11/10/16

နေပြည်တော် နိုဝင်ဘာ ၉
ပြည်ထောင်စုသမ္မတမြန်မာနိုင်ငံတော် နိုင်ငံတော်သမ္မတ ဦးထင်ကျော်သည် ထိုင်းဘုရင်မင်းမြတ် နတ်ရွာစံခြင်းအတွက် လွမ်းသူ့ပန်းခွေချ အခမ်းအနားသို့ တက်ရောက်ရန် ယနေ့နံနက်ပိုင်းတွင် ရန်ကုန်အပြည်ပြည်ဆိုင်ရာလေဆိပ်မှ ထွက်ခွာ ပြီး ထိုင်းနိုင်ငံ ဘန်ကောက်မြို့ သုဝဏ္ဏဘူမိလေဆိပ်သို့ ဒေသစံတော်ချိန် နံနက် ၉ နာရီ ၂၅မိနစ်တွင် ရောက်ရှိရာ လေဆိပ်၌ ထိုင်းနိုင်ငံ ဒုတိယ၀န်ကြီးချုပ် Dr. Somkid Jatusripitak ၊ ထိုင်းနိုင်ငံခြားရေးဝန်ကြီးဌာနမှ တာဝန်ရှိသူများ၊ ထိုင်းနိုင်ငံဆိုင်ရာ မြန်မာသံအမတ်ကြီး ဦးဝင်းမောင်နှင့် မြန်မာသံရုံး၊ စစ်သံရုံးတို့မှ တာဝန်ရှိသူများက ကြိုဆိုကြသည်။

နိုင်ငံတော်သမ္မတနှင့်အဖွဲ့သည် ထိုင်းဘုရင့်နန်းတော် Grand Palace သို့ ရောက်ရှိရာ Grand Palace အကြီးအကဲ Dr. Chirayu Isarangkun Na Ayuthaya ၊ သံတမန်ရေးရာ အကြီးအကဲနှင့် တာဝန်ရှိသူများက ကြိုဆိုကြသည်။ ယင်းနောက် နိုင်ငံတော်သမ္မတနှင့်အဖွဲ့သည် နတ်ရွာစံသွားသည့် ထိုင်းဘုရင်မင်းမြတ် ဘူမိဘော အဒူရာဒက်ရ်ှအတွက် လွမ်းသူ့ပန်းခွေချသည်။

ထို့နောက် နိုင်ငံတော်သမ္မတသည် ထိုင်းဘုရင်မင်းမြတ် နတ်ရွာစံခြင်းအတွက် ၀မ်းနည်းကြောင်းစာအုပ်တွင် လက်မှတ်ရေးထိုးသည်။

နိုင်ငံတော်သမ္မတနှင့်အဖွဲ့သည် ထိုင်းနိုင်ငံ ဘန်ကောက်မြို့ရှိ မြန်မာသံရုံးသို့ ရောက်ရှိပြီး အသစ်တည်ဆောက်လျက်ရှိသည့် သံရုံးအဆောက်အဦအား လှည့်လည် ကြည့်ရှုစစ်ဆေးရာ သံအမတ်ကြီးနှင့် တာဝန်ရှိသူများက လိုက်လံရှင်းလင်းပြသကြ သည်။

ဆက်လက်၍ သံရုံးဝန်ထမ်းများ၊ သံရုံးမိသားစုများအား တွေ့ဆုံအမှာစကား ပြောကြားပြီး မြန်မာသံရုံး၌ နိုင်ငံကူးလက်မှတ် လာရောက်လျှောက်ထားနေကြသည့် ထိုင်းနိုင်ငံ ရောက် မြန်မာနိုင်ငံသားများအား ရင်းရင်းနှီးနှီးတွေ့ဆုံနှုတ်ဆက်သည်။

ယင်းနောက် ဘန်ကောက်မြို့ရှိ အဂတိလိုက်စားမှုတိုက်ဖျက်ရေးပြတိုက် (Anti Corruption Museum) သို့ရောက်ရှိပြီး Museum အတွင်း လှည့်လည်ကြည့်ရှုလေ့လာ သည်။

နိုင်ငံတော်သမ္မတနှင့်အဖွဲ့သည် ညနေပိုင်းတွင် ထိုင်းနိုင်ငံ သုဝဏ္ဏဘူမိလေဆိပ်မှ ပြန်လည်ထွက်ခွာပြီး ရန်ကုန်အပြည်ပြည်ဆိုင်ရာ လေဆိပ်သို့ ညပိုင်းတွင်ပြန်လည် ရောက်ရှိကြရာ လေဆိပ်၌ ရန်ကုန်တိုင်းဒေသကြီး ၀န်ကြီးချုပ် ဦးဖြိုးမင်းသိန်း၊ ရန်ကုန်မြို့တော်ဝန် ဦးမောင်မောင်စိုးနှင့် ထိုင်းနိုင်ငံသံရုံးမှ သံရုံးယာယီတာဝန်ခံ Mr. Chainarong Keratiyutwon နှင့် တာဝန်ရှိသူများက ကြိုဆိုကြသည်။

Myanmar President Office



နိုဝင်ဘာ ၉၊ အာဂျင်တီးနား ။ ။ မက်ဆီရဲ့ ဘယ်ဘက်ခြေထောက်ဟာ မှော်ဆန်တယ်လို့ တင်စားခံရတဲ့ ခြေထောက်ဖြစ်ပါတယ်။ သူ့ရဲ့ ဘယ်ဘက်ခြေထောက်မှာ မက်ဆီဟာ ပုံတွေအများအပြား တက်တူးရေးထိုးထားပါတယ်။

အခုတော့ သူ့ရဲ့ ဘယ်ဘက်ခြေသလုံးမှာ အဓိကကျတဲ့ အထိမ်းအမှတ်ပုံတွေကလွဲလို့ ကျန်တဲ့အပိုင်းတွေကို တက်တူးအမဲ အပြည့်ရေးထိုးလိုက်ပါပြီ။ အရင်က ပန်းတွေ၊ တောင်ပံတွေ၊ ဓါးတွေပါဝင်ပြီး သူ့ရဲ့ တက်တူးပုံစံက အနည်းငယ်ရှုပ်ထွေးပါတယ်။ အခုဒါတွေကို ဘာမှမမြင်ရတော့ပါဘူး။ သူ့ရဲ့သားဦး တီယာဂိုရဲ့ နာမည်နဲ့ လက်ပုံ၊ သူ့ရဲ့ အမှတ်အသားဖြစ်တဲ့ နံပါတ် ၁၀ နဲ့ ဘောလုံးပုံတွေသာ ကျန်ရှိပါတော့တယ်။

ဘရာဇီးအသင်းနဲ့ ကမ္ဘာ့ဖလားခြေစစ်ပွဲစဉ်ယှဉ်ပြိုင်ကစားရမယ့် အာဂျင်တီးနားအသင်းရဲ့ လေ့ကျင့်ရေးအစီအစဉ်မှာ မက်ဆီရဲ့ တက်တူးဒီဇိုင်းအသစ်ကို တွေ့မြင်ခဲ့ရတာပါ။ ဒီဘယ်ခြေထောက်ကြောင့်ပဲ သူဟာ တစ်ကမ္ဘာလုံးကို စိုးမိုးသိမ်းပိုက်နိုင်ခဲ့သူဖြစ်ပြီး ၀င်ငွေသန်းပေါင်းများစွာကို ရရှိခဲ့တာ ဖြစ်ပါတယ်။

ရည်ညွှန်း မယ်ရာ
Mizzima - News in Burmese

အမေရိကန် သမ္မတရွေးကောက်ပွဲတွင် ဒေါ်နယ်ထရမ့် အနိုင်ရရှိသွားခြင်းနှင့် ပတ်သက်၍ နာမည်ကျော် အနုပညာရှင်များက ၄င်းတို့၏ အမြင် နှင့် ခံစားမှုများကို ဖော်ပြခဲ့ကြသည်။ “ကျွန်မတို့ ဘယ်တော့မှ အရှုံးမပေးဘူး” ဟု ကလင်တန်အား ထောက်ခံသူ အဆိုတော် မက်ဒေါနားက တွစ်တာတွင် ရေးသားခဲ့သည်။

ဒေါ်နယ်ထရမ့်အား ထောက်ခံသူ အနုပညာရှင်များထဲမှ တစ်ဦးဖြစ်သည့် မင်းသား Stephen Baldwin က “ဒီလို အံ့သြဝမ်းသာစရာကောင်းတဲ့ သမိုင်းရဲ့ အစိတ်အပိုင်းတစ်ခု ဖြစ်ရတာကို ကျွန်တော် ဂုဏ်ယူမိပါတယ်” ဟု တွစ်တာတွင် ရေးသားခဲ့သည်။

Clueless ဇာတ်ကားဖြင့် လူသိများသူ မင်းသမီး Stacey Dash ကလည်း “အမေရိကန်ဟာ ပြန်ပြီး ကြီးကျယ်ခမ်းနား လာပါတော့မယ်” ဟု ဆိုခဲ့သည်။
သို့ရာတွင် ထရမ့်အား ထောက်ခံသူ အနုပညာရှင်များမှာ အနည်းစု ဖြစ်သည်။
Parks and Recreation ဇာတ်ကား၏ မင်းသမီး Rashida Jones က “အမှောင်လွှမ်းသော နေ့တစ်နေ့” ဟု ဆိုခဲ့ပြီး၊ မင်းသမီး Christina Applegate ကလည်း “အသည်းကွဲရသည်” ဟု ဆိုခဲ့ကြသည်။
ဟီလာရီကလင်တန်အား ထောက်ခံသူ တစ်ဦးဖြစ်သည့် ကမ္ဘာကျော် အနုပညာ ကြယ်ပွင့် လေဒီဂါဂါက “ကြင်နာမှု၊ တန်းတူညီမျှမှု၊ ချစ်ခြင်းမေတ္တာ စတာတွေအတွက် ရပ်တည်ကြပါ။ ကျွန်မတို့ကို ဘယ်အရာကမှ ရပ်တန့်နိုင်မှာ မဟုတ်ပါဘူး” ဟု ရေးသားခဲ့သည်။

ကလင်တန်အတွက် မဲဆွယ်စည်းရုံးပေးခဲ့သူ အဆိုတော် Katty Perry ကလည်း “ငြိမ်ငြိမ်လေး ထိုင်မနေကြပါနဲ့။ မငိုကြွေးကြပါနဲ့။ ကျွန်မတို့ဟာ၊ အမုန်းတရားက ဦးဆောင်ခွင့်ကို  ခွင့်ပြုမယ့် နိုင်ငံ မဟုတ်ပါဘူး” ဟု တွစ်တာတွင် ရေးသားခဲ့ပြီး “ကျွန်မတို့ ဘယ်တော့မှ နှုတ်ဆိတ်သွားမှာ မဟုတ်ပါဘူး” ဟုလည်း ဆိုခဲ့သည်။
အခြား နာမည်ကျော် အနုပညာရှင် အများအပြားကလည်း ထရမ့်၏ အောင်ပွဲကို မနှစ်သက်သည့် ခံစားချက်များ ရေးသားဖော်ပြခဲ့ကြသည်။
Mizzima - News in Burmese


