11/22/16


စစ်​​တွေ၊ နိုဝင်​ဘာ ၂၁ ။ ။ ရခိုင်​ပြည်​​နယ်​၊ စစ်​​တွေမြို့နယ်​၊ ဓညဝတီရပ်​ကွက်​တွင်​ ​နိုဝင်​ဘာ ၂၁ရက်​ ည ၈နာရီခွဲခန့်​က သောင်းနဲ့ချီတဲ့ လူစုလူ​ဝေး​တွေ စု​ဝေး​ရောက်​ရှိလာတဲ့အတွက်​ စစ်​တပ်​ နှင့်​ ရဲ လုံခြုံ​ရေး​တွေ အပြည့်​ချထားရပါတယ်​လို့ အဲ့ဒီ့​နေရာကို ​ရောက်​​နေတဲ့ RIA သတင်း​ထောက်​က သတင်း​ပေးပို့ပါတယ်​။

ဘင်္ဂလီ​ထောင်​နဲ့ချီ စစ်​​တွေရွာ​တွေကို ​ရောက်​လာတယ်​ဆိုပြီး ​ကောလာဟလသတင်း​တွေ ထွက်​​ပေါ်လာတဲ့အတွက်​ အခုလို လူ​တွေစု​ဝေး ​ရောက်​ရှိလာတာပါ။

အာဏာာပိုင်​​တွေက ဒီသတင်းဟာ ​ကောလာဟလလို့ရှင်းပြပြီး လူစုလူ​ဝေးကို ခွဲဖို့ ​ဖြောင်းဖျ​ပေမယ့်​ ဘယ်​သူမှ မပြန်​ကြသလို အာဏာပိုင်​တွေကလည်း ဆက်​ရှိ​နေဆဲပါ။

စစ်​​တွေမြို့မှာ ည ၇နာရီ​ကျော်​ကတည်းက လျှပ်​စစ်​မီး​တွေပျက်​​တောက်​​နေပြီး ယခုတိုင်​ မလာ​သေးတာ​ကြောင့်​လည်း လူထု​တွေက ပိုမို စိုးရိမ်​​နေကြပါတယ်​။

ယခု ဖြစ်​ပွား​နေသည့်​​နေရာသို့ ရခိုင်​ပြည်​နယ်​ ရဲမှူးကြီးနဲ့တကွ ​ဒေသတာဝန်​ရှိသူ​တွေ ​ရောက်​ရှိ​နေပါတယ်​။

ဘင်္ဂလီရွာ​​တွေအနီး စစ်​​တွေတက္ကသိုလ်​ရှိရာလမ်းမှာလည်း စစ်​ကား​တွေ၊ ရဲကား​တွေ လုံခြုံ​ရေးအပြည့်​ချထားတာကို ​တွေ့ရပါတယ်​။

Mizzima - News in Burmese


၂၁ ရာစုပင်လုံညီလာခံ သတင်းဓါတ်ပုံ
၂၁ ရာစုပင်လုံညီလာခံ သတင်းဓါတ်ပုံ
 ကချင်၊ ပလောင်၊ ကိုးကန့်၊ ရခိုင်လက်နက်ကိုင်အဖွဲ့တွေက ရှမ်းပြည်နယ်မြောက်ပိုင်းက အစိုးရတပ်ဖွဲ့တွေကို တိုက်ခိုက်မှုတွေအပေါ် လက်တုံ့ပြန်တိုက်ခိုက်တာတွေ ပြင်းထန်လာမယ်ဆိုရင်စစ်ပွဲဟာ ရှည်ကြာပြီး ငြိမ်းချမ်းရေးလုပ်ငန်းစဉ်က နှောင့်နှေးကြန့်ကြာသွားနိုင်ကြောင်း မြန်မာနိုင်ငံရေးလေ့လာသူတွေက သုံးသပ်ပါတယ်။ ငြိမ်းချမ်းရေးလုပ်ငန်းစဉ်မှာ NCA လက်မှတ်ရေးထိုးရာမှာ မပါဝင်သေးတဲ့အဖွဲ့အစည်းတွေ အားလုံးပါဝင်လာရေးကိုလည်း ထည့်သွင်းစဉ်းစားဖို့ လိုအပ်ကြောင်းလည်း ထောက်ပြပါတယ်။ ရှမ်းပြည်နယ်မြောက်ပိုင်း တိုက်ခိုက်မှုတွေနဲ့ ငြိမ်းချမ်းရေးအလားအလာကို ဗီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

တနင်္ဂနွေနေ့က ကချင်၊ ပလောင်၊ ကိုးကန့်၊ရခိုင်လက်နက်ကိုင်အဖွဲ့တွေက ရှမ်းပြည်နယ် မြောက်ပိုင်းက အစိုးရတပ်စခန်းနဲ့ ရဲကင်းစခန်း ၁၁တနေရာကို တရက်တည်းမှာ ထိုးစစ်ဆင်တိုက်ခိုက်ခဲ့သလို လမ်းတံတား ၃နေရာလောက်ကိုလည်း မိုင်းခွဲတိုက်ခိုက်ခဲ့တာဖြစ်ပါတယ်။

ဒီကနေ့မှာတော့ အစိုးရတပ်မတော်ဖက်က စစ်ပွဲဖြစ်ပွားရာဒေသဖက်ကို သံချပ်ကာကားတွေအပါအ၀င် တပ်အင်အားတွေ စေလွှတ်နေတယ်ဆိုတဲ့သတင်းတွေလည်း ထွက်ပေါ်နေပါတယ်။

စစ်ရေး၊ နိုင်ငံရေးလေ့လာသုံးသပ်သူ ဦးမောင်မောင်စိုးကတော့ အပြန်အလှန်တိုက်ခိုက်တာတွေ ဆက်ဖြစ်နေမယ်ဆိုရင် မြန်မာပြည်ရဲ့ ငြိမ်းချမ်းရေးလုပ်ငန်းစဉ်ဟာ ကြန့်ကြာလာနိုင်တယ်လို့ သုံးသပ်ပါတယ်။

“လောလောဆယ်အဲဒါကတော့ ပြဿနာကို ဘယ်လိုကြည့်မြင်သလဲဆိုတာအပေါ်မှာ မူတည်တယ်။ ဒီလက်နက်ကိုင်အဖွဲ့တွေနဲ့ ငြိမ်းချမ်းရေးပြဿနာ ဖြေရှင်းဖို့အတွက် ဆွေးနွေးမယ်ဆိုတဲ့ သဘောထားနဲ့ ဆွေးနွေးမယ်ဆိုရင် ပြဿနာကို မြန်မြန်ဆန်ဆန်ပေါ့ ဖြေရှင်းနိုင်မှာပေါ့။ ငြိမ်းချမ်းရေးလုပ်ငန်းစဉ်ကိုအောင်မြင်အောင် ဖြေရှင်းနိုင်မှာပေါ့။ တကယ်တော့ မဟုတ်ဘူး သူတို့လည်းတိုက်တယ်၊ ကိုယ်လည်းတိုက်တယ် အပြန်အလှန်တိုက်ကြမယ်ဆိုရင်တော့ အချိန်ကာလတခုကြာသွားပြီးတော့ တိုက်ပွဲတွေပိုမြင့်လာနိုင်တယ် ငြိမ်းချမ်းရေးလုပ်ငန်းစဉ်က နှောင့်နှေးသွားနိုင်တာပေါ့နော်။”

တိုက်ခိုက်တဲ့အဖွဲ့ တွေထဲမှာ ကချင်လွတ်လပ်ရေးတပ်ဖွဲ့ KIA ကတော့ တနိုင်ငံလုံး ပစ်ခတ်တိုက်ခိုက်မှု ရပ်စဲရေးသဘောတူစာချုပ် NCA ကို လက်မှတ်ရေးထိုးဖို့ ဖိတ်ခေါ်ထားပြီး ကျန်အဖွဲ့တွေ ကတော့ အစိုးရဖက်က လက်မှတ်ရေးထိုးဖို့ကို လက်ခံမထားတဲ့အဖွဲ့တွေဖြစ်ပါတယ်။

ငြိမ်းချမ်းရေးလုပ်ငန်းစဉ်တွေအောင်မြင်ဖို့ဆိုရင် လက်နက်ကိုင်အဖွဲ့အစည်းအားလုံးပါဝင်ရေးကို ဦးစားပေး ဆောင်ရွက်သင့်ကြောင်းလည်း ဦးမောင်မောင်စိုးက အခုလို ဆက်လက်ပြောဆိုပါတယ်။

“KIA နဲ့ဟာက UNFC ကတဆင့် ဖြေရှင်းလို့ရပေမယ့် ဟို ၃ ဖွဲ့ကတော့ ဘာနဲ့မှ ချိတ်ထားတာမရှိဘူး။ ဆွေးနွေးပွဲထဲမှာ ပြင်ပရောက်နေတယ်။ ဒါ့အပြင် UWSA ကလည်း ဒီ ၃ ဖွဲ့ပါရေးကို လက်ခံထားတယ်။ အဲဒီတော့ TNLA ကိုးကန့် ၃ ဖွဲ့ရယ် ၊ UWSA၊ မိုင်းလားတို့အဖွဲ့တွေပါလာရေးဆိုတာက ဦးစားပေးလုပ်ရမယ့် လုပ်ငန်းစဉ်လို့ ကျနော်ကမြင်တယ်။ ဆိုလိုတာက ငြိမ်းချမ်းရေးလုပ်ငန်းစဉ်အခြေခံမူသည် ဒီလက်နက်ကိုင် ပဋိပက္ခမှာ ပါဝင်နေတဲ့အဖွဲ့အားလုံး ပါဝင်နိုင်ရေးဖြစ်တယ်ဆိုတဲ့မူကို ငြိမ်းချမ်းရေးလုပ်ငန်းစဉ်ထဲမှာ ပါဝင်နေတဲ့လူတိုင်း၊ ငြိမ်းချမ်းရေးလုပ်ငန်းစဉ်ထဲမှာ ဦးဆောင်ဦးရွက်ပြုနေတဲ့လူတွေက ခိုင်ခိုင်မာမာလက်ခံ ဆုပ်ကိုင် နိုင်ရင်တော့ ဖြေရှင်းနိုင်လိမ့်မယ်။ အဲဒါကို အဲဒီမူ ကိုမဆုပ်ကိုင်နိုင်ဘူး၊ မလက်ခံနိုင်ဘူးဆိုရင်တော့ စစ်ပွဲက နည်းနည်းရှည်ကြာလိမ့်မယ်။”

ကချင်လွတ်လပ်ရေးတပ်ဖွဲ့ KIA၊ ပလောင် PSLF နဲ့ ကိုးကန့် MNDAA တပ်ဖွဲ့တွေပါဝင်တဲ့ ညီညွတ်သော တိုင်းရင်းသားလူမျိုးများ ဖက်ဒရယ်ကောင်စီUNFC ရဲ့ နိုင်ငံရေးဆွေးနွေးရေးကိုယ်စားလှယ်အဖွဲ့ DPN ဟာ ဒီလ ၉ရက်နဲ့ ၁၀ရက်နေ့တွေက အစိုးရရဲ့ ငြိမ်းချမ်းရေး ကော်မရှင်နဲ့ NCA လက်မှတ်ထိုးရေးအတွက် ဆွေးနွေးခဲ့ပြီး ဒီလကုန်ပိုင်းမှာ ထပ်မံဆွေးနွေးဖို့ ရှိနေပါတယ်။

ဒီဆွေးနွေးပွဲဖြစ်မြောက်မယ်ဆိုရင်တော့ ငြိမ်းချမ်းရေးလုပ်ငန်းစဉ်ရဲ့ တစိတ်တဒေသဖြစ်တဲ့ နိုင်ငံရေး ဆွေးနွေးပွဲတွေကို ကျယ်ကျယ်ပြန့်ပြန်လုပ်ဆောင်လာနိုင်မယ်လို့ မျှော်လင့်ကြောင်း ငြိမ်းချမ်းရေးလုပ်ငန်းတွေ ဆောင်ရွက်နေတဲ့ ပြည်ထောင်စု institute ရဲ့ ဒါရိုက်တာ ဦးခွန်ဆိုင်းက ပြောပါတယ်။

“တိုက်ပွဲဖြစ်လင့်နေပေမယ့် ဒီလမကုန်ခင်မှာ သူတို့ ၂ ဖက် တွေ့ဆုံပြီးတော့မှ ဆွေးနွေးသဘောတူညီချက် ထပ်ယူနိုင်မယ်လို့ ကျနော်တို့ မျှော်လင့်တာပေါ့နော်။ အဲဒီလိုမျိုးဖြစ်မယ်ဆိုရင် ကျနော်တို့ နိုင်ငံရေးဆွေးနွေးပွဲတွေလည်း စနိုင်တော့မှာပေါ့။ ကျနော်တို့ ဒီအခု စီစဉ်ထားတာကတော့ ဘာလဲဆိုရင် အမျိုးသားအဆင့်နိုင်ငံရေးဆွေးနွေးပွဲဆိုတာ ပြန်နယ်မှာရော အမျိုးသားအဆင့် ၊ လူမျိုးရေးအဆင့်ပေါ့။ နောက်ပြီးတော့မှ ခေါင်းစဉ်အလိုက်လုပ်ဖို့ဟာတွေလည်း သူတို့လည်းပိုမိုပါဝင်လာနိုင်လိမ့်မယ်လို့ မျှော်လင့်တာပေါ့နော်။”

တိုင်းရင်းသားလက်နက်ကိုင်တပ်ဖွဲ့ ၉ဖွဲ့ပါဝင်တဲ့ ဖက်ဒရယ်ကောင်စီUNFC ရဲ့ နိုင်ငံရေးဆွေးနွေးရေး ကိုယ်စားလှယ်အဖွဲ့ DPN ဟာ တနိုင်ငံလုံး ပစ်ခိုက်တိုက်ခိုက်မှုရပ်စဲရေးသဘောတူစာချုပ် NCA မှာ ပါဝင်လက်မှတ်ရေးထိုးရေးအတွက် အချက် ၉ချက် တောင်းဆိုထားပြီး အချက်အချို့ကို သဘောတူညီချက် ရထားတာဖြစ်ပါတယ်။

ဒီကနေ့မှာနေ့ခင်းပိုင်းကတော့ KIA ဌာနချုပ်အနီးက ဂီဒွန်စခန်းကို အစိုးရတပ်မတော်က လေယာဉ်နဲ့ တိုက်ခိုက်တာတွေရှိကြောင်း KIAအဖွဲ့က တာဝန်ရှိသူ တဦးက ပြောဆိုသလို NCA ကို ပါဝင်လက်မှတ်ရေးထိုးမထားတဲ့ UWSA ခေါ် ၀တပ်ဖွဲ့နဲ့ အစိုးရတပ်မတော်အကြားမှာ UWSA၀တပ်အကြားမှာ စစ်ရေးတင်းမာတာတွေ ရှိခဲ့ပါတယ်။

VOA Burmese News


မောင်တောကျေးရွာများ ပျက်စီးမှု ဂြိုဟ်တုပုံသစ် (Photo- HRW)
မောင်တောကျေးရွာများ ပျက်စီးမှု ဂြိုဟ်တုပုံသစ် (Photo- HRW)
 ရခိုင်ပြည်နယ် မောင်တောဒေသတွင်း လုံခြုံရေးအာဏာပိုင်တွေရဲ့ စစ်ဆင်ရေးတွေအတွင်း ထိခိုက်ပျက်စီးမှုတွေနဲ့ ပတ်သက်လို့ အချက်အလက်သစ်တွေကို နိုင်ငံတကာ လူ့အခွင့်အရေး စောင့်ကြည့်လေ့လာရေး အဖွဲ့ဖြစ်တဲ့ HRW က ထုတ်ပြန်လိုက်ပါတယ်။ HRW ရဲ့ အချက်အလက်တွေဟာ အစိုးရရဲ့ ထုတ်ပြန်ချက်တွေနဲ့ ကွဲလွဲမှုတွေ ရှိနေတာကြောင့် တိတိကျကျ သိနိုင်အောင် လေ့လာသူတွေ၊ သတင်းမီဒီယာတွေ သွားရောက်ခွင့် ပေးသင့်တယ်လို့ တိုက်တွန်းမှုတွေလည်း ရှိနေပါတယ်။ အပြည့်အစုံကိုတော့ ဆက်သွယ်မေးမြန်းထားတဲ့ ဗွီအိုအေ မြန်မာပိုင်း သတင်းထောက် ကိုထက်အောင်က တင်ပြပေးမှာပါ။

