10/28/16

 
#မဇ္ဈိမ
ရန်ကုန်တိုင်းအတွင်းနေထိုင်သည့် အိမ်ထောင်သည်အမျိုးသမီးများ အနေဖြင့် နောက်ထပ် ၆လအတွင်း ကိုယ်ဝန်မယူကြရန်နှင့် ကိုယ်ဝန်ဆောင်များအနေဖြင့်လည်း ခြင်ကြား အကိုက်မခံရအောင် သတိပြုနေထိုင်ကြရန် ကျန်းမာရေးနှင့် အားကစားဝန်ကြီးဌာနက နှိုးဆော်ချက် ထုတ်ပြန်သွားမည်ဖြစ်ကြောင်း ပြည်သူ့ကျန်းမာရေးဦးစီးဌာနမှ ညွှန်ကြားရေးမှူးချုပ် ဒေါက်တာစိုးလွင်ငြိမ်းက ယနေ့ အောက်တိုဘာ ၂၈ရက်၊ သတင်းစာရှင်းလင်းပွဲတွင် ပြောကြားလိုက်သည်။

ဇီကာဗိုင်းရပ်စ် ကူးစက်ခံထားရသည့် နိုင်ငံခြားသူ ကိုယ်ဝန်ဆောင်အမျိုးသမီးတဦးအား ရန်ကုန်တွင် တွေ့ရှိကြောင်း အောက်တိုဘာ ၂၇ရက်ညတွင် သတင်းထုတ်ပြန်လိုက်ပြီးနောက် ယခုကဲ့သို့ နှိုးဆောင်လိုက်ခြင်း ဖြစ်သည်။

အဆိုပါ နိုင်ငံခြားသူအမျိုးသမီးသည် မည်သည့်နိုင်ငံသူဖြစ်ပြီး မည်သည့်မြို့နယ်တွင် နေထိုင်သည်ကိုမူ ကမ္ဘာ့ကျန်းမာရေးညွှန်ကြားချက်များအရ ပြောဆို၍ မရကြောင်း ယနေ့သတင်းစာရှင်းလင်းပွဲတွင် ပြောသည်။

သို့ရာတွင် ဇီကာရောဂါနှင့်ပတ်သက်သည့် လိုအပ်သော ကာကွယ်ထိန်းချုပ်နှိမ်နှင်းရေးလုပ်ငန်းများကို အထူးအလေးပေးလုပ်ဆောင်နေသည်ဟု ဆိုသည်။

ယင်းကိစ္စနှင့်ပတ်သက်ပြီး ပြည်သူများအနေဖြင့် စိုးရိမ်မှုမလွန်ကဲကြရန်နှင့် အစိုးရအနေဖြင့် ပိုးလောက်လန်းနှင့် ခြင်ကြားနှိမ်နှင်းရေး တိုးမြှင့်လုပ်ဆောင်သွားမည်ဟု ဒေါက်တာစိုးလွင်ငြိမ်းက ပြောသည်။
(သတင်းအပြည့်အစုံကို www.mizzimaburmese.com တွင် ဆက်လက်ဖော်ပြသွားပါမည်)
.............
ဇီကာရောဂါနှင့်ပတ်သက်ပြီး ကျန်းမာရေးဝန်ကြီးဌာနက အောက်ပါအတိုင်း နှိုးဆော်ချက် ထုတ်ပြန်ထားသည်။

ဇီကာ ဗိုင်းရပ်စ် သိကောင်းစရာနှင့် ရောဂါကာကွယ်ရေးနှိုးဆော်ချက်
.............................

ဖြစ်ပေါ်လာပုံ
ဇီကာဗိုင်းရပ်စ် ရောဂါဆိုသည်မှာ ရောဂါပိုးသယ်ဆောင်ထားသည့် အေးဒိစ်ခြင်ကျားကိုက်ခံရခြင်းမှ ကူးစက်ပျံ့နှံ့ဖြစ်ပွားတတ်သောရောဂါ တစ်မျိုးဖြစ်ပါသည်။ အဆိုပါ ရောဂါပိုးကို ၁၉၄၇ ခုနှစ်ကတည်းက ယူဂန္ဓာနိုင်ငံရှိ မျောက်များတွင် စတင်တွေ့ရှိပြီး ၁၉၅၂ ခုနှစ်တွင် ယူဂန္ဓာနိုင်ငံနှင့် တန်ဇန်းနီးယားနိုင်ငံတို့၌ လူသို့ကူးစက်မှု ရှိခဲ့ပါသည်။

ရောဂါပြန့်ပွားပုံ
ဇီကာဗိုင်းရပ်စ်ပိုးသယ်ဆောင်လာသော အေးဒိစ်ခြင်ကျားသည် ရေကြည်ရေသန့်တွင် ပေါက်ပွားသည်။ ရေလှောင်ထားသော အိုး၊ ခွက်၊ တိုင်ကီ၊ ပန်းအိုး၊ ရေတင် ကျန်လျက်ရှိသော စွန့်ပစ်ပစ္စည်းများဖြစ်သည့် ကားတာယာ၊ ပလတ်စတစ်ခွက် စသည့်တို့တွင် တွေ့ရသည်။ နေ့အချိန်တွင် လူကို ကိုက်ခြင်း မှတဆင့် ရောဂါကူးစက်ဖြစ်ပွားစေပါသည်။ ခြင်ကိုက်ခံရပြီး ၂ ရက်မှ ၇ ရက်အတွင်း ရောဂါလက္ခဏာများ စတင်ဖြစ်ပေါ်လာနိုင် ပါသည်။ ရောဂါကူးစက်ခံရသူ ငါးဦးတွင် တစ်ဦး၌ ရောဂါ လက္ခဏာ ပေါ်ပေါက်ကြောင်း သိရှိနိုင်သည်။

ရောဂါ လက္ခဏာများ
အဓိက လက္ခဏာများမှာ ဖျားခြင်း၊ အရေပြားပေါ်တွင် အနီစက်များထွက်ခြင်း၊ မျက်စိနာခြင်း၊ ခေါင်းကိုက်ခြင်း၊ ကြွက်သား/ အဆစ်များ နာကျင်ခြင်း တို့ ဖြစ်တတ်ပါသည်။ ဇီကာဗိုင်းရပ်စ် ရောဂါပိုး ကူးစက်ဖြစ်ပွားခြင်း ၏ နောက်ဆွဲတွဲအဖြစ် ကိုယ်ဝန်ဆောင်မိခင်များတွင် ဦးနှောက်သေးငယ်သော ကလေးငယ်များ မွေးဖွားခြင်းအပေါ် ဆက်စပ်မှု ရှိ မရှိ သက်သေပြနိုင်ရန် ပညာရှင်များအနေဖြင့် ကြိုးစားလျက်ရှိပါသည်။

ရှောင်ရန်
ဇီကာ ဗိုင်းရပ်စ် ရောဂါအတွက် ကာကွယ်ဆေးမရှိသေးပါ။ ရောဂါ သက်သာရန်အတွက်သာ ကုသပေးနိုင်ပါသည်။ အနားယူခြင်း ၊ ရေလုံလောက်စွာ သောက်သုံးခြင်း၊ ဆေးမြီတိုများနှင့် အခြားအကိုက်အခဲပျောက်ဆေးများကို မသောက်ရန် ဖြစ်ပါသည်။

လိုက်နာရန်
ပါရာစီတမော့ဆေးကိုသာ အညွှန်းအတိုင်းသောက်သုံးရန်နှင့် ဇီကာ ဗိုင်းရပ်စ်ရောဂါလက္ခဏာများ တွေ့ရှိပါက နီးစပ်ရာ ကျန်းမာရေးဌာန/ ဆေးရုံ/ ဆေးခန်းများသို့ သွားရောက်ပြသ စစ်ဆေးကုသမှုခံယူရန် လိုအပ်ပါသည်။

ကြိုတင်ကာကွယ်ရန်

ရောဂါကူးစက်ဖြစ်ပွားမှု မရှိစေရန် အကောင်းဆုံးကာကွယ်နည်းမှာ ခြင်ကျားပိုးလောက်လမ်းနှိမ်နှင်းရေးနှင့် ခြင်ကိုက်ခံရခြင်းမရှိအောင် နေထိုင်ရေးဖြစ်ပါသည်။ ခြင်ကျားလောက်လမ်းများ ပေါက်ပွား မရှိစေရေးအတွက် အောက်ပါနည်းလမ်းများဖြင့် ဆောင်ရွက်ရပါမည်။

ဖုံး- ရေလှောင်ထားသော အိုးခွက်များကို ခြင်များ ၀င်ရောက် မဥနိုင်အောင် လုံခြုံစွာ ဖုံးအုပ်ထားရန်

သွန်- အိုးခွက် နံရံတွင် ကပ်နေသော ခြင်ဥများသေစေရန် အိုးခွက်များ၏ အတွင်းပိုင်းကို တိုက်ချွတ်ဆေးကြောရန်၊

ခြင်ကျားလောက်လမ်းတွေ့ရှိသော ရေများကို သွန်ပစ်ရန် (သို့) အခြားအိုးထဲသို့ ရေစစ်ဖြင့် ပြောင်းထည့်ရန်

လဲ- ပန်းအိုး များ၏ အတွင်းပိုင်းကို တိုက်ချွတ်ဆေးကြောကာ ရေများကို တစ်ပတ်နှစ်ကြိမ်လဲလှယ်ရန်

စစ်- ခြင်ကျားလောက်လမ်းများ မပါစေရန် ရေဖြည့်သောအခါ ရေစစ်ဖြင့် စစ်ထည့်ရန်

ထို့ပြင် ခြင်ကိုက် မခံရစေရန် ခြင်ဆေးလိမ်းခြင်း၊ အင်္ကျီလက်ရှည်နှင့် ဘောင်းဘီရှည်များ ၀တ်ဆင်ခြင်း၊ နေအိမ်ခြင်လုံဇကာများ တပ်ဆင်ခြင်း လိုအပ်ပါသည်။

နိဂုံးချုပ်အားဖြင့် ခြင်ကျားလောက်လမ်းများ မရှိစေရေးအတွက် ဖုံး၊ သွန်၊ လဲ၊ စစ် နည်းလမ်းဖြင့် ပိုးလောက်လမ်းနှိမ်နင်းရေးလုပ်ငန်းမှာ လူတိုင်းပါဝင်ဆောင်ရွက်ခြင်းဖြင့် ဇီကာဗိုင်းရပ်စ်ရောဂါ အပါအ၀င် သွေးလွန် တု တ်ကွေးရောဂါ ကူးစက်ဖြစ်ပွားမှုမရှိအောင် ကာကွယ်နှိမ်နှင်းနိုင်မည်ဖြစ် ပါသည်။

အမေရိကန်မှာ ဘယ်သူတက်တက် လက်တွဲ လုပ်သွားဖို့ အသင့်ရှိ
အမေရိကန် ရွေးကောက်ပွဲမှာ ရီပတ်ဘလစ်ကန် ပါတီ သမ္မတလောင်း ဒေါ်နယ် ထရမ့် အနိုင်ရအောင် ရုရှက ကွန်ပျူတာ စနစ်တွေ ဖောက်ထွင်းပြီး ကြံစည်နေတယ် ဆိုတဲ့ စွပ်စွဲချက်တွေကို ရုရှ သမ္မတ ဗလာဒီမာ ပူတင်က ပယ်ချ ခဲ့ပါတယ်။

အမေရိကန်ဘက်က ဒီလို ပြောဆိုတာတွေဟာ သွေးရူးသွေးတမ်း နိုင်ပြီး ဒီမိုကရက် ပါတီရုံးချုပ်က ကွန်ပျူတာတွေကို ထိုးဖောက်မှု နောက်မှာ ရုရှ ရှိတယ် ဆိုတဲ့ စကားဟာလည်း ရယ်စရာ ကောင်းတယ်လို့ မစ္စတာ ပူတင်က ဆိုပါတယ်။

နောက်လ အမေရိကန် ရွေးကောက်ပွဲမှာ ဘယ်သူတက်တက် သူ့အနေနဲ့ လက်တွဲ လုပ်သွားဖို့ အသင့်ရှိတယ်လည်း ဆိုပါတယ်။

အမေရိကန်မှာ ဆယ်စုနှစ်တွေနဲ့ချီပြီး လူအုပ်စု တစုက အာဏာရနေတာကို မစ္စတာ ထရမ့် က စိတ်ပျက်နေတာသာ ဖြစ်တယ်လို့လည်း ရုရှ ခေါင်းဆောင်က ဆိုပါတယ်။

BBC Burmese
http://www.bbc.com/burmese


အင်းဝ အပ်ချုပ်ဆိုင်ရှင်တွေကို ဖမ်းဆီးထား
အိမ်အကူ မိန်းကလေး နှစ်ယောက်ကို ညှဉ်းပန်း နှိပ်စက်မှုနဲ့ ဖမ်းဆီး တရားစွဲ ခံထားရတဲ့ အင်းဝ အပ်ချုပ်ဆိုင်ရှင်တွေကို အနောက်ပိုင်း ခရိုင် တရားရုံးမှာ သောကြာနေ့ ရုံးထုတ်ဖို့ ရှိပါတယ်။

သူတို့ကို လူကုန်ကူးမှု၊ ကလေးသူငယ် ဥပဒေ၊ အပြင်းအထန် နာကျင်စေမှု၊ ကလေးငယ်တွေကို မတရား ချုပ်နှောင်မှု စတဲ့ ပုဒ်မတွေနဲ့ တရားရုံးမှာ စစ်ဆေးသွားမယ်လို့ သိရပါတယ်။

ပြီးမှ စွဲချက် တင်သင့် မတင်သင့် ဆုံးဖြတ်သွားမှာ ဖြစ်ပြီး အဲဒီ အဆင့်တွေ ပြီးမှ တရားလို ဘက်ကို စစ်လို့ ရမှာ ဖြစ်ပါတယ်။

တရားခံ တချို့က သူတို့ ကျူးလွန်ကြောင်း ဝန်ခံထားပြီး တချို့က မသိကြောင်း၊ မသက်ဆိုင်ကြောင်း ငြင်းဆိုထားတယ်လို့ ဒီ အမှုကို ကနဦး ဖော်ထုတ်ခဲ့တဲ့ သတင်းသမား ကိုဆွေဝင်းရဲ့ ဥပဒေ အကြံပေး တစ်ယောက် ဖြစ်တဲ့ ဦးခင်မောင်မြင့် က ပြောပါတယ်။

သူတို့ကို စွဲထားတဲ့ ပြစ်မှုတွေက ကြီးလို့ အာမခံ ပေးဖို့ ခက်တယ်လို့လည်း သိရပါတယ်။

BBC Burmese
http://www.bbc.com/burmese



ကမ္ဘာတစ်ဝှမ်းက သဘာဝတောရိုင်းတိရစ္ဆာန်တွေ ဦးရေက ၁၉၇၀ ကတည်းက ၆၀ ရာခိုင်နှုန်း နီးပါးထိ ကျဆင်းသွားပြီး ဒီအကြောင်းရင်းက လူတွေရဲ့ လုပ်ဆောင်ချက်တွေကို အပြစ်တင်ရမှာပဲ ဖြစ်တယ်လို့  ထိန်းသိမ်းရေးအဖွဲ့ တွေရဲ့ အစီရင်ခံစာမှာ ဖော်ပြထားပါတယ်။

ခုလို လတ်တလောဖြစ်စဉ် ဆက်ဖြစ်နေမယ်ဆိုရင်တော့ ကမ္ဘာ့တိရစ္ဆာန်ဦးရေက ၂၀၂၀ ပြည့်နှစ်မှာ အခုရဲ့ ၃ပုံ ၂ပုံလောက်ပဲ ရှိတော့မှာဖြစ်ပြီး နှစ်စဉ် ၂ ရာခိုင်နှုန်းလောက် ကျဆင်းမူနှုန်း ရှိလာနိုင်တယ် လို့ ကမ္ဘာ့တောရိုင်းတိရစ္ဆာန်ထိန်းသိမ်းရေး ရံပုံငွေ အဖွဲ့ World Wildlife Fund နဲ့  လန်ဒန် သတ္တဗေဒအသင်း Zoological Society of London တို့ ရဲ့ ပူးတွဲအစီရင်ခံစာမှာ သတိပေးထားပါတယ်။

ဒီအစီရင်ခံစာက သိပံ္ပပညာရှင်တွေ နှစ်ရှည်လများ စောင့်ကြည့်လာတဲ့ တိရစ္ဆာန်မျိုးစိတ်ပြအညွှန်းကို အခြေခံထားတာပါ။ ကမ္ဘာတစ်ဝှမ်းက တိရစ္ဆာန်မျိုးစုံ ဦးရေ ၁သောင်း ၄ထောင်ကျော် ၊ တိရစ္ဆာန်မျိုးစိတ်ပေါင်း ၃၇၀၀ ပါဝင်ပါတယ်။

သဘာဝတောရိုင်းတိရစ္ဆာန်တွေ ဦးရေ သိသိသာသာကျဆင်းလာတာ လူတွေရဲ့ ဖွံ့ ဖြိုးတိုးတက်မှုတွေနဲ့  တိုက်ရိုက်သက်ရောက်မှုရှိတယ်လို့  အစီရင်ခံမှာ ဖော်ပြထားပါတယ်။ ၁၉၆၀ ကထက် ကမ္ဘာ့လူဦးရေစာ ၂ ဆကျော်တိုးပြီး ၇.၄ ဘီလီယံထိရှိလာခဲ့တာဟာ တခြားတိရစ္ဆာန်တွေအတွက် အစားနဲ့ နေရာ ပိုလျော့သွားစေပြီး အပြောင်းအလဲတွေမလုပ်ရင် မျိုးတုံးတဲ့အထိတောင် ဖြစ်စေနိုင်ပါတယ်။

ဒီလို ပြဿ နာတွေ ပပျောက်ဖို့ အစိုးရတွေဘက်က ကူညီပြီး ဆောင်ရွက်ပေးဖို့ကို သဘာဝ ပတ်ဝန်းကျင်အဖွဲ့ တွေက မျှော်လင့်နေကြပါတယ်။ ကုလသမဂ္ဂက လတ်တလောထုတ်ပြန်လိုက်တဲ့ အဓွန့် ရှည်ခိုင်မြဲတဲ့ ဖွံ့ ဖြိုးတိုးတက်မှုစီမံကိန်းဟာ ဇီဝမျိုးကွဲတွေ ခြိမ်းခြောက်ခံနေရမှုတွေကျဆင်းရေးမှာ အထောက်အကူဖြစ်စေနိုင်တယ်လို့ WWF ရဲ့ အမှုဆောင် Lambertini က ပြင်သစ်သတင်းဌာန AFP ကို ပြောပါတယ်။

ဗွီအိုအေ (မြန်မာပိုင်း)
http://burmese.voanews.com


မိုဆူးလ်မြို့ တောင်ဘက်က ချီတက်တဲ့ အီရတ် အစိုးရတပ်တွေကို IS တွေက အပြင်းအထန် တိုက်ခိုက်ခဲ့။
အီရတ် နိုင်ငံမှာ IS အစ္စလာမ္မစ် နိုင်ငံအဖွဲ့ လက်အောက်က မိုဆူးလ်မြို့ကို ပြန်သိမ်းဖို့ ပြီးခဲ့တဲ့ သီတင်းပတ်က စတင်ခဲ့တဲ့ စစ်ဆင်ရေးတွေ အတွင်းမှာ IS စစ်သွေးကြွ ၈၀၀ နဲ့ ၉၀၀ အကြားကို သုတ်သင် ခဲ့တယ်လို့ အမေရိကန် ထိပ်တန်း ဗိုလ်ချုပ် တစ်ဦးက ပြောပါတယ်။

IS တွေက မြို့ နေရာအနှံ့မှာ အရပ်သားတွေနဲ့ ရောနေတဲ့အတွက် သေဆုံးတဲ့ IS စစ်သွေးကြွ အရေအတွက်ကို အတိအကျ ပြောဖို့ ခက်တယ်လို့ အမေရိကန် ဗဟိုကွပ်ကွဲရေးဌာန အကြီးအကဲ Joseph Votel က အေအက်ဖ်ပီ သတင်းဌာနကို ပြောပါတယ်။

မိုဆူးလ်မြို့သိမ်း စစ်ဆင်ရေးတွေ မစခင်ကတော့ မြို့ထဲမှာ IS စစ်သွေးကြွ ငါးထောင် လောက်အထိ ရှိနိုင်တယ်လို့ ခန့်မှန်း ထားခဲ့ကြပါတယ်။

အမေရိကန် ဦးဆောင်တဲ့ ညွန့်ပေါင်းအဖွဲ့ရဲ့ လေကြောင်း ပစ်ကူတွေနဲ့အတူ အီရတ်နဲ့ ကာ့ဒ် တပ်ဖွဲ့တွေဟာ မိုဆူးလ်မြို့ ပတ်ပတ်လည်ကနေ ရှေ့တိုး ချီတက် လာနိုင်နေကြပါတယ်။

မိုဆူးလ်မြို့ကို အပြီးသတ် သိမ်းယူနိုင်ဖို့ အတွက်တော့ သီတင်းပတ် အတော်များများ ကြာနိုင်တယ်လို့ မျှော်လင့် ထားကြပါတယ်။

BBC Burmese
http://www.bbc.com/burmese



တောင်ကိုရီးယားနိုင်ငံက Kia ကီယာနဲ့ Hyundai ယျံဒေး ကားထုတ်လုပ်သူတွေက အမေရိကန်ပြည်ထောင်စုမှာ ရောင်းချခဲ့တဲ့ သူတို့ကားတွေရဲ့ လောင်စာစွမ်းအင်နဲ့ပတ်သက်ပြီး လိမ်လည်ခဲ့မှုကို ဝန်ခံလိုက်ပြီးနောက် လျှော်ကြေးငွေအဖြစ် ဒေါ်လာ ၄၁ သန်းကျော်ပေးဖို့ မနေ့က သဘောတူလိုက်ပါတယ်။

အဲဒီ ကားတွေဟာ ဓါတ်ဆီတစ်ဂါလံနဲ့ မိုင် ၄ဝ အထိ ခရီးရောက်နိုင်တယ်လို့ ယျံဒေးကုမ္ပဏီက ကြေညာရောင်းချခဲ့ပေမယ့် တကယ်တန်းမှာ တစ်ဂါလံကို ၃၄ မိုင်လောက်ပဲ မောင်းနှင်နိုင်ကြောင်း အမေရိကန်ပြည်ထောင်စု ပတ်ဝန်းကျင် ထိန်းသိမ်းရေးအဖွဲ့နဲ့ တရားရေးဌာနက ၂ဝ၁၂ ခုနှစ်မှာ စစ်ဆေးတွေ့ရှိခဲ့ပါတယ်။


