10/31/16

Saudi Arbia နိုင်ငံ Fahad ကစားကွင်းတွင် ပရိတ်သတ်များကိုတွေ့ရစဉ်

Saudi Arbia နိုင်ငံ Fahad ကစားကွင်းတွင် ပရိတ်သတ်များကိုတွေ့ရစဉ်.                                      ၂၀၁၈ ခုနှစ် ကမ္ဘာ့ဖလား ဘောလုံး ခြေစစ်ပွဲကို ဗုံးခွဲတိုက်ခိုက်မယ့် အစီအစဉ်ကို ဖော်ထုတ် တားဆီးလိုက်ကြောင်းနဲ့ IS အစ္စလာမ်မစ်စစ်သွေးကြွအဖွဲ့နဲ့ ဆက်နွယ်မှုရှိတယ်လို့ မသင်္ကာရသူတွေကို ဖမ်းဆီးလိုက်နိုင်ကြောင်း ဆော်ဒီအာရေးဗီးယားက ပြောပါတယ်။

Jeddah မြို့ Al-Jawhara အားကစားကွင်းမှာ အောက်တိုဘာလ ၁၁ ရက်နေ့က ကျင်းပဖို့ရှိတဲ့ ဆော်ဒီအာရေးဗီးယားနဲ့ UAE အာရပ်စော်ဘွားများနိုင်ငံတို့ရဲ့ ကမ္ဘာ့ဖလား ခြေစစ်ပွဲအတွက် အားကစားရုံအပြင်မှာ ကားဗုံးထောင် တိုက်ခိုက်ဖို့ လူတစုက စီစဉ်ခဲ့ကြောင်း ဆော်ဒီ အာဏာပိုင်တွေက တနင်္ဂနွေနေ့မှာ ကြေညာပါတယ်။ ဒီအားကစားကွင်းဟာ လူပေါင်း ၆၂,၀၀၀ ဆန့်တဲ့ကွင်း ဖြစ်ပါတယ်။

တိုက်ခိုက်မှု မဖြစ်ပွားခင် တရက်အလိုမှာ ပါကစ္စတန်နိုင်ငံသား ၂ ဦး၊ ဆီးရီးယားနဲ့ ဆူဒန်နိုင်ငံသား တဦးစီ၊ စုစုပေါင်း နိုင်ငံခြားသား ၄ ဦးကို ဖမ်းဆီးလိုက်တယ်လို့ ဆိုပါတယ်။ သူတို့ဟာ IS အဖွဲ့နဲ့ ဆက်နွယ်မှု ရှိမရှိဆိုတာကိုတော့ တာဝန်ရှိသူတွေက ထုတ်ဖော် ပြောဆိုခြင်း မရှိပါဘူး။

အလားတူပဲ IS အဖွဲ့ရဲ့ ညွန်ကြားချက်အရ Shaqraa ခရိုင်အတွင်းက ရဲအရာရှိတွေကို တိုက်ခိုက်ဖို့ စီစဉ်ခဲ့တဲ့ ဆော်ဒီနိုင်ငံသား ၄ ဦးကိုလည်း တိုက်ခိုက်မှု မဖြစ်ပွားခင် ဖမ်းဆီးလိုက်ကြောင်း ဆော်ဒီ အာဏာပိုင်တွေက ပြောပါတယ်။.                                  VOA    

နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် နှင့်ဂျပန်နိုင်ငံခြားရေးဝန်ကြီး နှင့် အတူကျင်းပသည့် သတင်းစာရှင်းလင်းပွဲ (မေလ ၃ ရက် ၂၀၁၆)
နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည် နှင့်ဂျပန်နိုင်ငံခြားရေးဝန်ကြီး နှင့် အတူကျင်းပသည့် သတင်းစာရှင်းလင်းပွဲ (မေလ ၃ ရက် ၂၀၁၆)

နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ဟာ ဂျပန်နိုင်ငံကို ၅ ရက်ကြာခရီးစဉ်အဖြစ် နိုဝင်ဘာ ၁ ရက်နေ့မှာ စတင် သွားရောက်မှာ ဖြစ်ပါတယ်။

