10/21/16


အောင်စိုးမိုးကျော်ရေယာဉ်ကိုဆယ်နေပုံ (Myanmar Fire Services Department)
ချင်းတွင်းမြစ်တွင်း လူပေါင်း ၇၀ကျော် အသက်ဆုံးရှုံးခဲ့ရတဲ့ အမြန်ရေယာဉ်နစ်မြုပ်မှုနဲ့ပတ်သက်ပြီး စနစ်တကျ စစ်ဆေးပြီး တာဝန်ရှိသူတွေကို ဖော်ထုတ်အရေးယူ ဆောင်ရွက်သွားမယ်လို့ နိုင်ငံတော်သမ္မတ ဦးထင်ကျော်က မနေ့ကြာသပတေးနေ့က အမိန့်ထုတ်ပြန်လိုက်ပါတယ်။ ကုန်စည်နဲ့ ခရီးသည် ဝန်အားမမျှတမှုကြောင့် အခုလို ချင်းတွင်းမြစ်ထဲ အမြန်ရေယာဉ်နစ်မြုပ်ရတဲ့ အကြောင်းအရင်းနဲ့ ရေကြောင်း သွားလာနေသူတွေ ဘယ်လိုမျိုး ရေဘေးအန္တရာယ်ကာကွယ်ရေး ပညာပေးအသိတွေ သိထားသင့်သလဲ။ အများပြည်သူအသုံးပြုနေတဲ့ ခရီးလမ်းပမ်းသွားလာရေးတွေမှာ အသက်ဘေးကြုံလာရရင် ကာကွယ်နိုင်အောင် ဘယ်လိုစနစ်တကျ ဆောင်ရွက်ထားသင့်သလဲ ဆိုတာကို မဆုမွန်က စုစည်းတင်ပြပေးထားပါတယ်။

စစ်ကိုင်းတိုင်း ဟုမ္မလင်းမြို့ကနေ မုံရွာမြို့ကို ထွက်ခွာလာတဲ့ ချင်းတွင်းမြစ်တွင်းသွား အေးငြိမ်းချမ်းသာ အမြန်မော်တော်ရေယာဉ်လိုင်းက အောင်စိုးမိုးကျော်(၂) အမြန်ရေယာဉ်ဟာ ပြီးခဲ့တဲ့အောက်တိုဘာလ ၁၅ရက်နေ့ မနက် ၅နာရီ ၁၀မိနစ်မှာ စစ်ကိုင်းတိုင်းဒေသကြီး ယင်းမာပင်ခရိုင် ကနီမြို့နယ် ကင်းအုပ်စု မိချောင်းတွင်းကျေးရွာနားမှာ နစ်မြုပ်ခဲ့တာဖြစ်ပါတယ်။ အောက်တိုဘာလ ၂၀ရက်နေ့မှာ ချင်းတွင်းမြစ်ထဲ နစ်မြုပ်သွားတဲ့ ရေယာဉ်ကို အပြီးတိုင်ဆယ်ယူနိုင်ခဲ့သလို သေဆုံးသွားတဲ့ ခရီးသွားပြည်သူ အလောင်းအားလုံး ၇၀ကျော်ကို ဆယ်ယူနိုင်ခဲ့ပြီး ပျောက်ဆုံးသူအချို့ကို ရှာဖွေနေကြဆဲဖြစ်ပါတယ်။

အခုလိုအမြန်ရေယာဉ် နစ်မြုပ်ရတာဟာ ရေယာဉ်ရဲ့ အမှန်တကယ် ဝန်ဆောင်မှုသယ်နိုင်အားထက်ပိုပြီး ကုန်စည်ရော ခရီးသည်ပါ အဆမတန် တင်ခဲ့တာကြောင့် နှစ်မြုပ်ခဲ့တာဖြစ်ပြီး ခရီးသည်တွေ အသက်ဆုံးရှုံးခဲ့ရတာပါ။ သက်ဆိုင်ရာပြည်နယ်တိုင်း အစိုးရအဖွဲ့ တာဝန်ရှိသူတွေနဲ့တကွ ရေကြောင်း သယ်ယူပို့ဆောင်ရေးဝန်ဆောင်မှုလုပ်ငန်း တာဝန်ရှိသူတွေအနေနဲ့ ခရီးသည်တွေရဲ့ အသက်ဘေးအန္တရာယ် လုံခြုံကာကွယ်နိုင်ရေး စနစ်တကျဆောင်ရွက်သင့်တယ်လို့ ဝေဖန်မှုတွေရှိနေပါတယ်။

အမေရိကန်ရောက် မြန်မာတဦးဖြစ်တဲ့ ဦးရွှေထွန်းကတော့ စင်ကာပူအခြေစိုက် အမေရိကန်ကုမ္ပဏီရဲ့ နိုင်ငံတကာခရီးသည်တင် ရေကြောင်းပို့ဆောင်ရေးလုပ်ငန်းခွင်မှာ ခရီးသည်တွေအတွက် အဓိက ဘေးကင်းလုံခြုံရေးဆိုင်ရာတာဝန်ယူလုပ်ကိုင်ခဲ့ရတဲ့ သင်္ဘောဝန်ထမ်းတဦးဖြစ်ပါတယ်။ နိုင်ငံတကာစံနှုန်းတွေအရ ရေကြောင်းသယ်ယူပို့ဆောင်ရေးတွေမှာ ခရီးသည်ရဲ့ဘေးကင်းလုံခြုံရေးက ပထမ အဓိကဖြစ်တယ်။ သူတို့အသက်ဘေးကြုံလာရရင် ဘယ်လိုမျိုး အရေးပေါ် ဆောင်ရွက်ပေးရမယ်ဆိုတဲ့ ကူညီကယ်ဆယ်ရေးလုပ်ငန်းအဆင့်ဆင့်ကို သူ့ရဲ့အတွေ့အကြုံနဲ့ယှဉ်ပြီး အခုလိုရှင်းပြပါတယ်။

“ကျနော်တို့ အခန်း ၁၅ က Passenger တွေကို ကျနော်တို့ တာဝန်ယူရပါတယ်။ Emergency ဖြစ်ရင် ကိုယ့်ခရီးသည်တွေကို အရင်ဆုံး သတိပေးနိုးဆော်တယ်။ အခန်းထဲမှာ နေလို့မရဘူး ထွက်ဆို ထွက် အဲလိုမျိုးပေါ့။ ကျနော်တို့ သဘောင်္ပေါ်မှာ safty first ဆိုတဲ့ ဥပဒေပေါ့လေ ဒီဥပဒေ ဖြစ်တဲ့အတွက် safety တွေကို ၂ ပတ် ၁ ခါလုပ်တယ်။ Group လိုက်ခွဲပြီးတော့ဗျာ ခရီးသည် ဘယ်နှစ်ယောက် ကို ဘယ်နှစ်ယောက်တာဝန်ယူမယ်ဆိုတာတွေ သူ့ Groupနဲ့ သူပေါ့နော်။ ကျနော်က ခုနပြောသလို ကျနော့် Groupမှာက အခန်း ၁၅ က passenger တွေကို ကျနော်က တာဝန်ယူရတယ်။ ကျနော်တို့ Life Jacket ကို မ၀တ်တက်ရင်တောင် ကျနော်ကသူတို့ကို ၀တ်ပေးရတယ်။ ကျနော်တို့ မှာ အဲဒီအထိ တာဝန်ယူပေးရတယ်။ ပြီးတာနဲ့ ကိုယ့်တာဝန်ကျတဲ့ lifeboat မှာ ကျနော်မှတ်မိတယ်၊ lifeboat မှာ ဟိုဘက် ၅ ဦး ဒီဘက် ၅ ဦး ကျနော့ခရီးသည် အကုန် ကျနော်က အဲဒီကို ခေါ်သွားရတယ် သင်္ဘောအရေးပေါ်ဖြစ်လို့ရှိရင် ။ ဘာပဲဖြစ်ဖြစ် အဲဒီလို အရေးပေါ်ဖြစ်လာရင် ကိုယ့်အသက်ကို နောက်မှာထား အရင်ဆုံးခရီးသည်ကို ဖြစ်သမျှအကြောင်းအရင်းကို အရင်ဆုံး ပြောပြပြီးတော့ Captain ရဲ့ order ကို အရင်ဆုံးကျနော်တို့ နားထောင်နေရတာပေါ့။”

အများပြည်သူသုံးခရီးသွား လမ်းပမ်းဆက်သွယ်ရေးစနစ်တွေ ဖွံ့ဖြိုးတိုးတက်မှု မရှိသေးတဲ့ မြန်မာနိုင်ငံလို နိုင်ငံမျိုးမှာ ခရီးသည်ပို့ဆောင်ရေးဝန်ဆောင်မှုအတွက် တာဝန်ရှိတဲ့ ခရီးသွားလုပ်ငန်းရှင်တွေ၊ တာဝန်ရှိ လုပ်သားတွေကို ခရီးသည်တွေအတွက် ဘေးအန္တရာယ်လုံခြုံရေး ဘယ်လိုလုပ်ရမယ်ဆိုတာ စနစ်တကျသင်တန်းပေးဖို့လိုအပ်သလို ခရီးသွားပြည်သူတွေအတွက်လည်း အသက်ဘေးကြုံလာရရင် ဘယ်လိုကိုယ့်ကိုကိုယ် ကာကွယ်ရမလဲဆိုတာကို ဘယ်လိုစနစ်တကျ ဆောင်ရွက်ထားသင့်သလဲဆိုတာ ပညာပေးသင့်တယ်လို့ သူက အခုလို အကြံပြုပါတယ်။

“အဓိကကတော့ ဒီသင်္ဘောကို safety ဖြစ်ဖို့ သင်္ဘောရဲ့တန်ချိန်နဲ့ capacity အင်အားနဲ့ နောက်ဘယ်လောက် ၀န် အဲဒါ အဓိကအရေးကြီးတယ်လေ။ မြန်မာပြည်မှာက ကျနော်လည်းသိသလောက် လူရှိရင်ရှိသလောက်တင်တာက ၊ ကားကအစ ထိုင်သလောက်တင်ကြတယ်။ ဒီကားက တန်ချိန် ၅၀၀၀ ဆိုရင် လူက ပြည့်သလောက် အဲလိုပေါ့လေ။ အဓိကက safety မရှိမူ့ ပါပဲ၊ safety ကို ဘယ်လို သေသေချာချာတွက်ရမလဲဆိုတာကတော့ ရေကြောင်းဦးစီးဌာနက သူ့ စစ်ဆေးရေးတွေကို ဘယ်လို training ပေးရမလဲ ၊ အဲလိုတွေ တိတိကျကျကိုင်တွယ်နိုင်မှ ဒီလို accident ဖြစ်ရင် အသေအပျောက်က နည်းမယ်လို့ ကျနော်ကတော့ ထင်ပါတယ်။ ဘယ်နေရာပဲကြည့်ကြည့် ကျနော်အခုလုပ်တဲ့ အလုပ်တောင်မှ ဒီလို Market ထဲမှာတောင်မှ safety first ပဲ။ ဒီလို ဘာပဲဖြစ်ဖြစ် Emergency alarm မီပြီဆိုတာနဲ့ နားစွင့်ပြီးတော့ ထွက်ဆိုရင် ထွက်ရတာပါ။ ဒီအမိန့်နာခံဖို့အရေးကြီးတယ် ဒီ safety first ဖြစ်ဖို့ကို သေချာ train ဖို့ကို လိုအပ်ပါတယ်။ မြန်မာနိုင်ငံမှာက နိုင်ငံတကာ စံချိန်စံညွှန်းနဲ့ မီဖို့အတွက် စနစ်တကျလုပ်ဖို့ လိုတယ်လို့ ကျနော်မြင်ပါတယ်။”

အခုလို အမြန်ရေယာဉ်နှစ်မြုပ်ပြီး အများပြည်သူလူထု အသက်ဆုံးရှုံးခဲ့ရတဲ့ အဖြစ်အပျက်အပေါ် သေဆုံးသူတွေရဲ့မိသားစုတွေနဲ့ထပ်တူ ဝမ်းနည်းရပါကြောင်းနဲ့ အသက်ဆုံးရှုံးခဲ့ရတဲ့ ခရီးသည်တွေအတွက် သက်ဆိုင်ရာဌာနတွေက လိုအပ်တဲ့အကူအညီထောက်ပံ့မှုတွေ ဆောင်ရွက်ပေးသွားဖို့ နိုင်ငံတော်သမ္မတ ဦးထင်ကျော်က ကြေညာချက်ထုတ်ပြန်ပြောဆိုထားပါတယ်။ အခုလက်ရှိမှာတော့ ကယ်ဆယ်ရေးလုပ်ငန်းတွေကို ပြည်ထောင်စုအစိုးရရဲ့လမ်းညွှန်ချက်နဲ့ စစ်ကိုင်းတိုင်းဒေသကြီးအစိုးရအဖွဲ့က အနီးကပ်ကြီးကြပ်ပြီး လူမှုဝန်ထမ်းကူညီကယ်ဆယ်ရေးနဲ့ပြန်လည်နေရာချထားရေးဝန်ကြီးဌာန၊ မီးသတ်ဦးစီးဌာန၊ ရဲလုံခြုံရေးတွေ၊ တပ်မတော်တို့က ကယ်ဆယ်ရေးလုပ်ငန်းတွေ ဆောင်ရွက်နေတယ်လို့ ပြည်ထောင်စုအစိုးရအဖွဲ့က သတင်းထုတ်ပြန်ပါတယ်။

  မဆုမွန်   / ဗွီအိုအေ (မြန်မာပိုင်း)
http://burmese.voanews.com



ဘင်္ဂလားဒေ့ရ်ှနိုင်ငံတွက် ကျောက်မီးသွေးထုတ်နေပုံ
ဘင်္ဂလားဒေ့ရ်ှနိုင်ငံ ကမ်းရိုးတန်းဒေသမှာ ဂေဟဗေဒစနစ်အတွက် အရေးပါတဲ့ ဒီရေတောတွေအနီး ကျောက်မီးသွေးစွမ်းအင်သုံး စက်ရုံတခု တည်ဆောက်မယ့် အစီအစဉ်ကို ရပ်ဆိုင်းဖို့ တောင်းဆိုနေကြတဲ့ သဘာဝပတ်ဝန်းကျင် ထိန်းသိမ်းရေးအဖွဲ့တွေထဲ အခုနောက်ဆုံး ကုလသမဂ္ဂ အမွေအနှစ် ထိန်းသိမ်းရေး အေဂျင်စီလည်း ပါဝင်လာပါတယ်။ ရေလွှမ်းမိုးမှုကို အကာအကွယ်ပေးပြီး၊ ကမ္ဘာမှာနောက်ဆုံး ကျန်နေသေးတဲ့ ကျားရိုင်းတွေရှိရာ ဒေသအတွက် ကြီးမားတဲ့ ခြိမ်းခြောက်မှုတရပ် ဖြစ်တဲ့အကြောင်း ကုလသမဂ္ဂ ပညာရေး၊ သိပ္ပံ၊ ယဉ်ကျေးမှုအဖွဲ့ UNESCO ကပြောဆိုလိုက်တာပါ။

ဘင်္ဂလားဒေ့ရ်ှအစိုးရကတော့ မလိုအပ်တဲ့ စိုးရိမ်မှုတွေသာ ဖြစ်တယ်လို့ ကြာသပတေးနေ့မှာပဲ တုံ့ပြန်ပြောဆိုထားပြီး၊ လူ ၁၀ ယောက်မှာ ၆ ယောက်သာ လျှပ်စစ်မီး အသုံးပြုနိုင်တဲ့ တိုင်းပြည်မှာ လျှပ်စစ်စွမ်းအင်တိုးမြှင့်ထုတ်လုပ်နိုင်ရေးအတွက် အရေးကြီးတဲ့ ၁.၃ ဂျီဂါဝပ် ထုတ်လုပ်မယ့် Rampal ဓာတ်အားပေးစက်ရုံ ဆောက်လုပ်ရေး အစီအစဉ်ကို ဆက်လုပ်သွားမယ်လို့လည်း ပြောဆိုခဲ့ပါတယ်။ UNESCO နဲ့ သဘာဝပတ်ဝန်းကျင် ထိန်းသိမ်းရေး အပြည်ပြည်ဆိုင်ရာသမဂ္ဂတို့ရဲ့ ဒီသီတင်းပတ်ထဲ ထုတ်ပြန်ခဲ့တဲ့ အစီရင်ခံစာဟာ - စက်ရုံဟာ ဘေးကင်းလုံခြုံမှုရှိမယ့်အကြောင်း အစိုးရရဲ့ ကတိပြုပြောကြားချက်ကို လျစ်လျူရှုထားတယ်လို့လည်း ပြောဆိုခဲ့တာပါ။

အိန္ဒိယနဲ့ ဘင်္ဂလားဒေ့ရ်ှနိုင်ငံတို့က နိုင်ငံပိုင် စွမ်းအင်ကုမ္ပဏီတွေ ဖက်စပ်လုပ်ကိုင်ကြမယ့် ၁.၈ ဘီလီယံ တန်ဘိုးရှိတဲ့ စီမံကိန်းကိုတော့ ၂၀၁၂ ခုနှစ်မှာ အတည်ပြုခဲ့တာဖြစ်ပါတယ်။ ဘင်္ဂလားဒေ့ရ်ှနိုင်ငံမှာ အကြီးဆုံး ကျောက်မီးသွေးစွမ်းအင်သုံး ဓာတ်အားပေးစက်ရုံဖြစ်လာမယ့် စီမံကိန်းကိုတော့ ဘင်္ဂလားပင်လယ်အော်မြောက်ပိုင်းက ကျွန်းပေါင်း ၂၀၀ လောက် ပါဝင်တဲ့ ဆန်ဒါဘန် မြစ်ဝကျွန်းပေါ်ဒေသနဲ့ မိုင် ၄၀ လောက် အကွာမှာ ဆောက်လုပ်မှာ ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com




ရန်ကုန် အောက်တိုဘာ ၂ဝ

အိမ်အကူ အမျိုးသမီးငယ်နှစ်ဦးကို ညှဉ်းပန်းနှိပ်စက်ခဲ့မှုနှင့် ပတ်သက်၍ ကျောက်တံတားမြို့နယ် အင်းဝအပ်ချုပ် ဆိုင်ပိုင်ရှင် ဒေါ်တင်သူဇာအပါအဝင် ခြောက်ဦးအမှုအား ဒုတိယရဲမှူး မျိုးသိန်းက တရားလိုပြုလုပ်ကာ ရာဇဝတ်ကြီး အမှုအမှတ် ၁၁ဝ/၁၆ ဖြင့် ယနေ့နံနက်ပိုင်းက ရန်ကုန်အနောက် ပိုင်းခရိုင်တရားရုံး၌ အိမ်အကူအမျိုး သမီးငယ် နှစ်ဦးနှင့်အတူ အိမ်အကူအဖြစ် လုပ်ကိုင်ခဲ့သူ မတင်တင်ခိုင်အား အဓိကလိုပြ သက်သေအဖြစ် စစ်ဆေး ခဲ့သည်။

မတင်တင်ခိုင်(ခ) မတင်တင်နိုင် သည် အင်းဝအပ်ချုပ်ဆိုင်၌ အိမ်အကူ အမျိုးသမီးငယ်နှစ်ဦးဖြစ်သည့် မစမ်း ကေခိုင်၊ မသဇင်တို့နှင့်အတူ အိမ်အကူ အဖြစ် လုပ်ကိုင်ခဲ့သူဖြစ်ကြောင်း၊ မတင်တင်ခိုင်သည် အင်းဝအပ်ချုပ်ဆိုင်၌ အလုပ်လုပ်နေစဉ် ၄င်းကိုယ်တိုင် အိမ်ရှင် များ၏ ညှဉ်းပန်းနှိပ်စက်မှုကို ခံခဲ့ရ ကြောင်း၊ နောက်ဆုံးတွင် ၄င်းသည် အင်းဝအပ်ချုပ်ဆိုင်မှ ထွက်ခဲ့ရ ကြောင်း၊ အလုပ်လုပ်နေစဉ်အတွင်း လုပ်အားခများ အပြည့်အဝရရှိခဲ့သော် လည်း ညှဉ်းပန်းနှိပ်စက်မှုများကို ခံခဲ့ရကြောင်း တရားရုံး၌ ထွက်ဆိုခဲ့ သည်။

ကော့မှူးမြို့နယ်မှ အိမ်အကူ အမျိုးသမီးငယ်နှစ်ဦးဖြစ်သည့် မစမ်း ကေခိုင်နှင့် မသဇင်တို့သည် အဆိုပါ အင်းဝအပ်ချုပ်ဆိုင်၌ လွန်ခဲ့သော ငါးနှစ် က အိမ်အကူအဖြစ် လုပ်ကိုင်ဆောင်ရွက် နေစဉ် အိမ်ရှင်တို့၏ ညှဉ်းပန်းနှိပ်စက်မှုကို ခံခဲ့ရသည့် အင်းဝအပ်ချုပ်ဆိုင်ပိုင်ရှင်ဖြစ်သော ဒေါ်တင်သူဇာ၊ ခင်ပွန်း ကိုလတ်၊ သား တင်မင်းလတ်၊ စုမွန်လတ်၊ သီရိလတ် နှင့် ရာဇာထွန်းတို့ကို တရားစွဲဆိုထား ခဲ့ခြင်းဖြစ်သည်။

လွန်ခဲ့သော သီတင်းပတ်က တရား လိုဘက်ကို စတင်စစ်ဆေးခဲ့ရာ အဓိက တရားလိုအဖြစ် ဒုတိယရဲမှူး မျိုးသိန်းကို စစ်ဆေးခဲ့ခြင်းဖြစ်သည်။ ယင်းစစ်ဆေးမှု အပြီး တစ်ရွာတည်းနေ အိမ်အကူနှစ်ဦး နှင့်အတူ အင်းဝအပ်ချုပ်ဆိုင်၌ အိမ်အကူ အဖြစ် သုံးနှစ်ကြာအလုပ် လုပ်ကိုင်ခဲ့သူ မတင်တင်ခိုင်ကို အဓိက လိုပြသက်သေ အဖြစ် စစ်ဆေးခဲ့ခြင်းဖြစ်သည်။ သူသည် အင်းဝအပ်ချုပ်ဆိုင်၌ အသက် ၁၃ နှစ် ကတည်းက အလုပ်လုပ်ကိုင်ခဲ့သူဖြစ် ကြောင်းလည်း သိရသည်။ အဆိုပါ အမှု ကို အောက်တိုဘာ ၂၇ ရက်တွင် တရားလို ပြသက်သေများကို ဆက်လက်စစ်ဆေး သွားမည်ဖြစ်ကြောင်း၊ တရားလိုပြ သက်သေ ၁၅ ဦးအထိ စစ်ဆေးသွား မည်ဖြစ်ကြောင်း သိရသည်။

