10/07/16



DMG၊အောက်တိုဘာ ၆

ယနေ့ကျင်းပသည့် miss universe myanmar 2017 ဆုကို ရခိုင်ပြည်နယ် သံတွဲမှ ခါးနံပါတ် ၂၄ ဖြင့် ဝင်ရောက်ယှဉ်ပြိုင်ခဲ့သည့် ဇွန်သံစဉ်မှ ရရှိခဲ့ကြောင်းသိရသည်။

အောက်တိုဘာလ ၆ ရက်နေ့တွင် Novotel Hotel၊ Yangon Ballroom တွင် Miss Universe Myanmar 2017 ကိုကျင်းပခဲ့ပြီး သံတွဲမြို့မှ ရန်ကုန်ကိုယ်စားပြုပြီး ဝင်ရောက် ယှဉ်ပြိုင်ခဲ့သည့် No 24 ဇွန်သံဇဉ်က Miss Universe Myanmar 2017 ဆုကို ရရှိခဲ့ခြင်းဖြစ်သည်။


ယခုနှစ် ၂၀၁၇ခုနှစ်တွင် မြန်မာတနိုင်ငံလုံးမှ ကိုယ်စားပြု Miss ၂၆ ယောက်ဝင်ရောက်ယှဉ်ပြိုင်ခဲ့ကြပြီး ဆုသတ်မှတ် ရွေးချယ်ရာတွင် ရုပ်ရည်တခုတည်းမဟုတ်ဘဲ လူမှုရေး၊ပေါင်းသင်းဆက်ဆံရေးအပါအဝင် တခြား ဗဟုသုတ ကြွယ်ဝမှုစသည့်အချက်များကိုလည်း ထည့်သွင်းရွေးချယ်ခဲ့ခြင်းဖြစ်ကြောင်း သိရသည်။

Miss Universe Myanmar 2017 ဆု ရရှိခဲ့သည့် ဇွန်သံစဉ်သည် လက်ရှိတွင် အနုပညာလုပ်ငန်းများကိုလုပ်ကိုင်လျက်ရှိပြီး မကြာမှီကျင်းပမည့် Miss Universe world ပြိုင်ပွဲတွင် မြန်မာနိုင်ငံကိုယ်စားပြုအဖြစ် သွားရောက်ယှဉ်ပြိုင်ခွင့် ရမည်ဖြစ်သည်။

ပထမအဆင့် ဆန်ခါတင် ၁၂ ဦးရွေးချယ်ရာတွင် စစ်တွေ ကိုယ်စားပြု အဖြစ် ဝင်ရောက်ယှဉ်ပြိုင်ခဲ့သည့် မြောက်ဦးသူ ခိုင်သန္တာလင်းလည်း ရွေးချယ်ခံခဲ့ရကြောင်းသိရသည်။

မြင့်မြတ်ဖြူ
Development Media Group

နယ်ခြားစောင့်တပ်နဲ့ အစိုးရတပ် ပေါင်းပြီး ဒီကေဘီအေ ခွဲထွက် အဖွဲ့ကို တိုက်ခိုက်
ကရင်အမျိုးသား အစည်းအရုံး ကေအဲန်ယူ က ဒီကေဘီအေ ခွဲထွက် အဖွဲ့ အနေနဲ့ ကေအဲန်ယူရဲ့ ဦးဆောင်မှု အောက် ပြန်လည် ဝင်ရောက်ပါ ဆိုပြီး ကြေညာချက် တစ်စောင် ထုတ်ပြန် လာပါတယ်။

မဲသဝေါ ဒေသမှာ အစိုးရ စစ်တပ်နဲ့ တိုက်ပွဲ ဖြစ်နေတဲ့ ဗိုလ်မှူးစောဆန်းအောင် အဖွဲ့ကို အဓိက ရည်ရွယ်ပြီး ထုတ်ပြန်တာ ဖြစ်တယ်လို့ ကေအဲန်ယူ တွဲဖက် အထွေထွေ အတွင်းရေးမှူး ၂ ဖဒို မန်းမန်း က ဘီဘီစီကို ပြောပါတယ်။

ကေအဲန်ယူနဲ့ တစည်းတလုံးထဲ ပြန်ဖြစ်သွားရင် အစိုးရတပ်ရဲ့ ထိုးစစ်ကိုလည်း ရှောင်နိုင် လိမ့်မယ်လို့ ဖဒို မန်းမန်း က ဆိုပါတယ်။

နယ်ခြားစောင့်တပ် အသွင် ပြောင်းထားတဲ့ အစုအဖွဲ့နဲ့ အစိုးရ စစ်တပ်တို့ ပူးပေါင်း ထားတဲ့ တပ်တွေနဲ့ ဗိုလ်မှူးစောဆန်းအောင် ဦးဆောင်တဲ့ ဒီကေဘီအေ ခွဲထွက် အကြား တိုက်ပွဲတွေ ဖြစ်ပေါ် နေတဲ့ အချိန်ကာလ မျိုးမှာ ကေအဲန်ယူ ဘက်က အခုလို ပြောဆို လာတာ ဖြစ်ပါတယ်။

ကရင့် လက်နက်ကိုင် အဖွဲတွေ အားလုံး ပြန်လည် ပူးပေါင်းဖို့ အပါအဝင်၊ လာမယ့် နိုင်ငံရေး ဆွေးနွေးပွဲတွေမှာ ကေအဲန်ယူ ဦးဆောင်မှုအောက် တစုတစည်းထဲ ပါဝင်နိုင်ဖို့နဲ့ လတ်တလော ဖြစ်နေတဲ့ တိုက်ပွဲတွေ ရပ်တန့်ဖို့ ဆိုတဲ့ ရည်ရွယ်ချက် တွေနဲ့ အခုလို ကြေညာရတာ ဖြစ်တယ် ဆိုပြီး ဖဒို မန်းမန်း က ပြောပါတယ်။

ဗိုလ်မှူးစောဆန်းအောင် အဖွဲ့ဟာ ဒီမိုကရက်တစ် ကရင် အကျိုးပြု တပ်မတော် ဒီကေဘီအေ အဖွဲ့နဲ့လည်း မပတ်သက် တော့တဲ့ သီးခြား ခွဲထွက် အဖွဲ့ အနေနဲ့ ရပ်တည် နေတာ ဖြစ်ပါတယ်။

BBC Burmese
http://www.bbc.com/burmese


အောက်တိုဘာလ ၇ ရက်နေ့တွင် ယှဉ်ပြိုင်ကစားမည့် ONE CHAMPIONSHIP ပွဲအတွက် ရန်ကုန်သို့ရောက်ရှိနေသည့် အောင်လအင်ဆန် (Aungla NSang)သည် ယနေ့ အောက်တိုဘာလ၅ရက်နေ့တွင် ရန်ကုန်မြို့ တောင်ဥက္ကလာပမြို့နယ်ရှိ မြင်သာမြို့ဦး ဘုန်းတော်ကြီးသင် ပညာရေးကျောင်းနှင့် လူငယ်ဖွံ့ဖြိုးရေးပရဟိတဂေဟာ တွင် One Championship အဖွဲ့သားများ နှင့်အတူ တစ်နေ့တာ ဆွမ်းအဟာရ စုပေါင်းလှူဒါန်းမှုတွင် ဘုန်းကြီးများအား ဆွပ်ကပ်ခြင်း၊ ရေစက်ခြင်း ဓာတ်ပုံများ online ပေါ်တက်လာပြီး ကဝေဖန်ခံရသည်။

ထိုကိစ္စအပေါ်အောင်လဆန်က ၎င်း၏ facebook အကောင့်တွင် ကချင်ဘာသာဖြင့်ပြန်လည်တောင်းပန်ထားပါသည်ကို ဘာသာပြန်ဆိုထားခြင်းဖြစ်သည်။

“အမြဲတမ်း ချစ်ခင်လေးစားရပါသော ကချင်လူမျိုးအားလုံးကို ကျွန်တော်တောင်းပန်ပါတယ်။ဒီနေ့ One FC အစီအစဉ်အနေနဲ့ မိဘမဲ့ကလေးများအား ထမင်းကျွေးအလှူအတန်း ပြုလုပ်တဲ့ပွဲမှာ ကျွန်တော့ကိုဖိတ်ခေါ်ခဲ့တဲ့အတွက် ကျွန်တော် တက်ရောက်ဖြစ်ခဲ့ပါတယ်။ဘုန်းကြီးကျောင်းမှာလုပ်တာပါ ။ကျွန်တော်တို့ကချင်လူမျိုး၊ခရစ်ယာန်တွေဟာ ဘယ်လူမျိုး၊ဘယ်ဘာသာကိုမဆို မမုန်းကြောင်း ၊ရန်သူအဖြစ် မသတ်မှတ်ကြောင်း လေးစားကြောင်းကိုနာလည်စေချင်လို့ယခုပွဲမှာ ကျွန်တော် တက်ရောက်ခြင်းဖြစ်ပါတယ်။
ကျွန်တော်က ရဲ့ယုံကြည် ကိုးကွယ်ရာဘာသာကြောင့် ဘုန်းကြီးတွေကို ကန်တော့ခြင်းကိုမလုပ်ခဲ့ပေမဲ့ အဓိပ္ပါယ်မသိတဲ့အတွက် ရေစက်ချခြင်းကိုတော့ ပြုလုပ်ခဲ့ပါတယ်။ ဒါက ကျွန်တော်ငယ်ငယ်ကတည်းက ဗုဒ္ဓဘာသာနဲ့ပတ်သက်ပြီး တစ်ခါမှအတွေ့အကြုံမရှိခဲ့လို့ဖြစ်ခဲ့တာပါ။ ဒီဖြစ်ရပ်ကြောင့် ကျွန်တော်ချစ်တဲ့ကချင်လူမျိုးများကို စိတ်မကောင်းစေတဲ့ အတွက် အနူးအညွတ်တောင်းပန်ပါတယ်။ ကျွန်တော်လုပ်ခဲ့တဲ့အရာအတွက် ဘုရားသခင်ဆီမှာလည်း ဝန်ချတောင်းပန်ပါတယ် ။ ကျွန်တော်မှားတဲ့အမှားကို အားလုံးက အကြုံပေး ၊ ဆုံးမ ၊ သတိပေးခဲ့တဲ့အတွက် အရမ်းကျေးဇူးတင်ကြောင်း ထပ်မံပြောကြားလိုပါတယ်။
မကြာခင်ပြုပြန်လည်ကျင်းပတော့်မယ့် One Championship ပွဲကိုလည်း အားလုံး ဆုတောင်းကာ အားပေး ပေးပါအုံး။ ကျွန်တော့သွေးကို ဖေါက်ထုတ် လိုက်ရင် ကချင်သွေး ဘဲထွက်လာမှာပါကို သိမြင်ပြီး ယခုဖြစ် ရပ်ကို မေ့ထားကာ ရှေ့သို့ အတူတကွ လျှောက်လှမ်းရအောင်။ ကျွန်တော် တို့လူမျိုးများမရှိရင် ကျွန်တော် ဘာမှ မဟုတ်ပါဘူး။ ဘုရားသခင်မပါရင် ကျွန်တော် ဘာမှ မတတ်နိုင်ပါဘူး။ “

phot credit, eleven . mizzima.and fb user

Kachinwaves


ရက်ဂီယို ကာလာဘရီဂါ ၊ အောက်တိုဘာ ၆

ဗုဒ္ဓဟူးနေ့က အီတလီနိုင်ငံတောင်ပိုင်း တွင် မာဖီးယားဂိုဏ်းခေါင်းဆောင် အန်တိုနီယိုပီလီအား အီတလီတောင်ပိုင်း ရက်ဂီယ်ို ကာလာဘရီဂါ ရှိ၎င်း၏ နေအိမ်တွင် ဖမ်းဆီးရရှိခဲ့သည်။ ၄င်းနေအိမ် နံရံရှိ အပေါက်တစ်ပေါက်ကို ရှာဖွေတွေ့ရှိပြီးနောက်ပိုင်းတွင် ဖမ်းဆီးနိုင်ခဲ့ခြင်းဖြစ်ကြောင်း အီတလီနိုင်ငံရဲတပ်ဖွဲ့က ပြောကြားခဲ့သည်။

အီတလီရဲဌာနက ထုတ်ပြန်ခဲသောဗီဒီယိုတစ်ခုတွင် အန်တိုနီယို ပီလီအား မီးဖိုချောင်ခန်း ဘီရိုတစ်လုံးနောက်ဘက် မှ ထွက်လာပြီး ရဲများထံ တွားသွားလာသည်ကို တွေ့မြင်နိုင်သည်။

ဗီဒီယို ရိုက်ကူးမှု၏ အနီးကပ်ပြကွက်တွင် ပီလီတစ်ယောက်သည် အိပ်ယာငယ် ၊ ခေါင်းအုံး ၊ အိမ်သာသုံးစက္ကူ နှင့် ပန်ကာ အငယ်စားတစ်လုံးပါဝင်သော အံဝှက် အခန်းငယ်တစ်ခုကိုတွေ့မြင်နိုင်သည်။


အီတလီသတင်းအေဂျင်စီ ANSA အရ ပီလီ ကို မန်မား ဟုသိကြပြီး အီတလီနိုင်ငံ၏ ကြောက်စရာ အကောင်းဆုံး ထွက်ပြေးလွတ်မြောက်နေသူ ၀ရမ်းပြေး ၁၀ ဦးစာရင်းတွင်ပါဝင်ပြီး ၂၀၁၁ ဖမ်းဆီးခံရပြီး ဆေးရုံတက်နေစဉ် ထွက်ပြေးလွတ်မြောက်သွားခြင်းဖြစ်သည်။

ပီလီသည် ၂၀၁၄ တွင် နဒရန်ဂီတာ မာဖီးယားဂိုဏ်း၏ ခေါင်းဆောင်တစ်ယောက်အဖြစ် သိကြသည်။
အီတလီ တာဝန်ရှိသူများက အဆိုပါဂိုဏ်းသည် တောင်ပိုင်းနှင့် အလယ်ပိုင်း အမေရိက ၊ ကနေဒါနှင့် အမေရိကန်ပြည်ထောင်စု တို့ရှိ မူးယစ်ဆေးဝါး ကုန်ကူးမှုများနှင့် ချိတ်ဆက်မှုရှိကြောင်းပြောကြားခဲ့သည်။

FBI၏ ပြောကြားချက်အရ နဒရန်ဂီတာ မာဖီးယားဂိုဏ်းသည် ၁၈၆၀ တွင်စတင်တည်ထောင်ခဲ့ပြီး ပြန်ပေးဆွဲခြင်း ၊ အကျင့်ပျက်ခြစားခြင်း ၊ မူးယစ်ဆေးဝါးကုန်ကူးခြင်း ၊ လောင်းကစားခြင်း နှင့် လူသတ်မှုကျုးလွန်ခြင်းများဆောင်ရွက်ခဲ့ကြောင်း သိရသည်။

ပီလီသည် ပြစ်မှုများကျူးလွန်နေခဲ့သည်မှာ်၂၀၁၁ ခုနှစ်ထဲကဖြစ်သည်။ သူသည် မူးယစ်ကုန်ကူးမှု ၊ မားဖီးယားဂိုဏ်းနှင့်ချိတ်ဆက်မှုဖြင့် ထောင်ဒဏ် အနှစ် ၂၀ ကျခံရဖွယ်ရှိနေသည်။ ။

