11/18/16



ခိုင်မင်းညို ၊ နိုဝင်ဘာ ၁၇

ရခိုင်ပြည်နယ်မောင်တောမြို့နယ်အတွင်းမှ ဘူးသီးတောင်မြို့ပေါ် ကယ်ဆယ်ရေး စခန်းသို့ အိုးအိပ်စွန့်ကာ ရောက်ရှိလာသော ဒုက္ခသည်များသည် ဆောင်းဦးရာသီ ဖြစ်သည့်အတွက် လက်ရှိအချိန်တွင် အ၀တ်အထည်များ အရေးပေါ် အကူအညီ လိုအပ်နေကြောင်း သတင်း ရရှိသည်။

“ကျွန်တော်တို့မှာတော့ စားနပ်ရိက္ခာ တော့အခုလောလောစဉ်အဆင်ပြေနေတာပေါ့၊ ဒါပေမယ့် အခုက ဆောင်းရာသီရောက်ပြီဆိုတော့ သူတို့အတွက် အနွေးအထည်တွေ၊ စောင်တွေ၊ အိပ်ယာခင်းတွေက လိုအပ်နေတယ်၊ ထွက်ပြေးလာသူတွေမှာ ကလေး ငယ်ငယ်လေးတွေပါတယ် ၊ နို့စို့ကလေးလေးတွေရော သက်ကြီးပိုင်း အဖိုးအိုကြီး တွေရောဖြစ်ကြတယ် ” ဟု ဘူသီးတောင်မြို့နယ် အရေးပေါ်ကူညီ ထောက်ပံ့ရေးအဖွဲ့မှ ဦးဇော်ဝင်း က ပြောသည်။


၎င်း မောင်တောဒေသတွင် လက်ရှိအချိန်အထိ အကြမ်းဖက် ဘင်္ဂါလီသမားများက မကြာခဏ ချောင်းမြောင်း တိုက်ခိုက်နေသည့်အတွက် ဘူးသီးတောင်မြို့နယ်အရေး ပေါ်ကူညီထောက်ပံ့ရေးစခန်းသို့ နိူဝင်ဘာလ ၁၆ ရက်နေ့အထိ အိမ်ထောင်စု ၃၀ စု လူဦးရေ ၁၀၇ ဦး ထွက်ပြေးကာ ခိုလှုံနေရကြောင်း သိရသည်။

“ ဒီမှာအရင်ကျန်ရှိနေတာတော့ ၃၁ ဦးကျန်ရှိနေတယ်။ ဒီလ ၁၆ ရက်နေ့မှာ ထပ်ပြီး ရောက်လောက်ကြတယ်၊ သူတို့ကိုတော့ ကျန်းမာရေးစောင့်ရှောက်မှုတွေပေး ထားတယ်။ ဒါပေမယ့် ရေရှည်ဆိုရင်တော့ အခက်အခဲဖြစ်မယ်။ အစိုးရမှာ တာဝန်ရှိတာ ပေါ့၊ အခုအခြေအနေက အရေးပေါ်ကာလ ဖြစ်နေတယ် ” ဟု ဦးဇော်ဝင်း က ဆက်လက်၍ ပြောသည်။

Rakhine Gazette
https://www.facebook.com/RakhineGazetteJournal/




ကော့သောင်း ၊ နိုဝင်ဘာ ၁၇ ရက်

မြန်မာနိုင်ငံ လူဝင်မှုကြီးကြပ်ရေးဥပဒေဖြင့်ညှိစွန်းသဖြင့် မြန်မာနိုင်ငံ ၊ မြိတ်မြို့ ကျွဲကူးတံတား စစ်ဆေးရေး ဂိတ်တွင် နိုဝင်ဘာလ ၃ ရက်နေ့ က တားဆီး အရေးယူခံရသည့် ထိုင်းနိုင်ငံ ချုံဖော်ခရိုင် ကျေးရွာတစ်ခုမှ ရိုးသားသည့် ထိုင်းနိုင်ငံသား ဇနီးမောင်နှံအားထိုင်းနိုင်ငံသို့ နိုဝင်ဘာလ ၁၅ ရက်နေ့ က ထိုင်းမြန်မာနယ်စပ် ကော့သောင်းမြို့ မှတဆင့် ထိုင်းနိုင်ငံ ရနောင်းခရိုင် တာဝန်ရှိအဖွဲ့အစည်းများသို့ ပြန်လည်လွဲပြောင်း အပ်နှံပေးခဲ့ကြောင်းသိရသည်။


အဆိုပါ ထိုင်း လူမျိုးဇနီးမောင်နှံ သည် ချုံဖော်ခရိုင် ကျေးရွာတစ်ခုတွင် မြန်မာအလုပ်သမား (၃၀)ခန့် ဖြင့် ဒူးရင်း သီး နှင့် နဂါးမောက်သီးစိုက်ပျိုးသည့် ခြံပိုင်ရှင်များဖြစ်ပြီး ၄င်းတို့ ခြံ အလုပ်သမား မစန်းစန်းခိုင်သည် ထိုင်းနိုင်ငံတွင် ဆိုင်ကယ်မတော်တဆမူဖြင့် လွန်ခဲ့သည့် သြဂုတ်လ က သေဆုံးခဲ့ရာ ထိုင်းနိုင်ငံ အသက်အာမခံကုမ္ပဏီမှရရှိသည့် ထိုင်းဘတ်ငွေ (၁၅၀၀၀၀) နှင့် ၄င်းတို့ဇနီးမောင်နှံ မှ ထောက်ပံ့ငွေ ဘတ်(၅၀၀၀၀) စုစုပေါင်း ဘတ်ငွေ (၂၀၀၀၀၀ ) ၊ မြန်မာငွေဖြင့်(ကျပ် ၆၄ သိန်း) အား တနင်္သာရီတိုင်းဒေသကြီး ၊ လောင်းလုံးမြို့နယ် ကျောက်နီမော်ကျေးရွာ သေဆုံးသူ မိဘများထံ လက်ရောက်ပေးအပ်ရန် နယ်စပ်မှတဆင့် သံရုံး Visa မပါသည့် ထိုင်း ပတ်စပို့ဖြင့် တရားမ၀င် သွားရောက်ခဲ့ပြီး အပြန်တွင် မြိတ်မြို့ ကျွဲကူးတံတား စစ်ဆေးရေး ဂိတ်တွင် ထိန်းသိမ်း ခံရခြင်းဖြစ်သည်။


ဖြစ်စဉ်တွင် ဥယျဉ်ခြံစိုက် တောနေလူတန်းစား တောင်သူလင်မယားဖြစ်ကြပြီး လူသားခြင်းစာနာမှုဖြင့် သေဆုံးသူ မြန်မာအလုပ်သမ၏ မိဘများထံလျော်ကြေးရငွေများ ပေးလို့သည့် ရိုးသားဖြူစင်မှုစေတနာ ကြောင့် ဥပဒေအား ကျူးလွန်မိ ခဲ့ကြခြင်းဖြစ်ရာ ထိုင်းမြန်မာချစ်ကြည်ရင်းနှီးမှု အားရှေ့ရှု ကာ မြန်မာနိုင်ငံ တာဝန်ရှိသူများ မှ အထက်အဖွဲ့အစည်းအဆင့်ဆင့် သို့တင်ပြခွင့်ပြုချက်ရယူ ၍ ယခုကဲ့သို့ ပြန်လည်လွဲပြောင်း အပ်နှံပေးခဲ့ခြင်းဖြစ်ကြောင်းသိရသည်။

Iprd Kawthoung



 တရားဝင် တွေ့ဆုံမှု အဖြစ် သတ်မှတ်လို့ ရမှာ မဟုတ်ဘူးလို့ ဒေါ်နယ် ထရမ့် ရဲ့ ပြောရေးဆိုခွင့် ရှိသူ က ဆို
အမေရိကန် ရွေးကောက်ခံ သမ္မတ ဒေါ်နယ် ထရမ့် နဲ့ ဂျပန် ဝန်ကြီးချုပ် ရှင်ဇို အာဘေး တို့ဟာ နယူးယောက် မြို့မှာ တွေ့ဆုံ ခဲ့ကြပါတယ်။ ဒါဟာ ဒေါ်နယ် ထရမ့် ရွေးကောက်ပွဲ အနိုင် ရရှိပြီးနောက်မှာ နိုင်ငံရပ်ခြား တိုင်းပြည် က ခေါင်းဆောင် တစ်ဦးက လာရောက် တွေ့ဆုံ ခဲ့မှုလည်း ဖြစ်ပါတယ်။

ဒေါ်နယ် ထရမ့် အပေါ်မှာ ယုံကြည်မှု အပြည့်ရှိတယ်လို့ တွေ့ဆုံပွဲ အပြီးမှာ ဂျပန် ဝန်ကြီးချုပ်က ပြောပါတယ်။ ပြီးတော့ တွေ့ဆုံပွဲ က လှိုက်လှဲပျူငှာပြီး ပွင့်လင်းစွာ ဆွေးနွေး ခဲ့ကြတယ်လို့ မစ္စတာ အာဘေး က ပြေပါတယ်။

ရွေးကောက်ပွဲ မဲဆွယ် စည်းရုံးစဉ် ကာလ မှာ အာရှ နိုင်ငံ အချို့ အနေနဲ့ အမေရိကန် ကို ကာကွယ်ရေး စားရိတ် တိုးမြှင့် ပေးရမယ် ဆိုတဲ့ မဲဆွယ် စည်းရုံး ရေး စကား ကို မစ္စတာ ထရမ့် က ပြောကြား ခဲ့တာ ဖြစ်ပါတယ်။

အဲဒီ ကိစ္စနဲ့ ပတ်သက်လို့ နီဂါတာ တက္ကသိုလ် က ဂျပန် နဲ့ နိုင်ငံတကာ ဆက်ဆံရေး လေ့လာနေတဲ့ ပါမောက္ခ တာကာရှိ က တော့ ဒေါ်နယ် ထရမ့် က ပါးနပ်တဲ့ လူတစ်ယောက် ဖြစ်ပြီး လာဘ်လည်း မြင်ပါတယ်။ ဂျပန် နဲ့ ဆက်ဆံရေး က အရေးကြီး တယ်လို့ ထင်မြင် ယူဆတဲ့ အတွက် အခုလို တွေ့ဆုံ တာလို့ ပြောပါတယ်။

ဒါ့အပြင် အာရှ ပစိတ်ဖိတ် ကုန်သွယ်ရေး သဘောတူ ညီချက် ကိုလည်း ဖျက်သိမ်း မယ်လို့ ကြွေးကြော် ခဲ့တာကြောင့် အာရှ တိုက်က နိုင်ငံ အချို့မှာ ဒေါ်နယ် ထရမ့် နဲ့ ပတ်သက်လို့ စိုးရိမ် ပူပန် ခဲ့ကြပါတယ်။

ဒါပေမယ့် သမ္မတ အိုဘားမား တာဝန် ထမ်းဆောင် နေဆဲ ဖြစ်တာကြောင့် ဂျပန် ဝန်ကြီးချုပ် နဲ့ ဒေါ်နယ် ထရမ့် တို့ တွေ့ဆုံမှု က တရားဝင် တွေ့ဆုံမှု အဖြစ် သတ်မှတ်လို့ ရမှာ မဟုတ်ဘူးလို့ ဒေါ်နယ် ထရမ့် ရဲ့ ပြောရေးဆိုခွင့် ရှိသူ က ဆိုပါတယ်။

BBC Burmese
http://www.bbc.com/burmese


 ကျောက်တန်းမဲဆန္ဒနယ် ပြည်သူ့လွှတ်တော်ကိုယ်စားလှယ် ဒေါ်အေးမြမြမျိုး ကို နိုဝင်ဘာလ ၁၇ ရက်နေ့က ပြည်သူ့လွှတ်တော် အစည်းအဝေးမှာ တွေ့ရစဉ် ကျောက်တန်းမဲဆန္ဒနယ် ပြည်သူ့လွှတ်တော်ကိုယ်စားလှယ် ဒေါ်အေးမြမြမျိုး ကို နိုဝင်ဘာလ ၁၇ ရက်နေ့က ပြည်သူ့လွှတ်တော် အစည်းအဝေးမှာ တွေ့ရစဉ်
Photo: Win Naung Toe/RFA

အိမ်အကူအလုပ်သမားများ အပါအ၀င် အလုပ်သမားများ ခန့်ထားရာမှာ ပြဌာန်းထားတဲ့ နည်းဥပဒေများနဲ့အညီ အလုပ်သမားမှတ်ပုံတင်ထားပြီးမှ ခန့်ထားဖို့နဲ့ အလုပ်ရှင်များမှ အလုပ်သမားများကို ဥပဒေမဲ့လုပ်ရပ်များ မလုပ်နိုင်ရန် ကာကွယ်တားဆီးပေးဖို့ ပြည်ထောင်စုအစိုးရကို တိုက်တွန်းကြောင်းအဆိုကို ဒီကနေ့ကျင်းပတဲ့ ပြည်သူ့လွှတ်တော် အစည်းအဝေးမှာ ဆွေးနွေးဖို့ အတည်ပြုလိုက်ပါတယ်။

မြန်မာနိုင်ငံမှာ အလုပ်သမားဥပဒေနဲ့ ကလေးသူငယ်ဥပဒေတွေ ပြဌာန်းထားပေမယ့် ဥပဒေကို လိုက်နာမှု အားနည်း ပြီး အလုပ်ရှင်နဲ့ အလုပ်သမားပြသနာတွေ ဖြစ်ပွားတာကြောင့် အဆိုကိုတင်သွင်းရတာဖြစ်ကြောင်း ကျောက်တန်း မဲဆန္ဒနယ် ပြည်သူ့လွှတ်တော်ကိုယ်စားလှယ် ဒေါ်အေးမြမြမျိုး က ပြောပါတယ်။

"အိမ်အကူ အပါအဝင် အလုပ်သမားတွေ ခန့်ထားရာမှာ မှတ်ပုံတင်ထားခြင်း၊ ဌာနဆိုင်ရာတာဝန်ရှိသူများ၊ အုပ်ချုပ်ရေးပိုင်းမှ တာဝန်ရှိသူများ ပူးပေါင်းပြီးတော့ လုပ်ငန်းခွင် အခြေအနေကို ပုံမှန်စစ်ဆေးပြီးတော့ ဘေးကင်း လုံခြုံတဲ့ လုပ်ငန်းခွင်ဖြစ်ဖို့အတွက် တည့်မတ်ပေးရန် အရေးတကြီး လိုအပ်နေတဲ့အတွက် ဒီအဆိုကို တင်သွင်း ရခြင်းဖြစ်ပါတယ်ရှင်"

မဘိန်းမဲဆန္ဒနယ် ပြည်သူ့လွှတ်တော်ကိုယ်စားလှယ် ဦးအောင်မြင့်ရှိန်က မြန်မာနိုင်ငံအတွင်းမှာ အင်းဝအပ်ချုပ်ဆိုင် အမှုတွေလို လူတွေမသိတဲ့ကိစ္စတွေ များစွာရှိနိုင်ကြောင်း၊ အလုပ်သမားဦးစီးဌာနအနေနဲ့ အလုပ်သမားမှတ်ပုံတဲ့ လုပ်ငန်းကို ထိထိရောက်ရောက်လုပ်ကိုင်ပေးဖို့ လိုအပ်ကြောင်း ထောက်ခံဆွေးနွေးသွားပါတယ်။

ပြီးခဲ့တဲ့ ၂၀၁၃ ခုနှစ်က ပြဌာန်းထားတဲ့ အနည်းဆုံးအခကြေးငွေဥပဒေမှာ အိမ်အကူအလုပ်သမားတွေအတွက် ထည့်သွင်းထားပေမယ့် အိမ်အကူအလုပ်သမားတွေကို သီးသန့်အကာအကွယ်ပေးမယ့် ဥပဒေစည်မျဉ်း စည်းကမ်းတွေမရှိကြောင်းနဲ့ ပြည်တွင်းအိမ်အကူလုပ်ငန်းတွေအတွက် တရားဝင်မှတ်ပုံတင်ထားတဲ့ အိမ်အကူရှာဖွေရေးအေဂျင်စီတွေလည်း မရှိကြောင်း ဒေါ်အေးမြမြမျိုး က ထည့်သွင်းပြောဆိုသွားပါတယ်။

မြန်မနိုင်ငံမှာ ဥပဒေတွေရဲ့ အားနည်းချက်ကြောင့် အသက်မပြည့်တဲ့ အိမ်အကူတွေကို အလုပ်ရှင်နဲ့ အိမ်ရှင်တွေက ညှဉ်ပန်းနှိပ်စက်မှုတွေ မကြာခဏဖြစ်ပေါ်နေတာဖြစ်ပါတယ်။

ဒေါ်အေးမြမြမျိုးတင်သွင်းတဲ့အဆိုကို ဆွေးနွေးမယ့်ကိုယ်စားလှယ်တွေအနေနဲ့ မနက်ဖြန် နောက်ဆုံး စာရင်းပေး ပို့ရမှာကြောင်း ပြည်သူ့လွှတ်တော်ကိုယ်စားလှယ် ဦးဝင်းမြင့်က ပြောဆိုသွားပါတယ်။

RFA



တိုက်ခိုက်မှုတွေနောက်ပိုင်း ရိုဟင်ဂျာတချို့ အိုးအိမ်စွန့်ထွက်ပြေးခဲ့
အောက်တိုဘာလ ၉ ရက်နေ့က ရခိုင်ပြည်နယ် မောင်တောမြို့နယ်မှာ နယ်ခြားစောင့်ရဲစခန်းတချို့ အကြမ်းဖက် တိုက်ခိုက်ခံခဲ့ပြီးတဲ့နောက်ပိုင်း အစိုးရ လုံခြုံရေးတပ်ဖွဲ့ဝင်တွေရဲ့ ရှင်းလင်းမှုတွေအတွင်း ဖြစ်ပွားနေတဲ့ တိုက်ခိုက်မှုတွေကြောင့် ဘင်္ဂလားဒေ့ရ်ှဘက်ကို ရိုဟင်ဂျာတွေ ထွက်ပြေးလာနေတယ်ဆိုတဲ့ သတင်းတွေ ထွက်ပေါ်နေပါတယ်။

ဒီလို ထွက်ပြေးလာသူတွေကို ဘင်္ဂလားဒေ့ရ်ှနိုင်ငံတွင်းကို ဝင်ရောက်မလာအောင် တားဆီးကာကွယ်နိုင်ရေး အတွက် နယ်ခြားစောင့်တပ်က တပ်ဖွဲ့ဝင်အင်အားတွေကို နယ်စပ်မှာ တိုးချသွားမယ်လို့ ဘင်္ဂလာဒေ့ရှ် အာဏာပိုင်တွေက ထုတ်ဖော်ပြောဆိုလိုက်ပါတယ်။

အခု အသစ်ချမယ့် တပ်ဖွဲ့ဝင်တွေဟာ နယ်စပ်ကို ဝင်ရောက်လာတဲ့သူတွေကို တားဆီးဖို့ သာမက ဒေသခံ လူထုကိုလည်း မြန်မာဘက်က တရားမဝင် ဝင်ရောက်လာသူတွေ လက်မခံဖို့ နဲ့ ဆန့်ကျင်ကြဖို့ စည်းရုံး ဆော်သြမှုတွေကိုလည်း နယ်စပ်တစ်လျှောက်မှာ ပြုလုပ်သွားမယ်လို့ ဆိုပါတယ်။

တနေ့ညက လှေနဲ့ဝင်လာတဲ့ ရိုဟင်ဂျာတွေကို ဘင်္ဂလားဒေ့ရှ် နယ်ခြားစောင့်တပ်တွေက အဝင်မခံဘဲ ပြန်လွှတ်ခဲ့တယ်လို့ ဘင်္ဂလာဒေ့ရ်ှနိုင်ငံ တက်ကနက်မြို့နယ် မြစ်နားရွာက ရခိုင်အမျိုးသား လူကြီးတဦးက ဘီဘီစီကို ပြောပါတယ်။