မောင်တောမြို့နယ်မှာ နယ်ခြားစောင့် ကင်းစခန်းတွေကို တိုက်ခိုက်ခံခဲ့ရတဲ့ အောက်တိုဘာလ ၉ ရက်နေ့ကစလို့ အခုအချိန်အထိဆိုရင် အိုးအိမ် တထောင်ကျော် ဖျက်ဆီးခံခဲ့ရတဲ့အကြောင်း HRW က ဂြိုဟ်တုဓာတ်ပုံတွေကို ကိုးကားပြီး သတင်းထပ်မံထုတ်ပြန်လိုက်တာ ဖြစ်ပါတယ်။ ပြီးခဲ့တဲ့ သီတင်းပတ်ထဲ HRW က အလားတူ အချက်အလက်တွေ ထုတ်ပြန်ခဲ့စဉ်မှာတော့ မြန်မာအစိုးရရဲ့ တရားဝင် ထုတ်ပြန်ချက်တွေနဲ့ ကွဲလွဲမှုတွေလည်း ရှိခဲ့တာပါ။ ဒီလိုကွဲလွဲချက်တွေ မရှိစေဖို့ နိုင်ငံတကာ အဖွဲ့အစည်းတွေ သတင်းမီဒီယာတွေကို ပဋိပက္ခဖြစ်ရာ ဒေသတွေကို လွတ်လွတ်လပ်လပ် သွားရောက် စုံစမ်းခွင့်ပြုသင့်တယ်လို့လည်း HRW အဖွဲ့ရင် အာရှရေးရာ ဒုတိယ ညွှန်ကြားရေးမှုး Phil Robertson ပြောပါတယ်။

“မြန်မာအစိုးရနဲ့ တပ်မတော်တို့ဟာ တစ်ခုခုကို ဖုံးကွယ်ဖို့ ကြိုးစားနေတယ်ဆိုတာ သိသာထင်ရှားပါတယ်။ ဘာလို့ သူတွေ့တွေ အခုလို လုပ်နေရတာပါလဲ။ သူတို့တွေအနေနဲ့ နိုင်ငံတကာ စောင့်ကြည့်လေ့လာသူတွေ၊ဘ သတင်းမီဒီယာသမားတွေ ပြီးတော့ လူသားချင်းစာနာထောက်ထားတဲ့ နိုင်ငံတကာ အဖွဲ့အစည်းတွေနဲ့ နိုင်ငံတကာ NGO တွေကို ပဋိပက္ခ ဖြစ်ပွားရာနေရာတွေကို သွားရောက်လေ့လာနိုင်ဖို့ လေ့လာစုံစမ်းနိုင်ဖို့ အစိုးရအနေနဲ့ ခွင့်ပြုဖို့ လိုအပ်ပါတယ်။ ပြီးတော့ စစ်တပ်နဲ့ အာဏာပိုင် အဖွဲ့အစည်းတွေက စောင့်ကြည့်နေတာမျိုး မရှိပဲနဲ့ ဒေသခံ ပြည်သူတွေနဲ့ တွေ့ဆုံမေးမြန်းဖို့ကိုလည်း ခွင့်ပြုပေးသင့်ပါတယ်။ တပ်မတော်က ဖုံးကွယ်နေတာမျိုး မဟုတ်ဘဲ တကယ့်ကို နိုင်ငံတကာ စံချိန်စံနှုန်းတွေနဲ့ ညီတဲ့ စုံစမ်းဖော်ထုတ်ထာတွေ လုပ်ဖို့ လိုအပ်ပါတယ်။”

မြန်မာသမ္မတရုံး ပြောခွင့်ရ ပုဂ္ဂိုလ် ဦးဇော်ဌေးကတော့ မောင်တောဒေသက ပဋိပက္ခတွေအတွင်း ပျက်စီးဆုံးရှုံးမှုတွေနဲ့ ပတ်သက်လို့ HRW ရဲ့ ထုတ်ပြန်ချက်တွေကို မှန်-မမှန်သုံးသပ်သွားမယ်လို့ ပြောပါတယ်။

“သူတို့ ဂြိုဟ်တုဓာတ်ပုံသည် အပေါ်ကနေပြီးတော့ သုံးသပ်ရတဲ့အတွက် သူတို့က High resolution ပုံရိပ်ကြည်လင်မှု မြင့်မားတယ်ဆိုသေ်ာလည်း မြေပြင်အခြေအနေနဲ့ ကင်းကွာမှုရှိတာကတော့ သူတို့ လေ့လာထားပြီးသား ဖြင့်သင့်ပါတယ်။ ဒီကွာခြားချက်ကတော့ ကျနော်တို့ပြောတာက ၄၃၀ ကိုပြောတာ၊ အဲဒါကို သူတို့က ၈၃၀ ဆိုတဲ့အပေါ်မှာတော့ ကျနော်တို့က ပြန်ပြီးတော့ စစ်ဆေးမှုလုပ်ပြီးမှပဲ ပြောနိုင်မှာဖြစ်ပါတယ်။”

ပဋိပက္ခ ဖြစ်ပွားရာ မောင်တောဒေသရဲ့ မြေပြင် အခြေအနေကို တိတိကျကျ သိနိုင်ဖို့ အစိုးရအနေနဲ့ ကုလသမဂ္ဂ အဖွဲ့အစည်းလိုမျီုး နိုင်ငံတကာ အဖွဲ့အစည်းတွေ၊ လူ့အခွင့်အရေး ဆောင်ရွက်နေကြတဲ့ အဖွဲ့အစည်းတွေကို စုံစမ်းလေ့လာခွင့်ပေးဖို့ HRW အဖွဲ့က တိုက်တွန်းနေတာပါ။ ဒါပေမဲ့လည်း အစိုးရအနေနဲ့ နိုင်ငံတော်အဆင့် စုံစမ်းစစ်ဆေးရေး ကော်မတီတစ်ရပ် ဖွဲ့စည်းသွားမှာဖြစ်ပြီး သတင်းမီဒီယာ တစ်ချို့ကိုလည်း ဒီဒေသကို သွားရောက်နိုင်အောင် မကြာခင်မှာ စီစဉ်ပေးသွားမယ်လို့ ဦးဇော်ဌေးက ဆိုပါတယ်။

“မောင်တောဒေသ အကြမ်းဖက်တိုက်ခိုက်ခံရမှုနဲ့ ပတ်သက်လို့ ကျနော်တို့ နိုင်ငံတော်အဆင့် စုံစမ်းစစ်ဆေးရေးအဖွဲ့ ၁ ဖွဲ့ ဖွဲ့မယ်လို့ ကျနော်တို့ ထုတ်ပြန်ထားပြီးသားဖြစ်တယ်။ အဲဒါလည်း မကြာခင်ဖွဲ့ ထုတ်ပြန်ဖွဲ့စည်းသွားမှာဖြစ်တယ်။ ဒီအဖွဲ့ စုံစမ်းစစ်ဆေးမှုမှာလည်း ခုနပြောတဲ့ အိမ်ခြေ ပျက်စီးမှုအခြေအနေပေါ့နော် အဲဒီအဖွဲ့ရဲ့ အစီရင်ခံစာတွေ့ရှိချက်ကိုမှ ကျနေ်ာတို့ အခြေပြုရပါလိမ့်မယ်။ နောက်တချက်ကတော့ မီဒီယာတွေ သွားခွင့်ပြုမလား ၊ မပြုဘူးလားဆိုတာကတော့ ကျနော်တို့ ပြောထားပြီးသားဖြစ်ပါတယ်။ မီဒီယာတွေ အကုန်လုံးကတော့ ကျနော်တို့ သွားခွင့်ပြုလို့ရမှာတော့မဟုတ်ဘူး ၊ နယ်မြေအခြေအနေအရ၊ လုံခြုံရေးအခြေအနေအရ ၊ လမ်းပန်းဆက်သွယ်ရေးအရ အဲဒါတွေအားလုံးက သွားရောက်မယ့် မီဒီယာသမားတွေ ၊ သတင်းစာသမားတွေလုံခြုံမှုက အစိုးရမှာတာဝန်ရှိပါတယ်။ အဲဒါတွေကို သုံးသပ်ပြီးတော့ မီဒီယာတွေ access ရအောင်တော့ ကျနော်တို့ စီစဉ်နေတာတွေရှိပါတယ်။”

HRW အဖွဲ့ရဲ့ ဒီကနေ့ ထုတ်ပြန်ချက်ထဲမှာတော့ ပြီးခဲ့တဲ့ သတင်းပတ်အတွင်း မောင်တောဒေသတွင်းက ကျေးရွာ ၅ ရွာမှာ အဆောက်အဦး ၈၂၀ ဖျက်စီးခံခဲ့ရပြီး တကယ့်လက်တွေ့မှာတော့ ဒီ့ထက်ပိုကောင်း ပိုနိုင်တယ်လို့လည်း ဆိုပါတယ်။ မော်ကွန်း မဂဇင်းရဲ့ အယ်ဒီတာ ဦးဇေယျာလှိုင်ကတော့ အခုလိုမျိုး အချက်အလက် ကွဲပြားမှုတွေ မရှိအောင် သတင်းမီဒီယာသမားတွေနဲ့ နိုင်ငံတကာ အဖွဲ့အစည်းတွေကို ဒီနေရာကို သွားရောက်စုံစမ်းဖော်ထုတ်နိုင်အောင် ဆောင်ရွက်ပေးသင့်တယ်လို့ ပြောပါတယ်။

“နိုင်ငံတကာအဖွဲ့အစည်းတွေ ၊ လေ့လာတဲ့အဖွဲ့တွေသွားတဲ့အခါမှာ မီဒီယာကိုပါ ထည့်ပေးလိုက်သင့်တာပေါ့နော်။ မီဒီယာဆိုတဲ့နေရာမှာ local တခုတည်းမဟုတ်ပဲနဲ့international မီဒီယာတွေပါအောင်ပေါ့နော် အောက်ခြေမှာ ဘာတွေဖြစ်နေသလဲဆိုတာ တခါတည်းစုံစမ်းပြီးတော့မှ လွတ်လပ်စွာ သတင်းရအောင်လို့ ဖန်တီးပေးသင့်တာပေါ့လေ ၊ အဲဒီအတွက်လုံခြုံရေးနဲ့ သွားရေးလာရေးကိုတော့ အစိုးရက တာဝန်ယူပေးရမှာပေါ့နော်။ ဒါက သူတို့ လုပ်တဲ့လုပ်ငန်းဆောင်တာအတွက်ကို လွတ်လပ်မှုရှိအောင်လို့တော့ အစိုးရက ၀င်စွက်မဖက်ပဲနဲ့ လုံခြုံရေးနဲ့ စီမံခန့်ခွဲပြီးလုပ်ပေးတာကောင်းမယ်လို့ ကျနော်မြင်ပါတယ်။”

ရခိုင်ပြည်နယ် မောင်တောဒေသမှာ လူ့အခွင့်အရေး ချိုးဖောက်မှုတွေ၊ အနိုင်ကျင့်မှုတွေ၊ အမျိုးသမီးတွေအပေါ် သားမယား ကျင့်မှုတွေနဲ့ သတ်ဖြတ်မှုတွေ ရှိနေပြီး မူစလင်ဘာသာရေး အဆောက်အအုံတွေအပါအ၀င် အဆောက်အဦးများစွာကို ဖျက်စီးမှုတွေရှိနေတယ်လို့ ပြောဆိုမှုတွေလည်း ရှိပါတယ်။ ကုလသမ္မဂ္ဂ အထူး ကိုယ်စားလှယ်မစ် Yang Hee Lee ကတော့ဒီကိစ္စနဲ့ ပတ်သတ်လို့ ဆုံးဖြတ်ချက် တစ်စုံတစ်ရာရနိုင်အောင် အစိုးရအနေနဲ့ အမြန်ဆုံူး ဆောင်ရွက်သင့်တယ်လို့ တိုက်တွန်းထားပါတယ်။
VOA Burmese News


တိုင်းရင်းသား လက်နက်ကိုင်အဖွဲ့ ၄ ဖွဲ့ပေါင်းပြီး တိုက်ခိုက်ခဲ့တဲ့ တရုတ်နိုင်ငံနဲ့နယ်စပ်အနီး ရှမ်းပြည်နယ်အတွင်းမှာ ဒီကနေ့အထိ တိုက်ပွဲတချို့ ဆက်လက်ဖြစ်ပွားခဲ့သလို၊ ကုန်စည်စီးဆင်းမှုတွေလည်း ရပ်ဆိုင်းထားရပါတယ်။ အရပ်သားတွေပါ ထိခိုက်သေဆုံးမှုတွေ ရှိခဲ့ပေမဲ့လည်း တိုင်းရင်းသား လက်နက်ကိုင် အဖွဲ့တွေဘက်ကတော့ အရပ်သားတွေကို ပစ်မှတ်ထား တိုက်ခိုက်တာမျိုး မရှိဘူးလို့ ငြင်းဆန်ခဲ့တာပါ။ အပြည့်အစုံကိုတော့ ဆက်သွယ်စုံစမ်းထားတဲ့ ဗွီအိုအေမြန်မာပိုင်း သတင်းထောက် မအေးအေးမာက သတင်းပေးပို့ ထားပါတယ်။

ရှမ်းပြည်နယ်အတွင်းက မြန်မာတပ်မတော်နဲ့ ရဲကင်းစခန်းတွေ အပါအ၀င် နေရာ ၁၀ ခုလောက်ကို တိုင်းရင်းသားလက်နက်ကိုင် ၄ ဖွဲ့ ပူးပေါင်း တိုက်ခိုက်ခဲ့ပြီး နောက်တနေ့အထိ တိုက်ခိုက်မှုတွေ ဆက်လက် ဖြစ်ပွားနေတာ ဖြစ်ပါတယ်။ ဒီလိုတိုက်ပွဲတွေနဲ့ မတည်မငြိမ် အခြေအနေတွေကြောင့် တရုတ်မြန်မာနယ်စပ် မူဆယ် ၁၀၅ မိုင် ကုန်သွယ်ရေးဇုန်မှာ ကုန်စည်စီးဆင်းမူတွေ ရပ်နားထားရတဲ့အကြောင်း ကုန်သွယ်ရေးဦးစီးဌာန တာဝန်ရှိသူတဦးက ပြောပါတယ်။

“ဒီနေ့က လမ်းတွေပိတ်ပြီးတော့ ကားတွေမရောက်ဘူးပေါ့။ အခုတော့ ကားမ၀င်ဘူး ကျနော်တို့ လုပ်ငန်းကတော့ ရပ်မထားဘူး။ ကားမ၀င်တော့ ဘာမှ လုပ်လို့မရဘူး။”

ရှမ်းပြည်နယ် အတွင်းက မူဆယ် (၁၀၅) မိုင်၊ မုံးကိုး၊ ပန်ဆိုင်း၊ နမ့်ခမ်း၊ ကွတ်ခိုင် ဒေသတွေက အစိုးရတပ်စခန်းတွေကို တိုက်ခိုက်မှုမှာတော့ ရခိုင်လက်နက်ကိုင်တပ်ဖွဲ့ (AA) ကချင်လွတ်လပ်ရေးတပ်မတော် (KIA) ကိုးကန့်တပ်ဖွဲ့ (MNDAA) နဲ့ တအောင်းပလောင်တပ်ဖွဲ့ (TNLA) ပူးပေါင်းပြီး စစ်ဆင်ခဲ့ကြောင်းလည်း တိုင်းရင်းသား လက်နက်ကိုင်အဖွဲ့ ၄ဖွဲ့ က ပူးတွဲကြေညာချက် ထုတ်ပြန်ခဲ့တာပါ။ တိုက်ပွဲတွေဟာ ဒီကနေ့ အထိလည်း ဆက်လက်ဖြစ်ပွားနေဆဲဖြစ်ပြီး၊ စစ်ဆင်ရေးတွေ ဆက်လုပ်သွားဖို့ ရှိနေတယ်လို့လည်း TNLA တပ်ဖွဲ့က ဗိုလ်မှူး တာ့အိုက်ကျော် ကပြောပါတယ်။