CNN
ATO
china.com Myanmar
https://www.facebook.com/china.com.mm


နယ်သာလန်နိုင်ငံသား Klaas Hijtema
နယ်သာလန်နိုင်ငံသား Klaas Hijtema

မန္တလေးမြို့ မဟာအောင်မြေမြို့နယ်အတွင်းရှိ ဓမ္မာရုံတခုမှ ဝတ်ရွတ်နေချိန်တွင် အသံချဲ့စက်ကြိုးများကို ဆွဲဖြုတ်ပစ်ခဲ့သည့် နယ်သာလန်နိုင်ငံသား ကမ္ဘာလှည့်ခရီးသည်ကို ဘာသာ၊သာသနာရေးဆိုင်ရာ အစုအဝေးကို နှောင့်ယှက်သည့် ပုဒ်မ ၂၉၆အရ ကျူးလွန်ကြောင်းထင်ရှားသဖြင့် ထောင်ဒ ဏ်၃လနှင့် ဗီဇာစည်းကမ်ဖောက်ဖျက်မှုအတွက် ငွေဒဏ်တစ်သိန်း ချမှတ်လိုက်ပါတယ်။ ဒီသတင်းကို ဗွီအိုအေမြန်မာပိုင်းက မေခကပေးပို့ထားတာပါ။

နယ်သာလန်နိုင်ငံသား Klaas Hijtema ကို မဟာအောင်မြေမြို့နယ် တရားရုံးက အခုလိုအမိန့်ချမှတ်လိုက်တာဖြစ်ပါတယ်။ ပြီးခဲ့တဲ့ သောကြာနေ့ညမှာ မဟာအောင်မြေမြို့နယ်ရှိ ဓမ္မာရုံအတွင်းဝင်ရောက် ပြီး ဓမ္မာစကြာရွတ်ဖတ်ရာတွင် အသံချဲ့စက်ကြိုးများကို ဆွဲဖြုတ်ခဲ့တာကြောင့် ဒီနယ်သာလန် နိုင်ငံသားကို အခုလိုအရေးယူခဲ့တာပါ။ပရိတ်ရွတ်ဖတ်နေစဉ် ဓမ္မာရုံနှင့် မျက်နှာချင်းဆိုင်ရှိ ဟိုတယ်တွင် တည်းခိုနေတဲ့ ဒီနယ်သာလန် နိုင်ငံသားသည် ဆူညံတယ်ဟုဆိုကာ အသံချဲ့စက်ကြိုးများကို ဝင်ရောက် ဖြုတ်ပစ်ခဲ့ပါတယ်။

သူ့ကို အလုပ်သမားနဲ့လူဝင်မှု ကြီးကြပ်ရေးဌာနက ဗုဒ္ဓဘာသာနှင့် ရိုးရာထုံးတမ်းဓလေ့ကို နှောင့်ယှက်သည်ဆိုကာ ပြည်ဝင်ခွင့် ဗီဇာစည်းကမ်းချိုးဖောက်မှုဖြင့် တရားစွဲဆိုထားသလို၊ ဓမ္မာရုံ ဝတ်ရွတ်အသင်းခေါင်းဆောင်မှလည်း သာသနာညိုးနွမ်းစေမှုပုဒ်မဖြင့် တရားစွဲဆိုခဲ့တာဖြစ်ပါတယ်။

မူလက သာသနာညှိုးနွမ်းစေမှု ပုဒ်မ ၂၉၅ နဲ့စွဲချက်တင်ခဲ့ပေမယ့် ကိုးကွယ်ရာ ဘာသာ၊ သာသနာကို စော်ကားလိုတဲ့ ရည်ရွယ်ချက်နဲ့ လုပ်ဆောင်တာ မဟုတ် တဲ့အတွက် ဘာသာ၊သာသနာရေးဆိုင်ရာ အစုအဝေးကို နှောင့်ယှက်တဲ့ အပေါ်မှာအရေးယူတဲ့ ပုဒ်မ ၂၉၆ နဲ့ပဲ အရေးယူထောင်ချလိုက်တာဖြစ်ပါတယ်။

ရာဇသတ်ကြီးပုဒ်မ (၂၉၆) အရ ထောင်ဒဏ် ၃ လကို မန္တလေး အိုးဘိုအကျဉ်းထောင်တွင် လည်းကောင်း၊ လ၀က အက်ဥပဒေ ၁၃ (၁) အရ ဒဏ်ငွေ ၁ သိန်းကို လည်းကောင်း ကျခံရမည်ဟု အမိန့်ချမှတ်လိုက်တာပါ။

ပြီးခဲ့တဲ့ ဗုဒ္ဓဟူးနေ့ အမှုကြားနာချိန်တွင် Klaas Haytema က မြန်မာနိုင်ငံ၏ ဘာသာရေးနှင့် ရိုးရာယဉ်ကျေးမှုတို့ကို နှောင့်ယှက်ရန် တမင်ရည်ရွယ်၍ ပြုမူခဲ့ခြင်း မဟုတ်ကြောင်း၊ ဒီအဆောက်အအုံကို ဘာသာရေးအဆောက်အအုံဟုမသိခဲ့ကြောင်း၊ သူ့အပြုအမှုအတွက်အနှောင့်အယှက်များ ဖြစ်သွားရတဲ့ အပေါ် များစွာ စိတ်မကောင်းဖြစ်မိကြောင်း ရုံးတော်မှာထွက်ဆိုခဲ့ပါတယ်။

Klaas Haijtema သည် ဗုဒ္ဓဘာသာကို အသရေဖျက်မှုအတွက် တရားစွဲခံရသော ပထမဆုံး နိုင်ငံခြားသားမဟုတ်ပါဘူး။ ပြီးခဲ့သည့်နှစ်က နယူးဇီလန်နိုင်ငံ သား ဘားမန်နေဂျာ Philip Blackwood က သူ့ဘားကြေညာမှာ ဗုဒ္ဓ ရုပ်ပုံအား ဒီဂျေ နားကြပ်တပ်ဆင်ထားသည့် ဓာတ်ပုံကို ဖေ့ဘုတ်စာမျက်နှာတွင် ဖြန့်ဝေခဲ့ တဲ့အတွက် အရေးယူခံခဲ့ရတာလည်းရှိခဲ့ဖူးပါတယ်။

Klaas Haijtema အရေးယူခံရတဲ့အပေါ်မှာ တရားခွင်မှာ သွားရောက်လေ့ လာခဲ့တဲ့ မန္တလေးမြို့ခံ ဦးအေးလွင်ကတော့ အမှုစီရင်မှုနဲ့ပတ်သတ်ပြီးခုလို ပြောပြပါတယ်။

“သာသနာရေးကိုသူက နှောက်ယှက်ဖျက်ဆီးတာလည်းမရှိဘူး၊ ဆင်းထုတော်လည်း ဖျက်ဆီးတာမရှိဘူး ၊ ပုဒ်မ ၂၉၅ ကို မရောက်ပဲနဲ့ သူက သာသနာရေးဆိုင်ရာ အရာဝတ္ထုတွေကို သူက ဖျက်ဆီးတဲ့ ပုဒ်မပေါ့။ ၂၉၆ ဆိုတဲ့ ပုဒ်မ နဲ့ ထောင်ဒဏ် ၃ လ ချခဲ့ပါတယ်။ ပုဒ်မ ၂၉၅ နဲ့ စွဲထားတဲ့ ပုဒ်မက အမှုမမြောက်တဲ့အတွက် အဲဒီ ပုဒ်မနဲ့ မချပဲနဲ့ ၂၉၆ ဆိုတဲ့ ပုဒ်မ နဲ့ ထောင်ဒဏ် ၃ လ အလုပ်နဲ့ ချလိုက်တယ်ဆိုတော့လေ ပုဒ်မ ၂၉၅ နဲ့ မဟုတ်ဘူးဆိုရင် လုံးဝကို လွှတ်ပေးသင့်တယ်လို့မြင်တယ်လေ။”

အမှုနဲ့ပတ်သတ်လို့ တရားခံရှေ့နေဖြစ်သူ တရားလွှတ်တော်ရှေ့နေ ဦးလှကို ကို ဆက်သွယ်ခဲ့ပေမယ့် ဆက်သွယ်လို့မရခဲ့ပါဘူး။

လက်ရှိမှာ အခုလို အသံချဲ့စက်ကြောင့် အရေးယူမှုအပေါ်မှာ အမြင်အမျိုးမျိုးကွဲလွဲနေတာတွေရှိပါတယ်။ ဘာသာသာသနာကိုဗန်းပြပြီး အသံချဲ့စက်တွေ ကိုဆူညံစွာဖွင့်တဲ့ဒဏ်တွေကို ခံစားနေရပေမယ့် ထိရောက်တဲ့ အရေးယူမှုတွေမရှိသေးပါဘူး။ တည်ဆဲဥပဒေအရ အသံချဲ့စက် အသုံးပြုသူ များသည် ဒေသခံအာဏာပိုင်ထံမှ ခွင့်ပြုချက်ရရှိရန် လိုအပ်သော်လည်း ဘာသာရေးနှင့် ဆက်နွယ်သော အခင်းအကျင်းများတွင် ထိုစည်းမျဉ်းစည်းကမ်း များကို လိုက်နာမှု မရှိသလို ဒီအပေါ်မှာ ကြပ်ဖို့လိုအပ်တယ်လို့ သုံးသပ်မှုတွေရှိနေကြပါတယ်။
VOA Burmese News


မန်တုံမဲဆန္ဒနယ် ပြည်သူ့လွှတ်တော် ကိုယ်စားလှယ် ဒေါ်နန်းမိုး ကို အောက်တိုဘာလ ၆ ရက်နေ့က တွေ့ရစဉ်
မန်တုံမဲဆန္ဒနယ် ပြည်သူ့လွှတ်တော် ကိုယ်စားလှယ် ဒေါ်နန်းမိုး ကို အောက်တိုဘာလ ၆ ရက်နေ့က တွေ့ရစဉ်
Photo: Win Naung Toe/RFA

တိုင်းရင်းသားဒေသတွေမှာ ဖြစ်ပွားနေတဲ့ တိုက်ပွဲတွေရပ်တန့်ဖို့အတွက် လွှတ်တော်ကိုယ်စားလှယ်တွေ စုပေါင်းလက်မှတ်ထိုးပြီး တောင်းဆိုသွားမယ်လို့ မန်တုံမဲဆန္ဒနယ် ပြည်သူ့လွှတ်တော် ကိုယ်စားလှယ် ဒေါ်နန်းမိုး က ပြောပါတယ်။

တိုင်းရင်းသားဒေသတွေက ပြည်သူတွေရဲ့ အသက်အိုးအိမ်စည်းစိမ်ကို အကာအကွယ်ပေးဖို့အတွက် ပြည်သူတွေရဲ့ ကိုယ်စားလှယ်တွေ လက်မှတ်ရေးထိုးပြီး တောင်းဆိုသွားမှာဖြစ်ကြောင်း မန်တုံမဲဆန္ဒနယ် ပြည်သူ့လွှတ်တော် ကိုယ်စားလှယ် ဒေါ်နန်းမိုးက ပြောပါတယ်။

"၂၁ ပင်လုံအပြီးမှာ ဒီစစ်ပွဲတွေက ပွဲပြီးမှပြင်းထန်လာတယ်၊ ပြည်သူတွေရဲ့ အခက်အခဲကို သက်ဆိုင်ရာဌာနကို တင်ပြသွားဖို့ ကျမတို့ အဲ့လိုစီစဉ်ထားပါတယ်"

ဒီကနေ့မနက်ပိုင်းကလည်း ကချင်ပြည်နယ်မှာ အစိုးရတပ်မတော်နဲ့ ကေအိုင်အေတပ်ဖွဲ့တွေအကြား ဖြစ်ပွားနေတဲ့ တိုက်ပွဲတွေ အမြန်ဆုံးရပ်တန့်ပေးဖို့ မြစ်ကြီးနားမြို့မှာ လူပေါင်းတစ်သောင်းကျော် ဆန္ဒပြတောင်းဆိုခဲ့ကြပါတယ်။

၂၁ ရာစု ပင်လုံ ပြည်ထောင်စု ငြိမ်းချမ်းရေးညီလာခံ ကျင်းပပြီးနောက်ပိုင်းမှာ ကချင်ပြည်နယ်နဲ့ ရှမ်းပြည်နယ်တွေ မှာ တိုင်းရင်းသားလက်နက်ကိုင်တပ်တွေနဲ့ မြန်မာ့တပ်မတော်တို့ တိုက်ပွဲတွေ ထပ်မံဖြစ်ပွားနေပါတယ်။
VOA Burmese News


 စစ်ရပ်စဲရေး မြစ်ကြီးနားဆန္ဒပြပွဲ သောင်းနဲ့ချီ တတ်ရောက်( Hkun Awng Nlam)
စစ်ရပ်စဲရေး မြစ်ကြီးနားဆန္ဒပြပွဲ သောင်းနဲ့ချီ တတ်ရောက်( Hkun Awng Nlam)

ကချင်ဒေသနဲ့ မြန်မာပြည်အ၀ှန်းမှာ တပ်မတော်ရဲ့ထိုးစစ်တွေ ရပ်ဆိုင်းဖို့အတွက် မြစ်ကြီးနားမြို့မှာ လူပေါင်းသောင်းနဲ့ ချီပြီး စီတန်းလှည့်လည်ဆန္ဒပြခဲ့ကြပါတယ်။ ဒီရက်ပိုင်းတွေအတွင်းမှာတော့ ကချင်၊ ကရင်နဲ့ ရှမ်းပြည်နယ်တွေ အတွင်းမှာ တိုက်ပွဲတွေဖြစ်ပွားနေပြီး နိုင်ငံရေးသုံးသပ်သူတွေက ဒီတိုက်ပွဲတွေ ရပ်ဆိုင်းဖို့ အတွက် လက်နက်ကိုင်တပ်တွေအကြားမှာ နယ်နမိတ်တိတိကျကျ သတ်မှတ်ဖို့နဲ့ အပြန်အလှန်ယုံကြည်ဖို့ အရေးကြီးကြောင်း ပြောပါတယ်။ ဒီသတင်းကို ဗွီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။
မြစ်ကြီးနားမြို့မှာ လူပေါင်းသောင်းနဲ့ ချီပြီး ဆန္ဒပြ( Hkun Awng Nlam)
မြစ်ကြီးနားမြို့မှာ လူပေါင်းသောင်းနဲ့ ချီပြီး ဆန္ဒပြ( Hkun Awng Nlam)

“တိုင်းရင်းသားတွေတောင်းဆိုသော ဖက်ဒရယ်ဖွဲ့စည်းရေး…ဖွဲ့စည်းရေး
နိုင်ငံရေးပြဿနာကို နိုင်ငံရေးနည်းနဲ့ဖြေရှင်းရေး … ဒို့အရေး"