ဘင်္ဂလားဒေ့ရ်ှကို အရင်ကလည်း မြန်မာဘက်ကနေ တရားမဝင် ဝင်ရောက်ခဲ့တာ ရှိပေမယ့် အောက်တိုဘာ ၉ ရက် အကြမ်းဖက်မှု ဖြစ်ပွားပြီးတဲ့ နောက် ထွက်ပြေးခိုးဝင်လာသူ ပိုများလာတယ်လို့လဲ တက်ကနက် နယ်ခြားစောင့်တပ် (BGB 2) မှ တပ်ရင်းမှူး ဗိုလ်မှူးချုပ် Abu Zar Al Jahid က ဘင်္ဂလားဒေ့ရှ် မီဒီယာတွေကို ပြောဆိုခဲ့ပါတယ်။

BBC Burmese
http://www.bbc.com/burmese



အလက်ပ်ပို အရှေ့ဘက်ခြမ်း နယ်မြေတွေကို ဆီးရီးယား အစိုးရတပ်က ပြန်လည် တိုက်ခိုက်
ဆီးရီးယား နိုင်ငံ အလက်ပ်ပို မြို့မှာ သူပုန် ထိန်းချုပ် နယ်မြေတွေကို တိုက်ခိုက် လာခဲ့ပြန်တဲ့ ဗုံးကြဲမှုတွေ၊ လက်နက်ကြီး ပစ်ခတ်မှုတွေကြောင့် အခု နောက်ဆုံး ဖြစ်ရပ် တွေ အတွင်း အရပ်သား ၂၅ ယောက် သေဆုံး ခဲ့ရတယ်လို့ ဆီးရီးယား အရေး စောင့်ကြည့် နေသူတွေက ပြောပါတယ်။

ပြီးခဲ့တဲ့ အင်္ဂါနေ့ နိုဝင်ဘာ ၁၅ ရက် က စပြီး အလက်ပ်ပို အရှေ့ဘက်ခြမ်း နယ်မြေတွေကို ဆီးရီးယား အစိုးရတပ်က ပြန်လည် တိုက်ခိုက် လာတာ ဖြစ်ပါတယ်။

အဲဒီ အင်္ဂါနေ့က စလို့ ၃ ရက် အတွင်း သေဆုံးသူ အနည်းဆုံး အယောက် ၆ဝ ရှိနေပြီ ဖြစ်တယ် ဆိုပြီး ဆီးရီးယား လူ့ အခွင့်အရေး ဆိုင်ရာ စောင့်ကြည့်ရေး အဖွဲ့က ပြောပါတယ်။

အရှေ့ဘက်ခြမ်း နယ်တွေထဲ စည်းပိုင်းဗုံးတွေ ဖြုတ်ချ ပေါက်ကွဲသံတွေကို ကြားနေ ခဲ့ရတယ်လို့ သတင်းထောက်တွေက ဆိုပါတယ်။

ဒါ့အပြင် အလက်ပ်ပိုကို ချိန်ရွယ် ပစ်ခတ်နေတဲ့ ရုရှားရဲ့ ခရူ့ဇ် ဒုံးကျည် တစ်စင်းကိုလည်း တွေ့ခဲ့ ကြရပါတယ်။

ဒုံးကျည်ဟာ မြို့ကို ပစ်မှတ်ထား တိုက်ခိုက်တာ မဟုတ်ဘူးလို့ မော်စကို အစိုးရက အစောပိုင်းက ထုတ်ပြန် ထားပါတယ်။

BBC Burmese
http://www.bbc.com/burmese


အမေရိကန်အစိုးရသစ် အုပ်ချုပ်မှုအောက်မှာ အမေရိကန်နဲ့ အာရှ ပစိဖိတ် ဒေသ မဟာမိတ်ကြားက စစ်ရေး ဆက်ဆံရေးတွေဟာ ဘာမှ အပြောင်းအလဲရှိမှာမဟုတ်ဘူးလို့ အမေရိကန် ပစိဖိတ်ဒေသ ၀န်းကျင်စစ်ဌာနချုပ်အကြီးအကဲ ရေတပ်ဗိုလ်ချုပ်ကြီး Harry Harris ကပြောပါတယ်။ ဒါ့အပြင် အာရှ ပစိဖိတ် ဒေသအတွင်းမှာ မြောက်ကိုရီးယား၊ တရုတ် နိုင်ငံနဲ့ အိုင်အက်စစ်သွေးကြွတွေရဲ့ အန္တရာယ်နဲ့ပတ်သက်ပြီး စိုးရိမ်မကင်းဖြစ်ရသလို၊ အာဆီယံအသင်းနဲ့လည်း လုံခြုံရေးပူးပေါင်းဆောင်ရွက်မှုတွေထားရှိနိုင်အောင် မျှော်လင့်ကြောင်း ရေတပ်ဗိုလ်ချုပ်ကြီး Harris က ပြောပါတယ်။ အသေးစိတ်ကိုတော့ ရှားဖောင်က စုစည်းတင်ပြထားပါတယ်။

ဇန်န၀ါရီလ ၂၀ ရက်နေ့မှာတက်လာမယ့် ရွေးကောက်ခံသမ္မတသစ် Donald Trump ရဲ့ နိုင်ငံခြားရေးရာ ဆိုင်ရာမူဝါဒတွေနဲ့ ပတ်သက်ပြီး အာရှ-ပစိဖိတ်ဒေသတွင်းနဲ့ မဟာမိတ်အဖွဲ့တွေက စိုးရိမ်မှုတွေရှိနေတဲ့အချိန်မှာပဲ အာရှ ပစိဖိတ် ဒေသတွင်း မဟာမိတ်တွေအပေါ် အမေရိကန်ရဲ့ ထောက်ခံမှုဟာ ဆက်လက်ခိုင်မြဲသွားမှာဖြစ်တယ်လို့ အမေရိကန် ပစိဖိတ်ဒေသ ၀န်းကျင်စစ်ဌာနချုပ်အကြီးအကဲ ရေတပ်ဗိုလ်ချုပ်ကြီး Harry Harris က အင်္ဂါနေ့က ၀ါရှင်တန် ဒီစီမှာ ကျင်းပတဲ့ ကာကွယ်ရေးဆိုင်ရာ Defense One နှစ်ပတ်လည် ညီလာခံမှာ ပြောဆိုသွားပါတယ်။

“အိန္ဒိယနဲ့ အာရှပစိဖိတ်ဝန်းကျင်းရှိ မဟာမိတ်တွေနဲ့ မိတ်ဆွေနိုင်ငံတွေအပေါ် အမေရိကန်အနေနဲ့ ခိုင်မာတဲ့ သံန်နိဋ်ဋ္ဌာန်ကို ဆက်လက် ထားရှိသွားမယ်ဆိုတာ သံသယဖြစ်စရာမလိုပါဘူး။ အဲဒီဒေသမှာ အမေရိကန်ရဲ့ ပါဝင်ပတ်သက်မှုဟာ လိုအပ်တဲ့အပြင် အရေးကြီးတယ်ဆိုတာ အခိုအမာယုံကြည်ထားပါတယ်။ သမိုင်းကြောင်းအရ အဲဒီဒေသမှာ ဆယ်စုနှစ်ပေါင်းများစွာ အမေရိကန်က ဆောင်ရွက်ပေးတဲ့ အကျိုးသက်ရောက်မှုတွေက သက်သေထူနေတာလည်းဖြစ်ပါတယ်။”

အင်္ဂါနေ့မှာ ပြုလုပ်တဲ့ ကာကွယ်ရေးဆိုင်ရာ ညီလာခံအတွင်းမှာ မြောက်ကိုရီးယားရဲ့ နျူကလီးယား ဒုံးကျဉ်စမ်းသပ်မှုအစီအစဉ်နဲ့ တောင်တရုတ်ပင်လယ်ပင်ရေးအနဲ့ ပတ်သက်ပြီး မြောက်ကိုရီးယားနဲ့ တရုတ် တို့ရဲ့ ဒေသတွင်း လုံခြုံရေး ငြိမ်းခြောက်မှုတွေအပေါ်မှာ စိုးရိမ်မှုတွေရှိနေတယ်လို့လည်း ရေတပ်ဗိုလ်ချုပ်ကြီး Harris က မီးမောင်းတိုးပြောဆိုခဲ့ပါတယ်။ ဒါပေမယ့် ဂျပန်၊ တောင်ကိုရီးယား၊ သြစတြေးလျ နဲ့ ဖိလစ်ပိုင်လို မဟာမိတ်နိုင်ငံတွေရဲ့ ခိုင်မာစွာရပ်တည်မှုကြောင့် အားတက်ရတယ်လို့လည်း ရေတပ်ဗိုလ်ချုပ်ကြီး Harris ကပြောပါတယ်။

“ကျနော့်အနေနဲ့ မြောက်ကိုရီးယားနဲ့ပတ်သက်လို့ သူ့မှာရှိတဲ့ လက်နက်တွေနဲ့ နျူကလီးယားစမ်းသပ်မှု ကိစ္စတွေကို စိုးရိမ်မကင်း ဖြစ်ပါတယ်။ တရုတ်က ဒေသတွင်းမှာ အတင့်ရဲလုပ်ဆောင်မှုတွေအပြင် IS အကြမ်းဖက်လှုပ်ရှားမှု အဲဒီအာရှဒေသကို ကူးဆက်ပျံ့နှံ့နိုင်မယ့်အလားအလာကိုလည်း ကျနော်စိုးရိမ်ပါတယ်။ တချိန်တည်းမှာပဲ အမေရိကန်နဲ့ ဂျပန်ဆက်ဆံရေးဟာ အားကောင်းသလို ဂျပန်၊ တောင်ကိုရီးယားနဲ့ သုံးနိုင်ငံ လုံခြုံရေးပူးပေါင်းဆောင်ရွက်မှု သြစတြေးလျနဲ့ မဟာမိတ်ဆက်ဆံရေးအပြင် အင်အားတက်သစ်စ အိန္ဒိယနဲ့ ဗီယက်နမ်တို့နဲ့ ဆက်ဆံရေးလည်း တိုးတက်နေပါတယ်။”

နိုင်ငံခြားရေး ဆက်ဆံရေးနဲ့ပတ်သက်ပြီး ရွေးကောက်ခံသမ္မတသစ် Donald Trump ဟာ တရုတ်သမ္မတ ရှီကျင်းပင်နဲ့ တောင်ကိုရီးယားသမ္မတ Park Geun-hye အပါအ၀င် နိုင်ငံခြားခေါင်းဆောင် တွေနဲ့ စကားပြောဆိုခဲ့ပြီးဖြစ်ပါတယ်။ ဒီကနေ့ ကြာသာပတေးနေ့မှာတော့ ဂျပန်နိုင်ငံ ၀န်ကြီးချုပ် ရှင်ဇိုအာဘေနဲ့ စကားပြောဖို့ရှိပါတယ်။

ရွေးကောက်ခံသမ္မတသစ် Donald Trump အနေနဲ့ အစိုးရတာဝန်စတင်ထမ်းဆောင်ရာမှာ ချက်ခြင်း ရင်ဆိုင်ရာရမယ့် စိန်ခေါ်မှုတွေကတော့ အမေရိကန်ပြည်ထောင်စုက ဦးဆောင်တဲ့ အိုင်အက်စ် စစ်သွေးကြွတိုက်ခိုက်ချေမှုန်းရေး၊ ဆီးရီးယားနိုင်ငံပြည်တွင်းစစ်နဲ့ အာဖဂန် နစ္စတန်နိုင်ငံအတွင်း အမေရိကန်ရဲ့ ဆက်လက်ပါဝင်မှု အခန်းကဏ္ဍတွေအပြင်၊ ကာကွယ်ရေးနဲ့ နိုင်ငံခြားရေးဆိုင်ရာ ကိစ္စရပ်တွေပါဝင်ပါတယ်။

အာရှပစိဖိတ်အတွင်းက လက်ရှိအခြေအနေနဲ့ ရှေ့ဆက်ဖြစ်ပေါ်လာမယ့် စိန်ခေါ်မှုတွေနဲ့ ပတ်သက်ပြီး အမေရိကန်ပြည်ထောင်စုကို လိုအပ်တဲ့ အခန်းကဏ္ဍတဲ့ပတ်သက်ပြီးတော့လည်း ရေတပ်ဗိုလ်ချုပ်ကြီး Harris က ထည့်သွင်းပြောဆိုသွားပါတယ်။ အရှေ့တောင်နဲ့ တောင်အာရှ နိုင်ငံက အစွန်းရောက်အကြမ်းဖက်မှုဝါဒ အန္တရာယ်တွေကို မဟာမိတ်တွေနဲ့အတူ ချေမှုန်းသွားမယ်လို့လည်း ရေတပ်ဗိုလ်ချုပ်ကြီးကပြောပါတယ်။

ဒါ့အပြင် အရှေ့တောင်အာရှနိုင်ငံများအသင်း ASEAN ဟာ နေတိုး - မြောက်အတ္တလန္တိတ်စာချုပ်အဖွဲ့လို စစ်ရေးမဟာမိတ် စာချုပ် ချုပ်ဆိုထားတာ မဟုတ်ပေမယ့်လည်း ဒေသတွင်း ဒီထက်ကောင်းမွန်တဲ့ စစ်ရေးပူးပေါင်းဆောင်ရွက်မှု ရှိလာနိုင်ကြောင်း ရေတပ်ဗိုလ်ချုပ်ကြီး Harris က ပြောပါတယ်။

“အာဆီယံအကြောင်း ကျနော်တို့ ပြောကြတဲ့အခါ အမေရိကန်အနေနဲ့ အာဆီယံအတွက် လုပ်ပေးနိုင်သမျှကို လုပ်ပေးသင့်ပါတယ်။ ဒီနေရာမှာ စစ်ဘက်ဆက်ဆံရေးမှာလည်း ပူးပေါင်းဆောင်ရွက်မှု အမျိုးမျိုးလုပ်နိုင်ပါတယ်။ နေတိုးအဖွဲ့ကြီးလို လုံခြုံရေးဆိုင်ရာ အဖွဲ့အကြီးအနေအထားမျိုးအဖြစ်လည်း အာဆီယံကို ဖြစ်လာစေချင်ပါတယ်။”

အာဆီယံနဲ့ အမေရိကန် စစ်ဖက်ဆက်ဆံရေးနဲ့ပတ်သက်ပြီး ဒေသတွင်းမှာရင်ဆိုင်နေရတဲ့ မလက်ကာ ရေလက်ကြားက ပင်လယ်ဓားပြ ပြဿနာမျိုးတွေမှာဆိုင်ရင် စင်္ကာပူ၊ မလေးရှားနဲ့ ဖိလစ်ပိုင် နိုင်ငံတွေနဲ့ မဟာမိတ်လို ပူးပေါင်းမှုတွေရှိခဲ့တာကို ရေတပ်ဗိုလ်ချုပ်ကြီး Harris က ဥပမာပေးပြီး ပြောဆိုခဲ့ပါတယ်။ ဒါဟာကိုကြည့်ခြင်းအားဖြင့် အမေရိကန်ရဲ့ စစ်ရေးပူးပေါင်းဆောင်ရွက်မှုတွေဟာ ဖြစ်နိုင်တယ်ဆိုတာပြသနေတယ်လို့ဆိုပါတယ်။

ဖိလစ်ပိုင် သမ္မတ Rodrigo Duterte က အမေရိကန်နဲ့ ဖိလစ်ပိုင်နိုင်ငံအကြား ဆက်ဆံရေးတင်းမာစေတဲ့ အမေရိကန်အပေါ် ဝေဖန် ရှုတ်ချပြောဆိုမှုတွေဟာ သူ့တို့အတွက် စိတ်ကသိကအောက်ဖြစ်ရမယ့် အမေရိကန်ပြည်ထောင်စုနဲ့ ဖိလစ်ပိုင်အကြား စစ်ရေးမဟာမိတ်ဆက်ဆံရေးဟာ အခိုင်အမာ တည်ရှိနေသလို ဖိလစ်ပိုင်စစ်တပ်အရာရှိတွေနဲ့ ပုဂ္ဂိုလ်ရေးရင်းနှီးမှုတွေကလည်း ရှိနေတယ်လို့ အမေရိကန် ပစိဖိတ်ဒေသ ၀န်းကျင်စစ်ဌာနချုပ် အကြီးအကဲ ရေတပ်ဗိုလ်ချုပ်ကြီး Harry Harris ကပြောပါတယ်။
VOA Burmese News


ဂျာမနီနိုင်ငံရောက် အိုဘားမား
ဂျာမနီနိုင်ငံရောက် အိုဘားမား

အမေရိကန်ပြည်ထောင်စုဟာ ကမ္ဘာကြီးနဲ့ ဆက်ပြီး ထိတွေ့ဆက်ဆံသွားမှာဖြစ်တယ်ဆိုတာ ဂျာမန်တွေနဲ့ ဥရောပတိုက်သားတွေ အကုန်လုံးကို အလေးအနက် ပြောဆိုပြီး အမေရိကန်နဲ့ ဥရောပအကြား ခိုင်မာတဲ့ ညီညွတ်မှုနဲ့ ပူးပေါင်းဆောင်ရွက်မှုအပေါ် သမ္မတ ဘရာ့ခ် အိုဘားမားက ဂျာမနီနိုင်ငံခရီးစဉ်အတွင်း အထူးအလေးပေးပြောဆိုပါတယ်။

သမ္မတအိုဘားမားဟာ သူ့ရဲ့ သမ္မတသက်တမ်းအတွင်း နောက်ဆုံး ပြည်ပခရီးစဉ်မှာ ဂျာမနီနိုင်ငံကို အဓိက ခရီးတထောက် အဖြစ် ရွေးချယ်ခဲ့တာပါ။ ဂျာမနီဟာ ဥရောပရဲ့ ထိပ်တန်းစီးပွားရေးနိုင်ငံ၊ အမေရိကန်ရဲ့ အဓိကကုန်သွယ်ဖက်နိုင်ငံဖြစ်သလို မြောက်အတ္တလန်တိတ်စာချုပ် NATO အဖွဲ့မှာ အရေးပါတဲ့အဖွဲ့ဝင်တဦးဖြစ်ပြီး အမေရိကန်တပ်ဖွဲ့ဝင် ထောင်ပေါင်းများစွာကို လက်ခံထားတဲ့နိုင်ငံလည်းဖြစ်ပါတယ်။

အမျိုးသားရေးဝါဒီ လှုပ်ရှားမှုတွေ အားကောင်းလာနေတဲ့ ဥရောပမှာ ဂျာမန်ဝန်ကြီးချုပ် အန်ဂလာ မာကဲလ်ဟာ လစ်ဘရယ်ဝါဒီ တွေအတွက် အထင်ရှားဆုံး ခေါင်းဆောင်တဦးအဖြစ် ပေါ်ထွက်လာနိုင်ခြေရှိတယ်လို့လည်း လေ့လာသူတွေက သုံးသပ်ထားပါ တယ်။ သမ္မတအိုဘားမားရဲ့ အခု နောက်ဆုံးခရီးစဉ်ဟာ ဂျာမနီနိုင်ငံကိုသွားတဲ့ ခြောက်ကြိမ်မြောက် ခရီးစဉ်ပါ။ ဥရောပတိုက်နဲ့ ပူးပေါင်း ဆောင်ရွက်ရေး၊ ထိတွေ့ဆက်ဆံရေးတို့အပေါ် အမေရိကန်ရဲ့ သန္နိဋ္ဌာန်ကို အခိုင်အမာ ထပ်ပြီးပြသလိုက်တာလည်း ဖြစ်ပါတယ်။

