11/07/16


ဦးမျိုးရန်နောင်သိမ်း (U Myo Yan Naung Thein Facebook)
တပ်မတော်ဘက်က စွဲချက်တင်ခံထားရပြီး ထိန်းသိမ်းခံထားရတဲ့ NLD ပါတီရဲ့ ဗဟိုအောင်နိုင်ရေးအဖွဲ့ဝင် ကိုမျိုးရန်နောင်သိမ်း အမှုအတွက် ဥပဒေနည်းလမ်း အတိုင်းခုခံကာကွယ်ဖို့ ပြင်ဆင်ထားကြောင်း NLD ပါတီ တာဝန်ရှိသူတွေဘက်က ပြောကြားလိုက်ပါတယ်။

တပ်မတော် ကာကွယ်ရေး ဦးစီးချုပ် ဗိုလ်ချုပ်မှူးကြီး မင်းအောင်လှိုင်ကို ဝေဖန်ပုပ်ခတ်ရေးသားခဲ့တဲ့အတွက် တပ်မတော်က ကိုမျိုးရန်နောင်သိမ်းကို ဆက်သွယ်ရေးဥပဒေပုဒ်မ ၆၆ (ဃ)နဲ့ စွဲချက်တင်ပြီး လှိုင်ရဲစခန်းမှာ ချုပ်နှောင်ထားတာပါ။ ဆက်သွယ်မေးမြန်းထားတဲ့ မအင်ကြင်းနိုင်က နောက်ဆုံးအခြေအနေတွေကို ပြောပြမှာပါ။

ကိုမျိုးရန်နောင်သိမ်းရဲ့ အမှုနဲ့ပတ်သက်လို့ အမျိုးသားဒီမိုကရေစီအဖွဲ့ချုပ် NLD ဘက်က တရားဥပဒေနဲ့အညီ ခုခံကာကွယ်သွားမှာဖြစ်တယ်လို့ ပါတီ ဗဟိုအလုပ်အမှုဆောင်အဖွဲ့ဝင် ဦးဥာဏ်ဝင်းက ဗွီအိုအေကို အခုလိုပြောပါတယ်။

“သူ့ကို လှိုင်ရဲစခန်းမှာ ရမန်နဲ့ တင်ထားတယ် ဆက်သွယ်ရေးဥပဒေနဲ့ တင်ထားတယ်လို့သိရတယ်။ ဒါပေမယ့် ဘာပဲဖြစ်ဖြစ် ရုံးတက်လာတဲ့အခါကျရင် ကျနော်တို့ သူ့ကို ဥပဒေအရ ခုခံကာကွယ်ဖို့ အဆင်သင့်လုပ်ထားပါတယ်။

နိုဝင်ဘာလ (၃)ရက်နေ့လယ်ပိုင်း ယုဇနဟိုတယ်ကော်ဖီဆိုင်မှာ မိတ်ဆွေနှစ်ဦးနဲ့ ထိုင်နေတဲ့ ကိုမျိုးရန်နောင်သိမ်းကို ရန်ကုန်တိုင်း စစ်ဌာနချုပ်က တပ်မတော်အရာရှိဦးဆောင်တဲ့ ရဲတပ်ဖွဲ့ကနေ လာရောက် ပြီး ဖမ်းဆီးခဲ့တာဖြစ်ပါတယ်။ သူ့ကို လက်ရှိထိန်းသိမ်းထား တဲ့အခြေအနေနဲ့ပတ်သက်လို့ လှိုင်ရဲစခန်းက တာဝန်ရှိသူတဦးက ဗွီအိုအေကို အခုလိုပြောပါတယ်။

“လှိုင်ရဲစခန်းချုပ်မှာပဲ ရမန်ယူပြီး ချုပ်ထားတယ်။ ၄ ရက်ပေါ့ ၄ ရက်ရှိပြီ ဒီနေ့မနက်နဲ့ ဆိုရင် သူ့ရုံးချိန်းက ၉ ရက်နေ့”