အမေရိကန်လွှတ်တော်
အမေရိကန်လွှတ်တော်

ပြီးခဲ့တဲ့ တပတ်ကျော်က သမ္မတရွေးကောက်ပွဲ ယှဉ်ပြိုင်မှုတွေမှာ ဟီလာရီ ကလင်တန် မဲ အသာစီး ရနေတဲ့အတွက် အထက်လွှတ်တော်ကို ဒီမိုကရက်တွေကပဲ ထိန်းချုပ်ထားနိုင်မယ်လို့ ယုံကြည်နေကြပါတယ်။ အောက်လွှတ်တော်အတွင်းမှာ တောင်မှာ ဒီမိုကရက်တွေအနိုင်ရနိုင်မယ့် အလားအလာတွေ တွေ့ခဲ့ရတာပါ။

ဒါပေမယ့်လည်း အင်္ဂါနေ့ညနဲ့ ဗုဒ္ဓဟူးနေ့မနက် ရွေးကောက်ပွဲရလဒ်တွေ ထွက်ပေါ်လာတဲ့အချိန်မှာတော့ ကလင်တန် အကြီးအကျယ်အရေးနိမ့်နေ သလိုပဲ ကွန်ဂရက် အထက်လွှတ်တော်နဲ့ အောက်လွှတ်တော် နှစ်ရပ်စလုံးမှာပါ Republican အများစု ထိန်းချုပ်ထားနိုင်မှာကို ရှင်းရှင်းလင်းလင်း တွေ့လာရပါတယ်။

အထက်လွှတ်တော်အမတ်နေရာ ၁၀၀ ထဲက ၃၄ နေရာနဲ့ အောက်လွှတ်တော် အမတ်နေရာ ၄၃၅ နေရာ အားလုံးအတွက် အင်္ဂါနေ့မှာ ရွေးကောက်ပွဲ ကျင်းပခဲ့တာပါ။ အခု ရွေးကောက်ပွဲ ရလဒ်တွေအရ Republican က အထက်လွှတ်တော် အမတ်နေရာ ၅၁ နေရာနဲ့ ဒီမိုကရက်ဘက်က ၄၇ နေရာ ရရှိထားပြီး ဆုံးဖြတ်ချက်မထွက်သေးတဲ့ အမတ်နေရာ ၂ နေရာ ကျန်နေသေးတယ်။ ကွန်ဂရက်လွှတ်တော် ပြန်လည်စတင်မယ့် ဇန်န၀ါရီလ အထိဆိုရင် Republican တွေက အမတ်နေရာ ၅၃ နေရာအထိ တိုးလာနိုင်ဖွယ်ရှိပါတယ်။

New Hampshire ပြည်နယ်အတွင်းမှာ မဲအရေအတွက် ၉၃ ရာခိုင်နှုန်း ရေတွက် ပြီးချိန်မှာတော့ လက်ရှိ Republican လွှတ်တော်အမတ် Kelly Ayotte က ပြိုင်ဘက် ဒီမိုကရက်လွှတ်တော်အမတ် Maggie Hassan က အနည်းငယ် ဦးဆောင်နေ ပါတယ်။ Louisiana ပြည်နယ်မှာတော့ Republican လွှတ်တော်အမတ် John Kennedy နဲ့ ဒီမိုကရက်လွှတ်တော်အမတ် Foster Campell တို့ဟာ အင်္ဂါနေ့ ရွေးကောက်ပွဲမှာ ၂၅ နဲ့ ၁၇ ရာခိုင်နှုန်း မဲအသီးအသီးရရှိခဲ့တဲ့အတွက် ဒီဇင်ဘာလမှာ တကျော့်ပြန် ရွေးကောက်ပွဲပြန်လည် ကျင်းပရမှာဖြစ်ပါတယ်။ အကြောင်းကတော့ နှစ်ယောက်စလုံးမဲအရေအတွက် ဟာ ၅၀ ရာခိုင်နှုန်းအထက် အပြတ်အသတ် အနိုင်မရခဲ့လို့ပဲဖြစ်ပါတယ်။
VOA Burmese News


ဒေါ်လာတစ်သိန်းခန့်တန်သည့် နာရီနှင့် စီးပွားရေး လုပ်ငန်းရှင်တစ်ဦး ၊ ၀န်ကြီးချုပ် အဆက်အစပ် အယ်ဒီတာ့ အာဘော်အား ရေးသားဖော်ပြခဲ့သည့် အလဲဗင်းမီဒီယာ ဂရုနှင့် ပိုင်ရှင်ဖြစ်သူ ဒေါက်တာ သန်းထွဋ်အောင် တို့အား တာမွေရဲစခန်းတွင် ဆက်သွယ်ရေး ဥပဒေ ပုဒ်မ ၆၆ (ဃ) ဖြင့် အမှုဖွင့်ထားကြောင်း ရန်ကုန်တိုင်း ၀န်ကြီးချုပ် ဦးဖြိုးမင်းသိန်းက ပြောသည်။

အမှုတိုင်တန်းမှုအား ယနေ့ နိုဝင်ဘာလ ၉ ရက်နေ့ နေ့လယ် ၁ နာရီက ပြုလုပ်ခဲ့ခြင်းဖြစ်ကြောင်း နိုဝင်ဘာလ ၉ ရက်နေ့ ညနေပိုင်း က ပြုလုပ်သည့် သတင်းစာ ရှင်းလင်းမှုတွင် ပြောဆိုသည်။

ရန်ကုန်တိုင်း ၀န်ကြီးချုပ်ကလည်း တန်ဖိုးကြီး နာရီဆိုသည်မှာ မိမိနှင့် လုံးဝ မနီးစပ်သော အခြေအနေတွင် ဖြစ်ကြောင်းနှင့် စီးပွားရေး လုပ်ငန်းရှင် ဦးမောင်ဝိတ်နှင့်လည်း အလှမ်းကွာဝေးကြောင်း ယနေ့ ပြုလုပ်သည့် သတင်းစာ ရှင်းလင်းမှုတွင် ပြောဆိုသည်။

အလဲဗင်းမီဒီယာအား အာမခံမှု ပေးနိုင်ခြင်း မရှိသော ဆက်သွယ်ရေး ပုဒ်မဖြင့် စွဲဆိုရခြင်းမှာ အလဲဗင်းမီဒီယာ၏ အွန်လိုင်း စာမျက်နှာများတွင် ပါ ဖော်ပြခဲ့ခြင်းကြောင့် ဖြစ်ကြောင်း ရန်ကုန်တိုင်းအစိုးရ အဖွဲ့က ပြောဆိုသည်။

အလဲဗင်းမီဒီယာ အနေဖြင့် ပုံနှိပ်မီဒီယာတွင်လည်း အဆိုပါ ဆောင်းပါး အား ဖော်ပြခဲ့ပြီး စာနယ်ဇင်း ကောင်စီသို့လည်း အဆိုပါ ကိစ္စနှင့် ပတ်သက်၍ ရန်ကုန်တိုင်းဒေသကြီး အစိုးရအဖွဲ့မှ တိုင်တန်းထားသည်။

ပြီးခဲ့သည့် သမ္မတ ဦးသိန်းစိန် လက်ထက်တွင် သတင်းမီဒီယာ စာနယ်ဇင်း သမားများအား တရားစွဲဆိုမှု ဖမ်းဆီးမှုများ ရှိခဲ့သော်လည်း အများစုမှ ၅၀၀ ၊ ၅၀၅-ခ ကဲ့သို့ ပုဒ်မများဖြင့်သာ စွဲဆိုခဲ့ခြင်းဖြစ်ပြီး မြိုင်မြို့နယ်ရှိ တပ်မတော် စက်ရုံထဲသို့ ၀င်သူများကိုသာ နိုင်ငံတော် လျှို့ဝှက်အက်ဖြင့် စွဲဆို အရေးယူမှု ပြုလုပ်ခဲ့သည်။ အဆိုပါ ဆက်သွယ်ရေး ဥပဒေ ပုဒ် ၆၆ (ဃ) မှာ လူ့အခွင့်အရေး ရှုထောင့်အရ ဝေဖန်ခံနေရသည့် ပုဒ်မလည်း ဖြစ်သည်။
The Ladies News


NBF ပါတီရဲ့ ၂၇ ကြိမ်မြောက်ညီလာခံကို နိုဝင်ဘာလ ၉ ရက်နေ့က ရန်ကုန်မြို့မှာကျင်းပစဉ်
NBF ပါတီရဲ့ ၂၇ ကြိမ်မြောက်ညီလာခံကို နိုဝင်ဘာလ ၉ ရက်နေ့က ရန်ကုန်မြို့မှာကျင်းပစဉ်
Photo: Nationalities Brotherhood Federation - NBF/ Facebook

ပြီးခဲ့တဲ့ ၂၀၁၅ ရွေးကောက်ပွဲကာလက ဒေသတချို့မှာ လက်နက်ကိုင်တပ်ဖွဲ့တွေရဲ့ ပါဝင်စွက်ဖက်မှုတွေကြောင့် တရားမျှတတဲ့ အခြေအနေမျိုးမရှိခဲ့ကြောင်းနဲ့ လာမယ့် ၂၀၁၇ ကြားဖြတ်ရွေးကောက်ပွဲမှာ အဲဒီလိုအခြေအနေတွေ မဖြစ်အောင် ကော်မရှင်ဘက်က ဆောင်ရွက်ပေးစေလိုတယ်လို့ ညီနောင်တိုင်းရင်းသားပါတီများ ဖက်ဒရေးရှင်း NBF က ကြေညာချက်ထုတ်ပြန် တောင်းဆိုလိုက်ပါတယ်။

ရှမ်းပြည်နယ်အတွင်းက လက်နက်ကိုင်အဖွဲ့တွေအနေနဲ့ မိမိတို့နိုင်စေချင်တဲ့ ပါတီကို ဘက်လိုက်ပြီး ဒေသခံတွေကို မဲပေးခိုင်းတာမျိုး ဆက်မလုပ်ဖို့လိုတာကြောင့် အခုလိုကြေညာချက်ထုတ်ပြန်တာဖြစ်တယ်လို့ NBF အဖွဲ့ဝင် ဖက်ဒရယ်ပြည်ထောင်စုပါတီဥက္ကဌ ဦးစောသန်းမြင့်က ပြောပါတယ်။