ကမ္ဘာတလွှား ပေါင်းကူးဆက်သွယ် လုပ်ဆောင်မှု Globalization ဟာ နောက်ကြောင်းပြန်လှည့်မှာ မဟုတ်ဘူးလို့ သမ္မတအိုဘားမားနဲ့ ဂျာမန်ဝန်ကြီးချုပ် အန်ဂလာ မာကဲလ်တို့ ဂျာမန်သတင်းစာ Wirtschaftswoche မှာ ပူးတွဲရေးသားတဲ့ ထင်မြင်ချက် ဆောင်းပါးထဲ ထည့်ရေးထားပါတယ်။

VOA Burmese News



(မြင်းလွတ် အလကကျောင်းပုံ/ ဓာတ်ပုံ- facebook)
နိရဉ္စရာ၊ နိုဝင်ဘာ ၁၇

ရခိုင်ပြည်နယ် မောင်တောမြို့ရှိ မြင်းလွတ် ဘင်္ဂလီကျေးရွာ အလယ်ကျောင်း ဆရာ ဆရာမ နေထိုင်သော အဆောင် တစ်ဆောင် ယနေ့ ညနေ ၇ နာရီခန့်က ထပ်မံ မီးရှို့ခံရကြာင်း သတင်းရရှိသည်။

အနီးအနားရှိ ဦးဒေါင်းကျေးရွာသို့ဆက်သွယ်ရာ ရပ်ရွာလူကြီး ဖြစ်သူ ဦးတင်မောင်မှ မီးရှို့ခံရခြင်းမှာ ဟုတ်မှန်ကြောင်း၊ ၎င်းအဆောင်မှာ ကျေးရွာ ရယကစာရေးနှင့် သူ၏ ဇနီးဖြစ်သူ ကျောင်းဆရာမတို့ နေထိုင်ခဲ့သော အဆောင်ဖြစ်ကြောင်း၊ ဆရာ ဆရာမများမှာ အောက်တိုဘာ ၉ ရက် နယ်ခြားစောင့် စခန်းများ အကြမ်းဖက်စီးနင်း မှု ဖြစ်ပွားပြီးကတည်းက ၎င်းရွာတွင် နေထိုင်၍ မရှိတော့ကြောင်း သူက ပြောကြားသည်။

၎င်းက “ ၇ နာရီကျော်လောက်မှာ မီးလောင်တဲ့ နေရာ က မီးရောင်တွေကို ကျွန်တော်တို့ ရွာက မြင်ရပါတယ်။ နာရီဝက်လောက်လောင်ပြီ ငြိမ်းသွားပါတယ်။ ဘယ်သူမီးရှို့သလဲဆိုတော့ တိတိကျကျ မသိရသေးပါဘူး။ အဲဒီမှာ ရခိုင်လဲ မရှိဘူးဆိုတော့ အကြမ်းဖက်သမားတွေကဘဲ တိုက်တာ ဖြစ်မှာပါ” ဟု ပြောဆိုသည်။

မောင်တောမြို့နယ် ပညာရေးမှူးရုံးသို့ မီးလောင်မှုနှင့် ပတ်သက်ပြီး ဆက်သွယ်မေးမြန်းရာ သက်ဆိုင်ရာ တာဝန်ရှိသူ ဆရာတစ်ဦးမှ မီးလောင်မှုမှာ မှန်ကန်ကြောင်း နိရဉ္စရာသို့ ပြောဆိုသည်။

“မီးရှို့ခံရတယ်ဆိုတယ်လို့ သိရပါတယ်။ ကျန်တာကတော့ မသိရသေးဘူး။ ပြီးခဲ့တဲ့ နိုဝင်ဘာလ ၇ ရက်နေ့က မီးရှို့ခံရစဉ်က မီးကူးစက် မလောင်ကျွမ်းဘဲ ကျန်ခဲ့တဲ့ အဆောင်ပါ” ဟု ပြောကြားသည်။

၎င်းမြင်းလွတ်ကျေးရွာမှာ နိုဝင်ဘာ ၇ရက်နေ့ကလဲ မီးရှို့မှု ဖြစ်ပွားခဲ့ရာ ဆရာ ဆရာမများ နေထိုင်သည့် နှစ်ခန်းတွဲ အဆောင်တစ်ဆောင် လုံးဝမီးလောင် ပြာကျသွားပြီး၊ ၄ ခန်းတွဲ တစ်ဆောင်တွင်မူ အခန်း၂ လုံးဝ မီးလောင်သွားခဲ့သည်။

ယခုမီးလောင်မှုနှင့် ပတ်သက်ပြီး ဒေသ အာဏာပိုင်များနှင့် အဆက်အသွယ် မရရှိသဖြင့် ပျက်စီးဆုံးရှုံးခဲ့သည့် တန်ဖိုးကို ဖော်ပြနိုင်ခြင်း မရှိပါ။

ရွှေရအောင်(တောင်ကုတ်)
Narinjara
https://www.facebook.com/Narinjara



ဂျပန်ဝန်ကြီးချုပ်အာဘေး
ဂျပန်ဝန်ကြီးချုပ် Shinzo Abe နဲ့ အမေရိကန်ရွေးကောက်ခံသမ္မတ Donald Trump တို့ ဒီကနေ့ တွေ့ဆုံဖို့ရှိပြီး ဂျပန်နဲ့ အမေရိကန်အကြား လုံခြုံရေးဆိုင်ရာ မဟာမိတ်ဖြစ်မှုရဲ့ အရေးပါပုံကို ဂျပန်ဝန်ကြီးချုပ်က အထူး အလေးထားပြောမယ်လို့ ခန့်မှန်းထားကြပါတယ်။

ပြီးခဲ့တဲ့သီတင်းပတ် ရွေးကောက်ပွဲမှာ အနိုင်ရပြီးကတည်းကဆိုရင် မစ္စတာ Trump ဟာ ကမ္ဘာ့ခေါင်းဆောင် အတော်များများနဲ့ တယ်လီဖုန်းကတဆင့် စကားပြောပြီးပါပြီ။ အဲဒီထဲမှာ အီဂျစ်သမ္မတ Abdel Fattah el-Sissi, ဂျာမန်ဝန်ကြီးချုပ် အန်ဂလာ မာကဲလ်နဲ့ ရုရှားသမ္မတ ဗလာဒီမီယာ ပူတင်တို့လည်း ပါဝင်ပါတယ်။ ဒါပေမဲ့လည်း အခု ဂျပန်ဝန်ကြီးချုပ် Abe နဲ့ကတော့ ဇန်န၀ါရီ လမှာ သမ္မတသက်တမ်း မစတင်ခင် ပထမဆုံး လူကိုယ်တိုင် တွေ့ဆုံတာဖြစ်ပါမယ်။

အခုတွေ့ဆုံပွဲမှာ အနာဂတ်အတွက် သူ့ရဲ့အမြင်ကို မစ္စတာ Trump နဲ့ ဆွေးနွေးချင်တယ်လို့ ဂျပန်ကနေ မထွက်ခင်မှာ မစ္စတာ Abe က ပြောပါတယ်။

ယုံကြည်မှုပေါ်မှာသာ မဟာမိတ်ကို တည်ဆောက်လို့ရကြောင်း၊ ဒါကြောင့် အဲဒီယုံကြည်မှုကို သမ္မတ Trump နဲ့ တည်ဆောက် ချင်ကြောင်း၊ အဲဒီပေါ်အခြေခံပြီး ကမ္ဘာ့ငြိမ်းချမ်းရေးနဲ့ သာယာဝပြောရေးအတွက် အတူတကွ လက်တွဲ လုပ်ဆောင်သွားချင် ကြောင်း မစ္စတာ Abe က ပြောပါတယ်။

အမေရိကန်ဟာ ဂျပန်ကို အကာအကွယ်ပေးဖို့ သိပ်လုပ်နေရတယ်လို့ဆိုပြီး အမေရိကန်-ဂျပန်ဆက်ဆံရေးအပေါ် မစ္စတာ Trump က ရွေးကောက်ပွဲမဲဆွယ်ကာလအတွင်း မေးခွန်းထုတ်တာတွေ ရှိခဲ့ဖူးပါတယ်။

 ဗွီအိုအေ (မြန်မာပိုင်း)
http://burmese.voanews.com

အမေရိကန်ကူးသန်းရောင်းဝယ်ရေးဌာနနဲ့ မြန်မာ UMFCCI တို့ နားလည်မှုစာချွန်လွှာ လက်မှတ်ထိုး
အမေရိကန်ကူးသန်းရောင်းဝယ်ရေးဌာနနဲ့ မြန်မာ UMFCCI တို့ နားလည်မှုစာချွန်လွှာ လက်မှတ်ထိုး
အမေရိကန်ကူးသန်းရောင်းဝယ်ရေးဌာန နဲ့ မြန်မာနိုင်ငံကုန်သည်များနဲ့ စက်မှုလက်မှုလုပ်ငန်းရှင်များအသင်းချုပ် UMFCCI တို့ ပူးပေါင်းဆောင်ရွက်ရေး နားလည်မှုစာချွန်လွှာ ဒီကနေ့လက်မှတ်ရေးထိုးပါတယ်။ ကဏ္ဍပေါင်းစုံ ပူးပေါင်းဆောင်ရွက်ရေးအတွက် အခုလိုလက်မှတ်ရေးထိုးတာဖြစ်ပြီး မြန်မာလူထုအပါအ၀င် လုပ်ငန်းရှင်တွေအတွက် အခွင့်အလမ်းတွေ ပိုကောင်းလာမယ်လို့ UMFCCI တာဝန်ရှိသူတွေက ပြောပါတယ်။ ကိုအောင်အောင်က ဆက်သွယ်မေးမြန်းတင်ပြပေးထားပါတယ်။

အမေရိကန်ကူးသန်းရောင်းရေးဌာန ဒုတိယ လက်ထောက်ဝန်ကြီး Diane Farrell နဲ့ မြန်မာနိုင်ငံကုန်သည်များနဲ့ စက်မှုလက်မှုလုပ်ငန်းရှင်များအသင်းချုပ် UMFCCI ဥက္ကဌ ဦးဇော်မင်းဝင်းတို့ဟာ ပူးပေါင်းဆောင်ရွက်ရေး သဘောတူစာချုပ်ကို ရန်ကုန်မြို့မှာ ဒီကနေ့ လက်မှတ်ရေးထိုးလိုက်ပါတယ်။ အမေရိကန် အစိုးရ၀န်ကြီးဌာနတခုနဲ့ ပထမဆုံးအကြိမ် လက်မှတ်ရေးထိုးခဲ့တာမှာ ပါဝင်တဲ့အကြောင်းအရာတွေနဲ့ ပတ်သက်လို့ UMFCCI ရဲ့ ဒုတိယ ဥက္ကဌ ဒေါက်တာ မောင်မောင်လေးက အခုလိုပြောပါတယ်။

“ ပါဝါတို့၊ Energy တို့ ၊ Aviation တို့ကို ဆက်လက်ပြီးတော့ ပူးပြောင်းဆောင်ရွက်ပြီးတော့ ကုန်သွယ်ရေးဌာနနဲ့ UMFCCI တို့နဲ့အတူတူ လက်တွဲပြီးတော့ ရှေ့ဆက်လုပ်ဖို့ပေါ့နော်။ ဒါကိုStatement of Intent (SOI) ထိုးတာပါ။”

မကြာသေးခင်လပိုင်းတွေအတွင်းကပဲ အမေရိကန်သမ္မတ Barack Obama က မြန်မာနိုင်ငံအပေါ် ချမှတ်ထားတဲ့ စီးပွါးရေးပိတ်ဆို့ဒဏ်ခတ်မှုတွေကို ဖြေလျှော့ပေးခဲ့ပြီးနောက် ကုန်သွယ်ရေးဆိုင်ရာအထူးကင်းလွတ်ခွင့် (GSP) လည်း ရရှိခဲ့ပါတယ်။ ဒီလိုအခြေအနေအောက်မှာ အခုလိုလက်မှတ်ရေးထိုးနိုင်တာဟာ ၂ နိုင်ငံကြား ပုဂ္ဂလိကကဏ္ဍ ပူးပေါင်းဆောင်ရွက်မှု ရလဒ် ဖြစ်ကြောင်း ဒုလက်ထောက် နိုင်ငံခြားရေးဝန်ကြီး Farrell က ပြောပါတယ်။ ခုလို သဘောတူစာချုပ်တွေ ချုပ်ဆိုပြီးတဲ့နော်မှာ ပွင့်လင်းမြင်သာမှုရှိတဲ့ ရင်းနှီးမြှပ်နှံမှုလုပ်ငန်းတွေ ၀င်ရောက်လာမှာဖြစ်သလို အရည်သွေးကောင်းတဲ့ ပြည်ပပို့ကုန်တွေ ထုတ်လုပ်သွားနိုင်အောင် ကြိုးစားသွားမယ်လို့ ဒေါက်တာ မောင်မောင်လေးကပြောပါတယ်။

“Infrastructure ပေါ့ အခြေခံအဆောက်အအုံတွေမှာ အမေရိကန်နိုင်ငံက ထုတ်လုပ်တဲ့ပစ္စည်းတွေ အရည်အသွေးကောင်းမွန်တဲ့ ပစ္စည်းတွေ ၊ တာဝန်သိမှုရယ်၊ တာဝန်ယူမှုလုပ်ငန်းတွေပေါ့နော် Responsible နဲ့ Ethical ပစ္စည်းတွေ မြန်မာနိုင်ငံကို ၀င်လာဖို့ ရည်ရွယ်ပါတယ်။ သူ့တို့ကမှ တဆင့် မြန်မာနိုင်ငံရဲ့ အခြေခံအဆောက်အအုံတွေ ဖွံ့ဖြိုးလာပြီးတော့ အရည်အသွေးကောင်းမွန်တဲ့ ပစ္စည်းတွေ ကိုရမယ်၊ ရပြီးရင် မြန်မာနိုင်ငံက ပူးပေါင်းထုတ်လုပ်ဖို့ တွေဖြစ်လာမယ်။ နောက်ပိုင်းကျရင်လည်း poverty alleviation ဆိုတာ ဆင်းရဲမှုကို လျော့နည်းအောင်လို့ တဖြေးဖြေး ဖန်တီးသွားမယ်လို့ ယူဆပါတယ်။”

ဒါပေမယ့်လည်း ၁၀ စုနှစ်အတော်ကြာ နိုင်ငံတကာအသိုင်းအ၀န်းနဲ့ အဆက်အဆံပြတ်တောက်ခဲ့တဲ့ မြန်မာနိုင်ငံမှာ အခုလို အလားအလာကောင်းတွေရှိလာပေမယ့်လည်း အခြေခံအဆောက်အအုံပိုင်းနဲ့ ကျွမ်းကျင်လုပ်သားတွေ လိုအပ်နေမှုအပိုင်းမှာတော့ အတော်အားနည်းနေသေးတယ်လို့ လုပ်ငန်းရှင်တွေ၊ ပညာရှင်တွေက ထောက်ပြကြပါတယ်။ အရောင်းအ၀ယ်လုပ်ရာမှာ အဓိကကျတဲ့ ငွေပေးချေမှုစနစ်နဲ့ ပါတ်သတ်လို့ လိုအပ်ချက်တွေရှိနေသေးကြောင်း မြန်မာနိုင်ငံမွေးမြူရေးလုပ်ငန်းအဖွဲ့ချုပ် ဒုတိယဥက္ကဌ ဒေါက်တာကျော်ထင်က အခုလိုထောက်ပြပါတယ်။

“အဓိကတော့ ကျနော်တို့ ဒီလိုမျိုး ကုန်သွယ်မှုလုပ်တဲ့နေရာမှာ ကျနော်တို့ ဘဏ်စနစ်တွေပေါ့၊ ဘဏ်စနစ်က အခုအချိန်အထိ ကျနော်တို့ အမေရိကန်ပြည်ထောင်စုကို တိုက်ရိုက်လွဲနိုင်ဖို့ အခွင့်အရေးမရသေးဘူးပေါ့နော်။ အဓိက အဲဒါမျိုး မြန်မာနိုင်ငံကနေပြီးတော့ အမေရိကန်ပြည်ထောင်စုကို တိုက်ရိုက်လွဲနိုင်ဖို့ Banking system တွေ ဘဏ် နဲ့ ပတ်သက်တဲ့ အချင်းချင်း ချိတ်ဆက်မှုတွေရှိဖို့လိုတယ်ပေါ့နော်။ ဒါမှ ကျနော်တို့က ကုန်ကျတာ ပိုသက်သာလာနိုင်တယ်၊ ကျနော်တို့ ၂ ဆင့်လောက်။ တခြားနိုင်ငံတခုက ဥပမာဆို၇င် စင်္ကာပူ နေကျနော်တို့ လွှဲရတယ် ၊ နောက်တခုက ပြည်တွင်းဘဏ်နဲ့ အချိတ်အဆက်ဖြစ်ဖို့က နောက်တခုလုပ်ရတယ်ဆိုတော့ ကျနော်တို့က အဲဒီလိုမျိုး လုပ်နေရတာတွေဖြစ်နေရတယ်ပေါ့လေ။ အဆင့်တွေရှိနေတယ်ပေါ့နော် ၊ တကယ်လို့ တိုက်ရိုက်လုပ်လို့ရမယ်ဆိုရင် အဲဒီအဆင့်တွေ ပျောက်သွားတာပေါ့နော်။”

ဒုလက်ထောက်နိုင်ငံခြားရေးဝန်ကြီး Farrell နဲ့အဖွဲ့ မြန်မာနိုင်ငံကိုရောက်ရှိနေစဉ်မှာပဲ အမေရိကန်အာဆီယံ စီးပွါးရေးကောင်စီ ဥက္ကဌ Alexander Feldman နဲ့ အမေရိကန်စီးပွါးရေးလုပ်ငန်းရှင်တွေဟာ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နဲ့ မနေ့ကတွေ့ဆုံပြီး ရင်းနှီးမြှပ်နှံမှုဆိုင်ရာ ကိစ္စတွေနဲ့ ပတ်သက်ပြီး တွေ့ဆုံဆွေးနွေးခဲ့ကြပါတယ်။
VOA Burmese News


    အမေရိကန် ရွေးကောက်ပွဲတွင် ဒေါ်နယ်လ်ထရမ့် အနိုင်ရခဲ့ပြီးနောက်ပိုင်း ပထမဆုံးအကြိမ်အဖြစ် ကမ္ဘာ့နိုင်ငံ ခေါင်းဆောင်တစ်ဦးနှင့် ဆွေးနွေးတော့မည် ဖြစ်သည်။ ဂျပန်ဝန်ကြီးချုပ် ရှင်ဇိုအာဘေးသည် နိုဝင်ဘာ ၁၇ ရက်တွင် ထရမ့်နှင့် တွေ့ဆုံသွားမည်ဟု သိရသည်။

ထရမ့်သည် ရွေးကောက်ပွဲကြို မဲဆွယ်မှုများ အတွင်း၌ အမေရိကန်သည် ဂျပန်ကို လုံခြုံရေးအတွက် အာမခံချက်ပေး စောင့်ရှောက်နေရမှုမျိုး ရှေ့ဆက်ရန် မလိုလားကြောင်း၊ ဂျပန်အနေဖြင့် မိမိကိုယ်ကို ကာကွယ်ရပ်တည်သင့်ကြောင်း ပြောဆိုခဲ့ဖူးသည်။ ထိုအခြေအနေနှင့် ပတ်သက်ပြီး အာဘေးက ထရမ့်၏ ဂျပန်နှင့် မဟာမိတ် ဆက်ဆံရေးအပေါ် သဘောထား အမြင်ကို တိတိကျကျ သိရှိရန် စုံစမ်းမေးမြန်းသွားမည် ဖြစ်သည်။