သတင်း-မြင့်မောင်စိုး
ဓာတ်ပုံ-သက္က
Myanmaalinn
https://www.facebook.com/MYANMAALINNNEWS



မောင်တော အကြမ်းဖက်တိုက်ခိုက်မှုမှာ ပါဝင်ခဲ့သူတွေလို့ စွပ်စွဲခံထားရတဲ့ လူပေါင်း (၁၁)ဦး (မြ၀တီ သတင်းဌာန)
မောင်တော အကြမ်းဖက်တိုက်ခိုက်မှုမှာ ပါဝင်ခဲ့သူတွေလို့ စွပ်စွဲခံထားရတဲ့ လူပေါင်း (၁၁)ဦးကို ဖမ်းဆီးထားကြောင်း မြန်မာတပ်မတော်က မနေ့ ကြာသပတေးနေ့က သတင်းထုတ်ပြန်ခဲ့ပါတယ်။ အကြမ်းဖက်တိုက်ခိုက်တဲ့ လုပ်ရပ်မှန်သမျှ NLD အစိုးရအနေနဲ့ ခွင့်ပြုမှာမဟုတ်သလို၊ ဒေသတွင်း တည်ငြိမ်ရေးအတွက်ပါ ဆောင်ရွက်မှာဖြစ်ကြောင်း နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောကြားခဲ့ပါတယ်။ မောင်တောဒေသ နောက်ဆုံးအခြေအနေနဲ့ပတ်သက်လို့ မအင်ကြင်းနိုင်က အပြည့်အစုံကို တင်ဆက်မှာပါ။

ရခိုင်ပြည်နယ်စပ် မောင်တောမြို့နယ်တ၀ိုက် နယ်မြေရှင်းလင်းရေးဆောင်ရွက်နေတဲ့ ဘက်မှာ လုံခြုံရေးတပ်ဖွဲ့တွေဟာ အောက်တိုဘာလ (၁၈)ရက်နေ့က အကြမ်းဖက်တိုက်ခိုက်သူတွေလို့ စွပ်စွဲခံရတဲ့ လူပေါင်း (၁၁) ဦးကို ဖမ်းဆီးပြီး စစ်ဆေးမေးမြန်းနေကြောင်း တပ်မတော်ပိုင် သတင်းဌာနဖြစ်တဲ့ မြ၀တီသတင်းစာမှာ မနေ့က ဖေါ်ပြထားပါတယ်။

ဖမ်းဆီးရမိခဲ့သူတွေဟာ အောက်တိုဘာလ (၉)ရက်နေ့က ငါးခူးရ ရဲစခန်းကို ၀င်ရောက်စီးနင်း တိုက်ခိုက်ခဲ့သူ တွေဖြစ်တယ် လို့လည်းဆိုပါတယ်။ သူတို့တွေကို ဘယ်လို ဥပဒေပုဒ်မတွေနဲ့ အရေးယူမလဲဆိုတာကိုတော့ တာဝန်ရှိသူတွေဘက်က ထုတ်ဖေါ် ပြောကြားခြင်းမရှိသေးပါဘူး။

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ လေးရက်ကြာ အိန္ဒိယခရီးစဉ်အတွင်း သတင်းထောက်တချို့က တွေ့ဆုံမေးမြန်းရာ မှာ မော်တောအကြမ်းဖက်မှုနဲ့ပတ်သက်လို့ အခြေအနေကို အတတ်နိုင်ဆုံး ထိန်းချုပ်နိုင်ဖို့ လုပ်ဆောင်နေကြောင်း ပြောကြားခဲ့သလို အိန္ဒိယ၀န်ကြီးချုပ် Narendra Modi နဲ့ ပူးတွဲသတင်းစာရှင်းလင်းပွဲမှာလည်း ဒေသတွင်း တည်ငြိမ်ရေးကို လုပ်ဆောင်မှာဖြစ်တယ်လို့ အခုလို ဒေါ်အောင်ဆန်းစုကြည်က ပြောသွားပါတယ်။

“ကျမတို့နိုင်ငံတင်မက ဒေသတွင်းနဲ့ အခြားပြင်ပနေရာတွေမှာပါ ငြိမ်းချမ်းမှုနဲ့ တည်ငြိမ်မှု ရရှိဖို့ ကျမတို့ရဲ့ ရည်မှန်းချက်ဖြစ်ပါတယ်။ ဆယ်စုနှစ်ပေါင်းများစွာ ငြိမ်းချမ်းမှုနဲ့ တည်ငြိမ်မှုကင်းမဲ့တဲ့ဒဏ်ကို ကျမတို့ခံခဲ့ရပါတယ်။ ဒါကြောင့် ဒီလိုအခြေအနေမျိုး ကမ္ဘာမှာရှိတဲ့ အခြားဘယ်နိုင်ငံကိုမှ ကျမတို့ မဖြစ်စေချင်ပါဘူး။”

ဒါအပြင် နိုင်ငံတော်ရဲ့ လုံခြုံရေး၊ တည်ငြိမ်ရေးနဲ့ ဂုဏ်သိက္ခာ တခုခုနဲ့ပတ်သက်ပြီး ဘယ်လို ခြိမ်းခြောက်မှုမျိုးကို မဆို NLD အစိုးရက ခွင့်ပြုမှာ မဟုတ်ဘူးလို့ ဒေါ်အောင်ဆန်းစုကြည်က ပြောဆိုခဲ့ကြောင်း မနေ့က ထုတ်ဝေတဲ့ ၀ါရှင်တန်ပို့စ်သတင်းမှာဖေါ်ပြထားပါတယ်။

အခုလို မောင်တောဒေသတွင်း အကြမ်းဖက်တိုက်ခိုက်မှုတွေမှာ တာဝန်ရှိတဲ့အဖွဲ့အစည်း အဖြစ်စွပ်စွဲခံထားရတဲ့ မူဂျာဟစ်ဒင်အကြမ်းဖက် အဖွဲ့ရဲ့ ဆောင်ရွက်ပုံတွေနဲ့ ပတ်သက်ပြီး အရင် ရခိုင်ပြည်နယ် နယ်စပ်လုံခြုံရေးကို တာဝန်ယူခဲ့သူတဦးဖြစ်တဲ့ စစ်ထောက်လှမ်းရေးအရာရှိဟောင်း ဦးအောင်လင်းထွဋ်က အခုလို သုံးသပ်ပါတယ်။

“အဓိကတော့ အဲဒီ ဘူးသီးတောင်၊ မောင်တော ဒေသကို မူဆလင်ဒေသတခုလို့ တည်ထောင်ဖို့ ရည်ရွယ်ချက်နဲ့ လုပ်ခဲ့တဲ့ အနေအထားမျိုးရှိပါတယ်။ ကျနော်တို့ facebook မှာပါတဲ့ ဗွီဒီယို ၊ tape ခွေကိုပဲ ကြည့်ကြည့် အမှန်တကယ်ပဲ လူထုအင်အားနဲ့ စုပြီးတော့မှ ၀င်ပြီး ရဲစခန်းတွေကို ၀င်စီးတဲ့ အနေအထားမျိုးတွေရှိပါတယ်။ ဒါတွေဟာ တော်ရုံလုပ်လို့မရဘူး ငွေရေးကြေးရေးထောက်ပံ့မှုမရှိပဲနဲ့ ဒီအလုပ်ကို လုပ်လို့မရဘူး။ ခေါင်းဆောင်မှုပိုင်းမပါပဲနဲ့ ကျနော်တို့ လုပ်လို့မရဘူး၊ စနစ်တကျ အကွက်ကျ စီမံပြီးလုပ်ခဲ့တဲ့ အနေအထားရှိပါတယ်။ ပြောစရာရှိတာကတော့ လက်နက်ကောင်းကောင်းကို ကျနော်တို့ကိုင်တဲ့အနေအထားမျိုးကျနော်တို့ မရှိဘူး။ အဲဒီ သဘောသဘာဝကလည်း ဒီလက်နက်ဆိုတဲ့ လက်နက်ကောင်းကောင်းတွေဟာ ဖြတ်ပြီးတော့မှ ကျနော်တို့ နိုင်ငံနယ်စပ်ထဲကို ၀င်လာဖို့ အင်မတန်မှ ခက်ခဲတဲ့ အနေအထားရှိပါတယ်။ ဒါကြောင့်မို့လို့ တုတ်ဓါးတွေ ၊ သေနတ်ပေါ့လေ အဲဒါတွေနဲ့ ၀င်ပြီးတော့ စီးတဲ့ အနေအထားတွေ ဖြစ်ခဲ့ပါတယ်။”

အရင် စစ်အစိုးရလက်ထက် ၁၉၉၃ခုနှစ်က ဖြစ်ခဲ့တဲ့ မောင်တောအကြမ်းဖက်မှုနဲ့ပတ်သက်လို့လည်း သူရဲ့အတွေ့အကြုံကို အခုလိုပြောပါတယ်။

“ကျနော်တို့ စစ်အစိုးရအဖြစ် ၁၉၉၃ ခုနှစ် ဧပြီလမှာ သင်္ကြန်အတွင်းမှာပါပဲ ၊ ဘူးသီးတောင်ရယ် မောင်တောရယ်ကို အဲဒီအချိန်တုန်းက RSO (Rohingya Solidarity Organisation) ရယ်၊ ARIF ဆိုပြီးတော့မှ ဒီသောင်းကျန်းသူ ၂ ဖွဲ့ဆိုတာ ရှိခဲ့ပါတယ်။ အဲဒီအဖွဲ့တွေကနေ တနေ့ထဲမှာပဲ ဗုံးအလုံးပေါင်း ၂၀ ကို ခွဲပြီးတော့မှ တိုက်တာခိုက်တာ ပစ်တာတွေ အဲဒီအချိန်က ဖြစ်ခဲ့ပါတယ်။”

ဒါပေမယ် ဒေါ်အောင်ဆန်းစုကြည်ဦးဆောင်တဲ့ NLD အစိုးရလက်ထက်မှာ မောင်တောအကြမ်းဖက်မှုကို ဥပဒေနဲ့ အညီ ကိုင်တွယ်ဖြေရှင်း ပုံကြိုးစားတဲ့နည်းလမ်းကြောင့် အိမ်နီးချင်းဘင်္ဂလားဒေ့ရ်ှအပါအ၀င် နိုင်ငံတကာရဲ့ ပူးပေါင်းကူညီမှုကို ရရှိခဲ့တာဖြစ်တယ်လို့ မြင်ကြောင်း ဦးအောင်လင်းထွဋ်က ဆိုပါတယ်။

လက်ရှိမောင်တောဒေသအခြေအနေတွေ မတည်ငြိမ်သေးတာကြောင့် ဘင်္ဂလားဒေ့ရ်ှနိုင်ငံနဲ့ နယ်စပ် ကုန်သွယ်ရေးဂိတ်တွေကို ယာယီပိတ်ထားကြောင်း စီးပွားရေးနဲ့ ကူသန်းရောင်းဝယ်ရေးဝန်ကြီးဌာနက မနေ့က ထုတ်ပြန်ကြေညာထားပါတယ်။ လက်ရှိ ၂၀၁၆-၂၀၁၇ ဘဏ္ဍာရေးနှစ်ဖြစ်တဲ့ အောက်တိုဘာလ (၁၄)ရက်နေ့ စာရင်းအရ မောင်တော ဒေသနယ်စပ်ကုန်သွယ်ရေး အမေရိကန်ဒေါ်လာ ၃ သန်းကျော်ဖိုးထိရှိခဲ့ပါတယ်။

 အင်ကြင်းနိုင်  / ဗွီအိုအေ (မြန်မာပိုင်း)
http://burmese.voanews.com




ဆီးရီးယားမြောက်ဘက်က Aleppo မြို့ အရှေ့ ခြမ်းမှာရှိတဲ့  ဒဏ်ရာရသူတွေနဲ့ နာမကျန်းတဲ့ သူတွေကို သယ်ထုတ်ဖို့ ရုရှား ၊ ဆီးရီးယားအစိုးရ၊ နဲ့ အတိုက်အခံ လက်နက်ကိုင်အဖွဲ့ တွေက ခွင့်ပြုလိုက်တယ်လို့  ကုလသမဂ္ဂက က ဆိုပါတယ်။

လူသားချင်းစာနာထောက်ထားမှုဆိုင်ရာ လုပ်ငန်းတွေအတွက် သူပုန်တွေထိမ်းချုပ် ထားတဲ့ Aleppo အရှေ့ ဘက်ခြမ်းမှာ တိုက်ခိုက်မှုတွေ ခတ္တဆိုင်းထားဖို့  ရုရှား က ဒီအပတ်အစောပိုင်းမှာ ကြေညာခဲ့တာဖြစ်ပြီး အခုချိန်မှာတော့ လက်တွေ့ ဆောင်ရွက်နေပါပြီ။ အလက်ပို မြိုထဲက အရေးပေါ် ဆေးကုသမှု ခံယူဖို့ လိုအပ်တဲ့ သူတွေကို သောကြာနေ့ မှာ စပြီး ကယ်ထုတ် နိုင်မယ်လို့  မျှော်လင့်ထား တဲ့အကြောင်း ကုလသမဂ္ဂ ဆိုင်ရာ အမေရိကန် အထူးအကြံပေး Jan Egeland က ပြောကြား လိုက်ပါတယ်။

လူသားချင်းစာနာထောက်ထားမှုဆိုင်ရာ လုပ်ငန်းတွေအတွက် တိုက်ခိုက်မှုတွေကို ခဏ ဆိုင်းထားပေးမယ့် ဒီ ၄ ရက်တာအချိန်တွင်းမှာ ရာနဲ့ ချီတဲ့ နာမကျန်းတဲ့၊ ဒဏ်ရာရတဲ့ သူတွေကို မြို့ပြင်ကို သယ်ထုတ်သွားနိုင်ဖို့ ကုလသမဂ္ဂနဲ့ မိတ်ဖက်တွေက မျှော်လင့်နေပါတယ်။

Russia နိုင်ငံက ဒီ ကြာသပတေးနေ့ ကစပြီး တစ်နေ့ ကို ၁၁ နာရီနဲ့ ၄ ရက်အချိန်ပေးဖို့  အတည်ပြုလိုက်ပါတယ်။ဒဏ်ရာရသူတွေကို ဒီလို ဆေးကုသရေး ဆိုင်ရာ အရေးပေါ်အခြေအနေအောက်မှာ ဘေးအန္တရာယ် ကင်းကင်းနဲ့ သယ်ထုတ်နိုင်ရေး အတွက် အာမခံချက်ကို ရထားတယ်လို့  ကုလသမဂ္ဂက ဆိုပါတယ်။

Aleppo မြို့  အရှေ့  ဘက်မှာနေတဲ့ နေထိုင်သူ ဒေသခံ ၂သိန်း ၇သောင်းခွဲအတွက် လူသားချင်း စာနာထောက်ထားမှု အကူအညီတွေ July လက စပြီး မရကြပါဘူး။ ဒါကြောင့် မြို့ ကို အစားအစာနဲ့ ဆေးဝါးပစ္စည်းတွေ ပို့ ခွင့်ရဖို့အတွက် ကုလသမဂ္ဂက ကြိုးစားနေတာ ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com



NCA တနိုင်ငံလုံးအပစ်ရပ်ရေးစာချုပ် ၁ နှစ်ပြည့် အခန်းအနား
NCA တနိုင်ငံလုံးအပစ်ရပ်ရေးစာချုပ် ၁ နှစ်ပြည့် အခန်းအနား

မြန်မာအစိုးရနဲ့ NCA တနိုင်ငံလုံးအပစ်ရပ်ရေးစာချုပ် လက်မှတ်မထိုးရသေးတဲ့ အဖွဲ့တွေကြား ဆွေးနွေးနေတာမှာ စိန်ခေါ်မှုတွေ ရှိလာနေပါတယ်။ ၃ ရက်ကြာ နိုင်ငံရေးမူဘောင် ပြန်သုံးသပ်တဲ့ အစည်းအဝေး လုပ်လာခဲ့ပေမယ့် အမျိုးသားအဆင့် နိုင်ငံရေးဆွေးနွေးပွဲတွေကို အစောတလျင် လုပ်သွားမယ်ဆိုရင် NCA လက်မှတ်မထိုးရသေးတဲ့ တိုင်းရင်းသားတပ်တွေ စစချင်း ပါနိုင်မှာမဟုတ်ဘူးလို့ ဆိုပါတယ်။ ကိုဝင်းမင်းက ဒီလက်မှတ် မထိုးရသေးတဲ့ အဖွဲ့တွေရဲ့ ဆွေးနွေးရေးခေါင်းဆောင် ခူးဦးရယ်ကို ကိုဝင်းမင်းက မေးမြန်းထားပါတယ်။

ကိုဝင်းမင်း။ ။ဟုတ်ကဲ့ ခူးဦးရယ်ခင်ဗျ ကျနော်တို့ နိုင်ငံရေးဆွေးနွေးပွဲမူဆိုင်ရာ မူဘောင် ပြန်လည်သုံးသပ်ခြင်းအစည်းအဝေးပေါ့နော် အခုဆိုရင်တော့ ၃ ရက်မြောက်ရှိသွားပါပြီ။ ဆိုတော့ အခုဆွေးနွေးပွဲအတွင်းမှာ ဖြစ်ပေါ်လာနေတဲ့ အခြေအနေလေးတွေကို နည်းနည်းလေးရှင်းပြပေးပါခင်ဗျ။

ခူးဦးရယ်။ ။ကျနော်တို့ မူလတုန်းကတော့ မူဘောင်တွေ ပြန်လည်သုံးသပ်မှုနဲ့ပတ်သက်ပြီးတော့ အကြမ်းဖျင်း ၂ ရက်တာ လုပ်မယ်ဆိုပြီးတော့ ရာထားတာပေါ့နော်။ ဒါပေမယ့် အခုက ၃ ရက်မြောက်သွားပြီ ဒါပေမယ့် ၃ ရက်မြောက်သော်လည်း ပြီးသလားဆိုတော့ ကျနော်တို့က မပြီးဘူး။ မပြီးတဲ့အခါကျတော့ မနက်ဖြန်နေ့တပိုင်းထပ်လုပ်မယ်ဆိုပြီး အစီအစဉ်ရှိပါတယ်။ ဒါပေမယ့်ကျနော်တို့ကတော့ မနက်ဖြန်နေ့တွေမှာဆက်ပြီးတော့ သွားနိုင်မယ့်အခြေအနေတော့မရှိဘူး။ ကျနော်တို့လုပ်ငန်းအစီအစဉ်ကြောင့် ဆက်မတက်နိုင်တော့ဘူးဆိုတဲ့သဘောပါ။

ကိုဝင်းမင်း။ ။ ဟုတ်ကဲ့ ပထမနေ့မှာ ဆွေးနွေးတာလေးကို အကျဉ်းချုံးလေးရှင်းပြလို့ရမလား။

ခူးဦးရယ်။ ။မူဘောင်ပြန်လည်သုံးသပ်မှုနဲ့ ပတ်သက်လို့ အထူးသဖြင့် ကျနော်တို့ ဒီ တွေ့ဆုံဆွေးနွေးရေးအပိုင်းနဲ့ ပတ်သက်လို့ ၃ ပွင့်ဆိုင်ပုံစံနဲ့ သွားမယ်ဆိုတာနဲ့ ပတ်သက်ပြီးတော့ negotiation မှာ သုံးပွင့်ဆိုင်နဲ့ ကျနော်တို့သွားမှာလား၊ Decision making မှာ သုံးပွင့်ဆိုင်နဲ့ ကျနော်တို့သွားကြမှာလား ဆိုတဲ့ ကိစ္စကို ကျနော်တို့ ဆွေးနွေးဖြစ်ကြပါတယ်။

ကိုဝင်းမင်း။ ။ လက်မှတ်မထိုးရသေးတဲ့အဖွဲ့တွေအတွက် အဟန့်အတားပေါ့နော် အခက်အခဲ ကြုံနေရတဲ့အနေအထားဆိုရင် ဘယ်အချက်ကို အဓိကထောက်ပြမလဲ။

ခူးဦးရယ်။ ။ သူတို့ အကြမ်းဖျင်းရည်ရွယ်ထားတဲ့ အနေအထားကတော့ ကျနော်တို့ဘက်ကနေပြီး တင်ပြထားတာနဲ့ ပတ်သက်ပြီး ရသလောက်နဲ့ သူတို့ သုံးသပ်ပါ့မယ်။ အဲဒီ သုံးသပ်ထားတာနဲ့ပဲ သူတို့ စတင်မယ်ဆိုတဲ့သဘောမျိုး ဆွေးနွေးကြပါတယ်။ ဆိုတော့ ဒီဟာနဲ့ ပတ်သက်ပြီး ဒီလမကုန်ခင် ၂၈ ရက် ၂၉ ရက် လောက်မှာ တင်ပြပြီးတော့ အစည်းအဝေးထိုင်မယ်လို့ပြောတယ်။ အဲဒီတော့မှUPDJC အဆုံးအဖြတ်ယူမယ်ပေါ့ဗျာ။ UPDJC အဆုံးအဖြတ်ယူပြီးရင်တော့ နိုဝင်ဘာ အကြမ်းဖျင်း ၁၅-၂၀ ရက် အဲဒီကြားမှာ သူတို့ဖြစ်အောင် တင်ဖို့တော့ ပြင်ဆင်တဲ့သဘောရှိတယ်။ ဒါပေမယ့် တကယ်တမ်းဖြစ်မယ် မဖြစ်ဘူးဆိုတာတော့ မသိဘူးပေါ့နော်။ ဒါပေမယ့် စတင်ရင်လည်း ကျနော်တို့ဘက်က NCA လက်မှတ်မထိုးရသေးတဲ့ အဖွဲ့အစည်းတွေအနေနဲ့က မပါနိုင်ဘူးပေါ့နော်။ မနက်ဖြန်လည်း ကျနော်တို့ ဆက်မပါနိုင်တဲ့အခါကျတော့ ဒီညနေကတည်းက ကျနော်တို့ သဘောထားကို ပေးလိုက်ရတာတွေရှိပါတယ်။

ကိုဝင်းမင်း။ ။ဆိုလိုတာကတော့ အစိုးရဘက်ကနေပြီးတော့ လမ်းပြမြေပုံအချိန်ဇယားတွေကိုပေါ့နော် အားလုံးပါဝင်မှုမရှိပဲနဲ့ အမြန် လုပ်သွားတယ်လို့ လက်မှတ်မထိုးရသေးတဲ့ အဖွဲ့တွေနဲ့ ခံစားရတယ်လို့ ဆိုလိုတာပေါ့နော်။

