11/23/16


ဆူဇူကီးဖလားဘောလုံးပြိုင်ပွဲ အတွက် မြန်မာနဲ့ ကမ္ဘောဒီးယားတို့ ဒီကနေ့ ယှဉ်ပြိုင်ကစား (FB-Myanmar Football Federation)
မြန်မာနိုင်ငံက အိမ်ရှင်အဖြစ် လက်ခံကျင်းပနေတဲ့ အာဆီယံ ဘောလုံးအဖွဲ့ချုပ်၊ ဆူဇူကီးဖလားဘောလုံးပြိုင်ပွဲ အုပ်စု B ပွဲစဉ် အတွက် မြန်မာနဲ့ ကမ္ဘောဒီးယားတို့ ဒီကနေ့ ယှဉ်ပြိုင်ကစားတာမှာ မြန်မာအသင်းက ၃ ဂိုး ၁ ဂိုးနဲ့ အနိုင်ရသွားပါတယ်။

မြန်မာအသင်းအတွက် ဂိုးတွေကို ဇော်မင်းထွန်းက ၃၅ မိနစ်နဲ့ ၄၀ မိနစ်တွေမှာ သွင်းယူပြီး အောင်သူက ၅၆ မိနစ်မှာ တတိယဂိုး သွင်းယူပါတယ်။ ကမ္ဘောဒီးယားအသင်းအတွက် ဂိုးကိုတော့ ၁၄ မိနစ်မှာ Sos Suhana က သွင်းယူတာပါ။

မြန်မာအသင်းဟာ အခုဆိုရင် နှစ်ပွဲကစား၊ တပွဲနိုင်၊ တပွဲရှုံးနဲ့ သုံးမှတ်ရထားပြီး မလေးရှားအသင်းနဲ့ အမှတ်တူနေပေမဲ့ ဂိုးကွာခြား ချက်အရ အုပ်စုဒုတိယနေရာ ရထားပါတယ်။ ဒီအုပ်စုမှာ ဗီယက်နမ်က ၆ မှတ်နဲ့ အုပ်စုပထမနေရာမှာရှိပြီး ကမ္ဘောဒီးယားကတော့ အမှတ်မရသေးပါဘူး။

မြန်မာနဲ့ မလေးရှားတို့ နိုဝင်ဘာလ ၂၆ ရက် စနေနေ့မှာ ကစားရမယ့်ပွဲဟာ နှစ်သင်းစလုံးအတွက် အရေးပါတဲ့ အဆုံးအဖြတ်ပွဲပါ။ ဒီပွဲမှာ မြန်မာအသင်းအနေနဲ့ သရေကျတယ်ဆိုရင်တောင်မှ ဆီမီးဖိုင်နယ်အဆင့် တက်ရမှာဖြစ်ပါတယ်။
VOA Burmese News


AFF Suzuki Cup 2016 မလေးရှားအသင်း (FB-Myanmar Football Federation)

ရခိုင်ပြည်နယ် မောင်တောဒေသကပဋိပက္ခတွေနဲ့ ပတ်သက်လို့ ကန့်ကွက်တဲ့အနေနဲ့ မြန်မာနိုင်ငံနဲ့ ဖိလစ်ပိုင်နိုင်ငံတို့ အိမ်ရှင်အဖြစ် ပူးတွဲ ကျင်းပနေတဲ့ ဆူဇီကီးဖလားအာဆီယံ ဘောလုံး အဖွဲ့ချုပ် ပြိုင်ပွဲကနေ မလေးရှားဘောလုံးအသင်း နုတ်ထွက်ဖို့ မလေးရှားအားကစား
ဝန်ကြီးက ကြိုးစားနေပါတယ်။ ဒါပေမဲ့လည်းအားကစားနဲ့ နိုင်ငံရေးရောယှက်ဖို့ ကြိုးစားတာနဲ့ ပတ်သတ်လို့ မြန်မာဘောလုံးအသင်းချုပ် တာဝန်ရှိသူကတော့ ပြစ်တင်ရှုတ်ချလိုက်ပါတယ်။ အပြည့်အစုံကိုတော့ ဗွီအိုအေမြန်မာပိုင်းသတင်းထောက် ကိုထက်အောင်ကတင်ပြပေးမှာပါ။

ပြီးခဲ့တဲ့ သတင်းပတ် စနေနေ့တုန်းကမြန်မာနိုင်ငံနဲ့ ဖိလစ်ပိုင်နို်င်ငံတို့ကအိမ်ရှင်အဖြစ် ပူးတွဲကျင်းပနေတဲ့ အာဆီယံဘောလုံးအဖွဲ့ချုပ် ဆူဇီကီးဖလား ပြိုင်ပွဲကနေမလေးရှားဘောလုံးအသင်း နုတ်ထွက်ဖို့ မလေးရှားလူငယ်နဲ့ အားကစား ၀န်ကြီး Khairy Jamaluddin က စည်းရုံး လှုံဆော်နေပါတယ်။ အဓိကကတော့ ရခိုင်ပြည်နယ် မောင်တော ဒေသတွင်း ပဋိပက္ခတွေမှာ လူနည်းစုမူစလင်တွေ အပေါ် မြန်မာစစ်တပ်ကလူ့အခွင့်အရေးချိုးဖောက်မှုတွေ ရှိနေတာကြောင့် ဖြစ်တယ်လို့ မလေးရှားသတင်းတွေမှာဖော်ပြကြပါတယ်။ မလေးရှားအားကစား ၀န်ကြီး Khairy ကတော့ မလေးရှားဘောလုံးအသင်း ဒီပြိုင်ပွဲကနေနုတ်ထွက်အောင် ထပ်မံကြိုးစားသွားမယ်လို့ သတင်းစာရှင်းလင်းပွဲတစ်ရပ်မှာပြောဆိုသွားပါတယ်။

“အစိုးရအဖွဲ့ရဲ့ သဘောထားရဖို့ ကျနော်ကြိုးစားသွားမှာ ဖြစ်ပါတယ်၊ လုပ်သင့်-မသင့် ဆိုတာကိုတော့ သူတို့ဆုံးဖြတ်ကြပါလိမ့်မယ်၊ ဒီနောက်မှာတော့ အသင်းအုပ်ချုပ်ရေးမှူးကိုကျနော်အကြံပေးသွားမှာပါ။ ဘာပဲဆုံးဖြတ်၊ ဆုံးဖြတ် ဒီကိစ္စနဲ့ ပတ်သက်လို့ ဆက်ပြီးပြောနေရဦးမှာပါ။ ဒါကြောင့်လည်း UMNO လူငယ်တွေစုပြီး မြန်မာသံရုံးမှာကျနော်တို့ရဲ့ သဘောထားကိုသွားပေးမှာပါ။”

မလေးရှားဘောလုံးအသင်းဟာအိမ်ရှင် မြန်မာအသင်း အပါအ၀င် ကမ္ဘောဒီးယားနဲ့ ဗီယက်နမ် အသင်းတို့နဲ့အတူအုပ်စုခမှာအတူကျနေတာပါ။ ပထမဆုံးတစ်ပွဲ ကျင်းပပြီးချိန်ထိ မလေးရှားအသင်းက ကမ္ဘောဒီးယားအသင်းကို နိုင်ပြီးဒီအုပ်စုမှာထိပ်ဆုံးကဦးဆောင်နေပါတယ်။ မလေးရှား အားကစားဝန်ကြီး ကတော့ လူသားချင်းစာနာထောက်ထားမှု မရှိပဲနဲ့ အားကစားဆိုတဲ့ စကားလုံးကို ဘယ်လိုအဓိပ္ပာယ်ဖွင့်လို့ ရနိုင်မှာပါလဲ၊ ဒီ့ထက်ပိုဆိုးတာက လူသားမျိုးနွယ်စုတွေဖြစ်တဲ့ လူနည်းစုမူစလင်တွေကို ရက်ရက်စက်စက် ညည်းပန်းနှိပ်စက်နေကြတာပါပဲလို့ မေးခွန်း ထုတ်လိုက်ပါတယ်။ ဒါကြောင့်လည်းသူ့အနေနဲ့ ဒီကိစ္စကို ပြီးခဲ့တဲ့ ၀န်ကြီးများ အစည်းအဝေးမှာ တင်ပြီး ဖြစ်သလိုနောက်တစ်ပတ်ထဲမှာကျင်းပမယ့် အစည်းအဝေးမှာလည်း ထပ်မံဆွေးနွေးသွားမယ်လို့ ဆိုပါတယ်။အစိုးရအနေနဲ့ ဒီကိစ္စကို ပြတ်ပြတ်သားသားဆောင်ရွက်နိုင်ဖို့ မျှော်လင့်မိတယ်လို့လည်းသူရဲ့ ဖေ့ဘုတ်စာမျက်နှာမှာအင်္ဂါနေ့ကရေးသားခဲ့ပါတယ်။

မြန်မာနိုင်ငံဘောလုံးအဖွဲ့ချုပ် အမှုဆောင်အရာရှိချုပ် ကိုစိုးမိုးကျော်ကတော့ အားကစားနဲ့ နိုင်ငံရေးရောယှက်အောင် လုပ်လို့ မရဘူးလို့ တုန့်ပြန်ပါတယ်။

“ကျနော်တို့က နိုင်ငံရေးနဲ့ မဆက်နွယ်ပါဘူး။ အခုတောင် ကစားနေတာပဲ ၊ အခုတင်ပြီးသွားတယ် မလေးရှားကပ်ရှုံးသွားတယ်။ မလေးရှားအသင်းဘက်က အဲလို တစုံတရာ ပြောတာ ဘောလုံးက နိုင်ငံရေးနဲ့ တခြားစီပဲ ၊ သူ့ဟာသူ့ ၀န်ကြီးပဲပြောပြော ဘာပဲပြောပြော ၊ နိုင်ငံတကာဘောလုံးအသိုင်းအ၀ိုင်းကရော၊ FIFA ရော ၊ တခြားနိုင်ငံတကာ ဘောလုံးအဖွဲ့အစည်းတွေကရော ဘောလုံးက နိုင်ငံရေး မှမဟုတ်ဘူး၊ ဘာသာရေးနဲ့လည်းဆက်နွယ်လို့မရဘူး၊ ဘောလုံးက ဘာအရောင်မှမရှိရဘူး၊ ဘာခွဲခြားမှုမှ မရှိရဘူး၊ ဘာအသားအရောင်မှမရှိဘူး ၊ ဘာ ဘာသာရေးမရှိဘူး၊ ဘာနိုင်ငံရေးမှ မရှိဘူး။”

ဒီကနေ့မှာတော့ မလေးရှားအသင်းနဲ့ ဗီယက်နမ်အသင်းတို့ ယှဉ်ကြိုင်ကစားကြသလို မြန်မာအသင်းနဲ့ ကမ္ဘောဒီးယားအသင်းတို့ ယှဉ်ပြိုင်ကစားခဲ့ကြပါတယ်။ အုပ်စုပွဲရဲ့ နောက်ဆုံးပွဲစဉ်အဖြစ် အိမ်ရှင် အသင်းနဲ့ မလေးရှားအသင်းတွေဟာဒီတပတ်စနေနေ့ နိုဝင်ဘာလ ၂၆ ရက်နေ့မှာယှဉ်ပြိုင်ကစားကြမှာ ဖြစ်ပါတယ်။

၁၀၅ မိုင် ကုန်သွယ်ရေးဇုံ မြင်ကွင်း မှတ်တမ်းဓါတ်ပုံ (မတ်လ ၂၀၁၂)
၁၀၅ မိုင် ကုန်သွယ်ရေးဇုံ မြင်ကွင်း မှတ်တမ်းဓါတ်ပုံ (မတ်လ ၂၀၁၂)

ရှမ်းပြည်နယ်မြောက်ပိုင်းမှာ တိုက်ပွဲအရှိန်လျော့ကျလာနေပြီး မူဆယ်နဲ့ ကွတ်ခိုင်မြို့မှာ အခြေအနေဟာ ပြန်လည်တည်ငြိမ်စပြုလာနေပြီဖြစ်ပါတယ်။ ပြီးတဲ့ရက်က မူဆယ်ကနေ တရုတ်နိုင်ငံကို တိမ်းရှောင်သွားသူ အချို့ ပြန်လာနေပြီဖြစ်ပေမဲ့ မူဆယ်မြို့ပေါ်ကို လာရောက်ခိုလှုံသူတွေ ကတော့ နေရပ်မပြန်နိုင်သေးပါဘူး။ မူဆယ်နဲ့ ကွတ်ခိုင်မြို့က နောက်ဆုံးအခြေအနေကို ဗွီအိုအေမြန်မာပိုင်းရဲ့သတင်းထောက် ကိုမိုးဇော်က တင်ပြထားပါတယ်။

တနင်္ဂနွေနေ့က စတင်ဖြစ်ပွားခဲ့တဲ့ ရှမ်းပြည်နယ်မြောက်ပိုင်းဒေသတွင်း တိုက်ခိုက်တာတွေဟာ အင်္ဂါနေ့ညပိုင်းမှာတော့ တိုက်ပွဲအရှိန်လျော့ကျလာသလို ဒီကနေ့မှာတော့ မူဆယ်နဲ့ ကွတ်ခိုင်မြို့တွင်းအခြေအနေဟာ ပြန်လည်တည်ငြိမ်စပြုလာပြီ ဖြစ်ပါတယ်။

ဒီကနေ့ ကွတ်ခိုင်မြို့က အခြေအနေကို မြို့ခံတဦးက အခုလို ပြောပါတယ်။

“ဒီနေ့အခြေအနေကတော့ ကောင်းပါတယ်ခင်ဗျ။ ဒီမှာ ဈေးတွေဖွင့်ပြီးသွားလာလှုပ်ရှားနေကြပါပြီ။ ဖွင့်တဲ့လူလည်းဖွင့်၊ ပိတ်တဲ့လူလည်းပတ်ကြတယ်ခင်ဗျ။ အရှိန်က မသေသေးဘူး ပေါ့ဗျာ။ တရုတ်ပြည်ကနေ ဘာမှမဖြစ်တော့ ဒီတိုင်းပြန်လာကြတဲ့လူတွေလည်းရှိတယ်ခင်ဗျ။ တချို့တ၀က်တော့ပြန်လာကြတယ်ခင်ဗျ။ ဘာမှမဖြစ်တော့ ပြန်လာကြတယ် ၊ ဆိုင်ကယ်တွေ ကားတွေပုံမှန် နည်းနည်းသွားလာနေကြပြီပေါ့ဗျာ။ အရင်လိုတော့ အစည်ကြီးတော့မဟုတ်ဘူးခင်ဗျ။”

ဒေသခံသတင်းထောက် တဦးဖြစ်တဲ့ ဦးမောင်က ဒီကနေ့ မနက် ၂နာရီလောက်မှာ ပစ်ခတ်သံကြားတာရှိပေမယ့် မနက်လင်းပိုင်းကစ မူဆယ်မြို့ အခြေအနေက တည်ငြိမ်လာပြီဖြစ်ကြောင်း ပြောပါတယ်။

“မနက် ၂ နာရီကျော်ကျော်လောက်မှာ ပစ်ခတ်တဲ့အသံကို ကြားရတယ်၊ ကျနော်တို့ ၁၂ ချက် ၁၃ ချက်လောက်ကြားရတယ်၊ ၁၀ ချက်ကျော်ပေါ့အဲဒီလောက်ကြားရတယ်။ တရုတ်ဘက်ပိုင်းလို့ယူဆတယ်။ တခြား ဒီမြန်မာနိုင်ငံ မူဆယ်မြို့အတွင်းမှာတော့ အေးအေးဆေးဆေးပါပဲ။ တည်တည်ငြိမ်ငြိမ်ပဲ။ ဒီနေ့ ပုံမှန်အတိုင်း ဟိုးအရင်တုန်းကလို ပုံမှန်အတိုင်းပြန်ဖြစ်သွားပြီ။”

တရုတ်ပြည်ဖက် တိမ်းရှောင်သူတချို့ကတော့ စိုးရိမ်တာတွေ ရှိနေတာကြောင့် ပြန်မလာသေးပါဘူး။ ဒီအပေါ်မှာတော့ မူဆယ်ဒေသ အမျိုးသားလွှတ်တော်ကိုယ်စားလှယ် ဦးညီစိန်က အခုလို သုံးသပ်ပါတယ်။

“ပြန်မလာရဲသေးဘူးဆိုတာ ပြန်လာခဲ့ရင် တော်ကြာနေ တဘက် သို့မဟုတ် တဘက်က အထိနာလိုက်လို့ အရမ်းလုပ်လာမှာစိုးရိမ်လို့ သူတို့ပြန်မလာရဲတာပါ။”

လောလောဆည်မှာ မူဆယ်မြို့ပေါ်ကို တိမ်းရှောင်လာတဲ့ စစ်ရှောင်ဒုက္ခသည် ၃ထောင်ကျော်လောက်ရှိနေပြီး သူတို့တွေကတော့ နေရပ်မပြန်နိုင်သေးပါဘူး။ မူဆယ်ခရိုင်အုပ်ချုပ်ရေးမှုးရုံးကတော့ မြို့နေပြည်သူတွေရဲ့ လုံခြုံရေးအတွက် တပ်မတော်၊ရဲနဲ့ ပြည်သူ့စစ်တွေက တာဝန်ယူပူးပေါင်း ဆောင်ရွက်နေကြောင်းနဲ့ နေအိမ်တွေကို စွန့်ခွာမသွားကြဖို့ ကြေညာချက်ထုတ်ပြန်ထားပါတယ်။

အင်္ဂါနေ့ကတော့ ကွတ်ခိုင်-မူဆယ်လမ်းပိုင်းမှာ တိုက်ပွဲဖြစ်ပွားတာကြောင့် ကွတ်ခိုင်မြို့ပေါ်မှာ ဈေးတွေ ကျောင်းတွေ ပိတ်ခဲ့ရပါတယ်။ ဒီကနေ့မှာတော့ အခြေအနေဟာ ပုံမှန်နီးပါး ပြန်ဖြစ်လာပြီလို့ ကွတ်ခိုင်မြို့ခံတယောက်က ပြောပါတယ်။

“ဒီနေ့တော့ ဈေးတွေလည်းပြန်ဖွင့်တယ်။ ကျောင်းတချို့တော့ ပိတ်ထားတယ်ပေါ့နော်။ ဒီနေ့တော့ ကွတ်ခိုင်ဈေး နေ့ဆိုတော့ ပတ်ဝန်းကျင်ကရွာတွေလည်း ကွတ်ခိုင်ဈေးနေ့ဆိုတော့ လာကြတယ်။ မနေ့ညတော့ သေနတ်သံတွေ နည်းနည်းကြားတယ်။ ဒီနေ့တော့ ဘာမှ ထူးခြားချက်မရှိဘူး။ မနေ့ညတော့ ည ၉ နာရီ ၅၅ ပေါ့ အဲဒီလောက်မှာကြားတယ်။ ပထမဦးဆုံးတော့ ဗုံးကွဲသံပေါ့နော် ပြီးလို့ရှိရင် သေနတ်အသေးလေးတွေ ခဏလေးပါပဲ။”

လားရှိုးနဲ့ကွတ်ခိုင်အကြားမှာတော့ ကားတွေ ပုံမှန်သွားလာမှုရှိနေကြောင်းလည်း ပြောပါတယ်။

ရှမ်းပြည်နယ်မြောက်ပိုင်းမှာ တိုက်ခိုက်တာတွေ ပြင်းထန်နေချိန်မှာ ကချင်ပြည်နယ်ဖားကန့်မြို့နယ်အတွင်းမှာလည်း အင်္ဂါနေ့က အစိုးရတပ်မတော်နဲ့ ကချင်တပ်ဖွဲ့အကြား တိုက်ခိုက်တာတွေဖြစ်ပွားခဲ့ပါတယ်။ ဖားကန့်ဒေသက အခြေအနေကိုတော့ အဲဒီဒေသမှ အခြေစိုက်တဲ့ KIA တပ်ရင်း ၆ ရဲ့ တပ်ရင်းမှုး ဒုဗိုလ်မှုးကြီး တန်ဆန်းက အခုလို ပြောပါတယ်။

“ဖားကန့်ဒေသဘက်မှာတော့ ကျနော်တို့အဖွဲ့တွေက လမ်းဘက်မှာ နည်းနည်းထပ်လှုပ်ရှားတာရှိတယ်။ ဒါပေမယ့် တိုက်ပွဲဖြစ်တာတော့မရှိဘူး ဒါပေမယ့် တပ်မတော်ဘက်က လက်နက်ကြီး ၆ ချက် ၇ ချက်လောက်တော့ ထုတယ်ခင်ဗျ။ ဒီနေ့တော့ တိုက်ပွဲမဖြစ်ဘူးခင်ဗျ။ မနေ့ကပဲ တိုက်ပွဲဖြစ်တယ်။ ရှောင်တခင်တွေ့ပြီးတော့မှ ရင်ဆိုင် တိုက်ပွဲဖြစ်တဲ့ အပိုင်းမှာ ၄၅ မိနစ်လောက်ပဲ ကြာပါတယ်။ သူတို့လှုပ်ရှားမှုက ခါတိုင်းထက် နည်းနည်းထူးခြားပြီးမှ အင်အားဖြည့်တာတွေရှိတယ်ဆိုတော့ ကျနော်တို့ ဒီဘက်မှာလည်း ရင်ဆိုင်တိုက်ပွဲတွေကတော့ ရှေ့ဆက်ပြီးတော့ ဖြစ်လာမယ့် အကြောင်းရှိပါတယ်ခင်ဗျ။”

ရှမ်းပြည်နယ်မြောက်ပိုင်း ကချင်၊ ပလောင်၊ ကိုးကန့်နဲ့ AAခေါ် ရခိုင်တပ်ဖွဲတွေ ပူးပေါင်းတိုက်ခိုက်ခဲ့တာဖြစ်ပြီး ကချင်လွတ်လပ်ရေးအဖွဲ့ KIO က စစ်ရေးအရ ဖိအားပေးခံနေရတာကြောင့် တုံပြန်တဲ့အနေနဲ့ ကန့်သတ်စစ်ပွဲဆင်နွဲတာဖြစ်ကြောင်း သတင်းထုတ်ပြန်ပါတယ်။ ဒီစစ်ပွဲဟာ အရပ်သားပြည်သူတွေအကျိုးစီးပွားကို မထိခိုက်အောင် သတိထားဆောင်ရွက်မှာဖြစ်သလို အမျိုးသားပြန်လည်သင့်မြတ်ရေးကို ထိခိုက်စေဖို့လည်း မရည်ရွယ်ကြောင်း သူတို့ ထုတ်ပြန်ချက်မှာ ဖော်ပြထားပါတယ်။

ကိုမိုးဇော်
VOA Burmese News



( ပို့ဆောင်ရေးနဲ့ ဆက်သွယ်ရေးဝန်ကြီး ဦးသန့်စင်မောင်ကို နိုဝင်ဘာလ ၂၃ ရက်နေ့က တွေ့ရစဉ် ) Photo: Win Ko Ko Latt/ RFA 
လက်ရှိကျင့်သုံးနေတဲ့ ဆက်သွယ်ရေးဥပဒေပုဒ်မ ၆၆ ဃ ကို ဘ၀င်မကျဘူးလို့ ပို့ဆောင်ရေးနဲ့ ဆက်သွယ်ရေးဝန်ကြီး ဦးသန့်စင်မောင်က ပြောပါတယ်။