အာဘေးအနေဖြင့် ထရမ့်နှင့် ဆုံတွေ့ရမည့်အပေါ် စိတ်လှုပ်ရှား ပျော်ရွှင်နေကြောင်း ဂျပန်ဝန်ကြီးချုပ်၏ အစိုးရအဖွဲ့ အထူးအကြံပေး အရာရှိ တိုမိုဟီကို တာနီဂူချီက ပြောကြားခဲ့သည်။ “ဝန်ကြီးချုပ်က မစ္စတာထရမ့်နဲ့ လက်တွဲ အလုပ်လုပ်ဖို့ မျှော်လင့်ထားပါတယ်။ အခုတွေ့ဆုံမှုဟာ ခေါင်းဆောင်နှစ်ယောက်ကြား အချင်းချင်း ပုဂ္ဂိုလ်ရေးအရ ပိုပြီး သိကျွမ်းရင်းနှီးနိုင်မယ့် အခွင့်အရေး တစ်ခုလို့ ယူဆပါတယ်”ဟုလည်း တာနီဂူချီက ဆိုသည်။

အာဘေးသည် ပီရူးနိုင်ငံတွင် အာရှ-ပစိဖိတ် စီးပွားရေး ပူးပေါင်းဆောင်ရွက်မှု ညီလာခံ တက်ရောက်နေစဉ် အတောအတွင်း ထရမ့်နှင့် တွေ့ဆုံရန် စီစဉ်ထားခြင်း ဖြစ်သည်။ ထရမ့်သည် ရွေးကောက်ပွဲ ကာလအတွင်း မဲဆွယ်စည်းရုံးရာ၌ ၎င်းသမ္မတ ဖြစ်လာပါက ပစိဖိတ်ဒေသရှိ အမေရိကန်၏ အခိုင်မာဆုံး မဟာမိတ် နှစ်နိုင်ငံဖြစ်သော ဂျပန်နှင့် တောင်ကိုရီးယားတို့မှ အမေရိကန်တပ်များ ရုပ်သိမ်းရန် ဆန္ဒရှိကြောင်း ပြောကြားခဲ့ဖူးသည်။

သို့သော် ထရမ့်အနေဖြင့် ဂျပန်-အမေရိကန် ဆက်ဆံရေးသည် နှစ်နိုင်ငံတည်း၏ ကိစ္စမဟုတ်ဘဲ အင်ဒို-ပစိဖိတ် ဒေသတစ်ခုလုံး၏ တည်ငြိမ်မှုအတွက် အလွန်အရေးကြီးသည်ကို နားလည်လာလိမ့်မည်ဟု ယုံကြည်ကြောင်း တာနီဂူချီက မှတ်ချက်ပေးခဲ့သည်။

“ဒီဒေသအပေါ် အမေရိကန်က အာရုံစိုက်နေသ၍ နေရာနဲ့ ပတ်သက်ပြီး ရွေးချယ်ရမယ့် အပိုင်းတွေ ရှိလာမှာပဲ။ ဒီဒေသမှာ ဂျပန်ထက် ပိုကောင်းတဲ့ နေရာမျိုး အမေရိကန် ရှာမတွေ့နိုင်ပါဘူး”ဟု တာနီဂူချီက ဆိုသည်။ မတ်လအတွင်းက ထရမ့်သည် CNN၏ အန်ဒါဆန် ကူးပါးနှင့် တွေ့ဆုံရာ၌ “မြောက်ကိုရီးယား အရူးထသမျှကို ဂျပန်က သူ့ဖာသာသူ ကာကွယ်တာပဲ ပိုကောင်းလိမ့်မယ်”ဟု ပြောကြားခဲ့ဖူးသည်။ ထိုအချိန်က အာဘေးသည် “အမေရိကန် သမ္မတသစ် ဘယ်သူဖြစ်ဖြစ်ပါ။ ဂျပန်-အမေရိကန် မဟာမိတ် ဆက်ဆံရေးဟာ ဂျပန်ရဲ့ သံတမန် မူဝါဒမှာ အခြေခံ အုတ်မြစ်အဖြစ် ဆက်ရှိနေပါလိမ့်မယ်”ဟု တုံ့ပြန်ခဲ့ဖူးသည်။

ဂျပန်သည် အမေရိကန် သမ္မတအဖြစ် ထရမ့် တာဝန်ယူချိန်တွင် မြောက်ကိုရီးယားနှင့် ပတ်သက်၍ မည်သို့ သဘောထား ရှိမည်ကိုလည်း တိတိကျကျ စုံစမ်းမေးမြန်းဖွယ် ရှိနေသည်။ ထရမ့်က မိမိသည် မြောက်ကိုရီးယားခေါင်းဆောင် ကင်မ်ဂျုံအန်းသာ အမေရိကန်သို့ အလည်အပတ် လာရောက်ပါက နိုင်ငံတော် ခရီးစဉ် တစ်ရပ်အဖြစ် အသိအမှတ်ပြု ကြိုဆိုရန် အသင့်ရှိကြောင်း ပြောဆိုခဲ့ဖူးသည်။

Ref: CNN
7daydaily မှ ကူးယူဖေ်ာပြသည်။


NLD ခေါင်းဆောင်များက ယင်းတို့အနေဖြင့် အမှားအယွင်းရှိပါက သဘောထားနိမ့်ကျမှုကြောင့် မဟုတ်ဘဲ အတွေ့အကြုံနည်းပါးမှုကြောင့်သာ ဖြစ်သည်ဟု ပြောကြားကြောင်း စင်ကာပူသတင်းဌာန Today နှင့် Channel News Asia တို့က ဖော်ပြထားသည်။

ပါတီဗဟိုအလုပ်အမှုဆောင် ကော်မတီဝင် ဦးဉာဏ်ဝင်းက “အတွေ့အကြုံနည်းပါးမှု။ ဒီမိုကရေစီအတွက် ဥပဒေပိုင်း အားနည်းမှု၊ အထူးသဖြင့် အခြေခံဥပဒေဆိုင်ရာ အားနည်းမှုတွေကြောင့် အခု အခြေနေက လုံလောက်တဲ့ ကောင်းမွန်မှု မရှိသေးပါဘူး” ဟု ပြောသည်။

“လူတွေက ကျွန်တော်တို့ကို အရာအားလုံး မြန်မြန်ဆန်ဆန် လုပ်စေချင်ပါတယ်။ ဒါပေမယ့် ကျွန်တော်တို့ မလုပ်နိုင်ပါဘူး။ ကျွန်တော်တို့က အမျိုးသားရင်ကြားစေ့ရေးကို ဦးစားပေးအဖြစ် ရွေးချယ်ထားပြီး စစ်တပ်နဲ့ အခြားဗျူရိုကရက်တွေ ကျွန်တော်တို့နဲ့ လက်တွဲလာဖို့ ကြိုးစားနေပါတယ်” ဟု ဦးဉာဏ်ဝင်းက ဆိုသည်။

အစိုးရအပေါ် လွတ်လပ်စွာဝေဖန်နိုင်ခွင့်နှင့် ပတ်သတ်၍ မေးမြန်းရာတွင် ဦးဉာဏ်ဝင်းက “ကျွန်တော်တို့နိုင်ငံမှာ လွတ်လပ်စွာ ထုတ်ဖော်ခွင့်ကို ကန့်သတ်တဲ့ ဥပဒေ အများအပြားရှိခဲ့ပြီး ကျွန်တော်တို့ အဲဒီဥပဒေတွေကို သိသိသာသာ လျှော့ချခဲ့ပါတယ်။ အခုဆိုရင် ဆန္ဒဖော်ထုတ်ဖို့ ခွင့်ပြုချက်ယူစရာ မလိုတော့တဲ့အတွက် ဥပဒေက အတော်လေး လှုပ်သာရှားသာ ဖြစ်လာပါပြီ” ဟုဖြေကြားသည်။

အသက် ၆၈ နှစ်ရှိ အငြိမ်းစား သင်္ဘောသားဟောင်း ဦးသိန်းမောင်က အစိုးရသစ်သည် ခြစားမှုမရှိဘဲ ပိုမိုထိရောက်မှုရှိလာသည်ဟုဆိုသည်။ ယင်းက “အခုအစိုးရက အလွန်ကောင်းပါတယ်” ဟုပြောသည်။ထို့အပြင် တန်ဖိုးနည်းအိမ်ယာ စီမံကိန်းများ၊ စက်ရုံသစ်များမှ အလုပ်အကိုင်အခွင့်အလမ်းများကြောင့် လူနေမှုအခြေအနေ ပိုမိုကောင်းမွန်လာသည်ဟု ဦးသိန်းမောင်ကဆိုသည်။

အသက် ၃၆ နှစ်ရှိ ယာဉ်မောင်း ဦးနေကြည်ဝင်းက ဒေါ်အောင်ဆန်းစုကြည်၏ ဆောင်ရွက်မှုများကို နားလည်သော်လည်း NLD အနေဖြင့် ထောက်ခံမှု အများအပြားရရှိရန် လိုအပ်နေသည်ဟု ဆိုသည်။ယင်းက “အထူးသဖြင့် မူဝါဒ ချမှတ်တဲ့ အပိုင်းပါ။ NLD အစိုးရရဲ့ အားနည်းချက်က ကွဲပြားတဲ့ ပြဿနာတွေအတွက် ပြည့်စုံတဲ့မူဝါဒ မရှိဘူးလို့ ထင်ပါတယ်”ဟု ပြောကြားသည်။

အသက် ၄၉ နှစ်ရှိ လမ်းဘေးဈေးသည် ဒေါ်ခင်ခင်မော်က အစိုးရသစ်လက်ထက်တွင် လွတ်လပ်မှု ပိုရှိလာသည်ဟု ခံစားရပြီး အာဏာပိုင်များနှင့်ဆက်ဆံရာတွင် စိုးရိမ်ကြောက်လန့်ရမှု မရှိတော့ဟု ဆိုသည်။ ယခုအခါ ဝန်ထမ်းများကို လာဘ်ပေးရန်မလိုတော့ဟု ဒေါ်ခင်ခင်မော်က ဆိုပြီး နောက်ထပ်ပြောင်းလဲမှုများအတွက် အချိန်ယူရမည်ကို နားလည်သည်ဟု ပြောကြားသည်။

ယင်းက ဒေါ်အောင်ဆန်းစုကြည် နှင့် NLD အစိုးရသည် အလုပ်အကိုင် အခွင့်အလမ်းများ ဖန်တီးကာ ဝင်ငွေတိုးတက်စေမည်ဟု ယုံကြည်ကြောင်း ပြောကြားသည်။ ထို့အပြင် သူ၏နေ့စဉ်ဝင်ငွေမှာ ၁၀၀၀၀ ကျပ်မှ ၁၅၀၀၀ ကျပ်အထိသာ ရှိသော်လည်း ရွေးကောက်ပွဲပြီးကတည်းက လုပ်ငန်းပိုမိုကောင်းမွန်လာသည်ဟု ဆိုသည်။

KHTun

Ref - Today
The Ladies News


ထိုင်း-မြန်မာနယ်စပ် မဲဆောက်မြို့မှာရှိတဲ့ မဲတော်ဆေးခန်းထူထောင်သူ ဒေါက်တာစင်သီယာမောင်ကို နိုင်ငံတကာပရဟိတအဖွဲ့တခုဖြစ်တဲ့ AidEx အဖွဲ့ကနေ ၂၀၁၆ ခုနှစ်ရဲ့ လူသားချင်းစာနာမှုသူရဲကောင်းဆု ချီးမြှင့်ခံခဲ့ရပါတယ်။

ဒီဆုရရှိမှုနဲ့ပတ်သက်လို့ ဒေါက်တာ စင်သီယာမောင်က - သူ့ဆေးခန်းမှာ နှစ်တိုင်း လူနာအရေအတွက် တိုးလာနေပြီး ဆေးခန်းအနေနဲ့ ကျန်းမာရေးလုပ်သားများကို သင်တန်းတွေ ပို့ချတဲ့အပြင် ဆေးဝါးကုသဖို့ လိုအပ်နေတဲ့ လူ့အဖွဲ့အစည်းတွေထံကိုလည်း နယ်လှည့်ကျောပိုးအိတ် ဆေးကုတဲ့အဖွဲ့တွေက သွားရောက် ကုသပေးနေတဲ့အကြောင်းနဲ့ သူ့ဆေးခန်းအနေနဲ့ ရင်ဆိုင်ရတဲ့ အကြီးမားဆုံး အကဲစမ်းမှုကတော့ အိုးအိမ်မဲ့ ဖြစ်ကြနေသူတွေရဲ့ အစားအစာ၊ ကျန်းမာရေးပြုစုစောင့်ရှောက်မှု၊ အလုပ်လက်မဲ့ဖြစ်မှုတို့အပေါ် စိုးရိမ်မကင်းဖြစ်မှုတွေကြောင့် ခံစားကြရတဲ့ ကြီးမားတဲ့ စိတ်ဒဉ်ရာရမှုတွေ ဖြစ်တယ်လို့ ပြောဆိုခဲ့ပါတယ်။

ဒါ့အပြင် ထိုင်း-မြန်မာနယ်စပ် မဲဆောက်ရှိ မဲတော်ဆေးခန်းအနေနဲ့ ဒုက္ခသည်တွေ၊ ရွှေ့ပြောင်းအလုပ်သမားတွေ လူမှုရေးနဲ့ ကျန်းမာရေးအကူအညီ လိုအပ်နေတဲ့ ကာလပတ်လုံး ဆက်လက် ရပ်တည်ပေးသွားမှာဖြစ်တယ်လို့လည်း ဒေါက်တာ စင်သီယာမောင် က ပြောဆိုခဲ့ပါတယ်။

AidEx ရဲ့ နှစ်ပတ်လည် ဆုပေးပွဲအခမ်းအနားကို နိုဝင်ဘာလ ၁၆ ရက် ဗုဒ္ဓဟူးနေ့က ဘယ်လ်ဂျီယံနိုင်ငံ ဘရတ်စဲလ်မြို့မှာ ကျင်းပခဲ့တာဖြစ်ပြီး -၂၀၁၆ ခုနှစ်ရဲ့ လူသားချင်းစာနာမှု သူရဲကောင်းဆုကိုပေးအပ်ဖို့ နောက်ဆုံးစကာတင် လျာထားခြင်းခံရသူတွေထဲမှာ - အမျိုးသမီးတွေအပေါ် လိင်ပိုင်းဆိုင်ရာစော်ကားမှု ကို ဆန့်ကျင်လှုပ်ရှားသူ Jaha Dukureh; ကင်ညာနိုင်ငံမှာ လူထုအကျိုးပြုလူမှုရေးလုပ်ငန်းတခုကို ထူထောင်သူ ဒေါက်တာ Martin Fisher; နဲ့ အမေရိကန်ပြည်ထောင်စုမှာ လူထုအကျိုးပူးပေါင်းဆောင်ရွက်မှုအဖွဲ့ကို ထူထောင်ခဲ့သူ Shaima Al Zarooni တို့နဲ့အတူ မြန်မာနိုင်ငံသား ဒေါက်တာ စင်သီယာမောင်လည်း ပါဝင်ခဲ့တာဖြစ်ပြီး - သူ့ကို - ကိုယ်ကျိုးမဖက် လူထုအကျိုးပြု စေတနာ့လုပ်ငန်းတွေကို စွမ်းစွမ်းတမံ လုပ်ဆောင်နေမှုတွေအတွက် ဒီဆု ပေးအပ်ဖို့ AidEx အဖွဲ့ကြီးက ရွေးချယ်ခဲ့တာ ဖြစ်ပါတယ်။

ဒေါက်တာစင်သီယာမောင်ဟာ ၁၉၈၈ ဒီမိုကရေစီအရေးတော်ပုံကြီး ဖြစ်ပွားခဲ့ပြီးနောက်ပိုင်း - ထိုင်း-မြန်မာနယ်စပ်က ဒုက္ခသည်တွေကို ကူညီဖို့ အတွက် - မဲဆောက်မြို့မှာ ဆေးခန်းငယ်လေးတခုကို စတင်ဖွင့်လှစ်ခဲ့တာပါ။ မဲတော်ဆေးခန်းကို စတင်ချိန်က ကုတင် ၄ လုံးသာရှိခဲ့ပြီး၊ အခုဆိုရင် အဲဒီဆေးခန်းမှာ ကျန်းမာရေးဝန်ထမ်း ၇၀၀ လောက်နဲ့အတူ နှစ်စဉ် ဆေးခန်းကို လာတဲ့ လူနာ အရေအတွက်က ၁ သိန်းခွဲနီးပါးထိ ရှိခဲ့တာဖြစ်ပါတယ်။

ဆေးခန်းစတင်ဖွင့်လှစ်ချိန်က မြန်မာဒုက္ခသည်တွေကို ကူညီဖို့ အဓိကရည်ရွယ်ခဲ့ပေမဲ့ နောက်ပိုင်း ထိုင်းနိုင်ငံမှာ လာရောက် အလုပ်လုပ်ကိုင်ကြတဲ့ မြန်မာရွှေ့ပြောင်းအလုပ်သမားတွေအပါအ၀င် ကရင်ပြည်နယ်တွင်း မိုင်းထိမှန်သူတွေ၊ ကိုယ်ဝန်ဆောင်မိခင်တွေနဲ့ HIV ပိုးကူးစက်ခံထားရသူတွေ အပြင် မြန်မာနိုင်ငံ ဝေးလံခေါင်သီတဲ့ အရပ်ဒေသတွေကနေ ကျန်းမာရေးစရိတ် မတတ်နိုင်သူတွေနဲ့ ဒီဆေးခန်းမှာ လာရောက်ပြသရင်း လူနာတွေ တိုးများလာတာဖြစ်ပါတယ်။ ဒါ့အပြင် မြန်မာရွှေ့ပြောင်းအလုပ်သမားတွေရဲ့ ကလေးငယ်တွေအတွက်လည်း အခမဲ့ကျောင်းတွေ ဖွင့်လှစ်ပြီး ပညာသင်ကြားပေးနေတာလည်း ဖြစ်ပါတယ်ရှင်။ အခုရရှိခဲ့တဲ့ ၂၀၁၆ လူသားချင်းစာနာမှုသူရဲကောင်းဆုအပြင် Ramon Magsaysay ဆု၊ အာရှ ဒီမိုကရေစီနဲ့ လူ့အခွင့်အရေးဆုတွေ အပါအ၀င် နိုင်ငံတကာက ပေးအပ်တဲ့ ဆုပေါင်း ၂၀ လောက်ကိုလည်း ရရှိခဲ့တာ ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com



ရခိုင်အရေးနှင့် ပတ်သက်ပြီး နိုင်ငံတော်သမ္မတရုံးမှ ဒုတိယညွှန်ကြားရေးမှူးချုပ် ဦးဇော်ဌေး ရှင်းလင်းပွဲပြုလုပ်စဉ်(ဓာတ်ပုံ-MOI)
    ရန်ကုန်၊ နိုဝင်ဘာ ၁၇ ရက် (ဆင်ဟွာ)

    ရခိုင်ပြည်နယ် မောင်တောခရိုင်အတွင်းရှိ မြို့နယ်များတွင် တာဝန်ထမ်းဆောင်နေသော အဆင့်အလိုက် ဌာနဆိုင်ရာ နိုင်ငံ့ဝန်ထမ်းများအား လက်ရှိ ရရှိနေသော မူရင်းလစာ၏ နှစ်ဆ တိုးပေးမည်ဖြစ်ကြောင်း သမ္မတရုံးဝန်ကြီးဌာနမှ ဒုတိယညွှန်ကြားရေးမှူးချုပ် ဦးဇော်ဌေးက ပြောကြားသည်။

