11/26/16


ဂျာကာတာမြို့ရှိ အစိုးရ အဆောက်အအုံများနှင့် မြန်မာသံရုံး တို့အား ဗုံးဖောက်ခွဲရန် ကြံစည်သည့် အစ္စလာမစ် စစ်သွေးကြွ တစ်ဦးအား အင်ဒိုနီးရှား ရဲတပ်ဖွဲ့မှ ဖမ်းမိကြောင်း အင်ဒိုရဲတပ်ဖွဲ့၏ ပြောရေးဆိုခွင့်ရှိသူ က ပြောကြား ကြောင်း ရိုက်တာ သတင်းဖော်ပြချက်အရ သိရသည်။

ဖမ်းမိသူမှာ အသက် ၂၃ နှစ်အရွယ် Rio Priatna Wibawa ဖြစ်ပြီး IS အဖွဲ့၏ အထောက်အပံ့ရထားသည့် အင်ဒိုနီးရှားအဖွဲ့မှ ဖြစ်နိုင်ဖွယ်ရှိကြောင်း ရဲတပ်ဖွဲ့ကဆိုသည်။

ဖောက်ခွဲရန် ကြံစည်သူသည် ၂၀၀၂ ခုနှစ်၊ ဘာလီနိုကလပ်တွင် လူပေါင်း ၂၀၂ ဦး သေဆုံးခဲ့သည့် ဖြစ်စဉ်ထက် နှစ်ဆပိုများသည့် ပေါက်ကွဲမှုဖြစ်ရန် ကြံစည်ထားကြောင်း ဒေသခံ သတင်းမီဒီယာများတွင် ဖော်ပြထားသည်။

Wibawa သည် စိုက်ပျိုးရေး သိပ္ပံတက္ကသိုလ်တွင် လေ့လာနေသူ တစ်ဦးဖြစ်ပြီး အလုပ်အကိုင် မရှိသူတစ်ဦးဖြစ်ပြီး ၄င်းအနေဖြင့် အင်ဒိုနီးရှားနိုင်ငံရှိ နေရာ အများစုကို ဖောက်ခွဲနိုင်သည့် ဗုံးများ ပြုလုပ်ထားသည်ကို ဖမ်းဆီး ရရှိခြင်း ဖြစ်ကြောင်း အင်ဒိုနီးရှား ရဲတပ်ဖွဲ့ ပြောရေးဆိုခွင့်ရှိသူ Boy Rafli Amar က စနေ့နေ့ (နိုဝင်ဘာ ၂၆ ရက်)တွင် ပြောသည်။

ယခုနှစ်အတွင်း IS အဖွဲ့နှင့် ချိတ်ဆက်သူများ ရှိနိုင်ပြီး ဇန်န၀ါရီလအတွင်းက ဂျကာတာမြို့တော်အတွင်း သေနတ်နှင့် ဗုံးများ အသုံးပြုကာ တိုက်ခိုက် မှုကြောင့် လူလေးဦး သေဆုံးခဲ့ခြင်းရှိကြောင်း ဆိုသည်။ အာဏာပိုင်များ ၏ ပြောဆိုချက်အရ အင်ဒိုနီးရှားနိုင်ငံမှ IS အဖွဲ့နှင့် ချိတ်ဆက် ထားသူ ရာပေါင်းများစွာရှိ နိုင်ကြောင်း ပြောဆိုခြင်းများ ရှိသည်။

Ref/Photo : Reuters
စိုင်းဟန်
The Ladies News
https://www.facebook.com/News.TheLadies/



 ပြင်သစ်နိုင်ငံပဲရစ်မြို့ လုံခြုံရေးတင်းကျပ်
ပြင်သစ်နိုင်ငံရဲ့ အမှုလိုက် အရာရှိချုပ်ရဲ့ ဆိုအရ ပြီးခဲ့တဲ့အပါတ်က ဖမ်းဆီးရမိတဲ့ လူ၅ယောက်တို့ဟာ လာမယ့် ကြာသပတေးနေ့ လောက်မှာ ပဲရစ်မြို့တော် ပတ်ဝန်းကျင်ကို အကြမ်းဖက် တိုက်ခိုက်ဖို့ စီစဉ်နေတယ်လို့ ပြောပါတယ်။

အီရတ်နဲ့ ဆီးရီးယားမှာ အခြေစိုက် တဲ့ အိုင်အက်စ် အစ္စလမ်မစ်ဝါဒီ တပ်မှူးတယောက်ဆီက မိုဘိုင်းအက်ကနေ လျှို့ဝှက်အမိန့်တွေလက်ခံရရှိနေတာလို့ အမှုလိုက်အရာရှိချုပ် Francois Molins ကပြောပါတယ်။

အဲဒီ၅ယောက်မှာပြင်သစ်လူမျိုး၎ယောက်နဲ့ မော်ရိုကိုလူမျိုးတယောက်ပါဝင်ပါတယ်။ စီးနင်းရှာဖွေမှုတွေအတွင်း မောင်းပြန်လက်နက်တွေလည်း တွေ့ရှိပါတယ်။အခုအခါ အကြမ်းဖက်မှု ကျူးလွန်ဖို့ကြံစည်မှုနဲ့သူတို့ကို စွပ်စွဲပြီးတရားစွဲဖို့ ဆောင်ရွက်နေပါတယ်။

ဘယ်နေရာကို ပစ်မှတ်ထားတယ်ဆိုတာ စုံစမ်းဆဲဖြစ်ပေမယ့် ဖြစ်နိုင်တဲ့ပ စ်မှတ်တွေကတော့ ပဲရစ်တရားရုံးတွေ၊ အနီးနားက တရားရုံးဆိုင်ရာ ရဲဌာနချုပ်၊ ရှောင်အလီ လမ်းမကြီးပေါ်က ခရစ်မတ် ဈေးရောင်းပွဲနဲ့ ဒစ္စနီလန်း အပန်းဖြေ ဥယာဉ်တို့ ဖြစ်နိုင်တယ်လို့ ပြင်သစ် မီဒီယာတွေကရေး ပါတယ်။

အဲဒီထဲက စထရားဘတ်မြို့မှာ မိသူတွေဟာ မြောက်အာဖရိက နွယ်ဖွား ပြင်သစ်နိုင်ငံသား တွေဖြစ်ပြီး အသက် ၃၀ဝန်းကျင်ရှိပါတယ်။ သူတို့ထဲက ၂ယောက်က မနှစ်တုန်းက ဆီးရီးယားကို သွားခဲ့တယ်လို့ စုံစမ်းစစ်ဆေးသူတွေ ကပြောပါတယ်။ မာဆဲမြို့မှာဖမ်းမိတဲ့သူကတော့ မော်ရိုကို နိုင်ငံသားဖြစ်ပြီး ကျန်၎ယောက်ကို မသိပေမယ့် နေရာတခုထဲကနေ သူတို့အားလုံးကို ညွှန်ကြားချက်တွေ ပေးနေတာ ဖြစ်ပါတယ်။

ဒီအဖွဲ့ကို နောက်ယောင်ခံနေတာ လနဲ့ချီနေပြီး သွေးထွက်သံယိုမှု မဖြစ်မနေလုပ်တော့မှာမို့ ရဲကဖမ်းလိုက်ရတာ လို့လည်း အမှုလိုက် အရာရှိချုပ်ကပြောပါတယ်။ ပြင်သစ်နိုင်ငံမှာမနှစ်က နိုဝင်ဘာတုန်းက အကြမ်းဖက် တိုက်ခိုက်မှုအတွင်း လူပေါင်း ၁၃၀ကျော် သေဆုံးပြီးနောက် အခုချိန်အထိ အရေးပေါ် အခြေအနေ အောက်မှာ ရှိနေပါတယ်။

BBC Burmese
http://www.bbc.com/burmese



ကမာရွတ်မြို့နယ်၊ ရထားသံလမ်းပေါ်၌ မိန်းကလေးငယ်တစ်ဦး ဒဏ်ရာများဖြင့် သေဆုံးမှုနှင့်ပတ်သက်၍ ပြစ်မှုကျူးလွန်သူအား ရန်ကုန်တိုင်းဒေသကြီး ရဲတပ်ဖွဲ့မှ ၂၄ နာရီအတွင်း ဖမ်းဆီးရမိ

ရန်ကုန်၊ နိုဝင်ဘာ ၂၆

၂၄.၁၁.၂၀၁၆ ရက်နေ့ ၁၉း၂၅ အချိန်တွင် ကမာရွတ်မြို့နယ်၊ (၆)ရပ်ကွက်၊ ဟံသာဝတီဘူတာနှင့် လှည်တန်းဘူတာကြား၊ မိုင်တိုင်အမှတ်(၄/၁၂) ရထားသံလမ်းပေါ်တွင် မိန်းကလေးငယ်တစ်ဦး ဒဏ်ရာများဖြင့် သေဆုံးနေကြောင်းသတင်းအရ ကမာရွတ်မြို့မရဲစခန်းမှတပ်ဖွဲ့ဝင်များက သွားရောက်စစ်ဆေးခဲ့ရာ အဆိုပါနေရာ၌ အသက်(၁၀)နှစ်ခန့်ရှိ မိန်းကလေးငယ်တစ်ဦးမှာ လည်ပင်းပြတ်ရှဒဏ်ရာများ၊ ဦးခေါင်းပေါက်ပြဲဒဏ်ရာများဖြင့် သေဆုံးနေသည်ကို စစ်ဆေးတွေ့ရှိရပြီး အခင်းဖြစ်နေရာအနီးတွင် လွယ်အိတ်များနှင့် ခဲတံချွန်ခေါက်ဓားတစ်ချောင်းတို့အားတွေ့ရှိရသဖြင့် ကမာရွတ်မြို့မရဲစခန်း (ပ)၆၄၁/၂၀၁၆၊ ရာဇသတ်ကြီးပုဒ်မ-၃၀၂ ဖြင့် အမှုဖွင့်ကာ ပြစ်မှုကျူးလွန်သူအား ဖမ်းဆီးရမိရေး စုံစမ်းဆောင်ရွက်လျက်ရှိပါသည်။

အမှုနှင့်ပတ်သက်၍ ကမာရွတ်မြို့မရဲစခန်းမှတပ်ဖွဲ့ဝင်များက စစ်ဆေးဆောင်ရွက်ခဲ့ရာ သေဆုံးသူမှာ လှိုင်သာယာမြို့နယ်၊ မီးခွက်ဈေးအောက်ထိပ်နေ မ၀င်းဝင်းအေး၊ (၁၀)နှစ်ဖြစ်ပြီး ၎င်း၏မိခင် မဌေး နှင့်အတူ လှည်းတန်းဂုံးတံတားအောက်တွင် ပန်းရောင်းသည့်အလုပ်လုပ်ကိုင်ကြောင်းကို မိခင်ဖြစ်သူ၏ပြောဆိုချက်အရ အတည်ပြုသိရှိခဲ့ရပါသည်။

စစ်မေးချက်အရ ၂၄.၁၁.၂၀၁၆ ရက်နေ့တွင် ၎င်းနှင့်သမီးဖြစ်သူတို့ လှည်းတန်းဂုံးတံတားအောက်၌ ပန်းရောင်းနေစဉ် ညီမဖြစ်သူမိဆယ်၏ ခင်ပွန်းဟောင်းဖြစ်သူ ပြာဂလောင်(ခ)ကျော်ကြီးရောက်ရှိလာပြီး ၎င်းတစ်ဦးတည်းပိုက်ဆံတောင်းရမ်းနေသည်မှာ အဆင်မပြေသဖြင့် သမီးဖြစ်သူအားထည့်ပေးရန်ပြောရာ သမီးဖြစ်သူ မ၀င်းဝင်းအေးအား ထည့်ပေးလိုက်ကြောင်း၊ ၎င်းနောက် ၁၉း၄၅ အချိန်တွင် ပြာဂလောင်(ခ)ကျော်ကြီးမှာ တစ်ဦးတည်းပြန်လည်ရောက်ရှိလာသဖြင့် သမီးဖြစ်သူအားမေးမြန်းရာ အရင်ပြန်လွှတ်လိုက်ပြီဖြစ်ကြောင်းပြောဆိုသော်လည်း ၎င်းမှသမီးဖြစ်သူမှာ ပြန်လည်ရောက်ရှိခြင်း မရှိသေးကြောင်းပြန်ပြောရာ ပြာဂလောင်(ခ)ကျော်ကြီးမှ လိုက်ရှာဦးမည်ဟုပြောဆို၍ အင်းယားကန်ဘောင်ဘက်သို့ထွက်သွားခဲ့ကြောင်း၊ ၎င်းမှလည်း သမီးဖြစ်သူအား လိုက်လံရှာဖွေစဉ် ရဲတပ်ဖွဲ့ဝင်များမှ မိန်းကလေးငယ်တစ်ဦးသေဆုံးနေကြောင်း ဓါတ်ပုံအားပြသသဖြင့် ကြည့်ရှုရာမှ သမီးဖြစ်သူမှာ ဟံသာဝတီဘူတာနှင့် လှည်းတန်းဘူတာကြား ရထားသံလမ်းပေါ်တွင် ဒဏ်ရာများဖြင့် သေဆုံးနေခြင်း ဖြစ်ကြောင်းသိရှိရပြီး အနီးတွင်လည်း ပြာဂလောင်(ခ)ကျော်ကြီးလွယ်သွားသော အပြာအဖြူစိမ်းပတ်လည်စင်းပါ ချည်လွယ်အိတ်အား တွေ့ရှိခြင်းဖြစ်ကြောင်း သိရှိရပါသည်။

အမှုမှပြစ်မှုကျူးလွန်သူအား ဖမ်းဆီးရမိရေး စုံစမ်းဆောင်ရွက်ခဲ့ရာ ရန်ကုန်တိုင်းဒေသကြီးရဲတပ်ဖွဲ့မှူး ရုံးက တပ်ဖွဲ့ဝင်များမှ ၂၅.၁၁.၂၀၁၆ ရက်နေ့ ၁၉၃၀ အချိန်တွင် ၀ါးတန်းဆိပ်ကမ်းမှ ဒလမြို့နယ်၊ မှော်စက်ရပ်ကွက်၊ မင်းရဲကျော်သူလမ်းနေ ကျော်အောင်(ခ)ကျော်ကြီး(ခ)ပြာဂလောင် (၂၉) နှစ်အား ဖမ်းဆီးရမိခဲ့ပြီး စစ်ဆေးခဲ့ရာ ၎င်းမှအမှုအားကျူးလွန်ခဲ့ကြောင်းနှင့် ဆက်လက်စစ်ဆေးလျက်ရှိကြောင်း သတင်းရရှိသည်။

