11/29/16



အရပ်သား အစိုးရရဲ့ ကိုင်တွယ် ဆောင်ရွက်ပုံတွေကြောင့် နိုင်ငံရေး အကြပ်အတည်း ပိုပြီး ကြီးမားသွားနိုင်တာကြောင့် အမျိုးသား ကာကွယ်ရေးနဲ့ လုံခြုံရေး ကောင်စီ အစည်းအဝေး အမြန်ဆုံး ခေါ်ဖို့ နိုင်ငံရေး ပါတီ တချို့က တောင်းဆိုပါတယ်။ နိုင်ငံ အနောက်ပိုင်းက အကြမ်းဖက်မှုတွေ၊ အရှေ့ပိုင်းက တိုင်းရင်းသားလက်နက်ကိုင်တွေနဲ့ တိုက်ပွဲတွေ အပါအ၀င် နိုင်ငံတွင်း အကြပ်အတည်းတွေကတော့ ကာလုံ အစည်းအဝေး ခေါ်ပြီး ဖြေရှင်းနိုင်မယ့် အလားအလာ ရှိပါသလား ဆိုတာကို မသိင်္ဂီထိုက် စုစည်းတင်ပြပေးထားပါတယ်။

ရခိုင်ပြည်နယ်တွင်းက အကြမ်းဖက်မှုတွေ၊ တိုင်းရင်းသား လက်နက်ကိုင်တွေနဲ့ တိုက်ပွဲတွေ၊ နောက် ရန်ကုန်မြို့က ဖောက်ခွဲမှုတွေ၊ ဆင်းရဲမွဲတေမှုတွေဟာ နိုင်ငံတော်ရဲ့ အထွေထွေ အကြပ်အတည်းတွေ ဖြစ်လာပြီမို့ ဒီအရေးကို ကိုင်တွယ်ဖို့ အတွက် အမျိုးသား ကာကွယ်ရေးနဲ့ လုံခြုံရေး ကောင်စီကို အမြန်ဆုံး ခေါ်ယူပါလို့ နိုင်ငံရေး ပါတီ ၁၃ ခုက ပူးတွဲ ကြေညာချက်ထုတ် တောင်းဆိုလိုက်ပါတယ်။ တောင်းဆိုချက်ကို ပူးတွဲ ထုတ်ပြန်ခဲ့တဲ့ အမျိုးသား ဒီမိုကရေစီ ပါတီသစ်ပါတီရဲ့ ဥက္ကဌ ဦးသိန်းညွန့်ကတော့ အခုလို ပြောပါတယ်။

“တိုင်းပြည်က အထွေထွေအကြပ်အတည်း ဖြစ်နေပြီ။ ရခိုင်မှာ ကျနော်တို့နယ်မြေ စိုးမိုးနိုင်တဲ့အထိ အချုပ်အခြာအာဏာကို ထိပါးတော့မယ်။ အဲဒီလိုပဲ အရှေ့မြောက်မှာလည်း ပြည်သူလူထုရဲ့ အသက်အိုးအိမ်စည်းစိမ်တွေ ထိပါးနေပြီ။ ရန်ကုန်မြို့တော်ကြီးမှာလည်း ပေါက်ကွဲမှုတွေဖြစ်နေပြီ။ ဒီလို အထွေထွေအကြပ်အတည်းအချိန်မှာ အမျိုးသားကာကွယ်ရေးနဲ့ လုံခြုံရေးကောင်စီဆိုတာ ဖွဲ့စည်းပုံအခြေခံဥပဒေ ၄၀၁ မှာ ပြဌာန်းထားတယ်။ ၂၀၀ မှာ အစိုးရအဖွဲ့အစည်းဖွဲ့စည်းရေးကို ပြဌာန်းထားတယ်။ အဲဒီတော့ တိုင်းပြည်ရဲ့ အထွေထွေအကြပ်အတည်းကာလမှာ အမျိုးသားကာကွယ်ရေးနဲ့ လုံခြုံရေးကောင်စီဟာ သူ့တာဝန်ကို ထမ်းရမှာဖြစ်တဲ့အတွက် ဒါ အမျိုးသားကာကွယ်ရေးနဲ့ လုံခြုံရေးကောင်စီအစည်းအဝေးကို ခေါ်ပေးဖို့ ကျနော်တို့ တောင်းဆိုတာပါ။”

ရခိုင်ပြည်နယ် မောင်တော ဒေသ အကြမ်းဖက် တိုက်ခိုက်မှုတွေ၊ ရှမ်းပြည်နယ်တွင်းက တိုက်ပွဲတွေမှာ မြန်မာ့ တပ်မတော်က ထဲထဲဝင်ဝင် ပါဝင်တိုက်ခိုက်နေသလို မြန်မာနိုင်ငံ ရဲတပ်ဖွဲ့ကလည်း လုံခြုံရေးကိစ္စကို ကိုင်တွယ်နေတာ ဖြစ်ပါတယ်။ တပ်မတော်ရဲ့ လုံခြုံရေး ဆိုင်ရာ ဆောင်ရွက်ချက်တွေဟာ ကာလုံ အစည်းအဝေး မခေါ်တာကြောင့် အကန့်အသတ်နဲ့ ဖြစ်နေရတယ်လို့လည်း အမျိုးသား ဒီမိုကရေစီ ပါတီသစ်ပါတီရဲ့ ဥက္ကဌ ဦးသိန်းညွန့်က ပြောပါတယ်။

“တပ်မတော်ကလူတွေဟာ အခြေခံဥပဒေနဲ့ ပတ်သက်ရင် သူတို့ဟာ ကာကွယ်ရမယ့်တာဝန်ရှိတဲ့အတွက် သူတို့တွေဟာ အင်မတန်လေးစားလိုက်နာတယ်။ အခုအချိန်တပ်မတော် က ရခိုင်ကိစ္စနဲ့ ရှမ်းပြည်ကိစ္စတွေမှာ သူတို့က အကန့်အသတ်နဲ့ လုပ်နေရတယ်ဆိုတာ ပြောတဲ့ဟာက သူတို့ဘက်က လုပ်သင့်လုပ်ထိုက်တဲ့အရာကို ကာလုံအစည်းအဝေးမခေါ်သေးတဲ့ အတွက် သူတို့ လုပ်လို့မရတာ ဖြစ်နေတယ်။”

နိုင်ငံအရေးကို ကိုင်တွယ်ဖို့ ကာလုံ အစည်းအဝေး ခေါ်ယူဖို့ ဆိုတာကိုတော့ နိုင်ငံရေး သုံးသပ်သူ ဒေါက်တာ ရန်မျိုးသိမ်းကတော့ အခုလို တုံ့ပြန်ပါတယ်။

“အစိုးရ၊ တပ်မတော်နဲ့ တိုင်းရင်းသားလက်နက်ကိုင်အဖွဲ့အစည်းခေါင်းဆောင်တွေ ကြားမှာ တွေ့ဆုံဆွေးနွေးဖို့က ပိုပြီးတော့ လက်တွေ့ကျတဲ့ ချဉ်းကပ်မှုမျိုးဖြစ်တယ်လို့ ကျနော်က သုံးသပ်ပါတယ်။ နောက်တချက်ကတော့ နိုင်ငံရေး ပါတီတွေအနေနဲ့ အကြံ ဉာဏ်ပေးတာ ၊ သဘောထားပေးတာ ၊ ဝေဖန်တာ ၊ ထောက်ပြတယ်ဆိုတာ ကျနော့်အမြင်အားဖြင့် ဒီမိုကရေစီနိုင်ငံရေးမှာ ကောင်းတဲ့လက္ခဏာလို့ ကျနော်ကတော့ မြင်ပါတယ်။ ဒါပေမယ့် အဲလို လုပ်ဆောင်ချက်တွေဟာ ၊ အဲဒီလို သုံးသပ်ချက်တွေဟာ ကြောင်းကျိုးဆီလျော်မှုရှိဖို့တော့ လိုအပ်တယ်လို့ မြင်ပါတယ်။ အဲဒီလိုမဟုတ်ပဲနဲ့ နိုင်ငံရေး အကျိုးစီးပွား၊ ကိုယ်ကျိုးစီးပွား အပါအ၀င်ပေါ့လေ အကျိုးစီးပွားအရပ်ရပ်နဲ့ စပ်ဆက်ပြီးတော့ နိုင်ငံရေးအရ ပွဲလန့်တုန်း ဖျာခင်းချင်တဲ့ ပုံစံမျိုးဖြစ်မယ်ဆိုရင်တော့ ဒါဟာ နိုင်ငံရေးအရ အင်မတန်မှ မလုပ်သင့်မလုပ်ထိုက်တဲ့ ခြေလှမ်းတခုလို့ ကျနော်သုံးသပ်ပါတယ်။”

ကာလုံ အစည်းအဝေး ခေါ်ယူဖို့ တောင်းဆိုတဲ့ နိုင်ငံရေး ပါတီတွေ ဘက်ကတော့ ကာလုံအစည်းအဝေး အမြန်ဆုံးခေါ်ယူပြီး ဘယ်လို ဆောင်ရွက်ချက်တွေ ဆောင်ရွက်စေချင်သလဲ ဆိုတာကိုတော့ ရှင်းရှင်းလင်းလင်း မပြောပါဘူး။ ဒီကိစ္စကို ကာလုံမှာ ပါဝင်တဲ့ ပုဂ္ဂိုလ်တွေက ဆုံးဖြတ်ရမှာ ဖြစ်တယ်လို့ ပြောဆိုပါတယ်။ ကာလုံ အစည်းအဝေး ခေါ်ယူဖို့ လက်မှတ်ထိုး တောင်းဆိုထားတဲ့ နိုင်ငံရေး ပါတီတွေထဲမှာတော့ အရင် စစ်အစိုးရအဖွဲ့ဝင်တွေ အများစု ပါဝင်တဲ့ ပြည်ထောင်စု ကြံ့ခိုင်ရေးနဲ့ ဖွံ့ဖြိုးရေးပါတီ၊ စစ်အစိုးရ မတိုင်မီက အုပ်ချုပ်ခဲ့တဲ့ မြန်မာ့ဆိုရှယ်လစ်လမ်းစဉ်ပါတီ တဖြစ်လဲ တိုင်းရင်းသား စည်းလုံးညီညွတ်ရေးနဲ့ ဖွံ့ဖြိုးရေးပါတီတို့ အပြင် ၂၀၁၀ ပြည့်နှစ်ရွေးကောက်ပွဲကာလ၊ နောက် ၂၀၁၅ ရွေးကောက်ပွဲ ကာလတို့မှာ အသစ်ဖွဲ့စည်းခဲ့ကြတဲ့ နိုင်ငံရေး ပါတီတွေလည်း ပါဝင်ကြပါတယ်။

 မသိင်္ဂီထိုက်  / ဗွီအိုအေ (မြန်မာပိုင်း)
http://burmese.voanews.com




နေပြည်တော်၊ နိုဝင်ဘာ ၂၉

ရန်ကုန်တိုင်းဒေသကြီး၊ ရန်ကုန်အပြည်ပြည်ဆိုင်ရာလေဆိပ် Terminal 1 လေယာဉ် လက်မှတ် အရောင်းကောင်တာဘေးရှိ ခုံပေါ်၌ ယနေ့နံနက် ၉ နာရီခွဲတွင် ကြွပ်ကြွပ်အိတ် အစိမ်းရောင်တစ်လုံး မသင်္ကာဖွယ်တွေ့ရှိကြောင်း သတင်းအရ နယ်မြေခံတပ်မှ အထူးမိုင်းရှင်းလင်းရေးအဖွဲ့နှင့် တာဝန်ရှိသူများက သွားရောက်ရှင်းလင်းခဲ့သည်။


အဆိုပါနေရာအား အသေးစိတ်ရှင်းလင်းခဲ့ရာ ၎င်းကြွပ်ကြွပ်အိတ်ထဲ၌ M-150 အချိုရည် ၄ ပုလင်းအား တွေ့ရှိရပြီး ပုလင်းများအတွင်း အ၀ါရောင်အရည်ပျစ်ပျစ်များကို ထည့်ထားကြောင်း တွေ့ရှိရသည်။


တွေ့ရှိရမိသည့် အချိုရည်ပုလင်းများအား နယ်မြေခံတပ်မှ အထူးမိုင်းရှင်းလင်းရေးအဖွဲ့များက စနစ်တကျ သက်မဲ့ ရှင်းလင်းဆောင်ရွက်လျက်ရှိကြောင်း၊ အဆိုပါနေရာနှင့် လေဆိပ်အတွင်းနေရာများတွင် အသေးစိတ် ဆက်လက်ရှင်းလင်း ဆောင်ရွက်လျက်ရှိကြောင်းနှင့် အကြမ်းဖက်သောင်းကျန်းသူများက ပြည်သူလူထု ထိတ်လန့်မှုများ ဖြစ်ပေါ်စေရန် ရည်ရွယ်လုပ်ဆောင်ခြင်းဖြစ်ကြောင်း သတင်းရရှိသည်။

တပ်မတော်သတင်းစဉ်
https://www.facebook.com/mmdefencenews



ရခိုင်ပြည်နယ်ဆိုင်ရာ အကြံပေးကော်မရှင် ဥက္ကဋ္ဌ ကိုဖီအာနန် (စက်တင်ဘာလ ၂၀၁၆)
ရခိုင်ပြည်နယ်ဆိုင်ရာ အကြံပေးကော်မရှင် ဥက္ကဋ္ဌ ကိုဖီအာနန် (စက်တင်ဘာလ ၂၀၁၆)

ရခိုင်ပြည်နယ်ဆိုင်ရာ အကြံပေးကော်မရှင် ဥက္ကဋ္ဌ ကိုဖီအာနန်ဟာ မနက်ဖြန် အင်္ဂါနေ့မှာ မြန်မာနိုင်ငံကို ရောက်လာဖို့ရှိပြီး ခရီးစဉ်အတွင်း ရခိုင်ပြည်နယ်က အခြေအနေတွေကို ကိုယ်တိုင် သွားရောက် လေ့လာဖို့ရှိနေပါတယ်။ မစ္စတာ အာနန်ဦးဆောင်တဲ့ အကြံပေးကော်မရှင် အနေနဲ့ ရခိုင်ပြည်နယ်အခြေအနေတွေကို မပြတ် စောင့်ကြည့်ပြီး လေ့လာစမ်းစစ်တာတွေ ရှိနေတဲ့အကြောင်း အဖွဲ့ဝင်တဦးကလည်း ပြောပါတယ်။ ဆက်သွယ်မေးမြန်းထားတဲ့ မခင်ဖြူထွေးက ပြောပြပေးပါ။

ရခိုင်ပြည်နယ်ဆိုင်ရာ အကြံပေးကော်မရှင် ဥက္ကဋ္ဌ ကိုဖီအာနန်ဟာ မနက်ဖြန် အင်္ဂါနေ့မှာ မြန်မာနိုင်ငံကို ရောက်လာဖို့ရှိနေတာပါ။ မစ္စတာ အာနန်ရဲ့ ခရီးစဉ်နဲ့ပတ်သက်လို့တော့ ရခိုင်ပြည်နယ်ဆိုင်ရာ အကြံပေးကော်မရှင် အဖွဲ့ဝင် ၊ မြန်မာနိုင်ငံ လူ့အခွင့်အရေးကော်မရှင်ဥက္ကဋ္ဌ ဦးဝင်းမရက အခုလို ပြောပါတယ်။

“ရခိုင်ကိုတော့ သွားဖို့ရှိပါတယ်၊ ဒီမှာရောက်ပြီးတော့ ဒီမှာလည်းဆွေးနွေးကြမှာပါ။ ဆွေးနွေးပြီးတဲ့အခါမှာ အဲဒီဘက်ကို ခရီးထွက်ဖို့ရှိပါတယ်။ ညှိနှိုင်းတုန်းပဲပေါ့နော် အကြမ်းဖျင်းပေါ့နော် ၊ ဒီမှာ တွေ့ဆုံကြမယ်၊ ဆွေးနွေးကြမယ်၊ ရခိုင်ပြည်ကိုသွားကြမယ်၊ စစ်တွေမြို့ကိုသွားမယ်ပေါ့နော်၊ အဲဒီကနေမှ တခါ ခရီးအစီအစဉ်လေးတွေလည်း ညှိနှိုင်းတုန်းပဲ ရှိပါသေးတယ်။ အဲဒီတော့ သေချာအတိအကျ မသိသေးတဲ့အခါမှာတော့ ပြောလို့တော့ မသင့်သေးပါဘူး။”

မြန်မာနိုင်ငံကို လာရောက်မယ့် ခရီးစဉ်နဲ့ပတ်သက်လို့ ကိုဖီအာနန်ကိုယ်တိုင်ကလည်း သူ့ရဲ့ ကိုယ်ပိုင် ဖေ့စ်ဘုတ် စာမျက်နှာမှာ ရေးထားပါတယ်။ မကြာခင်က အကြမ်းဖက် ပဋိပက္ခတွေဖြစ်ခဲ့တဲ့ နယ်စပ်ဒေသက လူမှုအသိုင်းအ၀ိုင်းတွေ အပါအ၀င် ဒေသတွင်း ဘက်ပေါင်းစုံက အရပ်ဘက် လူမှုခေါင်းဆောင်တွေနဲ့ သူ တွေ့ဆုံသွားမယ်လို့ မစ္စတာ အာနန်က ရေးသားထားပါတယ်။

