11/12/16


နာမည်ကျော်အဆိုတော်အဖွဲ့ဖြစ်တဲ့ Green Day ကပြောတာကတော့ သူတို့ဟာ US သမ္မတအဖြစ်အရွေးခံလိုက်ရတဲ့ Donald Trump ကိုဆန့်ကျင်တဲ့ဆန္ဒပြပွဲများကို အပြည့်အထောက်ခံကြောင်း ပြောပါတယ်။

“ကျနော်တို့ထဲက ဘယ်သူကမှ Donald Trump ကို သမ္မတဖြစ်လာမယ်လို့ မထင်ထားခဲ့ကြောင်း” အဆိုတော် Billie Joe Armstrong က ဘီဘီစီကို ပြောခဲ့ပါတယ်။

“ ဒီဆန္ဒပြပွဲတွေ တစထက်တစ ကြီးမားလာမယ့်အချိန်ဟာ ရောက်လာတော့မယ်လို့ ထင်ပါတယ်၊ ပြီးတော့ ကျနော်ကလည်း အပြည့်အ၀ ထောက်ခံသွားမှာပါ” လို့ သူက ပြောပါတယ်။

သူ့ရင်ထဲမှာ ရှိတဲ့အတိုင်း Mr Trump ကို ဝေဖန်ခဲ့တဲ့ ဒီအနုပညာကြယ်ပွင့်ကတော့ သူ့ရဲ့နိုင်ငံဟာ မီးတင်ရှို့ခံလိုက်ရသလို ခံစားရကြောင်း ပြောခဲ့ပါတယ်။

Republican ပါတီရဲ့အောင်ပွဲအကြောင်းကို ကြေညာလိုက်တဲ့ အချိန်တုန်းက Green Day အဖွဲ့ဟာ လန်ဒန်မှာ ရှိနေခဲ့ပြီး Rotterdam က Sunday's MTV Europe ဆုပေးပွဲမှာ Global Icon ဆုကို လက်ခံပြီး မကြာခင်မှာပဲ ဒီသတင်းကို ကြားလိုက်ရတာ ဖြစ်ပါတယ်။
Mizzima - News in Burmese


အမေရိကန်သမ္မတ အိုဘားမား ခရီးစဉ်။ (နိုဝင်ဘာ ၂၊ ၂၀၁၆)
အမေရိကန်သမ္မတ အိုဘားမား ခရီးစဉ်။ (နိုဝင်ဘာ ၂၊ ၂၀၁၆)

အမေရိကန်သမ္မတ ဘရက်ခ် အိုဘားမား က ဦးစားပေး လုပ်ဆောင်နေတာတွေကို စွန့်ပစ်ဖို့ ကတိပေးထားတဲ့အတွက် ကမ္ဘာတ၀ှမ်းမှာ စိုးရိမ်စရာ ဖြစ်ခဲ့ရတဲ့ ရီပတ်ဘလစ်ကန်ပါတီ ကိုယ်စားလှယ်လောင်း Donald Trump ရွေးကောက်ပွဲမှာ မမျှော်လင့်ဘဲ အနိုင်ရခဲ့ပြီးနောက်၊ အမေရိကန်သမ္မတအဖြစ် သမ္မတ အိုဘားမားရဲ့ နောက်ဆုံး ပြည်ပခရီးစဉ်ဟာ သိပ်တော့ အားရစရာ မရှိလှဘဲ ဖြစ်နေပါတယ်။

အိမ်ဖြူတော် အမျိုးသား လုံခြုံရေး လက်ထောက် အကြံပေး အရာရှိ Ben Rhodes ကတော့ သောကြာနေ့မှာပဲ သမ္မတအိုဘားမားရဲ့ ခရီးစဉ်နဲ့ ပတ်သက်ပြီး သတင်းစာရှင်းလင်းပွဲ ပြုလုပ်ခဲ့တာပါ။

Trump ရဲ့ မမျှော်လင့်တဲ့ ရွေးကောက်ပွဲအောင်နိုင်မှုနဲ့အတူ အပြန်အလှန် ဆက်ဆံရေးတွေ၊ နိုင်ငံတကာ သဘောတူညီချက်တွေအပေါ် သက်ရောက်လာမယ့် အလားအလာတွေကို ကမ္ဘာ့ခေါင်းဆောင်တွေနဲ့ အဓိက ပြောကြား မှာဖြစ်တယ်လို့လည်း အိမ်ဖြူတော် အမျိုးသား လုံခြုံရေး လက်ထောက် အကြံပေး အရာရှိ Ben Rhodes က အတည်ပြု ပြောဆိုခဲ့ပါတယ်။

သမ္မတ အိုဘားမားရဲ့ ခရီးစဉ်အစမှာတော့ ဂရိနိုင်ငံကို သွားရောက်မှာဖြစ်ပြီး ပါသီနွမ်ရှေးဟောင်း အဆောက်အဦးကို သွားရောက်လည်ပတ်မှာဖြစ်သလို၊ ကမ္ဘာတ၀ှမ်း ရင်ဆိုင်နေရတဲ့ စိန်ခေါ်ချက်မှုတွေနဲ့ ပတ်သက်လို့လည်း အေသင်မြို့မှာ မိန့်ခွန်း ပြောကြားမှာ ဖြစ်ပါတယ်။

အဲဒီကနေမှတဆင့် ဂျာမနီနိုင်ငံကို ဆက်မှာဖြစ်ပြီး၊ ဂျာမနီဝန်ကြီးချုပ် အန်ဂလာ မာကဲနဲ့ တွေ့ဆုံဆွေးနွေးပြီး ကြာသပတေးနေ့မှာ ပူးတွဲ သတင်းစာရှင်းလင်းပွဲ ကျင်းပဖို့လည်း ရှိပါတယ်။ ဂျာမနီနိုင်ငံ ဘာလင်မြို့မှာပဲ ဗြိတိန်နဲ့ ပြင်သစ်နိုင်ငံ ခေါင်းဆောင် တွေနဲ့လည်း သမ္မတ အိုဘားမား တွေ့ဆုံသွားဖို့ ရှိပါတယ်။

အဲဒီနောက် အာရှ-ပစိဖိတ်စီးပွားရေး ပူးပေါင်းဆောင်ရွက်မှု APEC ထိပ်သီးညီလာခံ ကျင်းပရာ ပီရူးနိုင်ငံ Lima မြို့ကို ခရီးဆက်မှာ ဖြစ်ပါတယ်။ ညီလာခံဘေးပန်း အပြင်ဘက်မှာ စနေနေ့ကျရင် တရုတ်သမ္မတ ရှီ ကျင့်ပင်၊ တနင်္ဂနွေနေ့မှာ သြစတြေးလျ ၀န်ကြီးချုပ် Malcolm Turnbull တို့နဲ့ နှစ်နိုင်ငံကြား သီးခြားစီ ဆွေးနွေးကြဖို့ ရှိပါတယ်။
VOA Burmese News


(ခံသူတွေ ခံသွားရပေမယ့်
နောက်ထပ် ခံရသူဟာ သင်မဖြစ်ဖို့
အောက်ကအချက်တွေကို သေချာဖတ်ထားပါ)

အခုဆို ပုဒ်မ ၆၆ ဃ ဟာ
အင်မတန်နာမည်ကြီးလာပါပြီ။

တဖြည်းဖြည်း ဒီပုဒ်မနဲ့ အဆွဲခံရသူ
တော်တော်များလာတယ်။
ဒီတော့ ဒီပုဒ်မအကြောင်း
အများပြည်သူ သိရှိအောင်
ရေးသားဖော်ပြလိုက်ပါတယ်။

ပုဒ်မ ၆၆။ မည်သူမဆိုအောက်ပါပြုလုပ်မှုတစ်ရပ်ရပ်ကိုကျုးလွန်ကြောင်းပြစ်မှုထင်ရှား စီရင်ခြင်းခံရလျှင် ထိုသူအားသုံးနှစ်ထက်မပိုသော ထောင်ဒဏ်ဖြစ်စေ၊

ငွေဒဏ် ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမည်-

(က) ဆက်သွယ်ရေးကွန်ရက်အတွင်းသို့ ယင်း၏ပိုင်ရှင် သို့မဟုတ် စီမံခန့်ခွဲခွင့် ရှိသူ၏ခွင့်ပြုချက်မရှိဘဲဝင်ရောက်နှောင့်ယှက်ခြင်း၊ စံချိန်စံညွှန်း သတ်မှတ်ချက်ကိုဖြစ်စေ၊ မူလအနေအထားကိုဖြစ်စေပြောင်းလဲခြင်း သို့မဟုတ်ဖျက်ဆီးခြင်း၊

(ခ) ဆက်သွယ်ရေးကွန်ရက်ကို ထိခိုက်ပျက်စီးစေရန်ရည်ရွယ်၍ ဗိုင်းရပ်စ် သို့မဟုတ်အခြားနည်းလမ်းတစ်ခုခုဖြင့် ဝင်ရောက်စေခြင်း၊

(ဂ) ဆက်သွယ်ရေးကွန်ရက်တစ်ခုခုကို အသုံးပြု၍ ငွေကြေးနှင့်ပစ္စည်းတစ်ရပ်ရပ်ကိုခိုးယူခြင်း၊လိမ်လည်ခြင်း၊အလွဲသုံးစားပြုခြင်း သို့မဟုတ် အကျိုး ပျက်စီးစေခြင်း၊

(ဃ) ဆက်သွယ်ရေးကွန်ရက်တစ်ခုခုကို အသုံးပြု၍ ပုဂ္ဂိုလ်တစ်ဦးဦးအား ခြောက်လှန့်တောင်းယူခြင်း၊ အနိုင်အထက်ပြုခြင်း၊ မတရားတားဆီး ကန့်ကွက်ခြင်း၊ အသရေဖျက်ခြင်း၊ နှောင့်ယှက်ခြင်း၊ မလျော်သြဇာသုံးခြင်း သို့မဟုတ်ခြိမ်းခြောက်ခြင်း၊

ဒီမှာ သတိပြုစရာက …
ထောင်ဒါဏ် ၃နှစ်အထိ ချနိုင်တာကိုပါ။

ပြီးတော့ အကောင့်ဟက်တယ်လို့
ခေါ်နေကြတဲ့ ဖေ့ဘုတ်အကောင့်ကို
ဖောက်ထွင်းယူသုံးတာတွေကိုလည်း

ပုဒ်မ ၆၆ က နဲ့ အရေးယူလို့ ရနေပါတယ်။

အသုံးများတာကတော့
၆၆ ဃ ပါ။

ဆက်သွယ်ရေးကွန်ယက်တစ်ခုခုကိုသုံးပြီး
အသရေဖျက်ခြင်း၊ နှောင့်ယှက်ခြင်း၊ မလျော်သြဇာသုံးခြင်း သို့မဟုတ်ခြိမ်းခြောက်ခြင်း အားလုံးကို ဒီပုဒ်မနဲ့
အရေးယူလို့ ရနေပါတယ်။

လူတစ်ယောက်အကြောင်း မကောင်းပြောကာမျှနဲ့
ဒီပုဒ်မနဲ့ အရေးယူလို့ ရနေတယ် ဆိုတဲ့သဘောပေါ့။

ဒီနေရာ တစ်ခု ကြားဖြတ်ပြီးပြောချင်တာက
ဥပဒေမှာ ခေါ်ဝေါ်ကြတာလေး နှစ်ခုပါ။

'ရာဇဝတ်မှု' နဲ့ 'တရားမမှု' တဲ့။

'ရာဇဝတ်မှု' ဆိုတာက တနည်းပြောရင်
လူ့အဖွဲ့အစည်းက လက်မခံနိုင်တဲ့
လူ့အသိုင်းအဝိုင်းကို အန္တရာယ်ဖြစ်စေတဲ့
ပြစ်မှုမျိုးတွေပေါ့။

လူသတ်မှု၊ ဓားပြမှု၊ မုဒိန်းမှု၊ ခိုးမှု၊
မူးယစ်ဆေးဝါး ရောင်းဝယ်ဖောက်ကားမှု
စတဲ့အမှုမျိုးတွေကို ခေါ်ပါတယ်။

ဒီလိုအမှုမျိုးတွေဟာ
လူ့အဖွဲ့အစည်းကို လူမှုဝန်းကျင်ကို
ထိခိုက်စေတတ်တဲ့အမှုမျိုးတွေဖြစ်တယ်။

အဲ့ဒီလို အမှုမျိုးတွေကို အာမခံ မပေးပါဘူး။

'အာမခံ' ဆိုတာက
ဒီအမှုကို တရားခွင်မှာ ရင်ဆိုင်ပါ့မယ်လို့
ကတိပြုရတာ ဖြစ်ပါတယ်။

အာမခံပေးထားသူဆိုတာ
အဲ့ဒီလို ကတိခံဝန်ချက်နဲ့ နေထိုင်ရပြီး
သတ်မှတ်ထားတဲ့ရုံးချိန်းအတိုင်း
တရားရုံးရှေ့လာရောက်ရင်ဆိုင်ရသူ။

ဒီလို ရာဇဝတ်မှုတွေကို ဘာလို့
အာမခံမပေးလဲဆိုတော့
သူဟာ လူ့အဖွဲ့အစည်းကိုခြိမ်းခြောက်သူ
လူ့အဖွဲ့အစည်းအတွက် အန္တရာယ်ရှိနေသူ
ဖြစ်လို့ အမြန်ချုပ်နှောင်ဖမ်းဆီးထားတဲ့
သဘောပါ။

တရားမမှု ဆိုတာတော့
ဒီလိုမဟုတ်ပဲ
တစ်ဦးတစ်ယောက်ရဲ့ အခွင့်အရေးကို
နစ်နာစေတာဖြစ်ပါတယ်။

လူသားချင်း ပုဂ္ဂလိက အငြင်းပွားမှုဖြစ်တယ်
လူ့အဖွဲ့အစည်းအတွက် အန္တရာယ်မရှိလှဘူး။
ဒါ့ကြောင့် အဲ့ဒီလို
တရားမနစ်နာမှုက တရားခံကို
အာမခံ ပေးရပါတယ်။

ဒီနေရာမှာ ပုဒ်မ ၆၆ ကို
မတရားပုဒ်မအဖြစ်
လူတွေ ပြောဆိုနေကြတာ
ဘာလို့လဲလို့ ရှင်းပါ့မယ်။

တကယ်တော့ တရားမကြောင်းနဲ့
သွားရမယ့်
အာမခံပေးရမယ့် အမှုမျိုးကို
ရာဇဝတ်မှုအဖြစ်
ချက်ချင်းဖမ်းချုပ်လို့ရအောင် ပြဌာန်းထားလို့ပါပဲ။

ဒါဟာ အရင် အာဏာရှင်အစိုးရရဲ့
ဖေ့ဘုတ်သုံးစွဲသူတွေအပေါ်
ချုပ်ချယ်ကန့်သတ်ထားမှုဖြစ်တယ်။

ပြီးတော့ ဒါဟာ
ဒီမိုကရေစီရဲ့ အခြေခံမှုနဲ့ရော
အခြေခံဥပဒေနဲ့ပါ ကွဲလွဲနေပါတယ်။

ဒီမိုကရေစီရဲ့ အသက်ဟာ
လွတ်လပ်စွာ ရေးသားပြောဆိုပိုင်ခွင့်
ဖြစ်ပါတယ်။

အခြေခံဥပဒေမှာလဲ ပုဒ်မ ၃၅၄ က မှာ
မိမိ၏ ယုံကြည်ချက် ထင်မြင်ယူဆချက်များကို
လွတ်လပ်စွာ ထုတ်ဖော်ပိုင်ခွင့်
ကို ထည့်သွင်းရေးသားထားတယ်။
(ဒါပေမဲ့ ၂၀၀၈ အခြေခံဥပဒေဟာ
ဒီမိုကရေစီဥပဒေအစစ် မဟုတ်လို့
ပုဒ်မ ၃၅၄ ရှေ့မှာ
အကန့်အသတ်ထည့်ထားတာ ရှိပါတယ်)

ဘယ်လိုဖြစ်စေ
လွတ်လပ်စွာရေးသားပြောဆိုပိုင်ခွင့်ကတော့
ဒီမိုကရေစီရဲ့ အခြေခံအုပ်မြစ်ပဲဖြစ်ပါတယ်။
လွတ်လပ်စွာ ရေးသားပြောဆိုပိုင်ခွင့်မရှိရင်
ဒီမိုကရေစီ မရှိတော့ပါ။

ဒီနေရာမှာ မေးစရာရှိတယ်။
အခု ကျယ်ပြန့်လာတဲ့ လူမှုကွန်ယက်က
မိုက်ရိုင်းစော်ကားမှုတွေကို
ဘယ်လိုကိုင်တွယ်ကြမလဲ?