ကားဝယ်ခဲ့သူတွေဟာ ကုမ္ပဏီရဲ့အာမခံပြောကြားချက်ထက် ပိုမိုပြီးကုန်ကျခဲ့တဲ့ ဓါတ်ဆီဖိုးတွေအတွက် လျှော်ကြေးရကြမှာဖြစ်ပါတယ်။ ကားကုမ္ပဏီတွေအနေနဲ့ သူတို့အပေါ်ယုံကြည်ချက်အတွက် သုံးစွဲသူတွေ နစ်နာခဲ့ရတာကို တာဝန်ယူရမှာပဲလို့ ဝါရှင်တန်မြို့တော် ရှေ့နေချုပ် Karl Racine ကားလ် ယာဆင်း ကပြောပါတယ်။

ဒီအပတ်အတွင်းမှာပဲ ဂျာမဏီကားကုမ္ပဏီတခုဖြစ်တဲ့ Volkswagen ဖေါက်ဗာဂင် ကလည်း သူတို့ကုမ္ပဏီထုတ်ကားတွေရဲ့ လေထုညစ်ညမ်းမှုပမာဏကို လိမ်လည်ပြီးလျော့ပေါ့ကြေညာကာ အမေရိကန်ပြည်သူတွေကို ရောင်းချခဲ့မှုအတွက် လျှော်ကြေးငွေ ဒေါ်လာ သန်းပေါင်း ၁၄၇ဝဝ ပေးဖို့ သဘောတူခဲ့ပါတယ်။

RFA Burmese
https://www.facebook.com/rfaburmese/


ဂွမ်ဂျိုး ကုန်တိုက်ထဲက ဝက်ဝံ

တရုတ်ပြည် တောင်ပိုင်း ဂွမ်ဂျိုး မြို့က ကုန်တိုက်ကြီး တခု ထဲမှာ ပြသထားတဲ့ ပိုလာ ဝက်ဝံ တကောင် အတွက် လူ တသန်းကျော် လက်မှတ်ထိုး တောင်းဆို ခဲ့ကြပါတယ်။

ကမ္ဘာပေါ်မှာ စိတ်ဆင်းရဲစရာ အကောင်းဆုံး ဝက်ဝံလို့ ခေါ်ကြတဲ့ ဒီဝက်ဝံကို ကုန်တိုက် ထဲက ဖန်လှောင်အိမ်မှာ ထည့်ပြီး ပြထားတာကနေ ဖယ်ရှားပေးဖို့ ဝိုင်းဝန်းတောင်းဆို ခဲ့ကြတာ ဖြစ်ပါတယ်။

ပီဇာလို့ ချစ်စနိုး ခေါ်ကြတဲ့ ဒီဝက်ဝံလေး ခေါင်းယမ်းပြီး လှောင်အိမ်ပြင်ဘက်ကို ငေးမောနေတဲ့ ဗီဒီယို ကို အင်တာနက်မှာ တိရစ္ဆာန် အခွင့်အရေး ကာကွယ်ရေး အဖွဲ့တွေက လွှင့်တင် ခဲ့ကြတာပါ။

ဒါဟာ စိတ်အလိုမကျတဲ့ သဘောကို ပြတယ်လို့ တိရစ္ဆာန် အကြောင်း နားလည်သူတွေက ဆိုပါတယ်။

ကုန်တိုက် ပိုင်ရှင်တွေ ဘက်ကတော့ သူတို့ တရုတ် နိုင်ငံရဲ့ ဥပဒေကို ချိုးဖောက်မှု မရှိတဲ့ အတွက် ဝက်ဝံကို ဒီနေရာက ဖယ်မပေးနိုင်ဘူးလို့ ငြင်းဆို ထားပါတယ်။
BBC Burmese


 ကုလသမဂ္ဂ ရဲ့မြန်မာနိုင်ငံဆိုင်ရာ လူ့အခွင့်အရေးအထူးကိုယ်စားလှယ် Ms. Yanghee Lee
ကုလသမဂ္ဂ ရဲ့မြန်မာနိုင်ငံဆိုင်ရာ လူ့အခွင့်အရေးအထူးကိုယ်စားလှယ် Ms. Yanghee Lee

အစိုးရသစ်အောက် မြန်မာနိုင်ငံ လူ့အခွင့်အရေးအခြေအနေ တိုးတက်လာဖို့ စိန်ခေါ်မှုတွေ ရင်ဆိုင်နေရဆဲဖြစ်သလို၊ စစ်အုပ်ချုပ်ရေးကနေ အရပ်ဖက်အုပ်ချုပ်ရေး အသွင်ကူးပြောင်းမှုအခြေအနေဟာ မပြီးပြတ်သေးဘူးလို့ ကုလသမဂ္ဂ ရဲ့ မြန်မာနိုင်ငံဆိုင်ရာလူ့အခွင့်အရေးကိုယ်စားလှယ်က ကုလသမဂ္ဂ အထွေထွေညီလာခံကို တင်ပြခဲ့ပါတယ်။ သတင်းထုတ်လွှင့်နေစဉ် အခုအချိန်မှာပဲ နယူးယောက်မြို့ ကုလသမဂ္ဂ အထွေထွေညီလာခံမှာ မြန်မာ့လူ့အခွင့်အရေးအခြေအနေ အစီရင်ခံစာ တင်သွင်းနေတာပါ။ ဒါကို စောင့်ကြည့် သတင်းယူနေတဲ့ ကိုသားညွန့်ဦးက ဒီအကြောင်းပြောပြပါမယ်။

အခု Ms Yanghee Lee ပြောဆိုသွားတဲ့အထဲမှာတော့ နိုင်ငံရေးအကျဉ်းသားကိစ္စ၊ အရပ်ဖက် လူမှုအဖွဲ့အစည်းတွေရဲ့ အခြေအနေ နောက် ဥပဒေစိုးမိုးမူနဲ့ ဥပဒေပြင်ဆင်ဖို့ လိုအပ်ချက်တွေ၊ နောက်ဖွဲ့စည်းပုံပြန်လည် ပြင်ဆင်ရေး၊ မြန်မာနိုင်ငံမှာ ငြိမ်းချမ်းရေးလက်ရှိလုပ်နေတဲ့ လုပ်ငန်းစဉ် ကိစ္စတွေ ၊ နောက်ရခိုင်ပြည်နယ်အခြေအနေတွေကို အလေးထားပြီးပြောသွားတာတွေ့ရပါတယ်။

ပြီးခဲ့တဲ့ သူ့ရဲ့မြန်မာနိုင်ငံခရီးစဉ်အတွင်းမှာ တွေ့ခဲ့တာတွေကိုအခြေခံပြီးတော့အခု တင်သွင်းတာဖြစ်တယ်လို့ဆိုပါတယ်။ အခုလက်ရှိအစိုးရသစ်အနေနဲ့ ဒီလူ့အခွင့်အရေးတိုးတက်မှုအတွက် စိန်ခေါ်မှုတွေ အကဲစမ်းချက်တွေရှိနေတာကို ဒီအစီရင်ခံစာအတွင်းမှာ ထည့်သွင်းထောက်ပြသွားပါတယ်။

အစိုးရသစ်ရင်ဆိုင်နေရတဲ့ လူ့အခွင့်အရေးစိန်ခေါ်မှုတွေ အကဲစမ်းချက်တွေကို ဒီအစီရင်ခံစာအတွင်းမှာ ထည့်သွင်းထားပါတယ်။ ဒီစိန်ခေါ်ချက်တွေအတွက် ရေတို ရေရှည် ရေလတ် အားဖြင့် ဘယ်လိုမျိုးလုပ်ဆောင်သင့်သလဲဆိုတဲ့အကြံပြုချက်တွေကိုလည်း ဒီအစီရင်ခံစာအတွင်းမှာ ထည့်သွင်းထားတယ်ဆိုပြီးတော့ ကုလသမဂ္ဂ ရဲ့မြန်မာနိုင်ငံဆိုင်ရာ လူ့အခွင့်အရေးအထူးကိုယ်စားလှယ် Ms. Yanghee Lee ကနေပြီးတော့ ပြောဆိုသွားတာဖြစ်ပါတယ်။

နိုင်ငံရေးအကျဉ်းသား ကိစ္စနဲ့ ပတ်သက်ပြီးတော့ ပြောဆိုတဲ့နေရာမှာတော့ နိုင်ငံရေးအကျဉ်းသားတွေကို အစိုးရသစ်ကနေပြီးတော့ လွှတ်ပေး တာကို အပြုသဘော သူချီးကျူးထားပါတယ်။ ဒါပေမယ့် တချိန်တည်းမှာပဲ ခေတ်မမှီတော့တဲ့ ဥပဒေတွေနဲ့ လက်ရှိဖမ်းဆီးထိန်းသိမ်းခံနေရစဲဖြစ်တဲ့ နိုင်ငံရေးအကျဉ်းသားတွေရှိနေသေးတယ်ဆိုတာကို ထောက်ပြပါတယ်။ အထူးသဖြင့်တော့ အလုပ်သမားရေးလှုပ်ရှားသူတွေ ဖမ်းဆီးအကျဉ်းကျခံနေရတဲ့ အခြေအနေကို ပြောပါတယ်။

ဒါ့အပြင် တချိန်တည်းမှာပဲ အရပ်ဖက်လူမှုအဖွဲ့အစည်း တွေ ကန့်သတ်ခံနေရတဲ့ကိစ္စတွေ၊ နောက်ပြည်ပရောက် မြန်မာတွေ အရင်တုန်းက ဒီမိုကရေစီရေးတက်ကြွလှုပ်ရှားခဲ့ကြတဲ့ ပြည်ပရောက် မြန်မာတွေ မြန်မာနိုင်ငံကို ပြန်လာဖို့အတွက် ပိတ်ပင်ခံနေရတဲ့ကိစ္စတွေ၊ ဒါ့အပြင် တက်ကြွလှုပ်ရှားသူတွေ ၊ သတင်းထောက်တွေကို တချို့ပစ်မှတ်ထားပြီး ဖိနှိပ်နေတဲ့ ဥပဒေတွေရှိနေသေးတယ်ဆိုတဲ့ကိစ္စကို ထောက်ပြပါတယ်။ ဒီဥပဒေတွေအရ တချို့ဖိနှိပ်တဲ့ ဥပဒေတွေကို လွှတ်တော်မှ အစိုးရသစ်လက်ထက် ဖျက်သိမ်းတာတွေ ရှိခဲ့ပေမယ့်လည်း ဆက်ပြီးတော့ ဖျက်သိမ်းဖို့ကျန်နေသေးတဲ့ ဥပဒေတွေ ကျန်ရှိနေသေးတဲ့အကြောင်း ဒါ့အပြင် တချို့ဥပဒေတွေကို အသစ်ပြန်လည်ပြင်ဆင်ဖို့လိုနေတဲ့အကြောင်းလည်းပြောသွားပါတယ်။ ဒါ့အပြင် မြန်မာနိုင်ငံရဲ့ ဖွဲ့စည်းပုံအခြေခံဥပဒေပြင်ဆင်ရေးနဲ့ ပတ်သက်လို့လည်း Ms. Yanghee Lee က အခုလို ပြောဆိုသွားတာဖြစ်ပါတယ်။

ဖွဲ့စည်းပုံအခြေခံဥပဒေပြင်ဆင်နိုင်ဖို့ ဆွေးနွေးပြောဆိုတာဟာ အတော်လေးကို နိုင်ငံရေးအရ အကဲဆတ်တဲ့ အခြေအနေမှာ ဖြစ်တယ်ဆိုတာကို သူ့အနေနဲ့ သတိပြုမိတဲ့အကြောင်း Ms. Yanghee Lee က ပြောဆိုသွားတာဖြစ်ပါတယ်။

အခုပြုပြင်ပြောင်းလဲမှုတွေရှိနေတယ်ဆိုပေမယ့် စစ်အုပ်ချုပ်ရေးကနေပြီးတော့ အပြည့်အ၀ အရပ်ဖက်အုပ်ချုပ်ရေးကို အသွင်ကူးပြောင်းဖို့ မပြီးပြတ်သေးတဲ့အခြေအနေမှာ ရှိနေတယ်လို့ သူက ပြောပါတယ်။ ဒါကြောင့် ဖွဲ့စည်းပုံပြင်ဆင်ရေးဆောင်ရွက်တဲ့ကိစ္စမှာ လွှတ်တော်အတွင်းမှာရော အများပြည်သူကြားမှာပါ လိုအပ်ချက် ကြီးကြီးမားမားရှိနေတယ် ဆိုပြီးတော့ Ms. Yanghee Lee က ထောက်ပြသွားပါတယ်။

ဒါပေမယ့် တချိန်ထဲမှာပဲ ဒီလွှတ်တော်အတွင်းမှာလည်း စစ်တပ်သဘောဆန္ဒမပါပဲနဲ့ ဖွဲ့စည်းပုံပြင်လို့မရဘူး ဆိုတာကို နားလည်းတဲ့အကြောင်းသူကပြောပါတယ်။ ဒါ့အပြင် ငြိမ်းချမ်းရေးနဲ့ ပတ်သက်လို့ ရခိုင်ပြည်နယ်အသေးစိတ်အခြေအနေတွေကိုလည်း ပြောဆိုသွားတာရှိပါတယ်။

ကိုသားညွန့်ဦး
VOA Burmese News


 NLD ဗဟိုအလုပ်အမှုဆောင်ကော်မတီဝင် ဦးဝင်းထိန်က သတင်းထောက်များကို ဖြေကြား
NLD ဗဟိုအလုပ်အမှုဆောင်ကော်မတီဝင် ဦးဝင်းထိန်က သတင်းထောက်များကို ဖြေကြား

ရွေးကောက်ပွဲအောင်နိုင်ရေးလုပ်ငန်းစဉ်တွေ လုပ်ဆောင်ဖို့ ပျက်ကွယ်ခဲ့တယ်ဆိုပြီး ရှမ်းပြည်နယ် အမျိုးသားဒီမိုကရေစီအဖွဲ့ချုပ် (NLD) ပါတီ ဥက္ကဋ္ဌ နဲ့ ပါတီဝင်တချို့ အရေးယူခံလိုက်ရဲ့တဲ့အပေါ်မှာ ပြန်လည်ကြားနားစစ်ဆေးမှုတွေ လုပ်နေပြီဖြစ်ပါတယ်။ NLD ပါတီ ဗဟိုအလုပ်အမှုဆောင်အဖွဲ့က အယူခံခုံရုံးကို ဖွဲ့ပြီး ပြန်လည်ကြားနာစစ်ဆေးနေတာဖြစ်ပါတယ်။ ဒီအကြောင်းအပြည့်အစုံကိုတော့ ဆက်သွယ်စုံစမ်းထားတဲ့ ကိုရန်နိုင်က ပြောပြပေးမှာဖြစ်ပါတယ်။

ရှမ်းပြည်နယ် အမျိုးသားဒီမိုကရေစီအဖွဲ့ချုပ် (NLD) ပါတီဥက္ကဋ္ဌ နဲ့ ပါတီဝင်တချို့ကို တာဝန်ကနေ အနားပေးလိုက်တာနဲ့ ပတ်သက်ပြီး ၊ သက်ဆိုင်ရာ ပါတီဝင်တွေဘက်က မကျေနပ်လို့ ပါတီကို အယူခံဝင်ခဲ့တာကြောင့် အယူခံခုံရုံးက ၂ ဘက်ကြားနားစစ်ဆေးမှုတွေကို လုပ်နေပါတယ်။ ၂ ဘက်ကြားနားစစ်ဆေးနေတဲ့ နောက်ဆုံးအခြေအနေနဲ့ ပတ်သက်ပြီး အယူခံခုရုံးအဖွဲ့ဝင်တဦးဖြစ်တဲ့ NLD ပါတီရဲ့ ရှေ့နေတဦးဖြစ်တဲ့ ဦးကျော်ဟိုးက အခုလို ပြောပါတယ်။

“ဒေါ်ခင်မိုးမိုးက တမှု၊ ဒေါ်မီးမီး တို့သားအမိက တမှု ၊ ဟို ၂ ဦးက အကြောင်းအရာတူတော့ ပေါင်းလိုက်တယ်ပေါ့လေ။ အားလုံးပေါင်း ၃ မှုပေါ့။ အဲဒီ ၃ မှုမှာ ကျနော်တို့ ရုံးအဖွဲ့အနေနဲ့ပေါ့လေ ၂ ဘက်ကို သက်သေခံအထောက်အထားတွေ သက်သေတွေ တင်ချင်လည်းတင်နိုင်တယ်၊ တင်လို့ရတယ်လို့ ကျနော်တို့က ခွင့်ပြုတယ်။ ခွင့်ပြုတဲ့အခါကျတော့ အဲဒါကို ဦးဝင်းထိန်ဘက်ကနေပြီးတော့ စပြီးတော့ ကျနော်တို့ သက်သေတွေအစစ်ခံမယ်ပေါ့လေ၊ အစစ်ခံတော့ ဒေါ်ခင်မိုးမိုးအမှုနဲ့ ပတ်သက်ပြီးတော့ ဦးဝင်းထိန်ကတော့ အစစ်ခံတာ ပြီးသွားတယ်။ နောက်ပြီးတော့ ဒေါ်မီးမီး တို့သားအမိ အမှုလည်း ဦးဝင်းထန်ကို စစ်တာပြီးသွားတယ်။ အခုမနက်ဖြန် နေ့လည် ၁ နာရီမှာ ကျနော်တို့ ဦးတင်မောင်တိုးရဲ့ အယူခံမှုနဲ့ ပတ်သက်ပြီးတော့ ဦးဝင်းထိန်ကိုစစ်မယ် နောက်ဆုံးအခြေအနေကတော့ အဲဒါပါပဲ။”

ဦးဝင်းထိန်းကို ကြားနားစစ်ဆေးပြီးတဲ့နောက်မှာတော့ နောက်ထပ် တင်သွင်းလာမယ့် သက်သေတွေကို ဆက်လက်စစ်ဆေးသွားမှာ ဖြစ်တယ်လို့ ဦးကျော်ဟိုးက ပြောပါတယ်။ အယူခံခုံရုံးကို NLD ပါတီ ဗဟိုအလုပ်အမှုဆောင်ကော်မတီရဲ့ အစည်းအဝေးဆုံးဖြတ်ချက် နဲ့ ဖွဲ့စည်းခဲ့တာဖြစ်တယ်လို့ သူက ပြောပါတယ်။ ဒီအယူခံခုံရုံးမှာ အဖွဲ့ဝင် ၃ ဦးပါဝင်ပြီး၊ အဖွဲ့ဝင်တွေကတော့ မန္တလေးတိုင်း ဗဟိုအလုပ်အမှုဆောင် ကော်မတီက ဦးတင်ထွဋ်ဦး ၊ ပါတီစည်းကမ်းထိန်းသိမ်းရေးအဖွဲ့က ဒေါ်လဲ့လဲ့ နဲ့ ရှေ့နေဦးကျော်ဟိုး တို့ဖြစ်ပါတယ်။ စစ်ဆေးတွေ့ရှိချက်တွေကို ဆုံးဖြတ်တဲ့နေရာမှာ အယူခံခုံရုံးအနေနဲ့ ဘယ်လိုမူနဲ့ ဆုံးဖြတ်သွားမလဲဆိုတဲ့အပေါ် ဦးကျော်ဟိုးက အခုလို ရှင်းပြပါတယ်။

“ကျနော်တို့ NLD ပါတီမှာက ပါတီစည်းကမ်းထိန်းသိမ်းရေး လုပ်ထုံးလုပ်နည်းရှိတယ်လေ။ ဒီလုပ်ထုံးလုပ်နည်းအတိုင်းကျနော်တို့ စစ်မှာပါ။ ဆိုတော့ ကျနော်တို့ စုံစမ်းစစ်ဆေးတယ်၊ သက်သေစစ်တယ်၊ အထောက်အထား ယူတယ်၊ ကျနော်တို့ အယူခံအဖွဲ့ကပဲ ဆုံးဖြတ်မှာပါ။ စစ်တာနဲ့ ပတ်သက်ပြီးတော့ EC ကနေပြီးတော့ ပြစ်ဒဏ်တိုးတာ လျော့တာတို့ နောက်လွှတ်ငြိမ်းခွင့်ပေးတာတို့က EC ကလုပ်ခွင့်ရှိတယ်လေ။ စစ်တာနဲ့ ပတ်သက်ပြီးတော့ တင်ပြရမှာပေါ့။”

ချမှတ်လိုက်တဲ့ ပြစ်ဒဏ်အပေါ် ပါတီဗဟိုအလုပ်အမှုဆောင်အဖွဲ့အနေနဲ့ ပြင်ဆင်ပြောင်းလဲ နိုင်ပေမယ့်၊ အယူခံခုံရုံးအနေနဲ့ လွတ်လွတ်လပ်လပ် ဆုံးဖြတ်ပိုင်ခွင့်ရှိတယ်လို့ ဦးကျော်ဟိုးက ပြောပါတယ်။

ပြီးခဲ့တဲ့ ၂၀၁၅ ရွေးကောက်ပွဲအောင်နိုင်ရေးလုပ်ငန်းစဉ်တွေကို လုပ်ဆောင်ဖို့ ပျက်ကွက်ခဲ့တာကြောင့်ဆိုပြီး ရှမ်းပြည်နယ် NLD ပါတီဥက္ကဋ္ဌ ဒေါ်ခင်မိုးမိုး၊ အတွင်းရေးမှူး ဒေါ်ယူမီဇော် နဲ့ အဖွဲ့ဝင် ဒေါ်မီးမီး တို့ကို သူတို့ရဲ့ သက်ဆိုင်ရာတာဝန်အသီးသီးကနေ ရပ်စဲလိုက်တယ်လို့ NLD ဗဟိုအလုပ်အမှုဆောင်ကော်မတီဝင် ဦးဝင်းထိန်က ပြီးခဲ့တဲ့ စက်တင်ဘာလက သူ့ရဲ့ ရှမ်းပြည်နယ်ခရီးစဉ်အတွင်းမှာ ပြောကြားခဲ့တာပါ။ ဒါ့အပြင် တောင်ကြီးခရိုင် NLD ပါတီဥက္ကဋ္ဌ ဦးတင်မောင်တိုးကိုတော့ ရှမ်းပြည်နယ် NLD ပါတီခေါင်းဆောင်တချို့ကို အခုလို တာဝန်တွေကနေ ရပ်စဲလိုက်တာကို လူမှုကွန်ရက် နဲ့ အစည်းအဝေးတွေမှာ မကျေနပ်ကြောင်း ပြောကြားခဲ့တဲ့အတွက် ဦးဝင်းထိန်က နှုတ်မိန့်နဲ့ ထုတ်ပယ် လိုက်တာဖြစ်ပါတယ်။

ရွေးကောက်ပွဲအောင်နိုင်ရေးလုပ်ငန်းစဉ်တွေ ပျက်ကွက်ခဲ့တယ်လို့ စွပ်စွဲထားတဲ့အပေါ် မှာတော့ ဒေါ်ခင်မိုးမိုးဘက်က ငြင်းဆိုထားပါတယ်။


