10/06/16



သေနတ်ကိုင်ထားတဲ့ လူတွေကိုမြင်မြင်ချင်း ဒုက္ခတော့ရောက်ပြီဆိုတာ သူသိလိုက်တယ်။ ခေတ် ဆန်ဆန် အင်္ကျီအကွက်ကို ၀တ်ထားတဲ့ အသက် ၂၉ နှစ်အရွယ် ဂျွန်က လွန်ခဲ့တဲ့ ကိုးနှစ်က သူထိုင်း နိုင်ငံ ရောက်ခဲ့ပုံကို ပြောပြနေတာပါ။ သူဟာ အင်္ဂလိပ်စကားကောင်းကောင်းပြောတတ်ပြီး ဂျွန်ဆိုတာ သူရဲ့ နာမည်အရင်းမဟုတ်ပါဘူး။

အသက်အန္တရာယ် လုံခြုံရေးအတွက် သူ့ကိုယ်သူညွှန်းဆိုတဲ့ နာမည်ဖြစ်တယ်။ “တကယ့် ခြောက် အိပ်မက်ကြီးပဲဗျာ”ဟု မြန်မာနိုင်ငံသားတွေနဲ့အတူ ထိုင်းငါးဖမ်းလုပ်ငန်းမှာ ကျွန်ပြုခံခဲ့ရတဲ့ ၁၀ လတာ အတွေ့အကြုံကို ဂျွန်ကပြောပါတယ်။ အတင်းအကျပ်ခိုင်းစေမှု၊ ကာလသေအလုပ်ခိုင်းစေမှုတွေနဲ့ လည်ပတ်လေ့ရှိတဲ့ ထိုင်းငါးဖမ်းလုပ်ငန်းမှာ ၉၀ ရာခိုင်နှုန်းသောလုပ်သားတွေဟာ ပြည်ပကရွှေ့ပြောင်း လုပ်သားတွေဖြစ်တယ်။ အများစုကတော့ ဆင်းရဲမွဲတေမှု အလွန်မြင့်မားပြီး တိုင်းရင်သားလက်နက် ကိုင်တွေနဲ့ မကြာခဏ တိုက်ပွဲတွေဖြစ်နေတဲ့ မြန်မာနိုင်ငံက လုပ်သားတွေပေါ့။

ဂျွန်ဟာ မြန်မာနိုင်ငံက လယ်လုပ်သားဖြစ်ပြီး မိသားစုစီးပွားရေးလည်း တစတစကျပ်တည်းလာတယ်။ ထိုင်းနိုင်ငံက လိမ္မော်ခြံမှာအလုပ်ရမယ်ဆိုတဲ့ ကတိကြောင့် သူ့ကိုခေါ်သွားပေးဖို့ ပွဲစားကို ပိုက်ဆံပေးခဲ့တယ်။ လိမ္မော်ခြံအလုပ်ဆိုတာ လယ်သမားအတွက်တော့ အလွယ်ကလေးပေါ့။
“ကျွန်တော်တို့ ဟိုဘက်ကိုရောက်တာနဲ့ အကုန်လုံးပြောင်းလဲသွားတယ်။ ကျွန်တော် တော်တော်လည်း ကြောက်မိတယ်။”

လက်နက်ကိုင် လူတစုကသူတို့ကိုစောင့်နေကြတယ်။ ပြီးတော့ ဂျွန်နဲ့ နောက်ထပ် လူ ၃၀ လောက်ကို တဦးပေါ်တဦးဆင့်ပြီး ထရပ်ကားတစီးပေါ်ကို စုပုံတင်ဆောင်သွားတယ်။ ဘယ်ကိုသွားနေမှန်း မသိရ အောင် မှန်တွေကိုကာထားတယ်။ ကားပေါ်မှာပဲ အပေါ့အလေးသွားကြရပြီး လေလုံနေရတဲ့အထဲ ချွေးနံ့တွေနဲ့ လှောင်ပိတ်နေတာ ဆိုးရွားလွန်းလို့ သူ့ကိုယ်သူသေမယ်လို့တောင် ထင်မိကြောင်း ဂျွန်က ပြောပြတယ်။ သူ့အရှေ့က လူပေါင်းများစွာလိုပဲ ထိုင်းနိုင်ငံမှာ စီးပွားရေးထွက်ပေါက်ရှာရင်း ဂျွန်လည်း လူကုန်ကူး သူတို့လက်ထဲကျရောက်သွားတယ်။

ထိုင်းနိုင်ငံရဲ့ စီးပွားရေးကောင်းမွန်လာပြီး အလုပ်အကိုင်တွေပေါများလာတာနဲ့အမျှ ထိုင်းနိုင်ငံသားတွေ ဟာ ပင်ပန်းဆင်းရဲတဲ့ အောက်ခြေသိမ်းအလုပ်တွေကိုမလုပ်တော့ဘူး။ ဒီအလုပ်တွေကို ပြည်ပက ရွှေ့ပြောင်းလာတဲ့ အလုပ်သမားတွေက ၀င်ရောက်လုပ်ကိုင်ကြတယ်။ ဒေါ်လာ ခုနစ်ဘီလီယံတန်ကြေး ရှိတဲ့ ထိုင်းငါးဖမ်းလုပ်ငန်းဟာ မြန်မာ၊ လာအိုနဲ့ ကမ္ဘောဒီယားက ရွှေ့ပြောင်းလုပ်သားတွေနဲ့ လည်ပတ် နေတာပါ။ ဒီလုပ်ငန်းမှာထိုင်လုပ်သားက ၁၀ ရာခိုင်နှုန်းပဲရှိတယ်။

ရွှေ့ပြောင်းလုပ်သားတွေအပေါ်မှာ မှီတည်ပြီး ထိုင်းပင်လယ်စာလုပ်ငန်းဖွံ့ဖြိုးနေပေမယ့် ဒီရွှေ့ပြောင်း လုပ်သားတွေဟာ အကာအကွယ်အမဲ့ဆုံး၊ လူကုန်ကူးမှုအန္တရာယ်နဲ့ ခေါင်းပုံဖြတ်ခိုင်းစေမှုကို အခံရဆုံး လူတွေဖြစ်နေတယ်။ ထိုင်းနိုင်ငံတခုလုံးမှာရှိတဲ့ ရွှေ့ပြောင်းလုပ်သား ၈၀ ရာခိုင်နှုန်းက မြန်မာတွေဖြစ် သလို ဒီဒဏ်တွေကိုလည်း မြန်မာတွေအခံရဆုံး ဖြစ်တယ်။
“ကျွန်တော့်မှာ ဘာစာရွက်စာတမ်းမှမရှိတော့ ထိုင်းရဲက ဖမ်းမိသွားရင် ဘာတွေဖြစ်မလဲတွေးပြီး ကြောက်မိတယ်”လို့ ဂျွန်က ပြောတယ်။
ထိုင်းနိုင်ငံမှာရွေ့ပြောင်းလုပ်သားတွေကို တရားဝင်မှတ်ပုံတင်ပေးတာတွေ လုပ်တယ်ဆိုပေမယ့် လုပ် ပေးတဲ့ကာလက တိုတောင်းတဲ့အတွက် အများစုကတော့ မှတ်တမ်းမှတ်ရာမဲ့ တရားမ၀င် လုပ်သားတွေ ပါ။ ၂၀၁၁ ရွှေ့ပြောင်းလုပ်သားဆိုင်ရာ အပြည်ပြည်ဆိုင်ရာအဖွဲ့အစည်းရဲ့ လေ့လာချက်အရ ထိုင်းငါး ဖမ်းလုပ်ငန်းက လုပ်သားအများစုဟာမှတ်တမ်းမဲ့ စာရင်းပျောက်လုပ်သားတွေဖြစ်တဲ့အပြင် ထိုင်းနိုင်ငံ ကို ခိုးဝင်လာသူတွေဖြစ်ကြောင်း တွေ့ရတယ်။ ဒါ့ကြောင့် ဒီရွှေ့ပြောင်းလုပ်သားတွေဟာဥပဒေရဲ့ အကာအကွယ်ကိုလည်း မရရှိနိုင်ကြဘူး။ အလုပ်ရှင်တွေ၊ အိမ်ရှင်တွေ၊ ထိုင်းရဲတွေနဲ့ နောက်ဆုံး လူကုန်ကူးသူတွေကပါ ဒါကိုအခွင့်ကောင်းယူပြီးသူတို့အပေါ် အလွယ်တကူခေါင်းပုံဖြတ်ကြပါတယ်။