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ဟာ ဂျပန်ဝန်ကြီးချုပ် Shinzo Abe ရဲ့ ဖိတ်ကြားချက်အရ ဂျပန်နိုင်ငံကို တရားဝင် ချစ်ကြည်ရေးခရီး သွားရောက်မှာ ဖြစ်ကြောင်း နိုင်ငံတော်အတိုင်ပင်ခံရုံးက ကြေညာချက် ထုတ်ပြန်ခဲ့ပါတယ်။

၅ ရက်ကြာ ဂျပန်ခရီးစဉ်အတွင်း ဂျပန်ဝန်ကြီးချုပ်နဲ့ တွေ့ဆုံ ဆွေးနွေးဖို့ရှိသလို၊ ဂျပန်ဧကရာဇ် Akihito ကြင်ယာတော် Michiko တို့နဲ့လည်း ဒေါ်အောင်ဆန်းစုကြည် တွေ့ဆုံမှာဖြစ်ကြောင်း ပြီးခဲ့တဲ့ သီတင်းပါတ်ထဲမှာပဲ ဂျပန်ဝန်ကြီးချုပ်ရုံး အတွင်းဝန်ချုပ် Yoshihide Suga က သတင်းစာရှင်းလင်းပွဲမှာ ပြောဆိုခဲ့ပြီး ဒီခရီးစဉ်ကနေ ဂျပန်-မြန်မာ နှစ်နိုင်ငံကြား သမိုင်းကြောင်းအရ ရင်းနှီးခင်မင်တဲ့ ဆက်ဆံရေးတွေကို ပိုမို နက်ရှိုင်းစေလိမ့်မယ် လို့လည်း ပြောပါတယ်။

ဒါဟာ ဧပြီလ မြန်မာနိုင်ငံမှာ အမျိုးသား ဒီမိုကရေစီ အဖွဲ့ချုပ် NLD ပါတီ ဦးဆောင်တဲ့ အစိုးရသစ်တက်လာခဲ့ပြီး နောက်ပိုင်း ဒေါ်အောင်ဆန်းစုကြည်ရဲ့ ပထမဆုံး ဂျပန်ခရီးစဉ် ဖြစ်ပါတယ်။ ဒေါ်အောင်ဆန်းစုကြည်ဟာ ၂၀၁၃ ခုနှစ်က NLD ဥက္ကဌ အနေနဲ့ ဂျပန်ကို အလည်အပတ် သွားရောက်ခဲ့ပါတယ်။

ဂျပန်နိုင်ငံခြားရေးဝန်ကြီး Fumio Kishida ကလည်း မေလထဲမှာ မြန်မာနိုင်ငံကို လာရောက်ခဲ့ပြီး မြန်မာနိုင်ငံမှာ စီးပွါးရေး ဖွံ့ဖြိုးမှုနဲ့ ဒီမိုကရေစီ ရေး အကောင်ထည်ဖေါ်ဖို့ ၂ နိုင်ငံ လက်တွဲလုပ်ဆောင်ရွက်ရေးအတွက် နိုင်ငံတော်အတိုင်ပင်ခံ နိုင်ငံခြားရေးဝန်ကြီး ဒေါ်အောင်ဆန်းစုကြည်နဲ့ ဆွေးနွေးခဲ့တာ ဖြစ်ပါတယ်။ ၂ နိုင်ငံကြား ဖွံ့ဖြိုးရေး ဆိုင်ရာ မဟာမိတ်တွေအနေနဲ့ ပူးပေါင်းဆောင်ရွက်ဖို့လည်း သဘောတူညီခဲ့ကြတာ ဖြစ်ပါတယ်။
VOA Burmese News


ထိုင်းဝန်ကြီးချုပ် ပရာယွတ်ချန်အိုချာက ကြေညာခဲ့သည့် အိမ်ရှေ့မင်းသား၏ ထီးနန်းဆက်ခံရေးဆိုင်ရာ ပြောဆိုချက်များမှာ စစ်တပ်နှင့် ဆက်ဆံရေး အနှောင့်အယှက် ဖြစ်စေမည့် လက္ခဏာများ ပါဝင်ခြင်း ရှိမရှိ ဂရုတစိုက် စောင့်ကြည့်နေကြသည်။ ခမည်းတော် ကွယ်လွန်သည်မှာ ၂ ပတ်ကျော်ကြာပြီး ဖြစ်သောလည်း ၄င်း နန်းဆက်ခံရေးမှာ မသေချာသေးပဲ အလုပ်ကိစ္စဖြင့် ဆိုကာ ဂျာမနီနိုင်ငံသို့ အခုရက်ပိုင်းအတွင်း ပြန်လည်ထွက်ခွာသွားခဲ့သည်။