ခူးဦးရယ်။ ။ဒီလိုပဲ ကျနော်တို့ သုံးသပ်ရမှာဖြစ်တယ် ဒီနေရာမှာ ကျနော်တို့အဲဒီလိုပြောရင် အစိုးရဘက်ကတော့ ထောက်ပြမှာကတော့ သူတို့အချိန်နဲ့ ပတ်သက်ပြီး သူတို့ အချိန်မရှိဘူးဆိုတဲ့သဘော လည်းပြောနေမှာပဲ ဒါကကျနော်တို့ကြားမြဲပါပဲ။ တကယ်ပဲ ငြိမ်းချမ်းရေးကို လိုချင်တယ်ဆိုရင် ကျနော်တို့ အချိန်ကတော့ သတ်မှတ်ရမယ်ဆိုတာကတော့ ကျနော်တို့ လက်ခံတယ် သို့သော် အချိန်နဲ့ တပြေးညီလုပ်တဲ့အချိန်မှာ အဆင်ပြေရင်ပြေသလို ကျနေ်ာတို့လုပ်သွားမှာရမယ်ဆိုတဲ့သဘောနဲ့တော့ သွားလို့တော့ မရဘူးလို့ ကျနော်တို့ထင်တယ်။

ကိုဝင်းမင်း။ ။ ဟုတ်ကဲ့ ခူးဦးရယ် ကျေးဇူးတင်ပါတယ်။
VOA Burmese News

ရခိုင်ပဋိပက္ခတွင်း လုံခြုံရေးရဲများနေရာယူထားစဉ်
ရခိုင်ပဋိပက္ခတွင်း လုံခြုံရေးရဲများနေရာယူထားစဉ်
ပဋိပက္ခကြောင့် ပိတ်မိနေတဲ့ ရခိုင်ပြည်နယ်နဲ့ ကချင်ပြည်နယ်တွင်းရှိ ဒေသခံ ဒုက္ခသည်တွေဆီသွားမယ့် နိုင်ငံတကာလူသားချင်းစာနာမှုအကူအညီပိတ်ပင်ထားတာတွေကို ပြန်လည်ရုပ်သိမ်းဖို့ Amnesty International လူ့အခွင့်အရေးအဖွဲ့ကြီးက တောင်းဆိုလိုက်ပါတယ်။ ရခိုင်ပြည် မောင်တောဒေသတွင်းမှာဆိုရင် ဒေသခံတွေ အထူးသဖြင့် ရိုဟင်ဂျာမွတ်ဆလင်တွေဟာ အပြင်ထွက်သွားလာဖို့ ထိတ်လန့်ပြီး ဆေးရုံဆေးခန်းကိုတောင် မလာရဲကြဘူးလို့ ပြောပါတယ်။ ရှားဖောင်က စုံစမ်းမေးမြန်းထားပါတယ်။

ရခိုင်ပြည်နယ်နဲ့ ကချင်ပြည်အတွင်းမှာရှိတဲ့ ဒုက္ခသည်တွေဆီကို ကုလသမဂ္ဂအပါအ၀င် နိုင်ငံတကာ အထောက်အကူပေးရေးအဖွဲ့တွေ သွားရောက်ခွင့် ပိတ်ပင်ကန့်သတ်ထားမှုတွေကို ချက်ခြင်း ရုတ်သိမ်းပေးဖို့ နိုင်ငံတကာ လူ့အခွင့်အရေးအဖွဲ့တခုဖြစ်တဲ့ Amnesty International အဖွဲ့က တောင်းဆိုလိုက်ပါတယ်။ ရခိုင်ပြည်နယ်က အခြေအနေနဲ့ပတ်သက်လို့ Amnesty International အဖွဲ့က မြန်မာ့အရေး သုတေသီ Laura Haigh က အခုလိုမှတ်ချက်ပေးပြောဆိုပါတယ်။

“ရခိုင်ပြည်နယ်အတွင်းနဲ့ပတ်သက်ပြီးပြောရမယ်ဆိုရင် ကျမတို့အဓိကစိုးရိမ်တာက လူတွေဆီကို ၀င်ရောက်ခွင့် လုံးဝကန့်သတ်ပိတ်ပင်ထားတယ်။ အဲဒီထဲကအခြေအနေတွေ ဘာတွေဖြစ်နေလဲဆိုတာကို သိရဖို့က အရမ်းကိုခက်ခဲပါတယ်။ ကျမတို့သိရသလောက်က လုံခြုံရေးအခြေအနေအရဆိုပြီးတော့ ကုသလမဂ္ဂနဲ့ လူသားခြင်းစာနာထောက်ထားမှု အကူအညီပေးရေးအဖွဲ့တွေဟာ အဲဒီမှာရှိတဲ့ ရိုဟင်ဂျာမွတ်ဆလင်အသိုင်းအ၀ိုင်းကိုဖြစ်စေ ရခိုင်လူမှုအသိုင်းအ၀ိုင်းကိုဖြစ်စေ သွားရောက်နိုင်ဖို့ လုံးဝ ကန့်သတ်ပိတ်ပင်ခံရပါတယ်။”

အောက်တိုဘာလ ၉ ရက်နေ့ကစပြီးတော့ ရခုိုင်ပြည်နယ် မောင်တောမြို့နယ် က နယ်ခြားစောင့် ရဲစခန်းတွေ တိုက်ခိုက်ခံရပြီးတဲ့နောက် လုံခြုံရေးအတွက် နဂိုကတည်းကတည်းကထုတ်ပြန်ထားတဲ့ ဒေသတွင်း ညမထွက်ရမိန့်ကို အချိန်တပ်တိုးလိုက်ပြီး ည ၇ နာရီကနေ မနက် ၆ နာရီအထိ သတ်မှတ်ထားပါတယ်။ တိုက်ခိုက်မှုတွေအတွင်း နယ်ခြားစောင့်ရဲတပ်ဖွဲ့ဝင် ၉ ယောက်နဲ့ တပ်မတော်သား၅ ယောက် ကျဆုံးခဲ့ပါတယ်။ အကြမ်းဖက်တိုက်ခိုက်သူ တွေဘက်ကတော့ အယောက် ၃၀ သေဆုံးခဲ့ပါတယ်။ လက်ရှိ အချိန်အထိတော့ အကြမ်းဖက်တိုက်ခိုက်သူ ၂၉ ဦးကို အရှင်ဖမ်းဆီး ရမိထားတယ်လို့ တနင်္လာနေ့ကပြုလုပ်တဲ့ သတင်းစာရှင်းလင်းပွဲမှာ ရဲချုပ်ဇော်ဝင်းကပြောပါတယ်။ ဒေသတွင်းမှာဆိုရင်လည်း လုံခြုံရေးတာဝန်ရှိသူတွေကို တိုက်ခိုက်တဲ့ လက်နက်ကိုင် အဖွဲ့အစည်းတွေကို ရှာဖွေ စစ်ဆင်မှု တွေလည်း ရှိနေတာပါ။

ရခိုင်ပြည်နယ် ပဋိပက္ခ အခြေအနေကို သွားရောက်ကြည့်ရှုလေ့လာခဲ့တဲ့ ပြည်ထဲရေးဝန်ကြီး ဒုတိယ ဗိုလ်ချုပ်ကြီးကျော်ဆွေကတော့ ဒေသခံတွေကို နေရပ်ကနေထွက်မသွားကြဖို့ ပြောပေမယ့်လည်း လုံခြုံရေးအာမခံချက်မရှိတာကြောင့် ရခိုင်တိုင်းရင်းသားဒေသခံတွေကတော့ မောင်တောနဲ့ ဘူးသီးတောင်လိုမြို့ပေါ်တွေကို ထွက်ခွာသွားကြပါတယ်။

ဒါပေမယ့်လည်း လုံခြုံရေးခြေအနေကြောင့် ကန့်သတ်ပိတ်ပင်ထားတဲ့နေရာတွေမှာ နေထိုင်ကြတဲ့ သူတွေဟာ ထွက်ပြေးဖို့မရသလို၊ သူတို့ရဲ့ အခြေအနေကိုလေ့လာနိုင်ဖို့အတွက်လည်း သီးသန့်လွတ်လပ်တဲ့ သတင်းထောက်တွေဝင်ရောက်ခွင့်မရှိတာကြောင့် အခြေအနေတွေက စိုးရိမ်စရာဖြစ်နေတယ်လို့ Amnesty International အဖွဲ့က မြန်မာ့အရေး သုတေသီ Laura Haigh က ပြောပါတယ်။

“ဒေသခံတွေနဲ့ ကျမတို့စကားပြောကြည့်တဲ့အရ ပုံမှန်ဆိုရင် ဒေသတွင်းက ဆေးရုံ၊ ဆေးခန်းတွေမှာ ဆေးလာရောက်ကုသတဲ့လူတွေ အများကြီးရှိတယ်။ အခုဆိုရင် လူတွေလုံးဝကိုမရှိတာ။ ဘာကြောင့်လဲဆိုတော့ လူတွေဟာ သွားလာဖို့ အတွက် ကြောက်နေကြတယ်။ ပြီးတော့ သူတို့တွေကိုလဲ ဘယ်ကိုမှ မရွှေ့ပြောင်းကြဖို့ (အာဏာပိုင်တွေက) မှာထားတယ်။ ကျမတို့သိရသလောက်ကတော့ လူတွေဟာ ဆေးဝါးကုသဖို့အတွက်တောင် မလာရဲကြဘူး။”

ဒါကြောင့်မို့ အကူအညီလိုအပ်တဲ့သူတွေဆီကို ကုလသမဂ္ဂအပါအ၀င် တခြားလူသားခြင်းစာနာထောက်မှုအကူအညီပေးတဲ့ အဖွဲ့အစည်းတွေကို မြန်မာအစိုးရအနေနဲ့ ချက်ခြင်းဝင်ရောက်ခွင့်ပြုဖို့ Amnesty International တောင်းဆိုတာပါ။

ဒေသတွင်းမှာ ဖြစ်ပွားပွားနေတဲ့ ပဋိပက္ခတွေကြောင့် ရခိုင်ပြည်နယ်နဲ့ ကချင်ပြည်နယ်အတွင်းမှာ ရွှေ့ပြောင်းနေထိုင်ကြတဲ့ ဒုက္ခသည် သောင်းနဲ့ချီရှိနေတာပါ။ အရင်တုန်းက ကုလသမဂ္ဂ အေဂျင်စီတွေအပါအ၀င် တခြားလူသားခြင်းစာနာထောက်ထားမှု အကူအညီ ပေးရေးအဖွဲ့တွေဟာ ရခိုင်ပြည်နယ်နဲ့ ကချင်ပြည်နယ်တွေမှာ ရှိတဲ့ ဒုက္ခသည်တွေဆီကို သွားရောက် အကူအညီပေးတာတွေ ရှိခဲ့ပြီး ပဋိပက္ခတွေဖြစ်လာပြီး နောက်ပိုင်းမှာမှ အစိုးရက ပိတ်ပင်လိုက်တာဖြစ်ပါတယ်။ ဒါ့အပြင် ကုလသမဂ္ဂနဲ့ တခြားအကူအညီပေးရေး အဖွဲ့အစည်းတွေရဲ့ ရခိုင်ပြည်နယ်အတွင်း ပေးဝေနေတဲ့အကူအညီတွေဟာ မျှတမှုမရှိပဲ မူဆလင် လူမှုအသိုင်းအ၀ိုင်းကိုပဲ အသားပေး ကူညီနေတယ်ဆိုတဲ့ ဝေဖန်မှုတွေလည်း ရှိခဲ့ပါတယ်။

ရှားဖောင်
VOA Burmese News


 မန္တလေးတက္ကသိုလ်အနီး ဘောဒါဆောင်တွေအများအပြားတည်ရှိရာ ရပ်ကွက်တစ်ခုဖြစ်တဲ့ မဟာအောင်မြေမြို့နယ် မဟာနွယ်စဉ်ရပ် ၃၈ လမ်း၊ လမ်း ၇၀ နဲ့ ၇၁ လမ်းကြားမှာ ဒီနေ့အောက်တိုဘာ ၂၀ ရက် ညနေ ၆ နာရီ ၄၅ မိနစ်အချိန် ခန့်က မီးလောင်ကျွမ်းမှုတစ်ခုဖြစ်ခဲ့တာမှာ စံပါယ်ဦးစတိုးနှင့်ဘော်ဒါဆောင်အပါအ၀င် နေအိမ် ၁၀ လုံးခန့်မီးလောင်ခံလိုက်ရပါတယ်။


မီးလောင်မှုကို အဆင် ၃ သတ်မှတ်ပြီး မီးသတ်ယာဉ်အစီး ၅၀ ခန့်နဲ့ငြှိမ်းသတ်ခဲ့ရာ ည ၇ နာရီ ၁၅ မိနစ်မှာ မီးညွန့်ကျိုးသွားခဲ့ပါတယ်။ မီးလောင်ကျွမ်းရတဲ့အကြောင်းရင်းနဲ့ဆုံးရှုံးမှုတန်ဖိုးကိုတော့ စစ်ဆေးနေဆဲဖြစ်ပြီး လူအသေအပျောက်မရှိဘူးလို့ လည်းသိရပါတယ်။

ကျော်ထွေး
china.com Myanmar
https://www.facebook.com/china.com.mm



 ဒေါ်အောင်ဆန်းစုကြည် က ဦးဆောင်မှု ပေးနေတဲ့ မြန်မာ အစိုးရ သစ် နဲ့ ဥရာပ သမဂ္ဂ အဖွဲ့ EU တို့ အကြား IPA ချုပ်ဆိုဖို့ ညှိနှိုင်း နေ
မြန်မာ အစိုးရနဲ့ ဥရောပ သမဂ္ဂ EU အကြား လက်မှတ် ရေးထိုးဖို့ ညှိနှိုင်း ပြင်ဆင် နေတဲ့ ရင်းနှီး မြှုပ်နှံမှု ကာကွယ်ရေး ဆိုင်ရာ သဘောတူမှု IPA ဟာ မြန်မာ့ နိုင်ငံရေး ပြုပြင် ပြောင်းလဲမှု နဲ့ ငြိမ်းချမ်းရေး ဖြစ်စဉ်တွေ အပေါ် ဆိုးကျိုး သက်ရောက် လိမ့်မယ် ဆိုပြီး နယ်သာလန် နိုင်ငံ အခြေစိုက် The Transnational Institute TNI က ဝေဖန် လိုက်ပါတယ်။

မြန်မာ့ နိုင်ငံရေး ပြုပြင် ပြောင်းလဲမှုတွေအစပျိုး လုပ်ဆောင် လာခဲ့တဲ့ သမ္မတ ဦးသိန်းစိန် အစိုးရ လက်ထက် ကတည်းက စလို့ နိုင်ငံတကာ က အစိုးရတွေ၊ စီးပွားရေး အသိုင်းအဝိုင်း တွေဟာ မြန်မာ နိုင်ငံမှာ လာရောက် ရင်းနှီး မြှုပ်နှံဖို့ စိတ်ဝင်စားမှု တွေ တိုးတက် လာခဲ့ ပါတယ်။

မြန်မာ နိုင်ငံထဲ လာပြီး ရင်းနှီး မြှုပ်နှံမှုတွေ လုပ်ကိုင် နိုင်ဖို့ ဆိုရင် မြန်မာ အစိုးရ အနေနဲ့ နိုင်ငံခြား ရင်းနှီး မြှုပ်နှံမှု မှုတွေ အပေါ် အကာအကွယ် ပေးမယ်ဆိုတဲ့ သဘောတူမှု IPA တွေ ချုပ်ဆို ဖို့ လိုတယ် ဆိုပြီး အနောက် နိုင်ငံတွေ ရော၊ အာရှ က လုပ်ငန်း ရှင် နိုင်ငံ တွေကပါ မြန်မာ အစိုးရ အပေါ် တိုက်တွန်း လာခဲ့ကြတယ် လို့ The Transnational Institute အဖွဲ့ TNI က ဆိုပါတယ်။

ဒီလို IPA စာချုပ် တွေကို စစ်အစိုးရ လက်ထက် ကတည်းက တရုတ်နဲ့ အိန္ဒိယ နိုင်ငံ တွေနဲ့ အကြား ချုပ်ဆို ခဲ့သလို၊ ၂ဝ၁၃ ခုနှစ် နောက်ပိုင်းမှာ ဂျပန်နဲ့ တောင်ကိုရီးယား နိုင်ငံ တွေနဲ့ပါ ချုပ်ဆို ခဲ့ပါတယ်။

အခုဆိုရင်လည်း ဒေါ်အောင်ဆန်းစုကြည် က ဦးဆောင်မှု ပေးနေတဲ့ မြန်မာ အစိုးရ သစ် နဲ့ ဥရာပ သမဂ္ဂ အဖွဲ့ EU တို့ အကြား IPA ချုပ်ဆိုဖို့ ညှိနှိုင်း နေကြပါတယ်။

IPA ထဲမှာ စံ တစ်ခု အနေနဲ့ ပါဝင်မြဲ ဖြစ်တဲ့အချက်တွေ ဟာ နိုင်ငံခြား ကုမ္ပဏီကြီး တွေ အတွက် ပိုပြီး အသာစီးရ နေတယ် ဆိုပြီး TNI အဖွဲ့က မြန်မာ့ ကုန်သွယ်ရေးနဲ့ ရင်းနှီး မြှုပ်နှံမှုတွေကို အထူးပြု လေ့လာ စောင့်ကြည်နေတဲ့ Pietje Vervest (ပိချာ ဗားဗက်စ်) က ပြောပါတယ်။

အစိုးရနဲ့ကြား အငြင်းပွားမှု တစုံတရာ ဖြစ်ပေါ် လာပြီ ဆိုရင် ၊ နိုင်ငံခြား ရင်းနှီး မြှုပ်နှံသူတွေ အနေနဲ့ သက်ဆိုင်ရာ ပြည်တွင်း ခုံရုံး တွေ မှာ မဟုတ်ပဲ၊ နိုင်ငံတကာ ခုံရုံး ဆီ တိုက်ရိုက် သွားခွင့် ပြုထားတဲ့ စာသားတွေ ဟာ IPA စာချုပ် တွေမှာ ပါဝင် ရ စမြဲ ဖြစ်တယ်လို့ Pietje Vervest (ပိချာ ဗားဗက်စ်) က ပြောပါတယ်။

ကုန်သွယ် ရင်းနှီးမြှုပ်နှံရေး ဆိုင်ရာ ရှေ့နေ ၃ ယောက် က ခုံရုံးဖွဲ့ ကြားနာ စစ်ဆေးရတဲ့ အဲဒီ့ နိုင်ငံတကာ ခုံရုံး တွေ ဟာ စီးပွားရေး ကုမ္ပဏီ ကြီးတွေ အနေနဲ့ နစ်နာမှုတွေ ရှိတယ်လို့ ဆုံးဖြတ် ပြီ ဆိုရင် သက်ဆိုင်ရာ အစိုးရတွေကို လျော်ကြေး ဒေါ်လာ သန်းရာပေါင်း များစွာ ပေးဆောင်ဖို့ အမိန့်ချလေ့ ရှိတယ် ဆိုပြီး Pietje Vervest (ပိချာ ဗားဗက်စ်) က ဆိုပါတယ်။

အစိုးရ က ပေးတဲ့ လျော်ကြေးဆိုတာ ပြည်သူ တွေ အတွက် သုံးစွဲ ရမယ့် ဘဏ္ဍာငွေထဲက ဖဲ့ပြီး ပေးရတာ ဖြစ်ပါတယ်။

တကယ်လို့ ဒေသခံတွေ အနေနဲ့ လူ့ အခွင့်အရေး ဆိုင်ရာ ချိုးဖောက်ခံရမှုတွေ၊ ပတ်ဝန်းကျင် ဆိုင်ရာ ဆုံးရှုံး ပျက်စီး ရတာတွေ ဖြစ်ရင်တော့ ၊ စီးပွားရေး ကုမ္ပဏီ ကြီးတွေလို နိုင်ငံတကာ ခုံရုံး ကို တက်နိုင်စွမ်း မရှိ ကြပါဘူး။

TNI အဖွဲ့က ဒီ အချက်ကို ထောက်ပြပြီး ရင်းနှီး မြှုပ်နှံမှု အကာအကွယ် ပေးရေး စာချုပ်တွေ ဆိုတာ မမျှတတဲ့ စာချုပ်တွေ၊ စီးပွား ရေး ကုမ္ပဏီ ကြီးတွေ ကိုသာ အကာအကွယ် ပေးနေတယ်လို့ ပြင်းပြင်း ထန်ထန် ဝေဖန် ပါတယ်။

ပြည်တွင်း ငြိမ်းချမ်းရေးနဲ့ ဒီမိုကရေစီ ဖော်ဆောင်ရေး လုပ်ငန်းစဉ်တွေ လုပ်ဆောင် နေတဲ့ မြန်မာ့ နိုင်ငံရေးရဲ့ အင်မတန် သိမ်မွေ့လှတဲ့ အခုလို ကာလ မျိုးမှာ အဲဒီလို စာချုပ်မျိုးကို လက်မှတ် ထိုးဖို့ အင်မတန် သတိ ကြီးကြီး ထားရလိမ့်မယ် ဆိုပြီး တော့လည်း Pietje Vervest (ပိချာ ဗားဗက်စ်) က ပြောပါတယ်။

တိုင်းရင်းသား ဒေသ နယ်မြေတွေ မှာ ရှိနေတဲ့ သဘာဝ သယံဇာတ ရင်းမြစ်တွေ ကနေ ရရှိတဲ့ ဝင်ငွေတွေကို သက်ဆိုင်ရာ ပြည်နယ်တွေက စီမံ ခန့်ခွဲပိုင်ခွင့် ရှိရေး ဆိုတာ ဟာ ပြည်တွင်း ငြိမ်းချမ်းရေး ဖြစ်စဉ် အတွက် ဆွေးနွေး နေကြတာတွေထဲ အရေးပါတဲ့ အခန်း ကဏ္ဍ မှာ ရှိ နေပါတယ်။

တိုင်းရင်းသား ဒေသတွေ က ထွက်တဲ့ သယံဇာတ တွေကို ကိုယ်တိုင် စီမံ ခန့်ခွဲ နိုင်ဖို့ အတွက် ဥပဒေကြောင်း ဆိုင်ရာ ပြင်ဆင် ပြောင်းလဲမှု တွေ မလုပ်ဆောင် နိုင်သေးခင် EU က တိုက်တွန်း နေတဲ့ ရင်းနှီး မြှုပ်နှံမှု ကာကွယ်ရေး သဘောတူမှု ကို မြန်မာ အစိုးရ အနေနဲ့ လက်မှတ် ထိုးလိုက်မှာကို မြန်မာ နိုင်ငံထဲက အရပ်ဖက် လူမှု အဖွဲ့အစည်းတွေ က ထောက်ပြ နေကြတယ်လို့ Pietje Vervest (ပိချာ ဗားဗက်စ်) က ပြောပါတယ်။