ဒီ့အတွက် အသရေဖျက်မှုရှိပါတယ်။
အသရေဖျက်မှုဟာ တရားမကြောင်းအရ
သွားတဲ့ပုဒ်မပါ။

စင်္ကာပူက လီကွမ်ယူဟာ
သတင်းစာတစ်စောင်ကို တရားစွဲဘူးပါတယ်။
ဒီအသရေဖျက်မှုပုဒ်မ
တရားမနစ်နာမှု ပုဒ်မနဲ့ပါ။

သူက သူ့အစိုးရကို
ကြိုက်သလို ပုတ်ခတ်တိုက်ခိုက်တာကို
ခွင့်ပြုထားတယ်။ ဒါပေမဲ့
သူတို့အစိုးရ လာဘ်စားတယ်လို့
ရေးတဲ့သတင်းစာကိုတော့ တရားစွဲပါတယ်။

အထက်မှာ ပြောတဲ့
တရားမ နစ်နာမှုနဲ့ပါ။

လီကွမ်ယူကြီးက ဘာလို့ တရားစွဲခဲ့သလဲ?
သူက သူမဟုတ်ကြောင်း
တနည်း လာဘ်မယူကြောင်း
တရားရုံးမှာ ထင်ရှားစေ့ချင်တာပါ။

ဒီလို ထင်ရှားစေဖို့ရာ
တစ်ဘက်နဲ့တစ်ဘက် အပြိုင်
တရားခွင်မှာ ရှင်းကြတယ်။

တကယ်လို့သာ လီကွမ်ယူဟာ
တဘက်က စွပ်စွဲလာသူကို
ချက်ချင်း ဖမ်းဆီးချုပ်နှောင်ပြီးမှ
တရားခွင်မှာ တင်မယ်ဆိုရင်တော့
သူ အခုလို သမိုင်းဝင်ကြီးမြတ်သော
ခေါင်းဆောင်ကြီးဖြစ်လာနိုင်မယ် မဟုတ်ပါ။

ချည်ပြီးတုတ်ပြီး နှိပ်စက်သလိုဖြစ်နေတယ်။
ကြိုးနဲ့ စိတ်ကြိုက်ချည်ထားပြီးမှ
လွတ်လွတ်လပ်လပ်
တရား မပြိုင်ဆိုင်နိုင်အောင် ပြု ပြီးမှ
တဘက်သတ် အနိုင်ယူသလို ဖြစ်သွားမယ်။

တနည်းပြောရရင် တဘက်က လူကိုလည်း
လွတ်လပ်စွာ သက်သေအထောက်အထား
ရှာဖွေခွင့် တင်ပြခွင့်ကို
လီကွမ်ယူ ပေးထားခဲ့ပါတယ်။
အရင် ချုပ်နှောင်ပြီးမှဆိုရင်တော့
သူ့ဘက်က မလုံလို့ လက်ဦးမှုရယူသလို
ဖြစ်နေမှာပေါ့။
ဒီလိုဆို သူလာဘ်စားပါတယ်ဆိုတဲ့
သံသယကိုလည်း ကောင်းမွန်စွာ
ချေဖျက်နိုင်မှာ မဟုတ်တော့ဘူးပေါ့။

တနည်းပြောရရင်
ပြိုင်ဘက်ကို ကြိုးတွေတုပ်ထားပြီးမှ
သတ်ကွင်းထဲ ဝင်ခိုင်းရင်
ဘယ်မှာ တရားမျှတတဲ့ ပြိုင်ပွဲ
ဖြစ်နိုင်တော့ပါမလဲလေ။

လူလူချင်းမှာ တရားမမျှတတာ
အရေးမကြီးလှပေမယ့်
လီကွမ်ယူလို ခေါင်းဆောင်ကြီးအတွက်တော့
တရားမျှတစွာ ပြိုင်ဆိုင်မှုဟာ
အရေးအင်မတန်ကြီးပါတယ်။
ဒါမှလဲ သူ့အပေါ် ပြည်သူ့ယုံကြည်မှု
တိုးပွားမှာကိုး။

အဲ့ဒီတုန်းက လီကွမ်ယူ
သတင်းစာကို တရားစွဲခဲ့တာဟာ
အာဃာတကြောင့်လည်း မဟုတ်ဘူး
လက်စားခြေလိုခြင်းလည်း မဟုတ်ဘူး
သူအပြစ်ကင်းကြောင်း ထင်ရှားပြလိုခြင်းပါပဲ။

ဒါ့ကြောင့် တရားမျှတစွာ
တရားခွင် တက်ခဲ့ပါတယ်။
မချည်ပဲ မတုတ်ပဲ နဲ့ပေါ့။

ပုဒ်မ ၆၆ အကြောင်း ဆက်ပါမယ်။
လူ့ပတ်ဝန်းကျင်ကို အန္တရာယ်ပေးနေတဲ့
ပြစ်မှုမျိုး မဟုတ်ပါပဲ
ဒါကို ရာဇဝတ်ကြောင်းထဲ ထည့်သွင်းပြီး
ရဲအရေးပိုင် တဲ့
(တနည်းပြောရရင် ရဲကချက်ချင်းဖမ်းနိုင်တဲ့)
အမှုမျိုးအဖြစ် ပြဌာန်းထားတာကတော့
အာဏာရှင်တွေရဲ့
သူရဲဘောကြောင်မှုပဲ ဖြစ်ပါတယ်။

မိမိအား ဝေဖန်ပုတ်ခတ်လာသူကို
တရားမကြောင်းနဲ့ သူတင်ကိုယ်တင်မရှင်းပဲ
သူရဲဘောကြောင်စွာ
အရင်ချုပ်နှောင်ထားပြီး
တပန်းရှုံးစေပြီးမှ
ရင်ဆိုင်ချင်တဲ့ အာဏာရှင်ရဲ့
သတ္တိကင်းမဲ့မှုကနေ
ဒီပုဒ်မ ပေါ်ပေါက်လာတာပါ။

ပြီးတော့ …
၁။ ထွေပြားစွာ လိုသလို ကောက်ယူလို့ရတဲ့ပုဒ်မ
ဖြစ်နေခြင်း
၂။ အာဏာရှိသူတွေအတွက်သာ
ရဲက ဆောင်ရွက်ပေးပြီး
ပြည်သူအချင်းချင်းတော့ မဆောင်ရွက်ပေးတဲ့
ပုဒ်မဖြစ်နေခြင်း … တွေကြောင့်
ဒီပုဒ်မဟာ ဖေ့ဘုတ်သုံးသူတိုင်း
အရေးတစ်ချက်မှားတာနဲ့
ချက်ချင်းဖမ်းဆီးချုပ်နှောင် ခံရနိုင်တဲ့ပုဒ်မ
ဖြစ်နေတာမို့ အင်မတန်
သတိထားသင့်ကြောင်းပါ။

ဒီလို ဖမ်းဆီးခံလိုက်ရပြီဆိုတာနဲ့လဲ
တရားရုံးက အပြစ်ရှိသည်ဟု
သတ်မှတ်သည်ဖြစ်စေ
မသတ်မှတ်သည်ဖြစ်စေ
အရင်ဆုံး
ထောင်ထဲမှာ ရက်ရှည်လများ
အပြစ်ခံရပါတော့တယ်။
(အနည်းဆုံး ခြောက်လ တစ်နှစ်တော့
ဒုက္ခပင်လယ်ဝေပေရော့ပဲ)

ပိုဆိုးတာက ဒီပုဒ်မနဲ့
တရားစီရင်ဆုံးဖြတ်ရမယ့် တရားသူကြီးတွေ
ကိုယ်နှိုက်က နည်းပညာ မကျွမ်းဝင်တဲ့
ကိစ္စဖြစ်ပါတယ်။

တရားစီရင်မှုတစ်ခုမှာ
စီရင်သူရဲ့ ဆင်ခြင်တုံတရားကို
အားကိုးရမှာ ဖြစ်ပေမယ့်
စီရင်သူကိုယ်တိုင်က ဒီကိစ္စဆင်ခြင်ဖို့
အသိပညာ အလုံအလောက် ရှိမနေတာတွေ
တွေ့နေရပါတယ်။

တရားသူကြီးတင်မက
ဥပဒေအရာရှိ စသူတွေပါ
တစ်ခါတလေ နည်းပညာ အကျွမ်းတဝင်
မရှိတတ်ကြပါ။

နည်းပညာနဲ့ တိုက်ရိုက်ပတ်သက်တဲ့အမှုမှာ
နည်းပညာ မကျွမ်းဝင်သူတွေရဲ့စီရင်မှုဟာ
ဘယ်လောက်စိတ်ချရမှာပါလဲ?

တစ်ချို့သော တရားခွင်တွေမှာ
တရားသူကြီးတွေဟာ
CID ရဲ့သုံးသပ်ချက်တစ်ခုတည်းကို
အမှန်ယူနေတာ တွေ့ရပါတယ်။

တစ်ချို့ကျပြန်တော့
ဒီပုဒ်မနဲ့ တရားစွဲခံရပေမယ့်
အာမခံ ရနေပြန်ပါတယ်။

ဒီလို လိုသလို ရှုံချီနှပ်ချီသုံးနေတာကိုက
တရားမျှတမှု မရှိတာပါပဲ။

အချုပ်ဆိုရရင်တော့
ဒီပုဒ်မဟာ အာဏာရှိသူတွေက
အင်တာနက်သုံးတတ်သော ပြည်သူတွေအပေါ်
လိုသလို ဖိနှိပ်ဖို့ သုံးလို့ရတဲ့ပုဒ်မ
ဖြစ်နေတာကြောင့်
ပြည်သူများအနေနဲ့
အထူးသတိထားသင့်ကြောင်းနဲ့
ဒီပုဒ်မရှိနေခြင်းဟာ
မြန်မာပြည်ရဲ့ ဒီမိုကရေစီ မစစ်မှန်ခြင်းကို
ပြဆိုနေခြင်း ဖြစ်ပါကြောင်း …

Thorn Nay Soe


 နိုဝင်ဘာလ (၉-၁၀)ရက်ထိ နှစ်ရက်တာကျင်းပခဲ့တဲ့ ငြိမ်းချမ်းရေးဆွေးနွေးပွဲ ( MOI)
နိုဝင်ဘာလ (၉-၁၀)ရက်ထိ နှစ်ရက်တာကျင်းပခဲ့တဲ့ ငြိမ်းချမ်းရေးဆွေးနွေးပွဲ ( MOI)

အစိုးရနဲ့ အပစ်အခတ်ရပ်စဲရေးသဘောတူလက်မှတ်ရေးထိုးဖို့ ရှေ့ မတိုးသာဖြစ်နေပေမဲ့ နည်းလမ်းမျိုးစုံရှာပြီး ဆက်လက် ညှိနှိုင်းသွားမှာ ဖြစ်ကြောင်း ရန်ကုန်မြို့ကို ရောက်ရှိနေတဲ့ ညီညွတ်သော တိုင်းရင်းသားလူမျိုးများ ဖယ်ဒရယ်ကောင်စီ UNFC ကိုယ်စားလှယ်က ပြောပါတယ်။ NCA အပစ်ရပ်စာချုပ်ကို သဘောတူလက်မှတ်ရေးထိုးပြီးနောက်၂၄ နာရီအတွင်း တနိုင်ငံလုံး အပစ်အခတ် ရပ်စဲရေးကြေညာချက်အပါအ၀င် UNFC ကတောင်းဆိုထားတဲ့ အချက် (၈)ချက်ကို ဆွေးနွေးနေကြတာဖြစ်ပါတယ်။ မအင်ကြင်းနိုင်က အပြည့်အစုံကို ဆက်လက်ပြောပြမှာပါ။

တနိုင်ငံလုံး အပစ်အခတ်ရပ်စဲရေးစာချုပ် NCA မှာ အားလုံးပါဝင်ပြီး လက်မှတ်ရေးထိုးနိုင်ဖို့ UNFC ကတောင်းဆိုထားတဲ့ အချက် (၈)ချက်ကို သဘောတူညီမှု ရအောင် ကြိုးပမ်းကြဖို့ အစိုးရ ငြိမ်းချမ်းရေးကော်မရှင် ခေါင်းဆောင် ဒေါက်တာ တင်မျိုးဝင်းက ရန်ကုန်မြို့ မှာ နိုဝင်ဘာလ (၉-၁၀)ရက်ထိ နှစ်ရက်တာကျင်းပခဲ့တဲ့ ငြိမ်းချမ်ရေးဆွေးနွေးပွဲမှာ ပြောကြားခဲ့ပါတယ်။

သူတို့တောင်းဆိုထားတဲ့အချက် (၈)ချက်ကို အကြေအလည်ဆွေးနွေးသဘောတူညီဖို့ ဘာကြောင့် အရေးကြီးသလဲဆိုတာကို UNFC ကိုယ်စားလှယ် ခူးဦးရယ်က ပြောသွားပါတယ်။

" မျှော်လင့်တာကတော့ NCA သဘောတူညီချက်နဲ့ပတ်သက်ပြီး သဘောတူညီမှု ရလာလို့ရှိရင် ဒီသဘောတူညီမှု ခိုင်မာအောင်လို့ လုပ်ယူချင်တာဖြစ်ပါတယ်။ ဒါက ကျနော်တို့ရဲ့ အဓိက ရည်ရွယ်ချက်ပါ။ ဒါကြောင့်မို့လို့ အချိန်ကြန့်ကြာနေ တာဖြစ်ပါတယ်။ အဲ့လိုသဘောတူညီချက်ရလာလို့ရှိရင်လည်း ကျနော်တို့ ပြသနာ ဘက်ကို ပြန်ဦးလှည့် မသွားရအောင်လို့ ကျနော်တို့ စောင့်ကြည့်ဖို့ တာဝန်ရှိပါတယ်။ အဲ့လိုစောင့်ကြည့်တဲ့နေရာမှာလည်း ကျနော်တို့ အဆင်ပြေပြေနဲ့ စနစ်တကျ ဘယ်လိုပုံစံနဲ့ စောင့်ကြည့်ကြမလဲ။ ဘယ်သူဘယ်ဝါနဲ့ စောင့်ကြည့်ဖို့ လိုအပ်မလဲဆိုတဲ့ အစီအစဉ်လေးကို ကျနော်တို့ ညှိနှိုင်းဆောင်ရွက်နေတာဖြစ်ပါတယ်။"

လက်ရှိ မြန်မာပြည်မြောက်ပိုင်း ကချင်နဲ့ ရှမ်းပြည်နယ်တွေမှာ တပ်မတော်ရဲ့ ထိုးစစ်တွေကြောင့် အပစ်အခတ်ရပ်စဲရေးအပေါ်မှာ ယုံကြည်မှုကင်းမဲ့စေကြောင်း တိုင်းရင်းသားခေါင်းဆောင်တွေဘက်က ဝေဖန်ထောက်ပြနေတာပါ။

NCA စာချုပ်နဲ့ပတ်သက်ရင် တိုင်းရင်းသား ခေါင်းဆောင်တွေဘက်က သဘောထား တင်းမာတာမျိုးမရှိပဲ၊ အနာဂတ်မှာ စာချုပ်အတိုင်း သဘောတူညီချက်တွေကို မချိုးဖောက်ပဲ ခိုင်မာမှုရှိစေရေး သူတို့အနေနဲ့ လိုလားတာဖြစ်တယ်လို့ ခူးဦးရယ်က ပြောပါတယ်။

" ပြောရမယ်ဆိုရင် အားလုံးပါဝင်ရေးမှာ ပါဝင်ပတ်သက်တာတခုတည်းကိုပဲ အကြောင်းပြုပြောတာဖြစ်ပေမဲ့လည်း တကယ်တမ်း NCA ကို အနုစိတ်ပြောမယ်ဆိုရင်ပြောရမယ့် အကြောင်းတရားတွေရှိပါတယ်။ NCA မှာ လိုအပ်ချက်တွေရှိတယ်။ ဖြည့်စည်းရမယ့်အကြောင်းအရာတွေရှိတယ်။ ဆက်လက် ညှိနှိုင်းဆောင်ရွက်ရမှာတွေရှိတယ်။ သို့သော် ဒီနေရာမှာ NCA ကို ပြည်ထောင်စု အဖွဲ့နဲ့ အစိုးရ တပ်မတော်တို့ လက်မှတ်ရေးထိုးဖို့ လွှတ်တော်မှာ အတည်ပြုထားတဲ့ အတွက် ကျနော်တို့ဘက်ကတော့ NCA ကို ပြန်ပြီးပြုပြင်ဖို့ အားနည်းချက်တွေကို ပြင်ဆင်ဖို့ သို့သော် NCA သဘောတူညီချက်ကို လက်မှတ်ရေးထိုးမယ်ဆိုရင် ခိုင်မာတဲ့ သဘောတူညီချက်ဖြစ်ဖို့အတွက် နည်းလမ်းရှာနေတာဖြစ်ပါတယ်။"