နန်းတော်၏ ဘဏ္ဍာနှင့် ကြီးကြပ်မှုများကို ပြုလုပ်ရန် အသက် ၉၆ နှစ်အရွယ် ထိုင်းဗိုလ်ချုပ်ကြီးဟောင်း
ပရမ်တင်ဆူလာနွန်ဒါက နန်းတော်၏ Regent အုပ်စိုးသူ ဖြစ်လာသည်။ (ဗိုလ်ချုပ်ကြီး ပရမ်မှာ မြန်မာကာကွယ်ရေးဦးစီးချုပ် ဗိုလ်ချုပ်မှုးကြီး မင်းအောင်လှိုင်ကို မွေးစားထားသည်ဟု ထိုင်းမီဒီယာများက ဖော်ပြခဲ့ကြသည်။)

အိမ်ရှေ့စံ၏ ရှုပ်ပွေသည့် နောက်ကြောင်းနှင့် ထိုင်းပြည်သူများအား အရှက်ရစေခဲ့သည့် ဖြစ်ရပ်များက ၄င်းအား ထီးနန်းဆက်ခံခြင်းမှာ နှောင့်နှေးစေနေခြင်းလားဟု လေ့လာသူများက သုံးသပ်ကြသည်။

အောက်တိုဘာ ၁၃ က ကွယ်လွန်ခဲ့သည့် ထိုင်းဘုရင်မင်းမြတ် ဘူမိဘော နေရာအား ဆက်ခံမည့် အိမ်ရှေ့မင်းသား မဟာဝဇီရာလောင်ကွန်း အနေဖြင့် ဘုရင်စနစ်ကို ထောက်ခံသူများနှင့် ကျေးလက်လူထု အကြိုက် နိုင်ငံရေးသမားများကြား ကွဲပြားမှုများ ရှိနေသည့် နိုင်ငံကို ပြန်လည်ကုစားရန် ကြီးလေးသည့် တာဝန်ကို ထမ်းဆောင်ရမည်ဖြစ်သည်။

ကွယ်လွန်သူ ဘုရင်ဘူမိဘောနှင့် မိဖုရား သီရိခေတ်တို့၏ တစ်ဦးတည်းသော သားဖြစ်သည့် အသက် ၆၄ နှစ်ရှိ အိမ်ရှေ့မင်းသား ၀ဇီရာလောင်ကွန်းကို ၁၉၅၂ တွင် ဘန်ကောက်ရှိ ဒူစစ်နန်းတော်တွင် မွေးဖွားခဲ့သည်။ မင်းသားသည် ထိုင်းနိုင်ငံတွင် အခြေခံပညာရေး ပြီးဆုံးပြီးနောက် ဆယ်ကျော်သက်အရွယ်တွင် ဥရောပနှင့် သြစတြေးလျရှိ ပုဂ္ဂလိက ကောလိပ်များတွင် တက်ရောက်ခဲ့သည်။ ထို့နောက် မင်းသား ၀ဇီရာလောင်ကွန်းသည် သြစတြေးလျနိုင်ငံ၊ ဒန့်ရွန်းရှိ တော်ဝင်စစ်ကောလိပ်မှ ဘွဲ့ရခဲ့ကာ ထိုင်းစစ်တပ်တွင် လေယာဉ်မှူးအဖြစ် ထမ်းဆောင်ခဲ့သည်။