" ပြောမယ်ဆိုရင်တော့ ဒီတိုင်းရင်းသားလက်နက်ကိုင်တွေဟာ ရွေးကောက်ပွဲနဲ့ ပတ်သက်ပြီးတော့ တော်တော် များများ ဝင်ရောက်စွက်ဖက်ထားတာ ဦးတို့တွေ့ရတယ်ပေါ့။ အားလုံးလည်းသိတယ်။ အစိုးရလည်းသိ တယ်။ ကော်မရှင်ကလည်းသိတယ်။ ဒါပေမဲ့ ဘာမှတိုင်တာတောတာ ပြဿနာတွေ မလုပ်ခဲ့ဘူးပေါ့။ ဒါပေမဲ့ အဲ့တစ်ကြိမ်ပဲပြီးပါစေတော့။ နောက်လာမယ့်ကိစ္စတွေမှာ တိုင်းရင်းသား လက်နက်ကိုင်အဖွဲ့တွေ နောက်လာ မယ့်ရွေးကောက်ပွဲတွေမှာ ဘက်မလိုက်ဖို့၊ သူတို့နိုင်စေချင်တဲ့ ဘက်ကိုဖိအားပေးတာ။ မဲပေးဖို့ ဖိအားပေး တာ ပြည်သူတွေကို။ အဲ့ဒီအထောက်အထားတွေက ဦးတို့ အားလုံးရှိတယ်။ ရှမ်းပြည်မှာဆိုရင်။"

လာမယ့် ၂၀၁၇ ခုနှစ် ဧပြီလ ၁ ရက်နေ့မှာ ရန်ကုန်၊ စစ်ကိုင်း၊ ပဲခူး၊ မွန်၊ ရခိုင်၊ ရှမ်း၊ ချင်းနဲ့ ကယားပြည်နယ်တွေက လစ်လပ်မဲဆန္ဒနယ်မြေ ၁၉ ခုမှာ ကြားဖြတ်ရွေးကောက်ပွဲ ကျင်းပပေးသွားမယ်လို့ ရွေးကောက်ပွဲကော်မရှင် က အောက်တိုဘာလ ၂၃ ရက် နေ့က ထုတ်ပြန်ကြေညာထားပါတယ်။

လစ်လပ်မဲဆန္ဒနယ်မြေ ၁၉ နေရာထဲက ၈ နေရာဟာ ရှမ်းပြည်နယ်အတွင်းက ကျိုင်းတုံ၊ ညောင်ရွှေ၊ မိုင်းရှူး နဲ့ ကျေးသီးမြို့နယ်တွေက ဖြစ်ပါတယ်။

မိုင်းရှူးနဲ့ ကျေးသီးမြို့နယ်တွေဟာ ရှမ်းပြည်တိုးတက်ရေးပါတီ၊ ရှမ်းပြည်တပ်မတော် SSPP/SSA က တပ်တွေ လှုပ်ရှားတဲ့ နေရာဖြစ်ပြီး ပြီးခဲ့တဲ့ ၂၀၁၅ အထွေထွေရွေးကောက်ပွဲကာလက နယ်မြေ မအေးချမ်း တာကြောင့် ရွေးကောက်ပွဲ ကျင်းပဖို့ ချန်လှပ်ထားခဲ့တဲ့ နယ်မြေတွေ ဖြစ်ပါတယ်။

ညီနောင်တိုင်းရင်းသားပါတီများ ဖက်ဒရေးရှင်း NBF ကို ရှမ်းတိုင်းရင်းသားများ ဒီမိုကရက်တစ်ပါတီ၊ ရခိုင်အမျိုးသား ပါတီ၊ ဖလုံ-စဝေါ်ဒီမိုကရက်တစ်ပါတီ၊ ချင်းအမျိုးသားဒီမိုကရက်တစ်ပါတီ အစရှိတဲ့ တိုင်းရင်းသားပါတီ ၂၂ ပါတီနဲ့ ဖွဲ့စည်းထားပြီး NBF ရဲ့၂၇ ကြိမ်မြောက်ညီလာခံကို ဒီနေ့ ရန်ကုန်မြို့မှာကျင်းပခဲ့တာဖြစ်ပါတယ်။
RFA



 လူထုမဲဆွယ်ပွဲတစ်ခုမှာ တွေ့ရတဲ့ ဒေါ်နယ်ထရမ့်
အမေရိကန် သမ္မတ ရွေးကောက်ပွဲမှာ ဒေါ်နယ် ထရမ့် နိုင်သွားတာဟာ အမေရိကန်ရဲ့ သမိုင်း စာမျက်နှာသစ်တစ်ခုကို ဖွင့်လှစ်လိုက်တာ ဖြစ်ပါတယ် ။ အပြိုင်အဆိုင် အနိုင်ကြဲရတဲ့ ဒီရွေးကောက်ပွဲမှာ မစ္စတာ ထရမ့် ဘာကြောင့် အနိုင်ရခဲ့တာလဲ။

မစ္စတာ ထရမ့်ဟာ သီချင်းလည်း မဆိုတတ် ၊ တူရိယာလည်း မတီးတတ်ပေမယ့် သူဟာ သူပေးချင်တဲ့ စကားကို လူတွေ နားလည်အောင် ပြောနိုင် ၊ မဲဆန္ဒရှင်တွေနဲ့ နှလုံးသားချင်း နီးတယ်လို့ ဆိုနိုင်သူ ဖြစ်တယ်လို့ နာမယ်ကျော် အဆိုတော် Sir Elton John က ပြောဖူးပါတယ်။

တိုင်းပြည်မှာ Blue Collar လို့ခေါ်တဲ့ အလုပ်လုပ်တဲ့ လူတန်းစားတွေက နိုင်ငံရေး သမားတွေဟာ သူတို့ရဲ့ အသံတွေကို နားမထောင်ကြဘူး၊ သူတို့ဟာ အပယ်ခံ ဖြစ်နေတယ်လို့ ခံစားနေကြရပြီး အခု မစ္စတာ ထရမ့် က သူတို့ရဲ့ အခြေအနေကို အပြည့်အ၀ နားလည်လက်ခံပေးခဲ့တာကြောင့် အနိုင်ရခဲ့တာလို့ ဘီဘီစီရဲ့ မြောက်အမေရိကသတင်း အယ်ဒီတာ ဂျွန်ဆိုပယ်က သုံးသပ်ပါတယ်။

ဒါ့အပြင် လူတွေ စိုးရိမ်နေကြတဲ့ ကိစ္စတွေ ဖြစ်တဲ့ အပြင်ကလူတွေ ဝင်လာနေတဲ့ ပြဿနာ ၊ အငြင်းပွားနေရတဲ့ ကုန်သွယ်ရေး စာချုပ်တွေ နဲ့ ဒီမိုကရက်တွေက သေနတ်ကိုင်ဆောင်ခွင့် ပြန်သိမ်းဖို့ ကြိုးစားနေတဲ့ ကိစ္စမှာ မစ္စတာ ထရမ့်က အလေးထား စဉ်းစားပေးခဲ့ပြီး တရားလွှတ်တော်ရုံးချုပ်ရဲ့ လုပ်ပိုင်ခွင့် အာဏာကို အရင်ကထက် အလယ်အလတ်ကျ ပျော့ပြောင်းလာအောင် လုပ်ဖို့ သူ့ရဲ့ ပေါ်လစီတွေကို လူတွေက လက်ခံတာ တွေ့ရပါတယ်။

အမေရိကန်က နိုင်ငံရေး သမား အများစုက ဒေါ်နယ် ထရမ့်ကို ထောက်ခံသူတွေရဲ့ ခံစားချက် ကို လျော့တွက်ကြခဲ့ကြတာကြောင့် အခု အမေရိကန် ရွေးကောက်ပွဲရဲ့ ရလဒ်ဟာ အံ့သြဖွယ် ကောင်းလောက်အောင် မထင်မှတ်တာတွေဖြစ်လာခဲ့တာ တွေ့ရပါတယ်။

တကယ်တော့ မစ္စတာ ထရမ့် ဟာ အစိုးရပိုင်းတာဝန် မယူခဲ့ဘူးသလို သူ့ပြောနေကျ အတိုင်း သူဟာ လေ့ကျင့်ထားတဲ့ နိုင်ငံရေး သမား တစ်ယောက်လည်း မဟုတ်၊ နိုင်ငံရေး နယ်ပယ်ထဲမှာ အတွေ့အကြုံ ရှိတဲ့သူလည်း မဟုတ်ပါဘူး။

လူထုက ယုံကြည်မှုပြ

ထူးခြားတာက သူ့ မဲဆွယ် စည်းရုံးပွဲတွေမှာ လူအများအပြား တက်ရောက် အားပေးကြတာကို ကြည့်ရင် ဒေါ်နယ် ထရမ့်ဟာ သူတို့ရင်ထဲက ဖြစ်ချင်တဲ့ ဆန္ဒတွေကို ဖြည့်ဆည်းပေးမယ့်သူ ဖြစ်တယ်လို့ လူတွေက ယုံကြည်နေတာကိုပြနေပါတယ် ။

ဒါတွေက မစ္စတာ ထရမ့်ကို ခိုင်မာတဲ့ ယုံကြည်မှုတွေ ရရှိစေတဲ့ အချက် ဖြစ်ပြီး ဒီလို လစ်လျူခံနေရတဲ့ လူတန်းစားတွေရဲ့ လိုအင်တွေ ဖြည့်ဆည်းပေးဖို့ လိုနေတယ် ဆိုတဲ့အ ချက်ကို မဲဆွယ် စည်းရုံးရေး သမားတွေ ၊ လေ့လာ သုံးသပ်သူတွေ ၊ သတင်းသမားတွေက သူမြင်သလို မမြင်ခဲ့ကြပါဘူး ။ ဒါကြောင့် သမရိုးကျနည်းနဲ့ တအိမ်တက်ဆင်း မဲဆွယ် စည်းရုံးရေး နည်းကို သုံးနေသူတွေကို ကျော်လွှားပြီး မဲဆန္ဒရှင် အများစုက မစ္စတာ ထရမ့်ကို မဲပေးခဲ့ကြတာ ဖြစ်ပါတယ်။

အခုတော့ အမေရိကန် ပြည်သူတွေက သူတို့ အသံကို နားထောင်မယ်လို့ ယူဆရတဲ့ မစ္စတာ ထရမ့်ကို သူတို့ရဲ့ သမ္မတလောင်း အတွက် ရွေးချယ်လိုက်ပါပြီ ။ သမိုင်းစာမျက်နှာသစ်မှာ မစ္စတာ ထရမ့်အနေနဲ့ သူမဲဆွယ်ပွဲမှာ ပေးထားခဲ့တဲ့ ကတိတွေကို ဖြည့်ဆည်းရတော့မှာ ဖြစ်ပါတယ်။