UNFC တောင်းဆိုထားတဲ့အချက် ၈ချက်ထဲမှာ နှစ်ဖက်ညှိနှိုင်းမှုတွေ သဘောတူပြီးနောက်ပိုင်း ၂၄ နာရီ အတွင်း တစ်နိုင်ငံလုံး အပစ်အခတ် ရပ်စဲကြောင်း ကြေညာချက်ကို အစိုးရနဲ့ တပ်မတော်က ထုတ်ပြန်ဖို့နဲ့ UNFC အဖွဲ့ဝင်တွေက ၄၈ နာရီအတွင်း အပစ်ရပ်ကြောင်း ကြေညာဖို့၊ တပ်နေရာ ချထားရေးကို ကြိုတင်သဘော တူညီချက်ယူဖို့၊ တပ်ပိုင်းဆိုင်ရာ ကျင့်ဝတ်နဲ့ ပတ်သက်တာတွေအတွက် စောင့်ကြည့်ရေးကော်မတီ ဖွဲ့မယ့်ကိစ္စတွေ ပါဝင်နေတာပါ။ ဒီအချက်တွေကို နိုဝင်ဘာလအတွင်း ဆက်လက်ဆွေးနွေး သွားမှာဖြစ်တယ်လို့ အစိုးရငြိမ်းချမ်းရေး ကော်မရှင်အဖွဲ့ဝင် ဦးလှမောင်ရွှေက သတင်းထောက်တွေကို ပြောပါတယ်။

" DPN ဘက်က အဆိုပြုတဲ့ ပစ်ခတ်တိုက်ခိုက်မှု ရပ်စဲပြီးတဲ့နောက်ပိုင်းမှာ ခိုင်ခိုင်မာမာ နဲ့ ဒီပဋိပက္ခတွေဟာ မရှိသလောက် ဖြစ်အောင် လုပ်နိုင်ဖို့ ကိစ္စရပ်တွေ ရှိပါတယ်။ နှစ်ဘက်စလုံးက ပြင်ဆင်ဖို့ လိုတဲ့အတွက် နိုဝင်ဘာလထဲမှာပဲ DPN ဘ်က အဆိုပြုတဲ့ အဓိကအားဖြင့်တော့ ဂျီအမ်စီနဲ့ဆိုင်တဲ့အချက်တွေပါပါတယ်။ အဲ့တာတွေကို ကျနော်တို့ ဒီနိုဝင်ဘာလထဲမှာ ဆက်ပြီးတော့ ဆွေးနွေးဖို့ဆိုတာ နှစ်ဘက်ခေါင်းဆောင်တွေက သဘောတူတာရှိတယ်။

UNFC တောင်းဆိုထားတဲ့ အချက်တွေထဲမှာ အဓိက အရေးကြီးတဲ့ အချက်တချို့ကတော့ အပစ်အခတ် ရပ်စဲရေး စောင့်ကြည့်လေ့လာရေး ကော်မတီမှာ အများက ယုံကြည်လေးစားရတဲ့ သူတွေ အပါအ၀င် နှစ်ဖက် သဘောတူတဲ့ နိုင်ငံတကာ က အစိုးရ ကိုယ်စားလှယ်တွေပါဝင်ဖို့၊ တစ်နိုင်ငံလုံးဆိုင်ရာ အပစ်အခတ်ရပ်စဲရေး သဘောတူညီချက်စာချုပ် NCA ပါ စည်းကမ်းတွေနဲ့ ပတ်သက်ပြီး မပြေလည်မှုတွေရှိ လာရင် ပြည်တွင်းနဲ့ နိုင်ငံတကာက ဥပဒေပညာရှင်တွေ၊ တရားသူကြီတွေ ဖွဲ့စည်းထားတဲ့ လွတ်လပ်တဲ့ကော်မရှင်ရဲ့ အဆုံးအဖြတ်ကို ခံယူဖို့ နဲ့ ၂၁ ပင်လုံညီလာခံ က သဘောတူညီချက်တွေကို အခြေခံပြီး ဖွဲ့စည်းပုံ အခြေခံဥပဒေကို ပြင်ဆင်ရေးဆွဲဖို့ စတဲ့ အချက်တွေ ပါရှိပါတယ်။ဒီအချက် ၈ ချက်ကို သဘောတူရင် NCA စာချုပ်ကို လက်မှတ်ထိုးမယ်လို့ UNFC က ပြောပါတယ်။
VOA Burmese News


 Eleven Media Group အမှုဆောင် အရာရှိချုပ် ဒေါက်တာ သန်းထွဋ်အောင်နဲ့ အယ်ဒီတာချုပ် ကိုဝေဖြိုးတို့ ရဲစခန်း လာရောက်အဖမ်းခံစဉ်။
Eleven Media Group အမှုဆောင် အရာရှိချုပ် ဒေါက်တာ သန်းထွဋ်အောင်နဲ့ အယ်ဒီတာချုပ် ကိုဝေဖြိုးတို့ ရဲစခန်း လာရောက်အဖမ်းခံစဉ်။

သတင်းမမှန်မကန်ရေးသားမှုနဲ့ အင်တာနက် အသေရေဖျက်မှု စတဲ့ စွပ်စွဲချက်တွေနဲ့ အင်းစိန်ထောင်မှာ ဖမ်းဆီးခံထားရတဲ့ Eleven Media Group အမှုဆောင်အရာ ရှိချုပ် ဒေါက်တာသန်းထွဋ်အောင်နဲ့ အယ်ဒီတာချုပ် ဦးဝေဖြိုးတို့ နှစ်ဦးလုံးကို ချက်ခြင်းပြန်လွှတ်ပေးဖို့ Amnesty International ခေါ် နိုင်ငံတကာ လွတ်ငြိမ်းချမ်းသာခွင့် အဖွဲ့ကြီးက မနေ့က မြန်မာအစိုးရ ကို တောင်းဆို လိုက်ပါတယ်။

အခုလို သတင်းသမားနှစ်ဦးကို ဖမ်းဆီးတာဟာ အမျိုးသားဒီမိုကရေစီအဖွဲ့ချုပ် NLD အစိုးရ လက်ထက် လွတ်လပ်စွာဖေါ်ထုတ်ခွင့်အပေါ် စိုးရိမ်မှုတွေမြင့်တက်စေ တယ်လို့ AI အဖွဲ့ရဲ့ အရှေ့တောင်အာရှနဲ့ ပစိဖိတ်ဒေသဆိုင်ရာ ညွန်ကြားရေးမှူး Rafendi Djamin ကပြောပါတယ်။

ဒါ့အပြင် မြန်မာနိုင်ငံမှာ နှစ်ပေါင်းအတော်ကြာရှိခဲ့တဲ့ ဖိနှိပ်တဲ့ ဥပဒေတွေကို အစိုးရသစ်ကိုယ်တိုင် ပြင်ဆင် ကြိုးပမ်းမှုတချို့ လုပ်ဆောင်ပြီးချိန်အတွင်း အခုလိုဖြစ်ရပ်ကြောင့် အစိုးရရဲ့ ကြိုးပမ်းမှုဟာ လုံလောက်တဲ့ အခြေအနေထိ မရောက်ဘူးဆိုတာ ပြသနေတယ်လို့ ဆိုပါတယ်။

အစိုးရအဖွဲ့ဝင်တွေကို ဝေဖန်ပြောဆိုရုံနဲ့ ဖိနှိပ်တဲ့ ဥပဒေတွေကို အသုံးပြုတာ ဟာ မြန်မာနိုင်ငံမှာရှိတဲ့ အခြား သတင်းသမားတွေအနေနဲ့လည်း သတိနဲ့ကိုယ့် ဘာသာကိုယ် ထိန်းချုပ်ရေးသားမှုတွေဖြစ်လာစေတယ်လို့ သူကထောက်ပြခဲ့ပါတယ်။

ရွေးကောက်ပွဲ တနှစ်ကြာသော်ဆိုတဲ့ အယ်ဒီတာအာဘော်ဆောင်းပါးကြောင့် Eleven သတင်းမီဒီယာက ဒေါက်တာသန်းထွဋ်အောင်နဲ့ ဦးဝေဖြိုးတို့နှစ်ဦးကို ရန်ကုန်တိုင်းအစိုးရက ဆက်သွယ်ရေးပုဒ်မ ၆၆ (ဃ)နဲ့ တာမွေရဲစခန်းမှာ အမှုဖွင့်ခဲ့တာဖြစ်ပါတယ်။

ရန်ကုန်တိုင်း ၀န်ကြီးချူပ် ဦးဖြိုးမင်းသိန်းကို ရည်ညွန်းပြီး ရန်ကုန်မြို့မှာ မြို့သစ်စီမံကိန်းအတွက် ခရိုနီသူဌေးကြီးတဦးက လက်ဆောင်ပေးထား တဲ့ ဒေါ်လာတသိန်းလောက်တန်တဲ့ နာရီကို လက်ခံခဲ့တယ်လို့ စွပ်စွဲရေးသား ထားတဲ့ အယ်ဒီတာအာဘော်ဆောင်းပါးပါအချက်တွေအပေါ်မှာ ရန်ကုန်တိုင်း အစိုးရက Eleven သတင်းမီဒီယာကို တရားစွဲခဲ့တာဖြစ်ပါတယ်။
VOA Burmese News


ကချင်ပြည်နယ်တွင်း စစ်ပွဲရပ်ရေး ကချင်လူထုဆန္ဒပြနေကြစဉ်။
ကချင်ပြည်နယ်တွင်း စစ်ပွဲရပ်ရေး ကချင်လူထုဆန္ဒပြနေကြစဉ်။
NCA အပစ်ရပ်စာချုပ်မှာ လက်မှတ်မထိုးရသေးတဲ့ တိုင်းရင်းသား လက်နက်ကိုင် တပ်တွေကို နယ်မြေရှင်းလင်းရေး အကြောင်းပြချက်နဲ့ မြန်မာ့ တပ်မတော်က စစ်ဆင်ရေး ဆက်လုပ်နေမယ်ဆိုရင် NCA လက်မှတ်ထိုးရေးကို ထိခိုက်စေနိုင် သလို ပြည်တွင်း ငြိမ်းချမ်းရေးလည်းအလှမ်း ဝေးသွားနိုင်တယ်လို့ တိုင်းရင်းသားေ ခါင်းဆောင်တချို့က ပြောကြားလိုက်ပါတယ်။ ကချင်ပြည်နယ်နဲ့ ရှမ်းပြည်နယ်အတွင်း လတ်တလော တိုက်ပွဲဖြစ်ပွားနေတဲ့အပေါ် သုံးသပ်ပြောဆိုလိုက်ကြတာပါ။ ဆက်သွယ် စုံစမ်းထားတဲ့ ကိုဉာဏ်ဝင်းအောင်က တင်ပြပါမယ်။

NLD အစိုးရ ငြိမ်းချမ်းရေးကော်မရှင်နဲ့ DPN လို့ခေါ်တဲ့ တိုင်းရင်းသားလက်နက် ကိုင်တွေရဲ့ နိုင်ငံရေးညှိနှိုင်းမှုကိုယ်စားလှယ်အဖွဲ့တို့ကြား NCA စာချုပ် လက်မှတ် ထိုးနိုင်ရေးကို ညှိနှိုင်းနေတဲ့ အခုလိုကာလမျိုးမှာ ကချင်နဲ့ ရှမ်းပြည်နယ်တွင်း တိုက်ပွဲတွေ ဖြစ်နေတာပါ။ ကချင်ဒေသမှာ လာမယ့် ဒီဇင်ဘာ လကုန်ထိ နယ်မြေ ရှင်းလင်းရေး စစ်ဆင်ရေးတွေလုပ်ဖို့ မြန်မာ့တပ်မတော်က ညွှန်ကြားထား တာကြောင့် ဒီရက်ပိုင်းအတွင်း ၀ိုင်းမော်မြို့နယ်တ၀ိုက် ရင်ဆိုင်တိုက်ပွဲတွေ ဖြစ်နေ တယ်လို့ KIO/ KIA တပ်ရဲ့ပြောခွင့်ရသူ ဒုဗိုလ်မှူးကြီး နော်ဘူက ပြောပါတယ်။

“ စက်တင်ဘာ ၁ ရက်နေ ဒီဇင်ဘာ ၃၁ ရက်နေ့ထိကတော့ သူတို့ စစ်ဆင်ရေးလုပ်ဖို့ သတ်မှတ်ထားတဲ့ အချိန် ဖြစ်ပါတယ်။ ဆိုတော့ အဲဒီ အတောတွင်းမှာတော့ သူတို့က အခုလို နယ်မြေရှင်းလင်းရေးတို့ စစ်ဆင်ရေးတို့က အမြဲတမ်း လုပ်နေတာ ဖြစ် ပါတယ်။ လောလောဆယ် ကတော့ ၀ိုင်းမော်မြို့နယ်တို့ ဒီ ဖားကန့်မြို့နယ်တို့ေ နာက် တနိုင်းမြို့နယ်တို့မှာ သူတို့လှုပ်ရှားတာကို ကျနော်တို့ တွေ့ရပါတယ်။ တချို့နေရာ မှာကတော့ ထိတွေ့ရင်ဆိုင် တိုက်ပွဲတွေ ခနလေးဖြစ်တာတော့ ရှိပါတယ် ”

လက်ရှိအတိုင်းဆိုရင် တိုက်ပွဲတွေ ပြင်းထန်လာနိုင်တယ်လို့ ဒုဗိုလ်မှူးကြီးနော်ဘူ က ပြောပါတယ်။ ဒီလို တိုက်ပွဲတွေဟာ NCA မှာ လက်မှတ် မထိုးရသေးတဲ့ အဖွဲ့တွေကို ဖိအားပေးတဲ့သဘောနဲ့ ဖြစ်ပြီး ဒါဟာ NCA လက်မှတ်ထိုးရေးကို ထိခိုက်စေနိုင်တယ်လို့ ဒုဗိုလ်မှူးကြီး နော်ဘူက သုံးသပ်ပါတယ်။

“ တပ်မတော်ကတော့ NCA လက်မှတ်ထိုးဖို့အတွက် အခုလိုမျိုး စစ်အင်အားနဲ့ စစ်ဆင်ရေးလုပ်ပြီးမှ ဖိအားပေးတဲ့ပုံစမျိုး တိုက်ပွဲတွေ စစ်ဆင် ရေးတွေ ဆင်နွှဲ လာတာလားလို့ တွေးမိပါတယ်။ နောက်တချက်ကတော့ တကယ်လို့များ တိုင်းရင်း သား လက်နက်ကိုင်အဖွဲ့အစည်းတွေ လည်းပဲ သူတို့ဖက်က လိုလားတောင့်တနေ တဲ့ တောင်းဆိုနေတဲ့ ဒီအချက်အလက်တွေ မပြည့်စုံဘူး ဆိုလို့ရှိရင်တော့ ဒီNCA လက်မှတ်လည်း မထိုးဖြစ်ဘူးလို့ ကျနော်ထင်ပါတယ်။ အခုလို စစ်ဆင်ရေးပဲ လုပ်လုပ် တိုက်ပွဲပဲဖြစ်ဖြစ် NCA လက်မှတ်ထိုးဖို့ အနှောက်အယှက် ဖြစ်လာမယ် လို့တော့ မြင်ပါတယ် ”

ကချင်ဒေသမှာလိုပဲ နိုဝင်ဘာ ၁၀ ရက် ကြာသပတေးနေ့ကလည်း ရှမ်းပြည်နယ် တွင်းမှာ TNLA တအာင်းပလောင်တပ်တွေနဲ့ အစိုးရတပ်တို့ ရင်ဆိုင်တိုက်ပွဲတွေ ဖြစ် ခဲ့ပါတယ်။ တဖက်က အပစ်ရပ်စဲနိုင်ရေးဆွေးနွေးနေတဲ့ တချိန်ထဲမှာပဲ တိုင်းရင်းသား လက်နက်ကိုင်ဒေသတွေမှာ စစ်ဆင်ရေးတွေ ဆက်ရှိနေမယ်ဆိုရင် NCA လက်မှတ် ထိုးရေး ထိခိုက်နိုင်သလို၊ ပြည်တွင်းငြိမ်းချမ်းရေးလည်းအလှမ်းဝေးကွာသွားနိုင် တယ်လို့ မွန်ပြည်သစ်ပါတီ ဒုဥက္ကဌ နိုင်ဟံသာက သုံးသပ်ပါတယ်။

“ တဖက်က ငြိမ်းချမ်းရေးအတွက်ဆိုပြီး ဆွေးနွေးနေတယ်၊ တဖက်က စစ်ရေးက လုံးဝမလျှော့ဘူး နေရာယူဖို့ အသာစီးရဖို့ အဲဒီလို ကြိုးပမ်း နေရင်တော့ ယုံကြည်လို့ ဘယ်ရမလဲဗျ။ ဒီ အပစ်ခတ်ရပ်စဲပြီးတော့မှ နိုင်ငံရေးအရ ဖြေရှင်းဖို့ ဆိုတဲ့ဟာမှာ တဖက်နဲ့တဖက် ယုံကြည်မှု ရှိရ မယ်လေဗျာ။ အခုကတော့ စစ်ရေးနဲ့ လှုပ်ရှားနေ ရင်တော့ ယုံကြည်မှု ပျက်ပြားကုန်မှာပေါ့။ ကျနော်တို့ဘက်ကတော့ အားလုံးပါ ဝင်ရေးကိုပဲ ဦးတည်နေတုန်းပဲ၊ အားလုံး မပါဝင်ပဲနဲ့ ကျနော်တို့ နိုင်ငံကို အေးချမ်းေ အာင် လုပ်လို့မရဘူးလို့ ကျနော်တို့မြင်တယ်။ ဒီ စစ်မီးကြွင်း မီးကျန် ဆိုတာက ပြန် ကူးမှာပဲ။ နောက်တဖက်က တချို့ကို အပစ်ရပ်ပြီး တချို့ကိုတိုက်နေတဲ့ဟာက ဒါ ခွဲခြားပြီးတော့မှ ခြေမှုန်းတဲ့သဘောပဲလေ ”