"ဟုတ်တယ်။ အဲဒီဘက်ပိုင်းကိုတော့ အထူးအနေနဲ့ ပေးဖို့ လုပ်ထားတယ်။ အဲလိုမျိုး တိုးပေးမယ်ဆိုတာတော့ ကျွန်တော်တို့ သိတယ်" ဟု ၎င်းက ပြောကြားပါသည်။

ရခိုင်ပြည်နယ် မောင်တောခရိုင်အတွင်းရှိ မြို့နယ်များတွင် တာဝန်ထမ်းဆောင်နေသော အဆင့်အလိုက် ဌာနဆိုင်ရာ နိုင်ငံ့ဝန်ထမ်းများအား မူရင်းလစာ၏ နှစ်ဆအား ထောက်ပံ့ငွေအနေဖြင့် ပြောင်းလဲခံစား ခွင့်ပြုမည်ဖြစ်ကြောင်း စီမံကိန်းနှင့် ဘဏ္ဍာရေးဝန်ကြီးဌာန ပြည်ထောင်စုဝန်ကြီးရုံးမှ နိုင်ဝင်ဘာ ၁၁ ရက် နေ့စွဲဖြင့် သတင်းထုတ်ပြန်ခဲ့သည်။

လက်ရှိအခြေအနေအရ မောင်တောခရိုင်အတွင်းရှိ မြို့ကျေးရွာအုပ်စုများအားလုံးတွင် တာဝန်ထမ်းဆောင်နေသော နိုင်ငံ့ဝန်ထမ်းများအားလုံးကို ၂၀၁၆ ခုနစ် အောက်တိုဘာ၊ နိုဝင်ဘာ၊ ဒီဇင်ဘာလများအတွက် ရာထူးအဆင့်အလိုက် မူရင်းလစာ၏ နှစ်ဆအား အထူးကိစ္စရပ်အနေဖြင့် ပြောင်းလဲပြင်ဆင်ခံစားခွင့်ပြုလိုက်ကြောင်း ထုတ်ပြန်ချက်ထဲတွင် ဖော်ပြထားပါသည်။

(Xinhua)
http://www.xinhuamyanmar.com


အင်ဒိုနီးရှား ဘာလီကျွန်းတွင် လှုပ်ခတ်ခဲ့သည့် ငလျင်ကြောင့် အက်ကွဲနေသည့် လမ်းမ တစ်နေရာအား တွေ့ရစဉ် (ဓာတ်ပုံ-အင်တာနက်)
   ဂျကာတာ၊ နိုဝင်ဘာ ၁၇ ရက် (ဆင်ဟွာ)

    အင်ဒိုနီးရှားနိုင်ငံ ဘာလီနှင့် အရှေ့ ဂျာဗားပြည်နယ်၌ နိုဝင်ဘာလ ၁၆ ရက် ညသန်းခေါင်၌ လှုပ်ခတ်ခဲ့သည့် အင်အားပြင်း ငလျင်ကြောင့် အိမ်ခြေ ဒါဇင်များစွာ ပျက်စီးခဲ့ကြောင်း အင်ဒိုနီးရှား သဘာဝဘေး အေဂျင်စီက နိုဝင်ဘာလ ၁၇ ရက်က ပြောကြားခဲ့သည်။

အဆိုပါ ပြည်နယ်၏ မာလန်နှင့် ဂျမ်ဘာ ခရိုင်များရှိ အိမ်ခြေ ၄၀ ပျက်စီးခဲ့ကြောင်း အမျိုးသား သဘာဝဘေး အေဂျင်စီ၏ ပြောရေးဆိုခွင့်ရှိသူ စူတိုပို ပါဝို နူဂရိုဟိုက ပြောသည်။

အခြား ပျက်စီးမှု အစီရင်ခံစာများအား ထုတ်ပြန်ထားခြင်း မရှိသေးကြောင်း အဆိုပါ ပြောရေးဆိုခွင့်ရှိသူက ဖြည့်စွက်ပြောကြားလိုက်သည်။

မာလန်ခရိုင် အရှေ့တောင်ဘက် ၁၂၇ ကီလိုမီတာနှင့် ၆၉ ကီလိုမီတာ အနက်အား ဗဟိုပြုကာ ပြင်းအား ၆.၂ အင်အားရှိ ငလျင် လှုပ်ခတ်ခဲ့ကြောင်း မိုးလေဝသနှင့် ဘူမိဗေဒ အေဂျင်စီအရ သိရသည်။

အဆိုပါ ငလျင်ကြောင့် ဆူနာမီ သတိပေးချက် ထုတ်ပြန်ထားခြင်း မရှိသော်လည်း ဘာလီနှင့် အရှေ့ဂျာဗား  ပြည်နယ်ရှိ အချို့ မြို့များ၌ ငလျင်ဒဏ်အား ပြင်းထန်စွာ ခံစားခဲ့ရကြောင်း စူတိုပိုက ပြောသည်။

ဘာလီကျွန်းသို့ လစဉ် အားလပ်ရက် လာရောက် အပန်းဖြေသည့် နိုင်ငံခြားသား ဧည့်သည် နှစ်သိန်းဝန်းကျင် ရှိကြောင်း သိရသည်။

အင်ဒိုနီးရှားနိုင်ငံသည် The Pacific Ring of Fire ဟု ခေါ်တွင်သည့် ငလျင်ဇုန်အတွင်း ကျရောက်သည့် နိုင်ငံ တစ်နိုင်ငံ ဖြစ်သည်။

(Xinhua)
http://www.xinhuamyanmar.com


နိုဝင်​ဘာလ ၁၇ရက်​​နေ့ မွန်းလွဲ ၂နာရီ ၁၅မိနစ်​အချိန်​ခန့်​တွင်​ မန္တ​လေးမြို့၊ ချမ်း​အေးသာစံမြို့နယ်​မြို့နယ်​၊ ၈၄လမ်းပေါ်ရှိ ​ရွှေဆိုင်​တစ်​ဆိုင်​တွင်​ ​ရွှေဆွဲကြိုး အတုနှင့်​ အစစ်​ လဲလှယ်​လိမ်​လည်​မှု ဖြစ်​ပွားသည်​။

ဖြစ်​စဉ်​မှာ အဆိုပါ​ရွှေဆိုင်​သို့ ​ဒေါ်သီတာ​အေး(ခ)​ဇော်​ရာဘီ၊ ၃၆ နှစ်​၊ (ဘ)ဦးရီ​မောင်​၊ ​ရွှေဂဲ​ကျေးရွာ၊ အမရပူရမြို့နယ်​​နေသူ​ ​ရောက်​ရှိလာပြီး (၃)ကျပ်​သား​ ရွှေဆွဲကြိုးတစ်​ကုံး ရချင်​​ကြောင်း​ပြော၍ ဆိုင်​အ​ရောင်း ဝန်​ထမ်းအမျိုးသမီးမှ (၂)ကုံးပြခဲ့ရာ တစ်​ကုံးအား ကြည့်​ရှု​နေပြီး ၎င်းတွင်​အသင့်​ပါလာ​သော ဆွဲကြိုးအတုနှင့်​လဲကာ ဆွဲကြိုးအစစ်​မှ ​ရွှေဆိုင်အမှတ်​အသားတံဆိပ်​ ​လေဘယ်​အား ​အတုတွင်​တပ်​ကာ မယူ​တော့​ကြောင်း​ပြော၍ ပြန်​လည်​ထွက်​ခွာသွားသည်​။

ဆိုင်​အ​ရောင်းဝန်​ထမ်းမှ မသင်္ကာသဖြင့်​ ဆွဲကြိုးအား စစ်​​ဆေးကြည့်​ရာ ၎င်းထုတ်​ပြသည့်​ ဆွဲကြိုးမဟုတ်​​ကြောင်း သိရသဖြင့်​ အဆိုပါအမျိုးသမီးကို လိုက်​လံ​ခေါ်ယူပြီး အ​နွေးထည်​အင်္ကျီအိတ်​ကပ်​အတွင်း စစ်​​ဆေးကြည့်​ရှုရာ အတုဖြင့်​လဲလှယ်​သွားသည့်​ ​ရွှေဆွဲကြိုးအစစ်​အား ပြန်​လည်​​တွေ့ရှိရသဖြင့်​ ​ရွှေဆွဲကြိုးအစစ်​ကို အတုဖြင့်​ လိမ်​လည်​သွားသူ ဒေါ်သီတာအေး(ခ) ​ဒေါ်​ဇော်​ရာဘီအား အမှတ်​(၈)မြို့မရဲစခန်း၌ အမှုဖွင့်အ​ရေးယူထားရှိ​ကြောင်း သိရသည်​။

(Ah Lin Nge)
The Mandalay News Journal
https://www.facebook.com/TheMandalayNewsJournal/


ရန်ကုန်၊ နိုဝင်ဘာ ၁၇ ရက် (ဆင်ဟွာ)

ဒေါ်လာ ဈေးဟာ တစ်ဒေါ်လာကို ၁၂၈၇ ကျပ်မှ တစ်ဒေါ်လာကို ၁၃၁၅ ကျပ် အထိဈေးဆက်တိုက် တက်လာခဲ့ပြီး ယနေ့ ပေါက်ဈေးသည် ၂၀၁၆ ခုနှစ် တွင် အမြင့်ဆုံးဈေးဖြစ်ကြောင်း ဒေါ်လာဈေးကွက်မှ သိရပါသည်။
NLD ပါတီမှ စပွားရေးအကြံပေးကော်မတီ အဖွဲ့ဝင် ဦးရဲမင်းဦးက “အခုလက်ရှိသွားနေတဲ့ စနစ်က ဈေးကွက်စီးပွားရေး ကို သွားနေတာဖြစ်တယ်။ ရောင်းတဲ့ သူနဲ့ ဝယ်တဲ့ သူကြားမှာ ရှိတဲ့ ဈေးပဲ ဖြစ်ရမှာ။ရောင်းသူနဲ့ ဝယ်သူကြားမှာ ဈေးဖြစ်တာက ရှားပါးလား၊ပေါများလားဆိုတဲ့ အချက်ပေါ့။ ရှားပါးရင်ဈေးတက်မယ်။ ပေါများရင် ဈေးကျမယ်ပေါ့။ လက်ရှိဒေါ်လာဈေးတက်နေရတဲ့ အဓိကအကြောင်းအရင်းက ပြည်တွင်းမှာ ဒေါ်လာရှားတယ်။ဒေါ်လာရှားတယ်ဆိုတာ ဒေါ်လာလိုချင်တဲ့ သူတွေများတယ်။ ဒေါ်လာရှားပါးမှုကို ဖြစ်စေတဲ့ အကြောင်းအရင်းကို ရှာရမှာဖြစ်တယ်’’ ဟုဆင်ဟွာကိုပြောသည်။

ထိုကဲ့သို့ ဒေါ်လာ ရှားပါးမှုအားဖြစ်စေသည့် အကြောင်းအရင်းအား ရှာရသည့်အခါတွင် ဗဟိုဘဏ်တစ်ခုတည်းနှင့် မဆိုင်ကြောင်း၊ တခြားသောဝန်ကြီးဌာနများ၊ စီးပွားရေးလုပ်ငန်းများ နှင့် လည်း သက်ဆိုင်ကြောင်း သိရသည်။
ဦးရဲမင်းဦးက “အဲ့ဒီ့သက်ဆိုင်တဲ့ ဟာကို ဘယ်သူကဝင်ဖြေရှင်းမှာလဲ။ ဗဟိုဘဏ်ကလုပ်မလား၊ စီမံဘဏ္ဍာဝန်ကြီးဌာနက လုပ်မလား ။ သူတို့နှစ်ခုထဲက တစ်ခုက လုပ်ရမယ်။ ဗဟိုဘဏ်အနေနဲ့ ဒီကိစ္စကို ဘယ်ကစလုပ်မလဲ ဆိုတာကို သူက စစဉ်းစားသင့်တယ်။ နယ်စပ်ကုန်သွယ်ရေးကြောင့်လား အခြား အကြောင်း ကြောင့်လားဆိုတာ စဉ်းစားရမှာ’’ ဟုပြောသည်။
ကမ္ဘာတွင်လည်း အမေရိကန်သမ္မတရွေးကောက်ပွဲတွင် ထရမ့်နိုင်ပြီးနောက်ပိုင်း ဒေါ်လာဈေးနှုန်းက ဆက်တိုက်မာလာကြောင်းသိရသည်။

M.O.B ဘဏ်၏ အငြိမ်းစားဥက္ကဋ္ဌ ဦးမြသန်းက “ဈေးတက်တာက အရေးမကြီးဘူး။ အဓိကက ဈေးငြိမ်ဖို့က အဓိကကျတယ်။ တက်လိုက်ကျလိုက်ဖြစ်နေရင် ဘဏ်တွေရော၊ စီးပွားရေးလုပ်ငန်းရှင်တွေရော အလုပ်လုပ်လို့ မရတော့ဘူး။ အတက်အကျငြိမ်ဖို့ဆိုရင် မှောင်ခိုဈေးကွက်ရှိနေတယ်။ အဲ့ဒီ မှောင်ခိုဈေးကွက်ကို တတ်နိုင်သမျှ ပပျောက်သွားအောင်လုပ်လိုက်ရင် ဈေးနှုန်းငြိမ်မယ်။ ဒါမေယ့် ကျသွားအောင်တော့ ချက်ချင်းလုပ်လို့ မရဘူး။ ရေရှည်စီမံချက်လုပ်ရမယ်။ ဗဟိုဘဏ်တစ်ခုတည်းက လုပ်လို့မရဘူး။ဘတ်ဂျက်ကလည်း လိုငွေပြနေတယ်။ တခြားအကြောင်းတွေလည်း ရှိနေတယ်။ အဲ့ဒါတွေကြောင့် ဒေါ်လာဈေးက တက်နေရတာဖြစ်တယ်။’’ ဟု ဆင်ဟွာကိုပြောသည်။

နိုဝင်ဘာလ ၉ ရက်နေ့တွင် တစ်ဒေါ်လာကို ၁၂၈၇ ကျပ်ရှိပြီး ဆက်တိုက်ဈေးတက်ခဲ့ပြီး ယနေ့တွင် ပြင်ပပေါက်ဈေး တစ်ဒေါ်လာ ၁၃၁၅ ကျပ်ရှိပါသည်။ ကမ္ဘာ့ရွှေဈေးတစ်အောင်စ ၁၂၂၈ ဒေါ်လာရှိပြီး၊ မြန်မာ့ရွှေဈေးက တစ်ကျပ်သားလျှင် ကျပ်၈၆၆,၀၀၀ ပေါက်ဈေးရှိသည်။

(Xinhua)
China Xinhua News



တရုတ်ပြည်ထဲ ရောက်နေရသလို ဖြစ်နေတယ်
ရှမ်းပြည်နယ်ထဲက ဝေးလံ ခေါင်သီတဲ့ ဝဒေသထဲ မူးယစ်ဆေး၊ ငွေကြေးနဲ့ သားရဲ တိရိစ္ဆာန် ရောင်းဝယ် ဖောက်ကားမှုတွေ ပြည့်လျှံ နေတယ်လို့ ကိုယ်တိုင် ရောက်ခဲ့တဲ့ ဘီဘီစီ သတင်းထောက် ဂျိုနာဖစ်ရှာက ပြောပါတယ်။

ဝ ဒေသကို လာချင်တယ်လို့ ပြောသူတိုင်းကို သူလျှို လာလုပ်မယ့် သူတွေလို့ မှတ်ယူ လေ့ ရှိခဲ့ကြတယ် ဆိုပြီး ဝ ဒေသခံ အာဏာပိုင် တစ်ယောက်က ဆိုပါတယ်။ မြန်မာ နိုင်ငံ တစ်ခုလုံး အတိုင်းအတာနဲ့ အပြောင်းအလဲ တွေ ရှိလာသလိုပဲ၊ ဝ နယ်လည်း ပြောင်းလဲ လာပါတယ်။

ဝ ဒေသက အာဏာပိုင်တွေ အနေနဲ့ ဘယ်လို သဘောထားမျိုး အရင်းခံလို့လည်း ဆိုတာကို သေချာ မသိရပေမယ့် ဘီဘီစီ အပါအဝင် နိုင်ငံတကာနဲ့ ပြည်တွင်း စာနယ်ဇင်း သမား တချို့ကို ဖိတ်ခေါ်ပြီး အာဏာပိုင်တွေ အစီအစဉ်နဲ့ ဒေသတွင်း လိုက်လံ ပြသ ခဲ့ပါတယ်။

မြန်မာပြည် အရှေ့မြောက် ဒေသ၊ တရုတ်နဲ့ နယ်စပ် အနီးက ဝင်ပေါက် တစ်ခုကနေ ဝ နယ်ထဲ ဝင်ခဲ့တာမှာ၊ တစ်ဘက်ခြမ်းမှာ မြန်မာ အစိုးရ စစ်သားတွေရဲ့ စိစိပေါက်ပေါက် ရှာဖွေတာ ခံခဲ့ရပြီး ဝနယ်ဘက်ခြမ်း အဝင်မှာတော့ ဝ ဒေသထဲ ကိုယ်ပိုင် ဖွင့်လှစ်ထားတဲ့ ဝ ရုပ်သံ ဌာနက သူတွေ အသင့် စောင့်နေ ခဲ့ကြတယ်လို့ ဂျိုနာ ဖစ်ရှာက ပြောပါတယ်။

ဗြိတိသျှ ကိုလိုနီ ခေတ်တုံးကတော့ ဖွံဖြိုးမှု နောက်ကျသေးတဲ့ ဝ လူမျိုးနွယ်ကို အင်္ဂလိပ်လို Wild Wa ၊ ဝရိုင်းတွေလို့ တောင် ခေါ်တွင် ခဲ့ပြီး ၊ ကြမ်းကြမ်းကြုတ်ကြုတ် စစ်တိုက်တာ၊ ရန်သူရဲ့ ဦးခေါင်းကို ဖြတ်ပြီး တိုင်မှာ ထူတာ စတဲ့ အပြုအမူတွေနဲ့ တွဲပြီး သိခဲ့ ကြရပါတယ်။ ဝ ဒေသဟာ ယူကေက ဝေလနယ်လောက် ရှိပြီး လူ ငါးသိန်း လောက် နေထိုင် နေကြပါတယ်။

၁၉၈၉ မှာ မြန်မာ ပြည်မ အစိုးရနဲ့ကြား ဝ သူပုန်တွေ ငြိမ်းချမ်းရေး ယူပြီး၊ ကိုယ့်ဒေကို ကိုယ် စိတ်ကြိုက် အုပ်ချုပ် လာတာမှာ နောက် ဆယ်စုနှစ် အတွင်း မှာပဲ ဘိန်း စိုက်ပျိုးမှု အကြီးအကျယ် ရှိလာတဲ့ အတွက် ကမ္ဘာပေါ် ဘိန်းနဲ့ ဘိန်းဖြူ အထွက်ဆုံး ဒေသတွေ အဖြစ် ဝ ဒေသနဲ့ ရွှေတြိဂံ ဒေသတွေ ကျော်ကြား လာခဲ့ ပါတယ်။ ဝနယ်ထဲ ရောက်နေရတဲ့ အချိန်မှာ မြန်မာ ပြည်ထဲ ရှိနေတဲ့ ခံစားမှု ထက်စာရင် တရုတ်ပြည်ထဲ ရောက်နေရသလို ဖြစ်နေတယ်လို့ ဂျိုနာ ဖစ်ရှာက ဆိုပါတယ်။

