10/29/16



ထိုင်း - မြန်မာနယ်စပ်ရှိ နို့ဘိုးဒုက္ခသည်စခန်းမှ ရန်ကုန်မြို့လူကယ်ပြန် ရုံးသို့ရောက်ရှိလာသူများ နေထိုင်ရန် အိမ်ယာအတွက် ရန်ကုန်တိုင်းဒေသကြီး လှိုင်သာယာမြို့နယ်တွင်ရှိသည့် ရွှေလင်ပန်း တန်ဖိုးနည်းအိမ်ယာ စီမံကိန်းရှိ အိမ်ယာများကို နှစ်ရှည်စီမံကိန်းဖြင့် ​ရောင်းချပေးသွားမည်ဖြစ်ကြောင်း ရန်ကုန်တိုင်းဒေသကြီး လူဝင်မှုကြီးကြပ်ရေး နှင့် ပြန်လည်နေရာချထားရေးဝန်​ကြီးဌာနမှ သိရသည်။

“ သိန်း ၉၀ ကျော်လောက်သွင်းရမယ်ပေါ့ ငွေသွင်းဖို့ကို သူတို့ဘယ်လိုပုံစံနဲ့ သွင်းမလဲဆိုတာ သူတို့ကို မေးထားတယ်ဗျ။ အဖြေရရင် အိုးအိမ်ဦးစီးဌာနနဲ့ ချိတ်ဆက်ပြီးတော့ နေရာချထားဖို့ ဆက်လုပ်မယ်" ဟု လူဝင်မှု ကြီးကြပ်ရေး နှင့် ပြန်လည်နေရာချထားရေး ရန်ကုန်တိုင်းဒေသကြီး ဦးစီးမှူး ဦးဝင်းရွှေက ပြောဆိုသည်။

နို့ဘိုး ဒုက္ခသည်စခန်းရှိ မိသားစု ၄ စုမှ ၁၇ ဦးသည် အောက်တိုဘာလ ၂၈ ရက် နံနက်ပိုင်းတွင် ရန်ကုန်မြို့ လူကယ်ပြန်ရုံးသို့ ​ရောက်ရှိလာခြင်းဖြစ်ပြီး ၎င်းတို့မှာ နေထိုင်ရန်အတွက် အိမ်ယာနှင့် အလုပ်အကိုင်အတွက် အခက်ခဲရှိ နေကြောင်း သိရသည်။

“ကျွန်မတို့ ဒုက္ခသည်စခန်းက လာတယ်ဆိုတော့ ဘာပါမှာလည်း ဘာမှမပါဘူး။ အ၀တ်ဟောင်း အစားဟောင်းတွေ ထည့်ထားတဲ့ အိပ်တွေ ပဲပါလာတာလေ။ ဟိုမှာနေတာ ရှစ်နှစ်ပါရှင်" ဟု နို့ဘိုး ဒုက္ခသည်စခန်းတွင် ၈ နှစ်ခန့် နေထိုင်လာသူ တစ်ဦးဖြစ်သည့် မခင်စန်းရီက မဇ္စျိမသို့ ပြောသည်။

အကယ်၍ ငွေပေးမသွင်းနိုင်ပါကလည်း ရန်ကုန်တိုင်းဒေသကြီး လူဝင်မှုကြီးကြပ်ရေးနှင့် ပြန်လည်နေရာချထားရေး ရုံးတွင်ဆက် လက်ထားရှိမည် မဟုတ်ကြောင်း ဦးဝင်းရွှေက ပြောသည်။

“ရာခိုင်နူန်းတစ်ခုသွင်းရမှာရှိမယ် နောက်ပြီးတော့မှ ဆယ်စုနှစ်နီးပါးကို သွင်းသွားတဲ့ဟာမျိုးရှိတယ် အဲ့တာမျိုးဆိုရင် သူ့လုပ်အားနဲ့သူနေမဲ့အခန်းကို ယူတဲ့ပုံစံပဲလေ ဒီဟာမျိုးတော့ သွားရမှာပေါ့ အဲ့လိုမျိုးမှ မသွားဘူးဆို ကိုယ်တို့ ကယ်ဆယ်ရေးရုံးမှာ ထားမလားဆိုတော့ မထားပါဘူး" ဟု ၎င်းကပြောသည်။

ထိုင်း - မြန်မာနယ်စပ်ရှိ ဒုက္ခသည်စခန်းများမှ မြန်မာနိုင်ငံသို့ ပြန်လာမည့် သူများရှိနေသေးပြီး အကုန်လုံးအတွက် အိမ်ယာ ပေးမည်ဆိုပါက နိုင်ငံတော်မှ ၀န်ထုတ်ဝန်ပိုးဖြစ်နိုင်ကြောင်း ရန်ကုန်တိုင်းဒေသကြီး ဦးစီးမှူး ဦးဝင်းရွှေက ပြောဆိုသည်။

နို့ဖိုး ဒုက္ခသည်စခန်းမှ ၆၅ ဦးသည် ရန်ကုန်တိုင်း၊ မွန်ပြည်နယ်၊ ရခိုင်ပြည်နယ်နှင့် ပဲခူးတိုင်းစသည့် ပြည်နယ်နှင့်တိုင်းများသို့ သွားရောက်သူများရှိကာ ၁၇ ဦးမှာ ရန်ကုန်တိုင်းသို့ ရောက်ရှိလာခြင်းဖြစ်ပြီး အခြားပြည်နယ်မှဒုက္ခသည်များ၏ အခြေနေကို မသိရသေးပေ။

“ အခု ဒီကိုပြန်လာတဲ့ခါကျတော့ ဘယ်ကနေဘယ်လို ပြန်စရမလည်း မသိဘူး။ သုည ကနေပြန်စရမယ့် အနေထားမှာရှိတယ်။ လွန်ခဲ့တဲ့ ၈ နှစ် လောက်ထဲက ရောက်သွားပြီးတော့ အခုပြန်ရောက်လာတဲ့အခါမှာ ကျတော့ ဒီလိုပဲ အလုပ်အကိုင် ရှာဖွေရမှာပေါ့လေ" ဟု မခင်စန်းရီက ပြောဆိုသည်။

အလုပ်အကိုင် ရရှိရေးအတွက်ကို အလုပ်သမားဦးစီးဌာနမှ တာဝန်ရှိသူများနှင့် ချိတ်ဆက်ဆောင်ရွက်ပေးရန် စီစဉ်ဆောင်ရွက်သွားမည် ဟု ဦးဝင်းရွှေက ပြောသည်။

လက်ရှိအချိန်ထိ ရန်ကုန် လူကယ်ပြန်ရုံးရှိ ၁၇ ဦးအတွက် မိသားစုတစ်စုလျှင် မြန်မာအစိုးရမှ သုံးသိန်းကျပ်၊ တိုင်းဒေကြီးအစိုးရအဖွဲ့မှ နှစ်သိန်းကျပ် ကြက်ခြေနီအသင်းမှ တစ်သိန်းကျပ် ပေးထားသောကြောင့် ၆သိန်းကျပ်စီ ရရှိထားကြောင်း သိရသည်။

နှစ်ပေါင်း ၃၀ ကျော်ကြာ ထိုင်း- မြန်မာနယ်စပ် တာ့ခ်၊ ကန်ချနဘူရီ၊ ရာခ်ျပူရီနှင့် မယ်ဟောင်ဆောင် စသည့် ခရိုင် ၄ ခု တွင် မြန်မာဒုက္ခသည် စခန်း ၉ ခုရှိပြီး ဒုက္ခသည်ပေါင်း ၁ သိန်းကျော် ခိုလှုံနေကြခြင်းဖြစ်ကာ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ထိုင်းနိုင်ငံသို့ သွားရောက်ပြီး နှစ်နိုင်ငံအစိုးရတို့အကြား ဆွေးနွေးသဘောတူညီခဲ့ကြပြီးနောက် နို့ဖိုး ဒုက္ခသည်စခန်းမှ ဒုက္ခ ၁၁၀၀၀ ခန့် မှ ၆၅ ဦး ပထမဆုံးအကြိမ် ပြည်တော်ပြန်သွားခဲ့ခြင်း ဖြစ်သည်။

============

Mizzima - News in Burmese

http://www.mizzimaburmese.com/article/19645



နေပြည်တော် အောက်တိုဘာ ၂၈

ဗီယက်နမ်နိုင်ငံ၌ ရောက်ရှိနေသော ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ
ဦးထင်ကျော်နှင့် ဇနီး ဒေါ်စုစုလွင်တို့သည် ယနေ့ နံနက်ပိုင်းတွင် ဟနွိုင်းမြို့ရှိ ဗီယက်နမ်
အမျိုးသားခေါင်းဆောင် ဟိုချီမင်းနေအိမ်သို့ ရောက်ရှိပြီး နေအိမ်နှင့် ဟိုချီမင်း အသုံးပြု
ခဲ့သည့် စာကြည့်ခန်း၊ အိပ်ခန်း၊ အသုံးအဆောင်များကို ကြည့်ရှုလေ့လာကြကာ ဧည့်သည်တော်
မှတ်တမ်းတွင် လက်မှတ်ရေးထိုးသည်။

ဟိုချီမင်းနေအိမ်ကို ၁၉၅၈ ခုနှစ်က ဗီယက်နမ် တပ်မတော်အင်ဂျင်နီယာများက ပုံစံ ရေးဆွဲ
တည်ဆောက်ခဲ့ခြင်းဖြစ်ပြီး ဟိုချီမင်းအနေဖြင့် အဆိုပါနေအိမ်တွင် စာပေ လေ့လာမှုနှင့်
နိုင်ငံရေးဆွေးနွေးပွဲများ ပြုလုပ်လေ့ရှိကြောင်းသိရသည်။ထို့နောက် နိုင်ငံတော်သမ္မတနှင့်ဇနီး
တို့သည် One Pillar Pogoda သို့ ရောက်ရှိပြီး လှည့်လည် ကြည်ညိုကြသည်။

One Pillar Pog0da သည် ကျောက်သားတိုင်ပေါ်၌ တည်ဆောက်ထားခြင်း ဖြစ်ပြီး ၁၀၂၈ မှ
၁၀၅၄ ခုနှစ်အထိ အုပ်ချုပ်ခဲ့သည့် ဘုရင်လီထိုင်တုံးက တည်ထား ကိုးကွယ်ခဲ့ခြင်းဖြစ်သည်။
၁၉၅၄ ခုနှစ်တွင် ဖျက်ဆီးခံခဲ့ရသဖြင့် ပြန်လည်ပြုပြင်ခဲ့ရာ ၁၉၆၀ခုနှစ် တွင် တည်ဆောက်ပြီးစီး
ခဲ့ခြင်းဖြစ်ကြောင်း သိရသည်။

ယင်းနောက် နိုင်ငံတော်သမ္မတနှင့်ဇနီးတို့သည် မြန်မာသံရုံးသို့ ရောက်ရှိပြီး သံရုံး မိသားစုများအား
ရင်းရင်းနှီးနှီး နှုတ်ဆက်သည်။

ထို့နောက် နိုင်ငံတော်သမ္မတနှင့် ဇနီးတို့သည် ဗီယက်နမ် ရှေးဟောင်း တက္ကသိုလ်သို့ ရောက်ရှိပြီး
တက္ကသိုလ်အတွင်း လှည့်လည်ကြည့်ရှုလေ့လာကြသည်။

ယင်းနောက် နိုင်ငံတော်သမ္မတနှင့်ဇနီးတို့သည် ၁၉၆၅ ခုနှစ်တွင် တည်ဆောက်ခဲ့သည့် ဗီယက်နမ်
စစ်သမိုင်းပြတိုက်သို့ ရောက်ရှိ်ပြီး ပြတိုက်အတွင်း ဗီယက်နမ်လူမျိုးများ လွတ်လပ်ရေး တိုက်ပွဲဝင်ခဲ့သည့် သမိုင်းဝင်မှတ်တမ်းဓာတ်ပုံများ၊ စစ်ပွဲအတွင်း အသုံးပြုခဲ့သည့် လက်နက်မျိုးစုံအား လေ့လာကြည့်ရှု
ကြပြီး ဗီယက်နမ်-ပြင်သစ် သမိုင်းဝင် ဒိန်ဖန်ဖူးတိုက်ပွဲဗွီဒီယိုမှတ်တမ်းအား ကြည့်ရှုကြသည်။

ထို့နောက် နိုင်ငံတော်သမ္မတနှင့်ဇနီးတို့သည် ဟနွိုင်းမြို့မှ ဒေသစံတော်ချိန် ညနေ ၄ နာရီတွင် မြန်မာ
အမျိုးသားလေကြောင်း အထူးလေယာဉ်ဖြင့် ပြန်လည်ထွက် ခွာခဲ့ရာ ညနေ ၅ နာရီခွဲတွင် နေပြည်တော်
သို့ ရောက်ရှိကြသည်။

နိုင်ငံတော်သမ္မတနှင့်ဇနီး ဦးဆောင်သည့်အဖွဲ့အား ဒုတိယသမ္မတ ဦးမြင့်ဆွေနှင့် ဦးဟင်နရီဗန်ထီးယူ၊ ဒုတိယတပ်မတော်ကာကွယ်ရေးဦးစီးချုပ် ကာကွယ်ရေးဦးစီးချုပ် (ကြည်း) ဒုတိယဗိုလ်ချုပ်မှူး
ကြီးစိုးဝင်း၊ နေပြည်တော်ကောင်စီဥက္ကဋ္ဌ၊ နေပြည်တော် တိုင်းစစ်ဌာနချုပ် တိုင်းမှူး၊ မြန်မာနိုင်ငံဆိုင်ရာ ဗီယက်နမ်သံရုံးယာယီတာဝန်ခံနှင့် တာဝန်ရှိသူများက နေပြည်တော်အပြည်ပြည်ဆိုင်ရာလေဆိပ်၌
ကြိုဆိုနှုတ်ဆက်ကြ သည်။

MPO.


“နိုင်ငံရေးဆိုတာ စီးပွားရေးပါပဲ “ ဟုနိုင်ငံရေးသုခမိန်တွေပြောကြသည် ။ ၁၉၈၈ ခုနှစ်က နိုင်ငံတော်သို့ အသံလွှင့်မိန့် ခွန်းတစ်ခုတွင် ထိုစဉ်က နိုင်ငံတော်သမ္မတဒေါက်တာမောင်မောင်ကလည်းထိုစကားကိုထည့်သွင်းပြောကြားခဲ့ဖူးသည် ။ ဟုတ်တော့လည်းဟုတ်သည် ။ ယနေ့ကမ္ဘာကိုကြည့်ပါ ။ မတည်ငြိမ်မှုများ ၊နိုင်ငံရေးအာဏာလုမှုများ၊တော်လှန်ရေးများသည် ဆင်းရဲမွဲတေနေသောနိုင်ငံများမှာ အများဆုံးဖြစ်လေ့ရှိသည် ။ ဥရောပတိုက်တွင်အဆင်းရဲဆုံးဖြစ်သော ဂရိနိုင်ငံတွင် နိုင်ငံရေးမတည်ငြိမ် ၊စီးပွားရေးအကြပ်ရိုက်ကာ နိုင်ငံပိုင်ဘဏ်ကြီးများ။ ဒေ၀ါလီခံရလုနီးပါးဖြစ်နေသည် ။ငွေကြေးဖောင်းပွမှုမြင့်မားသည် ။ ဘတ်ဂျက်လိုငွေအကြီးအကျယ်ပြနေသည် ။အလုပ်လက်မဲ့နှုန်းအလွန်အမင်း များပြားနေသည် ။ ထိုနိုင်ငံမျိုးသည် နိုင်ငံရေးမတည်ငြိမ် ။ အမေရိကတိုက်တွင် အဆင်းရဲဆုံးနိုင်ငံမှာ ဟေတီနိုင်ငံဖြစ်သည် ။ ထိုနိုင်ငံတွင် နိုင်ငံရေးပြသနာသောင်းခြောက်ထောင်နှင့်ရင်ဆိုင်နေရသည် ။ အာဏာသိမ်းပွဲများမကြာခနဖြစ်ပွားသဖြင့် Banana Republic ( အာဏာသိမ်းမှုကိုငှက်ပျောသီးအခွံနွှာစားသလို အလွယ်လုပ်နေသောနိုင်ငံ) ဟုပင်ပြောင်လှောင်ခေါ်ဝေါ်ကြသည် ။ အာဖရိကတိုက် တွင်လည်းထိုနည်းလည်းကောင်း ။ အခြားတစ်ဖက်ကိုကြည့်လျှင် ချမ်းသာသော ဥရောပနိုင်ငံအများစုနှင့် အမေရိကန်ပြည်ထောင်စု ၊ ကနေဒါ စသောနိုင်ငံများ သည် နိုင်ငံရေးတည်ငြိမ်ကြသည် ။ သိပ်ပြီးကြီးမားသော တိုင်းပြည်ပျက်လောက်သော ပြသနာများမရှိကြ ။ စီးပွားရေးကောင်းတော့ တိုင်းသူပြည်သားတွေကို ကောင်းကောင်းထောက်ပံ့နိုင်သည် ။ ပညာကောင်းကောင်းသင်ပေးနိုင်သည် ။ ပညာတတ်တော့ နိုင်ငံသားများ၏အသိအမြင်ဗဟုသုတကြွယ်ဝကြသည် ။ လူတစ်ဦးချင်း၏အရည်အသွေးမြင့်မားကြသည် ။လူတော်တွေများသဖြင့် နိုင်ငံ့ခေါင်းဆောင်ရွေးရာတွင် လူတော်တွေအများကြီးထဲကမှ အတော်ဆုံး ၊အကောင်းဆုံးဆိုသောလူတွေကို ဆန်ကာနှင့်စစ်ချသလို ပိုက်စိပ်တိုက်၍ရွေးချယ်နိုင်ကြသည် ။ထို့ ကြောင့် သူတို့ နိုင်ငံမှခေါင်းဆောင်ဆိုသူများသည် ကမ္ဘာ့အဆင့်မီ အရည်အချင်း၇ှိကြသည် ။ ပေါတောတောကြောင်ကြောင်တောင်တောင် စကားတွေသိပ်မပြောကြ ။မလုပ်ကြ ။ နိုင်ငံသားတွေကလည်း အရည်အချင်းရှိသူတွေများသဖြင့် အစိုးရက မဟုတ်တာလုပ်နေလျှင်ချက်ခြင်းသိသည် ။ချက်ခြင်းထောက်ပြဝေဖန်နိုင်သည်။ ထို့ ကြောင့် စီးပွားရေးကောင်းလျှင် နိုင်ငံရေးကောင်းသည် ဟု ပြောစမှတ်ပြုကြခြင်းဖြစ်သည် ။ စီးပွားရေးကောင်းသောနိုင်ငံတွင် နိုင်ငံရေးကောင်းမည် ။ နိုင်ငံရေးကောင်းသောနိုင်ငံများတွင် စီးပွားရေးကောင်းမည် ။

ချွင်းချက်တော့ရှိပါသည် ။ တရုတ်လိုနိုင်ငံမျိုးသည် စီးပွားရေးကောင်းသော်လည်းနိုင်ငံရေးအရသိပ်ပြီးလွတ်လပ်မှုမရှိ။အချုပ်အခြယ်တွေများသည် ။အစိုးရကလည်း တနိုင်ငံစနစ်နှစ်မျိုး ဖြင့် ပြည်မကြီးကိုတစ်မျိုး ၊ဟောင်ကောင်ကိုတစ်မျိုး အုပ်ချုပ်နေရသည် ။ သို့ သော်စီးပွားရေးကောင်းသဖြင့် အတိတ်ကလို တော်လှန်ရေးတွေ ၊ ပြည်တွင်းစစ်တွေဘာတွေမဖြစ်အောင် တရုတ်အစိုးရကထိမ်းထားနိုင်သည် ။ စီးပွားရေးကောင်းလာလျှင် ကျန်သောပြသနာနည်းသွားတတ်သည့်သဘောဖြစ်သည် ။

မြန်မာနိုင်ငံတွင်လိုနေသည်မှာ စီးပွားရေးကောင်းဖို့  ဖြစ်သည် ။ လူများစုကြီးရင်ဆိုင်နေရသော ဆင်းရဲမွဲတေမှု ချောက်ကမ္ဘားကြီးထဲမှ ရုန်းထွက်နိုင်ဖို့ ဖြစ်သည် ။ကျန်တာတွေအသာထား လူတွေ ဆင်းရဲတွင်းမှလွတ်မြောက်အောင် ၊ချမ်းသာကြွယ်ဝအောင်အရင်လုပ်ရမည် ။ လူတွေဆင်းရဲတွင်းမှလွတ်မြောက်လာလျှင် သူတို့ ၏သားသမီးများကိုပညာကောင်းကောင်းသင်ကြားပေးနိုင်လိမ့်မည် ။ ထိုအခါနိုင်ငံတွင်းဝယ် ပညာတတ်ဦးရေပွားများလာမည် ။ နိုင်ငံသားတို့၏အသိဥာဏ်ဗဟုသုတမြင့်မားလာလိမ့်မည် ။ ကျွန်တော်တို့နိုင်ငံတွင် နိုင်ငံတကာနှင့်ယှဉ်နိုင်သော ခေါင်းဆောင်ရှားသလို ၊နိုင်ငံတကာနှင့်ယှဉ်နိုင်သောနိုင်ငံသားလည်းရှားသည် ။ ရှင်းအောင်ဆိုရလျှင် နှစ်ပေါင်းများစွာဆင်းရဲမွဲတေမှုနှင့်စစ်အာဏာရှင်စနစ်ဆိုးကြောင့်မျိုးဆက်ပြတ်သလိုဖြစ်သွားပြီး ခေါင်းဆောင်ကောင်းနည်းသွားသလို နောက်လိုက်ကောင်းလည်း ရှားပါးသွားချေသည် ။ ပညာအမြော်အမြင်မရှိသောသူများခေါင်းဆောင်တက်ဖြစ်သောအခါ ကိုယ်တိုင်က အသိပညာဗဟုသုတနည်းသူဖြစ်သဖြင့် ကိစ္စတစ်ခုကိုလုပ်သင့်မလုပ်သင့် မချင့်ချိန်နိုင် ၊ သူတပါးကိုလည်း လုပ်သင့်မလုပ်သင့်ရှင်းလင်းစွာမညွှန်ကြားတတ် ။ ထိုအခါသူ့ ဘ၀ပေးအတွေ့ အကြုံအရ လုပ်ချင်တာကိုလုပ်တော့သည် ။ လုပ်သင့်တာ မလုပ်သင့်တာကိုမချင့်ချိန်နိုင်တော့ပေ ။တစ်ကိုယ်ကောင်းဆန် အတ္တကြီးကာ ဗဟုသုတနည်းရသည့်အထဲ မိမိထက်တော်သူတတ်သူကို မနာလိုမစ္ဆရိယစိတ်ထား များနေသေးပြီဆိုလျှင်တစ်နိုင်ငံလုံးငါးပါးမှောက်တော့သည် ။ ကျွန်တော်တို့နိုင်ငံ၏မျက်မှောက်ခေတ်သမိုင်းတွင်ဗိုလ်ချုပ်အောင်ဆန်း၊ဦးနု ၊ဦးသန့် ၊ ဒေါ်အောင်ဆန်းစုကြည်တို့ လောက်သာ ကမ္ဘာ့အဆင့်မီခေါင်းဆောင်များပေါ်ထွက်လာပါသည် ။

ထိုအခါကျွန်တော်တို့သည်တစ်ခါလာလဲ ဗိုလ်ချုပ်အောင်ဆန်း ၊တစ်ခါလာလဲ ဦးသန့်  ၊တစ်ခါလာလဲ ဒေါ်အော်ငဆန်းစုကြည်တို့  အကြောင်းကိုသာပြောကာ သူရဲကောင်းပမာကိုးကွယ်နေရပါသည် ။သူတို့တော်တာ ၊ သူတို့ ရိုးသားတာ ၊ သူတို့ ကြိုးစားတာကိုသာ ပုံပြင်သဖွယ်ပြောနေကြရသည် ။မိမိတို့ ကိုယ်တိုင်သူတို့လိုတော်အောင် ၊သူတို့လို ဖြူစင်ရိုးသားအောင်ကြိုးစားလိုစိတ်နည်းကြသည် ။ ဂျပန်နိုင်ငံတွင်မူကား ဂျပန်နိုင်ငံသားအားလုံးနီးပါးသည် ၊ ဗိုလ်ချုပ်အောင်ဆန်းလို ရိုးသားကြသည် ။ ဗိုလ်ချုပ်အောင်ဆန်းလို ကြိုးစားကြသည် ။ဗိုလ်ချုပ်အောင်ဆန်းလို စာဖတ်ကြသည် ။

ဗိုလ်ချုပ်အောင်ဆန်းလို နိတိုင်းပြည်နှင့်လူမျိုးကိုချစ်ကြသည်။တိုင်းပြည်နှင့်လူမျိုးအတွက် အသက်စွန့်ဖို့ အသင့်ရှိကြသည် ။ ကျွန်တော်တို့ကတစ်နှစ်တစ်ကြိမ် ဗိုလ်ချုပ်အောင်ဆန်းနှင့် အာဇာနည်ခေါင်းဆောင်ကြီးများကိုတမ်းတပြီးငိုယိုကြသော်လည်း သူတို့လိုဖြစ်အောင်မကြိုးစားသည့်အချိန်တွင် ဂျပန်လို နိုင်ငံများတွင် နိုင်ငံသားတော်တော်များများမှာ ဗိုလ်ချုပ်အောင်ဆန်းများဖြစ်သည်။ဦနုများဖြစ်သည် ။ ဦးသန့်များဖြစ်ကြသည် ။ဒေါ်အောင်ဆန်းစုကြည်များဖြစ်ကြသည် ။ ကျွန်တော်တို့ နိုင်ငံတွင် ဗိုလ်ချုပ်အောင်ဆန်းလိုလူသည်တစ်ယောက်တည်းရှိပြီး သူများနိုင်ငံတွင် နိုင်ငံသားတိုင်းသည် ဗိုလ်ချုပ်အောင်ဆန်းချည်းဖြစ်ကြသည် ။ ထို့ ကြောင့် တိုးတက်မှုချင်းကွာပါသည် ။ နိုင်ငံသားတိုင်းအရည်အချင်းမြင့်မားနေသောနိုင်ငံတွင် ပေါချောင်ကောင်းတွေတက်လာပြီးဆရာကြီးလုပ်၍မရပေ ။ နိုင်ငံသားတိုင်းအရည်အသွေးနိမ့်ပါးနေသော နိုင်ငံတစ်နိုင်ငံတွင် စစ်အာဏာရှင်စနစ် ထွန်းကားဖို့ လွယ်ကူပါသည် ။ နိုင်ငံမွဲပြာကျဖို့ လွယ်ကူပါသည် ။အဂတိလိုက်စားမှု အခြေခိုင်ဖို့လွယ်ကူပါသည် ။သယံဇာတကျိန်စာဒဏ်ခံရဖို့ လွယ်ကူပါသည် ။အရာရာသည်နိုင်ငံသားတို့၏အသိဥာဏ်အဆင့်အတန်းပေါ်တွင်မူတည်ပါသည် ။နိုင်ငံသားတွေပညာတတ်ဖို့ အရေးကြီးပါသည် ။