ဦးသိန်းစိန်အစိုးရ လက်ထက်ကတည်းက စတင်လာခဲ့တဲ့ NCA စာချုပ်ပေါ် အခြေ ခံပြီး လက်နက်ကိုင်အဖွဲ့အားလုံး အပစ်ရပ်စဲနိုင်ရေးနဲ့နိုင်ငံရေးဆွေးနွေးပွဲတွေ ကျင်းပနိုင်ဖို့ NLD အစိုးရက အာသီသရှိပေမယ့် အစိုးရအနေနဲ့ တပ်မတော်ပေါ် သြဇာ လွှမ်းမိုးနိုင်ခြင်း မရှိတာကြောင့် ငြိမ်းချမ်းရေးဆိုင်ရာ ဆွေးနွေးပွဲတွေ ရှေ့ မဆက်နိုင်ပဲ ဖြစ်နေတယ်လို့KIA ဒုဗိုလ်မှူးကြီး နော်ဘူက ပြောပါတယ်။

“ တပ်မတော်နဲ့ NLD အစိုးရ အတွင်းရေးကတော့ ကျနော်တို့လည်း မသိဘူး၊ ဒါပေမယ့် သူတို့ရဲ့အခြေအနေကို သုံးသပ်ကြည့်ရင်တော့ ဒီ တပ်မတော်က ၂၀၀၈ အခြေခံဥပဒေကို အဓိက ကာကွယ်တဲ့ တပ်မတော်ဖြစ်နေပါတယ်။ NLD အစိုးရ ကတော့ ဒီမိုကရေစီတို့ ဖယ်ဒရယ်တို့ ပြောနေတဲ့အချိန် ဖြစ်နေတယ်။ ဖယ်ဒရယ်တို့ ဒီမိုကရေစီတို့ အဲလို အကောင်အထည်ဖေါ်မယ် ဆိုလို့ရှိရင်တော့ အဲဒီအခြေခံ ဥပဒေနဲ့ ပတ်သက်လို့ တပ်မတော်နဲ့ NLD ကြား ပြသနာရှိနိုင်တယ်လို့ ကျနော်တွေး မိပါတယ် ”

NCA စာချုပ် လက်မှတ်မထိုးရသေးတဲ့ အထဲမှာ ကချင်လွတ်လပ်ရေးတပ်(KIA) မွန်ပြည်သစ်ပါတီ(NMSP) ရှမ်းမြောက်ပိုင်းတပ် (SSPP/SSA) ကရင်နီတိုးတက်ရေးပါတီ(KNPP) ၀အမျိုးသားပါတီ(WNO) ရခိုင်အမျိုးသားကောင်စီ(ANC)နဲ့ လားဟူအမျိုးသား ဒီမိုကရက်ပါတီ(LDU) တို့ ပါဝင်သလို၊ UWSA ၀တပ်နဲ့ NDAA မိုင်းလားတပ်တွေကလည်း NCA မှာ သီးသန့်လက်မှတ်ထိုးထားတာမျိုး မရှိသေးပါဘူး။
VOA Burmese News



အကြမ်းဖက်တိုက်ခိုက်ခံရပြီးနောက် မြန်မာ-ဘင်္ဂလားဒေ့ရ်ှနယ်စပ် စည်းရိုး လုံခြုံရေးတင်းကျပ်။ ( အောက်တိုဘာ ၁၄၊ ၂၀၁၆)
အကြမ်းဖက်တိုက်ခိုက်ခံရပြီးနောက် မြန်မာ-ဘင်္ဂလားဒေ့ရ်ှနယ်စပ် စည်းရိုး လုံခြုံရေးတင်းကျပ်။ ( အောက်တိုဘာ ၁၄၊ ၂၀၁၆)
မြန်မာနိုင်ငံ ရခိုင်ပြည်နယ်မြောက်ပိုင်းမှာ မကြာသေးခင်တုန်းက အကြမ်းဖက် တိုက်ခိုက်မှုတွေ ဖြစ်ပွားခဲ့ပြီးနောက်ပိုင်း၊ လိင်ပိုင်းဆိုင်ရာ အနိုင်ကျင့်စော်ကားမှုတွေ ရှိခဲ့တယ်ဆိုိတဲ့ စွပ်စွဲချက်တွေကို စုံစမ်းစစ်ဆေးဖို့ ကုလသမဂ္ဂ အတွင်းရေးမှူးချုပ်ရဲ့ အထူးကိုယ်စားလှယ် တဦးက မြန်မာအစိုးရကို တိုက်တွန်းလိုက်ပါတယ်။

နယ်စပ်ဒေသက အကြမ်းဖက်မှုတွေနောက်ပိုင်း၊ အမျိုးသမီးတွေနဲ့ မိန်းကလေးတွေကို အဓမ္မပြုကျင့်တာ၊ စော်ကားတာတွေ ရှိနေတယ်ဆိုတဲ့ သတင်းတွေအပေါ် အလွန်အမင်း စိုးရိမ်ကြောင်းလည်း ပဋိပက္ခတွေအတွင်း လိင်ပိုင်းဆိုင်ရာ အကြမ်းဖက်မှုတွေအတွက် အတွင်းရေးမှူးချုပ်ရဲ့ အထူးကိုယ်စားလှယ် Zainab Hawa Bangura က ကြေညာချက်တစောင် ထုတ်ပြန်ပြောဆိုခဲ့တာပါ။

သေရေးရှင်ရေး ဆေးဝါးအထောက်အပံ့ လိုအပ်နေသူတွေ၊ စိတ်ပိုင်းဆိုင်ရာအရရော၊ လူမှုရေးအရပါ အကူအညီ လိုအပ်နေသူတွေအတွက် လူသားချင်းစာနာမှု အကူအညီတွေ ရဖို့လည်း အရေးကြီးသလို၊ လူ့အခွင့်အရေး စောင့်ကြည့် အကဲခတ်သူတွေနဲ့ သတင်းမီဒီယာတွေ သွားလာခွင့် ကန့်သတ်တာတွေ မလုပ်ဖို့လည်း တိုက်တွန်းထားပါတယ်။

မကြာသေးခင်က အကြမ်းဖက်မှုတွေ ကြီးထွားလာခဲ့တာတွေကြောင့် လိင်ပိုင်းဆိုင်ရာ စော်ကားမှုတွေ ထပ်မံပေါ်ပေါက်လာနိုင်တဲ့အတွက် အစိုးရအနေနဲ့ တားဆီးဖို့ လိုအပ်တယ်လို့လည်း သတိပေးထားပါတယ်။ ဒါတွေဟာ သီးခြားဖြစ်ရပ်မျိုးတွေ မဟုတ်သလို၊ လူမျိုးရေးအရ အကြမ်းဖက်စော်ကားမှု ပုံစံတွေ ဖြစ်တယ်ဆိုတာကိုလည်း အထူးကိုယ်စားလှယ်ရုံး က နှစ်တော်တော်ကြာ စောင့်ကြည့်လေ့လာမှုတွေအရ သိရှိထားတယ်လို့လည်း ဖော်ပြပါတယ်။

ရခိုင်ပြည်နယ်မောင်တောမြို့နယ်က ရဲကင်းစခန်းတွေကို ပြီးခဲ့တဲ့လထဲ အကြမ်းဖက် တိုက်ခိုက်ခံခဲ့ရအပြီးမှာပဲ လုံခြုံရေးအာဏာပိုင်တွေက သံသယရှိသူတွေကို လိုက်လံဖမ်းဆီး စီးနင်းမှုတွေအတွင်း လူ့အခွင့်အရေး ချိုးဖောက်မှုတွေ ရှိနေတယ်ဆိုတဲ့ စွပ်စွဲချက်တွေ ထွက်ပေါ်နေတာပါ။

ကုလသမဂ္ဂအတွင်းရေးမှူးချုပ်ရဲ့ အထူးကိုယ်စားလှယ် Bangura ကတော့ လိင်ပိုင်းဆိုင်ရာ အနိုင်ကျင့်စော်ကားမှု ကျုးလွန်သူတွေကို အရေးမယူပဲ လွတ်ငြိမ်းသက်သာခွင့် ပေးထားတာတွေ အဆုံးသတ်ဖို့နဲ့ သောင်းကျန်းသူနှိမ်နင်းတဲ့ စစ်ဆင်ရေးတွေမှာတောင် လူ့အခွင့်အရေးကို လေးစားလိုက်နာဖို့ အရေးကြီးတယ်လို့လည်း ကြေညာချက်မှာ သတိပေးထားပါတယ်။
VOA Burmese News

 ၂၀၀၈ ဖွဲ့စည်းပုံ အခြေခံဥပဒေ ဖျက်သိမ်းပေးဖို့ ဗကသ အဖွဲ့ဝင်တချို့နဲ့ စစ်ကိုင်း သစ်အချောထည်စက်ရုံက အလုပ်သမားတွေ ပူးပေါင်းပြီး မန္တလေးမြို့ မဟာမြတ်မုနိဘုရားမှာ နိုဝင်ဘာလ ၁၁ ရက်နေ့က ဆန္ဒပြတောင်းဆိုစဉ် ၂၀၀၈ ဖွဲ့စည်းပုံ အခြေခံဥပဒေ ဖျက်သိမ်းပေးဖို့ ဗကသ အဖွဲ့ဝင်တချို့နဲ့ စစ်ကိုင်း သစ်အချောထည်စက်ရုံက အလုပ်သမားတွေ ပူးပေါင်းပြီး မန္တလေးမြို့ မဟာမြတ်မုနိဘုရားမှာ နိုဝင်ဘာလ ၁၁ ရက်နေ့က ဆန္ဒပြတောင်းဆိုစဉ်
Photo: Hset Paing Toe/RFA

ဗမာနိုင်ငံလုံးဆိုင်ရာ ကျောင်းသားသမဂ္ဂများအဖွဲ့ချုပ် ဗကသအဖွဲ့ဝင်တချို့နဲ့ စစ်ကိုင်း သစ်အချောထည်စက်ရုံက အလုပ်သမားတွေ ပူးပေါင်းပြီး မန္တလေးမြို့ မဟာမြတ်မုနိဘုရားမှာ ၂၀၀၈ ဖွဲ့စည်းပုံ အခြေခံဥပဒေကို ဖျက်သိမ်းပေးဖို့ ဆန္ဒပြတောင်းဆိုခဲ့ကြပါတယ်။

ဆန္ဒပြသူအင်အား ၅၀ လောက်ရှိရာမှာ ဒီကနေ့ ရမည်းသင်းမြို့ အကျဉ်းထောင်က လွတ်မြောက်လာတဲ့ ဗကသ ကျောင်းသားတွေနဲ့ သစ်အချောထည်စက်ရုံ အလုပ်သမားတွေ ပါဝင်ပါတယ်။ ဆန္ဒပြသူတစ်ဦးဖြစ်တဲ့ အထက်မြန်မာပြည် ဗကသများအဖွဲ့ချုပ် ဥက္ကဌဟောင်း ကိုသန့်ဇင် က ၂၀၀၈ ဖွဲ့စည်းပုံအကြောင်း အခုလို ပြော ပါတယ်။

"ဒီနေ့ စစ်အာဏာရှင်စနစ် ပျက်သုဉ်းသွားပြီဆိုပေမယ့် စစ်အာဏာရှင်စနစ်ရဲ့ ဒေါက်တိုင်ဖြစ်တဲ့ ၂ဝဝ၈ အခြေခံဥပဒေရှိနေသေးတယ်၊ ဒီ ၂ဝဝ၈ အခြေခံဥပဒေရှိနေသရွေ့ ကျနော်တို့နိုင်ငံဟာ ပြည်တွင်း ငြိမ်းချမ်းရေး၊ ကျောင်းသားရေး၊ လယ်သမားအရေးအားလုံး ပြေလည်မှာမဟုတ်ဘူး"

ဆန္ဒပြသူတွေက ၂၀၀၈ ဖွဲ့စည်းပုံဖျက်သိမ်းရေး၊ နိုင်ငံရေး အကျဉ်းသားတွေ လွတ်မြောက်ရေးနဲ့ ဖက်ဒရယ် ဖွဲ့စည်းပုံ အခြေခံဥပဒေ ပေါ်ပေါက်ရေးနဲ့ နိုင်ငံရေးအကျဉ်းသားတွေအားလုံး လွတ်မြောက်ရေးအတွက် တောင်း ဆိုကြပါတယ်။

ဆန္ဒပြရာမှာပါဝင်တဲ့ ကျောင်းသားတစ်ဦးဖြစ်တဲ့ ကိုကောင်းဇော်ဟိန်း ကလည်း လက်ရှိ ဖွဲ့စည်းပုံအခြေခံ ဥပဒေဟာ စစ်အာဏာရှင်ရဲ့ ဒေါက်တိုင်ဖြစ်တယ်လို့ ပြောပါတယ်။

ဆန္ဒပြသူတွေဟာ မန္တလေးမြို့ မဟာမြတ်မုနိဘုရားကို ဖူးမြော်ကာ လှည့်လည်ချီတက်ခဲ့ကြပါတယ်။
RFA


တာမွေရဲစခန်းကို ရောက်ရှိလာတဲ့ Eleven Media Group အမှုဆောင် အရာရှိချုပ် ဒေါက်တာသန်းထွဋ်အောင်။
တာမွေရဲစခန်းကို ရောက်ရှိလာတဲ့ Eleven Media Group အမှုဆောင် အရာရှိချုပ် ဒေါက်တာသန်းထွဋ်အောင်။
ဆက်သွယ်ရေးဥပဒေပုဒ်မ ၆၆ (ဃ) အပါအ၀င် ရန်ကုန်တိုင်းအစိုးရက တရားစွဲဆိုထားတဲ့အမှုနဲ့ ပတ်သက်လို့ ဆင့်ခေါ်ခံထားရတဲ့ Eleven Media Group တာဝန်ရှိသူတွေဟာ ဒီကနေ့မှာပဲ တာမွေမြို့နယ်ရဲစခန်းမှာ လာရောက် အဖမ်းခံခဲ့ကြပါတယ်။ ရှေ့ဆက်ပြီးတော့ လုပ်ဆောင်မှာနဲ့ပတ်သက်လို့ အရှေ့ပိုင်းခရိုင်ရဲတပ်ဖွဲ့မှူး ဒုရဲမှူးကြီးမြင့်ထွေးက အခုလိုပြောပါတယ်။

"အမှုမှာ စွပ်စွဲခံထားရတဲ့အမှုဆောင်အရာရှိချုပ် ဒေါက်တာသန်းထွဋ်အောင်နဲ့ အယ်ဒီတာချုပ် ဦးဝေဖြိုး တို့ ဖြစ်ပါတယ်။ သူတို့ကို ကျနော်တို့ စစ်မယ်။ သူတို့ ပုံစံတွေ ဘာတွေယူမယ်။ ပြီးရင် တရားရုံးကို ရမာန်သွားယူမယ်။ ပြီးရင် ကျနော်တို့ အမှုတွဲ ဆက်တည်ဆောက်မယ်။"
Eleven Media Group အမှုဆောင်အရာရှိချုပ် ဒေါက်တာသန်းထွဋ်အောင်နဲ့ အယ်ဒီတာချုပ် ဦးဝေဖြိုး တို့ ၂ ဦးကိုတော့ ၀န်ကြီးချုပ် ဦးဖြိုးမင်းသိမ်းရဲ့ ရန်ကုန်တိုင်းအစိုးရက ဒီသီတင်းပတ်ထဲမှာပဲ တရားစွဲဆိုခဲ့ပြီးနောက် အမှုရင်ဆိုင်ဖို့ ရဲစခန်းက ဆင့်ခေါ်ထားတာပါ။
နိုဝင်ဘာ ၆ ရက်နေ့က Daily Eleven သတင်းစာရဲ့“ရွေးကောက်ပွဲ တနှစ်ကြာသော်” ဆိုတဲ့ အယ်ဒီတာ့အာဘော်မှာ ၀န်ကြီးချုပ် တဦးဟာ ဒေါ်လာ သိန်းချီတန်တဲ့နာရီကို လုပ်ငန်းရှင်တဦးထံက ရယူထားတယ် ဆိုပြီး ရေးသားခဲ့တဲ့ အတွက် ရန်ကုန်တိုင်းအစိုးရအဖွဲ့က တရားလိုလုပ်ပြီး တာမွေရဲစခန်းမှာ အမှုဖွင့်ခဲ့တာ ဖြစ်ပါတယ်။