လူကုန်ကူးမှုကိုထိရောက်စွာမတားဆီးနိုင်တဲ့အတွက် မကြာခင်လများအတွင်း ထိုင်းနိုင်ငံဟာ နိုင်ငံ တကာရဲ့ ဖိအားပေးခြင်းကိုခံခဲ့ရတယ်။ အမေရိကန်နိုင်ငံခြားရေးဝန်ကြီးဌာနရဲ့ လူကုန်ကူးမှုမှတ်တမ်း နှစ်စဉ်အစီရင်ခံစာမှာ ထိုင်းနိုင်ငံဟာ အနိမ့်ဆုံးအဆင့်မှာရပ်တည်နေပြီး အိမ်နီးချင်းနိုင်ငံရေပိုင်နက် တွင်း ခိုးဝင်ငါးဖမ်းမှုကြောင့် ထိုင်းနိုင်ငံက ပင်လယ်စာတင်သွင်းမှုကို အီးယူက တားမြစ်တော့မလို အခြေအနေဖြစ်နေတယ်။ ဒီအပြင် ရွှေ့ပြောင်းလုပ်သားတွေကို တောတွင်းစခန်းမှာ ပြန်ပေးဆွဲထားပြီး ငါးဖမ်းလှေတွေဆီ ရောင်းစားမှုကို မေလအတွင်းက တွေ့ရှိခဲ့တဲ့အတွက် နိုင်ငံတကာက ပိုမိုဖိအားပေး နေတယ်။
ပတ္တရားအနားကဆိပ်ကမ်းတခုမှာ ဂျွန်နဲ့အဖော်တစုကို ငါးဖမ်းလှေပေါ် တင်ဆောင်သွားကြတယ်။ ပင်လယ်ထဲမှာ သုံးလေးရက်ဆက်တိုက် အလုပ်လုပ်ရပြီး သင်္ဘောကုန်းပတ်ပေါ်မှာပဲ အိပ်စက်ကြရ တယ်။ သူတို့သင်္ဘောက နှစ်ပတ်တခါ ကမ်းကပ်တယ်၊ ကုန်ချတယ်။ နားရက် လုံးဝမရှိဘူး။

“တရက်နားချင်ရင် တခါအထိုးခံရတယ်”လို့ ဂျွန်က ပြန်ပြောပြတယ်။
တရက် နာရီနှစ်ဆယ်လုပ်ရတဲ့အလုပ်ကိုဆက်လုပ်ဖို့ ဂျွန်အတွက်ခွန်အားဟာ လွတ်မြောက်လိုတဲ့ဆန္ဒ တခုတည်းသာဖြစ်တယ်။ တချို့ဆို ဘောကွင်းကို ခန္ဓာကိုယ်မှာချည်နှောင်ပြီး ကမ်းခြေအရောက် ကူးခတ်ထွက်ပြေးကြပုံတွေကိုလည်း ဂျွန်က ပြောပြတယ်။
“သူတို့ဘာဖြစ်သွားသလဲ ကျွန်တော်မသိဘူး။ သေရင်လဲသေမယ်။ တချို့လည်း ကမ်းပေါ်ရောက်မယ် ထင်တယ်”လို့ ဂျွန်က ပြောပါတယ်။
ဆိပ်ကမ်းတခုမှာ ရပ်နားထားတုန်း ထွက်ပြေးဖို့ကြိုးစားတဲ့ လုပ်သားတဦးကိုဖမ်းမိတော့ လှေသူကြီးက အဲဒီလူကို အာလုံးရှေ့မှောက်မှာ ရိုက်နှက်ပြတယ်။

“သူတို့က ထွက်ပြေးတဲ့ကောင် ဒီလိုခံရမယ်လို့လည်းပြောတယ်”လို့ ဂျွန်က ပြောပြတယ်။
ဒီလိုနဲ့ ဂျွန်ဟာ အကောင်းဆုံးအချိန်ကိုစောင့်ဆိုင်းပြီး လွတ်မြောက်ဖို့ ကြံဆနေခဲ့တယ်။ ဖမ်းဆီးကျွန်ပြု ခံရအပြီး ကိုးလအကြာ သူစောင့်ဆိုင်းခဲ့တဲ့ အကောင်းဆုံးအချိန် ရောက်လာခဲ့တယ်။ သူတို့ ငါးဖမ်း သင်္ဘောကမ်းကပ်ထားတဲ့အချိန် ဂျွန်က လှေသူကြီးဆီက သူ့လုပ်ခကိုတောင်းတယ်။ သူ့ရဲ့ ၁၅ ရက် လုပ်အားခက ထိုင်းဘတ် ၃၀၀ (ယူအက်စ် ရှစ်ဒေါ်လာ) ပါ။ သူနဲ့ သူငယ်ချင်းတယောက်ကို ဘီယာ ထွက်သောက်ဖို့ ခွင့်ပြုလိုက်တယ်။

ဂျွန်ဟာ လမ်းမှာတွေတဲ့ ထိုင်းရဲအနားကပ်သွားပြီး “ကျွန်တော့ကိုဖမ်းပြီး မြန်မာပြည် ပြန်ပို့ပေးပါ”လို့ ပြောပြီး လက်ထိပ်ခတ်ဖို့ လက်နှစ်ဖက်ကို ထိုးပေးတယ်။ “ရဲက ကျွန်တော့်ကို မင်းကေ-ာက်ရှုး၊ မင်းလိုအရှုးကို ငါမဖမ်းဘူးလို့ ပြောတယ်ဗျာ”
ထိုင်းရဲဟာလည်း လှေသူကြီးတွေနဲ့ ကြံရာပါတွေပဲလို့ ဂျွန်က သံသယရှိတယ်။
“လူကုန်ကူးမှုနဲ့ လူပြန်ပေးဆွဲမှု ကျုးလွန်သူတွေဆီက ရဲတွေက ပိုက်ဆံယူပြီး မသိချင်ယောင်ဆောင် ကြတယ်”ဟု လူ့အခွင့်အရေးစောင့်ကြည့်လေ့လာရေးအဖွဲ့မှ ဖီးလ်ရောဘတ်စန်က ပြောပါတယ်။ ထိုင်းငါးဖမ်းလုပ်ငန်းကို ကျွန်လုပ်သားများနဲ့လည်ပတ်ရေးမှာ ထိုင်းရဲ၊ လှေသူကြီးနဲ့ လူကုန်ကူးသူတွေ ချိတ်ဆက်လုပ်ကိုင်နေကြတယ်လို့လည်း ရောဘတ်စန်က ပြောပါတယ်။
ဂျွန်တို့နှစ်ယောက် စားသောက်ဆိုင်တခုထဲဝင်၊ မြန်မာအမျိုးသမီးဝန်ထမ်းတဦးကို ချဉ်းကပ်ပြီး သူတို့ ဖြစ်အင်ကို ပြောပြပြီး အကူအညီတောင်းခံတယ်။

“ကျွန်တော်တို့ ဒုက္ခရောက်နေတာတွေ့တော့ ထိုင်းတွေမောင်းတဲ့ကားတစီးပေါ် ကူညီတင်ဆောင်ပေးခဲ့ တယ်”
ဘန်ကောက်နဲ့ ကမ္ဘောဒီယားကြားမှာရှိတဲ့ ရာယောင်းကမ်းခြေမြို့ကိုရောက်ချိန်မှာတော့ တက္ကစီဆရာ က သူတို့ရဲ့လက်ကျန်ငွေစလေးနဲ့ပဲ မြန်မာအသိုင်းအ၀ိုင်းရှိတဲ့နေရာဆီ ဆက်လက်ပို့ဆောင်ပေးဖို့ သဘောတူခဲ့တယ်။ အဲဒီက မြန်မာတွေရဲ့အကူအညီနဲ့ ဂျွန်တို့နှစ်ယောက် ထိုင်းဘီယာကုမ္ပဏီမှာ အလုပ်ရတယ်။ ဂျွန်က ပစ္စည်းတွေကို 7-Eleven အပါအ၀င် လက်လီအရောင်းဆိုင်တွေဆီ ပို့ဆောင် ပေးရတယ်။

“အဲဒီကုမ္ပဏီကတော့ တော်တော်ကောင်းတယ်ဗျ။ ကြို/ပို့လည်းရှိတယ်။ တရားဝင်အလုပ်လုပ်ခွင့်တွေ လည်း လျောက်ပေးပြီး လစာလည်း ကောင်းကောင်းပေးပါတယ်”
ထိုင်းနိုင်ငံမှာ အနိမ့်ဆုံးလုပ်ခလစာဘတ် ၂၅၀ သတ်မှတ်ထားချိန်မှာ ဂျွန်က တရက်ကိုဘတ် ၁၅၀ ရပါ တယ်။

ILO ရဲ့ ၂၀၁၃ အစီရင်ခံစာအရ ရွှေ့ပြောင်းလုပ်သားတွေဟာ ထိုင်းနိုင်ငံမှာ တရားဝင်သတ်မှတ်ထားတဲ့ အနိမ့်ဆုံးလုပ်ခလစာဘတ် ၃၀၀ ထက် ၂၅ ရာခိုင်းနူန်းလောက် လျော့ပြီးပဲရကြကြောင်း တွေ့ရပါတယ်။
နောက်ဆုံးမှာ ဂျွန်လည်း တရားဝင်လုပ်ကိုင်ခွင့်ရရှိခဲ့တယ်။ ဘန်ကောက်ကို ပြန်သွားပြီး ကားရေဆေး ဆီ ထိုးလုပ်ငန်းခွင်မှာ အလုပ်လုပ်တယ်။ DEAR Burma အမည်ရဘာသာစကားသင်တန်းကျောင်းမှာ အင်္ဂလိပ်စာသင်တန်းလည်း တက်ခဲ့တယ်။ DEAR Burma ကျောင်းဟာ အကျိုးအမြတ်အတွက် မဟုတ်ဘဲလုပ်ငန်းခွင်ဝင် အရွယ်ရောက်သူများအတွက် အဓိကရည်ရွယ်ပြီးဖွင့်ထားတဲ့ ဘာသာစကား သင်တန်းကျောင်းဖြစ်ပြီး ထိုင်းဘာသာ၊ အင်္ဂလိပ်ဘာသာသင်တန်းပေါင်း ၄၃ ခုဖွင့်လှစ်ထားပါတယ်။