“ကွတ်ခိုင်ဘက်မှာလည်းဖြစ်သေးတယ်။ မုံးကိုးဘက်မှာလည်းဖြစ်တယ် ဘယ်လောက်ရှိလာသလဲဆိုတာတော့ ကျနော်တို့ကတော့ ပြောဖို့ ခန့်မှန်းဖို့ ခက်တယ်။ ဘာကြောင့်လဲဆိုတော့ ကျနော်တို့ ဒေသမှာ မြန်မာ့တပ်မတော်ကထိုးတာပေါ့နော်။ အဓိက ဒီတိုက်ပွဲဖြစ်လာတာကြောင့် မြန်မာ့တပ်မတော်က ကျနော်တို့ ဒေသကို အဓိက ထိုးစစ်တွေထိုးလာတယ်။ ဒါကြောင့်ပြည်သူလူထုတွေ ထွက်ပြေးရတာရှိတယ်။ တချို့ကျတော့ ဖြစ်နေတဲ့အချိန်မှာထွက်ပြေးရာရှိတယ်။ တချို့ကျတော့ တိုက်ပွဲလည်းမဖြစ်ဘူး မြန်မာ့တပ်မတော်ကလာပြီးတော့ ချိန်းခြောက်တာမျိုး ၊အကြောင်းမဲ့လက်နက်ကြီးနဲ့ ပစ်တာတွေကြောင့် အဲလိုမျိုးထွက်ပြေးရတာတွေလည်းရှိတယ်။ အဲလိုမျိုး ကျတော့ ပြန်ငြိမ်သွားရင် အိမ်ကို ပြန်တာတွေလည်းရှိတယ်။ တချို့ကျတော့ အခုအထိမပြန်နိုင်တာတွေလည်းရှိတယ်။ ဘယ်အချိန်အတိုင်းအတာအထိလဲဆိုတော့ ၂၀၁၂ ကတည်းက အခုအထိပါပဲ။”

တိုင်းရင်းသား လက်နက်ကိုင် အဖွဲ့တွေရဲ့ ကြေညာချက်မှာတော့ မြန်မာအစိုးရတပ်တွေရဲ့ စစ်ရေးအရ ဖိအားပေးမှုတွေကို တုံ့ပြန်တဲ့အနေနဲ့ တိုက်ခိုက်ခဲ့တာသာ ဖြစ်တယ်လို့လည်း စီးနင်းတိုက်ခိုက်မှုနဲ့ ပတ်သက်လို့ ဖြေရှင်းချက်ပေးခဲ့တာပါ။ ဒီကနေ့ ညနေပိုင်းက ပိတ်မိနေတဲ့လူတွေကို သွားကယ်ထုတ်တဲ့ ပရဟိတအဖွဲ့ကကားတစီးကို သေနတ်နဲ့ ၀ိုင်းပစ်တဲ့အတွက် ရွှေလီ-ကြယ်ခေါင်-မူဆယ်ဒေသမှာ ပရဟိတလုပ်ငန်းတွေလုပ်နေတဲ့ ကိုရဲမင်းအောင်ဆိုသူကို သေနတ်တချက်မှန်တဲ့အတွက် ဆေးရုံ တင်ပြီး ကုသပေးနေတယ်လို့ သမ္မတရုံးဝန်ကြီးဌာန ပြောခွင့်ရ ဦးဇော်ဌေးက ဗွီအိုအေကိုပြောပါတယ်။

“ဒီပစ်ခတ်မှုက ဘာလဲဆိုတော့ စစ်ဘက်လုံခြုံရေးစခန်း ပစ်မှတ်တွေတောင်မဟုတ်တော့ဘူး။ အပြစ်မဲ့ပြည်သူတွေသေတယ်။ သေတဲ့အပြင် အခုနောက်ဆုံး ညနေပိုင်းအခြေအနေ ၃ နာရီပေါ့နော် အဲဒီမှာ ပစ်တာဆိုရင် တိုက်ပွဲတွေကြောင့် ဒုက္ခတွေေ၇ာက်နေတဲ့ ပြည်သူကိုကူညီတဲ့ လူမှုရေးအသင်း ပရဟိတအသင်းကိုပါတိုက်ခိုက်တာတွေကတော့ ကျနော်တို့က အရှက်အမောက် လုပ်ရပ်တွေမကတော့ဘူးပေါ့နော်။ ပြည်သူလူထုကိုပါ ပစ်တဲ့အနေအထားမျိုးတွေဖြစ်လာနေတာ ကျနော်တို့တွေ့ရပါတယ်။ အခုလောလောဆယ် အဲဒီဒေသလုံခြုံရေး၊ တရားဥပဒေစိုးမိုးရေးကိုဆောက်ရွက်နေပါတယ်။ နောက်တချက်ကတော့ ခုနပြောတဲ့ လုံခြုံရေးစခန်းတွေအပြင် ပြည်သူလူထုကို မထိခိုက်အောင် ကာကွယ်ပေးနိုင်တဲ့နေရာတွေလုပ်နေပါတယ်။ ဒါလည်းတပ်မတော်တွေ၊ ရဲတွေရယ်ပေါင်းပြီးတော့ ဆောင်ရွက်နေပါတယ်။”

တိုက်ပွဲတွေကြောင့် ထိခိုက်ဒဏ်ရာ ရသူတွေ ရှိထားပြီး အခုအခါ တိုက်ပွဲတွေကနေ ဘေးလွတ်ရာ တိမ်းရှောင်သူတွေလည်း ရှိနေသလို တချို့ကတော့ အိမ်နီးချင်း တရုတ်နိုင်ငံတွင်း ၀င်ရောက်ခိုလှုံသူတွေလည်း ရှိပါတယ်။ TNLAတပ်ဖွဲ့ ပြောခွင့်ရသူ ဗိုလ်မှူးတာ့အိုက်ကျော်ကတော့ စစ်ဆင်ရေးဟာ လူထုကို ပစ်မှတ်ထားတာ မဟုတ်ဘူးလို့ ဆိုပါတယ်။

“ကျနော်တို့ကတော့ ပြည်သူလူထုကို တိုက်ခိုက်ခဲ့တာမရှိဘူး။ ပြည်သူတွေနေတဲ့နေရာလည်း တိုက်တာမရှိဘူး။ ကျနော်တို့ကတော့ အဲဒီမှာနေတဲ့ တပ်စခန်း ၊ ရဲစခန်းတွေကိုတော့ တိုက်တာတွေတော့ရှိတယ်။ ဒါပေမယ့် အဲဒီမှာတိုက်ပွဲဖြစ်နေတဲ့အချိန်လူထုက ကြားမှာရှိနေတဲ့အချိန် ဆိုတော့ ဘယ်သူ့လက်ချက်လဲဆိုတာတော့ ဘယ်သူမှ အတည်ပြုနိုင်တာမဟုတ်ဘူးလေနော်။”

အခုချိန်ထိတော့ အဲဒီမှာတိုက်ခိုက်နေတဲ့ တိုင်းရင်းသားလက်နက်ကိုင်အဖွဲ့တွေနဲ့ အစိုးရကြား အခြေအနေကို ပြန်ထိန်းသိမ်းနိုင်ဖို့ ဆွေးနွေးပြောဆိုမယ့် အရိပ်လက္ခဏာမျိုး မတွေ့ရသေးပါဘူး။

 မအေးအေးမာ  / ဗွီအိုအေ (မြန်မာပိုင်း)
http://burmese.voanews.com



ကချင် လက်နက်ကိုင် KIA ၊ ကိုးကန့်တပ် MNDAA ၊ တအာင်းပလောင် တပ် TNLA နဲ့ ရခိုင်တပ် AA တို့ ပူးပေါင်း ထားတဲ့ တပ်ပေါင်းစု
မြန်မာပြည် မြောက်ပိုင်း မဟာမိတ် တပ်ပေါင်းစု ကနေ ရှမ်းပြည် မြောက်ပိုင်း မှာ တပ်မတော်နဲ့ ရဲ့တပ် ဖွဲ့တွေ အပေါ် တနင်္ဂနွေ နေ့က တိုက်ပွဲတွေ စတင် ခဲ့ရာ တနင်္လာ နေ့မှာတော့ တပ်မတော် ဘက်ကနေ တန်ပြန် တိုက်ခိုက် မှုတွေ ပြုလုပ် ခဲ့တဲ့ အတွက် နှစ်ဖက် တိုက်ပွဲတွေ အပြင်း အထန် ဖြစ်နေ ပါတယ်။

မုံးကိုး မန်တုန် ဘက်မှာ တိုက်ပွဲတွေ တနေကုန် ဖြစ်ခဲ့ပြီး ကားလမ်းမတွေ ပေါ်မှာလည်း တပ်မတော် ဘက်က တက်လာတဲ့ အတွက် တိုက်ပွဲတွေ အတော် ပြင်းထန် တယ်လို့ TNLA တအာန်းပလောင် အဖွဲ့က အတွင်းရေးမှူးဖြစ်တဲ့ ဗိုလ်မှူးကြီး တာဘုန်းကျော်က ဘီဘီစီကို ပြောပါတယ်။

တိုက်ပွဲတွေ ပြင်းထန်တဲ့ အတွက် အကျ အဆုံးလည်း များလိမ့် မယ်လို့ ဗိုလ်မှူးကြီး တာဘုန်းကျော်က ဆိုပါတယ်။

ဒီတိုက်ပွဲတွေ အဆုံးသတ်ဖို့ အတွက် ဒေါ်အောင်ဆန်းစုကြည် ဦးဆောင်တဲ့ အန်အဲလ်ဒီ အစိုးရနဲ့ ဗိုလ်ချုပ်မှူးကြီး မင်းအောင်လှိုင် ဦးဆောင်တဲ့ တပ်မတော် တို့ အပေါ်မှာ မူတည်တယ်လို့လည်း သူက ပြောပါတယ်။

စစ်ရေးနည်းနဲ့ တုံ့ပြန်ခဲ့မယ် ဆိုရင်တော့ တိုက်ပွဲတွေက ဒီထက်ပို ပြင်းထန်လာဖို့ ရှိတယ်လို့ သူကပြောပါတယ်။

တနိုင်ငံလုံး အပစ်ရပ်စဲရေး စာချုပ် NCA ကို တဘက်က လုပ်ဆောင်နေ ပေမယ့်လည်း တဘက်မှာ တိုင်းရင်းသား ဒေသတွေကို တပ်မတော်က လနဲ့ချီကြာ ထိုးစစ် ဆင်နေ တာကြောင့် အခုလို သူတို့ဘက်က စစ်ရေး တိုးမြှင့်တာလို့ လည်း ဗိုလ်မှူးကြီး တာဘုန်းကျော်က ပြောပါတယ်။

ထွက်ပြေးဒုက္ခသည်များ

အခုလို တိုက် ပွဲတွေကြောင့် တရုတ်ပြည်ဘက်ကို ထောင်ဂဏန်းလောက် ထွက်ပြေး ခဲ့ပြီး၊ အဲဒီ ဒုက္ခသည် တွေကို တရုတ် ဘက်က အသေအချာ ကူညီပေး နေတယ်လို့ ဘီဘီစီ သတင်းထောက် ဦးမျိုးသစ်က ပြောပါတယ်။

ဒါ့အပြင် မူဆယ် ခရိုင် အတွင်းမှာ ပဲ ထွက်ပြေး နေရတဲ့ ဒုက္ခ သည် အရေ အတွက်လည်း ထောင်နဲ့ချီ ရှိနေပြီး နီးစပ်ရာ ဘုန်းကြီးကျောင်း တွေက အကူအညီပေး ထားကြပါတယ်။

တရုတ် မြန်မာ နယ်စပ် ကုန်သွယ်ရေး အခြေ အနေ ကတော့ လုံးဝနီးပါး ပြတ်တောက် သွားပြီး တရုတ် ဘက်ခြမ်းမှာ မြန်မာ ဘက်က တင်သွား ခဲ့တဲ့ လက်ကျန် ကုန် အနည်းငယ်အလောက်ပဲ အရောင်းအဝယ် ရှိတော့တယ်လို့ ဦးမျိုးသစ်က ပြောပါတယ်။

တရုတ်ဘက်ကတုံ့ပြန်ချက်

ရှမ်းပြည်နယ် မြောက်ပိုင်း မူဆယ် နဲ့ ကွတ်ခိုင် မြို့နယ် အတွင်း အစိုးရ စစ်တပ်၊ ရဲ စခန်းတွေနဲ့ ၁ဝ၅ မိုင် ကုန်သွယ်ရေး စခန်းတွေ တိုက်ခိုက် ခံခဲ့ရ ပြီးနောက် တရုတ် တပ်ဖွဲ့ တွေကို တရုတ် မြန်မာ နယ်စပ် မှာ တပ်လှန့် ချထား ပါတယ်။

တရုတ် နိုင်ငံခြားရေး ဌာန ပြောခွင့် ရသူ Geng Shuang က ဘေဂျင်း မြို့တော်မှာ ရှိတဲ့ တရုတ် ကာကွယ်ရေး ဝန်ကြီးဌာနက နယ်စပ် တလျှောက် နေထိုင် ကြတဲ့ တရုတ် နိုင်ငံသား တွေကို ကာကွယ်ဖို့ လိုအပ်တဲ့ ဆောင်ရွက် မှုတွေ အားလုံးကို လုပ်ဆောင် သွားမယ်လို့ ပြောပါတယ်။

တိုက်ပွဲတွေကြောင့် ကျည်ဆန် တချို့ တရုတ် နိုင်ငံထဲ အထိ ကျလာ ခဲ့ပြီး တရုတ် နိုင်ငံသား တစ်ယောက်ရဲ့ လက်မောင်းကို ထိမှန် ခဲ့တယ်လို့ တရုတ် ဘက်က ပြောပါတယ်။

မြန်မာပြည် မြောက်ပိုင်း မဟာမိတ် တပ်ပေါင်းစု

ကချင် လက်နက်ကိုင် KIA ၊ ကိုးကန့်တပ် MNDAA ၊ တအာင်းပလောင် တပ် TNLA နဲ့ ရခိုင်တပ် AA တို့ ပူးပေါင်း ထားတဲ့ တပ်ပေါင်းစု ဖြစ်ပါတယ်။

မြောက်ပိုင်း မဟာမိတ် ပူးပေါင်း အဖွဲ့ ထဲက လူမျိုးစု လက်နက်ကိုင် တပ်တွေဟာ တနိုင်ငံလုံး အပစ်ရပ် စာချုပ် NCA ထဲ အစိုးရ စစ်တပ်က အဝင် မခံတဲ့ အဖွဲ့ ၃ ဖွဲ့နဲ့ မြောက်ပိုင်း ဒေသတွေမှာ အင်အား အတောင့် တင်းဆုံး တိုင်းရင်းသား လက်နက်ကိုင် အဖွဲ့ဖြစ်တဲ့ ကေအိုင်အေ တို့ ပူးပေါင်း ထားတာ ဖြစ်ပါ တယ်။

အခုလို မြောက်ပိုင်း ဒေသတွေမှာ တိုက်ပွဲတွေ ပေါ်ပေါက် လာတဲ့ အတွက် တနိုင်ငံလုံးကို လွှမ်းခြုံ နိုင်တဲ့ အပစ်အခတ် ရပ်စဲရေး ဖြစ်လာ ဖို့နဲ့ အနှစ်သာရ ရှိတဲ့ နိုင်ငံရေး ဆွေးနွေး ပွဲတွေ အထမြောက် လာဖို့ မျှော်လင့်ချက် အင်မတန် ထိခိုက် သွားရတယ်လို့ လေ့လာသူတွေက ဆိုပါတယ်။

BBC Burmese
http://www.bbc.com/burmese



နိုင်ငံကျော် အဆိုတော်ကြီး ဟင်္သာတထွန်းရင် အသက် (၇၇)နှစ်သည် ၂၁-၁၁- ၂၀၁၆ ရက် နံနက်က နေအိမ်အမှတ် (၂၅)၊ ဘောက်ထော်၊ ကျောက်ကုန်း၊ ရန်ကင်းမြို့နယ်နေအိမ်၌ အဆုတ်ကင်ဆာဖြင့် ကွယ်လွန်သွားသည်။