ခုကြားကြရတဲ့အသံကတော့ ကချင်ပြည်နယ်မြစ်ကြီးနာြး မို့က ပြည်သတွေ တောင်းဆိုကြတဲ့ အသံ ဖြစ်ပါတယ်။ အဓိက တောင်းဆိုကြတာကတော့ တနိုင်ငံလုံးထိုးစစ်တွေ ရပ်ဆိုင်းဖို့ နိုင်ငံရေးပြဿနာကို နိုင်ငံရေးနည်းနဲ့ ဖြေရှင်းဖို့၊ နိုင်ငံရေးပြဿနာမပြေလည်သရွေ့ အကြီးစားစီမံကိန်းတွေရပ်ဆိုင်းဖို့၊ ကချင်ပြည်နယ်မှာ ဖက်ဒရယ်စနစ်နဲ့ ကိုယ်ပိုင်ပြဌာန်းခွင့်ရရှိဖို့ ဆိုတာတွေဖြစ်ပါတယ်။

ဒီဆန္ဒပြပွဲကို မနက် ၇နာရီလောက်ကနေ၁၁ နာရီလောက်အထိကျင်းပခဲ့ကြပြီး လူသောင်းနဲ့ချီ တက်ရောက်ခဲ့တယ်လို့ ပွဲစီစဉ်သူတဦးဖြစ်တဲ့ ကိုစတီဗင်နော်အောင်က ပြောပါတယ်။

“လူအားလုံးကတော့ မြစ်ကြီးနားလမ်းတော်တော်ရှည်တဲ့အကွေ့အကောက်တခုလုံး မှာတောင်မှ လမ်းလျှောက်ရင်တောင်မှ စစချင်းထွက်တဲ့ မနောကွင်းမှာတောင်မှ လူမကုန်သေးတဲ့ဟာတွေ တွေ့ရတယ်။ အဲဒီတော့ ခန့်မှန်းခြေပေါ့နော် ၄ သောင်းနဲ့ ၅ သောင်းမှာရှိမယ်လို့ ခန့်မှန်းကြတယ် အားလုံးက။”

ဒီကနေ့ဆန္ဒပြပွဲမှာတော့ နိုင်ငံရေး၊ ဘာသာရေးအသင်းအဖွဲ့တွေနဲ့ လူမှုအဖွဲ့အစည်းတွေ တိုက်တွန်းချက်အရ ကချင်ဒေသမှာသာမက မြန်မာပြည်အ၀ှန်းထိုးစစ်တွေ ရပ်ဆိုင်းဖို့အတွက် တောင်းဆိုခဲ့တယ်လို့လည်း ပြောပါတယ်။

ပြည်ထောင်စုငြိမ်းချမ်းရေးညီလာခံ-၂၁ရာစုပင်လုံအကြိုပြင်ဆင်ရေးကော်မတီအဖွဲ့ဝင် ဦးခက်ထိန်နန်ကတော့ လက်ရှိဖြစ်ပွားနေတဲ့တိုက်ပွဲတွေအဆုံးသတ်ရေးအပေါ် အခုလို သုံးသပ်ပါတယ်။

“ကျနော်တို့နိုင်ငံရဲ့ ငြိမ်းချမ်းေ၇းက လက်နက်ကိုင်တဲ့အဖွဲ့အစည်းတွေဆုံးဖြတ်ပြီးတော့ သူတို့ကိုယ်တိုင်ရပ်မှပဲ ရပ်စဲမှာပါ။ ဒီ bilateral ထိုးထားတဲ့နေရာမှာမနေကြဖို့၊ တဘက်နဲ့ တဘက် အကြာင်းကြားဖို့ ဆိုတာတွေက အဖွဲ့တိုင်းအဖွဲ့တိုင်း လက်မှတ်ရေးထိုးကြထားပြီးသားဖြစ်ပါတယ်။ bilateral အနေနဲ့ပေါ့ ဒါပေမယ့် ဒီနေ့ပြန်ကြည့်ရင် သဘောတူထားတဲ့ လက်မှတ်ထိုးထားတဲ့ အနေအထားတွေကို လိုက်နာတဲ့နေရာမှာ အားနည်း လို့ဖြစ်တာလည်း အချက် ၁ ချက်ပါတယ်။”

ဦးခက်ထိန်နန်ဟာ အစိုးရတပ်မတော်နဲ့ ကချင်လွတ်လပ်ရေးအဖွဲ့ ဟာ ၂၀၁၁ ခုနှစ်တိုက်ပွဲတွေပြန်ဖြစ်ပြီးနောက် နှစ်ဖက်ဆွေးနွေးပွဲတွေမှာ တောက်လျှောက်ပါဝင်ခဲ့သူဖြစ်ပြီး ဒီဆွေးနွေးပွဲတွေမှာ နှစ်ဖက်တပ်အကြား နယ်မြေသတ်မှတ်တာတွေ၊ အကြောင်းကြားပြီးဖြတ်သန်းဖို့ သဘောတူခဲ့တာတွေရှိခဲ့တယ်လို့လည်း ပြောပါတယ်။

ငြိမ်းချမ်းရေးနဲ့ လူမှုတရားမျှတမှုဖော်ဆောင်ရေးအဖွဲ့ ရဲ့ အမှုဆောင်ဒါရိုက်တာ ဒေါက်တာသောင်းထွန်းကလည်း နယ်မြေသတ်မှတ်မှုမှာ အားနည်းချက်တွေ ရှိနေကြောင်း ထောက်ပြပါတယ်။ တဆက်တည်းမှာပဲ ပစ်ခတ်တိုက်ခိုက်မှုရပ်စဲရေး ပူးတွဲစောင့်ကြည့်ရေးကော်မတီတွေကို ပြန်လည်သုံးသပ်ဖို့ လိုကြောင်း ပြောပါတယ်။

“ပစ်ခတ်တိုက်ခိုက်မှုရပ်စဲရေး စောင့်ကြည့်ရေး ကော်မတီတွေမှာ လက်ရှိလက်နက်ကိုင်ပဋိပက္ခတွေမှာပါတဲ့လူတွေမကပဲနဲ့ကုလသမဂ္ဂလို ၊ သို့မဟုတ် အီးယူလား၊ အာဆီယံလား ၊ မြန်မာနိုင်ငံရဲ့ မိတ်ဆွေများအဖွဲ့လား ၊ ဒါမှမဟုတ် UN အဲဒီကလူတွေနဲ့ စောင့်ကြည့်ရေး မှာထားသင့်သလား ဒါတွေကို ငြိမ်းချမ်းရေးကို တကယ်လေးနက်မယ်ဆိုရင်တော့ ပြီးခဲ့တဲ့ ဖြစ်စဉ်တွေကို သုံးသပ်ပြီးတော့ပေါ့နော် ဒါပြန်လုပ်သင့်တယ်လို့မြင်ပါတယ်။”

ဒါအပြင် နှစ်ဖက် အကျိုးစီးပွားနဲ့ပတ်သက်တဲ့ သံယံဇာတတူးဖော်မှုတွေကိုလည်း ရပ်ဆိုင်းဖို့ လိုအပ်ကြောင်း ထောက်ပြပါတယ်။

“အကျိုးစီးပွား ပြဿနာက ဘာတွေတွေ့ရသလဲဆိုတော့ နယ်မြေထိန်းချုပ်မှုတွေ ၊ ဒီ နယ်မြေထိန်းချုပ်မှုတွေက ဘာတွေနဲ့ ဆက်စပ်နေသလဲဆိုတော့ စီးပွားရေး အကျိုးစီးပွား၊ အကျိုးအမြတ်တွေပေါ့ ဒီဟာက သံယံဇာတလည်း ဖြစ်ရင်လည်းဖြစ်မယ်၊ သို့မဟုတ် ကုန်သွယ်ရေးနဲ့ သက်ဆိုင်တဲ့ ကောက်ဂိတ်တွေလည်းဖြစ်ရင်လည်းဖြစ်မယ်၊ ဒါတွေကို ထိန်းချုပ်ဖို့ ကြိုးစားမှုကြောင့်လည်း ဖြစ်နိုင်ပါတယ်။ ဒါကြောင့် တကယ်ငြိမ်းချမ်းရေးကို ရှေ့ကိုတိုးတက်ဖို့ဆိုရင်တော့ ပဋိပက္ခတွေဖြစ်ပွားခဲ့တဲ့ နေရာဒေသတွေမှာ သံယံဇာတတူးဖော်မှုတွေ ဒါတွေကို ၂ ဘက်စလုံးကနေ ရပ်ဆိုင်းထားဖို့ပေါ့။”

တိုင်းရင်းသားလက်နက်ကိုင်အဖွဲ့တွေဖက်က သံယံဇာတနဲ့ အကောက်ခွန်ဂိတ်တွေအပေါ် ရပ်တည်နေရတယ်ဆိုရင် ဒီအတွက် ပြည်ထောင်စုလွှတ် တော်မှာ ငြိမ်းချမ်းရေးရံပုံငွေ သီးသန့်ထားရှိဆောင်ရွက်ဖို့လည်း လိုအပ်နိုင်ကြောင်း ဆက်လက်ပြောပါတယ်။

ဒီရက်ပိုင်းတွေအတွင်းမှာတော့ ကချင်၊ ကရင်နဲ့ ရှမ်းပြည်နယ်တွေ အတွင်းမှာ တိုက်ပွဲတွေဖြစ်ပွားနေပြီး တနင်္လာနေ့ကတော့ ထိုးစစ်တွေ ရပ်ဆိုင်းဖို့အတွက်မြစ်ကြီးနားမြို့နဲ့ တနိုင်းမြို့က ပြည်သူတွေက ဆန္ဒထုတ်ဖော်တောင်းဆိုခဲ့ပါတယ်။ ကချင်ပြည်သူတွေကတော့ ထိုးစစ်တွေ ဆက်လက်ဖြစ်ပွားနေရင် တပြည်လုံးပါဝင်တောင်းဆိုလာအောင် ဆက်လက်ဆောင်ရွက်ဖို့လည်း ဆုံးဖြတ်ထားပါတယ်။
VOA Burmese News


ရန်ကုန်မြို့က အပ်ချုပ်ဆိုင်တဆိုင်မှာ အိမ်အကူ မိန်းကလေး ၂ ဦး ညှင်းပမ်းနှိပ်စက်ခံရမှုမှာ လိုက်ပါဆောင်ရွက်ရာမှာ ပျက်ကွက်ခဲ့တယ်လို့ စွပ်စွဲခံခဲ့ရတဲ့ မြန်မာနိုင်ငံ အမျိုးသား လူ့အခွင့်အရေးကော်မရှင် အဖွဲ့ဝင် ၄ ဦးကို နိုင်ငံတော်သမ္မတရုံးက နှုတ်ထွက်ခွင့်ပြုလိုက်ပါတယ်။ လူ့အခွင့်အရေးကော်မရှင် အဖွဲ့ဝင် ၄ ဦး ဖြစ်တဲ့ ဦးဇော်ဝင်း၊ ဒေါက်တာဉာဏ်ဇော်၊ ဒေါက်တာ ဒေါ်သန်းနွဲ့နဲ့ ဒေါ်မြမြ တို့ကို မိမိသဘောဆန္ဒအလျောက် နှုတ်ထွက်ခွင့်ပြုကြောင်း ဒီကနေ့ အောက်တိုဘာလ ၆ ရက်နေ့ ရက်စွဲနဲ့ သမ္မတရုံးက ကြေညာချက် ထုတ်ပြန်ခဲ့တာပါ။

နှုတ်ထွက်ခွင့် ပြုခဲ့တဲ့ လူ့အခွင့်အရေး ကော်မရှင် အဖွဲ့ဝင် ၄ ဦးဟာ ပြီးခဲ့တဲ့လထဲ ကျင်းပခဲ့တဲ့ ရန်ကုန်မြို့က သတင်းစာ ရှင်းလင်းပွဲမှာ အိမ်အကူမိန်းကလေးငယ် ၂ ဦး ကိစ္စမှာ ဆောင်ရွက်ချက်တွေကို ဖြေရှင်းရာမှာ ပါဝင်ခဲ့သူတွေလည်း ဖြစ်ပါတယ်။ ရန်ကုန်မြို့က ဒီသတင်းစာရှင်းလင်းပွဲမှာရော နောက်ပိုင်း လူ့အခွင့်အရေး ကော်မရှင်အဖွဲ့ဝင်တွေကို အစိုးရက အရေးယူဖို့ အရေးကြီးအဆို တင်သွင်းခဲ့တာကို ဖြေရှင်းချက်ပေးရာမှာရော လူ့အခွင့်အရေး ကော်မရှင် အဖွဲ့ဝင်တွေက သဘောရိုးနဲ့ဆောင်ရွက်ခဲ့ကြောင်း ဖြေရှင်းခဲ့ပေမဲ့ မကျေနပ်မှုတွေ ကြီးထွားခဲ့တာလည်းဖြစ်ပါတယ်။


လူ့အခွင့်အရေးကော်မရှင် အဖွဲ့ဝင်တွေကို အရေးယူဖို့ အရေးယူဖို့ အရေးကြီးအဆိုကိုတော့ ပြည်သူ့လွှတ်တော်က အတည်ပြုခဲ့သလို၊ လူ့အခွင့်အရေး တက်ကြွလှုပ်ရှားသူတွေကလည်း ကော်မရှင်ကို အဖွဲ့ဝင်သစ်တွေနဲ့ ပြင်ဆင်ဖွဲ့စည်းဖို့ တောင်းဆိုမှုတွေလည်း ထွက်ပေါ်ခဲ့ပါတယ်။

 ဗွီအိုအေ (မြန်မာပိုင်း)
http://burmese.voanews.com


ရခိုင်ပြည်နယ် ကျောက်တော်မြို့မှာ ဆင်းရဲနွမ်းပါးသူတွေကို အစိုးရကမြေနေရာတွေချပေးဖို့ ဒေသခံ ၂ဝဝ လောက် အောက်တိုဘာလ ၆ ရက်နေ့က ဆန္ဒပြတောင်းဆိုစဉ်

ရခိုင်ပြည်နယ် ကျောက်တော်မြို့မှာ ဆင်းရဲနွမ်းပါးသူတွေကို အစိုးရကမြေနေရာတွေချပေးဖို့ ဒေသခံ ၂ဝဝ လောက် အောက်တိုဘာလ ၆ ရက်နေ့က ဆန္ဒပြတောင်းဆိုစဉ်
Photo: Ko Soe Latt

ရခိုင်ပြည်နယ် ကျောက်တော်မြို့မှာ ဆင်းရဲနွမ်းပါးသူတွေကို အစိုးရကမြေနေရာတွေချပေးဖို့ ဒေသခံ ၂ဝဝ လောက်က ဒီနေ့ ဆန္ဒပြတောင်းဆိုကြပါတယ်။

အိမ်ရာမြေကွက်တွေ ဈေးကြီးတာကြောင့် ကျူးကျော်တွေအဖြစ်နဲ့ နေထိုင်ကြရသူတွေကို အစိုးရက နေရာ ချထားပေးစေချင်တာလို့ ဆန္ဒပြပွဲကို ဦးဆောင်တဲ့ ကျောက်တော် ရခိုင်အမျိုးသမီးများကွန်ရက် ဥက္ကဌ ဒေါ်လှမေ က ပြောပါတယ်။

ကျောက်တော်မြို့စွန်ရပ်ကွက်တွေမှာရှိတဲ့ မြေကွက်တွေကို စီးပွားရေးလုပ်ငန်းရှင်တွေက သိမ်းကြုံးဝယ်ယူပြီး အိမ်ရာမြေတစ်ကွက်ကို ငွေကျပ် သိန်း ၂ဝဝ လောက်အထိ ဈေးရှိနေတာကြောင့် လွန်ခဲ့တဲ့ တစ်နှစ်ကျော်လောက် ကစကာ ကျူးကျော်နေထိုင်သူတွေ များလာတာလို့ဆိုပါတယ်။