ပြီးခဲ့တဲ့ လဆန်းပိုင်းက ရခိုင်ပြည်နယ် မောင်တောမြို့နယ်မှာရှိတဲ့ နယ်စပ်လုံခြုံရေး ကင်းစခန်းသုံးခု အကြမ်းဖက်တိုက်ခိုက်ခံခဲ့ရပြီး လုံခြုံရေးတပ်ဖွဲ့ဝင် (၉)ဦးသေဆုံးခဲ့ရတဲ့ဖြစ်ရပ်နဲ့ပတ်သက်လို့ တာဝန်အရှိဆုံးပုဂ္ဂိုလ်ဟာ ဗိုလ်ချုပ်မှူးကြီး မင်းအောင်လှိုင်ဖြစ်ပြီး တာဝန်ကနေ နှုတ်ထွက်ပေးဖို့ ကိုမျိုးရန်နောင်သိမ်းက သူရဲ့ Facebook စာမျက်နှာမှာ ဝေဖန်ရေးသားခဲ့ပါတယ်။

ဒီရေးသားချက်အပေါ်မှာ ဗိုလ်ချုပ်မှူးကြီးမင်းအောင်လှိုင်ကို အသေရေပျက်စေပြီး ထိခိုက်နစ်နာစေတဲ့အတွက် ဆက်သွယ်ရေးဥပဒေပုဒ်မ ၆၆ (ဃ)နဲ့ ရန်ကုန်တိုင်း စစ်ဌာနချုပ် ဒု ဗိုလ်မှူးကြီး လင်းထွန်းက တရားလိုပြုလုပ်ပြီး လှိုင်ရဲစခန်းမှာ အောက်တိုဘာလ (၃၁)ရက်နေ့က အမှုဖွင့် တိုင်ကြားခဲ့တာဖြစ်ပါတယ်။

ဆက်သွယ်ရေးပုဒ်မ ၆၆ (ဃ)ဟာ နိုင်ငံသားတဦးရဲ့ လွတ်လပ်စွာပြောဆိုခွင့်ကို ဖိနှိပ်ထားတာဖြစ်ပြီး ဒီမိုကရေစီ စံနှုန်းစံထားတဲ့ မကိုက်ညီဘူးလို့ နိုဝင်ဘာလ (၄)ရက်နေ့က လှိုင်မြို့နယ်တရားရုံးမှာ လာရောက်ပြီး ရမန်ယူချိန်အတွင်း ကိုမျိုးရန်နောင်သိမ်းက အခုလိုပြောသွားပါတယ်။

“နိုင်ငံသားတယောက်ရဲ့ လွတ်လပ်စွာ ပြောဆိုဖော်ထုတ်ပိုင်ခွင့်ပေ့ါနော် ဒါက ဒီမိုကရေစီမှာ အရေးအကြီးဆုံးပဲ ဘယ်နိုင်ငံမဆိုပဲ မြန်မာနိုင်ငံကို စစ်မှန်တဲ့ ဒီမိုကရေစီကို ရောက်စေချင်တယ်ဆိုရင် ဒီအခွင့်အရေးကို နိုင်ငံသားတိုင်းကို ပေးရမယ်။ ဒါအရမ်းအရေးကြီးပါတယ်။ ဘယ်လိုအခြေအနေဖြစ်ပလေ့စေ နိုင်ငံသားတယောက်က သူ့ဆန္ဒကို ဖော်ထုတ်ခွင့်ရှိရမယ်။ သပြောပိုင်ခွင့်ရှိရမယ်၊ သူမြင်တာကို သူမြင်တဲ့ရှု့ထောင့် ကနေပြောပိုင်ခွင့်ရှိရမယ် ဒါဒီမိုကရေစီရဲ့ အရမ်း အခြေခံကျတဲ့ စံနှုန်းပဲဖြစ်တယ်လို့ ကျနေ်ာမြင်တယ်။”

ပုဒ်မ ၆၆(ဃ) မှာတော့ မည်သူမဆို ဆက်သွယ်ရေး ကွန်ရက် တခုခုကို အသုံးပြုပြီး ပုဂ္ဂိုလ်တဦးဦကို ခြောက်လှန့် တောင်း ယူခြင်း၊ အနိုင်အထက် ပြုခြင်း၊ မတရား တားဆီး ကန့်ကွက်ခြင်း၊ အသရေဖျက်ခြင်း၊ နှောင့်ယှက်ခြင်း၊ မလျော်သြဇာသုံးခြင်း၊ သို့မဟုတ် ခြိမ်းခြောက်ခြင်း ပြုလုပ်လျှင် ထိုသူကို ၃ နှစ်ထက် မပိုသော ထောင်ဒဏ် ဖြစ်စေ၊ ငွေဒဏ်ဖြစ်စေ၊ ဒဏ် ၂ ရပ်လုံး ဖြစ်စေ ချမှတ်ရမည် ဟု ပြဌာန်းထားပါတယ်။ ဒါပေမဲ့ ဒီပုဒ်မနဲ့ စွဲချက်တင်ခံရသူတွေကို အမာခံမပေးပဲ ချက်ချင်းဖမ်းဆီးထိန်းသိမ်းခဲ့တဲ့ လုပ်ရပ်ကြောင့် စွပ်စွဲခံရသူတွေကို နစ်နာစေတဲ့အတွက် ပုဒ်မ ၆၆ (ဃ)ကို ပြင်ဆင်ဖို့ လူ့အခွင့်အရေးလှုပ်ရှားတက်ကြွသူတွေက တောင်းဆိုနေကြပါတယ်။