မြန်မာ့ နိုင်ငံရေးနဲ့ ငြိမ်းချမ်းရေး ဖြစ်စဉ် အတွက် အကဲဆတ် နေတဲ့ အခုလို အချိန်မှာ ရင်းနှီး မြှုပ်နှံမှု ကာကွယ်ရေး သဘောတူမှု ဟာ ဆိုးကျိုး အနေနဲ့ မသက်ရောက် စေဖို့ အင်မတန် အရေးကြီး လှတယ်လို့ TNI အဖွဲ့က သတိ ပေး နေပါတယ်။

BBC Burmese
http://www.bbc.com/burmese



Mosul မြို့စစ်ဆင်ရေး
အီရတ် ဝန်ကြီးချုပ်က မိုဆူးမြို.ကို IS လက်ထဲကနေ ပြန်လည်တိုက်ခိုက်သိမ်းပိုက်တဲ့ စစ်ဆင်ရေးဟာ အရင်မှန်းထားတာထက် အများကြီး ပိုမြန်သွားတယ်လို့ ထုတ်ပြောလိုက်ပါတယ်။

အီရတ် ဝန်ကြီးချုပ် Haider al-Abadi အနေနဲ့ အနောက်နဲ့ အရှေ့အလယ်ပိုင်းဒေသ နိုင်ငံတွေက နိုင်ငံခြားရေးဝန်ကြီးတွေနဲ့ ဆွေးနွေးပွဲမှာ ခုလို IS တွေကို မောင်းထုတ်ပြီးနောက်ပိုင်း ငြိမ်းချမ်းရေးနဲ့ တည်ငြိမ်မှုကို ဘယ်လို ပြန်ထူထောင်မလဲဆိုတာ ပဲရစ်မြို.မှာဆွေးနွေးရင်း ခုလိုထုတ်ပြောလိုက်တာပါ။

မနေ့တုန်းကလည်း အီရတ်က မဟာမိတ်တပ်ဖွဲ့ မြေပြင်စစ်ဆင်ရေးတပ်မှူး အမေရိကန်ဗိုလ်ချုပ်က IS စစ်သွေးကြွတွေသိမ်းထားခဲ့တဲ့ မိုဆူးမြို.ကိုပြန်တိုက်ခိုက်သိမ်းပိုက်နေတဲ့ အီရတ်တပ်တွေအနေနဲ့ဆက်ဖိတိုက်ပေးကြဖို့ က တိုက်တွန်းခဲ့ပါသေးတယ်။

အမေရိကန်ဗိုလ်ချုပ် Gary Volesky က ခုလို ဖိတိုက်ရာမှာ စီစဉ်ထားတာထက် ပိုအလျဉ်စလို မလုပ်ကြဖို့၊ ဘာလို့လဲဆိုတော့ ရန်သူအတွက် အခွင့်အလမ်း မပွင့်သွားစေဖို့ ဖြစ်တယ်လို့ မနေ့က ထုတ်ပြောလိုက်ပါတယ်။

ဗိုလ်ချုပ် Volesky က ဆက်ပြီးမိုဆူးကို အမြန်မဝင်နဲ့လို့တော့ ဆိုလိုတာမဟုတ်ဘူး၊ အခုရထားတဲ့ တိုက်ပွဲအရှိန်အဟုန် ဆက်ထိန်းထားပြီးရန်သူတွေ ပြိုကွဲသွားအောင်မရပ်မနား ဆက်ဖိတိုက်ဖို့ကိုသာ ဆိုလိုတာပါလို့ ဘဂ္ဂဒက်မြို.ကနေ တယ်လီဖုန်းနဲ့ တဆင့်လုပ်တဲ့ သတင်းစာရှင်းပွဲမှာ ရှင်းပြခဲ့ပါတယ်။

ဗိုလ်ချုပ် Volesky ကပဲ ဒီ IS စစ်သွေးကြွတွေအနေနဲ့ ဒီမြို့ကိုလက်လွှတ်ရမဲ့ နောက်ဆုံးအချိန်အထိ ပုံမှန်စစ်တပ်လို အလုံးအရင်းနဲ့ ခံစစ်ဆင်သွားပြီး၊ နောက်ပိုင်းမှာတော့ ပျောက်ကြားသူပုန်တပ်အသွင်ပြောင်းကာ အီရတ်တပ်တွေနဲ့ အရပ်သားတွေကို နှောင့်ယှက်လိမ့်မယ်လို့ ခန့်မှန်းလိုက်ပါတယ်။

မိုဆူးမြို့တိုက်ပွဲမှာ အမေရိကန်အနေနဲ့ ထောက်လှမ်းရေးသတင်းနဲ့ ထောက်ပို့လုပ်ငန်းတွေအပြင် ထောင်နဲ့ချီတဲ့ လေကြောင်းတိုက်ခိုက်မှုတွေ၊ လက်နက်ကြီးပစ်ကူမှုတွေနဲ့ အပါ ရဟတ်ယာဉ်တွေကို ပံ့ပိုးကူညီပေးနေတာ ဖြစ်ပါတယ်။

ဒါပေမယ့် အမေရိကန်အနေနဲ့ နိုင်ငံမြောက်ပိုင်းက မိုဆူးမြို့ကိုသာ အာရုံစိုက်မနေဘဲ၊ နိုင်ငံတောင်ပိုင်းက အီရတ်အစိုးရရဲ့ အကျိုးစီးပွားတွေကို IS တွေ အာရုံပြောင်းမတိုက်ခိုက်နိုင်အောင်လည်း တခြားဒေသတွေမှာ တပ်တွေဖြန့်ထားတယ်လို့ ဗိုလ်ချုပ် Volesky က ဆက်ပြောခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com


နယူးယောက်၊ အောက်တိုဘာ-၂၀

ရဲတပ်ကြပ်တစ်ယောက်က စိတ်ကျန်းမာရေးချွတ်ယွင်းနေသည့် အမျိုးသမီးကြီးတစ်ယောက်ကို ပစ်သတ်လိုက်ပြီးနောက် တစ်စုံတစ်ရာ အကြီးအကျယ်မှားယွင်းနေသည်ဟု နယူးယောက်မြို့တော်ဝန်က ၀န်ခံပြောကြားလိုက်သည်။

ရဲများကို မဖြစ်မနေ အခြေအနေနှင့် ရင်ဆိုင်ရမှသာ သေလောက်သည်အထိ အင်အားသုံးရန် ညွှန်ကြားထားသော်လည်း ထိုစံနှုန်းအတိုင်း လုပ်ဆောင်သည်မှာ တွေ့ရခဲကြောင်း ဘီ ဒီ ဘလာစီယိုက ပြောကြားခဲ့သည်။

ဘရွန့်တွင် ပစ်သတ်သည့်ဖြစ်ရပ်မှာ ရင်နင့်ဖွယ်ကောင်းပြီ လက်ခံနိုင်ဖွယ်ရာမရှိကြောင်း ၄င်းက ၀န်ခံပြောကြားခဲ့သည်။

ရဲတပ်ဖွဲ့ကမူ အင်္ဂါနေ့ညက ခုနှစ်ထပ်တိုက်ခန်းအဆောက်အအုံတွင် လူတစ်ယောက် သောင်းကျန်းနေကြောင်း ၉၁၁ကို ဖုန်းဆက်အကြောင်းကြားလာသောကြောင့် တုန့်ပြန်အရေးယူဆောင်ရွက်ခဲ့ရခြင်းဖြစ်သည်ဟု ပြောကြားသည်။

သူတို့ရောက်သွားချိန်တွင် အသက်၆၆နှစ်အရွယ် ဒီဘိုရာ ဒန်နာက ကတ်ကြေးတစ်စုံကိုကိုင်ပြီး ရမ်းကားနေသောကြောင့် ရဲတပ်ကြပ် ဟူး ဘယ်ရီက ကတ်ကြေးကို ချထားရန် ပြောကြားခဲ့သည်ဟု ရဲအရာရှိများက ပြောသည်။

ထိုစဉ်တွင်ပင် မစ္စဒန်နာက ဘေ့စ်ဘောရိုက်တံကို ကိုင်စွဲကာ ရဲတပ်ကြပ်ကို တိုက်ခိုက်ရန် ကြိုးစားသောကြောင့် ရဲတပ်ကြပ်က သေနတ်ဖြင့် နှစ်ချက်တိတိပစ်ခတ်ခဲ့ရာ ရင်ဝသို့ ထိမှန်သွားခဲ့သည်ဟု ဆိုသည်။ ထို့နောက် သူမကို ဆေးရုံသို့ ခေါ်ဆောင်သွားခဲ့သော်လည်း သေဆုံးသွားခဲ့သည်ဟု ဆိုသည်။

ယခင်ကတည်းက စိတ်ကစင့်ကလျား သောင်းကျန်းနေချိန် ဆေးရုံသို့ ခေါ်ဆောင်သွားရန် ရဲတပ်ဖွဲ့ကို အကြိမ်ကြိမ် ခေါ်ဆိုခဲ့သည်ဟု မစ္စတာ ဒီ ဘလာစီယိုက ပြောကြားခဲ့သည်။ ထိုအချိန်ကတည်းက သူမကို လုံခြုံဘေးကင်းစွာ ခေါ်ဆောင်သွားနိုင်သည်ဟု ဆိုသည်။

ရဲကော်မရှင်နာ ဂျိမ်းစ် အိုနီးကမူ ရဲတပ်ကြပ်မှာ ဌာန၏ စည်းမျဉ်းစည်းကမ်းမျာကို မလိုက်နာသောကြောင့် မွမ်းမံသင်တန်းတက်ခိုင်းထားသူဖြစ်သည်ဟု ပြောကြားခဲ့သည်။

အမှုကို ဤသို့ကိုင်တွယ်ရမည်ဟု သင်ကြားပေးမထားကြောင်းနှင့် တစ်ဦးချင်းအလိုက် ထူးခြားဖြစ်စဉ်သာဖြစ်ကြောင်း ၄င်းက ထပ်လောင်းပြောကြားခဲ့သည်။

ရဲတပ်ကြပ်က ဘာ့ကြောင့် ကျင်စက်အသုံးမပြုခဲ့သည်ကိုလည်း စုံစမ်းစစ်ဆေးနေသည်ဟု ဆိုသည်။
ဘရွန့်ဇ်ရပ်ကွက်ဥက္ကဌ ရူဘင် ဒိုင်ယက် ဂျူနီယာကလည်း ပစ်ခတ်မှုကို ပြစ်တင်ရှုတ်ချခဲ့သည်။

“ဒီအမျိုးသမီးကြီးကို ရဲဌာနက သိနေခဲ့တာပဲ။ ဒါနဲ့တောင် ဒီရဲအရာရှိက ဒီအမျိ်ုးသမီးကို စကားနဲ့ပဲ ငြိမ်အောင်လုပ်ရမယ်၊ သေနတ်မသုံးရဘူးဆိုတာကို ဆင်ခြင်မိသင့်တယ်”ဟု ရူဘင်က ပြောကြားခဲ့သည်။

အေပီ
china.com Myanmar
https://www.facebook.com/china.com.mm


ဆိုးလ်၊ အောက်တိုဘာ-၂၀

မြောက်ကိုရီးယားက နောက်ထပ် မအောင်မြင်သော တာလတ်ပစ်ဒုံးကျည် စမ်းသပ်ပစ်လွှတ်မှုကို ပြုလုပ်ခဲ့သည်ဟု တောင်ကိုရီးယားစစ်တပ်က ပြောကြားခဲ့သည်။

ယင်းမှာ ရက်သတ္တတစ်ပတ်တာအတွင်း မြောက်ကိုရီးယား၏ ဒုတိယအကြိမ်မြောက် မအောင်မြင်သော စမ်းသပ်မှုပင်ဖြစ်သည်ဟု ဆိုသည်။ မကြာသေးမီကလည်း ကီလိုမီတာ ၄၀၀၀ (၂၅၀၀မိုင်)အထိ ပစ်ခတ်နိုင်သည့် မူဆူဒန်ဒုံးကျည်တစ်စင်းကို စမ်းသပ်ပစ်ခတ်ခဲ့သေးသည်။

ထိုဒုံးကျည်မှာ ဂူအန်လောက်အထိ ဝေးကွာသည့် အမေရိကန်စစ်စခန်းများကို ပစ်ခတ်နိုင်စွမ်းရှိသည်ဟု ဆိုသည်။

မြောက်ကိုရီးယားက ယခုနှစ်တွင် ဒုံးကျည်စမ်းသပ်မှုပေါင်း ၈ကြိမ်တိုင်တိုင် ပြုလုပ်ခဲ့သော်လည်း တစ်ကြိမ်သာ အောင်မြင်မှုရသေးသည်။

သို့ရာတွင် နောက်နှစ်အစောပိုင်းလောက်တွင် အောင်မြင်လာဖွယ်ရှိသောကြောင့် ကျွမ်းကျင်သူများက စိုးရိမ်နေကြသည်ဟု ဆိုသည်။

အမေရိကန်ကမူ ဒုံးကျည်စမ်းသပ်မှုကို ပြစ်တင်ရှုတ်ချခဲ့ပြီး နောက်ထပ် ရန်စမှုတစ်ခုဖြစ်သည်ဟု ပြောကြားခဲ့သည်။

မြောက်ကိုရီးယားအား ပဲ့ထိန်းဒုံးကျည် (သို့မဟုတ်) နျူကလီးယားနည်းပညာ အသုံးပြုမှုကို ပိတ်ပင်ထားသည့် ကုလသမဂ္ဂကလည်း ပြုံယမ်း၏ နောက်ဆုံးစမ်းသပ်မှုကို ဆန့်ကျင်ရှုတ်ချခဲ့သည်။

ဘီဘီစီ
china.com Myanmar
https://www.facebook.com/china.com.mm


ကိုလိုနီခေတ် လွတ်လပ်ရေးကြိုးပမ်းမှုကာလကစပြီး စစ်အစိုးရလက်ထက် ဒီမိုကရေစီရေးနဲ့ အမျိုးသားပြန်လည်သင့်မြတ်ရေးတွေမှာ ပါဝင်ကြိုးပမ်းခဲ့တဲ့ ဝါရင့်နိုင်ငံရေးသမားကြီး ဝါးခယ်မ သခင်သိန်းဖေဟာ ၂ဝ၁၆ ခုနှစ် အောက်တိုဘာလ ၁၉ ရက်- ဗုဒ္ဓဟူးနေ့ည ၉ နာရီ ၄၅ မိနစ်မှာ ကွယ်လွန်တယ်လို့ မိသားစုဝင်တစ်ဦးက မနေ့က လူမှုရေးစာမျက်နှာမှာ ရေးသားထားပါတယ်။

သခင်သိန်းဖေကို ၁၉၁၆ ခုနှစ် ဇွန်လ ၉ ရက်နေ့မှာ ဧရာဝတီတိုင်း၊ မြောင်းမြခရိုင် ဝါးခယ်မမြို့၊ မင်းပိုင်းရပ်ကွက် မြို့မလမ်း၊ ဖခင် ဦးပန်းဘူး၊ မိခင် ဒေါ်သုန်တို့ကနေ မွေးဖွားခဲ့ပြီး မွေးချင်း ၇ ဦးရှိပါတယ်။

ဝါးခယ်မ အစိုးရအလယ်တန်းကျောင်း၊ ရန်ကုန် မြို့မအထက်တန်းကျောင်းတို့မှာ ပညာသင်ကြားခဲ့ပြီး ၁၉၃၄ ခုနှစ် အထက်တန်းကျောင်းသပိတ်မှာ ကျောင်းသားခေါင်းဆောင်အဖြစ် ပါဝင်လှုပ်ရှားခဲ့တဲ့အတွက် ကျောင်းထုတ်ခံခဲ့ပါတယ်။ အဲဒီနောက် ၁၉၃၅ ခုနှစ်မှာ ဝါးခယ်မ တို့ဗမာအစည်းအရုံး အတွင်းရေးမှူး ဖြစ်လာခဲ့ပါတယ်။ သခင်သိန်းဖေဟာ ၁၃ဝဝ ပြည့်နှစ် ရေနံမြေသပိတ် စောင့်ရှောက်ရေးကော်မတီဝင်အဖြစ် ပါဝင်ခဲ့သလို ၁၉၃၉ ခုနှစ်မှာ ပထမဆုံး ဗမာနိုင်ငံလုံးဆိုင်ရာ တောင်သူလယ်သမားအစည်းအရုံး အလုပ်အမှုဆောင်တဦး ဖြစ်လာခဲ့ပါတယ်။

၁၉၄၁ ခုနှစ်မှာ မြစ်ဝကျွန်းပေါ် မြေအောက်တော်လှန်ရေးတာဝန်ခံ၊ ၁၉၄၂ ခုနှစ်မှာ ဗိုလ်သိန်းဖေအဖြစ် ခံယူပြီး ဗမာ့လွတ်လပ်ရေးတပ်မတော်နဲ့အတူ မြောင်းမြ၊ ဝါးခယ်မနဲ့ ကျုံမငေးမြို့တွေကို သိမ်းယူရာမှာ ပါဝင်ခဲ့တယ်လို့ သိရပါတယ်။ ၁၉၄၅ ခုနှစ် မတ်လ ၂၇ ရက်နေ့ ဖက်ဆစ်တော်လှန်ရေး စတင်ပြီးနောက် မြစ်ဝကျွန်းပေါ်တိုင်း တော်လှန်ရေးတပ်နဲ့အတူ ပါဝင်ခဲ့ပြီး မအူပင်၊ မြောင်းမြနဲ့ ပုသိမ်ခရိုင်တွေမှာ နိုင်ငံရေးတာဝန်ခံအဖြစ် တာဝန်ယူခဲ့ပါတယ်။

လွတ်လပ်ရေးရပြီး နိုင်ငံရေးမှအနားယူပေမယ့် ၁၉၆၄ ခုနှစ်မှာ တို့ဗမာအစည်းအရုံး သမိုင်းပြုစုရေးအတွက် ဆော်သြသူအဖြစ် တာဝန်ယူခဲ့ပြီး တော်လှန်ရေးကောင်စီလက်ထက်မှာ နိုင်ငံရေးမှုနဲ့ ထောင်ဒဏ် ၃ နှစ်ကျော် ကျခံခဲ့ရပါတယ်။


၁၉၈၈ ခုနှစ် ဒီမိုကရေစီအရေးတော်ပုံအတွင်း ဝန်ကြီးချုပ်ဟောင်းဦးနု ဖွဲ့စည်းတဲ့ စင်ပြိုင်အစိုးရမှာ ပါဝင်ခဲ့သလို နောက်ပိုင်းမှာ ဦးနုဖွဲ့စည်းတဲ့ "ဒီမိုကရေစီနှင့် ငြိမ်းချမ်းရေးအဖွဲ့ချုပ်"မှာ တွဲဖက်အတွင်းရေးမှူးအဖြစ် တာဝန်ယူခဲ့တဲ့အတွက် စစ်အစိုးရက နေအိမ်အကျယ်ချုပ် အပြစ်ပေးခံခဲ့ရပါတယ်။

၂ဝဝ၇ သံဃာ့အရေးအခင်းကာလအတွင်း "ဝါရင့်နိုင်ငံရေးသမားကြီးများအဖွဲ့" မှာပါဝင်ခဲ့ပြီး ဒေါ်အောင်ဆန်းစုကြည် နေအိမ်အကျယ်ချုပ်က လွတ်မြောက်ရေး၊ ဗိုလ်ချုပ်မှူးကြီးသန်းရွှေနဲ့ ဒေါ်အောင်ဆန်းစုကြည် တွေ့ဆုံပြီး အမျိုးသားပြန်လည်သင့်မြတ်ရေး တည်ဆောက်ဖို့ အကြိမ်ကြိမ် စာပေးပို့တောင်းဆိုခဲ့သူ တဦးလည်း ဖြစ်ပါတယ်။

သခင်သိန်းဖေ ကွယ်လွန်ချိန်မှာ အသက် ၁ဝ၁ နှစ် ရှိပြီလို့ သိရပါတယ်။

RFA Burmese
https://www.facebook.com/rfaburmese

 ရခိုင်ပြည်နယ် စစ်တွေမြို့ကို ထွက်ပြေးတိမ်းရှောင်လာသူတွေကို ဓညဝတီအားကစားကွင်းက ရွက်ဖျင်တဲတွေမှာ  အောက်တိုဘာလ ၂ဝ ရက်နေ့က နေရာချပေးစဉ် ရခိုင်ပြည်နယ် စစ်တွေမြို့ကို ထွက်ပြေးတိမ်းရှောင်လာသူတွေကို ဓညဝတီအားကစားကွင်းက ရွက်ဖျင်တဲတွေမှာ အောက်တိုဘာလ ၂ဝ ရက်နေ့က နေရာချပေးစဉ်
Photo: Min Thein Aung/RFA

ရခိုင်ပြည်နယ် မောင်တောမြို့ကနေ စစ်တွေမြို့ကို ထွက်ပြေးတိမ်းရှောင်လာကြတဲ့ ဒုက္ခသည် ၁ဝဝဝ ကျော်ကို စစ်တွေမြို့ ဘောလုံးကွင်းရပ်ကွက် ဓညဝတီအားကစားကွင်းမှာ ရွက်ဖျင်တဲတွေနဲ့ ဒီနေ့ကစတင်ပြီး အစိုးရ က နေရာချထားပေးနေပါတယ်။

ထွက်ပြေးတိမ်းရှောင်လာသူတွေအနေနဲ့ တစုတစည်းတည်းဖြစ်အောင် နေရာချထားပေးတာဖြစ်ပြီး နေရပ် ကိုပြန်မယ်ဆိုရင်လည်း အစိုးရက စီစဉ်ဆောင်ရွက်ပေးသွားမယ်လို့ ရခိုင်ပြည်နယ်အစိုးရအဖွဲ့ ပြောရေးဆိုခွင့် ရှိသူ ပြည်နယ်စည်ပင်သာယာရေးဝန်ကြီး ဦးမင်းအောင် က ပြောပါတယ်။

"ပြည်နယ်အစိုးရအဖွဲ့က ဓညဝတီဘောလုံးကွင်းမှာ ရွက်ဖျင်တဲ့တွေထိုးပြီးတော့ နေရာချထားပေးတာပေါ့၊ ဒီနေ့ ဘုန်းကြီးကျောင်းတွေကနေ ပြောင်းရွှေ့နေပြီ၊ သူတို့နေရာမှာ ငြိမ်းချမ်းပြီဆိုရင် အစိုးရအဖွဲ့က လိုအပ်တာတွေကို ကူညီပံ့ပိုးပေးပြီးတော့ ပြန်နိုင်အောင်စီစဉ်ပေးနိုင်မှာပါ"


