးမားမားမထားခဲ့ပေ ။နောက်ထပ်ပြည်သူ့ ချဉ်ဖတ်အဖွဲ့ တစ်ဖွဲ့ မှာ မြန်မာနိုင်ငံလူ့ အခွင့်အရေးကော်မရှင်ဖြစ်သည် ။ထိုအဖွဲ့ ဖွဲ့ စည်းရသော၏ရည်ရွယ်ချက်မှာကောင်းမွန်လှသော်လည်းလက်တွေ့လုပ်ငန်းများမှာအားရစရာမရှိချေ ။ယခင်အစိုးရအဟောင်း၏ထုံးစံအတိုင်း မည်သည့်အရာမဆို လူကြားကောင်းအောင်ပဲ ဟန်ဆောင်ပန်ဆောင် အဖွဲ့ ဖွဲ့ ၍ လူမြင်ကောင်းကောင်လုပ်ပြကြသည်ဖြစ်ရာ လူ့ အခွင့်အရေးအဖွဲ့ ကြီးမှာလည်း ပြည်သူလူထု၏လူ့ အခွင့်အရေးကိုကာကွယ်ဖို့ထက် ဟန်ပြအဖွဲ့ ကြီးတစ်ခုလိုဖြစ်နေခဲ့ပါသည် ။ထိုအချက်ကိုထင်ရှားစေသည်မှာ မြန်မာနိုင်ငံ၏သူသိထင်ရှားလူ့ အခွင့်အရေးချိုးဖောက်မှုများဖြစ်သော လက်ပန်းတောင်းတောင်မှတောင်သူဒေါ်ခင်ဝင်းသေနတ်ပစ်ခံရမှု ၊ အလွတ်တန်းသတင်းထောက်ကိုပါကြီးအသတ်ခံရမှု ၊ ကချင်ဆရာမလေးနှစ်ယောက် အဓမ္မကျင့်သတ်ဖြတ်ခံရမှု ၊ ပြည်မြို့န၀ဒေးတံတားအောက်တွင်လူသတ်ခံရမှု စသည့်နိုင်ငံကျော်အမှုများဖြစ်သည် ။ထို့ အပြင် လက်ပန်းတောင်းတောင်သပိတ်စခန်းတွင်သံဃာတော်များ မီးလောင်ဗုံးဖြင့်ပစ်ခတ်နှိမ်နှင်းခံရမှုတွင်လည်း လူ့အခွင့်အရေးကော်မရှင်၏ထိရောက်သောကိုင်တွယ်မှုကိုမကြားရပေ ။
ယခုနောက်ဆုံးလူပြောအများဆုံးကိစ္စဖြစ်သည့်  အင်းဝအပ်ချုပ်ဆိုင်မှအိမ်အကူကောင်မလေးနှစ်ယောက်နှိပ်စက်ညှဉ်းပန်းခံရသောကိစ္စတွင်မူကားလူ့ အခွင့်အရေးကော်မရှင်၏ ၀တ္တရားမကြေပြွန်မှု ၊တာဝန်ပျက်ကွက်မှုမှာ ကမ်းကုန်အောင်ရှိပါတော့သည် ။ လူ့အခွင့်အရေးကိုကာကွယ်စောင့်ရှောက်ရန် တာဝန်အရှိဆုံးပုဂ္ဂိုလ်များ၏ပါးစပ်မှထွက်လာသောတာဝန်မဲ့စကားများမှာတနိုင်ငံလုံးကိုတုန်လှုပ်သွားစေသည် ။ “

အိမ်ဖော်ကိုတခါတလေရိုက်တယ်ဆိုတာဖြစ်တတ်ပါတယ်။ ကျွန်မလည်းအိမ်ဖော်ကိုရိုက်တာပဲ “ဟူသောစကားက မြန်မာတနိုင်ငံလုံးကိုအံ့အားသင့်စေခဲ့သည် ။ ငွေကျပ်သိန်းငါးဆယ်နှင့် ဥပဒေလမ်းကြောင်းကိုမသွားပဲကြေအေးအောင်ပွဲစားဆန်ဆန်လုပ်ကိုင်ခဲ့ကြခြင်းကိုလည်း သြချကြရသည် ။ မင်းသားခေါင်းပြုတ်ကျသောအခိုက်အတန့်မှာ သတင်းစာရှင်းလင်းပွဲတွင် ဒေါ်စုကြည်က ဘယ်သို့ ဘယ်ပုံဟု ဒေါ်အောင်ဆန်းစုကြည်အမည်ကို ဒေါ်စုကြည်ဟုခေါ်တွင်လိုက်ခြင်းဖြစ်သည် ။ ဒေါ်စုကြည်ဟူသောအမည်ကိုကျွန်တော်တို့ မကြားရတာကြာပေပြီ ။ မေ့မေ့ပျေက်ပျောက်ပင်ဖြစ်နေပေပြီ ။နောက်ဆုံးကြားရသည်မှာ စစ်အစိုးရလက်ထက် သတင်းစာရှင်းလင်းပွဲများ ၊ အမည်ခံလူထုစည်းဝေးပွဲ များတွင်ဖြစ်သည် ။ စစ်အာဏာရှင်များ၏ဒေါ်အောင်ဆန်းစုကြည်အပေါ်မလိုမုန်းထားမှုပြယုတ်အဖြစ် ဒေါ်စုကြည်ဆိုသည့် မလိုတမာ နာမည်ကိုသုံးခဲ့ကြသည် ။ အမျိုးသားခေါင်းဆောင်ကြီး ဗိုလ်ချုပ်အောင်ဆန်း၏ အမည်ကို ရည်ရွယ်ချက်ရှိရှိချန်လှပ်ခဲ့ကြသည် ။ ဒေါ်အောင်ဆန်းစုကြည်ကို ဗိုလ်ချုပ်အောင်ဆန်းနှင့်လူထုကတွဲမြင်မှာကို စစ်အစိုးရဘက်တော်သားများသေလုအောင်ကြောက်ရွံ့ ခဲ့ကြသည် ။ထို့ ကြောင့် စစ်အာဏာရှင်များကဒေါထိုအောင်ဆန်းစုကြည်ကို စုကြည်ဟုသာခေါ်ခဲ့ကြသည် ။ ထိုနာမည်သည် န.၀.တ ၊ န.အ.ဖ ခေတ်ဆိုးကြီးကိုကိုယ်စားပြုသောအမည်ဖြစ်သည် ။ ထိုအမည်ကိုအားလုံးပင်မေ့မေ့ပျောက်ပျောက်ရှိနေရာမှ သူတို့ ရှိနေသေးကြောင်း ၊ စစ်အာဏာရှင်အကြွင်းအကျန်များမတိမ်ကောမပပျောက်သေးကြောင်းတပ်လှန့်နှိုးဆော်လိုက်သည့်ပမာ ဒေါ်စုကြည်ဆိုသောအမည် ကိုတဖန်ပြန်၍ကြားရတော့ လူတွေတအံ့တသြဖြစ်ကြသည် ။
ပို၍အံ့သြကြရသည်မှာ တလလျှင်သိန်းနှစ်ဆယ်ခန့် ကား ၊နေစရာအိမ်များ နိုင်ငံတော်အစိုးရက ယခင်အစိုးရလက်ထက်ရာထူးအတိုင်းဆက်လက်ချီးမြင့်ခြင်းကိုခံစားနေရသော (ဒေါ်အောင်ဆန်းစုကြည်ဆက်လက်သူကောင်းပြုထားသဖြင့် ရာထူးနှင့်စည်းစိမ်ဆက်လက်တည်မြဲနေသော ) လူ့ အခွင့်အရေးကော်မရှင်မှ ခေါင်းဆောင်ပုဂ္ဂိုလ်တပ်ထွက်ကြီးကခေါ်ဝေါ်သုံးနှုန်းလိုက်ခြင်းဖြစ်သည် ။ မီဒီယာများနှင့်ဆက်ဆံရာတွင်လည်း ကျွန်တော်ဘယ်ကလာပါသည် ၊ မည်သူ့ ကိုကိုယ်စားပြုပါသည်ဟုကြေငြာနေသည့်သဖွယ်မောက်မာလှပေသည် ။

ထိုသူများကိုမြင်ရသောအခါ ဒေါ်အောင်ဆန်းစုကြည်နှင့် ဦးထင်ကျော်ဆိုသော နည်းပြဆရာကြီးနှစ်ယောက်သည် မည်မျှအပင်ပန်းခံ၍ ဒီမိုကရေစီကစားကွက်များကိုပြသနည်းလမ်းပေးနေသည်ဖြစ်စေ ၊ယခင်ကစားသမားလူဟောင်းများကတော့ နှစ်ပေါင်းများစွာအသားကျခဲ့သောအာဏာရှင် ကစားကွက်ဖြင့်သာတောင်ကန်မြောက်ကန်လုပ်နေသည်ဖြစ်ရာ သံယောဇဉ်ထား၍အသင်းတွင်ဆက်လက်ပါဝင်ခွင့်မပေးသင့်တော့ပါ ။သူတို့နေရာတွင် အမှန်တကယ် အရည်အချင်းရှိသော ကစားသမားများနှင့်ရဲရဲဝံ့ဝံ့အစားထိုးလိုက်တာကောင်းပါသည် ။ နည်းပြဘယ်လောက်တော်တော် ညံဖျင်သောကစားသမားများနှင့်ဆက်ကစားမည်ဆိုပါက နည်းပြဆရာပင်နာမည်ပျက်၍ သူတို့နှင့်ရောကာတန်းဆင်းရသောအဖြစ်များအဖြစ်မခံနိုင်ပါ ။ သုံးစားမရသော ကစားသမားများကို သူတို့ နှင့်ထိုက်တန်သောအရပ်သို့ သာပြန်လွှတ်လိုက်ပါတော့။နိုင်ငံတစ်ဝှမ်းလုံးခြေစွမ်းမပြနိုင်သောလူဟောင်းများအားလုံးရှင်းထုတ်ပစ်ဖို့ အချိန်တန်ပါပြီ ခင်ဗျား။

သရ၀ဏ်(ပြည်)

သူရိယနေ၀န်းဂျာနယ်
၁.၁၀.၂၀၁၆

ဆီးရီးယား အရေးကြောင့် တင်းမာနေတဲ့ အမေရိကန်နဲ့ ရုရှားကြား ဆက်ဆံရေးဟာ ပလူတိုနီယမ် ဖျက်ဆီးရေး သဘောတူမှုကို ရုရှားက ဆိုင်းငံ့လိုက်တဲ့ နောက် ပိုမို ဆိုးရွား သွားပါတယ်။

နျူကလီယာ လက်နက်အဆင့် အသုံးပြုနိုင်တဲ့ ပလူတိုနီယမ်တွေကို ဖျက်စီးရေး သဘော တူညီမှုကို ရုရှားဘက်က ဆိုင်းငံ့ လိုက်တဲ့ အပေါ် စိတ်ပျက် ရတယ် ဆိုပြီး အမေရိကန် က ပြောပါတယ်။

အမေရိကန်ဘက်က မိတ်ဆွေ မဆန်တဲ့ အပြုအမူတွေကြောင့် အခုလို ဆိုင်းငံ့ လိုက်ရတာ ဖြစ်တယ် ဆိုပြီး ရုရှား သမ္မတ ဗလာဒီမီယာ ပူတင်က ပြောပါတယ်။

ဒါ့အပြင် ပလူတိုနီယမ် ဖျက်စီးရေး သဘောတူပါ တချို့ အချက်အလက်တွေကို အမေရိကန် ဘက်က လက်တွေ့ အကောင်အထည် ဖော်ဖို့ ပျက်ကွက် ခဲ့တယ်လို့လည်း သမ္မတ ပူတင်က ပြစ်တင် ပြောဆို ခဲ့ပါတယ်။

တကယ်လို့ အမေရိကန် အနေနဲ့ ရုရှား အပေါ် ချမှတ် ထားတဲ့ ပိတ်ဆို့မှုတွေကို ဖယ်ရှားပြီး၊ တခြား ရန်လိုတဲ့ အမေရိကန် မူဝါဒတွေကိုလည်း ပြောင်းလဲ လာမယ်ဆိုရင်တော့ ပလူတိုနီယမ် ဖျက်စီးရေး အတွက် အတူ ပူးပေါင်း ဆောင်ရွက်မယ့် လုပ်ငန်းစဉ် ပြန်လည် စတင် လာနိုင်မယ် လို့လည်း သမ္မတ ပူတင်က ပြောပါတယ်။
BBC Burmese


အပစ်ရပ် သဘောတူမှုပါ အချက် အလက်တွေကို ရုရှားဘက်က မလိုက်နာခဲ့ဘူး ဆိုပြီး အမေရိကန်က ပြစ်တင်။

ဆီးရီးယား အရေးနဲ့ ပတ်သက်ပြီး ရုရှားနဲ့ကြား စကားပြောဆို နေတာတွေကို ဆိုင်းငံ့ လိုက်ပြီလို့ အမေရိကန် ပြည်ထောင်စုက ကြေညာ လိုက်ပါတယ်။

ဆီးရီးယားထဲ အပစ် ရပ်ကြဖို့ ပြီးခဲ့တဲ့ လက ရယူ ထားတဲ့ သဘောတူမှုပါ အချက် အလက်တွေကို ရုရှားဘက်က မလိုက်နာခဲ့ဘူး ဆိုပြီး အမေရိကန် နိုင်ငံခြားရေး ဌာနက ပြစ်တင် ခဲ့ပါတယ်။

ဒါ့အပြင် ရုရှားနဲ့ သူတို့ရဲ့ မဟာမိတ် ဆီးရီးယား အစိုးရတို့ဟာ ဆေးရုံတွေနဲ့ ကယ်ဆယ် ကူညီရေး အဖွဲ့တွေကို ပစ်မှတ်ထား တိုက်ခိုက်တာမျိုးလို အရပ်သားတွေပေါ် ပြင်းပြင်းထန်ထန် တိုက်ခိုက် လာတယ်လို့လည်း အမေရိကန် ဘက်က စွပ်စွဲပါတယ်။

အမေရိကန်ရဲ့ ဆုံးဖြတ်ချက် အတွက် စိတ်မကောင်း ဖြစ်ရတယ် ဆိုပြီး ရုရှား နိုင်ငံခြားရေး ဌာနက ပြောဆိုသလို၊ အမေရိကန်ဟာ အပစ်ရပ် သဘောတူမှုကို သူတို့ကိုယ်တိုင် လိုက်နာဖို့ ပျက်ကွက် ခဲ့တာကို ရုရှား အပေါ် အပြစ်ပုံချဖို့ ကြိုးစား နေတယ် လို့လည်း တုံ့ပြန် ပြောဆို ထားပါတယ်။
Image caption လေကြောင်း တိုက်ခိုက်မှု အတွင်း ဆေးရုံ ဝန်ထမ်း ၃ ဦး သေဆုံး။

ဒီအချိန်မှာပဲ၊ ဆီးရီးယားက လာတဲ့ သတင်းတွေအရ အလက်ပ်ပိုမြို့ သူပုန်တွေ ထိန်းချုပ် ထားရာ နယ်မြေထဲ တည်ရှိတဲ့ အကြီးဆုံး ဆေးရုံဟာ အခု သီတင်းတစ်ပတ် ထဲမှာကို ၃ ကြိမ်မြောက် အဖြစ် တနင်္လာနေ့က လေကြောင်း တိုက်ခိုက် ခံလိုက်ရပါတယ်။