မြန်မာနိုင်ငံတွင် အသိပညာဥာဏ်နည်းပါးကြသောကြောင့်မသေသင့်ပဲသေကြရသောအဖြစ်များစွာတွေ့ရပါသည် ။ ရေတွင်းပျက်ထဲတွင် အဆိပ်ဓာတ်ငွေ့ များရှိနေတတ်တာမသိကြသောကြာင့် ရေတွင်းဆင်းဆယ်ရင်းသေကြပါသည် ။ ပြတ်ကျနေသောဓာတ်ကြိုးကိုကိုင်မိရာမှသေကြပါသည် ။ ထမင်ချက်နေရာမှကလေးကိုတစ်ယောက်တည်းထားခဲ့ရာကလေးရေထဲပြုတ်ကျပြီးသေကြပါသည် ။ ပိုးသတ်ဆေးကို မှားသောက်ပြီးသေကြပါသည် ။ကလေးမီးမဖွားနိုင်သဖြင့်သေကြပါသည် ။အရပ်လက်သည်ဖြင့်ကိုယ်ဝန်ဖျက်ချသောကြောင့်သေကြပါသည် ။ခွေးရူးကိုက်ပြီး ကာကွယ်ဆေးအချိန်မီမထိုးသဖြင့်သေကြပါသည် ။ အသည်းရောင်အသားဝါ ဘီပိုး စီပိုး အလွယ်တကူဝင်ရောက်ပြီးသေကြပါသည် ။ HIV / AIDS ရောဂါများကူးစက်ဝင်ရောက်ပုံမသိသဖြင့်ရောဂါကူးကာသေကြပါသည် ။

အပေါစားအညံ့စားအရက်များသောက်ကြသောကြောင့်သေကြပါသည် ။ဆေးဝါးအတုများကြောင့်သေကြပါသည် ။ စားသုံးဆီ အညံ့စားများကြောင့်ရောဂါရကာသေကြပါသည် ။ဆိုးဆေးများကြောင့်သေကြပါသည် ။ မိမိကလေးကိုပယောဂဆရာလက်သို့ အပ်ပြီးသရဲပူးတာထုတ်ခိုင်းသဖြင့် သေကြရပါသည် ။ မဆင်မခြင် ဆိုင်ကယ်စီးကြသဖြင့်သေကြပါသည် ။မေးခိုင်ပိုးဝင်၍သေကြရသည် ။ မြွေကိုက်သဖြင့်သေကြရသည် ။ မော်တော်မှောက်ပြီးသေကြရသည် ။မြေစာပုံပြိုကျပြီးသေကြရသည် ။ မီးရထားသံလမ်းပေါ်တွင်အိပ်နေသဖြင့်ရထားကြိတ်ခံရပြီးသေဆုံးသည် ။ နေ့စဉ်သေနေသော လူဦးရေကားမနည်းလှပေ ။ ထိုသေနေကြသောအကြောင်းတော်တော်များများမှာ ကာကွယ်၍ရပါလျက် အသိပညာနည်းပါးလှသောကြောင့်သေရခြင်းဖြစ်သည် ။ အသိဥာဏ်နည်းသည်ဆိုရာတွင် တိုင်းသူပြည်သားများပါမက အုပ်ချုပ်သူအာဏာပိုင်များဘက်ကလည်း လုံလောက်သောအသိဥာဏ်ဗဟုသုတမရှိသဖြင့် ဤသို့ ဖြစ်ရခြင်းဖြစ်သည် ။

ဤအရာအားလုံးသည် ဆင်းရဲ မွဲတေခြင်းကြောင့်ဖြစ်လာခြင်းဖြစ်သည် ။တိုင်းပြည်တိုးတက်စေလိုလျှင် ဆင်းရဲမွဲတေခြင်းကိုအမြစ်ဖြတ်ရမည် ။ ဆင်းရဲမွဲတေမှုကိုတိုက်ဖျက်နိုင်ပြီဆိုလျှင် လူတွေ ပညာတတ်ပြီးအသိအမြင်ကြွယ်ဝလာကြလိမ့်မည် ။ထိုအခါ နိုင်ငံရေးတည်ငြိမ်ပါလိမ့်မည် ။ ပြောပြီးသားစကားကိုပဲထပ်ပြောပါမည် ။
“ နိုင်ငံရေးဆိုတာ စီးပွားရေး “ပင်ဖြစ်သည် ။ ကျွန်တော်ကတစ်ကြောင်းထပ်ဖြည့်ချင်သည် ။ “ နိုင်ငံရေးဆိုသည်မှာ စီးပွားရေးဖြစ်သည် ။ စီးပွားရေးဆိုသည်မှာ ခရိုနီတစ်စုထားစရာမရှိအောင်ကွက်၍ချမ်းသာခြင်းကိုမဆိုလို ၊နိုင်ငံသားအားလုံးကြွယ်ဝချမ်းသာခြင်းကိုဆိုလိုပါကြောင်း”

သရ၀ဏ်(ပြည်)

နိုင်ငံရေးဂျာနယ်
၂၈.၁၀.၂၀၁၆

ကမ္ဘာမြေပြင်ပေါ်မှာရှိတဲ့ လူသားတွေကို ဂြိုဟ်သားတွေဆီက အဆက်အသွယ် လုပ်တာနဲ့ ပါတ်သက်တဲ့ သတင်းတွေကို အချိန်နဲ့ အမျှ ကြားနေရတဲ့ထဲက ပြီးခဲ့တဲ့ သီတင်းပါတ်ထဲမှာတော့ ဂြိုဟ်သား ၂၃၄ ဦးကနေ လူသားတွေကို ဆက်သွယ်ဖို့ ကြိုးစားတာ ဒါမှမဟုတ် ကြယ်တွေကပဲ ထူးထူးဆန်းဆန်း ဖြစ်ရပ်တွေ ဖြစ်ပျက်နေသလား ဆိုတဲ့ သတင်းတွေ ကြားလာရပါတယ်။

မကြာသေးခင်ကပဲ ကြယ်တွေဆီကနေ ထူးဆန်းတဲ့ အချက်ပြမှုတွေကို အာကာသ စောင့်ကြည့်လေ့လာနေသူတွေ တိုင်းထွာမိတာကြောင့် ဒါဟာ ဂြိုဟ်သားတွေဆီက အဆက်အသွယ်လုပ် လာတာ ဖြစ်နိုင်တယ် လို့ ပြောဆိုလာကြတာ ဖြစ်ပါတယ်။

ဒီအထဲက တချို့ကတော့ မဖြစ်နိုင်တဲ့အတွက် အထိတ်တလန့် မဖြစ်ကြဖို့ ပြောကြ သလို Nature World စာစောင်မှာတော့ ကြယ်တွေဆီ ကနေ အချက်ပေးမှုတွေ လွှတ်ပြီး ဂြိုဟ်သားတွေက ဆက်သွယ်တာ မဟုတ်ပါဘူးလို့ ရေးသားပါတယ်။ ဒါ့ကြောင့် ဒီဖြစ်ရပ်အတွက် အဖြစ်မှန်ကို သိချင်လာကြတာပါ။

ကနေဒါနိုင်ငံ Quebec ပြည်နယ် Laval တက္ကသိုလ်က Ermanno Borra နဲ့ E. Trottier တို့ကတော့ နေပုံစံ ကြယ်ပွင့်ကလေးတွေရဲ့ အပိုင်းအစ အသေးလေးတွေထဲမှာ အချိန်ပိုင်း အကန့်အသတ်ရှိတဲ့ ပုံမှန် အချက်ပြမှု ရောင်စဉ်တွေ တွေ့ရတယ်လို့ အောက်တိုဘာလ ၁၄ရက်နေ့မှာ စာတမ်းတစောင် ထုတ်ပြန် ပြောဆိုခဲ့ပါတယ်။

သူတို့ရဲ့ သုတေသနလုပ်ငန်းက စင်္ကြာဝဋ္ဌာထဲမှာ ကြယ်ဆွေဆီက လာတဲ့ ရောင်စဉ်တန်းတွေမှာ ပုံမှန် အချက်ပြမှုတွေ ရှိမရှိ၊ ဒါမှမဟုတ် Morse code မော့စ်ကုဒ် အချက်ပြသလို အချက်ပြမှု အတိုနဲ့ အရှည်တွေ ရှိမရှိ စမ်းသပ်ရှာဖွေနေတာ ဖြစ်ပါတယ်။ အခု သူတို့ တွေ့ရတဲ့ ဒီပုံမှန် အချက်ပြမှုဟာ သွေးခုန်တဲ့ ပုံစံမျိုး စွမ်းအင်တွေ အချက်ကျကျ ပုံမှန်ထွက်လာတာ ဖြစ်ပြီး အလင်းတန်း ၂ ခုကြား ၁၀ စက္ကန့်ကနေ ၁၂ စက္ကန့်လောက် ခြားနေတာကို တွေ့ရတယ်လို့ ပြောပါတယ်။
VOA Burmese News


စိတ်ကြွရူးသွပ်ဆေးပြားတွေနဲ့ ဖမ်းဆီးမိခဲ့တဲ့ တောင်ကိုရီးယားနိုင်ငံသားရဲ့ စကားပြန်ဖြစ်သူကို ထပ်မံဖမ်းဆီးလိုက်တယ်လို့ တောင်ငူရဲစခန်းက ပြောပါတယ်။

အောက်တိုဘာ ၁၉ ရက်နေ့က တောင်ငူအမှတ် (၂) နယ်မြေရဲစခန်းက မူး/စိတ် ပုဒ်မ -၁၅/၁၉(က) တို့နဲ့ အမှုဖွင့်လှစ်ထားတဲ့ တောင်ကိုရီးယားနိုင်ငံသား Mr. Lee Sang Beom ရဲ့စကားပြန်ဖြစ်သူ တောင်ငူမြို့၊ မင်းကြီးညို (၂၃) ရပ်ကွက်၊ ဂါမဏိလမ်းနေ မအေးချမ်းပွင့် (ခ) ချမ်းလင်း ၂၃ နှစ်ကို မနေ့က ဖမ်းဆီးပြီး စစ်ဆေးမှုတွေ ပြုလုပ်နေတယ်လို့ အမှတ် ၂ နယ်မြေရဲစခန်းမှူး ရဲအုပ် တင်ဦးက ဒီဗွီဘီကို ပြောပါတယ်။

“ကျနော်တို့က အမှုကွင်းဆက်တရားခံတွေ ပေါ်ပေါက်ဖို့အတွက်Mr. Lee Sang Beom ကို တခြားကိုရီးယားစကားပြန်နဲ့ထပ်ပြီး စစ်ဆေးမေးမြန်းတော့ အခင်းဖြစ်တဲ့နေ့က ကားပေါ်မှာ တွေ့ရတဲ့ ဆေးပြားတွေထည့်ထားတဲ့ အိတ်အမဲရောင်ဟာ သူ့ရဲ့စကားပြန်ဖြစ်တဲ့ မအေးချမ်းပွင့် ကားပေါ်တက်စဉ်မှာ ယူလာတဲ့အိတ်ဖြစ်ပြီး ကားနောက်ခန်းကို ပစ်တင်လိုက်တာလို့ ပြောဆိုအစစ်ခံတဲ့အတွက် မအေးချမ်းပွင့်ကို ထပ်မံစစ်ဆေးမေးမြန်းဖို့ ဆက်သွယ်ရာမှာ ဖုန်းကိုစက်ပိတ်ထားပြီး နေအိမ်မှာလည်း ပြန်မအိပ်ဘဲ တိမ်းရှောင်နေတာကြောင့် ဒီကနေ့နေ့လယ်ပိုင်းကမှ ဖမ်းမိတာပါ။ ကိုရီးယားနိုင်ငံသားကို ဖွင့်ထားတဲ့ (ပ) နံပါတ်၊ ပုဒ်မနဲ့ပါပဲ၊ နေ့လယ်ပိုင်းကပဲ တောင်ငူတရားရုံးမှာ ရမာန်ယူတယ်၊ ပြီးတော့ ဆေးရုံမှာဆေးစစ်တယ်၊ အမှုနဲ့ပတ်သက်ပြီး အသေးစိတ်တော့ ပြောလို့မရသေးဘူး၊ စစ်ဆေးဆဲပဲ။”

တောင်ငူမြို့နဲ့ အမြန်လမ်းမကြီး ဆက်သွယ်ထားတဲ့ ထီးလှိုင်ကွန်ကရစ်လမ်းမပေါ်ရှိ အမြန်လမ်း မီနီတိုးဂိတ်မှာ အောက်တိုဘာ ၁၉ ရက်နေ့က တောင်ကိုရီးယားနိုင်ငံသား မောင်းနှင်လာတဲ့ ကားတစီးပေါ်ကနေ စိတ်ကြွဆေးပြားတွေ ဖမ်းဆီးရမိခဲ့သလို နေအိမ်မှာ သွားရောက်ရှာဖွေရာမှာလည်း စိတ်ကြွဆေးပြားအချို့ ထပ်မံဖမ်းဆီးမိခဲ့လို့ အမှတ် ၂ နယ်မြေရဲစခန်းက အမှုဖွင့်လှစ်ထားတာပါ။

တောင်ကိုရီးယားနိုင်ငံသားကတော့ ဖမ်းဆီးရမိတဲ့ မူးယစ်ဆေးဝါးတွေဟာ သူ့ပစ္စည်းတွေမဟုတ်ဘူးလို့ ငြင်းဆိုထားပါတယ်။

တောင်ကိုရီးယားနိုင်ငံသားဟာ တောင်ငူမြို့ကို အခုနှစ် မတ်လထဲက ရောက်ရှိနေတာဖြစ်ပြီး တောင်ငူမြို့ (၁၈) ရပ်ကွက်၊ ရန်ကုန်-မန္တလေးကားလမ်းဟောင်းဘေးမှာ ဖွင့်လှစ်ထားသော VIGEN MYANMAR အခမဲ့ ကျန်းမာရေး ပရဟိတစင်တာ (တောင်ငူ) ရုံးတာဝန်ခံအဖြစ် ဆောင်ရွက်နေသူဖြစ်ပါတယ်။

သားကြီး(တောင်ငူ)
DVB TV News


ကံတော်ကုန်ပြီဖြစ်တဲ့ ထိုင်းဘုရင် ဘူမိဘောကို အောက်တိုဘာလ ၂၈ ရက်နေ့က Assumption ကောလိပ်မှာ ထိုင်းကျောင်းသား ၁၂၅၀ လောက်ဟာ ကတ်တွေနဲ့ သရုပ်ဖော် ဂါရ၀ပြုခဲ့ာကပါတယ်။

သရုပ်ဖော်ခဲ့တဲ့ ထိုင်းကျောင်းသားတွေဟာ ထိုင်းဘုရင်ကြီးရဲ့ အမှတ်တရ ပုံအမျိုးမျိုးကို ကတ်တွေကိုင်ဆောင်ပြီး ပုံဖော်ခဲ့ကြတာပါ။

ဒီပုံတွေကို ဒရုန်းနဲ့ရိုက်ထားပြီး ဗွီဒီယိုရုပ်သံထဲမှာတော့ ထူးခြားသေသပ်လှတဲ့ ထိုင်းကျောင်းသားတွေရဲ့ သရုပ်ဖော်မှုကို တွေ့မြင်ရမှာပါ။

ရုပ်သံ- ဘန်ကောက်ပို့စ်
DVB TV News

ဓါတ်ပုံ - ရခိုင်ပြည်နယ် နယ်စပ်မြို့တော် မောင်တောမြို့အဝင်ဆိုင်းဘုတ်ကို တွေ့ရစဉ်

ရခိုင်ပြည်နယ် မောင်တောဒေသမှာ ရိုဟင်ဂျာ မွတ်စလင် အမျိုးသမီးတွေကို အစိုးရစစ်သားတွေက အဓမ္မပြုကျင့်ခဲ့တယ်ဆိုတဲ့ သတင်းနဲ့ပတ်သက်ပြီး စုံစမ်းအရေးယူဖို့ မြန်မာနိုင်ငံခြားရေးဝန်ကြီးကို အသိပေးပြောကြားခဲ့တယ်လို့ အမေရိကန်နိုင်ငံခြားရေးဌာနက သောကြာနေ့ မနေ့က ထုတ်ဖေါ်ကြေညာပါတယ်။

ဒီအတောအတွင်းမှာပဲ ရခိုင်ပြည်နယ်မှာ နယ်မြေရှင်းလင်းရေးလုပ်နေတဲ့ လုံခြုံရေးတပ်ဖွဲ့တွေက လူ့အခွင့်အရေး ချိုးဖေါက်မှုတွေ ကျူးလွန်နေတယ်ဆိုတဲ့ သတင်းတွေကို မြန်မာအစိုးရအနေနဲ့ သေသေချာချာ မြန်မြန်ဆန်ဆန် စုံစမ်းအရေးယူဖို့ လန်ဒန်အခြေစိုက် လွတ်ငြိမ်းချမ်းသာခွင့်အဖွဲ့ AI ကလည်း အောက်တိုဘာ ၂၈ ရက်နေ့ မနေ့က ထပ်မံတောင်းဆိုလိုက်ပါတယ်။

အဲဒီဒေသမှာ အဓမ္မပြုကျင့်မှုတွေ ဥပဒေမဲ့ ဖမ်းဆီးမှုတွေဖြစ်ပေါ်နေတယ်ဆိုတဲ့ သတင်း အမြောက်အများ မိမိတို့ ရရှိနေကြောင်း နဲ့ အစိုးရက သွားလာခွင့်ပိတ်ထားတဲ့အတွက် ပကတိ အခြေအနေတွေကို သိဖို့ခက်ခဲနေကြောင်းလည်း AI အဖွဲ့ရဲ့ အရှေ့တောင်အာရှနဲ့ ပစိဖိတ်ဒေသ ဆိုင်ရာ ညွန်ကြားရေးမှူး ရာဖင်ဒီ Rafendi က ပြောပါတယ်။

အစိုးရအာဏာပိုင်တွေ ပြောနေသလို မြန်မာတပ်ဖွဲ့တွေအနေနဲ့ လူ့အခွင့်အရေး ချိုးဖေါက်မှုတွေကို မကျူးလွန်ဖူးဆိုရင် ကိုယ်တိုင်ကိုယ်ကျ သွားရောက်စုံစမ်းမယ့်သူတွေကို ဘာကြောင့် အဲဒီဒေသ သွားခွင့်မပေးပဲ ပိတ်ပင်ထားတာလဲလို့လည်း AI အကြီးအကဲက မေးခွန်းထုတ်လိုက်ပါတယ်။
RFA


အင်းဝအပ်ချုပ်ဆိုင်ရှင်မိသားစုထံတွင် ညှင်းပန်းနှိပ်စက်ခံခဲ့ရသည့် မသဇင်သည် စိတ်ရောဂါကုဆရာဝန်နှင့်ကုသနေပြီး မဆန်းကေခိုင်မှာ ရန်ကုန်ဆေးရုံကြီးတွင် လက်လေ့ကျင့်ခန်းများ ပြန်လုပ်နေရကြောင်း ရန်ကုန်ဆေးရုံကြီးမှ တွဲဖက်ပါမောက္ခဒေါက်တာမျိုးမင်းဦးက အောက်တို ဘာ ၂၇ ရက်တွင် News Watch သို့ ပြောသည်။

''အခုကတော့ မသဇင်က စိတ်ပိုင်းဆိုင်ရာမှာ ကုသမှုလေးတွေ လိုအပ်တဲ့အတွက် စိတ်ရောဂါအထူးကုဆရာဝန်တွေနဲ့ အနီးကပ်ပြုစုနေပါတယ်။ မဆန်းကေခိုင်ကတော့ အခုညနေပိုင်းဆိုရင် အထောက်အကူပြုစက်ကိရိယာပစ္စည်းတွေနဲ့ ခွဲစိတ်ပြီး လက်ကိုလိုအပ်တဲ့လေ့ကျင့်ခန်းတွေလုပ် ပေးနေပါတယ်။ ဘာတွေတိုးတက်မှုရှိလဲဆိုတာကတော့ အတိအကျမပြောနိုင်သေးဘူး။ အရင်ကထက် စာရင်တော့ အများကြီးတိုးတက်မှုရှိလာပါတယ်''ဟု ဒေါက်တာမျိုးမင်းဦးက ပြောသည်။

မဆန်းကေခိုင်၏ ၀ဲဘက်လက်ခွဲစိတ်မှု ပြုလုပ်ရန်အတွက် နိုဝင်ဘာလအတွင်း ဆုံးဖြတ်နိုင်ကြောင်း ပထမအကြိမ်ယာ ဘက်လက်ခွဲစိတ်မှုကို အောက်တိုဘာ ၅ ရက်တွင် ရန်ကုန်ဆေးရုံကြီး''လက်ပိုင်းဆိုင်ရာ ကုသရေးအဆောင်တွင် ခွဲစိတ်ကုသပေးခဲ့ကြောင်း၊ ခွဲစိတ်ကုသမှုကို လက်ပိုင်းဆိုင်ရာဌာနမှ ဌာနမှူးပါမောက္ခဒေါက်တာဦးခင်မောင်မြင့်နှင့်တွဲဖက်ပါမောက္ခ ဒေါက်တာမျိုးမင်းဦးတို့၏ ဦးဆောင်မှုဖြင့် ပထမဆုံးခွဲစိတ်မှုပြုလုပ်ခဲ့ကြောင်း သိရသည်။

''ဒုတိယအကြိမ်ခွဲစိတ်မှုကိုတော့ အခုလက်ရှိလှုပ်ရှားမှုတွေကို သုံးသပ်ပြီးတော့ဆောင်ရွက်သွားမယ်။ နိုဝင်ဘာလ တတိယအပတ်လောက်မှာတော့ ဘယ်လိုဆက်လုပ်မယ်ဆိုတာ သိနိုင်မယ်ထင်တယ်'' ၎င်းက ဆိုသည်။

မဆန်းကေခိုင်နှင့်မသဇင်တို့အား စက်တင်ဘာ ၂၁ ရက်မှစ၍ ရန်ကုန်ဆေးရုံကြီးလက်ပိုင်းဆိုင်ရာ ကုသရေးအဆောင် ၃/၄ တွင် ဆေးကုသပေးနေကြောင်း မဆန်းကေခိုင်သည် ၀ဲဘက်လက်ချောင်းများနှင့် တံတောင်ဆစ်ကွေးနိုင်ဆန့်နိုင် အောင်ဆက်လက်ခွဲစိတ်ကုသရန် ကျန်ရှိသည့်အပြင် နောက်ဆက်တွဲ ခွဲစိတ်မှုများ ပြုလုပ်ရန်ကျန်ရှိသေးကြောင်း သိရသည်။

မဆန်းကေခိုင်နှင့် မသဇင်တို့နှစ်ဦး၏ ဒဏ်ရာများသက်သာပျောက်ကင်းပါက လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေးဝန်ကြီးဌာန လူမှုဝန်ထမ်းဦးစီးဌာနရှိ အမျိုးသမီးအသက်မွေးအတတ်သင်ပညာ သင်ကျောင်းတွင်ထားရှိရန် စီစဉ်ထားကြောင်း၊ ထို့အပြင်ယင်းကိစ္စနှင့်ပတ်သက်၍ အင်းဝအပ်ချုပ်ဆိုင်ပိုင်ရှင် များကိုလည်း တရားဥပဒေအရ အရေးယူရန် အနောက်ပိုင်းခရိုင်တရားရုံး၌ စစ်ဆေးဆောင်ရွက်လျက်ရှိ ကြောင်းသိရသည်။

(နိုင်)

News Watch(စောင့်ကြည့်သတင်းဂျာနယ်)


ရန်ကုန်တိုင်းဒေသကြီးအတွင်း ပြေးဆွဲလျက်ရှိသော ခရီးသည်တင် ယာဉ်လိုင်းများတွင် စည်းကမ်းပျက် မောင်းနှင်နေသော ယာဉ်များ၊ ရန်လိုပြု မူသော ယာဉ်လုပ်သားများရှိလာပြီး စည်းကမ်းပျက် ရမ်းကားသော ယာဉ်လိုင်းများအား လက်ရှိတွင် မထသ(ဗဟို)၏ စည်းကမ်းထိန်း သိမ်းရေး ကော်မတီမှ အရေးယူ ဆောင်ရွက်နေပြီး ရေးဆွဲလျက်ရှိသော ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့ ဥပဒေပြဋ္ဌာန်းပြီးပါက ဥပဒေအရ ထိရောက်စွာ ကိုင်တွယ် ဆောင်ရွက်သွားမည်ဖြစ်ကြောင်း ရန်ကုန်တိုင်းဒေသကြီး သယ်ယူပို့ဆောင်ရေး ကြီးကြပ်ကွပ်ကဲမှု အာဏာပိုင်အဖွဲ့မှ သိရသည်။

အာဏာပိုင်အဖွဲ့အနေဖြင့် ဘတ်စ်ကားသယ်ယူပို့ဆောင်ရေး စနစ် ပြုပြင်ပြောင်းလဲနိုင်ရန်အတွက် ဘီအမ်ယာဉ်များ၊ ဒိုင်နာယာဉ်များ အပါအဝင် နှစ် ၂ဝ ကျော် သက်တမ်းရှိ ကားဟောင်းများ လဲလှယ်မှု အစီအစဉ် ဆောင်ရွက်ခြင်း၊ အများပိုင် ယာဉ်လိုင်း ကုမ္ပဏီများ ဖွဲ့စည်းထူထောင်ခြင်း၊ ဘတ်စ်ကား သယ်ယူပို့ဆောင်ရေး လမ်းကြောင်းများ ပြောင်းလဲ ကျင့်သုံးစေခြင်း၊ ရေလမ်းခရီး အသုံးပြု သယ်ယူပို့ဆောင်ရေး စနစ် အကောင်အထည် ဖော်ခြင်းများ လုပ်ဆောင်သွားမည်ဖြစ်ကြောင်း သိရသည်။

၎င်း အများပြည်သူ သယ်ယူပို့ဆောင်ရေး ဆိုင်ရာ လုပ်ငန်းများကို အဆင့်ဆင့် ပြောင်းလဲဆောင်ရွက် သွားမည်ဖြစ်ပြီး ဥပဒေပြဋ္ဌာန်းပြီးပါက မထသ မှ ဆောင်ရွက်နေမှုအစား သယ်ယူပို့ဆောင်ရေး အာဏာပိုင်အဖွဲ့မှ ကြပ်မတ်ဆောင်ရွက် သွားမည်ဖြစ်ကြောင်း သိရသည်။