ဒီဒုက္ခသည်တွေဟာ မောင်တောမြို့နယ်မှာ ဖြစ်ပွားခဲ့တဲ့ အကြမ်းဖက်မှုတွေကြောင့် လုံခြုံရေးစိုးရိမ်ရတဲ့အတွက် ပြီးခဲ့တဲ့အပတ်လောက်က စတင်ပြီး စစ်တွေမြို့မှာရှိတဲ့ ဘုန်းတော်ကြီးကျောင်းတွေကို တဖြည်းဖြည်း ထွက်ပြေးရောက်ရှိလာကြတာဖြစ်ပါတယ်။

မောင်တောမြို့ အလိုတော်ပြည့်ကျောင်းတိုက်မှာ ယာယီခိုလှုံနေတဲ့ မောရဝတီ၊ ကိုင်းကြီး၊ ဥဒေါင်း စတဲ့ ကျေးရွာတွေက ဒေသခံ ၁ဝဝ ကျော်ကတော့ ဒီကနေ့မှာ နေရပ်အသီးသီးကို ပြန်သွားကြပြီလို့လည်း သိရပါတယ်။

ဘူးသီးတောင်မြို့ကို ထွက်ပြေးရောက်ရှိလာသူတွေကိုလည်း နေရပ်ကိုပြန်လိုက ပြန်ကြဖို့အကြောင်း ရခိုင်ပြည်နယ် ဝန်ကြီးချုပ် ဦးညီပုက ဒီနေ့ ဒုက္ခသည်တွေနဲ့ လာရောက်တွေ့ဆုံရာမှာ ပြောကြားခဲ့တယ်လို့လည်း သိရပါတယ်။

ဒါပေမဲ့ ထွက်ပြေးတိမ်းရှောက်လာကြသူ အတော်များများကတော့ လုံခြုံရေးစိတ်မချရသေးတဲ့အတွက် နေရပ် ကိုပြန်ဖို့ ငြင်းဆိုခဲ့ကြတယ်လို့လည်းသိရပါတယ်။

မောင်တောမြို့နယ်ကနေ မောင်တောမြို့၊ ဘူးသီးတောင်မြို့နဲ့ စစ်တွေမြို့တွေကို ထွက်ပြေးတိမ်းရှောင်လာသူ အရေအတွက်ဟာ ၃ဝဝဝ ကျော်လောက် ရှိပါတယ်။
RFA


ရီပတ်ပလီကန် ပါတီရဲ့ သမ္မတလောင်း Trump
ရီပတ်ပလီကန် ပါတီရဲ့ သမ္မတလောင်း Trump

ရီပတ်ပလီကန် ပါတီရဲ့ သမ္မတလောင်း ဒေါ်နယ်ထရမ့်က ရွေးကောက်ပွဲ စနစ်က သူ့အပေါ်မှာ မှန်မှန်ကန်ကန် မရှိဘူးဆိုတဲ့ သူ့ရဲ့ ရွေးကောက်ပွဲ မဲဆွယ်စည်းရုံးရေး အဖွဲ့က ပြောဆိုတာကို မနေ့ ဗုဒ္ဓဟူးနေ့ညက လုပ်တဲ့ သမ္မတလောင်း စကားစစ်ထိုးပွဲမှာ ထပ်မံ ပြောဆိုပြီး နိုဝင်ဘာလ ၈ ရက်နေ့ ရွေးကောက်ပွဲ ရလဒ်ကို လက်ခံပါမယ်လို့ ပြောဆိုဖို့ကို ငြင်းပယ်ခဲ့ပါတယ်။

အဲဒီအချိန်ရောက်ရင် ကြည့်မယ်လေလို့ မစ္စတာ ထရမ့်က ပြောဆိုခဲ့ပါတယ်။ ဒါ့အပြင် သတင်းမီဒီယာတွေကလည်း မဲဆန္ဒရှင်တွေရဲ့ စိတ်ထဲကို သူ့ကို မထောက်ခံဖို့ ရိုက်သွင်းနေတယ်၊ နောက် ပြိုင်ဘက် ဒီမိုကရက်တစ် သမ္မတလောင်း ဟီလာရီ ကလင်တန်ဟာဆိုရင်လည်း ယှဉ်ပြိုင်ရွေးကောက်ခံခွင့်တောင် မရသင့်သူလို့ ယုံကြည်တဲ့ အကြောင်း မစ္စတာ ထရမ့်က ပြောဆိုခဲ့တာပါ။ မစ္စတာ ထရမ့်ရဲ့ အပြောအဆိုတွေဟာ အမေရိကန် အဓိက ပါတီကြီး တခုရဲ့ သမ္မလောင်း တဦး အနေနဲ့ ယုံနိုင်လောက်စရာ မရှိတဲ့ အပြောအဆိုမျိုး ဖြစ်ပြီး ဘယ်သူ့ကို မဲထည့်ရမလဲ မဆုံးဖြတ်ရသေးတဲ့ မဲဆန္ဒရှင်တွေကို စိတ်ပြောင်းသွားစေနိုင်တယ်လို့ အာရီဇိုးနား တက္ကသိုလ် နိုင်ငံရေးနဲ့ ကမ္ဘာ့အရေး လေ့လာရေးဆိုင်ရာ ဌာနရဲ့ တွဲဘက် ပါမောက္ခ Richard Herrera က ပြောပါတယ်။

အမေရိကန် နိုင်ငံရေး စနစ်ရဲ့ တရားဝင်မှု အပေါ်မှာ မေးခွန်းထုတ်ခဲ့တဲ့ အပေါ်မှာတော့ အမေရိကန် ပြည်သူတွေ လက်ခံကြမယ် မထင်ဘူးလို့လည်း ပါမောက္ခ Herrera က ထပ်လောင်း ပြောပါတယ်။ သမ္မတလောင်းတွေရဲ့ နောက်ဆုံး စကားစစ်ထိုးပွဲမှာ အငြင်းအခုံ ဖြစ်ခဲ့တဲ့ ကိစ္စရပ်တွေထဲက တခုကတော့ ရုရှားရဲ့ ထောက်လှမ်းရေး ဆောင်ရွက်ချက်တွေနဲ့ ဒီဆောင်ရွက်ချက်တွေက မစ္စတာ ထရမ့်ရဲ့ ရွေးကောက်ပွဲ မဲဆွယ်စည်းရုံးမှုတွေကို အထောက်အကူပေးနေတယ်ဆိုတဲ့ စွပ်စွဲချက်တွေ အပေါ် မစ္စတာ ထရမ့်နဲ့ မစ္စစ် ကလင်တန်တို့ အပြန်အလှန် ဝေဖန် ထိုးနှက်ခဲ့ကြတာ ဖြစ်ပါတယ်။

အမေရိကန် ၀က်ဘ်ဆိုက်တွေ၊ လူပုဂ္ဂိုလ် အစည်းတွေရဲ့ အီးမေလ်းတွေကို ရုရှားတို့က ချိုးဖောက် ရယူပြီး အင်တာနက်ပေါ်ကို တင်ဖို့ အတွက် ၀ီကီလိခ်ကို အချက်အလက်တွေ ပေးနေတယ်လို့ မစ္စစ်ကလင်တန်က ပြောဆိုပြီး ဒါတွေကို ရုရှား အစိုးရရဲ့ အမြင့်ဆုံး အဆင့်က လုပ်နေတယ်၊ ရုရှား သမ္မတ ပူတင် လုပ်နေတာ ဖြစ်ပြီး အမေရိကန် ရွေးကောက်ပွဲ အပေါ် သက်ရောက်မှု ရှိစေဖို့ လုပ်ဆောင်နေတာ ဖြစ်တယ်လို့ ထောက်လှမ်းရေး အေဂျင်စီ ၁၇ ခုက အတည်ပြုထားတယ်လို့ မစ္စစ် ကလင်တန်က ပြောဆိုပါတယ်။

မစ္စတာ ထရမ့်ကတော့ သူ ပူတင်ကို မသိကြောင်း ဒါပေမယ့် အမေရိကန်နဲ့ ရုရှား ဆက်ဆံရေးပိုကောင်းရင်း ကောင်းမယ်ဆိုတဲ့ သူ့ရဲ့ အယူအဆကို ထပ်ပြီး ပြောခဲ့ပါတယ်။ ဒါ့အပြင် ရုရှား သမ္မတ ပူတင်ဟာ မစ္စစ် ကလင်တန်ကိုရော အမေရိကန် သမ္မတ ဘရက်ခ် အိုဘားမားကိုရော မလေးစားဘူး ဆိုပြီးလည်း မစ္စတာ ထရမ့်က ထပ်လောင်း ပြောဆိုခဲ့ပါတယ်။


နယ်ခြားစောင့် ရဲစခန်းအား တိုက်ခိုက်ခဲ့သူများဟု ယူဆရသူများက ထုတ်ပြန်ခဲ့သည့် ဗီဒီယိုဖိုင်များတွင် ဂျီဟတ်စစ်ပွဲ ဆင်နွှဲရန် ရည်ရွယ်ကြောင်း ရှင်းလင်းစွာ ပြောကြားထားပြီး ကမ္ဘာအနှံ့မှ မွတ်ဆလင် ညီနောင်များ ယင်းတို့နှင့် ပူးပေါင်းပါဝင်ရန် နှိုးဆော်ထားသည်ဟု ဒေါ်အောင်ဆန်းစုကြည်က ၀ါရှင်တန်ပို့စ် သတင်းစာနှင့် တွေ့ဆုံစဉ် ပြောကြားလိုက်သည်။

မြန်မာအစိုးရ အဖွဲ့ခေါင်းဆောင် ဒေါ်အောင်ဆန်းစုကြည်က နိုင်ငံအတွင်း ကြုံတွေ့နေရသည့် ပြသ၁နာများကို ဖြေရှင်းရန် အချိန်ယူရမည် ဟု ပြောကြား ခဲ့သည်။ NLD အစိုးရသက်တမ်း ၆ လခန့်အကြာ၊ နိုင်ငံအတွင်း ငြိမ်းချမ်းရေး လုပ်ငန်းစဉ်ကို ခြိမ်းခြောက်နေသည့် ပဋိပက္ခများ တစ်ကြော့ပြန် ဖြစ်ပွားနေချိန် တွင် ဒေါ်အောင်ဆန်းစုကြည်က ၀ါရှင်တန်ပို့စ် သတင်းစာနှင့် အိန္ဒိယနိုင်ငံ နယူးဒေလီမြို့တွင် တွေ့ဆုံအင်တာဗျူးတွင် ပြောကြားခဲ့ခြင်း ဖြစ်သည်။

ပြည်တွင်း ပဋိပက္ခများကြောင့် နေရပ်စွန့်ခွာ ထွက်ပြေးရသူ ထောင်ပေါင်း များစွာအတွက် လူသားချင်း စာနာမှုဆိုင်ရာ အကူအညီပေးရေး အကျပ်အတည်းများ ကြုံတွေ့နေရချိန်တွင် ယခုလ အစောပိုင်းတွင် ရခိုင်ပြည်နယ်ရှိ နယ်ခြားစောင့် ရဲစခန်း သုံးခုကို တိုက်ခိုက်ခံရပြီး ရဲ ၉ ဦး သေဆုံး ခဲ့ရခြင်းကြောင့် ပဋိပက္ခ အကျပ်အတည်း ပိုမိုနက်ရှိုင်းလာစေခဲ့သည်။

“ကျွန်မတို့ အခြေအနေကို ထိန်းသိမ်းပြီး ငြိမ်းချမ်းရေးနဲ့ သဟဇာတဖြစ်မှု အမြန်ဆုံး ပြန်လည် တည်ဆောက်ဖို့ ဆောင်ရွက်နေပါတယ်” ဟု ဒေါ်အောင်ဆန်းစုကြည် က ဆိုသည်။

ရခိုင်ပြည်နယ်၌ ဖြစ်ပွားခဲ့သည့် တိုက်ခိုက်မှုများနှင့် ပတ်သက်၍ ဒေါ်အောင်ဆန်းစုကြည် က “ကျွန်မတို့ နိုင်ငံရဲ့ လုံခြုံရေး၊ တည်ငြိမ်ရေးနဲ့ ဂုဏ်သိက္ခာကို ခြိမ်းခြောက်တာမျိုးခွင့် ပြုမှာ မဟုတ်ပါဘူး။ အကြမ်းဖက်မှုကြောင့် ဘာမှ ပြောင်းလဲမှာ မဟုတ်တဲ့အတွက် အကြမ်းဖက်ဝါဒ ဘယ်လိုပုံစံကိုမှ လက်မခံပါဘူး။ အကြမ်းဖက်ဝါဒ ပေါက်ဖွားကြီးထွားလာမှုကို ဘယ်လိုနည်းနဲ့မှ ခွင့်ပြု လက်ခံမှာ မဟုတ်ပါဘူး” ဟု ပြောကြားသည်။

ယင်းက “ကိုယ်ဖြစ်ချင်တာကို အကြမ်းဖက်တဲ့နည်းသုံးပြီး လုပ်နိုင်တယ်ဆိုတဲ့ အမြင်ကို အမြစ်ဖြတ်ရပါမယ်။ ဒါကြောင့် အကြမ်းဖက်ဝါဒကို အမြစ်ဖြတ်နှိမ်နင်းဖို့ လိုတယ်လို့ ကျွန်မပြောတာပါ” ဟု ပြောကြားခဲ့သည်။

ဆယ်စုနှစ်များစွာအတွင်း ပထမဆုံး ရွေးကောက်ခံ အရပ်သားအစိုးရအဖြစ် မတ်လကုန်တွင် စတင်တာဝန်ယူခဲ့သည့် NLD အစိုးရသည် တိုင်းရင်းသား လက်နက်ကိုင်များနှင့် ငြိမ်းချမ်းရေး တည်ဆောက်ရန်မှာ ဦးစားပေး လုပ်ငန်းစဉ်ဖြစ်သည်ဟု ပြောကြားထားသည်။ သို့သော် NLD အစိုးရအနေဖြင့် နိုင်ငံရေး အာဏာ ဆုပ်ကိုင်ထားဆဲဖြစ်သည့် စစ်တပ်နှင့် ဆက်ဆံရေး ကောင်းမွန်ရန် နှင့် ဆယ်စုနှစ်များစွာ ကျဆင်းခဲ့သည့် နိုင်ငံ့စီးပွားရေးကို ပြန်လည် တည်ထောင် ရန်လည်း ဆောင်ရွက်ရန် လိုအပ်လျက်ရှိသည်။

ဒေါ်အောင်ဆန်းစုကြည် သည် ရခိုင်အရေးကိစ္စနှင့် ပတ်သက်၍ ကုလသမဂ္ဂ အတွင်းရေးမှူးချုပ်ဟောင်း ကိုဖီအာနန် ဦးဆောင်သည့် အကြံပေးကော်မတီကို သြဂုတ်လတွင် ဖွဲ့စည်းခဲ့သည်။ ရခိုင်ပြည်နယ်အတွင်း မွတ်ဆလင်များအား နိုင်ငံသား စိစစ်ရေးလုပ်ငန်းများကို ပြန်လည်စတင်ခဲ့သော်လည်း ဘင်္ဂါလီအများစု က ပူးပေါင်းပါဝင်ရန် ငြင်းဆိုခဲ့သည်ဟု ဆိုသည်။

ဒေါ်အောင်ဆန်းစုကြည်က ရခိုင်ပြည်နယ်အတွင်းရှိ ပြသ၁နာများကို ဖြေရှင်းရန် အချိန်ယူရမည်ဟု ၀ါရှင်တန်ပို့စ် သို့ ပြောကြားခဲ့သည်။

ယင်းက “ရခိုင်ဒေသ အခြေအနေဟာ ဆယ်စုနှစ်များစွာ ပြသ၁နာတွေရဲ့ အကျိုးဆက်ပါ။ နေ့ချင်းညချင်း ဖြစ်ပေါ်လာတာ မဟုတ်ပါဘူး။ နေ့ချင်းညချင်း ဖြေရှင်းလို့ မရပါဘူး။ ပြသ၁နာက ပြီးခဲ့တဲ့ ရာစုနှစ် ကတည်းက အစပြုခဲ့တာပါ” ဟု ပြောကြားခဲ့သည်။

KHTun

The Ladies News

Ref - Washiongton Post


အောင်စိုးမိုးကျော်ရေယာဉ်ကိုဆယ်နေပုံ (Photo Credit: Dr. Aye Aye Win)
အောင်စိုးမိုးကျော်ရေယာဉ်ကိုဆယ်နေပုံ (Photo Credit: Dr. Aye Aye Win)

စစ်ကိုင်းတိုင်း ဟုမ္မလင်းကနေ မုံရွာမြို့ကို ထွက်ခွာလာတဲ့ အောင်စိုးမိုးကျော် အမြန်ရေယာဉ် နစ်မြုပ်ခဲ့တာကြောင့် လိုက်ပါလာသူတွေ သေဆုံးပျောက်ဆုံးမူတွေဖြစ်ခဲ့ပြီး ရေယာဉ်နစ်မြှုပ်ပြီး ၅ရက်မြောက်နေမှာတော့ ရေယာဉ် အစိတ်အပိုင်းအားလုံးကိုဆယ်ယူနိုင်ခဲ့ပါပြီ။ နောက်ဆုံးအနေနဲ့ရေယာဉ်အစိတ်အပိုင်းတွေထဲက အလောင်းတွေအားလုံးကိုဆယ်ယူခဲ့ရာမှာ အလောင်း၇၀ကျော်သွားပြီလို့ စစ်ကိုင်းတိုင်း ကယ်ဆယ်ေ၇းနဲ့ ပြန်လည်နေရာချထားရေးဦးစီးဌာနကပြောပါတယ်။ မအေးအေးမာကသတင်းပေးပို့ထားပါတယ် ။

စစ်ကိုင်းတိုင်း ဟုမ္မလင်း-ဖောင်းပြင်-မော်လိုက်-ကလေးဝ ဂိတ်ကနေ ခရီးသည် ၃၀၀ ထက်မနည်း တင်ဆောင်လာတဲ့ အမြန်ရေယာဉ်ဟာ ကနီမြို့နယ် မီးချောင်းတွင်းရွာအနီးမှာ နစ်မြုပ်ခဲ့တာပါ။ နီးစပ်ရာ ကျေးရွာသားတွေ၊ ဟိတသုခလူမှုရေးအသင်း၊ ကင်းရွာက ပရဟိတအဖွဲ့တွေနဲ့ ကယ်ဆယ်ရေးလုပ်သားတွေက ကယ်ဆယ်ခဲ့တာကြောင့် လူ ၁၆၀ နီးပါး အသက်ရှင်ကျန်ခဲ့ပြီး အလောင်း ၇၀ကျော် ရှာဖွေတွေ့ရှိခဲ့တယ်လို့ စစ်ကိုင်းတိုင်း ကယ်ဆယ်ရေးနဲ့ ပြန်လည်နေရာချထားရေး ဦးစီးဌာနရဲ့ ညွှန်ကြားရေးမှူး ဦးစ၀ီလီဖရန့် က ပြောပါတယ်။

“ဟုတ်ပါတယ်ရေယာဉ်အားလုံးဆယ်ပြီး၊ ဖော်ပြီးပါပြီ။ အလောင်းကတော့ ကျနော်တို့ အားလုံးစုစုပေါင်းကြီးပဲ ကျနော်တို့ ဧရိယာမှာတော့ ၆၇ လောင်းရပါတယ်။ ဟိုဘက် ရေစကြို၊ မကွေးတိုင်းကိုတော့ ၅ လောင်းလောက်မျှောသွားတယ်။ အဲဒီ ၅ လောင်းပါရင်တော့ ၇၂ လောင်းရှိပါတယ်ခင်ဗျ။ ရေယာဉ်ကတော့ ဖော်ထားပြီးပါပြီ အခုတော့ ကမ်းကိုကပ်ဖို့လေ၊ ကမ်းဆိုတာ ရေတိမ်ကို ဆွဲပြီးတင်ဖို့တော့ ကျနော်တို့ ဆက်လုပ်ဖို့ရှိပါတယ်။”


ရေယာဉ်နစ်မြုပ်မူမှာ ပါဝင်ပြီး အသက်သေဆုံးသွားကြတဲ့သူတွေအတွက် မိသားစုတွေကတော့  ယူကျုံးမရခံစားနေကြရတာပါ။ ရေယာဉ်ဟာလူတွေကိုကော ကုန်ပစည်းတွေကိုပါ
အဆမတန်တင်တဲ့ အတွက် ဒီလို အသက်ဆုံးရှုံးမူတွေဖြစ်ခဲ့ရတာလို့  အသက် ၂၂ အရွယ် သေဆုံးသွားသူ ကျောင်းဆရာမတဦးဖြစ်တဲ့ မခိုင်ချိုချိုမော်ရဲ့မိသားစုတွေကတော့ဆိုပါတယ်။

“ဟုတ်ကဲ့ခင်ဗျ အခုသူတို့တင်လာတာက မိုက်ရိုင်းလွန်းတယ်ခင်ဗျ။ ဘာဖြစ်လို့လဲဆိုတော့ ရေယာဉ် ၂ စီးစာကို ၁ စီးနဲ့ တင်လာတာခင်ဗျ။ ဒီမှာ သီတင်းကျွတ် ဆရာ၊ ဆရာမတွေပြန်ချိန်ဆိုရင် သူတို့အတွက် နောက်ထပ်ရေယာဉ်တစီး တန်ချိန်နဲ့ ညီအောင်ပေါ့ ။ အခုလို အန္တရာယ်မဖြစ်အောင်တော့ စီစဉ်ပေးသင့်တယ်ခင်ဗျ။ ဘာကြောင့်လဲဆိုတော့ အခုက ရေကတောင်မှ အတွင်းထဲကို စိမ့်စိမ့်ဝင်တာဆိုတော့ သူတို့တင်လာတာကတော့ များလွန်းတယ်ခင်ဗျ။ လူ ၃၀၀ ကျော်ဆိုတော့လေ။ ဂိတ်တွေကလည်း ရေယာဉ်တွေအပေါ်ကြီးကြပ်သင့်တယ်။ လူဦးရေဆိုရင်လည်း လိုအပ်တဲ့ လူဦးရေနဲ့ ။”