M10 ဆေးရုံလို့ ခေါ်တွင်တဲ့ အဲဒီ့ ဆေးရုံဟာ လေကြောင်း တိုက်ခိုက် ခံခဲ့ရ ပြီးတဲ့နောက် ရိုက်ကူးထားတဲ့ ဗီဒီယို ထဲမှာ နံရံတွေ ပြိုပျက်ပြီး အပေါက်ရာတွေ ဖြစ်နေတာကို တွေ့ရပါတယ်။

လေကြောင်း တိုက်ခိုက်မှု အတွင်း ဆေးရုံ ဝန်ထမ်း ၃ ဦး သေဆုံး ခဲ့ရတယ်လို့ M10 ဆေးရုံကို ပံ့ပိုးပေး နေတဲ့ ဆီးရီးယား အမေရိကန် ဆေးပညာ အသင်း က ပြောပါတယ်။

ဆေးရုံဟာ လုံးဝ ပြိုကျလုလု အခြေအနေမှာ ရှိနေတယ်လို့ အဲဒီ့ ပရဟိတ အဖွဲ့ရဲ့ ပြောရေး ဆိုခွင့် ရှိသူက ဆိုပါတယ်။

တခါ၊ ဆီးရီးယား အရှေ့မြောက်ဘက် နယ် ဖြစ်တဲ့ အယ်လ်- ဟာဆာကာ မှာလည်း ဗုံးခွဲ တိုက်ခိုက်မှု ကြောင့် အနည်းဆုံး လူ ၁၃ ဦး သေဆုံး သွားပါတယ်။

အယ်လ်-တောလ် ဆိုတဲ့ ရွာမှာ ပြုလုပ် နေတဲ့ ကာ့ဒ် မျိုးနွယ်စု ဝင်တွေရဲ့ မင်္ဂလာ ပွဲ တစ်ခုမှာ အသေခံ ဗုံးခွဲ တိုက်ခိုက် ခံခဲ့ရတာ ဖြစ်တယ်လို့ ဗြိတိန် အခြေစိုက် ဆီးရီးယား လူ့ အခွင့်အရေး ဆိုင်ရာ စောင့်ကြည့်ရေး အဖွဲ့က ပြောပါတယ်။

ဆီးရီးယား မြောက်ပိုင်းမှာ အစ္စလာမ်မစ် နိုင်ငံ အဖွဲ့ IS ကို တိုက်ခိုက် နေကြတဲ့ ဆီးရီးယား ဒီမိုကရက်တစ် အဖွဲ့ လို့ ခေါ်တဲ့ အာရပ်နဲ့ ကာ့ဒ် တပ်ပေါင်းစု အဖွဲ့ဝင် တစ်ဦးကို ပစ်မှတ်ထား လုပ်ကြံ ခဲ့တာ ဖြစ်ပါတယ်။
BBC Burmese



ရန်ကုန် အင်းဝ အပ်ချုပ်ဆိုင် ပိုင်ရှင်တွေနဲ့ အိမ်အကူ အမျိုးသမီး အလုပ်သမား နှစ်ယောက် အမှုမှာ အရေးယူ ဆောင်ရွက်ဖို့ ပျက်ကွက်ခဲ့တဲ့ သက်ဆိုင်ရာ ခရိုင် ရဲမှုး၊ မြို့နယ်မှုးနဲ့ နယ်ထိန်း ရဲ တို့ကို အရေးယူမယ်ဆိုပြီး ရန်ကုန် တိုင်းဒေသကြီး အစိုးရက ပြောလာပါတယ်။

အောက်တိုဘာ ၃ ရက် တနင်္လာနေ့က ကျင်းပတဲ့ ရန်ကုန် တိုင်းဒေသကြီး လွှတ်တော် အစည်းအဝေးမှာ တိုင်းဒေသကြီး အစိုးရ အဖွဲ့ဝင် လုံခြုံရေးနှင့် နယ်စပ်ရေးရာ ဝန်ကြီး ဗိုလ်မှူးကြီး တင်အောင်ထွန်းက ပြောဆို ခဲ့တာ ဖြစ်ပါတယ်။

အမှုရဲ့ သဘောသဘာဝ အရ ဖြစ်ခဲ့မှန်း သိလျင်သိခြင်း ရဲ တပ်ဖွဲ့ ဘက်က အရေးယူ ဆောင်ရွက် ရမယ့် အမှု ကိစ္စ မျိုး ဖြစ်တယ်လို့ ဝန်ကြီး ဗိုလ်မှူးကြီး တင်အောင်ထွန်းက လွှတ်တော် ရှေ့မှောက် ပြောဆို ခဲ့ပါတယ်။

ပြုမူဖို့ ပျက်ကွက် ခဲ့ကြတဲ့ တာဝန် အဆင့်ဆင့်က ရဲ အာဏာပိုင်တွေကို ထိထိရောက်ရောက် အရေးယူဖို့ ရန်ကုန်တိုင်း အစိုးရ အဖွဲ့ အနေနဲ့ ပြင်ဆင် နေပြီလို့လည်း ဆိုပါတယ်။

အင်းဝ အပ်ချုပ်ဆိုင် အမှု ကိစ္စ နဲ့ ပတ်သက်ပြီး ရန်ကုန်တိုင်း ဒေသကြီး လွှတ်တော်ထဲ မေးခွန်း အထုတ် ခံခဲ့ ရတာကို နယ်လုံ ဝန်ကြီး က လာရောက် ဖြေဆို ခဲ့တာ ဖြစ်ပါတယ်။

မေးခွန်း ထုတ်ခဲ့တဲ့ ကျောက်တံတား မြို့နယ် မဲဆန္ဒနယ် အမှတ် ၁ က လွှက်တော်ကိုယ်စားလှယ် ဒေါ်ကြည်သာက ရဲ တပ်ဖွဲ့ရဲ့ စွမ်းဆောင်ရည် နဲ့ လုပ်ပုံကိုင်ပုံ တွေဟာ အားရစရာ မရှိဘူးလို့ ဝေဖန် ပါတယ်။

ရဲတပ်ဖွဲ့ဝင်တွေ အပြင် လူအခွင့်ရေး ကော်မရှင် ကိုလည်း အရေးယူဖို့ ပြည်ထောင်စု လွှက်တော်မှာ ဆုံးဖြတ် ထားပေမယ့်လည်း အခုထိတော့ အရေးယူတာမျိုး မရှိသေးဘူးလို့ ဘီဘီစီ သတင်းထောက် က ပြောပါတယ်။

အိမ်အကူ အမျိုးသမီး အလုပ်သမား နှစ်ယောက်ကို ကိုယ်ထိလက်ရောက် ညှင်းပမ်း နှိပ်စက်ခဲ့တယ် ဆိုတဲ့ စွဲချက်နဲ့ အင်းဝ အပ်ချုပ်ဆိုင် ပိုင်ရှင် မိသားစုဝင် ခြောက်ဦးကို ဖမ်းဆီး ထားပြီး ရန်ကုန်တိုင်း အနောက်ပိုင်းခရိုင် တရားရုံးမှာ လူကုန်ကူးမှု ဥပဒေပါ ပုဒ်မတွေနဲ တရားစွဲထားပါတယ်။

ဒါ့အပြင် ကလေးသူငယ်ပုဒ်မ နဲ့ လူမှုဝန်ထမ်း ဘက်က တရားစွဲ ထားသလို၊ ရာဇဝတ်မှုကြောင်း အရ တရားစွဲ ဖို့လည်း ရဲတပ်ဖွဲ့ အနေနဲ့ အမှု တည်ဆောက် နေပါတယ်။

ဖမ်းဆီးထားသူ ခြောက်ဦးကို အခု သီတင်းပတ် ကြာသာပတေးနေ့ အောက်တိုဘာ ၆ ရက်နေ့မှာ နောက်တစ်ကြိမ် ရုံးထုတ်ဖို့ ရှိနေပါတယ်။
BBC Burmese



ပဋိပက္ခကြောင့် ကချင်စစ်ဘေးဒုက္ခသည် ကလေးငယ်များ
ရှမ်းပြည်နယ် မြောက်ပိုင်း မုံးကိုး မြို့နယ် ပူဝမ်းရွာကို လက်နက်ကြီးနဲ့ ပစ်ခတ် တိုက်ခိုက်ခံရမှု အတွင်း အသက် ၂ နှစ် အရွယ် ကလေးငယ် တဦး သေဆုံးပြီး တခြား ကလေး ၂ ဦးတို့ ဒဏ်ရာရရှိခဲ့တဲ့ အပေါ် ၀မ်းနည်း ကြေကွဲရပြီး အထူးဘဲ စိုးရိမ်မကင်း ဖြစ်ရပါကြောင့် ကုလ သမဂ္ဂ ကလေးသူငယ်များ ရံပုံငွေ အဖွဲ့ UNICEF ရဲ့ မြန်မာ ဌာနေရုံးကနေ ကြေညာချက် ထုတ်ပြန်ပါတယ်။

ပဋိပက္ခကြောင့် မြန်မာနိုင်ငံတွင်းက ကလေးငယ် အများအပြား သေဆုံးရတယ်ဆိုတာကိုလည်း UNICEF မြန်မာ ဌာနေ ကိုယ်စားလှယ်က အခိုင်အမာ ပြောဆိုပြီး ပဋိပက္ခမှာ ပါဝင် ပတ်သက်သူ အားလုံး အနေနဲ့ ကလေးငယ်တွေကို ထိခိုက်နာကျင်မှု မရှိအောင် ထိန်းသိမ်းကြဖို့လည်း တိုက်တွန်းပါတယ်။ ပဋိပက္ခမှာ တာဝန်ရှိကြတဲ့ အဖွဲ့အစည်းတွေ အားလုံး အနေနဲ့ နိုင်ငံတကာ ဥပဒေတွေကို လေးစား လိုက်နာကြဖို့လည်း ကုလ အဖွဲ့ကြီးက တောင်းဆိုပါတယ်။ ကျောင်းတွေ ဆေးရုံတွေကို တိုက်ခိုက်သိမ်းပိုက်တာ မလုပ်ဖို့၊ ကလေးငယ်တွေ တိုက်ခိုက်ခံရမှုကနေ အသေအချာ ကင်းလွတ်ပြီး လက်နက်ကိုင် တပ်ဖွဲ့တွေမှာ စုဆောင်းအသုံးချနေတာတွေကို အဆုံးသတ်ဖို့တွေလည်း ပါဝင်တယ်လို့လည်း ကုလ အဖွဲ့ကြီးက ပြောဆိုပါတယ်။

ရှမ်းပြည်နယ် မြောက်ပိုင်းမှာ တိုက်ပွဲတွေ ပြန်ဖြစ်နေပြီး ကချင်ပြည်နယ်ထဲမှာလည်း တင်းမာမှုတွေ တိုးလာတဲ့ အပေါ်မှာလည်း အထူးစိုးရိမ်တယ်လို့လည်း ကုလ အဖွဲ့ကြီးက ပြောပါတယ်။ ငြိမ်းချမ်းရေး ဆွေးနွေးမှုတွေမှာလည်း ပဋိပက္ခဒေသတွေက ကလေးငယ်တွေ ရင်ဆိုင်နေရတဲ့ အခက်အခဲတွေနဲ့ သူတို့ အနာဂတ် အတွက် ထည့်သွင်းစဉ်းစားပေးရမယ်လို့လည်း ပြောဆိုပြီး သူတို့ကို အခုချက်ချင်း အကာအကွယ် ပေးဖို့ လိုအပ်တယ်လို့လည်း ကုလ အဖွဲ့ကြီးက ပြောဆိုထားပါတယ်။ မြန်မာ့ တပ်မတော် အပါအ၀င် တိုင်းရင်းသား လက်နက်ကိုင် တပ်တွေမှာ ကလေးစစ်သား စုဆောင်း အသုံးပြုမှုတွေ အဆုံးသတ်ဖို့လည်း ကုလသမဂ္ဂက အစဉ်တစိုက် တိုက်တွန်းနေတာ ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com

 slum-plant-protest-620.jpg စားကျက်မြေမှာ ကျူးကျော်လုပ်ကိုင်နေသူတွေကို အရေးယူပေးဖို့ အောက်တိုဘာလ ၃ ရက်နေ့က ရခိုင်ပြည်နယ် ကျောက်တော် မြို့နယ်မှာ တောင်သူတွေ ဆန္ဒပြနေစဉ်
Photo: Thar Khine/ Facebook

ရခိုင်ပြည်နယ် ကျောက်တော်မြို့နယ် ကြောင်စွယ်ဖြူကျေးရွာအုပ်စုမှာရှိတဲ့ စားကျက်မြေဧက ၂၀၀ ကျော်မှာ ကျူးကျော်လုပ်ကိုင်နေသူတွေကို အရေးယူပေးဖို့ တောင်သူ ၁၀၀ ကျော်က ကျောက်တော်မြို့မှာ ဒီနေ့ ဆန္ဒပြတောင်းဆိုကြပါတယ်။

စားကျက်မြေကို စားကျက်မြေအတိုင်းထားဖို့ သက်ဆိုင်ရာဌာနတွေနဲ့ အစိုးရအဆင့်ဆင့်ကို တင်ပြခဲ့ပေမယ့် ဖြေ ရှင်းပေးတာမရှိတဲ့အတွက် ဆန္ဒပြတာလို့ ဆန္ဒပြပွဲဦးဆောင်သူတစ်ဦးဖြစ်တဲ့ ဦးသာထွန်းအောင်က ပြောပါတယ်။

"ကျနော်တို့ ကြောင်စွယ်ဖြူကျေးရွာအုပ်စုမှာ စားကျက်မြေတစ်ခုရှိပါတယ်၊ ကျနော်တို့က အဲ့ဒါကို ၂ဝ၁၁ ခုနှစ်ကစပြီး မြို့နယ်၊ ခရိုင်၊ နေပြည်တော်အထိ တင်ပြခဲ့ပါတယ်၊ အဲ့လိုတင်ပြခဲ့သော်လည်း ယနေ့အချိန်အထိ ထူးခြားမှုဘာမှမရှိတာပါ၊ အဲ့ဒါကြောင့်မို့ ခုလိုဆန္ဒဖော်ထုတ်ရခြင်းဖြစ်ပါတယ်"

ကြောင်စွယ်ဖြူ၊ ရောင်စုံတောင်၊ ရောင်စုံမြောက် စတဲ့ကျေးရွာ ၃ ရွာကပိုင်ဆိုင်တဲ့ စားကျက်မြေဧက ၂၀၀ ကျော်ကို လွန်ခဲ့တဲ့ ၂၀၀၀ ခုနှစ်လောက်မှာ အစိုးရ တပ်မတော်က တပ်ပိုင်မြေအဖြစ် သိမ်းဆည်းပြီး တောင်သူတွေကို သီးစားချထားပေးခဲ့တာဖြစ်ပါတယ်။

၂၀၁၃ ခုနှစ်မှာ တပ်မတော်ကနေ အဲဒီလယ်ယာမြေတွေကို တောင်သူတွေထံ ပြန်လည်အပ်နှံခဲ့ပေမယ့် သီးစားလုပ်ကိုင်နေသူတွေက ဆက်လက်လုပ် ကိုင်နေတာ ဖြစ်တယ်လို့ ဆန္ဒပြသူတွေက ပြောပါတယ်။