ဆန္ဒပြပွဲမှာ ပစ္စည်းမဲ့လူတန်းစားဘဝ မြှင့်တင်ပေးရေး၊ ဆင်းရဲသားတွေကို ပုတ်ခတ်စော်ကားတဲ့ မြို့မိမြို့ဖအဖွဲ့ကို အလိုမရှိ၊ မြို့မိမြို့ဖအဖွဲ့ကို လူထုဆန္ဒနဲ့အညီ တရားဝင်ရွေးချယ်ပေးရေး၊ ဆင်းရဲသူဆင်းရဲသားတွေရဲ့ဘဝကို အစိုးရက ကာကွယ်စောင့်ရှောက်ပေးရေး စတဲ့အချက်တွေကိုလည်း တောင်းဆိုခဲ့ကြပါတယ်။

ကျောက်တော်မြို့မှာရှိတဲ့ ပိုက်သည်ရပ်၊ ပြည်တောင်သာ၊ မြို့သစ်၊ ရှမ်းရွာ စတဲ့ရပ်ကွက်တွေမှာ စိုးရက လမ်း၊ လျှပ်စစ်မီးတွေဆောင်ရွက်ပေးရမယ့် ကိစ္စရပ်တွေမှာလည်း လျစ်လျူရှုခံနေရတယ်လို့ ဆန္ဒပြသူတွေက ပြော ပါတယ်။
RFA



အမျိုးသားလွှတ်တော် ဥပဒေကြမ်းကော်မတီ ဥက္ကဌ ဦးဇော်မင်း ကို အောက်တိုဘာလ ၆ ရက်နေ့က တွေ့ရစဉ်။ Photo: Win Ko Ko Latt/RFA
ဒီကနေ့ကျင်းပတဲ့ အမျိုးသားလွှတ်တော် အစည်းအဝေးမှာ ပြည်သူ့လွှတ်တော်က ပြင်ဆင်ချက်နဲ့ ပြန်ပို့လာတဲ့ ရပ်ကွက်သို့မဟုတ် ကျေးအုပ်ချုပ်ရေးဥပဒေကို ပြင်ဆင်တဲ့ ဥပဒေကြမ်းကို တပိုဒ်ချင်းအလိုက် ဆွေးနွေးပြီး အတည်ပြုလိုက်ပါတယ်။

ပြည်သူ့လွှတ်တော်က ရပ်ကျေးအုပ်ချုပ်ရေးမှူးကို ပညာအရည်အချင်း သတ်မှတ်ထားပြီး အမျိုးသားလွှတ်တော်မှာ အရွေးခံမယ့်သူရဲ့ ပညာအရည်အချင်းကို မသတ်မှတ်ဖို့ ဆုံးဖြတ်ကြောင်း အမျိုးသားလွှတ်တော် ဥပဒေကြမ်းကော် မတီ ဥက္ကဌ ဦးဇော်မင်းက  အခုလိုရှင်းပြပါတယ်။

"လွှတ်တော်ကိုယ်စားလှယ်တွေ ရွေးတာတောင် ပညာအရည်အချင်းမပါဘူး၊ အဲဒီတော့ ရပ်ကွက် အုပ်ချုပ်ရေးမှူးလောက်တော့ ပညာအရည်အချင်း မထည့်သင့်ပါဘူးဆိုတဲ့ အတွေးကို ရသွားတယ်၊ ရတော့ ဒါကို အတည်ပြုလိုက်တယ်၊ သို့သော် ပြည်သူက ဒါကို ပြန်ပယ်ဖျက်တယ်ဆိုတော့ ဒီမှာ ပြန်ပြင်တယ်"

ပြည်သူ့လွှတ်တော်က ရပ်ကျေးအုပ်ချုပ်ရေးတစ်ဦးဟာ သင့်တင့်သော ပညာအရည်အချင်းဆိုပြီး သတ်မှတ် ထားပေမယ့် လွှတ်တော်ကိုယ်စားလှယ် အဆင့်တောင် ပညာအရည်အချင်း သတ်မှတ်ထားတာ မရှိတဲ့အတွက် အမျိုးသားလွှတ်တော်က ပယ်ဖျက်လိုက်တာ ဖြစ်ပါတယ်။

လွှတ်တော် ၂ ရပ်လုံးက ဧည့်စာရင်းတိုင်ရမယ့်အချက်ကို ပယ်ဖျက်ဖို့ သဘောတူပေမယ့် ဒေသတခုမှာ တစ်လ သို့မဟုတ် တစ်လထက် ကျော်လွန်နေထိုင်ရင် သက်ဆိုင်ရာကို အကြောင်းကြားရမယ်ဆိုတာကိုတော့ သဘောထားတူညီကြပါတယ်။

အခုတတိယအကြိမ်ပြင်ဆင်တဲ့ ရပ်ကျေးဥပဒေကြမ်းဟာ လွှတ်တော် ၂ ရပ်ကြား ဧည့်စာရင်းကိစ္စ သဘောထားကွဲ လို့ ငါးလအထိ ကြာမြင့်သွားတာဖြစ်တယ်လို့ ဥပဒေကြမ်းကော်မတီ ဥက္ကဌ ဦးဇော်မင်းက ပြောပါတယ်။

ပြည်သူ့လွှတ်တော်နဲ့ အမျိုးသားလွှတ်တော်ကြား သဘောထားကွဲတဲ့  အချက် ၁ဝ ချက်ကို ပြည်ထောင်စုလွှတ်တော် မှာ တပိုဒ်ချင်း မဲခွဲဆုံးဖြတ်အတည်ပြုမှာဖြစ်ပါတယ်။

RFA Burmese
http://www.rfa.org/burmese



နယ်စပ်ဂိတ်အားတွေ့ရစဉ် (ဓာတ်ပုံ--မြဝတီ)
    ရန်ကုန်၊ အောက်တိုဘာ ၆ ရက် (ဆင်ဟွာ)

    ယခင်က မြဝတီမြို့မှ တစ်ဆင့် ထိုင်းနိုင်ငံ မဲဆောက်မြို့သို့ မြန်မာနိုင်ငံမှ ခရီးသွား ဧည့်သည်များ သွားရောက် လည်ပတ်ရာတွင် နေ့ချင်းပြန်သာ သွားရောက်ခွင့် ပေးခဲ့ခြင်းကြောင့် သွားရောက်သူ အနည်းငယ်သာ ရှိခဲ့သော်လည်း အောက်တိုဘာ ၁ ရက်မှစ၍ တစ်ပတ်ကြာ တိုးမြှင့် လည်ပတ်ခွင့်ပြု လိုက်ခြင်းကြောင့် လက်ရှိတွင် ထိုင်းနိုင်ငံ မဲဆောက်မြို့သို့ သွားရောက် လည်ပတ်သည့် ပြည်တွင်း ခရီးသွားဧည့်သည် နေ့စဉ်မြင့်တက် လာကြောင်း ပြည်တွင်း ခရီးသွား ဝန်ဆောင်မှု လုပ်ငန်း တာဝန်ရှိသူ တစ်ဦးထံမှ သိရသည်။

ပြည်တွင်း ခရီးသွားဧည့်သည် များအနေဖြင့် ယင်းကဲ့သို့ သွားရောက် လည်ပတ်မှု ယာယီနယ်စပ် ဖြတ်သန်းခွင့် လက်မှတ်အတွက် တစ်ဦးလျှင် မြန်မာနိုင်ငံဘက် လူဝင်မှု ကြီးကြပ်ရေး၌ ငွေကျပ် ၁၅ဝဝ နှင့် ထိုင်းနိုင်ငံဘက်၌ ထိုင်းဘတ် ၂ဝ (မြန်မာ ငွေကျပ် ၇၂ဝ) ပေးသွင်း ရကြောင်း သိရသည်။

ကိုယ်ပိုင်ကားဖြင့် သွားရောက် လည်ပတ် လိုသူများ အနေဖြင့် မဲဆောက်မြို့ စည်ပင်သာယာ နယ်နိမိတ်အတွင်း သွားလာခွင့် အတွက် မြန်မာငွေကျပ် ၂၅ဝဝဝ (ထိုင်းဘတ် ၇ဝဝ) ကုန်ကျမည် ဖြစ်ကြောင်း သိရသည်။

မဲဆောက်မြို့သို့ တစ်ပတ်ကြာ သွားရောက် လည်ပတ်မည့် မြန်မာနိုင်ငံသား ခရီးသွား ဧည့်သည်များ အနေဖြင့် မဲဆောက်မြို့ အပါအဝင် ဖုတ်ဖရာ နှင့် မယ်ရမတ် မြို့များသို့ပါ သွားရောက် လည်ပတ်ခွင့် ရမည်ဖြစ်ကြောင်း၎င်းတာဝန်ရှိသူကဆိုသည်။

(Xinhua)
http://www.xinhuamyanmar.com


ရန်ကုန် အောက်တိုဘာ ၆

မော်တော်ဆိုင်ကယ်စီးနင်းခွင့်ပိတ်ထားတဲ့ ရန်ကုန်တိုင်းဒေသကြီးစည်ပင်သာယာနယ်နမိတ်အတွင်း က အခြေခံပြည်သူများအများဆုံးရှိတဲ့ မြို့နယ်များတွေမှာ လိုအပ်ချက်အရ ဆိုင်ကယ် စီးနင့်ခွင့်ပြုမယ်လို့ ရန်ကုန်တိုင်းဒေသကြီးလျှပ်စစ်၊ လမ်းပန်းဆက်သွယ်ရေးနှင့်ပို့ဆောင်ရေးဝန်ကြီး ဒေါ်နီလာကျော်က ယနေ့ပြုလုပ်တဲ့ ရန်ကုန်တိုင်းဒေသကြီး လွှတ်တော်အစည်းအဝေးမှာ ပြောကြားခဲ့ပါတယ်။

အောက်တိုဘာ၆ရက် ကပြုလုပ်သည့် ရန်ကုန်တိုင်းဒေသကြီးလွှတ်တော်အစည်းအဝေးမှာ ရွှေပြည်သာမြို့နယ် မဲဆန္ဒနယ်အမှတ်( ၁ )လွှတ်တော်ကိုယ်စားလှယ် ဦးရန်အောင်မင်း(ခ)ဦးဂေးမောင် က မော်တော်ဆိုင်ကယ်တရားဝင်မောင်းနှင်စီးနင်းခွင့်နဲ့ နယ်မြေဒေသအတွင်း မော်တော်ဆိုင် ကယ်လိုင်စင်ပြုလုပ်ပေးရန်၊ယာဉ်သက်တမ်း တိုးမြင့်ပေးရန် အစီစဉ်ရှိမရှိကြယ်ပွင့်ပြမေးခွန်းအဖြစ် မေးမြန်းခဲ့ရာမှာ ရာတွင် တိုင်းဒေသကြီး ဝန်ကြီးမှ ယခုလို ပြန်လည်ဖြေကြားခဲ့တာဖြစ်ပါတယ်။

''စည်ပင်နယ်နမိတ်အတွင်းမှာ မော်တော်ဆိုင်ကယ်စီးနင်းခွင့်မပြုတာဟာ။ဥပဒေအရ ပြဌာန်း ထားတာမဟုတ်ပါဘူး။အကြောင်းကြောင်းကြောင့် ညွှန်ကြားချက်ထုတ်ခဲ့တာပါ။ ဒါပေမဲ့အချို့ စည်ပင်သာ ယာနယ်န မိတ်ထဲပါနေပေမဲ့ ဆင်ခြေဖုန်းရပ်ကွက်တွေအတွက် သွားလာရေးမှာ ဆိုင်ကယ်က လွယ်ကူအဆင်ပြေတာတွေ့ရပါတယ်။ ဒါကြောင့် အခု ကိုယ်စားလှယ်ကြီးမေးတဲ့ မေးခွန်း ကို ဖြေရမယ်ဆိုရင် လိုအပ်တဲ့နေရာတွေမှာ မော်တော်ဆိုင်ကယ်ပြန်လည်စီးနင်းခွင့်ပြုဖို့ စည်ပင်သာယာနယ်နမိတ်ကိုပြန်လည်သတ်မှတ်ဖို့လုပ်ဆောင်နေပါတယ်''ဟု တိုင်းဒေသကြီး ၀န်ကြီးက ပြန်လည်ဖြေကြားခဲ့ပါတယ်။


ရန်ကုန်တိုင်းဒေသကြီး စည်ပင်သာယာနယ်နမိတ်အတွင်းဆိုင်ကယ်စီးနင်းခွင့်မပြုထားတဲ့ မြို့နယ် ၃၃မြို့နယ်ရှိပြီး အချို့နေရာများမှာ စီးနင်ခွင့်မပြုထားပေမယ့်လည်း လမ်းပန်းဆက်သွယ် ရေးအားနည်းချက်ရှနေတဲ့အတွက် နားလည်မှုနဲ့ တရားမဝင်စီးနင်းမှုများရှိနေသလို အချို့မှုခင်း ဖြစ်ပွားမှုများမှာ ဆိုင်ကယ်အသုံးပြုပြီး ကျူးလွန်သူများလည်း ရှိနေပါတယ်။

စည်ပင်သာယာနယ် နမိတ်ပြန်လည်သတ်မှတ်ပြီးပါက ယခင်ကဲ့သို့ ဥပဒေမဲ့စီးနင်းမှုများ မပြုရန်နဲ့ အမှုအခင်းများမဖြစ်ပေါ်စေရန်အတွက် စည်းကမ်းများ၊ဥပဒေများသတ်မှတ်ပြဌာန်းပြီးမှ စီးနင်းခွင့်ပြုမှာဖြစ်တယ်လို့ သိရပါတယ်။

ဖြိုးဝေအောင်
china.com Myanmar
https://www.facebook.com/china.com.mm


မန္တလေးမြို့၊မဟာအောင်မြေမြို့နယ်၊သုစရိတဓမ္မာရုံ၌ ၀တ်ရွတ်နေစဉ် အသံချဲ့စက်မိုက်ကြိုးများဆွဲဖြုတ်ခဲ့သည့် နယ်သာလန်နိုင်ငံသားကို မဟာအောင်မြေမြို့နယ်တရားရုံးက ယနေ့အောက်တိုဘာ ၆ ရက်နေ့တွင် အပြီးသတ်အမိန့်ချမှတ်လိုက်သည်။

၎င်းသည် ဘာသာ သာသနာ ဓလေ့ထုံးစံနင့်ဆိုင်သည့် ပုဒ်မ ၂၉၅ နင့် လဝက မှဗီဇာစည်းကမ်းဖေါက်ဖျက်မှု ၁၃/၁ အရ တရားစွဲဆိုခံရပြီး ယနေ့ညနေ ၃ နာရီတွင် တရားသူကြီးက ပုဒ်မ ၂၉၆ အရ ထောင်ဒဏ် ၃ လ နင့် လဝက ပုဒ်မ ၁၃/၁ ဖြင့်ဒဏ်ငွေကျပ် ၁ သိန်းပေးဆောင်ရန် အမိန့်ချမှတ်ခဲ့သည်။

