11/05/16



ဒေါ်နယ်ထရန့် နှင့် ဟီလာရီကလင်တန်
အမေရိကန်ပြည်ထောင်စုမှာ သမ္မတ ရွေးကောက်ပွဲအတွက် နောက်ဆုံးအဆင့် မဲဆွယ် စည်းရုံးပွဲတွေကို အကြိတ်အနယ် ကျင်းပနေပါတယ်။ ဒီမိုကရက်တစ်ပါတီ သမ္မလောင်း ဟီလာရီ ကလင်တန်ရဲ့ ပြိုင်ဘက်ဟောင်း အထက် လွှတ်တော်အမတ် Bernie Sanders တင်မက နာမည်ကြီး အဆိုတော် Pharrell Williams နဲ့ Beyonce တို့စုံတွဲ တို့လို လူတွေလည်း ဟီလာရီအတွက် မဲဆွယ် စည်းရုံးပေးနေ ကြတာပါ။ေ ထာက်ခံသူတွေ ကလည်း နောက်ဆုံးအဆင့် မဲဆွယ်နေကြ သလို သောကြာနေ့ မှာတော့ ဟီလာရီကလင်တန် ကိုယ်တိုင်ကလည်း Pennsylvania ပြည်နယ်မှာ လူမှု အသိုင်းအ၀ိုင်း အားလုံးအတွက် အကျိုးရှိစေမယ့် သူရဲ့ စီးပွါးရေး မျှော်မှန်းချက် တွေ ကို ပြောဆိုရင်း မဲဆွယ် စည်းရုံးပါတယ်။

ရီပတ်ဘလစ်ကန် သမ္မလောင်း Donald Trump ကလည်း New Hampshire ပြည် နယ်၊ Atkinson ခရိုင်မှာ မဲဆွယ် စည်းရုံးပါတယ်။ သူ့အစိုးရ အဖွဲ့အနေနဲ့ ဒီတိုင်းပြည် တွင်းက အလုပ်တွေ ပြည်ပကိုရောက် မသွားအောင် လုပ်မယ်လို့ ဆိုပါတယ်။ ဟီလာရီ ကလင်တန်ကိုလည်း သမ္မတ ရာထူးနဲ့ မထိုက်တန်သူဆိုပြီး တိုက်ခိုက်ပါ တယ်။ ရီပတ်ဘလစ်ကန် ပါတီညီလာခံမှာ နောက်ဆုံး စကားတက်ပြောခဲ့တဲ့ Trump ဇနီး မလာနီယာ ကလည်း ပင်ဆယ်ဗေး နီးယားပြည်နယ်မှာ ကြာသပတေးနေ့က မဲဆွယ် စည်းရုံးခဲ့ ပါသေးတယ်။

ရိုးသားမှုနဲ့ ယုံကြည်ထိုက်သူ ဟုတ်မဟုတ်ဆိုပြီး သမ္မတလောင်း ၂ ဦးအပေါ် Gallup အဖွဲ့ကကောက် ယူထားတဲ့ ဒီသီတင်းပတ် လူထုသဘောထား စစ်တမ်းမှာတော့ ဟီလာရီ ကလင်တန်ကို ၃၂ % ထောက်ခံမှု ရပြီး Donald Trump ကတော့ ၃၄ % ထောက်ခံမှု ရထားတာပါ။ စက်တင်ဘာလက ကောက်ယူတဲ့ လူထု စစ်တမ်း မှာတော့ ကလင်တန်က ၃၄ % နဲ့ Trump က ၃၃ % ရထားခဲ့တာဖြစ်ပါတယ်။

ဒီကနေ့ စနေနေ့မှာတော့ သမ္မတလောင်း ၂ ဦးစလုံ ဖလော်ရီဒါပြည်နယ်မှာ မဲဆွယ် စည်းရုံးရေးဆင်းဖို့ စီစဉ်ထားတာဖြစ်ပါတယ်။

ဗွီအိုအေ (မြန်မာပိုင်း)
http://burmese.voanews.com

အမေရိကန်ပြည်ထောင်စု တက္ကဆက်ပြည်နယ်မှ အိမ်ထောင်သက် ၇၄ နှစ်အတူလက်တွဲခဲ့သည့် အဘိုးအို အဘွားအို ဇနီးမောင်နှံသည် ပြီးခဲ့သော သီတင်းပတ်က တရက်တည်းအတူ ကွယ်လွန်သွားခဲ့သည်။ လီယိုနာ့ဒ်ချယ်ရီ(၉၅ နှစ်)နှင့် ဇနီး ဟေဇယ်ချယ်ရီ(၉၃ နှစ်)တို့ ဇနီးမောင်နှံသည် တဦးနှင့်တဦး နာရီပိုင်းသာခြား၍ ကွယ်လွန်ခဲ့ခြင်းဖြစ်သည်။

အဘိုး လီယိုနာ့ဒ်ချယ်ရီမှာ နာမကျန်းသဖြင့် ရက်အတန်ကြာ ဆေးရုံတက်ကုသမှုခံယူနေရာမှ အောက်တိုဘာ ၂၇ ရက် နေ့လယ် ၁ နာရီအချိန်က ကွယ်လွန်သွားခဲ့ပြီး ကျန်းမာပကတိရှိနေသည့် အဘွား ဟေဇယ်သည်လည်း နာရီပိုင်းသာခြားပြီး ည ၁၁ နာရီတွင် ဆုံးပါးသွားခဲ့သည်။ ၎င်းတို့နှစ်ဦးကွယ်လွန်ခြင်းအတွက် ကျန်ရစ်သူများက ၀မ်းနည်းကြေကွဲရသော်လည်း ၇၄ နှစ်ကြာ လက်တွဲခဲ့သည့် ဇနီးမောင်နှံအနေဖြင့် တယောက်တည်း မကျန်ရစ်သည့်အခြေအနေအပေါ် စိတ်ဖြေသာသည်ဟု မိသားစုဝင်များက ပြောသည်။

“အဖေ ရောဂါဝေဒနာ ခံစားနေရတာ ပြီးသွားတဲ့အတွက် စိတ်ပြေတယ်။ အမေလည်း အထီးကျန် ကျန်ရစ်ခဲ့မှာထက်စာရင် အဖေနဲ့အတူလိုက်သွားတဲ့အပေါ် ဖြေသာပါတယ်။ အမေက မကွယ်လွန်ခင် ၂ ပတ်လောက်အထိ သူ့ဘာသာ ကားမောင်းပြီး ဈေးဝယ်ထွက်နေတာ။ အဖေကတော့ ကျန်းမာရေး ချုချာနေတာ ၃၊ ၄ နှစ်ရှိပါပြီ”ဟု သားဖြစ်သူ ဒေးဗစ်ချယ်ရီက ပြောသည်။

လီယိုနာ့ဒ်ချယ်ရီနှင့် ဟေဇယ်ချယ်ရီတို့သည် အထက်တန်းကျောင်းသားဘ၀တည်းက ချစ်ကျွမ်းဝင်ခဲ့ကြခြင်းဖြစ်ပြီး ၁၉၄၂ တွင် လက်ထပ်ခဲ့ကြသည်။

“အဘိုးနဲ့ အဘွားကိုကြည့်လိုက်ရင် အမြဲတမ်းပြုံးနေတာပဲ။ တယောက်နဲ့တယောက် သိပ်ချစ်ကြတာ”ဟု မြေးဖြစ်သူ ခရိတ်ချယ်ရီက ပြောသည်။

ရည်ညွှန်း-စီအင်န်အင်န်
News Watch(စောင့်ကြည့်သတင်းဂျာနယ်)

သောကြာနေ့ က ဂျပန် အမျိုးသား သတင်းစာ ဆရာများ ကလပ်မှ ပြုလုပ်တဲ့ သတင်းစာ ရှင်းလင်းပွဲမှာ သတင်းထောက်များက မေးခွန်းကို ဖြေကြားရာမှာ အခုလို ထည့်သွင်း ပြောဆိုသွားတာ ဖြစ်ပါတယ်။

"ကျွန်မ ကို ဒီလို မေးခွန်းမျိုး မကြာမကြာ အမေးခံရတတ်ပါတယ်၊ ကျွန်မ မရှိခဲ့ရင် NLD ဘာဖြစ်မလဲ၊ NLD မှာ ခေါင်းဆောင်ပိုင်းကို ၀င်ရောက်တာဝန်ယူနိူင်တဲ့ အရည်အချင်း ဘယ်သူမှာမှ မရှိဖူးလား၊ ဒါ ကို ကျွန်မ သဘောမတူပါဖူး၊ ကျွန်မ သူတို့ထက်သာတဲ့ အရည်အချင်းက တခုပဲ ရှိပါတယ်၊ အဲ့တာကတော့ အင်္ဂလိပ်လို လည်လည်ပါတ်ပါတ် ပြောနိူင်တာ တခုပါပဲ၊ ဒီအတွက် သူတို့ကို အထင်မသေးကြဖို့ ပြောလိုပါတယ်။ ဒီအတွက် ကျွန်မ ရှိသည် ဖြစ်စေ မရှိသည် ဖြစ်စေ သူတို့ တာဝန်ကို သူတို့ ဆက်လက်ထမ်းဆောင် သွားနိူင်စွမ်း ရှိပါတယ်"

ဒေါ်အောင်ဆန်းစုကြည် အခုလို ပြောလိုက်ခြင်းကြောင့် ရွေးကောက်ပွဲ ကာလအတွင်း လူကို မကြည့်ပဲ ပါတီကို ကြည့်ပါ ဟူသော ခံယူချက်မှ သိသိသာသာ လမ်းခွဲ ထွက်လာခြင်းဟု လေ့လာသူများက သုံးသပ်ခဲ့ကြပါတယ်။

တရုတ် ပြည်နဲ့ ပါတ်သက်ပြီး ဖြေကြားရာမှာ တရုတ်ပြည်နဲ့ ဆက်ဆံရေးသည် ကောင်းမွန်လျက်ရှိပြီး ရှေ့လျောက် ပိုမိုတိုးတက်လာမည်ဟု မျှော်လင့်ကြောင်း ဖြေကြားသွားခဲ့ပါတယ်။

ရခိုင်ပြည်နယ် အရေးနှင့် စပ်လျင်း၍ ပြသာနာရဲ့ ဇစ်မြစ်ကို တိတိကျကျ သိရအောင် စုံစမ်းနေဆဲ ဖြစ်ပြီး မည်သူကို မဆို ဥပဒေချိုးဖေါက်ပါက အရေးယူသွားမယ်လို့ ဆိုပါတယ်။

ကြာသပတေးနေ့က ကျိုတို တက္ကသိုလ်မှ ဂုဏ်ထူးဆောင် ဒေါက်တာဘွဲ့ ကို လက်ခံရရှိခဲ့ပြီး မြန်မာနိူင်ငံသား အပါအ၀င် ကျောင်းသား ရှစ်ဦး နဲ့ ဆွေးနွေးခဲ့ရာမှာ တိုင်းရင်းသား လူမျိုး အချင်းချင်း ပဋိပက္ခ ဖြစ်ပွားနေမှုကို ယုံကြည်မှု တည်ဆောက်ခြင်းဖြင့်သာ အဆုံးသတ်နိူင်လိမ့်မည်ဟု ယုံကြည်ကြောင်း ထည့်သွင်း ပြောဆိုသွားခဲ့ပါတယ်။ (ပုံတွင်ရှု့)

ကျိုတို တက္ကသိုလ်မှာ ဖခင် ဖြစ်သူ လွတ်လပ်ရေး ဗိသုကာကြီး ဗိုလ်ချုပ်အောင်ဆန်း နဲ့ ရဲဘော်သုံးကျိတ် အကြောင်းအား ၁၉၈၅ အောက်တိုဘာ မှ ၁၉၈၆ ဂျွန်လ အထိ ရှစ်လကြာ သုတေသန စာတမ်းပြုစုခဲ့ဘူးပါတယ်။

သောကြာနေ့ က ဂျပန် စီးပွားရေး လုပ်ငန်းရှင်ကြီးများနဲ့ တွေ့ဆုံပွဲမှာ မိမိနိူင်ငံသားများအတွက် အလုပ်အကိုင်တွေ ဖန်တီးပေးနိူင်မယ့် နည်းလမ်းမျိုး ဖြင့် ရင်းနှီးမြုပ်နှံကြစေလိုကြောင်း ပြောကြားခဲ့ပါတယ် ခင်ဗျာ၊ သွားလေရာမှာ ငါ့နိူင်ငံသားတွေ ဘယ်လိုတိုးတက်အောင် လုပ်ရမလဲဆိုတာ ပဲ ခေါင်းထဲမှာ ပဲ ရှိတဲ့ ခေါင်းဆောင်တယောက် ကျွန်တော်တို့ ပိုင်ဆိုင်ထားပြီး ဖြစ်တဲ့ အတွက် လုပ်ရင်းနဲ့ မြုပ်ခဲ့ရင်တောင် ကျေနပ် စရာ ကောင်းလှပါတော့တယ်။

သြဇာတက္ကိမ ရှိလှတဲ့ ဂျပန် စီးပွားရေး အဖွဲ့ကြီးလည်း ဖြစ်တဲ့ Keidanren ကို အလုပ်အကိုင်လည်းရ၊ လျပ်စစ်ဓါတ်အားလည်း ရရှိစေမယ့် ဓါတ်အားပေး စက်ရုံကြီးတွေ ရင်းနှီး မြုပ်နှံကာ တည်ဆောက်ပေးစေလိုကြောင်း ပြောသွားခဲ့ပါတယ်။

ဂျပန်မှာ အင်္ဂလိပ်ဘာသာ နဲ့ စောင်ရေ အများဆုံး ထုတ်ဝေတဲ့ The Mainichi သတင်းစာ ခေါင်းကြီးပိုင်းမှာ ဒေါ်အောင်ဆန်းစုကြည်က သူမအနေနဲ့ နိူင်ငံကို ဒီမိုကရေစီ နိူင်ငံတော် အဖြစ် မြင်ရန် အာသီသ ပြင်းပြလျက်ရှိပြီး မြန်မာနိူင်ငံ အနေဖြင့် သမိုင်းတွင် စာမျက်နှာ အသစ် ရေးထိုးလျက်ရှိကြောင်း ဂျပန် ၀န်ကြီးချုပ်အား ပြောကြားခဲ့ပြီး ဂျပန် ၀န်ကြီးချုပ်မှ နှစ်နိူင်ငံ ဆက်ဆံရေးသည် ခုန်ပျံ ကျော်လွှား တိုးတက်သွားလိမ်မည်ဟု မျှော်လင့်ကြောင်း ပြန်လည်ပြောဆိုခဲ့ပါတယ်။ ဒီအတွက် ဒေါ်အောင်ဆန်းစုကြည် ရဲ့ ယုံကြည်ခြင်း ခံရသော ဂျပန်နိူင်ငံ အနေနဲ့ ကြီးမားသော တာဝန်ကြီးတရပ် ပုခုံးပေါ် ကျရောက်လျက် ရှိပြီ ဖြစ်ကြောင်း ရေးသားထားတာကို ဖတ်ရှု့ရပါတယ်။

ဖေါ်ပြထားသော ပုံသည် မနေ့က ဒေါ်အောင်ဆန်းစုကြည်မှ ဂျပန်ဘုရင် အကီ ဟီတို နှင့် မိဖုရား မီချီကို တို့အား ဂျပန် ဘုရင့်နန်းတော်တွင် သွားရောက် တွေ့ဆုံ နှုတ်ဆက်ခဲ့စဉ်က ဒေါ်အောင်ဆန်းစုကြည်အား မိသားစု ၀င်တဦး အလည်အပါတ် လာသည့် ပုံစံမျိုး တည်ခင်းဧည့်ခံခဲ့တာ ကြည်ပြီး ကျေနပ် ပီတိ ဖြစ်ကာ အင်မတန် မှ ဂုဏ်ယူဖို့ ကောင်းလှပါတယ်။

ကိုးကား။ ၊ NIkkei Asia Review/ Jiji Press/ Xinhua News/ The Mainichi/ Kyodo News (Photo)

Hla Soewai


( နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နိုဝင်ဘာလ ၃ ရက်နေ့က ဂျပန်နိုင်ငံ ကျိုတိုတက္ကသိုလ် Yamauchi Hall တွင် မိန့်ခွန်းပြောကြားနေသည်ကို တွေ့ရစဉ် )
ဂျပန်နိုင်ငံကိုရောက်ရှိနေတဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က အမျိုးသား ဒီမိုကရေစီအဖွဲ့ချုပ်ဟာ သူမမရှိပဲ တည်တည်ငြိမ်ငြိမ် ရပ်တည်နိုင်ကြောင်း မနေ့က ပြောကြား လိုက်ပါတယ်။ တိုကျိုမြို့က သတင်းစာရှင်းလင်းပွဲမှာ ဒေါ်အောင်ဆန်းစုကြည်က သူမ မရှိရင် NLD ဘာဖြစ်မလဲ ဆိုတဲ့ မေးခွန်းကို မကြာခဏမေးမြန်းခံရကြောင်း၊ သူမရှိရင် NLD ကိုခေါင်းဆောင်မယ့်သူ မရှိဖူးလို့လည်း ပြောဆိုကြကြောင်းနဲ့ အဲဒီ အယူအဆကို မိမိ လက်မခံနိုင်ကြောင်း ပြောပါတယ်။

ဒေါ်အောင်ဆန်းစုကြည်က “အမျိုးသားဒီမိုကရေစီအဖွဲ့ချုပ်မှာ ကျမရဲ့အားသာချက်က အင်္ဂလိပ် စကားကို ကျွမ်းကျွမ်းကျင်ကျင် ပြောဆိုတတ်ခြင်းသာ ဖြစ်ပါတယ်။ ကျမလို နိုင်ငံခြား ဘာသာ စကားတွေ ကောင်းကောင်းမွန်မွန် မပြောတတ်ပေမယ့် ကျမတို့ပါတီအတွင်းမှာ နိုင်ငံ့တာဝန်ကို ကျေပွန်စွာထမ်းဆောင်နိုင်သူတွေ အများကြီးရှိပါတယ်။ အဲဒီသူတွေကို လျှော့တွက်ခြင်း အထင်သေးခြင်းမပြုပါနဲ့။ ပြီးခဲ့တဲ့ရွေးကောက်ပွဲကို ကျမတယောက်တည်း အရည်အချင်းနဲ့ အနိုင် ရခဲ့တာ မဟုတ်ပါဖူး၊ ကျမ ရှိသည်ဖြစ်စေ၊ မရှိသည်ဖြစ်စေ၊ ပါတီမှာ ချမှတ်ထားပြီဖြစ်တဲ့ မူဝါဒတွေကို ကျမတို့ပါတီဝင်တွေက ကောင်းကောင်း အကောင်အထည်ဖေါ်နိုင်ပါတယ်” လို့ ပြောကြားခဲ့ပါတယ်။

ရခိုင်ပြည်နယ်မှာ အစိုးရတပ်ဖွဲ့တွေက လတ်တလော ကာလတွေအတွင်း အကြမ်းဖက်သမားတွေ ရှာဖွေနှိမ်နင်းရာမှာ မုဒိမ်းကျင့်မှုအပါအဝင် လူ့အခွင့်ရေးတွေကို ချိုးဖေါက်ခဲ့တယ်ဆိုတဲ့ သတင်းတွေနဲ့ ပတ်သက်လို့တော့ ဒေါ်အောင်ဆန်းစုကြည်က အဲဒီကိစ္စတွေကို မိမိတို့ အသေအချာစုံစမ်းနေကြောင်း ခိုင်လုံတဲ့သက်သေအထောက်အထား မရှိသေးပဲနဲ့ အဖွဲ့အစည်းတခုခုကို မစွပ်စွဲနိုင်ကြောင်း၊ အထောက်အထားနဲ့ သိလာရပြီဆိုတာနဲ့ လူသိရှင်ကြား ထုတ်ပြန်ပြောဆိုမှာဖြစ်ကြောင်း၊ မိမိတို့ အနေနဲ့ တစုံတရာကိုမှ ဖုံးကွယ်ထိမ်ချန်ထားမှာ မဟုတ်ကြောင်း ပြောကြားပါတယ်။

Photo: Ministry of Foreign Affairs Myanmar/ Facebook
RFA


ဂျပန်ဘုရင်ကြီးနဲ့ ဒေါ်အောင်ဆန်းစုကြည်တို့ ဟာ မြန်မာနဲ့ ဂျပန်တို့ရဲ့ စရိုက်လက္ခဏာကို ပေါင်းစပ်နှီးနွယ် ဖန်တီးတင်ပြထားတဲ့ ဗမာ့စောင်း The Burmese Harpရုပ်ရှင်ထဲမှ ဇာတ်ဝင်သီချင်း 埴生の宿 Home, Sweet Homeအကြောင်း . စစ်တွင်းခေတ်မှာဂျပန်စစ်သား တွေက ခင်ဗျားတို့နိူင်ငံကို ၀င်ရောက်ပြီးတော့ အနှောက်အယှက်ပေးတာ အများကြီးရှိတယ် ကြားရပါတယ်တဲ့ …ဒါတောင် မြန်မာတွေက ဂျပန့်စစ်သားတွေကို ကူညီပေးတာမျိုးတွေ ရှိတယ်ကြားရပါတယ်တဲ့ .. အရမ်းကို ဝမ်းသာပါတယ်လို့ ဂျပန်ဘုရင်ကြီးကပြောကြားသွားပါတယ်..

埴生の宿 Home, Sweet Home
https://www.youtube.com/watch?v=b8kqoy0DN1o
作詞:里見義

埴生の宿も わが宿
玉のよそい うらやまじ
のどかなりや 春のそら
花はあるじ 鳥は友
おお わが宿よ たのしとも たのもしや

ふみよむ窓も わが窓
瑠璃の床も うらやまじ
きよらなりや 秋の夜半
月はあるじ むしは友
おお わが窓よ
たのしとも たのもしや

歌詞・日本語訳(意訳)

'Mid pleasures and palaces,
Tho' we may roam;
Be it ever so humble,
There's no place like home;

宮殿での享楽もあろうが
粗末なれど 我が家にまさる所なし

A charm from the skies
Seems to follow us there,
Which, seek through the world
Is ne'er met with elsewhere.

そこでは天からの魅惑漂う
世界中探せど他に変わる所なし

Home! Home! Sweet home!
There's no place like home!
Oh! there is no place like home!