လက်ရှိအချိန်အထိ စားကျက်မြေပေါ်မှာ ကြောင်စွယ်ဖြူ၊ ရောင်စုံတောင်၊ ရောင်စုံမြောက် စတဲ့ကျေးရွာ ၃ အပြင် အနီးအနားကျေးရွာတွေက လူ ၄၀ ကျော်လောက် က ကျူးကျော်စိုက်ပျိုးနေတာဖြစ်ပြီး အဲဒီအထဲမှာ ရခိုင်အမျိုးသားပါတီ ANP ရဲ့ မြို့နယ်အလုပ်အမှုဆောင် ကော်မတီဝင်တွေလည်း ပါဝင်တယ်လို့ ဆန္ဒပြသူတွေက ပြောပါတယ်။
RFA

 ayeyarwaddy-parliament-620.jpg ဧရာဝတီတိုင်း လွှတ်တော်အစည်းအဝေး ကျင်းပနေစဉ်
Photo: RFA

ဧရာဝတီတိုင်းဒေသကြီး ကြံခင်း၊ မြန်အောင်နဲ့ အင်္ဂပူမြို့နယ်မှာရှိနေတဲ့ ရေနံချက်ဖိုတွေကို အပြီးပိုင်ပိတ်သိမ်းပေးဖို့ တိုင်းဒေသကြီး လွှတ်တော်ကိုယ်စားလှယ် ဒေါ်စုစုအောင်က ဒီနေ့ ဧရာဝတီတိုင်းလွှတ်တော်မှာ အဆိုတင်သွင်း လိုက်ပါတယ်။

အဲ့ဒီမြို့နယ် ၃ ခုနားက သစ်တောကြိုးဝိုင်းတွေနားမှာ ရေနံချက်ဖိုတွေရှိနေပြီး ထင်းနဲ့ မီးသွေးလောင်စာတွေ အသုံးပြုနေတာကြောင့် သစ်တောကြိုးဝိုင်း ဧရိယာထဲက သစ်တွေတော်တော်များများ ကုန်နေပြီလို့လည်း ကြံခင်း မြို့နယ် တိုင်းဒေသကြီး လွှတ်တော်ကိုယ်စားလှယ် ဦးသော်ဇင်ဝင်းက ပြောပါတယ်။

လက်ရှိ ရေနံချက်ဖိုတွေဟာ ကြံခင်းမြို့နယ်မှာ ၆ ခု၊ မြန်အောင်မှာ ၆ ခုလောက်ရှိပြီး အင်္ဂပူမြို့နယ်မှာတော့ ၁ ခုလောက်ရှိနေတယ်လို့လည်း ပြောပါတယ်။

ရေနံချက်ဖိုတွေမှာ အသုံးပြုတဲ့စက်တွေကလည်း ခေတ်မီစက်တွေမဟုတ်တာကြောင့် ထွက်ရှိလာတဲ့ ဘေးထွက် ပစ္စည်းတွေဟာ ဒေသခံတွေအပါအ၀င် ဧရာဝတီမြစ်ဝကျွန်းပေါ်ဒေသတစ်ခုလုံးကို ထိခိုက်နိုင်ကြောင်းနဲ့ အဲ့ဒီရေနံ ချက်ဖို လုပ်ငန်းတွေကို စိစစ်ခဲ့တဲ့ အစိုးရအဖွဲ့အစည်းတွေမှာလည်း လာဘ်စားမှုတွေရှိနေတယ်လို့ ပြောပါတယ်။

အဲ့ဒီရေနံချက်ဖိုလုပ်ငန်းတွေဟာ သစ်တောပြုန်းတီးမှုကို ဖြစ်ပေါ်စေတဲ့အတွက် အပြီးတိုင်ပိတ်သိမ်းဖို့ အဆို ကို မနက်ဖြန် လွှတ်တော်မှာ ဆွေးနွေးကြမှာဖြစ်ပါတယ်။
RFA


ကချင်စစ်ပွဲရပ်တန့်ရေး ဆန္ဒပြ (Hkun Awng Nlam)
ကချင်စစ်ပွဲရပ်တန့်ရေး ဆန္ဒပြ (Hkun Awng Nlam)

ကချင်ဒေသမှာ တပ်မတော်က ထိုးစစ်ဆင်နေတာကို ရပ်တန့်ရေးအတွက် ကချင်ပြည်နယ် မြစ်ကြီးနားနဲ့ တနိုင်းမြို့တွေမှာ ဆန္ဒထုတ်ဖော်ခဲ့ကြပါတယ်။ မြစ်ကြီးနားမှာတော့ ထောင်နဲ့ချီတဲ့ ပြည်သူတွေဟာ စီတာပူမနောကွင်းအတွင်းမှာပဲ စုဝေးခဲ့ကြပြီး တနိုင်းမှာတော့လူ ၇၀၀လောက်ဟာ မြို့တွင်းကိုလှည့်လည် ဆန္ဒထုတ်ဖော်ခဲ့ပါတယ်။ ဒီသတင်းကိုတော့ဗွီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။
ဒီရက်ပိုင်းတွေအတွင်း ကချင်ပြည်နယ် ၀ိုင်းမော်မြို့နယ်က လိုင်ဇာနဲ့ ရှမ်းပြည်နယ်မြောက်ပိုင်း မုံးကိုးဒေသတွေမှာ အစိုးရတပ်မတော်နဲ့ ကချင်လွတ်လပ်ရေးတပ်ဖွဲ့အကြား တိုက်ပွဲတွေ ဆက်တိုက် ဆိုသလိုဖြစ်ပွားနေတာပါ။

ဒီလို တိုက်ပွဲတွေဖြစ်ပွားနေတာကြောင် ကချင်ပြည်သူတွေက ထိုးစစ်တွေ ရပ်ဆိုင်းဖို့ တောင်းဆိုခဲ့ပြီး မြစ်ကြီးနားမြို့မှာ ဆန္ဒထုတ်ဖော်ရတဲ့ အဓိကအကြောင်းကိုတော့ ဒီပွဲကို ဦးဆောင်ကျင်းပသူတဦးဖြစ်တဲ့ ဦးလုန်ဂျုံတူးရော်က အခုလို ပြောပါတယ်။

“တပ်မတော်ရဲ့ထိုးစစ်က အရပ်သားတွေနေတဲ့ကျေးရွာတွေမှာ အမြှောက်နဲ့ထုတာကို ၊ အရပ်သားတွေ ကလေးတွေ ၃-၄ ယောက်လောက် ဒဏ်ရာရသွားတယ် မနေ့က ကလေးလေးတယောက်ဆုံးသွားတယ်။ နောက် ၂ ယောက်က တရုတ်ပြည်ဘက်မှာ ဆေးသွားကုနေတယ်။

ကလေးငယ်တွေဖြစ်တဲ့အခါကျတော့ လူထုက စိတ်ထဲမှာ မသက်မသာခံစားရတာပေါ့ဗျာ။ဒါတွေလည်းပါတယ် ပြီးတော့ ဒီလိုထိုးစစ်ဆင်ခြင်းအားဖြင့် စစ်တပ် ၂ ဘက်က ဘာအကျိုးမှ မရှိဘူး။ ဒါကြောင့် စစ်ကိုရပ်ပါလို့ ကျနော်တို့ မေတ္တာရပ်ခံခြင်းဖြစ်ပါတယ်။"
(Hkun Awng Nlam)
(Hkun Awng Nlam)

လက်ရှိ ၆ နှစ် ကျော်ကြာပြန်လည်ဖြစ်ပွားနေတဲ့ တိုက်ပွဲတွေအတွင်းမှာ ပြည်သူတွေ ဆင်းရဲဒုက္ခ ရောက်နေရတာကြောင့် ထိုးစစ်တွေ ရပ်ဆိုင်းပြီး နိုင်ငံရေးနည်းနဲ့ဖြေရှင်းဖို့လည်း ထပ်မံတောင်းဆိုပါတယ်။
“ဒီလို ပဋိပက္ခတွေအတွင်းမှာ ကချင်ပြည်သူတွေ အပြစ်မဲ့ပြည်သူတွေက ဒုက္ခဆင်းရဲခံစားရတာပေါ့ဗျာ။ အခုက ကချင်ကျေးရွာပေါင်း ၃၀၀ ကျော် မီးရှို့ခံရပြီးပြီ။ ဘုရားရှိခိုးကျောင်းပေါင်း ၆၀ ကျော်လည်း မီးရှို့ဖျက်ဆီးခံရပြီးပြီ။ ပြစ်မဲ့ပြည်သူ ၁ သိန်းကျော်ကလည်း စစ်ပြေးဒုက္ခသည်အဖြစ်နေရတာပေါ့ဗျာ။ ကိုယ့်ရပ်ကျေးရွာကိုပစ်ထားပြီးတော့ ဒါကလည်း ၆ နှစ်ကျော်ကြာပြီ။ ဒီနိုင်ငံရေးပြဿနာ ကြောင့်ဖြစ်တဲ့ကိစ္စကို နိုင်ငံရေးနည်းလမ်းနဲ့ ဖြေရှင်းဖို့အတွက် တောင်းဆိုတဲ့သဘောပါ။”
မြစ်ကြီးနားမြို့ ဆန္ဒထုတ်ဖော်ပွဲကိုတော့ မနက် ၇နာရီကနေ ၁၀နာရီထိ ကျင်းပခဲ့ပြီး လူထောင်နဲ့ ချီတက်ရောက်ခဲ့သလို တနိုင်းမြို့မှာလည်း မြို့တွင်းလှည့်လည်ပြီး ဆန္ဒထုတ်ဖော်ခဲ့တယ်လို့ ဦးဆောင်ပါဝင်သူတဦးဖြစ်တဲ့ ဦးနော်တောင်က ပြောပါတယ်။


“ကျနော်တို့ ၉ နာရီကနေစတင်တာ အခုကျနော်တို့ ဒါ တနိုင်းမြို့တခေါက်ပတ်တော့မယ်။ နဂိုနေရာပြန်ရောက်တော့မယ် နည်းနည်းလေးပဲလိုတော့တယ်။အခုကျနော်တို့ လမ်းလျှောက်ဖော်ထုတ်တဲ့နေရာမှာ လူက ၆၀၀ ကျော် ပါဝင်တယ်။ နောက် ထပ်တိုးလာတာ ၇၀၀ ကျော်တယ်ခင်ဗျ။”

တနိုင်းမြို့က ပြည်သူတွေကတော့ တောင်းဆိုချက် ၅ချက်ကို အခုလို ကြွေးကြော်ခဲ့ကြပါတယ်။
“တပ်မတော်မှ ထိုးစစ်ဆင်မှု ချက်ချင်းရပ် ၊ စစ်ဘေးရှောင်များ ဂုဏ်သိက္ခာရှိစွာ နေရပ်ပြန်နိုင်ရေး ဒို့အရေး”
တခြားအချက်တွေကတော့ နိုင်ငံရေးပြဿနာကို နိုင်ငံရေးနည်းလမ်းနဲ့ ဖြေရှင်းရေး၊ နိုင်ငံရေးပြဿနာမပြေလည်သရွေ့ အကြီးစားစီမံကိန်းများရပ်ဆိုင်းရေး၊ ကချင်ပြည်နယ်မှာ ဖက်ဒရယ်စနစ်နဲ့ ကိုယ်ပိုင်ပြဌာန်းခွင့်ရရှိရေးဆိုတာတွေဖြစ်ပါတယ်။

နောက်ရက်တွေမှာတော့ ဒီလို ဆန္ဒထုတ်ဖော်ပွဲတွေကို ဗန်းမော်၊ ဖားကန့်နဲ့ ၀ိုင်းမော်မြို့တွေမှာလည်း ကျင်းပဖို့ရှိနေပါတယ်။

ကချင်လွတ်လပ်ရေးအဖွဲ့ KIO ဟာ ၁၉၆၁ခုနှစ်က စတင်ဖွဲ့စည်းခဲ့တဲ့အဖွဲ့ဖြစ်ပြီး ၁၉၉၄ခုနှစ်မှာ အစိုးရအပစ်အခတ်ရပ်စဲခဲ့ပါတယ်။ ၂၀၁၁ ခုနှစ်မှာ တိုက်ပွဲတွေ ပြန်လည်စတင်ခဲ့ပြီး နှစ်ဖက်အကြား ငြိမ်းချမ်းရေးဆွေးနွေးတာတွေရှိခဲ့ပေမဲ့ ဒီကနေ့ထိတိုက်ပွဲတွေဖြစ်ပွားနေဆဲဖြစ်ပါတယ်။
VOA Burmese News



၂၀၁၆ ဆေးပညာ နိုဘယ်ဆုကို ဂျပန် နိုင်ငံသား ပါမောက္ခ ယိုရှီနိုရီ အိုဆုမိက ရရှိ။
၂၀၁၆ အတွက် ဆေးပညာ ဆိုင်ရာ နိုဘယ်ဆုကို ဆဲလ်တွေ အကြောင်း အထူးပြု လေ့လာတဲ့ ဇီဝဗေဒ ပညာရှင် ဂျပန် နိုင်ငံသား ပါမောက္ခ ယိုရှီနိုရီ အိုဆုမိက ရရှိသွားပါတယ်။

ဆဲအဟောင်းတွေ ပျက်စီးပြီး ဆဲလ်အသစ်တွေ ဖြစ်ပေါ်တဲ့ Autophagy လို့ ခေါ်တဲ့ ဖြစ်စဉ်နဲ့ ပတ်သက်ပြီး သူ့ရဲ့ လုပ်ဆောင်ချက် တွေကြောင့် အခုလို ဆေးပညာ နိုဘယ်ဆုကို ရသွားတာပါ။

သူက အဲဒီ Autophagy ဖြစ်စဉ်ကို ဖြစ်ပေါ်စေတဲ့ မျိုးဗီဇတွေကို တွေ့ရှိခဲ့တာပါ။

ဒေါက်တာ အိုဆုမိရဲ့ လုပ်ဆောင်ချက်တွေ အရေးပါရတဲ့ အကြောင်းက အဲဒီ မျိုးဗီဇတွေမှာ ချို့ယွင်းချက်တွေ ရှိခဲ့ရင် ကင်ဆာ ရောဂါ ကနေ ဆီးချိုရောဂါ၊ ဦးနှောက်နဲ့ အာရုံကြော ရောဂါ၊ ပါကင်ဆန် ရောဂါတွေအထိ ဖြစ်ပွားစေတယ် ဆိုတာကို သိရှိ နားလည် လာစေတဲ့အတွက် ဖြစ်ပါတယ်။

မနှစ်က ဆေးပညာ ဆိုင်ရာ နိုဘယ်ဆုကိုတော့ ငှက်ဖျား ရောဂါနဲ့ အပူပိုင်း ဒေသတွေမှာ ဖြစ်တဲ့ ရောဂါတွေ အတွက် ကုထုံးတွေ ထုတ်ဖော် ပေးခဲ့တဲ့ ပညာရှင် ၃ ဦးက ပူးတွဲ ရရှိခဲ့ကြပါတယ်။