ကမ္ဘာပေါ်မှာ သြဇာ အရှိဆုံး ပုဂ္ဂိုလ် တစ်ယောက် အနေနဲ့ တရားလွှတ်တော်ချုပ်မှာ လစ်လပ်တဲ့ နေရာတွေမှာ သူကြိုက်တဲ့ သူတွေကို ခန့်ထားနိုင်တော့မှာ ဖြစ်ပြီး အခုရွေးကောက်ပွဲမှာ ရီပတ်ဘလီကန်တွေက လွှတ်တော် နှစ်ရပ်လုံးမှာ မဲအများစု ရခဲ့တာကြောင့် ဆီးနိတ်နဲ့ အောက်လွှတ်တော်မှာ သြဇာ လွှမ်းမိုးမှု အပြည့်အ၀ မရခဲ့တဲ့ လက်ရှိ သမ္မတ အိုဘားမား ရင်ဆိုင်ခဲ့ရသလို တစ်ခုခု လုပ်ချင်ရင် လွှတ်တော်ရဲ့ အတည်ပြုချက် ရယူရာမှာ ရှေ့တိုးနောက်ဆုတ် လုပ်မရတဲ့ အခြေအနေမျိုးတွေ တွေ့ကြုံရတော့မှာ မဟုတ်ဘူးပါဘူး။

ဒါကြောင့် မစ္စတာ ထရမ့်ဟာ သူပြောနေကျ စကားဖြစ်တဲ့ MAGA 'Make America Great Again' အမေရိကန်ကို သြဇာ အရှိဆုံး နိုင်ငံပြန်ဖြစ်လာအောင် တည်ဆောက်ပေးမယ်လို့ ပြောထားတဲ့အတိုင်း လုပ်ပြရတော့မှာ ဖြစ်ပါတယ်။

BBC Burmese
http://www.bbc.com/burmese



အရွေးကောက်ခံသမ္မတ Donald Trump
အခု Donald Trump ကို အမေရိကန်သမ္မတအဖြစ်ရွေးချယ်လိုက်ကြပြီဖြစ်တဲ့ အတွက် ကမ္ဘာမှာ ထိပ်ဆုံးက ဖိဖိစီးစီး ကိုင်တွယ်ရမယ့်ကိစ္စရပ်တချို့အပေါ် အမေရိကန်ပြည်ထောင်စုရဲ့ ချဉ်းကပ်ပုံချဉ်းကပ်နည်းကို Trump အနေနဲ့ ပြောင်းလဲပစ်လိမ့်မယ်လို့ နိုင်ငံခြားရေးမူဝါဒကျွမ်းကျင်သူတွေက ခန့်မှန်းနေကြပါတယ်။ VOA ရဲ့ နိုင်ငံခြားရေးဌာနဆိုင်ရာ သတင်းထောက် Nike Ching ကသတင်းပေးပို့ထားပါတယ်။ ဒေါ်ခင်စိုးဝင်းကပြောပြပေးမှာပါ။

အမေရိကန်ပြည်ထောင်စု ရဲ့အကျိုးစီပွားကိုထိခိုက်နိုင်မယ့် အကြမ်းဖက် ဝါဒခြိမ်းခြောက်မှုက အစ၊ အရှေ့အလယ်ပိုင်းဒေသပဋိပက္ခ၊ ရုရှားက ယူကရိန်းကို ကျူးကျော်မှုနဲ့ တရုတ်ကပိုပြီးအင်အားပြလာတာတွေအဆုံး ကမ္ဘာတဝန်း စိန်ခေါ်မှုတွေတသီကြီးကို အရွေးကောက်ခံသမ္မတ Donald Trump ရင်ဆိုင်ရတော့ မှာဖြစ်ပါတယ်။

Donald Trump က အစွန်းရောက်အကြမ်းဖက်ဝါဒ တိုက်ဖျက်နေတဲ့ စစ်ပွဲကို နိုင်အောင်တိုက်ရေးဟာ သူ့ရဲ့ထိပ်ဆုံးက ဦးစားပေးလုပ်ဆောင်မယ့် ထဲကတခု ပါဘဲလို့ ကြုံးဝါးခဲ့တာပါ။ ဒါပေမဲ့ သူမဲဆွယ်စည်းရုံးရေးမှာ စကားကြီးစကားကျယ်ပြောဆို အသုံးချခဲ့တာတွေဟာ သူ့ကို အထောက်အကူ မပြုပါဘူးလို့ Brookings Institute နိုင်ငံရေး သုတေသနဌာနက Darrel West ကသုံးသပ်ပါတယ်။

“ခင်ဗျားက ကမ္ဘာ့စင်မြင့်ပေါ်ရောက်နေပြီဆိုရင် ခင်ဗျားဘာလုပ်လုပ်၊ လူတိုင်းက သတိထားစောင့်ကြည့်နေကြမှာပါဘဲ။ နောက် ပြောတဲ့စကားတိုင်းရဲ့နောက်က အကျိုးဆက်တွေကိုရှာကြည့်နေကြမှာဖြစ်ပါတယ်။ ပြောတဲ့စကားလုံးတွေဟာ တခြားလူတွေအပေါ် သက်ရောက်မှုရှိပါတယ်။ ကိစ္စရပ်တွေအပေါ် ခင်ဗျားရဲ့ပြောပုံဆိုပုံ၊ ပဋိပက္ခတွေကိုရှုမြင်ပုံ၊ ဒီလိုကိစ္စရပ်တွေကို ဘယ်လိုနည်းနဲ့ ကြိုးစားကိုင်တွယ်အလဲဆိုတာတွေက သက်ရောက်မှုအများကြီးရှိပါတယ်။”

သမ္မတအိုဘားမားအစိုးရက ရန်ဘက်လိုသဘောထားတဲ့ ရုရှားနိုင်ငံနဲ့ ပူးပေါင်းရင် အကျိုးရှိမယ်လို့ Donald Trump က မဲဆွယ်စည်းရေး မှာ တောက်လျှောက်ပြော ခဲ့ပါတယ်။ နိုင်ငံခြားရေးမူဝါဒကျွမ်းကျင်သူအများစုကတော့ သူ့ရဲ့သဘောထား အတွက် စိုးရိမ်ကြသလို စိတ်ရှုတ်နေကြတယ်လို့ The Atlantic Council က John Herbst ကပြောပါတယ်။

“သူမကြာခင်ကပြောခဲ့တာတွေကိုအခြေခံပြီး၊ သူ့ရဲ့မူဝါဒကိုကျနော်တို့ အကဲဖြတ်ကြည့်မယ်ဆိုရင်၊ ဒါမှမဟုတ် သူ့ရဲ့မူဝါဒတွေကို နားလည်းဖို့ကြိုးစားကြည့်မယ်ဆိုရင်၊ ကျနော်ကတော့ သိပ်ကိုစိုးရိမ်မိပါတယ်။ ရုရှားကယူကရိန်းကိုကျူးကျော်ခဲ့တဲ့ အခြေခံအချက်တွေကို သူ့ရဲ့ နားမလည်မှု၊ ကျနော်တို့ရဲ့ မဟာမိတ်တွေနဲ့ NATO အဖွဲ့ကြီးအပေါ် ထားရှိရတဲ့ ကျနော်တို့ရဲ့ တာဝန်နဲ့ဝတ္တရားတွေကို သူကမေးခွန်းထုတ်ခဲ့တာတွေအားလုံးဟာ သိပ်ကိုအန္တရာယ်များလှပါတယ်။”

လွတ်လပ်စွာကုန်သွယ်ရေးကို ဘဝင်မကျတဲ့ Donald Trump အနေနဲ့ အရှိန်အဟုန်နဲ့ တိုးတက်နေတဲ့ အာရှနဲ့ပစိဖိတ်ဒေသတခွင်က လွတ်လပ်စွာ အခွန်လွတ်ကုန်သွယ်ရေးသဘောတူစာချုပ်တခုဖြစ်တဲ့ TPP လို့ခေါ်တဲ့ ပစိဖိတ်သမုဒ္ဒရာတဘက်တချက်နိုင်ငံများပူးပေါင်းဆောင်ရွက်မှုနဲ့ ပတ်သက်လို့တော့ သူ့ အစိုးရလက်ထက် မှာ ရှေ့ဆက်လှုပ်ရှားဖို့မမြင်ဘူး လို့ ဒေသန္တရကျွမ်းကျင်သူတွေက သုံးသပ်နေကြတယ်လို့ မဟာဗျူဟာနဲ့ ပြည်တွင်းအခြေအနေသုတေသနဌာနက Michael Green ကပြောပါတယ်။

“အဲဒီမှာ တက်တက်ကြွကြွအနေအထားနဲ့ နေရာယူထားရမှာဖြစ်ပါတယ်။ အဲဒီထဲကတခုဘဲပြောပြရမယ်ဆိုရင်၊ ရေကြောင်းသွားလာရေးလုပ်ငန်းတွေမှာ သင်္ဘောတွေအဝင်အထွက် လွတ်လပ်စွာသွားနိုင်ဖို့ အတော်တော်များများ ကပြောဆိုနေကြတာပါ။ ဒါဟာ ကုန်သွယ်ရေးနဲ့ ကာကွယ်ရေး အတွက် ကူးလူးဆက်ဆံဖို့၊ ကြိုတင်ပြင်ဆင်လေ့ကျင့်ထားကြဖို့၊ အတွက်ဖြစ်ပါတယ်။ ကျနော်တို့ဒီ့ထက်မကပိုလုပ်ကြဖို့လိုအပ်တယ်ဆိုတာကို အများသဘောတူထားပြီးဖြစ်တယ်လို့ ယူဆပါတယ်။”

တချို့နိုင်ငံရေးအကဲခတ်တွေက နိုင်ငံခြားရေးမူဝါဒနဲ့ပတ်သက်လာရင် အရွေးကောက်ခံသမ္မတ Donald Trump ဟာ တစိမ်းသက်သက် တယောက်အဖြစ်ရှုမြင်နေကြသလို၊ Trump အနေနဲ့ ကမ္ဘာကြီးကို ဘယ်လိုချဉ်းကပ်မလဲ၊ သူ့ရဲ့ အစိုးရဝန်ကြီးအဖွဲ့နဲ့ ထိပ်ပိုင်းကရာထူးတွေအတွက် ဘယ်လိုရွေးချယ်မလဲ စတာတွေကို စောင့်ကြည့်နေကြပါတယ်လို့ VOA သတင်းထောက် Nike Ching ကသတင်းပေးပို့ထားပါတယ်။

 ဒေါ်ခင်စိုးဝင်း  / ဗွီအိုအေ (မြန်မာပိုင်း)
http://burmese.voanews.com


၀၉ နိုဝင်ဘာ ၂၀၁၆

အိန္ဒိယ နိုင်ငံတွင် ရူပီးငွေ ၅၀၀ နှင့် ၁၀၀၀ တန်များကို တရားမ၀င်ငွေစက္ကူအဖြစ် အိန္ဒိယအစိုးရက ယမန့်နေ့က ကြေငြာလိုက်ပြီးနောက် မီဇိုရမ်ပြည်နယ်ရှိ မြန်မာကုန်သည်များနှင့် ရွှေ့ပြောင်းအလုပ်သမားများ ငွေလှဲလှယ်ရေးတွင် အခက်ကြုံနေကြရသည်ဟု သိရသည်။