愛すべき我が家よ 我が家が一番
我が家にまさる所なし



အမေရိကန် ရွေးကောက်ပွဲမှာ လုံခြုံရေး အထူးကြပ်မတ်နေ
အမေရိကန် သမ္မတ ရွေးကောက်ပွဲ နီးလာချိန်မှာ ရီပါဘလစ်ကန် ဖက်က ဒေါ်နယ် ထရမ်ပ် ကို ထောက်ခံမှု တိုးလာတာကြောင့် ပြိုင်ဖက် ဒီမိုကရက် ကိုယ်စားလှယ် ဟီလာရီ ကလင်တန် ရဲ့ မဲဆွယ် စည်းရုံးရေး အစီအစဉ် ပြောင်းဖို့ အတင်းအကျပ် ဖိအားပေးသလို ဖြစ်စေခဲ့ပါတယ်။

လာမယ့် သီတင်းပတ်မှာ ကျင်းပမယ့် ရွေးကောက်ပွဲမှာ သူ့အပေါ် ထောက်ခံမဲ ပေးဖို့ ရှိနိုင်တဲ့ ပြည်နယ်တွေဆီ မစ္စက် ကလင်တန် လှည့်လည်က လူထုစုဝေးပွဲတွေကို တက်ရောက် နေပါတယ်။

အခုအခါ နှစ်ဖက် ပါတီက သမ္မတလောင်းတွေဟာ ဘယ်သူ့ကို မဲပေးမယ် ဆိုတာ အခိုင်အမာ မဆုံးဖြတ်နိုင် ဖြစ်နေတဲ့ ပြည်နယ်တွေထက် သူတို့ကို အပြည့်အဝ ထောက်ခံမှု ပေးမယ့် နေရာတွေမှာ အဓိထား မဲဆွယ် စည်းရုံးမှု လုပ်နေတယ်လို့ ဘီဘီစီ သတင်းထောက်က ပြောပါတယ်။

မနေ့က သောကြာနေ့ အထိ ကြိုတင်မဲ ၃၇ သန်း မဲပေးခဲ့ကြပြီး ဖြစ်တယ်လို့ သိရပါတယ်။

BBC Burmese
http://www.bbc.com/burmese



ရခိုင်ပြည်နယ် မောင်တောမြို့နယ်တွင်း မီးလောင် ပျက်စီးသွားတဲ့ နေအိမ်များ။ ( အောက်တိုဘာ ၂၇၊ ၂၀၁၆)
အကြမ်းဖက် တိုက်ခိုက်မှုတွေဖြစ်ပွါးနေတဲ့ ဘူးသီးတောင်၊ မောင်တောဒေသမှာ မူဆလင်အမျိုးသမီးတွေကို မတော်မတရား ပြုကျင့်ကြောင်း တိုင်ကြားမှုတွေ မရှိဘူးလို့ ကုလသမဂ္ဂဦးဆောင်တဲ့ လေ့လာရေးအဖွဲ့တွေက ပြောကြားခဲ့ပေမယ့် မူဆလင်တွေ အပေါ် မြန်မာစစ်တပ်က အကြမ်းဖက် ကိုင်တွယ် နှိမ်နင်းနေတယ် ဆိုတဲ့ စွပ်စွဲချက်တွေနဲ့ ပါတ်သက်ပြီး သီးခြားလွတ်လပ်တဲ့ စုံစမ်းစစ်ဆေးမှုတွေ လုပ်ဖို့ ကုလသမဂ္ဂက တောင်းဆိုလိုက်ပါတယ်။ ဂျပန်နိုင်ငံ ကိုရောက်ရှိနေ တဲ့ ဒေါ်အောင်ဆန်းစုကြည် ကတော့ ဒီကိစ္စကို ပွင့်လင်းမြင်သာစွာ ဆောင်ရွက်နေ တယ်လို့ ပြောပါတယ်။အပြည့်အစုံကို ဒေါ်ခင်မျိုးသက်က ပြောပြပေးမှာပါ။

ရခိုင်ပြည်နယ် မောင်တောဒေသမှာ ပြီးခဲ့တဲ့လထဲ ရဲတပ်ဖွဲ့ဝင်တွေ သေဆုံးခဲ့ရတဲ့ အကြမ်းဖက်တိုက်ခိုက်မှု ခံခဲ့ရတဲ့နောက်ပိုင်း လုံခြုံရေးတပ်ဖွဲ့ဝင်တွေက နယ်မြေရှင်းလင်းရေးလုပ်ရာမှာ ဒေသခံ မူဆလင်တွေ အပေါ် အကြမ်းဖက်မှုတွေ ရှိနေတယ် ဆိုတဲ့သတင်းတွေနဲ့ ပါတ်သက်ပြီး လုံလောက်တဲ့ အထောက်အထား မရှိကြောင်း ဂျပန်နိုင်ငံကိုရောက်နေတဲ့ ဒေါ်အောင်ဆန်းစုကြည်က သတင်းစာ ရှင်းလင်းပွဲမှာ ပြောကြားခဲ့သလို ဒီကိစ္စအတွက် တရားဥပဒေနဲ့ အညီ စုံစမ်းစစ်ဆေးမှုတွေ လုပ်နေပြီး မြန်မာ အစိုးရအနေနဲ့ ဘာမှ ဖုံးကွယ်ဖို့ ကြိုးစားတာ မရှိဘူးလို့ ပြောကြားခဲ့ ပါတယ်။

“ ဒီကိစ္စနဲ့ပတ်သက်ပြီး ကျမတို့ဘာမှဖုံးကွယ်ဖို့ မကြိုးစားပါဘူး။ ကျမတို့ ပြန်ကြားရေးဌာနမှာ အချက်အလက်တွေ အားလုံးရှိပါတယ်။ ဒီဖြစ်ရပ်နဲ့ ပတ်သက်ပြီး ခြေခြေမြစ်မြစ် သိရအောင်ကြိုးစားနေပါတယ်။ ဒါပေမဲ့ ဘယ်သူတွေ အပြစ်ရှိတယ်လို့ သက်သေမပြ နိုင်ခင်မှာတော့ အားလုံးဟာ အပြစ်မဲ့သူတွေလို့ သဘောထားပြီး တရားဥပဒေအတိုင်း လိုက်နာဆောင်ရွက်သွားမှာဖြစ်ပါတယ် ”

အကြမ်းဖက် တိုက်ခိုက်မှု ခံခဲ့ရတဲ့ ဒေသကို နိုဝင်ဘာလ ၂ ရက်နဲ့ ၃ ရက်နေ့တွေမှာ အဖွဲ့ဝင် ၁၀ ဦးပါဝင်တဲ့ မြန်မာနိုင်ငံအခြေစိုက် ကုလသမဂ္ဂနဲ့ နိုင်ငံတကာအစိုးရတွေရဲ့ ကိုယ်စားလှယ်တွေပါတဲ့ အဖွဲ့သွားရောက်ခဲ့ကြပါတယ်။ အဲဒီထဲမှာ ကုလသမဂ္ဂ ဌာနေကိုယ်စားလှယ်၊ လူသားချင်းစာနာမှု ဆိုင်ရာ တာဝန်ခံ Renata Lok-Dessallien ပါ သွားရောက်ခဲ့တာဖြစ်ပြီး တွေ့ရှိချက်ကို ကုလသမဂ္ဂ အတွင်းရေးမှုးချုပ်ရုံး ပြောခွင့်ရ Stephane Dujarric က ကုလသမဂ္ဂ ရုံးချုပ်ရဲ့ သောကြာနေ့ သတင်းစာ ရှင်းလင်းပွဲမှာ ပြောကြားခဲ့ပါတယ်။

"ကိုယ်စားလှယ်အဖွဲ့ဟာ ပြည်နယ်နဲ့ မြို့နယ်တာဝန်ရှိသူတွေ၊ ဒေသတွင်းကျေးရွာနဲ့ လူမှု အသိုင်းအဝိုင်း ခေါင်းဆောင်တွေနဲ့ တွေ့ဆုံခွင့် ရခဲ့ပါတယ်။ ဒေသတွင်းမှာ စားနပ်ရိက္ခာ မလုံလောက်တာ၊ နေရေးထိုင်ရေးနဲ့ ကျန်းမာရေးဆိုင်ရာတွေအတွက် စိုးရိမ်စိတ်ပူကြောင်း ဒေသ ကိုယ်စားလှယ်တွေက ပြောကြားကြပါတယ်။ ရွာသားတွေကလည်း နယ်မြေရှင်းလင်းရေး လုပ်ရာမှာ အကြီးအကျယ် လူ့အခွင့်ရေး ချိုးဖေါက်မှုတွေ ရှိကြောင်းနဲ့ လုံခြုံရေးဆိုင်ရာ တာဝန်ရှိသူတွေ အနေနဲ့ အရပ်သားတွေကို ပစ်မှတ်ထား တာမျိုးမလုပ်စေချင်ကြောင်း သွားရောက်ကြည့်ရှုခဲ့တဲ့ ကိုယ်စားလှယ်တွေကို ပြောကြားခဲ့ပါတယ်။ တချို့ရွာတွေမှာ နေအိမ် အတော်များများ မီးလောင်ထားတာကို ကိုယ်စားလှယ်တွေ တွေ့ရှိခဲ့ပါတယ်။"

ဒါ့အပြင် မောင်တောဒေသက ရဲစခန်းတွေကို ဝင်ရောက်တိုက်ခိုက်မှုတွေအတွက် ကုလသမဂ္ဂ ဌာနေကိုယ်စားလှယ် မစ္စ Renata က ပြင်းပြင်းထန်ထန် ရှုံ့ချခဲ့ကြောင်း လည်း ပြောပါတယ်။ အခုလို ရဲစခန်းတွေ အတိုက်ခိုက်ခံရတာနဲ့ ပါတ်သက်ပြီး တာဝန်ရှိသူတွေကို ရှာဖွေ ဖေါ်ထုတ်ဖို့ တိုက်တွန်းလိုက်သလို လုံခြုံရေး တာဝန်ယူထားသူတွေ အနေနဲ့ တရားဥပဒေနဲ့ အညီ လုပ်ဆောင်ဖို့ လည်း တောင်းဆိုခဲ့တာပါ။

မြန်မာနိုင်ငံအခြေစိုက် ကုလသမဂ္ဂနဲ့ နိုင်ငံတကာအစိုးရတွေရဲ့ သံတမန်တွေဟာ အကြမ်းဖက်ခံရတဲ့ ဒေသတွေကို သွားခဲ့ပြီးတဲ့နောက် စစ်တွေ လေဆိပ်မှာရော ရန်ကုန်မှာပါ သတင်းစာ ရှင်းလင်းပွဲပြုလုပ်ခဲ့ကြပါတယ်။ သောကြာနေ့ သတင်းစာရှင်းလင်းပွဲအပြီးမှာ ကုလဌာနေကိုယ်စားလှယ် မစ္စ Renata က လုံခြုံရေးတာဝန်ခံတွေ ဘက်က လူ့အခွင့်ရေး ချိုးဖေါက်မှုရှိတယ် ဆိုတဲ့ စွပ်စွဲမှုတွေ အတွက် သီးခြားလွတ်လပ်တဲ့ စုံစမ်းမှုတွေလုပ်ဖို့ ပြောကြားခဲ့ပါတယ်။

"လူ့အခွင့်ရေး ချိုးဖေါက်မှုတွေ အများအပြား ရှိနေတယ် ဆိုတဲ့ စွပ်စွဲချက်တွေနဲ့ ပါတ်သက်ပြီး လွတ်လပ်ပြီး ယုံကြည်ရတဲ့ စုံစမ်းရေး ကော်မတီတရပ်ဖွဲ့ပြီး စုံစမ်းစစ်ဆေးဖို့ မြန်မာအစိုးရကို တိုက်တွန်းပါတယ်။ ဒီကော်မရှင်ကနေ စွပ်စွဲမှုတွေကို လေ့လာပြီး အမှန်တရားကို ဖေါ်ထုတ်နိုင်မှာပါ။"

လုံခြုံရေးတပ်သားတွေရဲ့ အဓမ္မပြုကျင့်တာကို ခံရတယ်ဆိုတဲ့ သတင်းတွေ ထွက်ပေါ်နေတာနဲ့ ပါတ်သက်ပြီး မေးမြန်းကြရာမှာတော့ ကိုယ်စားလှယ် အဖွဲ့ ရဲ့ ခရီးစဉ် အတွင်း အခုလို အဓမ္မပြုကျင့်ခံရတယ် ဆိုပြီး တိုင်ကြားတာတွေကို မကြုံခဲ့ရကြောင်း ကုလဌာနေကိုယ်စားလှယ် မစ္စ Renata က ပြောကြားခဲ့ပါတယ်။

ဒီခရီးစဉ်အတွင်း သွားရောက်ခဲ့တဲ့ ကျေးရွာတွေဟာ သံအမတ်ကြီးတွေ တောင်းဆိုတင်ပြခဲ့တဲ့ ကျေးရွာတွေ ဖြစ်ကြောင်းလည်း မြန်မာနိုင်ငံ ဆိုင်ရာ အမေရိကန် သံအမတ်ကြီးက ပြောပါတယ်။

မြန်မာနိုင်ငံဆိုင်ရာ ဥရောပသမဂ္ဂသံအမတ်ကြီး Roland Kobia ကတော့ သူတို့ သွားရောက်ကြည့်ရှုခဲ့တဲ့ ဒေသတွင်းမှာ လူနေမှု အခြေနေတွေ သိပ်ကို ဆိုးဝါးနေတာ တွေ့ရတာမို့ လူသားချင်းစာနာမှု အကူညီတွေ ချက်ချင်းပေးဖို့ လိုနေတယ်လို့ ပြောပါတယ်။

"အဲဒီ့ဒေသရဲ့ အခြေနေတွေ သိပ်ကို ဆိုးဝါးနေတယ်ဆိုတာ တကယ်ကို သိသာပါတယ်။ လူတွေ ကိုယ်အိမ်မှာ ကိုယ်မနေနိုင်ပဲ ရှောင်ပြေးနေရသလို တချိ့အိမ်တွေဆို မီးလောင်ထားတာပါ။ တချို့က သူတို့ရွာတွေကို သူတို့ပြန်မလာကြပါဘူး။ ဒီလူအားလုံးဟာ အောက်တိုဘာ ၉ ရက် အကြမ်းဖက်မှု ဖြစ်လို့ အခုလို အခြေအနေ ရောက်ကုန်တာ မဟုတ်ပါဘူး ဒါ့ကြောင့် ဒီကဒေသခံအားလုံး လူမှုအသိုင်းဝိုင်း အားလုံးအတွက် လူ့အခွင့်ရေးကို အကာကွယ်ပေးဖို့ ပွင့်လင်းမြင်သာမှု ရှိကြဖို့ EU က တောင်းဆိုပါတယ်။ ဒီဒေသတွင်းနေထိုင်သူ အားလုံးအတွက် လူသားချင်းစာနာမှု အကူညီတွေ ချက်ချင်း ပေးနိုင်ခွင့်ရဖို့ လည်း တောင်းဆိုပါတယ်။"

ဒါ့အပြင် ဒီဒေသမှာ လုံခြုံရေးတပ်သား ၁၅ ဦးသေဆုံးခဲ့ရတာကို မေ့မထားသင့် သလို အောက်တိုဘာ ၉ ရက်နဲ့ နိုင်ဝင်ဘာ ၃ ရက်နေ့ အကြမ်းဖက် တိုက်ခိုက်မှုတွေကို ကြည့်ရင် ဒီဒေသရဲ့ အခြေနေကို ပေါ့ပေါ့ဆဆ တွက်လို့ မရကြောင်းနဲ့ ဒီဒေသရဲ့ ပြဿနာအတွက် ရေရှည် အဖြေရှာဖို့ တိုက်တွန်းခဲ့ပါတယ်။

ဒေါ်ခင်မျိုးသက်  / ဗွီအိုအေ (မြန်မာပိုင်း)
http://burmese.voanews.com/a/3581409.html



ဓါတ်ပုံ- ပြည်ထောင်စု အင်စတီကျု ဒါရိုက်တာ ဦးခွန်စိုင်း
နိုဝင်ဘာလ ၄ ရက် ၂၀၁၆

မိုင်းလားနယ်မြေ အတွင်းရောက်ရှိနေတဲ့ ၀ တပ်တွေ အောက်တိုဘာ ၂၄ ရက်နေ့ နောက်ဆုံးထားပြီး တပ်ဆုတ် ဖို့ ၀ တပ်ဖွဲ့ကို မြန်မာအစိုးရ တပ်မတော်က ညွှန်ကြားတဲ့နောက်ပိုင်း ၀ တပ်ဖွဲ့ တပ်ဆုတ်တာတွေ မရှိတဲ့အ တွက်နှစ်ဖက် စစ်ရေးပြိုင်ဆိုင်တိုးချဲ့ မှုတွေ ပြုလုပ်နေပါတယ်။ ၀ ပြည်သွေး စည်းညီညွတ်ရေး တပ်မတော် UWSA နဲ့ တပ်မတော်တို့ တိုက်ပွဲ ဖြစ်ပွား လာနိုင်ဖွယ်ရှိပါသလား။ တိုက်ပွဲဖြစ်လာရင်ဘယ်လို ဂယက်ရိုက်မှု တွေ ဆုံးရှုံးမှုတွေ ဖြစ်လာနိုင်မလဲ ။ မြန်မာ့ငြိမ်းချမ်းရေးကိုပံ့ပိုးမှုပေးနေ တဲ့ ပြည်ထောင်စု အင်စတီကျု ဒါရိုက် တာ ဦးခွန်စိုင်းကို မေးမြန်းထားပါတယ်။

မေး။ ။ အောက်တိုဘာ ၂၈ ရက်ကနေ နိုဝင်ဘာလဆန်းပိုင်း လောက်အထိ တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်က တရုတ်ပြည်ကိုသွားတယ်။ ဒီခရီးစဉ်က ၀ တပ် နဲ့ တပ်မတော် ကြား စစ်ရေး ပြေလျှော့မှုတွေ ဖြစ်လာနိုင်မလားခင်ဗျား။

ဖြေ။ ။ ဖြစ်နိုင်တာအားလုံးက ၄- ၅ မျိုးရှိမယ်။ နံပတ် ၁ က ဘာလဲဆိုတော့ တရုတ်ပြည်ကနေပြီးတော့ ဗမာ့တပ်မတော်ကိုရော UWSA - ၀ ကိုရော လက် နက်ထောက်ပံ့ထားတယ်။ ဥပမာဆိုပါတော့ ဗမာ့တပ်မတော် ကို လေယာဉ် ပျံပေးတယ်။ လေယာဉ်ပစ်ချတဲ့လက်နက်ကိုတော့ ၀ ကိုပေးတယ် ။ အဲသလိုပုံစံနဲ့ သွားတယ်။ သူကဆိုလိုတာကတော့ ခင်ဗျားတို့ကိုမတိုက်စေ ချင်ဘူး။ တိုက်လို့ရှိရင်ခင်ဗျားတို့ ၂ ဘက်လုံး နစ်နာမယ်။ တိုက်ပွဲဖြစ်လာရင် ၂ ဘက်စလုံးသေကြေပျက်စီး နစ်နာမယ်။ အများဆုံးနစ်နာမှာကတော့ လူထု ပေါ့နော်။ ၀ ရဲ့မဟာမိတ်တွေက ဗမာ့တပ်မတော်ကိုတိုက်နေတယ်။ KIA တို့ AA တို့ TNLA တို့ MNDAA တို့ SSA မြောက်ပိုင်းတို့ သူတို့က တိုက်နေကြတယ်။

မေး။ ။ ဟုတ်ကဲ့ ဒီအခြေအနေမှာ UWSA ထပ်ဝင်လာရင်ကော။

ဖြေ။ ။ ဒီနေရာမှာ UWSA ထပ်ဝင်လာရင် တိုက်ပွဲက ပျံ့သွားနိုင်တယ်။ အနည်းဆုံးပျံ့နိုင်မှာက သျှမ်းပြည်မြောက်ပိုင်း၊ အလယ်ပိုင်း အရှေ့ပိုင်း တွေေ ပါ့။ အဲလိုဖြစ်လာရင် လူထုဘယ် လောက် နစ်နာမယ်ဆိုတာ အားလုံး သဘောပေါက် လိမ့်မယ်လို့ ကျနော်ထင်တယ်။ ရပ်ရွာကိုစွန့် တခြား နိုင်ငံ ကိုပြေးတာက ကျနော်တို့ထင်တာ သက္ကရာဇ် ၂၀၀၀ မှာကုန်သွားပြီ လို့ထင်တာ။ အခုထပ်ရှိလာဦးမယ်လို့ မြင်တယ်။ ဒီလိုဖြစ်လာပြီဆိုရင် စစ်အေးရေးဟာလည်း ၁၉၈၉ မှာ စစ်အေးကြီးကချုပ်ငြိမ်းသွားပြီလို့ ထင် တယ်။ အခုက ထပ်ဖြစ်လာမယ်။ စစ်အေးဆိုတာက တဖက်က သူတို့ခေါ်နေတာက ကိုယ်စားလှယ်တိုက်ပွဲ ပေါ့ဗျာ။ ကိုယ်တိုင်မတိုက်ဘဲနဲ့ ကိုယ်စားလှယ်နဲ့တိုက်နေတဲ့စစ်ပွဲ Proxy War လို့ခေါ်တယ်။ ဗမာ့တပ်မတော် ဘက်မှာလဲ အင်အားကြီးနိုင်ငံရှိ ၀ ဘက်မှာလဲအင်အားကြီးနိုင်ငံနောက်ခံ ရှိ။ သူတို့ကိုယ်တိုင်မတိုက်ဘဲ သူတို့ မဟာမိတ်ကတိုက်လာတယ်။ ဒီ ဥစ္စာ မကောင်းတဲ့ဟာဘဲ။ ဒါကြောင့်ဒီကစ္စကိုကျနော်ထင်တယ် ဗိုလ်ချုပ်မှူးကြီး မင်းအောင်လှိုင်တို့ နိုင်ငံတော်အတိုင်ပင်ခံတို့ သိမယ်ထင်တယ်။ ဒီတော့ ဒီလိုမဖြစ်အောင်သူ တို့ကြိုးစားလိမ့် မယ်လို့ မျှော်လင့်ပါတယ်။

မေး။ ။ အဲဒီလိုဆို အစိုးရ တပ်မတော် နဲ့ ၀ တပ်မတော် တိုက်ပွဲဖြစ်ရင် တိုင်းပြည်အတွက်ကော ဆရာတို့ လုပ်နေတဲ့ ငြိမ်းချမ်းရေးကော ဘယ်လိုဖြစ်လာနိုင်မလဲ။

ဖြေ။ ။ ဒီဥစ္စာက ထုံးစံပါဘဲ ကျနော်တို့ ပထမစစ်အေးက ၁၉၄၉ မှ ၁၉၈၉ အထိ။ နှစ်ပေါင်း ၄၀ အထိဖြစ်ခဲ့ တယ်။ အဲတုန်းက ဗကပ ဆိုတာရှိတာကိုး။ ဗကပ နောက်ကွယ်မှာ တရုတ်ရှိတယ်။ ဥက္ကဌကြီး မော်စီတုန်း က လည်း အာဏာရှိ နေချိန်ဖြစ်တယ်။ သူက ဗကပကိုအသိအမှတ်ပြုပြီး ကူညီထားတယ်။ လက်နက် ခဲယမ်းမီး ကျောက်ရချင်တဲ့တိုင်းရင်းသားတွေလဲ ဗကပ ဆီသွားကြ တယ်။ အဲတုန်းက ဗကပ မဟာမိတ်နဲ့ အစိုးရ နဲ့တိုက် ကြတယ်။ နှစ်ပေါင်း ၄၀ ကြာခဲ့တယ်။ အခုလည်း အဲလိုမဖြစ်ဘူးဆိုတာမပြောနိုင်ဘူး။ ဖြစ်ခဲ့ရင်လည်း ကျနော် တို့ လုပ်လာတဲ့ငြိမ်းချမ်းရေး ၅ နှစ်၊ သမ္မတ ဦးသိန်းစိန်လုပ်နေ တဲ့ ငြိမ်းချမ်း ရေးဖြစ်စဉ် က လဲ ပျက်ပြားသွား နိုင်တယ်။

မေး။ ။ အခုတိုက်ပွဲ ဖြစ်ပွားဖို့ အလားအလာ ရှိနိုင်သလားခင်ဗျ။

ဖြေ။ ။ ဒီကိစ္စက တော်တော်ပြောရခက်တဲ့ကိစ္စပေါ့နော်။ ကျနော်တို့ ဒုတိယ ကမ္ဘာစစ်မဖြစ်ခင်တုန်းကလည်း ပထမကမ္ဘာစစ်တုန်းက လူတွေဘယ်ေ လာက်တောင်သေကြေ ဆုံးရှုံးခဲ့ရသလဲဆိုတာ ခေါင်းဆောင် တွေသိကြ တယ်။ ဒါကြောင့် နောက်ထပ်ကမ္ဘာစစ်ဆိုတာဘယ်နည်းနဲ့မှမဖြစ်ဘူးလို့ပြောတယ်။ ဒါပေမယ့် ဘယ်လောက် ဘဲပြောပြော ဖြစ်ခဲ့တယ်။ အခုလည်း ကျနော်တို့က ပထမစစ်အေးတုန်းက လူတွေဘယ်လောက်သေကြေ ခဲ့ တယ်ဆိုတာ ကျနော် တို့ သိခဲ့ကြပြီ။ နောက်ထပ်တခါမဖြစ်ဘူးလို့ ကျနော်တို့ ထပ်ပြော လို့မရပါ ဘူး။ ပြောလို့ ရအောင်ကတော့ ကျနော်တို့ဒီခေါင်းဆောင်တွေကိုဘဲ ကျနော် တို့ကိုယ်တိုင်၊ လူထုကိုယ်တိုင် ပါဝင်ပြီးတော့မှ စစ်မဖြစ်အောင် အားပေးကြ မယ်ဆိုရင်တော့ ဒီဥစ္စာ ဖြစ်ပေါ်နိုင်ပါတယ်။

မေး။ ။စစ်နောက်ထပ်မဖြစ်အောင် ဘယ်လို လုပ်သင့်လဲ။

ဖြေ။ ။သူတို့အခု အစိုးရဘက်ကနေပြီးတော့မှ ၀ နဲ့စေ့စပ်ဆွေးနွေး မယ်လို့ စေ့စပ်ကမ်းလှမ်းမယ်။ ဒီလို ကမ်းလှမ်းတာ ကိုသူတို့လက်ခံ သင့်ပါတယ်။ ဒီကိစ္စက ၀ ဘက်ကလဲ လက်ခံရမှာပေါ့။ ပစ်ခတ်မဲ့ အစား ငြင်းခုံ တာပိုကောင်းပါတယ်။ ဒီလိုမဖြစ်လာအောင်နိုင်လဲ ကာကွယ်ရေးဦးစီးချုပ် ကလည်း တရုတ်ပြည်သွားပြီး ဆွေး နွေးတယ်လို့ကြား တယ်။ ကောင်းတဲ့ အလုပ်ဖြစ်ပါတယ်။ တဖက်ကလည်း တပ်မတော်ဘက်ကလဲ အာမခံ ချက်ပေးရမှာပေါ့။ ကြားနေ၀ါဒကို ခိုင်ခိုင်မြဲမြဲဘဲ စွဲကိုင်ထားတယ်။ ဘယ်ဘက်မှ ဘက်မလိုက်ဘူးဆို တာကို သူတို့က အာမခံချက်ထပ်ပေးရမှာေ ပါ့။ နောက်ပြီး တိုက်ပွဲထဲမှာမပါတဲ့အဖွဲ့တွေအများကြီးရှိတယ်။ လက်မှတ် ထိုးတဲ့အဖွဲ့က ၈ ဖွဲ့ လက်မှတ်မထိုးဘဲတိုက်ပွဲဖြစ်နေဆဲအဖွဲ့တွေလည်းရှိတယ်။ မွန်တို့ ကရင်နီတို့ စသည်ဖြင့် ပေါ့။ ဒီအဖွဲ့တွေလည်း သူတို့ပူးပေါင်းပြီး စစ်မဖြစ်ရေးကို လုပ်မယ်ဆိုရင် ဒီကိစ္စက လုံးဝ အောင်မြင်မှာပါ။ ၀ နဲ့ ပတ်သက်တဲ့အဖွဲ့လည်း စဉ်းစားဖို့လိုပါတယ်။ တတိုင်းပြည်လုံးနစ်နာမယ့်အရေးကိုအစိုးရကိုပုံချ ကိုယ့်ဘက် က ဘာမှ မလုပ်တာတော့မကောင်းပါဘူး။ အရေးအကြီးဆုံး နံပါတ် ၁ က အစိုးရ အစိုးရဘဲပေါ့။ ၂ - လက်နက်ကိုင် တော်လှန်ရေးအင်အားစု၊ ပါတီ၊ လူထု အဖွဲ့အစည်းတွေ။ ဒီတော့အားလုံးပူးပေါင်းပြီးတော့မှ စစ်မဖြစ်ရေးကို လုပ်မယ်ဆိုရင် ဒီကိစ္စက လုံးဝအောင်မြင် မှာပါ။