“ထိုင်းလူမျိုးတွေကြားမှာ ဂုဏ်သိက္ခာရှိရှိ ရပ်တည်ရှင်သန်ဖို့အတွက်ပေါ့”လို့ ဂျွန်က ပြောပါတယ်။
အစိုးရဆောက်အဦးတခုမှာ ဖွင့်လှစ်ခွင့်ပေးထားတဲ့ DEAR Burma ကျောင်းရဲ့ အပြင်ဘက်မှာ ထိုင်းဘုရင် ဘူမိဘောလ်အဒူယာဒက်ရဲ့ရုပ်ပုံကြီးကို ပြသထားပြီးရုပ်ပုံရဲ့ တဖက်တချပ်မှာအလံတွေ လွှင့် ထားတယ်။ တနင်္ဂနွေမှာ ကျောင်းဖွင့်ပြီး ကျောင်းရဲ့ကားပါကင်နေရာမှာ ဆယ်ကျော်သက်အရွယ် မိန်းကလေးတစု ကရင်ရိုးရာအကလေ့ကျင့်နေကြတယ်။ လွန်ခဲ့တဲ့ ၁၃ နှစ် ကျောင်းစတင်ဖွင့်လှစ်ချိန် ကစပြီး ဒီနေရာဟာ မြန်မာရွှေ့ပြောင်းလုပ်သားတွေရဲ့ စုရပ်ဖြစ်သလို ပညာသင်ကြားရာနေရာလည်း ဖြစ်ပါတယ်။

လက်ရှိမှာ ကျောင်းသား ၉၈၀ လက်ခံသင်ကြားပေးနေပြီး မနှစ်ကထက် ကျောင်းသား ၂၀၀ လောက် လျော့နည်းသွားတာဖြစ်ပါတယ်။ ဒီကျောင်းမှာဘာသာစကားအပြင် အလုပ်သမားအခွင့်အရေးပညာပေး အစရှိတဲ့ သင်တန်းတွေလည်း ပေးပါတယ်။
“ကျွန်တော်တို့ ကျောင်းသားတွေကို ထိုင်းတွေကြားမှာ လူ့ဂုဏ်သိက္ခာနဲ့ရှင်သန်ရပ်တည်စေချင်တယ် လေ။ ဒီမှာ ကျွန်တော်တို့အချင်းချင်း အတွေ့အကြုံတွေ ဖလှယ်လို့ရတယ်။ ဒီလာတဲ့ မြန်မာအများစုက သူတို့ရဲ့ရပိုင်ခွင့်၊ အလုပ်သမားအခွင့်အရေးကို နားမလည်ကြဘူး။ ဒီမှာပြောကြဆိုကြမှ ဒါတွေကို သိကြသူတွေ အများကြီးပဲ။ ဒီတော့မှ သူတို့လည်း အလုပ်မှာ သူတို့ရပိုင်ခွင့်တွေကိုတောင်းနိုင်မယ်။ ဘာသာစကား စတင်သင်ယူပြီးချိန်ကစပြီး ကျွန်တော့်ဘ၀က သိသိသာသာကြီး ပြောင်းလဲ တိုးတက် သွားတယ်”လို့ ဂျွန်ကပြောပါတယ်။
တနေ့ လူကုန်ကူးမှုတိုက်ဖျက်ရေးမှာ တတပ်တအားပါဝင်နိုင်ဖို့ ဂျွန်ကမျှော်လင့်ထားတယ်။

“ပင်လယ်ထဲမှာရော နေအိမ်အလုပ်ရုံတွေမှာပါ ဒုက္ခခံစားနေရတဲ့ဘ၀တွေ အများကြီးရှိတယ်ဆိုတာ ကျွန်တော်သိတယ်။ လူကုန်ကူးမှုကလည်း အသွင်မျိုးစုံနဲ့ ထိုင်းနိုင်ငံမှာရော ကမ္ဘာအနှံ့အပြားမှာပါ ရှိနေတယ်။ ဒါတွေကိုတိုက်ဖျက်ဖို့ ကိုယ့်အသိုင်းအ၀ိုင်းလေးကနေ စတင်မှဖြစ်မယ်။ အထူးသဖြင့် ထိုင်း နိုင်ငံကစပြီတော့ပေါ့”လို့ ဂျွန်က ပြောပါတယ်။

(From Salve to Student)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/



ဘဂ္ဂဒက် ၊ ၆-၁၀-၂၀၁၆

အီရတ်နိုင်ငံ အတွင်း၌ တူရကီက ၄င်း၏ တပ်ဖွဲ့များကို ဆက်လက်တပ်စွဲ ထားခြင်းသည် ဒေသတွင်း စစ်ပွဲတစ်ရပ်သို့ ဦးတည်သွား နိုင်ကြောင်း အီရတ်ဝန်ကြီးချုပ် အယ်လ်အဘာဒီ က တူရကီနိုင်ငံကို သတိပေး ပြောကြားခဲ့ သည်ဟု နိုင်ငံပိုင် ရုပ်သံဌာနက အောက်တိုဘာ ၅ ရက်တွင် ဖော်ပြထားသည်။

အီရတ်နှင့် ဆီးရီးယားနိုင်ငံ အတွင်းရှိ အကြမ်းဖက် အဖွဲ့အစည်းများအား နောက်ထပ် တစ်နှစ်ကြာ စစ်ဘက် စစ်ဆင်ရေးများ ပြုလုပ်နိုင်မည့် အမိန့်အာဏာ သက်တမ်းကို တိုးမြှင့်သွားရန် တူရကီလွှတ်တော် က ပြီးခဲ့သည့်ရက် သတ္တပတ်အတွင်း အတည်ပြု ဆုံးဖြတ်ချက် ချမှတ်ခဲ့မှုအပေါ် အောက်တိုဘာ ၄ ရက်တွင် ပြုလုပ်သည့် သတင်းစာ ရှင်းလင်းပွဲ၌ အဘာဒီ က ပြောကြားသည်။

''အီရတ်နိုင်ငံ အရေးကို ဝင်ရောက် စွက်ဖက်ခြင်း မပြုဖို့ တူရကီကို တစ်ကြိမ်ထက် မက သတိပေးခဲ့ ပြီးပါပြီ။ တူရကီရဲ့ စွန့်စားမှုက ဒေသတွင်း စစ်ပွဲတစ်ပွဲဆီသို့ ပြောင်းလဲသွား မှာကိုတော့ စိုးရိမ်မိပါတယ်။ တူရကီ ခေါင်းဆောင်ပိုင်း တွေရဲ့ ပြုမူ လုပ်ဆောင်ပုံ တွေဟာ လက်ခံနိုင်ဖွယ်ရာ မရှိပါဘူး။ ကျွန်တော်တို့ အနေနဲ့ကလည်း တူရကီနဲ့ စစ်ဘက် ထိပ်တိုက် တွေ့ဆုံမှုကို မလိုလားပါဘူး'' ဟု အဘာဒီ က ပြောကြားသည်။

ထို့ပြင် တူရကီ လွှတ်တော်၏ ဆုံးဖြတ်ချက် ကို ပြစ်တင်ရှုတ်ချရန် အီရတ် လွှတ်တော်က အောက်တိုဘာ ၄ ရက်တွင် သဘောထား ဆန္ဒ ခံယူမှု ပြုလုပ်ခဲ့ကြောင်း သိရသည်။

ပြီးခဲ့သည့်နှစ် နှောင်းပိုင်းက အီရတ်နိုင်ငံ မြောက်ပိုင်းရှိ အခြေစိုက် စခန်းတွင် တူရကီ တပ်ဖွဲ့ဝင်များကို တပ်ဖြန့်ချထား ခြင်းသည် အီရတ်နှင့် ဆီးရီးယားနိုင်ငံ အတွင်းရှိ နယ်မြေ ပိုင်နက်အချို့ကို သိမ်းပိုက်ထား သော ISIS စစ်သွေးကြွ များအား ချေမှုန်းတိုက်ခိုက် နေသည့် အီရတ်တပ်ဖွဲ့ဝင် များကို စစ်လက်နက် ပစ္စည်းများ တပ်ဆင်ပေးရန်နှင့် လေ့ကျင့်ပေးရန် အတွက်ဖြစ်ကြောင်း တူရကီက ပြောကြားထားသည်။

PyiChitThar
http://www.pyichitthar.com



( အွန်လိုင်းကနေလျှောက်ရတဲ့ အမေရိကန် DV ကံစမ်းမဲ ပုံစံကို တွေ့ရစဉ် ) Photo: www.dvlottery.state.gov/application.aspx
အမေရိကန်ပြည်ထောင်စုမှာ လာရောက်အခြေချနေထိုင်လိုတဲ့ မြန်မာနိုင်ငံသားတွေအနေနဲ့ ၂ဝ၁၈ ခုနှစ်အတွက် Diversity Visa Program (DV-2018) ကို အောက်တိုဘာ ၄ ရက်ကစပြီး လျှောက်ထားနိုင်ပါပြီ။

လျှောက်ထားသူတွေကို ကွန်ပြူတာစနစ်နဲ့ ရွေးချယ်တဲ့ အဲဒီ ကံစမ်းမဲ အစီအစဉ်ကို Green Card ထီလို့လည်း အလွယ်တကူခေါ်ဆိုကြပါတယ်။ လျှောက်ထားလိုသူတွေအနေနဲ့ အမေရိကန်အစိုးရ အင်တာနက် စာမျက်နှာတခုဖြစ်တဲ့ dvlottery.state.gov ကိုသွားပြီး နိုဝင်္ဘာ ၇ ရက်နေ့အထိ လျှောက်ထားနိုင်ပါတယ်။ online ကနေပဲ လျှောက်ထားရမှာဖြစ်ပြီး တနှစ်ကို တကြိမ်ထက်ပိုပြီးလျှောက်သူတွေကို လက်ခံမှာမဟုတ်ပါဘူး။

