11/02/16



တိုကျို နိုဝင်ဘာ ၂

နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်အား ဂျပန်နိုင်ငံ ၀န်ကြီးချုပ် မစ္စတာ ရှင်ဇိုအာဘေးက ယနေ့ ညနေပိုင်းတွင် တိုကျိုမြို့ရှိ Akasaka State Guest House ၌ ဂုဏ်ပြုအခမ်းအနားဖြင့် ကြိုဆိုသည်။

ထို့နောက် နိုင်ငံတော်၏ အတိုင်ပင်ခံ ပုဂ္ဂိုလ်နှင့် ဂျပန်နိုင်ငံ ၀န်ကြီးချုပ် တို့ တွေ့ဆုံကြသည်။


တွေ့ဆုံစဉ် နှစ်နိုင်ငံအကြား စီးပွားရေးကဏ္ဍ ပူးပါင်းဆောင်ရွက်မှု မြှင့်တင်ရေး၊ အထူးသဖြင့် မြန်မာနိုင်ငံ စီးပွားရေးဖွံ့ဖြိုး တိုးတက်မှုအတွက် ဂျပန်နိုင်ငံမှ ပုဂ္ဂလိက လုပ်ငန်းများ ရင်းနှီးမြှုပ်နှံမှု ပိုမိုလာရောက်ရေး၊ ကာကွယ်ရေး ကဏ္ဍ ပူးပေါင်းဆောင်ရွက် ရေး၊ လူ့စွမ်းအားအရင်းမြစ် ဖွံ့ဖြိုးတိုးတက်ရေးနှင့် နှစ်ဖက်လူငယ်များ အကြား အပြန်အလှန် ဖလှယ်ရေးနှင့် မြန်မာနိုင်ငံ၏ အမျိုးသား ပြန်လည် စည်းလုံးညီညွတ်ရေး လုပ်ငန်းစဉ်များအပေါ် ဂျပန်နိုင်ငံမှ ပူးပေါင်း ဆောင်ရွက်ရေး ကိစ္စရပ်များ အပါအ၀င် နှစ်နိုင်ငံ ဆက်ဆံရေးနှင့် ဒေသတွင်းဆိုင်ရာ ကိစ္စရပ်များကို ဆွေးနွေးခဲ့ကြသည်။


ယင်းနောက် နိုင်ငံတော်၏ အတိုင်ပင်ခံပုဂ္ဂိုလ်နှင့် ဂျပန်နိုင်ငံဝန်ကြီးချုပ်တို့သည် နှစ်နိုင်ငံ သဘောတူ စာချွန်လွှာ လက်မှတ်ရေးထိုးခြင်း အခမ်းအနားကို တက်ရောက်ကြ သည်။
နိုင်ငံတော်၏ အတိုင်ပင်ခံပုဂ္ဂိုလ်နှင့် ဂျပန်နိုင်ငံဝန်ကြီးချုပ် မစ္စတာ ရှင်ဇိုအာဘေး တို့၏ ရှေ့မှောက်တွင် နှစ်နိုင်ငံ ပြည်သူများအကြား ချစ်ကြည်ရင်းနှီးမှုနှင့် အပြန်အလှန် ဖလှယ်မှုများမှတစ်ဆင့် မြန်မာနိုင်ငံ လူ့စွမ်းအားအရင်းအမြစ် ဖွံ့ဖြိုးတိုးတက်ရေး အတွက် "မြန်မာနိုင်ငံနှင့် ဂျပန်နိုင်ငံအစိုးရတို့အကြား ဂျပန်ပြည်ပ ပူးပေါင်းဆောင်ရွက်မှု လုပ်အားပေးများ စေလွှတ်ရေး အစီအစဉ်အရ မြန်မာနိုင်ငံသို့ လုပ်အားပေးများ စေလွှတ်ရေးဆိုင်ရာ စာချွန်လွှာ" (Exchange of Notes the dispatch of volunteers to the Republic of the Union of Myanmar under the Japan Overseas Volunteers Programme Between the Government of the Republic of the Union of Myanmar and the Government of Japan) အား မြန်မာနိုင်ငံအစိုးရကိုယ်စား စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းနှင့် ဂျပန်နိုင်ငံ အစိုးရကိုယ်စား မြန်မာနိုင်ငံဆိုင်ရာ ဂျပန်သံအမတ်ကြီး မစ္စတာ တာတိရှိ ဟိဂုချိ တို့က လက်မှတ်ရေးထိုး လဲလှယ်ကြသည်။

အခမ်းအနားအပြီးတွင် နိုင်ငံတော်၏အတိုင်ပင်ခံပုဂ္ဂိုလ်နှင့် ဂျပန်နိုင်ငံဝန်ကြီးချုပ် တို့သည် ပူးတွဲသတင်းစာရှင်းလင်းပွဲတစ်ရက် ပြုလုပ်ခဲ့သည်။

ညပိုင်းတွင် နိုင်ငံတော်၏ အတိုင်ပင်ခံ ပုဂ္ဂိုလ်အား ဂျပန်ဝန်ကြီးချုပ်က ဂုဏ်ပြု ညစာစားပွဲဖြင့် တည်ခင်း ဧည့်ခံသည်။

နိုင်ငံတော်၏ အတိုင်ပင်ခံပုဂ္ဂိုလ်သည် နံနက်ပိုင်းတွင် တိုကျိုမြို့ရှိ Rahga ဟိုတယ်၌ ဂျပန်နိုင်ငံရောက် မြန်မာနိုင်ငံသားများနှင့် လူမှုအဖွဲ့အစည်းများနှင့် တွေ့ဆုံ သည်။

ထို့နောက် နိုင်ငံတော်၏ အတိုင်ပင်ခံ ပုဂ္ဂိုလ်သည် တိုကျိုမြို့ရှိ မြန်မာသံရုံး၌ ဂျပန်နိုင်ငံဆိုင်ရာ မြန်မာ သံအမတ်ကြီး ဦးသူရိန်သန့်ဇင်က တည်ခင်းဧည့်ခံသည့် နေ့လယ်စာစားပွဲသို့ တက်ရောက်ပြီး သံရုံး၊ စစ်သံရုံးဝန်ထမ်းများ၊ မိသားစုများနှင့် ရင်းရင်းနှီးနှီး တွေ့ဆုံသည်။

MOI Webportal Myanmar
https://www.facebook.com/MOIWebportalMyanmar


 ဒေါ်အောင်ဆန်းစုကြည် နိုဝင်ဘာ ၁ ရက်နေ့က ဂျပန်နိုင်ငံကို ရောက်ရှိ
နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်း စုကြည် ဟာ နိုဝင်ဘာလ ၁ ရက်နေ့က ဂျပန်နိုင်ငံကို ရောက်ရှိ သွားပြီ ဖြစ်ပါတယ်။

ဒီခရီးစဉ်က မြန်မာ နိုင်ငံအတွက် နိုင်ငံရေး အရရော စီးပွားရေး အရပါ အရေးကြီးတယ်လို့ သုံးသပ် နေကြပါတယ်။

ဂျပန်နိုင်ငံ ကန်တ တက္ကသိုလ်က ဂုဏ်ထူးဆောင် ပါမောက္ခ ဒေါက်တာ အေးချမ်းကလည်း ဒီခရီးစဉ်ဟာ ဂျပန်နိုင်ငံ အတွက်ရော မြန်မာ အတွက်ပါ အရေးကြီးတယ်လို့ သုံးသပ်ပါတယ်။

တောင်တရုတ်ပင်လယ်မှာ တရုတ်က ရေတပ် အင်အား တိုးချဲ့လာမှု၊ သြဇာ ချဲ့ထွင်လာမှုစတဲ့ အာရှတိုက်မှာ တရုတ်ပြည်သူ့ သမ္မတ နိုင်ငံ ရဲ့ သြဇာကွန်ရက် ဖြန့်ကျက်မှုကို ဂျပန်နိုင်ငံက အလွန် စိုးရိမ်တယ်ပြီး ဂျပန်ဖက်က ဒါကို တုံ့ပြန်ဖို့ ကြိုးစား လာနိုင်တယ်လို့ သူက ပြောပါတယ်။

ဒါပေမဲ့ မြန်မာ နိုင်ငံက ဘယ်နိုင်ငံနဲ့မှ စစ်ရေးမဟာမိတ် လုပ်မထားသလို ဘယ်နိုင်ငံရဲ့ လွှမ်းမိုးမှု ကိုမှလည်း မခံတဲ့ အတွက် မြန်မာ နိုင်ငံကို စီးပွားဖက် နိုင်ငံ တစ်ခု အနေနဲ့သာ ဂျပန်က သဘောထားပြီး ဝင်ရောက်လာဖို့သာ ရှိတဲ့ အကြောင်း ဒေါက်တာ အေးချမ်းက ပြောပါတယ်။

ဒါကြောင့် ဂျပန် အနေနဲ့ အာဆီယံ ဂျပန် စီးပွားရေး ကွန်ရက်မျိုး ဖွဲ့စည်း လာနိုင်ပြီး ပထဝီ နိုင်ငံရေး အရ အလွန် အရေးကြီးတဲ့ မြန်မာ နိုင်ငံ ကို တတ်နိုင်သမျှ ထောက်ခံမှု ပေးလာနိုင်တယ် လို့လည်း သူက သုံးသပ်ပါတယ်။

BBC Burmese
http://www.bbc.com/burmese



ဆန်ကို ပြည်ပတင်ပို့တာထက် စပါးကို တိုက်ရိုက်ပြည်ပ တင်ပို့ဖို့ အစိုးရ ဘက်က ကြိုးပမ်းမှုတွေရှိနေ
ပြည်တွင်းမှာ စပါးဈေး တွေ ကျဆင်း နေတဲ့ အတွက် လယ်သမား တွေဆီက စပါးတွေကို အစိုးရ ဘက်က ဝယ်ယူဖို့ စီစဉ် နေပါတယ်။

လယ်သမားတွေ အကျိုး စီးပွါးကို ကာကွယ်ပေး ဖို့ အခုလို စီစဉ်တာ ဖြစ်ပြီး၊ စီးပွါးရေးနဲ့ ကူးသန်း ရောင်းဝယ်ရေး ဝန်ကြီး ဌာနနဲ့ သက်ဆိုင်ရာ ပြည်နယ်/တိုင်း ဒေသကြီး အစိုးရတို့ ပူးပေါင်းပြီး အခြေခံ ဈေးနှုန်း တစ်ခုနဲ့ ဝယ်ယူမှာ ဖြစ်ပါ တယ်။

နောက်ပြီး ခါတိုင်းလို ဆန်ကို ပြည်ပ တင်ပို့ တာထက် စပါးကို တိုက်ရိုက် ပြည်ပ တင်ပို့ဖို့ ဆိုပြီး အစီ အမံ တွေကိုလည်း အစိုးရ ဖက်က ကြိုးပမ်းမှု တွေရှိနေတယ် လို့ မြန်မာနိုင်ငံ ဆန်စပါး အသင်းချုပ် ဒုဥက္ကဌ ဒေါက်တာ စိုးထွန်းကပြောပါတယ်။

ကမ္ဘာပေါ်မှာ ထိပ်တန်း ဆန်တင် ပို့တဲ့ ဒေသ တွင်း နိုင်ငံ တခု ဖြစ်တဲ့ ထိုင်းနိုင်ငံ က လယ်သမား တွေလည်း အခုလို ဈေး ကျဆင်း မှုတွေနဲ့ ရင်ဆိုင် နေရ ပါတယ်။

ထိုင်းအစိုးရ ဘက်ကတော့ သူတို့ ဆီက လယ်သမားတွေ ဈေးကွက်ကို ထိန်းနိုင်ဖို့ အတွက် နောက် ၆ လ လောက်မှ ရောင်းချ နိုင်ရေး၊ အမေရိကန် ဒေါ်လာ ၂ ဘီလျံ နီးပါး သုံးပြီး ငွေ ထုတ် ချေးဖို့ စီစဉ် နေပါတယ်။

မြန်မာ နိုင်ငံ မှာတော့ လယ်သမားတွေ ဆီက စပါး ဝယ်ယူ နိုင်ဖို့ အတွက် အစိုးရကငွေကြေး တစ်ရပ် ချပေးမှ သာ စတင် ဆောင်ရွက် နိုင်မှာ ဖြစ်တယ်လို့ သိရှိရ ပါတယ်။

BBC Burmese
http://www.bbc.com/burmese



Mosul နိုင်ငံပိုင် ရုပ်သံဌာနကို အီရတ်တပ်ဖွဲ့တွေ ပြန်သိမ်းနိုင်
အီရတ်နိုင်ငံ မိုဆူးလ်မြို့ကို IS စစ်သွေးကြွတွေလက်ထဲကနေ ပြန်လည် သိမ်းယူဖို့ ထိုးစစ်ဆင်နေတာမှာ ဒီကနေ့ အီရတ်အထူးတပ်ဖွဲ့တွေဟာ မိုဆူးလ်မြို့တွင်းက ရုပ်မြင်သံကြားဌာနတခုကို ထိန်းချုပ်လိုက်တဲ့အကြောင်း အီရတ်ဗိုလ်ချုပ်ကြီးတဦးက ပြောပါတယ်။