Yangon Police
https://www.facebook.com/yangonpolice/


အီရတ်နိုင်ငံ Muosul မြို့တွင်း IS ထောက်ခံသူများ။
IS အစွန်းရောက်အဖွဲ့နဲ့ ပူးပေါင်းဖို့ - အရှေ့တောင်အာရှက ရာနဲ့ချီတဲ့ တိုက်ခိုက်ရေးသမားတွေဟာ ဆီးရီးယားနဲ့ အီရတ်နိုင်ငံတွေဆီ သွားရောက်ခဲ့ကြပါ တယ်။ လုံခြုံရေးသုံးသပ်သူတွေကတော့ - သူတို့အနေနဲ့ - အကြမ်းဖက် အဖွဲ့နဲ့ ဒေသတွင်း စစ်သွေးကြွအုပ်စုတွေကြား ကြီးထွားလာနေတဲ့ ကွင်းဆက်တွေကို ခြေရာခံတွေ့ရှိထားတဲ့အကြောင်း - ဗွီအိုအေသတင်းထောက် Ron Corben - ဘန်ကောက်ကနေ ပေးပို့ထားတဲ့ သတင်းလွှာကို မနန္ဒာချမ်း က တင်ပြထားပါတယ်။

IS ထောက်ခံသူ ရာပေါင်းများစွာဟာ ဆီးရီးယားနဲ့ အီရတ်နိုင်ငံတွေဆီ သွားရောက်ခဲ့ကြသလို၊ မူရင်းနိုင်ငံမှာရော ဘယ်နှစ်ယောက်ရှိ နေမလဲ - ဒီအပေါ် လုံခြုံရေးကျွမ်းကျင်သူတွေက သုံးသပ်နေကြတာပါ။ ဆက်နွယ်မှုတွေကြောင့် ခြိမ်းခြောက်မှု ကြုံနေရတဲ့ အခြေအနေကို လိုတာထက်ပို မပြောချင်ကြပေမဲ့လည်း ပိုမိုအလေးထား အာရုံစိုက်သင့်တဲ့ အကြောင်းရင်းတခု ရှိနေတယ်လို့လည်း လေ့လာ သူတွေ ပြောကြပါတယ်။ ဂျကာတာအခြေစိုက် ပဋိပက္ခအပေါ် မူဝါဒရေးရာ အကဲဖြတ် ဌာန ညွှန်ကြားရေးမှူး Sidney Jones ကတော့ - IS နဲ့ သွားပေါင်းသူတွေ နေရပ်ပြန်လာတဲ့အပေါ် အရှေ့တောင်အာရှ အစိုးရတွေက စိုးရိမ်နေကြတယ်လို့ ဆိုပါတယ်။

“ပြည်ပကနေ ပြန်လာကြတဲ့ တိုက်ခိုက်ရေးသမားတွေကို အရှေ့တောင်အာရှ အစိုးရတွေ စိုးရိမ်နေကြတာ အခုဆိုရင် နှစ်အတန်ကြာနေပါပြီ။ အခုအချိန်မှာ အရှေ့အလယ်ပိုင်းကနေ အစုလိုက်အပြုံလိုက် ထွက်ခွာနေကြတဲ့ အထောက်အထား ခိုင်ခိုင်မာမာ မရှိပေမဲ့လည်း စိုးရိမ်မှုအဆင့်ကတော့ တိုးလာနိုင်ပါတယ်။” - လို့ သူက ပြောဆိုခဲ့တာပါ။

IS အဖွဲ့ကို အားကြကြတဲ့ တိုက်ခိုက်ရေးသမားတွေဟာ မကြာသေးခင်နှစ်တွေ အတွင်း အရှေ့တောင်အာရှမှာ တိုက်ခိုက်မှုတွေလုပ်ဖို့ ကြိုးပမ်းခဲ့ကြ ပေမဲ့လည်း တောင်အာရှ၊ အရှေ့အလယ်ပိုင်း၊ ဥရောပနဲ့ အမေရိကန်ပြည်ထောင်စုတို့မှာ တိုက်ခိုက်ခံရတဲ့ အရေအတွက်ထက်တော့ အတော်လေး နည်းသလို - အရှေ့တောင်အာရှကနေ အီရတ်နဲ့ ဆီးရီးယားကို သွားကြတဲ့ IS ထောက်ခံသူ အရေအတွက်ဟာလည်း သိသိသာသာ နည်းပါတယ်။

၂၀၁၆ ခုနှစ်အတွင်းမှာတော့ အရှေ့အလယ်ပိုင်း ဒေသက စစ်သွေးကြွတွေရန်က ကင်းလွတ်တယ်လို့ အများက ယူဆထားတဲ့ ဖိလစ်ပိုင်နိုိင်ငံက နေရာတော်တော် များများနဲ့ အင်ဒိုနီးရှားနိုင်ငံမြို့တော်နဲ့ ဂျာဗားအလယ်ပိုင်းဒေသက ရဲစခန်းတခုတို့ကို IS အဖွဲ့တွေကို အားကြသူတွေရဲ့ တိုက်ခိုက်ခံခဲ့ရတာပါ။

ဒါပေမဲ့လည်း IS တွေကို စာနာပြီိး အရှေ့တောင်အာရှကနေ အီရတ်နဲ့ ဆီးရီးယားကို သွားကြတဲ့သူ အရေအတွက်ကတော့ နည်းပါးလှပါတယ်။ အရှေ့အလယ်ပိုင်းကို သွားကြသူတွေထဲမှာ - အင်ဒိုနီးရှားနဲ့ မလေးရှားက အယောက် ၈၀၀၊ သြစတြေးလျက ခန့်မှန်းချေ ၁၀၀ လောက်နဲ့ စင်္ကာပူနဲ့ ဖိလစ်ပိုင်နိုင်ငံတွေဆီက အနည်းငယ် ပါဝင်တယ်လို့ ကျွမ်းကျင်သူတွေက ခန့်မှန်းထားကြတာပါ။

ဒါပေမဲ့လည်း IS အဖွဲ့အနေနဲ့ အရှေ့တောင်အာရှမှာ တခြား စစ်သွေးကြွအဖွဲ့တွေနဲ့ ပေါင်းပြီး တိုက်ခိုက်မှုတွေ ပိုလုပ်လာမှာ၊ အထူးသဖြင့် ကိုယ်ပိုင်အုပ်ချုပ်ခွင့်တွေ ရထားတဲ့ ဒေသတွေမှာ စိုးရိမ်မှုတွေလည်း တိုးလာနေတာ ဖြစ်ပါတယ်။ အထူးသဖြင့် - မလေးရှားရဲ့ Sabah ပြည်နယ်နဲ့ အင်ဒိုနီးရှားရဲ့ Sulawesi ကျွန်းတို့နဲ့ နယ်နမိတ်ချင်းဆက်နေတဲ့ ဖိလစ်ပိုင်တောင်ပိုင်းက Sulu ပင်လယ်ပြင်ပဲ ဖြစ်ပါတယ်။ ဖိလစ်ပိုင်နိုင်ငံက Basilan ခရိုင်မှာရှိတဲ့ မတူတဲ့ လူမျိုးနွယ်စုတွေကို ကိုယ်စားပြုထားတဲ့ စစ်သွေးကြွ အနည်းဆုံး ၄ ဖွဲ့ကနေ ၅ ဖွဲ့လောက်အထိဟာ IS စစ်သွေးကြွအဖွဲ့အပေါ် သစ္စာခံခဲ့ကြတဲ့အတွက် - ဒါဟာဆိုရင် - လုံးဝ မတူတဲ့ အုပ်စုတွေကို IS အဖွဲ့က ပေါင်းစည်းပေးနိုင်စွမ်း ရှိတယ်ဆိုတာ ခိုင်မာတဲ့ သက်သေတခုပါပဲ။

ဒါ့အပြင် ပြီးခဲ့တဲ့ ဧပြီလတုန်းကလည်း - Basilan မှာရှိတဲ့ ဖိလစ်ပိုင်လုံခြုံရေး တပ်ဖွဲ့တွေကို IS အပေါ် သစ္စာခံထားတဲ့ အဖွဲ့တွေက တိုက်ခိုက် ခဲ့တာဖြစ်တယ်လို့ ပြောဆိုထားတာပါ။ ဒီတိုက်ခိုက်မှုဟာ - အရှေ့တောင်အာရှ အသိုင်းအ၀ိုင်းအပေါ် ဆက်တိုက် ခြိမ်းခြောက် အကြမ်းဖက်မှုတွေ လုပ်မယ်ဆိုတာကို သတိပေးချက်တခုပဲလို့ - စင်္ကာပူနိုင်ငံ နန်ယန်းနည်းပညာတက္ကသိုလ် ပါမောက္ခ Joseph Liow ကလည်း မကြာသေး ခင်က Brookings Institute အစီရင်ခံစာထဲမှာ ပြောဆိုခဲ့ဖူးပါတယ်။

မလေးရှားနဲ့ အင်ဒိုနီးရှားက အကြမ်းဖက်သမားအများစု ပါဝင်တဲ့ Katibah Nusantara အရှေ့တောင်အာရှအဖွဲ့ခွဲတခုကို IS အဖွဲ့က ၂၀၁၄ ခုနှစ်မှာ ဖွဲ့စည်းခဲ့တာပါ။ အရှေ့တောင်အာရှအပေါ် IS ရဲ့ အာရုံစိုက်မှု တိုးလာပေမဲ့လို့လည်း - ဒေသတွင်းအစိုးရတွေက - လုံခြုံရေး တင်းကြပ်ထားပြီး၊ အကြမ်းဖက်ခြိမ်းခြောက်မှုကို ထိန်းချုပ်ခဲ့တာပါ။ အစိုးရတွေဘက်က ဒီလိုတွေ လုပ်ဆောင်နေပေမဲ့လို့လည်း အန္တရာယ်လွန်မြောက် သွားပြီလို့ မဆိုနိုင်တဲ့အကြောင်း ပါမောက္ခ ဂျိုးဇက် က သတိပေးပါတယ်။

ထိုင်းတောင်ပိုင်းက မူဆလင်သူပုန်အဖွဲ့တွေနဲ့ IS အဖွဲ့တို့ ဆက်နွယ်နေတဲ့ အထောက်အထားတွေဟာလည်း သြစတြေးလျအာဏာပိုင်တွေရဲ့ မကြာသေးခင်က စုံစမ်းစစ်ဆေးမှုမှာ ထွက်ပေါ်လာခဲ့တာပါ။ ၂၀၀၄ ခုနှစ်မှာ စတင်ခဲ့တဲ့ ထိုင်းနိုင်ငံတောင်ပိုိင်းက ပုန်ကန်မှုတွေကြောင့် လူပေါင်း ၆ ထောင်ကျော် သေဆုံးခဲ့တယ်လို့လည်းပြောဆိုထားကြပါတယ်။

ဒါပေမဲ့ သူတို့တွေက ထိုင်းနိုင်ငံကနေ ကိုယ်ပိုင်အုပ်ချုပ်ခွင့် ပိုရရှိဖို့ ဒါမှမဟုတ် လွတ်လပ်ရေးရဖို့ကို အဓိက အာရုံစိုက် လုပ်ဆောင်နေ တာဖြစ်ပြီး၊ နိုင်ငံတကာအဆင့်အထိတော့ ကျယ်ပြန့်မှု မရှိပါဘူး။ ထိုင်းရဲတပ်ဖွဲ့ကတော့ - ဒီသူပုန်တွေဟာ IS နဲ့ ပတ်သက်မှုရှိတယ်ဆိုတာကို ထပ်တလဲလဲ ငြင်းဆန်ထားပါတယ်။

သြစတြေးလျနိုင်ငံရဲ့ အစီရင်ခံစာမှာတော့ ထိုင်းနိုင်ငံကနေ IS တွေကို ဘဏ္ဍာရေးအကူအညီပေးနေရုံသာမက Facebook သုံးသူ တသိန်းလောက်ဟာ စစ်သွေးကြွတွေရဲ့ ၀ဘ်ဆိုဒ်တွေကို ၀င်ရောက်နေတယ်လို့လည်း ဖော်ပြခဲ့တာပါ။ ထိုင်းနိုင်ငံက Prince of Songkla တက္ကသိုလ်က ပါမောက္ခ Srisompob Jitromsri ကတော့ ထိုင်းတောင်ပိုင်းက သူပုန်တွေနဲ့ IS တွေကြား တိုက်ရိုက်ဆက်နွယ်မှု မတွေ့ရပေမဲ့ စောင့်ကြည့်ဖို့တော့ လိုမယ်လို့ ဆိုပါတယ်။

“တောင်ပိုင်းဒေသနဲ့ ပတ်သက်လို့ ကျနော်လေ့လာထားသလောက် ၁၀ ရာခိုင်နှုန်းနဲ့အောက် တ၀ိုက်မှာရှိတဲ့ သူတွေဟာ IS တွေရဲ့ အယူအဆကို လက်ခံကြပါတယ်။ ဒါဟာအတော်လေးများပါတယ်။ စိုးရိမ်စရာလည်း ကောင်းပါတယ်။ IS တွေရဲ့ လုပ်ရပ်ကို လက်ခံတဲ့သူ အရေအတွက်က ၈ ရာခိုင်နှုန်းကနေ ၁၀ ရာခိုင်နှုန်းအထိရှိပါတယ်။” လို့ ပါမောက္ခ Srisompob ကပြောဆိုိခဲ့တာပါ။

သြစတြေးလျနိုင်ငံ Lowy တက္ကသိုလ်က Roger Shanahan ကတော့ အီရတ်နဲ့ ဆီးရီးယားတို့လို စစ်မြေပြင်က ပြန်လာသူတွေဟာ IS စစ်သွေးကြွတွေကို စာနာတဲ့ လူ့အသိုင်းအ၀ိုင်းတွေဆီ ပြန်လာကြမယ်ဆိုရင် အန္တရာယ်ရှိနိုင်တယ်လို့ ဆိုပါတယ်။

“ပြည်ပက ပြန်လာတဲ့ တိုက်ခိုက်ရေးသမားတွေဟာ အရေအတွက် မများရင်တောင်မှ သူတို့မှာ အရည်အချင်းကတော့ ရှိနေကြမှာပါ။ သူတို့သိထားသမျှကို ပြန်လည်လက်ဆင့်ကမ်းကြမှာဖြစ်သလို၊ စစ်ဆင်ရေး၊ လုံခြုံရေးနဲ့ ဗုံးလုပ်နည်းလို အစီအစဉ်တွေကိုလည်း ပိုပြီးနားလည်နိုင်တာကြောင့် စိုးရိမ်စရာကောင်းပါတယ်။” လို့ ပြောဆိုခဲ့တာပါ။