အဲဒီလို လာရောက်နေထိုင်လိုသူတွေဟာ မြန်မာနိုင်ငံမှာ မွေးဖွားသူဖြစ်ရမယ့်အပြင် အခြေခံပညာ ၁ဝ တန်းအောင်မြင်သူတွေ သို့မဟုတ် ပြီးခဲ့တဲ့ ၅ နှစ်အတွင်း ကျွမ်းကျင်မှုပါတဲ့လုပ်ငန်းတခုခုမှာ အနည်းဆုံး ၂ နှစ် လုပ်ကိုင်ဖူးသူဖြစ်ဖို့လိုပါတယ်။ အသေးစိပ်ကို ရန်ကုန်မြို့က အမေရိကန်သံရုံးစာမျက်နှာ https://burma.usembassy.gov/diversity-visa.html မှာလည်း ကြည့်ရှုနိုင်ပါတယ်။

အမေရိကန်ပြည်ထောင်စုကို ကမ္ဘာတလွှားက လာရောက်ပြီး ဘဝသစ်ထူထောင်လိုသူတွေ တိုင်းပြည်အလိုက် အချိုးကျကျဖြစ်အောင် ရည်ရွယ်တဲ့ အဲဒီကံစမ်းမဲ အစီအစဉ်ဟာ အခမဲ့ဖြစ်ပေမယ့် မသမာသူတွေက နည်းမျိုးစုံနဲ့ ငွေကြေးလိမ်လည်ရယူမှုတွေ အကြီးအကျယ် ဖြစ်ပေါ်နေပါတယ်။ လျောက်ထားမှုအတွက် ငွေကြေးလုံးဝပေးဖို့မလိုပါ။ ကွန်ပြူတာက ရွေးချယ်ခံရပြီးချိန်မှာတော့ မဲပေါက်သူတွေအနေနဲ့ လိုအပ်တဲ့ ဝင်ကြေးငွေကို သက်ဆိုင်ရာ အမေရိကန်သံရုံး သို့မဟုတ် ကောင်စစ်ဝန်ရုံးတွေမှာ တိုက်ရိုက်ပေးသွင်းရမှာဖြစ်ပါတယ်။ အမေရိကန်အစိုးရက တခြားနည်းနဲ့ တောင်းခံမှာ မဟုတ်သလို ပေးလို့လည်းရမှာ မဟုတ်ပါဘူး။

အခုနှစ် DV အစီအစဉ်နဲ့ ပတ်သက်ပြီး ရှင်းလင်းပြောကြားပွဲတွေကို ရန်ကုန် နဲ့ မန္တလေးမြို့တွေမှာ မြန်မာနိုင်ငံဆိုင်ရာ အမေရိကန်သံရုံးက အောက်တိုဘာ ၇၊ ၁၁၊ ၁၃ နဲ့ ၁၄ ရက်နေ့တွေမှာ ပြုလုပ်ပါလိမ့်မယ်။

RFA Burmese
https://www.facebook.com/rfaburmese




ပေကျင်း၊ အောက်တိုဘာ-၅

တရုတ်နိုင်ငံအရှေ့ပိုင်းတွင် မွေးပြီးပြီးချင်း မကြာမီတွင် သေဆုံးသွားခဲ့သည့် ကလေး၏ ဖခင်က ဆရာဝန်ကို ဓားဖြင့် အသေထိုးသတ်ခဲ့သည်ဟု ဆိုသည်။

South China Morning Post ၏ သတင်းအရ အောက်တိုဘာလ ၃ရက်နေ့က လိုင်ဝူရှိ လိုင်ကန်းဆေးရုံတွင် ဒေါသထွက်နေသည့် မွေးကင်းစကလေး၏ ဖခင်ဖြစ်သူက ဒေါက်တာ လီပေါင်ဟွာ (၃၄နှစ်)ကို ဓားဖြင့် ၁၅ချက်တိတိ ထိုးခဲ့သည်ဟု ဆိုသည်။ တိုက်ခိုက်သူမှာ ချင် ကျန်းလီဆိုသူ ဖြစ်သည်ဟု ဆိုသည်။
ချင်မှာ ဓားရှည်နှင့် ဓားတိုတစ်ချောင်းကို လွယ်အိတ်ထဲ ၀ှက်ထည့်လာပြီး ဆေးရုံထဲသို့ ယူဆောင်လာပြီးနောက် ငါးထပ်ရှိ ဒေါက်တာလီ၏ ရုံးခန်းသို့ သွားရောက်ကာ တိုက်ခိုက်ခဲ့ခြင်းဖြစ်သည်ဟု ဆိုသည်။ အကူအညီပေးရန် လာရောက်သည့် ဒေါက်တာလီ၏ မိတ်ဆွေများကိုလည်း တားဆီးခဲ့သည်ဟု ဆိုသည်။
ခွဲစိတ်ဆရာဝန်များက ဒေါက်တာလီကို ကယ်ဆယ်ရန် အသည်းအသန်ကြိုးစားခဲ့သော်လည်း သေဆုံးသွားခဲ့သည်ဟု ဆိုသည်။

လူမှုမီဒီယာတွင် ပြောကြားကြသည့် စကားများအရ ချင်၏ မွေးကင်းစကလေးငယ်မှာ သွေးအဆိပ်သင့်ရောဂါ၊ နျူမိုးနီးယားရောဂါများဖြင့် သေဆုံးသွားခဲ့သည်ဟု ဆိုသည်။ ဆေးရုံဝန်ထမ်းတစ်ဦး၏ ပြောကြားချက်အရ ကလေးမှာ သာမန်အဖျားတက်ရာမှ ကျန်းမာရေးအခြေအနေ လျင်မြန်စွာ ဆုတ်ယုတ်ပျက်စီးသွားခဲ့သည်ဟု ဆိုသည်။ ချင်မှာ ပြင်းထန်သော အပြစ်ပေးမှုနှင့် ရင်ဆိုင်ရဖွယ်ရှိနေသည်။

ယခုဖြစ်ရပ်မှာ တရုတ်နိုင်ငံတွင် လူနာ (သို့မဟုတ်)လူနာ၏ မိသားစုများက ဆေးဝန်ထမ်းများကို အကြမ်းဖက်တိုက်ခိုက်သည့် ဖြစ်ရပ်တသီတတန်းကြီးထဲတွင် လတ်တလောအကျဆုံးဖြစ်သည်။

စစ်တမ်းတစ်ခုအရ ၂၀၀၈ခုနှစ်က ဆရာဝန်များကို တိုက်ခိုက်မှုမှာ ပျမ်းမျှ ဆေးရုံတစ်ရုံတွင် ၂၀.၆မှု ရှိခဲ့ရာမှ ၂၀၁၂ခုနှစ်တွင် ၂၇.၃မှုအထိ မြင့်တက်လာခဲ့သည်ဟု ဆိုသည်။

The Straitstimes
AM
china.com Myanmar
https://www.facebook.com/china.com.mm




ဒါကာ၊ အောက်တိုဘာ- ၆

ဘင်္ဂလားဒေ့ရ်ှကျောင်သူတစ်ဦးသည် မိမိကိုပိုးပန်းနေသူကျောင်းသားခေါင်းဆောင်တစ်ဦးကို ငြင်းပယ်ခဲ့သောကြောင့် ဓားဖြင့်အထိုးခံရရာ အခြေအနေဆိုးရွားကြောင်းသိရသည်။

ခါဒီဇာ ဘီဂမ်းသည် တနင်္လာနေ့က မြောက်ပိုင်း ရှိ စီလ်ဟတ်ခရိုင် ကောလိပ်ကျောင်းဝင်းအတွင်းတွင် တောခုတ်ဓါးဖြင့် တိုက်ခိုက်ခံရခြင်းဖြစ်သည်။

အင်္ဂါနေ့က ကျောင်းသားရာပေါင်းများစွာသည် တက္ကသိုလ် နှင့် ကောလိပ်များတွင် ပိုမိုကောင်းမွန်သော လုံခြုံရေး ရရှိရန်တောင်းဆို ဆန္ဒပြခဲ့ကြသည်။

ယခုဖြစ်ရပ်သည်ပြီးခဲ့သည့်လများအတွင်း အမျိုးသမီးတစ်ဦး အနေဖြင့် မိမိကို ချစ်ရေးဆိုသူ ကို ငြင်းပယ်မိ၍ တိုက်ခိုက်ခံသော လေးခုမြောက် ဖြစ်ရပ်ဖြစ်သည်။

မစ္စ ဘီဂမ်သည် မူရာရီ ချန်း တက္ကသိုလ်ကောလိပ် တွင် စာမေးပွဲခန်းမှ အထွက် တိုက်ခိုက်ခံရခြင်းဖြစ်သည်။

သူမ၏ ဦးလေးဖြစ်သူ ဂျာဟစ်အာမက်က တိုက်ခိုက်ခဲ့သူ ဘာဒရယ်အလမ်သည် သူ့တူမကို ချစ်ရေးဆိုခဲ့ကြောင်း ၊ မစ္စ ဘီဂမ်က ငြင်းပယ်လိုက်၍ အလွန်အမင်း ဒေါသထွက်သွားကြောင်းပြောကြားခဲ့သည်။
တိုက်ခိုက်မှုကို ကျောင်းသားအများအပြားတွေ့မြင်ကြီပီး အချို့က လက်ကိုင်ဖုန်းများဖြင့် ဗီဒီယိုရိုက်ကူးကြသော်လည်း မည်သူမျှ ဟန့်တားခြင်းမရှိ်ကြောင်းသိရသည်။

