11/09/16


Democratic ပါတီသမ္မတလောင်း Hillary Clinton နဲ့ Republican ပါတီတို့ကြား ဘယ်သူ့ကို သမ္မတအဖြစ်ရွေးချယ်မလဲဆိုတာကို အမေရိကန်ပြည်သူတွေ မဲပေးရွေးချယ်နေကြပါပြီ။ ဒီတခေါက် သမ္မတရွေးကောက်ပွဲအတွက် မဲဆွယ်စည်းရုံးခဲ့ကြတဲ့နေရာမှာ သမ္မတလောင်း ၂ ယောက်ကြား ချပြခဲ့တဲ့ မူဝါဒတွေ၊ ရွေးကောက်ပွဲကတိတွေဟာ တော်တော်လေးကို ကွဲပြားခဲ့ပါတယ်။ ဒါကြောင့် သမ္မတရွေးကောက်ပွဲအတွက် မဲပေးခဲ့ကြတဲ့ မြန်မာနွယ်ဘွား အမေရိကန်နိုင်ငံသားတွေအနေနဲ့ ဘယ်လိုအချက်တွေကို အခြေခံစဉ်းစားပြီး သမ္မတဖြစ်မယ့်သူကို ရွေးချယ်ခဲ့ကြသလဲဆိုတာကို မစုမြတ်မွန်က စုံစမ်းတင်ပြထားပါတယ်။

အမေရိကန်ပြည်ထောင်စုရဲ့ ၄၅ ယောက်မြောက် သမ္မတအဖြစ် ဒီမိုကရက် Hillary Clinton ကိုရွေးချယ်မှာလား Republican Donald Trump ကိုရွေးချယ်မလားဆိုတာ အဆုံးအဖြတ်ပေးမယ့် ရွေးကောက်ပွဲအတွက် အခုအသံလွှင့်နေချိန်အထိ အနောက်ဖက်ခြမ်းပြည်နယ်တွေမှာ မဲပေးနေကြဆဲဖြစ်ပါတယ်။ ဒီတခေါက်ရွေးကောက်ပွဲမှာ ထူးခြားခဲ့တာက သမ္မတလောင်း ၂ ယောက်ကြားချပြခဲ့တဲ့ နိုင်ငံရေး၊ လူမှုရေး၊ စီးပွားရေးစတဲ့ မူဝါဒတွေဟာ တော်တော်ကို ကွဲပြားခဲ့ပါတယ်။ အထူးသဖြင့် စီးပွားရေးဆိုင်ရာ မူဝါဒ၊ လုံခြုံရေးနဲ့ လူဝင်မှုကြီးကြပ်ရေးဆိုင်ရာ မူဝါဒတွေမှာ ဆန့်ကျင်ဘက်သဘောထားတွေ ရှိနေတာကို တွေ့ရပါတယ်။ ဒီတော့ အမေရိကန်နိုင်ငံသားတွေအနေနဲ့ သမ္မတကိုမဲပေးတဲ့နေရာမှာ ဘယ်လိုအချက်တွေကို အခြေခံ ရွေးချယ်ခဲ့ကြသလဲဆိုတာကိုသိရဖို့ မဲပေးခဲ့တဲ့ မြန်မာနွယ်ဘွား အမေရိကန်နိုင်ငံသားတချို့ကိုဆက်သွယ် မေးကြည့်ထားပါတယ်။ သမ္မတလောင်း ၂ ယောက်လုံး မဲပေးခဲ့ကြပြီး ၂ ယောက်လုံးကလည်း ရွေးကောက်ပွဲအောင်ပွဲခံကြဖို့ ပြင်ဆင်ထားရာ New York ပြည်နယ် New York မြို့က ကိုကျော်ဇေကို ရွေးကောက်ပွဲမှာ မဲပေးတဲ့ အတွေ့အကြုံကနေ ပထမဆုံး စပြီးမေးထားပါတယ်။

" ကျနော် မနက်ကတော့ Queens မှာသွားပြီး မေးပေးခဲ့ပါတယ်။ မဲပေးတဲ့သူများတယ်။ မဲပေးတဲ့သူ များတယ်။ ကျနော်တို့နေတဲ့နေရာက Immigrants တွေများတော့ mix ပေါ့နော် အဖြူရော အမည်းရော အထူးသဖြင့် အာရှက လူတွေ များတာပေါ့နော်။ တွေ့တာတော့ လူငယ်ပိုင်း၊ လူလတ်ပိုင်း၊ လူကြီးပိုင်း အကုန်အစုံလာကြပါတယ်။

မေး။ ။ အခု ဒီတခေါက် ဘယ်သူ့ကို သမ္မတအဖြစ် ရွေးမယ်ဆိုတာ ကိုယ့်အတွက် ဆုံးဖြတ်ချက်ကို လွယ်လွယ်ကူကူ ချလို့ရလား။ ဘယ်လိုအချက်တွေကို အခြေခံပြီး သမ္မတလောင်းကိုတော့ မဲထည့်တယ်ဆိုတာ ပြောပြပါရှင့်။

ဒီတခေါက်ကတော့ ရွေးရတာလွယ်တယ်။ အစဉ်အလာအရဆိုရင် ကျနော်က ရီပတ်ပလင်ကန်ကို ထောက်ခံခဲ့တဲ့သူ၊ ဒါပေမဲ့ ဒီရီပတ်ပလင်ကန်က ဝင်ပြိုင်တဲ့ Candidate ပေါ့နော်။ သူ့ကိုထောက်ခံဖို့အတွက်ဆိုတာ ဘယ်လိုမှမဖြစ်နိုင်ဘူး ဒါကြောင့် ဒီမိုကရက်က Candidate ဖြစ်တဲ့ ဟီလာရီကိုပဲ ကျနော် မဲပေးခဲ့တယ်။ ဆုံးဖြတ်ချက်က ဘယ်လိုပေါ် မူတည်သလဲဆိုရင် ဟီလာရီရဲ့ အတွေ့အကြုံ၊ အပြစ်ကင်းတဲ့နိုင်ငံရေးသမားတော့ မဟုတ်ဘူး။ ဒါပေမဲ့ တိုင်းပြည်အတွက် ပိုပြီးလမ်းကြောင်းမှန်တဲ့နေရာကို သွားမယ့်သူဆိုလို့သူပဲရှိလို့။"

New York မြို့က ကိုကျော်ဇေလိုပဲ Hillary Clinton ရဲ့ မူဝါဒတွေကို သဘောကျလို့ မဲပေးခဲ့သူနောက်တယောက်ကတော့ California ပြည်နယ် San Mateo မြို့က မစန္ဒာရွှေပါ။

"ရောက်သွားတဲ့အချိန်ကတော့ ၉နာရီလောက်ဖြစ်ပါတယ်။ ဒါပေမဲ့ လူအများကြီးတော့ မရှိဘူး။ ဒါပေမဲ့ ခဏတော့စောင့်ရတယ်။ လိုင်းစီ စောင့်ရတယ်ဆိုတော့ အသက်ကြီးတဲ့သူတွေက Electric System နဲ့ပေးတာကို မကျွမ်းဝင်တဲ့အတွက်ကြောင့်မို့လို့ မဲပေးဖို့ကို ခဏလေးစောင့်ရတာတော့ ရှိတယ်ပေါ့နော်။ တခြားတော့ အခက်အခဲမရှိပါဘူး။ "

မေး။ ။ ဒီနေ့ရွေးချယ်ရတဲ့သမ္မတလောင်းကို ရွေးချယ်ရမှာ သူ့ကို ခက်ခက်ခဲခဲ ရွေးချယ်ရသလား။ ပြီးတော့ ဘယ်လိုမျိုးအချက်တွေကို ကြည့်ပြီး သူ့ကိုရွေးချယ်သလဲဆိုတာ သိပါရစေ။

"သမ္မတလောင်းကို ရွေးချယ်ရာမှာ သိပ်တော့ ခက်ခက်ခဲခဲတော့ မရှိပါဘူး။ ကျမကတော့ ဟီလာရီကလင်တန်ကို မဲပေးတယ်။ ဘာဖြစ်လို့လဲဆိုတော့ သူ့ရဲ့ပေါ်လစီတွေက ကျမတို့ Immigrants တွေအတွက် ပိုပြီးတော့ အဆင်ပြေလိုက်မယ်။ ပြီးတော့ သူ့ရဲ့ပေါ်လစီတွေကို ကြိုက်တဲ့အတွက်ကို ဟီလာရီကလင်တန်ကိုပဲ သမ္မတအဖြစ် မဲပေးခဲ့တာပဲ။ အဓိက ကတော့ သူ့ရဲ့ပြိုင်ဖက်ဖြစ်တဲ့ ဒေါနယ်လ်ထရမ့်ရဲ့ ပေါ်လစီတွေက နည်းနည်းလေး အစွန်းရောက်တဲ့ဟာတွေရှိနေတယ်လို့ မြင်မိတဲ့ အတွက်ကြောင့် ပြီးတဲ့အခါကျတော့ ဒီနိုင်ငံခြားရေးမူဝါဒတွေကလည်း တခါတလေကျတော့ သူပြောသလောက်မလွယ်ဘူးပေါ့နော် တကယ်တမ်းကျတော့ အလုပ်တွေကို ဒီမှာ ပြန်ယူတဲ့အခါကျတော့ လွယ်ကူတဲ့ကိစ္စတော့ မဟုတ်ပါဘူး။ အချိန်အတိုင်းအတာတခုကို ယူပြီးတော့ လုပ်ရမယ့်ကိစ္စဖြစ်တယ်ပေါ့နော်။

ဟီလာရီကလင်တန်မှာလည်း အလုပ်သမားရေးရာပိုင်းပေါ့နော် ပြီးတော့ အလုပ်တွေ ဒီနိုင်ငံမှာ ပြန်ပြီးဖြစ်နိုင်ရန်အတွက် လုပ်ဆောင်တဲ့အပိုင်းမှာ သူ့အနေနဲ့ သူ့ရဲ့ပေါ်လစီတွေနဲ့ လုပ်နိုင်တယ်လို့ ယူဆတဲ့အတွက် ဟီလာရီကလင်တန်ကို Vote ခဲ့တာဖြစ်ပါတယ်လို့ ဒါ့အပြင် အဖြူ၊ အမည်း အရှေ့အနောက် မခွဲခြားပဲနဲ့ တန်းတူဆက်ဆံတဲ့နေရာမှာလည်း ဟီလာရီကလင်တန်က ပိုပြီးတော့ လုပ်ဆောင်နိုင်လိမ့်မယ်လို့ ထင်တဲ့အတွက်ကြောင့် ဟီလာရီကလင်တန်ကို မဲပေးခဲ့ခြင်းဖြစ်ပါတယ်။"

