12/08/16

( မလေးရှားဝန်ကြီးချုပ် Najib Razak (ပန်းရောင် အလယ်လူ) ဒီဇင်ဘာလ ၂ ရက်နေ့က တွေ့ရစဉ် ) Photo: Najib Razak's Facebook
ဂျကာတာ ပို့စ် Jakarta Post သတင်းစာမှာ ဒီဇင်ဘာ ၇ ရက်နေ့ ဖေါ်ပြချက်အရ ဝန်ကြီးချုပ် နာဂျစ် ရာဇတ်က အင်ဒိုနီးရှားသမ္မတ Joko Widodo ဂျိုကို ဝီဒိုဒို ကို လူထုစုဝေးပွဲကျင်းပပြီး မြန်မာပြည်မှာ ရိုဟင်ဂျာ မွတ်စလင်တွေ ဖိနှိပ်ခံနေရပုံကို ကန့်ကွက်ဆန္ဒပြဖို့ ဗီဒီယိုကနေတဆင့် တိုက်တွန်းလိုက်ကြောင်း သိရပါတယ်။

မလေးရှားဝန်ကြီးချုပ်က အာဆီယံ ပဋိညာဉ်မှာ အဖွဲ့ဝင်နိုင်ငံတခုရဲ့ ပြည်တွင်းရေးကို ဝင်ရောက်စွက်ဖက်ခြင်းမပြုရလို့ ပြဌာန်းထားတာကို နားလည်အသိအမှတ်ပြုပါကြောင်း၊ ဒါပေမဲ့ လူ့အခွင့်အရေးစံတွေကိုလည်း အာဆီယံက ထောက်ခံကြောင်း ပြောပါတယ်။

ဒါ့အပြင် အင်ဒိုနီးရှားရောက် ရိုဟင်ဂျာတွေကို ကာကွယ်စောင့်ရှောက်ကြပါလို့လည်း မလေးရှားဝန်ကြီးချုပ်က အင်ဒိုနီးရှားသမ္မတကို တိုက်တွန်းလိုက်ကြောင်း ဂျကာတာ ပို့စ် သတင်းစာမှာ ဖေါ်ပြထားပါတယ်။

RFA Burmese
https://www.facebook.com/rfaburmese

( ဓါတ်ပုံ - မလေးရှားနိုင်ငံ ကွာလာလမ်ပူမြို့မှာ တရားမဝင်နေထိုင်သူတွေကို ဖမ်းဆီးတဲ့စီမံချက်အရ ၂ဝ၁၃ စက်တင်ဘာ ၂ ရက်နေ့က ရဲဖမ်းဆီးထားတဲ့ မြန်မာနိုင်ငံသားတချို့ကို တွေ့ရစဉ် )
မြန်မာအစိုးရက မြန်မာနိုင်ငံက အလုပ်သမားတွေကို ထပ်မံစေလွှတ်ခြင်းမပြုတော့ဘူးဆိုရင် မိမိတို့ မလေးရှား ဒေသခံအလုပ်သမားတွေအနေနဲ့ အဲဒီလိုအပ်တဲ့နေရာတွေကို အစားထိုးဝင်ရောက်လုပ်ကိုင်ကြဖို့ မလေးရှား ပြည်သူ့အင်အားဝန်ကြီးဌာန ဒုတိယဝန်ကြီး Datuk Seri Ismail ဒါတု ဆာရီ အစ်စမိုင်းလ် က တိုက်တွန်းလိုက်ပါတယ်။

ကွာလာလမ်ပူမြို့မှာ မနေ့က ကျင်းပတဲ့ ပြည်သူ့အင်အား ဖွံ့ဖြိုးရေးညီလာခံမှာ မလေးရှား ဒုဝန်ကြီးက မလေးရှားနိုင်ငံရဲ့ အလုပ်သမားလိုအပ်ချက်ကို လက်ရှိမှာ အင်ဒိုနီးရှားနဲ့ ဘင်္ဂလားဒေ့ရှ် အပါအဝင် နိုင်ငံခြားတိုင်းပြည် ၁၄ ခုကဖြည့်ဆီးပေးနေကြောင်းလည်း ပြောပါတယ်။

RFA Burmese
https://www.facebook.com/rfaburmese



ဆီးရီးယားနိုင်ငံက IS စစ်သွေးကြွအဖွဲ့မှာ ခေါင်းဆောင်ပိုင်းတချို့ ထွက်ပြေးနေတာ တွေ့ရပြီး ဆီးရီးယားသူပုန်တွေ ထိန်းချုပ်ထားတဲ့ နယ်တွေထဲမှာ မကြာသေးခင်ကပဲ IS ထိပ်တန်းတပ်မှူး ၂ ဦး ထွက်ပြေးသွားခဲ့တယ်လို့ ဒေသခံတွေနဲ့ စောင့်ကြည့်အဖွဲ့က ပြောပါတယ်။

တူနီးရှားကနေ ရောက်လာတဲ့ ထိပ်တန်း တပ်မှူးတွေနဲ့ အီဂျစ်ဘက်ကလာတဲ့ တချို့ နောက်လိုက်တွေဟာ ဆီးရီးယားက IS အဖွဲ့ရဲ့ မြို့တော်အဖြစ် ခေါ်ဆိုကြတဲ့ Raqqa မြို့ကို စွန့်ခွာပြီး ဆီးရီးယား အနောက်မြောက်ပိုင်းက သူပုန်တွေ ထိန်းချုပ်ထားတဲ့ Idlib မြို့ဆီ ဦးတည် ထွက်ပြေးခဲ့ကြတယ်လို့ သတင်းတွေက ဖော်ပြပါတယ်။

စစ်သွေးကြွအဖွဲ့ရဲ့ အခြေနေဟာ တနေ့တခြား ဆိုးသထက် ဆိုးလာနေတယ်လို့ Raqqa က ပြောခွင့်ရ Hussam Eesa က ပြောပါတယ်။ Raqqa မြို့ထဲက အိုင်အက်စ်တွေရဲ့ လှုပ်ရှားမှုတွေကို သတင်းပို့နေတဲ့ တက်ကြွလှုပ်ရှားတဲ့ အဖွဲ့ကလည်း IS တွေဟာ တိတ်တဆိတ် သတ်ဖြတ်တာ ခံနေရကြောင်း ပြောဆိုပါတယ်။ IS အဖွဲ့ရဲ့ လှုပ်ရှားမှုတွေကို စောင့်ကြည့်နေတဲ့ ဒီအဖွဲ့က IS တပ်မှူးတွေ ထွက်ပြေးတာ မှန်ကန်ကြောင်း အတည်ပြုတယ်လို့လည်း Eesa က ပြောပါတယ်။

တချိန်က IS တွေ ထိန်းချုပ်ခဲ့တဲ့ Raqqa မြို့ရဲ့ မြောက်ပိုင်းမှာ ရှိတဲ ကျေးရွာတွေကို Kurd တွေ ဦးဆောင်တဲ့ ပြည်သူ့စစ်တွေက ဖြေးဖြေးချင်း တိုက်ခိုက်နေချိန်မှာ အဲဒီမြို့ထဲ အခိုင်အမာ တပ်စွဲနိုင်ဖို့ IS တွေက ကြိုးစားခဲ့တာပါ။ မြို့ပြင်က ရပ်ကွက်တွေမှာလည်း အမေရိကန် ဂျက်တိုက်လေယာဉ်တွေက ဗုံးတွေ ကြဲခဲ့တာ ဖြစ်ပါတယ်။ အမေရိကန် အရာရှိတွေကတော့ သူတို့ရဲ့ ထိုးစစ်ဆင်မှုကနေ Raqqa မှာရှိတဲ့ IS တွေကို ချေမှုန်းနိုင်မှာ ဖြစ်ကြောင်း အောက်တိုဘာ လထဲမှာပဲ ပြောဆိုခဲ့တာဖြစ်ပါတယ်။

တချိန်ထဲမှာပဲ ဆီးရီးယားနိုင်ငံ Aleppo မြို့မှာ အပစ်အခတ်တွေ ချက်ခြင်းရပ်စဲဖို့ အမေရိကန်ဦးဆောင်တဲ့ ညွန့်ပေါင်းအဖွဲ့က တောင်းဆို လိုက်ပါတယ်။ မြို့တွင်းက ပိတ်မိနေသူတွေအတွက် လူသားချင်းစာနာမှု အကူညီပေးနေတာတွေကို နှောင့်ယှက်ဖို့ ကြိုးစားမှုနဲ့လည်း ရုရှား တွေကို အပြစ်တင်ခဲ့ပါတယ်။ ကုလသမဂ္ဂရဲ့ Aleppo အတွက် ချမှတ်ထားတဲ့ အစီစဉ်ကို ဆီးရီးယားအစိုးရက သဘောတူဖို့နဲ့ လူသားချင်း စာနာမှု အကူညီတွေ Aleppo ကို ပေးခွင့်ပြုဖို့ ကနေဒါ၊ ပြင်သစ်၊ ဂျာမနီ၊ အီတလီ၊ ဗြိတိန်နဲ့ အမေရိကန်တို့က တောင်းဆိုလိုက်တာဖြစ် ပါတယ်။

 ဗွီအိုအေ (မြန်မာပိုင်း)
http://burmese.voanews.com




ရန်ကုန်တိုင်းဒေသကြီး ကျောက်တံတားမြို့နယ်(၆)ရပ်ကွက် ၃၈ လမ်းတွင် ဒီဇင်ဘာ ၇ ညနေ ၃ နာရီ ၃၀ မိနစ်ဝန်းကျင်ခန့်တွင် အနုကြမ်းစီးလုယက်မှု ဖြစ်ပွားခဲ့ကြောင်းသိရသည်။


ဖြစ်စဉ်မှာ ၃၈ လမ်း အလယ်ဘလောက်ရှိ Stylish Fashion Shop တိုက်အမှတ် ၁၃၇ တွင် မဇင်မာဝင်း(အရောင်းစာရေး)အလုပ်လုပ်နေစဉ် အမျိုးသားတဦးဆိုင်ထဲသို့ ၀င်လာ၍ ဓားထောက်လုယက်ခဲ့ကြောင်း သိရသည်။
“ကျွန်တော်တို့က ကောင်မလေးရဲ့ ဖြေကြားချက်အရသိရတာပါ။ လုယက်ခဲ့သူက အသက် ၃၀ ကျော်လောက်ရှိပြီး လူမျိုးခြားတယောက်ဖြစ်တယ်။ ၃ နာရီ ၂၀ လောက်က ၀င်လာပြီး ဓားထောက်တောင်းဆိုခဲ့တာ။ ဓားကတော့ လက်သည်းညှပ်အရွယ်ပုံသဏ္ဍာန်ဓားပဲ။ ကောင်မလေးကို ဓားနဲ့ထောက်ပြီး ဆွဲကြိုးရယ်၊ လက်စွပ်နှစ်ကွင်းရယ်ယူသွားပြီး ကောင်မလေးကို ရေချိုးခန်းထဲထည့်ပြီး အပေါက်ပိတ်ခဲ့တယ်”ဟု ကျောက်တံတားမြို့နယ် အမှတ် ၆ ရပ်ကွက် အုပ်ချုပ်ရေးမှူး ဦးခင်မောင်ဦးက ပြောသည်။


ကျူးလွန်သူမှာ ဆွဲကြိုး၊ လက်စွပ်နှစ်ကွင်းနှင့် လက်ကိုင်ဖုန်းတလုံး ယူဆောင်သွားကြောင်း တရားခံ၏ ဖိနပ်နှင့် အခြားသက်သေများစွာရရှိထားကြောင်း လက်ရှိတွင် တရားခံအား အမြန်ဆုံးဖမ်းမိရန် ကြိုးစားဆောင်ရွက်နေကြောင်း ကျောက်တံတားစခန်း ဒုရဲမှူးတိုးမြင့်ကပြောသည်။

ကျော်ကျော်
News Watch
https://www.facebook.com/NewsWatchJournal/


 

ဒီဇင်ဘာ ၇ ရက် နေ့က ပြုလုပ်ခဲ့တဲ့ ရှမ်းပြည်နယ် လွှတ်တော် အရေးပေါ် အစည်းအဝေး ကနေ မြောက်ပိုင်း မဟာမိတ် အဖွဲ့ဝင် တွေကို အကြမ်းဖက် အဖွဲ့တွေ အဖြစ် မဲခွဲ ဆုံးဖြတ် အတည် ပြုခဲ့ ပါတယ်။

ဒါဟာ အစိုးရ စစ်တပ်ဘက်က သူတို့ လိုချင်တဲ့ ဘောင်ကို မရမက သွပ်သွင်းပြီး၊ ပြည်ထောင်စု ငြိမ်းချမ်းရေး ပျက်စီး သွားတာပဲလို့ ကချင် လွတ်မြောက်ရေး တပ် KIA က ဘီဘီစီကို ပြောပါတယ်။

ဒါ့အပြင် မြန်မာ့ နိုင်ငံရေး တစ်ခုလုံး နောက်ကြောင်း ပြန်လှည့် သွားပြီး၊ တိုင်းရင်းသား တွေ ဘက်က တပ်မတော် အပေါ် မှာရော၊ ဒေါ်အောင်ဆန်းစုကြည် က လက်တွေ့အရ ဦးဆောင်မှု ပေးနေတဲ့ အစိုးရ အပေါ် မှာပါ ယုံကြည်မှု ဆုံးရှုံး သွား တယ် လို့လည်း KIA နည်းပညာ အထောက်အကူ ပြုအဖွဲ့ ပြောခွင့်ရ ဦးဒေါင်ခါး က ဆိုပါတယ်။

တခါ၊ TNLA တအာန်း ပလောင်အဖွဲ့ ရဲ့ အထွေထွေ အတွင်းရေးမှူး ဗိုလ်မှူးကြီး တာ့ဘုန်းကျော် ကလည်း ရှမ်းပြည်နယ် လွှတ်တော်တွင်း ဆုံးဖြတ်ချက် ဟာ တပ်မတော် ဘက်က မြောက်ပိုင်း မဟာမိတ် အဖွဲ့အပေါ် လူ့စည်း ဘီလူးစည်း ခွဲပြီး ဘယ်လောက် ခါးခါးသည်း ရှိသလဲ ဆိုတာ ဖော်ပြ လိုက်တာပဲ လို့ ဆိုပါတယ်။

ရှမ်းပြည်နယ် လွှတ်တော် ကနေ ဒီလို သတ်မှတ် တာဟာ မြန်မာ့ပြည်တွင်း ငြိမ်းချမ်းရေး ဖြစ်စဉ်ကို ပိုမို ရှုပ်ထွေး ထိခိုက် လာနိုင်တယ် ဆိုပြီး ပြည်နယ် လွှတ်တော်တွင်းနဲ့ လွှတ်တော်ပြင်ပ ဝေဖန်သံတွေ ထွက်နေပါတယ်။

ပြည်ထောင်စု လွှတ်တော်မှာလည်း ပြီးခဲ့တဲ့ သီတင်းပတ် တုန်းက မြောက်ပိုင်း မဟာမိတ် အဖွဲ့ဝင်တွေကို အကြမ်းဖက် အဖွဲ့တွေ အဖြစ် သတ်မှတ်ဖို့ တပ်မတော် ကိုယ်စားလှယ် တွေဘက်က ဆွေးနွေး ခဲ့ကြပေမယ့် အတည်ပြုတဲ့ အဆင့်ထိတော့ မရောက်ရှိ နိုင်ခဲ့ပါဘူး။                               #ဘီဘီစီမြန်မာပိုင်း



 ဘယ်သူ လက်သည်လည်း ဆိုတာ ရှင်းရှင်းလင်းလင်း မသိရ
အီရတ်နိုင်ငံမှာ အစ္စလာမ်မစ် နိုင်ငံအဖွဲ့ IS လက်နက်ကိုင်တွေ ထိန်းချုပ်ထားတဲ့ ရွာတစ်ရွာကို ပစ်မှတ်ထား ပြုလုပ်ခဲ့တဲ့ လေကြောင်း တိုက်ခိုက်မှု တစ်ခုအတွင်း အရပ်သား အယောက် ၆ဝ ကျော် သေဆုံးသွားပါတယ်။

သေဆုံးသူ စုစုပေါင်း ၆၃ ယောက် ရှိပြီး၊ အဲဒီထဲက ထက်ဝက်လောက်ဟာ အမျိုးသမီးနဲ့ ကလေးသူငယ်တွေ ဖြစ်တယ်လို့ ဆီးရီးယားနဲ့ နယ်စပ် အနီးက ကွာအမ် ဆိုတဲ့ နေရာမှာ ရှိတဲ့ ကျန်းမာရေး ဝန်ထမ်းတွေက ပြောပါတယ်။

IS တွေ အခြေစိုက် ထားတဲ့ ဗလီဝတ်ကျောင်း တစ်ခုကို တိုက်ခိုက် တာကနေ အမှားအယွင်း ဖြစ်ပြီး ၊ အနီးနားက လူနေအိမ်တွေကို ထိမှန် ခဲ့တဲ့ အတွက် အခုလို အရပ်သားတွေ သေဆုံး ကုန်တာ ဖြစ်တယ်လို့ ကနဦး ထွက်လာတဲ့ သတင်းတွေက ဆိုပါတယ်။

IS တွေကို အမေရိကန် ဦးဆောင်တဲ့ မဟာမိတ် အဖွဲ့ကရော၊ အီရတ် အစိုးရတပ်ကပါ လေကြောင်း တိုက်ခိုက်နေကြတာ ဖြစ်ပြီး၊ အခု ဖြစ်ရပ်မှာ ဘယ်သူ လက်သည်လည်း ဆိုတာ ရှင်းရှင်းလင်းလင်း မသိရ သေးပါဘူး။

ဒီအချိန်မှာပဲ၊ အီရတ် နိုင်ငံထဲ IS တွေရဲ့ အဓိက ခြေကုပ်မြို့ ဖြစ်တဲ့ မိုဆိုးလ်ကို ပြန်လည် သိမ်းပိုက် နိုင်ဖို့ နောက်ထပ် နှစ်လ အချိန်ယူရ ဦးမယ် ဆိုပြီး အီရတ်မှာ တိုက်ခိုက် နေတဲ့ အမေရိကန် ဦးဆောင်တဲ့ မဟာမိတ် အဖွဲ့ရဲ့ တပ်မှုး ဗိုလ်ချုပ်ကြီး စီတီဖင် တောင်ဆင် က ပြောပါတယ်။

မဟာမိတ် အဖွဲ့ရဲ့ အထောက်အပံ့ အကူအညီနဲ့ အီရတ် အစိုးရ တပ်ဖွဲ့တွေဟာ မိုဆိုးလ် မြို့သိမ်းစစ် အပြင်းအထန် ဆင်နွှဲနေတာ သီတင်းပတ် တချို့ ကြာမြင့် နေပြီ ဖြစ်ပါတယ်။

IS တွေဟာ ထိန်းချုပ်မြေတွေ အားလုံး တစ်နေ့မှာ လက်လွှတ် ဆုံးရှုံးရမယ် ဆိုတာ သဘောပေါက် လာမှာ ဖြစ်ပြီး ပြောက်ကျား စစ် အဖြစ် သက်ဆင်း လျော့ကျ သွားလိမ့်မယ် ဆိုပြီး ဗိုလ်ချုပ်ကြီး တောင်ဆင်က ပြောပါတယ်။

ဒါပေမယ့် IS အဖွဲ့ တည်ရှိ နေသ၍ အနောက်နိုင်ငံတွေကို တိုက်ခိုက်ဖို့ ကြံစည် ကြိုးပမ်း နေကြဦးမှာပဲ လို့လည်း ဗိုလ်ချုပ်ကြီး တောင်ဆင်က ဆိုပါတယ်။
BBC Burmese

ထရမ့်က အရွေးချယ်ခံရလို့ အလွန် ဝမ်းသာ ဂုဏ်ယူမိ

တိုင်း မဂ္ဂဇင်း က အမေရိကန် ရွေးကောက်ခံ သမ္မတ ဒေါ်နယ် ထရမ့် ကို ၂၀၁၆ အတွက် ထူးခြား အသိအမှတ် ပြုရမယ့် ပုဂ္ဂိုလ် Person of the Year အဖြစ် ရွေးချယ်လိုက်ပါတယ်။

အမေရိကန် အိမ်ခြံမြေ သူဌေးကြီး နဲ့ တီဗီ အစီအစဉ် တင်ဆက်သူ ထရမ့်ဟာ မစ္စစ် ဟီလာရီ ကလင်တန်ကို အနိုင်ယူပြီး အမေရိကန် သမ္မတ အဖြစ် အရွေးချယ် ခံခဲ့ရသူပါ။

ဒီတခါလည်း ဟီလာရီနဲ့ ရုရှ သမ္မတ ပူတင် ၊ နောက် ဗြိတိန် အီးယူ က ခွဲထွက်ရေးမှာ အောင်မြင်စွာ စည်းရုံးနိုင်ခဲ့တဲ့ ယူကစ်ပါတီ ခေါင်းဆောင် နိုင်ဂျယ် ဖရာ့ခ်ျနဲ့ Facebook ရဲ့ CEO မာ့က် ဇူကာဘက် တို့ကို ကျော်ပြီး တိုင်းမ် မဂ္ဂဇင်းရဲ့ တနှစ် အတွင်း ထင်ရှားတဲ့ ပုဂ္ဂိုလ်အဖြစ် အရွေးခံရပါတယ်။