NLD ပါတီဗဟိုကတော့ ရှမ်းပြည်နယ် NLD ပါတီဝင်တွေ အရေးယူခံရတာနဲ့ ပတ်သက်ပြီး တစုံတရာကြေညာချက်ထုတ်ပြန်ထားတာ မရှိသေးပါဘူး။ ပြီးခဲ့တဲ့ ၂၀၁၅ ရွေးကောက်ပွဲအတွင်း ရှမ်းပြည်နယ်တွင်းမဲဆန္ဒနယ်တွေမှာ NLD ပါတီက ပြည်သူ့လွှတ်တော်မှာ ၂၁ နေရာ၊ အမျိုးသားလွှတ်တော်မှာ ၃ နေရာ၊ နဲ့ ပြည်နယ်လွှတ်တော်မှာ ၁၂ နေရာ အနိုင်ရခဲ့တာဖြစ်ပါတယ်။

VOA Burmese News


ပစိဖိတ်သမုဒ္ဒရာကို တစ်ဦးတည်းဖြတ်ကျော်ပြီး ကမ္ဘာ့စံချိန်တင်ရန် ကြိုးပမ်းနေသော တရုတ်ရွက်လွှင့်သူ ကူဝေါချူအန်သည် အောက်တိုဘာ ၂၆ ရက်က ပစိဖိတ် သမုဒ္ဒရာအတွင်း၌ ပျောက်ဆုံးသွားခဲ့ကြောင်း အစိုးရပိုင်မီဒီယာ ဆင်ဟွာက ပြောကြားခဲ့သည်။ ကူဝေါသည် ဟာဝိုင်ယီ အနောက်ဘက် ရေမိုင် ၉၀၀ တွင် ရှိနေစဉ် အောက်တိုဘာ ၂၅ ရက် ဒေသစံတော်ချိန် ၁၅ နာရီ၌ နောက်ဆုံး အဆက်အသွယ်ရခဲ့ကြောင်း သူ၏အဖွဲ့ကို ကိုးကားပြီး ဆင်ဟွာသတင်း အေဂျင်စီက ဖော်ပြခဲ့သည်။

ကူဝေါကို ဆက်သွယ်ရန် နည်းမျိုးစုံဖြင့် ကြိုးပမ်းခဲ့ပြီး အဆက်အသွယ် မရရှိခဲ့ကြောင်း ဟိုနိုလူလူမှ ရှာဖွေရေး လေယာဉ်တစ်စင်းသည် ကူဝေါ၏ ရွက်လှေကို ကျိုးပျက်နေသော ရွက်တိုင်နှင့်အတူ တွေ့ရှိခဲ့ကြောင်း ဆင်ဟွာက ဖော်ပြခဲ့သည်။ အသက် ၅၁ နှစ်အရွယ် ကူဝေါသည် ဆန်ဖရန်စစ္စကိုမှ ရှန်ဟိုင်းအထိကို ပစိဖိတ်သမုဒ္ဒရာအား မရပ်မနားဖြတ်ကျော်ပြီး စံချိန်တင်ရန် ရည်ရွယ်၍ အောက်တိုဘာ ၁၉ ရက်တွင် စတင်ရွက်လွှင့်ခဲ့သည်။

ကူဝေါသည် ၂၀၁၃ ခုနှစ်က ကမ္ဘာကို ရေလမ်းကြောင်းမှ တစ်ကိုယ်တော် မရပ်မနား ပတ်ခဲ့သည့် ပထမဆုံး ရွက်လွှင့်သူဖြစ်ခဲ့သည်။ ကူဝေါ၏ ၉၇ ပေရှည်သော ရွက်လှေကို ဟာဝိုင်ယီ အနောက်ဘက် ကီလိုမီတာ ရာနှင့်ချီဝေးသော နေရာ၌ လှိုင်းများကြား မျောနေသည်ကို အမေရိကန် ကမ်းရိုးတန်းစောင့်တပ်ဖွဲ့က ထုတ်ပြန်ခဲ့သည့် ဗီဒီယို တစ်စိတ်တစ်ပိုင်းတွင် မြင်တွေ့ခဲ့ရသည်။ ရွက်လှေ၏ အလိုလျောက် အချက်ပြ စနစ်သည် အလုပ်လုပ်နေဆဲဖြစ်ပြီး ရွက်လှေပေါ်တွင် မည်သူတစ်ဦး တစ်ယောက်ကိုမှ မတွေ့မြင်ခဲ့ရကြောင်း သိရသည်။

အမေရိကန်ရေတပ် ရဟတ်ယာဉ်တစ်စင်းနှင့် ကမ်းရိုးတန်းစောင့် ဟာကျူလီလေယာဉ် တစ်စင်းတို့သည် ရွက်လှေပေါ်တွင် ပျံဝဲခဲ့ပြီး ကူဝေါကို ဆက်သွယ်နိုင်ခဲ့ခြင်း မရှိကြောင်း ကမ်းရိုးတန်းစောင့်တပ်ဖွဲ့က ထုတ်ပြန်ခဲ့သည်။ အမေရိကန်ရေတပ်မှ ကုန်းရေနှစ်သွယ်သင်္ဘော USS Makin Island မှ ကယ်ဆယ်ရေး သမားများသည် အောက်တိုဘာ ၂၇ ရက်တွင် ကူဝေါ၏ ရွက်လှေသို့ ရောက်ရှိခဲ့ကြောင်း ကမ်းရိုးတန်းစောင့် တပ်ဖွဲ့က ပြောကြားခဲ့သည်။

ရွက်လှေပေါ်တွင် ကူဝေါကို မတွေ့ခဲ့ရဘဲ သူ၏အသက်ကယ် အင်္ကျီကိုသာ တွေ့ခဲ့ရပြီးနောက် ရှာဖွေရေး လုပ်ငန်းများ ရပ်ဆိုင်းကြောင်း အမေရိကန် ကမ်းရိုးတန်းစောင့် တပ်ဖွဲ့က ကြေညာခဲ့သည်။

ကူဝေါ၏ အဖွဲ့သည် ရွက်လှေအား ဆယ်ယူရန် စီစဉ်နေပြီး သူ၏ကိုယ်ပိုင်ပစ္စည်းများအား ပြန်လည်ရရှိခဲ့ကြောင်း ၎င်းတို့၏တရားဝင် Weibo စာမျက်နှာတွင် ဖော်ပြခဲ့သည်။ ကူဝေါသည် အသံသွင်းထားသော သားနှစ်ဦး၏ ရယ်သံကို ကွန်ပျူတာ၌ နားထောင်ခဲ့ပြီး "ကမ္ဘာတွင် အလှပဆုံး သီချင်းဖြစ်ကြောင်း၊ ယင်းသီချင်းကြောင့် သက်သောင့်သက်သာ အရှိဆုံး ဖြစ်ရကြောင်း" ပြောကြားခဲ့သည်ဟု အောက်တိုဘာ ၂၀ ရက်တွင် သူ၏အဖွဲ့က ရေးသားခဲ့သည်။

ရေထဲသို့ကျမည်ကို အကြောက်ဆုံးဖြစ်ကြောင်း ကူဝေါက ပြောခဲ့ဖူးသည်ဟု ဆင်ဟွာက ဖော်ပြခဲ့သည်။ ကူဝေါသည် မည်ကဲ့သို့ ပျောက်ဆုံးသွားရသည်ကို ရှင်းရှင်းလင်းလင်း မသိရသေးပေ။

Ref : AFP
Eleven Media Group


အီရတ်တပ်ဖွဲ့ဝင်များက အောက်တို ဘာ ၂၆ ရက်တွင် မိုဆူးမြို့သို့ ပိုမိုနီးကပ်လာနေစဉ် မြို့ထဲရှိ IS ဂျီဟတ်များသည် မုတ်ဆိတ်များရိတ်၍ ပုံဖျက်ခြင်းနှင့် ပုန်းနေသည့်နေရာ များကိုလည်း ရွှေ့ပြောင်းခဲ့ကြကြောင်း ဒေသခံများက ပြောကြားခဲ့သည်။ မိုဆူးအား ပြန်လည်သိမ်းယူရေး ထိုးစစ်ဆင်မှုသည် ၁၀ ရက် မြောက်ရှိလာပြီး ဂျီဟတ်များအား ဖိအားများပေးမှုနှင့်အတူ အနောက်နိုင်ငံ ကာကွယ်ရေး တာဝန်ရှိသူများသည် နောက်ထပ်ပစ်မှတ် တစ်ခုဖြစ်သော ဆီးရီးယားရှိ IS တို့၏ ခြေကုပ်ဖြစ်သည့် ရာကာမြို့အား ထိုးစစ်ဆင်ရန် ပြင်ဆင်နေကြပြီဖြစ်သည်။

အရှေ့ဘက် စစ်မျက်နှာများတွင် အီရတ်အထူးတပ်ဖွဲ့ဝင်များက မိုဆူးမှ ငါးကီလိုမီတာ (သုံးမိုင်) အကွာ အတွင်းသို့ ချီတက်နိုင်ခဲ့ပြီး ဂျီဟတ်များသည် မြို့ထဲတွင် တိုက်ခိုက်မှုပြုလုပ်ရန်အတွက် စီစဉ်နေဖွယ်ရှိကြောင်း ဒေသခံများက ဆိုခဲ့သည်။ "Daseh အဖွဲ့ဝင် အချို့က ပုံစံချက်ချင်း ပြောင်းသွားတယ်။ မုတ်ဆိတ်တွေ ရိတ်ပစ်လိုက်တယ်။ အ၀တ်အစားတွေ ပြောင်းဝတ်ကြတယ်။ သူတို့တွေ ထိတ်လန့်နေမယ်။ မြို့ထဲကနေ ထွက်ပြေးဖို့ ပြင်ဆင်နေကြလိမ့်မယ်" ဟု မိုဆူးအရှေ့ပိုင်းမှ ဒေသခံ အဘူဆာအိက ပြောကြားခဲ့သည်။ IS တိုက်ခိုက်ရေးသမား အများအပြားသည် မိုဆူးမြို့အရှေ့ဘက်မှနေ၍ ဆီးရီးယားသို့ ထွက်ပြေးမည့် လမ်းကြောင်းနှင့် နီးကပ်သော တိဂရစ်မြစ် အနောက်ဘက်ကမ်းရှိ နေရာများသို့ ရွှေ့ပြောင်းနေကြကြောင်း ဒေသခံများနှင့် စစ်ဘက်တာဝန်ရှိသူများက ဆိုခဲ့သည်။

မိုဆူးမြောက်ဘက်နှင့် အရှေ့ဘက် စစ်မျက်နှာများတွင် ထိုးစစ်ဆင်မှုများမှ တိုက်ခိုက်မှု အသံများကို မြို့ထဲမှပင် ကြားနေရပြီး အမေရိကန် ဦးဆောင်သော ညွန့်ပေါင်းမှ လေယာဉ်များသည် ပုံမှန်ထက်နှိမ့်၍ ပျံသန်းခဲ့ကြကြောင်း ဒေသခံများက ပြောကြားခဲ့သည်။ အောက်တိုဘာ ၁၇ ရက်တွင် စတင်ခဲ့သော မိုဆူးမြို့သိမ်း စစ်ဆင်ရေး၌ ထောင်နှင့်ချီသည့် အီရတ်တပ်ဖွဲ့ဝင်များသည် တောင်၊ အရှေ့နှင့် မြောက်ဘက်မှနေ၍ မိုဆူးကို ချဉ်းကပ်နေကြောင်း သိရသည်။

ယင်းထိုးစစ်ဆင်မှုအား ဗြိတိန်နှင့် ပြင်သစ်တို့ပါဝင်သော အမေရိကန်ဦးဆောင်သည့် ညွန့်ပေါင်းက လေကြောင်းနှင့် မြေပြင်မှ ထောက်ပံ့ပေးနေကြောင်း သိရသည်။ ကာ့ဒ်ပက်ရ်ှမာဂါ တိုက်ခိုက်ရေးသမား များနှင့်အတူ အီရတ်အစိုးရ တပ်ဖွဲ့ဝင်များသည် ပြီးခဲ့သော သီတင်းပတ်တွင် တဖြည်းဖြည်းချင်း ချီတက်ခဲ့ကြပြီး မြို့များနှင့် ရွာများအား သတိထား၍ သိမ်းယူခဲ့ကြသည်။ ယင်းချီတက်မှုအတွင်း ဂျီဟတ်များ၏ အမြောက်များဖြင့် ပစ်ခတ်မှု၊ စနိုက်ပါဖြင့် ပစ်ခတ်မှုနှင့် အသေခံ ကားဗုံးခွဲမှုများနှင့် ရင်ဆိုင်ခဲ့ရသည်။

အီရတ်ဒုတိယ အကြီးဆုံးမြို့ မိုဆူးထဲတွင် ဂျီဟတ်တိုက်ခိုက်ရေးသမား ၃၀၀၀ မှ ၅၀၀၀ ခန့်အထိ ရှိနိုင်သည်ဟု ယူဆရပြီး အရပ်သား တစ်သန်းကျော်သည် ပိတ်မိနေသည်ဟု သိရသည်။ မိုဆူးမြို့အား သိမ်းယူနိုင်ပါက ရာကာမြို့သည် အီရတ် သို့မဟုတ် ဆီးရီးယားတွင် ၂၀၁၄ ခုနှစ်လယ်၌ နယ်မြေအများအပြား သိမ်းယူနိုင်ခဲ့သော IS အဖွဲ့၏ ထိန်းချုပ်မှုအောက်ရှိ တစ်ခုတည်းကျန်သော အဓိကမြို့ ကြီးဖြစ်လာမည် ဖြစ်သည်။

အောက်တိုဘာ ၂၅ ရက်တွင် မိုဆူးမြို့ထဲမှ အရပ်သား ၃၃၀၀ ကျော် ထွက်ပြေးလာခဲ့ပြီး ထိုးစစ်စတင် ခဲ့ပြီးနောက်ပိုင်း တစ်ရက်တည်းအတွင်း လူအများဆုံး ထွက်ပြေးခိုလှုံမှု ဖြစ်ကြောင်း အီရတ်၏ အိုးအိမ်မဲ့နှင့် ရွှေ့ပြောင်းသူများဆိုင်ရာဝန်ကြီး ဂျက်ဆင်မိုဟာ မက်အယ်ဂျက်က ပြောကြားခဲ့သည်။ ထိုးစစ်စတင်ခဲ့ပြီး နောက်ပိုင်း နေအိမ်များမှ စွန့်ခွာထွက်ပြေးခဲ့ရသူ အရေအတွက်သည် ၁၀၀၀၀ အထိ ရောက်ရှိခဲ့ပြီဖြစ်ကြောင်း ကုလသမဂ္ဂကလည်း အောက်တိုဘာ ၂၅ ရက်တွင် ထုတ်ပြန်ခဲ့သည်။

Ref : AFP
Eleven Media Group


အမေရိကန်နဲ့ ဖိလစ်ပိုင် ၂ နိုင်ငံကြား စစ်ရေးဆက်ဆံမှု ဖြတ်တောက်ဖို့ ခြိမ်းခြောက်မှုတွေကို ဖိလစ်ပိုင်အစိုးရက အမေရိကန်အစိုးရနဲ့ တရားဝင် ဆက်သွယ် ပြောကြားတာမျိုး မရှိသေးဘူးလို့ အမေရိကန် သမ္မတ အိမ်ဖြူတော်က ဗုဒ္ဓဟူးနေ့မှာ ပြောကြားလိုက်ပါတယ်။

ရက်အတော်ကြာလာချိန်မှာ ဒုတိယအကြိမ်အဖြစ် အမေရိကန်ပြည်ထောင်စုနဲ့ စစ်ရေးဆက်ဆံမှုတွေ ဖြတ်တောက်မယ်လို့ ဖိလစ်ပိုင်သမ္မတ Rodrigo Duterte ရဲ့ ခြိမ်းခြောက်ပြောဆိုမှု ထွက်လာတဲ့နေ့မှာပဲ သမ္မတအိမ်ဖြူတော်က အခုလို တုန့်ပြန်တဲ့ ကြေညာချက် ထွက်ပေါ်လာတာ ဖြစ်ပါတယ်။

ဒေသတွင်း အမေရိကန်ပြည်ထောင်စုရဲ့ မဟာမိတ်ဖြစ်တဲ့ ဂျပန်နိုင်ငံကို ၃ ရက်ကြာ တရားဝင်ခရီး သွားရောက်နေတဲ့ သမ္မတ Duterte က သူ့ရဲ့ ခရီးစဉ် ဒုတိယမြောက်နေ့မှာ တိုကျိုမြို့က စီးပွါးရေးဆွေးနွေးပွဲ တခု အတွင်း အခုလို ပြောကြားခဲ့တာပါ။ တကယ်လို့ သဘောတူညီချက်တွေကို ပြန်ပြောင်းဖို့ သူလုပ်ရမယ် ဆိုရင်တောင်မှ ဖိလစ်ပိုင်နိုင်ငံမှာ လာမယ့် ၂ နှစ်အတွင်း နိုင်ငံခြားစစ်တပ်တွေ မရှိတဲ့ အနေထားမျိုး သူက ဖြစ်စေချင်တယ်လို့ ပြောခဲ့တာပါ။

ဖိလစ်ပိုင်နိုင်ငံပေါက် အစ္စလာမ်လက်နက်ကိုင်တွေကို ချေမှုန်းတဲ့ အကြမ်းဖက်တိုက်ဖျက်ရေး လုပ်ငန်းမှာ အကူအညီပေးဖို့အတွက် Mindanao ကျွန်းတောင်ပိုင်းမှာ အမေရိကန်တပ်သား အနည်းငယ်လောက်ကို ချထားတာ ဖြစ်ပါတယ်။

============

VOA Burmese

http://burmese.voanews.com/a/philippines/3568009.html


မြန်မာနိုင်ငံ၏ နိုင်ငံတကာ ဆက်ဆံရေး ကဏ္ဍ တွင် နိုင်ငံခြားရေး ၀န်ကြီး၊ နိုင်ငံတကာ အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် ၏ ဆောင်ရွက်မှုများကို အများအပြား မြင်တွေ့လာရသည်။ သူမ ပါတီ အစုိးရနေရာကို ရယူပြီး နောက်ပိုင်း ၇ လအကြာ တွင် ဒေါ်အောင်ဆန်း စုကြည်သည် အင်အားကြီး နိုင်ငံများနှင့် မိတ်ဖက်ဆက်ဆံရေး ထူထောင်ခြင်း ကို တက်ကြွစွာ လုပ်ဆောင်ကာ မြန်မာ့နိုင်ငံခြားရေး မူဝါဒကို ပြုပြင်နိုင်ခဲ့သည်။

သို့သော် လက်ရှိ နိုင်ငံခြားရေး ဆောင်ရွက်မှုများကို “ဒေါ်အောင်ဆန်းစုကြည်၏ မူဝါဒ” ဟု ခေါ်ဆိုမည့်အစား သူ၏ ချဉ်းကပ်ပုံဟု ခေါ်ဆိုခြင်းက ပိုမိုသင့်လျော်မည် ဖြစ်သည်။ ဒေါ်အောင်ဆန်းစုကြည် ၏ နိုင်ငံခြားရေး မူဝါဒ ချဉ်းကပ်ပုံမှာ အဓိက အင်အားကြီး တံတားထိုးပေးသူ အဖြစ် မြန်မာနိုင်ငံ ကို ဖော်ဆောင်ရန် ရည်ရွယ်သည့် လက်တွေ့ကျသော ပုံစံဖြစ်သည်ဟု လေ့လာသူများက ဆိုသည်။

မြန်မာနိုင်ငံ၏ ပထ၀ီနိုင်ငံရေးအရ မဟာဗျူဟာ ကျသည့် တည်နေရာ က တောင်အာရှနှင့် အရှေ့တောင်အာရှကြား လူဦးရေ အများဆုံး နိုင်ငံ ၂ ခု ဖြစ်သည့် တရုတ်နှင့် အိန္ဒိယကြား ချိတ်ဆက်ပေးထား လျက်ရှိသည်။ ဗြိတိန်နှင့် ပြင်သစ်နှစ်နိုင်ငံ ပေါင်း အရွယ်အစား ရှိသည့် မြန်မာနိုင်ငံသည် ပြီးခဲ့သည့် အနှစ် ၅၀ ကျော် ကာလတွင် အာရှဒေသ တစ်ခုလုံး စီးပွားရေးဖွံ့ဖြိုးတိုးတက်မှုလှိုင်း ကြုံတွေ့ချိန်၌ စစ်အုပ်ချုပ်ရေးအောက် ရောက်ရှိနေသဖြင့် ကျန်ရစ်ခဲ့ရသည်။

ပြီးခဲ့သည့် ရွေးကောက်ပွဲတွင် ပြတ်ပြတ်သားသား အနိုင်ရခဲ့သည့် NLD အစိုးရ တက်လာပြီးနောက်တွင် နိုင်ငံ၏ အလားအလာများ ပြောင်းလဲလာ ခဲ့ပြီး နိုင်ငံအတွင်း အသစ်ပေါ်ထွက်လာသည့် စီးပွားရေး အခွင့်အလမ်းများအား ဆုပ်ကိုင်နိုင် ရန် နိုင်ငံအများအပြားက တိုးဝင်လျက် ရှိသည်။

ဒေါ်အောင်ဆန်းစုကြည်က မြန်မာနိုင်ငံ၏ တက်ကြွသည့် နိုင်ငံခြားရေး မူဝါဒသည် စီးပွားရေးနှင့် လုံခြုံရေးအကျိုးစီးပွားများ ဖြစ်ထွန်းစေသည့် အပြင် တရုတ်နှင့် ဂျပန်ကဲ့သို့ အင်အားကြီး ပြိုင်ဘက်များကြား တွင် စေ့စပ်သူ အဖြစ်ပါ ထမ်းဆောင်နိုင်စေမည်ဟု ယုံကြည်ထားသည်။ သို့သော် မြန်မာနိုင်ငံ၏ စီးပွားရေးနှင့် နိုင်ငံရေးအရ အထိခိုက်မခံနိုင်သည့် အခြေအနေက လွှမ်းမိုးရန် ကြိုးစားနေသည့် အင်အားကြီး နိုင်ငံများကြား ဘက်မျှစွာ ဆက်ဆံနိုင်ရန် ဖိအားဖြစ်လျက်ရှိသည်။

ဒေါ်အောင်ဆန်းစုကြည်သည် နိုင်ငံခြားရေးဝန်ကြီးအဖြစ် တာဝန် ထမ်းဆောင်ပြီးနောက် ဘက်မလိုက် နိုင်ငံခြားရေး မူဝါဒ ဆက်လက် အသုံးပြုမည်ဟု ပြောကြားခဲ့ပြီး ပထမဆုံး ဦးစားပေး နိုင်ငံတကာ ခရီးစဉ် အဖြစ် နယ်နိမိတ် ထိစပ်နေသည့် အင်အားကြီး တရုတ်နိုင်ငံသို့ သြဂုတ်လတွင် သွားရောက်ခဲ့သည်။