Photo - Yangon Traffic Police
The Ladies News


ဒေါ်အောင်ဆန်းစုကြည် တက်ရောက်တဲ့ ပြည်ထောင်စု
ငြိမ်းချမ်းရေးဆွေးနွေးမှု ပူးတွဲကော်မတီUPDJC အစည်းအဝေး။
ဒေါ်အောင်ဆန်းစုကြည် တက်ရောက်တဲ့ ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီUPDJC အစည်းအဝေး။
 တနိုင်ငံလုံး အပစ်အခတ်ရပ်စဲရေး သဘောတူစာချုပ် (NCA) မှာ
ပါဝင် လက်မှတ်ရေး ထားခြင်းမရှိတဲ့ တိုင်းရင်းသားလက်နက်ကိုင်အဖွဲ့တွေအနေနဲ့
လာမယ့် နိုင်ငံရေးဆွေးနွေးပွဲတွေနဲ့ ငြိမ်းချမ်းရေးလုပ်ငန်းစဉ်မှာ
ပါဝင်နိုင်ဖို့ နည်းလမ်း ရှာသွားရမှာဖြစ်ပြီး ပဋိပက္ခရပ်စဲရေးအတွက်
အချိန်မဆွဲကြဖို့ လိုတယ်လို့ နိုင်ငံတော်အတိုင်ပင်ခံပုဂ္ဂိုလ်
ဒေါ်အောင်ဆန်းစုကြည်က ဒီကနေ့ နေပြည်တော်မှာ ပြုလုပ်တဲ့ ပြည်ထောင်စု
ငြိမ်းချမ်းရေးဆွေးနွေးမှု ပူးတွဲကော်မတီUPDJC အစည်းအဝေးမှာ
ပြောဆိုလိုက်ပါတယ်။ သတင်းအပြည့်အစုံကိုတော့ ဗွီအိုအေသတင်းထောက်
မမြင့်မြင့်ခိုင်က တင်ပြထားပါတယ်။

အမျိုးသားအဆင့် နိုင်ငံရေးဆွေးနွေးပွဲတွေကို စမ်းသပ်ကာလအနေနဲ့
နိုဝင်ဘာလထဲမှာ စတင်ကျင်းပ လိုပြီး နိုင်ငံရေးဆွေးနွေးပွဲတွေမှာ
အားလုံး ပါဝင်နိုင်ဖို့ ဦးတည် လုပ်ဆောင်သွားမယ်လို့ ဒီကနေ့ အောက်တိုဘာ
၂၈ရက်နေ့ နေပြည်တော်မှာ ပြုလုပ်တဲ့ ပြည်ထောင်စု ငြိမ်းချမ်းရေးဆွေးနွေးမှု
ပူးတွဲကော်မတီ UPDJC အစည်းအဝေးမှာ နိုင်ငံတော်အတိုင်ပင်ခံပုဂ္ဂိုလ်
ဒေါ်အောင်ဆန်းစုကြည်က ပြောဆိုလိုက်ပါတယ်။

" အားလုံးပါဝင်နိုင်အောင်လို့ ကျမတို့ကနေပြီးတော့ စီစဉ်သွားမှာပါဖြစ်ပါတယ်။ ဒါကြောင့်မို့လို့ အခုဆိုလို့ရှိရင် အမျိုးသားအဆင့်ဆွေးနွေးပွဲတွေနဲ့ပတ်သက်ပြီးတော့ စမ်းသပ်ကာလရောက်ပြီလို့ ကျမထင်ပါတယ်။ ကျမက စမ်းသပ်ကာလလို့ ဘာဖြစ်လို့ ပြောတာလဲဆိုတော့ တချိန်တည်းမှာ တတိုင်းပြည်လုံးမှာ အားလုံးလုပ်လို့တော့ ဖြစ်နိုင်မှာ မဟုတ်ပါဘူး။ ဒါဟာ လက်တွေ့ကျကျ အခက်အခဲတွေလည်း ရှိပါမယ်။ နောက်ပြီးတော့ ကျမတို့ဟာ ဘယ်လိုအခက်အခဲတွေ တွေ့ပြီးတော့ ဘယ်လို အခက်အခဲတွေ ကျော်လွှားရမလဲ ဆိုတဲ့ အဖြေတွေကိုလည်း ရှာဖို့ လိုပါလိမ့်မယ်။ ဒါကြောင့် ကျမတို့က စမ်းသပ်တဲ့ အနေနဲ့ ပထမဦးဆုံး အမြန်ဆုံး အမျိုးသားအဆင့်ဆွေးနွေးပွဲများ သုံးခုလောက်ကို လုပ်ချင်ပါတယ်။ သုံးခုလောက်က ဘာလဲဆိုတော့ ပထမဦးဆုံးက ဒေသကို အခြေခံတာတမျိုး အမျိုးသားကို အခြေခံတာက တမျိုး ရေးရာကို အခြေခံတာက တမျိုး ဒီသုံးမျိုးပေါ့။ ဒီသုံးမျိုးကို Pilot Projects စမ်းသပ်တဲ့အနေနဲ့ သုံးခုစပြီးတော့ အမြန်ဆုံ့း ဒီလပေါ့ ဒီလဆိုတာ အောက်တိုဘာကျော်ပြီး နိုဝင်ဘာအတွင်းမှာ ကျမတို့ဖြစ်မြောက်အောင်လို့ လုပ်ချင်ပါတယ်။"
ဒေါ်အောင်ဆန်းစုကြည် မိန့်ခွန်းပြောစဉ်။
ဒေါ်အောင်ဆန်းစုကြည် မိန့်ခွန်းပြောစဉ်။
ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ UPDJC အစည်းအဝေးကို
နေပြည်တော် သင်္ဂဟ ဟိုတယ်မှာ ပထမနေ့အဖြစ် နေ့လည်ပိုင်း ၂နာရီက
စတင်ကျင်းပခဲ့ပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က
အစည်းအဝေး အဖွင့်မိန့်ခွန်း ပြောကြားခဲ့တာဖြစ်ပါတယ်။

တနိုင်ငံလုံးအပစ်အခတ်ရပ်စဲရေး NCA စာချုပ်မှာ လက်မှတ်မထိုးရသေးတဲ့
တိုင်းရင်းသား လက်နက်ကိုင်အဖွဲ့တွေ လာမယ့်နိုင်ငံရေး ဆွေးနွေးပွဲတွေနဲ့
ငြိမ်းချမ်းရေးလုပ်ငန်းစဉ်မှာ ပါဝင်နိုင်ဖို့ နည်းလမ်းရှာရမှာဖြစ်သလို
NCA လက်မှတ်မထိုးရသေးတဲ့ အဖွဲ့တွေအနေနဲ့လည်း ပဋိပက္ခရပ်စဲရေးအတွက်
အချိန်မဆွဲကြဖို့ ဒေါ်အောင်ဆန်းစုကြည်က တိုက်တွန်းလိုက်ပါတယ်။

" အခုအပစ်အခတ်ရပ်စဲရေးစာချုပ်ကို လက်မှတ်မထိုးရသေးတဲ့ အစုအဖွဲ့များ ပါဝင်လာနိုင်အောင်လို့ ဘယ်လိုလုပ်ရမလဲဆိုတဲ့ နည်းတွေကိုလည်း ကျမတို့ ရှာရပါလိမ့်မယ်။ လက်မှတ်မရေးထိုးရတဲ့ အစုအဖွဲ့တွေကလည်းပဲ ပါဝင်လာဖို့ ပါဝင်လာနိုင်အောင်လို့ စိတ်အားထက်သန်ဖို့ လိုပါတယ်။ ကျမတို့ငြိမ်းချမ်းရေးလမ်း ဆိုတာ တလမ်းပဲရှိပါတယ်။ ပဋိပက္ခရပ်စဲရေးလမ်းပဲ။ ပဋိပက္ခမရပ်စဲပဲနဲ့ ငြိမ်းချမ်းတယ် ဆိုတာ ဘယ်လိုမှ ဖြစ်နိုင်တဲ့ကိစ္စ မဟုတ်ပါဘူး။ ဒါ အပြောပဲဖြစ်ပါတယ်။ အဖြစ် မဖြစ်ပါဘူး။ ဒီတော့ ပဋိပက္ခရပ်စဲရေးကို ကျမတို့အားလုံး ဦးတည်ရမှာ ဖြစ်ပါတယ်။ အဲ့တာ အတွက် အားလုံးက ဝိုင်းဝန်းစဉ်းစားရမှာပါဖြစ်ပါတယ်။ အချိ်န်ကို သိပ်မဆွဲပါနဲ့။ "

ဒုတိယအကြိမ် ၂၁ ရာစု ပင်လုံညီလာခံကို လာမယ့်နှစ် ဖေဖော်ဝါရီမှာ
ကျင်းပဖို့ မျှော်မှန်း ထားသလို အဲဒီညီလာခံ မကျင်းပမီမှာ
တိုင်းရင်းသား လက်နက်ကိုင်အဖွဲ့အားလုံး အပစ်အခတ်ရပ်စဲရေးလက်မှတ်ထိုးပြီး
ပြည်ထောင်စုငြိမ်းချမ်းရေး ညီလာခံမှာ ပါဝင်လာနိုင်ဖို့
မျှော်လင့်တယ် လို့ လည်း ဒေါ်အောင်ဆန်းစုကြည်က ပြောဆိုသွားပါတယ်။

ဒီကနေ့ ကျင်းပတဲ့ ပြည်ထောင်စု ငြိမ်းချမ်းရေး ဆွေးနွေးမှု ပူးတွဲကော်မတီ
အစည်းအဝေးမှာတော့ အမျိုးသားအဆင့်နိုင်ငံရေးဆွေးနွေးပွဲနဲ့ ပတ်သက်လို့
ပြီးခဲ့တဲ့ နိုင်ငံရေးမူဘောင်ဆွေးနွေးပွဲရလဒ်တွေကို အဓိက တင်ပြတာဖြစ်ပြီး
အစည်းအဝေးကို မနက်ဖြန် အောက်တိုဘာ ၂၉ ရက်နေ့မှာ
ဆက်လက် ကျင်းပမှာဖြစ်ပါတယ်။

တနိုင်ငံလုံးအပစ်အခတ်ရပ်စဲရေး NCA စာချုပ်မှာ ပါဝင် လက်မှတ်မထိုးထားတဲ့
တိုင်းရင်းသားလက်နက်ကိုင်အဖွဲ့တွေအနေနဲ့ ရှေ့လျှောက်
နိုင်ငံရေးဆွေးနွေးပွဲတွေ နဲ့ ငြိမ်းချမ်းလုပ်ငန်းစဉ်မှာ ပါဝင်နိုင်ဖို့
လောလောဆယ် မှာတော့ UPDJC အနေနဲ့ နည်းလမ်းရှာနေဆဲဖြစ်သလို ငြိမ်းချမ်းရေး
လုပ်ငန်းစဉ်မှာ အားလုံးပါဝင်နိုင်ရေးဟာ အစိုးရရဲ့ စဉ်းစားချက်ပေါ်မှာ
ပိုပြီးမူတည်တယ်လို့ UPDJC အဖွဲ့ဝင် စိုင်းကျော်ညွှန့်က ပြောပါတယ်။

" အမှန်အတိုင်းပြောရင် UPDJC အနေနဲ့ကတော့ သိပ်ပြီး လုပ်ဖို့ကိုင်ဖို့က နည်းနည်းတော့ ခက်တာပေါ့လေ။ ဘာဖြစ်လို့လဲဆိုတော့ ဒါက အစိုးရနဲ့ တိုင်းရင်းသားလက်နက်ကိုင်တွေက နှစ်ဦးနှစ်ဖက် ဆွေးနွေးတဲ့ကိစ္စဖြစ်တယ်။ ဒီအပေါ်မှာ UPDJC က ဘယ်လောက်အထိကူနိုင်မလဲဆိုတာကိုတော့ အဲ့တာတော့ ကျနော်တို့တော့ နည်းလမ်းတော့ မရှာတွေ့သေးဘူးပေါ့လေ။ ဘယ်လိုလုပ်မယ် ဘာညာကတော့ အစိုးရရဲ့ စဉ်းစားချက်အပေါ်မှာ ပိုပြီးမူတည်လိမ့်မယ်ထင်တယ်လေ။"

တပ်မတော်ကာကွယ်ရေးဦးစီးချုပ် ဗိုလ်ချုပ်ကြီးမင်းအောင်လှိုင်ကတော့
မကြာသေးခင်က တနိုင်ငံလုံးအပစ်အခတ်ရပ်စဲရေး NCA ချုပ်ဆိုခြင်း
နှစ်ပတ်လည်အခမ်းအနားမှာ NCA မှာမပါတဲ့
တိုင်းရင်းသားလက်နက်ကိုင်အဖွဲ့တွေအနေနဲ့ တပ်မတော်ရဲ့ ငြိမ်းချမ်းရေး
မူဝါဒ ၆ရပ်ကို လိုက်နာပြီး တနိုင်ငံလုံး အပစ်အခတ်ရပ်စဲရေး NCA စာချုပ်မှာ
ပါဝင်လက်မှတ်ရေးထိုးဖို့ပြီးမှသာ ပြည်ထောင်စုငြိမ်းချမ်းရေးညီလာခံမှာ
ပါဝင်ကြဖို့ ပြောဆိုခဲ့တာလည်းရှိပါတယ်။
VOA Burmese News


ရခိုင်ပြည်နယ် မောင်တောဒေသက မူဆလင်များ တိမ်းရှောင်နေကြစဉ်။ (အောက်တိုဘာ ၂၇၊ ၂၀၁၆)
ရခိုင်ပြည်နယ် မောင်တောဒေသက မူဆလင်များ တိမ်းရှောင်နေကြစဉ်။ (အောက်တိုဘာ ၂၇၊ ၂၀၁၆)

မောင်တောအကြမ်းဖက်မှုကြောင့် ဒုက္ခရောက်နေတဲ့ ဒေသခံပြည်သူတွေအတွက် စားနပ်ရိက္ခာ မလုံမ လောက်ဖြစ်လာမယ့် အခြေအနေကို WFP ကမ္ဘာ့စားနပ်ရိက္ခာ အစီအစဉ်က စိုးရိမ်မကင်းဖြစ်မိကြောင်း ကုလသမဂ္ဂက ပြောကြားလိုက်ပါတယ်။ ဘူးသီးတောင်မြို့နယ်မှာ ထောက်ပံမှုလုပ်ငန်းတွေကို WFP ကပြန် စတင်နေပြီး လုံခြုံရေး တင်းကြပ်ထားတဲ့ မောင်တောဒေသက အကာအကွယ်မဲ့နေ သူတွေကို ထောက်ပံ့ ကူညီနိုင်ဖို့ WFP က အသင့်ရှိနေကြောင်း ကုလသမဂ္ဂ အတွင်းရေးမှူးချုပ်ရုံးက ဗွီအိုအေကိုပြောပါတယ်။ မအင်ကြင်းနိုင်က အပြည့်အစုံကို ဆက်ပြီးပြောပြမှာပါ။

ရခိုင်ပြည်နယ်မြောက်ပိုင်းမှာ မကြာသေးခင်က ဖြစ်ခဲ့တဲ့ အကြမ်းဖက် တိုက်ခိုက်မှုတွေအပြီး ကုလသမဂ္ဂလက်အောက်ခံ အဖွဲ့အစည်းတခုဖြစ်တဲ့ WFP ရဲ့ ကူညီထောက်ပံ့မှု အစီအစဉ်တွေ ပြန်ပြီး စတင်နိုင်ဖို့ မြန်မာတပ်မတော်နဲ့ အစိုးရဘက်က ပြန်ပြီးခွင့်ပြုခဲ့ပေမဲ့ အခြေအနေတွေကို စိုးရိမ်မကင်းဖြစ်နေရဆဲပဲလို့ ကုလသမဂ္ဂအတွင်းရေးမှူးချုပ်ရုံးရဲ့ ပြောခွင့်ရအမျိုးသမီးက ဗွီအိုအေကို အခုလိုပြောပါတယ်။

"ရခိုင်ပြည်နယ်မြောက်ပိုင်းမှာ မကြာသေးခင်က ဖြစ်ခဲ့တဲ့ အကြမ်းဖက်မှုတွေကြောင့် ဒုက္ခရောက်နေတဲ့ လူထုအတွက် စားနပ်ရိက္ခာနဲ့ သူတို့ရဲ့ အာဟာရ အခြေအနေ ဆုတ်ယုတ်ကျဆင်းလာမယ့် အလားအလာကိုWFP အနေနဲ့ စိုးရိမ်မကင်းဖြစ်မိ ပါတယ်။"

အောက်တိုဘာလ (၂၆)ရက် ဗုဒ္ဓဟူးနေ့က ဘူးသီးတောင်မြို့ပေါ်မှာ အကာအကွယ် ကင်းမဲ့နေတဲ့ အိမ်ထောင်စုတွေထဲက လူဦးရေ ၂၀,၀၀၀ ကို ပုံမှန်ငွေကြေးထောက်ပံ့မှု ပြန်စတင်ခဲ့ပါတယ်။

ဒါအပြင် စစ်တပ်က နယ်မြေရှင်းလင်းရေးတွေလုပ်နေတဲ့ ဘူးသီးတောင်၊ မောင်တောဒေသ မှာ လက်ရှိ WFP ရဲ့ အစီအစဉ်တွေကို ပြန်ပြီး မစတင်နိုင်သေးပေမဲ့ စားနပ်ရိက္ခာထောက်ပံရေးအတွက် WFP က အဆင်သင့်ရှိနေကြောင်း ပြောခွင့်ရအမျိုးသမီးက ဆိုပါတယ်။

"ဘူးသီးတောင် ဒေသမှာရှိတဲ့ ကိုယ်ဝန်ဆောင်အမျိုးသမီးတွေ၊ ကလေးအမေတွေနဲ့ အပါအ၀င် အဟာရဓါတ်ချို့တဲ့နေတဲ့ကလေး ဦးရေ စုစုပေါင်း ၁၇,၀၀၀ အတွက် အာဟာရပြည့်ဝတဲ့ အစားအစာတွေ ပုံမှန်ဖြန့်ဝေတဲ့ အစီအစဉ်ကို ပြန်စနိုင်ဖို့ WFP အနေနဲ့ အဆင်သင့်ဖြစ်နေပါတယ်။ ဒါအပြင် မောင်တော မြို့နယ်ကို အစိုးရက သွားခွင့်ပြုတဲ့အချိန်မှာ စားနပ်ရိက္ခာမလုံမလောက်ဖြစ်နေတဲ့ နောက်ထပ် လူဦးရေ ၅၀,၀၀၀ အတွက် အစားအစာတွေပုံမှန်ဖြန်ဝေတဲ့ အစီအစဉ်ကို ပြန်ပြီးစတင်ဖို့ WFP က အဆင်သင့်ဖြစ်နေပါတယ်။"

မြန်မာနိုင်ငံဆိုင်ရာ ကုလသမဂ္ဂဌာနေကိုယ်စားလှယ် တဦးကို မောင်တောဒေသ အခြေအနေတွေကို လာရောက်ကြည့်ရှု့ဖို့ မြန်မာအစိုးရက စီစဉ်နေကြောင်း သမ္မတရုံး ပြောခွင့်ရပုဂ္ဂိုလ်က မနေ့က ပြောဆိုချက် အပေါ် မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေးအထူးကိုယ်စားလှယ် ယန်ဟီလီရဲ့ သဘောထားကို ဗွီအိုအေက မေးမြန်းခဲ့ပေမဲ့ သူက ပြန်ပြီး ဖြေဆိုဖို့ ငြင်းဆိုခဲ့ပါတယ်။

ရခိုင်ပြည်နယ်မြောက်ပိုင်းမှာ အခြေအနေတွေဘာတွေဖြစ်နေသလဲဆိုတာ မှန်မှန်ကန်ကန် တိတိကျကျ သိရဖို့ ကုလသမဂ္ဂ အပါအ၀င် နိုင်ငံတကာ အဖွဲ့အစည်းတွေကို သွားရောက်ကြည့်ရှုခွင့်ပြုဖို့ နယူးရောက် ကုလသမဂ္ဂဌာနချုပ်မှာ ကြာသာပတေးနေ့က ပြုလုပ်တဲ့ သတင်းစာရှင်းလင်းပွဲအတွင်း ယန်ဟီလီက မြန်မာအစိုးရကို တိုက်တွန်းခဲ့တာပါ။
ယမ်ဟီးလီ သတင်းစာရှင်းလင်းပွဲ
ယမ်ဟီးလီ သတင်းစာရှင်းလင်းပွဲ
တဖက်မှာလည်း နိုင်ငံတကာအဖွဲ့အစည်းတွေအနေနဲ့ အခြေအနေတွေကို သွားရောက်ကြည့်ရှုနိုင်အောင် မြန်မာအစိုးရက စီစဉ်တဲ့နေရာမှာ ဟန်ပြပုံစံမျိုး မဟုတ်ပဲ လွတ်လွတ်လပ်လပ် စုံစမ်းခွင့်ပြုသင့်ကြောင်း ဝေဖန်ထောက်ပြ မှုတွေ ရှိနေပါတယ်။

အောက်တိုဘာလ (၉)ရက်နေ့ကဖြစ်ခဲ့တဲ့ မောင်တောအကြမ်းဖက်တိုက်ခိုက်မှုအပြီး အကြမ်းဖက်သူတွေကို လိုက်လံဖမ်းဆီးတဲ့အနေနဲ့ ရခိုင်ပြည်နယ်မြောက်ပိုင်း နယ်စပ်ဒေသ တလျောက်မှာ နယ်မြေရှင်းလင်းရေးတွေကို မြန်မာတပ်မတော်နဲ့ ရဲတပ်ဖွဲ့ ပူးပေါင်းဆောင်ရွက်နေကြောင်း မြန်မာအစိုးရ ထုတ်ပြန်ကြေညာ ထားပါတယ်။

ဒါပေမဲ့ မြန်မာတပ်မတော်ဘက်က အပြစ်မဲ့ ဒေသခံတွေအပေါ် လူ့အခွင့်အရေး ချိူးဖောက်မှုတွေရှိနေတယ်လို့ ကုလသမဂ္ဂ လူ့အခွင့်အရေး အထူးကိုယ်စားလှယ်တွေ နဲ့ နိုင်ငံတကာ လူ့အခွင့်အရေး အဖွဲ့အစည်းတွေက ဝေဖန်ထောက်ပြနေကြ ပါတယ်။မြန်မာအာဏာပိုင်တွေဘက်ကတော့ သူတို့အနေနဲ့ လူ့အခွင့်အရေး ချိုးဖောက်မှုတွေမရှိဘူးလို့ ငြင်းဆိုထားပြီး လူ့အခွင့်အရေးချိုးဖောက်မှုတွေရှိခဲ့ရင် သူတို့ကိုယ်တိုင်အရေးယူသွားမှာဖြစ်တယ်လို့ တုန့်ပြန်ပြောဆိုထားပါတယ်။
VOA Burmese News


ဝါရှင်တန်ဒီစီက ကမ္ဘာ့ဘဏ် ဌာနချုပ်ရောက် မြန်မာ ကျန်းမာရေး ကိုယ်စားလှယ်အဖွဲ့။
ဝါရှင်တန်ဒီစီက ကမ္ဘာ့ဘဏ် ဌာနချုပ်ရောက် မြန်မာ ကျန်းမာရေး ကိုယ်စားလှယ်အဖွဲ့။

NLD အစိုးရလက်ထက်မှာ အစိုးရ ဘတ်ဂျက်သုံးငွေထဲက ကျန်းမာရေးအသုံး စရိတ် အတွက် ၃%ကျော်အထိ တိုးမြှင့်သတ်မှတ်နိုင်ခဲ့ကြောင်း ဗွီအိုအေနဲ့ တွေ့ ဆုံ မေးမြန်းခန်းမှာ လွှတ်တော်တာဝန်ရှိသူ တဦးက ပြောကြား လိုက်ပါတယ်။

ဒါအပြင် ကျန်းမာရေးကဏ္ဍမှာ ပြုပြင်ပြောင်းလဲရေးတွေကို အရှိန်အဟုန် နဲ့ ဆောင်ရွက်နေရာမှာ အရည်အချင်းပြည့်ဝတဲ့ ဆေးပညာ ရှင်တွေ မွေး ထုတ်နိုင်ရေးကိုလည်း ဦးစားပေးလုပ်ဆောင်သွားမှာဖြစ်ကြောင်း အမေရိ ကန်ပြည်ထောင်စုကို ခေတ္တခဏရောက်ရှိနေတဲ့ ပြည်သူ့လွှတ်တော်ဆိုင်ရာ ကျန်း မာရေးနဲ့ အားကစား ကော်မတီဥက္ကဋ္ဌ ဒေါက်တာစံရွှေဝင်းက ပြောပါတယ်။

အမေရိကန်ပြည်ထောင်စုခရီးစဉ်နဲ့ပတ်သက်လို့ မအင်ကြင်းနိုင်က မေးမြန်းရာမှာ သူက အခုလိုစပြောပါတယ်။

ဖြေ။ ။ ကျနော်တို့ကို Global Flagship Course ဆိုပြီး World Bank ကမ္ဘာဘဏ်ကနေ ဖိတ်လာ တာရှိ ပါတယ်။ ဒီလိုဖိတ်တဲ့ အထဲမှာ လွှတ်တော်က နှစ်ဦးနဲ့ ကျန်းမာရေးနဲ့ အားကစား ၀န်ကြီးဌာနက သုံးဦးဖြစ်ပါတယ်။ အမျိုးသားလွှတ်တော်က ကျန်းမာရေး၊ အားကစားနဲ့ ယဉ်ကျေးမှုကော်မတီ ဥက္ကဌ ဒေါက်တာ သန်းဝင်း၊ ပြည်သူ့လွှတ်တော် ဥက္ကဌ ဒေါက်တာစံရွှေဝင်း၊ ကျန်းမာရေးနဲ့ အားကစား ၀န်ကြီးဌာနက ဒေါက်တာသာ ထွန်းကျော်၊ ဒေါက် တာကျော်ဇေယျနဲ့ ဒေါက်တာသောင်းလှိုင်တို့ သုံးဦးပါပါတယ်။

မေး။ ။ အစိုးရသစ်လက်ထက်မြန်မာနိုင်ငံက ကျန်းမာရေး စနစ် ပြုပြင်ပြောင်း လဲမှုတွေလုပ်နေတဲ့ အခြေအနေတွေကို ပြောပြပေးပါရှင့်။

ဖြေ။ ။ အစိုးရသစ် ကျန်းမာရေး ၀န်ကြီးဌာနအနေနဲ့ အပြောင်းအလဲတွေ အတော်လေးလုပ်နေပါတယ်။ ဒီလိုလုပ်တဲ့နေရာမှာ အမျိုးသားကျန်းမာရေးစီမံကိန်း ဆိုပြီးလောလော ဆယ်ဆောင်ရွက်နေ တာရှိ ပါတယ်။ အရင်တုန်းကတော့ အမျိုး သားကျန်းမာရေးစီမံကိန်းကို နိုင်ငံတကာအဖွဲ့အစည်းများရဲ့ အထောက်အ ပံ့ကိုပဲအ ဓိကထားဆောင်ရွက်ရတာဖြစ်ပါတယ်။ ဒီနှစ်တော့ ဧရိယာကြီးလေးခုကို အခြေခံပြီး စတင်ဆောင်ရွက်နေပါတယ်။ ဒါတွေကတော့ Health Financing (ကျန်းမာရေး အသုံးစရိတ် ထောက်ပံမှု)၊ Infrastructure (အခြေခံအဆောက်အဦး)၊ Organizational Setup (အဖွဲ့အစည်းဆိုင်ရာ တည်ဆောက်မှု)၊ Human Resource Development (လူသားအရင်းအမြစ် တိုးတက်မှု) တွေကို စတင်ဆောင်ရွက်နေပါတယ်။ အခုဒီမှာလာတက်နေတဲ့ Course တွေကနေ ကျနော်တို့ရဲ့ လုပ်ငန်းတွေတိုးတက်အောင် အကူအညီတွေ အများကြီးပေးပါတယ်။ ကျနော်တို့ရဲ့ ရည်မှန်းချက်ကလည်း Universal Health Coverage (လူတိုင်းအတွက် ကျန်းမာရေးစရိတ်ဖူလုံမှု) ကိုသွားမှာဖြစ်တဲ့အတွက် သွားနေဆဲလူတွေ တွေ့တဲ့အခက်အခဲတွေ၊ ပြဿနာတွေ၊ အကျဉ်းအကျပ်တွေကို ကျနော်တို့ ဒီမှာ လေ့လာခွင့်ရပါတယ်။ ကျနော်တို့က ခုမှစပြီး သွားဖို့ လုပ်နေရာဖြစ်တဲ့အတွက် သူတို့ရဲ့ အတွေ့အကြုံတွေက ကျနော်တို့အတွက် အများကြီးပဲ အကျိုးရှိပါတယ်။