BBC Burmese
http://www.bbc.com/burmese



RCSS/SSA ရှေ့တန်းတပ်များ
ရှမ်းပြည်နယ်အတွင်းမှာ NCAအပစ်ရပ်လက်မှတ်ထိုး တောင်ပိုင်းရှမ်းပြည်တပ်မတော်နဲ့မြန်မာ့ တပ်မတော်တို့အကြား တိုက်ပွဲတွေ ဖြစ်ပွါး နေဆဲဖြစ်ပြီး ဒေသခံရွာသားထောင်ကျော်ဟာ စစ်ဘေးတိမ်းရှောင်နေရပါတယ်။ အလားတူ တိုင်းရင်းသားလက်နက်ကိုင်အဖွဲ့ နှစ်ဖွဲ့ ဖြစ်တဲ့ ဝ တပ်ဖွဲ့ UWSAနဲ့ မိုင်းလား တပ်ဖွဲ့တွေအကြားမှာလဲ စစ်ရေးတင်းမာမှုတွေဖြစ်ပွါးနေပါတယ်။ ရှမ်းပြည်နယ်အတွင်း စစ်ရေးတင်းမာနေတဲ့အခြေအနေကိုတော့ ဗွီအိုအေထိုင်းအခြေစိုက်သတင်းထောက်နိုင်ကွန်းအိမ်ကနေ ဆက်သွယ်မေးမြန်းပြီး အခုလို သတင်းပေးပို့ထားပါတယ်။

ရှမ်းပြည်နယ်တောင်ပိုင်းလွယ်လင်ခရိုင် မိုင်းကိုင်မြို့နယ်ထဲမှာ NCAအပစ်ရပ်စာချုပ်လက်မှတ်ရေးထိုးထားတဲ့ တောင်ပိုင်းရှမ်းပြည် တပ်မတော် RCSS/SSAနဲ့မြန်မာ့တပ်မတော်တို့အကြားမှာ တိုက်ပွဲဖြစ်ပွါးနေဆဲလို့ RCSSရဲ့ပြောရေးဆိုခွင့်ရှိသူ ဗိုလ်မှူးကြီးစိုင်းလ က ပြောပါတယ်။

“ဒီနေ့တော့ အစိုးရတပ်တွေက လက်နက်ကြီးနဲ့ ကျနော်တို့ ရှိမယ်ထင်တဲ့နေရာမှာ မှန်းပြီးတော့ လှမ်းပစ်နေတာ ၁ ရက်နေ့ကနေ စပြီးတော့ တိုက်ပွဲတွေဖြစ်နေတာပဲဖြစ်ပါတယ်။ ကျနော်တို့ မူးယစ်ဆေးဝါးတားဆီးကာကွယ်ရေးကိစ္စတွေကို အစိုးရနဲ့ ပူးပေါင်းဆောင်ရွက်ဖို့ အစီအစဉ်ရှိခဲ့သလို သို့ပေမယ့် အခုလက်ရှိအနေအထားမှာတော့ ကျနော်တို့က ပြည်သူတွေနဲ့ ပူးပေါင်းပြီးတော့ ဒီလုပ်ငန်းကိုလုပ်ဆောင်နေတဲ့နေရာမှာ အစိုးရတပ်တွေက ကျနော်တို့ကို စစ်သားစုဆောင်မှု၊ ငွေရေးကြေးရေးတွေလုပ်နေတဲ့နေရာဆိုပြီးတော့ ကျနော်တို့ကို ၀င်တိုက်တာပဲဖြစ်ပါတယ်။

တောင်ပိုင်းရှမ်းပြည်တပ်မတော်ရဲ့ မိုင်းကိုင်မြို့နယ် နားပွဲကျေးရွာအုပ်စု အတွင်း မူးယစ်ဆေးဝါးတိုက်ဖျက်ရေး စခန်းကို မြန် မာ့တပ်မတော်ကနေ အောက်တိုဘာလ(၁)ရက်နေ့ကစပြီးဝင်ရောက်တိုက်ခိုက်ခဲ့တယ်လို့ ဗိုလ်မှူးကြီးစိုင်းလက ပြောပါတယ်။

ကာလအတန်ကြာတိုက်ပွဲရပ်တန့်နေရာကနေ အောက်တိုဘာ(၁)ရက်နေ့ကစပြီးဒီကနေ့အထိ နှစ်ဖက်စစ်ရေးတင်းမာမှု တွေဖြစ်ပွါး နေတာပါ။

တောင်ပိုင်းရှမ်းပြည်တပ်မတော်ဟာ မြန်မာအစိုးရနဲ့ NCAအပစ်ရပ်စာချုပ် လက်မှတ်ရေးထိုးထားတဲ့ အဖွဲ့ဖြစ်ပြီး တပ်မတော်အနေနဲ့ NCAစာချုပ်ပါကတိ ချိုးဖေါက်ပြီးဝင်ရောက်တိုက်ခိုက်တာဖြစ်ပြီး အခုလိုစစ်ရေးတင်းမာနေမှုအတွက် နှစ်ဖက်တွေ့ဆုံဖြေရှင်းသွား မယ် လို့လဲ ဗိုလ်မှူးကြီးစိုင်းလက ပြောပါတယ်။

ဒီလိုဖြစ်ပွါးတဲ့တိုက်ပွဲမှာနှစ်ဖက်ထိခိုက်မှုကိုအတည်မပြုနိုင်သေးသလို မြန်မာ့တပ်မတော်ဘက်ကလဲ သတင်းထုတ်ပြန်တာမျိုး မတွေ့ရသေးပါဘူး။

အခုလိုဖြစ်ပွါးခဲ့တဲ့တိုက်ပွဲကြောင့် ဝမ်ပန်ပွိုင်းကျေးရွာ ဝမ်ကုန်းဆာ နားပွဲကျေးရွာအုပ်စုကဒေသခံ(၂၀၀၀)နီးပါးဟာ တုံလော ကျေး ရွာမှာ စစ်ဘေးတိမ်းရှောင်နေရသလို နေထိုင်စားသောက်ရေးအတွက်အခက်ခဲရှိနေတယ်လို့ ဒေသခံ စိုင်းခမ်းဦး ကပြောပါတယ်။

“အခုလောလောဆယ်စနေနေ့က စဖြစ်တယ်ဆိုတော့ အကူအညီလည်းလိုတာပေါ့နော် တုံလော ကျေး ရွာအုပ်စုကလည်း ရွာကြီးမဟုတ်ဘူး၊ ရွာသေးသေးလေးပဲဆိုတော့ စားဖို့သောက်ဖို့ကအဆင်မပြေဘူး။ နောက်ပြီးတော့ ကယ်ဆယ်ရေးအဖွဲ့တွေလည်း တဖွဲ့မှ မရောက်သေးဘူးပေါ့နော်။”

လက်ရှိစစ်ဘေးရှောင်ရွာသားတွေကို တုံလောကျေးရွာ ဘုန်းကြီးကျောင်းမှာ ခိုလှုံနေရသလို အကူညီတွေလိုအပ်နေဆဲ အခြေ အနေမှာရှိနေပါတယ်။

တောင်ပိုင်းရှမ်းပြည်တပ်မတော်RCSS/SSAနဲ့မြန်မာ့တပ်မတော်တို့အကြားမှာတိုက်ပွဲရပ်တန့်မဲ့အရိပ်ယောင်မရှိသေးတာကြောင့် ဒေသခံတောင်သူတွေအနေနဲ့ စိုက်ခင်းကိုသွားဖို့အခက်ခဲရှိနေတယ်လို့ စိုင်းခမ်းဦး ကပြောပါတယ်။

အလားတူ ရှမ်းပြည်နယ်အရှေ့ပိုင်းမှာခြေပြူနေတဲ့ တိုင်းရင်းသားလက်နက်ကိုင်အဖွဲ့နှစ်ဖွဲ့ဖြစ်တဲ့ ဝ တပ်ဖွဲ့ UWSAနဲ့ အမျိုးသား ဒီမိုကရက်တစ်မဟာမိတ်တပ်မတော်(NDAA) မိုင်းလား တပ်ဖွဲ့တွေအကြားမှာလဲ စစ်ရေးတင်းမာမှုတွေဖြစ်ပွါးနေပါတယ်။

စက်တင်ဘာ ၂၈ ရက်နေ့က ဝ တပ်ဖွဲ့ UWSA စစ်သည်အင်အား ၆၀၀ ကျော်ကနေ တိုက်ပွဲဝင်သံချပ်ကာကား ၅ စီးနှင့်အတူ ကျိုင်းတုံ နှင့် မိုင်းလား မြို့နယ်ကြားမှာရှိတဲ့ အထူးဒေသ ၄ မိုင်းလားတပ်ဖွဲ့အခြေစိုက်ရာ လွယ်ဆမ်ဆုမ်၊ လွယ်ကျူဆား တပ်စခန်းနဲ့ မိုင်းလားနယ်အဝင် ပန်မတ်ဖိုင်း ဂိတ်စခန်းကို သိမ်းပိုက်လိုက်ပြီး မိုင်းလား စစ်သည် ၁၅၀ ခန့်ကိုလဲဖမ်းဆီးထိန်းသိမ်း ထားခဲ့ပါတယ်။

UWSA ၀တပ်ဖွဲ့အနေနဲ့ မဟာမိတ်ဖြစ်တဲ့မိုင်းလားတပ်ဖွဲ့ရဲ့စခန်း တွေကိုသိမ်းပိုက်ခဲ့တာ နဲ့ပက်သက်လို့ ရှမ်းပြည်နယ်အရေး လေ့လာသူ သျှမ်းသံတော်ဆင့်အယ်ဒီတာချုပ် စိုင်းမိန်းက အခုလိုပြောပါတယ်။

“အခါလူမျိုးတွေက ကိုယ်ပိုင်အုပ်ချုပ်ခွင့်ရ ဒေသမရှိသေးဘူး။ အဲဒီအတွက် မိုင်းလားထိန်းချုပ်ထားတဲ့ အထူးဒေသ ၄ နယ်မြေကို အခါ ကိုယ်ပိုင်အုပ်ချုပ်ခွင့်ရဒေသအဖြစ်သတ်မှတ်ပေးဖို့ မိုင်းလားတပ်ဖွဲ့က သွားရောက်တောင်းဆိုတာတွေရှိတယ်။ အဲဒီတောင်းဆိုတဲ့အပေါ်မှာ ၀ ကတော်တော်လေး စိုးရိမ်တဲ့အနေအထားရောက်သွားလိမ့်မယ်လို့မြင်မိပါတယ်။ ဘာဖြစ်လို့လဲဆိုတော့ အဲဒီ ၀ တပ်ဖွဲ့ကလည်း သံလွှင်အရှေ့ခြမ်းအားလုံးကို ၀ ကိုယ်ပိုင်ပြည်နယ်အဖြစ် သတ်မှတ်ပေးဖို့ သူတို့ ဆန္ဒရှိတယ်။”

မနေ့က မိုင်းလားခေါင်းဆောင်တွေနဲ့ ၀တပ်ဖွဲ့ခေါင်းဆောင်တွေကနေ တွေ့ဆုံညှိနှိုင်းခဲ့ရာမှာ မိုင်းလားတပ်ဖွဲ့ဝင်တွေကို ပြန်လည် လွှတ်ပေးခဲ့ပေမဲ့ စခန်းနဲ့လက်နက်တွေကိုတော့ ၀တပ်ဖွဲ့ကနေ ထိန်းသိမ်းထားဆဲလို့ သျှမ်းသံတော်ဆင့်အယ်ဒီတာချုပ် စိုင်းမိန်းက အခုလိုပြောပါတယ်။

“တပ်မဟာမှူး ပေါင်းအိုင်ပန်းက ဒါက အထက်အမိန့်အရ လာရတာဖြစ်တယ်။ အထက်အမိန့်မရရင်တော့ ပြန်လို့မရဘူးလို့ ညွန်ကြားတယ်။ ဖမ်းဆီးထားတဲ့လူ ၁၅၁ ဦးကို အားလုံးပြန်လွှတ်ပေးတယ်။ လမ်းမပေါ်မှာရှိတဲ့ စခန်းတခုကို မိုင်းလားဘက်ကို ပြန်လွှဲပေးတယ်။ ဒါပေမယ့် အရေးပါတဲ့ တပ်စခန်းကြီး ၂ ခုကိုတော့ အခုထိ ပြန်လွှဲပြေးတာတွေမရှိသေးဘူး။”

UWSA ၀တပ်ဖွဲ့နဲ့ မိုင်းလားတပ်ဖွဲ့တို့ဟာ ၂၀၀၉ခုနှစ် မြန်မာတပ်မတော်ကနေ နယ်ခြားစာင့်တပ်အသွင်ပြောင်းဖို့ ဖိအားပေး စဉ်က နယ်မြေ လုံခြုံရေးအရ ပူးတွဲလုပ်ဆောင်သွားဖို့ သဘောတူညီမှုတွေရှိခဲ့သလို စစ်ရေးမဟာမိတ်အဖွဲ့တွေလဲဖြစ်ပါတယ်။

လက်ရှိမြန်မာနိုင်ငံမှာ ၂၁ ရာစုပင်လုံညီလာခံခေါ် ပြည်ထောင်စုငြိမ်းချမ်းရေးညီလာခံကျင်းပပြီးစီးခဲ့ပေမဲ့ တိုင်းရင်းသားဒေသ တွေမှာ စစ်ရေးတင်မာမှုတွေရှိနေဆဲဖြစ်ပါတယ်။

အထူးသဖြင့် ကချင်ပြည်နယ် ရှမ်းပြည်နယ် ကရင်ပြည်နယ်ဘက်မှာ တိုင်းရင်းသားလက်နက်ကိုင်အဖွဲ့တွေနဲ့ မြန်မာ့တပ်မတော် တို့ အကြားဖြစ်ပွါးတဲ့တိုက်ပွဲ တိုင်းရင်းသားအချင်းချင်းကြားမှာဖြစ်ပွါးတဲ့စစ်ရေးတင်းမာမှုတွေဟာ ငြိမ်းချမ်းရေးလုပ်ငန်းစဉ်မှာ အဟန့်အတားတခုလိုဖြစ်နေပါတယ်။

ဒီလိုဖြစ်ပွါးတဲ့စစ်ရေးပဋိပက္ခတွေကြောင့် ဒေသခံအများအပြားဟာလဲ စစ်ဘေးတိမ်းရှောင်နေရသလို ဒီစစ်ပြေးဒုက္ခသည်အရေး ကိစ္စဟာ အစိုးရသစ်အနေနဲ့ဖြေရှင်း ဖို့ခက်ခဲနေဆဲ အခြေအနေမှာရှိနေပါတယ်။

 နိုင်ကွန်းအိမ် / ဗွီအိုအေ (မြန်မာပိုင်း)
http://burmese.voanews.com



ပဋိပက္ခကြောင့် ကချင်စစ်ဘေးဒုက္ခသည် ကလေးငယ်များ
ရှမ်းပြည်နယ် မြောက်ပိုင်း မုံးကိုး မြို့နယ် ပူဝမ်းရွာကို လက်နက်ကြီးနဲ့ ပစ်ခတ် တိုက်ခိုက်ခံရမှု အတွင်း အသက် ၂ နှစ် အရွယ် ကလေးငယ် တဦး သေဆုံးပြီး တခြား ကလေး ၂ ဦးတို့ ဒဏ်ရာရရှိခဲ့တဲ့ အပေါ် ၀မ်းနည်း ကြေကွဲရပြီး အထူးဘဲ စိုးရိမ်မကင်း ဖြစ်ရပါကြောင့် ကုလ သမဂ္ဂ ကလေးသူငယ်များ ရံပုံငွေ အဖွဲ့ UNICEF ရဲ့ မြန်မာ ဌာနေရုံးကနေ ကြေညာချက် ထုတ်ပြန်ပါတယ်။