ဒီကနေ့ ကျင်းပတဲ့ အမျိုးသားလွှတ်တော်အစည်းအဝေးအပြီးမှာ သတင်းထောက်အချို့ရဲ့မေးမြန်းမှုကို ၀န်ကြီးဦးသန့်စင်မောင်က အဲဒီလိုဖြေကြားခဲ့တာဖြစ်ပါတယ်။

ဆက်သွယ်ရေး ဥပဒေပုဒ်မ ၆၆ ဃ မှာ မည်သူမဆို ဆက်သွယ်ရေး ကွန်ယက် တစ်ခုခုကို အသုံးပြုပြီး ပုဂ္ဂိုလ်တစ်ဦးဦးအား ခြောက်လှန့်တောင်းယူခြင်း၊ အနိုင်အထက်ပြုခြင်း၊ မတရားတားဆီး ကန့်ကွက် ခြင်း၊ အသရေဖျက်ခြင်း၊ နှောင့်ယှက်ခြင်း၊ မလျော်သြဇာသုံးခြင်း သို့မဟုတ် ခြိမ်းခြောက်ခြင်း ပြုလုပ်လျှင် ထိုသူကို သုံးနှစ်ထက်မပိုသော ထောင်ဒဏ်ဖြစ်စေ၊ ငွေဒဏ်ဖြစ်စေ၊ ဒဏ်နှစ်ရပ်လုံးဖြစ်စေ ချမှတ်ရမယ်လို့ ပါရှိပါတယ်။

အဲဒီဆက်သွယ်ရေးဥပဒေကို ပြင်ဆင်ဖို့ သူရဦးရွှေမန်းဥက္ကဌအဖြစ်ဆောင်ရွက်တဲ့ ပြည်ထောင်စု လွှတ်တော်ဥပဒေရေးရာနဲ့ အထူးကိစ္စရပ်များလေ့လာဆန်းစစ်သုံးသပ်ရေးကော်မရှင်ကလည်း လေ့လာသုံးသပ်နေတယ်လို့သိရပါတယ်။ လက်ရှိမှာ ၆၆ ဃနဲ့ အရေးယူခံထားရသူ ၂၅ ယောက် လောက်ရှိပါတယ်။

RFA Burmese
https://www.facebook.com/rfaburmese/


 တပ်မတော်လုံခြုံရေးစခန်းကုန်းများအား လက်နက်ကြီး၊ လက်နက်ငယ်များဖြင့် ပစ်ခတ်တိုက်ခိုက်
နိုဝင်ဘာ ၂၃၊ ၂၀၁၆

မူဆယ်မြို့နယ် မုံးကိုးမြို့ ရပ်ကွက် (၃)ရှိ တပ်စခန်းကုန်းများအား KIA၊ TNLA၊ MNDAA လက်နက်ကိုင်အဖွဲ့များက နိုဝင်ဘာ ၂၂ရက် မွန်းလွဲ ၁နာရီတွင် လက်နက် ကြီး၊လက်နက်ငယ်များဖြင့် ပစ်ခတ်မှု ကြောင့် တပ်မတော်စစ်ကြောင်းများမှ ပြန်လည် ပစ်ခတ်ရှင်းလင်းခဲ့သည်။


အလားတူ မုံးကိုးမြို့ အနောက်တောင်ဘက် မန်ကန်(မုံးကိုး)ကျေးရွာအနီး တောင်ကြော ကုန်းနေရာများရှိ KIA၊ TNLA၊ MNDAA လက်နက်ကိုင်အဖွဲ့များကို တပ်မတော် လေကြောင်းမှ ပစ်ခတ်ရှင်းလင်းခဲ့ရကြောင်းသိရသည်။

ထို့အပြင် ည၁၀နာရီ မိနစ်၂၀ခန့်တွင် ကွတ်ခိုင်မြို့ ရပ်ကွက် (၂) ဘောလုံးကွင်း အနီးရှိတောစပ်နေရာမှ ၆၀ မမဟု ယူဆရသည့် လက်နက်ကြီးဖြင့် လာရောက် ပစ်ခတ်ခဲ့ရာ တပ်မတော်မှ ပြန်လည်ပစ်ခတ် နယ်မြေရှင်းလင်းဆောင်ရွက်ခဲ့သည်။

(နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီ)
State Counsellor Office Information Committee



ဓါတ်ပုံ - တပ်မတော်ကာကွယ်ရေးဦးစီးချုပ်ရုံး
နိုဝင်ဘာ ၂၃၊ ၂၀၁၆

မူဆယ်ခရိုင်အတွင်း လုံခြုံရေး တာဝန်ထမ်းဆောင်နေသည့် တပ်မတော်စစ်ကြောင်း လုံခြုံရေးယာဉ်တန်းအား နိုဝင်ဘာ ၂၂ ရက် မွန်းလွဲ ၁၂နာရီခွဲခန့်တွင် သိန်းနီမြို့နယ် မန်ပိန်းကျေးရွာအနီးရောက်ရှိစဉ် KIA၊ TNLA လက်နက်ကိုင်အဖွဲ့များမှ ယာဉ်တန်းအား ဆွဲမိုင်းတစ်လုံးဖောက်ခွဲ၍ လက်နက်ကြီး၊ လက်နက်ငယ်များဖြင့် စတင်ပစ်ခတ်တိုက်ခိုက်လာခဲ့သည်။

ထိုသို့ ပစ်ခတ်မှုကြောင့်တပ်မတော်လုံခြုံရေးစစ်ကြောင်းမှ ပြန်လည် ပစ်ခတ် ရှင်းလင်းခဲ့ရာ လက်နက်ကိုင် အဖွဲ့များသည် မူဆယ်မြို့ အနောက်ဘက်သို့ ဆုတ်ခွာသွားသည်။

ယာဉ်တန်းသည် ညနေ ၄ နာရီခွဲတွင် ကွတ်ခိုင်မြို့နယ် မန်လွင် ကျေးရွာအနီးသို့ ရောက်ရှိစဉ် ရီမု မိုင်းတစ်လုံးဖြင့် ထပ်မံဖောက်ခွဲတိုက်ခိုက်မှုကြောင့် မော်တော်ယာဉ်တစ်စီး မိုင်းစထိမှန်ပျက်စီးခဲ့ရပြီး တပ်မတော်အရာရှိ၊ စစ်သည်အချို့ ထိခိုက်ဒဏ်ရာ ရရှိခဲ့သည်။

ထိုနယ်မြေတစ်ဝိုက် တပ်မတော်စစ်ကြောင်းများက နယ်မြေရှင်းလင်းရေးလုပ်ငန်းများ ဆက်လက်ဆောင်ရွက်လျက်ရှိကြောင်း သိရသည်။

(နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီ)
State Counsellor Office Information Committee



နေပြည်တော်၊ နိုဝင်ဘာ ၂၃

နိုင်ငံတော်၏ အတိုင်ပင်ခံပုဂ္ဂိုလ်၊ အမျိုးသားပြန်လည်သင့်မြတ်ရေးနှင့် ငြိမ်းချမ်းရေးဗဟိုဌာန ဥက္ကဋ္ဌ ဒေါ်အောင်ဆန်းစုကြည်သည် ရှမ်းပြည်နယ် အရှေ့မြောက်ဒေသတွင် လက်ရှိဖြစ်ပွားနေသော လက်နက်ကိုင်ပဋိပက္ခများနှင့် စပ်လျဉ်း၍ ကြေညာချက် တစ်စောင် ထုတ်ပြန်လိုက်သည်။


ဘလန်တိုင်ယာ

မာလာဝီနိုင်ငံတွင် အိပ်ခ်ျအိုင်ဗွီ ကူးစက်ခံထားခြင်းကို ဖုံးကွယ်ထားပြီး မုဆိုးမအသစ်စက်စက်များနှင့် လိင်ဆက်ဆံခဲ့သည့် အမျိုးသားတစ်ဦးကို အလုပ်ကြမ်းနှင့် ထောင်ဒဏ် ၂ နှစ် ချမှတ်လိုက်ပြီဖြစ်ကြောင်း သိရသည်။

မာလာဝီနိုင်ငံတွင် ခင်ပွန်းဖြစ်သူ သေဆုံးပြီးနောက် မုဆိုးမအဖြစ် ကျန်ရစ်ခဲ့သည့် အမျိုးသမီးကို လိင်ပိုင်းဆိုင်ရာ သန့်စင်မှုပြုလုပ်သည့်အနေဖြင့် အခြားအမျိုးသားတစ်ဦးနှင့် လိင်ဆက်ဆံစေသည့် ဓလေ့ကို ပိတ်ပင်ထားပြီးဖြစ်သည်။

အိပ်ခ်ျအိုင်ဗွီရှိနေခြင်းကို ထုတ်ဖော်မပြောဆိုဘဲ အမျိုးသမီးနှင့် မိန်းကလေး ၁၀၀ ကျော်တို့နှင့် လိင်ဆက်ဆံခဲ့ကြောင်း မာလာဝီတွင် ခွေးအ ဟု ခေါ်ဆိုခံထားရသည့် အဲရစ် အာနီဗာက ဘီဘီစီသတင်းဌာနသို့ ပြောဆိုခဲ့သည်။

အာနီဗာကို ဖမ်းဆီးရန် သမ္မတ ပီတာ မူသရီကာက ဇူလိုင်တွင် ညွှန်ကြားခဲ့သည်။ မူသရီကာသည် အာနီာဗာအား အမျိုးသမီးငယ်များကို လိမ်လည်လှည့်ဖြားမှုဖြင့် တရားစွဲဆိုရန် ဆန္ဒရှိခဲ့သော်လည်း မည်သည့်မိန်းကလေးကမျှ ရုံးတော်သို့လာရောက်ပြီး သက်သေအဖြစ် ထွက်ဆိုခြင်းမရှိခဲ့ချေ။ ယင်းကြောင့် အာနီဗာကို ကျားမတန်းတူညီမျှမှုဥပဒေ ပုဒ်မ ၅ အရ အန္တရာယ်ဖြစ်စေသော ယဉ်ကျေးမှုဓလေ့များ လုပ်ဆောင်မှုဖြင့် တရားစွဲဆိုခဲ့ရသည်။

အန္တရာယ်ဖြစ်စေသော ယဉ်ကျေးမှုဓလေ့များ လုပ်ဆောင်မှုဖြင့် တရားစွဲဆိုပြီးနောက်တွင် အမျိုးသမီးနှစ်ဦး ရုံးတော်သို့လာရောက်ပြီး သက်သေထွက်ဆိုခဲ့သည်။ သို့သော် အမျိုးသမီးတစ်ဦးက ယင်းဓလေ့ကို ပိတ်ပင်မှုမပြုမီတွင် အာနီဗာနှင့် လိင်ဆက်ဆံခဲ့ခြင်းဖြစ်ကြောင်း ထွက်ဆိုခဲ့ပြီး အခြားတစ်ဦးကမူ လိင်ဆက်ဆံမှုမပြုမီတွင် ထွက်ပြေးလွတ်မြောက်ခဲ့ကြောင်း ထွက်ဆိုခဲ့သည်။

မုဆိုးမကို သန့်စင်သည့် ဓလေ့သည် မာလာဝီတွင် ကျယ်ကျယ်ပြန့်ပြန့်ကျင့်သုံးနေသော ဓလေ့တစ်ခုဖြစ်ကြောင်း အာနီဗာနေထိုင်သော အနောက်တောင်ပိုင်းခရိုင် ဆန်ဂျဲမှ လူမှုရေးဝန်ထမ်းတစ်ဦးက ပြောဆိုခဲ့သည်။

မုဆိုးဖိုသို့မဟုတ် မုဆိုးမတစ်ဦးဦးကို လိင်ပိုင်းဆိုင်ရာ သန့်စင်ခြင်းမပြုပါက မျိုးနွယ်တစ်စုလုံး ဒုက္ခရောက်တော့မည်ဟု မှတ်ယူမှုများရှိခဲ့ကြောင်း ၄င်းက ပြောသည်။

လွန်ခဲ့သော နှစ်အနည်းငယ်ခန့်တွင် ခရိုင်တွင်းရှိ မုဆိုးမများသည် အမျိုးသားတစ်ဦးနှင့် တစ်ညလျှင် သုံးကြိမ်ခန့် သုံးလေးရက်ဆက်ကာ လိင်ဆက်ဆံခဲ့ရသည်။ အမျိုးသားသည် များသောအားဖြင့် သေဆုံးသူခင်ပွန်း၏ ညီသို့မဟုတ် အစ်ကိုဖြစ်လေ့ရှိပြီး ခင်ပွန်းဖြစ်သူတွင် သားချင်းညီအစ်ကိုမရှိသည့်အခါ အာနီဗာကဲ့သို့ သူစိမ်းတစ်ဦးကို မျိုးနွယ်က ခေါ်ယူကာ လိင်ဆက်ဆံရန် တောင်းဆိုလေ့ရှိခဲ့သည်။ ညအချိန်တွင် လာရောက်ခြင်းဖြစ်သောကြောင့် မာလာဝီဘာသာစကားဖြင့် ဖီစီသို့မဟုတ် ခွေးအဟု ခေါ်ဆိုခြင်းဖြစ်သည်။


မုဆိုးဖိုဖြစ်ပါက အမျိုးသမီးတစ်ဦးနှင့် လိင်ဆက်ဆံရလေ့ရှိသည်။ အိပ်ခ်ျအိုင်ဗွီကူးစက်မှုနှုန်း မြင့်တက်လာမှုကြောင့် ဓလေ့ကို အနည်းငယ်ပြုပြင်ပြောင်းလဲခဲ့သည်။ ယနေ့ခေတ်တွင် မုဆိုးမနေရာ၌ ဇနီးမောင်နှံနှစ်ဦး အစားထိုးပြီး လိင်ဆက်ဆံရကြရသည်။ သို့သော် ဇနီးမောင်နှံသည် လိင်ဆန္ဒအထွတ်အထိပ်မရောက်မီတွင် မျိုးနွယ်စုအတွက် ကောင်းကျိုးသာရှိပါစေ ဟု ဆုတောင်းကြရသည်။

အာနီဗာသည် အိပ်ခ်ျအိုင်ဗွီရှိနေလျက် အမျိုးသမီး၊ မိန်းကလေး ၁၀၄ ဦးတို့နှင့် လိင်ဆက်ဆံခဲ့ခြင်းကြောင့် မာလာဝီနိုင်ငံသားများ တုန်လှုပ်ခဲ့ကြခြင်းဖြစ်သည်။

“အိပ်ခ်ျအိုင်ဗွီဆိုတာ လူသတ်သမားပဲ။ အာနီဗာဟာ လူစိတ်မရှိဘူးလို့ ဆိုရမယ်။ ကိုယ်ကျိုးပြဲ ကြည့်ခဲ့တယ်။ သူ့လို လူမျိုးကို လူသတ်မှုနဲ့ ထောင်ဒဏ်တစ်သက်သာ ချမှတ်သင့်တာ” ဟု ခရစ်ယာန်တရားဟောဆရာ ပေါ ဇီမူက ပြောဆိုခဲ့သည်။

Source:BBC

ရိုးမြေ
SKY Land News & Entertainment Media
https://www.facebook.com/skyland.news/


ညစ်ညမ်းဓာတ်ပုံများ အွန်လိုင်းတင်သူနေအိမ်ကို ဘရာဇီးရဲတပ်ဖွဲ့ ဝင်များ စီးနင်းနေစဉ်(ဓာတ်ပုံ-အင်တာနက်)
    ရီယိုဒီဂျနေရို ၊ နိုဝင်ဘာ ၂၃ (ဆင်ဟွာ)

    ဘရာဇီးနိုင်ငံ ပြည်ထောင်စုရဲတပ်ဖွဲ့ သည် နိုဝင်ဘာလ ၂၂ ရက်က ကလေးငယ်များ၏ အမြင်မတင့်တယ်သော ခန္ဓာကိုယ်အစိတ်အပိုင်းများကို ညစ်ညမ်းဓာတ်ပုံ အွန်လိုင်းတင်ခဲ့သူ ၁၅ ဦးအား ဖမ်းဆီးလိုက်ကြောင်း သိရသည်။

အဆိုပါ စစ်ဆင်ရေးသည် ဘရာဇီးနိုင်ငံရှိ ပြည်နယ် ၁၆ ခုတွင် ကလေးသူငယ်ညစ်ညမ်းဓာတ်ပုံများ အွန်လိုင်းတင်သည့် ကွန်ရက်တစ်ခုကို ဖမ်းဆီးနိုင်ခဲ့ခြင်းဖြစ်သည်။ ၄င်းစစ်ဆင်ရေးကို ရဲတပ်ဖွဲ့ ဝင် အင်အား ၃ဝဝ ခန့် ဖြင့် ပူးပေါင်း လုပ်ဆောင်ခဲ့ရခြင်းဖြစ်ကြောင်း ဘရာဇီး ရဲတပ်ဖွဲ့ ကဆိုသည်။

ကလေးသူငယ်များ၏ ညစ်ညမ်းဓာတ်ပုံကို အွန်လိုင်းတင်သည့် ကွန်ရက်တွင် သံသယရှိသူ စုစုပေါင်း ၆၇ ဦးထိ ရှိကြောင်း ၊ ၄င်းတို့ သည် ကလေးသူငယ်များ နှင့် လိင်ဆက်ဆံသည့် ဓာတ်ပုံများ နှင့် ဗီဒီယိုဖိုင်များကို ဖြန့် ဝေခြင်းများတွင် ပါဝင်ကြသူများဖြစ်ကြောင်း သိရသည်။

ဘရာဇီးနိုင်ငံပြည်ထောင်စု ရဲတပ်ဖွဲ့ သည် deep web ဟုအမည်ပေးထားသော မြေအောက်အင်တာနက် အသုံးပြုသူများ ကွန်ရက်ကို နှစ်အတန်ကြာ စုံစမ်းထောက်လှမ်းမှုပြုလုပ်ခဲ့ရကြောင်း သိရသည်။

၂ဝ၁၄ ခုနှစ်က ဘရာဇီးရဲတပ်ဖွဲ့ သည် ကလေးညစ်ညမ်းဓာတ်ပုံဖြန့် ဝေနေသည့် အင်တာနက်အသုံးပြုသူများကို အကြီးမားဆုံး စစ်ဆင်ရေးပြုလုပ်ပြီး ဖမ်းဆီးခဲ့သည်။ နိုဝင်ဘာလ ၂၂ ရက်ကပြုလုပ်ခဲ့သော စစ်ဆင်ရေးအတွက် စုံစမ်းစစ်ဆေးမှုများ ဆက်လက် လုပ်ဆောင်သွားမည်ဖြစ်ကြောင်း သိရသည်။

(Xinhua)
http://www.xinhuamyanmar.com



ဓါတ်ပုံ - အိန္ဒိယ ရူပီးငွေ ၁၀၀၀ တန်ကို တွေ့ရစဉ်
မြန်မာ - အိန္ဒိယ နယ်စပ်ဈေးဖြစ်တဲ့ တမူးမြို့နယ်က နန်းဖာလုံဈေးမှာ အိန္ဒိယအစိုးရက သိမ်းဆည်းလိုက်တဲ့ ရူပီးငွေ ၅၀၀ တန်နဲ့ ၁၀၀၀ တန်တွေကို မြန်မာကုန်သည်တွေဆီကနေ အိန္ဒိယနိုင်ငံသားတွေက ၂၀ ရာခိုင်နှုန်းလောက် ဈေးနှိမ်ပြီး ပြန်လည်ဝယ်ယူနေတယ်လို့ ကုန်သည်တွေက ပြောပါတယ်။

မြန်မာကုန်သည်အများစုက ရူပီးငွေ ၅၀၀ တန် ၁၀၀၀ တန်တွေ စုတာများတဲ့အတွက် ပိုအထိနာပြီး ရူပီးငွေ ၁၀၀၀ တန်ကို ရူပီး ၈၀၀ ပေးပြီးပြန်ဝယ်နေတာဖြစ်တယ်လို့တမူးမြို့ဒေသခံ ကုန်သည် တစ်ဦးဖြစ်တဲ့ ကိုပူဟင် က ပြောပါတယ်။

"နယ်စပ်ဘက်မှာကျတော့ အိန္ဒိယရူပီးငွေနဲ့ပဲ အရောင်းအ၀ယ်လုပ်ကြတာဆိုတော့ ကုန်သည်တွေက အထိနာတာပေါ့၊ သူတို့ဆီမှာက ငွေက ၁၀၀၀ တန် ၅၀၀ တန်တွေကများတော့၊ နောက်ပိုင်းကျတော့ ကျနော်တို့ ဒီနယ်စပ် နန်းဖာလုံဈေးမှာ ဘယ်လိုဖြစ်လာသလဲဆိုတော့ အိန္ဒိယ ၁၀၀၀ တန်ကို အိန္ဒိယငွေ ၈၀၀ နဲ့ပေါ့ဗျာ၊ အိန္ဒိယလူတွေကပဲပြန်ဝယ်ကြတာပေါ့ဗျာ"

နိုဝင်ဘာ ၈ ရက်နေ့ ညပိုင်းမှာ အိန္ဒိယ ရူပီးငွေ ၅၀၀ တန်နဲ့ ၁၀၀၀ တန်ကို သုံးစွဲခွင့်ရပ်ဆိုင်း လိုက်ကြောင်းနဲ့ အဲ့ဒီငွေတွေကို ရက်ပေါင်း ၅၀ အတွင်း ပြန်လည်အစားထိုး လဲလှယ်ပေးသွားမယ်လို့ အိန္ဒိယ အစိုးရကတရားဝင် ကြေညာလိုက်တာဖြစ်ပါတယ်။

အဲလိုကြေညာပြီးနောက်ပိုင်း မြန်မာကုန်သည်တွေအနေနဲ့ လက်ဝယ်ရှိနေတဲ့ ရူပီးငွေ ၅၀၀ တန်နဲ့ ၁၀၀၀ တန်တွေကို ပြန်လည်လဲလှယ်ဖို့ အခက်အခဲတွေ ဖြစ်နေတာကြောင့် အခုလို အရှုံးခံပြီးပဲ ပြန်ရောင်းနေကြရတာ ဖြစ်ပါတယ်။

လာဝယ်ကြတဲ့ အိန္ဒိယနိုင်ငံသားတွေက ရူပီးငွေ ၁၀၀ တန် ၂၀၀၀ တန်စတာတွေနဲ့ ပြန်လဲပေးတာ ဖြစ်တယ် လို့လည်း သိရပါတယ်။