ဓာတ်ပြားခေတ်မှ ယနေ့ထိ ပြည်သူချစ်အဆိုတော်ကြီး ဟင်္သာတထွန်းရင်သည် ဗိုလ်ချုပ်ရာပြည့်မွေးနေ့ တေးသီချင်းပြိုင်ပွဲတွင် ဆုမရခဲ့သည့် သီချင်းအပါအ၀င် ဗိုလ်ချုပ်ဂုဏ်ပြုတေးအဖြစ် “နတ်မောက်က တောက်ခေါက်သံ” MTV တေးအယ်လ်ဘမ်ကို ထင်းရှူးရိပ်တေးသံသွင်းမှ နောက်ဆုံးထွက်ရှိခဲ့သည်။

ဟင်္သာတ ဦးထွန်းရင် ကောင်းရာဘုံဘ၀ရောက်ပါစေ။ မိသားစုနှင့်ထပ်တူ ၀မ်းနည်းကြေကွဲရပါကြောင်း။

News Watch ဂျာနယ်နှင့် ရုပ်ရှင်တေးကဗျာမဂ္ဂဇင်း
News Watch(စောင့်ကြည့်သတင်းဂျာနယ်)


စစ်အစိုးရလက်ထက်က နိုင်ငံရေးအရ အမြင်မတူသည့်ပုဂ္ဂိုလ်အဖွဲ့အစည်းများကို နှိပ်ကွပ်ရာတွင် ၁၉၅၀ ခုနှစ် အရေးပေါ်စီမံမှုအက်ဥပဒေပုဒ်မ ၅(ည)ကို အဓိကထား အသုံးပြုခဲ့သည်။ ၂၀၁၀ အလွန် သမ္မတ ဦးသိန်းစိန် အစိုးရတက်လာချိန်တွင်လည်း ငြိမ်းချမ်းစွာ စုဝေးဟောပြောခွင့်နှင့် စီတန်းလှည့်လည်ခွင့်ဥပဒေပုဒ်မ ၁၈၊ ရာဇသတ်ကြီးပုဒ်မ ၅၀၅(ခ)၊ ဆယ်သွယ်ရေးဥပဒေပုဒ်မ ၆၆(ဃ) စသည့်ပုဒ်မများကို ဆက်လက်အသုံးပြုခဲ့ သည်။ ဒေါ်အောင်ဆန်းစုကြည် ဦးဆောင်သည့် NLD အစိုးရတက်လာချိန်တွင် ထိုပုဒ်မများကို ပြင်ဆင်၊ ပယ်ဖျက်ရန် တိုက်တွန်း၊ ဖိအားပေးမှုများရှိနေပြီး ငြိမ်းချမ်းစွာစုဝေးဟောပြောခွင့်နှင့် စီတန်းလှည့်လည်ခွင့် ဥပဒေတခုသာ ပြင်ဆင်နိုင်ခဲ့သေးသည်။

လက်ရှိ လူပြောများနေသည့်ပုဒ်မမှာ ၆၆(ဃ)ဖြစ်သည်။ ပြင်ဆင်၊ ပယ်ဖျက်သင့်ကြောင်း ဝေဖန်ထောက်ပြမှုများ အားကောင်းနေသည့်တိုင် ဆက်ရှိသင့်သည်ဟု မှတ်ချက်ပေးမှု အနည်းအကျဉ်းလည်းရှိနေပြန်သည်။ ရန်ကုန်တိုင်းဒေသကြီး ၀န်ကြီးချုပ်ဦးဖြိုးမင်းသိန်းက Eleven Media Group CEO ဒေါက်တာသန်းထွဋ်အောင်နှင့် အယ်ဒီတာချုပ်ဦးဝေဖြိုးတို့ကို ပုဒ်မ ၆၆(ဃ)ဖြင့် တရားစွဲလိုက်ချိန်တွင် ၎င်းပုဒ်မသည် လူအများအကြား အာရုံစူးစိုက်မှုကို ပိုမိုမြင့်တက်စေသည့် ပြဿနာတရပ်အဖြစ်သို့ ဦးတည်သွားခဲ့သည်။

ဆက်သွယ်ရေးကဏ္ဍ ဖွံ့ဖြိုးလာမှုအပေါ် အခြေပြုကာ 'ဆက်သွယ်ရေးဥပဒေ'ပေါ်ထွက်လာခဲ့ခြင်းဖြစ်သည်။ ပြည်ထောင်စုလွှတ်တော်ဥပဒေ အမှတ် ၃၁၊ ၂၀၁၃ ခုနှစ်၊ အောက်တိုဘာ ၈ ရက်စွဲဖြင့် အတည်ပြု ပြဋ္ဌာန်းခဲ့ သည်။ ဆက်သွယ်ရေးဥပဒေဟုဆိုရာ၌ ဆက်သွယ်ရေးလုပ်ငန်း လုပ်ကိုင်သူ၊ အသုံးပြုသူများအားလုံး အကျုံးဝင်သည်။ ပုဒ်မ ၄(ဃ)တွင် ''ဆက်သွယ်ရေးဝန်ဆောင်မှုလုပ်ငန်း တည်ထောင်လုပ်ကိုင်သူနှင့် အသုံးပြုသူတို့ကို ဥပဒေနှင့်အညီ အကာအကွယ်ပေးနိုင်ရန်''ဟု ပြဋ္ဌာန်ထားသည်။ လူနည်းစုဖြစ်သည့် ဆက်သွယ်ရေးလုပ်ငန်း လုပ်ကိုင်သူများအပြင် ရည်ရွယ်ချက်၊ ဦးတည်ချက်၊ ခံစားချက်အမျိုးမျိုးဖြင့် အသုံးပြုနေသူများ အားလုံးကိုပါ သိမ်းကျုံးပြဋ္ဌာန်းထားသည်ဖြစ်၍ ဥပဒေ၏ ညွှန်းဆိုမှုနှင့် အဓိပ္ပာယ်ဖွင့်ဆိုမှုအပိုင်းတွင် အားနည်းရှုပ်ထွေးမှုများ ဖြစ်ပေါ်နေခြင်းဖြစ်သည်။ ပုဒ်မ ၈၈(က)တွင် ''၀န်ကြီးဌာနသည် လိုအပ်သောနည်းဥပဒေများ၊ စည်းမျဉ်းနှင့် စည်းကမ်းများကို ပြည်ထောင်စု အစိုးရအဖွဲ့၏သဘောတူညီချက်ဖြင့် ထုတ်ပြန်နိုင်သည်''ဟု ပြဋ္ဌာန်းထားသော်လည်း လက်ရှိအချိန်ထိ နည်းဥပဒေမရှိသေးပေ။ ဤနည်းဥပဒေမရှိခြင်းကလည်း ရှင်းလင်းသဲကွဲမှုမရှိသည့် ဥပဒေပါပြဋ္ဌာန်းချက်များကို လိုရာဆွဲယူအဓိပ္ပာယ် ဖွင့်ဆိုမှုများပြုရန် လမ်းဖွင့်ပေးထားသည့်အသွင်ဖြင့်ရှိနေသည်။

ပုဒ်မ ၆၆(ဃ)နှင့်ပတ်သက်ပြီး ပြင်ဆင်၊ ပယ်ဖျက်ရန် တိုက်တွန်းတောင်းဆိုလှုပ်ရှားမှုများရှိနေသော်လည်း ၎င်းတို့ဆီသို့ ဥပဒေကြမ်းအနေဖြင့် ရောက်လာခြင်းမရှိသေးဟု ပြည်သူ့လွှတ်တော်ဥပဒေကြမ်းကော်မတီ ဥက္ကဋ္ဌ ဦးထွန်းထွန်းဟိန်က ပြောကြားသည်။ ''ကျွန်တော်တို့ဥပဒေကြမ်း ကော်မတီအနေနဲ့က ဥပဒေကို ပြင်ဆင်တာတို့၊ အသစ်ရေးတာတို့၊ ပယ်ဖျက်တာတို့နဲ့ပတ်သက်ပြီး လွှတ်တော်က ကျွန်တော်တို့ဆီချပေးလာ တဲ့ ဥပဒေတွေအပေါ်မှာပဲ ဆောင်ရွက်ရတာပါ။ အခုလောလောဆယ်မှာတော့ ၆၆(ဃ)နဲ့ ပတ်သက်ပြီးတော့ ပြင်ပေးပါတို့၊ ပယ်ဖျက်ပေးပါတို့ကို ဥပဒေကြမ်းအနေနဲ့ တက်လာတာမရှိသေးပါဘူး''ဟု ၎င်းကNews Watch သို့ ပြောကြားခဲ့သည်။

''လှုပ်ရှားနေတဲ့အဖွဲ့တွေကိုတော့ အားလည်းပေးပါတယ်။ ဒါက ပြည်သူလူထုက ဥပဒေကိုစိတ်ဝင်စားလာတဲ့ ကိစ္စဆိုတော့ ကျွန်တော်တို့က အားပေးတာ။ ပြင်ဆင်တဲ့အဆင့်ရောက် အောင်ကတော့ စနစ်တကျ သွားရမှာပေါ့။ စနစ်တကျဆိုတာက လူတယောက်၊ နှစ်ယောက်ရှိနေရုံနဲ့ ဒီဥပဒေကိုပြင်လို့မရဘူး။ ပြည်သူလူထုရဲ့ထောက်ခံချက် အများကြီးရအောင် ကြိုးစားရမယ်။ ပြည်သူလူထုရဲ့ထောက်ခံချက်တွေ ရလာပြီးတော့မှ ဆွေးနွေးပွဲတွေလုပ်တာတို့လုပ်ပေါ့။ ဒါကလည်း ပြည်သူတွေ ပူးပေါင်း ပါဝင်လာအောင်လုပ်တဲ့သဘော။ အဲဒီကနေပြီးတော့မှ သက်ဆိုင်ရာကော်မတီတွေကို ပြင်ဆင်၊ ပယ်ဖျက်ပေးဖို့ ပေးပို့ရမှာပေါ့''ဟုလည်း ၎င်းက ဆက်လက်ပြောကြားခဲ့သည်။

ပုဒ်မ ၆၆(ဃ)တွင် ''ဆက်သွယ်ရေးကွန်ရက်တခုခုကို အသုံးပြု၍ ပုဂ္ဂိုလ်တဦးဦးအား ခြောက်လှန့်တောင်းယူ ခြင်း၊ အနိုင်အထက်ပြုခြင်း၊ မတရားတားဆီးကန့်ကွက်ခြင်း၊ အသရေဖျက်ခြင်း၊ နှောင့်ယှက်ခြင်း၊ မလျော်သြဇာ သုံးခြင်း သို့မဟုတ် ခြိမ်းခြောက်ခြင်း''ဟု ပြဋ္ဌာန်းထားသည်။

ပြီးခဲ့သည့်ရက်ပိုင်းက ပုဒ်မ ၆၆(ဃ)ကို ပြင်ဆင်ရန် သူရဦးရွှေမန်းဦးဆောင်သည့် ပြည်ထောင်စုလွှတ်တော်ဥပဒေရေးရာနှင့် အထူးကိစ္စရပ်များ လေ့လာဆန်းစစ်ရေး ကော်မရှင်က စတင်လုပ်ဆောင်နေပြီဟု သတင်းတရပ်ထွက်ပေါ်ခဲ့သော်လည်း ၎င်းကော်မရှင်မှ ဦးအေးမောက်က ငြင်းဆိုခဲ့သည်။ ''အဲဒါ မှားတယ်ခင်ဗျာ၊ မှားရေးတာ။ လေ့လာသုံးသပ်တာ မဟုတ်ဘူး။ ကိုယ့်ဟာကိုယ်တော့ လေ့လာနေတယ်ပြောတာ''ဟု ဦးအေးမောက်က ပြောကြားခဲ့သည်။

သို့သော် သူရဦးရွှေမန်းက ပုဒ်မ ၆၆(ဃ) နှင့်ပတ်သက်၍ ၎င်း၏ဖေ့စ်ဘွတ်စ်စာမျက်နှာတွင် နိုဝင်ဘာ ၁၅ ရက်က ပို့စ်တခုတင်ခဲ့သည်။ ထိုပို့စ်မှာ ''ပုဒ်မ ၆၆(ဃ)ဥပဒေကိစ္စတွေအပေါ်စကားတွေ ပြောနေကြတယ်။ စကားတွေ များနေကြတယ်။ ပြဿနာတွေရှိနေကြတယ်။ ပြင်သင့်တာ ပြင်မှာလား၊ ဖျက်မှာလား၊ ဆက်ထားမှာလား။ ဒါဟာ မူဝါဒပြဿနာ။ မူဝါဒက ဥပဒေဖြစ်လာတာဆိုတော့ ပေါ်လစီချမှတ်သူတွေနှင့် လွှတ်တော်ကလည်း အရေးကြီး တယ်။ ဒီဥပဒေကို ကိုင်တွယ်ကျင့်သုံးသူတွေက လိုတမျိုး၊ မလိုတမျိုးလုပ်လို့ရတယ်။ ပြင်းထန်တယ်၊ တချက်လွှတ်ဖြစ်နေတယ်လို့ ဝေဖန်ကြတယ်။ ဥပဒေဟာ တရားမျှတသော ဥပဒေဖြစ်ရန်၊ နိုင်ငံနှင့် နိုင်ငံသားအကျိုးဖြစ်ထွန်းရန် ဖြစ်သလို ကိုင်တွယ်ကျင့်သုံးသူများဟာ မျှတမှုနှင့် ဆင်ခြင်တုံတရား ကောင်းဖို့လိုတယ်။ ပြည်သူများ၏သဘောထားဆန္ဒနှင့် အကြံပြုချက်များက ဘယ်လိုရှိကြပါသလဲ''ဟူ၍ ဖြစ်သည်။

''ခက်တာပဲ သိလား။ လှည်း နေလှေအောင်း မြင်းဇောင်းနဲ့ နွားစားကျက်မကျန် ထပြီးတော့ပြောပြီဆို တော့မှ အဲဒီအသံတွေ၊ အဲဒီကနေထွက်လာတယ်။ အစကတည်းက ဒီဥစ္စာဟာ မတရားတဲ့ဥပဒေပါလို့ လူတွေ ပြောနေတာကို ဘာမှမလုပ်ဘူး''ဟု ဦးရွှေမန်းတို့ လှုပ်ရှားမှုနှင့်ပတ်သက်၍ ရှေ့နေကြီးဦးရောဘတ် စန်းအောင်က မှတ်ချက်ပြုသည်။

ကဗျာဆရာမောင်ဆောင်းခတို့ ဦးဆောင်ဖွဲ့စည်းထားသည့် ဆက်သွယ်ရေးဥပဒေဆိုင်ရာ သုတေသနအဖွဲ့မှ ပြုစုထားသည့်အချက်အလက်များအရဆိုလျှင် သမ္မတဦးသိန်းစိန်အစိုးရလက်ထက်က ပုဒ်မ ၆၆(ဃ) ဖြင့် တရားစွဲဆိုခံရသူ ခုနစ်ဦးရှိခဲ့ပြီး ငါးဦးမှာ ပြစ်ဒဏ်ချမှတ်ခံခဲ့ရသည်။ ထိုငါးဦးအနက် မောင်ဆောင်းခမှာ တဦး အပါအ၀င်ဖြစ်သည်။ ထောင်ဒဏ်ခြောက်လချမှတ်ခံခဲ့ရသည်။ လက်ရှိ NLD အစိုးရလက်ထက် နိုဝင်ဘာ ၁၀ ရက်နေ့အထိ အဆိုပါအဖွဲ့၏ အချက်အလက်များအရ ပုဒ်မ ၆၆(ဃ)ဖြင့် တရားစွဲဆိုခံထားရသူ ၁၈ ဦးရှိပြီး ဖမ်းဆီးချုပ်နှောင်ခံထားရသူ ရှစ်ဦးရှိကြောင်း သိရသည်။