မိုဆူးလ်မြို့တ၀ိုက် နေရာတွေကို အဓိက ထိုးစစ်ဆင်ခဲ့ပြီးတဲ့နောက် အခုမြို့တွင်းကို ၀င်ရောက်တာဟာ အီရတ်တပ်ဖွဲ့တွေအတွက် ၂၀၁၄ ခုနှစ်ကစပြီး ပထမဆုံးအကြိမ် ဖြစ်ပါတယ်။ မိုဆူးလ်မြို့တွင်းက Gojali ရပ်ကွက်ထဲကို အီရပ်တပ်ဖွဲ့တွေ ဒီကနေ့ မနက်ပိုင်းမှာ ၀င်ရောက်နိုင်ခဲ့ပြီး အဲဒီမှာ IS တွေနဲ့ အပြင်းအထန် တိုက်ခိုက်ခဲ့ရတဲ့အကြောင်း ဗိုလ်ချုပ် Sami al-Aridi က ပြောပါတယ်။

အီရတ်စစ်သားတွေ ရှေ့ဆက် မတိုးနိုင်အောင် IS တွေက မြို့တလျှောက်မှာ ကွန်ဂရစ်အကာအရံတွေ ချထားတယ်လို့လည်း သူက ပြောပါတယ်။ Gojali ရပ်ကွက်ထဲမှာရှိတဲ့ IS စခန်းတွေကို လေကြောင်းကနေ အပြင်းအထန် တိုက်ခိုက်ပြီး အီရတ်တပ်ဖွဲ့တွေ ခုလို အသာစီးရလာနေတာပါ။

IS စစ်သွေးကြွတွေ ဘက်ကတော့ သံချပ်ကာယာဉ်တွေကို တိုက်နိုင်တဲ့ ဒုံးကျည်တွေ၊ RPG လောင်ချာ လက်နက်ကြီးတွေနဲ့ ပြန်လည် တိုက်ခိုက်ခဲ့ပါတယ်။ အီရတ်နဲ့ ကာ့ဒ် လက်နက်ကိုင်အဖွဲ့တွေပါဝင်တဲ့ ညွှန့်ပေါင်းတပ်ဖွဲ့တွေဟာ ရှီအာ ပြည်သူ့စစ်တွေ၊ အမေရိကန်ရဲ့ လေကြောင်း စစ်ကူတွေနဲ့ အတူ IS အစွန်းရောက်တွေကို မိုဆူးမြို့ထဲကနေ ရှင်းလင်းဖယ်ရှားဖို့ ထိုးစစ်ဆင်နေတာ သီတင်းနှစ်ပတ်ကျော် လာခဲ့ပြီ ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com/



 ရေဒါနဲ့ ခြေရာခံလို့ မရနိုင်တဲ့ ခေတ် အမှီဆုံး တိုက် လေယာဉ်
တရုတ် နိုင်ငံမှာ ရေဒါနဲ့ ခြေရာခံလို့ မရနိုင်တဲ့ ခေတ် အမှီဆုံး တိုက် လေယာဉ်ကို ပထမဆုံး အကြိမ် အများ ပြည်သူကို ထုတ်ပြခဲ့ ပါတယ်။

တရုတ် နိုင်ငံ တောင်ပိုင်း ဂွမ်ဒေါင်း ပြည်နယ်က ဇွန်ဟိုင်း မြို့မှာ လုပ်တဲ့ လေကြောင်း ပြပွဲမှာ လူ အများ စောင့်မျှော် နေကြတဲ့ J-20 ဂျက်တိုက် လေယာဉ် နှစ်စင်း ကို စက္ကန့် ခြောက်ဆယ် လောက် ဝေဟင်မှာ ပျံသန်း ပြခဲ့တာ ဖြစ်ပါတယ်။

အဲဒီ လေကြောင်း ပြပွဲဟာ လေယာဉ် ထုတ်လုပ်၊ ရောင်းဝယ်သူ အများ အပြား စိတ်ပါဝင်စား စွာ တက်ရောက် တွေ့ဆုံ ကြတဲ့ အကြီးဆုံး ပြပွဲ တခုလည်း ဖြစ်ပါတယ်။

အခု ပြသ ခဲ့တဲ့ ဂျက် တိုက်လေယာဉ် တွေကို ရေဒါနဲ့ ထောက်လှမ်း လို့မရနိုင်ဘဲ ဒီလေယာဉ်တွေဟာ ခရီးဝေးလည်း ပျံသန်းနိုင် ပါတယ်။

ဒါတွေကို ကြည့်ခြင်းအားဖြင့် တရုတ် အစိုးရဟာ သူတို့ရဲ့ စစ်တပ်ကို ခေတ်မီ လက်နက်တွေ တပ်ဆင်ပြီး အဆင့်မြှင့် ချင်တယ် ဆိုတာကို ပြသနေပါတယ်။

အထူး သဖြင့် တောင်တရုတ်နဲ့ အရှေ့ တရုတ် ပင်လယ် ထဲက ကျွန်းတွေ ပိုင်ဆိုင်မှု အရေးနဲ့ ပတ်သက်လို့ ဒေသတွင်းမှာ တရုတ် စစ်တပ်ဟာ သူများတွေထက် လက်နက် အင်အား အရ သာလွန်မှု ရှိတယ် ဆိုတာ သမ္မတ ရှီကျင်းပင် က ပြလိုတဲ့ ဆန္ဒ ရှိနေ ပါတယ်။

အခု J-20 ဂျက်တိုက် လေယာဉ်တွေကို တရုတ် လေကြောင်း စက်မှု ကော်ပိုရေးရှင်းရဲ့ လက်ခွဲ တခု ဖြစ်တဲ့ ချန်ဒူး လေကြောင်း စက်မှု လုပ်ငန်း အုပ်စုက တည်ဆောက် ခဲ့တာ ဖြစ်ပါတယ်။

စစ်လက်နက် ကျွမ်းကျင် သူတွေက ဒီ တိုက် လေယာဉ်တွေကို အမေရိကန် လေတပ် အတွက် ထုတ်ထားတဲ့ လော့ခ် ဟိဒ် မာတင် ရဲ့ F-22 Raptor Jet လေယာဉ်နဲ့ နှိုင်းယှဉ်ပြီး သုံးသပ်ကြ ပါတယ်။

Aviation week စာစောင် က ဘရက်ဒလေ ပီရက်ထ်က တော့ ဒီတိုက်လေယာဉ်တွေကို ကြည့်ခြင်းအားဖြင့် တရုတ်ရဲ့ တိုက်ရည်ခိုက်ရည် တိုးမြှင့်လာနေတယ် ဆိုတာကို အထင်အရှား ပြနေတယ်လို့ ဆိုပါတယ်။

အခု ကျင်းပတဲ့ နိုင်ငံ တကာ လေကြောင်း ပြပွဲဟာ ကမ္ဘာမှာ အကြီးဆုံး လေကြောင်း ပြပွဲ တွေထဲက တခု ဖြစ်ပြီး တရုတ် နိုင်ငံဟာ လာမယ့် ဆယ်နှစ် အတွင်းမှာ ကမ္ဘာ့ အကြီးဆုံး လေကြောင်း ဆိုင်ရာ ပစ္စည်း ဈေးကွက် တခု ဖြစ်လာနိုင် သလို ဒါဟာ တရုတ် အစိုးရရဲ့ စစ်ရေး ဆိုင်ရာ သာမက လေကြောင်း ထိန်းသိမ်းရေး နဲ့ ပတ်သက် လို့လည်း ဘယ်လို ရည်ရွယ်ချက် တွေ ရှိတယ် ဆိုတာကို ပြသဖို့ အခွင့်ကောင်း တရပ်လည်း ဖြစ်ပါတယ်။

ဒီပြပွဲမှာ တ ကမ္ဘာလုံးက လေကြောင်းနဲ့ စစ်လက်နက် ပစ္စည်းတွေ လာရောက် ပြသတဲ့ပွဲ ဖြစ်ပေမယ့် တရုတ်ရဲ့ နောက်ဆုံးပေါ် လေကြောင်းနဲ့ စစ်လက်နက် ပစ္စည်းတွေ ကိုသာ လူအများက အာရုံစိုက် ခံခဲ့ရ ပါတယ်။

ဒီ ချန်ဒူ နိုင်ငံ တကာ လေကြောင်းနဲ့ အာကာသ နည်းပညာ တရုတ် နိုင်ငံထုတ် အကြီးစား သယ်ယူ ပို့ဆောင်ရေး လေယာဉ်တွေ ဖြစ်တဲ့ Y - 20 တွေကိုလည်း ပြသခဲ့ပါတယ်။

ဒါ့အပြင် တရုတ် ပင်လယ် အတွင်းမှာ ကင်းလှည့် ရုံသာမက ရှာဖွေ ကယ်ဆယ်ရေးတွေ လုပ်နိုင်တဲ့ ကမ္ဘာ အကြီးဆုံး ရေယာဉ်ပျံ AG 6 ကိုလည်း ပြသထားတာ တွေ့ရပါတယ်။

ဒါတင်မက ဒီပွဲမှာ Xian H - 6K ဗုံးကြဲ လေယာဉ် နဲ့ Changhe Z 10K တိုက်ခိုက်ရေး ရဟတ်ယာဉ် တစင်း ကိုလည်း ပထမဆုံး မိတ်ဆက် ပွဲထုတ် လာလိမ့် ဦးမယ်လို့ မျှော်လင့် နေကြ ပါတယ်။

အခု ပြသ ခဲ့တဲ့ J 20 ဂျက် တိုက်လေယာဉ်ကို ၂၀၁၁ ခုနှစ် တုန်းက စမ်းသပ် ပျံသန်းမှု လုပ်ပြခဲ့ပြီး ဒါကို ၂၀၁၇ သို့မဟုတ် ၂၀၁၉ မှာ ထုတ်လုပ် နိုင်မယ်လို့ တရုတ် က မှန်းခဲ့တာ ဖြစ်ပါတယ်။

အဲဒီတုန်းက အမေရိကန် ကာကွယ်ရေး ဌာန ပင်တာဂွန်က တရုတ်ရဲ့ အဆင့်မြင့် ဂျက် တိုက်လေယာဉ်တွေ ထုတ်လုပ် လာမှု အပေါ် စိုးရိမ်ကြောင်း ထုတ်ဖော် ပြောကြားခဲ့ ပါတယ်။

တကယ်တော့ အဲဒီတုန်းက ထွက်လာတဲ့ တရားဝင် စာရင်းတွေ အရ ၂၀၁၀ မှာ တရုတ် အစိုးရရဲ့ စစ်အသုံး စရိတ်ဟာ အမေရိကန် ဒေါ်လာ ၇၈ ဘီလီယံ ရှိပြီး အမေရိကန်က ဒေါ်လာ ဘီလီယံ ၇၀၀ ကျော် သုံးခဲ့တာ ဖြစ်ပါတယ်။

BBC Burmese
http://www.bbc.com/burmese



သတင်းထောက် Kosuke Tsuneoka
အီရတ်နိုင်ငံက အခြေအနေတွေကို သတင်းယူနေတဲ့ ဂျပန်သတင်းထောက်တဦးကို ကာ့ဒ်ဒေသ အာဏာပိုင်တွေက ဖမ်းဆီးထိန်းသိမ်းထားတဲ့ အကြောင်း ဂျပန်အစိုးရက ဒီကနေ့ အတည်ပြုပြောဆိုပါတယ်။

သတင်းထောက် Kosuke Tsuneoka ဖမ်းဆီးခံထားရပြီး ဒေသဆိုင်ရာ အာဏာပိုင်တွေက သူ့ကို မေးမြန်းစစ်ဆေးနေတယ် ဆိုတာကို သိထားတဲ့အကြောင်းနဲ့ ဘယ်လို စွပ်စွဲချက်တွေနဲ့ ဖမ်းဆီးထားတယ် ဆိုတာကိုတော့ သေသေချာချာ မသိရသေးတဲ့အကြောင်း ဂျပန်အစိုးရအတွင်းဝန်ချုပ် Yoshihide Suga က ပြောပါတယ်။

အီရတ်မှာရှိတဲ့ ဂျပန်သံရုံးကနေ ကာ့ဒ်ဒေသ အာဏာပိုင်တွေနဲ့ ဆက်သွယ်ပြီး အသေးစိတ် အခြေအနေ အတိအကျ သိရဖို့ ပြောထားသလို၊ ဂျပန်အစိုးရ အနေနဲ့ ဂျပန်နိုင်ငံသားတွေကို ကာကွယ်ဖို့ လိုအပ်တာတွေ ဆောင်ရွက်သွားမယ်လို့လည်း မစ္စတာ Suga က ပြောပါတယ်။

သတင်းထောက် Tsuneoka ဟာ IS စစ်သွေးကြွတွေ အဓိက ခြေကုပ်ယူထားတဲ့ မိုဆူးလ်မြို့ကို အီရတ်တပ်ဖွဲ့တွေက ပြန်လည် သိမ်းယူဖို့ကြိုးစားနေတဲ့ တိုက်ပွဲတွေအကြောင်း ကိုယ်တိုင် လိုက်လံသတင်းယူနေတာဖြစ်တယ်လို့ ဂျပန် Kyodo သတင်းမှာ ဖော်ပြထားပါတယ်။