NBC ရုပ်မြင်သံကြားမှာ ပြုလုပ်တဲ့ မေးမြန်းခန်းမှာတော့ မစ္စတာ ထရမ့်က ဒါဟာ သူ့အတွက် အလွန်ကို ဝမ်းသာ ဂုဏ်ယူစရာ ဖြစ်မိကြောင်း ပြောခဲ့ ပါတယ်။

မစ္စတာ ထရမ့်ဟာ အမေရိကန် နိုင်ငံရေး စည်းမျဉ်းတွေကို ပြန်ရေးဆွဲခဲ့သူလို့ တိုင်း မဂ္ဂဇင်းက ဆိုပါတယ်။

တိုင်း မဂ္ဂဇင်းက အုပ်ချုပ်မှု အယ်ဒီတာ ဘန်ဂိုးဘာဂါ ပြောတာက ထရမ့်ကို ရွေးတာဟာ လွတ်လပ်တဲ့ ကမ္ဘာကြီး ရဲ့ အသစ်တက်မယ့် ခေါင်းဆောင်မို့သာ မကပါဘူး၊ အမေရိကန်နဲ့ ကမ္ဘာ့ နိုင်ငံရေး ဇာတ်ခုံကိုပါ အပြောင်းအလဲကြီး တခု ဆောင်ကြဉ်းနိုင်လို့ပါလို့ ရှင်းပြပါတယ်။

တိုင်း မဂ္ဂဇင်းက အရင်ကလည်း အမေရိကန် သမ္မတ အဖြစ် အရွေးကောက် ခံရသူတွေကို တင်ခဲ့ဖူးပါတယ်။

ဒါပေမဲ့ ထရမ့်အပါအဝင် တိုင်းမ်က ရွေးတဲ့သူတွေဟာ အမြဲတမ်း ကြီးကျယ် မြင့်မြတ်သူတွေတော့ မဟုတ်ကြပါဘူး။

၂ဝ၁၃ တုန်းကတော့ အမေရိက တိုက်က ပထမဆုံးတက်တဲ့ ပုပ်ရဟန်းမင်း ဖရန်ဆစ်ကို ရွေးခဲ့သလို ၂ဝဝ၇ ခုနှစ်တုန်းကတော့ မစ္စတာ ထရမ့် လေးစား အားကျ တယ်ဆိုတဲ့ ရုရှ သမ္မတ ပူတင် ကို ရွေးခဲ့ပါတယ်။

အဲဒီတုန်းက တိုင်း က ရေးတဲ့ မှတ်ချက်စကားက ဒီရွေးချယ်မှုဟာ ဂုဏ်ပြု ထောက်ခံတာမျိုး မဟုတ်ကြောင်းနဲ့ ကမ္ဘာကို အကောင်းအဆိုး ၂ မျိုးလုံး ဖန်တီးနိုင်တဲ့ အာဏာ အရှိဆုံး သူတယောက်အဖြစ်သာ အသိအမှတ်ပြုတာပါလို့ ရေးခဲ့ပါတယ်။

ဒါ့အပြင် ၁၉၆၃ ကလည်း လူမည်း အခွင့်အရေး လှုပ်ရှားမှု ခေါင်းဆောင် မာတင် လူသာကင်းနဲ့ ၁၉၃၈ တုန်းကတော့ ဂျာမနီက နာဇီ အာဏာ ရှင် ဟစ်တလာကို ရွေးခဲ့ဖူးပါတယ်။

ပထမဆုံး အမျိုးသမီးထဲက အရွေးခံရသူကတော့ အမေရိကန်သူ ဝေါလစ် ဆင်ပဆင်ပါ။ သူ့ကို လက်ထပ်ဖို့ ဗြိတိသျှ နန်းကို စွန့်ခဲ့တဲ့ အဋ္ဌမမြောက် အက်ဒွပ် ဘုရင်နဲ့ သူတို့ အချစ်ဇာတ်လမ်း ပေါ်တဲ့နှစ်မှာ အရွေးခံခဲ့ရတာပါ။
BBC Burmese

 ဒီဇင်ဘာလ ၇ ရက်နေ့ စတုတ္ထအကြိမ် ပြန်လည်စတင်ကျင်းပတဲ့ မွန်ပြည်နယ်လွှတ်တော် အစည်းအ၀း ပထမနေ့မှာ ၀န်ကြီးချုပ် ဦးမင်းမင်းဦး က မိန့်ခွန်းပြောကြားနေစဉ် ဒီဇင်ဘာလ ၇ ရက်နေ့ စတုတ္ထအကြိမ် ပြန်လည်စတင်ကျင်းပတဲ့ မွန်ပြည်နယ်လွှတ်တော် အစည်းအ၀း ပထမနေ့မှာ ၀န်ကြီးချုပ် ဦးမင်းမင်းဦး က မိန့်ခွန်းပြောကြားနေစဉ်
Photo: Kyaw Lwin Oo/RFA

လွှတ်တော်ကိုယ်စားလှယ်တွေဟာ မေးပြီးသားအဆိုတွေနဲ့ မေးခွန်းတွေကို ပြန်လည်မေးမြန်းနေကြတယ်လို့ မွန်ပြည်နယ်ဝန်ကြီးချုပ် ဦးမင်းမင်းဦး က မွန်ပြည်နယ်လွှတ်တော်မှာ မနေ့က ပြောကြားခဲ့ပါတယ်။

စတုတ္ထအကြိမ် ပြန်လည်စတင်ကျင်းပတဲ့ မွန်ပြည်နယ်လွှတ်တော် အစည်းအ၀း ပထမနေ့မှာ ၀န်ကြီးချုပ် ဦးမင်းမင်းဦး က မိန့်ခွန်းပြောကြားခဲ့တာဖြစ်ပါတယ်။

"ပထမအကြိမ် လွှတ်တော်တွင် ဖြေဆိုပြီးဖြစ်သော မေးခွန်းများကို ပြန်လည်မေးမြန်းခြင်း၊ ကိစ္စတစ်ခုကို လွှတ်တော်ကိုယ်စားလှယ်တစ်ဦးက အဆိုတင်သွင်းပြီး ကိုယ်စားလှယ်တစ်ဦးက မေးခွန်းမေးမြန်းခြင်း တို့ကို တွေ့ရှိရပြီး တချို့သောအဆိုများသည် မေးခွန်းအဖြစ်သာ မေးမြန်းသင့်သောကိစ္စရပ်များဖြစ် သဖြင့် မေးခွန်းအဖြစ်သာ ပြင်ဆင်မေးမြန်းနိုင်ပါရန် လွှတ်တော်ဥက္ကဌမှ ဆောင်ရွက်ပေးသင့်ပြီး လွှတ်တော်မှ အတည်ပြုခဲ့သည့် တချို့အဆိုများသည် အကောင်အထည်ဖော်ဆောင်ရွက်ရန် အခက်အခဲများရှိသကဲ့သို့ တချို့အဆိုများသည်လည်း လွှတ်တော်မှာပြဌာန်းခဲ့သည့် ဥပဒေများအား လွှမ်းမိုးလျှက်ရှိကြောင်း တွေ့ရှိရသဖြင့် ဥပဒေကိုကျော်လွန်ပြီး အကောင်အထည်ဖော်ဆောင်ရွက်၍ မရနိုင်သည့် အခြေအနေရှိနေသည်ကို တွေ့ရှိ ရပါကြောင်း ပြောကြားလိုပါတယ်"

အစိုးရသစ်လက်ထက်အတွင်း မွန်ပြည်နယ်လွှတ်တော်မှာ အဆိုပေါင်း ၁၉ ခု နဲ့ မေးခွန်းပေါင်း ၆၆ ခု မေးမြန်း ခဲ့ပါတယ်။

မွန်ပြည်နယ် ပြည်နယ်ဝန်ကြီးချုပ် ဦးမင်းမင်းဦးဟာ အကျင့်ပျက်မှုတွေနဲ့ တိုင်ကြားခံရလို့ NLD ပါတီ ဗဟို က လေ့လာသုံးသပ်ရေးအဖွဲ့ ဖွဲ့ပြီး စစ်ဆေးမေးမြန်းခံနေရသူ ဖြစ်ပါတယ်။
RFA



အင်ဒိုနီးရှား နိုင်ငံခြားရေး ၀န်ကြီးနဲ့ မြန်မာနိုင်ငံခြားရေးဝန်ကြီး ဒေါ်အောင်ဆန်းစုကြည် (Ministry of Foreign Affairs Myanmar)
ဒေါ်အောင်ဆန်းစုကြည်နဲ့ အင်ဒိုနီးရှား နိုင်ငံခြားရေး ၀န်ကြီးတို့ ရခိုင်ဒေသတွင်း ကြုံတွေ့နေရတဲ့ အခြေအနေတွေနဲ့ ဖွံ့ဖြိုးရေး ကိစ္စတွေ ကို ဆွေးနွေးခဲ့ကြပါတယ်။ မြန်မာ အစိုးရရဲ့ ဒေသတွင်း တည်ငြိမ်ရေး လုပ်ငန်းစဉ်တွေမှာ လူ့အခွင့်အရေးကို လေးစားသမှုနဲ့ အကာအကွယ်ပေးဖို့ မျှော်လင့်တဲ့ အကြောင်းလည်း အင်ဒိုနီးရှား နိုင်ငံခြားရေး ၀န်ကြီးက ပြောဆိုပါတယ်။ ဒါ့အပြင် ရခိုင်ပြည်နယ်တွင်း ဖွံ့ဖြိုးရေး အကူအညီတွေကိုလည်း ဆွေးနွေးခဲ့ကြပါတယ်။ မသိဂီ င်္ထိုက် စုစည်းတင်ပြထားပါတယ်။

အင်ဒိုနီးရှား နိုင်ငံခြားရေး ၀န်ကြီး Retno Marsudi အင်္ဂါနေ့ ညနေပိုင်းမှာ မြန်မာနိုင်ငံကို ဆိုက်ရောက်လာပြီး နိုင်ငံတော် အတိုင်ပင်ခံ ပုဂ္ဂိုလ် ဒေါ်အောင်ဆန်းစုကြည်နဲ့ မတည်မငြိမ် ဖြစ်နေတဲ့ ရခိုင် အရေး ဆွေးနွေးခဲ့ပါတယ်။ ရခိုင်ပြည်နယ်တွင်းက အခြေအနေတွေပေါ်မှာ အင်ဒိုနီးရှား နိုင်ငံရဲ့ စိုးရိမ်ချက်တွေကို ဆွေးနွေးကြတာမှာတော့ ဒေသတွင်း တည်ငြိမ်ရေး ဆောင်ရွက်ချက်တွေမှာ အထူးသဖြင့် လူနည်းစု မွတ်စလင်တွေ အပါအ၀င် ရခိုင်ဒေသတွင်းက လူမှုအသိုင်းအ၀ိုင်း တခုလုံးရဲ့ လူ့အခွင့်အရေးကို လေးစားပြီး အကာအကွယ်ပေးဖို့လည်း မျှော်လင့်တဲ့ အကြောင်း အင်ဒိုနီးရှား နိုင်ငံခြားရေး ၀န်ကြီးက ပြောဆိုခဲ့ပါတယ်။ ရခိုင်ဒေသတွင်း အခြေအနေတွေကို ဖြေရှင်းနိုင်ဖို့ အတွက် အဓိက သော့ချက်ကတော့ လူမှုအသိုင်းအ၀ိုင်း တခုလုံး တူညီတဲ့ အခွင့်အရေးနဲ့ တာဝန်တွေ ရရှိဖို့ ဖြစ်ပါတယ်လို့လည်း အင်ဒိုနီးရှား နိုင်ငံခြားရေး ၀န်ကြီးရဲ့ ခရီစဉ် အပြီး ထုတ်ပြန်ချက်မှာ ပြောဆိုထားပါတယ်။

ဒါ့အပြင် ရခိုင်ဒေသတွင်း ဖွံ့ဖြိုးရေး အကူအညီတွေပေးအပ်နိုင်ရေး အတွက်လည်း နှစ်ဘက်တို့ ဆွေးနွေးခဲ့ကြပါတယ်။ မြန်မာနိုင်ငံ အနေနဲ့ကတော့ ရခိုင်ပြည်နယ်တွင်းက လူမှု အသိုင်းအ၀ိုင်း တခုလုံး အတွက် မျှမျှတတ ရှိမယ့် အကူအညီတွေဆိုရင် ပူးပေါင်းဆောင်ရွက်သွားမှာ ဖြစ်တယ်လို့မြန်မာ နိုင်ငံခြားရေး ၀န်ကြီးဌာန အမြဲတမ်း အတွင်းဝန် ဦးကျော်ဇေယျက ပြောပါတယ်။

“အင်ဒိုနီးရှားကတော့ အစောကြီးကတည်းက သူတို့ ကြုံတဲ့အခါမှာ ကူညီဖို့ သူတို့ အမြဲတမ်းပြောပါတာရှိပါတယ် သူတို့ဆေးပေးခန်းတွေပေါ့ ၊ ဆေးပေးခန်းတွေဆောက်ပေးမယ် ၂ ဘက် အသိုင်းအ၀ိုင်းအတွက် ကျောင်းဆိုရင်လည်း ၂ ဘက်အသိုင်းအ၀ိုင်းအတွက် ကျောင်းဆောက်ပေးမယ် ဒါမျိုးလေးတွေပြောထားတာ ရှိပါတယ်။ ဘာပဲပြောပြော ကျနော်တို့ အမြဲတမ်းရပ်တည်တဲ့အချက်ကတော့ ရခိုင်နဲ့ပတ်သက်ပြီး အကူအညီပေးမယ်ဆိုရင် လူမှုအဖွဲ့အစည်း ၂ ခုလုံးကို မျှမျှတတ ကူညီပေးမယ်ဆိုရင် ကျနော်တို့ကလက်ခံ ပြီးပူးပေါင်းဆောင်ရွက်ဖို့ ကျနော်တို့ မူအနေနဲ့သွားတာ ရှိပါတယ်။ အဲဒီတော့ သူတို့ ကလည်း လူမှုအဖွဲ့အစည်း ၂ ခုလုံးကို သဘောက ကျောင်းပဲဆောက်ဆောက် ၊ ဆေးခန်းပဲ ဆောက်ဆောက် အတူတူဆိုရင်တော့ ဘာပဲပြောပြော ကျနော်တို့လည်း လက်ခံပြီးတော့ ပူးပေါင်းဆောင်ရွက်သွားဖို့ လုပ်မှာပါ။”

ရခိုင်အရေးကို ဖြေရှင်းတဲ့ နေရာမှာ လူမှုအသိုင်းအ၀ိုင်း တခုလုံး ဖွံ့ဖြိုးတိုးတက်ရေး၊ နောက် လူသားချင်းစာနာထောက်ထားမှု ဆိုင်ရာ အကူအညီတွေ ရရှိရေးအရေးကြီးတယ်ဆိုတာကိုတော့ ဒေါ်အောင်ဆန်းစုကြည်ရော ၊ အင်ဒိုနီးရှား နိုင်ငံခြားရေး ၀န်ကြီးကရော သဘောတူကြတယ်လို့ အင်ဒိုနီးရှား နိုင်ငံခြားရေး ၀န်ကြီးဌာနရဲ့ ကြေညာချက်မှာ ဖော်ပြထားပါတယ်။ ရခိုင်ပြည်နယ် မောင်တော ဒေသတွင်း မြန်မာ အစိုးရ နယ်ခြားစောင့် စခန်း ၃ ခု အကြမ်းဖက် တိုက်ခိုက်ခံရမှု နောက်ပိုင်း အင်ဒိုနီးရှား အစိုးရဘက်က ဒေသတွင်း လူသားချင်း စာနာထောက်ထားမှုဆိုင်ရာ အကူအညီတွေ ပေးအပ်တဲ့ အပေါ်မှာလည်း ဒေါ်အောင်ဆန်းစုကြည်က ကျေးဇူးတင်ကြောင်း ပြောဆိုခဲ့ပါတယ်။

ရခိုင်ပြည်နယ်တွင်းမှာ အင်ဒိုနီးရှား နိုင်ငံက ဖွံ့ဖြိုးရေးနဲ့ လူသားချင်းစာနာထောက်ထားမှုဆိုင်ရာ အကူအညီတွေ ပေးအပ်နေတာ ဖြစ်ပါတယ်။

ရခိုင်ဒေသတွင်း ဆောက်လုပ်ပြီးစီးသွားတဲ့ စာသင်ကျောင်း ၂ ကျောင်း အတွက် အကူအညီပေးအပ်ခဲ့သလို စာသင်ကျောင်း ၆ ခု ဆောက်လုပ်ရေးမှာလည်း အထောက်အကူတွေ ပေးအပ်ခဲ့တာပါ။ ဒါ့အပြင် ဆေးရုံတခု ဆောက်လုပ်ဖို့လည်း အင်ဒိုနီးရှား အစိုးရက စီစဉ်ထားပါတယ်။ ရခိုင်ပြည်နယ်တွင်း လူမှု အသိုင်းအ၀ိုင်းကြား အပြန်အလှန် နားလည်ပြီး သဟဇာတ ဖြစ်ရေး အတွက် ဘာသာပေါင်းစုံ ဆွေးနွေးပွဲတွေလည်း တိုးမြှင့်လုပ်ဆောင်ဖို့ နှစ်နိုင်ငံတို့ သဘောတူကြပါတယ်။ ရခိုင်ဒေသတွင်း အခြေအနေတွေကို ဆက်ပြီး စေ့စပ်ဆောင်ရွက်ဖို့ မြန်မာ အစိုးရ၊ ကုလ အတွင်းရေးမှူးချုပ်ဟောင်း ကိုဖီအာနန် ဦးဆောင်တဲ့ ရခိုင် အကြံပေး ကော်မရှင်၊ နောက် ရခိုင်အရေးနဲ့ ပတ်သက်ပြီး ဆောင်ရွက်နေကြသူတွေ အားလုံးနဲ့ အင်ဒိုနီးရှား က ဆက်ပြီး ပူးပေါင်းဆောင်ရွက်သွားမယ်လို့လည်း အင်ဒိုနီးရှား နိုင်ငံခြားရေး ၀န်ကြီးဌာနက ပြောဆိုထားပါတယ်။

  မသိင်္ဂီထိုက် / ဗွီအိုအေ (မြန်မာပိုင်း)
http://burmese.voanews.com


တိုင်းရင်းသားလက်နက်ကိုင်တပ်ဖွဲ့များ
တိုင်းရင်းသားလက်နက်ကိုင်တပ်ဖွဲ့များ
 မြန်မာနိုင်ငံအရှေ့မြောက်ပိုင်းမှာ လက်ရှိဖြစ်နေတဲ့ တိုင်းရင်းသား လက်နက်ကိုင်တွေ နဲ့ အစိုးရစစ်တပ်ကြား စစ်ရေးတင်းမာမှုအပေါ်မှာ အိမ်နီးချင်း တရုတ်နိုင်ငံဘက်က ကြားဝင်ညှိနှိုင်းမှုတွေ လုပ်နေသလို အခြေအနေပေါ်မှာ နှစ်ဖက်လုံး ထိန်းထိန်းသိမ်းသိမ်းလုပ်ကြဖို့ တိုက်တွန်းမှုတွေလည်း ရှိနေပါတယ်။အခုလို စစ်ပွဲတွေဖြစ်ပွါးနေတာကြောင့် တရုတ်နိုင်ငံဘက်ကို ထွက်ပြေးတိမ်းရှောင်သွားတဲ့ ဒုက္ခသည် ထောင် သောင်းချီရှိနေတာပါ။ အကြောင်းစုံကို ကိုအောင်အောင်က တင်ပြပေးမှာပါ။

မကြာသေးခင်းရက်ပိုင်းတွေအတွင်းမှာပဲ မြန်မာအစိုးရ ငြိမ်းချမ်းရေး ကော်မရှင်ဥက္ကဌ ဒေါက်တာ တင်မျိုးဝင်း ခေါင်းဆောင်တဲ့ ကိုယ်စားလှယ်အဖွဲ့နဲ့ မြောက်ပိုင်းစစ်ရေးမဟာမိတ်တပ်ဖွဲ့က တာဝန်ရှိသူတွေတွေ့ဆုံနိုင်ဖို့ တရုတ်နိုင်ငံဘက်က ကြားဝင် စေ့စပ်ညှိနှိုင်းခဲ့ပေမယ့် မအောင်မြင်ခဲ့ပါဘူး။ ဒါပေမယ့်လည်း တရုတ်နိုင်ငံအနေနဲ့ ဆက်လက် ၀င်ရောက်ညှိနှိုင်းပေးလိမ့်မယ်လို့ ထင်ကြောင်း တရုတ်မြန်မာဆက်ဆံရေး လေ့လာသူ ဒေါ်လှကျော်ဇောက ပြောပါတယ်။