အမေရိကန်ဟာ အလုပ်ကြိုးစားသူတိုင်း အကျိုးခံစားခွင့်ရှိတဲ့နိုင်ငံဖြစ်ရမယ်လို့ Hillary Clinton ကသူ့ရဲ့မဲဆွယ်ပွဲတွေမှာ ပြောခဲ့ပါတယ်။ Donald Trump ကတော့ သူသာသမ္မတဖြစ်လာခဲ့ရင် ဒုက္ခသည်တွေကို လက်ခံမှာမဟုတ်ဘူး။ အမေရိကန်နဲ့ မက်ဆီကိုနယ်စပ်မှာ တရားမဝင်လူတွေ ဝင်မလာနိုင်အောင် တံတိုင်းဆောက်မယ်လို့ ပြောခဲ့တာပါ။

ဒီလိုလူဝင်မှုကြီးကြပ်ရေး ဆိုင်ရာပိုင်းမှာ တော်တော်ကို မူကွဲခဲ့တဲ့အချက်က အမေရိကန်မှာ လာရောက်အခြေချ နေထိုင်ကြသူ မဲဆန္ဒရှင်တွေရဲ့ဆုံးဖြတ်ချက်အပေါ်မှာ သက်ရောက်မှုရှိခဲ့ပါတယ်။ Illinois ပြည်နယ် Chicago မြို့မှာ ၄ နာရီလောက်ကြာအောင် တန်းစီစောင့်ပြီး မဲပေးခဲ့တဲ့ ကိုအောင်မြတ်မျိုးအတွက်က ဒီအချက်က အဓိကဖြစ်တယ်လို့ ခုလိုပြောပါတယ်။

" ကျနော်က မြန်မာပြည်ရောက်လာကတည်းက ပထမဆုံးအကြိမ်မဲပေးခွင့်ရခဲ့တာပါ။ ကျနော်ကတော့ ဟီလာရီကလင်တန်ကို ရွေးချယ်ပြီး မဲပေးခဲ့ပါတယ်။ ဘာဖြစ်လို့လဲဆိုတော့ တခြားနိုင်ငံက လာပြီး အခြေချတဲ့လူတယောက်အနေနဲ့ အလုပ်ရဖို့တို့ ပညာသင်ခွင့်ရဖို့တို့ အကုန်လုံး ဒီတိုင်းပြည်ရဲ့ ဥပဒေ၊ တခြားနိုင်ငံသားတွေ၊ တခြားလူတွေအတွက် ဥပဒေ တွေကောင်းလို့ ကျနော် ဒီနေရာကို ရောက်ခဲ့တာလေ။ အဲ့ဒီ့ဥပဒေတွေကို ကောင်းအောင် လုပ်ပေးမယ်လို့ ကတိပေးထားတဲ့ ဟီလာရီကလင်တန်ကိုပဲ မဲပေးခဲ့ပါတယ်။ ဘာဖြစ်လို့လဲဆိုတော့ နောက်လာမယ့် တခြားနိုင်ငံက လာမယ့် Immigrants တွေလည်း ဒီလိုမျိုးဥပဒေတွေကြောင့်ပဲ ပိုပြီးတော့ ကောင်းစေမယ်လို့ ထင်ပါတယ်။"

လက်ရှိသမ္မတ Barack Obama တက်လာချိန် 2008 ခုနှစ်ဟာ အမေရိကန်မှာ စီးပွားရေးကျဆင်းမှုနဲ့ ရင်ဆိုင်နေရချိန်ဖြစ်ပါတယ်။ အခုလက်ရှိအခြေအနေမှာတော့ စီးပွားရေးဟာ ပြန်လည် တိုးတက်ကောင်းမွန်လာတဲ့ အခြေအနေကိုရောက်နေပါပြီ။ Republican သမ္မတလောင်း Donald Trump ကသူသာ သမ္မတဖြစ်လာခဲ့ရင် စီးပွားရေးကျဆင်းမှုဒဏ်ခံနေရသူတွေအတွက် အလုပ်အကိုင်တွေဖန်တီးပေးမယ်။ တရုတ်နိုင်ငံလို အလုပ်သမားခသက်သာတဲ့နိုင်ငံတွေကိုရောက်နေတဲ့ အမေရိကန်စီးပွားရေးတွေ နိုင်ငံထဲ ပြန်ရောက်အောင် လုပ်ပေးမယ်လို့ ကတိပြုထားပါတယ်။ ဒီကတိအပြင် IS စစ်သွေးကြွတွေကို အမြတ်ပြတ်အောင် ရှင်းမယ်လို့ Trump ရဲ့ပြောကြားချက်ကို သဘောကျတဲ့အတွက် Trump ကိုရွေးချယ်ခဲ့သူတွေထဲက တယောက်ကတော့ Nevada ပြည်နယ် Las Vegas မြို့မှာ နေထိုင်တဲ့ ဦးဆန်းထွန်းနီဖြစ်ပါတယ်။

" မဲပေးဖို့ စဉ်းစားတဲ့အခါကျတော့ ဟီလာရီကလင်တန်ကိုရော ဒေါနယ်ထရမ့်ကိုရော နှစ်ယောက်စလုံးကို ကျနော်က ဟိုးအရင်တုန်းက မဲပေးခဲ့ရသလို စံချိန်မှီလို့ ကျနော် မတွက်ပါဘူး ဘာဖြစ်လို့လဲဆိုတော့ ဟီလာရီကလင်တန်အနေနဲ့ကလည်း နည်းနည်းလေး ခပ်ပျော့ပျော့လေး လွန်ခဲ့တဲ့ ၈နှစ်ကတည်းက လေ့လာကြည့်ရသလောက်တော့ သူက ပြတ်ပြတ်သားသား သိပ်မရှိပါဘူး။ နည်းနည်းပျော့တယ်။ ဒေါ်နယ်ထရမ့်ကျတော့ သူဟာလေးနဲ့သူ တက်လာတယ်။ သူကတော့ အရင်ကတော့ မော်ဒယ်လ်လေးတွေနဲ့ ဘာလေးတွေနဲ့ သူ့ရဲ့ကိုယ်ရေးကိုယ်တာကိစ္စလေးတွေတော့ ရှိတာပေါ့။ ဒါပေမဲ့ ကျနော်တွက်ကြည့်တဲ့အခါကျတော့ ဒီမိုကရက် ၈နှစ်ပြီးတဲ့အချိန်မှာ အပြောင်းအလဲလေးကို လည်း တကယ်လည်း လိုချင်ပါတယ်။ နောက်တခုက IS ကို အပြတ်နှိမ်နှင်းမယ်ဆိုတဲ့ကိစ္စရယ်၊ နောက်ပြီး တိုင်းပြည်ကို ပြန်ပြီး ချမ်းသာအောင် လုပ်မယ်ဆိုတဲ့ကိစ္စရယ် အဓိက နှစ်ချက်နဲ့ ကျနော်က ပြန်ပြီးတော့ ရွေးလိုက်တဲ့အခါကျတော့ ကျနော် ဒေါနယ်လ်ထရမ့်ကိုပဲ ကျနော်မဲပေးခဲ့ပါတယ်။"

ကမ္ဘာမှာ သြဇာအရှိန်အဝါအကြီးဆုံး နိုင်ငံဖြစ်တဲ့ အမေရိကန်နိုင်ငံရဲ့ နိုင်ငံခြားရေးမူဝါဒဟာ သိပ်ကိုအရေးကြီးပါတယ်။ မဲဆွယ်စည်းရုံးမှုတွေအတွင်း နိုင်ငံခြားရေးဝန်ကြီးဟောင်း တယောက်ဖြစ်တဲ့ Hillary Clinton ဖက်က သူကျင့်သုံးနိုင်တဲ့ နိုင်ငံခြားရေးမူဝါဒအကြောင်း ရှင်းပြတာမျိုး ရှိခဲ့ပေမဲ့ Donald Trump အနေနဲ့ကတော့ ပြတ်ပြတ်သားသား ပြောထားတာမျိုးမရှိပါဘူး။ California ပြည်နယ် Orange County ကနေ မဲပေးခဲ့တဲ့ ကိုညီညီက သူသမ္မတရွေးချယ်တဲ့နေရာမှာ ဒီကိစ္စကို အဓိက စဉ်းစားခဲ့တယ်လို့ ပြောပါတယ်။

" Candidate ကတော့ ကျနော်ကတော့ ဟီလာရီကလင်တန်ကိုပဲ ရွေးလိုက်ပါတယ်။ အဓိက ကတော့ သူ့ကို အရမ်းကြိုက်လွန်းလို့တော့ မဟုတ်ဘူး။ ဒါပေမဲ့ ဒေါနယ်လ်ထရမ့်ထက်စာရင်တော့ သူက ပိုပြီးတော့ အသိညဏ်ရှိမယ်လို့တော့ ထင်တာပဲလေ။ နိုင်ငံရေးနဲ့ပတ်သက်ပြီးတော့ ဝါရင့်တယ်ဆိုတော့ အမှားလုပ်ဖို့ နည်းတယ်လို့ ဆုံးဖြတ်ပြီးတော့ ပေးတာပါ။

မေး။ ။ တခြား နိုင်ငံရေးအပြင် တခြားကိုယ်နဲ့ တိုက်ရိုက်ပတ်သက်နိုင်တဲ့ ကိစ္စမျိုးတွေမှာရော ဘယ်လိုစဉ်းစားလဲ။

" တခြားစဉ်းစားတဲ့အကြောင်းရင်းကတော့ ဒေါနယ်ထရမ့်တက်လို့ရှိရင် တခြားတိုင်းပြည်တွေနဲ့ မပြေလည်မှာ စိုးရိမ်တခုပဲ အဲ့တာကတော့ ဟီလာရီကလင်တန်နဲ့ဆို ပိုပြီးတော့ အဆင်ပြေမှာပေါ့နော်။ ဘာဖြစ်လို့လဲဆိုတော့ သူက ဒီ့ပြင်တိုင်းပြည်တွေနဲ့လည်း နဂိုကတည်းက ဆက်သွယ်ရှိထားဖူးတဲ့သူဆိုတော့ တိုင်းပြည်အတွက် ပြသနာ ဖြစ်စရာ မရှိပါဘူး အဲ့တာကြောင့်ပါ။"