 အင်ကြင်းနိုင်  / ဗွီအိုအေ (မြန်မာပိုင်း)
http://burmese.voanews.com



ရှမ်းပြည်နယ်၊ သီပေါမြို့နယ်ထဲက နမ့်လန်ဈေးမီးလောင်မှုဖြစ်ပွားခဲ့ရာမှာ စုစုပေါင်းဆုံးရှုံးမှုတန်ဖိုး ကျပ်သိန်းပေါင်း(၂၅၀၀)၀န်းကျင်ရှိခဲ့တယ်လို့သိရပါတယ်။

ဆိုင်ခန်းဆုံးရှုံးမှုတန်ဖိုးမှာကျပ်သိန်းပေါင်း (၁၂၀၀)ကျော်ရှိခဲ့ကာ ပစ္စည်းဆုံးရှုံးမှုတန်ဖိုး ကျပ်သိန်းပေါင်း(၂၃၀၀)ကျော်ရှိခဲ့ပါတယ်။

 မီးလောင်မှုကြောင့် လူ/တိရစ္ဆာန်နဲ့ လူနေအိမ်တွေ ထိခိုက်ဆုံးရှုံးမှုမရှိပေမယ့် ဈေးအတွင်းရှိ (၈)ပေပတ်လည်သွပ်မိုး/အုတ်ကာ အုတ်ခင်းဆိုင်ခန်း(၁၀၂)ခန်း၊ (၄)ပေပတ်လည် သွပ်မိုး/ပျဉ် ကာ အုတ်ခင်းဆိုင်ခန်း(၂၂၈)ခန်း၊ ပျံကျဈေးဆိုင်ခန်း(၂၁၅)ခန်း၊ စုစုပေါင်း(၅၄၅)ခန်းပျက်စီးဆုံး ရှုံးခဲ့ပါတယ်။

 နမ့်လန်မြို့ရဲ့တောင်ဘက် (၄)ဖါလုံခန့်အကွာမှာ ရှိတဲ့ နမ့်လန်ကျေးရွာအုပ်စု တောင်ပိုင်းရပ်ကွက်ရှိ စည်ပင်သာယာဈေးအတွင်း နိုဝင်ဘာ(၆)ရက် ည(၆)နာရီ(၄၅)မိနစ်ခန့်က မီးလောင်ကျွမ်းမှုဖြစ်ပွားခဲ့တာဖြစ်ပါတယ်။

 မီးလောင်မှု ဖြစ်ပွားလျှင်ဖြစ်ပွားခြင်း နမ့်လန်ကျေးရွာရှိ မီးသတ်ကား(၂)စီး၊ ရေသယ်ကား(၂)စီးတို့နဲ့ စတင် ငြိမ်းသတ်ခဲ့ပြီး သီပေါမြို့မှ မီးသတ်ကား(၃)စီး၊ ကျောက်မဲမြို့မှ မီးသတ်ကား(၂)စီး ရောက်ရှိလာကာ ဝိုင်းဝန်းငြိမ်းသတ်ခဲ့ပါတယ်။

 ည(၈)နာရီခွဲအချိန်ခန့်မှာ မီးထပ်မံ မကူးစက်အောင်ထိန်းသိမ်းနိုင်ခဲ့ပြီးည(၉)နာရီအချိန်မှာတော့မီးညွန့်ကျိုးအောင်မီးသတ်တပ်ဖွဲ့ဝင်တွေ၊ရဲတပ်ဖွဲ့ဝင်တွေ၊နယ်မြေခံလုံခြုံရေးတပ်ဖွဲ့ဝင်နဲ့ပြည်သူလူထုက၀ိုင်းဝန်းငြိမ်းသတ်နိုင်ခဲ့ကြပါတယ်။ ဒီသတင်းကို Central News Bureau က ပေးပို့တာဖြစ်ပါတယ်။