သူ့ကို ဖမ်းဆီးထားတဲ့ ကာလအတွင်း ကောင်းကောင်းမွန်မွန် ဆက်ဆံဖို့ အီရတ်မှာရှိတဲ့ ဂျပန်သံရုံးက သက်ဆိုင်ရာ အာဏာပိုင်တွေကို တောင်းဆိုထားတဲ့ အကြောင်းလည်း မစ္စတာ Suga က ပြောပါတယ်။

 ဗွီအိုအေ (မြန်မာပိုင်း)
http://burmese.voanews.com


 ၂၀၁၇ ဧပြီလမှာကျင်းပမယ့် ကြားဖြတ်ရွေးကောက်ပွဲအတွက် မဲပေးခွင့်ရှိသူစာရင်းကို ရန်ကုန်မြို့ လှိုင်မြို့နယ်မှာ နိုဝင်ဘာလ ၁ ရက်နေ့က စတင်ကောက်ယူစဉ်
၂၀၁၇ ဧပြီလမှာကျင်းပမယ့် ကြားဖြတ်ရွေးကောက်ပွဲအတွက် မဲပေးခွင့်ရှိသူစာရင်းကို ရန်ကုန်မြို့ လှိုင်မြို့နယ်မှာ နိုဝင်ဘာလ ၁ ရက်နေ့က စတင်ကောက်ယူစဉ်
Photo: Aung Thain Kha/RFA
 ရန်ကုန်တိုင်းဒေသကြီး လှိုင်မြို့နယ်မှာ လာမယ့် ၂၀၁၇ ခုနှစ် ဧပြီလ ၁ ရက်နေ့မှာ ကျင်းပမယ့် ကြားဖြတ်ရွေးကောက်ပွဲအတွက် မဲပေးခွင့်ရှိသူစာရင်းတွေကို ရပ်ကျေးကော်မရှင်တွေနဲ့ ရပ်မိရပ်ဖတွေ ဦးဆောင်ပြီး ဒီကနေ့ အိမ်တိုင်ရာအရောက် Door to Door စနစ်နဲ့ စတင်ကောက်ယူနေပါတယ်။

လှိုင်မြို့နယ် ၇ ရပ်ကွက်အတွင်း နေထိုင်တဲ့ မဲပေးပိုင်ခွင့်ရှိသူအားလုံး မဲပေးခွင့်ရှိသူစာရင်းမှာ ပါဝင်နိုင်ရေးနဲ့ မှန်ကန်တဲ့ မဲပေးခွင့်ရှိသူစာရင်း ရရှိဖို့အတွက် ကောက်ယူနေတာဖြစ်တယ်လို့ လှိုင်မြို့နယ် ၇ ရပ်ကွက် အုပ်ချုပ်ရေးမှူး ဦးချစ်ကိုကို က ပြောပါတယ်။

မဲပေးခွင့်ရှိသူစာရင်းတွေကို နိုဝင်ဘာလ ၁ ရက်နေ့ကစပြီး ရက် ၃၀ ကြာ အိမ်တိုင်ရာရောက် လိုက်လံကောက်ခံ သွားမှာ ဖြစ်ပါတယ်။

ကောက်ယူရရှိတဲ့ မဲပေးခွင့်ရှိသူစာရင်းတွေကို ၂၀၁၇ ဖေဖော်ဝါရီ ၁၄ ရက်နေ့မှာ သက်ဆိုင်ရာမြို့နယ် ကော်မရှင် အဖွဲ့ခွဲ ရုံးတွေမှာ ကြေညာပေးသွားမှာ ဖြစ်ပါတယ်။

၂၀၁၇ ဧပြီလ ၁ ရက်နေ့မှာ ကျင်းပမယ့် ကြားဖြတ်ရွေးကောက်ပွဲမှာ လစ်လပ်မဲဆန္ဒနယ်မြေ ၁၉ နေရာရှိနေ ပြီး ပြည်သူ့လွှတ်တော်အတွက် ၉ နေရာ၊ အမျိုးသားလွှတ်တော်အတွက် ၃ နေရာ၊ ပြည်နယ်လွှတ်တော်အတွက် ၇ နေရာဖြစ်ပါတယ်။

ရန်ကုန်တိုင်းဒေသကြီးက လစ်လပ်မဲဆန္ဒနယ်တစ်ခုဖြစ်တဲ့ အမျိုးသားလွှတ်တော် မဲဆန္ဒနယ် အမှတ် ၆ မှာ ပါတဲ့ ညောင်လေးပင်၊ ကမာရွတ်၊ ကြည့်မြင်တိုင်၊ လသာ၊ လှိုင်၊ ဆိပ်ကမ်း၊ လမ်းမတော်နဲ့ အလုံမြို့နယ်တို့မှာ မဲပေးခွင့်ရှိသူစာရင်းတွေ လိုက်လံကောက်ခံမှာဖြစ်ပါတယ်။

ဒါ့အပြင် ပြည်သူ့လွှတ်တော်အတွက် ရန်ကုန်တိုင်းဒေသကြီးမှာ လှိုင်သာယာ၊ ဒဂုံမြို့သစ်ဆိပ်ကမ်း၊ ဒဂုံမြို့သစ်အရှေ့ပိုင်းနဲ့ ကော့မှူးမြို့နယ်တွေ လစ်လပ်နေတာ ဖြစ်ပါတယ်။
RFA


ဒေါ်အောင်ဆန်းစုကြည် ဂျပန်နိုင်ငံကိုရောက်ရှိ (MOFA)
ဒေါ်အောင်ဆန်းစုကြည် ဂျပန်နိုင်ငံကိုရောက်ရှိ (MOFA)
ဂျပန်-မြန်မာ ချစ်ကြည်ရေးခရီးစဉ်အဖြစ်နဲ့ ဂျပန်နိုင်ငံကို တရားဝင်သွားရောက်တဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ အဖွဲ့ဟာ ဂျပန်နိုင်ငံကို ရောက်ရှိသွားပြီး မနက်ဖြန်မနက်မှာတော့ ဂျပန်ရောက် မြန်မာနိုင်ငံသားတွေနဲ့ တွေ့ဆုံမှာ ဖြစ်ပါတယ်။ ဂျပန်နိုင်ငံဟာ မြန်မာနိုင်ငံ ဖွံ့ဖြိုးတိုက်တက်ရေး လုပ်ငန်းတွေအတွက် အထောက်အကူတွေပေးတဲ့ နိုင်ငံတနိုင်ငံဖြစ်တာကြောင့် ဒီခရီးစဉ်ကနေ ဂျပန်-မြန်မာ နှစ်နိုင်ငံ ဆက်ရေး ပိုမို တိုးတက်ကောင်းလာမယ်လို့ မျှော်လင့်ကြပါတယ်။ အသေးစိတ်ကို ဆက်သွယ်ဆုံစမ်းထားတဲ့ ရှားဖောင်က ပြောပြပေးပါမယ်။
ဂျပန်ဝန်ကြီးချုပ် ရှင်ဇိုအာဘေ့ရဲ့ တရားဝင်ဖိတ်ကြားချက်နဲ့ ဒီကနေ့မနက် ဂျပန်နိုင်ငံကိုစတင်ထွက်ခွာသွားတဲ့ နိုင်ငံတော် အတိုင်ပင်ခံပုဂ္ဂိုလ်၊ နိုင်ငံခြားရေးဝန်ကြီး ဒေါ်အောင်ဆန်းစုကြည်ဟာ ဒီကနေ့ညနေပိုင်းမှာပဲ ဂျပန်နိုင်ငံကိုရောက်ရှိသွားပါပြီ။

ဒေါ်အောင်ဆန်းစုကြည်ရဲ့ ဂျပန်ခရီးစဉ်အတွင်း ဂျပန်ဝန်ကြီးချုပ် ရှင်ဇိုအာဘေနဲ့ တခြား ဂျပန်အစိုးရထိပ်တန်းတာဝန်ရှိသူတွေနဲ့ တွေ့ဆုံဖို့ရှိသလို မနက်ဖြန် နိုဝင်ဘာလ ၂ ရက်နေ့မှာတော့ ဂျပန်ရောက် မြန်မာ့ဒီမိုကရေစီရေး လှုပ်ရှားသူတွေနဲ့ တခြား မြန်မာနိုင်ငံသားတွေနဲ့ တွေ့ဆုံမှာဖြစ် တယ်လို့ ပြည်ထောင်စုမြန်မာနိုင်ငံသားများအသင်း - ဂျပန် အဖွဲ့ရဲ့ တာဝန်ခံတဦးဖြစ်တဲ့ ဦးသန်းဆွေက ပြောပါတယ်။

“ ဟုတ်ကဲ့ ရောက်သွားပါပြီခင်ဗျ။ မနက်ဖြန်ကျရင်တော့ ဂျပန်မှာရှိနေတဲ့ မြန်မာနိုင်ငံသားတွေနဲ့တွေ့ဆုံပွဲကို မနက်ဖြန်မနက်မှာ လုပ်ဖို့အတွက် စီစဉ်ထားတာရှိပါတယ်။”

ဂျပန်ရောက် မြန်မာနိုင်ငံသားတွေနဲ့ ဒေါ်အောင်ဆန်းစုကြည်တို့ရဲ့ တွေ့ဆုံပွဲကိုတော့ ဂျပန် စံတော်ချိန် မနက်ဖြန် မနက် ၉ နာရီခွဲကနေ ၁၁ နာရီခွဲအထိ ပြုလုပ်သွားမှာဖြစ်ပါတယ်။ တွေ့ဆုံပွဲအတွင်း ဒေါ်အောင်ဆန်းစုကြည်ကို အဓိက တင်ပြမယ့် အကြောင်းအရာတွေထဲမှာ ဂျပန်ရောက် မြန်မာနိုင်ငံသားတွေ မြန်မာပြည်ပြန်နိုင်ရေးကိစ္စနဲ့ အခွန်ဆောင်တဲ့ကိစ္စတွေ ပါဝင်တယ်လို့ ဦးသန်းဆွေ ကပြောပါတယ်။

“စစ်အစိုးရလက်ထက်မှာတောက်လျှောက်ပေါ့လေ ဂျပန်နိုင်ငံမှာရှိတဲ့ မြန်မာနိုင်ငံသားတွေက ဒီနိုင်ငံရေးလှုပ်ရှားမှုတွေမှာ ပါခဲ့ကြတာပေါ့လေ။ အဲဒီလိုပါခဲ့ကြတော့ မြန်မာနိုင်ငံသားတွေက Passport ရုပ်သိမ်းတာခံခဲ့ရတယ်လေ။ ဒီမှာမွေးလာတဲ့ ကလေးတွေ ကလည်း နိုင်ငံမဲ့လိုပုံစံမျိုးပေါ့ Stateless ဖြစ်နေ တယ်။ မြန်မာနိုင်ငံ လည်းပြန်လို့မရဘူး အဲဒီမှာ သံရုံးကတော့ မြန်မာနိုင်ငံသား စာအုပ်၊ မြန်မာနိုင်ငံသား အဖြစ်ကို ပြန်လိုချင်တယ်ဆိုရင် အခွန်ဆောင်ရမယ် လို့ဖြစ်လာတယ်ခင်ဗျ။ ဟိုစစ်အစိုးရလက်ထက်မှာ ဒီဂျပန်နိုင်ငံမှာရောက်နေတဲ့ လူတွေ မပေးတဲ့အခွန်တွေ ဆိုပြီးတော့ သူတို့သတ်မှတ်ပြီးတော့ ကျနော်တို့ကို ကောက်ခံပါတယ်။ ဒီနိုင်ငံမှာ နေတဲ့ နိုင်ငံသားတွေက ဂျပန်အစိုးရကို အခွန်ဆောင်ရတယ်ခင်ဗျ။ ဒီဝင်ငွေတခုလုံးကို မြန်မာနိုင်ငံကိုလည်း ပေးရမယ်၊ ဂျပန်အစိုးရကို ဆောင်ရမယ် ဆိုတဲ့အခါကျတော့ ဂျပန်နိုင်ငံက အခွန်သိပ်ဈေးကြီးတာကို အဲဒီတော့ ဒီမှာရှိနေတဲ့လူတွေက အခက်အခဲကြုံရတယ်။ အဲဒါကြောင့်မို့လို့ ဒေါ်အောင်ဆန်းစုကြည် သိအောင် တင်ပြမယ်ဆိုတဲ့ဟာလေးကို ကျနော်တို့အားလုံးပြင်ဆင်ထားကြတယ်လို့ သိရပါတယ်။”