အခုကြားခဲ့တာတွေကတော့ အမေရိကန်သမ္မတရွေးကောက်ပွဲမှာ မဲပေးခဲ့ကြတဲ့ မြန်မာနွယ်ဘွားတချို့ရဲ့ သဘောထားတွေဖြစ်ပါတယ်။ မကြာခင်နာရီပိုင်းအတွင်းမှာပဲ ဘယ်သူကသမ္မတအဖြစ် အနိုင်ရတယ်ဆိုတဲ့ အဖြေထွက်လာတော့မှာဖြစ်တဲ့အတွက် သမိုင်းဝင် ပထမဆုံး အမျိုးသမီးသမ္မတဖြစ်လာမလား၊ နိုင်ငံရေးနောက်ခံမရှိတဲ့ စီးပွားရေးသမားကြီးက သမ္မတဖြစ်လာမလားဆိုတာ သိရတော့မှာဖြစ်ပါတယ်။
VOA Burmese News


| သက်ထားဆွေ / ဧရာဝတီ ||

ရန်ကုန် သင်္ဃန်းကျွန်း စံပြဈေးအနီး ရောင်ခြည်သစ် ကုသိုလ်ဖြစ် ဆေးခန်းရှေ့ တွင် မိမိအမည်ကို ခေါ်ရန် စောင့်ဆိုင်း နေသူများထဲတွင် အသက် ၃၇ နှစ် အရွယ် မကျော့ တစ်ယောက်လည်း အပါအဝင် ဖြစ်သည်။ အသားဖြူဖြူ အနည်းငယ် ၀ဖိုင့်သော ခန္ဓာကိုယ်ရှိပြီး ဝေဒနာကြောင့် မျက်နှာ က နွမ်းလျနေသည်။ မကြာခဏ ယားယံသည့် ရောဂါခံစားရ၍ ဆေးခန်းပြ ရာမှ ဆီးချိုဝေဒနာဖြစ်နေမှန်း သိခဲ့ရပြီး ကုသမှုခံယူနေသည်မှာ တစ်နှစ်ကျော် ရှိသွားပြီ ဖြစ်သည်။

“ကျွန်မမှာ ဆီးချိုမျိုးရိုးလည်း မရှိဘူး။ သူများတွေလို အချိုတွေ၊ လက်ဖက်ရည်တွေကို စွဲစွဲမြဲမြဲ သောက်လေ့မရှိဘဲ ဆီးချို ဖြစ်တယ်ဆိုတော့ အံ့သြနေတာ” ဟုလည်း မကျော့က ဆိုသည်။ ကူးစက်ရောဂါ မဟုတ်သည့် ဆီးချို၊ သွေးတိုး၊ နှလုံးရောဂါများ အဖြစ်များလာခြင်းက စားသုံးဆီများနှင့် ဆက်စပ်မှု ရှိနေကြောင်း ဆေးပညာရှင်တချို့က သုံးသပ်လာကြသည်။

“အရင်တုန်းက သွေးတိုးဆီးချိုဆိုရင် သူဌေးရောဂါပေါ့။ အဆီအစိမ့်တွေ အရမ်းစားတဲ့သူတွေမှာ ဖြစ်တယ်လို့ ယေဘုယျ အားဖြင့် သုံးသပ် တာပေါ့။ နောက်ပိုင်း လမ်းဘေးဈေးသည်တွေ၊ ဆိုက်ကားသမားတွေက အစ ဆီးချိုဖြစ်လာတယ်” ဟု အထွေထွေရောဂါကု ဆရာဝန် ဒေါက်တာကျော်စွာဦး က ပြောသည်။

ဆီးချိုရောဂါ ဖြစ်ပွားပါက အမြင်အာရုံ ဆုံးရှုံးခြင်း၊ နှလုံးသွေးကြောဆိုင် ရာ လေဖြတ်ရောဂါနှင့် နှလုံးသွေးကြော ပိတ်ခြင်း၊ ကျောက်ကပ် ပျက်စီးခြင်း၊ ခြေပုပ်၍ ဖြတ်တောက်ပစ်ရခြင်း စသည့် ရောဂါများ ဖြစ်လာနိုင် သည်။ အိမ်ထောင်သည် ကလေးတယောက်အမေ ဖြစ်သော မကျော့တို့ မိသားစု၏ အဓိက၀င်ငွေမှာ ရာသီပေါ်ပန်းများကို ရောင်းရငွေ ဖြစ်သည်။ အသက် ၁၄ နှစ်အရွယ် ကလေးတဦးအတွက် ကျောင်းစရိတ်လည်းရှိသော သူတို့ မိသားစုသည် ချောင်ချောင်လည်လည် နေထိုင် စားသောက်ရေး မလွယ်ကူပေ။ နေ့စဉ် စားသောက်ရာတွင် သုံးစွဲသော ဆီအမျိုးအစားနှင့် ပတ်သက်ပြီး ပဲဆီ ရိုးရိုးသာ စားသုံးနိုင်သည်ဟု မကျော့က ပြောသည်။ “ပဲဆီပေါ့၊ အရမ်း အကောင်းကြီးတော့ မသုံးနိုင်ဘူး။ ပဲရိုးရိုးပေါ့။ တစ်ပိသ၁ာ ကျပ်နှစ်ထောင် ပေးရတယ်” ဟုလည်း သူက ပြောပြ သည်။

လက်ရှိတွင် မြေပဲ တစ်ပိသ၁ာ ခန့်မှန်းခြေ ၂,၅၀၀ ကျပ် ကျသင့်ပြီး မြေပဲ တစ်ပိသ၁ာကို ဆီကြိတ်ပါက ဆီလေးဆယ်သားခန့် ရနိုင်ကြောင်း ဆီလုပ်ငန်းရှင်များထံမှ သိရသည်။ အလုပ်သမားခ၊ မီတာခ၊ သယ်ယူပို့ဆောင်ရေး စရိတ်များ ထည့်တွက်ပါက ပဲဆီစစ်စစ်ရရှိရန် တစ်ပိသ၁ာလျှင် အရင်းအနှီး ကျသင့်ငွေမှာ ၅,၅၀၀ ကျပ် နီးပါးရှိသည်။ ထို့ကြောင့် ဈေးကွက်ထဲတွင် ပဲဆီဟုဆိုကာ ရောင်းချနေသော ဆီများ၏ ဈေးနှုန်းနှင့် ချိန်ထိုး စဉ်းစားပါက ယင်းဆီများမှာ ပဲဆီစစ်စစ် မဖြစ်နိုင်ပါ။

ဒေါက်တာ ကျော်စွာဦးက “ဆီမသန့်တဲ့အခါ ခန္ဓာကိုယ်တွင်းမှာ မကောင်းတဲ့ အဆီဓာတ်တွေ များလာရင်၊ သွေးထဲမှာ အဆီ ဓာတ်တွေ များလာ ရင် သွေးတိုး၊ ဆီးချို၊ နှလုံးသွေးကြော ကျဉ်းတာတွေ က ဖြစ်လာနိုင်တယ်။ အသက်ငယ်ငယ်နဲ့ ဖြစ်တော့ နောက်ပိုင်းမှာ ဒီရောဂါတွေကြောင့် အသက်တိုသွားနိုင်တယ်”ဟု ပြောသည်။

မြန်မာနိုင်ငံတွင် မကူးစက်နိုင်သော ရောဂါများကြောင့် သေဆုံးနှုန်း သည် နှစ်စဉ် အခြားသော သေဆုံးနှုန်းများ၏ ထက်ဝက်ကျော် ဖြစ်သော ၅၉ ရာခိုင်နှုန်းခန့် ရှိသည်။ မကူးစက်နိုင်သော ရောဂါများမှာ သွေး တိုး၊ နှလုံးသွေးကြော ကျဉ်း ရောဂါ၊ ဆီးချို သွေးချိုရောဂါ၊ ကင်ဆာ၊ နာတာရှည် အသက်ရှူလမ်းကြောင်း ဆိုင်ရာ ရောဂါများဖြစ်သည်။ သွေးတိုး၊ နှလုံး၊ ဆီးချိုနှင့်ကင်ဆာ ရောဂါများဖြစ်ပါက ရောဂါကို အမြစ်ပြတ် ပျောက် ကင်းအောင် ကုသ၍ မရနိုင်တော့ဘဲ ယင်းရောဂါများနှင့် နောက်ဆက် တွဲ ရောဂါများကြောင့် အသက်ဆုံးပါးသွားနိုင်သည်။

မကူးစက်နိုင်သော ရောဂါများသည် ကျန်းမာရေးနှင့် မညီညွတ်သော အစားအသောက်များ စားသုံးခြင်းနှင့် ကိုယ်လက် လှုပ်ရှားမှု နည်းခြင်းကြောင့် ဖြစ်ပေါ်ရခြင်းဖြစ်ကြောင်း၊ ကျန်းမာရေးနှင့် မညီညွတ်သော အစားအသောက်များသည် ချိုလွန်း၊ ငန်လွန်း၊ အဆီများလွန်းသော အစားအသောက်များ ဖြစ်ကြောင်း ပြည်သူ့ ကျန်းမာရေး ဦးစီးဌာန မကူးစက်နိုင်သော ရောဂါများ ကာကွယ်နှိမ်နင်းရေး ဌာနခွဲမှ ညွှန်ကြားရေးမှူး ဦးမြင့်ရွှေက ပြောပြသည်။

“အဆီလို့ဆိုရင် တိရစ္ဆာန်ကထုတ်တဲ့ ဝက်ဆီ၊ အမဲဆီ၊ နောက် စားအုန်းဆီ လည်း ပါတယ်။ ကျွန်တော်တို့ ဆေးပညာမှာ ပြည့်ဝဆီလို့ ခေါ်တယ်။ အဲဒီ ပြည့်ဝဆီတွေကို လျှော့သုံးဖို့လိုတယ်။ ဖြစ်နိုင်ရင် ရှောင်ရမယ်” ဟုလည်း ၎င်းကပြောသည်။ ပြည့်ဝဆီများကို စားသုံးခြင်းကြောင့် ရေရှည်တွင် သွေး တွင်း အဆီဓာတ်များကာ သွေးကြောဆိုင်ရာ ရောဂါများ၊ အသည်း အဆီဖုံးခြင်း၊ နှလုံးရောဂါနှင့် နောက်ဆက်တွဲ ရောဂါဆိုးများ ဖြစ်လာနိုင်သည်။