Central News Bureau
https://www.facebook.com/skynetcnb



ရန်ကုန်၊ နိုဝင်ဘာ ၇

၆.၁၁.၂၀၁၆ ရက်နေ့ ၂၁၄၅ အချိန်ခန့်တွင် မရမ်းကုန်းမြို့နယ်၊ (၅)ရပ်ကွက်၊ စွယ်တော်ကန်ပေါင်လမ်းရှိ ကားပါကင်တွင် လာရောက် ကူညီလုပ်ကိုင်ပေးသူ ကလေးငယ်(၂)ဦးမှ ကန်ပတ်လမ်းဘေး ခြုံပုတ်
အတွင်း၌ ကျည်ဆံများတွေ့ရှိခဲ့ကြောင်း သိရပါသည်။


သတင်းအရ မရမ်းကုန်းမြို့နယ် ရဲတပ်ဖွဲ့မှ တပ်ဖွဲ့ဝင်များက သက်သေများနှင့်အတူ သွားရောက်စစ်ဆေး
ရာ အဆိုပါနေရာတွင် ကြွပ်ကြွပ်အိတ်ဖြင့် ထည့်လျက် ပွိုင့် ၂၂ ကျည် (၉၁)တောင့်နှင့် ၎င်းနေရာအနီးရှိ ရေမြောင်းဘေးခြုံပုတ်အတွင်းမှ ပွိုင့် ၂၂ ကျည့်(၅၀)တောင့်တို့တွေ့ရှိသဖြင့် သိမ်းဆည်းပြီး စုံစမ်းဆောင်
ရွက်လျက်ရှိကြောင်း သတင်းရရှိပါသည်။

Yangon Police
https://www.facebook.com/yangonpolice/

 
 NDF ဥက္ကဋ္ဌ ဦးခင်မောင်ဆွေ က တော့ သမ္မတလောင်း (၂)ဦးထဲက ဒေါ်နယ် ထရမ့်ကို ပိုနှစ်သက်တယ်လို့ ပြော                                                                         နိုဝင်ဘာ ၈ ရက်နေ့ မှာ အမေရိကန်သမ္မတ ရွေးကောက်ပွဲ ကို ကျင်းပမှာ ဖြစ်ပါတယ်။
အမေရိကန် သမ္မတ ရွေးကောက်ပွဲ ကို မြန်မာ နိုင်ငံသားတွေ အထူး စိတ်ဝင်စား ကြသလို နိုင်ငံရေးပါတီတွေ ဘက်ကလည်း စိတ်ဝင်တစား စောင့်ကြည့် နေကြပါတယ်။
အမေရိကန်သမိုင်းမှာ အကြိတ်အနယ် အရှိဆုံး ယှဉ်ပြိုင်ကြမယ့် ဒီရွေးကောက်ပွဲမှာ ဝင်ပြိုင်မယ့် သမ္မတလောင်းတွေ နဲ့ ပတ်သက်လို့ မတူညီတဲ့ သဘောထား အမြင်တွေ ရှိနေကြပါတယ်။
ဒီရွေးကောက်ပွဲမှာ ဒီမိုကရက် ဘက်က ဝါရင့် နိုင်ငံရေး သမား ဟီလာရီ ကလင်တန်နဲ့ ရီပတ်ဘလီကန် ဘက်က စီးပွားရေးသမား ဘီလျံနာ သူဌေးကြီး ဒေါ်နယ် ထရမ့် တို့ အကြိတ်အနယ် ယှဉ်ပြိုင်ကြမှာ ဖြစ်ပါတယ်။
လက်ရှိအာဏာရပါတီဖြစ်တဲ့ အမျိုးသားဒီမိုကရေစီအဖွဲ့ချုပ် NLD ပါတီ ဗဟိုကော်မတီဝင် ဦးဝင်းထိန်ကတော့ ဒေါ်နယ် ထရမ့် ဟာ စိတ်အပြောင်းအလဲ မြန်သူ ဖြစ်တာကြောင့်သမ္မတ မဖြစ် ထိုက်ဘူးလို့ ပြောပါတယ်။
ဟီလာရီ ကလင်တန်ဟာလည်း မြန်မာပြည်ကို (၂)ကြိမ်ထက်မနည်း ရောက်ဖူးသူဖြစ်သလို နိုင်ငံတော် အတိုင်ပင်ခံပုဂိုလ်ဒေါ်အောင်ဆန်းစုကြည်နဲ့ ပုဂ္ဂိုလ်ရေး ရင်းနှီးသူ လည်း ဖြစ်ပါတယ်။
ဒါ့အပြင် လက်ရှိ အိုဘားမား အစိုးရရဲ့နိုင်ငံခြားရေး မူဝါဒ အရ မြန်မာနိုင်ငံရဲ့ ပြုပြင်ပြောင်းလဲရေးကို ထောက်ခံတယ်ဆိုပြီး မကြာခဏ ထုတ်ဖော်ပြောဆိုသူလည်း ဖြစ်ပါတယ်။
ဒါပေမယ့် နိုင်ငံရေး ပါတီကြီး တစ်ခု ဖြစ်တဲ့ ကြံ့ခိုင်ရေးနဲ့ ဖွံဖြိုးရေးပါတီကတော့ အမျိုးသား ရေးကို ဦးစားပေးမဲဆွယ်တဲ့ ဒေါ်နယ်ထရမ့်ကို ပိုနှစ်သက်တဲ့ သဘောမျိုး ကို ကြံ့ခိုင်ရေးပါတီ ပါတီဗဟိုအလုပ်အမှုဆောင် အဖွဲ့ဝင် ဦးခင်ရီက ပြောကြား ပါတယ်။
အမျိုးသား ဒီမိုကရေစီအင်အားစု ပါတီ NDF ဥက္ကဋ္ဌ ဦးခင်မောင်ဆွေ က တော့ သမ္မတလောင်း (၂)ဦးထဲက ဒေါ်နယ် ထရမ့်ကို ပိုနှစ်သက်တယ်လို့ ပြောပါတယ်။
မြန်မာ နိုင်ငံက ပါတီ အသီးသီး ရဲ့ ခေါင်းဆောင် တွေကလည်း အမေရိကန် သမ္မတ ရွေးကောက်ပွဲ မှာ ဘယ်သူ အနိုင်ရမလဲ ဆိုတာကို စိတ်ဝင်တစား ရှိနေပါတယ်။
ဘီဘီစီ