VOA Burmese News


တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ရဲ့ တရုတ်ချစ်ကြည်ရေးခရီးစဉ်စတင်။
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ရဲ့ တရုတ်ချစ်ကြည်ရေးခရီးစဉ်စတင်။

တရုတ်ပြည်သူ့လွတ်မြောက်ရေးတပ်မတော် စစ်ဦးစီးချုပ် ဗိုလ်ချုပ်ကြီး Fang Fenghui ရဲ့ဖိတ်ကြားချက်အရ တရုတ်နိုင်ငံကို သွားရောက်တဲ့ တပ်မတော်ကာကွယ်ရေး ဦးစီးချုပ် ဗိုလ်ချုပ်မှူးကြီးမင်းအောင်လှိုင်ရဲ့ တရုတ်ချစ်ကြည်ရေးခရီးစဉ်မှာ ရှမ်းပြည်နယ်တွင်း လတ်တလောဖြစ် နေတဲ့ မြန်မာ့တပ်မတော်နဲ့ UWSA ‘၀’ တပ်ကြား တင်းမာမှုအပါအဝင်၊ ‘၀’နဲ့ မိုင်းလားတပ်တွေကြားတင်းမာမှု စတာတွေကို ဆွေးနွေးဖွယ် ရှိတယ်လို့ စစ်ရေးနိုင်ငံရေး အကဲခတ်တချို့က သုံးသပ်ကြပါတယ်။ ဆက်သွယ်မေးမြန်းထားတဲ့ ကိုဉာဏ်ဝင်းအောင်က တင်ပြပါမယ်။

ရှမ်းပြည်နယ် အထူးဒေသ ၄ လို့ခေါ်တဲ့ မိုင်းလား NDAA တပ်တွေ ထိန်းချုပ်ထားတဲ့ စစ်ကင်းစခန်းတချို့ကို UWSA ‘၀’ တပ်တွေ ပြီးခဲ့တဲ့ သီတင်းပတ်အတွင်း ၀င်ရောက်ထိန်းချုပ်ခဲ့ပြီးနောက်၊ အောက်တိုဘာ ၂၄ နောက်ဆုံးထားပြီး မိုင်းလားဒေသကနေ ‘၀’တပ်တွေ ပြန်ဆုပ်ပေးဖို့ မြန်မာ့တပ်မတော်က ရာဇသံပေးထားတဲ့ အချိန်နဲ့ တိုက်တိုက်ဆိုင်ဆိုင် ဆိုသလိုပဲ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်ရဲ့ တရုတ် ခရီးစဉ် ပေါ်လာတာဖြစ်ပါတယ်။

ဒါပေမယ့် ကာချုပ်ရဲ့ တရုတ်ခရီးစဉ်ဟာ တရုတ်မြန်မာနယ်စပ် စစ်ရေးတင်းမာမှု တွေကို တရုတ်စစ်ဖက် တာဝန်ရှိသူတွေနဲ့ ဆွေးနွေးရုံတင်မက ဒီထက်ကျယ်ပြန့်တယ်လို့ တရုတ်နိုင်ငံ ယူနန်ပြည်နယ်အခြေစိုက် စစ်ရေး နိုင်ငံရေး လေ့လာသုံးသပ်သူ ဒေါက်တာလှကျော်ဇောက မြင်ပါတယ်။

" ကျမကြည့်တာတော့ ဗိုလ်ချုပ်မှူးကြီးမင်းအောင်လှိုင်မှာ ရည်ရွယ်ချက် နှစ်ခု ရှိနိုင်ပါတယ်။ တခုကတော့ သူတို့ စစ်တပ်ချင်း ဆက်ဆံတာပေါ့နော်။ အခုကလည်း တရုတ်ကလည်း အာဆီယံနိုင်ငံများက စစ်တပ်များနဲ့ ပူးပေါင်း လှုပ်ရှားနိုင်ဖို့ သေနင်္ဂဗျူဟာ ချထားတာရှိတယ်။ မြန်မာစစ်တပ်က အဆင့်အသီးသီးက စစ်ဗိုလ်တွေ ဒီက တရုတ်စစ်တက္ကသိုလ်တွေမှာ အဆင့်အသီးသီးမှာ လာတက်နေ တာတွေ အများကြီးရှိတယ်။ အဲ့ဒီ့ကိစ္စတွေ ပါနိုင်တယ်။ နောက် ဒုတိယ အချက်ကတော့ အခုတလောပြသနာတွေ တက်နေတဲ့ နယ်စပ် တလျောက်ပြသနာတွေကို တစုံတရာ ကူညီဖြေရှင်းပေးဖို့ သို့မဟုတ် ဖြန်ဖြေပေးဖို့ အဲ့ဒီ့ကိစ္စတွေကို ဆွေးနွေးဖို့လည်း ပါကောင်းပါနိုင်တယ်။"

တရုတ်နယ်စပ်တလျှောက်မှာ မြန်မာ့တပ်မတော်နဲ့ UWSA ‘၀’ တပ်တွေကြား တကျော့ပြန် တိုက်ပွဲတွေပြန်ဖြစ်လာရင် မြန်မာအစိုးရက ကြိုးစားနေတဲ့ ငြိမ်းချမ်းရေးဖြစ်စဉ် ပျက်စီးသွားနိူင်တာကြောင့် ဗိုလ်ချုပ်မှူးကြီး မင်းအောင်လှိုင်ရဲ့ တရုတ်ခရီးစဉ် အတွက် ကြိုဆိုကြောင်း ရှမ်းပြည်စစ်ရေး အခြေအနေ ကို စောင့်ကြည့်နေတဲ့ ထိုင်းနိုင်ငံ ချင်းမိုင်အခြေစိုက် ဦးခွန်ဆိုင်းက ပြောပါတယ်။

"တရုတ်က တပ်မတော်ကိုရော ဝဘက်ကိုရော အင်မတန်မှ ဖျက်ဆီးမှု အားကောင်းတဲ့ လက်နတ်တွေလည်း ပေးထားတဲ့အခါကျတော့ သူတို့အချင်းချင်း တိုက်ပွဲဖြစ်မယ်ဆိုလို့ရှိရင် အများကြီး သေကြေဆုံးရှုံးမှာကတော့ သေချာပါတယ်။ ဝဘက်ကလည်း မြန်မာ့တပ်မတော်နဲ့ တိုက်နေတာကလည်း ကြာလှပြီ။ ဒီတိုက်ပွဲတွေ စစ်ပွဲတွေကလည်း ပိုပြီးတော့မှ ကျယ်ပြန့်လာနိုင်တယ်။ အထူးသဖြင့် ရှမ်းပြည်မြောက်ပိုင်း စစ်ပွဲက ပိုပြီးတော့မှ ကျယ်ပြန့်သွားနိုင်တယ်။ အဲ့လိုဆိုရင် ကျနော်တို့ ငါးနှစ်ကြာ လုပ်လာခဲ့တဲ့ ငြိမ်းချမ်းရေးဖြစ်စဉ်ကလည်း အများကြီးထိခိုက်နိုင်တယ်။ ဒါကြောင့်မို့လို့ တပ်ချုပ်ကြီးသွားတာ ကောင်းပါတယ်။"

မြန်မာနိူင်ငံရဲ့ ပြည်တွင်းစစ်နဲ့ တိုင်းရင်းသား လက်နက်ကိုင်ပြဿနာကို နိုင်ငံရေးနည်း နဲ့ ဖြေရှင်းမှသာ ဒေသတွင်းအတွက်ပါ တည်ငြိမ်မှုရနိုင် တယ်ဆိုတာကို တရုတ်နိုင်ငံက ခံယူထားတဲ့ အတွက် တရုတ်မြန်မာနယ်စပ်မှာ စစ်ရေး တင်းမာမှုတွေလျော့ပြီး တည်ငြိမ်မှုရဖို့ကို တရုတ်တို့က လိုလားကြောင်း ဒေါက်တာ လှကျော်ဇောက သုံးသပ်ပါတယ်။

"တရုတ်အနေနဲ့ အစကတည်းက ပြောထားပြီးသားဖြစ်တယ်။ ဗမာပြည်ရဲ့ပြည်တွင်းစစ်ဟာ အနှစ်ခြောက်ဆယ်တိုင်နေပြီ။ ဒါကို နိုင်ငံရေးနည်းနဲ့ မဖြေရှင်းရင် တည်ငြိမ်မှုမရနိုင်ဘူး။ တည်ငြိမ်မှု မရပဲနဲ့ မြန်မာနိုင်ငံဟာ ကျဆုံးနိုင်ငံဖြစ်မယ်။ သူ ကျဆုံးနိုင်ငံဖြစ်ရင် ဘေးပတ်ဝန်းကျင်နိုင်ငံတွေပါ ဆွဲခေါ်သွားနိုင်တယ်လို့ ပြောထားပြီးပြီ။ အဲ့တာကြောင့်မို့လို့ ဒီကိစ္စမှာ တရုတ်က သူ့နည်း သူဟန်နဲ့ ဝင်ပါနိုင်တယ်ဆိုတာ ကျမယုံကြည်တယ်။"

အမေရိကန်ပြည်ထောင်စုအနေနဲ့ စစ်ခေါင်းဆောင်ဟောင်းတွေအပါအဝင် တပ်မတော်ခေါင်းဆောင်ပိုင်းတချို့ကို ပိတ်ဆို့ဒဏ်ခတ်မှု တချို့ကို ပြန်ရုပ်သိမ်းပေးခဲ့ပြီးနောက်ပိုင်း မြန်မာနဲ့ တရုတ်နိုင်ငံကြား ဆက်ဆံရေးကျဲသွားမှာကို တရုတ်နိုင်ငံဖက်က စိုးရိမ်တဲ့အလျှောက် ဆက်ဆံရေး ကောင်းတွေ ဆက်ရှိချင်တာကြောင့် တရုတ်မြန်မာ စစ်တပ်ချင်းဆက်ဆံရေးကို ထိန်းသိမ်းထားလိုတဲ့သဘောရှိတယ်လို့ ဦးခွန်ဆိုင်းက သုံးသပ်ပါတယ်။

တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ရဲ့ တရုတ်ခရီးစဉ်အတွင်း သူနဲ့အတူ တပ်မတော် (ကြည်း၊ရေ၊လေ) ညှိနှိုင်း ကွပ်ကဲရေးမှူး ဗိုလ်ချုပ်ကြီးမြထွန်းဦးနဲ့ အခြားအဆင့်မြင့် တပ်မတော်အရာရှိကြီးတွေလဲ လိုက်ပါသွားပြီး ဒီခရီစဉ်မှာ တရုတ်နိုင်ငံအကြီးအကဲ တွေ၊ စစ်ဘက်ဆိုင်ရာ အကြီးအကဲတွေ နဲ့ တွေ့ဆုံဆွေးနွေးမယ်လို့ ကာကွယ်ရေးဦးစီးချုပ်ရုံးက သတင်းထုတ်ပြန်ထားပါတယ်။
VOA Burmese News

ဒီကနေ့မနက်ပိုင်းက လူမှုကွန်ရက်စာမျက်နှာတွေပေါ်မှာပျံ့နှံ့ခဲ့တဲ့ ရဲဆိုင်ကယ်တစ်စီး ၊ တုတ်တစ်ချောင်းနဲ့ ရမ်းကားခဲ့တဲ့ ရဲတပ်သားကို အရေးယူလိုက်ပြီလို့သိရပါတယ်။

ဒီလိုရမ်းကားခဲ့တဲ့သူကတော့ လှိုင်မြို့နယ် ပိတောက်ချောင်းရဲစခန်းမှာတာဝန်ထမ်းဆောင်နေတဲ့ ရဲတပ်သားချစ်ကိုကို ဆိုသူဖြစ်တယ်လို့ ပိတောက်ချောင်းရဲစခန်းက တာဝန်ကျရဲအရာရှိကပြောပါတယ်။

"အရေးယူလိုက်ပါပြီ။ လောလောဆယ်ပုဒ်မတွေတော့ကျွန်တော်မပြောနိုင်သေးဘူး။ မသိသေးလို့ပါ။ အရေးယူလိုက်တာတော့မှန်ပါတယ်။ " လို့ အဲ့ဒီရဲအရာရှိကဆိုပါတယ်။

အရေးယူခံလိုက်ရပြီဖြစ်တဲ့ ရဲတပ်သားချစ်ကိုကိုဟာ လှိုင်မြို့နယ်
ပိတောက်ချောင်း ရဲစခန်းရှေ့လမ်းပေါ်မှာ သူစီးနင်းလာတဲ့ Police စတေကာ ကပ်ထားတဲ့ ဆိုင်ကယ်ကိုလမ်းပေါ်မှာရပ်ပြီး နောက်ကကားတစ်စီးကို
တုတ်နဲ့ချိန်ရွယ်ကြိမ်းမောင်းခဲ့တာဖြစ်ပါတယ်။

YL

============

Popular News Journal

ထိုင်း-မြန်မာနယ်စပ်ရှိ ဒုက္ခသည်စခန်းများ မှ မြန်မာနိုင်ငံသား များ အား ကြိုဆိုလက်ခံခြင်း အခမ်းအနား မြဝတီမြို့ ပြန်လည်ကြိုဆို လက်ခံရေးစခန်း (MOI)
ထိုင်း-မြန်မာနယ်စပ်ရှိ ဒုက္ခသည်စခန်းများ မှ မြန်မာနိုင်ငံသား များ အား ကြိုဆိုလက်ခံခြင်း အခမ်းအနား မြဝတီမြို့ ပြန်လည်ကြိုဆို လက်ခံရေးစခန်း (MOI)

ထိုင်းနိုင်ငံရှိ မြန်မာဒုက္ခသည်စခန်းမှာ နေထိုင်နေတဲ့ မိမိဆန္ဒနဲ့ပြန်ချင်တဲ့ဒုက္ခသည် ၆၅ဦးကို ပထမဦ်းဆုံး အနေနဲ့ တရားဝင်နေရပ်ရင်း ကို ပြန်လည်ပို့ဆောင်တဲ့ အစီအစဉ်ကို အောက်တိုဘာလ၂၅ရက်နေ့က ထိုင်း မြန်မာနယ်စပ်မှာ အခမ်းအနား လုပ်ပြီး ပို့ဆောင်ခဲ့ပါတယ် ဒီထဲက ရန်ကုန်မြို့ကိုပို့ဆောင်ခံရတဲ့ ဒုက္ခသည် ၁၇ဦးကတော့ လူမူဝန်ထမ်း ကယ်ဆယ်ရေးနဲ့နေရာပြန်လည်ချထားရေး ၀န်ကြီးဌာန ကနေ စီစဉ်ပေးထားတဲ့ ဂိုဒေါင်တခုမှာနေထိုင်ရတဲ့အတွက် စားသောက်ရေး နဲ့ နေထိုင်ရေးကိစ္စတွေမှာ အဆင်ပြေမှုမရှိဘူးလို့ ဆိုပါတယ်။ ထိုင်းအခြေစိုက် ဗွီအိုအေသတင်းထောက် မအေးမာက သတင်းပေးပို့ထားပါတယ်။

ထိုင်းနိုင်ငံအခြေစိုက် UNHCR နဲ့ မြန်မာနိုင်ငံဘက်က အစိုးရတာဝန်ရှိသူတွေနဲ့ အတူမြန်မာနိုင်ငံက UNHCR တို့ ပူပေါင်းဆောင်၇ွက်ပြီး ထိုင်းမြန်မာနယ်စပ် နို့ဖိုးဒုက္ခသည်စခန်းက ဒုက္ခသည် ၆၅ဦးကို နေရပ်ရင်းပြန်ပို့ခဲ့ပါတယ်။

အဲဒီ့ဒုက္ခသည် ၆၅ဦးကို ရခိုင်ပြည်နယ်၊ မွန်ပြည်နယ် ပဲခူးတိုင်းနဲ့ ကရင်ပြည်နယ် ရန်ကုန်တိုင်းအတွင်းကို ပို့ဆောင်ခဲ့တာပါ။ ဒီထဲက နိုင်ငံရေး အကျဉ်းသားဟောင်းတွေ ပါဝင်တဲ့ ဒုက္ခသည် ၁၇ဦး ကိုတော့ ရန်ကုန်မြို့ကို ပို့ဆောင်ပေးခဲ့ပါတယ်။ ဒါပေမဲ့ ဒုက္ခသည်တွေ အတွက် နေထိုင်ရေးနဲ့ ပြန်လည်နေရာချ ထားရေး ကိစ္စတွေက ရေရေရာရာ မရှိသေးဘူး ဆိုပြီး နိုဖိုးဒုက္ခသည်စခန်းမှာ ၈နှစ်ကျော်နေထိုင်ခဲ့ရတဲ့ ဒေါ်ခင်စန်းရီကပြောပါတယ်။

" အခု ကျမတို့ မနက်ငါးနာရီလောက်ကို လူကယ်ပြန်စခန်းက ဂိုဒေါင်ကြီး တခုထဲမှာပေါ့နော်။ ကားနှစ်စီး ဖင်ထိုးပြီး အထုတ်အပိုးတွေ ချခိုင်းတယ်။ အဲ့ဒီ့ကတည်းက ချပစ်ခဲ့ပြီးကတည်းက နောက်ကြောင်းကို ပြန်မကြည့်တော့ဘူး။ ကျမတို့ မနက်မိုးမလင်းကတည်းက ကလေးတွေ စားဖို့သောက်ဖို့ မုန့်ပဲသားရေစာလည်း မရှိဘူး။ ထွက်ဝယ်ဖို့ကလည်း ထွက်ဝယ်ခွင့်က မပြုဘူး။ နောက် ရေသောက်ဖို့လည်း ရေမရှိတော့ ကိုယ့်ဘာသာနဲ့ကိုယ်ရေဗူးတလုံး ငါးရာနဲ့လှမ်းမှာပြီး သူများထမ်းလာပို့တဲ့ဟာကို သောက်ရတယ်။ ထမင်းကျတော့လည်း ကျမတို့ စောင့်နေရတယ်။ ၁၁နာရီခွဲ၊ ၁၂နာရီ တစ်ချက်တီးနားရောက်တော့မှ ထမင်းထုပ်တွေ လာပို့တယ်။ ဘယ်လိုခေါ်မလဲ တာဝန်ရှိသူတွေ တယောက်မှ မလာပဲနဲ့ ကျမတို့ ဒီအတိုင်းကြီး နေနေရတယ်။ ကျမတို့အနာဂတ်က ဘယ်လိုလဲ မရေရာဘူး။ ဘာကို ဘယ်လိုပုံဖော်ရမှန်းကို မသိဘူးဖြစ်နေတယ်။ ကျမတို့ နေစရာ အိမ်လည်း မရှိဘူး။

ရန်ကုန်ကပဲ ထွက်ပြေးရတယ်။ ရန်ကုန်ကိုပဲ ပြန်လာတယ်။ အဲ့တာကို ကျမတို့ကိုပုံစံချထားတာ ကျမတို့ တော်တော်စိတ်မကောင်းဖြစ်တယ်။ ဝမ်းလည်းနည်းတယ်။ ရှက်လည်းရှက်တယ် ကျမ။ "

အထူးသဖြင့် ဒုက္ခသည်တွေနေရပ်ရင်းပြန်နိုင်ရေး ကိစ္စတွေမှာ ဒုက္ခသည်ကော်မတီ ဘက်ကပြောတာကတော့ ဒုက္ခသည်တွေဟာ လူဂုဏ်သိက္ခာရှိစွာ နဲ့ ပြန်ချင်ကြတယ်လို့ ဆိုပါတယ်။

ဒုက္ခသည်တွေနေရပ်ရင်းကို ပြန်နိုင်ရေးအတွက်တိကျကောင်းမွန်တဲ့အစီစဉ်တွေ အာမခံချက်ရှိတဲ့ အလုပ်အကိုင်အခွင့်အလမ်းတွေ ဖန်တီးပေးနိုင်ရေးအပါအ၀င် လုံခြုံရေးနဲ့နေထိုင်ရေးကိစ္စတွေ အားလုံးကို အစီစဉ်တကျရေးဆွဲဖို့အတွက် ဒုက္ခသည်တွေဘက်က တောင်းဆိုခဲ့ကြပြီး အများစု ကတော့ ဒီလိုအခြေအနေတွေ မဖြစ်လာသေးတဲ့အတွက် နေရပ်ကိုပြန်ဖို့အတွက် တွန့်ဆုတ်နေကြဆဲဖြစ်ပါတယ်။ ပထမဦးဆုံး အသုတ်အနေနဲ့ နေရပ်ရင်းပြန်ဖို့အတွက် စာရင်းပေးထားသူ ၉၀ကျော် ရှိပေမဲ့ တကယ်ပြန်တဲ့အခါမှာတော့ ၆၅ဦးပဲပြန်ကြတာပါ။

အထူးသဖြင့် ဆယ်စုနှစ် ၃ခုလောက်ထိ နှစ်ရှည်နေထိုင်ကြရတဲ့ ဒုက္ခသည်တွေ အနေနဲ့ အိုးအိမ်တွေ စွန့်ခွါခဲ့ရတာကြောင့် နေထိုင်စရာကို စီစဉ်ပေးဖို့အတွက် လိုလားနေကြပါတယ်။

" တနေ့ကို စားစားရိတ်အဖြစ် တယောက်ကို သုံးထောင်နှုန်းပေးမယ်ဆိုတာလည်း အဲ့တာလည်း ဘာမှ မကြားရဘူး။ ကျမတို့ ဒုက္ခသည်တွေက ပြန်လာတဲ့သူတွေကို ဘယ်လိုလဲ အလေးမထားတာလား။ ဂရုပဲမစိုက်တာလား ဒီအတိုင်းပဲ ပါလာတဲ့ ဗူးတွေ ခွက်တွေ ပလုံးတွေရှိတဲ့ အထုပ်တွေထဲက စောင်တွေဆွဲထုတ်ပြီးတော့ အိပ်နေကြတာ အခု။ သူတို့ဆီက ဘာမှ ထုတ်ပေးတာမရှိဘူး။ သူတို့ပြောတာက ရှိနေတဲ့ အမျိုးတွေ ရှိရင် ရှိတဲ့အိမ်ကို လိုက်ပို့ပေးမယ့်ပုံဖြစ်နေတယ်။ အမျိုးတွေမှာလည်း သူ့အိမ်နဲ့ သူ့မိသားစု သူ့အသိုင်းဝိုင်းနဲ့လေ။ ကိုယ်ကပြန်သွားတဲ့ မိသားစုအသိုင်းအဝိုင်းနဲ့ ဘယ်လိုလုပ် တအိမ်တည်းမှာ နှစ်စုံ၊ သုံးစုံ နေလို့ရမလဲ။ ရန်ကုန်အနေအထားကလည်း သိတဲ့အတိုင်းပဲ ဘယ်လိုအိမ်က ကျယ်ကျယ်ရှိမလဲ။"

ထိုင်းမြန်မာနယ်စပ်မှာ ဒုက္ခသည်စခန်း ၉ခုရှိပြီး ဒုက္ခသည်တသိန်းခွဲကျော် ခိုလှုံနေထိုင်နေကြပါတယ်။ အခုလိုပဲဒုက္ခသည်တွေအနေနဲ့ နေရပ်ရင်းကို မိမိဆန္ဒအလျောက်ပြန်နိုင်ဖို့အတွက် UNHCRကတော့ ဒုက္ခသည်စခန်းတိုင်းမှာ ဌာနေပြန်သွားနိုင်ရေး အကျိုးဆောင်ဌာနတွေကို ဖွင့်လှစ်ထားမှာဖြစ်ပြီ ဒုက္ခသည်တွေဘက်က စာရင်းပေးသွင်းနိုင်တယ်လို့ဆိုပါတယ်။ ဒါပေမဲလည်း ဒုက္ခသည် အများစုကတော့ သူတို့ဘ၀အတွက် ခိုင်လုံတဲ့အာမခံချက်ရှိတဲ့ အစီစဉ်တွေ မရှိပဲနဲ့ နေရပ်ရင်းပြန်နိုင်ဖို့က အခက်အခဲရှိနေတယ်လို့လည်း ဒုက္ခသည်တွေဘက်ကပြောဆိုခဲ့ပါတယ်။
VOA Burmese News


ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စယန်ဟီးလီ ရဲ့ သတင်းစာရှင်းလင်းပွဲ ။
ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စယန်ဟီးလီ ရဲ့ သတင်းစာရှင်းလင်းပွဲ ။
ရခိုင်ပြည်နယ်က အခြေအနေမှန်တွေသိနိုင်အောင် နိုင်ငံတကာအဖွဲ့တွေကို ၀င်ရောက်ခွင့်ပြုဖို့နဲ့ သမာသမတ်ကျတဲ့ စုံစမ်းစစ်ဆေးမှုတွေ ပြုလုပ်ဖို့ ကို မြန်မာနိုင်ငံ ဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် တောင်းဆို ထားတဲ့အတိုင်း ဆောင်ရွက်နေကြောင်း နိုင်ငံတော်သမ္မတရုံးပြောခွင့်ရသူက ပြောပါတယ်။ လုံခြုံရေးအတွက် ဆောင်ရွက်မှုတွေမှာလည်း ဥပဒေနဲ့ အညီဖြစ်အောင် ဆောင်ရွက်နေတယ်လို့ ပြောပါတယ်။ ဒီသတင်းကိုတော့ ဗွီအိုအေမြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။

ရခိုင်ပြည်နယ်တွင်း အောက်တိုဘာလ ၉ရက်နေ့ဖြစ်ပွားတဲ့ အကြမ်းဖက် တိုက်ခိုက်မှု နဲ့ ပတ်သက်ပြီး တပ်မတော်နဲ့ ရဲတပ်ဖွဲ့က နယ်မြေရှင်းလင်းရာမှာ လူ့အခွင့်အရေး ချိုးဖောက်မှု ရှိနေတယ်ဆိုတဲ့ သတင်းတွေ ထွက်ပေါ်လာတဲ့ အပေါ်မှာ မြန်မာနိုင်ငံ ဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စယန်ဟီးလီ က တောင်းဆိုခဲ့တာဖြစ်ပါတယ်။