ပဋိပက္ခကြောင့် မြန်မာနိုင်ငံတွင်းက ကလေးငယ် အများအပြား သေဆုံးရတယ်ဆိုတာကိုလည်း UNICEF မြန်မာ ဌာနေ ကိုယ်စားလှယ်က အခိုင်အမာ ပြောဆိုပြီး ပဋိပက္ခမှာ ပါဝင် ပတ်သက်သူ အားလုံး အနေနဲ့ ကလေးငယ်တွေကို ထိခိုက်နာကျင်မှု မရှိအောင် ထိန်းသိမ်းကြဖို့လည်း တိုက်တွန်းပါတယ်။ ပဋိပက္ခမှာ တာဝန်ရှိကြတဲ့ အဖွဲ့အစည်းတွေ အားလုံး အနေနဲ့ နိုင်ငံတကာ ဥပဒေတွေကို လေးစား လိုက်နာကြဖို့လည်း ကုလ အဖွဲ့ကြီးက တောင်းဆိုပါတယ်။ ကျောင်းတွေ ဆေးရုံတွေကို တိုက်ခိုက်သိမ်းပိုက်တာ မလုပ်ဖို့၊ ကလေးငယ်တွေ တိုက်ခိုက်ခံရမှုကနေ အသေအချာ ကင်းလွတ်ပြီး လက်နက်ကိုင် တပ်ဖွဲ့တွေမှာ စုဆောင်းအသုံးချနေတာတွေကို အဆုံးသတ်ဖို့တွေလည်း ပါဝင်တယ်လို့လည်း ကုလ အဖွဲ့ကြီးက ပြောဆိုပါတယ်။

ရှမ်းပြည်နယ် မြောက်ပိုင်းမှာ တိုက်ပွဲတွေ ပြန်ဖြစ်နေပြီး ကချင်ပြည်နယ်ထဲမှာလည်း တင်းမာမှုတွေ တိုးလာတဲ့ အပေါ်မှာလည်း အထူးစိုးရိမ်တယ်လို့လည်း ကုလ အဖွဲ့ကြီးက ပြောပါတယ်။ ငြိမ်းချမ်းရေး ဆွေးနွေးမှုတွေမှာလည်း ပဋိပက္ခဒေသတွေက ကလေးငယ်တွေ ရင်ဆိုင်နေရတဲ့ အခက်အခဲတွေနဲ့ သူတို့ အနာဂတ် အတွက် ထည့်သွင်းစဉ်းစားပေးရမယ်လို့လည်း ပြောဆိုပြီး သူတို့ကို အခုချက်ချင်း အကာအကွယ် ပေးဖို့ လိုအပ်တယ်လို့လည်း ကုလ အဖွဲ့ကြီးက ပြောဆိုထားပါတယ်။ မြန်မာ့ တပ်မတော် အပါအ၀င် တိုင်းရင်းသား လက်နက်ကိုင် တပ်တွေမှာ ကလေးစစ်သား စုဆောင်း အသုံးပြုမှုတွေ အဆုံးသတ်ဖို့လည်း ကုလသမဂ္ဂက အစဉ်တစိုက် တိုက်တွန်းနေတာ ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com


ရန်ကုန်၊ အောက်တိုဘာ ၃

အရွယ်မရောက်သေးသူများအား တပ်သားသစ်အဖြစ် မှားယွင်းစုဆောင်းခဲ့ကြသည့် အတွက် စစ်စည်းကမ်းအရ အရေးယူဆောင်ရွက်ရာ ၂၀၁၆ သြဂုတ်လအထိ အရာရှိ/အခြားအဆင့် ၄၈၃ ဦးရှိပြီဖြစ်ကြောင်း ရန်ကုန်တိုင်းဒေသကြီး နယ်လုံဝန်ကြီးဗိုလ်မှူးကြီး တင်အောင်ထွန်း ကပြောသည်။

ဒုတိယအကြိမ် ရန်ကုန်တိုင်းဒေသကြီးလွှတ်တော် တတိယနေ့ အစည်းအဝေး(ဒုတိယနေ့)တွင် ဒလမြို့နယ်၊ မဲဆန္ဒနယ် အမှတ်(၁) လွှတ်တော်ကိုယ်စားလှယ်ဦးရွှေရင်၏ ကလေးစစ်သား များ လျော့နည်းသွား သည့် အခြေအနေကိုသိရှိ လိုပါကြောင်း မေးခွန်းနှင့် ပက်သက် ၍ ၎င်းကအထက်ပါ အတိုင်းပြန်လည်ဖြေကြားခဲ့ခြင်းဖြစ်သည်။

“တပ်မတော်အနေနဲ့ အရွယ်မရောက်သေးတဲ့ ကလေးသူငယ်များကို လုံးဝစုဆောင်းခြင်းမပြုရန်အတွက် ညွှန်ကြားထားပြီးဖြစ်ပါတယ်။ အကြောင်းအမျိုးမျိုးကြောင့်မှားယွင်းစုဆောင်းခဲ့သူများကိုလည်း စိစစ်၍ အမြန်ဆုံးထွက်ခွင့်ပြုရန်ဆိုတာကိုလည်း ညွှန်ကြားထားပြီးဖြစ်ကြောင်း တပ်ပြအပ်ပါတယ်” ဟု ဗိုလ်မှူးကြီးတင်အောင်ထွန်းကပြောသည်။

၂၀၁၂ ခုနှစ်မှ ၂၀၁၆ခုနှစ်အထိစစ်သည် ၈၁၀ ဦးအား တပ်မတော်မှ နှုက်ထုတ်ခွင့်ပြု၍ မိဘ/အုပ်ထိန်းသူများ ထံ ပြန်လည်လွှဲပြောင်းအပ်နှံ့ခဲ့ကြောင်းသိရသည်။

Written By ဆုမင်းကို
photo By Unicef
Hinthar Media Corporation
https://www.facebook.com/hintharmediacorporation/


ပဲခူးတိုင်းဒေသကြီး ၊ ကျောက်တံခါးမြို့မှာ အောက်တိုဘာလ (၃) ရက်နေ့ နေ့လည်ပိုင်းက မီးလောင်ကျွမ်းမှုတစ်ခုဖြစ်ပွားခဲ့တယ်လို့ သိရပါတယ်။ ကွင်းတောင်ရပ်ကွက် အားကစားလမ်းမှာရှိတဲ့ နေအိမ်တစ်အိမ်မှာ မီးအားမြှင့်စက်အပူလွန်ကဲပြီး မီးလောင်ကျွမ်းခဲ့တာဖြစ်ပါတယ်။


 မီးကူးစက်လောင်ကျွမ်း မှုကြောင့် နေအိမ် အပေါ်ထပ် မီးလောင်ဆုံးရှုံးခဲ့ပါတယ်။ မီးလောင်ကျွမ်းမှုကြောင့် ထိခိုက်ဒဏ်ရာ ရရှိမှုမရှိပဲ နေအိမ်အပေါ်ထပ်မီးလောင်ပျက်စီးမှုကြောင့် ကာလတန်ဖိုး ဆယ့်နှစ်သိန်းခန့် ပျက်စီးဆုံးရှုံးခဲ့ပါတယ်။ ဒီဖြစ်စဉ်နဲ့ပတ်သက်ပြီး မီးပေါ့ဆစွာ သုံးစွဲသူ နေအိမ်ပိုင်ရှင်ကို ကျောက်တံခါးမြို့မရဲစခန်းက အမှုဖွင့်အရေးယူထားတယ်လို့ သိရပါတယ်။

5 Plus News
https://www.facebook.com/5plusnews



မြန်မာနိုင်ငံ အတွင်း လက်ရှိ သုံးစွဲနေသော ငွေစက္ကူများအား တွေ့ ရစဉ်(ဆင်ဟွာ)
    ရန်ကုန် ၊ အောက်တိုဘာ ၃ ရက်(ဆင်ဟွာ)

    ပြည်တွင်း ပုဂ္ဂလိက ဘဏ်များတွင် ၀န်ဆောင်မှု ပေးလျက် ရှိသည့် အပ်ငွေအပေါ် နေ့စဉ် အတိုးပေးရသော Call Deposit အပ်ငွေ အတိုးနှုန်းကို အားလုံး တစ်ပြေးညီ လျှော့ချ သတ်မှတ်မှသာ ပိုမို ထိရောက်နိုင်မည် ဖြစ်ကြောင်း ဘဏ်လုပ်ငန်းရှင်များ အသိုင်းအ၀ိုင်းမှ သိရသည်။

“အတိုးနှုန်း ချမယ်ဆိုရင်တော့ ဘဏ်အားလုံးလျှော့ချမှ ထိရောက်မယ်လေ။ဘဏ်အားလုံး မချဘဲနဲ့  ဘဏ်တစ်ခုတည်းက ဒီတိုင်းပဲ နေနေမယ် ဆိုရင် ငွေအပ်တဲ့သူက ငွေပိုတွေ အပ်ကြတာကိုး။ဒါကြောင့် နှုန်းထား ကျသွားလို့ ရှိရင် နှုန်းထား မြင့်တဲ့ ဘဏ်မှာ သွားထားဖို့ အစီအစဉ် ရှိတာပေါ့။အဲလိုဟာမျိုးတွေ ရှိနိုင်တယ်။ချမယ်ဆိုရင် ဘဏ်တွေ တစ်ပြိုင်နက်ချတာ ပိုထိရောက်မယ်လေ။ Call Deposit အပ်ငွေ အတိုးနှုန်း ဆိုတာက အိမ်နီးချင်း နိုင်ငံတွေမှာ မရှိဘူး။”ဟု ပြည်တွင်း ပုဂ္ဂလိက ဘဏ်တစ်ခု ဖြစ်သည့် CB ဘဏ်၏ အကြံပေး ဖြစ်သူ ဦးဖေမြင့် က ဆင်ဟွာသို့ ပြောသည်။

ယခုအချိန်တွင် ပြည်တွင်း ပုဂ္ဂလိက ဘဏ်တစ်ချို့ သည် အပ်ငွေအပေါ် နေ့စဉ် အတိုးပေးရသော Call Deposit အပ်ငွေ အတိုးနှုန်း ပြင်ဆင် လျှော့ချသတ်မှတ်လိုက်သော်လည်း တစ်ချို့ သော ဘဏ်များသည် မူလပေးအပ် ထားသည့် အတိုးနှုန်း အတိုင်းသာ ဆက်လက် ထားရှိပြီး လုပ်ကိုင် ဆောင်ရွက်လျက် ရှိကြောင်း သိရသည်။

“Call Deposit ဆိုတာကတော့ နေ့ စဉ် အတိုးပေးတာပေါ့။နေ့ ပြန်တိုး ပေးတာပေါ့။အဲတာကတော့ တွက်ချေ သိပ်မကိုက်ဘူး ထင်တယ်။အဲဒီအတွက် တွက်ခြေ မကိုက်ကြတော့ ဘဏ်တွေက အတိုးနှုန်း လျှော့ချတယ်လို့  ထင်တယ်။ တကယ်တမ်း ဆိုရင် နိုင်ငံတကာ မှာတောင် မလုပ်ဘူး ထင်တယ်။အစိုးရဘဏ်တွေလဲ Call Deposit မလုပ်ဘူး။ဘာကြောင့်လဲဆိုတော့ အကျိုး သိပ်မရှိလို့ လေ။ဒါပေမယ့် ပုဂ္ဂလိက ဘဏ်တွေက လုပ်ကြည့်တာပေါ့ဗျာ။လုပ်ကြည့်တော့ တော်တော်များများ နှစ်ကြာတဲ့ အခါမှာ တွက်ခြေမကိုက်တော့ လျော့မယ် ပြောတာဗျ။တကယ်တမ်းဆို လျှော့ရုံမကဘူး။လုပ်တောင် မလုပ်သင့်ဘူး။”ဟု CB ဘဏ်၏ Chief Comply Officer ဦးဦးသိန်းမြင့်က ပြောသည်။

လက်ရှိ၌ ကမ္ဘာ့ရတနာဘဏ်၏ Call Deposit အတိုးနှုန်းမှာ ကျပ်သိန်း ၁၀၀ အောက်ဆိုပါက ၄ ရာခိုင်နှုန်းနှင့် ကျပ်သိန်း ၁၀၀ အထက်ဆိုပါက ၈ ရာခိုင် နှုန်းဖြစ်ကြောင်း၊ အောက်တိုဘာလမှစ၍ ကျပ်သိန်း ၁၀၀ အောက်ဆိုလျှင် ၄ ရာခိုင် နှုန်းနှင့် ကျပ်သိန်း ၁၀၀ အထက် ဆိုပါက ၆ ရာခိုင်နှုန်းသို့ အတိုးနှုန်းလျှော့ချမည် ဖြစ်ကြောင်း ကမ္ဘာ့ရတနာဘဏ်မှ ဒုတိယ ဦးဆောင်ညွှန်ကြားရေးမှူး ဒေါက်တာလှညွန့်က ပြောကြားသည်။

"အတိုးနှုန်းလျှော့တာက ဘဏ်တိုင်းတော့ မဟုတ်တော့ဘူးပေါ့။ လုပ်နိုင်တဲ့သူကတော့ မလျှော့ဘဲ လုပ်ချင်လုပ်မှာပေါ့။ နေ့တိုင်း အတိုးပေးရတာဆိုတော့ ကြာလာတော့ ဘဏ်အနေနဲ့ မခံနိုင်ဘူးလေ" ဟု ၎င်းကရှင်းပြသည်။

ကမ္ဘောဇဘဏ်အကြီးတန်း မန်နေဂျင်းဒါရိုက်တာ တဦးဖြစ်သူ ဦးသန်းချိုက "ခေါ်ယူအပ်ငွေ အပေါ် အတိုးလျှော့တဲ့ ဘဏ်လည်းလျှော့တယ်။ မလျှော့တဲ့ဘဏ် လည်း မလျှော့ဘူး။ သောကြာနေ့ ညနေ လာအပ်တယ်။ တနင်္လာနေ့ မနက်အစောကြီး လာထုတ်သွားတယ်။ ဘဏ်က ဒီငွေအပေါ်မှာ ဘယ်လို သွားသုံးမှာတုန်း။ ၂ ရက် လာထားတော့ ဘဏ်က အတိုးသာ ပေးလိုက်ရတယ် သုံးလည်း မသုံးလိုက်ရဘူး။ ဘဏ်ရဲ့သဘာဝက အပ်ငွေကို ပြန်အသုံးချချင်တာ။ပြန်အသုံး မချနိုင်ရင်တော့ ၀န်ထုပ်ဝန်ပိုးဖြစ်တယ်။ ဒါနဲ့ ပတ်သက်လို့စိတ်ပျက်တာပေါ့လေ”ဟု ပြောသည်။

(Xinhua)
http://www.xinhuamyanmar.com


မန္တလေးမြို့၊ ရတနာဘုမ္မိအရှေ့ရပ်၊ သုစရိတဓမ္မာရုံတွင် စက်တင်ဘာ ၂၃ ရက်ညက၀တ်ရွတ်နေစဉ် အသံချဲ့စက်မိုက်ကြိုးများကို ဆွဲဖြုတ်ခဲ့သူ နယ်သာလန်နိုင်ငံသား၏အမှုအား စွဲချက်တင်ရန် အောက်တိုဘာ ၃ ရက်နေ့၊ မွန်းလွဲ ၄ နာရီက မြို့နယ်ဥပဒေအရာရှိ ဦးစည်သူဆွေထွန်းမှ တရားသူကြီးထံ တင်ပြလျှောက်ထားသည်။