ဒီမုိုကရက်ပါတီရဲ့ အမေရိကန်သမ္မတလောင်း ဟီလာရီ ကလင်တန်အပေါ် တစုံတရာ စွဲချက်တင်စရာ မရှိဘူးလို့  FBI ညွန်ကြားရေးမှူးချူပ်က ဒီကနေ့ ပြောဆိုလုိုက်ပါတယ်။

ဟီလာရီနုိုင်ငံခြားရေးဝန်ကြီးတာဝန်ယူချိန်က ကိုယ်ပိုင်ဆာဗာနဲ့ အီးမေးလ်တွေ အသုံးပြုခဲ့တယ်ဆိုတာနဲ့ပတ်သက်လို့ FBI က ထပ်မံစုံစမ်းစစ်ဆေးတာတွေလုပ်ခဲ့ပါတယ်။

 ဒါပေမဲ့ ဒီကနေ့ ကွန်ဂယက်ကို ပေးပို့တဲ့စာမှာ နုိုင်ငံခြားရေးဝန်ကြီးတာဝန်ယူစဉ်က သုံးခဲ့တဲ့ အီးမေးလ်အားလုံးကို ပြန်စစ်ဆေးပြီးဖြစ်ကြောင်းနဲ့ ဥပဒေချိူးဖေါက်ထားတာ မတွေ့ရဘူးလို့ FBI ညွန်ကြားရေးမှူးချူပ် James Comey က ဖေါ်ပြလိုက်တာဖြစ်ပါတယ်။

 အဲဒီလို ဥပဒေချိူးဖေါက်တာမတွေ့ရတဲ့အတွက် ရာဇ၀တ်မူနဲ့ တစုံတရာ စွဲချက်တင်စရာမရှိဘူးလို့ လည်း
ညွန်ကြားရေးမှူးချူပ် James Comey က ပြောပါတယ်။

 ရွေးကောက်ပွဲကျင်းပခါနီး ၂ ရက်အလို အခုလို FBI ရဲ့  ရှင်းလင်းပြောဆိုချက်ဟာ ဟီလာရီကလင်တန်အတွက် အားသာချက်တခုဖြစ်စေနုိုင်တယ်လို့ နုိုင်ငံတကာအေ၈ျင်စီသတင်းတွေမှာ ဖေါ်ပြထားပါတယ်။