၁၉၇၀ ပြည့်လွန်နှစ်များအတွင်း ထိုင်းကွန်မြူနစ်ပါတီအား တိုက်ခိုက်သည့် စစ်ဆင်ရေးများတွင် အိမ်ရှေ့မင်းသား ၀ဇီရာလောင်ကွန်း ပါဝင်တိုက်ခိုက်ခဲ့သည်။ မင်းသား ၀ဇီရာလောင်ကွန်းသည် အသက် ၂၀ တွင် နန်းမွေဆက်ခံသူ အိမ်ရှေ့မင်းသားအဖြစ် သတ်မှတ်ခံခဲ့ရသည်။ နှစ် ၇၀ ကြာ ထီးနန်းစိုးစံခဲ့သည့် ဖခင်ဘုရင် ဘူမိဘောနှင့် ကွဲပြားစွာပင် အိမ်ရှေ့မင်းသားသည် နန်းမဆန်သည့် အပြုအမူများ ပြုလုပ်လေ့ရှိသူ၊ မိန်းမလိုက်စားသူ၊ ဇနီးများအား နှိပ်စက်တတ်သူအဖြစ် ထင်ရှားသည်။ ၄င်း၏ ညီမဖြစ်သူ မင်းသမီး သီရိဒုံမှာမူ ဖခင် ဘူမိဘော၏ ခြေရာကို လိုက်မှီသူအဖြစ် ထိုင်းပြည်သူအများက လေးစားကြည်ညိုကြသည်။


အိမ်ရှေ့မင်းသားသည် ၃ ကြိမ် လက်ထပ်ခဲ့ပြီး အသက် ၁၁ နှစ်မှ ၃၇ နှစ်အထိရှိသည့် သား ငါးဦးနှင့် သမီး နှစ်ဦးရှိသည်။ မင်းသား ၀ဇီရာလောင်ကွန်း၏ ပထမအိမ်ထောင်မှာ မိဖုရားသီရိခေတ်ဘက်မှ တော်စပ်သည့် နှမ၀မ်းကွဲဖြစ်သူ သုန်သာဝလီကစ်ထိရကာရာ ဖြစ်သည်။ ထိုလက်ထပ်မှုမှာ ၁၉၇၇ မှ ၁၉၉၁ အထိ ၁၄ နှစ် ကြာမြင့်ခဲ့သည်။ မင်းသမီး သုန်သာဝလီသည် အိမ်ရှေ့မင်းသားနှင့် ကွာရှင်းပြီးသော်လည်း မိသားစုဝင်အဖြစ် ဆက်ရှိနေပြီး တော်ဝင်မိသားစု တာဝန်များ ဆက်လက် ထမ်းဆောင်လျက်ရှိသည်။ ပထမအိမ်ထောင်မှ မွေးဖွားခဲ့သည့် အသက် ၃၇ နှစ်အရွယ်ရှိ မင်းသမီး ဘာဂျရာကစ်ထိရဘာ သည် သြစတြေးလျနိုင်ငံဆိုင်ရာ ထိုင်းသံအမတ်အဖြစ် ဆောင်ရွက်ခဲ့ပြီးနောက် ရှေ့နေချုပ်ရုံးတွင် တာဝန်ထမ်းဆောင်ခဲ့သည်။

အိမ်ရှေ့မင်းသားသည် ကာလရှည်ကြာ ဇာတ်လမ်းဖြစ်ခဲ့သည့် သရုပ်ဆောင် သူဇာရီနီ ၀ီဝါချရာဝေါင်ဆီနှင့် ၁၉၉၄ တွင် လက်ထပ်ခဲ့သည်။ သား လေးဦးနှင့် သမီးတစ်ဦး မွေးဖွားခဲ့သည့် ထိုအိမ်ထောင်မှာ နှစ်နှစ်သာ တည်တံ့ခဲ့ပြီး ၁၉၉၆ တွင် ကွာရှင်းခဲ့သည်။ ကွာရှင်းပြီးနောက်တွင် သူဇာရီနီနှင့် သားလေးဦးမှာ တော်ဝင်အိမ်ရာများမှ နှင်ထုတ်ခံရပြီး ထိုင်းနိုင်ငံအတွင်း ပြန်လည်ဝင်ရောက်ခွင့် ကန့်သတ်ခံရကာ ယခုအခါ အမေရိကန်နိုင်ငံ၌ နေထိုင်လျက်ရှိသည်။ ဒုတိယအိမ်ထောင်မှ သမီးဖြစ်သူကိုမူ အင်္ဂလန်နိုင်ငံတွင် ပညာသင်ယူနေစဉ် အိမ်ရှေ့မင်းသားက မိခင်ဖြစ်သူ၏ ခွင့်ပြုချက် မပါပဲ ထိုင်းနိုင်ငံသို့ ပြန်လည်ခေါ်ဆောင်လာခဲ့သည်။ ယခုအခါ အသက် ၂၉ နှစ်ရှိပြီဖြစ်သည့် မင်းသမီး သီရိဝဏ္ဏ၀ါရီ နာရီရတနာသည် အဖိုးဖြစ်သူ ဘုရင် ဘူမိဘောကဲ့သို့ပင် အားကစား ၀ါသနာပါသူဖြစ်ပြီး ၂၀၀၇ ဆီးဂိမ်းတွင် ထိုင်းလက်ရွေးစင် ကြက်တောင်ကစားသမားအဖြစ် ပါဝင်ခဲ့သည်။