အဟန့်အတားတွေကို ကျော်လွှားနိုင်ဖို့ လူအနည်းအကျဉ်းသာလိုပြီး အားလုံးကို မိမှာမဟုတ်တာကြောင့် ခြိမ်းခြောက်မှုတွေဟာလည်း ရှိနေဦးမှာဖြစ်ပြီး ဒီအတွက် ပြင်ဆင်ထားဖို့လိုမှာဖြစ်သလို၊ အစိုးရတွေ အနေနဲ့လည်း ဖြစ်နိုင်ချေရှိတဲ့ တိုက်ခိုက်မှုတွေအတွက် အစီအမံတွေလိုအပ်လိမ့်မယ်လို့လည်း သူက တိုက်တွန်းခဲ့ပါတယ်။

 နန္ဒာချမ်း / ဗွီအိုအေ (မြန်မာပိုင်း)
http://burmese.voanews.com




ယနေ့ ၂၅.၁၁၂၀၁၆ ရက်နေ့တွင် SEDONA HOTEL
ရဲ့ CSR အစီအစဉ်အနေနဲ့စီစဉ်ကျင်းပသော ရံပုံငွေရှာဖွေရေး နှင့် ပစ္စည်းများလေလံတင်ခြင်းအခမ်းအနားတွင်
ဒေါ်ခင်ကြည်ဖောင်ဒေးရှင်းမှ ဥက္ကဌ-အမေဒေါ်အောင်ဆန်းစုကြည်
လက်မှတ်ထိုးပေးထားသော တီရှပ်ကို
စိမ်းနေခြည်ကျောက်မျက် ကုမ္ပဏီလီမိတက်မှ
အမေရိကန်ဒေါ်လာ ၄၆,၀၀၀ /- ဖြင့် လေလံအောင်မြင်ခဲ့ပါသည်။

ထိုရံပုံငွေရှာဖွေရေးပွဲ မှရရှိသော အလှူငွေများ၊ SEDONA HOTEL မှပွဲ လက်မှတ်ရောင်းချငွေများ၊ အလှူရှင်များ
ထည့်ဝင်လှူဒါန်းငွေ အသေးစိတ်ကိုလည်း SEDONA HOTEL
မှဒေါ်ခင်ကြည်ဖောင်ဒေးရှင်းသို့ တရားဝင်လွဲပြောင်းလှူ ဒါန်းပြီးသည့်အခါ
ဆက်လက်ကြေငြာပေးသွားမည်ဖြစ်ပါသည်။

Seinn Nay Chi Gems Company Limited won an auction item T- shirt with Daw Aung San Suu Ky´s original signature tonight at Sedona fundraising gala dinner.
There were more contributions from other donors and sponsors who attended tonigbt event and also fund raised from sales of other auction items.
The nett contributions to DKKF will announce later after Sedona hotel has officially transfer the funds.

# Photos : Bo Bo

Daw Khin Kyi Foundation
.
Credit... Daw Khin Kyi Foundation via Ko StevenMyo



ထိုင်းနိုင်ငံ Yala ခရိုင် လုံခြုံရေးတင်းကျပ်ထား။
တည်ငြိမ်မှု မရှိတဲ့ ထိုင်းနိုင်ငံတောင်ပိုင်း ဒေသမှာ သောကြာနေ့က အကြမ်းဖက်မှု အတွက် သံသယရှိသူတွေကို လိုက်လံဖမ်းဆီးနေတဲ့ ရဲတွေနဲ့ စစ်တပ်တို့ရဲ့ ပစ်ခတ်မှုကြောင့် အကြမ်းဖက်သမားလို့ သံသယရှိသူ ၂ ဦး သေဆုံးခဲ့ရပါတယ်။

Yala ခရိုင်ထဲက မူဆလင်ခွဲထွက်ရေးသမားတွေရဲ့ အကြမ်းဖက်မှုတွေနဲ့ ဆက်နွယ်ပြီး အလိုရှိနေသူ အများအပြားကို လိုက်လံ ဖမ်းဆီးရာကနေ သူတို့ ၂ ဦး သေဆုံးခဲ့ရတာဖြစ်ကြောင်း ရဲတပ်ဖွဲ့တာဝန်ရှိသူ တဦးကပြောပါတယ်။

ဗုဒ္ဓဘာသာဝင် အများစု နေထိုင်တဲ့ ထိုင်းနိုင်ငံ တောင်ဘက်ဖျားက လူနဲစု မူစလင်အများအပြား နေထိုင်ရာ ခရိုင် ၃ ခုမှာ ၂၀၀၄ ခုနှစ်ကစပြီး ခွဲထွက်ရေးသမားတွေရဲ့ တိုက်ခိုက်မှုကြောင့် လူပေါင်း ၆ ထောင်ကျော် သေဆုံးခဲ့ရပြီး ဖြစ်ပါတယ်။ အဲဒီဒေသက မူစလင်တွေက သူတို့ကို ဒုတိယတန်းစား အဖြစ်ဆက်ဆံတာ ခံရတယ်လို့ မကျေမနပ်ပြောဆိုပြီး တခါတရံ အကြမ်းဖက်တုန့်ပြန်မှုတွေ လုပ်ဆောင်ခဲ့တာ ဆယ်စုနှစ်နဲ့ ချီရှိနေပြီဖြစ်ပါတယ်။

Narathwat ခရိုင်မှာလည်း တူးမြောင်းတခုထဲမှာ မပေါက်ကွဲသေးတဲ့ လက်လုပ်ဖေါက်ခွဲရေး ပစ္စည်း တခု သိမ်းဆည်းရမိခဲ့ပြီး အဝေးထိမ်း ဖေါက်ခွဲဖို့လုပ်ထားတဲ့ အဲဒီလမ်းဟာ အစိုးရ လှည့်ကင်းတွေ ဖြတ်သွားလေ့ရှိတဲ့နေရာဖြစ်တာမို့ အခုလို ဗုံးထောင်ခဲ့မယ်လို့ သံသယရှိကြောင်း ရဲတွေက ပြောပါတယ်။

အဲဒီဒေသမှာ ရဲနဲ့ စစ်တပ်တွေ အများအပြား ချထားပေမယ့် လမ်းဘေးထောင်ဗုံးတွေနဲ့ ဖြတ်သွားရင်း ပစ်ခတ်တာတွေကိုတော့ အခုထိ မတားဆီးနိုင်သေးပါဘူး။ အိမ်နီးချင်း မလေးရှားနိုင်ငံထဲမှာ ဒီနှစ်ထဲ ထိုင်းအစိုးရအဖွဲ့နဲ့ သူပုန်အဖွဲ့တချို့က ကိုယ်စားလှယ်တွေကြား ကနဦး ငြိမ်းချမ်းရေး ဆွေးနွေးပွဲတွေ လုပ်ခဲ့ပေမယ့် အခုလို တိုက်ခိုက်မှုတွေကတော့ ဆက်ပြီး ဖြစ်ပွါးနေဆဲပါ။

 ဗွီအိုအေ (မြန်မာဌာန)
http://burmese.voanews.com



 ရွေးကောက်ခံ သမ္မတ ဒေါ်နယ် ထရမ့် က ကျဉ်းမြောင်း တဲ့ ရလဒ် နဲ့ အနိုင် ရရှိ ခဲ့
အမေရိကန် နိုင်ငံက ဝစ်ကွန်ဆင် ပြည်နယ်မှာ မဲရေတွက်မှု တွေ ပြန်လုပ် ပေးဖို့ ဂရင်း ပါတီ ကနေ သမ္မတ လောင်း အဖြစ် ဝင်ရောက် ယှဉ်ပြိုင် ခဲ့တဲ့ ဒေါက်တာ ဂျေး စတိုင်း က ရွေးကောက်ပွဲ ကော်မရှင် ကို တရားဝင် တိုင်ကြား လိုက်ပါတယ်။

ဝစ်ကွန်ဆင် ပြည်နယ် မှာ ဒီမိုကရက် သမ္မတလောင်း ဟီလာရီ ကလင်တန် ကို ရွေးကောက်ခံ သမ္မတ ဒေါ်နယ် ထရမ့် က ကျဉ်းမြောင်း တဲ့ ရလဒ် နဲ့ အနိုင် ရရှိ ခဲ့တာ ဖြစ်ပါတယ်။

မဲ ပြန်လည် ရေတွက် ပေးဖို့ တောင်းဆို တဲ့ တိုင်ကြား စာ နဲ့ ပတ်သက်ပြီး အရေးယူ ဆောင်ရွက် မယ်လို့ ရွေးကောက်ပွဲ ကော်မရှင် တာဝန် ရှိသူ တစ်ဦး က ပြော ပါတယ်။

မီချီဂန် နဲ့ ပင်ဆယ်ဗေးနီးယား ပြည်နယ် တွေမှာပါ မဲရေ တွက်မှု တွေ ပြန်လုပ် ပေးဖို့ ဂရင်း ပါတီ ရဲ့ သမ္မတလောင်း မစ္စစ် ဂျေး စတိုင်း က ရွေးကောက်ပွဲ ကော်မရှင် ကို တိုင်ကြား ထားပါတယ်။

အင်တာနက် ဖောက်ထွင်း ဝင်ရောက်မှု တွေကြောင့် ဒေါ်နယ် ထရမ့် က အနိုင် ရရှိသွားတာမျိုး မဖြစ်စေချင်ဘူးလို့ ဂရင်း ပါတီ သမ္မတလောင်း ကပြောကြောင်း အမေရိကန် သတင်းဌာန တွေမှာ ဖော်ပြနေပါတယ်။

အဲဒီ ပြည်နယ် ၃ ခု က မဲ ပြန်လည် ရေတွက်မှု စားရိတ် ကို ကာမိဖို့ ခန့်မှန်းခြေ ဒေါ်လာ ၇ သန်း ခန့် အလှူငွေ ရရှိဖို့ ဒေါက်တာ စတိုင်း အနေနဲ့ ကြိုးစားရမှာ ဖြစ်ပါတယ်။

လောလောဆယ်မှာ ဒေါ်လာ ၅.၃ သန်း ခန့် ရရှိထားပြီး ဖြစ်ကြောင်း ဒေါက်တာ စတိုင်းရဲ့ အင်တာနက် စာမျက်နှာမှာ ဖော်ပြ ထားပါတယ်။

လတ်တလော ရရှိ ထားတဲ့ ဒီ ငွေကြေး အတိုင်းအတာ နဲ့ ဝစ်ကွန်ဆင် နဲ့ ပင်ဆယ်ဗေးနီးယား ပြည်နယ် က မဲရေတွက်မှုတွေ ကို ပြန်လုပ် နိုင်တယ်လို့ သိရပါတယ်။

BBC Burmese
http://www.bbc.com/burmese


ရခိုင်အကြံပေးကော်မရှင် ဥက္ကဋ္ဌ ကိုဖီအာနန် ရခိုင်ပြည်နယ် ကို စစ်တွေကို သွားရောက်ခဲ့စဉ်။ (စက်တင်ဘာ ၆၊ ၂၀၁၆)
ရခိုင်အကြံပေးကော်မရှင် ဥက္ကဋ္ဌ ကိုဖီအာနန် ရခိုင်ပြည်နယ် ကို စစ်တွေကို သွားရောက်ခဲ့စဉ်။ (စက်တင်ဘာ ၆၊ ၂၀၁၆)
ရခိုင်ပြည်နယ်အကြံပေးကော်မရှင်ဥက္ကဋ္ဌ ကိုဖီအာနန်ဟာ ဒီလကုန်ပိုင်း နိုဝင်ဘာ၂၉ ရက်နေ့မှာ မြန်မာနိုင်ငံကို လာရောက်မယ်လို့ သတင်းတွေ ထွက်ပေါ်နေပြီး၊ ရခိုင်ဒေသကို သွားရောက်မှာဖြစ်ပါတယ်။ မစ္စတာ ကိုဖီအာနန်ရဲ့ မြန်မာပြည် ခရီးစဉ်နဲ့ပတ်သက်လို့ ရခိုင်ပြည်နယ်အကြံပေး ကော်မရှင်အဖွဲ့ဝင် ဦးအေးလွင်ကို ကိုဉာဏ်ဝင်းအောင်က မေးမြန်းကြည့်ရာမှာ သူက ခုလိုစတင်ဖြေကြားပါတယ်။

ဦးအေးလွင်။ ။ မစ္စတာကိုဖီအာနန် လကုန်လာမယ်လို့ ကြားရပါတယ်။
ကိုဉာဏ်ဝင်းအောင်။ ။ ဒီတခေါက် မစ္စတာကိုဖီအာနန်ရဲ့ ခရီးစဉ်က ဘာအတွက် လာမှာပါလဲ။

ဦးအေးလွင်။ ။ ကျနော်တို့ လုပ်ငန်း ဆက်တိုက်လုပ်နေပါတယ်ခင်ဗျ။ အကြံဉာဏ်ပေးဖို့ အတွက် ဒီမှာရှိနေတဲ့ အခြေအနေတွေကို လူတွေ ပြောတာတွေကို နားထောင်ဖို့ပါပဲ။
အရင် ခရီးစဉ်တုန်းက ဒေသခံတွေနဲ့ ကိုဖီအာနန်တွေ့ဆုံခဲ့စဉ်။
အရင် ခရီးစဉ်တုန်းက ဒေသခံတွေနဲ့ ကိုဖီအာနန်တွေ့ဆုံခဲ့စဉ်။
ကိုဉာဏ်ဝင်းအောင်။ ။ အဲ့ဒီ့တော့ မစ္စတာကိုဖီအာနန်ရဲ့ခရီးစဉ်အတွင်းမှာ ဘယ်တွေကို သွားပြီးတော့ ဘယ်သူတွေနဲ့တွေ့ဖို့ အစီအစဉ်ရှိပါလဲခင်ဗျ။