5 Plus News
https://www.facebook.com/5plusnews


ရဲတွေက အခုလို ငရုတ်ကောင်းရည်သုံးပြီး မဖြိုခွင်းခင် အရင်သတိပေးခဲ့တယ်လို့ပြော
တရုတ်နိုင်ငံ ဟောင်ကောင်အထူးဒေသမှာ ထောင်ချီတဲ့လူတွေက ဗဟိုအစိုးရရဲ့ ဒေသတွင်း နိုင်ငံရေးကိစ္စ စွက်ဖက်မှုကို ကန့်ကွက်တဲ့ ဆန္ဒပြပွဲတွေ ဖြစ်ပေါ်နေပါတယ်။

ဗဟိုအစိုးရ ကိုယ်စားလှယ်ရုံးရှေ့မှာ စုဝေးနေကြတဲ့ ဆန္ဒပြတဲ့သူတွေကို ရဲတွေက ဖြိုခွင်းဖို့ ကြိုးစားခဲ့ကြပါတယ်။

ဟောင်ကောင် အမတ်နှစ်ယောက်ကို ဒေသတွင်းလွှတ်တော်မှာ ဆက်ထားခွင့်နဲ့ ပတ်သက်ပြီး ဗဟိုအစိုးရက ဆုံးဖြတ်မှာကို ဆန္ဒပြသူတွေက မလိုလားကြတာ ဖြစ်ပါတယ်။

ဒီ အမျိုးသမီးအမတ် ၂ဦးဟာ ပါလီမန်တွင်း ကျန်းကျိန်မှုကို အထမြောက်အောင် မလုပ်ခဲ့ပဲ ဟောင်ကောင်လွတ်လပ်ရေး လိုလားကြောင်းကို ပြခဲ့တဲ့အတွက် သူတို့ကို ဒေသတွင်းလွှတ်တော်မှာ ကျမ်းသစ္စာကျိန်ဆိုခွင့် ပိတ်ပင်ထားတာ ဖြစ်ပါတယ်။

ဒီမိုကရေစီလိုလားတဲ့ အမတ်တဦးဖြစ်တဲ့ ကလော်ဒီယာ မို က "ဒီ အမျိုးသမီးအမတ် ၂ယောက်က သေသေချာချာ မကျမ်းကျိန်တာခဲ့တာကို ဟောင်ကောင် လူထုက နားလည်ဖို့ ခက်ပါလိမ့်မယ်။

ဘာပဲပြောပြော သူတို့မှာ ကောင်းကောင်းမွန်မွန် ထပ်ပြီး ကျမ်းကျိန်ခွင့် အပြည့်ရှိပါတယ်။

တရုတ်က ဒါကို ဂရုမစိုက်ပဲ ဟောင်ကောင်ကို အာဏာပိုင်ကြောင်း ပြချင်လို့ ဒီလို လုပ်နေတာ" လို့ပြောဆိုထားပါတယ်။

ဒီကိစ္စနဲ့ ပတ်သက်ပြီး တရုတ်အစိုးရက တနင်္လာနေ့မှာ ဆုံးဖြတ်ချက် ချမှာ ဖြစ်ပြီး ဒီအမတ်နှစ်ယောက်ဟာ နိုင်ငံအချုပ်အချာ အာဏာနဲ့ လုံခြုံရေးကို ထိပါးခဲ့တယ်လို့ တရုတ်အာဏာပိုင်တွေက ပြောဆိုထားပါတယ်။

BBC Burmese
http://www.bbc.com/burmese

Facebook

 


သူပုန်အဖွဲ့ ဗိုလ်ချုပ်တွေက အရပ်သားတွေကို တပ်စွဲထားမယ့် နေရာတွေက ထွက်ခွာဖို့ကြေငြာခဲ့
အမေရိကန်နောက်ခံပြုထားတဲ့ ဆီးရီးယားနိုင်ငံ မြောက်ပိုင်းမှာရှိတဲ့ သူပုန်တွေက အစ္စလမ္မစ်နိုင်ငံအုပ်စုရဲ့ အဓိက ခြေကုပ်စခန်းတခုဖြစ်တဲ့ ရက္ကာမြို့ကို သိမ်းပိုက်ဖို့ အစီအစဉ်စမယ်လို့ ကြေညာလိုက်ပါတယ်။