ပုဒ်မ ၆၆(ဃ)နှင့်ပတ်သက်၍ ဦးတည်ဆွေးနွေးသင့်သည့်အချက် နှစ်ချက်ရှိသည်ဟု ဆိုနိုင်စရာရှိသည်။ တချက်က ပုဒ်မ ၆၆(ဃ)ကို ဆက်သွယ်ရေးဥပဒေထဲတွင် ဆက်ထားသင့်၊ မသင့်ဟူသည်ကို ဆွေးနွေးသင့် သည်။ နောက်တချက်က ရှုပ်ထွေးပြီး လိုသလိုအဓိပ္ပာယ်ဆွဲယူဖွင့်ဆိုနိုင်သည့်အချက်ဖြစ်သည်။ ဆိုရလျှင် ၆၆(ဃ)လို ပုဒ်မမျိုးမှာ ဆက်သွယ်ရေး ဥပဒေထဲတွင် မရှိသင့်သည့်ပုဒ်မမျိုးဖြစ်သည်။ Cyber Law လို ဥပဒေ ထဲတွင်သာ ထည့်သွင်းပြဋ္ဌာန်းသင့်သည့် ပုဒ်မမျိုးဖြစ်သည်။ ဆက်သွယ်ရေးဥပဒေထဲတွင် ထည့်သွင်းပြဋ္ဌာန်း ထားခြင်းကြောင့် ဖြစ်ပေါ်လာသည့် တရားစွဲဆိုမှုများကို ဖြေရှင်းရာတွင် ရှုပ်ထွေးမှုများကို ဖြစ်ပေါ်စေနိုင်သည်။ ဥပမာ အာမခံပေးသင့်၊ မသင့်ဟူသည်ကို စဉ်းစားရာတွင် မပေးသင့်ဟုဆိုလျှင် ဆက်သွယ်ရေးလုပ်ငန်း လုပ်ကိုင်သူများထဲမှ ဖြစ်ပေါ်လာသည့် တရားစွဲဆိုမှုအတွက် မျှတမှုရှိကောင်းရှိနိုင်သည်။ ဖေ့စ်ဘွတ်စ် သို့မဟုတ် တခြားလူမှုကွန်ရွက်တခုခုပေါ်မှာ ရေးတင်လိုက်သည့်စာကြောင်းအတွက် တရားစွဲဆိုခံရသည်ဟု ဆိုလျှင် အာမခံမရသည့်အချက်မှာ မျှတမှုမရှိသော ပြဋ္ဌာန်းချက်မျိုးဖြစ်သည်။ ၆၆(ဃ)လို ပုဒ်မမျိုးကို Cyber Law ကဲ့သို့ ဥပဒေထဲတွင် ထည့်သွင်းပြဋ္ဌာန်းမည်ဟုဆိုလျှင်လည်း ရှင်းလင်းပီပြင်သည့် အဓိပ္ပာယ်ဖွင့်ဆိုချက် များဖြင့် ထည့်သွင်းပြဋ္ဌာန်းသင့်သည်။ ဥပမာ''အသရေ ဖျက်ခြင်း''ဟူသော မည်သည့်အဓိပ္ပာယ်ဖွင့်ဆိုရှင်းလင်းချက်မှမပါဘဲလိုသလို ဆွဲယူဖွင့်ဆိုနိုင်သည့် အသုံးအနှုန်းမျိုးကို ပယ်ဖျက် သင့်သည်။

Blogger တဦးလည်းဖြစ်၊ ရန်ကုန်တိုင်းဒေသကြီးလွှတ်တော်ကိုယ်စားလှယ်တဦးလည်းဖြစ်သည့် ကိုနေဘုန်း လတ်က “Cyber Law လိုဟာမျိုး သီးသန့်ရှိသင့်တယ်။ ၆၆(ဃ) ဆိုတာလည်း အဲဒီ Cyber Law မှာပဲ ထည့်သင့်တယ်။ ဆက်သွယ်ရေးဥပဒေဆိုတာကတော့ တယ်လီဖုန်း အော်ပရေတာတွေနဲ့ပဲ အဓိကသက်ဆိုင်တဲ့ဟာမျိုးဖြစ်သင့်တယ်။ Online User တွေကို ပါလာပြီး သက်ရောက်နေတာတာ့ မကောင်းဘူး။ Cyber Law ဆိုပြီးတော့ အဲဒီ Cyber Law ထဲမှာ ၆၆ (ဃ) ကို ပြောင်းထည့်သင့်တယ်။ အဲဒါ ပိုကောင်းတယ် အခုလောလောဆယ် အဲဒီလို မလုပ်နိုင်သေးဘူးဆိုရင် ၆၆ (ဃ) ကို ဘယ်လို ပြင်သင့်လဲဆိုတော့ နံပါတ် (၁) အာမခံပေးရမယ်။ နံပါတ် (၂)က ကြားလူကနေ စွဲတယ်ဆိုတာလည်း အဓိပ္ပာယ် မရှိပါဘူး။ ခံရရင် ခံရတဲ့သူကပဲစွဲပေါ့။ ကာယကံရှင်ကိုယ်တိုင်က စွဲသင့်တယ်။ နောက်တခုက နည်းဥပဒေ မရှိဘူး။ ၆၆ (ဃ)မှာ ရေးထားတဲ့ စကားလုံးတွေနဲ့ပတ်သက်ပြီး တိကျတဲ့ အဓိပ္ပာယ်ဖွင့်ဆိုချက်တွေ မရှိဘူး။ နည်းဥပဒေဆွဲဖို့လိုနေတယ်။ ၆၆ (ဃ) ကိုမဖြစ်မနေသုံးရမယ်ဆိုရင် အာမခံပေးဖို့ရယ်၊ ကြားလူက တရားစွဲဆိုတာ မလုပ်ဖို့ရယ်၊ နည်းဥပဒေရေးဖို့ရယ်၊ အဲဒီ ၃ ခုကို လုပ်ရတယ်''ဟု သုံးသပ်ပြောကြားသည်။

ဦးရောဘတ်စန်းအောင်ကလည်း Cyber Law ပြဋ္ဌာန်းသင့်ကြောင်း အကြံပြုပြောကြားသည်။ '' Cyber Law ကို ပြဋ္ဌာန်းပြီးတော့ ဒါကို ပယ်ဖျက်သင့်တယ်။ လောလောဆယ်မှာတော့အာမခံမရတဲ့ ဥစ္စာကို အာမခံပေးဖို့အတွက် လိုအပ်တဲ့ ညွှန်ကြားချက်တွေ လုပ်သင့်တယ်။ အဲဒါကို ကျွန်တော် အဓိကပြောချင်ပါတယ်'' ဟု ပြောကြားသည်။

လက်ရှိမြန်မာနိုင်ငံတွင် Cyber Law မရှိသေးပေ။ ''ပြီးခဲ့တဲ့ အစိုးရလက်ထက်မှာ ဆက်သွယ်ရေးဝန်ကြီး ဌာနက Cyber Law က ပြီးတော့မယ်ဆိုပြီးတော့ ပြောသေးတယ်။ ဒါပေမဲ့ ပြီးမသွားဘူး ထင်တယ်။ ဒါကို လက်ရှိအစိုးရက နောက်ဆက်တွဲ လုပ်သင့်တယ်။ မြန်မြန်ပြီးအောင် ကြိုးစားအားထုတ်သင့် တယ်။ Cyber Law ပြီးတယ်ဆိုရင် Online မှာ ပြစ်မှုတွေ၊ အသရေဖျက်မှုတွေ အကုန်လုံးကို အဲဒီ Cyber Law ကပဲ စွဲသွားမယ်။ ဒီ Cyber Law ကလည်း တကယ်သမာသမတ်ကျရမယ်။ လူ့အခွင့်အရေးနဲ့လည်း ကိုက်ညီရမယ်။ ဥပဒေရဲ့ အားနည်းချက်တွေလည်းမရှိအောင် နည်းဥပဒေတွေလည်း တပြိုင်နက်တည်း ပြီးပြည့်စုံနေ ရမယ်ပေါ့'' ဟု မောင်ဆောင်းခက Cyber Law နှင့်ပတ်သက်၍ ပြောကြားသည်။

၆၆(ဃ)လို ပုဒ်မမျိုးကို ဥပဒေစာမျက်နှာများပေါ်မှ အပြီးတိုင် ဖျက်သိမ်းပစ်ရေးထက် ပြင်ဆင်ဖြည့်စွက် ရေးအပိုင်းကို အလေးပေးစဉ်းစားသင့်သည့်အနေအထားဖြစ်သည်။ အပြီးတိုင် ဖျက်သိမ်းပစ်လျှင် Online ပေါ်က ပြစ်မှုများကို လျစ်လျူရှုရာရောက်သွားနိုင်သည်။ Cyber Law ပြဋ္ဌာန်းနိုင်ရေးကို မြန်နိုင်သမျှ မြန်အောင်ဆောင်ရွက်သင့်ပြီး ဆက်သွယ်ရေးဥပဒေပုဒ်မ ၆၆(ဃ) ကို ပြင်ဆင်၊ ပြောင်းရွှေ့သင့်သည်။ Cyber Law ရေးဆွဲရာတွင်လည်း စကားလုံးအသုံးအနှုန်းများရှင်းလင်းပီပြင်ပြီး အားနည်းချက်များကို နည်းနိုင်သမျှနည်းအောင် ဆောင်ရွက်သင့်သည်။ နိုင်ငံတကာ စံချိန်၊ စံညွှန်းများနှင့်လည်း အတတ်နိုင်ဆုံး ကိုက်ညီအောင် ဆောင်ရွက်သင့်သည်။ Cyber Law မပြဋ္ဌာန်းမီ ဆက်သွယ်ရေးဥပဒေအတွက် နည်းဥပဒေ ရေးဆွဲပြီး ရှင်းလင်းပီပြင်မှုမရှိသည့်စကားလုံး၊ အသုံးအနှုန်းများကို တိကျသည့်အဓိပ္ပာယ်ဖွင့်ဆိုမှုများပြုသင့် သည်။ နည်းဥပဒေမှာ ၀န်ကြီးဌာနက ရေးဆွဲရသည့် ဥပဒေဖြစ်သည်။ လွှတ်တော်အဆင့်ဆင့်ကို ဖြတ်သန်း ရသည်မဟုတ်၍ အချိန်တိုအတွင်း အပြီးသတ်ဆောင်ရွက်နိုင်သည်။

မချောစန္ဒီထွန်း၊ ကဗျာဆရာ မောင်ဆောင်းခ၊ ဦးခွန်ဂျာလီတို့ ပုဒ်မ ၆၆(ဃ) ဖြင့် စွဲဆိုထောင်ချခံခဲ့ရစဉ်က ပြင်ဆင်၊ ပယ်ဖျက်သင့်သည်ဟု ဆိုခဲ့ကြသည်။ Eleven Media Group CEO နှင့် အယ်ဒီတာချုပ်တို့ကို ဦးဖြိုးမင်းသိန်းမှ ၆၆(ဃ) ဖြင့် တရားစွဲဆိုလိုက်ချိန်တွင် ဆက်ရှိသင့်သည်ဟူသော သဘောထားမှတ်ချက်များ ထွက်ပေါ်လာသည်ကို တွေ့ရသည်။ ခိုင်မာသည့်စစ်တမ်းနှင့် အချက်အလက်များမရှိသော်လည်း ဖေ့ဘွတ်ခ်စာမျက်နှာများတွင်လေ့လာကြည့်လျှင် ထိုသို့မူမမှန်သည့် ရပ်တည်ချက်မျိုးအများအပြားတွေ့ရသည်။ ပုဂ္ဂိုလ်အဖွဲ့အစည်းများအပေါ် အခြေခံသည့် ရပ်တည်ချက်မျိုးမဟုတ်ဘဲ လူထုအတွက် အကျိုးပြု၊ မပြုဆိုသည့် ''မူ''အပေါ် အခြေခံသည့် ရပ်တည်ချက်မျိုး ဖြစ်သင့်ကြောင်း Blogger နေဘုန်းလတ်က အကြံပြုပြောကြားခဲ့သည်။

''ရပ်တည်ချက်တခုကို ခိုင်ခိုင်မာမာပြတ်ပြတ်သားသားရှိဖို့လိုပါတယ်။ တချို့က သူများကို ဒီပုဒ်မနဲ့ စွဲရင်ပျော်တယ်။ ကိုယ့်လူကို စွဲရင်တော့ မကြိုက်ဘူး။ ဒီလိုကိစ္စမျိုး၊ ဒီလိုခံစားတာမျိုးက လူအပေါ်အခြေပြု ပြီးတော့ တွေးတာမျိုးရှိတာပေါ့။ လူတွေအပေါ် မူတည်ပြီး စဉ်းစားတဲ့အခါ အဲဒီလိုဖြစ်လာတယ်။ အဲဒီလူတွေကို ဖယ်ပြီးတော့ ဒီမိုကရေစီမူဝါဒတွေအပေါ်မှာ တည်ပြီးတော့ စဉ်းစားမှ အဆင်ပြေမှာ။ အဲဒီလိုမဟုတ်ဘဲနဲ့ လူတွေအပေါ်မှာ တည်ပြီးတော့ စဉ်းစားရင် သူ့လူ၊ ကိုယ့်လူဆိုတာ ရှိတဲ့အခါကျတော့ ဘက်လိုက်မှုတွေ ရှိနေပါတယ်'' ဟု ပြောကြားခဲ့သည်။

(တင်အောင်ငြိမ်း/လင်းလင်းအောင်)
News Watch(စောင့်ကြည့်သတင်းဂျာနယ်)

ပစ်ခတ်တိုက်ခိုက်ခံရတဲ့ လူမှုကူညီရေးအသင်းယာဉ်ကို တွေ့ရစဉ် ပစ်ခတ်တိုက်ခိုက်ခံရတဲ့ လူမှုကူညီရေးအသင်းယာဉ်ကို တွေ့ရစဉ်
Photo: မူဆယ်မင်း


ရှမ်းပြည်မြောက်ပိုင်း မူဆယ်ခရိုင် ပန်ဆိုင်းမြို့နယ် လွယ်အင်ကျေးရွာက စစ်ဘေးဒုက္ခသည်တွေကို သွားရောက်ခေါ်ဆောင်လာတဲ့ လူမှုကူညီရေး အသင်းယာဉ်တွေကို ဟိုနောင်ရွာအ၀င်မှာ ပစ်ခတ်တိုက်ခိုက်ခဲ့ တာကြောင့် အမျိုးသားတစ်ဦး ဒဏ်ရာရရှိခဲ့ပါတယ်။

မူဆယ်မြို့က လူမှုကူညီရေးအသင်းယာဉ် ၅ စီးနဲ့ သွားရောက်ခေါ်ဆောင်ပြီး မူဆယ်မြို့ကို ပြန်အလာ မှာ သေနတ်နဲ့ ပစ်ခတ်ခံရတာဖြစ်တယ်လို့ လူမှုကူညီရေး အသင်းက တာဝန်ရှိသူတစ်ဦးက ပြောပါတယ်။

လူမူကူညီရေးအသင်းယာဉ် ၅ စီးထဲက ပါရမီလူမူကူညီရေးယာဉ် နဲ့ မေတ္တာမွန် လူမူကူညီရေးယာဉ် နှစ်စီးမှာ သေနတ်ကျည်ထိမှန်ပြီး ဒုက္ခသည်တွေ ကို ခေါ်ဆောင်လာတဲ့ ကြင်နာနွေးထွေးပရဟိတ အဖွဲ့ဝင် အမျိုးသားတစ်ဦး ရင်ဘတ်မှာ သေနတ်ထိမှန်ခဲ့တာဖြစ်ပါတယ်။

အဲဒီယာဉ် ၅ စီးပေါ်မှာ လွယ်အင်ကျေးရွာက စစ်ဘေးတိမ်းရှောင်လာသူ ၅၀ ၀န်းကျင် လိုက်ပါ လာတာဖြစ်ပါတယ်
RFA