မဟာဝဇီရာ မင်းသားသည် ၂၀၀၁ တွင် အသက် ၂၂ နှစ်အရွယ် သီရိသမီ ဆူဝဒီနှင့် တတိယ အိမ်ထောင် အဖြစ် လက်ထပ်ခဲ့သည်။ သီရိသမီနှင့် မွေးဖွားခဲ့သည့် မင်းသား ဒီပန်ကွန်း ရာသမီဂျိုတီသည် တော်ဝင်မိသားစုက ဦးဆောင်သည့် မိခင်နို့တိုက်ကျွေးရေး လှုပ်ရှားမှုတွင် ပိုစတာမင်းသားအဖြစ် ဖော်ပြခံခဲ့ရသည်။ မင်းသမီး သီရိသမီကို ၂၀၁၄ တွင် ကွာရှင်းခဲ့ပြီးနောက် တော်ဝင်ဘွဲ့ထူးများ ရုပ်သိမ်းခံခဲ့ရသည်။ ၂၀၁၅ တွင် မင်းသမီး၏ မိဘများနှင့် မိသားစုဝင်အချို့သည် တော်ဝင်မိသားစုအား ဂုဏ်သရေဖျက်မှု အပါအ၀င် ရာဇ၀တ်မှုများနှင့် ထောင်ဒဏ် ၂ နှစ်ခွဲမှ ၅ နှစ်အထိ ချမှတ်ခံခဲ့ရသည်။

အိမ်ရှေ့မင်းသား ၀ဇီရာလောင်ကွန်းအတွက် မိသားစုဝင်များထက်ပင် ရင်းနှီးမှုရှိသူမှာ ပူဒယ်အမျိုးအစား ခွေး ဖူဖူ ဖြစ်သည်။ ထိုခွေး ဖူဖူသည် ထိုင်းပြည်သူများနှင့် နိုင်ငံခြားသားများ၏ စိတ်ဝင်စားမှု ခံရသူဖြစ်သည်။ ဖူဖူအား ဘန်ကောက်မြို့ရှိ နာမည်ကျော် ချာတူချက်ဈေးမှ ၀ယ်လာခြင်းဖြစ်သည်။ ဖူဖူသည် ဂုဏ်ထူးဆောင် လေတပ်အရာရှိချုပ်အဖြစ် ခန့်အပ်ခံထားရသည်။ အိမ်ရှေ့မင်းသား၏ နန်းတော်အတွင်း အခြေအနေကို ၂၀၀၇ တွင် ထွက်ပေါ်လာသည့် ဗီဒီယိုတစ်ခု၌ မြင်တွေ့ရသည်။ ဗီဒီယိုတွင် မွေးနေ့ပွဲ၌ တတိယ အိမ်ထောင်ဖြစ်သူ မင်းသမီး သီရိသမီသည် အပေါ်ပိုင်းဗလာကျင်းလျက် လမ်းလျှောက်နေသည့်ပုံ ပါဝင်ပြီး ကိတ်မုန့်ကို ဖူဖူနှင့်အတူ စားနေသည်ကို မြင်တွေ့ရသည်။

မင်းသားသည် နန်းတော်ဘ၀နှင့်ဝေးရာ ဂျာမနီနိုင်ငံ၊ မြူးနစ်တွင် နေထိုင်နေစဉ်ကာလအတွင်း မင်းသား၏ဘ၀မှ စိတ်ဝင်စားဖွယ်ရာများကို ဖူဖူနှင့် ပတ်သက်သည့် အဖြစ်များက ဖော်ပြလျက်ရှိသည်။ မင်းသားသည် အရေးကြီးသည့် ပွဲလမ်းသဘင်များကို ဖူဖူကို ခေါ်သွားလေ့ရှိပြီး ဧည့်သည်များနှင့် စားသောက်နေချိန်တွင် အနား၌ ထိုင်ခိုင်းထားလေ့ရှိသည်။ ပြီးခဲ့သည့်နှစ်က ဖူဖူသေဆုံးချိန်တွင် ဗုဒ္ဓဘာသာဓလေ့ ထုံးစံအတိုင်း လေးရက်ကြာ အခမ်းအနားပြုလုပ်ပြီး သင်္ဂြိုဟ်ခဲ့သည်။