ဦးအေးလွင်။ ။ မြန်မာပြည်ကိုလာမယ်။ ပြီးရင် ရခိုင်ဘက်ကို သွားပါမယ်။ ကျနော်တို့သွားတိုင်းပဲလေ ရခိုင်ပြည်က ရပ်မိရပ်ဖတို့၊ အစိုးရ အဖွဲ့အစည်းတွေ နဲ့ တွေ့တာပေါ့နော်။ NGO တို့ပေါ့နော်။ ကျေန်ာတို့ကို တွေ့ချင်တဲ့ သူတွေကို ကျနော်တို့ကလည်း အမြဲလက်ကမ်း ကြိုဆိုနေပါတယ်။ ကျနော်တို့အလုပ်က သူတို့ပြောတာတွေကို နားထောင်ဖို့ပါ။ သူတို့ရဲ့ ထင်မြင်ယူဆချက်တွေကို မှတ်သားဖို့ပါ။ အဲ့ဒီ့အချက်အလက်တွေကို ခံယူပြီးမှ ကျနော်တို့က အကောင်းဆုံးဖြစ်အောင် ရခိုင်ပြည်ကြီး တည်ငြိမ်အေးချမ်း သာယာပြီးတော့ နှစ်ဘက် လူ့အဖွဲ့အစည်းတွေ ငြိမ်းချမ်းစွာ အတူယှဉ်တွဲ နေထိုင်နိုင်ရေး အတွက် ဘယ်လိုအကြံကောင်းဉာဏ်ကောင်းတွေ အစိုးရကို ပေးရမလဲဆိုတာ အချက်အလက်တွေကို ရှာဖွေစုဆောင်းဖို့ အတွက် ဒေသခံပြည်သူများ က ပြောတာတွေကို နားထောင်ဖို့ပါခင်ဗျ။
ကိုဉာဏ်ဝင်းအောင်။ ။မစ္စတာကိုဖီအာနန် အခုလာတဲ့ တခေါက်မှာ မောင်တောဒေသ ကို သွားဖို့ မသွားဖို့ ဘယ်လိုရှိပါလဲ။

ဦးအေးလွင်။ ။ အဲ့တာကတော့ ရခိုင်ပြည်နယ် တခုလုံးကို သွားဖို့ဆိုတာ ကျနော်တို့ တာဝန်မှာ ရှိပါတယ်။ ကျနော်တို့ ရခိုင်ပြည်နယ်မှာ ရှိတဲ့ မြို့နယ်အားလုံးကို သွားဖို့ရှိတယ်။ ဟိုတခေါက်ကလည်း နယ်မြေအခြေအနေကြောင့် ကျနော်တို့ဘာတို့ ဆုံးဖြတ်ပြီး မသွားတာပါ။ ဒီတခေါက်လည်း နယ်မြေအခြေအနေကို လေ့လာသုံးသပ်ပြီးတဲ့အခါမှာ သွားသင့်သွားထိုက် တဲ့နေရာတွေကို အကုန်အနှံ့သွားဖို့ဆိုတာတော့ ယေဘူယျ ကျနော်တို့ မှတ်ထားတာတွေရှိပါတယ်။
မစ္စတာ ကိုဖီအာနန်ရဲ့ မြန်မာပြည် ခရီးစဉ်နဲ့ပတ်သက်လို့ ရခိုင်ပြည်နယ်အကြံပေး ကော်မရှင်အဖွဲ့ဝင် ဦးအေးလွင်ကို ကိုဉာဏ်ဝင်းအောင်က မေးမြန်းခဲ့တာပါ။
VOA Burmese News


နေပြည်တော်မှာ ကျင်းပနေတဲ့ တရုတ်မြန်မာ အဆင့်မြင့် ကာကွယ်ရေးနဲ့ နိုင်ငံခြားရေး ဆိုင်ရာ အစည်းအဝေးပထမဆုံး တရုတ် မြန်မာ (၂+၂) နှစ်နိုင်ငံဆိုင်ရာ နိုင်ငံခြားရေး ၀န်ကြီးဌာန နဲ့ ကာကွယ်ရေး ၀န်ကြီးဌာန အဆင့်မြင့် အရာရှိတွေ ဆွေးနွေးခဲ့ကြပါတယ်။

နေပြည်တော် နိုင်ငံခြားရေးဝန်ကြီးဌာနမှာ ပြုလုပ်တဲ့ အဲဒီ ဆွေးနွေးပွဲကို မြန်မာနိုင်ငံဘက်က နိုင်ငံခြားရေးဝန်ကြီးဌာန ဒုတိယဝန်ကြီး ဦးကျော်တင်နှင့် ကာကွယ်ရေးဝန်ကြီးဌာန၊ စစ်ဆင်ရေးအထူးအဖွဲ့မှူး ၊ ကာကွယ်ရေးဦးစီးချုပ်ရုံး (ကြည်း)၊ အမှတ် (၁) စစ်ဆင်ရေးအထူးအဖွဲ့ ဒုတိယဗိုလ်ချုပ်ကြီးထွန်းထွန်းနောင်တို့ ဦးဆောင်ပြီး တရုတ်နိုင်ငံဘက်မှ နိုင်ငံခြားရေး ဝန်ကြီးဌာန ဒုတိယဝန်ကြီး Mr. Lui Zhenmin နှင့် တရုတ်ဗဟိုစစ်ကော်မရှင် ၊ ဒုတိယညှိနှိုင်းကွပ်ကဲရေးမှူး General Xu Fenlin တို့ ဦးဆောင်ဆွေးနွေးခဲ့ပါသည်။

အဲဒီ အစည်းအဝေးမှာ ရှမ်းပြည်နယ် မြောက်ပိုင်းမှာဖြစ်ပွားနေတဲ့ တိုက်ပွဲတွေနဲ့ ပတ်သက်ပြီး နယ်စပ် တည်ငြိမ်ရေး အရေးကြီးတဲ့အတွက် စစ်ရေး လှုပ်ရှားမှုတွေ အဆုံးသတ်ပြီး တင်းမာမှု ပြေငြိမ်းဖို့ တရုတ်ဘက်က တိုက်တွန်းခဲ့ပါတယ်။

ဒီဆွေးနွေးပွဲမှာ ငြိမ်းချမ်းရေးအတွက် အပြုသဘောဆောင်တဲ့ အကူအညီပေးမှုတွေနဲ့ ပတ်သက်ပြီး နှစ်ဘက် ဆွေးနွေးခဲ့ကြတယ်လို့ သိရပါတယ်။

အခုလို တရုတ်မြန်မာ အဆင့်မြင့် အရာရှိတွေ ဆွေးနွေးနေချိန်မှာ တဖက်မှာလည်း မြောက်ပိုင်း မဟာမိတ် တပ်ပေါင်းစု ထဲက ကေအိုင်အေ ဖက်က အခု စစ်ပွဲတွေဟာ ကန့်သတ်စစ်သာ ဖြစ်တယ် ၊ အမျိုးသား ပြန်လည် သင့်မြတ်ရေးကို ထိခိုက်ဖို့ မရည်ရွယ်ဘူးလို့ ကြေညာချက် ထုတ်ထားသလို ဒေါ်အောင်ဆန်းစုကြည် ဥက္ကဌ အဖြစ် ဆောင်ရွက်တဲ့ အမျိုးသား ပြန်လည် သင့်မြတ်ရေးနဲ့ ငြိမ်းချမ်းရေး ဗဟိုဌာန NRPC ကလည်း တိုင်းရင်းသား လက်နက်ကိုင်တွေ အနေနဲ့ NCA စာချုပ်ကို လက်မှတ်ထိုးပါ ၊ ၂၁ ရာစု ပင်လုံ ညီလာခံ သည်သာ တခုတည်းသော ငြိမ်းချမ်းရေး ဖော်ဆောင်မယ့် နည်းလို့ ဆိုထားပါတယ်။

အခုလို ထုတ်ပြန်ချက် တွေနဲ့ ပတ်သက်လို့ တပ်မတော်က လွန်ခဲ့တဲ့ လေးလအတွင်း တိုင်းရင်း လက်နက်ကိုင်တွေ အပေါ် ထိုးစစ်ဆင်နေတာဟာ စစ်ရေးဖက်ကို ဦးတည် သွားနေတာ ဖြစ်ပြီး အခုလို လက်နက်ကိုင် တိုက်တဲ့ နည်းနဲ့ ဆက်သွားနေမယ် ဆိုရင် ဆိုးရွားမှုတွေ ရှေ့ဆက် ကြုံရနိုင်တယ်လို့ ကချင် ငြိမ်းချမ်းရေး အကျိုးတော်ဆောင် ဦးဆန်းအောင်က ပြောပါတယ်။

အစိုးရ အနေနဲ့ ငြိမ်းချမ်းရေး ဖြစ်စဉ်မှာ စစ်ရေးဖက်ကို ရှေ့မရှုဖက်ဘဲ ငြိမ်းချမ်းရေး ဖက်က ပြတ်ပြတ်သားသား ရပ်တည်သွားဖို့ လိုတယ်လို့ သူက ဆိုပါတယ်။

နိုဝင်ဘာ ၂၅ ရက်နေ့ နေ့လည်ပိုင်းမှာ မူဆယ်မြို့ ပန်ဆိုင်းနယ်မြေ ရဲစခန်းကို မြန်မာ့တပ်မတော်နဲ့ တိုက်ပွဲဖြစ်ပွားနေတဲ့ မြောက်ပိုင်း မဟာမိတ် တပ်ပေါင်းစု အဖွဲ့တွေထဲက တဖွဲ့က လူသုံးဦး လာရောက် ပစ်ခတ် ထွက်ပြေးသွားတယ်လို့ မူဆယ်မြို့ အထွေထွေ အုပ်ချုပ်ရေးဌာန ဦးစီးအရာရှိ ဦးဇော်မင်းက ပြောပါတယ်။

ဒီပစ်ခတ်မှုကြောင့် ဒု ရဲအုပ်နဲ့ တပ်ကြပ် တယောက် ထိခိုက် ဒဏ်ရာခဲ့ပြီး တခါ ကွတ်ခိုင်မြို့မှာလည်း လက်နက်ကိုင် အဖွဲ့တွေက ကုန်ကားတစီးကို မီးရှို့ဖျက်ဆီး ခဲ့တယ်လို့ သူက ဆိုပါတယ်။

BBC Burmese
http://www.bbc.com/burmese



တိုးတက်သော ဗုဒ္ဓဘာသာ ကရင်အမျိုးသားတပ်မတော် ( DKBA) တပ်သားတွေ။
ကရင်ပြည်နယ် ဘားအံမြို့နယ် နဲ့ ကော့ကရိတ်မြို့နယ် တွင်းမှာ မြန်မာတပ်မတော်နဲ့ နယ်ခြားစောင့် ပူးပေါင်းတပ်တွေနဲ့ တိုးတက်သော ဗုဒ္ဓဘာသာ ကရင်အမျိုးသား တပ်မတော် (DKBA) တပ်တွေ နယ်မြေစိုးမိုးရေးအတွက် တိုက်ပွဲတွေဖြစ်နေပါတယ်။ ဒီကေဘီအေ ထောင်ထားတဲ့ မိုင်းတွေကြောင့် တပ်မတော်နဲ့ နယ်ခြားစောင့်ဘက်က ထိခိုက်သေဆုံးမူတွေလည်း ရှိနေတယ် လို့ ဆိုပါတယ်။ ထိုင်းအခြေစိုက် ဗွီအိုအေသတင်းထောက် မအေးမာက သတင်းပေးပို့ ထားပါတယ် ။

ကရင်ပြည်နယ်အတွင်းမှာလည်း မြန်မာတပ်မတော်နဲ့ နယ်ခြားစောင့် ပူးပေါင်းတပ်ဖွဲ့တွေနဲ့ ဒီကေဘီအေ တပ်တွေ နှစ်ဘက် ပစ်ခတ်မူတွေ မိုင်းခွဲမူတွေကြောင့် ၂ရက်ခြားခန့်ဆိုသလို တိုက်ပွဲတွေဖြစ်နေတာပါ။ ပြီးခဲ့တဲ့ရက်ကပဲ ကရင်ပြည်နယ် ဘားအံမြို့နယ်အတွင်းက ကျုံထော်ရေတံခွန်အနီးက တောထဲမှာ တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ) တပ်တွေထောင်ထားတဲ့ မိုင်းကြောင့် တပ်မတော်နဲ့ နယ်ခြားစောင့် တပ်ဖွဲ့ဝင်တွေ သေဆုံးမှု ရှိတယ်လို့ နယ်ခြားစောင့်ရဲ့ ပြောရေးဆိုခွင့်ရှိသူ ဗိုလ်မှူးသိန်းဇော်မင်းကပြောပါတယ်။

" အဲ့ဒီ့မှာ တပ်က အရာရှိတယောက်နဲ့ ဒီ BGF က ၁၀၂၁လေ ဗိုလ်မှူးတယောက် သေသွားတယ်။ နှစ်ယောက်ထိတာပေါ့ သေသွားတယ်။ တိုက်မိုင်းနဲ့။ တိုက်မိုင်းဆိုတာ ကြိုးတွေနဲ့ တားထားတာပေါ့ ၆၀ ဗုံးသီးတွေနဲ့။ ကြိုးတွေနဲ့တားပြီး ထိတာပေါ့။"

ဒီကေဘီအေဘက်ကတော့ မြန်မာတပ်မတော်နဲ့နယ်ခြားစောင့်က နယ်မြေ ရှင်းလင်းခဲ့တာကြောင့် နှစ်ဖက်တိုက်ပွဲတွေဖြစ်နေသလို့ သူတို့ ရဲ ဆုတ်ခွါခဲ့တဲ့ နယ်မြေတွေမှာ မိုင်းတွေ ထောင်ခဲ့တာတွေရှိတဲ့အကြောင်း ဒီကေဘီအေ တပ်မှူး ဗိုလ်မှူးကြီးစောဆန်းအောင်ကဆိုပါတယ်။

"တိုက်ပွဲဖြစ်တဲ့ကာလမှာ ထောင်တယ်လေနော်။ ထောင်တာကတော့ တိုက်ပွဲဖြစ်တဲ့အချိန်မှာ ကျနော်တို့က ကိုယ့်ကိုကိုယ်ကာကွယ်တဲ့အနေနဲ့ မိုင်းတွေကို ဦးစားပေးသုံးရတာရှိတယ်။ လွန်ခဲ့တဲ့တိုက်ပွဲဖြစ်ခါစကပေါ့နော် အဲ့ဒီ့မယ်သဝေါ လမ်းက ခွာတော့မယ်ဆိုတော့ အဲ့ဒီ့မှာ ထောင်ထားတယ်။ တပ်က သုံးယောက်၊ BGF က တယောက်ပေါ့လေ။ တပ်က သုံးယောက်က သေသွားတာ အရာရှိတဦး ပါသွားတယ်။ BGF က တယောက်ပေါ့နော်။ လွန်ခဲ့တဲ့ ၃၊ ၄ ရက်ကလည်း ပစ်တာပဲ။ တပ်မဟာ (၇)ဘက်မှာလည်း ဖြစ်နေတာပဲ။ တိုက်ပွဲကတော့ ပျောက်ကြားလိုပေါ့နော် ကျနော်တို့ရဲ့အနေအထားကတော့။ ကျနော်တို့ကို ဟတ်ကြီးရေကာတာအတွက် ရှင်းတာ။ အရင်အစိုးရတုန်းကလည်း ဟတ်ကြီးရေကာတာကို အကောင်အထည်ဖော်ဖို့ သဘောတူစာချုပ်တွေ ချုပ်ထားတယ်လေ။ "