၂၀၁၄ ခုနှစ်အတွင်းက ကမ္တာ့ကျန်းမာရေး အဖွဲ့ (WHO) ၊ ကမ္ဘာ့ ဆီးချိုသွေးချို ဖောင်ဒေးရှင်း (WDF) နှင့် ကျန်းမာရေး ဝန်ကြီးဌာနတို့ ပူးပေါင်း ကောက်ယူသော စစ်တမ်းအရ မြန်မာတစ်နိုင်ငံလုံးတွင် သွေးတွင်း အဆီများနေသူမှာ ၃၆.၇ ရာခိုင်နှုန်းရှိကြောင်း သိရသည်။ ဆီဟုဆိုလျှင် ကလေးမှအစ လူကြီးအဆုံး မည်သူမျှ မကင်းနိုင်ပေ။ နေ့စဉ် စားသုံးသော အစာအာဟာရများတွင် အဆီဓာတ် ပါဝင်သည်။ ထမင်းနှင့် ဟင်းကို အဓိက စားသုံးသော မြန်မာနိုင်ငံတွင် ဟင်းချက်ရာတွင် ဆီကို နစ်နေအောင် သုံးတတ်ကြသည်။ လမ်းဘေး စားသောက်ဆိုင် အများစုနှင့် မြန်မာ စားသောက်ဆိုင် တချို့ကို ကြည့်ပါကလည်း ငရုတ်ဆီရောင် ရဲရဲနှင့် ဆီပြန် ဟင်းမျိုးစုံမှာ နေရာယူလျက်။ ဆီကိုရေချိုး ဆေးရိုးမီးလှုံဆိုသည့် ဆိုရိုးစကား အတိုင်းပင်။

*** ဈေးကွက်ထဲက စားသုံးဆီ ဆိုတာ

စားသုံးဆီ အမျိုးမျိုးကို အမှတ်တံဆိပ် ကပ်ကာ ပါကင်ဘူးများဖြင့် ရောင်းချခြင်း များ ရှိသလို လက်လီဆိုင်များတွင် ပဲဆီ ရိုးရိုး၊ ပဲဆီသန့်၊ ရှယ်ပဲဆီ စသဖြင့် ရောနှောဆီ အမျိုးမျိုးကို ဒန်အိုး၊ ဒန်ချိုင့်များထဲထည့်ကာ ခွက်ခြင် ရောင်းချခြင်းများလည်း ရှိသည်။ ဆင်းရဲမွဲတေမှု ၂၆ ရာခိုင်နှုန်း ရှိနေသော မြန်မာနိုင်ငံတွင် လူအများစုသည် ခွက်ခြင် စနစ်ကိုသာ အားထားနေရဆဲ ဖြစ်သည်။

ထို့ကြောင့် ဈေးကွက်ထဲတွင် ရောင်းချနေသော စားသုံးဆီများ၏ အရည် အသွေးကို သိရှိနိုင်ရန် လက်လီလက်ကား ရောင်းဝယ် ဖောက်ကား ရာ ညောင်ပင်လေးဈေးနှင့် လှည်းတန်းဈေး အပြင်ဘက်တန်းမှ အိမ်ရှင်မအများစု ဝယ်ယူကြသော တစ်ပိသ၁ာ ၂,၅၀၀ ကျပ် နှင့် တစ်ပိသ၁ာ သုံးထောင်ကျပ်တန် ဆီနမူနာ နှစ်မျိုးကို ယူ၍ ရန်ကုန်မြို့ရှိ ဓာတ်ခွဲခန်း နှစ်ခုသို့ ပို့ဆောင်၍ ဓာတ်ခွဲ စမ်းသပ်ခဲ့သည်။

“ရလဒ်တွေအရတော့ မြေပဲဆီမစစ်ဘူး။ မြေပဲဆီဆို သူ့ Iodine Value (IV) က ရှစ်ဆယ်ကနေ ၁၀၆ ဖြစ်ရမှာ။ အခုက ခြောက်ဆယ်ကျော် ပဲရှိတယ်ဆိုတော့ မြေပဲဆီ မဟုတ်ဘူး” ဟု ဆီလုပ်ငန်းနှင့် ဆီထွက် သီးနှံဆိုင်ရာ အကြံပေး အဖွဲ့တစ်ဖွဲ့ဖြစ်သော Green Grain Group အဖွဲ့မှ ဒါရိုက်တာ အကြံပေးပညာရှင် ဦးသန်းဌေးက ပြောသည်။ မည်သည့်ဆီများ ရောစပ်ထားကြောင်း FAME Profile ဟုခေါ်သော အသေးစိတ် စစ်ဆေးမှု ရလဒ်အရ စားအုန်းဆီတွင် ပါဝင်သော ဓာတ်ပစ္စည်းများ လွှမ်းမိုးမှုရှိနေကြောင်း ဓာတ်ခွဲခန်းပညာရှင် တစ်ဦးကလည်း ပြောပြသည်။

*** ရောနှောဆီ ပြသ၁နာ

နိုင်ငံတကာတွင်လည်း ရောနှောဆီ(Blanded oil) ဈေးကွက်ရှိပြီး တွင်ကျယ်စွာ ရောင်းဝယ်နေကြကြောင်း၊ သို့သော် အဆိုပါ နိုင်ငံများတွင် ဥပဒေ စည်းမျဉ်း စည်းကမ်းများ (Blanded oil law, labeling law) ဖြင့် မှန်မှန်ကန်ကန် လုပ်ကိုင်နေကြခြင်း ဖြစ်ကြောင်း ဆီစက်လုပ်ငန်းကို ၁၅ နှစ်ခန့် လုပ်ကိုင်ခဲ့သည့် မန္တလေးမှ ကိုကျော်ဆန်းလင်း က ပြောသည်။

ရောစပ်ရာတွင် အသုံးပြုသည့် ဆီများသည် ပြည်ပ နိုင်ငံများမှတင်သွင်း သည် ဖြစ်စေ ပြည်တွင်းထွက် ဆီများပင် ဖြစ်စေ ဈေးပေါပြီး ကျန်းမာရေး အန္တရာယ်ရှိသော စက်မှုလုပ်ငန်းသုံး ဆီများ ပါဝင်နေခြင်း၊ ပြည်တွင်းတွင် ပျက်စီးနေသော၊ ပုပ်နေသော ဆီထွက် သီးနှံများကို ကြိတ်ခွဲ ထုတ်လုပ် ထားသော ဆီများ၊ နည်းစနစ်တကျ သန့်စင်ထားခြင်း မရှိသော ဆီများ ပါဝင်နေခြင်း၊ ရောစပ်ရာတွင် အပူချိန်မြင့်မားစွာ ပေး၍ ရောစပ်နေကြခြင်း များ (Over 90'C)၊ အနံ့ (Artificial Flavor) ကို အချိန်အဆနှင့် နည်းစနစ် မှားယွင်းစွာ ရောစပ်နေကြခြင်း၊ ထုတ်လုပ်သည့် နိုင်ငံ၏ ထောက်ခံချက် မပါသည့် အနံ့ဆေးများကို အသုံးပြု ရောစပ်နေကြခြင်း စသည့် အကြောင်းရင်းများကြောင့် ရောစပ် အနံ့သုံးဆီများသည် ကျန်းမာရေး အန္တရာယ် ရှိနိုင်ကြောင်းလည်း ကိုကျော်ဆန်းလင်းက ဆက်ပြောပြသည်။

ရန်ကုန် လှိုင်မြို့နယ်နေ အိမ်ရှင်မတစ်ဦး ဖြစ်သူ မဖြူဖြူဇင်က “အညာက အသိတစ်ယောက်ကို ဆုံဆီ ၁၀ ပိသ၁ာ မှာလိုက်တဲ့အချိန်မှာ စားအုန်းဆီ ထည့်တဲ့ အဝါရောင်ပုံးနဲ့ ရောက်လာတယ်။ ဆက်စပ် တွေးကြည့်တော့ ဒီပုံးတွေ အညာမှာ ရောက်နေတယ် ဆိုကတည်းက သူတို့ဒါတွေ ကို ရောလို့ပေါ့။ အဲဒါကို နောက်ပိုင်းကျ ကြောက်လို့ မစားတော့ဘူး” ဟု ပြောသည်။ ဆုံဆီဆိုသည်မှာ မြေပဲဆန်ကို သစ်သားဆုံဖြင့် ကြိတ်ခွဲပြီး ရရှိလာသော ဆီဖြစ်သည်။

သစ်သားဆုံဖြင့် ကြိတ်ခြင်းသည် သံဆုံဖြင့် ကြိတ်သလို အပူချိန်မမြင့်၍ အအေးသား စနစ်ဖြင့်ကြိတ်ခွဲ ရရှိသောဆီ (Cold Press Oil) ဟူ၍ နိုင်ငံအများအပြားတွင် ခေါ်ဆိုကြပြီး ကျန်းမာရေးနှင့် အသင့်လျော်ဆုံး ဆီကြိတ် နည်းလမ်းတစ်ခု ဖြစ်သည်။ ပုံမှန်မြေပဲဆီ စစ်စစ်၏ အရောင်အသွေးသည် ဖြူဖျော့ဖျော့ အရောင်ဖြစ်ပြီး ဈေးကွက် အတွင်း ရောင်းချနေသော ပဲဆီများမှာ နနွမ်းရောင်ကဲ့သို့ ဝါဝင်းနေသည်ကို တွေ့ရသည်။ ထိုကဲ့သို့ ရွှေဝါရောင် တောက်နေသော ဆီများသည်လည်း မြေပဲဆီစစ်စစ် မဖြစ်နိုင်ကြောင်း ဦးသန်းဌေးက ပြောသည်။

“ဈေးထဲမှာ ကြည့်လိုက်လို့ သိပ်ဝါနေတာကြီးဆို ဒါ ပဲဆီမဟုတ်ဘူး။ တစ်ခုခု ရောထားတယ်”ဟုလည်း ၎င်းက ပြောဆိုသည်။ သို့သော်လည်း လက်ရှိအချိန်တွင် ပြည်တွင်းထုတ် ပဲဆီ၊ နှမ်းဆီများကို ပြည်ပမှတင်သွင်းသော အခြား ဟင်းသီးဟင်းရွက် ဆီများဖြင့် ရောနှောကာ အရည်အသွေး ညံ့ဖျင်းအောင် ရည်ရွယ်ချက်ရှိရှိ လုပ်ဆောင်ခြင်းသည် ပုံမှန်ကိစ္စတခု ဖြစ်နေကြောင်း နယ်သာလန်နိုင်ငံ LEI Wageningen တက္ကသိုလ်နှင့် မြန်မာအစိုးရတို့ ၂၀၁၄ ခုနှစ်က ပူးပေါင်း လုပ်ဆောင်သော Business opportunities and food safety of the Myanmar edible oil sector စစ်တမ်းအရ သိရသည်။