ကော်မရှင်အဖွဲ့ဝင် ဦးဝင်းမြ ကလည်း လောလောဆယ် ရခိုင်ပြည်နယ်ဆိုင်ရာ အကြံပေးကော်မရှင်အနေနဲ့ ရခိုင်ပြည်နယ်တွင်းက အခြေအနေတွေကို မပြတ်စောင့်ကြည့်ပြီး ဘက်ပေါင်းစုံက လူမှုအဖွဲ့အစည်းတွေနဲ့ တွေ့ဆုံပြီး သူတို့ရဲ့အမြင်တွေကို နားထောင်တာ၊ အခြေအနေကို လေ့လာသုံးသပ်တာတွေ လုပ်နေတယ်လို့ ပြောပါတယ်။

“အခုလောလောဆယ်မှာတော့ ကျနော်တို့ ဘက်ဆုံပေါ့နော် ၊ ရခိုင်ဘက်က အဖွဲ့ကရော၊ ဟိုဘက်က အဖွဲ့အစည်းကရော၊NGO တွေ၊INGO တွေ စသဖြင့် ဖိတ်ခေါ်ပြီးတဲ့အခါမှာ သူတို့ပြောကြားချက်လေးတွေကို ကျနော်တို့ မှတ်သားတာပေါ့နော်။ သူတို့အမြင်ကလေးတွေ သိရှိအောင်ဆိုပြီးတော့ အဲဒီလိုလုပ်ပါတယ်။ အခု ကိုဖီအာနန်လာတဲ့အခါမှာလည်း အလားတူပဲပေါ့နော် ကျနော်တို့ ရခိုင်အဖွဲ့ ဟိုဘက်က မူဆလင်အဖွဲ့ စသဖြင့်တွေ့ဆုံပြီးတော့ သူတို့ရဲ့အမြင်လေးတွေနဲ့ ပတ်သက်ပြီးတော့ ကြားနာဖို့ ရှိပါတယ်။ အသေးစိတ်တော့ ကျနော်ပြောလို့မရသေးဘူး သူတို့နဲ့ တွေ့မှာမှ မဟုတ်သေးပဲကို။”

ပြီးခဲ့တဲ့ အောက်တိုဘာလတုန်းကလည်း ကော်မရှင်အနေနဲ့ ရခိုင်ပြည်နယ်က ပဋိပက္ခဒေသတွေကို သွားရောက် လေ့လာဖို့ စီစဉ်ခဲ့ပေမဲ့ မောင်တောဒေသ အကြမ်းဖက်ဖြစ်ရပ်ကြောင့် ခရီးစဉ်တချို့ ဖျက်ခဲ့ရတာလို့လည်း ဦးဝင်းမရက ပြောပါတယ်။

“ကော်မရှင်အဖွဲ့ကနေပြီးတော့ အောက်တိုဘာလတုန်းက သွားဖို့ အစီအစဉ်ရှိခဲ့သေးတယ်လေ။ ကိုဖီအာနန်ကတော့ အဲဒီတုန်းက မလာနိုင်ဘူးပေါ့နော်။ ဒီအဖွဲ့ထဲကနေပြီးတော့ နိုင်ငံခြားသား ၂ ယောက်ပါတာပေါ့။ သူတို့နဲ့ ဒီဘက်က ၆ ယောက်နဲ့ ရခိုင်ပြည်ဘက်ကို သွားဖို့ဆိုတဲ့ အစီအစဉ်လေးတွေရှိခဲ့တယ်။ အဲဒီမှာ ရုတ်တရက် မောင်တောကိစ္စဖြစ်သွားတဲ့အခါမှာကျတော့ အဲဒီဘက်ကိုတော့ မသွားနိုင်ခဲ့ဘူးပေါ့နော်၊ စစ်တွေ လောက်ပဲသွားတယ်။ ဒီမှာ တတ်နိုင်သမျှ ရန်ကုန်မှာပဲ ခုနပြောသလို အဖွဲ့အစည်း ၂ ရပ်ရဲ့ NGO ၊ INGO တွေ နဲ့တွေ့ဆုံပြီးတဲ့အခါမှာ သူတို့ရဲ့ အမြင်လေးတွေကို တက်နိုင်သမျှ ကျနော်တို့ နားထောင်ခဲ့တယ် ဒါပဲ လုပ်ခဲ့လို့ ရပါတယ်။”

ရခိုင်ပြည်နယ်တွင်း နောက်ဆုံးဖြစ်ပွားခဲ့တဲ့ အကြမ်းဖက်မှု အခြေအနေတွေနဲ့ပတ်သက်လို့ စိုးရိမ်မကင်း ဖြစ်တဲ့အကြောင်းနဲ့ ပြဿနာကို တရားဥပဒေနဲ့အညီ ကိုင်တွယ်ဖြေရှင်းပြီး အကြမ်းဖက်မှုတွေကို ရှောင်ရှားကြဖို့ ကော်မရှင်ဥက္ကဋ္ဌ ကိုဖီအာနန်က တိုက်တွန်းတဲ့ ကြေညာချက် တစောင်ကို ဒီလ ၁၅ ရက်နေ့က ထုတ်ပြန်ခဲ့ပါသေးတယ်။ ရခိုင်ပြည်နယ်ဆိုင်ရာ အကြံပေး ကော်မရှင်ဟာ ရခိုင်ပြည်နယ်အတွင်း ပဋိပက္ခ အခြေအနေတွေကို လေ့လာသုံးသပ်ပြီး တွေ့ရှိတဲ့အချက်အလက်တွေနဲ့ အကြံပြုချက်တွေကိုတော့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်ကို တင်ပြသွားမှာဖြစ်ပါတယ်။

အစိုးရသစ်အနေနဲ့ ရခိုင်ပြည်နယ် အကြံပေးကော်မရှင်ဖွဲ့ရာမှာ နိုင်ငံတကာက ပုဂ္ဂိုလ်တွေ ပါဝင်နေတဲ့အတွက် နိုင်ငံရဲ့အချုပ်အခြာအာဏာကို ထိပါးနိုင်တယ်ဆိုတဲ့ ဝေဖန်မှုတွေရှိပေမဲ့လည်း နိုင်ငံတော်အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ကတော့ ဒီအပေါ်မှာ မစိုးရိဖို့ ပြောဆိုထားပါတယ်။ မစ္စတာ အာနန်ကလည်း ကော်မရှင်အနေနဲ့ ကော်မရှင်အနေနဲ့ လေ့လာသုံးသပ်မှုတွေကို ဘက်မလိုက်ဘဲ အမှန်ကန်ဆုံး ဆောင်ရွက်သွားမယ်လို့ ကတိပေး ပြောထားပါတယ်။
VOA Burmese News


၂၀၁၆ခု ဒီဇင်ဘာလ (၁)ရက်နေ့ Mega Box @ Convention Centre, Level 3 (Big Box) တွင် ကျင်းပပြုလုပ်မည့် နိုင်ငံတော် အတိုင်ပင်ခံပုဂ္ဂိုလ်နှင့် စင်္ကာပူရောက်မြန်မာလူထု တွေ့ဆုံပွဲသို့ တက်ရောက်မည့် လူထုပရိသတ်အား အခမ်းအနားကျင်းပမည့်နေ့အတွက် သိရှိထားသင့်သော ပူးပေါင်းဆောင်ရွက်ရမည့်အချက်များအား အောက်ပါအတိုင်း အသိပေးတင်ပြအပ်ပါသည်။
.
(၁) ပထမအဆင့် ခန်းမဝင်ခွင့် လက်မှတ်နှင့် လုံခြုံရေးဆိုင်ရာ လက်ပါတ် (Security Wrist band) များကို မိမိ၏ ပွဲတက်ရောက်ရန် စာရင်းသွင်းထားကြောင်း အထောက်အထား (E Ticket) နှင့် သက်သေခံအထောက်အထား လက်မှတ် (IC or Passport) များပြသ၍ Big Box Level 1, Plaza and Concourse တွင်ရှိသော Reception Counter များတွင် နံနက် (၁၁)နာရီခွဲအချိန်မှစ၍ ညနေ (၇)နာရီအထိ မိမိကိုယ်တိုင်လာရောက် လဲလှယ်ထုတ်ယူနိုင်ပါသည်။ ကိုယ်စားလာရောက်ထုတ်ယူ၍မရပါ။
လုံခြုံရေးဆိုင်ရာ လက်ပါတ် (Security Wrist band) မှာ အလွယ်တကူဖြုတ်၍ ရနိုင်မည်မဟုတ်ပဲ ကတ်ကြေးနှင့် ညှပ်ဖြတ်မှသာ ရနိုင်မည်ဖြစ်ရာ တစ်ဦးတစ်ယောက်ထံသို့ လွှဲပြောင်းတပ်ဆင်နိုင်လိမ့်မည်မဟုတ်ပါ။ ခန်းမဝင်ခွင့် လက်မှတ်နှင့် လုံခြုံရေးဆိုင်ရာ လက်ပါတ် (Security Wrist band)အား လဲလှယ်ထုတ်ယူပြီးပါက မိမိသွားလိုရာသို့သွားနိုင်ပြီး (ဥပမာ - မိမိနှင့် ပါလာသော အိတ်နှင့် မလိုအပ်သော အခြားအသုံးအဆောင်များ ကို မိမိအိမ် (သို့) နီးစပ်ရာသို့ သွားရောက်အပ်နှံထားရောက်ခြင်း၊ နေ့လည်စာ သွားရောက် သုံးဆောင်ခြင်းတို့ လုပ်ဆောင်နိုင်ပါသည်) ဖော်ပြပါ ခန်းမဝင်ခွင့် လက်မှတ်နှင့် လုံခြုံရေးဆိုင်ရာ လက်ပါတ် (Security Wrist band)တို့ ပျောက်ဆုံးခြင်း ရှိခဲ့ပါက ဒုတိယအဆင့် လုံခြုံရေးဆိုင်ရာ စစ်ဆေးခြင်း (Walk-in Metal detector and Bag Check) ကို ဆောင်ရွက်ပေးမည်မဟုတ်သောကြောင့် ခန်းမအတွင်းသို့ဝင်ခွင့်ရရှိလိမ့်မည်မဟုတ်ချေ။
အကြောင်းကြောင်းကြောင့် ခန်းမတွင်းဝင်ခွင့်လဲလှယ်ရာတွင် အခက်အခဲရှိပါက အခက်အခဲဖြေရှင်းပေးမည့်သီးသန့်ကောင်တာသို့ လမ်းညွှန်လုပ်အားပေးများ၏ အကူအညီဖြင့် သွားရောက်ဖြေရှင်းပေးကြပါရန်။ လူအများလာရောက်နိုင်သည့် လမ်းကြောင်းများတွင် လုပ်အားပေး လူငယ်မောင်မယ်များ (လုပ်အားပေးလည်ဆွဲ ဆွဲထားမည်) မှ ခန်းမဝင်ခွင့် လက်မှတ်နှင့် လုံခြုံရေးဆိုင်ရာ လက်ပါတ် (Security Wrist band) များလဲလှယ်နိုင်ရန် Big Box Level 1, Plaza and Concourse တွင်ရှိသော Reception Counter များကို့ လမ်းညွှန်ပြသပေးနေမည်ဖြစ်သည်။
.
(၂) ဒုတိယအဆင့် လုံခြုံရေးဆိုင်ရာ စစ်ဆေးခြင်း (Walk-in Metal detector and Bag Check) ကို ညနေ (၅)နာရီအချိန်တွင် Big Box level 2 နှင့် level 3 တို့တွင် စတင်ဆောင်ရွက်မည်ဖြစ်ပြီး၊ လုပ်အားပေး လူငယ်မောင်မယ်များမှ လမ်းညွှန်ပြသပေးနေမည်ဖြစ်သည်။ သတ်မှတ်ထားသည့် လုံခြုံရေးဆိုင်ရာ စစ်ဆေးခြင်းနေရာဌာန အများအပြားရှိနေမည်ဖြစ်ပြီး၊ လုံခြုံရေးဆိုင်ရာ ရဲဝန်ထမ်းများ၏ ညွှန်ကြားချက်အတိုင်း မည်သည့် စစ်ဆေးခြင်းနေရာဌာနသို့ သွားရမည်ကို ထပ်ဆင့် လမ်းညွှန်ပေးနေမည်ဖြစ်ရာ ပွဲတက်ရောက်မည့် လူထုအနေဖြင့် လုပ်အားပေးမောင်မယ်များ လမ်းညွှန်သည့်အတိုင်း ပူပေါင်းဆောင်ရွက်ပေးကြပါရန်ကိုလည်း ကြိုတင်မေတ္တာရပ်ခံအပ်ပါသည်။
.
(၃) လုံခြုံရေးဆိုင်ရာ စစ်ဆေးခြင်း (Walk-in Metal detector and Bag Check) ဆောင်ရွက်ရာတွင် အချိန်ကြံ့ကြာမှုမရှိရအောင် ကူညီဆောင်ရွက်သည့်အနေဖြင့် ဖြစ်နိုင်ပါက မိမိ၏ အိပ်ဆောင်(သို့) လက်ကိုင် ပိုက်ဆံအိတ်နှင့် လက်ကိုင်ဖုန်းကိုသာယူဆောင်လာကြပါရန် မေတ္တာရပ်ခံအပ်ပါသည်။ သံ၊ သတ္တုပါပစ္စည်းများ၊ ရေဘူး၊ အချိုရည်၊ အစားအစာ၊ ထီး၊ ကတ်ကြေး၊ ချွန်ထက်သောလူကိုအန္တရာယ်ဖြစ်စေနိုင်သောပစ္စည်းများ၊ ပေါက်ကွဲစေနိုင်သောပစ္စည်းများ ကို ခန်းမအတွင်းသို့ ယူဆောင်ခွင့်ပြုမည်မဟုတ်ပါ။ လက်စွဲကွန်ပျူတာများ၊ Tablet များ ကင်မရာများ၊ ကလေးလက်တွန်းလှည်းများကိုလည်း ယူဆောင်မလာသင့်ကြောင်း ရဲဌာနမှ တိုက်တွန်းအကြံပေးထားပါသည်။
(မှတ်ချက်။ ။ ကန့်သတ်တားမြစ်ထားသည့် ပစ္စည်းများနှင့် လုံခြုံရေးအရာရှိများမှ ယူဆောင်ခွင့်မပြုသည့် ပစ္စည်းများအား သီးခြားသိမ်းဆည်းထားပေးခြင်း၊ ပြန်လည်ရွေးချယ်ခြင်းစသည့် ဝန်ဆောင်မှုများ ဆောင်ရွက်ပေးနိုင်မည်မဟုတ်ကြောင်း ကြိုတင်၍အသိပေးအပ်ပါသည်။)
ဤဆွ့ဆုံပွဲကြီးတက်ရောက်ရန် စာရင်းသွင်းမှတ်ပံတင်ထားသူများအနေဖြင့် အထက်ဖော်ပြပါ ကန်ကသတ်တားမြစ်ထားသည့်ပစ္စည်းများရှာဖွေခြင်းကို ကြည်ဖြူစွာ လက်ခံသဘောတူကြောင်း လုံခြုံရေးဆိုင်ရာ နှင့် ခန်းမ တာဝန်ခံပုဂ္ဂိုလ်များက မှတ်ယူပြီးဖြစ်သည်။
မသန်စွမ်းသူ၊ နေထိုင်မကောင်း၍ ဘီးတပ်ထိုင်ခုံ (Wheel chair) အသုံးပြုနေသူများအား သီးသန့်လုံခြုံရေးစစ်ဆေးနိုင်ရန်နှင့် ခန်းမတွင်းနေရာ စီစဉ်ပေးနိုင်ရန်တွက် http://bit.ly/2gm2iHa တွင်ကြိုတင်၍ စာရင်းပေးသွင်း အကြောင်းကြားပေးပါရန်။
.
(၄) လူထုတွေ့ဆုံပွဲကျင်းပမည့် ခန်းမသည် ညနေ (၅) နာရီ အချိန်တွင် တံခါး စတင်ဖွင့်လှစ်မည်ဖြစ်ပြီး၊ ခန်းမတွင်း လုံခြုံရေးလိုအပ်ချက်အရ မိမိ၏ ခုံနံပါတ်အတိုင်းသာ နေရာယူကြပါရန် မေတ္တာရပ်ခံပြီး၊ ထိုင်ခုံနေရာများကို မိမိတို့အချင်းချင်းလဲလှယ်ခွင့်မပြုချေ၊ အမှန်တကယ်လိုအပ်သော၊ သက်ကြီးရွယ်အိုများ၊ မသန်စွမ်းသူများ၊ ကလေးသူငယ်များအတွက် ပြုစုစောင့်ရှောက်ရန်လိုအပ်သည့် ပုဂ္ဂိုလ်တစ်ဦးအတွက်ကိုသာ အတတ်နိုင်ဆုံး နေရာလဲလှယ်ပေးနိုင်ရန် လုပ်အားပေး မောင်မယ်များနှင့် ခန်းမတွင်းလုံခြုံရေးတာဝန်ရှိသူများမှ ကူညီဆောင်ရွက်ပေးပါမည်။ ဇနီး၊ ခင်ပွန်းများ မိတ်ဆွေ သူငယ်ချင်းများနှင့် အတူထိုင်လိုသည့် တောင်းဆိုမှုများကို ဆောင်ရွက်ပေးနိုင်လိမ့်မည်မဟုတ်ပါ။
.
(၅) ခန်းမအတွင်းတွင် အရေးပေါ်ရှေးဦးသူနာပြု ကောင်တာ (၂) ခုနှင့် အရေးပေါ် လူနာခေတ္တစောင့်ရှောက်ရန် (Sick bay) လည်းထားရှိထားမည်ဖြစ်ပြီး၊ လိုအပ်ပါက အနီးဆံုးဖြစ်သည့် Ng Teng Fong General Hospital ကုသမှုခံယူနိုင်ရန် လွှဲပြောင်းပို့ဆောင်ပေးမည်ဖြစ်သည်။
.
(၆) ခန်းမအတွင်း ဆေးလိပ်သောက်သုံးခြင်းခွင့်မပြုချေ။
.
(၇) ကြိုတင်ခွင့်ပြုချက်ရယူထားခြင်းမရှိပဲ (Media pass မရှိပဲ) ဓါတ်ပုံရိုက်ကူးခြင်း၊ အသံဖမ်းခြင်း၊ ရုပ်သံဗီဒီယိုရိုက်ကူးခြင်း တို့ကိုထားမြစ်ပါသည်။ (မှတ်ချက်။ ။ မိမိ၏ ထိုင်ခုံနေရာမှသာ နေ၍ တယ်လီဖုန်းဖြင့်သာ ဓါတ်ပုံရိုက်ကူးခြင်း၊ ဗီဒီယိုရိုက်ကူးခြင်းတို့ကို မရည်ညွှန်းပါ။)
.
(၈) ဤ လုံခြုံရေးတာဝန်ယူထားသည့် အဖွဲ့အစည်းများနှင့် ခန်းမတာဝန်ခံပုဂ္ဂိုလ်များမှ ညွှန်ကြား သတ်မှတ်ထားသည့် အထက်ဖော်ပြပါအချက်များကို လိုက်နာခြင်းမရှိသူများ၊ ခမ်းမအတွင်း လူထုပရိတ်အားအနှောက်အယှက်ဖြစ်အောင် ပြုမူဆောင်ရွက်သူများကို ဝင်ခွင့်ငြင်းပယ်ခြင်း၊ ခန်းမအတွင်းမှ ထွက်ခွာစေခြင်းများကို ခန်းမလုံခြုံရေးတာဝန်ခံပုဂ္ဂိုလ်များမှ ဆောင်ရွက်ခွင့်ရှိပြီး၊ ထိုသူများအတွက် မှတ်ပုံတင်ကြေးပြန်အမ်းမည်မဟုတ်ပါ။
.
(၉) ခန်းမနှင့် လုံခြုံရေးရှင်းလင်းပြီးသော ဆက်စပ်နေရာတွင် သောက်သုံးရန်ရေများ စီစဉ်ပေးထားမည်ဖြစ်ပြီး၊ ခန်းမနှင့် ဆက်လျှက်ရှိသော သန့်စင်ခန်းများကိုလည်း အသုံးပြုနိုင်ပါသည်။ ခန်းမနှင့် ဆက်စပ် သန့်စင်ခန်းများအသုံးမပြုနိုင်ပါက ခန်းမအပြင်ဖက်ရှိ သန့်စင်ခမ်းများသို့ သွားရောက်အသုံးပြုနိုင်ပါသည်။ သို့်သော် ခန်းမအပြင်ထွက်သူများအနေဖြင့် လုံခြုံရေးစစ်ဆေးခြင်း (Walk-in Metal Detector and Bag check) ကောင်တာကို ထပ်မံဖြတ်၍ အစစ်ဆေးခံရမည်ဖြစ်ပါသည်။
.
(၁၀) ခန်းမတံခါးကို ညနေ(၇)နာရီခွဲနောက်ဆုံးထား၍ ပိတ်မည်ဖြစ်ရာ ခန်းမတံခါးမပိတ်မီ ဝင်ခွင့်လက်မှတ် နှင့် လုံခြုံရေးလက်ပါတ် (security wrist band) လဲလှယ်ခြင်း၊ လုံခြုံရေးစစ်ဆေးခြင်း (Walk-in Metal Detector and Bag check) တို့ကို အချိန်မီဆောင်ရွက်နိုင်ရန်အတွက် စောစောကြိုတင်၍လာရောက်ပေးကြပါရန်လည်း အထူးမေတ္တာရပ်ခံအပ်ပါသည်။
.
(၁၁) အခမ်းအနားပြီးဆုံးပါက တံခါးထွက်ပေါက်များ၊ စက်လှေခါးများတွင် လူအများ စုပြုံတိုးဝှေ့ပြီး၊ မလိုလားအပ်သော အချိန်ကြံ့ကြာခြင်း၊ ထိခိုက်ဒါဏ်ရာရခြင်း၊ စသည်တို့ကိုရှောင်ရှားနိုင်ရန်အတွက် ခုံနေရာသတ်မှတ်ချက်များအလိုက် စံနစ်တကျထွက်ခွာခြင်းကိုဆောင်ရွက်ရမည်ဖြစ်ရာ လူထုပရိသတ်အနေဖြင့် စိတ်ရှည်သည်းခံပြီး ညွှန်ကြားချက်များကိုလိုက်နာပူးပေါင်းဆောင်ရွက်ပေးကြပါရန်လည်း ကြိုတင်မေတ္တာရပ်ခံအပ်ပါသည်။
.
(၁၂) အခမ်းအနားမစမီသော်၎င်း၊ အခန်းအနားကျင်းပနေချိန်တွင်သော်၎င်း၊ မမျှော်လင့်ပဲကျရောက်လာနိုင်သည့် အသက်သေဆုံးခြင်း၊ ထိခိုက်ဒါဏ်ရာရခြင်း၊ ပျက်စီးပျောက်ဆုံးခြင်း၊ ငွေကြေးဆုံးရှုံးခြင်းအစရှိသော အခန်းအနားနှင့် စပ်လျဉ်းသော အန္တရာယ်များ၊ ဆုံးရှုံးနိုင်ဖွယ်များကို အခန်းအနားတက်ရောက်သူများမှ မိမိစိတ်ဆန္ဒဖြင့် လက်ခံသဘောတူ တာဝန်ယူကြရပါမည်။
.
အထက်ဖော်ပြပါ ညွှန်ကြားချက်များသည် လုံခြုံရေးဆိုင်ရာ အဖွဲ့အစည်းများ၊ ခန်းမတာဝန်ခံများနှင့် လူထုတွေ့ဆုံပွဲဖြစ်မြောက်ရေးအဖွဲ့ တို့ အကြိမ်ကြိမ်ညှိနှိုင်းဆွေးနွေးခဲ့ကြပြီး၊ လူထုတွေ့ဆုံပွဲကြီး အောင်မြင်စွာကျင်းပနိုင်ရန်အတွက် အထက်ဖော်ပြပါ အဖွဲ့အစည်းအသီးသီး၏ ညွှန်ကြားချက်များသာဖြစ်၍ စင်္ကာပူရောက်မြန်မာလူထုအနေဖြင့် စိတ်ရှည်သည်းခံပြီး ပူးပေါင်းဆောင်ရွက်ပေးကြပါရန် ထပ်လောင်းမေတ္တာရပ်ခံအပ်ပါသည်။
(မှတ်ချက်။ ။ လုံခြုံရေးအခြေအနေအရ အထက်ဖော်ပြပါ ညွှန်ကြားချက်များ ပြောင်းလဲနိုင်သည်ဖြစ်ရာ၊ အစီအစဉ် ညွှန်ကြားချက်အပြောင်းအလဲများရှိပါက မြန်မာကလပ် (စင်္ကာပူ) Face Book Page၊ စလုံး Page နှင့် စင်္ကာပူရောက်ရွှေမြန်မာများ Page များတွင် ချက်ချင်းတင်ပြ အသိပေးအကြောင်းကြားသွားမည်ဖြစ်ကြောင်းလည်း အသိပေးအပ်ပါသည်၊)
.
Credit ... Myanmar Club (Singapore)
.