ဒါအပြင် ဒိကေဘီအေတပ်ဖွဲဝင် ၁၀ဦးထက်မနည်းကို လည်း ဒီရက်ပိုင်းမှာပဲ ဖမ်းဆီးမှုတွေရှိနေတယ်လို့ ဒီကေဘီအေဘက်ကပြောပါတယ်။ နယ်ခြားစောင့် ဘက်ကတော့ နယ်မြေရှင်းလင်းတာ မဟုတ်တဲ့အကြောင်းနဲ့ နယ်မြေစိုးမိုးမှုတွေ အတွက် တိုက်ခဲ့ရတာတွေ ရှိတယ်လို့ နယ်ခြားစောင့်တပ်မှူး ဗိုလ်မှူး သိန်းဇော်မင်းက ဆိုပါတယ်။

" လောလောဆယ် ကျနော်တို့ နယ်မြေစိုးမိုးထားတာပဲရှိတယ်။ အရင် DKBA နေခဲ့တဲ့ မယ်သဝေါဘက်ကို ကျနော်တို့ တပ်မတော်နဲ့ နယ်ခြားစောင့်တပ်က ပေါင်းပြီး စိုးမိုးထားတာပဲရှိတယ်။"

တပ်မတော်ဘက်က ထိခိုက်ကျဆုံးမူတွေနဲ့ ပတ်သက်လို့ မြန်မာတပ်မတော်ဘက်ကို ဆက်သွယ်မေးမြန်းဖို့ ကြိုးစားခဲ့ပေမဲ့ ဆက်သွယ်လို့မရခဲ့ပါဘူး။

မြန်မာတပ်မတော်နဲ့ ဒီကေဘီအေတို့ဟာ မြ၀တီမြို့ ကနေ ကေ့ာကရိတ်မြို့ အထိ ဖောက်လုပ်ထားတဲ့ အာရှလမ်းမကြီးမဖွင့်ခင်ကစပြီး တိုက်ပွဲတွေဖြစ်နေတာပါ။ အခုတိုက်ပွဲဖြစ်ပွားခဲ့တဲ့ ဒီကေဘီအေတပ်ဖွဲဟာ ပြီးခဲ့တဲ့နှစ်ကုန်ပိုင်းက ဒီမိုကရေစီ ကရင်အကျိုးပြု တပ်မတော် (ဒီကေဘီအေ) ကနေ ခွဲထွက်လာတဲ့ တပ်ဖွဲ့ဖြစ်ပါတယ်။

DKBA နာမည်နဲ့ ၁၉၉၄ခုနှစ်က တကြိမ် အပစ်ခတ်ရပ်စဲခဲ့ပြီး ၂၀၁၀မှာ တိုက်ပွဲတွေပြန်ဖြစ်ခဲ့ပါတယ်။ ဒီမိုကရေစီ ကရင်အကျိုးပြုတပ်မတော်နံမည်နဲ့ ၂၀၁၁ခုနှစ် ကုန်ပိုင်းမှာ ဒုတိယအကြိမ် အပစ်ရပ်ရေးလက်မှတ် ထိုးခဲ့ပြိး ၂၀၁၅ခုနှစ်ကုန်ပိုင်းမှာ NCA တနိုင်ငံလုံး ပစ်ခတ်တိုက်ခတ်မူရပ်စဲရေး သဘောတူစာချုပ် ကိုလက်မှတ်ရေးထိုးခဲ့တာပါ။ လက်မှတ်မထိုးခင်မှာ မြန်မာအစိုးရနဲ့ တင်းမာမူရှိတဲ့ တပ်မှူး တချို့ ကိုထုတ်ပယ်ခဲ့ပါတယ်။

ထုတ်ပယ်ခံခဲ့ရတဲ့တပ်မှူးတွေကတော့ ၁၉၉၄ခုနှစ်က နာမည်ဟောင်းဖြစ်တဲ့ တိုးတက်သော ဗုဒ္ဓဘာသာ ကရင်အမျိုးသားတပ်မတော် (ဒီကေဘီအေ )ဆိုတဲ့ နာမည်ကိုပြန်လည် အသုံးပြုပြီး၂၀၁၆ခုနှစ် ဇန်န၀ါရီလ ၁၆ရက်နေက တပ်အင်အား ရာဂဏန်းလောက်နဲ့ အဖွဲ့အသစ်ပြန်လည်ဖွဲ့စည်းခဲ့ပါတယ်။ အခုလက်ရှိမှာတော့ ဒီတပ်ဖွဲ့တွေနဲ့ မြန်မာတပ်မတော် အပါအ၀င် နယ်ခြားစောင့်ပူးပေါင်းတပ်ဖွဲတွေဟာ ကရင်ပြည်နယ်တွင်းမှာ တိုက်ပွဲတွေဖြစ်နေပါတယ်။

အေးအေးမာ/ ဗွီအိုအေ (မြန်မာပိုင်း)
http://burmese.voanews.com



တိုက်ပွဲ ဖြစ်ပွားပြီး မကြာမီ မီးလောင်နေတဲ့ မုံးကိုမြို့ ဓါတ်ပုံ- ကချင်သတင်းဌာန
ရှမ်းပြည်မြောက်ပိုင်း မြန်မာအစိုးရ ထိန်းချုပ်သော ကချင် လွတ်လပ်ရေး တပ်မတော် KIA တပ်မဟာ (၆) နယ်မြေ မုံးကိုမြို့မှာ ယနေ့ ခြောက်ရက်မြောက် တိုက်ပွဲ ဆက်လက် ပြင်းထန်စွာ ဖြစ်ပွားနေပါသည်။

အစိုးရတပ်ဖွဲ့များနှင့် KIA တပ်မဟာ (၆) တပ်ဖွဲ့နှင့် မဟာမိတ် တပ်များသည် အဓိက အစိုးရ စစ်စခန်း (၃)ခုဖြစ်သည့် မုံးကို စစ်ဗျူဟာကုန်း၊ အမှတ် (၁) စခန်း ကုန်းနှင့် ဖေါင်းဆိုင် (Hpawng Seng) စခန်း များမှာ တိုက်ပွဲ ဖြစ်ပွားနေသည်ဟု ဒေသခံများ ဆိုပါသည်။

ဗျူဟာကုန်း အနီး မုံးကိုမြို့ ရပ်ကွက် (၆) နောင်ခမ်းရွာတွင် ဒေသ အချိန် နံနက် ၁၁ နာရီ ကျော်မှာ မီးလောင်မှု စတင် ဖြစ်ပွားလာသည်။ မည်သည့် အကြောင်းကြောင့် မီးလောင်မှု ဖြစ်ပွားခြင်းကို မသိရသေးပါ။

မြန်မာအစိုးရနှင့် တနိုင်ငံလုံး ပစ်ခတ်တိုက်ခိုက်မှု ရပ်စဲရေး NCA စာချုပ် မရေးထိုးသော တိုင်းရင်းသား တော်လှန်ရေး အဖွဲ့ (၄)ဖွဲ့ ပါဝင်သော ‘မြန်မာပြည်မြောက်ပိုင်း မဟာမိတ် တပ်ပေါင်းစု (Northern Alliance-Burma)’ နှင့် တပ်မတော်ကြား ရှမ်းပြည်မြောက်ပိုင်းမှာ နိုဝင်ဘာ ၂၀ ရက်နေ့မှ တိုက်ပွဲ နေ့စဉ် ဖြစ်ပွားနေပါသည်။

အစိုးရတပ်မှ တင့်ကားများဖြင့် စစ်ကူများ ပို့နေပြီး လေကြောင်းမှလည်း ဂျက်တိုက်လေယာဉ်၊ ရဟတ်ယာဉ် များနှင့် နေ့စဉ်လိုလို ပစ်ကူ ပေးနေသည်ဟု ဒေသခံများ ဆိုပါသည်။

လက်ရှိ Northern Alliance-Burma တပ်ပေါင်းစု တွင် ကချင် လွတ်လပ်ရေး တပ်မတော် KIA၊ ရက္ခိုင့်တပ်မတော် AA၊ မြန်မာ အမျိုးသား ဒီမိုကရေစီ မဟာမိတ် တပ်ဖွဲ့ MNDAA နှင့် တအောင်းအမျိုးသား လွတ်မြောက်ရေး တပ်မတော် TNLA တို့ ပါဝင်သည်။

Kachinnews
http://burmese.kachinnews.com


၂၀၁၆ ခုနှစ်။ နိုဝင်ဘာလ ၂၅ ရက်။

ရှမ်းပြည်နယ် မြောက်ပိုင်း မုံးကိုးဒေသအတွင်း မြန်မာ့တပ်မတော်နှင့် မြန်မာပြည် မြောက်ပိုင်း မဟာ မိတ် တပ်ပေါင်းစုတို့ကြား တိုက်ပွဲပြင်းထန်စွာ ဖြစ်ပွားလျက်ရှိပြီး မုံးကိုးဗျူဟာကုန်းအနီးရှိ ကျေးရွာ များမှ ဒေသခံများ၏ နေအိမ်များအား မီးရှို့ ဖျက်ဆီးမှုများရှိနေသည်ဟု ဒေသခံများက ပြောသည်။

မုံးကိုးမြို့ရှိ လက်ရှိဖြစ်ပေါ်နေသည့် အခြေအနေနဲ့ ပတ်သက်ပြီး “ ဒီနေ့တော့ အဲ့ဒီဗျူဟာကုန်းနားက အိမ်တွေ ရွာသားအိမ်တွေကို မီးရှို့တယ်လေ။ အားလုံးနီးပါးပဲ မီးရှို့ပစ်တာ မြန်မာစစ်တပ်က။ ပြီးအခုန လေးပဲ အဲ့နားက ရွာကို လေယာဉ်နဲ့လာပစ်သွားတယ်။ မနေ့ကလည်း တနေကုန်တိုက် ပွဲဖြစ်တယ်။ ဒါပေမယ့် စစ်တပ်က မရသေးဘူး။ ဗျူဟာကုန်းထဲမှာလည်း တပ်ကလူ တွေရှိနေတုန်းလေ။ အဲ့ဒီဗျူ ဟာ ကုန်းတခုပဲ တပ်ပေါင်းစုတွေ မရသေးတာ။ မုံးကိုး နေရာတော်တော်များများက တပ်ပေါင်းစုတွေ နေရာယူထားတယ်။” ဟု နမ့်တောင်း ဒေသခံတစ်ဦးက ပြောသည်။

မြန်မာ့တပ်မတော်နှင့် မြန်မာပြည် မြောက်ပိုင်းတပ်ပေါင်းစုတို့ကြား နေ့တိုင်းဆိုသလို တိုက်ပွဲများ ဖြစ် ပွားနေသည့်အတွက် ဒေသခံများ၏ နေထိုင်စားသောက်ရေး အပြင် သွားရေးလာရေး ခက်ခဲလာသည့် အတွက် ဒေသခံများအနေဖြင့် မသွားရဲမလာရဲဘဲ ရှိနေသည်ဟု ၎င်းဒေသခံက ဆက်ပြောသည်။

မုံးကိုးမြို့အား မြောက်ပိုင်းမဟာမိတ်တပ်ပေါင်းစုမှ နိုဝင်ဘာလ ၂၀ ရက်နေ့တွင် နေရာတချို့ သိမ်းပိုက်ရ ယူထားပြီး နိုဝင်ဘာလ ၂၃ ရက်နေ့တွင် အကုန်လုံးနီးပါးအား ရယူထားနိုင်သည့်အတွက် မြန်မာ့ တပ်မ တော်မှ စစ်ရေးအရ ပိုမိုပြုလုပ်လာသောကြောင့် တိုက်ပွဲပြင်းထန်လာသည်ဟု တအာင်း (ပလောင်) အမျိုးသားလွတ်မြောက်ရေးတပ်မတော် (TNLA)မှ သတင်းနှင့် ပြန်ကြားရေး တာဝန်ခံ ဗိုလ်မှူး မိုင်း အိုက်ကျော်က ပြောသည်။

“အဲမှာ တိုက်ပွဲဖြစ်တော့ အချို့ကို ကျနော်တို့ ရသွားပြီ။ အဲဒီ မုံးကိုးဗျူဟာ ကုန်းလည်း ရသွားတဲ့ အချိန်ကျတော့ သူတို့ထပ်မံပြီးမှ အဲဖက် မှာ စစ်ရေးအရ ဖိပြီးမှ တက်လာတယ်။ တက်နေတဲ့အချိန်မှာ စောစောပြောသလို သူတို့တက်လာတဲ့ အချိန်ကျတော့ တိုက်ပွဲက ပိုပြီးပြင်းထန်တယ်။ ဒီမနက် အစောပိုင်းကတည်းက မုံးကိုးဖက်မှာ တိုက်ပွဲ တော်တော်လေးပြင်းထန်တယ်။ မြန်မာ့ တပ်မတော် ဖက်က အထိနာတယ်လို့ ပြောတယ်။ အထိနာပြီး မှ ဒီမုံးကိုး အရှေ့တောင်ဖက် မုံးကိုးမြို့ရဲ့ အရှေ့ တောင်ဖက် လူနေရပ်ကွက်အတွင်းမှာ သူတို့ သွားပြီးမှ လူထုကို အကာအကွယ်သွား ယူတယ်။ သွား ယူပြီးမှ ကျနော်တို့ မဟာမိတ်တပ်ဖွဲ့မှ ဆက်ပြီးတော့မှ လိုက်တိုက်တဲ့အချိန်ကျတော့ အခု လူနေအိမ် ကို မီးရှို့တယ်။ မီးရှို့ ပြီးမှ ဆက်ပြီးမှ တိုက်လို့ မရတော့ ဘူး။” ဟု ဗိုလ်မှူး မိုင်းအိုက်ကျော်က ပြော သည်။

မုံးကိုးမြို့တွင် မြောက်ပိုင်း မဟာမိတ် တပ်ပေါင်းစုနဲ့ မြန်မာတပ်မတော်မှ တပ်မ ၉၉ အပြင် ရမခ လက် အောက်ခံ တပ်များဖြင့် တိုက်ပွဲဖြစ်ပွားနေခြင်း ဖြစ်သည်ဟု သိရသည်။