ရေယာဉ်နစ်မြုပ်ချိန်ကစပြီး သေဆုံးပျောက်ဆုံးသူတွေနဲ့ပတ်သက်လို့အစိုးရဘက်ကတော့ တရားဝင် ၀မ်းနည်စကားပြောတာမျိုးတွေ မရှိတဲ့အတွက်ဝေဖန်မူတွေလည်း ရှိနေတာပါ ။ ရေယာဉ်ပေါ်မှာ ပညာေ၇းဝန်ထမ်းတွေအများဆုံးပါဝင်ပြီး သီးတင်ကျွတ်ကျောင်းပိတ်ရက်မှာနေရပ်ကို
အလည်ပြန်ကြတာပါ။ ဒီအတွက် ကျောင်းဆရာဆရာမအတော်များများဟာ
အခုသေဆုံးကြသူတွေထဲမှာ အများဆုံးပါဝင်တာပါ။ မြန်မာနိုင်ငံမှာ တော့ မြစ်ချောင်းတွေအတွင်း ခေတ်မှီရေယာဉ်တွေမသုံးနိုင်ကြသေးသလို ရေကြောင်း ပြေးဆွဲတဲ့ရေယာဉ်တွေကိုလည်း လိုအပ်တာထက် လူတွေကုန်တွေမတင်ဖို့ အတွက် စံနစ်တကျ
ညွန်ကြားထား စည်ကမ်းထုတ်ထားတာမျိုးတွေ အားနည်းတဲ့အတွက် အခုလိုမျိုးဖြစ်ရပ်တွေက မကြာခဏ ဖြစ်လေ့ရှိပြိး လူသေဆုံးမူတွေဖြစ်နေကြတာပါ။ ခုချင်းတွင်းမြစ်ပေါ်မှာ ရေယာဉ်နစ်မြုပ်ခဲ့ရပြိးတဲ့နောက် ပြည်သူတွေရဲ့ အသက်အန္တရယ်တွေအတွက်ကာကွယ်ပေးမယ့် အစီစဉ်တွေကို လုပ်ဆောင်ဖို့အတွက် ဒေသဆိုင်ရာ အစိုးရတာဝန်ရှိသူတွေက သတိပြု သင့်ပြီလို့လည်း ဝေဖန်သူတွေက ထောက်ပြကြပါတယ်။
VOA Burmese News


စကား စစ်ထိုးပွဲ အပြီး မိသားစုနဲ့ အတူ တွေ့ရတဲ့ မစ္စတာ ထရမ့်
အမေရိကန် ပြည်ထောင်စုရဲ့ ရီပတ်ပလစ်ကင် သမ္မတလောင်း ဒေါ်နယ်ထရမ့်ဟာ ရွေးကောက်ပွဲ မှာသာ သူ ရှုံးနိမ့် ခဲ့ရင် အဲဒီ့ ရလဒ် အတိုင်း လက်ခံ လိုက်နာပါမယ်လို့ ကတိပြု ပြောကြား ဖို့ရာ ငြင်းဆန် ခဲ့ပါတယ်။

သမ္မတလောင်း နှစ်ယောက်ရဲ့ ရုပ်မြင်သံကြားပေါ် မျက်နှာချင်းဆိုင် စကား စစ်ထိုးပွဲ နောက်ဆုံး အကြိမ် ပြုလုပ်ခဲ့စဉ် မစ္စတာ ထရမ့်က အဲဒီလို ငြင်းဆန် ခဲ့တာ ဖြစ်ပါတယ်။

စကား စစ်ထိုးပွဲကို ကြီးကြပ်ပေးတဲ့ ခရစ် ဝေါလေ့စ်ကို မစ္စတာ ထရမ့်က ရွေးကောက်ပွဲ ရလဒ်ကို သူလိုက်နာ မလား ဆိုတာ အဲဒီ အချိန် ရောက်တဲ့ အခါကျမှ ပြောမယ်လို့ ဆိုခဲ့ပါတယ်။

လာ့စ်ဗေးဂတ်စ် မြို့မှာ ကျင်းပခဲ့တဲ့ စကား စစ်ထိုးပွဲ မှာလည်း သမ္မတ လောင်း နှစ်ဦး အကြား ခါးခါးသည်းသည်း ပြောဆိုတာတွေ ဆက်လက် ရှိခဲ့ပြီး ပြိုင်ဘက် ဟီလာရီ ကလင်တန်ကို မစ္စတာ ထရမ့်က အင်မတန် ဆိုးရွားတဲ့ မိန်းမလို့ ခေါ်ဝေါ် ခဲ့ပါတယ်။

အခု နောက်ဆုံး အကြိမ် စကား စစ်ထိုးပွဲဟာ ရွေးကောက်ပွဲရင် နိုဝင်ဘာ ၈ ရက် ရောက်ဖို့ သီတင်း သုံးပတ်တောင် မလို တော့တဲ့ အချိန်မှာ ပြုလုပ်ခဲ့တာ ဖြစ်ပါတယ်။

စကားစစ်ထိုးပွဲ မစတင်ခင် မှာရော အဆုံးမှာပါ သမ္မတလောင်း နှစ်ယောက်ဟာ တစ်ယောက်နဲ့ တစ်ယောက် လက်ဆွဲ နှုတ်ဆက်ဖို့ ငြင်းပယ်ခဲ့ပြီး၊ တစ်ယောက် စကား ပြောနေချိန်မှာလည်း ကြားဖြတ် အော်ဟစ် ပြောဆို တာတွေ ပြုလုပ် ခဲ့ပါတယ်။

မစ္စတာ ထရမ့်က သူသာ သမ္မတ ဖြစ်လာရင် အမေရိကန်မှာ ကိုယ်ဝန် ဖျက်ချခွင့်ကို တရားဝင် ပြုထားတာကို ပြန်လည် ပြင်ဆင် နိုင်ဖို့ ကွန်ဆာဗေးတစ်ဗ် အမြင်ဘက် တိမ်းညွတ်မှု ရှိတဲ့ ဗဟိုတရားရုံးချုပ် တရားသူကြီး တွေကို ခန့်အပ်မယ်လို့ ကတိပေး ပြောခဲ့သလို၊ သေနတ် ကိုင်ဆောင်ခွင့် ကိုလည်း အကာအကွယ်ပြု သွားမယ်လို့ ပြောခဲ့ပါတယ်။

ဒါ့အပြင်၊ နေထိုင်ခွင့် စာရွက်စာတမ်း အထောက်အထား မရှိသူတွေကို ပြည်နှင်ဒဏ် ပေးမယ် ၊ အမေရိကန် နယ်စပ်တွေ လုံခြုံ စေရမယ် ဆိုတဲ့ သူ့ ပြောစကား တွေ ကို ထပ်လောင်း အတည်ပြု ပြောဆို ခဲ့ပါတယ်။

မစ္စ ကလင်တန်က တော့ လိင်တူ ချစ်သူတွေရဲ့ LGBT လူမှု အသိုင်းအဝိုင်း ရဲ့ အခွင့်အရေးတွေ အတွက် ရပ်တည်သွားမယ် ဆိုပြီး အခိုင်အမာ ပြောခဲ့ပါတယ်။

ဒါ့အပြင် ကိုယ်ဝန် ဖျက်ချပိုင်ခွင့်ကိုလည်း အကာအကွယ် ပေးမှာ ဖြစ်ပြီး၊ လူလတ်တန်းစား ပြန်လည် ထွန်းကားလာရေး အပေါ် အာရုံစိုက် လုပ်ကိုင်ရင်းနဲ့ အမျိုးသမီးတွေ လုပ်ခလစာ ညီတူညီအမျှ ရရှိရေး အတွက်လည်း ဆောင်ရွက် ပေးသွားမယ်လို့ ပြောဆို ခဲ့ပါတယ်။

ဒီ စကား စစ်ထိုးပွဲ အတွင်း စိတ်ဝင်စားဖို့ အကောင်းဆုံး ဖြစ်ခဲ့တာ ကတော့ ရွေးကောက်ပွဲ ရလဒ်အပေါ် လက်ခံ လိုက်နာမလား ဆိုတာကို ကတိပေး ပြောဖို့ရာ မစတာ ထရမ့်က နှစ်ကြိမ်တိုင်တိုင် ငြင်းဆန် ခဲ့တာပဲ ဖြစ်ပါတယ်။

ဒါဟာ ရွေးကောက်ပွဲက ဆန္ဒမဲ တွေကို ရေတွက်အပြီး အရှုံး အနိုင် ရလဒ် ထွက်ပေါ် လာတဲ့ အခါတိုင်း ရှုံးနိမ့်တဲ့ သမ္မတလောင်းက သူ့ရဲ့ အရှုံးကို ဝန်ခံ အတည်ပြု ပြောကြား လေ့ ရှိကြတဲ့ အမေရိကန် နိုင်ငံရေး အစဉ်အလာကို မစ္စတာ ထရမ့်က ချိုးဖျက် လိုက်တာ ဖြစ်ပါတယ်။

ရွေးကောက်ပွဲ အရှုံးကို လက်ခံမယ် ဆိုတဲ့ ကတိစကား ပေးဖို့ ပျက်ကွက်တာဟာ အင်မတန် ထိတ်လန့်ဖို့ ကောင်းတယ်လို့ မစ္စစ် ကလင်တန်က တုံ့ပြန် ပြောဆို ခဲ့ပါတယ်။

အမေရိကန် ဒီမိုကရေစီကို ထရမ့်က အသရေ ယုတ်လျော့အောင် ပြုလုပ် နေတာပဲ ဆိုပြီး မစ္စစ် ကလင်တန် ပြင်းပြင်းထန်ထန် ဝေဖန် ခဲ့ပါတယ်။

ဒီလို လူစားမျိုးက အမေရိကန်ရဲ့ အဓိက ပါတီကြီး နှစ်ခုထဲက တစ်ခုကို ကိုယ်စားပြုတဲ့ သမ္မတလောင်း တစ်ယောက် ဖြစ်နေတဲ့ အပေါ် အင်မတန် ကြောက်ရွံ့ ထိတ်လန့် မိတယ်လို့ မစ္စစ် ကလင်တန်က ဆိုပါတယ်။

အမေရိကန် NBC သတင်း ရုပ်သံက နိုင်ငံရေး ဝေဖန်သူလည်း ဖြစ်၊ ဆီနိတ်တာ ဂျွန် မက်ကိန်း ၂ဝဝ၈ သမ္မတ ရွေးကောက်ပွဲ ဝင်တုန်းက အကြံပေးလည်း လုပ်ခဲ့တဲ့ နီကိုလ် ဝေါလေ့စ်က မစ္စတာ ထရမ့်ဟာ သူ့ရဲ့ နိုင်ငံရေး သေတွင်း သူကိုယ်တိုင် တူးလိုက်တာပဲ ဆိုပြီး ရွေးကောက်ပွဲ ရလဒ်ကို လက်ခံဖို့ ငြင်းဆန်ခဲ့တဲ့ အပြုအမူ အပေါ် မှတ်ချက် ချခဲ့ပါတယ်။

BBC Burmese
http://www.bbc.com/burmese



ရီပါပလေကန် သမ္မတလောင်း Donald Trump (Credit: Reuters) 
အမေရိကန် ​သမ္မတလောင်း ​Donald ​Trump ​က ​ရွေးကောက်ပွဲ ​ရလဒ်ကို ​လက်ခံချင်မှ ​လက်ခံမယ်လို့ ​ပြောလိုက်ပါတယ်။

ရီပါပလေကန် ​သမ္မတလောင်း ​Donald ​Trump ​နဲ့ ​ဒီမိုကရက်တစ် ​ပါတီ ​သမ္မတလောင်း ​ဟီလာရီ ​ကလင်တန်တို့ရဲ့ ​တတိယအကြိမ်နဲ့ ​နောက်ဆုံးအကြိမ် ​စကားနိုင်လုပွဲမှာ ​ပြောသွားခဲ့တာပါ။ ​ရွေးကောက်ပွဲမှာ ​ရှုံးနိမ့်ရင် ​ရလဒ်ကို ​လက်ခံမှာလားလို့ ​မေးတဲ့အခါ ​Donald ​Trump ​က ​ဖြေဆိုဖို့ ​ငြင်းဆိုလိုက်ပါတယ်။

Donald ​Trump ​ရဲ့ ​သမီးနဲ့ ​လုပ်ဖော်ကိုင်ဖက် ​Mike ​Pence ​ကတော့ ​ရွေးကောက်ပွဲ ​ရလဒ်ကို ​Donald ​Trump ​လက်ခံမှာပါလို့ ​ပြောဆိုပေမယ့် ​Donald ​Trump ​ကတော့ ​ရွေးကောက်ပွဲကျင်းပတဲ့ ​နေ့မှပဲ ​ရလဒ်ကို ​လက်ခံမလား၊ ​လက်မခံဘူးလား ​ဆိုတာကို ​ဆုံးဖြတ်မယ်လို့ ​ပြောလိုက်ပါတယ်။

မီဒီယာတွေက ​ဟီလာရီ ​ကလင်တန်ကိုပဲ ​ထောက်ခံကြတဲ့အတွက် ​ရွေးကောက်ပွဲ ​ရလဒ်ကို ​လိုက်နာမယ် ​မလိုက်နာဘူး ​ဆိုတဲ့ ​ကိစ္စ ​ဖြစ်ပေါ်ရတာလို့ ​Donald ​Trump ​က ​ပြောပါတယ်။

Donald ​Trump ​အနေနဲ့ ​ရွေးကောက်ပွဲ ​ရလဒ်ကို ​ငြင်းဆိုနိုင်တဲ့ ​အလားအလာကို ​ကြည့်ပြီး ​ဟီလာရီ ​ကလင်တန်က ​အင်မတန် ​အံ့အားသင့် ​ကြောက်ရွံ့မိတယ်လို့ ​တုန့်ပြန်လိုက်ပါတယ်။

Donald ​Trump ​အနေနဲ့ ​သူလိုချင်တဲ့ ​ရလဒ်ကို ​မရရင် ​တခြားလူတွေကို ​စွပ်စွဲအပြစ်တင်တဲ့ ​အလေ့အကျင့်ကလည်း ​ရှိတယ်လို့ ​ပြောဆိုလိုက်ပါတယ်။

Donald ​Trump ​ရဲ့ ​ရုပ်မြင်သံကြား ​အစီအစဉ်က ​အကယ်ဒမီဆုလို့ ​တင်စားနိုင်တဲ့ ​Emmy ​ဆုကို ​၃ ​နှစ်ဆက်တိုက် ​မရတုန်းကလည်း ​Emmy ​ဆုရွေးချယ်ရေးမှာ ​မသမာမှုတွေ ​ရှိတယ်ဆိုပြီး ​တွစ်တာကနေတဆင့် ​ရေးသားတာမျိုးတောင် ​လုပ်တယ်လို့ ​ဟီလာရီ ​ကလင်တန်က ​ပြောပါတယ်။

သမ္မတလောင်း ​နှစ်ဦးက ​သေနတ်ထိန်းချုပ်ရေးအကြောင်း၊ ​ကိုယ်ဝန်ဖျက်ချတဲ့အကြောင်းနဲ့ ​လူဝင်မှု ​ကြီးကြပ်ရေးအကြောင်းတွေလည်း ​စကားစစ်ထိုးခဲ့ကြပါတယ်။

Donald ​Trump ​ကတော့ ​တရားမဝင် ​ရောက်ရှိလာတဲ့ ​လူပေါင်း ​သန်းနဲ့ချီကို ​နှင်ထုတ်မယ်လို့ ​ပြောဆိုနေပြီး ​ဟီလာရီ ​ကလင်တန်ကတော့ ​အဲဒီလို ​လုပ်ဆောင်ရင် ​အမေရိကန် ​နိုင်ငံကို ​ပြိုကွဲအောင် ​လုပ်ရာ ​ရောက်မယ်လို့ ​ပြောလိုက်ပါတယ်။

မူးယစ်ဘုရင်နဲ့ ​ရာဇာဝတ်သားတွေ ​အမေရိကန် ​နိုင်ငံမှာ ​ရှိတာကြောင့် ​အဲဒီလူတွေ ​ထွက်ခွာဖို့ ​လိုတဲ့အကြောင်း၊ ​နယ်စပ်ကို ​လုံခြုံအောင်လုပ်မယ်လို့ ​ပြောသွားခဲ့ပါတယ်။

ဟီလာရီကလင်တန်ကတော့ ​အဲလို ​ပြောဆိုချက်ကို ​ပယ်ချလိုက်ပြီး ​Donald ​Trump ​ရဲ့ ​အမျိုးသမီးတွေအပေါ် ​ထားတဲ့ ​ခံယူချက်တွေကို ​ထိုးနှစ်လိုက်ပါတယ်။

Donald ​Trump ​ဟာ ​အမျိုးသမီးတွေကို ​လေးစားမှု ​မရှိပဲ ​သိမ်ငယ်အောင် ​လုပ်ဆောင်သူ ​ဖြစ်တဲ့အကြောင်း၊ ​အမျိုးသမီးတွေရဲ့ ​ဂုဏ်သိက္ခာနဲ့ ​တန်ဖိုးရှိမှုကို ​ထိုးနှက်လေ့ရှိတယ်လို့ ​ပြောဆိုလိုက်ပါတယ်။

ABC Radio Australia
http://www.radioaustralia.net.au/burmese


အောင်စိုးမိုးကျော်အမြန်ရေယာဉ်နစ်မြုပ်မှုမှာ သေဆုံးခဲ့ကြသူတွေ ၀တ်ဆင်ထားတဲ့ ရွှေထည်ပစ္စည်းတွေကို သက်ဆိုင်ရာပိုင်ရှင်တွေပြန်ရနိုင်ဖို့ သေချာသိမ်းဆည်းထားပြီး ပြန်လည်ပေးအပ်နေတယ်လို့ ကနီမဲဆန္ဒနယ် တိုင်းဒေသကြီးလွှတ်တော်ကိုယ်စားလှယ် ဦးရွှင်ဌေးက 5 Plus ကိုပြောပါတယ်။

 သေဆုံးသူတွေရဲ့ အလောင်းတွေကို နံပါတ်စဉ်တပ်ထားပြီး ၀တ်ဆင်ထားတဲ့ ရွှေတွေကိုလည်း နံပါတ်စဉ်အလိုက် သိမ်းဆည်းထား တာဖြစ်တယ်လို့ ဆိုပါတယ်။

 အလောင်းတွေကို လာရောက်စောင့်ဆိုင်းနိုင်တဲ့ ပိုင်ရှင်တွေကိုတော့ ချက်ချင်းပေးပြီး မလာနိုင်တဲ့ ရပ်ဝေးကပိုင်ရှင်တွေကတော့ သက်ဆိုင်ရာမြို့နယ်ရဲစခန်းမှာ လာရောက်ထုတ်ယူနိုင်ဖို့ စီစဉ်ထားတယ်လို့ ဦးရွှင်ဌေးက ဆိုပါတယ်။

အလောင်းတွေလာရောက် စောင့်ဆိုင်းနိုင်တဲ့သူတွေကိုတော့ ပိုင်ရှင်ရဲ့သဘောဆန္ဒအလျောက် မြေမြှုပ်ခြင်း (သို့) သဂြိုလ်ခြင်းတွေ လုပ်ဆောင်နေပါတယ်။ ဒါ့အပြင် ရေယာဉ်ဆယ်ယူမှုနဲ့ အလောင်းရှာဖွေမှုမှာ ပါဝင်တဲ့သူတွေဟာ အလောင်းတွေရဲ့ ပုံပန်းသဏ္ဌာန်တွေနဲ့ ရရှိထားတဲ့ ဓာတ်ပုံတွေကို လူမှုကွန်ရက်ကတစ်ဆင့်ဖော်ပြပြီး တိုက်ဆိုင်စစ်ဆေးကာ ပိုင်ရှင်တွေရဲ့ ဆက်သွယ်မှုပေါ်မူတည်ပြီး သူတို့ရဲ့ သဘောဆန္ဒအလျောက်မြေမြုပ်ခြင်း (သို့) သဂြိုလ်ခြင်းတွေ လုပ်ဆောင်ပေးနေပါတယ်။


အောင်စိုးမိုးကျော်အမြန်ရေယာဉ်နစ်မြုပ်မှုမှာ ခရီးသည် (၃၀၀)နီးပါးရှိပြီး (၁၅၄)ယောက်ကို အသက်ရှင်လျက်ကယ်ဆယ်နိုင်ခဲ့တယ်လို့ သိရပါတယ်။ ကျန်တဲ့ပျောက်ဆုံးနေသူတွေကိုတော့ ဆက်လက်ရှာဖွေရာ အလောင်း (၇၄)လောင်းကို ဒီနေ့ (အောက်တိုဘာလ ၂၀)ရက် နေ့လည် (၁၂)နာရီအထိ ဆယ်ယူပြီးဖြစ်တယ်လို့ ဦးရွှင်ဌေးက ဆိုပါတယ်။

ဓာတ်ပုံ- ဦးရွှင်ဌေး
5 Plus News
https://www.facebook.com/5plusnews


နိရဉ္စရာ အောက်တိုဘာ ၂၀

မောင်တောမြို့နယ် မြောက်ပိုင်းကျေးရွာများမှ ထွက်ပြေးတိမ်းရှောင်လာသူများကို အာဏာပိုင် များက နေရပ်ပြန်ပို့ရန် စီစဉ်လျက်ရှိရာ ရွာသားများ အနေဖြင့် လုံခြုံရေး စိတ်ချမရသေး၍ အိမ်မပြန်လိုသေးကြောင်း ပြောကြားသည်။

လုံခြုံရေး စိတ်ချရပြီဆိုပြီဟုဆိုကာ ရခိုင်ပြည်နယ် မောင်တောမြို့နယ် တောင်ပိုင်း တိုင်းရင်းသား ကျေးရွာများမှ ထွက်ပြေးလာသူများကို ယနေ့ နံနက်က ပြန်လည် ပို့ဆောင်ပြီးနောက် မောင်တောမြို့နယ် မြောက်ပိုင်းမှ ခိုလုံရန် ရောက်ရှိနေသော ရွာသားများကို ပြန်ပို့ဆောင်မည်ဟု အာဏာပိုင်များက ပြောကြားပြီးနောက်ေ မောင်တောမြို့နယ် မြောက်ပိုင်းမှ ရွာသားများက မိမိတို့အနေဖြင့် လုံခြုံရေး စိတ်မချရသေး၍ မပြန်လိုကြောင်း ထုတ်ဖော်ပြောကြားလာကြခြင်း ဖြစ်သည်။

"ပစ်ခတ် တိုက်မှုတွေဖြစ်ပွားခဲ့တဲ့ ဘင်္ဂလီရွာတွေဟာ ကျွန်မတို့ကျေးရွာ အနီးအနားက ကျေးရွာတွေမှာပါ။ အဲ့ဒီလို အန္တရာယ်များတဲ့နေရာကို ပြန်ရမယ်ဆိုရင် လုံခြုံရေးစိတ်ချရဖို့ လိုအပ်ပါတယ်"ဟု ဖားဝပ်ချောင်းကျေးရွာမှ ဒေါ်နီနီက နိရဉ္စရာ သတင်းဌာနသို့ပြောသည်။

ဖားဝပ်ချောင်းကျေးရွာတွင် အိမ်ခြေ ၁၀၄ ဆောင်ရှိရာမှ ရွာသား ၁၀၀ ကျော် တိမ်းရှောင်လာကြပြီး ယခုလက်ရှိတွင် အလိုတော်ပြည့် ကျောင်းတစ်ကျောင်းတည်းမှာပင် ရွာသား ၇၀ ခန့် ကျန်ရှိနေသေးသည်။