ဟုတ်ကဲ့။ ကျေးဇူးတင်ပါတယ်ခင်ဗျ။

သျှမ်းသံတော်ဆင့်
Panglong(Burmese)
https://www.facebook.com/Panglong.burmese



နယူးယောက်မြို့ ရဲလုံခြုံရေးတွေ တင်းကျပ်စွာချထား (နိုဝင်ဘာ ၄၊ ၂၀၁၆)
အမေရိကန်သမ္မတ ရွေးကောက်ပွဲ မတိုင်ခင် အယ်လ်ကိုင်းဒါး အကြမ်းဖက်အဖွဲ့က တိုက်ခိုက်မှုတွေ လုပ်လာနိုင်တယ်ဆိုတဲ့ ခြိမ်းခြောက်မှုတွေ ရခဲ့တာမို့ ဒါဟာ ဖြစ်နိုင်ခြေရှိမရှိ အမေရိကန်ပြည်ထောင်စုနဲ့ ပြည်နယ်အရာရှိတွေက စစ်ဆေးနေကြပါတယ်။ ခြိမ်းခြောက်မှုတွေဟာ ခိုင်လုံမှု ရှိမရှိသိရဖို့ FBI ထောက်လှမ်းရေးအဖွဲ့ရဲ့ ပူးတွဲ အကြမ်းဖက်နှိမ်နင်းရေးတပ်ဖွဲ့နဲ့ သူတို့ရဲ့ ထောက်လှမ်းရေး အဖွဲ့တွေ ပူးတွဲ လုပ်ဆောင်နေတယ်လို့ နယူးယောက်မြို့က ရဲတွေက သောကြာနေ့မှာ ပြောပါတယ်။

ရရှိတဲ့ သတင်းတွေဟာ တိကျမှု မရှိပေမယ့် နယူးယောက်မြို့တော်နဲ့ ပါတ်သက်တဲ့ ထောက်လှမ်းရေး သတင်းမှန်သမျှကို ဂရုတစိုက် စစ်ဆေးနေကြောင်း နယူးရောက်မြို့တော်ဝန် Bill De Blasioက ပြောပါတယ်။ သတင်းတွေ ရနေတာ ရက်အတော်ကြာပြီဖြစ်ပြီး ဒီသတင်းနဲ့ ပါတ်သက်ပြီး ခိုင်လုံမှု ရှိမရှိ စစ်ဆေးနေဆဲဖြစ်ပြီး ခုထိတော့ မသိရသေးဘူးလို့ ပြောပါတယ်။

မဲပေးမယ့် ရက်မတိုင်ခင် ၄ ရက်အလိုမှာ ထွက်ပေါ်လာတဲ့ ဒီခြိမ်းခြောက်မှုကြောင့် နယူးယောက်၊ ဗာဂျီးနီးယားနဲ့ Texas ပြည်နယ်တွေကို ပစ်မှတ်ထား တိုက်ခိုက်နိုင်ခြေရှိတာမို့ ထောက်လှန်းရေး အရာရှိတွေက သတိပေးချက် ထုတ်ပြန်ထားပါတယ်။

အမိမြေကာကွယ်ရေးဌာန အရာရှိကတော့ ဖြစ်လာနိုင်တဲ့ ဒီခြိမ်းခြောက်မှုနဲ့ ပါတ်သက်ပြီး သိရှိထားတယ်လို့ ပြောပေမယ့် အတိအကျ ပြောဖို့တော့ ငြင်းဆို ပါတယ်။

 ဗွီအိုအေ (မြန်မာပိုင်း)
http://burmese.voanews.com



(၎င်းသတင်းတွင် ဖော်ပြသော ဓာတ်ပုံ)
နိရဉ္စရာ၊ နိုဝင်ဘာ ၄

မြန်မာ တပ်မတော်မှ မောင်တောမြို့နယ် စစ်ဆင်ရေးအတွင်း ဘင်္ဂလီအမျိုးသမီး ၃၀ ကို မုဒိမ်းကျင့်သည်ဟု ဆိုကာ ရခိုင်ပရိုဂျက် ( Arakan Project) အမည်ခံ ဘင်္ဂလီ အရေး လူပ်ရှားနေသူ ခရစ်လီးဝါ ( Chris Lewa) ကို ကိုးကားပြီး သတင်းရေးသားသူ ရန်ကုန်အခြေစိုက် Myanmar times မှ နိုင်ငံခြားသူ သတင်းထောက် Fiona MacGregor သည် အလုပ်မှ ထုတ်ပယ်ခံခဲ့ရသည်ဟု သိရသည်။

The Guardian‎ သတင်းစာတွင် “Myanmar journalist says she was fired over story on military rape allegations” ခေါင်းစဉ်ဖြင့် သတင်းဖော်ပြရာတွင် အောက်တိုဘာလ ၂၇ ရက်နေ့က ဒါဇင်နှင့်ချီပြီး အတင်းဓမ္မပြုကျင့်ခံရသည့် သတင်း ရခိုင်တွင် ဖြစ်ပေါ် “Dozens of rapes reported in northern Rakhine state” သတင်းကြောင့် သူမအား အလုပ်မှ ထုတ်ပယ်လိုက်ကြောင်း သတင်းတွင် ဖော်ပြသည်။

သူမအလုပ်ဖြုတ်ခံရခြင်းမှာ အာဏာပိုင်များမှ Myanmar Times မှ လူကြီးများအား ဖိအားပေးရာမှ ထုတ်ပယ်ခြင်း ဖြစ်ကြောင်းဖြင့်လည်း သတင်းဖော်ပြသည်။

Narinjara
https://www.facebook.com/Narinjara

  (၎င်းသတင်းတွင် ဖော်ပြသော ဓာတ်ပုံ)

စစ်သားတွေက မုဒိန်းကျင့်တဲ့အကြောင်း စွပ်စွဲရေးသားတဲ့ သတင်းကို အစိုးရက ဝေဖန်ပြီးတဲ့နောက် အင်္ဂလိပ်ဘာသာနဲ့ ထုတ်ဝေတဲ့ Myanmar Times သတင်းထောက်ကို အလုပ်ကထုတ်ပယ် လိုက်တဲ့အတွက် မြန်မာနိုင်ငံက သတင်းလွတ်လပ်ခွင့်ကို လူအခွင့်အရေး စောင့်ကြည့်ရေး အဖွဲ့တွေက ပိုမို စိုးရိမ်မကင်းဖြစ်ရတယ်လို့ ရိုက်တားစ် သတင်းမှာ မနေ့က ဖော်ပြလိုက်ပါတယ်။

နယ်မြေမတည်ငြိမ်တဲ့ ရခိုင်ပြည်နယ်က သတင်းရယူဖို့ကြိုးစားတဲ့ သတင်းထောက်တွေ ဟန့်တားခံရပြီး အနှောင့်အယှက်တွေနဲ့ ရင်ဆိုင်ရတယ်လို့ CPJ သတင်းသမားများ ကာကွယ်စောင့်ရှောက်ရေး အဖွဲ့ကလည်း ပြောကြားပါတယ်။

စစ်သားတွေက အကြိမ်ကြိမ် မုဒိန်းကျင့်တယ်လို့ Myanmar Times သတင်းမှာ အောက်တိုဘာလ ၂၇ ရက်က ဖော်ပြတဲ့သတင်းကို သမ္မတရုံးပြောခွင့်ရပုဂ္ဂိုလ် ဦးဇော်ဌေးက တုန့်ပြန်တာကိုလည်း အထူး စိုးရိမ်မကင်းဖြစ်ရတယ်လို့ CPJ က ပြောပါတယ်။

စစ်သားတွေက မုဒိန်းကျင့်တယ်လို့ ပြောတဲ့ အမျိုးသမီး ရှစ်ဦးကို မေးမြန်းပြီး ရိုက်တားစ်ကလည်း ဒီသတင်းဖော်ပြခဲ့တယ်လို့ ဆိုပါတယ်။

ဒီသတင်းကို ဦးဇော်ဌေးက မကျေလည်ဘဲ Myanmar Times က အထူးသတင်းစုံစမ်းရေးသားတဲ့ Fiona MacGregor ကို သူ့ facebook လူမှုကွန်ရက်မှာ ဝေဖန်ရေးသားတယ်လို့ သတင်းမှာ ဖော်ပြပါတယ်။

ဒိနောက်မကြာခင်ရက်ပိုင်းမှာ Myanmar Times ဂုဏ်သတင်းကို ပျက်ပြားစေမှုနဲ့ သူ့ကို စီမံအုပ်ချုပ်ရေးဌာနက အလုပ်ကနေ ထုတ်ပယ်လိုက်တယ်လို့ သတင်းထောက်က ရိုက်တားစ် သတင်းဌာနကို ပြောပါတယ်
RFA



ဓာတ်ပုံ - အင်္ဂပူမြို့နယ်ရှိ စပါးစိုက်ခင်းတစ်ခုအား မြင်တွေ့ရစဉ် (Photo - The Ayeyarwaddy Times)
(ပုသိမ်) နိုဝင်ဘာ ၄ ၊

အကြမ်းစပါးဈေးနှုန်းမှာ ယမန်နှစ်ထက် ၂ သိန်းခန့် ကျဆင်းနေသည့်အတွက် ဧရာဝတီတိုင်းဒေသကြီးရှိ မိုးစပါးစိုက်လယ်သမားများ အရှုံးပေါ်ကာ စိုက်ပျိုးစရိတ်ချေးငွေများ ပြန်လည်ပေးဆပ်ရန် အခက်အခဲများ ကြုံတွေ့နေရကြောင်း သတင်းရရှိသည်။

"စပါးဈေးက တင်း ၁၀၀ မှ ၃ သိန်း ၅ သောင်းဈေးပဲရှိတယ်။ လယ်ထဲကို ထည့်ရင်းထားရတဲ့ငွေနဲ့ ပြန်ရမယ့်ငွေက ဘယ်လိုမှ မကိုက်တော့ဘူး။ ဒီဈေးနှုန်းနဲ့ဆို လယ်သမားတွေ သေချာပေါက်ရှုံးမှာပဲ"ဟု သာပေါင်းမြို့ နယ် ငါးဘတ်ချောင်းကျေးရွာမှ လယ်သမား ဦးမင်းထင် ကပြောသည်။

အကြမ်းစပါးများဖြစ်သည့် ဆင်းသုခ၊ မနောသုခ၊ မျိုးပွား၊ လိပ်မလေးစသည့် စပါးများမှာ ယမန်နှစ်က တင်း ၁၀၀ လျှင် ၆ သိန်းမှ ၇ သိန်းနီးပါးအထိဈေးရှိခဲ့သည့်အတွက် လယ်သမားများအဆင်ပြေခဲ့ကြသည်။

စပါးဈေးမြင့်တက်မှုနှင့်အတူ လယ်ယာလုပ်သားခ၊ ဒီဇယ်ဆီ၊ ဓာတ်မြေသြဇာ စသည့် သွင်းအားစုဈေးနှုန်းများလည်း မြင့်တက်ခဲ့ပြီး အဆိုပါ သွင်းအားစု အမြင့်ဈေးနှုန်းများနှင့် ရင်းနှီးစိုက်ပျိုးခဲ့သည့် ယခုနှစ် မိုးစပါးရာသီတွင် ဈေးကျမှုနှင့်ရင်ဆိုင်ရချိန်၌ လယ်သမားများ ပိုမိုအထိနာခဲ့ခြင်း ဖြစ်သည်။

စပါးဈေးကျဆင်းမှုအကြောင်းရင်းများမှာ ပြည်ပသို့ ဆန်စပါးတင်ပို့မှု လျော့ကျနေခြင်း၊ တရုတ်နိုင်ငံသို့ တရားမ၀င်တင်သွင်းသည့် မြန်မာ့ဆန်များကို တရုတ်အစိုးရက ဖမ်းဆီးနေခြင်း၊ ပြည်တွင်း၌ ဆန်နှင့် စပါးလက်ကျန် များနေခြင်းတို့ကြောင့်ဖြစ်ကြောင်း ဆန်ကုန်သည်များက ပြောသည်။

ထိုသို့ စပါးဈေးကျဆင်းနေမှုအခြေအနေအား ပြည်ထောင်စုအစိုးရအနေဖြင့် အလျင်အမြန် ဈေးကွက်ဝင်ရောက်ထိမ်းသိမ်းပေးစေလိုကြောင်း ဧရာဝတီတိုင်းရှိ လယ်သမားများက ပြောသည်။

The Ayeyarwaddy Times
https://www.facebook.com/ayetimes/


ကျိုင်းတုံ နိုဝင်ဘာ ၄

ရှမ်းပြည်နယ်(အရှေ့ပိုင်း)၊ကျိုင်းတုံမြို့တွင် တန်ဖိုးငွေကျပ်သိန်း ၂၅၀၀တန်ဖိုးရှိ ICE မူးယစ်ဆေးများ ယနေ့ မွန်းလွဲ(၁)နာရီ ကဖမ်းဆီးရမိကြောင်း သိရသည်။

 ဖြစ်စဉ်မှာ အမှတ်(၂၈)ကျိုင်းတုံ မူးယစ်တပ်ဖွဲ့မှ ရဲအုပ်ဇော်ဇော်ဝင်း ဦးစီးပါဝင်သည့် ပူးပေါင်းအဖွဲ့သည် ယနေ့မွန်းလွဲ (၁)နာရီက ကျိုင်းတုံမြို့အမှတ်(၅)ရပ်ကွက် နောင်ဖာရဲကင်းရှေ့၌ သတင်းအရ စောင့်ဆိုင်း နေစဉ် မိုင်းယန်း-မိုင်းခတ်-ကျိုင်းတုံ လမ်းအတိုင်းယာဉ်မောင်း စိုင်းလှအွန် မောင်းနှင်သည့် ပရိုဘောက်ယာဉ်အမျိုး အစား (SHAN-FF/……) ကိုစစ်ဆေးရာ ယာဉ်၏ ၀ဲဖက်တံခါးအတွင်း သိုဝှက်သယ်ဆောင်လာသည့် တစ်ထုပ်လျင် (၁)ကီလိုပါ ICE မူးယစ်ဆေးဝါး(၁၀)ထုပ် ဒေသတန်ဖိုး ကျပ်သိန်း(၂၅၀၀)နှင့် တရုတ်ယွမ်ငွေ (၁၀၀၀)ကို ဖမ်းဆီးရမိသည်။


အဆိုပါမူးယစ်ဆေးများကို အထူးဒေသ-၂ မိုင်းဖျန်မြို့ မှ တာချီလိတ်သို့ သယ်ဆောင်ခ ထိုင်းဘတ်ငွေ နှစ်သိန်း ခွဲဖြင့်သယ်ဆောင်လာခြင်းဖြစ်ကြောင်း၊ ယမန်နေ့ညက မိုင်းဖျန်ရှိဟိုတယ် တစ်ခုတွင် သယ်ဆောင်ခိုင်း သူနှင့်အတူ ICE များကိုယာဉ်၌ သိုဝှက်ထားပြီး ယနေ့နံနက်(၆)နာရီခွဲတွင် မိုင်းဖျန်မှ ထွက်လာခြင်းဖြစ်ကြောင်း၊ သယ်ဆောင်ခိုင်းသူမှာ တာချီလိတ်သို့ သွားနှင့်ပြီ ဖြစ်ကြောင်း စစ်ဆေး သိရပြီး ယာဉ်မောင်းစိုင်းလှအွန် အား ကျိုင်းတုံမြို့မရဲစခန်းတွင် အမှုဖွင့်ဆောင်ရွက်ထားကြောင်း သိရသည်။

မောင်မောင်နိုင် (ကျိုင်းတုံပြန်/ဆက်)
MOI Webportal Myanmar
https://www.facebook.com/MOIWebportalMyanmar/



ဆီးရီးယား အလက်ပိုမြို့က ထွက်ခွာနေကြစဉ်။ (အောက်တိုဘာ ၃၀၊ ၂၀၁၆)
ဆီးရီးယားနိုင်ငံအလယ်ပိုမြို့မှာ ရုရှားနိုင်ငံက ၁၀ နာရီကြာ အပစ်ရပ်ဖို့ ဒီကနေ့ သောကြာနေ့မှာ ကြေညာလိုက်တဲ့အတွက်၊ သူပုန်တွေနဲ့ အရပ်သားတွေ အလက်ပိုမြို့တွင်းကနေ ထွက်ခွာနိုင်မှာဖြစ်ပါတယ်။ အခုသီတင်းပတ်အစောပိုင်းက သဘောတူခဲ့တဲ့ တရားဝင်အပစ်အခတ်ရပ်စဲဖို့သဘောတူညီချက်ဟာ အဓိပ္ပါယ်မရှိလူတွေသေဆုံးနေတာကို ရှောင်နိုင်ဖို့အတွက် ရည်ရွယ်တယ်လို့ ရုရှားအစိုးရအဖွဲ့တာဝန်ခံအရာရှိချုပ် Valery Gerasimov က ပြောပါတယ်။ ဒီလိုအပစ်အခတ်ရပ်စဲဖို့ ကိစ္စကို ဆီးရီးယားအာဏာပိုင်တွေကလည်း သဘောတူတယ်လို့ ပြောပါတယ်။

သူပုန်တွေကို မြို့တွင်းကနေ လမ်းကြောင်း ၂ ခုကနေပြီး ထွက်ခွာခွင့်ပြုမှာဖြစ်ပြီး၊ တခုက တူရကီနယ်စပ်ကို သွားတဲ့လမ်းကြောင်းဖြစ်ပြီး၊ နောက်တခုကတော့ Idlib မြို့ကိုသွားတဲ့လမ်းကြောင်းဖြစ်တယ်လို့ သူကပြောပါတယ်။သူပုန်တွေအနေနဲ့ သူတို့ရဲ့ လက်နက်တွေကို ချဖို့မလိုအပ်ဘူးလို့ ပြောပါတယ်။

အရပ်သားတွေအနေနဲ့ အလယ်ပိုမြို့ကနေ ထွက်ခွာချင်တယ်ဆိုရင်တော့ သူတို့အနေနဲ့ နောက်ထပ် လမ်းကြောင်း ၆ ခုကနေ ထွက်ခွာနိုင်မှာဖြစ်ပါတယ်။ ဒါပေမဲ့လည်း အလယ်ပိုမြို့က သူပုန်တွေကတော့ ရုရှားရဲ့ ကမ်းလှမ်းချက်ကို လက်မခံပဲ ပယ်ချလိုက်ပြီး၊ အခုလို အပစ်ရပ်ဖို့လုပ်တာ လူထုဆီကနေ နာမည်ကောင်းရအောင် မီဒီယာကနေတဆင့် သက်သက် စတန့်ထွင်တာဖြစ်တယ်လို့ ပြောလိုက်ပါတယ်။

ရုရှား နဲ့ ဆီးရီးယားအစိုးရတွေက အရင်ကလည်း ဒီလိုမျိုး လူသားချင်းစာနာတဲ့အနေနဲ့ အပစ်အခတ်ရပ်စဲတာတွေလုပ်ခဲ့ပေမယ့်၊ အများအားဖြင့်တော့ အောင်မြင်မှုမရဘူးလို့ ဆိုပါတယ်။

 ဗွီအိုအေ (မြန်မာပိုင်း)
http://burmese.voanews.com


ငွေစက္ကူအတုပြုလုပ်သုံးစွဲခြင်းသည် နိုင်ငံတနိုင်ငံ၏ စီးပွားရေးကို များစွာထိခိုက်မှုဖြစ်ပေါ်နိုင်ကြောင်း စီးပွားရေးကျွမ်းကျင်သူ ပညာရှင်များက ပြောဆိုထားကြပြီး ဖြစ်သည်။ ကမ္ဘာ့မိသားစုဝင် မြန်မာနိုင်ငံအနေဖြင့်လည်း ငွေစက္ကူအတုပြုလုပ်သူများ၏ အန္တရာယ်နှင့် ရင်ဆိုင်ကြုံတွေ့နေရသည်။

''မနေ့က မိတ္ထီလာမှာ အဝေးသင်သွားတက်နေတဲ့ ကျွန်တော့်ညီမလေးဆီ ပိုက်ဆံတသိန်းသွားလွှဲတယ်။ တသောင်းတန် ၁၀ ရွက်မှာ ၅ ရွက်က အတုဖြစ်နေတယ်ဆိုပြီး ကျွန်တော့်ရှေ့မှာတင် ကျွန်တော့်ပိုက်ဆံတွေကို အပေါက်ဖောက်လိုက်တယ်။ ကျွန်တော့်ကို အတုကိုင်မှုနဲ့မဖမ်းတာ ကျေးဇူးတင်ရမလို ဖြစ်နေတယ်။ တာဝန်ယူမယ့်သူ ပျောက်နေသလို ခံစားရတယ်''ဟု တောင်ဥက္ကလာပမြို့နယ်တွင် နေထိုင်သူ ကိုကျော်ဆန်း (အမည်လွှဲ)က News Watch သို့ ပြောသည်။

မြန်မာနိုင်ငံ နေရာအနှံ့အပြားတွင် ငွေစက္ကူအတု ဖမ်းဆီးရမိမှုများ လစဉ်ကြားသိနေရပြီး ပြည်သူအများစု၏ နေ့စဉ်လူနေမှုဘ၀ကို ခြိမ်းခြောက်သည့် အသွင်ဆောင်လာလျက်ရှိကြောင်း လေ့လာတွေ့ရှိနေရသည်။ ''လစာထုတ်လို့ တသောင်းတန်တွေ၊ ငါးထောင်တွေရရင် ကြာကြာ မထားရဘူး။ အကြွေမြန်မြန် ဖျက်ပစ်လိုက် တယ်။ တချို့အရွက်တွေကလည်း အရမ်းထူတယ်။ အတုတွေဖြစ်နေမလားဆိုတဲ့ စိုးရိမ်စိတ်ကတော့ လစာထုတ်ပြီးတိုင်း ပေါ်ပေါ်လာတယ်''ဟု ကုမ္ပဏီဝန်ထမ်းတဦးဖြစ်သူ မစန္ဒာက ပြောသည်။ အောက်တိုဘာ ၂၉ ရက်က တာချီလိတ်မြို့တွင် လေယာဉ်လက်မှတ်ဝယ်ယူရန် ငွေပေးချေရာမှ တသောင်းတန်အတုများ တွေ့ရှိခဲ့ပြီး ဆက်လက်စစ်ဆေးရာ ငွေစက္ကူအတုကိုင်ဆောင်သူများ တည်းခိုခဲ့သည့် တာချီလိတ်မြို့ ရွှေနဂါး(၈၈)ဟိုတယ်ရှိ ၎င်းတို့တည်းခိုရာအခန်းတွင် တသောင်းတန်ငွေစက္ကူ ၅၀၂ ရွက်အား သိမ်းဆည်းရမိခဲ့ ကြောင်း တာချီလိတ်မြို့မရဲစခန်းမှ သိရှိရသည်။

ထို့ပြင် ရခိုင်ပြည်နယ် ပုဏ္ဏားကျွန်းမြို့နယ်၌ စက်တင်ဘာလအတွင်းက တသောင်းတန် ငွေစက္ကူအတု ၂၆၈ ရွက် တွေ့ရှိရမိသည့် ဖြစ်စဉ်နှင့် ဧရာဝတီတိုင်းဒေသကြီး အင်္ဂပူမြို့နယ်တွင် အောက်တိုဘာလအတွင်းက တသောင်းတန် ငွေစက္ကူအတု ၆၀ ရွက် တွေ့ရှိရမိသည့် ဖြစ်စဉ်များ ဖြစ်ပေါ်ခဲ့သည်ဟု မြန်မာနိုင်ငံရဲတပ်ဖွဲ့၏ ထုတ်ပြန်ချက်များအရ သိရှိရသည်။ ထို့ပြင် မြန်မာနိုင်ငံ အနှံ့အပြားရှိ မြို့ရွာအချို့တွင် ငွေစက္ကူအတုများ တွေ့ရှိနေရကြောင်း ဒေသခံများ၏ ပြောကြားချက်အရ သိရှိရသည်။
''ကျွန်တော်တို့ဘက်မှာတော့ ဟိုတလောက တသောင်းတန်အတုတွေ တွေ့တယ်ဆိုတဲ့ သတင်းတွေတော့ကြားတယ်။ တချို့ကုန်သည်တွေ အချင်းချင်း ငွေပေးငွေယူလုပ်ရာကနေ အတုတွေပါလာတာမျိုးတော့ များတယ်။ အခု အတုတွေကလည်း အစစ်နဲ့ တော်တော်တူအောင်လုပ်ကြတာ ဆိုတော့ သာမန်လူတွေအနေနဲ့ ခွဲခြားဖို့ ခက်တယ်လို့ ထင်တယ်''ဟု ထားဝယ်မြို့မှ News Watch သို့ ပြောကြားသည်။