တရုတ်နိုင်ငံသည် မြန်မာ့ဒီမိုကရေစီရေး လှုပ်ရှားမှုများကို ဖိနှိပ်ခဲ့သည့် စစ်အစိုးရအား ကူညီထောက်ပံ့ခဲ့ပြီး နိုင်ငံအတွင်း သယံဇာတနှင့် မဟာဗျူဟာ အကျိုးစီးပွား အတွက် အားကြိုးမန်တက် လှုပ်ရှားမှုများ ပြုလုပ် ခဲ့ခြင်း ပုံရိပ်က မြန်မာနိုင်ငံတွင် ကြီးမားစွာ ကျန်ရှိနေသော်လည်း နိုင်ငံ၏ အကြီးမားဆုံး ရင်းနှီးမြှုပ်နှံသူ ဖြစ် သည်။ ဒေါ်အောင်ဆန်းစုကြည်သည် တရုတ်ခရီးစဉ်အပြီး ရက်သတ္တပတ် လေးပတ်အကြာတွင် အမေရိကန်ပြည်ထောင်စုသို့ သွားရောက်ကာ အိမ်ဖြူတော်၌ သမ္မတအိုဘားမား နှင့် တွေ့ဆုံခဲ့ပြီး နယူးယောက်မြို့တွင် ကုလသမဂ္ဂ အထွေထွေညီလာခံကို တက်ရောက် ခဲ့သည်။ ထိုခရီးအပြီးတွင် သမ္မတအိုဘားမားက အမေရိကန်နိုင်ငံ ၏ မြန်မာနိုင်ငံ အပေါ် ချမှတ်ထားသည့် စီးပွားရေး ပိတ်ဆို့မှုများကို ပယ်ဖျက်သည့် သမ္မတအမိန့်အား အောက်တိုဘာ ၇ တွင် ထုတ်ပြန် ခဲ့သည်။

ထို့နောက် ဒေါ်အောင်ဆန်းစုကြည်သည် ကမ္ဘာ့အကြီးဆုံး ဒီမိုကရေစီနိုင်ငံ အိန္ဒိယသို့ သွားရောက်သည့် ခရီးစဉ်အပြီးတွင် အာရှ၏ အချမ်းသာဆုံး ဒီမိုကရေစီနိုင်ငံ ဂျပန်သို့ နိုဝင်ဘာ ၁ တွင် သွားရောက်ရန် စီစဉ်ထားသည်။ အဆိုပါ ခရီးစဉ်တွင် ဒေါ်အောင်ဆန်းစုကြည်သည် ဂျပန် ဧက္ကရာဇ်နှင့် မိဖုရားတို့နှင့်ပါ တွေ့ဆုံမည် ဖြစ်သည်။ ထို့အပြင် ဂျပန် အိမ်ရှေ့စံမင်းသားမှာ ဒေါ်အောင်ဆန်းစုကြည် အောက်စဖို့ဒ်မြို့တွင် နေထိုင်စဉ်ကတည်းက ရင်းနှီးသည့် မိသားစုမိတ်ဆွေ ဖြစ်ခဲ့သည်။

ဂျပန်နှင့် အိန္ဒိယသည် အစဉ်အလာအားဖြင့် မြန်မာနိုင်ငံနှင့် ရင်းနှီးသည့် ဆက်ဆံရေး ရှိပြီး နိုင်ငံ၏ အထီးကျန်အခြေအနေမှ နိုင်ငံတကာ အသိုင်းအ၀ိုင်းသို့ ပြန်လည် ၀င်ရောက်ရာတွင် အရေးပါသည့် နေရာမှ ပါဝင်လျက် ရှိသည်။ မြန်မာနိုင်ငံ ၁၉၄၈ တွင် လွတ်လပ်ရေးရပြီးနောက် ဂျပန်နိုင်ငံသည် စစ်လျော်ကြေးပေးခြင်း၊ ဖွံ့ဖြိုးရေး အကူအညီများ ပေးခြင်းဖြင့် စီးပွားရေးကဏ္ဍတွင် အဓိက ကူညီသူဖြစ်ခဲ့သည်။ ဂျပန်နိုင်ငံသည် မြန်မာနိုင်ငံတွင် ပြုပြင်ပြောင်းလဲရေး စတင်ကတည်းက ဖွံ့ဖြိုးရေး အကူအညီများ ပိုမိုပေးအပ်ခြင်း၊ အကြွေးများ လျော်ပေးခြင်းနှင့် စီမံကိန်းကြီးများတွင် ရင်းနှီးမြှုပ်နှံခြင်း တို့ ပြုလုပ်ခဲ့သည်။ ဒေါ်အောင်ဆန်းစုကြည်၏ တောင်းဆိုချက်ကို တုံ့ပြန်သည့် အနေဖြင့် ဂျပန်ဝန်ကြီးချုပ် ရှင်ဇိုအာဘေး အစိုးရ သည် ချေးငွေနှင့် ထောက်ပံ့ငွေများ ပိုမိုပေးအပ်ခဲ့သည်။

မြန်မာနိုင်ငံက ပေးရန်ရှိသည့် အကြွေးများကို ဂျပန်နိုင်ငံက လျော်ပေးခဲ့ သဖြင့် မြန်မာနိုင်ငံ အနေဖြင့် ကမ္ဘာ့ဘဏ်နှင့် အာရှဖွံ့ဖြိုးရေးဘဏ် တို့မှ ငွေချေးယူခွင့်ရရန် အထောက်အကူ ဖြစ်ခဲ့သည်။ ထို့ပြင် နိုင်ငံ၏ ပြုပြင်ပြောင်းလဲရေး လုပ်ငန်းအတွက် သီလ၀ါ အထူးစီးပွားရေးဇုန် တည်ထောင်ရန် ရင်းနှီးမြှုပ်နှံခြင်းဖြင့် မြန်မာနိုင်ငံ အား ဒေသတွင်း ထုတ်လုပ်ရေး ဗဟိုချက် တစ်ခု ဖြစ်လာစေရန် ကူညီလျက်ရှိသည်။ ထို့အပြင် ဂျပန်နိုင်ငံသည် ရန်ကုန်မြို့ ရေပေးဝေရေး စနစ်၊ ရေဆိုးထုတ် စနစ်နှင့် လျှပ်စစ်မီး ပေးရေးကဏ္ဍကဲ့သို့ အခြေခံ အဆောက်အအုံနှင့် မြို့ပြဖွံ့ဖြိုးရေးကဏ္ဍများတွင်လည်း ရင်းနှီးမြှုပ်နှံလျက် ရှိသည်။

သို့သော် မြန်မာနိုင်ငံတွင် မြေယာပိုင်ဆိုင်ခွင့်၊ ဘတ်ဂျက်စီမံခန့်ခွဲမှုနှင့် ဘဏ္ဍာရေးကဏ္ဍ အပါအ၀င် ပြုပြင်ပြောင်းလဲရေးကဏ္ဍများ တိုးတက်မှု နှေးကွေးနေသဖြင့် ၀န်ကြီးချုပ်ရှင်ဇိုအာဘေး၏ မဲခေါင်ဒေသတွင်းနိုင်ငံများ တရုတ်အပေါ် မှီခိုမှုလျှော့ချရန် ကုန်သွယ်မှုမြှင့်တင်မည့် အစီအစဉ်ကို အတားအဆီး ဖြစ်စေလျက် ရှိသည်။ ဒေါ်အောင်ဆန်းစုကြည်၏ ငါးရက်ကြာ ခရီးစဉ် သည် မြန်မာနိုင်ငံ၏ ပြုပြင်ပြောင်းလဲမှု လုပ်ငန်းစဉ်နှင့် ဘက်မလိုက် နိုင်ငံခြားရေး မူဝါဒတို့အပေါ် ဂျပန်နိုင်ငံ၏ စိုးရိမ်ပူပန်မှု ကို နှစ်သိမ့်ရန် အခွင့်အရေးရစေမည် ဖြစ်သည်။

ဒေါ်အောင်ဆန်းစုကြည်၏ သံတမန်ရေးကဏ္ဍတွင် အဓိကစမ်းသပ်မှုမှာ တရုတ်နိုင်ငံဖြစ်သည်။ တရုတ်နိုင်ငံသည် မြန်မာနိုင်ငံအတွင်း မဟာဗျူဟာ ကျကျ ထိုးဖောက်ဝင်ရောက် နေရာယူထားကာ ကြီးမားသည့် လွှမ်းမိုးမှုများ ရှိနေသည့်အပြင် မြန်မာနိုင်ငံကို အိန္ဒိယသမုဒ္ဒရာ ထွက်ပေါက် အဖြစ် ဖော်ဆောင်ထားသည်။ ဘင်္ဂလားပင်လယ်အော် ကမ်းခြေဖြစ်သည့် ဥရောပမှ တရုတ်သို့ ကုန်သွယ်ရာတွင် ဧရာဝတီမြစ်ကို အသုံးပြုကာ ပိုမိုတိုတောင်းပြီး ကုန်ကျစရိတ် သက်သာသည့် ကုန်သွယ် လမ်းကြောင်း တစ်ခု ဖော်ဆောင်ရန်လည်း ကြိုးစားလျက်ရှိသည်။

မြန်မာနိုင်ငံ၏ ပြည်တွင်း တိုင်းရင်းသား ပဋိပက္ခများ အဆုံးသတ်ရေးတွင် တရုတ်နိုင်ငံသည် တိုင်းရင်းသားတပ်ဖွဲ့များထံ လက်နက်စီးဝင်မှု ပိတ်ဆို့ခြင်း၊ တိုင်းရင်းသား တပ်ဖွဲ့ ခေါင်းဆောင်များအပေါ် ယင်း၏ လွှမ်းမိုးမှုကို အသုံးချ၍ ကူညီခြင်းတို့ ပြုလုပ်နိုင်သည့် အရေးပါသူ ဖြစ်သည်။ သို့သော် မြန်မာနိုင်ငံအပေါ် လွှမ်းမိုးနိုင်မှု လျော့ကျ သွားနိုင်သည့် ငြိမ်းချမ်းရေး လုပ်ငန်းစဉ် အောင်မြင်စေရန် တရုတ်က စေ့စပ် ညှိနှိုင်းပေးသူအဖြစ် ကူညီလိုသည့် စိတ်ဆန္ဒ အမှန်တကယ် ရှိ မရှိ မသေချာပေ။

စက်တင်ဘာလဆန်းက ဒေါ်အောင်ဆန်းစုကြည် ဦးဆောင်ပြီး နေပြည်တော်၌ ပြုလုပ်ခဲ့သည့် ငြိမ်းချမ်းရေး ညီလာခံ သိသာ ထင်ရှားသည့် ရလဒ် မရရှိခဲ့ပဲ ပြီးဆုံးခဲ့သည်။ တရုတ်နိုင်ငံက တည်ဆောက် လျက်ရှိသည့် မြစ်ဆုံစီမံကိန်း ပြန်လည်စတင်ရန် တရုတ်နိုင်ငံ ၏ ဖိအားပေးမှုကို တုံ့ပြန်သည့် အနေဖြင့် ဒေါ်အောင်ဆန်းစုကြည် သည် စီမံကိန်းအား ပြန်လည် သုံးသပ်ရန် အဖွဲ့ဝင် ၂၀ ဦးပါ ကော်မရှင်တစ်ခု ဖွဲ့စည်းခဲ့သည်။

မြစ်ဆုံ စီမံကိန်းမှာ တရုတ်နိုင်ငံက နိုင်ငံငယ်လေးများအပေါ် ကိုလိုနီ လက်သစ် ၀ါဒ ကျင့်သုံးမှု သင်္ကေတအဖြစ် မြန်မာပြည်သူများက ရှုမြင်ကြသည်။ ကော်မရှင်၏ အကြံပေးမှုဖြင့် တရုတ်နိုင်ငံ အား လျော်ကြေးပေးခြင်းကဲ့သို့ ဆောင်ရွက်မှု တစ်ခုခုဖြင့် ဒေါ်အောင်ဆန်းစုကြည်သည် တရုတ်နိုင်ငံ မျက်နှာမပျက်စေ ရန် ဆောင်ရွက်နိုင်မည် ဖြစ်သည်။

ဒေါ်အောင်ဆန်းစုကြည်၏ ဘက်မလိုက် နိုင်ငံခြားရေးဝါဒသည် အယူအဆ အားဖြင့် စွဲဆောင်မှုရှိပြီး အင်အားကြီး နိုင်ငံတစ်ခုခု၏ သြဇာခံ မဖြစ်စေဘဲ နိုင်ငံကြီးအားလုံးနှင့် ဘက်မျှစွာ ဆက်ဆံကာ နိုင်ငံ၏ အကျိုးစီးပွား မြှင့်တင်ရန် ဂရုတစိုက် ဆောင်ရွက်ခွင့်ရရှိမည့် အလားအလာကောင်း ရှိစေမည်ဟု လေ့လာသူများက သုံးသပ်ကြသည်။

ထိုသို့ နိုင်ငံစုံနှင့် ပူးပေါင်းဆောင်ရွက်ခြင်းက မြန်မာနိုင်ငံ၏ ဖွံ့ဖြိုးရေးနှင့် လုံခြုံရေး အတွက် သေချာပေါက် အထောက်အကူ ဖြစ်စေနိုင်သည်။ သို့သော် ပြည်တွင်းရေး ပြသ၁နာများစွာ ရှိနေပြီး နိုင်ငံခြား အကူအညီ အပေါ် မှီခိုနေရသည့် မြန်မာနိုင်ငံအတွက် လက်တွေ့တွင် ဘက်မလိုက် နိုင်ငံခြားရေးဝါဒကို ရေရှည်ထိန်းသိမ်းထားရန်မှာ နိုင်ငံ၏ ဖွံဖြိုးတိုးတက်မှုအတွက် အလွန်အရေးပါလှသည်။

မျှတသည့် သံတမန်ရေးမူဝါဒကို ကျင့်သုံးနေသော်လည်း ဒေါ်အောင်ဆန်းစုကြည်သည် နိုင်ငံတွင်း ပဋိပက္ခများနှင့် အင်အားကြီး နိုင်ငံများက သြဇာသက်ရောက်မှု ပြိုင်ဆိုင် သည့် ပထ၀ီနိုင်ငံရေး ကစားပွဲတစ်ခုအဖြစ် အသုံးချရန် ကြိုးစားခြင်းကဲ့သို့ အဓိက စိန်ခေါ်မှုများနှင့် ရင်ဆိုင်ရမည် ဖြစ်သည်။

KHTun

The Ladies News



ဒီမိုကရေစီစနစ်ကို စတင်ကျင့်သုံးချိန်မှာ ပြဿနာမျိုးစုံကို ကြုံတွေ့ရမှာဖြစ်သလို ညီညီညွတ်ညွတ်နဲ့ ရင်ဆိုင်ဖြေရှင်းဖို့ အရေးကြီးကြောင်း NLD အမျိုးသားဒီမိုကရေစီအဖွဲ့ချုပ် ရပ်တည်ချက်နဲ့ ပတ်သက်ပြီး ပါတီနာယက ဦးတင်ဦးက ပြောကြားလိုက်ပါတယ်။

ပါတီတွင်း စည်းမျဉ်းစည်းကမ်းပိုင်းကိစ္စနဲ့ လွှတ်တော်တွင်း အဆိုတင်သွင်းတဲ့ နည်းနာတွေနဲ့ ပတ်သက်လို့ ရန်ကုန်တိုင်း NLD လွှတ်တော်အမတ်တွေကို ပါတီဗဟိုအလုပ်အမှုဆောင်အဖွဲ့က မနေ့က ရန်ကုန်မြို့ ပါတီဌာနချုပ်မှာ ခေါ်ယူတွေ့ဆုံပွဲအတွင်း ဦးတင်ဦးက အဲဒီလို ပြောဆိုလိုက်တာပါ။

အာဏာရ NLD ပါတီအနေနဲ့ အားနည်းချက်တွေရှိနေပေမဲ့ လာမယ့် ကြားဖြတ်ရွေးကောက်ပွဲမှာ သူ့ကိုယှဉ်ပြိုင်နိုင်မယ့် နိုင်ငံရေးပါတီမရှိတဲ့အတွက် NLD ပဲ အပြတ်အသတ် အနိုင်ရမှာဖြစ်တယ်လို့ သုံးသပ်မှုတွေ ရှိနေပါတယ်။ မအင်ကြင်းနိုင်က အပြည့်အစုံကို တင်ဆက်မှာပါ။

NLD အမတ်တချို့ရဲ့ လူမှုရေးကိစ္စ အရှုတ်အရှင်းပြဿနာ၊ အမတ်အချင်းချင်းကြား လိမ်လည်မှုပြဿနာ စတာတွေကို သတင်းမီဒီယာတွေက ဖော်ပြခဲ့ကြတဲ့အတွက် အာဏာရပါတီအပေါ် ဝေဖန်ထောက်ပြမှု အများအပြား ထွက်လာချိန်မှာ ပါတီဝင် မည်သူမဆို စည်းမျဉ်းစည်းကမ်းကို ချိုးဖောက်ရင် အရေးယူသွားမှာဖြစ်သလို ပါတီအနေနဲ့လည်း ပြဿနာမျိုးစုံကို ရင်ဆိုင်ဖြေရှင်းရာမှာ အချင်းချင်းညီညွတ်ကြဖို့ အရေးကြီးကြောင်း ပါတီနာယက ဦးတင်ဦးက တွေ့ဆုံပွဲမှာ အခုလို ပြောသွားပါတယ်။

“နည်းနည်းလေး အစထောင် ထိုးပြီးတော့ ရေးတာလေးတွေ၊ ပြောတာလေးတွေ၊ တောက်တာလေးတွေ၊ တွတ်တာလေးတွေ၊ နည်းနည်းလေး စနက်တံရှို့တာလေးတွေ ကျနော်တို့ ကြားနေရတာဖြစ်ပါတယ်။ ဘာမှ ကိစ္စရှိစရာ မလိုပါဘူး။ အောက်ခြေမှာကိုယ်တိုင်က ဒီလိုဟာတွေကို ထောက်ခံအားပေးတဲ့အနေနဲ့ ညီညီညွတ်ညွတ် စည်းစည်းလုံးလုံးနဲ့ လုပ်ကိုင်သွားကြဖို့ လိုအပ်ပါတယ်။ မှန်ပါတယ်။ ကျနော်တို့ အခုနေအချိန်အခါမှာကတော့ ဒီမိုကရေစီကျင့်စဉ်ကို အခုမှစပြီး လုပ်ရတာဖြစ်တဲ့အတွက် အမျိုးမျိုး အဖုံဖုံတော့ ပြဿနာတွေ စုံရမှာဖြစ်ပါတယ်။ အဲဒါကြောင့်မို့လို့ လိုအပ်နေတဲ့ အချိန်အခါမျိုးမှာလည်းပဲ ကျနော်တို့တွေဟာ ကျနော်တို့ လုပ်စရာရှိတာနဲ့ ပတ်သက်တာ အားလုံးကို စည်းလုံးညီညွတ်မှုနဲ့ လုပ်ကိုင်သွားဖို့ပဲ ကျနော် လေးလေးနက်နက် ပြောချင်တာဖြစ်ပါတယ်။”

ဒီအတောအတွင်းမှာပဲ ပါတီ ဗဟိုအလုပ်အမှုဆောင် အတွင်းရေးမှူး ဦးဝင်းထိန်က သူတဦးတည်း ဆုံးဖြတ်ချက်နဲ့ ပါတီ အမာခံတချို့ကို ထုတ်ပယ်ခဲ့တဲ့ လုပ်ရပ်အပေါ်မှာ အငြင်းပွားစရာ ဖြစ်ခဲ့တဲ့အတွက် ပါတီတွင်း ကြားနားစစ်ဆေးမှုတွေ ပြုလုပ်နေချိန်လည်း ဖြစ်ပါတယ်။ ဒီကိစ္စနဲ့ပတ်သက်လို့ အာဏာရပါတီကြီးအနေနဲ့ ပါတီတွင်း ဦးဆောင်မှုအပိုင်း အားနည်းချက်တွေရှိနေတယ်လို့ ထောက်ပြနေသူတွေရှိပါတယ်။ ဒါနဲ့ပတ်သက်လို့ မြန်မာ့အရေးသုံးသပ်နေသူ သတင်းစာဆရာ ဦးစည်သူအောင်မြင့် ရဲ့ အမြင်ကတော့

“ဒီထုတ်ပယ်မှုက ပါတီရဲ့ ဖွဲ့စည်းပုံစည်းမျဉ်းစည်းကမ်းတွေနဲ့အညီ လုပ်ခဲ့မယ်ဆိုရင်တော့ ဘာမှ အထွေအထူး ပြောစရာမရှိပါဘူး။ အဲဒါနဲ့ ကိုက်ညီ မညီ စိစစ်လိုက်တယ်ဆိုရင် ပြီးသွားတာပဲ။ ဒါပေမဲ့ အခုကျတော့ အဲဒီပုံစံမျိုး မတွေ့ရတဲ့အခါကျတော့ အပြင်တရားရုံးမှာ ဖြစ်သလိုပဲ တရားလိုနဲ့ တရားပြိုင်နဲ့ စစ်တဲ့ပုံစံလေးတွေ တွေ့နေရတယ်။ ဒါက ဘာကိုပြသလဲဆိုရင် NLD ပါတီထဲမှာ ပါတီစည်းမျဉ်းစည်းကမ်းနဲ့အညီ လုပ်ကိုင်ဆောင်ရွက်မှုတွေ အားနည်းနေတာကို ပြတာပေါ့။ ဒီဟာကိုတော့ ပြုပြင်ရမယ်လို့ ကျနော် ထင်ပါတယ်။”

မနေ့က NLD လွှတ်တော်အမတ်တွေနဲ့ တွေ့ဆုံပွဲမှာ ၂၀၁၇ ဧပြီလ (၁) ရက်နေ့မှာ ကျင်းပမယ့် ကြားဖြတ်ရွေးကောက်ပွဲမှာ အပြတ်အသတ် အနိုင်ရရှိရေး ပါတီဥက္ကဌလည်းဖြစ် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ညွှန်ကြားထားကြောင်း ဦးတင်ဦးက ပြောပါတယ်။

“ကျနော်တို့ခေါင်းဆောင်ဟာ ပြောခဲစေ၊ ဆိုခဲစေ၊ ဒါပေမဲ့ ပြောရင်ဆိုရင် တကယ်ဖြစ်အောင်လုပ်တယ်။ ကြားဖြတ်ရွေးကောက်ပွဲမှာလည်း အခု ပြောပြန်ပြီ။ အကုန်လုံးရအောင် လုပ်ရမယ်လို့ ပြောထားတာပဲ။ ဒီတော့ အကုန်ရအောင် လုပ်ဖို့အတွက် ကြိုးစားဖို့ လိုလာတယ်။ အကုန်လုံးရအောင် လုပ်မယ်လို့ ဆိုခဲ့လို့ရှိရင်လည်းပဲ ကျနော်တို့ဟာ စည်းလုံးညီညွတ်မှုကို ပြနိုင်မှ ပြည်သူလူထုဟာ ယုံကြည်မှာ ဖြစ်ပါတယ်။”