ယခုလက်ရှိတွင် ဖားဝပ်ချောင်းကျေးရွာ၌ နယ်ခြားစောင့်စခန်းတစ်ခု ရှိသော်လည်း အရေအတွက်နည်းကြောင်း နယ်ခြားစောင့် တပ်အင်အား တိုးချဲ့ဖို့လိုအပ်သလို တင်အင်အားပါ ဖြည့်တင်းဖို့လိုအပ်ကြောင်း ရေရှည်အတွက်ဆိုလျှင် လုံခြုံရေးသာမက စီးပွားရေးနှင့် ပညာရေးအတွက်ပါ ဖြည့်ဆည်းဖို့လိုအပ်သည်ဟု ဆိုသည်။

သို့သော် မောင်တောမြောက်ပိုင်း ပြားသားရွာမှ မိသားစု ၃ စုကမူ ပို့ပေးမည်ဆိုပါက အလျင်ဆုံး နေရပ်ပြန်လိုကြပြီဟု နိရဉ္စရာသတင်းဌာနသို့ ပြောသည်။

မောင်တောမြို့ပေါ်တွင် မြောက်ပိုင်းကျေးရွာများ ဖြစ်ကြသည့် ငခူရ၊ ကြိမ်ချောင်း၊ ရွက်ညိုးတောင်၊ ဖားဝပ်ချောင်း၊ ရေမျက်တောင် စသည့် ကျေးရွာများမှ မိသားစုများ ခိုလုံလျက် ရှိနေကြောင်း သတင်းရရှိသည်။

စံမောင်သန်း မောင်တော
Narinjara
https://www.facebook.com/Narinjara



(အိမ်အကူမိန်းကလေးနှစ်ဦးကို ညှဉ်းပန်းနှိပ်စက်ခဲ့တဲ့ အင်းဝအပ်ချုပ်ဆိုင်ပိုင်ရှင် ၆ ဦးကို အောက်တိုဘာလ ၆ ရက်နေ့ ရန်ကုန်တိုင်း အနောက်ပိုင်းခရိုင်တရားရုံးမှာ ရုံးထုတ်စဉ်) Photo: Htet Arkar/RFA
အိမ်အကူမိန်းကလေးငယ်၂ ဦးကို ညှဉ်းပန်းနှိပ်စက်ခဲ့တဲ့ အင်းဝအပ်ချုပ်ဆိုင် ပိုင်ရှင် မိသားစုဝင် ၆ ဦးအမှုနဲ့ ပတ်သက်ပြီး ဒီကနေ့ အနောက်ပိုင်းခရိုင်တရားရုံးက တရားလိုသက်သေအဖြစ် အင်းဝအပ်ချုပ်ဆိုင်မှာ အလုပ်လုပ်ခဲ့တဲ့ မတင်တင်ခိုင်ကို စစ်ဆေးခဲ့ပါတယ်။

အိမ်အကူ မစန်းကေခိုင်နဲ့ မသဇင်တို့ကို အင်းဝအပ်ချုပ်ဆိုင်ပိုင်ရှင် မိသားစုဝင်တွေရဲ့ ညှဉ်းပန်း နှိပ်စက်မှုတွေအကြောင်းကို တရားရုံးမှာ ထွက်ဆိုခဲ့ပါတယ်။

အသက် ၁၈ နှစ်အရွယ် မတင်တင်ခိုင်ဟာ ကော့မှူးမြို့နယ်မှာ မစန်းကေခိုင်၊ မသဇင် တို့နဲ့ တစ်ရွာတည်းနေထိုင်သူဖြစ်ပြီး အသက် ၁၃ နှစ်အရွယ်ကစပြီး အင်ဝအပ်ချုပ်ဆိုင် မိသားစုရဲ့အိမ်မှာ ၅ နှစ်ကြာ အလုပ်လုပ်ကိုင်ခဲ့သူ ဖြစ်ပါတယ်။

အဲဒီ အင်းဝအပ်ချုပ်ဆိုင် အမှုအတွက် တရားလိုပြ သက်သေအဖြစ် ၁၅ ဦး တင်သွင်းထားပြီး ပြီးခဲ့တဲ့ အောက်တို ၁၃ ရက်နေ့က ဒုရဲမှူး မျိူးသိန်းကိုစစ်ဆေးခဲ့ပြီး ဒီကနေ့မှာတော့ မတင်တင်ခိုင်ကို သက်သေအဖြစ် ခေါ်ယူစစ်ဆေးတာဖြစ်ပါတယ်။

ကျန်ရှိတဲ့ တရားလိုပြသက်သေ ၁၃ ဦးကို လာမယ့် အပတ်စဉ် ကြာသာပတေးနေ့တိုင်းမှာ ဆက်လက်စစ်ဆေးသွားမှာ ဖြစ်ပါတယ်။

အိမ်ဖော် မိန်းကလေး နှစ်ယောက်ကို ကိုယ်အင်္ဂါချို့ယွင်းစေတဲ့အထိ နှိပ်စက်ညှဉ်းပန်းခဲ့တဲ့ အင်းဝအပ်ချုပ်ဆိုင်ပိုင်ရှင် မိသားစုဝင် ၆ ယောက်ကို နာကျင်စေမှု၊ လူကုန်ကူးမှု တားဆီးကာကွယ်ရေး ဥပဒေ၊ ကလေးသူငယ် ကာကွယ်စောင့်ရှောက်ရေး ဥပဒေပုဒ်မ - ၆၆(ဃ)တို့နဲ့ ရဲတပ်ဖွဲ့နဲ့ လူမှုဝန်ထမ်းကယ်ဆယ်ရေးနဲ့ ပြန်လည်နေရာချထားရေး ဝန်ကြီးဌာနက တရားစွဲဆိုထားတာ ဖြစ်ပါတယ်။

RFA Burmese
https://www.facebook.com/rfaburmese


နေပြည်တော် အောက်တိုဘာ ၂၀

ရခိုင်ပြည်နယ် မောင်တောမြို့နယ်အတွင်း တပ်မတော်စစ်ကြောင်းက နယ်မြေ ရှင်းလင်းရေးဆောင်ရွက်စဉ် ယနေ့နံနက် ၈ နာရီ ၁၀ မိနစ်ခန့်တွင် ၀ါးပိတ်ကျေးရွာ အထွက် စိုက်ခင်းအတွင်း ၀ှက်ထားသော ၁၂ ဗို့ဆလိုက် အက်ရှင် သေနတ် ၁ လက်အား ရှာဖွေသိမ်းဆည်းရမိခဲ့သည်။


အဆိုပါ လက်နက်မှာ မောင်တောမြို့နယ်နှင့် ရသေ့တောင်မြို့နယ်များရှိ နယ်ခြား စောင့်ရဲတပ်ဖွဲ့ဌာနချုပ်နှင့် ကွပ်ကဲမှုအောက်ရှိ ကင်းစခန်းများ အား အောက်တိုဘာ ၉ရက်က အကြမ်းဖက်စီးနင်းတိုက်ခိုက်သူများ တိုက်ခိုက် စဉ် ၎င်းတို့နောက်သို့ ပါရှိသွား သော လက်နက်ဖြစ်ပြီး အဆိုပါ နေရာ တစ်ဝိုက်အား တပ်မတော်စစ်ကြောင်းမှ နယ်မြေ ရှင်းလင်းရေး လုပ်ငန်းများ ဆက်လက်ဆောင်ရွက်လျက်ရှိကြောင်း သတင်းရရှိသည်။

(မြ၀တီ)
MOI Webportal Myanmar
https://www.facebook.com/MOIWebportalMyanmar


ရသေ့တောင်မြို့နယ်မှာ ပိုင်ရှင်မဲ့မူးယစ်ဆေးဝါးတွေ သိမ်းဆည်းရမိတဲ့သတင်း

အောက်တိုဘာလ(၁၉) ရက် နေ့လည်ပိုင်းက ရခိုင်ပြည်နယ်၊ ရသေ့တောင်မြို့နယ် ပန်းဖေါ်ပြင်ကျေးရွာ အုပ်စု၊ ရွာသာယာအနီးရှိ မေယုတောင်ခြေရင်းမှာ wy စာတမ်းပါပိုင်ရှင်မဲ့ မူးယစ်ဆေးဝါး အပြား (၁၇၉၀၀၀)ကျော်ကို သိမ်းဆည်းရမိခဲ့တယ်လို့ သိရပါတယ်။

 ကာလတန်ဘိုးအားဖြင့် ကျပ်သန်းပေါင်း ၃၅၈၀ ဖိုးခန့်ရှိတယ်လို့ ရသေ့တောင်မြို့နယ်အုပ်ချုပ်ရေးမှူးကပြောပါတယ်။

ရသေ့တောင်မြို့နယ် စေတီပြင်စခန်းက စခန်းမှုးနဲ့အဖွဲ့ ကင်လှည့်နေစဉ်မှာ အဲဒီရွာက အမျိုးသမီး သုံးယောက်လာသတင်းပို့လို့နယ်မြေရဲနဲ့ နယ်ခြားစောင့်တပ်ပူပေါင်းပြီး သွားရောက်စစ်ဆေးပြီး သိမ်းဆည်း ရမိခဲ့ တာလို့ ရသေ့တောင်မြို့နယ်အုပ်ချုပ်ရေးမှူးကပြောပြပါတယ်။

သတင်းထောက် ...... မြတ်ဝေ (စစ်တွေ)
5 Plus News
https://www.facebook.com/5plusnews



ကျောက်မျက်ဥပဒေကို ပြင်ဆင်ပေးဖို့ အောက်တိုဘာလ ၂ဝ ရက်နေ့က ရေမဆေးကျောက် ရှာဖွေသူတွေနဲ့ ကျောက်စိမ်းလုပ်ကိုင် သူတွေ ဖားကန့်မြို့ မှော်ဝမ်းရပ်ကွက်က ကျောက်တိုင်ကွင်းမှာ ဆန္ဒပြတောင်းဆိုစဉ် Photo: Zaw Moe Htet (facebook)
မြန်မာ့ ကျောက်မျက်ရတနာဥပဒေကို ပြန်လည်ပြင်ဆင်ပေးဖို့အတွက် လူဦးရေ ၂ သောင်းလောက်ရှိတဲ့ ရေ မဆေးကျောက်ရှာဖွေသူတွေနဲ့ ကျောက်စိမ်းလုပ်ကိုင်သူတွေဟာ ဖားကန့်မြို့ မှော်ဝမ်းရပ်ကွက်က ကျောက်တိုင် ကွင်းမှာ ဒီကနေ့ဆန္ဒပြ တောင်းဆိုခဲ့ကြပါတယ်။

ပြည်သူအတွက်အကျိုးမပြုတဲ့ ကျောက်မျက်ဥပဒေ ပုဒ်မ ၄၁ နဲ့ ၄၂ တို့ကို မဖြစ်မနေပြင်ဆင်ပေးဖို့ တောင်းဆို တာဖြစ်တယ်လို့ ဆန္ဒပြပွဲကိုဦးဆောင်သူဖြစ်တဲ့ ဦးသိန်းဝင်း က ပြောပါတယ်။

"ရတနာနယ်မြေပေါ့နော် ကျောက်စိမ်းတွင်းဒေသမှာနေတဲ့ လူတွေအနေနဲ့က ဘယ်လိုမှ ရှောင်လွှဲမရတဲ့ ရိုးရာအသက်မွေးဝမ်းကျောင်းတစ်ခုကို တားမြစ်ပိတ်ပင်တဲ့ ဥပဒေပုဒ်မဖြစ်နေတဲ့ အတွက်ကြောင့်မို့လို့ ဒီပုဒ်မကတော့ မဖြစ်မနေ ပြင်ကို ပြင်ပေးရမယ့် ပုဒ်မဖြစ်ပါတယ်၊ အဲဒါကို ကျွန်တော်တို့က တောင်းဆိုတာ"

ဆန္ဒပြသူတွေက စွန့်ပစ်မြေစာပုံမှာ ရေမဆေးရှာဖွေခွင့် ရရှိရေး၊ လွတ်လပ်စွာ ကျောက်စိမ်းကိုင်ဆောင်ရောင်းဝယ် ခွင့် ရရှိရေး၊ အသေးစားနဲ့ တနိုင်တပိုင်တူးဖော်ခွင့် ရရှိရေး၊ ကျောက်မျက်ဥပဒေပုဒ်မ ၄၁ နဲ့ ၄၂ တို့ကို ပြင် ဆင်ပေးရေး စတဲ့ အချက် ၆ ချက်ကို တောင်းဆိုဆန္ဒပြခဲ့ကြတာပါ။

အသစ်ပြင်ဆင်ထားတဲ့ မြန်မာ့ ကျောက်မျက်ရတနာ ဥပဒေပုဒ်မ ၄၁ နဲ့ ၄၂ မှာ ခွင့်ပြုချက်မရှိဘဲ ကျောက်မျက် တူးဖော်တာ၊ စမ်းသပ်တိုင်းတာတာနဲ့ အရိုင်းတုံးတွေကို လက်ဝယ်ထားတာ၊ သယ်ယူရောင်းဝယ်တာမလုပ်ဖို့ တားမြစ်ထားပြီး၊ ကျူးလွန်ရင် ထောင်ဒဏ် ၁ နှစ်ကနေ ၇ နှစ်အထိ ချမှတ်နိုင်တဲ့အပြင် ငွေဒဏ်ပါချမှတ်နိုင်တယ်လို့ ဥပဒေမှာပါရှိပါတယ်။

ကျောက်မျက်ဥပဒေကို ဒီနှစ်  ဇန်နဝါရီလ ၂၉ ရက်နေ့မှာ ပြည်ထောင်စုလွှတ်တော်ကနေ ဒုတိယအကြိမ်အဖြစ် ထပ်မံ ပြင်ဆင်ပြဋ္ဌာန်းခဲ့တာဖြစ်ပါတယ်။

ဒီကနေ့ဆန္ဒပြပွဲကို လုံးခင်း၊ မှော်စီစာ၊ ဆိပ်မူ၊ ဝှေခါ၊ မမုံ စတဲ့ ဖားကန့်ကျောက်စိမ်းတွင်းဒေသ မှော် ရွာတွေက တပိုင်တနိုင် ရေမဆေးကျောက် တူးဖော်လုပ်ကိုင်သူတွေ၊ ကျောက်ဝယ်ရောင်းသမားတွေ အပါအဝင် ကျောက် စိမ်းလောကသားတွေက ပူးပေါင်းပါဝင်ခဲ့ကြပါတယ်။

RFA Burmese
http://www.rfa.org/burmese



လုံခြုံရေးစောင့်ကြပ်နေသည့် အင်ဒိုနီးရှားရဲဝန်ထမ်းတစ်ဦးအားတွေ့ရစဉ် (ဆင်ဟွာ)
   ဂျာကာတာ၊ အောက်တိုဘာ၂၀ ရက် (ဆင်ဟွာ)

    အင်ဒိုနီးရှားနိုင်ငံ Banten ပြည်နယ် Tangerangမြို့တွင် အောက်တိုဘာ ၂၀ ရက်က အမျိုးသားတစ်ဦးသည် ရဲဝန်ထမ်းများအား တိုက်ခိုက်ခဲ့၍ အကြီးတန်းအရာရှိတစ်ဦးအပါအဝင် ရဲတပ်ဖွဲ့ဝင် ၅ဦး ဒဏ်ရာရရှိခဲ့ကြောင်း သိရသည်။

တစ်ကိုယ်တော် တိုက်ခိုက်ခဲ့သူသည် အသက် ၂၂နှစ်အရွယ် Sultan Azianzah ဆိုသူဖြစ်ပြီး အောက်တိုဘာ ၂၀ ရက် နံနက်ပိုင်းက Tangerang ရဲစခန်း အနီး တွင် IS အစွန်းရောက်အဖွဲ့ တံဆိပ်များ လိုက်လံကပ်နေသည်ကို ရဲတပ်ဖွဲ့များက တွေ့ရှိပြီးနောက် တိုက်ခိုက်မှုဖြစ်ပွားခဲ့ခြင်းဖြစ်ကာ ထိုအချိန်၌ ယင်းနေရာအနီးအနားတွင် အလုပ်သမား ဆန္ဒထုတ်ဖော်ပွဲအား စောင့်ကြည့်နေသည့် ရဲများ ရှိနေကြောင်း သိရသည်။

Sultan သည် ရဲစခန်းအနီးတွင် IS အစွန်းရောက်အဖွဲ့ တံဆိပ်များ မည်သည့်ရည်ရွယ်ချက်ဖြင့် လိုက်ကပ်ကြောင်း မေးမြန်းသည့် ရဲတပ်ဖွဲ့ဝင်အား တိုက်ခိုက်ခဲ့ခြင်းဖြစ်ကြောင်း ရုပ်သံလိုင်းများက ဖော်ပြခဲ့သည်။ တိုက်ခိုက်သူသည် ၄င်းအားဖမ်းဆီးရန်ကြိုးစားသည့် Tangerangမြို့ ရဲချုပ် Effendy အပါအဝင် ရဲတပ်ဖွဲ့ဝင်များအား ကြမ်းတမ်းစွာ ပြန်လည်တိုက်ခိုက်ခဲ့ကြောင်း သိရသည်။

Sultan သည် Effendy နှင့် အခြားရဲတပ်ဖွဲ့ဝင် ၄ဦးအား ဓါး ဖြင့် ထိုးခဲ့ပြီးနောက် ၄င်းသည်လည်း ရဲတပ်ဖွဲ့ဝင်များ ပစ်ခတ်မှုကြောင့် ခြေထောက်တွင် ဒဏ်ရာရရှိခဲ့ကြောင်း သိရသည်။

ဂျာကာတာ ရဲတပ်ဖွဲ့ ပြောရေးဆိုခွင့်ရှိသူ Awi Setiyono က “အကြမ်းဖက်သမားရဲ့ခြေထောက်ကိုသေနတ်ဖြင့် ပစ်ခတ်ခဲ့ရပြီး အခုအခါဆေးရုံမှာ ကုသပေးထားပါတယ်” ဟုပြောကြားခဲ့သည်။

၎င်းက အကြမ်းဖက်သမားသည် ရဲတပ်ဖွဲ့ဝင်များအား ဓါးဖြင့် တိုက်ခိုက်ခဲ့၍ ဒဏ်ရာများစွာရရှိခဲ့ပြီး ၄င်းတို့အား ဆေးရုံ၌ ကောင်းစွာဆေးကုပေးထားကြောင်း၊ အခင်းဖြစ်ပွားရာ၌ ရဲများက ဖောက်ခွဲရေးပစ္စည်းများထည့်ထားသည့် ပိုက်နှစ်ချောင်းကို ရှာဖွေတွေ့ရှိခဲ့ကြောင်း ပြောကြားခဲ့သည်။

(Xinhua)
http://www.xinhuamyanmar.com


ဒမတ်စကပ်၊ အောက်တိုဘာ ၂၀ ရက် (ဆင်ဟွာ)

ဆီးရီးယားနိုင်ငံခြားရေးဝန်ကြီးဋ္ဌာန က ဆီးရီးယားနိုင်ငံ မြောက်ပိုင်း အလက်ပိုမြို့ အရှေ့ပိုင်း မှ ဆီးရီးယားသူပုန်များ ဆုတ်ခွာသွားနိုင်ရန် ဆီးရီးယားစစ်တပ်က နောက်ဆုတ်ပေးခဲ့ကြောင်း အောက်တိုဘာ ၁၉ က ပြောကြားခဲ့ကြောင်း နိုင်ငံပိုင်သတင်းဋ္ဌာန SANA ကဖော်ပြခဲ့သည်။

ထုတ်ပြန်ချက်၌ ဝန်ကြီးဋ္ဌာန က ရုရှားက ကြေညာခဲ့သည့် ယာယီအပစ်အခတ်ရပ်စဲမှုသဘောတူညီချက် ၏ အစိတ်အပိုင်းတစ်ခုအဖြစ် ဆီးရီးယား စစ်တပ်များသည် အချို့သောဧရိယာများမှ ဆုတ်ခွာပေးခဲ့ပြီး ဆီးရီးယားသူပုန်များအနေဖြင့် အလက်ပိုမှ နိုင်ငံ၏ အနောက်မြောက်ဘက်ရှိ Idlib မြို့သို့ ဆုတ်ခွာနိုင်ရန် လမ်းနှစ်လမ်း ဖွင့်ပေးထားခဲ့ကြောင်း ပြောကြားခဲ့သည်။

ဆီးရီးယား အစိုးရ နှင့် ရုရှားသည် အလက်ပိုမြို့ရှိ ဆီးရီးယား သူပုန်များအား မြို့မှ ထွက်ခွာသွားရန် မကြာသေးမီက တိုက်တွန်းခဲ့ပြီး ၄င်းတို့အတွက် ဘေးကင်းလုံခြုံသည့် လမ်းကြောင်းများလည်း ဖွင့်ပေးခဲ့ကြောင်း သိရသည်။

China Xinhua News


ပဲခူးတိုင်းဒေသကြီး တောင်ငူမြို့နယ် ဆင်ဆိပ်ကျေးရွာအုပ်စု ဇီးပင်သာကျေးရွာအနီး မောင်းတံဂိတ်မှာ အောက်တိုဘာ(၁၉)ရက် မွန်းလွဲ(၂)နာရီခွဲအချိန် တောင်ငူမြို့တွင်း ကနေ နေပြည်တော်ဘက်ကို တောင်ကိုးရီးယားနိုင်ငံ ဆိုးမြို့နေ LEE SANGBEON အမည်ရှိသူမောင်းနှင်ပြီး တောင်ငူမြို့ မင်းကြီးညိုရပ်ကွက်နေ စကားပြန် မအေးချမ်းပွင့်လိုက်ပါလာတဲ့ ဟွန်ဒိုင်းရှားရောင်ယာဉ်ကို ရပ်တန့်စစ်ဆေးရာ ကာလတန်ဘိုး(၈၄)သိန်းလောက် တန်ဘိုးရှိတဲ့ WY စတန်းပါ စိတ်ကြွမူးယစ်ဆေးအပြား(၁၇၀၀)နီးပါးဖမ်းဆီးရမိတယ်လို့ သိရပါတယ်။

 မူးယစ်ဆေးပြားတွေကို အပြာရောင်ကပ်ခွာအိတ်(၉)အိတ်နဲ့ ထည့်ပြီး SHARK အချိုရည်ဗူးဖင်ဖောက်ထည့်ထားတာဖြစ်ပါတယ်။ အချိုရည်ဗူးကို ကြွပ်ကြွပ်အိတ်အနက်ရောင်ထဲထည့်ပြီး ကားနောက်ခန်းထဲကနေ သိမ်းဆည်းရမိတာဖြစ်ပါတယ်။