ပြစ်ဒဏ်ပတ်သက်၍ လျော့ပေါ့ခြင်း လွတ်မြောက်ခြင်းအတွက် လွတ်ငြိမ်းခွင့်ကို အယူခံဝင်ရန် သို့မဟုတ် နစ်နိုင်ငံချစ်ကြည်မှုကို သံရုံးမှတဆင့် ဆောင်ရွက်ခွင့်ရှိသည်ဟု မြန်မာနိုင်ငံဥပဒေအကူအညီပြုအဖွဲ့မှ တရားလွှတ်တော်ရှေ့နေ ဦးလှကိုက ပြောသည်။

ခိုင်ဆက်ဝေ
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


အိမ်အကူမိန်းကလေးနှစ်ဦးအား ညှင်းပန်းနှိပ်စက်မှု၊ ကျွန်ပြုမှုကြောင့် ဖမ်းဆီးအရေးယူခံထားရသော အင်းဝအပ်ချုပ်ဆိုင်ပိုင်ရှင်မိသားစုဝင် ၆ ဦးကို ရန်ကုန် အနောက်ပိုင်းခရိုင်တရားရုံးတွင် ယနေ့ (အောက်တိုဘာ ၆) နံနက် ၁၀နာရီ ၃၀ မိနစ်အချိန်ခန့်က ဒုတိယအကြိမ်မြောက် ရုံးထုတ်ခဲ့သည်။

အိမ်အကူမိန်းကလေးနှစ်ဦးအား ညှင်းပန်းနှိပ်စက်မှုဖြင့် အင်းဝအပ်ချုပ်ဆိုင်မသားစုဝင်များဖြစ်သော ဒေါ်တင်သူဇာ၊ ဦးကိုလတ်၊ တင်မင်းလတ်(ခ)ဖိုက်ဇယ်၊ မစုမွန်လတ်၊ မသီရိလတ်၊ ရာဇာထွန်းတို့ ၆ ဦးကို ဒုတိယရဲမှုးမျိုးသိန်းက တရားလိုပြုလုပ်၍ ၂၀၁၆ ရာဇသတ်ကြီးမှု ၁၁၀ နှင့်အောက်တိုဘာ၆ ရက်နေ့က အနောက်ပိုင်းရိုင်တရားရုံးတွင် ရုံးထုတ်ခဲ့သည်။


ယနေ့ တရားခွင်တွင် တရားသူကြီးက အင်းဝအပ်ချုပ်ဆိုင် ပိုင်ရှင်မိသားစုဝင်များ၏ ရှေ့နေများလာရောက်ခြင်း ရှိ၊ မရှိမေးမြန်းရာ ဦးကိုလတ်နှင့် တင်မင်းလတ်(ခ)ဖိုက်ဇယ်နှစ်ဦးတို့၏ ရှေ့နေနှင့် မသီရိလတ်၏ရှေ့နေများသာ လာရောက်ခဲ့ပြီး၊ ဒေါ်တင်သူဇာ၊စုမွန်လတ်၊ရာဇာထွန်းတို့၏ ရှေ့နေများမလာရောက်ဖြစ်သေးကြောင်းတင်ပြခဲ့ရာ၊ ခရိုင်တရားသူကြီးမှ ယခုဆွဲဆိုထားသော ပုဒ်မ ၂၉သညကြီးလေးသော ပုဒ်မဖြစ်သဖြင့် တရားခံများအနေဖြင့် ကိုယ်တိုင်ရှေ့နေငှားရန် အကယ်၍ မငှားနိုင်ပါက နိုင်ငံတော်မှ ငှားပေးမည်ဖြစ်ကြောင်း ပြောကြားခဲ့သည်။

“ ဒီအမှုက ပြစ်ဒဏ်ကြီးတဲ့အတွတ် အမှုသည်က ရှေ့နေမငှားနိုင်ရင် နိုင်ငံတော်က ငှားပေးရတယ်၊ အင်းဝအပ်ချုပ်ဆိုင်ပိုင်ရှင် မိသားစုဝင်တွေက သူတို့အစီစဉ်နဲ့ သူတို့ ရှိတဲ့အတွတ် ရှေ့နေမစုံသေးတဲ့
အတွတ်ပြန်ချိန်းတာပါဟု” ဦးကိုလတ်နှင့်တင်မင်းလတ်(ခ)ဖိုက်ဇယ်တို့ ၏ ရှေ့နေဖြစ်သော တရားလွှတ်တော်ရှေ့နေဦးမျိုးညွှန့်က News Watch သို့ပြောကြားသည်။

အမှုကို အောက်တိုဘာ ၁၃ရက်နေ့သို့ထပ်မံချိန်းဆိုထားကြောင်းသိရသည်။

မင်းဇာနည်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


ဓါတ်ပုံ- တုံလောအထွက်လမ်းက အစိုးရစစ်ကြောင်းအားတွေ့ရစဉ် ၊ စစ်ကြောင်းကြား ရွာသူများကိုပါခေါ်ဆောင်သွားသည်ကိုတွေ့ရ
အောက်တိုဘာ ၆ ရက် ၂၀၁၆

သျှမ်းပြည်တောင်ပိုင်း လွယ်လင်ခရိုင် မိုင်းကိုင်မြို့နယ်အတွင်းရှိ သျှမ်းပြည်တပ် မတော် RCSS/SSA တပ်စခန်းအား အစိုးရတပ်မတော် ထိုးစစ်ဆင်တိုက်ခိုက်စဉ် အတွင်း ဒေသခံများအား တပ်မတော် စစ်ကြောင်းနှင့် အတူ ဒေသအတွင်းသွား လာ လှုပ်ရှားစေသည်ဟု မျက်မြင်များက ပြောသည်။

အောက်တိုဘာ ၁ ရက်နေ့မှစ၍ သျှမ်းပြည်တောင်ပိုင်း နှင့် မြောက်ပိုင်း နယ်ခြား တလျှောက် မိုင်းကိုင်၊ သီပေါ၊ ကျောက်မဲမြို့နယ်ကြားဒေသတို့တွင် RCSS/ SSA နှင့် အစိုး ရ တပ်မတော် ထိုးစစ်ဆင် တိုက်ခိုက်မှုများဖြစ်ပွါးရာ အစိုးရ တပ်မတော် ၏ စစ်ကြောင်းများက မိုင်းကိုင်မြို့နယ် တုံလောဝ်ကျေးရွာ အုပ်စုဝင် ပန်ပွဲ၊ ကုန်းဆာ၊ နားလွယ်၊ ဖေါင်းဆိုင်စသည့် ကျေးရွာများမှ ရွာခံများအား စစ်ကြောင်းကြားညှပ်၍ ခေါ်ဆောင်သွားခြင်းဖြစ်ကြသည်။

“ရွာထဲဝင်လာတာ စစ်သားအယောက် ၃၀ လောက်ရှိမယ်။ ရွာသူရွာသားက ၁၀ ယောက်ကျော်တယ်။ စစ်ကြောင်း ကြားညှပ်ပြီးခေါ် သွားတာ” - ဟု စစ်ဘေးရှောင် ကူညီသူ စိုင်းလျဲန်း က ပြောသည်။

ရွာခံအကြီးအကဲ တဦးက အခု တပ်မတော်က ဖမ်းသွားတာက - “ တုံလောဝ်ရွာက ၂ ဦးပါတယ်။ ရွာထဲမှာ ဝင်ဖမ်း တာတော့မဟုတ်ဘူး။ RCSS ကို ထိုးစစ်ဆင်တုန်း ဖမ်းသွားတာဖြစ်တယ်။ အများအားဖြင့် RCSS/SSA ထံ အကျင့် စာရိတ္တပြုပြင်သူ နဲ့ သူတို့တွေအတွက် ထမင်းဟင်းချက်ပေးတဲ့ သူတွေ ဖြစ်တယ်။ လှုပ်ရှားတဲ့ လမ်းကြောင်း တလျှောက်ကောက်ခေါ်သွားတယ် ပြန်မလွတ်ပေးဘူး” - ဟု သျှမ်းသံတော်ဆင့်ထံ ပြောသည်။

အစိုးရစစ်ကြောင်းနှင့်ပါသွားသော ရွာသားများတွင် အမျိုးသမီးရွာသူတချို့လည်း ပါဝင်သည်ဟု ကိုယ်တိုင်မြင်တွေ့ရသူများကပြောသည်။

သျှမ်းပြည်တပ်မတော် RCSS/SSA သည် တနိုင်ငံလုံးအပစ်အခတ်ရပ်စဲရေး စာချုပ် လက်မှတ် ရေးထိုး ထားသည့် တပ်ဖွဲ့ ဖြစ်သည့်အားလျော်စွာ မည်သည့် ဘက်က မှားသည်ဖြစ်စေ မှန်သည်ဖြစ်စေ အင်အား သုံးဖြေရှင်းသည့် ကိစ္စမဖြစ် သင့်ကြောင်း၊ အပစ်အခတ်ပူးတွဲစောင့်ကြည့်ရေးကော်မတီလည်း ဖွဲ့စည်း ထားပြီးဖြစ်သောကြောင့် ထိုကော်မတီမှတဆင့် နှစ်ဘက်လက်တွဲ ဖြေရှင်း သင့်ေ ကြာင်း မြန်မာ့ငြိမ်း ချမ်းရေးအား ကူညီပံ့ပိုးပေးသည့် ပြည်ထောင်စုအင်တီကျု ဒါရိုက်တာ ဦးခွန်စိုင်းက ပြောသည်။

RCSS/SSA မှ မူးယစ်ဆေးဝါးသုံးစွဲသူများအား မိုင်းကိုင် - သီပေါ ကားလမ်းမပေါ် ရှိ တုံလောဝ်အုပ်စု နှင့် နမ့်လမ်တိုက်နယ် တို့အပေါ် အထိ လာရောက်ဖမ်းဆီးစဉ် မူးယစ်ဆေးဝါးနှင့်ပတ်သက်ဆက်နွယ် သည့်တပ်မတော်သားတဦးပါ ဖမ်းဆီး သွားေ သာကြောင့် တန်ပြန်တိုက်ခိုက်ခြင်းဖြစ်သည်ဟု လေ့ လာ စောင့်ကြည့်သူ များကပြောသည်။

သျှမ်းသံတော်ဆင့် / ဟွမ်ဟိန်း
Panglong(Burmese)
https://www.facebook.com/Panglong.burmese



ယူကရိန်းနိုင်ငံမှ ထုတ်လုပ်သည့် ဗော်ကာအရက်အချို့အားတွေ့ရစဉ် (ဓါတ်ပုံ-အင်တာနက်)
    ယူကရိန်း၊ အောက်တိုဘာ ၆ ရက် (ဆင်ဟွာ)

    ယူကရိန်းနိုင်ငံတွင် အရက်အဆိပ်သင့်မှုကြောင့် သေဆုံးသူဦးရေသည် အယောက် ၅၀ ကျော်ရှိလာပြီ ဖြစ်ကြောင်း အစားအသောက်ဆိုင်ရာဘေးကင်းမှု နှင့် စားသုံးသူ ကာကွယ်ရေး ဋ္ဌာန က အောက်တိုဘာ ၅ရက်ကပြောကြားခဲ့သည်။

အန္တရာယ်ရှိသည့် အရက်တုများသောက်သုံးမှုကြောင့် အဆိပ်သင့်မှုဖြစ်စဉ် ၁၀၁ခုအား မှတ်တမ်းတင်ထားခဲ့ပြီး ၄င်းတို့အနက် ၅၁ဦးမှာ သေဆုံးခဲ့ကြောင်း ဋ္ဌာန၏ ထုတ်ပြန်ချက်၌ဖော်ပြခဲ့သည်။

ထုတ်ပြန်ချက်အရ သေဆုံးခဲ့သူ ၃၈ဦးသည် အရှေ့ပိုင်း Kharkov ဒေသမှ ဒေသခံပြည်သူများဖြစ်ပြီး အခြား ၁၃ဦးမှာ ယူကရိန်းနိုင်ငံ အရှေ့ပိုင်း၊ တောင်ပိုင်း နှင့် မြောက်ပိုင်း ရှိ မတူညီသော ဒေသ လေးခု တွင် နေထိုင်သူများဖြစ်ကြောင်း သိရသည်။

အစောပိုင်းကာလများ Kharkov ဒေသသည် အန္တရာယ်ရှိသည့် ဝီစကီဖြူ အမျိုးအစားများ ထုတ်လုပ်ခြင်း နှင့် ထုပ်ပိုးရာနေရာတစ်ခု အဖြစ် ရဲတပ်ဖွဲ့က သတ်မှတ်ခဲ့ကြောင်း သိရသည်။

ကနဦး စုံစမ်းစစ်ဆေးမှုများအရ တရားမဝင်အရက်ထုတ်လုပ်သူများသည် ဈေးပေါပေါဖြင့် အရက်များထုတ်လုပ်ရန်အတွက် ဗော်ကာအရက်နှင့် အဆိပ်သင့်စေသည့် မီသိုင်းအရက်တို့ကို ရောစပ်ခဲ့ကြောင်း သိရသည်။

ယူကရိန်းနိုင်ငံတွင် ယင်းရောစပ်ထားသည့်  ဗော်ကာအရက်များအား လီတာဝက် တစ်ပုလင်းလျှင် အမေရိကန်ဒေါ်လာ ၁ဒေါ်လာခန့်ဖြင့် ဈေးများတွင်ရောင်းချနေသည့်အချိန်၌ အရည်အသွေးပြည့်မီသည့် ဗော်ကာအရက် လီတာဝက် တစ်ပုလင်းလျှင် အမေရိကန်ဒေါ်လာ ၂.၈ဒေါ်လာ ကျသင့်ကြောင်း သိရသည်။

ယူကရိန်း ယမကာထုတ်လုပ်သူများအသင်း “Ukrvodka” ၏ ပြောကြားချက်အရ ယူကရိန်းနိုင်ငံအတွင်း ရောင်းချနေသည့် အရက်များ၏ တစ်ဝက်ခန့်သည် ရောစပ်ထားသည့် အရက်တုများဖြစ်ကြောင်း သိရသည်။

(Xinhua)
http://www.xinhuamyanmar.com



Samsung ဖုန်း NOTE 7 အမျိုးအစား
အမေရိကန်ပြည်ထောင်စု Kentucky ပြည်နယ်မှာ ဗုဒ္ဓဟူးနေ့က လေယာဉ်တစင်း စတင်မပျံသန်းခင်မှာ လေယာဉ်ပေါ်မှာပါလာတဲ့ ဆမ်ဆောင်း တယ်လီဖုန်းအသစ်တလုံး မီးလောင်ခဲ့တာကြောင့် လေယာဉ်ပေါ်မှာပါလာတဲ့သူတွေကို ဘေးလွတ်ရာကို ရွှေ့ခဲ့ရပါတယ်။

Galaxy Note 7 ဖုန်းတွေအားလုံးကို ပြန်အပ်ဖို့ Samsung ကုမ္ပဏီက မကြာသေးခင်ကပဲ ပြောကြားလိုက်ပြီးတဲ့နောက် Galaxy Note 7 လက်ကိုင်ဖုန်းအသစ်တွေ ထပ်ထုတ်လိုက်တာဖြစ်ပြီး၊ အသုံးပြုဖို့အတွက် စိတ်ချရတယ်လို့လည်း ကုမ္ပဏီက ယူဆထားတာဖြစ်ပါတယ်။ တယ်လီဖုန်းဘာကြောင့် မီးလောင်တယ်ဆိုတာကို သိနိုင်ဖို့အတွက် ၊ အဲဒီဖုန်းကို ပြန်ရအောင် အာဏာပိုင်တွေ၊ Southwest လေကြောင်းလိုင်း တာဝန်ရှိသူတွေ အတူလုပ်ဆောင်နေတယ်လို့ Samsung ကုမ္ပဏီက ထုတ်ပြန်တဲ့ကြေငြာချက်ထဲမှာ ပြောထားပါတယ်။