 ပြည်သူ့လွှတ်တော် ဥက္ကဌ ဦးဝင်းမြင့် ကို ဇူလိုင်လ ၂၅ ရက်နေ့က တွေ့ရစဉ် ပြည်သူ့လွှတ်တော် ဥက္ကဌ ဦးဝင်းမြင့် ကို ဇူလိုင်လ ၂၅ ရက်နေ့က တွေ့ရစဉ်
Photo: Pyithu Hluttaw
 အမျိုးသားဒီမိုကရေစီအဖွဲ့ချုပ်က ပြည်သူ့လွှတ်တော်ကိုယ်စားလှယ်တွေဖြစ်ကြတဲ့ ဦးစိန်ဝင်း၊ ဦးဥာဏ်လင်း၊ ဒေါက် တာစိုးမိုးသူနဲ့ ဦးအောင်လှိုင်ဝင်းတို့ကို လွှတ်တော်က ဖွဲ့စည်းထားတဲ့ ကော်မတီတွေမှာ ပေးအပ်ထားတဲ့ တာဝန် အသီးသီးကနေ ဖယ်ရှားလိုက်ပါတယ်။

ပြည်သူ့လွှတ်တော်ဥက္ကဌ ဦးဝင်းမြင့်က လွှတ်တော်ကဖွဲ့စည်းထားတဲ့ ကော်မတီတာဝန်အသီးသီးကနေ ဖယ်ရှား ခံရတဲ့ လွှတ်တော်ကိုယ်စားလှယ်တွေနဲ့ တာဝန်ရွှေ့ပြောင်းခံရတဲ့ လွှတ်တော်ကိုယ်စားလှယ် အမည်စာရင်းကို ဒီနေ့ ပြည်သူ့လွှတ်တော်မှာ ကြေညာခဲ့တာဖြစ်ပါတယ်။

ပြည်သူ့လွှတ်တော် စီးပွားရေးနဲ့ ဘဏ္ဍာရေး ဖွံ့ဖြိုးတိုးတက်ရေးကော်မတီဝင်ဖြစ်တဲ့ မင်္ဂလာဒုံမဲဆန္ဒနယ် ပြည်သူ့ လွှတ်တော်ကိုယ်စားလှယ် ဦးအောင်လှိုင်ဝင်းက လွှတ်တော်မှာ သူဆွေးနွေးတဲ့ တချို့အကြောင်းအရာတွေကို ပါတီလူကြီးတွေက မကြိုက်တဲ့အတွက် အခုလို အရေးယူခံရတာဖြစ်တယ်လို့ ပြောပါတယ်။

နိုဝင်ဘာလ ၂၂ ရက်နေ့က ကျင်းပခဲ့တဲ့ ပြည်ထောင်စုလွှတ်တော်မှာ နိုင်ငံတကာကရယူမယ့် ချေးငွေကိစ္စ ဆွေးနွေး ရာမှာ အစိုးရကို အကျပ်အတည်းဖြစ်အောင် လုပ်တယ်ဆိုပြီး ပါတီလူကြီးတွေက ပြောဆိုကြောင်းနဲ့ အရင် ကလည်း ခေါ်ယူသတိပေးခံရတာမျိုးရှိကြောင်းလည်း ဦးအောင်လှိုင်ဝင်းက ပြောပါတယ်။

တောင်သူလယ်သမားနဲ့ အလုပ်သမားရေးရာကော်မတီဥက္ကဌ ဦးစိန်ဝင်း၊ အဖွဲ့ဝင် ဒေါက်တာစိုးမိုးသူ၊ ကျန်းမာရေးနဲ့ အားကစား ဖံွ့ဖြိုးတိုးတက်ရေးကော်မတီ အတွင်းရေးမှူး ဒေါက်တာအောင်ခင် အပါအ၀င် ၅ ဦးကို ကော်မတီဥက္ကဌ၊ အတွင်းရေးမှူးနဲ့ အဖွဲ့ဝင်တွေအဖြစ်ကနေ ဖယ်ရှားလိုက်တာဖြစ်ပါတယ်။ ဒေါက်တာအောင်ခင် ကိုတော့ ဥပဒေရေးရာနဲ့ အထူးကိစ္စရပ်များ လေ့လာဆန်းစစ် သုံးသပ်ရေးကော်မရှင် ဒုတိယဥက္ကဌအဖြစ် တာဝန် လွှဲပြောင်းပေးမှာဖြစ်တယ်လို့ သိရပါတယ်။

အရင်က အဲဒီကော်မရှင် ဒုတိယဥက္ကဌအဖြစ် ဦးကိုကိုနိုင်က တာဝန်ယူထားတာဖြစ်ပြီး ပြီးခဲ့တဲ့တပတ်က ဦးကိုကိုနိုင် ကို လွှတ်တော်ကိုယ်စားလှယ်အဖြစ်ကနေ ကော်မရှင်ရုံးက ပယ်ဖျက်လိုက်တဲ့အတွက် အဲဒီနေရာမှာ ဒေါက် တာအောင်ခင် ကို အစားထိုးခန့်အပ်မှာဖြစ်ပါတယ်။

ကျန်တဲ့ပါတီဝင် လွှတ်တော်ကိုယ်စားလှယ်တွေကို ပါတီဘက်က အရေးယူရတဲ့ အကြောင်းအရင်းတွေနဲ့ ပတ်သက်ပြီး ပြောဆို တာမရှိပေမယ့် မြောင်းမြမြို့နယ် ပြည်သူ့လွှတ်တော်ကိုယ်စားလှယ် ဒေါက်တာစိုးမိုးသူ အပေါ် လူမှုရေးကိစ္စနဲ့ ပတ်သက်ပြီး လူမှုကွန်ရက်စာမျက်နှာမှာ ဝေဖန်မှုတွေ ပျံ့နှံနေခဲ့တာ ဖြစ်ပါတယ်။

ဒါ့အပြင် ရွှေပြည်သာမြို့နယ် ပြည်သူ့လွှတ်တော် ကိုယ်စားလှယ် ဦးဥာဏ်လင်းဟာ ရွှေပြည်သာ မိုတယ် မှာ ပြဿနာဖြစ်ပွားပြီး မိုတယ် မန်နေဂျာက ဆဲဆိုမှု၊ ခြိမ်းခြောက်မှုတွေနဲ့ အမှုဖွင့်ခံထားရတာ ဖြစ်ပါတယ်။

ပါတီက အရေးယူခံထားရသူ နောက်တစ်ဦးဖြစ်တဲ့ မအူပင်မြို့နယ် ပြည်သူ့လွှတ်တော်ကိုယ်စားလှယ် ဦးစိန်ဝင်းက မအူပင်မြို့နယ် တိုင်းလွှတ်တော်ကိုယ်စားလှယ် ၁ ဦး အပါအ၀င် ပါတီဝင် ၂ ဦးကို အမှုဖွင့်လိုက်တာနဲ့ ပတ်သက်ပြီး ပါတီကို အကြောင်းကြားစာ မပို့ခဲ့တဲ့အတွက် အရေးယူတာဖြစ်ပါတယ်။

ဦးစိန်ဝင်းဟာ မအူပင်မြို့နယ် NLD ပါတီ ဗဟိုအလုပ်အမှုဆောင်အဖွဲ့ဝင်၊ ဒေါက်တာစိုးမိုးသူဟာ NLD ပါတီ လူငယ်တာဝန်ခံ၊ ဦးဥာဏ်လင်းဟာ ရွှေပြည်သာမြို့နယ် NLD ပါတီ အတွင်းရေးမှုး တာဝန်တွေကို ပါတီက ရုပ်သိမ်းထားတာဖြစ်ပါတယ်။ သူတို့အားလုံးဟာ လွှတ်တော်ကိုယ်စားလှယ်နဲ့ ပါတီဝင်အဖြစ် ဆက်လက် ရှိနေတာဖြစ်ပါတယ်။

RFA


မြေယာတွေ ပြန်လည်ရရှိဖို့ နိုဝင်ဘာလ ၂၈ ရက်နေ့က ရခိုင်ပြည်နယ် စစ်တွေမြို့မှာ တောင်သူတွေ ဆန္ဒပြတောင်းဆိုနေစဉ်
မြေယာတွေ ပြန်လည်ရရှိဖို့ နိုဝင်ဘာလ ၂၈ ရက်နေ့က ရခိုင်ပြည်နယ် စစ်တွေမြို့မှာ တောင်သူတွေ ဆန္ဒပြတောင်းဆိုနေစဉ်
Photo: Min Thein Aung/ RFA
ရခိုင်ပြည်နယ် စစ်တွေမြို့က စက်မှုရပ်ကွက်အဖြစ် သိမ်းဆည်းခံထားရတဲ့ မြေယာတွေထဲက ဧကပေါင်း ၁၄၀ ကျော်ကို မူလတောင်သူတွေလက်ထဲ ပြန်လည်ပေးအပ်ဖို့နဲ့ အဲဒီမြေယာတွေမှာ ဆောက်လုပ်ထားတဲ့ အဆောက်အဦးတွေကို ဖယ်ရှားပေးဖို့ တောင်သူ ၈၀ လောက်က စစ်တွေမြို့မှာ ဒီနေ့ ဆန္ဒပြတောင်းဆိုခဲ့ကြပါတယ်။

အဲဒီလယ်ယာမြေတွေပေါ်မှာ ခြံစည်းရိုးကာရံတာတွေ၊ အဆောက်အဦးဆောက်တာတွေ မလုပ်ဖို့ ရခိုင်ပြည်နယ် ဝန်ကြီးချုပ် ဦးညီပုက တားမြစ်ထားပေမယ့် လုပ်ငန်းရှင်အချို့က မျက်ကွယ်ပြုပြီး ဆက်လက်လုပ်ဆောင်မှုတွေရှိနေ တာကြောင့် ဆန္ဒပြတောင်းဆိုတာလို့ ဆန္ဒပြပွဲဦးဆောင်သူတွေက ပြောပါတယ်။