စစ်ပြေးဒုက္ခသည်များ (MOI)
တိုင်းရင်းသားလက်နက်ကိုင်ပူးပေါင်းအဖွဲ့ရဲ့ မူဆယ်(၁၀၅)မိုင် ပစ်ခတ်မှုနောက်ပိုင်း တပ်မတော်စစ်ကြောင်းကလည်း နယ်မြေလိုက်ရှင်းနေပြီး လုံခြုံရေးစိတ်မချလို့ ထွက်ပြေးတိမ်းရှောင်နေကြရတဲ့ စစ်ပြေးဒုက္ခသည်က ထောင်ချီလာနေပြီလို့ ကူညီကယ်ဆယ်ပေးနေသူတွေကပြောပါတယ်။ ရွှေ့ပြောင်းအလုပ်သမားအများစုဖြစ်တဲ့ ဒုက္ခသည်တွေဟာ ဘုန်းကြီးကျောင်း တွေမှာ သွားရောက်ခိုလှုံနေကြပြီး သူတို့အတွက် အစားအသောက်နဲ့ ရာသီအအေးဒဏ်ခံနိုင်တဲ့အဝတ်အစား အရေးတကြီးလိုအပ်နေပါတယ်။ အသေးစိတ် မဆုမွန် ဆက်ပြောပြပေးပါမယ်။

နိုဝင်ဘာလ ၂၀ ရက်နေ့က စတင်ခဲ့တဲ့ တိုင်းရင်းသားလက်နက်ကိုင်အဖွဲ့(၄)ဖွဲရဲ့ တပ်မတော်တပ်စခန်းတွေ၊ ရဲစခန်းတွေနဲ့ ၁၀၅ မူဆယ်ကုန်သွယ်ရေးစခန်းကို ပစ်မှတ်ထားတဲ့ ပူးပေါင်းတိုက်ခိုက်မှု အတွင်း အနည်းဆုံး အရပ်သား(၈)ဦးသေဆုံးခဲ့ရသလို အရပ်သား ၃၀ နီးပါး အပြင်းအထန် ဒဏ်ရာရရှိခဲ့ကြပါတယ်။ အခုလက်ရှိအခြေအနေမှာတော့ တိုင်းရင်းသားလက်နက်ကိုင်အဖွဲ့တွေနဲ့ တပ်မတော်တို့ကြား အပြန်အလှန်ပစ်ခတ်မှုတွေနဲ့ ပေါက်ကွဲမှုတွေရှိနေတဲ့အတွက် ရှမ်းပြည်နယ်မြောက်ပိုင်း မူဆယ်မြို့ပေါ်ကို ထွက်ပြေးလာတဲ့ စစ်ဘေးရှောင်ပြည်သူတွေက ထောင်ချီနေပြီလို့သိရပါတယ်။

မူဆယ်မြို့ပေါ်က ဘုန်းကြီးကျောင်းတွေနဲ့ အနီးနားကျေးရွာက ဘုရားကျောင်းမှာ ခေတ္တ စစ်ရှောင်စခန်းတွေ ဖွင့်လှစ်ပြီး ဒေသခံပြည်သူတွေနဲ့ ရပ်မိရပ်ဖတွေက ကူညီစောင့်ရှောက်ပေးနေတဲ့အကြောင်း ကိုယ်တိုင်သွားရောက်ကူညီပေးနေတဲ့ ရှမ်းစာပေနဲ့ ယဉ်ကျေးမှုအသင်း အတွင်းရေးမှူး ကိုစိုင်းမြတ်အောင်က ပြောပါတယ်။

“မနေ့ကရောက်လာတာက ဇေတဝန်ကျောင်းပါ့နော် ၊ ဇေတဝန် ကမ္မဌာန်းကျောင်းပေါ့ နောက် မဟာဝင်မြောက် ကျောင်းပေါ့နော် အဲဒီတကျောင်း ပြီးတော့ ကုန်သွယ်ရေးရုံးမှာ ခဏလာစုတယ် စုပြီးတော့ နောက် နေရာလေးပြန်ခွဲပေးပါတယ်။ ၂ နေရာခွဲပြီးတော့မှ ကျန်တာက နေရာမဆန့်တဲ့အတွက် နမ့်ခွန်ကျေးရွာပေါ့နော် နမ့်ခွန်ကျေးရွာ ဘုရားကျောင်းမှာ သွားပြီးတော့ ထားပေးပါတယ်။ ထမင်း တွေချက်ပြီးတော့ သွားလှူပါတယ်။ဒီနေ့က စတာပေါ့နော်။ မနေ့ကလည်း လူမှု့ဝန်ထမ်းတွေလည်း အားလုံးသွားလှူကြပါတယ်။ NGO အဖွဲ့ ၊ ပရဟိတလုပ်ငန်းတွေလုပ်တဲ့လူတွေသွားလှူကြပါတယ်။ ဒီနေ့မှာ အားလုံးသွားလုပ်ပေးပါတယ်။”

ဒုက္ခသည်စခန်းမှာ အများစု လာရောက်ခိုလှုံနေကြသူတွေကတော့ ၁၀၅မိုင် ကုန်သွယ်ရေးစခန်းမှာ လာရောက်အလုပ်လုပ်ကိုင်နေကြတဲ့ ပြည်တွင်းက ရွှေ့ပြောင်းအလုပ်သမားတွေဖြစ်တယ်လို့လည်း ကိုစိုင်းမြတ်အောင်ကပြောပါတယ်။

“တထောင် လောက်တော့ရှိမှာပါ တထောင်၊ တထာင်ကျော်လောက်တော့ရှိမှာပါ။ ဘာဖြစ်လို့လဲဆိုတော့ ဒီကလာတဲ့လူတွေက ဒေသခံတွေမဟုတ်ဘူး ၊ ၁၀၅ မိုင် နမ့်ဟွမ်က ဒေသခံတွေမဟုတ်ပါဘူး။ အများအားဖြင့်လာတာက အောက်ပြည်ကလာတဲ့ အလုပ်သမားတွေရယ်၊ ဒီမှာလာနေပြီးတော့ ဒီ၁၀၅ မိုင်မှာ ငှားပြီးတော့ လာနေတဲ့လူတွေရယ် အများအားဖြင့်ပါ။ ၁၀၅ မိုင်က ဇာတိရပ်ရွာက ပြာ်သူတွေကတော့ မူဆယ်မှာရှိတဲ့ အမျိုးဆွေမျိုးတွေမှာ နေကြပါတယ်။

အခု လောလောဆယ်မှာတော့ ဆောင်းရာသီဖြစ်နေလို့ ရာသီဥတုဒဏ်ခံနိုင်ဖို့ စောင်တွေနဲ့ အနွေးထည်တွေ လိုအပ်တယ်လို့သူကပြောပါတယ်။

“ဆောင်းတွင်းလည်းရောက်ပြီဆိုတော့ နည်းနည်းအေးတယ်ပေါ့နော်။ သူတို့ကစောင်တွေလိုတယ်ခင်ဗျ၊ စောင်တွေအခင်းတွေလိုတယ်။”

ရှမ်းလူငယ်ကွန်ရက်အဖွဲ့ ဗဟိုကော်မတီဝင် နန်းဆန်လောဝ်ကလည်း ဒုက္ခသည်တွေအတွက် အရေးတကြီး လိုအပ်နေတဲ့အကူအညီတွေနဲ့နေရပ်ရင်း ဘေးကင်းလုံခြုံစွာပြန်နိုင်ရေး စစ်ပြေးတွေရဲ့ ရေရှည်ဘဝရပ်တည်ရေးတွေကို စနစ်တကျဆောင်ရွက်ပေးပါလို့ တောင်းဆိုပါတယ်။

“အခုလောလောဆယ်ဖြစ်လာတဲ့ အနေအထားအရမှာဆိုရင်လည်း စားနပ်ရိက္ခာတွေလည်း လူအများနဲ့ဆိုတော့ လိုနေမှာပဲပေါ့နော်၊ အဲဒီအနွေးထည်တွေလည်း လိုနေမှာပဲပေါ့နော် ၊ ဒါပေမယ့် ဒီဟာတွေ ရေရှည် တခါတိုက်တယ် ကူညီကြတယ်၊ ဒေသတိုင်းက စေတနာရှင်တွေက ကူညီကြတယ်။ နောက်ပိုင်းကြရင် ပြန်တိုက်တယ်၊ ပြန်ဖြစ်တယ်ဆိုရင် သံသရာတော့ လည်နေတာပဲပေါ့နော်။ အခုလောလောဆယ်ကတော့ ကျမတို့ အမြင်မှာတော့ ဒီမူဆယ်မှာဆိုရင်တော့ အခုလောလောဆယ် လူတွေကတော့ ဘုန်းကြီးကျောင်းမှာရောက်နေတယ်။ တကယ်လို့ ကူညီရေးလိုအပ်ရင်လည်း စားနပ်ရိက္ခာတွေကတော့ လိုလာမှာပဲပေါ့နော် အဲဒီဟာတွေတော့ အရင်ဆုံးဖြည့်ဆည်းပေးရမယ့်အရာ နောက်သူတို့ရဲ့ လုံခြုံရေး၊ နောက်သူတို့ဒေသတွေကို ဘေးကင်းကင်းနဲ့ပြန်နိုင်ဖို့ အဲဒါတွေကတော့ တဆင့်ချင်းလုပ်ဆောင်သွားရမှာပဲရှင့်။”

ရှမ်းလူငယ်ကွန်ရက်အဖွဲ့က ရှမ်းလူငယ်တွေအနေနဲ့လည်း အခု ရှမ်းပြည်နယ်မြောက်ပိုင်းမူဆယ်ဘက်က စစ်ပြေးဒုက္ခသည်တွေကို သွားရောက်ကူညီစောင့်ရှောက်ပေးဖို့ စီစဉ်ဆောင်ရွက်နေကြတယ်လို့ ရှမ်းလူငယ်ကွန်ရက်က စိုင်းနော်စိုင်းကလည်းပြောပါတယ်။

“ရုတ်တရက်ကြီး အဲလိုဖြစ်လာတဲ့အခါကျတော့ ကျောင်းမှာလည်း ချက်ခြင်းတော့ တာဝန်မယူနိုင်ဘူးထင်တယ်။ အဲဒါကြောင့် စားဖို့သောက်ဖို့ကတော့ အရေးကြီးတယ်ပေါ့နော် အဲဒါလေးတွေလိုအပ်မှာပါ။”

နယ်မြေမတည်ငြိမ်မှုတွေနဲ့ မကြာခဏစစ်ရေးတင်းမာမှုတွေဖြစ်နေတဲ့ ရှမ်းပြည်နယ်မြောက်ပိုင်းဘက်မှာ အရင်တိုက်ပွဲတွေကြောင့် နေရပ်ရင်းမပြန်နိုင်သေးတဲ့ စစ်ပြေးဒုက္ခသည်တွေအပြင် အခုလက်တလော စစ်ရေးတင်းမာမှုတွေကြောင့် အသက်လုပြေးခဲ့ရတဲ့ ဒုက္ခသည်တွေအရေးကို NLD အစိုးရအနေနဲ့ အလေးအနက်ထားဖြေရှင်းပေးသင့်တယ်လို့လည်း ရှမ်းဒုက္ခသည်အရေး ကူညီပေးနေသူတွေကပြောပါတယ်။

 မဆုမွန်  / ဗွီအိုအေ (မြန်မာပိုင်း)
http://burmese.voanews.com



ရှမ်းပြည်နယ်မြောက်ပိုင်း မူဆယ်မြို့၁၀၅ မိုင်နယ်စပ်ကုန်သွယ်ရေးဇုန်အနီးမှာ နိုဝင်ဘာလ ၂ဝ ရက်နေ့က တိုက်ပွဲဖြစ်ပွားစဉ်။ ဓါတ်ပုံ - ညီမောင်ဦး
မြန်မာနိုင်ငံမြောက်ပိုင်း တရုတ် မြန်မာနယ်စပ်မှာ ဖြစ်ပွားနေတဲ့ တိုက်ပွဲတွေနဲ့ပတ်သက်ပြီး တရုတ်ပြည်အနေနဲ့ အထူးစိုးရိမ်ကြောင်း၊ ဆိုင်ရာအဖွဲ့တွေအနေနဲ့ တိုက်ပွဲတွေရပ်ဆိုင်းပြီး၊ ပဋိပက္ခတွေ ပိုမိုဆိုးရွားမလာအောင် ထိန်းထိန်းသိမ်းသိမ်း ဆောင်ရွက်ကြစေလိုကြောင်း တရုတ်အစိုးရ နိုင်ငံခြားရေးဝန်ကြီးဌာနက မနေ့က ကြေညာ ချက် ထုတ်ပြန်ခဲ့ပါတယ်။

ရန်ကုန်မြို့ တရုတ်သံရုံးကလည်း မြန်မာ့တပ်မတော်နဲ့ တိုင်းရင်းသားလက်နက်ကိုင်အဖွဲ့တချို့ကြား ဖြစ်ပွားနေတဲ့ တိုက်ပွဲတွေကြောင့် နယ်စပ်ကိုဖြတ်ကျော်ပြီး တရုတ်ပြည်ပိုင်နက်အတွင်း ထွက်ပြေးဝင်ရောက်လာခဲ့ကြ တဲ့ မြန်မာနိုင်ငံသားတချို့ကို လူသားချင်းစာနာရေးအရ စောင့်ရှောက်ထားပြီး၊ ထိခိုက်ဒဏ်ရာရရှိခဲ့သူတွေ ကိုလည်း ဆေးရုံတင်ကုသပေးနေကြောင်း၊ မြန်မာနိုင်ငံတွင်းမှာရှိကြတဲ့ တရုတ်နိုင်ငံသားတွေအနေနဲ့လည်း မိမိတို့လုံခြုံရေးအတွက် သတိနဲ့နေထိုင်ကြပြီး၊ ပဋိပက္ခဖြစ်ပွားနေတဲ့ နေရာဒေသတွေကို ရှောင်ရှားကြဖို့၊ အရေးကြုံရင် ရန်ကုန်နဲ့ မန္တလေးမှာရှိတဲ့ တရုတ်သံရုံးနဲ့ ကောင်စစ်ဝန်ရုံးတွေကို အကြောင်းကြားကြဖို့ သတိပေးထားပါတယ်။

RFA Burmese
http://www.rfa.org/burmese



တရုတ်နိုင်ငံခြားရေး ၀န်ကြီးဌာန ပြောခွင့်ရ Geng Shuang
တရုတ် မြန်မာ နယ်စပ်အနီး တိုက်ခိုက်နေတာတွေကို ရပ်စဲကြဖို့ တရုတ်နိုင်ငံဘက်က တောင်းဆိုလိုက်ပါတယ်။ မြန်မာနိုင်ငံ မြောက်ပိုင်း အခြေစိုက် တိုင်းရင်းသား လက်နက်ကိုင် အဖွဲ့တွေက မူဆယ် ၁၀၅ မိုင် ကုန်သွယ်ရေး စခန်း အပါအ၀င် ဒေသတွင်းက အစိုးရ လုံခြုံရေး တပ်စခန်းတွေကို တပြိုင်တည်း တိုက်ခိုက်ခဲ့မှု တရုတ်နိုင်ငံဘက်ခြမ်းမှာ တရုတ်နိုင်ငံသား တဦး ထိခိုက်ဒဏ်ရာ ရတယ်လို့လည်း တရုတ်နိုင်ငံခြားရေး ၀န်ကြီးဌာနက ပြောဆိုပါတယ်။ တရုတ်ရဲ့ အချုပ်အချာအာဏာနဲ့ တရုတ်နိုင်ငံသားတွေရဲ့ အသက်အိုးအိမ် စည်းစိမ်းတွေကို ထိပါးမှု မရှိစေရေး အတွက်လည်း တရုတ်ဘက်က တောင်းဆိုပါတယ်။ မသိင်္ဂီထိုက် စုစည်းတင်ပြထားပါတယ်။

တရုတ်နယ်စပ် အနီး မြန်မာဘက်ခြမ်းမှာ တိုင်းရင်းသား လက်နက်ကိုင်တွေနဲ့ မြန်မာ တပ်မတော်မကြား တိုက်ပွဲတွေ ရပ်စဲဖို့ တရုတ်နိုင်ငံက တောင်းဆိုလိုက်ပါတယ်။ တရုတ်နိုင်ငံခြားရေး ၀န်ကြီးဌာန ပြောခွင့်ရ Geng Shuang က ဒီကနေ့ နိုင်ငံခြားရေး ၀န်ကြီးဌာန သတင်းစာ ရှင်းလင်းပွဲမှာ ပြောဆိုတာ ဖြစ်ပါတယ်။