အဆိုပါစစ်တမ်းသည် ရန်ကုန်မှ မြစ်ကြီးနားမြို့အထိ တစ်နိုင်ငံလုံး အတိုင်းတာဖြင့် ဆီစက်ရုံများသို့ ကွင်းဆင်းကာ ကောက်ယူ ခဲ့ခြင်း ဖြစ်သည်။ မြန်မာ့ရိုးရာ အစားအစာများ ဖြစ်သော ငါးခြောက်ဖုတ်၊ ပဲပြုတ်ထမင်း ဆီစမ်း၊ လက်ဖက်သုပ် စသည့် အစားအစာများကို စားရာတွင် ပဲဆီ နှမ်းဆီ အနံ့လေး မွှေးနေမှပင် သဘောကျတတ်ကြသည်။ ယင်းကို အခွင့်ကောင်းယူကာ တချို့က ဈေးသက်သာသော စားအုန်းဆီထဲသို့ ဓာတု အနံ့များထည့်ကာ ပဲဆီဟု လိမ်ညာရောင်းချလာခဲ့သည်။

မန္တလေးမြို့ရှိ အာရှသား ဆီစက်လုပ်ငန်းမှ ဦးသန်းလွင်က ဆီစက်လုပ်ငန်း လုပ်ရာတွင် ကုန်ကြမ်းခ၊ စက်လည်ရန်အတွက် မီတာခ၊ အလုပ်သမားခ စသည်ဖြင့် ကုန်ကျစရိတ်များ ရှိကြောင်း၊ အနံ့ထည့်ပဲဆီ ဈေးကွက် ကြီးထွားလာပြီးနောက် မှန်မှန်ကန်ကန် ထုတ်လုပ်ရောင်းချသူများ တွက်ခြေမကိုက်တော့၍ လုပ်ငန်း ရပ်ဆိုင်းသွားသူများလည်း ရှိကြောင်း ပြောပြသည်။

“အရင်တုန်းက နိုင်ငံတော်အစိုးရက ဆင်းရဲသားပြည်သူတွေ စားနိုင်အောင် စားအုန်းဆီကို သွင်းတာပေါ့ဗျာ။ အခုက ဆင်းရဲသားတွေက အဲဒီစားအုန်းဆီကို မစားတော့ဘူး။ အနံ့ထည့်တဲ့ဆီကို ပဲဆီဆိုပြီး စားနေတာ” ဟုလည်း ၎င်းက ဆက်ပြောသည်။

ပြီးခဲ့သည့် ဇူလိုင်လ အတွင်းက လားရှိုးမြို့နယ် စားသုံးသူရေးရာ ဦးစီးဌာနကလည်း ဆီထုတ်လုပ်နေသော နေရာများသို့ ကွင်းဆင်းစစ်ဆေးရာတွင် အမှန်တကယ် ဆီစက် လည်ပတ် ထုတ်လုပ်နေခြင်းထက် ပုံးဆီများကို မှာယူ၍ မိမိတို့ကိုယ်ပိုင် အမှတ်တံဆိပ်ကပ် ရောနှော ရောင်းချနေသည်ကို စစ်ဆေးတွေ့ရှိရကြောင်း ထုတ်ပြန်ခဲ့သေးသည်။

ကွင်းဆင်းစစ်ဆေးရာတွင် ပါဝင်သော လားရှိုးမြို့နယ် စားသုံးသူရေးရာ ဦးစီးဌာနမှ ဒုတိယ ပြည်နယ်ဦးစီးမှူး ဦးဇော်မင်းသန်း က “အဲဒီပဲဆီကို ဘယ်က ဝယ်သလဲဆိုတော့ မန္တလေးက ဆီစက်တွေကဝယ်ပြီး သူတို့ တံဆိပ်ကပ် ပြန်ရောင်းတယ်။ တချို့ကျ စားအုန်းဆီတွေ ဝယ်တယ်။ ဒီမှာ စားဆီအနေနဲ့ ပြန်ရောင်းတယ်” ဟု ပြောပြသည်။

*** ဓာတုပစ္စည်းများ အသုံးပြုနေ

ရန်ကုန်မြို့ရှိ ဓာတုပစ္စည်း ကုန်ကြမ်းများ ရောင်းချနေသော ကုန်ဈေးတန်းတွင် ဆီမခဲဆေးအပြင် ပဲဆီ အနံ့ဘူးများကိုလည်း ရောင်းချနေကြသည်။ သကြားနှင့် ဆင်တူသော ဆီမခဲဆေးအမှုန့်သည် တစ်ပေါင်လျှင် ၁၃,၀ဝ၀ ကျပ်ခန့် ဈေးရှိပြီး စားအုန်းဆီ တစ်ပေပါလျှင် ယင်း အမှုန့်ကို ထမင်းစားဇွန်း နှစ်ဇွန်းခန့် ထည့်၍ ရကြောင်း ရောင်းချသူက အညွှန်းပေးသည်။ ထို့အပြင် တရုတ်စာများ ရေးထားသော ပဲဆီအနံ့ ဘူးငယ်များကို ဂရိတ် အမျိုးမျိုးဖြင့် လည်းကောင်း၊ ပဲစိမ်းနံ့၊ ပဲလှော်နံ့ စသဖြင့် အနံ့အမျိုးမျိုးဖြင့် လည်းကောင်း တစ်လီတာလျှင် ၁၂,၀ဝ၀ ကျပ်မှစ၍ ၁၄,၀ဝ၀ ခန့်အထိ ရောင်းချလျက် ရှိသည်။

ယင်း ပါကင်ပိတ် ပဲဆီအနံ့ဘူးများကို ဈေးကွက်တွင် လက်လီ ခွဲမရောင်းပါ။ မြေပဲဆီအတု ပြုလုပ်ရောင်းချသူများက ပါကင် မဟုတ်ပါက အရောအနှောပါမည်ကို စိုးရိမ်ကာ မယုံကြည်၍ ဖြစ်သည်။ ဓာတုပစ္စည်းများသည် အများအားဖြင့် တရုတ်နိုင်ငံဘက်မှ ဝင်ရောက်ခြင်း ဖြစ်သည်။ မြန်မာနိုင်ငံတွင် လက်လှမ်းမီသရွေ့ လိုက်လံစုံစမ်းကြည့်သော ဓာတ်ခွဲခန်းများတွင် ယင်းဓာတုပစ္စည်းများကို ဓာတ်ခွဲ စမ်းသပ်၍ မရသဖြင့် ဓာတုကျွမ်းကျင် ပညာရှင်များပင် မည်သည့် ဓာတုပစ္စည်းများ ဖြစ်ကြောင်း အဖြေမထုတ်နိုင်ပေ။

“အနံ့ဘူးဆို အနံ့က ပြင်းလွန်းတော့ သေချာတာကတော့ ဒါကို ရှူမိရင် ရေရှည်မှာ အဆုတ်တို့၊ အသက်ရှူလမ်းကြောင်း ရောဂါတို့ ဖြစ်လာနိုင် တယ်။ အဆုတ်ထဲ ယဉ်သွားပြီးရင် ပြန်ထွက်ဖို့ မလွယ်ဘူး”ဟု Green Grain Group အဖွဲ့မှ ဒါရိုက်တာ အကြံပေးပညာရှင် ဦးသန်းဌေးက ပြောသည်။

အစားအသောက် ပညာရှင် ဒေါက်တာစိုးခိုင်က စားသုံးဆီများကို သန့်စင်စေရန် Solvent (အရည်ပျော်စေသည့် သတ္တိရှိသော) ဓာတုပစ္စည်းများကို သုံးရပြီး Hexane (အရောင်အသွေး မရှိသော ဟိုက်ဒရိုကာဗွန် ဓာတ်ပေါင်းရည်) ဆိုသော Solvent ကို အများဆုံး အသုံးပြုကြကြောင်း၊ Hexane သည် ပင်ကိုအားဖြင့် ကင်ဆာရောဂါ ဖြစ်နိုင်သော ဓာတ်ပစ္စည်း တစ်မျိုးဖြစ်ရာ စနစ်တကျ မှန်ကန်တိကျစွာ အသုံးမပြုလျှင် စားသုံးသူများကို ကင်ဆာရောဂါမျိုးစုံ ဖြစ်စေနိုင်ကြောင်း ပြောသည်။

“အုန်းဆီ၊ စားအုန်းဆီ၊ ဟင်းရွက်ဆီခဲ (Magarine) တွေက ပြည့်ဝဆီ (Saturated fats) ဖြစ်လို့ အခန်းအပူချိန် အောက် အေးတဲ့ အနေအထားဆို အစိုင်အခဲတွေ ဖြစ်နေတတ်တယ်။ အဲဒီလို မဖြစ်ဖို့ ခုနကပြောတဲ့ Solvent တွေကို သုံးရတဲ့အတွက် ရောဂါတွေ ဖြစ်လာနိုင်တယ်” ဟုလည်း ဒေါက်တာ စိုးခိုင်က ပြောဆိုသည်။

*** ဈေးကွက်ထဲက ဘေးအန္တရာယ်

ကွန်ကရစ် အကြမ်းခင်းထားသော ရန်ကုန် ဘုရင့်နောင် ပွဲရုံရှေ့ လမ်းပေါ်နှင့် ပေနှစ်ဆယ်ခန့် အကျယ်ရှိ မှောင်ကုပ်ကုပ် ပွဲရုံခန်းထဲတွင် ဆီချိုးများတက်ပြီး ညစ်ပတ်ပေရေနေသော တိုင်ကီများသည် ဟိုတစ်စု၊ ဒီတစ်စု ပြန့်ကျဲလျက် ရှိသည်။ မည်းညစ်ပြီး ဆီကြေးများ အထပ်ထပ် တက်နေသော ယင်းတိုင်ကီများထဲတွင် လူအများစု စားသုံးကြသည့် စားအုန်းဆီများ ရှိနေသည်။ ပြည်တွင်းသို့ တရားဝင် ဝင်ရောက်သော စားအုန်းဆီများ၏ အရည်အသွေးနှင့် ပတ်သက်၍ တင်သွင်းခွင့်ပြုသော စီးပွားရေးနှင့် ကူးသန်းရောင်းဝယ်ရေး ဝန်ကြီးဌာနနှင့် တရားဝင် တင်သွင်းနေသော ဆီကုန်သည်များက အပြည့်အဝ တာဝန်ယူသည်ဟု ဆိုသည်။