နန်းဖာလုံဈေးမှာ အရင်နှစ်တွေက နိုဝင်ဘာ၊ ဒီဇင်ဘာ နဲ့ ဇန်န၀ါရီလတွေဟာ ပွဲတော်တွေလည်းရှိပြီး အရောင်းအ၀ယ် ကောင်းတဲ့အချိန်ဖြစ်ပေမဲ့ အခုလို အိန္ဒိယအစိုးရက ငွေတွေ ပြန်လည်သိမ်းဆည်း ပြီးနောက်ပိုင်း အိန္ဒိယဘက်က ကုန်သည်တွေ မလာကြတော့ဘဲ အရောင်းအ၀ယ်တွေ ရပ်တန့်နေ တယ်လို့ ကုန်သည်တွေက ပြောပါတယ်။

လက်ရှိအချိန်မှာ ရူပီးငွေနဲ့ မြန်မာငွေ လဲလှယ်နှုန်းဟာ ရူပီး ၁၀၀ ကို မြန်မာငွေ ၁၉၀၀ ၀န်းကျင် ဖြစ်နေတယ်လို့ သိရပါတယ်။

RFA Burmese
https://www.facebook.com/rfaburmese/


အပြစ်မဲ့ပြည်သူတစ်ဦး သေနတ်ဒဏ်ရာ ရရှိ၍ ဆေးကုသမှုခံယူ
နိုဝင်ဘာ ၂၃၊ ၂၀၁၆

KIA/TNLA/MNDAA လက်နက်ကိုင်အဖွဲ့များ၏ ပစ်ခတ်မှုကြောင့် နိုဝင်ဘာ ၂၃ရက် မနက် ၁၀နာရီ ၁၅မိနစ်တွင် လာရှိုး ပြည်သူ့ ဆေးရုံသို့ သေနတ်ဒဏ်ရာဖြင့် အပြစ်မဲ့ပြည်သူတစ်ဦး ရောက်ရှိလာသည်။

ဖြစ်စဉ်မှာ နိုဝင်ဘာ ၂၂ရက် မွန်းလွဲ ၂နာရီတွင် ကွတ်ခိုင်မြို့နယ်၊ မန်ဆာကျေးရွာနေ တောင်ယာလုပ်ကိုင်သည့် ဦးရန်ဖာဝမ် ၄၃နှစ် သည် လက်ဖက်ခြံမှ ဆိုင်ကယ်ဖြင့် မုံးစီး-မုံးဟောင်လမ်းအတိုင်း ပြန်လာခဲ့သည်။


ထိုသို့ ပြန်လာစဉ် မန်ဆာကျေးရွာအနီး KIA/TNLA/MNDAA လက်နက်ကိုင် အဖွဲ့များ၏ ပစ်ခတ်မှုကြောင့် ၀ဲခြေသလုံးတွင် သေနတ်ကျည်ထိမှန် ခဲ့ပြီး လားရှိုး ပြည်သူ့ဆေးရုံကြီး၌ ဆေးကုသမှုခံယူလျက်ရှိကြောင်းသိရသည်။

(နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီ)
State Counsellor Office Information Committee


မူဆယ်၊ နိုဝင်ဘာ ၂၃ ။

မူဆယ်မြို့တွင် ယနေ့ (နိုဝင်ဘာလ ၂၃ ရက်) မနက်ပိုင်း အချိန်မှစ၍ဈေးဆိုင်များပြန်လည်ဖွင့်လှစ်ရောင်းချလက်ရှိပြီး၊ ပုံမှန် အခြေအနေနီးပါးပြန်လည်ရောက်ရှိနေသည်ဟုမူဆယ်မြို့တွင်ရောက်ရှိနေသည့် AHN သတင်းထောက် ကယနေ့ မနက် ၁၀ နာရီတွင် သတင်းပေးပို့သည်။

"ဈေးဆိုင်တွေတော်တော်များများပြန်ဖွင့်တယ်။ လူတွေ၊ကားတွေ ဆိုင်ကယ်တွေလည်း ပုံမှန်လှုပ်ရှားသွားလာနေတာတွေကိုမြင်ရတယ်။ ကားဂိတ်အချို့လည်းပြန်ဖွင့်တယ်။ တရုတ်-မြန်မာ အ၀င်အထွက်ဂိတ်လည်းစည်ကားနေပြီ။မနေ့က တရုတ် နိုင်ငံထဲ ကို ထွက်ပြေးတဲ့ မူဆယ်မြို့ခံတွေလည်း ဒီမနက် မှာ တဖွဲဖွဲ နဲ့ မူဆယ်မြို့ထဲကိုပြန်လာတာမြင်တွေ့ရပါတယ် ̓̓ ဟု ၄င်းကပြောသည်။


မူဆယ်မြို့ တွင် အခြေအနေများတည်ငြိမ်မှုရှိနေပြီး ဈေးဆိုင်များပြန်လည်ဖွင့်လှစ်ရောင်း
ချနေပြီဖြစ်ကြောင်းလည်း မူဆယ်မြို့ခံ ကိုအောင်မျိုးကယနေ့နံနက် ၁၀း၃၀ နာရီတွင်ပြောသည်။

" ဆိုင်တွေပြန်ဖွင့်တယ်။ဆိုင်ကယ်တွေ၊ကားတွေ၊လူတွေလည်း ပုံမှန်ပြန်ပြီးလှုပ်ရှားသွားလာနေကြတယ်။ မူဆယ်မြို့အခြေအနေကတော့ ကောင်းသွားပြီလို့ပြောလို့ရတယ်။ ဒါပေမယ့် အခု မနက် ၁၀ နာရီ မှာ မူဆယ်- လားရှိုးလမ်း၊ မူဆယ်မြို့နဲ့ ၁၂ မိုင်လောက် အကွာ၊ မွန်တောင်ရွာနဲ့တာလုံရွာကြား မှာ ကားတွေ ပိတ်နေတယ်လို့ အဲဒီနေရာနားမှာ ပိတ်မိနေတဲ့ ကျွန်တော်သူငယ်ချင်းက ဖုန်းဆက်ပြောပါတယ်။ဘာကြောင့်ပိတ်မိနေတယ်ဆိုတာကိုတော့ရှင်းရှင်းလင်းလင်းမသိရသေးဘူးလို့ပြောပါတယ်။ ပစ်ခတ်သံတွေတော့ မကြားရဘူးလို့လည်းပြောပါတယ်ဗျ။ ̓ ဟု ၄င်းကပြောသည်။

SKY ၊ အောင်မျိုး ( AHN)

PHOTO - AHN ( ယနေ့ နံနက်ပိုင်း မူဆယ်မြို့တွင်းမြင်ကွင်း)
The Asia Heart News


တရုတ်-မြန်မာနယ်စပ်တွင် လတ်တလော ဖြစ်ပွားလျက်ရှိသော တပ်မတော်နှင့် လက်နက်ကိုင်အဖွဲ့သုံးဖွဲ့အကြားတိုက်ပွဲများကြောင့် နယ်စပ်တလျောက် အသင့်အနေအထားရှိရန် တရုတ်အစိုးရက စစ်တပ်ကို တပ်လှန့်ထားကြောင်း သိရသည်။ ရှမ်းပြည်နယ်အရှေ့မြောက်ဒေသတွင် နိုဝင်ဘာ ၂၀ ရက်နေ့မှစ၍ KIA/ MNDAA/ TNLA လက်နက်ကိုင်အဖွဲ့များပူးပေါင်း၍ နယ်မြေလုံခြုံရေးတာဝန် ထမ်းဆောင်နေသည့် တပ်စခန်းများနှင့် ရဲကင်းများအား တပြိုင်နက်တည်း အလစ်အငိုက် ဝင်ရောက်တိုက်ခိုက်ခဲ့ရာမှ တိုက်ပွဲများ ဖြစ်ပွားနေခြင်းဖြစ်သည်။


တရုတ်ကာကွယ်ရေးဝန်ကြီးဌာန၏သတင်းထုတ်ပြန်ချက်တွင် တရုတ်နိုင်ငံ၏အချုပ်အခြားအာဏာနှင့် လုံခြုံရေးကို ထိန်းသိမ်းကာကွယ်ရန်နှင့် နယ်စပ်ဒေသတလျောက်တွင် နေထိုင်လုပ်ကိုင်ကြသော တရုတ်နိုင်ငံသားများ၏ အသက်အိုးအိမ်စည်းစိမ်ကို ကာကွယ်စောင့်ရှောက်ရန်အတွက်တရုတ်စစ်တပ်ကို အသင့်အနေအထားတွင်ရှိရန် တပ်လှန့်ထားသည်ဟု ဖော်ပြထားသည်။


အဆိုပါတိုက်ပွဲများကြောင့် တရုတ်ပြည်ဘက်သို့ စစ်ရှောင်ခိုလှုံသူ ၃ ထောင်ခန့်ရှိပြီး တရုတ်နိုင်ငံ ယူနန်ပြည်နယ်ရှိ စစ်ဆေးရေးဂိတ်များတွင် လုံခြုံရေးတိုးမြှင့်ချထားကြောင်းလည်း သိရသည်။

“တရုတ်ဘက်ကို ကူးလာတဲ့လူအရေအတွက်ကလည်း တနေ့တခြား တိုးလာနေတယ်။ များသောအားဖြင့်တော့ မြန်မာဘက်မှာ နေထိုင်လုပ်ကိုင်ကြတဲ့ တရုတ်နွယ်ဝင်တွေဖြစ်ပါတယ်။ မန္တလေးမှာရှိတဲ့ ကောင်စစ်ဝန်ရုံးကို အကူအညီတောင်းခံထားတဲ့ တရုတ်နိုင်ငံသားတွေလည်း အများကြီးရှိနေပါတယ်။ လောလောဆယ်မှာ ဒီလူတွေကို ဘယ်လို နေရာချထားပေးရမလဲဆိုတာနဲ့ပတ်သက်ပြီး ဒေသဆိုင်ရာတရုတ်အာဏာပိုင်တွေနဲ့ ညှိနှိုင်းနေပါတယ်”ဟု မြန်မာနိုင်ငံဆိုင်ရာ တရုတ်သံရုံးမှ တာဝန်ရှိသူတဦးက ပြောသည်။

News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/



မောင်တောမြို့နယ်၌ မသင်္ကာသူ ၃ဦးထပ်မံဖမ်းဆီးရမိ
နိုဝင်ဘာ ၂၃၊ ၂၀၁၆

လုံခြုံရေးတပ်ဖွဲ့ဝင်များ နယ်မြေရှင်းလင်းရေးဆောင်ရွက်စဉ် နိုဝင်ဘာ ၂၁ ရက် မွန်းလွဲ ၁နာရီ မိနစ်၅၀တွင် မောင်တောမြို့နယ် မျောတောင် (တောင်) ရွာ အနီးတစ်ဝိုက်၌ သူဦးလာကျေးရွာနေ မသင်္ကာဖွယ် နော်ဘီဟူဆောင်း (၂၅)နှစ် (ဘ) အာမီဟူဆောင်းအား လက်ကိုင် ဖုန်းတစ်လုံးနှင့်အတူ ဖမ်းဆီးရမိသည်။

အလားတူ နယ်မြေရှင်းလင်းစဉ် နိုဝင်ဘာ ၂၂ရက် နံနက် ၆ နာရီတွင် သဲချောင်းကျေးရွာနေ ဟူဆောင်းအာလီ (၅၀)နှစ် (ဘ) ဟာဘော်လတွန်နှင့် အာလီအာဘော် (၄၀)နှစ် (ဘ) ဒီလာဟူဆောင်း တို့အား ထပ်မံ ဖမ်းဆီးရမိသည်။

၎င်းဖမ်းဆီးရမိသူ (၂) ဦးမှာ အကြမ်းဖက် သင်တန်း တက်ရောက်ခဲ့သူများ ဖြစ်ကြောင်း ကနဦး သတင်းများအရ သိရသည်။

ဖမ်းဆီးရမိသူများအား လုပ်ထုံး လုပ်နည်းနှင့်အညီ သက်ဆိုင်ရာ နယ်ခြားစောင့် ရဲတပ်ဖွဲ့သို့ လွှဲပြောင်း ပေးအပ်ထားကြောင်း သိရသည်။

(နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီ)
State Counsellor Office Information Committee



( ၁၀၅ မိုင်နယ်စပ်ကုန်သွယ်ရေးဇုန်မှာ ဖြစ်ပွားနေတဲ့တိုက်ပွဲတွေကြောင့် မူဆယ်မြို့ကို ထွက်ပြေးလာတဲ့ ဒုက္ခသည်တွေကို နိုဝင်ဘာလ ၂၃ ရက်နေ့ကတွေ့ရစဉ် ) Photo: Kan Thar/ RFA
ကောလာဟလတွေကြောင့် မူဆယ်ခရိုင်က ပြည်သူတွေအနေနဲ့ နေအိမ်တွေကို မစွန့်ခွာကြဖို့ မူဆယ်ခရိုင်အထွေထွေ အုပ်ချုပ်ရေးဦးစီးဌာနက မေတ္တာရပ်ခံ ပန်ကြားချက်ကို ဒီကနေ့ ထုတ်ပြန် ခဲ့ပါတယ်။

ထွက်ပေါ်နေတဲ့ ကောလာဟလတွေကြောင့် နေအိမ်စွန့်ခွာမှုတွေဖြစ်နေပြီး လူမရှိတဲ့ နေအိမ်တွေကို ဖောက်ထွင်းတာ၊ ဖျက်ဆီးမီးရှို့တာတွေ ဖြစ်လာနိုင်တဲ့အတွက် အခုလို မေတ္တာရပ်ခံပန်ကြားရတာဖြစ်တယ်လို့ မူဆယ်ခရိုင် အထွေထွေအုပ်ချုပ်ရေးဦးစီးဌာန ဦးစီးအရာရှိ ဦးဇော်မင်းက ပြောပါတယ်။

"ကျတော်တို့ မူဆယ်မြို့ပေါ်မှာ ဖြစ်ပွားမှုက မရှိဘဲနဲ့ လူတွေကနေပြီးတော့ ကောလာဟလ ပေါ့ဗျာ ကောလာဟလ တွေကြောင့်မို့လို့ ဒီနေအိမ်စွန့်ခွာပြီးတော့မှာ တိမ်းရှောင်တဲ့သူတွေက များတဲ့ အခါကျတော့ ညပိုင်းမှာ ကျတော့ လူတွေကမရှိဘူး အိမ်မှာလူမရှိတဲ့အခါကျတော့ မသမာတဲ့ လူတွေကနေပြီးတော့ ဝင်ပြီးတော့ ဖောက်တာတို့၊ ဖျက်ဆီးတာတို့ ပစ္စည်းခိုးယူတာတို့တွေ ဖြစ်စဉ်တွေ ပေါ်ပေါက်လာနိုင်တယ် နောက်ပြီးတော့ အနေအိမ် မီးရှို့တာတွေ ဖြစ်လာနိုင်တဲ့ အနေအထား ဖြစ်တဲ့အတွက်ကြောင့်မို့လို့ ကျတော်တို့ မေတ္တာရပ်ခံ ပန်ကြားတာပါ မြို့လုံခြုံရေးကလည်း ကျတော် တို့က ပုံမှန်တည်ငြိမ်စပြုနေပါပြီ"

ဒါ့အပြင် မြို့လုံခြုံရေးအတွက် လိုအပ်လာရင် ဌာနဆိုင်ရာတွေ အနေနဲ့တရားဝင်အသိပေးသွားမှာ ဖြစ်ပြီး လိုအပ်တဲ့ အကူအညီတွေကိုလည်း ပေးသွားမှာ ဖြစ်တယ်လို့ ဦးဇော်မင်းက ပြောပါတယ်။

လက်ရှိဖြစ်ပွားနေတဲ့ တိုက်ပွဲတွေကြောင့် ပြည်သူတွေစိုးရိမ်နေတဲ့အတွက် မူဆယ်ခရိုင်အတွင်း ဖြစ်ပွားနေတဲ့ စစ်ပွဲတွေကို ရပ်တန့်ဖို့ မူဆယ်ခရိုင် တိုင်းရင်းသား စာပေနဲ့ ယဉ်ကျေးမှုအဖွဲ့တွေက တိုင်းရင်းသားလက်နက်ကိုင် အဖွဲ့အစည်းတွေကို မေတ္တာရပ်ခံပန်းကြာချက် ပေးပို့သွားမယ်လို့လည်း သိရပါတယ်။

ပြီးခဲ့တဲ့ နိုဝင်ဘာ ၂၀ ရက်နေ့ကစပြီး မူဆယ်ခရိုင်အတွင်းက ပန်ဆိုင်း(ကြူကုတ်)မြို့၊ မုံးကိုးမြို့၊ ကွတ်ခိုင်မြို့နဲ့ ၁၀၅ မိုင် ကျေးရွာတွေမှာ တပ်မတော်နဲ့ မြောက်ပိုင်းမဟာမိတ်တပ်တွေကြား တိုက်ပွဲတွေဖြစ်ပွားခဲ့တာကြောင့် ဒေသခံပြည်သူတွေက စိုးရိမ်ထိတ်လန့်နေပြီး မူဆယ်မြို့ပေါ်နဲ့ တရုတ်နိုင်ငံဘက်ကို ထွက်ပြေးတိမ်ရှောင်ကြတာ ဖြစ်ပါတယ်။

လက်ရှိအချိန်မှာ မူဆယ်ခရိုင်အတွင်း စစ်ဘေးရှောင်ပြည်သူ ၃၇၀၀ ကျော်ရှိနေပြီလို့ မူဆယ်ခရိုင် အထွေထွေအုပ်ချုပ်ရေး ဦးစီးဌာနကနေ သိရပါတယ်။

RFA Burmese
https://www.facebook.com/rfaburmese

၂ဝ၁၆ အာဆီယံ ဆူဇူကီးဖလားပြိုင်ပွဲ အုပ်စု (ခ) ဒုတိယနေ့ပွဲစဉ်များဖြစ် သည့် အိမ်ရှင်မြန်မာနှင့် ကမ္ဘောဒီယား၊ ဗီယက်နမ်နှင့် မလေးရှားတို့ ပွဲအတွက် ပွဲကြိုသတင်းစာရှင်းလင်းပွဲကို Novotel ဟိုတယ်၌ ကျင်းပခဲ့သည်။ မြန်မာ့လက်ရွေးစင် အသင်းနည်းပြချုပ် ဂတ်ဖရိုင်းဒရစ် က ဆီမီးဖိုင်နယ် တက်ရောက်ရေး မျှော်လင့်ချက်အတွက် ကမ္ဘောဒီးယားကို အနိုင်ကစားမည်ဖြစ်ကြောင်း ပြောကြားခဲ့သည်။

မြန်မာအသင်း နည်းပြချုပ် ဂတ်ဖရိုင်းဒရစ်က ''အဖွင့်ပွဲမှာ ဗီယက်နမ်အသင်းကို ရှုံးခဲ့လို့ ကမ္ဘောဒီးယား အသင်းနဲ့ပွဲက မဖြစ်မနေ အနိုင်ကစားရတော့မယ့်ပွဲ ဖြစ်ပါတယ်။ ပွဲတိုင်းမှာ ဖိအားတော့ ရှိပါတယ်။ ဖိအားတွေကို ကျော်ဖြတ်နိုင်အောင်လည်း ပြင်ဆင်ထားပါတယ်။ ကစားသမားတွေရဲ့ ယုံကြည်မှုနဲ့ စိတ်ဓာတ်ပိုင်း တက်လာအောင် သေချြာ ပုလုပ်ပေးထားပါတယ်။ ကမ္ဘောဒီးယားအသင်းက ခြေစွမ်းပိုင်း ကောင်းမွန်တဲ့ အသင်းဖြစ်ပြီး တစ်ဦးချင်း ခြေစွမ်းပိုင်း ကောင်းမွန်သူတွေ ပါပါတယ်။ အထူးသဖြင့် နံပါတ် (၁၁) ဗာသာနာကာကို သတိထားရပါမယ်'' ဟု ပြောကြားခဲ့သည်။

ကမ္ဘောဒီးယား အသင်းနည်းပြချုပ် လီတေးဟွန်က ''ဒီပွဲက အလွန်ကို ခက်ခဲမှာပါ။ နှစ်သင်းစလုံး အဖွင့်ပွဲမှာရှုံးထားပြီး ဆီမီးဖိုင်နယ် တက်ရောက်ဖို့ အရေးပါနေလို့ ဖြစ်ပါတယ်။ မလေးရှားနဲ့ ယှဉ်ပြိုင်ခဲ့တဲ့ပွဲမှာ လိုချင်တဲ့ရလဒ်ကို မယူနိုင်ခဲ့ပါဘူး။ ကျွန်တော့် ကစားသမားတွေအပေါ် ယုံကြည်မှုအပြည့် ရှိပါတယ်။ ဒီပွဲမှာ မြန်မာအသင်းဆီက အမှတ်ရယူနိုင်မှာပါ'' ဟု ပြောကြားခဲ့သည်။

အုပ်စု (ခ) ဒုတိယနေ့ပွဲစဉ်များကို နိုဝင်ဘာ ၂၃ ရက်(ယနေ့)တွင် သုဝဏ္ဏကွင်း၌ ကျင်းပမည်ဖြစ်ြပီး ညနေ ၃ နာရီတွင် ဗီယက်နမ်အသင်းနှင့် မလေးရှားအသင်း၊ ညနေ ၆ နာရီတွင် အိမ်ရှင် မြန်မာအသင်းနှင့် ကမ္ဘောဒီးယား အသင်းတို့ ယှဉ်ပြိုင်ကစားကြမည်ဟု ပြန်ကြားရေးဝန်ကြီးဌာန သတင်းစာမျက်နှာတွင် ဖော်ပြထားသည်။

The Ladies News


တရုတ်-မြန်မာ နှစ်နိုင်ငံ နယ်စပ် အနီးတွင် ဖြစ်ပွားခဲ့သည့် ပစ်ခတ်မှုများနှင့် ပတ်သက်၍ အဘက်ဘက် အနေဖြင့် ချုပ်ထိန်းပြီး ပစ်ခတ်မှုအား အမြန်ဆုံးရပ်စဲရန် တိုက်တွန်းလိုကြောင်း မြန်မာနိုင်ငံ ဆိုင်ရာ တရုတ်နိုင်ငံ သံအမတ်ကြီး မစ္စတာဟုန်လျန် က နိုဝင်ဘာ ၂၂ ရက်နေ့တွင် ကျင်းပသည့် မြန်မာ-တရုတ် ပူးပေါင်းကူညီ ဆက်ဆံရေး ဗဟိုအသင်းနှင့် မြန်မာနိုင်ငံရှိ တရုတ် ကုန်သည်လုပ်ငန်းရှင်များ အသင်း ဖွင့်ပွဲအခမ်းအနား၌ မိန့်ခွန်းပြောကြားရာတွင် ထည့်သွင်း ပြောကြားခဲ့သည်။