ဝန်ကြီးချုပ် ဦးညီပုရဲ့ တားမြစ်ချက်အပေါ် မျက်ကွယ်ပြုပြီး အဆောက်အဦးဆောက်တာ၊ ခြံစည်းရိုး ကာရံတာတွေ ရှိနေတဲ့အပေါ် မြို့နယ်အုပ်ချုပ်ရေး မှူးထံ တောင်သူတွေက တင်ပြပေမယ့်လည်း အရေးတယူဆောင်ရွက်ပေးတာ မရှိဘူးလို့ ဆန္ဒပြတောင်သူတွေကပြောပါတယ်။

ဆတ်ရိုးကျစက်မှုရပ်ကွက်အဖြစ် သိမ်းဆည်းထားတဲ့ မြေယာတွေထဲက ဧကအတော်များများကို အရင် ရခိုင်ပြည် နယ်အစိုးရ တာဝန်ရှိသူတွေနဲ့ ဌာနဆိုင်ရာအကြီး အကဲတွေက မြေကွက်တွေရိုက်ပြီး အသီးသီးခွဲဝေယူခဲ့ကြတာဖြစ် ပါတယ်။
RFA

NLD ပြည်သူ့လွှတ်တော်ကိုယ်စားလှယ် ဒေါ်အေးမြမြမျိုး ကို တွေ့ရစဉ် NLD ပြည်သူ့လွှတ်တော်ကိုယ်စားလှယ် ဒေါ်အေးမြမြမျိုး ကို တွေ့ရစဉ်
Photo: Aye Mya Mya Myo/ Facebook

ရန်ကုန်တိုင်းဒေသကြီး ကျောက်တန်းမြို့နယ် ပြည်သူ့လွှတ်တော်ကိုယ်စားလှယ် ဒေါ်အေးမြမြမျိုး ကို ၀န်ကြီးဟောင်း ဦးအုန်းမြင့် ကိုယ်စားလှယ် ဦးမျိုးချစ် က လမ်းပိတ်ဆို့မှု ပုဒ်မ ၃၄၁နဲ့ တရားလိုပြု တရားစွဲဆိုထားတဲ့အပေါ် ဒီနေ့ ကျောက်တန်းမြို့နယ် တရားရုံးက ဒေါ်အေးမြမြမျိုး မှာ အပြစ်မရှိကြောင်း ဆုံးဖြတ်လိုက်ပါတယ်။

တမင်ရည်ရွယ်ချက်နဲ့ လမ်းပိတ်ဆို့တယ်ဆိုတဲ့ သက်သေကို တရားလိုဘက်က မပြနိုင်တဲ့အတွက် ဒေါ်အေးမြမြမျိုး ကို အပြစ်မရှိဘူးလို့ အဆုံးအဖြတ်ပေးလိုက်တာဖြစ်တယ်လို့ ဒေါ်အေးမြမြမျိုး အမှုကို လိုက်ပါဆောင်ရွက်ပေးနေ တဲ့ ရှေ့နေ ဦးအောင်သိန်း က ပြောပါတယ်။

" အေးမြမြမျိုးမှာ အပြစ်မရှိဘူးလို့ ဆုံးဖြတ်တယ်၊ ဘာလို့လဲဆိုတော့ ဒါရွေးကောက်ပွဲကာလမှာ အပြိုင်အဆိုင် လုပ်ကြတဲ့နေရာမှာ ဖြစ်လေ့ဖြစ်ထရှိတဲ့ သဘောသဘာဝလည်းဖြစ်တယ်ပေါ့၊ တမင်ရည်ရွယ်ချက်နဲ့ ပိတ်ဆို့ မှုတွေ ဖြစ်အောင်လုပ်တယ်လို့ တရားလိုဘက်ကလည်း တစ်ယောက်မှ မထွက်နိုင်ဘူး၊ ဒါ့ကြောင့် ဒီအမှုက မှားယွင်းတဲ့ အမှုဆိုပြီး အဆုံးအဖြစ်ပေးလိုက်တာပါ"

ပြီးခဲ့တဲ့ ၂၀၁၅ ရွေးကောက်ပွဲကာလမှာ မဲဆွယ်စည်းရုံးနေစဉ် ဒေါ်အေးမြမြမျိုး က ၀န်ကြီးဟောင်း ဦးအုန်းမြင့် တို့အဖွဲ့ကို ဖြတ်သန်းသွားလာခွင့်မရအောင် လမ်းပိတ်ဆို့ထားခဲ့ပါတယ်ဆိုပြီး ဦးအုန်းမြင့် ရဲ့ ကိုယ်စားလှယ် ဦးမျိုးချစ် က ပြီးခဲ့တဲ့ ၂၀၁၅ခုနှစ် နိုဝင်ဘာ ၁၁ ရက်နေ့က လမ်းပိတ်ဆို့မှု ပုဒ်မ ၃၄၁ နဲ့ ကျောက်တန်းမြို့မ ရဲစခန်းမှာ အမှုဖွင့် တိုင်ကြားထားတာဖြစ်ပါတယ်။

ဒါ့အပြင် အဲဒီအမှုကို ရွေးကောက်ပွဲကော်မရှင်ရုံးကိုလည်း တိုင်ကြားခဲ့တဲ့အပေါ် ပြီးခဲ့တဲ့ အောက်တိုဘာလ မှာ ရွေးကောက်ပွဲကော်မရှင်က အဲ့ဒီအမှုကို ပလပ်လိုက်ပါတယ်။
RFA



ဆီးရီးယားနိုင်ငံ အလက်ပိုပြည်နယ်ရှိ Al-Bab ဒေသတွင် တိုက်ပွဲဖြစ်ပွားနေသည့် မြင်ကွင်းအား တွေ့ရစဉ် (ဆင်ဟွာ)
   အန်ကာရာ၊ နိုဝင်ဘာ ၂၈ ရက် (ဆင်ဟွာ)

    ဆီးရီးယားနိ်ုင်ငံ မြောက်ပိုင်းတွင် အိုင်အက်စ်တို့၏ တိုက်ခိုက်မှုများအပြီး၌ တူရကီ ကျောထောက်နောက်ခံပြု ဆီးရီးယား လွတ်မြောက်သော တပ်မတော်မှ တပ်ဖွဲ့ဝင်များတွင် ဓာတုလက်နက် ထိခိုက်မှု လက္ခဏာများ တွေ့ခဲ့ကြောင်း တူရကီ စစ်ဦးစီးချုပ်ရုံးက နိုဝင်ဘာလ ၂၇ ရက်တွင် ပြောကြားခဲ့သည်။

ဆီးရီးယားနိုင်ငံ မြောက်ပိုင်း ခါလစ်ဒီယာဒေသတွင် Euphrates Shield စစ်ဆင်ရေး၌ တူရကီ စစ်တပ်နှင့်အတူ ပူးပေါင်းတိုက်ခိုက်သည့် အဆိုပါ ဆီးရီးယား လွတ်မြောက်ရေး တပ်ဖွဲ့ဝင် ၂၂ ဦးတွင် ဓာတုဓာတ်ငွေ့များ ထိခိုက်မှုရှိသည်ကို ဖော်ထုတ် တွေ့ရှိခဲ့ကြောင်း သတင်းထုတ်ပြန်ချက်၌ ကာကွယ်ရေးဦးစီးချုပ်ရုံးက ပြောကြားထားသည်။

ထို့ပြင် အိုင်အက်စ်များနှင့် တိုက်ပွဲတစ်ခု၌ တပ်ဖွဲ့ဝင် တစ်ဦး သေဆုံးခဲ့ပြီး လူ ၁၄ ဦး ဒဏ်ရာရရှိခဲ့ကြောင်း သိရသည်။

ဓာတုလက်နက် ထိခိုက်မှုရှိသည့် ဆီးရီးယား စစ်သားများအား တူရကီနိုင်ငံ သဘာဝဘေးနှင့် အရေးပေါ် စီမံခန့်ခွဲမှု သမ္မတရုံးက အဖွဲ့ တစ်ဖွဲ့က Kilis နယ်စပ်မြို့သို့ သယ်ဆောင်ခဲ့ရကြောင်း သိရသည်။

ထို စစ်သားများအား ကိုင်တွယ် သယ်ဆောင်ရန် အရေးပေါ် လုပ်သားများက ဓာတု ကာကွယ်ရေး အထူး ဝတ်စုံများ ဝတ်ဆင်ခဲ့ရသည်ဟု ဆိုသည်။

တစ်ချိန်တည်းမှာပင် ဆီးရီးယားနိုင်ငံ မြောက်ပိုင်းက Al-Bab အနီးရှိ အာနီဖာဒေသရှိ အိုင်အက်စ် ပစ်မှတ် လေးခုအား တူရကီ စစ်လေယာဉ်များက ဖျက်ဆီးနိုင်ခဲ့ကြောင်း သိရသည်။

(Xinhua)
http://www.xinhuamyanmar.com



အမျိုးသားလွှတ်တော် (MOI)
အရွယ်မရောက်သေးတဲ့ ကလေးသူငယ်တွေကို လိင်ပိုင်းဆိုင်ရာ စော်ကားမှု ကျုးလွန်သူတွေကို ပြင်းပြင်းထန်ထန် အရေးယူနိုင်ဖို့ စီစဉ်နေပြီလို့ မြန်မာအစိုးရ တာဝန်ရှိသူတဦးက ပြောဆိုလိုက်ပါတယ်။ ကလေးတွေအပေါ် အနိုင်ကျင့်စော်ကားတဲ့ အမှုတွေ ပိုများလာနေတဲ့အတွက် ကျုးလွန်သူတွေကို ကြီးလေးတဲ့ ပြစ်ဒဏ်တွေပေးဖို့ တိုက်တွန်းသံတွေ ထွက်ပေါ်နေချိန်မှာပဲ ထိထိရောက်ရောက် အရေးယူဖို့ ကြိုးပမ်းနေတဲ့အကြောင်း လူမှုဝန်ထမ်းကယ်ဆယ်ရေးနှင့် ပြန်လည်နေရာချထားရေး ဝန်ကြီးက လွှတ်တော်မှာ ပြောကြားခဲ့တာပါ။ အပြည့်အစုံကိုတော့ ဆက်သွယ်စုံစမ်းထားတဲ့ ဗွီအိုအေမြန်မာပိုင်း သတင်းထောက် မေခ ကပြောပြပေးမှာ ဖြစ်ပါတယ်။

ကလေးသူငယ်တွေအပေါ် အနိုင်ကျင့်စော်ကားမှုတွေ ရှိနေပေမဲ့ လုံလောက်တဲ့ အပြစ်ပေး အရေးယူမှုတွေ မရှိဘူးဆိုတဲ့ ဝေဖန်မှုတွေနဲ့အတူ ကျုးလွန်သူတွေကို ပြင်းပြင်းထန်ထန် အပြစ်ပေးဖို့ တိုက်တွန်းမှုတွေလည်း ကြီးထွားလာနေချိန်မှာပဲ၊ အစိုးရက ကလေးငယ်တွေကို ဥပဒေနဲ့ အကာအကွယ်ပေးဖို့ စီစဉ်နေတယ်လို့ ပြောဆိုလိုက်တာ ဖြစ်ပါတယ်။ အရွယ်မရောက်သေးတဲ့ ကလေးငယ်တွေ အဓမ္မပြုကျင့်ခံရတယ်ဆိုတဲ့ သတင်းတွေ ဆက်တိုက်ဆိုသလို ထွက်ပေါ်လာနေချိန်မှာပဲ၊ ကလေးငယ်တွေကို ဥပဒေနဲ့ ကာကွယ်စောင့်ရှောက်မှုပေးနိုင်အောင် ကြိုးပမ်းနေတဲ့အကြောင်း လူမှုဝန်ထမ်းကယ်ဆယ်ရေးနဲ့ ပြန်လည်နေရာချထားရေးဝန်ကြီး ဒေါက်တာ ၀င်းမြတ်အေး က အမျိုးသားလွှတ်တော်မှာ တနင်္လာနေ့က ပြောကြားလိုက်တာ ဖြစ်ပါတယ်။

“သက်ငယ်မုဒိမ်းနှင့်ပတ်သက်၍ ၁၉၉၃ ခုနှစ် ကလေးသူငယ် ဥပဒေမှာ ပြစ်မှုနှင့် ပြစ်ဒဏ်အား သီးခြားဖော်ပြထားခြင်းမရှိခဲ့ပါ။ ပြစ်မှုဆိုင်ရာ ကျင့်ထုံးဥပဒေအရသာ ပြစ်ဒဏ်ချမှတ် ဆောင်ရွက်လျှက်ရှိပါတယ်။ အခုပြင်ဆင်လျှက်ရှိတဲ့ ကလေးငယ်များအခွင်အရေးများဆိုင်ရာ ဥပဒေ အခန်း ၂၈ ၊ ပုဒ်မ ၁၃၈ မှာ မည်သူမဆို ကလေးသူငယ်အား မုဒိမ်းမှု ကျူးလွှန်သူကို အနည်းဆုံး ထောင်ဒဏ် ၁၀ နှစ်မှ အများဆုံး ထောင်ဒဏ် ၁ သက်အထိ ချမှတ်ရမယ့်အပြင် ငွေဒဏ်လည်းချမှတ်နိုင်သည်ဟု ပြင်ဆင်ထားပါတယ်။ အဲဒီပြင်ဆင်ချက်တွေအပေါ်မှာ သဘောထားအကြံပြုနိုင်ဖို့ ပြည်ထောင်စု ရှေ့နေချုပ်ရုံးသို့ ပေးပို့ထားပါတယ်။ ပြည်ထောင်စု ရှေ့နေချုပ်ရုံးမှ ဤဥပဒေနဲ့ ပတ်သက်၍ အကြံပြုချက်များ ပေးပို့ရာမှာ သက်ငယ်မုဒိမ်း ပြစ်မှုပြစ်ဒဏ်အား အမြင့်ဆုံး ပြစ်ဒဏ်ချမှတ် နိုင်ရေး စီစဉ်ဆောင်ရွက်လျှက်ရှိကြောင်း သိရှိရပါတယ်။”

မြန်မာနိုင်ငံရဲတပ်ဖွဲ့ရဲ့ ထုတ်ပြန်ချက်အရ ၂၀၁၅ ခုနှစ်မှာ တနိုင်ငံလုံးအတိုင်းအတာနဲ့ သက်ငယ်မုဒိန်းမှုပေါင်း ၂၃၀ ရှိခဲ့ရာက ဒီနှစ် ၂၀၁၆ ခုနှစ် အောက်တိုဘာလအထိ စာရင်းတွေအရ အမှုပေါင်း ၄၀၀ နီးပါးအထိ ရှိနေပါတယ်။ ဒီလို ၂ ဆနီးပါးအထိ တိုးလာနေတဲ့ မှုခင်းတွေမှာ အဓမ္မပြုကျင့်ခံရသူ အများစုဟာ ဆိုရင်လည်း ၁၀ နှစ်အောက်အထိ ငယ်ရွယ်သူတွေ ဖြစ်နေတာလည်း တွေ့ရပါတယ်။ ဒါကြောင့်လည်း ဒီလိုကလေးသူငယ်တွေ အဓမ္မပြုကျင့်ခံနေရတဲ့ ပြဿနာကို ဖြေရှင်းနိုင်ဖို့ဆိုရင်တော့ ထိရောက်တဲ့ ဥပဒေတွေနဲ့ တိတိကျကျ အရေးယူဖို့ လိုမယ်လို့လည်း ဥပဒေပညာရှင်တဦးဖြစ်တဲ့ ဦးရောဘတ်ဆန်းအောင် ကပြောပါတယ်။

“ရဲတွေကလည်း ဘာလုပ်သလဲဆိုတော့ မုဒိမ်းကျင့်ခံရတဲ့ ကလေးအဖေက တရားခံကိုတောင်မှ ပြန်ဖမ်းပေးရမယ်ဆိုတာမျိုးနဲ့ ဥပဒေမဲ့လုပ်တာတွေရှိတယ်။ အဲလိုမျိုးလုပ်တဲ့ရဲကို ဥပဒေအရ တရားစွဲဆိုမှုမရှိဘူး ။ အဲဒီလို မဒိမ်းမှုတွေမှာ အဓိက အားပေးအားမြောက်လို ဖြစ်နေတာက ရဲ။ ကျနော်တို့ ပြောတယ် ရှိတဲ့ ဥပဒေကို ရှိတဲ့ အတိုင်းကျင့်သုံးပါ။ မဒိမ်းမှုမှာ ပြည်သူလူထုက အုန်းအုန်းကျွက်ကျွက် နဲ့ မကျေမနပ်ဖြစ်နေတာက ဥပဒေအားနည်းချက်ထက်၊ သူတို့တွေ တရားဆွဲတဲ့ အဖွဲ့အစည်းတွေ ၊ နောက် ဥပဒေအကြံပေးကျတော့လည်း ဥပဒေ အရာရှိတွေက ၀တ်ကျေတမ်းကျေ ပြီးစလွယ် လုပ်တယ်။ တရားရုံးရောက်တော့လည်း တရားရုံးက ၀တ်ကျေတမ်းကျေသဘောမျိုးနဲ့ လုပ်နေတာတွေ ကျနေ်ာတို့တွေ့နေတယ်။ နောက်ရဲက သက်သေခေါ်ရင်မလာဘူး။ မလာရင် အရေးယူမယ်လို့သာပြောနေတယ်။ တကယ့်လက်တွေ့မှာ အရေးယူတာမရှိဘူး။”