ဒီတောင်းဆိုချက်နဲ့ပတ်သက်ပြီး နိုင်ငံတော်သမ္မတရုံးပြောရေးဆိုခွင့်ရှိသူ ဦးဇော်ဌေးက အခုလို ပြောဆိုပါတယ်။

" အဲ့တာ နိုင်ငံခြားရေးဝန်ကြီးဌာနက လုပ်နေတယ်။ နိုင်ငံခြားရေးက လုပ်နေတယ်။ ဒါပေမဲ့ ကျနော်တို့ သိသလောက်ကတော့ ဒီအပေါ်မှာ ဒီဒေသကို နိုင်ငံတကာ အဖွဲ့အစည်းတွေ သွားရောက်ခွင့်ကို ဒီမှာရှိနေတဲ့ သံရုံးတွေရှိတယ်။ နိုင်ငံတကာ အဖွဲ့အစည်းတွေရဲ့ ဌာနကိုယ်စားလှယ်တွေရှိတယ်။ ဒါတွေအပေါ်မှာ ကျနော်တို့ စဉ်းစားနေတုန်းပဲ။ နောက် ဟိုလိုမျိုး နိုင်ငံတကာအဖွဲ့အစည်းတွေရဲ့ humanitarian access ဆိုတာ ကျနော်တို့ သွားခွင့်ပေးထားပြီးသား။ အစောပိုင်းက ဒေသ အခြေအနေ မတည်ငြိမ် ထိန်းသိမ်းနေဆဲအခြေအနေပေါ့။ မတည်ငြိမ်သေးတဲ့ အချိန်မှာတော့ ခဏ ကန့်သတ်ထားတယ်။ ဒါပေမဲ့ ပြီးခဲ့တဲ့ နှစ်ရက်၊ သုံးရက်က စပြီး WFP ( World Food Programme )လိုမျိုး တကယ့် humanitarian သွားတဲ့ အဖွဲ့အစည်းတွေကို ကျနော်တို့ သွားခွင့်ပေးထားပြီးသားပါ။"

မြန်မာနိုင်ငံဆိုင်ရာ ကုလသမဂ္ဂ လူ့အခွင့်အရေး အထူးကိုယ်စားလှယ်က နယူးယောက်မြို့ မှာကျင်းပနေတဲ့ ကုလသမဂ္ဂ အထွေထွေညီလာခံမှာ လက်နက်ကိုင် ပဋိပက္ခဖြစ်ပွားရာဒေသတွေမှာ လူ့အခွင့်အရေးချိုးဖောက်တာတွေ ဆက်လက်ဖြစ်ပေါ်နေကြောင်း အစီရင်ခံတင်ပြခဲ့သလို သတင်းစာ ရှင်းလင်းပွဲ မှာလည်း ရခိုင်ပြည်နယ် ဘူးသီးတောင်၊ မောင်တောဒေသ ဘက်မှာ မူဆလင် အရပ်သားတွေအပေါ် ဥပဒေမဲ့ သတ်ဖြတ်မှု၊ အမျိုးသမီးတွေအပေါ် အဓမ္မပြုကျင့်မှု၊ ဖမ်းဆီးမှုတွေ ကြားနေရကြောင်း ပြောဆိုထားပါတယ်။

တချိန်တည်းမှာပဲ ဒီရက်ပိုင်းတွေမှာ ပြည်တွင်း ပြည်ပ သတင်းမီဒီယာ တချို့မှာ မောင်တောဒေသအတွင်း လုံခြုံရေးတပ်ဖွဲ့တွေက နယ်မြေရှင်းလင်းစဉ်မှာ မူဆလင်အမျိုးသမီးတွေကို အဓမ္မပြုကျင့်ကြောင်း သတင်းတွေ ဖော်ပြခဲ့ပါတယ်။

သမ္မတရုံးပြောခွင့်ရသူ ဦးဇော်ဌေး ကတော့ လုံခြုံရေးအာဏာပိုင်တွေအနေနဲ့ လူ့အခွင့်အရေး ချိုးဖောက်တဲ့ လုပ်ရပ်မျိုးတွေ မဖြစ်စေဖို့ ညွန်ကြား ထားပြီးဖြစ် တယ်လို့ ပြောပါတယ်။

" အဲ့အပေါ်မှာတော့ ဒီကိစ္စတွေကို ကိုင်တွယ်တဲ့အခါ ခုနကပြောသလို လူ့အခွင့်အရေးဆိုင်ရာ ကိစ္စတွေနဲ့ပတ်သက်ပြီး ဖိအားပေးမှုတွေ၊ စွပ်စွဲဝေဖန်မှုတွေ လုပ်လာမယ်ဆိုတာကို ဒီအစိုးရက ကြိုသိတယ်။ ကြိုသိတော့ သတိကြီးကြီးထားပြီး လုပ် ဥပဒေနဲ့အညီ လုပ်၊ နောက်ပြီးတော့ လူ့အခွင့်အရေးချိုးဖောက်မှုတွေ မလုပ်ဖို့ ဒါမျိုးတွေ အကုန်လုံး ညွှန်ကြားထားပြီးသားဖြစ်တယ်။ တပ်မတော်နဲ့ ရဲတပ်ဖွဲ့ကလည်း လူ့အခွင့်အရေး ချိုးဖောက်မှုတွေ မဖြစ်အောင် ထိန်းထိန်းသိမ်းသိမ်း ဆောင်ရွက်နေ တာဖြစ်တယ်။"

လောလောဆည်မှာ ရခိုင်ပြည်နယ် ဝန်ကြီးချုပ်နဲ့ ပြည်နယ်အစိုးရအဖွဲ့ဟာ ပဋိပက္ခဖြစ်ပွားရာ ဘူးသီးတောင်၊ မောင်တော ဒေသဘက်ကို ရောက်ရှိနေပြီး လူ့အခွင့်အရေး ချိုးဖောက်မှုနဲ့ပတ်သက်လို့ မူဆလင်ကျေးရွာတွေက တိုင်ကြားတာ မရှိကြောင်း ရခိုင်ပြည်နယ်အစိုးရရဲ့ ပြောရေးဆိုခွင့်ရှိသူ စည်ပင်သာယာရေးဝန်ကြီး ဦးမင်းအောင်က ပြောပါတယ်။

" မနေ့က နယ်စပ်မြို့ဖြစ်တဲ့ တောင်ပြိုလက်ဝဲရောက်တယ်။ ဒီနေ့ကတော့ ငါးခူရ အဲ့တာလည်း နယ်စပ်မြို့ပဲ။ ကျီးကန်းပြင်ရောက်တယ်။ အဲ့တာ နယ်စပ်မြို့ ရွာတွေပေါ့နော်။ လူ့အခွင့်အရေး ချိုးဖောက်ခံရတယ်ဆိုရင် သူတို့အထောက်အထားနဲ့ အပြည့်အစုံ တင်ပြမှာပေါ့။ လူတိုင်းမှာ ဓာတ်ပုံရိုက်နိုင်တဲ့ဖုန်းတွေရှိနေတာပဲ။ တကယ်ရှိခဲ့တယ်ဆိုရင်တော့ အများကြီး တိုင်ကြမှာပေါ့နော်။ ကျနော်တို့က အဲ့ဒီ့အထောက်အထားနဲ့ ကျနော်တို့က ဖြေရှင်းပေးရုံပဲ ရှိမှာပေါ့။ သူတို့ပြောတဲ့ အထောက်အထားတွေ မသိပဲနဲ့ ကျနော်တို့က ဘယ်လိုမှ ဆုံးဖြတ်ပြီး ပြောလို့မရဘူးလေ။"

ပြည်နယ်အစိုးရအဖွဲ့ကတော့ အကြမ်းဖက်သမားတွေကို ဖော်ထုတ်ရာမှာ ပူးပေါင်းဆောင်ရွက်ဖို့အတွက် ဆွေးနွေးတာတွေ ရှိကြောင်း ပြောဆိုပါတယ်။

ဒီလတွင်း ဖြစ်ပွားတဲ့ ရခိုင်ပြည်နယ်တွင်း ပဋိပက္ခကြောင့် ရဲတပ်ဖွဲ့ဝင်၉ဦး၊ တပ်မတော်သား ၅ဦး ကျဆုံးခဲ့သလို အကြမ်းဖက်အဖွဲ့ဘက်က လူ ၂၈ယောက်သေဆုံးပြီး ၂၉ဦး ဖမ်းဆီးထားပါတယ်။ ဖမ်းဆီးထားသူတွေကို ICRC ခေါ် အပြည်ပြည်ဆိုင်ရာကြက်ခြေနီအဖွဲ့အပါအ၀င် နိုင်ငံတကာအဖွဲ့အစည်းတွေအနေနဲ့ အချိန်မရွေး ၀င်ရောက်စစ်ဆေးနိုင်ကြောင်း ပြည်ထဲရေးဝန်ကြီးဌာနက သတင်းထုတ်ပြန်ထားပါတယ်။
VOA Burmese News


UPDJC အစည်းအဝေးကို နေပြည်တော် သင်္ဂဟဟိုတယ်မှာ အောက်တိုဘာလ ၂၈ ရက်နေ့ကကျင်းပစဉ်
UPDJC အစည်းအဝေးကို နေပြည်တော် သင်္ဂဟဟိုတယ်မှာ အောက်တိုဘာလ ၂၈ ရက်နေ့ကကျင်းပစဉ်
Photo: Win Naung Toe/RFA
တစ်နိုင်ငံလုံး အပစ်ခတ်ရပ်စဲရေး သဘောတူစာချုပ် NCA မှာ လက်မှတ်ရေးထိုးဖို့ ကျန်နေတဲ့ တိုင်းရင်းသား လက်နက်ကိုင်အဖွဲ့တွေအနေနဲ့ အချိန်မဆွဲကြဖို့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် က ပြောလိုက်ပါတယ်။

ဒီနေ့ နေပြည်တော် သင်္ဂဟဟိုတယ်မှာ ကျင်းပတဲ့ ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ အစည်းအဝေးမှာ UPDJC ဥက္ကဌ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ပြောလိုက်တာဖြစ် ပါတယ်။

ပြည်ထောင်စု ငြိမ်းချမ်းရေးညီလာခံ ဒုတိယပင်လုံကို လာမယ့် ဖေဖော်ဝါရီလထဲမှာ ကျင်းပသွားမှာဖြစ်ကြောင်း လည်း ဒေါ်အောင်ဆန်းစုကြည်က ပြောပါတယ်။

လက်မှတ်မထိုးထားတဲ့ တိုင်းရင်းသား လက်နက်ကိုင် အဖွဲ့အစည်းတွေအနေနဲ့ ငြိမ်းချမ်းရေးဆွေးနွေးပွဲတွေမှာ ပါဝင်ဖို့ အားလုံးက ၀ိုင်းဝန်းလုပ်ဆောင်ကြဖို့နဲ့ အဲဒီလက်နက်ကိုင်အဖွဲ့တွေကလည်း လက်မှတ်ရေးထိုးဖို့ စိတ်အားထက်သန်ဖို့ လိုအပ်ကြောင်း ဒေါ်အောင်ဆန်းစုကြည်က တိုက်တွန်းခဲ့ပါတယ်။

အမျိုးသားအဆင့် ဆွေးနွေးပွဲတွေကို တစ်နိုင်ငံလုံးအတိုင်းအတာနဲ့ လုပ်နိုင်ဖို့ အခက်အခဲရှိတာကြောင့် ကနဦး စမ်းသပ်တဲ့အနေနဲ့ တချို့ဒေသတွေမှာ နိုဝင်ဘာလထဲမှာ လုပ်ဆောင်ကြဖို့လိုကြောင်းလည်း ဒေါ်အောင်ဆန်း စုကြည်က ပြောပါတယ်။

ပြည်ထောင်စု ငြိမ်းချမ်းရေးဆွေးနွေးမှု ပူးတွဲကော်မတီ UPDJC အစည်းအဝေးကို မနက်ဖြန် ဆက်လက်ကျင်းပ မှာဖြစ်ပါတယ်။
RFA


“အတိတ်ဆိုတာ ကိုယ့်ကို ချည်နှောင်ထားဖို့ မဟုတ်ဘဲ သင်ခန်းစာ ယူပြီးတော့ ထပ်သွားနိုင်ဖို့ပါ။ ဒါကြောင့် တချိန်တုန်းက ကိုယ့်အတွက် လုပ်ခဲ့တဲ့သူတွေ အခု အများအတွက် မလုပ်နိုင်ဘူးလား။ အများအတွက် လုပ်နိုင်တဲ့ အရည်အချင်းတွေ မရှိတော့ ဘူးလား။ ကိုယ့်အစုအဖွဲ့၊ ကိုယ့်မိသားစု အတွက်ပဲ လုပ်ခဲ့တဲ့ သူများဟာ အမြင်ကျယ်လာပြီး တော့ တတိုင်းပြည်လုံး အတွက် လုပ်ပေးချင်တဲ့စိတ်မျိုး မမွေးနိုင်ဘူးလား ”

ပြီးခဲ့တဲ့ အာက်တိုဘာလ ၂၂ ရက်နေ့၊ နေပြည်တော်မှာ ကျင်းပခဲ့တဲ့ စီးပွားရေး လုပ်ငန်းရှင်များနဲ့ တွေ့ဆုံပွဲမှာ ဒေါ်အောင်ဆန်းစုကြည် ပြောကြားခဲ့တဲ့ မိန့်ခွန်းထဲက ကောက်နုတ်ချက်တချို့ ဖြစ်ပါတယ်။ ဒီမိန့်ခွန်းက မြန်မာပြည်ရဲ့ အနာဂတ် နိုင်ငံရေး၊ စီးပွားရေးနဲ့ လူမှုရေး ကိစ္စတွေ အတွက် ထူးခြားတဲ့ အကျိုးဆက်တွေကို ဖန်တီးပေးမှာ ပေးနိုင်မှာပါလား။ စီးပွားရေး နယ်ပယ်မှာ အကျိုးသက်ရောက်မှုတွေကို ဘယ်လောက်အထိ ဖန်တီးပေးနိုင်ပါလဲ။

အမြင်အမျိုးမျိုး

ဒေါ်အောင်ဆန်းစုကြည်ရဲ့ မိန့်ခွန်းကို နားထောင်လိုက်တဲ့ အခါ မူဝါဒက တခြမ်းပဲ ဖြစ်နေပြီး ယခင်နစ်နာခဲ့တဲ့ သူတွေ၊ အင်အားသေးတဲ့ သူတွေအတွက် စဉ်းစားချက် မပါဘူးဖြစ်နေတယ် လို့ ISP (Institute for Strategy and policy) ရဲ့ Training Director ဖြစ်တဲ့ ဦးအောင်သူငြိမ်းက သုံးသပ်ပါတယ်။

“ပြီးခဲ့တဲ့ကာလတွေမှာ နစ်နာခဲ့တဲ့ ပြည်သူတွေ အများအပြား ရှိပါတယ်။ အခုအချိန်မှာ အမျိုးသား ရင်ကြားစေ့ရေး လို့ ပြောတဲ့ အတွက် ခရိုနီတွေကို ဖိတ်ခေါ်တဲ့ အပိုင်းကိုတော့ မကန့်ကွက်ချင် ပါဘူး။ ဒါပေမယ့် နစ်နာခဲ့ရတဲ့ သူတွေ အတွက် လူမှုရေး တရားမျှတမှု (Social Justice) ရှိရဲ့လား ဆိုတာလည်း ပြန်ပြီးစဉ်းစား စေချင်ပါတယ်” လို့ ဦးအောင်သူငြိမ်းက ပြောပါတယ်။

တချို့ကတော့ ဒေါ်အောင်ဆန်းစုကြည်ဟာ ခရိုနီတွေအကြောင်းကို မသိတာ မဟုတ်နိုင်ပေမယ့် ဘတ်ဂျက်သုည (Zero Budgets) နဲ့ စခဲ့ရတဲ့ အစိုးရ တရပ်အနေနဲ့ စီးပွားရေး ဖွံ့ဖြိုးတိုးတက်ဖို့ အတွက် ဓနအင်အားကြီးမား သူတွေရဲ့ အကူအညီကို ရယူဖို့ ကြိုးစားတာဖြစ်တယ် လို့ သုံးသပ်ပါတယ်။ ခရိုနီဆိုတဲ့ အမည်နာမ အတပ်ခံရသူတွေဟာ မြန်မာနိုင်ငံရဲ့ ဓနဥစ္စာတွေကို ထက်ဝက်ကျော် ပိုင်ဆိုင်ထားသူများလို့ ဆိုကြပါတယ်။

“သူ့ရဲ့ မိန့်ခွန်းက စိတ်ဓာတ်ကိုပဲ အလေးပေးပြီး ပြောသွားတာ။ တကယ်တန်းကျတော့ သီအိုရီအရ ကြည့်ရင် စီးပွားရေးသမား ဆိုတာ စိတ်ကောင်း စေတနာကောင်း ဆိုတာကို သိပ်ယုံကြည်တာတော့ မဟုတ်ဘူး။ ဒါပေမယ့် ခေါင်းဆောင်တွေရဲ့ သဘောသဘာဝ ကတော့ စိတ်ဓာတ်ရေးရာ အရ ခွန်အားရှိအောင် လုပ်ပေးတတ်တာမျိုး” လို့ MDRI ရဲ့ Senior Researcher ဖြစ်တဲ့ ဦးတင်မောင်သန်းက ပြောပါတယ်။

ဒါပေမယ့် ဒီလို ခွန်အားရှိအောင် လုပ်တာ ခရိုနီလို့ ခေါ်တဲ့ လုပ်ငန်းရှင်ကြီးတွေကို လုပ်တာသာ ဖြစ်ပြီး နေရာ တော်တော်များများ ပေးထားတဲ့ အကြောင်း၊ ဒီလောက်ပေးဖို့ လိုအပ်သလား ဆိုတာ တွေးစရာ ဖြစ်နေတဲ့ အကြောင်း၊ ဒီဖြစ်ရပ်က ပြုပြင်ပြောင်းလဲရေး(Reform) အပေါ်မှာလည်း ထိခိုက်သွားလေမလား လို့ စဉ်းစားမိတဲ့ အကြောင်း ဦးတင်မောင်သန်းက သုံးသပ်ပါတယ်။

တကယ်တော့ ကိုယ့်စီးပွားရေးကို လုပ်ရင်း အများအကျိုး ရှိသွားတယ် ဆိုတဲ့ အယူအဆဟာ ၁၈ ရာစုလောက်က ပေါ်ထွန်းခဲ့တဲ့ စီးပွားရေးပညာရှင် အဒမ်စမစ်(Adam Smith) တို့ ကာလကတည်းက ရှိခဲ့တာပါ။ ပြည်သူလူထု အတွက် သတ်သတ်မှတ်မှတ် ရည်ရွယ်ပြီး လုပ်တာမျိုး မဟုတ်ပေမယ့် နောက်ဆုံးမှာ ပြည်သူ အတွက်လည်း အကျိုးရှိ သွားတယ် ဆိုတဲ့ အယူအဆ ဖြစ်ပါတယ်။

ဒါပေမယ့် အရေးကြီးတာက အကျိုးအမြတ် အတွက် လုပ်ရင်း မတော် မတရားတာတွေကို မကျူးလွန်နိုင်အောင် ဘယ်လိုနည်းနဲ့ ဟန့်တားမလဲ ဆိုတဲ့ ပြဿနာပါ။ စိတ်ဓာတ်ရေးရာ သက်သက်နဲ့ပဲ လုပ်နိုင်မလား။ ဘယ်လို စည်းကြပ်နည်း (Regulatory Management) တွေနဲ့ ထိန်းကွပ်မှာ ပါလဲ။

အခွန်မှန်မှန်ဆောင်ရဲ့လား

အောက်တိုဘာ ၂၂ ရက်နေ့က ကျင်းပခဲ့တဲ့ အစည်းအဝေးကို တက်ရောက်ဖို့ အတွက် ထိပ်တန်း အခွန်ဆောင်တဲ့ လုပ်ငန်းရှင် ၁၀၀ ဦးကို ဖိတ်ကြားဖို့ ကနဦး စီစဉ်ခဲ့ပါတယ်။ နောက်တော့ ၁၅၈ ဦး အထိ ဖြစ်သွားပါတယ်။ ဒီအထဲမှာ စီးပွားရေး အမြတ်အစွန်းတွေ ကြီးကြီးမားမားရခဲ့ပေမယ့် မဖြစ်စလောက်သာ အခွန်ဆောင်ထားတဲ့ သူတွေလည်း ပါဝင်နေတယ် လို့ ဝေဖန်တာတွေ ရှိပါတယ်။

ပြီးခဲ့တဲ့ ဧပြီလက ကမ္ဘာ့နိုင်ငံရေး ခေါင်းဆောင် ၁၄၀ ကျော်ရဲ့ အခွန်ရှောင် လျှို့ဝှက် ဘဏ်စာရင်းတွေ အကြောင်း ဖော်ပြထားတဲ့ Panamas Papers ထွက်လာခဲ့ပါတယ်။ အဲဒီ လျှို့ဝှက်ဘဏ်စာရင်းထဲမှာ မြန်မာနိုင်ငံနဲ့ ပတ်သက်တဲ့ လူပုဂ္ဂိုလ် ၁၆ ဦးနဲ့ ရင်းနှီးမြုပ်နှံမှု ကုမ္ပဏီ တခုလည်း ပါဝင်နေတဲ့ အကြောင်း နိုင်ငံတကာ စုံစမ်း စစ်ဆေးမှု သတင်းထောက်အဖွဲ့ (ICIJ) က ထုတ်ပြန် ကြေညာခဲ့ပါတယ်။

“အခွန်နဲ့ ပတ်သက်ရင် လုပ်ငန်းရှင်ကြီးတွေကို ဘယ်လောက် ထိန်းကျောင်းနိုင်မလဲ ဆိုတာ ရှိပါတယ်။ နောက်ထပ် စိုးရိမ်တာ တခုက အရင်က ပိတ်ဆို့ထားတဲ့ ဒီလုပ်ငန်းရှင်တွေဟာ အခုဆို နိုင်ငံတကာမှာ ရင်းနှီးမြှုပ်နှံခွင့် ရသွားပြီး ပိုစိုးရိမ်တာ တခုက (Capital Flight) လို့ ခေါ်တဲ့ မြန်မာနိုင်ငံထဲက အရင်းအနှီးတွေ အပြင်ကို ပိုစီးထွက်သွားလေ မလား ဆိုတာပါပဲ ” လို့ ဦးအောင်သူငြိမ်းက ပြောပါတယ်။

စီးပွားရေး ပညာရှင် ဒေါက်တာဦးမြင့်က နိုင်ငံတခုရဲ့ စီးပွားရေးနဲ့ ပတ်သက်ရင် အရေးကြီးတဲ့ အချက် ၂ ချက်ကို ထောက်ပြခဲ့ဖူး ပါတယ်။ တိုင်းပြည် ပြင်ပကို အရင်းအနှီးတွေ စီးထွက်ခြင်း (Capital Flight) နဲ့ လွတ်လပ်တဲ့ ယှဉ်ပြိုင်နိုင်မှု (free competition) ဖြစ်ပါတယ်။ ဒါကြောင့် ခရိုနီတွေနဲ့ ပြန်ပြီး အလုပ်လုပ်မယ် ဆိုတာ မူဝါဒတခုသာ ဖြစ်သင့်ပြီး၊ စီးပွားရေး မူဝါဒတော့ မဖြစ်သင့်တဲ့ အကြောင်း၊ စီးပွားရေးမူဝါဒ ဆိုတာက လွတ်လပ်စွာ ပြိုင်ဆိုင်နိုင်မှုကို ဖန်တီး ပေးရတာဖြစ်ပြီး လုပ်ငန်းလေးတွေနဲ့ လုပ်ငန်းကြီးတွေ ကြားထဲမှာ ဟန်ချက်ညီအောင် ထိန်းပေးတာ မျိုးဖြစ်တယ် လို့ စီးပွားရေး ပညာရှင်တွေက သုံးသပ်ပါတယ်။

NLD အစိုးရလက်ထက်မှာ အခွန်ရှောင်တဲ့ ပြဿနာနဲ့ ပတ်သက်ရင် သတိထားကိုင် တွယ်ရမယ် လို့ ဦးတင်မောင်သန်း က သုံးသပ်ပါတယ်။ “အခွန်ရှောင်လို့ ရတယ် ၊ လွတ်ထွက်နေတယ် ဆိုရင် ဒါဟာ ဘာကြောင့်လဲ၊ ဥပဒေကြောင့် လား၊ စီမံခန့်ခွဲမှု ကြောင့်လား၊ မူဝါဒကြောင့်လား ဆိုတဲ့ အကြောင်းရင်းတွေကို သိပြီး တိတိကျကျ ကိုင်တွယ်နိုင်ဖို့ လိုတယ်” လို့ သူက ဆိုပါတယ်။

ခရိုနီနဲ့ နင်းပြား


ခရိုနီတွေရဲ့ ပိုင်ဆိုင်မှုက အနည်းဆုံး ဒေါ်လာသန်းပေါင်း ရာနဲ့ချီပြီး ရှိနိုင်ပါတယ်။ ဘီလျံနဲ့ ချီပြီး ကြွယ်ဝသူ တွေလည်း ရှိနေတယ် လို့ ခန့်မှန်းကြပါတယ်။

အမေရိကန် ဒေါ်လာ ၃၁ ဘီလီယံလောက် ရှိတဲ့ မှောင်ခိုကျောက်စိမ်းလောက အကြောင်း Global Witness က ဖွင့်ချလိုက်တဲ့ အချက်၊ အမေရိကန်ဒေါ်လာ ၁၁ ဘီလီယံကို မြန်မာနိုင်ငံ ပြင်ပမှာ ဘဏ်စာရင်းငါးခု ဖွင့်လှစ်ထား ရှိတယ် ဆိုတဲ့ ဝါရှင်တန်အခြေစိုက် BIC (Bank of Information Centre ) ရဲ့ ထုတ်ပြန်ချက်၊ ခေးမင်းကျွန်း (Kinmen Island) နဲ့ ဂျမေကာ (Jamaica) တို့မှာ ရှိတဲ့ မြန်မာစီးပွားရေး သမားတွေရဲ့ ဘဏ်စာရင်းတွေ အကြောင်း ဝီကီလိ (Wikileaks) ရဲ့ ဖော်ထုတ်ချက် စတာတွေဟာ ခရိုနီတွေရဲ့ ကြွယ်ဝမှုကို မီးမောင်း ထိုးပြနေပါတယ်။

ဒါကြောင့် ခရိုနီတွေရဲ့ ပိုင်ဆိုင်မှုတွေကိုသာ တိတိကျကျ သိနိုင်မယ် ဆိုရင် ဒေါ်လာ ၆၇ ဘီလီယံ လောက်သာ ရှိတဲ့ မြန်မာနိုင်ငံရဲ့ GDP ကို ကျော်လွန်ကောင်း ကျော်လွန်နိုင်ပါတယ်။