ငွေစက္ကူအတုများ ပြည်သူလူထုအတွင်း ပျံ့နှံ့ရောက်ရှိနေမှုနှင့်ပတ်သက်၍ နိုဝင်ဘာ ၁၆ ရက်တွင် ပြန်လည်ကျင်းပမည့် လွှတ်တော်အစည်းအဝေးများတွင် မေးခွန်းတရပ်မေးမြန်းသွားရန် အစီအစဉ်ရှိကြောင်း ပြည်သူ့လွှတ်တော်ဘဏ်များနှင့် ငွေရေးကြေးရေးဆိုင်ရာကော်မတီဥက္ကဋ္ဌ ပုလဲမြို့နယ် ပြည်သူ့လွှတ်တော်ကိုယ်စားလှယ် ဒေါ်ခင်စန်းလှိုင်က ပြောကြားသည်။

''ဗဟိုဘဏ်အနေနဲ့ကတော့ တသောင်းတန်တွေကို ပိုမိုကောင်းမွန်တဲ့ အရည်အသွေးနဲ့ ထုတ်ပေးထားပါတယ်။ ဒါပေမဲ့လည်း အတုတွေပေါ် နေတာကိုတော့ ကျွန်မတို့လည်း ကြားပါတယ်။ ကိုယ့်မျက်စိရှေ့မှာ ကိုယ်ရှာထား တဲ့ ပိုက်ဆံကို ဖျက်ဆီးခံလိုက်ရတဲ့ဖြစ်စဉ်တွေကိုလည်း ကိုယ်ချင်းစာမိပါတယ်။ ဒီလိုဖြစ်ရပ်တွေအပေါ် ဗဟိုဘဏ်အနေနဲ့ ဘယ်လိုကုစားပေးမလဲ။ ကိုယ့်ဆီကို ရောက်လာတဲ့ ပိုက်ဆံဟာ အတုကြီးဖြစ်နေလို့ ဘာလုပ် ရမှန်းမသိတဲ့သူတွေအတွက် ကောင်းမွန်တဲ့အဖြေတခုရအောင် ဗဟိုဘဏ် တာဝန်ရှိသူတွေကို ကျွန်မ မေးခွန်းမေးပေးပါ့မယ်''ဟု ၎င်းက ပြောကြားသည်။

မြန်မာနိုင်ငံသားများအနေဖြင့် ကိုယ်လက်ထဲရောက်ရှိလာသည့် ၅၀၀၀ ကျပ်တန်နှင့် ၁၀၀၀၀ ကျပ်တန်များကို အတု၊ အစစ်ခွဲခြားနိုင်ရန် ဗဟိုဘဏ်က အတုအစစ်ခွဲခြားနိုင်စွမ်းနည်းပါးလျက်ရှိကြောင်း တွေ့ရှိနေရသည်။ ထို့ကြောင့် လက်ရှိအချိန်တွင် ကိုယ့်လက်ထဲရောက်လာသည့် ပိုက်ဆံကို လမ်းဘေးဈေးဆိုင်များတွင် လွယ်လွယ်ကူကူ ပြန်လည်သုံးစွဲခြင်းကသာ ငွေစက္ကူအတု ပြဿနာကို ဖြေရှင်းသည့် နည်းလမ်းတခု ဖြစ်နေပြီး ဗဟိုဘဏ်အနေဖြင့် အဆိုပါကိစ္စကို ထိထိရောက်ရောက် ကိုင်တွယ်ဖြေရှင်းရန် လိုအပ်နေသည်။

''ငွေစက္ကူအတုတွေ ထွက်ရှိနေတာဟာ တရားဥပဒေစိုးမိုးမှုအား နည်းလို့လား။ ဥပဒေပါ ပြစ်ဒဏ်တွေကပဲ လျော့နည်းနေလို့လား။ စဉ်းစား ရမှာဖြစ်သလို အားလုံးပူးပေါင်းပါဝင်ဆောင်ရွက်မှသာ အောင်မြင်နိုင်မှာ ဖြစ်ပါတယ်''ဟု ဒေါ်ခင်စန်းလှိုင်က ပြောသည်။

တသောင်းကျပ်တန် အတုအစစ်ကို သာမန်ကြည့်ရုံမျှဖြင့် ခွဲခြားရန်ခက်ခဲပြီး အစစ်တွင် CENTRAL BANK OF MYANMAR စာတန်းပါသည့် နေရာတွင် အနည်းငယ်သာကြမ်းခြင်း၊ အတုတွင်ပါရှိသည့် လုံခြုံရေးကြိုးတွင် ခရမ်းရောင်တမျိုးတည်းရှိသော်လည်း အစစ်ရှိ လုံခြုံရေးကြိုးတွင် အ၀ါနှင့် ခရမ်းရောင်ပါဝင်ကြောင်းနှင့် အစစ်တွင် ဆေးသားကောင်းမွန်ပြီး အတုတွင် ဆေးသားပြတ်သားမှုမရှိဘဲ ဆေးသားများ ပြန့်နေကြောင်း ပြည်တွင်းရှိ ပုဂ္ဂလိကဘဏ်တခုမှ လက်ထောက်မန်နေဂျင်းတဦးက အတုအစစ်ခွဲခြားပုံကို ရှင်းပြသည်။

''တသောင်းလည်း မရှိတဲ့သူအတွက်တော့ နည်းတယ်လို့ ပြောလို့ရတဲ့ ပမာဏမဟုတ်ဘူးဗျ။ ကိုယ်ရ စရာရှိရင်လည်း သေသေချာချာ စစ်ယူ၊ အတုလို့ထင်ရင် တခါတည်းလဲခိုင်းပေါ့။ ဘယ်ရောက်မှ အတုမှန်းသိလို့ ကတော့ အပေါက်တွေနဲ့ ပိုက်ဆံပဲပြန်ရလိမ့်မယ်''ဟု ၎င်းက ပြောသည်။

မြန်မာနိုင်ငံတော် ဗဟိုဘဏ်ဥပဒေ (၂၀၁၃)အရ ဗဟိုဘဏ်က ထုတ်ဝေသော ငွေစက္ကူ၊ ဒင်္ဂါးနှင့် လွှဲပြောင်းနိုင်သော စာချုပ်စာတမ်း တမျိုးမျိုးကို အတုမှန်းသိလျက်နှင့် သုံးစွဲသည်ဟု ပြစ်ဒဏ်ထင်ရှားစီရင်ခြင်း ခံရပါက ထိုသူကို ငွေဒဏ်ဖြစ်စေ၊ သုံးနှစ်ထက်မပိုသော ထောင်ဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်ဟူ၍လည်းကောင်း၊ ဗဟိုဘဏ်က ထုတ်ဝေသော ငွေစက္ကူ၊ ဒင်္ဂါးနှင့် လွှဲပြောင်းနိုင်သော စာချုပ်စာတမ်းတမျိုးမျိုးကို အတုပြုလုပ်ခြင်း၊ အတုကို ပြည်ပမှ တင်သွင်းခြင်းသို့ ပြည်ပသို့ တင်ပို့သည်ဟု ပြစ်မှုထင်ရှားစီရင်ခြင်းခံရလျှင် ထိုသူကို အနည်းဆုံး ထောင်ဒဏ် ၁၀ နှစ်မှ အများဆုံး ထောင်ဒဏ်နှစ် ၂၀ အထိ ချမှတ်နိုင်ပြီး ပြစ်မှုနှင့် သက်ဆိုင်သည့် သက်သေခံပစ္စည်းများကိုလည်း ပြည်ထောင်စု ဘဏ္ဍာအဖြစ် သိမ်းဆည်းရမည်ဟု ပြဋ္ဌာန်းထားသည်။

''ငွေကြေးဖောင်းပွမှုကို ဖြစ်စေတဲ့ အကြောင်းတရားတွေထဲမှာ ငွေစက္ကူအတုတွေ ပေါများလာတာကလည်း ပြဿနာတရပ်အဖြစ်ရှိနေပါတယ်။ ငွေစက္ကူအတုပြဿနာကို သက်ဆိုင်ရာ အာဏာပိုင်အဖွဲ့တွေ အနေနဲ့ ထိထိရောက်ရောက် ကိုင်တွယ်ဖြေရှင်းဖို့ လိုပါတယ်''ဟု စီးပွားရေး ပညာရှင် ဦးဇော်ဖေ၀င်းက ပြောသည်။

တရားဥပဒေစိုးမိုးမှု မခိုင်သေးသရွေ့နှင့် တာဝန်ရှိသူအဆင့်ဆင့်က တာဝန်ယူမှု တာဝန်ခံမှု စိတ်ဓာတ်ကောင်းများဖြင့် ဆောင်ရွက်လုပ်ကိုင်ရန် အားနည်းနေသရွေ့တော့ မြန်မာနိုင်ငံသားအနေဖြင့် မိမိတို့ ကြိုးစားရှာဖွေထားသည့် ချွေးနှဲစာများသည် ငွေစက္ကူအတုဟူသော ခေါင်းစဉ်အောက်တွင် ဖျက်ဆီးခံလိုက်ရမည်သာ ဖြစ်ပါသည်။

နန္ဒမျိုးဆောင်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


ရှမ်းပြည်နယ်မြောက်ပိုင်း မူဆယ်မြို့နယ် ကချင်လွတ်လပ်ရေးတပ်မတော် KIA တပ်မဟာ ၆ နယ်မြေ မှာ ၂ ရက်ကြာ အစိုးရတပ်နှင့် တိုက်ပွဲ ဖြစ်ပွားလာကြောင့် ဒေသခံ ရွာသားများ ဘေးလွတ်ရာကို ထွက်ပြေးတိမ်းရှောင်နေရ ပါသည်။
 တိုက်ပွဲ အရှိန်ကြောင့် မုံးဘော်၊ မန်ကောင်း ရွာမှ အိမ်ထောင်စု ၆၀ ခန့် သည် လက်ရှိ မန်ပင်း ရွာ ခရစ်ယာန် ဘုရားကျောင်းမှာ လာရောက်ခိုလှုံနေကြသည်ဟု မုံးဘော် ရွာလူကြီး တစ်ဦးထံမှ သိရသည်။

အစိုးရတပ်မ ၉၉ အောက် ခမရ ၃၁၃ တပ်ရင်း တပ်ဖွဲ့များ မှ KIA တပ်ရင်း ၃၆ အုပ်ချုပ်ရေး နယ်မြေဖြစ်သည့် မန်ကောင်းရွာ အထက် နေရာများကို ဝင်ရောက်လာသောကြောင့် ယမန်နေ့ နိုဝင်ဘာ ၃ ရက်နေ့ မွန်းလွဲပိုင်းတွင် ၃ နာရီကြာ တိုက်ပွဲ ဖြစ်ပွားခဲ့ ပြီး ယနေ့မှာလည်း ပစ်ခတ်မှု ရှိခဲ့ သည်ဟု ရှေ့တန်း KIA သတင်းမှ သိရသည်။

တပ်မတော်ဘက်မှလည်း လက်နက်ကြီး ပစ်ခတ်မှု များ ရှိနေသည်ဟု ဒေသခံများ ပြောသည်။

နှစ်ရက်သာ တိုက်ခိုက်မှုအပြီး တပ်မတော်ဘက်မှလည်း စစ်အင်အား ပြန်လည် ဖြည့်တင်းနေသလို KIA ဘက်ကလည်း တပ်ကူများ ပြန်လည် ရောက်ရှိလာသည့် သတင်းကြောင့် ဒေသခံများ အနေဖြင့် စစ်ပွဲ ပြင်းထန်လာမည်ကို စိုးရိမ်နေကြခြင်း ဖြစ်သည်။

လက်ရှိ ရှမ်းပြည်နယ် မြောက်ပိုင်းတွင် အခြား တိုင်းရင်းသား တော်လှန်ရေး အဖွဲ့ဖြစ်သည့် တအောင်း (ပလောင်) လွတ်မြောက်ရေး တပ်မတော် TNLA နှင့် အစိုးရတပ် ကြားမှာလည်း တိုက်ပွဲများ ဖြစ်ပွားနေဆဲ ဖြစ်သည်။

Kachinnews
http://burmese.kachinnews.com/news



ယနေ့ဒေသစံတော်ချိန် ၁၈း၃၀ နာရီအချိန်တွင် နိုင်ငံတော်၏အတိုင်ပင်ခံပုဂ္ဂိုလ်နှင့် ကိုယ်စားလှယ် အဖွဲ့အား ဂျပန်နိုင်ငံအစိုးရအဖွဲ့၏ Chief Cabinet Secretary ဖြစ်သူ Mr. Yoshihide Suga မှ နိုင်ငံတော်ဧည့်ဂေဟာတွင် ဂုဏ်ပြုညစာစားပွဲဖြင့် တည်ခင်းဧည့်ခံခဲ့ကြောင်း ၊အဆိုပါ ညစာစားပွဲတွင် Mr. Yoshihide Suga မှ နိုင်ငံတော်၏အတိုင်ပင်ခံပုဂ္ဂိုလ်၏ ဂျပန်နိုင်ငံခရီးစဉ်သည် နှစ်နိုင်ငံအကြား အကျိုးရလဒ်ကောင်းများရရှိစေသည့်ခရီးစဉ်ဖြစ်ပြီး နှစ်နိုင်ငံခေါင်းဆောင်များအ ကြားရရှိခဲ့သည့် သဘောတူညီချက်များကို အမြန်ဆုံးအကောင်အထည်ဖော်နိုင်ရန် ၎င်းအနေဖြင့်ပူးပေါင်းဆောင်ရွက် သွားမည် ဖြစ်ကြောင်းဖြင့် ပြောကြားခဲ့ကြောင်းသိရှိရပါသည်။

နိုင်ငံတော်၏အတိုင်ပင်ခံပုဂ္ဂိုလ်သည် ၅-၁၁-၂၀၁၆ ရက်နေ့တွင် ဂျပန်နိုင်ငံ၊ တိုကျိုမြို့မှ ရန်ကုန်မြို့သို့ ပြန်လည်ထွက်ခွာမည်ဖြစ်ပါသည်။

သတင်းဓာတ်ပုံ- မြန်မာကိုယ်စားလှယ်အဖွဲ့
- ပြန်/ဆက်ဌာန
MOFA


နိုင်ငံတကာသံအဖွဲ့ကို စစ်တွေလေဆိပ် လိုက်ပို့တဲ့ ရခိုင်ဝန်ကြီးချုပ်ဦးညီပုကို သတင်းသမားများမေးမြန်းစဉ်။ ( နိုဝင်ဘာ ၃၊ ၂၀၁၆)
နိုင်ငံတကာသံအဖွဲ့ကို စစ်တွေလေဆိပ် လိုက်ပို့တဲ့ ရခိုင်ဝန်ကြီးချုပ်ဦးညီပုကို သတင်းသမားများမေးမြန်းစဉ်။ ( နိုဝင်ဘာ ၃၊ ၂၀၁၆)

ကုလသမဂ္ဂနဲ့ နိုင်ငံတကာသံတမန်တွေ ရခိုင်ပြည်နယ်ကို သွားရောက်ခဲ့ချိန်မှာ အကြမ်းဖက် တိုက်ခိုက်မှုတွေ ပြန်လည်ဖြစ်ပွားလာနေပြီး ဒီကနေ့ မနက်မှာတော့ မောင်တောမြို့နယ်အတွင်းက လုံခြုံရေးရဲစခန်း၃ခု မီးရှို့ခံရ ပါတယ်။ ဒီလို လုံခြုံရေးပြဿနာတွေ ရှိနေတာကြောင့် သတင်းသမားတွေ သွားရောက် သတင်းယူခွင့်ပြုရေး တာဝန်ရှိသူတွေ သတိထားစဉ်းစားနေတယ်လို့လည်း သမ္မတရုံးပြောခွင့်ရသူက ပြောပါတယ်။ ရခိုင်ပြည်နယ်က နောက်ဆုံး အခြေအနေသတင်းကိုတော့ ဗွီအိုအေမြန်မာပိုင်းရဲ့ သတင်းထောက် ကိုမိုးဇော်က တင်ပြထားပါတယ်။

အောက်တိုဘာလ ၉ရက်နေ့က တိုက်ခိုက်ခံခဲ့ရတဲ့ ရခိုင်ပြည်နယ် ဘူးသီးတောင်၊ မောင်တောဒေသ အရင်ရက်ပိုင်းတွေက ပြန်လည်တည်ငြိမ်လာပေမဲ့ ကြာသာပတေးနေ့ညနေပိုင်းကစပြီး အကြမ်းဖက် တာတွေ ပြန်လည်ဖြစ်ပွား ခဲ့ပါတယ်။ ရခိုင်ပြည်နယ်တွင်းနောက်ဆုံးအခြေအနေကိုတော့ ရခိုင်ပြည်နယ် အစိုးရရဲ့ ပြောရေးဆိုခွင့်ရှိသူ စည်ပင်သာယာ ရေးဝန်ကြီး ဦးမင်းအောင်က အခုလို ပြောပါတယ်။

" နယ်ခြားစောင့်ရဲကင်းစခန်းရယ် ရွာနားတွေက ကင်းစခန်းတွေပေါ့နော် ဆိုတော့ ဒီကင်းစခန်းတွေမှာက ရဲတွေ မရှိတော့ဘူးပေါ့နော်။ အရင်တုန်းကရှိတယ်။ အရင်တုန်းက ကွန်မြူနတီနှစ်ခု ပြသနာဖြစ်နေစဉ်တုန်းက ဘင်္ဂလီ လူမျိုးတွေ နေတဲ့ရွာနားတွေမှာ လုပ်ထားတဲ့ ကင်းစခန်းတွေပေါ့နော်။ အခုကျတော့ ရခိုင် တိုင်းရင်းသားတွေ နေတဲ့ရွာတွေနားတွေမှာ ပိုတိုးချထားတာပေါ့။ အဲ့တော့ အဲ့ဒီ့နေရာမှာ ရဲတွေမရှိဘူး။ နေရာပြောင်းရွှေ့ထားတဲ့နေရာ အနေအထားမှာ သူတို့ဝင်ပြီးတော့ မီးရှို့တာ။ ဆယ်နာရီလောက်ကလို့ပြောတယ်ခင်ဗျ။"

ကြာသပတေးနေ့ ညနေပိုင်းမှာလည်း မောင်တောမြို့နယ်တောင်ပိုင်း က နူရူလာရဲကင်းစခန်းကို အကြမ်းဖက် သမားတွေက ၀င်ရောက် တိုက်ခိုက်ခဲ့တာကြောင့် ဒုရဲတပ်ကြပ်တဦးကျဆုံးခဲ့သလို ရဲတပ်ကြပ်တဦး ဒဏ်ရာရခဲ့ ပါတယ်။ ဒီတိုက်ခိုက်မှုဟာ ကုလသမဂ္ဂ ဌာနေညှိနှိုင်းရေးမှူးနဲ့ နိုင်ငံသံတမန်တွေ ရခိုင်ပြည်နယ်ကို ရောက်ရှိ နေချိန်မှာ ဖြစ်ပွားခဲ့တာလည်းဖြစ်ပါတယ်။

ကုလသမဂ္ဂ ဌာနေညှိနှိုင်းရေးမှူးနဲ့ နိုင်ငံသံတမန်တွေဟာ ရခိုင်ပြည်နယ်အတွင်းမှာ လုံခြုံရေးတပ်ဖွဲ့ဝင်တွေက လူ့အခွင့်အရေးချိုးဖောက်တာတွေရှိကြောင်း သတင်းတွေထွက်ပေါ်ခဲ့တာကြောင့် သွားရောက် လေ့လာစုံစမ်းခဲ့တာဖြစ်ပါတယ်။ တချိန်တည်းမှာပဲ CPJခေါ် သတင်းသမားများ ကာကွယ်စောင့်ရှောက်ရေး အသင်းက ရခိုင်ပြည်နယ်အတွင်းကို သတင်းသမားတွေ လွတ်လွတ်လပ်လပ် သတင်းယူခွင့်ပေးဖို့ တောင်းဆိုထားပါတယ်။

ဒီတောင်းဆိုချက်အပေါ်မှာ သမ္မတရုံးပြောရေးဆိုခွင့်ရှိသူ ဦးဇော်ဌေးက အခုလို တုံပြန်ခဲ့ပါတယ်။

" ကျနော်တို့ အဲ့တာကို အလေးထားတယ်။ ဘာကြောင့်လဲဆိုတော့ သတင်းအမှားတွေ ပြန့်နေတဲ့အတွက်ကို။ နောက်တခုက တချို့က political agenda ပေါ့နော် မီဒီယာကို အသုံးချပြီး လုပ်နေတာတွေရှိတယ်။ ရှိတဲ့အတွက် ကျနော်တို့က သတင်းမီဒီယာတွေ အဲ့ဒီ့မှာ သွားပြီးတော့ လက်တွေ့မြေပြင် အခြေအနေတွေကို သတင်းယူခွင့်ရှိဖို့ပေါ့။ အဲ့တာကို စဉ်းစား သုံးသပ်ပြီး ဆောင်ရွက်နေတယ်။ သို့သော်လည်း မနေ့ညကပဲ ရဲတယောက်သေ သွားတယ်။ စခန်းကို ဝင်တိုက်တယ်။ ဒီနေ့လည်းပဲ မီးရှို့တယ်။ ဒီလိုမြေပြင်လုံခြုံရေး အခြေအအနေတွေကို စဉ်းစားပြီးတော့ဆောင်ရွက်နေတယ်။ အဲ့လိုဆောင်ရွက်ပေး ဖို့ကိုလည်း တချို့လည်း အစီအစဉ်တွေ လုပ်နေတယ်။ ဒါပေမဲ့ သို့သော်ပေါ့နော် မြေပြင်နောက်ဆုံး အခြေအနေကို ကြည့်နေတယ်။ "

ဒီရက်ပိုင်းတွေအတွင်းမှာ မောင်တောဒေသက သတင်းကို ရေးသားခဲ့တဲ့ Myanmar Time ဂျာနယ်က သတင်းထောက် တဦးဟာ အစိုးရရဲ့ ဖိအားပေးမှုတွေကြောင့် အလုပ်ထုတ်ခံခဲ့ရတယ်လို့လည်း သတင်းတွေ ထွက်ပေါ်ခဲ့တာပါ။ နိုင်ငံတကာ လူ့အခွင့်အရေး စောင့်ကြည့်အကဲခတ်နေတဲ့ HRW အဖွဲ့ရဲ့ အာရှရေးရာ လက်ထောက်ညွှန်ကြားရေးမှူး Phil Robertson ကတော့ စာနယ်ဇင်းသမားတွေ အပေါ် အစိုးရရဲ့ ခြိမ်းခြောက်မှုတွေဟာ အဆိုးဆုံး အခြေအနေမှာ ရောက်နေပြီလို့ ဒီကနေ့မှာပဲ ဝေဖန်ခဲ့တာပါ။

သမ္မတရုံး ပြောခွင့်ရသူ ဦးဇော်ဌေး ကတော့ အစိုးရအနေနဲ့ ဖိအားပေးတာတွေ မရှိခဲ့ဖူးလို့ တုံ့ပြန်ခဲ့ပါတယ်။

"သူ့ဆိုက်ဒ်ကို ကျနော်တို့ Facebook ပေါ်မှာ ရှင်းတယ်။ ရှင်းတယ်ဆိုတာ သူ့ဟာ ရေးထားတဲ့အထဲမှာ source က one source ဖြစ်နေတယ်။ ရခိုင်ပြည်နယ်မှာ ရှိတဲ့ လူမျိုးစုတခု နာမည်ပေါ့။ အဲ့တာကို ရအောင် ကြိုးပမ်းနေတဲ့ အဖွဲ့အစည်းတွေရဲ့ Advocate တွေပေါ့ အဲ့ဒီ့က source တွေကိုပဲ ကိုးကားပြီးတော့ မဟုတ်မမှန်တဲ့ သတင်းကို ရေးထားတဲ့အတွက် ကျနော်တို့က အဲ့တာကို ထောက်ပြတယ်။ သူ့ရဲ့သတင်းကို Reuters သတင်းဌာနကလည်း အလားတူ မေးခွန်းတွေကိုမေးတယ်။ Reuters မှာက နှစ်ဘက်ပြောကြားချက်တွေကို မျှတအောင် ဖော်ပြထားတာကို တွေ့ရတယ်။ အဲ့တာကို ကျနော်တို့က နှိုင်းယှဉ်ပြီးတော့ ဒီသတင်းနဲ့ ဒီသတင်း ကွာခြားချက် အဲ့တာတွေ ပါဖို့ highlight လုပ်တာဖြစ်တယ်။ သူ့မှာ မပါဘူး။ ဒါတွေ ဖော်ပြဖို့ ပျက်ကွက်ခဲ့တယ် ဆိုတာကို ကျနော်တို့ ရှင်းပြတယ်။ ကျနော်တို့က ဒီမီဒီယာကို ဖိအားပေးတာ ခြိမ်းခြောက်တာ ဘာမှလုပ်စရာအကြောင်းမရှိဘူး။"

နိုင်ငံတကာသံတမန်တွေရဲ့ ရခိုင်ပြည်နယ်ခရီးစဉ်ပြီးဆုံးချိန်မှာတော့ သတင်းတွေ ထွက်ပေါ်နေသလို လူ့အခွင့်အရေးချိုးဖောက်တာတွေကို မတွေ့ခဲ့ရကြောင်းနဲ့ အဓမ္မပြုကျင့်ခံရတယ်ဆိုတဲ့ တိုင်ကြားတာတွေကို လည်း မကြုံခဲ့ရကြောင်း ကုလသမဂ္ဂ ဌာနေညှိနှိုင်းရေးမှူး Ms Renata က ပြောပါတယ်။