လတ်တလောမှာ ကလေးငယ်တွေကို လိင်ပိုင်းဆိုင်ရာ အနိုင်ကျင့်မှု ကျုးလွန်သူတွေအတွက် သီးသန့်ဥပဒေ ပြဌာန်းထားတာ မရှိသလို၊ မကြာခနဆိုသလို ထောင်ဒဏ်နှစ်အနည်းငယ်သာ အပြစ်ပေးခံရလေ့ ရှိတတ်တဲ့အတွက် သေဒဏ်လို ပြစ်ဒဏ်မျိုးအထိ ပြင်းပြင်းထန်ထန် အရေးယူသင့်တယ်လို့ တိုက်တွန်းမှုတွေလည်း ရှိနေပါတယ်။ တနင်္ဂနွေနေ့မှာ တုန်းကလည်း ရန်ကုန်မြို့မှာ တက်ကြွလှုပ်ရှားသူတွေ သာမက အနုပညာရှင်တွေ၊ ဥပဒေကျွမ်းကျင်သူတွေ စုဝေးပြီး၊ ကလေးငယ်တွေကို အနိုင်ကျင့်စော်ကားသူတွေကို ကြီးလေးတဲ့ ပြစ်ဒဏ်တွေ ချမှတ်ရေး လှုပ်ရှားမှုတခု ပြုလုပ်ခဲ့ကြပါတယ်ရှင်။

 မေခ/ ဗွီအိုအေ (မြန်မာပိုင်း)
http://burmese.voanews.com



သုံးစွဲရန်မသင့်သော အလှကုန်ပစ္စည်းများကို အများပြည်သူသိရှိရန် အသိပေးကြေညာချက်
၁။ ကျန်းမာရေးနှင့်အားကစားဝန်ကြီးဌာနသည် အရည်အသွေးစစ်မှန်ကောင်းမွန်၍ ကျန်းမာရေးအတွက် ဘေးအ္တရာယ်ကင်းရှင်းသော အလှကုန်ပစ္စည်းများကို အများ ပြည်သူတို့ သုံးစွဲနိုင်ရန် စနစ်တကျ ကွပ်ကဲလျက်ရှိပါသည်။

၂။ အစားအသောက်နှင့် ဆေးဝါးကွပ်ကဲရေးဦးစီးဌာနသည် ပြည်တွင်း၌ရောင်းချ နေသည့် အလှကုန်ပစ္စည်းများကို စစ်ဆေးခဲ့ရာ အောက်ဖော်ပြပါ အလှကုန်ပစ္စည်း လေးမျိုးသည် အစားအသောက်နှင့် ဆေးဝါးကွပ်ကဲရေးဦးစီးဌာန၌ မှတ်တမ်းတင် ထားခြင်းမရှိသည့်အပြင် ကျန်းမာရေးအတွက် ဘေးအ္တရာယ်ဖြစ်စေနိုင်သော တားမြစ်”ဓာတုပစ္စည်း (မာကျူရီ) ပါဝင်နေကြောင်း စစ်ဆေးတွေ့ရှိရသဖြင့် အများ ပြည်သူလူထုသုံးစွဲရန် မသင့်တော်ပါကြောင်း အသိပေးနှိုးဆော်အပ်ပါသည်။

၃။ အဆိပ်သင့်”ဓာတုပစ္စည်းမာကျူရီ(ပြဒါး)သည် အရေပြားယားယံခြင်း၊ ရောင်ရမ်းခြင်း၊ အဖြူအနီကွက်များဖြစ်ခြင်း၊ အရေပြားမှတစ်ဆင့် ခန္ဓာကိုယ်အတွင်း သို့စုပ်ယူ၍ ထုံကျဉ်ခြင်း၊ ကြွက်သားတုန်ခါခြင်း၊ ပင်ပန်းနွမ်းနယ်ခြင်း၊ ခေါင်းကိုက် ခြင်းနှင့် စိတ်ကျရောဂါများအပြင် ရေရှည်သုံးစွဲပါက ကျောက်ကပ်ပျက်စီးခြင်းနှင့် အခြားရောဂါများ ဖြစ်ပွားနိုင်ပါသည်။


၎။ အလှကုန်ပစ္စည်းတင်သွင်း၊ ဖြန့်ဖြူး၊ ရောင်းချသည့်ကုမ္ပဏီနှင့် လက်လီလက်ကား ဆိုင်များသည် အစားအသောက်နှင့် ဆေးဝါးကွပ်ကဲရေးဦးစီးဌာနတွင် မှတ်တမ်းတင် ထားခြင်းမရှိသော အများပြည်သူသုံးစွဲရန် မသင့်ကြောင်း ကြေညာထားသည့် အလှကုန်ပစ္စည်းများတင်သွင်း၊ ဖြန့်ဖြူး၊ ရောင်းချခြင်းများကို ကျင့်ဝတ်(Ethic) အရ လုံးဝမပြုလုပ်ရန်နှင့် လိုက်နာဆောင်ရွက်ခြင်းမရှိပါက သက်ဆိုင်ရာအာဏာပိုင် အဖွဲ့အစည်းက ပြည်သူ့ကျန်းမာရေးဆိုင်ရာဥပဒေပုဒ်မ ၃၊ အပိုဒ်(၃)(ဃ)အရ အရေး ယူ ဆောင်ရွက်သွားမည်ဖြစ်ကြောင်း အသိပေးအပ်ပါသည်။

ကျန်းမာရေးနှင့်အားကစားဝန်ကြီးဌာန

MOI Webportal Myanmar
https://www.facebook.com/MOIWebportalMyanmar


နိုဝင်ဘာ ၂၈၊ ၂၀၁၆

အောက်တိုဘာ ၉ ရက် အကြမ်းဖက် တိုက်ခိုက်မှုနှင့် နောက်ဆက်တွဲတိုက်ခိုက်မှုများတွင် ပါဝင်သည်ဟု မသင်္ကာသူ (၁၁) ဦး ထပ်မံ ဖမ်းဆီးရမိခဲ့ကြောင်း သတင်းရရှိသည်။

လုံခြုံရေးတပ်ဖွဲ့ဝင်များ နယ်မြေ ရှင်းလင်းရေးဆောင်ရွက်စဉ် အကြမ်းဖက်တိုက်ခိုက်မှုတွင် ပါဝင်သည်ဟု ယူဆရသည့် မျောချောင်း ကျေးရွာမှ ၁ ဦးအား နိုဝင်ဘာ ၂၆ ရက် မွန်းတည့် ၁၂ နာရီတွင်လည်းကောင်း၊ ၀ါးပိတ် ကျေးရွာမှ ၂ ဦး၊ မျောတောင်ရွာမှ ၁ ဦး၊ ရွက်ညိုတောင်ရွာမှ ၁ ဦး နှင့် ဗောဓိပြင်ရွာမှ ၁ ဦးတို့အား နိုဝင်ဘာ ၂၇ ရက် နံနက် ၈ နာရီတွင် လည်းကောင်း၊ ဇင်ပိုင်ညာကျေးရွာမှ ၁ ဦးနှင့် သူဦးလာကျေးရွာမှ ၁ ဦး အား နိုဝင်ဘာ ၂၇ ရက် နံနက် ၈ နာရီခွဲတွင် လည်းကောင်း၊ ရွှေဇားအလယ်ကျေးရွာမှ ၁ ဦးအား နိုဝင်ဘာ ၂၇ ရက် မွန်းလွဲ ၁ နာရီခွဲတွင် လည်းကောင်း၊ မဲတီကျေးရွာ ၂ ဦးအား နိုဝင်ဘာ ၂၇ ရက် ညနေ ၄ နာရီခွဲတွင် လည်းကောင်း အသီးသီး ဖမ်းဆီးရမိခဲ့သည်။

ဖမ်းဆီးရမိသူများအား လုပ်ထုံးလုပ်နည်းနှင့်အညီ သက်ဆိုင်ရာ နယ်ခြားစောင့် ရဲတပ်ဖွဲ့သို့ လွှဲပြောင်းပေးအပ်ထားကြောင်း သိရသည်။

(နိုင်ငံတော်အတိုင်ပင်ခံရုံးသတင်းထုတ်ပြန်ရေးကော်မတီ)
https://www.facebook.com/SCOInfoC/



ရှမ်း ဒုက္ခသည်များ (သြဂုတ်လ ၂၀၀၉)
ရှမ်းပြည်နယ်မြောက်ပိုင်း မုန်းကိုးနှင့် ဖောင်းဆိုင်ဒေသတွေမှာ မြန်မာ့တပ်မတော်နဲ့ မြောက်ပိုင်းမဟာမိတ် တိုင်းရင်းသားတပ်ပေါင်းစုတို့ကြား ဒီကနေ့မှာလည်း တိုက်ပွဲတွေဆက်ဖြစ်နေပါတယ်။ တိုက်ပွဲတွေကြောင့် ထောင်နဲ့ချီတဲ့ ဖောင်းဆိုင်ဒေသခံတွေဟာ တရုတ်ပြည်ဖက်ခြမ်းမှာ စစ်ဘေးတိမ်းရှောင်နေကြရသလို နေရပ်ရင်းပြန်နိုင်ဖို့ အခြေအနေကလည်း မရေရာသေးပါဘူး။ အခြေအနေအပြည့်အစုံကို ဗွီအိုအေသတင်းထောက် နိုင်ကွန်းအိန်က သတင်းပေးပို့ထားပါတယ်။

စစ်ရေးပဋိပက္ခတင်းမာနေဆဲဖြစ်တဲ့ ရှမ်းပြည်နယ်မြောက်ပိုင်း မုန်းကိုးနဲ့ ဖေါင်းဆိုင်ဒေသအတွင်း ဖြစ်ပွါးနေတဲ့တိုက်ပွဲအခြေ အနေနဲ့ပက်သက်လို့ ဖေါင်းဆိုင်သိက္ခာတော်ရဆရာတော် ဦးဇင်ဟန်လက အခုလိုပြောပါတယ်။

“အခုကျနော်တို့ ဖောင်းဆိုင်၊ မောင်ချိုင့်၊ မိုင်းယန် ဒီတ၀ိုက်မှာ အခုအထိ တိုက်နေတုန်းပဲ အခု သေနတ်သံတွေ ကျနော်တို့ ကြားနေရတယ်။ မုံးကိုးလည်း ဒီမနက်အထိ တော့ သေနတ်သံတွေကြားနေသေးတယ်။ ဖောင်းဆိုင်နဲ့ မျက်နှာချင်းပေါ့ တရုတ်ပြည်ရွာမှာ ကျနော်တို့ရှိတော့ ဖောင်းဆိုင်ကို လှမ်းမြင် နေရတယ်။ ဒါပေမယ့် မုန်းကိုးကိုတော့ ကျနော်တို့ မမြင်ရဘူးခင်ဗျ။ ဖောင်းဆိုင်ကျတော့ ကျနော်တို့ တပ်မတော်နဲ့ပေါ့နော် ၊ ဒီတပ်ပေါင်းစု တွေတိုက်နေတယ်၊ ဘေးကနေ မီးခိုးတွေတွေ့တယ် ဒီလောက်ပဲဗျ၊ အကျအဆုံး၊ အထိအခိုက်တွေကတော့ ကျနော်တို့လည်း မသိရသေးဘူးခင်ဗျ။ မနေ့ကတော့အဲဒီမှာ လေယာဉ်တွေလာပစ်တာ အဲဒီကြားထဲမှာ ၊ အဲဒါမထိဘူးလိုပြောတယ်။ ချောက်ထဲမှာ ကျသွားတယ်လို့ပြောတယ်၊ လေယာဉ်မိုင်း ချတဲ့ဟာ။”

ဒီလိုဖြစ်ပွါးနေတဲ့တိုက်ပွဲတွေကြောင့် ဖေါင်းဆိုင်ဒေသခံတွေဟာ စစ်ဘေးလွတ်ရာ တရုတ်နိုင်ငံပန်ဝါမြို့ဘက်ကို ထွက်ပြေးတိမ်း ရှောင်နေရတယ်လို့ သိက္ခာတော်ရဆရာတော် ဦးဇင်ဟန်လက အခုလိုဆက်ပြောပါတယ်။

“ကျနော်တို့ ဖောင်းဆိုင်က ပြည်သူတွေက အဓိကတော့ ပန်ဝါပေါ့နော် တရုတ်ပြည်၊ ပန်ဝါ။ ကျနော့်ဆီမှာ ရရှိတဲ့ စာရင်းအရ ၁၀၇၁ ယောက်ရှိပြီခင်ဗျ။ တချို့တော့ ရေပူပေါ့နော်၊ ရေပူကတော့ မြန်မာနိုင်ငံအခြမ်းပဲ ၊ အဲဒီမှာလည်း စိုးရိမ်ရတယ်၊ အမြှောက်တွေဘာတွေ ပစ်လိုက်ရင်ကျနိုင်တယ်ခင်ဗျာ၊ လောက်ကိုင်ဘက်ကနေ ပစ်ရင် ။ ငြိမ်းချမ်းချင်ပြီခင်ဗျ ၊ အခုက ကျနော်တို့ သူများတိုင်းပြည်မှာ၊ သူများနေရာမှာ လာနေရတော့ စိတ်အားငယ်ရတယ် ခင်ဗျ။”

ပန်ဝါဘက်ကိုတိမ်းရှောင်လာတဲ့စစ်ပြေးဒုက္ခသည်တွေကိုတော့ တရုတ်အာဏာပိုင်တွေနဲ့ တရုတ်နိုင်ငံရောက် ဖေါင်းဆိုင်လူငယ် အဖွဲ့ ကနေ စားနပ်ရိက္ခာထောက်ပံ့ထားပေမဲ့ ရေရှည်မှာဆိုအခက်တွေ့မယ်လို့လဲ ဦးဇင်ဟန်လကပြောပါတယ်။ စစ်ဘေးရှောင်တွေ အနေနဲ့မြန်မာဘက်ခြမ်းရေပူကျေးရွာဘက်ကို တိမ်းရှောင်သူ(၂၀၀)နီးပါးရှိနေတယ်လို့လဲ သူကဆိုပါတယ်။

ပြီးခဲ့တဲ့ နိုဝင်ဘာ ၂၀ ရက်နေ့က စပြီး ကချင်လွတ်လပ်ရေးတပ်မတော် (KIA)၊ တအာင်း(ပလောင်) အမျိုးသားလွတ်မြောက်ရေး တပ်မတော် (TNLA)၊ ရက္ခိုင့်တပ်မတော် (AA)၊ မြန်မာအမျိုးသားများဒီမိုကရက်တစ်မဟာမိတ်တပ်မတော် (MNDAA)စတဲ့ မြောက်ပိုင်းမဟာမိတ်တပ်ပေါင်းစုအဖွဲ့နဲ့ မြန်မာ့တပ်မတော်တို့အကြား တရုတ် – မြန်မာနယ်စပ်မူစယ် ကြူကုတ်-ပန်ဆိုင်း မုန်းကိုးဒေသအတွင်း တိုက်ပွဲတွေဆက်တိုက်ဖြစ်ပွါးလာခဲ့တာပါ။

လက်ရှိ မုန်းကိုးဒေသဘက်မှာလဲ မြောက်ပိုင်းမဟာမိတ်တပ်ပေါင်းစုအဖွဲ့တွေကနေ စစ်ရေးအရအချက်ချတဲ့ဗျူဟာကုန်းကို သိမ်း ပိုက်ထားဆဲဖြစ်သလို မြန်မာ့တပ်မတော်ဘက်ကလဲ ပြန်လည်သိမ်းပိုက်နိုင်ဖို့အပြင်းထန်ထိုးစစ်ဆင်နေဆဲလို့ တအာင်းပလောင် အမျိုးသားလွတ်မြောက်ရေးတပ်မတော် (TNLA)နိုင်ငံခြားဆက်ဆံရေးတာဝန်ခံ တာပန်းလှကပြောပါတယ်။

“သူတို့ဘက်က အင်အားတော်တော်များများနဲ့ အင်အားအလုံးအရင်းနဲ့ ကျနော်တို့ တိုင်းရင်းသားရွာတွေအကုန်လုံးကိုရနိုင်ဖို့ အသားကုန်ကြိုးစားနေတယ်ခင်ဗျ။ မြန်မာစစ်တပ် ကလည်း ရွာသားတွေကို ပေါ်တာဆွဲပြီးတော့ မူဆယ်ကနေ လမ်းလျှောက်ပြီးတော့ သွားကြပြီ။ ကျနော်တို့ကတော့ သူတို့ Location ကို ၀င်ရောက်ပစ်ခတ်တာတို့ ရှိနေတယ်။”

တိုက်ပွဲကြောင့်ထိခိုက်ကျဆုံးမှုအခြေအနေကိုတော့အတည်မပြုနိုင်သေးဘူးလို့သူကဆိုပါတယ်။

မုန်းကိုးတိုက်ပွဲကြောင့် ဒေသခံ(၄၀၀၀)ကျော်ဟာ တရုတ်နိုင်ငံ ၀မ်တိန်မြို့မှာ စစ်ဘေးတိမ်းရှောင်နေရသလို ဒေသတွင်းတည်ငြိမ်မှု မရှိသေးတဲ့အတွက် နေရပ်ရင်းပြန်ဖို့ မရေရာသေးတဲ့အခြေအနေမှာရှိနေပါတယ်။