“ဟိုတလောကတော့ ကြားဝင်တာပဲလေ ၀င်ပြီးတော့ စေ့စပ်ပေးတာပဲ ၂ ဘက်တွေ့ဖို့ အဲဒါ စေ့စပ်လို့ မရဘူးလေ သူတို့ အချက်အလက်တွေ တဘက်နဲ့ တဘက် တောင်းဆိုတာမတူလို့ အဲဒီဆွေးနွေးပွဲပျက်သွားတယ် နောက်ထပ်လည်း ဒီလိုပဲ လုပ်ဦးမယ်ထင်ပါတယ် တရုတ်က ဒါမျိုးသိပ်စိတ်ရှည်တယ်။ သူတို့ကိုယ်တိုင်လည်း အဲဒီလို စိတ်ရှည်လက်ရှည် အများကြီးဆွေးနွေးခဲ့ကြတာလေကို၊ ဒါကြောင့်ထပ်လုပ်မှာပါ။”

လွန်ခဲ့တဲ့ နိုဝင်ဘာ ၃၀ ရက်နေ့တုန်းကလည်း တရုတ်အမျုိးသားကာကွယ်ရေးဝန်ကြီးဌာန ပြောခွင့်ရ ဗိုလ်မှူးကြီး Yang Yujun က စစ်ရေးပဋိပက္ခဖြစ်စဉ်မှာ ပါဝင်သူတွေအနေနဲ့ တရုတ်မြန်မာနယ်စပ်က တိုက်ပွဲတွေဆက်လက် မဖြစ်ပွါးအောင် လုပ်ဆောင်ဖို့နဲ့ နောက်တကြိမ်ထပ်မံဖြစ်ပွါးတာမျိုး ရှောင်ကျဉ်ဖို့ ပုံမှန်သတင်းစာ ရှင်းလင်းပွဲအတွင်း ပြောဆိုထားတာပါ။ မြန်မာပြည်မြောက်ပိုင်းနဲ့ဆက်စပ်နေတဲ့ တရုတ်နိုင်ဘက်ခြမ်းက လူထုဟာလည်း တရုတ်စစ်တပ်အနေနဲ့ အကာအကွယ်ပေးဖို့ တောင်းဆိုထားတာကြောင့် စစ်အင်အား အလုံးအရင်းနဲ့ ချထားပါတယ်။ နယ်စပ်ကူးသန်းသွားလာမှုကို ပိတ်ထားသလို နယ်စပ်ဒေသကို မသွားရောက်ဖို့ တရုတ်ဒေသအာဏာပိုင်တွေက ကြေညာချက်ထုတ်ပြန်ထားပေမယ့် ဒုက္ခသည်တွေကိုတော့ အကူအညီပေးနေတယ်လို့ ဒေါ်လှကျော်ဇောက ပြောပါတယ်။

“မြန်မာပြည်က ပြေးလာသမျှလူတွေကို စစ်ပြေးဒုက္ခသည်တွေကို ကောင်းကောင်းထားတာပဲ စားရေးသောက်ရေး နေရေးထိုင်ရေး အကုန်လုံးအခု တဲကြီးတွေထိုးပြီးတော့ Tent တွေပေါ့နော် ရွက်ဖျဉ် တဲကြီးတွေထိုးပြီးတော့ ဒုက္ခသည်စခန်းတွေလုပ်ပြီးတော့ သေသေချာချာ ပြုစုထားတယ်။ တနိုင်ငံလုံးကိုလည်း တချို့အဖွဲ့တွေက လှုံ့ဆော်လို့ထင်တယ် တနိုင်ငံလုံးက အခုဆောင်းတွင်းလည်းဖြစ်တော့ အ၀တ်အစားတွေ အစားအသောက်တွေ ဒုက္ခသည်စခန်းတွေကို ရောက်လာတယ်လို့ပြောတယ်။ အဲဒါကြောင့် ဒု က္ခသည်တွေကိုလည်း ခါတိုင်းလို ပိတ်ထားတာတို့ ဘာတို့မရှိပဲနဲ့ ကောင်းကောင်းမွန်မွန်ပြုစုထားတယ်။”

ဒီဇင်္ဘာ ၄ ရက်နေ့တုန်းကတော့မြောက်ပိုင်းစစ်ရေးမဟာမိတ်အဖွဲ့ဝင်တွေဖြစ်တဲ့ KIA TNLA MNDAA နဲ့ AA အဖွဲ့တို့ပူးပေါင်းပြီး နိုင်ငံရေးဆွေးနွေးမှုတွေ စတင်နိုင်ဖို့စစ်ရပ်စဲဖို့ အဆင်သင့်ဖြစ်နေကြောင်း ပူးတွဲကြေညာချက်ထုတ်ပြန်ခဲ့ပါတယ်။ စစ်ပွဲတွေရပ်ပြီး စစ်မှန်တဲ့ ငြိမ်းချမ်းရေးရဖို့အတွက် တွေ့ဆုံဆွေးနွေးမှု မဖြစ်မနေ လိုအပ်တာကြောင့်စစ်ရေးအရှိန်တွေကို လျှော့ချပစ်လိုက်တယ်လို့ PSLF / TNLA ခေါ် တအာန်း ပလောင်အဖွဲ့ရဲ့ အထွေထွေ အတွင်းရေးမှူးက တာ့ဖုန်းကျော်က ပြောပါတယ်။

“မြောက်ပိုင်းစစ်ရေးမဟာမိတ်အဖွဲ့ရဲ့ အဓိက ပူးပေါင်းလှုပ်ရှားဆောင်ရွက်ရတာလည်း စစ်ရေးပူးပေါင်းမှုတွေကနေတဆင့် တွေ့ဆုံဆွေးနွေးမှုက ဘယ်လိုမှ ရှောင်လို့မရဘူး၊ တွေ့ဆုံဖို့အနေအထား လုပ်ဖို့လိုတယ်ဆိုတာ ပေါ်ဖို့အတွက် ကျနော်တို့ ဆောင်ရွက်ရတာဖြစ်ပါတယ်။ အခု တရုတ်နိုင်ငံဘက်ကလည်း ဖိအားတွေပေးတယ်၊ ဒေါ်အောင်ဆန်းစုကြည်အစိုးရအနေနဲ့လည်း မဆွေးနွေးလို့မရဘူး၊ မတွေ့လို့မရဘူး၊ ရှောင်လွှဲလို့မရဘူးဆိုတာ သေသေချာချာ သိသွားလိမ့်မယ်လို့ မြင်ပါတယ်။”

KIA ကချင်အဖွဲ့ကလွဲလို့ တနိုင်ငံလုံး ပစ်ခတ်တိုက်ခိုက်ရေးစာချုပ် NCA ကို လက်မှတ်ရေးထိုးခွင့် မပြုဘဲ လက်နက်ကိုလမ်းစဉ်ကို စွန့်လွှတ်ရမယ်ဆိုတဲ့ တောင်းဆိုချက်ကြောင့် PSLF/TNLA ၊ MNDAAနဲ့ AA အဖွဲ့တို့ပူးပေါင်းပြီး အခုလို စစ်ရေးတိုက်ပွဲဖေါ်ဆောင်ရာကနေ စစ်ရေးအရှိန်မြင့်လာတာဖြစ်ပါတယ်။

ကိုအောင်အောင်
VOA Burmese News


၁၃ ပါတီက တိုင်းပြည် ပျက်တော့မည့်ပုံစံမျိုးဖြင့် ကာကွယ်ရေးနှင့်လုံခြုံ . ရေးကောင်စီ ကို အမြန်ဆုံး ခေါ်ဖို့ ကြေညာချက် ထုတ်ပြန်တာ ကို တွေ့ရသောအခါ တွေးစရာတွေ တသီတတန်းကြီး ဖြစ်လာသည်။ အဖြစ်အပျက်တွေက လွန်ခဲ့သော နှစ်ပေါင်း ၇၀ နီးပါးက နိုင်ငံရေး အကျပ်အတည်းနှင့် အတော်ဆင် တူလေသည်။ ထိုအဖြစ်အပျက် ကို ပြန်လည်အမှတ်ရဖို့ ကောင်းသည်။ ယနေ့တိုင် မပြီးနိုင်အောင် သွေး ချောင်း စီးခဲ့ရတဲ့ ပြည်တွင်းစစ်၊ တပ်မတော် အကွဲအပြဲနှင့် နိုင်ငံရေးသင်ခန်းစာတွေ အများအပြား ရရှိခဲ့ရသည့် ၁၉၄၈-၄၉ လွတ်လပ်ရေး ခေတ်ဦးက အစိုးရအဖွဲ့နှင့် ပါလီမန်ကို ကျော်လွှားကာ လုံခြုံရေးကောင်စီ၏ တောင်းဆိုချက် ဖြစ်သည်။

၁၉၄၈ ခုနှစ် ဇူလိုင်လ လွတ်လပ်ရေးရပြီး ၆ လ ကျော်အကြာတွင် ဝန်ကြီးချုပ်ဖြစ်သူက နုတ်ထွက်စာ တင်သည်။ မြန်မာနိုင်ငံတွင် လွတ်လပ်သော ပါလီမန်ဒီမိုကရေစီခေတ်၌ နိုင်ငံ၏ အုပ်ချုပ်ရေး အကြီးအကဲ ဝန်ကြီးချုပ်က ရာထူးမှ နုတ်ထွက်စာတင်ခဲ့တာ အမှန်ပင်ဖြစ်ခဲ့လေသည်။ သူက ကာကွယ်ရေးဝန်ကြီး ဖြစ်သူအား သူ၏ ရာထူးကိုလွှဲပြောင်းပေးရန် ရည်မှန်းထားသည်။ ထိုသူကား အခြားမဟုတ်၊ ဗိုလ်ချုပ် အောင်ဆန်းကိုယ်တိုင် တပ်မတော်ကို ယုံကြည်စိတ်ချစွာ လွှဲအပ်ပေးခဲ့သော ဗိုလ်လက်ျာပင်ဖြစ်၏။ သူက လွတ်လပ်စ မြန်မာပြည်တွင် ကာကွယ်ရေးဝန်ကြီးနှင့် ဒုတိယဝန်ကြီးချုပ် ရာထူးကို ပူးတွဲထမ်းဆောင်နေသူ ဖြစ်လေသည်။

ထိုအခါ နိုင်ငံတော်လုံခြုံရေး ကောင်စီက အစည်းအဝေးလုပ်ပြီး ဝန်ကြီးချုပ်ထံ တောင်းဆိုချက်တစ်ခုကို ပြုလုပ်ခဲ့ကြသည်။ နိုင်ငံတော် လုံခြုံရေးကောင်စီတွင် ကာကွယ်ရေးဝန်ကြီး ဗိုလ်လက်ျာ၊ ကာ ကွယ်ရေးဦးစီးချုပ် ဗိုလ်ချုပ်စမစ်ဒွန်း၊ ရဲချုပ်ဦးထွန်းလှအောင်နှင့် ပြည် ထဲရေးဝန်ကြီးဌာန အတွင်းဝန် ဦးကာစီ တို့ပါဝင်ကြလေသည်။ နိုင်ငံတော် လုံခြုံရေးကောင်စီအနေဖြင့် ဆိုရှယ်လစ်ပါတီနှင့် ပြည်သူ့ ရဲဘော်ခေါင်း ဆောင်များ မပါဝင်သော အစိုးရအဖွဲ့ကို ဖွဲ့စည်းပေးရန် သူတို့က ဝန်ကြီးချုပ်အား တောင်းဆိုခဲ့ကြသည်။ ပြသ၁နာပေါင်းစုံကို မီးမွှေးပေးလိုက်သော တောင်းဆိုချက်ပင် ဖြစ်တော့သည်။

လွတ်လပ်စ ၆ လသား မြန်မာနိုင်ငံတော်တွင် ထိုစဉ်အချိန်က ပြည်တွင်း လက်နက်ကိုင် ပုန်ကန်မှု အနည်းငယ် ရှိသော်လည်း ပြောပလောက်အောင် အင်အားကြီးမားသည်မဟုတ်။ လွတ်လပ်ရေးမရခင် လက်နက်ကိုင် တိုက်ပွဲနေသော အလံနီကွန်မြူနစ် အနည်းငယ်နှင့် တောခိုခါစ ဗမာပြည်ကွန်မြူနစ်ပါတီ တို့ သာရှိသည်။ ရခိုင်ပြည်တွင် မူဂျာဟစ်လက်နက် ကိုင် သူပုန်နှင့် ရခိုင်ကွန်မြူနစ် အင်အား အနည်းငယ်ရှိသော် လည်း စစ်တပ်ကနိုင်နင်းစွာ ကိုင်တွယ်ချေမှုန်းခဲ့သောကြောင့် လက်နက်ချသူ ချ၊ ဘင်္ဂလားဘက်ပြေးသူ ပြေးနှင့် မြို့ရွာများ အခြေမပျက်နေနိုင်သော အခြေအနေ ဖြစ်သည်။

ယနေ့ခေတ် ပါတီကိုယ်စားပြု ခေါင်းဆောင်တစ်ဦးစီ လက်မှတ်ထိုးထားသော ၁၃ ပါတီ၏ ကြေညာချက်တွင် မြန်မာပြည်မြောက်ပိုင်း၊ အရှေ့ပိုင်းနှင့် အနောက်ပိုင်းနယ်စပ် အနီး၌ ဖြစ်ပွားနေသော စစ်ပွဲများကို အဓိကထားကာ အရေးပေါ် အခြေအနေသတ်မှတ်ဖို့၊ ကာကွယ်ရေးနှင့်လုံခြုံရေးကောင်စီ အစည်းအဝေးခေါ်ယူပြီး တပ်မတော်ကို လုပ်ပိုင်ခွင့်ပေးဖို့ အကြောင်းတွေ ရေး သားထားသည်။ ယင်းပါတီများ က လာမည့်ဧပြီလတွင် လုပ်မည့် ကြားဖြတ် ရွေးကောက်ပွဲကို စိတ်မဝင်စား၊ လွှတ်တော်တွင်း အတိုက်အခံ လုပ်ဖို့ကလည်း အမတ်အင်အား ဖြိုးတိုးဖျောက်တောက်၊ ရာသီပေါ် ပါတီဝင်တွေ ကလည်း ကြက်ပျောက်ငှက် ပျောက်ဖြစ်ကုန်တာမို့ လက်ရှိအစိုးရကို နိုင်ငံရေး အကျပ်အတည်းဖြစ်အောင် လုပ်နေတာ ဟု ဝေဖန်သူတွေ ကလည်း ဝေဖန်သည်။

လွတ်လပ်ရေးကြိုးပမ်းမှု သမိုင်းနှင့် ပတ်သက်၍ အထောက်အထားပြုစရာ စာအုပ်စာတမ်း တွေ ပေါများလွန်းသော်လည်း လွတ်လပ်ရေး ခေတ် လွန်ကာလ နိုင်ငံရေးနှင့် ပတ်သက်သော မှတ်တမ်းတွေက အလွန်ရှားပါး သည်။ ၁၉၅၈ တစ်ကြိမ် ၁၉၆၂ တစ်ကြိမ် အာဏာသိမ်းပြီး နောက်ပိုင်းတွင် ထုတ်ဝေသောစာ အုပ်များနှင့် သမိုင်းမှတ်တမ်းများတွင် ဖြစ်ရပ်မှန် ကို ရေးသားသည်ထက် လိုရာဆွဲ ရေးသားထားတာက များ သည်။ အာဏာရှင်ကြီးအတွက် ထိခိုက်လွယ်သော အကြောင်းအရာများကို ထိမ်ချန်ရေးသားလေ့ရှိသလို တပ်မတော်၏ အာဏာသိမ်းမှုတိုင်းကိုလည်း လိုအပ်ချက်အရ "နိုင်ငံတော်အာဏာကို မလွှဲမရှောင်သာဘဲ ထိန်းသိမ်းခဲ့ရသည်" ဟု ရေးလေ့ရှိသည်။

ယခုလတ်တလော ပေါ်ပေါက်လာသော ၁၃ ပါတီ၏ ပူးတွဲ တိုက် တွန်းကြေညာချက်တွင် လည်း "မလွှဲမရှောင်သာသော အခြေအနေ" ဆိုသည့် နိဂုံးပုံစံမျိုး ရောက်အောင် ပြည်တွင်းရန်၊ ပြည်ပရန်များကို ပုံကြီးချဲ့ ရေးသား ထားသည်ကို တွေ့ရသည်။

တစ်ချိန်တည်းမှာပင် မြို့ပေါ်ရာဇဝတ်မှုများ၊ လူထု အလွန်စက်ဆုတ်ရွံရှာသော သက်ငယ် မုဒိန်းမှုများကလည်း အပတ်စဉ်လိုလို လူမှုကွန်ရက်တွင် ပွထနေပြန်သည်။ ပုံမှန်သတင်းတင်ဆက်မှု မဟုတ်ဘဲ အများပြည်သူ ကြည့်ရှူရန်မသင့်သည့် ဓာတ်ပုံ၊ ဗီဒီယိုတွေ ဖြစ်နေတာကလည်း သံသယဖြစ်စရာ ကောင်း၏။ လူအသေအပျောက် မရှိသော ထိတ်လန့်စရာ ဗုံးပေါက်ကွဲမှုတွေကလည်း မြို့တော်ဟောင်း၏ လွှတ်တော်ဝင်း အတွင်းတိုင် ရောက်ရှိလာခဲ့ချိန် ဖြစ်သည်။ ဒီလိုအချိန်မျိုးတွင် ကာကွယ်ရေးနှင့် လုံခြုံရေး ကောင်စီခေါ်ဖို့ ပူးတွဲကြေညာချက် ထွက်ပေါ်လာခြင်း ဖြစ်လေသည်။

သို့သော် ရန်ကုန်လူထုက ဒါတွေ စိတ်မဝင်စားနိုင်၊ ညဈေးတန်းမှာ မုန့်သွား စားဖို့၊ မြန်မာ အသင်း ဘောလုံးပွဲ အားပေးဖို့နှင့် မင်္ဂလာပါပွဲတော်ကို သွားကြည့်ဖို့လောက်သာ အာရုံရောက်နေတော့ ခေတ် စကားနှင့် ပြောသော် "ဂွမ်း" သလောက် နီးနီးဖြစ်သွားသည်။

သည်ကိစ္စက ပေါ့သေးသေး မဟုတ်။ ၂၀၀၈ အခြေခံဥပဒေတွင် ပါဝင်သော ပုဒ်မကို အသက် သွင်းဖို့ အားထုတ်နေခြင်း ဖြစ်သည်။ အမြော်အမြင် ကြီးမားသော အငြိမ်းစားယူသွားသည့် ဗိုလ်ချုပ်မှူးကြီးက မည်သည့် အကြောင်းကြောင့် ထည့်သွင်း ရေးဆွဲထားသည်ကို မသိရသော် လည်း နိုင်ငံတိုင်းတွင် အရေးပေါ် အခြေအနေ ကျရောက်သည့် အခါတိုင်း လုပ်ဆောင်ရန်အတွက် အခွင့်အာဏာကို သတ်မှတ်ပေးထားသည်။ သို့သော် တော်ရုံတန်ရုံဖြင့် မည်သူမျှ အရေးပေါ် အခြေအနေအဖြစ် သတ်မှတ်ခြင်းမရှိသလို အစိုးရမနိုင်၍ စစ်တပ်ဖြင့် ထိန်းကျောင်းခိုင်းသည့် အဖြစ်မျိုး ဒီမိုကရေစီနိုင်ငံများ မကြာခဏ လုပ်လေ့လုပ်ထ မရှိပါ။ လုပ်ခဲ့ လျှင်တောင်မှ အကန့်အသတ် တစ်ခုအတွင်းမှာသာ ဆောင်ရွက်စေခြင်းဖြစ်၏။

အမှန်ဆိုရသော် မြန်မာနိုင်ငံအတွက် စစ်အုပ်ချုပ်ရေးကို အကန့်အသတ်ဖြင့် သုံးစွဲခြင်းဖြင့် ပြသ၁နာတိုင်းကို ပြေလည်စေမည် မဟုတ်ကြောင်း မဆလ၊ နဝတ၊ နအဖ နှင့် ကြံ့ခိုင်ရေးအစိုးရ လက်ထက် စစ်အုပ်ချုပ်ရေးဖြင့် ကိုင်တွယ်ခဲ့ခြင်းများကို ပြန်လည် သုံးသပ်နိုင်ပါသည်။ ငြိမ်းချမ်းရေးလည်း မရနိုင်ပါ။ ရသော ငြိမ်းချမ်းရေးကလည်း အခွင့်အရေးနှင့် ကျည်ဆံ လဲလှယ်သော အတုအယောင် စီးပွားရေးလုပ်ကိုင်ခွင့် ငြိမ်းချမ်းသာ ဖြစ်ပါ လိမ့်မည်။