ရှမ်းပြည်နယ် မြောက်ပိုင်းတွင် ဖြစ်ပေါ်နေသော တိုက်ပွဲများ၊ စစ်ရေးပဋိပက္ခများကြောင့် ဒေသခံပြည် သူများ သေဆုံးမှုများ၊ ဆုံးရှုံးနစ်နာမှုများ၊ ထိခိုက်ဒဏ်ရာရမှုများ ဖြစ်ပေါ်နေပြီး အစိုးတပ်မတော်နှင့် ဌာန ဆိုင်ရာများမှလည်း တိုင်းရင်းသားလက်နက်ကိုင်တပ်ဖွဲ့များ၏ ပစ်ခတ်မှုကြောင့်ဖြစ်သည်ဟု သတင်းမီဒီ ယာများတွင် ထုတ်ပြန်ထားသည်။

နိုဝင်ဘာလ ၂၄ ရက်နေ့ကလည်း မုန်းပေါ်ဒေသအတွင်း ဖြစ်ပေါ်နေသော တိုက်ပွဲကြောင့် မုန်းပေါ်ရှိ ဒေသခံ ပြည်သူများသည် မူဆယ်မြို့သို့ ထွက်ပြေးတိမ်းရှောင်ကာ စစ်ဘေးရှောင်နေကြရသည် ဟုသိရ သည်။

သို့သော် နမ့်တောင်း ဒေသခံပြည်သူများအနေဖြင့် နမ့်တောင်း နှစ်ခြင်း ခရစ်ယာန်ဘုရား ရှိခိုးကျောင်း တွင် ခိုလှုံနေကြရပြီး တိုက်ပွဲများ ပိုမိုပြင်းထန်လာသည့်အတွက် ထွက်ပြေး တိမ်းရှောင်ရမည့် အခြေ အနေဖြစ်နေသည်ဟု ပြောသည်။

နိုဝင်ဘာလ ၂၅ ရက်နေ့ ယနေ့တွင် မုံးကိုး၊ ဖောင်းဆိုင်ဒေသအပါအ၀င် ရှမ်းပြည်နယ်မြောက်ပိုင်းရှိ နေ ရာ တော်တော်မျာများတွင် မြောက်ပိုင်း မဟာမိတ် တပ်ပေါင်းစုနဲ့ မြန်မာတပ်မတော်တို့ကြား တိုက်ပွဲ ပြင်းထန်စွာ ဖြစ်ပွားနေသည်ဟု သိရသည်။

အဆိုပါ တိုက်ပွဲများကြောင့် တရုတ်နိုင်ငံသို့ စစ်ဘေးရှောင် ဒုက္ခသည် ၄၀၀၀ ကျော်ခန့် ထွက်ပြေးတိမ်း ရှောင်နေရပြီး မူဆယ်မြို့ပေါ်ရှိ စစ်ရှောင်စခန်းများတွင်လည်း စစ်ဘေးရှောင် ဒုက္ခသည် ၄၀၀၀ ကျော်ခန့် လာရောက်ခိုလှုံနေကြရသည်ဟု သိရသည်။

သတင်းနှင့်မီဒီယာ ကွန်ရက်။
http://www.nmg-news.com



ဓါတ်ပုံ- နိုဝင်ဘာလ ၂၅ ရက်နေ့လည်ပိုင်းက မုံးကိုးမြို့တွင်းရပ်ကွက်တခုတွင်မီးလောင်နေစဉ်
နိုဝင်ဘာ ၂၅ ရက် ၂၀၁၆

တရုတ်မြန်မာနယ်စပ်ရှိ မုံးကိုးမြို့နယ်ခွဲ၏ မြို့ဧရိယာတော်တော်များများ ကို မြောက်ပိုင်း တိုင်းရင်းသား မဟာမိတ် တပ်ပေါင်းစုက သိမ်းထားကြောင်း သျှမ်းမြောက်ရှိ သတင်းအရင်းအမြစ်များက သျှမ်းသံတော်ဆင့်သို့ အတည်ပြုပြောဆိုသည်။

နိုဝင်ဘာလ ၂၄ ရက်နေ့ တိုက်ပွဲတွင် မြို့နေရာတော်တော်များများအား
မြောက်ပိုင်းမဟာမိတ်အဖွဲ့မှ သိမ်းနိုင်ခဲ့သော်လည်း မုံးကိုးအခြေစိုက် စစ်ဗျူဟာကုန်းမှာ ကျန်ရှိနေဆဲဖြစ်သည်ဟု တိုင်းရင်းသား လက်နက်ကိုင် အဖွဲ့များနှင့်နီးစပ်သူ တရုတ်မြန်မာနယ်စပ် စစ်ရေး နိုင်ငံရေးအကဲ ခတ်တစ်ဦးက နိုဝင်ဘလ ၂၅ ရက်နေ့ ညနေပိုင်းက သျှမ်းသံတော်ဆင့်သို့ ပြောသည်။

မုန်းကိုးရှိ တရုတ်မြန်မာနယ်ခြားဂိတ်အား နိုဝင်ဘာ ၂၄ ရက်နေ့က သိမ်းပိုက်နိုင်ခဲ့သည်ဟု အဆိုပါ မဟာမိတ် တပ်ပေါင်းစု၊နှင့် နီးစပ်သူက ဆိုသည်။

‘စစ်တပ်ဗျူဟာကုန်းကျန်တာ ဒီကနေ့ ညနေပိုင်းအထိ အပြင်းအထန် တိုက်နေဆဲပဲ။ ကြားတာက တခြား ဒေသခံအချို့ကို ဓါးစာခံလိုဗျူဟာ ကုန်းထဲမှာ ထိန်းထားလို့ တိုက်ရခက်နေတယ်လို့လည်း ကြားတယ် ‘ ဟုအဆိုပါ ပုဂ္ဂိုလ်က ပြောသည်။

ယင်းအပြင် မြို့တွင်းရှိ နေအိမ်အချို့မှာလည်း မီးလောင်ကျွမ်းနေသည်ဟု သိရပြီး ဒေသခံအများစုမှာ ပစ်ခတ်မှုများ စဖြစ်ခဲ့သည့် နိုဝင်ဘာလ ၂၀ ၇က်နေ့ကတည်းကပင် တရုတ်နိုင်ငံ ၀မ်တိန်သို့ နေရပ်စွန့်ခွာ ထွက်ပြေးသွားကြသည်ဟု သိရသည်။

မုံးကိုးတိုက်ပွဲအခြေနေနှင့် ပတ်သက်၍ မုံးကိုးမြို့တွင် တိုက်ပွဲများဖြစ်နေသည် မှာ မှန်ကန်ပြီး တပ်မတော်မှာလည်း မုံးကိုးတွင် ရှိနေဆဲဖြစ်ကြောင်း သမ္မတရုံး ပြောခွင့်ရ ဦးဇော်ဌေးက ပြောသည်ဟု The Ladies News က ဖော်ပြထားသည်။

ကိုးကန့် တပ်သားတစ်ဦး၏ We Chat အကောင့်တွင်မူ မြို့တွင်း၌ ကိုးကန့် တပ်သားများ လှည့်လည်နေပုံကို ဖော်ပြထားသည်။

ကချင်ပြည်နယ်နှင့် သျှမ်းပြည်နယ် နယ်စပ်ရှိ မန့်ဝိန်းကြီး ၊ကြူကုတ် ပန်ဆိုင်း တို့တွင်လည်း ယနေ့ တိုက်ပွဲများဖြစ်နေပြီး မူဆယ် လားရှိုး ပြည်ထောင်စု လမ်းမပေါ်တွင်လည်း ပစ်ခတ်မှု အချို့ရှိနေ သည်ဟု မဟာမိတ် တပ်ပေါင်းစုမှ သတင်းထုတ်ပြန်သည်။

မုံးကိုးမှာ ဗမာပြည်ကွန်မြူနစ်ပါတီခေတ်က ဗကပ လက်အောက်ခံ ကိုးကန့်တပ်များ၏ လက်အောက် သို့ နှစ်အတန်ကြာ ကျရောက်ခဲ့ဖူးပြီး လက်ရှိမုံးကိုးကို တိုက်ခိုက်နေသည့် တပ်များမှာလည်း ကိုးကန့် MNDAA တပ်များဖြစ်သည်ဟု သိရသည်။

ယနေ့ တိုက်ပွဲသတင်းနှင့် ပတ်သက်၍ မြောက်ပိုင်းမဟာမိတ် အဖွဲ့ ပြောခွင့်ရ ပုဂ္ဂိုလ်ထံ ဆက်သွယ်ရန် ကြိုးပမ်းခဲ့သေ်ာလည်း မအောင်မြင်ခဲ့ပေ။
မြို့ကတော့ တမြို့လုံးနီးပါး သိမ်းထားတယ်။ စခန်း တစ်ခုပဲကျန်တယ်။ တိုင်းရင်းသားအရေး စစ်ရေး လေ့လာသူ ဦးဂါမဏိကလည်း သျှမ်းသံတော်ဆင့်သို့ ပြောသည်။

မူဆယ်တွင်မူ လတ်တလော ဖြစ်နေသည့် တိုက်ပွဲများကြောင့် ဒီဇင်ဘာလ ၂၉ ရက်နေ့တွင်ကျင်းပရန် ရည်ရွယ်ထားသည့် သျှမ်းနှစ်သစ်ကူးပွဲတော်ကို မကျင်းပဖြစ်တော့ကြောင်း မူဆယ် သျှမ်းစာပေနှင့် ယဉ်ကျေးမှုအသင်းက ယနေ့ ကြေငြာချက်ထုတ်ပြန်ထားသည်။

သျှမ်းမြောက်တွင် လတ်တစ်လောဖြစ်နေသည့် တိုက်ပွဲများကြောင့် စစ်ဘေးရှောင် တစ်သောင်းခန့်နေရပ်စွန့်ခွာ ထွက်ပြေးနေရသည်။

ဒေါ်အောင်ဆန်းစုကြည်က တိုင်းရင်းသား လက်နက်ကိုင်များအနေဖြင့် အန်စီအေ အပစ်ရပ်စာချုပ်ထိုးရန် လိုအပ်သည်ဟု ပြောဆိုထားပြီး ယခု တိုက်ပွဲဖြစ်နေသည့် တအာင်းပလောင် TNLA ၊ MNDAA ကိုးကန့်နှင့် AA ရခိုင်တို့မှာ ယခင်ကတည်းက ကန့်သတ်ခံထားရသည့် အဖွဲ့များဖြစ်သည်။

သျှမ်းသံတော်ဆင့်၊ စိုင်းအောင်ဆိုင်း
Panglong(Burmese)
https://www.facebook.com/Panglong.burmese/


မြန်မာပြည်မြောက်ပိုင်း မဟာမိတ် တပ်ပေါင်းစု နှင့် တိုက်ပွဲ ဖြစ်ပွားနေသော ရှမ်းပြည်မြောက်ပိုင်း မုံးကို ဒေသကို ယနေ့ အစိုးရ ဂျက်တိုက် လေယာဉ် နှစ် စင်းဖြင့် (၇)ကြိမ် ဗုံးကြဲ တိုက်ခိုက်ခဲ့သည်။

ကချင် လွတ်လပ်ရေး တပ်မတော် KIA တပ်မဟာ (၆) မုံးကိုမြို့ ပတ်ဝန်းကျင် အစိုးရ တပ်ခန်းများနှင့် စစ်ကြောင်းများသည် မဟာမိတ် တပ်ပေါင်းစု Northern Alliance-Burma တပ်ဖွဲ့များ၏ ၀ိုင်းရံတိုက်ခိုက်ခြင်းကို ခံနေရပါသည်။ ယင်း နေရာများကို အဓိက ပစ်မှတ်ထားကာ တပ်မတော် ဂျက်တိုက်လေယာဉ်များ တိုက်ခိုက် ခဲ့သည်ဟု ရှေ့တန်း KIA တပ်မဟာ ၆ အရာရှိ တဦး ကချင်သတင်းဌာန KNG ကို ပြောပါသည်။

အစိုးရတပ်နှင့် မဟာမိတ် တပ်ပေါင်းစု ကြား တိုက်ပွဲများသည် မုံးကိုမြို့ နှင့် ဖောင်းဆိုင် (Hpawng Seng) ကျေးရွာ ပတ်ဝန်းကျင်တွင် ယနေ့ နံနက်ပိုင်းမှ ညနေပိုင်း နေ၀င်ချိန်ထိ ဆက်လက် ဖြစ်ပွားနေပါသည်။

လက်ရှိ မဟာမိတ် တပ်ပေါင်းစု တွင် ကချင် လွတ်လပ်ရေး တပ်မတော် KIA၊ ရက္ခိုင့်တပ်မတော် AA၊ မြန်မာ အမျိုးသား ဒီမိုကရေစီ မဟာမိတ် တပ်ဖွဲ့ MNDAA နှင့် တအောင်းအမျိုးသား လွတ်မြောက်ရေး တပ်မတော် TNLA တို့ ပါဝင်သည်။

နှစ်ဖက်ကြား တိုက်ပွဲများသည် လားရှိုး-မူဆယ်လမ်းမ၊ ၁၀၅မိုင် ကုန်သွယ်ရေးဇုံနှင့် မုံးကို ဒေသများတွင် နိုဝင်ဘာ ၂၀ ရက်နေ့မှ ပြင်းပြင်းထန်ထန် ဖြစ်ပွားလာခြင်း ဖြစ်သည်။

မန္တလေး နှင့် ပြင်ဦးလွင် (မြေမြို့) ဘက်မှ အစိုးရတပ် စစ်ကူများကို လားရှိုးသို့ စစ်ကားကြီးများဖြင့် သယ်ပို့ပြီး ထို့နောက် အရပ်သား ကုန်တင်ကားကြီးများဖြင့် ၁၀၅ မိုင်ကုန်သွယ်ရေးဇုံ နှင့် မိုးကိုဘက်သို့ ပို့ဆောင်နေသည်ဟု ဒေသခံများ ဆိုပါသည်။

ထို့အပြင် စစ်ရဟတ်ယာဉ်များဖြင့်လည်း မူဆယ်သို့ စစ်အင်အားများ ခေါက်တုံ့ ခေါက်ပြန် သယ်ပို့ နေကြောင်း မျက်မြင်များ ဆိုပါသည်။

စစ်ပြေး ဒုက္ခသည် ၁ သောင်းကျော် တရုတ်ဘက်ခြမ်း ခိုလှုံနေ
နိုဝင်ဘာ ၂၀ ရက် တိုက်ပွဲ စတင်ချိန်မှ မူဆယ်-ဖေါင်းဆိုင် တရုတ်နယ်စပ် တလျှောက်မှ စစ်ပြေး ဒုက္ခသည် ၁ သောင်းကျော်သည် တရုတ်ဘက်ခြမ်းမှာ ခိုလှုံနေရ ပါသည်။