နိုင်ငံရေး သုတေသီတဦး ဖြစ်တဲ့ ဦးမင်းဇင်ကတော့ မြန်မာလူ့အဖွဲ့အစည်းဟာ တဖက်စောင်းနင်း ဖြစ်နေပြီး မြန်မာနိုင်ငံရဲ့ ဆင်းရဲချမ်းသာ ကွာဟမှုက ရူးလောက်တဲ့ အနေအထားမှာ ရှိနေတယ်လို့ သုံးသပ်ပါတယ်။ ပြီးခဲ့တဲ့ အနှစ် ၂၀ ကာလအတွင်း မြန်မာ့အသိုင်းအဝိုင်းကို ခြယ်လှယ်နေခဲ့တဲ့ သူတွေထဲမှာ စီးပွားရေးအီလစ် (Elite) တွေ အဓိက ပါဝင်ခဲ့တယ်လို့ သူက ဆိုပါတယ်။ ဒီအနေအထားကြောင့် မြန်မာ့လူထု မျှော်လင့်နေတဲ့ အပြောင်းအလဲက ခက်ခဲနေမှာပဲ လို့ သူက ကောက်ချက်ဆွဲပါတယ်။

“အခု တံခါးဖွင့်လိုက်တယ်။ အနောက်နိုင်ငံက ကော်ပိုရေးရှင်းတွေ လာရောက် ရင်းနှီးမြှုပ်နှံကြမယ်။ အဲဒီတော့ နင်းပြားတွေက ဘာ ဆက်ဖြစ်မလဲ။ အင်စတီကျုးရှင်းတွေ ပြင်ရုံနဲ့၊ ဆန်ရှင်ကို ဖွင့်ရုံနဲ့တော့ နင်းပြားတွေ ဘဝက ပြောင်း မသွားနိုင်ဘူး” လို့ သူက ပြောပါတယ်။

မြန်မာ့ လူ့အဖွဲ့အစည်းမှာ ဆင်းရဲမွဲတေမှု ဒဏ်ကို နင့်နင့်သီးသီး ခံနေရတဲ့ ပမာဏဟာ ၅၁ ဒဿမ ၄ သန်း ရှိတဲ့ လူဦးရေရဲ့ ၂၆ ရာခိုင်နှုန်း လောက် ရှိပါတယ်။ ဒါဟာ တရက်ဝင်ငွေ ၁ ဒဿမ ၅ ဒေါ်လာ (မြန်မာငွေ ကျပ်နှစ်ထောင်) မရှိတဲ့ သူတွေက ၁၅ သန်းကျော် ရှိနေတယ်လို့ ညွန်ပြနေတဲ့အချက်ပါ။ ဆင်းရဲချမ်းသာကွာဟမှု ကြီးမားလွန်းတဲ့ အချက်နဲ့ လက်တဆုပ်စာသာ ချမ်းသာပြီး သန်းပေါင်းများစွာ ဆင်းရဲနေရတဲ့ အချက်ဟာ နိုင်ငံရေးကို ကသောင်းကနင်း ဖြစ်အောင် ဖန်တီးနိုင်တဲ့ အနေအထားမျိုး ဖြစ်တယ်လို့ ဦးမင်းဇင်က ပြောပါတယ်။

ခရိုနီအတွက်အခွင့်အလမ်းကောင်း

၂၀၁၂ ခုနှစ်မှာ ဒေါ်အောင်ဆန်းစုကြည်ဟာ အမေရိကန်ပြည်ထောင်စုကို လွှတ်တော်အမတ်အဖြစ်နဲ့ ပထမဆုံး သွားရောက်ခဲ့ ပါတယ်။ နာမည်ကြီး ခရိုနီတဦးက (ပိတ်ဆို့ တားဆီးခံထားရတဲ့) သူ့ငွေကြေးတွေကို အမေရိကန် အစိုးရက ပြန်လွှတ်ပေးဖို့ အတွက် ဒေါ်အောင်ဆန်းစုကြည်အနေနဲ့ ပြောပေးဖို့ ပန်ကြားတယ် ဆိုတဲ့ သတင်းတခု ထွက်ခဲ့ပါတယ်။ ဒေါ်အောင်ဆန်းစုကြည်က ငွေအပိတ်ခံရလို့ မင်းတော်တော် ဆင်းရဲသွားသလားလို့ အဓိပ္ပာယ်ရတဲ့ စကားနဲ့ တုံ့ပြန်ခဲ့တယ် လို့ ဆိုပါတယ်။ ကောလာဟလ သတင်း ဖြစ်ပေမယ့် တွေးစရာတွေတော့ ပါဝင်နေပါတယ်။

၂၀၁၂ ခုနှစ်က ဦးသိန်းစိန် အစိုးရ လက်ထက် ဖြစ်တဲ့ အတိုင်း အာဏာရှင် အရိပ်မည်းကြီး ထိုးနေဆဲကာလ ဖြစ်ပါတယ်။ ဒါကြောင့် ခရိုနီတွေအနေနဲ့ သူတို့ပိုင်တဲ့ ငွေကြေးကို ဒီမိုကရေစီလူ့အဖွဲ့အစည်း အတွက် အသုံးချချင်တဲ့ ဆန္ဒရှိတယ် ဆိုရင်တောင်မှ လုပ်ခွင့် ရပါ့မလား ဆိုတာ သံသယဖြစ်စရာ ရှိပါတယ်။

ယနေ့အချိန်မှာတော့ ခရိုနီဆိုတဲ့ အမည်က ၂ မျိုး ကွဲလာနေပါတယ်။ ခရိုနီဆိုးလား၊ ခရိုနီကောင်းလား ဆိုတဲ့ အမျိုးအစား ခွဲခြားမှုမျိုးကို လုပ်လာကြပါတယ်။ တဖက်မှာလည်း ခရိုနီတချို့ ပိုင်ဆိုင်တဲ့ စီးပွားရေး ကုမ္ပဏီ အချို့ တာဝန်သိ လုပ်ငန်း (CSR – Corporate Social Responsibility) အသွင်ဆောင် လာကြတာလည်း ရှိပါတယ်။ ဒါက အမေရိကန်ရဲ့ ပိတ်ဆို့မှုတွေကို ရုပ်သိမ်းအောင် လုပ်ခဲ့တဲ့ ဒေါ်အောင်ဆန်းစုကြည်ရဲ့ လုပ်ရပ်နဲ့လည်း ဆက်စပ်နေပါ လိမ့်မယ်။

ဒေါ်အောင်ဆန်းစုကြည်ရဲ့ မိန့်ခွန်းထဲမှာ ခရိုနီဆိုသူတွေကို အလွန်အမင်း အပြစ်ဖို့ ထားတာ မတွေ့ရဘဲ ခရိုနီတွေ အနေနဲ့ အများပြည်သူနဲ့ မျှဝေခံစားဖို့ကိုသာ တိုက်တွန်းထားပါတယ်။ တချိန်တည်းမှာ အတိတ်ရဲ့ ချည်နှောင်မှုကိုမခံဖို့ လမ်းသစ်ကို သတ္တိရှိရှိ လျှောက်ကြဖို့ အပြောင်းအလဲမှာ ပူးပေါင်းပါဝင်ဖို့ နှိုးဆော်ထားပါတယ်။ ခရိုနီတွေ အတွက် အခွင့်အလမ်းကောင်း ပေးတာလို့ အနက်ဖွင့်နိုင်ပါတယ်။

ခရိုနီတွေရဲ့ ပိုင်ဆိုင်မှုဟာ နိုင်ငံရဲ့ အကျိုးစီးပွားနဲ့ ဆက်စပ်နေပါတယ်။ ဒီပိုင်ဆိုင်မှုတွေကို ဘယ်လိုအသုံး ချမလဲ ဆိုတာဟာ နိုင်ငံရဲ့ အနာဂတ်ကို အဆုံးအဖြတ် ပေးမယ့် အကြောင်းအချက် တခုပါပဲ။ တကယ်လို့များ ကိုယ့်ကိုယ်ကို အတိတ်ရဲ့ ချည်နှောင်မှုအောက်က လွတ်အောင် ရုန်းမထွက်နိုင်ဘူး ဆိုရင်တော့ နိုင်ငံကိုလည်း အတိတ်ရဲ့ ချည်နှောင်မှု အောက်မှာ ဆက်ထားခြင်းလို့သာပဲ နားလည်ရတော့မှာ ဖြစ်ပါတယ်။ ။

By ယမင်းမြတ်အေး

http://burma.irrawaddy.com/business/2016/10/28/125506.html



ပြည်သူ့ ကျန်းမာရေးဦးစီးဌာန ညွှန်ကြားရေးမှူးချုပ် ဒေါက်တာ စိုးလွင်ဦး ဇီကာရောဂါနှင့်ပတ်သက်၍ ရှင်းလင်းပြောကြားစဉ် (ဆင်ဟွာ)
နေပြည်တော်၊ အောက်တိုဘာ ၂၈ ရက် (ဆင်ဟွာ)

အင်္ဂါချို့ ယွင်းသည့် ဦးဏှောက်နှင့် ဦးခေါင်းသေး ကလေးငယ်များ မွေးဖွားစေသော ZIKA virus ရောဂါ မဖြစ်ရန် ကိုယ်ဝန်ဆောင် အမျိုးသမီးများ နေ့ လယ်ပိုင်း ခြင်ကျား အကိုက်မခံဖို့ အထူး သတိထားရမည်ဟု နေပြည်တော် ကျန်းမာရေးဝန်ကြီးဌာနတွင် ယနေ့ နံနက် ပြုလုပ်သည့် သတင်းစာ ရှင်းလင်းပွဲ၌ ပြည်သူ့ ကျန်းမာရေးဦးစီးဌာန ညွှန်ကြားရေးမှူးချုပ် ဒေါက်တာ စိုးလွင်ဦးက ပြောကြားသည်။
“ကိုယ်ဝန်ဆောင် အမျိုးသမီးတွေ၊ ကိုယ်ဝန်ယူဖို့ ကြံစည်နေတဲ့ ဇနီးမောင်နှံတွေ ခြင်ကိုက် မခံရအောင် နေဖို့  လိုပါတယ်၊ ZIKA ရောဂါပိုးကို သယ်ယူ ကူးစက်စေတာက ခြင်ကျားတွေပါ၊ ဒါကြောင့် ပြည်သူ့ ကျန်းမာ ရေး ဦးစီးဌာနက ဆောင်ရွက်နေတဲ့ ပိုးလောက်လန်းနဲ့  ခြင်ကျား နှိမ်နင်းရေး လုပ်ငန်းတွေမှာ တစ်အိမ်ချင်းက ၀ိုင်းဝန်း ဆောင်၇ွက်ဖို့ လည်း လိုပါတယ်” ဟု ၎င်းက ပြောသည်။

ဇီကာ ဗိုင်းရပ်စ်ပိုးသည် ရောဂါ ကူးစက်သူ ငါးဦးတွင် တစ်ဦးကသာ ရောဂါ လက္ခဏာ ပြပြီး ကျန် လေးဦးတို့ မှာ ရောဂါ လက္ခဏာ မပြသော်လည်း အခြားသူများအား ရောဂါ ကူးစေနိုင်သဖြင့် ထိန်းချုပ်ရ ခက်သည့် ရောဂါ ဖြစ်ကြောင်းလည်း ၎င်းက ပြောသည်။
“ကိုယ်ဝန်ယူမယ့် ဇနီးမောင်နှံတွေ၊ ကိုယ်ဝန်ဆောင် အမျိုးသမီးတွေ လောလောဆယ်မှာ နိုင်ငံခြား ခရီး မထွက်ဖို့ ၊ မဖြစ်မနေ ထွက်ရရင်လည်း အဲဒီနိုင်ငံမှာ ခြင်ကိုက် မခံရဖို့ လိုအပ်ပါတယ်” ဟုလည်း ၎င်းက ပြောခဲ့သည်။
ZIKA ရောဂါပိုး ရှိသူနှင့် လိင်ဆက်ဆံရာတွင်လည်း ရောဂါ ကူးနိုင်သဖြင့် နိုင်ငံခြားမှ ပြန်လာသည့် အမျိုးသားများ အိမ်ထောင်ရှိပါက လေးလအတွင်း ကိုယ်ဝန် မယူရန်၊ သို့ မဟုတ် လိင်ဆက်ဆံရာတွင် အကာအကွယ် အသုံးပြုရန်လည်း ဒေါက်တာ စိုးလွင်ဦးက ဖြည့်စွက် ပြောခဲ့သည်။

ဇီကာရောဂါနှင့်ပတ်သက်၍ နေပြည်တော် ကျန်းမာရေးဝန်ကြီးဌာနတွင် ပြုလုပ်သည့် သတင်းစာ ရှင်းလင်းပွဲအားတွေ့ရစဉ် (ဆင်ဟွာ)
ပြီးခဲ့သည့် နှစ်ရက်က ရန်ကုန်တွင် နေထိုင်သည့် နိုင်ငံခြားသူ ကိုယ်ဝန်ဆောင် အမျိုးသမီးတစ်ဦးတွင် ZIKA ရောဂါပိုးတွေ့ ရှိကြောင်း ကျန်းမာရေး ဝန်ကြီးဌာနက တရားဝင် ထုတ်ပြန်ခဲ့ခြင်းနှင့် ပတ်သက်ပြီး ထိုအမျိုးသမီး သည် ရန်ကုန်တွင် လွန်ခဲ့သည့် နှစ်နှစ်ခန့် ကတည်းက နေထိုင်ခဲ့သူ ဖြစ်ကြောင်း၊ ပြီးခဲ့သည့် နှစ်ပတ်အတွင်းက နိုင်ငံခြား ခရီးစဉ်တစ်ခု သွားခဲ့သဖြင့် ထိုရောဂါပိုးမှာ အခြားနိုင်ငံမှ ပါလာခြင်းဖြစ် ကြောင်းလည်း ၎င်းက ပြောသည်။

“ ဒီ ၁၄ ရက် အတွင်းမှာ သူက ZIKA effective country တစ်ခုကို သွားထားခဲ့တော့ အဲဒီနိုင်ငံက ဒီရောဂါ ရလာတာပါ၊ အခုတော့ သူတို့ ဇနီးမောင်နှံ သူတို့ နေတဲ့ အိမ်မှာပဲ ပြန်နေပါတယ်၊ သူကိုယ်တိုင်က သွားသွားလာလာပဲ ဖြစ်လို့  သူ့ အိမ်မှာပဲထားပါတယ်၊ အပြင် မထွက်ဖို့ နဲ့ ညွှန်ကြားတဲ့ ဆေးတွေ ပိုမှန် သုံးစွဲဖို့ လည်း မှာထားပါတယ်၊ ဧရာဝတီတိုင်းဘက်ကိုလည်း သူတို့ ခရီးထွက်ခဲ့တာဆိုတော့ သူတို့ ရောက်ခဲ့တဲ့ မြို့ တွေမှာရော ရန်ကုန်မှာပါ ခြင်ကျားနှိမ်နင်းရေးနဲ့ ပညာပေး အစီအစဉ်တွေကို အားဖြည့် ဆောင်ရွက်နေ ပါတယ်” ဟုလည်း ၎င်းက ရှင်းပြသည်။
ထိုဇနီးမောင်နှံ မည်သည်နိုင်ငံက ပြန်လာသည်၊ ရန်ကုန် မည်သည့်နေရာတွင် နေထိုင်သည်၊ ဧရာဝတီတိုင်း မည်သည့် မြို့ များသို့ သွားရောက်သည် ဆိုသည့် အချက်များကိုမူ international Health Regulations အရ မဖြေကြားနိုင်ပါကြောင်း၊ မလိုအပ်ဘဲ အများ ပြည်သူ ထိတ်လန့် ကြောက်ရွံ့ မှုများ မဖြစ်ရေး၊ ကာယကံရှင် ဝေဒနာသည် ၏ စိတ်ပိုင်းဆိုင်ရာ လုံခြုံမှု ရှိရေးအတွက် ဖြေကြား၍ မရကြောင်းလည်း ၎င်းက မီဒီယာသို့ ရှင်းပြခဲ့သည်။

ZIKA ရောဂါသည် ကြက်ငှက် တုပ်ကွေး၊ ဆားစ်၊ အီဘိုလာ တို့ ကဲ့သို့  စိုးရိမ်စရာ ရောဂါမျိုး မဟုတ်သော်လည်း ကိုယ်ဝန်ဆောင်မိခင်အတွက် တန်ဖိုးမဖြတ်နိုင်သည့် ရင်သွေးငယ် အင်္ဂါ မချို့ ယွင်းရေးအတွက် အရေးကြီးလှ သဖြင့် ကိုယ်ဝန်ဆောင် အမျိုးသမီးများ နေ့ လယ်ပိုင်း ခြင်ကျား အကိုက်မခံဖို့ အထူး သတိထားရမည် ဖြစ်ကြောင်း သိရသည်။ ယခင်က ZIKA ရောဂါ တွေ့ ရှိသည့် နိုင်ငံ ၇၂ နိုင်ငံရှိခဲ့ပြီး ယခု မြန်မာနိုင်ငံနှင့်ဆိုလျှင် ၇၃ နိုင်ငံ ရှိလာပြီဖြစ်သည်။

(Xinhua)
China Xinhua News


အခုတလော ကြားရကြားရ နားဝမှာ မချမ်းသာတဲ့အဖြစ်တွေများပါတယ် ။ ကိုယ့်နိုင်ငံသားတွေရဲ့ တွေးခေါ်နိုင်စွမ်းဟာဒီလောက်တောင်နိမ့်ကျနေပြီလားလို့လည်း ရင်နာနာနဲ့တွေးမိပါတယ် ။ တကယ်တော့ကျွန်တော်တို့ဟာ ဒီမိုကရေစီနိုင်ငံထူထောင်ဖို့  အရှေ့ကို တစ်လှမ်းပြီးတစ်လှမ်း သွားကြဖို့ ကြံရွယ်နေကြတာပါ ။ဒါပေမယ့်ဒီလိုအဖြစ်မျိုးတွေ တွေ့ ရပြန်တော့ မြန်မာအချို့ ဟာ ၁၆ ရာစု ၁၇ ရာစုကအတွေးအခေါ်အဆင့်လောက်ပဲရှိနေတုန်းဆိုတာ အံ့သြခမန်းသိလိုက်ရပါတော့တယ် ။သူများနိုင်ငံတွေက လကမ္ဘာပေါ်လူရောက်ရုံမက အင်္ဂါဂြိုဟ်ပေါ်ကိုတောင်သွားဖို့ အားထုတ်နေကြပြီ ။ ကျွန်တော်တို့ တွေဘာလုပ်နေကြသလဲ ။ အားလုံးသိကြတဲ့အတိုင်း ရန်ကုန်တိုင်းဒေသကြီး တွံတေးမြို့နယ် တွံတေးဝကျေးရွာမှာ သုံးနှစ်အရွယ်ကလေးတစ်ယောက် ၊ လေးနှစ်အရွယ်ကလေးတစ်ယောက် ၊ ရှစ်လအရွယ်ကလေးတစ်ယောက် ကို ပယောဂဆရာက သူရဲဝင်ပူးနေတယ်ဆိုပြီး ရိုက်နှက်ရာက သေဆုံးကုန်ကြတဲ့သတင်း ၊ မသင်းသင်းစိုးဆိုတဲ့ကလေးမလေး ကိုတော့ ခြေထောက်နဲ့ကန် ၊ တက်နင်း ၊ လက်သီးနဲ့ထိုး ၊ ပုဆိန်နဲ့ထုခဲ့လို့  ရန်ကုန်ပြည်သူ့ ဆေးရုံကြီးမှာအတွင်းလူနာအဖြစ်ကုသထားရတဲ့သတင်းပါ ။ အဲဒိဖြစ်စဉ်မှာကျွန်တော်အံ့သြတာက ပယောဂဆရာကိုမဟုတ်ပါဘူး ။ လောကမှာ ကိုယ့်ကိုယ်ကို တော်တယ်တတ်တယ် ဆရာတစ်ဆူပါရဂူလို့ဘ၀င်မြင့်ရူးရူးနေတဲ့သူတွေ ဒုနဲ့ဒေးရှိနေနိုင်ပါတယ် ။ ဒေါက်တာရမ်းကုတွေ ၊ ဘိုးတော်အတုတွေ ၊ ဆရာဝန်အတုတွေ ၊ ရမ်းကုတွေ ၊ ပျောက်စေဆရာယောင်တွေ ဒီလောကမှာ အများကြီးရှိတတ်တာပဲ ။ သူတို့ကတော့ကိုယ့်သားသမီးအသက်မဟုတ်လို့ တွေ့ သမျှလူကို ပယောဂ၀င်တယ်ဆိုပြီးလက်တည့်စမ်းမှာပါပဲ ။ ကျွန်တော်အံ့သြတာက သေသွားတဲ့ ကလေးသုံးယောက်နဲ့  သေလုမျောပါးဖြစ်သွားတဲ့ ကလေးမလေး ရဲ့မိဘတွေကိုပါပဲ ။ ပယောဂဆရာဟာ ကလေးတွေကို နိုင့်ထက်စီးနင်းနှိပ်စက်နေချိန်မှာ ကလေးလေးယောက်ရဲ့ အဖေလေးယောက် ၊ အမေလေးယောက် လူရှစ်ယောက်တိတိအနားမှာထိုင်ကြည့်နေတာပါ ။ သူတို့ ဟာ လူစိတ်မရှိကြတော့ဘူးလား ၊ မိခင်စိတ် ၊ဖခင်စိတ်မရှိကြတော့ဘူးလား ။ ကိုယ့်သားသမီး လူမမယ်အရွယ်လေးကို ယောက်ကျားရင့်မကြီးက ဒီလိုရက်ရက်ရက်စက်စက်ပြုမူနေတာကို မတားမြစ်ပဲ ကြည့်နေခဲ့ကြတာကို အအံ့သြဆုံးပါပဲ ။ ကလေးတွေဟာ ရုတ်တရက်တချိန်ထဲ တစ်ပြိုင်နက်ကွယ်လွန်ခဲ့တာမဟုတ်ပါဘူး ။ တစ်ယောက်ပြီးတစ်ယောက်သွေးအေးအေးနဲ့  ဂျာမန်ဂက်စတာပိုတွေက ဂျူးတွေကို သတ်သလို သတ်ခဲ့တာပါ ။

ကံဆိုးရှာတဲ့ပထမကလေး မောင်နေလလင်း ဟာ ပယောဂဆရာ ထွန်းနိုင်လက်ချက်နဲ့ အောက်တိုဘာလ ၁၈ ရက် ည ၁၂ နာရီခန့်မှာ အသက်ထွက်သွားပါတယ် ။အလောင်းကိုတွံတေးတူးမြောင်းထဲကိုပယောဂဆရာကလှေနဲ့သွားရောက်စွန့်ပစ်ခဲ့ပါတယ် ။ မိဘတွေဟာ ဒီလောက်ဆိုသိသင့်ပါပြီ ။ဆက်မလုပ်ဖို့တားမြစ်ရမှာပါ။ ဒါပေမယ့်ပယောဂဆရာကိုဆက်လုပ်ခွင့်ပေးထားခဲ့တယ် ။ နောက်တစ်နေ့ အောက်တိုဘာလ ၁၉ ရက်နေ့မှာ မလှနှင်းရွှေ (၂ နှစ် ) ၊ မသင်းသင်းစိုး (၄ နှစ် ) ၊ မယမင်း ( ၈ လ) တို့ မှာလဲ သရဲတစ္ဆေ၀င်ပူးနေတယ်ဆိုပြီး ထပ်မံနှိပ်စက်ခဲ့ပါတယ် ။ အဲဒိနေ့  ည ၁၀ နာရီမှာ မလှနှင်းရွှေ နဲ့ မယမင်းတို့ထပ်မံ သေးဆုံးပါတယ် ။ နောက်တနေ့မနက် မှာ အိမ်ဘေးမှာ မြေမြှုပ်လိုက်ပါတယ် ။ မိဘတွေဟာ ဒီအချိန်အထိအသိတရားမရသေးပါဘူး ။ ဘေးအိမ်ကအမြင်မတော်တဲ့လူတစ်ယောက်က သက်ဆိုင်ရာကိုသွားသတင်းပို့ တော့မှ ဟိုးလေးတကျော်ဖြစ်ပြီး တွံတေးမြိ့ရဲစခန်းက ပြစ်မှုဆိုင်ရာဥပဒေပုးမ ၃၀၂ /၃၂၅/ ၂၀၁ နဲ့ ပယောဂဆရာကို ဖမ်းဆီးအရေးယူခဲ့တာပါ ။ ပြောရရင် မိဘတွေအပါအ၀င်ဘေးကရပ်ကြည့်နေတဲ့သူတွေအားလုံးကို လူသတ်မှုမှာ အားပေးအားမြှောက်ကူညီမှုနဲ့ ဖမ်းဆီးအရေးယူရမှာပါ ။ တကယ်တော့ အခင်းဖြစ်ခဲ့တဲ့ တွံတေးဝကျေးရွာဆိုတာ ရန်ကုန်နဲ့သိပ်အဝေးကြီးတောင်မဟုတ်ပါဘူး ။တွံတေးတူးမြောင်းနဘေးမှာရှိပြီး သူတို့ရွာကနေလှမ်းကြည့်လိုက်ရင် ရွှေတိဂုံစေတီတော်မြတ်ကြီးကိုတောင် ခပ်ဝေးဝေးမှာလှမ်းမြင်နေရတဲ့နေရာပါ ။ လူသူအရောက်အပေါက်နည်းတဲ့ ချင်းတောင်တန်း ၊ကယားပြည်နယ် လိုနေရာမျိုးလည်းမဟုတ်ပါဘူး ။ သုံးနာရီလောက်ကားစီးလိုက်ရင် ရန်ကုန်ကိုရောက်နိုင်တဲ့နေရာမျိုးပါ ။ အဲဒိလိုနေရာမှာဒီလိုကိစ္စမျိုးတွေဖြစ်နေတော့ အံ့သြရပါတယ် ။ အဓိကလက်သည်တရားခံအစစ်ဟာ ပညာမတတ်ကြခြင်း ၊ ဗဟုသုတမရှိခြင်း ၊ ဆင်းရဲနွမ်းပါးခြင်း ၊ နဲ့စာမဖတ်ကြခြင်းတို့ပဲဖြစ်ပါတယ် ။