“တရုတ်နယ်စပ် အနီး မြန်မာနိုင်ငံ မြောက်ပိုင်းမှာ နိုဝင်ဘာလ ၂၀ ရက်နေ့တုန်းက မြန်မာ တိုင်းရင်းသား လက်နက်ကိုင် အဖွဲ့တချို့နဲ့ အစိုးရ စစ်တပ် အကြား အပြန်အလှန် ပစ်ခတ်မှု ဖြစ်ပါတယ်။ တိုက်ပွဲတွေ ဖြစ်တဲ့ နေရာတွေကနေ ကျည်တွေ တရုတ်ဘက်ကို ကျရောက်ပြီး တရုတ်နိုင်ငံသား တဦး လက်မောင်းမှာ ဒဏ်ရာရပါတယ်။ တရုတ်နိုင်ငံသားတွေရဲ့ အသက် အိုးအိမ် စည်းစိမ် လုံခြုံရေးကို အကာအကွယ်ပေးဖို့ အတွက် နယ်စပ် လုံခြုံရေးကို တင်းကြပ်သွားမှာ ဖြစ်ပြီး မြန်မာဘက်ကိုလည်း အကြောင်းကြားထားပြီး ဖြစ်ပါတယ်။ မြန်မာနိုင်ငံတွင်းက တရုတ်နိုင်ငံသားတွေကိုလည်း သတိနဲ့ နေထိုင်ကြဖို့၊ စစ်ရေး ပဋိပက္ခ ဖြစ်နေတဲ့ ဒေသတွေကို ခရီးမသွားကြဖို့ကိုလည်း မြန်မာနိုင်ငံ ဆိုင်ရာ တရုတ်သံရုံးက သတိပေးချက် ထုတ်ပြန်ထားပါတယ်။”

ရှမ်းပြည်နယ်တွင်းက တိုက်ပွဲတွေဟာ ကချင်တိုင်းရင်းသား လက်နက်ကိုင် တပ်ဖွဲ့ (KIA)၊ ဖုန်ကြားရှင်ရဲ့ ကိုးကန့် လက်နက်ကိုင်တပ်ဖွဲ့ (MNDAA) နဲ့ တအာင်း ပလောင်တပ်ဖွဲ့ (TNLA) တို့ ပူးပေါင်းပြီး တိုက်ခိုက်တာလို့ မြန်မာ အစိုးရက သတင်းထုတ်ပြန်ပါတယ်။ လက်နက်ကိုင် အဖွဲ့တွေ ဘက်ကတော့ ဒီသုံးဖွဲ့တင် မဟုတ်ဘဲ ရခိုင်လက်နက်ကိုင် တပ်ဖွဲ့ (AA) ပါ ပါဝင်ပြီး လက်နက်ကိုင် လေးဖွဲ့ ပူးပေါင်းတိုက်ခိုက်တာ ဖြစ်တယ်လို့ ပူးတွဲ ကြေညာချက် ထုတ်ပါတယ်။ တရုတ်နိုင်ငံ အနေနဲ့တော့ အခြေအနေတွေကို ထိန်းနိုင်ဖို့ မျှော်လင့်ထားတယ်လို့ နိုင်ငံခြားရေး ၀န်ကြီးဌာန ပြောခွင့်ရက ပြောပါတယ်။

“ဒီအခြေအနေကို တရုတ်ဘက်က အနီးကပ် အာရုံစိုက် စောင့်ကြည့်နေမှာ ဖြစ်ပြီး မြန်မာ အစိုးရနဲ့လည်း ဆက်သွယ်ဆောင်ရွက်နေမှာပါ။ နှက်ဘက်စလုံးတို့က အခြေအနေတွေ တည်ငြိမ်အောင် ထိန်းသိမ်းဖို့၊ တင်းမာမှုတွေ တကျော့ပြန် မဖြစ်အောင် ကာကွယ်ဖို့၊ စစ်ရေးအရ အရေးယူ ဆောင်ရွက်ချက်တွေကို ချက်ချင်း ရပ်ဆိုင်းဖို့နဲ့ နယ်စပ်ဒေသ ပြန်လည် တည်ငြိမ်ရေး အတွက် လက်တွေ့ဆောင်ရွက်ဖို့၊ နောက် တရုတ်ရဲ့ အချုပ်အချာအာဏာကို ထိပါးနိုင်တဲ့၊ တရုတ်နိုင်ငံသားတွေရဲ့ အသက်အိုးအိမ်စည်းစိမ်ကို အန္တရာယ် ဖြစ်စေနိုင်မယ့် အခြေအနေတွေကို နှစ်ဘက်စလုံးက ရှောင်ရှားနိုင်မယ်လို့ တရုတ်ဘက်က ခိုင်ခိုင်မာမာ မျှော်လင့်ထားပါတယ်။”

ရှမ်းပြည်နယ် အတွင်း တိုက်ပွဲတွေကတော့ ဖြစ်နေဆဲပါ။ မူဆယ်မြို့နယ် ပန်ဆိုင်း နယ်မြေ ရဲစခန်းကို လက်နက်ကိုင် ၁၀၀ လောက် ၀င်တိုက်ပြီး၊ နမ္မတူ - ဘော်တွင်းသွား ကားလမ်းပေါ်က တံတားတစင်း ပေါက်ကွဲမှု ဖြစ် ပျက်စီးတာကြောင့် သွားလာမရ ဖြစ်ခဲ့ပါတယ်။ မနေ့က တိုက်ခိုက်မှုတွေကြောင့် ပိတ်နေခဲ့တဲ့ မူဆယ် ပြည်ထောင်စု လမ်းမကြီးကတော့ ဒီကနေ့ ပုံမှန်သွားနိုင်ပြီလို့ မြန်မာ အစိုးရက သတင်းထုတ်ပါတယ်။

 မသိင်္ဂီထိုက်  / ဗွီအိုအေ (မြန်မာပိုင်း)
http://burmese.voanews.com


မြန်မာနိုင်ငံမြောက်ပိုင်းဒေသ ရှမ်းပြည်နယ်မြောက်ပိုင်း တရုတ်-မြန်မာ နယ်စပ်ဒေသမှာ နိုဝင်ဘာ(၂၀)ရက်က KIA/ MNDAA/ TNLA အကြမ်းဖက်သောင်းကျန်းသူ ပူးပေါင်းအဖွဲ့ ဟာမူဆယ်(၁၀၅)မိုင်ကုန်သွယ်ရေးဇုန်နဲ့ ရဲစခန်းကို အကြမ်းဖက်ဝင်ရောက် ပစ်ခတ်တိုက်ခိုက် တာကြောင့် မြန်မာအစိုးရတပ်မတော်နဲ့ ပစ်ခတ်မှုဖြစ်ပွားခဲ့ပါတယ်။

အဲဒီပစ်ခတ်မှုကြောင့် မြန်မာနိုင်ငံတွင်းမှာရှိတဲ့ တရုတ်နိုင်ငံသားတွေအနေနဲ့ လုံခြုံရေးသတိထားဖို့နဲ့ မြန်မာနိုင်ငံ မြောက်ပိုင်းဒေသ၊ ရှမ်းပြည်နယ်မြောက်ပိုင်း တရုတ်နိုင်ငံနဲ့နီးစပ်တဲ့ဒေသတွေကို သွားလာခြင်း မပြုဖို့ပါ သတိပေးကြေညာချက် ထုတ်ပြန်လိုက်ပါတယ်။

အဲဒီပစ်ခတ်မှုကြောင့် တရုတ်- မြန်မာ နယ်စပ်ဒေသက မြန်မာပြည်သူပြည်သားတွေ တရုတ်နိုင်ငံတွင်းကို ၀င်ရောက်စစ်ဘေးရှောင် နေကြပြီး တရုတ်နိုင်ငံမှသက်ဆိုင်ရာဒေသအစိုးရက လူသားချင်းစာနာမှုအနေနဲ့စစ်ဘေးရှောင် ပြည်သူတွေကို ယာယီလက်ခံပြုစုပေးနေပြီး ဒဏ်ရာရရှိသူတွေကို ဆေးရုံပို့ဆောင် ကုသ ပေးနေ တယ်လို့ မြန်မာနိုင်ငံဆိုင်ရာတရုတ်သံရုံးက သတင်းထုတ်ပြန် ကြေညာထားပါတယ်။

 အခုဖြစ်ပွားတဲ့ ပစ်ခတ်မှုဟာ တရုတ်-နယ်စပ်ဒေသမှာဖြစ်လို့ တရုတ်ပြည်သူ့ သမ္မတနိုင်ငံရဲ့ ပြည်သူတွေအတွက် စိုးရိမ်လို့ အိမ်နီးချင်းနိုင်ငံအနေနဲ့ အခုလိုကြေညာချက် ထုတ်ပြန်တာ ဖြစ်တယ်လို့ နိုင်ငံတော်သမ္မတရုံး ပြောရေးဆိုခွင့်ရှိသူ ဦးဇော်ဌေးက တယ်လီဖုန်းနဲ့ ပြောကြား ပါတယ်။

အဲဒီပစ်ခတ်မှုနဲ့ပတ်သက်လို့ တရုတ်ပြည်သူ့သမ္မတနိုင်ငံ နိုင်ငံခြားရေး ၀န်ကြီးဌာနနဲ့ ကာကွယ်ရေးဝန်ကြီးဌာနဟာ မြန်မာနိုင်ငံမြောက်ပိုင်းဒေသ ပစ်ခတ်မှုနဲ့ ပတ်သက်ပြီး သတင်းထောက်တွေကိုပြောကြားရာမှာ တရုတ်ပြည်သူ့သမ္မတနိုင်ငံအနေနဲ့ တရုတ်-မြန်မာ နယ်စပ်ဒေသရဲ့ဒေသတွင်းငြိမ်းချမ်းရေးနဲ့ တည်ငြိမ်ရေးအပေါ် အလေးအနက် ဂရုပြုကြောင်း သက်ဆိုင်ရာဘက်အသီးသီးမှထိန်းချုပ်ပြီး ပစ်ခတ်မှုကို ရပ်စဲဖို့နဲ့ ထိပ်တိုက်တွေ့ မှုတွေကို ပိုမိုမပြင်းထန်စေဖို့မျှော်လင့်ပါ တယ်လို့ပြောကြားခဲ့ကြောင်း တရုတ်သံရုံးရဲ့ ထုတ်ပြန် ချက်မှာ ဖော်ပြထားပါတယ်။

 တရုတ်နိုင်ငံကာကွယ်ရေးဝန်ကြီးဌာနရဲ့ပြောရေးဆိုခွင့်ရှိသူကလည်း တရုတ်တပ်မတော်ဟာ မြန်မာနိုင်ငံမြောက်ပိုင်းဒေသတွေက ပစ်ခတ်မှုနဲ့သက်ဆိုင်တဲ့ အဘက်ဘက်အခြေအနေကို တည်ငြိမ်အောင် ထိန်းချုပ်နိုင်ပြီး ထိပ်တိုက်တွေ့မှုတွေ ပိုမိုမပြင်းထန် လာစေဖို့မျှော်လင့်ပါကြောင်း ပြောကြားထားတယ်လို့ ထုတ်ပြန်ချက်မှာ ဖော်ပြထားပါတယ်။

 အဲဒီပစ်ခတ်မှုဟာ တရုတ်ပြည်သူ့သမ္မတနိုင်ငံရဲ့ အချုပ်အခြာအာဏာနဲ့ လုံခြုံရေးကို ထိခိုက်မှု မရှိစေဖို့မျော်လင့်ကြောင်း၊တရုတ်တပ်မတော်ဟာလိုအပ်တာတွေကို သတိရှိရှိအာရုံစူးစိုက်ပြီး တရုတ်နယ်စပ်ဒေသမှာရှိတဲ့ ပြည်သူပြည်သားတွေရဲ့အသက်အိုးအိမ်စည်းစိမ် လုံခြုံမှုကို ထိန်းသိမ်းသွားမှာဖြစ်တယ်လို့ သတင်းထုတ်ပြန်ကြေညာထားပါတယ်။

 မြန်မာနိုင်ငံ တွင်းမှာ ရှိတဲ့ တရုတ်နိုင်ငံသားတွေ တစ်စုံတစ်ရာ အကူအညီလိုအပ်ပါက ရန်ကုန်မြို့ရှိ တရုတ်ပြည်သူ့ သမ္မတနိုင်ငံသံရုံး ဖုန်း ( ၀၀၉၅-၉၄၃၂၀၉၆၅၇)နဲ့ မန္တလေးမြို့ရှိ တရုတ်ကောင်စစ်ဝန်ချုပ်ရုံး (၀၀၉၅-၉၂၅၉၁၇၂၇၂၆)ကိုဖုန်းဆက်ပြီးအကူအညီတောင်းခံနိုင်တယ်လို့ ဖော်ပြထား ပါတယ်။ ဒီသတင်းကိုCentral News Bureau က မေထွယ်ကပေးပို့တာဖြစ်ပါတယ်။

Central News Bureau
https://www.facebook.com/skynetcnb

KIA ၊TNLA နှင့် MNDAA လက်နက်ကိုင်အဖွဲ့များ ပူးပေါင်း၍ လာရောက် ပစ်ခတ်တိုက်ခိုက်၊ လားရှိုး-မူဆယ် ပြည်ထောင်စုလမ်းမကြီး ပိတ်ဆို့မှုအား တပ်မတော်စစ်ကြောင်းမှရှင်းလင်း

နိုဝင်ဘာ ၂၁၊ ၂၀၁၆

မူဆယ်မြို့နယ်၊ ပန်ဆိုင်း နယ်မြေရဲစခန်းအား ရဲစခန်း၏ အနောက်ဘက် တစ်ဖာလုံ ခန့်အကွာ တောင်ကုန်းပေါ်မှ TNLA/KIA/MNDAA ပူးပေါင်း လက်နက်ကိုင် အဖွဲ့အင်အား(၁၀၀) ကျော်ခန့်သည် ယနေ့နံနက် ၆ နာရီမှ ၆နာရီ ၁၀မိနစ်အထိ လက်နက်ကြီး၊ လက်နက်ငယ် များဖြင့်လာရောက် ပစ်ခတ်ခဲ့မှုကြောင့် ထိတွေ့မှုများ ဖြစ်ပွားခဲ့ရ ကြောင်းသိရသည်။

အလားတူ နိုဝင်ဘာ ၂၀ ရက် ညနေ ၄နာရီ မှ ၄နာရီ ၁၀မိနစ်အထိ် KIA/TNLA ပူးပေါင်းအဖွဲ့များသည် ကွတ်ခိုင်မြို့နယ် အရှေ့မြောက်ဘက် မီတာ ၂၀၀၀ အကွာမှ နေ၍ ၆၀မမ စိန်ပြောင်းဗုံးသီး ၃လုံးဖြင့် မြို့တွင်းသို့ လာရောက်ပစ်ခတ်ခဲ့ရာ မြို့တွင်းသို့ ဗုံးသီးများကျရောက်ပေါက်ကွဲ ခဲ့ပြီး ဗုံးသီးများ အနက်မှ ၆၀ မမ စိန်ပြောင်းဗုံးသီး တစ်လုံးသည် ရပ်ကွက် ၂၊ နယ်မြေ ၄ ရှိ ဒေါ်ဂွမ်းခေါင်နေအိမ် မီးဖိုချောင်အမိုးအား ဖောက်ဝင်ခဲ့ကြောင်းသိရှိရသည်။ဗုံးသီးများ ကျရောက်ပေါက်ကွဲမှု ကြောင့် လူထိခိုက် မှု မရှိ ကြောင်း နှင့် တပ်မတော်စစ်ကြောင်းများမှ လိုက်လံရှင်းလင်းခဲ့ရာ လက်နက်ကိုင် ပူးပေါင်း အဖွဲ့များသည် အရှေ့မြောက်ဘက်သို့ ဆုတ်ခွာထွက်ပြေးသွား ကြောင်း သိရ သည်။