လက်ရှိ မြန်မာ့နိုင်ငံရေး နယ်ပယ်မှာလည်း NLD ပါတီကို ယှဉ်ပြိုင်နိုင်တဲ့ နိုင်ငံရေးပါတီ မပေါ်ပေါက်သေးတာကြောင့် ကြားဖြတ်ရွေးကောက်ပွဲမှာ NLD ပဲ အပြတ်အသတ် အနိုင်ရမှာဖြစ်တယ်လို့ ဦးစည်သူအောင်မြင့်က သုံးသပ်ပါတယ်။

“NLD အနေနဲ့က အောက်ခြေ ပြည်သူလူထုတွေကြားထဲမှာကတော့ အားမလိုအားမရဖြစ်တာတွေ၊ မဲပေးခဲ့မိတာ၊ ငါတို့များ မှားသလား ဘာညာ ပြောဆိုတာတွေ ရှိပေမဲ့ လောလောဆယ်မှာတော့ အပြိုင် အခြားပါတီတခုကတော့ အဲ့လိုမျိုး မတွေ့သေးတဲ့အခါကျတော့ NLD နေရာကို အစားဝင်ပြီးတော့မှ အနိုင်ရသွားမယ်ဆိုတဲ့ ပါတီမျိုးကတော့ လောလောဆယ် မတွေ့သေးပါဘူး။”

ရွေးကောက်ပွဲ ကော်မရှင်ရဲ့ ထုတ်ပြန်ချက်အရ ပြည်သူ့လွှတ်တော်မှာ ၉ နေရာ၊ အမျိုးသားလွှတ်တော်မှာ ၃ နေရာ၊ ပြည်နယ်နဲ့ တိုင်း လွှတ်တော်တွေမှာ ၆ နေရာ စုစုပေါင်း ၁၈ နေရာနဲ့ ရှမ်းပြည်တောင်ပိုင်း ညောင်ရွှေမဲဆန္ဒနယ်မှာ လွှတ်တော်ကိုယ်စားလှယ်တဦး သေဆုံးခဲ့တဲ့အတွက် သူ့နေရာအတွက်ပါ အစားထိုးရွေးချယ်မှာဖြစ်တယ်လို့ ဖော်ပြထားပါတယ်ရှင်။

အင်ကြင်းနိုင်
VOA Burmese News


ရန်ကုန်မြို့၌ ဇီကာရောဂါ ဖြစ်ပွားနေသည့် နိုင်ငံခြားသူ တစ်ဦး တွေ့ရှိသဖြင့် ကာကွယ် ထိန်းချုပ် နှိမ်နှင်းရေး လုပ်ငန်းများ အထူးအလေးထား ဆောင် ရွက်လျှက်ရှိ

နေပြည်တော် အောက်တိုဘာ ၂၇

ကျန်းမာရေးနှင့် အားကစား ၀န်ကြီးဌာနသည် ဇီကာရောဂါ ကာကွယ်ရေး လုပ်ငန်းများ အပါအ၀င် ရောဂါစောင့်ကြပ် ကြည့်ရှုမှု လုပ်ငန်းများကို အထူးဂရုပြု ဆောင်ရွက်လျှက် ရှိရာ ရန်ကုန်မြို့၌ ဇီကာရောဂါဖြစ်ပွားနေ သည့် နိုင်ငံခြားသူတစ်ဦးကို ဓါတ်ခွဲစမ်း သပ်မှုများပြုလုပ်ပြီးနောက် အတည် ပြုနိုင်ခဲ့ကြောင်း သိရသည်။

အဆိုပါ ဇီကာရောဂါလက္ခဏာသံသယရှိသူ အသက် ၃၂ နှစ်အရွယ် ရှိ နိုင်ငံခြားသူ ကိုယ်ဝန်ဆောင်အမျိုးသမီးတစ်ဦးကို ယနေ့တွင်ရန်ကုန်မြို့နယ် အတွင်း၌ တွေ့ရှိခဲ့သဖြင့် လိုအပ်သောဓါတ်ခွဲစမ်းသပ်မှုများဆောင်ရွက်ခဲ့ရာ ဇီကာရောဂါ ဖြစ်ပွားလျှက်ရှိကြောင်း အတည်ပြုနိုင်ခဲ့ခြင်းဖြစ်သည်။

သို့ဖြစ်၍ ဇီကာရောဂါနှင့်ပတ်သက်ပြီး လိုအပ်သော ကာကွယ် ထိန်းချုပ် နှိမ်နှင်း ရေး လုပ်ငန်းများကို တာဝန်ရှိသူများက အထူးအလေး ထား ဆောင် ရွက်လျှက်ရှိကြောင်း ကျန်းမာရေးနှင့် အားကစား ၀န်ကြီးဌာနမှ ကနဦးသတင်းရရှိသည်။

(သတင်းစဉ်)
MOI Webportal Myanmar
https://www.facebook.com/MOIWebportalMyanmar



HKI Europe Paris ဥက္ကဌ Dr. Howard Cohn က ဒေါ်အောင်ဆန်းစုကြည်ကို အောက်တိုဘာလ ၂၇ ရက်နေ့က နိုင်ငံတကာ လူသားချင်းစာနာထောက်ထားသူဆု ပေးအပ်စဉ်။ Photo: Win Naung Toe/RFA
နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို Helen Keller International Humanitarian Award နိုင်ငံတကာလူသားချင်းစာနာထောက်ထားသူဆုကို HKI Europe Paris ဥက္ကဌ Dr. Howard Cohn က ဒီကနေ့ နေ့လည်က နိုင်ငံခြားရေးဝန်ကြီးရုံးမှာ ပေးအပ်ခဲ့ပါတယ်။

အဲဒီဆုကို ၂ဝ၁၃ ခုနှစ်မှာ ဟီလာရီကလင်တန်၊ ၂ဝ၁၄ ခုနှစ်မှာ စီးပွားရေးပညာရှင်တစ်ဦးဖြစ်တဲ့ တွမ်အာနိုး တို့ရယူခဲ့ပြီး ၂ဝ၁၅ ခုနှစ်အတွက် မြန်မာနိုင်ငံက နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ကို ပေးအပ်ခဲ့တာဖြစ်ပါတယ်။

Helen Keller ဟာ အမေရိကန်ရဲ့ ပထမဆုံးဝိဇ္ဇာဘွဲ့ရရှိခဲ့တဲ့ မျက်မမြင်၊ နားမကြား၊ မသန်စွမ်းပုဂ္ဂိုလ် တစ်ဦးဖြစ်ပါတယ်။

Helen Keller International ကို ၁၉၅၉ ခုနှစ်က စတင်တည်ထောင်ခဲ့ပြီး Humanitarian Award ကို ၂ဝဝ၇ ခုနှစ်မှာ စတင်ပေးအပ်ခဲ့တာဖြစ်ပါတယ်။ ကမ္ဘာတစ်လွှား လူသားချင်းစာနာထောက်ထားမှုကို စဉ်ဆက်မပြတ် ကြိုးပမ်းအားထုတ်ခဲ့တဲ့ လူပုဂ္ဂိုလ်တစ်ဦးချင်းနဲ့ အဖွဲ့အစည်းအလုိုက်ပေးအပ်တဲ့ ဆုအမျိုးအစားကို ဒေါ်အောင်ဆန်း စုကြည် က ပထမဆုံးအကြိမ် ရရှိခဲ့တာဖြစ်ပါတယ်။

RFA Burmese
http://www.rfa.org/burmese


အောက်တိုဘာလ ၂၇ ရက် ၂၀၁၆

သျှမ်းပြည်မြောက်ပိုင်း မူစယ်ခရိုင် နမ့်ခမ်းမြို့နယ်တွင် သျှမ်းစာပေသင်ကြားရေး ဆရာ ဆရာမ များအား သုခုမ (ထောက်ပံ့ကြေး) အပြည့်အဝ မပေးဟုဆိုကာ မြို့နယ်ပညာရေးမှူးအား နမ့်ခမ်းမြို့သျှမ်းစာပေနှင့်ယဉ်ကျေးမှု အသင်းနှင့် လူထုမှ ဆန္ဒပြခဲ့ကြသည်။

“မြို့နယ်ပညာရေးမှူး ဒေါ်နီနီအောင်က တိုင်းရင်းသားစာပေသင်ကြားပေးတဲ့ ဆရာ/မတွေကို အစိုးရက ထောက် ပံ့လာတဲ့ ငွေကြေး အပြည့်အဝ မပေးဘူး။ တချို့ရှမ်းဆရာ/မတွေက နှစ်သောင်းရတယ်၊ တချို့ က သုံးသောင်း ရတယ်။ ဒီလို အပြည့်အဝ မရတာ၊ တန်းတူမရတာကို လွန်ခဲ့တဲ့ ၃ လမှ ကျနော်တို့ သိရတာ။ ထောက်ပံ့ငွေ တန်းတူညီတူရရှိဖို့၊ အပြည့်အဝ ရရှိဖို့အတွက် ဆန္ဒပြရတာပါ” ဟု နမ့်ခမ်းမြို့ သျှမ်းစာပေနှင့် ယဉ်ကျေးမှုအသင်း ဒုဥက္ကဋ္ဌ စိုင်းထွန်းအေးက ပြောပါသည်။

နမ့်ခမ်းလူထုသည် အောက်တိုဘာလ ၂၇ ရက်နေ့ နံနက် ၉ နာရီ ၁၅ မိနစ်ခန့်တွင် နမ့်ခမ်းမြို့ သျှမ်းစာပေနှင့်ယဉ်ကျေးမှုရုံးမှ လမ်းမတော်သို့ ထွက်လာကာ မြို့တွင်း၌ တနာရီခန့် စီတန်းလှည့်လည် ဆန္ဒပြခဲ့ကြသည်။

“သျှမ်းစာယဉ်ကနေ စ-ထွက်တုန်းကတော့ လူအင်အား ၅၀၀ လောက် ဘဲရှိတယ်။ လမ်းတလျှောက် ပြည်သလူထု ထပ်ဝင် လာတော့ ၃၀၀၀ လောက် ရှိသွားတယ်” ဟု စီတန်းလှည့်လည်ဆန္ဒပြသူ စိုင်းပီးက ပြောပါသည်။

အစိုးရက တိုင်းရင်းသားစာပေသင်ကြားပေးသည့် ဆရာ/ဆရာမများအား တစ်ဦးလျှင် တစ်လ ၃၀၀၀၀ ကျပ် ထောက်ပံ့ကြောင်း၊ အစိုးရကျောင်း၌ သျှမ်း၊ တအာင်း၊ ကချင်နှင့်လီစူးတိုင်းရင်းသားစာပေများ သင်ကြားပေး လျက် ရှိကြောင်း၊ အစိုးရပညာရေးကျောင်း၊ ဘုန်းကြီးကျောင်းနှင့် ရပ်ကွက်တွင် သင်ကြားပေးသည့် ဆရာ/ ဆရာမအားလုံးကို ထောက်ပံ့ကြောင်း၊ သျှမ်းဆရာ/ဆရာမ အယောက် ၁၇၀ ခန့်ရှိကြောင်း ဆိုပါသည်။

“တခြားတိုင်းရင်းသားတွေတော့ အပြည့်အဝ ရ/မရဆိုတာ ကျနော်တို့လည်း မသိရဘူး။ ကျနော်တို့ကတော့ အစိုးရက ပေးသလောက် သျှမ်းဆရာ/ဆရာမတွေ အပြည့်အဝေ ရစေချင်တယ်။ သျှမ်းဆရာ/ဆရာမတွေ ခံစားထိုက်တဲ့ ထောက်ပံ့ငွေတွေ ကို ပညာရေးမှူးကနေ ထိန်းချုပ်မထားဘဲ သျှမ်းစာယဉ်အသင်းကို လာလွှဲပေး စေချင်တယ်။ သျှမ်းစာ၊ယဉ်အသင်းက သျှမ်းဆရာ/ဆရာမတွေကို ပြန်ဝေပေးမယ်” ဟု စိုင်းထွန်းအေးက ပြောပါသည်။

သျှမ်းစာပေသင်ကြားပေးသည့် ဆရာ/ဆရာမများ ထောက်ပံ့ငွေကြေး အပြည့်အဝ မရသည့်ကိစ္စကို ပြည်ထောင်စုအစိုးရ၊ သျှမ်းပြည်နယ်အစိုးရထံ စာတင်ရန်အတွက်လည်း စီစဉ်ထားသည်ဟု သိရသည်။

သျှမ်းသံတော်ဆင့် / မွေခေါဝ်
Panglong(Burmese)
https://www.facebook.com/Panglong.burmese/



(MDCF ခေါင်းဆောင် ကိုထင်ကျော် ကို အောက်တိုဘာလ ၂၇ ရက်နေ့က ရန်ကုန်တိုင်း မြောက်ဥက္ကလာပမြို့နယ် တရားရုံးမှာ ရုံးထုတ်လာစဉ်) Photo:Aung Thain Kha/RFA
တပ်မတော်ကို ဝေဖန်ပြောဆိုမှုကြောင့် ပုဒ်မ ၅ဝ၅ (က)နဲ့ ဒီမိုကရေစီအရေး စဉ်ဆက်မပြတ်လှုပ်ရှားသူများ အင်အားစု MDCF ခေါင်းဆောင် ကိုထင်ကျော် ကို ဒီကနေ့ ရန်ကုန်တိုင်း မြောက်ဥက္ကလာပမြို့နယ် တရားရုံးမှာ ရုံးထုတ်ခဲ့ပါတယ်။

ကိုထင်ကျော် ရုံးထုတ်မှာ MDCF အဖွဲ့ဝင်တွေက ကိုထင်ကျော် အမြန်ဆုံးလွတ်မြောက်ရေးအတွက် တရားရုံးရှေ့မှာ ငှက်လွှတ်ပြီး ဆုတောင်းခဲ့ကြသလို ၂ဝဝ၈ ဖွဲ့စည်းပုံပြင်ဆင်ရေး၊ အစိုးရအပေါ် တပ်မတော်ရဲ့ ကြီးစိုးမှု လွတ်မြောက်ရေးနဲ့ မျှတတဲ့တရားစီရင်ရေးဖြစ်ဖို့ ဆန္ဒပြခဲ့ကြပါတယ်။

ပြီးခဲ့တဲ့ အောက်တိုဘာလ ၂၁ ရက်နေ့က မြောက်ဥက္ကလာပ တရားရုံးရှေ့မှာ ဆန္ဒထုတ်ဖော်ချိန် တပ်မတော်ကို ဝေဖန်ပြောဆိုခဲ့တဲ့အတွက် ရန်ကုန်တိုင်း စစ်ဌာနချုပ် ဒုတိယဗိုလ်မှူးကြီး ဇော်ဇော်က တရားလိုပြု တရားစွဲတာဖြစ်တယ်လို့ တရားခွင်မှာ တရားသူကြီးက ပြောပါတယ်။

ပြီးခဲ့တဲ့ ၂ဝ၁၃ ခုနှစ်က နန်းထိုက်တော်ဝင် စားသောက်ဆိုင်ပိုင်ရှင် ဦးအိုက်လင်းကို ကိုထင်ကျော်က တရားစွဲဆိုထားတဲ့ အမှုကို မြောက်ဥက္ကလာပမြို့နယ် တရားရုံးက အမှုပိတ်သိမ်းခိုင်းတဲ့အတွက် ကိုထင်ကျော်က တရားစီရင်ရေးမဏ္ဍိုင်နဲ့ တပ်မတော်ကို ဝေဖန်ပြောဆိုခဲ့တာ ဖြစ်ပါတယ်။

ကိုထင်ကျော်ကို မြောက်ဥက္ကလာပမြို့နယ် တရားရုံးမှာ လာမယ့် နိုဝင်ဘာ ၉ ရက်မှာ ထပ်မံရုံးထုတ်မှာဖြစ်ပါတယ်။

RFA Burmese
https://www.facebook.com/rfaburmese


ရန်ကုန်တိုင်းဒေသကြီး တာမွေမြို့နယ် အရိုးကုန်းရပ်ကွက် ဗညားဒလလမ်း အိမ်အမှတ် (၂၆၁) အပေါ်ဆုံးထပ်သို့ ရောက်ရှိနေသည့် ဘင်္ဂါလီငါးဦးကို ရန်ကုန်သို့ရောက်အောင် ပို့ဆောင်ခဲ့သည့် လူပွဲ စားနှစ်ဦးကို ရခိုင်ပြည်နယ် ကျောက်တော်မြို့နယ်ရှိ မူဆလင်ကျေးရွာ နှစ်ရွာတွင် အောက်တိုဘာ ၂၆ ရက်က ဖမ်းဆီးရမိခဲ့ကြောင်း သတင်းရရှိသည်။

အဆိုပါနှစ်ဦးမှာ ကျောက်တော်မြို့နယ် ခေါင်းတုတ်ကျေးရွာတွင် နေထိုင်သည့် ဆာလီအာမက် (၂၂)နှစ် (ဘ)ဦးမာမွတ်၊ ကျောက်တော်မြို့နယ် အပေါက်ဝ အလယ်ရွာနေ မာစီးတီး (ခ)မောင်လှသိန်း (ကျဘမ်း) (၂၈)နှစ် (ဘ)ဦးယူနာလီတို့ဖြစ်ကြောင်း၊ နှစ်ဦးစလုံးမှာ မူဆလင်လူမျိုး အစ္စလာမ်ဘာသာဝင်များဖြစ်ကြောင်း သိရသည်။

ပြီးခဲ့သော အောက်တိုဘာ ၂၂ ရက်က အထက်ပါ ရပ်ကွက် လမ်းနှင့် အိမ်အမှတ်တို့တွင် နေထိုင်နေသည့် ဘင်္ဂါလီငါးဦးကို တာမွေမြို့မ ရဲစခန်းမှ ပြည်သူများ၏ ပူးပေါင်းဆောင်ရွက် သတင်းပေးမှုကြောင့် ဖမ်းဆီးရမိခဲ့ပြီး နောက်စစ်ဆေးချက်များအရ အဆိုပါ ဘင်္ဂါလီငါးဦးကို လူပွဲစားအဖြစ် ရန်ကုန်သို့ရောက်အောင် ပို့ဆောင်ပေးသူ များမှာ ကျောက်တော်မြို့နယ်အတွင်း နေထိုင်ရောက်ရှိကြောင်း သိရှိရသဖြင့် တာမွေမြို့မရဲစခန်းနှင့် ကျောက်တော်မြို့မရဲစခန်းမှ ရဲတပ်ဖွဲ့ဝင်များ ပူးပေါင်းကာ ဖမ်းဆီးရမိခဲ့ခြင်းဖြစ်ကြောင်း သတင်းရရှိသည်။

တာမွေမြို့နယ်တွင် ဖမ်းဆီးရမိခဲ့သည့် ဘင်္ဂါလီငါးဦးမှာ မောင်လှ(ခ)ကိုရီမိုဒီ၊ ရွှေမောင်(ခ)ဆူရီနိုရီ၊ လာလူး၊ ဆူနီရာဒမ်ဘာ၊ နာစီး ဆိုသူတို့ ၎င်းတို့ကို လူဝင်မှုကြီးကြပ်ရေး အက်ဥပဒေအရ အရေးယူဆောင်ရွက်သွား
မည်ဖြစ်ကြောင်း တာမွေမြို့မရဲစခန်းမှ သတင်းရရှိသည်။

AT
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/


ပြင်ဦးလွင်၊ အောက်တိုဘာ ၂၇။

မန္တလေးတိုင်းဒေသကြီး ပြင်ဦးလွင်မြို့နယ် အထွေထွေအုပ်ချုပ်ရေး ဦးစီးဌာနမှ မြို့နယ်အုပ်ချုပ်ရေးမှူး ဒုတိယဦးစီးမှူးနှင့် အကြီးတန်းစာရေးတစ်ဦးတို့ကို အဂတိလိုက်စားမှုနှင့် ပတ်သတ်၍ အရေးယူရန် ဆောင်ရွက်သွားမည်ဖြစ်ကြောင်း အဂတိလိုက်စားမှု တိုက်ဖျက်ရေးကော်မတီမှ အောက်တိုဘာ ၂၇ရက်နေ့က သိရသည် ။

အထွေထွေအုပ်ချုပ်ရေးဦးစီးဌာနမှ လက်ထောက်ညွှန်ကြားရေးမှူး (မြို့နယ်အုပ်ချုပ်ရေးမှူး) ဦးတင်နိုင်စိုး၊ ဒုတိယဦးစီးမှူး ဦးကျော်ကျော်နိုင်နှင့် အကြီးတန်းစာရေး ဦးအောင်စိုးမိုးတို့သည် ကျေးရွာဒေသခံများနှင့် စီးပွားရေးလုပ်ငန်းရှင်များထံမှ ငွေကြေးအပါအဝင် တံစိုးလက်ဆောင်များ ရယူထားသည်ဟုဆိုကာ အဂတိတိုက်ဖျက်ရေးကော်မရှင် စစ်ဆေးရေးမှူး ဦးကောင်းဇော်သန့် က အမှုဖွင့်ပေးရန် ပြင်ဦးလွင်မြို့နယ် မြို့မရဲစခန်းသို့ စာဖြင့် အကြောင်းကြား တိုင်တန်းခဲ့ခြင်းဖြစ်ကြောင်း မန္တလေးတိုင်းဒေသကြီး ရဲတပ်ဖွဲ့မှူးရုံးမှ သိရသည်။

"ဒီနေ့မှာ မြို့နယ်အုပ်ချုပ်ရေးမှူး နဲ့ ဒုတိယဦးစီးမှူး နှစ်ယောက်ကို ယမန်ယူလိုက်တယ် ။ အကြီးတန်းစာရေး ကိုတော့ ပြင်ဦးလွင်မြို့နယ်တရားရုံးမှာ တရားစွဲတင်လိုက်ပြီ မြို့နယ်အုပ်ချုပ်ရေးမှူး နဲ့ ဒုတိယဦးစီးမှူး နှစ်ယောက်က စစ်ဆေးမှုလေးတွေရှိသေးလို့ပါ"ဟု အဂတိလိုက်စားမှု တိုက်ဖျက်ရေးကော်မတီမှ ကော်မတီဝင် ဦးသန်းအောင်က ပြောသည် ။