မျက်မြင်သက်သေတစ်ဦးဖြစ်သူ အဗ္ဗဒူ ကဒါက ကျနော် စူးစူးဝါးဝါးအော်သံကြားလိုက်ရတယ် ပြီးတော့ ယောက်ျားလေးတစ်ယောက်က မိန်းကလေးတစ်ယောက်ကို သတိလက်လွတ် ကြမ်းကြမ်းတမ်းတမ်းတိုက်ခိုက်နေတာကိုတွေ့ခဲ့ရတယ် ဟုပြောကြားခဲ့သည်။

တိုက်ခိုက်တဲ့သူက အရမ်းကြမ်းနေတော့ကား ဘယ်သူမှ သူမကို ၀င်မကယ်ရဲဘူး ဟုပြောကြားခဲ့သည်။
နောက်ပိုင်းတွင်ကျောင်းသားအချို့က တိုက်ခိုက်သူကို ကောလိပ်ကျောင်းဝင်းအပြင်အထိ လိုက်လံဖမ်းဆီးခဲ့ကြပြီး အခင်းဖြစ်ပွားရာမှ ထွက်ပြေးနိုင်ခြင်းမရှိသေးမီ ရဲများက ဖမ်းဆီးရရှိခဲ့သည်။

ဖြစ်ရပ်ကြောင့် အများပြည်သူ မကျေမနပ် ဒေါသထွက်ခဲ့ကြရပြီး မစ္စတာ အလမ်ကိုယ်တိုင်ကျောင်းသားခေါင်းဆောင်အဖြစ် ပညာသင်ကြားနေသည့် ဆာဂျယ်လယ် သိပ္ပံနှင့် နည်းပညာတက္ကသိုလ်မှ ကျောင်းသားများစုဝေးကာ သူ့ကိုအပြစ်ပေး အရေးယူရန် နှင့် ကျောင်းဝင်းအတွင်း လုံခြုံရေး အစီအစဉ်များ တင်းတင်းကြပ်ကြပ် ချမှတ်ပေးရန် တောင်းဆိုခဲ့ကြသည်။ ။

ဘီဘီစီ
ATO
china.com Myanmar
https://www.facebook.com/china.com.mm


အန်တိုနီယို ဂူတာရက်စ်က ဒုက္ခသည်များ ဆိုင်ရာ မဟာမင်းကြီးရုံး UNHCR ကို ၁၀ နှစ်ကြာ ဦးဆောင်ခဲ့။

ကုလ သမဂ္ဂ အတွင်းရေးမှူးချုပ် နေရာကို ပေါ်တူဂီ ဝန်ကြီးချုပ်ဟောင်း အန်တိုနီယို ဂူတာရက်စ် ဆက်ခံဖို့ သေချာသွားပြီလို့ ကုလ သံတမန် အသိုင်းအဝိုင်းက ပြောပါတယ်။

အတွင်းရေးမှူးချုပ် နေရာအတွက် သင့်တော်သူ ၁၀ ဦး ထဲကနေ ကုလ သမဂ္ဂ လုံခြုံရေး ကောင်စီ အဖွဲ့ဝင် ၁၅ နိုင်ငံက ဒီကနေ့ ဗုဒ္ဓဟူးနေ့မှာ မဲပေး ရွေးချယ်ခဲ့ရာမှာ ၆၆ နှစ်အရွယ် မစ္စတာ ဂူတာရက်စ်ကို ကန့်ကွက်သူ မရှိခဲ့ဘဲ အတွင်းရေးမှူးချုပ် နေရာအတွက် အဆိုပြု ခံရသူ ဖြစ်လာတာပါ။

သူ့ကို အတည်ပြု ဖို့အတွက်တော့ လုံခြုံရေး ကောင်စီက မနက်ဖြန် ကြာသပတေးနေ့မှာ မဲပေး ဆုံးဖြတ်မှာ ဖြစ်ပါတယ်။

မစ္စတာ ဂူတာရက်စ်ဟာ ကုလ သမဂ္ဂ ဒုက္ခသည် ဆိုင်ရာ အေဂျင်စီကို ၁၀ နှစ်ကြာ ဦးဆောင်ခဲ့သူ ဖြစ်ပြီး မစ္စတာ ဘန်ကီမွန်း နေရာကို လာမယ့် ၂၀၁၇ အစောပိုင်းမှာ လွှဲပြောင်း ယူဖို့ ရှိပါတယ်။

လက်ရှိ အတွင်းရေးမှူးချုပ် မစ္စတာ ဘန်ကီမွန်းက ၂၀၀၇ ဇန်နဝါရီမှာ အတွင်းရေးမှူးချုပ် ၅ နှစ်သက်တမ်း နှစ်ကြိမ် ပြည့်မှာ ဖြစ်ပါတယ်။
BBC Burmese


ခိုးကူးခွေများကို ၀ယ်ယူနေပုံ
ခိုးကူးခွေများကို ၀ယ်ယူနေပုံ

မြန်မာနိုင်ငံမှာ အနုပညာ ဖန်တီးသူတွေအတွက် အဓိကစိန်ခေါ်မှုတခုဖြစ်နေတဲ့ မူပိုင်ခွင့်ကိစ္စကို အာဏာပိုင်တွေက စီမံကိန်းနဲ့ ဖြေရှင်းဖို့ ကြိုးပမ်းနေပေမဲ့ အောင်မြင်မှု ရပါ့မလားဆိုတာ သံသယရှိနေကြပါတယ်။ ရုပ်ရှင်၊ ဂီတလောကသားတွေ ရင်ဆိုင်နေရတဲ့ ပြဿနာနဲ့ ပတ်သက်လို့ ဒီကနေ့မှာလည်း လွှတ်တော်မှာ မေးခွန်းထုတ်ခဲ့တဲ့အထိ ဖြစ်ခဲ့တဲ့အကြောင်းကိုတော့ ဗွီအိုအေ သတင်းထောက် မေခ က သတင်းပေးပို့ထားပါတယ်။

ရက် ၁၀၀ စီမံချက်အဖြစ်နဲ့ တရားမ၀င် ခိုးကူးခွေတွေကို အာဏာပိုင်တွေက ဒီရက်ပိုင်းအတွင်း လိုက်လံနှိမ်နင်းနေတဲ့အတွက် အရင်ကလို ရုပ်ရှင်တွေ၊ သီချင်းတွေကို စီဒီတွေနဲ့ ကူးယူရောင်းချနေတဲ့ ဆိုင်တွေကို များများစားစား မတွေ့ရတော့ပေမဲ့၊ ဆိုင်တချို့မှာတော့ ရောင်းချ နေဆဲဖြစ်ပါတယ်။ မူပိုင်ခွင့် ချိုးဖောက်တဲ့ ရုပ်ရှင်တွေ၊ သီချင်းတွေလို အခွေတွေကို စီမံကိန်းချ နှိမ်နင်းပြီး အနုပညာရှင်တွေရဲ့ ခံစားခွင့်တွေကို ကာကွယ်ဖို့ ကြိုးပမ်းနေတယ်ဆိုပေမဲ့ ဒါတွေဟာ ထိရောက်မှု ရှိပါ့မလားဆိုတာကို သံသယဖြစ်သူတွေလည်း ရှိပါတယ်။ နာမည်ကျော် အဆိုတော် တဦးလည်းဖြစ် ဂီတအစည်းအရုံးရဲ့ မူပိုင်ခွင့်ချိုးဖောက်မှု ကာကွယ်တားဆီးရေး အတွင်းရေးမှူး သားစိုး ကတော့ ပြဿနာကို ရေတိုဖြေရှင်းလို့ မဖြစ်နိုင်ဘူးလို့ ဆိုပါတယ်။

“မဖြစ်ပါဘူးခင်ဗျ အဲဒါဘယ်လိုပြောရမလဲဆိုတော့ ဂျာအေးသူ့အမေရိုက်ပါပဲခင်ဗျ။ အဓိကတော့ ကျနော်တို့ဒီ မြန်မာနိုင်ငံရဲ့အသုံးမ၀င်တော့တဲ့ ခေတ်မမှီတော့တဲ့ ဥပဒေတွေကို ပြင်ဆင်ရမှာပေါ့နော် အခုဖမ်းတဲ့ဥပဒေပ ၃၂ (က) (ခ) ရှိမယ်။ ဥပဒေမှာက တရားမ၀င်၊ ဆင်ဆာမဲ့အခွေကို ဖမ်းခွင့်ပေးထားတယ်။ အဲဒီအခါကျတော့ ဒီအခွေတွေအကုန်လုံးက ဆင်ဆာမှမရှိတာ တရားဝင် ယူပြီးရောင်းမယ်ဆိုရင်လည်း ဒီက ခိုးကူးကပြန်ဖြစ်မယ်ဆိုတော့ ဥပဒေကို ကျနော်တို့က ပြင်သင့်ပါတယ်။”