နိုဝင်ဘာ ၂၁ရက် နံနက် ၅နာရီခွဲတွင် နမ္မတူမြို့နယ်၊ နမ္မတူ-ဘော်တွင်း သွား ကားလမ်း နမ္မတူမြို့မရဲစခန်း အနောက် မြောက်ဘက် (၉) မိုင်ခန့်အကွာရှိ သစ်သား တံတား ကမ်းကပ်ခုံ ပေ ၆၀×၄၀နှင့် ရေလယ်တိုင် ကျောက်စီ၊ သံယက်မ၊ အပေါ်ထည် သစ်သားကြမ်းခင်းတံတား ပေါက်ကွဲမှုဖြစ်ပွားခဲ့ရာ ကြမ်းခင်းအစိတ်အပိုင်း အချို့ ပျက်စီး ခဲ့ပြီး ယာဉ်များ သွားလာ၍ မရကြောင်း သိရသည်။

KIAနှင့် TNLA ပူးပေါင်းအဖွဲ့များသည် မူဆယ်မြို့၏တောင်ဘက် မိုင် (၂၀)ခန့် အကွာ နမ့်အွန်ကျေးရွာအ၀င် ပြည်ထောင်စုလမ်းမကြီးပေါ်တွင် ခရီးသည်နှင့် ကုန်တင် ယာဉ်များသွားလာ၍မရအောင် ၂၂ဘီး တွဲကား၎စီး၊ ၁၂ဘီးကား ၁စီး၊ ဆီဘောက်စာ ၁စီးတို့အား ခြိမ်းခြောက်အသုံးပြု၍ ပိတ်ဆို့ ထားခဲ့ပြီး ကားသော့များအား ဖြုတ်ယူ သိမ်းဆည်းသွားခဲ့မှုကြောင့် နိုဝင်ဘာ ၂၀ ရက် ည၇နာရီခွဲမှ စတင်၍လမ်း ပိတ်ဆို့မှု ဖြစ်ပွားခဲ့သည်။

၎င်းလမ်းပိတ်ဆို့ထားသည့် နေရာအား တပ်မတော်စစ်ကြောင်းနှင့် ပြည်သူလူထု ပူးပေါင်း ရှင်းလင်းဆောင်ရွက်ခဲ့ရာ ယနေ့ နံနက် ၉နာရီခွဲတွင် ပိတ်ဆို့မှုအား ရှင်းလင်း နိုင်ခဲ့ပြီး ယာဉ်များပုံမှန် သွားလာနိုင်ပြီဖြစ်ကြောင်း သိရသည်။

(နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီ)
State Counsellor Office Information Committee



 မောင်တောမှာ နယ်စပ်လုံခြုံရေး ယူထားတဲ့ တပ်ဖွဲ့ဝင်တွေ။
ဂြိုဟ်တု ကနေ ထပ်မံ တွေ့မြင်ရတဲ့ ပုံရိပ်သစ်တွေ အရ ရခိုင်ပြည်နယ်က ရိုဟင်ဂျာ ရွာတွေမှာ နေအိမ် ၁၂၀၀ ကျော် မီးရှို့ ခံခဲ့ရတာကို တွေ့ရတယ်လို့ HRW လူ့အခွင့်အရေး လှုပ်ရှားတဲ့ အဖွဲ့က ပြောပါတယ်။

ပြီးခဲ့တဲ့လက မောင်တောမြို့နယ် အတွင်း နယ်ခြားစောင့် စခန်းတွေ တိုက်ခိုက်ခံခဲ့ရပြီးနောက် မြန်မာ အစိုးရ တပ်မတော်က နယ်မြေ ရှင်းလင်းရေး ဆောင်ရွက်မှုတွေ လုပ်ဆောင် ခဲ့ပါတယ်။

မောင်တော ဒေသက မွတ်ဆလင်တွေ ထောင်နဲ့ ချီပြီး အိုးအိမ်စွန့်ခွာ ထွက်ပြေး ခဲ့ကြရပြီး အရပ်သားတွေ အမြောက်အမြား သေဆုံးခဲ့တယ်လို့ မျက်မြင် သက်သေ တွေက ပြောကြပါတယ်။

မြန်မာ အစိုးရက အဲဒီ ဒေသကို ပြည်ပ သတင်းထောက်တွေ သွားလာခွင့် ပိတ်ပင်ထားတဲ့ အတွက် အဲဒီ စွပ်စွဲပြောဆိုမှုတွေကို အတည်ပြုနိုင်ဖို့က ခက်ခဲနေပါတယ်။

BBC Burmese
http://www.bbc.com/burmese



KIA/TNLA သောင်းကျန်းသူအဖွဲ့များက ပစ်ခတ်သည့် လက်နက်ကြီးကျည် ကွတ်ခိုင်မြို့အတွင်း ကျရောက်ပေါက်ကွဲ
နေပြည်တော် ၊ နိုဝင်ဘာ - ၂၁

၂၀၁၆ခုနှစ်၊ နိုဝင်ဘာ ၂၀ ရက် ညနေ ၄ နာရီခန့်တွင် ရှမ်းပြည်နယ် အရှေ့မြောက်ဒေသရှိ ကွတ်ခိုင်တပ်နယ်အတွင်းသို့ KIA/TNLA သောင်းကျန်းသူအဖွဲ့များက လက်နက်ကြီးဖြင့် ၃ ချက် လာရောက်ပစ်ခတ်ခဲ့ရာ နယ်မြေခံတပ်မှ လက်နက်ကြီးဖြင့် ပြန်လည် ပစ်ခတ်ခဲ့သဖြင့် ညနေ ၄ နာရီ ၁၀ မိနစ်တွင် ရန်သူပစ်ခတ်မှုရပ်တန့်သွား ခဲ့သည်။ ၎င်းသောင်းကျန်းသူများ ပစ်ခတ်သည့် လက်နက်ကြီး ကျည်များသည် ကွတ်ခိုင်မြို့စွန်တွင် ကျရောက်ပေါက်ကွဲပြီး ယင်းကျည်များအနက် ၆၀ မမဗုံးသီးတစ်လုံးမှာ ပေါက်ကွဲခြင်း မရှိဘဲ ကွတ်ခိုင်မြို့၊ အမှတ် (၂) ရပ်ကွက်ရှိ ဒေါ်ဂွမ်းခေါန်၏ နေအိမ်မီးဖိုဆောင်အုတ်နံရံ ခြေမှ မြေကြီးတွင် စိုက်ဝင်သွားခဲ့ကြောင်းနှင့် ဖြစ်စဉ်တွင် လူထိခိုက်ဒဏ်ရာရရှိမှုမရှိကြောင်း သိရှိရသည်။


ယနေ့နံနက် ၆ နာရီ ၁၅ မိနစ်ခန့်တွင်လည်း ကြူကုတ်(ပန်ဆိုင်း)ရှိ နယ်မြေလုံခြုံရေးဆောင်ရွက်နေသည့် ရဲကင်းစခန်းအား KIA သောင်းကျန်းသူအဖွဲ့မှ အင်အား ၂၀ ဦးခန့်က လက်နက်ကြီးဖြင့် လာရောက် နှောင့်ယှက်ပစ်ခတ်ခဲ့ရာ တပ်မတော်စစ်ကြောင်းက လက်နက်ကြီးဖြင့် ပြန်လည်ပစ်ခတ်ခဲ့ပြီး လိုက်လံ ရှင်းလင်းခဲ့ရာ ရန်သူများ တောင်ဘက်သို့ ဆုတ်ခွာသွားခဲ့သည်။

ရှမ်းပြည်နယ်အရှေ့မြောက်ဒေသအတွင်း KIA/MNDAA နှင့် TNLA သောင်းကျန်းသူ အဖွဲ့များပူးပေါင်း၍ တပ်မတော်စခန်းများ၊ ရဲကင်းစခန်းများသာမက ပြည်ထောင်စုကားလမ်းနှင့် အပြစ်မဲ့ပြည်သူများ သွားလာ လှုပ်ရှားသည့် နေရာများကိုပါ ပစ်ခတ် တိုက်ခိုက်မှုများ ပြုလုပ်လာသောကြောင့် တပ်မတော်စစ်ကြောင်း များက ဖြန့်ခွဲ နယ်မြေရှင်းလင်းမှုများ ဆက်လက်လုပ်ဆောင်လျက်ရှိကြောင်း သတင်းရရှိသည်။

တပ်မတော်ကာကွယ်ရေးဦးစီးချုပ်ရုံး
https://www.facebook.com/Cincds/


မန္တလေး၊နိုဝင်ဘာ- ၂၀

မန္တလေးမြို့ မဟာအောင်မြေမြို့နယ်၊ စိန်ပန်းရပ်၊ သူရဲကျော်ရပ်ကွက်၊ ၃၉× ၄၀ လမ်းကြားအကွက် (၃၅၂)ရှိမမိုးစန္ဒီသိန်းနေအိမ်မှစတင်ကာ နိုဝင်ဘာလ (၂၀)ရက်နေ့ နံနက် (၇း၃၉)နာရီတွင် မီးလောင်မှုဖြစ်ပွားခဲ့ကြောင်းသိရှိရသည်။

မီးလောင်ရာသို့ မီးသတ်ယာဉ် (၁၄)စီး၊ အုပ်ချုပ်ထောက်ပံ့မှုယာဉ် (၂)စီးနှင့်အတူသန္ဓေမီးသတ်တပ်ဖွဲ့ဝင်များ၊ အရံမီးသတ်တပ်ဖွဲ့ဝင်များ ငြိမ်းသတ်မှုကြောင့် နံနက် (၇း၅၂)နာရီတွင် မီးငြိမ်းသတ်နိုင်ခဲ့ကြောင်းသိရှိရသည်။

မီးလောင်မှုကြောင့် ၂၀ပေ× ၃၀ ပေသွပ်မိုး၊ ထရံကာ (၁)ထပ်နှင့် ၂၀ပေ×၃၀ပေ သွပ်မိုးထရံကာ (၂)ထပ် စုစုပေါင်းအဆောက်အဦး (၂)လုံးမီးလောင်ဆုံးရှုံးခဲ့ပြီးတန်ဖိုးမှာ (၁၃)သိန်း(၅)သောင်းဖြစ်ကြောင်းနှင့် မီးစတင် လောင်ကျွမ်းရသည့် အကြောင်းအရင်းနှင့် မီးလောင်မှုဖြစ်စဉ် တရားခံအားစုံးစမ်းဆောင်ရွက်လျှက်ရှိကြောင်းသိရှိရသည်။

ဘိုဘိုဟန်
Myanmaalinn
https://www.facebook.com/MYANMAALINNNEWS



မူဆယ်ဒေသတိုက်ခိုက်မှုကြောင့် ဒေသခံများ ဒဏ်ရာ မှတ်တမ်းဓါတ်ပုံ ( နိုဝင်ဘာ ၁၉ ရက်၊ ၂၀၁၆) (Myanmar president office)
တရုတ်-မြန်မာ နယ်စပ် မူဆယ်မြို့မှာ မြန်မာအစိုးရနဲ့ တိုင်းရင်းသားလက်နက် တပ်ဖွဲ့တွေအကြား ဖြစ်ပွားခဲ့တဲ့ တိုက်ပွဲတွေကြောင့် တရုတ်နိုင်ငံအတွင်းကို အမြောက်ဆံတွေ ကျခဲ့တာမှာ နယ်စပ်မှာရှိနေတဲ့ တရုတ် ကျေးရွာသား ၂ ဦး ထိခိုက် ဒဏ်ရာရသွားကြောင်း တရုတ်အစိုးရပိုင် South China Morning Post သတင်းစာမှာ ရေးသား ဖော်ပြထားပါတယ်။

တိုက်ပွဲတွေကြောင့် ယူနန်နယ်ထဲကို ထွက်ပြေးလာကြတဲ့ ဒုက္ခသည်က ၈၀ လောက် ရှိကြောင်းလည်း တရုတ်အစိုးရအာဘော် Golbal Times သတင်းမှာ ရေးသားထားပါတယ်။

ဒေသတွင်း ပြန်လည်တည်ငြိမ်မှု ရှိစေဖို့ လိုအပ်တာတွေကို တရုတ်အစိုးရက လုပ်ဆောင်နေပြီး ယူနန်နယ်ထဲက နယ်စပ်မှာ အရေးပေါ် အခြေနေ တုန့်ပြန်ရေးအတွက် ရဲတွေတိုးမြှင့်ချထားသလို လုံခြုံရေး အဆင့်မြှင့်ထားကြောင်း တရုတ်ကာကွယ်ရေး ဝန်ကြီးဌာနရဲ့ ပြောကြားချက်ကို South China Morning Post သတင်းမှာ ဖေါ်ပြထားပါတယ်။

တရုတ်အစိုးရ ရုပ်သံဌာန CCTV ကတော့ နယ်စပ်မှာ တရုတ်နယ်မြေထဲ ကျည်ဆံတွေ ကျရောက် ခဲ့ပေမယ့် မူဆယ်တဖက် တရုတ်ပိုင် ရွှေလီမြို့မှာတော့ အခြေနေဟာ အေးအေးချမ်းချမ်းပဲ ရှိနေတယ်လို့ ဆိုပါတယ်။

တရုတ်- မြန်မာနယ်စပ်မှာ ဖြစ်ပွါးတဲ့ ဒီတိုက်ပွဲတွေကြောင့် နယ်စပ်မှာ နေထိုင်သူတချို့ တရုတ်နိုင်ငံထဲ ထွက်ပြေးခိုလှုံလာကြောင်း ရန်ကုန်က တရုတ်သံရုံးက ကြေညာချက်တစောင်ထုတ်ပြန်ခဲ့ပါတယ်။ ဒီဒုက္ခသည်တွေအတွက် ဒေသအစိုးရက လူသားချင်းစာနာမှု အကူညီတွေ ပေးနေပြီး ဒဏ်ရာရသူတွေကို ဆေးရုံပို့ကုသပေးနေတယ်လို့ ဖေါ်ပြထားပါတယ်။ ဒါ့အပြင် အခြေနေကို တရုတ်အစိုးရက အနီးကပ် စောင့်ကြည့်နေပြီး တရုတ်မြန်မာ နယ်စပ်ဒေသ ပြန်လည်တည်ငြိမ်စေဖို့အတွက် သက်ဆိုင်တဲ့ အဖွဲ့အစည်းအားလုံး အပစ်အခတ်ချက်ချင်း ရပ်စဲနိုင်အောင် လုပ်ဆောင်ကြဖို့ တိုက်တွန်းခဲ့ပါတယ်။

KIA ကချင်အဖွဲ့၊ TNLA တအောင်းပလောင်အဖွဲ့ MNDAA ပူးပေါင်းအဖွဲ့တွေဟာ တနင်္ဂနွေနေ့ အစောပိုင်းမှာ ရှမ်းပြည်နယ် မူဆယ်မြို့နယ်နဲ့ ကွတ်ခိုင်မြို့နယ် အတွင်းမှာရှိတဲ့ စစ်တပ်နဲ့ ရဲတပ်ဖွဲ့စခန်းတွေအပြင် တရုတ်-မြန်မာနယ်စပ်က မူဆယ် ၁၀၅ မိုင် ကုန်သွယ်ရေးဇုံနဲ့ တံတားတွေ အပါအဝင် နေရာ ၁၀ ခုလောက်ကို ပစ်မှတ်ထား တိုက်ခိုက်ခဲ့တဲ့အတွက် အရပ်သားတွေ အပါအဝင် စုစုပေါင်း ၈ ဦးသေဆုံးခဲ့တယ်လို့ သမ္မတရုံးဝန်ကြီးဌာန ပြောခွင့်ရ ဦးဇော်ဌေးက VOA ကိုပြောပါတယ်။

ပစ်ခတ်မှုတွေ ဖြစ်ပွါးခဲ့ပြီးတဲ့နောက် မူဆယ် ၁၀၅ မိုင် ကုန်သွယ်ရေးဇုံကို ယာယီ ပိတ်ထားလိုက်ပြီး ကုန်သွယ်မှုတွေ ရပ်နားထားတယ်လို့ ကုန်သွယ်ရေးဦးစီးဌာန တာဝန်ရှိသူက VOA ကို ပြောကြားခဲ့ပါတယ်။

အခု တိုက်ခိုက်မှုဟာ အစိုးရ အပြောင်းအလဲ ဖြစ်လာပြီး နောက်ပိုင်း တိုင်းရင်းသား လက်နက်ကိုင်အဖွဲ့အစည်း ၃ ဖွဲ့ထက်မနည်း ပူးပေါင်းပြီး ပထမဆုံး တိုက်ခိုက်ခဲ့တာ ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com