မြို့နယ်အုပ်ချုပ်ရေးမှူး ဦးတင်စိုးနိုင်သည် မန်ကျည်းအင်းကျေးရွာသစ် ပြည်ထဲရေးအမည်ပေါက် ရွာမြေတိုးချဲ့သတ်မှတ်ပေးရန် ကိစ္စနှင့်ပက်သက်ပြီး ယင်းကျေးရွာနေ ဒေသခံများထံမှ လက်ဆောင်ယူခြင်း နှင့် ငွေကျပ် ၅ သိန်းကို ၂၀၁၄ ခုနှစ် နိုဝင်ဘာလ ၁၁ ရက်နေ့၌လည်းကောင်း ပုဆိုး နှင့် အင်္ကျီအပါအဝင် ငွေကျပ် သိန်း ၃၀ ကို ၂၀၁၄ ခုနှစ် နိုဝင်ဘာလ ၁၁ ရက်နေ့၌ လည်းကောင်း ၊၂၀၁၅ ခုနှစ် ဒီဇင်ဘာလအတွင်းက ငွေကျပ် သိန်း ၁၀၀ ကိုလည်းကောင်း အလီလီ လက်ခံရယူခဲ့ကြောင်း သိရသည်။

ဒုတိယဦးစီးမှူး ဦးကျော်ကျော်နိုင်သည်လည်း ယင်းကျေးရွာကိစ္စနှင့်ပက်သက်၍ ၂၀၁၅ ခုနှစ် မေလအတွင်း က ကမ္ဘာအောင်မြေကုမ္ပဏီပိုင်ရှင်ထံ မှ ငွေကျပ်သိန်း ၅၀ တစ်ကြိမ် ၊ သိန်း ၄၀ တစ်ကြိမ်နှင့် ၃၅ သိန်း တစ်ကြိမ် လက်ခံရယူထားကြောင်း သိရသည်။

ထို့အပြင် ပြင်ဦးလွင်မြို့နယ်အထွေထွေအုပ်ချုပ်ရေး ဦးစီးဌာန မှ အကြီးတန်းစာရေး ဦးအောင်စိုးမိုးသည်လည်း မန်ကျည်းအင်းကျေးရွာ ဒေသခံအချို့ထံမှ ၎င်း၏သမီးကို အပ်ချုပ်ဆိုင်ဖွင့်ပေးနိုင်ရန်အတွက် ၂၀၁၆ ဖေဖော်ဝါရီလ ၂၀ ရက်နေ့က ငွေကျပ် ၁၀ သိန်းတောင်းယူခြင်း၊ ၂၀၁၆ ခုနှစ် မတ်လ ၆ ရက်နေ့က မြို့နယ်စီမံခန့်ခွဲရေးနှင့် မြေစာရင်းအဖွဲ့များကို ပေးရန်ဟုဆိုကာ ၃၅ သိန်း တောင်းယူခြင်း ၊ ၂၀၁၆ ဧပြီလအတွင်းက မြေပုံရေးဆွဲသည့်အဖွဲ့ကို ဧည့်ခံရန်အတွက်ဟုဆိုကာ (၃) သိန်းတောင်းယူခြင်း စသည်တို့ကို ကျူးလွန်ကြောင်း မန္တလေးတိုင်းဒေသကြီး ရဲတပ်ဖွဲ့မှူးရုံးမှ သိရသည်။

ယင်းသို့ လုပ်ပိုင်ခွင့်အာဏာ တလွဲအသုံးပြု၍ အဂတိလိုက်စားခြင်းနှင့် ပတ်သတ်၍ မြို့နယ်အုပ်ချုပ်ရေးမှူး ဦးတင်နိုင်စိုးအား (ပ)၂၂၀/၂၀၁၆၊ ၂၀၁၃ ခုနှစ် အဂတိတိုက်ဖျက်ရေးဥပဒေပုဒ်မ ၅၆၊ (ပ)၂၁၉/၂၀၁၆၊ ပုဒ်မ ၅၆ ဖြင့်လည်းကောင်း၊ ဦးကျော်ကျော်နိုင်အား (ပ)၂၂၂/၂၀၁၆၊ အဂတိတိုက်ဖျက်ရေးဥပဒေပုဒ်မ ၅၆ ဖြင့်လည်းကောင်း၊ ဦးအောင်စိုးမိုးအား (ပ)၂၂၄/၂၀၁၆၊ အဂတိတိုက်ဖျက်ရေးဥပဒေပုဒ်မ ၅၇၊ (ပ)၂၂၃/၂၀၁၆၊ ပုဒ်မ ၅၇ ဖြင့်လည်းကောင်းအမှုဖွင့် အရေးယူထားကြောင်း သိရသည်။

နိုင်လင်းဦး
Central News Myanmar
https://www.facebook.com/CNMyanmar



မြန်မာနိုင်ငံ ရင်းနှီးမြှုပ်နှံမှု ဥပဒေအတွက် နည်းဥပဒေများ ရေးဆွဲရေး ညှိနှိုင်း အလုပ်ရုံ ဆွေးနွေးပွဲ (Consultation Workshop for Implementing Regulation of the Myanmar Investment Law) ကျင်းပနေစဉ်(ဆင်ဟွာ)
နေပြည်တော်၊ အောက်တိုဘာ ၂၇ ရက် (ဆင်ဟွာ)

၂၀၁၆ အောက်တိုဘာ ၁၈ ရက်နေ့ တွင် ပြည်ထောင်စု လွှတ်တော်က အတည်ပြုခဲ့သည့် မြန်မာနိုင်ငံ ရင်းနှီးမြှုပ်နှံမှု ဥပဒေအတွက် နည်းဥပဒေ ရေးဆွဲခြင်းကို ဆောင်ရွက်လျက်ရှိရာ ၂၀၁၇ ခုနှစ် ဧပြီလ (၁)ရက် နေ့ တွင် စတင် ကျင့်သုံးနိုင်မည်ဟု မြန်မာနိုင်ငံ ရင်းနှီးမြှုပ်နှံမှု ကော်မရှင် အတွင်းရေးမှူး၊ အမျိုးသား စီမံကိန်းနှင့် ဘဏ္ဍာရေး ဝန်ကြီးဌာန၊ ရင်းနှီး မြှုပ်နှံမှုနှင့် ကုမ္ပဏီများ ဦးစီးဌာန ညွှန်ကြားရေးမှူးချုပ် ဦးအောင်နိုင်ဦးက ပြောသည်။

“ကျွန်တော်တို့ ရဲ့ လျာထားချက်အရတော့ ၂၀၁၇ ဇန်နဝါရီ လကုန်ပိုင်းမှာ လုပ်ငန်းစဉ်တွေ အားလုံး ပြီးစီးအောင် ဆောင်ရွက်သွားပါမယ်။ အဲဒါတွေ ပြီးရင် လိုအပ်တဲ့ အမိန့်  ညွှန်ကြားချက်တွေ၊ လုပ်ထုံးလုပ်နည်းတွေ ထပ်ပြီး ထုတ်ပြန်ဖို့ ရှိပါလိမ့်မယ်၊ အဲဒီ ထုတ်ပြန်မှုတွေ အားလုံးက ၂၀၁၇ ခုနှစ် မတ်လမကုန်မီ အပြီး ဆောင်ရွက်ပါမယ်၊၂၀၁၇ ဧပြီလ (၁) ရက်နေ့ က စပြီးတော့ ဥပဒေ အသစ်တွေ လုပ်ထုံး လုပ်နည်း အသစ်တွေနဲ့ စတင်ဆောင်ရွက်သွားပါမယ်” ဟု နေပြည်တော် Hilton Hotel တွင် ယနေ့ နံနက် ၉း ၃၀ နာရီ၌ ကျင်းပခဲ့သည့် မြန်မာနိုင်ငံ ရင်းနှီးမြှုပ်နှံမှု ဥပဒေ အတွက် နည်းဥပဒေများ ရေးဆွဲရေး ညှိနှိုင်း အလုပ်ရုံ ဆွေးနွေးပွဲ (Consultation Workshop for Implementing Regulation of the Myanmar Investment Law) တွင် ၎င်းက မီဒီယာသို့  ပြောခဲ့သည်။
“ရင်းနှီးမြှုပ်နှံမှုတွေဟာ လွယ်လွယ်ကူကူ လုပ်ကိုင်နိုင်တဲ့ ရင်းနှီးမြှုပ်နှံမှု မျိုးတွေ ဖြစ်ရမယ်၊ သို့ သော်လည်းပဲ ရင်းနှီးမြှုပ်နှံသူတွေက ဥပဒေတွေကို လိုက်နာမှု၊ စည်းမျဉ်း စည်းကမ်းတွေ လိုက်နာမှု၊ ဒီအပိုင်းတွေမှာ ပိုမိုမြှင့်တင်လိုတဲ့ အတွက် ဒီနည်းဥပဒေတွေကို ရေးဆွဲတာ ဖြစ်ပါတယ်” ဟုလည်း ဦးအောင်နိုင်ဦးက ပြောခဲ့သည်။

အခန်း ၂၃ ခန်းနှင့် ပုဒ်မ ၁၀၁ ခုပါဝင်သည့် မြန်မာနိုင်ငံ ရင်းနှီးမြှုပ်နှံမှု ဥပဒေ အတွက် နည်းဥပဒေများ ရေးဆွဲရေး လုပ်ငန်းစဉ်ကို အောက်တိုဘာ စတုတ္ထပတ်တွင် စတင် ပြင်ဆင်ပြီး နိုဝင်ဘာလတွင် ပထမ မူကြမ်းကို အပြီးသတ်ရေးဆွဲမည် ဖြစ်ကြောင်း၊ ဒီဇင်ဘာ ပထမပတ်တွင် ထို ပထမ မူကြမ်းအပေါ် ဆွေးနွေး ညှိနှိုင်းမှုများ ဆောင်ရွက်ကာ ထိုဆွေးနွေးမှုများကို အခြေခံ၍ ဒီဇင်ဘာ ဒုတိယ ပတ်တွင် နည်းဥပဒေ ဒုတိယ မူကြမ်းကို ရေးဆွဲပြီး ထို ဒုတိယ မူကြမ်းနှင့် ပတ်သက်၍ ၀န်ကြီးဌာနများ၏ သဘောထားကို ဒီဇင်ဘာ တတိယပတ်တွင် တောင်းခံမည် ဖြစ်ကြောင်း၊ ဒီဇင်ဘာ စတုတ္ထပတ်တွင် နည်းဥပဒေများ မူကြမ်းကို ပြည်ထောင်စု ရှေ့ နေချုပ်ရုံးသို့ ပေးပို့ ကာ ရှေ့ နေချုပ် ရုံး ၏ အကြံဥာဏ်များကို တောင်းခံ သွားမည် ဖြစ်ကြောင်း သိရသည်။
“ပထမ မူကြမ်းဆွဲပြီးရင် ကျွန်တော်တို့ ရဲ့ website မှာ တင်မယ်၊ နိုင်ငံပိုင် သတင်းစာတွေမှာ ပြည်သူကို ချပြမယ်၊ လိုအပ်တဲ့ အကြံဥာဏ်တွေ အားလုံးကို ကျွန်တော်တို့ ကို ပေးလို့ ရမယ်၊ ပြည်သူတွေရဲ့ အကြံပြုချက်တွေအရ လိုအပ်သလို ပြင်ဆင်မှုတွေ ဆောင်ရွက်မယ်၊ ပြီးရင် အစိုးရ ဌာနဆိုင်ရာတွေရော တခြား အဖွဲ့ အစည်းတွေရဲ့ အကြံပြုချက်တွေကို အသေးစိတ် ညှီနှိုင်းဆောင်ရွက်မယ်၊ ပြီးရင် ကက်ဘိနက်ကို တင်မယ်၊ ပြီးရင် လွှတ်တော်က သက်ဆိုင်တဲ့ကော်မတီ အသီးသီးနဲ့ ညှိနှိုင်းပြီး ဒါကို ထုတ်ပြန်ပါမယ်” ဟုလည်း ဦးအောင်နိုင်ဦးက ရှင်းပြသည်။

အလုပ်ရုံ ဆွေးနွေးပွဲသို့  World Bank Group မှ ပညာရှင်များ၊ တာဝန်ရှိသူများ၊ အမျိုးသား စီမံကိန်းနှင့် ဘဏ္ဍာရေး ၀န်ကြီးဌာန၊ ပြန်ကြားရေး ၀န်ကြီးဌာန နှင့် ဆက်စပ် ၀န်ကြီး ဌာနများမှ အရာရှိကြီးများ ဖိတ်ကြား ထားသူများ တက်ရောက် ခဲ့ကြပြီး မြန်မာနိုင်ငံ ရင်းနှီးမြှုပ်နှံမှု ကော်မရှင် အတွင်းရေးမှူး ဦးအောင်နိုင်ဦးနှင့် World Bank Group မှ Mr. Charles Schneider တို့ က အဖွင့် အမှာ စကားများ ပြောကြားခဲ့ကာ Work Bank Group မှ Consultant များ ဖြစ်ကြသည့် Mr. Sufian Jusoh နှင့် Mr. Chris Hughes တို့ က မြန်မာ့ ရင်းနှီးမြှုပ်နှံမှု ဥပဒေ အကောင် အထည် ဖော်မှုနှင့် ပတ်သက်၍ တင်ပြ ဆွေးနွေးခဲ့ကြသည်။

(Xinhua)
China Xinhua News



အောက်တိုဘာလကုန်ရက်ခန့်အထိ ရခိုင်ကမ်းလွန်ဒေသအနီး အရှေ့လေပွေလှိုင်းတစ်ခုကို ခန့်မှန်းထားပုံ။ Photo: Tun Lwin (facebook)
ထိုင်းပင်လယ်ကွေ့အတွင်းက အရှေ့လေပွေလှိုင်းတစ်ခုဟာ မနေ့ညက ရန်ကုန်ကို ဖြတ်သန်းသွားပြီး ဧရာဝတီတိုင်း နဲ့ ရခိုင်ပြည်နယ်ဘက်ကို ဦးတည်ရွေ့လျားနေတယ်လို့ မိုးလေဝသပညာရှင် ဦးထွန်းလွင် က ပြောပါတယ်။

အဲဒီလေပွေလှိုင်းဟာ ဘင်္ဂလားဒေ့ရ်ှနဲ့ အိန္ဒိယအစပ်ကို သွားမှာဖြစ်ပြီး ဖြတ်သန်းသွားရာတလျှောက်မှာ မိုးရွာမှာဖြစ် တဲ့အတွက် ရခိုင်မှာ မိုးများနိုင်တယ်လို့ မိုးလေဝသပညာရှင် ဦးထွန်းလွင် က ပြောပါတယ်။

"ညကတော့ ရန်ကုန်ဖြတ်သွားပြီလေ၊ သူက ရခိုင်ကိုရောက်အောင်သွားမှာ၊ ခုတော့ ဧရာဝတီ တိုင်း လောက်တော့ ရောက်နေပြီပေါ့၊ သူကသွားမှာတော့ ဘင်္ဂလားဒေ့ရ်ှနဲ့ အိန္ဒိယအစပ်ကို သွားမှာပဲ၊ အဲတော့ အဲနားမှာရှိတဲ့ ရခိုင်မှာ မိုးပါပဲ၊ မုန်တိုင်းဝင်ဖို့တော့ မရှိပါဘူး၊ မနေ့ညက ရွာတာမျိုးတွေပေါ့၊ သူဖြတ်သွားတဲ့ တလျှောက်လုံး မိုးရွာမှာပဲလေ"

မနေ့ညပိုင်းက ရန်ကုန်မြို့မှာ လေပြင်းတိုက်ခတ်ခဲ့ပြီး ရုတ်တရက်မိုးရွာခဲ့တာ ဖြစ်ပါတယ်။

အဲဒီလေပွေလှိုင်းဟာ ဘင်္ဂလားပင်လယ်အော် အရှေ့မြောက်ပိုင်းက ရခိုင်ကမ်းလွန်ဒေသကို ရောက်တဲ့အခါမှာ မုန်တိုင်းငယ် ဖြစ်လာနိုင်တယ်လို့လည်း ဦးထွန်းလွင် က ခန့်မှန်းထားပါတယ်။

ဒါ့အပြင် ပဲခူးတိုင်း၊ ရန်ကုန်တိုင်း၊ ဧရာဝတီတိုင်း၊ ကရင်ပြည်နယ်၊ မွန်ပြည်နယ်နဲ့ ရခိုင်ပြည်နယ်တို့မှာ အချိန်အခါမဟုတ် မိုးရွာနိုင်တယ်လို့လည်း ခန့်မှန်းထားပါတယ်။

RFA Burmese
http://www.rfa.org/burmese


မုံရွာ၊ အောက်တိုဘာ ၂၇။

အဝေးသင်စာမေးပွဲဖြေနေသော မုံရွာတက္ကသိုလ်တွင် တတိယနှစ်ကျောင်းသားတစ်ဦးက စာခိုးချသဖြင့် အခန်းစောင့်ဆရာမက ဖမ်းရာ ကျောင်းသားမှ ဓားယူဆောင်လာ၍ ခြိမ်းခြောက်မှုတစ်ခု အောက်တိုဘာ ၂၆ ရက် နံနက် ပိုင်းက ဖြစ်ပွားခဲ့ကြောင်း သိရသည်။

မုံရွာ တက္ကသိုလ် အဆောင်ဘီ အခန်း L-6 တွင် ခုံအမှတ် ၃/ပ-၃၆၃ ပထီဝီမေဂျာမှ ကနီမြို့နယ်၊ သမင်ခြံရွာနေ ကျောင်းသားသည် စားခိုးနေသဖြင့် ကတိကဆရာမမှ ခိုးစာရွက်အား သိမ်းဆည်းခဲ့သည်။

ထို့နောက် ၄င်းကျောင်းသားသည် စားမေးပွဲ ဆက်မဖြေတော့ပဲထွက်သွားပြီး အရက်မူးပြီး ပြန်လာကာ ဆရာမကို ဓားမကိုင်ဆာင်၍ ခြိမ်းခြောက်ခဲ့ကြောင်း မုံရွာတက္ကသိုလ် အဝေးသင်ဌာနမှ ဆရာမ တစ်ဦးက ပြောသည်။

ယင်းဖြစ်ရပ်ကြောင့် ယခု ဖြေဆိုနေသည့် အဝေးသင်စာမေးပွဲအခန်းများတွင် ရဲတပ်ဖွဲ့မှ လုံခြုံရေးပေးထားပြီး မုးယစ်ရမ်းကားသော ကျောင်းသားအား တက္ကသိုလ်စည်းမျဉ်းများအတိုင်း အရေးယူသွားမည်ဖြစ်ကြောင်း သိရသည်။

ဟိန်းလင်းသန့်
Central News Myanmar
https://www.facebook.com/CNMyanmar


ပြည်ကြီးတံခွန် အောက်တိုဘာ ၂၇

မန္တလေးတိုင်းဒေသကြီး၊ပြည်ကြီးတံခွန်မြို့နယ်၊ချမ်းမြသာယာရပ်ကွက် ရဲဘော်စိုက်ကွင်း(အရှေ့)၌ အောက်တိုဘာ ၂၇ ရက် က မင်္ဂလာဆောင် ဒံပေါက်စားရာမှ လူ(၅၅)ဦး အစာအဆိပ်သင့်မှုဖြစ် ပွားခဲ့ကြောင်းသိရသည်။

အဆိုပါရပ်ကွက်၌ မင်္ဂလာမောင်နှံအိမ်၌ ယနေ့နံနက် ၇ နာရီ မှ ၁၂ နာရီ ထိ မင်္ဂလာပွဲကျင်းပခဲ့ပြီး ဒံပေါက်၊ ငရုတ်သီးကြော်၊ ပါလချောင်ကြော်၊ သရက်သီး ကုလားတည်နှင့် ကြာစံဟင်းခါး၊ ပူစီနံ၊ ငရုတ်သီးစိမ်း၊ လက်ဖက်သုပ်နှင့် ပုလင်းဖျော်ရည်တို့ဖြင့် ဧည့်ခံခဲ့ရာ စားသုံးမိသူများ အနေဖြင့်အောအန်ခြင်း၊ ၀မ်းလျှောခြင်းများ ဖြင့် အစာအဆိပ်သင့် မှု ဖြစ်ပွားခဲ့သည်။


ဖြစ်စဉ်ကြောင့် လူ(၅၅) ဦး အစာအဆိပ်သင့်မှု ဖြစ်ပွားခဲ့ပြီး၊ ကျား (၁၂)ဦး၊မ(၃၀) ဦး အား အဆိုပါရပ်ကွက် မိုးကောင်းဓမ္မာရုံတွင် မြို့နယ် ကျန်းမာရေးဦးစီးဌာနမှ ကွင်းဆင်း ကုသလျက်ရှိပြီး ကျား(၅) ဦး ၊မ(၈) ဦး တို့အား ကုတင်(၃၀၀) အထူးကုဆေးရုံကြီးသို့ ပို့ဆောင်၍ ဆေးကုသမှုခံယူ လျက်ရှိကြောင်းသိရသည်။

သန်းဇော်မင်း(ပြန်/ဆက်)
MOI Webportal Myanmar
https://www.facebook.com/MOIWebportalMyanmar


ရန်ကုန်၊ အောက်တိုဘာ ၂၇

မြန်မာနိုင်ငံ ရဲတပ်ဖွဲ့၏ တရားဥပဒေစိုးမိုးရေး လုပ်ငန်းစဉ်များတွင် စုံစမ်းထောက်လှမ်းမှု စွမ်းရည် မြင့်မားလာစေရေးအတွက် အမေရိကန် ပြည်ထောင်စု စုံစမ်းစစ်ဆေးရေးဗျူရို (FBI) က သင်တန်းပေး မည်ဖြစ်ကြောင်း အမေရိကန်အစိုးရက ထုတ်ဖော်ပြောဆိုလိုက်သည်။

FBI နှင့် မြန်မာနိုင်ငံရဲတပ်ဖွဲ့ဌာနချုပ်တို့ ပူးပေါင်းပြီး ရဲတပ်ဖွဲ့ အလုပ်ရုံ ဆွေးနွေးပွဲ တစ်ခုကို ပြုလုပ်ရန် စီစဉ်လျက် ရှိကြောင်း မြန်မာနိုင်ငံဆိုင်ရာ အမေရိကန်သံရုံးက အောက်တိုဘာလ ၂၇ ရက်နေ့ တွင် သတင်းထုတ်ပြန်သည်။

အဆိုပါ အလုပ်ရုံဆွေးနွေးပွဲသည် ပထမဆုံးအကြိမ်ပြုလုပ်မည်ဖြစ်ကာ အချိန် နှစ်လကျော်ကြာ မြင့်မည်ဖြစ်ကြောင်း ထုတ်ပြန်ချက်တွင် ဖော်ပြထားသည်။

မြန်မာနိုင်ငံရဲတပ်ဖွဲ့ဌာနချုပ်မှ ရဲမှူးကြီး ဇော်ဝင်းအောင်ကမူ “ ကျွန်တော်တို့ ဌာနတွင်း ချိတ်ဆက်မေးမြန်းထားသလောက်ကတော့ လက်ရှိအချိန် အထိတော့ အဲဒီ အစီအစဉ် မရှိသေးဘူးလို့ သိရပါတယ်” ဟု ဆိုသည်။

Written by ရွှေပြည်ဟိန်း
Hinthar Media Corporation
https://www.facebook.com/hintharmediacorporation/