ဒေါ်အောင်ဆန်းစုကြည်ရဲ့ ဂျပန်ခရီးစဉ်အတွင်း ဂျပန်ဧကရာဇ်နဲ့ မိဘုရားတို့ကိုလည်း သွားရောက်ဆွေ့ဆုံ နှုတ်ဆက်မှာဖြစ်ပါတယ်။ ဂျပန်-မြန်မာ နှစ်နိုင်ငံ တရားဝင် ချစ်ကြည်ရေးခရီးစဉ်အဖြစ်နဲ့ သွားရောက်တဲ့ ဒေါ်အောင်ဆန်းစုကြည်ရဲ့ ၅ ရက်ကြာခရီးအတွင်း ဒေါ်အောင်ဆန်းစုကြည်နဲ့အတူ စီမံကိန်းနဲ့ ဘဏ္ဍရေးဝန်ကြီးဌာန ပြည်ထောင်စုဝန်ကြီး ဦးကျော်ဝင်းနဲ့ နိုင်ငံတော်အတိုင်ပင်ခံရုံး ၀န်ကြီးဌာန ဒုတိယ၀န်ကြီး ဦးခင်မောင်တင်တို့ လိုက်ပါ သွားသလို နိုင်ငံခြားရေး ၀န်ကြီးဌာန၊ သမရုံးဝန်ကြီးဌာန၊ နိုင်ငံတော်အတိုင်ပင်ခံရုံး ဝန်ကြီးဌာန၊ စီမံကိန်းနဲ့ ဘဏ္ဍာရေးဝန်ကြီးဌာနတွေက တာဝန်ရှိသူတွေလည်း လိုက်ပါသွားတယ် လို့ မြန်မာနိုင်ငံ နိုင်ငံခြားရေး ၀န်ကြီးဌာရဲ့ ဖေ့စ်ဘွတ်စာမျက်နှာ ဖော်ပြထားပါတယ်။

ဂျပန်နိုင်ငံဟာ မြန်မာနိုင်ငံ ဖွံ့ဖြိုးရေးလုပ်ငန်းတွေအတွက် ထောက်ပံ့ကူနေတဲ့ နိုင်ငံ တနိုင်ငံဖြစ်တာကြောင့် အခုဒေါ်အောင်ဆန်းစုကြည်ရဲ့ ခရီးစဉ်အတွင်းမှာ ဂျပန်-မြန်မာဆက်ဆံရေး ပိုမို တိုးတက်ခိုင်မာဖို့ မျှော်လင့်တယ်လို့ ဂျပန်နိုင်ငံခြားရေးဝန်ကြီးဌာရဲ့ ထုတ်ပြန်ချက်မှာ ဖော်ပြထားပါတယ်။ ၂၀၁၅ နိုင်ဝင်ဘာ ရွေးကောက်ပွဲမှာ အမျိုးသားဒီမိုကရေစီအဖွဲ့ချုပ် အနိုင်ရပြီး အစိုးရတာဝန်စတင်ထမ်းဆောင်တဲ့အချိန်ကတည်းက အခု ဂျပန်နိုင်ငံ ခရီးစဉ်ဟာ ဒေါ်အောင်ဆန်းစုကြည်ရဲ့ ပထမဦးဆုံး သွားရောက်တဲ့ တရားဝင်ခရီးစဉ်ဖြစ်ပါတယ်။
VOA Burmese News


နိရဉ္စရာ၊ နိုဝင်ဘာ ၁

အစ္စလာမ်ဘာသာကို စော်ကားသည်ဟု ဆိုကာ ဘင်္ဂလာဒေ့ရ်ှနိုင်ငံ ဗြန်မင်း ဘာရီယာ ခရိုင် ရှိ နာဆိမ်းနာဂါ မြို့နယ်တွင် ဟိန္ဒူဘာသာရေးကျောင်း ၁၅ ကျောင်းကို လွန်ခဲ့သော တနင်္ဂနွေနေ့က လုယက်ဖျက်ဆီးခံခဲ့ရသည်ဟု သိရသည်။

၎င်းပြင် ဟိန္ဒူ လူနည်းစုများ ပိုင်ဆောင်သော အိမ် ၁၀၀ ကျော်ကိုလည်း အစ္စလာမ် ဘာသာဝင်များက ဖျက်ဆီး လုယက်မှုများရှိခဲ့သည်ဟု ဆိုသည်။

လွန်ခဲ့သော တနင်္ဂနွေ နေ့လယ်ပိုင်းက နာရီပေါင်းများစွာ ဆူပူအကြမ်းဖက်မှု ဖြစ်ပွားပြီးနောက် Habiganj's Madhabpur ဒေသအနီးရှိ ဘုရားကျောင်းနှစ်ခု ကိုလည်း ဖျက်ဆီးခံခဲ့ရသည်ဟု ရဲနှင့် မျက်မြင်များက ပြောသည်။

အနည်းဆုံး လူ ၆ ဦးကို တိုက်ခိုက်မှုနှင့် ပတ်သက်ပြီး ရဲက ဖမ်းဆီးခဲ့သည်ဟု သိရသည်။


ယခုအခါ အဆို ဒေသတွင် နယ်ခြားစောင့်တပ်၊ ရဲ၊ RAB မူခင်းနှိမ်နှင်းရေး စုပေါင်း တပ်ဖွဲ့များကို ဖြန့်ကြက်ချထားလိုက်ပြီဟု ဆိုသည်။

ယခုတိုက်ခိုက်မှုသည် ၂၀၁၂ ခုနှစ်က ရာမူး (ပန်းဝါ) ရှိ ဗုဒ္ဓဘာသာ ဘုန်းတော်ကြီး ကျောင်းများအား တိုက်ခိုက်မှု ဖြစ်စဉ်နှင့် တူကြောင်း သတင်းတွင် ဖော်ပြသည်။

အကြောင်းမှာ ဒေသအတွင်းမှ ဟိန္ဒူလူငယ် တစ်ဦး ဖြစ်သူ Rasraj Das မှ အစ္စလာမ်ဘာသာအား ပုတ်ခတ်စော်ကားသည့် post များကို လူမှု မီဒီယာများမှ တစ်ဆင့် တင်သည်ဟု ဆိုကာ စွပ်စွဲမှု ပေါ်ပေါက်လာပြီးနောက် ယခု တိုက်ခိုက်မှုများ ပေါ်ပေါက်လာခဲ့ခြင်း ဖြစ်သည်။ နောက်ပိုင်းတွင် ၎င်း ဟိန္ဒူလူငယ် အား ရဲက ဖမ်းဆီးခဲ့သည်။

အစ္စလာမ်ဘာသာရေး အဖွဲ့ နှစ်ဖွဲ့ ဖြစ်သော Touhidi Janata and Ahle Sunnat Wal Jamaat တို့က တနင်္ဂနွေနေ့တွင် ဆန္ဒပြမှု နှစ်ကြိမ် ပြုလုပ်ခဲ့ပြီးနောက် ယခု တိုက်ခိုက်မှုများ ပေါ်ပေါက်လာခြင်း ဖြစ်သည်။

သို့သော် ဒေသဆိုင်ရာ အာဏာပိုင်များနှင့် ရဲတပ်ဖွဲ့များ အနေဖြင့် ချက်ချင်း အရေးယူ ဆောင်ရွက်မှုများ မပြုလုပ်ခဲ့ကြောင်း ဒေသခံ ဟိန္ဒူဘာသာဝင်များက ပြောကြောင်း The Daily Star တွင် သတင်းဖော်ပြသည်။

ယခု တိုက်ခိုက်မှုသည် Kali Puja ပွဲတော် ကျင်းပပြီး တစ်ရက်အကြာတွင် ဖြစ်ပွားခဲ့ကြောင်း ဖြစ်ကြောင်း၊ ဟိန္ဒူ ဘာသာရေး ဆရာ အများအပြားလည်း တိုက်ခိုက်ခံခဲ့ရကြောင်း၊ ယခုလုပ်ရပ်အတွက် ဘင်္ဂလာဒေ့ရ်ှရှိ လူနည်းစု ဟိန္ဒူဘာသာဝင်များကို စိတ်ထိခိုက် နာကျင်မှုကို ဖြစ်ပေါ်စေကြောင်း ဟိန္ဒူ ဘာသာ ခေါင်းဆောင် Sunil Das က ပြောကြောင်း သတင်းတွင် ဖော်ပြသည်။

Ref: At least 15 temples, 100 Hindu houses vandalised, looted for hours in Brahmanbarhia

Narinjara
https://www.facebook.com/Narinjara


မောင်တောဒေသ အကြမ်းဖက် တိုက်ခိုက်မှုတွေနဲ့ ဆက်နွယ်ပြီး ဖမ်းဆီးထားသူ ၆၀ ကျော် ရှိသွားပြီလို့ ရခိုင် ပြည်နယ် အစိုးရက ပြောဆိုပါတယ်။ ဖမ်းဆီးထားသူတွေကို ဒေသတွင်းက ရဲစခန်းတွေမှာ ထိန်းသိမ်းထားပြီး ပြစ်မှုဆိုင်ရာ စွပ်စွဲချက်တွေနဲ့ ရင်ဆိုင်ကြရမှာ ဖြစ်တယ်လို့လည်း ရခိုင် ပြည်နယ် အစိုးရက ပြောပါတယ်။ မောင်တော ဒေသတွင်း လုံခြုံရေး နောက်ဆုံးရ အခြေအနေကို မသိင်္ဂီထိုက် စုစည်းတင်ပြထားပါတယ်။

ရခိုင်ပြည်နယ် မောင်တောဒေသ အကြမ်းဖက် တိုက်ခိုက်မှုတွေနဲ့ ဆက်နွှယ်ပြီး ဖမ်းဆီးထိန်းသိမ်းထားသူ ၆၀ ကျော် ရှိနေပြီး ဒီလူတွေကို ဒေသတွင်း ရဲစခန်းတွေမှာ ထိန်းသိမ်းထားတယ်လို့ ရခိုင် အစိုးရ အတွင်းရေးမှူး ဦးတင်မောင်ဆွေက ပြောပါတယ်။

“၆၀ ကျော်လောက်တော့ရှိပြီထင်တယ်။ သူတို့ကတော့ ကျနော်တို့ရဲ့ တည်ဆဲဥပဒေအရဆိုရင် လူသတ်မှုပေါ့၊ လူသတ်မှုမှာ ပါဝင်တဲ့ ကြိးပမ်းမှု၊ လက်နက်တိုက်ယူမှုတွေပေါ့ နောက်ပြီးလက်နက်ဖောက်ထွင်းတဲ့နေရာမှာ ပါဝင်မှုတွေ ဒီဥပဒေတွေ ရာဇသတ်ကြီးနဲ့ အရေးယူတာပါ။ Torture တွေလုပ်တာတွေမရှိပါဘူး။ သူတို့ ရဲစခန်းတွေမှာရှိပါတယ် သူတို့သက်ဆိုင်ရာနယ်မြေ ၊ ရဲစခန်းတွေမှာ ရှိပါတယ်။ ကျနော်တို့ ဆုံးရှုံးသွားတဲ့လက်နက်တွေက ၁ လက်စ၊ ၂ လက်စ ပြန်ရနေတာပေါ့နော်။ အခုတော့ အတိအကျကတော့ မသိဘူး။ ၅၀- ၄၀ ကျော်တော့ ကျန်မှာပေါ့နော် ပြန်ရဖို့က။ ဒီလက်နက်တွေ အားလုံးကို ပြန်မရမချင်း ကျနော်တို့ကတော့ ဖော်ထုတ်ရမှာပဲ ။ ဒီလက်နက်တွေနဲ့ လက်နက်အမှုတွေမှာ ပါဝင်ပတ်သက်တဲ့သူတွေအတူ ၊ လူသတ်မှုမှာ ပါဝင်တဲ့လူတွေအားလုံးကိုလည်း ဒါကျနော်တို့က ဥပဒေကြောင်းအရ အရေးယူဖို့ ဆက်လက်ဆောင်ရွက်ရမှာပဲ ဖြစ်ပါတယ်။ သူ့အချိ်န်တော့ရှိမှာပဲ ရာဇသတ်ကြီး လုပ်ထုံးလုပ်နည်း အတိုင်းပဲ သွားကြမှာပေါ့နော်။ တရားစီရင်ရေးအရဆောင်ရွက်တာပေါ့နော် ရာဇသတ်ကြီးနဲ့ တရားဆွဲတယ် အမှုဖွင့်ပြီးတော့ တရားဆွဲတာပေါ့နော်။ တ၇ားဆွဲပြီးရင်တော့ တရားရုံး လုပ်ထုံးလုပ်နည်းနဲ့ အရေးယူသွားမှာဖြစ်ပါတယ်။”

မောင်တောဒေသတွင်း အကြမ်းဖက်မှုတွေနဲ့ ဆက်နွယ်ပြီး ပြီးခဲ့တဲ့ ရက်ပိုင်း အတွင်းမှာဘဲ သံသယမှုနဲ့ နူရ်အာလောင် ခေါ် အာဒူကော်ရိန်ကို ဘူးသီးတောင်မြို့မှာ ဖမ်းဆီးခဲ့သလို တခြား လူ ၂ ဦးကိုလည်း ဖမ်းဆီးခဲ့တဲ့ အကြောင်း အစိုးရက တရားဝင် သတင်းထုတ်ပါတယ်။ ဖမ်းဆီးထားသူတွေကို တရားစီရင်တာမှာလည်း ပွင့်လင်းမြင်သာမှု ရှိအောင် ဆောင်ရွက်မယ်လို့ ရခိုင် အစိုးရ အတွင်းရေးမှူး ဦးတင်မောင်ဆွေက ပြောပါတယ်။