အဆိုပါငွေစက္ကူများသည် နိုဝင်ဘာလ ၈ ရက်ည သန်းခေါင်ယံကစပြီး သုံးစွဲခွင့်မရှိတော့ဘဲ ဒီဇင်ဘာလ ၃၀ နေ့အထိ ဘဏ်၊ စာတိုက်ရုံးများတွင် အိန္ဒိယနိုင်ငံသားစီစစ်ရေးကဒ်ပြားဖြင့် လှဲလှယ်ခွင့်ရှိမည်ဖြစ်သည်။ သို့သော်လည်း အိန္ဒိယနိုင်ငံသားစီစစ်ရေးကဒ်(မှတ်ပုံတင်)မရှိသော မီဇိုရမ်ပြည်နယ်မှ မြန်မာကုန်သည်များ ၊ ရွှေ့ပြောင်းအလုပ်သမားအတွက် ငွေလှဲလှယ်ရေးအတွက် အခက်ကြုံနေကြခြင်းဖြစ်သည်။

“ကျနော်တို့က ဒီဘက်နိုင်ငံသားလည်းမဟုတ်ဘူး၊ ID card, PAN card တွေလည်း မရှိတော့ အခက်တွေ့ တာပေါ့။ လှဲပေးနိုင်တဲ့သူတွေကို အကူအညီတောင်းရမှာဘဲ”ဟု မြန်မာကုန်သည်တစ်ဦးကပြောသည်။

မီဇိုရမ်ရောက် မြန်မာယက္ကန်းသမားတစ်ဦးက “သတင်းကြားကြားချင်းတော့ စိတ်ပူတာပေါ့၊ ကျနော်တို့က ID card, PAN card မပြောနဲ့ မီဇိုစကားတောင် မတတ်တဲ့သူတွေဖြစ်တယ်။ ဒါပေမယ့် အလုပ်ရှင်တွေနဲ့ တိုင်ပင်ပြီး အလုပ်ရှင်ကိုယ်တိုင် လှဲပေးမယ်ဆိုမှ စိတ်သက်သာရာ ရတော့တယ်” ဟု ပြောသည်။

ရူပီး ၅၀၀ နှင့် ၁၀၀၀ တန်အား ယခုကဲ့သို့ တရားမ၀င်ငွေစက္ကူအဖြစ်ကြေငြာလိုက်ခြင်းသည် အိန္ဒိယနိုင်ငံတွင် များပြားလှသော တရားမ၀င်ငွေကြေး(ငွေမဲ) ခ၀ါချရန် နှင့် လူထုအကြားကျယ်ကျယ်ပြန့်ပြန့်ရောက်ရှိနေသည့် ၅၀၀နှင့် ၁၀၀၀ တန်ငွေစက္ကူအတုများ ပပျောက်စေရေးအတွက်ဖြစ်သည်ဟု အိန္ဒိယ၀န်ကြီးချူပ်က ပြောဆိုခဲ့ သည်။

သို့သော်လည်း ရူပီးငွေ ၅၀၀ တန်အသစ် နှင့် ၂၀၀၀ တန်တို့ကို အိန္ဒိယအစိုးရက အမြန်ဆုံးထုတ်ဝေသွားမည် ဟု သိရသည်။

ခိုနုမ်းသုန်သတင်းဌာန
Khonumthung Burmese
https://www.facebook.com/KhonumtungBurmese



ယနေ့ အခမ်းအနားသို့ လာရောက်သူများနှင့်အတူ ဓာတ်ပုံရိုက်ခဲ့သည့် သံအမတ်ကြီး Scot Marciel ။ ။ ဓာတ်ပုံ-US.Embassy
ရန်ကုန်၊နိုဝင်ဘာ ၉

အမေရိကန်နိုင်ငံတွင် ပေါ်ထွက်လာသည့် အစိုးရမှာ မည်သူဖြစ်စေ၊ မည်သည့်ပါတီဖြစ်စေ မြန်မာနိုင်ငံ၏ ဒီမိုကရေစီဖြစ်စဉ်ကို ကူညီပေးမည့် သဘောထား ပြောင်းလဲမည်မဟုတ်ကြောင်း မြန်မာနိုင်ငံဆိုင်ရာ အမေရိကန်သံအမတ်ကြီး Scot Marcielက ပြောကြားလိုက်သည်။

နိုဝင်ဘာ ၉ရက်တွင် ရန်ကုန်မြို့ရှိ အမေရိကန်သံအမတ်ကြီး၏ နေအိမ်၌ ကျင်းပခဲ့သည့် အမေရိကန်သမ္မတရွေးကောက်ပွဲ တိုက်ရိုက်စောင့်ကြည့်သည့် အခမ်းအနားတွင် ပြောကြားခဲ့ခြင်း ဖြစ်သည်။

" ဒီပေါ်လစီတွေက ဘယ်သူပဲ ချမှတ်ချမှတ် ပါတီနှစ်ခုလုံးရဲ့ မြန်မာနိုင်ငံအပေါ် အကူအညီပေးလိုတဲ့ သဘောထားကတော့ ပြောင်းလဲမှာမဟုတ်ဘူး" ဟု အမေရိကန်သံအမတ်ကြီး Scot Marciel က ပြောကြားခဲ့သည်။

အမေရိကန်ရွေးကောက်ပွဲ တိုက်ရိုက်စောင့်ကြည့်ခြင်းအစီအစဉ်ကို ရန်ကုန်မြို့ရှိ အမေရိကန် သံအမတ်ကြီးနေအိမ်တွင်သာမက ရန်ကုန်မြို့ရှိ အမေရိကန်စင်တာ၊ မန္တလေးမြို့ရှိ ဂျက်ဖာဆန် စင်တာတို့တွင် ပါ ပြုလုပ်ခဲ့ခြင်းဖြစ်သည်။

" မြန်မာနိုင်ငံမှာလည်း ပြီးခဲ့တဲ့နှစ် ဒီလိုရက် ဒီလိုအချိန်မှာပဲ သမိုင်းဝင် ရွေးကောက်ပွဲကြီးလုပ်နေတာနဲ့ တိုက်ဆိုင်နေခဲ့တာ အင်မတန်ကို အမှတ်ရစရာပါပဲ။ ဒါကြောင့် မြန်မာနိုင်ငံရဲ့ဒီမိုကရေစီအရေးကို အားကြိုးမာန်တက် လှုပ်ရှား ခဲ့ကြသူ အားလုံးကို ဂုဏ်ပြုတဲ့အနေနဲ့ရော ၊ ကျွန်တော်တို့ရဲ့ ရွေးကောက်ပွဲအတွက်ရော ဒီမှာစုဝေး ခွင့်ရတာဟာ အင်မတန်မှ ၀မ်းမြောက်ဖွယ်ပါ" ဟု အခမ်းအနား၏ အဖွင့်အမှာစကားအဖြစ် သံအမတ်ကြီးက ပြောကြားခဲ့သည်။

အမေရိကန်သမ္မတရွေးကောက်ပွဲတွင် ရီပတ်ဘလေကန်ပါတီမှ ဒေါ်နယ်ထရမ့်က အနိုင်ရရှိခဲ့ပြီး ၄င်းသည် လာမည့် ဇန်န၀ါရီလတွင် အမေရိကန်သမ္မတအဖြစ် တာဝန်ထမ်းဆောင်ရမည် ဖြစ်သည်။

သဇင်လှိုင်
SKY Land News & Entertainment Media
https://www.facebook.com/skyland.news



ရွေးချယ်ခံ ကန် သမ္မတ Donald Trump
အမေရိကန် ပြည်ထောင်စုမှာ သမ္မတသစ်တဦးကို ရွေးချယ်နိုင်ခဲ့တဲ့အတွက် ချီးကျုးတဲ့အကြောင်းနဲ့ ရွေးချယ်ခံ သမ္မတ Donald Trump ဦးဆောင်တဲ့ အစိုးရနဲ့ မြန်မာနိုင်ငံတို့ကြား ရင်းနှီးတဲ့ ဆက်ဆံရေးတွေ ရရှိဖို့ မျှော်လင့်ကြောင်း မြန်မာသမ္မတရုံးက ပြောကြားလိုက်ပါတယ်။ အချေအတင်ဖြစ်စရာတွေ ကြုံခဲ့ရတဲ့ ရွေးကောက်ပွဲ ရလဒ်ကြောင့် အပါအ၀င် နိုင်ငံတကာ ဆက်ဆံရေးတွေမှာပါ သက်ရောက်မှုရှိမယ်လို့ မျှော်လင့်နေပေမဲ့လည်း မြန်မာနိုင်ငံနဲ့ ဆက်ဆံရေးမှာ ကြီးကြီးမားမား ပြောင်းလဲနိုင်မှာ မဟုတ်ဘူးလို့ မြင်သူတွေလည်း ရှိပါတယ်။ ဒီသတင်းကိုတော့ ဗွီအိုအေမြန်မာပိုင်း သတင်းထောက် ကိုမိုးဇော်က တင်ပြထားပါတယ်။

အမေရိကန် ပြည်ထောင်စုရဲ့ သမ္မတရွေးကောက်ပွဲရဲ့ နောက်ဆုံး မဲရေတွက်မှုတွေပြီးဆုံးချိန်မှာ ရီပါပလစ်ကန်ပါတီက သမ္မတလောင်း ဒေါ်နယ်ထရမ့် အနိုင်ရလိုက်တဲ့အတွက် မဲဆွယ်ပွဲ ကတိတွေအတိုင်း တိုင်းပြည်ကို ဦးဆောင်မှုပေးနိုင်ဖို့နဲ့ မြန်မာနိုင်ငံနဲ့ ဆက်လက်ပြီး ရင်းရင်းနှီးနှီး ဆက်ဆံဖို့ မျှော်လင့်ကြောင်း မြန်မာသမ္မတရုံးက ပြောပါတယ်။ အမေရိကန် ပြည်ထောင်စုရဲ့ ၄၅ ဆက်မြောက်သမ္မတအဖြစ် အမေရိကန် ပြည်သူတွေရဲ့ ရွေးခြယ်မှုကိုလည်း ကြိုဆိုကြောင်း သမ္မတရုံးရဲ့ ပြောရေးဆိုခွင့်ရှိသူ ဦးဇော်ဌေးက ပြောဆိုခဲ့တာပါ။