တယ်လီဖုန်းကို စစ်ဆေးကြည့်ရှုပြီးတာနဲ့ ဘာကြောင့်ဖြစ်တာလဲဆိုတာကို ကျနော်တို့ ထပ်ပြီးပြောပြသွားနိုင်မှာဖြစ်တယ်လို့လည်း ကုမ္ပဏီက ပြောပါတယ်။ Sarah Green ဆိုသူ အမျိုးသမီးက အဲဒီဖုန်းဟာ သူမခင်ပွန်း Brian ရဲ့ ဖုန်းဖြစ်တယ်လို့ Louisville မြို့The Courier-Journal ကို ပြောပါတယ်။

လေယာဉ်က မထွက်ခင် ဂိတ်မှာရပ်ထားတဲ့အချိန်မှာ ဖုန်းကိုပိတ်ထားပေမယ့်၊ ဖုန်းကနေမီးခိုးတွေထွက်ပြီး၊ အချက်ပေးသံတွေထွက်လာတာ ဖြစ်တယ်လို့ Ms. Green က ပြောပါတယ်။ Galaxy Note 7 ဖုန်း ဒါဇင်နဲ့ချီပြီး၊ ဘတ္ထရီ အရမ်းပူတဲ့ပြဿနာတွေ ရှိတယ်လို့ သတင်းတွေထွက်ပြီးတဲ့နောက်၊ Samsung က ပြီးခဲ့တဲ့ စက်တင်ဘာလမှာ Galaxy Note 7 ဖုန်းတွေကို ကုမ္ပဏီကို ပြန်အပ်ဖို့ သဘောတူခဲ့တာဖြစ်ပါတယ်။

သူမခင်ပွန်းရဲ့ ဖုန်းကို ပြန်အပ်ဖို့အကြောင်းကြားခဲ့ပြီး၊ လွန်ခဲ့တဲ့ ၂ ပတ်လောက်က ဖုန်းအသစ်တလုံးရခဲ့တယ်လို့ Green က ပြောပါတယ်။၊ ဒါပေမဲ့ ကုမ္ပဏီကတော့ အခုမီးလောင်တဲ့ဖုန်းဟာ ဘယ် Model ဆိုတာ အတည်မပြုနိုင်သေးဘူးလို့ဆိုပါတယ်။ လေကြောင်းလိုင်းတွေကတော့ မီးခိုး ပြဿနာတွေကြောင့် Samsung ဖုန်းတွေကို လေယာဉ်ထဲမှာအသုံးမပြုဖို့ ပြီးတော့ ခရီးသွားအိတ်တွေမထည့်ဖို့လည်း သတိပေးချက်ထုတ်ပြန်ထားပါတယ်။

 ဗွီအိုအေ (မြန်မာပိုင်း)
http://burmese.voanews.com



Matthew ဟာရီကိန်းမုန်တိုင်း ဖလော်ရီဒါကို ဦးတည်နေ
Atlantic သမုဒ္ဒရာထဲက Bahamas ကျွန်းစုမြောက်ပိုင်းကို ဒီနေ့ ဖြတ်သန်းတိုက်ခတ်လာတဲ့ Matthew Hurricane မုန်တိုင်းဟာ အားကောင်းလာပြီး အမေရိကန်ပြည်ထောင်စုအရှေ့တောင်ပိုင်း Florida ပြည်နယ်ကို ဦးတည်လာနေပြီလို့ မိုးလေဝသပညာရှင်တွေက ခန့်မှန်းနေကြပါတယ်။


Matthew မုန်တိုင်းဟာ ဒီနေ့မနက်ပိုင်းမှာ တနာရီ ၁၂၇ မိုင်းနှုံးအထိအရှိန်ပြင်းလာပြီး Andros ကျွန်းနဲ့ Nassau ဒေသကို ဝင်ရောက်တိုက်ခတ်မယ်လို့ အမေရိကန်အမျိုးသားဟာရီကိန်း သုတေသနာဌာနက ပြောပါတယ်။ ဒီမုန်တိုင်းဟာ အန္တရာယ်ပေးလောက်အောင် အင်အားပြင်းလာပြီး မိုးရေချိန် ၈ လက်မနီးပါးအထိရွာသွန်းနိုင်ဖွယ်ရှိတယ်လို့ သတိပေးချက်ထုတ်ပြန်ထားပါတယ်။

သောကြာနေ့ကျရင်Matthew မုန်တိုင်းဟာပြင်းအား အဆင့် ၃ ကနေ ၄ အထိတိုးလာနိုင်ပြီး အမေရိကန် အရှေ့ဘက်ကမ်းခြေရှိ Florida ပြည်နယ်ကိုတိုက်ရိုက်တိုက်ခတ်နိုင်တယ်လို့ မိုးလေဝသဌာနက ခန့်မှန်းထားပါတယ်။ ဒါ့ကြောင့် Florida ပြည်နယ်အုပ်ချုပ်ရေးမှူး Rick Scott က ဒီလိုသေရေးရှင်ရေးတမျှ အန္တရာယ်များတဲ့အခြေအနေမျိုးမှာ ဘေးလွတ်ရာကိုအခုချက်ချင်းတိမ်းရှောင်ကြဖို့ ဆုံးဖြတ်ချက်ချကြပါရန် မနေ့ကကျင်းပတဲ့ သတင်းစာရှင်းလင်းပွဲမှာပြောဆိုလိုက်ပါတယ်။

Florida ပြည်နယ်ကမ်းခြေတကြောမှာနေကြတဲ့ လူဦးရေ ၂ သန်းနီးပါးကို ကိုယ့်ဆုံးဖြတ်ချက်နဲ့ကိုယ် ဒါမှမဟုတ် မရွှေ့မနေရညွှန်ကြားချက်နဲ့ဖြစ်ဖြစ် ဘေးလွတ်ရာကိုတိမ်းရှောင်ကြဖို့ သတိပေးထားပါတယ်။

ဗွီအိုအေ (မြန်မာပိုင်း)
http://burmese.voanews.com


အိမ်အကူမိန်းကလေးနှစ်ဦးအား ညှင်းပန်းနှိပ်စက်မှု၊ ကျွန်ပြုမှုကြောင့် ဖမ်းဆီးအရေးယူခံထားရသော အင်းဝအပ်ချုပ်ဆိုင်ပိုင်ရှင်မိသားစုဝင် ၆ ဦးကို ရန်ကုန် အနောက်ပိုင်းခရိုင်တရားရုံးတွင် ယနေ့ (အောက်တိုဘာ ၆) နံနက် ၁၀နာရီ ၃၀ မိနစ်အချိန်ခန့်က ဒုတိယအကြိမ်မြောက် ရုံးထုတ်ခဲ့သည်။

အိမ်အကူမိန်းကလေးနှစ်ဦးအား ညှင်းပန်းနှိပ်စက်မှုဖြင့် အင်းဝအပ်ချုပ်ဆိုင်မသားစုဝင်များဖြစ်သော ဒေါ်တင်သူဇာ၊ ဦးကိုလတ်၊ တင်မင်းလတ်(ခ)ဖိုက်ဇယ်၊ မစုမွန်လတ်၊ မသီရိလတ်၊ ရာဇာထွန်းတို့ ၆ ဦးကို ဒုတိယရဲမှုးမျိုးသိန်းက တရားလိုပြုလုပ်၍ ၂၀၁၆ ရာဇသတ်ကြီးမှု ၁၁၀ နှင့်အောက်တိုဘာ၆ ရက်နေ့က အနောက်ပိုင်းရိုင်တရားရုံးတွင် ရုံးထုတ်ခဲ့သည်။


ယနေ့ တရားခွင်တွင် တရားသူကြီးက အင်းဝအပ်ချုပ်ဆိုင် ပိုင်ရှင်မိသားစုဝင်များ၏ ရှေ့နေများလာရောက်ခြင်း ရှိ၊ မရှိမေးမြန်းရာ ဦးကိုလတ်နှင့် တင်မင်းလတ်(ခ)ဖိုက်ဇယ်နှစ်ဦးတို့၏ ရှေ့နေနှင့် မသီရိလတ်၏ရှေ့နေများသာ လာရောက်ခဲ့ပြီး၊ ဒေါ်တင်သူဇာ၊စုမွန်လတ်၊ရာဇာထွန်းတို့၏ ရှေ့နေများမလာရောက်ဖြစ်သေးကြောင်းတင်ပြခဲ့ရာ၊ ခရိုင်တရားသူကြီးမှ ယခုဆွဲဆိုထားသော ပုဒ်မ ၂၉သညကြီးလေးသော ပုဒ်မဖြစ်သဖြင့် တရားခံများအနေဖြင့် ကိုယ်တိုင်ရှေ့နေငှားရန် အကယ်၍ မငှားနိုင်ပါက နိုင်ငံတော်မှ ငှားပေးမည်ဖြစ်ကြောင်း ပြောကြားခဲ့သည်။

“ ဒီအမှုက ပြစ်ဒဏ်ကြီးတဲ့အတွတ် အမှုသည်က ရှေ့နေမငှားနိုင်ရင် နိုင်ငံတော်က ငှားပေးရတယ်၊ အင်းဝအပ်ချုပ်ဆိုင်ပိုင်ရှင် မိသားစုဝင်တွေက သူတို့အစီစဉ်နဲ့ သူတို့ ရှိတဲ့အတွတ် ရှေ့နေမစုံသေးတဲ့
အတွတ်ပြန်ချိန်းတာပါဟု” ဦးကိုလတ်နှင့်တင်မင်းလတ်(ခ)ဖိုက်ဇယ်တို့ ၏ ရှေ့နေဖြစ်သော တရားလွှတ်တော်ရှေ့နေဦးမျိုးညွှန့်က News Watch သို့ပြောကြားသည်။

အမှုကို အောက်တိုဘာ ၁၃ရက်နေ့သို့ထပ်မံချိန်းဆိုထားကြောင်းသိရသည်။

မင်းဇာနည်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal



အိမ်အကူကလေး နှစ်ဦး ညှဉ်းပန်းနှိပ်စက်ခံရတဲ့ကိစ္စနဲ့ ပတ်သက်ပြီး မြန်မာနိုင်ငံ လူ့အခွင့်အရေးကော်မရှင်ရဲ့ သတင်းစာ ရှင်းလင်းပွဲမှာ ကော်မရှင်အဖွဲ့ဝင် ဒေါ်မြမြ၊ ဦးဇော်ဝင်းနဲ့ ဒေါက်တာဥာဏ်ဇော် တို့ကို စက်တင်ဘာလ ၂၁ ရက်နေ့က တွေ့ရစဉ်။ Photo: Kyaw Zaw Win/ RFA
မြန်မာနိုင်ငံ လူ့အခွင့်အရေးကော်မရှင် အဖွဲ့ဝင် ၄ ဦးကို နှုတ်ထွက်ခွင့်ပြုလိုက်ကြောင်း နိုင်ငံတော်သမ္မတက ဒီကနေ့ အမိန့်ထုတ်ပြန်ုလိုက်ပါတယ်။

လူ့အခွင့်အရေးကော်မရှင် အဖွဲ့ဝင်တွေဖြစ်တဲ့ ဦးဇော်ဝင်း၊ ဒေါက်တာ ဉာဏ်ဇော်၊ ဒေါက်တာ ဒေါ်သန်းနွဲ့နဲ့ ဒေါ်မြမြ တို့ ၄ ဦးကို နှုတ်ထွက်ခွင့်ပြုလိုက်တာ ဖြစ်ပါတယ်။

အင်းဝအုပ်ချုပ်ဆိုင်က အိမ်အကူ မိန်းကလေး ၂ ယောက်ကို ညှဉ်းပန်းနှိပ်စက်ခဲ့တဲ့ကိစ္စနဲ့ ပတ်သက်ပြီး  ပြည်သူ့ လွှတ်တော် ကိုယ်စားလှယ် ဦးဌေးဝင်းအောင် (ခ) ဦးပြုံးချို က လူ့အခွင့်အရေး ချိုးဖောက်ခံရမှုတွေကို အကာအကွယ်မပေးခဲ့တဲ့ မြန်မာနိုင်ငံ အမျိုးသား လူ့အခွင့်အရေးကော်မရှင်အဖွဲ့ဝင်အချို့ကို ထိရောက်စွာ အရေးယူပေးဖို့ တိုက်တွန်းခဲ့တာပါ။

အဲဒီအဆိုကို ပြည်သူ့လွှတ်တော်မှာ ပြီးခဲ့တဲ့ စက်တင်ဘာလ နောက်ဆုံးပတ်က အတည်ပြုခဲ့တာပါ။

ဒါ့အပြင် အရပ်ဘက်အဖွဲ့အစည်းတွေကလည်း အမျိုးသား လူ့အခွင့်အရေးကော်မရှင် အဖွဲ့ဝင်တွေ နှုတ်ထွက်ပေးဖို့ အတွက် လက်မှတ်တွေကောက်ခံပြီး နိုင်ငံတော်သမ္မတထံ တင်ပြခဲ့ပါတယ်။

မြန်မာနိုင်ငံ အမျိုးသား လူ့အခွင့်အရေးကော်မရှင်ဟာ အင်းဝ အပ်ချုပ်ဆိုင်ပိုင်ရှင်တွေက အိမ်အကူ မိန်းကလေး ၂ ယောက်ကို ညှဉ်းပန်းနှိပ်စက်ခဲ့တဲ့ကိစ္စမှာ နစ်နာကြေးအနေနဲ့ ၂ ယောက်ပေါင်း ငွေကျပ်သိန်း ၅၀ နဲ့ ကျေအေးပေးဖို့ ကြားဝင်ညှိနှိုင်းပေးခဲ့တာ ဖြစ်ပါတယ်။

အိမ်အကူမိန်းကလေး ၂ ယောက်ကို ညှဉ်းပန်းနှိပ်စက်ခဲ့တဲ့ အင်းဝအပ်ချုပ်ဆိုင်ပိုင်ရှင် မိသားစု ၆ ဦးလုံး ကို ကျောက်တံတားမြို့နယ် ရဲစခန်းမှာ လူကုန်ကူးမှု တားဆီးကာကွယ်ရေး ဥပဒေပုဒ်မ ၂၉/၂၄/၃၂၊ (ပ) ၂၀၁/ ၂၀၁၆၊ ရာဇသတ်ကြီး ပုဒ်မ ၃၂၆/၃၂၅/၃၄၄/၁၁၄ နဲ့ ကလေးသူငယ် ဥပဒေပုဒ်မ - ၆၆(ဃ)တို့နဲ့ ရဲတပ်ဖွဲ့က တရားစွဲဆိုထားပါတယ်။