၁၉၄၈ ခုနှစ်က နိုင်ငံတော် လုံခြုံရေးကောင်စီ၏ တောင်းဆိုချက် နောက် ဆက်တွဲ ပေါ်ပေါက် ခဲ့သည်များကို ဆက်ပါဦးမည်။ သူတို့၏ တောင်းဆိုချက်မှာ လက်ယာစွန်းရောက်သော အစိုးရအဖွဲ့ပေါ်ပေါက် ရန်ဖြစ်သည်ဟု ဆိုရှယ်လစ်များနှင့် ပြည်သူ့ရဲဘော်များက ယူဆခဲ့သည်။ ထိုစဉ်က ဆိုရှယ်လစ်နှင့် ပြည်သူ့ ရဲဘော် အဖွဲ့သည် ဖဆပလအဖွဲ့ချုပ်အောက်တွင် ညီညွတ်စွာ ကျန်ရစ်သောအဖွဲ့ဖြစ်သည်။ နိုင်ငံတော်လုံခြုံ ရေး ကောင်စီက "ဆိုရှယ်လစ်များကြောင့် ကွန်မြူနစ်တို့ တောခိုရခြင်းဖြစ်သည်၊ ဆိုရှယ်လစ်များ အစိုးရအဖွဲ့ တွင်းရှိနေသမျှ ပြည်တွင်းငြိမ်းချမ်းရေး အတွက် ကွန်မြူနစ်များနှင့် ညှိနှိုင်းဖို့မလွယ်ကူ" ဟု အကြောင်းပြသည်။

ပြည်သူ့ရဲဘော်အဖွဲ့က ပြည်တွင်း ငြိမ်းချမ်းရေးမူတစ်ခုကို ရေးဆွဲပြီး ဖဆပလအဖွဲ့ချုပ်သို့ တင်ပြသည်။ ထိုစဉ်က အစိုးရအဖွဲ့နှင့် ပါလီမန်မှာ ဖဆပလတွေချည်း ဖြစ်သည်။ နိုင်ငံတော် လုံခြုံရေးကောင်စီ၏ တောင်း ဆိုချက်ကြောင့် ဖဆပလအဖွဲ့တွင်းမှာလည်း ဂယက်ရိုက်ကုန်သည်။ ပြည်တွင်း ငြိမ်းချမ်းရေးမူကို ဖဆပလအဖွဲ့ချုပ်အတွင်း ဆွေးနွေးရင်း ဝန်ကြီးချုပ်လုပ်သူ၏ မူနှင့် ပြည်သူ့ရဲဘော်မူ ဟူ၍ ကွဲပြားကုန် သည်။ အကျိုးဆက်အဖြစ် အင်အားတစ်သိန်း နီးပါးရှိသည့် ပြည်သူ့ရဲဘော် အတွင်းမှာလည်း မူ ၂ ခုကို အကြောင်းပြုပြီး ရဲဘော်ဖြူနှင့် ရဲဘော်ဝါအဖြစ် ကွဲထွက်ကုန်သည်။ ၁၉၄၈ ဇူလိုင်လ ၂၉ ရက်နေ့တွင် ရဲဘော်ဖြူတို့ တောခိုခဲ့ကြသည်။

ကရင်လူမျိုး ကာကွယ်ရေးဦးစီးချုပ် ဖြစ်နေသည့်အပြင် ဒုတိယ ကာကွယ်ရေးဦးစီးချုပ်နှင့် လေတပ်ဦးစီးချုပ် ကလည်း ဗြိတိသျှတပ်မတော် လက်အောက်တွင် တာဝန်ထမ်းခဲ့ဖူးသော ကရင်လူမျိုးများသာ ဖြစ်နေသည့် အတွက် ဂျပန်ခေတ် ဘီဒီအေကတည်းက တပ်မတော်တွင်း ဝင်ခဲ့ကြသည့် မြန်မာတပ်မှူးများက ဂိုဏ်းဖွဲ့ ခဲ့ကြသည်။ ထိုအဖွဲ့ကို "ယူနစ်" ဟုခေါ်ကြောင်း ခေါင်းဆောင်ဟောင်း တစ်ဦးဖြစ်သူ ဗိုလ်မှူး ချုပ် မောင်မောင်က ရေးသားခဲ့သည်။ သူတို့က ဂျပန်ပြန်ရဲဘော်သုံးကျိပ် အုပ်စုဝင်များ မဟုတ်သော်လည်း နိုင်ငံရေးသမား အများစုပါဝင်သည့် ရဲဘော်သုံးကျိပ်ကနေ သင်းကွဲဖြစ်နေသည့် ဗိုလ်ချုပ်နေဝင်းကို ခေါင်း ဆောင် တင်ထားကြသည်။ ဗိုလ်ချုပ်နေဝင်းကလည်း ကာကွယ်ရေးဦးစီးချုပ် ရာထူးကို အမြဲမပြတ် ရည်မှန်း ထားသူ ဖြစ်သောကြောင့် အလိုက်သင့်ပင် တပ်မတော်အတွင်း အင်အားကြီးမားသော ခေါင်းဆောင်ငယ်များ ကို ထိန်းထားနိုင်သည်။

နိုင်ငံတော် လုံခြုံရေးကောင်စီ၏ တောင်းဆိုချက် ထွက်ပေါ်လာသောအခါ ဗိုလ်ချုပ်နေဝင်း အတွက် အခွင့်ကောင်းပင်ဖြစ်ကာ ယူနစ်အဖွဲ့ကိုစည်းရုံးပြီး လက်ဝဲညီညွတ်ရေး ကောင်စီကို တည်ထောင် သည်။ တပ်မတော် ကိုယ်စားလှယ် ဗိုလ်ချုပ်နေဝင်းက ဥက္ကဋ္ဌ လုပ်ကာ သခင်သိန်းဖေ ခေါ် ကွန်မြူနစ်ပါတီ မှ ထုတ်ပယ်ခြင်း ခံထားရသူ သိန်းဖေမြင့်က အတွင်းရေးမှူးလုပ်သည်။ ထိုအဖွဲ့တွင် တပ်မတော် ကိုယ်စား လှယ်၊ ဆိုရှယ်လစ် ကိုယ်စားလှယ်၊ ကွန်မြူနစ် ကိုယ်စားလှယ် နှင့် ပြည်သူ့ရဲဘော် ကိုယ်စားလှယ်တို့ ပါဝင် သည်။ လက်ဝဲညီညွတ်ရေး ကောင်စီ၏ တောင်းဆို မှုကြောင့် ဗိုလ်သိန်းတန်၊ ဗိုလ်အောင်မင်း၊ ဗိုလ်ရန်အောင် အစရှိသူတို့ကို ဝန်ကြီးချုပ်၏ သဘောတူညီမှုဖြင့် ထောင်မှ ထုတ်ပေးကာ တောတွင်းရှိ အဖွဲ့များနှင့် စေ့စပ် ဆွေးနွေးဖို့ လွှတ်ပေးခဲ့ကြသည်။

နိုင်ငံတော် လုံခြုံရေးကောင်စီ၏ တောင်းဆိုမှုကြောင့် နိုင်ငံရေး ရှုပ်ထွေး မှုတွေဖြစ်ကုန်တာ အမှန်ပင်ဖြစ်သည်။ အစိုးရအဖွဲ့နှင့် ပါလီမန်ရှိလင့်ကစား အစိုးရအဖွဲ့အတွင်း ဟိုလူမပါရ၊ ဒီလူမပါရဖြင့် တောင်းဆိုသောအခါ စိတ်ဝမ်း ကွဲကုန်သည်။ ဗိုလ်ချုပ်နေဝင်း၏ ကာကွယ်ဝန်ကြီး ရာထူးတောင်းဆိုမှုကို ဗိုလ်လက်ျာနှင့် ဗိုလ်ချုပ်စမစ်ဒွန်း တို့က လုံးဝသဘောမတူခဲ့။ လက်ဝဲညီညွတ်ရေး ကောင်စီတွင်လည်း ကွဲစ ပြုလာသည်။ ထိုအခါ သခင်သိန်းဖေ၏ အကြံဖြင့် စစ်တပ်မှ အာဏာသိမ်းရန်နှင့် ညွန့်ပေါင်းအစိုး ရဖွဲ့ရန် ဗမာတပ်ရင်း အချို့အင်အားဖြင့် စီစဉ်တော့သည်။ မူလစီစဉ်ထားသော ရက်မှာ ၁၉၄၈ ခုနှစ် ဩဂုတ်လ ၁၀ ရက် နေ့ဖြစ်ကြောင်း “မြန်မာ့နိုင်ငံ ရေး ခရီးနှင့် ဗိုလ်ချုပ်ကြီးနေဝင်း” စာအုပ်တွင် ရေးသားထားသည်ကို တွေ့ ရသည်။

သို့သော် နောက်ဆုံးအချိန်တွင်မှ ဗိုလ်ချုပ်နေဝင်းက ကပ်ပြီး အာဏာ သိမ်းပွဲတွင် ခေါင်းမဆောင်လိုဟု ပြောသောအခါ "ခွကျ" ကုန်တော့သည်။ သရက်ရှိ ဗိုလ်စိန်တင်၏ တပ်ရင်း (၁) နှင့် မင်္ဂလာဒုံရှိ ဗိုလ်ရဲထွဋ်၏ တပ်ရင်း (၃) တို့က နောက်ဆုံး အခြေအနေကို မသိဘဲ တောခိုလိုက်ရ သည်။ ခေါင်းဆောင်အား လုံး ပါသည် အထင်နှင့် တပ်ရင်း (၆) မှ တပ်ဖွဲ့အချို့လည်း တောခိုရာမှာ ပါသွားသည်။ စစ်ရုံးချုပ်တွင် တာဝန် ဖြင့် ခေတ္တရောက်နေသူ ဗိုလ်မှူးကြီးဇေယျလည်း ဗိုလ်ရဲထွဋ်နှင့်အတူ လိုက်ပါသွားခဲ့လေသည်။ ရဲဘော်သုံး ကျိပ်ဝင် ထင်ရှားသော ဗိုလ်ဇေယျနှင့် ဗိုလ်ရဲထွဋ်တို့ ၂ ဦး မျက်ရည်စက်လက်ဖြင့် တောခိုခဲ့ကြရကြောင်း သိန်းဖေမြင့်၏ ကျော်ငြိမ်းစာအုပ်တွင် ရေးသားသွားခဲ့ပါသည်။ သိန်းဖေမြင့်လည်း ဩဂုတ်လ ၁၂ ရက်နေ့ တွင် ပုန်ကန်ရန် ကြံစည်မှုဖြင့် ပြည်ထဲရေးဝန်ကြီး ဦးကျော်ငြိမ်း၏ ဖမ်းဆီးခြင်းကို ခံခဲ့ရသည်။

အချုပ်ဆိုရသော် နိုင်ငံတော် လုံခြုံရေးကောင်စီ၏ တောင်းဆိုမှုကြောင့် နောက် ဆက်တွဲ အကျိုးဆက်အဖြစ် ရဲဘော်ဖြူများ တောခိုခဲ့သည်။ ရဲဘော်ဖြူအများစုမှာ ဗိုလ်ချုပ်အောင်ဆန်း စုစည်းထား သော ဂျပန်ခေတ် စစ်အတွေ့အကြုံရှိသည့် စစ်ပြန်ရဲဘော်ဟောင်းများ ဖြစ်သလို အင်္ဂလိပ်ကို ပြန်မအပ်သော ဂျပန်ခေတ်လက်ကျန် စစ်လက်နက်တွေ ရှိနေသော အဖွဲ့ဖြစ်သည်။ တော် လှန်သော တပ်မတော်အမည်ဖြင့် တောခိုတပ်ရင်းများက ပြောဖွယ် မရှိ လေ့ကျင့်ရေးပြည့်စုံသော ဘက်ပြောင်း တပ်မတော်သားများ ဖြစ်သည်။ ဒါတင်မကသေးပါ၊ တပ်မတော်တွင် ကျန်ရစ်သော ကရင်တပ်ရင်းများကလည်း အင်းစိန်တိုက်ပွဲ စတင်ချိန်တွင် ဗမာတပ်ရင်းတို့၏ ထုံးကို နှလုံးမူ ကာ နိုင်ငံတော်ကို ကာကွယ်ရမည့် သေနတ်ပြောင်းများအား အစိုးရဘက်ကို လှည့်ခဲ့လေတော့သည်။ ဤသို့ မီးကျိုးမောင်းပျက် သေနတ်များဖြင့် သူပုန်ထသော ကွန်မြူနစ်ရန်အား သာသာယာယာ နှိမ်နင်းနေရသည့် ဖဆပလ အစိုးရကို အကျပ်အတည်း အတွင်းသို့ တွန်းပို့လိုက်သလို ဖြစ် သွားတော့သည်။

အယူအဆ မတူတိုင်း၊ နိုင်ငံရေး အပေးအယူ မမျှတတိုင်း လက်နက်ကိုင် သူပုန်ထတတ် သည့် အလေ့အထကို မြန်မာ့ နိုင်ငံရေး အဖွဲ့အစည်းများက ၁၉၄၈ - ၄၉ ခုနှစ်မှ စတင်ကျင့်သုံးခဲ့တာ ယနေ့ ထက်တိုင်အောင် ပင် ဖြစ်လေသည်။ ဗမာ့သေနတ်ကိုင် တပ်ရင်းအချို့၏ ပုန်ကန်မှုကြောင့် ကွန်မြူနစ်တို့ အင် အား ပိုမိုတောင့်တင်း သွားကာ နိုင်ငံရေးသာမက စစ်ရေး အတွေ့အကြုံများကိုပါ တန်ဖိုးမဖြတ်နိုင်အောင် ရသွားခဲ့သည်။ ဗမာတပ်များ၏ ခြေရာနင်းကာ တောခို ကရင်တပ်ရင်းများက အစပြုလိုက် သည့် တိုင်းရင်း သားလက်နက်ကိုင် တိုက်ပွဲသည်လည်း မီးခိုးမဆုံး မိုးမဆုံး ဖြစ်ရလေတော့သည်။

နိုင်ငံရေးတွင် ရွေးကောက်ပွဲနည်းဖြင့် နိဂုံးချုပ်သလောက် နီးနီး ပြည်သူ၏ ဒဏ်ခတ်ခြင်း ခံထားရသော ပါတီများအနေဖြင့် အစိုးရအဖွဲ့ကို အကျပ် အတည်းဖြစ်အောင် ဟိုကိစ္စအကြောင်းပြ၊ သည်ကိစ္စ အကြောင်းပြပြီး သူ့အလုပ် သူ လုပ်နေသည့် ဝန်ကြီးဌာန အသီးသီး ရှိပါလျက်နှင့် ဟိုကောင် စီခေါ်ပါ၊ သည်ကောင်စီခေါ်ပါ မလုပ်ဘဲ လာမည့်ကြားဖြတ် ရွေးကောက်ပွဲ အတွက် ပြင်ဆင်ပြီး ပြည်သူ့အဆုံးအဖြတ်ကို နောက်တစ်ကြိမ် ခံယူသင့်တာ အမှန်ပင် ဖြစ်ပါတော့သည်။

လှမျိုးထွန်း
The Ladies News




အင်ဒိုနီးရှားနိုင်ငံ အာချေးပြည်နယ်၌ ဒီဇင်ဘာ ၇ ရက်က ပြင်းအား ၆ ဒဿမ ၅ အဆင့်ဖြင့် လှုပ်သည့် ငလျင်တွင် သေဆုံးသူဦးရေသည် ၉၇ ဦးအထိ ရှိနေကြောင်း
စစ်တပ်အကြီးအကဲတစ်ဦးက ပြောသည်။

“သေဆုံးသူဦးရေက ၉၇ ဦးရှိနေပါတယ်။ နောက်ထပ် ထပ်တိုးလာနိုင်ဖို့လည်း ရှိနေတယ်။”ဟု အာချေးပြည်နယ်စစ်တပ်အကြီးအကဲ တက်တန်းဆူလိုင်မန်းက အေအက်ဖ်ပီသတင်းသို့ ပြောသည်။

အမေရိကန်ဘူမိတိုင်းတာရေးဌာနက အစောပိုင်း၌ ပြင်းအား ၆ ဒဿမ ၄ ရှိသည်ဟု ခန့်မှန်းထားရာမှ ပြင်းအား ၆ ဒဿမ ၅ အဆင့်သို့ တိုးမြှင့်ခဲ့ပြီး သေကျေပျက်စီးမှု အခြေအနေကြောင့် အဝါရောင်အဆင့် သတိပေးချက်ထုတ်ပြန်ထားသည်။

မူရူဒူမြို့ငယ်တွင် ဗလီများ၊ ဈေးဆိုင်တန်းများ ပြိုကျပျက်စီးသည်။ ဒေသခံများလည်း နေရာစွန့်ခွာရသည်။ ငလျင်ကြောင့် ဆူနာမီ သတိပေးချက်တော့ ထုတ်ပြန်မထားပေ။

ဌာနေသဘာဝဘေးအေဂျင်စီ အကြီးအကဲ ပူတက်မာနက်ဖ်က ခရိုင်အတွင်းရှိ ဆေးရုံတစ်ခုလုံး ဒဏ်ရာရသူများနှင့် ပြည့်သွားကြောင်း ပြောသည်။

“ဒဏ်ရာရသူပေါင်းတွေက ရာပေါင်းများစွာ ရှိနိုင်တယ်။”ဟု ၎င်းက အေအက်ဖ်ပီသို့ ပြောသည်။

အပျက်အစီးများအောက် ပိတ်မိနေနိုင်သူများကို ရှာဖွေကယ်ဆယ်ရေးများ ဆောင်ရွက်နေပြီး စက်ယန္တရားများဖြင့် အပြိုအပျက်များကို ဖယ်ရှားရှင်းလင်းကာ ဆောင်ရွက်လျက်ရှိသည်။

============

Mizzima - News in Burmese

http://www.mizzimaburmese.com/article/21034


ဘီဘီစီထိုင်းဘာသာအစီအစဉ်က အွန်လိုင်းတွင် ဖော်ပြထားသော ထီးနန်းဆက်ခံသည်မှာ ရက်ပိုင်းသာရှိသေးသည့် ဘုရင် မဟာဝါဇီရလောင်ကွန်း၏ ကိုယ်ရေးအကျဉ်းကို ပိတ်ထားပြီး ယင်းသတင်းဌာနကိုလည်း ဘုရင်အား အကြည်ညိုပျက်စေမှုဖြင့် စုံစမ်းစစ်ဆေးလျက်ရှိသည်။

အောက်တိုဘာ ၁၃ ရက်က ဘုရင်ဘူမိဘော နတ်ရွာစံ၍ ထီးနန်းလက်ခံသည့် မဟာဝါဇီရလောင်ကွန်း၏ ကိုယ်ရေးအကျဉ်းအား ဘီဘီစီ ထိုင်းဘာသာအစီအစဉ်က ၎င်းထီးနန်းလက်ခံပြီး နောက်တစ်နေ့ ဒီဇင်ဘာ ၂ ရက် ဖော်ပြခဲ့ခြင်းဖြစ်သည်။

ဘီဘီစီ၏ ဖော်ပြချက်သည် ထိုင်းနိုင်ငံ၏ ဘုရင်အား ထိခိုက်စေမှု ဥပဒေများကို ချိုးဖောက်ခြင်းရှိမရှိ အာဏာပိုင်များအနေဖြင့် စုံစမ်းစစ်ဆေးလျက်ရှိကြောင်း ဒုတိယဝန်ကြီး ပရာဝတ်ဝေါင်ဆူဝန်က ပြောသည်။

ထိုင်းနိုင်ငံတွင်းက ဘီဘီစီရုံးသို့ ရဲ ဆယ်ဦးခန့် ဒီဇင်ဘာ ၆ ရက်က သွားရောက်ခဲ့သော်လည်း ရုံးပိတ်ထားသည်ကို တွေ့ရသည်။

အဆိုပါ ကိစ္စရပ်နှင့် ပတ်သက်ပြီး ဘီဘီစီရုံးချုပ်က ထင်မြင်ချက် ပေးခြင်း မရှိသေးပေ။

တော်ဝင်မိသားစုအား အကြည်ညိုဖျက်ခြင်း၊ ရိုင်းပျခြင်း သို့မဟုတ် ခြိမ်းခြောက်ခြင်းများ ပြုမူသူသည် ပြစ်မှုတစ်ခုစီအတွက် ပြစ်ဒဏ် ထောင် ၁၅ နှစ် ချမှတ်နိုင်သည်။

ဘီဘီစီ ထိုင်းအစီအစဉ်တွင် ဘုရင်သစ် မဟာဝါဇီရလောင်ကွန်းက ထိုင်း၊ ဗြိတိန်နှင့် သြစတြေးလျတို့တွင် ပညာသင်ကြားခဲ့ကြောင်း၊ ပြည်ပသို့ သွားလာရာတွင် ကိုယ်ပိုင် ဘိုးရင်း ၇၃၇ ဖြင့် သွားလာကြောင်း ဖော်ပြထားသည်။

ထို့ပြင် ၎င်းက ထီးနန်းနှင့် ထိုက်တန်မတန် မေးခွန်းများလည်း ရှိနေပြီး ဘုရင်ကြီးဘူမိဘောကဲ့သို့ ကြည်ညိုလေးစားမှုကို မခံရကြောင်း ဖော်ပြထားသည်။