မြန်မာနိုင်ငံ ဆီကုန်သည်နှင့် ဆီလုပ်ငန်းရှင်များ အသင်းမှ တွဲဖက် အတွင်းရေးမှူး ဦးပိုင်ဖြိုးသန့် က “Normal trade (တရားဝင် လမ်းကြောင်း) နဲ့ ဝင်တဲ့ဆီက အကုန် ကျန်းမာရေး စစ်ဆေးပြီးမှ ဝင်တာ။ နိုင်ငံတော်လည်း အခွန်ရတယ်။ ပြည်သူတွေ အနေနဲ့လည်း ကျန်းမာရေး အာမခံချက် ရှိတယ်”ဟု ပြောသည်။ သို့သော်နယ်စပ်မှ တရားမဝင် တင်သွင်းလာသော ဆီများသည် အာမခံချက်မရှိသလို ပြည်တွင်းတွင် မည်မျှပျံ့နှံ့ ရောင်းချ နေသည် ဆိုသော ကိန်းဂဏန်း အချက်အလက်လည်း မရှိပေ။ ထို့အပြင် ပြည်တွင်း တွင် ရောင်းချနေသော စားသုံးဆီများနှင့် ပတ်သက်၍ ပြည်သူများ၏ ကျန်းမာရေးအပေါ် မည်ကဲ့သို့ သက်ရောက်နိုင်ကြောင်း သုတေသန ပြုလုပ်ထားသော စစ်တမ်းများလည်း ရှာမရပါ။

လက်ရှိအချိန်ထိ စားသုံးဆီဆိုင်ရာ စံချိန်စံညွှန်း သတ်မှတ်ချက်နှင့် စည်းမျဉ်း သတ်မှတ်ချက်များ မရှိသဖြင့် စားသုံးဆီ များ၏ အရည်အသွေး နှင့် ဘေးအန္တရာယ် ကင်းမှုအခြေအနေကို မသိနိုင်ကြောင်း၊ အခြားသော ဘေးအန္တရာယ် ကင်းရှင်းရေး ပြသ၁နာ တစ်ရပ်မှာ ယခင်က ဓာတုဆီများ သိုလှောင်ထားသော ပုံးများဖြင့် စားသုံးဆီများကို သယ်ယူ သိုလှောင်ခြင်း ဖြစ်ကြောင်း Business opportunities and food safety of the Myanmar edible oil sector စစ်တမ်း အရ သိရသည်။

ဆက်ရန် …
သက်ထားဆွေ/ဧရာဝတီ
The Ladies News



"တကယ်လို့များ ရေးသားချက်က သူ့ကိုတစ်ကယ်ပဲ အဂတိလိုက်စားမှုရှိတယ်ဆိုရင် ထောက်ပြဝေဖန်ပြီး လှန်ထုတ်လိုက်ပါ။ အချက်အလက်အခိုင်အမာနဲ့ အဂတိလိုက်စားမှုရှိတယ်လို့ ပြောရင် ဝန်ကြီးချုပ်ရာထူးပြုတ်သွားလည်း လက်ခံတယ်။ အဲဒီအချက် မှားတယ်ဆိုရင်တော့ သတင်းစာဆရာတွေအနေနဲ့ အပြန်အလှန် တာဝန်ယူဖို့လိုတယ်ဆိုတာ ..."
Kamayut Media

ဝန်ကြီးချုပ်တစ်ဦး ဒေါ်လာ တစ်သိန်းတန် လက်ပတ်နာရီကို မူးယစ်ဆေးဝါးမှုဖြင့် အကျဉ်းကျခံခဲ့ရသူ စီးပွားရေး သမားတစ်ဦးထံမှ လက်ဆောင် ရယူခဲ့သည်ဟု Daily Eleven သတင်းစာ၏ ဖေါ်ပြချက်သည် ရန်ကုန်တိုင်း ဝန်ကြီးချုပ်လည်းဖြစ် အမျိုးသား ဒီမိုကရေစီအဖွဲ့ချုပ် ဗဟို အလုပ်အမှုဆောင် ကော်မတီဝင်လည်းဖြစ်သူ ဦးဖြိုးမင်းသိန်းကို ရည်ညွှန်းသည်ဟု အမျိုးသား ဒီမိုကရေစီအဖွဲ့ချုပ် ဗဟို အလုပ်အမှုဆောင် ကော်မတီ၏ အတွင်းရေးမှူး အဖွဲ့ဝင် ဦးဝင်းထိန်က အဓိပ္ပါယ်ဖွင့်ကာ မဟုတ်မှန်ကြောင်း မဇ္ဈိမသို့ ငြင်းဆိုပါတယ်။

ရန်ကုန်တိုင်းဝန်ကြီးချုပ် ဦးဖြိုးမင်းသိန်းမှ Eleven Media ကို တရားစွဲဆိုမည်ဖြစ်ကြောင်းလည်း ဦးဝင်းထိန်က ဆက်လက် ပြောဆိုပါတယ်။ ယင်းပြောဆိုမှုများနှင့် ပတ်သက်၍ Eleven Media ၏ အယ်ဒီတာချုပ်ဖြစ်သူ ဦးဝေဖြိုးက Eleven Media Group အပေါ် တိုက်ရိုက် စွပ်စွဲသလိုဖြစ်တဲ့ အတွက် တရားဥပဒေအတိုင်း ဆက်လက် ဆောင်ရွက်သွားမည်ဖြစ်ကြောင်း နိုဝင်ဘာ ၈ ရက် ညနေပိုင်း သတင်းစာရှင်းလင်းပွဲမှာ ပြောဆိုခဲ့ပါတယ်။

Eleven media တွင်ရေးသားဖော်ပြခဲ့သည့် အယ်ဒီတာအာဘော်သည် မှန်ကန်သည့် အချက်အလက်များ အပေါ်အခြေခံထားကြောင်း အယ်ဒီတာချုပ်ဝေဖြိုးက မဇ္ဈိမ၏ မေးမြန်းချက်ကို ပြန်လည်ဖြေဆိုခဲ့ပါတယ်။

သို့သော် ဦးဝင်းထိန်ကတော့ “ဖြိုးမင်းသိန်းက အဲ့ဒီနာရီ မပတ်ဘူး သူပတ်တဲ့နာရီက Rolex အဲ့ဒါ သူ့မိန်းမ ဝယ်ပေးတာ။ အဲ့ဒီလို အထောက်အထား မခိုင်လုံဘဲနဲ့ ရေးတဲ့ဟာ သူ့ဘက်က စာနယ်ဇင်းကျင့်ဝတ် ချိုးဖေါက်တာ” လို့ ဦးဝင်းထိန်က မဇ္ဈိမကို ပြောဆိုပါတယ်။

Mizzima - News in Burmese


Daily Eleven သတင်းစာ ရှင်းလင်းပွဲ (VOA)
Daily Eleven သတင်းစာ ရှင်းလင်းပွဲ (VOA)

ပြည်တွင်းသတင်းစာ တစောင်ဖြစ်တဲ့ Daily Eleven ရဲ့ အယ်ဒီတာ့အာဘော်ပါ အချက်အလက်တချို့နဲ့ ပတ်သက်လို့ ရန်ကုန်တိုင်း အစိုးရက မေးခွန်းထုတ်ခဲ့တဲ့အတွက် အခြေအတင် အငြင်းပွားစရာတွေ ပေါ်ပေါက်လာနေပါတယ်။ အစိုးရအဆင့်မြင့် အရာရှိတဦး၊ အဂတိလိုက်စားမှုနဲ့ ဆက်နွယ်နေတဲ့ သဘောမျိုးတွေ ပါဝင်နေတဲ့ အယ်ဒီတာ့အာဘော်နဲ့ ပတ်သက်လို့ နောက်ဆက်တွဲ အပြန်အလှန် သတင်းစာရှင်းလင်းပွဲတွေ ကျင်းပဖို့လည်း စီစဉ်နေကြပါတယ်။ အကြောင်းစုံကိုတော့ ဆက်သွယ်စုံစမ်းထားတဲ့ ဗွီအိုအေမြန်မာပိုင်း သတင်းထောက် ထက်အောင် ကပြောပြပေးမှာ ဖြစ်ပါတယ်။

Daily Eleven နေ့စဉ်သတင်းစာမှာ တနင်္ဂနွေနေ့က ဖော်ပြခဲ့တဲ့ ရွေးကောက်ပွဲ တစ်နှစ်ကြာသော် အယ်ဒီတာ့အာဘော်မှာ ၀န်ကြီးချုပ် တစ်ဦးက စီးပွားရေးလုပ်ငန်းရှင် သူဌေးတစ်ဦး လက်ဆောင်ပေးတဲ့ အဖိုးတန် နာရီဝတ်ဆင်ခဲ့တဲ့အကြောင်း ထည့်သွင်းရေးသားခဲ့တာနဲ့ ပတ်သက်လို့ ရန်ကုန်တိုင်း အစိုးရက တရားဝင် စာပေးပို့ မေးခွန်းထုတ်ခဲ့ရာက အငြင်းပွားစရာတွေ နောက်ဆက်တွဲ ပေါ်ပေါက်နေတာ ဖြစ်ပါတယ်။ ရန်ကုန်တိုင်း ၀န်ကြီးချုပ် ဦးဖြိုးမင်းသိန်း က သတင်းစာပါ အကြောင်းအရာတွေနဲ့ ပတ်သက်လို့ အကြောင်းကြားစာ ပေးပို့ခဲ့ပေမဲ့ Daily Eleven ကတော့ သတင်းမီဒီယာတွေရဲ့ တာဝန်အတိုင်း ဆောင်ရွက်ခဲ့ကြောင်း အင်္ဂါနေ့ထုတ် သတင်းစာတွေမှာ ဖော်ပြခဲ့တာပါ။ ညနေပိုင်းမှာလည်း အစိုးရတာဝန်ရှိသူတွေရဲ့ ပြောဆိုချက်တွေနဲ့ ပတ်သက်လို့ ရန်ကုန်မြို့မှာ Daily Eleven က သူတို့ ရပ်တည်ချက်ကို သတင်းထောက်တွေကို ထပ်ရှင်းပြခဲ့ပါတယ်။

“ပထမဆုံးအချက်အနေနဲ့ အခုပြောသွားတဲ့အချက်မှာ လုံးဝအမှားအယွင်းမပါပါဘူး သူက ကျနော်တို့ကို စွပ်စွဲထားတာဖြစ်ပါတယ် ဒေါ်လာ ၁ သန်းတို့ ။ ကျနေ်ာတို့ သုံးနှုန်းထားတာမှာ ရန်ကုန်တိုင်းဝန်ကြီးချုပ် ဦးဖြိုးမင်းသိန်းဆိုတာ တလုံးမှာ ဖော်ပြထားခြင်းမရှိသလို ဒေါ်လာ ၁ သန်းဆိုတဲ့ စကားလုံးကျနော်တို့ ဘယ်မှာမှ ဖော်ပြထားခြင်းမရှိပါဘူး။”