“ကုလသမဂ္ဂက မနက်ဖြန်မှ ရောက်လာမှာမဟုတ်ဘူး။ ကုလသမဂ္ဂက နဂိုကတည်းက ရှိပြီးသားဖြစ်တယ် ဒီမှာလေ။ ဘာဖြစ်လို့လဲဆိုတော့ စဖြစ်ကတည်းကိုက သူတို့ကို ကျနော်တို့က အသေးစိတ်ရှင်းပြထားပြီးသားဖြစ်တယ်။ ခုနလို ပွင့်လင်းမြင်သာမှုရှိဖို့က ဒါကို တ၇ားရုံးမှာ ကျနော်တို့က တရားစီရင်မှာ ဖြစ်တဲ့အတွက် တရားခွင်ကတော့ ခုနကပြောတဲ့ သူ့ခွင့်ပြုချက်အတိုင်းပဲပေါ့နော် ဒါအကုန်လုံး ပွင့်လင်းမြင်သာမှုရှိမှာပါ ဒီဟာက။”

အကြမ်းဖက် တိုက်ခိုက်သူတွေနဲ့ အစိုးရ လုံခြုံရေး တပ်ဖွဲ့ဝင်တွေကြား တိုက်ခိုက်မှုတွေကြောင့် လုံခြုံရေး စိုးရိမ်ချက်နဲ့ အိုးအိမ်စွန့်ခွာ ထွက်ပြေးကြသူ ရခိုင်ဒေသခံ ၃ ထောင်ကျော်တို့ထဲက အများစုကတော့ နေရပ်ရင်းတွေကို ပြန်နိုင်ကြပြီ ဖြစ်ပါတယ်။

“သူတို့ စိတ်ချလို့ ပြန်တာပေါ့နော်။ စိတ်မချဘူးဆိုရင် သူတို့ဘယ်ပြန်ရဲမလဲ ကျနေ်ာတို့က တားထားလို့လည်းမရဘူး။ ဒီမိသားစုတွေအားလုံးက ကိုယ့်နေရပ်ရွာတွေမှာ ပြန်မယ် ၊ ကိုယ့်အလုပ်တွေပြန်လုပ်ကြမယ်။ နောက်တခါ ကလေးတွေကျောင်းတက်ကြမယ်။ စသဖြင့် အားလုံးက ကိုယ့်ရပ်ရွာကိုကိုယ်ပြန်ကြမှာပါ။ ပြန်တယ်ဆိုတာလည်း ခုနလိုပေါ့ သူတို့စိတ်ထဲမှာ ယုံကြည်စိတ်ချမူရှိလို့ပြန်တာ။ ကျနော်တို့ ဘက်ကတော့ လုံခြုံရေးအနေနဲ့ ရဲကင်းပေါ့နော် ခုနကပြောသလို ၂၅ ကင်းလောက်ကို ထပ်ပြီးတိုးချဲ့ပြီးတော့ ကျေးရွာတွေမှာ ချထားပေးပါတယ်။ နောက်တခါ လုံခြုံရေးနဲ့ ပတ်သက်လို့ လှည့်ကင်းတွေကိုလည်း ကျေးရွာတွေမှာ လုံခြုံရေးတွေ ဆောင်ရွက်ပေးထားပါတယ်။”

အကြမ်းဖက်မှုတွေ ဖြစ်ခဲ့တဲ့ မောင်တောဒေသတွင်းမှာ စားနပ်ရိက္ခာ လုံခြုံမှု ရှိသလို လုံခြုံရေးကိုလည်း တိုးမြှင့် ဆောင်ရွက်နေတယ်လို့ ရခိုင် အစိုးရက ပြောပါတယ်။ အကြမ်းဖက်မှုတွေ ဖြစ်ပြီးနောက်ပိုင်း လူသားချင်း စာနာကူညီမှုဆိုင်ရာ အထောက်အကူ ပေးသူတွေ မောင်တော ဒေသတွင်း သွားရောက်ခွင့် မရ ဖြစ်နေပေမယ့် ဒီရက်ပိုင်း အတွင်းမှာဘဲ ကုလ သမဂ္ဂ ကိုယ်စားလှယ် အဖွဲ့ မောင်တောမြို့နယ်တွင်းကို သွားရောက်ဖို့လည်း ရှိနေပါတယ်။

  မသိင်္ဂီထိုက်  / ဗွီအိုအေ (မြန်မာပိုင်း)
http://burmese.voanews.com



မြစ်ဆုံရေအားလျှပ်စစ်စီမံကိန်းကို တွေ့ရစဉ်။ Photo: Myo Zaw Ko/RFA
မြစ်ဆုံရေကာတာစီမံကိန်း ဆောက်လုပ်မှုကို ရပ်ဆိုင်းပေးဖို့ Myamnar Green Network က အွန်လိုင်းကနေ လက်မှတ်တွေ ကောက်ခံနေတာ ဒီနေ့ဆိုရင် လက်မှတ်တစ်သိန်းကျော် ရရှိထားပြီဖြစ်ပါတယ်။

လက်မှတ်တွေကို အောက်တိုဘာလ ၂၉ ရက်နေ့ကနေ နိုဝင်ဘာလ ၁၁ ရက်နေ့အထိ ကောက်ယူသွားဖို့ရှိပြီး လက်မှတ် တစ်သန်းလောက်ရရှိနိုင်ဖို့ မျှော်မှန်းထားတယ်လို့ လက်မှတ်ကောက်ယူနေသူတစ်ဦးဖြစ်တဲ့ မိုးလေ၀သပညာရှင် ဦးထွန်းလွင် က ပြောပါတယ်။

ကောက်ယူရရှိတဲ့ လက်မှတ်တွေကို နိုင်ငံတော်သမ္မတ၊ နိုင်ငံတော်အတိုင်ပင်ခံပုဂ္ဂိုလ်နဲ့ ဧရာဝတီမြစ် မြစ်ဆုံ- မြစ်ညာမြစ်ဝှမ်းဒေသ ရေအားလျှပ်စစ်စီမံကိန်းများ လေ့လာစိစစ်သုံးသပ်ရေး ကော်မရှင်ကို ပေးပို့သွားမှာဖြစ်ပါတယ်။

Myamnar Green Network အဖွဲ့ဟာ ပြီးခဲ့တဲ့ရက်ပိုင်းက မြစ်ဆုံဒေသကို သွားရောက်လေ့လာပြီး မြစ်ဆုံစီမံကိန်းကြောင့် နေရာပြောင်းရွှေ့သူတွေနဲ့လည်း တွေ့ဆုံခဲ့ပါတယ်။

မြစ်ဆုံစီမံကိန်းရပ်တန့်လိုတဲ့ ပြည်သူတွေရဲ့အသံတွေကို အစိုးရသိရှိနိုင်ဖို့အတွက် လက်မှတ်ကောက်ခံတာဖြစ်ပြီး မှန်မှန်ကန်ကန်ဆုံးဖြတ်နိုင်ဖို့ မျှော်လင့်တယ်လို့လည်း ဦးထွန်းလွင် က ပြောပါတယ်။

RFA Burmese
http://www.rfa.org/burmese


ရခိုင်ဂေဇက် ၊ နိုင်ဝင်ဘာ ၁

ရခိုင်ပြည်နယ် မောင်တောမြို့နယ်အတွင်း အောက်တိုဘာလ ၉ ရက်နေ့က အကြမ်းဖက်ဝင်ရောက် တိုက်ခိုက်မှု ဖြစ်စဉ်တွင် ပါဝင်သူများကို လှေဖြင့် တစ်ဘက်နိုင်ငံသို့ ပို့ဆောင်နေသူ ၂ ဦးအား အောက်တိုဘာလ ၃၁ ရက်နေ့က ဖမ်းဆီးရမိခဲ့ကြောင်း သတင်း ရရှိသည်။


အဆိုပါ အကြမ်းဖက်သမားများကို ပို့ဆောင်နေသူများမှာ မောင်တောမြို့နယ် ၊ မင်္ဂလာကြီးကျေးရွာအုပ်စု ၊ သာစည်ကျေးရွာနေ ကော်ရီမူလာ ( ၂၂ ) နှစ်နှင့် မင်္ဂလာကြီးကျေးရွာနေ အာဘာက်စ် ( ၃၃ ) နှစ် တို့ဖြစ်ပြီး ၄င်းတို့သည် ဘင်္ဂါလီများအား တစ်ဦးလျှင် တစ်သိန်းကျပ်ဖြင့် ပြင်ဖြူချောင်းဝနှင့် မင်္ဂလာကြီးချောင်းဝ တို့မှ လှေဖြင့်ပို့ဆောင်ပေးလျက်ရှိပြီး ထိုသို့ပို့ဆောင်ပေးနေသူများထဲတွင် အကြမ်းဖက်တိုက်ခိုက်မှုများ၌ ပါဝင်ခဲ့ သူများပါရှိကြောင်း ခိုင်လုံသော သတင်းရရှိသည့်အတွက် တပ်မတော်စစ်ကြောင်းနှင့် နယ်ခြား စောင့်ရဲ တပ်ဖွဲ့ဝင်များက ယင်းနေ့ နံနက် ၁၁ နာရီခွဲခန့်တွင် သာစည်ကျေးရွာနှင့် မင်္ဂလာကြီးကျေးရွာတို့ရှိ ၄င်းတို့ ၏ နေအိမ်များ၌ဖမ်းဆီးရမိခဲ့ခြင်း ဖြစ်ကြောင်း သိရသည်။

၎င်းဖြစ်စဉ်နှင့်ပတ်သက်၍ တစ်ဘက်နိုင်ငံသို့ အကြမ်းဖက်သများကို လှေဖြင့် ပို့ဆောင်ပေးသူ ဘင်္ဂလီ နှစ်ဦးအား မောင်တောမြို့ မရဲစခန်း သို့ပို့ဆောင်လျှက် ဥပဒေအရ အမှုဖွင့် စစ်ဆေးလျှက် ရှိကြောင်း သိရသည်။

Rakhine Gazette
https://www.facebook.com/RakhineGazetteJournal



မောင်တောမြို့နယ်အတွင်း နယ်မြေရှင်းလင်းစဉ် သေနတ် ၁ လက်သိမ်းဆည်းရမိ
နေပြည်တော် နိုဝင်ဘာ ၁

ရခိုင်ပြည်နယ်၊ မောင်တောမြို့နယ်အတွင်း တပ်မတော်စစ်ကြောင်းနှင့် နယ်ခြားစောင့်ရဲ့တပ်ဖွဲ့ဝင် များပါဝင်သော ပူးပေါင်းအဖွဲ့က နယ်မြေရှင်းလင်းရေးလုပ်ငန်းများ ဆောင်ရွက်စဉ် ယနေ့မွန်းလွဲပိုင်းတွင် သက္ကယ်ပြင်ရွာနှင့်ဝါးပိတ်ရွာကြား စပါးခင်းအတွင်းမှ အမ်အေ-၁၁ သေနတ် ၁ လက်၊ ၄င်းကျည်အိမ် ၁ ခု၊ ၄င်းကျည် ၂၀ စောင့်တို့အား ရှာဖွေသိမ်းဆည်းရမိခဲ့ပြီး သိမ်းဆည်းရမိသော သေနတ်မှာ အကြမ်းဖက်စီးနင်း တိုက်ခိုက်သူများ ယူဆောင်သွားခဲ့သည့် သေနတ်ဖြစ်ကြောင်း သိရှိရသည်။


အဆိုပါ သိမ်းဆည်းရမိခဲ့သည့် လက်နက်၊ ခဲယမ်းများအား နယ်ခြားစောင့် ရဲတပ်ဖွဲ့စခန်းသို့ စနစ်တကျ လွှဲပြောင်းအပ်နှံသွားမည်ဖြစ်ကြောင်း သတင်းရ ရှိသည်။

MOI Webportal Myanmar
https://www.facebook.com/MOIWebportalMyanmar


အထပ်မြင့် အမြန်လမ်းမကြီး (Elevated Highway) တည်ဆောက်ရာပြမြေပုံ(ဓာတ်ပုံ-ဆောက်လုပ်ရေးဝန်ကြီးဌာန)
 ရန်ကုန်၊ နိုဝင်ဘာ ၁ ရက် (ဆင်ဟွာ)

    ရန်ကုန်မြို့ ဗိုလ်ချုပ်လမ်းမှ ဟံသာဝတီ လေဆိပ်(ပဲခူး)အထိ ဖောက်လုပ်ရန် လျာထားသော အထပ်မြင့် အမြန်လမ်းမကြီးအား အမေရိကန်ဒေါ်လာ သန်း ၆၂ဝ ခန့် ကုန်ကျခံတည်ဆောက်မည်ဖြစ်ကြောင်း ဆောက်လုပ်ရေးဝန်ကြီးဌာနထံမှ သိရသည်။

အဆိုပါ စီမံကိန်းကို ဗိုလ်ချုပ်အောင်ဆန်းလမ်း ရေကျော်လမ်းဆုံ အလွန်မှ မင်္ဂလာဒုံ ဥယျာဉ် စက်မှုမြို့အထိ ၂ဝ ဒသမ ၅ ကီလို မီတာ အရှည်ရှိသော လေးလမ်းသွား တံတား ပထမအဆင့် အဖြစ် တည်ဆောက်ပြီး ဒုတိယ အဆင့်အဖြစ် အပြည်ပြည် ဆိုင်ရာ ဟံသာဝတီ လေဆိပ်(ပဲခူး)အထိ ဆက်သွယ်ဆောင်ရွက်ရန် လျာထားကြောင်း သိရသည်။