ဒုက္ခသည် အများစုသည် ပလောင် (တအောင်း)၊ ကချင်နှင့် တရုတ် လူမျိုးများဖြစ်ကြပြီး အစိုးရ ၀န်ထမ်းများနှင့် ပြည်သူ့စစ်များလည်း ပါကြောင်း ဒုက္ခသည် ကယ်ဆယ်ရေး အဖွဲ့များ ဆိုပါသည်။

ယင်း ဒုက္ခသည်များတွင် မိုးကို၊ ဖေါင်းဆိုင်ဘက်မှ ၈၀၀၀ ကျော်ရှိပြီး ယခုချိန် ၎င်းတို့သည် Manhai မြို့တွင် ခိုလှုံနေ ပါသည်။

၁၀၅ မိုင်ကုန်သွယ်ရေးဇုံ ဘက်မှ စစ်ပြေးဒုက္ခသည်များက မူဆယ်နှင့် တရုတ်ဘက်ခြမ်း Jiegao (ဂျေခေါင်) ကချင် မနောကွင်းမှာ ခေတ္တ ခိုလှုံနေပါသည်။

နောက်ပြီး ပန်ဆိုင်း (ကြူကုတ်) မြို့မှ ဒုက္ခသည် ၃၀၀၀ ကျော် သည် တရုတ်ဘက်ခြမ်း Wangdin မြို့မှာ ထွက်ပြေး ခိုလှုံနေပါသည်။

ယင်း စစ်ပြေး ဒုက္ခသည်များကို ရွှေလီမြို့ တရုတ်အစိုးရ အာဏာပိုင်များမှ နေရာ၊ အစားအသောက်နှင့် ဆေးဝါးများ ကူညီပေးနေသည်ဟု Manhai မှ ဒုက္ခသည် ကယ်ဆယ်ရေးအဖွဲ့များ ဆိုပါသည်။

သို့သော်လည်း ပြင်ပမှ ဒုက္ခသည်များကို တိုက်ရိုက် အကူညီပေးခြင်းကို တရုတ်အစိုးရမှ ခွင့် မပြုကြောင်း၊ တရုတ်အာဏာပိုင်များမှ တဆင့် အကူညီပေးခြင်းကိုသာ ခွင့်ပြု သည်ဟု ဆိုပါသည်။

Kachinnews
http://burmese.kachinnews.com



ဘင်္ဂလား-မြန်မာ နယ်စပ် လုံခြုံရေးယူထားတဲ့ လုံခြုံရေး တပ်ဖွဲ့ဝင်များ။ (အောက်တိုဘာ ၁၄၊ ၂၀၁၆)
ရခုိုင်ပြည်နယ် မောင်တောဒေသမှာ နယ်ခြားစောင့်ရဲစခန်းတွေ တုိုက်ခုိုက်ခံ ခဲ့ရပြီးနောက် လုံခြုံရေးတပ်ဖွဲ့ဝင်တွေရဲ့ စစ်ဆင်ရေးတွေအတွင်း လူ့အခွင့်အရေး ချိုးဖောက်မှုတွေ ရှိနေတယ်လုို့ ကုလသမဂ္ဂ တာဝန်ရှိသူတဦးက ပြောဆုိုခဲ့တဲ့အပေါ် တရားဝင်ကန့်ကွက် သွားမယ်လုို့ မြန်မာအစုိုးရက ပြောဆုိုလုိုက်ပါတယ်။ ကုလသမဂ္ဂဒုက္ခသည်များဆုိုင်ရာ မဟာမင်းကြီးရုံး UNHCR ဘင်္ဂလားဒေ့ရ်ှနုိုင်ငံ ရုံးခွဲက အရာရှိရဲ့စွပ်စွဲချက်တွေဟာ မှန်ကန်မှု မရှိဘူးလုို့လည်း မြန်မာ သမ္မတရုံးက ပြောဆိုလိုက်တာပါ။ အပြည့်အစုံကုိုတော့ ဆက်သွယ်စုံစမ်းထားတဲ့ ဗွီအိုအေ မြန်မာပိုင်းသတင်းထောက် မေခက ပြောပြပေးမှာ ဖြစ်ပါတယ်။

ရခိုင်ပြည်နယ် မောင်တောဒေသမှာ အောက်တိုဘာလ အစောပိုင်းက ဖြစ်ပျက်ခဲ့တဲ့ ပဋိပက္ခတွေနောက်ပိုင်း စစ်ဆင်ရေးတွေ လုပ်ဆောင်နေတဲ့ မြန်မာစစ်တပ်ဟာ၊ လူ့အခွင့်အရေး ချိုးဖောက်မှုတွေ ကျုးလွန်နေတယ်လုို့ မြန်မာနုိုင်ငံနဲ့ အိမ်နီးချင်း ဘင်္ဂလားဒေ့ရ်ှနုိုင်ငံနယ်စပ် Tak Naf မြို့မှာ အခြေစုိုက်ထားတဲ့ UNHCR ရုံး အကြီးအကဲ John Mckissick က စွပ်စွဲပြောဆိုလိုက်တာ ဖြစ်ပါတယ်။ နေအိမ်တွေ ကုို မီးရှို့တာ၊ လူသတ်တာ၊ အမျိုးသမီးတွေကုို အဓမ္မပြုကျင့်တာတွေလုို လူ့အခွင့်အရေး ချိုးဖောက်မှုတွေကို ကျုးလွန်နေတယ်လုို့ AFP သတင်းဌာန ကုို ပြောကြားခဲ့တာပါ။

မြန်မာသမ္မတရုံး ပြောခွင့်ရ ပုဂ္ဂိုလ် ဦးဇော်ဌေးကတော့ UNHCR အရာရှိတဦး အနေနဲ့ ပြင်းထန်တဲ့ စွပ်စွဲပြောဆိုမှုအတွက် တာဝန်ယူဖြေရှင်း သွားရမယ်လို့ ပြောပါတယ်။ စွပ်စွဲချက်နဲ့ ပတ်သက်လုို့လည်း တရားဝင် ကန့်ကွက်သွားမယ်လုို့လည်း ပြောဆုိုခဲ့တာပါ။

" အခြေအမြစ်မရှိတဲ့ စွပ်စွဲပြောကြားချက်တွေ ပေါင်းပြီး ပြောဖို့မသင့်ဘူး။ အဲ့လိုမျိုး စွပ်စွဲပြောကြားဖို့ မသင့်ဘူး။ အဓိက ကတော့ ကုလသမဂ္ဂဖြစ်တဲ့အတွက် ကုလသမဂ္ဂရဲ့ ခိုင်လုံတဲ့ အထောက်အထားတွေ၊ အချက်အလက်တွေ၊ ယုံကြည် စိတ်ချရတဲ့ အရင်းအမြစ်တွေကို အခြေခံပြီး ပြောကြားသင့်တယ်။ ဒီလိုမျိုး လက်လွတ်စပယ်ပြောကြားခြင်းနဲ့ပတ်သက်လို့ ကျနော်တို့အနေနဲ့ ဘယ်လိုမှ ကျေနပ်နိုင်မှာ မဟုတ်ဘူး။ ဒီလိုမျိုး မှားယွင်းပြီး ပြောကြားချက်တွေ အတွက်လည်း သူ့မှာ တာဝန်ရှိတယ်။ ဖြေရှင်းရပါလိမ့်မယ်။ ကျနော်တို့ အစိုးရအနေနဲ့ ဒီမှာရှိတဲ့ UNHCR ကိုလည်း ပြောမယ်။ နောက် ကုလသမဂ္ဂမှာ ရှိတဲ့ ကျနော်တို့ မြန်မာနိုင်ငံဆိုင်ရာ သံအမတ်ကြီး ကုလသမဂ္ဂအမြဲတမ်းကိုယ်စားလှယ် အနေနဲ့ UNHCR High Commissioner မဟာမင်းကြီးကို တွေ့ပြီးတော့ လည်း ပြောပါမယ်။ ဒီလိုမျိုး UNHCR ဝန်ထမ်းတယောက်အနေနဲ့ လက်လွတ်စပယ် မပြောသင့်ပဲ ပြောတဲ့ဟာတွေသည် လိုက်နာရမယ့် သူ့ရဲ့ကျင့်ဝတ် code of conduct သူ့ရဲ့ပြောရေးဆိုခွင့် profession နဲ့ မညီညွတ်ပဲဖြစ်နေရတာတွေနဲ့ပတ်သက်လို့ သူတို့အရေးယူဆောင်ရွက်ပေးဖို့ လိုပါလိမ့်မယ်။"

မောင်တောဒေသက ပဋိပက္ခတွေကြောင့် အိမ်နီးချင်း ဘင်္ဂလားဒေ့ရ်ှနုိုင်ငံကုို ထွက်ပြေးလာသူ ရာနဲ့ချီ ရှိနေတယ်လုို့ သတင်းတွေ ထွက်ပေါ်နေချိန်မှာပဲ UNHCR အရာရှိရဲ့ ဝေဖန်ချက် ထွက်ပေါ်လာတာလည်း ဖြစ်ပါတယ်။ UNHCR ရုံးပြောခွင့်ရသူ Vivian Tan ကတော့ ဘင်္ဂလားဒေ့ရ်ှနုိုင်ငံကုို ထပ်မံရောက်ရှိ လာသူတွေရဲ့ ပြောဆုို ချက်တွေ အပါအ၀င် လူ့အခွင့်အရေး ချိုးဖောက်ခံရတဲ့ သတင်းတွေဟာ စုိုးရိမ်စရာ အခြေအနေမှာ ရှိနေတယ်လုို့ ပြောဆုိုခဲ့ကြောင်းလည်း AFP သတင်းက ဖော်ပြ ခဲ့တာပါ။

မောင်တောဒေသက အခြေအနေတွေအပေါ် မကျေနပ်တဲ့အတွက် အရှေ့တောင်အာရှ ဒေသနုိုင်ငံတချို့မှာ လည်း ကန့်ကွက်မှုတွေ ပေါ်ပေါက်နေတာပါ။ မူဆလင်အများစုရှိရာ မလေးရှားနဲ့ အင်ဒုိုနီးရှားနုိုင်ငံတို့အပြင် ထိုင်းနိုင်ငံမှာပါ တွေမှာ ရှိတဲ့ မြန်မာသံရုံးအနီးမှာ ဆန္ဒပြပွဲတွေလည်း ပေါ်ပေါက်ခဲ့တာပါ။ မြန်မာအစုိုးရ တာဝန်ရှိသူတွေကတော့ လုံခြုံရေးတပ်ဖွဲ့တွေရဲ့ စစ်ဆင်ရေးတွေမှာ ဥပဒေနဲ့အညီ ဆောင်ရွက်နေတဲ့အကြောင်း ပြောဆုိုထားတာ ဖြစ်ပါတယ်။

မေခ/ ဗွီအိုအေ (မြန်မာပိုင်း)
http://burmese.voanews.com



မြန်မာ-မလေးရှား ပွဲစဉ် သတင်းဓာတ်ပုံ- Myanmar Football Federation။
မြန်မာနိုင်ငံက ရိုဟင်ဂျာမူဆလင်တွေအပေါ် ဖိနှိပ်နေတဲ့အတွက်ဆိုပြီးမြန်မာနိုင်ငံမှာ အိမ်ရှင် အဖြစ်ပူးတွဲ ကျင်းပနေတဲ့ အာဆီယံ ဘောလုံးအဖွဲ့ချုပ်၊ ဆူဇူကီး ဖလား ဘောလုံးပြိုင်ပွဲ ကနေ နှုတ်ထွက်ဖို့ စဉ်းစားနေတဲ့ မလေးရှားနိုင်ငံ က ဘောလုံးပွဲ မှာ ဆက်လက် ပါဝင် ကစားသွားမယ်လို့ ဒီကနေ့ သောကြာနေ့မှာ ဆုံးဖြတ်လိုက်ပါတယ်။ မြန်မာနိုင်ငံကရခိုင်ဒေသက မူဆလင်တွေ အပေါ် မြန်မာအစိုးရရဲ့လုပ်ရပ်တွေအပေါ် ပြင်းထန်တဲ့ သဘောထား ရပ်တည်ချက်ထားရှိဖို့ဆိုပြီး မူဆလင်အများစုရှိတဲ့ မလေးရှားနိုင်ငံမှာ သောကြာနေ့က စုဝေးဆန္ဒပြကြပါတယ်။ ဒီလိုအခြေအနေကြားကပဲဆူဇူကီးဖလား ဘောလုံးပွဲမှာ ဆက်လက်ပါဝင်ကစားဖို့ ဆုံးဖြတ်လိုက်တာပါ။ အကြောင်းစုံကိုတော့ Reuters သတင်းကို အခြေခံပြီး နန်းလောင်ဝ်က တင်ပြထားပါတယ်။

မြန်မာနိုင်ငံမှာ အိမ်ရှင် အဖြစ်ပူးတွဲ ကျင်းပနေတဲ့ အာဆီယံ ဘောလုံးအဖွဲ့ချုပ်၊ ဆူဇူကီးဖလား ဘောလုံးပြိုင်ပွဲကို နိုဝင်ဘာလ ၁၉ ရက်နေ့မှာ ကျင်းပနေတာဖြစ်ပါတယ်။ ဒီပွဲကနေ မလေးရှားနုတ်ထွက်သွားမယ်ဆိုရင် အာဆီယံအဖွဲ့ဝင် ၁၀ နိုင်ငံရဲ့  ပြည်တွင်းရေးမှာ ၀င်မစွက်ဖက် ရေးဆိုတဲ့ အရင်ကတည်းက ထားရှိလာတဲ့ မူဝါဒတွေကို ဆန့်ကျင်ရာရောက်ပါလိမ့်မယ်။

မလေးရှား လူငယ်နဲ့ အားကစားရေးရာ ၀န်ကြီး Khairy Jamaluddin က အစိုးရ ရဲ့ ဆုံးဖြတ်ချက်ကို ခုလိုပြောပါတယ်။

"မြန်မာမှာကျင်းပနေတဲ့ ဘောလုံးပွဲမှာ ဆက်ကစားဖို့ အစိုးရ၀န်ကြီးများအဖွဲ့က ဆုံးဖြတ်လိုက်ပါတယ်။ ရှေ့ဆက်လုပ်မယ့် သံတမန်ရေးလုပ်ငန်းနဲ့ပတ်သက်လို့ နိုင်ငံခြားရေးဝန်ကြီးဌာနက မကြာခင်ကြေညာပါလိမ့်မယ်။ ရခိုင်ဒေသကဖြစ်ရပ်တွေ အတွက် မလေးရှားက သိပ်ကိုစိုးရိမ်ပါတယ်။ကမ္ဘာ့ဘောလုံးအဖွဲ့ချုပ် FIFA ရဲ့ ဒဏ်ခတ် အရေးယူမှုတွေကိုလည်း ကျနော်တို့ သတိထားနေရပါတယ်။ ရခိုင်ဒေသက ဖြစ်ရပ်တွေ အပေါ် ရပ်တန့်သွားအောင် တခြားနည်းလမ်းနဲ့ လုပ်ကိုင်သွားမှာပါ။"