အာဏာပိုင်တွေက ရက် ၁၀၀ စီမံချက်အဖြစ် တရားမ၀င် ခိုးကူးခွေတွေကို ကူးယူ၊ ဖြန့်ချီ၊ ရောင်းချမှုတွေကို နှိမ်နင်းရမှာတော့ ပြည်တွင်းက ရုပ်ရှင်ကားတွေ၊ သီချင်းခွေတွေ သာမက နိုင်ငံခြားရုင်ရှင်၊ ဂီတ စတဲ့အခွေတွေကိုပါ သိမ်းဆည်းတာတွေ၊ မူပိုင်ခွင့် ဖောက်ဖျက်သူတွေကို အရေးယူတာတွေလည်း လုပ်ဆောင်နေတာပါ။ ဗုဒ္ဓဟူးနေ့က ပြည်သူ့လွှတ်တော်မှာလည်း မြန်မာနိုင်ငံရုပ်ရှင်လောက ဖွံ့ဖြိုးတိုးတက်ရေး အစိုးရရဲ့ ဆောင်ရွက်ချက်တွေနဲ့ ပတ်သက်လို့ မေးခွန်းထုတ်ခဲ့တာကို ပြန်ကြားရေးဝန်ကြီး ဒေါက်တာဖေမြင့် ကဖြေကြားရာမှာ မူပိုင်ခွင့် ချိုးဖောက်မှုတွေ ကာကွယ်ရေး ကြိုးပမ်းမှုတွေကို ထည့်သွင်း ပြောဆိုသွားပါတယ်။

“မြန်မာ့ရုပ်ရင်လုပ်ငန်း ပြည်တွင်းမှာ ဦးမော့လာရုံသာမက ပြည်ပဈေးကွက်ကိုပါ ထိုးဖောက်လာနိုင်ရေးအတွက် ရုပ်ရှင်ဥပဒေတရပ်သည် မဖြစ်မနေလိုအပ်ပါတယ်။ ဒါ့အပြင် ရုပ်ရှင်ထုတ်လုပ်သူ ၊ အနုပညာဖန်တီးသူများ၊ ဒါရိုက်တာများအပါအ၀င် ရုပ်ရှင်လောကသားများအားလုံးရော မြန်မာ့ရုပ်ရှင်ကို ချစ်မြတ်နိုးကြတဲ့ ပရိတ်သတ်ကြီးကပါ ရုပ်ရှင်လောက ဖွံ့ဖြိုးတိုးတက်ရေးကို အနာဂတ်ရည်မှန်းချက်အဖြစ်ထားရှိပြီး စည်းစည်းလုံးလုံးညီညီညွှတ်ညွှတ်နဲ့ ပူးပေါင်းဆောင်ရွက်သွားဖို့ လိုအပ်မှာဖြစ်ပါတယ်။ ပြန်ကြားရေးဝန်ကြီးဌာန အနေနဲ့လည်း ရုပ်ရှင်လောက ဖွံ့ဖြိုးတိုးတက်ရေးအတွက် ဥပဒေရေးဆွဲရေးအပါအ၀င် လိုအပ်တဲ့အကူအညီများနဲ့ ပတ်သက်ပြီး မြန်မာနိုင်ငံ ရုပ်ရှင်အစည်းအရုံးသက်ဆိုင်ရာ ပြည်တွင်းပြည်ပ အဖွဲ့အစည်းများ ဆက်စပ် ၀န်ကြီးဌာနများနဲ့ ပူးပေါင်းပြီး အရှိန်အဟုန်မြင့်ဆောင်ရွက်ပေးသွားမှာဖြစ်ကြောင်း ဖြေကြားအပ်ပါတယ်။”

အဆိုတော် သားစိုး ကတော့ အနုပညာဖန်တီးသူတွေရဲ့ ကြိုးပမ်းမှုတွေကို လက်ရှိပြဌာန်းထားတဲ့ ဥပဒေတွေက အကာအကွယ် မပေးနိုင်ဘူးလို့ ပြောပါတယ်။ ဒါကြောင့်လည်း ကိုယ့်ကြိုးပမ်းမှုက ထွက်ပေါ်လာတဲ့ အသီးအပွင့်တွေကို ကိုယ်တိုင်ခံစားနိုင်မှ အနုပညာလောက တိုးတက်နိုင်မှာ ဖြစ်တာကြောင့် မူပိုင်ခွင့်ဥပဒေတရပ် လွှတ်တော်က အမြန်ဆုံးရေးဆွဲ အတည်ပြုဖို့ လိုနေပြီလို့ ဆိုပါတယ်။

“အဓိကတာဝန်ရှိတာကတော့ လက်ရှိအစိုးရပေါ့နော်၊ လက်ရှိအစိုးရကိုလည်း တော်တော်ကို ကိုယ်ချင်းစာပါတယ် ဟုတ်တယ်မလား၊ အိမ်တလုံးပြောင်းတာတောင် တော်တော်ဒုက္ခရောက်တာ၊ ဆိုတော့ သူတို့အနေနဲ့ မပြည့်မစုံဒီလိုပြောင်းလာပြီး အခုအချိန်မှာ ပြဿနာပေါင်း သောင်းခြောက်ထောက်မှာ ကျနော်တို့က ဒီလို တပူပူထအော်ပြီးတော့ အခုမဆီမဆိုင် နိုင်ငံခြားခွေတွေဖမ်းတော့ လူတွေလည်း ဒုက္ခရောက်၊ ကျနော်တို့လည်းမကြည့်ရဖြစ်တော့ ကျနော်တို့က ဖမ်းဖို့ပြောတာက ကျနော်တို့ ကူးခွေတွေပါ ၊ ကျနော်တို့ မြန်မာပြည်သူမြန်မာပြည်သား ပိုင်တွေပါ။ အဲဒါကိုပဲ ကျနော်က အဓိကလုပ်စေချင်တာ။ ဘယ်လိုကနေ နိုင်ငံခြားအခွေတွေပါသွားပြီးတော့ ဖမ်းတယ်ဆိုတာ မစဉ်းစားမိဘူး။ ဒါပေမယ့်လည်း ဥပဒေအရ ရဲအနေနဲ့ အရေးယူမယ်ဆို ယူပိုင်ခွင့်ရှိတယ်။ ဘာဖြစ်လို့လဲဆိုတော့ ခုနကပြောတဲ့ဥပဒေ ၃၂ (က) (ခ)တွေမှာ တရားမ၀င် ဆင်ဆာမဲ့ဆိုရင် ဖမ်းလို့ရပါတယ်။ ဆိုတော့ ဒီဥပဒေတွေကို ကျနော်တို့ ပြင်ကြမလဲ၊ ဘယ်လိုမျိုး အများပြည်သူအတွက်အဆင်ပြေအောင်လုပ်မလဲ ဆိုတာကို လွှတ်တော်မှာဆွေးနွေးသင့်ပါတယ်။ ဒီအတွက်လည်း လိုတာရှိရင်လည်း ကျနော်တို့ ကူညီဖို့အသင့်ပါ။”

အနုပညာရှင်တွေရဲ့ ဖန်တီးမှုတွေ အပါအ၀င် ဥာဏ်ဥစ္စာပစ္စည်းပိုင်ဆိုင်မှု ဥပဒေတရပ် ရေးဆွဲဖို့ ကြိုးပမ်းနေဆဲဖြစ်ပြီး၊ ပြီးခဲ့တဲ့ စက်တင်ဘာလထဲမှာပဲ ဦးစားပေး ပြဌာန်းဖို့ လိုအပ်နေတဲ့ ဥပဒေတွေအဖြစ် လွှတ်တော်ဥပဒေရေးရာနဲ့ အထူးကိစ္စရပ်များ လေ့လာဆန်းစစ် သုံးသပ်ရေး ကော်မရှင်က တင်ပြခဲ့တဲ့ အထဲမှာ မူပိုင်ခွင့်ဥပဒေလည်း ပါဝင်ခဲ့ပါတယ်။

VOA Burmese News

၂၀၁၆ ဓာတုဗေဒဆိုင်ရာ နိုဘဲလ်ဆုကို သိပ္ပံပညာရှင်တွေ ဖြစ်ကြတဲ့ Jean-Pierre Sauvage ၊James Fraser Stoddart နဲ့ Bernard Feringa တို့ရရှိ
၂၀၁၆ ဓာတုဗေဒဆိုင်ရာ နိုဘဲလ်ဆုကို သိပ္ပံပညာရှင်တွေ ဖြစ်ကြတဲ့ Jean-Pierre Sauvage ၊James Fraser Stoddart နဲ့ Bernard Feringa တို့ရရှိ

ဓာတုဗေဒဆိုင်ရာ နိုဘဲလ်ဆုကိုတော့ သိပ္ပံပညာရှင်တွေ ဖြစ်ကြတဲ့ Jean-Pierre Sauvage ၊James Fraser Stoddart နဲ့ Bernard Feringa တို့ကို နိုဘဲလ် ဆုရွေးချယ်ရေး အဖွဲ့က ရွေးချယ်လိုက်ပါတယ်။

နာနို နည်းပညာသုံး ဆံချည်မျှင်ထက် သေးငယ်တဲ့ မော်လီကျူလာ စက်တွေ ထုတ်လုပ်ခဲ့တဲ့ ဒီပုဂ္ဂိုလ် သုံးဦးရဲ့ ဆောင်ရွက်ချက်တွေ အတွက် အခုလို နိုဘဲလ်ဆု ချီးမြှင့်ခံရတာ ဖြစ်ပါတယ်။ နိုဘဲလ်ဆုရှင်တွေ ပုံစံထုတ်ပြီး ထုတ်လုပ်လိုက်တဲ့ မော်လီကူလာ နဲ့ ဖွဲ့စည်းထားတဲ့ စက်တွေဟာ ဆံချည်မျှင်ထက် အဆတထောင်လောက် သေးငယ်ပြီး စွမ်းအင် အသုံးပြု လည်ပတ်တဲ့ အစိတ်အပိုင်းတွေလည်း ပါဝင်ပါတယ်။