လောလောဆယ်မှာတော့ ဒီရက်ပိုင်းအတွင်း အကြမ်းဖက် တိုက်ခိုက်မှုတွေနဲ့ပတ်သက်ပြီး လုံခြုံရေးတပ်ဖွဲ့ဝင်တွေက တိုက်ခိုက်သူတွေကို စုံစမ်းစစ်ဆေးနေဆဲဖြစ်ပါတယ်။ အောက်တိုဘာလ၉ရက်နေ့ တိုက်ခိုက်မှုနဲ့ ပတ်သက်ပြီး အကြမ်းဖက်သူတွေအားလုံးကို ဖော်ထုတ်နိုင်တာမရှိသေးသလို လုယူသွားတဲ့ လက်နက်တွေကိုလည်း ပြန်လည်သိမ်းဆည်းနိုင်တာမရှိသေးပါဘူး။
VOA Burmese News


တိုကျိုမြို့က ဒေါ်အောင်ဆန်းစုကြည်တည်းခိုနေတဲ့ The Imperial Hotel မှာ Keidanren လို့ခေါ်တဲ့ ဂျပန်စီးပွားရေး အသင်းချုပ်နဲ့ ဂျပန်စက်မှု ကုန်သည်ကြီးများအသင်း JCCI တို့က တည်ခင်း ဧည့်ခံတဲ့ နေ့လည်စာစားပွဲမှာ ဒေါ်စု မိန့်ခွန်းပြော။
တိုကျိုမြို့က ဒေါ်အောင်ဆန်းစုကြည်တည်းခိုနေတဲ့ The Imperial Hotel မှာ Keidanren လို့ခေါ်တဲ့ ဂျပန်စီးပွားရေး အသင်းချုပ်နဲ့ ဂျပန်စက်မှု ကုန်သည်ကြီးများအသင်း JCCI တို့က တည်ခင်း ဧည့်ခံတဲ့ နေ့လည်စာစားပွဲမှာ ဒေါ်စု မိန့်ခွန်းပြော။

မြန်မာနိုင်ငံမှာ တည်ငြိမ်အေးချမ်းပြီး စီးပွားရေးအရ ရေရှည်ဖွံ့ဖြိုးတိုးတက်ဖို့ဆိုရင် ပဋိပက္ခတွေ ချုပ်ငြိမ်းပြီး ငြိမ်းချမ်းရေးရဖို့လိုကြောင်း နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်က ဒီကနေ့ နေ့လည်ပိုင်း တိုကျိုမြို့မှာကျင်းပတဲ့ ဂျပန်စီးပွားရေး အသင်းချုပ်နဲ့ စက်မှုကုန်သည်ကြီးများအသင်းက တည်ခင်းဧည့်ခံတဲ့ နေ့လည်စာ စားပွဲမှာ ပြောဆိုလိုက်ပါတယ်။ ဒါ့အပြင် ဂျပန်ဧကရာဇ်နဲ့ရော သူ့ရဲ့ ကြင်ယာတော်နဲ့ပါ ဒေါ်အောင်ဆန်းစုကြည် သွားရောက်တွေ့ဆုံခဲ့ပါတယ်။ အကြောင်းစုံကိုတော့ ကိုဉာဏ်ဝင်းအောင်က တင်ပြပါမယ်။

ဒေါ်အောင်ဆန်းစုကြည်ရဲ့ ဂျပန်ချစ်ကြည်ရေးခရီးစဉ် စတုတ္ထမြောက်နေ့ ဒီကနေ့ မနက်ပိုင်း ၁၁ နာရီကျော်လောက်မှာ ဂျပန်ဧကရာဇ် Akihito နဲ့ သူ့ရဲ့မိဖုရား Michiko တို့ကို တိုကျိုမှာရှိတဲ့ ဂျပန်ဘုရင့်နန်းတော်မှာ သွားရောက်တွေ့ဆုံ ဂါရဝပြုခဲ့တာဖြစ်ပါတယ်။

အဲဒီနောက် မွန်းလွဲပိုင်းမှာ တိုကျိုမြို့က ဒေါ်အောင်ဆန်း စုကြည် တည်းခိုနေတဲ့ The Imperial Hotel မှာ Keidanren လို့ခေါ်တဲ့ ဂျပန်စီးပွားရေးအသင်းချုပ်နဲ့ ဂျပန်စက်မှု ကုန်သည်ကြီးများ အသင်း JCCI တို့က တည်ခင်းဧည့်ခံတဲ့ နေ့လည်စာစားပွဲကို တက်ရောက်ပြီး မြန်မာနိုင်ငံမှာ ပဋိပက္ခတွေချုပ်ငြိမ်းမှသာ စီးပွာရေးဖွံ့ဖြိုးတိုးတက် လာနိုင်မှာဖြစ်ကြောင်း ပြောဆိုသွားပါတယ်။

“ကျမတို့နိုင်ငံ အခြေအနေက သိပ်ကို ရှုတ်ထွေးပါတယ်။ တိုင်းရင်းသား လူမျိုးစုတွေ အများကြီးနဲ့ စုစည်းထားတာဖြစ်ပါတယ်။ အတော် များများ သိကြတဲ့အတိုင်း၊ ကျမတို့ ငြိမ်းချမ်းရေး မရသေးပါဘူး။ ကျမတို့နိုင်ငံမှာ တိုင်းရင်းသားအဖွဲ့အစည်းတွေကြား လက်နက်ကိုင် ပဋိပက္ခတွေ ရှိနေဆဲဖြစ်ပါတယ်။ ကျမတို့နိုင်ငံဖွံ့ဖြိုးမှုအတွက် တည်ငြိမ်ပြီး ရေရှည်တည်တံ့ဖို့အတွက်ဆိုရင် ကျမတို့ ငြိမ်းချမ်းရေးရမှ ဖြစ်မှာပါ”
ဒါ့အပြင် မတူကွဲပြားတဲ့ တိုင်းရင်းသားတွေနဲ့ ဖွဲ့စည်းထားတဲ့ မြန်မာနိုင်ငံကို ဘယ်လို လူ့ဘောင်အဖွဲ့အစည်းအဖြစ် ထူထောင်လိုသလဲ ဆိုတဲ့ အကြောင်း ကိုပါ ဒေါ်အောင်ဆန်းစုကြည် က ပြောဆိုသွားတာပါ။

“ဖွံ့ဖြိုးရေးမှာ သာတူညီမျှဖြစ်ဖို့ သေချာအောင် ကျမတို့ လုပ်ကြရမှာဖြစ်ပါတယ်။ ကျမတို့နိုင်ငံရဲ့ တိုးတက်မှုဖြစ်စဉ်မှာ တိုင်းရင်းသားတွေ အားလုံး တန်းတူအခွင့်အလမ်းတွေ ရရှိကြတယ်လို့ ကိုယ်တိုင်ခံစားကြတာကို ကျမတို့ဖြစ်စေချင်ပါတယ်။ မတူကွဲပြားတဲ့ ပြည်သူတွေနဲ့ စုစည်း ထားတဲ့ နိူင်ငံဖြစ်ပေမဲ့ သွေးစည်းညီညွတ်ကြပြီး သဟဇာတဖြစ်တဲ့ လူ့ဘောင်တရပ်ဖြစ်ဖို့ ကျမတို့ရည်ရွယ်ပါတယ်။ ကမ္ဘာ့အလယ်မှာ ကိုယ်ပိုင် ထူးခြားတဲ့ ယဉ်ကျေးမှုနဲ့ လူမှုတန်ဖိုးတွေနဲ့ ရပ်တည်နေရုံမကဘဲ စီးပွားရေးတိုးတက်တဲ့ နိူင်ငံအနေနဲ့လည်း တင့်တယ်ဖို့အတွက် ထိန်းသိမ်း ကြဖို့စိတ်ပိုင်းဖြတ် ထားတာဖြစ်ပါတယ်”

မကြာသေးမီက ဖြစ်ပေါ်ခဲ့တဲ့ ရခိုင်ပြည်နယ်တွင်း အကြမ်းဖက်တိုက်ခိုက်မှုနောက်ပိုင်း နယ်မြေရှင်းလင်းရေး စစ်ဆင်ရေးလုပ်ငန်းတွေပေါ် လူ့အခွင့်အရေးစောင့်ကြည့် အဖွဲ့တွေက ဝေဖန်ပြစ်တင်နေချိန်မှာ ဒေါ်အောင်ဆန်းစုကြည်က တိုကျိုမြို့မှာ အခုလို ရှင်းလင်းပြောကြားလိုက်တာ ဖြစ်ပါတယ်။

မြန်မာနိုင်ငံကို အကူအညီအများဆုံးပေးတဲ့ ဂျပန်နိူင်ငံဟာ စစ်အစိုးရ လက်ထက်က မြန်မာ့ဒီမိုကရေစီ လှုပ်ရှားမှုတွေ ကို ပေါ်ပေါ်ထင်ထင် ထောက်ခံခဲ့ တာမျိုး မရှိသလို၊ အတိုက်အခံ ဒီမိုကရေစီအင်အားစုတွေနဲ့လည်း ဖက်လှဲတကင်း ဆက်ဆံရေး မရှိခဲ့တာကြောင့် ဂျပန်အစိုးရပေါ် ဝေဖန်မှုတချို့ ရှိခဲ့တာပါ။

လူထုက ရွေးချယ်တင်မြှောက်တဲ့ အရပ်သား အစိုးရသစ် တရပ် မြန်မာနိုင်ငံမှာ ပေါ်ပေါက် လာပြီး နောက်ပိုင်း ဂျပန် နိူင်ငံရဲ့ မြန်မာပြည်ဆိုင်ရာ မူဝါဒတွေ အပြောင်းအလဲရှိလာတယ်လို့ တိုကျိုမှာနေထိုင်တဲ့ မြန်မာ့အရေးလှုပ်ရှားသူ ဦးသန်းဆွေက သုံးသပ် ပါတယ်။

" အရင်တုန်းက စစ်အစိုးရလက်ထက်မှာတောင်မှ ဒီဂျပန်အစိုးရက မြန်မာနိုင်ငံကို လုံးဝ အဆက်အသွယ်ဖြတ်တောက်လိုက်တဲ့နိုင်ငံ မဟုတ်အောင် သူ သတိထားထိန်းသိမ်းပြီးသွားနေတယ်လို့ ကျနော်တို့က မြင်တယ်လေ။ နောက် အခုချိန်မှာ ပြည်သူလူထုက ရွေးချယ်တင်မြှောက်လိုက်တဲ့ အစိုးရတက်လာတဲ့ အချိန်မှာကျတော့ မြန်မာနိုင်ငံရဲ့ လက်ရှိအနေအထားကလည်း ဂျပန်နိုင်ငံအတွက်က စီးပွားရေး ရင်းနှီးမြှုပ်နှံမှု ပြုလုပ်ဖို့အတွက်ကို ဒီအရှေ့တောင်အာရှမှာ အကောင်းဆုံးနိုင်ငံအဖြစ် သတ်မှတ်ထားတာလည်း ရှိတယ်။ နောက်တခုက နှစ်နိုင်ငံ ဆက်ဆံရေးကောင်းမွန်မယ်ဆိုရင် တကယ့်စီးပွားရေး ပတ်တနာ အနေနဲ့ ဒေသတွင်းမှာ ပူးပေါင်းလုပ်ဆောင်ဖို့ ကိစ္စတွေ အများကြီးရှိမယ်လို့ ဂျပန်က မျော်မှန်းထားတာ ရှိတဲ့အခါကျတော့ အခု ဒီဒေါ်အောင်ဆန်းစုကြည် အစိုးရလက်ထက်မှာ ဂျပန်အစိုးရအနေနဲ့ပေါ့လေ ဘက်ပေါင်းစုံကနေပြီးတော့ စီးပွားရေးမြှုပ်နှံမှုတွေကို ပြုလုပ်ဖို့အတွက် ပြင်ဆင်နေတယ်။ တဖက်ကပြန်ကြည့်မယ်ဆိုရင် ဒီငြိမ်းချမ်းရေးကိစ္စတွေကအစပေါ့လေ ဂျပန်က သူ့ရဲ့ ဒီစီးပွားရေးပါဝါကိုသုံးပြီးတော့ပေါ့လေ မြန်မာနိုင်ငံမှာ အကောင်းဆုံးဖြစ်အောင် သူလုပ်သွားလိမ့်မယ်လို့ ကျနော်တို့ထင်တယ်လေ။"

ဒီကနေ့ညနေပိုင်းမှာတော့ ဒေါ်အောင်ဆန်းစုကြည်ဟာ တိုကျိုမြို့က ဂျပန်သတင်းထောက်များအသင်းမှာ သတင်းစာရှင်းလင်းပွဲလုပ်ခဲ့ပြီး မတည်မငြိမ်ဖြစ်နေတဲ့ ရခိုင်ဒေသအကြောင်းကို ရှင်းလင်းပြောကြားခဲ့ပါတယ်။
VOA Burmese News


ပြည်တွင်းစစ်ရပ်စဲရေး ငြိမ်းချမ်းစွာ ဆန္ဒထုတ်ဖော်နေသူပြည်သူများ။
ပြည်တွင်းစစ်ရပ်စဲရေး ငြိမ်းချမ်းစွာ ဆန္ဒထုတ်ဖော်နေသူပြည်သူများ။
ပြည်တွင်းစစ် ရပ်စဲဖို့အတွက် အဓိကအခက်အခဲဟာ စစ်မရပ်စဲချင်တဲ့ စိတ်ဓာတ်ပဲလို့ နိုင်ငံတော် အတိုင်ပင်ခံ ပုဂ္ဂိုလ်ဒေါ်အောင်ဆန်းစုကြည် က ပြောဆိုလိုက်တဲ့ အပေါ်မှာ တိုင်းရင်းသားတွေကြား အမြင်အမျိုးမျိုး ရှိနေပါတယ်။ နှစ်ပေါင်း ၆၀ ကျော် ကြာမြင့်နေပြီဖြစ်တဲ့ ပြည်တွင်းစစ်ပွဲတွေ အခုထိ မရပ်ဆဲတာဟာ ဘယ်သူ့အပေါ်မှာ အဓိက မူတည်သလဲ ဆိုပြီး မေးခွန်ထုတ်လိုက်ပါတယ်။ အပြည့်အစုံကိုတော့ ဗွီအိုအေမြန်မာပိုင်း သတင်းထောက် ကိုထက်အောင်က တင်ပြပေးမှာပါ။
ဒေါ်အောင်ဆန်းစုကြည် ဂျပန်ရောက်မြန်မာနိုင်ငံ သားတွေနဲ့ တွေ့ဆုံစဉ်။ (နိုဝင်ဘာ ၂၊ ၂၀၁၆)
ဒေါ်အောင်ဆန်းစုကြည် ဂျပန်ရောက်မြန်မာနိုင်ငံ သားတွေနဲ့ တွေ့ဆုံစဉ်။ (နိုဝင်ဘာ ၂၊ ၂၀၁၆)

ဂျပန်နိုင်ငံကို ချစ်ကြည်ရေး ခရီးစဉ်ရောက်ရှိနေတဲ့ ဒေါ်အောင်ဆန်းစုကြည်ဟာ တိုကျိုမြို့မှာ ဂျပန်ရောက် မြန်မာနိုင်ငံသားတွေ နဲ့ တွေ့ဆုံစဉ်အတွင်း ပြည်တွင်းစစ် ရပ်စဲဖို့အတွက် အဓိက အခက်အခဲဟာ စစ် မရပ်စဲချင်တဲ့ စိတ်ဓာတ်တွေကြောင့် ဖြစ် တယ်လို့ ပြောဆိုလိုက်ပါတယ်။

" ပြည်တွင်းစစ်မရပ်စဲတာ အဓိက အခက်အခဲက ဘာလဲဆိုတော့ မရပ်စဲချင်တဲ့ စိတ်ဓာတ်ပဲ။ ရပ်စဲချင်ရင် ရပ်စဲလို့ ရတာပဲ။ ဒါပေမဲ့လည်း ဒုတိယက မရပ်စဲချင်တဲ့ အကြောင်းတွေကို ကျမတို့က ရှာရတယ်။ ဘာဖြစ်လို့ မရပ်စဲချင်တာလဲ ဒီစစ်ကို ရပ်စဲခြင်းအားဖြင့် ဘယ်လိုအကျိုးယုတ်မယ်ထင်လို့ မရပ်စဲချင်တာလဲလို့ ကျမတို့က မေးရမယ်။ ကိုယ့်အတွက် အကျိုးယုတ်မယ့်ကိစ္စကို လုပ်ချင်ကြမှာ မဟုတ်ဘူး။ တခုပဲ အကျိုးယုတ်သလား။ အကျိုးရှိသလားဆိုတာ မှန်မှန်ကန်ကန် မသုံးသပ်နိုင်လို့လဲ ဖြစ်တယ်။ နောက်တခုကလည်း အကြောင်းကြောင်းကြောင့်မို့ အကျိုး ယုတ်စရာ ကိစ္စလေးတွေ ပါလို့လဲ ဖြစ်နိုင်ပါတယ်။"


နိုင်ငံတော် အတိုင်ပင်ခံ ပုဂ္ဂိုလ်ရဲ့အခုလို ပြောဆိုမှု အပေါ်မှာ ပအို့အမျိုးသား လွတ်မြောက်ရေး အဖွဲ့ချုပ် နာယက ဗိုလ်မှူး ကြီး ခွန်ဥက္ကာကတော့ အခုလို တုန့်ပြန်ပါတယ်။

" တကယ့်ကို လက်တွေ့ပေါ့လေ ရာနှုန်းပြည့် မရပ်စဲချင်တာတော့ မဟုတ်ဘူးဗျ။ ရပ်စဲချင်တဲ့စိတ်ဓာတ်တော့ ရှိပါတယ်။ ဒါပေမဲ့ ဘယ်အချိန် ဘယ်အခါဆိုတဲ့ time frame အချိန်ပြသနာ နည်းနည်းရှိနိုင်တယ်။ နောက်ပြီးတော့ မရပ်စဲချင်တဲ့ ပုဂ္ဂိုလ်တွေက မိမိအဖွဲ့နဲ့ မိမိပေါ့လေ အတွင်းမှာ ပြင်ဆင်မှုတွေ သို့တည်းမဟုတ် အကြေအလည်လုပ်ဖို့ လိုတာလည်း ဖြစ်နိုင်တယ်။ မရပ်စဲချင်တဲ့စိတ်ဓာတ်ကတော့ ရှိမယ့်ပုံမပေါ်ဘူး။ သို့သော် အခြေအနေတခုကို ဖန်တီးချင်တဲ့ သဘောတော့ ရှိတာပေါ့ဗျာ။ ရပ်မယ်ဆိုရင် ဘာရမှ ညာရမှဆိုတဲ့ အဲ့ဒီ့ဟာမျိုးတော့ ရှိနိုင်ပါတယ်။"

ဒါ့အပြင် အစိုးရသစ်လက်ထက်မှာ ဒေါ်အောင်ဆန်းစုကြည် ကိုယ်တိုင် ကြီးမှုးကျင်းပခဲ့တဲ့ ၂၁ ရာစု ပင်လုံ ပြည်ထောင်စု ငြိမ်းချမ်းရေး ညီလာခံကို ပြီးခဲ့တဲ့ သြဂုတ်လ ၃၁ ရက်နေ့မှာ ကျင်းပနိုင်ခဲ့ပေမယ့်လို့ တိုက်ပွဲတွေ ရှိနေဆဲ ဖြစ်တယ်လို့ တိုင်းရင်းသားခေါင်းဆောင်တွေက ဆိုပါတယ်။ တစ်နိုင်ငံလုံး အပစ်အခက် ရပ်စဲရေး သဘောတူ စာချုပ် NCA မှာ လက်မှတ်ရေးထိုးထားပြီးဖြစ်တဲ့ တိုင်းရင်းသား အဖွဲ့တွေကိုလည်း ထိုးစစ်ဆင်မှုတွေ ရှိနေဆဲ ဖြစ်တယ်လို့လည်း ပြောပါတယ်။

တအောင်းပလောင် TNLA ရဲ့ ပြောခွင့်ရပုဂ္ဂိုလ် မိုင်အိုက်ကျော်ကတော့ ထိုးစစ်တွေ ရှိနေသရွေ့ တိုက်ပွဲတွေ ရှိနေဦးမယ်လို့ ပြောပါတယ်။

"ထိုးစစ်မရှိပဲနဲ့ ကျနော်တို့ ဒေသမှာ တိုက်ပွဲမရှိဘူး။ ထိုးစစ်ရှိလို့သာ တိုက်ပွဲဖြစ်တယ် အကျိုးတခုကို ကာကွယ်ဖို့ဆိုပြီး ကျနော်တို့ဆီမှာ အကျိုးစီးပွား လုပ်တာလည်း မရှိဘူး။ ကျနော်တို့ဆီမှာ တခြားတိုင်းရင်းသားတွေ တွင်းထွက်ပစ္စည်း လည်း မရှိဘူး။ အဲ့တာကြောင့်မို့လို့ အကျိုးစီးပွားဆိုတာ ကျနော်တို့ ဒေသမှာ မရှိဘူး။ ထိုးစစ်ရှိနေတဲ့အတွက်ကြောင့်သာ တိုက်ပွဲကဖြစ်နေတာ။ ထိုးစစ်ကတော့ ကျနော်တို့ကလည်း ပြန်ပြီး ခုခံမတိုက်ခိုက်လို့လဲ မရဘူး။"

ဒေါ်အောင်ဆန်းစုကြည်ကတော့ ပြည်တွင်းစစ်ရပ်စဲရေးအတွက် အကျိုးယုတ်နိုင်မယ် ဆိုတဲ့ စိတ်ဓာတ်တွေ ပပျောက်အောင်လို့ လုပ်နိုင်ဖို့ရာ ငြိမ်းချမ်းရေး ဖြစ်စဉ်ရဲ့ အရေးကြီးဆုံးနဲ့
အခက်အခဲဆုံး ဆောင်ရွက်ချက်ဖြစ်တယ်လို့ ဆိုပါတယ်။

တိုင်းရင်းသား ဒေသတွေမှာ တပ်မတော်ဘက်ကနေ ထိုးစစ်ဆင်မှုတွေ ရှိတာကြောင့် စစ်ပွဲတွေ မရပ်နားတာ ဖြစ်တယ်လို့ တိုင်းရင်းသား ခေါင်းဆောင်တစ်ဦးလည်းဖြစ် NCCT အဖွဲ့ခေါင်းဆောင်လည်း ဖြစ်တဲ့ နိုင်ဟံသာက ပြောပါတယ်။

" စစ်ပွဲကို မရပ်နားချင်တဲ့ စိတ်ဓာတ်က ဘယ်သူ့အပေါ်မှာ အဓိက တည်သလဲ ဆိုတာကို နည်းနည်းပြန်ဆန်းစစ်ဖို့တော့ လိုပါတယ်။ ထိုးစစ်တွေကို ဟိုနေရာလုပ်လိုက် ဒီနေရာလုပ်လိုက် လုပ်နေတာက တပ်မတော်ကဖြစ်တယ်လို့ ကျနော်တို့ မြင်တယ်။ ကျနော်တို့ တိုင်းရင်းသားတွေ အနေနဲ့က နိုင်ငံရေးပြသနာ ကို နိုင်ငံရေးနည်းနဲ့ အေးအေးချမ်းချမ်း ဖြေရှင်းနိုင်ဖို့ ဆိုတဲ့နေရာမှာ ဟို တဘက်က အပစ်အခတ်ရပ်စဲရေး လုပ်ရမယ်။ နောက်တခုက နိုင်ငံရေး ဆွေးနွေးဖို့ အကြိမ်ကြိမ်အခါခါပါပဲ ဆွေးနွေးခဲ့တယ်လေ။ အစိုးရဘက်က ကမ်းလှမ်းမှ ကျနော်တို့က လိုက်လုပ်လို့ရတဲ့အနေအထားမျိုးပါ ဒီအပစ်အခတ်ရပ်စဲရေး လုပ်ဖို့နဲ့ နိုင်ငံရေးဆွေးနွေးဖို့က တဘက်က ဘယ်လောက်သေချာသလဲ ဘယ်လောက် တရားမျှတမှုရှိလဲဆိုတဲ့အပေါ်မှာတော့ အများကြီး ချင့်ချိန်ရတာပေါ့ဗျာ။"

အောက်တိုဘာလ ၂၈ ရက်နေ့က ကျင်းပခဲ့တဲ့ ပြည်ထောင်စု ငြိမ်းချမ်းရေး ဆွေးနွေးမှု ပူးတွဲ ကော်မတီ UPDJC အစည်းအဝေးမှာတော့ NCA မှာ လက်မှတ် မရေးထိုးရသေးတဲ့ အဖွဲ့တွေနဲ့ လက်မှတ်ထိုးနိုင်ဖို့ အမြန်ကြိုးစားရ မှာ ဖြစ်ပြီး ငြိမ်းချမ်းရေး အတွက် တစ်ခုတည်းသော နည်းလမ်းကတော့ ပဋိပက္ခရပ်စဲရေး ဖြစ်တယ် လို့ ဒေါ်အောင်ဆန်းစုကြည်က ပြောဆိုထားပါတယ်။


နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ဂျပန်နိုင်ငံ ခရီးစဉ်မှာ ဂျပန်အစိုးရနဲ့တွေ့ဆုံ
နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ဂျပန်နိုင်ငံ ခရီးစဉ်မှာ ဂျပန်အစိုးရနဲ့တွေ့ဆုံ