RFA Burmese
http://www.rfa.org/burmese


ခရိုင်၊ မြို့နယ် အထွေထွေအုပ်ချုပ်ရေးဦးစီးဌာနတွေ အနေနဲ့ ပွဲလမ်းသဘင်တွေကို အကြောင်းပြ ပြီး ငွေကြေးကောက်ခံတာတွေနဲ့ လာဘ်ပေးလာဘ်ယူမှုတွေရှိရင် အရေးယူသွားမှာဖြစ်ကြောင်း ပြည်ထဲရေး ဝန်ကြီးဌာန ဒုတိယဝန်ကြီး ဗိုလ်ချုပ်အောင်စိုးက ပြည်သူ့လွှတ်တော်မှာ မေးခွန်းမေးတာကို ဖြေကြားပါတယ်။

ရွှေဘိုမြို့နယ် မဲဆန္ဒနယ် ပြည်သူ့လွှတ်တော်ကိုယ်စားလှယ် ဒေါက်တာအေဇင်လတ်က ဆယ့်နှစ်လရာသီ ပွဲတော်တွေနဲ့ ပတ်သက်ပြီး မေးခွန်းမေးရာမှာ ပွဲလမ်းသဘင်တွေအတွက် အလှူငွေကောက်ရာမှာ အကတိ လိုက်စားမှုတွေ ဖြစ်နုိုင်ကြောင်း ဆွေးနွေးရာမှာ ပြည်ထဲရေးဒုတိယ ဝန်ကြီး ဗိုလ်ချုပ်အောင်စိုးက ဖြေဆိုခဲ့တာပါ။

ရာသီအလိုက်ပွဲတော်တွေ နိုင်ငံတော်အထိမ်းအမှတ် ပွဲတွေကျင်းပဖို့ရာ သီးသန့်ရန်ပုံငွေမရှိတဲ့အတွက် ဌာနဆိုင်ရာ ဝန်ထမ်းတွေထံကနေ အချိုးကျအလှူငွေကောက်ခံသလို လုပ်ငန်းရှင်တွေထံကနေ အလှူငွေကောက်ခံပြီး လုပ်ဆောင်ရတာကြောင့် အဂတိလိုက်စားမှုတွေဖြစ်ပေါ်စေကြောင်း ဒေါက်တာအေဇင်လတ်က ဆွေးနွေးခဲ့ တာဖြစ်ပါတယ်။

ပြည်ထဲရေးဝန်ကြီးဌာနအနေနဲ့ သက်ဆိုင်ရာ ခရိုင်၊ မြို့နယ်အထွေထွေအုပ်ချုပ်ရေးဦးစီးဌာနတွေကို ပွဲလမ်း သဘင်တွေ ကျင်းပဖို့အတွက် တာဝန်ပေးအပ်ထားခြင်းမရှိသလို ဒေသခံစီးပွားရေးလုပ်ငန်းရှင် တွေထံကနေ အလှူငွေကောက်ခံခြင်းတွေ လုပ်ဆောင်ဖို့ ခွင့်ပြုထားခြင်းမရှိကြောင်းလည်း ဗိုလ်ချုပ် အောင်စိုးက ရှင်းပြခဲ့ ပါတယ်။

RFA Burmese
http://www.rfa.org/burmese



ဘီယာခွက်များကိုတွေ့ရစဉ် (ဆင်ဟွာ)
    နေပြည်တော်၊ အောက်တိုဘာ ၆ ရက် (ဆင်ဟွာ)

    အသက် ၁၈ နှစ် မပြည့်သူများအား အရက်ရောင်းချခြင်း နှင့် တရားမ၀င် အရက်ဆိုင်များကို အလေးအနက်ထား စိစစ် ကြပ်မတ် အရေးယူမည်ဟု ပြည်ထဲရေးဝန်ကြီးဌာန ဒုတိယ ၀န်ကြီး ဗိုလ်ချုပ် အောင်စိုးက ယနေ့ ပြည်သူ့  လွှတ်တော် အစည်းအဝေးတွင် ပြောခဲ့သည်။

“ယစ်မျိုးဥပဒေမှာလည်း ဒီအချက်တွေကို ပြဌာန်းထားပြီး ဖြစ်ပါတယ်၊ အသက် ၁၈ နှစ် မပြည့်သူများအား အရက်ရောင်းခြင်းနဲ့ တရားမ၀င် အရက်ဆိုင်များ ဖွင့်လှစ်ရောင်းချမှု မရှိစေရေးအတွက် သက်ဆိုင်ရာ တိုင်းဒေသကြီး ပြည်နယ် အစိုးရတွေက ခရိုင်အဆင့် မြို့ နယ် အဆင့်တွေအထိ အဆင့်ဆင့် ဖွဲ့ စည်းထားတဲ့ စိစစ် ကြပ်မတ်ရေး အဖွဲ့ (Task Force) တွေက အလေးအနက်ထား စိစစ် ကြပ်မတ်နိုင်ရေး အလေးထား ဆောင်ရွက် သွားပါမယ်” ဟု ၎င်းက ပြောခဲ့သည်။ပွင့်ဖြူ မဲဆန္ဒနယ် ပြည်သူ့ လွှတ်တော် ကိုယ်စားလှယ် ဦးထွန်းထွန်း၏ “စံချိန် စံညွှန်း မပြည့်မီသော အရက်များ ထုတ်လုပ် ရောင်းချခြင်းနှင့် တရားမ၀င် အရက်ဆိုင်၊ ထန်းရည်ဆိုင်များကို ဥပဒေနှင့် အညီ အရေးယူ ဆောင်ရွက်ရန် အစီအစဉ် ရှိ မရှိ” ဟူသည့် မေးခွန်းကို ဖြေကြားရာတွင် ပြောခြဲ့ခင်း ဖြစ်သည်။

ယစ်မျိုးဆိုင်ရာ စီမံခန့် ခွဲမှုများ ဆောင်ရွက်ရာတွင် နိုင်ငံတော်အတွက် ရသင့်ရထိုက်သည့် အခွန်များ အပြည့်အ၀ ရရှိစေရန်၊ လိုင်စင်မဲ့ ဆောင်ရွက်မှုများအား ဥပဒေနှင့်အညီ အရေးယူစနစ်တကျ အရေးယူနိုင်ရန် အတွက် ယစ်မျိုးလိုင်စင်များ တိုးမြှင့်ကောက်ခံရေးနှင့် စိစစ် ကြပ်မတ်ရေးအဖွဲ့  (Task Force) ဖွဲ့ စည်းဆောင်ရွက်ခဲ့ကြောင်း၊ စိစစ် ကြပ်မတ်ရေး အဖွဲ့ (Task Force) များက အရေးယူ ဆောင်ရွက်ခဲ့ရာ ၂၀၁၄ ခုနှစ်တွင် ၁၇၆၈၇ မှု၊ ၂၀၁၅ ခုနှစ်တွင် ၁၉၃၈၉ မှုနှင့် ၂၀၁၆ နှစ်ဆန်းမှ သြဂုတ်လကုန်အထိ ၆၁၆၁ မှုတို့  ဖမ်းဆီး အရေးယူနိုင်ခဲ့သည်ဟုလည်း ၎င်းက ဖြည့်စွက် ပြောခဲ့သည်။

အရက်၊ ဘီယာနှင့် ၀ိုင်များ ထုတ်လုပ်ရောင်းချရာတွင် စံချိန် စံညွှန်း မီပြီး အန္တရာယ် မရှိစေရေးအတွက်လည်း စက်မှု ၀န်ကြီးဌာန၊ စက်မှု ကြီးကြပ်ရေးနှင့် စစ်ဆေးရေး ဦးစီး ဌာန အနေဖြင့် အဆင့်ဆင့် စစ်ဆေး ထောက်ခံချက်များ ရရှိမှသာ အရက်ချက် စက်ရုံများအား နှစ်စဉ် သက်တမ်း တိုးခွင့်ပြုကြောင်း၊ သက်ဆိုင်ရာ ခရိုင် အထွေထွေ အုပ်ချုပ်ရေး ဦးစီးဌာနများကလည်း ဓာတုဗေဒ၀န်ရုံး၊ အစားအသောက်နှင့် ဆေးဝါး ကွပ်ကဲရေး ဦးစီးဌာနတို့ တွင် စစ်ဆေးမှု ခံယူစေပြီး ထောက်ခံချက် ရရှိမှသာ သက်ဆိုင်ရာ ယစ်မျိုးလိုင်စင်များ ခွင့်ပြုပေးလျက်ရှိကြောင်း ၀န်ကြီးက ဖြေကြားခဲ့သည်။

(Xinhua)
http://www.xinhuamyanmar.com



ပြည်ထဲရေးဝန်ကြီးဌာန ဒုတိယ ဝန်ကြီး ဗိုလ်ချုပ် အောင်စိုး ဒုတိယ အကြိမ်ပြည်သူ့လွှတ်တော် အစည်းအဝေးတွင် ရှင်းလင်းပြောကြားစဉ် (ဆင်ဟွာ)
    နေပြည်တော်၊ အောက်တိုဘာ ၆ ရက် (ဆင်ဟွာ)

    ပြည်နယ်နှင့် တိုင်းဒေသကြီးများတွင် ဌာနဆိုင်ရာမှ စီစဉ်သည့် ပွဲလမ်း သဘင်များ အကြောင်း ပြပြီး မသမာသည့် ငွေပေးငွေယူမှု၊ လာဘ်ပေး လာဘ်ယူမှုများ ရှိပါက စုံစမ်း ဖော်ထုတ် အရေးယူမည်ဟု ပြည်ထဲရေးဝန်ကြီးဌာန ဒုတိယ ဝန်ကြီး ဗိုလ်ချုပ် အောင်စိုးက ယနေ့ ပြည်သူ့ လွှတ်တော် အစည်းအဝေးတွင် ပြောခဲ့သည်။

“သက်ဆိုင်ရာ မြို့ နယ်၊ ခရိုင်တွေမှာ ပွဲလမ်း သဘင်တွေကို အကြောင်းပြပြီး မသမာတဲ့ ငွေပေးငွေယူမှုတွေ လာဘ်ပေး လာဘ်ယူမှုတွေ ပေါ်ပေါက်လာတယ်ဆိုရင် ပေါ်ပေါက်မှု အပေါ်မှာ ကျွန်တော်တို့ ဝန်ကြီးဌာနက သက်ဆိုင်ရာ တိုင်းဒေသကြီး ပြည်နယ် အစိုးရတွေနဲ့ ပေါင်းစပ် ညှိနှိုင်းပြီး လိုအပ်တဲ့ စုံစမ်း စစ်ဆေးမှုတွေနဲ့  လိုအပ်တဲ့ အရေးယူ ဆောင်ရွက်မှုတွေကို ဆက်လက် ပြုလုပ်သွားပါမယ်” ဟု ၎င်းက ပြောခဲ့သည်။

ရွှေဘို မဲဆန္ဒနယ် ပြည်သူ့ လွှတ်တော် ကိုယ်စားလှယ် ဒေါက်တာ အေဇင်လတ်၏ “ အထွေထွေ အုပ်ချုပ်ရေး ဦးစီး ဌာနများ အနေဖြင့် ၁၂ လ ရာသီ ရိုးရာ ပွဲတော်များ၊ နိုင်ငံတော် အထိမ်းအမှတ် အခမ်းအနား ပွဲများနှင့် ဒေသတွင်း အားကစား ပြိုင်ပွဲတို့ အတွက် ဒေသရှိ ဌာနဆိုင်ရာများတွင် ခွဲတမ်းချ လုပ်ကိုင်ခြင်း၊ ဒေသရှိ စီးပွားရေး လုပ်ငန်းရှင်များထံမှ အလှူငွေ ကောက်ခံပြီး ကျင်းပ ပြုလုပ်နေခြင်းများကို ရပ်ဆိုင်း၍ သက်ဆိုင်ရာ ဝန်ကြီးဌာနများက သီးသန့် ရန်ပုံငွေ တစ်ရပ် ထူထောင်ပြီး ကျင်းပ ဆောင်ရွက်ရန် အစီအစဉ် ရှိ မရှိ” ဟူသည့် မေးခွန်းကို ပြည်ထဲရေး ဝန်ကြီးဌာန ကိုယ်စား ဖြေကြားရာတွင် ပြောခဲ့ခြင်းဖြစ်သည်။

ရွှေဘို မဲဆန္ဒနယ် ပြည်သူ့ လွှတ်တော် ကိုယ်စားလှယ် ဒေါက်တာ အေဇင်လတ် ဒုတိယ အကြိမ်ပြည်သူ့လွှတ်တော် အစည်းအဝေးတွင် မေးခွန်းမေးမြန်းစဉ် (ဆင်ဟွာ)
ဒေါက်တာ အေဇင်လတ်က အကျင့်ပျက် ခြစားမှုများကို ပပျောက်ရေး အတွက် အထောက်အကူပြုစေလိုသဖြင့် အဆိုပါ မေးခွန်းကို မေးရခြင်းဖြစ်ကြောင်း ရှင်းပြခဲ့ပြီး “ဒီလို ပွဲတွေအတွက် ဒေသတွင်းမှာရှိတဲ့ ဝန်ထမ်းတွေ ဆီက အလှူငွေ ကောက်ခံတာပဲ ဖြစ်စေ ဒေသတွင်းက လုပ်ငန်းရှင်တွေ၊ စီးပွားရေးသမားတွေက အလှူငွေတွေ ထည့်ဝင်တာပဲဖြစ်စေ အဲဒီငွေတွေနဲ့ ဆောင်ရွက်နေကြတာ အတော် ကြာခဲ့ပါပြီ။ ဒီလို ဆောင်ရွက်တဲ့အခါ ဝန်ထမ်းတွေ အတွက် ဝန်ထုပ်ဝန်ပိုးလည်း ဖြစ်စေသလို အဂတိတရား မကင်းတဲ့ အခြေအနေကိုလည်း ဖန်တီး ပေးထားသလို ဖြစ်နေပါတယ်” ဟု လွှတ်တော်သို့ ပြောခဲ့သည်။

အဆိုပါ အလှူငွေများကို အကြောင်းပြုဝပြီး စီးပွားရေး လုပ်ငန်းရှင်များက ဝန်ထမ်းများ၏ တာဝန်နှင့် လုပ်ပိုင်ခွင့် အပေါ် ပါဝင် စွက်ဖက်မှုများလည်း ရှိလာနိုင်သည်ဟု သူမက ထောက်ပြ မေးမြန်းခဲ့ခြင်းကို ပြည်ထဲရေး ဝန်ကြီး ဌာန ဒုတိယ ဝန်ကြီးက ဖြေကြားခဲ့ခြင်း ဖြစ်သည်။