ဆီးရီးယား ဒီမိုကရက်တစ်တပ်ဦးလို့ အမည်ရတဲ့ ဒီအဖွဲ့ကို အမေရိကန် လေယာဉ်တွေက ပစ်ကူ ပေးမှာ ဖြစ်ပါတယ်။

ဒီတပ်ဖွဲ့ထဲမှာ အာရပ်လူမျိုးတွေလည်း ပါပေမယ့် ကာဒ့်လူမျိုးအများစု ပါဝင်နေပါတယ်။

ကာဒ့်တွေဟာ အာရပ်တွေနဲ့ ပြဿနာရှိတဲ့အတွက် ရက္ကာဒေသက အာရပ်အများစုနဲ့ ဝင်လာမယ့် တပ်ဖွဲ့ဝင်တွေ အကြား အမြင်မကြည်တာတွေ ဖြစ်နိုင်တယ်လို့ သုံးသပ်သူတွေက ပြောဆိုနေကြပါတယ်။

ဒါ့အပြင် ဒီတပ်ဖွဲ့ထဲမှာ ပါဝင်နေတဲ့ ကာ့ဒ်တပ်သားတွေဟာ တူရကီက အကြမ်းဖက်အဖွဲ့လို့ သတ်မှတ်ထားတဲ့ ကာ့ဒ်ပြည်သူ့ကာကွယ်ရေးတပ်စု ဝိုင်ပီဂျီထဲမှာ ပါဝင်နေတဲ့ အတွက် ရက္ကာမြို့သိမ်း တိုက်ပွဲမှာ ဒီအဖွဲ့ရဲ့ အခန်းကဏ္ဍကို အသိအမှတ် မပြုနိုင်ဘူးလို့ တူရကီဘက်က ပြောဆိုထားပါတယ်။

BBC Burmese
http://www.bbc.com/burmese




FBI ရဲ့ ထုတ်ပြန် ချက် က နောက်ကျ နေပြီလို့ ဒီမိုကရက်တစ် ပါတီ ဘက်က ပြန်လည် တုန့်ပြန်
ဒီမိုကရက်တစ် သမ္မတလောင်း ဟီလာရီ ကလင်တန် ရဲ့ ကိုယ်ပိုင် အီးမေးလ် ဆာဗာ အသုံးပြုခဲ့မှု နဲ့ ပတ်သက်ပြီး ရာဇဝတ် ကြောင်း အရ အရေးယူ စရာ မရှိဘူးလို့ FBI ဒါရိုက်တာက ထုတ်ဖော် ပြောကြား လာပါတယ်။

နောက်ဆက်တွဲ ရှာဖွေ တွေ့ ရှိခဲ့ရတဲ့ အီးမေးလ် တွေ ထဲမှာ ဘာမှ သံသယ ဖြစ်စရာ မရှိတဲ့ အတွက် အရေးယူ ဆောင်ရွက် မှာ မဟုတ်ဘူးလို့ ဒါရိုက်တာ ဂျိမ်းစ် ကိုမီ က ကွန်ကရက် ကို ရေးသား ပေးပို့ တဲ့ စာထဲမှာ ထည့်သွင်း ရေးသား ခဲ့ပါတယ်။

ပြီးခဲ့တဲ့ ရက်တွေက FBI ရဲ့ အီးမေးလ် တွေကို ပြန်လည် စစ်ဆေး မယ်လို့ ထုတ်ဖော် ပြောကြား ခဲ့မှုကြောင့် ဒီမိုကရက်တစ် သမ္မတ လောင်း ဟီလာရီ ကလင်တန် ဟာ ရွေးကောက်ပွဲ အကြို စစ်တမ်း တွေမှာ ရေပန်းစားမှု လျော့ကျ ခဲ့ရပါတယ်။

ရွေးကောက်ပွဲ မဲဆွယ်မှုတွေမှာ ဟီလာရီ ကလင်တန် ကို ထိခိုက်မှု ရှိခဲ့ပြီး FBI ရဲ့ ထုတ်ပြန် ချက် က နောက်ကျ နေပြီလို့ ဒီမိုကရက်တစ် ပါတီ ဘက်က ပြန်လည် တုန့်ပြန် ခဲ့ပါတယ်။