မောင်တောမြို့နယ် နယ်ခြားစောင့်တပ် အကြီးအကဲ ရဲမှုးချုပ်သူရစန်းလွင်
ရခိုင်ပြည်နယ် မောင်တောဒေသအတွင်း အစွန်းရောက်အကြမ်းဖက်သမားတွေကို လုံခြုံရေးတပ်ဖွဲ့တွေက စစ်ဆင်လျှက်ရှိရာမှာ၊ ပြီးခဲ့တဲ့ တနင်္ဂနွေနေ့တုန်းက ကျေးရွာတရွာက ကျေးရွားသားတွေကို စစ်တပ်က အတင်းမောင်းထုတ်ခဲ့တာကြောင့် ရိုဟင်ဂျာမူဆလင်ရွာသားတွေ ပုန်းအောင်းနေထိုင်နေရတယ်လို့ ရိုက်တာသတင်းက ရေးသားပါတယ်။

 ပြီးခဲ့တဲ့တနင်္ဂနွေနေ့တုန်းက နယ်ခြားစောင့်တပ်ဖွဲ့ အရာရှိတွေက ကျီးကန်းပြင်ကျေးရွာကို ရောက်ရှိလာပြီး၊ ကျေးရွာသား နှစ်ထောင်လောက်ကို အခြေခံစားသုံးကုန်အချို့ပေးပြီး ရွာကနေ နှင်ထုတ်လိုက်တယ်လို့ ရိုက်တာသတင်းက ရိုဟင်ဂျာသတင်းရင်းမြစ်ကို ကိုးကားပြီးရေးသားထားတာပါ။

 ဒီသတင်းနဲ့ ပတ်သက်လို့ မောင်တောမြို့နယ် နယ်ခြားစောင့်တပ် အကြီးအကဲ ရဲမှုးချုပ်သူရစန်းလွင်ကတော့ မဟုတ်မမှန်ကြောင်းနဲ့ ဒီလို ဆောင်ရွက်မယ်ဆိုရင် သူတို့ဖက်က တာဝန်ရှိသူတွေကို အရေးယူမှာဖြစ်တဲ့အကြောင်း သတင်းထောက်တွေကို ပြောခဲ့ပါတယ်။

“အဲဒီလိုလုပ်ရင် ကိုယ့်လူကို အရင်ဆုံး အရေးယူပြီးသွားပြီပေါ့၊ ကျနော်တို့က ခွင့်ပြုလို့လည်းမရဘူး အဲလိုလည်း ဖြစ်နိုင်စရာလည်း မရှိဘူး။ နောက်ဆုံးကျနော်တို့က အဖြစ်မှန်ကို အားလုံးကို ထုတ်ပြန်နေတာ ။ ဒီတခါလောက် ကျနော်တို့ ပွင့်လင်းမြင်သာစွာသတင်းထုတ်ပြန်တာ တခါမှ မရှိဖူးဘူး။”

အောက်တိုဘာ ၉ ရက်နေ့တုန်းက မောင်တောဒေသမှာရှိတဲ့ လုံခြုံရေးစခန်းသုံးခုကို အကြမ်းဖက်သမားတွေက ၀င်ရောက်စီးနင်းတိုက်ခိုက်ခဲ့ပြီးနောက်၊ ဒေသတခုလုံးမှာ လုံခြုံရေးတွေ တိုးမြင့်ခဲ့ပါတယ်။ ဒါ့အပြင် အကြမ်းဖက်သမားတွေ လုယူသွားတဲ့ လက်နက်တွေကို ရှာဖွေနေသလို၊ အကြမ်းဖက်တိုက်ခိုက်သူတွေကိုလည်း တောနင်း ရှာဖွေတာတွေ လုပ်နေပါတယ်။

 ဒီလို ဆောင်ရွက်မှုတွေမှာ ဒေသခံ ကျေးရွာသားတွေကို လူ့အခွင့်အရေးချိုးဖောက်မှုတွေရှိနေတယ်လို့ စွတ်စွဲချက်တွေ ပေါ်ထွက်နေတာကြောင့်၊ ဒီအခြေအနေတွေကို စုံစမ်းစစ်ဆေးဖို့ဆိုပြီး ကုလသမဂ္ဂ လူ့အခွင့်အရေးအထူးကိုယ်စားလှယ်တွေက တောင်းဆိုမှုတွေ ရှိနေပါတယ်။

 အောက်တိုဘာ ၉ ရက်နေ့ကအဖြစ်အပျက်တွေအပါအ၀င် လူ့အခွင့်အရေးချိုးဖောက်မှုတွေရှိမရှိဆိုတာတွေကိုပါ အဖြစ်အပျက်မှန်တွေကို စုံစမ်းဖို့ ရခိုင်ပြည်နယ်လွှတ်တော်ကနေ အကြမ်းဖက်ခံရမှု လေ့လာသုံးသပ်ကော်မတီတရပ်ကို အောက်တိုဘာ ၂၄ ရက်နေ့က ဖွဲ့စည်းခဲ့ပါတယ်။

ဗွီအိုအေ (မြန်မာပိုင်း)
http://burmese.voanews.com


ရွှေပြည်သာမြို့နယ်၌ဖြစ်ပွားခဲ့သည့် လူသတ်မှုနှင့် ဒဂုံမြို့သစ်(မြောက်ပိုင်း)
မြို့နယ်၌ သားမယားပြုကျင့်ခဲ့သည့်အမှုတို့မှ ပြစ်မှုကျူးလွန်သူအား ဖမ်းဆီးရမိ

ရန်ကုန်၊ အောက်တိုဘာ ၂၇

၁၉.၃.၂၀၁၆ ရက်နေ့ ၀၃၀၀ အချိန်ခန့်တွင် ရွှေပြည်သာမြို့နယ်၊ လှော်ကား
ကျေးရွာ၊ (၂၆)ရပ်ကွက်နေ အသက် ၄၅ နှစ်ရှိ အမျိုးသမီးမှာ လှော်ကား
ဘူတာအနီး ရထားသံလမ်းဘေးတွင် ရင်ညွန့်၌ထိုးသွင်းဒဏ်ရာ၊ နဖူး
ပေါက်ပြဲဒဏ်ရာတို့ဖြင့် လဲကျနေသည်ကိုတွေ့ရှိရ၍ လှော်ကားနယ်မြေ
ရဲစခန်း(ပ)၁၆၂/၂၀၁၆၊ ရာဇသတ်ကြီးပုဒ်မ-၃၂၆ ဖြင့် အမှုဖွင့်လှစ်ခဲ့ပြီး
စုံစမ်းလျက်ရှိစဉ် ၎င်းအမျိုးသမီးမှာ အင်းစိန်ဆေးရုံ၌ ဆေးကုသမှုခံယူ
နေရာမှ သေဆုံးသွားခဲ့၍ ရာဇသတ်ကြီးပုဒ်မ-၃၀၂ သို့ပြောင်းလဲစစ်ဆေး
ကာ ပြစ်မှုကျူးလွန်သူအား ဖမ်းဆီးရမိရေးဆောင်ရွက်ခဲ့ပါသည်။

အမှုမှ ပြစ်မှုကျူးလွန်သူအားဖော်ထုတ်ဖမ်းဆီးရမိရေးအတွက် လှော်ကား
နယ်မြေရဲစခန်းမှတပ်ဖွဲ့ဝင်များနှင့် မြောက်ပိုင်းခရိုင်ရဲတပ်ဖွဲ့မှူးရုံးမှ
တပ်ဖွဲ့ဝင်များက စုံစမ်းစစ်ဆေးမှုများဆောင်ရွက်ခဲ့ရာ ခိုး၊ ဆိုး၊ လု၊ နှိုက်
ပြစ်ချက်ဟောင်းရှိသူ ကော့မှူးမြို့နယ်နေ ခင်ညွန့်(ခ)မျိုးထက်အား
မသင်္ကာဖွယ်စုံစမ်းသိရှိရကာ ၎င်းအား သာကေတမြို့မရဲစခန်းတွင်
စက်ဘီးခိုးမှုဖြင့်ဖမ်းဆီးရမိပြီး အရေးယူဆောင်ရွက်လျက်ရှိကြောင်း
သိရှိရသဖြင့် အဆိုပါအမှုနှင့်ပတ်သက်၍ စစ်ဆေးခဲ့ပါသည်။

စစ်ဆေးချက်အရ ၎င်းသည် သေဆုံးသူအမျိုးသမီးနှင့် သိကျွမ်းရင်းနှီးသူ
ဖြစ်ပြီး ယင်းနေ့ ၀၀၃၀ အချိန်ခန့်က အခင်းဖြစ်နေရာ၌ ၎င်းအမျိုးသမီးနှင့်
တွေ့ဆုံစဉ် နားကပ်အား အသုံးလို၍တောင်းရာ မရသဖြင့်ဖြုတ်ယူရာမှ
စကားများကာ ဓားဖြင့်ထိုးခဲ့ခြင်းဖြစ်ကြောင်း ပေါ်ပေါက်ခဲ့ပါသည်။

ယင်းအမှုအပြင် ၎င်းသည် ၂၀၁၆ ခုနှစ်၊ ဇန်န၀ါရီလအတွင်းက ဒဂုံမြို့သစ်
(မြောက်ပိုင်း)မြို့နယ်ရှိ ဘုရားပွဲဈေးတွင် အသက် ၁၀ နှစ်အရွယ်
မိန်းကလေးငယ်အား သားမယားအဖြစ်ပြုကျင့်ခဲ့သဖြင့် ဒဂုံမြို့သစ်
(မြောက်ပိုင်း)မြို့မရဲစခန်း(ပ)၆၂/၂၀၁၆၊ ရာဇသတ်ကြီးပုဒ်မ-၃၇၆/၃၆၃/
၅၁၂ ဖြင့် ခရိုင်တရားရုံးတွင် တရားစွဲဆိုအရေးယူခံထားရသည့်အမှုမှ
တိမ်းရှောင်နေသူ တရားခံပြေးတစ်ဦးလည်းဖြစ်ကြောင်း သိရှိရပါသည်။

ယင်းသို့ပေါ်ပေါက်ချက်များအရ သက်သေခံပစ္စည်းသိမ်းဆည်းကာ
အမှုများဖြင့်ဆက်လက်အရေးယူ ဆောင်ရွက်လျက်ရှိပြီး အခြားခိုးမှု၊
လုယက်မှုများကျူးလွန်ထားခြင်းရှိ/မရှိ စစ်ဆေးလျက်ရှိကြောင်း သတင်း
ရရှိပါသည်။

Yangon Police
https://www.facebook.com/yangonpolice



( ကချင်ပြည်နယ် ဖားကန့်မြို့နယ်က အလေးချိန် တန် ၂ဝဝ ကျော်ရှိတဲ့ ကျောက်စိမ်းအရိုင်းတုံးကြီးကို တွေ့ရစဉ် ) Photo: Shan Gyi (facebook)
နိုင်ငံတော်နဲ့ ရတနာတောင်တန်း ကျောက်မျက်ကုမ္ပဏီတို့ အကျိုးတူဆောင်ရွက်နေတဲ့ ဖားကန့် မက်လင်ချောင် အကျိူးတူ (၂) လုပ်ကွက်ကရတဲ့ တန်ချိန် ၂၁၀လောက်ရှိတဲ့ လုံးစွပ်ကျောက်စိမ်း အရိုင်းတုံးကြီးကို ခွဲစိတ်ပြုပြင်ပြီး မြန်မာ့ကျောက်မျက် ရတနာပြပွဲမှာ ပြသရောင်းချပါမယ်။

ဒီကျောက်စိမ်းတုံး တူးဖော်ချိန်မှာ လျှိုနာတွေပဲ့ထွက်လို့ ၁၇၄ တန်လောက်ရှိတဲ့ အပိုင်းအပါအ၀င် အစိတ်အပိုင်း ၆ ပိုင်း လည်း ကွဲထွက်ခဲ့ပါတယ်။

ဒီအရိုင်းတုံးဟာ မြန်မာ့လုံးစွပ် ကျောက်စိမ်းသမိုင်းမှာ အကြီးမားဆုံးဖြစ်ပြီး အမေရိကန်ဒေါ်လာ ၆ သန်းလောက်နဲ့ ညီမျှတဲ့ မြန်မာကျပ်ငွေ သန်း ၇၀၀၀ လောက်တန်မယ်လို့ မြန်မာ့ကျောက်မျက်လုပ်ငန်းက ဥက္ကဌအဖြစ်ပါဝင်တဲ့ တန်ဖိုးဖြတ်အဖွဲ့က သတ်မှတ်ထားပါတယ်။ နိုင်ငံတော်က ရတနာခွန် ငွေကျပ် သန်းတထောင်ကျော်ရရှိမယ်လို့လည်း ဆိုပါတယ်။

အခွန်အခတွေ ပေးသွင်းပြီးရင် အကျိုးတူစာချုပ်အရ နိုင်ငံတော်က ၂၅ ရာခိုင်နှုန်းနဲ့ ကုမ္ပဏီက ၇၅ ရာခိုင်နှုန်း ရရှိမှာဖြစ်ပြီး မြန်မာ့ကျောက်မျက် ရတနာပြပွဲမှာ ပြသရောင်းချပြီးတဲ့အခါ နိုင်ငံတော်က အထူးကုန်စည်ခွန် ၂၀ ရာခိုင်နှုန်း၊ ကုန်သွယ်လုပ်ငန်းခွန် ၅ ရာခိုင်နှုန်းနဲ့ ပြပွဲဝန်ဆောင်ခ ၃ ရာခိုင်နှုန်းပါ ရရှိပါမယ်။

ရတနာတောင်တန်းကုမ္ပဏီဟာ သဘာဝသယံဇာနဲ့ ပတ်ဝန်းကျင်ထိန်းသိမ်းရေးဝန်ကြီးဌာနနဲ့ အကျိုးတူကျောက်စိမ်းတူးဖော်နေတာလို့ ဧရာဝတီသတင်းမှာ ပါရှိပါတယ်။
ဒီကျောက်စိမ်းတုံးကို အမေရိကန် ဒေါ်လာ ၆ သန်းတန်မယ်လို့ မြန်မာ့ကျောက်မျက်လုပ်ငန်းက ခန့်မှန်းပေမဲ့ နိုင်ငံတကာ အကဲခတ်တွေက ဒေါ်လာ သန်း ၁၇၀ ထိတန်နိုင်တယ်လို့ ပြောပါတယ်။

RFA Burmese
https://www.facebook.com/rfaburmese


ရန်ကုန် အောက်တိုဘာ ၂၇

လက်ရှိ အစိုးရလက်ထက်တွင် အမေရိကန်ဒေါ်လာဈေးနှုန်းသည် စံချိန်တင်ဈေးဖြစ်လာခဲ့ပြီး တစ် ဒေါ်လာလျှင် ကျပ် ၁၃ဝဝနီးပါးထိ မြင့်တက်နေကြောင်း နိုင်ငံခြား ငွေကြေးဈေးကွက်အတွင်းမှ သိရ သည်။

ယမန်နေ့ကဖြစ်ပေါ်ခဲ့သည့် နေ့လယ်ခင်းပေါက်ဈေးမှာ တစ် ဒေါ်လာလျှင် ကျပ် ၁၂၉၃ ဖြစ်ပြီး ယခုလ ၂၄ ရက်တွင် ဖြစ်ပေါ်ခဲ့ သောတစ်ဒေါ်လာကျပ် ၁၂၉ဝ စံချိန်ကို ကျော်လွန်ခဲ့ပြီဖြစ်သည်။ ''ဒေါ်လာဈေးတက်ရင် ပို့ကုန် သမားတွေအတွက်တော့ ကိုက်တာ ပေါ့။ သွင်းကုန်သမားတွေကျတော့ သွားပြီ။ ဒီအချိန်က ပို့ကုန်များများ ပို့ရမယ့်အချိန်ပဲ။ အစိုးရရဲ့ထိန်း ကျောင်းမှုလို တယ်။ ထိရောက်စွာ ထိန်းကျောင်းပေးဖို့လိုတယ်။ အဲ့ဒါ ဆိုရင် ဒေါ်လာဈေးတက်တာရပ် သွားမှာပေါ့''ဟု နိုင်ငံခြားငွေကြေး လဲလှယ်သည့် လုပ်ငန်းလုပ်ကိုင်သူ ဦးအောင်ကြီးက ပြောကြားသည်။

ထိုသို့ပြင်ပငွေလဲနှုန်းမြင့်တက် မှုကြောင့် ပို့ကုန်ရငွေ (နမေညငညါ) ဒေါ်လာဈေးနှုန်းများလည်း မြင့် တက်ခဲ့ပြီး ယခုလ ၂၄ ရက်က ပို့ ကုန်ရငွေ တစ်ဒေါ်လာလျှင် ၁၃ဝ၂ ကျပ်ခန့်ရှိနေရာမှ ယခုအခါ ၁၃ဝ၅ ကျပ်မှ ၁၃ဝ၆ နှုန်းအထိ လေး ကျပ်ဝန်းကျင်မြင့်တက်လာသည်။ ပြင်ပငွေလဲနှုန်း မြင့်တက်နေခြင်း ကြောင့် မြန်မာနိုင်ငံတော်ဗဟို ဘဏ်၏ ရည်ညွှန်းနိုင်ငံခြား ငွေလဲ နှုန်းသည်လည်း ယခုလ ၂၄ ရက် ကတစ်ဒေါ်လာလျှင် ၁၂၇၅ ကျပ် သတ်မှတ်ခဲ့ပြီး ထိုမှတစ်ဆင့် ယခု လ ၂၅ ရက်တွင်ကျပ် ၁၂၈ဝ ဖြစ် လာခဲ့ရာ ယမန်နေ့သတ်မှတ်ဈေး နှုန်းမှာ ၁၂၈၂ ကျပ်သို့မြင့်တက် လာခဲ့သည်။

 လက်ရှိအချိန်တွင် ငွေ ကြေးဈေးကွက်အတွင်း နိုင်ငံခြား ငွေလဲနှုန်းမှာ အတက်ကြမ်းပြီး အကျနှေးလျက်ရှိကြောင်း၊ နယ်စပ် မှ တရားမဝင်ပစ္စည်းများအသွင်း၊ အထုတ်ပြုလုပ်နေခြင်းသည်လည်း ဒေါ်လာဈေးမြင့်တက်လာမှုအတွက် အကြောင်းအရင်း တစ်ချက်ဖြစ်နေ ကာ ဒေါ်လာဈေးနှုန်းများ အတက် အကျမညီမျှမှုမှာ လုပ်ငန်းရှင်များ အတွက် အခက်တွေ့စေကြောင်း စီး ပွားရေးလုပ်ငန်းရှင်တချို့ကသုံးသပ် ကြသည်။

 ထိုသို့နိုင်ငံခြားငွေလဲနှုန်း ဆက်လက်မြင့်တက်နေခြင်းကြောင့် ပြည်တွင်း ရွှေဈေးနှုန်းမှာလည်း လိုက်ပါမြင့်တက်နေခဲ့ပြီး တစ်ကျပ် သားလျှင် ယမန်နေ့ကအခေါက်ရွှေ ဈေးမှာ ကျပ် ၈၇၉၅ဝဝ ဖြစ်ပြီး ကမ္ဘာ့ရွှေဈေးနှုန်းသည် ယခုလ ၂၅ ရက်က တစ်အောင်စလျှင် ၁၂၆၇ ဒေါ်လာဝန်းကျင်မှ ၁၂၇၅ဒေါ်လာ သို့မြင့်တက်နေကြောင်း ဈေးကွက် အတွင်းမှ သိရသည်။

မေလွင်
The Union Daily
https://www.facebook.com/uniondaily.net



ဓါတ်ပုံ - Kophoe San Tharrawaddy
သာယာဝတီ၊ အောက်တိုဘာ ၂၇ ။

ပဲခူးတိုင်းဒေသကြီး၊ သာယာဝတီခရိုင်၊ သာယာဝတီမြို့ ၊ ရေဝေရပ်ကွက်၊ ဘုရားကြီးလမ်း တွင် အောက်တိုဘာလ ၂၆ရက်နေ့နံနက် ၄နာရီကျော်ခန့်က ချက်ကြိုးတန်းလန်းဖြင့် ကလေး( မိန်းကလေး) ကိုလာရောက်စွန့်ပစ်မှုဖြစ်ပွားခဲ့ကြောင်း တွင်ရေဝေရပ်ကွက်၊ အုပ်ချုပ်ရေးမှူးဦးတင်အောင်က အောက်တိုဘာလ ၂၆ ရက် တွင် AHN သို့ပြောသည်။

အောက်တိုဘာလ ၂၆ ရက် နံနက် ၄ နာရီခန့်က သာယာဝတီမြို့နယ်ရေဝေရပ်ကွက် ဘုရားကြီးလမ်းသွယ်ဘေးရှိ ရေစိုနေသောမြေပေါ်တွင်ချက်ကြိုးတန်လန်းဖြင့် အနှီးမပါသော လေးငယ်( မိန်းကလေး)တစ်ဦးကို စွန့်ပစ်ထားကြောင်းရာအိမ်မှူးဦးဝင်မြင့်ဦးတို့အဖွဲ့က မိမိထံလာရောက်သတင်းပို့ခဲ့ကြောင်း၊ သို့အတွက်ရဲတပ်ဖွဲ့နှင့်အတူ သွားရောက်စစ်ဆေးရာ မွေးပြီးပြီးခြင်းစွန့်ပစ်ထားသော ကလေးငယ်ကိုတွေ့ရှိရကြောင်း၊ ကလေးငယ်ကို ရပ်ကွက်ရုံးသို့ခေါ်ဆောင်ကာ ကျန်းမာရေးဆရာမက ချက်ကြိုးအားဖြတ်တောက်ခဲ့ကြောင်း၊ ၄င်းနောက် အနှီးအဝတ်များဖြင့် နွေးထွေးအောင်ပြုလုပ်ပေးပြီး သာယာဝတီဆေးရုံကြီးသို့ပို့ဆောင်ခဲ့ကြောင်း၊ ယင်းနောက် သာယာဝတီမြို့မရဲစခန်းသို့တိုင်ကြားခဲ့ရာ (ပ)၅၉၄/၂၀၁၆ ရာဇသတ်ကြီးပုဒ်မ(၃၁၇)ဖြင့် အမှုဖွင့်ထားကြောင်း၊ ဆက်လက်၍ စွန့်ပစ်သူအားရှာဖွေစုံစမ်းရာ ကလေးငယ်ကိုစတင်တွေ့ရှိသောနေရာ၏အနီးတွင်ရှိသော အိမ်အားမသင်္ကာ၍ တာဝန်ရှိသူတို့မှ ဝင်ရောက်စစ်ဆေးခဲ့ကြောင်း၊ ယင်းသို့စစ်ဆေးရာ မ…………….(၁၉)နှစ် အား တွေ့ရှိပြီး မေးမြန်းရာ မ………… ( ၁၉) နှစ်က ၄င်းစွန့်ပစ်ခဲ့သည်ဟု ငိုယိုကာ ဝန်ခံခဲ့ကြောင်း၊ ထို့နောက် မ…..( ၁၉ )နှစ် မှာ ကလေးမွေးပြီးအချင်းမှာဝမ်းထဲတွင် ကျန်ခဲ့သည်ဟု သိရှိရသောကြောင့် ပြည်သူ့ဆေးရုံကြီးတွင် ဆေးဝါးကုသခံယူနေရကြောင်း ဦးတင်အောင်ကပြောသည်။