Eleven Media Group အမှုဆောင်အရာရှိချုပ် ဒေါက်တာသန်းထွဋ်အောင်နဲ့ အယ်ဒီတာချုပ် ဦးဝေဖြိုး တို့ ၂ ဦးကိုတော့ တာမွေမြို့နယ် ရဲစခန်းက တရားရုံးကို ပို့ဆောင်ခဲ့ပြီး၊ ချုပ်နှောင်ဖို့ ရမာန်ရယူခဲ့တာပါ။ တရားစွဲဆိုခံထားရတဲ့ Eleven Media Group တာဝန်ရှိသူတွေကတော့ သူတို့ဖော်ပြချက်နဲ့ ပတ်သက်လို့ ခုခံကာကွယ်သွားမယ်လို့လည်း ပြောဆိုခဲ့ကြပါတယ်။
VOA Burmese News


ဖားကန့်မှာ ဝေဟင်ကပြုတ်ကျတဲ့ စက်ပစ္စည်းကြီး ( သတင်းဓာတ်ပုံ- MOI)
ဖားကန့်မှာ ဝေဟင်ကပြုတ်ကျတဲ့ စက်ပစ္စည်းကြီး ( သတင်းဓာတ်ပုံ- MOI)
ကချင်ပြည်နယ် ဖားကန့်မြို့နယ်အတွင်း ကောင်းကင်ကနေ ကျလာတဲ့ စက်ပစ္စည်း အပိုင်းအစကြီးတခုကို ကျွမ်းကျင်ပညာရှင်တွေနဲ့ စမ်းသပ်စစ်ဆေးဖို့ ပြင်ဆင်နေပြီး ဒီပစ္စည်းကို မပျက်ဆီးစေဖို့နဲ့ လူထုကို မထိခိုက်စေဖို့ သက်ဆိုင်ရာအာဏာပိုင်တွေက ထိန်းသိမ်းထားပါတယ်။ ဒီပစ္စည်းကျရောက်တဲ့အချိန်ဟာ တရုတ်နိုင်ငံ စမ်းသပ်ဂြိုဟ်တု တလုံး လွှတ်တင်ပြီးချိန် နဲ့ တိုက်ဆိုင်နေတာကြောင့် တရုတ်ဂြိုဟ်တု လွှတ်တင်မှုနဲ့ ဆက်စပ်နိုင်ကြောင်း သုံးသပ်တာတွေရှိနေပါတယ်။ ဒီသတင်းကိုတော့ ဗွီအိုအေ မြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

ဖားကန့်မြို့နယ် မှော်စီဇာရွာအနီးမှာ ကြာသပတေးနေ့ မနက် ၆နာရီခွဲလောက်မှာ ပေါက်ကွဲသံတခု နဲ့အတူ အချင်း၎ပေ၊ အလျား ၁၅ပေလောက်ရှိတဲ့ ဆလင်ဒါပုံစံ သံထည်ပစ္စည်းကြီးတခု ပြုတ်ကျခဲ့တာ ဖြစ်ပါတယ်။
ဒီပစ္စည်းနဲ့ပတ်သက်ပြီး လေယာဉ် ဒါမှမဟုတ် အာကာသယာဉ်ရဲ့ အစိတ်အပိုင်းအဖြစ် ခန့်မှန်းထားပြီး ကျွမ်းကျင်ပညာရှင်တွေနဲ့ စစ်ဆေးဖို့ ပြင်ဆင်နေကြောင်း ဖားကန့်မြို့နယ် အုပ်ချုပ်ရေးမှူး ဦးကျော်စွာအောင်က ပြောပါတယ်။

" လောလောဆယ် အဲ့ဒီ့ပစ္စည်းကို ကျနော်တို့ ထိန်းသိမ်းထားတယ် အဲ့ဒီ့နေရာပဲ။ ကျနော်တို့ ပစ္စည်းက လေယာဉ်တမျိုးမျိုး ဒါမှမဟုတ် အာကာသ ယာဉ်ပျံတခုခုရဲ့ သတ္တု အစိတ်အပိုင်းလို့ ကျနော်တို့ကတော့ သုံးသပ်တယ်။ ဒီပစ္စည်းက နည်းပညာပိုင်း ကျွမ်းကျင်သူတွေ စမ်းသပ်စစ်ဆေးပြီးမှသာလျှင် ရမယ့်အနေအထားမျိုးဖြစ်တာဗျ။ ဘာပစ္စည်းလို့တော့ အလွယ်နဲ့တော့ ပြောလို့မရဘူး။ အဲ့တာကြောင့် ဒီဟာကို လာရောက်ပြီး စစ်ဆေးမယ်လို့တော့ ကျနော်တို့ အကြမ်းဖျင်းသိရတယ်။ ဒီတရက်နှစ်ရက်အတွင်း လာနေကြပါပြီ။ မလာခင်စပ်ကြား ကျနော်တို့ကတော့ ဘာမှလည်း အထိအခိုက်မရှိရအောင် လုံလုံခြုံခြုံနဲ့ တပ်တို့ ရဲတို့ အုပ်ချုပ်ရေး အဖွဲ့တွေ ပေါင်းပြီး သေချာလေး လုံခြုံရေးလုပ်ပြီး ထိန်းသိမ်းထားပါတယ်။ "

ဒီပစ္စည်းမှာ တရုတ်စာ ဒါမှမဟုတ် ဂျပန်စာ စာလုံးတွေလို့ ယူဆရတဲ့ စာသားတွေရေးသားထားသလို အင်္ဂလိပ်ဘာသာနဲ့ Danger ဆိုတဲ့ စကားလုံးလည်း ရေးသားထားတယ်လို့ ပြောပါတယ်။
" စာလုံးတွေတော့ ပါတယ်။ တရုတ်စာလား ဂျပန်စာလားတော့ မသိဘူး အဲ့တာနဲ့ အင်္ဂလိပ်စာ Danger နဲ့ တွဲရေးထားတာရှိတယ်။ ကျန်တာတွေကတော့ သူ့ရဲ့ နံပတ်ပေါ့ စက်ပစ္စည်းအစိတ်အပိုင်းတွေမှာ ရေးတဲ့ ကိန်းဂဏန်းတွေပါပဲ ဂဏန်းလည်း ပါတယ်။"

အမျိုးအမည် မသိရတဲ့ ဒီသံထည်ပစ္စည်းကို သွားရောက်ကြည့်ရှုခဲ့တဲ့ ဖားကန့်ပြည်သူ့လွှတ်တော်ကိုယ်စားလှယ် ဦးတင်စိုးက ဒီပစ္စည်းရဲ့ပုံသဏ္ဍန်ကို အခုလို ပြောပါတယ်။
" ဖြစ်နိုင်တဲ့ဟာကတော့ ကျနော်တို့ satellite တွေကို နောက်ကနေ တွန်းပို့တဲ့ဟာလိုမျိုးပါပဲ။ ကျနော်တို့ တီဗီတွေ ဗီဒီယိုတွေမှာ မြင်ထားတဲ့ ပုံစံပါပဲ။ လောင်စာတွန်းကန်တဲ့ဟာကြီးလေ။ သူက အလယ်မှာ အချင်းတစ်ပေလောက်ရှိတဲ့ အလယ်မှာ အပေါက်ကြီးလေ။ ဘေးပတ်ဝန်းကျင် မှာလည်း ကာဗာတွေ အပူခံပြားတွေ ကာထားတယ်။ အဲ့ဒီ့မှာ ဝါယာတွေကလည်း ရှုတ်ယှက်ခတ်နေတယ်။ ဟိုဘက်ကကျတော့ ဟောင်းလောင်းပွကြီးဖြစ်နေတာပေါ့ အဲ့ဒီ့အရှည်ကြီးက။ Direction လာခဲ့တဲ့ပုံစံက အနောက်တောင်က လာတာ။ "

ဒီပစ္စည်းကြီးကျရောက်ခဲ့ရာမှော်စီစာရွာနဲ့ ၁၀မိုင်နီးပါးဝေးကွာတဲ့ အောင်ဘာလေ ရွာမှာလည်း လုံးပတ် ၂လက်မ၊ အရှည်၎လက်မခွဲလောက်ရှိတဲ့ ဆလင်ဒါပုံ စက်ကရိယာတခု ကျခဲ့ပါတယ်။ ဒီသံထည်ပစ္စည်းတွေကြောင့်တော့ လူအထိအခိုက် မရှိကြောင်း ပြောပါတယ်။

ဒီနေ့ထုတ် အစိုးရပိုင်သတင်းစာတွေမှာတော့ ပြုတ်ကျခဲ့တဲ့ သံထည်ပစ္စည်းစာ ဂြိုဟ်တု သို့မဟုတ် ဒုံးပျံလွှတ်တင်ရာမှာ တွန်းကန်အားပေးတဲ့ အင်ဂျင်စက် အစိတ်အပိုင်းအဖြစ်ယူဆကြောင်း၊ တရုတ်စံတော်ချိန် မနက် ၇နာရီခွဲလောက်မှာ တရုတ်နိုင်ငံမြောက်ပိုင်း ကျန်ချန်းစီးတီးဂြိုဟ်တုလွှတ်တင်ရေးစခန်းက ကြယ်မှုန်ရှာဖွေရေး စမ်းသပ်ဂြိုဟ်တုလွှတ်တင်ခဲ့ကြောင်း ၊ ဖားကန့်မြို့နယ်အတွင်း ကျရောက်တဲ့ သံထည်ပစ္စည်း တရုတ်နိုင်ငံက လွှတ်တင်တဲ့ ဂြိုဟ်တုနဲ့ ဆက်စပ်နိုင်ကြောင်း ဖော်ပြထားပါတယ်။
VOA Burmese News


ကချင်ပြည်နယ် မြစ်ဆုံ။
ကချင်ပြည်နယ် မြစ်ဆုံ။

ကချင်ပြည်နယ်မှာရှိတဲ့ ဧရာဝတီ မြစ်ဆုံ စီမံကိန်းနဲ့ ပတ်သက်လို့ စုံစမ်းစစ်ဆေးရေး ကော်မရှင်က တွေ့ရှိချက်တွေကို ဒီကနေ့ နိုဝင်ဘာလ ၁၁ ရက်နေ့မှာပဲ သမ္မတထံ ပထမဆုံး အစီရင်ခံစာ တင်သွင်းလိုက်ပါပြီ။ စီမံကိန်းကို ကန့်ကွက်နေကြတဲ့ ပတ်ဝန်းကျင်ထိန်းသိမ်းရေး လှုပ်ရှားသူတွေကတော့ အစီရင်ခံစာကို အများပြည်သူသိနိုင်အောင် ထုတ်ပြန်ဖို့လည်း တိုက်တွန်းနေကြ တာပါ။ အပြည့်အစုံကိုတော့ ဆက်သွယ်မေးမြန်းထားတဲ့ ဗွီအိုအေမြန်မာပိုင်း သတင်းထောက် ကိုထက်အောင်က တင်ပြပေးမှာပါ။

ဆန့်ကျင်ကန့်ကွက်မှုတွေကြောင့် အရင်အစိုးရလက်ထက်မှာ ကတည်းက ဆိုင်းငံ့ထားတဲ့ ဧရာဝတီ မြစ်ဆုံ စီမံကိန်းကို လေ့လာစိစစ် သုံးသပ်ရေး ကော်မရှင်က ၃ လကြာ လေ့လာမှုတွေအပြီး အခုနောက်ဆုံး တွေ့ရှိချက်တွေကို သမ္မတထံ တင်ပြလိုက်တာ ဖြစ်ပါတယ်။ ဧရာဝတီ မြစ်ဆုံ မြစ်ညာ မြစ်ဝှမ်း ရေအားလျှပ်စစ် စီမံကိန်းတွေ လေ့လာစိစစ် သုံးသပ်ရေး ကော်မရှင်ကို ပြီးခဲ့တဲ့ သြဂုတ်လ ၁၂ ရက်နေ့ကပဲ ဖွဲ့စည်းပေးခဲ့တဲ့ သမ္မတ ဦးထင်ကျော်ထံ သတ်မှတ်ထားတဲ့အတိုင်း အစီရင်ခံစာ တင်သွင်းခဲ့တဲ့အကြောင်း သမ္မတရုံး ၀န်ကြီးဌာန ပြောခွင့်ရ ပုဂ္ဂိုလ် ဦးဇော်ဌေးက ပြောပါတယ်။

" တင်ပါတယ်။ ကော်မရှင်က သတင်းထုတ်လိမ့်မယ်။ အဲ့တာလေး စောင့်လိုက်ပါ။"

သမ္မတဦးသိန်းစိန်က သူ့အစိုးရသက်တမ်းအတွင်း ဆိုင်းငံ့ထားဖို့ ဆုံးဖြတ်ချက်ဟာ အမျိုးသားဒီမိုကရေစီ အဖွဲ့ချုပ် (NLD) ပါတီ လက်ထက်မှာ ပျက်ပြယ် သွားပြီ ဖြစ်တာကြောင့်၊ စီမံကိန်းနဲ့ ပတ်သက်လို့ ဆုံးဖြတ်ချက် တစုံတရာ ချမှတ်ဖို့ ရှိနေချိန်မှာပဲ ဒေသခံတွေ၊ ပတ်ဝန်းကျင် ထိန်းသိမ်းရေး လှုပ်ရှားသူတွေက စီမံကိန်းကို အပြီးတိုင် ရပ်ဆိုင်းဖို့ တိုက်တွန်းနေကြတာပါ။

စီမံကိန်း စတင်ချိန်မှာ ပွင့်လင်းမြင်သာမှုတွေ မရှိတာကြောင့် မကျေနပ်ချက်တွေ ကြီးထွားခဲ့ရတဲ့အတွက်လည်း အခုအခါ ကော်မရှင်ရဲ့ တွေ့ရှိချက်တွေကို အစိုးရထံသာမက လူထုကိုပါ ချပြဖို့လည်း ကချင်လူမှုဖွံဖြိုးတိုးတက်ရေး ကွန်ရက်က ကိုဆာဂျီးက ပြောပါတယ်။

" မြစ်ဆုံရေကာတာကို မလုပ်တော့ဘူးဆိုတဲ့ အစီရင်ခံစာဖြစ်ဖို့က အင်မတန်မှ အရေးကြီးတယ်။ လုပ်ငန်းသဘောအရ သူတို့က အခုအချိ်န်မှာ ဒီအစီရင်ခံစာကို အထက်ကိုတင်ပြခြင်းဖြစ်တယ်ဆိုပြီးတော့မှ တကယ်လို့ မဖော်ပြခဲ့ဘူးဆိုရင် တကယ့်ကို ပြည်သူတွေ တောင်းဆိုတဲ့ အစီရင်ခံစာဖြစ်ဖို့အတွက်က ဒါက ပိုပြီးတော့ အရေးကြီးတာပေါ့နော်။ ဒါပေမဲ့ တခုရှိတာက အခုက ပြည်သူလူထုနဲ့ ပွင့်လင်းမြင်သာစွာ ဆွေးနွေးမယ့်အစိုးရလို့ အားလုံးက ယုံကြည် လက်ခံပြီးမှ ရွေးကောက် တင်မြှောက်ခဲ့တဲ့ အစိုးရ လက်ထက်လည်းဖြစ်တယ်။ ဒါကြောင့်မို့ ပွင့်လင်းမြင်သာဖို့တော့ အင်မတန်မှ အရေးကြီးတာပေါ့ဗျာ။ ပြီးလို့ရှိရင် ရက်သိပ်မကြာတဲ့အချိန်မှာ ဒီလိုတင်ပြတယ်ဆိုတာ ပွင့်ပွင့်လင်းလင်း ဖော်ပြဖို့တော့ အရေးကြီးတာပေါ့ဗျာ။ ချက်ခြင်းမဟုတ်ရင်တောင်မှ။"

မြစ်ဆုံ စုံစမ်းစစ်ဆေးရေးကော်မရှင်ကို ပြည်သူ့လွှတ်တာ် ဒုဥက္ကဋ္ဌ ဦးတီခွန်မြတ်က ဥက္ကဋ္ဌအဖြစ် ဆောင်ရွက်ပြီး ပြည်ထောင်စုဝန်ကြီး ၅ ဦး နဲ့ ကချင်ပြည်နယ် ၀န်ကြီးချုပ် အပါအ၀င် တခြား လွတ်တော်ကိုယ်စားလှယ်တွေနဲ့ သဘာဝပတ်ဝန်းကျင်ဆိုင်ရာ ပညာရှင်တွေလည်း ပါဝင်ပါတယ်။ ဒီကော်မရှင်ရဲ့အဓီက တာဝန်ကတော့ စီမံကိန်းတွေဟာ နိုင်ငံတကာ ပြဌာန်းချက်တွေနဲ့ ပြည်တွင်း ဥပဒေတွေနဲ့ အညီ ဆောင်ရွ့က်ခြင်း ရှိမရှိ၊ လူမှုဝန်းကျင်၊ ဂေဟစနစ်နဲ့ သဘ၀ပတ်ဝန်းကျင်အပေါ် သက်ရောက်မှုတွေ၊ ဧရာဝတီမြစ်ရဲ့ ရေသံယံဇာတ ပျက်စီးဆုံးရှုံးမှု အခြေအနေနဲ့ ရေရှည်တည်တံ့မှုအပေါ် အကျိုးသက်ရောက်မှု အခြေအနေ စတာတွေကို လေ့လာဆန်းစစ်ရမှာ ဖြစ်ပါတယ်။