။လူမမာကိုပယောဂဆိုပြီးနှိပ်စက်ပြတဲ့ပြကွက်တွေဟာမြန်မာဗီဒီယိုတွေ ၊ရုပ်ရှင်တွေထဲမှာ ဇာတ်နာပြီးကြည့်ကောင်းပေမယ့်အပြင်မှာမရှိသင့်တော့ပါဘူး ။ အကျဉ်းချုပ်ကတော့ ဆင်းရဲခြင်း ဗဟုသုတနည်းခြင်းတို့ပါပဲ ။ တိုင်းပြည်ကို တကယ်ဒုက္ခပေးနေတာလဲအဲဒိအချက်နှစ်ချက်ပါပဲ ။ လူတွေဟာ ဆင်းရဲကြတယ် ။ဆင်ရဲတော့ပညာကောင်းကောင်းမသင်နိုင်ဘူး ၊ ပညာမတတ်တော့ ဗဟုသုတနည်းတယ် ။ အယုံလွယ်တယ် ။အမြင်မကျယ်ဘူး ။ အမှားအမှန်ကိုမခွဲခြားတတ်ဘူး ။ အယူသီးတယ် ။အရာရာကိုကြောက်တတ်တယ် ။ အတွေးအခေါ်နိမ့်တယ် ။ဒါတွေဟာ ဆက်စပ်နေတာပါ ။သပ်သပ်စီမဟုတ်ပါဘူး ။မြန်မာနိုင်ငံဖြစ်နေတဲ့ပြသနာဟာ ဒီနှစ်ခုပါပဲ ။ ဆင်းရဲမွဲတေခြင်းဟာ တိုင်းပြည်ရဲ့အဓိကအန္တရာယ်ပါ ။ တိုင်းပြည်မှတကယ်လိုနေတာ အပေါ်ထပ်အဆောက်အဦတွေမဟုတ်ဘူး ။ မစားရ၀ခမန်းစီမံကိန်းကြီးတွေမဟုတ်ဘူး ။ခရိုနီတွေနဲ့ညီညွတ်ရေးမဟုတ်ဘူး ။ ကော်ဇောတွေဖိတ်ဖိတ်တောက်နေတဲ့ အဲကွန်းခန်းထဲက ဟိုတယ် တွေမှာမကြာခနလုပ်လေ့ရှိတဲ့ Work Shop တွေ ဆီမီနာတွေ ၊ အစည်းအဝေးတွေမဟုတ်ဘူး ။ တကယ်လိုနေတာ ဆင်းရဲမွဲတေမှုကို ကယ်တင်ဖို့  နဲ့ မြန်မာတွေ လူတိုင်းလူတိုင်းမသင်မနေရ အနည်းဆုံး အလယ်တန်းပညာပြီးဆုံးအောင်တတ်ဖို့ ပါပဲ ။ ပိုပြီးပြောရရင် လူတွေစာဖတ်ဖို့ ကိုလဲအစိုးရဟာ စီမံကိန်းတွေချပြီး အပြင်းအထန် ကြိုးစားသင့်ပါတယ် ။ မြို့ကြီးတွေမှာ ပြန်ကြားရေးနဲ့ပြည်သူ့ဆက်ဆံရေး (ပြန်/ဆက် ) စာကြည့်တိုက်တွေဖွင့်ပြီး စာဖတ်သူနတ္ထိအနေအထားနဲ့ လူတွေကိုငုတ်တုတ်ထိုင်စောင့်တဲ့စနစ်အစား ကျောင်းတွေအားလုံးမှာကျောင်းစာကြည့်တိုက် (စစ်အစိုးရခေတ်ကလို အမည်ခံမဟုတ် ) တွေတွင်တွင်ကျယ်ကျယ်ဖွင့်ပြီး မူလတန်းအရွယ်ထဲက ကျောင်းသားကျောင်းသူတွေရဲ့အသိအမြင်ကိုမြှင့်တင်ပေးသင့်ပါတယ် အလုပ်မဖြစ်တဲ့ ပြန်/ဆက် စာကြည့်တိုက်စနစ်ကိုလဲ ပြန်ကြားရေးဝန်ကြီးဌာနက ပြန်ပြီးဆန်းစစ်ကာသူ့ထက်ကောင်းတဲ့စနစ် တခုဖော်ဆောင်သင့်ပါတယ် ။ လူတွေဟာ ဆင်းရဲလို့ကျောင်းမနေ ၊ ကျောင်းမနေလို့ စာ မတတ် ၊စာမတတ်လို့စာမဘတ် ၊စာမဘတ်လို့ဗဟုသုတနည်းဆိုတဲ့ သံသရာဆိုးကိုရပ်တန့် ပြစ်ဖို့လိုပါတယ် ။ ရန်ကုန်မြို့မှာ စာပေဗိမာန်စာအုပ်အရောင်းဆိုင်အောင်မြင်သလို အဲဒိလိုစနစ်မျိုး စာပေဗိမာန်စာအုပ်အရောင်းဆိုင်စနစ်မျိုးကို တိုင်းနဲ့ပြည်နယ် မြို့ကြီးတွေအားလုံးမှာ ဖွင့်လှစ်ရောင်ချသင့်ပါတယ် ။

နောက်ထပ် ကမောက်ကမကိစ္စတခုကတော့ အသုဘချရင်း၊တောင်ရွာ မြောက်ရွာ စကားများရန်ဖြစ် အငြင်းပွားကြတဲ့ကိစ္စပါပဲ ။ အဲဒါကလည်း ရန်ကုန်မြို့နဲ့ သိပ်မဝေးတဲ့အရပ်မှာဖြစ်ခဲ့တာမို့ ထူးဆန်းပေ၏လို့ပြောရမလိုပါပဲ ။ မြန်မာနိုင်ငံရဲ့စီပွားရေးမြို့တော်ကြီးနဲ့သိပ်မဝေးတဲ့နေရာမှာဖြစ်ခဲ့တာမို့  ပြည်နယ်တွေ ၊ တောင်တန်းဒေသတွေ ဝေးလံခေါင်းဖျားဒေသတွေမှာဆို ဒိထက်ဆိုးမယ်လို့ ထင်ပါတယ် ။ရန်ကုန်တိုင်းဒေသကြီး ၊ကော့မှူးမြို့နယ် ၊ ကျိုက်ထော်ကျေးရွာမှာဖြစ်ပွားခဲ့တာပါ ။ အဲဒိရွာဟာ တစ်ရွာတည်းပေမယ့် ရွာအလယ်မှာပေ ၅၀ လောက်ကျယ်တဲ့ ချောင်းလေးတစ်ခုခြားပြီး နေတဲ့အတွက် တောင်ရွာနဲ့ မြောက်ရွာရယ်လို့ နှစ်ရွာကွဲနေပါတယ် ။ မြောက်ရွာမှာအိမ်ခြေ ၉၆၀ခန့်  လူဦးရေ ၄၂၀၀ ကျော် ၊ တောင်ရွာကတော့ အိမ်ခြေ ၅၈၀ ခန့် နဲ့ လူဦးရေ ၂၄၆၀ လောက်ရှိတယ်လို့ ဆိုပါတယ် ။ အုပ်ချုပ်ရေးကအစသီးခြားစီဖြစ်ပေမယ့်  သုသာန်ကတော့ တခုတည်းပဲရှိပါတယ် ။ ရွာနဲ့ ၅ ဖာလုံလောက်ဝေးတဲ့ တိုးမြစ်ကမ်း နဘေးမှာ သုသာန်ရှိပါတယ် ။ မြောက်ရွာမှာနာရေးဖြစ်ရင်တောင်ရွာ ကိုဖြတ်သန်းသွားမှ သုသန်ကိုရောက်ပါတယ် ။ အရင်ကတော့ နာရေးဖြစ်ရင် မြောက်ရွာ ကအလောင်းကို ရေကြောင်းကပဲသယ်ပြီး သုသာန်ကိုပို့ ကြပါတယ် ။ အခုတော့ နှစ်ရွာကြားက ချောင်းကလေးမှာ တံတားဆောက်ပြီးသွားလို့ လမ်းကောင်းသွားပြီးကားတောင်မောင်းလို့ရသွားတာကြောင့် နှစ်ရွာဟာ တဆက်တည်းဖြစ်သွားပါပြီ ။ အဲဒိအချိန်မှာ ၁၉.၁၀.၂၀၁၆ ( တိုက်တိုက်ဆိုင်ဆိုင် အဲဒိနေ့ ဟာ တွံတေးဝကျေးရွာမှာ ပယောဂဆရာလက်ချက်နဲ့ ကလေးတွေသေတဲ့နေ့ပါ ) ကျိုက်ထော် (မြောက်ရွာ )မှာ ဒေါ်ကျင်စိန် (၇၇)နှစ်ဟာ လူကြီးရောဂါနဲ့ကွယ်လွန်ပါတယ် ။အိမ်မှာသုံးရက်ထားအပြီး ၂၁ ရက်နေ့ မှာနာရေးချပါတယ်။မြောက်ရွာဟာ လမ်းတွေကောင်းသွားတဲ့အပြင် ရွာမှာလဲ ရွှေကျိုက်ထော်နာရေးကူညီမှုအသင်းလဲရှိနေပြီမို့ တံတားဖြတ်ပြီး နိဗ္ဖာန်ယာဉ်နဲ့ အသုဘပို့ ချင်ပါတယ် ။ ဒါမေယ့် တောင်ရွာက နာရေးကားအဖြတ်မခံလို့  အငှားကားနဲ့  သယ်ဆောင်လာကြရာမှာ ရွာနှစ်ရွာကြားတံတားပေါ်အရောက် တောင်ရွာကလူထုက သူတို့ ရွာထဲအ၀င်မခံပဲတားကြပါတယ် ။ တံတားတဖက်က တောင်ရွာနယ်မိမိတ်ထဲဝင်လာကာစမှာပဲ လူအုပ်နဲ့တားမြစ်တာကြောင့် အခေါင်းကိုကားပေါ်ကအချ တောင်ရွာကလူထုကတားမြစ် ၊ တောင်ရွာနဲ့မြောက်ရွာ ရုန်းရင်းဆန်ခတ်ဖြစ်ပြီး လမ်းပေါ်ကိုအခေါင်းလွတ်ကျသွားပါတယ် ။ တောင်ရွာကလူတွေက အသုဘအလောင်းကိုရွာဖြတ်မသယ်ကောင်းဘူး ဆိုတဲ့အယူအဆရှိသလို ၊ မြောက်ရွာကလည်း အလောင်းကျတဲ့နေရာကမရွှေ့ကောင်းဘူးဆိုတဲ့အယူအဆရှိတာကြောင့် ၂၁ ရက်နေ့  တစ်နေ့လုံး ဒေါ်ကျင်စိန်အခေါင်းကြီးဟာ လမ်းပေါ်မှာ ပဲကန့်လန့်ဖြတ်ကြီးယူမယ့်သူမရှိလို့ မိုးတွေရွာတာကြောင့်ထီးကြီးတလက်မိုးထားရပါတယ် ။

သက်ဆိုင်ရာအုပ်ချုပ်ရေးပိုင်းတွေက ညှိနှိုင်းပေးပေမယ့်မပြေလည်ခဲ့ပါဘူး ။ ၂၂ ရက်နေ့မှာတော့နယ်လုံဝန်ကြီးညှိနှိုင်းပေးချက်အရ ဒေါ်ကျင်စိန်ရုပ်အလောင်းကို မြောက်ရွာဧရိယာထဲနောက်ကြောင်းပြန်သယ်လာပြီး ရေကြောင်းကပို့ ဆောင်ပေးလိုက်ပါတယ် ။ အလောင်းကိုရေကြောင်းကပို့ ဆောင်ပြီး အသုဘပို့ ပရိတ်သတ်က တောင်ရွာကိုကုန်းကြောင်းကဖြတ်သွားဖို့ လုပ်ကြတော့ မလိုလားအပ်တဲ့ ပြသနာတွေထပ်ဖြစ်မှာစိုးလို့ တာဝန်ရှိသူတွေက လူအုပ်ကို မလိုက်ခဲ့ဖို့ ပြောတာကြောင့် အသုဘဟာ မိသားစုနဲ့ပဲ တိတ်တိတ်ဆိတ်ဆိတ်သဂြိုဟ်လိုက်ရပါတယ် ။ နယ် /လုံဝန်ကြီးအမိန့် အရ နိုဝင်ဘာ ၁ ရက်နေ့အထိ သေဆုံးသူတွေကို မြောက်ရွာကရေကြောင်းကနေပို့ ဆောင်ရမှာဖြစ်ပြီး အဲဒိကာလနောက်ပိုင်းမှာတော့ နာရေးဖြစ်ရင် တောင်ရွာကိုဖြတ်သန်းပြီးပို့ ဆောင်ခွင့်ပြုရမယ်လို့ ဆုံးဖြတ်လိုက်တယ်လို့သိရပါတယ် ။

ဒီကိစ္စကိုကြည့်ရင် မြန်မာလူမျိုးတွေမှာအရိုးစွဲနေတဲ့ (ဘုရားဟောမဟုတ်တဲ့ ) အယူဝါဒတွေကိုတွေ့ရမှာဖြစ်ပါတယ် ။ အသုဘဖြစ်ရင် ရွာထဲကိုမသွင်းကောင်း ၊ ရွာထဲမဖြတ်သန်းကောင်း ၊ နောက်ပြန်မပို့ ကောင်း ၊အဆန်မသယ်ကောင်း ၊ အလောင်းကျတဲ့နေရာကနေမရွှေ့ ကောင်း ၊လမ်းထဲရွာထဲ ရပ်ကွက်ထဲ အိမ်ရှေ့မှာ နာရေးယာဉ်မရပ်ကောင်း ၊ ရွာနာတယ် ၊ ရပ်ကွက်နာတယ်ဆိုတဲ့အယူအဆတွေဟာ အခုအချိန်အထိအချို့နေရာတွေမှာ အရိုးစွဲ နေကြဆဲ ၊အယူသီးကြဆဲဖြစ်ပါတယ် ။ အရင်တုန်းကလို ကိုယ့်တရွာထဲအများနဲ့ကင်းပြီးတောထဲမှာရွာတည်ထားရင်တော့ ဒီဓလေ့တွေဟာ ကျင့်သုံးရ လိုက်နာရ လွယ်ကူပါတယ် ။ဒါပေမယ့် ၂၁ ရာစုမှာ ကမ္ဘာကြီးဟာရွာကြီးတစ်ရွာဖြစ်သွားပြီ ၊ ဂလိုဘယ်လိုက်ဇေးရှင်းခေတ်ကိုရောက်ပြီ ၊ မြို့ ပြဟာ ကျယ်ပြန့်လာပြီဆိုတဲ့အချိန်မှာ ဘုရားဟောမထားတဲ့ ဓလေ့ထုံးစံအချို့ ကို ပြင်ဖို့ လိုပါပြီ ။ ရန်ကုန်မှာ တမြို့လုံးက အလောင်းတွေကို မြောက်ဥက္ကလာ ကိုဖြတ်ပြီး ရေဝေးသုသာန်ကိုသယ်လာနေကြတာပါ ။အသုဘကားတွေဟာ မြောက်ဥက္ကလာ (-) ရပ်ကွက်ကနေဖြတ်ပြီး ရေဝေးသုသာန်ကိုလာကြရတာပါ ။ မြောက်ဥက္ကလာမြို့သူမြို့ သားတွေဟာ ဘာမှမပြောသလို ကိုယ့်အိမ်ရှေ့ကဖြတ်ပြီး နာရေးကားတွေ သွားနေတာကို (- )ရပ်ကွက်သူရပ်ကွက်သားတွေကလဲဘာမှမကန့်ကွက်ကြပါ ။ဘာ့ကြောင့်လဲဆိုတော့ သဘောထားကြီးကြီးထားနိုင်လို့  ၊အမြင်ကျယ်လာကြလို့ ဖြစ်ပါတယ် ။ တကယ်တော့ လူသေတာအဆန်းမဟုတ်ပါဘူး ။ လူတွေအားလုံးသေမျိုးတွေချည်းပါပဲ ။လူသေရင် အလောင်းကို သင်္ချိုင်းကိုပို့ ကြရတာချည်းပါပဲ ။ သက်မဲ့အလောင်းတလောင်းဖြတ်သန်းသွားလို့ လဲတကယ်တော့ ရပ်ရွာမှာ ဘာမှ အထူးတလည်ဘေးဒုက္ခကျစရာမရှိပါဘူး ။

ကမ္ဘာပေါ်မှာနေ့စဉ် လေယာဉ်တွေနဲ့အလောင်းတွေသယ်နေကြတာပါ ။ မြန်မာနိုင်ငံကိုဖြတ်ပြီး မြောက်များစွာသောလေယာဉ်တွေဟာ အလောင်းတွေကိုသယ်ဆောင်လို့ ဖြတ်ကျော်ပျံသန်းနေကြတာပါ ။ ဆေးရုံတွေကနေ ၊ အနယ်နယ်အရပ်ရပ်ကို မော်တော်ကားတွေနဲ့ ကွယ်လွန်သူကိုသယ်ဆောင်ပြီး မောင်းနှင်နေကြတာပါပဲ ။အလောင်းကျရာနေရာကနေ မရွေ့ ရဘူးဆိုတာလည်းအဓိပါယ်မရှိပါဘူး ။စစ်မြေပြင်မှာကျဆုံးလေသမျှ စစ်သည်တွေကို ဘယ်တပ်မတော်ကပဲဖြစ်ဖြစ် သေတဲ့နေရာမှာ ပဲထားခဲ့ရိုးမရှိပါ ။ မရရအောင်အလောင်းကိုနောက်တန်းမိသားစုရှိရာပြန်သယ်ကြပါတယ် ။အာဖဂန်နစ္စတန်မှာသေတဲ့အမေ၇ိကန်စစ်သားတွေကိုလည်း မိခင်အမေရိကန်ပြည်ထောင်စုကိုပြန်သယ်ကြပါတယ် ။ ပြင်သစ်ကလည်း ပြင်သစ်ကိုပြန်သယ်ကြတာပါ ။ ဒါ့ကြောင့်ဒီအဖြစ်အပျက်မှာ တောင်ရွာရော ၊မြောက်ရွာကလူတွေရော မြန်မာတပြည်လုံးကလူတွေ အမြင်ကျယ်သင့်ပြီလို့ထင်ပါတယ် ။ ခုနကပြောခဲ့သလို ကမ္ဘာပေါ်မှာအချို့နိုင်ငံတွေက ဆက်သွယ်ရေးဂြိုဟ်တုတွေလွှတ် ၊ နျူကလီးယားနည်းပညာတွေ တီထွင် ၊ ကမ္ဘာပျက်ရင်အခြေချဖို့ အခြားဂြိုဟ်တွေ စကြာဝဋ္ဌာထဲမှာရှာနေတဲ့အချိန်မှာ ကျွန်တော်တို့တွေက တောင်ရွာမြောက်ရွာရန်ဖြစ်တုန်း ၊ စလောင်းဖုံးနှစ်ချပ်တီးရင်ကျားကိုက်မယ်လုပ်တုန်း ၊အသုဘကိုရွာထဲဖြတ်မသွားရလုပ်တုန်း ၊ ပယောဂဆရာလက်ကို ကိုယ့်သားသမီးအသက်အပ်တုန်းလုပ်နေတာတွေဟာ သိပ်ရှက်ဖို့ ကောင်းပါတယ် ။ ဒါတွေဟာ အသိပညာဗဟုသုတ နည်းပါးခြင်းရဲ့ ဘေးထွက်ဆိုးကျိုးတွေပါ ။ဒီလိုတွေမဖြစ်ဖို့ နိုင်ငံသားအားလုံးမှာတာဝန်ရှိပါတယ်။ သာသနာပြု ဓမ္မကထိကဆရာတော်များဟာ လဲ ကျေးလက်တောရွာများက မြန်မာလူမျိုးတွေအသိအမြင်ပွင့်လင်းလာဖို့  တောနယ်ဘက်တွေမှာ အယူမသီးကြဖို့ တရားတွေ များများဟောကြားပေးစေချင်ပါတယ် ။
ဒီမိုကရေစီစနစ်ဟာ ကမ္ဘာမှာအခုအချိန်အထိ အကောင်းဆုံးစနစ်တခုပါ ။ ဒါပေမယ့် ဒီစနစ်အောင်မြင်ဖို့ ခက်ပါတယ် ။ ဒီမိုကရေစီစနစ်ဟာ အာဏာရှင်စနစ်လို အုပ်ချုပ်သူတွေ တာဝန်ချည်းပဲလို့ အရာရာလွှဲချထားလို့ မရပါဘူး ။ပြည်သူလူထုရဲ့ပူးပေါင်းပါဝင်မှုကအရေးကြီးပါတယ် ။ပြည်သူလူရဲ့ တယောက်ချင်းအရည်အသွေးကအဓိကကျပါတယ် ။ပြည်သူလူထုရဲ့တာဝန်ယူတတ်မှု ကအရေးကြီးပါတယ် ။ အရာရာကို ခေါင်းဆောင်တယောက်ထဲ လွှဲချလို့ မရပါဘူး ။ကိုယ်တိုင်လဲပါဝင်ဆောင်ရွက်ရပါမယ် ။ဒီမိုကရေစီလိုချင်တယ်ပြောပြီး အမှိုက်တွေကို တွေ့ကရာနေရာမှာလုံးထွေးပြီးလွှင့်မပစ်ကြဖို့ လိုပါတယ် ။ ဒီမိုကရေစီလိုချင်တယ်ပြောပြီး ကွမ်းတံတွေးတွေ တွေ့ ကရာနေရာမှာမထွေးဖို့ လိုပါတယ် ။ဒီမိုကရေစီလိုချင်တယ်ပြောပြီး အများအတွက်မစဉ်းစားပဲ တကိုယ်ကောင်းမဆန်ကြဖို့ လိုပါတယ် ။ တန်းစီတတ်တဲ့အလေ့အထ ၊ သူတပါးကိုငဲ့ညှာတဲ့အပြုအမူ ၊ နိုင်ငံသားတယောက်ချင်း အရည်အသွေးတိုးတက်အောင် အမြဲမပြတ်လေ့လာဆည်းပူးနေချင်တဲ့စိတ်ဓာတ် ၊တာဝန်ယူမှုတာဝန်ခံမှု ၊မတရားအခွင့်အရေးယူရမှာရှက်တဲ့အကျင့်တွေ အားလုံးမှာရှိနေမှ ဒီမိုကရေစီဝါဒ ခိုင်မြဲမှာပါ ။

မြန်မာနိုင်ငံဟာ ၁၉၅၈ မှာဒီမိုကရေစီ ခေတ္တသေဆုံးသွားတယ် ။ အာဏာရှင်စနစ် ၂ နှစ်လောက်ခေါင်းထောင်ထလာတယ် ။ နောက်တော့ အားလုံးဝိုင်းဝန်းကြိုးစားလို့ ၁၉၆၀ မှာ ဒီမိုကရေစီ ပြန်ပြီးအသက်ဝင်လာတယ် ။ ဒါပေမယ့် ၁၉၆၂ မှာ ဒီမိုကရေစီသေဆုံးရပြန်တယ် ။အခုအချိန်အထိပါပဲ။ အခုတော့ ဒီမိုကရေစီဟာ တစ်ပိုင်းတစ်စထွက်ပေါ်လာပါပြီ ။ ရေရှည်မှာ ဒိထက်မက ဒီမိုကရေစီနိုင်ငံဖြစ်လာဖို့  ၊အာဏာရှင်စနစ်အပြီးတိုင်ကျဆုံးသွားပြီး နိုင်ငံကောင်းစားဖို့  နိုင်ငံသားတစ်ယောက်ချင်းရဲ့အကူအညီလိုတယ် ။ နိုင်ငံသားတွေဟာ ပညာဥာဏ်ရည်မြင့်နေဖို့ လိုတယ် ။ နိုင်ငံသားတွေဟာ ဆင်းရဲတွင်းကလွတ်ဖို့လိုတယ် ။ နိုင်ငံသားတွေ စာတတ်ကြဖို့  ၊စာဖတ်ကြဖို့လိုတယ် ။ရှေးရိုးစွဲအယူအဆတွေ ဖျောက်ဖို့ လိုတယ် ။ဝါးလုံးခေါင်းထဲလသာမနေဖို့လိုတယ် ။

ကိုယ့်သားသမီးလူမမယ်အရွယ်လေးကို ပယောဂဆရာလက်ထဲအပ်ပြီးသေအောင်လုပ်တာထိုင်ကြည့်ကြတဲ့စိတ်ဓာတ်မျိုး ၊လူသေလို့ဝမ်းနည်းကြေကွဲနေတဲ့မိသားစုကို ကိုယ်ချင်းစာတရားမထားနိုင်ပဲ မိမိရပ်ရွာထဲကဖြတ်မသွားဖို့မောင်းထုတ်တဲ့စိတ်ဓာတ်မျိုး ၊ ကိုယ့်စက်လှေမှာ လူများများပါဖို့ ပိုက်ဆံများများပါဖို့ကလွဲပြီး ခရီးသည်တွေအသက်ကို လုံးဝထည်းမတွက်တဲ့စိတ်ဓာတ်မျိုး ၊ရာထူးတစ်ခုကို တာဝန်လို့ သဘောမထားပဲ လုပ်ပိုင်ခွင့်လို့ ယူဆပြီး မတရားမှုကိုမတားဆီးပဲ မိမိကိုယ်ကျိုးပဲကြည့်တဲ့တာဝန်ရှိသူအချို့ရဲ့လုပ်ရပ်မျိုး ၊ ဒီမိုကရေစီဆိုတာ ငါနဲ့ငါ့မိသားစုချမ်းသာရေးလို့ နားလည်တဲ့ အောက်တန်းစားစိတ်ဓာတ်မျိုး၊ ဘယ်သူသေသေငတေမာရင်ပြီးရောဆိုတဲ့ စီးပွားရေးဝိသမလောဘသားစိတ်မျိုး တွေဟာ ဒီမိုကရေစီကိုခြိမ်းခြောက်နေတဲ့ အညံ့စားစိတ်ဓာတ်တွေပဲ ။တိုင်းပြည်တပြည်မှာအဲဒိလိုအညံ့ စားစိတ်ဓာတ်ပိုင်ရှင်တွေများနေမယ်ဆိုရင် ဘယ်တော့မှအထက်တန်းကိုမရောက်နိုင်ဘူး ။ အာဆီယံမှာ ဘိတ် ၊ ကမ္ဘာမှာ ဓားမနောက်ပိတ်ခွေးဘ၀မှာပဲ ကျင်လည်နေရလိမ့်မယ် ။ ဒါတွေအားလုံးကို အစိုးရကလည်း အချိန်မဆိုင်းပဲကိုင်တွယ်ဖြေရှင်းရမယ် ။လူတွေကလည်း ပြောင်းလဲကြရတော့မယ် ။

ကျွန်တော်တို့ ညံ့ရင် ရထားတဲ့ဒီမိုကရေစီလေးတောင်ပြန်ဆုံးရှုံးသွားနိုင်တယ် ။ ဒီမိုကရေစီနဲ့မတန်တဲ့ အညံ့ စားစိတ်ဓာတ်တွေကို ဒီနေ့ ကစပြီး ဖယ်ရှားကြရမှာဖြစ်တယ် ။ ခေတ်ဟောင်းကအတွေးအခေါ်အယူအဆတွေကိုဖယ်ရှားပြီး ၂၁ ရာစုနဲ့ကိုက်ညီတဲ့အတွေးအခေါ်အလုပ်အကိုင်တွေနဲ့ မြန်မာကို ကမ္ဘာကသိအောင်လုပ်ကြရတော့မှာဖြစ်ပါတယ် ။ ဒီမိုကရေစီနိုင်ငံဆိုတာနိုင်ငံသားတဦးချင်းရဲ့အရည်အသွေးပေါ်မှာအခြေခံပြီး တည်ဆောက်ရတာဖြစ်လို့ နိုင်ငံသားတယောက်ချင်းအရည်အသွေးမြင့်ရင် ဒီမိုကရေစီမြန်မြန်ရမယ် ။တဦးချင်းအရည်အသွေးနိမ့်ကျရင်ဒီမိုကရေစီနိုင်ငံထူထောင်ဖို့ ကြန့် ကြာမှာဖြစ်ပါကြောင်း။