============

Mizzima - News in Burmese

http://www.mizzimaburmese.com/article/21024


မြန်မာနိုင်ငံဆိုင်ရာ မလေးရှားသံအမတ်ကြီး Mohd. Haniff Bin Abd Rahman နဲ့ မြန်မာနိုင်ငံခြားရေးဝန်ကြီးဌာန ဒုတိယဝန်ကြီး ဦးကျော်တင် တို့ ဒီဇင်ဘာလ ၆ ရက်နေ့က နေပြည်တော်ဝန်ကြီးဌာနရုံးမှာ တွေ့ဆုံစဉ်
မြန်မာနိုင်ငံဆိုင်ရာ မလေးရှားသံအမတ်ကြီး Mohd. Haniff Bin Abd Rahman နဲ့ မြန်မာနိုင်ငံခြားရေးဝန်ကြီးဌာန ဒုတိယဝန်ကြီး ဦးကျော်တင် တို့ ဒီဇင်ဘာလ ၆ ရက်နေ့က နေပြည်တော်ဝန်ကြီးဌာနရုံးမှာ တွေ့ဆုံစဉ်
Photo: Ministry of Foreign Affairs Myanmar/ Facebook

မလေးရှားနိုင်ငံ၊ ကွာလာလမ်ပူမြို့မှာ ပြုလုပ်ခဲ့တဲ့ ရခိုင်ပြည်နယ်အရေးနဲ့ ပတ်သက်တဲ့ ဆန္ဒပြပွဲမှာ မလေးရှားနိုင်ငံ ဝန်ကြီးချုပ် နာဂျစ်ရာဇတ် က လူမျိုးသုဉ်းသတ်ဖြတ်မှုလို့ မဟုတ်မမှန် စွပ်စွဲပြောဆိုခဲ့တာကို ကန့်ကွက်ကြောင်းနဲ့ အဲဒီလိုပြောဆိုမှုဟာ လူ့အသိုက်အဝန်းနှစ်ခုကြား ကွဲပြားမှုကို ပိုမိုကြီးမားအောင် လုပ်ဆောင်သလိုဖြစ်ကြောင်း နိုင် ငံခြားရေးဝန်ကြီးဌာန ဒုတိယဝန်ကြီး ဦးကျော်တင် က မြန်မာနိုင်ငံဆိုင်ရာ မလေးရှားသံအမတ်ကို ပြောလိုက်ပါ တယ်။

မနေ့က မြန်မာနိုင်ငံဆိုင်ရာ မလေးရှားသံအမတ်ကြီး Mohd. Haniff Bin Abd Rahman နဲ့ နိုင်ငံခြားရေးဝန်ကြီးဌာန ဒုတိယဝန်ကြီး ဦးကျော်တင် တို့ နေပြည်တော်က နိုင်ငံခြားရေးဝန်ကြီးဌာနရုံးမှာ တွေ့ဆုံခဲ့ရာမှာ ပြောကြားခဲ့ တာဖြစ်တယ်လို့ နိုင်ငံရေးဝန်ကြီးဌာနက သတင်းထုတ်ပြန်ပါတယ်။

မြန်မာနိုင်ငံအနေနဲ့ အာဆီယံအဖွဲ့ဝင်နိုင်ငံတွေနဲ့ ရင်းရင်းနှီးနှီး ဆက်လက်ဆက်ဆံလိုပြီး အဖွဲ့အစည်းတချို့က ရည်ရွယ်ချက်ရှိရှိနဲ့ နားလည်မှုလွဲမှားအောင် မဟုတ်မမှန်သတင်းတွေ ဖြန့်နေတာတွေ မဖြစ်ဖို့နဲ့ အာဆီယံအဖွဲ့ ဝင်နိုင်ငံတွေကြား အငြင်းပွားမှုတွေဖြစ်လာတဲ့အခါ ညှိနှိုင်းဖြေရှင်းကြဖို့ကိုလည်း ဒုတိယဝန်ကြီး ဦးကျော်တင် က မလေးရှားသံအမတ်ကြီးကို ပြောကြားခဲ့ပါတယ်။

ရခိုင်ပြည်နယ် တည်ငြိမ်ရေးနဲ့ လူ့အသိုက်အဝန်းနှစ်ခုအကြား ကောင်းမွန်တဲ့ ဆက်ဆံရေး တည်ထောင်နိုင်ဖို့ အတွက် နိုင်ငံတကာ အသိုက်အဝန်းအနေနဲ့ ကူညီပေးဖို့နဲ့ အခြေအမြစ်မရှိတဲ့ သတင်းတွေကြောင့် ပြဿနာပိုမို မကြီးထွားအောင် ဝေဖန်ပြောဆိုတာတွေကို ရှောင်ရှားပေးဖို့ ပြောကြားလိုက်တယ်လို့လည်း နိုင်ငံခြားရေးဝန်ကြီး ဌာနရဲ့ သတင်းထုတ်ပြန်ချက်မှာ ပါရှိပါတယ်။
RFA


ရခိုင်ပြည်နယ် နယ်စပ်မြို့တော် မောင်တောမြို့အဝင်ဆိုင်းဘုတ်ကို တွေ့ရစဉ်
ရခိုင်ပြည်နယ် နယ်စပ်မြို့တော် မောင်တောမြို့အဝင်ဆိုင်းဘုတ်ကို တွေ့ရစဉ်
Photo: RFA
 ရခိုင်ပြည်နယ် မောင်တောမြို့နယ်မှာဖြစ်ပွားခဲ့တဲ့ အကြမ်းဖက်တိုက်ခိုက်မှုတွေကြောင့် မြန်မာ-ဘင်္ဂလားဒေ့ရ်ှ နယ်စပ် ကုန်သွယ်ရေးလုပ်ငန်းတွေကို ရပ်နားထားရပြီး ၂ လတာအတွင်း ကုန်သွယ်မှုပမာဏ အမေရိကန်ဒေါ်လာ ၁ သန်းလောက်အထိ ဆုံးရှုံးနစ်နာခဲ့ရတယ်လို့ မောင်တောကုန်သည်ကြီးများအသင်း ဥက္ကဌ ဦးအောင်မြင့်သိန်း က ပြောပါတယ်။

ဆုံးရှုံးနစ်နာမှုတွေကြောင့် နယ်စပ်ကုန်သွယ်ရေးလုပ်ငန်းတွေကို အမြန်ဆုံးပြန်လည်ပတ်နိုင်ဖို့ တာဝန်ရှိသူတွေနဲ့ ညှိနှိုင်းဆောင်ရွက်နေတယ်လို့ မောင်တောကုန်သည်ကြီးများအသင်း ဥက္ကဌ ဦးအောင်မြင့်သိန်း က ပြောပါတယ်။

"ကျနော်တို့က ပြန်လည်ပတ်ဖို့ ကြိုးစားနေပါတယ်၊ ဒေသအာဏာပိုင်တွေနဲ့ရော လုံခြုံရေးတာဝန်ရှိတဲ့ သူတွေနဲ့ရော ပြည်နယ်အစိုးရအဖွဲ့တွေနဲ့ပါ ကျနော်တို့စီစဉ်နေကြပါတယ်"

မောင်တောမြို့နယ်အတွင်း ပြီးခဲ့တဲ့ အောက်တိုဘာလ ၉ ရက်နေ့က နယ်ခြားစောင့်ရဲကင်းတွေ တိုက်ခိုက်ခံခဲ့ရတဲ့ အချိန်ကပြီး မောင်တောနယ်စပ် ကုန်သွယ်ရေးဂိတ်တွေအားလုံးကို ရပ်နားထားခဲ့ရတာဖြစ်ပါတယ်။

တချို့အလွယ်တကူသယ်ယူလို့ရနိုင်တဲ့ ကုန်ပစ္စည်းတွေကိုတော့ စစ်တွေနယ်စပ်ကုန်သွယ်ရေးဂိတ်ကနေ တဆင့် ပြောင်းရွှေ့တင်ပို့ခဲ့ပေမယ့် ဝါးတင်ပို့မှုလုပ်ငန်းတွေကိုတော့ အားလုံးရပ်ဆိုင်းထားရတယ်လို့ ပြောပါတယ်။

ဘင်္ဂလားဒေ့ရ်ှနိုင်ငံဘက်ကလည်း မြန်မာဘက်ကို ကုန်ပစ္စည်းတွေ ပြန်လည်တင်ပို့တာတွေ ဒီနေ့အထိ ရပ်ဆိုင်း ထားရတယ်လို့လည်း သိရပါတယ်။

မောင်တော နယ်စပ်ကုန်သွယ်ရေးဂိတ်ကနေတဆင့် မြန်မာဘက်က ပုစွန်၊ ငါးခြောက်စတဲ့ ရေထွက်ကုန်ပစ္စည်းတွေ ကို တဘက်ဘင်္ဂလားဒေ့ရ်ှနိုင်ငံကို အများဆုံးတင်ပို့တာဖြစ်ပြီး ဘင်္ဂလားဒေ့ရ်ှဘက်ကတော့ ဒန်နဲ့ပြုလုပ်ထားတဲ့ အိမ်သုံးပစ္စည်းတွေ၊ ပလပ်စတစ်ပစ္စည်းတွေနဲ့ အဝတ်အထည်တွေ အများဆုံး ပြန်လည်တင်သွင်းတာဖြစ်ပါတယ်။
RFA

NCA လက်မှတ်မထိုးထားတဲ့ UNFC အဖွဲ့က နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့ DPN နဲ့ ပြည်ထောင်စုငြိ်မ်းချမ်းရေးကော်မရှင် တို့ ရန်ကုန်မြို့ NRPC မှာ နိုဝင်ဘာလ ၁ဝ ရက်နေ့က တွေ့ဆုံခဲ့စဉ် NCA လက်မှတ်မထိုးထားတဲ့ UNFC အဖွဲ့က နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ်အဖွဲ့ DPN နဲ့ ပြည်ထောင်စုငြိ်မ်းချမ်းရေးကော်မရှင် တို့ ရန်ကုန်မြို့ NRPC မှာ နိုဝင်ဘာလ ၁ဝ ရက်နေ့က တွေ့ဆုံခဲ့စဉ်
Photo: Thiha Tun/RFA
အစိုးရရဲ့ ငြိမ်းချမ်းရေးကော်မရှင်နဲ့ UNFC က ဖွဲ့စည်းထားတဲ့ နိုင်ငံရေးဆိုင်ရာ ညှိနှိုင်းဆွေးနွေးရေး ကိုယ်စားလှယ် အဖွဲ့ DPN တို့ ဒီဇင်ဘာလထဲမှာ တွေ့ဖို့စီစဉ်ထားပေမယ့် ရက်ညှိနှိုင်းလို့ မရတဲ့အတွက် မတွေ့ဆုံနိုင်သေးဘူးလို့ UNFC တွဲဘက် အတွင်းရေးမှူး ဦးထွန်းဇော် က ပြောပါတယ်။

ဒီဇင်ဘာလ ပထမပတ်မှာ ထိုင်းနိုင်ငံ ချင်းမိုင်မြို့မှာ အလွတ်သဘောတွေ့ဆုံပြီး ဒုတိယပတ်ထဲမှာ တရားဝင် ၄ ကြိမ်မြောက်တွေ့ဆုံဖို့ DPN အဖွဲ့က ကမ်းလှမ်းခဲ့ပေမယ့် နှစ်ဖက်အဆင်ပြေနိုင်မယ့် ရက်သတ်မှတ်နိုင်ခြင်း မရှိသေးဘူးလို့ ဦးထွန်းဇော် က ပြောပါတယ်။

"ရက်ကတော့ ညှိတယ်။ ဒီဇင်ဘာလ ၁၀ ရက်နေ့ နောက်ပိုင်းကို အားမလားလို့ လာမေးတာ ပေါ့လေ။ ကျနော်တို့ ဘက်ကတော့ ၁၀ ရက်နေ့ နောက်ပိုင်းက အစဉ်မပြေဘူးဖြစ်နေတယ်။ အစဉ်မပြေတဲ့ အကြောင်းကိုလည်း အကြောင်းပြန်ထားပါတယ်။ ရက်ညှိတာကတော့ ဒီလထဲမှာ ကျွန်တော်တို့ အချိန်ဇယားတွေလည်း ကြပ်နေ တယ်လေ၊ မူလကတော့ ကျွန်တော်တို့ အဆိုပြုထားတာကတော့ ပထမပတ်ထဲမှာ အလွတ်သဘော ချင်းမိုင် မှာတွေ့ဖို့ပေါ့။ နောက်ဒုတိယပတ်ထဲမှာဆိုရင် ၇၊ ၈၊ ၉ တစ်ရက်ရက်ပေါ့၊ DPN နဲ့ အစိုးရငြိမ်းချမ်းရေးကော်မရှင် တရားဝင် လေးကြိမ်မြောက်တွေ့ဖို့ အဆိုပြုပါတယ်၊ ဒါပေမဲ့ ငြိမ်းချမ်းရေးကော်မရှင်ဘက်က အဲဒီရက်မှာ အစဉ်မပြေကြောင်း ပြောပါတယ်"

တပ်မတော်နဲ့ ကြံ့ခိုင်ဖွံ့ဖြိုးရေးပါတီက လွှတ်တော်မှာ လက်ရှိတိုက်ပွဲတွေဖြစ်ပွားနေတဲ့ တိုင်းရင်းသား လက်နက်ကိုင် အဖွဲ့တွေကို အကြမ်းဖက်သောင်းကျန်းသူတွေအဖြစ် သတ်မှတ်ပေးဖို့ အဆိုတွေ တင်နေတာဟာ တစ်ဖက်နဲ့တစ်ဖက် ယုံကြည်မူကို ထိခိုက်စေရုံသာမက တိုင်းပြည်အနာဂတ်အတွက် အပေါင်း လက္ခဏာမဆောင်နိုင်ဘူးလို့ ဦးထွန်းဇော် က ပြောပါတယ်။

ဒါ့အပြင် လက်ရှိဖြစ်ပွားနေတဲ့ တိုက်ပွဲတွေ ရပ်တန့်ပြီး ငြိမ်းချမ်းရေးဆွေးနွေးပွဲတွေစဖို့အတွက် တရုတ်နိုင်ငံက ကြားဝင်ညှိနှိုင်းပေးဖို့ UNFC အဖွဲ့က လိုလားတယ်လို့လည်း ဦးထွန်းဇော် က ပြောပါတယ်။

တစ်နိုင်ငံလုံးအပစ်ရပ်စဲရေး အပါအ၀င် အချက် ၉ ချက်ကို အစိုးရနဲ့ တပ်မတော်က ထုတ်ပြန်ပေးဖို့ UNFC အဖွဲ့ က တောင်းဆိုထားပြီး အဲဒီအချက်တွေကို လက်ခံရင် NCA အပစ်အခတ်ရပ်စဲရေးစာချုပ်ကို လက်မှတ်ထိုးမယ် လို့ ပြောထားပါတယ်။

အလားတူ ညီညွတ်သော တိုင်းရင်သားလူမျိုးများ ဖက်ဒရယ်ကောင်စီ UNFC ညီလာခံကို ဒီဇင်ဘာလလယ်မှာ ကျင်းပဖို့ စီစဉ်ထားပေမယ့် လက်ရှိဖြစ်ပွားနေတဲ့ စစ်ရေး နိုင်ငံရေး အခြေအနေတွေကြောင့် ရက်ရွှေ့ဆိုင်းလိုက် ရပါတယ်။

အဲဒီညီလာခံကို တက်ရောက်ဖို့ တိုင်းရင်းသားလက်နက်ကိုင်အဖွဲ့ ၂၁ ဖွဲ့ အားလုံးကို ဖိတ်ကြားထားကြောင်းနဲ့ ညီလာခံ ရွှေ့ဆိုင်းလိုက်တာကိုလည်း အကြောင်းကြားထားပြီးဖြစ်တယ်လို့ ဦးထွန်းဇော် က ပြောပါတယ်။

UNFC အဖွဲ့ဝင်အဖြစ်ကနေ ယာယီရပ်ဆိုင်းထားတဲ့ ပအိုဝ်းအမျိုးသား လွတ်မြောက်ရေးအဖွဲ့ချုပ် PNLO ကတော့ ညီလာခံကို တက်ရောက်မှာ မဟုတ်ဘဲ UNFC အဖွဲ့က နှုတ်ထွက်ဖို့ ဆုံးဖြတ်ထားပြီး ဖြစ်တယ်လို့ PNLO နာယက ဗိုလ်မှူးကြီး ခွန်ဥက္ကာ က ပြောထားပါတယ်။
RFA



မလေးရှားနိုင်ငံကို အလုပ်လုပ်ကိုင်ဖို့သွားရောက်တဲ့ မြန်မာနိုင်ငံသားများ(Myanmar Embassy in Kuala Lumpur, Malaysia)
မလေးရှားနိုင်ငံကို မြန်မာအလုပ်သမားတွေ စေလွှတ်နေတဲ့ အစီအစဉ်ကို လတ်တလော နိုင်ငံရေးအခြေအနေတွေအရ ယာယီရပ်ဆိုင်းထားမှာ ဖြစ်တဲ့အကြောင်း မြန်မာအစိုးရက ကြေညာလိုက်ပါတယ်။ မလေးရှားနိုင်ငံမှာ မြန်မာနိုင်ငံသားတွေအတွက် စိုးရိမ်မှုတွေကြောင့် အလုပ်သမားတွေ စေလွှတ်မယ့်အစီအစဉ်ကို ယာယီရပ်ဆိုင်းလိုက်ကြောင်း အလုပ်သမားညွှန်ကြားမူဦးစီးဌာနက ကြေငြာချက်လိုက်တာပါ။ အကြောင်းစုံကိုတော့ ဗွီအိုအေ မြန်မာပိုင်းသတင်းထောက် မအေးအေးမာ က သတင်းပေးပို့ထားပါတယ်

မြန်မာနိုင်ငံ ရခိုင်ပြည်နယ်မှာဖြစ်ပွားနေတဲ့ အခြေအနေနဲ့ ပတ်သက်လို့ မလေးရှားဝန်ကြီးချုပ် ဦးဆောင်ပြီး မကြာသေးခင်က ကန့်ကွက်ဆန္ဒပြမှုတွေ ကြုံခဲ့ရပြီးနောက် အလုပ်သမားတွေ စေလွှတ်တဲ့ အစီအစဉ်ကို ယာယီရပ်ဆိုင်းလိုက်တာပါ။ အထူးသဖြင့်ကတော့ မြန်မာနိုင်ငံသားတွေ မလေးရှားနိုင်ငံမှာ လုံခြုံမှုအခြေအနေအပေါ် စိုးရိမ်မှုကြောင့် အခုလို ဆုံးဖြတ်လိုက်တာ ဖြစ်တယ်လို့လည်း အလုပ်သမား၊ လူဝင်မှုကြီးကြပ်ရေးနဲ့ ပြည်သူ့အင်အားဝန်ကြီးဌာနရဲ့ အလုပ်သမားညွှန်ကြားမူဦးစီးဌာန ညွှန်ကြားရေးမူးချုပ် ဦးမျိုးအောင် ကပြောပါတယ်။

“ပွင့်ပွင့်လင်းလင်းပြောရရင် မလေးရှားမှာဖြစ်နေတဲ့ အခြေအနေပေါ်မှာ မူတည်လိုက်တာပေါ့နော်။ မလေးရှားမှာ ဒီလိုကျနော်တို့ နိုင်ငံအပေါ်မှာ ဒီလိုပြောနေလို့ တချို့က Government တောင်ပါလာတယ်ဆိုတဲ့အကြောင်း ဖြစ်တော့ ကျနော်တို့ကတော့ အခြေအနေအရ သွားတဲ့ အလုပ်သမားတွေကို လက်ရှိအခြေအနေအရတော့ မသင့်တော်သေးဘူးလို့တော့ ထင်တာပေါ့နော်။ မသင့်တော်သေးဘူးလို့ထင်တဲ့အတွက် ခဏရပ်ဆိုင်းလိုက်တာပေါ့နော်။ ကျနော်တို့ ခေတ္တလို့လည်း သုံးထားပါတယ်။”

လူသစ်တွေကိုသာ.ယာယီရပ်ဆိုင်းထားပေမဲ့စေလွတ်ဖို့အတွက် ခွင့်ပြုစာနဲ့ဆေးစာကျပြိးသားအလုပ်သမားတွေကိုတော့ မလေးရှားနိုင်ငံကိုပို့ဆောင်နေဆဲဖြစ်ပြီး ဒီအလုပ်သမားတွေနဲပတ်သက်လို့ အလုပ်သမားတွေစေလွတ်နေတဲ့ အေဂျင်စီတွေနဲ့ မလေးရှားနိုင်ငံဘက်က အလုပ်ရှင်တွေဘက်က တာဝန်ခံပေးဖို့တော့ပြောဆိုထားတယ်လို့ဆိုပါတယ်။

“သင်တန်းတက်တယ်၊ ခုနကလို Visa တွေဘာတွေတင်တယ် ဆိုတော့ သူတို့ကလည်း ခွင့်ပြုချက် ရပြီးတာတောင် အနည်းဆုံး ၂ ပတ်ကနေ ၁ လခန့်ကြာမှာကို အခု ကျနော်တို့ အခုမှ လုပ်ပေးမယ်ဆိုလည်း သူတို့အားလုံးက Ready ဖြစ်နေတဲ့ ကလေးတွေရော အေဂျင်စီတွေလည်းရှိတာပေါ့နော်။ ဟိုဘက်က အလုပ်ရှင်ကိုမေးတော့လည်း တာဝန် ယူပါတယ် ကောင်းတယ်ပေါ့နော် အဲဒါဆိုရင်လည်း သွားကြပါ။ ကလေးတွေကိုတော့ တက်နိုင်သမျှ ဆက်သွယ်ပြီးတော့ လုပ်ပါဆိုပြီးတော့ သူတို့ကို ကျနော်တို့ မှာပါတယ်။”