Daily Eleven နေ့စဉ်သတင်းစာ အယ်ဒီတာချုပ် ကိုဝေဖြိုး ပြောပြသွားတာပါ။

Daily Eleven ရဲ့ ရေးသားချက်တွေနဲ့ ပတ်သက်လို့ ရှင်းလင်းဖို့ ပြောကြားထားတဲ့ ရန်ကုန်တိုင်း ၀န်ကြီးချုပ် ဦးဖြိုးမင်းသိန်းကတော့ ဗုဒ္ဓဟူးနေ့ အစောပိုင်းမှာပဲ ပြည်တွင်းမှာရှိတဲ့ သတင်းမီဒီယာ အဖွဲ့အစည်းတချို့က တာဝန်ရှိသူတွေနဲ့ တွေ့ဆုံပြီး ဆွေးနွေးခဲ့ပါတယ်။ ရန်ကုန်တိုင်း ၀န်ကြီးချုပ်ရုံးမှာ တွေ့ဆုံခဲ့တဲ့ အထဲက မြန်မာသတင်းမီဒီယာကောင်စီ အတွင်းရေးမှူး ဦးသီဟစော ကတော့ Daily Eleven သတင်းစာ ဖော်ပြချက်နဲ့ ပတ်သက်လို့ ဆောင်ရွက်သင့်တဲ့ ကိစ္စတွေကို အဓိကထားဆွေးနွေးခဲ့တယ်လို့ ပြောပါတယ်။

“အကျိုးအကြောင်းရှင်းပြတယ်။ ရှင်းပြပြီးတော့ အကြံ ဉာဏ်ပြောတယ်ပေါ့နော် ဥပဒေအရ လုပ်ပိုင်ခွင့်ရှိတဲ့ ဒီ Complain Mechanism ကိုရှင်းပြခဲ့တာပါ။အငြင်းပွားမှုများ ညှိနှိုင်းဖြေရှင်းရေးကော်မတီဆိုတာရှိတယ်။ အဲဒီကိုတိုင်ရင် ၂ ဘက်စလုံးကိုခေါ်ပြီးတော့ အကျိုးအကြောင်းဖော်ထုတ်ညှိနှိုင်းဖြေရှင်းပေါ့နော် အဲဒါမျိုးတွေ လုပ်ခြင်းအားဖြင့် တကယ်လို့ မလိုအပ်ရင်တရားစွဲတာတွေ လုပ်စရာမလိုတော့ဘူးပေါ့နော်။ အဲဒီလိုမျိုးဖြေရှင်းတဲ့ နည်းလမ်းရှိပါတယ်။ အဲဒီလိုမျိုးဖြေရှင်းစေချင်တယ်လို့ အကြံပြုလိုက်တယ်။”

Daily Eleven ရဲ့ အယ်ဒီတာ့အာဘော်မှာတော့ အမျိုးသား ဒီမိုကရေစီအဖွဲ့ချုပ် (NLD) အရပ်သား အစိုးရ လက်ထက်မှာလည်း အဂတိလိုက်စားမှုတွေ ဆက်လက်ကြီးထွားနေတာကြောင့် လူထုက စိတ်ပျက်နေတယ်လို့လည်း ရေးသားခဲ့တာပါ။ တစ်လကို အမေရိကန် ဒေါ်လာ ၂၅၀၀ သာရတဲ့ ၀န်ကြီးချုပ် တစ်ဦးက၊ ဒေါ်လာသိန်းချီတန်တဲ့ Patek Philippe နာရီကို ၀တ်ဆင်နေပြီး၊ ဒီနာရီကို မူးယစ်ဆေးဝါးအမှုနဲ့ ထောင်က လွတ်လာခဲ့တဲ့ သူဌေးတစ်ဦးဆီကနေ လက်ဆောင်ရထားတာလို့လည်း စွပ်စွဲထားပါတယ်။ ဒီအတွက်လည်း ဆောင်းပါးမှာ ရည်ညွှန်းဖော်ပြထားတဲ့ တန်ဘိုးကြီးနာရီ လက်ဆောင်ပေးတဲ့ ပုဂ္ဂိုလ် ဘယ်သူ ဘယ်ဝါဖြစ်ကြောင်း ထုတ်ဖော်ပြောဆိုဖို့ အပါအ၀င် ရှင်းလင်းချက်ပေးဖို့ ရန်ကုန်တိုင်း ၀န်ကြီးချုပ်ရုံးက Daily eleven နေ့စဉ်သတင်းစာ အယ်ဒီတာချုပ်ကို လိပ်မူပြီး တနင်္လာနေ့က အကြောင်းကြားစာ ပေးပို့ခဲ့တာပါ။

Daily Eleven နေ့စဉ်သတင်းစာကတော့ ဒါဟာ အယ်ဒီတာအဖွဲ့နဲ့ မီဒီယာ အဖွဲ့အစည်းတွေကို ဖိအားပေးတဲ့ သဘောဖြစ်ပြီး ဆောင်းပါးထဲမှာတော့ ရန်ကုန်တိုင်း ၀န်ကြီးချုပ်နဲ့ အစိုးရအဖွဲ့နာမည်တွေကို တိုက်ရိုက် သုံးနှုန်းထားခြင်း မရှိဘူးလို့ ဆိုပါတယ်။ ဒါ့အပြင် ဒီစာဟာ လွတ်လပ်စွာ ထုတ်ဖော်ရေးသားခွင့် freedom of Press ကို ဖိအားပေးတဲ့ သဘောဖြစ်တာကြောင့် ပြန်လည် ဖြေကြားမှာ မဟုတ်ဘူးဆိုပြီး ဒီကနေ့ အင်္ဂါနေ့ထုတ် သတင်းစာမှာ ၀န်ကြီးချုပ်ရုံးက ပေးပို့ထားတဲ့ စာနဲ့အတူ တုံ့ပြန်စာတစောင်ကို ဖော်ပြခဲ့တာပါ။

မြန်မာ သတင်းမီဒီယာကောင်စီ အဖွဲ့ဝင်ဦးမြင့်ကျော်ကတော့ ဒီဆောင်းပါးမှာ ရေးသားထားတဲ့အတိုင်း အချက်အလက် ခိုင်ခိုင်မာမာ ရှိရင် ချပြသင့်တယ်လို့ ပြောပါတယ်။

“ဒီဟာက တကယ့်ကို Corruption သဘောမျိုးကိစ္စပေါ့လေ၊ စွမ်းဆောင်ရည်ကို အကဲဖြတ်တာမဟုတ်ဘူး၊ အရည်အချင်းကို အကဲဖြတ်တာမဟုတ်ဘူး၊ လုပ်ဆောင်တာကို အကဲဖြတ်တာမဟုတ်ဘူး။ Corruption ကိစ္စဆိုတော့ တကယ် Evidence ရှိရင်တော့ ထုတ်ပြစေချင်တယ်ပေါ့နော်။ အထောက်အထားနဲ့ အဲဒါမျိုးကို ပြစေချင်တယ်။ Evidence မရှိရင်တော့ ဒါကလည်း တဘက်မှာ ကာကွယ်ပိုင်ခွင့်ရှိတယ်ဆိုတဲ့ အနေအထားမျိုးဖြစ်ပါတယ်။”

ရန်ကုန်တိုင်း ၀န်ကြီးချုပ် ဦးဖြိုးမင်းသိန်း အနေနဲ့ ဒီကိစ္စနဲ့ ပတ်သက်လို့ ကြာသပတေးနေ့ ညနေပိုင်းမှာ သတင်းစာရှင်းလင်းပွဲတရပ် ကျင်းပမယ်လို့လည်း ဗွီအိုအေကို ပြောပါတယ်။ တချိန်တည်းမှာပဲ Daily Eleven သတင်းစာက ရည်ညွှန်းဖော်ပြခံရတဲ့ စီးပွားရေးသမားလို့ အများက ထင်ကြေးပေး ပြောဆိုခံနေရတဲ့ လုပ်ငန်းရှင်တဦးဖြစ်တဲ့ မောင်ဝိတ် ကလည်း မနက်ဖြန်အစောပိုင်းမှာ သတင်းစာရှင်းလင်းပွဲ ကျင်းပမှာ ဖြစ်တဲ့အကြောင်း သတင်းမီဒီယာတွေကို အကြောင်းကြားထားပါတယ်။
RFA


မြန်မာကာကွယ်ရေးဦးစီးချုပ် ဥရောပသမဂ္ဂစစ်ဘက်ဆိုင်ရာ ကော်မတီဥက္ကဋ္ဌ General Mikhail Kostarakos နှင့်တွေ့ဆုံ (Senior General Min Aung Hlaing Facebook)
EU ဥရောပသမဂ္ဂအဖွဲ့ဝင်နိုင်ငံများရဲ့ စစ်ဘက်ဆိုင်ရာ ကော်မတီ (EUMC) အစည်းအဝေးမှာ မြန်မာတပ်မတော်ကာကွယ်ရေးဦးစီးချုပ် ဗိုလ်ချုပ်မှူးကြီးမင်းအောင်လှိုင် ဒီကနေ့ မိန့်ခွန်းပြောမှာဖြစ်ပါတယ်။

ဥရောပသမဂ္ဂ ကာကွယ်ရေးဦးစီးချုပ်များရဲ့ ၁ နှစ် ၂ ကြိမ် ကျင်းပတဲ့ အစည်းအဝေးအတွင်း လက်ရှိမြန်မာနိုင်ငံရဲ့ ကာကွယ်ရေးဆိုင်ရာ အခင်းအကျင်း၊ ဒီမိုကရေစီ် အပြောင်းအလဲနဲ့ အမျိုးသား ပြန်လည်သင့်မြတ်ရေးလုပ်ငန်းစဉ်မှာ စစ်တပ်ရဲ့ပြောင်းလဲတိုးတက်မှု အခြေအနေတွေကို ကာကွယ်ရေးဦးစီးချုပ်က နိုဝင်ဘာ ၈ ရက်၊ အင်္ဂါနေ့မှာ မိန့်ခွန်းပြောကြားမှာဖြစ်တယ်လို့ EU နိုင်ငံခြားဆက်ဆံရေးနဲ့ လုံခြုံရေးမူဝါဒရေးရာရုံး ပြောခွင့်ရသူက VOA မြန်မာပိုင်းကို ပြောပါတယ်။