ကော်မရှင်က တင်သွင်းမယ့် အစီရင်ခံစာမှာလည်း ဒေသခံ ပြည်သူတွေနဲ့ လူမှု အဖွဲ့အစည်းတို့ရဲ့ သဘောထား အမြင်တွေကို ထည့်သွင်းစဉ်းစားရမယ်လို့ သမ္မတက ညွှန်ကြားထားတာပါ။ ဒါကြောင့်လည်း ကော်မရှင်အနေနဲ့ အစီရင်ခံစာရေးသားဖို့ အတွက် မြစ်ဆုံဒေသကို သွားရောက်ပြီး ဒေသခံတွေ နဲ့ တွေ့ဆုံဆွေးနွေးတာတွေ၊ တင်ပြတောင်းဆိုတာတွေကို လုပ်ခဲ့ပါတယ်။ ကော်မရှင်ရဲ့ လုပ်ဆောင်ချက်တွေနဲ့ ပတ်သတ်လို့ ကိုဆာဂျီးရဲ့အမြင်က-

" ဒီစုံစမ်းစစ်ဆေးရေးကော်မရှင်ရဲ့အမြင်တွေက ပွင့်လင်းမြင်သာမှု လုံးဝ မရှိဘူး။ ကျနော်တို့က သာဓကအနေနဲ့ပြောမယ်ဆိုရင် မြစ်ဆုံဒေသကို သွားလေ့လာတဲ့ အချိန်မှာ အဲ့ဒီ့ရေကာတာစီမံကိန်းကြောင့် ဆိုးကျိုးဒုက္ခခံစားရမယ့် ဒေသခံ လူထုနဲ့ ဆွေးနွေးခြင်း အပြန်အလှန်ပြောဆိုခြင်း လုံးဝ မလုပ်ပဲနဲ့ စီမံကိန်းကိုသာ ကြည့်ပြီး ပြန်လှည့်ပြန်သွားတဲ့ ဟာကို သိရှိရတယ်။ မြစ်ကြီးနားမှာ လုပ်တဲ့အချိန်မှာလည်း ရှင်းရှင်းလင်းလင်းပြောဆိုတာတွေ မရှိဘူး အဲ့ဒီ့ဟာတွေ ကိုကြည့်ရင် သူတို့ဆီမှာ ပွင့်လင်းမြင်သာမှု မရှိပဲနဲ့ ရှင်းရှင်းလင်းလင်း အဖြေမပေးနိုင်တဲ့ ဟာတော့ ကော်မရှင်အဖွဲ့မှာ ဖြစ်နေတယ်။"

ဒေါ်လာ ၃.၆ ဘီလီယံ အကုန်အကျခံပြီး တရုတ်နိုင်ငံက တည်ဆောက်မယ့် စီမံကိန်းကြောင့် ဒေသခံတွေရဲ့ လူမှုဘ၀တွေနဲ့ သဘာဝပတ်ဝန်းကျင်ကို ထိခိုက်စေတယ်ဆိုပြီး၊ ဒေသခံတွေနဲ့ လှုပ်ရှားသူတွေကတော့ စီမံကိန်းကို လုံးဝရပ်ဆိုင်းပစ်ဖို့ ဆက်လက် တောင်းဆိုနေကြတာပါ။

စီမံကိန်း ရှေ့ဆက်သင့်မသင့် အစိုးရသစ်က ဆုံးဖြတ်ချက်ချရမယ့် အချိန်မှာပဲ တက်ကြွလှုပ်ရှားသူတွေကလည်း အပြီးတိုင် ရပ်ဆိုင်းရေး အင်တာနက် အွန်လိုင်းကနေ သဘောထားစုဆောင်းရာမှာ ပါဝင်သူ သိန်းချီရှိနေပြီလို့လည်း လှုပ်ရှားမှုကို ဦးဆောင်သူ တဦးဖြစ်တဲ့ မိုးလေ၀သပညာရှင် ဦးထွန်းလွင် ပြောပါတယ်။

" နှစ်သိန်းတစ်သောင်းရတယ်။ နိုဝင်ဘာ ၅ရက်နေ့မှာပဲ အဲ့ဒီ့မှာ တချက်ဖြတ်ပြီးတော့ ကျနော်တို့ Myanmar Green Network ရယ် သမ္မတရယ် အတိုင်ပင်ခံရယ် မြစ်ဆုံကော်မရှင်ရယ် တင်တဲ့စာထဲမှာ ကျနော်တို့ အစီရင်ခံလိုက်ပါပြီ။"

သမ္မတထံ အစီရင်ခံစာ တင်သွင်းတာနဲ့ ပတ်သက်လို့ ကော်မရှင် တာဝန်ရှိသူတွေကို ဆက်သွယ်ဖို့ ကြိုးစားပေမဲ့ မရခဲ့ပါဘူး။ လက်ရှိအချိန်မှာ ဒီအစီရင်ခံစာနဲ့ ပတ်သတ်လို့ အသေးစိတ် ဘာမှ မသိရသေးပေမယ့် ဒေသခံ အပါအ၀င် လူထုအများစုကတော့ မြစ်ဆုံ အနီးတစ်ဝိုက်မှာရှိတဲ့ စီမံကိန်းတွေ ရပ်နားသင့်တယ်ဆိုတဲ့အကြောင်း ဒီအစီရင်ခံစာမှာ ပါဖို့ မျှော်လင့်နေကြပါတယ်။

ထက်အောင်
VOA Burmese News



ကန်ရွေးချယ်ခံသမ္မတ Donald Trump
ကန်ရွေးချယ်ခံသမ္မတ Donald Trump
အမေရိကန်သမ္မတရွေးကောက်ပွဲမှာ ဒေါ်နယ်လ်ထရမ့်အနိုင်ရသွားတာကြောင့်၊ မြန်မာနိုင်ငံရဲ့ ဒီမိုကရေစီပြုပြင်ပြောင်းလဲရေးမှာ အမေရိကန်ပြည်ထောင်စုရဲ့ အကူအညီပေးရပ်တည်မှုတွေမှာ တစုံတရာ အပြောင်းအလဲဖြစ်သွားမှာကို နိုင်ငံရေးပါတီတွေဘက်က စိုးရိမ်မှုတွေရှိနေပါတယ်။ တချို့အတိုက်အခံ နိုင်ငံရေးပါတီတွေ နဲ့ တိုင်းရင်းသားပါတီတချို့ကတော့ ဒေါ်နယ်လ်ထရမ့်သမ္မတဖြစ်လာတဲ့ အပေါ်မှာထောက်ခံတယ်လို့ ပြောပါတယ်။ အမေရိကန်သမ္မတသစ်ဖြစ်လာမယ့် ဒေါ်နယ်လ်ထရမ့်အပေါ်မှာ မြန်မာနိုင်ငံက နိုင်ငံရေးပါတီတွေရဲ့ အမြင့်တွေနဲ့ ပတ်သက်ပြီး အပြည့်အစုံကို ဆက်သွယ်စုံစမ်းထားတဲ့ ကိုရန်နိုင်က ပြောပြပေးမှာဖြစ်ပါတယ်။

အမေရိကန်ပြည်ထောင်စုမှာ နိုဝင်ဘာ ၈ ရက်နေ့က ကျင်းပခဲ့တဲ့ သမ္မတရွေးကောက်ပွဲမှာ ရီပတ်ဘလစ်ကန်ပါတီက ဒေါ်နယ်လ်ထရမ့်က အနိုင်ရပြီး ၊ အမေရိကန်နိုင်ငံရဲ့ ၄၅ ယောက်မြောက်သမ္မတအဖြစ်နဲ့ ရွေးချယ်ခံခဲ့ရပါတယ်။ ဒေါ်နယ်လ်ထရမ့်က ရွေးကောက်ပွဲမတိုင်ခင်က အနိုင်ရမယ်လို့ အများက ထင်ကြေးပေးနေတဲ့ ဒီမိုကရက်တစ်ပါတီက ဟီလရီကလင်တန်ကို ကိုယ်စားလှယ်မဲ ၂၉၀ မဲ ၂၃၂ မဲ နဲ့ အနိုင်ရခဲ့တာကြောင့် ရှေ့နှစ်မှာတော့ ရီပတ်ဘလစ်ကန်သမ္မတဦးဆောင်တဲ့ အစိုးရသစ် နဲ့ အတူ၊ ပြည်တွင်းပြည်ပ မူဝါဒတွေလည်း အပြောင်းအလဲတွေ ဖြစ်လာဖို့ရှိနေပါတယ်။

လက်ရှိသမ္မတအိုဘားမားအစိုးရလက်ထက်မှာတော့ - မြန်မာ့ဒီမိုကရေစီ ပြုပြင်ပြောင်းလဲရေးကို အကူအညီပေးပြီး၊ မြန်မာနိုင်ငံနဲ့ သံတမန်ဆက်ဆံရေးတွေ ပြန်လည်တိုးမြှင့်ခဲ့တာကြောင့် ဒေါ်နယ်လ်ထရမ့်ရဲ့ အစိုးရသစ် လက်ထက်မှာ ၂ နိုင်ငံဆက်ဆံရေး တစုံတရာအပြောင်းအလဲဖြစ်လာမှာကို လက်ရှိအာဏာရ အမျိုးသားဒီမိုကရေစီအဖွဲ့ချုပ် NLD ပါတီအနေနဲ့ စိုးရိမ်မိတယ်လို့ ပါတီပြောခွင့်ရပုဂ္ဂိုလ် ဦးဥာဏ်ဝင်းကပြောပါတယ်။

“ကျနော်တို့တခြားတော့ ပြောစရာမရှိဘူး တခုပဲ သူက တချိန်တုန်းက အာရုကိုစိတ်မ၀င်စားဘူးလို့ပြောထားတဲ့သဘောရှိတယ်။ အဲဒါကြောင့် ကျနော်တို့ မြန်မာနိုင်ငံအနေနဲ့ ဆိုရင် အနောက်နိုင်ငံတွေနဲ့ရော ရင်းနှီးတဲ့ ဆက်ဆံမှုလိုချင်တယ်။ အခု သူသမ္မတရွေးကောက် သွားတဲ့အခါကျတော့ အဲဒါမျိုးရနိုင်ပါ့မလားလို့ ကျနော်တို့ဘက်ကစိတ်ပူတယ်။ အဲလိုမျိုးအပြောင်းအလဲတွေ အဲဒီလိုမျိုးအခြေအနေတွေ ဖြစ်ပေါ်လာနိုင်ပါတယ်လို့ ကျနော်တို့ စိုးရိမ်ပါတယ်။”

ဒေါ်နယ်လ်ထရမ့် အနိုင်ရသွားတဲ့အပေါ်မှာ အတိုက်အခံ ပြည်ထောင်စုကြံ့ခိုင်ရေး နဲ့ ဖွံ့ဖြိုးရေးပါတီရဲ့ ပြောခွင့်ရပုဂ္ဂိုလ် ဦးခင်ရီက အခုလို ပြောပါတယ်။

“သူနိုင်တော့ သမ္မတဖြစ်လာတဲ့ အခါမှာ နိုင်ငံခြားရေးပေါ်လစီက ဘယ်လိုရှိမလဲဆိုတာတော့ ကျနော်တို့ မသိသေးဘူးပေါ့နော်၊ ပြောစရာမရှိဘူး။ လောလောဆယ်တော့ ကျနော်တို့က သူ့မဲဆွယ်ပွဲကာလတွေမှာ ကြားရတာတွေကတော့ နိုင်ငံတော်လုံခြုံရေး နဲ့ အမျိုးသားရေးကိစ္စတွေကို ပိုပြီးတော့ ဦးစားပေးတဲ့ ပုဂ္ဂိုလ် ဖြစ်တယ်လို့ကြားရတော့ အဲဒါအပေါ်မှာတော့ ကျနော်တို့ ထောက်ခံတယ်ဗျာ။”

ရွေးကောက်ပွဲမဲဆွယ်စည်းရုံးရေးကာလတွေအတွင်းမှာတော့ ဒေါ်နယ်လ်ထရမ့်က မက္ကဆီကို နယ်စပ်ကို အုတ်တံတိုင်းကာဖို့ကိစ္စလို နိုင်ငံတော်လုံခြုံရေး နဲ့ အမျိုးသားရေးကိစ္စတွေလို ကိစ္စရပ်တွေကို အဓိကအလေးပေးပြီး မဲဆွယ်စည်းရုံးခဲ့တာပါ။ ရခိုင်အမျိုးသားပါတီ (ANP) ပါတီကတော့ ဒေါ်နယ်လ်ထရမ့်ရဲ့ အမျိုးသားရေးဝါဒီ နဲ့ နိုင်ငံတော်လုံခြုံရေးနဲ့ ဆိုင်တဲ့ မူဝါဒတွေကြောင့် အခုလို ရွေးကောက်ပွဲမှာ အနိုင်ရတာကို ထောက်ခံတယ်လို့ ပါတီဥက္ကဋ္ဌ ဒေါက်တာအေးမောင်က ပြောပါတယ်။

“သူ့တို့ကို ဂုဏ်ပြုကြောင်း ကျနော်တို့ဘက်က သ၀ဏ်လွှာပေးပို့ထားပါတယ်။ သံရုံးကတဆင့်ပို့ထားပါတယ်။ဒေါ်နယ်လ်ထရမ့်လို အမျိုးသားရေး ၀ါဒီတွေဟာ ဒီအကြမ်းဖက် အန္တရာယ်၊ နောက် အမျိုးသားလုံခြုံမှုကို သူမတူအောင် တည်ဆောက်မယ်ဆိုတဲ့သဘောထားကို အားရ၀မ်းသာပါတယ်။ အမျိုးသားလုံခြုံမှုတည်ဆောက်ရေးဟာလည်း ရခိုင် အမျိုးသားပါတီရပ်တည်ချက်နဲ့ အမေရိကန်သမ္မတအဖြစ် ရွေးကောက်တင်မြောက်ခြင်းခံရတဲ့ ဒေါ်နယ်လ်ထရမ့်နဲ့ ထပ်တူကျတဲ့ သဘောဖြစ်တာမို့လို့ ကျနော်တို့ ထောက်ခံပါတယ်။ အမေရိကန်ပြည်သူများ ဒေါ်နယ်လ်ထရမ့်ရဲ့ အမေရိကန်ပြည်ကြီးပြန်ပြီးတော့ လုံခြုံတဲ့ နိုင်ငံကြီးဖြစ်အောင်ကြိုးစားဖို့ဆိုတဲ့ ရည်မှန်းချက်ကို ထောက်ခံကြတာကို ကျနော်တို့ အသိအမှတ်ပြုပါတယ်။ လေးလည်းလေးစားပါတယ်၊ အားလည်းပေးပါတယ်။"

ရှမ်းတိုင်းရင်းသားများဒီမိုကရေစီအဖွဲ့ချုပ် SNLD ပါတီရဲ့အတွင်းရေးမှူး ဦးစိုင်းညွှန့်လွင်ကတော့ - ဒေါ်နယ်လ်ထရမ့်အနိုင်ရသွားတဲ့အပေါ်မှာ အံ့သြမိပေမယ့်၊ မြန်မာနိုင်ငံအပေါ်မှာတော့ အမေရိကန်အစိုးရသစ်အနေနဲ့ လစ်လျူရှုထားလို့မရနိုင်ဘူးလို့ သုံးသပ်ပါတယ်။

“ပထမဆုံးပြောရရင်တော့ အံ့သြတယ်ပေါ့ဗျာ၊ နောက်အမရိကန်ပြည်သူလူထု မဲဆန္ဒရှင်တွေရဲ့ ဆုံးဖြတ်ချက်က ပိုပြီးတော့ အံသြစရာကောင်းတယ်။ မဲဆွယ်ပွဲတွေမှာ မဖြစ်နိုင်တဲ့ဟာတွေကို သူပြောတယ်။ ဒါကို လက်ခံကြတယ်ဆိုတာက ကျနော်အံ့သြပါတယ်။ ဥပမာခင်ဗျ- Mexico ကို တံတိုင်းကြီးခတ်မယ်တို့ အမျိုးမျိုးပေါ့နော် အဲလိုမျိုးမဖြစ်နိုင်တာတွေပြောတဲ့လူကို သွားထောက်ခံကြတယ်ဆိုတာ တော်တော်လေးအံသြပါတယ်။ ကျနော့်အမြင်ကတော့ သူတို့ မြန်မာပြည်ကို လစ်လျူရှု့လို့မရပါဘူး။ ဘာဖြစ်လို့လဲဆိုတော့ တရုတ်ပြည်ရဲ့ နောက်ဘက်ထွက်တဲ့ တံခါးဖြစ်နေတာကို။ ဒါပေမယ့် သူ့ပြောတဲ့အထဲမှာက အာရုကိုတောင် ဂရုမစိုက်ပါဘူး။ မြန်မာ ဆိုတာကသူသိပုံလည်းမရဘူး သိပ်တော့ သူစိတ်ဝင်စားပုံမရဘူး။ သို့သော် တာဝန်ယူလာရပြီဆိုရင်တော့ ဒါ သူမစဉ်းစားလို့ မရဘူးလို့ ထင်ပါတယ်။”