ပြီးခဲ့တဲ့နိူဝင်ဘာ(၂၀)ရက်နေ့မှာ တိုင်းရင်းသားလက်နက်ကိုင်အဖွဲ့တွေပေါင်းပြီး ရှမ်းပြည်နယ်၊ မူဆယ်မြို့နယ်နဲ့ အနီးပတ်ဝန်းကျင် ဒေသတွေက စစ်တပ်နဲ့ ရဲတပ်ဖွဲ့စခန်းတွေအပြင် ၁၀၅ မိုင် နယ်စပ်ကုန်သွယ်ရေးစခန်းကိုပါ ပစ်ခတ် တိုက်ခိုက်ခဲ့ရာမှာ ရဲတပ်ဖွဲ့ဝင် တွေအပါအ၀င် လူ ၈ ဦးသေဆုံးပြီး ၂၉ ဦး ဒဏ်ရာရတယ်လို့အစိုးရဘက်က သတင်းထုတ်ပြန်ထားပါတယ်။

လက်ရှိမှာမူစယ်မြို့မှာတော့ အခြေအနေငြိမ်သက်သွားတာကြောင့် ကုန်သွယ်ရေးဇုံကိုပြန်လည်ဖွင့်လှစ်နိုင်ခဲ့သလို မူစယ်စစ်ဘေး ရှောင်တွေကလဲ နေရပ်ကိုပြန်စပြုပြီးဖြစ်ပေမဲ့ တရုတ်နိုင်ငံဘက်ကိုရောက်နေတဲ့ မုံးကိုးနဲ့ဖေါင်းဆိုင်ဒေသခံ စစ်ဘေးရှောင်တွေ အနေနဲ့ကတော့နေရပ်ကိုပြန်နိုင်ခြင်းမရှိသေးပါဘူး။

အခုလိုဖြစ်ပွါးနေတဲ့မြောက်ပိုင်းဒေသတိုက်ပွဲတွေနဲ့ပက်သက်ပြီးတော့ နိုင်ငံတော်အတိုင်ပင်ခံပုဂ္ဂိုလ်ဒေါ်အောင်ဆန်းစုကြည် အနေ နဲ့ လက်နက်ကိုင်နည်းလမ်းနဲ့ပြဿနာကိုဖြေရှင်းခဲ့ကြလို့ပြည်တွင်းစစ်အဓွန့်ရှည်ကာ နိုင်ငံနှင့်ပြည်သူတွေဆိုးကျိုးခံစားခဲ့ရတာ ဖြစ်ပြီး ငြိမ်းချမ်းရေး ဖြစ်စဉ်အတွက် (NCA)အပစ်ရပ်စာချုပ်ကို လက်မှတ်ထိုးဖို့လိုအပ်တယ်လို့ နိုဝင်ဘာလ ၂၃ ရက်နေ့ နေ့စွဲနဲ့ ကြေညာချက် တစ်စောင်ထုတ်ပြန်ထားပါတယ်။

တိုင်းရင်းသားမဟာမိတ်တွေအနေနဲ့ကတော့ ပြည်ထောင်စုငြိမ်းချမ်းရေးညီလာခံအပါအ၀င် NCAအပစ်ရပ်လက်မှတ်ရေးထိုးရေး ကိစ္စရပ်တွေမှာလဲ အစိုးရနဲ့တပ်မတော်ဘက်က ကန့်သတ်ထားသလို ထိုးစစ်ဆင်မှုတွေဆက်တိုက်ပြုလုပ်နေတာကြောင့် အခုလို တန်ပြန်တိုက်စစ်တွေပြုလုပ်နေရတယ်လို့ (TNLA)နိုင်ငံခြားဆက်ဆံရေးတာဝန်ခံ တာပန်းလှကပြောပါတယ်။

“၂၁ ရာစု ပြည်ထောင်စုငြိမ်းချမ်းရေး ညီလာခံလည်း ကျင်းပပြီးသွားပြီ။ ကျင်းပတဲ့အခါမှာလည်း အဖွဲ့အားလုံး ပါဝင်ခွင့်မရဘူး၊ ပါဝင်မှုကိုလည်း ကန့်သတ်ပိတ်ထားတယ်။ ကျနော်တို့လည်း ပါဝင်ဖို့အဆင်သင့်ဖြစ်တယ်။ သို့သော်လည်းအခုအချိန်အထိ မြန်မာ့တပ်မတော်ဘက်ကရော၊ မြန်မာအစိုးရဘက်ကရော ကန့်သတ်မှုတွေရှိနေဆဲဖြစ်တဲ့အတွက် အဲဒါကြောင့်မို့လို့ ဒီတိုက်ပွဲတွေက မဖြစ်သင့်ပဲနဲ့ ဆက်လက်ဖြစ်ပွားနေရစဲဖြစ်ပါတယ်။ မြန်မာ့တပ်မတော်နဲ့ မြန်မာအစိုးရကြား လမ်းစဉ်ပြုပြင်ပြောင်းလဲမှုရှိပြီးတော့ အားလုံးပါဝင်နိုင်အောင် Policy ချမှတ်ပြီးတော့ လုပ်မယ်ဆို၇င် ပစ်ခတ်သံတွေလည်း ငြိမ်သက်သွားမှာဖြစ်ပါတယ်။”

ဒါ့အပြင် မနေ့ကညနေပိုင်းမှာ တအာင်းပလောင်တပ်ဖွဲ့နဲ့မြန်မာ့တပ်မတော်တို့အကြား နမ့်ဆန်မြို့နယ်၊ စခန်းသာကျေးရွာ အနီးတိုက်ပွဲပြင်းထန်စွာဖြစ်ပွါးခဲ့ရာမှာ မြန်မာ့တပ်မတော်အရာရှိ ၁ ဦးအပါအ၀င် ၂ ဦးကျဆုံးပြီး ၇ ဦးထက်မနည်း ဒဏ်ရာရရှိ ခဲ့တယ်လို့ TNLAဘက်က ဒီကနေ့မှာထုတ်ပြန်ထားပေမယ့် သီးခြားအတည်မပြုနိုင်သေးပါဘူး။

မြန်မာတပ်မတော်အနေနဲ့ တိုင်းရင်းသားဒေသတွေမှာထိုးစစ်တွေရပ်မယ်ဆိုရင် တိုင်းရင်းသားလက်နက်ကိုင်မဟာမိတ်အဖွဲ့ က လည်း သူတို့ရဲ့တိုက်ခိုက်မှုတွေကို ရပ်တန့်မှာဖြစ်တယ်လို့နိုဝင်ဘာလ (၂၅)ရက်နေ့ရက်စွဲနဲ့ကြေညာချက်ထုတ်ပြန်ထားပါတယ်။

 နိုင်ကွန်းအိန်/ ဗွီအိုအေ (မြန်မာပိုင်း)
http://burmese.voanews.com



သီတင်းပတ် အကုန်မှာ ပြင်းထန်တဲ့ တိုက်ပွဲတွေ ဖြစ်ခဲ့ပြီးနောက် သူပုန်နယ်မြေတွေကို အစိုးရတပ်တွေ သိမ်းပိုက်။
ဆီးရီးယား နိုင်ငံ၊ အလက်ပိုမြို့ အရှေ့ပိုင်းမှာ သူပုန်တွေ လက်ထဲက အရေးပါတဲ့ နယ်မြေတစ်ခုကို ဆီးရီးယား အစိုးရတပ်တွေက သိမ်းပိုက် လိုက်တယ်လို့ သိရပါတယ်။

အလက်ပိုမြို့ အရှေ့ပိုင်းက Sakhour ဆာဟူးဝါး ရပ်ကွက်ကို အစိုးရတပ်တွေ သိမ်းလိုက်တဲ့အတွက် သူပုန်တွေ သိမ်းထားတဲ့ နယ်မြေတွေကို နှစ်ပိုင်း ကွဲသွားစေတယ်လို့ ဆိုပါတယ်။

အစိုးရ တပ်တွေက မိုင်းဗုံးတွေ ရှင်းလင်းပြီးနောက် ထိုးစစ်တွေ ဆက်လုပ်နေတယ်လို့ ဆီးရီးယား အစိုးရ ရုပ်သံက ထုတ်ပြန် ကြေညာပါတယ်။

ပြင်းထန်တဲ့ တိုက်ပွဲတွေ အခု သီတင်းပတ်အကုန်မှာ ဖြစ်ပွားခဲ့ပြီးနောက် အရပ်သားတွေလည်း ထောင်နဲ့ချီ ထွက်ပြေး ခဲ့ကြပါတယ်။

သူပုန်တွေ အရင်က သိမ်းထားခဲ့တဲ့ အလက်ပိုမြို့ အရှေ့ပိုင်း နယ်မြေရဲ့ သုံးပုံတစ်ပုံကျော် လောက်ကို အခု လက်လွှတ် လိုက်ရပြီလို့ ဆီးရီးယား အရေး စောင့်ကြည့်တဲ့ အဖွဲ့က ပြောပါတယ်။

BBC Burmese
http://www.bbc.com/burmese



စင်္ကာပူနိုင်ငံခြားရေးဝန်ကြီးနဲ့ ပူးတွဲသတင်းစာရှင်းပွဲမှာ တွေ့ ရတဲ့ ဒေါ်အောင်ဆန်းစုကြည်
နိုင်ငံတော်အတိုင်ပင်ခံပုဂ္ဂိုလ် နိုင်ငံခြားရေးဝန်ကြီး ဒေါ်အောင်ဆန်းစုကြည်ဟာ ရှေ့သီတင်းပါတ်ထဲမှာ စင်္ကာပူနိုင်ငံကို သွားရောက်မှာ ဖြစ်ပါတယ်။

စင်္ကာပူဝန်ကြီးချုပ် Lee Hsien Loong ရဲ့ ဖိတ်ကြားချက်အရ သွားရောက်မယ့် ဒီ ခရီးစဉ် စတင်မယ့် ရက်အတိအကျ မသိရသေးပေမယ့် ဒီဇင်ဘာလ ၁ ရက်နေ့မှာ သွားဖြစ်မယ်လို့ မျှော်လင့်ရပါတယ်။

မြန်မာနိုင်ငံမှာ ဧပြီလတရက် အစိုးရသစ်တက်လာခဲ့ပြီးတဲ့ နောက်ပိုင်း အာရှခေါင်းဆောင် တဦးဖြစ်တဲ့ စင်္ကာပူဝန်ကြီးချုပ် Lee Hsien Loong ဇွန်လ ထဲမှာ မြန်မာနိုင်ငံကို ပထမဆုံး လာရောက်ခဲ့တဲ့ နောက်ပိုင်း စင်္ကာပူ မြန်မာ ၂ နိုင်ငံကြား ဆက်ဆံရေးနဲ့ ပူးပေါင်းဆောင်ရွက်မှုတွေ တိုးမြင့်လာခဲ့တာပါ။

ဒီခရီးစဉ်မှာပဲ ၂ နိုင်ငံကြား ရက်ပေါင်း ၃၀ ဗီဇာကင်းလွတ်ခွင့် အစီအစဉ်ကို လက်မှတ် ရေးထိုးခဲ့တာဖြစ်ပြီး သာမန် နိုင်ငံကူးလက်မှတ် ကိုင်ဆောင်သူတွေ အတွက် ဗီဇာကင်းလွတ် ရက်ပေါင်း ၃၀ နေထိုင်ခွင့်ပြုမယ့် ဒီအစီအစဉ်ကို ဒီဇင်ဘာလ ၁ ရက်နေ့မှာ စတင်မှာ ဖြစ်ပါတယ်။

အာဆီယံအဖွဲ့ဝင် နိုင်ငံတွေဖြစ်ကြတဲ့ မြန်မာနဲ့ စင်ကာပူ နိုင်ငံတို့ဟာ ဒေသတွင်းမှာ အပြန်အလှန် စီးပွားကုန်သွယ်မှုတွေနဲ့ အနီးကပ် ပူးပေါင်း ဆောင်ရွက်နေတဲ့ နိုင် ငံတွေ ဖြစ်ပါတယ်။

စကာင်္ပူနိုင်ငံမှာ မြန်မာနိုင်ငံသား သိန်းနဲ့ချီ နေထိုင် အလုပ်လုပ်ကိုင်နေတာ ဖြစ် သလို မြန်မာနိုင်ငံတွင်း နိုင်ငံခြား ရင်းနှီးမြှုပ်နှံမှုနဲ့ ကုန်သွယ်မှုတွေမှာလည်း အရေး ပါတဲ့ နိုင်ငံတခု ဖြစ်ပါတယ်။ ၂၀၁၆ အောက်တိုဘာလအထိ အမေရိကန်ဒေါ်လာ ၁၅ ဘီလျံခွဲကျော် ရင်းနှီးမြှုပ်နှံမှု ရှိနေတာမို့စင်ကာပူနိုင်ငံဟာ တရုတ်နိုင်ငံပြီးရင် မြန် မာနိုင်ငံရဲ့ ဒုတိယမြောက် ရင်းနှီးမြှုပ်နှံမှု အများဆုံးနိုင်ငံ ဖြစ်ပါတယ်။

စင်္ကပူနဲ့ မြန်မာ နိုင်ငံကြား သံတမန် ဆက်ဆံရေးကတော့ ၁၉၆၆ ခုနှစ်မှာ စတင်ခဲ့ တာမို့ အခုဆိုရင် နှစ်ပေါင်း ၅၀ ပြည့်ခဲ့ပြီလည်း ဖြစ်ပါတယ်။

 ဗွီအိုအေ (မြန်မာပိုင်း)
http://burmese.voanews.com



နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်
နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်ရဲ့ စကာင်္ပူနိုင်ငံ ခရီးစဉ်နဲ့ တဆက်တည်းမှာဘဲ အင်ဒိုနီးရှား နိုင်ငံကိုပါ သွားဖို့ စီစဉ်ပေမယ့် အခု အဲဒီ ခရီစဉ် မဖြစ်တော့ဘူးလို့ နိုင်ငံတော် သမ္မတရုံး ၀န်ကြီးဌာန ပြောခွင့်ရ ဦးဇော်ဌေးက ဗွီအိုအေကို ပြောပါတယ်။

“အင်ဒိုနီးရှားကတော့ မသွားတော့ပါဘူး၊ သွားလည်း မသွားပါဘူး။ ခရီးစဉ်တခု ညှိနှိုင်းတယ်ဆိုတာ ဟိုဘက်အချိန်ဇယား၊ ဒီဘက် အချိန်ဇယားပေါ့နော်? နောက်ဝန်ကြီး ၂ ဘက် ခရီးစဉ်အတွင်းမှာ ဘာရလဒ်တွေ လုပ်မလဲဆိုတဲ့ ညှိနှိုင်းချက်တွေနဲ့ သွားတာပေါ့နော်။ အခုမသွားဖြစ်တော့ ကျနော်တို့က စင်္ကာပူ ၁ ခုတည်းပဲ သွားဖြစ်မယ်၊ နောက် အင်ဒိုနီးရှားခရီးစဉ်ကတော့ ညှိပြီးတော့ ၂ ဦး ၂ ဘက် အဆင်ပြေတဲ့အချိန်သွားဖို့ အဲဒီလို ညှိထားပါတယ်။”

အခုလို အင်ဒိုနီးရှား ခရီးစဉ် မဖြစ်တာဟာ အဲဒီမှာ လက်ရှိ မြန်မာ သံရုံးရှေ့ ဆန္ဒပြတာတွေ၊ သံရုံးကို တိုက်ခိုက်မယ်ဆိုပြီးတော့ ခြိမ်းခြောက်တာကြောင့် အင်ဒိုနီးရှား ရဲတပ်ဖွဲ့က ဖမ်းဆီးနေရတဲ့ အခြေအနေတွေနဲ့ မဆိုင်ဘူးလို့လည်း ဦးဇော်ဌေးက ပြောပါတယ်။

ဗွီအိုအေ (မြန်မာပိုင်း)
http://burmese.voanews.com


စစ်ကိုင်းတိုင်းဒေသကြီး၊ ပုလဲမြို့နယ်၊ စစ်ရင်ကျေးရွာတွင် ၈နှစ်အရွယ် မိန်းကလေးတစ်ဦးအား အလိုမတူဘဲ သားမယားအဖြစ် ပြုကျင့်ရန်ကြံရွယ်သည့်ပထွေးကို နိုဝင်ဘာလ(၂၇)ရက်က ချင်ပြစ်နယ်မြေရဲစခန်းတွင် အမှုဖွင့်ထားကြောင်း မိသားစုဝင်များထံမှ သိရသည်။
“မိခင်ဖြစ်သူက ရွာထဲကလူ ဖုန်းငှားသွားလို့ ပြန်သွားယူချိန် မသင်္ကာလို့ လမ်းတစ်ဝက်မှာပဲ ပြန်လာပြီး ပိတ်ထားတဲ့အပေါက်ကို ဖွင့်လိုက်တော့ကလေးမလေးကိုပြုကျင့်နေတာတွေ့လိုက်ရတာပါ။ ယောက်ျား ဖြစ်သူက မိန်းမဖြစ်သူလည်ပင်းကို ဆံပင်နဲ့ရစ်ပြီး ဒီကိစ္စကို တစ်ခြားလူတွေကိုပြောရင် နင်တို့သားမိ ၃ ယောက်လုံး သတ်ပစ်မယ်လို့ ခြိမ်းခြောက်တယ်။ ကျွန်မညီမက ကြောက်တော့ ကျွန်မကို နိုဝင်ဘာလ ၂၂ ရက်ကမှ ပြောပြခဲ့လို့သိခဲ့ရတာပါ”ဟု အဆိုပါ မိန်းကလေး၏အဒေါ်ဖြစ်သူက ပြောသည်။