“အခုဆို ရွေးကောက်ပွဲအောင်နိုင်တယ်ပေါ့နော်၊ အဲဒီအတွက် ကျနော်တို့လည်း ဂုဏ်ယူဝမ်းမြောက်တယ်။ သူ့အတွက်လည်း Congratulations လို့ပြောပါ တယ်။ နောက်တခုက သူ့ဆောင်ပုဒ်အတိုင်းပေါ့နော် အမေရိကန်ကို အသစ်တဖန်ကြီးမြတ်အောင်လုပ်နိုင်ဖို့ ကိုလည်းမျှော်လင့်တယ်။ အလားတူပဲ ဒီ အမေရိကန်နဲ့ မြန်မာကြား ပူးပေါင်းဆောင်ရွက်မူတွေ၊ ချစ်ကြည်ရင်းနှီးမူတွေ Donald Trump ရဲ့ အိမ်ဖြူတော် သက်တမ်းထဲမှာ မြင့်တက်လာဖို့ ကျနော်တို့ကတော့ မျှော်လင့်ပါတယ်။”

ဂုဏ်ယူဝမ်းမြောက်ကြောင်း တရားဝင် သ၀ဏ်လွှာကိုတော့ နိုင်ငံခြားရေးဝန်ကြီးဌာနက ပေးပို့ဖို့ ရှိကြောင်းလည်း ဦးဇော်ဌေး က ပြောပါတယ်။

လက်ရှိသမ္မတရွေးကောက်ပွဲမှာ ဒေါ်နယ်ထရန့်ဟာ သူ့ရဲ့ ပြိုင်ဖက် ဒီမိုကရက်ပါတီက သမ္မတလောင်း ဟီလာရီကလင်တန်ကို အကြိတ်အနယ်ယှဉ်ပြိုင်ပြီး အနိုင်ရလိုက်တာလည်း ဖြစ်ပါတယ်။ ဒီမိုကရက်ပါတီ သမ္မတလောင်း ဟီလာရီကလင်တန်ဟာ မြန်မာပြည်ကို လာရောက်ခဲ့ဘူးသလို နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်နဲ့ ရင်းနှီးတဲ့ ဆက်ဆံမှုတွေရှိခဲ့သူ ဖြစ်ပါတယ်။

နိုင်ငံရေးလေ့လာသုံးသပ်သူ စာရေးဆရာ ဦးကျော်ဝင်းကတော့ ဒေါ်နယ်ထရန့်အနိုင်ရတဲ့နောက် အမေရိကန်- မြန်မာဆက်ဆံရေးဟာ အပြောင်းအလဲ မရှိနိုင်ကြောင်း၊ မြန်မာ့နိုင်ငံရေးမှာ ထူးထူးခြားခြား သက်ရောက်မှုမရှိနိုင်ဘူးလို့ သုံးသပ်ပါတယ်။

“ကျနော်တော့ သိပ်ပြီးထူးထူးခြားခြားဖြစ်မယ်လို့ မထင်ပါဘူး။ ဒီလိုပဲ ပုံမှန်သွားမယ်ထင်ပါတယ်။ သိပ်ထူးခြားမယ်မထင်ပါဘူး။ မြန်မာနိုင်ငံရေးမှာ သိပ်အပြောင်းအလဲရှိမလဲလို့ မထင်ပါဘူး။

ရွေးကောက်ပွဲအနိုင်ရကြောင်း သိရအပြီး ထရမ့်က မိန့်ခွန်းပြော ကြားရာမှာတော့ တိုင်းပြည် စီးပွားရေးကို ၂ ဆတိုးအောင် လုပ်မယ်လို့ ကတိပြုခဲ့သလို၊ နိုင်ငံတကာ ဆက်ဆံရေးမှာလည်း အမေရိကန် ပြည်ထောင်စုနဲ့ သင့်မြတ်လိုတဲ့ တိုင်းပြည်တွေနဲ့ အပြန်အလှန် သင့်မြတ်အောင် ကြိုးပမ်းသွားမှာဖြစ်ကြောင်း ပြောဆိုခဲ့တာပါ။ နိုင်ငံရေးအကဲခတ် ဦးကျော်ဝင်း ကတော့ လူကြိုက်များတဲ့ မူဝါဒတွေ ကမ္ဘာမှာ ရေပမ်းစားလာမှာကိုပဲ စိုးရိမ်တယ်လို့ ပြောပါတယ်။

“အမေရိကန်သမ္မတရဲ့ လုပ်ပိုင်ခွင့်က ရှိမယ်ဆိုပေမယ့် ကျနော်တို့ထင်တာကတော့ သူ့မှာ အထိန်းအကြပ်တွေရှိတာပေါ့။ အဲဒီတော့ သူထင်ရာတော့ လုပ်လို့ မရဘူးလို့ထင်တယ်။ ကမ္ဘာ့နိုင်ငံရေးမှာ Populism ခေတ်စားလာလိမ့်မယ်လို့ထင်တယ်။ အပေါစားလူကြိုက်များတာတွေ သိပ်တက်လာပြီဆိုရင်တော့ ဒီမိုကရက်တစ်တန်ဖိုးတွေဘက်က အကျဘက်ရောက်မှာပေါ့။ ဒါတွေတော့ တော်တော်အရေးကြီးမယ်လို့ထင်တယ်။”

ရွေးကောက်ခံသမ္မတ ထရမ့် ကတော့ အပြင်းအထန် ယှဉ်ပြိုင်ခဲ့ရတဲ့ မဲဆွယ်စည်းရုံးရေး ကာလအတွင်း သဘောထား ကွဲလွဲမှုတွေ အကြီးအကျယ် ရှိခဲ့ပေမဲ့ တိုင်းပြည်ကို စုစည်းညီညွတ်အောင် လုပ်ဆောင်မှာ ဖြစ်တယ်လို့လည်း ကတိပြု ပြောဆိုထားပါတယ်။

 ကိုမိုးဇော်  / ဗွီအိုအေ (မြန်မာပိုင်း)
http://burmese.voanews.com



( ကချင်ပြည်နယ်ရဲတပ်ဖွဲ့မှူး ရဲမှူးကြီးထွန်းဦးကို တွေ့ရစဉ် ) Photo: Kyaw Myo Min/RFA
ကချင်ပြည်နယ်အတွင်း တာဝန်ထမ်းဆောင်တဲ့ လုပ်သက် ၃ နှစ်ကနေ ၁၀ ကျော်အထိရှိတဲ့ ရဲအုပ်နဲ့ ဒုရဲအုပ် အဆင့်ရှိ အရာရှိ ၇၇ ယောက်ကို အခြားတိုင်းနဲ့ ပြည်နယ်တွေမှာ ပြောင်းရွှေ့တာဝန်ထမ်း ဆောင်ဖို့ မြန်မာနိုင်ငံရဲတပ်ဖွဲ့က အမိန့်ထုတ်ပြန်လိုက်ပါတယ်။

အရာရှိ ၇၀ကျော် ပြောင်းရွှေ့ဖို့ အမိန့်ကျတာ ၁၀ ရက်ခန့်ရှိပြီဖြစ်ပြီး ပြောင်းရွှေ့နိုင်ရေးအတွက် စီစဉ် ဆောင်ရွက်နေတယ်လို့ ကချင်ပြည်နယ်ရဲတပ်ဖွဲ့က ပြည်နယ်ရဲတပ်ဖွဲ့မှူး ရဲမှူးကြီးထွန်းဦး ကပြောပါ တယ်။

"ရဲအုပ်အဆင့်က ၅၄ ယောက်၊ ဒုရဲအုပ်အဆင့်က ၂၃ ယောက် စုစုပေါင်း ၇၇ ယောက် ပြောင်းမိန့် ထွက်လာတာ ကျနော်တို့ လေးငါးဆယ်ရက်လောက်ရှိသွားပါပြီ။ အနေကြာတွေပဲများပါတယ်သူတို့။ နောက်တချို့လည်းပုံမှန်ပြောင်းရွှေ့တာတွေရှိပါတယ်။ဒါပေမယ့် အဲလိုအစုလိုက်အပြုံလိုက် တခါတည်း လွှဲပြောင်း မိန့်ထုတ်တော့ ကျနော်တို့တော့ နည်းနည်းတော့ ကသီလင်းတနိုင်တာပေါ့။ အထက်ဌာန အနေနဲ့ သူ့အစီစဉ်နဲ့သူလုပ်တာဆိုတော့ ကျနော်တို့တော့ အောက်ကနေ ဖြစ်အောင် ဆောင်ရွက် ပြီးတော့မှ မြန်မြန်လေး ပြောင်းရွှေ့နိုင်အောင် ဆောင်ရွက်နေပါတယ်။"

ကချင်ပြည်နယ်၊ ဖားကန့်မြို့နယ်က ပြည်သူ့လွှတ်တော်ကိုယ်စားလှယ် ဦးတင့်စိုးက ဖားကန့်မြို့နယ် အတွင်း ရဲတပ်ဖွဲ့ဝင်တွေပြောင်းရွှေ့တဲ့ သတင်းကို ကြားသိရပြီး မြန်မာနိုင်ငံရဲတပ်ဖွဲ့က အခုလိုဆောင် ရွက်တာကို ကြိုဆိုတယ်လို့ ပြောပါတယ်။

"ရွှေ့တာပြောင်းတာကောင်းတယ်လေ။ ကျနော်တို့အဲလိုမျိုးလိုချင်တာ။ ကျနော်တို့ဖားကန့်က စခန်း တိုင်းလိုလို စခန်းမှူးတွေပြောင်းပြီ။ နောက်ဆုံးဒီမှာ မြို့နယ်မှူးကိုယ်တိုင် သူပြောင်းတော့မယ်။ အကြာ ကြီး အကြာကြီးထားတာ မကောင်းဘူးပေါ့ဗျာ။ ကျနော်တို့လည်း တောင်းဆိုထားတာ ရှိတယ် ဒီဒေသ ကိုရောက်တဲ့ စခန်းမှူးတွေဟာ တရားဥပဒေစိုးမိုးရေးကို တကယ်ကို ထဲထဲဝင်ဝင်လုပ်တဲ့သူတွေ ပို့ပေး ပါ။ ဒါတွေဟာ ကျနော်တို့ဒေသအတွက် တကယ်ကိုလိုအပ်ပါတယ်ဆိုပြီးတော့ ကျနော်တို့လည်း တောင်းဆိုထားတာရှိပါတယ်။"

ကချင်ပြည်နယ်အတွင်းမှာရှိတဲ့ မြစ်ကြီးနား၊ မိုးညှင်း၊ ဖားကန့် အစရှိတဲ့မြို့နယ်တွေမှာ တာဝန်ထမ်း ဆောင်နေတဲ့ အရာရှိတွေနဲ့ နယ်ထိန်းတွေ ပြောင်းရွှေ့မိန့်ကျတာဖြစ်ပြီး ဘာကြောင့်ပြောင်းရွှေ့ရတယ် ဆိုတာ ညွှန့်ကြားချက်မှာ ရေးသားထားတာမရှိဘူးလို့ ရဲမှူးကြီးထွန်းဦး ကပြောပါတယ်။