အဆိုပါ နန်းမဆန်သည့် အပြုအမူများကြောင့်ပင် ပြီးခဲ့သည့် ၂ နှစ်အတွင်း ထိုင်းအာဏာပိုင်များက ပြည်သူများနှင့် အိမ်ရှေ့မင်းသား ရင်းနှီးမှုရစေရန် ဆောင်ရွက် ခဲ့ကြသည်။ အိမ်ရှေ့မင်းသားက ၁၉၈၀ ပြည့်လွန်နှစ်များတွင် ထိုင်းမီဒီယာတစ်ခုနှင့် ပြုလုပ်သည့် အင်တာဗျူး၌ ယင်း၏ အရောင်စုံသော ဘ၀ပုံရိပ်နှင့် ပတ်သက်၍ သတိထားမိကြောင်း ပြောကြားခဲ့သည်။ မင်းသားက အကယ်၍ သူသည် သိုးမည်းတစ်ကောင် ဖြစ်သည်ဆိုပါက “တစ်ခါတစ်ရံ သိုးမည်းကလည်း အခြားသူတွေကို ကူညီပေးတာရှိပါတယ်။ သိုးမည်းတွေကြောင့် သိပ်မဖြူတဲ့သူတွေတောင် ပိုဖြူသလို ထင်ရပါတယ်” ဟု ပြောကြားခဲ့သည်။

ဒုတိယ မိသားစုအား မင်းသား၏ ဆက်ဆံပုံနှင့် ပတ်သက်၍ ဝေဖန်မှုများအကြောင်း မေးမြန်းသည့်အခါ အိမ်ရှေ့မင်းသားက ဖခင်ကောင်းတစ်ဦးဖြစ်လိုပြီး သားသမီးအားလုံးကို မျှတစွာ ဆက်ဆံသည်ဟု ဖြေကြားခဲ့သော်လည်း အမေရိကန်ရောက် သား ၄ ဦးက ဖခင်ကို တွေ့ခွင့်ရရန် အကြိမ်ကြိမ်ကြိုးစားသော်လည်း နှစ်ပေါင်းများစွာ ငြင်းပယ်ခံနေရဆဲဖြစ်သည်။

အိမ်ရှေ့မင်းသား ၀ဇီရာလောင်ကွန်းသည် သူတန်ဖိုးထားသည့် ကိုယ်ပိုင်လွတ်လပ်ခွင့်အား ကျောခိုင်းရန် ပြင်ဆင်နေချိန်တွင် ထီးနန်းဆက်ခံမှုက ဘုရင်စနစ် ထောက်ခံသူများအပေါ် မည်သို့ လွှမ်းမိုးသက်ရောက်မှု ရှိစေမည်ကို မသိနိုင်ဟု လေ့လာသူများက ဆိုသည်။ ထို့အပြင် ပိုမိုအရေးကြီးသည့် အချက်မှာ အိမ်ရှေ့မင်းသား၏ အရောင်စုံသော ပုံရိပ်က နက်ရှိုင်းသည့် ကွဲပြားမှုများ ရှိနေသည့် နိုင်ငံတွင် ညီညွတ်စေသူအဖြစ် သတ်မှတ်ခံသည့် ဖခင်နေရာကို ဆက်ခံနိုင်သည့် စိတ်ဓာတ် အရည်အချင်းရှိမရှိ မေးခွန်းထုတ်ခံရခြင်း ဖြစ်သည်။

ထိုင်းပြည်သူအများစုကမူ မင်းသာ မဟာဝဇီရာမှာ ဖခင်ကောင်း တစ်ဦး မဟုတ်သဖြင့် ဘုရင်ကောင်းတစ်ဦး ဖြစ်လာနိုင်ဖွယ်မရှိဟု ယူဆထားကြသည်။

KHTun

The Ladies News

Author Name

Contact Form

Name

Email *

Message *

Powered by Blogger.