မြန်မာသမ္မတဦးထင်ကျော် နဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်တို့ကလည်း အမေရိကန်ပြည်ထောင်စုရဲ့ ၄၅ ယောက်မြောက် သမ္မတသစ်အဖြစ် ဒေါ်နယ်လ်ထရမ့် ရွေးချယ်ခံလိုက်ရတာနဲ့ ပတ်သက်ပြီး ဂုဏ်ယူဝမ်းမြောက်ကြောင်း ရန်ကုန်မြို့ အမေရိကန်သံရုံးကနေတဆင့် သ၀ဏ်လွှာတွေ သီးခြားစီပေးပိုခဲ့ပါတယ်

VOA Burmese News



( နေပြည်တော် တပ်ကုန်းမြို့နယ် ပေါက်ပင်သာကျေးရွာမှာ ရေကြီးလို့ ပျက်စီးသွားတဲ့ စိုက်ပျိုးခင်းတချို့က သခွားမွှေးသီးတွေကို တွေ့ရစဉ် ) Photo: Win Ko Ko Latt/RFA
ရှမ်းပြည်နယ်၊ ကျောက်မဲမြို့နယ်၊ နေပြည်တော် တပ်ကုန်းနဲ့ ဥတ္တရသီရိမြို့နယ်တွေမှာ ပြီးခဲ့တဲ့ရက်ပိုင်းက မိုးအဆက်မပြတ် ရွာသွန်းခဲ့တာကြောင့် ဧကထောင်ချီတဲ့ စိုက်ပျိုးမြေတွေ ပျက်စီးသွားခဲ့ရပါတယ်။

ကျောက်မဲမြို့နယ်မှာ မိုးအဆက်မပြတ် ရွာသွန်းတာကြောင့် ရိတ်သိမ်းထားတဲ့ စပါးတွေ အညှောင့်ပေါက်ပြီး ဧက ၁၀၀ ကျော်လောက် ပျက်စီးကုန်တယ်လို့ ဒေသခံတောင်သူ ကိုစိုင်းခင်မောင်ညွန့် က ပြောပါတယ်။

" မိုးရွာလွန်းလို့ စပါးစေ့တွေ အညှောင့်တွေပေါက်ပြီး ဆုံးရှုံးတာလေ၊ သူက ဧက ၁၀၀ ကျော်လောက်ရှိတယ်၊ ရိတ်ထားတာ ၁၀ ရက် ၁၅ ရက်လောက်ရှိပြီ၊ အဲဒါနဲ့ မိုးကဆက်တိုက်ရွာနေတာနဲ့ ကောက်လှိုင်းတွေက သိမ်းလို့မရတာနဲ့ အညှောင့်ပေါက်သွားတာလေ၊ ကောက်လှိုင်းတွေ ရေမျောပါသွားတာက ချောင်းဘေးနားက လယ်တွေ စုပေါင်းလို့ရှိရင်တော့ ၁၀ ဧက လောက်ရှိတာပေါ့၊ ဒါကတော့ လုံးဝရစရာမရှိတော့ဘူး၊ သူတို့ကတော့ ဝမ်းနည်းနေကြတာပေါ့၊ လာမယ့်နှစ်အတွက် စိုက်ပျိုးစရိတ်တွေလည်း အခုမရှိတော့ဘူးပေါ့၊ နောက်ပြီးတော့ မျိုးစေ့ပြန်ခံဖို့ရာလည်း အခက်အခဲတွေ တွေ့နေတာပေါ့လေ။"

ကျောက်မဲမြို့နယ်မှာ ပြီးခဲ့တဲ့ အောက်တိုဘာလ ၂၄ ရက်နေ့ကစပြီး မိုးရွာသွန်းခဲ့တာဖြစ်ပြီး နိုဝင်ဘာလ ၉ ရက်နေ့က ချောင်းနံဘေးက လယ်ကွင်းတွေထဲကို ရေတွေဝင်ရောက်ခဲ့တာကြောင့် လယ်မြေ ၁၀ ဧကလောက် ထပ်မံရေနစ်မြုပ်ခဲ့တယ်လို့လည်း ပြောပါတယ်။

လယ် ၁ ဧကကို စပါးတင်း ၁၀၀ ဝန်းကျင်ထွက်တာဖြစ်ပြီး ပျက်စီးသွားတဲ့လယ်တွေဟာ နားခေါ်နဲ့ တံခွန်တိုင် ကျေးရွာအုပ်စုတွေက ဒေသခံတောင်သူအယောက် ၃၀ က ပိုင်ဆိုင်တာ ဖြစ်ပါတယ်။

အလားတူပဲ နေပြည်တော် တပ်ကုန်းမြို့နယ်နဲ့ ဥတ္တရသီရိမြို့နယ်တွေမှာ မနေ့က မိုးသည်းထန်စွာ ရွာသွန်းခဲ့တာကြောင့် ဖရဲ၊ သခွားမွှေး၊ ခရမ်း၊ မြေပဲနဲ့ ငရုတ် စတာတွေ စိုက်တဲ့ ဧက ထောင်ချီတဲ့ စိုက်ပျိုးမြေတွေ ရေနစ်မြုပ်ခဲ့ပါတယ်။

အဲဒီမြို့နယ်တွေရှိ ကျေးရွာတချို့က နေအိမ် ၁၅ လုံး ရေထဲမျောပါသွားခဲ့သလို နေအိမ် ၁ ထောင်ကျော် ရေတွေဝင်ရောက်ခဲ့ပါတယ်။

ဒါ့အပြင် ပုဗ္ဗသီရိမြို့နဲ့ တပ်ကုန်းမြို့အကြား ဆက်သွယ်ထားတဲ့ လမ်းပိုင်းတချို့လည်း ရေထဲမျောပါ ပျက်စီးသွားခဲ့ပါတယ်။

RFA Burmese
https://www.facebook.com/rfaburmese


နိုဝင်ဘာ ၁၀ ရက်တွင် ကျောက်တံတားမြို့နယ် ၃၇ လမ်းအထက်ဘလောက်၌ သက်တမ်းကုန်ဆုံးနေသည့် ထောက်ခံစာများဖြင့် ကခုန်၍ အလှူခံနေသည့်အဖွဲ့အား ရပ်ကွက်အုပ်ချုပ်ရေးမှူးက တားဆီးခဲ့သည်ဟု မျက်မြင်သက်သေများက ပြောသည်။

ယင်းနှင့်ပတ်သက်၍ “မြို့နယ်ထွေအုပ်တာဝန်ရှိတဲ့သူက အဲဒီအလှူခံက အသံချဲ့စက်သံဆူညံပြီး ကခုန်အလှူခံ နေတာတွေ့တဲ့အတွက် အသံချဲ့စက် အဲလိုမဖွင့်ဖို့ပြောရင် အလှူခံခွင့် ထောက်ခံစာတောင်းတာ။ အဲဒီတော့မှ သူတို့ထောက်ခံစာက ၂၀၁၅ ခုနှစ်က ထောက်ခံစာဖြစ်နေတယ်။ အဲတော့ သက်ဆိုင်ရာအုပ်ချုပ်ရေးမှူးကို ဖုန်းဆက်ပြီး တားမြစ်ခိုင်းခဲ့တယ်။ အရေးယူမှုတော့ လုပ်တာမတွေ့ဘူး”ဟု မျက်မြင်သက်သေတဦးက ပြောသည်။


ရပ်ကွက်အုပ်ချုပ်ရေးမှူးမှ မိမိဘာသာရေးနှင့်ပတ်သက်သည့် အလှူခံနေမှုတွင် အမျိုးသားနှစ်ဦးက အမျိုးသမီး အ၀တ်စားများဝတ်ဆင်ကာ သရုပ်ပျက်နေသည့်ပုံစံဖြစ်နေကြောင်း၊ မိမိတို့၏လုပ်ရပ်ကြောင့် မိမိဘာသာ၊ သာသနာ အမြင်မတင့်တယ်သည့်လုပ်ရပ်များ မလုပ်စေလိုကြောင်း ရှင်းပြခဲ့ပြီး ၄င်းတို့ကို ဆက်လက်အလှူမခံ ရန် ပြောကြားခဲ့သည်ဟုဆိုသည်။ သက်တမ်းကုန်ဆုံးနေသည့် ထောက်ခံစာဖြင့် အလှူခံနေသူများအား ဥပဒေဖြင့် အရေးယူမည်ဆိုပါက ယူ၍ရသော်လည်း ကနဦးပညာပေးသည့်အနေနှင့် သတိပေးကာ ပြန်ခိုင်းခဲ့ သည်ဟု သိရသည်။

ကိုခက်
News Watch(စောင့်ကြည့်သတင်းဂျာ
https://www.facebook.com/NewsWatchJournal


ဖေ့စ်ဘွတ်မှာ ကြက်ဖကြီးဆိုပြီး စွပ်စွဲခံရသူ ကိုလှဖုန်း ကို နိုင်ငံတော်အကြည်ညိုပျက်အောင် လုပ်ဆောင်မှု အပါအဝင် ဆက်သွယ်ရေး ပုဒ်မ ၆၆ (ဃ) နဲ့ ထောင်ဒဏ် ၂ နှစ်ကျခံရန် မရမ်းကုန်းမြို့နယ် တရားရုံးက ဒီကနေ့ အမိန့်ချမှတ်လိုက်ပါတယ်။


ကိုလှဖုန်းဟာ ကြက်ဖကြီး အကောင့်အသုံးပြုပြီး အင်တာနက်အွန်လိုင်းစာမျက်နှာမှာ တပ်မတော်ကို ဝေဖန်ရေးသားပြောဆိုတဲ့အတွက် အခုလို အမိန့်ချမှတ်လိုက်တာဖြစ်ပါတယ်။ သူဟာ ကြက်ဖကြီးအကောင့်ပိုင်ရှင် မဟုတ်သလို အခု အမိန့်ချမှတ်တာဟာလည်း မတရားစွပ်စွဲပြီး အမိန့်ချမှတ်ခံရတာဖြစ်တယ်လို့ တရားရုံးအထွက်မှာ ကိုလှဖုန်း က ပြောပါတယ်။

ဒီအမှုကို အထက်တရားရုံးမှာ ဆက်လက်အယူခံဝင်သွားမယ်လို့ သိရပါတယ်။

Photo: Kyaw Zaw Win, Htet Arkar/RFA

RFA Burmese
https://www.facebook.com/rfaburmese/


ရန်ကုန်တိုင်းဒေသကြီး သန်လျင်မြို့နယ်မှာ အသက်(၂)နှစ်အရွယ် မိန်းကလေးကို အိမ်ရှင်ဖြစ်သူ အမျိုးသမီးက သံပိုက်လုံးနဲ့ ခေါင်းကို ရိုက်ခဲ့တဲ့အတွက် သေဆုံးမှုဖြစ်ပွားခဲ့တယ်လို့ သိရပါတယ်။

 နိုဝင်ဘာလ (၉)ရက် မနက် (၁၀)နာရီ အချိန်က ဖြစ်ပွားခဲ့တာဖြစ်ပြီး အိမ်ရှင်ဖြစ်သူက မိန်းကလေးငယ်ကို ထိုင်ထ အခါ(၂၀)လုပ်ခိုင်းရာ မရတဲ့အတွက် ရိုက်ခဲ့တာဖြစ်တယ်လို့ ရဲမှတ်တမ်းအရသိရပါတယ်။

 ဖြစ်စဉ်ကတော့ ကျောက်တန်းမြို့နယ် ပါဒကျေးရွာနေ ကိုချစ်မင်းဦး၊ မ၀င်းဝင်းအေးနဲ့ အသက်(၂)နှစ်အရွယ် မစန္ဒာဦးတို့မိသားစုဟာ သန်လျင်မြို့နယ် ညောင်သုံးပင်ကျေးရွာက ဒေါ်ထက်ထက်ချိုရဲ့ နေအိမ်မှာ အလုပ်လုပ်ကိုင်ခဲ့ပါတယ်။

 နိုဝင်ဘာလ (၁)ရက်နေ့မှာတော့ မ၀င်းဝင်းအေးက နေရပ်ဖြစ်တဲ့ ပါဒကျေးရွာကို တစ်ဦးတည်းအလည်ပြန်လာခဲ့ပါတယ်။

 (၉)ရက်နေ့မနက်ပိုင်းမှာ ခင်ပွန်းဖြစ်သူ ကိုချစ်မင်းဦး ဆိတ်ကျောင်းသွားစဉ် အခုလို ဖြစ်စဉ်ဖြစ်ပွားခဲ့တာပါ။


 သေဆုံးသွားတဲ့ အသက်(၂)နှစ်အရွယ် မစန္ဒာဦးကို အိမ်ရှင်ဖြစ်သူ ဒေါ်ထက်ထက်ချို၊ ခင်ပွန်းဖြစ်သူ ဦးဖြိုးဝေလင်းနဲ့ ဖခင်ဖြစ်သူ ကိုချစ်မင်းဦးတို့က မိခင်ဖြစ်သူကို အကြောင်းမကြားခဲ့ဘဲ အမိုးနီသုသာန်မှာ မီးသဂြိင်္ုလ်ခဲ့ပါတယ်။

 မိန်းကလေးငယ်ရဲ့ မိခင်ဖြစ်သူက ညနေပိုင်းမှသာ သမီးဖြစ်သူသေဆုံးတာကို သိပြီး သန်လျင်မြို့ကိုပြန်လာခဲ့တာပါ။

 ဒီဖြစ်စဉ်နဲ့ပတ်သက်ပြီး မိခင်ဖြစ်သူ မ၀င်းဝင်းအေးက သန်လျင်မြို့မရဲစခန်းကို တိုင်ကြားခဲ့ရာ ဦးဖြိုးဝေလင်းနဲ့ ကိုချစ်မင်းဦးတို့ကို ဖမ်းဆီးထားပြီး (ပ) (၂၁၅၁/၂၀၁၆)၊ ရာဇသတ်ကြီးဥပဒေအရအမှုဖွင့်အရေးယူထားပါတယ်။

 ထွက်ပြေးတိမ်းရှောင်နေတဲ့ ဒေါ်ထက်ထက်ချိုကိုတော့ ဖမ်းဆီးစစ်ဆေးနိုင်ရေး ကြိုးပမ်းနေတယ်လို့ သိရပါတယ်။

ဓါတ်ပုံ - facebook
5 Plus News
https://www.facebook.com/5plusnews/


ကန့်ဘလူ နိုဝင်ဘာ ၁၁

စစ်ကိုင်းတိုင်းဒေသကြီး ကန့်ဘလူမြို့နယ်၊ ဇီးကနားကျေးရွာအုပ်စု၊ လျှော်ဖြုကုန်းကျေးရွာ မင်္ဂလာဆောင်၌ ထမင်းဖြင့် ဧည့်ခံကျွေးမွေးရာ လူဦးရေ ၇၄ ဦးခန့် အစာအဆိပ်သင့်ပြီး အော့အန်မှုဖြစ်ပွားခဲ့ကြောင်းသိရသည်။

အဆိုပါအခင်းဖြစ်ပွားမှုနှင့် နီးစပ်ရာ ကိုးထောင်ဘို့ကျေးရွာ အုပ်စု အုပ်ချုပ်ရေးမှူးနှင့်အဖွဲ့၊ ကိုးထောင်ဘို့ရဲကင်း စခန်းမှူးနှင့်အဖွဲ့၊ ကိုးထောင်ဘို့ ကျန်းမာရေး ဝန်ထမ်းများ အဖွဲ့တို့မှ လျှော်ဖြူကုန်းကျေးရွာ ဘုန်းတော်ကြီးကျောင်းတွင် ကျန်းမာရေးစောင့်ရှောက်မှုများဆောင်ရွက်ပေးလျက်ရှိသည်။

ကန့်ဘလူခရိုင် စီမံခန့်ခွဲမှုကော်မတီ ဥက္ကဌဦးသက်လွင်က ကောလင်းမြို့နယ်ကျန်းမာရေးဌာနသို့ အကူအညီပေးနိုင်ရန်တောင်းခံထားပြီး၊ ကန့်ဘလူမြို့နယ်စီမံခန့်ခွဲမှုကော်မတီဥက္ကဌဦးစိုးသန်း၊ မြို့နယ်ရဲတပ်ဖွဲ့မှူးရဲမှူးမိုးမြင့်ဇော်၊ ကန့်ဘလူမြို့နယ် ခုတင် ၁၀၀ ဆံ့ဆေးရုံမှ ဆရာဝန်အဖွဲ့နှင့်အတူ လိုအပ်သည့် ကျန်းမာရေး စောင့်ရှောက်မှုပေးနိုင်ရေး သွားရောက်ဆောင်ရွက်ပေးလျက်ရှိကြောင်း ကနဦး သတင်းအရ သိရသည်။