သုံးတာကလည်း တရုတ် ယွမ်ငွေ၊ အဓိက ဘာသာစကား ကလည်း တရုတ် မင်ဒရင်း၊ လျှပ်စစ်နဲ့ တယ်လီဖုန်း တို့လို အခြေခံ အရာတွေကို ကြည့်ပြန်ရင်လည်း တရုတ်ပြည်ဘက် ခြမ်းက လာတဲ့ အရာတွေ ဖြစ်ပါတယ်။မြန်မာပြည်ရဲ့ အစိတ်အပိုင်း ဖြစ်ရလို့ ဝ ဒေသ အတွက် ဘာရ သလဲ ဆိုတာ မသိဘူး လို့ အော်ဟစ် ရယ်မောရင်း ဝ ဒေသရဲ့ ဆောက်လုပ်ရေး ဝန်ကြီးက သူ့နယ်ထဲ ရောက်လာကြတဲ့ သတင်းသမား ဧည့်သည်တွေကို ပြောခဲ့ပါတယ်။

ဒါပေမယ့်၊ အဲဒီ့ ဝန်ကြီးကပဲ ဝ အနေနဲ့ ကိုယ်ပိုင် လွတ်လပ်ရေး ယူတာထက် စာရင်တော့ မြန်မာ နိုင်ငံရဲ့ အစိတ်အပိုင်း တစ်ခု အဖြစ်ပဲ ပို နေချင်တယ်လို့ ဆိုပါတယ်။ အဲဒီလို မြန်မာရဲ့ အစိတ်အပိုင်းလည်း ဖြစ်၊ တရုတ်နဲ့လည်း ပိုနီးစပ် ဆိုတဲ့ အချက်ဟာ ဝ ဒေသ အတွက် အင်မတန် မဟာဗျုဟာမြောက် အရေးပါပြီး ပြီးခဲ့တဲ့ အနှစ် ၂ဝ လုံးလုံး ဒီ အကွက်ကို သုံးပြီး တရုတ်နဲ့ မြန်မာနဲ့ကြား ဝက ကစားနေခဲ့ပါတယ်။

လက်နက် အပြည့်အစုံ တပ်ထားတဲ့ ဝ တပ်ကို ကြည့်ရင်လည်း မြနန်မာ အစိုးရ စစတ်တပ်နဲ့ လက်နက် အရာမှာ ပုခုန်းချင်း ယှဉ်နိုင်သလို၊ တရုတ်နဲ့ စီးပွားရေး အဆက်အဆံကြောင့် ဒေသထဲ လိုအပ်တဲ့ အခြေခံ အဆောက်အဦတွေကို ကောင်းကောင်း တည်ဆောက် နိုင်ပြီး ဓန ဥစ္စာ တောင့်တင်းမှု ရှိလာ စေပါတယ်။

မူးယစ်ဆေးကတော့ အဓိက ပြဿနာ ဖြစ်နေဆဲပါ။ တွေ့ခဲ့ရသမျှ ဘိန်း အကြီးအကျယ် စိုက်တာမျိုးကို ရပ်လိုက် ပြီဖြစ်ပေမယ့် ဝဟာ ယာဘ လို့ ခေါ်တဲ့ မက်သာဖက်တမင်း စိတ်ကြွဆေးတွေကို အဓိက ထုတ်လုပ်သူတွေ ဖြစ်လာတယ် လို့ ကုလသမဂ္ဂနဲ့ အမေရိကန် နိုင်ငံခြားရေး ဌာန တို့ က ပြောနေပါတယ်။

ဝ ဒေသ မြို့တော် ပန်ဆန်း မှာ၊ ည အချိန် ဒေသခံ လမ်းပြ မပါပဲ မြို့ထဲ လှည့်ပတ် ကြည့်ခွင့် သာခဲ့တာ မှာတော့ ဝ ဒေသရဲ့ ဥပဒေ ပြင်ပ အရာဟာ မူးယစ်ဆေး တင် မကဘူး ဆိုတာ သိလာ ရတော့တယ်လို့ ဂျိုနာဖစ်ရှာက ဆိုပါတယ်။ မျိုးတုန်းဖို့ အန္တရာယ် ကြုံနေရပြီလို့ သတ်မှတ် ထားတဲ့ တောရိုင်း တိရိစ္ဆာန် တွေရဲ့ အစိတ်အပိုင်း တွေ ရောင်းတဲ့ ဆိုင်တွေကို မြို့ရဲ့ လမ်းတွေ တိုင်းမှာလို တွေ့ခဲ့ ရပါတယ်။

ကျားစွယ်နဲ့ ခေါင်းခွံတွေ၊ ဆင်စွယ်တွေ၊ သင်းခွေချပ်ခွံတွေကို ဒီ အတိုင်းပဲ ပေါ်ပေါ်တင်တင် ရောင်းချ နေကြပါတယ်။ ဖောက်သည် အများစုက တရုတ်ပြည်ဘက်က သူတွေ ဖြစ်တယ်လို့ ဈေးရောင်း ကောင်တာနောက်က အမျိုးသမီးတွေက ဆိုပါတယ်။ ရှားပါး တိရိစ္ဆာန်တွေ ရဲ့ အစိတ်အပိုင်းတွေ ရောင်းဝယ် နေတာကို တားဆီးရေးမှာ သူတို့ တာဝန် မရှိဘူးလို့ ဝ အာဏာပိုင်တွေက ယူဆ နေကြပါတယ်။

အဲဒီ့ အကောင်တွေဟာ ဝ ဒေသ ထွက် မဟုတ်ဘူးလို့ ဝရဲ့ နိုင်ငံခြားရေး ဝန်ကြီး ကျောက်ကော်အန်း က ပြောပြီး၊ သူတို့ နယ်ထဲ တကယ်တော့ တောရယ်လို့ မရှိတော့ဘူး၊ ရာဘာပင် စိုက်ပျိုးရေး လုပ်ဖို့ တောရှင်းတာ ကုန်ပြီလို့လည်း ဆိုပါတယ်။ တိရိစ္ဆာန် အစိတ်အပိုင်းတွေ ရောင်းဝယ် နေတယ် ဆိုတာ လွတ်လွတ်လပ်လပ် ရောင်းဝယ် ဖောက်ကားခွင့် ပေးထားတဲ့ သဘောပါပဲ လို့လည်း ဦးကျောက်ကော်အန်း က ဆိုပါတယ်။

မြန်မာပြည်မက ဥပဒေတွေရော နိုင်ငံတကာ ဥပဒေတွေပါ မသက်ရောက် မစိုးမိုး နိုင် ဖြစ်နေတဲ့ ဝဒေသ ထဲမှာ သူတို့ စိတ်ကြိုက် လွတ်လွတ်လပ်လပ် ပြုမူ နေနိုင်တဲ့ အချက်ကို ပြောင်းလဲ သွားလိုတဲ့ ဆန္ဒ မရှိကြပါဘူး။

မြန်မာ့ ဖဒရယ် ပြည်ထောင်စု သစ် တည်ထောင်ရေးထဲ ပါဝင်ဖို့ တရုတ်က ဖိအားပေးတဲ့ အတွက် နေပြည်တော် ၂၁ ရာစု ပင်လုံ ညီလာခံကို ဝ ကိုယ်စားလှယ်တွေ သွားတက် ပေမယ့် ကိုယ်စားလှယ် အဆင့်အတန်း ရင်ဘတ် တံဆိပ်ပြား မှားပေးတဲ့ ပြဿနာ ပေါ်ခဲ့ပြီး ပြန်ထွက် လာခဲ့ကြ ပါတယ်။

ဝ တွေဟာ ကိုယ့်သဘောနဲ့ကိုယ် နေခွင့်ရနေတဲ့ လက်ရှိ အခြေအနေပေါ် ကျေနပ် အားရ နေကြပုံ ရှိနေပါတယ်။

BBC Burmese
http://www.bbc.com/burmese



 ဆေးရုံ တွေကို ဦးတည်ပြီး တိုက်ခိုက်တာ တွေ ရပ်တန့်ဖို့ WHO က တောင်းဆို
ဆီးရီးယား နိုင်ငံ အလက်ပို မြို့မှာ ရုရှ က လေကြောင်း တိုက်ခိုက်မှုတွေ ဆက်လက် လုပ်ခဲ့ပြီး အနည်းဆုံး လူ ၃၀ ခန့် သေဆုံး ခဲ့ရကြောင်း ဗြိတိန် အခြေစိုက် ဆီးရီးယား အရေး လေ့လာစောင့်ကြည့်ရေး အဖွဲ့ကြီး က ပြောပါတယ်။

ရုရှ ဘက်က လုပ်တဲ့ လေကြောင်း တိုက်ခိုက်မှု အတွင်း အလက်ပို မြို့မှာ တစ်ခုတည်း ကျန်တော့ တဲ့ ဘိုင်ယန်း ကလေး ဆေးရုံ လည်း ထိခိုက် ပျက်စီး ခဲ့ရပါတယ်။

ဆေးရုံ တွေကို တိုက်ခိုက်မှုတွေ ဆက်တိုက် လုပ်နေတာ မြင် ရတာ တုန်လှုပ် ချောက်ချား မိကြောင်း၊ ဆီးရီးယား က ဆေးရုံ တွေ နဲ့ ဝန်ထမ်း တွေဟာ ဒီနှစ် ထဲမှာ တိုက်ခိုက်မှု အများဆုံး ခံခဲ့ရကြောင်း၊ ဆေးရုံ တွေကို ဦးတည်ပြီး တိုက်ခိုက်တာ တွေ ရပ်တန့်ဖို့ WHO က တောင်းဆို ခဲ့ပါတယ်။

လေကြောင်း တိုက်ခိုက်မှု အတွင်း ဆေးရုံ က လူနာ တွေ နဲ့ ဆေးရုံ ဝန်ထမ်း တွေဟာ မြေအောက် ခန်း ထဲ ကို ပြေးဝင် ခိုလှုံ ခဲ့ရကြောင်း ဘိုင်ယန်း ကလေး ဆေးရုံ အုပ်ချုပ်ရေးမှူး က ပြောပါတယ်။

သူပုန်တွေ ထိန်းချုပ်တဲ့ နယ်မြေ က ဆေးရုံ တွေကို ဆီးရီးယား အစိုးရ က တိုက်ခိုက် နေတာ တွေဟာ သူပုန်တွေ လက်နက်ချဖို့ ဖိအားပေး တိုက်ခိုက် နေတာ ဖြစ်ကြောင်း ဆီးရီးယား မှာ ရောက်နေတဲ့ ဘီဘီစီ သတင်းထောက် က သုံးသပ် ထားပါတယ်။

BBC Burmese
http://www.bbc.com/burmese


နေပြည်တော် နိုဝင်ဘာ ၁၇

ရခိုင်ပြည်နယ်၊ မောင်တောမြို့နယ် ကျားခေါင်းတောင်ကျေးရွာ၊ ဂွဆုံကျေးရွာ၊ ဒါးကြီးဇား ကျေးရွာများသို့ အမှတ်(၁) နယ်ခြားစောင့်ရဲကွပ်ကဲမှု အဖွဲ့မှူးရုံးမှ ဒုတိယရဲမှူးတစ်ဦး ဦးဆောင်သည့် အဖွဲ့သည် နိုဝင်ဘာလ ၁၆ ရက်၊ နံနက် ၁၀ နာရီက ဝင်ရောက်ရှင်းလင်းရာ အကြမ်းဖက်သမားဟု ယူဆရသော မသင်္ကာသူ ၅၉ ဦးအားဖမ်းဆီးရမိခဲ့သည်။

အဆိုပါ မသင်္ကာသူ ၅၉ ဦးမှ ဂွဆုံကျေးရွာနေ ရှော်ရှီးတာမောက် (၅၂) နှစ်(ဖ) အာဘီအပါအဝင် ဂွဆုံကျေးရွာမှ (၂၁) ဦး၊ ကျားခေါင်းတောင်ကျေးရွာမှ ၉ ဦးတို့အားညနေ ၅ နာရီ ၃၅ မိနစ်တွင် အမှတ်(၃) နယ်ခြားစောင့် ကွပ်ကဲမှုအဖွဲ့မှူးရုံးတွင် လည်းကောင်း၊ ဂွဆုံကျေးရွာနေ ကျပန်းလုပ်ငန်းလုပ်ကိုင်သည့် ဟာမတ်ဒူလာ (၁၅) နှစ် (ဖ) နုလာရာလ်လောင်အပါအဝင် ဂွကျေးရွာမှ ၁၅ ဦး၊ ကျားခေါင်းတောင်ကျေးရွာမှ ၁၂ ဦး၊ ဒါးကြီးဇားကျေးရွာမှ ၁ ဦး၊ ဦးဆိန်ကျကျေးရွာမှ ၁ ဦးတို့အားညနေ ၅ နာရီ ၄၅ မိနစ်တွင် အမှတ်(၄) နယ်ခြားစောင့် ရဲကွပ်ကဲမှု အဖွဲ့မှူးရုံးတွင် လည်းကောင်း ခေတ္တထိန်းသိမ်းထားရှိကြောင်းသိရှိရသည်။

(နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီ)
State Counsellor Office Information Committee



အမေရိကန်မှတ်တမ်းဓာတ်ပုံဆရာ Greg Constantine 
ဒီသီတင်းပတ်ထဲ ရန်ကုန်မြို့မှာ ဓာတ်ပုံပြပွဲကျင်းပဖို့ စီစဉ်ထားတဲ့ နာမည်ကျော် ဓာတ်ပုံဆရာ တယောက်ဟာ မြန်မာနိုင်ငံ ပြည်ဝင်ခွင့် တားမြစ်ခံခဲ့ရပါတယ်။ အမေရိကန် ပြည်ထောင်စုက မှတ်တမ်းတင် ဓာတ်ပုံဆရာ Greg Constantine ဟာ အမည်မည်းစာရင်းမှာ ပါဝင်နေတာကြောင့် တားမြစ်ခံခဲ့ရတာဖြစ်ပြီး၊ ဓာတ်ပုံပြပွဲမှာ ရခိုင်ပြည်နယ်က မူဆလင်တွေရဲ့ ဓာတ်ပုံတွေ ထည့်သွင်းပြသမယ့် အစီအစဉ်နဲ့ ဆက်နွယ်နိုင်တယ်လို့လည်း ယူဆနေကြတာပါ။ အပြည့်အစုံကိုတော့ ဆက်သွယ်မေးမြန်းထားတဲ့ ဗွီအိုအေမြန်မာပိုင်း သတင်းထောက် ကိုထက်အောင်ခန့် က တင်ပြပေးမှာပါ။

ကမ္ဘာတလွှားက နိုင်ငံမဲ့ လူ့အသိုင်းအ၀ိုင်းတွေရဲ့ ဘ၀ရုပ်ပုံလွှာတွေကို ဆယ်စုနှစ်နဲ့ချီ မှတ်တမ်းတင် ဓာတ်ပုံရိုက်ကူးနေတဲ့ ဓာတ်ပုံဆရာ Greg Constantine ဟာ ရန်ကုန်မြို့မှာ ဗုဒ္ဓဟူးနေ့ကျရင် ပြသမယ့် ဓာတ်ပုံပြပွဲအတွက် မြန်မာနိုင်ငံကို လာရောက်ခဲ့ရာမှာ သောကြာနေ့ကပဲ ပြည်ဝင်ခွင့် ငြင်းဆန်ခံခဲ့ရတာ ဖြစ်ပါတယ်။ အလုပ်သမား လူဝင်မှု ကြီးကြပ်ရေးနဲ့ ပြည်သူ့အင်အား ၀န်ကြီးဌာနက ညွှန်ကြားရေးမှူး ဦးရဲထွန်းဦးကတော့ မြန်မာအစိုးရဲ့ အမည်မည်းစာရင်း black list ထဲမှာ ထည့်သွင်းခံထားရသူ တယောက်အဖြစ် တားမြစ်ခဲ့တာ ဖြစ်တယ်လို့ ဗွီအိုအေကို ပြောပါတယ်။

“ကျနော်တို့ကတော့ ဒီလိုဗျ။ ကျနော်တို့ မှာ အမည်မည်းစာရင်းသွင်းထားတာဆိုရင်တော့ ကျနော်တို့က ပြန်လွှတ်မယ်။ ဒီလို ပြန်လွှတ်တဲ့ နိုင်ငံခြားသားတွေလည်းအများကြီးပဲခင်ဗျ။ အမည်မည်းစာရင်းသွင်းထားတာဆိုရင်တော့ ကျနော်တို့က ခွင့်ပြုချက်မရတဲ့ဟာပေါ့လေ။ ဒါနိုင်ငံတကာမှာလည်းရှိပါတယ် အဲဒါမျိုးတွေ ဆိုရင်တော့ ပြန်လွှတ်မယ်ခင်ဗျ။”

Greg Constantine ဟာ မြန်မာပြည်ကို၂၀၀၆ ခုနှစ်ကတည်းက လာရောက်ခဲ့ပြီး ရခိုင်ပြည်မှာ ရှိတဲ့ လူနည်းစု မူဆလင်တွေအကြောင်း မှတ်တမ်းဓာတ်ပုံ documentary ရိုက်ခဲ့သူ တစ်ဦးဖြစ်ပါတယ်။ နောက်ပြီး ၂၀၁၂ ခုနှစ်မှာပဲ Exiled to Nowhere: Burma's Rohinga ခေါင်းစဉ်နဲ့ စာအုပ်တစ်အုပ် ရေးသားထုတ်ဝေခဲ့ပြီး ဒါဟာလည်း နိုင်ငံတကာ ဆုတံဆိပ်တချို့ကို ဆွတ်ခူးနိုင်ခဲ့တာပါ။ ဒီတခေါက်မှာ သူ့ကို black list သွင်းခံရတာနဲ့ ပတ်သက်လို့ သေချာမသိပေမဲ့လို့ ရခိုင်ပြည်နယ်က မူဆလင်တွေရဲ့ ဓာတ်ပုံတွေကို ပြပွဲမှာ ထည့်သွင်း ပြသမယ့် ကိစ္စနဲ့ ဆက်နွယ်နိုင်တယ်လို့ ယူဆကြောင်း AFP သတင်းဌာနကို ပြောဆိုထားပါတယ်။ မြန်မာနိုင်ငံရဲ့ သတင်းလွတ်လပ်ခွင့် အခြေအနေနဲ့ ပတ်သက်လို့ ပြည်တွင်းပြည်ပက စိုးရိမ်မကင်းမှုတွေ ရှိနေချိန်မှာပဲ အခုလို သတင်းသမားတဦး ပြည်ဝင်ခွင့် ငြင်းပယ်ခံခဲ့ရတာဟာ ကောင်းတဲ့ လက္ခဏာတခုတော့ မဟုတ်ဘူးလို့လည်း မြန်မာနိုင်ငံ သတင်းမီဒီယာကောင်စီ အဖွဲ့ဝင် ဦးမြင့်ကျော် ကပြောပါတယ်။

“အစိုးရက တကယ်တမ်းကြတော့ တဘက်မှာ ရခိုင်ပြည်နယ်နဲ့ ပတ်သက်တဲ့ သတင်းအချက်အလကတွေ ထုတ်ပြန်ရေးတို့ ၊ သတင်းသမားတွေသွားဖို့ လက်လှမ်းမှီဖို့အတွက် ကူညီပေးတာတို့ ၊ ခွင့်ပြုတာတို့ အဲဒါမျိုးတွေမလုပ်နိုင်ပဲနဲ့ ဒီလိုတဘက်မှာ တခြားသော ဘင်္ဂလီဘက်က ၊ ရိုဟင်ဂျာဘက်က ဟာတွေမျိုးကို ပိတ်မယ်ဆိုပြီး ကြိုးစားတယ်ဆိုတော့ လုပ်နည်းလုပ်ဟန်က မှားနေတယ်။ အမှန်တော့ ဒီဟာမျိုးကိုပိတ်တာမလုပ်ပဲနဲ့ ပြည်တွင်းကရော၊ နိုင်ငံတကာကရော သွားဖို့အတွက်ကိုခွင့်ပြုတာတို့ လိုအပ်တဲ့ ကာကွယ်ကူညီတာတို့ ပေးနိုင်ရင် ပိုပြီးတော့ထိရောက်မယ်လေ။ ဒီလိုလုပ်ခြင်းက မထိရောက်ပဲနဲ့ အစိုးရပေါ်မှာ ဝေဖန်မှုပဲ ရနေမယ်။