“သက်သေထွက်ချက်တွေ၊ မှုခင်းမှတ်တမ်းများအရ ဓမ္မာရုံထဲကိုဖိနပ်စီးဝင်တာကြောင့် ပုဒ်မ ၂၉၅-နဲ့ ညိစွန်းတာ ပေါ်လွင်တယ်။ ဗီဇာနဲ့ ၀င်ရောက်လာသူ နိုင်ငံခြားသားက ဗီဇာစည်းကမ်းအရ နိုင်ငံရဲ့ ဘာသာ/သာသနာနဲ့ ဓလေ့ထုံးစံတွေကို လိုက်နာရမှာဖြစ်ပေမယ့် မလိုက်နာဘူး”ဟု ၄င်းက ပြောသည်။

နယ်သာလန်နိုင်ငံသားမှာ Mr. KLAAS HAYTEMA သည် ဘာသာသာသနာကို ညှိုးနွမ်းစေခြင်း ရာဇသတ်ကြီးပုဒ်မ ၂၉၅ နှင့်လည်းကောင်း၊ မြန်မာနိုင်ငံလူဝင်မှုကြီးကြပ်ရေး အက်ဥပဒေပုဒ်မ၁၃ (၁) ဖြင့်လည်းကောင်း အမှုရင်ဆိုင်နေရသူဖြစ်သည်။

“သက်သေထွက်ဆိုချက်များအရ စွဲဆိုထားတဲ့ ပုဒ်မတွေနဲ့ ညိနေတယ်။ သူ့ဘက်ကစွဲချက်တင်ဖို့ လျှောက်ထားချက်အပေါ် သူ့ဘက်ကနေ တင်သင့်/မတင်သင့်ကိုရုံးတော်မှ လျှောက်ထားလို့ရတယ်”ဟု တရားသူကြီးက ပြောသည်။

စက်တင်ဘာ ၂၈ ရက်နေ့ကစ၍ စစ်ဆေးခဲ့ရာ ယနေ့ထိ တရားလိုပြသက်သေများကိုစစ်ဆေးခဲ့ပြီး ခိုင်လုံသောထွက်ဆိုချက်များကြောင့် ယင်းအမှုကို စွဲချက်တင်ရန် လျှောက်ထားခြင်းဖြစ်၍ စွဲချက်တင်သင့်/မတင်သင့်ကို မနက်ဖန်အောက်တိုဘာ ၄ ရက်နေ့တွင် တရားသူကြီးမှ ဆုံးဖြတ်ပေးမည်ဖြစ်သည်။

ခိုင်ဆက်ဝေ
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal



ထိုင်းနိုင်ငံတွင် အလုပ်လုပ်ကိုင်ကြသည့် မြန်မာရွှေ့ပြောင်း အလုပ်သမားတချို့ကို မဲဆောက်-မြ၀တီနယ်စပ်တွင် တွေ့ရစဉ်။
လူထိပ်မိုး အလုပ်အကိုင်ရှာဖွေရေးအေဂျင်စီတစ်ခုက မြန်မာအလုပ်သမား ၃၀၀ ကို ထိုင်းနိုင်ငံက မုန့်မျိုးစုံ ထုတ် လုပ်တဲ့စက်ရုံမှာ အလုပ်ရမယ်ဆိုပြီး စာချုပ်ချုပ်ခဲ့ပေမယ့် အခုချိန်ထိ အလုပ်မရသေးဘူး လို့ မြန်မာနိုင်ငံလုံးဆိုင်ရာ အလုပ်သမားသမဂ္ဂများအဖွဲ့ချုပ်က ပြောပါတယ်။

အလုပ်ရဖို့ တစ်ဦးကို ငွေကျပ် ၅ သိန်းစီ ပေးခဲ့ရပြီး လက်ရှိ မြဝတီမြို့မှာ အခက်အခဲတွေ့နေကြတယ်လို့ မြန်မာနိုင် ငံလုံးဆိုင်ရာ အလုပ်သမားသမဂ္ဂများအဖွဲ့ချုပ် ရွှေ့ပြောင်းအလုပ်သမားဌာန ဌာနမှုး ဒေါ်ထွေးထွေးသိန်း က ပြောပါတယ်။

''သူတို့စာချုပ်ချုပ်ထားတဲ့အထဲမှာကျတော့ ပို့မယ့်စက်ရုံကတော့ မုန့်မျိုးစုံလုပ်မယ့်လုပ်ငန်းလို့ ပြောတယ်၊ ရှိတဲ့နေရာကကျတော့ စမွတ်စခွန်မှာ၊ သွားခါနီးကျတော့ ကြက်စားစက်ရုံ ဒါမှမဟုတ် ကြာဇံစက်ရုံမှာ လုပ်ချင်တဲ့သူ ကုမ္ပဏီမှာ ခေါ်ပြီးတော့မှ ဝန်ခံကတိလက်မှတ်ထိုးခိုင်းတယ်၊ ကျွန်မတို့အလုပ်သမားတွေကို မေးကြည့် သလောက်တော့ သူတို့တစ်ယောက်ကို ငါးသိန်း ပေးထားရတယ်''

အဲဒီအလုပ်သမား ၃၀၀ ကို ပြီးခဲ့တဲ့ စက်တင်ဘာလ ၁၄ ရက်နေ့ကတည်းက မြဝတီမြို့ကို ပို့ဆောင်ပေးခဲ့တာဖြစ် ပြီး ထိုင်းနိုင်ငံ စမွတ်စခုံခရိုင်က မုန့်မျိုးစုံထုတ်လုပ်ရေးစက်ရုံကို ပို့ဆောင်ပေးမယ်လို့ ပြောပြီး လူထိပ်မိုးအေဂျင်စီ က ခေါ်ယူခဲ့တာဖြစ်ပါတယ်။

အဲဒီစက်ရုံက အလုပ်သမားအသစ်လက်မခံနိုင်တော့တဲ့အတွက် တစ်ခြားစက်ရုံတွေမှာ အလုပ်ရှာပေးမယ် လို့ မြန်မာအလုပ်သမားတွေကို ပြောကြောင်းလည်း သိရပါတယ်။

အလုပ်မရခင် ပြန်မယ်ဆိုရင် ခံဝန်လက်မှတ်ထိုးပြီး ပြန်နိုင်ကြောင်း အဲဒီအေဂျင်စီ တာဝန်ရှိသူတွေက အလုပ် သမားတွေကို ပြောထားပါတယ်။

RFA Burmese
http://www.rfa.org/burmese



၇ ကြိမ်မြောက် အာဆီယံ ပါလီမန်များ အဖွဲ့အစည်းအဝေးကို မြန်မာ နိုင်ငံက အိမ်ရှင် အဖြစ် ၃ ရက်တာ လက်ခံ ကျင်းပ။
မြန်မာနိုင်ငံမှာ ကျင်းပခဲ့တဲ့ အာဆီယံ ပါလီမန်များ အဖွဲ့ အစည်းအဝေး ကနေ မြန်မာ နိုင်ငံက အဆိုပြု ခဲ့တဲ့ အလုပ်အကိုင် အခွင့်အလမ်း တွေ ပိုမို ဖန်းတီး ပေးပြီး လုပ်ငန်းခွင် အနေအထားတွေ တိုးတက် လာအောင် လုပ်ဆောင် ပေးရေးနဲ့ အသေးစား အလတ်စား စီးပွားရေး တွေ အားကောင်း လာအောင် ပြုလုပ် ပေးရေး ဆိုတဲ့ စီးပွားရေး ဆိုင်ရာ ဆုံးဖြတ်ချက် တွေကို အတည် ပြု နိုင်ခဲ့တယ်လို့ နေပြည်တော်က လာတဲ့ သတင်းတွေက ဆိုပါတယ်။

ဒါ့အပြင် AEC လို့ ခေါ်တဲ့ အာဆီယံ စီးပွားရေး အသိုက်အမြုံ အသက်ဝင် အကောင်အထည် ပေါ်လာအောင် ဆောင်ရွက် ပေးကြဖို့လည်း သဘောတူ နိုင်ခဲ့တယ် ဆိုပြီး အာဆီယံ ပါလီမန်များအဖွဲ့ စီးပွားရေး ဆိုင်ရာ အဖွဲ့ အစည်းရဲ့ ဥက္ကဌလည်းဖြစ် နွားထိုးကြီးမြို့နယ် ပြည်သူ့ လွှတ်တော် ကိုယ်စားလှယ်လည်း ဖြစ်တဲ့ ကိုနိုင်ထူးအောင်က ဘီဘီစီကို ပြောပါတယ်။

၃၇ ကြိမ်မြောက် အာဆီယံ ပါလီမန်များ အဖွဲ့အစည်းအဝေးကို မြန်မာ နိုင်ငံက အိမ်ရှင် အဖြစ် ၃ ရက်တာ လက်ခံ ကျင်းပ ခဲ့တာ ဖြစ်ပြီး၊ ဒါဟာ မြန်မာ နိုင်ငံ အနေနဲ့ ဒီ အစည်းအဝေးကို ပထမဆုံး အကြိမ် လက်ခံ ကျင်းပ ခဲ့တာ ဖြစ်တယ်လို့ ဘီဘီစီ သတင်းထောက် က ဆိုပါတယ်။

ဒီ ၃ ရက်တာ အတွင်းမှာ စီးပွားရေး ကဏ္ဍ အပါအဝင်၊ နိုင်ငံရေး၊ လူမှုရေး၊ အမျိုးသမီးကဏ္ဍနဲ့ အသင်းအဖွဲ့များ ကိစ္စ တွေ ဆိုပြီး အဓိက ခေါင်းစဉ် ၅ ခု အောက်မှာ ဆာဆီယံ နိုင်ငံတွေက ပါလီမန်နဲ့ လွှတ်တော် တွေရဲ့ ဥက္ကဌတွေ၊ ဒုဥက္ကဌ တွေ နဲ့ အတူ ကိုယ်စားလှယ် ၂ဝဝ ကျော် တက်ရောက် ဆွေးနွေး ခဲ့ကြပါတယ်။

ဒီ အစည်းအဝေးမှာ သဘောတူခဲ့တဲ့ အချက်တွေကို ရှေ့ဆက် အကောင်အထည် ဖော်နိုင်ဖို့ ၊ သက်ဆိုင်ရာ အစိုးရ အသီးသီးကို တိုက်တွန်းဖို့ နဲ လိုအပ်တဲ့ ဥပဒေတွေ ပြဌါန်းဖို့ ဆက်လက် ဆောင်ရွက် ကြရမှာ ဖြစ်ပါတယ်။

BBC Burmese
http://www.bbc.com/burmese



ပလူတိုနီယံ လျှော့ချဖို့ သဘောတူညီချက်ကို ရုရှားနဲ့ အမေရိကန်တို့ ၂၀၀၀ ပြည့်နှစ်က ပထမဆုံး လက်မှတ်ထိုးခဲ့။
ရုရှားနဲ့ အမေရိကန် ပြည်ထောင်စု အကြား ဆက်ဆံရေး ပိုဆိုးလာတဲ့ လက္ခဏာ အဖြစ် သူတို့ နှစ်နိုင်ငံ အကြား သဘောတူ ထားခဲ့တဲ့ နျူလက်နက် ထုတ်နိုင်တဲ့ ပလူတိုနီယံ လျှော့ချရေး သဘောတူညီ ချက်ကို ရုရှားဘက်က ဆိုင်းငံ့ လိုက်ပါတယ်။

ဒီလို ဆိုင်းငံ့ဖို့ ဆုံးဖြတ်ရတာဟာ အမေရိကန် တို့ရဲ့ မိတ်ဆွေ မပီသတဲ့ ဆောင်ရွက်ချက် တွေကြောင့်လို့ သမ္မတ ဗလာဒီမီယာ ပူတင် ထုတ်ပြန်တဲ့ အမိန့်စာထဲမှာ ဖော်ပြ ပါရှိပါတယ်။

ပလူတိုနီယံ လျှော့ချရေး သဘောတူညီချက်ကို လွန်ခဲ့တဲ့ ၁၆ နှစ်က ပထမဆုံး လက်မှတ် ထိုးခဲ့တာပါ။

အဲဒီ သဘောတူညီချက် ထဲက အတိုင်း အမေရိကန်တို့ ဘက်က အတိအကျ လိုက်နာခြင်း မရှိဘူးလို့ သမ္မတ ပူတင်က စွပ်စွဲ ပြောဆိုပါတယ်။

၂၀၁၀ မှာတော့ ရုရှားရော အမေရိကန် နှစ်နိုင်ငံ စလုံးက ပလူတိုနီယံ တန်ချိန် ၃၀ ကျော်စီ လျှော့ချမယ် ဆိုတဲ့ သဘောတူညီချက်ကို ထပ်မံ ရေးထိုး ကတိပြု ထားခဲ့ကြတာပါ။

လွန်ခဲ့တဲ့ နှစ်နှစ်က ခရိုင်းမီးယား ဒေသကို ရုရှားက ယူကရိန်း ဆီကနေ ထုတ်ယူခဲ့သလို ယူကရိန်း ခွဲထွက်ရေး သူပုန်တွေကို ရုရှားက ထောက်ပံ့ ခဲ့တဲ့အတွက် အမေရိကန်နဲ့ ရုရှား အကြား ဆက်ဆံရေး ပိုမို ဆိုးရွား လာစေခဲ့ပါတယ်။

BBC Burmese
http://www.bbc.com/burmese



Indianapolis ရှိ မြန်မာဒုက္ခသည်များကိုတွေ့ရစဉ်
၂၀၁၆ ဘဏ္ဍာနှစ်အတွက် အမေရိကန်ပြည်ထောင်စုက လက်ခံဖို့ လျာထားတဲ့ ဒုက္ခသည်အရေအတွက် မပြည့်ခင်လေးမှာပဲ သတ်မှတ်ကာလ ပြည့်သွားခဲ့ပါတယ်။ ဒုက္ခသည်တွေကို လက်ခံရေးနဲ့ဆိုင်တဲ့ မူဝါဒတွေအတွက် နိုင်ငံရေးအရ အခြေအတင် ငြင်းခုန်မှုတွေ ဖြစ်ပေါ်ပြီးတဲ့နောက် မူလက လက်ခံဖို့လျာထားတဲ့ ဒုက္ခသည် ဦးရေ ၈၅,၀၀၀ ပြည့်ဖို့ ၅ ယောက်အလိုမှာပဲ သတ်မှတ်ထားတဲ့ ၁၂ လ ကာလ ပြည့်သွားခဲ့တာပါ။

၂၀၁၆ ဘဏ္ဍာနှစ် အဆုံးနဲ့ ၂၀၁၇ ဘဏ္ဍာနှစ်သစ် မစခင် ကာလဖြစ်တဲ့ အောက်တိုဘာလ ၁ ရက် ညသန်းခေါင်အချိန် အထိ နိုင်ငံခြားရေးဌာနက ထုတ်ပြန်တဲ့ စာရင်းအရ နှစ်စဉ် ဒုက္ခသည် ဘယ်နှစ်ဦးကို အမေရိကန်ပြည်ထောင်စုက လက်ခံမယ်ဆိုတဲ့ သမ္မတက စတင် သတ်မှတ်ခဲ့တဲ့ ၂၄ နှစ်တာ ကာလအတွင်း ၂၀၁၆ ဘဏ္ဍာနှစ်မှာ ရောက်လာခဲ့တဲ့ ဒုက္ခသည်အရေအတွက်ဟာ သတ်မှတ် ဦးရေနဲ့ အနီးစပ်ဆုံး ဖြစ်ပါတယ်။