နိုဝင်ဘာ ၇ ရက် တနင်္လာနေ့ကတော့ Belgium နိုင်ငံ Brussels မြို့တော်မှာ ရောက်နေတဲ့ ဗိုလ်ချုပ်မှုးကြီးမင်းအောင်လှိုင်ဟာ ကော်မတီရဲ့ အမြဲတမ်းဥက္ကဋ္ဌ ဗိုလ်ချုပ်ကြီး Mikhail Kostarakos နဲ့တွေ့ဆုံခဲ့ပါတယ်။ မြန်မာစစ်တပ်နဲ့ ဥရောပသမဂ္ဂအဖွဲ့ဝင်နိုင်ငံတွေရဲ့ စစ်တပ်တွေကြား ဆက်ဆံရေးတိုးမြှင့်ရေး၊ လေ့ကျင့်သင်တန်းများစေလွှတ်ရေးနဲ့ အနာဂတ်ပူးပေါင်းဆောင်ရွက်ရေး အစီအစဉ်တွေကို ဆွေးနွေးခဲ့ကြတယ်လို့ ကာကွယ်ရေးဌာန့က သတင်းထုတ်ပြန်ပါတယ်။ ၂ ရက်ကြာ ကျင်းပနေတဲ့ ဥရောပသမဂ္ဂရဲ့ အဆင့်အမြင့်ဆုံး စစ်ဘက်ဆိုင်ရာကော်မတီ စည်းဝေးပွဲမှာ မိန့်ခွန်းပြောဖို့ ဗိုလ်ချုပ်မှူးကြီးမင်းအောင်လှိုင်ကို ဗိုလ်ချုပ်ကြီး Kostarakos ကဖိတ်ကြားခဲ့တာပါ။

 ဗွီအိုအေ (မြန်မာပိုင်း)
http://burmese.voanews.com


နိုဝင်ဘာလ ၆ ရက်နေ့ထုတ် Daily Eleven သတင်းစာကို တွေ့ရစဉ်
နိုဝင်ဘာလ ၆ ရက်နေ့ထုတ် Daily Eleven သတင်းစာကို တွေ့ရစဉ်
Photo: RFA

ရန်ကုန်တိုင်းဝန်ကြီးချုပ် ဦးဖြိုးမင်းသိန်းက Eleven Media ကို တရားစွဲဖို့ စီစဉ်နေတယ်လို့ အမျိုးသား ဒီမိုကရေစီအဖွဲ့ချုပ် NLD ပါတီက ဗဟိုအတွင်းရေးမှူးအဖွဲ့ဝင် ဦးဝင်းထိန်က ပြောပါတယ်။

ရန်ကုန်တိုင်းဝန်ကြီးချုပ် ဦးဖြိုးမင်းသိန်းမှာ ဒေါ်လာတစ်သိန်းတန် နာရီပတ်ထားတယ်ဆိုတာ မဟုတ်မှန်ကြောင်းနဲ့ စွပ်စွဲသလိုသဘောမျိုးဖြစ်တာကြောင့် ဦးဖြိုးမင်းသိန်းက ရန်ကုန်တိုင်းဥပဒေချုပ်နဲ့ တိုင်ပင်ပြီး Daily Eleven သတင်းစာကို တရားစွဲဖို့ စီစဉ်နေကြောင်း ဦးဝင်းထိန်က ဒီကနေ့ နေပြည်တော်မှာ ပြောပါတယ်။

"အခုဟာက ဖြိုးမင်းသိန်းက ဒေါ်လာတစ်သောင်းတန်နာရီကို ပတ်ပါတယ်ဆိုတာ စွပ်စွဲချက်၊ အဲ့စွပ်စွဲချက်မမှန်လို့ ဒါ Elevenကို ဖြိုးမင်းသိန်းက တရားစွဲဖို့စီစဉ်နေတယ်"

အဲဒီကိစ္စနဲ့ပတ်သက်ပြီး Eleven သတင်းစာကလည်း သတင်းစာရှင်းလင်းပွဲ ကျင်းပခဲ့ပြီး တရားစွဲလာရင် တရားရင်ဆိုင်သွားမယ်လို့ ဒီနေ့ ညနေက သတင်းစာရှင်းလင်းပွဲမှာ အယ်ဒီတာချုပ် ကိုဝေဖြိုးက ပြောပါတယ်။

ပြီးခဲ့တဲ့ နိုဝင်ဘာလ ၆ ရက်နေ့ထုတ် Daily Eleven နေ့စဉ်သတင်းစာမှာ ပါရှိတဲ့ ရွေးကောက်ပွဲတစ်နှစ် ကြာသော်ဆောင်းပါးမှာ လစာဒေါ်လာ နှစ်ထောင့်ငါးရာခန့်ရရှိတဲ့ ဝန်ကြီးချုပ်တစ်ဦး ဒေါ်လာတစ်သိန်းခန့် တန်သည့် Patek Phillipe နာရီဝတ်ဆင်သည် ဆိုသောသတင်းက တစ်နေ့အနည်းဆုံးလုပ်ခ နှစ်ဒေါ်လာခွဲ သာရသည့် နိုင်ငံသားတော်တော်များများကို မကျေမနပ်ဖြစ်စေခဲ့သည်ဆိုပြီး ရေးသားဖော်ပြထားတာပါ။ Eleven ရဲ့ဒီကနေ့ ထုတ်ဝေတဲ့ သတင်းစာမှာ သူတို့အနေနဲ့ ဝန်ကြီးချုပ်အမည်လည်း မသုံးသလို အစိုးရကိုလည်း အမည်တပ်ပြီး ရေးသားထားတာ မရှိဘူးလို့ ချေပထားပါတယ်။

အဲဒီဆောင်းပါးမှာ လက်ဆောင်ပေးသူမှာ မကြာသေးမီက မူးယစ်ဆေးဝါးအမှုနဲ့ ထောင်ကလွတ်လာတဲ့ သူဌေးကြီးတစ်ဦးဖြစ်ပြီး အစိုးရအကူးအပြောင်းမှာ မြို့သစ်စီမံကိန်းကို တင်ဒါအောင်မြင်ခဲ့သူတစ်ဦးဆိုတာလည်း ပါရှိပါတယ်။ ဒါပေမဲ့ အမည်တော့ ရေးသားဖေါ်ပြခြင်း မရှိပါဘူး
RFA

ရှမ်းတိုင်းရင်းသားများ ဒီမိုကရက်တစ်ပါတီ SNDP ဥက္ကဋ္ဌ ဦးစိုင်းအိုက်ပေါင်းကို တွေ့ရစဉ်
ရှမ်းတိုင်းရင်းသားများ ဒီမိုကရက်တစ်ပါတီ SNDP ဥက္ကဋ္ဌ ဦးစိုင်းအိုက်ပေါင်းကို တွေ့ရစဉ်
Photo: RFA

 ရှမ်းပြည်နယ်အခြေစိုက် နိုင်ငံရေးပါတီ ၁၃ ခု စုပေါင်းပြီး ရှမ်းပြည်နယ် တိုင်းရင်းသားပါတီများအဖွဲ့ချုပ်ကို ဖွဲ့စည်းလိုက်ပါတယ်။

အခုလ လဆန်းပိုင်းက အတည်ပြု ဖွဲ့စည်းလိုက်တာဖြစ်ပြီး ရှမ်းပြည်နယ် အခြေစိုက် တိုင်းရင်းသားပါတီတွေ အနာဂတ်မှာ စုပေါင်းလုပ်ကိုင်နိုင်ဖို့ ရည်ရွယ်တယ်လို့ အဖွဲ့ချုပ်မှာ ပါဝင်တဲ့ ရှမ်းတိုင်းရင်းသားများ ဒီမိုကရက်တစ်ပါတီဥက္ကဌ ဦးစိုင်းအိုက်ပေါင်း က ပြောပါတယ်။

'' စည်းလုံးညီညွတ်မှုနဲ့ ရှမ်းပြည်နယ်မှာ တိုင်းရင်းသားပါတီတွေ စည်းစည်းလုံးလုံးနဲ့ လာမယ့် အနာဂတ်မှာ စုပေါင်းပြီးတော့ အလုပ်လုပ်မှာပေါ့၊ ဒီအမျိုးသားအဆင့် နိုင်ငံရေးဆွေးနွေးပွဲမှာရော၊ ဒီ ၂၁ ရာစု ပင်လုံဆွေးနွေးပွဲမှာရော၊ တိုင်းရင်းသားပါတီတွေ အရင်စုပြီးတော့ ဆွေးနွေးပြီးတော့ အဖြေထုတ်မှာ''

အဲဒီအဖွဲ့ချုပ်မှာ ရှမ်းတိုင်းရင်းသားများ ဒီမိုကရက်တစ်ပါတီ SNDP၊ ဖက်ဒရယ်ပြည်ထောင်စုပါတီ၊ ဓနုတိုင်းရင်းသားလူမျိုးများ ဒီမိုကရေစီပါတီ၊ အင်းအမျိုးသားဖွံ့ဖြိုးတိုးတက်ရေးပါတီ အစရှိတဲ့ ပါတီတွေ ပါဝင်ကြပါတယ်။

လာမယ့် ဖေဖော်ဝါရီလထဲမှာ ကျင်းပမယ့် ဒုတိယအကြိမ်မြောက် ပင်လုံညီလာခံမှာ ရှမ်းပြည်နယ်ထဲ က နိုင်ငံရေးပါတီတွေရဲ့ သဘောထားတွေကို စုစည်းပြီး တင်ပြနိုင်ဖို့အတွက်လည်း ရည်ရွယ်ပြီး ဖွဲ့စည်းတာဖြစ်တယ်လို့လည်း သိရပါတယ်။

အဖွဲ့ဝင်ပါတီတွေအနေနဲ့ လာမယ့်ကြားဖြတ်ရွေးကောက်ပွဲအတွက် ရှမ်းပြည်နယ်ထဲက လစ်လပ်မဲဆန္ဒနယ်မြေတွေမှာ ဝင်ရောက်ယှဉ်ပြိုင်ဖို့ ကြိုတင်ညှိနှိုင်းထားတယ်လို့ သိရပါတယ်။

အခုဖွဲ့စည်းလိုက်တဲ့ အဖွဲ့ထဲမှာ ရှမ်းပြည်နယ်က အင်အားကြီးပါတီတစ်ခုဖြစ်တဲ့ ရှမ်းတိုင်းရင်းသားများ ဒီမိုကရေစီအဖွဲ့ချုပ် SNLD တော့ မပါဝင်သေးပါဘူး။

လက်ရှိအချိန်အထိ ရှမ်းပြည်နယ်ထဲမှာ မှတ်ပုံတင်ထားတဲ့ နိုင်ငံရေးပါတီပေါင်း ၁၈ ခု ရှိပါတယ်။
RFA

Author Name

Contact Form

Name

Email *

Message *

Powered by Blogger.