ယင်းစီမံကိန်း တည်ဆောက်ရေး ကာလကို ငါးနှစ်အဆိုပြု တင်ပြထားသော်လည်း ခွင့်ပြုချက်ရရှိပါက စီမံကိန်းလုပ်ငန်းခွင် အပိုင်းသုံးပိုင်းအား တစ်ပြိုင်တည်း တည်ဆောက်သွားမည်ဖြစ်သည်။

အထပ်မြင့်အမြန်လမ်းမကြီး စီမံကိန်းသည် နိုင်ငံတော် အစိုးရနှင့် ကိုရီးယားနိုင်ငံ ပုဂ္ဂလိက ကုမ္ပဏီကြီးများ၊ ပြည်တွင်း ပုဂ္ဂလိက လုပ်ငန်းကုမ္ပဏီများ အကျိုးတူ ပူးပေါင်းသည့် Public Private Partnership (PPP) စနစ်ဖြင့် ပူးတွဲ ဆောင်ရွက်မည့် အစီအစဉ်ဖြစ်သည်။

(Xinhua)
http://www.xinhuamyanmar.com


တိုကျို နိုဝင်ဘာ ၁

နိုင်ငံတော်၏အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သည် ဂျပန်နိုင်ငံ ၀န်ကြီးချုပ် မစ္စတာ ရှင်ဇိုအာဘေး၏ ဖိတ်ကြားချက်အရ ဂျပန်နိုင်ငံသို့ ချစ်ကြည်ရေး ခရီး သွားရောက်ရန် ယနေ့ နံနက်ပိုင်းတွင် ရန်ကုန်မြို့မှ လေကြောင်းခရီးဖြင့် ထွက်ခွာရာ ပြည်သူ့လွှတ်တော်ဥက္ကဋ္ဌ ဦးဝင်းမြင့်၊ ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်း၊ ရန်ကုန်မြို့တော်ဝန် ဦးမောင်မောင်စိုး၊ ရန်ကုန်မြို့ရှိ ဂျပန်နိုင်ငံသံရုံးမှ သံရုံးယာယီတာဝန်ခံ Mr. Masaki Yasumatsu နှင့် တာဝန်ရှိသူများက ရန်ကုန် အပြည်ပြည်ဆိုင်ရာ လေဆိပ်၌ ပို့ဆောင်နှုတ်ဆက်ကြသည်။

နိုင်ငံတော်၏အတိုင်ပင်ခံပုဂ္ဂိုလ်နှင့် အဖွဲ့သည် တိုကျိုမြို့သို့ ဒေသစံတော်ချိန် ညနေ ၆ နာရီခွဲတွင် ရောက်ရှိကြရာ ဂျပန်ဝန်ကြီးချုပ်၏ စီးပွားရေးဆိုင်ရာ အထူး အကြံပေးပုဂ္ဂိုလ် မစ္စတာ ဟီရိုတိုအိဇုမိ၊ ဂျပန်နိုင်ငံဆိုင်ရာ မြန်မာ သံအမတ်ကြီး ဦးသူရိန်သန့်ဇင်၊ မြန်မာနိုင်ငံဆိုင်ရာ ဂျပန်နိုင်ငံ သံအမတ်ကြီး မစ္စတာ တာတဲရှိ ဟိုရူချိ နှင့် မြန်မာသံရုံး၊ စစ်သံရုံးဝန်ထမ်းများ၊ မိသားစုများက ဟာနေဒါ အပြည်ပြည်ဆိုင်ရာ လေဆိပ်၌ ကြိုဆို နှုတ်ဆက်ကြသည်။

ထို့နောက် နိုင်ငံတော်၏အတိုင်ပင်ခံပုဂ္ဂိုလ်နှင့် အဖွဲ့သည် မော်တော်ယာဉ်များဖြင့် ခေတ္တ တည်းခိုမည့် The Imperial Hotel သို့ ရောက်ရှိကြသည်။

Ref; Myanmar State Counsellor Office


အခင်းဖြစ်ပွားရာသို့ ရောက်ရှိလာသည့် ရဲကားတစ်စီးအားတွေ့ရစဉ် (ဓါတ်ပုံ-အင်တာနက်)
    ဒိန်းမတ်၊ နိုဝင်ဘာ ၁ရက် (ဆင်ဟွာ)

    ဒိန်းမတ်နိုင်ငံ Jutland ကျွန်းဆွယ် တွင် အောက်တိုဘာ ၃၀ရက် က အသက် ၂၇နှစ်အရွယ် ဆီးရီးယား အမျိုးသမီးတစ်ဦး နှင့် ၄င်း၏ သမီး နှစ်ဦးအား ရေခဲသေတ္တာတစ်ခုအတွင်း သေဆုံးလျက်တွေ့ရှိခဲ့ရကြောင်း ရဲသတင်းရင်းမြစ်များကို ကိုးကား၍ ပြည်တွင်းမီဒီယာတစ်ခုက အောက်တိုဘာ၃၁ရက်တွင်ဖော်ပြခဲ့သည်။

Jutland တောင်ပိုင်း ရဲတပ်ဖွဲ့ က အဆိုပါ ဖြစ်စဉ် အား စုံစမ်းစစ်ဆေးနေပြီး သံသယဖြစ်ဖွယ် သေဆုံးသူ အမျိုးသမီး၏ ခင်ပွန်းအား လိုက်လံရှာဖွေနေကြောင်း ဒိန်းမတ်နေ့စဉ် သတင်းစာ The Copenhagen Post ကဖော်ပြခဲ့သည်။

သေဆုံးသူ အမျိုးသမီး၏ ခင်ပွန်းသည် သေဆုံးသွားသည့် အသက် ၇နှစ် နှင့် ၉နှစ်အရွယ် ကလေးနှစ်ဦး၏ ဖခင်လည်းဖြစ်ကြောင်း နှင့် ယင်း ဖြစ်စဉ် သည် မိသားစုအတွင်း ဝမ်းနည်းကြေကွဲဖွယ် ဖြစ်စဉ်တစ်ခု ဖြစ်ကြောင်း ရဲတပ်ဖွဲ့ က ထုတ်ပြန်ခဲ့သည်။

သတင်းစာ၏ ဖော်ပြချက်အရ သေဆုံးသူ အမျိုးသမီး နှင့် ၄င်း၏ သမီး ၂ဦးအား အောက်တိုဘာ ၂၆ (သို့) ၂၇ တွင် အသက်ရှင်လျက် နောက်ဆုံး မြင်တွေ့ခဲ့ရကြောင်း နှင့် အဆိုပါ အမျိုးသမီးအား ရက်ပေါင်းများစွာ အဆက်အသွယ်ပြုလုပ်၍ မရသောကြောင့် နောက်ပိုင်းတွင် ၄င်း၏ ဆွေမျိုးတစ်ဦးက ရဲတပ်ဖွဲ့သို့ အကြောင်း ကြား ခဲ့ကြောင်း သိရသည်။

ရဲတပ်ဖွဲ့က အသတ်ခံရသည့် အချိန် နှင့် မည်သို့ အသတ်ခံရသည် ကို စုံစမ်းစစ်ဆေးလျက်ရှိကြောင်း သိရသည်။

ရဲတပ်ဖွဲ့၏ ပြောကြားချက်အရ ယင်းမိသားစုသည် ဒိန်းမတ်နိုင်ငံသို့ ၂၀၁၅ခုနှစ် နွေရာသီတွင် ရွှေ့ပြောင်း ဒုက္ခသည်အဖြစ်ရောက်ရှိလာခြင်းဖြစ်ကြောင်း သိရသည်။

၂၀၁၅ခုနှစ် တွင် လူပေါင်း ၂၁,၀၀၀ ဒိန်းမတ်နိုင်ငံသို့ ခိုလှုံရန် ပြောင်းရွှေ့လာကြကြောင်း သိရသည်။

(Xinhua)
http://www.xinhuamyanmar.com


နိရဉ္စရာ၊ နိုဝင်ဘာ ၁

ယီမင်နိုင်ငံမှ ဟူသီ သူပုန်များက ဆော်ဒီအာရေဗီးယားရှိ အစ္စလာမ်ဘာသာဝင်တို့၏ ဘာသာရေး အထွဋ်အမြတ်နေရာ မက္ကာအား ပစ်မှတ်ထားပြီး ဒုံးကျည်ဖြင့် တိုက်ခိုက်သည့် သတင်း ထွက်ပေါ် လာမှု အပေါ် ဘင်္ဂလာဒေ့ရ်ှ နိင်ငံ အနေဖြင့် အလွန်အမင်း စိုးရိမ်ပူပန်ကြောင်း ထုတ်ဖော် ပြောဆို လိုက်သည်။

ဘင်္ဂလာဒေ့ရ်ှနိုင်ငံခြားရေး ၀န်ကြီးဌာနမှ ကြေညာချက် ထုတ်ပြန်ရာတွင် အစ္စလာမ် ဘာသာဝင် တို့၏ ယုံကြည်ကိုးကွယ်မှုနှင့် ညီညွတ်မှုတို့ ပေါင်းဆုံရာ ဘာသာရေး အရ အထွဋ်အမြတ်ထားရာ နေရာအား ယခုလိုမျိုး တိုက်ခိုက်မှုကို လုံးဝ ကန့်ကွက် ရှုတ်ချကြောင်း ဖော်ပြသည်။

ဘင်္ဂလာဒေ့ရှ် နိုင်ငံ အနေဖြင့် ဆော်ဒီရှိသမိုင်းဝင် ဘာသာရေး အဆောက်အအုံ ဗလီကြီး ၂ ခုကို ကာကွယ်ရန်နှင် လုံခြုံမှု အပြည့်အ၀ အာမခံရန် ဆော်ဒီအာရေဗီးယား အစိုးရနှင့် ပြည်သူများနှင့် အတူ ရပ်တည်လျက်ရှိကြောင်းကို အလေးအနက် ပြောလိုပါကြောင်း ကြေညာချက်တွင် ဖော်ပြသည်။

အောက်တိုဘာလ ၂၇ ရက်နေ့က ယီမင်ပြည်တွင်းစစ်ကို ကြားဝင်ဆောင်ရွက် နေသော ဆော်ဒီ အစိုးရဦးဆောင်သော ညွန့်ပေါင်း အဖွဲ့က ထုတ်ပြန်သော ကြေညာချက်တွင် ယီမင်နိုင်ငံရှိ ဟူသီ သူပုန်များသည် ဆော်ဒီ အာရေဗီးယားရှိ မက္ကာအား ရည်ရွယ်၍ ဒုံးကျည်တစ်စင်းကို ပစ်ခတ်ခဲ့ကြောင်း၊ သို့သော်လည်း မက္ကာအား တစ်စုံတစ်ရာ ထိခိုက်မှု မရှိခဲ့ကြောင်း ဖော်ပြသည်။

ရှီယား မူဆလင်များ ဖြစ်ကြသော ဟူသီတို့မှ ဒုံးကျည် တစ်စင်း ဆော်ဒီအာရေဗီးယာသို့ ပစ်ခတ်ခဲ့ကြောင်းမှာ မှန်ကန်ကြောင်းကို သူတို့၏ တရားဝင် သတင်းဌာနမှ သတင်း ထုတ်ပြန်ခဲ့ကြောင်း၊ သို့သော်လည်း ၎င်းဒုံးကျည်မှာ ဆော်ဒီအာရေဗီးယားရှိ စီးပွားရေးမြို့တော် ဂျီးဒက် ( Jeddah) ရှိ King Abdulaziz နိုင်ငံတကာ လေဆိပ်ကို ရည်ရွယ် ပစ်ခတ်ခြင်း ဖြစ်ကြောင်း ပြောကြားဟု ဆိုသည်။

(ဓာတ်ပုံ- ၂၀၁၅ ဧပြီလ ၁၅ ရက်နေ့က ဆော်ဒီအမြောက်တပ်ဖွဲ့မှ သူ့နိုင်ငံအနီးရှိ ယီမင် ဟူသီ သူပုန် အခြေစိုက်စခန်းကို အမြောက်ဖြင့် ပစ်ခတ်နေစဉ်/ ဓာတ်ပုံ- Reuters)

Ref: Bangladesh condemns reported missile attack targeting Makkah
Narinjara
https://www.facebook.com/Narinjara


မန္တလေး၊ နိုဝင်ဘာ ၁။

မန္တလေးတိုင်းဒေသကြီး၊ ပြင်ဦးလွင်မြို့နယ်မှ အဂတိလိုက်စားမှုဖြင့် အမှုဖွင့်ခံရသည့် အထွေထွေအုပ်ချုပ်ရေး ဦးစီးဌာနမှ မြို့နယ်အုပ်ချုပ်ရေးမှူးနှင့် ဒုတိယဦးစီးမှူး တို့ကို နိုဝင်ဘာလ (၈)ရက်နေ့တွင် ရုံးထုတ်စစ်ဆေးသွားမည်ဖြစ်ကြောင်း အဂတိလိုက်စားမှု တိုက်ဖျက်ရေးကော်မတီ က သိရသည်။