လှုပ်ရှားမှုတွေကို ထိန်းချုပ်နိုင်ပြီး နာနိုမီတာ စကေးလ်နဲ့ အလုပ်လုပ်နိုင်မယ့် ဒီစက်ကလေးတွေက နောက်ပိုင်းမှာ ပစ္စည်းတွေ စွမ်းအင်တွေ အသုံးပြုနိုင်တဲ့ စနစ်တရပ် ဖြစ်လာဖို့အတွက် ဦးတည်သွားစေနိုင်တာလည်း ဖြစ်ပါတယ်။ ဓာတုဗေဒဆိုင်ရာ နိုဘဲလ် ဆုရှင်တွေ အဖြစ် ချီးမြှင့်ခံရတဲ့ Jean-Pierre Sauvage ကတော့ ပြင်သစ်နိုင်ငံ Strasbourg တက္ကသိုလ်ရဲ့ ဂုဏ်ထူးဆောင် ပါမောက္ခ ဖြစ်ပါတယ်။

James Fraser Stoddart ကတော့ အမေရိကန် ပြည်ထောင်စု Northwestern တက္ကသိုလ်က ဓာတုဗေဒဆိုင်ရာ ပါမောက္ခ ဖြစ်ပြီး Bernard Feringa ကတော့ နယ်သာလန် နိုင်ငံ Groningen တက္ကသိုလ်က ဇီဝ ဓာတုဆိုင်ရာ ပါမောက္ခ ဖြစ်ပါတယ်။ဓာတုဗေဒ နိုဘဲလ်ဆု အတွက် အမေရိကန် ဒေါ်လာ ၉ သိန်း ၃ သောင်း ၁ ထောင် ချီးမြှင့်ခံရမှာ ဖြစ်ပြီး နိုဘဲလ်ဆုရှင် ၃ ဦးတို့ ခွဲဝေ ယူကြရမှာလည်း ဖြစ်ပါတယ်။
VOA Burmese News

ကုလသမဂ္ဂ လုံခြုံရေး ကောင်စီ
ကုလသမဂ္ဂ လုံခြုံရေး ကောင်စီ

ကုလသမဂ္ဂ လုံခြုံရေး ကောင်စီက ကုလ သမဂ္ဂ အတွင်းရေးမှူးချုပ်သစ် ရွေးကောက် တင်မြှောက်မှုအတွက် နောက်ထပ် မဲပေးတဲ့ လုပ်ငန်းစဉ်ကို စတင်လိုက်ပြီမို့ အတွင်းရေးမှူးချုပ်သစ် ရွေးကောက်ပွဲက ဒီကနေ့ ဗုဒ္ဓဟူးနေ့မှာ အဆုံးအဖြတ်ပေးမယ့် နောက်ဆုံး အဆင့်ကို ရောက်ရှိသွားပြီ ဖြစ်ပါတယ်။

အဖွဲ့ဝင် ၁၉၃ နိုင်ငံပါ ကုလ အထွေထွေညီလာခံမှာ အတည်ပြုပေးဖို့ အတွက် အဖွဲ့ဝင် ၁၅ နိုင်ငံပါ ကုလ လုံခြုံရေး ကောင်စီက ကိုယ်စားလှယ်လောင်း တဦးကို အကြံပြု ထောက်ခံပေးရမှာ ဖြစ်ပါတယ်။ ကိုယ်စားလှယ်လောင်း ၁၀ ဦးတို့ အပေါ် အဖွဲ့ဝင်တွေရဲ့ သဘောထားကို ခန့်မှန်းနိုင်ဖို့ အတွက်ပြီးခဲ့တဲ့ ဇူလိုင်လက စလို့ လုံခြုံရေး ကောင်စီက အလွတ်သဘော မဲဆန္ဒ ကောက်ယူမှု ၅ ကြိမ် လုပ်ခဲ့ပြီး ဖြစ်ပါတယ်။ ၅ ကြိမ်စလုံးမှာတော့ အသက် ၆၇ နှစ် ရှိပြီ ဖြစ်တဲ့ ပေါ်တူဂီ ၀န်ကြီးချုပ်ဟောင်း Antonio Guterres က ရှေ့ဆုံးမှာ ရှိနေပါတယ်။

ဒီကနေ့ လုံခြုံရေး ကောင်စီတွင်း မဲဆန္ဒ ကောက်ယူမှုမှာ သူ အနိုင်ရနိုင်မလားဆိုတဲ့ အပေါ်မှာ ကွဲကွဲပြားပြား ထွက်ပေါ်လာရင်တောင်မှဘဲ အတွင်းရေးမှူးချုပ် သေချာပေါက် ဖြစ်လာဖို့ အာမခံချက်ကတော့ မရှိသေးပါဘူး။

ကုလ လုံခြုံရေး ကောင်စီရဲ့ မဲခွဲမယ့် အစီအစဉ်မှာတော့ လုံခြုံရေး ကောင်စီ အမြဲတမ်း အဖွဲ့ဝင် ၅ နိုင်ငံ အတွက် မဲလက်မှတ်ပြားကို အရောင်တမျိုး သတ်မှတ်အသုံးပြုမှာ ဖြစ်ပြီး တခြာ အဖွဲ့ဝင်တွေ အတွက်တော့ အရောင်တမျိုးခွဲခြား အသုံးပြုမှာ ဖြစ်ပါတယ်။ ဆန္ဒမဲတွေကတော့ တကြိမ်နဲ့ တကြိမ် တူမှာတော့ မဟုတ်ပါဘူး။ အမြဲတမ်း အဖွဲ့ဝင် နိုင်ငံတွေ ဖြစ်တဲ့ ဗြိတိန်၊ တရုတ်၊ ပြင်သစ်၊ ရုရှား နဲ့ အမေရိကန် ပြည်ထောင်စု တခုခုတို့ကနေ မထောက်ခံရင်တော့ ကိုယ်စားလှယ်လောင်းတွေ အနေနဲ့ အတွင်းရေးမှူးချုပ် ဖြစ်ရေး ရည်မှန်းချက်ကို စွန့်လွှတ်ရနိုင်ပါတယ်။ ဘယ်သူ အနိုင်ရမလဲဆိုတာကို ရှင်းရှင်းလင်းလင်း မဲခွဲ မဆုံးဖြတ်နိုင်ခင်မှာ ပယ်ချခံထားရတဲ့ ကိုယ်စားလှယ်လောင်းတွေဘက်ကလည်း သူတို့ဘာသာ နုတ်ထွက်သွားနိုင်ပါတယ်။ အားလုံးရဲ့ သဘောတူညီချက်နဲ့ ကိုယ်စားလှယ်လောင်း တဦး ရှင်းရှင်းလင်းလင်း ထွက်ပေါ်လာတဲ့ အခါမှာတော့ လုံခြုံရေး ကောင်စီက တရားဝင် မဲခွဲမှုကို စတင်မှာ ဖြစ်ပါတယ်။
VOA Burmese News

ပြည်သူ့လွှတ်တော်
ပြည်သူ့လွှတ်တော်

အရင်အစိုးတွေလက်ထက် နိုင်ငံရေး တက်ကြွလှုပ်ရှားသူတွေကို ဖိနှိပ် အရေးယူရာမှာ သုံးခဲ့တဲ့ အရေးပေါ်စီမံမှု အက်ဥပဒေကို အစိုးရက ရုပ်သိမ်းလိုက်တဲ့အပေါ် လူ့အခွင့်အရေးလှုပ်ရှားသူတွေက ကြိုဆိုကြပါတယ်။ အရေးပေါ်စီမံမှု အက်ဥပဒေကို ရုပ်သိမ်းတဲ့ ဥပဒေကြမ်းကို လွှတ်တော်အသီးသီးမှာ အများစုမဲနဲ့ အတည်ပြုခဲ့ပြီးတဲ့နောက် အခုနောက်ဆုံး အောက်တိုဘာလ ၄ ရက်နေ့ နေ့စွဲနဲ့ သမ္မတ ဦးထင်ကျော်က လက်မှတ် ရေးထိုး အတည်ပြုလိုက်တာဖြစ်ပါတယ်။ ခုလို အရေးပေါ်စီမံမှု အက်ဥပဒေ ရုပ်သိမ်းလိုက်တဲ့အပေါ် အမြင်တချို့ကို ဆက်သွယ် မေးမြန်းထားတဲ့ မခင်ဖြူထွေးက ပြောပြပေးပါမယ်။

အရေးပေါ်စီမံမှု အက်ဥပဒေ ၅(ည) ဟာ မြန်မာနိုင်ငံမှာ စစ်အစိုးရ အဆက်ဆက်လက်အောက် အတိုက်အခံ နိုင်ငံရေး တက်ကြွ လှုပ်ရှား သူတွေကို ဖမ်းဆီး အရေးယူရာမှာ သုံးခဲ့တာပါ။ အခု ပြည်သူက ရွေးကောက်တင်မြှောက်တဲ့ အစိုးရသစ်လက်ထက်မှာ ဒီဥပဒေကို ပယ်ဖျက်နိုင် လိုက်တာဟာ နိုင်ငံရေးအရ ကောင်းမွန်တဲ့ ခြေလှမ်းတရပ် ဖြစ်တယ်လို့ ပြည်သူ့ရေးရာ စီမံခန့်ခွဲမှုကော်မတီဝင် ရန်ကင်းမြို့နယ် ပြည်သူ့ လွှတ်တော်ကိုယ်စားလှယ် ဒေါ်ဇင်မာအောင်က ပြောပါတယ်။