ကချင်ပြည်နယ်အတွင်းလုပ်သက်ကြာပြီး နယ်မြေကျွမ်းကျင်မှုရှိတဲ့ နယ်ထိန်းတွေကို ပြောင်းရွှေ့နေရာ ချထားတာ ဖြစ်တဲ့အတွက် အစားထိုးခန့်အပ်ရာမှာ လိုအပ်ချက်တွေရှိနိုင်ပြီး လက်ရှိမှာ ပြောင်းရွှေ့ လိုက်သူ ၇၇ ဦးအတွက် အစားထိုးခန့်အပ်နိုင်မှုဟာ ၁၅ ဦးခန့်သာ ရှိသေးတယ်လို့ ပြောပါတယ်။

လုပ်ထုံးလုပ်နည်းတွေအရ မြန်မာနိုင်ငံရဲတပ်ဖွဲ့က ပြောင်းရွှေ့မိန့်ထုတ်ပြန်ပြီး ၂၁ ရက်အတွင်းမှာ တာဝန်ကျ ရဲအရာရှိတွေအနေနဲ့ ပြောင်းလဲတာဝန်ထမ်းဆောင်ရမယ့် နယ်မြေတွေကို ရွှေ့ပြောင်းရတာ ဖြစ်ပါတယ်။

RFA Burmese
https://www.facebook.com/rfaburmese/


“ကျွန်တော်အနေနဲ့ ဘယ်ဝန်ကြီးချုပ်တဦးကိုမှ Patek Philippe နာရီ လက်ဆောင်ပေးခဲ့ဖူးခြင်း မရှိပါဘူးခင်ဗျာ။ အဆိုပါ ကိစ္စအား မည်သည့်ခုံရုံးတွင်မဆို အစစ်ဆေးခံရန်အသင့်ရှိပါတယ် ...”

စီးပွားရေးလုပ်ငန်းရှင် မောင်ဝိတ်က ယနေ့ နိုဝင်ဘာ ၉ ရက်တွင် ရန်ကုန်မြို့ ပြည်လမ်းရှိ Novotel ဟိုတယ်တွင် သတင်းစာရှင်လင်းပွဲပြုလုပ်ခဲ့ရာ ပြည်တွင်းသတင်းစာတစောင်တွင် နိုဝင်ဘာ ၆ ရက်နေ့က ရေးသားဖော်ပြခဲ့သော ၀န်ကြီးချုပ်တဦး ဒေါ်လာ ၁ သိန်းခန့်တန် Patek Philippe နာရီ ၀တ်ဆင်သည်၊ ယင်းလက်ဆောင်ကိုပေးသူမှာ မကြာသေးမီက မူးယစ်ဆေးဝါးမှုဖြင့် ထောင်ကထွက်လာခဲ့သော သူဌေးကြီးတဦးဖြစ်ပြီး အစိုးရအကူးအပြောင်းမှာ မြို့သစ်စီမံကိန်းကို တင်ဒါအောင်မြင်ခဲ့သူတဦးဖြစ်ကြောင်း ဖော်ပြခဲ့မှုနှင့်ပတ်သက်၍ လုံးဝလက်မခံနိုင်ကြောင်း၊ ၎င်းအနေဖြင့် မည်သည့်ဝန်ကြီးချုပ်ကိုမှ Patek Philippe နာရီမပေးခဲ့ကြောင်း ပြောကြားခဲ့သည်။

“ယနေ့ရှင်းလင်းပွဲကိုပြုလုပ်ရတဲ့အကြောင်းရင်းကတော့ အာဏာရှိသူအချို့ရဲ့ အနိုင်ကျင့်ခြင်းကိုခံခဲ့ရပြီး လူမှုစီးပွားဘ၀ပျက်ခဲ့ရတဲ့ ကျွန်တော်ကို မီဒီယာအင်အားကြီးသူက အင်အားသုံးပြီး background အင်အားမရှိ မီဒီယာ network မရှိတဲ့သူကိုမှရွေးပြီး ရောချရေးသားဖော်ပြချက်တွေပါရှိတဲ့ ၂၀၁၆ နိုဝင်ဘာ ၆ ရက်နေ့ Daily Eleven သတင်းစာ စာမျက်နှာ ၁၇ ပါ ရွေးကောက်ပွဲ ၁ နှစ်ကြာသော် A Year After November 8 Polls တွင် ဖော်ပြထားသည့် ၀န်ကြီးချုပ်တဦး ဒေါ်လာ ၁ သိန်းခန့်တန် Patek Philippe နာရီ ၀တ်ဆင်သည်၊ ယင်းလက်ဆောင်ကိုပေးသူမှာ မကြာသေးမီက မူးယစ်ဆေးဝါးမှုဖြင့် ထောင်ကထွက်လာခဲ့သော သူဌေးကြီးတဦးဖြစ်ပြီး အစိုးရအကူးအပြောင်းမှာ မြို့သစ်စီမံကိန်းကို တင်ဒါအောင်မြင်ခဲ့သူတဦးဖြစ်ကြောင်း ဖော်ပြခဲ့တဲ့အချက်ကို လက်မခံနိုင်”ဟု စီးပွားရေးလုပ်ငန်းရှင် မောင်ဝိတ်က ပြောကြားခဲ့သည်။


ဆက်လက်ပြီး ၎င်းက“အဆိုပါရေးသားချက်သည် ပုဂ္ဂိုလ်ရေးနာမည်ဖျက်ဖို့ အားနည်းတယ်ထင်လို့ အနိုင်ကျင့်ဖို့ဖြစ်တယ်လို့ စိတ်ထဲမှခံစားမိလို့ ယခုလို လူကြီးမင်းများအား ဖိတ်ကြားရှင်းလင်းရခြင်းပဲဖြစ်ပါတယ်။ ဒီနေရာမှ ကျွန်တော်နာမည်ကိုတပ်၍ ဖော်ပြထားခြင်းမရှိသော်လည်း မြို့သစ်စီမံကိန်းတင်ဒါအောင်မြင်ခဲ့သူ ၃ ဦးတွင် ကျွန်တော်တဦးတည်းသာ မူးယစ်ဆေးဝါးသုံးစွဲမှု ခေါင်းစဉ်တပ်ပြီး ထောင်ချခံခဲ့ရသူ ထောင်မှ ပြန်လည်လွတ်မြောက်လာသူဖြစ်တဲ့အတွက် မည်သူမဆို ဤစာသားများသည် မည်သူ့ကိုရည်ညွှန်းသည်ဆိုသည်ကို ခံစားကြည့်လို့ရမယ်ထင်ပါတယ်။ ကျွန်တော်အနေနဲ့ ဘယ်ဝန်ကြီးချုပ်တဦးကိုမှ Patek Philippe နာရီ လက်ဆောင်ပေးခဲ့ဖူးခြင်း မရှိပါဘူးခင်ဗျာ။ အထူးသဖြင့် ရန်ကုန်တိုင်းဒေသကြီးဝန်ကြီးချုပ် ဦးဖြိုးမင်းသိန်းကို ဘာနာရီမှ လက်ဆောင်ပေးခဲ့ဖူးခြင်းမရှိကြောင်း တိတိကျကျ ရှင်းရှင်းလင်းလင်း တင်ပြအပ်ပါတယ်”ဟု ပြောကြားခဲ့သည်။

“ဤအကြောင်းကို ပြန်လည်လေ့လာကြည့်တဲ့အခါမှာ Social Media ဖြစ်တဲ့ ဖေ့စ်ဘုတ်ပေါ်မှာ အကောင့်ပိုင်ရှင်တဦးက အောက်တိုဘာလထဲမှာရေးသားရာမှ စတင်ခဲ့ကြောင်း သိရှိရပါတယ်။ ၎င်းရေးသားခြင်းရဲ့နောက်ကွယ်မှ ဖန်တီးသူနှင့်ရည်ရွယ်ချက်ကို ကျွန်တော်မသိပါ။ အကောင့်ပိုင်ရှင်ကိုလည်း ကျွန်တော်သိကျွမ်းမှုမရှိပါ။ ကျွန်တော်အနေဖြင့် ယနေ့အချိန်ထိ ဘ၀တလျောက် မည်သူ့ကိုမှ ထိခိုက်နစ်နာအောင်လုပ်ခဲ့ဖူးခြင်းမရှိပါ။ ကျွန်တော်အနေဖြင့် သာမန်ပြည်သူများအနေဖြင့် social media အပေါ် ကိုယ်စိတ်ထင်ရာ ရေးသားဖော်ပြကြသည်ကို မည်သို့မျှရှင်းလင်းရန် မလိုအပ်သော်လည်း မီဒီယာတခုမှ တရားဝင်ပုံနှိပ်ဖော်ပြမှုမျိုး social media ပေါ်မှရေးသားချက်မျိုး နိုင်ငံတကာသတင်းမီဒီယာများအထိပါ ဖော်ပြလာခြင်းမျိုးကိုတော့ အများသိစေရန် ပြန်လည်မဖြေရှင်းပါက ဆိတ်ဆိတ်နေ ၀န်ခံသကဲ့သို့ဖြစ်သွားနိုင်ပါသည်။ နောင်တွင်လည်း အလားတူရေးသားချက်တွေကြောင့် အများအမြင်မှားတာတွေ ဖြစ်ပေါ်လာနိုင်ပါသည်။ ဒါ့အပြင် မရှင်းလင်းခဲ့ရင် နိုင်ငံသားတဦးတာဝန် မကျေပွန်ရာရောက်လာနိုင်တဲ့အတွက်ကြောင့် ယခုလို လူကြီးမင်းများအား လေးစားစွာဖိတ်ကြားပြီး ရှင်းလင်းတင်ပြရခြင်းလည်းဖြစ်ပါတယ်။ ကျွန်တော်အနေနဲ့ ဘယ်ဝန်ကြီးချုပ်တဦးကိုမှ Patek Philippe နာရီ လက်ဆောင်ပေးခဲ့ဖူးခြင်း မရှိပါဘူးခင်ဗျာ။ အဆိုပါ ကိစ္စအား မည်သည့်ခုံရုံးတွင်မဆို အစစ်ဆေးခံရန်အသင့်ရှိပါတယ်။ ထပ်မံပြီး ဖေ့စ်ဘုတ်အကောင့် သန်းထွဋ်အောင်အမည်ဖြင့် ၅ ရက် နိုဝင်ဘာ ၂၀၁၆ တွင် ရေးသားဖော်ပြထားသည့် ဒေါ်လာ ၁၀၀ ဘီလီယံလောက် ရင်းနှီးရတဲ့ကိစ္စမှာ ဒီ Developer တွေရဲ့ ငွေဖြူငွေမဲကိစ္စတွေ အထူးသဖြင့် မူးယစ်ကိစ္စနဲ့ထောင်ကျဖူးတဲ့သူရဲ့ ငွေဖြူတွေ အခွန်ဆောင်မှုတွေ ရှင်းလင်းပြီလားဆိုတဲ့ ရေးသားမှုသည်လည်း မည်သူ့ကိုအဓိကပစ်မှတ်ထား နာမည်ဖျက်ဖို့လုပ်နေတယ်ဆိုတာ သိသာနေပါတယ်။ အဆိုပါဆောင်းပါးရေးသားသူနှင့်ကျွန်တော် သိကျွမ်းခင်မင်မှုမရှိသလို တကြိမ်တခါမှလည်း တွေ့ဆုံခဲ့ဖူးခြင်းမရှိဖူးပါ”ဟု ၎င်းက ရှင်းလင်းခဲ့သည်။