ဂျပန်နိုင်ငံက ပေးမယ့် အကူအညီ ထိရောက်မှု ရှိစေဖို့အတွက် မြန်မာဘက်က အဆင်သင့် ဖြစ်အောင် ဘာတွေ လုပ်ဖို့ လိုအပ်ပါသလဲ။ နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ရဲ့ ဂျပန်နိုင်ငံ ခရီးစဉ်မှာ ဂျပန်အစိုးရက မြန်မာနိုင်ငံ ငြိမ်းချမ်းရေးနဲ့ ဖွံ့ဖြိုးတိုးတက်စေဖို့ ကူညီထောက်ပံ့မှုတွေ အတော်များများ ပေးအပ်ခဲ့ပါတယ်။ ဂျပန်မြန်မာ ပူးပေါင်းဆောင်ရွက်ရေး ကိစ္စရပ်တွေအတွက် ၅ နှစ်အတွင်း ဂျပန်ယန်း ဘီလျံ ၈၀၀ ပေးခဲ့သလို ဒီအထဲက ယန်း ဘီလျံ ၄၀ ကိုတော့ တိုင်းရင်းသား လက်နက်ကိုင်တွေနဲ့ ငြိမ်းချမ်းရေး လုပ်ဆောင်နေမှုတွေမှာ ဖွံ့ဖြိုးတိုးတက်စေဖို့ ရည်ရွယ်တယ်လို့ ပြောပြီး ပေးခဲ့တာ ဖြစ်ပါတယ်။

နာဂိုယာ Aichi Gakuim တက္ကသိုလ်က နိုင်ငံတကာ ဖွံဖြိုးရေးနဲ့ မူဝါဒလေ့လာမှုဆိုင်ရာ ပါမောက္ခ ဒေါက်တာကျော်စိန်ကို ဒေါ်ခင်မျိုးသက်က ဆက်သွယ်မေးမြန်းတဲ့အခါ အခုလို စပြောပါတယ်။

ဒေါက်တာကျော်စိန်။ ။ " ဂျပန်အစိုးရရဲ့ အာဘော်ကတော့ မြန်မာနိုင်ငံရေရှည်တိုးတက်မှု ၊ နိုင်ငံရေးတည်ငြိမ်မှုနဲ့ နိုင်ငံတကာ ပူးပေါင်းဆောင်ရွက်ရေးမှာ ကမ္ဘာ့အလယ်မှာ ရင်ကော့ပြီးတော့ နေနိုင်ဖို့ကတော့ ငြိမ်းချမ်းရေးကို ဆောက်တည်မှရမယ်ဆိုတဲ့ဟာကို သူတို့သိပါတယ်။ တိုင်းပြည်ရဲ့ခေါင်းဆောင်ကလည်း ငြိမ်းချမ်းရေးကို နံပတ် ၁ ဦးစားပေးပြီးတော့ လုပ်နေတဲ့အချိန်မှာ ဂျပန် policy အနေနဲ့ကတော့ ၁ ချက်ခုတ်၊ ၂ ချက်ပြတ် စဉ်းစားလိုက်ပြီးတော့ ဖွံ့ဖြိုးတိုးတက်မှုပေးတာလည်း ငြိမ်းချမ်းရေးအတွက်အကျိုးရှိစေရမယ်။ ငြိမ်းချမ်းရေးအတွက်အကျိုးရှိအောင်ပေးတာလည်း ဖွံ့ဖြိုးတိုးတက်မှုအတွက် အကျိုးရှိစေရမယ် ဆိုတဲ့ ၀ါဒကို သူတို့လက်ကိုင်ထားလိုက်ပါတယ်။ ဒီလိုလုပ်ခြင်းအားဖြင့် ငြိမ်းချမ်းရေးလိုနေတဲ့ အရပ်ဒေသတွေမှာ တိုင်းရင်းသားတွေဒေသ အထူးသဖြင့် ဖွံ့ဖြိုးတိုးတက်မှုနောက်ကျနေတဲ့ အရပ်ဒေသ တိုင်းရင်းသားတွေဒေသတွေရော၊ကျေးလက်၊ မြို့ပြဒေသတွေရော အားလုံးအတွက် အကျိုးရှိတဲ့ policy ကိုဖော်ဆောင်နိုင်မယ်လို့ သူတို့ယူဆပြီးတော့ လုပ်တာဖြစ်ပါတယ်။

ဒေါ်ခင်မျိုးသက် ။ ။ မြန်မာနိုင်ငံအနေနဲ့ ဂျပန်ဆီက ဘာတွေ ရမယ်လို့မျှော်လင့်ထားပါသလဲ။ နိုင်ငံရေးအရ ဘာအကျိုးအမြတ်ရှိမလဲ နောက်ဂျပန်အနေနဲ့လည်း မြန်မာနိုင်ငံနဲ့ ဒီလို ဆက်ဆံတဲ့အတွက် ဒီလိုထောက်ပံ့ငွေတွေပေးတယ်၊ ချေးငွေတွေပေးတယ်၊ ဒါနဲ့ပတ်သက်ပြီးတော့ မြန်မာနိုင်ငံဘက်က ဘာများ အကျိုးစီးပွားသူ့အတွက်ရှိမယ်လို့ မျှော်မှန်းထားပါသလဲ။

ဒေါက်တာကျော်စိန်။ ။ဂျပန်ဟာ ဒီနေ့အထိ နိုင်ငံပေါင်းစုံကို ကူညီပေးခဲ့ပါတယ်။ Market အသစ်ရဖို့ရယ် နောက်ပြီး ကုန်ကြမ်းကနေစပြီးတော့ လုပ်သားတွေကိုအသုံးချဖို့ရယ်၊ ဈေးပေါတဲ့နိုင်ငံသွားတယ်၊ တည်ငြိမ်တဲ့နိုင်ငံသွားတယ် ဆိုတဲ့ မူနဲ့သွားတာပါ။ မြန်မာပြည်ဟာ အခုအချိန်မှာ တည်ငြိမ်တော့မယ်၊ ဈေးပေါတဲ့လုပ်သားတွေရှိတယ်၊ သံယံဇာတ ပေါများတယ်ဆိုပြီးသွားပြီးတော့ တနေ့မှာ မြန်မာမဟုတ်ပဲ နောက်တနိုင်ငံကို ဂျပန်က မရွေ့ဖို့ မြန်မာက အပိုင်ကိုင်နိုင်ဖို့လိုပါတယ်။ အဲလိုကိုင်နိုင်ဖို့အတွက်က ဂျပန်ကလည်း မြန်မာပြည်ကို အကူအညီပေးတဲ့အချိန်မှာ ပိုက်ဆံနဲ့ပေးတာမဟုတ်ပါဘူး၊ ပစ္စည်းပဲပေးတာမဟုတ်ပါဘူး၊ သူတို့လူတွေလည်း လွှတ်မှာပါပဲ၊ စီးပွားရေးသမားတွေလည်းသွားမှာပဲ။ အဲဒီတော့ မြန်မာ လုပ်သားထု၊ မြန်မာပြည်သူလူထု မြန်မာပြည်ရဲ့နိုင်ငံရေးတည်ငြိမ်မှု၊ ဥပဒေရေးရာတည်ငြိမ်မှု၊ နောက်ပြီးတော့ စီးပွားရေးနဲ့ ပတ်သက်တဲ့ လမ်းပန်းဆက်သွယ်မှု ၊ ဘဏ် အာမခံ အားလုံးက တည်ငြိမ်မယ်ဆိုရင် ဂျပန်က မြန်မာကနေပြီးတော့ နေရာရွေ့မှာမဟုတ်ပါဘူး။ ထို့အတူ မြန်မာ့ခေါင်းဆောင်လည်း ပြောသွားပါတယ် မြန်မာလူမျိုးတွေရဲ့ စဉ်းစားတွေးခေါ်ပုံ ၊ အကျင့်စရိုက် ဖော်ပြမှု၊ လုပ်ငန်းကိုင်ငန်းမှာ ဆက်သွယ်ဖော်ပြမှုတွေကို ယုံကြည်မူဖြစ်သွားရင် ဂျပန်-မြန်မာ ချစ်ကြည်ရေးဟာ မြင့်မားလာပါမယ်။ ချစ်ကြည်ရေးဟာ အစိုးရအချင်းချင်းပဲ မဟုတ်ပါဘူး အစိုးရနဲ့ အစိုးရ ၊ စီးပွားရေးနဲ့ စီးပွားရေး ကဏ္ဍ ၊ ပြည်သူနဲ့ ပြည်သူဖြစ်ပြီးတော့ ဂျပန်အစိုးရနဲ့ ပြည်သူ၊ ဂျပန် business နဲ့ ပြည်သူအထိကို ဆက်ဆံရေးကောင်းမွန်လာဖို့ကို ရည်ရွယ်ပြီးတော့ မြန်မာပြည်ဘက်က လုပ်ဖို့လိုပါတယ်။ ရေကို ရေစစ်သောက်သလိုမျိုး ပေးတဲ့အကူအညီတွေကို စစ်ဆေးပြီးတော့ယူဖို့ လိုပါတယ် ။ အောက်ခြေအထိ အကျိုးသက်ရောက်ဖို့ လိုပါတယ်။ ဒီတခါပေးတဲ့ ဂျပန်အကူအညီဟာ ပြည်သူပြည်သားနဲ့ တိုင်းရင်းသားတွေအထိအကျိုးအမြတ်ရှိအောင်လုပ်ဖို့ တိုင်းပြည်ခေါင်းဆောင်က ရည်ရွယ်ထားတယ်လို့ မြင်ပါတယ်။ ဒါကြောင့် ငြိမ်းချမ်းရေးနဲ့ ဖွံ့ဖြိုးတိုးတက်မူအကူအညီကို ဆက်ဆောင်ရွက်ဖို့လိုပါတယ်။

ဒေါ်ခင်မျိုးသက် ။ ။ ဒီ အကူအညီတွေပေးတဲ့အခါမှာ တိုင်းရင်းသားဒေသတွေမှာ အင်မတန် ဖွံ့ဖြိုးတိုးတက်မှုက သိပ်နည်းပြီးတော့ ၊ လူနေမှုအဆင့်အတန်းကလည်း အင်မတန်နိမ့်ကျပါတယ်။ ဆိုတော့ ဒီလိုနေရာမျိုးတွေမှာ ပေးတဲ့အခါမျိုးတွေမှာ မြန်မာနိုင်ငံဘက်က အဆင်သင့်ဖြစ်နေပြီလို့ ထင်ပါသလား။

ဒေါက်တာကျော်စိန်။ ။အဆင်သင့်ဖြစ်နေပြီလို့တော့ မထင်သေးပါဘူး လုပ်ငန်း ကိုင်ငန်းဆောင်ရွက်မှုတွေ၊ ဒါပေမယ့် Planning အနေနဲ့ကတော့ ခေါင်းဆောင်ခေါင်းထဲမှာကော ၊ ခေါင်းဆောင်နဲ့ ဆက်စပ်လုပ်နေတဲ့ အဖွဲ့အစည်းမှာရော ဘယ်လိုမျိုးလုပ်ရမယ်ဆိုတာတော့ ဆက်ပြီး establish လုပ်ရမယ်လို့ ကျနော်ထင်ပါတယ်။အရေးကြီးတဲ့အချက်က နိုင်ငံခြားကနေပြီးတော့ အကူအညီရတဲ့အချိန်မှာ ကူညီပေးတဲ့ နိုင်ငံရဲ့ လွှမ်းမိုးမှုဆိုတာ ရှိပါတယ်။ လွှမ်းမိုးမှုက ဘာနဲ့ မူတည်သလဲဆိုတော့ အဲဒီနိုင်ငံရဲ့ အမျိုးသား interest လို့ခေါ်တာပေါ့လေ အဲဒီအပေါ်မှာ မူတည်ပါတယ်။ ဥပမာ ပထ၀ီနိုင်ငံရေး၊ ပထ၀ီလုံခြုံရေး၊ နောက်တခါ စီးပွားရေးပြန်လည်ဆောက်တည်မှုတွေနဲ့ ပတ်သက်ပါတယ်။ အဲဒီတော့ လက်ခံရယူတဲ့ မြန်မာနိုင်ငံဘက်က ပေးတဲ့အကူအညီတွေက အလဟသမဖြစ်ဖို့ သေချာစိစစ်ဖို့လိုပါတယ်။ အဲဒါမှသာ တကယ်လိုအပ်တဲ့ ကဏ္ဍ တွေဆီရောက်မှာပါ။

ဒေါ်ခင်မျိုးသက် ။ ။ ဆိုတော့ မြန်မာနိုင်ငံမှာ ဒါမျိုးတွေအဆင်သင့်ဖြစ်နေပါပြီလား။ အခုကော နိုင်ငံတကာ အလှူရှင်တွေတော်တော်များများကပေးနေတယ်ဆိုတော့လေ မြန်မာနိုင်ငံမှာ အဆင်သင့်ဖြစ်ပြီလို့ မြင်ပါသလား။

ဒေါက်တာကျော်စိန်။ ။ခေါင်းဆောင်ပိုင်းကတော့ အဆင်သင့်ဖြစ်တဲ့အတွက် diplomacy မျိုးစုံနဲ့ ဒါတွေအားလုံးကို နိုင်ငံတကာနဲ့ ဆက်ဆံတယ်လို့ မြင်ပါတယ်။ အောက်ခြေအထိ implementation ဖြစ်ဖို့ကတော့ အစိုးရတခုတည်းမှာတင် တာဝန်ရှိတာမဟုတ်ပါဘူး။ CSO လို့ပြောတဲ့ လူမူ့အဖွဲ့အစည်းတွေမှာလည်း တာဝန်ရှိသလို ၊ Academic လို့ပြောတဲ့ ပညာရှင်တွေမှာလည်း တာဝန်ရှိပါတယ်၊ မီဒီယာမှာလည်း တာဝန်ရှိပါတယ်။ ကျနော်တို့ ပြည်သူပဲဖြစ်ဖြစ် အစိုး၇ပဲဖြစ်ဖြစ် နိုင်ငံခြားတိုင်းပြည်အစိုး၇နဲ့ ပြည်သူနဲ့ ဆက်ဆံတဲ့အချိန်မှာ တခြားနိုင်ငံက ကိုယ့်တိုင်းပြည်ပြည်သူအတွက် ဘယ်လောက်အထိလုပ်ပေးနိုင်မလဲဆိုတာကို ဆုံးဖြတ်တဲ့အချိန်မှာ ဒီမိုကရေစီ ယဉ်ကျေးမူနဲ့ သုံးသပ်ဆုံးဖြတ်နိုင်ဖို့ လိုပါတယ်။ ဒီမိုကရေစီ ယဉ်ကျေးမူဆိုတာ တာဝန်သိမူရယ် ၊ အခွင့်အရေးသိမှုရယ်၊ အခန်းကဏ္ဍ ခွဲခြားပိုင်းဝေမှုပါ။ တချို့နိုင်ငံတွေ၊ တချို့အစိုးရတွေ၊ တချို့စီးပွားရေး အဖွဲ့အစည်းတွေက အခွင့်အရေးသိမှုနဲ့ပဲ လာတာပါ။ အဲဒီအချိန်မှာ တာဝန်သိမှုနဲ့ သူတို့ကို ကျနော်တို့ တိုင်းတာပြီးတော့ သူတို့ ကဏ္ဍ ကို ကျနော်တို့က သတ်မှတ်ပေးဖို့လိုပါတယ်။”

ဒါကတော့ ပါမောက္ခ ဒေါက်တာကျော်စိန်ကို ဒေါ်ခင်မျိုးသက်က ဆက်သွယ်မေးမြန်းခဲ့တာဖြစ်ပါတယ်။
VOA Burmese News



အမျိုးသားဒီမိုကရေစီအဖွဲ့ချုပ် ဗဟိုသုတေသနဌာန ဒုတိယတာဝန်ခံ ကိုမျိုးရန်နောင်သိမ်း ကို လှိုင်မြို့နယ်တရားရုံးမှာ နိုဝင်ဘာလ ၄ ရက်နေ့က ရုံးထုတ်ခဲ့စဉ်။ Photo: Htet Arkar/RFA
ဆက်သွယ်ရေးဥပဒေပုဒ်မ ၆၆(ဃ) နဲ့ မနေ့က ဖမ်းဆီးခံလိုက်ရတဲ့ အမျိုးသားဒီမိုကရေစီအဖွဲ့ချုပ် ဗဟိုသုတေသန ဌာန ဒုတိယတာဝန်ခံ ကိုမျိုးရန်နောင်သိမ်းကို ဒီကနေ့ လှိုင်မြို့နယ်တရားရုံးမှာ ရုံးထုတ်ခဲ့ပါတယ်။

တပ်မတော်ကာကွယ်ရေးဦးစီးချုပ်ကို စော်ကားတဲ့ စာသားတွေကို ဖေ့စ်ဘွတ်မှာ တင်ခဲ့တယ်ဆိုပြီး ကိုမျိုးရန်နောင် သိမ်းကို ရန်ကုန်တိုင်းစစ်ဌာနချုပ်က ဒုတိယဗိုလ်မှူးကြီး လင်းထွန်းက တရားလိုလုပ်ပြီး ဆက်သွယ်ရေးဥပဒေ ပုဒ်မ ၆၆(ဃ)နဲ့ တိုင်ကြားခဲ့တာဖြစ်ပါတယ်။

ပုဒ်မ ၆၆(ဃ) နဲ့ ဖမ်းဆီးခံရတာဟာ နိုင်ငံသားတစ်ယောက်ရဲ့ လွတ်လပ်စွာ ပြောဆိုခွင့်ကို ချိုးဖောက်ခံရ တာဖြစ်တယ်လို့ ကိုမျိုးရန်နောင်သိမ်းက ဒီကနေ့ တရားရုံးထုတ်အပြီးမှာ ပြောပါတယ်။

ကိုမျိုးရန်နောင်သိမ်းက လှိုင်မြို့နယ်တရားရုံးမှာ ဒီနေ့ ရမန်ယူပြီး လာမယ့် ၉ရက်နေ့မှာ ထပ်မံရုံးထုတ်မှာဖြစ် ပါတယ်။

ပုဒ်မ ၆၆(ဃ) နဲ့ ဖမ်းဆီးခံထားရသူတွေ စုပေါင်းပြီး ဆက်သွယ်ရေးဥပဒေကို ပြင်ဆင်ပေးဖို့ လှုပ်ရှားမှုတွေ ပြု လုပ်နေချိန်မှာပဲ ဆက်သွယ်ရေးဥပဒေပုဒ်မ ၆၆(ဃ) နဲ့ ဖမ်းဆီးခံရသူတွေလည်း ရှိနေပါတယ်။

BBC Burmese
http://www.rfa.org/burmese


ဒေါ်ခင်ကြည်ဖောင်ဒေးရှင်း ရန်ပုံငွေအတွက် နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် နေအိမ်အကျယ်ချုပ်ကျခဲ့ စဉ်ကာလအတွင်းက ကိုယ်တိုင်ရေးဆွဲခဲ့သည့် ပန်းချီကားကို လေလံ တင်ရောင်းချသွားမည်ဖြစ်ကြောင်း သတင်းရရှိသည်။

ဒေါ်အောင်ဆန်းစုကြည်သည် အဆို ပါပန်းချီကားကို ၂၀၀၉ ခုနှစ်တွင် အမေရိကန်နိုင်ငံသား ဂျွန်ယက် တောရေးကူး၍ ၎င်း၏နေအိမ်သို့ဝင်ရောက်ခဲ့သည့် ဖြစ်စဉ်အပြီး၌ ရေစပ်တွင်ရဲကင်းချ၍ လေးဘက် လေးတန်သံဆန်ခါများ ကာရံခံထားရသည့် မြင်ကွင်းကို ကြည့်ကာရေးဆွဲခဲ့ခြင်းဖြစ်ကြောင်း ပန်းချီကားလေလံဆွဲမှုအတွက် ကူညီဆောင်ရွက်ပေးနေသူ ကိုမောင်မောင်အေးက ပြောသည်။

''ဒေါ်အောင်ဆန်းစုကြည် ဂျပန်မသွားခင် ညကတည်းက သူကိုယ်တိုင် ဒေါ်ခင်ကြည်ဖောင်ဒေးရှင်းက လူကြီးတွေကို ဒီပန်းချီကားကို ပေးခဲ့တယ်။ ပန်းချီကားကို လေလံတင်လို့ရသမျှ ငွေကြေးတွေကို ဖောင်ဒေးရှင်းအတွက် သုံးဖို့ပြောခဲ့ပါတယ်။ ကြမ်းခင်းဈေးအမေရိကန်ဒေါ်လာငါးထောင်သတ်မှတ်ခဲ့ပေမယ့် အခုဒေါ်လာတသိန်းခွဲအထိပေးတဲ့လူရှိနေပါပြီ''ဟု ကိုမောင်မောင်အေးက နိုဝင်ဘာ ၂ ရက် ညနေပိုင်းတွင် News Watch သို့ ပြောသည်။

လက်ရှိအချိန်တွင် ပန်းချီကားလေလံဆွဲမှုကို နိုဝင်ဘာ ၁ ရက်မှစ၍ ကိုမောင်မောင်အေး၏ ဖေ့ဘွတ်စာမျက်နှာဖြစ်သော Mg Mg Aye တွင် ၀င်ရောက်၍ လေလံဆွဲနေကြပြီး နိုဝင်ဘာ ၂၅ ရက်တွင် ရန်ကုန်မြို့ဆီဒိုးနားဟိုတယ်၌ ကျင်းပမည့် လေလံပွဲ၌ အမြင့်ဆုံးလေလံဈေးပေးနိုင်မည့်သူကို NLD နာယကဦးတင်ဦးကိုယ်တိုင်ပန်းချီကားကို ပေးအပ်မည်ဟု သိရှိရသည်။

''နိုဝင်ဘာ ၂၄ ရက် ည ၁၂ နာရီ ထိ ဖေ့ဘွတ်ကနေလေလံဆွဲတာတွေကို လက်ခံသွားမယ်။ ဖေ့ဘွတ်ကနေ အမြင့် ဆုံးပေးထားတဲ့ဈေးကို ၂၅ ရက်နေ့လုပ်မယ့်ပွဲမှာ ကြမ်းခင်းဈေးအဖြစ်သတ်မှတ်ပြီး အမြင့်ဆုံးဈေးထပ်ပေးနိုင်တဲ့သူက ပန်းချီကားကို ရရှိမှာဖြစ်တယ်။ အဲဒီလေလံပွဲမှာဝင်ခွင့်လက်မှတ်တစောင်ကို အမေရိကန်ဒေါ်လာ ၁၀၀ သတ်မှတ်ပြီး ရောင်းချပေးသွားမှာဖြစ်ပါတယ်။ လက်မှတ်ရောင်းရငွေကိုလည်း ဒေါ်ခင်ကြည် ဖောင်ဒေးရှင်း ရန်ပုံငွေအဖြစ် သတ်မှတ်သွားမှာဖြစ်ပါတယ်''ဟု ကိုမောင်မောင်အေးက ဆက် လက်ပြောကြားသည်။

၂၀၁၂ ဒီဇင်ဘာလတွင် ကျင်းပခဲ့သည့် NLD ပညာရေးကွန်ရက် ၂ နှစ်ပြည့် ဂီတပွဲတော်တွင် ဒေါ်အောင်ဆန်းစုကြည် ကိုယ်တိုင်ထိုးထားသည့် ဆွယ်တာအကျီင်္ကို လေလံတင်ခဲ့ရာ ရွှေသံလွင်ကုမ္ပဏီ လက်အောက်ရှိ ရွှေ FM က ကျပ် ၄၁၅ သိန်းဖြင့် လေလံအောင်မြင်ခဲ့သည်။

(နှင်းမောင်ဦး)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal


စီမံကိန်းနေရာတွင်ပါဝင်သည့် ရပ်ကွက်တစ်ခု (ဓာတ်ပုံ - ငယ်ထွေး)
ရန်ကုန်၊ နိုဝင်ဘာ ၄။

ရန်ကုန်အနောက်တောင်မြို့သစ်စီမံကိန်းကို နှစ်အလိုက် အဆင့်ဆင့် ပြန်လည် အကောင်ထည်ဖော်မည်ဖြစ်ကြောင်း ရန်ကုန်မြို့တော်ဝန်ဦးမောင်မာင်စိုးက နိုဝင်ဘာ ၄ရက်တွင်ပြုလုပ်သော ဒုတိယအကြိမ် ရန်ကုန်တိုင်းဒေသကြီးလွှတ်တော် တတိယပုံမှန်အစည်းအဝေး ၁၄ရက်မြောက်နေ့တွင် ပြောကြားသည်။

ရန်ကုန်တိုင်းဒေသကြီး၊ ကြည့်မြင်တိုင်မြို့နယ် တစ်ဖက်ကမ်းရှိ တွံတေး၊ ကြည့်မြင်တိုင်၊ဆိပ်ကြီးခနောင်တိုမြို့နယ်(၃)ခုတို့တွင် ရန်ကုန်မြို့သစ်စီမံကိန်းအား အစိုးရအဖွဲ့မှ မည်ကဲ့သို့ အကောင်အထည်ဖော်လုပ်ဆောင်မည်ကို သိရှိလိုကြောင်း တွံတေးမြို့နယ်၊ မဲဆန္ဒနယ်အမှတ်(၁) တိုင်းဒေသကြီးလွှတ်တော်ကိုယ်စားလှယ် ဒေါက်တာကျော်ဇင်ဦးက လွှတ်တော်၌ မေးခွန်းမေးမြန်းရာ မြို့တော်ဝန်ကအထက်ပါအတိုင်း ပြောကြားခဲ့ခြင်းဖြစ်သည်။