သရ၀ဏ်(ပြည်)

စောင့်ကြည့်ဂျာနယ်
၂၈.၁၀.၂၀၁၆



စစ်ကိုင်းတိုင်းဒေသကြီး ကနီမြို့နယ် မိချောင်းတွင်းရွာအနီးမှာ မြုပ်သွားတဲ့ အောင်စိုးမိုးကျော်ရေယာဉ် ပြန်လည်ဆယ်ယူနေတာ ကို အောက်တိုဘာလ ၁၉ ရက်နေ့က တွေ့ရစဉ်။ Photo: Myanmar Fire Services Department (Facebook)
စစ်ကိုင်းတိုင်းဒေသကြီး ကနီမြို့နယ် မိကျောင်းတွင်းကျေးရွာအနား နစ်မြုပ်ခဲ့တဲ့ အောင်စိုးမိုးကျော် ရေယာဉ်မောင်း သူ ပိုင်ရှင် ဦးဇော်မျိုးဝင်းဟာ တိုင်းရဲတပ်ဖွဲ့ထံမှာ ဒီနေ့ လာရောက်အဖမ်းခံခဲ့ပါတယ်။

တမူးမြို့ဘက်ကို ထွက်ပြေးနေရာကနေ လာရောက်အဖမ်းခံတာဖြစ်ကြောင်း ကနီမြို့နယ် ရဲမှူး တင်မောင်မြင့် က ပြောပါတယ်။

"အရင်ကတော့ သူကြောက်လို့ဆိုပြီး တမူးဘက်ကို ထွက်ပြေးခဲ့တာပေါ့။ အခုတော့သူ ရေယာဉ်အသင်း ကရော ပြန်ခေါ်လို့ သူပြန်လာပြီးတော့ အဖမ်းခံတာပါခင်ဗျ။ စက်လှေနစ်မြုပ်မှုကတော့ သူတို့ရဲ့ ပေါ့ဆ မှုကြောင့်ပေါ့ဗျာ။ ဒါကတော့ သိပ်ပြီးတော့ ထွေထွေထူးထူးမရှိပါဘူး။ ရှင်းနေတာပါပဲ။ ရဲစစ်ဆေး ဖို့ကတော့ အချိန်ကာလ ၁ လရပါတယ်ခင်ဗျ။ ရက် ၂၀ အတွင်းမှာ အပြီးစစ်ဆေးပြီးတော့ ကျွန်တော်တို့ ဥပဒေအကြံတောင်းတင်ပြီး တရားစွဲတင်မှာပါခင်ဗျ။ အမြန်ဆုံး ၊ အဲ့တော့မှ သူတို့ တရားရုံးက စစ်ဆေးမှာပါ။"

လာရောက်အဖမ်းခံသူ ဦးဇော်မျိုးဝင်းကို ယင်းမာပင်ခရိုင် မြို့မရဲစခန်းမှာ ဖမ်းဆီးထားတယ်လို့ သိရပါတယ်။

စက်လှေနစ်မြုပ်စဉ်က ဖမ်းဆီးထားတဲ့ လှေမော်တော်လုပ်သား ၄ ဦးကိုတော့ ကနီမြို့နယ်ရဲစခန်းမှာ ဖမ်းဆီးထားတာ ဖြစ်ပါတယ်။

ဖမ်းဆီးခံထားရသူ ၅ဦးကို ရာဇသတ်ကြီးပုဒ်မ ၂၈၀ ရေယာဉ်ကို အရမ်းမောင်းနှင်မှု၊ ပုဒ်မ ၃၀၄(က)/ ၁၁၄ ပေါ့ဆမှုကြောင့်  လူသေမှု နဲ့ အမှုဖွင့်အရေးယူထားပါတယ်။

ကနီမြို့နယ် မိကျောင်းတွင်းကျေးရွာနားမှာ အောက်တိုဘာ ၁၅ ရက်နေ့က အောင်စိုးမိုးကျော် ရေယာဉ်နစ်မြုပ်ရာ မှာ သေဆုံးသူ ၇၀ ကျော်ရှိပြီး အသက်ရှင်ကျန်သူ ၁၅၅ဦး ရှိပါတယ်။

RFA Burmese
http://www.rfa.org/burmese



ငှက်ပျောပင်တွေကို တွေ့ရစဉ်
ကချင်ပြည်နယ် ဝိုင်းမော်မြို့နယ်အတွင်း စိုက်ပျိုးထားတဲ့ တစ်ရှူး ငှက်ပျောတွေကို တရုတ်နိုင်ငံဘက် သယ်ယူချိန်မှာ အသုံးပြုတဲ့ ယာဉ်အစီးရေကို ပြည်နယ်အစိုးရက ကန့်သတ်လိုက်ပါတယ်။

အဲဒီလို ကန့်သတ်ထိန်းချုပ်လိုက်တာကြောင့် တရားမဝင် ကုန်သွယ်မှုတွေကို လျော့ကျစေပြီး အစိုးရအတွက် အခွန်ဝင်ငွေတွေ ပိုမိုရရှိစေမှာဖြစ်တယ်လို့ ကချင်ပြည်နယ် ဘဏ္ဍာအခွန်စီမံကိန်းနဲ့ စီးပွားရေးဝန်ကြီး ဦးဝေလင်း က ပြောပါတယ်။

သြဂုတ်လ ၁ ရက်နေ့ကစပြီး ကုမ္ပဏီတစ်ခုအတွက် အချိန်သီတင်းနှစ်ပတ်မှာ ယာဉ်အစီး တစ်ရာကို စည်းကမ်း ချက်တွေနဲ့အညီ သယ်ယူဖို့ စိစစ်ခွင့်ပြုလိုက်တာဖြစ်ပါတယ်။

ပြီးခဲ့တဲ့ ၂၀၁၅-၂၀၁၆ ဘဏ္ဍာရေးနှစ်မှာ တစ်ရှူးငှက်ပျော စိုက်ပျိုးရေးကဏ္ဍကနေ အခွန်ငွေ ကျပ်သန်း ခုနှစ်ရာကျော်ရရှိခဲ့ပြီး အခုနှစ် ၂၀၁၆-၂၀၁၇ ဘဏ္ဍာနှစ်မှာ ဧပြီလကနေ စက်တင်ဘာလကုန်အထိ ကျပ်သန်း လေးရာကျော် အခွန်ငွေရရှိခဲ့ပါတယ်။

တစ်ရှူး ငှက်ပျောစိုက်ပျိုးရေးလုပ်ငန်းတွေကို ဝိုင်းမော်မြို့နယ် ဂွေထု၊ စင်ကြိုင်၊ မိုင်းနား၊ ရွှေညောင်ပင် ဝါးရှောင် စတဲ့ကျေးရွာတွေတဝိုက်က စိုက်ခင်းတွေမှာ အရင်အစိုးရလက်ထက်ကစပြီး မြေလွတ်၊ မြေလပ်၊ မြေရိုင်းဥပေဒအရ လုပ်ပိုင်ခွင့်တွေချထားပေးတာဖြစ်ပါတယ်။

တိုင်းရင်းသားလက်နက်ကိုင်အဖွဲ့တွေရဲ့ ထိန်းချုပ်နယ်မြေတွေအတွင်း ဘိန်းအစားထိုးသီးနှံအဖြစ် ခွင့်ပြုခဲ့တာဖြစ် ပြီး ဒေသခံတချို့လုပ်ကိုင်တာတွေရှိပေမယ့် အများစုဟာ တရုတ်လုပ်ငန်းရှင်တွေနဲ့ အကျိုးတူလုပ်ကိုင်နေကြတာဖြစ် ပါတယ်။

ပြည်နယ်အစိုးရရဲ့ စာရင်းတွေအရ တစ်ရှူးငှက်ပျောစိုက်ပျိုးရေးကို အများဆုံးလုပ်ကိုင်နေတဲ့ ချန်ရင်ခူး ကုမ္ပဏီ အပါအဝင် ဝိုင်းမော်မြို့နယ်အတွင်းမှာ တစ်ရှူးငှက်ပျောစိုက်ဧက နှစ်သောင်းကျော် ရှိပါတယ်။

RFA Burmese
http://www.rfa.org/burmese



ဓာတ်ပုံ - ဖိုးသီဟ(မြတ်သူထွန်း)
DMG / အောက်တိုဘာ ၂၇

အောက်တိုဘာလ ၉ ရက်နေ့ နံနက်ပိုင်းအချိန်က ဖြစ်ပွားခဲ့သည့် မောင်တောအကြမ်းဖက်မှု ဖြစ်စဉ်အတွင်းတွင် ဘင်္ဂလီကျေးရွာများ မီးရှို့ခံရမှုများရှိခဲ့ပြီး နိုင်ငံတကာအဖွဲ့အစည်းများနှင့် နိုင်ငံတကာမီဒီယာများက တပ်မတော်နှင့် ရဲတပ်ဖွဲ့များကို စွပ်စွဲချက်မှုများပြုလုပ်နေပြီး ၎င်းတို့မှာ မဟုတ်မှန်ဘဲ ဘင်္ဂလီများကသာ စိုးရိမ်ကြောက်လန့်ပြီး မိမိတို့ကိုယ်တိုင် မီးရှို့မှုများပြုလုပ်ခဲ့ခြင်းဖြစ်သည်ဟု လေ့လာစုံစမ်းမှုအရ သိရှိရကြောင်း မောင်တောအကြမ်းဖက်မှု လေ့လာစုံစမ်းရေးကော်မရှင် ဥက္ကဌဦးအောင်ဝင်းက ပြောဆိုလိုက်သည်။

“ကျွန်တော်တို့ အဲဒီဒေသကို လေ့လာစုံစမ်းဖို့ သွားခဲ့ပါတယ်။ ဒီဘင်္ဂလီကျေးရွာတွေ မီးရှို့ခံမှုတွေနဲ့ ပတ်သတ်ပြီး တိုင်းရင်းသားကျေးရွာဒေသခံတွေကို စုံစမ်းမေးမြန်းကြည့်ပါတယ်။ တပ်မတော်နဲ့ ရဲတပ်ဖွဲ့တွေက လာတာတွေ့မတွေ့ရှိရဘူးတဲ့။ သူတို့ဟာသူတို့ မီးရှို့ပြီး ထွက်ပြေးသွားတာပါလို့ ပြောကြတယ်။ ခုက နိုင်ငံအဖွဲ့အစည်းတွေနဲ့ မီဒီယာတစ်ချို့ကပေါ့ စစ်တပ်ကပဲလုပ်သလိုမျိုး၊ ရဲတပ်ဖွဲ့ကပဲလုပ်သလိုမျိုး အမျိုးမျိုး စွပ်စွဲပြီး ရေးနေကြတယ်။ ”ဟုအောင်ဦးအောင်ဝင်းက အောက်တိုဘာလ ၂၇ ရက်နေ့တွင် DMG သို့ ပြောသည်။

အောက်တိုဘာလ ၂၄ ရက်နေ့က စတင်ပြီး မောင်တောဒေသအကြမ်းဖက်တိုက်ခိုက်မှု ဖြစ်စဉ်များနှင့်ပတ်သက်ပြီး ရခိုင်ပြည်နယ် လွှတ်တော်က တပ်မတော်နှင့်ပါတီပေါင်းစုံမှ လွှတ်တော်ကိုယ်စားလှယ် ၁၁ ယောက်ဖြင့် မောင်တော်အကြမ်းဖက်မှု လေ့လာစုံစမ်းရေးကော်မရှင်တစ်ရပ်ကို ဖွဲ့စည်းခဲ့သည်။

ယင်းအဖွဲ့သည် အောက်တိုဘာလ ၂၅ ရက်နေ့မှ ၂၆ ရက်နေ့ထိ မောင်တော၊ ဘူးသီးတောင်မြို့နယ်တို့ကို လေ့လာစုံစမ်းမှု များပြုလုပ်ခဲ့ပြီး ရသေ့တောင်မြို့နယ်ကိုလည်း အကြမ်းဖက်မှု ခံရသည့်ဖြစ်စဉ်များနှင့်ပတ်သက်ပြီး လေ့လာစုံစမ်းမှုများပြုသွားမည်ဟုလည်း သိရသည်။

လေ့လာစုံစမ်းတွေ့ရှိရသည်များကိုလည်း သုံးသပ်ကာ ရခိုင်ပြည်နယ်လွှတ်တော်သို့ ၂ ပတ်အတွင်း တင်ပြရမည်ဖြစ်ပြီး ပြည်နယ်အစိုးရ(သို့)ပြည်ထောင်စု အစိုးရကိုလည်း ဆက်လက်တင်ပြ သွားမည်ဟု သိရသည်။

ထိုသို့သတင်းမှားများ ထုတ်ပြန်ခြင်းသည် ရခိုင်ပြည်နယ်အား မငြိမ်မသက်အောင် လုပ်ဆောင်ခြင်းဖြစ်ပြီး အကြမ်းဖက်တိုက်ခိုက်မှုကြောင့် ထွက်ပြေးတိမ်းရှောင်ရသူများမှာလည်း တိုင်းရင်းသားများဖြစ်ကြောင်းနှင့် စစ်တွေသို့ ထောင်နှင့်ချီသော ရခိုင်တိုင်းရင်းသားများက ထွက်ပြေးတိမ်းရှောင်ခဲ့ရသည်ဟုလည်း သိရှိရသည်။

ဖဒူထွန်းအောင်

Development Media Group
https://www.facebook.com/DevelopmentNJ/


ပြည်သူ့လွှတ်တော်ဥက္ကဌ ဦးဝင်းမြင့်ဟာ ကိုရီးယားသမ္မတနိုင်ငံ သမ္မတ ပတ်ဂွန်ဟေးနဲ့ မနေ့က ကိုရီးယားသမ္မတအိမ်တော်မှာ တွေ့ဆုံခဲ့တယ်လို့ သိရပါတယ်။

 ဒီတွေ့ဆုံပွဲမှာ နှစ်နိုင်ငံအစိုးရချင်း၊ လွှတ်တော်ချင်း ချစ်ကြည်ရင်းနှီးမှုနဲ့ ပူးပေါင်းဆောင်ရွက်ရေးဆိုင်ရာကိစ္စရပ်တွေ၊ လွှတ်တော်ရဲ့ ဥပဒေပြုရေးဆိုင်ရာ ကိစ္စရပ်တွေ၊ ဒီမိုကရေစီပြုပြင်ပြောင်းလဲရေး လုပ်ငန်းစဉ်တွေနဲ့ ပတ်သက်တာတွေကို ဆွေးနွေးခဲ့တယ်လို့သိရပါတယ်။

 ဒီတွေ့ဆုံပွဲမှာ ပြည်သူ့လွှတ်တော်ဥက္ကဌနဲ့အတူ ပြည်သူ့လွှတ်တော် တိုင်းရင်းသားရေးရာနှင့် ပြည်တွင်းငြိမ်းချမ်းရေးဖော်ဆောင်မှုကော်မတီဥက္ကဋ္ဌ ဦးခွန်မောင်သောင်း၊ တောင်သူလယ်သမားနှင့်‌ အလုပ်သမား ရေးရာကော်မတီ အတွင်းရေးမှူး ဦးသိန်းထွန်း၊ လျှပ်စစ်နှင့်စွမ်းအင်ဖွံ့ဖြိုးတိုးတက်ရေးကော်မတီ အဖွဲ့ဝင် ဦးလှထွန်းအောင်၊ ပြည်သူ့လွှတ်တော်ကိုယ်စားလှယ်ဒေါက်တာ အေဇင်လတ် နဲ့ ကိုရီးယားသမ္မတနိုင်ငံဆိုင်ရာ မြန်မာသံအမတ်ကြီး သူရဦးသက်ဦးမောင်တို့ တက်ရောက်ခဲ့ကြပါတယ်။

 ဒါ့အပြင် ပြည်သူ့လွှတ်တော်ဥက္ကဌ ဦးဝင်းမြင့်နဲ့ အဖွဲ့ဟာ ကိုရီးယားနိုင်ငံက စွန့်ပစ်ပစ္စည်းအမှိုက်တွေက စွမ်းအင်ထုတ်လုပ်ပေးနေတဲ့ Gang Nam Resource Recovery Facility ကို သွားရောက်ခဲ့တယ်လို့ သိရပါတယ်။

5 Plus News
https://www.facebook.com/5plusnews


ဒေသဖွံ့ဖြိုးရေး ရန်ပုံငွေ ကျပ်သိန်း တစ်ထောင် ခွဲဝေချထားမှုမှာ မရိုးမဖြောင့်လုပ်ကိုင်တယ်ဆိုပြီး ဧရာဝတီတိုင်းဒေ သကြီး မအူပင်မြို့နယ် တိုင်းဒေသကြီး လွှတ်တော်ကိုယ်စားလှယ် ၂ ဦး၊ မြို့နယ် NLD ပါတီခေါင်းဆောင်ပိုင်းတချို့ နဲ့ ကျေးရွာအုပ်ချုပ်ရေးမှူး စုစုပေါင် ၁၆ ဦးကို ကညင်ဝကျေးရွာအုပ်ချုပ်ရေးမှူးက မအူပင်မြို့မရဲစခန်းမှာ ပုဒ်မ ၄ ခုနဲ့ အမှုဖွင့်လိုက်ပါတယ်။

ကညင်ဝကျေးရွာ အုပ်ချုပ်ရေးမှူး ဦးတင်မျိုး လာရောက်တိုင်ကြားချက်အပေါ် အမှုဖွင့်ဆောင်ရွက်နေတယ်လို့ မအူပင်မြို့မရဲစခန်း စခန်းမှူး ဒုရဲမှူး သိန်းနိုင်အေး က ပြောပါတယ်။

"ဦးတင်မျိုးကနေ တရားလိုလုပ် တိုင်တယ်၊ မအူပင်မြို့မရဲစခန်း ပ (၄၄၄/၂၀၁၆) ရာဇသတ်ကြီးပုဒ်မ ၄၂၀၊ ၅၀၆၊ ၅၀၀၊ ၁၁၄ အဲ့ဒါနဲ့အမှုဖွင့်ထားပါတယ်။ အမှုကတော့ စစ်ဆေးဆဲပါ" လို့ ပြောတာဖြစ်ပါတယ်။

ဒေသဖွံဖြိုးရေး ရန်ပုံငွေခွဲဝေရာမှာ ဥပဒေကိုလိုက်နာမှုမရှိဘဲ ခြိမ်းခြောက် အာဏာပြတယ်ဆိုပြီး ကညင်ဝ ကျေးရွာ အုပ်ချုပ်ရေးမှူးက ပြီးခဲ့တဲ့ အောက်တိုဘာ ၂၆ ရက်နေ့က ရာဇသတ်ကြီးပုဒ်မ ၄၂၀ လိမ်လည်မှု၊ ပုဒ်မ ၅၀၀ အသရေဖျက်မှု၊ ပုဒ်မ ၅၀၆ ရာဇ၀တ်မကင်းသော ခြိမ်းခြောက်မှု၊ ပုဒ်မ ၁၁၄ အားပေးကူညီမှုတွေနဲ့ ကညင်ဝ ကျေး ရွာအုပ်ချုပ်ရေမှူးက တိုင်ကြားခဲ့တာဖြစ်ပါတယ်။

မအူပင်မြို့နယ် အမှတ် ၁ မဲဆန္ဒနယ် တိုင်းဒေသကြီး ကိုယ်စားလှယ် ဦးဇော်မိုး၊ အမှတ် ၂ ကိုယ်စားလှယ် ဦးသက်ကိုလေးနဲ့ မြို့နယ် NLD ပါတီ ဥက္ကဌ ဦးမောင်မောင်၊ အလုပ်အမှုဆောင် ဦးဌေးဦး၊ ကညင်ဝကျေးရွာအုပ်စု အညာစုကျေးရွာက ၁၀ ဦး၊ အလန်းကြီးကျေးရွာနဲ့ ကနူးကျေးရွာက အုပ်ချုပ်ရေးမှူး စုစုပေါင်း ၁၆ ဦးကို အမှုဖွင့် လိုက်တာဖြစ်ပါတယ်။

ကညင်ဝကျေးရွာမှာ ကွန်ကရစ်လမ်းခင်းဖို့ ချထားပေးမယ့် ငွေကျပ် ၂၅ သိန်းကို မချပေးတော့ဘဲ ကညင်ဝကျေးရွာ အုပ်စု အညာစုကျေးရွာ တံတားပြင်ဖို့ လွှဲပြောင်းပေးလိုက်တာနဲ့ ပတ်သက်ပြီး အခုလို တိုင်ကြားအမှုဖွင့်လိုက် တာ ဖြစ်ပါတယ်။

RFA Burmese
http://www.rfa.org/burmese




တရုတ်နိုင်ငံကိုသွားမယ့် တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင် ကို နေပြည်တော် အပြည်ပြည် ဆိုင်ရာလေဆိပ်မှာ အောက်တိုဘာလ ၂၈ ရက်နေ့က တွေ့ရစဉ် ။ Photo: Senior General Min Aung Hlaing Facebook
တပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်ဟာ တရုတ်ပြည်သူ့လွတ်မြောက်ရေး တပ်မတော် စစ်ဦးစီးချုပ် Gen. Fang Fenghui ရဲ့ ဖိတ်ကြားချက်နဲ့ တရုတ်နိုင်ငံကို ဒီနေ့ ထွက်ခွာသွားပါတယ်။

အခုချိန်ဟာ "၀" နဲ့ မိုင်းလားအဖွဲ့အကြား စစ်ရေးတင်းမာနေချိန်ဖြစ်တဲ့အတွက် ကာကွယ်ရေးဦးစီးချုပ်ရဲ့ ခရီးစဉ်မှာ မိုင်းလားအရေးအပါအ၀င် တရုတ်-မြန်မာနယ်စပ်တည်ငြိမ်ရေးကို အထူးဦးစားပေး ဆွေးနွေးနိုင်တယ်လို့ ၂၁ ရာစုပင်လုံညီလာခံမှာ မိုင်းလားအဖွဲ့ရဲ့ နိုင်ငံရေးအကြံပေးအဖြစ် တက်ရောက်ခဲ့တဲ့ စာရေးဆရာ သန်းစိုးနိုင် က ပြောပါတယ်။

"မိုင်းလား ပြဿနာနဲ့ တစ်စုံတရာ ဆက်စပ်မှုရှိလိမ့်မယ်လို့ ယူဆပါတယ်။ ဘာဖြစ်လုိ့လဲဆိုတော့ မိုင်းလား၊ ၀ နဲ့ ကိုးကန့်ဆိုတာ တရုတ်- မြန်မာ နယ်စပ်မျဉ်းပေါ်မှာရှိနေတဲ့ တရုတ်ရဲ့ မဟာမိတ်တွေလို့ လည်း ပြောလို့ရတယ်။ အဲဒီတော့ ဒီမှာဖြစ်နေတဲ့ ပြဿနာတွေကို သေသေချာချာ မထိန်းသိမ်းနိုင်ဘူး ဆိုရင် ဖြစ်လာမယ့် အကျိုးဆက်က တော်တော်လေး ဆိုးဝါးပါတယ်။ အဲဒီဆိုးဝါးမှုတွေက မြန်မာကိုသာ ထိခိုက်မှာ မဟုတ်ဘူး၊ တရုတ်ပြည်ကိုလည်း ထိခိုက်နိုင်တယ် ။ တရုတ်နဲ့ မြန်မာ နှစ်နိုင်ငံရဲ့ မဟာဗျူဟာ ပူးပေါင်းဆောင်ရွက်ရေးကိုလည်း ထိခိုက်နိုင်တဲ့ ကိစ္စတွေဖြစ်တယ်လေ"

တပ်မတော်ကာကွယ်ရေးဦးစီးချုပ်နဲ့အတူ (ကြည်း၊ ရေ၊ လေ) ညှိနှိုင်းကွပ်ကဲရေးမှူး ဗိုလ်ချုပ်ကြီး မြထွန်းဦးနဲ့ ကာကွယ်ရေးဦးစီးချုပ်ရုံးက အရာရှိကြီးတွေ လိုက်ပါသွားတယ်လို့ ဗိုလ်ချုပ်မှူးကြီး မင်းအောင်လှိုင်ရဲ့ အင်တာနက် စာမျက်နှာမှာ ဖော်ပြထားပါတယ်။

"၀" နဲ့ အစိုးရတပ်မတော်တို့ တိုက်ပွဲတွေဖြစ်လာရင် မဲခေါင်မြစ်ဝှမ်းကနေ ရွှေလီ မြစ်ဝှမ်းတစ်လျှောက်အထိ တိုက်ပွဲတွေ ပျံ့နှံ့သွားနိုင်တယ်လို့ ဦးသန်းစိုးနိုင်က ပြောပါတယ်။

ဒီခရီးစဉ်နဲ့ပတ်သက်ပြီး တပ်မတော်ပြန်ကြားရေးတာဝန်ရှိသူ ဗိုလ်ချုပ်အောင်ရဲဝင်းကို ဆက်သွယ်မေးမြန်းခဲ့ပေမယ့် ခရီးထွက်နေတဲ့အတွက် မေးမြန်းလို့ မရခဲ့ပါဘူး။

တရုတ်နိုင်ငံမှာ နေထိုင်တဲ့ နိုင်ငံရေးလေ့လာသူ ဒေါက်တာလှကျော်ဇော က နယ်စပ်တလျှောက်မှာရှိတဲ့ တိုင်းရင်းသားလက်နက်ကိုင်အဖွဲ့တွေနဲ့ အစိုးရအဖွဲ့တို့ လုပ်ဆောင်နေတဲ့ ငြိမ်းချမ်းရေးကိစ္စတွေနဲ့ ပတ်သက်ပြီး တရုတ်ခေါင်းဆောင်တွေနဲ့ ဗိုလ်ချုပ်မှူးကြီး မင်းအောင်လှိုင်တို့ ဆွေးနွေးနိုင်တယ်လို့ ပြောပါတယ်။

ရှမ်းပြည်နယ်အရှေ့ပိုင်း မိုင်းလားဒေသက အရေးပါတဲ့ နယ်စပ်ဝင်ပေါက်ဂိတ်တွေမှာ "၀"တပ်ဖွဲ့က တပ်စွဲထားတာကို ပြီးခဲ့တဲ့အောက်တိုဘာလ ၂၄ရက်နေ့ နောက်ဆုံးထား ဖယ်ရှားပေးဖို့ အစိုးရတပ်မတော်က အကြောင်းကြားထားတာကြောင့် နှစ်ဖက်စစ်ရေးတင်းမာနေပြီး မိုင်းလားဒေသခံတွေက စိုးရိမ်နေကြပါတယ်။

လက်ရှိအနေအထားအရ မိုင်းလားနယ်နမိတ်ထဲမှာ "၀" တပ်ဖွဲ့ရှိနေပေမယ့် မိုင်းလားဒေသရဲ့ အုပ်ချုပ်ရေးကို မိုင်းလားခေါင်းဆောင်တွေကသာ ထိန်းချုပ်ထားဆဲဖြစ်ပါတယ်။

RFA Burmese
http://www.rfa.org/burmese