ဖြိုးကိုနိုင်
News Watch(စောင့်ကြည့်သတင်းဂျာ
https://www.facebook.com/NewsWatchJournal/



( ကိုမျိုးရန်နောင်သိမ်းကို နိုဝင်ဘာလ ၉ ရက်နေ့က လှိုင်မြို့နယ်တရားရုံးမှာ ရုံးထုတ်လာစဉ် ) Photo: Htet Arker/ RFA
ဆက်သွယ်ရေးဥပဒေ ပုဒ်မ ၆၆-ဃ နဲ့ ဖမ်းဆီးခံထားရတဲ့ အမျိုးသားဒီမိုကရေစီအဖွဲ့ချုပ်ရဲ့ ဗဟိုသုတေသနဌာန ဒုတိယတာဝန်ခံ ကိုမျိုးရန်နောင်သိမ်းအတွက် ရှေ့နေအဖြစ် ဦးကျော်ဟိုးကို ဒီကနေ့ လှိုင်မြို့နယ်တရားရုံးမှာတင်သွင်းခဲ့ရာမှာ တရားရုံးကပယ်ချခဲ့ပါတယ်။

ကိုမျိုးရန်နောင်သိမ်းအမှုနဲ့ ပတ်သက်ပြီး တရားရုံးမှာ ရဲတပ်ဖွဲ့ဘက်က ရမန်ထပ်ယူတာကို ကန့်ကွက် အပြီးမှာ အခုလို ရှေ့နေအဖြစ်ပါဝါလွှဲတာကို ပယ်ချခံရတာဖြစ်တယ်လို့ ရှေ့နေဦးကျော်ဟိုးက ပြောပါတယ်။

ဒီနေ့ ရုံးထုတ်ရာမှာ ကိုမျိူးရန်နောင်သိမ်းအမှုကို ရဲတပ်ဖွဲ့ဘက်က ဒုတိယအကြိမ်မြောက်အဖြစ် ရမန် ၈ ရက်ဆက်ယူခဲ့တာကြောင့်လာမဲ့ ၁၇ ရက်နေ့မှာမှ အမှုကိုစတင်စစ်ဆေးရမှာဖြစ်ပါတယ်။

ကိုမျိူးရန်နောင်သိမ်းဟာ ကာကွယ်ရေးဦးစီးချူပ်ကို စော်ကားတဲ့စားသားကို ဖေ့ဘွတ်စာမျက်နာမှာ တင်ခဲ့တယ်ဆိုပြီး ရန်ကုန်တိုင်းစစ်ဌာနချူပ်က ဒုတိယဗိုလ်မှုးကြီးလင်းထွန်းက တရားလိုလုပ် တိုင်းကြားခဲ့တာကြောင့် ဆက်သွယ်ရေးဥပဒေ ပုဒ်မ ၆၆(ဃ) နဲ့ ဖမ်းစီးဆီးခံလိုက်ရတာဖြစ်ပါတယ်။

ကိုမျိူးရန်နောင်သိမ်းက ဆက်သွယ်ဥပဒေ ပုဒ်မ ၆၆(ဃ)ဟာ တိုင်တန်းသူတရာလိုဖက်က အသားစီးရနေတဲ့ ပုဒ်မဖြစ်ကြောင်း ဒီကနေ့ရုံးထုတ်မှာပြောပါတယ်။

ဆက်သွယ်ဥပဒေ ပုဒ်မ ၆၆(ဃ)ဟာ အများဆုံးထောင်ဒဏ် ၇ နှစ်လောက်ထိ ကျခံရနိုင်ပြီး အာမခံ မရတဲ့ဥပဒေ ပုဒ်မဖြစ်ပါတယ်။

RFA Burmese
https://www.facebook.com/rfaburmese/


ရွေးကောက်ခံသမ္မတ Donald Trump မိန့်ခွန်းပြောကြားစဉ်
အမေရိကန်သမ္မတ ရွေးကောက်ပွဲမှာ နောက်ဆုံးထွက်ပေါ်လာတဲ့ ရလဒ်တွေအရ အနိုင်ရရှိသွားတဲ့ ရီပတ်ဘလစ်ကန် သမ္မတလောင်း Donald Trump က မိန့်ခွန်းပြောကြားရာမှာ မဲဆွယ်စည်းရုံးရေး ကာလအတွင်း ခါးခါးသည်းသည်း ယှဉ်ပြိုင်ရာမှာ သဘောထား ကွဲလွဲမှုတွေ အကြီးအကျယ် ရှိခဲ့ပေမဲ့ တိုင်းပြည်ကို စုစည်းညီညွတ်အောင် လုပ်ဆောင်မှာ ဖြစ်တဲ့အကြောင်း ပြောဆိုလိုက်ပါတယ်။

ပြိုင်ဘက်ဖြစ်တဲ့ ဒီမိုကရက်တစ်ပါတီ သမ္မတလောင်း Hillary Clinton အနေနဲ့ ရွေးကောက်ပွဲ ရလဒ်တွေအရ အနိုင်အရှုံး သိလာရပြီးနောက် တယ်လီဖုန်းကတဆင့် သူ့ကို ချီးကျုးစကားပြောကြားခဲ့ကြောင်းနဲ့ သူ့အနေနဲ့လည်း အပြန်အလှန်အနေနဲ့ သမ္မတရွေးပွဲမှာ စွမ်းစွမ်းတမံ ကြိုးစားခဲ့တဲ့ ကလင်တန်နဲ့ မိသားစုကို ချီးကျုးခဲ့တယ်လို့လည်း ပြောဆိုခဲ့တာပါ။

ဒုသမ္မတလောင်းဖြစ်သူ Mike Pence နဲ့အတူ နယူးယောက်မြို့က ပါတီရုံးချုပ်မှာ ပြောကြားခဲ့တဲ့ မိန့်ခွန်းထဲမှာတော့ မဲဆွယ်ပွဲကာလအတွင်း သူ့ကို ထောက်ခံမှု မပေးခဲ့သူတွေ အနေနဲ့လည်း တိုင်းပြည်ထူထောင်ရေးအတွက် ပါဝင်ကူညီကြဖို့ ပြောကြားခဲ့ပါတယ်။

ရွေးကောက်ခံ သမ္မတတဦး ဖြစ်လာတဲ့ ထရမ့် အနေနဲ့ တိုင်းပြည်စီးပွားရေးကို ၂ ဆတိုးအောင် လုပ်မယ်လို့လည်း ကတိပြုခဲ့သလို၊ နိုင်ငံတကာ ဆက်ဆံရေးမှာလည်း အမေရိကန် ပြည်ထောင်စုနဲ့ သင့်မြတ်လိုတဲ့ တိုင်းပြည်တွေနဲ့ အပြန်အလှန် သင့်မြတ်အောင် ကြိုးပမ်း သွားမှာ ဖြစ်တဲ့အကြောင်း ပြောဆိုခဲ့တာပါ။

အမေရိကန်သမ္မတ ရွေးကောက်ပွဲမှာ နောက်ဆုံးထွက်ပေါ်လာတဲ့ ရလဒ်တွေအရ သမ္မတရွေးကောက်ပွဲမှာ အနိုင်ရဖို့ လိုအပ်တဲ့ Electoral vote ကိုယ်စားလှယ်မဲ ၂၇၀ ကျော်လွန်ပြီး ထရမ့်က ၂၈၈ မဲထက်မနည်း ရရှိခဲ့ပါတယ်။

ကလင်တန် ကတော့ ဒီညမှာ မိန့်ခွန်းတစုံတရာ ပြောကြားမှာ မဟုတ်ဘူးလို့လည်း သူ့ရဲ့ မဲဆွယ်စည်းရုံးရေးမှူး က နယူးယောက်မြို့က ပါတီရုံးချုပ်မှာ အစောပိုင်းက ကြေညာထားပါတယ်။

  ဗွီအိုအေ (မြန်မာပိုင်း)
http://burmese.voanews.com


အမေရိကန်သမ္မတ ရွေးကောက်ပွဲမှာ နောက်ဆုံးထွက်ပေါ်လာတဲ့ ရလဒ်တွေအရ သမ္မတရွေးကောက်ပွဲမှာ ပြိုင်ဘက်ဖြစ်သူ Donald Trump အနိုင်ရကြောင်း ဒီမိုကရက်တစ်ပါတီ သမ္မတလောင်း Hillary Clinton က ပြောဆိုလိုက်ပါတယ်။

အမေရိကန်သမ္မတ ရွေးကောက်ပွဲမှာ နောက်ဆုံးထွက်ပေါ်လာတဲ့ ရလဒ်တွေအရ သမ္မတရွေးကောက်ပွဲမှာ အနိုင်ရဖို့ လိုအပ်တဲ့ Electoral vote ကိုယ်စားလှယ်မဲ ၂၇၀ ရဖို့ နီးစပ်လာချိန်မှာပဲ၊ တယ်လီဖုန်းဆက်ပြီး ရွေးကောက်ပွဲမှာပဲ ကလင်တန်က သူအရေးနိမ့်ခဲ့ကြောင်း ပြောကြားခဲ့တယ်လို့ အမေရိကန်ရုပ်သံ CNN က ကြေညာခဲ့တာပါ။ ထောက်ခံမှုရဖို့ အကြိတ်အနယ် ယှဉ်ပြိုင်ရတဲ့ ပြည်နယ်တွေမှာ ထရမ့်က အသာရပြီး၊ အနိုင်ရထားချိန်မှာပဲ အခုလို ကြေညာချက် ထွက်ပေါ်လာတာ ဖြစ်ပါတယ်။

ကလင်တန် ကတော့ ဒီညမှာ မိန့်ခွန်းတစုံတရာ ပြောကြားမှာ မဟုတ်ဘူးလို့လည်း သူ့ရဲ့ မဲဆွယ်စည်းရုံးရေးမှူး က နယူးယောက်မြို့က ပါတီရုံးချုပ်မှာ အစောပိုင်းက ကြေညာခဲ့ပါတယ်။

 ဗွီအိုအေ (မြန်မာပိုင်း)
http://burmese.voanews.com

Author Name

Contact Form

Name

Email *

Message *