တရုတ်-မြန်မာ ချစ်ကြည် ပူးပေါင်းဆောင်ရွက်ရန်အတွက် ကောင်းမွန်သည့် ပတ်ဝန်းကျင်တစ်ခု လိုအပ်ပြီး တရုတ် နိုင်ငံအနေဖြင့် နှစ်နိုင်ငံ နယ်စပ်အနီးတွင် ဖြစ်ပွားနေသည့် ပစ်ခတ်မှုများအပေါ် အလေးအနက် ဂရုပြုကြောင်း ၊ အပစ်အခတ် ဖြစ်ပွားသည့် သက်ဆိုင်ရာ အဘက်ဘက်အနေဖြင့် ချုပ်ထိန်းပြီး ပစ်ခတ်မှုများကို အမြန်ဆုံးရပ်စဲရန် တိုက်တွန်းလိုသည်။

တရုတ် နိုင်ငံသည် မြန်မာနိုင်ငံ ငြိမ်းချမ်းရေး လုပ်ငန်းစဉ်များကို ထောက်ခံ အားပေးပြီး ငြိမ်းချမ်းရေး ဆွေးနွေးမှု သာလျှင် တိုင်းရင်းသား ပြန် လည်သင့်မြတ်ရေး နှင့် ရေရှည်ငြိမ်းချမ်းရေး ကိုရရှိနိုင်မည် ဖြစ်ကာ တရုတ်-မြန်မာ နှစ်နိုင်ငံ နယ်စပ်ဒေသ တည်ငြိမ်အေးချမ်းရေး အမြန် ပြန်လည် ရရှိလိုကြောင်းလည်း သံအမတ်ကြီး မစ္စတာဟုန်လျန်က ပြောကြားခဲ့သည်။

မြန်မာ နိုင်ငံသည် လက်ရှိချိန်တွင် မျှော်လင့်ချက်နှင့် စီးပွားရေး အခွင့်အလမ်း များဖြင့် ပြည့်နက်နေပြီး တရုတ် နိုင်ငံ ကုန်သည် လုပ်ငန်းရှင်များ အနေဖြင့် မြန်မာနိုင်ငံ စီးပွားရေး တိုးတက်ဖွံ့ဖြိုးရန်၊ လူမှုဘဝ အခြေအနေ တိုးတက် ကောင်းမွန်စေရန် နှင့် တရုတ်-မြန်မာ ကုန်သွယ်ရေး ပူးပေါင်းဆောင်ရွက်မှု တိုးမြှင့်နိုင်ရန် အတွက် ဆောင်ရွက် သွားရမည် ဖြစ်သည်။

မြန်မာ-တရုတ် ပူးပေါင်းကူညီ ဆက်ဆံရေး ဗဟိုအသင်းသည် အသစ်ဖွဲ့စည်းလိုက်သည့် အသင်းတစ်ခု ဖြစ်ပြီး နှစ်နိုင်ငံ ချစ်ကြည် ပူးပေါင်း ဆောင်ရွက်မှု အတွက်တွန်းအားသစ် တစ်ရပ်ဖြစ်စေ မည် ဖြစ်ကြောင်းလည်း သံအမတ်ကြီး မစ္စတာဟုန်လျန်က ပြောကြားခဲ့သည်။

ဆင်ဟွာ ( Ref )
ဇော်မင်းထွန်း
The Ladies News


ဘန်ကောက်၊ နိုဝင်ဘာ ၂၃ ။ ။ ထိုင်းနိုင်ငံတွင် အိုင်အက်စ်အဖွဲ့နှင့် အချိတ်အဆက်ရှိကာ ထိုင်းနိုင်ငံသားအချို့ အထူးသဖြင့် နိုင်ငံတောင်ပိုင်းမှ နိုင်ငံသားများက အိုင်အက်စ်တို့အား ထောက်ပံ့မှုများ ပေးနေကြောင်း ရဲတပ်ဖွဲ့က ပထမဆုံးအဖြစ် အတည်ပြုပြောကြားသည်။

ထိုင်းနိုင်ငံတွင်းက အဖွဲ့အစည်းအုပ်စုတစ်ချို့က အိုင်အက်စ်တို့အား ငွေကြေးထောက်ပံ့နေကြောင်း ထိုင်းအာဏာပိုင်များထံ သြစတြေးလျရဲတပ်ဖွဲ့က သတင်းပေးလိုက်ပြီးနောက် ယခုထုတ်ပြန်ချက်ကို ကြေညာလိုက်ခြင်းဖြစ်သည်။

ပြီးခဲ့သည့်နှစ်က အိုင်အက်စ်နှင့် ချိတ်ဆက်သည့် အွန်လိုင်းဆိုက်များသို့ ထိုင်းနိုင်ငံက ဖေ့ဘုတ်ယူဇာ တစ်သိန်းကျော်ထက်မနည်း ဝင်ရောက်ခဲ့သည်ကို တွေ့ရှိကြောင်း သြစတြေးလျရဲက ပြောသည်။

လက်ရှိအထိ နိုင်ငံတောင်ပိုင်းက သောင်းကျန်းသူများက အယ်ခိုင်ဒါနှင့် ဂျမေးအစ္စလာမ်မစ်ယက်အဖွဲ့အပါအဝင် ပြည်ပအစွန်းရောက်အဖွဲ့များနှင့် ချိတ်ဆက်ခြင်းမရှိကြောင်း ငြင်းဆန်ထားသည်။

အစ္စလာမ်မစ်နိုင်ငံတော်ဟုခေါ်သော အိုင်အက်စ်အဖွဲ့တွင်း အင်ဒိုနီးရှား၊ မလေးရှား၊ စင်ကာပူနိုင်ငံသားများ ဝင်ရောက်ပူးပေါင်းပါဝင်လျက်ရှိကြောင်း ထုတ်ဖော်ပြောထားသော်လည်း ထိုင်းနိုင်ငံက ယခင်က ၎င်းနိုင်ငံသားများ အိုင်အက်စ်နှင့် ပတ်သက်ကြောင်းကို ထုတ်ပြန်ခြင်းမရှိပေ။ နိုဝင်ဘာ ၂၂ ရက်တွင်မှ ထိုင်းတောင်ပိုင်းတွင် အိုင်အက်စ်နှင့် ချိတ်ဆက်မှုများ ရှိနေကြောင်း အတည်ပြုလိုက်ခြင်းဖြစ်၍ လုံခြုံရေးရာ ပညာရှင်အများစုအတွက် အံ့အားသင့်စေခဲ့သည်။

သြစတြေးလျရဲတပ်ဖွဲ့က ထောက်လှမ်းစုံစမ်းမှုတစ်စိတ်တစ်ပိုင်းအရ ထိုင်းနိုင်ငံသားတစ်ချို့ အိုင်အက်စ်နှင့် ချိတ်ဆက်မှုရှိနေကြောင်းကို သတင်းပေးလာခြင်းဖြစ်ကြောင်း အမျိုးသားရဲတပ်ဖွဲ့ ဒုတိယရဲချုပ် သီရိဝါနာရန်စီဘရာမန်ကူးက ပြောသည်။

ထိုင်းရဲတပ်ဖွဲ့၏ အတည်ပြုထုတ်ပြန်ချက်နှင့် ပတ်သက်ပြီး သြစတြေးလျဖက်က ထင်မြင်ချက်ပေးခြင်း မရှိသေးပေ။
Mizzima - News in Burmese


မြန်မာစစ်တပ်နှင့် တိုက်ခိုက်နေသည့် တရုတ်လူမျိုး လက်နက်ကိုင် တိုင်းရင်းသားအုပ်စုဖြစ်သော ကိုးကန့် တပ်ဖွဲ့ က အင်တာနက်တွင် ငွေနှင့် အထောက်အကူများ စုစည်းတောင်းခံနေသည်ကို တရုတ်အစိုးရ၏ ဆင်ဆာနှင့် အာဏာပိုင်များက မတားမြစ်ဘဲ လုပ်ခွင့်ပေးထားသည်။

ကိုးကန့် တပ်များက ကိုယ်ပိုင်အုပ်ချုပ်ခွင့် တောင်းမှုနှင့် တိုက်ပွဲတွင် အကြမ်းဖက် တိုက်ခိုက်နေမှုများအား အင်တာနက်မှာ တင်ထားခြင်းကို တရုတ်အစိုးရက လွတ်လပ်စွာ တင်ခွင့်ပေးထားသည်။

ကိုးကန့် တပ်ဖွဲ့သည် မြန်မာမြောက်ပိုင်းတွင် မြန်မာစစ်တပ်နှင့် လတ်တလော တိုက်ပွဲများ ဖြစ်ပွားနေသည့် လက်နက်ကိုင် တပ်ဖွဲ့ ဖြစ်သည်။ အဆိုပါ တိုက်ပွဲများကြောင့် ဒေသခံအချို့ နယ်စပ်ဖြတ်ကျော်ပြီး တရုတ်နိုင်ငံဘက်သို့ ပြေးဝင်နေကြသည်။

လူဦးရေ တစ်သိန်းခွဲခန့် ရှိသည့် မြန်မာနိုင်ငံထဲမှ တရုတ်လူမျိုး တိုင်းရင်းသားများအတွက် တိုက်ခိုက်နေခြင်းဖြစ်သည်ဟု ကိုးကန့်စစ်တပ်က ကြွေးကြော်ထားသည်။

အိမ်နီးနားချင်း မြန်မာနိုင်ငံ၏ တိုင်းရင်းသားများ၏ ပဋိပက္ခတွင် သူပါဝင်ပတ်သက်ခြင်း မရှိကြောင်း တရုတ်အစိုးရက ငြင်းဆန်ထားသည်။ သို့သော် ဆိုရှယ်စာမျက်နှာများပေါ်က ကိုးကန့် တပ်ဖွဲ့ ၏ သိသိသာသာ လှုပ်ရှားမှုများအရ တရုတ်နှင့် ယဉ်ကျေးမှု၊ ဘာသာစကားချင်း တူသည့် ကိုးကန့် များကို တရုတ်အစိုးရက မျက်နှာသာပေးထားကြောင်း ထင်ရှားသည်။

ကိုးကန့်တပ်ဖွဲ့ ၏ တရားဝင် အင်တာနက် ဘလော့သည် တရုတ်နိုင်ငံတွင် အစိုးရအကောင့်အဖြစ် သတ်မှတ်ထားသော အင်တာနက်အကောင့် ဖြစ်သည်။

တရုတ်အစိုးရ၏ ဖေ့စ်ဘုတ်နှင့် အလားတူသည့် Weibo စာမျက်နှာတွင်လည်း ကိုးကန့်အဖွဲ့ က တပ်သားသစ် စုဆောင်းခြင်း၊ အလှူရှင်များကို ကျေးဇူးတင်စကားဆိုခြင်းများကို ပုံမှန်တင်လျက်ရှိသည်။

“ဒါက အခွင့်အရေး ညီတူညီမျှရရေးနဲ့ တိုင်းရင်းသား ကိုယ်ပိုင်အုပ်ချုပ်ခွင့်ရရေး အတွက် တိုက်ပွဲဝင်နေတာပါ” ဟု ကိုးကန့်ဒေသခံတစ်ဦးက ဇူလိုင်လတွင် တင်ထားသည်။

အဆိုပါအုပ်စုသည် သူတို့၏ ဘဏ်အကောင့်အဖြစ် အလှူငွေလက်ခံရန် ယူနန်ပြည်နယ်၊ နန်စန်မြို့ရှိ တရုတ်အစိုးရ စိုက်ပျိုးရေးဘဏ်က အကောင့်နံပါတ်ကိုပါ တင်ထားသည်။ အသက် ၃၂ နှစ်အရွယ် ကိုးကန့်တပ်ဖွဲ့ဝင် နန်စန်မြို့မှ ရန်ဆန်ခွန်က ငွေကြေးအကူအညီများကို လက်ခံပြီး အလှူငွေအများစုက ယူနန်ပြည်နယ်ရှိ ဒုက္ခသည်များအတွက်ဟု ဆိုသည်။ တချို့ကိုမူ တောင်တန်းပေါ်ရှိ စစ်သားများအတွက် စစ်ခမောက်နှင့် မှန်ပြောင်းများ ဝယ်ပေးရန်ပေးမည်ဟု ဆိုသည်။

အဆိုပါအုပ်စု၏ ငွေကြေးစုဆောင်း ကောက်ခံနေမှုများနှင့် ပတ်သက်ပြီး တရုတ်အာဏာပိုင်များက မေးမြန်းပြောဆိုခြင်း မရှိဟု ရန်က South China Morning Post သတင်းစာသို့ ဖြေကြားခဲ့သည်။

အဆိုပါ ကိုးကန့်အုပ်စုသည် တရုတ်ယွမ်ငွေ ၁၂၅,၀၀၀ နှင့် အင်္ကျီများ၊ မုန့်များနှင့် မိုးကာများ အလှူလက်ခံရရှိခဲ့သည်ဟု ရေးသားထားသည်။ အများစုမှာ တရုတ်နိုင်ငံတွင်းက အမည်မဖော်လိုသော အင်တာနက်သုံးစွဲသူများထံက ဖြစ်သည်။ ထို့ ပြင် ဂွမ်ဒေါင်းပြည်နယ်မှ အလှူရှင်တစ်ဦးဆီက အလှူငွေယွမ်တစ်သိန်းရခဲ့သည်ဟု တရားဝင် ထုတ်ပြန်ချက်အရ သိရသည်။ မြန်မာဘက်က တိုင်းရင်းသား လက်နက်ကိုင်များနှင့် ပတ်သက်မှုကို တရုတ်အစိုးရက ငြင်းဆန်ထားသည်။

တရုတ်နိုင်ငံခြားရေးဌာန ပြောခွင့်ရအမျိုးသမီး ဟွာချွန်ရင်က ပြီးခဲ့သည့် ဖေဖော်ဝါရီလက ပြောခဲ့ရာတွင် တရုတ်မြန်မာ နှစ်နိုင်ငံ ဆက်ဆံရေးကို ထိခိုက်စေမည့် မည့်သည်အဖွဲ့ အစည်းကိုမှ တရုတ်အစိုးရက ခွင့်ပြုမည်မဟုတ်ဟု ဆိုသည်။ သို့သော် ကိုးကန့်အဖွဲ့ အစည်းများ၏ ဆိုရှယ်မီဒီယာအကောင့်မှာ များစွာသော တရုတ် Weibo အသုံးပြုသူများသည် တိုက်ခိုက်မှုနှင့် သူပုန်များကို ထောက်ပံ့မှုများကို အားပေးနေကြသည်။ တချို့ အင်တာနက်အကောင့်များကို ကိုးကန့်တပ်ဖွဲ့ များ ကိုယ်တိုင် သုံးနေကြခြင်းဖြစ်သည်။

မြောက်ပိုင်းစစ်တပ်အမည်ဖြင့် သုံးနေကြသော လူတစ်ဦးက သူကိုယ်တိုင် ကိုးကန့် အဖွဲ့ ၏ ဝတ်စုံကိုဝတ်ဆင်ပြီး သူ၏ ကိုယ်ဝန်သည် ဇနီးသည်၏ လက်ကိုကိုင်ကာ ဓာတ်ပုံရိုက်ခိုင်းထားသည်။ ပြီးခဲ့သည့် တနင်္လာနေ့ နံနက်တွင် သူက သွေးအလိမ်းလိမ်းပေနေသော အလောင်းတစ်ခု၏ ဓာတ်ပုံကိုတင်ထားပြီး မြန်မာတပ်သားတစ်ဦးဟု ဆိုသည်။

“မြန်မာခွေးတွေဟာ သေဖို့ထိုက်တန်တယ်” ဟု ဓာတ်ပုံတစ်ပုံအောက်တွင် လူတစ်ယောက်က ကောမန့်ပေးထားသည်။ တခြားသူတစ်ဦးကလည်း တိုက်ပွဲသတင်းအောက်တွင် မြန်မာမြောက်ပိုင်း လွတ်မြောက်ပါစေ၊ တရုတ်ပြည်ကြီးထဲမှာ ပါဝင်ပါစေ” ဟု ရေးသားထားသည်။

လင်းလင်း

The Ladies News


ကမ္ဘာလူဦးရေ ထက်ဝက်ကျော်ဟာ အင်တာနက် ကွန်ယက်စနစ်နဲ့ ချိတ်ဆက် အသုံးချနိုင်ခွင့် မရကြသေးပဲရှိနေတဲ့အကြောင်း အင်္ဂါနေ့မှာ ထုတ်ပြန်တဲ့ ကုလသမဂ္ဂရဲ့ အစီရင်ခံစာမှာ ဖော်ပြထားပါတယ်။

အခုနှစ်အတွင်းမှာတော့ ကမ္ဘာ့လူဦးရေရဲ့ ၈၄% ဟာ မိုဘိုင်း လက်ကိုင်ဖုန်းတွေကနေတဆင့် ချိတ်ဆက်နိုင်ခွင့် ရရှိခဲ့ကြပါတယ်။ ဒါပေမဲ့ တကယ်တမ်းမှာတော့ ကမ္ဘာ့ လူဦးရေရဲ့ ၄၇% သာ အင်တာနက် ချိတ်ဆက်ခွင့်ရကြတာဖြစ်ပါတယ်။

အများစုမှာ ကြုံနေကြရတာကတော့ ချိတ်ဆက်နိုင်စွမ်းရှိတဲ့ လက်ကိုင်ဖုန်းတွေရဲ့ တန်ဖိုးနဲ့ ၀န်ဆောင်ခ စားရိတ် ဈေးနှုန်း ကြီးမြင့်နေတာကြောင့် ဖြစ်တယ်လို့ ITU လို့ ခေါ်တဲ့ ကုလသမဂ္ဂ နိုင်ငံတကာ ဆက်သွယ်ရေး သမဂ္ဂရဲ့ အစီရင်ခံစာမှာ ဖော်ပြထားပါတယ်။

ဒီအစီရင်ခံစာက ဆက်သွယ်ရေးနဲ့ သတင်းအချက်လက်ဆိုင်ရာ နည်းပညာ ဖွံ့ဖြိုးတိုးတက်မှုတွေကို သုံးသပ်ထားတာပါ။

ဒါပေမဲ့ ဆယ်လူလာ မိုဘိုင်းစနစ် အသုံးပြုခ တန်ဖိုးဟာ ၂၀၁၅ ခုနှစ်က စပြီး တစထက်တစ ကျဆင်းလာခဲ့ပြီး၊ ဖွံ့ဖြိုးမှု အနည်းဆုံး တိုင်းပြည်တွေမှာ ၂၀% လောက်အထိ ထိုးကျသွားခဲ့တယ်လို့ အစီရင်ခံစာ က မှတ်တမ်းတင်ထားပါတယ်။

မြန်နှုန်းမြင့် ဆက်သွယ်ရေးစနစ် တန်ဖိုးကျဆင်းသွားတယ်ဆိုပေမဲ့ ဖွံ့ဖြိုးမှုနည်းသေးတဲ့ တိုင်းပြည်တချို့မှာတော့ ဈေးကြီး နေဆဲရှိပြီး၊ အသုံးပြုဖို့ မတတ်နိုင်ကြသေးပဲ ရှိနေတယ်လို့ အစီရင်ခံစာမှာ ရေးသားထားပါတယ်။

 ဗွီအိုအေ (မြန်မာပိုင်း)
http://burmese.voanews.com


နိုင်ငံတွေကြား ကုန်သွယ်ခွန်တွေလျှော့ချပြီး ကုန်သွယ်ရေးတိုးမြှင့်ဖို့ ရည်ရွယ်ချက်နဲ့ အမေရိကန် အပါအဝင် နိုင်ငံပေါင်း ၁၂ နိုင်ငံကြား သဘောတူညီမှု ရရှိထားတဲ့ ပစိဖိတ်ရပ်ဝန်းနိုင်ငံများ ကုန်သွယ်ရေးသဘောတူညီချက် TPP ထဲကနေ နှုတ်ထွက်ဖို့ သူသမ္မတ တာဝန်ပထမဆုံး ထမ်းဆောင်တဲ့နေ့မှာ ဆောင်ရွက်မယ်လို့ အမေရိကန် ရွေးကောက်ခံသမ္မတ Donald Trump က ပြောကြားခဲ့ပါတယ်။

သမ္မတ Barack Obama ရဲ့ အာရှနိုင်ငံတွေဘက် အာရုံပြောင်းစိုက်ခဲ့တဲ့ နိုင်ငံခြားရေးမူဝါဒမှာ အဓိက အချက်တခုအနေနဲ့ ပါဝင်ခဲ့တဲ့ ကုန်သွယ်ရေး သဘောတူညီချက်ကြီးကနေ အမေရိကန် နှုတ်ထွက်ခဲ့ရင် မြန်မာနိုင်ငံ အပါအဝင် အာရှနိုင်ငံတွေရဲ့ ကုန်သွယ်ရေးအပေါ် ဘယ်လိုသက်ရောက်မှုတွေ ရှိလာနိုင်သလဲဆိုတာကို မစုမြတ်မွန်က စုစည်းတင်ပြပါတယ်။

ကမ္ဘာတဝှမ်းကုန်သွယ်ရေးရဲ့ ၄၀% ဖြစ်တဲ့ အမေရိကန်၊ သြစတြေးလျ၊ ဂျပန်၊ မလေးရှား၊ ဗီယက်နမ်၊ စင်္ကာပူ၊ ဘရုနိုင်း, နယူးဇီလန်, ကနေဒါ, မက္ကဆီကို, ချီလီ နဲ့ ပီရူး နိုင်ငံပေါင်း ၁၂ နိုင်ငံကြားမှာ ရရှိထားတဲ့ ပစိဖိတ်ရပ်ဝန်းနိုင်ငံများ ကုန်သွယ်ရေး သဘောတူညီချက် TPP ထဲကနေ ထွက်မယ်လို့ ရွေးကောက်ခံသမ္မတ Trump က သူ့ရဲ့ရက် ၁၀၀ အစီအစဉ် မိန့်ခွန်းထဲမှာ ပြောကြားခဲ့တာ ဖြစ်ပါတယ်။

၇ နှစ်ကြာ ညှိနှိုင်းဆွေးနွေးပြီး ရရှိထားတဲ့ TPP သဘောတူညီချက်ကို အကောင်အထည်ဖော်နိုင်ဖို့ ပါဝင်တဲ့နိုင်ငံတိုင်းမှာ အတည်ပြုဖို့ လိုပါတယ်။ အမေရိကန်လွှတ်တော်မှာ အခုထိ အတည်မပြုနိုင်သေးတဲ့ အဲဒီသဘောတူညီချက်ကို သူ သမ္မတတာဝန် ပထမဆုံးယူတဲ့နေ့မှာ ပြန်လည်ရုပ်သိမ်းပြီး အမေရိကန်တွေအတွက် ပိုအကျိုးရှိအောင် တနိုင်ငံချင်းစီနဲ့ အပြန်အလှန် သဘောတူညီချက်တွေရအောင် ပြန်လည်ညှိနှိုင်းမယ်လို့ Trump က ပြောကြားခဲ့တာ ဖြစ်ပါတယ်။ TPP သဘောတူညီချက်ဟာ ကုန်သွယ်ရေးအတွက်ပဲ အကျိုးရှိစေတာမဟုတ်ဘဲ အလုပ်သမားတွေရဲ့ ဝင်ငွေကို တိုးစေမယ်။ ဉာဏဖန်တီးမှုဆိုင်ရာ မူပိုင်ခွင့်ကို အကာအကွယ် ပေးနိုင်မယ်။ အလုပ်သမားအခွင့်အရေးနဲ့ အလုပ်ခွင်လုံခြုံရေးအတွက် အာမခံချက်ရှိမယ်လို့ ဒီသဘောတူညီချက်အပေါ် ထောက်ခံသူတွေက ပြောကြပါ တယ်။ ဝေဖန်သူတွေကတော့ ဒီသဘောတူညီချက်က လုပ်ငန်းကုမ္ပဏီကြီးတွေအတွက်ပဲ အကျိုးရှိစေပြီး၊ ဉာဏဖန်တီးမှုဆိုင်ရာ မူပိုင်ခွင့်မှာ ကန့်သတ်ချက်တွေ ပိုများစေလိမ့်မယ်လို့ ပြောကြပါတယ်။ TPP ဟာ ကုန်သွယ်ရေး သဘောတူညီချက် တခုတည်းမဟုတ်ဘူးလို့ သြစတြေးလျနိုင်ငံ New South Wales တက္ကသိုလ်က နိုင်ငံရေးသိပ္ပံပညာရှင် Carl Thayer က ခုလို ထောက်ပြပါတယ်။