ရခိုင်ပြည်နယ်မှာ ရဲကင်းစခန်းတချို့ကို အကြမ်းဖက် တိုက်ခိုက်ခံခဲ့ရပြီးနောက် လုံခြုံရေး အာဏာပိုင်တွေရဲ့ လိုက်လံရှင်းလင်းမှုတွေအတွင်း လူ့အခွင့်အရေး ချိုးဖောက်မှုတွေရှိနေတယ်ဆိုတဲ့ စွပ်စွဲချက်တွေနဲ့အတူ သတင်းမီဒီယာတွေ လွတ်လွတ်လပ်လပ် သတင်းယူခွင့် မရှိတဲ့အတွက် ဝေဖန်မှုတွေ ထွက်ပေါ်နေချိန်မှာပဲ၊ တိုက်တိုက်ဆိုင်ဆိုင် ဆိုသလို နိုင်ငံတကာ သတင်းသမားတယောက် ပြည်ဝင်ခွင့် တားမြစ်ခံခဲ့ရတာလည်း ဖြစ်ပါတယ်။ ဒါပေမဲ့လည်း ဒီလုပ်ရပ်ဟာ နိုင်ငံတကာသတင်းသမား အားလုံးကို ကန့်သတ်တဲ့ လုပ်ရပ်တခုအဖြစ် ရှုမြင်လို့ မရနိုင်ဘူးလို့လည်း အပတ်စဉ်ထုတ်ဂျာနယ်တစောင်ဖြစ်တဲ့ Tomorrow ရဲ့ အယ်ဒီတာချုပ် ဦးဇော်သက်ထွေး ကမြင်ပါတယ်။

“အခုလိုအချိန်မှာ အချိန်ကိုက် ဒီလိုမျိုးဆောင်ရွက်တယ်လို့ ယူဆစရာရှိတာကြောင့် သက်ဆိုင်ရာ တာဝန်ရှိသူတွေက တားမြစ်တယ်လို့ ယူဆတယ်။ ဒါဟာ အခြေအနေပေါ်မှာ ပေါ်ပေါက်သွားတဲ့ တားမြစ်မှုမဟုတ်ပဲနဲ့ ဒါဟာ နိုင်ငံတကာ သတင်းထောက်များအခွင့်အရေးကို ပိတ်ပင်ဖို့ ရေရှည်ချမှတ်တဲ့ အမိန့်အာဏာ မဟုတ်ဘူးလို့ ကျနေ်ာနိုင်ငံသားတယောက်အနေနဲ့ ယုံကြည်ပါတယ်။”

Greg Constantine ဟာ ၂၀၀၅ ခုနှစ်ကတည်းက အိုးမဲ့အိမ်မဲ့ နိုင်ငံမဲ့ လူ့အသိုင်းအ၀ိုင်းတွေအကြောင်း ပုံဖော်တဲ့ nowhere People ပရောဂျက်ကို စတင်ခဲ့ပြီး မြန်မာ၊ ဘင်္ဂလားဒေ့၊ မလေးရှား၊ သိရှိလင်္ဂအပါအ၀င် ယူကရိန်း ဆာဘီးယားနဲ့ အီတလီစတဲ့ နိုင်ငံတွေမှာရှိတဲ့ နိုင်ငံမဲ့ လူတွေအကြောင်း မှတ်တမ်းရုပ်ပုံတွေ ရိုက်ကူးနေခဲ့တာဖြစ်ပါတယ်။ သူဟာ New York Times, Newsweek, International Herald Tribune, CNN နဲ့ Al-Jazeera စတဲ့ နိင်ငံတကာ သတင်းဌာနတို့နဲ့ အတူလက်တွဲ အလုပ်လုပ်ကိုင်နေသူတစ်ဦးလည်း ဖြစ်ပါတယ်။ ဒါ့အပြင် ဆယ်စုနှစ်နဲ့ချီ နိုင်ငံတကာ ဓာတ်ပုံဆုပေါင်းများစွာကိုလည်း ရရှိထားသူတစ်ဦးလည်း ဖြစ်ပါတယ်။

 ထက်အောင်ခန့် / ဗွီအိုအေ (မြန်မာပိုင်း)
http://burmese.voanews.com



နေပြည်တော်မှာ စက်တင်ဘာလ ၁ဝ ရက်နေ့က ဦးထွန်းထွန်းဝင်းနဲ့ ဦးအောင်မျိုးဦးတို့က ရွေးကောက်ပွဲ ကော်မရှင်ရဲ့ ဆုံးဖြတ်ချက်နဲ့ ပတ်သက်ပြီး သတင်းစာရှင်းလင်းပွဲပြုလုပ်စဉ်။ Photo: U Aung Myo Oo
ပြည်ထောင်စု ကြံ့ခိုင်ရေးနဲ့ဖွံ့ဖြိုးရေးပါတီရဲ့ ရမည်းသင်းမြို့နယ် ပြည်သူ့လွှတ်တော် ကိုယ်စားလှယ် ဦးကိုကိုနိုင်နဲ့ တိုင်းဒေသကြီးမဲဆန္ဒနယ် အမှတ်(၂)က လွှတ်တော်ကိုယ်စားလှယ် ဦးကျော်မြင့်တို့ ၂ ဦးကို ပြည်ထောင် စုရွေးကောက်ပွဲကော်မရှင်က တရားမဲ့ပြုကျင့်မှုနဲ့ ကိုယ်စားလှယ်အဖြစ်ကနေ ပယ်ဖျက်လိုက်ပြီး NLD ပါတီက ကိုယ်စားလှယ် ၂ ဦးကို အစားထိုးခန့်အပ်လိုက်ပါတယ်။

အမျိုးသားဒီမိုကရေစီအဖွဲ့ချုပ်ပါတီက ကိုယ်စားလှယ်တွေရဲ့ ကန့်ကွက်မှုကို ပြည်ထောင်စုရွေး ကောက်ပွဲကော်မရှင် က ဒီနေ့ အပြီးသတ်အမိန့်ချရာမှာ အခုလိုဆုံးဖြတ်လိုက်တာ ဖြစ်တယ်လို့ အမှုကို လိုက်ပါဆောင်ရွက်ပေးခဲ့တဲ့ တရားလွှတ်တော်ရှေ့နေ ဦးအောင်သိန်း (မိထ္တီလာ)က ပြောပါတယ်။

"၂၀၁၅ ခုနှစ်ရွေးကောက်ပွဲ Campaign  ကာလမှာ ဦးကိုကိုနိုင်နဲ့ ဦးကျော်မြင့်တို့ဟာ ရွေးကောက်ပွဲ ဆိုင်ရာဥပဒေ ပုဒ်မ၆၆၊ ၆၇ မှာ ပြဌာန်းထားတဲ့ တရားမဲ့ပြုကျင့်မှုတွေ ပြုကျင့်တယ်။ သူတို့နှစ်ယောက် ကို ကန့်ကွက်တာ မူလရုံးမှာ NLD ဘက်က နှစ်ယောက်လုံးရှုံးတယ်။ အဲ့ဒါကြောင့်မိုလို့ အယူခံရုံးကို ဆက်အယူခံတက်တဲ့အခါ ဒီနေ့ အပြီးသတ်အမိန့်ချရာမှာတော့ အောက်ရုံးအမိန့်ကို ပယ်ဖျတ်ပြီးတော့ ကန့်ကွက်တဲ့အတိုင်းလက်ခံပြီးတော့ တရားမဲ့ပြုကျင့်တာမှန်ကန်တယ်ဆိုပြီးတော့ ပြည်သူ့ လွှတ်တော် နေရာမှာ ဦးထွန်းထွန်းဝင်း၊ တိုင်းဒေသကြီးလွှတ်တော်နေရာမှာ ဦးအောင်မျိုးဦးတို့ကို အနိုင်ပေးလိုက် တယ်ပေါ့နော်"

ရွေးကောက်ပွဲစည်းရုံးရေးကာလအတွင်း ကြံ့ခိုင်ဖွံ့ဖြိုးရေးပါတီက ပြည်သူ့လွှတ်တော် ကိုယ်စားလှယ်လောင်း ဦးကိုကိုနိုင်နဲ့ တိုင်းဒေသကြီးမဲဆန္ဒနယ် အမှတ်(၂)က ကိုယ်စားလှယ်လောင်း ဦးကျော်မြင့်တို့ဟာ ဘုန်းကြီးကျောင်း နဲ့ ဓမ္မာရုံတွေမှာ မဲဆွယ်စည်းရုံးပွဲတွေကျင်းပခဲ့ပြီး လူမျိုးရေး၊ဘာသာရေးနဲ့ဆိုင်တဲ့ ဟောပြောမှုတွေ လုပ်ဆောင်ခဲ့ တယ်လို့ NLD ပါတီက ကိုယ်စားလှယ်တွေက တိုင်တန်းခဲ့တာဖြစ်ပါတယ်။

အဲဒီတိုင်တန်းမှုနဲ့ ပတ်သက်ပြီး ပြည်ထောင်စုရွေးကောက်ပွဲကော်မရှင်က ၁၁ လကြာ စစ်ဆေးပြီးနောက် အခုလိုဆုံးဖြတ်ခဲ့တာ ဖြစ်ပါတယ်။

ပြည်သူ့လွှတ်တော် ကိုယ်စားလှယ်အဖြစ်ကနေ ပယ်ဖျက်ခံရတဲ့ ဦးကိုကိုနိုင်ဟာ သူရဦးရွှေမန်း ဥက္ကဌအဖြစ် တာဝန်ယူထားတဲ့ ပြည်ထောင်စုလွှတ်တော် ဥပဒေရေးရာနဲ့ အထူးကိစ္စရပ်များ လေ့လာဆန်းစစ် သုံးသပ်ရေး ကော်မရှင်မှာ ဒုတိယဥက္ကဌတာဝန်ကို ထမ်းဆောင်နေတာ ဖြစ်ပါတယ်။

တိုင်းဒေသကြီးလွှတ်တော် ကိုယ်စားလှယ်အဖြစ်ကနေ ပယ်ဖျက်ခံရတဲ့ ဦးကျော်မြင့်ကတော့ ပြီးခဲ့တဲ့ အစိုးရလက်ထက်က မန္တလေးတိုင်းလျှပ်စစ်နဲ့ စက်မှုလက်မှုဝန်ကြီးတာဝန်ကို ထမ်းဆောင်ခဲ့သူ ဖြစ်ပါတယ်။

RFA Burmese
http://www.rfa.org/burmese


နိုဝင်ဘာ ၁၆ ရက် ညနေ ၆ နာရီခန့်က နေပြည်တော်ကောင်စီနယ်မြေ ပုဗသီရိမြို့နယ် ၀ဏဒီပရပ်ကွက်၊ ငုရွှေဝါလမ်းအတွင်းရှိ နေအိမ်တအိမ်တွင်း အမျိုးသမီးငယ်တဦးတည်းရှိနေစဉ် လူသုံးဦးမှ ၀င်ရောက် လုယက်မှုတခု ဖြစ်ပွားခဲ့ကြောင်း သိရပါသည်။

နေပြည်တော်ကောင်စီနယ်မြေ ပုဗသီရိမြို့နယ် ၀ဏဒီပရပ်ကွက်၊ ငုရွှေဝါလမ်းအတွင်းရှိ နေအိမ် တအိမ်တွင် မမွန်မွန်ဇော်တဦးတည်းရှိနေစဉ် အိမ်နောက်ဖေးမှ မျက်နှာတွင် ပုဝါနဲ့စီးထားသော လူသုံးယောက်ဝင်ရောက်လာပြီး တဦးမှ မမွန်မွန်ဇော်၏ နောက်ဘက်မှ အချွန်တခုနှင့်ထောက်ထားပြီး အော်ရင်နောက်ကထိုးလိုက်မယ်ဟုပြောပြီး မီးမိန်းဘယ်မှာလဲမေးပြီး မီးမိန်းချခိုင်းကြောင်း၊ အချိန်ကတော့ နိုဝင်ဘာ ၁၆ ရက် ညနေ ၆ နာရီဝန်းကျင်ခန့်ဖြစ်ကြောင်း၊ မမွန်မွန်ဇော် ၀တ်ဆင်ထားသည့်တန်ဖိုး ၁၀ သိန်းဝန်းကျင်ခန့်ရှိ လက်စွပ်၊ လက်ကောက်၊ နားကပ်၊ ဆွဲကြိုးရွှေထည်ပစ္စည်းများ လုယက်ယူဆောင်သွားကြောင်း မမွန်မွန်ဇော်က ပြောပါသည်။

မမွန်မွန်ဇော်က ဖြစ်စဉ်နှင့်ပတ်သက်၍ ပုဗသီရိမြို့နယ် ထုံးဘိုမြို့မရဲစခန်းသို့ ဖြစ်စဉ်နှင့်ပတ်သက်၍ အရေးယူပေးပါရန် တိုင်ကြားလာသဖြင့် (ပ) ၂၀၁/၂၀၁၆ ပုဒ်မ- ၃၈၆ ဖြင့် အမှုဖွင့် အရေးယူထားပြီး တရားခံများ အမြန်ဆုံးဖမ်းမိရေးအတွက် ဆောင်ရွက်နေကြောင်း သိရပါသည်။

ပုဒ်မ ၃၈၆ ကတော့ မည်သူမဆို တဦးတယောက်သောသူကိုဖြစ်စေ၊ သူတပါးကိုဖြစ်စေ သေစေမည်ဟုသို့တည်းမဟုတ် အပြင်းအထန် နာကျင်စေမည်ဟုကြောက်အောင်ပြု၍ ခြောက်လှန့်တောင်းယူမှုကို ကျူးလွန်လျှင် ထိုသူကို ဆယ်နှစ်အထိထောင်ဒဏ် တမျိုးမျိုးချမှတ်နိုင်သည့်အပြင် ငွေဒဏ်လည်းချမှတ်နိုင်ကြောင်း သိရပါသည်။

ဖြစ်စဉ်နှင့်ပတ်သက်၍ ၁၇-၁၁-၂၀၁၆ ရက်နေ့ နံနက် ၈း၄၅ နာရီထိ တရားခံ ဖမ်းဆီးရမိရေးဆောင်ရွက်လျက်ရှိကြောင်း သိရပါသည်။

ထွန်း(နေပြည်တော်)
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal



ရိုဟင်ဂျာမွတ်ဆလင်တွေကို ရွာအပြင်ဘက်မှာ တွေ့ရစဉ် (အောက်တိုဘာ ၂၇ရက် ၂၀၁၆)
ရခိုင်ပြည်နယ်အတွင်း အကြမ်းဖက် တိုက်ခိုက်မှုတွေဖြစ်ပွားနေတဲ့အပေါ် လုံခြုံရေးတပ်ဖွဲ့တွေက နယ်မြေရှင်းလင်းတာတွေ ဆောင်ရွက်ချိန်မှာ ရာနဲ့ချီတဲ့ ရိုဟင်ဂျာမွတ်ဆလင်တွေ ဘင်္ဂလားဒေ့ရ်ှနိုင်ငံဖက်ကို ထွက်ပြေးနေရကြောင်း နိုင်ငံတကာသတင်းတချို့က ဖော်ပြနေပေမဲ့ မြန်မာအစိုးရကတော့ အတည်မပြုပါဘူး။ အိမ်နီးချင်း ဘင်္ဂလားဒေ့ရ်ှနိုင်ငံနဲ့ ဆက်သွယ်ဆောင်ရွက်နေတာတွေ ရှိပေမဲ့ ရာနဲ့ချီ ထွက်ပြေးနေတယ်လို့ မြန်မာအစိုးရဘက်ကို အကြောင်းကြားတာမျိုးလည်း မရှိဘူးလို့ တာဝန်ရှိသူတွေက ပြောဆိုခဲ့တာပါ။ ဒီသတင်းကိုတော့ ဗီအိုအေမြန်မာပိုင်းရဲ့သတင်းထောက် ကိုမိုးဇော်က အခုလို တင်ပြထားပါတယ်။

အောက်တိုဘာလ ၉ရက်နေ့ ဘူးသီးတောင်နဲ့ မောင်တောမြို့တွေမှာ နယ်ခြားစောင့်ရဲတပ်ဖွဲ့ကို အကြမ်းဖက်တိုက်ခိုက်တာတွေဖြစ်ပွားခဲ့ပြီးတဲ့နောက် အစိုးရက နယ်မြေရှင်းလင်းရေးဆောင်ရွက်ချိန်မှာ ရာနဲ့ချီတဲ့ ရိုဟင်ဂျာမွတ်ဆလင်တွေ ဘင်္ဂလားဒေရ်ှနိုင်ငံကို ထွက်ပြေးနေကြောင်း နိုင်ငံတကာသတင်း ဌာနတချို့က ဖော်ပြနေတာဖြစ်ပါတယ်။

ဒီလို သတင်းတွေထွက်ပေါ်နေပေမဲ့ ဘင်္ဂလားဒေရ်ှအစိုးရဖက်ကတော့ ဒီလိုထွက်ပြေးနေတာနဲ့ပတ်သက်ပြီး မြန်မာနိုင်ငံကို တစုံတရာအသိပေးအကြောင်းကြားလာတာမရှိဘူးလို့ မြန်မာနိုင်ငံခြားရေါ်ဝန်ကြီးဌာန ညွှန်ကြားရေးမှုးချုပ် ဦးကျော်ဇေယျက ပြောပါတယ်။

“ဒီရက်ပိုင်းမှာတော့ သူတို့ communication ရှိတယ်။ ဒါမျိုးတွေတော့ အကြောင်းကြားလာတာ မရှိပါဘူး။ ဘင်္ဂလားဒေ့ရ်ှနဲ့ ကျနော်တို့ အပြန်အလှန်ပြောဆိုဆွေးနွေးတာတော့ရှိတယ်လေ။ ကျနော်တို့ဆီကသံအမတ်ကြီးနဲ့ သူတို့ဆီက သက်ဆိုင်ရာတာဝန်ရှိသူတွေနဲ့ ဆွေးနွေးတာတွေတော့ရှိပါတယ်။ သူတို့ဆွေးနွေးတဲ့အထဲမှာတော့ အဲဒီလိုပြေးတယ်ဆိုတဲ့ကိစ္စကတော့ မတွေ့မိဘူးခင်ဗျ။ သတင်းတော့ဖော်ပြလိမ့်မယ် ဒါနဲ့ ပတ်သက်ပြီးတော့ ၊ ဒါပေမယ့် ဆွေးနွေးတယ် ကျနော်တို့ကိုတင်ပြတယ်ဆိုတာတော့ မရှိသေးပါဘူး။”

ပြည်ထောင်စု သမ္မတ မြန်မာနိုင်ငံ နိုင်ငံတော်အတိုင်ပင်ခံရုံး သတင်းထုတ်ပြန်ရေးကော်မတီ အတွင်းရေးမှုး ဦးဇော်ဌေးကို ဆက်သွယ်ခဲ့ပေမဲ့ မအားလပ်တာကြောင့် ဖြေကြားနိုင်တာ မရှိခဲ့ပါဘူး။

မောင်တောဒေသခံတွေကတော့ ဒီလို ထွက်ပြေးတာမကြားသိကြောင်းနဲ့ လုံခြုံရေးကိုတော့ တင်းကျပ်ထားကြောင်း ပြောပါတယ်။

“ထွက်ပြေးတာတော့ မကြားဘူးခင်ဗျ။ ဒီ နတ်မြစ်ကမ်းတွေမှာတော့ ရေတပ်တွေရှိတယ် ၊ နအဖတွေကတော့ အရင်တုန်းကပုံစံအတိုင်း စစ်ဆေးရေး ဂိတ်တို့ ဘာတို့ ထားပါတယ်။”