လွှတ်တော်ကိုယ်စားလှယ်၏ တင်ပြမှုတွင် ရန်ကုန်မြို့သစ်စီမံကိန်း ပြုလုပ်ရန်အတွက် ယခင်အစိုးရလက်ထက် ပထမအကြိမ်လွှတ်တော်တွင် အဆိုတင်သွင်းပြီး လွှတ်တော်အတွင်း မဲခွဲဆုံးဖြတ်မှုဖြင့် စီမံကိန်းဖော်ဆောင်ရန် သဘောတူညီမှု ရရှိခဲ့သောကြောင့် လုပ်ဆောင်မည့် ကုမ္ပဏီများကိုပင် တင်ဒါခေါ်ယူခဲ့ပြီးဖြစ်သောကြောင့် လက်ရှိအစိုးလက်ထက်တွင် ဆက်လက်အကောင်ထည်ဖော်ရန် ရှိမရှိကို ဒေသခံ ပြည်သူများမှ သိရှိလိုသောကြောင့် မေးမြန်းခြင်းဖြစ်ကြောင်း လွှတ်တော်အတွင်း ပြောကြားသည်။

''အခုမေးခွန်းဟာ ရန်ကုန်မြို့မှာရှိတဲ့ ပြည်သူတွေအတွက် အလွန်အရေးပါတဲ့ မေးခွန်းပါ။ ရန်ကုန်မြို့ဟာ နှစ်စဉ်လူဦးရေတိုးတတ်မှုကြောင့် မြို့တိုးချဲ့မှု မဖြစ်မနေ လုပ်ဆောင်ရမှာပါ။ ဒါကြောင့် ရန်ကုန်အနောက်တောင်မြို့သစ်စီမံကိန်းကို လုပ်ဆောင်မှာပါ။ ရန်ကုန်တိုင်းဒေသကြီး ဝန်ကြီးချုပ်ရဲ့ လမ်းညွှန်ချက်နဲ့ master plan ရေးဆွဲနေပါတယ်။အခုမြို့သစ်စီမံကိန်းကို နှစ်အလိုက်တစ်ဆင့်ခြင်း လုပ်ဆောင်သွားမှာပါ"ဟု
ရန်ကုန်မြို့တော်ဝန်က ပြန်လည်ဖြေကြားသည်။

စီမံကိန်း ပြန်လည် ဖော်ဆောင်ပါကလယခင် အစိုးရလက်ထက်က တင်ဒါအောင်မြင်ခဲ့သော အနောက်တောင်ဒေသ ဖွံဖြိုးရေး အများနှင့် သက်ဆိုင်သော ကုမ္ပဏီ၊ Bussiness Capital City development ကုမ္ပဏီ၊
ရွှေပုပ္ပါး အင်တာနေရှင်နယ်ဆောက်လုပ်ရေး ကုမ္ပဏီတို့ သာမက အခြား ကုမ္ပဏီများကိုလည်း ခေါ်ယူမည်ဖြစ်ပြီး တိုင်းအစိုးရအဖွဲ့၏ သတ်မှတ်စည်းကမ်းများကို လိုက်နာမည့် ကုမ္ပဏီများဖြင့်သာ အကောင်ထည်ဖေါ် ဆောင်ရွက်သွားမည်ဖြစ်ကြောင်းနှင့် ပြည်သူများ၏ လူနေမှုဘဝ မြင့်မားရေးကိုသာ အဓိကထား ဆောင်ရွက်မည်ဖြစ်ကြောင်း သိရသည်။

အဆိုပါစီမံကိန်းပြုလုပ်မည့် နေရာသည် ရန်ကုန်မြို့ ဆိပ်ကမ်းတောင်စွန်းပင်လယ်ဝတွင် ပြုလုပ်မည့် ရေနက် ဆိပ်ကမ်းစီမံကိန်းနှင့် ဧရာဝတီတိုင်းဒေသကြီး ငရုတ်ကောင်းမြို့အနီးရှိ ပင်လယ်နက်ဆိပ်ကမ်းစီမံကိန်းများ
ပြုလုပ်ပါက စီးပွားရေးမဟာဗျူဟာဖြစ်သည့် နေရာများဖြစ်ကာ အလွန်ဖွံ့ဖြိုးတိုးတတ်သွားမည်ဖြစ်ကြောင်း
မြို့တော်ဝန်က ဆက်လက်ပြောကြားသည်။

ရန်ကုန်အနောက်တောင်မြို့သစ်စီမံကိန်းကို ၂၀၁၄ခုနှစ်တွင် ပြုလုပ်သော ပထမအကြိမ် ရန်ကုန်တိုင်းဒေသကြီးလွှတ်တော် အထူးအစည်းအဝေးတွင် ရန်ကုန်မြို့တော်ဝန် ဦးလှမြင့်မှ စီမံကိန်းနှင့်ပက်သက်ပြီး လွှတ်တော်အတွင်း ရှင်းလင်းမှုပြုလုပ်ခဲ့ရာတွင် ဝေဖန်မှုများစွာ ထွက်ပေါ်ခဲ့သောကြောင့် ပြန်လည် ရုပ်သိမ်းခဲ့ကာ ၂၀၁၅တွင် ပြုလုပ်သည့် ပထမအကြိမ် ရန်ကုန်တိုင်းဒေသကြီးလွှတ်တော် ဒဿမပုံမှန်အစည်းအဝေးတွင် ရန်ကုန်မြို့တော်ဝန်က မဟာရန်ကုန်မြို့ပြ မဟာဗျူဟာစီမံကိန်းအား ထပ်မံတင်သွင်းခဲ့ရာတွင် ကိုယ်စားလှယ် သုံးဦးမှ ဆွေးနွေးခဲ့ပြီး ထောက်ခံမဲ ၁၁၃နှင့် ကန်ကွက်မဲ ၂မဲတို့ဖြင့် အဆိုအောင်မြင်ခဲ့ခြင်းဖြစ်ကြောင်း သိရသည်။

ဟံသာဟိန်း
Central News Myanmar
https://www.facebook.com/CNMyanmar



နမ့်မာလုံ ရေအားလျှပ်စစ်စီမံကိန်းကို စစ်ကိုင်းတိုင်းအစိုးရနှင့် IPG ကုမ္ပဏီတို့ အောက်တိုဘာလ ၂၈ ရက်နေ့က နှစ်ဦးသဘောတူ ရပ်စဲကြောင်း စာချုပ်ချုပ်ဆိုခဲ့စဉ်။ Photo: Sagaing Regional lnformation Page
အရင်အစိုးရလက်ထက်က စစ်ကိုင်းတိုင်း၊ ဟုမ္မလင်းမြို့နယ်မှာ တည်ဆောက်ဖို့ စီစဉ်ထားတဲ့ ငွေကျပ်သန်း ၆ ထောင်ကျော် ကုန်ကျမယ့် နမ့်မာလုံ ရေအားလျှပ်စစ်စီမံကိန်းဟာ ကုန်ကျစရိတ်နဲ့ အကျိုးအမြတ်ရရှိမှု မညီမျှတာကြောင့် လက်ရှိ တိုင်းဒေသကြီးအစိုးရအဖွဲ့က စီမံကိန်းကို ဖျက်သိမ်းလိုက်ပါတယ်။

ကီလိုဝပ် ၆၀၀ ထွက်မယ်ဆိုပေမယ့် နွေရာသီဘက်မှာ လျော့နည်းနိုင်တာကြောင့် မလုံလောက်နိုင်သလို နမ့်မာလုံ သစ်တောကြိုးဝိုင်းအတွင်းမှာ တည်ဆောက်မှာဖြစ်တဲ့အတွက် သစ်တောလည်း ထိခိုက်နိုင်တာကြောင့် ဖျက်သိမ်းလိုက်တာလို့ စစ်ကိုင်းတိုင်းဒေသကြီး အစိုးရအဖွဲ့ စီမံကိန်းနဲ့ ဘဏ္ဍာရေးဝန်ကြီး ဦးစိုးဦး က ပြောပါတယ်။

"ကီလိုဝပ် ၆၀၀ စက်တပ်ဆင်အား ၆၀၀ ခန့်ဆိုပေမယ့် တပ်ဆင်အားနဲ့ ထွက်တဲ့အားနဲ့ မတူဘူးလေ၊ တပ်ဆင်သလောက်တော့ မထွက်နိုင်ဘူးလေ၊ လျော့ထွက်တာပေါ့၊ အဲတော့ ကီလိုဝပ် ၆၀၀ ဆိုတော့ ဘာမှဒီလောက်မရဘူးလေ၊ တကယ်တမ်းနွေရောက်လို့ရှိရင် တော်တော်ကိုနည်းပါးသွားပြီလေ၊ ကုန်မှာနဲ့ ရမှာနဲ့က တအားမမျှတဲ့အပြင် သစ်တောလည်း ထိခိုက်နိုင်တယ်ပေါ့၊ အဲဒါတွေကို မူတည်ပြီးတော့ တိုင်းဒေသကြီးအစိုးရအဖွဲ့က ဆုံးဖြတ်ရတာပေါ့နော်။" လို့ ပြောပါတယ်။

အဲဒီရေအားလျှပ်စစ်စီမံကိန်းကို ဒေသခံတွေနဲ့ တိုင်းလွှတ်တော်ကိုယ်စားလှယ်တွေကလည်း ကန့်ကွက်နေကြ တာဖြစ်ပါတယ်။

အဲဒီစီမံကိန်းကို အရင်စစ်ကိုင်းတိုင်းအစိုးရအဖွဲ့နဲ့ IGP ကုမ္ပဏီတို့ သဘောတူထားတာဖြစ်ပြီး စီမံကိန်းအတွက် ကုမ္ပဏီဘက်က ပထမအရစ်ထုတ်ယူထားတဲ့ ငွေကျပ်သိန်း ၆ ထောင်ကိုလည်း ပြီးခဲ့တဲ့ အောက်တိုဘာလ ၂၈ ရက်နေ့က တိုင်းအစိုးရအဖွဲ့ကို ပြန်လည်ပေးသွင်းခဲ့ပြီ ဖြစ်ပါတယ်။

စီမံကိန်းအတွက် လျာထားတဲ့ဘတ်ဂျက်ကို ပြည်သူတွေအတွက် တခြားအကျိုးရှိမယ့်နေရာတွေမှာ အသုံးပြုပေးသွား မှာဖြစ်တယ်လို့လည်း ဝန်ကြီး ဦးစိုးဦး က ပြောပါတယ်။

ဒါ့အပြင် စစ်ကိုင်းတိုင်းအတွင်းက ဆည်စီမံကိန်းအချို့ကိုလည်း ကုန်ကျစရိတ်များပြီး ပြည်သူတွေအတွက် မလိုအပ်ရင် ရပ်ဆိုင်းခိုင်းသွားမယ်လို့ ပြောပါတယ်။

RFA Burmese
http://www.rfa.org/burmese/


မြေထဲပင်လယ် အတွင်း လှေနစ်မြုပ်ခဲ့သည် ဒုက္ခသည်များအား ကယ်ဆယ်နေစဉ် (ဆင်ဟွာ)
    ဂျီနီဗာ၊ နိုဝင်ဘာ ၄ရက် (ဆင်ဟွာ)

    လစ်ဗျားနိုင်ငံ ကမ်းရိုးတန်း အလွန် မြေထဲပင်လယ်၌ နိုဝင်ဘာ ၂ရက် က ရွှေ့ပြောင်းဒုက္ခသည်များ တင်ဆောင်လာသည့် လှေနှစ်စီး နစ်မြုပ်ခဲ့၍ ဒုက္ခသည် ဦးရေ ၂၃၉ဦး ခန့်ပျောက်ဆုံးနေကြောင်း ကုလသမဂ္ဂဒုက္ခသည်များဆိုင်ရာ မဟာမင်းကြီးရုံး (UNHCR) က နိုဝင်ဘာလ ၃ရက်တွင် အတည်ပြုပြောကြားခဲ့သည်။

UNHCR ပြောရေးဆိုခွင့်ရှိသူ Leo Dobbs က လှေတစ်စီးမှ အသက်ရှင်လွတ်မြောက်လာသည့် ဒုက္ခသည်များ၏ပြောကြားချက်အရ ကလေးခြောက်ယောက်၊ ကိုယ်ဝန်ဆောင်များပါဝင်သည့် အမျိုးသမီး ၂၀ဦးနီးပါး တို့အပါအဝင် လူ၁၄၀ဦးခန့်တင်ဆောင်လာသည့် လှေသည် လစ်ဗျားမှ နံနက် ၃နာရီ ပတ်ဝန်းကျင်၌ ထွက်ခွာလာခဲ့ကြောင်း သိရကြောင်း ဆင်ဟွာသို့ပြောကြားခဲ့သည်။

၎င်းက နာရီအနည်းငယ်အကြာတွင် ဒုက္ခသည်များ လိုက်ပါလာသည့် လှေငယ် အောက်ခြေကြမ်းပြင်ပျဉ်ပြား ကျိုးပျက်ခဲ့ပြီးနောက် လစ်ဗျားကမ်းရိုးတန်း အလွန် ၂၅မိုင်နီးပါး၌ နစ်မြုပ်ခဲ့ကြောင်း ပြောကြားခဲ့သည်။

ကနဦး သတင်းရရှိချက်များအရ ကယ်ဆယ်ရေးသမားများသည် လူ၂၉ဦးအား ကယ်ဆယ်နိုင်ခဲ့ပြီး ရုပ်အလောင်း ၁၂လောင်း ဆယ်ယူနိုင်ခဲ့ကြောင်း သိရသည်။

အီတလီဆိပ်ကမ်း Lampedusa သို့ ရောက်ရှိလာသည့် ဒုတိယ သင်္ဘောမှောက်မှုမှ အသက်ရှင်ကျန်ရစ်သူများ၏ ပြောကြားချက်အရ နိုဝင်ဘာ ၃ရက် ဒေသစံတော်ချိန် ၅နာရီ ခန့်တွင် လုံခြုံမှုမရှိသည့် ယင်းလှေငယ်တိမ်းမှောက်ခဲ့မှုကြောင့် လူပေါင်း ၁၂၈ဦး သေဆုံးခဲ့ကြောင်း သိရသည်။

အပြည်ပြည်ဆိုင်ရာ ဒုက္ခသည်များ ဆိုင်ရာ အဖွဲ့အစည်း (IOM) ၏ပြောကြားချက်အရ ယခု လှေတိမ်းမှောက်မှု ကြောင့် မြေထဲပင်လယ်အတွင်း ရွှေ့ပြောင်းဒုက္ခသည်များ သေဆုံးမှု သည် စံချိန်တင်အဖြစ် ၄,၂၂၀ဦးအထိ ရှိလာကြောင်း သိရသည်။

(Xinhua)
http://www.xinhuamyanmar.com


ရန်ကုန် နိုဝင်ဘာ ၄

၎.၁၁.၂၀၁၆ ရက်နေ့၊ ၁၅း၅၅ အချိန်ခန့်တွင် ရန်ကုန်အရှေ့ပိုင်းခရိုင်၊ သင်္ဃန်းကျွန်းမြို့နယ် ဦးစံဖေရပ်ကွက် ဦးဘသစ်လမ်း၊ အမှတ်(၇၉၁)၊ ဦးမောင်မြင့်+ဒေါ်စံပယ် နေအိမ်တွင် တီဗွီပလပ်သွယ်တန်းထားရာမှ ပလပ်ခုံအပူလွန်ကဲပြီး အနီးရှိ စက္ကူများပေါ်သို့မီးပွားကျရာမှ ၁၅း၄၈ အချိန့်ခန့်က မီးစတင်လောင်ကျွမ်းခဲ့ပါသည်။


မီးလောင်မှုဖြစ်ပွားရာနေရာသို့ မြန်မာနိုင်ငံမီးသတ်တပ်ဖွဲ့မှ မီးသတ်ယာဉ်(၂၁)စီး၊ အုပ်ချုပ်မှုယာဉ်(၂)စီး၊ သန္ဓေမီးသတ်တပ်ဖွဲ့ဝင်(၁၃၁)ဦး၊ အရန်မီးသတ်တပ်ဖွဲ့ဝင်(၄၉)ဦးတို့ဖြင မီးငြိမ်းသတ်ခဲ့ပြီး (၁၆း၀၈)အချိန်ခန့်တွင် မီးငြိမ်းသတ်နိုင်ခဲ့ပါသည်။ ဖြစ်စဉ်တွင် နေအိမ်(၂)လုံးမီးလောင်ပျက်စီးဆုံးရှုံးခဲ့ပြီး အဆင့်(၂) အဖြစ်သတ်မှတ်ကြောင်း သတင်းရရှိသည်။

မြို့နယ် ပြန်/ဆက်
MOI Webportal Myanmar
https://www.facebook.com/MOIWebportalMyanmar/



ပဲခူးတိုင်းဝန်ကြီးချုပ်နဲ့ တိုင်းအစိုးရအဖွဲ့ဝန်ကြီး နှစ်ဦး ရာထူးကနေ နှုတ်ထွက်ပေးဖို့ ပဲခူးတိုင်းဒေသကြီး၊ သာယာဝတီမြို့မှာ နိုဝင်ဘာလ ၄ ရက်နေ့က ဆန္ဒပြတောင်းဆိုစဉ်။ Photo: Tun Win
ပဲခူးတိုင်းဝန်ကြီးချုပ် ဦးဝင်းသိန်းနဲ့ တိုင်းအစိုးရအဖွဲ့ဝန်ကြီး နှစ်ဦး ရာထူးကနေ နှုတ်ထွက်ပေးဖို့အတွက် ပဲခူးတိုင်းဒေသကြီး၊ သာယာဝတီမြို့မှာ ဒေသခံ ၆၀ လောက်က ဒီကနေ့ ဆန္ဒပြတောင်းဆိုကြပါတယ်။

ပဲခူးတိုင်းဝန်ကြီးချုပ်နဲ့ တိုင်းဝန်ကြီးတွေ ဆောင်ရွက်ပေးရမယ့် တာဝန်တွေ ပျက်ကွက်တဲ့အတွက် နှုတ်ထွက်ပေးဖို့ ဆန္ဒပြတောင်းဆိုတာဖြစ်တယ်လို့ ဆန္ဒပြပွဲကို ဦးဆောင်သူ  ဦးထွန်းဝင်းက ပြောပါတယ်။

"နံပါတ် တစ်အချက် အဓိက နစ်နာမှုရှိတာကတော့ အလုပ်မလုပ်တဲ့အတွက် မြို့ရွာစည်ပင် မသာယာဘူး။ ရေနစ်တယ်။ နံပါတ် နှစ်အချက် ဈေးသည်လေးတွေ ဒုက္ခရောက်တယ်။ နံပါတ်သုံး အချက်ကတော့ ပဲခူးရိုးမကတော့ တောတွေက ပြုန်းတီးနေပြီ။ ဆင်တွေလည်း အသတ်ခံရတယ်။ အဲတော့ ဒီဝန်ကြီးမျိုးကတော့ မရှိတာပဲ ကောင်းတဲ့သဘောရှိတယ်။" လို့ ပြောပါတယ်။

ပဲခူးတိုင်းအစိုးရအဖွဲ့ သစ်တောရေးရာဝန်ကြီး ဦးကျော်မင်းစံက ဆန္ဒပြသူတွေ စွပ်စွဲသလို ဝန်ကြီးတွေအနေနဲ့ တာဝန်ပျက်ကွက်တာတွေမရှိဘဲ ကြိုးစားလုပ်ဆောင်နေတဲ့အကြောင်း အခုလို ပြောပါတယ်။

"အလုပ်မလုပ်ဘူးဆိုတာကတော့ မဟုတ်ဘူးဗျ။ ကျွန်တော်တို့က နေ့တိုင်းကို လုပ်နေတာ။ ပြောရ ရင်တော့ ပိတ်ရက်တွေပါ အများသောအားဖြင့် ကျွန်တော်တို့က သွားပြီးလုပ်နေတာပါ။ ဆိုလိုတာက သစ်တောတွေ ပြုန်းတီးတယ်ဆိုတဲ့ စွပ်စွဲချက်မျိုးဆိုရင် ကျွန်တော်တို့မှာ တိကျခိုင်မာတဲ့ အချက် အလက်တွေရှိတယ်နော်။ အလုပ်မလုပ်ဘူးဆိုတာတော့ လုံးဝမဟုတ်ဘူးဗျ။ ကျွန်တော်တို့က နေ့တိုင်းကို အလုပ်လုပ်နေတာ။ အစိုးရအဖွဲ့လည်း ဒီအတိုင်းပဲ။ ၀န်ကြီးချုပ်ဆိုလည်း နားတောင်မနားဘူး။ သူတောက်လျှောက်သွားပြီးလုပ်နေတာ" လို့ ပြောပါတယ်။

ဒါ့အပြင် ဆန္ဒပြတာဟာ ပြည်သူတွေရဲ့ အခွင့်အရေးဖြစ်တဲ့အတွက် ဆန္ဒထုတ်ဖော်ပြီးထောက်ပြသလို အစိုးရအဖွဲ့ရဲ့ တိုင်းပြည်ဖွံ့ဖြိုးရေး လုပ်ငန်းစဉ်တွေမှာ ပြည်သူတွေအနေနဲ့ ပူးပေါင်းပါဝင်ဖို့လိုတယ်လို့လည်း ၀န်ကြီး ဦးကျော်မင်းစံက ပြောပါတယ်။

ဆန္ဒပြသူတွေဟာ ပဲခူးတိုင်းဒေသကြီး ၀န်ကြီးချုပ် ဦးဝင်းသိန်းနဲ့ စည်ပင်သာယာရေးဝန်ကြီး ဦးမောင်မောင်လွင်၊ သစ်တောရေးရာဝန်ကြီး ဦးကျော်မင်းစံတို့ကို နှုတ်ထွက်ပေးဖို့ တောင်းဆိုကြတာဖြစ်ပါတယ်။

ဆန္ဒပြသူတွေအနေနဲ့ ဒီတစ်ကြိမ် ဆန္ဒပြတောင်းဆိုမှု မအောင်မြင်ရင် ပဲခူးမြို့ပေါ်နဲ့ နေပြည်တော်တို့အထိ ဆန္ဒပြတောင်းဆိုသွားမယ်လို့ ပြောပါတယ်။

ဆန္ဒပြသူတွေထဲမှာ သာယာဝတီမြို့ခံ လယ်သမားတွေနဲ့ ဈေးသည်တွေ အများစု ပါဝင်ကြပါတယ်။

RFA Burmese
http://www.rfa.org/burmese


နိရဉ္စရာ၊ နိုဝင်ဘာ ၄

မောင်တောမြို့နယ် အမှတ်(၁) နယ်ခြားစောင့်ရဲတပ်ဖွဲ့ ကွပ်ကဲရေးဌာနချုပ် ကွပ်ကဲရေးမှူး ရဲမှူးချုပ်ဟောင်း မောင်မောင်ခိုင်အား စစ်ဆေးမေးမြန်း အရေးယူရန် အကျယ်ချုပ် ချထားလိုက်ပြီဟု သတင်းရရှိသည်။

မောင်တောမြို့နယ်မှ နယ်ခြားစောင့် စခန်း သုံးခု တိုက်ခိုက်ခံရပြီးနောက် လုံခြုံရေးဆိုင်ရာ သုတေသန စစ်တမ်း ပြုလုပ် ခဲ့ပြီးနောက် ယခုလို အရေးယူရန် အကျယ်ချုပ်ချထားလိုက်ခြင်း ဖြစ်သည်ဟု နိုင်ငံတော် သမ္မတရုံး အကြီးတန်း အရာရှိကြီး တစ်ဦးက ပြောကြောင်း ဘီဘီစီ (မြန်မာပိုင်း)က နိုဝင်ဘာ ၃ ရက်နေ့ ညနေပိုင်းက သတင်း ကြေညာသည်။

ရဲမှူးချုပ်ဟောင်း မောင်မောင်ခိုင်သည် အောက်တိုဘာ ၉ ရက်နေ့ နယ်ခြားစောင့် စခန်းများ တိုက်ခိုက်ခံရချိန်က မင်းပြားမြို့နယ်သို့ ရောက်ရှိနေကြောင်း သိရသည်။

ယခုအခါ ၎င်း၏ နေရာတွင် အမှတ်(၁) နယ်ခြားစောင့်ရဲတပ်ဖွဲ့ ကွပ်ကဲရေးဌာနချုပ် ကွပ်ကဲရေးမှူး အဖြစ် ရဲမှူးချုပ် သူရစန်းလွှင်ကို အစားထိုး ခန့်အပ်ထားလိုက်ပြီ ဖြစ်သည်။

နိရဉ္စရာ
http://www.narinjara.com/burmese



ပါကစ္စတန်က စွပ်စွဲသလို သူတို့ဖက်က သူလျှိုလုပ်မှု မရှိဘူးလို့ အိန္ဒိယ ငြင်းဆို
ပါကစ္စတန်က အိန္ဒိယ သူလျှို ကွန်ယက် အစ္စလာမ်မာဘတ် မှာ လှုပ်ရှားနေတာကို ဖော်ထုတ်လိုက်ပြီ လို့ ပါကစ္စတန် အာဏာပိုင်တွေ ဖက်က သတင်းတွေ ထုတ်ပေးလိုက်ပါတယ်။