BBC Burmese
http://www.bbc.com/burmese

ဒီမိုကရက်တစ် သမ္မတလောင်းကလင်တန် ထောက်ခံသူများနှင့် ရီပတ်ဘလီကန်သမ္မတလောင်း ဒေါ်နယ်လ်ဒ် ထရမ့်ပ် ထောက်ခံသူများ
ဒီမိုကရက်တစ် သမ္မတလောင်းကလင်တန် ထောက်ခံသူများနှင့် ရီပတ်ဘလီကန်သမ္မတလောင်း ဒေါ်နယ်လ်ဒ် ထရမ့်ပ် ထောက်ခံသူများ

နိုဝင်ဘာလ ၈ ရက်နေ့ အင်္ဂါနေ့မှာ အမေရိကန်သမ္မတရွေးကောက်ပွဲ ကျင်းပမှာဖြစ်တဲ့အတွက် သမ္မတလောင်းတွေ မဲဆွယ်စည်း ရုံးဖို့ ဒီကနေ့ တနင်္ဂနွေနေ့နဲ့ မနက်ဖြန် တနင်္လာနေ့ နှစ်ရက်ပဲ ကျန်ပါတော့တယ်။ ဒီမိုကရက်သမ္မတလောင်း ဟီလာရီ ကလင်တန် နဲ့ ရီပတ်ဘလီကန်သမ္မတလောင်း ဒေါ်နယ်လ်ဒ် ထရမ့်ပ်တို့ဟာ သူတို့ထဲက ဘယ်သူ့ကိုမဲပေးမယ်ဆိုတာ အခုချိန်ထိ မဆုံးဖြတ်ရ သေးတဲ့ မဲဆန္ဒရှင်တွေကို ဆွဲဆောင်စည်းရုံးဖို့ ကြိုးစားနေကြသလို သူတို့ကိုထောက်ခံသူတွေ အင်္ဂါနေ့မှာ တခဲနက် မဲသွားပေးကြ ဖို့လည်း တိုက်တွန်း ပြောဆိုနေပါတယ်။

ဒီကနေ့ အိုဟိုင်းယိုးပြည်နယ်၊ Cleveland မြို့မှာလုပ်မယ့် မဲဆွယ်စည်းရုံးပွဲမှာ Cleveland Cavaliers ဘက်စကက်ဘောအသင်း က နာမည်ကျော် ကစားသမား Lebron James က ကလင်တန်အတွက် ကူညီ မဲဆွယ်ပေးပါလိမ့်မယ်။ ကလင်တန်ဟာ ဒီကနေ့ မှာပဲ New Hampshire ပြည်နယ်မှာလည်း မဲဆွယ်စည်းရုံးပွဲလုပ်ပါမယ်။

Trump ကတော့ အစဉ်အလာအားဖြင့် ဒီမိုကရက်တွေကို ထောက်ခံမဲပေးခဲ့တဲ့ ပြည်နယ်တွေမှာ ဒီကနေ့ မဲဆွယ်စည်းရုံးပွဲတွေ လုပ်ဖို့ စီစဉ်ထားပါတယ်။ အိုင်အိုဝါ၊ မင်နီဆိုးတား၊ မီရှီဂန်၊ ပန်ဆယ်လ်ဗေးနီးယားနဲ့ ဗာဂျီးနီးယားပြည်နယ်တွေမှာ Trump က မဲဆွယ်ပွဲတွေလုပ်မှာပါ။ စနေနေ့က နီဗားဒါးပြည်နယ်၊ Reno မြို့မှာ Trump ရဲ့ မဲဆွယ်စည်းရုံးပွဲအတွင်း လူအုပ်ထဲကနေ တယောက်ယောက်က သေနတ် လို့ အော်လိုက်တဲ့အတွက် ခနတာ ရုတ်ရုတ်သည်းသည်းဖြစ်ပြီး အထူးလုံခြုံရေးတွေက Trump ကို အကာအကွယ်ပေးပြီးတော့ စင်မြင့်နောက်ကို ခေါ်သွားခဲ့ရပါသေးတယ်။ ဒါပေမဲ့ သံသယနဲ့ ထိန်းသိမ်းခံရသူမှာ ဘာလက်နက် မှမတွေ့သလို အနီးပတ်ဝန်းကျင်မှာလည်း မတွေ့ဘူးလို့ ရိုက်တာသတင်းဌာနက ပြောပါတယ်။
VOA Burmese News

Author Name

Contact Form

Name

Email *

Message *

Powered by Blogger.