ပြီးခဲ့သည့် နိုဝင်ဘာလ ၁၁ ရက် ညနေပိုင်းက ယင်းမိန်းကလေး၏ မိခင်ဖြစ်သူအိမ်အပြင်သွားနေခိုက် အရက် သေစာမူးယစ်နေသည့် ပထွေးဖြစ်သူမှ မယားပါသမီးဖြစ်သူ အသက်(၈)နှစ်အရွယ် ဒုတိယတန်းကျောင်းသူ အား နေအိမ်အတွင်း သားမယားအဖြစ် ပြုကျင့်ရန်လုံးထွေးနေစဉ် မိခင်မှပြန်လည်ရောက်ရှိလာပြီး တွေ့ရှိခဲ့ခြင်းဖြစ်ကြောင်း သိရသည်။
“ဒီအမှုနဲ့ပတ်သတ်ပြီး ပုလဲမြို့နယ်၊ အထွေထွေအုပ်ချုပ်ရေးဦးစီးဌာနမှာ ချင်ပြစ်နယ်မြေရဲစခန်းမှူးနဲ့ ပုလဲမြို့ ပြည်သူ့ဆေးရုံက ဆေးရုံအုပ်ကြီးတို့နဲ့ တွေ့ဆုံမယ်။ ကြံစည်ရုံပဲ ကြံစည်ရသေးတာလား အထမြောက် သလားဆိုတာ ဆရာဝန်ရဲ့ဆေးစစ်ချက်မှာမှ သိရမှာပါ။ ကာယကံမြောက် ကျူးလွန်တယ်ဆိုရင် တရားဥပဒေ လမ်းကြောင်းအရ မှန်မှန်ကန်ကန်လုပ်ဖို့ ဆက်လက်ဆောင်ရွက်သွားမယ်”ဟု ပုလဲမြို့နယ်၊ မဲဆန္ဒနယ် အမှတ် ၁ မှ တိုင်းဒေသကြီးလွှတ်တော်ကိုယ်စားလှယ် ဦးဇော်ထက်က ပြောသည်။

နိုဝင်ဘာလ ၂၅ ရက်နေ့က ပုလဲမြို့ ပြည်သူ့ဆေးရုံကြီးသွားရောက်၍ အဆိုပါမိန်းကလေးအား ဆေးစစ်၍ မေးမြန်းရာတွင် အမျိုးသမီးအင်္ဂါအတွင်း ပွန်းခြစ်ရာနှင့် သွေးခြေဥတွေ့ရှိသည်ဟု အဒေါ်ဖြစ်သူက ပြောသည်။"အခု အမှုဖြစ်တာက မြို့မရဲစခန်းအပိုင် နယ်မြေထဲမှာဖြစ်တာ မဟုတ်ပါဘူး၊ အမှုကို ချင်ပြစ်နယ် မြေရဲ စခန်းက ကိုင်တာပါ။ ပြစ်မှုကြူးလွန်သူကို ၂၇ ရက်နေ့က ပုလဲမြို့ပြည်သူ့ဆေးရုံကြီးမှာ ဆေးစစ်ပြီး မြို့မရဲစခန်းကို လွှဲပြောင်းပေးခဲ့ပါတယ်" ဟု ပုလဲမြို့မရဲစခန်းမှ စခန်းမှူးထွန်းကျော်က ပြောသည်။

အသက် ၄၅ နှစ်အရွယ် ပထွေးဖြစ်သူအား ဥပဒေအရ အရေးယူပေးရန် နိုဝင်ဘာလ ၂၇ ရက်က မိခင်ဖြစ်သူမှ တရားလိုပြုလုပ် တိုင်တန်းသဖြင့် ပုလဲမြို့နယ်၊ ချင်ပြစ်နယ်မြေရဲစခန်းတွင် (ပ)၂၇/၂၀၁၆၊ ရာဇသတ်ကြီးပုဒ်မ ၃၇၆/၅၁၁ အရ အမှုဖွင့်ထားကြောင်း သိရသည်။

ရတနာပုံ သတင်းစာ
https://www.facebook.com/yadanabonnewspaper/



( လူမှုဝန်ထမ်း၊ ကယ်ဆယ်ရေးနဲ့ ပြန်လည်နေရာချထားရေးဝန်ကြီး ဒေါက်တာဝင်းမြတ်အေးကို နိုဝင်ဘာလ ၂၈ ရက်နေ့က အမျိုးသားလွှတ်တော်အစည်းအဝေးအပြီးတွင် တွေ့ရစဉ် )Photo: Win Ko Ko Latt/ RFA
သက်ငယ်မုဒိမ်းမှုကျူးလွန်သူတွေကို အနည်းဆုံးထောင်ဒဏ် ၁၀ နှစ်ကနေ အမြင့်ဆုံး တသက် တကျွန်း အထိအပြစ်ပေးနိုင်မယ့်ဥပဒေကြမ်းကို ရေးဆွဲပြီး ရှေ့နေချုပ်ရုံးထံ တင်ပြထားတယ်လို့ လူမှုဝန်ထမ်း၊ ကယ်ဆယ်ရေးနဲ့ ပြန်လည်နေရာချထားရေးဝန်ကြီး ဒေါက်တာဝင်းမြတ်အေးက ပြောပါတယ်။

ဒီနေ့ အမျိုးသားလွှတ်တော်အစည်းအဝေးအပြီးမှာ သတင်းမီဒီယာသမားတွေကို ၀န်ကြီး ဒေါက်တာဝင်းမြတ်အေး က ပြောခဲ့တာဖြစ်ပါတယ်။

၁၉၉၃ ခုနှစ် ကလေးသူငယ်ဥပဒေအသစ်ပြန်လည်ရေးဆွဲပြီး သက်ငယ်မုဒိမ်းမှု ကျူးလွန်သူကို အနည်းဆုံးထောင်ဒဏ် ၁၀ နှစ်ကနေထောင်ဒဏ် တသက်တကျွန်းအထိ ချမှတ်နိုင်တဲ့ ပြစ်မှုပြစ်ဒဏ် တွေကို ထည့်သွင်းထားတာဖြစ်တယ်လို့ ပြောပါတယ်။

ရှေ့နေချုပ်ရုံးကနေ သဘောထားမှတ်ချက်နဲ့ ပြန်လည်ပေးပို့လာတဲ့အခါ အဲဒီဥပဒေကြမ်းကို လွှတ်တော်ထံ မကြာမီ တင်သွင်းသွားမယ်လို့လည်း ၀န်ကြီးဒေါက်တာဝင်းမြတ်အေးက ပြောပါတယ်။

သက်ငယ်မုဒိမ်းမှု ကျူးလွန်သူတွေကို သေဒဏ်အထိပေးဖို့နဲ့ တောင်းဆိုမှုတွေ ရှိနေပါတယ်။

RFA Burmese
https://www.facebook.com/rfaburmese/



Powerball လက်မှတ်တစ်ခုအားတွေ့ရစဉ် (ဓါတ်ပုံ-အင်တာနက်)
    ဝါရှင်တန်၊ နိုဝင်ဘာ ၂၈ရက် (ဆင်ဟွာ)

    အမေရိကန်နိုင်ငံ တန်နက်စ်စီပြည်နယ် Lafayatte မြို့တွင် အမေရိကန်ဒေါ်လာ ၄၂၀.၉ သန်း တန် ထီပေါက်သူတစ်ဦး ထွက်ပေါ်လာကြောင်း တန်နက်စ်စီပြည်နယ် ထီအရောင်းဋ္ဌာန က နိုဝင်ဘာ ၂၇ရက် တွင်ပြောကြားခဲ့သည်။

အဆိုပါ ဆုကြေးငွေသည် တန်နက်စ်စီပြည်နယ် ထီလုပ်ငန်း၏ ဒုတိယအများဆုံး စုစုပေါင်း ဆုကြေးငွေဖြစ်ပြီး ၂၀၁၆ခုနှစ် ဇန်နဝါရီလ တွင် အမေရိကန်ဒေါ်လာ ၅၂၈.၈သန်း ဖြင့် ပထမအများဆုံး ဆုကြေး ရရှိသူတစ်ဦးရှိခဲ့ကြောင်း ထီအရောင်းဋ္ဌာန က ထုတ်ပြန်ခဲ့သည်။

ယင်းထီပေါက်သူသည် ဆုကြေးလက်ခံရယူရန် ရက်ပေါင်း ၁၈၀ ကျန်ရှိမည်ဖြစ်ပြီး ထီအရောင်းဋ္ဌာန က ဆုကြေးမတိုင်ယူခင်အချိန်အတွင်း ထီလက်မှတ်အား လုံခြုံစွာသိမ်းဆည်းထားရန် အကြံပြုထားကြောင်း သိရသည်။

ပြည်တွင်းမီဒီယာက ယခု ဆုကြေးသည် အမေရိကန်သမိုင်းတွင် ၁၂ကြိမ်မြောက် အများဆုံး ဆုကြေးဖြစ်ပြီး ကိုးကြိမ်မြောက် အများဆုံး Powerball ဆုကြေးဖြစ်ကြောင်း ဖော်ပြခဲ့သည်။

Powerball ဆုကြေးသည် ထီဆုကြေး ပုံစံတစ်မျိုးဖြစ်ပြီး အမေရိကန်နိုင်ငံရှိ ပြည်နယ်ပေါင်း ၄၄ပြည်နယ်၊ ဝါရှင်တန် ဒီစီ၊ Puerto Rico နှင့် အမေရိကန်၏ Virgin ကျွန်းများတွင် ကစားကြကြောင်း သိရသည်။

(Xinhua)
http://www.xinhuamyanmar.com



သမ္မတ ဒေါ်နယ် ထရမ့် က အမေရိကန် ကို ပြန်လည် သန့်စင်ဖို့ ဆောင်ရွက်မှာ ဖြစ်တယ်လို့ ရေးသားထား
အမေရိကန် ပြည်ထောင်စု၊ ကယ်လီဖိုးနီးယား ပြည်နယ် က အစ္စလာမ် ဘာသာဝင် တွေ ဝတ်ပြုတဲ့ ဗလီ တချို့ဆီကို အမုန်းတရား နဲ့ ရေးသား ထားတဲ့ စာတွေ ရောက်လာ ခဲ့ပြီးနောက် ရဲတပ်ဖွဲ့ အနေနဲ့ ပိုမို ကာကွယ် ပေးဖို့ လူ့အခွင့်အရေး အဖွဲ့ တွေက တောင်းဆို နေပါတယ်။

ဗလီ တွေဆီကို ရောက်လာကြတဲ့ စာထဲမှာ မွတ်ဆလင် တွေဟာ မသတီ စရာ ညစ်ညမ်းသူ တွေလို့ ရေးသား ထားပါတယ်။

လက်ရေး နဲ့ ရေးသား ထားပြီး မိတ္တူ ပြန်ကူး ထားတဲ့ စာထဲမှာ ရွေးကောက်ခံ ဒေါ်နယ် ထရမ့် ကို ချီးကျူး တဲ့ အကြောင်းလည်း ထည့်သွင်း ရေးသား ထားတယ်လို့ အမေရိကန် မွတ်ဆလင် ကောင်စီ အဖွဲ့အစည်းကြီးက ပြောပါတယ်။

အဲဒီ စာထဲမှာ ရွေးကောက်ခံ သမ္မတ ဒေါ်နယ် ထရမ့် က အမေရိကန် ကို ပြန်လည် သန့်စင်ဖို့ ဆောင်ရွက်မှာ ဖြစ်တယ်လို့ ရေးသားထားပြီး အောက်ခြေမှာ အမေရိကန်တွေ အတွက် အကောင်းဆုံး လမ်း လို့ ရေးသားထားပါတယ်။

ဒီစာ နဲ့ မစ္စတာ ထရမ့် တို့ရဲ့ ပတ်သက်ဆက်နွယ်မှုတော့ မရှိပါဘူး။ အဆိုပါ စာတွေ နဲ့ ပတ်သက်ပြီး မစ္စတာ ထရမ့် က မှတ်ချက် တစ်စုံတစ်ရာ မှတ်ချက်ပေး ပြောကြာခြင်း လည်း မရှိသေးပါဘူး။

ရွေးကောက်ပွဲ မဲဆွယ်စဉ် ကာလမှာတော့ မွတ်ဆလင် တွေကို ပြည်ဝင်ခွင့် ပိတ်ပင် မယ်လို့ မစ္စတာ ထရမ့် က တောက်လျှောက် ပြောကြား ခဲ့တာလည်း ဖြစ်ပါတယ်။

ဆာတန် မာရ်နတ် ရဲ့ သားသမီး တွေဆီသို့ လို့ လိပ်မူပြီး ရေးသား ထားတဲ့ စာတွေကို စိန့်ဂျို့စ်ဒေသ၊ လောင်းဘိခ်ျ နဲ့ ကလယ်ရီမောင့် ဒေသမှာ ရှိတဲ့ ဗလီ တွေဆီကို ရောက်လာတာ ဖြစ်ပါတယ်။

ဘာသာရေး အမုန်းပွားမှုတွေ ဖြစ်စေ နိုင်တာမို့ စစ်ဆေး မှု တွေ စတင် ဆောင်ရွက် နေပြီ ဖြစ်ကြောင်း စိန့် ဂျို့စ် ရဲတပ်ဖွဲ့က ပြောကြားပါတယ်။

BBC Burmese
http://www.bbc.com/burmese



ကမ္ဘာ့ AIDS ညီလာခံမှာ ဆန္ဒထုတ်ဖေါ်နေကြသည့် တောင် အာဖရိက နိုင်ငံသားများ
AIDS ရောဂါကို ဖြစ်စေတဲ့ HIV ပိုး မပျံ့ပွားစေဖို့အတွက် HIV ကိုလုံခြုံစိတ်ချစွာ ကာကွယ်နိုင်မယ့် စမ်းသပ်အဆင့်ရှိ ကာကွယ်ဆေးတမျိုးကို တောင်အာဖရိက နိုင်ငံမှာ စတင်စမ်းသပ် သုံးစွဲနေပြီ ဖြစ်ပါတယ်။

အမေရိကန် အမျိုးသားကျန်းမာရေးဌာန NIH က ထုတ်ပြန်တဲ့ ကြောညာချက်အရ HVTN 702 ထိုးဆေးဟာ HIV ပိုးကာကွယ်နိုင်ဖို့ တောင်အာဖရိကမှာ အဆင့်အမြင့်ဆုံးနဲ့ အကြီးမားဆုံး စမ်းသပ်မှုဖြစ်ပါတယ်။ တောင်အာဖရိကနိုင်ငံမှာ HIV/ AIDS ရောဂါသည် ၇ သန်းရှိပါတယ်။

NIH ကျန်းမာရေးဌာနအောက်က ကူးစက်ရောဂါကာကွယ်ရေး NIAID သုတေသန ဌာနရဲ့ဒါရိုက် တာ Anthony S. Fauci ကတော့ တောင်အာဖရိကမှာ အခု စတင် စမ်းသပ်တဲ့ ကာကွယ်ထိုးဆေးဟာ အမေရိကန်စစ်တပ် HIV သုတေသနဌာနဲ့ ထိုင်းကျန်းမာရေး ဌာနတို့ ပူးပေါင်းပြီး ထိုင်းနိုင်ငံမှာ စမ်းသပ်ထုတ်လုပ်ခဲ့တဲ့ ဆေးပေါ် အခြေခံတာ ဖြစ် တယ်လို့ ဆိုပါတယ်။ HVTN 702 ဆေးကို တောင်အာဖရိက နိုင်ငံရဲ့ ဒေသ ၁၅ ခုက လိင်ဆက်ဆံမှုရှိတဲ့ အသက် ၁၈နှစ်နဲ့ ၃၅ နှစ်ကြား အမျိုးသား အမျိုးသမီး ၅၄၀၀ ကို သုတေသန လုပ်ဖို့ရှိပါတယ်။

ဗွီအိုအေ (မြန်မာပိုင်း)
http://burmese.voanews.com



မနီလာမြို့ ရှိ အမေရိကန်သံရုံး ဗုံးထောင်ခံရ #ဆင်ဟွာ
    မနီလာ၊ နိုဝင်ဘာ ၂၈ရက် (ဆင်ဟွာ)

    ဖိလစ်ပိုင်နိုင်ငံ မြို့တော် မနီလာမြို့ ရှိ အမေရိကန်သံရုံးအနီး တွင် နိုဝင်ဘာ၂၈ရက် နံနက်ပိုင်းက ဗုံးဟုယူဆရသည့် ပစ္စည်းတစ်ခုအား တွေ့ရှိခဲ့ကြောင်း ပြည်တွင်းသတင်းဋ္ဌာနက ဖော်ပြခဲ့သည်။

ရဲတပ်ဖွဲ့များသည် အမေရိကန်သံရုံးအရှေ့ဘက် ရှိ တောင်ဘက်သို့ဦးတည်နေသော Roxas Boulevard လမ်းမအား ဒေသစံတော်ချိန် ၇း၃၀နာရီတွင် ပိတ်ထားခဲ့ကြောင်း သတင်းဋ္ဌာနကဖော်ပြခဲ့သည်။

မနီလာမြို့ရဲတပ်ဖွဲ့၏ ဗုံးရှင်းလင်းရေးအဖွဲ့က နံနက် ၈း၀၀နာရီဝန်းကျင်တွင် ဗုံးဟုသံသယရှိဖွယ် ပစ္စည်းအားရှင်းလင်းခဲ့ပြီး နံနက် ၉း၀၀နာရီတွင် မော်တော်ယာဉ်များသွားလာနိုင်ရန် လမ်း ပြန်ဖွင့်ပေးခဲ့ကြောင်း သိရသည်။

လမ်းသန့်ရှင်းရေးသမားတစ်ဦးက ဗုံးဟုသံသယရှိဖွယ် ပစ္စည်းအား အမှိုက်ပုံးအတွင်း တွေ့ရှိခဲ့ကြောင်း နှင့် ဆယ်လူလာဖုန်းတစ်လုံးအား ဝါယာကြိုး အနီ၊ အမည်းများ နှင့် ချိတ်ဆက်ထားသော အမည်းရောင် လုံးဝန်းသော အရာဝတ္ထုတစ်ခု နှင့်အတူ တွေ့ရှိခဲ့ခြင်းဖြစ်ကြောင်း ပြောကြားခဲ့သည်။

(Xinhua)
http://www.xinhuamyanmar.com




ဗိုလ်ချုပ်မှူးကြီးဟောင်း သန်းရွှေ
KNU ကရင်အမျိုးသားအစည်းအရုံး ခေါင်းဆောင်တွေနဲ့ အငြိမ်းစား ဗိုလ်ချုပ်မှူးကြီးေ ဟာင်း ဦးသန်းရွှေတို့ မနေ့ တနင်္ဂနွေနေ့က တွေ့ဆုံခဲ့မှုကို ကြည့်ရင် လက်ရှိ မြန်မာ့ စစ်ရေးနဲ့ နိုင်ငံရေးနောက်ကွယ်မှာ အာဏာရှင်ဟောင်းတဦး အခုချိန်ထိ ရှိနေသေး တယ်လို့ မြန်မာ့နိုင်ငံရေး လေ့လာ နေသူတွေက သုံးသပ်ကြပါတယ်။ မြန်မာနိုင်ငံ အရှေ့မြောက်ခြမ်းမှာ ဒေသခံ တိုင်းရင်းသား လက်နက်ကိုင်အဖွဲ့တွေနဲ့ မြန်မာ့တပ် မတော်ကြား စစ်ရေးတင်းမာမှုတွေ ရှိနေချိန်မှာ ငြိမ်းချမ်းရေးကိစ္စ ဆွေးနွေးဖို့ KNU ခေါင်းဆောင်တွေ နေပြည်တော်ကို ရောက်ရှိနေ တာဖြစ်ပါတယ်။ အပြည့်အစုံကို မအင်ကြင်းနိုင်က ဆက်ပြီးပြောပြမှာပါ။

နိုဝင်ဘာလ (၂၇)ရက်နေ့က နေပြည်တော်မှာရှိတဲ့ သူ့ရဲ့နေအိမ်မှာ ဗိုလ်ချုပ်မှူးကြီးေ ဟာင်း ဦးသန်းရွှေက KNU ခေါင်းဆောင်တွေကို ဖိတ်ခေါ် တွေ့ဆုံခဲ့တာဖြစ်ပါတယ်။ ဘာအကြောင်းအရာတွေ ဆွေးနွေးခဲ့ကြသလဲဆိုတာ အသေးစိတ် မသိရပေမယ့် ငြိမ်းချမ်းရေးကိစ္စ သဘောထား အမြင်တွေ ဖလှယ်ဖို့ ဖြစ်နိုင်တယ်လို့ အများက သုံးသပ်နေကြပါတယ်။

အခုလို စစ်အာဏာရှင်ဟောင်း တဦးအဖြစ် နာမည်ကြီးခဲ့တဲ့ ဦးသန်းရွှေအနေနဲ့ လက်နက်ကိုင် တိုင်းရင်းသားအဖွဲ့ဖြစ်တဲ့ KNU ကရင် ခေါင်းဆောင်တွေနဲ့ တွေ့ဆုံ မှုကို အများပြည်သူသိအောင် ထုတ်ပြန်တာဟာ လက်ရှိ မြန်မာ့တပ်မတော်ရဲ့နောက် ကွယ်မှာ သူရှိနေသေးတယ် ဆိုတာ ထင်ထင်ရှားရှား ပြသလိုက်တာ ဖြစ်တယ် လို့ မြန်မာစစ်ရေးလေ့လာ သုံးသပ်နေတဲ့ စစ်ထောက်လှမ်းရေး အရာရှိဟောင်း ဦးအောင်လင်းထွဋ်က ပြောပါတယ်။

“ ကျနော့်အမြင် ပွင့်ပွင့်လင်းလင်း ပြောရရင်တော့ ဗိုလ်ချုပ်မှူးကြီးသန်းရွှေက အခု ချိန်ထိလည်း ဒီတပ်မတော်ရဲ့ နောက်ကွယ်မှာ ရှိနေသေးတယ်။ အရင်တုန်းကတော့ တပ်မတော်ရဲ့ နောက်ကွယ်ရယ် ..နောက် ပါတီပေါ့လေ ပြည်ခိုင်ဖြိုးရဲ့နောက်ကွယ် မှာ ရှိတယ်ဆိုတဲ့ဟာ ကတော့ ထင်ထင်ရှားရှားတွေ့ ရပါလိမ့်မယ်။ ဒီကြားထဲမှာ အခုပေါ့လေ ဗိုလ်ချုပ်မှူးကြီးသန်းရွှေက ဒေါ်အောင်ဆန်းစုကြည်နဲ့ တွေ့တာတခါပေါ် လာတယ်။ အခုတခါ မူတူးဆေးဖေါနဲ့ တွေ့တာပေါ်လာတယ်။ ဒါကိုကြည့်ခြင်း အားဖြင့်တော့ ဗိုလ်ချုပ်မှူးကြီးသန်းရွှေ လုံးဝ အနားယူသွားတယ် ဆိုတာက လုံးဝ မဖြစ်နိုင်ပါဘူး ”

မေး။ ။ လက်ရှိ မြန်မာနိုင်ငံ မြောက်ပိုင်းနယ်စပ်မှာ စစ်ရေးအရ တင်းမာတဲ့ အခြေ အနေဖြစ်ပေါ်နေချိန်မှာ အခုလို တိုင်းရင်းသားလက်နက်ကိုင် အဖွဲ့တဖွဲ့ရဲ့ ခေါင်းေ ဆာင်တွေနဲ့ဦးသန်းရွှေက တွေ့ဆုံတာဟာ သူ့အနေနဲ့ ငြိမ်းချမ်းရေးကို လိုလားတယ် ဆိုတာ ပြသချင်တယ်လို့ရော မြင်လို့ မရဘူးလားရှင့်။

“ အဲဒီတော့ ဗမာပြည်နိုင်ငံရေးမှာ စစ်တပ်က တကယ့်ကို ရိုးရိုးသားသားနဲ့ တိုင်းပြည် အတွက်ကို ရိုးရိုးသားသား ဖြစ်မယ် ရှိမယ်ဆိုရင်၊ အခုလက်ရှိ အခြေအနေမှာ တကယ့်တကယ် ဒေါ်အောင်ဆန်းစုကြည် ဦးဆောင်မှု အောက်မှာ ရှိသင့်ပါတယ်။ ဘာဖြစ်လို့လည်းဆိုတော့ အခု ဖြစ်နေတဲ့ အခြေအနေ အားလုံးဟာ- ကျနော်က စစ်သားတယောက်ဖြစ်နေတော့ မဝေဖန်လိုပေမယ့် တကယ့် တကယ် ဖြစ်သင့် ဖြစ်ထိုက် တာက ငြိမ်းချမ်းရေး ပင်လုံညီလာခံ မလုပ်ခင်မှာ ကတည်းကိုက စစ်တပ်ကလည်း အပစ်ရပ်တာကို အရင်ဆုံး ကြေညာသင့်ပါတယ်။ ပြီးရင် တိုင်းရင်းသားတွေ ဘက်ကလည်း အပစ်ရပ်ကြ၊ မရပ်တဲ့လူကတော့ လူဆိုးပေါ့ဗျာ။ အဲလိုဖြစ်သင့်တယ်ဗျ။ နောက်တခါ စစ်တပ်က အင်အား ကြီးတဲ့ အဖွဲ့ အစည်း ဖြစ်တဲ့အတွက်ကြောင့်မို့ သူဟာ အကိုကြီးတယောက်အနေနဲ့ ကိုယ်ချင်း စာနာ တတ်ဖို့လိုတယ်။ အခုဟာက တို့ထိတို့ထိနဲ့ .. ကျနော်တို့ အရင်သတ်မှတ် ထားတဲ့နယ်မြေတွေ ရှိတယ်။ ဒါတွေကို ကျော်ပြီးတော့ သူတို့အနားထိကို သွား ပြီးတော့မှ သွေးတိုးစမ်းပြီး ရှမ်းနဲ့လည်း သွားလုပ်လိုက် ကချင်ကိုလည်း သွားလုပ် လိုက် ပလောင်ကိုလည်း သွားလုပ်လိုက်နဲ့ အဲလိုသွားပြီးတော့ ဗိုလ်ကျသလို ဖြစ်နေတယ် .. ဒါကျနော့်အမြင်ပေါ့လေ။တိုင်းရင်းသားတွေဖက်ကလည်း အခု လိုပေါ့လေ မူဆယ်တို့ ကားလမ်းတို့ လူတွေဒုက္ခရောက်အောင် မလုပ်သင့်ဘူးဗျ။ ပစ်ချင်းပစ် တပ်စခန်းတွေ တိုက်တာကိုတော့ ကျနော်မပြောလိုဘူး။ နယ်မြေ သပ်သပ်မှတ်မှတ် မရှိတဲ့အခါကျတော့ ဒီစစ်ပွဲ တွေက ဖြစ်နေကျပါပဲ။ စစ်ပွဲတွေ ပစ်နေခတ်နေသမျှတော့ နိုင်ငံရေးစကားပြောတယ်ဆိုတာက ဘယ်လိုမှ အဓိပ္ပါယ် မရှိပါဘူးဗျ။

KNU ဥက္ကဌ မူတူးစေးဖေါကို ကြိုဆိုနှုတ်ဆက်နေတဲ့ (သမ္မတဟောင်း) ဦးသိန်းစိန်
နေပြည်တော်ကိုရောက်နေတဲ့ KNU ဥက္ကဌ စောမူတူးဆေးဖိုး ခေါင်းဆောင်တဲ့ ကိုယ်စားလှယ်အဖွဲ့နဲ့ စနေနေ့က တွေ့ဆုံခဲ့တဲ့ ပြည်ထောင်စုလွှတ်တော်ရဲ့ ဥပဒေ ဆိုင်ရာ သုံးသပ်ရေးကော်မရှင် ဥက္ကဌ သူရဦးရွှေမန်းကတော့ ငြိမ်းချမ်းရေးနဲ့ ပတ်သက်ပြီး သဘောထားအမြင်တွေကို ဆွေးနွေးခဲ့ကြောင်း သတင်းထောက်ေ တွကို တွေ့ဆုံပွဲအပြီးမှာ အခုလို ပြောကြားခဲ့ပါတယ်။

“ ဘာပဲဖြစ်ဖြစ် ကောင်းသောတွေ့ဆုံမှု၊ ငြိမ်းချမ်းရေးရရှိရေးအတွက် သူတို့အမြင် သူတို့သဘောထားတွေ ပြောပြတယ်။ ငါတို့ကလည်း ငြိမ်းချမ်းရေး လိုချင်တဲ့ ပုဂ္ဂိုလ်များ ဖြစ်တဲ့အတွက် ကိုယ့်အမြင်ကိုယ့်သဘောထားတွေ ပြောတယ်။ အဲဒီ ထဲမှာ ငြိမ်းချမ်းရေးအတွက် ကြိုးစားအားထုတ် သူမှန်သမျှကို ကိုယ်တို့က အင်မတန် မှ လေးစားတယ်ေ၊ တန်ဖိုးလည်း ထားတယ်ဆိုတာလည်း ပြောလိုက်ပါတယ်”

အလားတူ KNU ခေါင်းဆောင်တွေဟာ သမ္မတဟောင်း ဦးသိန်းစိန်နဲ့လည်း မနေ့က နေပြည်တော်မှာ တွေ့ဆုံခဲ့တာပါ။နိုဝင်ဘာလ (၂၅)ရက်နေ့က တပ်မတော် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်နဲ့ KNU ခေါင်းဆောင်တွေ တွေ့ ဆုံဆွေးနွေးရာမှာတော့ ၂၁ ရာစုပင်လုံ ညီလာခံ ကျင်းပနိုင်ရေး၊ နိုင်ငံရေးတွေ့ဆုံေ ဆွးနွေးပွဲတွေနဲ့ နှစ်ဖက်တပ် နေရာချထားရေးကိစ္စတွေကို ဆွေးနွေးခဲ့ကြကြောင်း ကာကွယ်ရေးဦးစီးချုပ်ရုံးရဲ့ သတင်းထုတ်ပြန်ချက်မှာ ဖေါ်ပြထားပါတယ်။ KNU ကရင် အမျိုးသားအစည်းအရုံးဟာ သမ္မတဟောင်း ဦးသိန်းစိန် အစိုးရလက်ထက် NCA အပစ်အခတ်ရပ်စဲရေးစာချုပ်မှာ လက်မှတ်ရေးထိုးထားတဲ့ အဓိက တိုင်းရင်းသား လက်နက်ကိုင်အဖွဲ့ကြီး တခုဖြစ်ပါတယ်။

အင်ကြင်းနိုင်/ ဗွီအိုအေ (မြန်မာပိုင်း)
http://burmese.voanews.com



ဆိုက်ရာနိုက် ဆေးရည် ကို တိုက်ရိုက် စွန့်ပစ်လို့ ပတ်ဝန်းကျင် ထိခိုက်
မန္တလေးတိုင်း စဉ့်ကူးမြို့နယ် ကံတောင်ရွာနားမှာ ရွှေတူးဖေါ်ထုတ်လုပ်တဲ့ ပုဂ္ဂလိက ကုမ္ပဏီတခုရဲ့ စွန့်ပစ် ရေဆိုးတွေက လူတိရိစ္ဆာန် နဲ့ ပတ်ဝန်းကျင် ထိခိုက်တယ် ဆိုတဲ့ တိုင်တန်းချက် တွေ ရှိခဲ့ပါတယ်။

အဆိုပါ တိုင်တန်းချက် နဲ့ ပတ်သက်ပြီး စစ်ဆေးရေး အဖွဲ့ ဖွဲ့ပြီး စစ်ဆေးခဲ့ရာမှာတော့ တိုင်တန်းချက် အတိုင်း စစ်ဆေး တွေ့ ရှိရတယ်လို့ တာဝန်ရှိသူ တစ်ဦး က ပြောပါတယ်။

စဉ့်ကူးမြို့နယ် ရှောက်ပင်ရိုးအုပ်စု ကျည်တောက်ပေါက်ကျေးရွာနဲ့ကံတောင်ရွာ ကြားမှာ ရှိတဲ့ ထက်ရည်လင်းကုမ္ပဏီရဲ့ ရွှေချက်စက်ရုံဟာ ဆိုက်ရာနိုက် ဆေးရည် ကို တိုက်ရိုက် စွန့်ပစ်လို့ ပတ်ဝန်းကျင် ထိခိုက်တယ် ဆိုပြီး ဒေသခံတွေက တိုင်ကြား အပြီး တပတ်အကြာမှာ သက်ဆိုင်ရာက ဝင်ရောက် စစ်ဆေး ခဲ့ တာပါ။

အမျိုးသား လွှတ်တော် သယံဇာတနဲ့ သဘာဝ ပတ် ဝန်းကျင် ထိမ်းသိမ်း ရေး ကော်မတီ က စစ်ဆေးတာမှာ ဒေသခံတွေ တိုင်ကြား ခဲ့သလို ထက်ရည်လင်း ကုမ္ပဏီ ရဲ့ ရေဆိုးစွန့်ပစ် ကန် က လူတွေ အပေါ်မှာ ထိခိုက်မှုတွေ ရှိနေတာကို တွေ့ရှိ ရတယ် လို့ ကော်မတီဝင် တစ်ဦး ဖြစ်တဲ့ ဦးထွန်းထွန်းဦး က ပြောပါတယ်။

စက်ရုံက စွန့်ထုတ်လိုက်တဲ့ ဆိုက်ရာနိုက် ဆေးရည်ကြောင့် ရေကို အသုံးပြု နေကြ ရတဲ့ ဒေသခံတွေမှာ အချိန်ကြာလာတာနဲ့ အမျှ ထိခိုက်မှု တွေ ရှိနေကြောင်း ကံတောင် ဒေသခံ ကိုအေးမင်းစိုးက ပြောပြပါတယ်။

ထက်ရည်လင်း ကုမ္ပဏီ ကတော့ သူတို့ စွန့်ပစ် လိုက်တဲ့ ဆိုင်ရာနိုက် ဆေးရည် လက်ကျန်ဟာ နိုင်ငံတကာ စံချိန်စံညွန်းနဲ့အညီ စွန့်ထုတ်တာမို့ ပတ်ဝန်းကျင် ထိခိုက် တာ သူတို့ကြောင့်မဟုတ်ဘူးလို့ စက်ရုံမှူး ဦးတင်ကို က ပြောပါတယ်။

သယံဇာတနဲ့ သဘာဝ ပတ်ဝန်းကျင် ထိမ်းသိမ်းရေး ကော်မတီဝင် အမျိုးသား လွှတ်တော် ကိုယ်စားလှယ် ဦးထွန်းထွန်းဦး ကတော့ တွေ့ရှိချက်တွေကို လွှတ်တော်ကို တင်ပြမှာ ဖြစ်ပြီး အရေးယူမှု တွေကို ကိုတော့ ကော်မတီ က ဆုံးဖြတ်ချ ချမှတ်မှာ ဖြစ်ပါတယ်။


BBC Burmese
http://www.bbc.com/burmese