“ဒီဟာက ကုန်သွယ်ရေး တခုတည်းနဲ့ ပတ်သက်တဲ့ သဘောတူညီချက် မဟုတ်ပါဘူး။ ဝန်ဆောင်မှုတွေ၊ ဉာဏပစ္စည်းမူပိုင်ခွင့် အကာအကွယ်ပေးမှုတွေ ပါတယ်။ သဘာဝပတ်ဝန်းကျင် ထိန်းသိမ်းကာကွယ်ရေး၊ ရာသီဥတုပြောင်းလဲမှု ကာကွယ်ရေးကိစ္စတွေ ပါပါတယ်။ သိပ်ကို မြင့်မားတဲ့ စံချိန်စံနှုန်း သတ်မှတ်ချက်တွေနဲ့ သဘောတူထားကြတာပါ။ တရုတ်ကို သဘောတူညီချက်မှာ မထည့်ခဲ့တာ မဟုတ်ပါဘူး။ အဲဒီစံတွေကို တရုတ်ဘက်က မပြည့်မီနိုင်တဲ့အတွက် မပါနိုင်ခဲ့တာပါ။”

ဒီသဘောတူညီချက်ကြောင့် အမေရိကန် အလုပ်အကိုင်တချို့ နိုင်ငံခြားကို ရောက်သွားနိုင်တာမှန်ပေမဲ့ ခြုံကြည့်ရင် အမေရိကန်တနိုင်ငံလုံးအတွက် အကျိုးအမြတ်တွေ ရှိနိုင်တယ်လို့ အမေရိကန်အခြေစိုက် The Council on Foreign Relations တတ်သိပညာရှင်များအဖွဲ့က အခု နိုဝင်ဘာလထဲမှာပဲ အစီရင်ခံထုတ်ပြန်ခဲ့ပါတယ်။ ဒီသဘောတူညီချက်ကနေ အမေရိကန်နိုင်ငံ နှုတ်ထွက်သွားမယ်ဆိုရင် တရုတ်နိုင်ငံအတွက် ကုန်သွယ်ရေး အခွင့်အလမ်းသစ်တွေ ပေါ်လာပြီး အမေရိကန်နဲ့ တရုတ်ကြား ကုန်သွယ်ရေးပဋိပက္ခတွေ ဖြစ်လာနိုင်တယ်လို့ လေလာသူတချို့ကလည်း ထောက်ပြကြပါတယ်။

ကမ္ဘာ့ကုန်သွယ်ရေးမှာ အမေရိကန်ရဲ့ အခန်းကဏ္ဍအပေါ် အကြီးအကျယ် သက်ရောက်မှုတွေ ရှိလာနိုင်တယ်လို့ ထိုင်းနိုင်ငံ Thammasat တက္ကသိုလ်က နိုင်ငံတကာ စီးပွားရေးဆိုင်ရာ ပါမောက္ခ Pavida Pananond က ဗွီအိုအေကို ပြောပါတယ်။

“TPP သဘောတူညီချက်ထဲ မပါတော့ဘူးဆိုရင် ကမ္ဘာ့နိုင်ငံတွေကြား ကုန်သွယ်ရေးအတားအဆီးတွေ မရှိစေတဲ့ ကမ္ဘာ့ရွာဝါဒမှာ အမေရိကန်က liberal အယူအဆနဲ့ ဦးဆောင်နေတဲ့ အခန်းကဏ္ဍက ဘယ်လိုဖြစ်သွားမလဲ၊ နောက် ဒေသတွင်းကုန်သွယ်မှုနဲ့ နိုင်ငံအများပါဝင်တဲ့ ကုန်သွယ်မှုတွေမှာ အမေရိကန်ရဲ့ကဏ္ဍက မှေးမှိန်သွားပါလိမ့်မယ်။ ကုန်သွယ်ရေးနဲ့ ဖွံ့ဖြိုးရေးဆိုင်ရာ ဘုံစည်းကမ်း ဥပဒေတွေ ချမှတ်တဲ့နေရာမှာလည်း အမေရိကန်ရဲ့ကဏ္ဍက အရေးကြီးတဲ့နေရာကနေ ပါတော့မှာ မဟုတ်ပါဘူး။”

TPP သဘောတူညီချက်ကို အကောင်အထည်မဖော်နိုင်ရင် အထိအနာဆုံးဖြစ်မှာက ဗီယက်နမ်နဲ့ မလေးရှားနိုင်ငံတို့ ဖြစ်တယ်လို့ စီးပွားရေးပညာရှင် တချို့ကလည်း သုံးသပ်ကြပါတယ်။ ခုလို အာဆီယံအဖွဲ့ဝင်တွေ ထိခိုက်ရင် မြန်မာနိုင်ငံအပေါ်မှာရော ဘယ်လိုသက်ရောက်မှုတွေ ဖြစ်လာနိုင်ပါသလဲ။ သွယ်ဝိုက်သက်ရောက်မှုတွေ ရှိလာနိုင်တယ်လို့ အမေရိကန်-အာဆီယံ စီးပွားရေးကောင်စီက ကိုလှဘုန်းမြင့်က သုံးသပ်ပါတယ်။

“TPP နဲ့ တိုက်ရိုက် မြန်မာပြည်အပေါ် သက်ရောက်မှုကတော့ မရှိခဲ့ပါဘူးခင်ဗျ။ မြန်မာနိုင်ငံက တိုက်ရိုက် ပတ်သက်တာ မဟုတ်ပါဘူး။ သွယ်ဝိုက်ပြီး ပတ်သက်တာဖြစ်တဲ့အတွက် တခြားသော အာဆီယံနိုင်ငံတွေက TPP ထဲမှာ ပါနေတဲ့အတွက် ထိုနိုင်ငံတွေနဲ့ ပြုလုပ်တဲ့ TPP ပျက်သွားတာဟာ မြန်မာနိုင်ငံရဲ့ စီးပွားရေးကိုလည်း တနည်းမဟုတ် တနည်းနဲ့ ထိရောက်မှု ရှိပါတယ်။ ဘာလို့လဲဆိုတော့ကာ မြန်မာနိုင်ငံက အာဆီယံစီးပွားရေးအသိုင်းအ၀ိုင်းနဲ့ AEC နဲ့ ပါဝင်ပတ်သက်နေတဲ့အတွက် အခု ဗီယက်နမ်၊ မလေးရှားတင် မဟုတ်ပါဘူးခင်ဗျ။ တခြား ဘယ်အာဆီယံနိုင်ငံရဲ့ စီးပွားရေးကဏ္ဍမှာ ထိရောက်မှုရှိရင် မြန်မာနိုင်ငံအပေါ် တနည်းမဟုတ် တနည်းနဲ့တော့ ရှိနေမှာပါ။”

TPP သဘောတူညီချက်မှာ ပါဝင်တဲ့ အာဆီယံအဖွဲ့ဝင်နိုင်ငံတွေအနေနဲ့ တရုတ် အပါအဝင် အာရှပစိဖိတ်နိုင်ငံတချို့နဲ့ လွတ်လပ်စွာ ကုန်သွယ်ရေး သဘောတူညီချက် အကျိုးအမြတ်တွေကို အာဆီယံအဖွဲ့ကြီးကနေ ယူလို့ရနိုင်ပါတယ်လို့ စီးပွားရေးပညာရှင်တချို့က ပြောပါတယ်။ တရုတ်နိုင်ငံက အခုတည်းက အာရှပစိဖိတ်နိုင်ငံတွေနဲ့ ကုန်သွယ်ရေးတိုးချဲ့ဖို့ ကြိုးစားနေပြီလို့ ထိုင်းနိုင်ငံအခြေစိုက် Hatton Capital ရဲ့စီးပွားမိတ်ဖက် Triphon Phumiwasana က ဗွီအိုအေကို ပြောပါတယ်။

“တရုတ်က ကုန်သွယ်ရေးကို တိုးချဲ့နိုင်ဖို့လုပ်မှာပါ။ အရှေ့တောင်အာရှနိုင်ငံတွေနဲ့ ဆက်ဆံရေးကောင်းအောင် သူတို့က ဆက်ပြီး လုပ်သွားပါလိမ့်မယ်။ အမေရိကန်က ပြည်တွင်းကိစ္စတွေအပေါ် အာရုံစိုက်တာက တရုတ်အတွက် အခွင့်ကောင်းပဲလေ။ တရုတ်ကတော့ ပြည်ပအခြေအနေကို ပိုပြီး ထည့်သွင်း စဉ်းစားလာပါတယ်။”

အာဆီယံနိုင်ငံတွေအပြင်၊ ဂျပန်၊ ကိုရီးယားနဲ့ အိန္ဒိယနိုင်ငံတွေပါဝင်တဲ့ Regional Comprehensive Economic Partnership (RCEP) ဒေသတွင်း လွတ်လပ်စွာကုန်သွယ်ရေး သဘောတူညီချက်ကို အောင်မြင်ဖို့ တရုတ်က တွန်းအားပေးလာမယ်လို့ ခန့်မှန်းရပါတယ်။ အဲဒီသဘောတူညီမှုကနေ အာရှနိုင်ငံတွေအနေနဲ့ အကျိုးအမြတ်တွေ ရနိုင်မှာဖြစ်ပေမဲ့ အာရှပစိဖိတ်ရပ်ဝန်းနိုင်ငံများ ကုန်သွယ်ရေးသဘောတူညီချက် TPP အကောင်အထည်မဖော်နိုင်လို့ နစ်နာဆုံးရှုံးမှုတွေကိုတော့ အပြည့်အဝ ကာမိနိုင်မှာ မဟုတ်ဘူးလို့ ပညာရှင်တချို့က ပြောနေပါတယ်။

 စုမြတ်မွန်   / ဗွီအိုအေ (မြန်မာပိုင်း)
http://burmese.voanews.com



 ရှမ်းနီနဲ့ ကူကီး လူမျိုးစုတွေရဲ့ မြေနေရာတွေကို ရယူ နေ
စစ်ကိုင်းတိုင်း အထက်ပိုင်း၊ ချင်းတွင်း မြစ်ဘေးက ရှမ်းနီနဲ့ ကူကီးရွာတွေ ၁၂ ရွာ စုပေါင်းလို့ သူတို့ ဒေသထဲက ရွှေတူးတဲ့ လုပ်ငန်းတွေ အားလုံး ရပ်ပါဆိုပြီး တောင်းဆိုချက် ထုတ်ပြန် လာပါတယ်။

ချင်းတွင်း မြစ်ရိုး တလျှောက် ကုမ္ပဏီကြီးတွေ ရွှေလာတူး နေကြတဲ့ အတွက် ဒေသခံ တွေ အနေနဲ့ တောင်ယာမြေတွေ လက်လွှတ် ဆုံးရှုံး နေရသလို၊ လူမှုရေး ပြဿနာတွေ များပြား လာနေတယ် ဆိုပြီး ရှမ်းနီနဲ့ ကူကီး လူမျိုးစု တွေက ပြောဆို ကန့်ကွက် နေကြပါတယ်။

ရွှေတူးတဲ့ ကုမ္ပဏီတွေ ရောက်လာလို့ မူးယစ်ဆေး အပါအဝင် အမျိုးသမီးတွေ ဘဝ မလုံမခြုံ ဖြစ်ရ တဲ့ နောက်ဆက်တွဲ ဆိုးကျိုးတွေ ရှိနေတယ် လို့ ကူကီး အမျိုးသမီး အခွင့်အရေး လှုပ်ရှားသူ တစ်ဦးက ဘီဘီစီကို ပြောပါတယ်။

အရင် တိုင်ကြားမှု တွေ အပေါ် အစိုးရ ဘက်က ကွင်းဆင်း စစ်ဆေး ချိန်တွေမှာ ဆိုရင် ကုမ္ပဏီတွေက သူတို့ရဲ့ အလုပ်သမားတွေ၊ စက်ယန္တယားတွေကို ခြေရာဖျောက် တိမ်းရှောင် နေကြလေ့ ရှိတယ်လို့ ကူကီး အမျိုးသမီး အခွင့်အရေး အဖွဲ့က ဒေါ်ဘွိုင်နူး က ဆိုပါတယ်။

ရွှေတူးတဲ့ ကုမ္ပဏီတွေ ကြောင့် ဒေသခံ တွေ အတွက် အလုပ်အကိုင် တဒင်္ဂ ခနတာ ရရှိတာနဲ့ ခံစား နေရတဲ့ ဆိုးကျိုးတွေဟာ မမျှ ဖြစ်နေတယ် လို့လည်း ဒေါ်ဘွိုင်နူး က ပြောပါတယ်။

ရွှေတူးတဲ့ ကုမ္ပဏီတွေ အများစုဟာ ဒေသန္တရ အဆင့် အာဏာပိုင်တွေနဲ့ လက်ဝါးချင်း ရိုက်ပြီး ရှမ်းနီနဲ့ ကူကီး လူမျိုးစုတွေရဲ့ မြေနေရာတွေကို ရယူ နေကြတယ် ဆိုပြီး မကျေမနပ်သံတွေ ပေါ်ထွက် နေပါတယ်။

ရှမ်းနီနဲ့ ကူကီး ရွာတွေ ကတော့ သူတို့ ဒေသ ဖွံ့ဖြိုးရေး အတွက် ဆိုရင် စီးပွားရေး ကုမ္ပဏီ တွေက ဒေသဖွံ့ဖြိုးရေး မက်လုံး ပေးပြီး ဝင်ရောက် နေတာထက် စာရင် အစိုးရဘက်က တိုက်ရိုက် တာဝန်ယူပြီး လမ်းတွေဖောက်တာ၊ ကျောင်းတွေ ဆောက်တာမျိုး တွေ ကို ပိုလိုလား နေကြတယ်လို့ ဆိုပါတယ်။

BBC Burmese
http://www.bbc.com/burmese


ရခိုင်ပြည်နယ် မောင်တောဒေသမှာ အကြမ်းဖက်တိုက်ခိုက်မှုတွေ ဖြစ်ပွားပြီးနောက်ပိုင်း - ထွက်ပြေးကြတဲ့ ရိုဟင်ဂျာမူဆလင်တွေကို နိုင်ငံတကာရဲ့ တောင်းဆိုမှုတွေကို လျစ်လျူရှုပြီး - ဘင်္ဂလားဒေ့ရ်ှအစိုးရက နိုင်ငံတွင်းဝင်ရောက်ခွင့် ပိတ်ပင်ထားဆဲ ဖြစ်ပါတယ်။ လူ့အခွင့်အရေးလှုပ်ရှားသူတွေ ကတော့ အရပ်သားတွေကို အကာအကွယ် ပေးကြဖို့ ဘင်္ဂလားဒေ့ရှ်-မြန်မာ အစိုးရ ၂ ရပ်စလုံးကို တောင်းဆိုထားတာပါ။ အသေးစိတ်ကိုတော့ ဗွီအိုအေ သတင်းထောက် Maaz Hussain ရဲ့ သတင်းလွှာကို အခြေခံပြီး မနန္ဒာချမ်းက တင်ပြထားပါတယ်။

ရခိုင်ပြည်နယ် မောင်တောဒေသမှာ အောက်တိုဘာလဆန်းပိုင်း နယ်ခြားစောင့်ရဲစခန်း ၃ ခု တိုက်ခိုက်ခံရမှုအတွင်း ရဲတပ်ဖွဲ့ဝင် ၉ ဦး အကြမ်းဖက် သတ်ဖြတ်ခံရပြီးနောက်ပိုင်း - မြန်မာအာဏာပိုင်က နယ်မြေရှင်းလင်းမှုတွေ လုပ်ဆောင်တဲ့အနေနဲ့ အဲဒီဒေသက လူတွေကို အ၀င်အထွက် မလုပ်ကြဖို့ ပိတ်ပင်ထားတာ ၁ လကျော်ရှိလာတာနဲ့အမျှ - ရာနဲ့ချီတဲ့ ရိုဟင်ဂျာတွေဟာ ဘင်္ဂလားဒေ့ရ်ှနိုင်ငံမှာ ခိုလှုံခွင့်ရဖို့ ကြိုးပမ်းနေကြတာ ဖြစ်ပါတယ်။ မူဆလင်အများစုပါဝင်တဲ့ လူ ၃ သောင်းလောက်ဟာ နေရပ်စွန့်ခွာ ပြောင်းရွှေ့ခဲ့ကြရပြီး၊ ရခိုင်ပြည်နယ်မှာရှိတဲ့ အရပ်သားတွေကို အကာအကွယ်ပေးရေး လုပ်ဆောင်ကြဖို့လည်း ပြီးခဲ့တဲ့သီတင်းပတ်ထဲမှာပဲ ကုလသမဂ္ဂက မြန်မာအစိုးရကို တောင်းဆိုခဲ့တာပါ။

ဘင်္ဂလားဒေ့ရ်ှအစိုးရအနေနဲ့လည်း နယ်စပ်ကို ဖွင့်ထားပြီး ရခိုင်ပြည်နယ်တွင်းက အကြမ်းဖက်မှုတွေကြောင့် ထွက်ပြေးလာကြသူတွေကို ၀င်ရောက် ခိုလှုံခွင့်ပေးဖို့ ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR ပြောခွင့်ရပုဂ္ဂိုလ် Adrian Edwards က ဂျနီဗာမှာ ပြောဆိုခဲ့ပါတယ်။ ဒါ့အပြင် ရခိုင်ပြည်နယ်အရေးနဲ့ပတ်သက်ပြီး - ကုလသမဂ္ဂလုံခြုံရေးကောင်စီမှာလည်း ဆွေးနွေးခဲ့တဲ့အကြောင်း ကုလသမဂ္ဂဆိုင်ရာ အမေရိကန် သံအမတ်ကြီး Samantha Power က ပြောဆိုခဲ့ပါတယ်။

ဒါပေမဲ့လည်း ဘင်္ဂလားဒေ့ရှ် နယ်ခြားစောင့်တပ်တွေကတော့ - သူတို့ကို အစိုးရက ရိုဟင်ဂျာတွေ ဘင်္ဂလားဒေ့ရ်ှနိုင်ငံထဲ ၀င်ခွင့်မပေးဖို့ အမိန့်ပေးထားပြီး၊ ပြီးခဲ့တဲ့ သီတင်း ၆ ပတ်အတွင်းမှာ ရေလမ်းကတဆင့် ထွက်ပြေးကြသူ ဒါဇင်နဲ့ချီတဲ့ ရိုဟင်ဂျာတွေကို - ဘင်္ဂလားဒေ့ရှ် ရေပိုင်နက်ထဲ မရောက်ခင် မောင်းထုတ်ခဲ့ရသလို - နေ့စဉ်နဲ့အမျှလည်း လှေ ၂ စင်း ၃ စင်းလောက်ကို မြန်မာနိုင်ငံဘက် ပြန်မောင်းထုတ်နေရတဲ့အကြောင်း ဘင်္ဂလားဒေ့ရှ် နယ်ခြားစောင့်တပ် တပ်မှူးတဦးဖြစ်တဲ့ ဒုဗိုလ်မှူးကြီး အဘူဇာ အယ်လ် ဇာဟစ် က ဗွီအိုအေကို ပြောပါတယ်။ နိုင်ငံတကာ လူ့အခွင့်အရေးလှုပ်ရှားမှုအဖွဲ့တခုဖြစ်တဲ့ HRW ရဲ့ အာရှရေးရာ ညွှန်ကြားရေးမှူး Brad Adams ကတော့ - ဘင်္ဂလားဒေ့ရှ် အာဏာပိုင်တွေရဲ့ ဒီဆုံးဖြတ်ချက်ဟာ ရက်စက်လွန်းရာ ကျတယ်လို့ ဝေဖန်လိုက်ပါတယ်။

"ဘင်္ဂလားဒေ့ရ်ှအစိုးရဟာ ရိုဟင်ဂျာဒုက္ခသည်တွေအပေါ် သိပ်ကို အကြင်နာမဲ့လွန်းပါတယ်။ လောလောဆယ် ရခိုင်ပြည်နယ်မြောက်ပိုင်းမှာ ပဋိပက္ခတွေဖြစ်နေချိန် - ရိုဟင်ဂျာတွေဟာ ပစ်မှတ်ထားခံနေပြီး၊ ရွာတွေ မီးရှို့ခံရတာ၊ အဲဒီမှာ ရိုဟင်ဂျာတွေ သတ်ဖြတ်ခံရတာတွေကြောင့် - ရိုဟင်ဂျာတော်တော်များများက မြန်မာနိုင်ငံကနေ ဘင်္ဂလားဒေ့ရှိနိုင်ငံဘက် ထွက်ပြေးတာဟာ အသက်ရှင်ဖို့အတွက် တခုတည်းသော နည်းလမ်း အဖြစ်နဲ့ ဆုံးဖြတ်ခဲ့ကြတာ ဖြစ်ပါတယ်။ ဒါပေမဲ့ ဘင်္ဂလားဒေ့ရ်ှအစိုးရက သူတို့ကို ၀င်ခွင့်မပေးခဲ့ဘူး။ ဒါဟာ နိုင်ငံတကာစံနှုန်းတွေကို ချိုးဖောက်မှုပါ။ ဘင်္ဂလားဒေ့ရ်ှအစိုးရအနေနဲ့ အသက်ဘေးက ထွက်ပြေးလာကြသူတွေကို အနည်းဆုံး ယာယီပဲဖြစ်ဖြစ် ခိုလှုံခွင့်ပေးရမယ့် တာဝန်ရှိပါတယ်။ အဲဒီအစား ဒီလူတွေကို ၀င်ခွင့်မပေးဘဲ ပြန်မောင်းထုတ်နေတာပါ။"

ဘင်္ဂလားဒေ့ရှ် ပြည်ထဲရေးဝန်ကြီး အစာ ဒူဇာမန်း ခန်း ခါမဲ (Asaduzzaman Khan Kamal) ကတော့ - မြန်မာနိုင်ငံမှာ ဆက်လက် ဖြစ်ပွားနေတဲ့ အကြမ်းဖက်မှုတွေကြောင့် ဘင်္ဂလားဒေ့ရ်ှနိုင်ငံအတွက် စိတ်မသက်မသာ ဖြစ်ရကြောင်း ပြောဆိုလိုက်သလို၊ တချိန်တည်းမှာပဲ မြန်မာနိုင်ငံကနေ ထွက်ပြေးလာတဲ့ ရိုဟင်ဂျာတွေကိုလည်း ဘင်္ဂလားဒေ့ရှ် နိုင်ငံထဲ ၀င်လို့မရအောင် တားဆီးဖို့ နယ်ခြားစောင့်တပ်၊ ကမ်းခြေစောင့်တပ်နဲ့ ရဲတပ်ဖွဲ့တွေကို အသင့်ပြင်ထားတယ်လို့ တနင်္ဂနွေနေ့ကပဲ ပြောဆိုခဲ့တာဖြစ်ပါတယ်။

မြန်မာနဲ့ ဘင်္ဂလားဒေရှ့်နိုင်ငံကြားက နတ်မြစ်ကို ဖြတ်ကျော်ပြီး Cox's Bazar မြို့ကို နိုဝင်ဘာ ၂၁ ရက် တနင်္လာနေ့က ရောက်လာကြတဲ့ ရိုဟင်ဂျာတွေကို Kutupalong ဒုက္ခသည်စခန်းတွေဆီကို ဘင်္ဂလားဒေရှ့်အာဏာပိုင်တွေက ပို့ဆောင်ခဲ့ပါတယ်။ ရာနဲ့ချီရောက်လာကြသူတွေထဲက ၆၄ ယောက်ကို Bangladesh နယ်ခြားစောင့်တပ်က ထိန်းသိမ်းခဲ့ပြီး နေ့တွင်းချင်းမှာပဲ မြန်မာနိုင်ငံဖက်ကို ပြန်ပို့ခဲ့တယ်လို့ Reuters သတင်းက ပြောပါတယ်။ ကုလသမဂ္ဂရဲ့ နိုင်ငံတကာရွှေ့ပြောင်းသူများအရေးဆောင်ရွက်နေတဲ့ IOM အဖွဲ့က အမည်မဖော်လိုသူတယောက်ရဲ့ အပြောအရ တနင်္လာနေ့တနေ့ထဲ မြန်မာဘက်ကရောက်လာတဲ့ ရိုဟင်ဂျာ ၅၀၀ ကျော်ရှိတယ်လို့ ပြောပါတယ်။
HRW အာရှရေးရာ ညွှန်ကြားရေးမှူး Brad Adams ကတော့ - လက်ရှိ ဖြစ်ပွားနေတဲ့ အခြေအနေကို အစိုးရနှစ်ရပ်စလုံးက ပူးပေါင်း ဖြေရှင်းဖို့ လိုအပ်တယ်လို့လည်း ပြောဆိုခဲ့တာပါ။

"လူထုကို ကာကွယ်ပေးနိုင်ဖို့အတွက် အစိုးရအချင်းချင်း လက်တွဲလုပ်ဆောင်ကြဖို့ လိုအပ်ပါတယ်။ အခုလောလောဆယ်မှာတော့ အစိုးရနှစ်ရပ် စလုံးက လူတွေကို အကာကွယ်ပေးမှုတွေ လုပ်ဆောင်မနေပါဘူး။ ဒါဟာ သိပ်ကို စိတ်မကောင်းစရာပါပဲ။ ဘာလို့လဲဆိုတော့ ဘင်္ဂလားဒေ့ရှ် နိုင်ငံဟာဆိုရင် ပါကစ္စတန်လက်အောက်က လွတ်မြောက်ဖို့ ကြိုးပမ်းစဉ် ၁၉၇၁ ခုနှစ်မှာတုန်းက လူမျိုးတုန်းသတ်ဖြတ်ခံရမှုမျိုး ကြုံတွေ့ခဲ့ရဖူး ပါတယ်။ မြန်မာနိုင်ငံဟာဆိုရင်လည်း လူသားမျိုးနွယ်အပေါ် ကျူးလွန်တဲ့ရာဇ၀တ်မှု၊ စစ်ရာဇ၀တ်မှု၊ မြန်မာစစ်တပ်ရဲ့ တိုင်းရင်းသားအပေါ် ကျူးလွန်တဲ့ရာဇ၀တ်မှုတွေ ကြုံရဖူးပါတယ်။ ဒါကြောင့် နှစ်နိုင်ငံစလုံးက ဒီဒုက္ခတွေကို နားလည်ကြပါတယ်။ ဒါကြောင့်လည်း အခုလို ဒုက္ခတွေခံစားရအောင် ပြန်လုပ်နေကြတဲ့အပေါ် နားလည်ရလည်း အင်မတန်ခက်ပါတယ်။"

မြန်မာအာဏာပိုင်တွေရဲ့ နယ်မြေရှင်းလင်းမှုတွေအတွင်း လူ့အခွင့်အရေး ချိုးဖောက်မှုတွေ ရှိနေတယ်ဆိုတဲ့ စွပ်စွဲချက်တွေ ထွက်ပေါ်နေတာကြောင့် အခြေအနေမှန်တွေကို လေ့လာကြည့်ရှုဖို့ မကြာသေးခင်ကပဲ မြန်မာအစိုးရဦးဆောင်တဲ့ ကုလသမဂ္ဂ အရာရှိနဲ့ ၉ ဦးပါ သံတမန်အဖွဲ့ဟာ ရခိုင်ပြည်နယ်ကို ၂ ရက်ကြာခရီး သွားရောက်ခဲ့တာပါ။ ရခိုင်ပြည်နယ်မှာ လူမှုအသိုင်းအ၀ိုင်းကြား ဖြစ်ပွားခဲ့တဲ့ ပဋိပက္ခတွေကြောင့် ၂၀၁၂ ခုနှစ်မှာ လူ ၁၀၀ ကျော် သေဆုံးခဲ့ရပြီး၊ လူ ၁ သိန်းကျော်ဟာလည်း အခုအချိန်အထိ ဒုက္ခသည်တွေအဖြစ် နေထိုင်နေရဆဲ အခြေအနေတွေကို ဖြေရှင်းဖို့ အပါအ၀င် ဒေသဖွံ့ဖြိုးတိုးတက်ရေးအတွက် ရည်ရွယ်ပြီး - ကုလသမဂ္ဂ အတွင်းရေးမှူးချုပ် ဟောင်းလည်းဖြစ်၊ နိုဘဲလ်ငြိမ်းချမ်းရေးဆုရှင်လည်းဖြစ်တဲ့ ကိုဖီအာနန် ဦးဆောင်ပြီး - ရခိုင်ပြည်နယ် အကြံပေးကော်မရှင် အဖွဲ့တခုကိုလည်း နိုင်ငံတော် အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က ဖွဲ့စည်းပေးထားတာ ဖြစ်ပါတယ်ရှင်။

  မနန္ဒာချမ်း  / ဗွီအိုအေ (မြန်မာပိုင်း)
http://burmese.voanews.com



တိုက်ပွဲများကြောင့် မူဆယ်ကုန်သည်ကြီးများအသင်းရုံး၌ ဒုက္ခသည်ပေါင်း ၃၀၀၀ ကျော်ရောက်ရှိ ဌာနဆိုင်ရာများနှင့် လူမှုရေးအသင်းအဖွဲ့များက လိုအပ်သည်များကူညီ နေရာချထားပေး
မူဆယ် နိုဝင်ဘာ ၂၂

ရှမ်းပြည်နယ်မြောက်ပိုင်း တောင်ပေါ်ဒေသ၌ ဖြစ်ပွားသော တိုက်ပွဲများကြောင့် မူဆယ်ခရိုင်ဒေသအတွင်းရှိ ဒေသခံ တိုင်းရင်းသားများ၊ မြန်မာပြည်အနယ်နယ်အရပ်ရပ်မှ လာရောက်အလုပ်လုပ်ကိုင်ကြသူများ၊ ဝန်ထမ်းတချို့နှင့် ကားသမားများ၊ ရပ်နီးရပ်ဝေးခရီးသွားကြသူများသည် မိမိတို့ ပိုင်ဆိုင်သည့် ကား၊ ဆိုင်ကယ်ဖြင့်လည်းကောင်း၊ လူမှု ကူညီရေးအသင်းများ၏ ကူညီမှုဖြင့်လည်းကောင်း၊ ခြေကျင်လျှောက်၍လည်းကောင်း မူဆယ်မြို့ ရှိ ကုန်သည်ကြီး များအသင်းရုံးသို့ ထွက်ပြေးတိမ်းရှောင်လာကြသည်။

အဆိုပါ စစ်ဘေးရှောင်များအား မူဆယ်မြို့ရှိ ဌာနဆိုင်ရာ များနှင့် လူမှုရေးအသင်းအဖွဲ့များက လိုအပ်သည်များ ကူညီပံ့ပိုး ပေးခြင်း၊ မူဆယ်ခရိုင်ပြည်သူ့ဆေးရုံမှ ဆရာ ဆရာမများနှင့် မိုင်းယု(၁၀၅)မိုင် ကြက်ခြေနီတပ်ဖွဲ့ဝင်များက ကျန်းမာရေးများ ကူညီစောင့်ရှောက်ပေးခြင်းများ ပြုလုပ်ခဲ့ကြသည်။ ထို့နောက် သက်ဆိုင်ရာများမှ မူဆယ်မြို့ပေါ်ရှိ ဘုန်းကြီးကျောင်း၊ စာသင်ကျောင်း၊ ဓမ္မာရုံ၊ နီးစပ်ရာအဆောက်အအုံများသို့ အုပ်စုခွဲ၍ မော်တော်ယာဉ်များ စီစဉ်ပေးပြီး နေရာချထားပေးခဲ့သည်။

တိုက်ပွဲများကြောင့် (၁၀၅)မိုင် ကုန်သွယ်ရေးဇုန်ကြီး အပါအဝင် ယာဉ်ငယ်စစ်ဆေးရေးဂိတ်၊ မောင်းတံဂိတ်များ၊ ဘဏ်များ၊ ဈေးဆိုင်ခန်းများ၊ ဆေးဆိုင်များနှင့် ဆေးခန်းများ၊ ကုမ္ပဏီများ၊ ပွဲရုံများ၊ ဂိုဒေါင်များနှင့် လူနေအိမ်များအားလုံး ပိတ်ထားကြောင်း သိရသည်။

“ကျွန်တော်တို့က ဒီဒေသကပါ။ အခု ၁၀၅ မိုင်နယ်တစ်ဝိုက် မှာဖြစ်တဲ့ တိုက်ပွဲက အလွန်ကြီးပါတယ်။ အချိန်အားဖြင့် လေးနာရီကျော်လောက်ကြာတယ်။ သူတို့ပစ်တဲ့ နှစ်ဖက်လုံး တော့ ဘာဖြစ်ကြလဲမသိဘူး။ ကြားက အပြစ်မရှိတဲ့ ပြည်သူ တွေတော့ အတော်များများ ထိကြတယ်။ တချို့ တိုက်ပွဲကြားမှာ သေဆုံးသွားတယ်။ တချို့ကျတော့ ဆေးရုံရောက်မှ သေတာ လည်းရှိတယ်။ ဒဏ်ရာများတဲ့သူတွေကျတော့ တရုတ်နိုင်ငံဘက် သွားတဲ့သူလည်းရှိတယ်။ အစိုးရလေယာဉ်နဲ့ လားရှိုးဘက်ကို ခေါ်သွားကြတာလည်း ရှိတယ်။ ဖြစ်နိုင်ရင်တိုက်ပွဲတွေ အမြန်ဆုံး ရပ်စေချင်တယ်။ ဒီလိုဆက်ဖြစ်နေမယ်ဆိုရင် မူဆယ်မြို့ပေါ် တောင် နေစရာရှိမှာမဟုတ်တော့ဘူး။ တရုတ်နိုင်ငံဘက်ထဲဝင်ဖို့လည်း လူတွေများတော့ တန်းစီရတာမလွယ်ဘူး” ဟု စစ်ဘေး ရှောင် ကိုအိုက်ပီးက ပြောသည်။

“ကျွန်မက မူဆယ်(၁၀၅)မိုင်ကပါ။ တိုက်ပွဲက မနက်ပိုင်း ၆ နာရီကျော်ကျော်က စဖြစ်တယ်။ ဖြစ်ဖြစ်ချင်းပဲ အမေတို့အိမ်ကို ကလေးနှစ်ယောက်ခေါ် ပြီး ထွက်ပြေးခဲ့တယ်။ အမေတို့ အိမ် ကတစ်ဆင့် မူဆယ်ကို ထွက်ပြေးခဲ့တယ်။ အမေနဲ့ အဖေကတော့ လောလောဆယ်ခေါ်လို့မရလို့ ထားခဲ့ရတယ်။ မူဆယ်ရောက်တော့ ကိုယ်တွေလိုပဲ ထွက်ပြေးခဲ့ကြတဲ့သူတွေအများကြီးပဲ။

လူမှုရေးအသင်းတွေ၊ ဆရာဝန်တွေ၊ ကြက်ခြေနီတပ်ဖွဲ့တွေ၊ အလှူရှင်တွေကလည်း လိုအပ်တာတွေ ကူညီပေးကြပါတယ်။ ၁၀၅ မိုင်က ကြက်ခြေနီတွေဆိုရင်လည်း တိုက်ပွဲတွေကြားထဲ အထိ လူနာတွေကို လိုက်ပြုစုပေးတာကိုတွေ့ခဲ့ရတယ်။ အခု မူဆယ်ကုန်သည်ကြီးအသင်းရုံးမှာ လူတွေအလွန်များလာတယ်။ ဘုန်းကြီးကျောင်းတွေ ဓမ္မာရုံတွေမှာ လူတွေမဆံ့တော့ဘူး။ ပြီးတော့ မူဆယ်မြို့ပေါ်မှာလည်း စိတ်မချရဘူးလို့ သတင်းတွေ ထွက်နေတာကြောင့် ကျွန်မတို့ မူဆယ်မှာမနေရဲဘူး။ ဟိုဘက်ကို ထွက်ပြေးတော့မယ်။ ဖြစ်နိုင်ရင်တော့ ဟိုဘက်ထဲမှာလည်း အကြာကြီးမနေချင်ဘူး။ ကိုယ့်အိမ်ကိုပဲ ပြန်လာချင်တယ်။ ဒါကြောင့် တိုက်ပွဲတွေ အမြန်ဆုံးပြီးပါစေလို့ ကျွန်မ ဆုတောင်း နေတာ” ဟု မဂျာဘောက ပြောသည်။

သန့်ဇင်(မူဆယ်)
MOI Webportal Myanmar
https://www.facebook.com/MOIWebportalMyanmar



အလုပ်ခေါ်စာ ဒါမှမဟုတ် အလုပ်ခန့်လွှာ နဲ့ လစာတွေကို အစိုးရကို တင်ပြရမယ်
နိုင်ငံခြား သွား အလုပ် လုပ်မယ့်သူတွေ အနေနဲ့ လာမယ့် ၂ဝ၁၇ နှစ်ဆန်း ဇန်နဝါရီ ၁ ရက် က စပြီး သီးခြား အလုပ်သမား နိုင်ငံကူး လက်မှတ် ကိုင်ဆောင် ရတော့မှာ ဖြစ်ပါတယ်။

ကိုယ်သွားမယ့် နိုင်ငံကို အလည်အပတ် ပြည်ဝင်ခွင့် ဗီဇာသာ လျှောက်ပြီး အလုပ်အကိုင် သွားရောက်ရှာဖွေ တာတွေ ၊ အလုပ် လုပ်ကိုင်နေတာ တွေကြောင့် မြန်မာ နိုင်ငံသားတွေ ဖမ်းဆီး ပြန်ပို့ ခံနေ ရတာတွေ ဖြစ်နေတဲ့ အတွက် အခုလို နိုင်ငံကူး လက်မှတ် အမျိုးအစားကိုပါသတ်သတ်မှတ်မှတ် ဖြစ်အောင် ပြောင်းလဲရတာ ဖြစ်တယ် ဆိုပြီး အလုပ်သမား လူဝင်မှု ကြီးကြပ်ရေးနဲ့ ပြည်သူ့အင်အား ဝန်ကြီးဌာန ဝန်ကြီး ဦးသိန်းဆွေက ပြောပါတယ်။

အလုပ်သမား နိုင်ငံကူး လက်မှတ် လျှောက်ထားဖို့ရာ အလုပ်ခေါ်စာ ဒါမှမဟုတ် အလုပ်ခန့်လွှာ နဲ့ လစာတွေကို အစိုးရကို တင်ပြရမှာ ဖြစ်ပါတယ်။

အဲဒီလို တင်ပြ လာတဲ့ စာရွက်စာတမ်းတွေ အစစ်အမှန် ဟုတ်သလား ဆိုတာကို သက်ဆိုင်ရာ နိုင်ငံ သံရုံးကို ပို့ပြီး စိစစ် ဦးမှာလည်း ဖြစ်ပါတယ်။

အလုပ်သမား နိုင်ငံကူး လက်မှတ် သီးသန့် ထုတ်ပေးတာ သက်သက်နဲ့ ပြည်ပရောက် မြန်မာ အလုပ်သမားတွေ ကြုံတွေ့ နေရတဲ့ လုပ်ခလစာ အပြည့် မရတာ အပါအဝင် အလုပ်သမား အခွင့်အရေး ချိုးဖောက် ခံနေရ တာတွေကို အကာအကွယ် ပေးနိုင်မှာ မဟုတ်ဘူးလို့ အလုပ်သမားအရေး တက်ကြွ လှုပ်ရှားသူတွေက ဝေဖန် သုံးသပ် နေကြပါတယ်။

BBC Burmese
http://www.bbc.com/burmese


ခရစ္စမတ်နဲ့ နှစ်သစ်ကူးရာသီကာလ ဥရောပတလွှားမှာ အကြမ်းဖက်တိုက်ခိုက်မှု ဖြစ်နိုင်တဲ့အန္တရာယ် မြင့်မားနေတဲ့အတွက် အမေရိကန် နိုင်ငံသားတွေအနေနဲ့ သတိနဲ့ သွားလာကြဖို့ အမေရိကန် နိုင်ငံခြားရေးဌာနက ခရီးသွားသတိရှိကြဖို့ နှိုးဆော်ထားပါတယ်။

ရာသီပွဲတော်တွေ၊ အခမ်းအနားတွေ၊ ခရစ္စမတ်ဈေးပွဲတော်တွေကို သတိထားသွားလာကြဖို့ ထုတ်ပြန်ချက်ထဲမှာ တာဝန်ရှိသူတွေက တိုက်တွန်းထားပါတယ်။ အစွန်းရောက်သမားတွေ၊ အစွန်းရောက်ဝါဒ အားပေးသူတွေက ကြိုတင်သတိပေးချက်မထုတ်ဘဲ တိုက်ခိုက်နိုင်ခြေ ရှိတဲ့အပေါ် သတိထားကြဖို့ ၂၀၁၇ ဖေဖော်ဝါရီလ ၂၀ ရက်နေ့အထိ အသက်ဝင်နေမယ့် ခရီးသွား နှိုးဆော်ချက်ထဲမှာ ဖော်ပြထားပါတယ်။

ပြီးခဲ့တဲ့နှစ်တုန်းက ပြင်သစ်၊ ဂျာမနီ၊ ဘယ်လ်ဂျီယံနဲ့ တူရကီနိုင်ငံတွေမှာ အကြမ်းဖက်သမားတွေရဲ့ တိုက်ခိုက်မှုတွေ ရှိခဲ့ပါတယ်။ အမေရိကန်အစိုးရအနေနဲ့ နောက်ထပ် တိုက်ခိုက်မှုတွေ ဖြစ်လာနိုင်တဲ့ စိုးရိမ်မှု ဆက်လက် ရှိနေဆဲဖြစ်တယ်လို့ ပြောပါတယ်။

ဥရောပနိုင်ငံတခုကနေ တခုဆီ ခရီးသွားကြမယ့်သူတွေအနေနဲ့ ကိုယ်သွားမယ့်မြို့မှာရှိတဲ့ အမေရိကန်သံရုံး၊ ဒါမှမဟုတ် ကောင်စစ်ဝန်ရုံးတွေက နောက်ဆုံးထုတ်ပြန်တဲ့ လုံခြုံရေးသတိပေးချက်တွေကို ကြည့်ကြဖို့လည်း နိုင်ငံခြားရေးဌာနက တိုက်တွန်းထားပါတယ်။

ပြင်သစ်ပိုင်နက်ထဲမှာ အကြမ်းဖက်တိုက်ခိုက်ရန် အန္တရာယ်ဟာ ဘယ်တုန်းကမှနဲ့မတူအောင် မြင့်မားနေတယ်လို့ ပြင်သစ်ပြည်ထဲရေးဝန်ကြီး Bernard Cazeneuve က ပြောကြားခဲ့ပြီးနောက် အမေရိကန် နိုင်ငံခြားရေးဌာနက ခရီးသွားနှိုးဆော်ချက်ကို တနင်္လာနေ့က ထုတ်ပြန်ခဲ့တာဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com😃


၂၃-၁၁-၂၀၁၆

ဇင်ဘာပွေ နိုင်ငံမှာအမျိုးသားတစ်ဦးဟာ ပြည့်တန်ဆာအမျိုးသမီးနဲ့ ပျော်ပါးဘို့  ကြက်ဥပြုတ်နှစ်လုံးသာ ပေးလို့  စကားများ ရန်ဖြစ်ခဲ့ကြရင်း အမျိုးသမီး က ဘီယာပုလင်းနဲ့  ရိုက်ခဲ့ လို့ ခေါင်းကွဲသွားတယ်။

နိုင်ငံ့စီးပွားရေး ကျဆင်းပြီး ငွေကြေး ဖေါင်းပွမှူ အမြင့်ဆုံး ဇင်ဘာပွေ နိုင်ငံ မှာ ပြည့်တန်ဆာ ဦးရေဟာ မြို့ သုံးမြို့ မှာ တင် ငါးထောင်နီးပါး ရှိနေ ပါတယ်၊ ပြည့်တန်ဆာကို အချိန်ပိုင်းခေါ်ရင် အရင်ဈေးဇင်ဘာပွေသုံးဒေါ်လာငွေ (၄) ဒေါ် လာ ကနေ (၀.၈) ဒေါ်(ပေါင်မုန့် တ၀က်ဈေး) အထိ လျော့ ဈေးနဲ့  လိုက်နေရ တယ်လို့  ဆိုပါတယ်။


အမျိုးသားဟာ သူမှာပါလာတဲ့ ငွေကို ကြက်ဥပြုတ် နှစ်လုံးဝယ်လာခဲ့ပြီးမှ ပြည့်တံဆာနဲ့  တွေ့ ပြီး လက်ထဲမှာငွေမပါလို့  ကြက်ဥပြုတ် ကိုသာပေးခဲ့ပါ တယ်။

"ကျွန်တော် က ကြက်ဥပြုတ်ပေးလို့  စိတ်ဆိုးသွားတာပါ တကယ်ဆို မလိုက်ရင် ငြင်းလို့ ရတာဘဲဟာ.. သူ့ မရဲ့ ဈေးက ၀.၈ ဒေါ်လာလေ ကျွန်တော်ဝယ်လာတဲ့ ကြက်ဥပြုတ်နှစ်လုံးရဲ့  တန်ဘိုးက ၀.၂၅ ဇင်ဘာပွေဒေါ်လာတန်ဘိုးရှိပါတယ်"

ဘီယာပုလင်းနဲ့ အရိုက်ခံရလို့  ခေါင်းကွဲသွားခဲ့တဲ့ အမျိုးသားက ရဲစခန်းမှာပြောခဲ့တာပါ။

blacksportsonline
Social Action for Women - SAW


အမေရိကန်ရွေးကောက်ခံသမ္မတ Donald Trump
အမေရိကန်ရွေးကောက်ခံသမ္မတ Donald Trump
 အမေရိကန်ရွေးကောက်ခံသမ္မတ Donald Trump က သူ့ သမ္မတတာဝန် တရားဝင်စယူတဲ့ ပထမနေ့မှာပဲ ပစိဖိတ်ရပ်ဝန်းနိုင်ငံတွေကြား လွတ်လပ်စွာ ကုန်သွယ်ခွင့်သဘောတူစာချုပ် TPP ကနေ အမေရိကန်ပြည်ထောင်စု နုတ်ထွက်ကြောင်း တရားဝင် အကြောင်းကြားစာ ထုတ်ပြန်မယ်လို့ ပြောလိုက်ပါတယ်။

ဒါဟာ အမေရိကန်နိုင်ငံသာ ပထမ ဦးစားပေးဆိုတဲ့ သူ့ရဲ့ပြောဆိုချက်အပေါ်မှာ အခြေခံပြီး ဆောင်ရွက်မယ့် ကိစ္စရပ်တွေထဲက တခုဖြစ်ပါတယ်။

TPP သဘောတူစာချုပ်ဟာ အမေရိကန်ပြည်ထောင်စုအတွက် ကြမ္မာဆိုးတခု ဖြစ်လာနိုင်တယ်လို့ မစ္စတာ Trump က တနင်္လာနေ့ Youtube မှာတင်ထားတဲ့ဗွီဒီယိုဖိုင်တခုမှာ ပြောထားတာပါ။ TPP ကို လက်ခံမယ့်အစား အမေရိကန်မြေပေါ်ကို အလုပ်အကိုင်တွေနဲ့ စက်ရုံ လုပ်ငန်းတွေ ပြန်ပြီး ဆောင်ကြဉ်းပေးနိုင် မယ့် မျှတတဲ့ နှစ်နိုင်ငံချင်းအလိုက် ကုန်သွယ်ရေး သဘောတူစာချုပ်တွေ ရယူဖို့ကိုသာ စေ့စပ်ညှိနှိုင်းမယ်လို့ Trump က ပြောပါတယ်။ သူ့ရဲ့ ရွေးကောက်ပွဲ မဲဆွယ်လှုပ်ရှားမှု ကာလ တလျှောက်မှာလည်း Trump က အာရှ-ပစိဖိတ် နိုင်ငံ ၁၂ နိုင်ငံ သဘောတူလက်မှတ်ထိုးထားတဲ့ TPP ကို ဆန့်ကျင်သလို၊ ကနေဒါနဲ့ မက္ကဆီကိုနိင်ငံတွေပါတဲ့ မြောက်အမေရိကားနိုင်ငံများ လွတ်လပ်စွာ ကုန်သွယ်ခွင့်သဘောတူညီချက် NAFTA ကိုလည်း လက်မခံပါဘူး။

သူ့အနေနဲ့ စေ့စပ်ညှိနှိုင်းတာတွေ လုပ်ပြီး အမေရိကန်ပြည်ထောင်စုအတွက် အကျိုးရှိမယ့် သဘောတူညီချက်သစ်တွေ ရယူနိုင်အောင် လုပ်သွားမယ်လို့ Trump ကပြောပါတယ်။ အာရှပစိဖိတ်နိုင်ငံတွေ အားလုံးအတွက် သာယာဝပျောရေး၊ အလုပ်အကိုင်အခွင့်အလမ်းတွေ ရရှိရေးနဲ့ ရေရှည်တည်တံ့တဲ့ စီးပွားရေး ဖွံ့ဖြိုးတိုးတက်မှုတွေ ရရှိစေရေး ဆိုတဲ့ ရည်ရွယ်ချက်တွေနဲ့ TPP စာချုပ်ကို ဒီနှစ် ဖေဖော်ဝါရီလကပဲ သက်ဆိုင်ရာနိုင်ငံတွေက ၀န်ကြီးတွေ လက်မှတ်ရေးထိုးခဲ့ကြတာဖြစ်ပါတယ်။
VOA Burmese News


၂၀၁၆ ခုနှစ်၊ နိုဝင်ဘာလ ၂၂ ရက်။

ရှမ်းပြည်နယ် မြောက်ပိုင်း မူဆယ်မြို့ ၁၀၅ မိုင် ကုန်သွယ်ရေးဇုံအတွင်း ဖြစ်ပွားခဲ့သည့် တိုက်ပွဲများနှင့် စစ်ရေး ပဋိပက္ခများကြောင့် မြန်မာနိုင်ငံ၏ အဓိက ကုန်သွယ်ရေးလမ်းကြောင်းဖြစ်သည့် တရုတ်-မူဆယ်-မန္တလေး ကုန် သွယ်ရေး လမ်းကြောင်း ခေတ္တပိတ်ထားရပြီး ကုန်သွယ်မှုများ ရပ်ဆိုင်းထားရသည်ဟု သိရသည်။

တနိုင်ငံလုံး သွင်းကုန် ထုတ်ကုန်၏ ၇၅ ရာခိုင်နှုန်းခန့်သည် တရုတ်-မြန်မာကုန်သွယ်ရေး လမ်းကြောင်းမှ ဖြစ် သည့် အတွက် နိုင်ငံတော်အတွက် နေ့စဉ်ဝင်ငွေ ၈၀ ရာခိုင်နှုန်းခန့် နစ်နာနိုင်သည်ဟု မူဆယ်မြို့ရှိ မူဆယ်-နမ့်ခမ်း နယ်စပ်ကုန်သွယ်ရေး ကုန်သည်များအသင်းက ပြောသည်။

“ဒီမူဆယ် ကုန်သွယ်ရေးဇုံကြီးဟာ နိုင်ငံတော်ရဲ့ သွင်းကုန်ထုတ်ကုန် ပမာဏ တစ်နိုင်ငံလုံး အတိုင်းအတာရဲ့ ၈၀ ရာခိုင်နှုန်းကို ထွက်နေတဲ့ နယ်စပ်ပေါက်ဖြစ်ပါတယ်။ တိုက်ပွဲ ဖြစ်ပွားပြီးတဲ့ နောက်ပိုင်းမှာတော့ ကုန်သွယ်မှုက တော့ ရပ်တန့်သွားတယ်ပေါ့ တစ်ရက်လုံးနီးပါးပေါ့နော။ ကျနော်တို့ မနေ့က ဖြစ်လိုက်တဲ့ တစ်ရက် အတွက်တော့ နိုင်ငံတော် တစ်ရက်စာ အခွန်အခ ရရှိမှု မရှိခဲ့ဘူးပေါ့ ဒီလိုပဲသုံးသပ်ရပါတယ်။” ဟု မူဆယ်-နမ့်ခမ်း နယ်စပ်ကုန် သွယ်ရေး ကုန်သည်များအသင်း၏ အထွေထွေအတွင်းရေးမှူး ဦးထွန်းဦးက ပြောသည်။

နိုင်ငံတော်၏ နေ့စဉ်ဝင်ငွေ ၈၀ ရာခိုင်နှုန်းခန့်သည် တရုတ်-မူဆယ်-မန္တလေး ကုန်သွယ်ရေး လမ်းကြောင်းမှ ရရှိ နေခြင်းဖြစ်သည့်အတွက် ရေရှည် ဒီလမ်းကြောင်းမပိတ်အောင် နိုင်ငံတော်က စောင့်ရှောက်ပေးမည်ဟု ယုံကြည်ကြောင်း ဦးထွန်းဦးက ပြောသည်။

၁၀၅ မိုင် ကုန်သွယ်ရေးဇုံအတွင်း ဖြစ်ပွားခဲ့သည့် ပစ်ခတ်မှုများ၊ တိုက်ပွဲများနှင့် စစ်ရေးပဋိပက္ခများကြောင်း နိုဝင်ဘာလ ၂၀ ရက်နေ့မှ ယနေ့ နိုဝင်ဘာလ ၂၂ ရက်နေ့အထိ မူဆယ်-လားရှိုးပြည်ထောင်စု လမ်းမကြီး ပိတ်ထားရသည်။

မူဆယ်မြို့ရှိ ဂရုဏာ လူမှုကူညီရေးအသင်း၏ ဥက္ကဌလည်းဖြစ် ကုန်သည်တစ်ဦးလည်း ဖြစ်သည့် ဦးသောင်း ထွန်းက “ကျနော်တို့ ၁၀၅ မိုင် နယ်စပ်ကုန်သွယ်ရေးဇုံက မြန်မာပြည်ရဲ့ နယ်စပ်ကုန် သွယ်ရေးဝင်ငွေ ၇၅ ရာခိုင် နှုန်းရှိပါတယ်။ တအားကို အရေးကြီးပါတယ်ခင်ဗျား။ လက်ရှိ ကုန်သွယ်ရေးကတော့ ဘာမှမလုပ်နိုင်ပဲနဲ့ အကုန်ရပ် သွားပြီးတော့ ကားသမားတွေရော၊ အေးဂျင့်တွေရော၊ ကုမ္မဏီရော ရောင်းဝယ်ရေးတွေရော ပွဲရုံတွေရော အကုန် လုံး ထွက်ပြေးရပါတယ်။ ဘာမှ မလုပ်နိုင်ဘူး အကုန်ရပ်သွားပါတယ်။” ဟု ပြောသည်။

မြန်မာနိုင်ငံဘက်ခြမ်းမှ တင်ပို့နေရသည့် ပစ္စည်းများမှာ သစ်သီးဝလံများ၊ ဆန်၊ ပြောင်းတို့ဖြစ်ပြီး တရုတ်ဘက် ခြမ်းမှ ပို့ကုန်များမှာ စက်ယန္တယားများ ဖြစ်သည်ဟု သိရသည်။

“မြန်မာဖက်ကအများဆုံးတင်ပို့တဲ့ ပစ္စည်းတွေကတော့ ပဲ၊ ပြောင်း၊ နှမ်း၊ ဆန်၊သကြား၊ အဲဒါတွေကတော့ ကျနော် တို့ ဒီဖက်ကနေပြီးတော့ အများဆုံးတင်ပို့တဲ့ ပစ္စည်းတွေ ဖြစ်ပါတယ်။ တရုတ်ပြည်ဖက်ကတော့ ဆောက်လုပ်ရေး သုံးလုပ်ငန်းပစ္စည်းတွေ လျှပ်စစ်ပစ္စည်းပိုင်းဆိုင်ရာတွေ နောက် ကျနော်တို့ ယာဉ် ယန္တားယားအပိုပစ္စည်းတွေ နောက်ကျနော်တို့ မော်တော်ဆိုင်ကယ်တွေပေါ့ လျှပ်စစ်ပစ္စည်းအပိုပစ္စည်းတွေ အဲဒါတွေ အများဆုံး အပိုတင်သွင်း တာပါ။” ဟု မူဆယ်-နမ့်ခမ်း နယ်စပ်ကုန်သွယ်ရေး ကုန်သည်များအသင်း၏ အထွေထွေအတွင်းရေးမှူး ဦးထွန်းဦး က ဆက်ပြောသည်။

လက်ရှိ ရာသီတွင် မြန်မာနိုင်ငံမှ ထွက်သည့် သစ်သီးဝလံများ တရုတ်နိုင်ငံသို့ တင်ပို့သည့် ရာသီဖြစ်ပြီး ၁၀၅ မိုင် ကုန်သွယ်ရေးဂိတ်နှင့် မူဆယ်-လားရှိုး ပြည်ထောင်စုလမ်းမကြီးအား ဆက်လက် ပိတ်ထားမည်ဆိုပါက ကုန်သည်များ အရှုံးပေါ်နိုင်သည်ဟု ကုန်သည်များက ဆိုသည်။

“ကျနော်တို့ နေ့စဉ် ၁၀၅ မိုင် ကုန်သွယ်ရေးဇုံက ၀င်ငွေ သိန်းပေါင်းသောင်းဂဏာန်း ရှိပါတယ်။ တစ်ရက်ကို သိန်း ပေါင်းသောင်းဂဏာန်း နစ်နာတယ်လို့ပဲ ပြောလို့ရပါတယ်။ ဘာဖြစ်လို့လဲဆို ဒါတွေက ကြာရင်တော့ ပျက်ဆီးတဲ့ ကျနော်တို့ဖက်က ထုတ်တဲ့ပစ္စည်းက တော်တော်များများ ပျက်ဆီးမှုတွေ ဖြစ်ပါတယ်။ ဘာဖြစ်လို့လဲ ဆိုတော့ ကျနော်တို့ ဒီဖက်ကပို့တဲ့ ဖရဲသီးတွေ သခွားသီးတွေ ဆန်တွေ ဘာတွေက ကြာရင်တော့ ပြသာနာရှိတယ်။ တောင်သူလယ်သမားတွေလည်း တော်တော် ဒုက္ခရောက်ပါတယ်။ တတ်နိုင်သလောက် လမ်းကြောကို အမြဲတမ်း ဖွင့်နေစေချင်ပါတယ်။” ဟု ဦးသောင်းထွန်းက ပြောသည်။

မူဆယ်မြို့မှ ကုန်သည်များသည် နှစ်ဖက်လက်နက်ကိုင်တပ်ဖွဲ့များအား တိုက်ပွဲများ ရပ်တန့်ပေးစေလိုကြောင်း နှင့် ကုန်သွယ်ရေး လမ်းမကြီးအား အမြန်ဆုံး ပြန်လည်ဖွင့်လှစ်ပေးလိုကြောင်း ပြောသည်။

ယနေ့ နိုဝင်ဘာလ ၂၂ ရက်နေ့တွင် မူဆယ်မြို့မှ ထောင်နှင့်ချီသော ဒေသခံများ တရုတ်ဘက်ခြမ်း ကျယ်ဂေါင် မြို့သို့ ထွက်ပြေးတိမ်းရှောင်လာနေကြသည်။

သတင်းနှင့်မီဒီယာ ကွန်ရက်။
http://www.nmg-news.com



 ဒီဥပဒေကြမ်းကို ရှုံ့ချ ကန့်ကွက်မှုတွေ ပေါ်ပေါက်ခဲ့။
တူရကီ နိုင်ငံမှာ အသက်မပြည့်တဲ့ မိန်းကလေးတွေနဲ့ လိင်ဆက်ဆံတဲ့ အမျိုးသားတွေကို တချို့ အခြေအနေတွေမှာ အပြစ်ကနေ ကင်းလွတ်ခွင့် ပေးမယ့် ဥပဒေကြမ်းကို အစိုးရက အတည်မပြုတော့ဘဲ ပယ်ဖျက် လိုက်ပါတယ်။

အဲဒီ ဥပဒေကြမ်းကို ဒီကနေ့ အင်္ဂါနေ့မှာ မဲခွဲ အတည်ပြုဖို့ စီစဉ်ထားတာ ဖြစ်ပြီး တူရကီ အနှံ့ ကန့်ကွက် ဆန္ဒပြမှုတွေ ပေါ်ပေါက်ခဲ့သလို နိုင်ငံတကာကလည်း ရှုံ့ချခဲ့ကြတာပါ။

အဲဒီ ဥပဒေကြမ်းအရ အသက် မပြည့်ပေမယ့် လက်ထပ်ထားတဲ့ မိန်းကလေး ဆိုရင်တော့ လင်ယောက်ျားက လိင်ဆက်ဆံရင် အပြစ်ကနေ ကင်းလွတ်ခွင့် ပေးနိုင်တာ ဖြစ်ပါတယ်။

ဒီဥပဒေသာ အတည်ဖြစ်လာခဲ့ရင် အသက်မပြည့်သူ မိန်းကလေးတွေကို သူတို့သမီးအဖြစ် လက်ခံ ထိမ်းမြားတာတွေနဲ့ သက်ငယ် မုဒိမ်းမှုတွေကို အားပေးရာ ရောက်လိမ့်မယ် ဆိုပြီး ကန့်ကွက် ရှုံ့ချခဲ့ကြတာ ဖြစ်ပါတယ်။

ကုလ သမဂ္ဂ အေဂျင်စီ တွေကလည်း ဒီဥပဒေကို အတည်မပြုဖို့ အတွက် တူရကီ အစိုးရကို အစောပိုင်းက တောင်းဆို ခဲ့ပါတယ်။

တူရကီ နိုင်ငံမှာ အသက် ၁၈ နှစ် မပြည့်သူတွေ တရားဝင် ထိမ်းမြား လက်ထပ်ခွင့် မရှိပေမယ့် ဘာသာရေး ဆိုင်ရာ အခမ်းအနားတွေမှာ သက်ငယ် ထိမ်းမြားတာတွေ လုပ်လေ့ရှိတဲ့ အလေ့အကျင့်ကတော့ ကျယ်ကျယ်ပြန့်ပြန့် ရှိနေဆဲ ဖြစ်ပါတယ်။

BBC Burmese
http://www.bbc.com/burmese



ဆီးရီးယားက Raqqa မြို့ကို IS လက်ကပြန်ယူဖို့ ထိုးစစ်ဆင်
ဆီးရီးယားနိုင်ငံ Raqqa မြို့ကို IS စစ်သွေးကြွတွေ လက်ထဲကနေ ပြန်လည်သိမ်းယူဖို့အတွက် အမေရိကန်က ကူညီထောက်ပံ့ထားတဲ့ ကာ့ဒ်လူမျိုးစုတွေ အများစုပါဝင်တဲ့ ဆီးရီးယား ဒီိမိုကရက်တစ်တပ်ဖွဲ့ SDF သူပုန်တွေနဲ့ တူရကီ ကြောထောက်နောက်ခံပေးထားတဲ့ ဆီးရီးယားနိုင်ငံ မြောက်ပိုင်းက သူပုန်တွေကြား တိုက်ခိုက်မှုတွေ အရှိန်ပြင်းထန် လာနေပါတယ်။

ဂျီဟက် စစ်ပွဲ ဆင်နွှဲနေသူတွေ မြို့တော်အဖြစ် သုံးနေတဲ့ Raqqa မြို့ကို ပြန်လည် သိမ်းယူနိုင်ဖို့ ကာ့ဒ်သူပုန်တွေ ဦးဆောင်တဲ့ တပ်ဖွဲ့တွေကိုသုံးပြီး ထိုးစစ်ဆင်မှုကြီးတွေ အလုံးအရင်းနဲ့ စတင်ဖို့ အမေရိကန်အစိုးရက ကြိုးစားနေချိန်မှာ ဒီသူပုန်အဖွဲ့ နှစ်ခုကြားက တိုက်ပွဲတွေ ပြင်းထန်လာနေတာကြောင့် အခြေအနေကို ပိုပြီးတော့ ရှုပ်ထွေးလာနေပါတယ်။

ဒီအခြေအနေကြောင့် အမေရိကန်နဲ့ တူရကီ အစိုးရကြားမှာ ဆီးရီးယားအရေးနဲ့ ပတ်သက်ပြီး မထင်မှတ်တဲ့ ပဋိပက္ခတွေ ဖြစ်လာမှာကို အနောက်နိုင်ငံတွေက သံတမန်တွေနဲ့ သုံးသပ်သူတွေက စိုးရိမ်နေကြပါတယ်။ Euphrates မြစ်တလျှောက် တိုက်ပွဲတွေ စတင်ခဲ့တဲ့ နိုဝင်ဘာလ ၆ ရက်နေ့ကစလို့ IS စစ်သွေးကြွအဖွဲ့ ထိန်းချုပ်ထားတဲ့ ကျေးရွာ ၄၀ ကျော်ကို ကာ့ဒ်ဦးဆောင်တဲ့ တပ်ဖွဲ့တွေက ပြန်လည် သိမ်းယူခဲ့တာပါ။ Raqqa မြို့တွင်းကို မ၀င်ရောက်ခင် မြို့ရဲ့မြောက်ဘက် ကျေးရွာတွေမှာ ရှိတဲ့ IS အဖွဲ့တွေကို ချေမှုန်းနေတဲ့ ဒီစစ်ပွဲတွေမှာ SDF သူပုန်တွေကို အမေရိကန်က အဓိက ကြောထောက်နောက်ခံ ပေးနေတာပါ။

SDF တပ်ဖွဲ့တွေအနေနဲ့ Raqqa မြို့ကို ပြန်လည် သိမ်းယူနိုင်စွမ်း ရှိပါ့မလားလို့ သုံးသပ်သူတချို့က မေးခွန်းထုတ်နေကြပေမဲ့ အမေရိကန် ပင်တဂွန် စစ်ဌာနချုပ် ပြောခွင့်ရသူတွေကတော့ SDF အဖွဲ့ဟာ IS စစ်သွေးကြွတွေကို ထိထိရောက်ရောက် ချေမှုန်းနေတဲ့အဖွဲ့ ဖြစ်သလို၊ ဒီမြို့ကို ပြန်လည် သ်ိမ်းယူနိုင်စွမ်း ရှိတဲ့အဖွဲ့ဖြစ်တယ်လို့ ပြောဆိုထားပါတယ်။

ဗွီအိုအေ (မြန်မာပိုင်း)
http://burmese.voanews.com


ရွေးကောက်ပွဲအတွက် မဲဆွယ်စည်းရုံးရေး ကာလအတွင်း ရခိုင်ပြည်နယ်၊ တောင်ကုန်မြို့တွက် ဟောပြော စည်းရုံးနေ သည့် ဒေါ်အောင်ဆန်းစုကြည်။ အောက်တိုဘာ ၁၆၊ ၂၀၁၅
ရွေးကောက်ပွဲအတွက် မဲဆွယ်စည်းရုံးရေး ကာလအတွင်း ရခိုင်ပြည်နယ်၊ တောင်ကုန်မြို့တွက် ဟောပြော စည်းရုံးနေ သည့် ဒေါ်အောင်ဆန်းစုကြည်။ အောက်တိုဘာ ၁၆၊ ၂၀၁၅
လက်ရှိအစိုးရအဖွဲ့ထဲက သက်ဆိုင်ရာနယ်ပယ်မှာ ကျွမ်းကျင်တဲ့ ဒုဝန်ကြီးတဦးကို အရင် စစ်အစိုးရအဆက်ဆက် လုပ်ပုံအတိုင်း တာဝန်က ရပ်စဲလိုက်ပါတယ်။

ဒါဟာ လူအများ ငတ်မွတ် တောင့်တခဲ့တဲ့ တကယ့်အပြောင်းအလဲ ကို ဖော်ဆောင် သင့်တဲ့ နည်းလမ်းအမှန်ဖြစ်တယ်လို့ ယူဆပါသလား၊ “ပြောင်းလဲချိန် တန်ပြီ” ဆိုတဲ့ဆောင်ပုဒ်နဲ့ ၂၀၁၅ ခုနှစ် ရွေးကောက်ပွဲဝင်ပြီး အနိုင်ရခဲ့တဲ့ အမျိုးသား ဒီမုိုကရေစီ အဖွဲ့ချုပ် NLD ပါတီ ဦးဆောင်တဲ့ အစိုးရဟာ ဒီမိုကရေစီ အပြောင်းအလဲတွေကို တကယ်ပဲ နည်းမှန် လမ်းမှန်နဲ့ ဖော်ဆောင်နေတယ်လုို့ မြင်ကြပါသလားဆိုတာ ပင်တိုင်ဆွေးနွေးသူတွေဖြစ်တဲ့ ၁၉၉၀ ပြည့် ရွေးကောက်ပွဲအနိုင်ရ လွှတ်တော် ကိုယ်စားလှယ်တဦးဖြစ်ခဲ့သူ ဒေါက်တာတင့်ဆွေ၊ မြန်မာ့အရေး လေ့လာသုံးသပ်သူ ဒေါက်တာ ရန်မျိုးသိမ်းတို့နဲ့အတူ သောတရှင်တွေ ပါဝင် ဆွေးနွေးထားပါတယ်။
VOA Burmese News


ရှမ်းပြည်မြောက်ပိုင်းမှာ လက်တလော ဖြစ်ပွားနေတဲ့ တိုက်ပွဲတွေကြောင့် တရုတ်မြန်မာ နယ်စပ်ကုန်သွယ်ရေး ရပ်ဆိုင်းလုနီးပါးဖြစ်နေပါတယ်။ ဦးအောင်ကျော်ဇော သတင်းပေးပို့ထားပါတယ်။
DVB TV


ထွက်ပြေးလာတဲ့ ဒေသခံများ
ထွက်ပြေးလာတဲ့ ဒေသခံများ

မကြာသေးခင်တုန်းက အကြမ်းဖက် တိုက်ခိုက်မှုတွေ ဖြစ်ပွားခဲ့တဲ့ ရခိုင်ပြည်နယ် မောင်တော ဒေသတွင်းမှာ ထွက်ပြေးတိမ်းရှောင်သူ တထောင်ကျော် တွေ့ရှိခဲ့တဲ့အတွက် အကူအညီပေးအပ်ထားတယ်လို့ မြန်မာအစိုးရက ပြောပါတယ်။ တချိန်တည်းမှာပဲ တဘက်ဘင်္ဂလားဒေ့ရ်ှနိုင်ငံကို ထွက်ပြေးသူတွေလည်း ရာနဲ့ချီ ရှိနေတယ်လို့ သတင်းတွေ ထွက်ပေါ်နေတာပါ။ အပြည့်အစုံကိုတော့ ဗွီအိုအေ မြန်မာပိုင်း သတင်းထောက် ကိုထက်အောင်က တင်ပြပေးမှာပါ။
အောက်တိုဘာလ အစောပိုင်းက ဖြစ်ပျက်ခဲ့တဲ့ ပဋိပက္ခတွေကြောင့် ရခိုင်ပြည်နယ် မောင်တော ဒေသတွင်းက မူဆလင်တွေဟာ အိမ်နီးချင်း ဘင်္ဂလားဒေ့ နိုင်ငံတွင်းကို ထွက်ပြေးတိမ်းရှောင်နေတယ်လို့ သတင်းတွေ ထွက်ပေါ်နေချိန်မှာပဲ မောင်တောဒေသတွင်းမှာပဲ ရှောင်တိမ်းနေသူ အများအပြားကို တွေ့ရှိခဲ့ရတာပါ။ အဘူဂျားရား ကျေးရွာအနီးမှာတင် လူတစ်ထောင်ကျော် တွေ့ရှိခဲ့ရတယ်လို့လည်း သမ္မတရုံး ညွှန်ကြားရေးမှူး ဦးဇော်ဌေးက ပြောပါတယ်။

“အကြမ်းဖက်တိုက်ခိုက်ခံရမှုတွေ ၊ရဲစခန်းတွေကို အကြမ်းဖက်တိုက်ခိုက်မှုတွေဖြစ်ပြီးတဲ့နောက်မှာ ဘယ်ရွာတွေက ဓါးကြီးစားကျေးရွာနဲ့ မျောတောင် ကနေပြီးတော့ထွက်ပြေးတိမ်းရှောင်လာတဲ့ လူတွေအားလုံးပေါင်း ၁၂၁၃ ဦးရှိပါတယ်။ ကျနော်တို့ သူတို့ကိုတွေ့တဲ့အခါမှာ ဘယ်သူတွေ၊ ဘယ်ရွာကလည်း ဒါမှမဟုတ် ဟိုဘက် နိုင်ငံကလာတာလား ၊ မူလအတိုင်းမောင်တောခရိုင်ထဲက ရွာတွေမှာ နေသလား စီစစ်တယ်။ အထူးသဖြင့်အမားဆုံးပါတာကတော့ အမျိုးသမီးနဲ့ ကလေးသူငယ်တွေ ပါနေတယ်။”

ဒီရက်ပိုင်းအတွင်းမှာပဲ ရာနဲ့ချီတဲ့သူတွေ မြန်မာနိုင်ငံဘက်ကနေ ဘင်္ဂလားဒေ့ရ်ှနိုင်ငံဘက်ကို ထွက်ပြေးလာတာတွေ ရှိခဲ့ပေမဲ့ ဘင်္ဂလားဒေ့ နယ်ခြားစောင့်တပ်တွေက လက်မခံခဲ့ဘူးလို့ ဘင်္ဂလားဒေ့ သတင်းတွေမှာ ဖော်ပြခဲ့ပေမယ့် မြန်မာအစိုးရကတော့ နှစ်နိုင်ငံ နယ်ခြား စောင့်တပ်အချင်းချင်း မေးမြန်းရာမှာ အဲဒီ့လို ကိစ္စမျိုးတွေ မရှိဖူးလို့ ဆိုပါတယ်။

မြန်မာ စစ်တပ်ရဲ့ စစ်ဆင်ရေးတွေကြောင့် တစ်ဖက်နိုင်ငံကို ထွက်ပြေးပုန်းရှောင်ဖို့ ကြိုးစားကြတဲ့ သူတွေကို လုံခြုံရေး အာဏာပိုင်တွေက သတ်ဖြတ်တာတွေ၊ နေအိမ်အဆောက်အအုံတွေကို မီးရှိုးဖြတ်စီးတာတွေ ရှိတယ်လို့ စွပ်စွဲချက်တွေ ရှိနေပေမဲ့လည်း အစိုးရဖက်ကတော့ ဒါကို ငြင်းဆန်ထားပါတယ်။ ရခိုင်ပြည်နယ်အစိုးရ အနေနဲ့ ဒီကနေ့ တွေ့ရှိခဲ့တဲ့ သူတွေကို လိုအပ်တဲ့ အကူအညီတွေ ထောက်ပံ့ပေးနေပြီး သက်ဆိုင်ရာ ကျေးရွာအသီးသီး ပြန်နိုင်အောင် ဆောင်ရွက်ပေးနေတယ်လို့ ဦးဇော်ဌေးက ပြောပါတယ်။

“အဲဒီနားမှာရှိတဲ့ ရွာထဲမှာလည်း သူတို့လူအုပ်ကြီးနဲ့ နေလို့မရဘူး ။ နေလို့မရတော့ ရွာနားမှာရှိတဲ့ လယ်ကွင်းတွေထဲမှာ ယာယီတဲတွေနဲ့ ထိုးပြီးတော့ နေတယ်လို့ ကျနော်တို့ တွေ့ရတယ်။ တွေ့ရတော့ ရခိုင်ပြည်နယ်အစိုးရကနေပြီးတော့ တာဝန်ရှိသူတွေကတော့ ဒီစားနပ်ရိက္ခာတွေ အရေးပေါ်လိုအပ်တဲ့ဟာတွေကို ကျနော်တို့ သွားပြီးတော့ ပေးပါတယ်။ ပေးပြီးတော့ လူပေါင်း ၁၂၁၃ ဦးကို သူတို့မူလကျေးရွာတွေဖြစ်တဲ့၊ မျောတောင် ဒါးကြီးစား ဒီရွာတွေကို ပြန်ပြီးတော့ နေထိုင်ဖို့ ကျနော်တို့က ပို့ဆောင်ပေးဖို့ ရခိုင်အစိုးရနဲ့ နယ်ခြားစောင့်တပ်တွေ ပေါင်းပြီးဆောင်ရွက်နေပါတယ် လက်ရှိနောက်ဆုံးအခြေအနေ။”

ဘင်္ဂလားဒေ့ နိုင်ငံတွင်းက ကုလသမဂ္ဂ ဒုက္ခသည် စခန်းတွေမှာ တနင်္လာနေ့ တစ်ရက်တည်းမှာပဲမြန်မာပြည်ကနေ ထွက်ပြေးတိမ်းရှောင်လာတဲ့ ဒုက္ခသည်ပေါင်း ၅၀၀ ကျော် ရှိနေပြီလို့ တစ်ချို့ လူသားချင်း စာနာထောက်ထားရေး ကူညီထောက်ပံပေးနေတဲ့ အဖွဲ့တွေက ပြောဆိုကြတဲ့အကြောင်း Reuters သတင်းမှာ ဖော်ပြထားပါတယ်။

အောက်တိုဘာလ ၉ ရက်နေ့က မောင်တောဒေသမှာရှိတဲ့ နယ်ခြားစောင့် စခန်းတွေကို အကြမ်းဖက် ၀င်ရောက်စီးနင်း တိုက်ခိုက်ခဲ့ရာကနေ အစပြုခဲ့တဲ့ ပဋိပက္ခတွေဟာ လက်ရှိဆိုရင် တစ်လကျော် ကြာမြင့်လာနေပြီဖြစ်ပေမယ့် တည်ငြိမ်အေးချမ်းတဲ့ အခြေအနေတော့ လက်ရှိအချိန်ထိ မရှိသေးပါဘူး။လက်ရှိအချိန်ထိ အကြမ်းဖက် ဖြစ်စဉ်မှာ ပါဝင်တဲ့သူလို့ သံသယရှိတဲ့လူ ၄၀၀ ကျော်ကို အစိုးရဖက်က ဖမ်းဆီးထားပါတယ်။ မောင်တောဒေသက ကျေးရွာ ၅ ရွာမှာ ပြီးခဲ့တဲ့ တစ်ပတ်အတွင်းမှာပဲ အဆောက်အဆုံပေါင်း ၈၀၀ ကျော် ကို မီးရှို့ဖျူက်စီးခံခဲ့ရတယ်လို့ဂြိုလ်တု ဓာတ်ပုံတွေကို ကိုးကားပြီး လူ့အခွင့်အရေး စောင့်ကြည့်လေ့လာရေး အဖွဲ့ HRW အဖွဲ့က မနေ့က သတင်းထုတ်ပြန်ထားပါတယ်။ မောင်တောခရိုင်ထဲမှာ လုံခြုံရေးဟာ စိုးရိမ်စရာရတဲ့ အခြေအနေမို့ စစ်ဆင်ရေးနယ်မြေအဖြစ်သတ်မှတ်ပြီး လုံခြုံရေး အထူးတင်းကြပ်ထားတယ်လို့ ရခိုင်ပြည်နယ်ကို သွားရောက်လေ့လာခဲ့တဲ့ ရခိုင်ပြည်နယ်အကြံပေးကော်မရှင် အဖွဲ့ဝင်တွေကပြောဆိုထားပါတယ်။
VOA Burmese News


ကောလာဟလများ ဖြန့်ဝေမှုနှင့် ယမန်နေ့ ညက ပစ်ခတ်သံအချို့ ဆက်လက် ကြားရမှုကြောင့် မူဆယ်ဒေသခံအချို့မှာ တရုတ်နိုင်ငံ ဘက်ခြမ်းရှိ ကြယ်ဂေါင်သို့ သွားရောက်ကြသဖြင့် ကြယ်ဂေါင်တွင် မြန်မာ ဘက်မှ နေရပ်စွန့်ခွာလာသူ ၅၀၀၀ ခန့်ရှိလာကြောင်း ဒေသခံများထံမှ သိရသည်။

“ဒီနေ့က ထပ်များလာတယ်။ တစ်နေ့ကနဲ့ ဒီနေ့အထိ စုစုပေါင်း ၅၀၀၀ လောက်ရှိမယ်။ ကောလာဟလတွေ ထွက်တယ်။ တချို့က ဆိုင်ကယ်တွေနဲ့ လိုက်အော်နေတာ့လေ” ဟု ကြယ်ဂေါင်တွင် ဆိုင်ဖွင့်လှစ်နေသူ မြန်မာပြည်ဖွား တစ်ဦးက နိုဝင်ဘာလ ၂၂ ရက်နေ့ ညနေပိုင်းတွင် ပြောသည်။

ကြယ်ဂေါင်ဘက်သို့ ထွက်ပြေးလာသူများအား မနောကွင်းတွင် နေရာချ ထားပေးသည်ဟု သိရသည်။

တရုတ်-မြန်မာ နယ်စပ် မူဆယ် ခရိုင်အတွင်း တိုက်ပွဲများကြောင့် တရုတ်နယ်ထဲသို့ ထွက်ပြေးလာသူများအား တရုတ်ဘက်မှ လူသားချင်းစာနာမှု အကူညီများ ပေးအပ်လျက်ရှိသည်ဟု တရုတ် အစိုးရမှ ကြေညာချက် ထုတ်ပြန်ထားသည်။

“ဒီမှာကတော့ ဒီကနေ့ ညနေပိုင်း ၅ နာရီလောက်အထိ တည်တည်ငြိမ်ငြိမ် ပဲ။ ဒါပေမဲ့ နေ့လယ်က တချို့က ဆိုင်ကယ်တွေနဲ့ ပတ်ပြီး နေရပ်စွန့်ကြ ဖို့ လျှောက်လိုက်ပြောတော့ တချို့ကလည်း ကြောက်ပြီး ကြယ်ဂေါင်ဘက် သွားကြတယ်။ ကျွန်တော်ကတော့ မူဆယ်မှာပဲ။ ဆိုင်တွေ အိမ်တွေကတော့ များသောအားဖြင့် ပိတ်ထားကြတယ်” ဟု မူဆယ်ဒေသခံ ပြည်နယ် လွှတ်တော် ကိုယ်စားလှယ်ဖြစ်သည့် ဦးစိုင်းကျော်သိန်းက နိုင်ဝင်ဘာလ ၂၂ ရက်နေ့ ညနေ ၅ နာရီ အချိန်တွင် ပြောသည်။

မူဆယ်တွင် ပုဒ်မ ၁၄၄ ထုတ်ပြန်ထားခြင်း မရှိသော်လည်း လူ အများ ကြောက်ရွှံ့နေမှုကြောင့် မြို့အတွင်း လုံခြုံရေးကို ရဲ ၊ ပြည်သူ့စစ် စသည့် အဖွဲ့များက တာဝန်ယူနေသည်ဟု သိရသည်။

မုံးကိုး ၊ ပန်ဆိုင်း စသည့် ဒေသများမှ ဒေသခံများမှာ တိုက်ပွဲများ စတင်ဖြစ်ပွားခဲ့သည့်နေ့မှစ၍ တရုတ်နိုင်ငံ ၀မ်တိန်ဘက်သို့ နေရပ်စွန့်ခွာ ထွက်ပြေးမှုများရှိခဲ့ပြီး ၀မ်တိန်တွင် စစ်ဘေးရှောင် ၂၈၀၀ ရောက်ရှိနေ သည်ဟု ၀မ်တိန်ရောက် ကချင်တိုင်းရင်းသား တစ်ဦးက The Ladies News သို့ ပြောသည်။

Photo - သျှမ်းသံတော်ဆင့် (စစ်ဘေးရှောင်တချို့အား တွေ့ရစဉ်)
The Ladies News


တရုတ်နယ်စပ်နှင့် ထိစပ်နေသော မြန်မာနိုင်ငံ မြောက်ပိုင်းကျေးရွာများတွင် တိုက်ပွဲဖြစ်ပွားမှုကြောင့် တရုတ်ဘက်ကိုကျော်ပြီး အမြောက်ကျည်ဆန် ကျမှန်ခဲ့သည့်အတွက် တရုတ်နယ်စပ်မြို့ရှိ လူနှစ်ဦး ဒဏ်ရာရခဲ့သည်ဟု တရုတ်အစိုးရ သတင်းဌာန CCTV မှ ဖော်ပြခဲ့သည်။

ထို့ကြောင့် တရုတ်ကာကွယ်ရေး ဝန်ကြီးဌာနက တပ်လှန့်သတိပေးချက်ကို အမြင့်ဆုံး အနေအထားသို့ ထားလိုက်ပြီး လုံခြုံရေးအတွက် လိုအပ်သော လုံခြုံရေး ဆောင်ရွက်မှုများ လုပ်သွားမည်ဟု ဆိုသည်။

တရုတ် နိုင်ငံခြားရေးဝန်ကြီးဌာနမှ ပြောခွင့်ရပုဂ္ဂိုလ် ဂျန်ရွန်က တရုတ်အစိုးရအနေဖြင့် ယခုတိုက်ပွဲကို စိုးရိမ်ပူပန်နေပြီး သက်ဆိုင်ရာ စစ်တပ်များကို ယင်းတို့၏ စစ်ရေးတိုက်ခိုက်မှုများအား ရပ်တန့်ရန် သတိပေးခဲ့သည်။

မြန်မာနိုင်ငံမှ တရုတ်သံရုံး၏ ထုတ်ပြန်ချက်အရ မြန်မာနိုင်ငံဘက်မှ လူအချို့သည် တိုက်ပွဲကို ရှောင်ရန်အတွက် တရုတ်နယ်မြေထဲသို့ ပြေးဝင် လာသည်ဟု ဆိုသည်။ လူသားချင်း စာနာထောက်ထားမှုအရ ဒေသခံ တရုတ်အစိုးရက နယ်စပ်ဖြတ်ကျော်လာသူများကို လက်ခံပြီး ဒဏ်ရာရ သူများကို ဆေးကုသရန် ဆေးရုံသို့ ပို့ပေးခဲ့သည်ဟု သိရသည်။

ယူနန်ပြည်နယ်၊ ဝမ်တိန်မှ အာဏာပိုင်များသည် အရေးပေါ်တုံ့ပြန်မှုများကို လုပ်ဆောင်နေပြီး နယ်စပ်တွင် လက်နက်ကိုင် ရဲတပ်ဖွဲ့ များကို ပိုမို တိုးချထားခဲ့သည်။

တိုက်ပွဲမှ အမြောက်ကျည်ဆန် အစအနများသည် တရုတ်ဘက်သို့ ကျခဲ့ပြီး အမြောက်ကျည်ဆန် များသည် သူ့အိမ်ခေါင်မိုး ဆိုလာ အပူပေးစက် က ရေစည်ကို ထိမှန်သည်ခဲ့သည်ဟု တရုတ်ရွာသား တစ်ဦး က ပြောကြားကြောင်း တရုတ်သတင်းဌာန CCTV က သတင်း ထုတ်ပြန်ခဲ့သည်။

လင်းလင်း
The Ladies News


နိုင်ငံတော်၏ အတိုင်ပင်ခံပုဂ္ဂိုလ်ဒေါ်အောင်ဆန်းစုကြည် စင်ကာပူနိုင်ငံသို့ ဒီဇင်ဘာ ၁ ရက် ကြာသပတေးနေ့ ည ၈ နာရီတွင် စင်ကာပူရောက် မြန်မာလူထုနှင့် တွေ့ဆုံသွားမည်ဖြစ်ပြီး အဆိုပါပွဲသို့ တက်ရောက်လိုသူများအနေဖြင့် တဦးလျှင် စင်ကာပူဒေါ်လာ ၁၅ ဒေါ်လာဖြင့် လက်မှတ်ဝယ်ယူရမည်ဖြစ်ကြောင်း စင်ကာပူရှိ မြန်မာကလပ်(Myanmar Club)က ထုတ်ပြန်ထားသည်။

“၂၀၁၆ ဒီဇင်ဘာ ၁ ရက် ကြာသပတေးနေ့ ည ၈ နာရီ (Mega Box, Convention Centre (Big Box) တွင် ကျင်းပပြုလုပ်မည့် ပြည်ထောင်စုသမ္မတမြန်မာနိုင်ငံ နိုင်ငံတော်၏ အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်နှင့် စင်ကာပူရောက် မြန်မာလူထုတွေ့ဆုံပွဲသို့ တက်ရောက် မည့်သူများ မှတ်ပုံတင်ကြေး (စင်ကာပူ ၁၅ ဒေါ်လာ) ဖြင့် နံနက် ၈ နာရီမှ စ၍ http;//www.megaboxtickets.com/events/Link တွင် စတင်လက်ခံနေပြီဖြစ်ကြောင်း အသိပေးကြေညာအပ်သည်ဟု အသိပေးကြေညာအပ်သည်” စင်ကာပူမြန်မာကလပ်က ထုတ်ပြန်ထားသည်။ လူကိုယ်တိုင် စာရင်းပေးသွင်းလိုသူများအတွက် big box ပထမထပ်ရှိ Reception Counter ၌ စာရင်းသွင်းနိုင်သည်ဟု ကြေညာထားသည်။

ယင်းကဲ့သို့ စာရင်းပေးသွင်းရာ၌ နိုင်ငံတော်အတိုင်ပင်ခံ၏ လုံခြုံရေးအတွက် ကွန်ပျူတာမှ အလိုအလျောက် သတ်မှတ်ပေးသော ခုံနံပါတ်စနစ်ဖြင့် မှတ်ပုံတင်ပေးမည်ဖြစ်ပြီး မည်သူမျှ ခုံနံပါတ်ရွေးချယ်စာရင်းပေးသွင်းခြင်းပြုလုပ်၍မရဟု ကြေညာထားသည်။ မီဒီယာဝင်ခွင့်လျှောက်ထားလိုသော မီဒီယာဆိုင်ရာ မှတ်ပုံတင် ပြုလုပ်ထားပြီးကြောင်း အထောက်အထားကို အီးမေးလ်/ပြန်စာကိုယ်စားပြု မီဒီယာအချက်အလက်များအတွက် myatmartun@myanmar clubsg.org သို့ အီးမေးလ်ဖြင့် လျှောက်ထားရမည်ဟု ကြေညာထားသည်။ အဆိုပါ Mega Box, Convention Centre သည် စတုရန်းပေ ၇ သောင်းကျော် ကျယ်ဝန်းပြီး စင်္ကာပူနိုင်ငံ၏အကြီးမားဆုံးသောခန်းမတခုဖြစ်ကြောင်း သိရသည်။
News Watch(စောင့်ကြည့်သတင်းဂျာနယ်)