“ဒီဥပဒေက လူထုအမြင်မှရော၊ ဘယ်လိုပြောမလဲ နာမည်ဆိုးနဲ့ ကျော်ကြားသလို ဖြစ်နေတဲ့ဟာပေါ့လေ အာဏာရှင်တွေလက်အောက်မှာပေါ့လေ ။ အဲဒီတော့ နာမည်ဆိုးနဲ့ ကျော်ကြားတဲ့ ဥပဒေတခုကို ဖျက်လိုက်ရတဲ့အတွက်ကတော့ နိုင်ငံရေးအရလည်း ကျေနပ်ပါတယ်။ နောက်ပြီးတော့ တချို့စိုးရိမ်ချက်တွေရှိတယ် မဖျက်သင့်ဘူးဆိုတဲ့ဘက်က ဒီဥပဒေက ကျင့်သုံးတဲ့ ပုံသဏန်၊ ကျင့်သုံးတဲ့ အစိုးရကြောင့်သာ နာမည်ပျက်ရတာဖြစ်ပြီးတော့ နိုင်ငံတော်ရဲ့ လုံခြုံရေးအရဆိုရင် ဒါလိုအပ်တယ်ဆိုပြီးတော့ အကြောင်းပြတဲ့လူတွေလည်း ရှိပါတယ်။ ဒါပေမယ့် ကျမကတို့ အဲဒီလိုအကျိုးအကြောင်းဖော်ပြချက်မျိုးကို သဘောမတူခဲ့ဘူး။ တကယ်ပဲ တိုင်းပြည်ရဲ့အရေးပေါ်အခြေအနေရောက်လို့ရှိရင် တခြားနည်းနဲ့ အခြေခံဥပဒေက ပေးထားချက်တွေအရ ကျမတို့ အရေးယူဆောင်ရွက်လို့ရတာတွေရှိတယ်။ ဆိုတော့ ပြည်သူလူထုအမြင်မှာရော ကျမတို့ ဒီမိုကရေစီရေးလှုပ်ရှားတဲ့ အမြင်မှာတော့ ဒီနာမည်ဆိုးနဲ့ ကျော်ကြားတဲ့ ဥပဒေတခုကို ဒီမိုကရေစီအစိုးရလက်ထက်၊ ဒီမိုကရက်တစ်လွှတ်တော် သက်တမ်းမှာ ဖျက်လိုက်ရတဲ့အတွက် ဒါ နိုင်ငံရေးအရ ကောင်းမွန်တဲ့ခြေလှမ်း တခုလို့ မြင်ပါတယ်။”

လူထုရွေးကောက်တင်မြှောက်တဲ့ အမျိုးသားဒီမိုကရေစီအဖွဲ့ချုပ် NLD အစိုးရ တက်လာပြီးတဲ့နောက် လူထုကို အကျိုးမပြုတဲ့၊ ဖိနှိပ်တဲ့ ဥပဒေတွေကို ပြင်ဆင်တာ၊ ပယ်ဖျက်တာတွေ လုပ်ဆောင်လာခဲ့တာပါ။ အလားတူ လူထုအတွက် အကျိုးမပြုတဲ့ ဥပဒေတွေကို ပြင်ဆင်သင့်တာ ပြင်ဆင်၊ ပယ်ဖျက်သင့်တာတွေကို ဆက်လက် ပယ်ဖျက်သွားဖို့ အရေးကြီးတယ်လို့ နိုင်ငံရေးအကျဉ်းသားများ ကူညီစောင့်ရှောက်ရေးအသင်း - မြန်မာနိုင်ငံ (AAPPB) ရဲ့ အတွင်းရေးမှူး ဦးတိတ်နိုင်က ပြောပါတယ်။

“ဘာပဲဖြစ်ဖြစ် ဒါကတော့ အပေါင်းလက္ခဏာဆောင်တဲ့ကိစ္စပါ။ ဒါကြိုဆိုရမယ့် ကိစ္စပါ။ ဒီ မလိုအပ်တဲ့ ပြည်သူတွေကို အကျိုးမပြုတဲ့ ပြည်သူတွေကို ဖိနှိပ်တဲ့ ဥပဒေတွေကတော့ တကယ့် ဒီမိုကရေစီအစိုးရ၊ ဒီပြည်သူလူထုကို အလုပ်အကျွေးပြုမယ့် အစိုးရ ဆိုရင်တော့ ဒါတွေကတော့ ပယ်ဖျက်တာတွေ ပြင်ဆင်တာတွေကို လုပ်ကိုလုပ်ရမှာပါ။”

ဒီလို ပြင်ဆင်သင့်တဲ့ ဥပဒေတွေကို ပြင်ဆင် ရေးဆွဲ ပယ်ဖျက်သင့်တာတွေ ပယ်ဖျက် နိုင်ဖို့အတွက် ဥပဒေ ရာနဲ့ချီကို သက်ဆိုင်ရာ ကော်မတီတွေက ပြန်လည် သုံးသပ်နေတဲ့အကြောင်း ပြည်သူ့ရေးရာ စီမံခန့်ခွဲမှုကော်မတီဝင် ဒေါ်ဇင်မာအောင်က ပြောပါတယ်။

“ကျမတို့ ကော်မတီဆိုရင် ဥပဒေ ၈၀ လောက်ကို ပြန်ပြီးတော့ review လုပ်ဖို့ရှိပါတယ်။ ကျန်တဲ့ကော်မတီတွေလည်း ဒီအတိုင်းပဲ ဥပဒေတွေအများကြီးပဲ ၂၀၀ ၀န်းကျင်လောက် ရှိမယ်ပေါ့နော်။”

ပုဒ်မ ၅ ည အပါအ၀င် နိုင်ငံရေးပုဒ်မတွေနဲ့ အင်းစိန်ထောင်မှာ ၆ နှစ်နီးပါး နေခဲ့ရတဲ့ ကိုကျော်စိုးဝင်း ကတော့ ပြည်သူကိုဖိနှိပ်တဲ့ အရေးပေါ်စီမံမှု အက်ဥပဒေ ရုပ်သိမ်းလိုက်တဲ့အပေါ် ၀မ်းသာ ကြိုဆိုကြောင်း ပြောပါတယ်။

“၅ ည ဆိုတာကတော့ တချိန်တုန်းကရော တောက်လျှောက်ပေါ့နော် ကျနော်တို့ သက်တမ်းမှာ နိုင်ငံရေးလုပ်တဲ့လူတွေ အထူးသဖြင့် အာဏာရှင်ကိုဆန့်ကျင်တဲ့သူတွေကို ဖိနှိပ်လာတဲ့ ပုဒ်မပေါ့ အဲဒီပုဒ်မနဲ့ ကျနော်အဖမ်းခံခဲ့ရတယ်။ အဖမ်းခံခဲ့ရတော့လည်း ၅ ည ရဲ့ အမြင့်ဆုံးပြစ်ဒဏ် ၊ အနိမ့်ဆုံး ပြစ်ဒဏ်ဆိုတာက အာဏာပိုင်ရဲ့ ပါးစပ်ထဲမှာပဲ ရှိတယ်။ အဲဒီအာဏာပိုင်ရဲ့ ပါးစပ်ထဲမှာ ၃ နှစ်လည်းဖြစ်ရင်ဖြစ်မယ်၊ ၅ နှစ်လည်းဖြစ်ရင်ဖြစ်မယ်၊ ၁၀ နှစ်လည်းဖြစ်ရင်ဖြစ်မယ် ဒီလိုမျိုးအသုံးပြုခဲ့တဲ့ ပုဒ်မတခုကို ပယ်ဖျက်လိုက်တာဆိုတဲ့အတွက်ကြောင့် စိတ်ထဲမှာ ကျေနပ်ပါတယ်။”

လက်ရှိ NLD အစိုးရ သစ်လက်ထက်မှာ ငြိမ်းချမ်းစွာ စုဝေးခွင့်နဲ့ စီတန်းလှည့်လည်ခွင့် ပုဒ်မ (၁၈) ကို ပြင်ဆင် ပြဌာန်းခဲ့တာ ရှိသလို၊ ပုဒ်မ ၁၀ လို့ လူသိများတဲ့ ‘နိုင်ငံတော်အား နှောင့်ယှက်ဖျက်ဆီး လိုသူများ၏ ဘေးအန္တရာယ်မှ ကာကွယ်စောင့်ရှောင်တဲ့ ဥပဒေ’ ကိုလည်း ပယ်ဖျက်ခဲ့ တာပါ။ အခုတခါ နိုင်ငံရေးတက်ကြွလှုပ်ရှားသူတွေနဲ့ အတိုက်အခံတွေကို ဖမ်းဆီးအရေးယူရာမှာ စစ်အစိုးရတွေ တွင်တွင်ကျယ်ကျယ် သုံးခဲ့တဲ့ ၁၉၅၀ ခုနှစ် အရေးပေါ် စီမံမှု အက်ဥပဒေ ကို ရုပ်သိမ်းတဲ့ ဥပဒေကိုတော့ ကန့်ကွက်သူတချို့ ရှိခဲ့ပေမဲ့လည်း လွှတ်တော်အသီးသီးမှာ အတည်ပြုခဲ့ပြီးတဲ့နောက် သမ္မတ ဦးထင်ကျော်က အောက်တိုဘာလ ၄ ရက်နေ့ နေ့စွဲနဲ့ နောက်ဆုံး အတည်ပြု လက်မှတ်ရေးထိုးလိုက်တာ ဖြစ်ပါတယ်။
VOA Burmese News

Author Name

Contact Form

Name

Email *

Message *

Powered by Blogger.