 ဆက်လက်ပြီး ညနေ (၄)နာရီအချိန်မှာ LEE SONGBEOM ငှားရမ်းနေထိုင်တဲ့ ဗိုလ်မှူးဖိုး ကွန်းလမ်း အိမ်အမှတ် (၂/၂၉၃)နေအိမ်ကို အမှတ်(၂) နယ်မြေရဲစခန်းက ရဲအုပ် စိုင်းကျော်မျိုးထွန်း ဦးစီးအဖွဲ့က သက်သေတွေနဲ့ ဝင်ရောက်ရှာဖွေရာ နေအိမ် အပေါ်ထပ်အိပ်ခန်းအတွင်း ပစ္စည်းတင်တဲ့သံစင်တတိယထပ်ကနေ ဧရာဝတီစာတန်းပါ ကြွပ်ကြွပ်အိတ်အနီရောင်နဲ့ထည့်ထားတဲ့ Care Scns စာတန်းပါ အဖြူရောင် ပလပ်စတစ်ကော်ဘူးအတွင်းက WY စာတန်းပါ စိတ်ကြွရူးသွပ် ဆေးပြား ပန်းရောင် (၇)ပြား အားရှာဖွေတွေ့ရှိခဲ့ပါတယ်။

 မူးယစ်ဆေးဝါးလက်ဝယ်တွေ့ရှိသူ LEE SANGBEOM ကို တောင်ငူမြို့ အမှတ်(၂) နယ်မြေရဲစခန်း မယ(ပ) ၁၁/၂၀၁၆ မူး/စိတ် ပုဒ်မ ၁၅/၁၉(က)နဲ့ အမှုဖွင့်အရေးယူဆောင်ရွက် နေတယ်လို့ သိရပါတယ်။ ဒီသတင်းကို ပန်းချီသန်းဝင်း(ကျောက်ကြီး)က ပေးပို့တာ ဖြစ်ပါတယ်။

Central News Bureau
https://www.facebook.com/skynetcnb/



ကာဒစ်ရှ် တပ်တွေက မိုဆူးလ်မြို့ အရှေ့ဘက်နဲ့ မြောက်ဘက်ကနေ ထိုးစစ်ဆင်နေ။
အီရတ်နိုင်ငံမှာ IS အစ္စလာမ္မစ် နိုင်ငံအဖွဲ့ လက်ထဲက မိုဆူးလ်မြို့ကို ပြန်သိမ်းနိုင်ဖို့ စစ်ဆင်ရေး ဆောင်ရွက်ချက်တွေဟာ မူလ စီစဉ်ထားတာထက် ပိုပြီး မြန်ဆန်နေတယ်လို့ အီရတ် ဝန်ကြီးချုပ်က ပြောပါတယ်။

ဒါဟာ အီရတ် တပ်ဖွဲ့တွေနဲ့ ကာဒစ်ရှ် တပ်တွေအကြား တူညီတဲ့ ဦးတည်ချက်နဲ့ ပြန်လည် သင့်မြတ်မှုကို ပြသလိုက်တာပဲလို့ အီရတ် ဝန်ကြီးချုပ် Haider al-Abadi က ပြောပါတယ်။

မိုဆူးလ်မြို့ အရှေ့ဘက်နဲ့ မြောက်ဘက်ကနေ ကာဒစ်ရှ် တပ်တွေက အင်အား ကြီးမားတဲ့ စစ်ဆင်ရေးကို စတင်လိုက်ချိန်မှာပဲ အီရတ် ဝန်ကြီးချုပ်က ခုလို ပြောဆိုလိုက်တာ ဖြစ်ပါတယ်။

အီရတ် အစိုးရ တပ်တွေကတော့ မိုဆူးလ်မြို့ တောင်ဘက်ကနေ ချဉ်းကပ်နေပြီး အခုဆိုရင် အီရတ် အထူးတပ်ဖွဲ့တွေပါ ထိုးစစ်မှာ ပေါင်းစည်း ပါဝင်လာပြီလို့ ဆိုပါတယ်။

မိုဆူးလ်မြို့ဟာ ၂၀၁၄ ခုနှစ်ကတည်းက IS တွေ လက်အောက် ကျရောက်ခဲ့တာ ဖြစ်ပြီး အီရတ် နိုင်ငံထဲမှာ IS တွေရဲ့ နောက်ဆုံး ခြေကုပ်မြို့ ဖြစ်ပါတယ်။

မိုဆူးလ်မြို့ကို ပြန်သိမ်းဖို့ စစ်ဆင်ရေးကို တနင်္လာနေ့က စတင်ခဲ့တာပါ။ မြို့ထဲမှာ အရပ်သား တစ်သန်းခွဲ လောက်အထိ ရှိနေနိုင်တယ်လို့ ယူဆရပါတယ်။

မြို့ထဲကနေ IS ခေါင်းဆောင်တချို့ ထွက်ခွာသွားကြပြီ ဆိုတဲ့ သတင်းတွေ ထွက်ပေါ်ခဲ့ပေမယ့် IS စစ်သွေးကြွ ငါးထောင် လောက်အထိ မြို့ထဲမှာ ရှိနေနိုင်တယ်လို့ ယူဆ ထားကြပါတယ်။

BBC Burmese
http://www.bbc.com/burmese


အောက်တိုဘာ ၂၀ရက်၊ ၂၀၁၆ခုနှစ်။ ကေအိုင်စီ

တိုးတက်သောဗုဒ္ဓဘာသာ ကရင်အမျိုးသားတပ်မတော် (DKBA) အနေဖြင့် အချိန်အတိုင်းအတာတစ်ခုအရ ကရင်အမျိုးသားအ စည်းအရုံး KNUနှင့် တွေ့ဆုံနိုင်သည့်အချိန်မှသာ ပြန်လည်ပေါင်းစည်းရေးအတွက် ကြိုးပမ်းဆောင်ရွက်သွားမည်ဖြစ်ကြောင်း အောက်တိုဘာလ ၁၉ ရက်နေ့တွင် သဘောထားထုတ်ပြန်လိုက်သည်။

ကရင်လက်နက်ကိုင်အဖွဲ့များထဲမှ ခွဲထွက်ပြီး သီးခြားရပ်တည်နေသည့် အဆိုပါအဖွဲ့အနေဖြင့် ယမန်နေ့က ထုတ်ပြန်လိုက်သည့် သဘောထားထုတ်ပြန်ချက်နှင့်ပတ်သက်၍ DKBA ခွဲထွက်မှ တာဝန်ရှိသူတစ်ဦးဖြစ်သည့် ဗိုလ်မှူးကြီးစောဆန်းအောင်က ကေအိုင်စီသို့ ယခုလို အတည်ပြု ပြောဆိုသည်။

“အခု ကျနော်တို့ကို ၀ိုင်းဝန်းပိတ်ဆို့တာတွေရှိတော့ တွေ့ဖို့ကတော့ ဒီအချိန်မှာ ကျနော်တို့အတွက် ခက်ခဲတယ်။ အဲဒီတော့ တာဝန်ယူတဲ့သူက ဘယ်လောက်ထိ တာဝန်ယူမလဲ။ တာဝန်ခံမလဲ။ ပေါင်းတဲ့သူက ဘယ်လိုပေါင်းမလဲ။ လက်ခံတဲ့သူက ဘယ် လိုလက်ခံမလဲ။ လာပေါင်းမယ်ဆို DKBA ဘက် တံဆိပ်ဖြုတ်လိုက်ပါ၊ ဒီနေရာမှာပဲ အေးဆေးလေးနေပါ။ အဲလိုဆိုရင်တော့ ဒီကိစ္စဟာ ဒီနေ့ဒီအချိန်ကာလမှာ မဖြစ်နိုင်သေးဘူး”ဟု ပြောသည်။

ထို့အပြင် ၎င်းတို့အဖွဲ့အနေဖြင့် KNU ထုတ်ပြန်ချက်တွင် ပါဝင်သည့် ၁/၉၄၊ ၂/၉၄ မူများနှင့်ပတ်သက်၍ အပြုသဘောဆောင် ကာ ပြုပြင်ပြောင်းလဲနိုင်မည်ဖြစ်သော်လည်း ပြန်လည်ပူးပေါင်းမည်ဆိုပါက အများပြည်သူရှေ့မှောက်တွင် နှစ်ဦးနှစ်ဖက် ကတိ က၀တ်များဖြင့် တည်ဆောက်ထားမှသာ အဆင်ပြေမည်ဟု ယူဆကြောင်း သူက ဆက်ပြောသည်။

မဲ့သဝေါဒေသတွင် ပြီးခဲ့သည့် စက်တင်ဘာလမှ စတင်ကာ တိုက်ပွဲများဖြစ်ပွားခဲ့ပြီးနောက် DKBA ခွဲထွက်အဖွဲ့မှ ၎င်းတို့၏ စခန်း အချို့ကို လက်လွှတ်ခဲ့ရသဖြင့် အချို့နေရာများတွင် နယ်ခြားစောင့်တပ် BGF အပါအ၀င် တပ်မတော်တို့နှင့် ပြောက်ကျားပစ်ခတ် မှုများ ယနေ့အထိ ဆက်လက် ရှိနေဆဲဖြစ်သည်။

ယင်းအခြေအနေများကြောင့် KNU က ၎င်း DKBA ခွဲထွက်အဖွဲ့ကိုင်စွဲထားသည့် ၁/၉၄၊ ၂/၉၄ မူများအား ပြန်လည်ရုပ်သိမ်းပြီး မိမိတို့ KNU နှင့်ပူးပေါင်းလိုပါက ကြိုဆိုကြောင်း အောက်တိုဘာလ ၄ရက်နေ့တွင် သဘောထားကြေညာချက်တစ်ခု ထုတ်ပြန်ခဲ့ ခြင်းဖြစ်သည်။

ထိုသို့ ထုတ်ပြန်ခဲ့ပြီးနောက် အောက်တိုဘာလ ၁၀ရက်နေ့တွင် KNU လက်အောက်ခံတပ်မဟာ (၆) KNLA တပ်ရင်း(၁၇) တပ် ရင်းမှူး စီးနင်းလာသည့်ကားကို ချောင်းမြောင်းပစ်ခတ်ခံရပြီး တပ်ဖွဲ့ဝင် (၃)ဦး ဒဏ်ရာရရှိခဲ့သည့်အတွက် ယင်းကိစ္စမှာ DKBA ခွဲထွက်အဖွဲ့၏ လက်ချက်ဖြစ်ကြောင်း KNU တပ်မဟာ(၆)ဘက်မှ စွပ်စွဲပြောဆိုမှုများ ရှိနေသည်။

ယခု ထွက်ပေါ်လာသည့် DKBA ခွဲထွက်အဖွဲ့၏ သဘောထားအပေါ် KNU တွဲဖက်အတွင်းရေးမှူး(၁) ပဒိုစောသောသီဘွဲက “တစ်ဦးနဲ့တစ်ဦး သံသယရှိတာ၊ စိုးရိမ်ကြောင့်ကြတာတွေကို တွေ့ဆုံဆွေးနွေးမှသာ အဖြေထွက်နိုင်တဲ့အရာတွေဖြစ်တယ်။ အဲလိုတွေ့ဆုံဖို့ ဆက်သွယ်ချင်သပဆိုရင်တော့ ကျနော်တို့ အောက်ခြေတပ်မှူးတွေနဲ့ တစ်နည်းမဟုတ်တစ်နည်း ဆက်သွယ်ယူ နိုင်တယ်ဆိုတာကို နည်းနည်းတော့ အသိပေးချင်ပါတယ်”ဟု ပြောသည်။

၎င်း DKBA ခွဲထွက်အဖွဲ့မှာ နယ်ခြားစောင့်တပ်-BGF (၁၀၁၇)တပ်ရင်း၊ အပါအ၀င် တပ်မတော်တို့နှင့် ယမန်နေ့ အောက်တိုဘာ လ ၁၉ရက်နေ့က ကော့ကရိတ်မြို့နယ်အတွင်းရှိ မိဖာလဲကျေးရွာ နိုခဲဘောအရပ် ဘုရားကုန်းအနီးတွင် တိုက်ပွဲဖြစ်ပွားခဲ့ပြီး နှစ် ဖက် ထိခိုက်ကျဆုံးမှုနှင့် ဒဏ်ရာရမှုများရှိခဲ့ကြောင်း သိရသည်။

DKBA ခွဲထွက်အဖွဲ့သည် ယခင်က ဗိုလ်ချုပ်ကြီးစောလားပွယ် (ခ)နှုတ်ခမ်းမွှေး ဦးဆောင်သော ဒီမိုကရေစီအကျိုးပြုကရင်တပ်မ တော် (DKBA ကလို့ထူးဘောအဖွဲ့)၏ တပ်ဖွဲ့ဝင်များဖြစ်ပြီး ၂၀၁၅ခုနှစ်၊ ဇူလိုင်လဆန်းပိုင်းက မြ၀တီ-ကော့ကရိတ် အာရှလမ်းမ ကြီးပေါ်တွင် တိုက်ပွဲဖြစ်ပွားမှုကို အခြေခံကာ အဖွဲ့ဝင်အဖြစ်မှ ထုတ်ပယ်ခြင်းခံရပြီးနောက် ၂၀၁၆ခုနှစ်၊ ဇန်ဝါရီလ ၁၆ရက်နေ့မှ စတင်ကာ သီးသန့်အဖွဲ့ ပြန်လည်ဖွဲ့စည်းပြီး ရပ်တည်နေသည့်အဖွဲ့တစ်ဖွဲ့ဖြစ်သည်။

 ကေအိုင်စီ
http://kicnews.org


ဒူတာတေးနဲ့ ရှီကျင်းပင် မိတ်ဆွေသစ်တွေ ဖြစ်လာ။
တရုတ်နိုင်ငံကို ရောက်ရှိနေတဲ့ ဖိလစ်ပိုင် သမ္မတ ရော့ဒရီဂို ဒူတာတေးကို သမ္မတ ရှီကျင်းပင်က ဘေဂျင်းမြို့မှာ တွေ့ဆုံခဲ့ပါတယ်။

မစ္စတာ ဒူတာတေး တရုတ်ပြည်ကို လာရောက်တဲ့ ခရီးစဉ်ဟာ သမိုင်းဝင် မှတ်တိုင် တစ်ခုပဲလို့ မစ္စတာ ရှီကျင်းပင်က ပြောခဲ့ပါတယ်။

ဖိလစ်ပိုင် သမ္မတ ဒူတာတေးဟာ တရုတ်နိုင်ငံနဲ့ ဆက်ဆံရေး ပြန်ထူထောင်ဖို့နဲ့ ကုန်သွယ်ရေး တိုးမြှင့်ဖို့ ရည်ရွယ်ချက်တွေနဲ့ ၄ ရက်ကြာ ခရီးစဉ်ကို အင်္ဂါနေ့က စတင်ခဲ့တာပါ။

တောင်တရုတ် ပင်လယ်ပြင်က အငြင်းပွား ကျွန်းစုတွေနဲ့ ပတ်သက်ပြီး ကတောက်ကဆ ဖြစ်ခဲ့ရတာတွေကို နှစ်နိုင်ငံစလုံးက မေ့လိုက်ကြဖို့ အသင့်ပါပဲလို့ တရုတ် ထိပ်တန်း အရာရှိ တစ်ဦးက ပြောပါတယ်။

မစ္စတာ ဒူတာတေး အနေနဲ့ ကာလရှည် မိတ်ဖက် ဖြစ်ခဲ့တဲ့ အမေရိကန်ကို ခွာထုတ်နေချိန်မှာ တရုတ်နဲ့ ပိုနီးကပ်လာအောင် ကြိုးပမ်းတဲ့ ဆောင်ရွက်မှုအဖြစ် သူ့ခရီးစဉ်ကို ရှုမြင်ရပါတယ်။

သူတို့ရဲ့ ပြောဆို ဆွေးနွေးမှုတွေမှာ တောင်တရုတ် ပင်လယ်ပြင်က အငြင်းပွား ကျွန်းတွေ ကိစ္စကို အသားမပေးခဲ့ပါဘူး။

ဆွေးနွေး ညှိနှိုင်းမှုတွေက တဆင့် ပြေလည်မှုတွေ ရအောင် ဆောင်ရွက်သွားဖို့ နှစ်နိုင်ငံ သဘော တူခဲ့ကြတယ်လို့ တရုတ် ဒုတိယ နိုင်ငံခြားရေး ဝန်ကြီးက သတင်းထောက်တွေကို ပြောခဲ့ပါတယ်။

BBC Burmese
http://www.bbc.com/burmese



(စစ်ကိုင်းတိုင်းဒေသကြီး ကနီမြို့နယ် မိချောင်းတွင်းရွာအနီးမှာ မြုပ်သွားတဲ့ အောင်စိုးမိုးကျော်ရေယာဉ် ပြန်လည်ဆယ်ယူနေတာ ကို အောက်တိုဘာလ ၁၉ ရက်နေ့က တွေ့ရစဉ်) Photo: Myanmar Fire Services Department (Facebook)
စစ်ကိုင်းတိုင်း ကနီမြို့နယ် မိချောင်းတွင်းကျေးရွာအနီးမှာ နစ်မြုပ်ခဲ့တဲ့ အောင်စိုးမိုးကျော် ရေယာဉ်ကို ဒီနေ့မှာ အပြီးသတ်ဆယ်ယူနိုင်ခဲ့ပြီး နစ်မြုပ်မှုကြောင့် သေဆုံးသူဦးရေ ၇၂ ဦး ရှိလာပါတယ်။

ခရီးသည်တွေပြောပြချက် စာရင်းအရ အသက်ရှင်သူနဲ့ သေဆုံးသူ စာရင်းတွေပေါင်းရင် ကိုက်ညီမှု မရှိသေးဘဲ လူဦးရေ ၅ဝ ဝန်းကျင်လောက် ပျောက်ဆုံးနေတယ်လို့ ကနီမြို့နယ် တိုင်းဒေသကြီး လွှတ်တော် ကိုယ်စားလှယ် ဦးထွန်းထွန်းဝင်းက ပြောပါတယ်။

"ခရီးသည်တွေခန့်မှန်းတာက သူတို့ ၃ဝဝ နဲ့အထက် ပါလာမယ်၊ ပါလာတယ်လို့ ခန့်မှန်းတာပေါ့၊ အခုလောလောဆယ် အသက်ရှင်ရရှိတာ ၁၅၉ ယောက်၊ အလောင်းတွေ့တာက ၇၂ ယောက်၊ ကွာနေတာကခန့်မှန်း ၄ဝ၊ ၅ဝ လောက် ကွာနေတာ၊ သူတို့ပြောအရဆို ပျောက်ဆုံးစာရင်းထဲ ထည့်ရမှာပေါ့ဗျာ"

နစ်မြုပ်နေတဲ့ ရေယာဉ်ကို ကရိန်းစက်သုံးလုံးနဲ့ အောက်တိုဘာ ၁၇ ရက်နေ့ကစတင် ဆယ်ယူနေတာဖြစ်ပြီး ဒီနေ့နေ့လည် ၂ နာရီ ဝန်းကျင်မှာ ရေယာဉ်အတွင်းက ရုပ်အလောင်းတွေနဲ့ ရွှေတစ်ပိဿာနီးပါး၊ ငွေကျပ် သိန်း ၁ဝဝ နီးပါးကို အပြီးသတ် ဆယ်ယူနိုင်ခဲ့တာဖြစ်ပါတယ်။

သေဆုံးသူတွေကို ဆယ်ယူရရှိတဲ့အထဲမှာ အမျိုးသား ၁၄ ဦး အမျိုးသမီး ၅၃ ဦးပါရှိပြီး ရေထဲမျှောသွားတဲ့ အလောင်း ၅ လောင်းရှိတယ်လို့ ပြောပါတယ်။

အောက်တိုဘာလ ၁၅ ရက်နေ့မနက်က ဟုမ္မလင်းမြို့ကနေ မုံရွာမြို့ကို ပြေးဆွဲတဲ့ အောင်စိုးမိုးကျော် ရေယာဉ် နစ်မြုပ်ခဲ့တာဖြစ်ပြီး ရေယာဉ်ပေါ်မှာ လူဦးရေ ၃ဝဝ ကျော်နဲ့ ဆိုင်ကယ် အစီး၂ဝ နီးပါး တင်ဆောင်လာခဲ့တာလို့ သိရပါတယ်။

RFA Burmese
https://www.facebook.com/rfaburmese/


မလေးရှားအစိုးရက ဆယ်ကျော်သက်ဖွံ့ဖြိုးရေးအစီအစဉ်တခုကို ဗုဒ္ဓဟူးနေ့ မနေ့က ရပ်ဆိုင်းလိုက်ပါတယ်။ အဲဒီ လူငယ်ဖွံ့ဖြိုးရေးသင်တန်းမှာ ပြီးခဲ့တဲ့ စနေနေ့က အသက် ၁ဝ နှစ်ကနေ ၁၂ နှစ်အတွင်းရှိ မိန်းကလေးကျောင်းသူ ၆ ဦးကို သင်တန်းဆရာတွေက စပါးကြီးမြွေတကောင်ထည့်ထားတဲ့ ဗွက်အိုင်တခုအတွင်း ဖြစ်သန်းခိုင်းခဲ့ပါတယ်။ ကျောင်းသူတွေ ထိတ်လန့်တကြား အော်ဟစ်ပြေးလွှားပြီး စပါးကြီးမြွေအနီးက ထွက်ပြေးဖို့ကြိုးစားကြတဲ့အခါ သင်တန်းဆရာတယေက်က ရေအိုင်ထဲကနေ ကျောင်းသူတွေ ထွက်လို့မရအောင် မီးသတ်ပိုက်နဲ့ ပက်ခဲ့ပါတယ်။

အဲဒီ ဗီဒီယိုအခွေ ထွက်ပေါ်လာပြီးနောက် အစိုးရက သင်တန်းကိုရပ်ဆိုင်းလိုက်ကာ သင်တန်းဆရာ ၄ ဦးနဲ့ လက်ထောက် ၆ ဦးကို အခုအရေးယူထားပါတယ်။ လူငယ်တွေသတ္တိရှိဖို့ပို့ချတဲ့ အဆိုပါသင်တန်းမှာ အခုလို စပါးကြီးမြွေကို အသုံးပြုဖို့ ထည့်သွင်းပြဌာန်းထားခြင်း မရှိပါဘူးလို့ ဒေသခံအရာရှိက ပြောပါတယ်။ ကလေးသူငယ်ဆိုင်ရာ စိတ်ပညာရှင်တဦးကတော့ ကလေးတွေကို ညလယ်အိပ်မက်ဆိုးတွေနဲ့ စိတ်ဒဏ်ရာရစေခဲ့တဲ့ အဲဒီသင်တန်းစီစဉ်ပို့ချခဲ့သူတွေဟာ စိတ်မမှန်ရူးသွပ်နေသူတွေပဲလို့ ပြစ်တင်ရှုတ်ချပါတယ်။

RFA Burmese
https://www.facebook.com/rfaburmese