မလေးရှားနိုင်ငံကို မြန်မာနိုင်ငံကနေတလမှာအလုပ်သမားစေလွတ်မူတွေက ၂၅၀၀ကနေ လူ၃၀၀၀လောက်ှရှိနေပြီ လက်ရှိမှာလည်း မလေးရှားနိုင်ငံမှာ တရားမ၀င်ကော တရားဝင်ပါ နေထိုင်နေကြတဲ့မြန်မာနိုင်ငံသားသိန်းနဲ့ချီရှိနေတာပါ။ မလေးရှားရောက်မြန်မာတွေကတော့ မလေးရှားနိုင်ငံမှာမြန်မာ့အရေးနဲပတ်သက်လို့ မတည်ငြိမ်မူတွေဖြစ်အပြီးမှာစိုး၇ိမ်ပူပန်မူတွေတော့ရှိနေတယ်လို့မလေးရှားရောက်မြန်မာတွေက ဆိုပါတယ်။

“ဖြစ်လာနိုင်ခြေပိုများတယ်ပေါ့နော် ဒါကတော့ ကျနော်တို့ ခန့်မှန်းကြည့်တာပေါ့နော် မဖြစ်လာရင်တော့ ပိုကောင်းတာပေါ့ဗျာ၊ ဒါပေမယ့် ဖြစ်လာမယ် မဖြစ်လာဘူး ဆိုတာတော့ အခြေအနေပေါ် ကျနော်တို့ စောင့်ကြည့်ရမှာပေါ့။ သူတို့ကတော့ ဖြစ်အောင်တော့ တွန်းအားပေးတာ မဟုတ်ဘူးပေါ့နော်။ သူတို့ပါ ပါဝင်ပတ်သက်လာတဲ့အခါကျတော့ ဒီဘက်ကိုပိုပြီးတော့ဖြစ်လာနိုင်တယ်ပေါ့။ ဒါက အကြောင်းတစုံတခုကြောင့် အပြင်သွားလာရမယ့်ဟာတွေမှာ သတိနဲ့ သွားဖို့ ကြေညာထားတယ်ဆိုတဲ့အခါကျတော့ ကျနော်တို့အားလုံးက ကျီးလန့်စာ မျိုး ဖြစ်နေမှာပေါ့နော်။ စိုးရိမ်မှုကတော့ အနည်းနဲ့ အများရှိကြတာပေါ့ခင်ဗျ။”

အလုပ်သမားလူဝင်မူကြီးကြပ်ေ၇းနဲ့ပြည်သူအင်အားဝန်ကြီးဌာန အလုပ်သမားညွန်ကြားမူဦးစီးဌာနကနေ မလေးရှားကိုတရားဝင်စေလွတ်တဲ့အလုပ်သမားပေါင်း ၂သိန်းကျော်ရှိပြိး တခြားနည်းလမ်းတွေနဲ့မလေးရှားကိုရောက်သွားသူအားလုံးပေါင်းရင် မြန်မာအလုပ်သမား ၅သိန်းထက်မနည်း ရှိနေတယ်လို့ အလုပ်သမားညွန်ကြားမူဦးစီးဌာနက ညွန်ကြားရေးမူးချုပ်ဦးမျိုးအောင်က ပြောပါတယ်။

“ဟိုတုန်းကလည်း ကျနော်တို့ အထောက်အထားဆိုပြီးတော့မှ program တခုလုပ်ပေးတာ ၊ ဒီကနေ တရားဝင် အလည်အပတ် Visa နဲ့သွားပြီး ဟိုဘက်မှာ အလုပ်သွားလုပ်တာတွေလည်း ရှိတာပေါ့နော်။ ဒီအတိုင်း နယ်စပ်ကနေ ကူးပြီးတော့ ၀င်သွားတဲ့ လူတွေလည်း ရှိနေတာပဲ။ ကျနော်ခန့်မှန်းမိတာကတော့ လူ ၅ သိန်းလောက်တော့ ရှိမယ်ဗျ

မလေးရှားနိုင်ငံဟာ မြန်မာပြည်ကထွက်ပြေးခိုလှုံလာသူတွေကိုလက်ခံထားပြီး တချိုတွေကတော့ UN အစီစဉ်နဲ့ တတိယနိုင်ငံကိုဒုက္ခသည်တွေအဖြစ်သွားကြသူတွေလည်းရှိပါတယ်။ ပြီးခဲ့တဲ့နှစ်တွေတုန်းကတော့ ရခိုင်နဲ့ဘင်္ဂလားနယ်စပ်က လှေစီးပြေးဒုက္ခသည်တွေ ကိုလည်းမလေးရှားက ခိုလှုံခွင့်ပေးထားရတာတွေလည်းရှိပါတယ်လက်ရှိမှာတော့ မလေးရှားအခြေအနေကိုကြည့်ပြိးဒီဇင်ဘာလ၆ရက်နေကစပြိး ဒီကာလအတွင်းမှာတော့ အလုပ်သမားစေလွတ်မူတွေ ယာယီရပ်ဆိုင်းလိုက်တာဖြစ်ပြိးအခြေအနေတွေတည်ငြိမ်သွားရင်တော့ ပြန်ပြိးအလုပ်သမားတွေစေလွတ်ဖွယ်ရှိတယ်လို့ လည်းအလုပ်သမားညွန်ကြားမူဦးစီးဌာနကပြောဆိုသွားပါတယ်။

 မအေးအေးမာ / ဗွီအိုအေ (မြန်မာပိုင်း)
http://burmese.voanews.com



တရုတ် မဟာဗျူဟာ ရထားလမ်း စီမံကိန်း
မြန်မာ နိုင်ငံ ထဲမှာ တရုတ် နိုင်ငံ အကူအညီနဲ့ ဖောက်လုပ်မယ့် မြန်နှုန်းမြင့် ရထားလမ်း ဟာ မူဆယ်၊ လားရှိုး၊ မန္တလေး၊ ရန်ကုန် ၊ မော်လမြိုင် စတဲ့ မြို့ကြီး တွေကို ဆက်သွယ် ဖြတ်သန်း သွားဖို့ စီစဉ် ထားပါတယ်။

ဒါဟာ တရုတ် နိုင်ငံရဲ့ One Belt, One Road လို့ ခေါ်တဲ့ စီပွားရေး မဟာဗျူဟာ စီမံကိန်း ရဲ့ အစိတ်အပိုင်း တစ်ရပ် ဖြစ်ပါတယ်။

ဒီ ရထားလမ်းပေါ် တစ်နာရီ မိုင်နှစ်ရာ နီးပါး ခုတ်မောင်းဖို့ ရည်ရွယ် ထားတာကြောင့် တကယ် အကောင်အထည် ပေါ်လာခဲ့ရင် တရုတ်ပြည် ယူနန် နယ်စပ်ကနေ ရန်ကုန်ကို နာရီ အနည်းငယ် အတွင်း ရောက်လာ နိုင်မှာ ဖြစ်ပါတယ်။

တရုတ် နိုင်ငံဟာ ဥရောပနဲ့ အာရှ နိုင်ငံတွေကြား ကုန်းလမ်းနဲ့ ရေလမ်း ကုန်သွယ်ရေး လမ်းကို တဆက်တစပ်တည်း ပေါင်းစည်းဖို့ ရည်ရွယ် ပြီး ရှေးတုန်းက နာမည်ကျော် ကုန်သွယ်ရေး ပိုးလမ်းမကြီး ကို အခြေခံ ချဲ့ထွင် ကာ One Belt, One Road စီမံကိန်း ချ ထားတာ ဖြစ်ပါတယ်။

နိုဝင်ဘာ နောက်ဆုံးပတ် တုန်းက မန္တလေးမှာ ပြုလုပ်ခဲ့တဲ့ အစည်းအဝေး တစ်ခုမှာ တရုတ် ကောင်စစ်ဝန်ချုပ် ဝမ် ဂျောင်ရင် က မြန်နှုန်းမြင့် ရထားလမ်းဟာ မြန်မာနဲ့ နယ်စပ်မြို့ ရွှေလီ ကနေ မြန်မာ ဘက်ခြမ်း ဝင်လာဖို့ လုပ်ငန်း စတင် နေ ပြီ လို့ ပြောခဲ့ပါတယ်။

အဲဒီ့ ရထားလမ်းဟာ မူဆယ်၊ လားရှိုး၊ မန္တလေး ၊ ရန်ကုန်နဲ့ မော်လမြိုင် ကနေ တဆင့် ထိုင်း နိုင်ငံကို ဝင်ရောက် သွားမှာ ဖြစ်ပါတယ်။

ရထားလမ်း ဖောက်လို့ သဘာဝနဲ့ ဒေသခံ တွေအပေါ် ဘယ်လို အကျိုး အပြစ်တွေ သက်ရောက် နိုင်မလဲ ဆိုတာကို သေချာစွာ စိစစ် သွားမယ်လို့ မြန်မာ-တရုတ် အသင်း မန္တလေးတိုင်း ဥက္ကဌ ဦးပိုမြင့်က ဘီဘီစီကို ပြောပါတယ်။

မြန်မာနိုင်ငံထဲက လက်ပံတောင်း ကြေးနီ စီမံကိန်းနဲ့ ဧရာဝတီ မြစ်ဆုံ တမံ စီမံကိန်းတွေလို တရုတ် အစိုးရ ကုမ္ပဏီတွေ နဲ့ ပူးတွဲ ဆောင်ရွက်တဲ့ စီမံကိန်းတွေ ဟာ သဘာဝ ပတ်ဝန်းကျင်နဲ့ ဒေသခံ တွေ အရေး ထည့်သွင်း မစဉ်းစားလို့ ဆိုပြီး မြန်မာ ပြည်တွင်း ဆန့်ကျင် ကန့်ကွက် မှုတွေ ခါးခါးသည်းသည်း ရှိနေပါတယ်။

ဒါ့အပြင် အခု မြန်နှုန်းမြင့် ရထားလမ်း တရုတ် နိုင်ငံထဲက နေ မြန်မာပြည် ထဲ ဝင်လာဖို့ ရည်ရွယ် ထားတဲ့ မူဆယ် ခရိုင် ထဲမှာလည်း တိုင်းရင်းသား လူမျိုးစု လက်နက်ကိုင် တွေနဲ့ မြန်မာ အစိုးရ စစ်တပ် ကြား တိုက်ပွဲတွေ ပေါ်ပေါက် နေပြီး လုံခြုံရေး မတည်မငြိမ် ဖြစ်နေ ပါတယ်။

BBC Burmese
http://www.bbc.com/burmese


(တောင်ကြီး၊ ဒီဇင်ဘာ ၇)

ဒုတိယအကြိမ်ရှမ်းပြည်နယ်လွှတ်တော်၊ အရေးပေါ်အစည်းအဝေး(၁/၂၀၁၆) ဒုတိယနေ့၌ လားရှိုးမဲဆန္ဒနယ်အမှတ်(၂)မှ ရှမ်းပြည်နယ်လွှတ်တော်ကိုယ်စားလှယ် ဦးအောင်သူ တင်သွင်းခဲ့သည့် `` ရှမ်းပြည်နယ်(မြောက်ပိုင်း)၊ မူဆယ်၊ ကွတ်ခိုင်ဒေသများတွင် ဖြစ်ပွားနေသည့် KIA, TNLA, MNDAA လက်နက်ကိုင် သောင်းကျန်းသူများ၏ အပြစ်မဲ့ပြည်သူလူထုအပေါ် ဆောင်ရွက်ကြသည့် ဆောင်ရွက်ချက်များအပေါ် ပြစ်တင်ရှုတ်ချကြောင်းနှင့် အကြမ်းဖက်အဖွဲ့အစည်းများအဖြစ် သတ်မှတ်ကြောင်း´´ အရေးကြီးအဆိုကို ယနေ့ ဒီဇင်ဘာလ ၇ ရက်က ပြုလုပ်သည့် အရေးပေါ်အစည်းအဝေး တတိယနေ့တွင် အတည်ပြုလိုက်ကြောင်း သိရသည်။

အဆိုပါအရေးကြီးအဆိုကို ရှမ်းပြည်နယ်အစိုးရအဖွဲ့ လုံခြုံရေးနှင့်နယ်စပ်ရေးရာဝန်ကြီး ဗိုလ်မှူးကြီး စိုးမိုးအောင်နှင့် ဦးစိုင်းကျောက်(မိုင်းဖြတ် ၁)၊ ဦးဒါဝိဒ်(မိုင်းဆတ် ၂)၊ ဦးခွန်သူရအောင် (တောင်ကြီး ၂)၊ ဗိုလ်မှူး အောင်သူခိုင်၊ ဗိုလ်ကြီး ပေါ်လာ၊ ကချင်တိုင်းရင်းသားရေးရာဝန်ကြီး ဦးဇုတ်ဒေါင်တို့က ထောက်ခံဆွေးနွေးခဲ့သည့်အပြင် ဦးခိုင်ညီညီကျော်(ရပ်စောက် ၂)မှ ကန့်ကွက်ဆွေးနွေးခဲ့သောကြောင့် ပြည်နယ်လွှတ်တော်မှ မဲခွဲဆုံးဖြတ်ခဲ့ရာ ဆန္ဒမဲပေးခွင့်ရှိသူ ၁၁၅ ဦးအနက် ထောက်ခံသူ ၆၃ ဦး၊ ကန့်ကွက်သူ ၄၅ ဦးနှင့် ကြားနေသူ ၇ ဦးရှိသဖြင့် `` ရှမ်းပြည်နယ်(မြောက်ပိုင်း)၊ မူဆယ်၊ ကွတ်ခိုင်ဒေသများတွင် ဖြစ်ပွားနေသည့် KIA, TNLA, MNDAA လက်နက်ကိုင် သောင်းကျန်းသူများ၏ အပြစ်မဲ့ပြည်သူလူထုအပေါ် ဆောင်ရွက်ကြသည့် ဆောင်ရွက်ချက်များအပေါ် ပြစ်တင်ရှုတ်ချကြောင်းနှင့် အကြမ်းဖက်အဖွဲ့အစည်းများအဖြစ် သတ်မှတ်ကြောင်း´´ အဆိုကို ရှမ်းပြည်နယ်လွှတ်တော်မှ အတည်ပြုလိုက်ခြင်းဖြစ်ကြောင်း သိရသည်။

ဒုတိယအကြိမ်ရှမ်းပြည်နယ်လွှတ်တော်၊ အရေးပေါ်အစည်းအဝေးကို တောင်ကြီးမြို့ရှိ ရှမ်းပြည်နယ်လွှတ်တော် အစည်းအဝေးခန်းမတွင် ဒီဇင်ဘာလ ၅ ရက်က စတင်ကျင်းပပြုလုပ်နေခြင်းဖြစ်ပြီး ယနေ့ အစည်းအဝေး တတိယနေ့သို့ ပြည်နယ်လွှတ်တော်ကိုယ်စားလှယ် ၁၃၅ ဦးရှိသည့်အနက် ၁၁၆ တို့ဦးမှ တက်ရောက် ဆွေးနွေးနေခြင်းဖြစ်သည်။

ဓါတ်ပုံ - လူမှုကွန်ရက်
Kanbawza Tai News Journal
https://www.facebook.com/kanbawzatai/



ဘိုးရင်း ဟာ သူတို့ ဘက်က တင်ပြမယ့် Air Force One လေယာဉ် သစ် ဒီဇိုင်း ဆွဲ နေ
အမေရိကန် သမ္မတ စီးနင်းတဲ့ Air Force One အထူး လေယာဉ်ပျံ တွေ အသစ် နှစ်စင်း တည်ဆောက် ပြုလုပ်မယ့် အစီအစဉ် ဖျက်သိမ်း သင့်တယ်ဆိုပြီး ရွေးကောက်ပွဲ နိုင်ထားတဲ့ ဒေါ်နယ်ထရမ့်က ပြောလာပါတယ်။

Air Force One လေယာဉ်သစ် နှစ်စင်း အတွက် ကုန်ကျမယ့် ငွေဟာ မကြားဝံ့နာသာ ဈေးကြီး လွန်းလှတယ်လို့ ထရမ့်က ဆိုပါတယ်။

သမ္မတ လေယာဉ်သစ် တွေ အတွက် ဒေါ်လာ သန်း လေးထောင် သုံးမယ် ဆိုတာ မတန်တဆပဲလို့ ထရမ့်က ပြောပြီး လေယာဉ်တွေကို တာဝန်ယူ ဆောက်မယ့် ဘိုးရင်း ကုမ္ပဏီဟာ အတော် အမြတ်စားတာပဲ ဆိုပြီးတော့လည်း ဝေဖန်ပါတယ်။

လက်ရှိ အိုဘားမား အစိုးရ ကတော့ ထရမ့်ရဲ့ ပြောဆိုမှုတွေဟာ အချက်အလက် တိကျမှု မရှိဘူးလို့ တုံ့ပြန် ပါတယ်။

အိမ်ဖြူတော်ရဲ့ အဆိုအရ Air Force One လေယာဉ်သစ် နှစ်စင်း အတွက် ကုန်ကျစားရိတ် ဒေါ်လာ သန်း သုံးထောင် ရည်မှန်း ထားပြီး၊ ဒီလို တည်ဆောက် ဖို့ကိုလည်း ဘိုးရင်း ကုမ္ပဏီနဲ့ စာချုပ် မချုပ် ရသေးဘူးလို့ ဆိုပါတယ်။

ဒါပေမယ့် ဘိုးရင်း ဟာ သူတို့ ဘက်က တင်ပြမယ့် Air Force One လေယာဉ် သစ် ဒီဇိုင်း ဆွဲ နေပါတယ်။

အခုလို ထရမ့်ရဲ့ ဝေဖန် မှု ထွက်လာ အပြီး ဘိုးရင်း ကုမ္ပဏီရဲ့ ရှယ်ယာဈေး ၁% နီးပါး ကျဆင်း သွားပါတယ်။

BBC Burmese
http://www.bbc.com/burmese


ဒီဇင်ဘာ ၇

ယမန်နေ့က တပ်မတော်စစ်ကြောင်းများ၌ နယ်မြေရှင်းလင်းရေးဆောင်ရွက်စဉ် မုံးကိုးတိုက်ပွဲ အတွင်း ပျောက်ဆုံးနေသော ရဲတပ်ဖွဲ့ဝင်များ၏ ရုပ်အလောင်းများ တွေ့ရှိခဲ့ရသည်။

ရှမ်းပြည်နယ်အရှေ့မြောက်ဒေသ တိုက်ပွဲဖြစ်စဉ်များအတွင်း ဒီဇင်ဘာ ၂ ရက်နေ့၌ မုံးကိုးနယ်မြေ ရဲစခန်းအား KIA/ TNLA/ MNDAA ပူးပေါင်းလက်နက်ကိုင်အဖွဲ့များမှ သာလွန်သော အင်အားဖြင့် ဝင်ရောက်တိုက်ခိုက်မှုဖြစ်စဉ်တွင် ရဲတပ်ဖွဲ့ဝင် ၁၆ ဦး အဆက်အသွယ်ပြတ်တောက်ပြီး ပျောက်ဆုံး ခဲ့ရသည်။

တပ်မတော် စစ်ကြောင်းများမှ ဒီဇင်ဘာ (၄) ရက်နေ့တွင် မူဆယ်မြို့နယ် မုံးကိုးဒေသအတွင်း နယ်မြေရှင်းလင်းစဉ် မုံးကိုးမြို့၊ ရပ်ကွက် ၅ အတွင်း ရဲတပ်ဖွဲ့ဝင် ၂ ဦး၏ ရုပ်အလောင်းအား ရှာဖွေတွေ့ရှိခဲ့ပြီး တစ်ဖက်နိုင်ငံအတွင်း ရောက်ရှိသွားသည့် ရဲတပ်ဖွဲ့ဝင် (၁) ဦးနှင့် အဆက်အသွယ် ပြန်လည်ရရှိခဲ့သည်။

ဆက်လက်၍ ဒီဇင်ဘာ ၅ ရက် နံနက် ၇ နာရီမှစတင်၍ တပ်မတော်စစ်ကြောင်းများမှ မုံးကိုးဒေသအတွင်း နယ်မြေရှင်းလင်းရာ ရဲစခန်းနှင့် မလှမ်းမကမ်းရှိ စာသင်ကျောင်းအတွင်း အုတ်ရေကန်အနီး၌ ရဲတပ်ဖွဲ့ဝင် (၂) ဦး၏ ရုပ်အလောင်းအား လည်းကောင်း၊ စာသင်ကျောင်းနှင့် ရဲစခန်းအကြား လယ်ကွင်းပြင်တွင် ရဲတပ်ဖွဲ့ဝင် (၅) ဦး၏ ရုပ်အလောင်း အားလည်းကောင်း စုစုပေါင်း ရုပ်အလောင်း (၇) လောင်းအား တွေ့ရှိခဲ့ပြီး ရဲတပ်ဖွဲ့ဝင် (၂) ဦးအား မုံးကိုးရဲစခန်းအတွင်း ပြန်လည်တွေ့ရှိခဲ့သည်။