ဟန်ထူးဇော်
The Asia Heart News


(ပထမအကြိမ် ဖြစ်စဉ်က တွေ့ရသော မိုင်းတစ်လုံး)
နိရဉ္စရာ၊ အောက်တိုဘာ ၂၇

ရက္ခိုင့်တပ်မတော် (အေအေ) လူပ်ရှားနေသော မြန်မာ- ဘင်္ဂလာဒေ့ရှ်- အိန္ဒိယနယ်စပ်ရှိ ရိက္ခာများ သိုလှောင်ထားရာ နယ်မြေတွင် အောက်တိုဘာလ ၂၆ ရက်နေ့ နံနံက် ၉ နာရီကျော်က တိုက်မိုင်းတစ်လုံး ထပ်မံ ပေါက်ကွဲခဲ့ကြောင်း အေအေမှ ဗိုလ်မှူးကြီးကျော်ဟန်မှ နိရဉ္စရာ သတင်းဌာနသို့ ပြောသည်။

“ ဟိုတစ်နေ့က ပေါက်ကွဲတာက နင်းမိုင်းနှစ်လုံးပါ။ မနေ့က ပေါက်ကွဲတာက တိုက်မိုင်းပါ။ အခု ဖြစ်စဉ်မှာတော့ ရဲဘော်တစ်ဦး အနည်းငယ် ဒဏ်ရာရတာကလွဲပြီး ဘာမှ ဖြစ်တာ မရှိပါ” ဟု ဗိုလ်မှူးကြီး ကျော်ဟန်က ပြောသည်။

ယခု မိုင်းထောင်ခြင်းနှင့် ပတ်သက်ပြီး ALP က ထောင်ထားသော မိုင်းဖြစ်ကြောင်း၊ ယခင်နှစ်လုံးပေါက်ကွဲခဲ့သော နှင်းမိုင်းများမှာလည်း ALP မှ ထောင်ထားသောမိုင်းများ ဖြစ်ကြောင်း၊ ယခင်မိုင်းနှစ်လုံးပေါက်ကွဲခြင်းနှ်င့် ပတ်သက်၍ ALP က အကြောင်းပြန်ကြားသည်မှာ ယခင် ဘင်္ဂလာစစ်တပ်နှင့် ALP အကြား တိုက်ပွဲများဖြစ်ပွားပြီးကတည်းက ယင်းဒေသတွင် မိုင်းအချို့ ထောင်ထား၍ ရှိကြောင်း အကြောင်း ပြန်ထားသည်ဟု ဗိုလ်မှူးကြီး ကျော်ဟန်က ပြောသည်။

သို့သော်လည်း ယခုမိုင်းများမှာ ALP မှ ပြောသလို မိုင်းအဟောင်းများ ဟုတ်/ မဟုတ်ကို ဆက်လက် စစ်ဆေးမှုများ ပြုလုပ်နေကြောင်း သူက ဆက်လက် ပြောကြားသည်။

ယခုလက်ရှိ အချိန်တွင် အဖွဲ့အစည်းနှစ်ခုအကြား မိုင်းပေါက်ကွဲခြင်းနှင့် ပတ်သက်ပြီး တရားဝင် ပြောဆို ဆွေးနွေးမှုများ မရှိသေးကြောင်း သတင်း ရရှိသည်။

Narinjara
https://www.facebook.com/Narinjara



ရန်ကုန်အပြည်ပြည်ဆိုင်ရာလေဆိပ်အတွင်းသို့ ခိုးဝင်ရန်ကြိုးပမ်းသူကို အရေးယူ
ရန်ကုန် အောက်တိုဘာ ၂၆

ရန်ကုန်အပြည်ပြည်ဆိုင်ရာ လေဆိပ် အတွင်းသို့ အောက်တိုဘာ ၂၅ ရက်က ခိုးဝင်ရန် ကြိုးစားသူကို ဖမ်းဆီးရမိခဲ့ ကြောင်း သိရသည်။
ယင်းနေ့ညနေ ၆ နာရီ ၁၅ မိနစ်က ရန်ကုန်အပြည်ပြည်ဆိုင်ရာ လေဆိပ် ဆိုက်ရောက်/ ထွက်ခွာဆောင် အသစ်(Terminal-3) ဆောက်လုပ်ဆဲ အဆောက်အအုံသစ်အနီး၌ မသင်္ကာ ဖွယ်လူတစ်ယောက်ကို အစောင့်ဝန်ထမ်း ကတွေ့ရှိ၍ မေးမြန်းခဲ့ပြီးနောက် လေဆိပ်လုံခြုံရေးတာဝန်ယူထားသော လေကြောင်းရဲတပ်ဖွဲ့ကို အပ်နှံခဲ့ခြင်း ဖြစ်ကြောင်း သိရသည်။

၎င်းကို စစ်ဆေးမေးမြန်းကြည့်သော အခါ Mr.Mohammad Hanifuz Zaman (၃၃ နှစ်) ဖြစ်ပြီး နိုင်ငံကူး လက်မှတ် (AD- 1308810)ကိုင်ဆောင်ထားသူဖြစ်ကာ ဘင်္ဂလား ဒေ့ရ်ှနိုင်ငံသားဖြစ်ကြောင်း သိရသည်။

''အောက်တိုဘာ ၂၅ ရက် နေ့လယ် ပိုင်း ဘင်္ဂလားဒေ့ရှ် ဒါကာက ရန်ကုန်ကို လာတဲ့ နိုဗိုအဲဆိုတဲ့ လေယာဉ်နဲ့ ပါလာ တယ်။ ရန်ကင်းမြို့နယ်မှာရှိတဲ့Real Link မိုတယ်မှာ အခန်းတွေ ဘာတွေ ငှားတယ်။ သူက အဲဒီကနေ ရန်ကုန် လေဆိပ်ကို ပြန်လာတယ်။ ပြီးတဲ့အခါ ဆောက်လုပ်ဆဲ Terminal 3 နားက နိုင်ငံခြားကပို့တဲ့ ပစ္စည်းတွေရွေးတဲ့နေရာ မှာ ဝင်လိုက်တယ်။ ပြီးတော့မှာ Custom Ware- house ထဲကို မဝင်ဘဲနဲ့ ဘေးကနေထွက်ပြီး လေဆိပ်ထဲမှာ ပစ္စည်းတွေပို့တဲ့ အဝင်အထွက်လမ်းထဲ သူကဝင်လာပြီး အပေါက်ဝလေးကို ကျော်လိုက်တဲ့အချိန်မှာ လေယာဉ်ပေါ်က ချတဲ့ပစ္စည်းတွေကလည်း ပုံနေတယ်။ အဲဒီလို ရှုပ်ထွေးနေတဲ့အနေအထားမှာ မယောင်မလည်နဲ့ ဝင်လာတာပါ။ အစောင့်ကမေးတော့ သူက မြန်မာစကား မပြောတတ်ဘူး။ သူ့ကိုကျွန်တော်တို့က အဲဒီမှာပဲ ခေါ်ယူစစ်ဆေးတာတွေ လုပ်ပါတယ်'' ဟု ရန်ကုန်အပြည်ပြည် ဆိုင်ရာလေဆိပ် စီမံခန့်ခွဲမှုကော်မတီဥက္ကဋ္ဌ ဦးအုန်းလွင်က ပြောကြားသည်။

ယင်းဖြစ်စဉ် ဖြစ်ပွားပြီးနောက် ရန်ကုန်လေဆိပ်လုံခြုံရေးကို တိုးမြှင့် လိုက်ပြီး ၄င်းဝင်ရောက်ခဲ့သော နေရာ တစ်ဝိုက် မိုင်းရှာဖွေရေးအဖွဲ့များဖြင့် ရှင်းလင်းခြင်းများ ဆောင်ရွက်ခဲ့ရာ ထူးခြားမှုတစ်စုံတစ်ရာ မတွေ့ရှိရကြောင်း သိရသည်။ လမ်းမီးများကိုလည်း မာကျူရီ မီးများ တိုးချဲ့တပ်ဆင်ခဲ့ပြီး ဝန်ထမ်းများ ကို စိစစ်ရေးကတ်ချိတ်ဆွဲရန်နှင့် သတ်မှတ်ဝတ်စုံများ ဝတ်ဆင်သွားလာရန် ညွှန်ကြားထားကြောင်း သိရသည်။

ရန်ကုန်အပြည်ပြည်ဆိုင်ရာလေဆိပ် အတွင်းသို့ ခိုးဝင်ခဲ့သည့် ဘင်္ဂလားဒေ့ရှ် နိုင်ငံသားအား ဥပဒေနှင့်အညီ ဆောင်ရွက်နိုင်ရန်အတွက် မင်္ဂလာဒုံ မြို့မရဲစခန်းနှင့် လေကြောင်းရဲတပ်ဖွဲ့တို့က စီစဉ်ဆောင်ရွက်လျက်ရှိကြောင်း သိရ သည်။

သတင်း- ထင်ပေါ်ဝင်း
သန်းထိုက်
MOI Webportal Myanmar
https://www.facebook.com/MOIWebportalMyanmar/


ရခိုင်ပြည်နယ်၊ မောင်တောမြို့နယ်အတွင်းက နယ်ခြားစောင့် ကင်းစခန်း ၃ ခုကို တိုက်ခိုက်ခဲ့တယ်လို့ စွပ်စွဲခံထားရတဲ့ Aqa Mul Mujahideen အဖွဲ့ဟာ ပါကစ္စတန်နိုင်ငံအတွင်းက အကြမ်းဖက် အဖွဲ့အစည်းတွေနဲ့ ဆက်နွယ်မှုရှိတဲ့ အဖွဲ့အစည်းဖြစ်သလို ထိထိမိမိ ကိုင်တွယ် ဖြေရှင်းဖို့ လိုအပ်တယ်လို့ မြန်မာ့အရေး လေ့လာစောင့်ကြည့်သူ ဒေါက်တာ တင့်ဆွေက ပြောပါတယ်။

Aqa Mul Mujahideen အဖွဲ့ဟာ ပါကစ္စတန်အခြေစိုက် အကြမ်းဖက် အဖွဲ့အစည်းတွေနဲ့ ဆက်နွယ်မှုရှိကြောင်း အိန္ဒိယနိုင်ငံထုတ် သတင်းမီဒီယာတွေမှာလည်း အထောက်အထားတွေနဲ့တကွ ရေးသား ဖော်ပြထားကြပါတယ်။ အပြည့်အစုံကိုတော့ ကိုဇော်ဝင်းလှိုင်က တင်ပြထားပါတယ်။

ရခိုင်ပြည်နယ်မြောက်ပိုင်း မောင်တောမြို့နယ်အတွင်းက နယ်ခြားစောင့်ကင်းစခန်းတွေကို အောက်တိုဘာလ ၉ ရက်နေ့က တိုက်ခိုက်ခဲ့တဲ့ လူသိနည်း ရိုဟင်ဂျာ အကြမ်းဖက်အုပ်စု Aqa Mul Mujahideen အဖွဲ့ဟာ Hafiz Saeed ခေါင်းဆောင်တဲ့ ပါကစ္စတန် အခြေစိုက် Lashkar-e-Taiba အဖွဲ့နဲ့ သာမက Jammu နဲ့ Kashmir နယ်က (JeM) လို့ခေါ်တဲ့ Jaish-e-Mohammed အဖွဲ့နဲ့ ဆက်စပ်တယ်ဆိုတာကို - ရိုဟင်ဂျာ အကြမ်းဖက်သမားတွေ Jammu နဲ့ Kashmir က ပါကစ္စတန်လိုလားတဲ့ အကြမ်းဖက်အုပ်စုတွေနဲ့ ဆက်နွယ်မှုရှိ - ဆိုတဲ့ ခေါင်းစဉ်နဲ့ အိန္ဒိယနိုင်ငံထုတ် The Economic Times သတင်းစာမှာ ရေးသား ဖော်ပြထားပါတယ်။

Aqa Mul Mujahideen အဖွဲ့ရဲ့ ခေါင်းဆောင်တွေဟာ ပါကစ္စတန်မှာ သင်တန်းတက်ပြီးတဲ့နောက် ရခိုင်ဘက်က ရိုဟင်ဂျာလူငယ်တွေကို ခေါ်ယူ လေ့ကျင့်ပေးခဲ့တယ်လို့ သတင်းစာမှာ ဖော်ပြထားပါတယ်။

အရင်က လူသိမများတဲ့ ဒီ Aqa Mul Mujahideen အဖွဲ့က အခုလို မြန်မာ နယ်ခြားစောင့် ကင်းစခန်းတွေကို တိုက်ခိုက်တာဟာ အန္တရာယ်ကြီးတဲ့ လုပ်ရပ်ဖြစ်တဲ့အတွက် ဒါကို ပြတ်ပြတ်သားသား ကိုင်တွယ် ဖြေရှင်းဖို့ လိုအပ်တယ်လို့ အိန္ဒိယနိုင်ငံမှာ ဆယ်စုနှစ်နဲ့ချီ နေထိုင်ခဲ့တဲ့ မြန်မာ့အရေး လေ့လာသုံးသပ်သူ ဒေါက်တာ တင့်ဆွေက ပြောပါတယ်။

“ကျနော် အိန္ဒိယမှာ နေခဲ့တဲ့ ကာလအတွင်းမှာ အိန္ဒိယလုံခြုံရေးအေဂျင်စီလို့ခေါ်တဲ့ အဖွဲ့အစည်းအားလုံးနဲ့ ကျနော် အဆက်စပ်ရှိတော့ကာ သူတို့လည်း သတင်းကို တော်တော်ကို ထဲထဲဝင်ဝင် နှိုက်နှိုက်ချွတ်ချွတ်ကြီးကို သိတဲ့ အေဂျင်စီတွေဖြစ်ပါတယ်။ ဒါကြောင့် ပထမဆုံး ကျနော် ဆွေးနွေးချင်တာက ဒီသတင်းဟာ တော်တော်လေး အားကိုးရတဲ့ သတင်းတခုဖြစ်တယ်လုိ့ ပြောလိုပါတယ်။ အဲဒီမှာ ကျနော်တို့ ရိုဟင်ဂျာအုပ်စုလို့ခေါ်တဲ့ Aqa Mul Mujahideen ကို အိန္ဒိယကတောင် သိပ်မသိသေးတဲ့ အနေအထား၊ အခုမှ သူတို့ သိလာရတယ်ပေါ့။ ပါကစ္စတန်ကို အမှီပြုတဲ့ အားကိုးပြုတဲ့ အဖွဲ့အစည်းတွေပေါ့နော် (JeM) တို့၊ (LeT) တို့ ဆိုတဲ့အဖွဲ့တွေပေါ့။ ဒီအဖွဲ့တွေနဲ့ အသစ်ဖြစ်လာတဲ့ Aqa Mul Mujahideen ရခိုင်ဒေသက ရိုဟင်ဂျာအဖွဲ့က အဆက်စပ်ရှိတဲ့အပြင် အဲဒီအဖွဲ့ထဲက ခေါင်းဆောင်တယောက်ဆိုရင် (LeT) အဖွဲ့က ခေါင်းဆောင်တယောက်နဲ့ စင်ပေါ်တောင် အတူ စကားပြောတယ်ဆိုတဲ့ သက်သေ အထောက်အထားတွေလည်း ရှိတယ်။ ဆိုတော့ကာ ကျနော်တို့ ပြောရရင် ဒီအကြမ်းဖက်မှုဟာ မသေးဘူး အန္တရာယ်ကြီးတယ်၊ ထိထိမိမိနဲ့ ကျကျနန ကိုင်တွယ်ဖို့ လိုအပ်တယ်လို့ ကျနော်မြင်ပါတယ်။”

မောင်တောတိုက်ခိုက်မှုကို ဦးဆောင်ခဲ့သူဟာ ပါကစ္စတန်နိုင်ငံမှာ အကြမ်းဖက်သင်တန်း တက်ခဲ့သူဖြစ်ကြောင်း စုံစမ်း သိရှိရတယ်လို့ မြန်မာ နိုင်ငံတော်သမ္မတရုံးကလည်း သတင်းထုတ်ပြန်ထားပြီး ဖြစ်ပါတယ်။ အလားတူပဲ ဒေါ်အောင်ဆန်းစုကြည်ရဲ့ အိန္ဒိယနိုင်ငံ ခရီးစဉ်အတွင်း ရခိုင်ပြည်နယ်မှာ ဖြစ်သွားခဲ့တဲ့ အကြမ်းဖက် တိုက်ခိုက်မှုတွေနဲ့ ပတ်သက်လို့ အိန္ဒိယ သတင်းမီဒီယာတွေက မေးမြန်းတာမှာ ရခိုင်ပြည်နယ်မှာ တိုက်ခိုက်မှု ပြုလုပ်ခဲ့တဲ့ အကြမ်းဖက် အဖွဲ့ဟာ ပါကစ္စတန်အခြေစိုက် အကြမ်းဖက် အဖွဲ့အစည်းတွေနဲ့ တခြား နိုင်ငံတွေက အကြမ်းဖက် အဖွဲ့အစည်းတွေထံက ငွေကြေး အထောက်အပံ့တွေ ရရှိနေတယ်လို့ သတင်းရထားကြောင်း၊ ဒါပေမဲ့ အဲဒီအချက်ကို အတည်ပြုလို့ မရနိုင်သေးကြောင်း ဖြေကြားခဲ့ပါတယ်။

ဒေသတွင်းက အိန္ဒိယနဲ့ ဘင်္ဂလားဒေ့ရ်ှအပါအ၀င်၊ ထိုင်း၊ ဖိလစ်ပိုင်၊ အင်ဒိုနီးရှား စတဲ့ နိုင်ငံတွေအတွင်းမှာ မူဆလင် အစွန်းရောက်တွေရဲ့ အကြမ်းဖက် တိုက်ခိုက်မှုတွေ မကြာခဏ ဆိုသလို ဖြစ်ပေါ်လေ့ရှိပေမဲ့ အောက်တိုဘာလက ၉ ရက်နေ့က ရခိုင်ပြည်နယ်အတွင်းက နယ်ခြားစောင့် ကင်းစခန်းတွေကို တိုက်ခိုက်မှုဟာ မြန်မာနိုင်ငံအတွင်းမှာ ပထမဆုံးအကြိမ် ဖြစ်ပွားတဲ့ တိုက်ခိုက်မှု ဖြစ်ပါတယ်။

ဒါကြောင့်လည်း မြန်မာအစိုးရအနေနဲ့ အိန္ဒိယလို အကြမ်းဖက် တိုက်ခိုက်မှုတွေမှာ အတွေ့အကြုံရှိပြီးသား နိုင်ငံတွေနဲ့ ဒီကိစ္စကို ပူးပေါင်း ဆောင်ရွက်သင့်တယ်လို့ ဒေါက်တာ တင့်ဆွေက ပြောပါတယ်။

“အဲတော့ ကျနော်တို့ မြန်မာနိုင်ငံမှာ ပူးပေါင်းဆောင်ရွက်မှုနဲ့ အထောက်အကူယူဖို့ကတော့ ဒီကနေ့ အသင့်ဆုံးဟာ အိန္ဒိယနိုင်ငံလို့ ကျနော် ယူဆပါတယ်။ ဒုတိယတော့ ဘင်္ဂလားဒေ့ရ်ှအစိုးရဖြစ်ပါတယ်။ ပါကစ္စတန်ကနေ မြန်မာပြည်ကိုလာရင် အိန္ဒိယကို ဖြတ်ရပါတယ်။ ဒါကြောင့် အရင် ကျနော် ရှိစဉ်ကတည်းက ဒုက္ခသည်တွေထဲမှာ ရိုဟင်ဂျာနာမည်နဲ့ဝင်တဲ့ ပုဂ္ဂိုလ်တွေရှိတယ်။ အဲတော့ ဗုဒ္ဓဂါယာမှာ ဗုံးခွဲမှုနောက်ပိုင်းမှာ အိန္ဒိယက ရိုဟင်ဂျာနဲ့ မြန်မာနိုင်ငံနဲ့ ရခိုင်မြောက်ပိုင်းဒေသကို အာရုံစိုက်လာကြတယ်။ အဲတော့ အဲဒီဒုက္ခသည် UNHCR ကို ကုလသမဂ္ဂ ဒုက္ခသည်များ မဟာမင်းကြီးဆီက လက်မှတ်ရတဲ့လူတွေကိုယ်၌က ကျနော်တို့ အများစုနေတဲ့ ဒေလီမှာမဟုတ်ဘဲနဲ့ အိန္ဒိယတောင်ပိုင်းက Hydra Bard လိုမျိုး မူဆလင်လူဦးရေ အများစုနေတဲ့ ဒေသမှာ သွားနေကြတယ်၊ ခိုအောင်းကြတယ်ဆိုတဲ့ အဆက်စပ်တွေပါ အိန္ဒိယက အထောက်အထားတွေ တွေ့လာတယ်။”

ရခိုင်ပြည်နယ်အတွင်းက အကြမ်းဖက် အုပ်စုတွေကို တပ်မတော်က လိုက်လံ ရှာဖွေတဲ့ စစ်ဆင်ရေးအတွင်း လူ့အခွင့်အရေး ချိုးဖောက်မှုတွေ ရှိတယ်ဆိုတဲ့ ဝေဖန် ပြောဆိုမှုတွေ ရှိနေပေမယ့်လည်း အဲဒီ ပြောဆိုမှုတွေအတွက် ခိုင်မာတဲ့ သက်သေအထောက်အထားရဖို့ အခက်အခဲတွေ ရှိနေတယ်လို့ မြန်မာနိုင်ငံဆိုင်ရာ ကုလသမဂ္ဂလူ့အခွင့်အရေး အထူးကိုယ်စားလှယ် ယန်ဟီးလီက ဗွီအိုအေ မြန်မာပိုင်းကို မနေ့ အောက်တိုဘာလ ၂၆ ရက်နေ့က ပြောကြားခဲ့ပါတယ်။

မောင်တော အကြမ်းဖက် တိုက်ခိုက်မှုနဲ့ ဆက်နွယ်တယ်လို့ သံသယရှိသူတချို့ကို မြန်မာအာဏာပိုင်တွေက ဖမ်းဆီးရမိထားပြီး ဖြစ်ပေမဲ့ သူတို့ထံက စစ်ဆေး သိရတဲ့ အချက်အလက်တွေကို တရားဝင် သတင်းထုတ်ပြန်တာတော့ မရှိသေးပါဘူး။

 ကိုဇော်ဝင်းလှိုင် / ဗွီအိုအေ (မြန်မာပိုင်း)
http://burmese.voanews.com