ဗုဒ္ဓဟူးနေ့က ထုတ်ပြန်တဲ့ ရိုက်တာသတင်းမှာတော့ အောက်တိုလာလအခင်းဖြစ်ပွားပြီးနောက်မှာ ရိုဟင်ဂျာ ၅၀၀လောက်ဟာ စခန်း၎ခုမှာ ခိုလှုံနေရတယ်လို့ ကူညီကယ်ဆယ်ရေးလုပ်သားတွေနဲ့ စခန်းတွင်းက လူတွေကို ကိုးကားပြီး ဖော်ပြထားပါတယ်။

ပြီးခဲ့တဲ့ အင်္ဂါနေ့ကလည်း အမျိုးသမီး ၄၀ယောက်နဲ့ ကလေး၂၅ယောက်အပါအ၀င် လူ၈၆ယောက်ဟာ စက်လှေ၂စင်းနဲ့ နတ်မြစ်ကို ဖြတ်ကျော်ဝင်ရောက်လာတာကြောင့် ဘင်္ဂလားဒေ့ရ်ှနယ်ခြားစောင့်တပ်က ပြန်လည်မောင်းထုတ်ခဲ့ကြောင်းလည်း ရေးသားထားပါတယ်။

AFP သတင်းတပုဒ်မှာတော့ ဘင်္ဂလားဒေရှ်- မြန်မာနယ်စပ်မှာ ပဋိပက္ခကြောင့်ထွက်ပြေးလာသူ လူ၂၀၀လောက်သောင်တင်နေကြောင်းဖြော်ပသလို တနင်္လာနေ့က လူ၈၀လောက်ကို ဘင်္ဂလားဒေ့ရ်ှနိုင်ငံက ပြန်လည်နှင်ထုတ်ခဲ့ကြောင်းနဲ့ သူတို့ဟာ အလုပ်အကိုင်အခွင့်အလမ်းရှာဖွေဖို့အတွက် စီးပွားရေးအရ ပြောင်းရွှေ့လာသူတွေဖြစ်ပြီး လက်ရှိပဋိပက္ခကြောင့်မဟုတ်ကြောင်း ဘင်္ဂလားဒေ့ရ်ှနယ်ခြားစောင့်တပ်ဖွဲ့ရဲ့ ပြောရေးဆိုခွင့်ရှိသူက ပြောတဲ့စကားကို ကိုးကားဖော်ပြထားပါတယ်။

ဘင်္ဂလားဒေ့နိုင်ငံထုတ်သတင်းစာတွေမှာတော့ သူတို့ရဲ့နယ်ခြားစောင့်တပ်တွေကို လုံခြုံရေးတိုးမြှင့်ချထားကြောင်း ဖော်ပြထားကြပါတယ်။

မြန်မာအစိုးရက ဒီရက်ပိုင်းတွေအတွင်း ထုတ်ပြန်တဲ့ HRW ခေါ် နိုင်ငံတကာလူ့အခွင့်အရေးအဖွဲ့ နဲ့ ပြည်ပမီဒီယာတွေက သတင်းတွေဟာ ပကတိအခြေအနေနဲ့ ကွဲလွဲနေကြောင်းပြောဆိုထားသလို HRWကလည်း အခြေအနေမှန်တွေကို သိရဖို့ လွတ်လပ်တဲ့ သတင်းမီဒီယာတွေနဲ့ လူ့အခွင့်အရေးအဖွဲ့တွေကို မောင်တောဒေသကို သွားခွင့်ပြုဖို့ လိုကြောင်း မြန်မာအစိုးရကို တိုက်တွန်းထားပါတယ်။

မြန်မာတပ်မတော်ကတော့ လက်ရှိဖြစ်ပွားနေတဲ့ ရခိုင်ပြည်နယ်မြောက်ပိုင်း ဘူးသီးတောင်၊ မောင်တောမြို့နယ်အတွင်း အကြမ်းဖက်တိုက်ခိုက်မှုဖြစ်စဉ်မှာ အစိုးရတပ်မတော်က အရာရှိ၊ စစ်သည် ၇ဦး၊ ရဲတပ်ဖွဲ့က ၁၀ဦးကျဆုံးခဲ့ကြောင်းနဲ့ သေဆုံးသူ ဘင်္ဂလီ၆၉ဦးရှိကြောင်းလည်း သတင်းထုတ်ပြန်ထားပါတယ်။

 ကိုမိုးဇော် / ဗွီအိုအေ (မြန်မာပိုင်း)
http://burmese.voanews.com



(ရွှေတိဂုံစေတီတော်ကို တွေ့ရစဉ်) Photo: RFA
ရွှေတိဂုံစေတီတော်ကို အကြမ်းဖက်သမားတွေက ဖျက်ဆီးမယ်ဆိုတဲ့ သတင်းတွေထွက်နေတဲ့အတွက် စေတီတော်လုံခြုံရေးကို တိုးမြှင့်ဆောင်ရွက်နေတယ်လို့ သာသနာရေးနဲ့ ယဉ်ကျေးမှုဝန်ကြီးဌာန၀န်ကြီး သူရဦးအောင်ကိုက ပြောပါတယ်။

လက်ရှိအချိန်မှာ စေတီတော်ကို လုံခြုံရေး တိုးမြှင့်နေပြီး လိုအပ်တဲ့ဝန်ထမ်းတွေလည်း တိုးချဲ့ခန့်ထားမယ်လို့ ပြည်ထောင်စုဝန်ကြီး သူရဦးအောင်ကိုက ဒီကနေ့ အမျိုးသားလွှတ်တော် အစည်းအဝေးအပြီးမှာ သတင်းထောက်တွေကို ပြောပါတယ်။

လုံခြုံရေးအတွက် စေတီတော်ရဲ့လုံခြုံရေးအဖွဲ့သာမက မြန်မာနိုင်ငံရဲတပ်ဖွဲ့ကိုပါ အသုံးပြုထားတယ်လို့လည်း ပြောပါတယ်။

လုံခြုံရေးအရ ရွှေတိဂုံစေတီတော်ကြီး အနီးဝန်းကျင်မှာ အဝေးထိန်းမောင်းသူမဲ့ ဒရုန်းလေယာဉ်တွေ ပျံသန်းခွင့်ကိုလည်း ပိတ်ပင်ထားပါတယ်။

RFA Burmese
https://www.facebook.com/rfaburmese


ဘန်ကောက်

ထိုင်းနိုင်ငံတွင် ဇန်နဝါရီမှစပြီး ဇီကာကူးစက်ခံထားရသူ ၆၈၀ ကျော်ရှိနေပြီဖြစ်ကြောင်း ထိုင်းကျန်းမာရေးအာဏာပိုင်များက ဗုဒ္ဓဟူးနေ့တွင် ထုတ်ပြန်ခဲ့သည်။

ဇီကာကူးစက်ခံထားရသူသစ် ၃၃ ဦးကိုလည်း တွေ့ရှိခဲ့မှုကြောင့် ကူးစက်ခံထားရသူ ဦးရေသည် ၆၈၀ ဦးကျော်သွားပြီဖြစ်ကြောင်း ထိုင်းကျန်းမာရေးအာဏာပိုင်များက ဗုဒ္ဓဟူးနေ့တွင် ပြောဆိုခဲ့သည်။

“နောက်ထပ်ခရိုင်နှစ်ခုမှာ ကူးစက်ခံထားရသူသစ် ၃၃ ဦးကို တွေ့ရှိခဲ့ပါတယ်” ဟု ကျန်းမာရေးဝန်ကြီးဌာန၏ပြောခွင့်ရှိသူ သုဝဏ္ဏချိုင် ဝတ္တနယင်ချာရွန်ချိုင်က ရိုက်တာစ်သတင်းဌာနသို့ ပြောဆိုခဲ့သည်။

ကံတော်ကုန်သွားသည့် ဘုရင် ဘူမိဘော အဒူလျာဒေဇအတွက် ဝမ်းနည်းကြောင်း အထိမ်းအမှတ် အခမ်းအနားများတွင် ပါဝင်ရန် ထိုင်းနိုင်ငံသားများသည် မြို့တော် ဘန်ကောက်သို့ လာရောက်နေသောကြောင့် ခရီးသွားများအတွက် ဇီကာဆိုင်ရာ သတိပေးမှုများကို တိုးမြှင့်လုပ်ဆောင်နေရကြောင်း သုဝဏ္ဏချိုင်က ပြောဆိုခဲ့သည်။

ဇီကာဆိုသည်မှာ ထင်သာမြင်သာရှိသော ရောဂါမဟုတ်ကြောင်း၊ ကူးစက်ခံထားရသူများတွင်လည်း ရောဂါလက္ခဏာမပြကြောင်း သတိပေးနေရသည်ဟု ၄င်းက ပြောဆိုခဲ့သည်။

ဇီကာရောဂါဖြစ်ပွားသူများ ရှိနေပြီဖြစ်ကြောင်း ထိုင်းအစိုးရက စက်တင်ဘာတွင် ထုတ်ပြန်ခဲ့သည်။ စင်ကာပူတွင်လည်း ဇီကာဖြစ်ပွားသူ ၄၅၀ ဦး ရှိနေသည်။

ဇီကာကူးစက်ခံထားရသည့် ကိုယ်ဝန်ဆောင်အမျိုးသမီးများသည် ဦးခေါင်း အင်မတန်သေးငယ်သည့် ကလေးငယ်များကို မွေးဖွားတတ်သည်။

Source:Reuters

ရိုးမြေ
SKY Land News & Entertainment Media
https://www.facebook.com/skyland.news

(ဓာတ်ပုံ- မြန်မာဘက်က ၀င်ရောက်လာသူများကို ဆန့်ကျင်ရန် ဟောပြောနေစဉ်။)
နိရဉ္စရာ၊ နိုဝင်ဘာ ၁၇

မြန်မာနိုင်ငံ အနောက်ဘက်နယ်စပ်နှင့် ဆက်စပ်နေသော ဘင်္ဂလာဒေ့ရ်ှနိုင်ငံ တက်ကနက်မြို့နယ်စပ် တစ်လျှောက်တွင် မောင်တောမြို့နယ်မှ ရိုဟင်အမည်ခံ ဘင်္ဂလီများ ထွက်ပြေးဝင်ရောက်မလာနိုင်ရန် နယ်ခြားစောင့်တပ်တပ်ဖွဲ့များကို တိုးချဲ့ချထားလိုက်သည်ဟု သတင်းရရှိသည်။

အနည်းဆုံး တပ်ခွဲ သုံးခုခန့်ကို တက်ကနက်မြို့နယ် နယ်စပ်သို့ ဗုဒ္ဓဟူးနေ့ နေ့လယ်က ပို့ပေးလိုက်ကြောင်း တက်ကနက် နယ်ခြားစောင့်တပ် (BGB 2) မှ တပ်ရင်းမှူး ဗိုလ်မှူးချုပ် Abu Zar Al Jahid uက ပြောကြောင်း ဘင်္ဂလာဒေ့ရ်ှနိုင်ငံ bdnews24.com တွင် သတင်းဖော်ပြသည်။

ယခု အသစ်ချလိုက်သော နယ်ခြားစောင့်တပ်ဖွဲ့ဝင်များအနေဖြင့် မြန်မာဘက်မှ ၀င်ရောက်လာသူများကို တားဆီးရန်သာမက သူတို့ ၀င်ရောက်လာမှုကို ဆန့်ကျင်ကြရန် ဘင်္ဂလာဒေ့ရှ် လူထုအား အသိ ပညာပေးမှု မြင့်တင်ရေးကိုလည်း ပြုလုပ်သွားမည်ဟု ဆိုသည်။

၎င်းပြင် ရိုက်တာ (Reuters) က ရေးသော သတင်းကို ကိုးကားပြီး အောက်တိုဘာလ ၉ ရက်နေ့ နယ်ခြားစောင့်တပ်ဖွဲ့များ အတိုက်ခံရပြီး ရဲတပ်ဖွဲ့ဝင် ၉ ဦး သေဆုံးပြီးနောက် များမကြာမီက ပြုလုပ်ခဲ့သော စစ်ဆင်ရေးများ အတွင်း ရိုဟင်ဂျာ အမည်ခံ ဘင်္ဂလီ ၁၃၀ သေဆုံးခဲ့ကြောင်း စစ်တပ်က ပြောသည်ဟု ဆိုကာ ၎င်းBdnews 24 သတင်းတွင် ဖော်ပြထားသည်။

၎င်းရိုက်တာသတင်းကပင် လူပေါင်းရာချီပြီး နတ်မြစ်ကို ဖြတ်ကျော်ပြီး ဘင်္ဂလာဒေ့ရ်ှသို့ ထွက်ပြေးရန် ကြိုးပမ်းနေကြောင်း ဖော်ပြထားသည်ဟု ဆိုသည်။

လွန်ခဲ့သော အင်္ဂါနေ့ နံနက်ပိုင်းက နတ်မြစ်ကို ဖြတ်ကျော်ပြီး မြန်မာဘက်က လူပေါင်း ၈၀ ခန့် ဘင်္ဂလာဒေ့ရ်ှသို့ ထွက်ပြေးဝင်ရောက်လာသော်လည်း ပြန်လည် နှင်ထုတ်ခဲ့သည်ဟု သတင်းကဆိုသည်။

ယခင်က တစ်နေ့လျှင် တစ်ဦးစနှစ်ဦးစသာ ဘင်္ဂလာဒေ့ရ်ှဘက်ကို ၀င်ရောက်လာသော်လည်း အောက်တိုဘာ ၉ ရက်နေ့ နောက်ပိုင်း မြန်မာနယ်ခြားစောင့် စခန်းများကို စစ်သွေးကြွများမှ ၀င်ရောက် တိုက်ခိုက်ပြီးနောက် ဘင်္ဂလာသို့ ၀င်ရောက်ရန် ကြိုးပမ်းသူများ ပိုများလာခဲ့သည်ဟု ဆိုသည်။

လက်ရှိ မောင်တောမြို့နယ်တွင် ဖြစ်ပွားနေသော သွေးထွက်သံယိုမှုသည် ၂၀၁၂ ခုနှစ်အတွင်း ရခိုင်တွင် ပေါ်ပေါက်ခဲ့သော လူမျိုးရေး၊ ဘာသာရေး အဓိဂရုဏ်းထက် စိုးရိမ်စရာ အခြေအနေရှိကြောင်း ရိုက်တာကို ကိုးကားပြီး သတင်းတွင် ဖော်ပြထားခြင်း ဖြစ်ပါသည်။

(မှတ်ချက်- တပ်မတော် သတင်းမှန်ပြန်ကြားရေးအဖွဲ့မှ ဘင်္ဂလီ ၆၉ ဦးသာ သေဆုံးခဲ့ကြောင်း ထုတ်ဖော်ပြောဆိုထားသည်။ သို့သော် ရိုက်တာသတင်းဌာနက ရိုဟင်ဂျာ အမည်ခံ ဘင်္ဂလီ ၁၃၀ သေဆုံးကြောင်း စစ်တပ်က ပြောသည်ဟု သတင်း ဖော်ပြထားသဖြင့် ကိန်းဂဏန်းကွဲလွဲနေသော်လည်း သူတို့ သတင်းပါ ကိန်းဂဏန်း အတိုင်းရေးသား ဖော်ပြလိုက်ပါသည်။)

Narinjara
https://www.facebook.com/Narinjara


သက်ဆိုင်ရာ ဝန်ကြီးတွေ အနေနဲ့ဖြေကြားတဲ့ အခါ မေးခွန်း နဲ့အဖြေ လွဲတာတွေ ရှိခဲ့
နိုဝင်ဘာလ ၁၆ ရက်နေ့မှာ ဒုတိယအကြိမ် ပြည်ထောင်စု လွှတ်တော် ပြည်သူ့လွှတ်တော် နဲ့အမျိုးသား လွှတ်တော် အစည်း အဝေး တွေကို စတင်ခဲ့ပါတယ်။

လွှတ်တော် အစည်းအဝေး ပြန်စတဲ့နေ့မှာတော့ ဖြည့်စွက် ဘဏ္ဍာ ငွေကိစ္စ နဲ့ပတ်သက်ပြီး အစိုးရအဖွဲ့က တင်ပြ လာတာ ရှိသလို့ရပ်ကျေးဥပဒေနဲ့ပတ်သက်လို့ဆွေးနွေးတာတွေရှိခဲ့ပါတယ်။

ပြည်သူ့လွှတ်တော်ရဲ့ မေးခွန်း မေးတဲ့ အစီအစဉ်မှာတော့ ပန်းတောင်းမြို့နယ် ပြည်သူ့လွှတ်တော်ကိုယ်စား လှယ် ဒေါ်ခင်နှင်းသစ်က ကုန်ဈေးနှုန်းတွေ တရိပ်ရိပ်တက်နေတာကို ထိန်းချုပ်ဖို့အစီအစဉ်ရှိမရှိ မေးမြန်းခဲ့ပါတယ်။

ဒီမေးခွန်းနဲ့ပတ်သက်လို့ စီးပွါးရေးနဲ့ကူးသန်းရောင်းဝယ်ရေးဝန်ကြီးဌာန ပြည်ထောင်စု ဝန်ကြီး က ဖြေကြားတဲ့ အခါမှာတော့ မေးခွန်းနဲ့အဖြေလွဲနေတဲ့ အတွက် မေးခွန်းကို ဖြေကြားပေးဖို့ထပ်ဆင့် မေးခွန်း မေးတဲ့အခါ ဝန်ကြီးက အဆင့်သင့် မဖြစ်သေးတဲ့အတွက် နောက်မှ ဖြေပါရစေလို့ ပြန်လည် ဖြေကြား ခဲ့ပါတယ်။

မေးခွန်း မေးတဲ့ ဒေါ်ခင်နှင်းသစ်က သူ့ အနေနဲ့ ဒီမေးခွန်းကို ပြီးခဲ့တဲ့ တစ်လခွဲ လောက်က ကြိုတင် မေးထား တာ ဖြစ်တယ်လို့ ဘီဘီစီကို ပြောပါတယ်။

ဝန်ကြီးရဲ့ အဖြေနဲ့ပတ်သက်လို့ လွှတ်တော် ကိုယ်စားလှယ် တော်တော်များက ဝေဖန်ခဲ့ကြပါတယ်။

ပြည်ထောင်စု ဝန်ကြီး က သီအိုရီတွေ လွှတ်တော်မှာ လာရှင်းပြခဲ့ပြီး ကုန်ဈေးနှုန်း တက်တဲ့ အကြောင်းရင်း ကို မရှင်းလင်းနိုင် ဖြစ်နေရတာက အင်မတန်မှ စိတ်ပျက် ဖို့ ကောင်းတယ်လို့ ရခိုင် အမျိုးသား ပါတီ ပြည်သူ့ လွှတ်တော် ကိုယ်စားလှယ် ဦးဦးလှစော က ပြောပါတယ်။

Nld အစိုးရ လက်ထက်မှာတော့ လွှတ်တော်ကိုယ်စားလှယ်တွေရဲ့ မေးခွန်းနဲ့ပတ်သက်လို့ သက်ဆိုင်ရာ ဝန်ကြီးတွေ အနေနဲ့ဖြေကြားတဲ့ အခါ မေးခွန်း နဲ့အဖြေ လွဲတာတွေ ရှိခဲ့ပါတယ်။

အထူးသဖြင့်လွှတ်တော် ကိုယ်စားလှယ်တွေရဲ့ ထပ်ဆင့် မေးခွန်းနဲ့ ပတ်သက်လို့ ဝန်ကြီးဌာနတွေ အနေနဲ့ဖြေဆိုတဲ့အခါ လိုအပ်ချက်တွေ အများကြီး ရှိနေတာ ကို တွေ့ရပါတယ်။

BBC Burmese
http://www.bbc.com/burmese