ဒီဇင်ဘာ (၆) ရက်တွင် မုံးကိုးစာသင်ကျောင်းအတွင်းမှ ရဲတပ်ဖွဲ့တစ်ဦးအား ထပ်မံတွေ့ရှိခဲ့သဖြင့် ပျောက်ဆုံးနေသော ရဲတပ်ဖွဲ့ဝင်ဦးရေ ၁၆ ဦး ရှိသည့်အနက် အသက် ရှင်လျက် ပြန်တွေ့သူ ၄ ဦး၊ ကျဆုံး ၉ ဦးနှင့် ပျောက်ဆုံးဆဲ ၃ ဦး ရှိပြီဖြစ်ကြောင်း သိရှိရသည်။

၎င်းအပြင် မုံးကိုးရဲစခန်းတိုက်ခိုက်ခံရမှုဖြစ်စဉ်အတွင်း ရဲတပ်ဖွဲ့ဝင် တစ်ဦး၏ ကျန်းမာရေးကောင်းမွန်ခြင်းမရှိ၍ ရှောင်တိမ်းနိုင်ခြင်းမရှိသည့်ဇနီးနှင့် အခြားအပြစ်မဲ့ အရပ်သား (အမျိုးသား) ၁ ဦးတို့ပါ သေဆုံးခဲ့ရကြောင်း သိရှိရသည်။

(နိုင်ငံတော် အတိုင်ပင်ခံရုံး သတင်းထုတ်ပြန်ရေးကော်မတီ)
https://www.facebook.com/MyanmarSCInfoCom/


ရန်ကုန်မြို့ ကမ်းနားလမ်း ညဈေးမှာ ဆိုင်ခန်းနေရာကျူးကျော်သူတွေကို သတိပေးစာတွေပေးထားသလို ထပ်ပြီးကျူးလွန်ရင် ဆိုင်ပိတ်သိမ်းတဲ့ အထိအရေးယူသွားမယ်လို့ ရန်ကုန်မြို့တော်စည်ပင်သာယာရေးကော်မတီ စီမံဌာနမှ ဒုတိယဌာနမှူး ဦးညီညီဦးက 5 Plus ကိုပြောပါတယ်။

ဆိုင် (၅)ဆိုင်လောက်ကို သတိပေးထားတာဖြစ်ပြီး ထပ်မံကျူးလွန်တာတွေ့ရင် ဆိုင်ပိတ်သိမ်းသွားမှာဖြစ်တယ်လို့ ဆိုပါတယ်။


နိုဝင်ဘာလ (၂၄)ရက်က ရန်ကုန်မြို့တော်စည်ပင်သာယာရေးကော်မတီရဲ့ စီစဉ်မှုနဲ့ ကမ်းနားလမ်း ညဈေးသစ်ကို ဖွင့်လှစ်ပေးခဲ့တာဖြစ်ပါတယ်။

 အဲဒီညဈေးမှာ ရန်ကုန်မြို့တွင်း မြို့နယ် (၄)ခုမှာ ရောင်းချနေတဲ့ လမ်းဘေးဈေးသည် (၆)ထောင်ကျော်အနက် (၁၆၀၀)ကျော်ကို နေရာချထားပေးတာဖြစ်ပါတယ်။

ဓာတ်ပုံ - Yu Yu Htun FB
5 Plus News
https://www.facebook.com/5plusnews/


ရန်ကုန်တိုင်းဒေသကြီး ကျောက်တံတားမြို့နယ်အတွင်းရှိ ကြိုက်တာယူ ၅၀၀၀ ကျပ် အရောင်းဆိုင်များကို ဒီဇင်ဘာ ၇ ရက်နေ့တွင် ၀င်ရောက် စစ်ဆေးရာ တရားမ၀င် လုပ်ကိုင်နေသည့် တရုတ်နိုင်ငံသားအချို့ကို စစ်ဆေးတွေ့ရှိကြောင်း သိရသည်။


ယင်းသို့ဝင်ရောက်စစ်ဆေးရာတွင် ယင်းမြို့နယ်အတွင်းရှိ အမှတ်(၁) တိုင်းဒေသကြီးလွှတ်တော်ကိုယ်စားလှယ် ဒေါ်ကြည်ပြာအပါအ၀င် အုပ်ချုပ်ရေးမှူး၊ လ.၀က၊ ရဲတပ်ဖွဲ့၊ အခွန်စည်ပင်မှ တာဝန်ရှိသူများ၊ မီးသတ်တပ်ဖွဲ့ဝင်များပါဝင်ပြီး အဆိုပါအရောင်းဆိုင်များတွင် ၀င်ရောက်လုပ်ကိုင်နေသော တရုတ်နိုင်ငံသားများကို တရားဝင်သတ်မှတ်ဗီဇာဖြင့် ကိုက်ညီမှုရှိမရှိကို ကွင်းဆင်းစစ်ဆေးခဲ့ခြင်းဖြစ်ကြောင်း သိရသည်။


ပြီးခဲ့သည့် နိုဝင်ဘာ ၂၈ ရက်နေ့ကလည်း ပန်းဘဲတန်းမြို့နယ်အတွင်းက ဆောက်လုပ်ရေးလုပ်ငန်းများ၊ ကြိုက်တာယူ ၅၀၀၀ ကျပ် အရောင်းများကုို ယင်းမြို့နယ်တိုင်းလွှတ်တော်ကိုယ်စားလှယ် ဦးသန်းနိုင်ဦးနှင့် သက်ဆိုင်ရာမြို့နယ်မှ တာဝန်ရှိသူတို့က ၀င်ရောက်စစ်ဆေးခဲ့သည်။

လင်းလင်းအောင်
News Watch
https://www.facebook.com/NewsWatchJournal/

မလေးရှားဝန်ကြီးချုပ် နာဂျစ်ရာဇတ် ဦးဆောင်တဲ့ ရခိုင်အရေးဆန္ဒပြပွဲတွေနဲ့ ပြစ်တင်ဝေဖန် ပြောဆိုမှုတွေဟာ မလေးရှား-မြန်မာ နှစ်နိုင်ငံ ဆက်ဆံရေးကို ထိခိုက်ရုံမက အာဆီယံအသိုက်အ၀န်း ထူထောင်ရေးအတွက်ပါ စိုးရိမ်စရာဖြစ်စေတယ်လို့ မြန်မာသမ္မတရုံးက ပြောကြားလိုက်ပါတယ်။

တချိန်တည်းမှာပဲ မလေးရှားဝန်ကြီးချုပ်က အခုလို ဆန္ဒပြတာဟာ သူ့ပြည်တွင်းမှာ နိုင်ငံရေး အကျိုးအမြတ်အတွက် လုပ်ဆောင်ခြင်းသာ ဖြစ်တယ်လို့ အာဆီယံရေးရာ လေ့လာသူတဦးက သုံးသပ်ပါတယ်။ ဒီအကြောင်းကိုတော့ ကိုဉာဏ်ဝင်းအောင်က တင်ပြထားပါတယ်။

ရခိုင်ပြည်နယ်မြောက်ပိုင်း မောင်တောဒေသက မူဆလင်တွေကို အရှင်လတ်လတ် မီးရှို့သတ်တာ၊ အမျိုးသမီးတွေကို အဓမ္မပြုကျင့်တာတွေရှိ နေတယ်လို့ မလေးရှားဝန်ကြီးချုပ် နာဂျစ်ရာဇတ်က ပြီးခဲ့တဲ့ စနေနေ့မှာ ကျင်းပတဲ့ သူရဲ့ UMNO ပါတီညီလာခံမှာ ပြောသွားခဲ့ပြီး၊ ဒီကျူးလွန်မှုတွေကို အာဆီယံ အပြုအမူတွေအဖြစ် လက်မခံနိုင်ကြောင်းနဲ့ ဒီလိုရက်စက်ကြမ်းကြုတ်ပြီး မယဉ်ကျေးတဲ့လုပ်ရပ်ကို သူတို့အနေနဲ့ သည်းခံမှာ မဟုတ်ကြောင်း ပါတီညီလာခံတက်လာတဲ့ ပါတီဝင်တွေကို မလေးဝန်ကြီးချုပ်က ပြောခဲ့တာပါ။ ဒီလိုပြောဆိုမှုနဲ့အတူ ပြီးခဲ့တဲ့တနင်္ဂနွေနေ့ကလည်း မလေးရှား ၀န်ကြီးချုပ်ကိုယ်တိုင် ဦးဆောင်ပြီး ရခိုင်အရေးနဲ့ ပတ်သက်လို့ ကွာလာလမ်ပူမှာ ထောင်နဲ့ချီ ဆန္ဒပြခဲ့ကြပါတယ်။

အခုလို မလေးရှားဝန်ကြီးချုပ်ရဲ့ ပြောဆိုလုပ်ဆောင်မှုတွေဟာ မလေးရှား-မြန်မာ နှစ်နိုင်ငံဆက်ဆံရေး ထိခိုက်ရုံမက အာဆီယံအသိုက်အ၀န်း ထူထောင်ရေးအတွက်ကိုပါ ထိခိုက်စေတယ်လို့ မြန်မာသမ္မတရုံးပြောခွင့်ရ ဦးဇော်ဌေးက ဗွီအိုအေမြန်မာပိုင်းကို ပြောပါတယ်။

“အာဆီယံ-မြန်မာဆက်ဆံရေးတင် မကဘူးဗျ၊ အာဆီယံပေါင်းစည်းမှုပေါ့နော် အာဆီယံအသိုက်ဝန်း ထူထောင်ရေး အာဆီယံမျှော်မှန်းချက် ဖော်ဆောင်ရေးတွေ အတွက်ပါ စိုးရိမ်စရာဖြစ်လာတယ်လို့ ကျနော်တို့ ပြောလို့ရတယ်။ ဘာကြောင့်လဲဆိုတော့ အာဆီယံနိုင်ငံတွေမှာ အဲလိုမျိုး ပြောစရာဆိုစရာရှိတာ မေးစရာရှိလာပြီဆိုရင် သံတမန်လမ်းကြောင်းတွေ အများကြီးရှိတယ်။ နောက် အာဆီယံအစည်းအဝေးတွေ တနှစ်ပတ်လုံး လုပ်နေတာတွေ အများကြီးရှိတယ် အဆင့်ဆင့်ပေါ့နော်။ အဲဒါတွေမှာပြောလို့ရတယ် နောက်ဆုံး အစိုးရနဲ့ပတ်သက်ပြီးတော့ မြန်မာအစိုးရကို တိတိကျကျ သိချင်တယ် မေးချင်မြန်းချင်တယ်ဆိုရင် မလေးရှားကနေပြီးတော့ ကိုယ်စားလှယ်အဖွဲ့ပေါ့ Delegation ဒါမှ မဟုတ် Special Envoy ဒါမျိုးတွေလွှတ်ပြီးတော့ လုပ်လို့ရတယ်။ နည်းလမ်းပေါင်းစုံရှိတဲ့ အနေအထားမှာ ဒီလိုမျိုး လမ်းပေါ်တက် ဆန္ဒပြတဲ့ ပွဲမှာ ပါဝင်ရုံသာမက ကျနော်တို့နိုင်ငံ ကျနော်တို့ ခေါင်းဆောင်အပေါ် ဝေဖန်ပြစ်တင် ရှုတ်ချတဲ့ဟာအတွက်တော့ ပြောရရင် အာဆီယံ ပေါင်းစည်းမှုအတွက် စိုးရိမ်စရာကောင်းတယ်။”

ဥရောပသမဂ္ဂ EU အဖွဲ့ကြီးလိုပဲ အားကောင်းတဲ့ အာဆီယံအဖွဲ့ ဖြစ်လာစေရေးအတွက် ၂၀၁၅ ခုနှစ် အကုန်ပိုင်းမှာ အာဆီယံအသိုက်အ၀န်းအဖြစ် အစပျိုးခဲ့ကြတာပါ။ မလေးဝန်ကြီးချုပ်ရဲ့လုပ်ရပ်ဟာ အာဆီယံအသိုက်အ၀န်းကြား ကျင့်သုံးနေတဲ့ အပြုသဘောဆောင်တဲ့ ထောက်ပြ ပြောဆို ချဉ်းကပ်မှု ဆိုတဲ့ လမ်းကြောင်းကို လျစ်လျူရှုရာ ရောက်နေတယ်လို့ ဦးဇော်ဌေးက ဝေဖန်လိုက်ပါတယ်။

“အာဆီယံရဲ့အခြေခံမူကတော့ တနိုင်ငံရဲ့ပြည်တွင်းရေး တနိုင်ငံ ဝင်ရောက်မစွက်ဖက်ရေး ဖြစ်ပါတယ်။ အာဆီယံရဲ့Principle ကိုက အပြု သဘောနဲ့ စေ့စပ်ညှိနှိုင်းတဲ့ အပြုသဘောနဲ့ ပူးပေါင်းဆောင်ရွက်တဲ့ အခြေခံနဲ့သွားနေတာ ဖြစ်ပါတယ်။ အခု မလေးရှားသည် မောင်တော ပဋိပက္ခနဲ့ ပတ်သက်လို့ မောင်တောမှာ မဟုတ်တဲ့ အခြားနေရာက အဖြစ်ပျက်တွေပါ ရောပြီးတော့ သတင်းမှားတွေပါ ချဲ့ကားပြီး လုပ်ခဲ့တာလို့ သိရတယ်။ ဒါက အာဆီယံချင်း ပိုပြီးတော့ အထင်မြင်လွှဲမှားမှုတွေ ဖြစ်စေတယ်။ နိုင်ငံစုံ နိုင်ငံအချင်းချင်း ဆက်ဆံရေးမှာ ညှိနှိုင်းဖြေရှင်း မေးမြန်းသင့်တဲ့ ယန္တရားတွေ အများကြီးရှိရဲ့သားနဲ့ ဒီလိုလမ်းပေါ်ထွက်တဲ့အတွက် ကျနော်တို့က အစိုးရတရပ်အနေနဲ့ သူ့ရဲ့ Diplomatic Channel ကိုအသုံးပြု သင့်တယ်ဆိုတာ ကျနော်တို့ ပြောချင်ပါတယ်”

မလေးရှားဝန်ကြီးချုပ် နာဂျစ်က ရခိုင်ပြည်နယ် မူဆလင်အရေးကို ရှေ့တန်းတင် ဆန္ဒပြလာတာဟာ သူ့ရဲ့ နိုင်ငံရေးအကျိုးအမြတ်အတွက် လုပ်ဆောင်ခြင်းသာ ဖြစ်တယ်လို့ အာဆီယံရေးရာ လေ့လာသူ ရန်ကုန်မြို့က ကိုစိုးမြင့်အောင်က ပြောပါတယ်။

“မလေးရှားဝန်ကြီးချုပ် နာဂျစ်အနေနဲ့ သူရွေးထုတ်လိုက်တဲ့ ကိစ္စဟာဆိုလို့ရှိရင် သူ့ရဲ့ ပြည်တွင်းနိုင်ငံရေး အတွက်ကို ပြောင်ပြောင်တင်းတင်း အသုံးချတယ်ဆိုတာက သိသာလွန်းအားကြီးတယ်ပေါ့လေ။ နောက်ပြီ အာဆီယံထဲမှာက လူ့အခွင့်အရေးနဲ့ ပတ်သက်ပြီးတော့ စိုးရိမ်ပူပင်စရာ ကိစ္စတွေ အများကြီး ရှိတဲ့အထဲကမှ မြန်မာနိုင်ငံက ဒီ ရိုဟင်ဂျာမူဆလင်တွေနဲ့ ပတ်သက်တဲ့ကိစ္စကိုပဲ ရွေးတယ်ဆိုတာကတော့ ကျနော်တို့ မေးခွန်းထုတ်စရာ အများကြီးဖြစ်လာပါတယ်။ ဒါပေမယ့် မလေးရှားမှာလည်း မြန်မာနိုင်ငံက အလုပ်သမားတွေလည်း ရှိတယ်၊ နေနေကြတဲ့ လူတွေလည်း ရှိတဲ့အခါကျတော့ သူက နှစ်နိုင်ငံဆက်ဆံရေး အနေနဲ့ကတော့ မနစ်နာအောင်လို့ ပြောရမယ့်၊ ဆွေးနွေးရမယ့် ကိစ္စဖြစ်ပါတယ်။ ဒါပေမယ့် အာဆီယံ အဆင့်မှာကကျတော့ ဒီကိစ္စက ဆက်ဆံရေး ပျက်ပြားဖို့အထိ ဖြစ်ဖို့ကတော့ မလွယ်ပါဘူးခင်ဗျ”

ဒီအတောတွင်း ဒီဇင်ဘာ ၆ ရက် မနေ့မွန်းလွဲပိုင်းတုန်းက မြန်မာနိုင်ငံဆိုင်ရာ မလေးရှားသံအမတ်ကြီး Mr. Mohd Haniff Abd Rahman ကို ဆင့်ခေါ်ပြီး မြန်မာနိုင်ငံခြားရေး ဒုဝန်ကြီးက တွေ့ဆုံကာ အချက် ၄ ချက်ပါတဲ့ သတိထောက်လွှာ တစောင်ပေးအပ်ပြီး ကန့်ကွက် ထောက်ပြခဲ့ပါတယ်။ ဒါ့အပြင် တပ်ချုပ် ဗိုလ်ချုပ်မှူးကြီး မင်းအောင်လှိုင်ကလည်း မလေးရှား ကာကွယ်ရေးဦးစီးချုပ် ဗိုလ်ချုပ်ကြီး Bin Mohd Zain ကို ဇေယျာသီရိ တပ်မတော် ဧည့်ဂေဟာခန်းမမှာ ဒီဇင်ဘာ ၅ ရက် မနက်ပိုင်းက တွေ့ဆုံခဲ့ပြီး လုံခြုံရေးတပ်ဖွဲ့က မောင်တောဒေသအရေး ကိုင်တွယ်ရာမှာ တရားဥပဒေမဲ့ သတ်ဖြတ်တာ၊ အမျိုးသမီးတွေပေါ် အဓမ္မကျင့်တာ၊ မီးရှို့ဖျက်ဆီးတာတွေ မလုပ်ခဲ့ကြောင်း ရှင်းလင်းပြောကြားခဲ့ပါတယ်။

တကယ်တော့ မလေးရှားနိုင်ငံဟာ မြန်မာနိုင်ငံကို အာဆီယံအဖွဲ့ဝင်ဖြစ်ရေးအတွက် မလေးဝန်ကြီးချုပ်ဟောင်း ဒေါက်တာမဟာသီယာ လက်ထက် ၁၉၉၅-၉၆ ၀န်းကျင်က တိုက်တွန်း ထောက်ခံခဲ့တာ ဖြစ်ပါတယ်။

မြန်မာနိုင်ငံတွင်း လူမျိုးရေး ဘာသာရေး ပဋိပက္ခတွေ ထပ်ပြီး မပေါ်ပေါက်ရအောင် ဂရုစိုက် ကိုင်တွယ်နေချိန်မျိုးမှာ မလေးရှားဝန်ကြီးချုပ်ရဲ့ အခုလို ပြောဆိုလုပ်ဆောင်မှုတွေက ပြဿနာပြေလည်ရေးထက် ဘာသာရေး အစွန်းရောက်လိုစိတ် ပိုပြင်းထန်လာအောင် လှုံ့ဆော်သလိုဖြစ်နေပြီး၊ အဲဒီကတဆင့် အကြမ်းဖက်မှုတွေ ဖြစ်လာနိုင်တယ်လို့ မြန်မာသမ္မတရုံး ပြောခွင့်ရ ဦးဇော်ဌေးက ထောက်ပြ ပြောဆိုပါတယ်။

ကိုဉာဏ်ဝင်းအောင် / ဗွီအိုအေ (မြန်မာပိုင်း)
http://burmese.voanews.com


ရီယာ့ဒ် ဒီဇင်ဘာ ၆

အီရန်နိုင်ငံအတွက် လျှို့ဝှက်ထောက်လှမ်းမှုများ လုပ်ဆောင်ခဲ့သူ ၁၅ ဦးကို ဆော်ဒီတရားရုံးက သေဒဏ်ချမှတ်လိုက်ပြီ ဖြစ်ကြောင်း သိရသည်။ သေဒဏ်ချမှတ်ခံရသူများသည် အီရန်နှင့် အာဖဂန်အမျိုးသားအဖွဲ့က ဖေဖော်ဝါရီလက ခြေရာခံစုံစမ်း မှုများလုပ်ဆောင်ခဲ့သည့် ရှီယိုက်အစ္စလာမ်ဘာသာဝင် ၃ဝ ပါဝင်သည့်အဖွဲ့မှဖြစ်သည်ဟု ဆိုသည်။

တရားရေးအဖွဲ့များက ၄င်းတို့အား အီရန်စစ်ရေးသတင်းအဖွဲ့များနှင့် ပူးပေါင်းကာ သူလျှိုအဖြစ် လျှို့ဝှက်ထောက်လှမ်းမှု များလုပ်ဆောင်ခဲ့ကာ စစ်ရေးဇုန်နှင့်ပတ်သက်သည့် အရေးကြီးအချက်အလက်များကို ပေါက်ကြားစေခြင်းဖြင့် နိုင်ငံတော်ကို သစ္စာဖောက်ဖျက်ခဲ့သည်ဟုဆိုကာ စွဲချက်တင်ခဲ့သည်။