ဆူဇူကီးဖလား ဘောလုံးပွဲကနေ နုတ်ထွက်ဖို့ အစိုးရ၀န်ကြီးတွေကို အစည်းအဝေး မှာ တောင်းဆိုထားခဲ့သလို ဆက်ကစားမယ်၊ မကစားဘူးဆိုတဲ့ ဆုံးဖြတ်ချက် ဘယ်လိုပဲဖြစ်ဖြစ် ရခိုင်အရေးနဲ့ပတ်သက်လို့ ဆက်ပြီး လှုပ်ရှားပြောဆိုသွားမယ် လို့လည်းနိုဝင်ဘာလ ၂၃ ရက်နေ့က Khairy ကပြောပါတယ်။

ရန်ကုန်မှာလည်း မြန်မာနဲ့ မလေးရှား အားကစားနည်းပြတွေ နိုဝင်ဘာလ ၂၆ ရက်နေ့မှာ သတင်းစာရှင်းလင်းပွဲတရပ် ကျင်းပပြီး ပွဲစဉ်အကြောင်းတွေ သာပြောဆိုကြပါတယ်။ မြန်မာအသင်းနည်းပြ GRED ZEISE ကခုလိုပြောပါတယ်။

"ဗီယက်နမ်နဲ့ကစားတဲ့ပွဲမှာ မြန်မာအသင်း သိပ်ကိုအားရဖို့ကောင်းပါတယ်။ ဒီ ၂ သင်းမှာ ကွာခြားချက်တွေများ ပေမယ့် ခင်ခင်မင်မင်ပဲ ကစားကြတာပါ။ ရှုံးထွက် အဆုံးအဖြတ်ပေးမယ့်ပွဲလည်းဖြစ်တာကြောင့်အသည်းအသန် ကစားရမယ့်ကြည့်ကောင်းတဲ့ပွဲဖြစ်ပါလိမ့်မယ်။"

မလေးရှား နည်းပြ Ong Kim Swee ကတော့ ဒီ ပွဲမှာ ဆက်ပါဝင်ကစားဖို့ဆိုတဲ့ မလေးရှား အစိုးရဆုံးဖြတ်ချက်နဲ့ပတ်သက်လို့ မှတ်ချက်မပေးပဲ ပွဲစဉ်အကြောင်းကိုသာ ခုလို ပြောဆိုသွားတာပါ။

"ဘောလုံးပရိတ်သတ် အများကြီး လာအားပေးပါတယ်။ ကျနော်တို့အသင်း ကောင်းကောင်း ကစားနိုင်မယ်လို့ ယုံကြည်ပါတယ်။ အရေးကြီးဆုံးကတော့ ပြင်ပလောကမှာ ဘာဖြစ်လာမလဲဆိုတာ စဉ်းစားနေဖို့ထက် ကွင်းထဲမှာပဲ အာရုံစိုက်ထားဖို့လိုပါတယ်။"

ရခိုင်ဒေသမှာ မြန်မာစစ်တပ်ရဲ့  လူ့အခွင့်အရေး ချိုးဖောက်မှုတွေကြောင့် ရိုဟင်ဂျာမူစလင်တွေ အိမ်နီးချင်း ဘင်္ဂလားဒေ့ရှ်နိုင်ငံကို ထွက်ပြေးကြတယ်ဆိုပြီး သတင်းတွေထွက်ပေါ်နေတာကြောင့် အမျိုးသားရင်ကြားစေ့ရေး လုပ်ဆောင်သွားမယ်ဆိုတဲ့ ဒေါ်အောင်ဆန်းစုကြည်ရဲ့အစိုးရသစ်အပေါ် ကြီးမားတဲ့စိန်ခေါ်ချက်တွေဖြစ်လာနေပါတယ်။ ရခိုင်ဒေသ အကြမ်းဖက်မှုတွေ ဆက်လက်ဖြစ်ပေါ်နေရာမှာ လူ ၈၆ ဦးထက်မနည်းသေဆုံးပြီး ၃ သောင်းကျော်အိ်ုးအိမ်စွန့်ခွါထွက်ပြေးနေရတယ်လို့ သတင်းတွေမှာ ဖော်ပြပါတယ်။

ရခိုင်ပြည်နယ်မှာ ၂၀၁၂ ခုနှစ်ကလည်း မြန်မာနဲ့ မူစလင်အသိုင်းအ၀ိုင်းကြား ပဋိပက္ခတွေဖြစ်ပေါ်ခဲ့ပြီး လူရာနဲ့ချီသေဆုံးခဲ့ပါသေးတယ်။ ခု ကိစ္စမှာ ကိုဖီအာနန် ကော်မရှင်ဖွဲ့ပေးထားရုံနဲ့ မလုံလောက်ပဲ ဒေါ်အောင်ဆန်းစုကြည် ၀င်ရောက်ပြီး အပြည့်အ၀ စုံစမ်းစစ်ဆေးသင့်တယ်၊ ထိန်းသိမ်းသင့်တယ် ဆိုပြီး ဝေဖန်ရေး သမားတွေကပြောဆိုပါတယ်။

လွပ်လပ်တဲ့ သတင်းသမားတွေ၊ လူ့အခွင့်အရေးသမားတွေကို အဲ့ဒီဒေသထဲ သွားရောက်ခွင့် အစိုးရကပိတ်ပင်ထားဆဲပါ။ ရခိုင်ဒေသ ဖိနှိပ်မှုတွေရပ်တန့်ဖို့ဆိုပြီး မလေးရှား၊ အင်ဒိုနီးရှားနဲ့ ထိုင်းနိုင်ငံဆန္ဒပြသူတွေ သက်ဆိုင်ရာနိုင်ငံ မြန်မာသံရုံး အသီးသီးရှေ့မှာ သောကြာနေ့မှာ စုဝေးဆန္ဒပြဖို့ စီစဉ်ထားကြတာဖြစ်ပါတယ်။

 နန်းလောင်ဝ်  / ဗွီအိုအေ (မြန်မာပိုင်း)
http://burmese.voanews.com



မောင်တောမြို့နယ်တွင်းက မူဆလင်ကျေးရွာသားများ။ (အောက်တိုဘာ ၂၇၊ ၂၀၁၆)
ရခိုင်ပြည်နယ်ထဲက ရိုဟင်ဂျာမူစလင်တွေကို နှိမ်နင်းနေတာနဲ့ ပါတ်သတ်လို့ စိုးရိမ်ကြောင်း ပြောကြားဖို့ မြန်မာသံအမတ်ကို ဆင့်ခေါ်သွားမယ်လို့ မလေးရှားနိုင်ငံခြားရေးဝန်ကြီးဌာနက ဒီကနေ့ ပြောပါတယ်။ ရခိုင်ပြည်နယ်ထဲက အခြေအနေတွေအပေါ် မကြေနပ်တာကြောင့် အရှေ့တောင်အာရှနိုင်ငံတွေ မှာ မြန်မာအစိုးရအပေါ် ဆန္ဒပြနေကြတာပါ။

ရခိုင်ပြည်နယ်ထဲက မတည်မငြိမ်မှု အခြေအနေတွေကြောင့် ရိုဟင်ဂျာမူဆလင် အများအပြားဟာ အိမ်နီးချင်း ဘင်္ဂလားဒေ့ရ်ှနိုင်ငံကို ထွက်ပြေးခိုလှုံခဲ့ကြသလို အမျိုးသားသွေးစည်း ညီညွတ်ရေးအတွက် အလေးထားလုပ်ဆောင်သွားမယ်လို့ ကတိပေးပြောဆိုခဲ့တဲ့ ဒေါ်အောင်ဆန်းစုကြည် ဦးဆောင်တဲ့ အစိုးရအဖွဲ့အတွက်လည်း ဒါဟာ စိန်ခေါ်မှုတရပ်ဖြစ်နေပါတယ်။

နောက်ထပ် မတည်မငြိမ်မှုတွေ တိုးဖြစ်ပွါးမလာအောင် အားလုံးအနေနဲ့ ထိန်းထိန်းသိမ်းသိမ်း လုပ်ကြဖို့လည်း မလေးရှားနိုင်ငံခြားရေး ၀န်ကြီးဌာနက တောင်းဆိုထားပါတယ်။ ဒီမတိုင်ခင် ရက်ပိုင်းတုန်းကတော့ မလေးရှားဝန်ကြီးတယောက်က ရိုဟင်ဂျာတွေအပေါ် ဖိနှိပ်မှုတွေကို ကန့်ကွက်တဲ့အနေနဲ့ ဆူဇူကီးဖလား ဘောလုံးပွဲတွေကနေ မလေးရှားအသင်း နှုတ်ထွက်ကောင်း ထွက်မယ်လို့ ပြောခဲ့ပေမယ့် မလေးရှားအသင်းအနေနဲ့ ဆက်ပြီး ပါဝင်ကစားသွားမှာဖြစ်တယ်လို့ မလေးရှားအစိုးရက ဒီကနေ့ ပြောဆိုလိုက်ပါတယ်။

 ဗွီအိုအေ (မြန်မာပိုင်း)
http://burmese.voanews.com



နိုဝင်ဘာလ ၂၅ ရက် နိုင်ငံတကာအမျိုးသမီးများအပေါ် အကြမ်းဖက်မှု ပပျောက်ရေးနေ့ အထိမ်းအမှတ်အဖြစ် ထားဝယ်မြို့မှာ ချီတက်ဆန္ဒပြစဉ်။ ဓါတ်ပုံ - ကိုတင့်လွင်(ဟင်္သာ)
နိုင်ငံတကာ အမျိုးသမီးများအပေါ် အကြမ်းဖက်မှု ပပျောက်ရေးနေ့ အထိမ်းအမှတ်အနေနဲ့ တနင်္သာရီတိုင်းဒေသကြီး ထားဝယ်၊ ရေဖြူ၊ လောင်းလုံ၊ သရက်ချောင်း စတဲ့မြို့နယ်က ဒေသခံ ၂၀၀ ကျော်ဟာ ထားဝယ်မြို့နယ်မှာ ဒီကနေ့ လမ်းလျှောက်ချီတက်ပွဲပြုလုပ်ပြီး သက်ငယ်မုဒိမ်းမှုတွေ ပပျောက်ရေးအတွက် တောင်းဆိုကြပါတယ်။

ထားဝယ်မြို့နယ်မှာ သက်ငယ်မုဒိန်းမှုတွေ များလာတဲ့အတွက် အများပြည်သူသိအောင်၊ သတိထားမိအောင် အခုလို ချီတက်တောင်းဆိုတာဖြစ်တယ်လို့ ထားဝယ်အမျိုးသမီးများသမဂ္ဂ အဖွဲ့ဝင် မနှင်းနှင်းက ပြောပါတယ်။

"အခုက သက်ငယ်မုဒိမ်းက အရမ်းများလာတယ်ပေါ့နော်။  ထားဝယ်မြို့နယ်မှာပေါ့နော်။ များလာတဲ့ အခါကျတော့ တချို့တွေလည်း  မသိဘူးပေါ့နော်။ ဒေသကသတင်းဆိုရင် ဖော်ပြမှုနည်းတယ်ပေါ့။  အဲ့ဒီလိုမျိုးရှိတယ်ဆိုတာ ကို ပြခြင်းအားဖြင့် တချို့သိလာနိုင်တယ်ပေါ့နော်။  သိလာတဲ့အခါကျတော့ လူတွေကလည်းပဲ သူတို့လည်းပဲ ကာကွယ်ဖို့ နားလည်လာမယ်လို့ ထင်တာပဲပေါ့နော်။"

ဒေသခံတွေဟာ အမျိုးသမီးတွေအပေါ် အကြမ်းဖက်မှုများ ရပ်တန့်ရေး၊ မုဒိမ်းမှုများပပျောက်ရေး၊ သက်ငယ်မုဒိမ်း မှုများ ချက်ချင်းရပ် စတဲ့ ကြွေးကြော်သံတွေ ကြွေးကြော်ပြီး ချီတက်ခဲ့တာဖြစ်ပါတယ်။

ချီတက်ပွဲမှာ ပါဝင်သူတွေဟာ ထားဝယ်မြို့ ဗန်းမော်ရပ်ကနေ ဗိုလ်ချုပ်လမ်းနဲ့ ဆေးရုံလမ်းတလျှောက် ချီတက်ခဲ့ပြီး မြို့တော်ခန်းမအထိ လမ်းလျှောက်ကြတာဖြစ်ပါတယ်။

ဒီကနေ့ လမ်းလျှောက်ချီတက်ပွဲမှာ ထားဝယ်အမျိုးသမီးများသမဂ္ဂ၊ ထားဝယ်လယ်သမားအဖွဲ့နဲ့ အမျိုးသားဒီမိုကရေစီ အဖွဲ့ချုပ်က အဖွဲ့ဝင်တွေလည်း ပါဝင်ကြပါတယ်။

RFA Burmese
http://www.rfa.org/burmese


(အစိုးရအဖွဲ့ရုံး ဂိတ်-၄ အလုံလမ်းဘက်ကို ယခုည တွေ့ရစဉ်)
 ရန်ကုန်တိုင်းအစိုးရအဖွဲ့ရုံး အောက်ထပ်မှာ ဒီကနေ့ညပိုင်းက ပေါက်ကွဲမှု ဖြစ်ပွားခဲ့ပါတယ်။ တိုင်းအစိုးရအဖွဲ့ လဝက ရုံး အောက်ဆုံးထပ်မှာ M-150 အချိုရည်ပုလင်းနဲ့ လုပ်ထားတဲ့ လက်လုပ်ဗုံး ၂ လုံး ပေါက်ကွဲတာလို့ လူမှုရေးဝန်ကြီး ဦးနိုင်ငံလင်းက အတည်ပြုပြောပါတယ်။

 အလားတူ မနေ့ကလည်း ဒဂုံမြို့သစ်တောင်ပိုင်း လူဝင်မှုကြီးကြပ်ရေးနဲ့ ပြည်သူ့အင်အား ဦးစီးဌာနရုံးမှာ ပေါက်ကွဲမှု ၅ ကြိမ် ဖြစ်ပွားခဲ့ပါတယ်။ အဲဒီပေါက်ကွဲမှုအားလုံးမှာ M150 အချိုရည်ပုလင်းကို အသုံးပြု ထားတယ်လို့ အစိုးရက သတင်းထုတ်ပြန်ထားပါတယ်။

RFA Burmese
https://www.facebook.com/rfaburmese