အောင်ဝင်းငြိမ်း(ကန့်ဘလူ)
MOI Webportal Myanmar
https://www.facebook.com/MOIWebportalMyanmar/



( ဓါတ်ပုံ - ထိုင်း လိပ်ကျွန်းလူသတ်မှုနဲ့ စွပ်စွဲခံရတဲ့ ကိုဝင်းဇော်ထွန်းနဲ့ ကိုဇော်လင်း တို့ကို တွေ့ရစဉ် )
စွပ်စွဲခံ မြန်မာအလုပ်သမားတွေဘက်က အယူခံတင်ထားတဲ့ လိပ်ကျွန်းလူသတ်မှုနဲ့ ပတ်သက်ပြီး မြန်မာအလုပ်သမားတွေ အမှန်တကယ် အပြစ်ရှိကြောင်းကို လျှောက်လဲချက်ပေးဖို့ မနေ့က နောက်ဆုံးသတ်မှတ်ရက်ဖြစ်ပေမယ့် ထိုင်းအစိုးရရှေ့နေတွေဘက်က ပျက်ကွက်ခဲ့ပါတယ်။

တခြားတရားရုံးတစ်ခုခုမှာ ဒီအမှုနဲ့ပတ်သက်ပြီး ထိုင်းအစိုးရရှေ့နေတွေက အယူခံတင်သွင်းခဲ့သလားဆိုတာကို တရားသူကြီးက ဒီကနေ့ စစ်ဆေးမှာဖြစ်တယ်လို့ လိပ်ကျွန်းလူသတ်မှု အထူးစုံစမ်းရေးကော်မတီအဖွဲ့ဝင် ဦးအောင်မျိုးသန့်က ပြောပါတယ်။

"မနေ့က ၁၀ ရက် ၁၁ လ ၂၀၁၆ မှာ ကျွန်တော်တို့တင်တဲ့ အယူခံနဲ့ ပတ်သက်လို့ ထိုင်းအစိုးရရှေ့နေဘက်ကနေ ထုချေလျှောက်လဲချက် တင်ရမှာပါ။ ဒါပေမဲ့ မနေ့က ညနေ ၅ နာရီအထိ တင်ခဲ့တာမရှိပါဘူး။ အဲ့ဒီတော့ တရားသူကြီးကနေပြီးတော့ ၁၁ ရက် ၁၁လ ၂၀၁၆ ရက်နေ့မှာ အစိုးရရှေ့နေဘက်ကနေ တရားရုံးဌာနတစ်ခုခုကို တင်ခဲ့သလားဆိုတာကို စစ်ဆေးပါဦးမယ်ပေါ့လေ။ အဲ့လို စစ်ဆေးလို့မှ မရှိဘူးဆိုရင် နောက်အပတ်ထဲမှာ ထိုင်းနိုင်ငံတောင်ပိုင်းမှာရှိတဲ့ အမှတ် ၈ ရှေ့နေချုပ်ရုံးကို စာပို့ပြီးတော့ ဒီအယူခံမှာ ထိုင်းရှေ့နေဘက်ကနေ နောက်ဆုံးလျှောက်လဲချက်ပေးပို့ အကြောင်းကြားမယ်လို့ ပြောပါတယ်။"

တကယ်လို့ ထိုင်းအစိုးရရှေ့နေတွေဘက်ကနေ မြန်မာအလုပ်သမား ၂ ယောက်မှာ အပြစ်ရှိကြောင်း မထောက်ပြနိုင်ဘူးဆိုရင် အလုပ်သမား ၂ ယောက်အတွက် ကောင်းနိုင်တဲ့အလားလာရှိတယ်လို့ ပြောပါတယ်။

လိပ်ကျွန်းလူသတ်မှု အထူးစုံစမ်းရေးကော်မတီအနေနဲ့ကတော့ စာမျက်နှာ ၃ ထောင်လောက်ပါတဲ့ အမှုသုံးသပ်ချက် အစီရင်ခံစာကိုလည်း တရားရုံးကို တင်ပြထားတယ်လို့ သိရပါတယ်။

အရင်တင်ခဲ့တဲ့ အယူခံ ၈ ကြိမ်မှာတော့ လူသတ်မှု တရားခံအဖြစ် စွပ်စွဲခံထားရတဲ့ ကိုဝင်းဇော်ထွန်းနဲ့ ကိုဇော်လင်းတို့ဟာ လူသတ်မှုကို အမှန်တကယ် ကျုးလွန်တယ်ဆိုတဲ့ ခိုင်မာတဲ့အထောက်အထားတွေကို မတွေ့ရဘူးလို့ လိပ်ကျွန်းအမှု အထူးစုံစမ်းရေးကော်မတီအဖွဲ့ဝင် ဦးကျော်သောင်းက ပြောပါတယ်။

RFA Burmese
https://www.facebook.com/rfaburmese/



ဖိလစ်ပိုင် ကမ်းခြေစောင့် တစ်ဖွဲ့၏ ရေယာဉ်တစ်စီးအားတွေ့ရစဉ် (ဓါတ်ပုံ-အင်တာနက်)
    မနီလာ၊ နိုဝင်ဘာ ၁၁ရက် (ဆင်ဟွာ)

    ဖိလစ်ပိုင်နိုင်ငံ တောင်ပိုင်း Basilan ပြည်နယ်ကမ်းရိုးတန်းအလွန် တွင် နိုင်ငံခြား သင်္ဘောတစ်စီး မှ ဗီယက်နမ်လူမျိုး သင်္ဘောသား ငါးဦးအား အနည်းဆုံး သေနတ်သမား ၁၀ဦးက နိုဝင်ဘာ ၁၁ရက်တွင် ပြန်ပေးဆွဲခဲ့ကြောင်း သိရသည်။

ဖိလစ်ပိုင် ကမ်းခြေစောင့်တပ်ဖွဲ့၏ ပြောကြားချက်အရ Mindanao ပြည်နယ် နှင့် Basilan ပြည်နယ် တို့ရှိ ကျွန်းများကို ပိုင်းခြားထားသည့် Basilan ရေလက်ကြားတွင် တည်ရှိသော Sibago ကျွန်းအနီး တွင် MV Royale 16 အမည်ရှိ ဗီယက်နမ်သင်္ဘော အား သေနတ်သမားများက နိုဝင်ဘာ ၁၁ရက် ဒေသစံတော်ချိန် နံနက်၇နာရီ တွင် ဝင်ရောက်စီးနင်းခဲ့ကြောင်း သိရသည်။

မြို့တော်ဝန် Filemon Tan က ကမ်းခြေစောင့်တပ်ဖွဲ့သည် အဆိုပါ ဖြစ်ရပ်အား ဖိလစ်ပိုင်စစ်တပ်သို့ အလျင်အမြန် အကြောင်းကြားခဲ့ပြီး ပြန်ပေးဆွဲခံရသည့် သင်္ဘောသားများအား ရှာဖွေကယ်ဆယ်ရန် ရေပြင် နှင့် ဝေဟင် တပ်သားများအား ဖြန့်ကျက်ထားပြီးဖြစ်ကြောင်း ထုတ်ပြန်ချက်၌ပြောကြားခဲ့သည်။

Tan နှင့် ကမ်းခြေစောင့်တပ်ဖွဲ့က သေနတ်သမားများသည် ဓါးစားခံများနှင့်အတူ လွတ်မြောက်သွားခဲ့ကြောင်း ပြောကြားခဲ့သည်။

(Xinhua)
http://www.xinhuamyanmar.com



ရန်ကုန်မြို့ တာမွေမြို့နယ် ရဲစခန်းရှေ့မှာ နိုဝင်ဘာလ ၁၀ ရက်နေ့က သတင်းလာရောက်ယူနေတဲ့ မီဒီယာသမားတွေကို တွေ့ရစဉ်။ Photo: Htet Arkar/RFA
ဆက်သွယ်ရေးဥပဒေပုဒ်မ ၆၆ ဃ နဲ့ အမှုဖွင့်ခံထားရတဲ့ Eleven Media Group ရဲ့ CEO ဒေါက်တာ သန်းထွဋ်အောင်နဲ့ Daily Eleven သတင်းစာရဲ့ အယ်ဒီတာချုပ် ဦးဝေဖြိုးတို့ကို ဒီကနေ့ မနက် ၁၀ နာရီမှာ တာမွေရဲစခန်း ကိုလာရောက်ဖို့ ရဲတပ်ဖွဲ့က ဆင့်ခေါ်ထားပေမဲ့ ရောက်မလာဘဲ Eleven Media Group ရဲ့ အထွေထွေမန်နေဂျာ ဦးထိန်လင်းသာ မနက်ပိုင်းက ရောက်လာခဲ့ပါတယ်။

Eleven Media Group ဘက်က လာရောက်ဖြေရှင်းရမယ့်အချိန်ကို ရွှေ့ပေးဖို့ ဦးထိန်လင်းက တောင်းဆိုခဲ့ တာကြောင့် ရဲတပ်ဖွဲ့က နေ့လည် ၂ နာရီကို ရွှေ့ပေးခဲ့ပါတယ်။

ဒုတိယရဲမှူးကြီး ဦးမြင့်ထွေးက တိုင်ချက်ဖွင့်ခံထားရတဲ့သူတွေကို ညနေ ၄ နာရီထိစောင့်ပေးမှာဖြစ်ပြီး ရောက် မလာခဲ့ရင်တော့ ရဲလုပ်ငန်းစဉ်အရ ဆက်လက်ဆောင်ရွက်သွားမှာ ဖြစ်တယ်လို့ ဒီနေ့ နေ့လည်က သတင်းမီဒီယာတွေကို ပြောပါတယ်။

ဒါပေမဲ့ ညနေ ၄ နာရီ ထိုးတဲ့အထိ Eleven Media Group ရဲ့ CEO ဒေါက်တာ သန်းထွဋ်အောင်နဲ့ Daily Eleven နေ့စဉ်သတင်းစာရဲ့ အယ်ဒီတာချုပ် ဦးဝေဖြိုး တို့ကတော့ တာမွေမြို့နယ် ရဲစခန်းကို ရောက်မလာခဲ့ပါဘူး။

လက်ရှိအချိန် (ညနေ ၆ နာရီ)မှာတော့ Eleven Media Group ရဲ့ ရုံးချုပ်ရှေ့မှာ သတင်းမီဒီယာ သမားတွေ စောင့်နေပြီး တစ်စုံတရာ ထူးခြားတာတော့ မရှိသေးဘူးလို့ အဲဒီနေရာကို ရောက်နေတဲ့ RFA သတင်းထောက် ကိုထက်အာကာ က ပြောပါတယ်။

ပြီးခဲ့တဲ့ နိုဝင်ဘာ ၆ ရက်နေ့ထုတ် Daily Eleven သတင်းစာက ဖော်ပြခဲ့တဲ့ "ရွေးကောက်ပွဲတစ်နှစ်ကြာသော်" ဆိုတဲ့ အယ်ဒီတာ့အာဘော်မှာ မကြာသေးခင်က မူးယစ်ဆေးဝါးမှုနဲ့ ထောင်ကထွက်လာတဲ့ စီးပွားရေး လုပ်ငန်းရှင်ကြီးတစ်ယောက်က ၀န်ကြီးချုပ်တစ်ယောက်ကို ဒေါ်လာတစ်သိန်းတန် နာရီ လက်ဆောင်ပေး ခဲ့တယ်ဆိုပြီး ဖော်ပြခဲ့ပါတယ်။

အဲဒီ ဖော်ပြချက်နဲ့ ပတ်သက်ပြီး ရန်ကုန်တိုင်းဒေသကြီး အစိုးရအဖွဲ့က Daily Eleven ကို ၀န်ကြီးချုပ်နဲ့ စီးပွားရေး လုပ်ငန်းရှင်ဆိုသူရဲ့ နာမည်ကို ထုတ်ဖော်ပြောဖို့ မေးမြန်းခဲ့ပေမယ့် Eleven ဘက်က ပြန်မဖြေခဲ့ပါဘူး။

အဲဒီနောက်မှာတော့ ဒေါက်တာ သန်းထွဋ်အောင်ရဲ့ Facebook စာမျက်နှာနဲ့ Eleven Media ရဲ့ Facebook မှာ အဲဒီကိစ္စကို ထပ်မံရေးသားလို့ဆိုပြီး ရန်ကုန်တိုင်းအစိုးရအဖွဲ့က Eleven ရဲ့ CEO ဒေါက်တာ သန်းထွဋ်အောင်နဲ့ အယ်ဒီတာချုပ် ဦးဝေဖြိုးတို့ကို တာမွေမြို့နယ် ရဲစခန်းမှာ မနေ့က အမှုဖွင့်လိုက်တာဖြစ်ပါတယ်။

Eleven Media Group အမှုဆောင်အရာရှိချုပ် ဒေါက်တာ သန်းထွဋ်အောင်နဲ့ Daily  Eleven သတင်းစာရဲ့ အယ်ဒီတာချုပ် ဦးဝေဖြိုး ကို  ပနံပါတ် ၈၉၃/ ၂၀၁၆ ဆက်သွယ်ရေးဥပဒေပုဒ်မ ၆၆ နဲ့ ရန်ကုန်တိုင်းဒေသကြီး အစိုးရအဖွဲ့ ညွှန်ကြားရေးမှူး ဦးမိုးဟိန်းက တရားလိုလုပ်ပြီး အမှုဖွင့်လိုက်တာပါ။

အဲဒီ အမှုကိုစစ်ဆေးဖို့ တာမွေမြို့နယ် ရဲတပ်ဖွဲ့မှူး၊ စခန်းမှူးနဲ့ ခရိုင်အထူးတပ်ဖွဲ့တို့ကို ပူးပေါင်းစစ်ဆေးဖို့ အမှုစစ်အဖွဲ့တစ်ဖွဲ့ ဖွဲ့စည်းပေးထားတယ်လို့ သိရပါတယ်။

RFA Burmese
http://www.rfa.org/burmese


လက်ကိုင်ဖုန်း၊ Tablet ကွန်ပြူတာ ပစ္စည်းတွေက ထွက်တဲ့အလင်းရောင်ကို ကြာကြာ ကြည့်တာက လူကြီးနဲ့ ကလေးတွေရဲ့ အိပ်ပျော်နိုင်မှုအရည်အသွေးကို ထိခိုက်နိုင်တယ်လို့  အဆက်အစပ်မရှိတဲ့ သုတေသန စာတမ်း ၂ ခုမှာ မကြာခင်က အတည်ပြုလိုက်ပါတယ်။

စမတ်ဖုန်းနဲ့  Tablet ကွန်ပြုတာတွေက လူတွေရဲ့ နေ့စဉ်ဘ၀ကို အရမ်းမြန်မြန်ထိုးဖောက်လာတော့ သိပံ္ပပညာရှင်တွေအနေနဲ့ သူတို့ ရဲ့ သက်ရောက်မှုတွေကို လေ့လာဖို့  အချိန်သိပ်မရလိုက်ပါဘူး။

အိပ်ချိန်နီးလာတဲ့အချိန်မှာ ဒီလို အသုံးပစ္စည်းတွေကိုသုံးရင် နှစ်နှစ်ခြိုက်ခြိုက်အိပ်ပျော်ဖို့ ကို ထိခိုက်နိုင်တယ်လို့ California တက္ကသိုလ်နဲ့ London King’s College က သုတေသနပြုသူတွေက ပြောပါတယ်။

အိပ်ရေးပျက်တာကနေ အ၀လွန်မှု၊ ဆီးချို နဲ့ စိတ်ကျရောဂါဖြစ်လာနိုင်တယ်လို့ အရင်က သုတေသနပြုမှုတွေမှာ ဖော်ပြထားပါတယ်။

ရက် ၃၀ ပိုင်းခြားတွင်းမှာ လူကြီး ၆၅၃ ယောက်ရဲ့ ဖန်သားပြင်ကို ကြည့်တဲ့အချိန် နဲ့ သူတို့ ရဲ့ အိပ်ချိန်နဲ့ အိပ်ရေးဝမှုတွေကို တိုင်းတာပြီးတော့ California တက္ကသိုလ်က သုတေသနပြုထားတာပါ။

အထူးသဖြင့် အိပ်ခါနီးအချိန်တွေမှာ ဖန်သားပြင်ကို ကြည့်ချိန်များလေလေ အိပ်ချိန်နည်းပြီး အိပ်ရေးလည်းမ၀ဘဲ ဖြစ်တာကို သိသိသာသာ ဆက်စပ်နေတာတွေ့ ရပါတယ်။ တိုက်ကြီး ၄ခု က သုတေသနပြုမှု ၂၀ ကို လန်ဒန် King’s College မှာ ပြန်စစ်ဆေးမှုလုပ်ထားတာမှာ ကလေးရဲ့ အိပ်ခန်းထဲမှာ အင်တာနက်သုံးနိုင်တဲ့ ကိရိယာထားတာက ကလေးရဲ့ အိပ်ရေးဝမှုကို ၂ ဆပို သက်ရောက်နိုင်တယ်ဆိုတာ တွေ့ ရပါတယ်။

ဗွီအိုအေ (မြန်မာပိုင်း)
http://burmese.voanews.com