ဆွန်နီအစ္စလာမ်ဘာသာဝင်များကြီးစိုးသည့် ဆော်ဒီအာရေဗျနှင့် ရှီယိုက်ဦးဆောင်သည့် အီရန်ရှိအစ္စလာမ်ဘာသာဝင်များ အကြားတင်းမာမှုများသည် ပြီးခဲ့သည့်နှစ်မှစတင်ကာ မြင့်တက်လာခဲ့ခြင်းဖြစ်သည်။ နာမည်ကျော်ကြားသည့် ဆော်ဒီရှီယိုက် ဘုန်းတော်ကြီး နင်မ်အယ်လ်နင်မ် နှင့်အခြားရှီယိုက်မျိုးနွယ်စုသုံးဦးကိုကွပ်မျက်လိုက်သည့်အတွက် တီဟီရန်ရှိ ဆော်ဒီသံရုံး၌ ဆန္ဒပြဆန့်ကျင်မှုများဖြစ်ပွားခဲ့ပြီးနောက် ဇန်နဝါရီလတွင် ဆော်ဒီအာရေဗျသည် အီရန်နှင့်သံတမန်ဆက်ဆံရေးကို ဖြတ်တောက် လိုက်သည်။

ဆော်ဒီအာဏာပိုင်များက နင်မ်သည် အကြမ်းဖက်လုပ်ရပ်များအတွက် အပြစ်ရှိကြောင်း ပြောဆိုခဲ့သော်လည်း အီရန် ခေါင်းဆောင်က ဆွန်နီအုပ်စိုးမှုအပေါ် ပြင်းထန်သည့်ဝေဖန်မှုများ လုပ်ဆောင်ခဲ့ခြင်းအတွက် ကွပ်မျက်လိုက်ခြင်းသာဖြစ် ကြောင်း ပြောကြားခဲ့သည်။

ဒေသတွင်း အင်အားကြီးနိုင်ငံနှစ်ခုသည် ဆီးရီးယားနှင့် ယီမင်တွင်ဖြစ်ပွားနေသော စစ်ပွဲများတွင် မတူညီသောဘက်မှ ကူညီပံ့ပိုးပေးလျက်ရှိသည်။

(ဘီဘီစီ)
Myanmaalinn
https://www.facebook.com/MYANMAALINNNEWS/


ဒတ်မက်စ်ကပ်စ် ၊ ဒီဇင်ဘာ ၇ ရက် (ဆင်ဟွာ)

ဆီးရီးယားနိုင်ငံ မြောက်ပိုင်းရှိ အလက်ပိုမြို့ ၏ အရှေ့ ပိုင်း၌ အရှုပ်အထွေးများ ဖြစ်ပေါ်နေစဉ်အတွင်း သူပုန်တပ်ဖွဲ့ ဝင်များသည် အလက်ပိုမြို့ ဟောင်းမှ ဆုတ်ခွာသွားကြပြီ ဖြစ်ကြောင်း pan-Arab al-Mayadeen ရုပ်သံလိုင်းတွင် သတင်းဖော်ပြခဲ့သည်။

သူပုန်တပ်ဖွဲ့ ဝင်များသည် အလက်ပို ရှေးဟောင်းမြို့ မှ ဆုတ်ခွာ၍ အရှေ့ တောင်ဘက် အနီးအနားမြို့ ထဲသို့ ဝင်ရောက်သွားကြကြောင်း ၊ ၄င်းမြို့ သည် သူပုန်တို့ ၏ ထိန်းချုပ်မှုအောက်တွင် ဆက်လက်ရှိနေသေးကြောင်း သတင်းတွင် ဖော်ပြခဲ့သည်။

အလက်ပိုမြို့ မှ ကစဥ့်ကလျား ဆုတ်ခွာသွားသော သူပုန်တပ်ဖွဲ့ ဝင်များသည် အိမ်နီးချင်း al-Sha’ar မြို့ သို့ ဝင်ရောက်၍ အင်အားပြန်လည် စုစည်းလျက်ရှိကြောင်း ၊ အလက်ပို အရှေ့ ပိုင်းတွင် သူပုန်တပ်ဖွဲ့ ဝင်များကို ကူညီပေးနေသည့် အယ်လ်ကိုင်းဒါ အဖွဲ့ နှင့် ဆက်နွယ်မှုရှိသည့် Nusra က အဓိက ထိန်းချုပ်ထားကြောင်း ဆီးရီးယားတပ်ဖွဲ့ သတင်းအရင်းအမြစ်ကို ကိုးကား၍ သတင်းများက ဖော်ပြသည်။

China Xinhua News



အရပ်သားတွေ အတွက် အကူအညီတွေ အရေးပေါ် လိုအပ်
ဆီးရီးယား နိုင်ငံမှာ အလက်ပ်ပိုမြို့ တစ်ခုလုံးကို သိမ်းနိုင်ဖို့ ထိုးစစ်ဆင် နေတဲ့ အစိုးရ တပ်တွေဟာ အရေးကြီးတဲ့ နယ်မြေ တွေကို ထပ်မံ ထိန်းချုပ် လိုက်နိုင်ပါတယ်။

မဟာဗျူဟာမြောက် အရေးပါတဲ့ အပ်ရှ် ရှအား ဆိုတဲ့ နေရာ အပါအဝင် အလက်ပ်ပို အရှေ့ခြမ်းက နောက်ထပ် နယ်မြေ ငါးခုကို အစိုးရတပ်တွေ ထိန်းချုပ် နိုင်ခဲ့တယ် ဆိုပြီး ဆီးရီးယား လူ့ အခွင့်အရေး ဆိုင်ရာ စောင့်ကြည့်ရေး အဖွဲ့က ဆိုပါတယ်။

ဒီ သတင်းအရ ဆိုရင် အလက်ပ်ပို အရှေ့ခြမ်း သူပုန် ထိန်းချုပ် နယ်မြေ တွေရဲ့ ၇ဝ% ဝန်းကျင်ကို အစိုးရတပ်က သိမ်းပိုက် နိုင်ခဲ့ပြီ ဖြစ်ပါတယ်။

အလက်ပ်ပို တိုက်ပွဲကြောင့် အစိုးရ ထိန်းချုပ် နယ်မြေတွေဘက် ထွက်ပြေး လာကြတဲ့ အရပ်သား သောင်းနဲ့ချီ ရှိနေပါတယ်။

အစိုးရ ထိုးစစ် ဒဏ် ခံနေရတဲ့ သူပုန် ထိန်းချုပ်နယ် မြေတွေ ထဲ ရှိနေဆဲ ဖြစ်တဲ့ အရပ်သားတွေ အတွက်လည်း လူသားချင်း စာနာ နားလည်မှု ဆိုင်ရာ အကူအညီတွေ ပေးဖို့ အရေးပေါ် လိုအပ် နေပါတယ်။

BBC Burmese
http://www.bbc.com/burmese


ရှမ်းဒုက္ခသည်များကို တွေ့ရစဉ်
ရှမ်းပြည်နယ်မြောက်ပိုင်းဒေသအတွင်း မြန်မာ့တပ်မတော်နဲ့ တိုင်းရင်းသားလက်နက်ကိုင်မဟာမိတ်တပ်ဖွဲ့တို့အကြား ဒေသအနှံ့မှာဖြစ်ပွါးခဲ့တဲ့တိုက်ပွဲတွေကြောင့် ဖေါင်းဆိုင် မုံးကိုး၊ ဟေမိုးလုံ နမ္မတူအစရှိတဲ့ သောင်းနဲ့ချီတဲ့ဒေသခံ ကျေး ရွာသားတွေ စစ်ဘေးတိမ်းရှောင်နေရပါတယ်။ တပ်မတော်ကနေ မုံးကိုးဒေသကိုထိမ်းချုပ်နိုင်ပြီးဆိုပေမဲ့ ဒေသခံ တွေနေရပ်ရင်းကိုပြန်ဖို့အခက်တွေ့နေတယ်လို့လဲဆိုပါတယ်။ ဗွီအိုအေ သတင်းထောက်နိုင်ကွန်းအိန်ကနေ ဆက်သွယ် မေးမြန်းသတင်းပေးပို့ထားပါတယ်။

စစ်ရေးပဋိပက္ခပြင်းထန်နေတဲ့ ရှမ်းပြည်နယ်မြောက်ပိုင်း မုံးကိုးဒေသအတွင်း မြန်မာ့တပ်မတော်ကနေ ဒေသကို ပြန်လည်ထိမ်းချုပ်နိုင်ပြီးဆိုပေမဲ့ တရုတ်နိုင်ငံတွင်းကိုတိမ်းရှောင်နေတဲ့ ဒေသခံရွာသားတွေ နေရပ်ရင်းကို မပြန်နိုင် သေးဘူးလို့ မုံးကိုးဒေသခံ ဦးတီတီ နောင်လတ်ကပြောပါတယ်။

“အခုမြို့အတွင်းမှာ ငြိမ်တယ်လို့ပြောရမလား တချို့ပြည်သူတွေက ဘယ်သူမှ မပြန်သေးဘူး။ အခြေအနေမကောင်းသေးလို့။ ကျနော်တို့လို မုံးကိုး၊ ဖေါင်းဆိုင် က လူတွေပေါ့. ၂ သောင်းကျော်လောက်ရှိမယ်လို့ သိရတယ်။ တပ်ကလည်း လောလောဆယ်မ၀င်ကြနဲ့ပြောတယ်လို့ သိရတယ်။ အိမ်ကလည်းအကုန်ပျက်စီးကုန်ပြီ၊ ဘယ်သူ့အိမ်တွေပျက်စီးသွားတယ်၊ ရှိလားမရှိတော့ဘူးလားဆိုတာ မသိဘူး တဘက်ကမ်းမှာရောက်နေလို့။ မျှော်လင့်တာကတော့ တပ်မတော်ကရောက်လာရင် ကောင်းမယ်လို့ယူဆတာ အခုက တပ်မတော်ကရောက်လာတာနဲ့ အကုန်မီးရို့ ၊ စပါးပုံတွေ မီးရို့တယ်လို့ ။ မီးခိုးထွက်တာက မြင်တာ ဒါပေမယ့် ဘယ်အိမ်တွေက ဘယ်လိုဖြစ်တယ်ဆိုတာလည်း ကောင်းကောင်းမသိရဘူး။”

ပြီးခဲ့တဲ့နိုဝင်ဘာလ(၂၀)ရက်နေ့ကစပြီး ရှမ်းပြည်နယ်မြောက်ပိုင်း ဖေါင်းဆိုင်၊ မုံးကိုး ဟေမိုးလုံအစရှိတဲ့ဒေသတွေမှာ မြန်မာ့တပ်မတော်နဲ့ တိုင်းရင်းသားလက်နက်ကိုင်မဟာမိတ်တပ်ဖွဲ့တို့အကြားဖြစ်ပွါးခဲ့တဲ့တိုက်ပွဲကြောင့် ဒေသခံ နှစ်သောင်းနီးပါးဟာ စစ်ဘေးလွတ်ရာ တရုတ်နိုင်ငံထဲကိုထွက်ပြေးတိမ်းရှောင်နေရတာပါ။

နှစ်ပတ်အကြာ တိုက်ပွဲပြင်းထန်နေတဲ့ မုံးကိုးမြို့အတွင်းမှာတော့ ယမနေ့ညနေပိုင်းလောက်မှာ မြန်မာ့တပ်မတော် ကနေ ပြန်လည်ထိန်းချုပ်နိုင်ခဲ့ပေမဲ့ ဒီဖြစ်ပွါးတဲ့တိုက်ပွဲတွေမှာ ဒေသခံတွေထိခိုက်မှုရှိခဲ့တယ်လို့ ဦးတီတီနောင်လတ် ကဆက်ပြောပါတယ်။

“စဖြစ်တဲ့နေ့မှာဆိုရင်တော့ ဖာကန်ကျောင်း ကျောင်းစောင့်ပေါ့ ယောက်ျား ၁ ယောက်၊ မိန်းမ ၁ ယောက် လင်မယား ၂ ယောက် သေဆုံးသွားတယ်။ ကျနော်တို့ ကျူကုတ် ပန်ဆိုင်းမှာလည်း ၄ ယောက်ကျဆုံးတယ် သင်းထောက်ဆရာ ၁ ယောက်ပါတယ် နမ့်တောင်းက ။ မုံးကိုးက အရပ်သား ကချင်ကောင်လေး၁ယောက်လည်း ကျဆုံးတယ်။ တနင်္ဂနွေနေ့မှာ ကောင်းလုံ ကျေးရွာက ပလောင်လူမျိုးပေါ့ ၃ ယောက်ဆုံးတယ် ၆ ယောက် ဒဏ်ရာရတယ်။ ဒဏ်ရာရတဲ့သူတွေကို ကျနော်တို့ ဆေးရုံဘက်ကို ပို့ထားပါတယ်။”

မြောက်ပိုင်းမဟာမိတ်တပ်ဖွဲ့တွေအနေနဲ့တော့ ကန့်သတ်စစ်ပွဲကိုသာဆင်နွှဲနေတာဖြစ်ပြီး မုံးကိုးမြို့ကိုရေရှည် ထိန်း ချုပ်ဖို့ရည်ရွယ်ချက်မရှိသလို ဒေသခံတွေထိခိုက်မှုကိုရှောင်ရှားဖို့ မုံးကိုးမြို့ကနေဆုတ်ခွါခဲ့တယ်လို့ တာဝန်ရှိ သူတွေ ကပြောပါတယ်။

အလားတူ ရှမ်းပြည်နယ်မြောက်ပိုင်း မန်တုံမြို့နယ် နဲ့နမ္မတူမြို့နယ်တွေမှာ တပ်မတော်နဲ့ မြောက်ပိုင်းမဟာမိတ် တပ် ဖွဲ့တွေကြား တိုက်ပွဲတွေဖြစ်ပွါးနေတာကြောင့် နမ္မတူမြို့အတွင်းရွာသား(၁၂၀၀)ခန့် စစ်ဘေးတိမ်းရှောင်ရောက်ရှိ နေ တယ်လို့ နမ္မတူမြို့ဒုက္ခသည်အကူညီပေးရေးကော်မီတီ ဒုဥက္ကဌဦးစိုင်းဘဥာဏ်ကပြောပါတယ်။

“ကျနော်တို့ အခုလောလောဆယ် လူဦးရေက စခန်း(၅)ခုမှာ ၁၂၉၆ ခုလောက်ရှိတယ် သူတို့က တိုက်ပွဲတွေဖြစ်လို့ ရှောင်လာကြတယ် စစ်ရှောင်တွေပေါ့ ။ ကျနော်တို့ဒီ မန်တုံမြို့နယ် မိုင်းမော်ဒေသတွေမှာပေါ့ မိုင်းမော်ဒေသဆိုရင် ရွာတွေကတော့ နမ့်ဟိုင်း၊ နားလွင်တို့ ရွာတွေက အများကြီးခင်ဗျ။ တိုက်ပွဲက ကျနော်တို့တပ်မတော်နဲ့ တပ်ပေါင်းစု နဲ့ပေါ့။

ဒီစစ်ပြေးဒုက္ခသည်တွေကို နမ္မတူမြို့ ဒုက္ခသည် စခန်း(၅)ခုမှာ နေရာချထားပေးတယ် လို့သူကဆိုပါတယ်။

လက်ရှိ မန်တုံမြို့နယ် နဲ့နမ္မတူမြို့နယ်တွေမှာ တပ်မတော်နဲ့TNLA တအာင်းပလောင် တပ်ဖွဲ့တွေအကြား ရက်ဆက်ဆို သလို တိုက်ပွဲတွေဖြစ်ပွါးနေတဲ့အခြေအနေကြောင့် နေရပ်ရင်းကိုပြန်ဖို့အခက်တွေ့နေဆဲလို့ ဦးစိုင်းဘဥာဏ်က ပြော ပါတယ်။

ရှမ်းပြည်နယ်မြောက်ပိုင်းဒေသမှာ မြန်မာ့တပ်မတော်နဲ့ မြောက်ပိုင်းမဟာမိတ်တပ်ဖွဲ့တွေဖြစ်တဲ့ ကချင်၊ တအာင်း၊ ရခိုင်နဲ့ ကိုးကန့် လက်နက်ကိုင်တပ်ဖွဲ့တွေကြား နိုဝင်ဘာလ ၂၀ ရက်နေ့ကစပြီး တိုက်ပွဲတွေ ဖြစ်ပွားနေပါတယ်။

မြန်မာ့တပ်မတော်နှင့် တိုက်ပွဲ ဖြစ်ပွားနေတဲ့ KIA၊ TNLA၊ MNDAA နှင့် AA လက်နက်ကိုင် လေးဖွဲ့အနေနဲ့ စစ်မှန်ပြီး မျှတတဲ့ နိုင်ငံရေးဆွေးနွေးမှုအတွက် စစ်ရပ်စဲရန်အဆင်သင့်ဖြစ်ကြောင်း ဒီဇင်ဘာ ၄ရက်က ပူးပေါင်း ထုတ်ပြန် ကြေ ညာခဲ့ပါတယ်။

လက်ရှိအနေအထားအရ မြန်မာ့တပ်မတော်အနေနဲ့ TNLA၊ MNDAA နှင့် AAစတဲ့လက်နက်ကိုင်အဖွဲ့(၃)ဖွဲ့ကို NCA အပစ်ရပ်လက်မှတ်ရေးထိုးရေးမှာကန့်သတ်ထားတာကြောင့် နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည် ဦးဆောင်ပြီးဖေါ်ဆောင်နေတဲ့ ငြိမ်းချမ်းရေးလုပ်ငန်းစဉ်မှာ အဟန့်အတားတခုလိုဖြစ်နေတယ်လို့ ရှမ်ပြည်အရေး လေ့လာသူ ပြည်သူ့လွှတ်တော်ကိုယ်စားလှယ်ဟောင်းဦးရဲထွန်းကဆိုပါတယ်။

“မူလကတည်းကလည်း ဒီ ၃ ဖွဲ့ကို သူတို့ ချန်ထားခဲ့ချင်တာ ချန်ထားခဲ့ပြီးတော့ KIA ကသာ လက်မှတ်ထိုးမယ်ဆိုရင် NCA လက်မှတ်ထိုးမယ့်အဖွဲ့တွေနဲ့ နိုင်ငံရေးဆွေးနွေးပွဲတွေသွားမယ်။ ဒီ ၃ ဖွဲ့ကိုတော့ လက်နက်ကိုင်လမ်းစဉ်စွန့်လွှတ်ပါတယ် ဆိုတာမကြေညာရင် NCA လက်မှတ်ထိုးခွင့်မပြုဘူး အပြုတ်တိုက်ချင်တဲ့ ရည်ရွယ်ချက် တပ်မတော်မှာရှိတယ်။ အဲဒါနဲ့ ပတ်သက်လို့ ဒေါ်အောင်ဆန်းစုကြည် အနေနဲ့ ပါဝင်စေချင်တဲ့ ဆန္ဒရှိပေမယ့်လည်း တပ်မတော်ကို နိုင်အောင်ပေါ့နော် လက်ခံလာအောင် မစည်းရုံးနိုင်ခဲ့ဘူး။

၂ပတ်အကြာစစ်ရေးတင်းမာနေတဲ့ ရှမ်းပြည်မြောက်ပိုင်းဒေသအတွင်းမှာ ဒီရက်ပိုင်းအတွင်းမြန်မာ့တပ်မတော်ကနေမုံးကိုးဒေသကိုထိမ်းချုပ်ထားနိုင်တာကြောင့် တိုက်ပွဲရပ်တန့်နေတယ်ဆိုပေမဲ့ စစ်ဘေးရှောင်ပြည်သူတွေအနေနဲ့ နေရပ်မပြန်နိုင်သေးသလို နယ်မြေအေးချမ်းမှုမရှိသေးလို့ လုံခြုံရေးအတွက်အာမခံချက်မရှိသေးတဲ့ အနေအထားမှာ ရှိနေပါတယ်။

မြောက်ပိုင်းမဟာမိတ်တပ်တွေအင်အားအသာစီးနဲ့ဝိုင်းပတ်ပိတ်ဆို့ထားတဲ့ မုံးကိုးတပ်စခန်းကို မြန်မာ့တပ်မတော် စစ်ကူစစ်ကြောင်းတွေကနေ ထိုးဖေါက်ကျော်လွှားပြီး ဒီဇင်ဘာ(၄)ရက်ညနေပိုင်းမှာ မုံးကိုးတပ်စခမ်း နဲ့ပူးပေါင်းနိုင် သလို မုံးကိုးမြို့ကိုလည်း ထိန်းချုပ်နိုင်ပြီးလို့တပ်မတော်ကာကွယ်ရေးဦးစီးချုပ်ရုံးကနေ မနေ့ကသတင်း ထုတ်ပြန် ထားပါတယ်။

နိုင်ကွန်းအိန်  / ဗွီအိုအေ (မြန်မာပိုင်း)
http://burmese.voanews.com