နေပြည်တော်ကောင်စီ၊ သက်ဆိုင်ရာ တိုင်းဒေသကြီး ပြည်နယ် အစိုးရ နှင့် ကိုယ်ပိုင်အုပ်ချုပ်ခွင့်ရ တိုင်း၊ သို့မဟုတ် ကိုယ်ပိုင် အုပ်ချုပ်ခွင့်ရ ဒေသဦးစီး အဖွဲ့ တို့က ဖြစ်စေ ယင်းတို့၏ တာဝန်ပေးချက်အရ အစိုးရဌာန၊ အဖွဲ့ အစည်းများက ဖြစ်စေ ဦးစီး ကျင်းပသည့် အခမ်းအနားများ၊ ပွဲလမ်း သဘင်များ၊ သရုပ်ဖော် ပြပွဲများ၊ ပြိုင်ပွဲများနှင့် အခြား ဖျော်ဖြေပွဲများကို ကျင်းပခြင်း ဖြစ်ပါက နေပြည်တော်ကောင်စီ၊ သက်ဆိုင်ရာ တိုင်းဒေသကြီး ပြည်နယ် အစိုးရနှင့် ကိုယ်ပိုင်အုပ်ချုပ်ခွင့်ရ တိုင်း၊ သို့မဟုတ် ကိုယ်ပိုင် အုပ်ချုပ်ခွင့်ရ ဒေသဦးစီး အဖွဲ့တို့ က သတ်မှတ်ထားသည့် စည်းကမ်းများနှင့် ညီညွတ်စေရန် ခရိုင်၊ မြို့ နယ် အုပ်ချုပ်ရေးမှူးများက ကြပ်မတ် ထိန်းသိမ်းရေး အတွက် သက်ဆိုင်ရာ ဌာန၊ အဖွဲ့ အစည်းများနှင့် ညှိနှိုင်း ဆောင်ရွက်သည်ဟုလည်း ဝန်ကြီးက ရှင်းပြသည်။

“ပြည်ထဲရေးဝန်ကြီးဌာနအနေနဲ့  ခရိုင်၊ မြို့နယ် အထွေထွေ အုပ်ချုပ်ရေး ဦးစီးဌာနတွေကို အဆိုပါ ပွဲလမ်း သဘင်များ ကျင်းပနိုင်ရေးအတွက် ဒေသရှိ ဌာနဆိုင်ရာ များကို ခွဲတမ်းချ အလှူခံခြင်း၊ ဒေသခံ စီးပွားရေး လုပ်ငန်းရှင်များကို အလှူငွေ ကောက်ခံခြင်းတို့ အား လုပ်ဆောင်ခွင့် ပြုမထားကြောင်းနဲ့ အဆိုပါ လုပ်ငန်းများ အောင်မြင် ချောမွေ့ ရေးမှာ သက်ဆိုင်ရာ တိုင်းဒေသကြီးနှင့် ပြည်နယ် အစိုးရအဖွဲ့ က စီမံ ဆောင်ရွက်ရမည့် ကိစ္စများသာ ဖြစ်ပါတယ်” ဟုလည်း ဗိုလ်ချုပ် အောင်စိုးက ပြောခဲ့သည်။

 (Xinhua)
http://www.xinhuamyanmar.com



အကြမ်းဖက်မှု ကာကွယ်ရန် ရန်ကုန်မြို့အတွင်း ကင်းလှည့်နေသော ရဲကားများအား တွေ့ရစဉ် (ဓာတ်ပုံ-ဆင်ဟွာ)
    နေပြည်တော်၊ အောက်တိုဘာ ၆ ရက် (ဆင်ဟွာ)

    မြန်မာနိုင်ငံရှိ အရေးကြီး နေရာများတွင် CCTV များ တပ်ဆင် စောင့်ကြည့် နိုင်ရေးအတွက် Police Command Centre များ ဖွင့်လှစ် ထားရှိပြီး ရန်ကုန်မြို့တွင် ဆက်လက် ဖွင့်လှစ်ရန်လည်း စီမံ ဆောင်ရွက်လျက် ရှိသည်ဟု ပြည်ထဲရေး ဝန်ကြီးဌာန ဒုတိယ ဝန်ကြီး ဗိုလ်ချုပ် အောင်စိုးက ယနေ့ ပြည်သူ့ လွှတ်တော် အစည်းအဝေးတွင် ပြောခဲ့သည်။

“အကြမ်းဖက်သမားများကို စောင့်ကြည့်နိုင်ရန် အပြည်ပြည်ဆိုင်ရာ လေဆိပ်များရှိ အရေးကြီးနေရာများတွင် CCTV များ တပ်ဆင် စောင့်ကြည့် နိုင်ရေးအတွက် Police Command Centre များ ဖွင့်လှစ် ထားရှိပြီး ရန်ကုန်မြို့တွင် ဆက်လက် ဖွင့်လှစ်ရန်လည်း စီမံ ဆောင်ရွက်လျက် ရှိပါတယ်၊ လေကြောင်းရဲတပ်ဖွဲ့ ကလည်း လေဆိပ်တွေမှာ ခေတ်မီ နည်းပညာသုံး လုံခြုံရေးဆိုင်ရာ အထောက်အကူ ပစ္စည်းများ တပ်ဆင်၍ ၂၄ နာရီ တာဝန်ချထား စစ်ဆေးခြင်းများ ဆောင်ရွက်လျက် ရှိပါတယ်” ဟု ၎င်းက ပြောခဲ့သည်။

ရှမ်းပြည်နယ် မြောက်ပိုင်း မက်မန်း မဲဆန္ဒနယ် ပြည်သူ့ လွှတ်တော် ကိုယ်စားလှယ် ဦးတင်အေး၏ “ ကမ္ဘာ့ နိုင်ငံများ၌ အစွန်းရောက် အကြမ်းဖက် တိုက်ခိုက်မှုများ ကြုံတွေ့ နေရပါသဖြင့် မြန်မာနိုင်ငံ ပြည်သူများ ဘေးကင်း လုံခြုံရေးအတွက် မည်သို့ စီစဉ်ထားသနည်း” ဟူသည့် မေးခွန်းကို ပြည်ထဲရေး ဝန်ကြီးဌာနက ပြန်လည် ဖြေကြားရာတွင် ၎င်းက ပြောခဲ့ခြင်း ဖြစ်သည်။

မြန်မာနိုင်ငံသည် အကြမ်းဖက်မှု တိုက်ဖျက်ရေး နှင့် ဆက်စပ်သည့် ကိစ္စအားလုံးတွင် ဒေသတွင်း၊ နိုင်ငံတကာ အဖွဲ့ အစည်းများနှင့် တက်ကြွစွာ ပူးပေါင်း ဆောင်ရွက်လျက်ရှိရာ အကြမ်းဖက်မှု တိုက်ဖျက်ရေး ကော်မတီ (CTC:_ Counter Terrorism committee) ၏ အဖွဲ့ဝင် နိုင်ငံလည်း ဖြစ်ပြီး အပြည်ပြည်ဆိုင်ရာ အကြမ်းဖက်မှု တိုက်ဖျက်ရေး ကွန်ဗင်းရှင်းများတွင် လက်မှတ် ရေးထိုးထားသည့် နိုင်ငံလည်း ဖြစ်သည်။

မြန်မာနိုင်ငံအနေဖြင့် အကြမ်းဖက် တိုက်ခိုက်မှုကို ထိရောက်စွာ ကြိုတင် ကာကွယ်ရေး အစီအစဉ် ၁၄ ခုတို့ကို ဆောင်ရွက်လျက်ရှိပြီး အရေးကြီး နေရာများတွင် Police Command Centre များ ထားရှိခြင်းသည် တစ်ခု အပါအဝင် ဖြစ်သည်။

အကြမ်းဖက်မှု ဖြစ်ပွားပါက အမြန်ဆုံး တုံ့ ပြန် ဆောင်ရွက်ရေးအတွက် သတင်းရဲတပ်ဖွဲ့ တွင် အကြမ်းဖက်မှု တိုက်ဖျက်ရေး ဌာန အဖြစ် ဖွဲ့စည်း ပြင်ဆင် လေ့ကျင့်ထားခြင်း၊ နေပြည်တော်၊ ရန်ကုန်၊ မန္တလေး ကဲ့သို့  အရေးကြီး ဒေသများတွင် အကြမ်းဖက် နှိမ်နင်းရေး အထူးတပ်ဖွဲ့ များ တာဝန်ချထားခြင်း၊ အရေးကြီး အဆောက်အအုံများ၊ တံတားများ၊ စက်ရုံများတွင် လုံခြုံရေး စီမံချက်များဖြင့် တာဝန်ချထားခြင်း၊ နိုင်ငံတကာ အကြမ်းဖက်မှု သတင်းများကို အချိန်နှင့် တပြေးညီ သိအောင် ပြုလုပ်၍ စိစစ် သုံးသပ်လျက် ကြိုတင် ကာကွယ်ရေး အစီအမံများ ဆောင်ရွက်ခြင်း၊ အကြမ်းဖက်မှုကို အချိန်နှင့် တပြေးညီ တုံ့ ပြန်နိုင်ရန် အမျိုးသား အဆင့် အရေးပေါ် စီမံ ခန့် ခွဲရေး ဗဟိုဌာန ထူထောင်ထားပြီး ယူရို ၁၀ သန်းတန်ဖိုးရှိ အဆင့်မြင့် အထောက်အကူပြု ပစ္စည်းများ တပ်ဆင် အသုံးပြုထားခြင်း၊ အရေးပေါ် စီမံခန့် ခွဲရေး ကော်မတီများကို ဗဟို အဆင့်မှ မြို့နယ် အဆင့်ထိ ဖွဲ့ စည်းထားခြင်း၊ အကြမ်းဖက် လုပ်ရပ်များ၏ အရင်းအမြစ်ဖြစ်သည့် ငွေကြေး ခဝါချမှုများ တိုက်ဖျက်ရန် ဥပဒေ ပြဌာန်းမှု အပါအဝင် ဆက်စပ် လုပ်ငန်းများကို အဖွဲ့ များဖွဲ့ စည်း ဆောင်ရွက်ခြင်း၊ Interpol, Aseanapol နှင့် မိတ်ဖက် အဖွဲ့ အစည်းများနှင့် ချိတ်ဆက် ဆောင်ရွက်လျက်ရှိခြင်း စသည့် ကြိုတင် ကာကွယ်ရေး အစီအစဉ်များကိုလည်း ပြည်ထဲရေး ဒုတိယ ဝန်ကြီးက ရှင်းပြခဲ့သည်။

“စောင့်ကြည့် စစ်ဆေး နေရာတွေက ရရှိတဲ့ သတင်းအချက်အလက်တွေပေါ် မူတည်ပြီး အကြမ်းဖက် သမားတို့ ၏ တိုက်ခိုက်မှု အန္တရာယ် အခြေအနေ၊ အကြမ်းဖက် သမားတို့ ၏ အဆင့်အတန်း အခြေအနေတွေ ကို နိုင်ငံတကာ သတ်မှတ်ချက် စံနှုန်းတွေနဲ့ အညီ - အစိမ်းရောင် - သာမန် အဆင့်(၅)၊ အပြာရောင် - စောင့်ကြည့် အဆင့် (၄)၊ အဝါရောင် - အဆင့်မြင့် အခြေအနေ အဆင့် (၃)၊ လိမ္မော်ရောင် - အမြင့်ဆုံး အဆင့် (၂)၊  အနီရောင် - အဆိုးဆုံး အခြေအနေ အဆင့် (၁) အဖြစ် သတ်မှတ် ဆောင်ရွက်လျက် ရှိပါတယ်” ဟုလည်း ဗိုလ်ချုပ် အောင်စိုးက ဖြည့်စွက်ပြောခဲ့သည်။

ထို့အပြင် မြန်မာနိုင်ငံတွင် အကြမ်းဖက်မှုနှင့် ပတ်သက်ပြီး အရေးယူ ဆောင်ရွက်နိုင်ရန် ၁၈၆၁ ခုနှစ် ရာဇသတ်ကြီး ဥပဒေ၊ ၁၈၇၈ ခုနှစ် လက်နက် ဥပဒေ၊ ၁၉၀၈ ခုနှစ် မတရားအသင်း အက်ဥပဒေ၊ ၁၉၅၁ ခုနှစ် လက်နက် ယာယီ ပြင်ဆင်မှု အက်ဥပဒေများ ရှိထားပြီး ဖြစ်ကြောင်း သိရသည်။

(Xinhua)
http://www.xinhuamyanmar.com


နေပြည်တော် ဇေယျာသီရိမြို့နယ်၊ ကျွန်းရောင်းကျေးရွာအုပ်စု၊ လေသာ (တောင်) ရွာနေ ဦးဌေးမြင့်နှင့် ဦးအောင်မြင့်သန်းတို့နှစ်ဦးသည် ပြီးခဲ့သော စက်တင်ဘာ ၂၂ ရက်နေ့ည ၁၁ နာရီအချိန်ခန့်က လေသာ-ရေဆင်းလမ်းမကြီးပေါ်တွင် နိုင်ငံတော်၏အတိုင်ပင်ခံပုဂ္ဂိုလ်ကို မကြားဝံ့မနာသာ အော်ဟစ်ဆဲဆိုခဲ့သည်ဟုဆိုကာ ဇေယျာသီရိမြို့နယ် အမျိုးသားဒီမိုကရေစီအဖွဲ့ချုပ် ဥက္ကဋ္ဌ ဦးသက်ထွေးက နေပြည်တော် ရေဆင်းမြို့နယ်ရဲစခန်းသို့ ဥပဒေအရ အရေးယူပေးပါရန် အောက်တိုဘာ ၅ ရက်နေ့က တိုင်ကြားခဲ့ကြောင်း သိရသည်။

ဖြစ်စဉ်မှာ စက်တင်ဘာ ၂၂ ရက်ည ၁၁ နာရီအချိန်တွင် ဦးဌေးမြင့်နှင့် ဦးအောင်မြင့်သန်းတို့နှစ်ဦးသည် အရက်မူးပြီး နိုင်ငံတော်၏ အတိုင်ပင်ခံပုဂ္ဂိုလ်ကို ‘ဒီ အဖွားကြီးတက်လာမှ ကုန်ဈေးနှုန်းတွေ တက်တယ်၊ တတိုင်းပြည် လုံးမွဲနေတာ ဒီအဖွားကြီးကြောင့်’ စသည့်ပြောဆိုမှုများအပါအ၀င် မကြားဝံ့မနာသာ ညစ်ညမ်းစွာဆဲဆိုခြင်း၊ အကြိမ်ကြိမ်အခါခါ အော်ဟစ်ပြောဆိုခြင်းများ ပြုလုပ်ခဲ့သည်ဟု ဦးသက်ထွေး၏တိုင်ကြားချက်တွင် ပါရှိသည်။

အဆိုပါ တိုင်ကြားချက်အရ နေပြည်တော်ရေဆင်းရဲတပ်ဖွဲ့စခန်းမှ (ပ) ၁၃၆/၂၀၁၆ ရာဇသတ်ကြီးပုဒ်မ ၂၉၄/ ၅၀၀/၅၀၅ (ခ) ဖြင့် အောက်တိုဘာ ၅ ရက်နေ့တွင် အမှုဖွင့်စစ်ဆေးလျက်ရှိကြောင်း သိရသည်။

''ဖြစ်စဉ်က ကြာသွားပြီး ခုမှလာ တိုင်တယ်ဆိုတော့ တခုခုကြောင့်ပေါ့ဗျာ။ စခန်းမှူးတယောက်အနေနဲ့ လာတိုင်ရင်တော့ ဖွင့်ပေးရတာပေါ့ဗျာ၊ အမှုဖွင့်ခိုင်းတာကို မဖွင့်ရင် အရေးယူခံရမှာလေ၊ သက်သေတွေ အများကြီးစစ်ရဦးမှာပါ၊ စစ်ဆေးဆဲပေါ့ဗျာ'' ဟုရေဆင်းရဲစခန်းမှ စခန်းမှူး ဒု-ရဲအုပ် သန်းအောင်က News Watch သို့ ပြောသည်။

ထွန်း(နေပြည်တော်)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal