11/24/16


အင်ဒိုနီးရှား နိုင်ငံ ဂျာကာတာက မြန်မာသံရုံးရှေ့ ဆန္ဒပြပွဲ။ (နိုဝင်ဘာ ၂၄၊ ၂၀၁၆)
ရခိုင်ပြည်နယ် မောင်တောမြို့နယ် အတွင်း အကြမ်းဖက် တိုက်ခိုက်မှုတွေ နောက်ပိုင်း အစိုးရရဲ့ ကိုင်တွယ်ပုံ အပေါ်မှာ ဒေသတွင်း မူဆလင် နိုင်ငံတွေရဲ့ ကန့်ကွက်မှုတချို့ ရှိနေပါတယ်။ ဒီကနေ့မှာတော့ အင်ဒိုနီးရှားနိုင်ငံ မြန်မာသံရုံးရှေ့မှာ ဒါဇင်နဲ့ချီတဲ့ ဆန္ဒပြသူတွေ ရခိုင်အရေးနဲ့ ပတ်သက်ပြီး ဆန္ဒပြခဲ့ကြပါတယ်။ မလေးရှား အားကစား ၀န်ကြီးကလည်း ရခိုင်အရေးကို အကြောင်းပြပြီး ဆူဇူကီး ဖလား ဘောလုံးပွဲကနေ မလေးရှား အသင်း နုတ်ထွက်ဖို့ ကြိုးပမ်းမယ်လို့ မနေ့က သတင်းစာ ရှင်းလင်း ပြောဆို ခဲ့တာပါ။ အိမ်ရှင် အဖြစ် လက်ခံကျင်းပနေတဲ့ မြန်မာနိုင်ငံ ဘောလုံး အသင်းချုပ် ကတော့ အားကစားနဲ့ နိုင်ငံရေး မရောယှက်ဘူးလို့ ခိုင်ခိုင်မာမာ ပြောဆိုပြီး လာမယ့် စနေနေ့ မြန်မာ အသင်းနဲ့ မလေးရှား အသင်းတို့ အကြိတ်အနယ် ယှဉ်ပြိုင်ကြမယ်လို့ ပြောဆိုလိုက်ပါတယ်။ မသိင်္ဂီထိုက် စုစည်းတင်ပြမှာပါ။

ရခိုင်ပြည်နယ်တွင်းက မူဆလင် အများစု နေထိုင်ရာ မောင်တော ဒေသတွင်း လုံခြုံရေး စခန်းတွေ အကြမ်းဖက် တိုက်ခိုက်ခံရပြီးနောက် မြန်မာ့ တပ်မတော်နဲ့ ရဲတပ်ဖွဲ့တို့ ပူးပေါင်းပြီး လုံခြုံရေး ဆိုင်ရာ ဆောင်ရွက်ချက်တွေ အပေါ် ဒေသတွင်း မူဆလင် နိုင်ငံတွေရဲ့ ကန့်ကွက်မှုတွေ ရှိနေတာပါ။ ဒီကနေ့မှာတော့ အင်ဒိုနီးရှား နိုင်ငံ ဂျာကာတာက မြန်မာသံရုံးရှေ့မှာ ဒီကိစ္စနဲ့ ပတ်သက်ပြီး မကျေနပ်ကြသူတွေက နှစ်ကြိမ်တိုင်တိုင် ဆန္ဒပြခဲ့ကြပါတယ်။

အင်ဒိုနီးရှားနိုင်ငံ မြန်မာ သံရုံး ပထမ အတွင်းဝန် ဒေါ်ဝင်းဝင်းခိုင်ထွန်းက ဆန္ဒပြပွဲ အခြေအနေနဲ့ လုံခြုံရေး အခြေအနေကို ဗွီအိုအေကို အခုလို ပြောပါတယ်။

" Save ရိုဟင်ဂျာလို့ ပြောပြီး ပိုစတာတွေ သူတို့ထောင်ထားတယ်။ ထောင် ထားပြီးတော့ သူတို့ဘာသာစကားနဲ့ အချင်းချင်းပြော ပြီးတဲ့အခါကျတော့ စာတမ်းဖတ်၊ ပြီးတော့ ပန်းခွေတွေ သံရုံးရှေ့တံခါးမှာ ချ။ ချပြီးတော့ သူတို့က ရခိုင်ပြည်နယ်မှာဖြစ်နေတဲ့ ကိစ္စတွေကို အမြန်ဆုံးရပ်တန့်ဖို့အတွက် ဆန္ဒပြတယ် ဆိုပြီး ပြောတာပေါ့နော်။ ပြီးတဲ့အခါကျတော့ သူတို့ရဲ့ Statement Letter ပေါ့ အဲ့တာမျိုး မလုပ်ဖို့ ရပ်တန့်ဖို့ပေါ့။ Statement Letter ပေးတော့ သံရုံးက တယောက်ကနေပြီးတော့ သွားယူလိုက်တယ်။ ယူပြီးတော့ အခါကျတော့ ပြီးသွားရောပေါ့။ မနက်ကကျတော့ ၁၀နာရီလောက်မှာ ပြီးသွားပြီး ၁၀နာရီ ၂၀ လောက်မှာ ပြန်သွားရော။ လူကတော့ ၅၀ လောက်ရှိတာပေါ့နော်။

နောက်နေ့လည်ကျတော့ ၂၂ယောက်။ ရပ်ကွက်လုံခြုံရေးရဲရယ် နောက် သံတမန်လုံခြုံရေးရဲရယ် နောက် အဓိကရုဏ်းနှိမ်နှင်းရေးရဲရယ် စုစုပေါင်း ၃၃၅ ယောက် နောက် အဓိကရုဏ်းနှိမ်နှင်းတဲ့ရဲကားတစီး ဒီမှာ စောင့်ပေးတယ်။ နိုင်ငံခြားရေးဝန်ကြီးဌာနက လုံခြုံရေးသတိပြုဖို့ပဲ မှာကြားထားပါတယ်။ ရုံးပိတ်ဖို့တွေ ဘာတွေတော့ မမှာထားဘူး။"

အင်ဒိုနီးရှား နိုင်ငံဘက်က လုံခြုံရေးကို တင်းတင်းကြပ်ကြပ် ဆောင်ရွက်ပေးထားပြီး ဆန္ဒပြသူတွေလည်း ငြိမ်းငြိမ်းချမ်းချမ်း ရှိခဲ့တယ် လို့လည်း မြန်မာသံရုံး က ပြောပါတယ်။

မနေ့တုန်းကတော့ မလေးရှား အားကစားဝန်ကြီးက ရခိုင်ပြည်နယ်တွင်း ပဋိပက္ခတွေကို ရည်ညွှန်းပြီး လက်ရှိ မြန်မာအသင်း ပါဝင်ယှဉ်ပြိုင်နေတဲ့ ဆူဇူကီး ဖလား အာဆီယံ ဘောလုံးအဖွဲ့ချုပ် ပြိုင်ပွဲ ကနေ မလေးရှား အသင်းကို နုတ်ထွက်ဖို့ ကြိုးစားနေတယ်၊ အစိုးရကို တင်ပြသွားမယ်လို့ သတင်းစာ ရှင်းလင်းပွဲမှာ ပြောဆိုခဲ့တာပါ။

အိမ်ရှင် အဖြစ် လက်ခံ ကျင်းပနေတဲ့ မြန်မာနိုင်ငံ ဘောလုံးအဖွဲ့ချုပ်ကတော့ မလေးရှား ဘောလုံးအဖွဲ့ချုပ် ဘက်က ဒီကိစ္စကို တလုံးတပါဒမှ မပြောသလို ပွဲစဉ်တွေ အပြောင်းအလဲလည်း မရှိဘူးလို့ ဗွီအိုအေကို ပြောပါတယ်။ အားကစားမှာ နိုင်ငံရေး မရောယှက်ဘူးလို့ မြန်မာနိုင်ငံ ဘောလုံးအဖွဲ့ချုပ်ရဲ့ အမှုဆောင် အရာရှိချုပ် ဦးစိုးမိုးကျော်ကတော့ အခုလို ပြောပါတယ်။

" တကယ်တမ်းပြောရရင် သူများတွေ Presser ပေးလည်း မလေးရှား လက်ရွေးစင် အသင်းက ပြိုင်ပွဲက နှုတ်ထွက်မှာ မဟုတ်ဘူး။ ပြိုင်ပွဲက နှုတ်ထွက်ရင် သူတို့အတွက် အများကြီး ဒဏ်ကြေးတွေလည်း ထိမယ်။ နိုင်ငံတကာလည်း အပိတ်ခံရမယ်။ နောက်တခုက ကျနော်တို့ ကမ္ဘာ့ဘောလုံးအဖွဲ့ချုပ်က အစိုးရနဲ့ပဲဖြစ်ဖြစ် တခြားပဲဖြစ်ဖြစ် နှီးနွယ်ပတ်သက်တဲ့ဟာတွေဆို ပြင်းပြင်းထန်ထန် အရေးယူတယ်။ ပြီးခဲ့တုန်းကလည်း အင်ဒိုနီးရှား နှစ်နှစ် Ban ခံထားရတယ်။ နောက် ဆော်ဒီအာရေဗျလည်း Ban ခံထားရတယ်။ သူတို့ အဖြစ်ခံမှာမဟုတ်ပါဘူး။"

မြန်မာနဲ့ မလေးရှားတို့ နိုဝင်ဘာလ ၂၆ ရက် စနေနေ့မှာ ကစားရမယ့်ပွဲ ကတော့ နှစ်သင်းစလုံးအတွက် အရေးပါတဲ့ အဆုံးအဖြတ်ပွဲပါ။ ဘောလုံးပွဲနဲ့ ပတ်သက်လာရင် အတော်လေး အလွဲအမှား မခံတဲ့ မြန်မာ ဘောလုံးပွဲကြည့် ပရိသတ် အခြေအနေကိုလည်း မြန်မာနိုင်ငံ ဘောလုံး အဖွဲ့ချုပ်ရဲ့ အမှုဆောင် အရာရှိချုပ် ဦးစိုးမိုးကျော်က အခုလို ပြောပါတယ်။

" ပရိတ်သတ်က အရမ်းကောင်းတယ်။ ဟိုးတုန်းက ပရိတ်သတ်တွေနဲ့ မတူတော့ဘူး။ ကျနော်တို့ ဒီမှာ Fan Group တွေရော၊ ပညာပေးအစီအစဉ်တွေရော စည်းရုံးတဲ့ အစီအစဉ်တွေရော သူတို့ကို အများကြီး လှုံ့ဆော်နေတာပဲ။ ဆိုတော့ ပရိတ်သတ်က အရမ်းကြီးယဉ်ကျေးသွားပြီ။ ပရိတ်သတ်က ဘာမှ ပြသနာ တစုံတရာမရှိဘူး။ ဗီယက်နမ်ကို ကျနော်တို့ ရှုံးတုန်းကတောင်မှ ဘာမှမဖြစ်ဘူး။ ၂း၁ နဲ့ ရှုံးတုန်းက။ ဘာမှမဖြစ်ဘူးဆိုတော့ ပရိတ်သတ်က အခြေအနေကောင်းပါတယ်။ မြန်မာအသင်းကို ဒီလို တခဲနက်အားပေးကြတာလေ။

စနေနေ့မှာ ကစားကြမယ့် မြန်မာနဲ့ မလေးရှား အသင်းတို့ပွဲမှာတော့ မြန်မာ အသင်းအနေနဲ့ သရေ ကစားနိုင်ရင်တောင်မှ ဆီမီးဖိုင်နယ်အဆင့် တက်ရမှာဖြစ်ပေမယ့် ဦးစိုးမိုးကျော်ကတော့ ပေါ့ဆလို့ မရဘဲ စုစုစည်းစည်း ကစားရမှ လိုချင်တဲ့ ပန်းတိုင် ရောက်မယ်လို့ ပြောဆိုခဲ့ပါတယ်။

 မသိင်္ဂီထိုက်  / ဗွီအိုအေ (မြန်မာပိုင်း)
http://burmese.voanews.com/



KIA/TNLA လက်နက်ကိုင်အဖွဲ့၏ ပစ်ခတ်မှုကြောင့် အပြစ်​မဲ့အရပ်​သားယာဉ်နောက်လိုက်တစ်ဦးသေဆုံး

နိုဝင်ဘာ ၂၄၊ ၂၀၁၆

၂၀၁၆ နိုဝင်ဘာလ ၂၄ ရက် ၁၁၂၅ အချိန်ခန့်တွင် လားရှိုးမှ မူဆယ်သို့မောင်းနှင်လာသည့် ကုန်တင်ယာဉ်တစ်စီး အား KIA/TNLA လက်နက်ကိုင်အဖွဲ့က ပစ်ခတ်မှုကြောင့် အပြစ်​မဲ့အရပ်​သား ယာဉ်နောက်လိုက်တစ်ဦးသေဆုံးခဲ့သည်။


သခွားမွှေးသီးများတင်ဆောင်ထားသည့် ယာဉ်မောင်း ကိုကိုနိုင်မောင်းနှင်သော ယာဉ်အမှတ် SHN 1H/7546 CANTER ခြောက်ဘီးယာဉ်အား ကွတ်ခိုင်မြို့နယ် ပြည်ထောင်စုလမ်းမ မိုင်တိုင်အမှတ် ၂၃၇၁/၇ အနီး၊ နားနွဲ့အုပ်စု ဟိုနောင်ကမ္ဘာရွာအနီးတွင် KIA/TNLA လက်နက်ကိုင်အဖွဲ့က ပစ်ခတ်ခဲ့သဖြင့် ယာဉ်မောင်း၏ဝဲဖက်တွင် ထိုင်လျက်လိုက်ပါလာသော ယာဉ်နောက်လိုက်မောင်ချင်းအား ကျည်ထိမှန်သေဆုံးသွားခဲ့ပြီး ယာဉ်မောင်းမှာ ထွက်ပြေးလွတ်မြောက် ခဲ့ကြောင်း သတင်းရရှိသည်။

(နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီ)
State Counsellor Office Information Committee


နိုင်ငံသားစိစစ်ရေး (မှတ်ပုံတင်) ကတ်ရဲ့နောက်ကျောဖက်ကို တွေ့ရစဉ်။ Photo: RFA
လက်ရှိအစိုးရလက်ထက်မှာ ဥပဒေ စည်းမျဉ်းစည်းကမ်းတွေနဲ့ မညီဘဲ မှတ်ပုံတင် ထုတ်ပေးတဲ့ ၀န်ထမ်းတွေ အပါအ၀င် ၀န်ထမ်းစည်းကမ်း ဖောက်ဖျက်တဲ့ လ၀က ၀န်ထမ်း ၄၀ ကျော်ကို အရေးယူဆောင်ရွက်ထားတယ်လို့ အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာနကနေ သိရပါတယ်။

တိုင်ကြားမှုတွေအပေါ် စစ်ဆေးကာ ၀န်ထမ်းစည်းကမ်းဖောက်ဖျက်မှုနဲ့ အရေးယူထားတာဖြစ်ပြီး ပြီးခဲ့တဲ့နှစ် ကထက် ၁၀ ဦးကျော် ပိုမိုအရေးယူထားတယ်လို့ အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အား ၀န်ကြီးဌာနက အမြဲတမ်းအတွင်းဝန် ဦးမြင့်ကြိုင်က ပြောပါတယ်။

"တချို့က မှတ်ပုံတင်နဲ့ပတ်သက်ပြီးတော့ လွဲမှားပြီးတော့ ထုတ်ပေးတဲ့အတွက် မှတ်ပုံတင်တွေ ပြန်သိမ်း ပြီးတော့ အရေးယူရတာရော အမျိုးမျိုးရှိတယ်ဗျ၊ အဓိက အားလုံးခြုံလိုက်တာ ၀န်ထမ်းစည်းကမ်း ဖောက်ဖျက် မှုလို့ခေါ်တာပေါ့၊ ၁၀ ယောက်ကျော်ကျော်လောက် ပိုများလာတဲ့ သဘောရှိတယ်။ အရင်ကတော့ ၃၀ ကျော်ပေါ့ အခု ၄၀ ကျော်ဆိုတော့ ၁၀ ယောက်လောက် ပိုများလာပါတယ်"

အဲဒီလို အရေးယူခံရသူတွေထဲမှာ အောက်ခြေအဆင့်ကနေ အရာရှိအဆင့်အထိ ပါဝင်ပြီး ရာထူးလျှော့ချတာ၊ အလုပ်ကနေ ထုတ်ပယ်တာတွေအပြင် အချို့ကိုထောင်ချတဲ့အထိ အရေးယူဆောင်ရွက်ထားတယ်လို့ ဦးမြင့်ကြိုင်က ပြောပါတယ်။

အရေးယူခံရသူတွေထဲမှာ ပြည်နယ်နဲ့တိုင်း အသီးသီးက ၀န်ထမ်းတွေပါဝင်ပြီး လစဉ်အရေးယူ ဆောင်ရွက် တာတွေ ပြုလုပ်နေတာ ဖြစ်ပါတယ်။

RFA Burmese
http://www.rfa.org/burmese


ဗီဇာကင်းလွတ်ခွင့်ကြေညာချက်အားတွေ့ရစဉ် (ဓာတ်ပုံ--ဦးဇော်ဌေး FB)
   ရန်ကုန်၊ နိုဝင်ဘာ ၂၄ ရက် (ဆင်ဟွာ)

    စင်ကာပူ လူဝင်မှုကြီးကြပ်ရေး က မြန်မာနိုင်ငံသားများကို စင်ကာပူနိုင်ငံသို့ ဗီဇာမပါပဲ ရက်ပေါင်း ၃၀ အထိ နေထိုင်ခွင့်ပြုကြောင်းကြေညာချက်တစ်စောင်ကို ယနေ့ (၂၄/၁၁/၂၀၁၆) ရက်စွဲဖြင့် ထုတ်ပြန်သည်။

ယင်းကြေညာချက်မှာ စင်ကာပူဝန်ကြီးချုပ် လီရှန်လွန်း (Lee Hsien Loong)  မြန်မာနိုင်ငံသို့ ဇွန်လ ၇ မှ ၁၀ ရက်အထိ သွားရောက်လည်ပတ်စဉ် နိုင်ငံတော်အတိုင်ပင်ခံနှင့်နိုင်ငံခြားရေးဝန်ကြီး ဒေါ်အောင်ဆန်းစုကြည်ကို သက်သေထား၍ စင်ကာပူ နှင့် မြန်မာတို့ သံတမန်နားလည်မှု စာချွန်လွှာကို လက်မှတ်ထိုးလဲလှယ်ချက်အရ ယခုဗီဇာကင်းလွတ်ခွင့်အားခွင့်ပြုခဲ့ခြင်းဖြစ်သည်ဟု ၎င်းကြေညာချက်ထဲတွင်ပါရှိသည်။

စင်ကာပူနိုင်ငံခြားရေးဝန်ကြီးဌာန၏ တရားဝင်သတင်းထုတ်ပြန်ချက်အရ မြန်မာနိ်ုင်ငံသား နှစ်သိန်းကျော် ဟာ စင်ကာပူ၌ နေထိုင် အလုပ်လုပ်ကိုင်လျက်ရှိကြောင်း သိရသည်။ 

(Xinhua)
http://www.xinhuamyanmar.com



၉၆ နှစ်မြောက် အမျိုးသားအောင်ပွဲနေ့ နှစ်ပတ်လည်အခမ်းအနားကို နိုင်ဝင်ဘာ ၂၄ ရက်နေ့က ဗဟန်းမြို့နယ် အနောက်ရွှေဂုံတိုင်လမ်းရှိ အမျိုးသားဒီမိုကရေစီအဖွဲ့ချုပ် (NLD) ရုံးတွင် ကျင်းပပြုလုပ်ခဲ့သည်။

အဆိုပါအခမ်းအနားကို နှစ်ပိုင်းခွဲပြုလုပ်ခဲ့ပြီး အမျိုးသားဒီမိုကရေစီ အဖွဲ့ချုပ် (NLD) နာယက ဦးတင်ဦးက သာဘာပတိမိန့်ခွန်းပြောကြားခြင်း၊ အမျိုးသားအောင်ပွဲနေ့ ကြေညာချက်အား ဖတ်ကြားခြင်းတို့ ပြုလုပ်ကာ ဒုတိယပိုင်းတွင် စာရေးဆရာကိုလေး (အင်းဝဂုဏ်ရည်)နှင့် ဆရာမ စမ်းစမ်းနွဲ့ (သာယာဝတီ)တို့က ဟောပြောခဲ့ကြသည်။


“အမျိုးသားအောင်ပွဲနေ့မှာ အမျိုးသားရေးအတွက် အားလုံးက ဆောင်ရွက်သွားပါမယ်ဆိုတဲ့ ဆုံးဖြတ်ချက်ကို ချစေချင်ပါတယ်။ အမျိုးသားရေးဆိုတာ တိုင်းပြည်ရဲ့ကောင်းကျိုး၊ ပြည်ထောင်စုကြီးတည်တံ့ခိုင်မြဲရေး၊ ပြည်ထောင်စုသားအားလုံးရဲ့ အများစုကြီးရဲ့ ကောင်းကျိုးကို လုပ်ရမယ့်ကိစ္စဖြစ်ပါတယ်။ အမျိုးသားရေးကို လုပ်တဲ့အခါမှာ ပုဂ္ဂိုလ်စွဲတို့ ဆန္ဒစွဲတို့ မရှိဖို့လိုပါတယ်” ဟု နိုင်ငံတော် အတိုင်ပင်ခံပုဂ္ဂိုလ်ဒေါ်အောင်ဆန်းစုကြည်၏ ပြောကြားချက်ကို ကိုးကား၍ NLD နာယက ဦးတင်ဦးက သဘာပတိမိန့်ခွန်းတွင် ထည့်သွင်းပြောခဲ့သည်။


အမျိုးသားနေ့အောင်ပွဲနေ့ အခမ်းအနားသည် ပြည်သူလူထုက တင်မြှောက်ထားသော ပြည်သူ့အစိုးရလက်ထက်တွင် ကျင်းပသည့် ပထမဆုံး အခမ်းအနားဖြစ်ကြောင်း၊ နိုင်ငံရေးလွတ်လပ်ခွင့်နှင့်အတူ ပညာရေးလွတ်လပ်ခွင့်လည်းရရှိနေပြီဖြစ်ကြောင်း၊ အမျိုးသားပညာရေးမှ ဒီမိုကရေစီပညာရေးစနစ်သစ်သို့ မြှင့်တင်နေသည့်ကာလလည်းဖြစ်ကြောင်း NLD ပါတီ၏ အမျိုးသားအောင်ပွဲနေ့ ကြေညာချက်တွင် ဖော်ပြထားသည်။

နောင်နောင်
News Watch(စောင့်ကြည့်သတင်းဂျာနယ်)
https://www.facebook.com/NewsWatchJournal/



နိုဝင်ဘာ ၂၄ရက်။ ၂၀၁၆ခုနှစ်။ ကေအိုင်စီ

ကရင်ပြည်နယ်၏ အထင်ကရ နေရာတစ်ခုဖြစ်သည့် ကျုံထော်ရေတံခွန် ပြန်လည်ဖွင့်လှစ်ရန် စီစဉ်နေချိန် ၎င်းရေတံခွန်အ နောက်ဘက်ခြမ်း ယခင် DKBA (ခွဲထွက်)စခန်းဟောင်းရှိရာ ၀ါးဘိုးတောင်တွင် နိုဝင်ဘာလ ၂၂ရက်နေ့က မိုင်းကြောင့် မြန်မာ့ တပ်မတော်မှ အရာရှိတစ်ဦး အပါအ၀င် ၃ဦး သေဆုံးသွားကြောင်း သိရသည်။

အဆိုပါ နေရာများမှာ ပြီးခဲ့သည့် စက်တင်ဘာလက DKBA (ခွဲထွက်)နှင့် နယ်ခြားစောင့်တပ်၊ တပ်မတော်ပူးပေါင်းအဖွဲ့တို့ အပြန် အလှန် တိုက်ပွဲဖြစ်ပွားခဲ့သည့် နေရာများဖြစ်ပြီး ယမန်နေ့က ဖြစ်ပွားခဲ့သည့်ဖြစ်စဉ်မှာ တိုက်ပွဲအတွင်း ကျန်ရှိသည့် မိုင်းကြောင့် ဖြစ်ကြောင်း အမည်မဖော်လိုသည့် နယ်ခြားစောင့်တပ်အရာရှိတစ်ဦးက ယခုလို ပြောသည်။

၎င်းက “ကျုံထော်နားတစ်ဝိုက်ကတော့ အကုန်ရှင်းပြီးပြီ။ အခုဖြစ်တာက ကျုံထော်အနောက်ဘက် ၀ါးဘိုးတောင်မှာ နေ့လည် ၁နာရီကျော်လောက်မှာဖြစ်တာ။ DKBA စခန်းဟောင်းဆိုတော့ လုံခြုံရေးအတွက် သူတို့ ပြန်ဆုတ်တဲ့လမ်းမှာ ထောင်ထားခဲ့တာ တွေ ဖြစ်မယ်။ နင်းမိုင်းဆို ဒီလောက်မဖြစ်ဘူး။ အခုက ဗုံးသီးဟောင်းတွေနဲ့ထောင်တဲ့ တိုက်မိုင်းမို့လို့ ဒီလောက်ထိခိုက်တာ”ဟု ကေအိုင်စီသို့ ပြောဆိုသည်။

မိုင်းကြောင့် သေဆုံးသူများမှာ မြန်မာ့တပ်မတော် တပ်မ(၄၄)မှ ဗိုလ်ကြီးတစ်ဦးနှင့် ရဲဘော်တစ်ဦး၊ နယ်ခြားစောင့်တပ်-BGF (၁၀၂၁) တပ်ရင်းမှ ရဲဘော်တစ်ဦးတို့ဖြစ်ကြောင်းသိရပြီး တိုက်ပွဲကာလ ပြီးခဲ့သည့် စက်တင်ဘာလ ၁၅ရက်နေ့တွင် အထက်ကျုံ ထော် ကျေးရွာအုပ်ချုပ်ရေးမှူးတစ်ဦး မြိုင်ကြီးငူသို့ စစ်ဘေးရှောင်လာစဉ် လမ်းခုလပ်တွင် မိုင်းနင်းမိသဖြင့် သေဆုံးခဲ့သည့် ဖြစ် စဉ်လည်း ရှိခဲ့သည်။

တိုက်ပွဲများဖြစ်ပွားပြီးနောက် ကျုံထော်ရေတံခွန်အနီးတ၀ိုက်ရှိ မိုင်းများရှင်းလင်းပြီး အများပြည်သူများ အပန်းဖြေ လာရောက်နိုင် ရေးအတွက် ကျုံထော်ရေတံခွန်ထိန်းသိမ်းရေးဆရာတော် ဦးခေမိက ဦးဆောင်ကာ လာမည့် နိုဝင်ဘာ ၂၅ရက်နေ့မှစတင်ကာ နေ့စဉ် ညနေ ၅နာရီအထိ ပြန်လည်ဖွင့်လှစ်နိုင်ရန် စီစဉ်နေချိန်တွင် ယခုလို ဖြစ်ပွားခဲ့ခြင်းဖြစ်သည်။

DKBA (ခွဲထွက်)နှင့် နယ်ခြားစောင့်တပ်တို့ စက်တင်ဘာလ တိုက်ပွဲမဖြစ်ပွားမီရက်ပိုင်းအလိုတွင် အများပြည်သူဘေးကင်းရေး အတွက် အဆိုပါရေတံခွန်သို့ သွားလာခြင်းမပြုရန် မြိုင်ကြီးငူဆရာတော်က တားမြစ်မှုများရှိခဲ့သလို နှစ်ဖက်တပ်ဖွဲ့များမှ တိုက်ပွဲ ကာလအတွင်း ရေတံခွန်သို့ ခရီးသွားလာမှုများမပြုကြရန် တားမြစ်မှုများလည်းရှိခဲ့သည်။

ယခု မြိုင်ကြီးငူဆရာတော်၏ ညွှန်ကြားမှုဖြင့် ပြန်လည်ဖွင့်လှစ်ရန် စီစဉ်နေသော်လည်း ကျုံထော်ရေတံခွန်သွားရာ လမ်းခရီးရှိ အချို့သောနေရာများတွင် မိုင်းအန္တရာယ်ရှိနေဆဲပင်ဖြစ်ပြီး ယင်းအန္တရာယ်ရှိ နေရာများအတွက် သတိပေးဆိုင်းဘုတ်များ၊ အမှတ်အသားများ ပြုလုပ်ထားနေရဆဲဖြစ်ကြောင်း သိရသည်။


ကေအိုင်စီ - KIC News
http://kicnews.org




နိုဝင်ဘာ ၂၄၊ ၂၀၁၆

၂၀၁၆ နိုဝင်ဘာလ ၂၃ ရက် နေ့လည် ၁၂း၃၀ အချိန်ခန့်က နမ္မတူမြို့နယ် မိုင်းဆင်ကျေးရွာ အနီး RCSS နှင့် TNLA အဖွဲ့တိုက်ပွဲဖြစ်ပွားရာတွင် မိုင်းဆင်တံတားဖျက်ဆီးခံရကြောင်း သတင်းရရှိသဖြင့် တပ်မတော်နှင့် ရဲတပ်ဖွဲ့က သွားရောက်စစ်ဆေးခဲ့ရာ နမ္မတူ-မုံဝီးသွားကားလမ်း မိုင်တိုင်အမှတ်(၄/၄.၅)ကြား၊ မိုင်းဆင်ရွာအနီး မိုင်းဆင်ဘေလီ တံတား၏ အလယ်ကြမ်းခင်းအချို့မီးလောင်ပျက်စီးခဲ့ကြောင်း စိစစ်တွေ့ရှိခဲ့ရသည်။


တံတားအနီးတွင် TNLA အဖွဲ့မှ ကျန်ရစ်ခဲ့သည့် အစိမ်းရောင်ကျောပိုးအိတ် တစ်လုံး၊ ပျောက်ကြားရှာထိုး ဦးထုတ် တစ်လုံး၊ မိုင်းခွဲရာတွင်အသုံးပြုသည့် 12V ဆိုင်ကယ်ဘတ္ထရီခြောက်တစ်လုံး၊ ပေ ၅၀ အရှည်ခန့်ရှိ အစိမ်းရောင် ဝါယာကြိုးပျော့(၂) ချောင်း တွေ့ရှိခဲ့ကြောင်း သိရှိရသည်။

(နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီ)
State Counsellor Office Information Committee


နိုင်ငံတော် အထိမ်းအမှတ် တံဆိပ်အား တွေ့ ရစဉ်(ဓာတ်ပုံ-Myanmar President Office)
    ရန်ကုန် ၊ နိုဝင်ဘာ ၂၄ ရက်(ဆင်ဟွာ)

    တိုင်းရင်းသား ပြည်သူ တစ်ရပ်လုံးက အမျိုးသားနေ့ ၏ ဦးတည်ချက်များအား အမျိုးသား စည်းလုံး ညီညွှတ်မှု အင်အားဖြင့် ကြိုးစား ဆောင်ရွက် သွားရန် နိုင်ငံတော်သမ္မတ ဦးထင်ကျော်ထံမှ (၉၆)နှစ်မြောက် အမျိုးသားနေ့ အထိမ်းအမှတ် အခမ်းအနားသို့ ပေးပို့သော သဝဏ်လွှာတွင် အလေးအနက် တိုက်တွန်းခဲ့သည်။

အမျိုးသားနေ့ ၏ ဦးတည်ချက်များ ဖြစ်သည့် ပြည်ထောင်စုငြိမ်းချမ်းရေး တည်ဆောက်ရေး ၊ တိုင်းရင်းသား အားလုံး ဘက်စုံဖွံ့ဖြိုးတိုးတက်ရေး ၊ ဒီမိုကရေစီဖက်ဒရယ်ပြည်ထောင်စု တည်ဆောက်ရေး တို့ ကို အမျိုးသား စည်းလုံး ညီညွှတ်မှု အင်အားဖြင့် ကြိုးစား ဆောင်ရွက် သွားရန် အလေးအနက် တိုက်တွန်းခဲ့ခြင်း ဖြစ်သည်။

ယနေ့ မြန်မာနိုင်ငံသည် ဒီမိုကရေစီ စံချိန်စံညွှန်း များနှင့် အညီ ဖက်ဒရယ်ပြည်ထောင်စု သမ္မတ မြန်မာ နိုင်ငံတော်သစ် တည်ဆောက်နိုင်ရန် ခိုင်မာသည့် ရည်မှန်းချက်နှင့် ဒီမိုကရေစီ စနစ်ကို ဖော်ဆောင်လျက်ရှိကြောင်း သ၀ဏ်လွှာတွင် ဖော်ပြထားသည်။

၁၉၂၁ ခုနှစ် အောက်တိုဘာလ မန္တလေးမြို့၌ ကျင်းပခဲ့သည့် နဝမအကြိမ်မြောက် ဂျီစီဘီအေ ညီလာခံကြီးမှ ပထမ ကျောင်းသား သပိတ် စတင်ခဲ့သည့် ၁၂၈၂ ခုနှစ် တန်ဆောင်မုန်းလပြည့်ကျော် ၁ဝ ရက် နေ့ကို အမျိုးသားနေ့ အဖြစ် သတ်မှတ်ရန် စတင် ဆွေးနွေးခဲ့ပြီး ရန်ကုန်မြို့၌ ၁၉၂၂ ခုနှစ် ဇွန်လ ၁၇ ရက်နှင့် ၁၈ ရက်နေ့ ကျင်းပတဲ့ ဂျီစီဘီအေ အထူးကွန်ဖရင့်မှ ယင်းနေ့ကို အမျိုးသားနေ့ဟု သတ်မှတ်ကြောင်း ဆုံးဖြတ်အတည်ပြုပေးခဲ့ကာ ထိုအချိန်မှစပြီး  အမျိုးသားရေး စိတ်ဓာတ်ကို ဖော်ကျူးပြသသည့် စည်းလုံးညီညွတ်မှု၏ ပြယုဂ်ဖြစ်သည့် အမျိုးသားနေ့ကို ကျင်းပလာကြသည်မှာ ယခုဆိုလျှင် ရာပြည့်အကြို ၉၆ နှစ်တိုင် ခဲ့ပြီဖြစ်ကြောင်း သိရသည်။

အမျိုးသားနေ့ ဆိုသည်မှာ အမျိုးသားရေးစိတ်ဓာတ်ကို အခြေခံပြီး အမျိုးဂုဏ်၊ ဇာတိဂုဏ်မြင့်မားရေး နှင့် ပြည်ထောင်စု စိတ်ဓာတ် ရှင်သန် ထက်မြက်ရေး တို့ကို ဖော်ဆောင်ပေးခဲ့သည့် နေ့ထူး နေ့မြတ် ဖြစ်ကြောင်း သ၀ဏ်လွှာတွင် ထည့်သွင်း ဖော်ပြထားသည်။

(Xinhua)
http://www.xinhuamyanmar.com

( ထိုင်းနိုင်ငံရောက် မြန်မာဒုက္ခသည် ပထမအသုတ် အောက်တိုဘာလက ပြည်တော်ပြန်စဉ် ) Photo: UNHCR/Vivian Tan
ထိုင်းနဲ့ မြန်မာ နှစ်နိုင်ငံအစိုးရတွေရဲ့ ဒုက္ခသည်ပြန်ပို့ရေးအစီအစဉ်အရ ဒုက္ခသည် ဒုတိယအသုတ်ဟာ လာမယ့်နှစ်မှာ မြန်မာနိုင်ငံကို ပြန်ကြမယ်လို့ သိရပါတယ်။

နို့ဖိုးစခန်းမှာရှိတဲ့ ဒုက္ခသည်တွေထဲက လူတစ်ရာနီးပါး ပါဝင်တဲ့ ကရင်မိသားစု ၁၅ စုဟာ လာမယ့် ၂၀၁၇ ခုနှစ်မှာ ဒုတိယအသုတ်အဖြစ် ပြန်ကြဖို့ လက်မှတ်ရေးထိုးခဲ့ပါတယ်။ ဒါ့အပြင် ပြန်ကြမယ့် စာရင်းထဲမှာ ကျောင်းသားတွေလည်း ပါဝင်တယ်လို့ သိရပါတယ်။

ပြန်ပို့ရေး အစီအစဉ်အရ ဒုက္ခသည်တွေကို မူလတိုင်းပြည်မပြန်ခင်မှာ ထိုင်းအစိုးရက ဒုက္ခသည် လူကြီး တစ်ဦးကို ထိုင်းဘတ်ငွေ ၈၃၀၀၊ ကလေးတစ်ဦးကို ဘတ်ငွေ ၆၅၀၀၊ မြန်မာအစိုးရက မိသားစု တစ်စုကို ကျပ်ငွေ သုံးသိန်းစီ ပေးအပ်ခဲ့တယ်လို့ ဘန်ကောက်ပို့စ် သတင်းကဖေါ်ပြပါတယ်။

လူမှုဖူလုံရေးနဲ့ ပြန်လည်နေရာချထားရေး ဝန်ကြီးဌာနရဲ့အဆိုအရ နေရပ်ပြန်သူတွေအနေနဲ့ ရန်ကုန်တိုင်း၊ လှိုင်သာယာမြို့နယ်မှာရှိတဲ့ ရွှေလင်ပန်းစက်မှုဇုန်က တန်ဖိုးနည်းအိမ်ယာတွေကို ကျပ်ငွေ ၁၀ သန်းနီးပါးနဲ့ အရစ်ကျ ၀ယ်ယူနေထိုင်နိုင်ကြောင်း ပြောပါတယ်။

လူဦးရေ ၆၀ ကျော်ပါဝင်တဲ့ ဒုက္ခသည် ပထမအသုတ်ဟာ ပြီးခဲ့တဲ့ လက မြန်မာနိုင်ငံကို ပြန်ရောက်လာခဲ့ကြပြီး အများစုက မူလနေရပ်တွေဆီ ပြန်သွားခဲ့ကြပါတယ်။ အဲဒီထဲက ရန်ကုန်ကိုရောက်ရှိလာတဲ့ ၁၇ ဦးကတော့ နေထိုင်စရာမရှိတာကြောင့် လူမှုဖူလုံရေးနဲ့ ပြန်လည်နေရာချထားရေးဝန်ကြီးဌာနရဲ့ မရမ်းကုန်းမြို့နယ်မှာရှိတဲ့ စခန်းတစ်ခုမှာ ထားရှိတယ်လို့ သိရပါတယ်။

ကုလသမဂ္ဂ ဒုက္ခသည်များဆိုင်ရာ မဟာမင်းကြီးရုံး UNHCR ကတော့ ပြန်ရောက်လာတဲ့ ဒုက္ခသည်တွေကို အစိုးရအနေနဲ့ အပြည့်အ၀ တာဝန်ယူစောင့်ရှောက်ဖို့ တိုက်တွန်းထားပါတယ်။

RFA Burmese
https://www.facebook.com/rfaburmese/



မန္တလေးတက္ကသိုလ်တွင် အာဇာနည်ခေါင်းဆောင်တဦးဖြစ်သည့် ဆရာကြီးဦးရာဇတ်ရုပ်တုဖွင့်ပွဲကို အမျိုးသားနေ့အထိမ်းအမှတ်ဖြစ်သည့် နိုဝင်ဘာ ၂၄ ရက် နံနက် ၉ နာရီက ပြုလုပ်သည်။

အခမ်းအနားသို့ ပြည်သူလွှတ်တော်ဥက္ကဌ မန်းဝင်းခိုင်သန်း, တိုင်းဒေသကြီးအစိုးရအဖွဲ့ ဝန်ကြီးချုပ်နှင့် အစိုးရဖွဲ့ဝန်ကြီးများ တက္ကသိုလ် ပါမောက္ခများ ဆရာဆရာမများတက် စိတ်ဝင်စား သူများ တက်ရောက်ကြသည်။


ဆရာကြီးရဲ့ရုပ်တု စိုက်ထူနိုင်ရေးအတွက် ၁၅ နစ်ကျော် ကြိုးစားခဲ့ရပြီး ယနေ့သည် မင်္ဂလာ တပါးဖြစ်၍ ခွင့်ပြုပေးသော အစိုးရသစ်ကို ကျေးဇူးတင်ကြောင်း မန္တလေးတက္ကသိုလ် ကျောင်းသားဟောင်းများ ဥက္ကဌ ဦးတင်မောင် ကပြောကြားသည်။


ဆရာကြီးသည် ဗိုလ်ချုပ်အောင်ဆန်းနင့်အတူ အစိုးရအဖွဲ့တွင် အမျိုးသားစီမံကိန်းနှင့်ပညာရေးဝန်ကြီးတာဝန်ထမ်းဆောင်ခဲ့ကြောင်း မန္တလေးတက္ကသိုလ် ဖြစ်မြောက်ရေး စတင်တည်ထောင်ခဲ့သူ ဖြစ်ကြောင်း သိရသည်။

၁၉၈၇ တွင် တမ္ပဝတီ ဦးဝင်းမောင်ကပုံတူရေးဆွဲခဲ့သည့် ဆရာကြီးဦးရာဇတ်၏ရုပ်ပုံကို ပြည့်ဝကြေးသွန်းလုပ်ငန်းက ကြေးသွန်းပေးခဲ့ခြင်းဖြစ်ကြောင်း သိရသည်။

ခိုင်ဆက်ဝေ
News Watch(စောင့်ကြည့်သတင်းဂျာ
https://www.facebook.com/NewsWatchJournal/



တောင်ကာရိုလိုင်းနား အုပ်ချုပ်ရေးမှူး Nikki Haley
တောင်ကာရိုလိုင်းနား အုပ်ချုပ်ရေးမှူး Nikki Haley ကို သူ့အစိုးရလက်ထက်မှာ ကုလသမဂ္ဂဆိုင်ရာ အမေရိကန် သံအမတ်ကြီး အဖြစ် ရွေးချယ်မယ် လို့ ရွေးကောက်ခံသမ္မတ Donald Trump က ပြောထားသလို ၊ ဒီကနေ့ တရားဝင် အဆိုပြု ပြောလာနိုင်ဖွယ် ရှိနေပါတယ်။

အိန္ဒိယနိုင်ငံကနေ ရွှေ့ပြောင်းနေထိုင်လာသူတဦးရဲ့ သမီး၊ အသက် ၄၄ နှစ်အရွယ် Haley ဟာ တောင်ကာရိုလိုင်းနားပြည်နယ် အုပ်ချုပ်ရေးမှူး အဖြစ် ဒုတိယမြောက်သက်တမ်း တာဝန်ယူနေသူပါ။ ဒါပေမဲ့ နိုင်ငံခြားရေးမူဝါဒတွေနဲ့ ပတ်သက်လို့တော့ အတွေ့အကြုံရှိသူ မဟုတ်ပါဘူး။

တကယ်လို့ အရွေးခံရရင်တော့ သူဟာ Trump ရဲ့ အစိုးရအဖွဲ့ထဲမှာ လူဖြူ အမျိုးသား မဟုတ်တဲ့ ပထမဆုံး အစိုးရအဖွဲ့ဝင် ဖြစ်လာမှာပါ။ ရီပါဘလီကန် ပါတီတွင်း သမ္မတလောင်းရွေးချယ်တဲ့ လတွေနဲ့ချီ ယှဉ်ပြိုင်မှုတွေအတွင်း Haley ဟာ Trump ကို ထောက်ခံခဲ့သူ မဟုတ်ပါဘူး။ အစောပိုင်း ယှဉ်ပြိုင်မှုတွေမှာ ဖလော်ရီဒါပြည်နယ် အထက်လွှတ်တော်အမတ် Marco Rubio ကို ထောက်ခံခဲ့ပြီး Rubio ပြုတ်သွားခဲ့ပြီးတဲ့နောက်မှာတော့ တက္ကဆက်ပြည်နယ် အထက်လွှတ်တော်အမတ် Ted Cruz ကို တခါပြောင်းပြီး ထောက်ခံခဲ့တာပါ။

နိုဝင်ဘာလ ၈ ရက် ရွေးကောက်ပွဲကျင်းပဖို့ နီးလာချိန်မှာတော့ သူမက - သမ္မတသစ်ရွေးဖို့ သူ့အနေနဲ့ သိပ် စိတ်အားထက်သန်မှု မရှိတော့ ပေမဲ့၊ Trump ကို မဲပေးမယ်လို့ ပြောခဲ့တာပါ။ အမေရိကန်ပြည်ထောင်စုထဲ မူစလင်တွေ ၀င်ရောက်ခွင့် ပိတ်ပင်မယ်ဆိုတဲ့ Trump ရဲ့ အဆိုပြုချက်ကိုလည်း မစ္စစ် Haley က ဝေဖန်ပါတယ်။

သမ္မတအိုဘားမား နောက်ဆုံးအကြိမ် ပြောခဲ့တဲ့ နိုင်ငံတော်အခြေပြ မိန့်ခွန်းကို ရီပါဘလီကန်ပါတီဘက်က တုံ့ပြန်မိန့်ခွန်း ပြောခဲ့တဲ့အထဲ Trump ရဲ့ပုံစံမျိုးကို ဝေဖန်ခဲ့တာမှာ မစ္စစ် Haley က - “တချို့လူတွေဟာ သူတို့ဟာ သူများနဲ့မတူဘူးဆိုတာကို ပြချင်တာနဲ့ပဲ လေကြီးလေကျယ်တွေ ပြောတတ်ကြတယ်လို့ ဆိုပြီး ဝေဖန်ခဲ့တာပါ။

 ဗွီအိုအေ (မြန်မာပိုင်း)
http://burmese.voanews.com



ဝိုင်းမော်စစ်ရှောင်စခန်းတခုတွင် ရေဒီယိုနားထောင်နေသည်ကိုတွေ့ရစဉ်
စစ်ရေး မတည်မငြိမ် ဖြစ်နေတဲ့ မြန်မာပြည် မြောက်ပိုင်း တလွှားက ကချင် ဒေသခံတွေ အတွက်တော့ ကချင်ဘာသာစကားနဲ့ ထုတ်လွှင့်တဲ့ FM ရေဒီယို ၂ ခုကနေ တိုက်ပွဲတွေ အခြေအနေကို မှန်းဆနေကြရပါတယ်။ ကချင် လက်နက်ကိုင် အဖွဲ့အစည်း ကေအိုင်အိုက ထုတ်လွင့်တဲ့ လိုင်ဇာ FM နဲ့ မြန်မာ့ တပ်မတော်က ထုတ်လွှင့်တဲ့ သဇင် FM တို့က သတင်းတွေ၊ သီချင်းတောင်းနိုင်တဲ့ ကဏ္ဍတွေလည်း ပါဝင်တာမို့ သတင်းလည်း ကြားရ ဖျော်ဖြေရေးလည်း ဖြစ်ပေမယ့် သောတရှင် တချို့ရဲ့ ဝေဖန်မှုတွေလည်း ရှိနေပါတယ်။ မသိင်္ဂီထိုက် စုစည်းတင်ပြပေးမှာပါ။

ကချင် လက်နက်ကိုင် တပ်ဖွဲ့ KIO က ထုတ်လွှင့်တဲ့ လိုင်ဇာ FM ရဲ့ အဖွင့်ကတော့ သတင်းမှန်တွေကို ကြားကြရမှာပါတဲ့။ KIO နဲ့ မြန်မာ အစိုးရကြား အပစ်အခတ် ရပ်စဲရေး ပျက်ပျယ်ခဲ့ပြီးနောက် ၂၀၁၂ ခုနှစ် အောက်တိုဘာမှာ ကချင်လက်နက်ကိုင် တပ်ဖွဲ့ KIA က Laiza FM ရေဒီယို ထုတ်လွှင့်မှုတွေကို စတင်ခဲ့တာပါ။ ကချင်ဘာသာနဲ့ ထုတ်လွှင့်တဲ့ Laiza FM ကတော့ ဒေသတွင်း စစ်ရေး အခြေအနေတွေ၊ တိုက်ပွဲ အခြေအနေတွေကို တရက်ကို ၁၀ နာရီလောက် ထုတ်လွှင့်တာပါ။ ပုံမှန် သောတရှင် တဦးကတော့ ကချင်ဘာသာ စကားနဲ့ ထုတ်လွှင့်တဲ့ Laiza FM နဲ့ သဇင် FM တို့ရဲ့ ထုတ်လွှင့်မှုတွေကို အခုလို ပြောပါတယ်။

“သူတို့လွှင့်တဲ့အဓိကကတော့ ရှေ့တန်းမှာ စစ်တွေ ဘက်နေရာတွေကို အစိုးရတပ်က စစ်ကြောင်းထိုးတယ်ဆိုတဲ့အကြောင်းတွေလွှင့်တယ်။ ပြီးရင်ပြည်သူလူထုတွေကို စစ်တပ်က ဘယ်လိုခြိမ်းခြောက်တယ်၊ ဘယ်လိုပေါ်တာဆွဲတယ် ၊ ပြည်သူလူထုတွေက မိုင်းတွေနင်းမိတယ်ဆိုတာတွေကို အဓိက သူတို့လွှင့်တယ်ပေါ့နော်။ ဒီဘက်က သဇင် FM ကလည်း KIO က ဗုံးခွဲတယ် ၊ တံတားဖျက်ဆီးတယ်။ KIO ကပြောမယ် ဆိုရင် ပြည်သူလူထုတွေ ကို ပေါ်တာဆွဲ တယ်ပေါ့နော် အပြန်အလှန် တဘက်နဲ့ တဘက် Propenganda လုပ်တာတွေတော့ ကြားနေရတယ်။”

KIA ရဲ့ ပြန်ကြားရေး တာဝန်ခံ ဒုတိယ ဗိုလ်မှူးကြီး နော်ဘူကတော့ ကချင်ပြည်သူတွေ သတင်းမှန်တွေ သိဖို့၊ ဗဟုသုတ မျှဝေဖို့ အတွက် လိုင်ဇာ FM ကို တည်ထောင်ခဲ့တာလို့ ပြောဆိုတဲ့ အကြောင်း KIA တို့ရဲ့ ဌာနချုပ် လိုင်ဇာကိုရောက်ရှိခဲ့တဲ့ ပြင်ပ (အလွတ်)သတင်းထောက် Paul Varieze က ဗွီအိုအေကို သတင်းပို့ပါတယ်။

KIA တို့က လိုင်ဇာ FM ကို ထူထောင်ပြီး တနှစ်ကျော်လောက် အကြာမှာတော့ အပြိုင် FM ရေဒီယို ဌာန တခုပေါ်လာပါတယ်။ ၂၀၁၄ ခုနှစ် မတ်လ ၂၇ ရက်နေ့ ၆၉ နှစ်မြောက် တပ်မတော်နေ့ မှာ စတင်လိုက်တဲ့ သဇင် FM ပါ။ သဇင် FM ကတော့ ဗမာ ဘာသာ အပါအ၀င် တိုင်းရင်းသား ဘာသာစကား မျိုးစုံနဲ့ ထုတ်လွှင့်နေတာပါ။ ကချင်ဘာသာစကားနဲ့လည်း ထုတ်လွှင့်တဲ့ သဇင် FM နဲ့ ပတ်သက်ပြီးလည်း ကချင် ဒေသခံ တဦးက အခုလို ဆိုပါတယ်။

“သဇင် FM ကိုနားထောင်လိုက်ရင် စစ်အသိုင်းအ၀ိုင်းကလူတွေ သီချင်းတောင်းတာတွေ ပိုများတယ်ပေါ့နော်။ ရှေ့တန်းက သူတို့အမျိုးသား၊ သူတို့အဖတွေ အတွက် သီချင်းတောင်းပေးတယ် ဆိုတော့လေ သဇင် FM ကိုနားထောင်တဲ့လူတွေက ဒီနေပြည်တော်တ၀ိုက် က စစ်မှုထမ်းတွေပေါ့နော် ၊ စစ်သားမိသားစုတွေများမယ်။ ဒီဘက် Laiza FM ကတော့ ကချင်ပြည်သူလူထုတွေပေါ့နော် ၊ နားထောင်ကြတာများတယ်။ ဘာဖြစ်လို့ လဲဆိုတော့ Laiza FM ကိုနားထောင်လိုက်ရင် စစ်ပွဲတွေဘယ်မှာဖြစ်နေသလဲဆိုတာကအစ ကျနော်တို့ သိရတယ်။”

တဖက်နဲ့ တဖက် အပြိုင်ထုတ်လွှင့်နေတဲ့ လိုင်ဇာ FM နဲ့ သဇင် FM ရဲ့ တိုက်ဆိုင်မှု တခုကတော့ ထုတ်လွှင့်တဲ့ လိုင်းတွေက တူနေတာပါ။ ဒါကြောင့် သောတရှင်တွေ အနေနဲ့ လိုင်ဇာနဲ့ သဇင် လိုင်း၂ လိုင်းကို အတော်လေး ဂရုစိုက်ပြီး ဖမ်းရတယ်လို့လည်း လိုင်ဇာ FM ရဲ့ တာဝန်ခံ တဦး ဖြစ်တဲ့ မရန် ဘောက်လာ က ပြောပါတယ်။ သူ့အဆိုအရတော့ လိုင်ဇာ FM အနေနဲ့ ၀ါဒဖြန့် ထုတ်လွင့်ချက် အနည်းငယ် ပါရှိတယ်ဆိုပေမယ့် သတင်းတွေ ထုတ်လွှင့်တာ များပါတယ်။ နောက် ကချင် ရှေးသီချင်းတွေ၊ စစ်သီချင်းတွေ အများကြီး ရှိနေ ထုတ်လွှင့်နိုင်တယ်လို့ ပြောဆိုပါတယ်။

 မသိင်္ဂီထိုက်  / ဗွီအိုအေ (မြန်မာပိုင်း)
http://burmese.voanews.com



 ကစားကွင်းသဖွယ်သုံးနေရသည့် ခုံးကျော်တံတားအောက် နေရာများ
မြေနီကုန်းခုံးကျော်တံတားကို လှပပြီး ပြည်သူများ အပန်းဖြေနိုင်သည့် နေရာဖြစ်အောင် ပြုလုပ်သွားမည်ဟု ရန်ကုန်တိုင်း၊ ကရင်လူမျိုးရေးရာဝန်ကြီး ဒေါ်နော်ပန်းသင်ဇာမျိုးက မင်္ဂလာပါပွဲတော် (Mingalarbar Festival) နှင့်ပတ်သက်သည့် ဒုတိယအကြိမ်မြောက် သတင်းစာရှင်းလင်းပွဲတွင်ပြောကြားခဲ့သည်။

အမျိုးသားကဇာတ်ရုံရှိ ရုပ်သေးရုပ်ကြီး တည်ဆောက်ရေးလုပ်ငန်းခွင်နှင့် မြေနီကုန်း ခုံးကျော်တံတား ပြန်လည် မွမ်းမံခြင်းစီမံကိန်းများအကြောင်း ရှင်းလင်းသည့် အဆိုပါသတင်းစာရှင်းလင်းပွဲကို နိုဝင်ဘာလ ၂၃ ရက်က အမျိုးသားကဇာတ်ရုံ၌ ပြုလုပ်ခဲ့သည်။

ထိုသို့ပြုလုပ်ပြီးစီးမည့် အချိန်နှင့်ပတ်သက်၁င ဒေါ်နော်ပန်းသင်ဇာမျိုးက "ဒီပွဲတော်နဲ့အတူ ကျင်းပဖို့ဖြစ်ပါတယ်။ မြေနီကုန်းခုံးကျော်တံတားကိုလှပအောင် ဒီဇိုင်းလုပ်တဲ့အခါ ပညာရှင်တွေ၊ နည်းပညာ တက္ကသိုလ်က ကျောင်းသားတွေနဲ့ဖိတ်ခေါ်ပြီးလုပ်ခဲ့ပါတယ်" ဟု ဆိုသည်။

မင်္ဂလာပါပွဲတော်တွင် ပြင်သစ်နှင့် မြန်မာပြည်မှ အနုပညာရှင် အချင်းချင်း အနုပညာများကို ဖလှယ်ခွင့်ရပြီး ဖန်တီးမှုအသစ်များကို ရန်ကုန်မြို့သစ် တည်ဆောက်သည့် အခါ အနုပညာကဏ္ဍမှ ပူးပေါင်းပါဝင်နိုင်မည် ဖြစ်ကြောင်း ၎င်းကဆိုသည်။

မြေနီကုန်း ခုံးကျော်တံတား ပြန်လည်မွမ်းမံခြင်းစီမံကိန်း၏ လက်ရှိဆောင်ရွက်နေမှုများနှင့် ပက်သက်၍ တာဝန်ရှိသူတစ်ဦးက "ဒီခုံးကျော်တံတားအောက်ဘက်မှာ ကစားကွင်း၊ ခြင်းလုံးခတ်ဖို့နဲ့၊ အနုပညာတွေလုပ်ဖို့ နေရာပေးချင်ပါတယ်၊ ဘောလုံးကွင်းလုပ်တဲ့အခါမှာလည်း လူတွေထိုင်ကြည့်လို့ရအောင် ထိုင်ခုံနေရာလေးတွေ လုပ်ပေးမှာပါ။ လူတွေ လွယ်လွယ်ကူကူနဲ့ လမ်းကူးလို့ရအောင်လည်း ခုံးတံတားအောက်မှာ သံပန်းတွေဖယ်ပေးမှာ ဖြစ်ပါတယ်။ အနားယူဖို့ ထိုင်ခုံတွေလည်းလုပ်ပေးမှာပါ၊ ရန်ကုန်မြို့ကို စိမ်းလန်းတဲ့ မြို့ဖြစ်အောင် ခုံးတံတားအောက်မှာ အပင်စိုက်ပြီးတော့ အပင်မစိုက်ခဲ့ရင်လည်း အစိမ်းရောင်ပန်းချီလေးတွေပြန်ဆွဲမှာဖြစ်ပါတယ်"ဟုဆိုသည်။

မင်္ဂလာပါပွဲတော်ကို ပြင်သစ်-မြန်မာ ယဉ်ကျေးမှုချင်း မိတ်ဖက်ဆက်ဆံရေး (၅၅) နှစ်မြောက် အထိမ်းအမှတ် အဖြစ် ပြင်သစ်ယဉ်ကျေးမှုဌာနနှင့် ရန်ကုန်တိုင်းဒေသကြီးတို့ ပူးပေါင်းပြီး ဒီဇင်ဘာလ ၂ ရက်မှ ၄ ရက်အထိ ကျင်းပသွားမည်ဖြစ်သည်။
Mizzima - News in Burmese


ကမ္ဘာမြေပြင်ပေါ်ရှိ သက်ရှိများ အသက်ရှင်သန် နေထိုင်ရမည့် သက်တမ်းမှာ များစွာ မကျန်တော့ကြောင်း၊ လာမည့် နှစ်တစ်ထောင်ခန့်အတွင်း ပျက်စီးသွားနိုင်ကြောင်း ကမ္ဘာကျော် သိပ္ပံပညာရှင်ကြီး စတီဖင် ဟော့ကင်းက အောက်စ်ဖို့ဒ်တွင် ပြောကြားခဲ့ကြောင်း The Independent သတင်းတွင် ဖော်ပြထားသည်။

အာတိတ် ရေခဲပြင်ဒေသကြီးသည် ယခင်ထက် ၃၆ ဒီဂရီ ပိုပြီး အပူချိန် မြင့်တက်လာကာ၊ ကမ္ဘာ့ အပူချိန် မြင့်တက်လာသည်နှင့်အမျှ မုန်တိုင်းများ၏ ဒဏ်ကိုလည်း မကြာခဏ ခံလာကြရကြောင်း၊ ကမ္ဘာပေါ်တွင် ကာဘွန်ဒိုင် အောက်ဆိုက် ဓာတ်များ ဖုံးလွှမ်းမှု အဆင့်ကလည်း ပိုပြီး များလာကာ ရာသီဥတု ပြောင်းလဲနေမှုများက မူလ အနေအထားအတိုင်း တည်ငြိမ်စွာ ပြန်ဖြစ်လာရေးကို အခက်အခဲများ ဖြစ်လာကြောင်း၊ ထို့ကြောင့် ကမ္ဘာကြီးသည် အတိုင်းအတာ အကန့်အသတ် တစ်ခုအတွင်းသာ ရှိတော့ကြောင်း ဟော့ကင်းက ပြောကြားခဲ့သည်။

“ကမ္ဘာမြေကြီးမှာ သဘာဝ ဘေးဒဏ်တွေ များလွန်းလာတာကြောင့် ရှင်သန် ရပ်တည်နိုင်ရေးဟာ အားနည်းသည်ထက် နည်းလာပါပြီ၊ လာမယ့် နှစ်ပေါင်း ၁၀ဝ၀ သို့မဟုတ် ၁၀ဝ၀ဝ ကာလများအတွင်း ကမ္ဘာကြီးဟာ ပျက်စီးတော့မယ်”ဟု ယင်းက ဆိုသည်။

လူသားများ အနေနှင့် မိမိတို့ တတ်ကျွမ်းထားသော နည်းပညာများကို အသုံးချပြီး အချိန်မီ အခြား နေထိုင် ရှင်သန်နိုင်မည့် ဂြိုဟ်တစ်ခုခုကို ရှာဖွေသင့်ကြောင်း၊ ကမ္ဘာကြီး နိဂုံးချုပ်လုနီးပြီ ဖြစ်နေသောကြောင့် မိမိတို့ လူသား အချင်းချင်း အကာအကွယ် ပေးနိုင်မည့် ကိုယ်ကျင့်တရားဆိုင်ရာ အချက်အလက်များကိုလည်း ချမှတ်ထားသင့်ကြောင်း ဟော့ကင်းက တိုက်တွန်းထားသည်။

စတီဖင် ဟော့ကင်းသည် လွန်ခဲ့သည့် နှစ်များကတည်းက လူသားများ အနေနှင့် ဉာဏ်ရည်တု (AI) များ ထုတ်ဖော် စမ်းသပ်နေခြင်း၊ အထူးသဖြင့် စက်ရုပ်များ ထုတ်လုပ်ခြင်း၊ နျူကလီးယား လက်နက်များ တိုးထုတ်နေခြင်းများကိုလည်း ရပ်ဆိုင်းသင့်ကြောင်း ပြောကြားခဲ့သည်။

သဘာဝကို ပျက်စီးအောင် လုပ်နေပြီး ရာသီဥတု ပြုပြင်ပြောင်းလဲမှုများ ဖြစ်စေရန် အခြေခံကလည်း လူသားတို့သာ ဖြစ်ကြောင်း၊ ကမ္ဘာကြီးကို ဆက်ပြီး မပျက်စီးစေရန် ထိန်းသိမ်းမှုများ မပြုလုပ်နိုင်လျှင် လူသားတို့ အစောဆုံး ပျက်သုဉ်းရမည်ဟုလည်း ဆိုသည်။

လူသားတို့ ကျရောက် ပျက်သုဉ်းနိုင်သည့် ဘေးကို ကယ်တင်ရန် တစ်ခုတည်းသော နည်းမှာ ကြယ် သို့မဟုတ် အခြား ဂြိုဟ် တစ်ခုခုတွင် နေထိုင်နိုင်ရန် ခြေဆန့်ကြရန်သာ ဖြစ်ကြောင်း၊ ထရမ့်သမ္မတ ဖြစ်လာမည့် လက်ထက်တွင် ရာသီဥတု ပြုပြင် ပြောင်းလဲနေမှုများကို အလေးထားမည့်သူ မဟုတ်သောကြောင့် ကမ္ဘာကြီး ပိုပြီး ပျက်စီးလာရန်သာ ဖြစ်နိုင်ကြောင်း The Independent သတင်းတွင် ဖော်ပြထားသည်။

============

The Voice

http://thevoicemyanmar.com/it/3840-stp


အင်ဒိုနီးရှားနိုင်ငံ PKB ပါတီမှ နိုင်ငံရေးသမား တစ်ဦးဖြစ်သော အဘဒူလ် ကာဒီယာကာဒင်က မြန်မာနိုင်ငံမှ ဘင်္ဂါလီလူမျိုးများ ကို နှိပ်စက်ခြင်းများ ရပ်တန့်ရေးအတွက် ဆောင်ရွက်မှုများ ပြုလုပ်ရန် အင်ဒိုနီးရှားအစိုးရကို တိုက်တွန်းလိုက်သည်။

“ဘင်္ဂါလီတွေရဲ့လူ့ အခွင့်အရေးတွေ ချိုးဖောက်ခံရပြီး အကြမ်းဖက်ခံနေရတာကို အင်ဒိုနီးရှား အစိုးရအနေနဲ့ ငြိမ်မနေဘူးလို့ ကျွန်တော် မျှော်လင့်ပါတယ်” ဟု PKB ပါတီ၏ အထွေထွေ အတွင်းရေးမှူး ကာဒင်က ပြောသည်။

ဘင်္ဂါလီများကို နှိပ်စက်ညှဉ်းပန်းမှုများသည် လူမျိုးရေးနှင့် ဘာသာရေး မုန်တီးမှုများဆိုင်ရာ အကြမ်းဖက်မှုများ ဖြစ်သည့်အတွက် အာဆီယံဒေသ၏ တည်ငြိမ်မှုကို ထိပါးနိုင်သည်ဟု သူက ဆိုသည်။

"အင်ဒိုနီးရှားက မွတ်ဆလင်များ အနေဖြင့် ဘင်္ဂါလီတွေကို နှိပ်စက်နေတဲ့ သတင်းတွေနဲ့ ပတ်သက်ပြီး သင့်တော်တဲ့ တုံ့ ပြန်မှုလုပ်ကြဖို့ ကျွန်တော် တောင်းဆိုပါတယ်" ဟု ၄င်းက ပြောသည်။

ထို့အပြင် သူက မြန်မာနိုင်ငံ ရခိုင်ပြည်နယ်မှ ဘင်္ဂါလီများအတွက် ဆုတောင်းပေးရန်နှင့် အကူအညီများပေးရန် အင်ဒိုနီးရှား နိုင်ငံသားများကို တောင်းဆိုခဲ့သည်။

အင်ဒိုနီးရှား နိုင်ငံခြားရေးဝန်ကြီး ရတ်နိုအယ်လ်ပီမာဆူဒီက မြန်မာမှ ဘင်္ဂါလီများ တွေ့ ကြုံနေရသည့် အခြေအနေများနှင့် ပတ်သက်ပြီး အင်ဒိုနီးရှားက အဆက်မပြတ် စောင့်ကြည့်နေသည်ဟု ဆိုသည်။

“ဘင်္ဂါလီတွေနဲ့ ပတ်သက်ပြီး ဖြစ်ပေါ်လာနေတဲ့ အခြေအနေတွေကို ကျွန်မတို့ အနီးကပ် စောင့်ကြည့်နေပါတယ် "

ဝန်ကြီးဌာနအနေဖြင့် ရခိုင်ဒေသက အခြေအနေများကို စောင့်ကြည့်နေပြီး မြန်မာအစိုးရထံမှ တိကျ ရှင်းလင်းသည့် သတင်းအချက်အလက်ကို ရှာဖွေရန်ဖြစ်သည်ဟု မာဆူဒီက ပြောကြားသည်။

သည်အချိန်မှာပင် ဟစ်ဇ်ဘူလာ (Hizbullah) မွတ်ဆလင် လူငယ်များအဖွဲ့ ကလည်း မြန်မာစစ်တပ်က ဘင်္ဂါလီ မွတ်ဆလင်များကို သတ်ဖြတ်ခဲ့ခြင်းအတွက် ရှုတ်ချခဲ့ သည်။

“မြန်မာစစ်တပ်က ဘင်္ဂါလီ ကလေးတွေ၊ မိန်းမတွေ၊ ယောက်ျားတွေကို လူသားချင်းမစာမနာ သတ်ခဲ့တာကို ခွှင့်မလွှတ်နိုင်ဘူး" ဟု Hizbullah အဖွဲ့ ဥက္ကဋ္ဌ အမ်အမ်နာရိုဟုလာ က ပြောသည်။ မြန်မာအစိုးရသည် ကမ္ဘာ့ငြိမ်းချမ်းရေးကို ဆန့်ကျင်ပြီး လူမျိုးတုံး သတ်ဖြတ်နေခြင်းဖြစ် သည်ဟု သူက ဆိုသည်။

" ဒေါ်အောင်ဆန်းစုကြည်ကိုလည်း နိုဘယ်လ်ဆု ပြန်လည် ရုပ်သိမ်းရမယ်" ဟုလည်း ဆိုသည်။

မြန်မာစစ်တပ်၏ ပြောကြားချက်အရ အနည်းဆုံး လူ၁၃၀ ခန့် မကြာသေးခင်က ခြုံခိုတိုက်ခိုက်မှုများတွင် အသတ်ခံခဲ့ရသည်ဟု သိရသည်။

ထိုနည်းတူစွာ အာချေပြည်နယ်လွှတ်တော်အမတ် Iskandar Usman Al-Farlaky က ၄င်း၏ ဗဟိုအစိုးရအား မြန်မာနိုင်ငံနှင့် သံတမန် အဆက်အသွယ်
ဖြစ်တောက်ရန် တောင်းဆို ထားကြောင်း Aceh Times သတင်းစာက ဖော်ပြထားသည်။

လင်းလင်း

Ref - Anartara

The Ladies News


ရှမ်းပြည်နယ် မြောက်ပိုင်းတွင် တိုက်ပွဲများ ဖြစ်ပွားလျက်ရှိနေပြီး လတ်တလော အတွင်းမှာပင် ဖားကန့် ကျောက်စိမ်းဒေသတွင် လည်း ကျောက်စိမ်းတူးဖော်မှု ပိုမိုများပြားလာကြောင်း ဖားကန့်ဒေသခံများက ဆိုသည်။

“ဒီနှစ်ကျောက်စိမ်း ထုတ်တာ နည်းနည်းပိုတယ်။ လုံးခင်းမှာ ပိုပြီးတော့ ပိုတာပေါ့။ ဘာလို့လဲဆို ကျွန်တော်တို့က လက်တွေ့မြင်နေရတဲ့ အနေအထားမှာဆိုတော့ သိတာပေါ့။ ကားတွေ များလာတယ်။ မြစ်ကြီးနား မှာတောင် ကားဆယ်စီးလောက် ရောက်နေတယ် ကြားတယ်။ ထပ်ပြီးတိုးလာတယ် ကြားတယ်” ဟု Greenland သဘာဝပတ်ဝန်းကျင် အဖွဲ့မှ ဦးနောင်လတ်က The Ladies သို့ နိုဝင်ဘာလ ၂၃ ရက်နေ့ က ပြောသည်။

ကေအိုင်အေနှင့် တပ်မတော်တို့အကြား ကချင်ပြည်နယ်တွင် တိုက်ပွဲများပြင်း ထန်ခဲ့သည့် ၂၀၁၂ ခုနစ်အတွင်းက ကျောက်စိမ်းတွင်းများ ခေတ္တပိတ်ခဲ့ဖူးပြီး လတ်တလော ရှမ်းမြောက်ဒေသတွင် ပြင်းထန်နေသည့်အတွက် ကချင်ဒေသတွင် ဖြစ်လာပါက ကျောက်စိမ်းတွင်းများ တူးဖော်မှုအပေါ် ထိခိုက်မှုရှိလာနိုင်သဖြင့် ကုမ္ပဏီများအနေဖြင့် ယခုရက်ပိုင်း အတွင်းတွင် တူးဖော်မှု အရှိန်မြင့်တင်မှု ပြုလုပ်ခြင်း ဖြစ်နိုင်ကြောင်း လည်း ဒေသခံအချို့က ပြောသည်။ ယမန်နှစ် နိုဝင်ဘာလထက်ပင် တူးဖော်မှုများ များပြားနေသည်ဟု ဆိုကြသည်။

“တကယ် ပုံမှန်နှစ်တွေ နှုန်းနဲ့ နှိုင်းယှဉ်မယ်ဆိုရင် အခု ရက်ပိုင်းတူးဖော်မှု များနေတယ်” ဟု ကချင်ပြည်အမှတ်(၃) အမျိုးသား လွှတ်တော် ကိုယ်စားလှယ် ဦးခင်မောင်မြင့်ကလည်း ပြောသည်။

ယမန်နှစ်ကလည်း ယခုကဲ့သို့ နိုဝင်ဘာ ၊ ဒီဇင်ဘာ အစိုးရ အကူးအပြောင်း မလုပ်ခင်ကာလတွင် နယ်စပ်မှ ယာဉ်အမြောက်အမြား တင်သွင်းပြီး ကျောက် စိမ်း အလွန်အကျွံ တူးဖော်မှုများ ပေါ်ပေါက်ခဲ့ဖူးသည်။ ထို့အတူ ဖားကန့်ဒေသအတွင်း နိုဝင်ဘာ ၂၂ ရက်က မြန်မာ့တပ်မတော်နှင့် KIA တို့ ထိတွေ့ပစ်ခတ်မှု တစ်နာရီခန့် ဖြစ်ပွားခဲ့ကြောင်းလည်း ၎င်းကဆိုသည်။

“တစ်ဖွဲ့နဲ့တစ်ဖွဲ့တော့ စောင့်ကြည့်တဲ့ အနေအထားမှာတော့ ရှိနေကြတာပေါ့။ နည်းနည်း သတိထားနေကြတဲ့ အနေအထားမှာ ရှိနေတယ်။ သွားလာတာတွေကိုတော့ သူတို့တိုက်ပွဲ ဖြစ်နေရင် တားထားတာပေါ့။ တိုက်ပွဲဖြစ်နေတယ် ခဏလေး နေဦး မဖြတ်နဲ့ပေါ့။ နှစ်ဖက်နားလည်မှုတော့ ရှိကြတယ်ထင်တာပဲ” ဟု ဦးနောင်လတ်က ပြောသည်။

ဖားကန့်ဒေသတွင် ကျောက်စိမ်း တူးဖော်နေသည့် ကုမ္ပဏီများ က ငွေများပေးသဖြင့် လက်နက်ကိုင် တပ်ဖွဲ့များကလည်း ကုမ္ပဏီများကို လုံခြုံရေးပေးသည့် အနေအထားများပင် ရှိကြောင်းလည်း ၎င်းက ပြောသည်။

ရှမ်းပြည်နယ် မြောက်ပိုင်းတွင် ဖြစ်ပွားနေသည့် တိုက်ပွဲများသည် ကန့်သတ်စစ်ပွဲများသာဖြစ်ပြီး အမျိုးသား ပြန်လည်သင့်မြတ်ရေး ကို ထိခိုက်စေရန် ရည်ရွယ်ခြင်းမဟုတ်ကြောင်း KIO မှ နိုဝင်ဘာ ၂၃ ရက်နေ့စွဲဖြင့် ထုတ်ပြန်ထားသည်။

ဇော်မင်းထွန်း
Photo - ဖားကန့်သတင်း
The Ladies News


မူဆယ်ဒေသတွင်းတိုက်ပွဲများကြောင့် အခြေခံပညာကျောင်းများ ပိတ်ထားရသော်လည်း လက်ရှိအခြေအနေအရ လာမည့် တစ်ရက်နှစ်ရက်အတွင်း မူဆယ်မြို့ရှိ အခြေခံပညာကျောင်းများ ပြန်လည်ဖွင့်လှစ်မည်ဖြစ်ကြောင်း နိုဝင်ဘာလ ၂၃ရက်တွင် မူဆယ်မြို့နယ် အထွေထွေအုပ်ချုပ်ရေးဦးစီးဌာနထံမှ သိရသည်။

“မိဘတွေက မလွှတ်တော့ ကျောင်းက အလိုလို ပိတ်သွားသလို ဖြစ်သွားတာပေါ့။ ဆရာ ဆရာမတွေကတော့ မြို့ပေါ်မှာပဲ ရှိပါတယ်။ လျော့သွားတဲ့ စာသင်ချိန်တွေကိုတော့ စနေ၊ တနင်္ဂနွေမှာ ပြန်ဖြည့်သင်မယ်။ လက်ရှိ အခြေအနေအရတော့ တစ်ရက်နှစ်ရက်အတွင်း ကျောင်းတွေ ပြန်ဖွင့်မှာပါ။ စုစုပေါင်း ၉၅ကျောင်းရှိပါတယ်။''ဟု မူဆယ်မြို့နယ် အထွေထွေအုပ်ချုပ်ရေးဦးစီးဌာနမှ ဦးစီးအရာရှိ ဦးဇော်မင်းက ဆိုသည်။

မူဆယ်မြို့သည် အရှေ့မြောက်ဒေသတွင် ကုန်စည်များ ရောင်းဝယ်ဖောက်ကားရာ အဓိကဆုံရပ်တစ်ခုဖြစ်ပြီး တရားဝင်နေထိုင်သူ လူဦးရေ ရှစ်သောင်းကျော်ရှိကာ ရွှေ့ပြောင်းလုပ်သားများ ပါဝင်ပါက လူဦးရေတစ်သိန်းခန့်ရှိကြောင်း သိရသည်။
မူဆယ်ဒေသသို့ တိုက်ခိုက်နေမှုကို ရပ်တန့်ပေးရန် KIA ၊ MNDAA ၊ TNLAစသည့် လက်နက်ကိုင်အဖွဲ့များထံ အရပ်ဖက်အဖွဲ့အစည်းများက နိုဝင်ဘာ ၂၃ရက်တွင် စုပေါင်းတောင်းဆိုထားပြီး မရပ်တန့်ပါက နိုဝင်ဘာ၂၆ရက်တွင် ၄င်းအရပ်ဖက်အဖွဲ့စည်းများက ဆန္ဒထုတ်ဖော်သွားမည်ဖြစ်ကြောင်း ကြေညာချက်ထုတ်ပြန်ထားသည်။

ယနေ့ မူဆယ်မြို့ အခြေအနေမှာ တည်ငြိမ်နေကြောင်း၊ မူဆယ်အမှတ်၂ ဟင်းသီးဟင်းရွက်ဈေးမှာလည်း ပုံမှန်ဖွင့်ထားပြီး နံနက် ၁၀နာရီကျော်တွင် လူနည်းသွားကြောင်း ဒေသခံများထံမှ သိရသည်။

မူဆယ်မြို့လုံခြုံရေးအား သက်ဆိုင်ရာမှ တာဝန်ယူဆောင်ရွက်လျက်ရှိရာ မြို့နေ ပြည်သူများအနေဖြင့် ကောလာဟလများကို ချင့်ချိန်ယုံကြည်ရန်၊ နေအိမ်စွန့်ခွာ ထွက်မသွားကြရန် ခရိုင်အုပ်ချုပ်ရေးမှူးရုံးမှ မေတ္တာရပ်ခံ သတင်းထုတ်ပြန်ထားသည်။

MTH
(ပုံစာ- မူဆယ်ဒေသတွင်းတစ်နေရာမြင်ကွင်း)

============

SKY Land News & Entertainment Media

 အွန်လိုင်းတက္ကသိုလ် ပညာသင်ကြားမှုကျောင်းဖွင့်ပွဲအခမ်းအနားကို ထိုင်းနိုင်ငံမဲဆောက်မြို့က မယ်တော် ဆေးခန်းမှာ နိုဝင်ဘာလ ၂၃ ရက်နေ့က ကျင်းပနေစဉ် အွန်လိုင်းတက္ကသိုလ် ပညာသင်ကြားမှုကျောင်းဖွင့်ပွဲအခမ်းအနားကို ထိုင်းနိုင်ငံမဲဆောက်မြို့က မယ်တော် ဆေးခန်းမှာ နိုဝင်ဘာလ ၂၃ ရက်နေ့က ကျင်းပနေစဉ်
Photo: Aung Moe Myint/ RFA

ထိုင်းမြန်မာနယ်စပ်မှာရှိတဲ့ ဒုက္ခသည်စခန်းက ကျောင်းသူ ကျောင်းသား ၅၀ ပညာသင်ကြားဖို့ အမေရိကန်နိုင်ငံ ကယ်လီဖိုးနီးယားအခြေစိုက် ပြည်သူ့တက္ကသိုလ် University of the People က လက်ခံလိုက်ပြီး ကျောင်း သူ၊ ကျောင်းသားတွေကို Online ကနေပြီး Online University (အွန်လိုင်း တက္ကသိုလ်) အနေနဲ့ အခမဲ့ သင်ကြား ပို့ချပေးသွားမယ်လုို့ သိရပါတယ်။

မြန်မာနိုင်ငံက ဒုက္ခသည်ကျောင်းသူကျောင်းသားများရဲ့ အွန်လိုင်းတက္ကသိုလ်ပညာသင်ကြားမှုကို ဒါပထမဆုံး အကြိမ် လက်ခံသင်ကြားပေးတာဖြစ်ပြီး ဒီကနေ့ နိုဝင်ဘာလ ၂၃ ရက်နေ့မှာ ထိုင်းနိုင်ငံ မဲဆောက်မြို့မှာ ရှိတဲ့ ဒေါက်တာ စင်သီယာမောင် ဖွင့်လှစ်ထားတဲ့ မယ်တော် ဆေးခန်းမှာ ညနေ ၅ နာရီက ဒီကျောင်းဖွင့်ပွဲ အခမ်းအနား ကျင်းပခဲ့ပါတယ်။

ဒီအခမ်းအနားကို ပြည်သူ့တက္ကသိုလ် University of the People ဥက္ကဌ ဖြစ်တဲ့ Mr. Shai Reshef ကိုယ်တိုင် တက်ရောက်ခဲ့ပြီး ပညာသင်ကြားရေး ဆိုင်ရာကိစ္စတွေရှင်းပြခဲ့တယ်လို့ ဒုက္ခသည် ကျောင်းသူကျောင်းသားတွေ ပညာသင်ကြားနုိုင်ရေး ဦးဆောင်သူတစ်ဦးဖြစ်တဲ့ ထိုင်းမြန်မာနယ်စပ် အခြေစိုက် တုိုင်းရင်းသားပညာရေး ဌာနများနဲ့ ရွှေ့ပြောင်းလူထုပညာရေး အကြံပေးပုဂ္ဂိုလ် ဒေါက်တာ သိန်းနိုင် က RFA ကို အခုလို ပြောပါတယ်။

"အဓိကအချက်ကတော့ ကျနော်တို့ ဒီ ထိုင်း မြန်မာနယ်စပ် ဒုက္ခသည်စခန်းတွေမှာ ရွှေ့ပြောင်း လူထုအတွက် ဒီ တက္ကသိုလ်ပညာ အခက်အခဲအများကြီး ရှိပါတယ်။ အဲ့ဒီအပေါ်မှာ တက္ကသိုလ်တွေ သွားရောက်သင်ကြားတဲ့ အရေအတွက် အနည်းအကျဉ်း ရှိပေမယ့် အများစု အတွက်က လက်လှမ်း မမှီတော့ ဒီ ကွန်မြူနတီ ထဲမှာ လုပ်ကိုင်နေထိုင်ရင်းနဲ့လည်း ဒီ အဆင့်မြင့် ပညာကို လက်လှမ်း မှီနိုင်တဲ့ အခြေအနေမျိုး ကျနော်တို့က စဉ်းစားကြည့်တဲ့အခါမှာ ဒီ University gf People နဲ့ ချိတ်ဆက်မိပါတယ်။ သူတို့ရဲ့ တက္ကသိုလ် ဥက္ကဌ ဖြစ်တဲ့ Mr. Shai Reshef နဲ့ ကျနော်တို့ ဆွေးနွေးမှုတွေလုပ်တယ် အဲ့ဒီနောက်ဆက်တွဲမှာ သူတို့က ဒီ စကော်လာချီစ် ၅၀ ပေးဖို့ အတွက်ကို ဒီ ဒုက္ခသည် ကလေးငယ်တွေအတွက် ကို သဘောတူထားတာရှိတယ် ဆိုတော့ ဒီ အွန်လိုင်း စနစ်နဲ့ပေါ့နော် လေ့လာနိုင်ဖို့အတွက် သူတို့ ပေးသွားမှာပါ"

ပညာသင်ကြားခွင့်ရရှိမည့်သူတွေကတော့ ထိုင်း မြန်မာနယ်စပ်မှာရှိတဲ့ ကရင်နီဒုက္ခသည်စခန်းတွေထဲက ဒုက္ခသည်စခန်း ၉ ခုထဲမှာရှိ တဲ့ ကျောင်းသူကျောင်း သားတွေ အပါအ၀င် နယ်စပ်ဒေသက ရွှေပြောင်းမြန် မာနိုင်ငံသားတွေထဲက ကျောင်းသူကျောင်းသား အယောက် ၅၀ ကို ရွေးချယ်ထား တယ်လို့လည်း သိရပါတယ်။

မြန်မာဒုက္ခသည်ကျောင်းသူကျောင်းသားတွေအနေနဲ့ ဒီတက္ကသိုလ်ကနေပြီး MBA ဘွဲ့အပြင် ကွန်ပျူတာသိပ္ဗံဘွဲ့ ၊ကျန်းမာရေးသိပ္ဗံဘွဲ့၊ စီးပွားရေး စီမံခန့်ခွဲမှု သိပ္ဗံဘွဲ့တွေကို သင်ကြား ရရှိကြမှာဖြစ်တယ်လို့လည်း သိရပါတယ်။

ပြည်သူ့တက္ကသိုလ် University of the People တက္ကသိုလ်ဟာ လွန်ခဲ့တဲ့ ၅ နှစ်ခန့်က အမေရိကန် နုိုင်ငံအစိုးရနဲ့ အမေရိကန်ပညာရေး လောကမှာ အသိ အမှတ်ပြုခံထားရတဲ့ တက္ကသိုလ်တစ်ခုဖြစ်ပြီး ကျူရှင် ကျောင်းလခ အများကြီးပေးစရာမလုိုပဲ တကမ္ဘာလုံးမှာရှိတဲ့ ကျောင်းသူကျောင်းသားတွေ ပညာသင်ကြားနေတဲ့ ကျောင်း တစ်ကျောင်းဖြစ်တယ်လို့လည်း သိရပါတယ်။
RFA

 သံလွင်မြစ်ကော်မရှင်ဖွဲ့ဖို့ကိစ္စ ပို့ဆောင်ရေးနဲ့ ဆက်သွယ်ရေးဝန်ကြီး ဦးသန့်စင်မောင် နိုဝင်ဘာလ ၂၃ ရက်နေ့ အမျိုးသားလွှတ်တော် အစည်းအဝေးမှာ ရှင်းလင်းတင်ပြနေစဉ် သံလွင်မြစ်ကော်မရှင်ဖွဲ့ဖို့ကိစ္စ ပို့ဆောင်ရေးနဲ့ ဆက်သွယ်ရေးဝန်ကြီး ဦးသန့်စင်မောင် နိုဝင်ဘာလ ၂၃ ရက်နေ့ အမျိုးသားလွှတ်တော် အစည်းအဝေးမှာ ရှင်းလင်းတင်ပြနေစဉ်
တရုတ်၊ မြန်မာနဲ့ ထိုင်းတို့ပါဝင်မယ့် သံလွင်မြစ်ကော်မရှင်ကို ဖွဲ့စည်းဖို့အတွက် သံတမန်လမ်းကြောင်းက ဆက်သွယ်ဆောင်ရွက်ပေးဖို့ နိုင်ငံခြားရေးဝန်ကြီးဌာနကို တင်ပြထားတယ်လို့ ပို့ဆောင်ရေးနဲ့ ဆက်သွယ်ရေး ၀န်ကြီး ဦးသန့်စင်မောင်က ပြောပါတယ်။

ဒီကနေ့ အမျိုးသားလွှတ်တော်အစည်းအဝေးမှာ ကယားပြည်နယ် အမှတ် ၉ မဲဆန္ဒနယ်က အမျိုးသားလွှတ်တော် ကိုယ်စားလှယ် ဦးစိုးသိန်းရဲ့ သံလွင်မြစ်ကို ရေရှည်ပိုင်ပိုင်နိုင်နိုင် အသုံးပြုရေးအတွက် အနာဂတ်မှာ ကြုံတွေ့ရ ဖွယ်ရှိတဲ့ ပြဿနာ တွေ ကြိုတင်ကာကွယ်နိုင်ရန် တရုတ်နိုင်ငံနဲ့ ရေစီမံခန့်ခွဲမှု သဘောတူညီမှု ဆောင်ရွက်ဖို့ အစီအစဉ် ရှိ၊ မရှိမေးခွန်းကို ဖြေကြားရာမှာ အခုလို ထည့်သွင်းပြောကြားလိုက်တာပါ။

အဲဒီလို သံလွင်မြစ် ကော်မရှင်ဖွဲ့ဖို့အတွက် လာမယ့် ၂၀၁၇ ခုနှစ်မှာ မြန်မာနိုင်ငံ မန္တလေးမြို့မှာ အိမ်ရှင်အဖြစ် လက်ခံကျင်းပမယ့် JACCCN ကော်မတီအစည်းအဝေးမှာ တရုတ်နိုင်ငံ၊ ထိုင်းနိုင်ငံတို့နဲ့ ညှိနှိုင်းသွားမယ်လို့လည်း ၀န်ကြီး ဦးသန့်စင်မောင်က ပြောပါတယ်။

သံလွင်မြစ်ဟာ အလျား ၂၈၁၅ ကီလိုမီတာရှိပြီးတရုတ်နိုင်ငံမှာ ၁၅၄၃ ကီလိုမီတာ၊ မြန်မာနိုင်ငံမှာ ၁၂၇၂ ကီလိုမီတာ နဲ့ မြန်မာ၊ ထိုင်းနယ်စပ်မြစ်အဖြစ် ၁၂၀ ကီလိုမီတာ စီးဆင်းနေတာဖြစ်ပါတယ်။
RFA