အမေရိကန်ပြည်ထောင်စုကို ရောက်လာကြတဲ့ ဒုက္ခသည်တွေထဲ မြန်မာနဲ့ ကွန်ဂိုနိုင်ငံတို့က အများဆုံး ဖြစ်တယ်လို့ ဆိုပါတယ်။ အမေရိကန်နိုင်ငံခြားရေးဝန်ကြီးဌာန လက်အောက်မှာရှိတဲ့ ဒုက္ခသည်စိစစ်ရေးဌာနရဲ့ ကိန်းဂဏန်းတွေအရ ၂၀၁၅ ခုနှစ် အောက်တိုဘာ ၁ ရက်နေ့ ကနေ ၂၀၁၆ ခုနှစ် စက်တင်ဘာ ၁၅ ရက်နေ့အထိ အမေရိကန်ပြည်ထောင်စုကို ရောက်လာပြီး အခြေချကြတဲ့ မြန်မာဒုက္ခသည် ဦးရေဟာ ၁၁,၉၀၂ ရှိတယ်လို့ ဆိုပါတယ်။

အမေရိကန်နိုင်ငံကို လာရောက် အခြေချနေထိုင်ကြတဲ့ ဒုက္ခသည်တွေထဲမှာ ဆီးရီးယားနိုင်ငံက ရောက်လာကြသူတွေလည်း အများအပြား ပါဝင်ပါတယ်။ ဆီးရီးယားနိုင်ငံအတွင်းဖြစ်ပေါ်နေတဲ့ ပြည်တွင်းစစ်နဲ့ IS အစ္စလာမ်မစ် စစ်သွေးကြွတွေရဲ့ ရန်ကနေ ထွက်ပြေးလာကြတဲ့ ဒုက္ခသည် ၁၀,၀၀၀ ကို လက်ခံမယ်လို့ အမေရိကန်အစိုးရက တရားဝင်ကြေညာပြီး လက်ခံခဲ့တာမှာ ၂၀၁၆ ဘဏ္ဍာနှစ်အတွင်း ရောက်လာကြတဲ့ ဆီးရီးယားဒုက္ခသည် ဦးရေဟာ ၁၂,၅၀၀ ရှိတယ်လို့ ဆိုပါတယ်။

 ဗွီအိုအေ (မြန်မာပိုင်း)
http://burmese.voanews.com



ဒုတိယသမ္မတ(၁)ဦးမြင့်ဆွေ နေပြည်တော် သင်္ဂဟဟိုတယ်မှာ အောက်တိုဘာလ ၁ ရက်နေ့ကကျင်းပတဲ့ ၅၂ နှစ်မြောက် မြန်မာနိုင်ငံ ရဲတပ်ဖွဲ့ နှစ်ပတ်လည် အခမ်းအနားမှာ မိန့်ခွန်းပြောကြားစဉ်။ Photo: Win Ko Ko Latt/RFA
အနေနဲ့ မူးယစ်ဆေးဝါးထိန်းချုပ်ရေး မူဝါဒသစ် မူကြမ်းရေးဆွဲနေကြောင်း နိုင်ငံတော် ဒုသမ္မတ (၁) ဦးမြင့်ဆွေ က ပြောပါတယ်။

မူးယစ်ဆေးဝါးပြဿနာ ဖြေရှင်းရေးမဟာဗျူဟာမှာ စီးပွားရေး၊ ကျန်းမာရေးနဲ့ ဖွံ့ဖြိုးတိုးတက်ရေး ကဏ္ဍတွေလည်း ပါဝင်တယ်လို့လည်း ပြောပါတယ်။

နည်းပညာသစ်တွေ ပေါ်ပေါက်လာတာနဲ့အတူ ရာဇဝတ်မှုကျူးလွန်သူတွေရဲ့ ခြိမ်းခြောက်အကြမ်းဖက်မှုတွေဟာ လည်း ကျူးလွန်ပုံ နည်းနာတွေ ဆန်းသစ်လာနေတာကြောင့်၊ ပြဿနာတွေကို စနစ်တကျ ဖြေရှင်းနိုင်ရေးအတွက်၊ ရဲတပ်ဖွဲ့ဝင်တွေရဲ့ စွမ်းရည်ကို နိုင်ငံတကာအဆင့်မီ မြှင့်တင်ဖို့လိုကြောင်း ဒုသမ္မတ ဦးမြင့်ဆွေက ပြောပါတယ်။

အခုအခါ ကုလသမဂ္ဂအဖွဲ့အစည်းတွေဖြစ်တဲ့ UNDP ၊ UNICEF ၊ UNODC ၊ ICRC ၊ OHCER စတဲ့ အဖွဲ့တွေ အပါအဝင် နိုင်ငံတကာ အဖွဲ့အစည်းတွေက မြန်မာနိုင်ငံ ရဲတပ်ဖွဲ့ကို ပညာပေးသင်တန်းတွေ ပို့ချပေးနေတယ်လို့ သိရပါတယ်။

ဒီအတွင်း မူးယစ်ဆေးဝါး ပြဿနာ ဖြေရှင်းရေးအတွက် မြန်မာနိုင်ငံ ဆောင်ရွက်နေတဲ့ နည်းနာတွေဟာ ဖိလစ်ပိုင်နိုင်ငံမှာ သမ္မတ ဒူတာတေရဲ့ လုပ်ပုံလုပ်နည်းတွေနဲ့ ဖြောင့်ဖြောင့်ကြီးဆန့်ကျင်နေတယ်လို့ IANS သတင်းက ဖေါ်ပြပါတယ်။ ဂျာမဏီမှာ နာဇီခေါင်းဆောင် ဟစ်တလာက ဂျုး လူမျိုး ၆ သန်းကို သတ်ခဲ့သလို၊ ဖိလစ်ပိုင်မှာ မူးယစ်ဆေးနဲ့ ပတ်သက်သူပေါင်း သုံးသန်းလောက်ကို သုတ်သင်ပစ်မယ်လို့ သမ္မတ ဒူတာတေ က ပြောဆိုခဲ့ပါတယ်။

RFA Burmese
http://www.rfa.org/burmese



ဝန်ကြီးချုပ်ဟောင်း ဦးမောင်မောင်အုန်း ကို ရခိုင်ပြည်နယ် စစ်တွေမြို့မှာတွေ့ရစဉ်။ Photo: Min Thein Aung/ RFA
ရခိုင်ပြည်နယ် စစ်တွေမြို့ ဆတ်ရိုးကျရပ်ကွက်အနီးမှာ စက်မှုရပ်ကွက်အဖြစ် အရင်အစိုးရ လက်ထက်က သိမ်းထားတဲ့ မြေဧက ၅၀၀ ကျော်ထဲက တချို့ကို ဌာနဆိုင်ရာအရာရှိတွေနဲ့ နီးစပ်ရာပုဂ္ဂိုလ်တွေ အသီးသီးခွဲဝေ ယူခဲ့ကြတဲ့ကိစ္စဟာ ပြည်နယ်ဝန်ကြီးချုပ်အဖြစ်ကနေ အနားယူပြီးနောက်ပိုင်းမှာ ဖြစ်ပေါ်လာတဲ့ ကိစ္စဖြစ်ကြောင်း ၀န်ကြီးချုပ်ဟောင်း  ဦးမောင်မောင်အုန်း က ဒီနေ့ ပြောလိုက်ပါတယ်။

အဲဒီမြေကွက်ချပေးတဲ့ကိစ္စဟာ ဦးမောင်မောင်အုန်း ဝန်ကြီးချုပ်အဖြစ်ကနေ နှုတ်ထွက်ပြီးနောက် ၈ လလောက် အကြာမှာ ရခိုင်ပြည်နယ် ယာယီဝန်ကြီးချုပ် ဦးမြအောင်တာဝန်ယူနေချိန်မှာ ချထားပေးခဲ့ တာဖြစ်တယ်လို့ ဦးမောင်မောင်အုန်း က ပြောပါတယ်။

အစိုးရသစ်ကို အာဏာမလွှဲပြောင်းမီကာလအတွင်း အရင်အစိုးရတာဝန်ရှိသူတွေက မြေကွက်ဝေစု ခွဲဝေရာမှာ ဦးမောင်မောင်အုန်းအတွက်လည်း ခွဲဝေပေးခဲ့မယ့် လက်ခံယူခဲ့တာမရှိဘူးလို့လည်း ငြင်းဆိုပါတယ်။

စစ်တွေမြို့ ဆတ်ရိုးကျရပ်ကွက်အနီးမှာ စက်မှုရပ်ကွက်အဖြစ် သိမ်းဆည်းထားတဲ့မြေတွေကို အစိုးရသစ်ကို အာဏာမလွှဲပြောင်းမီကာလအတွင်း အရင်အစိုးရဟောင်း ဝန်ကြီးတွေ၊ ဌာနဆိုင်ရာ အရာရှိတွေ၊ မြို့မိ မြို့ဖတွေ၊ နိုင်ငံရေးပါတီအချို့က တာဝန်ရှိသူတချို့ကို မြေကွက်တွေ အသီးသီးခွဲဝေပေးခဲ့ တာဖြစ်ပါတယ်။

အဲဒီကိစ္စနဲ့ပတ်သက်ပြီး မူလတောင်သူတွေက ကန့်ကွက်ပြောဆိုမှုတွေ ရှိလာခဲ့ပြီးတဲ့နောက် ရခိုင်ပြည်နယ် လွှတ်တော်က ကော်မတီဖွဲ့ပြီး စုံစမ်းစစ်ဆေး မှုတွေ ဆောင်ရွက်နေပါတယ်။

RFA Burmese
http://www.rfa.org/burmese



လိုင်ဇာဒေသက ကေအိုင်အေ တပ်ဖွဲ့ဝင်များ
ရှမ်းပြည်မြောက်ပိုင်းနဲ့ ကချင်ပြည်နယ်အနှံ့အပြား မှာ နှစ်ဘက်တိုက် ပွဲတွေပြင်း ထန်နေပြီး မြန်မာ စစ်တပ်ဘက်က လက်နက်ကြီးတွေနဲ့ ပစ်ခတ်တိုက်ခိုက် မှုကြောင့် နှစ်နှစ်အရွယ် ကချင် ကလေးငယ်တဦးသေဆုံးခဲ့သလို အရပ်သားတချို့ ထိခိုက်ဒဏ်ရာရခဲ့ပါတယ်။

ဒီထိုးစစ်တွေကိုကြည့်ရင် မြန်မာစစ်တပ်ဘက်က (၂၁)ရာစု ပင်လုံဆိုတာကို အလိုမ ရှိဘူး၊ စစ်မှန်တဲ့ ဖယ်ဒရယ်ပြည်ထောင်စု တည်ထောင်ရေး မလိုလား ဘူးဆိုတဲ့ သဘောထားကို ပြသနေကြောင်း ပြည်ပရောက် ကချင်တိုင်းရင်းသားတွေ က ပြောပါတယ်။မအင်ကြင်းနိုင်က အပြည့်အစုံကိုဆက်ပြီး တင်ပြမှာပါ။

တိုင်းရင်းသားလက်နက်ကိုင်တပ်ဖွဲ့တွေနဲ့ တိုက်ပွဲဖြစ်တဲ့နေ ရာတွေ မှာ မြန်မာ စစ်တပ်ဘက်က စစ်လေယာဉ်နဲ့ လက်နက်ကြီးတွေ အသုံးပြုတိုက် ခိုက်လာတဲ့ အ တွက် ကလေးငယ်တွေ သေဆုံးထိခိုက် ဒဏ်ရာရခဲ့ တာကြောင့် ပြည်တွင်း မှာသာမ က နိုင်ငံတကာရောက် တိုင်းရင်းသားတွေ ကလည်း မြန်မာစစ်တပ်ရဲ့ ထိုးစစ် ကို ပြင်းပြင်ထန်ထန် ဝေဖန်ကန့်ကွက်နေကြပါတယ်။

ရှမ်းပြည်မြောက်ပိုင်း မုန်းကိုးမြို့နယ်က ကျေးရွာတခုမှာ မြန်မာစစ်တပ်ရဲ့ လက် နက်ကြီးကျရောက်မှုကြောင့် နှစ်နှစ်အရွယ် မိန်းကလေး တဦး အောက်တိုဘာ လ (၁)ရက်နေ့ က သေ ဆုံးခဲ့ရတဲ့ ဖြစ်ရပ်ကို ကချင်မဟာမိတ်အဖွဲ့ရဲ့ ဥက္ကဌ Gum Sanက အခုလိုပြောပြပါတယ်။

“အောက်တိုဘာ ၁ ရက်နေ့မှာ မနက် ၆ နာရီနဲ့ ၆ နာရီခွဲလောက်မှာ ပူအောင် ရွာပေါ့နော်၊ ပူအောင်ရွာဆိုတာ မုန်းကိုမှာရှိပါတယ်။ အခုကျနော်တို့ရဲ့ လွှတ်တော် ဥက္ကဋ္ဌဖြစ်တဲ့ ဦးတီခွန်မြတ်ရဲ့ ဇာတိပေါ့နော်။ အဲဒီမှာ ရွာကို အမြှောက်နဲ့ပစ်တယ်။ ၆ ကြိမ်ပစ်တယ်၊ အရပ်သားထိတယ် ကလေး ၂ ဦးထိခိုက်ဒဏ်ရာ ရတယ်၊ နောက် မန်ရှီဆေးရုံမှာ ကလေးအသက် ၂ နှစ်အရွယ် သေဆုံးသွားတယ်။”

တကယ်တမ်းအဲဒီနေရာ မှာ နှစ်ဘက်တိုက်ပွဲမျိုးမ ရှိပဲ မြန်မာ စစ်တပ်ဘက်က အရပ် သားတွေရှိတဲ့ ရွာတွေကို တမင်သက်သက်ပစ်ခတ် ခဲ့တာဖြစ်တယ် လို့ ဒေသ ခံတွေ ကပြောပါတယ်။ ဒီပစ်ခတ်တိုက်ခိုက်မှုနဲ့ပတ် သက်လို့ မြန်မာစစ်တပ်ဘက်က သတင်းထုတ်ပြန်ခြင်းမရှိသေးပါဘူး။ အခုလို မြန်မာစစ်တပ်နဲ့ တိုက် ပွဲတွေ ပြင်း ထန်နေတဲ့အပေါ်မှာ Gum San ရဲ့သုံးသပ်ချက်ကတော့-

“ငြိမ်းချမ်းရေးမလိုချင်လို့ပါ၊ ငြိမ်းချမ်းရေး က တဦးတယောက်အဖွဲ့အစည်းတခုကို အကျိုးမပြုလို့ သူတို့ ဒီလိုတိုက်ရတာပါ။ ဘာဖြစ်လို့လဲဆိုတော့ သူတို့ပြောနေ တဲ့ဟာ က မြို့၊ ရွာတွေ၊ လမ်းပေါ်က အခွန်ကောက်တာတို့ ရှိတယ်လို့ပြောပေမယ့် ဒါက လမ်း နဲ့ အင်မတန်ဝေးတဲ့နေရာတွေပါ။ ဆိုတော့ သူတို့ နောက်ဆုံးကတော့ ၂၁ ရာစုပင်လုံဆိုတာကို မလိုချင်ဘူး၊ တကယ့်ကိုစစ်မှန်တဲ့ ဖက်ဒ ရယ်ပြည်ထောင် စုဆိုတာကို စစ်တပ်က မဖော်ဆောင်ချင်လို့ပဲ ဒီလိုလိုက်တိုက်နေရတယ်လို့ ကျနော်ကတော့မြင်ပါတယ်။”