အိန္ဒိယ အစိုးရ အရာရှိ ၈ ယောက်ကို ဓာတ်ပုံတွေနဲ့တကွ သတင်းမီဒီယာတွေ ကို ပေးလိုက်တာ ဖြစ်ပါတယ်။

အိန္ဒိယ ဘက်ကလည်း ပြီးခဲ့တဲ့သတင်းပတ်အတွင်းက ပါကစ္စတန် သံတမန်တယောက်ဖြစ်တဲ့ မာမွတ်အက်ခတာ ကို ဒေလီမှာ စပိုင်လို့စွပ်စွဲကာ ခဏ ဖမ်းထိန်းသိမ်းပြီး စစ်ဆေးခဲ့ကာ နောက်မကြာခင်ပဲ သူ့ကို အိန္ဒိယ က ပြည်နှင်ဒဏ် ပေးလိုက်ပါတယ်။

နောက်ရက်ပိုင်း အကြာမှာတော့ အိန္ဒိယ အစိုးရဘက်က မစ္စတာ အက်ခတာ က ပြောကြားထားတဲ့ တိတ်ခွေကို မီဒီယာ ကို ပြခဲ့ပြီးတော့ အဲဒီထဲမှာ သူဝန်ခံထားတဲ့ နောက်ထပ် ပါကစ္စတန် အရာရှိ ၄ယောက် ရှိသေးတဲ့အကြောင်း ဖွင့်ချခဲ့ပါတယ်။

အဲဒီနောက်မှာတော့ အဲလို စွပ်စွဲခံထိတဲ့ အဆင့်မြင့် ကော်မရှင် ရုံးက အရာရှိ ၄ ယောက် အပါအ၀င် စုစုပေါင်း အရာရှိ ၆ ယောက်ကို နိုင်ငံကို ပြန်လာဖို့ ပါကစ္စတန် က ညွှန်ကြားခဲ့ပါတယ်။

အဲဒီဖြစ်ရပ်တွေ နောက်ပိုင်း အခု အိန္ဒိယ စပိုင်တွေ ဖော်ထုတ်လိုက်ပြီဆိုတဲ့ ပါကစ္စတန် ဘက်က သတင်း ထွက်လာတာ ဖြစ်ပါတယ်။

အိန္ဒိယ နိုင်ငံခြားရေး ၀န်ကြီးဌာန ကတော့ အဲဒီ ပါကစ္စတန် က စွပ်စွဲထားတဲ့သူတို့လူတွေ ဟာ ၂ နိုင်ငံကြား စီးပွားရေး ကိစ္စတွေ ဆက်သွယ်ဆောင်ရွက်ဖို့အတွက် ရောက်နေတဲ့သူ တွေသာ ဖြစ်ပြီး အဲဒီ စပိုင်ဆိုတဲ့ စွပ်စွဲချက်တွေဟာ အခြေအမြစ်မရှိဘူးလို့ ငြင်းပါတယ်။

တကယ်တော့ စက်တင်ဘာလ တုန်းက ကက်ရ်ှမီးယား စစ်သွေးကြွတွေ အိန္ဒိယ စစ်သား ၁၉ ယောက်ကို တိုက်ခိုက်သတ်ဖြတ်ခဲ့ကြတဲ့ အိန္ဒိယနဲ့ ပါကစ္စတန်အကြား တင်းမာမှုတွေ က အရှိန်ပြန်တက်လာတာ ဖြစ်ပါတယ်။

အိန္ဒိယ ဘက်က ဒါဟာ ပါကစ္စတန် ရဲ့ လက်ချက် ဖြစ်ပါတယ်လို့ စွပ်စွဲသလို ပါကစ္စတန် က သူတို့ နဲ့ဘာမှ မပတ်သက်ဘူးလို့ ဆိုပါတယ်။

ကက်ရ်ှမီးယားအရေးနဲ့ပတ်သက်ပြီး ၂၀၀၃ ခုနှစ်ကတည်း က လုပ်ထားတဲ့အပစ်အခတ် ရပ်စဲရေး ကို သူက စဖောက်တယ် ငါက စဖောက်တယ် ဆိုတာကို ငြင်းခုံနေတာတွေ က အခု သီတင်းပတ် တွေအတွင်း စဖြစ်လာပြီးတဲ့နောက် နောက်ဆုံးဖြစ်လာတဲ့ ၂ နိုင်ငံကြားတင်းမာမှုတွေထဲက တခု ဖြစ်ပါတယ်။

အခု ပါကစ္စတန် က သူလျှိုလို့စွပ်စွဲထားတဲ့ အရာရှိ ၈ယောက်ကို အိန္ဒိယ က သူ့ဘာသူ နိုင်ငံကို ပြန်ခေါ်မလား၊ ဒါမှမဟုတ် ပါကစ္စတန် က နှင်ထုတ် တဲ့ အထိ အိန္ဒိယ ကစောင့်မှာလား ဆိုတာ ကို အများက စိတ်ဝင်တစား ရှိနေပါတယ်။

BBC Burmese
http://www.bbc.com/burmese


ရန်ကုန် နိုဝင်ဘာ ၃

အိမ်အကူအမျိုးသမီး နှစ်ဦးအား ညှဉ်းပန်းနှိပ်စက်ခဲ့မှုဖြင့် အင်းဝအပ်ချုပ် ဆိုင်မိသားစုအား စွဲဆိုထားသောအမှု နှင့်ပတ်သက်၍ ယနေ့နံနက်ပိုင်းတွင် ရန်ကုန်အနောက်ပိုင်းခရိုင် တရားရုံး၌ ရာဇဝတ်မှုကြီး အမှုအမှတ် ၁၁ဝ/၂ဝ၁၆ ဖြင့် ဒုတိယရဲမှူး မျိုးသိန်းက တရားလို ပြုလုပ်ကာ ဒေါ်တင်သူဇာပါ ခြောက်ဦး အမှုအတွက် တရားလိုပြသက်သေတစ်ဦး အား ဆက်လက်စစ်ဆေးခဲ့သည်။

ယင်းကဲ့သို့ တရားလိုပြသက်သေ အား စစ်ဆေးခဲ့ရာတွင် ၂ဝဝ၆ ခုနှစ်မှ ယနေ့အထိတိုင် အုပ်ချုပ်ရေးမှူး တာဝန် ထမ်းဆောင်ခဲ့သူ ကျောက်တံတားမြို့နယ် အမှတ် (၉)ရပ်ကွက် အုပ်ချုပ်ရေးမှူး ဦးလွင်ဦးအား စစ်ဆေးခဲ့ခြင်းဖြစ်သည်။

အဆိုပါအမှုနှင့်ပတ်သက်၍ အုပ်ချုပ် ရေးမှူးက ၂ဝ၁၄ ခုနှစ် စက်တင် ဘာလက အင်းဝအပ်ချုပ်ဆိုင်၌ အလုပ် လုပ်နေသော မစမ်းကေခိုင်၊ မသဇင် တို့၏ မိဘများက လစာအပြည့်အဝ မရမှု၊ ကလေးများနှင့် မိဘများအား တွေ့ခွင့် မပေးမှုတို့အပေါ် တိုင်တန်းမှုကြောင့် အင်းဝအပ်ချုပ်ဆိုင်မိသားစုအား နှစ်ကြိမ် တိုင် နှုတ်ဖြင့်ခေါ်ယူခဲ့သော်လည်း လာရောက်ဖြေရှင်းမှုမရှိကြောင်း၊ ၁၈-၉-၂ဝ၁၄ ရက်တွင် အုပ်ချုပ်ရေးမှူးက စာထုတ်၍ ခေါ်ယူခဲ့သဖြင့် ဒေါ်တင်သူဇာ၊ သီရိလတ်၊ စုမွန်လတ်တို့ လာရောက် ဖြေရှင်းခဲ့သော်လည်း ဒေါ်တင်သူဇာက အုပ်ချုပ်ရေးမှူးအား 'အကြောင်းသိစေ ရမယ်'ဟု ခြိမ်းခြောက်ပြောဆိုခဲ့ ကြောင်း၊ ¤င်းတို့သည် ရပ်ကွက်အတွင်း ဧည့်စာရင်းဖြင့် နေထိုင်ကြသူများဖြစ် ကြောင်း၊ ဧည့်စာရင်းလာရောက် စစ်ဆေးသည့်အခါတိုင်း မိသားစုလိုက် ကားဖြင့် ထွက်ခွာသွားလေ့ရှိကြောင်း စသည်ဖြင့် တရားခွင်၌ ထွက်ဆို ပြောကြားသည်။

ရန်ကုန်တိုင်းဒေသကြီး ကော့မှူး မြို့နယ်မှ မစမ်းကေခိုင်နှင့် မသဇင်တို့ သည် လွန်ခဲ့သောငါးနှစ်က အင်းဝ အပ်ချုပ်ဆိုင်၌ အိမ်အကူများအဖြစ် လုပ်ကိုင်ကြစဉ် ညှဉ်းပန်းနှိပ်စက်ခံရ သဖြင့် ဒုတိယရဲမှူး မျိုးသိန်းက တရားလို ပြုလုပ်ကာ အနောက်ပိုင်းခရိုင် တရားရုံး ၌ ဒေါ်တင်သူဇာ၊ ဦးကိုလတ်၊ သီရိလတ်၊ စုမွန်လတ်၊ တင်မင်းလတ်နှင့် ရာဇာထွန်း တို့အား အမှုစစ်ဆေးလျက်ရှိရာ ဦးစွာ ပထမလိုပြသက်သေများကို စစ်ဆေးနေ ခြင်းဖြစ်သည်။

စက်တင်ဘာလမှ စတင်ကာ အနောက်ပိုင်းခရိုင် တရားရုံး၌ တရားလို ဒုတိယရဲမှူး မျိုးသိန်းအပါအဝင် တရားလို ပြသက်သေများအား စစ်ဆေးလျက်ရှိရာ ယခုသီတင်းပတ်တွင် လေးဦးမြောက် တရားလိုပြသက်သေအဖြစ် ကျောက် တံတားမြို့နယ် အမှတ် (၉) ရပ်ကွက် အုပ်ချုပ်ရေးမှူးအား စစ်ဆေးခဲ့ခြင်းဖြစ် ပြီး လိုပြသက်သေ ၁၅ ဦးအထိ စစ်ဆေး သွားမည်ဖြစ်ကြောင်း သိရသည်။

သတင်း-မြင့်မောင်စိုး
ဓာတ်ပုံ-အေကေလင်း
Myanmaalinn
https://www.facebook.com/MYANMAALINNNEWS/



အိမ်အကူ မိန်းကလေးငယ် နှစ်ဦးကို ညှဉ်းပမ်းနှိပ်စက်မှုနဲ့ တရားစွဲဆိုခံထားရတဲ့ အင်းဝအပ်ချုပ်ဆိုင် မိသားစုဝင်တွေကို ကျောက်တံတားမြို့နယ် ရဲစခန်းက ပြစ်မှုဆိုင်ရာ ပုဒ်မတွေနဲ့ တရားစွဲဆိုထားတဲ့အတွက် ကျောက်တံတားမြို့နယ် တရားရုံးမှာ အမှုရင်ဆိုင်ဖို့ အင်းဝအပ်ချုပ်ဆိုင် မိသားစုဝင်တွေကို ရုံးထုတ်လာစဉ်။ ဘီဘီစီမြန်မာပိုင်း ။  ။ ဓာတ်ပုံ- ရွှေအင်းသားခင်မောင်ဝင်း
အိမ်အကူ မိန်းကလေးငယ်(၂)ဦးကို ညှင်းပန်းနှိပ်စက်မှုနဲ့ တရားစွဲဆိုခံထားရတဲ့ အင်းဝအပ်ချုပ်ဆိုင်ပိုင်ရှင်ဖြစ်သူ ဒေါ်တင်သူဇာက လွန်ခဲ့တဲ့(၂)နှစ်က အိမ်အကူ မိန်းကလေးငယ်တွေရဲ့ အုပ်ထိန်းသူတွေနဲ့ ကျောက်တံတားမြို့နယ် အမှတ်(၉)ရပ်ကွက် အုပ်ချုပ်ရေးမှူးရုံးမှာ ပြဿနာဖြေရှင်းခဲ့စဉ်က အမှတ်(၉)ရပ်ကွက် အုပ်ချုပ်ရေးမှူးကိုခြိမ်းခြောက်တဲ့ စကားပြောဆိုခဲ့တယ်လို့ တရားလိုပြ သက်သေအမှတ် (၉)ရပ်ကွက်အုပ်ချုပ်ရေးမှူး ဦးလွင်ဦးက သက်သေထွက်ဆိုခဲ့ပါတယ်။

အင်းဝအပ်ချုပ်ဆိုင်မှ ဒေါ်တင်သူဇာပါ (၆)ဦးကို နိုဝင်ဘာ(၃)ရက်က အနောက်ပိုင်းခရိုင်တရားရုံးမှာ ရုံးထုတ်ခဲ့တာဖြစ်ပြီး (၄)ဦးမြောက် တရားလိုပြသက်သေအဖြစ် အမှတ်(၉)ရပ်ကွက်အုပ်ချုပ်ရေးမှူး ဦးလွင်ဦးကို စစ်ဆေးခဲ့တာဖြစ်ပါတယ်။

ဦးလွင်ဦးကိုစစ်ဆေးရာမှာ(၂၀၁၄)ခုနှစ်၊ စက်တင်ဘာလ (၁၈)ရက်နဲ့ (၂၂)ရက်က အိမ်အကူမိန်းကလေးတွေရဲ့ အုပ်ထိန်းသူတွေနဲ့ ရပ်ကွက်အုပ်ချုပ်ရေးမှူးရုံးမှာ ပြဿနာဖြေရှင်းခဲ့စဉ်က မိန်းကလေးတွေကို အုပ်ထိန်းသူတွေနဲ့ ပြန်လည်ထည့်ပေးလိုက်ဖို့ ပြောဆိုခဲ့တဲ့အတွက် ဒေါ်တင်သူဇာက အကြောင်းသိစေရမယ်လို့ ခြိမ်းခြောက်တဲ့ စကားပြောဆိုခဲ့တယ်လို့ ဦးလွင်ဦးက ထွက်ဆိုခဲ့ပါတယ်။

ဒေါ်တင်သူဇာတို့မိသားစုဟာ ဧည့်စာရင်းနဲ့နေထိုင်သူတွေဖြစ်ပြီး မိသားစုအချင်းချင်းရန်ဖြစ်တဲ့အတွက် ဘေးပတ်ဝန်းကျင်က တိုင်ကြားမှုအချို့ရှိခဲ့အတွက် သွားရောက်စစ်ဆေးရာမှာလည်း အိမ်တံခါး ပိတ်ထားတာမျိုးတွေ၊ အပြင်ထွက်သွားတာမျိုးတွေရှိပြီး ဧည့်စာရင်းဝင်စစ်မယ်ဆိုရင်လည်း မိသားစုလိုက် ကားနဲ့ရှောင်ထွက်သွားတာမျိုးတွေရှိတယ်လို့ ဦးလွင်ဦးက သက်သေထွက်ဆိုခဲ့ပါတယ်။ (၂၀၁၄)ခုနှစ် စက်တင်ဘာလ(၁၈)ရက်နဲ့ (၂၂)ရက်တွေက အမှတ်(၉)ရပ်ကွက်ရုံးမှာ ဖြေရှင်းပေးခဲ့ရတဲ့ကိစ္စရပ်တွေနဲ့ ပတ်သက်တဲ့ မှတ်တမ်းမူရင်းက တရားလိုရှေ့နေဥပဒေအရာရှိက ရုံးတော်သို့သက်သေခံ(ခ)(၁)နဲ့(ခ)(၂)အဖြစ်တင်သွင်းခဲ့ပြီး တရားပြိုင်ဘက်မှလည်း (၂၀၁၆)ခုနှစ်၊ မတ်လ(၃၁)ရက်က မသီရိလတ်၊ ကိုတင်မင်းလတ်နဲ့ မစုမွန်လတ်တို့ ရပ်ကွက်အုပ်ချုပ်ရေးမှူးရုံးကို လာရောက်ပြုလုပ်ခဲ့တဲ့ ဧည့်စာရင်းဖြင့် နေထိုင်ကြောင်း ထောက်ခံစာကို သက်သေခံအဖြစ်တင်သွင်းခဲ့တာဖြစ်ပါတယ်။

အဲဒီအမှုနဲ့ပတ်သက်ပြီးတရားလိုပြသက်သေ(၁၅)ဦး တင်သွင်းထားပြီး လက်ရှိမှာတရားလိုပြ သက်သေ(၄)ဦး စစ်ဆေးပြီးဖြစ်တယ်လို့သိရပါတယ်။

လာမယ့်ရုံးချိန်းအဖြစ်နိုဝင်ဘာ(၁၀)ရက်၊ နံနက်(၁၀)နာရီခွဲမှာ အမှုကို ဆက်လက်စစ်ဆေးသွားမှာဖြစ်တယ်လို့လည်း အနောက်ပိုင်းခရိုင်တရားသူကြီးဒေါ်ဆွေဆွေရဲ့ ပြောကြားချက်အရ သိရပါတယ်။

ဒီသတင်းကို Central News Bureau က သီဟစိုးလွင် ပေးပို့တာဖြစ်ပါတယ်။

Skynet UptoDate
https://www.facebook.com/skynetutd



(ကုလသမဂ္ဂရဲ့ မြန်မာနိုင်ငံဆိုင်ရာ ဌာနေညှိနှိုင်းရေးမှူး Ms. Renata(အလယ်)နဲ့ သံအမတ်တွေ စစ်တွေမြို့လေဆိပ်မှာ နိုဝင်ဘာလ ၃ ရက်နေ့က သတင်းစာရှင်းလင်းစဉ်) Photo: Min Thein Aung/RFA
ရခိုင်ပြည်နယ် မောင်တောမြို့နယ်က ဒုက္ခသည်တွေထံ နိုင်ငံတကာထောက်ပံ့ကူညီရေး အဖွဲ့အစည်းတွေ သွားရောက်ပြီး ရိက္ခာဖြန့်ဝေတာကို မြန်မာအစိုးရက ပြန်လည်ခွင့်ပြုတော့မယ်လို့ သိရပါတယ်။

အောက်တိုဘာ ၉ ရက်နေ့ကဖြစ်ပွားခဲ့တဲ့ အကြမ်းဖက်တိုက်ခိုက်မှုတွေနောက်ပိုင်းမှာ မြန်မာအာဏာပိုင်တွေက WFP ကမ္ဘာ့စားနပ်ရိက္ခာအစီအစဉ်အပါအဝင် နိုင်ငံတကာ ကူညီကယ်ဆယ်ရေးအဖွဲ့တွေကို အဲဒီဒေသသွားလာခွင့် ပိတ်ပင်ထားခဲ့ပါတယ်။

မောင်တောမြို့နယ်ကို အစိုးရအစီအစဉ်နဲ့ သွားရောက်ကြည့်ရှုခဲ့တဲ့ ကုလသမဂ္ဂနဲ့ နိုင်ငံတကာသံရုံးအဖွဲ့ဝင်တွေက စစ်တွေလေဆိပ်မှာ မနေ့က သတင်းစာရှင်းလင်းပွဲကျင်းပခဲ့ရာမှာ ကုလသမဂ္ဂ ဌာနေညှိနိုင်းရေးမှူး Renata Lok-Dessallien ရီနာတာ လော့ ဒက်စယ်လီယန် က “ဒုက္ခသည်တွေထံ လူသားချင်းစာနာမှုအကူအညီတွေ ထောက်ပံ့ပေးပို့ခွင့်ပြုမှာဖြစ်ကြောင်း မြန်မာအစိုးရအာဏာပိုင်တွေက ကျမတို့ကို အာမခံပြောကြားခဲ့ပြီးပါပြီ။ ဒါ့အပြင် အဲဒီလို ထောက်ပံ့ကူညီတာကို နိုင်ငံတကာ စောင့်ကြည့်ရေးသမားတွေ သွားရောက်လေ့လာခွင့်ပြုဖို့ ကျမတို့ တောင်းဆိုခဲ့တာကိုလည်း အစိုးရက သဘောတူ လိုက်လျှောခဲ့ပါတယ်” လို့ ပြောပါတယ်။

ဒါ့အပြင် ကုလသမဂ္ဂအရာရှိက မောင်တောဒေသမှာ ဖြစ်ပေါ်ခဲ့တဲ့ တိုက်ခိုက်မှုတွေကြောင့် သေဆုံးခဲ့ရသူတွေအတွက် ကြေကွဲဝမ်းနည်းကြောင်း၊ အဲဒီလို အကြမ်းဖက်မှုကို မိမိတို့အားလုံးက ရှုံ့ချကြောင်း၊ ပျောက်ဆုံးသွားခဲ့တဲ့ လက်နက်တွေ ပြန်လည်ရရှိရေးအတွက် အစိုးရကလိုအပ်သလိုစစ်ဆင်ရေး လုပ်တာကိုလည်း နားလည်ပါကြောင်း၊ အဲဒီကိစ္စတွေကိုဖြေရှင်းရာမှာ တရားဥပဒေနဲ့ အညီ လုပ်ဆောင်အရေးယူမယ်လို့ အာဏာပိုင်တွေက ပြောဆိုခဲ့တာကိုလည်း ချီးကျူးအသိအမှတ်ပြုပါကြောင်း ပြောကြားခဲ့ပါတယ်။

တပြိုင်နက်မှာပဲ အဲဒီစစ်ဆင်ရေးတွေမှာ အစိုးရလုံခြုံရေးတပ်ဖွဲ့တွေက လူ့အခွင့်အရေးတွေချိုးဖေါက်ခဲ့တယ်ဆိုတဲ့ ပြောဆိုချက်တွေထွက်ပေါ်ခဲ့တာနဲ့ ပတ်သက်ပြီး ကုလအရာရှိ ရီနာတာက “အဲဒီ စွပ်စွဲချက်တွေကို အရေးယူဖို့အတွက် လွတ်လပ်မှုနဲ့ ယုံကြည်စိတ်ချမှုရှိမယ့် စုံစမ်းစစ်ဆေးရေးအဖွဲ့တစ်ခု အမြန်ဆုံးဖွဲ့စည်းပြီး အဲဒီဒေသကို စေလွတ်ဖို့ မြန်မာအစိုးရကို ကျမတို့ တိုက်တွန်းခဲ့ပါတယ်လို့ပြောပါတယ်။

တဆက်တည်းမှာပဲ ထွက်ပြေးတိမ်းရှောင်သွားခဲ့ရတဲ့ မောင်တောဒေသခံပြည်သူတွေ နေရပ်ပြန်လာပြီး ပုံမှန်အတိုင်း အခြေချနေထိုင်နိုင်ရေးအတွက် အဲဒီဒေသမှာ အခြေအနေတွေ တိုးတက်ကောင်းမွန်အောင်လုပ်ဆောင်ဖို့ အလွန်အရေးကြီးကြောင်း မြန်မာအစိုးရကို မိမိတို့ တိုက်တွန်းခဲ့တယ်” လို့လည်း ကုလအရာရှိကပြောပါတယ်။

အစိုးရလုံခြုံရေးတပ်ဖွဲ့တွေက အမျိုးသမီးတွေကို အဓမ္မကျင့်မှုတွေရှိတယ်ဆိုတဲ့ စွပ်စွဲချက်တွေနဲ့ ပတ်သက်ပြီး သတင်းထောက်တွေက မေးမြန်းရာမှာတော့ မစ် ရီနာတာက “ကျမတို့ အခုခရီးစဉ်မှာ အဲဒီစွပ်စွဲချက်တွေ မှန်လား မှားလားဆိုတာကို သက်သေအထောက်အထား ရှာဖွေဖေါ်ထုတ်ဖို့ မဖြစ်နိုင်ပါဘူး။ ကျမတို့ အခု သွားရောက်ပြီး ရွာသားတွေနဲ့ တွေ့ဆုံပြောဆိုခဲ့ရတဲ့အနေအထားက အဲဒီလို မေးမြန်းဖို့ အခွင့်သာတဲ့ အခြေအနေမျိုး မဟုတ်ပါဘူး။ အဲဒီနေရာမှာ အဖြေရရှိအောင် မရမက မေးမြန်းမယ်ဆိုရင် ဒေသခံတွေရဲ့လုံခြုံရေးအတွက် ကျမတို့ အင်မတန်တာဝန်မဲ့ရာကျပါလိမ့်မယ်။ တွေ့ဆုံပွဲမှာ သူ အဓမ္မပြုကျင့်ခံခဲ့ရတယ်လို့ ကျမကို ထွက်ပြီးပြောဆိုတဲ့ အမျိုးသမီးတော့ မရှိခဲ့ပါဘူး” လို့ပြောပါတယ်။

ရခိုင်ပြည်နယ်ကို ၂ ရက်ကြာသွားခဲ့တဲ့ အဲဒီ နိုင်ငံတကာသံတမန်အဖွဲ့ကို အာဏာပိုင်တွေက ပြဿနာဖြစ်ပွားရာဒေသက ကျေးရွာအများအပြားကို လိုက်လံပြသခဲ့ပေမယ့် လူ့အခွင့်ရေးချိုးဖေါက်မှုတွေ အကြီးအကျယ်ပေါ်ပေါက်ခဲ့တယ်ဆိုတဲ့ နေရာတွေကိုတော့ ခေါ်ဆောင်သွားခဲ့ခြင်းမရှိဘူးလို့ Reuters ရိုက်တာသတင်းတစ်ပုဒ်မှာ ဖေါ်ပြထားပါတယ်။

RFA Burmese
https://www.facebook.com/rfaburmese