အထွေထွေအုပ်ချုပ်ရေးဦးစီးဌာနမှ လက်ထောက်ညွှန်ကြားရေးမှူး (မြို့နယ်အုပ်ချုပ်ရေးမှူး) ဦးတင်နိုင်စိုး၊ ဒုတိယဦးစီးမှူး ဦးကျော်ကျော်နိုင်တို့ကို မန္တလေးတိုင်းဒေသကြီး တရားလွှတ်တော်တွင် ရုံးထုတ်စစ်ဆေးမည်ဖြစ်ပြီး ၄င်းတို့နှင့်အတူ အဂတိလိုက်စားမှုကြောင့် တရားစွဲခံထားရသည့် အကြီးတန်းစာရေး ဦးအောင်စိုးမိုးအား ပြင်ဦးလွင်မြို့နယ် တရားရုံးတွင် ရုံးထုတ်စစ်ဆေးသွားမည်ဖြစ်ကြောင်း သိရသည်။

"အမှုစဖွင့်တဲ့နေ့က တရားစွဲတင်ဖို့အတွက် ယမန်ယူတယ်။ နိုဝင်ဘာလ ၈ ရက်နေ့မှာမှ စစစ်ဆေးဖို့ ရုံးထုတ်မှာဖြစ်တယ်။ အဲဒီနေ့မှာ တရားလိုဖြစ်တဲ့ အဂတိတိုက်ဖျက်ရေးကော်မရှင်က အမှုစစ် ဦးကောင်းဇော်သန့်ကို စစ်ဆေးဖို့ ချိန်းဆိုထားတယ်" ဟု အဂတိလိုက်စားမှု တိုက်ဖျက်ရေး ကော်မတီ မှ ကော်မတီဝင် ဦးသန်းအောင်က ပြောသည်။

မြို့နယ်အုပ်ချုပ်ရေးမှူး ဦးတင်စိုးနိုင်သည် မန်ကျည်းအင်းကျေးရွာသစ် ပြည်ထဲရေးအမည်ပေါက် ရွာမြေတိုးချဲ့သတ်မှတ်ပေးရန် ကိစ္စနှင့်ပက်သက်ပြီး ယင်းကျေးရွာနေ ဒေသခံများထံမှ လက်ဆောင်ယူခြင်း နှင့် ငွေကျပ် ၅ သိန်းကို ၂၀၁၄ ခုနှစ် နိုဝင်ဘာလ ၁၁ ရက်နေ့၌လည်းကောင်း ပုဆိုး နှင့် အင်္ကျီအပါအဝင် ငွေကျပ် သိန်း ၃၀ ကို ၂၀၁၄ ခုနှစ် နိုဝင်ဘာလ ၁၁ ရက်နေ့၌ လည်းကောင်း ၊၂၀၁၅ ခုနှစ် ဒီဇင်ဘာလအတွင်းက ငွေကျပ် သိန်း ၁၀၀ ကိုလည်းကောင်း အလီလီလက်ခံရယူခဲ့ကြောင်း သိရသည်။

ဒုတိယဦးစီးမှူး ဦးကျော်ကျော်နိုင်သည်လည်း ယင်းကျေးရွာကိစ္စနှင့်ပက်သက်၍ ၂၀၁၅ ခုနှစ် မေလအတွင်း က ကမ္ဘာအောင်မြေကုမ္ပဏီပိုင်ရှင်ထံ မှ ငွေကျပ်သိန်း ၅၀ တစ်ကြိမ် ၊ သိန်း ၄၀ တစ်ကြိမ်နှင့် ၃၅ သိန်း တစ်ကြိမ် လက်ခံရယူထားကြောင်း သိရသည်။

ထို့အပြင် ပြင်ဦးလွင်မြို့နယ်အထွေထွေအုပ်ချုပ်ရေး ဦးစီးဌာန မှ အကြီးတန်းစာရေး ဦးအောင်စိုးမိုးသည်လည်း မန်ကျည်းအင်းကျေးရွာ ဒေသခံအချို့ထံမှ ၎င်း၏သမီးကို အပ်ချုပ်ဆိုင်ဖွင့်ပေးနိုင်ရန်အတွက် ၂၀၁၆ ဖေဖော်ဝါရီလ ၂၀ ရက်နေ့က ငွေကျပ် ၁၀ သိန်းတောင်းယူခြင်း ၊ ၂၀၁၆ ခုနှစ် မတ်လ ၆ ရက်နေ့က မြို့နယ်စီမံခန့်ခွဲရေးနှင့် မြေစာရင်းအဖွဲ့များကို ပေးရန်ဟုဆိုကာ ၃၅ သိန်း တောင်းယူခြင်း ၊ ၂၀၁၆ ဧပြီလအတွင်းက မြေပုံရေးဆွဲသည့်အဖွဲ့ကို ဧည့်ခံရန်အတွက်ဟုဆိုကာ (၃) သိန်းတောင်းယူခြင်း စသည်တို့ကို ကျူးလွန်ကြောင်း မန္တလေးတိုင်းဒေသကြီး ရဲတပ်ဖွဲ့မှူးရုံးမှ သိရသည်။

ယင်းသို့ လုပ်ပိုင်ခွင့်အာဏာ တလွဲအသုံးပြု၍ အဂတိလိုက်စားခြင်းနှင့် ပတ်သတ်၍ မြို့နယ်အုပ်ချုပ်ရေးမှူး ဦးတင်နိုင်စိုးအား (ပ)၂၂၀/၂၀၁၆၊ ၂၀၁၃ ခုနှစ် အဂတိတိုက်ဖျက်ရေးဥပဒေပုဒ်မ ၅၆၊ (ပ)၂၁၉/၂၀၁၆၊ ပုဒ်မ ၅၆ ဖြင့်လည်းကောင်း၊ ဦးကျော်ကျော်နိုင်အား (ပ)၂၂၂/၂၀၁၆၊ အဂတိတိုက်ဖျက်ရေးဥပဒေပုဒ်မ ၅၆ ဖြင့်လည်းကောင်း၊ ဦးအောင်စိုးမိုးအား (ပ)၂၂၄/၂၀၁၆၊ အဂတိတိုက်ဖျက်ရေးဥပဒေပုဒ်မ ၅၇၊ (ပ)၂၂၃/၂၀၁၆၊ ပုဒ်မ ၅၇ ဖြင့်လည်းကောင်းအမှုဖွင့် အရေးယူထားကြောင်း သိရသည်။

နိုင်လင်းဦး
Central News Myanmar
https://www.facebook.com/CNMyanmar/


နိရဉ္စရာ၊ နိုဝင်ဘာ ၁

တိုင်းနှင့် ပြည်နယ် အသီးသီးတွင် တာဝန်ထမ်းဆောင်နေသော ရခိုင်အမျိုးသားများ ရဲအမှုထမ်းများ အနေဖြင့် ရခိုင်ပြည်နယ် သို့ ပြောင်းရွှေ့ တာဝန်ထမ်းဆောင်လိုပါက ပြောင်းရွှေ့ တာဝန်ထမ်းဆောင်ခွင့်ရရန် စီစဉ်ထားပြီ ဖြစ်ကြောင်း ရခိုင်ပြည်နယ် စည်ပင်ဝန်ကြီး ဦးမင်းအောင်က အောက်တိုဘာလ ၃၁ ရက်နေ့ ညနေပိုင်းက နိရဉ္စရာသို့ပြောကြားသည်။

“ တိုင်းနဲ့ ပြည်နယ် အသီးသီးမှာ ရောက်ရှိတာဝန်ထမ်းဆောင်လိုတဲ့ ရခိုင် တိုင်းရင်းသား ရဲအမှုထမ်းတွေ အနေနဲ့ ကိုယ့်ရခိုင်ပြည်နယ်ကို လာပြီး ပြောင်းရွှေ့ တာဝန်ထမ်းဆောင်လိုတယ်ဆိုရင် ပြောင်းရွှေ့ တာဝန် ထမ်းဆောင် နိုင်ပါပြီ။ ဒါကိုလည်း သက်ဆိုင်ရာက အစီအစဉ်ချမှတ် လုပ်ဆောင်ထားပါပြီ” ဟု ၀န်ကြီး ဦးမင်းအောင်က ပြောသည်။

ရခိုင်ပြည်နယ် အနောက်ဘက်နယ်စပ်တွင် ဒေသန္တရ ရဲတပ်ဖွဲ့ ၂၀၀ ခန့်အပ်မည့် ကိစ္စနှင့် ပတ်သက်ပြီး နိရဉ္စရာက မေးမြန်းစဉ် ၀န်ကြီး ဦးမင်းအောင်က တိုင်းနဲ့ ပြည်နယ် အသီးသီးရှိ လက်ရှိ တာဝန်ထမ်းဆောင်နေကြသော ရခိုင်ရဲမှုထမ်းများ ရခိုင်ပြည်နယ်သို့ လာရောက် ပြောင်းရွှေ့ တာဝန်ထမ်းဆောင်နိုင်ပြီ ဖြစ်ကြောင်း ထည့်သွင်း ပြောကြားသွားခဲ့သည်။

“ ရခိုင်ပြည်နယ် အနောက်ဘက် နယ်စပ် မောင်တောမြို့နယ် အတွင်း တရား ဥပဒေစိုးမိုးရေးနဲ့ ဒေသ လုံခြုံရေး အတွက် ဒေသန္တရ ရဲတပ်ဖွဲ့ဝင် ၂၀၀ ခေါ်ယူထားပြီ။ အခုအချိန်က စပြီး လျှောက်ထားနိုင်ပါပြီ။ လျှောက်ထားသူတွေလည်း ရှိနေပါပြီ။ ရခိုင်ပြည်နယ် ပြင်ပကို ရောက်နေတဲ့ ရခိုင်တိုင်းရင်းသား ရဲအမှုထမ်းတွေလည်း ကိုယ်ပြည်နယ်ကို ပြန်လာပြီး တာဝန် ထမ်းဆောင်လို့ ရပါပြီ” ဟု ၀န်ကြီးက ဆိုသည်။

ပထမ အသုတ် လူ အယောက် ၁၀၀ သင်တန်းပေးသွားမည် ဖြစ်ပြီး သင်တန်း ကာလမှာ ၆ လ ဖြစ်ကာ သင်တန်းနေရာမှာ စစ်တွေမြို့နှင့် ကျီးကန်းပြင် နယ်ခြား စောင့် ဌာနချုပ်တို့ကို သတ်မှတ်ထားသည်ဟု သိရသည်။

ဒေသန္တရ ရဲတပ်ဖွဲ့တွင် တာဝန်ထမ်းဆောင်လိုသူများသည် အခြေခံ မူလတန်းအဆင့် အသက် ၁၈ နှစ်မှ ၃၅ နှစ်ထိ သတ်မှတ်ထားပြီး မိမိရပ်ရွာ၊ မိမိဒေသကို ကာကွယ် လိုသူများ အနေဖြင့် အမြန်လျှောက်ထားနိုင်သည်ဟု ဆိုသည်။

သင်တင်းပြီးပါက မောင်တောမြို့နယ် အတွင်း အသစ်တိုးချဲ့မည့် ရဲတပ်ဖွဲ့တွင် တာဝန် ထမ်းဆောင်နိုင်ကြမည် ဖြစ်ကြောင်း သိရသည်။

Narinjara
https://www.facebook.com/Narinjara


ထိုင်းနိုင်ငံမှာ အလုပ်လုပ်ကိုင်နေကြတဲ့ မြန်မာရွေ့ပြောင်းအလုပ်သမားတွေအနေနဲ့ ပန်းရောင်ကဒ်လို့ ခေါ်တဲ့အလုပ်လုပ်ခွင့်ကဒ် ရှိမယ်ဆိုရင် မည်သူမည်ဝါဖြစ်ကြောင်း CI ကဒ်ကို မြန်မာအလုပ်သမားအများစုရှိရာ နေရာ ၆ခုမှာ နိုဝင်ဘာလလယ် လောက်ကစပြီး စတင်ထုတ်ပေးဖို့ အတွက် ထိုင်းနဲ့ မြန်မာတို့ သဘောတူထားပြီး ဖြစ်ကြောင်းထိုင်းနိုင်ငံမြန်မာသံရုံးက ပြောဆိုပါတယ်။ ဒါ့အပြင် သာမန်နိုင်ငံကူးလက်မှတ်ကိုလည်းမှတ်ပုံတင်နဲ့ သန်းခေါင်းစာရင်မှန်ကန်ပြီး အထောက်အထား ပြည်စုံရင် မြန်မာသံရုံးက တဆင့်လျောက်ထားနိုင်တယ်လို့လည်းပြောပါတယ်။ မအေးအေးမာက သတင်းပေးပို့ထားပါတယ် ။

ထိုင်းနိုင်ငံမှာ အလုပ်လုပ်ကိုင်နေကြတဲ့ မြန်မာရွေ့ပြောင်း အလုပ်သမားတွေအနေနဲ့ ထိုင်းနိုင်ငံ က လုပ်ပေးတဲ့ အလုပ်လုပ်ခွင့်ကဒ်ပြားပန်းရောင်ကဒ်ရှိမယ် ဆိုရင် မည်သူမည်ဝါဖြစ်ကြောင်း အထောက်အထားကဒ်ဖြစ်တဲ့ CI ကဒ် ကို ဘန်ကောက်မြို့ အပါအ၀င်နေရာ ၆ခုမှာ နိုဝင်ဘာလ ကစပြီး ထုတ်ပေးတော့မှာဖြစ်တယ်လို့ ဘန်ကောက်မြို့ မြန်မာသံရုံးက အလုပ်သမားသံအရာ၇ှိ ဦးမိုးအောင်ခိုင်က ပြောပါတယ်။