အခုလို မြန်မာနိုင်ငံမှာ တိုက်ပွဲတွေဖြစ်နေတာနဲ့ပတ်သက်လို့ အောက်တိုဘာလ (၇)ရက်နေ့ အမေရိကန်ပြည်ထောင်စု ၀ါရှင်တန်ဒီစီမှာရှိတဲ့ မြန်မာသံရုံးရှေ့မှာ စစ်ဆန့်ကျင်ရေး ဆန္ဒပြပွဲပြုလုပ်ဖို့ စီစဉ်နေကြောင်း Gum San ကပြောပါတယ်။

ဒီအတောအတွင်း ရှမ်းပြည်အရှေ့ပိုင်း အခြေစိုက် မဟာမိတ်တိုင်းရင်းသား လက်နက်ကိုင် နှစ်ဖွဲ့ဖြစ်တဲ့ ၀ ပြည်သွေးစည်းညီညွတ်ရေး (UWSA) နဲ့ မိုင်းလား (NDAA) နှစ်ဘက်ကြားမှာ စစ်ရေးတင်းမာ မှုတွေဖြစ်နေပါတယ်။ အကြောင်းရင်းကို ရှင်းရှင်းလင်းလင်းမသိရသေးပေမဲ့ UWSA တပ် အင်အား (၆၀၀)ကျော်က သံချပ် ကာ ကားငါးစီးနဲ့ မိုင်းလားအခြေစိုက်စခန်းနှစ်ခုကို စက်တင်ဘာလ (၂၈) ရက်နေ့က ၀င်ရောက်သိမ်းပိုက်ခဲ့တယ်လို့ ကြားသိရကြောင်း အခြေအနေတွေ ကို စောင့် ကြည့်လေ့ လာနေတဲ့ သျှမ်းသံတော်ဆင့် သတင်းဌာနကို တည်ထောင်သူ ဦးခွန်ဆိုင်း က ပြောပါတယ်။

“မိုင်းလားနဲ့ ကျိုင်းတုံကြားမှာ ရှိတဲ့ ကတားပိ က တို့ဆိပ်ဆိုတာ က မြန်မာ့ တပ်မတော်ဘက်က ရှိတာပေါ့နော် အဲဒါကျော်သွားရင် မိုင်းလား နယ်မြေဖြစ်တယ်။ အဲဒီနယ်မြေမှာရှိနေတဲ့ တောင်ပေါ်တပ်စခန်း ၂ ခုနဲ့ နောက်ပြီးတော့မှ ကားဂိတ်ကို သူတို့ သိမ်းလိုက်တယ်ပေါ့နော်။ အဲဒီမှာ တပ်ရင်း ၁၅ ဆိုတာ စောင့်ထားတယ် လူအင်အားက ၁၅၁ ယောက်ကို သူတို့က အဲဒီမှာ ထိန်းသိမ်းထားတယ်ပေါ့နော် အဲဒီသတင်းထွက်လာပါတယ်။

မေး။ ။ အဲဒီမဟာမိတ် ၂ ဖွဲ့ကြားမှာ အဓိက ဖြစ်ရတဲ့အကြောင်းအရင်းကို အမျိုးမျိုးခန့်မှန်းနေကြတဲ့အချိန်မှာ အနီးစပ်ဆုံးပေါ့နော် ဘယ်ဟာများ ဖြစ်နိုင်ခြေ အခြေအနေရှိမလဲရှင့်။

ဖြေ။ ။ ဖြစ်နိုင်ခြေရှိတာက တဘက်က ၀ က NCA လက်မှတ်မထိုးဘူး သူတို့ မဟာမိတ်တွေအကုန်လုံးလက်မှတ်မထိုးသေးပါဘူးခင်ဗျ။ နောက်ပြီး ငြိမ်းချမ်းရေး ကိစ္စမှာ ပူးပေါင်းပါဝင်မှု ကလည်း နည်းတယ်။ သို့သော်လည်း မိုင်းလားအနေ နဲ့ ကတော့ သူက မိုင်းလားကို ကိုယ်ပိုင်အုပ်ချုပ်ရေးဒေသအဖြစ် အသိအမှတ်ပြုမှုကို သူက ရယူချင်တယ် ၊ ဒါကြောင့်အစိုးရနဲ့ ဆက်ဆံမှုက လည်း တော်တော် ကြီးနီးနီး ကပ်ကပ်ဆက်ဆံမှုရှိတယ်။ အဲဒါကြောင့်မို့လို့ ဒီကိစ္စနဲ့ ပတ်သက်ပြီးတော့မှ ၀ ဘက် က မကြေနပ်လို့လုပ်တယ်ဆိုတဲ့ အဲဒီလိုခံယူချက်မျိုးတော့ရှိတယ်။ တပ်မတော် ဘက်က ဒီကိစ္စနဲ့ ပတ်သက်ပြီးတော့ ကျိုင်းတုံမှာရှိတဲ့ ၀ ဆက်ဆံရေး အရာရှိကိုမေး တယ်။ အဲဒါဘာဖြစ်တာလဲဆိုတော့ ဘာမှမဖြစ်ပါဘူး ဒါက ကျနော်တို့ စစ်လေ့ ကျင့်ရေးလုပ်တာပါ Exercise ပေါ့ဗျာ အဲဒါ လုပ်တာဖြစ်ပါ တယ်လို့ ပဲပြောတယ်။”

နောက်ဆုံးသတင်းတွေအရ UWSA ဘက်က ထိန်းသိမ်းထားတဲ့ မိုင်းလား NDAA တပ်ဖွဲ့ဝင် ၁၅၁ ဦးလုံးကိုပြန်လွှတ်ပေးလိုက်ပြီး စခန်းတွေကနေ ဆုပ်ခွာဖို့ သတိပေး ထားပေမဲ့ NDAA ဘက်ကတော့ တစုံတရာတုန့်ပြန်ခြင်းမရှိသေးဘူးလို့ ဦးခွန်းဆိုင်း ကပြောပါတယ်။

အင်ကြင်းနိုင်  / ဗွီအိုအေ (မြန်မာပိုင်း)
http://burmese.voanews.com



ဒေါင်းတစ်ကောင်အားတွေ့ရစဉ် (ဓာတ်ပုံ-- မြဝတီ)
    ရန်ကုန်၊ အောက်တိုဘာ ၃ ရက် (ဆင်ဟွာ)

    မြန်မာနိုင်ငံ၌ ဒေါင်းကောင်ရေ လျော့ကျမှုများ ဖြစ်ပေါ်နေ ကြောင်း သဘာဝ ပတ်ဝန်းကျင် ထိန်းသိမ်းရေး ဆိုင်ရာ နိုင်ငံတကာ သမဂ္ဂက သတင်းထုတ်ပြန် ချက်အရသိရသည်။

ထို့ကြောင့် မြန်မာနိုင်ငံ၌ ဒေါင်းများကို ဦးစားပေး ထိန်းသိမ်းမှုများ ပြုလုပ်ရန် လိုအပ်လျက် ရှိကြောင်း၊ သဘာဝ ပတ်ဝန်းကျင် ထိန်းသိမ်းရေး ဆိုင်ရာ နိုင်ငံတကာ သမဂ္ဂ၏ မျိုးသုဉ်း ပျောက်ကွယ် နိုင်သော တောရိုင်း တိရစ္ဆာန်များ စာရင်းတွင် ဒေါင်းများမှာ အနီရောင် အဆင့် သတ်မှတ်ထား သည့် အခြေအနေမျိုး ရှိနေကြောင်း သိရသည်။

လက်ရှိတွင် ကမ္ဘာပေါ်၌ ဒေါင်း အကောင်ရေ အများဆုံး ကျန်ရှိနေသည့် ဒေသများမှာ ထိုင်းနိုင်ငံ မြောက်ပိုင်း၊ လာအိုနိုင်ငံ တောင်ပိုင်း ၊ တရုတ်နိုင်ငံ ယူနန်ပြည်နယ် နှင့် အင်ဒိုနီးရှား နိုင်ငံ ဂျာဗားကျွန်း နှင့် အိန္ဒိယနိုင်ငံ တို့ ဖြစ်ကြောင်း သိရသည်။

ထို့ပြင် သဘာဝ ပတ်ဝန်းကျင် ထိန်းသိမ်းရေး ဆိုင်ရာ နိုင်ငံတကာသမဂ္ဂ က ထုတ်ပြန်သော သတင်း ထုတ်ပြန်ချက်တွင် သယံဇာတ နှင့် သဘာဝ ပတ်ဝန်းကျင် ထိန်းသိမ်းရေး ဝန်ကြီးဌာနက ဒေါင်းများကို သဘာဝ ပတ်ဝန်းကျင် ထိန်းသိမ်းရေး ဆိုင်ရာ ဥပဒေများဖြင့် ကာကွယ် စောင့်ရှောက်လျက် ရှိသည် ဟု သတင်းထုတ်ပြန်ခဲ့သည်။

(Xinhua)
http://www.xinhuamyanmar.com


နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ယနေ့ အောက်တိုဘာ ၃ နံနက်ပိုင်းက နေပြည်တော် ဇမ္ဗူသီရိအထူးကုဆေးရုံကြီးတွင် ပါမောက္ခဒေါက်တာ ဇော်ဝေစိုးနှင့်တွေ့ဆုံ၍ အရိုးအကြောဆိုင်ရာ ဆေးစစ်မှုခံယူခဲ့ကြောင်း သတင်းရရှိသည်။


ထိုသို့ ကျန်းမာရေးစစ်ဆးမှုခံယူရာတွင် ဓါတ်ရောင်ခြည်အန္တရာယ်လုံးဝမရှိသည့် စွမ်းအားမြင့်သံလိုက်ဓါတ်အသုံးပြု ခေတ်မီ (3 Tesla MRI) ဖြင့် ခန္ဓာကိုယ်တွင်းရှိ နှလုံး၊ ဥနှောက်နှင့်အာရုံကြော၊ အရိုးအကြောအဆစ်နှင့်ရင်ခေါင်း ၀မ်းဗိုက်အတွင်းရှိ ခန္ဓာကိုယ်အစိတ်အပိုင်းများ၏အခြေအနေကို ပုံရိပ်ဖမ်းရိုက်ကူးခြင်းဖြစ်ကြောင်း သိရသည်။

“အစ်မ ကျန်းမာပါတယ်။ ထွက်သွားတာကြည့်ပါဦး။ သွက်လက်နေတာလေ။ MRI စစ်တယ်။ X-ray စစ်တယ်။ ကျီးပေါင်းရောဂါမရှိပါဘူး”ဟု အထူးကုဆရာဝန်ကြီး ပါမောက္ခဒေါက်တာ ဇော်ဝေစိုးက ပြောသည်။

ထွန်း(နေပြည်တော်)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


ချက်ပြည်သူ့ ​သမ္မတ ​နိုင်ငံမှာ ​ကမ္ဘာ့ ​အနက်ရှိုင်းရှုံး ​ရေအောက် ​ဂူတစ်ဂူကို ​တွေ့ရှိခဲ့ကြပြီး ​အနက်အားဖြင့် ​၄၀၄ ​မီတာကျော် ​ဒါမှမဟုတ် ​၁၃၂၅ ​ပေကျော်  ​ရှိတယ်လို့ ​သိရပါတယ်။

ရှာဖွေစူးစမ်းရေး ​အဖွဲ့တခုက ​Hranicka ​Propast ​ဒါမှမဟုတ် ​Hranice ​Abyss ​လို့ခေါ်တဲ့ ​ရေအောက်က ​ထုံးကျောက်ဂူကို ​ချက်နိုင်ငံ ​အရှေ့ပိုင်းမှာ ​တွေ့ရှိခဲ့တာ ​ဖြစ်ပါတယ်။

အဲဒီဂူကို ​လွန်ခဲ့တဲ့ ​နှစ် ​၂၀ ​လောက်ကတည်းက ​တွေ့ရှိပေမယ့် ​အနက်ပေ ​ဘယ်လောက် ​ရှိသလဲ ​ဆိုတာကို ​မစမ်းသပ်နိုင်ခဲ့တဲ့အတွက် ​အနက်ရှိုင်းဆုံး ​ဂူဆိုတာကို ​မသိနိုင်ခဲ့ကြပါဘူး။

စက်တင်ဘာလ ​၂၇ ​ရက်နေ့တုန်းကတော့ ​ကျဉ်းမြောင်းတဲ့ ​နေရာတွေအထိ ​ဝင်ရောက်နိုင်တဲ့ ​ရေအောက်စက်ရုပ်ကို ​စေလွတ်ရာက ​ကမ္ဘာ့အနက်ဆုံး ​ရေအောက်ဂူဖြစ်တယ်လို့ ​သတ်မှတ်လိုက်ကြတာပါ။

အဲဒီ ​စက်ရုပ်ကို ​ဆက်သွယ်ထားတဲ့ ​ကြိုးဟာ ​ဂူရဲ့ ​အဆုံးအထိ ​မရောက်နိုင်ပဲ ​မီတာ ​၄၀၄ ​မီတာသာ ​ရှိတာကြောင့် ​ဂူက ​ဘယ်လောက် ​နက်သလဲဆိုတာ ​အတိအကျတော့ ​မသိရသေးပါဘူး။

ဒါပေမဲ့ ​ကမ္ဘာ့အနက်ရှိုင်းဆုံးဂူလို့ ​သတ်မှတ်ခံရတဲ့ ​အီတလီနိုင်ငံက ​ရေအောက်ဂူက ​အနက်မီတာ ​၃၉၂ ​မီတာသာ ​ရှိတာကြောင့် ​အခုလောလောဆယ် ​ချက်နိုင်ငံမှာ ​တွေ့တဲ့ ​ဂူက ​အနက်ပေ ​၄၀၄ ​မီတာကျော်ရှိနေတဲ့ ​ကမ္ဘာပေါ်ရှိ ​ရေအောက်ဂူတွေထဲမှာ  ​အနက်ရှိုင်းရှုံး ​အဆင့် ​ဝင်သွားတာ ​ဖြစ်ပါတယ်။

ကမ္ဘာ့အနက်ရှိုင်းဆုံး ​စာရင်းဝင် ​ရေအောက် ​ဂူတွေထဲမှာ ​အခုတွေ့ရှိတဲ့ ​ဂူအပြင် ​အီတလီနိုင်ငံက ​မီတာ ​၃၉၂ ​ရှိတဲ့ ​Pozzo ​del ​Merro, ​မက္ကဆီကို ​နိုင်ငံက ​မီတာ ​၃၃၉ ​ရှိတဲ့ ​Zacaton, ​မက်စီဒိုးနီးယားနိုင်ငံက ​မီတာ ​၃၃၀ ​ရှိတဲ့ ​Vrelo ​Cave, ​တောင်အာဖရိကက ​မီတာ ​၂၇၀ ​ရှိတဲ့ ​Boesmansgat ​ဂူနဲ့ ​Bahamas ​က ​မီတာ ​၂၀၂ ​ရှိတဲ့ ​Dean's ​Blue ​Hole ​ရေအောက်ဂူတို့ ​ဖြစ်ပါတယ်။

ABC Radio Australia
http://www.radioaustralia.net.au/burmese