“မယ်ဆိုင်၊ မဲဆောက်၊ ဘန်ကောက်ဆိုရင် ကျနော်တို့ ၃ နေရာပေါ့ လုပ်ဖို့ရှိတယ်။ မကြာတော့မကြာဘူး ထိုင်းကလည်း အကုန်လုံးလုပ်ပေးပြီးပါပြီ ။ ကျနော်တို့ မြန်မာဘက်ကလည်း မကြာခင်လာဖို့ ၀န်ထမ်းတို့ဘာတို့ အကုန်လုံးပေါ့နော် အဆင်သင့်ပြင်ပြီး သွားပါပြီ။ မကြာခင်တော့ကျနော်တို့ လုပ်ပေးမယ်။ ၂ နိုင်ငံဆိုင်ရာ အစည်းအဝေးတွေ ပြီးတာနဲ့ လုပ်ပေးမယ် ဒီလဆို ၁၅-၁၆ လောက်ဖြစ်သွားမှာပေါ့လေ။ ခန့်မှန်းထားတာပေါ့နော် နောက်ပြီးတော့ ကျနော်တို့အနေနဲ့ CI ကအဓိကပဲ CI နဲ့ ဘက်ကဒ် ပါ ထုတ်ပေးမှာ။”

ထိုင်းနိုင်ငံရောက်မြန်မာအလုပ်သမားတချို့ ကိုင်ဆောင်ထားတဲ့ ခရမ်းရောင် ယာယီနိုင်ငံကူး လက်မှတ်တွေက ၄ နှစ်သက်တမ်းကုန်တာတွေဖြစ်လာတော့မှာမို့ ဒီနိုင်ငံကူးလက်မှတ်တွေကိုတော့ ဆက်ပြီး သက်တမ်းတိုးမှာ မဟုတ်တော့ဘူးလို့ ဆိုပါတယ်။ စီအိုင်ကဒ် ကနေ တဆင့် သာမန်နိုင်ငံကူးလက်မှတ်တွေကိုလုပ်မယ်ဆိုရင်တော့ ထိုင်းနိုင်ငံဘန်ကောက်မြို့ မြန်မာသံရုံးမှာ လျောက်ထားနိုင်ပြိး နိုင်ငံသားဖြစ်ကြောင်းအထောက်အထား အပြည့်အစုံရှိရမယ်လို့လည်းဆိုပါတယ်။

“CI ကနေပြီးတော့ မှ ၄ နှစ်သက်တမ်းရှိတယ် သူတို့ကနေပြီးတော့မှ သန်းခေါင်စာရင်းရှိတယ်။ မှတ်ပုံတင်ရှိတယ်။ သူတို့မှန်ကန်တယ်ဆိုရင် အဆင့်တွေတော့များမယ် ဘန်ကောက်သံရုံး ဘက်လာရမယ်၊ သူတို့လာရမယ်လေ ဒါက သံရုံးကပဲလုပ်လို့ရတယ်။ အနယ်နယ်အရပ်ဆိုတော့ ကိုယ့်နိုင်ငံမှာ မဟုတ်တဲ့ဟာကို ။ အဆင့်ဘယ်လိုများမလဲ ဘာတွေလုပ်ရမလဲ ဆိုတော့ ၁ သန်းခေါင်စာရင်းရှိရမယ်၊ မှတ်ပုံတင် ရှိရမယ် ကျနော်တို့က အဲဒါမှန်ရင် ထုတ်လို့ရတယ်။ နောက်ပြီး နေပြည်တော်ကိုတင်မယ် နိုင်ငံသားမှန်ရမယ်၊ ဒါပေမယ့် ကျနော်တို့ကဘာလဲဆိုတော့ စစ်ဆေးရမယ် ။ နိုင်ငံကူးစာအုပ် Passport စာအုပ်သည် နိုင်ငံသားအဖြစ်ပေးရမှာ အဲဒီလိုပေးရမှာဖြစ်တဲ့အတွက် ကျနော်တို့ အဆင့်ဆင့်တော့ စစ်ဆေးရမယ်။ မှန်တယ်ဆိုရင် ကျနော်တို့က ဒီကနေပြီး ကျနော်တို့က သံရုံးကနေ တင်ပေးမယ်၊ တင်ပေးလိုက်တာတွေသည် ကျနော်တို့ သံရုံးမှာ ထားထားတာတွေရှိတယ်။ ကျနော်တို့ရဲ့ ဘာလဲဆိုတော့ နိုင်ငံကူး Passport ထုတ်ပေးရေးရုံးပေါ့နော် အဲဒီအဖွဲ့ ၁ ဖွဲ့ထားထားတယ်။ အဲဒီအဖွဲ့ကနေပြီးတော့မှ ထုတ်ပေးမယ်။ ထုတ်ပေးတဲ့ဟာကို နေပြည်တော်ကိုတင်မယ် SP ကနေပြီးတော့မှစစ်ဆေးမယ် နောက်ပြီး လ၀က ကနေမှ စစ်ဆေးမယ် နောက် သူ့အဆင့်ဆင့်ရှိတယ်။ အဲဒီအဆင့်အတိုင်းသွားရမှာ နေပြည်တော်ကိုတင်မယ်၊ နောက်တိုင်းဒေသကြီးကိုပို့မယ် တိုင်းဒေသကြီးကမှ ခရိုင်ပြီးတော့ မြို့နယ်ပို့မယ် ၊ မြို့နယ်ကနေပြီးတော့မှ စစ်ဆေးပြီးတော့ clear ဖြစ်တယ်ဆိုရင် သူ့အဆင့်ဆင့်ကနေ ပြန်တက်လာမယ်။ မှန်နေရင်တော့  မြန်မယ်၊ မှားနေရင်တော့ ကြာတာတွေရှိလာမယ်။”

ထိုင်းနိုင်ငံမှာ မြန်မာရွေ့ပြောင်းအလုပ်သမား ၃ သန်းကျော် ရှိနိုင်တယ်လို့ ခန့်မှန်းထားပေမဲ့ နှစ်နိုင်ငံသဘောတူညီမူ MOU နဲ့ လာတဲ့အလုပ်သမားက နှစ်သိန်းကျော်၇ှိပြီး အလုပ်လုပ်ခွင့်ကဒ်ပြား လုပ်ထားတဲ့သူကလည်း သိန်းဂဏန်းလောက်ပဲရှိတာပါ။

တချို့ကလည်း သက်တမ်းဆက်မတိုးနိုင်တာကြောင့် တရားမ၀င်ဖြစ်သွားတဲ့သူတွေလည်းရှိကြပါတယ်။ ဒါ့အပြင် အများစုက တရားမ၀င်ဝင်ရောက်လာသူတွေများတာကြောင့် အခု မည်သူမည်ဝါဖြစ်ကြောင်း စီအိုင်ကဒ်ထုတ်မယ် အရေအတွက်ကလည်း သိန်းဂဏန်းလောက်ပဲ ၇ှိနိုင်တာပါ ။ ထိုင်းနဲ့မြန်မာသဘောတူညီချက်အရတော့နေရာ ၆ခုမှာစင်တာတွေ ဖွင့်လှစ်ပြီး လုပ်ဆောင်သွားမှာဖြစ်လို့  မြန်မာအလုပ်သမားတွေအနေနဲ့ စီအိုင်ကဒ်တွေ လုပ်ဆောင်ဖို့ အတွက်မြန်မာသံရုံးကတော့ နှိုးဆော်ထားပါတယ်။

မအေးအေးမာ  / ဗွီအိုအေ (မြန်မာပိုင်း)
http://burmese.voanews.com


အမျိုးသားဒီမိုကရေစီအဖွဲ့ချုပ် အတွင်းရေးမှူးအဖွဲ့ဝင် ပြည်သူ့လွှတ်တော်ဥက္ကဋ္ဌ ဦးဝင်းမြင့်၊ ဦးဝင်းထိန်နဲ့ နာယက သူရဦးတင်ဦး တို့ကို ရန်ကုန်မြို့ Sky Star Hotel မှာ နိုဝင်ဘာလ ၁ ရက်နေ့ကကျင်းပတဲ့ NLD ရန်ကုန်တိုင်းဒေသကြီး တိုင်း၊ ခရိုင်၊ မြို့နယ် ပါတီဝင်တွေ တွေ့ဆုံပွဲမှာ တွေ့ရစဉ်။ Photo: Kyaw Lwin Oo/RFA
အမျိုးသားဒီမိုကရေစီအဖွဲ့ချုပ် ပါတီဝင်တွေအနေနဲ့ အောက်ခြေလွတ် ဘဝင်မြင့်နေမယ်ဆိုရင် ပြည်သူတွေ ဒဏ်ခတ်တာခံရမယ်လို့ ရန်ကုန်တိုင်း ပါတီဝင်တွေနဲ့ တွေ့ဆုံပွဲမှာ ပါတီကိုယ်စားလှယ်တွေနဲ့ အစိုးရအဖွဲ့ဝန်ကြီးတွေကို ပါတီရဲ့ အတွင်းရေးမှူးအဖွဲ့ဝင် ဦးဝင်းထိန် က သတိပေးလိုက်ပါတယ်။

ရန်ကုန်မြို့ တာမွေမြိုနယ်မှာရှိတဲ့ Sky Star Hotel မှာ အမျိုးသားဒီမိုကရေစီအဖွဲ့ချုပ် ရန်ကုန်တိုင်းဒေသကြီး တိုင်း၊ ခရိုင်၊ မြို့နယ်ပါတီဝင်တွေ ၆ ကြိမ်မြောက်တွေ့ဆုံပွဲမှာ အတွင်းရေးမှူး အဖွဲ့ဝင် ဦးဝင်းထိန် က သတိပေးလိုက်တာဖြစ်ပါတယ်။

"လောလောဆယ်မှာတော့ ဒီမိုကရေစီနိုင်ငံ ထူထောင်ဖို့ခြေလှမ်းမှာ အညှောင့်လေးပေါက်ပြီလို့ နမူနာ ပေးချင်ပါတယ်၊ အဲအညှောင့်ပေါက်ကို နောက်လေးနှစ်ခွဲအတွင်းမှာ အမျိုးသားဒီမိုကရေစီအဖွဲ့ဝင်တွေ အထူးသဖြင့် တာဝန်ရှိတဲ့ပုဂ္ဂိုလ်တွေက ကြိုးစားပြီးဆောင်ရွက်ခြင်းအားဖြင့် အဲဒီ ဒီမိုကရေစီအညှောင့်လေးက အပင်ဖြစ်လာမယ်၊ ဒီ ၅ နှစ်နဲ့ ကျနော်တို့ အောင်မြင်မယ်လို့ မယုံကြည်သေးဘူး၊ ပြည်သူလူထုအကျိုး ဖန်တီးခြင်းအားဖြင့် ကျနော်တို့ကို ပြည်သူလူထုက ဆက်လက်ထောက်ခံရင် ၂၀၂၀ ရွေးကောက်ပွဲမှာ ဆက်လက်တာဝန်ယူရမယ်၊ အဲလိုမှမဟုတ်ဘဲ အောက်ခြေလွတ်နေမယ် ဘဝမြင့်နေမယ်ဆိုရင် ဒေါ်အောင်ဆန်းစုကြည်ပြောသလို ပြည်သူလူထု ဒဏ်ခတ်တာခံရလိမ့်မယ်လို့ ကြုံတုန်းသတိပေးချင်တယ်" လို့ ပြောတာဖြစ်ပါတယ်။

အဲဒီတွေ့ဆုံပွဲကို အမျိုးသားဒီမိုကရေစီအဖွဲ့ချုပ် နာယက သူရဦးတင်ဦး၊ အတွင်းရေးမှူးအဖွဲ့ဝင်တွေဖြစ်တဲ့ ပြည်သူ့လွှတ်တော်ဥက္ကဋ္ဌ ဦးဝင်းမြင့်၊ ဦးဝင်းထိန်၊ ဦးဥာဏ်ဝင်း၊ ဦးဟံသာမြင့်နဲ့ ဗဟိုအလုပ်အမှုဆောင် အဖွဲ့ဝင်တွေ၊ ရန်ကုန်တိုင်း ခရိုင် မြို့နယ်အဖွဲ့ဝင်တွေ တက်ရောက်ကြပါတယ်။

တက်ရောက်လာတဲ့ တိုင်း၊ ခရိုင်၊ မြို့နယ် ကိုယ်စားလှယ်တွေက မြို့နယ်အသီးသီးမှာ ဖြစ်ပေါ်နေတဲ့ အရေးကိစ္စတွေနဲ့ ပတ်သက်တဲ့ အစီရင်ခံစာတွေ တင်သွင်းဆွေးနွေးကြတာဖြစ်ပါတယ်။

RFA Burmese
http://www.rfa.org/burmese